[preliminary data - not manually proofread] [SNGON 'GRO'I DPAR GZHI] @001A *, ,'JIGS BYED DPA' BO GCIG PA'I RIM GNYIS SNYING PO RIN CEN SNYE MA ZHES BYA BA BZHUGS SO, @001B #, ,NA MO MANYDZU GHO sh'A YA, RGYAL BA KUN GYI YAB GCIG 'JAM PA'I DBYANGS, ,DRAG PO'I SKUR BSTAN KHRO RGYAL GSHIN RJE'I GSHED, ,SNYIGS DUS BSHES GNYEN TSUL BZUNG BTZONG KHA PA, ,DBYER MED ZHABS PAD SPYI BOS GUS PAS BSTEN, ,'JAM DPAL KHROS PA'I GSHIN RJE GSHED MANG YANG, ,'DIR NI 'JIGS MDZAD CHEN PO DPA' GCIG GI ,RIM GNYIS LAS BRTZAMS LAM GYI RNAM GZHAG 'GA', ,DAM PA'I MAN NGAG JI BZHIN MDOR BSDUS BSHAD, ,'DI LA GNYIS, BSKYED RIM DANG, RDZOGS RIM GYI RNAM GZHAG BSHAD PA'O, ,DANG PO LA GNYIS, 'DI RGYUD GANG LAS BSHAD PA DANG, BSKYED RIM GYI RNAM GZHAG DNGOS SO, ,DANG PO NI, RDO RJE 'JIGS BYED RANG GI RTZA RGYUD DANG, RTOG BDUN DANG, KHA SBYOR LA SOGS PA'I RGYUD DU MA LAS BSHAD CING, KHYAD PAR DU SNGA MA GNYIS KYIS BSTAN PA'I DON YIN PAS, BCU GSUM MA'I DANG PO'I SBYOR BA TZAM LOGS SU PHYUNG BA MIN NO, ,GNYIS PA NI, GNAS YID DANG MTHUN PAR BRIS SKU SOGS TSOGS PAR BYAS NAS NYAMS SU LEN PAR BYA STE, 'DI LA GSUM, MTHUN GYI THOG MA DANG, NGO BO DANG, MJUG TU JI LTAR BYA BA'I TSUL LO, ,DANG PO LA @002A *, ,BZHI, NANG MCHOD BYIN BRLAB, SNGON 'GRO GTOR MA'I RIM PA, BDAG BSKYED MCHOD PA BYIN GYIS BRLAB TSUL, RDOR SEMS KYI SGOM BZLAS SO, ,DANG PO NI, SNGON DU PADMA DANG NYI MA'I GDAN LA RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS GRI GUG DANG THOD PA 'DZIN PAR BSKYED PAR BYA ZHING DE LTAR BYAS PA LA DGOS PA YOD DE, 'OG NAS 'BYUNG BA'I MCHOD RDZAS RNAMS BYIN GYIS BRLAB PAR BYA BA'I CHED YIN PA'I PHYIR, NANG MCHOD BYIN GYIS BRLAB TSUL DNGOS LA BZHI, BSANG SBYANG BSKYED PA BYIN GYIS BRLAB PA'O, ,DANG PO NI, AOm HR'I: shRI: SOGS BRJOD PA'I SGO NAS BYA BA YIN TE, SNGAGS DE BRJOD PA DANG MNYAM DU THUGS KA NAS 'JIGS BYED ZHAL GCIG PHYAG GNYIS PA GRI THOD 'DZIN PA'I TSOGS SPROS NAS RDZAS LA GNAS PA'I BGEGS RNAMS BSKRAD PAR BSAM PA YIN PA'I PHYIR, SBYANG TSUL YOD DE, SVA BH'A WA'I SNGAGS BRJOD PA'I SGO NAS RDZAS SNOD DANG BCAS PA RANG BZHIN GYIS STONG PA'I 'OD GSAL DU DAG PAR BYA BA YIN PA'I PHYIR, DGOS PA YOD DE, RDZAS LA THA MAL GYI SNANG ZHEN BSAL TE STONG NYID KYI RNAM 'PHRUL DU SHES PA'I CHED YIN PA'I PHYIR, BSKYED TSUL YOD DE, STONG PA'I NGANG @002B LAS YAm LAS RLUNG DANG RAm LAS ME'I DKYIL 'KHOR ZUR GCIG RANG NGOS SU BSTAN PA NAS BRTZAMS TE ZUR GSUM GYI STENG DU AA RE RE DANG, DE LAS MI MGO'I SGYID BU GSUM GYI DBUS SU AA DKAR PO LAS THOD PA PHYI DKAR LA NANG DMAR BA'I NANG DU, PHYOGS BZHI DANG DBUS SU GSHEGS PA LNGA'I SA BON BH'Um AAm DZRI KHAm H'Um LAS RIM PA BZHIN BA LANG KHYI GLANG CHEN RTA MI'I SHA RNAMS GO KUD NYA NAS MTSAN PA DANG, MTSAMS BZHI DANG DBUS SU GSHEGS MA LNGA'I SA BON LAm MAm BAm TAm BAm LAS DRI CHEN RAKTA BYANG SEMS RKANG MAR DRI CHU RNAMS BIR SHU MA MUS MTSAN PAR BSKYED CING, DBYIBS NA TSING MA'AM GTUB PA GANG RUNG? DU BSAM PAR BYA BA YIN PA'I PHYIR, BYIN GYIS BRLAB PA'I TSUL YOD DE, SBYANG RTOGS SBAR GSUM BYAS PA'I SGO NAS YIN PA'I PHYIR, DE YANG YOD DE, RDZAS KYI STENG DU YI GE GSUM STENG NAS STENG DU BRTZEGS PAR BSKYED DE, RANG GI THUGS KA'I H'Um LAS 'OD 'PHROS TE RLUNG G-YOS PA NAS, H'Um GIS KHA DOG DRI NUS KYI SKYON SBYANGS, A'A: SA BDUD RTZI'I RTOGS PAR BYAS, AOm GYIS MANG POR SBAR ZHING SPEL? NAS, NGAG TU YI GE GSUM LAN GSUM BRJOD PA'I SGO NAS BYIN GYIS BRLAB PA YIN PA'I PHYIR, 'DI LHA DAM TSIG PA BSKYED PA LA YE SHES PA 'JUG PA DANG 'DRA STE, RDZAS RNAMS DE DANG NGAR BSKYED PA NI DAM TSIG PA NI DAM TSIG PA'I RDZAS YIN LA, SKU GSUNG THUGS KYI LHA TSOGS RNAMS BKUG NAS YI GE GSUM DANG DE GSUM RDZAS RNAMS LA THIM PAR BSAM PA NI DAM TSIG PA'I RDZAS LA YE SHES KYI RDZAS 'JUG PA YIN PA'I PHYIR, MTSON TSUL YOD DE, SBYANG BU GSUM GYIS BSDU? BA PO'I LUS NGAG YID GSUM DANG, THOD PA PHYI DKAR BAS KHAMS DKAR PO DANG BDE BA, NANG MDAR BAS KHAMS DMAR PO DANG, @003A *, ,STONG PA, DE GNYIS TSANG BA'I THOD PAS KHAMS DKAR DMAR GYI 'DU 'PHROD LA BRTEN PA'I BDE CHEN GYI YE SHES MTSON PA'I PHYIR, RDZAS DE RNAMS RIGS LNGA DANG YUM LNGA'I SA BON LAS BSKYED PA'I RGYU MTSAN YOD DE, RIGS LNGA DANG YE SHES LNGA DANG, YUM LNGA DANG TSAD MED BZHI SO SO DANG CHOS KYI DBYINGS KYI NGO BOR MOS PAR BYA BA'I CHED YIN PA'I PHYIR, DE RNAMS BDUD RTZI'I RDZAS SU 'JOG PA'I RGYU MTSAN YOD DE, LHA LA MCHOD CING RANG NYID KYIS LONGS SPYOD PAS BDE CHEN SKYE BA DANG 'CHI MED 'GRUB PA SOGS KYI CHED YIN PA'I PHYIR RO, ,GNYIS PA LA MCHOD PA BYIN GYIS BRLAB TSUL NI 'OG NAS 'BYUNG BA LTAR DANG, GTOR MA NI NANG MCHOD LTAR BYA BA YIN LA, GTOR MGRON SPYAN 'DREN PA LA RGYAS 'BRING BSDUS GSUM BYED TSUL LAS BSDU NA 'DI LTAR BYA BA YIN TE, RANG GI THUGS KA'I H'Um GIS PHYOGS SKYONG BCO LNGA 'KHOR DANG BCAS PA SKAD CIG GIS SPYAN DRANGS TE RANG GI STENG 'OG PHYOGS MTSAMS RNAMS SAM, MDUN DU CHOS RGYAL 'KHOR BCAS DBUS SU BYAS PA'I STENG 'OG PHYOGS MTSAMS RNAMS SU 'KHOR PA LA THA MAL GYI SNANG ZHEN DGAG PA'I CHED DU SKAD CIG GIS 'OD GSAL DU BCUG PA'I STONG PA'I NGANG LAS 'JIGS BYED ZHAL GCIG PHYAG GNYIS PA RE RER GYUR PAR BSAMS NAS, RTZA SNGAGS TSAR GCIG GIS BYIN GYIS BRLAB PA DANG PHUD GYIS 'JIGS BYED LA MCHOD CING, BHU TZA RA'I SNGAGS LAN GSUM BRJOD PA'I SGO NAS 'BUL BA DANG BCOM LDAN CHOS RJE SOGS KYIS 'PHRIN LAS BCOL NAS YIG BRGYA BRJOD DE RANG GNAS SU GSHEGS PAR BSAM PAR BYA BA YIN PA'I PHYIR, GSUM PA LA, BDAG BSKYED MCHOD PA BSANG SBYANG NI SNGAR LTAR @003B YIN LA, BSKYED CING BYIN GYIS BRLAB PA'I TSUL YOD DE, MCHOD RDZAS RNAMS STOD PAR SBYANGS PA'I STONG PA'I NGANG LAS AA RE RE LAS THOD PA YANGS SHING RGYA CHE BA MCHOD PA'I GRANGS DANG MNYAM PAR RE, DE RNAMS KYI NANG DU H'Um RE RE, H'Um RNAMS 'OD DU ZHU NAS SONG BO BDE STONG GI YE SHES LA, RNAM PA MCHOD YON LA SOGS PA'I MCHOD RDZAS SO SO'I RNAM PAR SHAR BA, BYED LAS MGRON GYI DBANG PO DRUG GI SPYOD YUL DU ZAG MED KYI BDE BA KHYAD PAR CAN BSKYED NUS PA'I KHYAD CHOS GSUM LDAN DU MOS NAS, MCHOD RDZAS RANG MING YI GE GSUM DANG SPEL TE BYIN GYIS BRLAB PAR BYA BA YIN PA'I PHYIR, MING RNAMS YI GE GSUM DANG SPEL BA'I RGYU MTSAN YOD DE, RDO RJE GSUM GYI SA BON YI GE GSUM GYIS RDZAS RNAMS BYIN GYIS BRLAB NUS PA'I RGYU MTSAN GYIS YIN PA'I PHYIR, BZHI PA RDO RJE SEMS DPA'I SGOM BZLAS NI LOGS SU SHES PAR BYA'O, ,GNYIS PA MTHUN GYI NGO BO LA JI LTAR BYA BA'I TSUL LA GSUM, 'CHI BA CHOS SKUR 'KHYER BA'I RNAL 'BYOR YAN LAG DANG BCAS PA, RTEN GZHAL YAS KHANG BSKYED NAS BAR DO LONGS SKUR 'KHYER BA'I RNAL 'BYOR RGYU RDO RJE 'DZIN PA BSKYED TSUL, SKYE BA SPRUL SKUR 'KHYER BA'I RNAL 'BYOR 'BRAS BU RDO RJE 'DZIN PA BSKYED TSUL LO, ,DANG PO LA GSUM, 'DZAM BU'I GLING P'I MI MNGAL SKYES KHAMS DRUG LDAN DU SKYE BA LEN PA'I RGYUD LAS GSOG PA DANG CHOS MTHUN PA TSOGS ZHING MCHOD CING SDOM PA 'DZIN TSUL, 'CHI BA 'OD GSAL MNGON DU BYED PA DANG CHOS MTHUN PAR STONG NYID BSGOM TSUL, 'BYUNG BZHI PA SKYED DE SRUNG 'KHOR BSGOM PA'I TSUL LO, ,DANG PO LA TSOGS ZHING SPYAN 'DREN PA'I TSUL YOD DE, RANG NYID 'JIGS BYED DU GSAL BA'I THUGS KAR SNA TSOGS @004A *, ,PADMA DANG NYI MA LA GNAS PA'I H'Um GI 'OD ZER GYIS PHYOGS BCU'I ZHING KHAMS MU MED PA STE MTHA' MED PA THAMS CAD GSAL BAR BYAS, DE DAG NA BZHUGS PA'I SANGS RGYAS RIGS LNGA LA SOGS PAS BSKOR BA'I RDO RJE 'JIGS BYED BLA MA DANG BCAS PA MDUN GYI NAM MKHAR SPYAN DRANGS NAS, BLA MA NI 'JIGS BYED KYI RTZA ZHAL GYI TSANGS STENG SRIN ZHAL GYI MDUN DU BZHUGS PAR BSAM PA YIN PA'I PHYIR, GNAS GANG NAS SPYAN 'DREN PA'I TSUL YOD DE, CHOS SKUL RANG BZHIN GYI GNAS SU BYAS NAS LONGS SKU'I RNAM PAR SPYAN 'DREN PA DANG, LONGS SKU LA RANG BZHIN GYI GNAS SU BYAS NAS SPRUL SKU'I RNAM PAR SPYAN 'DREN PA DANG, 'OG MIN DANG, LONGS SPRUL GYI ZHING NAS GZUGS SKU'I RNAM PAR SPYAN 'DREN PA RNAMS LAS 'DIR PHYI MA LTAR BYA BA YIN PA'I PHYIR, 'OD ZER RANG GI SNYING KHAR THIM PAR BSAM PAR BYA ZHING, DE'I DGOS PA YOD DE, RDZOGS RIM GYI SKABS SU RLUNG RNAMS DER THIM PA'I RGYUD SMIN BYED DU 'GYUR BA'I CHED YIN PA'I PHYIR, DE NAS PHYAG 'TSAL BA'I TSUL YOD DE, GANG GI DRIN GYIS BDE CHEN GNAS, ,ZHES SOGS RKANG PA BZHIS BLA MA DANG, GZUGS MCHOG SOGS RKANG PA BZHIS GTZO BO 'KHOR BCAS LA GUS PAS PHYAG 'TSAL BA YIN PA'I PHYIR, MCHOD PA'I TSUL YOD DE, RANG GI SNYING GNAS TZA TSTZI KA SOGS LHA MO BZHI MANG DU SPROS TE, AOm HR'I: shR'I: HA SOGS GYIS MCHOD NAS MTHAR SNYING KHAR SDUD PA YIN PA'I PHYIR, DE NAS BSHAGS PA SOGS JI LTAR BYA BA'I TSUL YOD DE, SDIG PA RNAMS NI SOGS RKANG PA GSUM GYIS SDIG BSHAGS DANG, DE BZHIN BSOD NAMS RJES YI RANG, ,ZHES PAS RJES SU YI RANG BA DANG, BDAG GI BDE 'GRO YONGS SU BSNGO, ,ZHES PAS BSNGO BA DANG, DKON MCHOG GSUM LA ZHES PA'I RKANG PA DANG POS @004B SKYABS 'GRO DANG, PHYI MA GSUM GYIS SMON SEMS BSKYED, YON TAN RGYA MTSO SOGS RKANG PA GNYIS KYIS LUS 'BUL, YANG DAG RDZOGS PA'I SOGS RKANG PA BZHIS 'JUG SEMS BSKYED PA YIN PA'I PHYIR, SPRO NA RIGS LNGA'I SDOM BZUNG BYA TSUL YOD DE, SANGS RGYAS BYANG CHUB SEMS DPA' KUN ZHES SOGS RKANG PA DANG PO GNYIS KYIS SNYAN GSAN PHAB NAS CI BYA SNYAM NA, DAM PA BDAG GIS BSKYED PAR BGYI, ,ZHES PA YAN GYIS SEMS BSKYED DE, TSUL KHRIMS GYI NI SOGS BRGYAD KYIS RNAM SNANG GI RIGS KYI SDOM PA DANG, RDO RJE RIGS MCHOG SOGS BZHIS MI BSKYOD PA'I RIGS KYI SDOM PA DANG, RIN CHEN RIGS MCHOG SOGS BZHIS RIN 'BYUNG GI RIGS KYI SDOM PA DANG, BYANG CHUB CHEN PO SOGS BZHIS 'OD DPAG MED KYI RIGS KYI SDOM PA DANG, LAS KYI RIGS MCHOG SOGS BZHIS DON GRUB KYI RIGS KYI SDOM PA'I BSLAB BYA LA BSLAB TSUL BSTAN CING, BYANG CHUB SEMS NI SOGS GNYIS KYIS SEMS BSKYED DANG, SEMS CAN KUN GYIS SOGS GNYIS KYIS SDOM PA BZUNG BA'I MJUG BSDUS NAS, DE NAS BZHIS MA BSGRAL BA TSANGS PA SOGS DANG MA GROL BA NYAN RANG DGRA BCOM DANG DBUGS MA PHYIN PA'I SDUG BSNGAL CAN RNAMS DE LAS THAR BAR BYAS NAS MI GNAS PA'I MYANG 'DAS LA 'GOD PAR DAM BCA' BA YIN PA'I PHYIR, DE NAS TSAD MED BZHI BSGOM TSUL YOD DE, DANG PO GSUM SPYI LTAR YIN LA, BTANG SNYOMS NI SEMS CAN THAMS CAD RNYED MA RNYED SOGS 'JIG RTEN GYI CHOS BRGYAD POR CHAGS SDANG BRAL BA'I MGO SNYOMS DANG, BZUNG 'DZIN GYI RNAM RTOG GIS MI PHYED PA'I BTANG SNYOMS LA 'GOD PAR BSAM PA YIN PA'I PHYIR, MTHAR TSOGS ZHING RNAMS JI LTAR BYA BA'I TSUL YOD DE, RANG LA @005A *, ,BSTIM PA DANG, RANG GNAS SU GSHEGS PA SOGS DU MA YOD KYANG 'DIR 'OG TU CHOS GZHAN DANG LHAN CIG RANG BZHIN GYIS MI DMIGS PAR BSAM PAR BYA BA YIN PA'I PHYIR RO, ,GNYIS PA LA GNYIS, SBYANG GZHI DANG, DE DANG MTHUN PAR STONG NYID BSGOM TSUL LO,, DANG PO YOD DE, 'DZAM BU'I GLING PA'I MI MNGAL SKYES KHAMS DRUG LDAN RIM GYIS 'CHI BA 'OD GSAL MNGON DU BYED PA'I TSE SA CHU ME RLUNG RNAMS RIM GYIS THIM STOBS KYIS PHYI NANG GI RTAGS RNAMS 'CHAR ZHING, DKAR DMAR NAG LAM PA'I SNANG MCHED THOB GSUM GYI MTHAR SLOD BYED KYI RKYEN GSUM DANG BRAL BA'I THO RANGS KYI NAM MKHA' STONG SANG LTA BU'I SNANG BA 'CHAR BA ZHIG 'BYUNG BA'I PHYIR RO, ,GNYIS PA LA GNYIS, SNGAGS KYI DON BSHAD PA'I SGO NAS STONG NYID BSGOM PA DNGOS DANG, CHOS MTHUN SBYOR TSUL LO, ,DANG PO JI LTAR BYA BA'I TSUL YOD DE, AOm SVA BH'A WA SOGS DANG, AOm SH'U N+YA T'A SOGS KYI SNGAGS GNYIS KYI DON DRAN PA'I SGO NAS STONG NYID BSGOM PA YIN PA'I PHYIR, SNGAGS GNYIS KYI DON YOD DE, AOm GYI AA AU MA GSUM GYIS SKU GSUNG THUGS GSUM SO SOR MTSON, AOm NYID KYIS DE GSUM DBYER MI PHYED PA MTSON ZHING, SVA BH'A WA NI RANG BZHIN GYIS, SHUDDHA NI RNAM PAR DAG PA, SARBA DHARM'A: CHOS THAMS CAD DE BZUNG BA'I CHOS DANG, SVA BHA WA SHUDDHA NI SNGAR BZHIN, AA HAm NI NGA'O STE 'DZIN PA'I CHOS THAMS CAD DE, MDOR NA GZUNG 'DZIN GYIS BSDUS PA'I CHOS THAMS CAD RANG BZHIN GYIS STONG PAR BSGOM PAR BYA BA DANG, SH'U N+YA TA NI STONG NYID, DZNY'A NA NI YE SHES, BADZRA NI RDO RJE STE MI PHYED, SV'A BHA WA NI RANG BZHIN GYIS, AATMA KO NI BDAG NYID, AA HAm NI NGA'O STE, YUL STONG PA NYID DANG YUL CAN BDE BA CHEN PO'I YE SHES GNYIS DBYER MI PHYED PA'I BDAG NYID DE NGA'O ZHES CHOS SKU LANG RGYAL BZHAG NAS BSGOM PAR BYA BA YIN PA'I PHYIR @005B DE GNYIS KYI DON THUN MONG DU 'DI LTAR BSAM PAR BYA BA YIN TE, RANG DANG TSOGS ZHING LHA DANG DE DAG LAS GZHAN PA'I CHOS THAMS CAD MING BRDA DANG RANG GI GDAGS GZHI LA BRTEN NAS BTAGS PA TZAM YIN PA'I PHYIR RTEN 'BREL YIN LA, RTEN 'BREL YIN PA'I PHYIR RANG BZHIN GYIS GRUB PA'I RTAG MTHA', THA SNYAD DU MED PA'I CHAD MTHA', DE GNYIS SU'ANG RANG BZHIN GYIS GRUB PA DANG, GNYIS KA MA YIN PAR YANG RANG BZHIN GYIS GRUB PA'I MTHA' BZHI DANG BRAL BAR BSHAD PA LTAR RAM, PHYI MA GNYIS LA CUNG MI 'DRA BA NI DE GNYIS SU GRUB PA'I RTAG MTHA' DANG GANG RUNG DU MA GRUB PA'I CHAD MTHA' STE CHOS THAMS CAD RTAG CHAD KYI MTHA' BZHI DANG BRAL BA BDAG MED PA'I RANG BZHIN STONG PA NYID DU BSGOM PAR BYA BA YIN PA'I PHYIR RO, ,GNYIS PA YOD DE, SNGAGS GNYIS KYI DON DRAN PA'I SGO NAS STONG NYID SGOM PA 'DI LA 'CHI BA CHOS SKUR 'KHYER BA'I RNAL 'BYOR ZHES BYA STE, SBYANG GZHI 'DZAM BU GLING PA'I MI MNGAL SKYES KHAMS DRUG LDAN ZHIG GZUGS SOGS RAGS PA NYER LNGA RIM GYIS THIM NAS 'CHI BA 'OD GSAL MNGON DU BYED PA DANG CHOS MTHUN ZHING RANG NYID KYI 'CHI BA SBYONG BAR BYED RDZOGS RIM GYI SLABS SU BSGOMS STOBS KYIS RLUNG DBU MAR ZHUGS GNAS THIM GSUM BYAS PA LAS BYUNG BA'I DPE DON GYI 'OD GSAL MNGON DU BYAS PA DANG RNAM PA MTHUN ZHING, DE SKYE BA'I DGE RTZA SMIN BYED DU 'GYUR, 'BRAS BU SANGS RGYAS KYI YE SHES CHOS SKU DANG RNAM PA MTHUN ZHING DE MNGON DU 'GYUR NUS PA KHYAD PAR CAN 'JOG PA'I PHYIR RO, ,'DIR STONG NYID BSGOM PA LA DGOS PA YOD DE, 'CHI BA CHOS SKUR 'KHYER BA DANG, STONG NYID RTOGS ZIN BRTAN PA DANG, YE SHES KYI TSOGS GSOG PA DANG, STONG NYID MTHA'I YE SHES KYI GZUNG RNAM RTEN DANG BRTEN PA'I @006A *, ,DKYIL 'KHOR DU 'CHAR BA DANG, BDEN 'DZIN SPONG BA DANG, DON DAM PA'I SRUNG 'KHOR DU 'GYUR BA'I CHED YIN PA'I PHYIR RO, ,GSUM PA LA GNYIS, 'BYUNG BZHI BSKYED DE THUN MONG BA'I SRUNG 'KHOR BSGOM PA DANG, THUN MONG MA YIN PA'I SRUNG 'KHOR BSGOM TSUL LO, ,DANG PO LA 'BYUNG BZHI BSKYED TSUL YOD DE, STONG PA'I NGANG LAS YI GE YAm SNGON PO ZHIG BYUNG BA YONGS SU GYUR PA LAS RLUNG DKYIL DU BA'I MDOG CAN GZHU GDUNG BA LTA BU BCAD KHA PHAR BSTAN PA'I MCHOG MA GNYIS SU RGYAL MTSAN, DE'I STENG DU RAm DMAR PO LAS MED KYIL?? DMAR PO ZUR GSUM PA ZUR GCIG MDUN DU BSTAN CING ME 'BAR BAS MTSAN PA, DE'I STENG DU BAm DKAR PO LAS CHA DKYIL DKAR PO ZLUM PO DBUS SU BUM PAS MTSAN PA, DE'I STENG DU LAm SER PO LAS SA DKYIL SER PO GRU BZHI GRVA BZHIR RDO RJES MTSAN PA STE, YI GE NYAL 'GRO DA GANG RU BSGOM PAR BYA BA YIN PA'I PHYIR, DE LTAR BSGOMS PA'I DGOS PA YOD DE, GZHI LA SNOD SNGA MA STONG NAS PHYI MA RLUNG DKYIL NAS RIM GYIS 'CHAGS PA DANG CHOS MTHUN SBYOR BA'I CHED YIN PA'I PHYIR, GZHI LA ME DKYIL DNGOS SU MED KYANG SKYON MED DE, DKYIL 'KHOR GZHAN GSUM LA ME RDUL PHRA MO YOD PA'I PHYIR, ,DE NAS THUN MONG BA'I SRUNG 'KHOR BSGOM TSUL YOD DE, SA DKYIL GYI STENG DU H'Um SNGON PO, DE LAS SNA TSOGS RDO RJE, DE'I LTE BAR H'Um GYIS MTSAN PA LAS STENG 'OG PHYOGS MTSAMS THAMS CAD DU 'PHROS PAS, 'OG TU RDO RJE'I SA GZHI, LOGS SU RDO RJE'I RVA BA, STENG DU RDO RJE'I GUR, GUR DANG RA BA'I BAR MTSAMS SU RDO RJE BLA BRE RNAMS RDO RJE'I RANG BZHIN, RDO RJE CHE BA RNAMS KYI KHONGS SENG DU RDO RJE CHUNG BA'I RDUL PHRA RAB KYIS GTAMS PA, THAMS CAD KYANG BAR MTSAMS MED PAR DUM BU GCIG TU GYUR PA'I PHYI ROL DU, DE RNAMS LAS YE SHES KYI ME @006B KHA DOG SNA LNGA PAR 'JIG DUS KYI ME LTAR PHYOGS MTSAMS THAMS CAD DU 'PHRO BA ZHIG TU BSGOM PAR BYA BA YIN PA'I PHYIR RO, ,GNYIS PA LA GNYIS, SRUNG 'KHOR BSKYED TSUL DANG, KHRO BO 'GONG TSUL LO, ,DANG PO JI LTAR BYA BA'I TSUL YOD DE, RVA BA'I DBUS SU BHRUm SER PO, DE YONGS SU GYUR PA LAS BKA'I 'KHOR LO SER PO RTZIBS BCU PA MGYOGS PAR 'KHOR BA DBYIBS MDUNG LCAGS SPUBS YANGS PA GNYIS SPRAD PA LTA BU'I STENG 'OG GI RTZIBS GNYIS MDUNG RTZE GCIG PA LTA BU DANG, LTA BA'I 'PHRAD MTSAMS KYI PHYOGS MTSAMS SU YU BA ZUG PA'I RTZIBS BRGYAD RAL GRI SO GNYIS MA LTA BU, LTE BA'I NANG GI DBUS DANG, STENG 'OG GI NANG GSUM DANG PHYOGS MTSAMS SU RTZIBS LA CUNG ZAD MA REG PAR SNA TSOGS PADMA DANG ZLA BA DANG NYI MA'I GDAN GSUM GSUM BRTZEGS PA'I TSUL GYIS BSGOM PAR BYA BA YIN PA'I PHYIR, GNYIS PA JI LTAR BYA BA'I TSUL YOD DE, DBUS KYI GDAN LA RANG NYID GNOD MDZES RGYAL PO YAB YUM MNGON RTOGS LTAR BSKYED PA'I SBYOR MTSAMS SAM THUGS KA'I H'Um GI 'OD ZER GYIS, PHYOGS BCU'I SANGS RGYAS THAMS CAD KHRO BCU'I RNAM PAR SPYAN DRANGS, RANG GI ZHAL DU ZHUGS PA ZHU NAS RDO RJE'I LAM NAS YUM GYI PADMAR SONG BA LAS RANG MDOG CAN GYI THIG LER BCUR GYUR, DE LAS H'Um RING PO BCUR GYUR PA ZHU BA LAS GSHIN RJE GSHED SOGS KHRO BO BCU SGRUB THABS LTAR BSKYED NAS H'Um RE RE BRJOD CING PHYUNG STE RTZIBS KYI NANG GI STENG 'OG DANG PHYI'I PHYOGS MTSAMS SU 'GOD PA DANG, DE'I TSE 'KHOR LO 'KHOR YANG KHRO BO RNAMS MI 'KHOR ZHING, PHYOGS BZUNG NAS GDUG PA CAN RNAMS TSAR GCOD PA'I TSUL GYIS BZHUGS PAR BSAM PAR BYA BA YIN PA'I PHYIR, DE LTAR BSGOMS PA YA DGOS PA YOD DE, BGEGS KYIS MI TSUGS PA'I CHED @007A *, ,YIN PA'I PHYIR RO, ,GNYIS PA LA GNYIS, RTEN GZHAL YAS KHANG BSKYED PA DANG, LAM KHYER RGYU RDO RJE 'DZIN PA BSKYED PA'O, ,DANG PO LA GNYIS, GZHAL YAS KHANG GI RTEN GZHI DANG, DE DNGOS BSKYED TSUL LO, ,DANG PO LA THOG MAR CHOS 'BYUNG BSKYED TSUL YOD DE, RANG NYID GNOD MDZES SU GNAS PA YONGS SU GYUR PA LAS RDOR SEMS SU BSKYED PA ZHU BA LAS CHOS 'BYUNG PHYI DKAR LA NAD DMAR PA 'OG PHRA ZHING STOD YANGS PA, DBYIBS SHES RAB MA'I BHA GA'AM, DMAR GTOR MGO MJUG BZLOG PA LTA BU ZUR GCIG MDUN NGOS SU BSTAN PAR BSAM PA YIN PA'I PHYIR, MTSON DON YOD DE, PHYI DKAR BAS BDE BA, NANG DMAR BAS STONG PA, CHOS 'BYUNG NYID KYIS BDE STONG DBYER MED, ZUR GSUM GYIS RNAM THAR SGO GSUM, BHA GA'I DBYIBS KYIS LHAN SKYES KYI BDE BA, 'OG PHRA BAS MOS SPYOD DU YON TAN PHRA BA, STONG YANGS PAS SA GONG MA YON TAN JE RGYAS SU SONG BA DE MTSON PA'I PHYIR RO, ,SNA TSOGS PADMA DANG RDO RJE BSKYED TSUL YOD DE, CHOS 'BYUNG GI 'OG ZUR NAS PAm LJANG KHU, DE LAS SNA TSOGS PADMA LTE BA YANGS SHING 'DAB MA RNAMS DKYUS THUNG BA KHA DOG SNA LNGA PA, 'DAB MA'I GRANGS NI DE BZHI SO GCIG BCU DRUG PA GANG RUNG, 'DAB MA'I SHANG MTHA' NAS NUB MTHA'I BAR SGO TSAD NYER GCIG ,LTE BA'I MTHA' NAS MTHA'I BAR SGO TSAD NYI SHU PA, DE'I LTE BAR H'Um SNGON PO LAS SNA TSOGS RDO RJE'I RVA RTZE NAS RVA RTZE'I BAR PADMA'I LTE BA DANG TSAD MNYAM LA, RVA NYI SHU PA SOGS GANG RUNG, RVA RNAMS PHYOGS MDOG GAM DVA KHRA GANG RUNG LTE BA SNGON PO, DBYIBS BRE LE BA KHA SBUBS PA LTA BU, LTE BA'I RGYAR SGO TSAD BCU GNYIS, RVA DBUS, MA RNAMS KYI RTZA BA LA CHA PHRIN GSUM DANG DBUS LA CHA PHRAN BZHI RTZER CHA PHRAN GCIG , @007B PHYOGS RVA'I RTZA BAR CHA PHRAN GNYIS PAS LA GSUM RTZER CHA PHRAN GSUM GNYIS RVA'I SRID LA CHA PHRAN BCU DRUG ,RVA'I 'THON MTSAMS NI TSANGS THIG NAS G-YAS G-YON DU CHA PHRAN DRUG DRUG SONG BA NA NANG MTHA' 'THON PA SOGS YIN PA'I PHYIR, SNA TSOGS PADMA DANG RDO RJE'I MTSON DON YOD DE, PADMAS 'KHOR BA'I SKYON GYIS MA GOS PA DANG, RDO RJES 'PHRIN LAS BZHI DANG, YE SHES LNGA MTSON PA'I PHYIR RO, ,GNYIS PA LA GNYIS, GZHAL YAS KHANG DNGOS BSKYED TSUL DANG, DE'I YAN LAG GO ,DANG PO JI LTAR BSKYED PA'I TSUL YOD DE, SNA TSOGS RDO RJE'I LTE BAR BHRUm DKAR PO LAS RDO RJE'I YU BA CAN GYI 'KHOR LO DKAR PO LTE BA LA BHRUm GYIS MTSAN PA, DA YONGS SU GYUR PA LAS RNAM SNANG DKAR PO SGRUB THABS LTAR DANG, DE LAS GZHAL YAS KHANG BSKYED PA YIN PA'I PHYIR, DE YANG JI LTA BU ZHE NA YOD DE, RTZIG PA RIM PA LNGA PHYI NAS NANG DU DKAR SER DMAR LJANG SNGO BA, LNGA BSDOMS PA'I ZHENG CHA PHRAN GCIG DANG DPANGS CHA PHRAN BCU GSUM, DE'I STENG DU PHA GU DPANGS CHA PHRAN GCIG DANG ZHENG CHA PHRAN PHYED GNYIS PAS PHYED PHYIR 'PHAGS PA'I PHYI NGOS SU RIN PO CHE DBYIBS DANG KHA DOG SNA TSOGS PA, DE'I KA CHUNG BRE GZHU SOGS BYAS PA'I STENG DU GSER GYI SKAR GAS LEB MO RIM PA BZHI PA'I ZHENG CHA PHRAN GCIG DANG, BZHI BSDOMS PA'I DPANGS CHA PHRAN GNYIS, DE'I PHYI NGOS SU BYA 'DAB ZHENG CHA PHRAN GNYIS PA'I PHYI NGOS SU SHAR BU DKAR PO, DE'I STENG GI MTHAR MDA' YAB PADMA 'DAB MA PHYED PA'I DBYIBS DANG DPANGS ZHENG GNYIS KAR CHA PHRAN RE, PHYOGS BZHI'I RTZA THIG DANG TSANGS THIG PHRAD MTSAMS NAS G-YAS G-YON DU CHA PHRAN GNYIS RE SONG BA NA SGO TSAD GCIG NI SGO 'KHYUD, DE NAS G-YAS G-YON DU CHA PHRAN RE SONG BA SGO 'GRAM, DE NAS PHYIR CHA PHRAN GNYIS SONG BA SGO LOGS @008A *, ,KYI NANG NGOS, PHYOGS BZHI'I RTZA THIG GI DKYIL NAS NANG DU CHA PHRAN RE SONG BA'AM DE LAS LHAG KYANG RUNG BAR SEMS LA, G-YAS G-YON DU CHA PHRAN LNGA LNGA SONG BAR RDO RJE'I 'PHRENG BAS ZLUM POR BSKOR BA DPANGS CHA PHRAN GCIG PA LA, KA BA ZHENG CHA PHRAN GCIG DANG DPANGS CHA PHRAN BCU GSUM YOD PA PHYOGS RE RER GNYIS GNYIS TE BRGYAD BTZUGS PA, DE DAG GI STENG DU BRE GZHU GDUNG 'KHOR DANG PHYOGS BZHIR GDUNG BZHI MIG MANGS RIS SU RGYUGS PA LA LCAM BA KAL BA'I PHYI SNEL DRA BA DRA BYED BYA ZHING THOG 'BU BA, RGYA THONGS KYI KHAG GDANGS KYI STENG DU KA CHUNG SOGS BYAS PA'I STENG DU THOG BYAS TE RGYA PHIB 'BUBS PA DANG, PHYOGS BZHI'I MDA' YAB KYI STENG DU RGYAL MTSAN DANG BA DAN, ZUR BZHIR GDUGS, RTZIG PA'I 'OG GI PHYI MTHA' RU ZHING CHA PHRAN GNYIS PA'I 'DOD SNAM LA MCHOD PA'I LHA MO SGO DANG SGO 'KHYUD KYI PHYI MTSAMS DANG RTZIG PA'I PHYI NANG GI GRVA BZHIR ZLA PHYED RDO RJE, SGO MDUN GYI G-YAS G-YON DU KA BA GNYIS GNYIS TE KA BA BZHI BZHIS BTEGS PA'I RTA BABS SNAM BU BCU GCIG PA DANG, RTA BABS KYI G-YAS G-YON DU BUM PA BZANG PO LAS SKYES PA'I DPAG BSAM GYI SHING LA SOGS PA BYA BA YIN PA'I PHYIR, GNYIS PA YOD DE, PHYI ROL TU RDO RJE'I RVA BA ME RI DANG BCAS PA DANG, DE'I PHYI ROL TU GTUM DRAG LA SOGS PA'I DUR KHROD KYI RNAM GZHAG RNAMS BCU GSUM MA'I BSKYED RIM DU BSHAD ZIN PA LTAR BYA BA YIN PA'I PHYIR, 'O NA BCU GSUM MA LA RE'U MIG DGU YOD PA LTAR 'DIR BYA'AM ZHE NA, BDAG GI BLA MA MKHAS PA DAG 'DIR DE BYA BAR BZHED KYANG, KHO BO NI DE DGAG MI NUS MOD, SKABS 'DIR DE MA BYAS NA 'THAD PAR SEMS TE, BCU GSUM MA GSUM GYI GZHAL YAS KHANG GI RNAM GZHAG NI SPYIR THUN MONG BA YIN KYANG, DE GSUM LA RE'U MIG RNAMS SU 'GOD RGYU 'DUG PAS BYA BAR MTSUNGS LA, 'DI LA DE MI 'DUG PAS RE'U @008B MIG DGU MI DGOS PA 'DI'I SGOS CHOS SU 'DOD RIGS PA'I PHYIR, GZHAN DU NA RE'U MIG TU 'GOD RGYU BSTAN DGOS PAR SEMS SO, ,DE RNAMS KYI DGOS PA DANG MTSON TSUL YOD DE, GZHAL YAS KHANG NI LHA'I BZHUGS GNAS KYI DON DU DANG, MA DAG PA'I SNOD SBYANGS NAS DAG PA'I ZHING 'GRUB PA DANG, DE RNAM SNANG GI SA BON LAS BSKYED PA NI RNAM SNANG RNAM PAR DAG PA DANG, GRU BZHIS SANGS RGYAS DANG SEMS CAN GYI DE KHO NA NYID MI MNYAM PA MED PA MTSON ZHING, SGO BZHIS DRAN PA NYER GZHAG BZHI, YANG DAG SPONG BA BZHI, RDZU 'PHRUL GYI RKANG PA BZHI, DBANG PO LNGA DAG PA MTSON, RTA BABS KYIS BSAM GTAN BZHI, MCHOD LHAS TING NGE 'DZIN BZHI, RIN PO CHES GDUL BYA'I RE BA SKONG BA, DRIL CHUNG GIS CHOS STON PA, NANG GI RDOR 'PHRENG GIS CHOS KYI 'KHOR LO BSKOR BA, RDOR RAS BGEGS KYIS MI TSUGS PA, MO RES YE SHES KYI SNANG BA 'BAR BA, DUR KHROD KYIS BDAG MED DANG 'KHOR BA'I NYES DMIGS, CHUS BYANG CHUB KYI SEMS, GLUS PHAR PHYIN, SHING GIS RTZA, MES GTUM MO, SPRIN GYIS BYANG SEMS DKAR PO, MCHOD RTEN GYIS CHOS SKU, GRUB THOB KYIS DE MNGON DU BYED PA'I GANG ZAG MTSON PA YIN PA'I PHYIR RO, ,GNYIS PA LA GNYIS, GDAN DANG, LAM KHYER BSHAD PA'O, ,DANG PO YOD DE, RDOR 'PHRENG GI DBUS SU YAm SNGON PO, DE LAS RLUNG DKYIL KHA DOG NAG LA CUNG ZAD DMAR PA'I MDOG CAN DBYIBS ZLUM PO G-YO BZHIN BZHIG TU GYUR PAR BSAM PA YIN PA'I PHYIR, MTSON TSUL YOD DE, KHA DOG NAG POS MNGON SPYOD KYI LAS DANG, CUNG ZAD DMAR BAS DBANG GI LAS DANG GTUM MO 'ANG MTSON PA'I PHYIR, GNYIS PA LA GNYIS, DNGOS DANG, CHOS MTHUN SPYOD TSUL LO, ,DANG PO JI LTAR BYA BA'I TSUL YOD DE, RLUNG DKYIL GYI STENG DU DBYANGS YIG GI DANG PO AA THUNG ZHIG BYUNG BAR BSAMS LA, DE YONGS SU GYUR PA LAS ZLA BA'I DKYIL 'KHOR NYA GANG @009A *, ,BA 'OD ZER STENG DU 'PHRO BA, DE'I STENG DU CHU LAS CHU BUR RDOL BA'I TSUL DU DH'I: YIG SER PO RANG SGRA SGROGS PA 'OD ZER 'BAR BA ZHIG DANG, DE LONGS SU GYUR PA LAS RDO RJE PHYED PA'I YU BA CAN GYI RAL GRI SO GNYIS MA'I DBUS SU DH'I: SER POS MTSAN PA, DE LAS 'OD ZER 'PHROS PAS RGYU'I LHA GSHEGS PA LNGA, GSHEGS MA LNGA, SEMS DPA' BCU DRUG ,SEMS MA BZHI, KHRO BO BCU'I NGO BOR GYUR PA THAMS CAD 'JAM DPAL RIGS LNGA'I RNAM PA CAN SHAR DANG SHAR LHO PA GNYIS SOGS RIM PA BZHIN SNGO SER DMAR LJANG DKAR BA, PHYAG G-YAS RNAMS RIM PA LTAR RDO RJE RIN PO CHE PADMA RAL GRI 'KHOR LO DANG, G-YON RNAMS PO TI 'DZIN PA'I RNAM PAR SPYAN DRANGS NAS RAL GRI DH'I: YIG DANG BCAS PA LA THIM PAS, DE YONGS SU GYUR PA LAS RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER PO YIN TZAM ZHIG KHROS PA LTA BU GZHON NU BCU DRUG YON PA'I NA TSOD CAN, PHYAG G-YAS RAL GRI 'PHYAR ZHING G-YON SDIGS MDZUB DANG BCAS PAS GLEGS BAM THUGS KAR 'DZIN PA, RGYAN THAMS CAD KYIS BRGYAN CING MTSAN DPE GSAL RDZOGS KYIS SPRAS PA, RLUNG SEMS KYI RAN BZHIN CAN GYI LA NGA RGYAL BZHAG NAS BSGOM PAR BYA BA YIN PA'I PHYIR, GNYIS PA CHOS MTHUN JI LTAR SBYOR BA DANG DGOS PA YOD DE, TSUL DE GZHI LA 'DZAM BU'I GLING PA'I MI MNGAL SKYES KHAMS DRUG LDAN ZHIG GIS 'CHI BA 'OD GSAL MNGON DU BYAS NAS, 'OD GSAL DE LAS LANGS PA DANG MNYAM DU 'OD GSAL DE'I BZHON PAR GYUR PA'I RLUNG 'OD ZER LNGA PAS NYER LEN DANG SEMS KYIS LHAN CIG BYED RKYEN BYAS PA LA BRTEN NAS BZHIN LAG GI RNAM PA CAN GYI BAR DE'I LUS 'GRUB PA DANG CHOS MTHUN ZHING DANG NYID LA 'BYUNG 'GYUR GYI BAR DO SBYONG BAR BYED, LAM DUS SU DPE DON GYI 'OD GSAL LAS LANGS @009B PA DANG MNYAM DU SGYU MA'I SKU GNYIS 'GRUB PA DANG RNAM PA MTHUN ZHING DE'I DGE RTZA SMIN BYED DU 'GYUR, 'BRAS DUS KYI LONGS SKU DNGOS DANG RNAM PA MTHUN ZHING DE 'GRUB PA'I RGYU BYED PA'I PHYIR RO, ,RNAL 'BYOR 'DI LA BAR DO YONGS SKUR 'KHYER BA'I RNAL 'BYOR ZHES BYA STE, BSDU NA RANG NYID LA 'BYUNG 'GYUR GYI BAR DO SBYONG ZHING LAM 'BRAS KYI LONGS SKU 'GRUB PA'I RGYU BYED PA'I PHYIR RO, ,GSUM PA LA GNYIS, 'BRAS BU RDO RJE 'DZIN PA MNGON BYANG LNGAS BSKYED TSUL DANG, SKYE MCHED DANG SKU GSUNG THUGS BYIN BRLAB SOGS BYA BA'I TSUL LO, ,DANG PO LA GNYIS, BSKYED CING CHOS MTHUN SBYOR BA DANG, GSAL GDAB PA'I TSUL LO, ,DANG PO NI, THOG MAR SEMS CAN RNAMS ZHI BAS 'DUL BA'I TSUL YOD DE, 'JAM DPAL GYI THUGS KAR AA YIG LAS NYI MA'I DKYIL 'KHOR ZHIG BYUNG BAR BSAMS LA, SEMS CAN THAMS CAD ZHI BAS GDUL BAR BYA'O SNYAM PA'I 'PHEN PAS NYI MA'I DKYIL 'KHOR DE LAS 'OD ZER 'PHROS, SEMS CAN THAMS CAD KYI SDIG SGRIB NAD GDON SOGS ZHI BAR BYAS PA'I SGO NAS DE RNAMS KYI DON MDZAD, PHYOGS BCU'I SANGS RGYAS THAMS CAD 'JAM DPAL RIGS LNGA'I RNAM PAR SPYAN DRANGS, DE RNAMS 'JAM DPAL DANG BCAS PA NYI MA LA ZHUGS PAS NYI DKYIL 'KHOR DE 'OD ZER DPAG TSAL BRGYAR KHYAB PA'I NYI MA'I DKYIL 'KHOR DU GYUR PAR BSAM PA YIN PA'I PHYIR, DE NAS SA BON GYI SGO NAS ZHI BAS MI THUL BA'I SEMS CAN GDUG PA CAN CHUNG NGU 'DUL BA'I TSUL YOD DE, NYI DKYIL GYI STENG DU H'Um YIG MTHING GA 'OD ZER LNGA 'PHRO BA ZHIG BYUNG, H'Um YIG LAS H'Um ZHES PA'I RANG SGRA 'BRUG LTAR SGROGS PAS GDUG PA CAN DE RNAMS BTUL TE DON BYAS NAS H'Um LA THIM PA NA, H'Um YIG DE NYID KHRO BO'I RDO RJE KHA DOG NAG PO RTZE DGU PA, PHYOGS RVA RNAMS @010A *, ,DBUS RVA LA MA REG PAR SHIN TU GDENGS PA'I LTE BA LA H'Um PHIG RANG SGRA SGROGS PAS MTSAN PA ZHIG TU GYUR PAR BSAM PA YIN PA'I PHYIR, DE NAS PHYAG MTSAN GYI SGO NAS GDUG PA CAN 'BRING PO 'DUL BA'I TSUL YOD DE, RDO RJE DE LAS RDO RJE PHRA MO DPAG TU MED PA SPRO ZHING RNAMS SANGS RGYAS SOGS SU BSGYUR BA DANG, RDO RJE LAS SNGAR BZHIN SANGS RGYAS SOGS STE TSAN PA BZHI DANG RDO RJE 'JIGS BYED YUM BCAS SAM, YUM MED KYI CHOGS SPROS NAS GDUG PA CAN DE RNAMS BTUL TE NYI MA LA GNAS PA'I SPRUL PAS NAM MKHA'I KHAMS THAMS CAD TIL GYI GANG BU LTAR GANG BAR GYUR PA'I 'OD ZER GYIS SEMS CAN THAMS CAD KYI SGRIB PA SBYANG ZHING SMIN PAR BYAS NAS, RDO RJE 'JIGS BYED KYI GO 'PHANG LA BKOD DE, SNGAR SPROS PA RNAMS DANG LHAN CIG TU 'DUS NAS RDO RJE H'Um DANG BCAS PA LA THIM PAR BSAM PA YIN PA'I PHYIR, DE NAS DES MA THUL BA'I GDUG PA CAN CHEN PO 'DUL BA'I CHED DU 'BRAS BU RDO RJE 'DZIN PA'I SKUR BZHENGS PA'I TSUL YOD DE, SNGAR LTAR THIM PAS ZLA NYI RDO RJE H'Um DANG BCAS PA 'DRES TE YONGS SU GYUR PA LAS SNA TSOGS PADMA DANG ZLA BA DANG NYI MA'I STENG DU 'CHAD 'GYUR LTAR 'JIGS BYED CHEN PO'I SKUR LDANG BAR BSAM PA YIN PA'I PHYIR, CHOS MTHUN SBYOR TSUL DANG DGOS PA YOD DE, SBYANG GZHI LA PHA MA'I KHU KHRAG GI DBUS SU BAR DO ZHUGS NAS SKYE BA BZUNG BA DANG CHOS MTHUN ZHING, RANG NYID LA 'BYUNG 'GYUR GYI MA DAG PA'I SKYE BA SBYONG BAR BYED, LAM DUS SU SGYU MA'I SKU GNYIS KYIS RAGS PA'I SPRUL SKU 'DZIN PA DANG CHOS MTHUN ZHING, DE 'GRUB PA'I DGE RTZA SMIN PAR BYED, 'BRAS DUS SU LONGS SKUS RAGS PA'I SPRUL SKU BZUNG BA DANG CHOS MTHUN ZHING, DA LTA NAS 'BRAS BU LAM BYED KYI TSUL DU BSGOMS PAS SPRUL SKU DNGOS GNAS @010B PA 'GRUB PA'I NUS PA KHYAD PAR CAN 'JOG PA'I PHYIR RO, ,'DI LA SKYE BA SPRUL SKU? 'PHYER BA'I RNAL 'BYOR ZHES BYA STE, RANG NYID LA 'BYUNG 'GYUR GYI MA DAG PA'I SKYE BA SBYONG ZHING RGYAL BA'I SPRUL SKU 'GRUB BA'I NUS PA KHYAD PAR CAN 'JOG PA'I PHYIR, MNGON BYANG LNGA'I SGO NAS BYANG CHUB PA DANG YANG CHOS MTHUN TE, AA YIG DANG PO LAS BYUNG BA'I ZLA BA DE ME LONG LTA BU'I YE SHES LAS BYANG CHUB BA DANG, DE BZHIN DU DH'I: YIG NAS NYI DKYIL DU GYUR PA'I BAR NI MNYAM NYID YE SHES KYI NGO BO NYI MA DANG, H'Um YIG MTHING GA NAS H'Um LA ZHUGS PA'I BAR NI SOR RTOG YE SHES KYI NGO BO GSUNG SA BON DANG, KHRO BO'I RDO RJE NAS RDO RJE LA THIM PA'I BAR NI BYA GRUB YE SHES GYI NGO BO THUGS PHYAG MTSAN DANG, DE THAMS CAD 'DRES NAS 'BRAS BU RDO RJE 'DZIN PA'I SKUR BZHENGS PA'I BAR NI CHOS DBYINGS YE SHES KYI NGO BO SKU YONGS RDZOGS LAS BYANG CHUB PA YIN PA'I PHYIR RO,, TSOGS ZHING NAS 'DI'I BAR BSKYED RIM GYI LAM LNGAR 'JOG TSUL YOD DE, TSOGS ZHING NAS SDUD RIM MA BYAS KYI BAR TSOGS LAM, SDUD RIM NAS 'JAM DPAL GYI THUGS KA'I NYID KYI LA GYI BAR SBYOR LAM, NYI MA LAS 'OD ZER 'PHROS PA NAS NYI DKYIL? PHYI MAR GYUR PA'I BAR MTHONG LAM, NYI MA'I STENG GI H'Um NAS 'JIGS BYED DU MA GYUR PA'I BAR SGOM LAM, DER GYUR BA NI MI SLOB LAM DU 'JOG PA'I PHYIR, GONG GI DE RNAMS SBYANG GZHI DANG SBYOR TSUL YOD DE, TSOGS ZHING GI SKOR NI GZHI LA LAS GSOG PA DAD CHOS MTHUN, SDUD RIM NI SHI NAS LAS KYI DBANG GIS SKYE BA LEN PA'I CHO PHUNG PO SNGA MA 'DOR BA DANG CHOS MTHUN, GZHAL YAS KHANG NI GANG DU SKYE BA'I GNAS DANG CHOS MTHUN, RGYU RDOR 'DZIN NI SKYE SRID KYI SNGON DU PAR DO 'BYUNG BA DANG CHOS MTHUN, 'BRAS BU RDO RJE 'DZIN PA NI SKYE BA BLANGS PA DANG CHOS MTHUN PA YIN PA'I PHYIR, @011A *, ,GNYIS PA GSAL GDAB PA'I TSUL YOD DE, SNA TSOGS PADMA DANG ZLA NYI'I GDAN LA RANG NYID 'BRAS BU RDO RJE 'DZIN PA DPAL RDO RJE 'JIGS BYED CHEN PO SKU MDOG MTHING NAG ,ZHAL DGU, PHYAG SO BZHI, ZHABS BCU DRUG PA, G-YAS BSKUMS SHING G-YON BRKYANGS PA'I STABS KYIS BZHUGS PA SOGS NI MNGON RTOGS LTAR LA, MTSON DON 'GA' ZHIG DANG SBYAR NA, CHOS DBYINGS 'GYUR MED MTSON PA'I SKU MDOG MTHING NAG ,MTHAR GNAS SNYOMS 'JUG DGU MTSON PA'I ZHAL DGU, KHAMS BCO BRGYAD BDEN PA GNYIS STOBS BCU MI 'JIGS PA BZHI DAG PA MTSON PA'I PHYAG SO BZHI, DNGOS 'DZIN BCU DRUG ZIL GYIS GNON PA'I ZHABS BCU DRUG ,G-YAS BSKUMS G-YON BRKYANGS PAS BDUD SDE 'JOMS PA, KHAMS GSUM ZA BAR CHUS BAR DE THAMS CAD DBANG DU SDUD PA, HA HA SOGS KYI SGRA SGROGS PA DANG LJAGS 'DRIL ZHING MCHE BA GTZIGS PA SOGS KYIS NI BDUD DANG MA RUNGS PA THAMS CAD 'JOMS PAR BYED PA, SPYAN DANG SMIN MA SMA RA ME LTAR 'BAR BAS GDUG PA CAN SREG PA, MA HE'I GDONG GIS GSHIN RJE 'JOMS PA, SRIN ZHAL GYIS SNYING RJES MI GTONG BA, 'JAM DPAL GYI ZHAL NYID KYIS DE'I SPRUL PAR GO BAR BYED PA, RVA RTZA'I G-YAS KYI DBUS ZHAL SNGON PO, DE'I G-YAS ZHAL DMAR PO LTAG PA'I PHYOGS DANG, G-YON ZHAL SENG PO RTZA ZHAL PHYOGS SU YOD CING, RVA RTZA'I G-YON GYI DBUS ZHAL DKAR PO, DE'I G-YAS ZHAL DUD KHA RTZA ZHAL PHYOGS DANG, G-YON ZHAL NAG PO LTAG PA'I PHYOGS SU YOD PA, G-YAS G-YON GYI MDUN RGYAB KYI PHYAG BRGYAD PO KUN MTHAR CHAGS SU BSGREGS CING BRGYANGS PA, PHYAG GYES MTSAMS KYI DPUNG MGO NAS 'THON PA'I PHYAG GNYIS KYIS GLANG PO CHE'I LPAGS PA DANG, GRI GUG @011B SOGS DANG BCAS PA'I PHYAG G-YAS PA RNAMS KYIS SDIG MDZUB KYI RTZE GYEN DU BSTAN NAS 'JIG RTEN LAS 'DAS PA'I LHA SANGS RGYAS BYANG SEMS SOGS LA, SGRUB PA PO LA DNGOS GRUB STZOL PA'I PHYIR BSKUL PA, G-YON RNAMS KYIS SDIGS 'DZUB KYI RTZE 'OG TU BSTAN NAS 'JIG RTEN PA'I LHA GDUG PA'I SEMS 'CHANG BA RNAMS LA BSDIGS PA'I TSUL GYIS TSAR GCOD PA, TSANGS PA DANG DBANG PO SOGS 'JIG RTEN PA'I GTZO BO RNAMS ZHABS KYIS MNAN PA NI, DE RNAMS ZIL GYIS GNON PAR MTSON PA, THOD BSKAM LNGAS YE SHES LNGA DAG PA, MGO RLON RNAMS KYIS DBYANGS GSAL DAG PA, SPRUL NAG GI MCHOD PHYIR THOGS 'CHANG BAS ZHE SDANG RNAM PAR DAG PA, SPYAN GSUM GYIS DUS GSUM MKHYEN PA, GLANG PAGS KYIS NI GTI MUG 'DRAL BA MTSON ZHING, ZHABS G-YAS BRGYAD MDUN RGYAB TU BSGRIGS PAS TSANGS PA SOGS LHA CHEN BZHI KHA SBUB TU BYAS PA'I STENG DU MI LA SOGS PA BRGYAD DANG, G-YON BRGYAD DE LTAR DU BSGRIGS PAS GZHON NU SOGS LHA CHEN BZHI KHA SBUB TU BYAS PA'I STENG DU BYA RGOD LA SOGS PA BRGYAD KYI RGYAB TU MNAN PA'I STENG NA YE SHES KYI ME RAB TU 'BAR BA'I GLONG DKYIL NA BZHUGS PAR BSGOM PA YIN PA'I PHYIR RO, ,GNYIS PA LA GNYIS, SKYE MCHED DANG SKU GSUNG THUGS BYIN GYIS BRLABS NAS SEMS DPA' GZHAN GNYIS BSGOM PA DANG, YE SHES PA DGUG GZHUG DBANG BSKUR RGYAS GDAB CING MCHOD BSTOD SOGS JI LTAR BYA BA'O, ,DANG PO NI, BCU GSUM MA DANG 'DI'I MNGON RTOGS KHA CIG TU SKABS 'DIR SEMS DPA' GNYIS BSKYED PAR MDZAD KYANG, RJE'I GZHUNG NYID NAS 'DI LA SKABS 'DIR SKYE MCHED BYIN BRLAB SOGS BYA BAR @012A *, ,BSHAD PAS DE LTAR BYAS NA, SPYIR SKYE MCHED BYIN BRLAB SOGS LA RGYAS BSDUS GNYIS YOD DE, RANG RANG GI SA BON LAS LHA DE DANG DER BSKYED PA'I RGYAS PA DANG, SA BON NYID LHA'I NGO BOR MOS PA'I BSDUS PA GNYIS YOD PA LAS, SNGA MA NI BCU GSUM MA LAS 'BYUNG BA LTAR DANG, PHYI MA NI 'DIR BSHAD PA LTAR YIN PA'I PHYIR, PHYI MA JI LTAR BYA BA'I TSUL YOD DE, RTZA ZHAL GYI MIG RNA SOGS SU SA SNYING SOGS KYI NGO BO KAshIm SOGS MIG SOGS DANG NGO BO DBYER MED DU BYA STE BSGOM PAR BYA BA YIN PA'I PHYIR, DE LTAR BSGOMS PA LA DGOS PA YOD DE, MIG GI MNGON SHES SOGS 'GRUB PAR 'GYUR BA'I CHED YIN PA'I PHYIR, SGO GSUM BYIN GYIS BRLAB PA'I TSUL YOD DE, RANG GI SPYI BO LA SOGS PA'I GNAS GSUM DU SANGS RGYAS THAMS CAD KYI SKU GSUNG THUGS RDO RJE GSUM GYI NGO BO AOm DKAR PO SOGS GSUM 'GOD PAR BYA BA YIN PA'I PHYIR, DGOS PA YOD DE, RANG GI SGO GSUM BYIN GYIS BRLAB PA'I CHED YIN PA'I PHYIR, SEMS DPA' GZHAN GNYIS BSKYED PA'I TSUL YOD DE, RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL SNGAR BSHAD PA LTA BU'I THUGS KAR AA LAS NYI DKYIL GYI STENG DU TING NGE 'DZIN SEMS DPA' H'Um YIG SNGON PO 'OD ZER LNGA 'PHRO BA ZHIG BSGOM PA YIN PA'I PHYIR, SEMS DPA' SUM BRTZEGS 'DI GZHI LAM 'BRAS GSUM DANG CHOS MTHUN PA YIN TE, DAM TSIG SEMS DPA' GZHI LA PHUNG PO RAGS PA DANG, LAM LA DE'I RIGS PA'I SPRUL SKU DANG, 'BRAS BU LA RGYAL BA'I SPRUL SKU DANG CHOS MTHUN, YE SHES SEMS DPA' NI GZHI LA RLUNG SEMS GNYIS LAS RLUNG DANG, LAM LA SGYU @012B LUS GNYIS DANG, 'BRAS BU LA RGYAL BA'I LONGS SKU DANG CHOS MTHUN, TING NGE 'DZIN SEMS DPA' NI GZHI LA RLUNG SEMS GNYIS LAS SEMS DANG, LAM LA SGYU MA'I SKU GNYIS KYI THUGS DANG, 'BRAS BU LA RGYAL BA'I YE SHES CHOS SKU DANG CHOS MTHUN PA'I PHYIR RO,, GNYIS PA LA GNYIS, YE SHES PA DGUG GZHUG SOGS DANG, MCHOD BSTOD DAG PA DANG BCAS PA'O, ,DANG PO LA SPYAN 'DREN PA'I TSUL YOD DE, AOm HR'I: SOGS KYI SNGAGS BRJOD BZHIN PAR THUGS KA'I H'Um GI 'OD ZER GYIS BSGOM PA DANG 'DRA BA'I YE SHES PA RTEN DANG BRTEN PAR BCAS PA'I DKYIL 'KHOR MDUN GYI NAM MKHAR SPYAN 'DREN PA YIN PA'I PHYIR, SNGAGS DON YOD DE, AOm NI BSHAD ZIN, HR'I: BZHAD PA'AM RMAD BYUNG, BHO KYEE, MA H'A CHEN PO, KRO DHA KHRO BO, A'A GATZTSA GNYIS TSUR BYON GNYIS, AATMA TA BDAG NYID, P'U DZA MCHOD PA, BRATAm GRi HAm BZUNG NGAM BZHES, PRA RAB, S'A DA DANG BA'AM BKA' 'DRIN, MI BDAG ,DH'I MAN BLO, KU RU MDZOD, SV'A H'A NI GZHI TSUGS ZHES PAR 'GYUR BA'I PHYIR, DE NAS MCHOD CING DGUG GZHUG BYA BA'I TSUL YOD DE, AOm HR'I: shth'I: HA SOGS KYIS MCHOD NAS MUNG+GA RA DZA: SA DAM TSIG PA'I STENG DU DGUG ,DAndA H'Um GIS BSTIM, PADMA BAm KYIS DBYER MED DU BYAS NAS DGYES BZHIN BZHUGS, KHANG+GA HOS DBANG DU BYA BAR BSAM PA YIN PA'I PHYIR, DBANG BSKUR RGYAS GDAB JI LTAR BYA BA'I TSUL YOD DE, SLAR YANG SNGAGS BRJOD DE 'OD ZER GYIS PHYOGS BCU'I SANGS RGYAS THAMS CAD SPYAN DRANGS NAS MCHOD DE GSOL BA BTAB PAS, DBANG GI LHA RNAMS KYI THUGS KA NAS TZA RTZI KA SOGS BZHI SPROS TE SHIS PA BRJOD PA SNGON DU 'GRO BA CAN GYIS BDUD RTZI'I BUM PA'I CHUS DBANG @013A *, ,BSKUR, LUS GANG, DRI MA DAG PA SOGS DANG, CHU LHAG MA LAS RTZA ZHAL GYI TSANGS BUG GI STENG DU MI BSKYOD PAS DBU BRGYAN CING, DBANG LHA RNAMS RANG NYID LA THIM PAR BSAM PA YIN PA'I PHYIR, GNYIS PA LA GNYIS, MCHOD CING BSTOD PA DANG, BSGOMS NAS DAG PA DRAN PA DANG BZLAS PA'I RIM PA'O, ,DANG PO LA PHYI MCHOD JI LTAR BYA BA'I TSUL YOD DE, THUGS KA NAS MCHOD LHA SPROS TE HR'I: sht'I: HA SOGS SAM, AOm YA M'ANTA KA AARGHAm PRA T'I TZTSA SOGS KYIS MCHOD PA YIN PA'I PHYIR, NANG MCHOD 'BUL PA'I TSUL YOD DE, MCHOD DO ZHES SOGS KYIS BLA BRGYUD RGYAS BSDUS CI RIGS KYI MTHAR RANG DANG, YI DAM DKYIL 'KHOR GYI LHA TSOGS SOGS LA PHUL RJES PHYOGS BCU'I SANGS RGYAS THAMS CAD SPYAN DRANGS NAS RANG LA ZHUGS PAR BSAMS TE, LAS SNGAGS LA 'BRU GSUM BTAGS PA DANG, AOm AA MRi TA SOGS KYI SNGAGS BRJOD DE MGRON RNAMS YE SHES KYI BDUD RTZIS MNYES SHING TSIM PAR BSAM PA YIN PA'I PHYIR, BSTOD PA JI LTAR BYA BA'I TSUL YOD DE, RGYAS PAR NA 'JAM DPAL GSER MDOG MA DANG, CUNG ZAD BSDU NA GNYIS MED THUN MONG MAS BSTOD PAR BYA BA YIN PA'I PHYIR, PHYI MA'I DON YOD DE, 'BRAS BUS KYI GNYIS SU MED PA'I YE SHES THUN MONG MA YIN PA NI YUL SHES BYA THAMS CAD LA KHYAB PA'I SKU CAN, 'GRO BA KUN LA THUGS RJE RIS MED DU SNYOMS PAR MDZAD PA'I SGO NAS RGYAL BA KUN GYI YAB YIN LA, CHOS KYI DBYINGS DANG RO GCIG TU GYUR PA'I SHES RAB KYI SGO NAS RGYAL BA KUN GYI YUM YIN PA DANG, DE LTA NA'ANG 'JAM DPAL YE SHES SEMS DPA' RGYAL BA KUN GYI SRAS KYI TSUL 'CHANG ZHING, CHOS KYI SKU LA BYAMS SDANG GI @013B NYE RING MI MNGA' YANG, SRID PA GSUM GYI GDUG PA CAN RNAMS 'DUL BA'I PHYIR DU KHRO BO'I RGYAL PO'I SKUR BSTAN PA YON TAN GYI DPAL YONGS SU RDZOGS PAR GYUR PA KHYOD LA PHYAG 'TSAL LO ZHES BYA BA YIN PA'I PHYIR, GNYIS PA LA GNYIS, BSGOMS NAS DAG PA DRAN PA DANG, BZLAS PA'I RIM PA'O, ,DANG PO JI LTAR BYA BA'I TSUL YOD DE, DE LTAR RE RE NAS GSAL 'DEBS PA'I DPYAD SGOM DANG RNAM PA GSAL BA LA RTZE GCIG PA'I 'JOG SGOM GYIS GSAL SNANG SGRUB CING, LHA'I NGA RGYAL BRTAN PAR BYED PA NI RGYA CHE BA LA BSLAB TSUL DANG, SGOM PA PO DANG BSGOM BYA DANG BSGOM PA'I TSUL RNAMS RANG BZHIN GYIS GRUB PA MED PAR SEMS PA NI ZAB PA LA BSLAB TSUL DANG, DE LTAR MA GRUB KYANG SGYU MA BZHIN DU SNANG PA LA SEMS 'DZIN PA NI ZAB GSAL GNYIS MED KYI RNAL 'BYOR LA BSLAB TSUL TE RAGS PA'I RNAL 'BYOR DANG, DE NAS STENG 'OG GI SNA RTZER ZLA GDAN LA GNAS PA'I RDO RJE SNGON PO NYUNGS 'BRU TZAM ZHIG LA SEMS 'DZIN CING BRTAN PA THOB NA, DE LAS PHYAG MTSAN MANG PO SPRO BSDU BYED PA'I PHRA MO'I RNAL 'BYOR LA BSLAB PAR BYA BA YIN PA'I PHYIR, DAG PA DRAN TSUL YOD DE, 'GA' ZHIG NI GONG DU BSHAD ZIN CING, 'DIR BSDU NA ZHAL DGUS NI GSUNG RAB YAN LAG DGU MTSON ZHING, RVA GNYIS KYIS NI THUN MONG BA DANG THUN MONG MA YIN PA'I BDEN GNYIS MTSON, PHYAG SO BZHI DANG DE'I STENG DU SKU GSUNG THUGS GSUM BSNAN PAS SO BDUN GYIS NI LAM BYANG CHUB KYI PHYOGS KYI CHOS SO BDUN, ZHABS BCU DRUG GIS NI YUL STONG NYID BCU DRUG DANG DE'I RTOGS PA'I YE SHES BCU DRUG ,MTSAN MA GYEN DU BSGRENG BAS NI BDE BA CHEN PO RGYAS PA DE MTSON ZHING, MI LA SOGS PAS NI RIL LU LA SOGS @014A *, ,BA'I DNGOS GRUB CHEN PO BRGYAD DANG, BYA RGOD SOGS KYIS NI SKU'I DBANG PHYUG LA SOGS PA BRGYAD DAG PA MTSON, GCER BUS NI SGRIB G-YOGS DANG BRAL BA DANG, DBU SKRA GYEN DU BRDZES PAS NI MTHAR THUG GI GO 'PHANG MYA NGAN LAS 'DAS PA MTSON PA YIN PA'I PHYIR, GNYIS PA BZLAS PA JI LTAR BYA BA'I TSUL YOD DE, PHRENG BA BSANG SBYANG 'JIGS BYED DU BSKYED PA SOGS BYAS LA, ZHI KHRO SBRAG 'DOD NA'ANG RUNG BAR SEMS LA, RANG GI THUGS KA'I NYI GDAN LA GNAS PA'I H'Um YIG GI MTHAR PHYI NAS G-YAS SKOR DU RTZA SNGAGS, LAS SNGAGS, YA M'ANTA KA GSUM GYIS BSKOR BA SPRO BSDU'I DMIGS PA DANG BCAS TE RIM PAR BZLA BA YIN PA'I PHYIR, BSNYEN PA'I GRANGS TSAD YOD DE, LAS RUNG DU BYED PA LA RTZA SNGAGS 'BUM, LAS SNGAGS SUM 'BUM MAM 'BUM, YI GE BDUN PA YIG GRANGS KYI 'BUM BZLA BAR BSHAD PA LTAR YIN PA'I PHYIR, DE YANG SNGAGS GSUM GYI GRANGS DUS GCIG TU 'GRO DGOS PA NI MIN TE, GSUM KA'AM GANG RUNG LA GRANGS BZUNG BAS KYANG CHOG BA'I PHYIR RO, ,GSUM PA MJUG TU JI LTAR BYA BA'I TSUL YOD DE, THUN BZHI LA RGYAS BSDUS KYI DBYE BA SHES PAR BYAS TE BZLAS PA'I MTHAR MCHOD BSTOD NYER BSDU BYAS NAS 'OD GSAL LAS LANGS PA'AM, YANG NA 'JIG RTEN DANG 'JIG RTEN LAS 'DAS PA'I MGRON LA GTOR 'BUL BSHAD PA LTAR BYAS NAS SDUD RIM LA 'JUG CING, STONG PA'I NGANG LAS 'JIGS BYED KYI SKUR LANGS NAS THUN MTSAMS KYI RNAL 'BYOR LA 'JUG PA SKABS THOB KYIS BYA BA YIN PA'I PHYIR, THUN MTSAMS SU JI LTAR BYA BA'I TSUL YOD DE, SGO GSUM GYI BYA BA RNAMS KYANG LHA'I RNAL 'BYOR @014B GYIS ZIN PA'I SGO NAS BYA BA DANG, BZA' BTUNG LA 'JUG PA'I TSE GTOR MA LTAR BYIN GYIS BRLABS NAS LHA THAMS CAD 'DUS PA'I SNYING KHA'I TING NGE 'DZIN SEMS DPA' LA 'BUL BA'I TSUL GYIS LONGS SPYOD PA DANG, NYAL BA'I TSE SNOD BCUD 'OD GSAL DU SDUD PA DANG LDANG BA'I TSE LHA'I SKUR LDANG BA DANG, ,KHRUS KYI DUS SU LHA MO BZHIS KHRUS GSOL BAR MOS PA SOGS BYA BA YIN PA'I PHYIR, DE LTAR NYAMS SU BLANGS PA'I PHAN YON YOD DE, RDZOGS RIM GYI RTOGS PA KHYAD PAR CAN SKYE BA'I RGYUD SMIN PAR 'GYUR BA DANG, LHAG PA'I LHAS TSE RABS THAMS CAD DU RJES SU 'DZIN CING BYIN GYIS RLOB PA DANG, RANG GZHAN GYI DON MANG PO SGRUB NUS PA DANG, TSE RDZOGS NAS MYUR DU 'TSANG RGYA BA SOGS KYI PHAN YON RNAMS 'BYUNG BA'I PHYIR, KHA CIG KHYOD KYIS 'DI'I BSKYED RIM LOGS SU 'CHAD MI DGOS TE, BCU GSUM MA'I BSKYED RIM SHES PA'I RIGS 'GROS KYIS 'DI YANG SHES NUS PA'I PHYIR ZHE NA, SKYON MED DE, YUM DANG DKYIL 'KHOR RGYAL MCHOG YOD MED KYI KHYAD PAR YOD PAS 'DI'I SGOS CHOS MED PA MIN PAS BSHAD PA LA 'GAL BA MED CING PHUN SUM TSOGS PAR 'GYUR BA'I PHYIR RO,, ` ,,GNYIS PA RDZOGS RIM GYI RNAM GZHAG CUNG ZAD BSHAD PA LA GNYIS, SNGON 'GRO DANG, DNGOS GZHI'I RIM PA'O, ,DANG PO NI, BSKYED RIM LA BRTAN PA THOB PA'AM, LAS RUNG TZAM SNGON DU BTANG NAS KYANG RDZOGS RIM LA 'JUG PA LA, THOG MAR RTZA RLUNG THIG LE'I RNAM GZHAG SHES DGOS PAS, DE RNAMS GZHAN NAS 'BYUNG BA LTAR SHES PAR BYA BA DANG, SNGON 'GRO 'GAL RKYEN LAS SGRIB SBYOR BA'I THABS RDOR SEMS KYI RNAL 'BYOR DANG, MTHUN RKYEN TSOGS GSOG PA'I THABS @015A *, ,BLA MA'I RNAL 'BYOR BYIN RLABS ZHU BA DANG BCAS PA YANG BYED DGOS SO, ,GNYIS PA DNGOS GZHI LA BZHI, SNGAGS KYI RNAL 'BYOR, DAM TSIG GI RNAL 'BYOR, DBYIBS KYI RNAL 'BYOR, RNAM DAG YE SHES KYI RNAL 'BYOR RO, ,DANG PO NI, LUS GNAD BSHAD PA LTAR BYAS NAS, RLUNG RO RNAMS BSAL BA GZHAN DU BSHAD ZIN PA BZHIN YIN LA, RANG NYID DPA' BO GCIG PA ZHAL PHYAG YONGS RDZOGS SAM, ZHAL GCIG PHYAG GNYIS PA GANG RUNG DU GSAL BA'I LUS KYI RGAL TSIGS LA NYE BAR RO RKYANG DBU MA GSUM YOD PA'I GNAS RNAMS SU RTZA 'KHOR BZHI GSAL GDAB, RANG GI SEMS 'OD KYI RNAM PAR BLTAS NAS RTZA LAM RNAMS SBYOR TSUL BSHAD PA LTAR BYA, DE NAS LTA BA'I RTZA 'KHOR GYI DBUS SU 'JIGS BYED DKAR PO ZHAG GCIG PHYAG GNYIS GRI THONG 'DZIN PA 'DIR YUM DANG BCAS PAR BSHAD DE, CHE CHUNG RGYA SRAN TZAM, DE'I THUGS KAR H'Um DKAR PO YUNGS 'BRU TZAM ZHIG GSAL BTAB STE, DE DANG YAB YUM GYI SBYOR MTSAMS NAS 'OD ZER DMAR PO 'PHROS PAS DUR KHROD SRUNG 'KHOR DANG GZHAL YAS KHANG SOGS GSAL BAR BYAS, DE RNAMS RIM GYIS 'OD DU ZHU NAS RANG LA THIM, RANG NYID STOD SMAD NAS RIM GYIS ZHU NAS LTE BA'I 'JIGS BYED YAB YUM LA THIM, DE YANG ZHU NAS H'Um LA THIM PA'I H'Um YIG LA RANG SEMS ZHUGS PA BZHIN BYAS NAS RTZE GCIG TU BSGOMS PAS, RLUNG DBU MAR ZHUGS GNAS THIM GSUM 'BYUNG, THIM PA'I RTAGS SU SMIG RGYU LA SOGS PA'I RTAGS DANG RTAGS CAN RIM GYIS 'CHAR BA'I TSUL GYIS DGA' BZHI DRANGS TE, 'OD GSAL GYI DUS SU BDE STONG SBYAR NAS RTZE GCIG TU BSGOM PA NI SAD DUS KYI CHOS SKU DANG BSRE @015B PA'O, ,'OD GSAL NGE LAS LDANG BA'I TSE PHUNG PO RNYING PA LAS GO SA LOGS SU 'JIGS BYED DKAR PO YAB YUM GYI SKUR LDANG SNYAM PA'I 'PHEN PA SNGON DU 'GRO BA'I TSUL GYIS LDANG, DE DANG MNYAM DU LUGS LDOG GI NYER THOB NAS SMIG RGYU'I BAR GYI RTAGS RNAMS RIM GYIS 'BYUNG STE, 'DI LA SAD DUS KYI LONGS SKU'I BSRE BA ZHES BYA'O, ,DE NAS 'JIGS BYED YUM BCAS DE NYID PHUNG PO RNYING PA DAM TSIG PAR GSAL BA'I SPYI BO NAS ZHUGS PAR MOS SHING, DE DANG MNYAM DU SNA BUG GNYIS NAS RLUNG 'BYUNG 'JUG BYED CING YUL GYI SNANG BA 'CHAR, DE'I TSE GANG SNANG STONG PA, STONG PA BDE BA, BDE BA 'JIGS BYED KYI SKUR SHAR PA'I MOS PA BRTAN PO BYED PA LA BSLAB PAR BYA STE, 'DI LA SAD DUS KYI SPRUL SKU'I BSRE BA ZHES BYA'O, ,DE BZHIN DU GA NYID DUS DANG 'CHI DUS KYI BSRE BA YANG SHES PAR BYA STE, DE LA LTE BA'I DMIGS RTEN SNYING GAR DRANGS NAS, GNYID CHOS SKU DANG BSRE BA, RMI LAM GYI LUS LONGS SKU DANG BSRE BA, LUS DE PHUNG PO RNYING PA LA BCUGS NAS SAD PA SPRUL SKU DANG BSRE BA GSUM DANG, 'CHI BA'I SKABS SU NI 'CHI DUS KYI 'OD GSAL CHOS SKU DANG BSRE BA, BAR DO LONGS SKU DANG BSRE BA, SKYE PA SPRUL SKU DANG BSRE BA GSUM LA BSLAB PAR BYA'O, ,'DI DAG RJES GZHIG GI RNAL 'BYOR GYI RIM PA LA BRTEN PA STE, SNGAGS RNAL 'BYOR GYI SNGON 'GROR YAR BSHAD DE, LUS DBEN GYI DOD DO, ,DE NAS RANG 'JIGS BYED ZHAL GCIG PHYAG GNYIS BAR GSAL BA'I SNYING GA'I DH'U H'I'I NANG DU MI SHIGS PA'I THIG LE DANG NGO BO DBYER MED PA'I H'Um YIG DKAR PO YUNGS KAR GYI 'BRU CHAD TZAM ZHIG GSAL GDAB, DE LA RANG GI SEMS ZHUGS PA BZHIN BYAS TE, STENG GI RLUNG RNAMS RANG GI SMIN MTSAMS NAS DH'U T'I'I NANG DU @016A *, ,MAR BRGYUD DE SNYING GA'I H'Um LA THIM, 'OG GI RLUNG RNAMS RANG GI GSANG GNAS NAS DH'U H'I'I NANG DU YAR BRGYUD DE SNYING GA'I H'Um LAS THIM BAR YANG LANG MOS PA'I BUM BA CAN BZUNG BAS, RLUNG DBU MAR ZHUGS GNAS THIM GSUM 'BYUNG BAS RTAGS DANG RTAGS CAN RNAMS RIM PAR 'CHAR ZHING, 'OD GSAL GYI DUS SU BDE STONG SBYAR NAS BSGOM PA SOGS BSRE BA'I SKOR RNAMS LA SNGAR BZHIN BSLAB, YANG SNGAR BZHIN 'JIGS BYED DU GSAL BA'I THUGS KA'I H'Um YIG DKAR PO DE LA SEMS ZHUGS PA BZHIN BZUNG NAS, STENG RLUNG DBU MA'I NANG DU 'JUG PA AOm GYI GDANGS DANG, GNAS PA A'A: 'I GDANGS DANG, PHYIR 'BYUNG BA H'Um GI GDANGS SU MOS NAS RLUNG SNGAGS DBYER MED KYI RDOR BZLAS BYAS PA LA BRTEN NAS RLUNG DBU MAR ZHUGS GNAS THIM GSUM DANG, SMIG RGYU SOGS RTAGS DANG RTAGS CAN RNAMS 'BYUNG LA, 'OD GSAL GYI DUS SU BDE STONG SBYAR NAS BSGOM ZHING BSRE BA'I SKOR DRUG KYANG BYA STE, 'DI NI NGAG DBEN GYI DOD SNGAGS KYI RNAL 'BYOR DNGOS GZHI'O, ,'DI LA SROG THUR BSRE BA DANG, SNYING 'GRO DANG 'OG 'GRO'I RDOR BZLAS DANG, KHYAB BYED LA DMIGS PA'I RDOR BZLAS KYI RNAM GRANGS MANG NGO, ,GNYIS PA NI, DE LTAR RDOR BZLAS BYAS PA LA BRTEN NAS SNYING GA'I RTZA MDUD LHOD POR SONG BA NA, PHYI RKYEN PADMA CAN LA SOGS PA LAS RGYA'AM LE RGYA GANG RUNG DANG SNYOMS PAR 'JUG BZHIN PA'I NGANG NAS, NANG RKYEN RANG LHAR GSAL BA'I THUGS KA'I TING NGE 'DZIN SEMS DPA' H'Um YIG DKAR PO LAS 'OD ZER 'PHROS PAS, SNGAR LTAR SNOD BCUD LA PHOG PAS DE RNAMS RIM GYIS ZHU NAS RANG LA THIM ZHING, RANG YE SHES SEMS DPA' DANG, DE H'Um YIG LA @016B THIM PAR BSAM PA'I RJES GZHIG GI SDUD RIM DANG, BUM PA CAN DANG RDOR BZLAS GANG RUNG BYAS TE BSRE BA DANG PO DRUG BYA, DE NAS RNAL 'BYOR PA DES SGYU LUS 'GRUB TU NYE BA'I MTSAN MA MTHONG BA NA, PHYI NANG GI RKYEN GNYIS GANG RUNG LA BRTEN NAS SNGAR LTAR SDUD RIM BYAS PAS SMIG RGYU NAS 'OD GSAL GYI BAR 'CHAR ZHING, KHYAB BYED KYI RLUNG MA LUS PA DH'U T'I RA THIM PA NA SEMS DBEN DPE'I 'OD GSAL MTHAR THUG SKYE STE, DAM TSIG GI RNAL 'BYOR ZHES BYA'O, ,GSUM PA NI, 'OD GSAL DE LAS LDANG BA NA LUGS LDOG GI NYER THOB GRUB PA DANG MNYAM DU MA DAG PA'I SGYU MA'I SKUR BZHENGS PA DE 'BYUNG, DE SLAR PHUNG PO RNYING PA LA YE SHES SEMS DPA'I TSUL GYIS ZHUGS NAS CHOS STON PA DANG, PHYAG RGYA DANG SNYOMS PAR 'JUG PA'I SGO NAS BSAM GTAN GNYIS GANG RUNG GI SDUD RIM YANG YANG BYA STE, DBYIBS KYI RNAL 'BYOR ZHES BYA'O, ,BZHI PA NI, SGYU LUS PA DES SLOB PA'I ZUNG 'JUG 'GRUB TU NYE BA'I MTSAN MA MTHONG BA NA, PHYI RKYEN PHYAG RGYA DANG SNYOMS PAR 'JUG BZHIN PA'I NGANG NAS BSAM GTAN GNYIS GANG RUNG GI SDUD RIM LA BSLAB PAS, RLUNG DBU MAR ZHUGS GNAS THIM GSUM BYAS PA LA BRTEN NAS SMIG RGYU NAS 'OD GSAL GYI BAR GYI RTAGS RNAMS 'CHAR ZHING, DE NAS LHAN SKYES KYI BDE BAS STONG NYID MNGON SUM DU RTOGS PA'I DON GYI 'OD GSAL MNGON DU BYAS PA DANG MNYAM DU 'OD GSAL DES MA DAG PA'I SGYU LUS SBYANGS NAS DAG ,NYON SGRIB KYI DNGOS KYI GNYEN PO'I 'PHAGS LAM THOB STE, RNAM DAG YE SHES KYI RNAL 'BYOR ZHES BYA'O, ,'OD GSAL DE LAS LUGS LDOG TU CHU LAS NYA 'PHAR BA LTAR LANGS PA DANG MNYAM DU DAG PA'I SGYU LUS SAM ZUNG 'JUG PHAL PA SPANGS PA BZUNG @017A *, ,'JUG THOB CING, NYON SGRIB SPANGS NAS DGRA BCOM PAR GYUR, DE NAS GANG ZAG DES SDUD RIM BYED MI DGOS PAR DMIGS RTEN LA RTZE GCIG TU MNYAM PAR BZHAG NAS STONG NYID GTZO POR BSGOMS PAS RLUNG DBU MAR ZHUGS PA NAS 'OD GSAL GYI BAR 'BYUNG, 'OD GSAL GYI DUS SU THUGS DAG PA STONG NYID MNGON SUM DU RTOGS PA'I BDE CHEN GYI YE SHES DANG SKU DAG PA SGYU MA'I SKU GNYIS NGO BO DBYER MED DU SONG BA NA, ZUNG 'JUG GI GTZO BO RTOGS PA ZUNG 'JUG DE THOB PA YIN NO, ,DE LTA BU'I ZUNG 'JUG PA DES PHUNG PO RNYING PA SOGS RAGS PA'I LUS RTEN GANG RUNG BZUNG NAS BZA' BTUNG LA LONGS SPYOD PA DANG, RI DVAGS BSHOR BA DANG, CHOS STON PA LA SOGS PA'I BYA BA RNAMS DANG, ,BYAD PAR DU PHYAG RGYA DANG SNYOMS PAR 'JUG GCING SPYOD PA GSUM GANG RUNG DANG 'BREL BA'I STONG NYID SGOM PAR BYED PA SOGS KYI DGE SBYOR RNAMS BSKYANGS PAS, 'BRAS BU MI SLOB PA'I ZUNG 'JUG 'GRUB TU NYE BA'I MTSAN MA MTHONG BA NA, THO RANGS KYI DUS PHYI NANG GI RKYEN GNYIS LA BRTEN NAS RTZE GCIG TU BSGOMS PAS RLUNG DBU MAR ZHUGS PA NAS 'OD GSAL GYI BAR RNAMS 'BYUNG ZHING, 'OD GSAL DE'I SKAD CIG DANG POS SHES SGRIB KYI DNGOS GNYEN BYAS TE, SKAD CIG GNYIS PA'I DUS SU DE SPANGS PA'I CHOS GZUGS KYI SKU GNYIS ZUNG DU 'BREL BA'I MI SLOB PA'I ZUNG 'JUG THOB PA'I TSUL GYIS 'TSANG RGYA BA YIN NO, ,DE DAG NI 'DI'I RDZOGS RIM GYI SNYING PO BSDUS NAS BSHAD PA STE, RDZOGS RIM GYI RNAM GZHAG THUN MONG BA RNAMS 'DUS PA'I SKOR DANG 'DRA BAS DE NAS SHES DGOS SHING, PHAL CHER NI BCU GSUM MA'I RDZOGS RIM DU BDAG GIS BSHAD ZIN PA LAS SHES @017B PAR BYA'O, ,GAL TE KHA CIG KHYOD KYIS 'DI'I RDZOGS RIM RNAL 'BYOR BZHIR BSDUS NAS 'CHAD MI RIGS TE, GRUB CHEN DPAL 'DZIN GYIS MDZAD PA'I RNAL 'BYOR BZHI'I RDZOGS RIM NI GSHIN RJE GSHED DMAR PO'I LUGS YIN LA, 'DI'I RDZOGS RIM 'DI LTAR STON PA'I RGYA GZHUNG ZUR BA MED PA'I PHYIR RO ZHE NA, SKYON MED DE, RNAL 'BYOR BZHI'I SGO NAS 'CHAD PA 'DI DMAR NAG 'JIGS GSUM LA SBYOR BA RJE YAB SRAS KYI MAN NGAG DAM PA YIN PAS 'DIR YANG RUNG BAR MKHAS PAS BSHAD CING RIGS PAS KYANG 'GRUB PA'I PHYIR RO, ,CHU 'DIR 'BAD PA LAS BYUNG DGE, ,SKYE KUN 'JAM DPAL ZHI KHRO YIS, ,'BRAL MED RJES SU 'DZIN PA DANG, ,RDZOGS PA'I BYANG CHUB THOB PHYIR BSNGO, ,CES PA 'DI NI SH'A KYA'I DGE SLONG BSHAD SGRUB MING CAN GYIS DAD PAS SBYAR NAS BAR DU BRKO BAR BRTZAM PA'I TSE, YI GE PA NI SNGAGS RAM PA GRAGS PA 'OD ZER RO,, ,,BKRA SHIS, ,