[preliminary data - not manually proofread] [SNGON 'GRO'I DPAR GZHI] @001A #, ,MNGON PA GNYIS NAS BSHAD PA'I BLO RIGS DANG RTAGS RIGS KYI RNAM GZHAG LUNG RIGS KYI SNYING PO BSDUS PA MKHAS PA DGYES BYED ZHES BYA BA BZHUGS SO,, @001B #, ,NA MO SH'AKYA MU NA YE, ,RGYAL KUN MKHYEN BRTZE'I PHUNG PO NYID, ,DMAR SER MDOG CAN GZHON NU'I SKU, ,'JAM PA'I DBYANGS ZHES GRAGS PA DE'I, ,ZHABS PAD SNYING GI DBUS SU BSTEN, ,'DIR BLO RTAGS KYI RNAM GZHAG CUNG ZAD BSHAD PAR BYA STE, DE LA DANG PO BLO RIGS KYI RNAM GZHAG RGYAS PAR NI BDAG NYID KYIS GZHAN DU BRIS ZIN KYANG DE'I SNYING PO BSDUS TE BRJOD PA LA GNYIS, RIGS PA'I MNGON PA NAS BSHAD PA'I TSUL DANG, LUNG GI MNGON PA NAS BSHAD PA'I TSUL LO, ,DANG PO LA GNYIS, BLO RIGS KYI RNAM GZHAG DANG, DE LA DPYOD PA'I SGO BSTAN PA'O,, DANG PO LA GNYIS, MTSAN NYID DANG, DBYE BA'O,, DANG PA NI, RIG PA, BLO'I MTSAN NYID, GNYIS PA DBYE? NGO BO'I SGO NAS GTZO SEMS DANG SEMS BYUNG GNYIS GSUNGS PA NI 'OG TU 'CHAD CING, TSAD MA DANG TSAD MIN GYI SHES PA GNYIS GSUNGS PA'I DANG PO NI RNAM 'GREL LAS, TSAD MA SLU MED CAN SHES PA, ,ZHES BAS BSTAN TE, DE LA GNYIS MTSAN NYID DANG, DBYE BA'O, DANG PO NI GSAR DU MI SLU BA'I RIG PA, TSAD MA'I MTSAN NYID TSAD MA'I SKAD? DOD PRA M'A NA NI MI SLU BA YA 'JUG CING DE YANG RANG YUL GSAR DU RTOGS PA LTAR GRUB PA'I DON DON TE, YUL DE DANG PO'I THOG MAR 'JAL PA LTAR DON LA GNAS PA'O,, GNYIS PA TSAD MA LA DBYE NA GNYIS, MNGON SUM GYI TSAD MA DANG, RJES BDAG TSAD MA'O,, DANG PO LA GNYIS MTSAN NYID DANG, DBYE BA'O,, DANG PO'I, RTOG PA DANG BRAL ZHING MA 'KHRUL PA'I GSAR DU MI SLU BA'I @002A *, ,RIG PA, MNGON SUM GYI TSAD MA'I MTSAN NYID, GNYIS PA DBYE NA BZHI STE, DER GYUR PA'I DBANG PO'I MNGON SUM, YID KYI MNGON SUM, RANG RIG MNGON SUM, RNAL 'BYOR MNGON SUM DANG BZHI, DBANG PO'I MNGON SUM LA DBYE NA, MIG GI DBANG PO'I MNGON SUM NAS, LUS KYI DBANG PO'I MNGON SUM DANG LNGA STE, DE DAG NI GZUGS SOGS YUL LNGA 'DZIN PA'I SGO NAS GZUGs 'DZIN DBANG PO'I MNGON SUM NAS REG 'DZIN DBANG PO'I MNGON SUM ZHES THA SNYAD BYED DO,, YID MNGON NI, SO SKYE'I RGYUD KYI GZUGS 'DZIN DBANG PO MNGON SKAD CIG DANG PO'I RJES SU SKYES SHING GZUGS GSAL BAR SNANG YANG DE LA DES PA 'DREN MI NUS PA'I YID SHES LTA BU'O,, RANG RIG NI RNAM 'GREL LAS, RTAG TU BDAG LA NANG MNGON PHYOGS, ,RIG BYA RIG BYED RNAM PA MED, ,CES GSUNGS PA LTAR, SNGON 'DZIN NYAMs SUM MYONG BA'I KHA NANG KHO NA LA PHYOGS PA'I 'DZIN RNAM LTA BU'O,, RNAL 'BYOR MNGON SUM NI RTAGS LAM BRTEN PAR RNAL 'BYOR GYI STOBS KYIS RANG YUL BDEN PA PHRA RAGS CI RIGS MNGON SUM DU RTOGS PA'I YE SHES RNAMS TE, 'PHAGS PA'I RGYUD KYI BDAG MED MNGON SUM DU RTOGS PA'I YE SHES THAMS CAD DO,, SGRA DON NI, GZUGS 'DZIN MIG SHES SOGS LNGA PO DE CHOS CAN, KHYOD LA DBANG MNGON ZHES BYA STE, RANG GI THUN MONG MA YIN PA'I BDAG RKYEN MIG GI DBANG PO SOGS DBANG PO GZUGS CAN LNGA PO GANG RUNG SKYES BA'I MNGON SUM YIN PA'I RGYU MTSAN GYIS DE LTAR DU BRJOD PA'I PHYIR, SO SKYE'I RGYUD KYI GZHAN SEMS SHES PA'I MNGON SHES CHOS CAN, KHYOD LA YID MNGON ZHES BYA STE, YID DBANG TZAM GYI BDAG RKYEN LAS SKYES PA'I MNGON SUM YIN PAS NA DE LTAR DU @002B BRJOD PA'I PHYIR, MIG GI RNAM SHES NYAMS SU MYONG BA'I 'DZIN RNAM YIN 'GAR BA DE CHOS CAN, KHYOD LA RANG RIG MNGON SUM ZHES BYA STE, RANG GI BDAG NYID DU GYUR PA'I YUL KHA NANG BLTAS KYI TSUL DU RIG PAS NA DE LTAR DU BRJED PA'I PHYIR, BDAG MED MNGON SUM DU RTOGS BA'I 'PHAGS PA'I YE SHES CHOS CAN, KHYOD LA RNAL 'BYOR MNGON SUM ZHES BYA STE, RTAGS LAM LTOS BAR RNAL 'BYOR GYI STOBS KYIS BDEN PA PHRA RAGS GANG RUNG RTOGS PA'I MNGON SUM YIN PAS NA DE LTAR DU BRJOD PA'I PHYIR RO,, GNYIS PA LA GNYIS MTSAN NYID DANG, DBYE BA'O,, DANG PO NI, RANG GI RTEN RTAGS YANG DAG LA BRTEN NAS RANG GI GZHAL BYA LKOG GYUR PA LA GSAR DU MI SLU BA'I RIG PA DE, RJES BDAG TSAD MA'I MTSAN NYID, GNYIS PA DE LA SGRAS BRJOD RIGS KYIS DBYE NA, RANG DON RJES DPAG DANG, GZHAN DON RJES DPAG GNYIS, DANG PO DANG RJES DPAG DON GCIG CING, MTSAN GZHI NI PHAG GI? DU BA 'DUG PAS ME YANG YOD NGES SNYAM PA DU BA RTAGS LAS DU LDAN GYI LA LA ME YOD PAR RTOGS PA'I RJES DPAG LTA'U'O,, GNYIS PA NI, GANG BYAS NA, MI RTAG PAS KHYAB, DPER NA, BUM PA BZHIN SGRA YANG BYAS SO ZHES BRJOD PA'I SGRUB NGAG LTA BU STE RJES DPAG TU BTAGS PA TZAM MO,, GZHAN YANG RJES DPAG LA RNAM GRANGS KYIS DBYE NA, DNGOS STOBS RJES DPAG, YID CHES RJES DPAG, DPE NYER 'JAL GYI RJES DPAG, GRAGS PA'I RJES DPAG DANG BZHI YOD DE, DANG PO NI, BYAS PA'I RTAGS LAS SGRA MI RTAG PAR RTOGS PA'I RJES DPAG LTA BU, GNYIS PA NI, SBYIN PA BTANG BDAG LAS LONGS SPYOD DANG TSUL KHRIMS BSRUNG PA LAS MNGON MTHO 'GRUB BAR GSUNGS PA SOGS DPYAD GSUM GYIS @003A *, ,DAG BA'I LUNG RNAMS RANG GI BSTAN BYA'I DON LA MI SLU BAR RTOGS PA'I RJES DPAG LTA BU, GSUM BA NI, RVA DANG RMIG PA DANG NOG DANG LKOG SHAL SOGS KYI RTAGS LAS BA MEN PA LANG DANG 'DRA BAR RTOGS PA'I RJES DPAG LTA BU, BZHI PA NI, RI BONG CAN LA ZLA BA'I SGRAS BRJOD RUNG DU RTOGS PA'I RJES DPAG LTA BU RNAMS SO,, RJES DPAG ZHAS BRJOD PA'I RGYU MTSAN YOD DE, PHYOGS CHOS DANG KHYAB 'BREL NGES PA'I RJES SU BSGRUB BYA DPOG CING NGES BAR BYED PAS NA DE LTAR DU BRJOD PA'I PHYIR RO,, MNGON SUM YIN NA, RTOG PA DANG BRAL DGOS SHING, RJES DPAG YIN NA, RTOG PA YIN DGOS LA, BRAL BYA'I RTOG PA NI, SGRA DON 'DRES RUNG DU 'DZIN PA'I RTOG PA NYID YIN TE, THAR LAM GSAL BYED DANG RIG RGYAN CHEN MO LAS, CHOS DE'I SGRA SPYI DANG DON SPYI GNYIS YUL DU BYED PA'I TSE SGRA DON 'DRES RUNG DU 'DZIN PA YIN LA, 'DRES RUNG ZHES SMOS PA NI BRDAL MA BYAD BA'I BYIS PA'I RTOG PAS SGRA DON GANG RUNG ZHIG YUL DU BYED KYI, SGRA DON GNYIS KA TSOGS NAS YUL DU BYED MI NUS PAS DE SDUD PA'I CHED YIN BAR BSHAD LA, 'ON KYANG SDE BDUN MUN SEL LAS NI, SGRA DON ZHES BA NI DON SPYI NYID LA BYED KYI SGRA SPYI DANG DON SPYI ZHES SO SOR MI GCOD PAR BSHED BRTAG, GZHAL BYA LA RANG SPYI GNYIS SU GRANGS NGES BAS TSAD MA LA MNGON RJES GNYIS SU GRANGS NGES PA YIN TE, GZHAL BYA RANG MTSAN DNGOS YUL DU BYED PA'I SGO NAS MNGON SUM TSAD MA DANG, SPYI MTSAN DNGOS YUL DU BYED PA'I CHA NAS RJES DPAG TSAD MA BZHAG PA'I PHYIR TE, RNAM 'GREL LAS, GZHAL BYA GNYIS PHYIR TSAD MA GNYIS,, ZHES GSUNGS PA'I @003B PHYIR, 'KHRUL SHES YIN NA, TSAD MA MA YIN PAS MA KHYAB STE, RJES DPAG TSAD MA DE SNANG YUL LA 'KHRUL YANG CHOD? MAR MI 'GAL BA'I PHYIR TE, RNAM 'GREL LAS, 'KHRUL BA YIN YANG TSAD MA NYID, ,CES GSUNGS PA'I PHYIR, TSAD MA NI 'DIR YU 'JAL PA'I SHES PA ZHIG LA 'JOG KYANG, SPYIR SKYES BU TSAD MA DANG TSAD DANG GRANGS 'JAL BA'I TSAD MA SOGS YOD DE, DON JI LTA BA BZHIN GZIGS NAS NGAG GIS STON PA LA MI SLU BI STON PA SANGS RGYAS LTA BU SKYES BU TSAD MA DANG TSAD MA'I SKYES BU ZHES KYAN BYA LA, BRE SRANG TSAD LDAN LTA BU TSAD DANG GRANGS 'JAL BA LA TSAD MAR 'JOG PA SOGS YOD BA'I PHYIR RO,, GNYIS PA TSAD MIN GYI SHES PA LA GNYIS, MTSAN NYID DANG, DBYE BA'O,, DANG PO NI, GSAR DU MI SLU BA'I SHES PA MA YIN PA'I RIG PA DE, TSAD MIN GYI SHES PA'I MTSAN NYID, GNYIS PA DE LA DBYE NA SPYIR DU MA YOD KYANG 'DIR LOG RTOG SEL BA'I DBANG DU MDZAD NAS LDAR BSHAD DE, LOG SHES, THE TSOM, BCAD SHES, YID DPYOD, SNANG LA MA DES PA'I BLO DANG LNGA'O, ,DANG PO NI, RANG GI ZHEN YUL LA 'KHRUL BA'I RIG PA, RANG NYID LOG SHES YIN PA'I MTSAN NYID, DE LA RTOG BA LOG SHES DANG, RTOG MED LOG SHES GNYIS YOD PA LAS, RI BONG RVA DANG GANG ZAG GI BDAG YOD PAR 'DZIN PA'I RTOG PA DANG, SGRA RTAG PAR 'DZIN PA'I RTOG PA DANG, LAS 'BRAS SOGS YOD PA'I DON RNAMS MED PAR 'DZIN PA'I RTOG PA LTA BU NI RTOG PA LOG SHES TE YID SHES YIN LA DUNG DKAR SER 'DZIN DANG, GANGS RI SDOR SNANG DANG, SMIN RGYU CHUR SNANG DANG, LJON SHING 'GROR SNANG GI DBANG SHES SOGS NI RTOG MED LOG SHES YIN NO,, GNYIS PA NI RANG YUL LA DOGS PA'I SEMS BYUNG DE, THE TSOM GYI MTSAN @004A *, ,NYID ,DE LA GSUM STE DON 'GYUR THE TSOM DANG, DON MI 'GYUR DANG, CHA MNYAM DU DOGS BA'I THE TSOM MO,, SGRA RTAG GAM MI RTAG PHAL CHER MI RTAG SNYAM BA DANG, LAS 'BRAS BDEN NAM MI BDEN PHAL CHER BDEN SNYAM BA'I THE TSOM LTA BU ZHI DON 'GYUR THE TSOM DANG, SGRA LTA BU PHAL CHER RTAG SNYAM PA DANG, LAS 'BRAS PHAL CHER MI BDEN SNYAM PA'I THE TSOM LTA BU NI DON MI 'GYUR DANG, DE DAG LA KHYAD MED MNYAM DU DOGs PA NI CHA MNYAM PA'I THE TSOM MO,, GSUM PA NI RTOGS ZIN RTOGS PA'I RIG PA , BCAD SHES KYI MTSAN NYID, DE LA GNYIS TE, MNGON SUm BCAD SHES DANG, RTOG PA BCAD SHES GNYIS LAS, DANG PO NI, SO SKYE'I MNGON SUM SKAD CIG GNYIS ? LTA BU DANG, GNYIS PA NI RJES DPAG SKAD CIG GNYIS PA LTA BU STE, TSAD MA SKAD CIG SNGA MAS GSAR DU RTOGS ZIN PA'I DON LA SLAR BYED PA BSNAN NAS 'JUG PA TZAM YIN GYI GSAR DU RTOGS PA MIN PA'O,, BZHI BA NI MYONG BA DANG RTAGS YANG DAG GANG RUNG LA MA BRTEN PAR RANG YUL MTHA' GCIG TU NGES PA'I ZHEN REG, YID DPYOD KYI MTSAN NYID, DE LA LNGA STE, RGYU MTSAN 'GAL BA'I YID DPYOD, RGYU MTSAN MED PA'I DE, RGYU MTSAN MA NGES PA'I DE, RGYU MTSAN MA GRUB PA'I DE, RGYU MTSAN GTAN LAM PHAB PA'I DE RNAMS LAS, MNYAN BYA YIN PA'I RGYU MTSAN GYIS SGRA MI RTAG PAR 'DZIN PA LTA BU NI DANG PO, RGYU MTSAN MED PAR SGRA MI RTAG PAR 'DZIN PA LTA BU GNYIS PA, YOD PA YIN PA'I RGYU MTSAN GYIS SGRA MI RTAG PAR 'DZIN PA LTA BU GSUM PA, MIG SHES KYIS GZUNG BYA YIN PA'I RGYU MTSAN GYIS SGRA MI RTAG PAR 'DZIN PA LTA BU BZHI BA, SGRA BYAS PA YIN PA TZAM RGYU MTSAN @004B DU BYED KYANG BYAS BAR MA NGES PAR SKU MI RTAG PA'O SNYAM DU 'DZIN PA'I YID DPYOD LTA BU LNGA BA STE, MDOR NA DON DE DANG DE YIN PA'I RGYU MTSAN MI SHES BZHIN DU DE DANG DE'I MNYAM DU DON MTHUN DU 'DZIN BA RNAMS YID DPYOD DO,, LNGA BA NI, RANG GI 'JUG YUL GYI DON RANG MTSAN GSAL BAR SNANG YANG DE LA NGES BA 'DREN MI NUS PA'I RIG PA DE, SNANG LA MA NGES PA'I BLO'I MTSAN NYID, DE LA GSUM STE, DER GYUR BA'I DBANG MNGON DANG, YID MNGON, RANG RIG MNGON SUM RNAMS LAS TSUR MTHONG GI GZUGS 'DZIN DBANG MNGON SKAD CIG GNYIS PA LTA BU NI DANG BO; DE'I GZUGS 'DZIN YIN MNGON LTA BU, GNYIS PA, DE'I RGYUD KYI RTOG PA SKAD CIG THA MA NYAMS SU MYONG BA'I RANG RIG LTA BU GSUM PA'O,, MDO? NA RANG GI RTOGS BYA'I DNGOS PO DE RANG LA GSAL BAR SNANG YANG DE YIN BA'I NGES PA 'DREN MI NUS PA'I SHES PA ZHIG STE, SKYES MA THAG BA'I ? PA'I SHES PA PHAL CHER RO, GNYIS PA DPYOD PA'I SGO BSTAN PA LA, RNAM 'GREL LAS, MDON SUM LTAR SNANG RNAM PA BZHI, ,ZHES GSUNGS PA LTAR, MNGON SUM LTAR SNANG DE LA DU MA YOD DE, 'KHRUL RGYU YUL LA YOD PA DANG, RTEN LA YOD PA DANG, GNAS LA YOD PA DANG, DE MA THAG RKYEN PA YOD PA DANG BZHI YOD BA'I PHYIR TE, MGAL ME MYUR DU BSKOR BA LAS 'KHOR LOR SNANG BA'I DBANG SHES SKYE BA LTA BU NI 'KHRUL RGYU YUL YOD PA YIN LA, RAB RIB KYIS MIG BSLAD PAS ZLA BA GNYIS SU SNANG BA'I DBANG SHES SKYE BA NI 'KHRUL RGYU RTEN LA YOD PA DANG, GRUR ZHUGS NAS 'GRO BA NA PHA ROL TSU ROL GYI RI LJON 'GROR? SNANG GI DBANG SHES SKYE BA NI 'KHRUL? RGYU GNAS LA DANG, YID ZHE SDANG GIS DKRUGS PA LAS SA GZHIR DMAR SNANG GI DBANG SHES SKYE BA LTA BU NI @005A *, ,'KHRUL RGYU DE MA THAG RKYEN LA YOD PA'I DBANG GIS YIN PA'I PHYIR TE, RGYU DE DAG GI DBANG GIS DANG PO DE 'GAL ME'I DBYIBS SAM RNAM PA LA 'KHRUL, GNYIS PA NI ZLA BA'I GRANGS LA 'KHRUL, GSUM PA NI RI LJON GYI BYA BA LA 'KHRUL, BZHI PA NIS GZHI'I KHA DOG LA 'KHRUL PA'I PHYIRO,, RTOG MED DBANG SHES RNAMS NI RNAM PA DANG GRANGS DANG DUS SOGS NGO BO DANG KHYAD PAR GANG LA 'KHRUL NA'ANG 'KHRUL BAR 'JOG PA YIN TE, RIGS RGYAN LAS, DES NA RTOG MED KYI SHES PA RNAMS RANG YUL CHA GCIG LA 'KHRUL NA? D? DAG NYID THAMS CAD LA 'KHRUL BA DANG, ZHES GSUNGS PA'I PHYIR, 'PHAGS BOD KYI PAn CHEN KHA CIG SNGAR BSHAD PA'I SHES PA DE DAG RANG GI DMIGS PA LA MA 'KHRUL TE, DANG PO MED DANG GNYIS PA ZLA BA DANG GSUM PA RI LJON DANG BZHI PAS GZHI PA MA 'KHRUL BA'I PHYIR NA, DE DAG LA'ANG TSAD MA SRID CES BZHED MOD RANG LUGS NI DE DAG 'KHRUL SHES DANG LOG SHES KYANG YIN NO,, 'ON BAR SNANG GI NYI ZLA RGYU SKAR SOGS KYI DKYIL 'KHOR DANG RGYANG RING PO'I GZUGS LA BLTAS PA'I TSE DE DAG RANG GI TSAD LAS CHUNG DUR SNANG BA'I DBANG SHES DE 'KHRUL SHES SU 'JOG GAM MI 'JOG, 'JOG NA MI 'THAD DE, DE LTA NA TSUL MTHONG GI MIG SHES TSANG MAS RGYAD RING PO'I RI DANG LJON SHING SOGS GANG YANG MI MTHONG BAR THAL BA'I PHYIR, MI 'JOG NA'ANG MI 'THAD DE, DE'I CHO DE DAG RANG RANG GI TSAD LAS CHUNG BAR SNANG BAS TSAD LA 'KHRUL BA'I PHYIR ZHE NA, SKYON MED DE, DE'I TSE RGYAD RING PO NA YOD PA'I GZUGS DE DAG MTHONG BA'I MIG SHES TSAD MA DE 'KHRUL SHES MA YIN YANG, DE DAG RANG RANG GI TSAD LAS CHUNG BAR SNANG BA'I DBANG SHES @005B DANG DE LTAR 'DZIN PA'I YID RTOG RNAMS NI 'KHRUL SHES SU 'JOG RIGS PA'I PHYIR TE, DANG PO GRUB STE, DBANG MA? DON YIN PA'I PHYIR, GNYIS PA GRUB STE, MKHAS GRUB RJES SDE BDUN YID KYI MUN SEL LAS, MYA DAM KYI THANG DU RGYANG RING PO NAS BLTAS PA'I TSO GONG BU CHUNG DU YANG CHEN POR SNANG BA'I MIG SHES LTA BU TSAD LA 'KHRUL BA'I SHES PA, ZHES GSUNGS PA'I PHYIR, 'O NA; NYI ZLA 'CHAR NUB KYI DUS SU RI RTZE LA 'BYAR BA LTAR SNANG BA'I MIG SHES DE 'KHRUL SHES MIN NAM MA YIN NAM, ZHE NA, SNGA MA DANG 'DRA STE RI RTZE LA 'BYAR BA LTAR SNANG BA'I NYI ZLA SOGS KYI DKYIL 'KHOR GYI GZUGS MTHONG BA'I MIG SHES TSAD MA DE DBANG MNGON YIN PAS MA 'KHRUL YANG, RI RTZER 'BYAR BA LTAR 'DZIN PA'I MIG SHES DANG DE LTAR 'DZIN PA'I RTOG PA DE 'KHRUL SHES YIN PA'I PHYIR, DANG PO GRUB STE, SDE BDUN MUN SEL LAS, NYI MA RI RTZE LA 'BYAR BA LTA BU YANG 'KHRUL BAR BZHED PA 'THAD PAR MA MTHONG STE, ZHES PA NAS, NYI MA'I DKYIL 'KHOR DANG RI'I BAR GYI NAM MKHA' MA MTHONG BA YIN GYI ZHES GSUNGS PA'I PHYIR, DE'I DON NI BAR SNANG GI SKABS YOD KYI GZUGS MA MTHONG BA'O, PHYI MA GRUB STE, DE'I TSE DON LA NYI ZLA RI RTZE LA 'BYAR BA LTAR MED PA'I PHYIR RO,, ? SOS KHA'I? DUS SU BYE MA SKYA BO'I YUL DANG NYE BA'I TSE CHU MED BZHIN DU SNGO 'KHREGS 'KHREGS RGYUGS PA'I SMIG RGYU'I CHU MTHONG BA'I MIG SHES DE TSAD MA YIN NA MA YIN ZHE NA, SNGA MA DANG 'DRA STE, DE'I TSE SMIG RGYU'I CHU MTHONG BA'I MIG SHES DE TSAD MA YIN YANG, SMIG RGYU LA CHUR 'DZIN PA'I DBANG SHES DANG RTOG PA RNAMS NI 'KHRUL SHES SU 'JOG RIGS PA'I PHYIR, DANG PO GRUB STE, SDE BDUN MUN SEL LAS, SMIG RGYU'I KHA DOG MTHONG BA'I? MNGON SUM @006A *, ,YANG SNGA ZHING 'BYUGS PA'I CHA LA TSAD MA YIN ZHING, DE LA NGES PA DRANGS PA YIN TE, DE'I TSE SNGO 'KHYUG PA TZAM YANG MA MTHONG NA CHUR SGRO 'DOGS PA GA LA 'GYUR, ZHES GSUNGS PA'I PHYIR, PHYI MA GRUB STE, SMIG RGYU CHU MA YIN PA'I PHYIR, YANG; LAM KYI DBANG GIS YI DAGS 'GA' ZHIG GI MIG SHES LA BLTA BYA'I CHU KLUNG RNAG KHRAG TU SNANG BA'I TSE MIG SHES DE DAG TSAD MA YIN NAM MA YIN, YIN NA; MI 'THAD DE, GANGS RI SDOR SNANG GI DBANG SHES LA TSAD MA MI SRID PA LTAR CHU KLUNG RNAG KHRAG TU SNANG BA LA'ANG? MTSUNGS PA'I PHYIR, MA YIN NA MI 'THAD DE, DE'I TSE LAS KYI DBANG GIS RNAG KHRAG TSAD GRUB PA 'BYUNG BA'I SRID PA'I PHYIR, DER THAL, TSANGS COD MA LAS, CHU YANG RNAG KHRAG NYID DU MTHONG,, ZHES PA DANG, LAS CAN GYI LHA MI YI DAGS GSUM GYIS BRLAN ZHING GSHER PA PHOR BA GANG LA CIG CHAR DU BLTAS PA'I TSE DNGOS PO TSAD GRUB PA GSUM 'BYUNG SRID BAR BSHAD PA'I PHYIR TE, NI SHU BA LAS, DNGOS GCIG YID NI THA DAD PHYIR, ,ZHES GSUNGS PA'I PHYIR, ZHE NA, RGYU MTSAN DE NYID KYIS NA DE'I TSE KHA LTA BYA'I CHU KLUNG RNAG KHRAG TU SNANG BA'I DBANG SHES LA TSAD MA YIN PA MIN GNYIS YOD PAS GANGS RI SDOR SNANG GI DBANG SHES DANG MI MTSUNGS SO,, YANG; MAR ME'I RTZER MO KHRA SGOR SNANG BA'I MIG SHES DE CHAD MA YIN NAM MA YIN, YIN NA MI 'THAD DE, MAR ME'I RTZE MO NA? DE LTA BU'I KHRA SGRAR MED BA'I PHYIR, MA YIN 'ANG MI 'THAD DE, MAR ME'I RTZE MOR KHRA SGOR SNANG BA'I MIG SHES KYIS MAR ME'I RTZE MO MNGON SUM MTHONG BA'I PHYIR TE, SDE BDUN MUN SEL LAS, MAR ME'I RTZE MO KHRA SGOR SNANG BA'I DBANG SHES GYIS KYANG MAR ME'I RTZE MO NGON @006B SUM DU MTHONG BAR 'DOD DGOS SHING, 'DI DAG MNGON SUM DU MTHONG BAR MYONG BAS GRUB BO,, ZHES GSUNGS PA'I PHYIR NA, SKYON MED DE, DE'I TSE MAR ME'I RTZE NA KHRA SGOR YOD PAR 'DZIN PA'I SHES PA RNAMS 'KHRUL SHES SU 'JOG KYANG, MAR ME'I RTZE MO KHRA SGOR DANG BCAS PA SNANG BA TZAM GYIS 'KHRUL SHES SU MI 'JOG PA'I DON YIN PA 'DRA STE DPYAD BAR BYA'O, ,YANG, KHRA 'DZIN DBANG MNGON GYIS ZA 'OG LTA BU'I KHRA BO LA BLTAS PA'I TSE KHRA 'DZIN MIG SHES GCIG SKYES PA YIN NAM, CHA SHAS KYI GRANGS DANG MNYAM PA'I MIG SHES RE RE SKYES PA GANG YIN, DANG PO YIN NA, DE'I TSE SER PO LTA BU GCIG MTHONG BA'I CHA DES DMAR PO SOGS MTHONG NGAM MI MTHONG MTHONG NA SHES PA'I CHA GCIG GIS YUL GYI CHA THAMS CAD MTHONG BAR THAL ZHING, MI MTHONG NA NI CHA RE RE LA BLTOS PA'I SHES PA YANG RE RE SKYE DGOS PAR 'GYUR RO,, GNYIS PA LTAR NA'ANG MI 'THAD DE, DE LTAR 'DOD PA DE'I TSE CHA GRANGS MED PA LA BLTAS PA'I MIG SHES KYANG GRANGS MED PA ZHIG SKYE BAR KHAS LEN DGOS NA MI 'THAD DE, HA CANG THAL BA'I PHYIR RO,, ZHE NA, SKYON MED DE, DE'I TSUL NI SDE BDUN MUN SEL LAS, DE'I TSE RNAM PA SO SO BA DE DAG MIG SHES KYI CHA SHAS YIN LA, DE DAG TSOGs PA'I CHA CAN DU GYUR PA'I RNAM PA KHRA 'DZIN MIG SHES YIN CING, CHA SHAS DE DAG CHA CAN DANG RDZAS GCIG YIN LA, CHA SHAS NANG PHAN TSUN RDZAS THA DAD DO ZHES SHES PAR BYA ZHING ZHES GSUNGS PA LTAR 'DOD PAR BYA'O,, 'ON KYANG TSUL 'DI DKA' STE, 'DI'I DBANG GIS 'PHAGS YUL GYI MKHAS PA LA'ANG GZUNG 'DZIN GRANGS MNYAM DANG SNA TSOGS GNYIS MED DANG SGO NGA PHYED CHA LA SOGS KYI LUGS MI 'DRA BA BYUNG NGO,, YANG; SHES PA RNAMS LA @007A *, ,? KYI ? SHAR NAS 'DZIN NAM MA SHAR BAR ? ? DU 'DZIN, DANG PO LTAR NA, RNAM PA DE DAG SHES PA YIN NAM MIN, SHES PA YIN NA MI 'THAD DE, DE'I YUL GYI DON RNAM KYANG SHES PA NYID DU THAL LO,, MA YIN NA MI 'THAD DE, SDE BDUN MUN SEL LAS, MIG SHES KYI GZUNG RNAM MIG SHES YIN PA'I RGYU MTSAN CI YIN ZHE NA BSHAD PAR BYA STE, 'DI LTAR MIG SHES KYI GZUNGS RNAM MI GSHES MA YIN NA, 'OS GZHAN MED BAS MIG SHES GYI YUL YIN PAR 'DOD DGOS NA DE MI 'THAD DE, ZHES GSUNGS PA'I PHYIR NA, SKYON MED DE, DE NI MIG SHES SOGS KYI SHES RNAM NI SHES PA DE DANG DE'I GZUNG RNAM YIN PAR 'DOD DGOS PA'I DON TE, DE'I TSE YUL GYI RNAM BA SHAR NAS 'DZIN BAS YUL GYI DON RNAM YOD KHYAD MI GSHES SOGS KYI DON RNAM NI MIG SHES SOGS KYI RNAM PA MA YIN NO ZHES BYA STE TSUL GNYIS SO, ,BYE BRAG SMRA BA MA GTOGS BA'I RANG SDE RNAMS KYIS SHES PA GANG YIN KYANG RANG GI YUL 'DZIN PHAN YUL GYI RNAM BA SHAR NAS 'DZIN PAR 'DOD, ,BYA BRAG SMRA BAS SHES PA LA GZUNG RNAM MI 'DOD CING, DE LA MYONG BA GSAL RIG GI CHA KHAS LEN KYANG, RANG RIG LAS MI YIN TE, SDE BDUN MUN SEL LAS, BYE BRAG SMRA BA'ANG SHES BA RNAMS KYI MYONG BA ? LA RIG GI CHA DE LTA BU KHAS LEN MOD KYI, 'ON KYANG DE RANG RIG TU KHAS MI LEN PA YIN LA, E'I RGYU MTSAN LANG SHES PA RNAM MED DU KHAS LEN PAS GZUNG RNAM SHES BYA BA CUNG ZAD KYANG KHAS MI LEN LA, ZHES GSUNGS PA'I PHYIR, BYE BRAG TU SMRA BAS SHES PA NAM MED DU KHAS BLANGS PA LA, MDO SDE PA SOGS KYIS SKYON 'DI LTAR DU BRJOD DE, 'O NA DGRA GNYID GNYIS KYIS SKYES BU CIG @007B GI GZUGS LA CIG CHANG DU BLTAS PA'I TSE, SKYE BA DU GCIG PO DE'I GZUG DE 'DOD MI 'DOD GNYIS KA'I BDAG NYID DU THAL TE, DE'I TSE DGRA GNYEN DE GNYIS KYI SHES PA LA 'DOD MI 'DOD GNYIS SU SNANG BA GANG ZHIG, RNAm PA MA SHAR '? CHER DU MTHONG BA'I PHYIR RTAGS KHAS ZHAS SMRAS TE, RNAM 'GREL LAS, MA YIN DU MA'I BDAG SKYON PHYIR,, ZHES GSUNGS PA'I PHYIR RO, ,'DOD MI NUS TE, DE GNYIS PHAN TSUN 'GAL BA'I PHYIR RO, ,YANG DBANG SHES LA ZLA BA GNYIS SNANG BA DANG SKRA SHA DANG 'JIG SNANG DANG SMIG RGYU CHUR SNANG DANG GZUGS BRNYAN BYANG BZHIN DU SNANG BA'I SNANG BDE RNAMS NI DNGOS PO YIN NAM MA YIN, YIN NA RTOG PA LA BUM PAR SNANG BA SOGS KYANG DNGOS POR 'GYUR LA, MA YIN NA, MI 'THAD DE, STONG MTHUN CHEN MO LAS, DBANG SHES LA SKRA SHAD DU SNANG BA'I SNANG BA DANG SMIG RGYU ? ? BA'I SNANG BA DANG GZUGS BRNYAN BYANG BA NI NA DU SNANG BA'I SNANG BA RNAMS GZUGS KYI SKYE MCHED YIN TE, DBANG SHES KYI SNANG YUL DU GYUR PA'I GZUGS YIN PA'I PHYIR RO, ,ZHES GSUNGS PA'I PHYIR ZHE NA, BRTAG PA PHYI MKHAS YIN CING, DANG PO KHAS LEN PA MA YIN TE, ? BA'I SNANG YUL DANG DBANG SHES KYI SNANG YUL MI 'DRA BA'I PHYIR TE, RTOG PA'I SNANG YUL RNAMS NI 'DUS MA BYAS YIN PA'I PHYIR DANG, KHYAD PAR RMI LAM GYI MI DANG RTA GLANG SOGS DANG MI ? BSGOM PA'I YID SHES KYI SNNANG BA SOGS NI KUN BTAGS PA'I GZUGS SAM CHOS KYI SKYE MCHED KYI GZUGS ZHES GRAGS PA DE YIN PA'I PHYIR TE, STONG MTHN LAS; DE YANG YID SHES KHO ? NI YUL DU GYUR BA'I CHOS KYI SKYE MCHED KYI GZUGS YIN ZHING, DE'I NANG NAS KUN BTAGS PA'I GZUGS YIN LA, MI SDUG BA @008A *, ,BSGOMS MA'I YID LA SA GZHI KENG DUS KYIS GANG PHAR? SNANG PA 'BAD DANG 'DRA'O ,,SHES GSUNGS PA'I PHYIR, YANG BUM 'DZIN MIG SHES NGES BUM PA'I GZUGS KYI ? PHRAN? RNAMS MTHONG? NGAM MAS? THONG, MTHONG NA BUM NANG GI RDUL YANG MTHONG PAR THAL LO,, MI MTHONG NA MI 'THAD DE, DBANG SHES YUL LA SGRUB 'JUG YIN PA'I PHYIR DANG, RNAM 'GREL? LAS, GANG PHYIR DNGOS PO MTHONG BA YIS, ,YON TAN MTHA' DAG MTHONG BA NYID, ,CES GSUNGS PA'I PHYIR NA, SKYON MED DE, BUM 'DZIN DBANG MNGON GYIS BUM BA'I RDUL PHRAN YAN 'GAR BA MI MTHONG YANG, CHA CAN BUM PA DANG 'BREL BA'I RDUL PHRAN MTHONG BA'I PHYIR, DANG PO GRUB STE, RNAM 'GREL LAS, DE PHYIR DBANG YUL RDUL PHRAN MIN, ,ZHES GSUNGS PA'I PHYIR, PHYI MA GRUB STE, RNAM 'GREL tIKA? CHEN THAR LAM GSAL BYED LAS, DBANG SHES KYI GZUNG DON GYI RDUL THAN DE DAG LA BSAGS PA ZHES SGRAS BRJOD PA'I RGYU MTSAN YOD DE, ZHES GSUNGS PA'I PHYIR, BUM 'DZIN RTOG PA DES BUM BA'I MCHU? ZHABS DANG RDUL PHRAN SOGS DNGOS SU MI 'DZIN TE, DE BUM PA LA SEL 'JUG YIN PA'I PHYIR TE, SGRA RTOG YUL LA SEL 'JUG TU MTSUNGS PA'I PHYIR TE, RNAM 'GREL LAS, SPYI BRJOD DANG TSUL CAN SGRA DANG,, RTOG PA'ANG DE DANG DON GCIG NA,, ZHES GSUNGS PA'I PHYIR, YANG DBANG SHES DANG RTOG PA GNYIS LA YUL GSAL BAR SNANG BA 'DRA'AM MI 'DRA ZHE NA, MI 'DRA STE, YUL GSAL BAR SNANG NA RTOG BRAL DU 'GYUR PA'I PHYIR TE, RNAM 'GREL LAS, GSAL BAR SNANG BA CAN BLO GANG, ,DE NI RTOG MED SHES PAR 'DOD, ,ZHES GSUNGS PA'I PHYIR, RTOG PA LA YUL GSAL BAR MI SNANG STE, RNAM 'GREL @008B LAS, RNAM PAR RTOG DANG RJES 'BREL BA, ,DON GSAL SNANG BA CAN MA YIN, ,ZHES GSUNGS PA'I PHYIR, SAD PA DANG GNYIS DUS GNYIS KAR YANG YUL GSAL BAR SNANG MI SNANG GNYIS KA YOD PAR RTOG PA DANG RTOG MED KYI SHES PA GNYIS KA 'BYUNG BA YOD DE, RNAM 'GREL LAS; GNYID LOG PA'AM SAD PA NA, ,GSAL PA SNANG BA CAN BLO GANG, ,DE NI RTOG MED GNYIS KA YANG, ,ZHES GSUNGS PA'I PHYIR, ,PHYIN CI LOG MA LOG GI DON GANG YIN KYANG YID LA YANG YANG GOMS PAS GSAL SNANG BYUNG BAN? RTOG BRAL DU 'GYUR BA YIN TE, RNAM 'GREL LAS, MI GTZANG ZAD PAR SA LA SOGS, ,YANG DAG MA YIN BSGOMS PA YI, ,STOBS KYIS SPRUL PA RTOG MED DANG, ,GSAL BAR SNANG BA CAN DU MTHONG, ,DE PHYIR YANG DAG YANG DAG MIN, ,GANG GANG SHIN TU BSGOMS KHYUR PA, ,GOMS PA YONGS SU RDZOGS PA NA, ,DE GSAL MI RTOG BLO 'BRAS CAN, ,ZHES GSUNGS PA'I PHYIR RO,, ,,GNYIS PA LUNG GI MNGON PA NAS BSHAD TSUL LA GNYIS, MNGON PA KUN BTUS NAS BSHAD TSUL DANG, MNGON PA MDZOD NAS BSHAD TSUL LO,, DANG PO LA GNYIS, SPYIR BSTAN PA DANG; SO SOR BSHAD PA'O,, DANG PO LA GNYIS, GCO? SEMS DANG SEMS BYUNG NGO,, DANG PO LA, RANG YUL GYI NGO BO 'DZIN PA'I SGO NAS BZHAG PA'I GTZO BO'I RNAM RIG DE, GTZO SEMS KYI MTSAN NYID, GTZO SEMS DANG SEMS DANG YID DANG, RNAM SHES RNAMS DON GCIG MING GI RNAM GRANGS SO,, NGO BO'I SGO NAS DBYE NA MIG GI RNAM SHES NAS YID KYI RNAM PAR SHES PA'I BAR DRUG STE, BSDUN? DBANG PO'I RNAM SHES DANG, YID KYI RNAM SHES GNYIS SU 'DU'O,, RANG YUL GYI KHYAD PAR CI RIGS 'DZIN CING GTZO SEMS @009A *, ,GANG RUNG GI 'KHOR DU BYUNG BA'I RIG GA? SEMS BYUNG GI MTSAN NYID, DBYE BA NI 'CHAD PAR 'GYUR ZHING, MTSAN NYID DE LTAR 'THAD DE, BYAMS MGON GYIS DBUS MTHA' LAS, DE LA DON MTHONG RNAM PAR SHES, ,DE YI KHYAD PAR SEMS LAS BYUNG, ,ZHES GSUNGS PA'I PHYIR, GTZO SEMS DANG DE'I 'KHOR DU GYUR PA'I SEMS BYUNG RNAMS NGO BO GCIG LA LDOG PA THA DAD YIN TE, THOGS MED KYIS BSDU BA LAS, GCIG TSE GSAL BAR BSGRIBS NA YANG, ,SEMS KYI KHYAD PAR RGYUN DAG LAS, ,THA DAD PAR NI MTHONG BA'I PHYIR, ,THA DAD RNAM GZHAG GRUB PA YIN, ,ZHES GSUNGS PA'I PHYIR DANG, RGYAL TSAB RJES, RNAM BSHAD SNYING PO'I RGYAN LAS, SEMS SEMS BYUNG RDZAS THA DAD DU BSTAN NO ZHES ZER BA NI 'GAL NA RDZAS THA DAD KYIS KHYAB PA TSANGS PAS KYANG BSGRUB MI NUS SO, , ZHES DANG, MKHAS GRUB RJE'I SDE BDUN MUN SEL LAS, DES NA 'PHAGS PA THOGS MED SKU MCHED DANG RIGS PA'I DBANG PHYUG RNAM GNYIS SOGS PHAL CHE BA GTZO CHES DANG DE'I 'KHOR SEMS BYUNG RNAMS RDZAS GCIG TU BZHED PA YIN LA, ZHES DANG, RJE DGE 'DUN GRUB KYI SPYI DON RIGS RGYAN LAS, SKYES BU GCIG GI RGYUD LA YOD PA'I GTZO PO'I RNAM PAR RTOG PA DANG DE'I 'KHOR DU BYUNG BA'I SEMS BYUNG RNAMS NGO BO GCIG LA LDOG PA THA DAD YIN LA, ZHES GSUNGS PA'I PHYIR, SEMS DANG DE'I 'KHOR DU GYUR PA'I SEMS BYUNG RNAMS PHAN TSUN MTSUNGS LDAN RNAM PA LNGA MTSUNGS YIN TE, RTEN DANG DMIGS PA DANG RNAM PA DANG DUS DANG RDZAS RNAmS MTSUNGS PA'I PHYIR TE, GTZO SEMS RTEN DBANG PO GANG LA BRTEN PA DE LA 'KHOR SEMS BYUNG DE BRTEN, GTZO SEMS DMIGS PA GANG @009B LA BRTEN NAS SKYE BA DE LA 'KHOR SEMS BYUNG SKYE, GTZO SEMS YUL GANG GI RNAM PA SHAR BA LTAR 'KHOR SEMS BYUNG DE LA DE'I RNAM PA SHAR, GTZO SEMS DUS GANG GI TSE SKYES PA DANG MNYAM DU 'KHOR SEMS BYUNG KYANG SKYES, GTZO SEMS DANG 'KHOR SEMS BYUNG RNAMS RDZAS RIGS GCIG GIS KHYAD PAR DU BYAS NAS SKYE'I, RDZAS RIGS THA DAD PAR MI SKYE BA'I PHYIR TE, MDZOD LAS, DON GCIG SEMS DANG SEMS BYUNG RNAMs, ,MTSUNGS PAR LDAN PA RNAM PA LNGA, ,ZHES GSUNGS PA'I PHYIR, SEMS BYUNG LA DBYE NANG? GCIG YOD DE, KUN 'GRO LNGA, YUL DES? LNGA, DGE BA BCU GCIG, RTZA NYON DRUG, NYE NYON NYI SHU, GZHAN 'GYUR BZHI RNAMS SU YOD PA'I PHYIR, DANG PO LNGA YOD DE, TSOR BA, 'DU SHES, SEMS PA, REG PA, YID LA BYED PA, REG PA DANG LNGA NI SEMS KUN GYI 'KHOR DU 'GRO BAS KUN 'GRO ZHES BSHAD PA'I PHYIR TE, DE LNGA PO GANG RUNG GCIG MA TSANG NA YUL GYI LONGS SPYOD MI RDZOGS PA'I PHYIR TE, TSOR BA MED NA BDE SDUG SOGS MYONG BA MI 'BYUNG, 'DU SHES MED NA THA SNYAD 'DOGS PA SOGS MED, SEMS PA MED NA YUL LA 'JUG PA MED, YID BYED MED NA DMIGS PA LA SEMS GTOD PA MED, REG PA MED NA TSOR BA BDE SDUG SOGS MI SKYE BA'I PHYIR RO, ,'ON KYANG DE DAG MNGON GYUR DU YOD DGOS PA'I NGES PA MED DE, 'CHI SEMS PHRA MO'I SKABS DANG NYING? MTSAMS SBYAR MA THAG PA'I DUS DANG 'GOG PA LA SKOMS PAR ZHUGS PA SOGS KYI TSE TSOR BA SOGS 'GA' ZHIG NI BAG LA ZHA BA'I TSUL GYIS 'JUG PA TZAM YIN PA'I PHYIR, GNYIS PA YUL DES LNGA YOD DE, 'DUN PA, MOS PA, DRAN PA, TING NGE 'DZIN, SHES RAB DANG LNGA NI YUL SO SOR NGES PAS YUL DES ZHES BRJOD @010A *, ,PA'I PHYIR TE, 'DUN BAS YUL LA 'DUN ZHING DON DU GNYER, MOS PAS DE LA DGA' BAR 'JUG ,DRAN PAS DMIGS RNAM 'DZIN, TING NGE 'DZIN GYIS RTZE GCIG TU GNAS, SHES RAB KYIS SO SOR DBYOD PAR BYED PA'I PHYIR; GSUM PA DGE BA BCU GCIG YOD DE, DAD PA DANG, NGO TSA SHES PA, KHREL YOD, MA CHAGS PA, ZHE SDANG MED PA, GTI MUG MED PA, BRTZON 'GRUS, SHIN DU SBYANGS PA, BAG YOD, BTANG SNYOMS, RNAM PAR MI 'TSE BA RNAMS NI RANG GI LDOG PHYOGS MA DAD PA SOGS LAS LDOG PA'I SGO NAS DGE BAR 'GYUR BAS DGE BA BCU GCIG ZHES GRANGS NGES KYIS BZHAG PA'I PHYIR, 'ON KYANG BDUD SOGS DAD PA'I YUL MIN PA LA DAD PA DANG, MI DGE BA'I PHYOGS LA BRTZON PA NI DAD PA DANG BRTZON 'GRUS BTAGS PA YIN GYI DE GNYIS DNGOS MIN PAS KHYAD PAR DBYE DGOS SO,, BZHI BRTZA NYON LNGA YOD DE, DE LTAR GYUR PA'I 'DOD CHAGS, KHONG KHRO, NGA RGYAL, MA RIG PA, THE TSOM NYON MONGS CAN, LTA BA NYON MONGS CAN DANG DRUG NI NYE NYON RNAMS DANG SRID PA'I RTZA BA CI RIGS BYED PAS NA RTZA NYON ZHES BRJOD PA'I PHYIR, 'DOD CHAGS DANG MA RIG PA YIN NA, RTZA NYON YIN MI DGOS TE, BYANG 'PHAGS KYI RGYUD KYI DE DAG RTZA NYON MA YIN PA'I PHYIR TE, DE DAG NI SMAN DANG SNGAGS KYIS BCOM PA'I DUG BZHIN DU NUS PA CHUNG BA'I PHYIR RO, ,LNGA PA NYE NYON NYI SHU YOD, KHRO BA, 'KHON 'DZIN, 'CHAB PA, 'TSIG PA, PHRAG DOG, SER SNA, SGYU, G-YO, RGYAGS PA, RNAM 'TSE, NGO TSA MED, KHREL MED, RMUGS PA, RGOD PA, MA DAD PA, LE LO, BAG MED, BRJOD NGES; @010B SHES BZHIN MIN PA, RNAM G-YENG DANG NYI SHU NI RANG RGYU RTZA NYON LAS BYUNG ZHING DE DANG NYE BAS NA NYE NYON ZHES BRJOD PA'I PHYIR, DRUG PA GZHAN 'GYUR YOD DE, GNYID DANG, 'GYOD PA, RTOG PA, DPYOD PA BZHI NI DGE MI DGE LUNG MA BSTAN GSUM DU 'GYUR SRID PAS DE LTAR DU BRJOD PA'I PHYIR TE, GNYID DUS SU DKON MCHOG LA DAD MA DAD DANG DGE SDIG LA 'GYOD MI 'GYOD SOGS KYIS DE LTAR 'GYUR SRID PA'I PHYIR RO,, ` GNYIS PA MNGON PA MDZOD NAS BSHAD TSUL LA GNYIS YOD DE, SDE TSAN DU NGES PA DANG MNGES? PA GNYIS YOD PA'I PHYIR; DANG PO LA LNGA STE, SEMS KYI SA MANG PO PA DANG, DGE BA'I SA MANG PO PA, NYON MONGS PA'I SA MANG PO PA DANG, MI DGE BA'I SA MANG PO PA DANG, NYON MONGS CHUNG NGU'I? SA MANG PO PA RNAMS SU YOD PA'I PHYIR, DANG PO LA BCU YOD DE, MDZOD LAS, TSOR DANG SEMS PA 'DU SHES DANG, ,'DUN DANG RIG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,ZHES GSUNGS PA LTAR YOD PA'I PHYIR, BCU BO DE CHOS CAN, KHYOD LA SEMS KYI SA MANG PO PA ZHES BYA STE, SEMS THAMS CAD KYI 'KHOR DU 'GRO BA'I PHYIR, DE NI SPYI'I RNAM GZHAG YIN GYI, SEMS YIN NA DE'I 'KHOR DU TING NGE 'DZIN YOD PAS MA KHYAB STE, G-YENG BA'I SEMS THAMS CAD LA DE YOD DKA' BA'I PHYIR TE YOD NA TING 'DZIN HA CANG KHYAB CHE BA'I SKYON DU 'GYUR SNYAM MO, ,GNYIS PA LA BCU YOD DE, MDZOD LAS, DAD DANG BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA RNAM GNYIS MI 'TSE DANG, ,BRTZON 'GRUS RTAG? TU DGE LA 'BYUNG, ,ZHES GSUNGS PA LTAR YOD PA'I PHYIR, BCU PO DE CHOS CAN, DGE BA'I SA MANG PO PA ZHES BYA STE; @011A *, ,DGE BA'I SEMS KUN GYI 'KHOR DU 'BYUNG BA'I PHYIR, DE YANG SNGAR LTAR TE, RTZA BA RNAM GNYIS NI CHAGS MED DANG SDANG MED DO,, GSUM PA LA DRUG YOD DE, MDZOD LAS, RMONGS DANG BAG MED LE LO DANG, ,SGYU DANG RGYAGS DANG? RNAM 'TSE NI, ,NYON MONGS CAN LA RTAG TU 'BYUNG, ,ZHES GSUNGS PA LTAR YOD PA'I PHYIR, DRUG PO DE CHOS CAN, NYON MONGS PA'I SA MANG PO PA ZHES BYA STE, NYON MONGS PA CAN GYI SEMS KUN GYI 'KHOR DU 'BYUNG BA'I PHYIR, BZHI BA LA GNYIS YOD DE, MI DGE BA LA KHREL MED DANG, ,NGO TSA MED PA'O,, ZHES GSUNGS PA'I PHYIR, GNYIS PO DE CHOS CAN, MI DGE BA'I SA MANG PO PA ZHES BYA STE, MI DGE BA'I SEMS KUN GYI 'KHOR DU 'BYUNG BA'I PHYIR, LNGA PA LA BCU YOD DE, KHRO BA DANG, 'KHON DU 'DZIN DANG G-YO DANG NI, ,PHRAG DOG 'TSIG 'CHAB SER SNA DANG, , SGYU DANG RGYAGS DANG RNAM 'TSE RNAMS, ,NYON MONGS CHUNG NGA'I? SA PA RNAMS, ,ZHES GSUNGS PA LTAR YOD PA'I PHYIR, BCU PO DE CHOS CAN, NYON MONGS CHUNG NGA'I SA PA ZHES BYA STE, MTSUNGS LDAN GROGS KYIS CHUNG, SPAD ? RIGS KYIS CHUNG, 'BYUNG BA RTEN GYIS CHUNG PA'I PHYIR, GNYIS PA MA NGES PA BRGYAD YOD DE, RTOG DANG DPYOD DANG 'GYOD PA DANG, ,GNYID DANG KHRO BA CHAGS RNAMS DANG, ,NGA RGYAL THE TSOM ZHES BYA BA, ,BRGYAD NI NGES PA MIN PAR BSHAD, ,CES 'BYUNG BA LTAR YOD PA'I PHYIR, BRGYAD PA DE CHES CAN, MA NGES PA ZHES BYA STE, GONG GI SDE MTSAN SDE DE RNAMS SU MA NGES PAR 'BYUNG BA'I PHYIR, DER THAL, CHOS DANG CHOS MIN GNYIS KA LA RTOG DPYOD DANG 'GYOD PA 'BYUNG, GNYID DUS SU DGE MI DGE'I SEMS GNYIS KA LA NAS, CHOS DANG CHOS MIN BYED PA @011B GNYIS KA LA DMIGS NAS KHRO BA 'BYUNG, DE GNYIS KA BYED PA LA CHAGS SHING ZHEN PA 'BYUNG, RIGS GZUGS LONGS SPYOD THOS PA'I YON TAN GYIS KYANG NGA RGYAL BYED PA 'BYUNG, CHOS DANG CHOS MIN GNYIS KA LA THE TSOM 'BYUNG BA LTA BU YIN PA'I PHYIR, DE DAG NI SDE TSAN DU MA NGES PAR KUN SLONG SOGS KYIS DBANG GIS SDE TSAN GZHAN DANG GZHAN DU 'BYUNG BA YIN LA, RTOG DPYOD 'GYOD GNYID THE TSOM RNAMS NI DGE MI DGE LUNG MA BSTAN GSUM DU MTHA' GCIG MA NGES PAR SKABS 'GAR DGE BA DANG LA LAR? MI DGE PA DANG GZHAN DU LUNG MA BSTAN DU'ANG 'GYUR SRID PA'I PHYIR MA NGES PA'O,, 'DI DAG GI RNAM GZHAG RGYAS PAR NI BDAG GIS MDZOD KYI t'IKKA DANG PHUNG PO LNGA'I RNAM GZHAG SOGS LAS BSHAD ZIN PAS 'DIR MI SPRO'O,, ` GNYIS PA RTAGS RIGS KYI RNAM GZHAG RGYAS PAR NI GZHAN DU BSHAD ZIN CING 'DIR MDOR BSDUS MTSON TZAM ZHIG BSHAD PAR BYA STE, DE NI, RNAM 'GREL LAS, PHYOGS CHOS DE CHAS KHYAB? PA YI,, GTAN TSIGS ZHES PAS MDONG BSTAN TE 'DI LA GSUM, RTAGS KYI MTSAN NYID, DBYE PA, 'GROS DON BSHAD PA'O,, DANG PO NI, RTAGS SU BKOD PA, RTAGS KYI MTSAN NYID, DE SGRUB KYI RTAGS SU BKOD PA, DE SGRUB KYI RTAGS KYI MTSAN NYID, YOD MED GANG RUNG YIN NA, DE SGRUB KYI RTAGS YIN PAS KHYAB STE, DE YIN NA, DE SGRUB KYI RTAGS SU BKOD PAS KHYAB PA'I PHYIR TE, RI BONG RVA DE CHOS CAN, MI RTAG STE, RI BONG RVA YIN PA 'PHYAR? ZHEs PA'I RTAG SU BKOD PA'I PHYIR, SGRA MI RTAG PAR SGRUB PAR BYED PA'I RTAGS SU BKOD PA, SGRA MI RTAG PAR SGRUB PAR BYED PA'I RTAGS KYI MTSAN NYID, DE BZHIN DU GZHAN LA SBYOR TSUL 'GRE'O,, BYAS PA'I RTAGS KYIS SGRA MI RTAGS PAR SGRUB PAR BYED PA'I RTAG SU @012A *, ,BKOD PA, BYAS PA'I RTAGS KYIS SGRA MI RTAG PAR SGRUB PAR BYED PA'I RTAGS KYI MTSAN NYID YIN KYANG DE YIN NA BYAS PA DANG GCIG YIN PAS KHYAB PA YIN NO, ,GNYIS PA LA GNYIS, RTAGS YANG DAG BSHAD PA DANG, RTAGS LTAR SNANG BSHAD PA'O, , DANG PO LA GSUM, DE'I LTOS GZHI DANG, MTSAN NYID, DBYE BA'O, ,DANG PO LA GNYIS, PHYOGS CHOS KYI LTOS GZHI DANG, KHYAB PA'I LTOS GZHI'O, DANG PO LA GSUM, SHES 'DOD CHOS CAN SKYON MED KYI MTSAN NYID DANG, MTSAN GZHI DANG, SGRUB BYED DE, DANG PO NI MTSON NA, KHYOD BYAS PA'I RTAGS KYIS SGRA MI RTAG PAR SGRUB PAR BYED PA'I CHOS CAN DU BZUNG BA YANG YIN KHYOD BYAS PAR TSAD MAS DES NAS MI RTAG PA LA SHES 'DOD ZHUGS PA'I GANG ZAG SRID PA YANG YIN PA'I GZHI MTHUN PAR DMIGS PA DE; KHYOD BYAS PA'I RTAGS KYIS SGRA MI RTAG PAR SGRUB PAR BYED PA'I SHES 'DOD CHOS CAN SKYON MED GYI MTSAN NYID, DE SGRUB KYI RTZOD GZHI YIN NA, DE SGRUB KYI SHES 'DOD CHOS CAN YIN PAS MA KHYAB KYANG, PHYI MA YIN NA SNGA MA YIN PAS KHYAB BO, ,'ON KYANG BYAS PA'I RTAGS KYIS SGRA MI RTAG PAR SGRUB PAR BYED PA'I SHES 'DOD CHOS CAN DANG, DE SGRUB KYI RTZOD GZHI DANG, DE SGRUB KYI DPAG GZHI GSUM DON GCIG GO ,GNYIS PA MTSAN GZHI NI SGRA DE'O,, GSUM PA SGRUB BYED NI, SGRA CHOS CAN, KHYOD BYAS PA'I RTAGS KYIS SGRA MI RTAG PAR SGRUB BAR BYED PA'I SHES 'DOD CHOS CAN SKYON MED YIN TE, MTSAN NYID BSHAD PA LTAR YIN PA'I PHYIR ZHES BYA'O, ,GNYIS PA KHYAB PA'I LTOS GZHI LA GNYIS, BSGRUB BYA'I CHOS DANG, MTHUN PHYOGS @012B DANG MI MTHUN PHYOGS SO,, DANG PO LA GSUM, MTSAN NYID, DBYE BA, SGRUB BYED DO,, BSGRUB BYA'I CHOS SU BZUNG BAR BYA BA DE, BSGRUB BYA'I CHOS KYI MTSAN NYID, DE SGRUB KYI BSGRUB BYA'I CHOS SU BZUNG BAR BYA BA, DE SGRUB KYI BSGRUB BYA'I CHOS KYI MTSAN NYID, BDAG MED YIN NA; DE SGRUB KYI BSGRUB BYA'I CHOS YIN PAS KHYAB STE, RI BONG? RVA DE RI BONG GI RAR SGRUB BAR BYED PA'I BSGRUB BYA'I CHOS SU BZUNG BYA YIN PA'I PHYIR TE, DE CHOS CAN, RI BONG RVA YIN TE, DE YIN PA'I PHYIR ZHES PA'I BSGRUB BYA'I CHOS YIN PA'I PHYIR, DES NA BSGRUB BYA'I CHOS YIN NA, CHOS YIN PAS MA KHYAB BO,, SGRA MI RTAG PAR SGRUB PAR BYED PA'I BSGRUB BYA'I CHOS SU BZUNG BAR BYA BA DE, SGRA MI RTAG PAR SGRUB PAR BYED PA'I BSGRUB BYA'I CHOS KYI MTSAN NYID, MI RTAG PA DE DE'I MTSAN GZHI'O, ,SGRA CHOS CAN, MI RTAG STE, BYAS PA'I PHYIR BKOD PA'I TSE SGRA RTZOD GZHI, MI RTAG PA BSGRUB BYA'I CHOS, SGRA MI RTAG PA BSGRUB BYA, BYAS PA RTAGS YANG DAG, RTAG PA DGAG BYA'I CHOS, SGRA RTAG PA DGAG BYAR 'JOG STE GZHAN LA SBYOR TSUL SHES PAR BYA'O,, GNYIS PA DE LA DBYE NA, DE'I DNGOS KYI BSGRUB BYA'I CHOS DANG, SHUGS KYI BSGRUB BYA'I CHOS GNYIS YOD PA'I MI RTAG PA DE DANG PO DANG SKAD CIG MA NI PHYI MA'O,, GSUM PA SGRUB BYED NI, MI RTAG PA CHOS CAN, KHYOD SGRA MI RTAG PAR SGRUB BAR BYED PA'I BSGRUB BYA'I CHOS YIN TE, MTSAN NYID DE'I PHYIR RO,, GNYIS PA KHYAB PA'I LTOS GZHI LA GNYIS DNGOS PO DANG, DPE GNYIS BSHAD PA'O,, DANG PO LA BZHI, MTSAN NYID, DBYE BA, SGRA DON, SGRUB BYED DO, ,DANG PO NI, DE SGRUB KYI BSGRU BYA'I CHOS GYI 'GOD TSUL DANG MTHUN PAR YOD PA DE, DE SGRUB KYI MTHUN PHYOGS KYI MTSAN NYID, DE LA YIN 'GOD DANG YOD 'GOD GNYIS, @013A *, ,SGRA MI RTAG PAR SGRUB PAR BYED PA'I BSGRUB BYA'I CHOS KYI 'GOD TSUL DANG MTHUN PAR YOD PA DE, DE SGRUB KYI MTHUN PHYOGS KYI MTSAN NYID, DE DANG MI RTAG PA GNYIS DON GCIG, DE SGRUB KYI BSGRUB BYA'I CHOS KYI 'GOD TSUL DANG MTHUN PAR MED PA DE, DE SGRUB KYI MI MTHUN PHYOGS KYI MTSAN NYID, DE BZHIN DU SGRA MI RTAG PAR SGRUB PAR BYED MI MTHUN PHYOGS KYI MTSAN NYID DANG SBYAR NA, DE DANG MI RTAG PA MA YIN PA GNYIS DON GCIG, GNYIS PA DBYE NA GSUM STE DE SGRUB KYI MED PA MI MTHUN PHYOGS, GZHAN PA MI MTHUN PHYOGS , 'GAL ZLA MI MTHUN PHYOGS SO, ,DANG PO NI RI BONG GI RVA LTA BU, GNYIS PA NI SHES BYA LTA BU, GSUM PA NI RTAG PA LTA BU'O, ,GSUM PA SGRA DON NI, RI BONG RVA SOGS GSUM PO DE CHOS CAN, SGRA MI RTAG PAR SGRUB PAR BYED PA'I MI MTHUN PHYOGS YIN TE, DE SGRUB KYI BSGRUB BYA'I CHOS KYI 'GOD TSUL DANG MI MTHUN PA'I PHYIR TE, DNGOS MED YIN PA'I PHYIR, BZHI PA SGRUB BYED NI, BUM PA CHOS CAN, SGRA MI RTAG PAR SGRUB PAR BYED PA'I MTHUN PHYOGS YIN TE, DE LTAR SGRUB PA'I 'GOD TSUL DANG MTHUN PA'I PHYIR TE, MI RTAG PA YIN PA'I PHYIR? RO,, GNYIS PA DPE GNYIS LAS, CHOS MI MTHUN SBYOR GYI SGRUB NGAG GI MI MTHUN DPE NI, GANG RTAG NA MA BYAS PAS KHYAB, DPER NA 'DUS MA BYAS KYI NAM MKHA' BZHIN, SGRA NI BYAS SO,, ZHES PA'I NGAG LTA BU DANG, CHOS MI THUN SBYOR GYI SGRUB NGAG GI DBE NI GANG BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA LTA BU STE, SPYIR MI MTHUN PHYOGS KYI DPE MED DE, GZHI GRUB NA, SGRA GANG ZAG GI BDAG MED DU SGRUB PAR BYED PA'I MTHUN DPE YIN DGOS PA'I PHYIR RO, ,GNYIS PA LA LNGA MTSAN @013B NYID DANG, DBYE BA'O,, DANG PO LA, TSUL GSUM YIN PA, RTAGS YANG DAG GI MTSAN NYID, TSUL GSUM NI, PHYOGS CHOS, RJES KHYAB, LDOG KHYAB BO,, TSUL GSUM SO SO LA MTSAN NYID, SGRUB BYED KYI TSAD MA DANG RJES SU 'GRO LDOG NGES BYED SOGS LAS, DANG PO NI, DE SGRUB KYI SHES 'DOD CHOS CAN SKYON MED KYI STENG DU 'GOD TSUL DANG MTHUN PAR YOD PA NYID DU TSAD MAS NGES PA, DE SGRUB KYI PHYOGS CHOS KYI MTSAN NYID, SGRA MI RTAG PAR SGRUB PAR BYED PA'I SHES 'DOD CHOS CAN SKYON MED KYI STENG DU BKOD TSUL DANG MTHUN PAR YOD PA NYID DU TSAD MAS NGES PA DE, SGRA MI RTAG PAR SGRUB PAR BYED PA'I PHYOGs CHOs KYI MTSAN NYID, DE BZHIN DU BYAS PA'I RTAGS KYIS SGRA MI RTAG PAR SGRUB PAR BYED PA'I PHYOGS CHOS KYI MTSAN NYID SOGS LA SBYOR TSUL 'GRE'O, , DE SGRUB KYI MTHUN PHYOGS KHO NA LA 'GOD TSUL DANG MTHUN PAR YOD PA NYID DU TSAD MAS NGES PA DE, DE SGRUB KYI RJES KHYAB KYI MTSAN NYID, DE BZHIN DU SGRA MI RTAG PAR SGRUB BAR BYED PA'I RJES KHYAB KYI MTSAN NYID DANG, BYAS PA'I RTAGS KYIS SGRA MI RTAG PAR SGRUB PAR BYED PA'I RJES KHYAB KYI MTSAN NYID SOGS LA SBYAR BAR BYA'O,, DE SGRUB KYI DNGOS KYI BSGRUB BYA'I CHOS KYI DON LDOG DANG 'BREL STOBS KYIS DE SGRUB KYI MI MTHUN PHYOGS LA 'GOD TSUL DANG MTHUN PAR MED PA NYID DU TSAD MAS NGES PA DE, DE SGRUB KYI LDOG KHYAB KYI MTSAN NYID DANG GZHI LA SBYAR NA, SGRA MI RTAG PAR SGRUB PAR BYED PA'I LDOG KHYAB DANG, BYAS PA'I RTAGS KYIS SGRA MI RTAG PAR SGRUB PAR BYED PA'I LDOG KHYAB KYI MTSAN NYID KYANG DES RIGS 'GRE'O,, BYAS PA DE SGRA MI RTAG @014A *, ,PAR SGRUB PAR BYED PA'I TSUL GSUM GA'I MTSAN GZHI YIN NO,, SGRUB BYED LA BYAS PA CHOS CAN, SGRA MI RTAG PAR SGRUB PAR BYED PA'I PHYOGS CHOS YIN TE, KHYOD KHYOD KYI RTAGS KYIS SGRA MI RTAG PAR SGRUB PAR BYED PA'I SHES 'DOD CHOS CAN SKYON MED KYI STENG DU 'GOD TSUL DANG MTHUN PAR YOD PA NYID DU TSAD MAS NGES PA'I PHYIR, DER THA, DE 'DRA'I SHES 'DOD CHOS CAN SGRA'I STENG DU 'GOD TSUL YIN 'GOD DANG MTHUN PAR YOD PA KHO NA YIN CING SKABS KYI RGOL BAS KYANG RANG GI TSAD MAS NGES PA'I PHYIR RO, BYAS PA CHOS CAN, SGRA MI RTAG PAR SGRUB PAR BYED PA'I RJES KHYAB YIN TE, KHYOD KHYOD KYI RTAGS KYIS SGRA MI RTAG PAR SGRUB PAR BYED PA'I MTHUN PHYOGS KHO NA LA YOD PA NYID DU TSAD MAS NGES PA'I PHYIR, DER THAL, KHYOD MI RTAG PA YIN, KHYOD YIN NA MI RTAG YIN PAS KHYAB PA'I TSUL GYIS KHYOD MI RTAG PA KHO NA YOD PA NYID TSAD MAS NGES PA'I PHYIR, BYAS PA CHOS CAN, KHYOD DE SGRUB KYI LDOG KHYAB YIN TE, KHYOD DE SGRUB KYI BSGRUB BYA'I CHOS KYI DON LDOG DANG 'BREL STOBS KYIS DE SGRUB KYI MI MTHUN PHYOGS LA 'GOD TSUL DANG MTHUN PAR MED PA NYID DU TSAD MAS NGES PA'I PHYIR, DER THAL, KHYOD MI RTAG PA YIN, KHYOD YIN NA MI RTAG YIN PAS KHYAB, KHYOD MI RTAG PA DANG 'BREL ZHING MI RTAG PA MA YIN PA LA MED PA NYID DU TSAD MAS NGES PA'I PHYIR RO,, GNYIS PA DBYE BA LA GSUM, 'BRAS RTAGS, RANG BZHIN GYI RTAGS, MA DMIGS PA'I RTAGS SO,, DANG PO NI, RNAM 'BREL LAS, RGYUL RANG BZHIN JI SNYED CIG, CES SOGS DANG, ME YI 'BRAS BU DU BA STE,, ZHES PAS BSTAN CING, 'DI LA GSUM, MTSAN @014B NYID, DBYE BA, SGRUB BYED DE,, DANG PO NI, 'BRAS BU'I TSUL GSUM YIN PA, 'BRAS TAS YANG DAG GI MTSAN NYID, DE DANG 'DUS BYAS GNYIS DON GCIG, DE SGRUB KYI 'BRAS BU'I TSUL GSUM YIN PA, DE SGRUB KYI 'BRAS RTAGS YANG DAG GI MTSAN NYID, G? DANG SBYAR NA, KHYOD DE SGRUB KYI RTAGS YANG DAG GANG ZHIG, KHYOD KYI RTAGS KYIS DE SGRUB KYI DNGOS KYI BSGRUB BYA'I CHOS SU BZUNG BYA'I GTZO YANG YIN, KHYOD KYI RGYU YANG YIN PA'I GZHI MTHUN SRID BA DE, KHYOD DE SGRUB KYI 'BRAS RTAGS YANG DAG GI MTSAN NYID, 'BRAS RTAGS PA DBYE NA SBYIR MANG YANG, BSDU NA RGYU DNGOS GRUB DANG, RGYU SNGON SONG DANG, RGYU CHOS RJES DPOG GI 'BRAS RTAGS GSUM YOD PA LAS, DU BA DE, DU LDAN GYI LA LA ME YOD PAR SGRUB PA'I RGYU DNGOS GRUB KYI 'BRAS RTAGS, PAR SNANG GI SNGO LONG PO DE, RANG RGYU ME SNGA MA SNGON SONG DU SGRUB PA'I 'BRAS RTAGS, BU ROD LTA BA DE, KHO NANG BU RO GONG BU'I STENG DU BU RO SNGA MAS RO GZUGS PHYI MA BSKYED PA'I NUS PA YOD PAR SGRUB PA'I RGYU CHOS RJES DPOG GI 'BRAS RTAGS SO,, SGRUB BYED NI, DU BA CHOS CAN, KHYOD DU BA DANG LDAN PA'I LA LA ME YOD PAR SGRUB PA'I 'BRAS RTAGS YIN TE, KHYOD DE SGRUB KYI RTAGS YANG DAG GANG ZHIG, KHYOD ME'I 'BRAS BU YIN PA'I PHYIR ZHES PA NI MTSON PA TZAM MO,, ~ ,,GNYIS PA NI, RNAM 'GREL LAS, RANG BZHIN YOD TZAM DANG, ,'BREL PA CAN GYI NGO BO YANG, ,ZHES PAS BSTAN TE, 'DI LA MTSAN NYID SOGS GSUm GYI ? POR ? GYI TSUL GSUM YIN PA, RANG BZHIN GYI RTAGS YANG DAG GI MTSAN NYID, DE SGRUB KYI RANG BZHIN GYI TSUL GSUM YIN PA, DE SGRUB KYI RANG BZHIN GYI RTAGS YANG DAG GI MTSAN NYID, YANG KHYOD DE SGRUB KYI RTAGS YANG DAG GANG ZHIG, KHYOD KYI RTAGS KYIS DE SGRUB KYI DNGOS KYI @015A *, ,BSGRUB BYA'I CHOS SU BZUNG BYA YIN NA KHYOD DANG BDAG NYID GCIG YIN DGOS PA'I CHA NAS BZHAG PA DE, KHYOD DE SGRUB KYI RANG BZHIN GYI RTAG YANG DAG GI MDZA? NYID, DBYE NA, DER GYUR PA'I KHYAD PAR LTOS PA BA'I DE DANG, KHYAD PAR DAG PA PA'I DE GNYIS SO,, DANG PO LA DER GYUR PA'I RANG GI BYED CHOS DNGOS SU 'PHANGS PA DANG, SHUGS LA 'PHANGS PA GNYIS, DANG PO NI, SGRA CHOS CAN, ME RTAG STE, SKYES PA YIN PA'I PHYIR ZHES BKOD PA'I TSE SKYES PA LTA BU, GNYIS PA NI, DE CHOS CAN, MI RTAG STE, BYAS PA'I PHYIR ZHES BKOD PA'I TSE BYAS BA LTA BU, DAG PA BA NI, DE CHOS CAN, MI RTAG STE, DNGOS PO YIN PA'I PHYIR ZHES PA'I RTAGS LTA BU, SKAD CIG MA DE SGRA MI RTAG PAR SGRUB BAR BYED PA'I SHUGS KYI BSGRUB BYA'I CHOS SU BZUNG BYA YIN GYI, DNGOS KYI BSGRUB BYA'I CHOS SU BZUNG BYA MIN LA DNGOS KYI BSGRUB BYA'I CHOS LA NI MI RTAG PA NYID 'JOG CING, 'ON KYANG DE'I DNGOS KYI BSGRUB BYA'I CHOS NI MI RTAG PAR BZHAG TU MI RUNG NGO, ,SGRUB BYED NI RANG BZHIN GYI RTAGS YANG DAG GI MTSAN NYID GO BA DANG SBYAR NAS BZHAG PA DES SHES PAR BYA'O,, ` ,,GSUM PA MA DMIGS PA'I RTAGS YANG DAG LA GNYIS, MI SNANG BA MA DMIGS PA'I RTAGS YANG DAG DANG, SNANG RUNG MA DMIGS PA'I RTAGS YANG DAG GO, DANG PO NI, RNAM 'BREL LAS, TSAD MA RNAMS NI MI 'JUG PA, ZHES SOGS KYIS BSTAN TE 'DI LA BZHI, MTSAN NYID, 'JUG DUS, DBYE BA, DGOS PA SOGS LAS, MI SNANG BA MA DMIGS PA'I TSUL GSUM YIN PA, MI SNANG BA MA DMIGS PA'I RTAGS YANG DAG GI MTSAN NYID, DE SGRUB KYI MI SNANG BA @015B MA DMIGS PA'I TSUL GSUM YIN PA, DE SGRUB KYI MI SNANG BA MA DMIGS PA'I RTAG YANG DAG GI MTSAN NYID, GO BA NGANG SBYAR BA NI SGRA BSHAD KYIS SHES LA, 'JUG DUS NI, DGAG GZHI SNANG RUNG YIN YANG DE SGRUB KYI DGAG BYA'I CHOS SU BTAGS PA'I DON DE RGOL BA DE'I NGO BOR SNAB DU MI RUNG NA, MI SNANG BA MA DMIGS PA'I RTOGS 'JUG CING, DE'I SGO NAS SGRA BSHAD KYANG SHES PAR BYA'O, ,DBYE NA, DER GYUR PA'I 'BREL ZLA MA DMIGS PA'I RTAGS DANG, 'GAL ZLA DMIGS PA'I RTAGS GNYIS LAS, DANG PO NI, DE SGRUB KYI MI SNANG BA MA DMIGS PA'I RTAG YANG DAG GANG ZHIG, RANG GI DNGOS MING GI MTHAR MED MIN SOGS DGAG TSIG CI RIGS SBYAR BA'I CHOS DE, DE SGRUB KYI MI SNANG BA'I 'BREL ZLA MA DMIGS PA'I RTAGS YANG DAG GI MTSAN NYID, DE LA DBYE NA, DER GYUR PA'I RGYU MA DMIGS DANG, KHYAB BYED MA DMIGS DANG, RANG BZHIN MA DMIGS PA'I RTAGS DANG GSUM STE KHYAD PAR RGYAS PAR NI GZHAN DU SHES PAR BYA ZHING MTSON TZAM NI, MDUN GYI GZHI 'DIR CHOS CAN, SHA ZA SKAL LDAN DU SONG BA'I GANG ZAG GIS DE YOD CES DAM BCA' MI RIGS TE, GANG ZAG DE'I RGYUD LA SHA ZA DMIGS BYED KYI TSAD MA MED PA'I PHYIR ZHES PA LTA BU'O, ,DGOS PA NI, MDUN GYI GZHI 'DIR LHA'I BAR SRID DANG, SHA ZA YOD MED THE TSOM ZA BA'I SGO NAS BSKAL DON DU SONG BA'I GANG ZAG GIS GZHI 'DIR DE GNYIS YOD CES SAM MED CES THAG GCOD DU MI RUNG BA DPER MDZAD NAS, DON LA GANG ZAG GANG DANG GANG GIS SKYON YON RANG GI TSAD MAS MA DES BZHIN DU SGRO BSKUR BYANG MI RUNG BAR SHES PA'I CHED DO, ,BLO LA LTOS PA'I BSKAL DON LA GSUM YOD DE, YUL DANG DUS DANG NGO BO'I BSKAL DON GSUM YOD PA'I PHYIR, DANG PO NI, RANG DANG PHYOGS THAG SHIN TU @016A *, ,RING BA NA YOD PA'I SNOD BCUD KYI KHYAD PAR LTA BU, GNYIS PA NI, BSKAL PA 'DAS ZIN PA DANG 'BYUNG BA'I DUS NA JI 'DRA BYUNG BA DANG 'BYUNG BA'I KHYAD PAR LTA BU STE, DE RNAMS NI SPYIR BSKAL DON MIN YANG RANG GI BLO LA BLTOS PA'I BSKUL DON NO, ,GSUM PA NI, RANG DANG NYE BA NA YOD KYANG NGO BO PHRA BA'I DBANG GIS BSKAL DON DU SONG BA MDUN GYI SHA ZA LTA BU DANG, LHA MA'I BAR SRID PA RNAMS DANG DE'I BUM PA LTA BU'O,, ` GNYIS PA SNANG RUNG MA DMIGS PA'I RTAGS NI, RNAM 'GREL LAS, GTAN TSIGS BYE BRAG LA BLTOS NAS, ,'GA' ZHIG MED SHES 'BRAS BU CAN, ,ZHES SOGS KYIS BSTAN TE 'DI LA GSUM, MTSAN NYID, DBYE BA, ZHAR BYUNG NGO,, DE'I DANG PO NI, SNANG RUNG MA DMIGS PA'I TSUL GSUM YIN PA, SNANG RUNG MA DMIGS PA'I RTAGS YANG DAG GI MTSAN NYID, DE SGRUB KYI SNANG RUNG MA DMIGS PA'I TSUL GSUM YIN PA, DE SGRUB KYI SNANG RUNG MA DMIGS PA'I RTAGS YANG DAG GI MTSAN NYID, GO BA DANG SBYAR NA, KHYOD DE SGRUB KYI MA DMIGS PA'I RTAGS YANG DAG GANG ZHIG ,KHYOD KYI RTAGS KYIS DE SGRUB KYI DGAG BYA'I CHOS SU BTAGS PA'I DON DE YOD NA, KHYOD DE SGRUB LA PHYOGS CHOS CAN DU SONG BA'I GANG ZAG GI TSAD MA LA SNANG RUNG YIN DGOS PA, KHYOD DE SGRUB KYI SNANG RUNG MA DMIGS PA'I RTAGS YANG DAG GI MTSAN NYID, GNYIS PA DE LA, DBYE NA SNANG RUNG GI 'BREL ZLA MA DMIGS PA DANG, 'GAL ZLA DMIGS PA'I RTAGS GNYIS, DANG PO LA, SNANG RUNG GI RGYU, KHYAB BYED, RANG BZHIN, DNGOS 'BRAS MA DMIGS PA'I RTAGS DANG BZHI, DANG PO NI, ME MED PA'I MTSAN MO'I RGYA MTSOR CHOS CAN, DU BA @016B MED DE, ME MED PA'I PHYIR ZHES BKOD PA'I TSE ME MED PA LTA BU, GNYIS PA NI, SHING MED PA'I BRAG RDZONG NA CHOS CAN, SHA BA MED DE, SHING MED PA'I PHYIR ZHES PA'I RTAGS DE LTA BU, GSUM PA NI, BUM PAS DBEN PA'I SA PHYOGS CHOS CAN, BUM PA MED DE, BUM PA TSAD MAS MA DMIGS PA'I PHYIR ZHES PA'I RTAGS DE LTA BU, BZHI PA NI, DU BAS DBEN PA'I SA PHYOGS CHOS CAN, DU BA'I DNGOS RGYU MED DE, DU BA MED PA'I PHYIR ZHES PA'I RTAGS DE LTA BU, GNYIS PA 'GAL ZLA DMIGS PA'I RTAGS LA DBYE NA, LHAN CIG MI GNAS 'GAL GYI DE DANG, PHAN TSUN SPANGS 'GAL GYI DE GNYIS, DANG PO LA 'GAL BA'I RANG BZHIN DMIGS PA BZHI, 'BRAS BU DMIGS PA BZHI, KHYAB BYA DMIGS PA BZHI STE BCU GNYIS SO,, DE DAG GI DBYE BA RGYAS PAR NI GZHAN DU BLTA LA, MTSAN GZHI TZAM NI, ME STOBS CHEN POS KHYAB PAR GNON PA'I SHAR GYI DNGOS CHOS CAN, GRANG REG RGYUN CHAGS SU GNAS PA MED DE, ME STOBS CHEN POS KHYAB PAR GNON PA'I DNGOS PO YIN PA'I PHYIR ZHES PA'I RTAGS DE LTA BU'O,, GNYIS PHAN TSUN SPANGS 'GAL NI, SGRA CHOS CAN, RTAG PAS STONG STE, BYAS PA YIN PA'I PHYIR ZHES PA'I RTAGS DE LTA BU'O,, GSUM PA ZHAR BYUNG NI, RTAGS DE LA DNGOS STOBS KYI RTAGS, YID CHES KYI RTAGS, GRAGS PA'I RTAGS, DON SGRUB KYI RTAGS, THA SNYAD SGRUB KYI RTAGS, MTHUN PHYOGS LA RNAM GNYIS SU 'JUG PA DANG KHYAB BYED DU 'JUG PA'I RTAGS LNGA LAS, BYAS PA DE, SGRA MI RTAG PAR SGRUB PAR BYED PA'I DNGOS STOBS KYI RTAGS, DPYAD GSUM GYIS DAG PA'I LUNG DE, RANG GI BSTAN BYA'I DON LA MI SLU BAR SGRUB PAR BYED PA'I YID CHES KYI RTAGS, @017A *, ,RTOGS YUL NA YOD PA DE, RI BONG CAN ZLAS SGRAS RUNG DU SGRUB PAR BYED PA'I GRAGS PA'I RTAGS, BYAS PA DE SGRA SKAD CIG MAR SGRUB PAR BYED PA'I DON SGRUB KYI RTAGs, SKAD CIG MA DE, SGRA MI RTAG PAR SGRUB PAR BYED PA'I THA SNYAD 'BA' ZHIG SGRUB KYI RTAGs, RTZOL BYUNG DE SGRA MI RTAG PAR SGRUB PAR BYED PA'I MTHUN PHYOGS LA RNAM GNYIS SU 'JUG PA'I RTAGS, BYAS PA DE DE SGRUB KYI MTHUN PHYOGS LA KHYAB BYED DU 'JUG PA'I RTAGS YANG DAG YIN NO,, YANG SKYE BA SNGA PHYI YOD PAR SGRUB PA'I RTAGS SBYOR NI, SO SKYE 'CHI KHA MA'I SEMS THA MA CHOS CAN, KHYOD KYI NYER 'BRAS SU GYUR PA'I RIG PA PHYI MA YOD DE, KHYOD ZAG BCAS KYI RIG PA YIN PA'I PHYIR, DPER NA, DA LTA'I BLO BZHIN, BYIS PA BTZAS MA THAG PA'I BLO CHOS CAN, RANG GI RIGS 'DRA'I BLO SNGA MA SNGON DU SONG STE, RIG PA YIN PA'I PHYIR, DPER NA, RGAN PO'I BLO BZHIN ZHES LTA BU'O,, ` GNYIS PA RTAGS LTAR SNANG NI, RNAM 'GREL LAS LTAR SNANG DE LAS GZHAN SOGS KYIS BSTAN TE, DE LA SPYIR RTAGS LTANG SNANG MED DE, GZHI GRUB NA RTAGS YANG DAG YIN DGOS PA'I PHYIR, DE SGRUB KYI RTAGS LTAR SNANG YOD DE, DE SGRUB KYI TSUL GSUM MA YIN PA, DE SGRUB KYI RTAGS LTAR SNANG GI MTSAN NYID, DBYE NA GSUM STE, DE SGRUB KYI 'GAL BA'I RTAGS, MA NGAS? PA'I RTAGS, MA GRUB PA'I RTAGSO, ,DE SGRUB KYI PHYOGS CHOS GANG ZHIG ,KHYOD KYI RTAGS KYIS DE SGRUB KYI KHYAB PA'I TSUL GNYIS PHYIN CI LOG TU NGES PA, DE SGRUB KYI 'GAL RTAGS KYI MTSAN NYID, MTSAN GZHI NI SGRA CHOS CAN, RTAG STE?, BYAS PA YIN PA'I PHYIR ZHES PA'I RTAGS DE LTA BU, DE SGRUB KYI PHYOGS CHOS GANG ZHIG ,KHYOD KYI RTAGS KYIS DE @017B SGRUB KYI KHYAB PA'I TSUL GNYIS RNAM MAR MA NGES PA, DE SGRUB KYI MA NGES PA'I GTAN TSIGS KYI MTSAN NYID, MTSAN GZHI NI, SGRA CHOS CAN, MI RTAG STE, YOD PA'I PHYIR ZHES PA'I RTAGS DE LTA BU, DE SGRUB KYI PHYOGS CHOS MA YIN PAR DMIGS PA DE, DE SGRUB KYI MA GRUB PA'I GTAN TSIGS KYI MTSAN NYID, DBYE NA MANG YANG BSDU NA DGU STE, DE SGRUB KYI RTAGS KYI NGO BO MED NAS MA GRUB PA, DE BZHIN DU CHOS CAN GYI NGO BO MED NAS MA GRUB PA, RTZOD GZHI'I STENG DU MED NAS MA GRUB PA GSUM DANG, SHES 'DOD MED NAS MA GRUB PA, CHOS CAN LA THE TSOM ZA NAS MA GRUB PA, 'BREL PA LA THE TSOM ZA NAS MA GRUB PA GSUM DANG, RTAGS CHOS THA DAD MED NAS MA GRUB PA, GZHI CHOS THA DAD MED NAS MA GRUB PA, GZHI RTAGS THA DAD MED NAS MA GRUB PA DANG GSUM STE DGU'O,, MTSAN GZHI NI RIM PA BZHIN DU DANG PO NI, SGRA CHOS CAN, SKYES PA YIN TE, RGYU RTAG PA LAS BYUNG BA'I PHYIR ZHES PA'I RTAGS DE LTA BU'O,, GNYIS PA NI RI BONG GI RVA CHOS CAN, YOD DE, RVA YIN PA'I PHYIR ZHES PA'I RTAGS DE LTA BU, GSUM PA NI, SGRA CHOS CAN, DNGOS PO YIN TE, MIG GIS MTHONG BA'I PHYIR ZHES PA'I RTAGS DE LTA BU DANG, BZHI PA NI, DE CHOS CAN, MNYAN BYA YIN TE, MI RTAG PA YIN PA'I PHYIR ZHES PA'I RTAGS LTA BU, LNGA PA NI, DRI ZA BSKAL DON DU SONG BA'I GANG ZAG GI NGO BOR DRI ZA'I GLU DBYANGS CHOS CAN, MI RTAG STE, BYAS PA'I PHYIR ZHES PA'I RTAGS DE LTA BU, DRUG PA NI, DE CHOS CAN, YOD DE, DRI ZA'I TSAD MAS GRUB PA'I PHYIR ZHES PA'I RTAGS DE LTA BU DANG, 'DUN PA NI, SGRA CHOS CAN, MI RTAG STE, MI RTAG PA'I PHYIR ZHES PA'I RTAGS DE LTA BU, BRGYAD PA NI, SGRA CHOS CAN, SGRA YIN TE, MI RTAG PA'I @018A *, ,PHYIR ZHES PA'I RTAGS DE LTA BU, DGU PA NI, SGRA CHOS CAN, MI RTAG STE, SGRA YIN PA'I PHYIR ZHES BKOD PA'I TSE RTAGS DE LTA BU'O,, GSUM PA 'PHROS DON LA GNYIS, SGRUB DAG BSHAD PA DANG, 'PHROS DON GZHAN BSHAD PA'O,, DANG PO LA GNYIS, YANG DAG DANG, LTAR SNANG NGO,, DANG PO LA DBYE NA, 'BRAS RANG MA DMIGS PA'I SGRUB DAG? GSUM, DANG PO LA CHOS MTHUN SBYOR DANG, CHOS MI MTHUN SBYOR GYI SGRUB DAG GNYIS LAS, DANG PO NI, SBYOR BA BKOD RJES SU, DU BA YOD NA, ME YOD PAS KHYAB, DPER NA, TSANGS MANG BZHIN, DU LDAN GYI LA LA YANG DU BA YOD DO,, ZHES PA LTA BU, GNYIS PA NI, ME MED NA, DU BA MED PAS KHYAB, DPER NA, CHU KLUNG BZHIN, DU LDAN GYI LA LA DU BA YOD DO ZHES PA LTA BU'O,, GNYIS PA RANG BZHIN GYI SGRUB DAG LA CHOS MTHUN MI MTHUN GNYIS YOD PA LAS DANG PO NI, BYAS NA, MI RTAG PAS KHYAB, DPER NA, BUM PA BZHIN SGRA YANG BYAS SO ZHES PA LTA BU, GNYIS PA NI, RTAG NA, MA BYAS PAS KHYAB, DPER NA, 'DUS MA BYAS KYI NAM MKHA' BZHIN, SGRA NI BYAS SO ZHES PA LTA BU'O,, GSUM PA MA DMIGS PA'I SGRUB DAG LA GNYIS LAS DANG PO NI, SHING MED NA, SHUGS PA MED PAS KHYAB, DPER NA, SHING MED PA'I THANG BZHIN SHING MA DMIGS PA'I BRAG NGOS NA NI SHING MED DO ZHES PA LTA BU, GNYIS PA NI, SHUGS PA YOD NA, SHING YOD PAS KHYAB, DPER NA, NAGS TSAL BZHIN, SHING MA DMIGS PA'I BRAG NGOS NA NI SHING MED DO ZHES PA LTA BU'O,, SPYIR SGRUB DAG YANG DAG LA, TSUL GSUM DPE DANG BCAS PA LHAG CHAD MED PAR STON PA ZHIG DGOS TE, MTSON TZAM BRJOD NA, SGRA @018B CHOS CAN, MI RTAG STE, BYAS PA'I PHYIR ZHES BKOD NAS, BYAS NA MI RTAG PAS KHYAB, DPER NA BUM PA BZHIN, SGRA YANG BYAS SO ZHES PA'I DAG 'DE'I BYAS NAS MI RTAG KHYAB CES PAS RJES KHYAB DNGOS SU BRJOD NAS LDOG KHYAB SHUGS LA 'PHEN CING, SGRA YANG BYAS ZHES BAS CHOS CAN DANG 'BREL BA'I PHYOGS CHOS DNGOS SU BRJOD DE, DPER NA BUM PA BZHIN ZHES PAS MTHUN DPE DNGOS SU BRJOD PA LTA BU YIN PA'I PHYIR, PHYOGS CHOS DANG LDOG KHYAB DNGOS SU BRJOD NAS RJES KHYAB SHUGS LA 'PHEN PA NI, RTAG NA MA BYAS PAS KHYAB, DPER NA, NAM MKHA' BZHIN, SGRA NI BYAS SO ZHES PA LTA BU'O,, 'ON KYANG, BYAS NA MI RTAG PAS KHYAB PA DANG, RTAG NA MA BYAS PAS KHYAB PA GNYIS NI, SBYOR BA DE'I RJES KHYAB DANG LDOG KHYAB MA YIN GYI, BYAS PA NYID DE'I RJES KHYAB DANG LDOG KHYAB YIN ZHING, PHYOGS CHOS KYANG YIN TE, DE'I TSUL GSUM YIN PA'I PHYIR RO, ,GNYIS PA 'PHROS DON GZHAN LA, 'O NA, GZHI MA GRUB PA CHOS CAN DU BZUNG BA'I RTAGS YANG DAG YOD DAM MED, YOD NA DE'I PHYOGS CHOS JI LTAR GRUB, MED NA NI, RI BONG RVA CHOS CAN, BDAG MED YIN TE, YOD MED GANG RUNG YIN PA'I PHYIR ZHES PA 'DI RTAGS SBYOR YANG DAG JI LTAR YIN ZHE NA 'DI LA BZHED PA MI MTHUN PA YOD KYANG RGYAL TSAB RIN PO CHES NI SGRUB RTAGS LA GZHI MA GRUB PA RTZOD GZHIR BZUNG BA'I RTAGS YANG DAG MED KYANG, DGAG RTAGS LA DE YOD PAR BSHAD PAS DPYAD RGYUD? MANG YANG BZHAG GO ,YANG, DBU MA'I LUGS KYI RTEN 'BREL GYI RTAGS DANG, CHA CAN GYI RTAGS, GCIG DU BRAL GYI RTAGS, MU BZHI SKYE 'GOG GI @019A *, ,RTAGS RNAMS SNGAR BSHAD PA'I RTAGS GSUM GANG RUNG DU 'DUS SAM MA 'DUS ZHE NA, SPYIR RTAGS YANG DAG THAMS CAD 'BRAS RANG MA DMIGS PA'I RTAGS GSUM DU 'DUS LA, 'BRAS RANG GI RTAGS GNYIS NI GTZO BOR SGRUB RTAGS YIN ZHING, MA DMIGS PA'I RTAGS LA DGAG RTAGS GTZO BO CHE YANG, DE SGRUB KYI DGAG RTAGS YIN NA, DGAG PA YIN MI DGOS TE, BYAS PA DE SGRUB PA YIN KYANG DE SGRA MI RTAG PAR SGRUB PAR BYED PA'I RANG BZHIN GYI RTAGS YANG DAG DANG, SGRA RTAG STONG DU SGRUB PAR BYED PA'I MA DMIGS PA'I RTAGS YANG DAG YIN PA'I PHYIR, PHYI MA GRUB STE, DE DE SGRUB KYI 'GAL ZLA DMIGS PA'I RTAGS YANG DAG YIN PA'I PHYIR TE, SGRA CHOS CAN, KHYOD RTAG PAS STONG STE, BYAS PA YIN PA'I PHYIR ZHES BKOD PA'I TSE NA DE LTAR YIN PA'I PHYIR,, DBU MA'I LUGS KYI RTEN 'BREL GYI RTAGS NI, DE'I LUGS LA DNGOS PO BDEN MED DU SGRUB PA'I 'GAL ZLA DMIGS PA'I RTAGS YIN PAR RJE NYID KYIS BSHAD CING, CHA BCAS KYI RTAGS KYANG DE DANG 'DRA'O,, GCIG TU BRAL GYI RTAGS NI DBU MA RGYAN LAS, BDEN MED SGRUB PA'I KHYAB BYED MA DMIGS PA'I RTAGS SU BSHAD CING, 'DI'I RIGS PAS DE SGRUB KYI BDEN MED SGRUB PA'I RTAGS YANG DAG THAMS CAD KYANG DE SGRUB KYI MA DMIGS PA'I RTAGS SU 'GYUR TE, DE YANG SNANG RUNG MA DMIGS PA'I RTAGS GTZO CHE'O, ,MTSON NA, BUM PA CHOS CAN, BDEN PAR MED DE, BDEN PAR TSAD MAS MA DMIGS PA'I PHYIR ZHES PA'I RTAGS 'DI LTA BU RANG BZHIN MA DMIGS @019B PA'I RTAGS DANG, BUM PAS DAG PA'I SA PHYOGS NA CHOS CAN, GSER BUM MED DE, BUM PA MED PA'I PHYIR ZHES PA'I RTAGS 'DI LTA BU KHYAB BYED DE MA DMIGS PA'I RTAGS DANG, MES DBEN PA'I RTZIG SKOR NA CHOS CAN, DU BA MED DE, ME MED PA'I PHYIR ZHES PA'I RTAGS 'DI LTA BU RGYU MA DMIGS PA'I RTAGS DANG, MYU GU CHOS CAN, BDEN BAS STONG STE, RTEN 'BREL YIN PA'I PHYIR ZHES PA'I RTAGS 'DI LTA BU 'GAL ZLA DMIGS PA'I RTAGS YANG DAG YIN PA DE BZHIN DU GZHAN LA SBYAR NAS SHES PAR BYA'O, ,GZHI GCIG LA LTOS PA'I RTAGS GSUM 'GAL YANG BSGRUB GZHI SO SO LA LTOS NAS MI 'GAL TE, MTSON NA, SKYES PA DE, MYU GU RANG GI RGYU LAS BYUNG BAR SGRUB PAR BYED PA'I 'BRAS RTAGS YANG DAG YIN KYANG, MYU GU MI RTAG PAR SGRUB PA'I RANG BZHIN GYI RTAGS DANG, DE GANG ZAG GI BDAG MED DU SGRUB PAR BYED PA'I MA DMIGS PA'I RTAGS YANG DAG YIN PA'I PHYIR RO, ,BYAS PA'I RTAGS KYIS SGRA MI RTAG PAR SGRUB PA'I RTAGS CHOS DON GSUM PO SPYI MTSAN RTOG PAS BRTAGS TZAM YIN YANG, DE SGRUB KYI RTAGS CHOS DON GSUM PO GANG RUNG YIN NA, RANG MTSAN YIN DGOS TE, DE YIN NA, DNGOS PO YIN DGOS PA'I PHYIR TE, DE SGRUB KYI DON RTZOD GZHI YIN NA SGRA YIN DGOS SHING, DNGOS KYI BSGRUB BYA'I CHOS YIN @020A *, ,NA MI RTAG PA YIN DGOS, RTAGS LA BYAS PA NYID DGOS PA'I PHYIR RO, ,DES NA DE SGRUB KYI RTAGS CHOS DON GSUM NI DE SGRUB KYI RTAGS CHOS DON GSUM MIN ZHES BYA STE, DE BZHIN DU GZHAN LA YANG SBYAR NAS SHES PAR BYA DGOS SO, ,,SMRAS PA, RIGS GZHUNG CHU GTER CHEN PO LAS 'KHRUNGS PA'I, ,RIGS TSUL SNYING PO BSDUS PA'I CHA TZAM ZHIG ,RIGS PA DON GNYER CAN LA PHAN PA'I CHED, , RIGS PA'I LAM NAS DRANGS TE BDAG GIS BKOD, ,'ON KYANG SBYANGS MKHAS BLO YI ME LONG DES?, ,TSUL 'DI'I ZAB DON GZUGS BRNYAN GSAL 'CHAR YANG, ,MA SBYANGS MI MKHAS BLO GROS RTZIG NGO RU, ,'CHAR DKA' CHOS NYID YIN PHYIR BDAG LTAS NI, ,CES PA 'DI YANG YANG RIS RAB 'BYAMS PA BLO BZANG RGYAL MTSAN ZHES BYA BA DGE BSHES SU GRAGS PA DES BSKUL BA LA BRTEN NAS, SH'A KYA'I DGE SLONG GRAGS PA BSHAD SGRUB KYIS CO NE'I DGON NYID DU SBYAR BA'O,, MANG+GA LAm,,