[preliminary data - not manually proofread] [SNGON 'GRO'I DPAR GZHI] @001A *, ,DPAL RDO RJE 'JIGS BYED KYI RIM PA GNYIS PA'I RNAM BSHAD DNGOS GRUB SNYE MA ZHES BYA BA BZHUGS SO, , @001B #, ,NA MO MANYDZU GHO sh'A YA, RGYAL BA'I YE SHES GCIG GYUR 'JAM PA'I DBYANGS, ,PHYI NANG GSANG BA'I GSHIN RJE KUN 'DUL PHYIR, ,KHROS PA'I GAR MDZAD BCOM LDAN DUS DGRA'I DBANG, ,BKA' SDOD LAS KYI GSHIN RJER BCAS LA 'DUD, , 'JAM DPAL ZHI KHRO MI YI ZLOS GAR CAN, ,BLO BZANG RGYAL BA GNYIS BAR GRAGS PA DANG, ,THUGS SRAS MKHAS GRUB CHOS RJE YAB SRAS SOGS, ,CHOS 'DI'I BRGYUD 'DZIN BLA MA RNAMS LA 'DUD, ,GSHIN RJE GSHED KYI RIM PA DANG PO'I GNAD, ,PHYE BA MANG YANG RDZOGS RIM GNAD RNAMS NI, ,KHUNGS BCAS SNGON CHAD PHYOGS 'DIR MA GSAL BA, ,BLA MA'I DRIN LAS CUNG ZAD GSAL BAR BYA, ,'DI LA GNYIS, SNGON DU 'GRO BA SPYI'I RNAM GZHAG BSHAD PA DANG, SKABS SU BABS PA'I RDZOGS RIM NYID BSHAD PA'O, ,DANG PO LA BZHI, RGYUD GNYIS KYI KHYAD PAR CUNG ZAD BSHAD PA, 'DI'I RDZOGS RIM RGYUD DANG RGYA GZHUNG GANG LAS BSTAN PA DANG DON GYIS THOB TSUL, RDZOGS RIM LA NYE BAR MKHO BA'I RTZA RLUNG THIG LE'I RNAM GZHAG ,THABS SHES KYI KHYAD PAR BSHAD PA'O, ,DANG PO NI, SPYIR RGYUD DE LA BYA RGYUD, SPYOD RGYUD, RNAL 'BYOR GYI RGYUD, BLA MED KYI RGYUD DANG BZHI, PHYI MA LA NI PHA MA'I RGYUD GNYIS TE, PHA RGYUD DANG THABS RGYUD GNYIS DON GCIG CING, MA RGYUD DANG SHES RAB KYI RGYUD GNYIS DON GCIG GO ,RGYUD GNYIS KYI GRANGS TSAD KYANG YOD DE, SDOM 'BYUNG LAS, RNAL 'BYOR @002A *, ,RGYUD RNAMS KYI NI TSAD, ,BYE BA PHRAG NI DRUG TU NGES, ,DE BZHIN RNAL 'BYOR MA RGYUD GRANGS, ,BYE BA PHRAG NI BCU DRUG GRAGS, ,ZHES GSUNGS PA LTAR YIN PA'I PHYIR, 'DIR RNAL 'BYOR RGYUD NI RGYUD SDE GSUM PA LA BYED PA MIN GYI, BLA MED KYI RGYUD LA RNAL 'BYOR CHEN PO'I RGYUD KYI THA SNYAD MDZAD PA LTAR YIN TE, RGYUD GNYIS LAS PHA RGYUD NI SGYU LUS RTZAL DU BTON NAS 'CHAD PA'I SGO NAS DER BZHAG LA, MA RGYUD NI LUGS 'BYUNG LUGS LDOG GI DGA' BZHI RTZAL DU BTON NAS 'CHAD PA'I SGO NAS DER BZHAG PA YIN YANG, GNYIS KA'ANG BDE STONG DBYER MED KYI YE SHES SAM RNAL 'BYOR GTZO BOR STON PA LA KHYAD PAR MED PAS DE'I SGO NAS NI RNAL 'BYOR RGYUD DANG RNAL 'BYOR MA'I RGYUD CES PA'I THA SNYAD MDZAD PA YIN PA'I PHYIR TE, 'DUS PA PHYI MA LAS, THABS DANG SHES RAB SNYOMS 'JUG PAS, ,RNAL 'BYOR ZHES NI BSHAD PA YIN, ,ZHES GSUNGS PA'I PHYIR, THABS RGYUD LA NI 'DOD CHAGS ZHE SDANG GTI MUG THABS RGYUD GSUM YOD PA LAS, GSANG 'DUS LTA BU 'DOD CHAGS THABS RGYUD DANG, GSHIN RJE GSHED KYI SKOR RNAMS DE'I PHYOGS MTHUN GYI RGYUD DU BZHAG KYANG NGO BO'I SGO NAS ZHE SDANG THABS RGYUD DANG, RDO RJE AA RA LI'I RGYUD LTA BU GTI MUG THABS RGYUD DU 'JOG GO ,GSHIN RJE GSHED KYI RGYUD NI, DMAR NAG 'JIGS GSUM GYI RGYUD RNAMS YIN LA, 'JIGS BYED KYI RGYUD RGYAS PA SHLOO KA 'BUM YOD PA NI AU RGYAN GYI YUL @002B [MISSING PAGE] @003A *, ,DMAR PO'I RDZOGS RIM GTZO BOR STON PA'I DBANG DU MDZAD KYANG, 'JIGS BYED KYI RDZOGS RIM RNAMS KYANG STON PAS DMAR NAG 'JIGS GSUM GYI RDZOGS RIM RNAMS THUN MONG DU STON PA YIN PA'I PHYIR TE, 'DI'I RDZOGS RIM CHOS RJE BLO GROS PAS MKHAS GRUB RJE'I MAN NGAG LTAR 'CHAD PA NA 'JIGS BYED KYI BSKYED RIM CHEN MO LAS, DMAR NAG 'JIGS GSUM LAS DMAR PO'I RGYUD DANG RGYA GZHUNG RNAMS KYI NANG NAS NI RNAL 'BYOR BZHI'I RIMS NYID LA BRTEN NAS BSHAD NA 'DI'I RDZOGS RIM KYANG RGYAS PAR THON BAR 'GYUR RO, ,ZHES GSUNGS ZHES DANG, KHYAD PAR DU RNAL 'BYOR BZHI RIM 'DI NI DNGOS SU NA DMAR PO'I RDZOGS RIM STON BYED DU SBYAR NAS GSUNGS KYANG, 'DI NYID GRUB CHEN LA LI TA'I MAN NGAG LA BRTEN NAS DMAR PO'I RGYUD DANG, RGYUD 'BRUM PA ZHES GRAGS PA 'JIGS BYED? GYI RGYUD RGYAS PA'I RDZOGS RIM GYI GNAD RNAMS BSDUS NAS STON PA YIN PAS, DMAR NAG 'JIGS GSUM THAMS CAD KYI RDZOGS RIM THUN MONG DU STON PA'I GZHUNG DU SBYAR BAR BYA'O, ,ZHES PA NI BLA MA'I ZHAL GYI GDAMS PA YIN NO, ,ZHES GSUNGS PA'I PHYIR, GRUB CHEN GYI GZHUNG ZHES RNAL 'BYOR BZHI 'CHAD PA'I TSUL BSDUS TE BKOD NA, DE NYID LAS, RNAL 'BYOR DAM PA BZHIR BSHAD DE, ,DBYIBS DANG SNGAGS DANG DAM TSIG DANG, ,RNAM DAG YE SHES ZHES BYA BAS, ,SRID PA'I 'CHI BA LAS GROL BAR 'GYUR, ,ZHES MDOR BSTAN NAS DE NYID PHYE STE 'CHAD PA LA, RIM PA'AM YANG NA CIG CAR DU, ,SANGS RGYAS RJES DRAN BSGOM PAR BYA, ,ZHES SOGS KYIS THOG MAR RANG DANG GNYUG MA'I LUS LHAR BSGOM DGOS BAR BSTAN, 'DI NI BDAG LAS THA DAD MIN, ,ZHES SOGS KYIS GNYUG MA'I LUS LAS SGYU LUS BSGRUB TSUL BSTAN, LUS CAN KUN GYIS DE MTHONG DANG, ,ZHES SOGS KYIS SGYU LUS 'OD GSAL DU 'JUG TSUL BSTAN, SGYU MA LTA @003B BU'I TING 'DZIN GYIS, ,ZHES SOGS KYIS SGYU LUS DPE'I SGO NAS BSTAN TE, DE DAG NI DBYIBS KYI RNAL 'BYOR RO, ,YANG, LUS CAN KUN GYI SROG GYUR PA, ,RLUNG ZHES BYA BAS LAS KUN BYED, ,ZHES SOGS KYIS SNGAGS KYI RNAL 'BYOR STON TE, DE YANG RLUNG GI RNAL 'BYOR 'GA' ZHIG DANG, RDOR BZLAS DANG, BUM PA CAN DANG, 'PHO BA'I RIM PA RNAMS STON NO, ,YANG, SHES RAB THABS KYI PHYAG RGYA LAS, ,ZHES SOGS KYIS DAM TSIG GI RNAL 'BYOR STON TE, PADMA CAN LA SOGS PA'I PHYAG RGYA RIGS BZHI'I MTSAN NYID DANG, PHYAG RGYA SROG RTZOL DU 'GRO TSUL RNAMS DANG, PHYAG RGYA LA BRTEN NAS DGA' BZHI BSKYED TSUL RNAMS STON NO, ,YANG, MKHA' 'GRO'I CHU SKYES PHO BRANG DBUS, ,ZHES SOGS KYIS SDUD RIM BYAS NAS DON GYI 'OD GSAL DANG, DE LAS DAG PA'I SGYU LUS BSKYED TSUL DANG, DE GNYIS DBYER MED DU SBYOR BA'I SLOB PA'I ZUNG 'JUG DANG, MTHAR MI SLOB PA'I ZUNG 'JUG 'GRUB TSUL RNAMS STON PA YIN TE, DE RNAMS NYAMS LEN DU 'KHYER TSUL 'OG TU 'CHAD PAR 'GYUR RO, ,DER MA ZAD, 'JIGS BYED RANG GI SKU DANG PHYAG MTSAN GYIS MTSON TSUL LAS KYANG RDZOGS RIM STON PA YIN TE, RJE'I GSUNG 'BUM THOR BU LAS 'BYUNG BA'I DON BSDUS TE BSHAD NA, RVA GNYIS KYIS SGYU LUS DANG 'OD GSAL MTSON ZHING GO BAR BYED LA, KHYAD PAR DU PHYAG MTSAN RGYU MA DANG ME THAB GNYIS KYIS DE LTAR DU MTSON ZHING STON, KHA tV'Am GAS NI BDE BA 'BAR 'DZAG STON CING, DE YANG MA RGYUD NAS BSHAD PA'I BDE STONG GI RNAM GZHAG STON, BSDIGS MDZUB KYIS PHA RGYUD MA RGYUD KYI GNAD MTHAR THUG PA NGA LA YOD CES MTSON PA DANG, SKYES BU GSAL SHING LA BSKYON PAS NI SDIG CAN BTZAN THABS SU 'TSANG RGYA BAR MTSON ZHING STON PA RNAMS KYIS KYANG RDZOGS RIM GYI LAM RNAMS RANG LA YOD PAR STON PA'I PHYIR RO, ,GZHAN YANG 'JIGS BYED KYI RTZA RGYUD RGYAS PA'I GLENG BZHI'I LUNG DUS 'KHOR 'GREL CHEN DU DRANGS PA LAS, RDO RJE MKHA' @004A *, ,'GRO'I PADMAR GNAS, ,ZHES SOGS GSUNGS SHING, DE YANG BSHAD RGYUD RDO RJE PHRENG BA LAS, AE NI GSANG BA MKHA' DBYINGS DANG, ,BHA GA CHOS 'BYUNG PADMA LA, ,ZHES SOGS DANG, RDO RJE SEMS DPA' WAm RDO RJE, ,RDO RJE 'JIGS BYED DBANG PHYUG DANG, ,ZHES SOGS SNGA PHYI GNYIS KYIS BSTAN PA'I AE WAm GYI DON YIN LA, AE WAm GYI DES DON LA NI RDZOGS RIM GYI GTZO BO'I DON RNAMS TSANG BA YIN PAS, DES KYANG 'DI'I RDZOGS RIM BSTAN TE, ,AE WAm GYIS MTSON PA'I RDZOGS RIM NA BLA MED KYI RGYUD KUN GYIS STON PA YIN TE, RJE'I RIM LNGA GSAL SGRON LAS, SPYIR BLA MED KYI RGYUD KYI DON GYI GNAD THAMS CAD AE WAm LA SOGS PA YI GE BZHI BCU'I GLENG GZHI'I DON DU 'DUS LA, DE'I DON GYI GTZO BO YANG THOG MA'I YI GE GNYIS KYI DON DU 'DU BA YIN NO, ,ZHES GSUNGS PA'I PHYIR, 'DI'I RIM GNYIS KYI RNAM GZHAG RANG NYID NAS GSAL BAR MI 'BYUNG BA RNAMS NI 'DUS PA NAS KHA SKONG DGOS PA YIN TE, 'DI'I BSKYED RIM MKHAS GRUB RIN PO CHES MDZAD PA LAS, RIM GNYIS KYI LAM GYI CHA RGYUD GZHAN NAS KHA 'GENGS 'OS PA DAG NI, GTZO BOR 'DUS PA'I SKOR NAS 'GENGS PAR RIGs CING, ZHES DANG, BLO GROS CHOS SKYONG BAS MDZAD PA LAS KYANG, DE LTAR NA 'DI'I RDZOGS RIM GYI NGO BO DANG SKYE TSUL SOGS KYI RIM PA RNAMS 'DUS PA 'PHAGS LUGS DANG MTHUN TSABS SHIN TU CHE BAS, BLA MA DAM PA'I MAN NGAG GIS 'DI LTAR 'CHAD SHES NA, GSHIN RJE GSHED SKOR GYI RGYUD RNAMS GSANG BA 'DUS PA DANG RJES SU MTHUN PA'I RGYUD YIN PAR GSUNGS PA RNAMS KYI DON YANG LEGS PAR RNYED PAR 'GYUR BA YIN NO, ,ZHES GSUNGS PA'I PHYIR, DES NA 'DIR 'OD GSAL SGYU LUS GNYIS DANG KHYAD PAR DU SGYU LUS KYI RNAM GZHAG RNAMS RGYAS PAR GSANG 'DUS NAS RGYAS 'GEBS RIGS TE, BLO GROS CHOS SKYONG @004B BAS MDZAD PA DE LAS, SPYOD PA'I RNAM DBYE ZHES PA NAS, RIM LNGA GSAL SGRON SOGS RJE BLA MA'I GSUNG RAB RNAMS NA SHIN TU GSAL ZHING RGYAS PAR BZHUGS PAS DE DAG LAS SHES PAR BYA'O, ,ZHES DANG, RIM LNGA GSAL SGRON LAS KYANG, BDE STONG DBYER MED KYI LAM DANG, SGYU MA'I SKU GNYIS LAS PHYI MA CHES RTOGS DKA' LA, DE YANG LUGS MCHOG TU GYUR PA 'DI NAS RTZAD BCAD NAS GZHAN LA 'KHYER SHES DGOS SO, ,ZHES GSUNGS PA'I PHYIR, GSUM PA RTZA RLUNG THIG LE'I RNAM GZHAG BSHAD PA LA GNYIS, DNGOS DANG, DE DAG LA GNAD DU BSNUN PA'I SGO MI 'DRA BA BSTAN PA'O, ,DANG PO LA GSUM, RTZA DANG, RLUNG DANG, THIG LE'I RNAM GZHAG BSHAD PA'O, ,DANG PO NI, MNGAL DU 'JUG PA'I MDO LAS LUS KYI MDUN RGYAB DANG G-YAS G-YON BZHI PO RE RER RTZA NYIS KHRI NYIS KHRI STE BRGYAD KHRI 'CHAGS PAR BSHAD LA, BLA MED KYI GZHUNG NAS LUS LA RTZA BDUN KHRI NYIS STONG 'CHAGS PAR BSHAD DO, ,RTZA 'CHAGS PA'I TSE THOG MAR SNYING GNAS 'CHAGS SHING, THIG LE YANG THOG MAR SNYING GA'I RTZA 'KHOR 'ONGs SA DER 'CHAGS PA YIN TE, RNAM SHES MNGAL DU 'JUG PA'I TSE THOG MAR SNYING GA 'ONGS SA NAS 'JUG CING, DE NAS SNYING GA'I RTZA 'KHOR SOGS RIM GYIS GRUB STE MTHAR 'CHI BA'I TSE YANG THOG MAR RNAM SHES SNYING GNAS 'PHO BA 'PHAGS PA THOGS MED SOGS DU MAS BSHAD PA'I PHYIR, SNYING GAR THOG MAR 'CHAGS PA'I RTZA BRGYAD JI LTAR 'GRUB TSUL YOD DE, SNYING GA'I RO RKYANG DBU MA GSUM, SHAR GYI SUM SKOR MA, LHO'I 'DOD MA STE LNGA DUS MNYAM DU 'CHAGS, DE NAS DBU MA DANG LHAN CIG TU GNAS PA'I BDUD BRAL MA DANG, NUB KYI KHYIM MA, BYANG GI GTUM MA GSUM DUS MNYAM DU 'CHAGS PA'I PHYIR, PHYOGS KYI RTZA RNAMS LAS MTSAMS KYI RTZA RNAMS GYES PA YIN TE, SHAR GYI SUM SKOR MA LAS SHAR LHO DANG, LHO'I 'DOD MA LAS LHO NUB DANG, NUB KYI KHYIM MA LAS NUB BYANG @005A *, ,DANG, BYANG GI GTUM MA LAS BYANG SHAR GYI RTZA 'DAB RNAMS GYES PA'I PHYIR, DE BRGYAD LA NI SNYING GA'I RTZA 'DAB BRGYAD DANG THUN TSOD BRGYAD GYI RTZA ZHES BYA'O, ,DE LTAR NA SNYING GA'I RTZA 'DAB BRGYAD DANG, SNYING GAR THOG MAR 'CHAGS PA'I RTZA BRGYAD DON MI GCIG STE, RO RKYANG DBU MA GSUM DANG BDUD BRAL MA NI SNYING GA'I RTZA BRGYAD KYI NANG TSAN DU MI 'DREN PA'I PHYIR, PHYOGS KYI RTZA BZHI LA 'BYUNG BA'I RTZA ZHES BYA STE, DE LAS SA SOGS 'BYUNG BA BZHI 'BAB PA'I PHYIR, MTSAMS KYI RTZA BZHI LA MCHOD PA'I RTZA ZHES BYA STE, GZUGS DRI RO REG BYA STE MCHOD PA BZHI 'BAB PA'I PHYIR, RTZA BRGYAD PO RE RE'I NANG NAS GTZO BOR RLUNG 'BAB PA, GTZO BOR KHRAG 'BAB PA, GTZO BOR KHUB 'BAB PA GSUM GSUM DU GYES NAS GNAS NYER BZHIR GNAS PA'I RTZA DE RNAMS LA NI GNAS NYER BZHI'I RTZA ZHES BYA'O, ,GNAS NYER BZHI PO GANG ZHE NA YOD DE, SKRA MTSAMS DANG SPYI BO DANG RNA BA G-YAS DANG G-YON DANG LTAG PA DANG MIG DBUS DANG MIG GNYIS DANG PHRAG PA GNYIS TE BRGYAD DANG, MCHAN KHUNG GNYIS DANG NU MA GNYIS DANG SNYING DANG LTE BA DANG SNA RTZE DANG KHA DANG MGRIN PA DANG 'BRAS BU GNYIS TE BRGYAD DANG, RTAGS KYI RTZE DANG BSHAD LAM DANG BRLA GNYIS DANG BYIN PA GNYIS DANG SOR MO BCU DRUG DANG PO LA GONG GNYIS DANG MTHE BONG BZHI DANG PUS MO GNYIS TE BRGYAD DE, ,BRGYAD GSUM NYI SHU RTZA BZHI PO DE LA GNAS NYER BZHI ZHES BRJOD PA'I PHYIR, DE YANG BRGYAD TSAN DANG PO'I RTZA RNAMS NAS GTZO BO RLUNG 'BAB PAS THUGS KYI RTZA DANG, BRGYAD TSAN BAR BA'I RTZA RNAMS NAS GTZO BO KHRAG 'BAB PAS GSUNG GI RTZA DANG, BRGYAD TSAN THA MA'I RTZA RNAMS NAS GTZO BOR KHU BA 'BAB PAS SKU'I RTZA ZHES BYA'O, ,RTZA DE RNAMS KYI STENG DU SNYING GAR THOG MAR 'CHAGS PA'I RTZA BRGYAD BSNAN PAS SUM CU RTZA GNYIS PO DE LA RLUNG DANG BYANG SEMS 'BAB PA'I RTZA ZHES BYA'O, @005B 'ON KYANG BDUD BRAL MA'I NANG NAS DE 'BAB PAR GSUNGS PA NI 'CHI BA'I DUS DANG LAM DUS LA DGONGS KYI, DA LTA GZHI LA DE'I NANG NAS RLUNG DANG BYANG SEMS MI 'BAB STE, DE'I NANG NAS DE MI 'BAB PAR MA ZAD, DES RTZA GZHAN GYI NANG NAS RLUNG DANG BYANG SEMS 'BAB PA'I GEGS BYED PAS DE LA BDUD BRAL MA DANG, DUS KYI RTZA DANG, RNAL 'BYOR MA 'GOG PA'I RTZA ZHES BSHAD PA'I PHYIR, GNAS NYER BZHI'I RTZA DE LAS KHU KHRAG RLUNG GSUM GTZO BOR 'BAB PA'I DBANG GIS GSUM GSUM DU PHYE BAS BDUN CU RTZA GNYIS, DA RE RE LAS STONG STONG DU PHYE BAS STONG PHRAG BDUN CU RTZA GNYIS, DE RE RE LAS STONG PHRAG NYER BZHI PA TSAN PA GSUM DU PHYE PA'I TSAN PA GCIG NAS GTZO BOR KHU BA DANG, TSAN PA GCIG NAS GTZO BOR KHRAG DANG, TSAN PA GCIG NAS GTZO BOR RLUNG 'BAB PA GSUM LA RIM PA BZHIN DU SKU GSUNG THUGS KYI RTZA DANG, 'KHOR LO GSUM GYI RTZA ZHES BYA STE, RDO RJE PHRENG BA LAS, GSUM PO NYI SHU RTZA BZHIR 'GRO, ,DE LAS 'KHOR LO GSUM PHYE BAS, ,RTZA NI BRGYAD KYI DBYE BA LAS, ,SKU GSUNG THUGS KYI SNGAGS KYIS NI, ,GSUM PHYE BDUN CU RTZA GNYIS GSAL, ,DE LAS STONG DU RAB PHYE BAS, ,SO SOR SPRO BA'I BDAG NYID CAN, ,STONG PHRAG BDUN CU RTZA GNYIS KYI, ,RTZA RNAMS KYI NI GRANGS ZHES BYA, ,ZHES GSUNGS PA'I PHYIR, RTZA RNAMS KYI NANG NAS RTZA BRGYA NYI SHU GTZO BO YIN TE, SPYI BO'I RTZA 'DAB SO GNYIS, MGRIN PA'I BCU DRUG ,SNYING GA'I BRGYAD, LTE BA'I DRUG CU RE BZHI RNAMS GTZO BO YIN PA'I PHYIR TE, BRTAG GNYIS LAS, RTZA YI GTZO BO BRGYA NYI SHU, ,ZHES GSUNGS PA'I PHYIR, RTZA'I NANG NAS GNAS NYER BZHI'I RTZA RNAMS GTZO BO YIN TE, DE RNAMS KYIS SKRA SPU SEN MO SOGS KYI RGYU BYED PA'I PHYIR, DE'I NANG NAS KYANG RO RKYANG DBU MA GSUM GTZO @006A *, ,BO YIN TE, DE GSUM GYIS RLUNG DANG RNAM SHES KYI RTEN BYED CING RTZA GZHAN RNAMS KYANG DE GSUM LA BRTEN NAS SKYE BA'I PHYIR, RO RKYANG DBU MA GSUM GYI MING GI RNAM GRANGS YOD DE, DBU MA LA, AA WA DH'U TI, SGRA GCAN, GNYIS SPANGS KYI RTZA, MUN PA'I RTZA, YID KYI RTZA, THUGS KYI RTZA ZHES BYA LA, RO MA LA, RA SA NA, 'DZIN PA'I RTZA, NYI MA'I RTZA, RDUL GYI RTZA, GSUNG GI RTZA, SHES RAB KYI RTZA, G-YAS KYI RTZA ZHES BYA ZHING, RKYANG MA LA, LA L'A NA, GZUNG BA'I RTZA, ZLA BA'I RTZA, SNYING STOBS KYI RTZA, SKU'I RTZA, THABS KYI RTZA, G-YON GYI RTZA ZHES BYA BA'I PHYIR, 'ON KYANG RO MA LA THABS KYI RTZA DANG, RKYANG MA LA SHES RAB KYI RTZA ZHES BSHAD PA'ANG YOD DE MI 'GAL LO, ,GNYIS PA RLUNG 'CHAGS TSUL YOD DE, BAR DO MNGAL DU NYING MTSAMS SBYAR BA'I DUS KYI RLUNG NI SROG 'DZIN GYI RLUNG PHRA BA YIN LA, DE LAS SROG 'DZIN 'GAS PA SKYE, DE'I TSE SEMS CAN DE'I LUS NYA'I DBYI BAS LTA BUR YOD, DE NI ZLA BA DANG PO'I DBANG DU BYAS PA YIN, ZLA BA GNYIS PA LA SROG 'DZIN RAGS PA DE LAS THUNG SEL GYI RLUNG SKYE ZHING, SEMS CAN DE'I LUS 'BUR PO LNGA DOD PA RUS SBAL GYI DBYIBS SU YOD, ZLA BA GSUM BAR THUNG SEL LAS MNYAM GNAS SKYE ZHING, SEMS CAN DE'I LUS STOD CUNG ZAD SGUR BA PHAG RGOD LTA BU, ZLA BA BZHI PAR MNYAM GNAS LAS GYEN RGYU SKYE ZHING, SEMS CAN DE'I LUS STOD CUNG ZAD RGYAS PA SENG GE LTA BU, ZLA BA LNGA PAR GYEN RGYU LAS KHYAB BYED KYI RLUNG SKYE ZHING, , SEMS CAN DE'I LUS MI'U THUNG LTA BU, ZLA BA DRUG PA BDUN PA BRGYAD PA DGU PA BCU PA RNAMS LA RIM PA BZHIN DU MIG RNA BA SNA LCE LUS KYI SGOR RGYU BA'I RLUNG KLU DANG RUS SBAL DANG RTZANGS PA DANG LHAS BYIN DANG GZHU LAS RGYAL RNAMS DANG, 'BYUNG BA SA CHU ME RLUNG NAM MKHA'I KHAMS @006B RNAMS RIM PAR 'CHAGS PA'I PHYIR, RLUNG GI RNAM GZHAG CUNG ZAD RGYAS BAR 'OG TU 'CHAD PAR 'GYUR RO, ,GSUM PA THIG LE 'CHAGS PA'I TSUL YOD DE, BAR DO'I 'CHI BA 'OD GSAL GYI RLUNG SEMS KYI RIGS 'DRA PHYI MA DANG, PHA MA GNYIS KYI KHAMS DKAR DMAR GYI DANGS MA GNYIS GCIG TU 'DRES NAS GONG BU GCIG TU GYUR PA'I THIG LE DE, SNYING GA'I RTZA 'KHOR GYI DH'U T'I'I NANG DU SBUBS STONG CUNG ZAD YOD PA DE'I NANG NA GNAS PA'I PHYIR, DE'I MING GI RNAM GRANGS YOD DE, MI SHIGS PA'I THIG LE, LHAN SKYES KYI THIG LE, YE SHES KYI THIG LE ZHES KYANG BYA BA'I PHYIR, THIG LE DKAR DMAR DE GNYIS LUS ZUNG THAMS CAD KYI GTZO BO YIN TE, DKAR PO DE LAS KHU BA RUS PA'AM TSIL RKANG RNAMS 'BYUNG ZHING, DMAR PO LAS SHA KHRAG LPAGS PA RNAMS 'BYUNG BA'I PHYIR, MI SHIGS PA DE LA TSE JI SRID 'TSE'I BAR GYI MI SHIGS PA DANG, DUS NAM YANG MI SHIGS PA GNYIS YOD DE, THIG LE MI SHIGS PA DANG PO DANG, RLUNG SEMS MI SHIGS PA GNYIS PA YIN PA'I PHYIR, PHYI MA LA PHYE NA GNYIS SU 'GYUR TE, RLUNG DANG SEMS MI SHIGS PA GNYIS SU 'GYUR BA'I PHYIR, RTZA 'KHOR GANG KHAMS DKAR DMAR GANG 'PHEL BA'I GNAS SU 'GYUR TSUL YOD DE, SPYI BO DPRAL BA MGRIN PA NOR BU'I DBUS RNAMS KHAMS DKAR PO 'PHEL BA'I GNAS DANG, DE'I NANG NAS SPYI BO'I RTZA 'KHOR NI KHAMS DKAR PO 'PHEL BA'I GNAS KYI GTZO BO YIN LA, MGRIN PA LTE BA GSANG GNAS RNAMS NI KHAMs DMAR PO 'PHEL BA'I GNAS DANG, DE'I NANG NAS LTE BA'I RTZA 'KHOR NI KHAMS DMAR PO 'PHEL BA'I GNAS KYI GTZO BO YIN ZHING, SNYING GA'I RTZA 'KHOR NI KHAMS DKAR DMAR GNYIS CHA MNYAM DU 'PHEL BA'I GNAS YIN PA'I PHYIR, GNAS SKABS KYI DBANG DU BYAS NA BZHI YOD, @007A *, ,SNYING GA DANG NOR BU'I DBUS NA GNYID 'THUG BSKYED PA'I THUGS KYI THIG LE, MGRIN PA DANG GSANG GNAS NA RMI LAM BSKYED PA'I GSUNG GI THIG LE, SPYI BO DANG LTE BA NA SAD PA BSKYED PA'I SKU'I THIG LE, LTE BA DANG GSANG GNAS SU BZHI PA'I GNAS SLABS BSKYED PA'I YE SHES KYI THIG LE RNAMS SU YOD PA'I PHYIR, DE DAG JI LTAR BSKYED PA'I TSUL YOD DE, RTZA 'KHOR DE'ANG DER RLUNG 'DUS PA NA DE RNAMS BSKYOD? PA YIN PA'I PHYIR, DANG POR 'CHAGS BAR DU GNAS NAS MTHAR JI LTAR 'JIG PA'I TSUL YOD DE, RLUNG THIG GNYIS THOG MAR SNYING GAR 'CHAGS BA BZHIN DU MTHAR 'CHI BA'I TSE YANG SNYING GAR RIM GYIS SDUD PA YIN PA'I PHYIR TE, RDO RJE 'PHRENG BA LAS, JI LTAR MES BSREGS DNGOS PO MED, ,RGYU MED PAR NI THIM NAS 'GRO, ,SLAR YANG SROG GI RLUNG SHAR NAS, ,LAS KYI RLUNG NI SNA TSOGS PA, ,DE NI RNAM SHES LHAN CIG DANG, ,SLAR YANG 'JIG RTEN GSUM DU GNAS, ,ZHES GSUNGS PA'I PHYIR, GNYIS PA NI, GANG LA GNANG DU BSNUN PA'I GZHI NI RTZA 'KHOR RNAMS YIN LA, DE YANG SPYI BOR BDE CHEN GYI 'KHOR LO STE BA GRU GSUM PA KHA THUR DU LTA BA, MGRIN PAR LONGS SPYOD KYI 'KHOR LO LTE BZLUM PO KHA STENG DU LTA BA, SNYING GA CHOS KYI 'KHOR LO LTE BA ZLUM PO KHA THUR DU LTA BA, LTE BAR SPRUL PA'I 'KHOR LO LTE BA GRU GSUM PA KHA STENG DU LTA BA STE GRANGS NI BSHAD ZIN LA, GZHAN YANG GSANG GNAS SU BDE SKYONG GI 'KHOR LO RTZA 'DAB? SO GNYIS DANG, DPRAL BAR RLUNG 'KHOR RTZA 'DAB DRUG PA GCIG DANG, MGRIN PA DANG SNYING GA'I BAR NA ME 'KHOR RTZA 'DAB GSUM PA GCIG DANG, NOR BU'I DBUS NA RTZA 'DAB BRGYAD PA GCIG RNAMS SO, ,DE RNAMS LAS GANG GNANG DU BSNUN SA'I GTZO BO YIN ZHE NA YOD DE, SPYIR RTZA 'KHOR DE RNAMS DANG KHYAD BAR DU DH'A T'I'I YAR SNA MAR SNA GNYIS DANG @007B SNYING KHA RNAMS NA RLUNG DBU MAR 'JUG PA'I SGO KHYAD PAR BA RA YOD PAS GNANG DU BSNUN SA'I GTZO BO YIN PA'I PHYIR, SKABS 'DIR GANG GTZO BO YIN PA YOD DE, SNYING GA DANG LTE BA'I RTZA 'KHOR GNYIS GTZO BO YIN PA'I PHYIR, RLUNG DBU MAR 'JUG PA'I THABS KYI GTZO BO YANG DU MA YOD DE, RDOR BZLAS DANG BUM PA CAN DANG LTA BA DANG GSANG GNAS GNYIS SU GTUM MO'I RNAL 'BYOR DANG, SNYING GA DANG DH'U T'I'I MAR SNAR THIG LE'I RNAL 'BYOR BSGOM PA RNAMS SU YONG BA'I PHYIR, GZHUNG? NAS BSHAD TSUL THA DAD PA'I DBANG GIS GRUB CHEN RNAMS KYIS KYANG BZHED TSUL MI 'DRA BA YOD DE, dOm BI BA DANG, NAG PO SPYOD PA DANG, N'A RO CHOS DRUG PA NI GTZO BOR LTE BAR GTUM MO BSGOMS PA LA BRTEN NAS RLUNG DBU MAR 'JUG PAR BYED, L'U HI PA NI LTE BA H'UI?? ? BSGOMS PA LA BRTEN NAS BYED, DRIL BU PA NI THOG MAR SNYING GA DANG, DE NAS DH'U T'I'I MAR SNA DANG, DE NAS YAR SNA SOGS LA GNANG DU BSNUN NAS BYED, MTSO SKYES DANG KU KU RI PA NI SNYING GAR RDOR BZLAS BSGOMS NAS BYED, YE SHES ZHABS LUGS PA NI DANG POR SNYING GA DANG, DE NAS DH'U T'I MAR? SNA DANG, DE NAS SNYING KHAR GNAD DU BSNUN NAS BYED, 'DUS PA 'PHAGS LUGS PA NI DANG POR DH'U T'I'I MANG SNA DANG, DE NAS SNYING KHAR GNANG DU BSNUN NAS BYED, LUGS 'DIR DANG POR LTE BA DANG, DE NAS SNYING KHAR RDOR BZLAS BYAS PA LA BRTEN NAS RLUNG DBU MAR 'JUG PAR BYED PA'I PHYIR, DE LTAR MI 'DRA BA DE THAMS CAD KYANG RANG GIS GANG LA BRTEN PA'I RGYUD DE'I DGONGS PA YIN PAS, THABS DES LTE GSANG GI GTUM MO SPAR TE SPYI BO NAS BYANG SEMS ZHU BA BABS PA LAS DGA' BZHI DRANGS NAS BDE STOR SBYOR BA LA NI 'DRA BA YIN LA, DE LTAR SHES NA NI BLA MED KYI RDZOGS RIM MI 'DRA BA MTHA' DAG LA MKHAS PAR 'GYUR BA YIN NO, ,BZHI BA LA GNYIS, THABS SHES KYI KHYAD PAR BSHAD PA DANG, DE AE WAm GNYIS @008A *, ,KYI DON DU 'GYUR TSUL LO, ,DANG PO LA GNYIS, DNGOS DANG, DE DAG BSKYED PA LA LUS LA GNAD DU BSNUN DGOS PAR BSTAN PA'O, ,DANG PO LA GNYIS, BDE STONG DBYER MED DANG, BDEN GNYIS DBYER MED KYI DON BSHAD PA'O, ,DANG PO LA GSUM, STONG PA BSHAD PA, BDE BA BSHAD PA, BDE STONG DBYER MED DU SBYOR TSUL BSHAD PA'I?, ,DANG PO LA SBYAR BYA BRAG SMRA BA MDO SDE? PA RANG RGYUD BAS KYANG 'DOD PA'I GANG ZAG RANG RGYA THUB PA'I RDZAS YOD KYIS STONG PA'I STONG? NYID NAS, THAL 'GYUR PAS 'DOR BA LTAR RANG BZHIN GYIS GRUB PAS STONG PA'I STONG NYID KYI BAR BZHI YOD KYANG, 'DIR NI THAL 'GYUR BAS 'DOD PA LTAR RANG BZHIN GYIS GRUB PAS STONG PA'I STONG NYID DE, BDE STONG SBYOR RGYU'I STONG NYID DU 'DOD PA YIN NO, ,GNYIS PA BDE BA LA'ANG SHIN SBYANGS KYI BDE BA DANG, BSAM GTAN GYI DNGOS GZHI'I BDE BA DANG, STONG NYID RTOGS PA'I BDE BA DANG, RLUNG BSGOMS PA'I BDE BA DANG, GTUM MO PHAL BA 'BAR NAS BYANG? SAMS BZHUS BA'I BDE BA DANG, PHYAG RGYA GNYIS LA BRTEN PA'I BDE BA TZAM NI SKABS 'DIR STONG PA DANG SBYOR RGYU'I BDE BA MIN GYI, BSGOMS STOBS KYIS RLUNG DBU MAR ZHUGS GNAS THIM GSUM BYAS PA LA BRTEN NAS BYUNG BA'I RDZOGS RIM PA'I THUN MONG MA YIN PA'I LHAN SKYES KYI BDE BA DE NYID, SKABS 'DIR STONG PA DANG SBYOR RGYU'I BDE BA YIN NO, ,GSUM PA BDE STONG SBYOR TSUL YANG? CHOS CAN DANG CHOS NYID NGO BO GCIG TU SBYOR BA DANG, STONG NYID RTOGS PA'I BLO DANG BDE BA GNYIS NGO BO THA DAD PA'I TSUL GYIS ZIN BYA ZIN BYED DU SBYOR BA TZAM NI 'DIR BDE STONG SBYOR BA'I DON MIN GYI, STONG NYID RTOGS PA'I BLO DE NYID BDE BA DANG NGO BO GCIG TU SONG BA'I SGO NAS YUL YUL CAN GNYIS NGO BO DBYER MED DU SBYOR BA NYID, 'DIR BDE STONG DBYER MED DU SBYOR BA'I DON YIN NO, ,DE LTAR BDE STONG DBYER MED DU SBYOR BA DGOS KYI, BDE @008B BA DANG BRAL BA'I STONG NYID RTOGS PA'I BLO DANG, STONG NYID RTOGS PA DANG BRAL BA'I BDE BA TZAM GYIS NI MI CHO GA STE, GRUB CHEN SA RA HAS, SNYING RJE DANG BRAL STONG PA NYID ZHUGS PA, ,DES NI LAM MCHOG RNYED PA MA YIN NO, ,'ON TE SNYING RJE 'BA' ZHIG BSGOMS NA YANG, ,'KHOR BA 'DIR GNAS THAR PA THOB MI 'GYUR, ,GANG YANG GNYIS PO SBYOR BAR NUS PA DE, ,'KHOR BAR MI GNAS MYA NGAN 'DAS MI GNAS, ,ZHES GSUNGS PA'I PHYIR, 'DI'I SNYING RJE NI SPYI DON GYI SNYING RJE TZAM MIN GYI, BDE CHEN LA SNYING RJE'I THA SNYAD? BYAS PA YIN LA, MYA NGAN 'DAS MI GNAS ZHES PA'ANG SPYIR MYANG 'DAS LA MI GNAS PA'I DON MIN GYI, ZHI MTHA' DMAN PA'I MYANG 'DAS LA GNAS PAR MI 'GYUR BA'I DON NO, ,GNYIS PA LA GNYIS, NGOS BZUNG BA DANG, RIGS PAS BSGRUB TSUL LO, ,DANG PO NI, SKABS 'DIR THUN MONG DU GRAGS PA'I 'DAN PA GNYIS LA MI BYED KYI, 'DIR BDEN GNYIS SO SO'I DBANG DU BYAS NA SHES RAB DON DAM BDEN PA DON GYI 'OD GSAL DANG, THABS KUN RDZOB BDEN PA DAG PA SGYU MA'I SKU STE, DE GNYIS NGO? BO DBYER MED DU SBYOR BA NI BDEN GNYIS ZUNG 'JUG STE, DE LA NI SLOB MI SLOB KYI ZUNG 'JUG GI SKU? GNYIS YOD DO, ,GNYIS PA LA BZHI STE, GZUGS SKU'I? THUN MONG MA YIN PA'I RGYU LA BRTEN NAS SGRUB PA, SBYANG GZHI'I GNANG LA BRTEN NAS SGRUB BA, LHA BSKYED TSUL GYI GNAD LA BRTEN NAS SGRUB BA, THABS SHES DBYER MED DU SBYOR TSUL GYI GNAD LA BRTEN NAS SGRUB BA RNAMS SU YOD PA'I PHYIR, DANG PO GRUB STE, GDUL BYA'I DON DU GNYER BYA'I GTZO BO NI SANGS RGYAS KYI GZUGS SKU YIN LA, DE NI RANG DANG RNAM PA SHIN TU MTHUN PA'I DNGOS KYI RGYU ZHIG LA BRTEN NAS BSGRUB DGOS SHING, DE 'DRA BA NI PHAR PHYIN THEG PA DANG?, RGYUD SDE 'OG MA GSUM DANG, BSKYED RIM DANG, DBEN PA GSUM DANG, RIM PA GSUM BA'I SKABS SU'ANG MED PA'I PHYIR, RE RE NAS GRUB STE, PHAR PHYIN THEG PA BAS GZUGS SKU DE RANG DANG @009A *, ,RNAM PA MTHUN PA'I LAM GYIS BSGRUB PAR MI 'DOD, RGYUD SDE 'OG MA GSUM GYI SKABS SU DE DANG RNAM PA MTHUN PA'I LAM BSGOM PA YOD KYANG DE TZAM GYIS GZUGS SKU THOB PAR MI NUS, BSKYED RIM GYI SKABS SU LHA'I GSAL SNANG BRTAN PO YOD KYANG RANG GI LUS SEMS PHRA RAGS GANG YANG LHA SKUR MA SONG, DBEN PA GSUM GYI SKABS SU YID NGO'I LHA SKU TZAM ZHIG TU ZAD, RIM PA GSUM PA'I SKU DE YANG DON GYI 'OD GSAL SKYES PA'I CHE 'JA' YAL BA LTAR 'GYUR BA'I PHYIR, DE LTAR NA RIM PA BZHI BA'I DON KYI 'OD GSAL GYI BZHON BAR GYUR BA'I RLUNG 'OD ZER LNGA BAS NYER LEN DANG, SEMS KYIS LHAN CIG BYED RKYEN BYAS BA LAS BYUNG BA'I DAG PA SGYU MA'I SKU DE GZUGS SKU DANG RNAM PA SHIN TU MTHUN PA'I RDO RJE'I SKU DNGOS YIN PAS, DE'I RIGS 'DRA PHYI MA ZHIG GIS RANG 'BRAS? GZUGS SKU'I DNGOS KYI NYER LEN GYI RGYU BYED PAR 'GRUB PO, ,GNYIS PA GRUB STE, GZHI LA 'CHI BA 'OD GSAL GYI BZHON PAR GYUR PA'I RLUNG 'OD ZER LNGA PAS NYER LEN DANG, SAMS KYIS LHAN CIG BYED RKYEN? BYAS BA LA BRTAN NAS BAR DO RLUNG GI LUS CAN ZHIG RNAM SMIN GYI PHUNG? PO RNYING PA LAS GO SA LOGS SU PHYE NAS 'GRUB BA DE BZHIN DU, LAM DUS SU DPE DON GYI 'OD GSAL GYI BZHON PA'I RLUNG DANG SEMS GNYIS LA BRTEN NAS DAG MA DAG GI SGYU MA'I SKU GNYIS 'GRUB PAR 'GYUR BA YANG SHES PA'I PHYIR, GSUM PA GRUB STE, RGYUD SDE 'OG MA GSUM NAS DBEN PA GSUM GYI BAR DU STONG NYID BSGOMS PA'I MTHAR? LHA'I SKUR LDANG BA ZHIG YOD KYANG LHAR DNGOS GNAS SU 'GYUR BA MED CING, RIG PA DES RDZOGS RIM GYI SKABS SU LHA SKUR DNGOS GNAS LA LDANG BA ZHIG YOD PAR 'GRUB LA, GZHAN DU NA SNGAR STONG NYID BSGOMS NAS LHAR BSKYED PA YANG DON MED DU THAL BA'I PHYIR, BZHI PA GRUB STE, PHAR PHYIN THEG PAR SKU GNYIS KYI RGYU'I GTZO BO KHYAD PAR? @009B CAN GYI DBANG DU BYAS PA'I THABS SHES GNYIS NGO BO DBYER MED DU SBYOR BA MED LA, BLA MED KYI 'OD GSAL LHAN SKYES KYI BDE CHEN BSGOMS PA'I STENG NA CHOS SKU'I NYER LEN GYI RGYU'I GTZO BOR MA ZAD, GZUGS SKU'I NYER LEN GYI RGYU'I GTZO BO THABS KYI CHA YANG TSANG BA SHIN TU GSAL BA'I PHYIR, DE YANG DPE DON GYI 'OD GSAL LAS DAG MA DAG GI SGYU MA'I SKU BSGRUB TSUL SHES NA 'BYUNG BA YIN NO, ,GNYIS PA LA BDE STONG DBYER MED KYI LHAN SKYES SKYE BA LA LUS LA GNAD DU BSTUN DGOS TE, LUS LA GNAD DU BSNUN BA DANG BRAL NAD MI SKYE BA'I PHYIR, GNAD DU BSNUN PA LA NI PHYI PHYAG RGYAL BRTEN BA DANG, NANG RTZA RLUNG THIG LE LA BRTEN PA GNYIS GSUNGS SHING, THABS DE GNYIS GANG RUNG LA BRTEN NAS RO RKYANG GI RLUNG DH'U T'IR ZHUGS GNAS THIM GSUM BYAS PA LAS, GTUM MO SBAR NAS BYANG SEMS BZHUS PA'I BDE BAS STONG NYID RTOGS PA'I BDE STONG DBYER MED DU SBYOR BA NI GDAMS NGAG THAMS CAD KYI GNAD BSDUS PA YIN TE, SA RA HAS, ZA ZHING 'THUNG LA GNYIS SPROD KYIS DGA' ZHING, ,RTAG TU YANG DANG YANG DU 'KHOR LO 'GENGS, ,CHOS 'DI LTA BUS 'JIG RTEN PHA ROL 'GRUB 'GYUR TE, ,RMONGS PA'I 'JIG RTEN MGO BOR RDOG PAS MNAN NAS SONG, ,GANG DU RLUNG DANG SEMS NI MI RGYU ZHING, ,NYI MA ZLA BA 'JUG PA MED GYUR PA, ,MI SHES PA DAG GNAS DER? SEMS NI DBUGS PHYUNGS SHIG ,MDA' BSNUN GYIS NI MAN NGAG MTHA' DAG BRTEN NAS SONG?, ,ZHES GSUNGS BA'I PHYIR, GNYIS PA NI, AE WAm GYI DON LA DRAD NGES KYI BSHAD PA GNYIS YOD PA'I NGES DON GYI DBANG DU BYAS NA, STONG NYID RTOGS PA'I SHES RAB DE AE YIG GI MTSON DON DANG, LHAN SKYES KYI BDE BA DE WA YIG GI MTSON DON DANG, DE GNYIS NGO BO DBYER MED DU SBYOR BA NI THIG LE'I MTSON DON YIN LA, DE NI BDE LTOD @010A *, ,DBYER MED KYI AE WAm GYI DON MTSAN TSUL YIN TE, RDO RJE 'PHRENG BA LAS, AE WAm DE BZHIN GSHEGS PA'I RGYA, ,GNYIS SU MED PA'I MTSON BYED DANG, ,STONG NYID SNYING RJE DBYER MED PA, ,GANG LA DE NYID MNGON PAR BRJOD, ,DE LA DE BZHIN GSHEGS PA'I RGYA, ,GNYIS MED YE SHES MTSON PA NI, ,RGYUD RNAMS KUN GYI GLENG GZHIR GSUNGS, ,ZHES GSUNGS PA'I PHYIR, YANG BDE? STONG DBYER MED KYI YE SHES DE AE YIG GI DON DANG, SGYU MA'I SKU DE WA YIG GI DON DANG, DE GNYIS NGO BO DBYER MED DU SBYOR BA'I ZUNG 'JUG NI THIG LE'I DON TE, DE LA'ANG LAM DUS DANG 'BRAS DUS LA SBYAR PA GNYIS YOD DO, ,DRANG DON 'DREN BYED RTAGS KYI AE WAm GYI DON LA PHYI NANG GNYIS LAS, PHYI LA SBYAR NA AES PHYAG RGYA'I PADMA DANG, WAS YAB KYI RDO RJE NOR BU DANG, THIG LES? DE GNYIS PHAN TSUN SBYOR BA DE MTSON LA, NANG LA SBYAR NA, AES SPYI BO DANG LTE BA'I RTZA 'KHOR, WAS MGRIN PA DANG SNYING GA'I RTZA 'KHOR, THIG LES SPYI BO DANG MGRIN PA'I RTZA 'KHOR THABS SHES SU PHYOGS PA DANG, SNYING GA DANG LTE BA'I RTZA 'KHOR THABS SHES SU PHYOGS BA DE MTSON NO, ` ,GNYIS PA SKABS SU BABS PA'I RDZOGS RIM BSHAD PA LA GSUM, GZHI DNGOS PO'I GNAS TSUL, LAM BGROD PA'I RIM PA, 'BRAS BU? MNGON DU BYED PA'I TSUL LO, ,DANG PO NI SNGAR RTZA RLUNG THIG LE'I RNAM GZHAG BSHAD PA DE YIN LA, 'DIR YANG CUNG ZAD BRJOD NA GSUM, LUS KYI GNAS TSUL DANG, SEMS KYI GNAS TSUL DANG, LUS SEMS THUN MONG BA'I GNAS TSUL LO, ,DANG PO LA'ANG GSUM, RAGS PA, PHRA? BA, SHIN TU PHRA BA'O, ,DANG PO NI, RNAM SMIN GYI 'BYUNG LUS RAGS PA 'DI LTA BU, GNYIS PA NI, RTZA RLUNG THIG LE LTA BU, GSUM PA NI STONG PA GSUM DANG GZHI LAM GYI 'OD GSAL GYI BZHON BA'I RLUNG PHRA BA LTA BU YIN, GNYIS PA SEMS KYI GNAS TSUL LA'ANG RAGS? @010B 'GRA? BA SHIN TU PHRA BA GSUM, DANG PO NI, MIG RNA BA SNA LCE LUS KYI RNAM SHES LTA BU, GNYIS PA NI KUN RTOG BRGYAD CU DANG RTZA NYON DANG NYE NYON LTA BU, GSUM PA NI STONG PA GSUM DANG THAMS CAD STONG PA 'OD GSAL GYI SEMS LTA BU YIN, GSUM PA LUS SEMS THUN MONG BA'I GNAS TSUL NI, SHIN TU PHRA BA'I RLUNG SEMS GNYIS NGO BO GCIG PA STE DE YANG 'CHI BA 'OD GSAL GYI RLUNG SEMS DNGOS PO GCIG PA LTA BU'O, ,GNYIS PA LAM BGROD? PA'I RIM PA LA NI, RDOR SEMS KYI SGOM BZLAS DANG, BLA MA'I RNAL 'BYOR GNYIS 'KHRID KYI SNGON 'GROR BYED DGOS PAS DE NI GZHAN DU SHES BAR BYA LA, 'DIR NI 'KHRID DMIGS TZAM GTZO BOR MI BYED KYI, GZHUNG DON BSHAD BA DANG 'BREL BAR 'CHAD BA YIN NO, ,'ON KYANG SNGON 'GRO SPYOD LAM JI LTA BU DANG, RLUNG RO BSAL TSUL GNYIS LAS, DANG PO NI BSHAD RGYUD RDO RJE 'PHRENG BA LAS, SGRUB PO BDE BA'I STAN 'DUG NAS, ,MIG GNYIS SNA RTZER GTAD BYAS LA, ,SNA NI LTE BA'I TSAD DU BZHAG ,PHRAG GONG MNYAM LA LCE RGAN SBYAR, ,MCHU DANG SO NI BDE BAR BZHAG ,DBUGS KYI 'BYUNG RDUB GLOD NAS NI, ,CUNG ZAD CUNG ZAD RTZOL BRAL BA, ,JI LTA BA BZHIN 'BYUNG RDUB NI, ,SEMS DPA'I SKYIL KRUNG? LEGS GNAS PA, ,ZHES GNAD BZHI'I NANG NAS, LUS DANG RLUNG GI GNAD GNYIS BSTAN PA LTAR YIN LA, DE YANG GNAD BZHIN RIM LNGA BSDUS BA GSAL BA LAS, LUS DANG DUS DANG YUL RLUNG GI ,GNAD NI RNAM PA BZHIR SHES BYA, ,ZHES 'BYUNG BA LTAR TA, LUS KYI GNAD NI BSHAD MA THAG PA'I RNAM SNANG GI CHOS BDUN LDAN DANG, DUS NI SPYIR DUS THAMS CAD DANG, KHYAD BAR THO RANGS RIG PA DANGS PA'I DUS DANG, PHYI DRO ME RLUNG RGYU BA'I DUS SU BSGOM, YUL NI SNYING GA SOGS MANG DU GSUNGS KYANG 'DIR DANG? LHAR GSAL BA'I LTE BA'I RTZA 'KHOR GYI DH'U T'I'I NANG DU DMIGS NAS BYED, RLUNG GI GNAD NI DBUGS KYI 'BYUNG RDUB? GLOD PA SOGS SDAR? LTAR RO, ,GNYIS PA RLUNG RO BSAM TSUL NI, @011A *, ,RANG 'JIGS BYED DU GSAL BA'I YUS KYI NANG DBUS THAD KYI SGAL CHIG LA NYE BAR DBUS SU DBU MA BYI LNGO LA NANG DMAR BA YANG SNYE SMIN MTSAMS KYI MDZOD SBRU'I THAD DANG, DE'I G-YAS SU NGOM DMAR PO, ,G-YON DU RKYANG MA DKAR? PO, ,GNYIS KA'I KAR SNE DON LA SMIN? MTSAMS SU DBU MA'I G-YAS G-YON DU YOD KYANG, BSGOM PA'I TSE SNA BUG G-YAS G-YON DU GNAS BAR BSAM BA DANG, GSUM GA'I MAR SNA RTAGS KYI RTZE MOR MNYAM MO, ,DE BZHIN DU SPYI? BO LA SOGS PA'I RTZA 'KHOR RNAMS BSHAD BA LTAR GSAL GDAB, 'ON KYANG DON CHAN NI RTZA 'KHOR GYI THAD DU MDUD PA BCINGS YOD PA RNAMS LA NI, 'DIR BSGOM PA'I TSE MDUD PA MA BCINGS PAR SOGS SDUG GI RNAMS CAN DU BYA'O, ,RO MA'I MAR SNE RKYANG MA'I NANG DU BCUG STE, RANG GI SNA BUG G-YAS NAS RLUNG NANG DU RDUBS? PAS NGO MA'I NAG BRGYUD DE RKYANG MA'I NANG DU DRANGS, SNA BUG G-YON NAS, LAN GSUM PHYIR BUS PAS RGYAR MA'I NANG GI RTZA SKYON THAMS CAD SBYANGS NAS PHYIR THON BAR BSAM, YAR? RKYANG MA'I? MANG? SNE RO? MA'I NANG DU BCUG PAR? MOS TE, RANG GI SNA BUG G-YON NAS RLUNG NANG DU RDUBS PAS NGO? MA'I NANG BU YANG DRANGS?, ,SNA BUG G-YAS NAS LAN GSUM PHYIR BUS PAS RO MA'I NANG GI RTZA SKYON THAMS CAD SBYANGS NAS PHYIR THOB BAR BSAM, LANG RO RKYANG GNYIS GYI MAR SNE DBU MA'I NANG? DU SNGAR LHAR ? DE, SNA BUG? GNYIS GNAS MNYAM DU RLUNG NANG DU RDUBS BAS DBU MA'I NANG DU YANG DRANGS, STER GI SNA SGOR SLEBS PA NA SNA BUG GNYIS NAS MNYAM DU LAN GSUM PHYIR BUS PAS, DBU MA'I NANG GI RTZA NGE RAS PA, KHUM PA, ZHAR BA SOGS KYI SKYON THAMS CAD SBYANG NAS, DBU MA'I NANG THAMS CAD DANGS SHIR SNUM PHROM? PA ZHIG TU BYUNG? BAR BSAM MO, ,MYA? GZHUNG 'GA' ZHIG TU RLUNG SBYOR MI 'DRA BA GZHAN MANG PO ZHIG KYANG BSHAD DE?, DE NAS DNGOS GZHI BSHAD @011B BAL BZHI, SNGAGS KYI RNAL 'BYOR, DAM TSIG GI RNAL 'BYOR, DBYIBS YI RNAL 'BYOR, RNAM DAG YE SHES KYI RNAL 'BYOR RO, ,DE YANG GRUB CHEN GYI GZHUNG LAS, DBYIBS DANG SNGAGS DANG DAM TSEG DANG, ,RNAM DAG YE SHES ZHES BYA BAS, ,ZHES DBYIBS KYI RNAL 'BYOR SNGON DU GSUNGS PA NI BSHAD BA'I RAM BA YIN LA, 'DIR SNGAGS KYI RNAL 'BYOR SNGON DU 'CHAD BA NI BSGEM BA'I RIM BA YIN NO, ,RNAL 'BYOR BZHI'I LAM GYIS NI 'DUS PA'I ZAB LAM REM PA RNGA'I? GNAD THAMS CAD BSDUS BA YIN TE, RJE DGE 'DUN RGYA MTSO'I GSUNG LAS, ZAB LAM RIM PA LNGA YI GNAD KYI DON, ,MA LUS BSDUS PA RNAL 'BYOR RNAM BA BZHI, ,SPYOD BA GSUM DANG BCAS BA'I LAM BZANG GIS, ,SKU GSUM GO 'PHAR TSE 'DIR THOB PAR SHOG ,CES GSUNGS PA'I PHYIR, SMON LAM 'DI NI RJE YAB SRAS KYI DGONGS PA LTAR GSUNGS 'DUG PAS 'DI DAN BSTUN NAS BSHAD BAR BYA STE, DANG PO SDAGS KYI RNAL 'BYOR 'CHAD BA LA GNYIS, SDON DU LTE BAR GNAD DU BSNUN TSUL, DE NAS BUM BA CAN DANG SNYING GANG RDOR BZLAS BYA CHUL LO, ,DANG PO NI, BSKYED RIM? LA BRTAN PA THOB BA'I RJES SU, GRUB CHEN GYI GZHUNG LAS, MKHA' 'GRO'I PHE BRANG CHU SKYES DBUS, ,ZHES SOGS KYIS BSTAN PA LTAR, SMON LAM LAS, SPRUL BA'I 'KHOR LO 'DOD LHA YAB YUM LA, ,SEMS GZHOL RJES GZHIG SDUD RIM? MCHGO GIS NI, ,RLA? NYI'I RGYU BA SGRA GCAN LAM BKAG BAS, ,YAR? BABS MA SA BRTAN DGA' BZHI SKYE BAR SHOG ,CES GSUNGS PA'I DON NI, RANG 'DONG LHA 'JIGS BYED ZHAL? PHYAG YONGS RDZOGS SAM ZHAL GCIG PHYAG GNYIS BA YUM BCAS GANG RUNG BSGOMS PA'I RTZA GSUM 'KHOR ROL BZHI DANG, KHYAD PAR LTE BA'I RTZA 'KHOR GSAL BTAB STE RTZAL MA JI LTAR SBYONG TSUL NI 'KHRID YIG TU 'BYUNG BLTAR BYAS NAS, LTE BA'I RTZA 'KHOR GYI DBUS SU DH'U T'I'I NANG DU 'JIGS BYED ZHAL GCIG PHYAG GNYIS BA YAB YUM TSON GANG BA ZHIG GSAL @012A *, ,GANG BCING, YAB KYI THUGS GAR NYI GDAN SRAN MA BYED GSHAGS TZAM GYI STENG DU H'Um YIG DKAR LA DMAR BA'I MDANGS CAN 'OD 'PHRO BA ZHIG LHA'I NGO BOR BSAMS NYE SEMS ZHUGS PA BZHIN BYAS NAS BSGOM, DE NAS LTE BA'I 'JIGS BYED YAB YUM SNYOMS BAR ZHUGS PA'I SBYOR MTSAMS NAS 'OD ZER DMAR PO'I TSOGS SPROS TE, DAM TSIGS PA'I SKU GANG BA SPU'I BU GA THAMS CAD NAS PHYIR THON SNOD KYI 'JIG RTEN LA 'PHOG PAS DAG PA'I ZHING DANG 'OD KYI RANG BZHIN DU GYUR, BCUD KYI SEMS CAN THAMS CAD 'PHOG BAS SGREB PA SBYANGS NAS 'JIGS BYED DU BYAS, DE NAS SNOD BCUNG DANG BCUD THAMS CAD DUR KHROD GZHAL YAS KHANG BSGOMS PA YIN NA RIM GYIS BSDUS TE DE RNAMS 'KHOR BSGOMS PA YOD NA DER BSDU BAR YANG BSHAD, DE DAM TSIG SEMS DPA' YAB YUM, DE YANG RIM GYIS BSDUS NAS 'JAM DPAL BSGOMS PA YOD NA DER BSDU BAR YANG GSUNG SA, 'KHRID YIG LTAR NA 'DIR DE MED KYANG RUNG BAR SNANG BAS DAM TSIGS LTE BA'I YE SHES SEMS DPA' YAB YUM LA BSDU ZHING, DE YANG LTE BA'I H'Um YIG LA THIM DE NYED KYANG ZHABS KYU NAS N'A DRA'I BAR BSDUS TE NA DA LA SEMS 'DZIN PA'AM, N'A DBANG MI DMIGS PAR BYAS NAS DE'I THAD KA? MA 'CHUGS PAR BYAS TE SEMS BZUNGS KYANG TSIG STE, GZHUNG DE NYID LAS, JI LTAR DBUGS KYI ME LONG LA, ,ZHES SOGS GSUNGS, BLO GROS CHOS SKYONG BAS H'Um YIG DE THIG LE YUNGS 'BRU TZAM DKAR LA DMAR BA'I MDANGS CAN DU GYUR BA'I NA DU SEMS 'DZIN PAR BSHAD DE GZHUNG DE NYID LAS, YUNGS KAR TZAM DU BRTAG BYA GANG, ZHES SOGS KYIS BSTAN BAS MI 'GA LA, DE LTAR PAR GNANG DU BSNUN NAS BSGOMS PAS LTE BA'I DBU MA'I NANG DU RLUNG ZHUGS GNAS THIM GSUM BYED PA 'BYUNG BA YIN TE, RLUNG SEMS 'JUG BA GCIG BA'I GNAD BYING GANG DU @012B SEMS BZUNG BA DENG RLUNG YANG SDUNG NUS BA'I PHYIR RO, ,DE YANG DANG PO ZHUGS, DE NAS GNAS, DA NAS THIM PA 'ONGS SHING, ZHUGS PA'I RTAGS SU SNA BUG GNYIS NAS RLUNG MNYAM RGYU SHED MTSUNGS NGES CAN DU 'THENGS PA DE 'BYUNG, GNAS BA'I RTAGS SU SNA BUG GNYIS NAS RLUNG GE RGYU BA CHAD CING LTO BA MI 'GUL, THIM BA'I RTAGS SU SA CHU LA THIM BA NA SMIG RGYU LTA BU'I SNANG BA 'CHAR TE, DE NI SOS KA'I DUS SU RI THANG MTSAMS SU BLTAS PA NA CHU SNGO KHREB KHRAB RGYUGS PA'I SNANG BA 'CHAR BA LTA BU, CHU ME LA THIM PA NA DU BA LTA BU'I SNANG BA 'CHAR TE, DE NI DU BA PHRA MO SNGO SANGS KYI RNAM PA LTA BU, ME RLUNG THIM PA NA ME 'KHYER LTA BU'I SNANG BA 'CHAR TE, DE NI RTZVA PHUNG MER BSREGS BA'I ME MA DAG PHRA MO NAM MKHAR GTOR BAS DMAR KHREM KHREM 'BYUNG BA LTA BU, KUN RTOG G-YO BYED KYI RLUNG PHAL CHER DBU MA'I NANG DU THIM PA NA MAR ME 'BAR BA LTA BU'I SNANG BA 'CHAR, KUN RTOG G-YO BYED KYI RLUNG RNAMS SNANG BA LA THIM PA NA? MTSAN MO ZLA 'OD KYIS KHYAB PA LTAR DKAR LAM PA'I SNANG BA 'CHAR, SNANG BA MCHED PA LA THIM PA NA STON DUS KYI NAM MKHA' G-YAS DAG PA LA NYI 'OD KYIS KHYAB PA LTA BU DMAR SKYA'A DMAR LAM PA'I SNANG BA 'CHAR, MCHED BA NYER THOB LA THIM BAN STON DUS KYI NAM MKHA' G-YA' DAG PA LA SROD KYI SMAG 'THUG POS KHYAB PA LTA BU NAG LAM PA'I SNANG BA 'CHAR TE, 'DI LA THOG MAR DRAN BA MNYAMS? BA DANG, DE NAS DRAN MED DU 'GRO BA GNYIS YOD, NYER THOB 'ONG GSAL LA THIM BA'I 'OD GSAL RANG DUS SU STON GYI NAM MKHA' G-YA' DAG BA LA SLOD BYED GSUM PO DE MED PAR THOR NGAS KYI NAM MKHA'I RANG MDOG JI LTA BA BZHIN 'CHAR BA STE, DE RNAMS KYI DUS SU YUL SNANG GZHAN GANG YANG YID NGOR MI 'CHAR BAR SNANG BA DE DANG DE RNAMS 'CHAR BA'O, ,DE LTA BU'I SNANG BA GSUM DANG KHYAD BAR 'OD GSAL GYI DUS SU STONG NYID KYI LTA BA DRAN TE BDE STONG @013A *, ,SBYAR NAS CI NUS SU BSGOM, 'OD GSAL DE LA MNYAM PAR BZHAG BZHIN BA DANG, YANG DE LAS 'JIG BYED DU LANGS NAS 'JIGS BYED DU BSGOMS BA'I RTZA 'KHOR BZHI DANG, SPYI BO'I RTZA 'KHOR GSAL BTAB STE, RTOG BDUN LAS BA SHAD PA LTAR GTU MA MO SBAR NAS BYANG SEMs BZHUS PA LAS DGA' BZHI 'DREN PAR BYA TSUL NI, SPYI BO'I RTZA 'KHOR NANG DU BLA GDAN DANG, DE'I 'OG NAS BYANG SEMS KYI NGO BO HAm YIG DKAR PO MGO THUR DU BLTA ZHING, RTZA BA ZLA GDAN LA ZUG PA DANG, MGRIN BA'I RTZA 'KHOR GYI DH'U T'I'I NANG DU GTU MA MO'I NGO BO AA YIG DMAR PO DANG, YANG SNYING GA'I DH'U T'I'I NANG DU BYANG SEMS KYI NGO BO H'Um YIG DKAR PO, ,LTE BA'I DH'U T'I'I MAR SNYER NYI GDAN LA GTUM MO'I NGO BO AA THUR SHAD KYI RNAM PA CAN ZLA CHOS THIG LE DANG BA CAS BA ZHIG BSGOMS LA, RANG GI RLUNG NANG DU RDUBS BAS RO RKYANG GNYIS KYI NANG BRGYUD DE DBU MA'I MAR SNE NAS ZHUGS, LUM GYI DH'U T'I'A MIR SNE NAS KYANG RLUNG BYUNG STE RANG GI DH'U T'I'I NANG DU DRANGS, RLUNG DE GNYIS BSDOMS BAS, NYI GDAN AA THUNG DANG BCAS BA BUS TE DMAR HAR HAR GYUR NAS ME 'BAR LA KHAD BYAS, SLAR YANG BUS BAS ME RGYA KHAB TZAM 'BAR, DE NYID CHER 'BAR NAS BYA'I SGRO RKANG LTAR SONG STE, SNYING GA MGRIN BA SPYI BO RNAMS SU RIM GIS SLEBS BA NA, SPYI PO'I HAm YIG MAR ZHU BA LTAR RIM GYIS BZHUS NAS SPYI BO NAS MGRIN BAR SLEB BA NA DGA' BA, MGRIN BA NAS SNYING GAR SLEB BA NA MCHOG DGA', SNYING GNAS LTE BAR SLEB BA NA KHYAD BAR GYI DGA' BA, LTE BA NAS NOR BU'I RTZER SLEB BA NA LHAN SKYES KYI DGA' BA 'DREN BA NI YAS BABS KYI DGA' BZHI DANG, YANG DMIGS BAS GYEN DU BZLOG NAS RTAGS KYI RTZE NAS LTE BA DANG, DE NAS SNYING GA DANG, DE NAS MGRIN BA DANG, DE NAS SPYI? BO'I BAR RIM BA BZHIN DU DGA' BA DANG MCHOG DGA' DANG KHYED DGA' DANG LHAN SKYES KYI DGA' @013B PA 'DREN BA NI LUGS LNGOG GI DGA' BZHI STE, DE LTA BU'I DGA' BZHI ZUNG GCIG DRANGS NAS DGA' BA BZHIG DANG, KHYAD PAR LHAN SKYES KYI DUS SU BDE BAS STONG BA DES PA'I BDE STONG SBYAR NAS BSGOM PAR BYA'O, ,DGA' BZHI 'DREN TSUL NI DE LTAR YIN TE, RDO RJE 'PHRENG BA LAS, DE RJES LUGS 'BYUNG BSHAD BYA STE, BDE CHEN 'KHOR LO SPYI BO LA, DE NI DGA' 'BAR BA SHAD BA YIN, ,LONGS SPYOD 'KHOR LO MCHGO DGA' DANG, DGA' BRAL CHOS KYI 'KHOR LOR GNAS, ,SPRUL BA'I 'KHOR LRO? LHAN CIG SKYES, ,DGA' BA NYAMS SU MYONG BAR BYED, CES DANG, DE NYID LAS, SPRUL PA'I 'KHOR LO DGA' BA DANG,, MCHOG DGA' CHOS KYI 'KHOR LOR GNAS, LONGS SPYID BRAL BA'I DGA' BA DANG, LHAN CIG SKYES DANG BDE BA CHE, , LUGS LDOG RIM PA ZHES NI GSUNGS, ,ZHES GSUNGS BA'I PHYIR, 'OD GSAL LAS LDANG BA NA 'JIGS BYED YAB YUM GYI SKUR LDANG SNYAM BA'I 'PHEN BA BTANG NAS LDANG DO, ,'DIR BSRE BA'I SKOR NYAMS SU YEN? BAR BSHAD KYANG DE'I TSUL NI 'OG TU 'CHAD PA LAS SHES PAR BYA'O, ,MNYAS GZHAG DU BDE? LTONG BSGOMS TE RJES THOB TU LANGS BA'I TSE GANG SNANG THAMS CAD BDE STONG GI RNAM ROL TU 'CHAR BA LA BSLAB BAR BYA ZHING, DE YANG CHOS THAMS CAD RANG BA ZHIN GYIS STONG PAS NA, STONG PA DE'I RNAM 'PHRUL DU BLTA BA DANG, DE BZHIN DU GANG SHAR THAMS CAD KYANG BDE CHEN GYI RNAM ROL TU BLTA BAR BYA STE, DE'I TSE GANG SNANG STONG BA, STONG PA BDE BA, BDE BA LHA'I SKUR 'CHAR BA LA GOMS BAR BYED BA YIN NO, ,'DI NI 'DUS PA'I LUGS KYI LUS DBEN GYI DOD THUB TU 'GYUR BA YIN TE, BLO GROS CHOS SKYONG BAS 'DI'I RDZOGS RIM 'CHAD BA'I SKABS PAS, 'DI NI 'DUS PA 'PHAGS LUGS KYI LUS DBEN GYI RIM B'I DOD? THUB ? 'GYUR BA YIN NO, ZHES GSUNGS BA'I PHYIR RO, ,GNYIS BA BUM BCAN DANG SNYING GAR RDOR RA BZLAS BYA TSUL NI, RGYA GZHUNG DE @014A *, ,NYID LAS, DAG BA'I SBYOR BAS DAG BYA STE, ,ZHES SOGS DANG, SMON LAM LAS, CHOS KYI 'KHOR LOR SNGAGS KYI RNAL 'BYOR MCHOG ,BUM PA CAN DANG RDO RJE'I BZLAS BA YIS, ,SNYING GA'I RTZA MDUD MA LUS GROL BYAS NAS, ,LHAN SKYES BDE BAS YID LA MYOS THOB SHOG , CES GSUNGS BLTAR 'CHAD BA LA GNYIS, BUM BA CAN BSGOM TSUL DANG, SNYING GAR RDOR BZLAS BYA TSUL LO, ,DANG PO LA GRUB CHEN GYI GZHUNG DES RLUNG SBYOR MI 'DRA BA GZHAN BSTAN PAR 'DOD PA'I TSUL YOD KYANG, RJES BA SRAB KYI LUGS LA BUM BA CAN BSGOM TSUL BSTAN BAR BZHED PAS DE LTAR NA, 'DIR RANG NYID 'JIGS BYED DU BSGOMS PA'I SNYING GA'I RTZA 'KHOR GYI DH'U T'I'I? NANG DU THIG LE DKAR BO SRAN MA PHYED GSHAGS TZAM STENG DANG, THIG LE DMAR BO DE LTA BU ZHIG 'OG TU GA'U SBYOR GYI TSUL BYAS, DE'I LTE BAR H'Um YIG DKAR PO LUNGS 'BRU TZAM ZHIG GSAL BTANG NAS SEMS BZUNG STE, SNA BUG GNYIS NAS RLUNG NANG DU CUNG ZAD RDUBS RJES, MCHIL MA SGRA MED ZHIG MED BA DANG MNYAM DU STENG RLUNG SROG 'DZIN MAR MNAN, YANG 'OG SGO BTZUMS BA DANG MNYAM DU 'OG RLUNG THUR SEL YAR DRANGS, DE GNYIS KA SNYING GA'I H'Um YIG LA THIM BAR BSAMS LA, LAG BA YAN GSUm RU MNYED PA GNAS GSUM DU REG PA, SEL GOL LAN GSUM GDAB BA'I LUN? LA THOGS ? SUm CU RTZA DRUG ,DE NAS DE LAS NYIS 'GYUR, DE NAS DE'I SUM 'GYUR TZAM LA MNYAM BAR PA ZHAG, ,RLUNG MI THUB NA KHA NAS NGAL? BUS GTOR, ,DE LTAR BSGOMS BAS RLUNG DBU MAR ZHUGS GNAS THIM GSUM 'BYUNG ZHING, 'OD GSAL GYI BAR 'DRE NA, YANG SNGAR LTAR GTUM MO SBAR NAS DGA' BZHI LUGS 'BYUNG LUGS LDOG TU 'DREN PA DANG, BSRE BA'I SKOR RNAMS KYANG NYAM SU YIN NO, ,GNYIS PA SNYING GAR DOR BZLAS BYA TSUL NI, GZHUNG DE NYID LAS,, @014B SNYID GA'I H'Um YIG DKAR PO LAS, ,ZHES DANG, SEMS CAN KUN GYI SROG KYUR BA, ,RLUNG ZHES BYA BAS LAS KUN BYED, ,'DI NI RNA MA SHES BZHON PA STE, ,SRID DANG RNAM GROL THOB BYED BA'O, ,ZHES GSUNGS PA'I DANG POS RDOR BZLAS DANG, PHYI MAS RLUNG GI BYED LAS STON BAS 'DI LA GNYIS, RLUNG GI DBYE BA SOGS BA SHAD BDA', RDOR BZLAS NYAMS SU LEN TSUL BSHAD BA'O, ,DANG PO LA LNGA, RLUNG GI DBYE BA, PHYE BA SO SO'I DON, JI LTAR 'PHO TSUL, BYED LAS, DE LA BRTEN NAS NYAMS LEN GYI GNAD SHES BA'I TSUL LO, ,DANG PO NI, RLUNG DE LANG BYE NA BCU YOD DE, RTZA BA'I RLUNG LNGA DANG, YAN LAG GI RLUNG LDA YOD BA'I PHYIR, DANG PO GRUB STE, SROG 'DZIN, THUR SEL, MNYAM GNAS, GYEN RGYU, KHYAB BYED DANG LDA PO DE RTZA BA'I RLUNG DU 'JOG BA'I PHYIR, GNYIS PA GRUB STE, RGYU PA, RNAM PAR RGYU BA, YANG DAG BAR RGYU BA, RAB TU RGYU BA, NGES BAR RGYU BA LNGA NI YAN LAG GI RLUNG DU 'JOS? BA'I PHYIR, PHYI MA, LDA'I MING GA RNAM GRANGS YOD DE, RDO RJE 'PHRENG BA LAS, KLU DAR RUS SBAL RTZANGS BA DANG, ,LHA SA BYIN DANG NI GZHU LAS RGYAL, ,ZHES GSUNGS PA LTAR YIN BA'I PHYIR, GNYIS BA LA GSUM, RTZA BA DANG, YAN LAG GI RLUNG SO SO'I DON DANG, RLUNG GNYIS THUN MONG BA'I DON BSHAD BA'O, , DANG PO NI, SROG 'DZIN, THUR SE LA, MNYAM GNAS, GYEN RGYU, KHYAB BYED LDA'I RTZA BA'I GNAS KYI DBANG DU BYAS NA RIM BZHIN, SNYING KHA, GSANG GNAS, LTE BA, MGRIN PA, LUS KYI TSUGS RNAMS DANG, MGON PO'I DBANG DU BYAS NA MI BSKYOD BA, RIN 'BYUNG, DON GRUB, 'OD DBAG MED NAS SNANG GI RLUNG DANG, LHA MO'I DBANG DU BYAS NA, MA M'A KI ,SBYAN MA, SGROL MA, GOS DKAR MO, YANG SBYAN MA'I RIGS KYI RLUNG, 'BYUNG BA'I DBANG DU BYAS NA, CHU SA RLUNG ME NAM MKHA'I RLUNG, KHA DOG GI DBANG DU BYAS NA, DKAR PO, SER PO, ,LJANG KHU, DMAR PO, SNGON PO, RGYU TSUL GYI DBAR DU BYAS NA @015A *, ,SNA BUG GNYIS GNAS NGAL? BAR RGYU BA, DRAG TU RGYU BA DANG, G-YON RGYANG NAS DAL BAR RGYU BA, G-YAS RKYANG NAS DRAG TU RGYU PA DANG, 'CHI DUS MA GTOGS SNA SGOR MI RGYU BA'O, ,DE LTAR GSUNGS BA NI RLUNG BZHI PO RE RES GTZO BO BYAS NAS RGYU BA'I DBANG DU BYAS GYI, DER MA RES TE, RTZA BA'I RLUNG BA ZHIG RUNG RES GTZO BYAS NAS DGU BRGYA PA PHRA BA'I RGYU BA'I TSE GZHAN GSUM YANG 'KHOR DU BYAS NAS RGYU BA'I PHYIR, DE YANG GYEN RGYUS GTZO BYAS NAS RGYU BA'I TSE GYEN RGYUD MAR BA'I DBANG GIS SROG 'DZIN KAR YANG MAR BA, THUR SEL SER LAR MAR BA, MNYAM GNAS LJANG LA DMAR BA'I MDANGS CAN DU BYAS NAS RGYU LA, MGON BO BZHI'I DRUNG GANG RUNG GIS GTZO BYAS NAS DGU BRGYA BA PHRAG RE SGYU BA LA, LHA MO BZHIS BGOS PAS NYIS BRGYA NYER LNGA RE 'BYUNG LA, DE YANG MTSON NA GYEN RGYUS GTZO BYAS NAS DGU BRGYA RGYU BA'I TSE, NYIS BRGYA NYER LNGA PA DANG PO GOS DKAR MO'I RLUNG SNA BUG GI STEN GLA BRDAR NAS RGYU BA DANG, DE NAS NYIS BRGYA NYER LNGA SGROL AA'I RLUNG SNA BUG GI LOGS LA BRNGAR? NAS DANG, DE NAS NYIS BRGYA NYER LNGA SBYAN MA'I RLUNG SNA BUG GI DBUS NAS DANG, DE NAS NYIS BRGYA NYER LNGA MA M'A KI'I RLUNG ? BUG NYI LOR? NGOS? LA BRDAR NAS RGYU BA YIN TE, YUNG? STON LAS, GOS DKAR LA SOGS RIM BZHIN DU, ,STENG DANG GSEG DANG THAD KA 'OG ,MED DANG RLUNG DANG DBANG CHAN DANG, ,CHU STE SO SO'I DKYIL 'KHOR RO, ,ZHES LA GSUNGS PA'I PHYIR, GNYIS PA NI, RGYU BA, RNAM BAR RGYU BA, YANG DAG PAR RGYU BA? RAB TU RGYU BA, NGES BAR RGYU BA LNGA NI MGON PO 'DI DBANG DU BYAS NA RIM PA BZHIN DU RNAM SNANG, RIN 'BYUNG, 'OD DPAG MED, DON GRUB, MI BSKYOD PA'I RLUNG, LHA MO'I DBANG DU BYAS NAS GZUGS SGRA DI RO RE? BYA RDO RJE MA'I RLUNG, 'BYUNG BA'I DBANG DU BYAS NAS CHU ME RLUNG NAM MKHA'I RLUNG, KHA DOG @015B GI DBANG DU BYAS NAD MAR SNGO SER DKAR LJANG, GNAS KYI DBANG DU BYAS NA SROG 'DZIN? RTZE CHA SHAS YIN BAS SNYING GANG GNAS SHING, DE YANG SNYED GA'I ZLA BA'I CHA DANG, SNANG BA DANG, BSNYEN BKUR DANG, KLOG SHAL DANG, MCHIN BA MA STE RTZA 'DAB LNGA LAS RGYU BAR GSUNG SA TE, DE NI BDUD BRAL MA SOGS LNGA DANG DON GCIG GO ,SNYING GNAS BYUNG BA'I LAN LAG GI RLUNG LNGA DANG SROG 'DZIN ? ? DANG DRUG NI, GBRU? 'DZIN GYI RLUNG BCU GNYIS SU 'GYUR BA YIN TE, MIG GI RNAM SHES SOGS DRUG PO DE LU LA GZUGS SOGS DRUG LA G-YO BAR BYED BAS 'DZIN PA'I RLUNG DRUG DANG, GZUGS SOGS DRUG GSAL BAR BYED BA'I CHAMS? GZUNG BA'I RLUNG DRUG STE BCU GNYIS SU 'GYUR BA'I PHYIR RO, ,GSUM BA NI, RLUNG BCU PO MNGAL DU 'CHAGS BYANG MA BTZAS BAR? DU SNA SGOR 'BYUNG 'JUG MI BYER? CING, PHYIR BTZAS PA NA 'BYUNG 'JUG BYED LA, BCU PO DE NI AA THUNG GI GZHING? GYUR NAS DAG SMRA BA'I RGYU BYED PA DANG, YI GE GSUM GYI GZHIR GYUR NAS RDOR BZLAS KYI RGYU BYED BA DANG, MI SHIGS PA BTHI? ? 'OD GSAL 'CHAR BA'I GZHI BYED DO?, KHYAD PAR DU RLUNG GIS RNAM SHES KYI BZHON PA BYED PA YIN TE, GRUB CHEN GYI GZHUNG SNGAR DRANGS PA LTAR DANG, RIM LNGA LAS KYANG, 'DI NI RNAM SHES BZHON BA STE, ,ZHES GSUNGS PA'I PHYIR, BZHON PAR 'GYUR BA'I TSUL MOD? DE, RLUNG GROGS SU YOD BA'I DBANG GIS RNAM SHAS YUL LA 'JU GI, DE MED NA RNAM SHES YUL LA G-YO MI NUS PA'I PHYIR TE, MED NA DE'I RTEN MED PA'I PHYIR RO, ,GSUB? LA GSUm, SNA BU GI? 'PHOB?, DKYIL 'KHOR GYI BA 'PHO BA?, RTZA 'DAB KYI 'PHO BA'O, ,DANG PO NI, NYIN ZHAG GCIG LA RLUNG DGUNG RGYA PA PHRAG NYER BZHI RGYU BA'I PHYIR SROG THUR GNYIS KYIS GTZO BYAS NAS DGU BRGYA BA BCU GNYIS RGYU BA'I TSE SNA BUG GNYIS KA NAS MNYAM ? BYED BAS SNA BUG GI 'PHO BA MED LA, DE'I PHYED? ME @016A *, ,MNYAM GNYIS KYIS GTZO BYAS NAS DE LTAR RGYU BA'I TSE DGU BRGYA RE LA 'PHO BA RE BYAS PA'I 'PHO BA DRUG DRUG STE BCU GNYIS SU 'GYUR RO, ,GNYIS PA NI, DKYIL 'KHOR CHE BA'I DBANG DU BYAS NA DKYIL 'KHOR BA ZHI PO RE RE LA 'PHO BA DRUG DRUG STE DRUG BZHI NYI SHU RTZA BZHIR SNGAR LTAR 'GYUR RO, ,DKYIL 'KHOR CHE BA'I 'PHO BA RE RER CHUNG BA'I 'PHO BA BZHI BZHI STE GO DRUG ,SDOM 'BYUNG DANG BRTAG GNYIS LAS NYIN ZHAG GCIG LA DKYIL 'KHOR CHE BA'I 'PHO BA BCU DRUG ,DE LA LHA MO BZHIS BSGYUR BAS 'PHO CHUNG RE BZHIR BSHAD PAS, BCU DRUG TU 'BYED TSUL YANG SNA BUG GI? 'PHO BA BRGYAD DANG, MI 'PHO BA BRGYAD DE BCU DRUG GO ,GSUM PA NI, PHYI LA DA BYUG GU DRUG CU RTZA BZHI YOD PA LTAR, NANG DU NYIN ZHAG GCIG LA LTE BA'I RTZA 'DAB DRUG CU RTZA BZHI NAS DBYUG GU RE BZHI'I RLUNG RGYU, PHYI LA CHU TSOD SO GNYIS YOD PA LTAR, NANG DU SPYI BO'I RTZA 'DAB SO GNYIS NAS CHU TSONG SO GNYIS KYI RLUNG RGYU, PHYI LA 'PHO BA BCU DRUG YOD PA LTAR, NANG DU MGRIN PA'I RTZA 'DAB BCU DRUG NAS 'PHO BA BCU DRUG GI RLUNG RGYU, PHYI LA THUN TSOD BRGYAD YOD PA LTAR, NANG DU SNYING GA'I RTZA 'DAB BRGYAD NAS THUN TSOD BRGYAD KYI RLUNG RGYU STE, NYIN ZHAG GCIG LA RLUNG 'BYUNG 'JUG GNYIS GCIG TU BYAS PA'I NYIS KHRI CHIG STONG DRUG BRGYA LHAG CHAD MED PAR RGYU'O, ,DE YANG LTE BA'I RTZA 'DAB GNYIS KYI RGYU BRDZOGS PA NA SPYI BO'I RTZA 'DAB GNYIS PAR 'PHO, SPYI BO'I RTZA 'DAB GNYIS KYI RGYUB RDZOGS PA NA MGRIN PA'I RTZA 'DAB GNYIS PAR 'PHO, , MGRIN PA'I RTZA 'DAB GNYIS KYI RGYU BA RDZOGS PA NA SNYING GI RTZA 'DAB GCIG NAS GNYIS PAR 'PHO BA YIN NO, ,BZHI PA BYED LAS NI, RLUNG PHRA BA DANG RNAM SHES 'DRES PA DES 'JIG RTEN PA LA 'KHOR BA'I BYA BA DANG, RNAL 'BYOR BA LA THAR PA'I BYA BA BYED PA YIN ZHING, DE'I DANG PO SHES @016B NA 'KHOR BA'I 'JUG RIM THUN MONG BA DANG THUN MONG MA YIN PA DE SHES, DE SHES NA RNAL 'BYOR BA LA THAR PA'I BYA BA BYED TSUL DE SHES, DE SHES NA 'KHOR BA LAS LDOG PA'I RIM PA YANG SHES PAR 'GYUR RO, ,'O NA RLUNG GIS 'JIG RTEN PA LA 'KHO BA'I BYA BA BYED TSUL JI LTAR YIN ZHE NA, DE YANG LAS NYON GYI DBANG GIS SKYE 'CHI GCIG NAS GCIG TU BRGYUD CING 'KHOR BA'I CHA NI 'KHOR BA YIN LA, DE NI RLUNG GIS BYED PA YIN TE, SEMS CAN 'CHI BA'I TSE, SA CHU LA THIM, CHU ME LA, ME RLUNG LA, RLUNG SNANG BA LA, SNANG BA MCHED PA LA, MCHED PA NYER THOB LA, NYER THOB 'OD GSAL LA THIM PA'I 'OD GSAL DE NI 'CHI BA 'OD GSAL YIN LA DE YANG RLUNG GI G-YO BA SNGA MA SNGA MA LAS PHYI MA PHYI MA JE ZHAN JE ZHAN DU SONG BA'I SGO NAS 'BYUNG NGO, ,SA CHU LA THIM ZHES PA NI SA KHAMS RAGS BAS RNAM SHES KYI RTEN BYED PA'I NUS PA NYAMS BAS DE LTAR BRJOD PA YIN GYI, DE'I TSE SA KHAMS MED PA NI MIN TE, GZUGS PHUNG YOD PA'I PHYIR DANG, DE BZHIN DU RLUNG THIM BA'I BAR LA SBYOR ZHING, THIM PA YANG NGO BO'I SGO NAS DNGOS SU THIM PA MIN GYI, SNGA MA PHYI MA LA 'PHOS BA 'DRA BA ZHIG 'BYUNG BAS DE LTAR DU BRJOD PA'I PHYIR RO, ,SKYE BA'I TSE LANG 'CHI BA 'OD GSAL LAS NYER THOB SOGS 'BYUNG BA NI RLUNG GI G-YO BA SNGA MA LAS PHYI MA JE RAGS SU SONG BA'I SGO NAS 'BYUNG NGO, ,DE LTAR NA RLUNG GIS KUN RTOG BRGYAD CU DANG NYON MONGS RNAMS BSKYED CING, DES LAS BSAGS NAS 'KHOR BAR SKYE BAR 'GYUR BSAN SKYE 'CHI'I RIM PA LANG RLUNG GIS BYED PAR 'GRUB BO, ,DE NI 'KHOR BA'I 'JUG RIM THUN MONG MA YIN PA'I DBANG DU BYAS LA, THUN MONG BA NI MA RIG PA'I DBANG GIS LAS BSAGS, DE'I DBANG GIS 'KHOR BAR 'KHOR BA NI GONG DANG 'DRA'O, ,LAS RLUNG 'KHOR BA 'GRUB PA'I RGYUR KHAS LEN PA'I @017A *, ,TSE MA RIG PA'I LHAN CIG BYED RKYEN BYAS BA'I SGO NAS 'KHOR BA 'GRUB PAR 'DONG BA YIN GYI, LAS RLUNG DE NYID 'KHOR BA'I RTZA BAR 'DOD MI NUS TE, 'KHOR BA'I RTZA BA NI MA RIG PA KHO NAR NGES PA'I PHYIR TE, 'KHOR BA'I RTZA BA LA 'DZIN STANGS MI MTHUN BA GNYIS MED PA'I PHYIR, BYED LAS DE DAG NI THUN MONG BA'I DBANG DU BYAS LA, SO SO'I BYED LAS YOD DE, SROG 'DZIN GYIS TSE GNAS PA DANG, YAN LAG GI RLUNG RNAMS DBANG PO'I SGOR 'DREN, THUR SEL GYIS BSHAD GCI KHU KHRAG RNAMS LUS KYI SMAD DANG BYANG BAR DU 'OG SGOR 'DREN, MNYAM GNAS KYIS BZA' BTUNG LA LONGS SPYOD PA RNAMS LTE BAR 'JU BA DANG, ZAS KYI DANGS MA RNAMS SNYING KHAR 'DREN, GYEN RGYUS BLDAD PA DANG, MYONG BA DANG, 'OG RLUNG STENG DANG PHYI RLUNG NANG DU SDUD PA DANG, NGAG SMRA BRJOD KYI BYA BA BYED, KHYAB BYED KYIs LUS G-YO 'GUL SBYI DANG 'GRO 'OD SOGS KYI BYA BA BYED, YAN LAG GI RLUNG LNGAS RIM BA BZHIN DU, MIG GIS GZUGS MTHONG, RNABS SGRA THOS, SNAS DRI TSOR, LCES RO MYONG, LUS KYIS REG BYA 'DZIN BA'I BYA BA RNAMS BYED PA'I PHYIR, DE LTA BU NI 'JIG RTEN PA DANG RNAL 'BYOR BA GNYIS KA LA BYED CING, RNAL 'BYOR BA LA BYA BA BYED TSUL YOD DE, RTZA BA'I RLUNG BZHI LA RDOR BZLAS BYAS PAS ZHI SOGS THUN MONG GI DNGOS GRUB 'GRUB PA DANG, RLUNG SEMS TZAM LAS SGYU MA'I SKU 'BYUNG BAS MCHOG GI DNGOS GRUB KYI RGYU YANG BYED PA'I PHYIR, LNGA BA NI, RLUNG GI NGO BO DANG BYED LAS SHES PA LA BRTEN NAS NYAMS LEN GYI GNAD SHES PA ZHIG KYANG 'BYUNG BA YIN TE, DE LTAR SHES NA BDE STONG GI YE SHES KHYAD BAR CAN DANG, SGYU MA'I SKU GNYIS BSKYED PA LA RLUNG DNGOS SAM BRGYUD PA CI RIGS KYI SGO NAS BSGOM DGOS PAR SHES BDE 'BYUNG ZHING, DE LA BRTEN NAS NYAMS LEN GYI GNAD KYANG MA 'BYUGS BA ZHIG 'ONG BA'I PHYIR, @017B TE; DE SHES PA LAS 'KHOR BA'I 'JUG RIM GNYIS SHES BA DE 'BYUNG LA, 'KHOR BA'I 'JUG RIM THUN MONG BA SHES NAM RIG BA 'KHOR BA'I RTZA BAR SHES TE DE'I GNYEN POR BDAG MED RTOGS PA'I SHES RAB BSKYED PA LA 'BAD PA ZHIG 'ONG, THUN MONG MA YIN PA SHES NA KUN RTOG G-YO BYED KYI RLUNG 'KHOR BA 'GRUB BA'I RKYEN DU SHES NAS DE'I GNYEN POR LUS LA GNAD DU BSNUN BA'I THABS LA 'JUG BA CIG 'ONG BA'I PHYIR RO, ,GNYIS BA SNYING GAR RDOR BZLAS BYA TSUL LA, 'DUS PA NAS 'BYUNG BA LTAR YI GE GSUM 'THU? TSUL RGYAS PAR BSHAD BA'ANG SKABS SU BABS MOD, 'DIR CUNG ZAD BSHAD NA, BSHAD RGYUD RTOG GSUM LAS, A'A LI K'A LI'I GRONG KHYER NI, ,GSANG SNGAGS 'BYUNG BA'I RTZA BA STE, ,ZHES GSUNGS PA LTAR, DBYANGS BCU DRUG DANG, GSAL BYED SO GSUM RNAMS SNGAGS BTU BA'I GZHI YIN LA, DE LAS BA TUS PA'I SNGAGS LA SNYING PO NYE SNYING RTZA SNGAGS SOGS MANG YANG, 'DIR AOm A'A: H'Um GSUM 'THU BA YIN ZHING DE LA'ANG DRANG NGES GNYIS YOD KYANG DRANG DON GYI 'THU TSUL TZAM BSHAD NA AOm LA AA AU MA GSUM YOD PA'I AU DE AA LA BYIN PAS AO DANG, MA YIG THIG LER BYIN BAS AOm MO, ,A'A: LA AA THUNG GNYIS DANG HA SROG MED GCIG STE GSUM YOD PA'I AA PHYI MA SNGA MAL BYIN BAS A'A DANG, HA RNAM BCAD DU BYAS PAS A'A:'O, ,SGRON GSAL GYI DGONGS BA RJES BKRAL BA LTAR NA HA RNAM BCAD DU SONG BA YIN LA, MKHAS PA KHA CIG SA RNAM BCAD DU BYAS BA NI DE DANG MI MTHUN YANG, MTSAMS SBYOR LNGA PA LAS, RA SA NGAG GIS RNAM BCOD, ,ZHES 'BYUNG BA DANG MTHUN NO, ,H'Um LA HA A'U MA GSUM YOD PA'I A'U HA LA BYIN BAS H'U DANG, MA YIG THIG LER BRGYAN BAS H'Um MO, ,SNGAGS KYI LHA THAMS CAD RDO RJE GSUM DU 'DU BAS SNGAGS KYI YI GE RNAMS BYED LAS KYI SGO NAS YI GE GSUM DU 'DU @018A *, ,STE, AOm A'A: H'Um GSUM RIM PA BZHIN DU SKU GSUNG THUGS RDO RJE GSUM GYI SA BON YIN PA DANG, YI GE GSUM GYI RDOR BZLAS KYIS SNGAGS THAMS CAD KYI BYED LAS BSGRUB NUS PA'I PHYIR, MTSON DON NI, AOm GYI AA AU MA GSUM GYIS SROG 'DZIN GYEN? RGYU BYANG SEMS DKAR PO GSUM RIM BAR MTSON LA, A'A:'I AA GNYIS DANG HAS NI SROG 'DZIN GYEN? RGYU THUR SEL GSUM DANG, H'Um GI HA A'U MA GSUM GYIS THUR SEL GYEN RGYU SROG 'DZIN GSUM MTSON TE, DE'I DGOS PA PHAL CHER NI GZHAN DU SHES BAR BYA ZHING, DGOS PA'I GTZO BO NI YI GE GSUM GYI RDOR BZLAS BYAS PAS SGYU MA'I SKU 'GRUB PA'I TSE 'DU? YIN NO, ,RDOR BZLAS BYA TSUL DNGOS LA NI, SPYI 'GRO'I TSUL DU BYED PA DANG, MAN NGAG GIS BYED PA GNYIS LAS, DANG PO NI, RANG NYID 'JIGS BYED DU GSAL BA'I THUGS KA'I DMIGS RTEN H'Um DANG BCAS BA GSAL BTAB NAS DER? SEMS BZUNG STE, RLUNG PHYI? RGYU BA'I TSE RLUNG GI RANG GDANGS H'Um GYI RANG GDANGS SU MOS PA DANG, NANG DU 'JUG PA'I TSE RLUNG GI RANG GDANGS AOm GYI RANG GDANGS SU SHAR BA'I SGO NAS 'JUG PA DANG, DE NAS RLUNG NANG DU LDANG 'JUG GANG RUNG GI YUN TSAD CIG BZUNG STE, GNAS PA'I RANG GDANGS A'A:'I RANG GDANGS SU MOS PA'I TSUL GYIS BYA BA YIN NO, ,DE YANG NGAG GIS BRJOD PA'AM, YID KYIS 'DON PA TZAM MIN GYI, 'JUG LDANG GNAS GSUM GYI RANG GDANGS YI GE GSUM DU MOS NAS BYED PA YIN NO, ,DE'I TSE RLUNG SNGAGs NGO BO DBYER MED DU MOS DGOS TE, RLUNG SNGAGs NGO BO THA DAD DU ZHEN PA DE RDOR BZLAS KYI MI MTHUN PHYOGS YIN PA'I PHYIR TE, 'DUS PA'I RTZA RGYUD LAS, SLONG MO ZA ZHING MI BZLA STE, ,ZHES PA'I NGES DON 'CHAD BA NA, LUNG STON LAS, THA DAD YI GE SLONG MO YIN, ,DE 'DON BA NI ZAB STE, , @018B ZHES DE'I TSE RLUNG SNGAGs NGO BO THA DAD DU MI LTA BAR BSHAD PA'I PHYIR, YI GE GSUM RLUNG LDANG 'JUG GNAS GSUM DANG SBYOR TSUL SNGAR BSHAD PA LTAR YIN TE, ZHAL LUNG LAS, DE LAS H'Um GIS DBYUNG BA DANG, ,AOm GYIS SDUD DANG AA YIS GNAS, ,ZHES GSUNGS PA'I PHYIR, DE YANG DANG POR RLUNG 'JUG LDANG GNAS GSUM TSAD MNYAM PA'I RDOR BZLAS BYAS BAS GOMS PAR RANG SHUGS KYIS GNAS BA ZHIG 'ONG LA, DE NAS GNAS PA RDE? RING DANG 'JUG LDANG GNYIS JE THUNG DU SONG NAS MTHANG? GNAS BA 'BA' ZHIG TU 'GYUR ZHING, GNAS RJES SU THIM BAR 'GYUR BA YIN TE, RDO RJE 'PHRENG BA LAS, BRDA YI DE NYID GSUM GNAS PA, ,RANG BZHIN BZLAS PA'I MTSAN NYID DO, ,CES PA NAS, GSUM PO DE NYID GCIG GYUR PA, ,'GRO BA MED CING 'ONG BA MED, ,CES GSUNGS BA'I PHYIR, DE LTAR BYAS PAS RDOR BZLAS KYIS THUR SEL GYI RLUNG G-YOS NAS LTE BA'I GTUM MO SBAR TE SPYI BO'I BYANG SEMS BZHUS BA LAS BDE CHEN SKYE BA YIN TE, RDO RJE 'PHRENG BA LAS, RLUNG GI DE NYID YANG DAG LDAN, ,YI GE H'Um GIS BSKUL NAS NI, ,ME YI 'KHOR LO SAD PAR BYED, ,CES DANG, ZHAL LUNG LAS, SNGOM BRTZON GZHU DBYIBS G-YO BA YIS, ,SUM MDOR YE SHES ME 'BAR BAS, ,KHAMS ZHU NAS NI, ZHES DANG, PHYAG CHEN THIG LE LAS, DE YI ME 'BAR YANG DAG GIS, ,BDE CHEN 'KHOR LO BZHU BAR 'GYUR, ,ZHES GSUNGS PA'I PHYIR, DE LTAR BYUNG BA NA BDE STONG GI YE SHES SKYE BAR 'GYUR BA YIN TE, ZHAL LUNG LAS, DE LA DE NYID RAB BZUNG BAS, ,'JUG DANG GNAS DANG LDANG BA LAS, ,GROL BA'I YE SHES RNYED 'GYUR BA, ,SO MA NYI YID GNYIS MA BYED CIG ,CES GSUNGS PA'I PHYIR, RDOR BZLAS KYIS SNYING GA'I RTZA MDUD 'GROL NUS PA YIN TE, RDO RJE 'PHRENG BA @019A *, ,LAS, SNGAGS KYI DE NYID KYIS DE 'BYED, ,RNAL 'BYOR MDUD PA BKROL NAS NI, ZHES GSUNGS PA'I PHYIR, 'GRO LA TSUL YOD DE, SNYUG SBUBS SAS 'GAGS PA THUR MA RING POS DE'I NANG DU 'BYUNG 'JUG MAR DU BYAS PAS SANGS PAR 'GYUR BA DE BZHIN DU , SNYING GA GA'I DH'U T'I'I NANG DU LDANG 'JUG GNAS GSUM GYI DMIGS PA YANG YANG BYAS STOBS KYIS SNYING GA'I RTZA MDUD RIM GYIS LHOD POR SONG STE MTHAR RTZA MDUD RNAMS GROL BAR BYED PA YIN PA'I "PHYIR, GROL BA'I TSE SNYING GA'I RTZA 'DAB DE NYID GYEN DU LOG DGOS PA YIN TE, RDO RJE 'PHRENG BA LAS, GANG PHYIR DER NI BZLAS BYAS PAS, ,SNYING GA'I PADMA STENG BLTAS 'JIG ,ZHES GSUNGS PA'I PHYIR, RTZA MDUD RNAMS KYI NANG NAS SNYING GA'I RTZA MDUD DE 'BYED DKA' BA YIN TE, RTZA 'KHOR GZHAN GYI THAD NA RO RKYANG GIS G-YAS G-YON 'KHYUD BA'I MDUD PA RE RE STE GNYIS RE LAS MED, SNYING GA'I DH'U T'I LA RO RKYANG GIS G-YAS G-YON NAS 'KHYUD PA'I MDUD PA GSUM GSUM STE DRUG GIS BSNGAMS NAS YOD PA'I PHYIR TE, RDO RJE 'PHRENG BA LAS, DE LA DBYE BAR DKA' BA YI, ,DBUS SU MDUD PA GSUM GYES DKRES?, ,ZHES GSUNGS PA'I PHYIR, GZHAN YANG RDOR BZLAS LA NGO BO'I SGO NAS H'Um HO GNYIS KYI RDOR BZLAS DANG, YI GE GSUM GYI RDOR BZLAS GNYIS YOD LA, RLUNG GI DBYE BAS RTZA BA DANG YAN LAG GI RLUNG GI RDOR BZLAS GNYIS, GNAS KYI DBYE BAS STENG 'GRE DANG 'OG 'GRO'I RDOR BZLAS GNYIS RNAMS SU YOD DO, ,MAN NGAG GIS YI GE GSUM GYI RDOR BZLAS BYED PA'I TSE, H'Um GI N'A DA LAS RLUNG SPOS RING GI DUD PA LTA BU PHRA MO ZHIG THON BA H'Um GI GDANGS SU MOS NAS, DE AOm GYI GDANGS KYIS DMIGS RTEN LA THIM PA DANG, A'A: 'I GDANGS KYIS GNAS BAR BSAM BA'O, , @019B GTZO BO NI GONG DU BSHAD PA LTAR STENG 'GRO'I RDOR BZLAS BYAS PAS RLUNG DBU MAR ZHUGS GNAS THIM GSUM 'BYUNG BA DANG, RTAGS NI SNGAR LTAR RE, ,DE'I TSE LTE GSANG GI GTUM MO SPOR BA YANG SNGAR BZHIN BYAS NAS DGA' BZHI LUGS 'BYUNG LUGS LDOG TU DRANGS TE BDE STONG SBYAR NAS BSGOm PA DANG BSRE BA'I SKOR RNAMS KYANG BYA'O, ,RDOR BZLAS KYI SKOR 'DI 'DUS PA'I LUGS LA NGAG DBEN GYI SKABS SU 'BYUNG BAS 'DIR YANG DE DANG 'DRA'O, ,GNYIS PA DAM TSIG GI RNAL 'BYOR NI, RGYA GZHUNG DE NYID LAS, SHES RAB THAMS KYI PHYAG RGYA LAS, ,BLA MA'I MAN NGAG RIM BA YIS, , SRID PA'I SDUG BSNGAL GZHOM 'DOD PAS, ,MI 'GYUR BDEB BSGOM PAR BYA, ,ZHES DANG, SMON LAM LAS, SLAR YANG BYIN GYIS BRLAB BA'I RNAL 'BYOR GYIS, ,NANG GI RJES GZHIG BSAM GTAN RIM PA DANG, ,PHYAG RGYA GNYIS DANG SBYOR BA'I THABs MKHAS LAS , ,SEMS DBEN MTHAR THUG TING 'DZIN 'DREN PAR SHOG ,CES GSUNGS PA LTAR YIN LA, DE YANG SBYIR RDOR BZLAS KYIS SNYING GA'I RTZA MDUD GROL BAR BYED NUS PAS SEMS DBEN GYI STONG PA GSUM 'DREN NUS KYANG, DE TZAM GYIS SEMS DBEN MTHAR THUG 'DREN MI NUS PAS 'DER DE 'DREN PA'I CHED DU PHYI NANG GI THABS LA BRTEN NAS SNANG BA'I YE SHES KHYAD BAR CAN BSKYED PA YIN PAS 'DI LA GNYIS, RJES GZHIG GI SDUD RIM BSHAD PA DANG, PHYAG RGYAL BRTEN NAS SNANG BA'I YE SHES KHYAD PAR CAN BSKYED TSUL LO, ,DANG PO NI SNGAR LTAR RDOR BZLAS BYAS BAS RTZAM MDUD LHOD BOR SONG NAS RLUNG GZHAN BZHI SNYING GA'I MI SHIGS PA LA SDUD NUS KYANG, KHYAB BYED SDUD DKA' BAS DE MA BSDUS BAR DU SEMS DBEN GYI YE SHES MTHAR THUG MI 'CHAR BAS NA, DE BSDU BA'I PHYIR DU SNGA MA'I BOGS? 'DON LTA BUR RANG LHA ? YUM DU GSAL BA'I SNYING GA'I H'Um @020A *, ,YIG LAS 'OD ZER 'PHROS PAS SNOD BCUD THAMS CAD LA 'PHOG PAS, SNOD KYI SKYON THAMS CAD SBYANGS NAS DAG PA'I ZHING DANG 'OD KYI RANG BZHIN DANG, BCU DKYI SEMS CAN THAMS CAD 'JIGS BYED YAB YUM DU GYUR PAR BSAMS LA, DE NAS SNOD BCUD DANG BCUD RANG YAB YUM DANG, RANG SNYING GA'I H'Um YIG LA THIM PAR MO SA TE SEMS ZHUGS PA BZHIN BYAS NAS BSGOMS PAS, RLUNG DBU MAR ZHUGS GNAS THEM GSUM DANG, GTUM MO SPAR TE DGA' BZHI LUGS 'BYUNG LUGS LDOG TU 'DREN TSUL DANG BSRE BA SOGS NI SNGAR LTAR RO, ,GNYIS PA LA GNYIS, PHYI PHYAG RGYA LA BRTEN DGOS PA DANG, DE LAs SNANG BA'I YE SHES KHYAD MAR CAN BSKYED TSUL LO, ,DANG PO NI, RGYA GZHUNG DE NYID LAS, 'DIR PHYI'I PHYAG RGYA LA RIGS BZHIR BSHAD NAS, PHYAG RGYA MA LA BRTEN PA NI 'DAR MI RUNG BA'I DAM TSIG YIN PAS, DAM TSIG GI RNAL 'BYOR DU BSHAD LA, BLA MA KHA CIG DBYIBS KYI RNAL 'BYOR BSGOM PA'I DIM? PAR BSDUS NAS BSHAD DE GANG BYAS KYANG MI 'GAL YANG, DANG PO LTAR BYAS NA SEMS DBEN MTHAR THUG BSKYED PA NI LAS RGYA LA LTOS? PA YIN TE, RIM LNGA LAS, SGYU MA DAG NI THAMS CAD LAS, ,BUD MED SGYU MA KHYAD PAR 'PHAGS, ,YE SHES GSUM GYI DBYE BA NI, ,GSAL BAR 'DE LAS MTSON BAR 'GYUR, ,ZHES DANG, SBYOD? BSDUS LAS KYANG, RDO RJE DANG PADMA MNYAM PAR SBYOR BA MED PAR RNAM BAR SHES PA GSUM NYE BAR MTSON PAR MI NUS SO, ,BHA GA DANG LING+GA YANG DAG PAR SBYOR BAR MI NUS BA DES NI BDE BA CHEN PO'I TING NGE 'DZIN MI RNYED DO, ,CES GSUNGS PA'I PHYIR, LAS RGYAL LA DBYE NA PADMA CAN, GLANG PO CAN, DUNG CAN MA, RI DGAS CAN MA DANG BZHI, @020B DE BZHI YANG TZARTZI? KA DANG, PHAG MO DANG, DBYANGS CAN MA DANG, GOO RA DING BZHI'I RIGS SU BSHAD LA, SO SO'I MTSAN NYID KYANG RGYA GZHUNG NYID LAS, PADMA CAN GYI MTSAN NYID NE, ,BZHIN NI KUN NAS ZLUM PO STE, ,ZHES SOGS KYIS BSTAN CING, LUS THUN MONG BA'I MTSAN NYID NI, BCU DRUG LON MA SKAL BZANG MA, ,ZHES SOGS KYIS 'CHAD, RNAL 'BYOR PAS NI JI SRID DU, ,BYANG SEMS 'BYIN PAR MI BYED BA, ,ZHES SOGS KYIS PHYAG RGYA SROG RTZOL DU SONG NAS BYANG SEMS BABS BA LAS LHAN SKYES KYI BDE BA SKYE TSUL BSTAN TO, , GNYIS PA LA GNYIS, DNGOS DANG, SNANG BA'I RANG BZHIN BSHAD BA'O, ,DANG PO NI, DE LTAR LAS RGYA'I MTSAN NYID SHES PAR BYAS NAS, DE LA RIM GNYIS KYI LAM BSTAN PAS NYAMS SU BLANGS TE RGYUD SMIN BA NA BSTEN DGOS LA, DE 'DRA BA'I BYAG? RGYA'I DH'U T'I'I MAR SNA RANG GI DH'U T'I'I NANG DU BCUG STE SNYOMS PAR 'JUG BZHIN PA'I NGANG? NAS, SNYING GA'I SDUD RIM DANG KHYAB BYED LA DMIGS PA'I RDOR BZLAS DANG, KHA SBYOR BUM BA CAN BSGOMS PAS, RLUNG DGU DANG KHYAB BYED KYI RLUNG PHAL CHER SNYING GA'I DBU MAR ZHUGS GNAS THEM GSUM BYED NUS PA 'BYUNG LA, DE LAS SMIG RGYU NAS 'OD GSAL GYI BAR BYI RTAGS RNAMS 'CHAR ZHING, GTUM MO SPAR TE STONG BZHI DGA' BZHI KHYAD PAR CAN GYI NGO BO RSKYED NUS PA DE 'BYUNG BAS, DE'I TSE BZHI KA DANG LHAN SKYES KYI DUS SU BDE STONG SBYAR NAS BSGOM, SKABS 'DIR BSRE BA'I SKOR RNAMS KYANG BYED DO, ,'OG GSAL LAS LNGANG? BA RTZOM PA NA PHUNG PO RNYING PA LAS GO SA LOGS SU SGYU MA'I SKUR LDANG SNYAM PA'I 'PHEN PA YANG YANG BTANG BAS, 'OD GSAL LAS LANGS PA'I TSE RE ZHIG LHA SKUR MOS PA YID BYED KYIS LDANG BA 'BYUNG YANG, DE LA @021A *, ,GOMS PAR BYAS PA'I MTHAR DNGOS GNAS LA LDANG NUS TE 'CHAD PAR 'GYUR RO, ,SNANG BA GSUM GYI MING GI RNAM GRANGS YOD DE, YUL SNANG ME 'DRA BA GSUM 'CHAR BA'I DBANG DU BYAS NAS SNANG BA DANG MCHED PA DANG NYER THOB CES BRJOD LA, DE YANG SNGAR BSHAD PA LTAR ZLA 'OD LTAR DKAR LAM PA'I SNANG BA 'CHAR BAS NA SNANG BA DANG, DE SNGAR LAS NYI 'OD BZHIN DU GSAL BAR SONG BAS NA MCHED PA DANG, DE NAS SROD KYI SMAG BZHIN DU MI GSAL ZHING 'OD GSAL DANG NYE BAR SONG BAS NA NYER THOB DANG, SNANG BA DANG PO DE KUN RTOG BZHON PA'I RLUNG DANG BCAS PAS STONG PAS NA STONG PA DANG, MCHED PA DE SNANG BA BZHON PA'I RLUNG DANG BCAS PAS STONG PAS NA SHIN TU STONG PA DANG, NYER THOB DE MCHED PA BZHON PA'I RLUNG DANG BCAS PAS STONG PAS NA STONG PA CHEN PO ZHES BRJOD PA'I PHYIR, DE 'DRA BA'I SNANG BA GSUM PO DE 'CHI DUS DANG, LAM DUS SU NI SNYING GA'I DH'U T'I'R RLUNG THIM PA LAS MTSAN NYID TSANG BAR 'CHAR LA, GNYID DUS DANG, LAM DUS KYI SKABS GZHAN 'GA' ZHIG GI TSE SNA BUG GI RGYU BA PHRA MO MI LDOG PAS RDZOGS PAR MI 'CHAR YANG CHA 'DRA TZAM 'CHAR RO, ,GNYIS PA SNANG BA GSUM GYI RANG BZHIN KUN RTOG DE LA BRGYAD CU YOD DE, SNANG BA'I RANG BZHIN GYI RTOG PA SO GSUM DANG, MCHED PA'I RANG BZHIN GYI RTOG PA BZHI BCU DANG, NYER THOB KYI RANG BZHIN GYI RTOG PA BDUN YOD PA'I PHYIR, DANG PO GRUB STE, CHAGS BRAL YUL MI 'DOD PA'I BLO NAS, PHRAG DOG GI BAR SUM CU RTZA GSUM YOD PA'I PHYIR, GNYIS PA GRUB STE, SNGAR MA THOB PA'I YUL LA CHAGS PA NAS, GYA GYU MI DRANG BA'I BAR BZHI BCU YOD PA'I PHYIR, GSUM PA GRUB STE, CHAGS @021B SNGAR CHA MNYAM PA'I BLO NAS, THE TSOM GYI BAR BDUN YOD PA'I PHYIR, DE DAG GI KHYAD PAR RGYAS PAR NI GZHAN DU BLTA'O, ,DE YANG SKYE BA'I TSE SNANG BA'I RJES SU RANG BZHIN GYI RTOG PA CI RIGS PAR SKYE YANG, 'GAG PA'I TSE SNANG BA THIM PA'I SNGON DU RANG BZHIN RNAMS 'GAG DGOS TE, SNANG BA DANG PO SKYES PA NA KUN RTOG BRGYAD CU'I BZHON PAR GYUR PA'I RLUNG RAGS PA RNAMS THIM PA'I PHYIR, DES NA SNANG BA GSUM DANG DE GSUM GYI RANG BZHIN RNAMS SPEL NAS SKYE BA MIN NO, ,RTOG PA DE RNAMS SNANG BA GSUM GYI RANG BZHIN DU 'JOG PA'I RGYU MTSAN YOD DE, RTOG PA TSAN PA GSUM LA RLUNG GI G-YO BA SHAS CHE CHUNG BAR MA GSUM YOD LA, DE YANG SNANG BA GSUM GYI BZHON? PAR GYUR PA'I RLUNG LA SHAS CHE CHUNG BAR MA GSUM YOD PA'I LAG RJES YIN PAS NA DE'I DBANG GIS BZHAG PA YIN PA'I PHYIR, DE RNAMS LA SNANG BA GSUM GYI RANG BZHIN NAM MTSAN NYID DU BRJOD PA NI NGO BO GCIG PA'I SGO NAS MTSON BYED DU BYAS PA MIN GYI, NGO BO THA DAD PA'I MTSON BYED YIN TE, DPER NA BYA ROG GIS YANG BZANG MTSON PA BZHIN NO, ,MDOR NA SEMS DBEN GYI YE SHES RNAMS RDZOGS PAR BSKYED PA LA NANG RKYEN RDOR BZLAS DANG, PHYI RKYEN PHYAG RGYA LA BRTEN PA DGOS SHING, PHYAG RGYA LA'ANG LAS DANG YE SHES KYI PHYAG RGYA GNYIS LAS YE RGYA LA BRTEN NAS KUN RTOG BRGYAD CU BZHON PA'I RLUNG DANG BCAS PA THIM NAS SEMs DBEN TZAM BSKYED NUS KYANG, SEMS DBEN MTHAR THUG BSKYED MI NUS PAS DE LA NI LAS RGYA DGOS SO,, DE YANG YUL RTEN GNYIS KA RGYUD NAS BSHAD PA LTAR MTSAN NYID TSANG DGOS KYI, GANG BYUNG GIS MI CHOG GO ,'ON KYANG MKHAS GRUB NOR BZANG BAS NI YE RGYA TZAM LA BRTEN NAS SEMS DBEN DPE'I 'OD GSAL MTHAR THUG BSKYED NUS PA ZHIG KYANG BZHED DE DPYAD PAR BYA'O, ,DE LTAR PHYI @022A *, ,NANG GI THABS DE GNYIS LA BRTEN NAS RLUNG THAMS CAD 'CHI BA'I DUS SU THIM RIM JI LTAR 'BYUNG BA DE BZHIN DU SNYING KHAR BSDUS NAS, DPE'I 'OD GSAL SNGA PHYI RNAMS 'CHI BA 'OD GSAL BA ZHIN DU BSKYED PA NI SEMS DBEN GYI RIM PAR 'GYUR TE DE NI 'DUS PA 'PHAGS LUGS KYI SEMS DBEN DANG 'DRA'O, ,GSUM PA DBYIBS KYI RNAL 'BYOR NI, GRUB CHEN GYI GZHUNG DE LAS, 'OD GSAL BA LA DE BSAMS NAS, ,DE LAS RDO RJE 'DZIN 'DRAR 'GYUR, ,ZHES DANG, SMON LAM LAS KYANG, 'CHI RIM JI BZHIN RLUNG RNAMS MA LUS PA, ,SNYING KHAR THIM PA'I 'OD GSAL DE NYID LAS, ,DBYIBS KYI RNAL 'BYOR MTSAN DPE'I DRA BA CAN, ,SGYU MA LTA BU'I TING 'DZIN RDZOGS PAR SHOG ,ZHES GSUNGS, 'DI LA GNYIS, 'GRUB TSUL DNGOS DANG, DE'I YAN LAG BSHAD PA'O, ,DANG PO NI, PHYI NANG GI THABS DE LA BRTEN NAS SA CHU CHU ME ME RLUNG DANG KUN RTOG G-YO BYED KYI RLUNG THAMS CAD SNANG BA, DE MCHED PA, DE NYER THOB, DE 'OD GSAL LA SNGAR BSHAD PA LTAR THIM NAS DPE'I 'OD GSAL MTHAR THUG SHAR BA DANG, DPE'I 'OD GSAL GYI BZHON PAR GYUR PA'I RLUNG 'OD ZER LNGA PAS NYER LEN DANG, 'OD GSAL GYI SEMS DES LHAN CIG BYED RKYEN BYAS PA LA BRTEN NAS LUGS LDOG TU LANGS PA'I TSE NYER THOB GRUB PA DANG MNYAM DU, PHUNG PO RNYING PA LAS GOS LOGS SU BYE STE SGYU LUS RDO RJE 'JIGS BYED KYI SKUR DNGOS GNAS LA BZHENGS PA DE 'BYUNG LA, DE NAS MCHED PA, DE NAS SNANG BA, DE NAS RANG BZHIN GYI RTOG PA RNAMS SKYE LA, DE YANG SNANG BA GSUM NI MYUR BA'I TSUL GYIS SKYE'O, ,SGYU LUS GRUB MA THAG PA'I GNAS NI SNYING GA'I RTZA 'KHOR GYI DBUS KYI DH'U T'I'I NANG YIN TE, DPE'I 'OD GSAL MTHAR THUG 'CHAR BA'I @022B GNAS DE LTAR YIN PA'I PHYIR TE, RJES, 'OD GSAL NYI MA SNYING DBUS 'CHAR BAR SHOG ,ZHES GSUNGS PA'I PHYIR, 'ON KYANG MKHAS PA KHA CIG SGYU LUS THOG MAR LUS KYI PHYI ROL TU 'GRUB PAR BZHED LA, KHA CIG PHYI NANG GANG DU LDANG BA 'DOD PA DE BZHIN DU 'GYUR BAR 'DOD DE MI 'DRA'O, ,GANG LTAR YANG GZHI'I BAR DO JI LTAR 'GRUB PA DE BZHIN DU 'BYUNG LA, NANG LDANG 'DOD NA'ANG GRUB MA THAG NAS PHYIR THON PAR 'GYUR BA YIN NO, ,SGYU MA'I SKU DE NI 'DUS PA LTAR SGYU MA, CHU ZLA, MIG G-YOR, MIG 'PHRUL, SMIG RGYU, RMI LAM, BRAG CA, DRI ZA'I GRONG KHYER, 'JA' TSON, GLOG , CHU BUR, ME LONG GI GZUGS BRNYAN TE DPE BCU GNYIS KYIS MTSON DU'ANG YOD MOD, 'DIR DPE LNGA'I SGO NAS MTSON PA YIN TE, RMI LAM, SGYU MA, CHU ZLA, CHU BUR, ME LONG NANG GI GZUGS BRNYAN DANG LNGAS MTSON PA'I PHYIR, DE YANG SGYU MA'I SKU DE PHUNG PO RNYING PA LAS GO SA LOGS SU BYE YANG, SLAR DE LA 'JUG DGOS PA ZHIG YIN PA NI, DPER NA, RMI LAM GYI LUS KHYAD PAR CAN PHUNG PO RNYING PA LAS LOGS SU BYE NAS SLAR DE LA 'JUG PA BZHIN DANG, SKU DE RLUNG SEMS KYI RANG BZHIN CAN YIN YANG BZHIN LAG GI RNAM BCAN DU SNANG BA NI SGYU MA'I MI BZHIN DANG, SKU DE NGO BO GCIG YIN YANG GDUL BYA GANG DU YOD PA DER SPRUL PA 'BYUNG BA NI ZLA BA GCIG YIN YANG GZUGS BRNYAN CHU DU MAR 'CHAR BA BZHIN DANG, SKU DE RANG RGYU DPE'I 'OD GSAL LAS BYUNG BA NI, CHU LAS CHU BUR 'BYUNG BA BZHIN DANG, SKU DE YAN LAG THAMS CAD RDZOGS PAR CIG CAR DU GRUB PA NI, ME LONG NANG DU LHA'I GZUGS BRNYAN ZHAL PHYAG THAMS CAD CIG CAR DU SNANG BA BZHIN NO, ,SKU DE NI SGRUB GZHI RANG RGYU SHIN TU PHRA BA'I RLUNG SEMS LAS GRUB PA YIN TE, RIM LNGA LAS, SEMS GANG GIS NI BYIS PA RNAMS, ,'KHOR BA'I 'CHING BAS @023A *, ,BCINGS GYUR PA, ,SEMS DE NYID KYIS RNAL 'BYOR PA, ,BDE GSHEGS GNAS SU 'GRO BAR 'GYUR, ,ZHES THA MAL PA LA 'KHOR BA'I RGYUR 'GYUR BA'I SHIN TU PHRA BA'I RLUNG SEMS DE, RNAL 'BYOR PA LA SGYU MA'I SKUR 'GYUR BAR GSUNGS SHING, YANG DE NYID LAS, DE NYID RLUNG DANG YANG DAG LDAN, ,RNAM SHES GSUM PO SLAR YANG NI, ,RNAL 'BYOR PA YI LUS SU 'GYUR, ,SGYU MA'I SKU ZHES DE LA BSHAD, ,CES SNANG BA GSUM RLUNG DANG BCAS PA LAS SGYU MA'I SKU 'GRUB PAR BSHAD PA'I PHYIR, SHIN TU PHRA BA'I RLUNG SEMS DE NYID THA MAL BA LA 'CHI BA 'OD GSAL GYI RLUNG SEMS SU GYUR NAS LUS SNA TSOGS SKYE 'GAG BYED PA'I RGYUR 'GYUR BA YIN TE, RDO RJE 'PHRENG BA LAS, SNYING POR GYUR PA RANG SROG LAS, ,KHAMS GSUM NA NI GZHAN MED DE, ,SGYU MA RLUNG GI KHAMS GSUM PA, ,RMI LAM RMI BA BZHIN DU MTHONG, ,ZHES DANG, SKYE DANG GNAS DANG 'JIG PA DANG, ,SRID PA BAR MAR GNAS PA STE, ,JI SNYED 'JIG RTEN GYIS BTAGS PA, ,SEMS KYI RLUNG GI RNAM 'PHRUL LO, ,ZHES DANG, LUNG STON LAS KYANG, 'DU SHES CAN DANG 'DU SHES MED, ,SEMS CAN DU BTAGS 'DIR GNAS PA, ,DE RNAMS RLUNG LAS BYUNG BA STE, ,RLUNG LAS SLAR YANG 'GAG PA YIN, ,ZHES DANG, RIM LNGA LAS, 'GRO KUN RANG DBANG MED PA STE, ,RANG DBANG DU NI 'BYUNG MA YIN, ,DE YI RGYU NI 'OD GSAL BA, ,'OD GSAL THAMS CAD STONG PA'O, ,ZHES GSUNGS PA'I PHYIR, SGYU LUS KYI SKOR 'DI 'DUS PA'I LUGS KYI RIM PA GSUM PA'I SGYU LUS SGRUB TSUL DANG SHIN TU MTHUN PAS RGYAS PAR NI DE LAS SHES PAR BYA STE, 'DIR MTSON PA TZAM MO, ,GNYIS PA BSRE BA'I SKOR CUNG ZAD 'CHAD PA LA GNYIS, DBYE BA DANG, RANG BZHIN NO, ,DANG PO NI, @023B BSRE BA LA RGYAS PAR PHYE NA DGU YOD DE, SAD DUS KYI SKU GSUM GYI BSRE BA DANG, GNYID DUS KYI SKU GSUM GYI BSRE BA DANG, 'CHI DUS KYI SKU GSUM GYI BSRE BA RNAMS SU YOD PA'I PHYIR, DE NI BSDUN GSUM DU 'GYUR TE, CHOS LONGS SPRUL SKU'I BSRE BA GSUM DU 'GYUR BA'I PHYIR, GNYIS PA LA GSUM, SAD DUS KYI, GNYID DUS KYI, 'CHI DUS KYI SKU GSUM DANG BSRE BA'O, ,DANG PO LA SAD DUS KYI CHOS SKU DANG BSRE TSUL YOD DE, LUS DBEN THOB NAS ZUNG 'JUG GI BAR SAD PA'I GNAS SKABS SU DGA' BZHI DRANGS TE, BDE STONG SBYAR NAS BSGOM PA YIN PA'I PHYIR, SAD DUS KYI LONGS SKU DANG BSRE TSUL YOD DE, 'OD GSAL DE LAS LHA'I SKUR YID NGOR RAM DNGOS GNAS LA LDANG BA YIN PA'I PHYIR, SAD DUS KYI SPRUL SKU DANG BSRE TSUL YOD DE, LDANG BA'I SKU DE NYID RNAM SMIN GYI PHUNG PO RNYING PA 'JIGS BYED DU BSGOMS PA'I THUGS KAR YE SHES SEMS DPA'I TSUL GYIS 'JUG PA YIN PA'I PHYIR, GNYIS PA GNYID DUS KYI CHOS SKU DANG BSRE TSUL YOD DE, GNYID KYI 'OD GSAL GYI DUS SU BDE STONG SBYAR NAS BSGOM PA YIN PA'I PHYIR, GNYID DUS KYI LONGS SKU DANG BSRE TSUL YOD DE, GNYID KYI 'OD GSAL LAS LHA'I SKUR YID NGOR RAM DNGOS GNAS LA LDANG BA YIN PA'I PHYIR, GNYID SAD PA SPRUL SKU DANG BSRE TSUL YOD DE, LDANG BA'I SKU DE NYID PHUNG PO RNYING PA LHAR BSGOMS PA'I THUGS KAR YE SHES SEMS DPA'I TSUL GYIS ZHUGS NAS SAD PAR BYA BA YIN PA'I PHYIR, GSUM PA 'CHI DUS KYI CHOS SKU DANG BSRE TSUL YOD DE, 'CHI BA 'OD GSAL GYI DUS SU BDE STONG SBYAR NAS BSGOM PA YIN PA'I PHYIR, BAR DO LONGS SKU DANG BSRE TSUL YOD DE, BAR DOR LHA'I SKUR YID NGOR RAM BAR DO 'BYUNG BA'I DOD DU LHA'I SKUR DNGOS GNAS LA LDANG @024A *, ,BA YIN PA'I PHYIR, SKYE BA SPRUL SKU DANG BSRE TSUL YOD DE, BSAM BZHIN DU SKYE GNAS SU NYID MTSAMS SBYOR BA YIN PA'I PHYIR, RIM PA GSUM PA'I SGYU MA'I SKU 'DI YE SHES KYI SKU MTSAN NYID PA YIN KYANG, RDO RJE'I SKU BTAGS PA TZAM YIN GYI, MTSAN NYID PA MA YIN TE, DON GYI 'OD GSAL SKYES PA'I TSE RIGS 'DRA RGYUN CHAD BAR 'GYUR BA'I PHYIR, DON GYI 'OD GSAL GYI SNGON DU SGYU MA'I SKU SNGON DU 'GRO DGOS PA'I RGYU MTSAN YOD DE, DON GYI 'OD GSAL DE SHES SGRIB SBYONG BA'I NUS PA MTHU CAN DU 'GYUR BA LA DE SNGON DU 'GRO DGOS PA'I PHYIR TE, RIM PA GSUM PA'I SGYU MA'I SKU 'DI PHAR PHYIN THEG PA'I BSKAL PA GRANGS MED GSUM DU BSOD NAMS KYI TSOGS BSAGS PA'I DOD DU 'GYUR ZHING, 'DI SBYANGS PA LAS BYUNG BA'I DON GYI 'OD GSAL DES NYON SGRIB DNGOS SU SPONG NUS SHING, SHES SGRIB KYANG SBYOR BA'I NUS PA PHUL DU BYUNG BA YANG THOB PA'I PHYIR RO, ,BZHI PA RNAM DAG YE SHES KYI RNAL 'BYOR BSHAD PA LA GNYIS, DON GYI LHAN SKYES BSHAD PA DANG, DE LAS ZUNG 'JUG GI SKU 'GRUB TSUL BSHAD PA'O, ,DANG PO NI, GZHUNG DE NYID LAS, MKHA' 'GRO'I PHO BRANG ZHES SOGS DANG, RNAL 'BYOR BZHI'I RIM PA LAS, GANG SKYES YE SHES PHYAG RGYA CHE, ,ZHES SOGS DANG, SMON LAM LAS, DBANG PO'I GZHU LTAR DANGS PA'I SKU DE NYID, ,NAM MKHA'I DBYINGS SU CHU 'DZIN ZHU BA BZHIN, ,SBYANGS PA'I RNAM DAG YE SHES RNAL 'BYOR GYIS, ,BDEN PAR 'DZIN PA'I SA BON DRUNGS 'BYIN SHOG , CES GSUNGS, DE NI, BDAG GI THUGS KA'I SA BON LAS, ,ZHES SOGS KYIS BSTAN PA LTAR, RNAL 'BYOR PA DES DON GYI 'OD GSAL 'GRUB TU NYE BA'I MTSAN MA MTHONG BA NA, PHYI RKYEN LAS RGYA DANG SNYOMS PAR 'JUG CING, NANG RKYEN RANG GI SNYING GA'I H'Um YIG LAS 'OD ZER 'PHROS @024B PA SNOD BCUD THAMS CAD LA 'PHOG PAS 'OD DU GYUR, DE NAS SNOD BCUD DANG BCUD RANG LA THIM PA SOGS SNGAR BZHIN BSGOM PA NI RJES GZHIG GI BSAM GTAN DANG, YANG SNOD SNGON DU MI SDUD BAR RANG GI LUS KYI STOD SMAD NAS N'A DA'I BAR DANG, DE YANG 'OD GSAL DU THIM PAR BSGOM PA NI RI LA 'DZIN GYI BSAM GTAN TE, DE GNYIS KYI SGO NAS SGYU LUS 'OD GSAL DU 'JUG PA'I SDUD? RIM YANG YANG BYAS PAS GOMS PA NA, RLUNG DBU MAR ZHUGS GNAS THIM GSUM DANG 'BYUNG BA'I THIM RIM RNAMS KYANG 'CHI RIM BZHIN DU 'BYUNG ZHING, SNANG MCHED THOB GSUM GYI MTHAR LHAN SKYES KYI BDE BAS STONG NYID MNGON SUM DU GSAR DU RTOGS PA NA RIM PA BZHI PA'I DON GYI LHAN SKYES SKYES PA YIN LA, DE SKYES PA DANG MNYAM DU RIM PA GSUM PA'I SGYU MA'I LUS DE NYID 'JA' YAL BA LTAR DAG NAS YAL 'GRO BA YIN NO, ,DE'I TSE 'PHAGS LAM GSAR DU THOB CING, DE NI MTHONG LAM YIN KYANG, NYON SGRIB KUN BTAGS DANG LHAN SKYES GNYIS KA'I DNGOS GNYEN BAR CHAD MED LAM YIN NO, ,GNYIS PA NI, GZHUNG DE NYID LAS, BSAM PA RDZOGS MDZAD ZUNG 'JUG SKU, ,ZHES DANG, STONG NYID SNYING RJE DBYER MED PA, ,ZHES SOGS DANG, SMON LAM LAS, DON GYI LHAN CIG SKYES PA DE NYID LAS, ,MTSAN DPES BRGYAN PA'I YONGS SU DAG PA'I SKU, ,DON DAM 'OD GSAL THUGS DANG MNYAM SBYOR BA'I, ,ZUNG DU 'JUG PA'I RNAL 'BYOR MCHOG 'GRUB SHOG ,CES PAS SLOB PA'I RTZA 'DZUG GI GTZO BO 'GRUB TSUL BSTAN NAS, DE'I RGYUN LAS MI SLOB PA'I ZUNG 'JUG KHA SBYOR YAN LAG BDUN LDAN KYANG 'GRUB PAR 'GYUR BA NI, NAM MKHA' JI SRID SKU LNGA'I BDAG NYID CAN, ,KHA SBYOR BDUN LDAN GO 'PHANG MNGON GYUR NAS, ,MTHA' DAG 'GRO 'DI GO 'PHANG DE @025A *, ,NYID LA, ,SKAD CIG NYID LA BDE BLAG 'GOD PAR SHOG ,CES GSUNGSO, ,'DI LA GNYIS, SLOB PA'I ZUNG 'JUG 'GRUB TSUL DANG, SPYOD PA'I RNAM GZHAG BSTAN PA'O, ,DANG PO NI, DON GYI 'OD GSAL GYI BZHON PAR GYUR PA'I RLUNG 'OD ZER LNGA BAS NYER LEN DANG, 'OD GSAL DE'I SEMS KYIS LHAN CIG BYED RKYEN BYAS PA LA BRTEN NAS, DAG PA'I SGYU MA'I SKU DE PHUNG PO RNYING PA LAS GO SA LOGSU BYE BA'I TSUL GYIS 'GRUB CING, DE YANG 'DIR 'JIGS BYED ZHAL PHYAG YONGS RDZOGS SAM, ZHAL GCIG PHYAG GNYIS PA SKU MDOG DKAR PO'I RNAM PA CAN DU BZHENGS PAR 'GYUR PA YIN NO, ,'KHRID YIG LAS RTEN BRTEN PA'I DKYIL 'KHOR YONGS RDZOGS KYI RNAM PAR BZHENGS PAR YANG BSHAD, SKU MDOG DKAR BA NI SGRUB BZHI SROG 'DZIN KHA DOG DKAR BA'I RGYU MTSAN GYIS YINO, ,'GRUB PA'I GNAS DANG MTSAN TSUL NI SNGAR BZHIN YIN LA, SKU 'DI NI RIGS 'DRA NAM YANG RGYUN MI CHAD PA'I RDO RJE'I SKU DNGOS YINO, ,DUS NI SNGAR RIM PA GSUm PA'I SGYU LUS LTAR LUGS LDOGI NYER THOB GRUB PA DANG MNYAM DU 'BYUNG ZHING, DA NAS MCHED PA SOGS KYANG RIM GYIS 'BYUNG, DE NI ZUNG 'JUG PHAL PA SPANGS PA ZUNG 'JUG GAM, DAG PA'I SGYU LUS THOB PA YIN LA, DE'I TSE GANG ZAG DE NYID DGRA BCOM PAR SONG BA DANG, NYON SGRIB SPANGS PA'I RNAM GROL LAM THOB PA DUS MNYAMO, ,ZUNG 'JUG PA DAS SLAR YANG LHAN SKYES KYI BDE BAS STONG NYID MNGON SUM DU NAM RTOGS PA DE'I TSE, ZUNG 'JUG GI GTZO BO RTOG PA ZUNG 'JUG DE NYID THOB PA YINO, ,'ON KYANG MNYAM GZHAG LAS LANGS PA NA SPANGS BZUNG 'JUG PAR 'GYUR BA YIN GYI, RTOGS PA ZUNG 'JUG PA NI MA YIN TE, RJES THOB TU STONG NYID MNGON SUM DU RTOGs PA'I SLOB PA MED PA'I PHYIRO, ,ZUNG 'JUGI SKOR 'DI NI 'DUS PA 'PHAGS LUGS DANG SHIN TU 'DRA BAS RGYAS PAR DE NAS SHES PAR BYA'O, ,GNYIS PA NI SPYOD PA LA DBYE BA DUS CHO GA PHAN YON SOGS MANG PO ZHIG YOD PA RNAMS 'DIR 'CHANG? @025B DGOS PAR GSUNGS KYANG MANG DU DOGS PAS CUNG ZAD BSHAD NA, SPYIR SPYOD PA DE LA GSUM YOD DE, CHAGS BRAL GYI SPYOD PA, SA DANG PHA ROL TU PHYIN PA'I SPYOD PA, 'DOD CHAGS KYI SPYOD PA GSUM YOD PA'I PHYIR, SKABS 'DI'I SPYOD PA DE LA GSUM YOD DE, SPROS BCAS, SPROS MED, SHIN TU SPROS MED KYI SPYOD PA RNAMS SU YOD PA'I PHYIR TE, RIM BZHIN DU LAS RGYA DANG 'DRA 'BAG CHAS GOS SOGS YOD CING, BRDA DANG DE'I LAN BYA BA SOGS DGOS PA'I SPROS BCAS KYI SPYOD PA DANG, LAS RGYA DANG 'DRA 'BAG CHAS GOS SOGS YOD KYANG, BRDA DANG DE'I LAN BYA BA SOGS KYI SPROS PA DANG BRAL BA'I SPROS MED KYI SPYOD PA DANG, DE THAMS CAD SPANGS NAS YE RGYA DANG SNYOMS PAR 'JUG CING, GNYID KYI 'OD GSAL CHIG DRI LA DU BSGOM PA'I SHINTU SPROS MED KYI SPYOD PA RNAMS SU YOD PA'I PHYIR RO, ,DE NAS MI SLOB PA'I ZUNG 'JUG 'GRUB LUGS NI 'BRAS BU MNGON DU BYED TSUL GYI NANG DU 'DU BAS LOGS SU 'CHAD MI DGOS SO, ,GSUM PA 'BRAS BU MNGON DU BYED PA'I TSUL NI, SLOB PA'I ZUNG 'JUG THOB MA THAG PA NAS NYON SGRIB SPANGS ZIN PAS, DE NAS BZUNG STE MI SLOB PA'I ZUNG 'JUG MA THOB BAR DU SHES SGRIB SPONG BA'I PHYIR DU BRTZON DGOS LA, DE'I TSUL NI SPYOD PA GSUM GANG RUNG LA BRTEN NAS DON GYI 'OD GSAL YANG YANG DRANGS TE, DE LAM SGOM LAM SKOR DGUR PHYE BA'I DANG PO BRGYAD KYIS SHES SGRIB SKOR DGUR PHYE BA'I DANG PO BRGYAD SPANGS ZIN NAS MI SLOB PA'I ZUNG 'JUG 'GRUB TU NYE BA'I MTSAN MA KHYAD PAR CAN MTHONG BA NA, SLOB PA'I ZUNG 'JUG PA DES PHYI'I ZLA 'OD NYI 'OD SROD KYI SMAG 'THUG PO GSUM DANG BRAL BA'I THO RANGS KYI DUS SU NANG GI DKAR DMAR NAG LAM PA'I SLOD BYED KYI RKYEN GSUM DANG BRAL BA'I MNGON BYANG THAMS CAD STONG PA 'OD GSAL RGYUN MTHA'I YE SHES MNGON DU BYAS TE, YE SHES DES SHES @026A *, ,SGRIB CHUNG NGU'I CHUNG NGU DNGOS SU SPANGS PA, RNAM MKHYEN SKAD CIG DANG PO THOB PA, MI SLOB PA'I ZUNG 'JUG THOB PA, SANGS RGYAS PA RNAMS DUS MNYAM PA'I TSUL GYIS 'BYUNG BA YIN NO, ,DE LTA BU'I MI SLOB PA'I ZUNG 'JUG GI SKU DE THOB PA LA, RNAM DAG YE SHES KYI RNAL 'BYOR GNYIS SNGON DU 'GRO DGOS, DE LA DBYIBS KYI RNAL 'BYOR MA DAG PA'I SGYU LUS SNGON DU 'GRO DGOS, DE LA DAM TSIG GI RNAL 'BYOR 'CHI RIM BZHIN DU RLUNG RNAMS SNYING GA'I MI SHIGS PA'I THIG LE LA BSDUS TE THIM PA LAS BYUNG BA'I SEMS DBEN DPE'I 'OD GSAL MTHAR THUG SNGON DU 'GRO DGOS, DE LA SNGAGS KYI RNAL 'BYOR RDOR BZLAS DANG SNYING GA'I SDUD RIM BSGOM PA SNGON DU 'GRO DGOS, DE LA BSKYED RIM MTHAR PHYIN PA SNGON DU 'GRO DGOS, DE LA DBANG BSKUR LEGS PAR THOB CING DAM TSIG DANG SDOM PA BSRUNG BA SNGON DU 'GRO DGOS, DE LA LAM THUN MONG BAS RGYUD LEGS PAR SBYANGS PA RNAMS SNGON DU 'GRO DGOS PA YIN TE, DE RNAMS LAS SNGA MA SNGA MA MED NA PHYI MA PHYI MA RNAMS MI 'BYUNG LA, YOD NA PHYI MA PHYI MA RNAMS KYANG TSUL BZHIN DU 'BYUNG BAS, TSE GCIG LUS GCIG LA 'TSANG RGYA NUS PA'I PHYIR RO, ,DE DAG NI THEG PA 'DI'I CHED DU BYA BA'I GDUL BYA RIN PO CHE LTA BU'I GANG ZAG GI DBANG DU BYAS PA YIN LA, DA LTA'I GANG ZAG GIS KYANG THA NA SMON LAM YAN CHAD KYI SGO NAS LAM 'DI LA BAG CHAGS BZANG PO RE 'JOG PA YANG GNAD CHE BAR RJE NYID KYIS GSUNGS SO,, ,,SMRAS PA, GSANG CHEN RNAL 'BYOR BLA MED RGYUD KUN LAS, ,'KHRUL 'KHOR MTHAR THUG GSHIN RJE GSHED KYI RGYUD, ,RNAM PA MANG YANG 'DI YI RTZA BA'I RGYUD, ,RGYAS PA 'BUM PHRAG GCIG PA @026B ZHES SU GRAGS, ,DE LAS PHYUNG BA RTOGS PA BDUN PA DANG, ,DMAR NAG GNYIS KYI RGYUD LA BRTEN NAS NI, ,GRUB CHEN DPAL 'DZIN SOGS KYIS BSHAD PA LTAR, ,RNAL 'BYOR BZHI YI RNAM GZHAG CUNG ZAD PHYE, ,TSUL 'DI MKHAS PA'I MAN NGAG LA BRTEN NAS, , BLA MA 'JAM DPAL GSHIN RJE GSHED PO YI, ,RIM GNYIS BSTAN PA RNAM PAR RGYAS PA'I CHER, ,GUS PAS BGYIS PA YIN GYI GZHAN DU MIN, ,DE LTAR RNAL 'BYOR BZHI YI RIM PA 'DIR, ,KHA BSHAD LOG PAR BSHAD PA'I CA GANG YIN, ,BDAG BLO'I SKYON TE LEGS PAR BSHAD PA'I CHA, ,LHA DANG BLA MA DAM PA'I DRIN LAS YIN, ,'DIR 'BAD DGE LEGS ZLA ZER 'BUM 'KHYUD PA, ,GANGS RI'I TOG LTAR GANG ZHIG THOB PA DE, ,SKYE KUN 'JAM DPAL ZHI KHROS RJES 'DZIN CING, ,ZUNG 'JUG GO 'PHANG MCHOG DE THOB PHYIR BSNGO,, ,,CES DPAL RDO RJE 'JIGS BYED CHEN PO'I RIM PA GNYIS PA'I RNAM PAR BSHAD PA DNGOS GRUB KYI SNYE MA ZHES BYA BA 'DI NI, BSTAN PA'I MNGA' BDAG TU GYUR PA LHA BTZUN GANG DES RANG DGON DU SNGAGS DANG MTSAN NYID KYI 'CHAD NYAN BTZUGS PA'I TSE, DE GNYIS KYI BLA MA'I GO SAR GNAS PA SH'AKYA'I DGE SLONG GRAGS PA BSHAD SGRUB CES BYA BAS, SNGAR SLOB DPON RDO RJE 'CHANG BLO BZANG SBYIN PA DANG, KHRI CHEN BLO BZANG BAR RGYAS RNAM PA GNYIS KYI DRUNG DU CHOS 'DI'I DBANG 'KHRID SOGS LEGS PAR MNOS SHING, DON CUNG ZAD SHES PA'I SGO NAS NYAMS LEN PHYOGS TZAM ZHIG BGYIS PA'I MTHU DANG, KHYAD PAR 'DI'I RDZOGS RIM GYI 'KHRID TZAM ZHIG SNANG YANG, 'DIR GZHUNG CHE BA NAS BSHAD TSUL SOGS JI LTAR YIN PA DANG, KHA SKONG DGOS PA DAG GIS @027A *, ,KHA BSKANGS NAS RJE DANG MKHAS GRUB YAB SRAS KYIS PHYE BA BZHIN GSAL BAR BSHAD PA MI 'DUG PAS, 'DIR RGYUD DON GRUB CHEN GYIS BKRAL BA'I RJES SU 'BRANG STE RJE YAB SRAS DANG CHOS RJE BLO GROS CHOS SKYONG SOGS KYI MAN NGAG LA BRTEN NAS, GZHUNG NAS BSHAD TSUL DANG, 'DUS PA DANG THUN MONG BA'I RNAM GZHAG KA 'GENG 'OS PA DAG GIS KHA BSKANGS NAS CO NE'I GZIMS KHANG NYID DU SBYAR BA STE, 'DIS KYANG RJE BLA MA'I BSTAN PA LA PHAN THOGS PAR GYUR CIG , ,,BKRA SHIS,, @027B [BLANK PAGE]