[preliminary data - not manually proofread] [SNGON 'GRO'I DPAR GZHI] @001A *, ,'DUS PA'I BSKYED RIM GYI RNAM BSHAD GNAD DON KUN GSAL ZHES BYA BA BZHUGS SO, , @001B #, ,NA MO SH'AKYA MU NA YE, MKHA' LTAR DNGOS PO KUN LA KHYAB PA'I CHOS SKU DON DAM SPROS BRAL LAS, ,RIM GNYIS RLUNG GI SHING RTA CHES DRANGS ZUNG 'JUG LONGS SKU NYIN MO'I MGON, ,GRANGS MED GDUL BYA'I KHAMS KYI RGYA MTSOR SPRUL SKU'I GZUGS BRNYAN STONG 'CHAR BA, ,RIGS BRGYA'I KHYAB BDAG RDO RJE 'CHANG DANG DE SPRUL BTZONG KHA PA DER 'DUD, ,LEGS BSHAD MTHAR THUG DPAL LDAN 'DUS PA'I RGYUD, ,RGYUD DER MTHA' DRUG TSUL BZHI'I RGYAS BTAB TSUL, ,TSUL BZHIN GSAL MDZAD KLU SGRUB SMRA BA'I ZLA, ,ZLA BA'I ZHABS SOGS BRGYUD PAR BCAS LA 'DUD, ,KHYAD PAR BDAG BLO RIN CHEN K'A LA SHAR, ,LEGS BSHAD BDUD RTZI'I CHAR 'BEBS DGE BA'I BSHES, ,THOG MTHA' BAR GYI YONGS 'DZIN RNAM LNGA YI, ,BKA' DRIN LAN BRGYAD DRAN PAS RTAG TU BSNGAGS, ,SKYE SHI BAR DO RGYAL BA'I SKU GSUM DU, ,SGYUR BYED 'DUS PA'I RIM PA DANG PO'I GNAD, ,DAM? PAS BSKUL LAS RANG NYID 'DRIS PHYIR DANG, ,SKAL MNYAM GZHAN LA'ANG PHAN SRID SNYAM NAS BRI, ,DE YANG 'DIR DPAL GSANG BA 'DUS PA'I RIM PA DANG PO'I RNAM GZHAG JI LTAR 'CHIM PA ZHIG BSHAD PAR BYA STE, 'DI LA GSUM, 'DUS PA'I RGYUD @002A *, ,KYI CHE BA BSTAN PA DANG, RTZA BSHAD KYI RGYUD DANG DGONGS 'GREL GYI RIM PA BYON TSUL, BSKYED PA'I RIM PA LA JI LTAR SLOB PA'I TSUL LO, ,DANG PO NI, RTZA RGYUD LAS, DE BZHIN GSHEGS PA THAMS CAD KYI SKU DANG GSUNG DANG THUGS KYI GSANG BA GSANG BA 'DUS PA ZHES GSUNGS SHING, RGYUD PHYIS LAS, AE MA HO SHIN TU RNYED PAR DKA', ,BYANG CHUB SGRUB PA'I THABS 'DI YIN, ,RGYUD KYI PHYI MA'I PHYI MAR GYUR, ,GSANG BA 'DUS PA ZHES BYA'I RGYUD, ,CES DANG, GANG ZHIG RAB GSANG 'DUS PA'I RGYUD 'DI NYAN PA DANG, ,'DON PAR BYED DANG KLOG PA DANG NI SEMS PA DANG, ,MCHOD PAR BYED PA DANG NI 'DRI 'AM 'DRIR 'JUG PA, ,BYANG CHUB RDO RJE 'DRAR BLTA DE LA RTAG PHYAG 'TSAL, ,ZHES DANG, 'JAM DPAL ZHAL LUNG LAS KYANG , SANGS RGYAS KUN GYI 'DUS PA'I RGYUD, ,GSANG CHEN GSANG BA CHES GSANG BA, ,GONG NA MED PA'I LUNG CHEN PO, ,ZHES DANG, DMAR NAG GI RGYUD LAS KYANG, RGYUD KYI MTHAR THUG 'DUS PA STE, ,MA BYUNG 'BYUNG BAR MI 'GYUR RO, ,ZHES DANG, GSAD PA GRUB PA LAS KYANG, DPAL LDAN 'DUS LAS MCHOG GZHAN MED, ,'JIG RTEN GSUM GYI RIN CHEN GYUR, ,ZHES DANG, SGRON GSAL LAS KYANG, THUB PA CHEN PO'I CHOS PHUNG PO, ,BRGYAD KHRI BZHI STONG GSUNGS PA YI, ,DPAL LDAN 'DUS 'DI SNOD @002B YIN TE, ,DE BAS DE NI RGYUD KYI RTZE, ,ZHES GSUNGS PA LTAR RO, ,GNYIS PA NI, SPYIR 'DUS PA'I RTZA RGYUD LA SHLOO KA NYIS KHRI LNGA STONG YOD PA GCIG DANG, DE LAS BTUS PA'I DA LTA'I BSDUS RGYUD PHYI MA DANG BCAS PA GNYIS SO, ,DE'I BSHAD RGYUD LA, RGYUD PHYI MA, RDO RJE 'PHRENG BA, DGONGS PA LUNG STON, LHA MO BZHIS ZHUS, YE SHES RDO RJE KUN LAS BTUS PA, LHA'I DBANG POS ZHUS PA STE DRUG BO, ,RGYUD PHYI MA NI, 'DUS PA'I BSHAD RGYUD YIN PAR MA ZAD DE'I RGYUD KYANG YIN LA, GZHAN LNGA NI 'DUS PA'I BSHAD RGYUD YIN KYANG DE'I RGYUD MIN NO, ,DGONGS 'GREL LA NI 'PHAGS BAS MDOR BYAS, MDO BSRE GNYIS DANG, RIM LNGA, BYANG CHUB SEMS 'GREL DANG BCAS BA MDZAD, 'PHAGS PA LHAS NI SPYOD BSDUS SGRON ME DANG BDAG BYIN RLABS GNYIS MDZAD, KLU BYANG GIS DKYIL CHOG NYI SHU PA DANG LAS MTHA' RNAM 'BYED, SH'AKYA BSHES GNYEN GYIS RIM PA GNYIS PA'I MJUG ,ZLA BAS RTZA RGYUD KYI 'GREL PA SGRON GSAL DANG, RDO RJE SEMS DPA'I SGRUB THABS GNYIS MDZAD CING, DE RNAMS KYI RJES 'BRANG RGYA BOD KYI MKHAS PA GZHAN GYIS MDZAD PA MANG YANG, RJE YAB SRAS KYIS BKRAL BA'I DBANG DU BYAS NA, RJE NYID KYIS RGYUD 'GREL GYI MCHAN BU MTHA' DPYOD BSDUS DON GSUM DANG, SNGAGS RIM, RIM LNGA SOGS MANG DU MDZAD LA, MKHAS GRUB RJES NI, 'DUS PA'I BSKYED RIM GYI RNAM BSHAD CHEN MO SOGS 'GA' RE DANG, DE'I RJES SU MKHAS GRUB NOR BZANG BA DANG, PAn CHEN BSOD NAMS GRAGS PA, PAn CHEN GONG MA SOGS DU MAS KYANG 'DUS PA'I RIM GNYIS KYI DON GTAN LA 'BEBS PA'I SGO NAS DAR RGYAS SU MDZAD, 'DIR YANG DE RNAMS KYIS BSHAD PA'I RJES SU 'BRANG STE DE DAG GI DGONGS PA DANG MTHUN PAR RANG SKAL GYI DBANG DU BYAS NAS 'CHAD PAR BYA'O, ,GSUM PA LA LNGA, GANG GIS SGRUB PA'I RTEN, GANG DU BSGRUB @003A *, ,PA'I GNAS, RIM GNYIS KYI GO RIM NGES TSUL, JI LTAR SGRUB PA'I MNGON RTOGS KYI RNAM GZHAG ,BSKYED RIM MTHAR PHYIN PA'I TSAD 'PHROS DANG BCAS PA BSHAD PA'O, ,DANG PO NI, SPYIR LAM 'DI'I SGRUB PA PO KHYAD PAR CAN GYI DBANG DU BYAS NA THUN MONG BA'I LAM GYI RIM PA LA BLO SBYANGS PA ZHIG DGOS LA, DE YANG NGES 'BYUNG BYAMS SNYING RJE BYANG CHUB KYI SEMS BSKYED NAS BYANG SDOM BZUNG STE SPYOD PA PHYIN DRUG LA SLOB 'DOD YOD BA ZHIG DGOS TE, DE DAG SNGA MA SNGA MA YOD NA PHYI MA PHYI MA RNAMS JI LTA BA BZHIN 'BYUNG ZHING MED NA MI 'BYUNG BA'I PHYIR, DE NAS BLA MED LTAR NA DBANG BZHI RNAM PAR DAG PA THOB PA ZHIG DGOS TE, SPYIR DBANG RNAM PAR DAG PA NI SNGAGS LAM GYI 'JUG SGO YIN LA, BLA MED KYI RIM GNYIS RDZOGS PAR BSGOM PA'I SNOD DU 'GYUR BA LA DE'I DBANG BZHI NGES PAR THOB DGOS PA'I PHYIR TE, RDO RJE 'PHRED PA LAS, THOG MAR SLOB MA GANG GI TSE, ,BLO LDAN YANG DAG DBANG BSKUR NA, ,RDZOGS PA'I RIM PA'I RNAL 'BYOR LA, ,DE YI TSE NA SNOD DU 'GYUR, ,YANG DAG DBANG BSKUR GYIS DBEN NA, ,SGRUB POS RGYUD KYI DON SHES KYANG, ,SLOB DPON SLOB MA MTSUNGS PAR NI, , MI BZAD DMYAL BA CHEN POR 'GRO, ,ZHES GSUNGS PA'I PHYIR, GNYIS PA NI, RTZA RGYUD LE'U BCU GNYIS BAR, DGON PA CHEN PO'I SA PHYOGS SU, ,ME TOG 'BRAS BU SOGS KYIS BRGYAN, ,RI PO DBEN PA'I SA PHYOGS SU, ,DNGOS GRUB THAMS CAD BSDUS PA BSGRUB, ,ZHES GSUNGS PA LTA BU'I GNAS SU BSGOM PAR BYA STE, DES YID DU 'ONG BA'I GNAS GZHAN YANG MCHON PA'I PHYIR RO, ,GSUM PA NI, DE LTA BU'I RTEN GYI GANG ZAG DES RIM GNYIS KYI NANG NAS THOG MAR BSKYED RIM DANG DE NAS RDZOGS RIM LA SLOB DGOS PA YIN TE, RIM LNGA @003B LAS, BSKYED PA'I RIM PA LEGS GNAS SHING, ,RDZOGS PA'I RIM PA 'DOD RNAMS LA, ,THABS 'DI RDZOGS PA'I SANGS RGYAS KYIS, ,SKAS KYI RIM PA LTA BUR GSUNGS, ,ZHES GSUNGS PA'I PHYIR, RIM GNYIS GANG SGOM YANG DAM TSIG LA GNAS PA ZHIG DGOS TE, DAM TSIG SPYI DANG KHYAD PAR BLA MA'I DAM TSIG GI GTZO BO RNAMS DANG 'GAL BA PHYIR BCOS TSUL BZHIN MA BYAS NA, DNGOS GRUB KHYAD PAR CAN MI 'THOB CING NGAN 'GROR SKYE BAR 'GYUR BA'I PHYIR TE, SDOM 'BYUNG LAS, JI LTAR NYE BAR BSTAN PA BZHIN, ,PHYI NAS DAM TSIG SPYOD LA BRTZON, , ZHES PA NAS, YANG DAG MAN NGAG PHUN TSOGS KYIS, ,'GRUB PAR 'GYUR RO GZHAN DU YIN, ,ZHES GSUNGS PA'I PHYIR, BZHI PA LA BZHI, DANG PO'I SBYOR BA, DKYIL 'KHOR RGYAL MCHOG ,LAS RGYAL MCHOG ,BSKYED RIM GYI DMIGS PA YID LA BYED TSUL LO, ,DANG PO LA GNYIS, MNGON RTOGS KYI SBYOR BA'I RNAM GZHAG DANG, MNGON RTOGS DNGOS KYI RNAM GZHAG GO ,DANG PO LA GSUM, SNGON DU JI LTAR BYA BA DANG, MTHUN RKYEN BSGRUB PA'I PHYIR TSOGS ZHING MCHOD CING SDOM PA BZUNG BA SOGS DANG, 'GAL RKYEN 'GOG PA'I PHYIR SRUNG 'KHOR BSGOM PA'O, ,DANG PO LA LNGA RDOR DRIL BYIN GYIS BRLAB PA, NANG MCHOD BYIN GYIS BRLAB PA, SNGON 'GRO'I GTOR MA BYA TSUL, BDAG BSKYED MCHOD PA BYIN GYIS BRLAB PA, RDOR SEMS SGOM BZLAS BYA TSUL LO, ,DANG PO LA GNYIS, RANG LHAR BSKYED PA DANG, BYIN BRLAB BYA TSUL DNGOS SO, ,DANG PO LA GNYIS, DGOS PA DANG, TSIG DON NO, ,DANG PO NI, RANG NYID SKAD CIG GIS ZHE SDANG RDO RJE SGRU MDOG MI THANG NAG ZHES SOGS KYIS RANG ZHE SDANG RDO RJER BSKYED NAS RDOR DRIL BYIN GYIS RLABS PA LA DGOS PA YOD DE, SGRUB THABS BSGOM PA'I TSE @004A *, ,DAM TSIG GSUM DANG LDAN PA ZHIG DGOS SO ZHES SHES PAR BYA BA'I CHED YIN PA'I PHYIR, DE YANG YIN TE, RANG LHA YAB YUM DU BSKYED PA NI PHYAG RGYA'I DAM TSIG, RDOR DRIL 'DZIN PA NI RDOR DRIL GYI DAM TSIG DRAN PA'I CHED YIN PA'I PHYIR, GNYIS PA NI, RANG NYID ZHE SDANG RDO RJE ZHES SOGS BRJOD PA DANG MNYAM DU, RANG GI PHUNG PO PHRA RAGS MA PHYE BAR BTAGS CHOS DANG BCAS PA BRTEN NAS BTAGS PA TZAM MA GTOGS, RANG NGOS NAS GRUB PA MED DO SNYAM DU BSAMS TE, RANG NYID PHUNG PO DE NYID 'OD DU MER GYIS ZHU BA'I GOS DER STONG PA'I DANG LAS, RANG SEMS BDE BA CHEN PO'I YE SHES DE NYID SNA TSOGS PADMA DANG NYI MA'I GDAN GYI STENG DU 'OD SNGON PO KHRU GANG BA ZHIG GAM, YANG NA SKAD CIG GIS NYI GDAN GYI LTENG DU ZHE SDANG RDO RJE SKU MDOG MTHING NAG ZHES PA NAS SHAM THABS 'PHYAR BAR GYUR ZHES PA'I PAR GYIS BSKYED, DE YANG SKU MDOG DANG RTZA ZHAL MTHING NAG ,G-YAS ZHAL DKAR PO ZHIB, G-YON ZHAL DMAR PO CHAGS PA'I NYAM CAN SOGS 'OG NAS SRUNG 'KHOR GYI SKABS SU 'BYUNG BA LTAR BSAM, DE DAG KYANG 'DIR MAN NGAG DANG SBYAR TE BSHAD NA, SGYU GUS 'OD GSAL ZUNG 'JUG MTSON PA'I ZHAL GSUM, ZHAL GSUM KA'I DBU'I RDZA MA DANG MGRIN PA GCIG YIN PA LA ZHAL GSUM 'BUR DOD KYI RNAM PA CAN, DBU SKRA SPYI POR THOR COG BYAS PA'I RTZE MOR RDO RJE RTZE LNGA PAS MTSAN PA, THOR COG GI MDUN NAM, DBU SKRA BCINGS THAG GI DBUS SU SPYI BO'I RTZA 'KHOR MTSON PA'I RDO RJE RTZE MO SO GNYIS PA GYEN DU LANGS PA'I G-YAS G-YON DU RDO RJE RTZE LNGA PAS RGYAB KYI BAR DU 'KHOR BA LA, YAR MAR GYI SNE RNAMS SU MU TIG GI 'PHRENG BAS SBRE YA ZHING, BAR BAR DU MU TIG GI 'PHRENG BAS SBRE YA ZHING, BAR BAR DU MU TIG GI 'PHRENG BA NYIS BSHIBS KYI KU RU KHAR @004B SPREL BA, DBU RE RE'I STENG DU 'KHOR LO RTZIBS BRGYAD PA RE, MDUN NGOS KYI RTZIBS DBUS MA'I STENG DU RIN PO CHE LAS GRUB PA'I MI BSKYOD PA, DE'I G-YAS G-YON DU RNAM SNANG DANG RIN 'BYUNG, DE'I G-YAS G-YON DU 'OD DPAG MED DANG DON GRUB RNAMS 'BUR DU DOD PA'I RNAM BA CAN, RTZIBS RNAMS LA MU TIG GI DRA BA NYIS BSHIBS DANG DBUS MA LA SUM BSHIBS CUNG ZAD RING PA, SNYAN RGYAN NI RGYU GSER LAS BYAS SHING ZLUM PO MAR SNAR RDO RJE RTZE LNGA PA PHYED PAS MTSAN PA LA MU TIG GI DZAR DZAR YOD PA, SNYAN GONG AUTPA LA'I GDENGS KA NI, YU BA SNYAN GYI RGYAB DANG 'DAB MA SNYAN GYI GOD DU GDENGS KAR YOD PA'I YU BA'I THAD DANG GSER GYI 'KHOR LO'I 'OG NAS TSON SNA LNGA'I DAR DBYANGS SNYAN RGYAB NAS MAR 'PHYANG BA, AOL MDUD KYI THAD SOR MGRIN PA'I RTZA 'KHOR MTSON BYED RDO RJE RTZE BCU DRUG PA'I G-YAS G-YON DU RDO RJE RTZE LNGA PAS MGRIN PA 'KHOR BA LA YAR MAR GYI SNE RNAMS SU MU TIG GI 'PHRENG BA NYIS BA SHIBS KYIS SBREL BA DANG, BAR RNAMS SU MU TIG GI 'PHRED BAS KU RU KHAR SPREL BA'I MGUL RGYAN, SE MO DO NI, THUGS MTSON BYED DU MGUL RGYAN GYI PHYI NAS MU TIG GI DRA BA DRA PHYED NU MA GNYIS KYI BAR DU SLEB PA STE, KHA CIG TU G-YAS G-YON DU SE RAL KHAR BYA BAR BSHAD DE BRTAG ,GA SHA'AM SE RAL KHA NI NU MA GNYIS KYI DBUS KYI SNYING KA DANG RGYAB TU SNYING KA'I RTZA 'KHOR MTSON BA'I RDO RJE RTZE BRGYAD PA'I YAR MAR GYI RVA RNAMS LA MU TIG GI 'PHRENG BA SUM BSHIBS PHRAG GONG G-YAS G-YON NAS MCHAN KHUNG G-YAS G-YON DU KU RU KHAR SBREL BA, DO SHAL NI, RIN PO CHE DKAR DMAR SNGO BA LNGA BCU SBEL MA'I PHRENG BA BRLA PHRA SBOM GYI MTSAMS SU SLEB PA, SKA RAGS SAM 'OG PAG NI LTE BA'I RTZA 'KHOR MCHON PA'I RDO RJE RTZE DRUG CU RE BZHI PA DANG, DE'I G-YAS G-YON NAS BRTZAMS TE RDO RJE RTZE LNGA PAS @005A *, ,RGYAB KYI BAR 'KHOR BA LA, YAR MAR GYI RVA RNAMS SU MU TIG GI PHRENG BA NYIS BSHIBS KYI SBREL BA'I BAR MTSAMS SU MU TIG GI PHRENG BA NYIS BSHIBS KYI KU RU KHAR BYAS PAS SBREL BA, 'OG RVA RNAMS LA MU TIG GI DRA BA DRA PHYED SUM BSHIBS KYI SNE MOR DRIL CHUNG G-YER KHA DANG ZLA PHYED RNGA YAB SOGS KYIS SPRAS PA, DPUNG RGYAN NI, PHYAG DRUG GI DPUNG PAm? SOG PA'I DKAR YOL KHA RE RE NAS STENG 'OG TU 'THON PA'I DBUNG MGO'I 'OG DANG GRU TSIGS KYI NANG DU GSER GYI BA tAS RIS SGOR MO LA NOR BUS BRGYAN PA DANG, PHYAG GI 'KHRIG MA DANG ZHABS KYI LONG BU RNAMS SU'ANG DE 'DRA BA'I RGYAN RNAMS LA MU TIG GI DRA BA DRA PHYED DANG BCAS PA'I PHYAG ZHABS KYI GDU BU STE, RIGS DRUG RGYAN GYI RNAM PAR SHAR BA'O, ,PHYAG G-YAS KYI DANG POS MI BSKYOD PA'I NGO BO GSER GYI RDO RJE RTZE LNGA BA, G-YON GYI DANG POS RDO RJE 'CHANG GI NGO BO RDO RJE RTZE LNGA PA PHYED PAS YU BA BYAS PA'I DRIL BU BZUNG NAS YUM GYI MCHAN KHUNG NAS 'KHYUD PA, G-YAS KYI GYIS BAS RNAM SNANG GI NGO BO RDO RJE RTZE LNGA PA PHYED PAS YU BA BYAS PA'I 'KHOR LO DKAR PO RTZIBS BCU GNYIS PA, GSUM PAS 'OD DPAG MED KYI NGO BO PADMA DMAR PO 'DAB MA BRGYAD PA'I YUB NAS 'DZIN PA, G-YON GYI GNYIS PAS RIN 'BYUNG GI NGO BO RDO RJE PHYED BAS PHU BA BYAS PA'I RIN PO CHE SER PO CHA DGU PA, GSUM PAS DON GRUB KYI NGO BO RDO RJE RTZE LNGA PA PHYED PA'I STENG DU PADMA DE'I STENG DU NYI MA LA RAL GRI SO GNYIS BRTZE MOR YE SHES KYI ME 'BAR BA 'DZIN PA, DE'I PANG NA YUM REG BYA RDO RJE MA SKU MDOG SNGON PO RGYAN TSE YUGS THAMS CAD YAB DANG 'DRA BA LA SKU BONG YAB LAS CUNG ZAD CHUNG BA, DBU SKRA PHYED THOR COG DANG LHAG MA LAN BUR 'PHYAR BAS SKU STOD KHEBS PA PHYAG DANG PO GNYIS @005B KYIS RDOR DRIL BZUNG NAS YAB KYI MGUL PA NAS 'KHYUD PA, GZUGS MDZES PA, DAG SNYAN PA, DRI ZHIM PA, LJAGS DANG MA MCHU'I RO MNGAR BA, LUS KYI REG BYA 'JAM PA SOGS 'DOD YON LNGA'I DGA' BAS ROL PA, ZHABS PADMA'I SKYIL KRUNG GIS BZHUGS PA, GNYIS KA'I GOS KYI GSHAL NI RIN PO CHE SNA TSOGS PAS SBRAS PA'I LHA RDZAS KYI GOS STOD CUNG ZAD LEB CHAGS PA MCHEN KHUNG G-YAS G-YON DU GA SHAL BYAS SHING, MDUN RGYAB LEB CHAGS PA LA STA ZUR RNAMS SUL MANG PO YOD PA'I SHAM THABS PHAN TSUN RGYAB TU 'PHYAR BA STE BSHUGS PA'O, ,RGYAN DANG PHYAG MTSAN 'DI RNAMS KYI MTSON DON DANG NGO BO NI LHA LHAG MA 'CHAD 'GYUR RNAMS LA'ANG CI RIGS SHES PAR BYA'O, ,GNYIS PA NI RDO RJE NI THABS DANG ZHES SOGS BRJOD PA'I TSE RDOR DRIL BYIN GYIS BRLAB PA DANG MTSON DON DRAN PAR BYA STE, DE YANG SPYIR BYIN GYIS BRLAB PA LA BSANG SBYANGS BSKYED NAS BYIN GYIS BRLAB PA DANG, MTSON DON DRAN PA TZAM GYIS BYIN GYIS BRLAB PA'I TSUL GNYIS LAS 'DIR PHYI MA LTAR YIN NO, ,RDOR DRIL DE LA SGRAS BRJOD KYIS DBYE NA GNYIS TE, MTSON BYA DON GYI RDOR DRIL DANG, MTSON BYED DPE'I RDOR DRIL LO, ,MTSON BYED KYI RDO RJE DE LA RTZE GCIG PA GSUM PA LNGA PA DGU PA SNA TSOGS RDO RJE RGYAN GYI RDO RJE RNAMS SU YOD CING, RTZE GCIG PA NAS STONG GI BAR YOD PAR BSHAD DE, DRIL BU LA'ANG DE LTAR RO, ,RDO RJES THABS SGRUB PA PO DANG, DE'I GSANG GNAS KYI RDO RJE, THABS BDE BA CHEN PO'I YE SHES SOGS THABS KYI RIGS RNAMS MTSON, DRIL BUS SHES RAB PHYAG RGYA MA DANG, DE'I GSANG GNAS, SHES RAB STONG BA NYID DANG DE RTOGS PA'I SHES RAB SOGS SHES RAB KYI CHA RNAMS MTSON, YANG RDO RJE'I LTE BAS LHAN SKYES KYI BDE BA CHEN PO'I YE SHES RDO RJE SEMS @006A *, ,DPA', STENG RVA LNGAS YE SHES LNGA RIGS LNGA, STENG GI PAD 'DAB BRGYAD KYIS 'PHAGS LAM YAN LAG BRGYAD, 'OG RVA LNGAS MKHA' 'GRO LNGA, 'OG GI PAD 'DAB KYIS SKUL BYED MA SOGS BZHI DANG SGOM BZHI, DRIL BU'I ZHAL GYIS STONG NYID RTOGS PA'I SHES RAB RDO RJE DBYINGS PHYUG MA, STENG RVAS GSHEGS PA LNGA, BUM PAS YE SHES KYI BDUD RTZI DBYUG GUS LHAS SKYES, CHA GSUM GYIS KHAMS GSUM, KHOG PAS STONG NYID, SA BON BRGYAD KYIS SPYAN SOGS YUM BZHI DANG NOR RGYUN MA SOGS BZHI, YANG RDO RJES LONGS SKU, DRIL BUS SPRUL SKU, RDOR DRIL MNYAM PAR SBYOR BAS ZUNG 'JUG ,DRIL BU'I SGRAS CHOS PHUNG SGROGS PA, YANG RDO RJE'I LTE BAS YAB KYI DHU TI'I MAR SNA, DRIL BU'I LCES YUM GYI DHU TI'I MAR? SNA MTSON PA SOGS RDZOGS RIM DANG SBYAR NAS 'CHAD TSUL YANG SHES PAR BYA'O, ,MDOR NA RDO RJES ZUNG 'JUG GI BAR GYI THABS KYI CHA THAMS CAD DANG, DRIL BUS DE'I BAR GYI SHES RAB KYI CHA THAMS CAD MTSON PA'I TSUL DRAN PAR BYA'O, ,RDOR DRIL GNYIS KA'ANG BDE STONG DBYER MED KYI DON DAM PA'I BYANG CHUB KYI SEMS KYI RANG BZHIN YIN NO SNYAM PA DANG, RANG GI LUS LHA YAB YUM DANG, SEMS BDE STONG DBYER MED KYI YE SHES DANG, NGAG GIS BDE STONG DBYER MED KYI SGRA SGROGS PAR BSAM MO, ,AOm SARBA TA TH'A GA TA ZHES SOGS KYI DON YOD DE, AOm NI RGYUD RDO RJE RTZE MO LAS, AOm NI CI ZHIG YIN PAR BRJOD, ,MCHOG DANG NOR STER DPAL DANG G-YANG, ,SKAL BZANG RNAM PA DANG LDAN DANG, ,DAM BCA' BA DANG BKRA SHIS DON, ,NOR BU 'DZIN PA'I SNGAGS SU BRJOD, ,CES GSUNGS PA LTAR DON BDUN LA 'JUG PA'I MTSON DON DRAN PA'I SGO NAS BRJOD NA PHAN YON CHEN POR 'GYUR BA'I PHYIR RO, ,AOm LA AA DANG AU DANG MA GSUM YOD DE, AA LA AU BYIN @006B BAS AOR SONG, MA YIG KLAD KOR DU BYIN PAS AOm GCIG TU GYUR PA'I YI GE SO SO BAS SKU GSUNG THUGS SO SOR MTSON ZHING, AOm GCIG GIS NI DE GSUM DBYER MED PA DE MTSON PA'I PHYIR RO, ,SARBA TA TH'A GA TA NI DE BZHIN GSHEGS PA THAMS CAD, SIDDHI NI GRUB PA, BADZRA NI RDO RJE, SA MA YA NI DAM TSIG ,TIshthA NI MNOS PA'AM BRTAN PA, AE shA STVAm DHA RA Y'A MI NI 'DI BDAG GIS GZUNG BAR BGYI'O, ,BADZRA SATVA NI RDO RJE SEMS DPA', HI LNGAS? YE SHES LNGA DANG, H'Um GSUM GYIS SKU GSUNG THUGS KYI RDO RJE GSUM DBYER MI PHYED PA DE MTSON, PHAt NI DON DE GSAL BAR BYED PA DANG, SV'A H'AS NI SDIG PA 'JOMS SHING DGE BA 'PHEL BA SOGS DANG DBUGS 'BYIN PA STE, RTZE MO LAS, SV'A H'A ZHES NI CI YIN BRJOD, ,SDIG PA THAMS CAD NI BYED CING, ,DGE BA'I TSOGS NI RNAM PAR 'PHEL, ,NYES PA THAMS CAD 'PHROG BYED CING, ,SDUG BSNGAL THAMS CAD 'JOMS PA'I MCHOG ,ZHES GSUNGS PA LTAR DON DRAN PA'I SGO NAS RDO RJE 'DZIN NO, ,DE NAS BADZRA GHAndA H'Um ZHES BRJOD CING, DON NI RDO RJE DRIL BU ZHES PA STE, CHOS THAMS CAD BDEN STONG MNYAM PA NYID DU DRIL NAS RTOGS PA'I SHES RAB NI NGES DON GYI DRIL BU YIN LA , MTSON DON DE DRAN PA'I SGO NAS DRIL BU 'DZIN CING, DE'I SGRAS KYANG STONG PA NYID KYI SGRA SGROGS PAR SEMS PA'O, ,H'Um GIS NI YE SHES LNGA MTSON ZHING, 'DI LA'ANG HA A'U MA GSUM YOD CING, GSUM SO SOS RDO RJE GSUM SO SO DANG, H'Um GCIG TU GYUR BAS DE GSUM DBYER MI PHYED PA DE MTSON NO, ,NGES DON GYI RDOR DRIL RANG RGYUD LA BSKYED DE, RDO RJE SEMS DPA' LA SOGS PA'I SANGS RGYAS THAMS CAD MNYES PAR BYA'O SNYAM DU SEMS SHING BRJOD NAS H'Um GLUR BLANG BAR BYA'O, ,DRANG DON GYI RDO RJE LAG GIS GSOR ZHING, NGES DON GYI RDO RJE RANG RGYUD LA @007A *, ,BSKYED PA'I TSUL GYIS GSOR BA YIN LA, DE'I DGES PA NI, SEMS CAN RMONGS DANG 'GREL BA YI, ,ZHES SOGS KYIS STON CING, 'DI'I DON NI, NGES DON GYI RDO RJE RANG RGYUD LA BSKYED PA NI MDZES PA'AM LEGS PA YIN TE, DES SEMS CAN RNAMS KYI SDUG BSNGAL GYI RGYU MA RIG PA SPONG BA'I TSUL GYIS SEMS CAN THAMS CAD RMONGS PA MA RIG PA DANG 'GREL BA STE BRAL BAR BYAS PA'I SGO NAS SDUG BSNGAL THAMS CAD LAS RNAM PAR THAR PA'I BYA BA BYED PA'I PHYIR, DE LTAR BYED NUS PA'ANG YIN TE, DES CHOS KYI DE KHO NA NYID RTOGS PA'I PHYIR RO, ,DES NA DRANG NGES KYI RDO RJE SPRO BA DANG BCAS TE GZUNG BAR BYA'O, ,H'Um GSUM GYIS RDO RJE GSUM DBYER MI PHYED PA DANG, HO GSUM GYIS CHUNG 'BRING CHE GSUM GYI SEMS CAN 'KHOR BA LAS GROL BAR BYED PA DE MTSON NO, ,YANG DRIL BU DKROL TSUL DGOS PA DANG BCAS PA NI, AOm BADZRA DHARMMA:RA nI TA ZHES SOGS KYIS BSTAN CING, DON NI, AOm NI SNGAR BZHIN, BADZRA NI RDO RJE STE MI BYED PA, DHARMM'A:NI CHOS, RA nI TA NI SGROGS PA, BRA RA nI TA RAB TU SGROG PA, SAm BRA RA nI TA NI KUN TU RAB TU SGROG PA, SARBA BUDDH'A NI SANGS RGYAS THAMS CAD, KshE tA NI ZHING, PRA TZA LI NI G-YO BA, PRADZNY'A PA RA MI TA NI SHES RAB KYI PHA ROL TU PHYIN PA, N'A DA NI SGRA, SVA BH'A WA NI RANG BZHIN, BADZRA SATVA NI RDO RJE SEMS DPA', HRAm RA YA NI THUGS, SANTO shA NI KUN TU DGYES PA, H'Um GSUM DANG HO GSUM DANG SV'A H'A NI SNGAR BZHIN TE, DGOS DON DE LTAR DRAN PAR BYA'O,, GNYIS PA NANG MCHOD BYIN GYIS BRLAB PA LA BZHI, BSANG BA, SPYANG BA, BSKYED CING BYIN GYIS BRLAB PA, DE'I DGOS PA BSHAD PA'O, ,DANG PO NI, AOm A'A:BI GHN'ANTA? KRiTA H'Um CES BRJOD PA DANG MNYAM DU RANG GI THUGS KA NAS BGEGS MTHAR BYED KYI TSOGS DPAG TU MED PA SPROS TE @007B NANG MCHOD KYI SGRUB GZHI RDZAS LA GNAS PA'I BGEGS THAMS CAD BSKRAD PAR BSAM MO, ,AOm A'A:H'Um NI SKU GSUNG THUGS KYI SA BON DANG, BI GHN'ANTA KRiTA CES PA NI BGEGS MTHAR BYED CES PA'I DON NO, ,GNYIS PA NI, SH'U N+YA T'A'I SNGAGS BRJOD CING DON DRAN PA'I SGO NAS SBYONG BA YIN LA, SH'U N+YA T'A NI STONG PA NYID, DZNY'A NA NI YE SHES, BADZRA NI RDO RJE STE MI PHYED PA, SVA BH'A WA NI RANG BZHIN, A'ATMA KA NI BDAG NYID, AA HAm NI NGA'O STE, YUL STONG PA NYID DANG YUL CAN BDE BA CHEN PO'I YE SHES DBYER MI PHYED PA'I BDAG NYID DE NGA'O SNYAM DU NGA RGYAL 'JOG PA YIN ZHING, DE'I TSE SGRUB GZHI SOGS RANG BZHIN GYIS STONG PAR BSAMS TE THA MAL GYI SNANG ZHEN DGAG PAR BYA'O, ,GSUM PA NI, DE LTAR STONG PAR SBYANGS PA'I BDE STONG DBYER MED KYI NGANG LAS, H'Um YAm H'Um ZHES SOGS KYI DON BSAMS PA'I SGO NAS BSKYED PAR BYA STE, DE YANG STENG 'OG TU NYAL STABS KYI H'Um RE RE DANG BAR DU SA BON RE RE GYEN BGLENG DU RIM PAR BSKYED CING, 'DIR H'Um GNYIS PO'I ZHABS KYU PHAR? BSTAN PA STE, DE DAG RIM PAR YONGS SU GYUR PA LAS, RLUNG DKYIL BCAD KHA DANG ME DKYIL ZUR GCIG TSUR BSTAN PA'I STENG 'OG GI RDO RJE RTZE LNGA PA NYAL STABS SU BSAM, ME'I ZUR GSUM GYI STENG DU MDUN NAS G-YAS SKOR DU YI GE GSUM DKAR DMAR SNGO BA LAS, LTAG PA DBUS SU BSTAN PA'I MI MGO'I SGYED BU GSUM, DE GSUM GYI DBUS SU A'A:DKAR PO LAS THOD PA PHYI DKAR LA NANG DMAR BA, DE'I NANG DU A'A:LAS PADMA DMAR PO A'A:SA MTSAN PA, DE'I DBUS DANG SHAR NAS G-YAS SKOR DU H'Um BHRUm A'Am DZ'Im KHAm RNAMS LAS RIM PA BZHIN DU MI'I SHA GLANG PO CHE RTA BA LANG KHYI'I SHA STE SHA LNGA BSKYOD PA'I STENG DU YI GE SO SOS MTSAN PA, SLAR YANG DBUS DANG SHAR NAS PHYOGS BZHIR H'Um SOGS LNGA LAS RIM BZHIN DRI CHU DRI CHEN RAKTA BYANG SEMS SHA CHEN TE BDUD RTZI LNGA @008A *, ,BSKYED PA LA YI GE SO SOS MTSAN PA, YI GE RNAMS RIM PA BZHIN SNGO DKAR SER DMAR LJANG KHU GYEN BSGRENG, SHA LNGA PO SHA BAGS RUS GSUM DUM BUR BTUBS PA'AM TSANG MA, BDUD RTZI LNGA MAR KHU LTA BU LA PHAN TSUN GOS MI BSGRIBS PA'AM, YANG NA MAR KHUR SHA BCUG PA BZHIN BSAM, BDUD RTZI LNGA LA THUN MONG DU H'Um YIG GI N'A DA LA MA REG TZAM DU AOm DKAR PO, DE'I 'OG ZUR NAS 'OD ZER KHA DOG LNGA 'PHRO BA, STENG GI BAR SNANG LA NYI MA'I DKYIL 'KHOR DMAR 'KHYIL LE BA, DE'I STENG DU H'Um DKAR PO LAS RDO RJE DKAR PO RTZE LNGA PA GYEN 'GRENG LTE BA LA H'Um GIS MTSAN PA, H'Um YIG DE LAS 'OD ZER 'OG TU 'PHROS PAS, 'OG GI RLUNG G-YOS, DE'I STENG GI ME SBAR BAS THOD PA'I NANG GI RDZAS RNAMS MAR KHU LTAR ZHU ZHING KHOL BA'I NANG DU, STENG GI RDO RJE NYI GDAN DANG BCAS PA LHUNG NAS G-YAS BSKOR DU THAN GSUM DKRUGS PAS RDO RJE DANG RDZAS RNAMS RO MNYAM DU GYUR PAS RDZAS KYI KHA DOG DRI RO NUS PA'I SKYON THAMS CAD SPYANGS NAS SHEL LTAR DAG PAR GYUR PAR BSAMS SHING, RDZAS KYI 'OG GI PADMA A'A:DANG BCAS PA ZHU BA BDUD RTZI DANG 'DRIS PA NYI MA 'CHAR KHA'I MDOG LTAR DMAR SER GYI RNAM PA CAN GYI ZAG MED KYI BDUD RTZIR BYAS, YAB YUM GYI SBYOR 'TSAMS DANG AOm YIG LAS 'OD ZER 'PHROS SANGS RGYAS THAMS CAD KYI YE SHES KYI BDUD RTZI BKUG NAS, THOD PA'I BDUD RTZI LA BSTIM PAS BDUD RTZI MANG POR SBAR ZHING SPEL BAR BSAM MO, ,DE NAS YI GE GSUM LAN BDUN NAM GSUM BRJOD CING BYIN GYIS BRLAB, DE'I TSE RANG GZHAN GYI SGO GSUM GYI LAS SGRIB RNAMS PHRAL NAS BDUD RTZI LA BSTIM PAR MKHAS PA DU MAS BSHAD KYANG, DA LTA'I KHA CIG DE LTA BU LA SKYON 'TSOL BAR SNANG NGO, , @008B MTSON TSUL NI, AOm SH'U N+YA TA SOGS SNGAGS TSAN DRUG GIS KHYAB BYED LA SOGS PA'I RLUNG DRUG DANG, SNGAGS TSAN ZUNG RES LDANG 'JUG NAS GSUM GYI RDOR BZLAS, PADMAS NANG GI RTZA BRGYAD, ZE'U 'BRU'I A'A:SA YUM GYI DH'U TI'I MAR SNA, RDO RJE PADMAR LHUNG BAS RDO RJE DANG PADMA SBYOR BA, RLUNG GIS PHYAG RGYA, MES GTUM MO, ,SGYED BU'I SA BON GYIS SNANG MCHED THOB GSUM SGYED BUS SKU GSUNG THUGS GSUM LDAN GYI SGYU LUS, THOD PA PHYI DKAR BAS BDE BA, NANG DMAR BAS STONG PA, KHA CIG DE LAS LDOG STE MTSON PAR KYANG BSHAD, DKAR DMAR GYI BDE STONG DBYER MED KYI 'OD GSAL SHAS ZUNG 'JUG, SHA LNGAR PHYE BAS ZUNG 'JUG RIGS LNGA, BSHAD BAS ZUNG 'JUG PAS YUL DRUG 'OD GSAL DU SDUD PA, DRI CHUS MIG SHES SOGS DANG MIG DBANG SOGS 'OD GSAL SDUD PA, KHRAG GIS JI LTA BA THAMS CAD MKHYEN PA'I 'OD GSAL, KHU BAS CHOS NYID RTOGS PA'I 'OD GSAL, RDO RJE H'Um DANG BCAS PAS 'BRAS DUS KYI THUGS RDO RJE, PADMA A'A:DANG BCAS PAS GSUNG, AOm YIG GIS SKU RDO RJE MTSON, GZHAN YANG H'Um GNYIS DANG RDO RJE GNYIS KYIS YE SHES LNGA, MI MGOS LUS NGAG YID GSUM, THOD PA'I SA BON A'A:SA STONG NYID, THOD PAS BDE STONG DBYER MED MTSON PA SOGS MANG NGO, ,SPYIR SHA LNGA GSHEGS PA LNGA DANG BDUD RTZI LNGA GSHAGS MA LNGA'I NGO BOR MOS PA YOD KYANG, 'DIR GNYIS KA PHYOGS SU 'GOD PA DANG GSHEGS PA LNGA'I NGO BOR BSKYED PA'O, ,BSTAN TSUL GYI DBANG DU BYAS NA, LAS SNGAGS BRJOD PA'I TSE BSANGS, SH'U N+YA TAS STONG PAR SBYANGS, H'Um YAm H'Um YAm ZHES PA NAS, AOm YIG GIS MTSON PA'I BAR GYIS BSKYED, DE DAG GI STENG GI ZHES PA NAS SHEL LTAR DAG PAR GYUR PA'I BAR GYIS SBYANG BA, PADMA A'A DANG NAS RTOGS PAR BYAS ZHES PA'I BAR GYIS RTOGs PA, @009A *, ,AOm YIG GI NAS, SPEL BAR GYUR PA'I BAR GYIS SPEL BAR BYA STE, SBYANGS RTOGS SBAR GSUM GYI SGO NAS BYIN GYIS BRLAB PA'O, ,DAM TSIG PA'I RDZAS LA YE SHES KYI BDUD RTZI 'JUG PA NI BYIN GYIS BRLAB PA DANG MANG POR SBAR BA'I CHED YIN ZHING, YI GE GSUM BRJOD PA NI BYIN GYIS BRLABS BA'I CHER? GTZO BO YIN NO, ,SHA LNGA LA LCAGS KYU DANG SGRON MA LNGA ZHES BSHAD PA NI, DE LNGA LHA LA PHUL ZHING RANG GIS TSUL BZHIN LONGS SPYAD PAS DNGOS GRUB MYUR DU 'GUG PA DANG GSAL BAR BYED PAS DE LTAR BRJOD DO, ,BZHI PA NI, DE LTAR NANG MCHOD BYIN GYIS BRLABS PA LA DGOS PA YOD DE, BLA MA DANG LHAG PA'I LHA MNYES PA DANG, BZA' BA'I DAM TSIG BSTEN PA, MCHOD GTOR BYIN GYIS BRLAB PA'I TSE GSANG BAR BYA BA'I CHED YIN PA'I PHYIR, GSUM PA GTOR MA LA SPYIR 'DAS MA 'DAS KYI GTOR MA GNYIS YOD KYANG 'DIR SNGON 'GRO 'JIG RTEN PA'I GTOR MA BYA BA YIN LA, DE YANG 'PHAGS SKOR NAS DNGOS SU MA BSHAD KYANG MKHA' 'GRO RGYA MTSO SOGS NAS BSHAD PA LTAR MDZAD PA YIN ZHING, 'DI LA GNYIS, MCHOD GTOR BYIN BRLAB BYA BA DANG, MGRON SPYAN DRANGS NAS 'BUL BA'I TSUL LO, ,DANG PO NI 'OG NAS 'BYUNG BA LTAR BYA LA, GTOR MA NI GONG DU BSHAD PA LTAR BYIN GYIS BRLAB PO, ,GNYIS PA LA GNYIS, MGRON SPYAN 'DREN PA DANG, MCHOD GTER 'BUL BA'O, ,DANG PO NI, SPYIR PHYOGS SKYONG SA BON LAS BSKYED PA'I LUGS YOD KYANG, 'DIR RANG GI THUGS KA'I H'Um GI 'OD ZER GYIS DBANG PO LA SOGS PA'I PHYOGS SKYONG RNAMS BKUG NAS RANG GI PHYOGS MTSAMS SU 'KHOD PAR BSAM PA YIN LA, DE YANG DKAR PHYOGS NAG PHYOGS PA GNYIS LAS DKAR PHYOGS PA'O, ,DE RNAMS KYI PHYAG MTSAN SOGS MNGON RTOGS LTAR YIN LA, RDO RJE MTSON CHA NI BRGYA BYIN, SGYU MA RDO RJE NI KHYAB 'JUG ,RDO RJE ME @009B NI ME LHA, RDO RJE DUS NI GSHIN RJE, RDO RJE GTUN SHING NI SRIN PO, ,RDO RJE KLU NI RANG MING LTAR, RDO RJE RLUNG NI RLUNG LHA, RDO RJE 'JIGS BYED NI GNOD SBYIN, RDO RJE SNA RING NI TSOGS BDAG, RDO RJE KHRO BO NI DBANG PHYUG CHEN PO, ,RDO RJE 'KHYIL PA NI NYI MA, RDO RJE 'OD NI ZLA BA, MI SMRA RDO RJE NI TSANGS PA, THAG BZANG RIS DAD SA'I LHA MO NI RANG MING GIS BSTAN PA LTAR RO, ,DE RNAMS SKAD CIG GIS STONG PAR BSAMS TE THA MAL GYI SNANG ZHEN SBYANGS, STONG PA'I NGANG LAS SKAD CIG GI 'DUS PA'I LHA RDO RJE 'CHANG? YUM BCAS SU BSKYED DO, ,GNYIS PA LA, DANG PO CHU BZHI 'BUL BA NI, THOG MTHA'I AOm A'A:H'Um RNAMS NI RDO RJE GSUM GYI SA BON DANG, HR'I:SA NI SHER PHYIN MTSON, PRA NI RAB, WA RA NI MCHOG TU, SANG K'A RAm NI BSNYEN BKUR BA, AARGHAm NI MCHOD YON, PRA TITZTSA NI SO SOR BZHES, SV'A H'A NI DBUGS 'BYIN PA'O, ,GZHAN SNGAR LTAR LA P'A TYAm NI ZHABS BSIL, A'ANYTZA MA nAm NI ZHAL BSIL, PROKshA nAm NI BSANG GTOR RO, ,DE NAS AOm A'A:DUS GSUM SKYES PA KUN DANG PHYOGS BCU YI, ,ZHES SOGS KYIS GTOR MA 'BUL BAR BYA STE, DON BSDUN, DUS GSUM SKYES PA STE DNGOS PO KUN DANG PHYOGS BCU'I 'JIG RTEN GYI KHAMS NAM MKHA'I MTHAR THUG PA RGYA MTSO SPRIN GYI BKOD PA'I RAB 'BYAMS MA LUS PA'I 'JIG RTEN THAMS CAD PHAN TSUN GCIG LA GCIG BLTOS PA'I RTEN 'BREL SNANG STONG ZUNG DU 'JUG PA DANG THAMS CAD KYANG THA SNYAD DU SO SOR SNANG YANG DON DAM PAR MED PA'I CHOS KYI DBYINGS SU GTOGS SHING 'DU'O, ,YANG NAM MKHA'I MTHAR THUG PA'I DUS GSUM PHYOGs BCU'I 'JIG RTEN GYI KHAMS THAMS CAD NA YOD PA'I 'JIG RTEN SKYONG BA DANG DER MA ZAD SEMS CAN KUN KYANG PHYOGS SKYONG GI RNAM PAR BLTA BA NI, RDO RJE MTSON CHA ZHES SOGS KYIS GTOR MA 'BUL BA'I YUL NGOS BZUNG BA STE DON NI SNGAR LTAR SNGA MA SNOD PHYI MA BCUD KYI DBANG DU BYAS PA'O, , @010A *, ,ME TOG NGAG DANG ZHES SOGS RKANG PA BZHIS MCHOD GTOR 'BUL BA DANG, BDAG GI DBYIG GSER ZHES PA NAS 'JIG PAR MDZOD CES PA'I BAR GYIS 'GAL RKYEN SEL BA DANG, BDAG LA DBYIG GSER ZHES PA NAS MDZAD DU GSOL H'Um SV'A H'A'I BAR GYIS MTHUN RKYEN SGRUB? PA'I 'PHRIN LAS BCOL BA'O, ,'GOR AOm A'A:DANG MJUG TU H'Um SV'A H'A 'BYUNG BA NI RGYA GZHUNG LAS GTOR SNGAGS SU YOD PA BOD SKAD DU BSGYUR BA'I 'GO MJUG RANG SOR BZHAG PA'O, ,DE NAS CHU GNYIS DANG SO RTZI 'BUL BA NI, RGYA GAR DU ZAS LA LONGS SPYOD PA'I MJUG TU KHRUS BYED CING SO RTZI SDUD? PA DANG SGO BSTUN PA'O, ,DE NAS PHYI NANG GI MCHOD PAS MCHOD PAR BYA STE GO SLA'O, ,DE NAS YIG BRGYA DANG MA RNYED CES SOGS KYIS BZOD GSOL DANG, AOm A'A:H'Um BADZRA MU:ZHES SOGS KYIS GSHEGS GSOL BYA'O, ,DE LTAR SNGON 'GRO GTOR MA PHUL BA LA DGOS PA YOD DE, SGRUB THABS DNGOS GZHI BSGOM PA LA BGEGS KYI BAR CHAD SRUNG BA DANG MTHUN RKYEN SGRUB PA'I 'PHRIN LAS BCOL BA'I CHED YIN PA'I PHYIR, BZHI BA BDAG BSKYED MCHOD PA BYIN GYIS BRLAB PA LA GNYIS, BYIN GYIS BRLAB PA'I TSUL DANG, DUS NAM GYI TSE 'BUL BA'O, ,DANG PO NI, RANG NYID ZHE SDANG RDO RJE'I NGA RGYAL DANG LDAN PA'I SGO NAS LAS SNGAGS KYIS BSANG, SH'UN+YA'I SNGAGS BRJOD CING DON DRAN PA'I SGO NAS BDE STONG DBYER MED KYI 'OD GSAL DU SBYANGS PA'I STONG PA'I NGANG LAS, MCHOD PA'I GRANGS DANG MNYAM PA'I A'A:RE RE THOL GYIS BYUNG, DE RNAMS 'OD DU ZHU BA LAS THOD PA PHYI DKAR LA NANG DMAR BA RE RE, RANG GI G-YAS NAS BRTZAMS TE DE RNAMS KYI NANG DU RIM PAR MCHOD YON LA SOGS PA RNAMS RANG RANG GI MING YIG DANG PO, AA P'A BU DH'U A'A GA NEE SHA RNAMS DANG R'U SHA GAR SPA RNAMS LA THIG LES BRGYAN PAS AAm BE PUm DH'Um NAS SHAm RNAMS DANG R'Um NAS SBAm RNAMS RE RE, DE RNAMS YONGS SU GYUR PA LAS NGO BO BDE @010B STONG DBYER MED KYI YE SHES YIN PA LA, RNAM PA MCHOD YON LA SOGS PA SO SO'I RNAM PA CAN, BYED LAS MGRON RNAMS KYI DBANG PO DRUG GI SPYOD YUL DU ZAG MED KYI BDE BA KHYAD PAR CAN BSKYED PA'I NUS LDAN DU BSAM, MCHOD PA RNAMS LAS SNGAGS KYIS BSANG BA NI, DPUNG BZANG LAS BSHAD PA LTAR MCHOD YON LA CHU LTAR G-YO BA, ME TOG LA 'JIG RTEN ME TOG ,BDUG SPOS LA NAG PO, ,MAR ME LA GTZUG PHUD GCIG PA, DRIL DRI ZAB, ZHAL ZAS LA GTOR MA ZA BA, ROL MO LA ZLOS GAR MKHAN ZHES BYA BA'I BGEGS ZHUGS NAS BAR CHAD BYED PAS DE RNAMS BSKYED PA'I CHED DANG, STONG PAR SBYANG BA NI THA MAL GYI SNANG ZHEN SBYONG BA DANG, SA BON RNAMS RANG RANG? GI MING YIG DANG PO BSKYED PA NI MCHOD RDZAS RNAMS MING RKYANG BTAGS YOD TZAM DU GO BA'I CHED YIN LA, DE BDE STONG GI RNAM PAR LTA BA NI, MCHOD RDZAS LA LONGS SPYOD PA DANG SPYAD BYA DANG JI LTAR SPYOD PA RNAMS KYANG BDE STONG DBYER MED KYI YE SHES KYI RNAM ROL TU 'CHAR BA'I CHED DO, ,MCHOD RDZAS RNAMS KYI RNAM PA RIM BZHIN MCHOD YON YAN LAG BRGYAD LDAN, LHA'I ME TOG ,TZAN DAN SOGS KYI SPOS, NYI ZLA'AM MAR DKAR GYI MAR ME GA PUR SOGS KYIS BSGOS PA'I DRI CHAB, RO BRGYA'I ZHAL ZAS, LHA'I ROL MO SOGS DANG, GNAS GANG DU 'BUL BA NI, RIM BZHIN, ZHAL, ZHABS, DBU, SHANGS, SPYAN, THUGS KA ,LJAGS, SNYAN RNAMS LA 'BUL ZHING, 'DOD YON LNGA NI, MIG SOGS DBANG PO LNGA LA 'BUL LO, ,THOD PA'I SA BON A'AS:STONG NYID, GTUM MO, SROG 'DZIN PHRA BA, LHAN SKYES KYI BDE CHEN RNAMS MTSON, THOD PAS KHAMS DKAR DMAR GYI 'DU 'PHROD LA BRTEN PA'I BDE CHEN BZHON PA RLUNG DANG BCAS PA SOGS MTSON ZHING YI GE GSUM GYIS RDO RJE GSUM GYI BDAG NYID DU BYIN GYIS RLABS PA DANG, DGOS PA NI, 'DOD YON GYI RANG BZHIN SHES PA'I SGO NAS LONGS SPYOD PA, THA MAL GYI SNANG ZHEN SBYONG BA, BLA MA DAN @011A *, ,DKYIL 'KHOR MNYES PA DANG, 'BRAS DUS KYI BDE STONG LA BLO SBYOD BA SOGS KYI CHED DO, ,GNYIS PA DUS NI, BDAG BSKYED ZIN PA'I BSTOD PA'I DE MA THAG 'BUL BA STE, SKABS DER BYIN GYIS RLABS PAS KYANG CHOG GO ,LNGA PA RDO RJE SEMS DPA'I SGOM BZLAS NI, THUN MTSAMS SU NI SPYAD PAR BYA, ,ZHES GSUNGS PA LTAR THUN MTSAMS SU'ANG RUNG MOD, BLA MA SNGA MA'I PHYAG LEN LA MTSAMS 'DIR BYED CING, DE YANG RANG RDOR SEMS SU BSKYED PAS KYANG CHOG LA, CHO GA NAS 'BYUNG BA LTAR RANG GI SPYI BOR PAm LAS PADMA DANG AA LAS ZLA BA DE'I STENG DU H'Um DKAR PO LAS RDO RJE SEMS DPA' DKAR PO BSKYED PA SOGS CHO GA'I TSIG RIS LTAR TE GO SLA'O, ,SNGAGS DON LA, AOm NI SKU RDO RJE'I SA BON DANG, BADZRA SATVA NE RDO RJE SEMS DPA', SA MA YA NI DAM TSIG ,MA NU P'A LA YA NI RJES SU SKYONGS, BADZRA SATVA TE NO PA NI RDO RJE SEMS DPA' NYID KYIS NYE BAR, TIshthA NI GNAS PAR MDZOD, dAm dHO NI BRTAN PA, ME NI BDAG ,BHA WA NI RANG BZHIN DU MDZOD, SU TO shYO NI SHIN TU DGYES PA, SU BO shYO NI SHIN TU RGYAS PA, AA NU RAKTO NI RJES SU CHAGS PA, ME BHA WA GSUM NI SNGAR BZHIN NO, ,SARBA SIDDHI NI DNGOS GRUB THAMS CAD, MA BRA YATZTSA NI BDAG LA STZAL DU GSOL, SARBA KARM'A SU TZA ME NI BDAG LA LAS THAMS CAD STZAL DU GSOL, TZITTAm SHRI YAm:NI SEMS SAM SNYING GI DPAL DU, KU RU NI MDZOD CIG ,H'Um NI THUGS RDO RJE'I SA BON DANG, HA BZHI DANG HO DANG LNGA NI YE SHES LNGA, BHA GA WAN NI BCOM LDAN 'DAS, SARBA TA TH'A GA TA NI DE BZHIN GSHEGS PA THAMS CAD, BADZRA MA ME MU NYTZA NI RDO RJE BDAG LA 'DOR CIG ,BADZRI BHA WA NI RDO RJE CAN GYI RANG BZHIN, MA H'A SA MA YA SATVA NI DAM TSIG SEMS DPA' CHEN PO, ,A'A:NI GSUNG RDO RJE'I SA BON DANG SKYE MED MTSON, H'Um GIS BDE CHEN DANG, PHAt KYIS DON DE GSAL BAR BYED PA'O, ,RDO RJE SEMS DPA'I SGOM BZLAS 'DI LA STOBS BZHI TSANG BA YIN TE, SKYABS 'GRO SEMS BSKYED NI RTEN GYI STOBS, @011B SGOM BZLAS KYIS GNYEN PO KUN TU SPYOD PA, BDAG NI MI SHES ZHES SOGS KYIS SUN 'BYIN PA'I STOBS BSTAN NAS SHUGS LA SLAR LDOG PA'I STOBS BSTAN TO, ,RDOR SEMS KYI SGOM BZLAS 'DI'I SNGON DU MAndAL 'BYUNG PA NI DKYIL 'KHOR SGRUB MCHOD KYI TSE BLA MA LA 'BUL BA YIN PAS MNGON RTOGS RKYANG BA'I DUS SU MI DGOS LA, SKYABS SEMS BYAD PA'I TSIG DON NI 'OG TU 'CHAD PAR BYA'O, ,GNYIS PA MTHUN RKYEN BSGRUB PA'I PHYIR TSOGS ZHING MCHOD CING SDOM PA BZUNG BA NI, RJES MDZAD PA'I 'DUS PA'I SMON LAM LAS, ZHING GI PHUL BYUNG THUGS KYI DKYIL 'KHOR LA, ,ZHES SOGS RKANG PA BZHI SA STON TE, 'DI LA GNYIS, TSOGS ZHING SPYAN DRANGS NAS MCHOD PA SOGS DANG, SDOM PA BZUNG PA'O, ,DANG PO LA SPYAN 'DREN PA SOGS DRUG LAS, DANG PO NI, RANG MI BSKYOD PA ZHI BAR GSAL BA'I THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS, BLA MA DANG MI BSKYOD PA'I DKYIL 'KHOR TSOGS ZHING DU MDUN GYI NAM MKHAR SPYAN DRANGS, BLA MA GTZO BO'I RIGS BDAG TU MOS NAS SPYAN 'DREN PA YOD KYANG, 'DIR GTZO BO DANG BLA MA THA MI DAD DU MOS NAS SPYAN 'DREN PA YIN LA, GANG NAS SPYAN 'DREN LA'ANG GNYIS YOD KYANG 'DIR RANG BZHIN GYI GNAS NAS YIN LA, DE LA'ANG CHOS SKU LA RANG BZHIN GYI GNAS SU BYAS NAS LONGS SKU'I RNAM PAR DANG, LONGS SKU LA RANG BZHIN GYI GNAS SU BYAS NAS SPRUL SKU'I RNAM? PAR SPYAN 'DREN PA GNYIS TE GANG BYAS KYANG RUNG NGO, ,'BUL BA LA, ME TOG SOGS RE RE LA'ANG RDZAS SNGAGS, PHYAG RGYA, TING NGE 'DZIN, SGRUB PA'I MCHOD PA STE KHYAD PAR LNGA LDAN DU BYED DGOS SHING, SNGAGS DON NI, AOm NI BSHAD ZIN SARBA TA t'A GA TA NI DE BZHIN GSHEGS PA THAMS CAD, PUshPE ME TOG, P'A DZA NI MCHOD PA, ME GHA NI SPRIN, SA MU DRA NI RGYA MTSO, SPAR nA NI 'PHRO BA, SA MA YA NI DAM TSIG, SHR'I YA NI BZHIN DU BZHES, A'A:DANG H'Um NI GSUNG DANG THUGS KYI SA BON NO, ,DMIGS @012A *, ,PA NI, AOm ZHES PA'I SKABS SU MCHOD LHA'I TSOGS SNYING KHA NAS MCHOD RDZAS DE DAG THOGS BZHIN PA DPAG TU MED PA SPROS TE, MCHOD PAS YUL RNAMS KYI THUGS RGYUD LA BDE BA KHYAD PAR CAN SKYES PAR BSAM ZHING, H'Um ZHES PA DANG RDO RJE BSDU BA'I PHYAG RGYA BYAS NAS MCHOD PA'I LHA MO RNAMS RIM GYIS SNYING GA'I H'Um YIG LA SDUD DO, ,DE'I TSE MCHOD MKHAN MCHOD YUL MCHOD RDZAS THAMS CAD BDE STONG GI RNAM ROL TU BLTA'O, ,GNYIS PA PHYAG 'TSAL BA NI, GANG ZHIG GZUGS DANG TSOR BA 'DU SHES 'DU BYED DANG, ,ZHES SOGS TE, 'DI'I DON NI, SGRUB BOS? YUL LHA GANG ZHIG LA PHYAG 'TSAL TSUL? YOD DE, GZUGS PHUNG RNAM PAR DAG PA'I NGO BO RNAM SNANG DANG, DE BZHIN DU SBYAR TE TSOR BA RIN 'BYUNG 'DU SHES 'OD DPAG MED, 'DU BYED DON GRUB, RNAM SHES RNAM PAR DAG PA'I NGO BO MI BSKYOD PA DANG, GZUGS SGRA DRI RO REG BYA CHOS KYI SKYE MCHED DE SKYE MCHED DRUG RNAM PAR DAG PA GZUGS RDO RJE MA SOGS LNGA DANG KUN BZANG, MIG RNA BA SNA LCE LUS YID KYI DBANG PO STE DBANG PO DRUG RNAM PAR DAG PAS SNYING PHYAG RDOR NAM? SNYING 'JIG RTEN DBANG PHYUG SGRIB SEL BYAMS PA, SA CHU ME RLUNG NAM MKHA'I KHAMS TE KHAMS LNGA RNAM PAR DAG PA YUM BZHI DANG 'JAM DPAL, GTI MUG DANG NYES PA NGA RGYAL DANG 'DOD CHAGS GSUM DAG PA RNAM SNANG RIN 'BYUNG 'OD DPAG MED, RDO RJE DON GRUB KYI RIGS KYI KHRO BO RIM BZHIN GSHIN RJE GSHED SHES RAB MTHAR BYED RTA MGRIN BGEGS MTHAR BYED BZHI, SDUD PA 'DOD RGYAL, DGA' BA DBYUG SNGON CAN, RNAM PA STOBS PO CHE, MI 'GYUR MI G-YO BA, RGYU GNOD MDZES, 'BRAS BU GTZUG TOR 'KHOR SGYUR TE DRUG RNAMS LA PHYAG 'TSAL BA YIN PA'I PHYIR, DE THAMS CAD KYANG SPANGS RTOGS BYANG CHUB KYI SEMS RDO RJE STE RDO RJE 'CHANG DANG 'DRA BA BDE STONG DBYER MED KYI YE SHES LHA'I RNAM PAR SHAR BA'O, ,TSIGS BCAD GNYIS PA'I RKANG PA BAR BA GNYIS KYI DON NI, RIG PA STE PHYAG RGYA DANG SBYOR BA LAS BYUNG BA'I @012B LHAN SKYES KYI BDE BA DANG RTAG TU RAB TU 'BREL BAS RNAM PA SNA TSOGS PA'I SNANG PA THAMS CAD KYANG BDE STONG GI DGA' BAS MYOS PA'I DNGOS PO STE BDAG NYID DU GYUR PA'I DON NO, ,GSUM PA'I RMONGS DANG ZHES SOGS KYIS MI G-YO BA SOGS DRUG GI RIGS NGOS 'DZIN PA YIN TE, RMONGS DANG ZHES PAS RNAM SNANG GI RIGS MI G-YO BA DANG, ZHE SDANG ZHES PAS MI BSKYOD PA'I RIGS KYI KHRO BO GNOD MDZES DANG GTZUG TOR 'KHOR SGYUR GNYIS, 'DOD CHAGS RNAM DAG 'OD DPAG MED KYI RIGS DBYUG SNGON CAN, SGRIB PA SER SNA RNAM DAG RIN 'BYUNG GI RIGS 'DOD RGYAL DANG, RDO RJE DON GRUB KYI RIGS STOBS PO CHE YIN PAR BSTAN TE, TSIGS BCAD 'DI NI RGYUD PHYI MA'I SMAD CHA NAS 'BYUNG NGO, ,GSUM PA NI, GANG ZHIG THOG MED CES SOGS TSIGS BCAD GCIG GIS STON TE, BSHAGS PAR BYA BA GANG ZHIG DUS THOG MA MED PA NAS GNAS SRID PA'I CHU KLUNG DU KUN SLONG DUS GSUM MA LUS PA'I KUN RTOG GIS KUN NAS BSLANGS TE BSAGS PA'I NGO BO KHA NA MA THO BA'I RNYOG PA RNAMS, BSHAGS YUL THUGS RJE CHE LDAN BLA MA DANG DKYIL 'KHOR BA'I LHA TSOGS RNAMS KYI SPYAN SNGAR, BSHAGS TSUL RGYAL BAS GSUNGS PA'I CHO GA BZHIN TE STOBS BZHI TSAR ZHING 'KHOR GSUM MI DMIGS PAR RTOGS PA'I SHES RAB KYIS ZIN PA'I SGO NAS BSHAGS PAR BGYI'O, ,BZHI PA, RDZOGS SANGS RGYAS DANG BYANG CHUB SEMS DPA' DANG, ,ZHES SOGS RKANG PA BZHI STON TE, RDZOGS PA'I SANGS RGYAS DANG BYANG CHUB SEMS DPA' DANG NYAN RANG 'PHAGS PA DANG DE LAS GZHAN SO SO SKYE BO KUN GYIS DGE BA GANG MDZAD PA DE DAG KUN LA YANG DAG PAR DGA' BAS YI RANG ZHING, RANG GIS DUS GSUM DU BSAGS PA'I DGE BA KUN KYANG BLA MED BYANG CHUB TU YONGS SU BSNGO BAR BGYI RIGS TE, DGE BA GONG 'PHEL DU 'GRO BA DANG, MI 'DZAD PA'I THABS MCHOG TU GYUR PAS SO, ,LNGA PA SKYABS 'GRO NI, YID KYI ROL BA SOGS SHLOO KA GSUM GYI STON TE 'DI LA GSUM GYI DANG PO SANGS RGYAS LA SKYABS SU 'GRO BA NI, YID KYI ROL BAS TE BKOD PA ZHES PA @013A *, ,YIN LA, DE YANG LAM DUS KYI STONG NYID RTOGS PA'I YE SHES GNYIS SNANG GI DRI MA MED PA ZLA PA DANG 'DRA BAR GONG NAS GONG DU 'PHEL BAR BSGRUBS PA'I GNYIS SU MED PA'I YE SHES DANG, SNYING RJE DAM PA DANG, SBYIN SOGS MTHA' YAS PA'I THABS RNAMS MTHAR PHYIN PAS 'BRAS BU'I THABS SHES KYI YON TAN MTHAR THUG PA THAMS CAD DUS GCIG TU RANG GI YID LA STE RGYUD LA RTAG TU GNAS PA'I BDE BAR GSHEGS PA RNAMS LA SKYABS STON PA POR KHAS LEN PA'I SGO NAS SKYABS SU MCHI BA'O, ,GNYIS PA CHOS LA NI RAGS PA'I GNYIS SNANG GI RTOG PA MA LUS PA LAS RANG DUS NAS NGES PAR GROL ZHING, BYANG CHUB SEMS DPA' DAM PA 'PHAGS PA RNAMS KYI SPANGS RTOGS KYI YON TAN ? PHUN SUM TSOGS PA THAMS CAD 'BYUNG BA'I GZHI MNYAS GZHAG YE SHES LAM GYI BDEN PA DANG, CHOS CAN GYI DNGOS PO THAMS CAD GNAS LUGS KYI NGANG DU RO GCIG PA'I CHOS NYID DE BZHIN NYID KYI NGO BO 'GOG PA'I BDEN PA STE, DE LTA BU'I DAM PA'I CHOS DE RANG RGYUD LA RTAG TU THOB BYAR KHAS BLANGS PA'I SGO NAS SKYABS SU 'GRO BA'O, ,GSUM PA DGE 'DUN LA NI, SA RANG GI NGO SKAL GYI 'CHING BA KUN LAS YANG DAG PAR GROL BAR GYUR CING, SNYING RJE MCHOG GI MA MAS BSKRUN PA'I BYANG CHUB KYI SEMS KYI DPAL DANG LDAN PA, RAB TU DGA' BA LA SOGS PA'I SA LA RAB TU BZHUGS PA'I SGO NAS THEG PA CHEN PO'I BRTUL ZHUGS CAN GYI SO SKYE'I BYANG SEMS LAS DBANG PO MCHOG TU GYUR PA'I TSOGS RNAMS LA LAM SGRUB PA'I ZLA GROGS SU KHAS LEN PA'I SGO NAS SKYABS SU 'GRO BAS SO, , DRUG PA SEMS BSKYED CING LAM LA BRTEN PA NI, BSAM DANG RNAM PAR SMIN PA ZHES SOGS SHLOO KA GNYIS KYI STON TE, BSAM PA SMON PA'I SEMS DANG, DE'I RNAM PAR SMIN PA'I 'BRAS BU SBYOR BA RNAM PAR DAG PAR GYUR PAS SGRIB PA KUN GYI BAG CHAGS YANG DAG PAR 'BYIN CING, GZHAN DON LA LHAG PAR @013B MOS PAS RNAM PAR BRGYAN PA'I 'JUG SEMS NI THOB BYA BYANG CHUB DAM PA LA DMIGS TE BSKYED PAR BGYI'O, ,LAM LA BRTEN PA NI, BDE BAR GSHEGS PA SRAS DANG BCAS PA RNAMS KYI BGROD PA'I LAM GCIG PU THEG CHEN GYI LAM GYI GZHUNG SHING SBYIN SOGS PHYIN DRUG DANG, DKAR PO'I DGE BA BCU'I LAS LAM GYI TSUL KHRIMS LA DA LTA NYID NAS RDZOGS PA'I SANGS RGYAS MA LUS PA'I BDAG NYID KYI NGO BOR 'BRAS BU LAM BYED DU MOS PA'I BLOS GNAS PAR BGYI'O, ,BSHAGS PA NAS 'DI'I BAR 'JAM RDOR GYI SGRUB THABS KUN BZANG NAS 'BYUNG BA LTAR BKOD PA'O, ,GNYIS PA THUN MONG MA YIN PA'I SDOM PA BZUNG BA NI, SANGS RGYAS BYANG CHUB SEMS DPA' KUN, ,ZHES PA NAS SEMS CAN MYA NGAN 'DAS LA 'GOD, ,CES PA'I BAR GYI STON TE, 'DI LA YAN LAG SEMS BSKYED PA DANG, THUN MONG MA YIN PA'I SDOM PA GZUNG BA DNGOS DANG, DON BSDUS TE DAM BCA' BA'O, ,DANG PO NI, SANGS RGYAS BYANG CHUB SEMS DPA' KUN SOGS RKANG PA GNYIS KYIS SNYAN GSAN PHAB NAS, BYANG CHUB SEMS NI BLA NA MED, ,CES SOGS GNYIS KYIS DAM BCA' BA TZAM ZHIG BSTAN TO, ,RTEN GANG GIS NA BDAG MI BSKYOD RDO RJE ZHES BGYI BAS SO, ,DUS JI SRID DU NA, SNGAGS LA ZHUGS PA'I DUS 'DI NAS BZUNG NAS NI, BYANG CHUB SNYING PO LA MCHIS KYI BAR DU'O?, ,TSUL JI LTAR BSKYED NA, JI LTAR TE DPER NA, DUS GSUM GYI MGON PO RNAMS KYIS SNGON SLOB PA? LAM GYI GNAS SKABS SU BYANG CHUB TU NGES PAR SEMS BSKYED PA'I TSUL LTAR SEMS BSKYED PAR BGYI'O, ,GNYIS PA LA LNGA LAS, DANG PO RNAM SNANG GI DAM TSIG DANG SDOM PA GZUNG BA N?I, TSUL KHRIMS KYI NI BSLAB PA DANG, NAS SDOM PA DENG NAS BDAG GIS GZUNG, ,ZHES PA'I BAR GYI STON TE, DON BSDUS NA, NYES SPYOD SDOM PA'I TSUL KHRIMS, DGE BA CHOS SDUD, SEMS CAN DON BYED KYI TSUL KHRIMS GSUM DANG, SANGS RGYAS CHOS DANG DGE 'DUN TE DKON MCHOG GSUM @014A *, ,LA SKYABS SU 'GRO BA LA NYIN MTSAN THUN DRUG TU SLOB 'DOD SPYOD PA'O, ,GNYIS PA MI BSKYOD PA'I SDOM PA NI, RDO RJE RIGS MCHOG CHEN PO YI, RKANG PA BZHI STON TE, NGES DON GYI RDO RJE RGYAL BA'I THUGS GNYIS SU MED PA'I YE SHES MTSON PA'I PHYIR DU CHA TSAD DANG LDAN PA'I RDO RJE 'DZIN PA RDO RJE'I DAM TSIG DANG, CHOS THAMS CAD RANG BZHIN MED PA'I STONG PA NYID DANG RNAL 'BYOR BA RANG GI SEMS GNYIS SU MED PA'I SHES RAB NI NGES DON GYI DRIL BU DANG, DE DRAN PA'I PHYIR DU CHA TSAD DANG LDAN PA'I DRIL BU 'DZIN PA DRIL BU'I DAM TSIG ,RANG LHA'I SKU PHYAG RGYA CHEN POR BSKYED DE PHYAG RGYA GNYIS GANG RUNG DANG SNYOMS PA ZHUGS PA LAS BYUNG BA'I BDE BA DANG STONG PA DBYER MED DU SBYOR BA NI PHYAG RGYA'I DAM TSIG ,RANG LA SNGAGS KYI CHOS STON PA'I BLA MA BSNYEN BKUR BA'I ZHING MCHOG TU 'DZIN PA NI SLOB DPON GYI DAM TSIG STE SNGAR BZHIN SLOB PA'O, ,GSUM PA RIN 'BYUNG GI SDOM GZUNG NI, RIN CHEN RIGS MCHOG SOGS RKANG PA BZHES STON TE, ZANG ZING GI SBYIN PA DANG, DNGOS SU 'AM RANG GI DGE RTZA GZHAN LA GTONG BA CHOS KYI SBYIN PA, BYAMS PA TSAD MED BSKOM PA BYAMS PA'I SBYIN PA, BTANG SNYOMS TSAD MED BSGOM PA MI 'JIGS PA SKYABS KYI SBYIN PA STE DE LA SNGAR LTAR SLOB PO, ,BZHI BA 'OD DPAG MED KYI SDOM GZUNG NI, BYANG CHUB CHEN PO LAS BYUNG BA'I, ,SOGS RKANG PA BZHIS STON TE, PHYI BYA SPYOD GNYIS DANG, GSANG BA RNAL 'BYOR DANG RNAL 'BYOR BLA MED GNYIS, GZHAN PHAR PHYIN THEG PA'I DAM PA'I CHOS MA LUS PA LA SLOB 'DOD SNGAR BZHIN SBYONG BA'O, ,LNGA BA DON GRUB KYI? SDOM GZUNG NI, ME TOG SOGS PHYI'I MCHOD PA, NANG MCHOD BYIN GYIS RLABS NAS 'BUL BA NANG GI MCHOD PA, PHYAG RGYA DANG SBYAR BA'I BDE BAS DKYIL 'KHOR BA'I LHA RNAMS TSIM PAR BYED PA GSANG BA'I MCHOD PA, BDE BA DES STONG NYID RTOGS PA DE KHO NA NYID KYI MCHOD PA STE SNGAR BZHIN SLOB PA'O, ,GSUM PA LA GSUM GYI DANG PO SEMS @014B BSKYED KYI DON BSDU BA NI, BYANG CHUB SEMS NI BLA NA MED, ,CES SOGS RKANG PA GNYIS GSUNG, GNYIS PA SDOM GZUNG GI DON BSDU BA NI, SEMS CAN KUN GYI DON GYI PHYIR, ZHES SOGS RKANG PA GNYIS GSUNG, GSUM PA MJUG BSDU BA SOGS NI NYON MONGS PA'I 'CHING BA LAS MA BSGRAL BA TSANGS PA SOGS BDAG GIS BSGRI?L BAR BYA BA DANG, SHES SGRIB LAS MA GROL BA'I NYAN RANG SOGS BDAG GIS SGROL BA DANG, DBUGS MA PHYIN PA'I NGAN SONG BA RNAMS BDAG GIS SDUG BSNGAL LAS DBUGS PHYUNG STE MI GNAS PA'I MYANG 'DAS LA 'GOD PAR BGYI'O, ,SKABS 'DIR SDOM PA 'DZIN PA NI THOB ZIN BRTAN PA DANG, MCHOD PA'I YAN LAG YIN GYI, SDOM PA SNGAR MED GSAR DU SKYE BA DANG, NYAMS PA SOR CHUD PA NI MIN TE, DE LA DBANG BSKUR BA DANG 'BREL DGOS PA'I PHYIR RO, ,RIGS LNGA'I SDOM GZUNG GI DON DRIL NA 'DI LTAR 'GYUR TE, DANG POR DKON MCHOG GSUM LA SKYABS SU SONG STE RANG GI LHA GANG SGRUB PA DE'I SKUR BSGOMS NAS, RANG LHAR GSAL BA DANG BLA MA LA MCHOD CING MDO SNGAGS THAMS CAD LA MKHAS PAR BYA BA DANG, SGO GSUM GYI NYES SPYOD LAS LDOG CING DGE BA MTHA' DAG SGRUB PAR BYED PA DANG, SBYIN PA BZHIS SEMS CAN GYI DON BYA DGOS SO ZHES PA'I DON NO, , DAM TSIG SDOM PA'I GRANGS NI, RNAM SNANG GI DRUG ,MI BSKYOD PA'I BZHI, RIN 'BYUNG GI BZHI, 'OD DPAG MED KYI GSUM, DON GRUB KYI GCIG GAM GNYIS RNAMS SO, ,'DA' BAR MI BYA BAS NA? DAM TSIG DANG, NYES SPYOD LAS SDOM PAS NA SDOM PA STE, 'GAL BA MIN YANG SKABS 'DIR THUN DRUG TU BSNGO BGRANG BYA RGYUR BSHAD PA RNAMS NI DAM TSIG GI DBANG DU BYAS PA'O, ,'ON KYANG SDOM PA THAMS CAD LDAN PAR NI, ,ZHES PA'I DON GONG GI DAM TSIG RNAMS LA BYED PA DANG, MCHOD PA'I DAM TSIG LA BYED PA MI 'DRA BA'I TSUL GNYIS YOD DO, ,MJUG TU TSOGS ZHING RNAMS RANG BZHIN @015A *, ,GYIS STONG PAR BSAM PA DANG, RANG LA BSTIM PA DANG, RANG GNAS SU GSHEGS PA SOGS DU MA YOD PA LAS 'DIR SNGAR SPYAN DRANGS PA'I RANG GNAS SU GSHEGS PAR BSAM PA'O, ,TSOGS ZHING MCHOD PA'I DGOS PA NI, SGRUB THABS DNGOS GZHI SGOM PA LA MTHUN RKYEN TSOGS RDZOGS PA'I CHED DO, ,GSUM PA 'GAL RKYEN 'GOG PA'I PHYIR SRUNG 'KHOR BSGOM TSUL NI, SMON LAM LAS, DPAL LDAN ZHE SDANG RDO RJE KHRO BO BCU'I, ,ZHES SOGS RKANG PA BZHIS STON TE, 'DI LA GSUM, SRUNG BA'I 'KHOR LO RTZIBS BCU BA SGOM TSUL DANG, PHUR GDAB BYA TSUL RA GUR SOGS BSGOM TSUL LO, ,DANG PO NI, SKABS 'DIR STONG PA'I NGANG LAS SRUNG 'KHOR 'CHAD 'GYUR LTAR BSGOM PA RTZA RGYUD DANG 'PHAGS PA YAB SRAS KYIS GSAL BAR DNGOS SUM BSHAD KYANG, 'DUS PA'I RGYUD PHYI MA LAS, KUN NAS SER BA'I 'KHOR LO NI, ,ZHES GSUNGS PA'I DON AA BHYAS BSHAD PA BZHIN BSGOM PAR BYA STE, DE'I TSUL NI, SVA BH'A WA'I SNGAGS BRJOD CING DON DRAN PA'I SGO NAS CHOS RNAMS KYI NGO BO DANG RGYU DANG 'BRAS BU GSUM RANG GI MTSAN NYID KYIS MA GRUB PA'I STONG PA NYID DU BSGOM PAR BYA ZHING, SNGAGS DON NI, SVA BH'A WA RANG BZHIN, SHUDDH'A:DAG PA, SARBA DHARM'A CHOS THAMS CAD, SVA BH'A WA SHUDDHA NI RANG BZHIN GYIS DAG PA, AA HAm NI NGA'O STE, MDOR NA GZUNG 'DZIN GYIS BSDUS PA'I CHOS THAMS CAD RANG BZHIN GYIS DAG PA'I BDAG NYID DE NGA'O ZHES PA'O, ,DE LTAR CHOS THAMS CAD RANG BZHIN GYIS MA GRUB PA'I STONG PA'I NGANG LAS, PAm LJANG KHU ZHIG BYUNG, DE YONGS SU GYUR PA LAS SNA TSOGS PADMA DE'I LTE BAR A'A:DMAR PO LAS NYI MA'I DKYIL 'KHOR DMAR 'KHYIL LE BA, DE'I STENG DU BHRUm SER PO LAS 'KHOR LO SER PO RTZIBS BCU PA G-YAS BSKOR DU MGYOGS PAR 'KHOR BA, DBYIBS MDUNG SO GNYIS MJUG SPRAD PA LTA BU'I SBYAR MTSAMS NAS PHYOGS MTSAMS @015B KYI RTZIBS RNAMS RAL GRI SO GNYIS PA LTA BU HA CANG RING BA MIN PA LTE BA'I RGYA'I PHYED TZAM PA, LTE BA'I DBUS SU PAD ZLA'I GDAN DANG, PHYOGS MTSAMS KYI RTZIBS KYI RTZE MO LA CUNG ZAD MA REG PA'I GNAS RNAMS SU SNA TSOGS PAD? NYI'I GDAN ZUNG BRGYAD DANG, GTZO BO 'OD SA'I STENG GI SBUBS STONG GI BAR SNANG DANG 'OG TU PAD NYI'I GDAN ZUNG RE RE, DBUS KYI GDAN LA GTZO BO RDO RJE 'CHANG DKAR PO ZHAL GSUM PHYAG DRUG PA LA YUM RDO RJE DBYINGS KYI DBANG PHYUG MA DKAR PO ZHAL GSUM PHYAG DRUG PAS 'KHYUD PA, YAB YUM GNYIS KA'ANG RGYAN DANG PHYAG MTSAN RNAMS 'DRA'O, ,YAB KYI THUGS KHAR SNA TSOGS PADMA DANG ZLA BA'I GDAN LA YE SHES SEMS DPA' DMAR PO ZHAL GCIG PHYAG GNYIS PA DANG, DE'I THUGS KHAR ZLA GDAN LA RDO RJE SNGON PO RTZE LNGA PA'I LTE BAR TING NGE 'DZIN SEMS DPA' H'Um YIG SNGON PO STE SEMS DPA' SUM BRTZEGS BYA, DE NAS GNAS GSUM DU YI GE GSUM BKOD DE, H'Um GI 'OD ZER GYIS PHYOGS BCU'I SANGS RGYAS THAMS CAD MI BSKYOD PA LA KHRO BO BCUS BSKOR BA'I RNAM PAR SPYAN DRANGS, RANG GI SPYI BO 'AM ZHAL NAS ZHUGS, SKU'I DBYIBS RGYUD RDO RJE'I LAM NAS YUM GYI PADMAR PHYUNG, YUM GYI THUGS KHAR SLEB PA NA THIG LE BCU GCIG TU GYUR, DE RNAMS RE RE NAS H'Um RING PO RE RER GYUR, DE RNAMS LAS MI BSKYOD PA DANG KHRO BO BCUR GYUR PA'I DBUS SU MI BSKYOD PA SNGON GZHAL GSUM PHYAG DRUG PA BSAM PA RANG GI RDO RJE'I LAM NAS THUGS KHAR DRANGS, BADZRA DHRIKA CES PA'I MTSAN SNGAGS BRJOD PAS THUGS KHA NAS PHYIR PHYUNG STE, DU MA PHYOGS BCUR 'PHROS, MDZAD PA KUN MDZAD NAS SPRUL PA RNAMS GCIG TU 'DUS, RANG GI YE SHES PA DANG 'DRES NAS TSUR BYON RANG LA ZHUGS PAS, SNGAR BSKYED PA'I ZLA GDAN DE NYI GDAN DU GYUR PA'I STENG DU RANG ZHE SDANG RDO RJE SEMS DPA' SUM ÃBRTZEGS CAN DU BSKYED PAR BYA STE MNGON RTOGS LTAR RO, ,DE DANG MNYAM DU YUM SNGA MA REG BYA RDO RJE MAR @016A *, ,BSGYUR BAR BYA DGOS TE, SKABS STOBS KYIS SO, ,DE NAS KHRO BO RNAMS RE RE NAS MTSAN SNGAGS BRJOD CING THUGS KHA NAS PHYUNG STE, RANG RANG GI GDAN LA DGOD PAR BYA ZHING, KHRO BO RNAMS PHYIR PHYUNG BA'I TSE BRGYAD SRUNG 'KHOR LA THOGS MED THAL BYUNG DU SONG STE RANG RANG GI GDAN LA KHA LTA PHYOGS NI PHYOGS MTSAMS KYI KHRO BO RNAMS NANG DU LTA BA DANG, STENG GI 'KHOR BSGYUR NI CUNG ZAD MDUN NGOS NA ZHAL NUB DANG, 'OG GI GNOD MDZES NI CUNG ZAD RGYAB NGOS NAS ZHAL SHAR DU LTA'O, ,DE'I TSE 'KHOR LO 'KHOR MIS KHRO BO RNAMS MI 'KHOR TE, BGEGS DUM BUR GCOD PA DANG PHYOGS MTSAMS BSRUNG DGOS PA'I PHYIR, KHRO BO RNAMS KYI SKU MDOG PHYAG MTSAN RGYAN NYAMS RNAMS SGRUB THABS LTAR TE 'DIR BRJOD MI DGOS SO, ,GNYIS PA PHUR GDAB BYA TSUL NI, RANG ZHE SDANG RDO RJES 'OG GI GNOD MDZES LA SPYAN HUR TE BLTAS PAS, GNOD MDZES DE'I SPRUL PA RANG 'DRA GNYIS PA ZHIG 'ONGS NAS GTZO BO'I MDUN DU 'DUG STE BKA' NOD PA LA, GTZO BOS SUM BHA NIS BKA' BSGOS BAS, GNOD MDZES PHYAG G-YAS G-YON LCAGS KYU DANG ZHAGS PA THOGS PA BCUR GYUR TE PHYOGS BCUR SONG, NAG PHYOGS PA'I PHYOGS SKYONG BCU BZUNG ZHING BCINGS NAS BKUG STE KHRO BO BCU LA GTAD BA'I TSE KHRO BO RNAMS ZHAL PHYIR GZIGS, DE MA THAG KHRO BO RNAMS KYI PHYI ROL GYI THAD DU H'Um RING PO LAS BYUNG BA'I KHRON PA 'BRUB KHUNG GI RNAM PA CAN BCU BYUNG BA RNAMS KYI NANG DU BGEGS RNAMS KHA PHYIR BSTAN TE SO SOR BCUG PAR BSAM, SNGAGS DON NI, SAMBHA NI NGES PAR 'DUL BA, NI SUMBHA NI MA LUS PA NGES PAR 'DUL BA, H'Um NI DON DE GSAL BAR BYED PA, GRi HA NA GNYIS NI ZUNGS ZUNGS, GRi HA NA P'A YA GNYIS NI 'DZIN DU CHUG GNYIS, H'Um NI DER BSKUL BA, A'A N'A YA HO NA KYEE KHU GCIG ,BHA GA WAN NI BCOM LDAN 'DAS, BIDY'A R'A DZA NI RIG PA'I RGYAL PO ZHES 'BOD PA, H'Um PHAt NI @016B GSOD PA'I PHYIR BSKUL BA'O, ,GTZO BOS BYANG GI BDUD RTZI 'KHYIL PA LA GZIGS PAS, DES BDUD RTZI 'KHYIL PA GNYIS PA ZHIG SPRUL TE BYUNG BA DE YONGS SU GYUR BA LAS STOD KHRO BO BDUD RTZI 'KHYIL PA LA SMAD PHUR BU'I RNAM PA CAN BCUR GYUR TE BGEGS KYI GTZO BO DE RNAMS KYI MGOR ZHAL PHYIR BSTAN NAS ZUG ,SPRUL PA'I GNOD MDZES RNAMS GCIG TU GYUR PA LA, GTZO BOS PHUR BU RDUNGS SHIG CES BSKUL BAS, PHYAG MTSAN RDO RJE LCAGS KYU DE RDO RJE THO BA ME RAB TU 'BAR BA GCIG TU GYUR TE, PHUR BU'I MGOR BRDUNG BA'I STANGS KA TZAM BYAS PAS BGEGS RNAMS KYI MGO BO NAS RKANG MTHIL GYI BAR DU NUN NUN MAR ZUG ,DE YANG THOG MAR PHYOGS DANG, DE NAS MTSAMS DANG, DE NAS STENG 'OG GI BAR RIM GYIS BRDUNG BA'O, ,SNGAGS DON NI, GHA GHA ZHES NI GSOD BYED GNYIS, GH'A TA YA GNYIS NI CHOMS SHIG GNYIS, SARBA DUshtAm NI MA RUNGS PA, PHAt PHAt NI GSAL BAR BYED PA, K'I LA YA GNYIS NI PHUR BU THOB SHIG GNYIS, SARBA P'A BAm NI SDIG PA'I BSAM PA CAN THAMS CAD, PHAt NI DAGS PA'O, ,H'Um GSUM NI SKU GSUNG THUGS BSKUL BA'O, ,BADZRA K'I LA NI RDO RJE PHUR BU ZHES 'BOD PA'O, ,BADZRA DH'A RA A'A DZNY'A BA YA TI NI RDO RJE 'CHANG GI BKA' NYON CIG BA'O, ,SARBA BIGHNAN NI BGEGS THAMS CAD, K'A YA WA GA TZITTA NE LUS NGAG YID GSUM, H'Um GSUM NI GSAL BA, PHAt NI BSKUL BA'O, ,SGRUB THABS NAS DMIGS SKOR RNAMS SNGAGS KYI MJUG TU 'BYUNG YANG, SGOM DON LA SNGAGS BRJOD PA'I SKABS SU BYA DGOS SO, ,DE LTAR PHUR BU BTAB PAS BGEGS RNAMS BDE STONG DBYER MED KYI 'OD GSAL DU BCUG ,SLAR YANG KHRO BO DANG PHUR BU LAS RDO RJE'I ME 'OD 'PHROS PAS 'KHOR GYI BGEGS RNAMS 'TSIG NAS PHYOGS PHYOGS SU BROS PAR BSAM MO, ,GSUM PA RA GUR NI, tAKKI H'Um DZA ZHES LAN BZHI BRJOD PA DANG RIM PA BZHIN DU @017A *, ,DANG PO'I SKABS SU LCAGS KYI RDO RJE'I RA BA DANG, DE NAS CHU DANG, ME DANG, RLUNG GI RA BA RNAMS BSGOM PAR BYA STE, RDO RJE'I RA BA NI RDO RJE CHE BA RNAMS KYI KHONGS SER DU RDO RJE CHUNG BA'I RDUL PHRA RAB KYIS GTAM PA, CHU NI KHRO CHU'I ZEG MA PHYIR 'PHRO BA, ME NI GAMS BSKOR DU 'KHYIL ZHING 'BAR BA 'OD ZER KHA DOG LNGA 'PHRO BA, RLUNG NI DRAG CING RTZUB PA'I SGRA DANG BCAS PAR G-YAS SU 'KHOR BA NAG PO'O, ,LCAGS KYI RA BA'I STENG DU RDO RJE'I GUR MCHOD RTEN LTA BU STE TSA TSA'I SOG GUR GYI STOD LTA BU, GUR GYI 'OG RA BA'I BAR DU RDO RJE'I BLA RE, 'OG TU H'Um LAS RDO RJE'I SA GZHI, PHYI ROL TU MDA'I DRA BA RDO RJE RTZE LNGA BA'I MDE'U CAN PHYOGS MTSAMS KUN TU BSNOL MAR RGYUGS CING ME 'BAR BA, RA BA'I DBYIBS ZLUM PO, DPANGS STENG CHANGS PA'I 'JIG RTEN LAS 'OG GSER GYIS GZHI LA THUG PAR LVA BA PA DANG, STENG 'OG MEN NAS 'OG RLUNG GI DKYIL 'KHOR LA THUG PAR AA BHYAS BSHAD LA, RGYA LCAGS RIR THUG PAR NAG PO BA DANG, BLOS CI TZAM 'DOD PAR LVA WA BAS BSHAD PAS SGOM DON LA DE GANG RUNG NGO, ,LHA RNAMS KYI GNAS GSUM DU YI GE GSUM 'GOD PA NI, RANG GI LUS NGAG YID GSUM SRUNG BA'I GO CHA MDZAD PA'O, ,DE YANG SNGON DU STONG NYID BSGOMS PA NI DON DAM PA'I SRUNG 'KHOR YIN LA, 'DIR 'BYUNG BA'I THUN MONG MA YIN PA'I SRUNG 'KHOR DANG 'OG TU 'CHAD PA'I THUN MONG BA'I SRUNG 'KHOR GNYIS NI KUN RDZOB PA'I SRUNG BA'O, ,SRUNG 'KHOR BSGOMS PA'I DGOS PA'I GTZO BO NI BGEGS KYI BAR GCOD ZLOG BA'I CHED YIN KYANG, SNGAR BSHAD PA'I SRUNG 'KHOR NI SKYE 'CHI BAR DO GSUM DANG RNAM PA MTHUN PA DANG, CHOS LONGS SPRUL SKU GSUM DANG YANG RNAM PA MTHUN PA YIN TE, STONG NYID BSGOMS PA NI CHOS SKU DANG, RDOR SEMS NI LONGS SKU DANG, ZHE SDANG RDO RJER BSGYUR BA NI SPRUL SKU DANG RNAM PA @017B MTHUN ZHING, DE'I SMIN BYED DU 'GYUR BA'I PHYIR RO, ,GNYIS PA MNGON RTOGS DNGOS GZHI BSGOM TSUL NI, SMON LAM LAS, GANG DU 'TSANG RGYA'I ZHING KUN DAG BYAS NAS, ,ZHES SOGS KYIS STON TE, 'DI LA BZHI, 'CHI BA CHOS SKUR 'KHYER BA'I RNAL 'BYOR DANG, BAR DO LONGS SKUR 'KHYER BA'I RNAL 'BYOR DANG, SKYE BA SPRUL SKUR 'KHYER BA'I RNAL 'BYOR GSUM DANG, MYUR LAM BDE BA CHEN PO BSHAD PA'O, ,DANG PO LA GSUM, GANG DU 'TSANG RGYA BA'I GNAS, DER 'TSANG RGYA BA'I RTEN, JI LTAR 'TSANG RGYA BA'I TSUL LO, ,DANG PO LA GNYIS, SNOD SNGA MA ZHIG NAS STONG BA'I RIM PA DANG CHOS MTHUN PAR BSGOM TSUL, PHYI MA'I CHAGS PA'I RIMS DANG MTHUN PAR BSGOM TSUL LO, ,DANG PO LA GNYIS, MTHUN YUL DANG, MTHUN TSUL BSHAD PA'O, ,DANG PO NI, SNOD STONGS PA LA BCUD STONGS PA SNGON DU 'GRO DGOS PAS, DE'I TSUL BSDUS TE BSHAD NA, BCUD DU SEMS CAN GSAR SKYE MED CING, SKYAS ZIN LAS MNAR MED STONG PA'I RJES SU TSA DMYAL GZHAN BDUN STONG, DE NAS GRANG DMYAL BRGYAD, YI DAGS DANG, DUD 'GRO LAS ZAD PA RNAMS BDE 'GROR TSE 'PHOS BA'I TSUL GYIS STONG ZHING, MA ZAD PA RNAMS ?? GZHAN GYI NGAN SONG DAG TU TSE 'PHOS PA'I TSUL GYIS STONG, DE'I RJES SU 'DZAM GLING GI MI ZHIG GI RGYUD LA BSAM GTAN DANG PO'I TING NGE 'DZIN SKYES TE BSAM GTAN DANG POR TSE 'PHOS PA'I TSUL GYIS STONG, DE BZHIN DU SHAR DANG NUB KYANG STONG, SGRA MI SNYAN PA NI 'DOD LHAR TSE 'PHOS PA'I TSUL GYIS STONG, RGYAL CHEN BZHI NAS GZHAN 'PHRUL DBANG BYED KYI BAR GYI LHA RNAMS KYI RGYUD LA CHOS NYID KYI STOBS KYIS BSAM GTAN DANG PO'I DNGOS GZHI SKYES TE RIM BZHIN BSAM GTAN DANG POR TSE 'PHOS PA'I TSUL GYIS STONG, DE'I RJES SU BSAM GTAN DANG PO'I LHA RNAMS KYI RGYUD LA BSAM GTAN GNYIS PA'I TING NGE 'DZIN RIM GYIS SKYES NAS BSAM GTAN @018A *, ,GNYIS PAR TSE 'PHOS PA'I TSUL GYIS STONG, DE'I YUN LA PHAR BSKAL BCU DGU YOD, DE NAS SNOD STONG TSUL NI, NYI MA BDUN RIM GYIS SHAR TE RIM GYIS LJON SHING CHU PHRAN CHU BO CHEN PO RGYA MTSO GLING RNAMS DANG RI BDUN RI RAB RNAMS DANG, BSAM GTAN DANG PO'I GZHAL MED KHANG MAN CHAD BSREGS NAS THAMS CAD KYANG NAM MKHA'I RANG BZHIN DU BYED DO, ,DE LA BAR BSKAL GCIG GI YUN YOD DO, ,GNYIS PA LA GNYIS, STONG NYID BSGOM TSUL DANG, BSKOMS PA'I DGOS PA'O, ,DANG PO NI, RTZA RGYUD LE'U GNYIS PA NAS 'BYUNG BA'I DNGOS PO MED PAS BSGOM BA MED, CES PA'I TSIGS SU BCAD PA BRJOD NAS CHOS RNAMS RANG BZHIN GYIS STONG BAR BSGOM PAR BYA BA YIN LA, 'DI'I DON TSUL BZHI'I NANG NAS YIG DON DANG SPYI DON GNYIS KYIS 'CHAD CING, THOG MAR YIG DON DU BSHAD NA, SNOD BCUD KYI DNGOS PO RNAMS LA RIGS PAS DPYAD PA NA SNOD BCUD MA RNYED PA'I TSE, SNOD BCUD MED DO SNYAM DU BZUNG NAS DE LTAR SGOM PA LA DE KHO NA NYID KYI DON SGOM PA MED DE, DE LTAR NA SGOM PA PO DANG BSGOM PAR BYA BA SOGS GTAN MED DU 'GYUR BA'I PHYIR RO, ,BSGOM BYA RANG BZHIN GYIS GRUB PAR BZUNG NAS SGOM PA DE YANG DE KHO NA NYID SGOM PA MA YIN TE, RANG BZHIN GYIS GRUB PA'I BSGOM PAR BYA BA CUNG ZAD KYANG MED PA'I PHYIR RO, ,DE LTAR NA BSGOM BYA SGOM BYED SGOM PA PO GSUM KA'ANG RANG BZHIN GYIS DMIGS SU MED DE, SNOD BCUD KYI DNGOS PO THAMS CAD GTAN NAS MED PA DANG RANG BZHIN GYIS GRUB PA DANG DE GNYIS KA YIN PA DANG, GNYIS KA MA YIN PAR RANG BZHIN GYIS GRUB PA'I MTHA' BZHI DANG BRAL BA'I PHYIR, MDOR NA RKANG PA DANG POS CHAD MTHA' BKAG ,RKANG PA GNYIS PAS RTAG MTHA' BKAG ,RKANG PA GSUM PAS GNYIS KA YIN PA BKAG NAS SNGA MA'I DON BSDUS TE MTHA' BZHI BA SHUGS LA BKAG GO ,SPYI DON DU BSHAD NA, GZUGS @018B CAN RNAMS LA PHYOGS KYI CHA DU MA YOD PA DANG, GZHAN SHES PA LTA BU LA RANG RANG GI SKAD CIG SNGA PHYI'I CHA DU MA DANG, 'DUS MA BYAS RNAMS LA'ANG RANG RANG GI GDAGS GZHI CHOS CAN DANG 'BREL BA DANG YUL DUS SOGS KYI CHA DU MA 'BYED NUS PAS, DE'I TSE DE RNAMS CHA BCAS YIN ZHING, CHA DANG BCAS PA'I PHYIR RTEN 'BREL YIN LA DE'I PHYIR BDEN PAR GRUBS MED DE SNYAM DU BSGOM PAR BYA BA YIN NO, ,DE LTAR DPYAD PA'I TSE CHOS RNAMS KYI NGO BO BDEN PAR GRUB PA MED PAR BSAM PA NI RNAM PAR THAR PA'I SGO STONG PA NYID SGOM TSUL DANG, BSKYED BYED KYI RGYU BDEN PAR MED PAR BSAM PA NI RNAM PAR THAR BA'I SGO MTSAN MED SGOM TSUL DANG, SKYED BYA DANG THOB BYA'I 'BRAS BU BDEN MED DU SGOM PA DE RNAM PAR THAR BA'I SGO SMON MED SGOM TSUL LO, ,DE LTAR NA BSGOM BYA DANG SGOM TSUL DANG SGOM PA PO GSUM RANG BZHIN GYIS MA GRUB STE, DE THAMS CAD SEMS SAM RTOG PAS BTAGS PA TZAM YIN PA'I PHYIR, SNGA MA YIG DON NI TSIG GI THOB TSUL TZAM BSHAD PA YIN LA, 'DIR SPYI DON NI MDO SNGAGS GNYIS KA'I THUN MONG DU NYAMS SU BLANG BYA YIN PA'I DON NO, ,BSGOM TSUL BSDU NA, DE LTAR DON DAM DPYOD BYED KYI RIGS PAS LEGS PAR DPYAD PA NI, DGAG BYA BKAG PA'I STONG NYID KYI RNAM PA BLO LA 'CHAR LA, DE'I TSE STONG NYID KYI RNAM PA MA GTOGS KUN RDZOB KYI RNAM PA BLO LA MI 'CHAR ZHING SHAR YANG RJES SU MI 'BRANG BAR BKAG STE MED DGAG GI RNAM PA 'BA' ZHIG BLO LA 'CHAR DU 'JUG GO ,DE LA BLO BYANG NA NI SNANG BA SDUD TSUL ZUR PA MI DGOS KYANG, MA BYANG BAS NI, SNOD BCUD THAMS CAD 'OD KYI GONG BUR MOS NAS RIM GYIS YAL TE MTHAR RANG LA THIM, RANG YANG RIM GYIS MI SNANG BAR BYAS TE DE KA'I DANG LA LTA BA DRAN PAR BYAS NAS LTA THOG TU 'JOG GO ,DE LTAR SGOM PA LA YE SHES KYI SA SGOM PA ZHES KYANG BYA STE, SNOD SNGA MA STONGS PA'I NAM MKHAS PHYI MA 'CHAGS PA'I RTEN BYED PA DE BZHIN DU, DE @019A *, ,LTAR BSGOM PA'I YE SHES DES LHAG MOS KYI RTEN BRTEN PA BSGOM PA'I RTEN GZHI BYED PA'I PHYIR RO, ,GNYIS PA NI, SKABS 'DIR STONG NYID BSGOMS PA LA DGOS PA YOD DE, STONG NYID SNGAR MA RTOGS PA GSAR DU RTOGS PA DANG, RTOGS ZIN BRTAN PA DANG, THA MAL GYI SNANG ZHEN SBYONG BA DANG, YE SHES KYI TSOGS GSOG PA DANG, RTEN BRTEN PA THAMS CAD BDE STONG GI RNAM ROL TU 'CHAR BA'I CHED YIN PA'I PHYIR RO, ,SGOM TSUL 'DI NI SNOD SNGA MA ZHIG NAS STONG PA DANG CHOS MTHUN PA YIN NO, ,GNYIS PA LA GNYIS, CHOS MTHUN YUL DANG, CHOS MTHUN SBYAR BA'O, ,DANG PO NI, STONG BSKAL BAR GYI BSKAL PA NYI SHUR GNAS PA LAS, SLAR YANG 'CHAGS PA'I 'GO TZOM PA'I TSE, MES ZHIG PA YIN NA, BSAM GTAN GNYIS PA NAS RLUNG 'OG TU CUNG ZAD BABS PAS BSAM GTAN DANG PO'I GZHAL MED KHANG 'CHAGS, BSAM GTAN DANG PO, GZHAN 'PHRUL DBANG BYED SOGS SNGA MA SNGA MA 'CHAGS PA NAS RLUNG RIM GYIS BABS PAS SA DANG MA 'BREL BA'I GNAS RNAMS YAS RIM GYIS 'CHAGS, DE NAS RLUNG BABS PAS RLUNG DKYIL, DE STENG CHU DKYIL, DE STENG SA DKYIL RI RAB RI MTSO GLING LJON SHING RNAMS 'CHAGS SO, ,'DIR BSGOM BYA LA ME DKYIL YOD KYANG, GZHI LA 'BYUNG BA GZHAN GSUM GYI GO SA NA ME'I RDUL TZAM YOD KYI, ME DKYIL DNGOS SU MED, 'ON KYANG ME RDUL DANG BYED LAS YOD PAS MTHUN YUL CHAD PA'I SKYON MED DO, ,GNYIS PA NI, SKAD CIG GIS RDO RJE'I SA GZHI RA BA ZHES SOGS LTAR SRUNG 'KHOR THUN MONG BA SKAD CIG GIS BSKYED, RJE NOR BZANG RGYA MTSO NI; SKABS 'DIR THUN MONG BA DANG THUN MONG MA YIN PA'I SRUNG 'KHOR BSGOM PA 'DAM NGA CAN DU BZHED LA, KHA CIG THUN MONG MA YIN PA'I SRUNG 'KHOR BSGOM PA MI 'THAD CES GSUNG, RGYA DPANGS KYI TSAD NI GONG DU BSHAD PA LTAR RUNG ZHING, ME RI NI BRI BYA LA ZHENG SGO TSAD GCIG TZAM YIN KYANG @019B BSGOM DON LA ME LCE PHYIR 'PHRO BA STE, KHA DOG SNA TSOGS PA PHYOGS KUN TU 'KHYIL ZHING 'BAR BAS GDUG PA CAN RNAMS KYIS BLTAR YANG MI BZOD PA'O, ,RDOR RA NI BRI BYAL ZHENG CHUNG CHA? GNYIS YIN KYANG BSGOM DON LA NI DER MA NGES TE, SNGAR BZHIN NO, ,RDOR RA BSGOMS PA'I DGOS PA NI SGRUB THABS DNGOS GZHI BSGOM PA LA BGEGS KYI BAR CHAD SRUNG BA'I CHED YIN LA, MTSON DON YANG BGEGS KYIS MI PHYED PA DE MTSON NO, ,DE'I NANG DU CHOS 'BYUNG KHA DOG DKAR PO DANG, PHYI DKAR LA NANG DMAR BA DANG, DKAR DMAR 'DRES PA GSUM GANG RUNG, DBYIBS ZUR GSUM PA RTZE MO PHRA BA 'OG TU ZUG CING GDENGS KA CHE BA GYEN DU PHYOGS PA KHOG PA STONG PA, PHYAG RGYA'I SKYES GNAS LTA BU'AM, DMAR GTOR GRU GSUM GYI NANG BRUS PA LTA BU DANG, DE LAS CUNG MI 'DRA BA ZHIG DANG GSUM GSUNGS BAS GANG RUNG GIS CHOG GO ,ZUR GSUM GYIS NI RNAM THAR SGO GSUM, RTZE MO PHRA BAS LAS DANG PO'I SKABS SU YON TAN CHUNG ZHING, GDANGS KA CHE BAS MOS SPYOD NAS BZUNG STE YAR YON TAN JO RGYAS SU SONG BA, BHA GA'I RNAM PAS BDE BA CHEN PO, ,DKAR BAS RANG BZHIN RNAM DAG DANG KHAMS DKAR PO, ,DMAR BAS KHAMS DMAR PO,, DKAR DMAR THUN MONG BAS BDE STONG DBYER MED, NANG DU RTEN BRTEN PA'I DKYIL 'KHOR BSGOMS PAS 'BRAS DUS KYI RTEN BRTEN PA 'BYUNG BA DE MTSON NO, ,BRI BYAS LA PADMA'I 'DAB MA CHA PHRAN GNYIS YIN ZHING GNYIS KA GSAL BAR SNANG YANG, BSGOM DON LA CHOS 'BYUNG GI DBUS DKYIL DU CHUD PAR KHA CIG BZHED, KHA CIG LTE BA NANG DANG 'DAB MA CHOS 'BYUNG GI KHA DANG MNYAM PAR 'DOD, YANG KHA CIG 'DAB MA RDZOGS PAR CHOS 'BYUNG GI KHAR 'PHAGS SHING, YU BA CHOS 'BYUNG GI MAR RTZE NAS 'THON CES GSUNGS PAS GANG BDE, PADMAS 'KHOR BA'I SKYON GYIS MA GOS @020A *, ,PA MTSON, PADMA'I LTE BAR NYAL STABS KYI H'Um MGO BO PHAR BSTAN PA GNYIS RE'I BAR DU YAm RAm BAm LAm BZHI RIM GYIS CHUD PA LAS LHA MO BZHI'I NGO BOR GYUR PA'I 'BYUNG BZHI STENG 'OG GNYIS SU RDO RJES MTSAN PA BSKYED DE, SNA TSOGS RDO RJER BSGYUR, RDO RJE'I LTE BA GRU BZHI PA SNGON PO, DPANGS RVA LNGA MAR SGO TSAD LNGA'AM PHYED LNGA, RVA'I SRID LA SGRO TSAD BZHI BZHI, RVA LNGA MA'I DBUS RVA'I SBOM LA CHA CHEN GCIG DANG RTZA BAR CHA PHRAN GSUM, PHYOGS RVA'I SBOM LA CHA PHRAN GSUM DANG RTZA BAR GNYIS, RVA RTZE RNAMS CHA PHRAN RE RE, GRANGS PHYOGS RE RER LNGA LNGA'AM GSUM MA GANG RUNG DANG, KHA DOGs KHRA'AM PHYOGS MDOG GANG RUNG NGO, ,MTSON DON RLUNG DKYIL GYIS MNYAM GNAS, MES GYEN RGYU, CHUS SROG 'DZIN, SAS THUR SEL, YANG BZHIS PHYAG RGYA RIGS BZHI, BZHI 'DRES PAS DPE DON GYI 'OD GSAL, RVA LNGAS YE SHES LNGA, NYI SHUS 'JIG LTA NYI SHU DANG BCU GNYIS KYIS RTEN 'BREL BCU GNYIS DAG PA, CHU SRIN GYI KHA NAS 'THON PAS SEMS CAN SNYING RJES MI GTONG BA, STENG DU RTEN BRTEN PA BSKYED PAS 'OD GSAL LAS SGYU LUS 'GRUB PA SOGS TE, 'DI DAG GZHI LA RTEN DKYIL 'KHOR 'CHAGS PA DANG CHOS MTHUN NO, ,RDO RJE'I LTE BAR BHRUm DKAR PO RNAM SNANG GI TSOGS RA BA'I NANG THAMS CAD DU 'PHRO BA'AM RIGS LNGA'I TSOGS 'PHRO BA GANG RUNG, DE YONGS SU GYUR BA LAS GZHAL YAS KHANG MTSAN NYID YONGS RDZOGS CIG CAR BSKYED LA RIM GYIS GSAL GDAB, GZHAL YAS KHANG GI NANG MTHA' NAS NANG MTHA'I BAR SGO TSAD BRGYAD, PHO BRANG NANG MA'I MTHAR NAS MTHA'I BAR SGO? TSAD BZHI, SNA TSOGS RDO RJE'I LTE BA'I MTHA' NAS MTHA'I BAR SGO TSAD BCU GNYIS, RDO RJE'I RVA RTZE DANG PADMA'I LTE BA'I MTHA' NAS MTHA'I BAR SGO TSAD NYI SHU, PADMA NAS PADMA'I MTHA'I BAR SGO TSAD NYER GCIG ,RDOR RVA @020B NAS RDOR RA'I MTHA' BAR SGO TSAD NYER GNYIS, 'OD 'PHRENG GI MTHA' NAS MTHA'I BAR SGO TSAD NYER BZHI STE, THAMS CAD KYI RGYA TSAD YIN LA, BRI BYA'I DBANG DU BYAS NAS PHYOGS GCIG TU GO BDE BAR BRJOD PA'O, ,GZHAL YAS KHANG GI RTZIG PA RIM PA LNGA PO PHYI NANG LNGA SBRAGS TU YOD CING, LNGA KA BSDOMS PA'I ZHENG CHA PHRAN GCIG ,DPANGS CHA PHRAN BCU GSUm, PHA GU'I ZHENG CHUNG CHA PHYED GNYIS LAS PHYED PHYIR 'PHAGS PA DPANGS CHUNG CHA GCIG ,RDO'I SNYING PO'I KA BA, MU TIG DMAR PO'I BRE, SBUG GI GZHU, SHEL GYI KA CHUNG, BEE d'URYA'I BRE, DNGUL GYI GZHU RNAMS BRTZEGS PA'I STENG DU GSER GYI SKA RAGS LEB MO ZHENG CHA PHRAN GCIG PA BZHI STENG NAS STENG DU BRTZEGS PA BZHI KA BSDOMS PA'I DPANGS CHA PHRAN GNYIS, DE'I STENG DU PHO BRANG KHYAMS KYI LCAM SNE PHYI MA BGAL BA PHYIR THAL BA'I SNE LA RIN PO CHE'I DRA BA DRA PHYED, SKA RAGS KYI STENG DU BYA 'DAB ZHENG CHA PHRAN GNYIS PHYIR 'PHAGS PA'I SNE LAS SHAR BU DKAR PO 'PHYANG BA, BYA 'DAB DE'I MTHA'I STENG DU MDA' YAB DKAR PO CHA PHRAN GCIG PA PAD 'DAB PHYED BA LTA BU LANGS PA, MDAB YAB KYI STENG DU PHYOGS BZHIR RGYAL MTSAN GNYIS DANG BA DAN GNYIS RE SDE BSDOMS PAS BCU DRUG ,MDA' YAB DANG BCAS PA'I GZHAL YAS KHANG GI DPANGS CHA PHRAN BCU BDUN BAR BZHED KYANG, THOG BA KAB PA'I TSAD GANG DU GTOGS DPYAD DGOS SO, ,GZHAL YAS KHANG GI RTZA THIG DANG TSANGS THIG 'PHRAD MTSAMS NAS G-YAS G-YON DU CHA PHRAN GNYIS GNYIS DOR BAS SGO, DE NAS SGO TSAD RE PHYIR DOR BAS SGO 'KHYUD, DE NAS G-YAS G-YON DU SGO TSAD RE SONG BA SGO 'GRAM, DE NAS PHYIR SGO TSAD RE SONG BA SGO LOGS NTE, 'GRAM LOGS SGO DANG MNYAM PA 'DI LA RTZIG GDONG NYID RDO RJE'I LTE BA DANG MNYAM MO, ,RTZIG PA'I PHYI ROL TU 'OG MTHA' NAS 'DOD SNAM DMAR PO DPANGS ZHENG CHA PHRAN GNYIS PA LA MCHOD PA'I LHA MO BCU DRUG GO, THOG 'BUBS TSUL @021A *, ,NI; SGO? BZHI SO SO'I RTZA THIG DANG TSANGS THIG 'PHRAD MTSAMS NAS NANG DU SGO TSAD GCIG SONG BA'I G-YAS G-YON DU CHUNG LNGA LNGA SONG BA'I SAR? ZHENG CHA PHRAN GCIG DANG, DPANGS BRE PHUL DANG BCAS PA'I KA BA CHA PHRAN BCU DRUG PA PHYOGS MDOG ,PHYOGS RE RER GNYIS GNYIS RE BRGYAD BTZUGS PA'I STENG DU PHYOGS BZHIR GDUNG MIG MANGS RIS SU RGYUGS PA LA LCAM SNE NANG MA DANG, PHYI MA GSER GYI SKA RAGS LA BKAL TE PHYI KHYAMS 'BUBS PA YIN NO, ,DBUS SU GAR BU DBYIBS MAndAL LTA BU, DPANGS SGO TSAD GCIG LHAG TZAM DANG, THAD KAR SGO BZHI BA'I STENG GI MTHAR RDO RJE RTZE GSUM PA DPANGS CHA PHRAN GCIG PAS ZLUM POR BSKOR BA'I RVA'I 'PHRAD MTSAMS NAS PHYOGS RE RER KA BA SNGAR BZHIN BTZUGS PA'I STENG DU GZHU 'KHYOGS DANG GDUNG ZLUM GYIS 'KHOR MAR BSKOR BA'I STENG DU GDUNG BZHI MIG MANGS RIS SU BYAS PA, LHO BYANG DU RGYUGS PA'I GDUNG GI LHO BYANG MTSAMS SU RTZA BA ZUG PA'I KA BA BSEGS KHA YOD PA BTZUGS PA'I STENG DU RDO RJE'I GDUNG LTO BYANG DU RGYUGS PA LA LCAM SNE NANG DANG, PHYI MA PHYI KHYAMS KYI STENG DU KA CHUNG BRE PHUL DANG BCAS PA BTZUGS PA'I STENG DU GDUNG BTANG BA LA BKAL, RGYA PHIBS KYI GUNG GI DBUS SU RTZA RGYUD BZHUGS PA'I KHANG BU RDO RJE NOR BU'I TOG GIS SPRAS PA'O, ,SGO BZHI'I MDUN DU RTZIG GDONG DANG RDO RJE'I LTE BA NAS CHA PHRAN GCIG SONG BA'I YANG? RDO RJE'I RVA RTZA BA'I STENG DU STEGS BU GRU BZHI BUM PA DANG BCAS PA LA GNAS PA'I KA BA ZHENG CHA PHRAN GCIG ,DPANGS CHA PHRAN LNGA, G-YAS G-YON DU GNYIS RE STE? BZHI BZHI BTZUGS PA'I STENG DU SNAM BU BCU GCIG SNAM BU LNGA PA DANG BDUN PA'I DPANGS LA CHA PHRAN PHYED DANG GNYIS RE DANG, GZHAN RNAMS KYI DPANGS SU CHA PHRAN RE RE BAR MNYAM MO, ,ZHENG NI THAMS CAD KYANG CHA PHRAN GSUM GSUM BYAS @021B NA LEGS, SPYIR RTA BABS LA SGO TSAD GSUM MA DANG SGO TSAD GCIG MA GNYIS YOD PA'I SNGA MA LA GNYIS MNYAM DGU MNYAM DANG LNGA MNYAM GSUM GSUM MNYAM PA GNYIS YOD LA, PHYI MA LA LNGA MNYAM GSUM GNYIS MNYAM PA KHO NAR NGES SO, ,GZHAN YANG RTA BABS SGO TSAD GSUM MA LA 'GRAM LOGS SGO DANG MNYAM MI MNYAM GNYIS YOD CING GCIG MA NI MI MNYAM PA'O, ,GZHAL YAS KHANG GI MTSAN NYID GZHAN JI LTA BU YIN TSUL RGYAS PAR GZHAN DU SHES PAR BYA'O, ,MTSON DON NI, GZHAL YAS KHANG GIS RNAM SNANG DAG PA MTSON, NGOS BZHIS BDEN PA BZHI, GRVA BZHIS TSANGS PA'I GNAS BZHI, SGO BZHIS BSDU BA'I DNGOS PO BZHI, SGO 'KHYUD BZHIS RDZU 'PHRUL GYI RKANG PA BZHI MTSON PA SOGS YIN TE, DBANG CHOG TU, 'PHAGS PA'I BDEN BZHI NGOS BZHIR 'GYUR, ,ZHES SOGS KYIS MTSON TSUL RGYAS BAR BSHAD PA LTAR RO, ,GZHAL YAS KHANG NI GZHI LA GSER DKYIL GYI STENG DU RI GLING SOGS CHAGS PA DANG CHOS MTHUN ZHING MA DAG PA'I SNOD SBYONG BA DANG, 'BRAS DUS KYI GZHAL YAS KHANG 'GRUB PA SOGS KYI CHED DO, ,GZHAL YAS KHANG BHRUm LAS? BSKYED PA NI, BHRUm RNAM SNANG GI SA BON YIN ZHING, RNAM SNANG GZUGS PHUNG RNAM PAR DAG PA'I LHA YIN PAS, GZHAL YAS KHANG DE'I NGO BOR MOS DGOS PA'I DBANG DU BYAS PA'O, ,GNYIS PA LA GSUm, LHAG MOS KYI LHA BSKYED PA, DE'I MDZAD PA, DE LUS LA BSDU BA'O, ,DANG PO LA GNYIS, MTHUN YUL DANG, DE DANG MTHUN PAR BSGOM PA'O, ,DANG PO MTHUN YUL BCUD CHAGS TSUL BSDUS TE BSHAD NA, BSAM GTAN GNYIS PA NAS LHA ZHIG SHI 'PHOS NAS BSAM GTAN DANG POR SKYES TE DE RNAMS 'CHAGS, DE NAS SHI 'PHOS TE GZHAN 'PHRUL DBANG BYED SOGS 'DOD LHA RIGS DRUG DANG, GLING BZHI'I MI, YI DAGS, DUD 'GRO ,GRANG DMYAL, TSA @022A *, ,DMYAL RNAMS KYANG RIM GYIS 'CHAGS PA YIN LA, MNAR MED DU SEMS CAN GCIG SKYES PA'I TSE 'CHAGS PA'I MJUG RDZOGS SHING GNAS BSKAL GYI 'GO RTZOM, BSKAL BA DANG PO'I MI RNAMS RDZUS SKYES TSE DPAG MED THUB PA SOGS KHYAD CHOS BDUN DANG LDAN LA; DE'I TSE KHAM ZAS MI ZA ZHING DGA' BA'I ZAS TZAM ZA BA YIN PA LA, LAS KYI DBANG GIS SA'I ZHAG DANG BCUD DANG MYU GU'I TSAL DANG 'BRAS SA LU RNAMS RIM GYIS BYUNG BA ZOS PAS PHO MO'I DBANG PO DANG LDAN PAR GYUR TE, NYI ZLA DANG DUS TSIGS DANG MANG POS BKUR BA'I RGYAL PO DANG BCAS BYUNG NGO, ,GNYIS PA NI, SKAD CIG GIS LHAG PAR MOS PA TZAM GYIS LHA SUM CU RTZA GNYIS DUS GCIG TU YONGS SU GYUR BA NI ZHES SOGS GSUNGS PA LTAR, DUS GCIG TU SKAD CIG GIS BSKYED NAS RNAM PA RNAMS RIM GYIS GSAL 'DEBS PA YIN LA, LHAG MOS KYI LHA PHO MO'I RNAM PAR SKOM PA NI, BSKAL PA DANG PO'I 'DZAM BU'I GLING BA'I MI RIM GYIS PHO MOR SONG BA DANG CHOS MTHUN ZHING, SKAD CIG GIS BSKYED PA NI BSKAL BA DANG PO'I MI RDZUS TE SKYES PA DANG CHOS MTHUN, SEMS CAN GYI RNAM SHES 'KHOR SEMS BYUNG DANG BCAS PA LA BRTEN NAS SNOD KYI 'JIG RTEN 'CHAGS PA'I RJES SU BCUD KYI SEMS CAN 'CHAGS PA DANG, RDO RJE 'CHANG GIS LHAG MOS KYI RTEN GZHAL YAS KHANG SPRUL PA'I RJES SU BRTEN PA LHA SO GNYIS SPRUL PA GNYIS CHOS MTHUN NO, ,DBUS KYI GAR BU'I STENG DU GTZO BO DANG, GDUNG ZLUM GYI STENG GDUNG BZHI MIG MANGS RIS SU RGYUGS PA'I STENG DU RE'U MIG DBUS MA DANG SHAR MA'I BAR GYI STENG DU 'KHOR BSGYUR ZHAL NUB GZIGS, GAR BU'I NANG DU GNOD MDZES ZHAL SHAR GZIGS, BYAMS PA SOGS BRGYAD KHA NANG LTA BA'I DBANG DU BYAS PA'I SGO'I G-YAS G-YON, RDO RJE MA BZHI BZHUGs @022B PA NI LHA SNAM PHYI MA LAS CUNG ZAD MTHO BA, LHA GZHAN BZHUGS PA NI GO SLA ZHING, GSHEGS PA BZHI DANG SEMS DPA' BRGYAD ZHI BA'I NYAMS CAN, LHA MO DGU ZHI KHRO PHYED MA, LHA'I ZHAL PHYAG PHYAG MTSAN RGYAN SOGS SGRUB THABS SU GSAL BA LTAR DANG, 'GA' ZHIG GONG DU BSHAD PA RNAMS 'DIR SBYOR, GDAN RNAMS NI HA CANG MTHO BA MIN PAR TZUNG ZAD 'BUR BA'I RNAM PA CAN NO, ,GNYIS PA LHAG MOS KYI MDZAD PA NI, RANG GI THUGS GA'I H'Um LAS 'OD ZER DPAG TU MED PA SPROS TE, SEMS CAN THAMS CAD BKUG NAS DKYIL 'KHOR GYI PHYOGS BZHI NAS THOGS PA MED PAR NANG DU ZHUGS TE, NANG 'KHRIGS PAR GANG BAR BSAM, NANG DU SLEB PA'I TSE LHA'AM SEMS CAN GANG GI RNAM PAR BSAM PA NI GSAL BAR BSHAD PA MA MTHONG YANG, PHAL CHER LTAR NA SEMS CAN GYI RNAM PAR BYED PAR GSAL, 'ON KYANG NGAN SONG BA THAMS CAD KYI RNAM PAR MOS PA MI BDE NA MI'I RNAM PA'AM, YANG NA SPYI TZAM GYI RNAM PAR MOS CHOG GAM SNYAM MO, ,DE NAS RANG YAB YUM SNYOMS PAR ZHUGS PA'I SBYOR MTSAMS NAS NGO BO BYANG CHUB SEMS YIN PA LA RNAM PA 'OD ZER SEMS CAN GYI GRANGS DANG MNYAM PA SPROS, GZHUNG CHE BA PHAL CHER LAS MI GSAL YANG, 'KHRID RGYUN LAS 'OD ZER 'PHROS PA'I SNE LAS RDO RJE 'CHANG YAB YUM ZUNG SEMS CAN GYI GRANGS DANG MNYAM PA SPROS TE, SEMS CAN THAMS CAD KYI SPYI BO NAS SNYOMS PAR ZHUGS PA'I BYANG CHUB KYI SEMS KYIS DBANG BSKUR LUS GANG DRI MA DAG BDE BA CHEN PO MYONG STE THAMS CAD KYANG RDO RJE 'CHANG DU GYUR, DE NAS RANG GI SANGS RGYAS KYI ZHING DU GSHEGS PA'I DON GZHUNG CHE BA DU MA LAS SPYIR BSHAD PA TZAM MA GTOGS MI GSAL YANG, SHAR PHYOGS PA RNAMS SHAR PHYOGS SU RNAM SNANG GI ZHING DU GSHEGS PAR MOS PA 'DRA STE, DE BZHIN DU PHYOGS GZHAN GSUM @023A *, ,RIM BZHIN RIN 'BYUNG 'OD DPAG MED DON GRUB KYI ZHING DU GSHEGS PAR BSAM, 'KHRID RGYUN 'GA' ZHIG LAS, RANG PHYOGS KYI DE BZHIN GSHEGS PA'I THUGS GANG THIM PAR BSAM PA NI GSHEGS PA'I DON DU MDZAD KYANG, SNGA MA BDE BAR SEMS DGOS PA NI, SEMS CAN GYI DON BYED PA'I SNYING RJE CHEN PO GONG 'PHEL DU BYED PA DANG, 'BRAS BU SANGS RGYAS KYI MDZAD PA DANG MTHUN PAR BYA BA'I CHED DO, ,GSUM PA LHAG MOS LUS LA BSDU BA NI, RANG GI THUGS KA'I H'Um SNGON PO'I 'OD ZER LCAGS KYU'I RNAM PA CAN GYIS ZHES SOGS GSUNGS PA LTAR YIN LA, DE YANG RANG GTZO BOR GSAL BA'I H'Um YIG GI N'A DA LAS 'OD ZER LHA GRANGS DANG MNYAM PA 'DIR SO GCIG SPROS TE, RNAM SNANG SOGS RIM GYIS SPYAN DRANGS NAS RANG GI SPYI BO LA SOGS PA LUS KYI CHA DE DANG DER ME LONG LA GZUGS BRNYAN SHAR BA LTAR GZUGS PHUNG SOGS DANG NGO BO DBYER MED DU MOS, RNAM SNANG RANG GI SPYI BOR ZHAL SHAR DU GZIGS PA, DE BZHIN DU MGRIN PA, SNYING GA, LTE BA, GSANG GNAS RNAMS SU 'OD DPAG MED SOGS 'OG MA STENG MA LAM REG TZAM, M'A MA KE SNYING GAR ZHAL GTZO BO'I SKU RGYAB LA PHYOGS PA DANG, GZHAN GSUM RIM BZHIN RIN 'BYUNG 'OD DPAG MED RNAM SNANG LA 'KHYUD PAR BSAM PA 'KHRID YIG 'GA' ZHIG LAS BSHAD CING, DE LTAR NA SPYAN MA DANG SGROL MA'I YAB SPYI DANG MI 'DRA LA, GZHUNG PHAL CHER LAS 'KHYUD PA'I GSAL KHA MI SNANG NGO, ,SA SNYING RTZA ZHAL GYI THAD DU SLEB PA'I TSE GNYIS SU GYUR NAS ZHAL MIG GI SGO LA PHYIR GZIGS PA, PHYAG RDOR GNYIS SU GYUR NAS RNA BA GNYIS KYI NANG NAS SNGAR BZHIN, NAM SNYING SNA'I SUM MDO'AM SNA BUG GNYIS 'JIG RTEN DBANG PHYUG LCE CHUNG GI DBUS DANG, 'JAM DPAL SNYING KHAR M'A MA KIR PHYOGS BA, SGRIB SEL NOR BU'I DBUS NAS ZHAL PHYIR PHYOGS PA KUN BZANG GCIG SNYING KHA'I RUS PA GRU BZHI PA'I DBUS DANG TSIG SUM @023B BRGYA DRUG CU'I GRANGS DANG MNYAM PA'I KUN BZANG RE RE, BYAMS PA RNAM SNANG GI RGYAB NAS ZHAL RNAM SNANG LA GZIGS PA, GZUGS RDO RJE MA DANG, SGRA RDO RJE MA GNYIS RER GYUR NAS SA SNYING DANG PHYAG RDOR LA 'KHYUD PA, DRI RDO RJE MAS NAM SNYING DANG RO RDO RJE MAS 'JIG RTEN DBANG PHYUG LA 'KHYUD CING, GTZO BO'I YUM REG BYA RDO RJE MA SPYAN DRANGS NAS SGRIB SEL LA 'KHYUD PA'I TSE GTZO BO YAB RKYANG YIN NO, ,GSHIN RJE GSHED KYI DBU LAG PA G-YAS KYI MTHE BONG DANG ZHAL NANG DU PHYOGS PAR GSUNGS PA'I NANG NI LAG MTHIL PHYOGS LA BLTA BA'I DON DU SEMS, DE BZHIN DU GZHAN GYIS MI THUB PA LAG PA G-YON, 'DI GNYIS LA RJE NOR BZANG RGYA MTSOS MI 'DRA BA ZHIG BSHAD, LCE DANG SO BAR DU RTA MGRIN DANG 'KHYIL PA SGRIB SEL GYI RGYAB TU ZHAL PHYIR BLTA BA, DPUNG PA G-YAS G-YON GYI RTZA BAR MI G-YO BA DANG 'DOD RGYAL GNYIS DBU DPUNG MGO DANG ZHAL BDUN, DBYUG SNGON CAN DANG STOBS PO CHE GNYIS PUS MO'I LHA NGA'I NANG, SPYI PO'I SGROL MA'I STENG GTZUG TOR 'KHOR LOS BSGYUR BA ZHAL NUB TU PHYOGS PAR GNAM DU GZIGS PA, GNAD MDZES GNYIS SU GYUR NAS RKANG MTHIL GNYIS SU DBU LONG BU PHYOGS LA BSTAN NAS GNAS DE DANG DER ME LONG LA GZUGS BRNYAN SHAR BA BZHIN DU BSGOM MO, ,DGOS PA NI, RANG NYID LA 'BYUNG 'GYUR GYI MA DAG PA'I PHUNG SOGS DE DANG DE RNAMS SBYONG, DPE DON GYI 'OD GSAL GYI RGYUD SMIN BYED LHAG MOS 'OD GSAL DU SDUD PA'I GZHI 'DING BA DANG, 'BRAS BU'I LHA DE RNAMS 'GRUB PA'I CHED DO, ,GSUM PA NI, BDAG NYID KYI LUS KYI LHA RNAM SNANG SPYAN MA ZHES SOGS 'BYUNG BA LTAR BSGOM PA YIN LA, GZHI LA MI MNGAL? SKYES KHAMS DRUG LDAN RIM GYIS 'CHI BA NA, GZUGS PHUNG SOGS PHUNG PO LNGA, SA SOGS KHAMS BZHI, MIG SOGS SKYE MCHED DRUG ,GZUGS SOGS YUL LNGA, GZHI DUS KYI YE SHES LNGA STE RAGS PA NYER LNGA'I THIM RIM DANG MTHUN PAR 'OD GSAL DU SDUD PA YIN LA DE YANG RNAM SNANG NAS @024A *, ,MI G-YO BA'I BAR 'OD GSAL DU THIM PA NI, GZUGS PHUNG, GZHI DUS KYI ME LONG YE SHES, SA KHAMS, MIG GI DBANG PO, ,RANG RGYUD KYIS BSDUS PA'I GZUGS, LAG PA G-YAS DANG DPUNG PA G-YAS PA'I TSIGS LA GNAS PA'I RLUNG RNAMS RIM GYIS 'OD GSAL DU THIM PA DANG CHOS MTHUN, DE NAS RIN 'BYUNG NAS 'DOD RGYAL GYI BAR THIM PA NI, TSOR BA, MNYAM NYID YE SHES, CHU KHAMS, RNA BA'I DBANG PO, ,SGRA LAG PA G-YON DANG DPUNG PA G-YON PA'I TSIGS KYI RLUNG RIM GYIS THIM PA DANG MTSUNGS, 'OD DPAG MED SOGS THIM PA NI, 'DU SHES SO SOR RTOG PA'I YE SHES, ME KHAMS SNA DBANG DRI KHA PUS MO G-YAS PA'I TSIGS KYI RLUNG RNAMS THIM PA DANG MTSUNGS, DON GRUB SOGS THIM PA NI, 'DU BYED BYA GRUB YE SHES RLUNG KHAMS LCE DBANG RO GSANG GNAS PUS MO G-YON PA'I TSIGS KYI RLUNG RNAMS THIM PA DANG MTSUNGS, GTZUG TOR 'KHOR SGYUR SOGS THIM PA NI, RLUNG SNANG BA, SNANG BA MCHED PA, DE NYER THOB, DE 'OD GSAL DU THIM PA DANG CHOS MTHUN NO, ,RIM GYIS THIM PA'I DON NI LHA RNAMS KYI STOD SMAD NAS RIM GYIS ZHU BA'I DON NO, ,'KHRID YIG KHA CIG LAS LHA SDE TSAN RIM GYIS SPYAN DRANGS TE RIM GYIS ZHU BA'I MTHAR H'Um GI N'A DA LA THIM PAR BSHAD KYANG GZHUNG CHE BA 'GA' ZHIG NAS GNAS DE DANG DE RNAMS SU 'OD GSAL DU THIM PAR BSHAD PAS GANG RUNG GIS CHOG GO ,GTZO BO 'OD GSAL DU THIM PA NA SNGAR BZHIN LTA BA DRAN PAR BYAS LA, STONG PA NYID DANG LHAN SKYES KYI BDE BA CHEN PO DBYER MI PHYED PA'I CHOS SKU'I BDAG NYID DE NGA'O SNYAM DU NGA RGYAL 'JOG CING, DE BRTAN PAR BYA BA'I CHED DU SH'U N+YA TA'I SNGAGS BRJOD PAR BYA'O, ,'DI LA 'CHI BA CHOS SKUR 'KHYER BA'I RNAL 'BYOR ZHES BYA STE, GZHI'I 'CHI RIM DANG RNAM PA LEGS PAR MTHUN ZHING SGRUB PA PO RANG NYID @024B LA 'BYUNG 'GYUR GYI 'CHI BA SBYONG BAR BYED PA DANG, LAM 'BRAS KYI DPE DON GYI 'OD GSAL DNGOS GNAS LA 'GRUB PA'I RGYUD SMIN PA SOGS KYI KHYAD CHOS DU MA DANG LDAN PA'I PHYIR RO, ,GNYIS PA BAR DO LONGS SKUR 'KHYER BA'I RNAL 'BYOR NI, GDAN DBUS MA'I STENG DU H'Um LAS BYUNG BA'I NYI MA'I DKYIL 'KHOR ZHES SOGS GSUNGS PA LTAR BSGOM PA YIN LA, DE YANG MTHUN YUL GZHI LA 'CHI BA 'OD GSAL LAS BAR DO 'GRUB PA'I RIM PA DANG MTHUN PAR BSGOM PAR YIN MOD, GZHI DUS KYI BAR DO BA NI RDZUS SKYES YIN ZHING, 'OD GSAL LAS GZHAN GYIS BAR CHOD PA MED PAR LUS RDZOGS PAR 'GRUB PA YIN NO, ,DE LTAR YIN KYANG 'DIR MTSON DON KHYAD PAR CAN BSGRIG PA'I CHED DU MNGON BYANG LNGA'I SGO NAS BSKYED PA YIN PAS SNGAR GYI GDAN DBUS MA NYAm GDAN GYI STENG DU 'OD GSAL LAS RANG GI SEMS BDE BA CHEN PO'I YE SHES? DE NYID, YI GE H'Um SNGON PO'I RNAM PAR THOL GYIS BYUNG, DE YONGS SU GYUR PA LAS NYI MA'I DKYIL 'KHOR, DE'I DBUS SU AOm DKAR PO, DE YONGS SU GYUR PA LAS ZLA BA'I DKYIL 'KHOR, DE'I STENG DU A'A:DMAR PO, DE YONGS SU GYUR PA LAS PADMA DMAR PO 'DAB MA BRGYAD PA, PADMA'I LTE BA'I DBUS SU THOG MAR AOm, DE'I STENG DU A'A: DE'I STENG DU H'Um RNAMS STENG NAS STENG DU BRTZEGS PAR MKHAS GRUB NOR BZANG BAS BSHAD, KHA CIG AOm STENG DU YOD PAR YANG BZHED, YI GE GSUM MAR ZHU STE PADMA DANG ZLA BAR THIM, NYI MA NAS YANG ZHU STE ZLA BA LA THIM NAS THAMS CAD 'DRES PA LAS ZLA BA'I DKYIL 'KHOR YONGS RDZOGS ZHIG TU GYUR PA NI ZLA BA LAS BYANG CHUB PA YIN LA, LHAG MOS 'OD GSAL DU BSDUS PA NI DANG PO DE BZHIN NYID LAS BYANG CHUB PA'O, ,ZLA BA DE LAS 'OD ZER 'PHROS SNOD BCUD THAMS CAD LA PHOG ,DE THAMS CAD ME LONG GTAS BTAB PA'AM, KHA? BA'I GONG BU NYI MAS ZHU BA LTAR MTHA' @025A *, ,NAS RIM GYIS ZHU STE, ZLA BA LA THIM PAR BSAM ZHING, SNOD BCUD KYIS BSDUS PA'I CHOS THAMS CAD KYI RTZA BA RLUNG SEMS TZAM ZLA BA'I RNAM PAR SNANG BA DE NGA'O SNYAM DU NGA RGYAL BZHAG STE, SNGAGS BRJOD, SNGAGS DON NI, DHARMA NI CHOS, DH'A TU NI DBYINGS SAM KHAMS, SVA BH'A WA NI RANG BZHIN, A'ATMA KO HAm NAm BDAG NYID DE NGA'O ZHES PA'I DON TE, NGES DON NI NGA RGYAL 'JOG PA LTAR RO, ,DE NAS ZLA BA'I DBUS KYI G-YAS SU AOm DKAR PO, ,G-YON DU A'A:DMAR PO, ,DBUS SU H'Um SNGON PO GSUM THOL GYIS BYUNG, 'DI LA 'GOD TSUL MI 'DRA BA'ANG YOD DO, , DE RNAMS LAS 'OD ZER 'PHROS, PHYOGS BCU NA BZHUGS PA'I RIGS LNGA 'KHOR BCAS DPAG TU MED PA SPYAN DRANGS SKU'I RIGS RNAMS AOm DANG, GSUNG GI RIGS RNAMS A'A: THUGS KYI RIGS RNAMS H'Um LA THIM PA NI SA BON LAS BYANG CHUB PA'O, ,DE GSUM 'OD DU ZHU BA LAS RDO RJE DKAR PO LTE BA LA 'BRU GSUM GYIS SNGAR BZHIN MTSAN PAR BSGOM PA NI PHYAG MTSAN LAS BYANG CHUB BA STE, DE BRTAN BYED DU SNGAGS BRJOD, DON NI, RDO RJE'I BDAG NYID NGA'O ZHES PA'O, ,RDO RJE YI GE DANG BCAS PA YONGS SU GYUR PA LAS RANG NYID DANG PO'I MGON PO SGRUB THABS LTAR GSAL GDAB PA NI SKU YONGS RDZOGS LAS BYANG CHUB PA STE BAR DO LONGS SKU'I LAM KHYER GYI RNAL 'BYOR DNGOS SO, ,'DI LA BAR DO LONGS SKU'I RNAL 'BYOR ZHES BYA STE, GZHI LA 'DZAM BU GLING PA'I BAR DO DANG CHOS MTHUN ZHING RANG NYID LA 'BYUNG 'GYUR GYI BAR DO SBYONG BAR BYED, LAM DANG 'BRAS BU'I SGYU LUS DANG RNAM PA MTHUN ZHING DE 'GRUB PA'I DGE RTZA SMIN PAR BYED CING LAM DU BYED PA'I PHYIR, DANG PO DE LTAR YIN TE, STONG PA'I NGANG LAS ZLA NYI PAD GSUM SGOM PA NI, GZHI'I 'CHI BA 'OD GSAL LAS LUGS LDOG TU LDANG BA'I SNANG MCHED THOB GSUM DANG CHOS MTHUN, YI GE @025B GSUM SNGA PHYI RNAMS KYIS RNAM SHES GSUM PO DE'I SKYED BYED DANG RANG DUS KYI BZHON PA'I RLUNG DANG CHOS MTHUN DE THAMS CAD GCIG TU 'DRES PA NI GZHI DUS KYI RLUNG SEMS NGO BOR DBYER MED DANG CHOS MTHUN, ZLA BAR GYUR TE SNOD BCUD DE LA THIM PA NI RLUNG SEMS PHRA BA DE SNOD BCUD KYI RTZA BAR MTSON, YI GE GSUM GYIS NGAG DANG, RDO RJES YID DANG, DANG PO'I MGON POS NI LUS 'GRUB PA MTSON ZHING CHOS MTHUN NO, ,RTAGS GNYIS PA LTAR YIN TE, ZLA NYI PADMA GSUM NI DPE DON GYI 'OD GSAL LAS LANGS PA'I LUGS LDOG GI SNANG PA DANG CHOS MTHUN, YI GE SNGA PHYI RNAMS KYIS YE SHES DE RNAMS SKYED BYED DANG BZHON PA'I RLUNG MTSON, ZLA BAS NI DAG MA DAG GI SGYU LUS PA GNYIS KYI RGYUD KYI RLUD SEMS NGO BO DBYER MED MTSON, ZLA BA'I STENG GI YI GE RDO RJE DANG PO'I MGON PO GSUM GYIS SGYU LUS PA'I GSUNG THUGS SKU RNAMS MTSON ZHING DE RNAMS DANG CHOS MTHUN LA, 'BRAS BU SANGS RGYAS KYI SKU GSUNG THUGS SOGS MTSON PA DANG DE RNAMS 'GRUB PA'I RGYUD SMIN BYED DU 'GYUR BA'I PHYIR, GSUM PA SKYE BA SPRUL SKUR 'KHYER BA'I RNAL 'BYOR BSHAD PA LA BZHI, SBYANG GZHI SKYE BA LEN TSUL, SBYONG BYED CHOS MTHUN SBYOR TSUL, LUS DKYIL BSGOM TSUL, SKU GSUNG THUGS PHYE NA BRLOB DANG SEMS DPA' SUM BRTZEGS BSGOM TSUL LO, ,,DANG PO NI, BAR DO PA DES RANG GI PHA MAR 'GYUR BA'I GANG ZAG SGYU MA LTA BUR MTHONG NAS PHA'I KHA'AM SPYI BO DANG MA'I MNGAL GYI SKO GSUM PO GANG RUNG NAS ZHUGS TE, BYANG SEMS DKAR DMAR GYI DBUS SU NYID MTSAMS SBYOR BA YIN TE, RGYAS PAR 'DIR MI 'CHAD DO, ,GNYIS PA NI, RANG BZHIN GYI GNAS NAS DE BZHIN GSHEGS PA YAB YUM ZHES SOGS GSUNGS PA LTAR BSGOM PA YIN LA, DE YANG RANG BZHIN GYI GNAS NAS ZHES PA'I DON GZHUNG CHE BA NAS 'BYUNG BA LTAR, SPYIR DE BZHIN GSHEGS PA RANG RANG GI BZHUGS @026A *, ,GNAS SPRUL SKU'I ZHING KHAMS MNGON DGA' LTA BU SOGS LA BYED DGOS PAR MNGON LA, 'KHRID RGYUN 'GA' ZHIG LTAR NA RANG BZHIN GYI GNAS STENG GI RE'U MIG DBUS MA'I BAR SNANG DER BYAS NAS DE NAS STONG BA'I NGANG LAS MI BSKYOD PA YAB YUM SNYOMS PAR ZHUGS PA'I BYANG CHUB KYI SEMS LAS MI BSKYOD PA YAB YUM DPAG TU MED PAR GYUR TE, NGAS SEMS CAN THAMS CAD LA DBANG BSKUR BAS DE THAMS CAD MI BSKYOD PAR GYUR SNYAM DU BSAM PAR BSHAD, KHA CIG TU, RANG DANG PO'I MGON POR GSAL BA'I THUGS KA'I H'Um GI 'OD ZER GYI SNE LAS YAB YUM SPROS TE GDUNG ZLUM GYI STENG DU BZHUGS PA DANG, DE'I THUGS KA NAS 'OD ZER 'PHROS PHYOGS BCU'I DE BZHIN GSHEGS PA THAMS CAD MI BSKYOD PA YAB YUM KYI RNAM PAR STENG GI RE'U MIG GI NAM MKHA' GANG BAR BSHAD, TSIG ZIN LTAR NA PHYOGS BCU'I RANG BZHIN GYI GNAS NA BZHUGS BZHIN PA'I DE BZHIN GSHEGS PA RNAMS YAB YUM GYI RNAM PAR BSAMS TE, DE THAMS CAD SNYOMS PAR ZHUGS PA'I BYANG CHUB KYI SEMS KYI RDUL LAS GRUB PA'I MI BSKYOD PA YAB YUM GYIS NAM MKHA'I KHAMS THAMS CAD KHYAB PAR BYAS TE, SNYOMS PAR ZHUGS BA'I BYANG CHUB KYI SEMS KYIS SEMS CAN RNAMS LA DBANG BSKUR, BDE BA DANG YID BDE THOB BA'I TSUL GYIS BYIN GYIS RLABS NAS SANGS RGYAS PAR BSAM DGOS PAR MNGON NO, ,GANG LTAR YANG MI BSKYOD PA THAMS CAD MI BSKYOD PA GCIG TU GYUR NAS, RANG DANG PO'I MGON PO STENG DU 'PHAGS PA NA, DE'I GDAN LA MI BSKYOD PA DE BZHUGS PA'I SPYI BO NAS ZHUGS TE SPRUL SKU RDOR SEMS SU BSGYUR BA KHRID YIG KHA CIG LAS BSHAD, GZHUNG CHE BA 'GA' ZHIG NAS MI BSKYOD PA RANG GI MDUN DU SLEB PA NA, RANG PHAR MI BSKYOD PA'I SNYING KHAR 'JUG PA DANG, KHA CIG TU DANG PO'I MGON PO RANG GNAS @026B NAS MA G-YOS BZHIN DU MI BSKYOD PA LA 'JUG PAR BSHAD PA RNAMS GANG BYAS KYANG MI 'GAL BAR MDON LA, 'ON KYANG MI BSKYOD PA LA PAR 'JUG PA YIN GYI, MI BSKYOD PA TSUR 'JUG PA MIN TE, MI BSKYOD PA PHA MA'I KHU KHRAG GI DOD DANG DANG PO'I MGON PO BAR DO'I DOD YIN PAS, BAR DO BA KHU KHRAG LA 'JUG GI ,KHU KHRAG BAR DO LA MI 'JUG PA'I PHYIR RO, ,'DI LA SKYE BA SPRUL SKUR 'KHYER BA'I RNAL 'BYOR ZHES BYA STE, GZHI LA 'DZAM BU'I GLING PA'I MI MNGAL DU SKYE BA LEN PA DANG CHOS MTHUN ZHING RANG LA 'BYUNG 'GYUR GYI SKYE BA SBYONG, LAM 'BRAS KYI SGYU LUS PA GNYIS KYIS RAGS PA'I SPRUL SKU 'DZIN PA DANG RNAM PA MTHUN ZHING DE'I DGE RTZA SMIN BYED DU 'GYUR BA DANG, DE LTA NAS 'BRAS BU LAM DU BYED PA'I TSUL GYIS BSGOMS PAS DE MYUR DU 'GRUB PAR 'GYUR BA'I PHYIR RO, ,DANG PO LTAR YIN TE, DE BZHIN GSHEGS PA YAB YUM SNYOMS ZHUGS PA NI GZHI LA PHO MO SNYOMS PAR 'JUG PA DANG CHOS MTHUN, MI BSKYOD PAS NAM MKHA' KHYAB PA NI GZHI LA PHA MA'I KHU KHRAG GIS RTZA STONG PHRAG DON GNYIS KYI NANG GANG BA DE MTSON, DES SEMS CAN THAMS CAD LA BYIN GYIS RLABS PAS BDE BA THOB PA NI PHA MA GNYIS BDE BAS BRGYAL BA DANG CHOS MTHUN, MI BSKYOD PA THAMS CAD GCIG TU 'DRES PA NI KHU KHRAG MNGAL DU 'DRES PA DANG CHOS MTHUN, MI BSKYOD PA DE LA DANG PO'I MGON PO ZHUGS PA NI, BAR DO SKYE GNAS SU NYID 'TSAMS SBYAR BA DANG CHOS MTHUN ZHING, RIGS LNGAS SEMS CAN DE'I PHUNG PO, ,YUM BZHIS KHAMS BZHI, SEMS DPA' DRUG GIS MIG SOGS, RDO RJE MA LNGAS YUL LNGA MTSON PA SOGS LHAG MA RNAMS LA'ANG SBYOR BA'I PHYIR RO, ,RTAGS PHYI MA SNGAR BZHIN RIGS 'GRE'O, ,GSUM PA LUS KYI DKYIL 'KHOR NI, RANG GI LUS KYI MDUN RGYAB DANG G-YAS G-YON ZHES SOGS BSHAD PA LTAR BSGOM PA YIN LA, DE YANG YUS KYI CHA DE @027A *, ,DANG DE RNAMS LAS RIGS 'DRA RE CHAD DE 'OD KYI RNAM PAR GYUR TE PHYI DKYIL GYI CHA DE DANG DE LA THIM PAS RANG GI LUS KYI CHA DE DANG DES NYER LEN DANG DKYIL GYI CHA DE DANG DES LHAN CIG BYED RKYEN BYAS NAS LUS DKYIL GYI GZHAL YAS KHANG DE DANG DER GYUR BAR BSAM 'DIR GYI DKYIL GYI CHAS NYER LEN BYED PA'I LUGS KYANG SNANG BAS BRTAG ,DE'I TSE LUS DKYIL DE LA PHYI DKYIL GYI SGRA 'JUG MI 'JUG DANG, DKYIL 'KHOR RGYAL MCHOG GI SKABS SU LHA BKOD ZIN PA'I CHE LUS RTEN GYI DKYIL 'KHOR DU GYUR BA'I CHA MA BSDUS PAS DE LA LUS DKYIL GYI THA SNYAD BYED MI BYED KYI BRGAL BRTAG MANG YANG MI BRJOD DE, SNGAGS KYI SKABS SU NI TSIG GTZO BOR MI BYED PAS SO, ,DKYIL 'KHOR GYI ZUR BZHI ZHES PA'I DON GZHUNG CHE BA PHAL CHER NAS MI GSAL LA, 'KHRID YIG 'GA' ZHIG NAS RANG GI LUS KYI DBUS NAS BGOS PA'I CHA BZHI, DKYIL 'KHOR GYI SGO BZHI PO SO SO NAS G-YAS G-YON DU PHYE BA'I ZUR RAM GRVA BZHIR 'GYUR BAR BSHAD PA LTAR BYA'I, GRVA TZAM LA MI BYED DO, ,LUS DKYIL 'GOD PA'I TSE SHES PA RNAMS LA GZUGS MED KYANG GZUGS CAN 'OD DU MOS PA NI DGOS BA'I DBANG YIN PAS MI 'GAL ZHING, LUS DKYIL GYI GTZO BO NI BKOD PA'I BRTEN PA'I DKYIL 'KHOR LA BYED KYANG, RTEN YANG LUS KYI CHA LAS GRUB PAR BSGOM DGOS PAS, LUS DKYIL DU RUNG SNYAM STE BRTAG ,LUS KYI CHA DE DANG DE RNAMS GZHAL YAS KHANG GI CHA DE DANG DER GYUR BA NA LHAG MA LUS PA MI 'GYUR RAM SNYAM DU DOGS MI DGOS SO, ,LUS DKYIL GYI LHA BSGOM TSUL NI, RANG GI SPYI GTZUG NAS SKRA MTSAMS KYI BAR DU GZUGS KYI GUNG PO'I NGO BO AOm DKAR PO ZHIG TU BSAM, DE YONGS SU GYUR PA LAS RNAM SNANG SGRUB THABS LTAR BSKYED, DE'I TSE GZUGS PHUNG YONGS SU GYUR PA LAS AOm, DE LAS RNAM SNANG BSKYED PA LTA BU ZHIG MKHAS GRUB RJES BSHAD KYANG @027B SGRUB THABS KYI TSIG ZIN LTAR GZUGS PHUNG GI NGO BO RANG NYID AOm GYE RNAM PAR BSAM PA GZHAN MANG POS BSHAD PAS DE LTAR BYA, DE BZHIN DU GZHAN RNAMS LA'ANG SBYAR BAR BYA ZHING, GNAS GANG DU GANG BZHUGS PA NI CHO GAR GSAL ZHING, ZHAL GANG DU BLTA BA SOGS KYI KHYAD PAR NI GONG DU BSHAD BA DES SHES PAR BYA'O, ,GZUGS PHUNG SBYER? LUS KYI CHA LA KHYAB KYANG, SPYI BO NA GZUGS PHUNG GI RGYU'I GTZO BO BYANG SEMS YOD PA DANG, 'DU SHES SNYING GAR YOD KYANG NGAG SMRA BA'I 'DU SHES KYI CHA GCIG MGRIN PA NAS 'BYUNG BA DANG, MIG GI RNAM SHES SOGS YOD KYANG RNAM SHES KYI GTZO BO SNYING KHA NAS YOD PA DANG, TSOR BA LUS SEMS KYI CHA RNAMS LA YOD KYANG TSOR BA'I RTEN GTUM MO LTE BAR YOD PA DANG, 'DU BYED LUS KYI CHA GZHAN DANG SEMS BYUNG LA YOD KYANG 'DU BYED KYI RTEN RLUNG LTE BA MAN CHAD DU YOD PAS DE DANG DER RIGS LNGA DE DANG DE BSKYED PA DANG, GZHAN LA'ANG PHYOGS TZAM MTSON, DGOS BA YANG SNGAR LTAR RO, ,BZHI PI LA GNYIS, SGO GSUM BYIN GYIS BRLOB PA DANG, SEMS DPA' SUM BRTZEGS BSGOM TSUL LO, ,DANG PO NI, RANG GI SPYI BOR AOm LAS BYUNG BA'I ZLA BA'I DKYIL 'KHOR ZHES SOGS GSUNGS PA LTAR BSGOM PA YIN LA, DE YANG, RANG GI SPYI BOR AOm LAS BYUNG BA DANG LCE'I DBUS SU A'A LAS BYUNG BA'I ZHES PA TZAM LAS MI GSAL YANG, 'KHRID YIG 'GA' ZHIG LAS, SPYI BO'I RNAM SNANG, MGRIN PA'I 'OD DPAG MED, SNYING KHA'I MI BSKYOD PA GSUM GYI THUGS KAR RIM BZHIN AOm A'A:H'Um GSUM 'GOD PAR BSHAD PA LTAR NA, YI GE DE GSUM LAS RIM PA BZHIN DU 'KHOR LO PADMA NYI MA RE RE BSKYOD BA'I STENG RIM PA BZHIN DU AOm A'A:H'Um BKOD DE, DE RNAMS LA 'OD ZER 'PHROS PA'I SNE MO LAS SPYAN SOGS DPAG TU MED PA SPROS, RNAM SNANG 'OD DPAG MED MI BSKYOD PA RNAMS RIM GYIS SPYAN DRANGS TE, MDUN GYI NAM MKHAR BZHUGS PA LA GSOL BA GDAB PA SOGS YIN LA, 'ON @028A *, ,KYANG SGRUS THABS KYI TSIG ZIN LTAR NA, SPYI BOR AOm DANG LCE'I DBUS KYI A'A: SOGS LAS SNGAR BZHIN SPROS TE, SPYAN 'DREN PA LTAR GZHUNG CHE BA PHAL CHER NAS SGRAS ZIN LTAR BSHAD, DE YANG RNAM SNANG LTA BU CHE BA RE RE DBUS NA YOD PA'I MTHAR RNAM SNANG YAB YUM DPAG TU MED PAS BSKOR BAR BSAM PA YIN LA, YANG 'KHRID YIG 'GA' ZHIG LAS 'CHAR BDE BA'I DBANG DU BYAS NAS LHA MO BCU GCIG RE SPROS SANGS RGYAS THAMS CAD RNAM SNANG SOGS BCU GCIG RE'I RNAM BAR SPYAN DRANGS NAS, GDUNG 'KHOR GYI BAR SNANG DU DBUS SU SUM BRTZEGS DANG PHYOGS MTSAMS RNAMS SU BRGYAD BKOD DE GSOL BA 'DEBS PA SOGS BYED KYANG, SNGA MA NI CHO GA'I GZHUNG TSIG DANG MTHUN ZHING BDE, MAN NGAG 'GA' ZHIG LAS 'BYUNG BA LTAR GSOL GDAB BYA BA'I TSE RDOR SEMS RANG NYID BZHUGS BZHIN PA'I SPRUL PA GNYIS PA ZHIG SPROS NAS, GTZO BO YAB YUM GYI MDUN DU 'DUG STE GSOL 'DEBS BYED PA'AM, RDOR SEMS NYID STENG DU 'PHAGS NAS SAM 'PHAGS PAR MOS NAS 'DUG BZHIN PAR GSOL 'DEBS BYED PA'I MOS PA BYAS KYANG RUNG BAR? SEMS, DPAL LDAN SANGS RGYAS SKU 'CHANG PA, ,ZHES SOGS KYIS GTZO BO DANG, PHYOGS BCUR BZHUGS PA'I ZHES SOGS KYIS 'KHOR RNAMS LA GSOL GDAB BYA, GZHAN SLA ZHID DPAL DANG LDAN PA'I DON NI RANG GI YUM SPYAN SOGS DANG LDAN PA DANG, SKU 'CHAD BA NI SANGS RGYAS THAMS CAD KYI SKU RANG GI BDAG NYID DU 'DZIN PA DANG, RDO RJE MI PHYED GSUM BSGOMS PA NI, ,DE GSUM DBYER MED PA'I RDO RJE 'CHAR BSGOMS PA'I SGRUB PA PO STE DER NYID DU RDO RJE GSUM DANG 'DRA BAR BYIN GYIS BRLOB BAR GSOL BA'O, ,DE'I TSE RNAM SNANG YAB YUM RNAMS CHAGS PA CHEN PO'I MES THIG LE'I RNAM PAR RAM 'OD ZER GYI RNAM PAR ZHU STE, GDUNG 'OG TU SLEB BA'I TSE GCIG TU 'DUS, @028B RDOR SEMS KYI SPYI BOR SLEB PA NA CHA GNYIS SU SONG, CHA GCIG RNAM SNANG DANG CHA GZHAN RNAMS LUS DKYIL GYI LHA SO SO'I SPYI GTZUG NAS ZHUGS TE LUS GANG, LHAG PA PHYIR 'THON PAS GZHI'I RDOR SEMS KYI SKU'I CHA THAMS CAD GANG NAS BDE CHEN GYI YE SHES SKYES, SPRUL SKU GRANGS MED STON NUS PA'I SKU'I DBANG BYUG THOB PAR BSAM, GSUNG GI SKABS SU RANG GI MGRIN PAR SLEB PA NA GNYIS SU GYUR TE CHA GCIG 'OD DPAG MED DANG, THUGS KYI TSE SNYING KHAR SLEB PA NA CHA GNYIS SU GYUR TE GCIG MI BSKYOD PA DANG CHA GCIG LUS DKYIL GYI LHA SO SO'I MGRIN PA DANG SNYING KHAR THIM PAS, 'GRO BA MTHA' DAG GI SKAD DANG MTHUN PAR CHOS ?? STON NUS PA'I GSUNG DANG, SHES BYA THAMS CAD GCIG CHAR DU MNGON SUM GZIGS PA'I THUGS KYI DBANG PHYUG THOB PAR BSAM PA NI 'KHRID YIG 'GA' ZHIG LAS BSHAD, SGRUB THABS KYI TSIG ZIN LTAR GZHUNG CHE BA PHAL CHER LAS DANG PO'I TSE RANG GI SPYI BO DANG, GNYIS PA'I TSE LCE STE NGA DANG, GSUM PA'I TSE SNYING GA NAS ZHUGS TE BYIN GYIS BRLABS PA LAS GZHAN MI GSAL YANG, DMIGS PA RGYAS BSDUS SU MNGON NO, ,DE GSUM SO SO'I MTHAR AOm SARBA TA TH'A GA TA K'A YA DANG, DE BZHIN DU W'A KA DANG, TZITTA BADZRA SVA BH'A WA AATMA KANYHAm GSUM SO SOR BRJOD NAS, DE BZHIN GSHEGS PA THAMS CAD KYI SKU'I BDAG NYID DANG GSUNG DANG THUGS KYI BDAG NYID DE NGA'O SNYAM DU SO SO'I NGA RGYAL DANG, MTHAR DE BZHIN GSHEGS PA THAMS CAD KYI SKU GSUNG THUGS KYI RDO RJE GSUM GYI BDAG NYID DE NGA'O SNYAM DU ZUNG 'JUG GI NGA RGYAL BYA'O, ,THUN MONG DU BYIN BRLAB BYA BA'I TSE, GZHUNG CHE BA PHAL CHER DANG CHO GA'I TSIG ZIN? LA MI GSAL YANG, 'KHRID YIG 'GA' ZHIG LAS 'OD ZER 'PHROS, PHYOGS BCU'I SANGS RGYAS THAMS CAD SPYAN DRANGS TE YID KYIS GSOL BA BTAB PAS @029A *, ,LHA YAB YUM SNYOMS PAR ZHUGS PAS RANG DANG LUS DKYIL GYI LHA SO SO LA BYIN GYIS BRLOB PA'I TSUL ZHIG KYANG BSHAD DO, ,RTZA RGYUD LE'U GNYIS PA LAS KHYED KYIS SEMS LUS LTA BU DANG ZHES SOGS KYI DON BSKYED RIM GYI SKABS SU 'DI LA SBYAR DGOS SO, , DGOS PA NI, SGO GSUM BYIN GYIS BRLOB PA DANG, 'BRAS BU'I SKU GSUM MYUR DU 'GRUB PA'I CHED DO, ,GNYIS PA NI, RANG DAM TSIG SEMS DPA' RDO RJE 'CHAD SNGON POR GSAL BA'I ZHES GSUNGS PA LTAR BYA BA YIN TE, DE YANG, RANG DAM TSIG PA RDO RJE 'CHANG GI THUGS KHAR SNA TSOGS ? PADMA'I GDAN LA YE SHES SEMS DPA' DMAR PO RANG 'DRA'I YUM LA 'KHYUD PA DANG DE'I THUGS KAR TING NGE 'DZIN SEMS DPA' H'Um SNGON PO DE YANG RDO RJE'I LTE BA'I NANG DU ME LONG NGOS GZUGS BRNYAN SHAR BA LTA BU 'OD DANG LDAN PAR BSAM PA'O, ,YE SHES SEMS DPA' DE NI SNYING KHA'I MI BSKYOD PA'I THUGS GAR RAM MDUN DU GANG BA DE, SPYIR GZHI'I SEMS DPA' GSUM, LAM GYI SEMS DPA' GSUM, 'BRAS BU'I SEMS DPA' GSUM STE DGU, DANG PO LA GSUM NI, RAGS PA GNAS SKABS PA'I LUS, PHRA BA GNYUG MA'I LUS TE SHIN TU PHRA BA'I RLUNG SEMS DBYER MED DU GNAS PA'I RLUNG PHRA BA, SHIN TU PHRA BA'I SEMS SO, ,PHYI MA GSUM TSAN GNYIS KYANG DES GO NUS BSGOM PA'I DGOS PA NI, GZHI'I SEMS DPA' GSUM SBYANGS TE LAM 'BRAS KYI SEMS DPA' GSUM MNGON DU BYED PA'I CHED DU'O, ,RIGS BDAG GIS RGYAS GDAB BA'I TSE, SGRUB THABS SU RANG GI SPYI BOR RDO RJE 'CHAD BSGOMS BA'I SBYOR MTSAMS NAS BYANG CHUB KYI SEMS KYI BDUD RTZI BABS TE RANG GI LUS THAMS CAD TSIM PAR BYED BA TZAM BSHAD PA LTAR GZHUNG CHE BA DAG LAS KYANG DE DANG MTHUN, 'KHRID YIG KHA CIG @029B LAS, RANG GI SPYI BO'I AOm LAS 'OD ZER 'PHROS PHYOGS BCU'I SANGS RGYAS THAMS CAD RNAM SNANG YAB YUM GYI RNAM PAR SPYAN DRANGS RANG GI SPYI BOR SLEB PA NA RNAM SNANG YAB YUM ZUNG GCIG TU GYUR, DAM TSIG PA'I SPYI BO NAS ZHUGS TE YE SHES SEMS DPA'I SPYI BOR SNYOMS PAR ZHUGS NAS THIM PAS SKU GANG, PHYIR THON DAM TSIG SEMS DPA'I SKU GANG STE YAR LUD PA LAS GTZUG TOR TU RIGS BDAG RDO RJE 'CHANG DKAR PO ZHIG TU GYUR PA DANG, YANG MGRIN PA DANG SNYING KHA NAS 'OD ZER 'PHROS PHYOGS BCU'I SANGS RGYAS THAMS CAD 'OD DPAG MED DANG MI BSKYOD PA YAB YUM GYI RNAM PAR SPYAN 'DREN PA SOGS 'GA' RE? BSHAD DE MA BRIS, DE YANG DMIGS SKOR RGYAS BSDUS SU SNANG GI ,NGES PAR DGOS PA'I YAN LAG TU MI SNANG NGO, ` ,BZHI PA NI, SMON LAM LAS, RANG DON PHUN TSOGS DE YI MYUR BA'I LAM, ,ZHES SOGS KYI RKANG PA BZHIS STON TE, DE NI RANG GI SNYING GNAS RANG RIGS KYI RIG MA BYUNG? ZHES SOGS LTAR BYA BA YIN LA, DE YANG SKU GSUM GO 'PHANG BDE CHEN GYI LAM GYIS THOB PAR BSTAN PA'I PHYIR SNGON RDO RJE 'CHAD GIS LHA MO SPRUL TE SNYOMS PAR 'JUG PA'I TSUL BSTAN PA LTAR, 'DIR YANG DE DANG CHOS MTHUN PAR LAS DANG YE SHES KYI PHYAG RGYA GANG RUNG SNYOMS 'JUG BYED DGOS PA YIN YANG, LAS KYI PHYAG RGYA DANG SGRUB PA PO MTSAN NYID TSAD DKA' BAS, YE SHES KYI PHYAG RGYA'I DBANG DU BYAS NA, RANG GI SNYING GNAS RANG RIGS KYI RIG MA RME SHA CAN GYI BU MO THA MAL PA'I RNAM PA CAN ZHIG PHYUNG STE, ?? THA MAL GYI SNANG ZHEN DGAG PA'I PHYIR DU SH'U N+YA TA'I SNGAGS KYIS STONG PAR SBYANGS, STONG PA'I DANG LAS KHAm SNGON PO ZHIG BYUNG, DE ZHU BA LAS RDO RJE KHAm GIS MTSAN PA DANG, DE YONGS SU GYUR BA LAS REG BYA RDO RJE MAR SGRUB THABS LTAR BSKYED DE, GNAS RNAMS @030A *, ,SU RIGS LNGA SOGS SO SOR 'GONG, GANG DU JI LTAR BZHUGS PA NI GONG GI DES SHES, 'ON KYANG RAL GCIG MA NI YUM GYI BYA ROG GDONG GI BU GA'I NANG TZAM RTZA 'KHOR YOD PA DER 'GOD, YUM DNGOS MIN PAR BSGOM PA TZAM LA LUS DKYIL MTSAN NYID PA MI 'ONG STE, LUS KYI CHA DE DANG DER 'GYUR BA'I SGRUB GZHI MED PA'I PHYIR, DES NA SA BON LAS BSKYED PA TZAM YIN NO GSUNG, KHRO BO'I YUM RNAMS JI LTA BU YIN PA GZHAN LAS MA MTHONG YANG, MKHAS GRUB NOR BZANG BAS RANG RANG GI YAB KHRO BO RNAMS DANG 'DRA BAR BSHAD, 'DIR YUM GYI PANG NAS YAB KYIS 'KHYUD PAR BYA DGOS TE, YUM GTZO CHE BA'I PHYIR RO, ,YAB KYI RDO RJE NI PHYI YONGS GRAGS LTAR LA, RDO RJE RTZE LNGA PA GZUGS BRNYAN SHAR BA LTAR BSGOM PAR BSHAD, RIN 'BYUNG GI NGA RGYAL GYIS AOm SARBA TA TH'A GA TA SOGS BRJOD DE SNYOMS 'JUG GI SBYOR BA BRTZAMS SHING, DE BZHIN GSHEGS PA THADm KYI RJES SU CHAGS PA'I BDAG NYID NGA'O SNYAM DU NGA RGYAL BYA, SNYOMS 'JUG DNGOS GZHI'I TSE RDO RJE 'CHANG GI NGA RGYAL DU 'PHO, ,DE NAS DON GRUB GYI NGA RGYAL GYIS PHAt BRJOD DE, BYANG SEMS NOR BU'I RTZE'I BAR DU PHAB PAS LHAN SKYES KYI BDE BA CHEN PO'I YE SHES SKYES BAR BSAMS LA, LUS KYI LHA RNAMS MCHOD PA'I DUS SU SKU RDO RJE 'CHANG DU GNAS PA LAS NGA RGYAL SNGA PHYI GNYIS KYIS BYAS CHOG PAR MNGON TE BRTAG ,BYANG SEMS 'BABS PA'I TSE, RJE'I SMON LAM LTAR NA AA WA DHU TI'I NANG NAS 'BAB PAR BSAM DGOS PAR SNANG ZHING, 'KHRID YIG? DAG LAS LHA RNAMS BDE BAS TSEM NAS SKU LAS BYANG CHUB KYI SEMS RDUL CHU LTAR 'BYUNG BA BSAM PAR BSHAD CING, SKABS 'DIR LHA RNAMS YE MED DU ZHU BA MIN GSUNG, GANG DU ZHU NA BDAG BA SKYED GCIG BU'I TSE GSANG MCHOD KYI SKABS DANG, BDAG MDUN GNYIS KA'I TSE MDUN BSKYED KYI @030B GSANG MCHOD KYI SKABS DANG, BDAG 'JUG BYED TSE GSANG DBANG GI SKABS SU ZHU BA MAN NGAG YIN GSUNG, 'ON KYANG TSIL ZIN LTAR NA LHA THAMS CAD ZHU BA LTAR SNANG BA DANG, GZHUNG CHE BA PHAL CHER LAS GONG LTAR ZHIB CHA MED PAR ZHU BA LTA BUR BSHAD DE BRTAG GO ,DE LTAR BSGOMS BA'I DGOS PA NI, RTEN BRTEN PA THAMS CAD BDE STONG GI RNAM ROL TU 'CHAR BA DANG, RDZOGS RIM GYI BDE CHEN 'DREN PA SOGS KYI CHED DO, ,'DI YAN CHAD NI DANG PO SBYOR BA STE, SGRUB THABS BSDUS PA BSGOMS NA 'DI NAS BSNYEN PA LA 'JUG PA YIN NO, ,DKYIL 'KHOR RGYAL MCHOG MI BSGOMS NA BYANG SEMS PHYIR 'BYIN PA'I DMIGS PA NI MI BYED DO, ` ,GNYIS PA DKYIL 'KHOR RGYAL MCHOG NI, SMON LAM LAS, MKHA' DBYINGS RDO RJE SBYANG BAS SBAR BA YIS, ,ZHES SOGS CHIGS BCAD GNYIS KYIS STON TE, DE YANG ZHU BA'I THIG LE YUM GYI PADMAR PHAB PA ZHES 'BYUNG BA LTAR BYA BA YIN LA, DE YANG YUM GYI PADMAR THIG LE PHAB PA DE CHA GNYIS SU GYUR TE, CHA GCIG BHRUm DANG DE YONGS SU GYUR PA LAS GZHAL YAS KHANG GDAN DANG BCAS PAR GYUR BAR BSAM PA STE, 'DI LA RDOR RA SOGS MI DGOS GSUNG, CHA GCIG GDAN DE RNAMS KYI STENG DU RE MIG GI DBUS NAS GZUNG STE THIG LE SO GNYIS SU GYUR, DE RNAMS YONGS SU GYUR BA LAS YI GE GSUM DANG SPEL TE DBUS SU H'Um DANG KHAm SNGON PO, ,SHAR DU AOm DKAR PO, LHOR SVA SER PO, NUB TU A'A: DMAR PO, BYANG DU H'A LJANG KHU, SHAR LHOR LAm DKAR PO, NAS ,KHRO BO BCU'I GNAS SU H'Um RE RER GYUR BAR BSAM ZHING, SA BON RNAMS KYANG LHA'I MDOG DANG MTHUN PA'O, ,DE RNAMS YONGS SU GYUR BA LAS DBUS SU RDO RJE RTZE LNGA PA H'Um DANG KHAm GIS MTSAN PA GNYIS, DE BZHIN DU LHA RANG RANG GI SA BON GYI PHYAG MTSAN RE RE, DE RNAMS LAS LHA SO GNYIS GCIG CHAR DU BSKYED NAS RNAM PA RNAMS RIM GYIS GSAL 'DEBS PA NI, RANG NYID MI BSKYOD @031A *, ,PA ZHI BA MTHING NAG SOGS SGRUB THABS LTAR RO, ,BSKYED SNGAGS RNAMS 'PHRENG BSGRIGS BYA ZHING, PHYAG MTSAN YI GE DANG BCAS PA THAMS CAD GYEN BSGRING NGO, ,'DIR MNGAL ZHES PA NI 'DIR YUM GYI KHONG BA'I NANG YIN GYI, MNGAL SGO MIN NO, ,LHA SPRO BA'I TSE, MI BSKYOD PA RANG GI THUGS KHAR DRANGS, BADZRA DHRi KA THUGS GA NAS PHYIR PHYUNG ZHES SOGS RANG RANG GI MTSAN SNGAGS BRJOD DE BOS BLTAR RE RE NAS THUGS GAR DRANGS, PHYOGS BCUR SPROS ZHES PA'I DON GZHUNG CHE BA MTHONG BA PHAL CHER LAS LHA RANG RANG DPAG TU MED PA PHYOGS BCUR 'PHRO BAR BSHAD LA, 'KHRIG YIG 'GA' ZHIG LAS LHA DE DANG DES GTZO BO BYAS PA'I DKYIL 'KHOR YANG DPAG TU MED PA SPRO BAR BSHAD DE, DMIGS SKOR RGYAS BSDUS SU MNGON NO, ,DE'I TSE LHA THAMS CAD KYANG YUM GYI PADMA NAS YAB KYI RDO RJE BRGYUD DE THUGS KHAR DRANGS TE PHYIR 'BYIN PA NI 'DRA'O, ,SPYI DANG SGOS KYI MDZAD PA SO SOR MDZAD, SO SO'I SPRUL PA RNAMS GCIG TU 'DUS PA LA, RANG 'DRA'I YE SHES PA DPAG TU MED PA BYUNG STE THIM NAS DBYER MED DU GYUR RANG GI RIGS BDAG LHA GANG YIN YAB YUM TE SPYI BOR BZHUGS PA'I SBYOR MTSAMS NAS BYANG CHUB KYI SEMS KYI DBANG BSKUR, MI BSKYOD PA RANG GI SNYING KHAR ZHUGS NAS RANG DANG 'DRES TE ZHE SDANG RDO RJER GYUR, SNGAR GYI MNGON BYANG LNGA'I SKABS KYI ZLA BA'I RGYUN GYI ZLA BA DE NYID RANG GI 'OG GI NYI GDAN LA THIM, REG BYA RDO RJE MA BYON NAS RANG GI YUM REG BYA RDO RJE MA LA THIM BAS DBYER MED DU GYUR, MI BSKYED PA GTZO BOR SONG BA'I TSE DE LTAR YIN GYI, GZHAN REG BYA RDO RJE MA GTZO BOR SONG BA'I TSE, MI BSKYOD PAS REG BYA RDO RJE MA LA 'KHYUD PA DANG, RNAM SNANG SOGS BZHI GTZO BOR SONG BA'I TSE SPYAN SOGS BZHIS 'KHYUD PA DANG, YUM BZHI GTZO BOR SONG BA'I TSE YAB BZHIS 'KHYUD PA DANG, LHAG MA RNAMS LA'ANG GTZO BO @031B 'GRO BA'I TSUL SHES PAR BYA'O, ,'BYIN SNGAGS RNAMS LAS BADZRA DHRi KA NI RDO RJE 'CHANG NGAM RDO RJE 'DZIN, DZI NA DZI KA NI RGYAL BAS RGYAL TE RNAM SNANG, RATnA DHRi KA NI RIN CHEN 'CHANG NGAM 'DZIN, AA RO LI KA NI 'KHOR BA 'JIG CES PA STE PADMA 'CHANG, PRADZNY'A DHRi KA NI SHES RAB 'DZIN, MO HAR TI SOGS BZHI NI, GTI MUG DGA' MA ZHE SDANG DGA' MA 'OD DPAG MED DAM 'DOD CHAGS DGA' MA RDO RJE DON GRUB DGA' MA STE RIGS BZHI'I YUM YIN PA'I DON NO, ,R'U PA BADZRA NI GZUGS RDO RJE MA ZHES PA STE GZHAN RNAMS RANG RANG GI MTSAN SNGAGS YIN LA, DE BRJOD CING LTE RE RE NAS PHYUNG STE RANG RANG GI GDAN LA 'GOD DO,, MTSAN RNAMS LA NGES DON GYI BSHANG PA RE'ANG YOD, MTHAR GZHAL YAS KHANG PHYUNG STE BSTIM PAR BYA'O, ,ZHAL GSUM GYI G-YAS G-YON GNYIS KYIS SGYU LUS DANG 'OD GSAL DBUS MAS ZUNG 'JUG ,PHYAG DRUG GIS LUGS 'BYUNG LUGS ZLOG GI SNANG BA GSUM BZHON PA'I RLUNG DANG BCAS PA MCHON NO, ,DGOS PA NI RDZOGS RIM GYI MTHON PO'I SKABS GZHAN DANG 'BRAS BU'I TSE RTEN BRTEN PA'I DKYIL 'KHOR SPRAL TE GZHAN DON BYED PA'I DGE RTZA SMIN PA SOGS KYI CHED DO, ` ,GSUM PA LAS RGYAL MCHOG NI ,SMON LAM LAS, SROG 'DZIN THUR SER LAM GYI SNA RTZER NI, , ZHES SOGS TSIGS BCAD GNYIS KYIS STON TE, 'DI LA GNYIS, THUN DNGOS DANG 'BREL BA'I RNAL 'BYOR DANG, THUN MTSAMS DANG 'BREL BA'I RNAL 'BYOR RO, ,DANG PO LA PHRA THIG ,BZLAS PA, ZHU BA KLUS BSKUL TE BZHENG BA, MCHOD BSTOD BDUD RTZI MYANG BA, NYER BSDU LNGA LAS, DANG PO NI, STENG SGOR PHYAG MTSAN PHRA MO BSGOM PA YIN TE, DE NI RAGS PA'I RNAL 'BYOR LA BRTAN PA THOB NAS BYED PA YIN PAS, 'DIR RGYAS PAR 'DIR MI 'CHAD DO, ,GNYIS PA BZLAS PA LA SPYIR DAM TSIG GI BZLAS PA, PHYOGS KYI BZLAS PA, KHROS PA, KHRO BO, GONG BU'I BZLAS PA RNAMS SU YOD KYANG @032A *, ,DAM TSIG GI BZLAS PA NI BZLAS BYA'I SNGAGS KYIS BSKOR BA'I ZHES SOGS DKYUS LTAR YIN LA, THOG MAR BSKYED RIM PA'I RDOR BZLAS BYED NA YID KYIS YI GE GSUM GYI RDOR BZLAS NYID BYA'O, ,GTZO BO'I SNGAGS BZLA BA'I TSE, TING NGE 'DZIN SEMS DPA'I MTHAR STE SNYING, SNYING PA, RTZA SNGAGS RNAMS GYEN 'GRENG 'OD ZER LNGA 'PHRO BAS BSKOR NAS BZLA STE, 'ON KYANG GTZO BO'I SNGAGS RDO RJE'I LTE BA'AM, GDAN GYI STENG GANG LA 'GOD PA MI GSAL YANG GANG RUNG GIS CHOG PAR MNGON NO, ,DE YANG BADZRA DHRi KA CES PA'AM AOm BADZRA DHRi KA H'Um ZHES PA NYE SNYING, MTSAN SNGAGS 'BRU GSUM DANG SPEL BA SNYING PO, KAm KA NI'I SNGAGS RTZA SNGAGS SU BSHAD PA LTAR RO, ,DE'I TSE YUM GYI LUS LA BKOD PA'I MI BSKYOD PA'I THUGS KHAR NYI GDAN GYI STENG DU SA BON SNGAGS 'PHRENG DANG BCAS PA BSAM DGOS PAR BSHAD, LHA GANG DANG GANG GI SNGAGS BZLA BA'I TSE GTZO BO YAB YUM GYI LUS LA BKOD PA'I RANG 'DRA'I LHA RNAMS KYI THUGS KHAR, ZHI DRAG GI KHYAD PAR GYIS ZLA NYI'I GDAN NAM, ? GDAN GYI STENG GI SA BON GYI MTHAR RANG RANG GI SNGAGS KYIS BSKOR BAR BSAMS NAS BZLA DGOS SO, ,RIGS LNGA'I RTZA SNGAGS RNAMS RTZA RGYUD LAS MI GSAL YANG SPYI 'GRO LTAR RO, ,DMIGS PA NI LHA RANG RANG GI SA BON LAS LHA RANG RANG GIS GTZO BO BYAS PA'I DKYIL 'KHOR RDZOGS PA'AM RANG 'DRA DPAG MED SPRO BSDU'I DMIGS PA BYA, LHA'I RNAM PA GSAL ZHING NGA RGYAL BRTAN PA NYIS TSOGS DGOS KYANG DA LTA'I GANG ZAG BLO DMAN PAS DMIGS PA MI GSAL BA'I TSE'ANG NGA RGYAL BRTAN PO NI CIS KYANG BYA DGOS SO, ,GTZO 'KHOR THAMS CAD RGYUD GCIG CING BDE STONG GI NGO BOR BLTA ZHING, SNGAGS GANG BZLA YANG LHA THAMS CAD KYI ZHAL NAS 'DON PAR BSAMS NA 'GYUR CHE, 'PHRENG RDOG 'DREN PA'I TSE DKYIL 'KHOR BA'AM LHA RE RE CHAD NAS RANG GI SNYING GA'I SA BON LA THIM @032B BAR BSAM, GRANGS KYI BSNYEN PA NI GTZO BO LA 'BUM, 'KHOR RNAMS LA KHRI, KLU BYANG GIS BSHAD PA LTAR DE NYID RAB GSAL GYI DGONGS PAS, BGEGS MTHAR BYED KYI 'PHRENG SNGAGS KHRI, YE SHES 'BEBS SNGAGS 'BUM, DE'I BCU CHA'I SBYIN BSREG BYA BA NI RAB YIN LA, SNGAGS RIS LTAR SPYI 'GRO'I DBANG DU BYAS TSE GZHAN SNGA MA LTAR LA, BGEGS MTHAR BYED KYI SNGAGS GNYIS GANG RUNG DANG YE SHES 'BEBS SNGAGS GNYIS KHRI, BSNYEN PA'I KHA SKONG GI SBYIN SREG CI 'GRUB KYIS KYANG RUNG BAR MNGON, GSUM PA NI, YAB YUM SNYOMS PAR ZHUGS PA'I RKYEN GYIS ZHES SOGS LTAR BYA BA YIN LA, DES YAB YUM PHAN TSUN SNYOMS BAR ZHUGS PAS DES RKYEN BYAS TE YUM NAS RIM GYIS 'OD GSAL DU SDUD PA YIN LA, 'DIR LHA THAMS CAD SDUD PA MIN GYI GTZO BO YAB YUM GYI SNANG BA TZAM BSDUS NAS STONG PAR BSAM PA LA 'OD GSAL DU BTAGS PA'O, ,DE'I TSE GZUGS SKU'I SNANG BA BSDUS NAS CHOS SKU 'GA' ZHIG GI DANG DU CHU LA CHU BZHAG PA'I TSUL GYIS MI SNANG BA LTAR BZHUGS PAR BSAM PA NI, SGYU LUS 'OD GSAL DU 'JUG BA'I DGE RTZA SMIN BYED DANG, MCHOG GI SPRUL PA'I SKU NI GDUL BYA'I DBANG GIS SKU'I SNANG BA BSDUS TE MYA NGAN LAS 'DA' BA'I TSUL STON PA DANG MTHUN PA SOGS KYI CHED DO, ,DE NAS LHA MO BZHIS SEMS CAN GYI DON DU GTZO BO 'OD GSAL LAS BZHENGS BAR BSKUL BA NI, 'OD GSAL LAS SGYU LUS 'GRUB PA'I DGE RTZA SMIN BYED DANG, MCHOG GI SPRUL SKUS SLAR ZHING GZHAN DU SEMS CAN GYI DON DU 'TSANG RGYA BA'I TSUL STON PA DANG CHOS MTHUN PA DANG, DE'I RGYUD SMIN BYED KYI CHED DO, ,BSKUL TSIG GI DON NI GZHAN DU SHES PAR BYA LA, SPYAN MAS, SEMS CAN KHAMS NA GNAS KYI DBANG PHYUG ZHES SOGS TSIGS BCAD GCIG DANG, M'A MA K'I SA, RDO RJE'I SKU KHYOD ZHES SOGS DANG, GOS DGAR MOS, KHYOD NI RDO RJE GSUNG @033A *, ,STE ZHES SOGS DANG, SGROL MAS KHYOD NI RDO RJE 'DOD PA ZHES SOGS KYIS BSKUL BA STE, RIM BZHIN BYAMS DANG SNYING RJE DANG DGA' BA DANG BTANG SNYOMS TSAD MED KYI NGO BO, GSON BAR MCHI BZHED NA ZHES PA NI, KHYOD 'OD GSAL MA LAS BZHENGS NA LHA MO BDAG GSON BAR MI 'GYUR BAS BDAG GSON POR GNAS PAR BZHED NA ZHES BA'O, ,'DI DAG GI DON NI, SGRON GSAL LAS BSHAD CING, NOR BZANG RGYA MTSO'I BSKYED RIM tIKKA LAS GSAL BAR 'GYUR RO, ,BZHI PA NI, MI BSKYOD RDO RJE YE SHES CHE, ,ZHES SOGS SHO LO KA LNGAS BSTOD PA YIN LA, TSIG DON NI BSHAD MA THAG PA'I GZHUNG GNYIS NA GSAL BAS DER BLTA'O, ,TSIGS BCAD LNGAS RIM PA BZHIN DU MI BSKYOD PA RNAM SNANG RIN 'BYUNG 'OD DPAG MED DON GRUB STE RIGS LNGA'I SGO NAS BSTOD PA YIN LA, DE GANG GIS BSTOD PA NI, RJE NOR BZANG BA DANG, BSOD GRAGS PAS 'KHOR THAMS CAD KYIS MGRIN GCIG TU GTZO BO LA RIGS LNGA'I YON TAN TSANG BA'I SGO NAS BSTOD PAR BSHAD DE, GTZO 'KHOR RGYUD GCIG PA'I DBANG DU MDZAD PA'O, ,'KHRID YIG LAS MCHOD PA 'BUL BA'I TSE LHA MO SPROS TE MCHOD DGOS PAR BSHAD PA LTAR NA, LHA MO SPROS NAS BSTOD PAS KYANG RUNG SNYAM STE, DANG PO SBYOR BTZAM LA NI 'KHOR MI 'DUG KYANG, BSTOD PA YOD PA'I PHYIR RO, ,DE NAS PHYI NANG GSANG BA DE KHO NA NYID KYI MCHOD PAS MCHOD PAR BYA BA YIN PAS, PHYI MCHOD NI MCHOD LHA MGRON GRANGS DANG MNYAM PA SPROS TE MCHOD PA'AM, NAM MKHA' GANG BAS MCHOD PAR BSAMS NAS AOm SARBA SOGS BRJOD, DE'I TSE DKYIL 'KHOR GYI LHA GZHAN DANG LUS DKYIL MA BZHUS BAR YOD NA THAMS CAD TSIM BAR BSAM MO, ,NANG MCHOD NI, BDAG NYID KYI LAG PA G-YON PA'I MTHE BONG YI GE KshUm DE YONGS SU GYUR BA LAS SA GZHI DANG, MING MED SUM, DE ZHU @033B BA LAS RI RAB TU BSAMS LA RGYA MTSO BSRUBS PA'I DBUS NAS BDUD RTZI BLANGS TE MCHOD PA'I MOS PA BYA, DE'I TSE RE MIG DGU PA'I GDUNG ZLUM GYI STENG NGAM, PHYI 'KHYAMS GRU BZHI BA'I KHA GDANGS LA SENG GE'I KHRI'I STENG DU DBUS SU RANG GI BLA MA DANG, DE'I G-YAS SU DBANG BRGYUD , G-YON DU BSHAD BRGYUD KYI BLA MA RNAMS BZHUGS PAR DMIGS PA'AM MI GSAL NA RANG GI BLA MA DE THAMS CAD KYIS BSKOR NAS BZHUGS PA'I MOS BA BYAS TE, LHA MO SPROS NAS MCHOD PAR BSAMS LA MTSAN GYI MTHAR 'BRU GSUM BTAGS NAS RIM GYIS 'BUL, DE NAS BSGOM BA'I DKYIL 'KHOR BA'I LHA TSOGS LA SNGAGS KYI MTHAR 'BRU GSUM BTAGS NAS 'BUL ZHING, BLA MA LA DBRAL BA'I THAD DANG, DKYIL 'KHOR BA DANG YI DAM LA SNYING GA'I THAD NAS DANG MGRON GZHAN LA LTE BA MAN NAS GTOR TE MCHOD, 'DI'I TSE NANG MCHOD 'BUL YUL GYI DKYIL 'KHOR BA ZUR DU BYAS KYANG MI 'GAL ZHING, DE MA BYAS PAR BSGOM PA NYID LA 'BUL BA'ANG 'THAD CING BDE'O, ,DE NAS GSANG MCHOD NI, MKHA' GSANG BYIN GYIS BRLABS TE, YAB YUM SNYOMS PAR ZHUGS PA'I BYANG CHUB KYI SEMS ZHU BA'I BDE BAS LHA THAMS CAD TSIM PAR BSAMS PA'I SGO NAS MCHOD CING, BDE BAS STONG PA NGES BAR BSAM PA NI DE KHO NA NYID KYI MCHOD PAR 'GYUR RO, ,SGRUB THABS LA LA'I TSIG ZIN LA DE KHO NA NYID KYI MCHOD PA ME GSAL YANG MAN NGAG GIS BYED PA YIN NO, ,LNGA BA NYER BSDU NI, RANG GI THUGS KA'I ZHES SOGS LTAR BYA BA YIN LA, DE YANG DKYIL 'KHOR RGYAL MCHOG BSGOMS PA YIN NA, LHAG MOS KYI SKABS BZHIN LHA RNAMS SPYAN DRANGS NAS GNAS RNAMS SU 'GOD PA YIN LA, 'ON KYANG 'DIR YUM LUS LA MI 'GOD PAS REG BYA RDO RJE MA ZHES MI BRJOD PA'I RGYU MTSAN DE YIN NO, ,DANG PO SBYOR BA TZAM LA NI LHA NYER BSDU MI DGOS SHING, @034A *, ,GANG BYAS KYANG GZHAL YAS KHANG GI CHA RNAMS 'OD KYI RNAM PAR LUS LA BSDU DGOS, DBANG BSKUR BA'I TSE LUS DKYIL GYI LHA MI ZHU BAR BSHAD PA LTAR NA, LHA SNGA PHYI GNYIS DBYER MED DU MOS DGOS PAR MNGON, RANG YAB YUM SNYOMS PAR ZHUGS PA'I SBYOR MTSAMS NAS BYANG CHUB SEMS KYI 'OD ZER 'PHROS TE SEMS CAN THAMS CAD LA DBANG BSKUR BA NAS RDO RJE 'CHANG DU GYUR BA RNAMS RANG GI 'OD ZER GYIS DRANGS NAS RANG NYID LA THIM PAR BSAMS TE, AOm YO GA SHUDHA SOGS KYI SNGAGS BRJOD, YO GA NI RNAL 'BYOR, SHUDDHA NI DAG PA, SARBA DHARM'A NI CHOS THAMS CAD, YO GA SHUDHO NYA HAm NI, RNAL 'BYOR DAG BA'I BDAG NYID NGA'O ZHES PA'O, ,GNYIS PA THUN MTSAMS SU GTOR MA DANG YUS BRTAS BAR BYED PA'I RNAL 'BYOR SOGS 'GA' ZHIG GZHAN DU SHES BAR BYA ZHING, GTOR SNGAGS KYI MJUG GI SARBA DUshtAm SOGS KYI DON NI, SARBA DUshtAm NI GNOD BYED THADm, SA MA LA NI DAm TSIG MU DRA NI PHYAG RGYA PRA BHANYDZA KA NI RAB TU 'JOMS PA, M'A MA NI BDAG ,SHANTI NI ZHE BA, RAKshA TZA NI SRUNG BA, KU RU NI MDZOD CIG CES BA'O, ,SMON LAM LAS, DES NI RDZAS SNGAGS 'KHRUL 'KHOR BSAM GTAN LA, , ZHES SOGS RKANG BA BZHIS LAS RGYAL MCHOG KYANG STAN TE 'DRIR? MI 'CHAD DO, ,BZHI BA NI, LUGS 'DIR SGRUB THABS RGYAS BSDUS GNYIS SU NGES SHING, THUN BZHIR BYED PA'I TSE, THOG MTHA' GNYIS RGYAS SHING BAR BA GNYIS BSDUS PA DANG, THOG MA RGYAS SHING GZHAN @034B GSUM BSDU BA SOGS BYED TSUL MI 'DRA BA DU MA YOD PA LAS 'DIR RGYAS PA NI SGRUB THABS RGYAS PAR BSHAD PA LTAR DANG BSDUS PA NI DANG PO SBYOR BA TZAM BSGOM PA DANG SNGAGS BZLA BA'I TSE LUS DKYIL GYI THUGS KHAR SNGAGS BKOD NAS BZLAS PA BYED PA YIN LA, DE GNYIS KA LA MNGON RTOGS KYI TSIG NYUNG DUR BYAS TE 'DON TSUL KHO BOS RJE YAB SRAS DANG PAn CHEN GONG MA'I MAN NGAG LA BRTEN NAS 'CHAD NUS MOD, 'DIR MI 'CHAD DE, LOGS SU BSHAD ZIN PA'I PHYIR RO, ,RGYAS BSDUS GANG BSGOMS KYANG DMIGS PA YID LA BYA TSUL MDOR BSDUS NI, BSKYED RIM GYI SBYONG BYA'I GTZO BO THA MAL GYI SNANG ZHEN GNYIS YIN LA, THA MAL GYI SNANG BA'I GNYEN POR GSAL SNANG LA SLOB PA DANG, ZHEN PA'I GNYEN POR NGA RGYAL LA SLOB PA YIN NO, ,SLOB TSUL NI, BDEN STONG SGYU MA LTA BU'I NGANG NAS 'BRAS DUS KYI RTEN BRTEN PA DE DANG DE'O SNYAM DU BSGOM PA YIN NO, ,LNGA BA NI, RTEN BRTEN PA'I DKYIL 'KHOR THAMS CAD LA GSAL SNANG SHIN TU BRTAN PO GZHUNG NAS BSHAD PA LTAR THOB CING, RANG GI NGANG GIS MNYAM PAR? 'JOG PA YONGS SU RDZOGS PA DE'I TSE PHRA RAGS MTHAR PHYIN PA'O, ,'PHROS DON SGRUB THABS KYI CHINGS BSDUS TE BSHAD NA, BSKYED RIM LA, BSNYEN SGRUB BZHI, RNAL 'BYOR BZHI, TING NGE 'DZIN GSUM, DE NYID ZHE DGU ,RDO RJE BZHI'I CHINGS RNAMS LAS DANG PO NI, YE SHES KYI SA BSGOM PA NAS LHAG MOS 'OD GSAL DU SDUD PA'I BAR BSNYEN PA DE NAS LUS DKYIL GYI BAR NYE SGRUB, SGO GSUM BYIN @035A *, ,BRLAB NAS RIGS BDAG GI RGYAS 'DEBS KYI BAR SGRUB PA, DKYIL 'KHOR RGYAL MCHOG MAN SGRUB CHEN PO, ,GNYIS PA NI, YE SHES KYIS NAS ZLA BA LAS BYANG CHUB PA'I BAR RNAL 'BYOR, MNGON BYANG LHAG MA GSUM RJES SU RNAL 'BYOR, LUS DKYIL SHIN TU RNAL 'BYOR, SGO GSUM BYIN BRLAB NAS RIG MA 'DU BYA BA'I BAR RNAM 'BYOR CHEN PO'O, ,GSUM PA NI DANG PO SBYOR BA'I TING NGE 'DZIN SOGS GSUM MO, ,BZHI PA NI, GNAS KYI DE NYID NAS DNGOS GRUB 'BRING SGRUB PA'I DE NYID KYI BAR ZHE DGU'O, ,LNGA PA NI, RGYUD PHYI MA LAS DANG PO STONG NYID BYANG CHUB STE, ,GNYIS PA SA BON BSDUS PA'O, ,GSUM PA GZUGS NI RDZOGS PA STE, ,BZHI PA YIG DGOD PA'O, ,ZHES GSUNGS BA LTAR, GNAS SAM YE SHES KYIS NAS LHAG MOS 'OD GSAL DU BSDUS PA'I BAR DANG PO DANG, DE NAS PHYAG MTSAN RDO RJE LAS BYANG CHUB PA'I BAR GNYIS PA DANG, DANG PO'I MGON PO NAS LUS DKYIL RDZOGS PA'I BAR GSUM PA DANG, SKU GSUNG THUGS BYIN GYIS BRLOB BA NAS MCHOD PA'I BAR RAM DNGOS GRUB 'BRING SGRUB PA'I BAR BZHI PA'O, ,SPYIR BSKYED RIM PA'I DNGOS GRUB DE LA GSUM YOD DE, SGRON GSAL LAS, ZHI SOGS BYA BA'I CHO GA DANG, ,DE BZHIN GRUB PA BRGYAD DANG NI, ,SANGS RGYAS KYANG NI MCHOG YIN NO, ,ZHES GSUNGS PA'I PHYIR RO, ,DE LTAR TSUL BZHIN NYAMS SU BLANGS NA GRUB CHEN BRGYAD DANG SANGS RGYAS KYI GO 'PHANG YANG TSE 'DIR THOB BAR GSUNGS PA BZHIN YIN NA'ANG @035B DA LTA'I DUS KYI GANG ZAG GIS NI DE LTAR MA GRUB KYANG SKYE BA PHYI MA GZHAN DANG GZHAN DU SNGAGS SGRUB PA'I SKAL LDAN DU GYUR TE, LAM RIM GYIS BGROD NAS 'TSANG RGYA BA'I BAG CHAGS BZANG PO 'JOG PA LA NI GZHAN DANG MI 'DRA BA'I PHAN YON CHEN PO YOD TSUL GYI KHUNGS GONG DU SMOS ZIN PA RNAMS DANG GZHAN YOD PAS, RANG NUS DANG BSTUN PA'I BAG CHAGS BRTAN PO'I? RANG RGYUD LA LEGS PAR BZHAG PAR BYA'O,, ,,SMRAS PA, THUB PA'I GSUNG RAB KUN GYI RAB DANG PHUL, ,DPAL LDAN RNAL 'BYOR BLA NA MED PA'I RGYUD, ,DE YI NANG NAS SHIN TU CHES ZAB PA, ,DPAL LDAN GSANG BA 'DUS PA'I RGYUD DU GRAGS, ,RGYUD 'DI MTHONG THOS DRAN DANG REG RNAMS KYANG, ,BYANG CHUB RDO RJE DANG 'DRA PHYAG YUL DU, ,RGYAL BA NYID KYIS DNGOS SU GSUNGS GYUR NA, ,GANG 'DI 'CHAD NYAN THOS SAM? SGOM PA KUN?, ,RDO RJE 'CHANG DANG 'DRA BAR CIS MI BLTA, ,SNGON BSAGS LEGS SPYAD SMON LAM MTHU BRTAN PAS, ,PHYOGS 'DIR MDO SNGAGS BSTAN PA'I SROL CHEN PO, ,SNGON MED BZUNG NAS SPEL BA'I SKYES BU MCHOG ,BSTAN PA'I GDUGS DARKA 'DZIN PA ZHIG KYANG BYON, ,DE YI MTHU LAS RGYUD GRVA GSAR BTZUGS KYI, ,THOG MA'I GO SAR GYUR PA'I MKHAS RLOM ZHIG ,DNGOS GRUB GNYIS KYI GTER GYUR GZHUNG BZANG 'DIR, ,'JUG PA'I BRTZON BAS RANG NYID NGAL? BA BYAS, ,TSUL 'DIR 'BAD LAS BYUNG BA'I DGE DES BDAG ,RTAG TU LAM BZANG 'DI DANG MI 'BRAL ZHING, ,MDO RGYUD DGONGS 'GREL BCAS PA'I DAM CHOS KUN, ,THUB PA'I DGONGS PA JI BZHIN 'DZIN GYUR CIG ,CES BA 'DI YANG, BSTAN PA'I MNGA' BDAG CO? NA'I KO'U SHRI NANG SOS PHYOGS 'DIR RGYUD KYI 'CHAD NYAN GSAR DU BTZUGS PA'I TSE, 'DI LTA BU ZHIG GYIS ZHES GSUNG GIS @036A *, ,BSKUL BA DANG, RANG GI SLOB MA DAD LDAN 'GA' ZHIG GIS KYANG BSKUL BAS RKYEN BYAS TE, SH'AKYA'I DGE SLONG GRAGS BSHAD SGRUB KYIS SLOB DPON RDO RJE 'CHANG BLO GROS RGYA MTSO ? SOGS YONGS 'DZIN DU MA'I BKA' DRIN LA BRTEN NAS 'DI SKOR GYI DBANG LUNG MAN NGAG RNAMS THOB PA'I MTHU LAS, TSUL 'DI BUNGS? DANG BCAS TE RGYAS BAR 'CHAD NUS YANG MANG DU DOGS TE GO DON GTZO BOR BYAS NAS CUNG ZAD BSDUS PA'I TSUL DU LEGS PAR SBYAR BA STE, PHYIS DAD DANG RNAM DPYOD LDAN PA'I GNAS BRTAN KUN DGA' CHOS GRAGS ZHES BGYI BRGYUD GRVAR ZHUGS NAS SNGAGS RAM PA'I MTSAN GSOL BA'I TSE, GZHAN LA PHAN PAR BSAMS TE DAD PAS BAR DU BRKOS PA'O,, ,,BKRA SHIS, ,, @036B [BLANK PAGE]