[preliminary data - not manually proofread]
[SNGON 'GRO'I DPAR GZHI]

@001A *, ,GDUGS DKAR GYI GDON ZLOG GEGS SEL CES BYA BA BZHUGS
SO,,

@001B #,, ,,NA MO SH'AKYA MU NA YE, BDE GSHEGS GTZUG TOR LAS
'KHRUNGS SHING, ,GZHAN GYIS MI THUB BDUD BGEGS TSOGS, ,TSAR GCOD
RGYAL BA KUN GYI YUM, ,GTZUG TOR GDUGS DKAR ZHABS LA

'DUD, ,DE LA GDUGS DKAR GYI SGO NAS GZHAN GYI 'GAL RKYEN SEL
BA'I THABS CUNG ZAD CIG BSHAD PAR BYA STE, DE YANG 'DI'I BZLOG
CHEN BYA TSUL ZHIG NI LOGS SU 'CHAD PAR 'GYUR LA, 'DIR GZHUNG
'GA' ZHIG NAS BYAD BZLOG CES GRAGS PA'I CHO GA

ZHIG 'BYUNG ZHING, DE LA YANG MI 'DRA BA 'GA' RE SNANG BA LAS,
GDON ZLOG GI KHA SKONG DGOS PAS KHA BSKANG NAS 'JUG PA BDE KHUL
DU BYAS NAS 'GA' ZHIG LA PHAN 'DOD KYI BSAM PAS BRJOD PAR BYA'O,
,BCA' THABS NI, DKYIL 'KHOR GRU BZHI SGO BZHI PA,

DBUS SU PADMA 'DAB BRGYAD LTE BA DANG BCAS PA, DE'I PHYI ROL TU
PAD 'DAB KYI DBYIBS LTA BU'I 'KHOR LO RTZIBS BCU DRUG PA, DBUS
KYI LTE BAR ZHAL YONGS RDZOGS KYI SKU DKA' BAS, ZHAL GCIG PHYAG
GNYIS MA G-YAS SKYABS SBYIN DANG G-YON GDUGS

DKAR 'DZIN PA BKOD KYANG MI 'GAL YANG, MA GRUB NA DBUS NAS BZUNG
STE LHA RNAMS KYI GNAS THAMS CAD DU THIG LE DANG, DE'I STENG DU
TSOM BU LHA GRANGS DANG MNYAM PA BKOD NA LEGS SHING, GTZO MO'I
GNAS SU TZA KA LI SOGS KYI SKU YOD NA DE'I STENG DU

DAR RAM SHOG RAS DKAR PO'I GDUGS BYA, GNAS KYI MDOG NI SHAR SOGS
BZHI RIM PA BZHIN DKAR SER DMAR LJANG KHUR BYA'O, ,DE LTAR BYAS
PA DE NYID MDUN DU STEGS KYI KHAR BZHAG STE, MTHAR DAR RAM RAS
SHOG SOGS KYIS BSKOR NAS RGYAN

@002A *, ,GYIS BRGYAN, MDUN DU MCHOD PA CHU GNYIS NYER SPYOD
LNGA DANG 'DOD YON DANG BCAS PA DANG, GTZO MO'I ZLUM GTOR GYI
MTHAR GTOR CHUNG NYER GNYIS SAM CI 'GRUB DANG, GZHI BDAG GI GTOR
MA YANG BYA'O, ` ,DE NAS BDAG MDUN

GNYIS LAS, BDAG BSKYED LA LHA GZHAN LA BRTEN PA YANG RUNG MOD,
'DIR GDUGS DKAR NYID KYI BDAG BSKYED BYA STE, DE LA YANG PHYAG
STONG MA DANG, ZHAL GSUM PHYAG BRGYAD MA DANG, ZHAL GSUM PHYAG
DRUG MA DANG, ZHAL GCIG PHYAG GNYIS MA

RNAMS LAS, 'DIR PHYAG STONG MA'I DBANG DU BYA STE, DE LA YANG
BSKYED TSUL LHA DRUG BSKYED DANG, CHO GA GSUM BSKYED DANG, SKAD
CIG DKRONG BSKYED RNAMS LAS GANG BYAS KYANG MI RUNG BA MI SNANG
YANG, 'DI'I RGYA GZHUNG RNAMS NAS CHO GA GSUM BSKYED

BYAS PA MANG DU SNANG BA LTAR BYA STE, THOG MAR SKYABS 'GRO SEMS
BSKYED SOGS BYAS NAS, ,AOm SVA BH'A LNGAS STONG PAR SBYANGS,
STONG PA'I NGANG LAS PAm LAS SNA TSOGS PADMA DANG, AA LAS ZLA
BA'I DKYIL 'KHOR GYI

STENG DU AOm LAS GDUGS DKAR PO'I TOG LA AOm YIG GIS MTSAN BA LAS
'OD ZER 'PHROS, SEMS CAN GYI DON BYAS TSUR 'DUS YONGS SU GYUR PA
LAS, RANG NYID BCOM LDAN 'DAS MA GDUGS DKAR PO CAN, DBU STONG

DANG PHYAG STONG MNGA' BA, SPYAN BYE BA BRGYA STONG MNGA' BA, MI
PHYED 'BAR BA'I MTSAN RTAGS CAN, SKU MDOG DKAR MO SGEG CING DPA'
BA'I NYAMS LDAN, RTZA ZHAL NYIS BRGYA DKAR, G-YAS ZHAL NYIS
BRGYA SER ,

@002B RGYAB ZHAL NYIS BRGYA DMAR, G-YON ZHAL NYIS BRGYA LJANG,
STENG ZHAL NYIS BRGYA SNGO, ZHAL RE RE LA YANG SPYAN GSUM GSUM
LDAN ZHING, DBU RE RE LA KHRO BO'I RDO RJES MTSAN PA, DBU'I
STENG DU SANGS RGYAS BYE BA PHRAG BDUN GYI COD PAN

'CHANG BA, PHYAG G-YAS KYI DANG POS 'KHOR LO DANG BCAS PA'I
SKYABS SBYIN, G-YON GYI DANG POS GDUGS DKAR PO'I YU BA THUGS GAR
'DZIN CING, G-YAS G-YON GYI LHAG MA DGU BCU RTZA DGU NA 'KHOR LO
DANG MDA', G-YAS KYI

LHAG MA BZHI RGYAS RDO RJE DANG RIN PO CHE DANG PADMA DANG SNA
TSOGS RDO RJE RNAMS BRGYA PHRAG RE RE 'DZIN CING NGO, G-YON GYI
LHAG MA BZHI BRGYAS MDA' GZHU DANG RAL GRI DANG ZHAGS PA DANG
LCAGS KYU RNAMS BRGYA PHRAG RE RE 'DZIN PA, DAR GYI NA BZA'

DANG, RIN PO CHE'I RGYAN SNA TSOGS PAS SPRAS BA, ZHABS G-YAS
LNGA BRGYA BRKYANGS PAS RGYAL PO'I CHAD PA LA SOGS PA'I 'JIGS PA
DANG, G-YON LNGA BRGYA BSKUMS PAS MDANGS 'PHROG MA LA SOGS PA'I
GDON THAMS CAD 'JOMS

PAR MDZAD PA, SKU'I CHA THAMS CAD NA ZUR GYIS LTA BA DANG, CHER
BGRAD PA LA SOGS PA'I SPYAN BYE BA BRGYA STONG MNGA' BA, NYAMS
DGU DANG LDAN PA, SKU'I BA SPU'I BU GA THAmS CAD NAS YE SHES KYI
RDO RJE'I ME RAB TU 'BAR BAS SA GSUM

GYI DKYIL 'KHOR THAMS CAD 'GENGS PA, 'JIGS PA THAMS CAD LAS
SKYOB NUS BA'I BDAG NYID CAN DU GYUR, DE'I SPYI BOR AOm DKAR PO
NAS H'Um SNGON PO, THUGS KA'I H'Um LAS 'OD ZER 'PHROS, RANG
BZHIN GYI GNAS NAS

@003A *, ,BCOM LDAN 'DAS GDUGS DKAR MO CAN LA SANGS RGYAS DANG
BYANG CHUB SEMS DPA'I TSOGS KYIS BSKOR BA SPYAN DRANGS, AE HYE
HI BADZRA SA M'A YA DZA: DZA:, DZRA: H'Um BAm HO: DAM TSIG PA
DANG GNYIS SU MED PAR GYUR,

SLAR YANG RANG GI THUGS KA'I H'Um LAS 'OD ZER 'PHROS, DBANG GI
LHA RIGS LNGA 'KHOR BCAS SPYAN DRANGS, KHYOD RNAMS KYIS MNGON
PAR DBANG BSKUR DU GSOL, ZHES GSOL BA BTAB PAS, DE RNAMS KYIS
AOm SARBA NAS

SHR'I YE H'Um ZHES GSUNGS SHING SPYI BO NAS DBANG BSKUR BAS, LUS
KYI NANG THAMS CAD GANG, DRI MA THAMS CAD DAG CHU LHAG MA SPYI
GTZUG TU GNAS PA YONGS SU GYUR PA LAS RNAM SNANG GIS DBU BRGYAN
PAR GYUR, DE NAS MCHOD PA AA

MRi TAS BSANGS, SVA BH'A WAS STONG BAR SBYANGS, STONG PA'I NGANG
LAS AOm LAS RIN PO CHE'I SNOD YANGS SHING RGYA CHE BA RNAMS KYI
NANG DU AOm 'OD DU ZHU BA LAS BYUNG BA'I MCHOD YON ZHABS BSIL
NAS SHAPTA A'A: H'Um GIS RGYUD SDE

'OG MA LTAR BYIN GYIS BRLABS LA, AOm SARBA TA TH'A GA TA AUshn'I
shA SI TA TA BA TRE AARGHAm PRA T'ITZTSA H'Um SV'A H'A NAS
SHAPTA'I BAR GYIS MCHOD LA, RGYAL KUN MTHU STOBS NUS PA'I DBUNG,
,GCIG BSDUS LHA MO'I SKUR SHAR BA, ,

DRAN PA YIS KYANG GDON BGEGS TSOGS, ,'JOMS MDZAD KHYOD LA PHYAG
'TSAL BSTOD, ,RANG GI THUGS KA'I AOm YIG GI MTHAR SNGAGS 'PHRENG
GIS BSKOR BA LAS 'OD ZER 'PHROS, SEMS CAN THAMS CAD KYI

@003B NAD GDON THAMS CAD ZHI BAR BYAS, SLAR 'DUS NAS SNGAGS
'PHRENG LA THIM PAR GYUR, AOm SARBA TA TH'A GA TA AUshn'I shA SI
TA TA BA TRE H'Um PHAt, H'Um MA MA H'Um NI SV'A H'A, ZHES PA'I
NYE SNYING DANG SNYING PO CI 'GRUB BZLAS NAS, YIG BRGYA BRJOD
DE, SLAR

YANG MCHOD BSTOD BYED DAM MIN YANG RUNG NGO, ` ,DE NAS MDUN
BSKYED SGRUB PA NI, SGRUB GZHIB SANGS SBYANGS, STONG PA'I RANG
LAS RANG GI MDUN DU BHRUm LAS GZHAL YAS KHANG GRU BZHI PA LA
SOGS PA'I MTSAN NYID THAMS CAD DANG

LDAN PA'I NANG DU PADMA 'DAB MA BRGYAD PA 'KHOR LO RTZIBS BCU
DRUG PA ZLA BA'I GDAN DANG BCAS PA YONGS SU RDZOGS PAR GYUR,
RANG GI THUGS KA'I H'Um LAS 'OD ZER 'PHROS, RANG BZHIN GYI GNAS
NAS BCOM LDAN 'DAS GDUGS

DKAR MO CAN RIG SNGAGS KYI LHA MO'I TSOGS DANG BCAS PA SPYAN
DRANGS, RGYAL BA'I MTSAN MCHOG GTZUG TOR LAS 'KHRUNGS PA'I,
,GZHAN GYIS MI THUB GTZUG TOR GDUGS DKAR ZHES, ,YONGS SU GRAGS
PA'I BCOM

LDAN 'DAS MA NYID, ,RIG SNGAGS LHA MO'I TSOGS BCAS GSHEGS SU
GSOL, ,AE HYE HI, AUshn'I shA SI TA TA BA TRE SA B'A RI WA RA
BADZRA SA M'A YA DZA: DZA: DZA: PHO BRANG GI NANG DU RANG RANG
GI GDAN LA BZHUGS PAR GYUR, DBUS

KYI GDAN LA BCOM LDAN 'DAS MA GDUGS DKAR MO CAN, DBU STONG DANG
PHYAG STONG MNGA' BA, SPYAN BYE BA BRGYA STONG MNGA' BA, ZHES PA
NAS 'JIGS PA THAMS CAD LAS SKYOB NUS PA'I BDAG NYID CAN DU GYUR,
('KHOR GYI LHA

@004A *, ,RNAMS LA SKU MDOG DANG PHYAG MTSAN MI 'DRA BA GZHAN
YOD KYANG 'DIR,) DE'I SHAR GYI 'DAB MA LA GZHAN GYIS MI THUB
DRAG SHUL CHE G-YAS RDO RJE, LHOR GTUM PA CHEN MO STOBS CHEN MO
G-YAS NOR BU, NUB TU 'BAR

BA CHEN MO GZI BRJID CHE G-YAS PADMA, BYANG DU DKAR MO CHEN MO
STOBS CHEN MO G-YAS SNA TSOGS RDO RJE, BZHI KA'I G-YON PAS
'PHRENG BA 'DZIN CING, SKU MDOG DKAR SER DMAR LJANG KHU'O,
,MTSAMS SU BDUD RTZIS

GANG BA'I BUM PA BZHI, SHAR GYI RTZIBS DANG PO LA 'BAR BA'I
'PHRENG BA GOS DKAR MA, GNYIS PA LA 'PHAGS PA SGROL MA KHYO
GNYEN CAN, GSUM PA LA RGYAL BA'I RDO RJE 'PHRENG ZHES GRAGS MA,
BZHI PA LA PADMA'I MNGON

MTSAN RDO RJE'I MTSAN MA STE BZHI KA'ANG G-YAS RDO RJE DANG
G-YON 'PHRENG BA 'DZIN CING, THAMS CAD KYANG SKU MDOG DKAR PO'O,
,LHO'I RTZIBS DANG PO LA GZHAN GYIS MI THUB 'PHRENG BA CAN,
GNYIS PA LA RDO RJE MKHAR BSNAMS

'JOMS PA MO, ,GSUM PA LA ZHIB LHA RNAMS KYIS MCHOD MA, BZHI PA
LA GZUGS BZHI GZI BRJID CHEN MO CAN RNAMS G-YAS RIN PO CHE DANG
G-YON AUTPAL 'DZIN CING, THAMS CAD KYANG SKU MDOG SER PO'O, ,

NUB KYI RTZIBS DANG PO LA 'PHAGS MA SGROL MA STOBS MO CHE, GNYIS
PA LA RDO RJE LU GU RGYUD GZHAN MA, GSUM PA LA RDO RJE GZHON NU
RIG 'DZIN MA, BZHI PA LA LAG NA RDO RJE RIGS GSER 'PHRENG RNAMS
G-YAS AUTPAL

@004B DMAR PO DANG G-YON 'PHRENG BA 'DZIN CING, THAMS CAD KYANG
SKU MDOG DMAR PO'O, ,BYANG GI RTZIBS DANG PO LA LEB RGAN RTZI
DANG RIN CHEN MA, GNYIS PA LA SNANG MDZAD RDO RJE GTZUG TOR
GRAGS MA, GSUM PA LA RNAM PAR BSGYINGS

MA RDO RJE CAN, BZHI PA LA GSER 'OD LTA BU'I SPYAN MNGA' MA
RNAMS G-YAS SNA TSOGS RDO RJE DANG G-YON AUTPA LA'I 'PHRENG BA
'DZIN CING, THAMS CAD KYANG SKU MDOG LJANG KHU'O, ,DE'I PHYI ROL
GYI PHYOGS MTSAMS SU, RDO RJE 'GROS

DANG DKAR MO DANG, PADMA'I SPYAN DANG ZLA 'OD DANG, SANGS RGYAS
DPAL DANG DE BZHIN SPYAN, RDO RJE NYI MA'I 'OD DANG NI, DE BZHIN
ZLA BA RDO RJE 'DZIN RNAMS RANG RANG GI SKU MDOG PHYAG MTSAN
RGYAN CHA LUGS DANG BCAS PA STE, THAMS CAD KYANG

ZHABS RDO RJE'I SKYIL KRUNG GIS ZLA GDAN LA BZHUGS PA'O, ,SHAR
SGOR RDO RJE LCAGS KYU, LHO SGOR RDO RJE ZHAGS PA, NUB SGOR RDO
RJE LCAGS SGROGS, BYANG SGOR RDO RJE DRIL BU MA STE, THAMS CAD
KYANG RANG RANG GI SKU MDOG PHYAG MTSAN RGYAN

CHA LUGS DANG BCAS PA, DE RNAMS KYI SPYI BOR AOm, MGRIN PAR A'A:
THUGS KAR H'Um GIS MTSAN PAR GYUR, (MCHOD PA BYIN BRLAB NI GONG
DU'AM, 'DIR BYED NA SNGAR LTAR BSANGS SBYANGS BSKYED DE BYIN
GYIS BRLAB, 'ON KYANG 'DIR 'DOD YON LNGA SOGS

KYANG BYIN BRLAB BYA,) AOm SARBA BI DA P'U RA P'U RA NAS HO:
BADZRA SPHA RA nA KHAm SV'A H'A, (ZHES PA LAN GSUM,) PHYOGS
BCU'I MCHOD TSOGS THAMS CAD DANG, ,BDAG GIS BSHAMS PA'I MCHOD
YON 'DI, ,BCOM LDAN GDUGS

@005A *, ,DKAR LHA TSOGS LA, ,'BUL LO BZHES LA DNGOS GRUB STZOL,
,AOm SARBA TA TH'A GA TA SI TA TA PA TRE SA B'A RI WA RA AARGHAm
PRA TITZTSA H'Um SV'A H'A, DE BZHIN DU ZHABS BSIL SOGS SBYAR NAS
SHAPTA'I BAR DANG, R'U PA NAS SPARSHA'I

(BAR) GZUGS MCHOG SOGS SBYAR NAS 'BUL, GZHAN YANG RIN CHEN SNA
BDUN DANG, ,GLING BZHI NYI ZLA RI RAB BCAS, ,BCOM LDAN X, ,'BUL
LO X, ,AOm SARBA TA TH'A GA TA NAS WA RA MA H'A SAPTA RATNA
MAndA LA PRA TITZTSA H'Um

SV'A H'A, ZHES MCHOD, DE NAS BSTOD BA NI, RGYAL BA KUN GYI MTSAN
MCHOG GTZUG TOR NAS, ,LEGS PAR 'KHRUNGS BA'I RMAD BYUNG LHA MO
NI, ,GZHAN GYIS MI THUB GTZUG TOR GDUGS DKAR ZHES, ,YONGS SU
GRAGS

PA'I ZHABS LA PHYAG 'TSAL BSTOD, ,SPRUL PA'I DBU DANG PHYAG NI
STONG LDAN CING, ,BYE BA BRGYA STONG SPYAN MNGA' SGEG DPA' SOGS,
,GAR DGU'I NYAMS LDAN MI PHYED MTSAN RTAGS CAN, ,BCOM LDAN 'DAS
MA KHYOD LA GUS

PAS BSTOD, ,MA LUS GDON BGEGS 'BYUNG PO'I TSOGS KUN DANG, ,PHYI
NANG BAR CHAD MI MTHUN PHYOGS THAMS CAD, ,ZHI MDZAD DRAG SHUL
CHE SOGS RIG SNGAGS KYI, ,LHA MO'I TSOGS LA GUS PAS PHYAG 'TSAL

BSTONG, ,CES PA 'AM, RGYAS BAR NA, RGYAL BA BYE BA BDUN DANG
'PHAGS PA'I 'KHOR, ,ZHES SOGS KYI BSTOD PA RGYAS PA BRJOD, DE
NAS BZLAS PA NI, GTZO MO'I THUGS KA'I AOm YIG GI MTHAR ZHES PA
NAS

@005B SNGAGS 'PHRENG LA THIM PAR GYUR, TADYA TH'A, AOm AA NA LE
AA NA LE, KHA SA ME KHA SA ME, BEE RA BEE RA, SOO ME SOO ME,
SARBA BUDDHA A'A DHIshthA NA A'A DHIshthI TE SV'A H'A, SARBA TA
TH'A GA TA AUshn'I shA SI TA TA PA TRE H'Um PHAt, H'Um MA MA
H'Um NI SV'A H'A,

ZHES PA CI 'GRUB DANG, AOm SARBA TA TH'A GA TA MAN GANG MANG
BZLAS LA YIG BRGYA BRJOD, DE NAS ZLUM GTOR BZANG PO RGYAN LDAN
BSHAMS PA LA CHAB BRAN TE BSANGS, SBYANGS STONG PA'I NGANG LAS
BHRUm LAS RIN PO CHE'I SNOD YANGS SHING RGYA CHE BA'I

NANG DU AOm 'OD DU ZHU BA LAS BYUNG BA'I GTOR MA ZAG PA MED PA'I
BDUD RTZI'I RGYA MTSO CHEN POR GYUR, AOm A'A: H'Um, LAN GSUM
GYIS BYIN BRLABS BYAS LA, BCOM LDAN 'DAS MA 'KHOR DANG BCAS PA'I
LJAGS 'OD ZER GYI

SBU GUS GTOR MA'I BCUD THAMS CAD DRANGS TE GSOL BAR GYUR, AOm
SARBA TA TH'A GA TA AUshn'I shA SI TA TA PA TRE SA P'A RI WA RA
AI DAm BHA LING TA KHA KHA KH'A HI KH'A HI LAN BDUN GYIS BSNGOS
NAS GZHI BDAG GTOR MA YANG 'BUL ZHING, LEGS

LDAN SOGS LA MCHOD TSUL ZHIG 'OG TU BSHANG BAR BYA'O, ,DE NAS
BSTOD CING 'PHRIN LAS BCOL BA NI, H'Um BCOM LDAN MTHU RTZAL
THOGS PA MED, ,BDUD DANG GDON BGEGS MA LUS PA, ,'DUL MDZAD GAR
DGU'I NYAMS

LDAN PA, ,GDUGS DKAR CAN LA PHYAG 'TSAL BSTOD, ,BDE GSHEGS GTZUG
TOR LAS 'KHRUNGS SHING, ,SPRUL BA'I ZHAL PHYAG STONG PHRAG DANG,
,SPYAN NI BYE BA BRGYA STONG CAN, ,GTZO MO KHYOD LA PHYAG 'TSAL
BSTOD, ,

@006A *, ,GANG GI MTSAN BRJOD DRAN PAS KYANG, ,GDON DANG BGEGS
KYI TSOGS RNAMS KUN, ,ZLOG MDZAD MTHU RTZAL STOBS LDAN PA'I,
,RIGS SNGAGS LHA MO'I TSOGS LA BSTOD, ` ,BHYO GTZO MO BCOM

LDAN GDUGS DKAR MO, ,GDON RIGS SUM BRGYA DRUG CU ZLOG ,GZHAN
GYIS MI THUB DRAG SHUL CHE, ,LHA YI GDON TSOGS ZLOG TU GSOL,
,GTUM PA CHEN MO STOBS CHEN MO, ,KLU YI GDON TSOGS ZLOG X, ,

'BAR BA CHEN MO GZI BRJID CAN, ,LHA MIN X, ,'PHAGS MA SGROL MA
STOBS CHEN MO, ,RLUNG LHA'I X, ,'BAR BA'I 'PHRENG BA GOS DKAR
MO, ,MKHA' LDING X, ,'PHAGS MA SGROL MA KHRO GNYER CAN, ,DRI
ZA'I X,,

RGYAL BA'I RDO RJE 'PHRENG ZHES GRAGS, ,MI 'AM CI'I GDON ZLOG X,
,PADMA'I MNGON MTSAN RDO RJE'I MTSAN, ,LTO 'PHYE'I GDON TSOGS X,
,GZHAN GYIS MI THUB 'PHRENG BA CAN, ,GNOD SBYIN X, ,RDO RJE
MKHAR BSNAMS

'JOMS PA MO, ,SRIN PO'I X, ,ZHI BA'I LHA RNAMS KYIS MCHOD MA,
,YI DAGS X, ,GZUGS BZHI GZI BRJID CHEN MO CAN, ,SHA ZA'I X,
,'PHAGS MA SGROL MA STOBS MO CHE, ,'BYUNG PO'I X, ,RDO RJE LU GU

RGYUD GZHAN MA, ,GRUL BUM X, ,RDO RJE GZHON NU RIG 'DZIN MA,
,SRUL PO'I X, ,LAG NA RDO RJE RIGS GSER 'PHRENG, ,LUS SRUL GDON
X, ,LEB RGAN RTZI DANG RIN CHEN MA, ,SKEM BYED X, ,SNANG MDZAD
RDO RJE GTZUG

@006B TOR GRAGS, ,BRJED BYED X, ,RNAM PAR BSGYINGS MA RDO RJE
CAN, ,SMYO BYED X, ,GSER 'OD LTA BU'I SPYAN MNGA' MA, ,GRIB GNON
X, ,RDO RJE 'GROS DANG DKAR MO CAN, ,GNON PO'I GDON X, ,PADMA'I
SPYAN DANG ZLA 'OD MA, ,

NAM GRU'I X, ,SANGS RGYAS DPAL DANG DE BZHIN SPYAN, ,RDO RJE NYI
MA'I 'OD DANG NI, ,DE BZHIN ZLA BA RDO RJE 'DZIN, ,GDON RIGS
THAMS CAD BZLOG TU GSOL, (,GONG KHA BZLOG PA'I CHED LTA BU YIN
NA,) GONG KHA GOD 'DRE

NGAN PA DANG, ,LHA YI GDON TSOGS BZLOG TU GSOL, ,ZHES SBYAR
ZHING, GZHAN LA YANG 'GRE'O, ` ,BHYO BCOM LDAN GDUGS DKAR LHA
TSOGS KYIS, ,BGEGS RIGS STONG PHRAG BRGYAD CU ZLOG ,GDON RIGS
SUM

BRGYA DRUG CU X, ,NAD RIGS BZHI BRGYA RTZA BZHI X, ,BYIS PA'I
GDON CHEN BCO LNGA X, ,GLO BUR BRGYAD CU RTZA GCIG X, ,YE 'BROG
SUM BRGYA DRUG CU X, ,RBOD GTZONG BYAD KHA PHUR KHA X, ,RMI LTAS
MTSAN MA NGAN PA X, ,

DUS MIN 'CHI BA THAMS CAD X, ,GOD KHA GOD 'DRE THAMS CAD X, ,ZA
'DRE PHUNG 'DRE THAMS CAD X, ,MI KHA BRAM MCHU THAMS CAD X,
,BYUR 'DRE NGAN PA THAMS CAD X, ,LO ZLA ZHAG SKEG THAMS CAD X,
,MDOR NA MI MTHUN

MI SHIS PA'I, ,GNOD PA THAMS CAD ZHI BA DANG, ,TSE RING NAD MED
LONGS SPYOD SOGS, ,LEGS TSOGS THAMS CAD RGYAS PAR MDZOD, ,CES
'PHRIN LAS BCOL BA LAN GCIG GAM GSUM BYA, DE NAS YUNGS KAR DANG
BYE MA

@007A *, ,SOGS LA, GDUGS DKAR GYI SNGAGS DANG, RTA MGRIN PHYAG
RDOR SOGS KYI DRAG SNGAGS BTAB TE BZHAG, BGEGS GTOR TING LO
'CHAD BU BCAS BSANGS SBYANGS, STONG PA'I NGANG LAS AOm LAS RIN
PO CHE'I SNOD YANGS SHING

RGYA CHE BA'I NANG DU AOm 'OD DU ZHU BA LAS BYUNG BA'I GTOR MA
KHA DOG DRI RO REG BYA PHUN SUM TSOGS PA'I BDUD RTZI'I RGYA MTSO
CHEN PO MGRON RNAMS MNYES PAR BYED PA'I NUS PA DANG LDAN PAR
GYUR, AOm A'A: H'Um, LAN GSUM, RANG GI

THUGS KA'I H'Um LAS 'OD ZER 'PHROS GNOD BYED GDON BGEGS LAN
CHAGS KYI MGRON RIGS THAMS CAD SPYAN DRANGS, AE DHYE HI, PADMA
KA MA LA YA STE, AOm AA KA RO NAS AOm A'A: H'Um PHAt SV'A H'A
LAN BDUN NAM GSUM

GYIS BSDOS NAS, KYEE STENG 'OG BAR GSUM DBYE BA YI, ,GDON BGEGS
'BYUNG PO'I TSOGS RNAMS DANG, ,ZAS SU MNGAL ZA KHRAG 'THUNG
SOGS, ,GDON GYI RIGS GYUR THAMS CAD DANG, ,LAN CHAGS BU LON

GYUR PA YI, ,GNOD BYED KUN DANG KHYAD PAR DU, ,RNAL 'BYOR SBYIN
BDAG 'KHOR BCAS LA, ,GNOD PAR BYED PA'I GDON BGEGS LA, ,MAR ME
'CHANG BU SOGS BCAS PA'I, ,'DOD YON LNGA LDAN GTOR MA 'DI, ,

'BUL LO BZHES NAS BDAG CAG LA, ,PHYIN CHAD GNOD PA MI BYED PAR,
,RANG RANG SO SO'I GNAS SU SONG, ,GAL TE GNOD SEMS DANG BCAS TE,
,MI 'GRO GNAS 'DIR 'DUG BYED NA, ,GDUGS DKAR LHA TSOGS

@007B THUGS KHROS NAS, ,SKU LAS SPROS PA'I KHRO BO DANG, ,MI
BZAD MTSON CHA'I CHAR PHAB STE, ,BRLAG PAR 'GYUR BAR GDON MI ZA,
,ZHES DANG, SUMBHA NI'I SNGAGS BRJOD CING, YUNGS KAR SOGS KYIS
BRA BA LA, GU GUL GYIS BDUL

BAR BYA'O, ,DE NAS BUM PA'I NANG DU DRI BZANG GI CHU BLUGS LA
BSANGS SBYANGS STONG PA'I NGANG LAS BAm LAS BUM PA MTSAN NYID
DANG LDAN PA'I NANG DU AA LAS ZLA BA'I DKYIL 'KHOR GYI STENG DU,
AOm YIG GI MTHAR BZLAS BYA'I

SNGAGS KYIS BSKOR BA LAS 'OD ZER 'PHROS PAS RGYAL BA ZHI KHRO
THAMS CAD KYI BYIN RLABS THAMS CAD BSDUS NAS SNGAGS 'PHRENG LA
THIM PAS DE LAS BDUD RTZI'I RGYUN BAB PAS BUM PA'I CHU DANG
DBYER MED DU GYUR PAR BSAMS LA,

GDUGS DKAR GYI SNGAGS GONG DU BRJOD PA DE DANG, RNAM 'JOMS KYI
SNGAGS DANG SNGAGS GZHAN CI LTAR RIGS PA BZLA ZHING, AOm A'A:
H'Um LAN BDUN GYIS BYIN GYIS BRLABS LA, BSGRUB BYA MDUN DU 'KHOD
PA LA BUM CHU BLUD DE BKRU BA DANG LHAN CIG GDUGS

DKAR DANG RNAM 'JOMS KYI SNGAGS TSAR RE SNGON DU BTANG NAS,
SBYIN PA'I BDAG PO 'KHOR DANG BCAS PA'I NAD THAMS CAD SHANTI NGA
BU RU YE SV'A H'A, DE BZHIN DU GDON THAMS CAD DANG, RIMS X, ,KHO
NA X, ,BYAD X, GRIB X, LTA SA

NGAN PA X, BKRA MI SHIS PA X, RMI LTAS NGAN PA X, NYE BAR 'TSE
BA X, BAR GCOD MI MTHUN PA'I PHYOGS THAMS CAD X, DE NAS BDEN
BRJOD BYAS NAS KHRUS CHU PHYIR 'DOR, 'DOD NA SNGAGS SNGA MA
BRJOD CING, RMA BYA'I SGOS KHYABS

@008A *, ,TE SNGAR GYI TSIG NAD THAMS CAD SHI NAD KU RU YE SV'A
H'A ZHES SOGS LA AA BA NA YE SV'A H'A SBYAR BA DANG, NAD THAMS
CAD LAS RAKshA RAKshA YE SV'A H'A, ZHES SBYAR NAS SRUNG BA DANG,
SANGS RGYAS RNAMS NI ZHES SOGS KYI BDEN TSIG

KYANG BRJOD PAR BYA'O, BSDU NA, RGYAL BA SRAS BCAS BDEN PA'I
BYIN RLABS DANG, ZHES SOGS BRJOD PAS KYANG 'GRUB BO, ,DE NAS
MJUG TU, SLAR MCHOD BSTOD DANG BZOD GSOL BKRA SHIS BCAS BYA'O,
,DNGOS GZHI

NI DES GRUB CING, GNOD PA ZLOG PA LA NI LEGS LDAN MCHED GSUM
DANG, 'JIG RTEN PA RNAMS LA GTOR 'BUL DANG BCAS PA'I 'PHRIN LAS
BCOL BAR BYAS NA YANG LEGS PAS, DE'I TSUL NI, SNGAN GYI DKYIL
'KHOR BRIS PA DE'I SGO'I PHYI ROL

NAS SOR GSUM MAM BZHI NAS GRU BZHI'I RNAM PA BYAS LA, SHAR SGO'I
MDUN 'THAD DBUS DANG G-YAS G-YON GSUM DU TSOM BU DANG, PHYOGS
MTSAMS GZHAN RNAMS SU GRO NAS SOGS KYI ME TOG BKRAM, LEGS LDAN
RNAMS LA GTOR MA

GSUM MAM GCIG ,'JIG RTEN PA RNAMS LA GTOR MA BRGYAD DAM THUN
MONG DU GCIG DANG, MCHOD PA RNAMS SNGAR BZHIN BYIN GYIS BRLABS
LA, MGRON RNAMS SPYAN 'DREN PA NI, SNGON MA'I GTANG RAG SOGS MA
BYAS PA'I BAR DER ,

RANG GDUGS DKAR MO CAN DU GSAL BA'I THUGS KA'I AOm LAS 'OD ZER
'PHROS SO SO'I RANG BZHIN GYI GNAS NAS BCOM LDAN 'DAS MA'I BKA'
SRUNG LEGS LDAN MCHED GSUM DANG, RGYAL CHEN BZHI PHYOGS SKYONG
BCU,

@008B LHA CHEN BRGYAD, KLU CHEN BRGYAD, GZA' CHEN BRGYAD, RGYU
SKAR NYER BRGYAD, SDE DPON DGU LA SOGS PA'I 'JIG RTEN SKYONG BA
RNAMS SPYAN DRANGS, AOm MA H'A K'A LA LO KA P'A LA SA P'A RI WA
RA AE HYA HI BADZRA SA M'A YA DZA: DZA: DZA: ZHES

DANG RGYAS BAR NA, KYEE RGYAL YUM GTZUG TOR GDUGS DKAR MO'I,
,BKA' SGRUB BSTAN SRUNG MTHU RTZAL CAN, ,LEGS LDAN NAG PO MCHED
GSUM DANG, ,RGYAL CHEN PHYOGS SKYONG LHA CHEN DANG, ,KLU CHEN
GZA' CHEN RGYU SKAR

DANG, ,'JIGS BYED CHEN PO DGU LA SOGS, ,'JIG RTEN SKYONG BA
THAMS CAD KYANG, ,MCHOD SBYIN GNAS 'DIR SPYAN 'DREN GYIS, ,BRTZE
BAS DGONGS TE GSHEGS SU GSOL, SHAR SGO'I PHYI ROL TU LEGS LDAN
MCHOD GSUM

DANG, GZHAN RNAMS SO SO'I GNAS SU BZHUGS PAR GYUR, KA MA LA YA
STVAm, AOm AARGHAm PRA T'ITZTSA H'Um SV'A H'A, DE NAS MCHOD PA
NI, LHA MI'I MCHOD YON DAM PA DANG, ,BDAG GIS 'BUL BA'I MCHOD
YON 'DI, ,LEGS

LDAN 'JIG RTEN SKYONG RNAMS LA, ,'BUL BGYIS BZHES NAS BDAG CAG
DANG, ,SBYIN BDAG MI NOR 'KHOR BCAS KYI, ,'GAL RKYEN ZLOG LA
MTHUN RKYEN SGRUBS, ,AOm SHR'I MA H'A K'A LA LO KA P'A LA SA P'A
RI WA RA AARGHAm PRA TITZTSA H'Um

SV'A H'A, DE BZHIN DU ZHABS BSIL SOGS SBYAR NAS SHAPTA'I BAR
DANG, GZUGS MCHOG DANG R'U PA SOGS SBYAR NAS 'DONG YON KYANG
'BUL, BSTOD PA NI, BCOM LDAN 'DAS MA'I BKA' SGRUB CING, ,GDON
BGEGS

@009A *, ,'BYUNG PO'I TSOGS RNAMS KUN, ,TSAR GCOD LEGS LDAN DRAG
PO SOGS, ,LEGS LDAN MCHED GSUM NYID LA BSTOD, ,SA 'OG SA STENG
THAMS CAD DU, ,RDZU 'PHRUL MTHU YIS DBANG BSGYUR ZHING, ,

LEGS NYES SNA TSOGS STON BYED PA'I, ,DPAL MGON RNAMS LA PHYAG
'TSAL BSTOD, ,DE NAS GTOR MA BYIN GYIS BRLABS TE, LEGS LDAN
'KHOR DANG BCAS PA'I LJAGS 'OD ZER GYI SPU GUS GTOR MA'I BCUD
THAMS

CAD DRANGS TE GSOL BAR GYUR, AOm SHR'E MA H'A K'A LA SA P'A RI
WA RA AI DAm BA LING TA KHA KHAm KH'A HI KH'A HI, LAN BDUN DANG,
AARGHAm SOGS KYIS MCHOD, SRIN PO'I GZUGS KYI TSUL BSTAN NAS,
,GDUG BA CAN KUN

'DUL MDZAD KYANG, ,BYANG CHUB SEMS DPA'I SPRUL BA STE, ,GTUM PO
MCHED LA PHYAG 'TSAL BSTOD, ,DE NAS 'JIG RTEN PA'I GTOR MA BYIN
GYIS BRLABS TE, 'JIG RTEN PA RNAMS KYI LJAGS NAS GSOL BAR GYUR ,

AOm MA H'A RA DZ'A DIKKA P'A LA MA H'A DE BA N'A GA R'A DZ'A GRi
HA NA KshA TRA BEE RA WA SA B'A RA WA RA AI DAm BA LI NGA TA KHA
KHA KH'A HI KH'A HI ZHES LAN BDUN NAM GSUM GYIS DBUL LA, PHYI
ROL KHOR YUG LA GNAS PA'I, ,RGYAL CHEN LHA KLU GZA'

SKAR DANG, ,'JIG BYED LA SOGS MTHU LDAN PA'I, ,'JIG RTEN SKYONG
BA RNAMS LA BSTOD, ,DE NAS 'PHRIN LAS BCOL BA NI, KYEE BCOM LDAN
GDUGS DKAR LHA TSOGS KYI, ,ZHI RGYAS DBANG DRAG 'PHRIN LAS

@009B RNAMS, ,TSUL BZHIN SGRUB MDZAD BSTAN SRUNG GTZO, ,LEGS
LDAN MCHED GSUM 'KHOR BCAS DANG, ,SRID PA GSUM NA GNAS PA DANG,
,RGYU BA'I DREGS LDAN KUN GYI RJE, ,RGYAL CHEN BZHI DANG PHYOGS
SKYONG BCU, ,

LHA CHEN BRGYAD DANG KLU CHEN BRGYAD, ,GZA' CHEN BRGYAD DANG
RGYU SKAR TSOGS, ,'JIG BYED CHEN PO 'KHOR BCAS KYIS, ,MCHOD
SBYIN GTOR MA 'DI BZHES NAS, ,RNAL 'BYOR SBYIN BDAG 'KHOR BCAS
LA, ,GNOD CING

'TSE BAR BYED PA YI, ,NAD RIGS BZHI BRGYA RTZA BZHI ZLOG ,GDON
RIGS SUM BRGYA DRUG CU X, ,BGEGS RIGS STONG PHRAG BRGYAD CU X,
,YE 'BROG SUM BRGYA DRUG CU X, ,BYIS PA'I GDON CHEN BCO LNGA X,
,

GDON CHEN PHAL PA BCU BZHI X, ,BYAD KHA PHUR KHA THAMS CAD X,
,RMI LTAS MTSAN MA NGAN PA X, ,BSAM NGAN SBYOR RTZUB THAMS CAD
X, ,GONG KHA GOD 'DRE THAMS CAD X, ,ZA 'DRE PHUNG 'DRE X, ,MI
KHA GRAM MCHU X, ,

GZA' DANG RGYU SKAR GNOD PA X, ,BTZAN DANG RGYAL PO'I GNOD BA X,
,KLU DANG SA BDAG GNOD PA X, ,BDUD DANG 'GONG PO'I GNOD PA X,
,MI MTHUN PHYOGS KUN ZHI BA DANG, ,TSE RING NAD MED LONGS SPYOD
SOGS X, ,LEGS

TSOGS THAMS CAD RGYAS PA DANG, ,SRUNG SKYOB BYED BA'I 'PHRIN LAS
MDZOD, ,BSDUN DES CHOG CING, DNGOS GRUB ZHU TSUL RGYAS BAR BYED
NA, KYEE LEGS LDAN 'JIG RTEN SKYONG RNAMS KYIS, ,RNAL 'BYOR
SBYIN

@010A *, ,BDAG 'KHOR BCAS LA, ,'CHI MED TSE YI DNGOS GRUB STZOL,
,LUS SROG BRTAN PA'I X, ,DBANG THANG DAR BA'I X, ,KLUNG RTA DAR
BA'I X, ,DPAL 'BYOR RGYAS PA'I X, ,GSER DNGUL RIN CHEN X, ,

DAR ZAB GOS BZANG X, ,MYUR MGYOGS RTA YI X, ,'DOD 'JO BZHON MA'I
X, ,SNA TSOGS 'BRU YI X, ,RO BRGYA'I ZAS KYI X, ,SMRA MKHAS GTAM
GYI X, ,DPA' RTZAL MTHU YI X, ,SNYAN GRAGS RGYAS PA'I X, ,RIGS

BRGYUD 'PHEL BA'I X, ,PHUN TSOGS 'KHOR GYI X, ,BKRA SHIS DPAL
GYI X, ,DE LA SOGS PA SRID GSUM NA, ,LEGS PA'I DNGOS GRUB CI
MCHIS PA, ,THAMS CAD RNAL 'BYOR SBYIN BDAG LA, ,THOGS MED

LHUN GYIS GRUB PAR MDZOD, ,CES PA LTA BU DANG GZHAN YANG BRJOD
PAR BYA'O, ,ZOR 'PHEN 'DOD NA'ANG DUG SGRO CAN GYI SKYER MDA'
DANG KHRA GZOR DUG ZOR GTOR ZOR RNAMS 'PHEN PAR BSHAD PA LTAR
BYA'O, ,LO TOG GI RIM GRO'I DUS SU ZLOG PA SOGS LA

DMIGS BSAL GYI SPEL TSIG SBYOR TSUL SHES DGOS LA, DER MA ZAD
RIGS BRGYUD KYI DON DANG, BDE SRUNG GI CHED DU BYER NA'ANG SNGAR
LTAR 'PHRIN LAS BCOL NA LEGS SO,, MJUG TU JI LTAR BYA BA NI,
MCHOD PA BYIN GYIS BRLABS NAS ,

DANG PO GDUGS DKAR LHA TSOGS LA TSIGS BCAD SNGAGS DANG BCAS PAS
SAM SNGAGS KYANG GIS MCHOD NAS, BSTOD PA RGYAS BSDUS CI RIGS
BYA, DE NAS LEGS LDAN SOGS LA YANG SNGAR LTAR RGYAS BSDUS GANG
RUNG GIS MCHOD CING ,

@010B BSTOD LA, YIG BRGYA BRJOD DE, MA RNYED YONGS SU MA SHES
DANG, ZHES SOGS KYIS BZOD GSOL DANG, BCOM LDAN 'DAS MA 'KHOR
DANG BCAS RNAMS KYIS, ,RNAL 'BYOR SBYIN BDAG

'KHOR DANG BCAS PA LA, ,DNGOS GRUB STZAL CING 'PHRIN LAS MDZAD
PA LEGS, ,DA NI SO SO'I RANG BZHIN GNAS SU GSHEGS, ,BADZRA MU:
'JIG RTEN DANG 'JIG RTEN LAS 'DAS PA'I MGRON

RNAMS RANG GNAS SU GSHEGS PAR GYUR, BDE GSHEGS THUGS RJES GTZUG
TOR LAS 'KHRUNGS SHING, ,ZHES PA NAS, BDE MCHOG GDUGS DKAR CAN
GYI BKRA SHIS SHOG ,ZHES DANG ,

BSNGO SMON BYA'O, ,CES PA 'DI YANG LA MAR NANG GI SNGAGS BON
DANG LDAN RNAMS GYIS BSKUL BA LTAR SH'AKA BTZUN BSHAD SGRUB MING
CAN GYIS RGYA BOD KYI GZHUNG 'GA' ZHIG DANG BSTUN TE GZHAN

LA YANG PHAN SRID SNYAM NAS CO NE'I DGON NYID DU SBYAR BA STE,
DAD STOBS LDAN PA'I SNGAGS 'CHANG SNA LAM RDO RJE DBANG PHYUG
GIS BAR DU SGRUB BA'I TSE, YI GE PA NI THO LO'I SNGAGS 'CHANG
TSE DBANG MGON PO'O, ,MANGGA LAm,