[preliminary data - not manually proofread]
[SNGON 'GRO'I DPAR GZHI]

@001A *, ,SLOB DPON BSHAD SGRUB MING CAN GYI RNAM THAR ZUR PA
GZUR GNAS DGA' BYED BZHUGS SO,,

@001B #,, ` ,,NA MO GU RU MANYDZU GHO sh'A YA, RNAM DKAR LEGS
TSOGS TSOGS GNYIS KYIS BSKRUN SKU MCHOG MTSAN DPE'I DBAL GYIS
MDZES, ,RNAM DAG CHOS TSUL TSUL

BZHIN STON MDZAD GSUNG MCHOG YAN LAG DRUG CU MNGA', ,RNAM MANG
CHOS KUN KUN NAS MNGON GZIGS THUGS MCHOG CHAGS THOG MI MNGA' BA,
,GANG LA MNGA' BA LHA MI'I STON PA SH'AKYA'I

RGYAL POR GUS PHYAG 'TSAL, ,RING MO NYID NAS MNGON BAR SANGS
RGYAS KYANG, ,SEMS DPA'I TSUL GYIS RAB 'BYAMS ZHING RNAMS SU,
,RGYAL BA'I MDZAD PA SGRUB PA'I KHUR BZHES PA, ,

RGYAL TSAB MI PHAM 'JAM PA'I DBYANGS LA 'DUD, ,THUGS BSKYED SMON
LAM DAG PA'I 'TSAMs SBYOR GYIS, ,THUB PA'I LUNG RTOGS DAM CHOS
MA LUS PA, ,JI BZHIN 'DZIN MDZAD KLU SGRUB

THOGS MED SOGS, ,'PHAGS YUL MKHAS GRUB TSOGS RNAMS KUN LA 'DUD,
,BYANG PHYOGS RGYUD DU SNGON MED DAM PA'I CHOS, ,BSGYUR ZHING
DGONGS 'GREL 'CHAD NYAN LA SOGS KYIS,,

@002A *, ,THUB BSTAN SROL BZUNG DAR ZHING RGYAS MDZAD BA'I, ,LO
PAn BKA' DRIN CAN RNAMS RTAG TU BSNGAGS, ,MDO RGYUD DGONGS 'GREL
BCAS PA'I TSIG DON RNAMS, ,JI BZHIN THUGS CHUD GZHAN LA LEGS
'DOMS PA, ,BSTAN

PA'I MNGA' BDAG CHOS RJE BU STON DANG, ,BLO BZANG RGYAL BA GNYIS
BAR GRAGS LA 'DUD, ,BLO BZANG NYIN BYED DBANG PO GSHEGS PA'I
SHUL, ,MKHAS MANG RGYU SKAR TSOGS RNAMS GZHUNG LUGS MKHAR, ,RTZE
DGAS ROL DANG LHAN CIG ME 'KHYER

'GA', ,LEGS BSHAD GSHOG BSKYOD 'PHUR LDING LTA BUR BREL, ` ,DE
YANG SNGON? DU BDAG GIS NI, ,TSE 'DIR THOS BSAM JI LTA BUR,
,BYAS PA'I RNAM THAR THUN MONG BA, ,GZHAN GYIS SKUL? LHAR RGYAS
TZAM ZHIG ,BRIS ZIN PAR DU BRKOS

SHING SBEL?, ,DE LAS LHAG PA'I RNAM THAR ZHIG ,BDAG LA GTAN YOD
MA YIN KYANG, ,DAD LDAN GZUR GNAS BU SLOB 'GAS, ,NYID KYI RNAM
THAR THUN MONG DANG, ,THUN MONG MIN PA'I KHYAD BAR ZHIG ,CIS
KYANG DGOS ZHES BSKUL BA DANG, ,

'GA' ZHIG SNGON GYI SKYE BRGYUD DANG, ,DGE SBYOR BYAS TSUL JI
LTA BU, ,YIN RNAMS MA SBAS GSAL BA RU, ,ZHU ZHES BSKUL BA MA
BZLOG BAR, ,'DOD PA'I RJES SU 'BRANG STE BRI, ,DE LA RNAM THAR
THUN MONG PA, ,TSE 'DIR DNGOS SU BYAS PA STE, ,

DE NI SNGON DU BRJOD BA DANG, ,MTHONG BA LAS NI SHES ZIN KYANG,
,BSKUL BA'I DON DU SLAR YANG NI, ,BSDUS TE 'GA' ZHIG BSNAN BYAS
SHING, ,DNGOS KYI NYAMS SNANG DANG 'BREL BA'I, ,THUN MONG MA YIN
RNAM THAR NI, ,NAM MKHA'I PADMO'I

@002B RJES 'GRO YANG, ,GZUGS BRNYAN LTA BU MTSON TZAM BRJOD, ,DE
YANG LAS SMON 'BREL PA YIS, ,DBUS SU SONG STE GRVA TSANG DU,
,ZHUGS NAS LO 'GO PHYED GNYIS TZAM, ,BSDUS GRVAR BSDAD DE BSDUS
GZHUNG DPE, ,SHOG GRANGS NYIS BRGYA LHAG

TZAM ZHIG ,BLO LA BZUNG ZHING BYANG BAR BYAS, ,BSDUS GZHUNG CHE
CHUNG KUN GYI DON, ,MYUR DU GO ZHING SHES GYUR PAS, ,SNGON GYI
BAG CHAGS YIN 'DRA BSAM, ,TSUL DER MA ZAD RNAM 'GREL GYI, ,YAN
LAG BLO RTAGS RNAM GNYIS DANG, ,

GZHUNG GI CHA 'GA' DPE 'DZIN BYAS, ,DE LTAR SBYANGS PA'I 'BRAS
RTAGS LA, ,BSDUS GZHUNG DPE MANG BKOD ZIN CING, ,BLO RTAGS GNYIS
KYI PAR YANG BRKOS, ,RAB STOD DANG SE RAR YANG, ,BSDUS GRVA'I
GZHUNG GI TSOGS LANG DANG, ,DAM

BCA' DAG KYANG 'GA' RE BZHAG ,GZHUNG LA ZHUGS NA SE RA YI,
,TSOGS CHEN DBUS SU RI RA'I SKABS, ,TSOGS LANG LAN BDUN LEGS PAR
BYAS, ,DBU PHAR 'DUL MDZOD BZHI PO KUN, ,BLOR BZUNG SKYOR ZHING
MA BRJOD THOG ,LHA PAR

MING BDAG BYAS NAS NI, ,RGYUD GRVAR ZHUGS SHING DE NYID DU, ,DAM
BCA' LAN GSUM BAR DU BZHAG ,BKRA SHIS LHUN POR BSNYEN RDZOGS
CHED, ,SONG TSE DE KHA'I MKHAS 'GA' DANG, ,BRGAL BRTAG BYAS PAS
DE DAG GIS, ,TSOGS CHEN

DAM BCA' BZHAG NA LEGS, ,ZER YANG CHAGS SDANG 'ONG SNYAM STE,
,'JOG PAR KHAS NI MA BLANGS SO, ,DE NAS SE 'BRAS DGA' LDAN DU,
,DAM BCA' BZHAG STE RANG YUL LA, ,'ONGS PAS LEGS SMON 'BREL PA
YIS, ,BKA'

@003A *, ,'GYUR TSAR PHYIN BSGRAGS PA DANG, ,MTSAN NYID GRVA
TSANG 'DI NYID KYI, ,THOG MA'I BLA MAR LEGS PAR BSKOS, ,DE TSE
KO'U SHRI'I ZHABS NYID DANG, ,LHAN CIG THABS SHES ZUNG 'BREL
GYIS, ,GRVA TSANG GSAR DU BDEBS?

PA DANG, ,BSGRIG LAM KUN SPYOD GSAR BCOS TE, ,'CHAD NYAN LEGS
PAR 'PHEL BAR BYAS, ,DE LTAR CHOS DANG 'JIG RTEN GYIS, ,GRVA
TSAR 'DI LA THOG MA RU, ,PHAN 'DOGS NGES PAR CHE NA YANG, ,BYAS
BZO MED PA 'GA' ZHIG

GIS, ,MA SHES MOD KYANG GZHAN DAG MNYES, ,DE BZHIN RGYUD GRVA
GSAR BTZUGS KYI, ,THOG MA'I SLOB DPON BYAS NAS KYANG, ,RGYUD
'GREL BSKYED RDZOGS 'CHAD RTZOM SOGS, ,RGYUD GRVAR PHAN 'DOGS DU
MA BYAS, ,MDOR NA DGON 'DI'I

MKHAN PO DANG, ,RGYUD PA'I SLOB DPON LAN GNYIS RE, ,BYAS THOG
DBANG BSKUR 'CHAD RTZOM GYIS, ,BSTAN DANG 'GRO LA PHAN MANG
BSGRUBS, ,GRVA TSANG SLOB DPON BYED PA NAS, ,DA LTA RANG LO DON
GSUM PAR, ,MDO SNGAGS DGONGS

'GREL BSTAN BCOS KYI, ,RTZOM DPE? PO TI BCU LHAG TZAM, ,BYUNG
'DI SNGON NAS DA YI BAR, ,PAR GRUB YONGS RDZOGS 'GA' RE DANG,
,LE TSAN RANG RANG 'DOD PA BZHIN, ,PHYOGS 'DI'I STOD SMAD G-YAS
G-YON DANG, ,PHO BRANG NANG

SOGS RGYA SOG GI ,YUL DU 'KHYER TE DAR BAR GYUR, ,TSUL DER MA
ZAD ME? RA YI, ,GRVA TSANG BLA MA DKA' RAM 'GAS, ,DGOS TSUL
BYUNG LTAR DU MA ZHIG ,SNGA PHYIR PAR TE BSKUR BYAS PAS, ,SE
'BRAS DGE GSUM RGYUD PA 'GAR,,

@003B PHUL DANG BRIS PAS DAR GYUR ZHES, ,GRVA TSANG BLA MA NYID
KYIS GSUNG, ,NGA LA RNAM THAR YOD 'DOD NA, ,'DI NYID RNAM THAR
MCHOG TU ZUNGS, ,PHYOGS 'DIR SNGA NAS DA YI BAR, ,MKHAS PA MA
BYON MIN NA YANG, ,SMON LAM BZANG PO'I 'BRAS

SMIN LAS, ,RTZOM PA'I 'BREL PA MANG PO ZHIG ,'JOG PA'I DUS BAB
SKAL LDAN PA, ,BDAG NYID KHO NA YIN NAM SNYAM, ,GZHAN YANG SBYIN
BDAG DAD LDAN 'GAS, ,BOS TSE YUL GRONG DE DAG GI ,PHO MO SKYA
SER MANG PO LA, ,RANG RANG

'DOD PA'I CHOS LUNG DANG, ,BSLAB PA STER DANG BAN BON 'GAS, ,AU
TSUGS NAN GYIS BSKUL BA'I NGOR, ,DE DAG SO SO'I 'DOD PA BZHIN,
,DE BA RDZOGS CHED DPE DU MA'I, ,'DON TSUL G-YAR KHRAL TSUL DU
NI, ,DBANG MED BYED DGOS

MANG BYUNG YANG, ,CHOS SAM DE MIN MA SHES MOD, ,BSAM PA RDZOGS
BYAS DGE BAR GYUR, ,GSON GSHIN DON DU RDO RJE 'JIGS BYED DANG,
,RNAM SNANG CHO GA'I TSUL LA MANG ZHUGS TE, ,YUL CHOS DBANG BYAS
GZHAN GYI DON BSGRUBS KYANG,,

RANG GZHAN DON GNYIS 'DRES MAR BYAS SNYAM SEMS,, ` ,,DE NAS NANG
GI RNAM THAR NI, ,RANG RGYUD 'DUL TSUL DANG BSTUN TE, ,CUNG ZAD
BRJOD BYA DE YANG NI, ,BKA' GDAMS GONG MA'I GSUNG RIGS LAS,
,LHAG PA'I LHA YI ZHAL

MTHONG TZAM, ,YON TAN GTZO BOR MI 'DZIN PAR, ,RGYUD LA BYAMS PA
SNYING RJE DANG, ,SEMS BSKYED LTA BA RNAM DAG SOGS, ,SKYES NA
YON TAN MCHOG TU BZHED, ,DKON MCHOG GSUM LA SKYABS 'GRO BA,
,SANGS RGYAS BSTAN PA'I

@004A *, ,'JUG SGO STE, ,'DI MED BSAM GTAN GZUGS MED DANG,
,MNGON SHES YOD KYANG RGYAL BSTAN LA, ,ZHUGS PA MIN NA NANG PA
YI, ,DAM CHOS KHYAD 'PHAGS GZHAN LTA CI, ,DE NYID GZHIR BYAS
NGAN SONG DANG,,

'KHOR BA'I SDUG BSNGAL KHYAD PAR KUN, ,LEGS PAR SHES NAS THAR
'DOD BLO, ,YANG YANG GOMS BYAS NGES 'BYUNG MCHIS, ,GANG LA DES
'BYUNG MED GYUR NA, ,DE LA THAR PA DON GNYER BLO, ,RNAM DAG YOD
PA MI SRID PHYIR,,

THAR 'DOD ZHES PA'ANG TSIG TZAM 'GYUR, ,KHA CIG YID LA 'DI SNYAM
SEMS, ,NGES 'BYUNG BLO LA MA SBYANGS PAR, ,THOG MA NYID NAS
SANGS RGYAS KYI, ,GO 'PHANG THOB 'DOD 'BYUNG SRID PAS, ,NGES
'BYUNG MED KYANG THAR 'OD DANG,,

SANGS RGYAS DON GNYER 'BYUNG NGO ZER, ,DE LA'ANG NGES 'BYUNG
PHYOGS GCIG TZAM, ,YOD KYANG MTSAN NYID MA RDZOGS PHYIR, ,SANGS
RGYAS THOB 'DOD DON GNYER YANG, ,PHYOGS GCIG TZAM STE TSUL 'DI
LA, ,BRGAL BRTAG MANG

YANG 'DIR MI BRJOD, ,RANG LA CHUNG NGU'I DUS SU YANG, ,SNYING
RJE BCOS MIN RANG CHAS SU, ,YOD CING BSAM SHES BYAMS SNYING RJE,
,YANG YANG GOMS BYAS DA LTA NI, ,TSIG TZAM MA YIN BCOS MIN
MCHIS, ,DE PHYIR NYAMS LEN

SNYING PO MCHOG ,STONG NYID SNYING RJE'I SNYING PO CAN, ,GZHAN
PHAN LHAG BSAM RNAM DAG DANG, ,BYANG CHUB SEMS KYI DMIGS RNAMS
LA, ,NYIN RE BZHIN DU GOMS BYAS PAS, ,LHAG BSAM RNAM

@004B DAG YOD NGES KYANG, ,BYANG CHUB SEMS NI SKYES SO ZHES,
,BRJOD CING KHAS BLANGS NUS MA LAGS, ,BYANG CHUB SEMS NI SKYES
GYUR NA, ,YON TAN GZHAN DAG MED NA YANG, ,RGYAL SRAS BYANG CHUB
SEMS DPA' RU, ,'GYUR

BAR NGES PHYIR RANG GIS RANG, ,BYANG CHUB SEMS DPAR 'DOD MI
RIGS, ,RANG GIS RLOM PA'I DBANG BYAS NA, ,THEG PA CHEN PO'I
GZHUNG MANG LA, ,THOS BSAM 'DI TZAM BYAS PA DANG, ,BYAMS DANG
SNYING RJE LHAG BSAM SOGS,,

SEMS BSKYED SKYE BA'I RGYU RNAMS LA, ,YANG YANG DE TZAM 'BAD
BYAS PAS, ,BYANG CHUB SEMS NI BSKYED SNYAM ZHING, ,GAL TE DE NI
MA SKYES NA, ,THEG PA CHEN PO'I GZHUNG LUGS DON, ,LUNG DANG RIGS
PAS GTAN PHAB PA'I,,

'BRAS BU MCHOG DE MA BYUNG BAS, ,LUS SEMS NGAL BA BRGYA PHRAG
GIS, ,THEG CHEN LA 'BAD DON CHUNG ZHING, ,GZHAN LA BSHAD PA'ANG
TSIG TZAM SNYAM, ,DE PHYIR BYANG CHUB SEMS MCHOG NI, ,KHO BO'I
RGYUD DANG RING MA SONG, ,BDAG

MED RTOGS PA'I LTA BA LA, ,GRUB MTHA' RNAM BZHI'I LUGS KYI
DBANG, ,MCHOG DMAN THA DAD YOD SRID MOD, ,KUN KYANG LHAG PA SHES
RAB KYI, ,BSLAB PA SKYE BA'I DMIGS PAR 'GYUR, ,NANG BA'I GRUB
MTHA' RNAM BZHI LAS,,

DMA' BA BYE BRAG SMRA BA'I LUGS, ,PHYI ROL PAS NI RTAG PA'I BDAG
,KHAS LEN BYE SMRAS DE BKAG NAS, ,RTAG GCIG RANG DBANG CAN NYID
KYIS, ,STONG PA'I BDAG MED BSGOMS BYAS PAS, ,THAR PA THOB PAR
'GYUR ZHES

@005A *, ,'DOD, ,DE BZHIN MDO SDE PA DANG NI, ,SEMS TZAM DBU MA
RANG RGYUD PA, ,RNAMS KYI LUGS LA'ANG KHYAD PAR YOD, ,DE KUN
BSGOM BYA YIN MOD KYI, ,RANG LUGS DBU MA THAL 'GYUR BA'I, ,LUGS
BZHIN

LTA BA BSGOM DGOS SHING, ,DE YANG MGON PO KLU SGRUB LUGS, ,DPAL
LDAN ZLA BAS TSIGS GSAL DANG, ,DBU MA 'JUG PAR GTAN PHAB BZHIN,
,SHES DGOS 'PHAGS PA YAB SRAS LUGS, ,JI BZHIN 'GREL MDZAD RJE
BLA MA'I,,

GSUNG RAB TSOGS LAS 'BYUNG ZHING LTOS, ,BDAG KYANG RGYAL BA
GNYIS PA DANG, ,RJES 'BRANG MGON PO KLU SGRUB KYI, ,LUGS LTAR
LTA BA'I SKOR LA SBYANGS, ,DE TSE 'PHAGS PAS BYIN BRLABS PAS,
,RJE YI GSUNG LTAR NGES

DON GYI, ,LTA BA'I GNAD LA NGES PA RNYED, ,DE YANG DON DAM DPYOD
BYED KYI, ,RIGS PAS DPYAD NA MI RNYED TZAM, ,DKA' BA MIN GYI
RANG BZHIN GYIS, ,STONG SANG NAM MKHA' LTA BU LA, ,MING RKYANG
BTAGS YOD TZAM ZHIG GI,

DKAR NAG LAM 'BRAS LA SOGS PA'I, ,BYA BYED THAMS CAD GNOD MED
DU, ,'JOG TSUL SHES DE DKA' BA YIN, ,MTSON NA 'DAS PA'I DNGOS PO
RNAMS, ,DA LTA MED KYANG SPYIR YOD CING, ,DE BZHIN MA 'ONGS
DNGOS RNAMS KUN,,

DA LTA MED KYANG YOD NGES SU, ,'DOD DGOS DKAR NAG LAS 'BRAS
SOGS, ,'KHOR 'DAS KUN KYANG RIG SHES KYIS, ,DPYAD NAS RNYED PAR
MI 'JOG KYANG, ,MA DPYAD THA SNYAD BLO NGO LTAR, ,KUN RDZOB TU
NI YOD PAR 'DOD, ,DE YANG

@005B ME LONG CHU NANG GI ,GZUGS BRNYAN BZHIN DU KUN RDZOB
RNAMS, ,BDEN PAR SNANG YANG SNANG BZHIN STONG, ,STONG BZHIN
SNANG BAS GZHI GCIG LA, ,BDEN GNYIS 'DU BA'I 'JOG TSUL DE, ,LEGS
PAR SHES NA LTA BA LA, ,MKHAS PAR

'DOD KYI GZHAN DU NA, ,RANG BZHIN GRUB PA'I CHOS RDUL TZAM, ,MED
CES TSIG GIS BRGYA BRJOD KYANG, ,SGRA SPYI ZLOS PA TZAM DU ZAD,
,DE LTAR RANG BZHIN STONG PA'I DON, ,RIGS PA BRGYA PHRAG DAG GIS
NI, ,YANG YANG DPYAD CING NGES

BYAS PAS, ,DPYAD BSGOM TZAM ZHIG YOD NGES KYANG, ,BYING RGOD
RAGS PA'I BRAN GYUR TE, ,ZHI LHAG GNYIS KYI DBANG BYAS PA'I,
,'JOG BSGOM PHYOGS GTOGS TZAM ZHIG LAS, ,MTSAN NYID TSANG BA
BSKYED ? ,

'ON KYANG BSLAB GSUM NANG TSAN GYI, ,SHES RAB BSLAB PA YOD NGES
TE, ,LHAG PA SHES RAB BSLAB PA LA, ,KUN RDZOB DON DAM LA DMIGS
GNYIS, ,KUN RDZOB RIG PA'I GNAS LNGA PO, ,CI RIGS SHES PA'I SHES
? DANG,,

DON DAM BDAG MED PHRA RAGS KUN, ,RTOGS PA'I BLO GROS NYID LA
BSHAD, ,LHAG PA BSAM GTAN BSLAB PA YANG, ,PHYOGS TZAM YOD DE DE
LA NI, KUN RDZOB DON DAM LA DMIGS DANG, ,DPYAD BSGOM 'JOG BSGOM
RNAM PA GNYIS,,

SPYIR NI DGE BA'I DMIGS RTEN ZHIG ,DE LA RING THUNG GANG YIN
KYANG, ,RTZE GCIG GNAS PA TZAM BYUNG NA, ,TING 'DZIN YIN ZHES
SNGAGS RIM LAS, ,BSHAD CING PHYI NANG GNYIS KA YI, ,TING 'DZIN
BSGOM TSUL MANG 'BYUNG STE,,

@006A *, ,BSAM GTAN ZHES PA'I GRANGS SU 'GRO, ,SNGAGS KYI SKABS
SU LHA SKU SOGS, ,DMIGS RTEN BYAS NAS DPYAD BSGOM DANG, ,'JOG
BSGOM BYA BA'I TSUL BSHAD LTAR, ,'BAD PAS BRTAN PO MA BYUNG
YANG,,

ZHI LHAG RJES MTHUN GYIS BSDUS PA'I, ,BSAM GTAN SHES RAB ZUNG
'BREL TZAM, ,YOD PAR RANG GI TSAD MAS NGES, ,LHAG PA TSUL KHRIMS
BSLAB PA LA, ,RNAM PA MANG YANG MDOR BSDU NA, ,SO THAR BYANG
SEMS GSANG

SNGAGS KYI, ,TSUL KHRIMS BSLAB PA CI NUS BSRUNG, ,TSUL KHRIMS
BSLAB PA PHRA BA NI, ,LAS 'BRAS PHRA ZHING PHRA BA RU, ,'DUS
PHYIR SANGS RGYAS KHO NA'I YUL, ,DA LTA'I SO SKYES GA LA NUS,
,DE BZHIN PHYIN DRUG PHYOGS

TZAM STE, ,CHOS KYI SBYIN PA DU MA DANG, ,DGE 'DUN MCHOD DE YON
DU MA, ,PHUL ZHING RANG GI LUS LONGS SPYOD, ,DGE KUN GZHAN LA
GTONG BA'I SEMS, ,RGYUN TU GOMS BYAS SBYIN PA DANG, ,TSUL KHRIMS
SNGAR

BSHAD LTA BU STE, ,RANG DON KHO NA YID BYED DANG, ,BRAL TE BYANG
CHUB SEMS DPA' YI, ,TSUL KHRIMS MCHOG TU MDO LAS BSHAD, ,CHOS
KYI PHYIR RU DKA' SPYAD DANG, ,CHOS LA NGES SEMS BZOD PA RNAMS,,

RTAG TU YOD CING SDUG BSNGAL KUN, ,DANG DU LEN CING GNOD PA LA,
,BZOD PA'I BZOD PA'ANG YOD PA'I KHUL, ,DGE LA SPRO BA'I BRTZON
'GRUS NI, ,RTAG TU YOD CING SEMS CAN DON, ,BYA DKA' MANG PO
BSGRUB PA

@006B DANG, ,BYANG CHUB DON DU NGAN 'GRO RU, ,BSKAL BAR GNAS
KYANG MI SKYO BA'I, ,GO CHA'I BRTZON 'GRUS YOD PA'I KHUL, ,DE
NAS BSAM GTAN SHES RAB RNAM PA GNYIS, ,GONG DU BRJOD ZIN YUM GYI
MDO LAS NI,,

DGON NAM GRONG SOGS DAG TU GNAS BYAS KYANG, NYAN RANG YID BYED
DMAN PA'I SEMS BOR TE, ,GZHAN GYI DON DU BYANG CHUB BSGRUB BZHIN
BAR, ,GZUGS SOGS 'DOD YON LNGA LA SPYOD GYUR KYANG, ,DE NI BYANG
CHUB

SEMS DPA'I DBANG BYAS PA'I, ,BSAM GTAN GNAS DANG DBEN PA'I MCHOG
TU BSHAD, ` ,YANG NI THUN MONG MA YIN PA'I, ,RNAM THAR RMI LAM
BZANG TZAM YAN, ,DGOS ZHES NAN TAN BSKUL BA'I LAN,,

YANG DAG 'DEBS RGYU MI SNANG YANG, ,BSKUL BA'I NGO BZLOG MA NUS
PAR, ,RMI LAM BZANG PO THAR THOR ZHIG ,BYUNG BA'I RNAM THAR THUN
MONG MIN, ,GZUGS BRNYAN TZAM ZHIG BRJOD PAR BYA, ,DE YANG GZHON
NU'I DUS KYI

TSE; ;SANGS RGYAS LTA BU'I SKU 'GA' ZHIG ,SHAR GYI PHYOGS KYI
NAM MKHA' NAS, ,NUB PHYOGS 'BYON PA RE GNYIS RMIS, ,DE NI CI YIN
SHES MA BYUNG, ,SNGA SOR THUB DBANG BYAMS PA YI, ,SKU DANG SKU
BRNYAN

CI RIGS PA, ,LAN MANG RMI LAM 'BYUNG BA ZHIG ,YOD KYANG PHYIS SU
DE MI SNANG, ,MTSAN NYID BLA MAR BSKOS PA'I SKABS, ,NGA NI LUNG
PA ZHIG GI NANG, ,SHAR DU PHYOGS NAS YOD PA'I TSE, ,BYANG NGOS
BRAG RTZE'I NAM 

@007A *, ,MKHA' NA, ,STON PA SKU MDOG GSER BTZO MA'I, ,MDANGS
LTAR 'OD GSAL RAB MDZES PA, ,SKYES BU CHEN PO'I TSAD TZAM ZHIG
,BZHUGS SHING RANG GI MDUN NGOS KYI, ,SHAR PHYOGS NAM MKHA'I
DBYINGs

NYID NAS, ,'JAM DBYANGS DMAR SER 'OD DANG BCAS, ,RAB MDZES SKU
ZHIG NUB PHYOGS SU, ,'BYON GYIN 'DUG PAR SHUGS DRAG POS, ,DAD
CING GSOL 'DEBS BYED PA NA, ,TSUR BYON BDAG GI MDUN DU SLEB, ,

MGYOGS PAR PHYAG 'TSAL SNYAM PA'I TSE, ,BYED YOD MED PAR RANG LA
THIM, ,GNYID SAD DGA' SPROS LUS SEMS BRTAS, ,BYIN GYIS BRLABS PA
YIN NAM SNYAM, ,GANG LTAR DGA' BA'I RMI LAM YIN, ,KHRI PA SNGON
MA

BYED PA'I DUS, ,NUB KYI PHYOGS NAS STON PA'I SKU, ,'OD DANG BCAS
PA CHE TZAM ZHIG ,BZHUGS ZHING DE YI THUGS KA NAS, ,'OD ZER SKAR
MDA' LTA BU GNYIS, ,BSHIBS TE BYUNG BA'I 'OD ZER GCIG ,RANG GI
MGO THOG RGYANGS

RING SONG, ,GCIG NI NGA YI MGO THOG TU, ,ZUG GAM MA ZUG THE TSOM
ZHING, ,ZUG NA DGA' SNYAM SEMS PA'I TSE, ,GNYID SAD YID LA DGA'
BA SKYES, ,DE TSE JO BO'I LHA KHANG THOG ,KHRI STENG RJE NYID
BZHUGS 'DUG PA, ,

MTHONG NAS BYIS SKAS BTZUGS PA'I THOG ,SONG NAS PHYAG DBANG ZHU
RMIS KYANG, ,BAR CHAD CUNG ZAD YOD PAR SHES, ,LAM GTZO'I 'GREL
BA RTZOM PA'I SKABS, ,NGA NI GNAS BZANG ZHIG TU NI, ,KHA NI SHAR
DU PHYOGS GNAS TSE, ,

@007B MDUN THAD SHAR PHYOGS NAM MKHA' NAS, ,MGON PO KLU SGRUB
ZHABS KYI SKU, ,GSER MDOG LTA BU RAB MDZES SHING, ,YID 'PHROG
MDANGS DANG RAB LDAN PA, ,SKYES BU CHEN PO'I TSAD TZAM ZHIG ,NUB
PHYOGS 'BYON GYIN 'DUG PA

LA; ;'DI NI 'PHAGS MCHOG KLU SGRUB BO, ,SNYAM STE DAD CING THAR
SBYAR BAS, ,SKAD CIG NGA YI MDUN THAD BYON, ,DGYES PA'I RNAM
'GYUR STON BZHIN DU, ,RANG LA THIM SONG GNYID SAD TSE, ,'DI NI
NGES PAR BYIN RLOB PA'I, ,

RMI LTAS BZANG PO ZHIG YIN NGES, ,SNYAM DU BSAM ZHING YID LA
BZUNG, ,RGYUD BLA'I BSDUS DON RTZOM PA'I SKABS, ,BYAMS SKU DMAR
PO RAB MDZES SHING, ,YID 'PHROG BYAMS PA DNGOS LTA BU, ,'OD DANG
BCAS ZHIG

MDUN GYI MKHAR, ,BYON BZHUGS BYIN RLABS MDZAD PA LA, ,DAD SHUGS
DRAG PAS GSOL 'DEBS DANG, ,GNYID SAD DGA' SPRO CHE SKYES SHING,
,NGA LA YA MTSAN CHE BSAM PA'I, ,BAB 'BREL DE 'DRA GA LA YOD,
,SNYAM DU

SHAR BAS DGA' RAB YIN, ,GZHAN YANG SMAN BLA MI 'KHRUGS PA, ,'OD
DPAG MED GSUM DNGOS LTA BU, ,RMI LAM LAN DGA' BYUNG GYUR TE,
,GSOL 'DEBS MANG DU BYAS PA YI, ,THUGS RJE YIN NAM SNYAM DU

BSAM, ,YANG GCIG JO BO'I LHA KHANG STENG, ,'JAM DBYANGS 'JIGS
BYED RJE RNAM GSUM, ,BSGRIGS NAS BZHUGS PA RMIS PA BYUNG, ,NA
NING BCU PA'I NANG NYID DU, ,NGA NI LAM NAS SHAR PHYOGS SU, ,

@008A *, ,'GRO BA'I MDUN THANG SHAR NGOS NAS, ,MI GNYIS BSHIBS
TE 'ONG BA YI, ,G-YAS KYI DE NYID 'JAM PA'I DBYANGS, ,YIN PAR
MTHONG NAS RGYUGs BYAS TE, ,RGYAL BA'I YAB GCIG 'JAM PA'I
DBYANGS, ,

BCU DRUG LON PA'I NA TSOD CAN, ,GANG DU 'BYON ZHES TSIG BRJOD
CING, ,SKU LA 'JUS SHING 'KHYUD PA NA, ,GNYID SAD DGA' SPRO
KHYAD CAN SKYES, ,BDE MCHOG RGYUD 'GREL DE RTZOM TSE, ,RJE NYID
'BYON GYIN YOD DO ZHES, ,

SGRA 'UR BCAS TE BYUNG BA NA, ,BLTAS PAS RJE NYID 'BYON 'DUG
PAS, ,DAD CING PHYAG BYAR 'DOD PA NA, ,GNYID SAD DGA' BA CUNG
ZAD SKYES, ,GZHAN YANG RJE YI RTOGS BRJOD KYI, ,'GREL BA BYED
DUS KHRI STENG NA, ,

RJE NYID BZHUGS LA PHYAG 'TSAL RMIS, ,DE SOGS GZHAN YANG YOD
GYUR KYANG, ,KHYAD 'PHAGS YIN NAM SNYAM PA NI, ,DRIS LAN 'GREL
PA DE RTZOM PA'I, ,THOG THA BAR GSUM DAG TU NI, ,RJE NYID

SHIN TU MDZES PA'I SKU, ,LTA BAS CHOG MI SHES PA ZHIG ,'DZUM PA
DANG LDAN PAn ZHVA DANG, ,CHOS GOS GSOL BA LHA LTA BU, ,SNGA
PHYI MA 'GYUR GCIG PA NYID, LAN GSUM ZLOS TE BYUNG NAS

NI; ;DGYES PA'I RNAM 'GYUR STON RMIS PA, ,'DI NI NGES PAR DGA'
RAB ZHIG ,YIN NAM SNYAM DU MA BRJED YOD, ,'GA' ZHIG DA LTA BA
RJED SONG ZHING, ,SGROL MA'I SKU STOD DNGOS BSTAN TE, ,

@008B SKU SMAD SPRIN DU SBAS PA DANG, ,NU MA G-YAS PA'I NU ZHO
NI, ,RANG LA BLUD PA SOGS KYANG RMIS, ,GZHAN YANG BDE MCHOG
'JIGs BYED SOGS, ,LHA 'GA'I SKU BRNYAN RMI LAM DU, ,BYUNG BA YOD
DE RMI LAM

LA; ;NGES PA MED PAS 'DIR MA BKOD, ,SPYIR NI GZHAN LA PHAN THOGS
PA'I, ,DPE RTZOM BYED PA'I DUS SU NI, ,RMI LAM BZANG PO RE
'BYUNG BAS, ,RMI LAM BZANG TZAM MANG DU BYUNG, ,

RMI LAM SGYU MA MIG 'PHRUL SOGS, ,SNANG BA LTAR DU MA GRUB PAS,
,DE LA BDEN PA'I DNGOS PO RU, ,BZUNG BAR BYA BA GA LA YOD, ,THUN
MONG MA YIN RNAM THAR GZUGS BRNYAN DANG, ,RMI LAM

LTA BUR BSTAN PHYIR RMI LAM DU, ,'KHRUL PA'I SNANG BA SNGA PHYIR
'BYUNG BA 'GA', ,'KHRUL GTAM LTA BUR GZHAN GYI 'DOD NGOR
BSGRAGS, ` ,DA NI DGE SBYOR GZHAN

'GA' ZHIG ,JI LTAR BYAS PA'I TSUL TZAM ZHIG ,DAD LDAN DAG GIS
BSKUL BA LTAR, ,BRJOD KYIS RANG NYID SGROGS PHYIR MIN, ,DE YANG
NYIN ZHAG PHRUG GCIG LA, ,MTSON NA GZHAN RNAMS SHES

'GYUR BAS, ,NANG PAR LTUNG BSHAGS NAS 'BYUNG SOGS, ,SANGS RGYAS
BYANG SEMS NYIS BRGYA DANG, ,NYI SHU'I SKOR GYI MTSAN BRJOD DE,
,PHYAG MCHOD YAN LAG BDUN PA DANG, ,SKYABs 'GRO SMON 'JUG SDOM
LEN ZHIG ,

@009A *, ,TSAD MED BZHI DANG BCAS LA 'BAR, ,DE NAS 'GYUR SNGAGS
GNYIS BRJOD DE, ,DBYANGS GSAL RTEN 'BREL SNYING PO DANG, ,'JAM
DBYANGS GNYIS DANG DBYANGS CAN MA'I, ,SNYING PO BRJOD DE DMIGS
SKOR GYI, ,RIM

PAS NGAG LA BYIN RLABS GNYIS, ,DE NAS 'JAM DBYANGS DKAR PO YI,
,SNYING PO NYER GCIG BZLA BA DANG, ,W'A GI SHVA RA BCVO LNGA
TZAM, ,'OD THER CAN DANG RI KHROD MA, ,SOR 'BRANG GDUGS DKAR NOR
RGYUN MA, ,KU RU KU LE TZUNDA DANG, ,

KHRO GNYER CAN DANG RAL GCIG MA, ,'BYUNG 'DUL LHA MO NAG MO
DANG, ,SENG+GE'I SGRA DANG SMAN BLA DANG, ,BDE GSHEGS SPYI
SNYING GTZUG TOR CAN, ,KLU DBANG RNAM SRAS 'KHOR BCAS KYI,
,SNGAGS RNAMS LAN NI BDUN RE DANG, ,GTZUG

TOR 'BAR BA ZLA BA'I 'OD, ,RDO RJE SDER MO STOBS PO CHE, ,BDUD
RTZI 'KHYIL BA'I SNGAGS RING SOGS, ,BRJOD DE LHA TSOGS DE DAG
NI, ,MA BRJED TZAM DANG DRAN TZAM BYAS, ` ,DE NAS RNAM 'JOMS
MNGON RTOGS DANG, ,GZUNGS RING TSAR

GCIG 'BRING PO GSUM, ,GZUNGS THUNG DE LAS MANG TZAM BRJOD, ,RTA
MGRIN PHYAG RDOR GTUM PO DANG, ,MI G-YO MGON GSUM TSOGS ZHING
DU, ,BYAS TE YAN LAG BDUN PA'I MTHAR, ,RANG LA BSTIM NAS RTA
MGRIN SOGS, ,

DE DANG DE RU RIM BSGOMS TE, ,RTA MGRIN BYAG RDOR RNAM GNYIS
KYI, ,SNGAGS NI CI 'GRUB TZAM ZHIG DANG, ,MI G-YO MGON GYI
SNYING PO NI, ,PHRENG SKOR GCIG TZAM RGYUN TU BRJOD, ` ,DE NAS
TSE DPAG 'KHOR BCAS RNAMS, ,TSOGS

@009B ZHING BYAS TE PHYAG MCHOD SOGS, ,YAN LAG BDUN DANG DE YI
MJUG ,NYI GZHON 'CHAR KA MA NYID DANG, ,GSOL 'DEBS BYAS MTHAR
RANG NYID LA, ,BSTIMS NAS DER BSGOMS SA BON GYIS, ,SNOD BCUD NUS
PA PHUN TSOGS SOGS, ,

BKUG NAS RANG LA BSTIM PA DANG, ,RGYAL BA SRAS BCAS THAMS CAD
KYANG, ,TSE DPAG MED KYI RNAM PA RU, ,SPYAN DRANGS BSTIM NAS DER
BSGOMS TE, ,GZUNGS THUNG BRGYA TSAR GZUNGS RING KYANG, ,CI 'GRUB
BZLAS TE DMIGS SKOR BYAS, ,

` DE NAS NAM MKHAR BAD SDONG STENG, ,SENG KHRIR THUB PA'I DBANG
PO'I MTHAR, ,BYAMS PA 'JAM DBYANGS SPYAN RAS GZIGS, ,PHYAG RDOR
DE MTHAR G-YAS G-YON RGYAB, ,RGYA CHEN ZAB MO LTA BRGYUD DANG,
,RDO RJE 'CHANG LA SNGAGS BRGYUD

KYI, ,BLA MA RNAMS KYIS BSKOR BA DANG, ,STENG DU RJE DANG JO BO
LA, ,DNGOS KYI BLA MAS BSKOR BA ZHIG ,ZUR DU BYAS SHING DE KUN
GYI, ,MTHAR NI RGYUD SDE BZHI 'BREL GYI, ,LHA TSOGS RNAMS DANG
SANGS RGYAS DANG, ,BYANG SEMS NYAN RANG

DPA' BO DANG, ,MKHA' 'GRO CHOS SKYONG TSOGS RNAMS KYIS, ,BSKOR
BA BSKYED CING SPYAN DRANGS BSTIM, ,SO SOR PHYAG DANG MCHOD PA
SOGS, ,YAN LAG BDUN BRGYAS TZAM DANG, ,MCHOD PA'I SPRIN GYI
GZUNGS KYANG TON, ,SLAR

YANG GSOL 'DEBS TSIGS BCAD DANG, ,TSIGS LHUG BYAS PA LAN BDUN
SOGS, ,SO SOR BRJOD CING NGES 'BYUNG DANG, ,BYAMS DANG SNYING
RJE BYANG CHUB SEMS, ,PHYIN DRUG BSLAB GSUM RIM GNYIS SOGS,
,SKYA BA'I GSOL

@010A *, ,GDAB LAN MANG DANG, ,SKYE KUN RJES SU 'DZIN PA YI,
,GSOL 'DEBS LA SOGS BYAS PA'I MTHAR, ,'OD KYI RNAM PAR RANG NYID
KYI, ,SNYING KHAR THIM NAS BYIN RLABS PAR, ,MOS TE NGES 'BYUNG
BYAMS SNYING RJE, ,

LHAG BSAM SEMS BSKYED LTA BA YI, ,DMIGS SKOR TSIG TZAM MA YIN
PAR, ,YID KHUL NGES PA DAG LA 'BAD, ,DE TSE SPYOD PA PHYIN DRUG
LA, ,SLOB PA'I BSAM PA SHUGS DRAG POS, ,'PHAGS PA RIGS GSUM MGON
PO YI, ,

SPYOD PA JI BZHIN SPYOD 'GYUR BA'I, ,SMON LAM SKABS 'DIR MA ZAD
KYI, ,SNGAR NAS BSAMS SHING LEGS PAR BTAB, ,'DI NI NGA YI SEMS
BSKYED DU, ,GO BAR GYIS LA NYAMS SU LONGS, ` ,DE NAS THUB DBANG
BYAMS 'JAM

DBYANGS, ,SPYAN RAS GZIGS DANG PHYAG RDOR DU, ,RIM BZHIN BSAMs
TE DE DAG GI ,SNYING PO PHRENG SKOR RE TZAM BRJOD, ,DE NAS DAM
TSIG RDO RJE YI, ,BSGOM BZLAS BYAS NAS SPYI GTZUG TU, ,RDOR SEMS
BSKYED BSTIM YIG BRGYA

NI, ,NYER GCIG TZAM RE BRJOD PAR BYAS, ,DE NAS GSANG 'DUS RGYAS
BSDUS LAS, ,GTZO CHER BSDUS PA'I BSGOMS BZLAS DANG, ,'JIGS BYED
BCU GSUM DPA' GCIG GNYIS, ,GTZO CHER BDUD LAS RNAM RGYAL GYI, ,

ZHI KHRO'I BSGOM BZLAS BYAS PA'I MTHAR, ,BCU GSUM LHA TSOGS
SNYING KHA RU, ,BKOD DE BZLAS PA CI 'GRUB BYAS, ,DE NAS BDE
MCHOG RGYAS BSDUS LAS, ,GTZO CHER LHA LNGA'I BSGOM BZLAS BYAS,
,MJUG TU LUS DKYIL LHA RDZOGS PAR,,

@010B LUS LA GSAL BTAB DE DAG GI ,SNYING PO BSDUS PA H'Um BAm
SOGS, ,CI 'GRUB GO CHA'I SNGAGS GNYIS DANG, ,RTZA SNGAGS BCAS
BZLAS 'OD GSAL DU, ,BSDUS NAS LDANG ZHING SMON LAM BYAS, ,DE NAS
KUN RIG TSOGS ZHING NI, ,ZUNG DU

BKOD LTAR GSAL BTAB NAS, ,YAN LAG BDUN BYAS GSOL BTAB MTHAR,
,SNYING KHAR BKOD DE SNYING PO RNAMS, ,CI 'GRUB BZLAS SHING
SBYONG RGYUD NAS, ,'BYUNG LTAR RIGS LNGA'I SNGAGS RING RNAMS,
,CI 'GRUB BZLAS SHING MJUG

SDUD BYAS, ,DE NAS GZHAN ZHIG BYAS MOD KYANG, ,MA BKOD MTSAN
BRJOD TSAR GCIG BSGRAGS, ,BDE GSANG GNYIS KYI RGYUD DAG LAS,
,LE'U RE GNYIS LA SOGS PA, ,CI 'GRUB TON TE SNGA DRO YI, ,'DON
PA'I RIM PA 'GRUB PAR

BYAS, ` ,DE NAS DPE LA BLTA BA DANG, ,RTZOM PA'I RIM PA LA SOGS
PA, ,LUGS GNYIS BYA BA CI RIGS DANG, ,THAR PA CHEN PO NAS 'BYUNG
BA'I, ,SANGS RGYAS BYANG SEMS RNAMS KYI MTSAN, ,RDZOGS PAR LOGS
SU BKOD PA DANG,,

SPRIN CHEN MDO DANG MUN SEL DANG, ,ME TOG TSOGS DANG PAD DKAR
DANG, ,SANGS RGYAS BCU PA BKRA SHIS BRGYAD, ,DRA BA CAN 'OD
KHYE'U ZHUS MDO, ,SANGS RGYAS DBU RGYAN STOBS BSKYED DANG, ,MDO
SDE RIM LNGA GSER 'OD DANG, ,DPANG

SKONG PHYAG RGYA NAS 'BYUNG BA'I, ,SANGS RGYAS BYANG SEMS MTSAN
RNAMS DANG, ,LNGA STONG BZHI BRGYA LNGA BCU NAS, ,GSUNGS PA'I
MTSAN SNGAGS RAB SPEL BA, ,BRGYA LHAG SKOR DANG GZHAN YANG NI,
,BSAM GYIS MI KHYAB MDO NYID NAS, ,

@011A *, ,'BYUNG BA'I SANGS RGYAS BCU RNAMS DANG, ,SANGS RGYAS
BCU GNYIS SAR 'BYUNG BA'I, ,BDE BAR GSHEGS PA BCU GNYIS DANG,
,'JAM DPAL ZHING BKOD NAS 'BYUNG BA'I, ,SANGS RGYAS BYANG SEMS
MTSAN?

BCAS NI, ,NYI MA GCIG LA 'DON PA'AM, ,YANG NA DON ZHAGS GZUNGS
RING DANG, ,GTZUG TOR DRI MED GZUNGS RING DANG, ,GSANG BA RING
BSREL RGYAD 'BUM GSUM, ,STON PA NYE BA'I SRAS BRGYAD KYI,
,GZUNGS RING RNAMS DANG

STONG 'GYUR DANG, ,KUN BZANG GZUNGS RING ZHES BYA DANG, ,DKON
MCHOG YE SHES TA LA DANG, ,YID BZHIN 'KHOR LO STONG CHEN GZUNGS,
,'CHI MED RNGA SGRA SGO MTHA' YAS, ,RNAM SNANG 'OD KYI RGYAL PO
YI, ,GZUNGS RING GNYIS DANG

DPAL CHEN DANG, ,RMA BYA'I YANG SNYING DZAM LA DANG, ,NOR RGYUN
GNYIS KYI GZUNGS RING DANG, ,'JAM DBYANGS SDIG PA ZHI BYED DANG,
,SGROL MA 'JIGS PA BRGYAD SKYOB SNGAGS, ,SHER PHYIN MTSAN SNGAGS
LANG GSHEGS SNGAGS, ,

NYI KHRI BSDU SA GZUNGS DE YI SNGAGS, ,STONG PHRAG BRGYA PA
GSUNG 'GYUR DANG, ,BRGYAD STONG TING 'DZIN RGYAL PO'I SNGAGS,
,PHA ? PO CHE SNGAGS P?AR PHYIN BCU, ,THOB 'GYUR TSOGS BDAG BDUD
GZHOM SNGAGS, ,SANGS RGYAS YAN LAG DANG

LDAN DANG, ,TSIGS BCAD GNYIS PA SGO DRUG GZUNGS, ,'PHAGS PA GDON
MI ZA BA DANG, ,SDIG SGRIB KUN 'JOMS CHAGS PA MED, ,YANGS PA'I
GRONG KHYER 'JUG PA DANG, ,'DON PA 'BUM 'GYUR 'GRO BA'I SNGAGS,
,SMON LAM

@011B DON 'GRUB MI BRJED GZUNGS, ,GOS THOB YID 'ONG TSIG BTZAN
DANG, ,LAS 'GRUB MCHOG THOB SNGAGS RNAMS NI, ,NYI MA GCIG LA
'DON PAR BYAS, ,MDOR NA SNGON DUS GZUNGS SNGAGS DANG, ,SANGS
RGYAS BYANG SEMS MTSAN DE RNAMS, ,

NYIN GCIG LA NI RDZOGS BYAS KYANG, ,DA LTA 'DON RGYU GZHAN MANG
STOBS, ,RE MOS BYAS TE DON PAR BRTZON, ,PHYI DRO SLAR YANG MTSAN
BRJOD DANG, ,STON PA NYE BA'I SRAS CHEN BRGYAD, ,JI LA LHA MO
NAG MO YI, ,MTSAN BRGYA BRGYAD PA RNAMS

LAS NI, ,GSUM RE RE MOS BYED PA DANG, ,GZHAN YANG SNGAGS TSAN DU
MA ZHIG ,LOGS SU BRIS NAS YOD PA DANG, ,SDUD PA RDOR GCOD MNGON
RTOGS RGYAN, ,LAM SGRON LAM GTZO RJES MDZAD DANG, ,RIN PO CHE YI
MTHA' NYID DANG, ,'JAM

DPAL GNAS PA CHOS BZHI'I MDO, ,CHOS BCU 'DA' KA YE SHES DANG,
,'DU SHES BCU GCIG RGYAL BLOS ZHUS, ,SHES RAB PHA ROL PHYIN PA
YI, ,MTSAN MCHOG BRGYA RTZA BRGYAD PA DANG, ,BZANG SPYOD RNAMS
LAS GANG THUB TON, ,GZHAN

YANG BRGYA RTZA BSBUS PA DANG, ,RDO RJE MKHA' 'GRO'I SBYIN SREG
GNYIS, ,RKYEN DBANG MA GTOGS MA CHAGS TZAM, ,SNGON DUS SGROL MA
RNAM RGYAL MA'I, ,GZUNGS RING TSAR NI NYER GCIG RE, ,DA LTA 'DON
RGYU GZHAN MANG STOBS, ,DE GNYIS

BCVO LNGA BCU GSUM NAS, ,MA THA BDUN RE SNGON DUS NAS, ,DA LTA'I
BAR DU CI TZAM ZHIG ,BREL BA BYUNG YANG CHAGS PA MED, ,SGROL
MA'I YI GE BCU PA DANG, ,DAM BCAS GZUNGS DANG RNAM RGYAL MA'I,
,GZUNGS THUNG RNAMS KYANG BRGYA RTZA'E, ,

@012A *, ,GZHAN YANG MI 'KHRUGS PA YI GZUNGS, ,PHAL CHER NYER
GCIG RE BRJOD CING, ,BYAMS PA'I GZUNGS RING 'JAM DPAL GYI, ,SHES
RAB BLO 'PHEL SPYAN RAS GZIGS, ,BCU GCIG ZHAL GYI GZUNGS RING
RNAMS, ,

SNGON TSE NYER GCIG RE TON KYANG, ,DA LTA PHAL CHER BCVO LNGA
DANG, ,BCU GCIG DGU DANG MA THA BDUN, ,DE BZHIN TSUL KHRIMS RNAM
DAG DANG, ,DON ZHAGS GZUNGS THUNG SPYAN RAS GZIGS, ,DRAN DANG
YID BZHIN 'KHOR LO'I GZUNGS, ,AUshn'I

shA DANG GSER BZANG DANG, ,GTZUG TOR DRI MED GZUNGS THUNG DANG,
,DE BZHIN GSHEGS PA'I YI GE BRGYA, ,BEE d'U RYA SNANG GZUNGS
RNAMS KYANG, ,BCVO LNGA MA THA BDUN TZAM ZHIG ,CI TZAM BREL YANG
MA CHAGS SO, ` ,DE NAS MTSAN MO 'GO

NYE NAS, ,BDE MCHOG BSKYED CHOG BSNGAGS PA LA, ,BRTEN NAS PAD MA
'DAB STONG STENG, ,'KHOR LO LNGA BSKYED DBUS SU NI, ,SENG KHRE
PAD NYI'I GDAN STENG DU, ,BDE MCHOG RTZA BA'I BLA MA DANG,
,DBYER MED BYAS NAS BSKYED PA YI, ,

MTHA' SKOR 'KHOR LO LNGA YI STENG, ,SNYING PO'I RNAL 'BYOR MA
BZHI DANG, ,'KHOR LO GSUM DANG SGO MTSAMS BRGYAD, ,DE MTHAR
RGYAL BZHI KHRO DANG, ,STENG DU RDO RJE 'CHANG LA SOGS, ,BSKYED
CING BSNYIMS NAS PHYI NANG GSANG, ,YAN LAG

BDUN DANG TING 'DZIN GYI, ,DBANG BZHI BLANGS TE GSOL GDAB MANG,
,BYAS MTHAR 'KHOR RNAMS GTZO BO LA, ,BSDUS TE RANG GI TSANGS BUG
NAS, ,ZHUGS NAS RANG GI RTZA 'KHOR NANG, ,MI SHIGS THIG LE'I
DBUS SU NI, ,H'Um YIG

@012B TSUL DU BLA MA LHA, ,RANG SEMS DBYER MED BYAS TE BSAM,
,RDZOGS RIM MTSAN NYID TSANG BA ZHIG ,MA NUS MOD KYANG DE NYID
KYIS, ,RDZOGS RIM TSA TZAM MTSON PAR BYAS, ,DE NAS PHYOGS BCU'I
DPA' BO DANG, ,DPA' MO THAMS CAD BDE MCHOG GI,

LHA MCHOG RNAMS DANG DBYER MED DU, ,MOS NAS SPYAR DRANGS LUS KYI
CHAR, ,THIM ZHUGS MOS SHING SNGAGS GSUM GYIS, ,LUS DKYIL NYID DU
GYUR BSAMS TE, ,BZLAS PA THAMS CAD RDZOGS BYAS NAS, ,SMON LAM
BTAB CING MJUG

SDUD BYAS, ` ,DE NAS RANG NYID MI BSKYOD PAR, ,BSGYUR TE MDUN
GYI NAM MKHA' RU, ,SNGAR BZHIN PAD SDONG SENG KHRI'I STENG, ,RJE
BTZUN BTZONG KHA PA LA SOGS, ,'DUS PA'I RTZA BRGYUD BLA MA DANG,
,DBYER MED RDO RJE 'CHANG BSKYED DE, ,

SKU LUS DKYIL LHA BKOD CING, ,DE MTHAR RNAM SNANG LA SOGS PA,
,'DUS PA'I LHA TSOGS YI DAM DANG, ,SANGS RGYAS BYANG SEMS LA
SOGS KYIS, ,BSKOR DANG STENG GI CHA LA NI, ,'DUS PA'I RTZA
BRGYUD BLA MA LA, ,MDO SNGAGS BLA MA'I

TSOGS RNAMS KYIS, ,BSKOR NAS BZHUGS BSKYED SPYAN DRANGS BSTIM,
,PHYI NANG GSANG BA'I MCHOD PA NI, ,YAN LAG BDUN BCAS BYAS PA'I
MTHAR, ,THUN MONG THUN MONG MA YIN PA'I, ,RIGS LNGA'I SDOM
GZUNGS BCAS BYAS TE, ,DMIGS

BRTZEM NI NYER GCIG BRJOD, ,'ON KYANG RKANG PA BZHI PA LA,
,DBYER MED RDO RJE 'CHANG LA GSOL BA 'DEBS SO, ,ZHES PAR BSGYUR
NAS TON BYAS SHING, ,DE TSE RTZA BA'I BLA MA DANG, ,RJE NYID
RIGS GSUM MGON PO RNAMS, ,DBYER MED MOS TE

@013A *, ,GSOL 'DEBS BYAS, ,DE NAS TING NGE 'DZIN DBANG BZHI
DANG, ,GSOL GDAB LA SOGS BDE MCHOG SKOR, ,BSHAD BZHIN BSGOM
BZLAS RDZOGS PAR BYAS, ,'ON KYANG PHYOGS BCU'I RGYAL BA'I TSOGS,
,'DUS PA'I

LHA DANG DBYER MED DU, ,BYAS NAS LUS KYI CHA RNAMS LA, ,ZHUGS
NAS DE DANG DBYER MED PAR, ,BZHUGS MOS RIM GYIS TSIG BRJOD NAS,
,GSAL BTAB SO SO'I BZLAS PA DANG, ,MTHAR NI YAB YUM SBYOR MTSAMS
NAS, ,SPROS PA'I

'OD ZER PHYOGS BCUR SONG, ,SEMS CAN KUN GYI SGRIB SBYANGS NAS,
,H'Um DANG DE RNAMS RDO RJE 'CHANG, ,NYID GYUR RANG LA THIM TSUL
SOGS, ,BDAG BSKYED MJUG TU 'BYUNG LTAR BYAS, ` ,DE NAS RANG NYID
'JIGS BYED DU, ,BSGYUR NAS H'Um

YIG 'OD ZER GYIS, ,RANG BZHIN GNAS NAS GSHIN RJE GSHED, ,BCU
GSUM MA DANG ZHE DGU MA'I, ,LHA TSOGS BLA BRGYUD BCAS PA DANG,
,YID MA RGYAL BZHI KHRO'I TSOGS, ,SPYAN DRANGS SNGAR BZHIN PAD
SNGONG DBUS, ,NYI MA'I GDAN LA

'JIGS BYED SOGS, ,BCU GSUM LHA TSOGS BZHUGS MOS NAS, ,GTZO BO
RGYAS BSDUS CI RIGS DANG, ,'KHOR RNAMS BSDUS TE GSAL BTAB CING,
,DE MTHAR 'JIGS BYED ZHE DGU MA'I, ,LHA TSOGS RNAMS DANG MTHA'
SKOR DU, ,

YI DAM RGYAL BA ZHI KHRO'I TSOGS, ,SNGAR BZHIN BZHUGS PAR MOS PA
DANG, ,STENG DU 'JIGS BYED BLA BRGYUD BCAS, ,GSAL BTAB GANG DRIN
GZUGS MCHOG SOGS, ,RGYAS BSDUS SKABS BSTUN PHYI NANG GI ,MCHOD
PA RNAMS SOGS YAN

@013B LAG BDUN, ,GSANG BA'I MCHOD PA SDOM BZUNG DANG, ,BSTOD PA
DBANG BZHI LEN PA SOGS, ,GONG DU BRJOD PA LTA BU DANG, ,GSOL
'DEBS LA SOGS GSANG 'DUS KYI, ,SKABS LTAR BYAS TE THUGS KA YI,
,SA BON 'OD KYIS BCU GSUM MA'I, ,

LHA TSOGS SNGAR BZHIN SPYAN DRANGS TE, ,SNYING BAR BZHUGS MOS
SNGAGS RNAMS BGRANGS, ,BSNGO SMON MTHAR NI RDOR SEMS SU, ,BSGYUR
TE KUN RIG RTEN BRTEN PA'I, ,LHA TSOGS SPYAN DRANGS NAM MKHA'
RU, ,BZHUGS MOS TSOGS ZHING BSKYED

TSUL LTAR, ,SNGAGS BRJOD RIM PAR GSAL BTAB STE, ,BSTOD PHYAG YON
LAG BDUN PA RNAMS,, BYAS MTHAR SLAR YANG BSTOD PA DANG, ,GZHAN
DON GTZOR DMIGS GSOL 'DEBS BYAS, ` ,DE NAS RANG GI SNYING KHA
RU, ,BZHUGS PAR

MOS NAS BZLAS PA RNAMS, ,TSANG BAR BYAS SHES RIGS LNGA LAS,
,RGYAL MCHOG ME TOG CHER RGYAS KYI, ,GZUNGS RING GNYIS KYANG
'DON PAR BYAS, ,DE NAS RANG GZHAN GNYIS KA'I CHED, ,'OD DPAG MED
DANG MI 'KHRUGS PA, ,SH'AKA

THUB BDE GSHEGS MCHED BDUN DANG, ,RGYAL LHAS? BRGYAD DANG YE
SHES BLA, ,'OD KYI TOG DANG SMON LAM BLO, ,DBANG PO ZHI DANG
RNAM MKHA' MDZOD, ,SANGS PO YI DBYANGS LA SOGS, ,RGYAL SRAS CHEN
PO 'GA' ZHIG RNAMS, ,LHAN CIG

SPYAN DRANGS NAM MKHA' LA, ,BZHUGS BSAM TE SO SO YE, ,MTSAN NAS
BRJOD DE PHYAG 'TSAL PA, ,DBYAR RGUN KHYAD KYIS BCAD BDUN NAM,
,LNGA RER BCAS TE MCHOD 'BUL DANG, ,MCHOD PA'I SPRIN GYI GZUNGS
BRJOD CING, ,YAN LAG

@014A *, ,BDUN PA BYAS PA'I MTHAR, ,SLAR YANG PHYAG 'TSAL GSOL
'DEBS SU, ,BSGYUR NAS BDUN LNGA CI RIGS DANG, ,RANG BZHAN PHYI
MAR BDE CAN DANG, ,DGA' LDAN GNAS SU SKYE BA YI, ,SMON LAM SHUGS
DRAG KHEGS?

PAR BYAS, ,MTHAR NI RANG GI SNYENG KHA RU, ,BZHUGS MOS 'OD DPAG
MED NYID KYI, ,GZUNGS RING NYER GCIG BCVO LNGA SOGS, ,BRJOD DE
BSLO SMON DAG KYANG BYAS, ,DE MTHAR SGRIB SBYONG CHED DMIGS TE,
,SHER SNYING LTA BA DANG 'BREL DANG, ,

SENG GDONG SNGAGS BGRANGS BZLOG PA'I KHUL, ,RANG DANG BSTAN DANG
'GRO DON LA, ,DMIGS NAS LAN GSUM THAL BRDAB BYAS, ,DE NAS KUN TU
MYUR BA'I SOGS, ,SMON LAM KHYAD BAR CAN 'GA' DANG, ,BYAMS DANG
SNYING RJE GTONG LEN LA, ,

BRTEN NAS SBYONG BA'I TSUL ZHIG BYAS, ,MJUG TU 'JIGS BYED MGON
CHOS SOGS, ,TSES SBYONG RNAMS LA GTOR 'BUL DANG, ,SRUNG 'KHOR
MTSON TZAM BSGOMS BYAS TE, ,KHRO BCU'I SNYING PO MI G-YO MGON,
,PHYAG RDOR GTUM PO

RTA MGRIN DANG, ,'JIGS BYED SNGAGS GSUM MTSON TZAM DANG, ,RANG
NYID 'JIGS BYED DU BSAM PA'I, ,LUS KYI GNAS SU YI GE DANG, ,LHA
'GA' BKOD DE SRUNG BYAS PA, ,YAN GYI ZHAG GCIG DGE SBYOR 'GRUB,
,'ON KYANG GRONG

CHOG LA SOGS PA'I, ,RKYEN GYIS SNGA DRO'I DGE SBYONG LAS, ,GSANG
BDE 'JIGS GSUM MNGON RTOGS DANG, ,DPE THOG 'DON DGOS LA SOGS PA,
,'GA' ZHIG CHAGS MDO GZUNGS RNAMS NI, ,ZHAR ZHOR RTA THOG SOGS
KUN LAS, ,

@014B TON CING DE BZHIN SGROL MA DANG, ,RNAM RGYAL GZUNGS RING
SOGS KYANG NGO, ,GZHAN NE GSANG BDE 'JIGS GSUM DANG, ,KUN RAG
TSOGS ZHING LA SOGS 'GA', ,RGYAS BSDUS KHYAD PAR MA GTOGS PAR,
,NAN TAN MCHAGS BYAS PA'I KHUL,,

DE LTAR 'DON TSAN MANG PO LA, ,ZHUGS 'DI TSE RABS THAMS CAD DU,
,YI DAM DU MAS BYIN RLOB CING, ,DGONGS PAR 'GYUR PA'I RTEN 'BREL
YOD, ,JI SKAD SMRAS PA 'DI DAG LA, ,CUNG ZAD ZHIB CHA MTHON PA,
,MCHIS MOD RE GNYIS

CHAD PA LAS, ,SGRO BTAGS LHAG PA BKOD MED SNYAM, ` ,ZHOR LA KHA
CIG GSUNG BA LTAR, ,SNGON GYI SKYE BRGYUD GANG YIN PA, ,RANG GIS
GSAL PAR MA SHES KYANG, ,SNGON TSE RJE YI BU SLOB ZHIG ,YIN 'DRA
BSAM ZHING TSE 'DI'I SNGON, ,

BTZUN PA CHOS LDAN ZHIG GAM SNYAM, ,MDO NA DE LTAR BOD PA YI,
,DPON GYI LO RGYUS ZHEG TU NI, ,SNGA SONG RJE DRUNG RIN PO CHE,
,PHYOGS 'DIR BYON SKABS DPON RGYUD LA, ,KO'U SHRI NANG SO 'BYUNG
BA DANG, ,LHAN CIG GRAGS PA'I MING CAN ZHIG,

'BYUNG ZHING DE NYID DGON PA 'DI, ,THOG MAR 'DEBS MKHAN SLOB
DPON PA, ,RIN CHEN LHUN PO'I SKYE BRGYUD YIN, ,DE DANG KO'U SHRI
RNAM PA GNYIS, ,ZUNG 'BREL MDO SNGAGS BSTAN PA NYID, ,RGYAS PAR
BYED PA 'ONG NGO ZHES, ,LUNG BSTAN

MDZAD CES BKOD SNANG STE, ,BDEN NAM MI BDEN CANG MA SHES, ,MDZOD
DGER YOD PA'I SKU RTEN PAS, ,'DI YI SKYE BRGYUD YIN NO ZHES,
,BRJOD CES ZER YANG BTANG SNYOMS BYAS, ,BLA CHEN 'GA' ZHIG 'DI
SKAD DU, ,KHYOD NYID MA GCIG

@015A *, ,LA BSGRON GYI, ,MA 'ONGS LUNG BSTAN LAS ZIN CING,
,SLOB DPON ZLA BA GRAGS PA YI, ,SLOB MA MCHOG 'DI'I SKYE BRGYUD
TZAM, ,RMI LAM LTAR NA YIN SNYAM ZER, ,GANG LTAR SNGON GYI SKYE
BRGYUD TZAM, ,BZANG BAS

PHAN THOGS 'GYUR DKA' YI, ,RANG GZHAN DAG LA PHAN THOGS PA'I,
,YON TAN NYAMS LEN BCAS PA DGOS, ,MED NA TSE SNGON TSANGS PA
DANG, ,BRGYA BYIN 'KHOR BSGYUR LA SOGS KYI, ,SKYE BA BZUNG BA
SRID GYUR TE, ,DE DAG

BZANG BAS RANG NYID KYI, ,SKYE BA 'DI PHYIR PHAN NAM CI, ,GAL TE
SANGS RGYAS BYANG SEMS KYI, ,SPRUL PA'I SKYE BRGYUD ZHIG YIN NA,
,DGA' MOD SNYIGS DUS SO SKYE LA, ,DE 'DRA 'BYUNG BA'I RE BA NI,
,BDAG LTA RNAMS LA GA LA MCHI,,

'ON KYANG AANG DKAR ZHABS DRUNG DANG, ,MCHED PA'I SKU SKYE LA
SOGS 'GAS, ,SKYE BRGYUD GANG YIN DRIS BYUNG TSE, ,LAN NI 'DEBS
RGYU DON MTHUN ZHIG ,MA RNYED DE LA 'DI LTAR BRJOD,, ,SNGON GYI
SKYE BA 'DI YIN ZHES, ,NGOS BZUNG MED

KYANG KLU SGRUB KYIS, ,LAM GSUM THOG THA DBUS? MED PAR, ,'KHOR
BA'I 'KHOR LO MGAL? ME YI, ,ZHES SOGS GSUNGS LTAR SKYE BRGYUD
YOD, ,CES SMRAS DE 'DRA DON MTHUN YIN, ,GZHAN YANG BLA CHEN 'GA'
ZHIG GI ,RNAM THAR

DAG LAS SBYIN BDAG 'DIS, ,RTA NOR 'DI DANG 'DI PHUL SOGS?, ,BGOD
PA LTAR NA 'DI LTA BU, ,BRJOD NA 'GAL BA MED SNYAM STE, ,DE YANG
DKON MCHOG DRIN LAS NI, ,DNGOS PO BZANG MANG RNYED PA LAS, ,DGE
SLONG SBYIN PA PHUN TSOGS NYID, ,

@015B DBUS SU 'GRO SKABS GOS PHUG? 'GA', ,DAR PHUG? MANG DANG
KHA BTAGS NI, ,STONG DANG LNGA BRGYA'I SKOR RNAMS DANG, ,DNGUL
SRANG NYIS BRGYA BCAS BSKUR TE, ,SER 'BRAS DGE GSUM BKRA SHIS
LHUN, ,RNAMS LA MANG JA RNAM GZHAG DANG, ,GLA TSANG

SMAD LA KHA BTAGS KYI, ,'GYED DANG KHANG TSAN LA DNGUL 'GYED,
,MTSON CAM BCAS PA RNAMS BYAS SHING, ,RGYAL DBANG PAn CHEN RNAM
GNYIS LA, ,RANG DPAGS DNGUL GOS 'BUL CHEN DANG, ,DE KA'I BLA
CHEN GRAGS CHE 'GAR, ,'BUL

BA'I MTSON BYED RNAM MAD DANG, ,JO BO'I SKU MDUN BRGYA MCHOD
SOGS, ,DGE RTZA CHE PHRA CI RIGS BSGRUBS, ,DGON 'DIR RANG? NYID
SLEB PA NAS, ,DA LTA'I BAR DU LAS SNA YANG, ,LNGA BTANG RGYUD
PAR 'GYED DRUG DANG, ,MTSAN NYID GRVA TSANG 'GYED

BDUN BYAS, ,DBYAR GNAS SKABS SU 'GYED GCIG DANG, ,KHRI THOG YOD
DUS DGU GTOR SKABS, ,'GYED PHUL LTA BU 'DER? MA BKOD, ,SPYIR NI
BSOD NAMS TSOGS GSOG LA, ,DKON MCHOG MCHOD DANG SBYIN GTONG NI,
,MCHOG

YIN MDO KYANG THAR 'DOD KYIS, ,BYAMS DANG SNYING RJE LHAG BSAM
DANG, ,LTA BA SMON LAM RLABS CHEN RNAMS, ,BYED PA PHAN YON CHE
TSUL NI, ,BZANG SPYOD RDOR GCOD LA SOGS PA'I, ,MDO SDE ZAB LAS
BSHAD LTAR YIN, ,RTZOM DPE PO TI BCU

LHAG TZAM, ,PAR DU BSGRUB PA'I RGYA RKYEN LA, ,GANG SONG DNGUL
PHAB BRTZIS BYAS NA, ,DNGUL SRANG SUM BRGYA LHAG TZAM ZHIG
,BRDZUN MED NGES PAR SONG SNANG NGO, ,DNGOS PO 'GA' ZHIG SKYE
YUL DANG, ,GZHAN GYIS DBANG MED 'KHYER GYUR TE, ,

@016A *, ,CHUD ZOS SONG BA DAG KYANG YOD, ,GZHAN YANG PHAM DGE
TSUL SOGS, ,GSHEGS PA'I DGE RTZA BTANG BA'I SKOR, ,'GA' ZHIG YOD
MOD DE THAMS CAD, ,'DI RU 'GOD PAR MA BYAS SO, ,DE LTAR RNAM
THAR THUN MONG

DANG, ,THUN MONG MIN PA'I GZUGS BRNYAN TZAM, ,DAD LDAN 'GA' YIS
BSKUL BA'I NGOR, ,MA SBAS SGRO SKUR MED PAR BKOD, ,RNAM THAR
THUN MONG RNAM GZHAG MTSON TZAM ZHIG ,SNGON NAS BRIS ZIN SNGON
MA LAS LHAG PA'I, ,BRJOD

RGYU GZHAN ZHIG BRJOD DU MI SNANG YANG, ,NAN TAN BSKUL BA'I NAN
NGOR 'DI LTAR BRIS, ,DE YANG THUN MONG MIN PA'I RNAM THAR MCHOG
,BRJOD RGYU MA RNYED RNAM THAR THUN MONG BA'I, ,BYA BYED MCHOG
DMAN MANG POS SA BCAD DE, ,BRJOD 'DIS

MKHAS RNAMS MA GU BAR MI NUS SHING, ,DON GNYER CAN DAG SPYOD PA
RGYA MTSO'I NANG, ,RNAM THAR YID BZHIN NOR BU LEN 'DOD KYANG,
,MA RNYED DGOS CHUNG RNAM THAR MCHING BU MANG, ,PHYIN THOB LCI
BA'I KHUR GYIS NGAL SNYAM SEMS, ,DE LTA

NA YANG DAD STOBS BSKUL BA'I DGES, ,TSE RABS KUN TU LHA MI'I
RTEN RNYED CING, ,DAM PA'I MGON GYIS BRTZEBS RJES BZUNG NAS,
,MYUR DU RGYAL BA'I GO 'PHANG THOB PAR SHOG ,(CES PA 'DI NI,
KHYA? DGE'I SLOB DPON RDO RJE 'CHANG BLO GROS RGYA MTSO'I GDAN
SA

PA SKU SKYE SNGAGS RAM PA NGAG DBANG BSTAN 'DZIN RGYA MTSO SOGS
BLA CHEN 'GA' ZHIG DANG, KHYAD PAR CON? RIS? SKYONG? CHEN PO
'JAM DBYANGS NOR BUS RNAM THAR 'DI LTA BU ZHIG BGYIS ZHES GSUNG
GIS BSKUL BA LTAR, SH'AKA? BTZUN BSHAD SGRUB MING CAN GYIS G-YAR
KHRAL DU SBYAR PA'O, ,MANG+GA LAm, ,)