[preliminary data - not manually proofread]
[SNGON 'GRO'I DPAR GZHI]

@001A *, ,BLA MA MCHOD PA'I CHO GA'I DON MDOR BSDUS GSAL BA'I
SGRON ME ZHES BYA BA BZHUGS SO, ,

@001B #, ,BLA MA MCHOD PA'I CHO GA'I DON MDOR BSDUS GSAL BA'I
SGRON ME ZHES BYA BA, BLA MA DANG MGON PO 'JAM PA'I DBYANGS KYI
ZHABS LA DUS THAMS CAD DU PHYAG 'TSAL LO, ,MKHA' LTAR KHYAB PA'I
CHOS SKU'I DBYINGS

LAS YONGS SKU'I NYIN BYED MNGON PAR 'PHRO, ,SNA TSOGS GRANGS MED
'GRO BLO'I RDZING BUR SPRUL SKU'I SNANG BRNYAN CI YANG 'CHAR,
,DKYIL 'KHOR BYE BA'I GSER RI KUN LA SPANGS DANG RTOGS PAS MNGA'
BSGYUR BA, ,RIGS KUN KHYAB BDAG DANG PO'I

MGON DE SRID MTSO CHE 'DI'I GTAN GYI SKYABS, BLO CHEN RGYAL BA'I
YE SHES PHUNG PO KUN, ,MKHAN BTZUN BZANG PO'I RNAM PAR ROL PA
YIS, ,DAM CHOS 'DZIN PA'I GRAGS DKAR CHER SGROGS PA, ,RGYAL TSAB
BLA MA MCHOG KHYOD RTAG TU

BSNGAGS, ,MGON DE'I SRAS KYI THU BO DGE LEGS DPAL, ,BLO BZANG
BSTAN PA'I CHOS KYI RGYAL MTSAN MCHOG ,'DZAM GLING THUB BSTAN
MDZES PA'I RGYAN GYUR PA, ,BYANG CHUB BAR DU 'BRAL MED GTZUG GIS
BSTEN, ,RGYAL BA SRAS BCAS

KUN GYIS MGRIN GCIG MTHA' YAS MDO RGYUD DU MA RU, ,YANG YANG
LEGS BAR NAN GYIS BKA' STZAL 'DI PHYI'I BEGS TSOGS KUN GYI GZHI,
,TSAD LDAN BLA MA BSAM DANG SBYOR BAS TSUL BZHIN BSTEN PAR
GSUNGS PA'I DON, ,BLA MA MCHOD PA'I

@002A *, ,CHO GA'I TSIG DON MDOR BSDUS BDAG GIS BSHAD PAR BYA,
,DE LA 'DIR NGES PA DON GYI THAMS CAD MKHYEN PA BLO BZANG CHOS
KYI RGYAL MTSAN DPAL BZANG POS MDZAD PA'I BLA MA MCHOD PA'I CHO
GA NI, GANG BSHAD PAR BYA BA'I CHOS SO, ,

'DI LA GSUM, KLAD KYI DON, GZHUNG GI DON, MJUG GI DON NO, ,DANG
PO LA GNYIS, MTSAN BSHAD PA DANG, 'GYUR PHYAG BSHAD PA'O, ,DANG
PO NI, CHO GA 'DI RGYA GZHUNG DNGOS MIN YANG (RGYA GANG) NA
(SKAD) RIGS BZHI YOD PA'I LEGS SBYANG GYI SKAD (DU)

BYAS NA 'DI'I MTSAN LA, (GU RU B'U DZA SYA KALPA N'A MA) ZHES
BYA ZHING, DE NYID (BOD SKAD DU) BSGYUR NA, (BLA MA MCHOD PA'I
CHO GA ZHES BYA BA) RA 'GYUR TE, GU RU NI BLA MA, B'U DZA SYA NI
MCHOD PA'I, KALPA NI CHO GA, N'A MA NI ZHES BYA BAR 'GYUR BA'I
PHYIR RO, ,GNYIS PA 'GYUR PHYAG

NI; MDO BSNGAGS KYI CHOS BSTAN PA'I (BKA' DRIN) DANG (MNYAM) PA
GZHAN (MED) PA'I (BLA MA) STE GONG MA'AM LTA GAM (DAM PA) STE
MCHOG (RNAMS KYI ZHABS LA PHYAG 'TSAL ZHING SKYABS SU MCHI'O,)
,THUGS (BRTZE BA CHEN POS DUS) THAMS CAD (DANG, GNAS SKABS THAMS
CAD

DU RJES SU BZUNG DU GSOL,) ZHES SBYAR RO, ,'DI NI GZHUNG GZHAN
NAS 'BYUNG BA'I 'GYUR PHYAG DANG BSTUN PA'O, ,GNYIS PA GZHUNG
DON BSHAD PA LA GSUM, BSHAD PA LA 'JUG PA'I YAN LAG ,BSHAD PA
NYID NYE BAR DGOD PA, BSHAD PA MTHAR PHYIN PA'I BYA BA

@002B BSTAN PA'O, ,DANG PO LA GNYIS, MCHOD PAR BRJOD PA DANG,
RTZOM PAR DAM BCA' BA'O, ,DANG PO NI, GANG LA BRTEN NA, ZHES PA
NAS, GUS BTUN CES PA'I BAR GSUNGS, NGAG DON NI, BDAG GIS (BTUD)
DO, ,GANG LA BTUD CE NA, (RDO RJE CAN) DE RDO RJE 'CHANG DANG
'DRA BA'I BLA MA'I (ZHABS KYI PADMOR TE) ZHABS NYID

PADMAR BKOD PA DE LA'O, ,TSUL NI, SGO GSUM (GUS,) BAS 'DUD DO,
,DE LA BTUD CING BRTEN PAS YON TAN CI ZHIG 'BYUNG BA NI, RDO RJE
'CHANG DANG MTSUNGS PA'I BLA MA (GANG) YIN PA DE (LA) BTUD CING
(BRTEN NA,) GANG ZAG KHYAD PAR CAN GYI SLOB MA LA CHOS SKU,
LONGS SKU, SPRUL SKU STE (SKU GSUM BDE BA

BA CHE) NA PO DE NYID, GRUB PA BRGYAD DANG, ZHI RGYAS SOGS (THUN
MONG) GI (DNGOS GRUB DANG BCAS) PA DUS (SKAD CIG) STE SNYIGS
MA'I TSE THUNG GCIG (LA STZOL) BAR (MDZAD) PA YIN NO, ,STZOL
TSUL NI, (YID BZHIN) GYI (NOR) BU LA GSOL BA BTABS BAS DGOS 'DOD
'BYUNG BA DE BZHIN DU, DE DANG 'DRA

BA'I BLA MA YANG BSTAN CING MCHOD NA, YID LA ('DOD DGU'I MCHOG
STZOL) BA STE CI 'DOD PA'I DNGOS GRUB STER RO, ,DGU NI MANG TSIG
GO ,'DI NI GZUGS CAN GYI RGYAN YIN MOD, GO SLA BA'I PHYIR DPE
RGYAN DU BSHAD LA, 'DIS MTSON TE GZHAN YANG DE LTAR CI RIGS SU
BYA'O, ,GNYIS BRTZOM LNGA

DAM BCA' BA NI, BTUD (NAS) CI ZHIG BYED CE NA, SKAL BZANG SLOB
MA'I, ZHES PA NAS, MGUL RGYAN SPEL,, ZHES PA'I BAR GSUNGS TE,
DON NI, SLOB MA BLO GROS DANG LDAN PA RNAMS MDZES PAR BYED PA'I
(ME TOG) GI (PHRENG) BA LTA BUR (MDZES PAR BYED) PA'I (MGUL
RGYAN) ZHIG (SPEL) BA LTE BRTZAM PAR BYA'O,,

'O NAR SLOB MA RNAMS KYI RGYAN DU JI LTAR 'GRO ZHE NA, CHOS KYI
(SGAL) BA (BZANG) PO DANG LDAN PA'I (SLOB MA) RNAMS KYI GNAS
SKABS (PHAN) PA DANG MTHAR THUG (BDE BA MA LUS BSGRUB) PAR BYED
(NUS PA'I THABS) KYI (MCHOG) DE DANG 'DRA BA GZHAN MED PAS NA,
(GNYIS PA DANG BRAL BA) STE DE NYID KYIS SO, ,DE YANG RANG

@003A *, ,BLOS SBYAR BA TZAM MA YIN TE, RGYAL PAS GSUNGS PA'I
(MDO) DANG, (RGYUD) SDE RNAMS DANG, 'PHAGS BOD KYI MKHAS GRUB DU
MA'I (MAN NGAG) SNA TSOGS KYI (PAD TSAL LAS 'ONGS PA,) STE DE
DAG LA BRTEN NAS RTZOM PA'I PHYIR ZHES SO, ,GNYIS PA BSHAD PA
NYID NYE BAR DGOD

PA LA GNYIS, BLA MA BSTEN DGOS PA'I RGYU MTSAN LUNG GIS BSGRUBS
PA DANG, BSTEN THABS KYI CHO GA'I KHYAD PAR BSHAD PA'O, ,DANG PO
NI, (DE YANG THAR 'DOD RNAMS KYI PHUN SUM TSOGS PA THAMS CAD KYI
GZHI RTEN,) ZHES PA NAS, (RDO RJE SLOB DPON DE BAS LHAG,) CES
GSUNGS SO, ,ZHES PA'I BAR GSUNGS, ,

DE DAG GI DON GO SLA BA DANG, TSIG MANG DU DOGS PAS 'DIR MA
BSHAD DO, ,GNYIS PA BSTEN THABS KYI CHO GA'I KHYAD PAR BSHAD PA
LA GNYIS, MTSAMS SBYAR BA DANG, CHO GA DNGOS BSHAD PA'O, ,DANG
PO NI, BLA MA BSTEN DGOS PA'I (RGYU MTSAN) LUNG GIS 'GRUB PA (DE
LTAR NA,) MDO SNGAGS KYI

(LAM GYI GNAD TSANG BA'I BLA MA'I RNAL 'BYOR) TE SGRUB THABS
(BSGOM PA NI, DAL 'BYOR LA SNYING PO LEN PA'I THABS MCHOG TU
GYUR BA YIN PAS) 'OG TU 'CHAD PA'I CHO GA ('DI LTAR NYAMS SU
BLANG BAR BYA'O,) ,ZHES SO, ,GNYIS PA CHO GA DNGOS BSHAD PA LA
GSUM, SBYOR BA DANG, DNGOS GZHI DANG, MJUG TU JI LTAR BYA BA'I
RIM

PA'O, ,DANG PO LA GNYIS, KUN SLONG 'CHOS PA DANG, SBYOR BA DNGOS
SO, ,DANG PO NI, GNAS GANG BABS SU, BLA MA'I BRIS 'BUR GYI SKU
LEGS PAR BSHAMS, MCHOD PA CI NUS SU BKOD PA MDZES PAR BYAS TE,
GZHAN GYI G-YAM LA BRGYUGS PA'I KHA PHYIR BLTAS DANG, TSE 'DI
TZAM GYI CHED DU MA YIN PAR

SANGS RGYAS THOB PA'I PHYIR, (DGE SEMS KHYAD PAR CAN GYI NGANG
NAS) NYAMS SU LEN PAR BYA'O, ,GNYIS PA SBYOR BA DNGOS LA GNYIS,
SKYABS 'GRO SOGS BYA BA DANG, SNOD BCUD SOGS SBYANGS TE BYIN
GYIS BRLAB BA'O, ,DANG PO NI, RANG NYID 'KHOR BA DANG NGAN SONG
GI 'JIGS PA LAS SGYOB PA'I PHYIR

@003B DU DKON MCHOG GSUM LA (SKYABS) SU ('GRO) BA DANG, MA SEMS
CAN THAMS CAD KYI DON DU SANGS RGYAS KYI GO 'PHANG THOB PAR BYA
SNYAM PA'I (SEMS BSGYED) PA DANG, SEMS CAN THAMS CAD BDE BA DANG
LDAN PAR GYUR CIG SNYAM PA'I BYAMS 'TSAD MED DANG, SDUG BSNGAL
DANG BRAL BAR GYUR CIG SNYAM PA'I SNYING

RJE TSAD MED DANG, BDE BA DANG MI 'BRAL BAR GYUR CIG SNYAM PA'I
DGA' BA TSAD MED DANG, NYE RING GNYIS DANG BRAL BAR GYUR CIG
SNYAM PA'I BTANG SNYOMS TSAD MED DE (TSAD MED BZHI) BSGOM PAR
BYA BA (SNGON DU BTANG) BA RGYAS BSDUS RANG GIS SKABS DANG BSTUN
PA DANG, BSDU NA SANGS RGYAS CHOS TSOGS MAS

SKYABS 'GRO SEMS BSKYED, SEMS CAN THAMS CAD BDE BA DANG ZHES
SOGS KYIS TSAD MED BZHI BYA'O, ,GNYIS PA SNOD BCUD SOGS SBYANGS
TE BYIN GYIS BRLAB PA LA GNYIS, SNGON DU LHA'I RNAL 'BYOR BSGOM
DGOS PAR BSTEN PA DANG, SNOD BCUD SOGS BYIN GYIS BRLAB PA DNGOS
SO, ,DANG PO NI, SKABS

'DIR SNGON DU LHA'I RNAL 'BYOR BSGOM DGOS PA YIN TE, (BDAG NYID)
GSANG (BDE 'JIGS GSUM SOGS) RNAL 'BYOR BLA MED KYI (LHAG PA'I)
LHA GANG RUNG GI NGA RGYAL DANG LDAN PAS SNOD BCUD SOGS KYI THA
MAL GYI SNANG ZHEN DANG, NANG MCHOD SOGS GYI BGEGS BSAL TE BYIN
GYIS BRLAB PAR BYA DGOS

PA'I PHYIR RO, ,'DI LA'ANG BDAG BSKYED RGYAS PA BSGOMS PA'I 'JUG
GAM, SKAD CIG GIS LHA'I SKUR BSKYED PA GANG RUNG GIS CHOG LA, DA
LTA NI BDE CHEN NGANG NAS ZHES SOGS KYI SGO NAS BYED PA MANG
NGO, ,'DIR BLA MED KYI LUGS YIN PAS RGYUD SDE 'OG MA GSUM GYI
LHA'I RNAL 'BYOR LA BRTEN NAS

MI RUNG BAR SEMS SO, ,GNYIS PA SNOD BCUD SOGS BYIN GYIS BRLAB PA
LA GNYIS, SNOD BCUD BYIN GYIS BRLAB PA DANG, NANG MCHOD SOGS
BYIN GYIS BRLAB PA'O, ,DANG PO NI, RANG LHA'I (RNAL 'BYOR) RGYAS
BSDUS GANG RUNG (DANG LDAN PA'I SKU LAS 'OD ZER 'PHROS, SNOD
BCUD THAMS CAD

@004A *, ,KYI MA DAG PA'I NYES SKYON THA MAL GYI SNANG ZHEN
DANG MI GTZANG BA BGEGS DANG BCAS PA RNAMS (SBYANG STE SNOD)
KYI 'JIG RTEN THAMS CAD (GZHAL YAS KHANG DANG, BCUD) KYI SEMS
CAN (THAMS CAD LHA DANG LHA MO'I RANG BZHIN GYI DAG PA RAB
'BYAMS 'BA' ZHIG TU GYUR) PA STE DAG PA KHO NAR

GYUR BAR BSAM BA'O, ,GNYIS PA NANG MCHOD SOGS BYIN GYIS BRLAB
PA NI, (NANG MCHOD DANG CHOS RDZAS) GZHAN (RNAMS) RNAL 'BYOR
(BLA MED GYI CHOG GANG YANG RUNG BA) NAS 'BYUNG BA (LTAR BYIN
BRLAB RGYAS PAR BYA BA'AM,) GAL TE DE LTAR MI BYED PAR (MDOR
BSDU NA) MCHOD RDZAS RNAMS KYI STENG DU SKU GSUNG

THUGS KYI SNYING PO YI GE GSUM GSAL BTAB STE, (AOm A'A: H'Um,
LAN GSUM BRJOD) PA NA, DE'I NUS (PAS) MCHOD RDZAS RNAMS (NGO
BO) BDE STONG DBYER MED KYI (YE SHES) YIN PA LA, (RNAM PA NANG
MCHOD DANG MCHOD RDZAS) RANG RANG (SO SO'I RNAM PA) CAN DU
SNANG ZHING, NUS PA'AM (BYED LAS) NI, MIG GI DBANG PO

NAS YID KYI DBANG PO'I BAR (DBANG PO DRUG GI SPYOD YUL DU BDE
STONG GI YE SHES KHYAD PAR CAN BSKYED PAS,) RGYA KHYON NI, (SA
DANG BAR SNANG NAM MKHA'I KHYON THAMS CAD YONG SU KHYAB PA'I)
'OG NAS 'BYUNG BA LTAR (PHYI NANG GSANG BA'I MCHOD SPRIN DAM
RDZAS SBYAN GZIGS BSAM GYIS MI KHYAB PAS GANG BAR) GYUR PAR
(BSAM LA) BYIN GYIS BRLAB

PA'O, ,GNYIS PA (DNGOS GZHI NI) TSIGS LHUGS LAS (TSIGS SU BCAD
PA'I SGO NAS BRJOD NA, 'JUG PA BDE BAS YID) GZHAN DU (MA YENGS
PAR 'DI LTAR 'DON ZHING,) DE'I (DON BSGOMS LA NYAMS SU BLANG
BAR BYA'O,) ,ZHES MTSAMS SBYAR GYI SGO NAS BSTAN PAS, 'DI
'CHAD PA LA GSUM, MCHOD YUL BLA MA BSHAD PA, GSOL

BA 'DEBS PA, BYIN RLABS ZHU BA SOGS BSHAD PA'O, ,DANG PO LA
MCHOD YUL BLA MA BSGOM TSUL DANG, DE LA MCHOD PA JI LTAR BYA
BA'I RIM PA DANG GNYIS, DANG PO LA GNYIS, GNAS GANG DU BSGOM
PA, BSGOM PA'I TSUL DNGOS SO, ,DANG PO NI, SPYIR BLA MA BSGOM
TSUL LA GSUM YOD DE, BLA MA 'DI NYID KYIS

@004B GSUNGS PA'I BLO BZANG BZHED PA'I SGRA DBYANGS LAS, BLA
MA GANG DU BSGOM PA'I GNAS, ,MDUN DANG SPYI GTZUG SNYING GI
DKYIL, ,ZHES PA LTAR YOD KYANG, PHYI MA GNYIS 'OG TU 'CHAD LA,
SKABS 'DIR NI DANG PO LTAR BYA STE, DE YANG, BDE STONG DBYER
MED, NAS; NYI ZLA RGYAS PA'I STENG,, ZHES PA'I

BAR GSUNGS TE, RKANG PA DANG PO'I DON 'CHAD TSUL LA CUNG MI
'DRA BA RE YOD KYANG 'DIR YUL CAN LHAN SKYES KYI (BDE BA) CHEN
PO'I YE SHES KYIS YUL (STONG) PA NYID MNGON SUM DU RTOGS PA'I
SGO NAS YUL YUL CAN GNYIS GNYIS SNANG THAMS CAD DANG BRAL BA
CHU LA CHU ZHUGS PA BZHIN DU NGO BO (DBYER MED) DU

SONG BA'AM, YANG NA DE LTAR GYUR PAR MOS TE DE'I NGANG NAS
RANG GI MDUN GYI THAD SOR (LHA LAM) STE NAM MKHA' (YANGS BAR)
NGO BO BDE STONG GI YE SHES DE NYID YIN PA LA RNAM PA (KUN) TU
STE THAMS CAD DU (BZANG) ZHING KHYAD PAR DU 'PHAGS PA'I (MCHOD
SPRIN) GYI TSOGS DPAG TU MED PA 'KHRIGS PA'I DBUS SU

BSGOMS PAR BYA'O ZHES SO, ,YANG NA BYANG CHUB SEMS DPA' KUN TU
BZANG PO'I MCHOD SPRIN DANG MTSUNGS PA'I DBUS SU ZHES SBYAR
YANG RUNG, 'O NA GDAN GYI KHYAD PAR JI 'DRA BA'I STENG DU SGOM
PAR BYED CE NA, SNGAR BSHAD PA'I MCHOD SPRIN GYI DBUS DER, YAL
GA (LO MA ME TOG 'BRAS BU) RNAMS

KYI (SA YONGS) SU (MDZES) SHING, ('DOD DGU) STE CI 'DOD 'BYUNG
(BA'I DPAG BSAM) GYI SHING (LJON PA'I RTZE) MOR, GDONG DNGOS
DANG SBAR MO BZHIS 'DZIN PA SOGS GDONG GI BYA BA BYED NUS PAS
NA, GDONG LNGA PA STE SENGGE BRGYAD KYIS BTEGS CING, GZI 'OD
'BAR BA'I RIN CHEN TE RIN PO CHE LAS GRUB PA'I (KHRI?) ?THUN

SUM TSOGS PA'I (STENG) DU, (CHU SKYES) TE PADMA DANG, DE'I
STENG DU (NYI) MA DANG ZLA BA CHA SHAS (RGYAS PA) STE NYA GANG
BA ('I) GDAN RNAMS KYI (STENG) DU SGOM PAR BYED PA YIN NO,
,KHA CIG GDONG LNGA'I DON SNGAR BSHAD PA LTAR BYAS NA KHA LNGA
PAR 'GYUR GYI, GDONG LNGA PAR MI 'GYUR BAS SENGG'E SNI DANG
MKHUR TSOS GNYIS

@005A *, ,DANG DPRAL BA DANG MA LE STE LNGA'O ZHES ZER BAS
BRTAG, GNYIS PA SGOM TSUL DNGOS BSHAD PA LA GNYIS, DAM TSIG PA
BSKYED PA, YE SHES PA SPYAN DRANGS NAS BSTIM PA'O, ,DANG PO LA
GNYIS, GTZO BO BSKYED PA DANG, 'KHOR BSKYED PA'I TSUL LO,
,DANG PO LA GNYIS, BSGOM BYA'I GTZO

BO NGOS BZUNG BA DANG, DE JI LTAR SGOM PA'I TSUL LO, ,DANG PO
NI, BKA' DRIN GSUM LDAN SOGS RKANG PA GCIG GSUNGS TE, RANG LA
DBANG BSKUR, RGYUD BSHAD, MAN NGAG GNANG BA'I (BKA' DRIN GSUM)
DANG (LDAN) PA'I (RTZA BA'I BLA MA) STE LEGS TSOGS 'BYUNG BA'I
RTZA BAR GYUR PA DANG, YANG NA MAN NGAG RNAMS

'BYUNG BA'I RTZA BAR GYUR BA SOGS BSHAD TSUL MANG DU YOD CING,
DE DAG LAS BKA' DRIN GSUM LDAN GTZO BO YIN YANG, GNYIS LDAN
DANG GCIG LDAN KYANG SKABS DANG SBYAR RO, ,DE LTA BU'I BLA
MA'I NGO BO GANG ZHE NA, SBYIR MCHOG DMAN JI LTAR YIN YANG,
'DIR MOS PA LA BLTOS NAS BLA MA DE NI (SANGS

RGYAS KUN GYI NGO BO NYID,) DE BDAG NYID CAN NO, ,GNYIS PA JI
LTAR SGOM PAR BYED TSUL LA GSUM, SPRUL SKUR SGOM PA, LONGS
SKUR SGOM PA, PHUNG SOGS LHAR SGOM PAR BYED PA'I TSUL LO,
,DANG PO NI, RNAM PA NGUR SMRIG ,ZHES PA NAS, DBU LA MDZES
ZHES PA'I BAR GSUNGS TE, RNAM PA GANG DU SGOM PAR

BYED CE NA, LONGS SPRUL GNYIS LAS SPRUL SKU'I DBANG DU BYAS
NA, (RNAM PA) CHOS GOS (NGUR SMRIG 'DZIN PA'I DGE SLONG ZHAL
GCIG PHYAG GNYIS) PA ZHAL LAS DGYES PA'I 'DZUM DKAR 'PHRO BA
STE ZHAL 'DZUM PA DANG LDAN PA, (PHYAG G-YAS) THUGS KAR (CHOS
'CHAD) DANG, (G-YON PA MNYAM GZHAG) GI PHYAG RGYAS BDUD RTZIS
GANG BA'I

LHUNG BZED BSNAMS PA, KHA DOG (GUR GUM) GYI (MDANGS) LTAR DMAR
SER DANG LDAN PA'I SNAM SBYAR BLA GOS MTHANG GOS TE, CHOS GOS
GSUM SKU LA MDZES PAR (GSOL) ZHING, GSER GYI MDOG LTAR SER BA'I
BAn ZHVAS DBU LA MDZES PAR BYAS PA'O, ,LHUNG BZED NI ZAS LTUNG
BZED PA'I SNOD YIN BAS NA DANG,

@005B PAn ZHVA NI MKHAS PA'I ZHVA YIN PAS DE LTAR BTAGS SO,
,GNYIS PA LONGS SKUR SGOM PA NI, RNAM PA KHYAB PA DAG ,ZHES PA
NAS, NA BZAS BKLUBS,, ZHES PA'I BAR GSUNGS TE, 'DIR DPE MI 'DRA
BA SNANG YANG BAR MA'I TSIG DON LTAR BSHAD PAR BYA'O, ,DE YANG
SEMS DPA' SUM BRTZEGS BYED PA LTAR NA,

SPRUL SKU'I THUGS KAR LONGS SKU RDO RJE 'CHANG BSGOM DGOS PAS
DE LTAR BYED PA'I TSE, MDZES ZHES PA'I MTSAMS NAS, THUGS KAR
KHYAB BDAG RDO RJE 'CHANG ZHES SOGS BYA LA, BAR MA LTAR SPRUL
SKU'I RNAM PAR MI BSGOM PAR (YANG NA,) LONGS SKUR BSGOM 'DOD
NA, (SANGS RGYAS KUN GYI NGO BO NYID, CES PA'I MTSAMS NAS,)

BLA MA DE NYID RNAM PA RIGS KUN GYI KHYAB BDAG RDO RJE 'CHANG
DBANG ZHAL GCIG PHYAG GNYIS PA SKU MDOG AINDRA N'I LA LTAR
SNGO ZHING, MTSON BYED DPE'I (RDOR DRIL) BZUNG NAS, YUM RDO
RJE DBYINGS PHYUG MAR 'KHYUD CING YAB YUM SNYOMS PAR ZHUGS
PA'I (LHAN SKYES) KYI BDE BA DANG, RANG BZHIN GYIS STONG PA
DBYER

MED PA'I BDE STONG GI RNAM PAR ROL BA STE LONGS SPYOD PA'I
TSUL GYIS DGYES BZHIN DU BZHUGS PA'O, ,DE LTA BU'I SKU DE YANG
RGYAN GYI RNAM PA MANG PO DANG NA BZA' PHUN SUM TSOGS PA DANG
LDAN TE, RIN THANG CHEN PO DANG LDAN PA GSER LA SOGS PA'I RIN
PO CHE'I RGYAN GYI KHYAD PAR DU

MAS SPRAS SHING, LHA RDZAS STE PHUN SUM TSOGS PA'I DAR SNA
TSOGS KYI NA BZAS BKLUBS PA STE BRGYAN PA'I RNAM PAR BSGOM PA
YIN PA'I PHYIR, ZHES SO, ,ZHES PA SPRUL SKU RGYANG BA'AM,
LONGS SKU'I RNAM PAR BSGOM PA RANG GI (BLO DANG BSTUN NAS
SBYOR,) DE GNYIS TE SPRUL SKU LONGS SKU GNYIS GANG

MOS SU BSGOMS PA (CI BYAS KYANG TSIG GI 'PHRO NAS) 'CHAD 'GYUR
'DI LTAR BYA'O, ,KHA CIG SPRUL SKU BLA MA DAM TSIG PA DANG,
DE'I THUGS KAR YE SHES DPA' THUB DBANG, DE'I THUGS KAR TING
NGE 'DZIN SEMS DPA' RDO RJE 'CHANG YAB YUM BSGOM PAR BSHAD LA,
KHA CIG THUB DBANG MI BSGOM PAR

@006A *, ,THUGS KA'I H'Um YIG TING NGE 'DZIN SEMS DPAR 'DOD DE
PHYI MA CUNG LEGS, LUGS DE GNYIS KA LTAR NA'ANG, LONGS SPRUL
GNYIS KA NGES PAR BSGOM PAR SONG BAS GZHUNG 'DIR DE GNYIS GANG
BYAS KYANG ZHES GDAM NGA CAN DU GSUNGS PA DANG CUNG MI MTHUN
KYANG

PHYI MA PHYAG LEN DANG MTHUN NO, ,DE GNYIS THUN MONG GI RGYAN
GYI KHYAD PAR STON PA LA, MTSAN DPE'I RGYAN, ZHES PA NAS,
SKYIL KRUNG TSUL GYIS BZHUGS,, ZHES PA'I BAR TSIGS RKANG PHYED
GNYIS GSUNGS TE, PHYAG ZHABS KYI MTHIL 'KHOR LOS RGYAN PA SOGS
(MTSAN) SO GNYIS,

SEN MO ZANGS MDOG LA SOGS PA DPE BYAD BRGYAD CU ('I BRGYAN)
DANG LDAN PA, SKU LAS 'OD ZER STONG PHRAG DU MA 'BAR ZHING,
'OD KYI DKYIL 'KHOR 'JA' TSON SNA LNGA LTA BU KHA DOG RNAM PA
LNGA (SA BSKOR BA'I DBUS) NA, RDO RJE'I SKYIL KRUNG GI TSUL
GYIS BZHUGS PA'I RNAM PAR BSGOM PAR BYA'O,,

GSUM PA PHUNG SOGS LHAR SGOM PA NI, PHUNG PO RNAM DAG BDE
GSHEGS LNGA,, ZHES PA NAS, ZHABS KYI GDAN,, ZHES PA'I BAR
RKANG PA PHYED BZHI STE, SNGAR BSHAD PA'I BLA MA DE NYID LHA'I
RNAM PAR LTA BAR MA ZAD, DE'I PHUNG KHAMS SKYE MCHED SOGS
LHA'I RANG BZHIN DU BLTA BAR BYA DGOS

PA YIN TE, SPYI BOR RNAm PAR SNANG MDZAD CES SOGS 'BYUNG BA
LTAR RNAM SNANG SPYI BOR 'GOD PA SOGS BYAS TE, GZUGS PHUNG
RNAM SNANG, DE BZHIN DU TSOR PHUNG RIN 'BYUNG, 'DU SHES 'OD
DPAG MED, 'DU BYED DON GRUB, RNAM SHES KYI PHUNG PO MI BSKYOD
PA STE MDOR NA (PHUNG PO) LNGA PO DE DAG

RANG RANG RNAM PAR DAG PA BDE BAR GSHEGS PA LNGA'I RANG BZHIN
DU BLTA DGOS PAS SO, ,SA CHU ME RLUNG GI (KHAMS BZHI) PO,
SPYAN SOGS YUM BZHIR SGOM PAR BYED PA YIN TE, LTE BA SPYAN MA
ZHES SOGS 'BYUNG BA LTAR, SHA SA KHAMS RNAM PAR DAG PA SPYAN
MA, KHRAG CHU KHAMS MA'I?

@006B MA GI, DROD ME KHAMS GOS DKAR MO, ,DBUGS RLUNG KHAMS
SGROL MA'I RNAM PAR LTA DGOS PA'I PHYIR RO, ,MIG GI SKYE MCHED
SOGS (SKYE MCHED) DRUG DANG (RTZA RGYUS) DANG (TSIG RNAMS
BYANG CHUB SEMS DPA') BRGYAD DU (DNGOS) SU LTA DGOS STE, MIG
TU SA'I SNYING PO ZHES SOGS 'BYUNG BA LTAR, MIG RNAM PAR DAG
PAS SNYING,

RNA BA PHYAG RDOR, SNA NAM SNYING, LCE SPYAN RAS GZIGS, YID
'JAM DPAL, LUS SGRIB SEL, RTZA RGYUS BYAMS PA, TSIG KUN DU
BZANG PO'I NGO BOR LTA DGOS PA'I PHYIR, SKU'I (BA SPU) NYIS
KHRI CHIG STONG (DGRA BCOM) PA (NYIS KHRI) DANG (GCIG STONG)
DANG, LAG PA G-YAS LA GSHIN RJE GSHED CES SOGS

'BYUNG BA LTAR (YAN LAG) SOGS (KHRO BO'I DBANG PO) BCU'I RANG
BZHIN (NYID) DU SKAD CIG GIS BSKYED CING BLTA BAR BYA STE, DE
DAG GI NI BSKYED TSUL RGYAS PAR DPAL GSANG BA 'DUS PA'I LUS
DKYIL GYI SKABS SU SHES PAR BYA'O, ,DER YANG MA ZAD SKU'I ('OD
ZER) RNAMS (PHYOGS SKYONG) BCU'I

RANG BZHIN DANG, (GNOD SBYIN) DANG, (GSANG BA) STE DRI ZA
DANG, ZHES KHA CIG BZHED, LA LA GNOD SBYIN NYID GSANG BA PAR
'DOD DO, (,'JIG RTEN PA RNAMS ZHABS KYI GDAN) ZHES PA'I 'JIG
RTEN PA NI KHA CIG TSANGS PA SOGS PHYOGS SKYONG BCU LA 'DOD
CING, 'JIG RTEN SKYONG BA BZHI SOGS LA'ANG BSHAD

DGOS PAR SEMS LA, LHA DE RNAMS GDAN GYI NGO THOR MOS PA TZAM
DANG, LHA'I RNAM PA CAN GNYIS LAS SNGA MA BDE, GNYIS PA 'KHOR
BA SKYED TSUL NI, MTHA' SKOR RIM BZHIN, ZHES PA NAS, RDO RJE
GSUM MTSAN ZHES PA'I BAR RKANG PA PHYED DANG GSUM STE, KHROM
'TSOGS MTHO BRTZEGS GNYIS

LAS 'DIR KHROM 'TSOGS YIN PAS, GTZO BO DE NYID KYI (MTHA'
SKOR) DU NANG NAS PHYI (RIM BZHIN) DU, PAD ZLA'I GDAN LA RANG
LA DNGOS SU CHOS 'BREL YOD PA (DNGOS) KYI BLA MA RNAMS DANG,
DE DAG GI YANG GONG MA (BRGYUD) PA'I (BLA MA) RNAMS DANG, BLA
MA DE RNAMS KYI PHYI ROL TU GSANG BDE 'JIGS

@007A *, ,GSUM SOGS RGYUD SDE BZHIR GTOGS PA'I (YI DAM DKYIL
'KHOR) PA'I (LHA TSOGS DANG,) DE DAG GI PHYI ROL TU (SANGS
RGYAS) RNAMS DANG, DE RNAMS KYI PHYI ROL TU (BYANG) CHUB (SEMS)
DPA' RNAMS DANG, DE RNAMS KYI PHYI ROL TU RTZA BA LAS MI GSAL
YANG, DON GYIS THOB PA NYAN RANG RNAMS

DANG; DE'I PHYI ROL TU (DPA' BO MKHA' 'GRO) RNAMS DANG, THAMS
CAD KYI THA MAR (BSTAN SRUNG) KHRO BO'I DBANG PO'I TSOGS (RGYA
MTSO) MANG TSIG YIN PAS DPAG TU MED PA (SA BSKOR NAS BZHUGS) PAR
BSAM PAR BYA'O, ,RNAM PA CIG TU NA 'DIR BLA MED KYI SKABS YIN PA
LA DGONGS NAS NYAN RANG BZHAG PA YIN NAM

BRTAG ,SNGAR BSHAD PA'I LHA TSOGS (DE DAG) GI LUS KYI SGO SPYI
GTZUG DANG, NGAG GI SGO MGRIN PA DANG, YID KYI SGO THUGS KA STE
(SGO GSUM) PO DE RNAMS SU (RDO RJE GSUM) STE SKU GSUNG THUGS KYI
SA BON AOm A'A: H'Um GI YI GE KHA DOG DKAR DMAR MTHING GSUM GYIS
RIM PA BZHIN DU (MTSAN) BAR BSGOM PAR BYA'O,,

ZHES SBYOR, GNYIS PA SPYAN DRANGS NAS BSTIM PA'I TSUL LA GNYIS,
MDOR BSTAN PA DANG, RGYAS PAR BSHAD PA'O, ,DANG PO NI, H'Um YIG
'OD ZER ZHES SOGS RKANG PA PHYED GNYIS GSUNGS TE, SNGAR BSHAD
PA'I DAM TSIG PA GTZO 'KHOR SO SO'I THUGS KA'I (H'Um YIG) LAS
'PHROS PA'I ('OD ZER LCAGS

KYU) LTA BU (YIS RANG BZHIN) GYI (GNAS) TE RANG BZHIN GYIS STONG
PA CHOS SKU LA RANG BZHIN GYI GNAS SU BYAS PA DANG, LONGS SKU LA
RANG BZHIN GYI GNAS SU BYAS PA DANG, GNAS BYE BRAG PA 'OG MIN
SOGS LA RANG BZHIN GYI GNAS SU BYAS PA DE GSUM PO GANG YANG RUNG
BA (NAS) BSGOM PA DANG 'DRA BA'I (YE SHES PAR)

LONGS SPRUL GYI RNAM PA CAN 'KHOR DANG BCAS PA (RNAMS) SKAD CIG
GIS 'DIR (SPYAN DRANGS) TE, YE SHES BA DE RNAMS DAM TSIG PA GTZO
'KHOR SO SO LA (DBYER MED) PAR THIM PAS, JI SRID DGOS PA MA GRUB
PA DE SRID DU (BRTAN PAR GYUR) NAS BZHUGS ZHES PA'O, ,GNYIS PA
SPYAN 'DREN RGYAS PAR

@007B BSHAD PA NI, PHUN TSOGS BDE LEGS 'BYUNG GNAS SOGS RKANG PA
BZHI GSUNGS TE, (PHUN) SUM (TSOGS) BA MNGON MTHO LHA MI'I (BDE)
BA DANG, NGES PAR (LEGS) PA NYAN RANG SANGS RGYAS KYI BYANG CHUB
GSUm GYIS BSDUS PA'I LEGS TSOGS MA LUS PA 'BYUNG BA'I (GNAS) SAM
GZHI ,

'DAS MA 'ONGS DA LTA'I (DUS GSUM GYI RTZA RGYUD BLA MA) 'I TSOGS
RNAMS DANG, RGYUD SDE BZHI'I DKYIL 'KHOR DU GTOGS PA (YI DAM)
GYI LHA RNAMS DANG, SANGS RGYAS DANG, CHOS DANG, DGE 'DUN TE
(DKON MCHOG GSUM) DANG, LHA PHO'I RNAM PAR BSTAN NAS RIGS 'DZIN
SGRUB PA PO LA DNGOS GRUB STER BA'I

(DPA' BO) DANG, LHA MO'I RNAM PAR BSTAN NAS NAM MKHA' NAS DAG
PA'I ZHING SOGS LA 'GRO BA DANG 'ONG BA'I BYA BA BYED PA'I
(MKHA' 'GRO) MA RNAMS DANG, DAM PA'I CHOS DANG DE 'DZIN PA'I
SKYES BU (CHOS) BZHIN DU (SKYONG) BAR BYED PA'I (SRUNG) MA'I
(TSOGS) DANG (BCAS) PA RNAMS (THUGS RJE) STE SNYING RJE ('I
DBANG GIS

GUS PAS (SPYAN 'DREN) CING MCHOD PA'I GNAS ('DIR GSHEGS) NAS DAM
TSIG PA RNAMS DANG DBYER MED (BRTEN PA) STE 'GYUR MED DU
(BZHUGS) SU GSOL ZHES SO, ,SKABS 'DI'I GZHUNG 'GA' ZHIG TU, CHOS
RNAMS RANG BZHIN 'GRO 'ONG ZHES SOGS KYI TSIGS BCAD GCIG DANG,
DE'I 'PHRO NAS AOm RATnA GU RU ZHES SOGS

SNGAGS GYI SPYAN 'DREN ZHIG KYANG 'DUG PA NI, GZHUNG GZHAN NAS
'BYUNG BA ZHIG 'DIR BCUG PAR SNANG ZHING, DE NI CHOS SKU LA RANG
BZHIN GYI GNAS SU BYAS NAS GZUGS SKU'I RNAM PAR SPYAN 'DREN PA
YIN NO, (,DE LTA BU'I TSUL GYIS BLA MA DANG RDO RJE 'CHANG DBYER
MED DU BLTA BA NI RGYUD MANG PO'I DGONGS PA LTAR BLA MA LNGA BCU
PAR, SLOB DPON DANG NI

(RDO? 'DZIN,) ,THA DAD PAR NI MI BRTAG GO ,ZHES GSUNGS PA LTAR
YIN LA, DE'I PHUNG SOGS RIGS LNGA SOGS SU BSGOM PA NI, RGYUD RDO
RJE 'PHRENG BA LAS, (RDO RJE SLOB DPON LUS 'DI LA, ,RGYAL BA'I
SKU NI RIM BZHIN GNAS, (,ZHES SOGS GSUNGS PA'I DON YIN PA LTAR,)
RDO RJE MKHA' 'GRO LAS KYANG GSUNGS LA, BLA MA LNGA BCU PA'I
tIKKAR YANG RJE NYID

@008A *, ,KYIS RGYAS PAR BKA' STZAL BAS NA, DE LTAR (TSOGS ZHING
GSAL BTAB, YE SHES BA DGUG GZHUG ,SKYABS GSUM KUN 'DUS PA'I BDAG
NYID DU MOS PA DUNG DUNG BA) BYA'O, ,GNYIS PA DE LA MCHOD PA JI
LTAR BYA BA'I RIM PA BSTAN PA LA GNYIS, PHAN YON BSHAD PAS
MTSAMS SBYAR BA DANG,

MCHOD PA JI LTAR BYA LA DNGOS SO, ,DANG PO NI, DE YANG (MGON PO
KLU SGRUB GYI RIM LNGAR,) MCHOD PA THAMS CAD RNAM SPANGS NAS,
BLA MA MCHOD PA YANG DAG BRTZAMS, ,DE MNYES PAS NI KUN MKHYEN
GYI, ,YE SHES MCHOG NI THOB PAR 'GYUR, (,ZHES SANGS RGYAS BYANG
SEMS THAMS CAD MCHOD PA BAS, ,BLA MA MCHOD PA DON CHE BAR GSUNGS
PA

LA NGES SHES DRANGS) TE MCHOD PAR BYA'O, ,GNYIS PA MCHOD PA JI
LTAR BYA BA DNGOS NI, ,DE (NAS YAN LAG BDUN PA 'BUL BA) YIN
(LA,) 'DI LA GNYIS, SO SOR RGYAS PAR BSHAD PA DANG, BSAGS SBYANG
SPEL GSUM DU BSDU BA'O, ,DANG PO LA GNYIS, YAN LAG DANG PO GNYIS
BSHAD PA, LHAG MA

LNGA BSHAD PA'O, ,DANG PO LA PHYAG DANG, MCHOD PA GNYIS LAS,
DANG PO, (THOG MAR PHYAG 'TSAL BA NI,) GANG GI THUGS RJES BA DE
BA CHEN PO'I DBYINGS, ,ZHES SOGS TSIGS SU BCAD PA LNGA STE,
(PHYAG 'TSAL LO,) ,GANG LA 'TSAL NA, RDO RJE 'DZIN PA'AM (RDO
RJE CAN) TE, NGES DON GYI RDO RJE BDE STONG DBYER MED KYI

YE SHES THUGS RGYUD LA LDAN PA BLA MA'I (ZHABS) KYI (PADMOR) TE
ZHABS DE NYID LA PADMO'I MING GIS BSTAN NAS, DE LA GUS PAS 'DUD
PA'O, ,'O NA, DE LA 'DUD PAS PHAN YON CI ZHIG 'BYUNG ZHE NA,
SNGAR BSHAD PA'I BLA MA (GANG GI THUGS RJES,) BRTZON 'GRUS SHIN
TU 'BAR BA RIN PO CHE LTA BU'I GANG ZAG

KHYAD PAR CAN LA, THUN MONG GI DNGOS GRUB STZOL BAR MA ZAD, GTAN
DU 'GYUR MED (BDE BA CHEN PO'I DBYINGS) TE GNAS CHOS SKU SOGS
(SKU GSUM) GYI (GO 'PHANG MCHOG KYANG SKAD CIG) STE SNYIGS DUS
KYI TSE CIG (LA STZOL) BAR (MDZAD) BA YIN NO, ,BLA MA DE JI LTA
BU DANG CHOS MTSUNGS ZHE NA, (BLA MA) DE NYID YID BZHIN

@008B GYI NOR BU (RIN CHEN LTA BU'I SKU) MNGA' BAS DE DANG
MTSUNGS SO, ,DE YANG YIN TE, DPER NA, YID BZHIN GYI NOR BU DE
NYID BYI DOR LEGS PAR BYAS TE RGYAN RNAMS KYIS BRGYAN NAS RGYAL
MTSAN GYI RTZE MOR BKOD DE MCHOD CING GSOL BTABS NA, CI 'DOD KYI
DNGOS GRUB STZOL BA DE BZHIN DU, SNGAR BSHAD PA'I TSAD LDAN

GYI BLA MA DE TSUL BZHIN BSTEN PAS, GNAS SKABS MNGON MTHO'I BDE
BA DANG, MTHAR THUG SANGS RGYAS NYID STZOL BA'I PHYIR RO, ,ZHES
BYA'O, ,YANG (PHYAG 'TSAL LO,) ,GANG LA NA, 'JIGS PA LAS SKYOB
PAS (SKYABS) DANG, BDE BAS PHAN PAR MDZAD PAS (MGON) DANG, (DAM
PA) STE MCHOG TU GYUR PA'I BLA MA ('I ZHABS

LA) 'O, ,'O NA BLA MA DE NGO BO'I KHYAD PAR THA MA LA PA ZHIG
YIN NAM SNYAM NA, DE NI MA YIN TE, (RAB 'BYAMS) TE DE LA RAB
'BYAMS MTSAMS SBYOR, RAB 'BYAMS RGYUD, RAB 'BYAMS RGYUD PAR MA,
RAB 'BYAMS RGYA MTSO'I ZHING (RNAMS NA BZHUGS) PA'I (RGYAL BA)
STE MI MTHUN PA'I PHYOGS THAMS CAD LAS RGYAL BA'I

SANGS RGYAS RNAMS (KUN GYI) THUGS GNYIS SU MED PA'I (YE SHES) DE
NI, GDUL BYA'I BSAM PA DANG MTHUN PAR GANG LA (GANG 'DUL) GYI
SKU'I BKOD PA (CI YANG 'CHAR BA) STE SNA TSOGS STON PA ('I THABS
MKHAS MCHOG) GI MDZAD PA DU MA ZHIG SNANG BA LAS, DENG SANG BDAG
CAG SNYIGS DUS KYI BLO DMAN 'GRO BA'I

NGOR, NA BZA' (DUR SMRIG 'DZIN PA'I) DGE SLONG GI (GAR GYIS) TE
GZUGS KYI (RNAM) PAR (ROL BA) 'AM RNAM PAR BSTAN PA YIN PA'I
PHYIR RO, ,YANG (PHYAG 'TSAL LO,,) GANG LA NA, (RJE BTZUN) TE
SDUG BSNGAL GYI RGYA MTSO LAS SGROL BAR MDZAD PA'I (BLA MA'I
ZHABS LA) 'O, ,'O NA, DE YON TAN CI ZHIG DANG LDAN SNYAM

NA; BLA MA DE NYID NI PHUN SUM TSOGS PA'I YON TAN DANG LDAN PA
YIN TE, (NYES) PA SGRIB GNYIS (KUN) DANG (BAG CHAGS) TE DE
BSKYED PA'I GZHI SA BON DANG (BCAS PA DRUNG) STE RTZA BA NAS
(PHYUNG ZHING) SPANGS PA'I SPANGS PA DANG, (DPAG) TU (MED) PA'I
(YON TAN RIN CHEN) TE BYANG CHUB KYI SEMS LA SOGS RTOGS

@009A *, ,PA'I YON TAN GYI (TSOGS KYI GTE RE) MDZOD DU GYUR PAS
RANG DON RDZOGS PA DANG, 'GRO BA RNAMS KYI GNAS SKABS (PHAN) PA
DANG, MTHAR THUG (BDE) BA (MA LUS) PA ('BYUNG BA'I SGO) DE LTA
BU GZHAN MED PAS NA (GCIG PU) STE GZHAN DON PHUN SUM TSOGS PA'I
YON TAN DANG LDAN PA'I

PHYIR RO, ,YANG (PHYAG 'TSAL LO,) ,GANG LA NA, BLA MA LAS GCIG
TZAM MA YIN PAR CHOS KYI BKA' DRIN MNOS PA'I (DRIN CAN) GYI (BLA
MA RNAMS LA) 'O, ,DE RNAMS JI LTA BU YIN ZHE NA, (LHAR) TE LHA
DANG, (BCAS) PA'I 'GRO BA RNAMS LA, RANG NYID KYIS JI LTAR GZIGS
PA BZHIN DU LEGS PAR 'DOMS

PAR MDZAD PA'I (STON PA SANGS RGYAS KUN GYI DNGOS) PO STE NGO BO
YIN LA, 'DOD CHAGS DANG, ZHE SDANG DANG, GTI MUG DANG, DUG GSUM
CHA MNYAM PA RE RE'I GNYEN POR CHOS KYI PHUNG PO NYIS KHRI CIG
STONG RE GSUNGS PAS NA (BRGYAD KHRI) DANG (BZHI STONG) GI (DAM)
PA'I (CHOS) KYI ('BYUNG BA'I GNAS) SU GYUR PA DANG, ('PHAGS)

PA'I DGE 'DUN GYI (TSOGS KUN GYI DBUS NA,) SKU GSUNG THUGS KYI
GZI BRJID DAM YON TAN GYI DPAL GYIS (LHANG NGE) BAR BZHUGS PA'I
BDAG NYID CAN YIN NO, ,YANG (PHYAG 'TSAL LO,) ,GANG LA NA,
SKYABS YUL (PHYAG) BYA BA'I ('OS) SU GYUR PA (THAMS CAD LA) 'O,
,'O NA; DE GANG YIN, JI LTAR PHYAG 'TSAL ZHE NA, DANG

PO NI, 'DAS MA 'ONGS DA LTA'I (DUS GSUM) DU BYON PA DANG 'BYON
PA RNAMS DANG, SHAR LA SOGS PA (PHYOGS BCUR BZHUGS PA'I BLA MA)
RNAMS DANG, (RIN CHEN MCHOG GSUM) TE DKON MCHOG GSUM ZHES PA YIN
LA, DE'I DON NI RGYUD BLA MA LAS, 'BYUNG BA DKON PHYIR DRI MED
PHYIR, ,MTHU LDAN PHYIR DANG 'JIG RTEN GYI, ,RGYAN GYUR PHYIR

DANG MCHOG NYID PHYIR, ,'GYUR BA MED PHYIR DKON MCHOG NYID,
,ZHES GSUNG PA LTAR RO, ,GNYIS PA JI LTAR PHYAG 'TSAL BA NI,
,GONG DU BSHAD PA'I YUL DE RNAMS LA SGO GSUM GUS PAS PHYAG 'TSAL
BA YIN TE, DE DAG LA (DAD CING MOS PA) BSKYED PA NI YID KYI
PHYAG DANG, DES KUN NAS

@009B BSLANGS TE DE RNAMS KYI YON TAN GYI BSNGAGS PA BRJOD PA
(BSTOD) PA'I (DBYANGS RGYA MTSO) STE MANG PO BSGRAGS PA NI NGAG
GI PHYAG DANG, DE DANG (BCAS) PA STE MNYAM DU SANGS RGYAS KYI
ZHING GRANGS MED PA'I (RDUL) PHRA RAB KYI GRANGS DANG (MNYAM
PA'I LUS SPRUL) NAS YAN LAG LDAS LA

GTZUGS PA'I PHYAG 'TSAL BA NI LUS KYI PHYAG YIN LA, DE DAG LAS
RE RE TZAM MA YIN PAR THAMS CAD KYIS 'DUD PA'I PHYIR RO, ,'O NA
LUS DNGOS GCIG GIS PHYAG 'TSAL BA DANG, DE DANG LHAN CIG LA MANG
PO SPRUL NAS PHYAG 'TSAL BA GNYIS LA PHAN YON KHYAD PAR YOD DAM
ZHE NA ,

YOD DE, GCIG GIS BSOD NAMS CHE BAR GYUR NA, MANG POS LTA SMOS
KYANG CI DGOS PA STE LHAG PAR CHE BA'I PHYIR TE, DE SKAD DU SLOB
DPON YE SHES SDES, LUS GCIG GIS PHYAG 'TSAL BAS BSOD NAMS CHEN
LUS DE SNYED KYIS PHYAG 'TSAL BA BSOD NAMS CHE BA LTA CI SMOS,
ZHES GSUNGS

PA'I PHYIR, ZHES SGO GSUM GUS PAS PHYAG BYAS PA SNGON DU BTANG
STE YAN LAG LHAG MA RNAMS BYA'O, ,GNYIS PA MCHOD PA 'BUL BA NI
PHYAG BYA BA'I YAN LAG ZIN PA DE (NAS MCHOD PA'I YAN LAG NI,
MCHOD PA'I 'KHOR GSUM) STE MCHOD PA DANG, MCHOD YUL DANG, MCHOD
MKHAN GSUM (PO RNAM

PAR MI RTOG PA BDE STONG DBYER MED KYIS RGYAS (BTAB NAS 'BUL BA)
YIN LA, BDE STONG GI DON RGYAS PAR NI BLA MA'I MAN NGAG LAS
BTZAL DGOS SO, ,'BUL TSUL DE (NI) STON PA LA GNYIS, MCHOD YUL
NGOS BZUNG NAS MCHOD PA MDOR BSTAN PA, MCHOD PA'I RAB DBYE RGYAS
PAR BSHAD PA'O, ,

(DANG PO NI,) SKYABS MGON ZHES SOGS RKANG PA GNYIS TE, SNGAR
BSHAD PA'I DON GYIS NA (SKYABS MGON) DE LTA BU'I (RJE BTZUN BLA
MA 'KHOR) DANG (BCAS) PA RNAMS (LA,) 'OG NAS 'BYUNG BA LTAR PHYI
NANG GSANG BA'I MCHOD PA MI 'DRA BA'I KHYAD PAR (SNA TSOGS) PA'I
(MCHOD SPRIN RGYA MTSO) STE MANG PO ('BUL BA NI) 'DI

@010A *, ,LTAR RO, ,GNYIS PA DE NYID RAB DBYE'I SGO NAS RGYAS
PAR BSHAD PA LA LNGA, PHYI DANG, NANG DANG, GSANG BA, DE KHO NA
NYID KYI MCHOD PA, SMAN DANG LUS 'BUL BA'O, ,DANG PO PHYI'I
MCHOD PA LA YANG LNGA, CHU BZHI, NYER LNGA ROL MO DANG BCAS PA,
MAndAL SOGS DANG, SGRUB PA'I MCHOD PA

ZHAR BYUNG DANG BCAS PA BSHAD PA'O, ,DANG PO CHU BZHI NI, BKOD
LEGS SOGS RKANG BA GNYIS TE, BSHAMS TSUL GYI (BKOD) PA (LEGS)
SHING MDZES PA DANG, RGYU GSER SOGS (RIN CHEN) SNA TSOGS LAS
GRUB CING, DE LAS ('DO' BAR) ZHING 'KHYUG PA'I (SNOD LANG) PA'I
NAD THAMS CAD (LAS) 'BYUNG BA'I

SGYON (DAG BYED) KYI (BDUD RTZI'I CHU BZHI) STE, MCHOD YON,
ZHABS BSIL, ZHABS BSIL, BSANG GTOR RNAMS YIN LA, (DAL GYIS 'BAB)
PA NI, KHA CIG DAL BUS 'BUL PA'I DON DU BZHED LA, 'ON KYANG CHU
BZHI BO DE DAG SNOD RNAMS NAS DAL BUR RGYU BA'AM 'BYUNG BA'I DON
DU BYA DGOS SAM SNYAM MO, ,GNYIS

PA NYER SPYOD LNGA ROL MO DANG BCAS PA NI, SDONG PO SIL MA
PHRENG BA SPEL LEGS PA, ,ZHES PA NAS, SA GSUM 'GENGS,, ZHES PA'I
BAR RE RE LA RKANG PA GNYIS GNYIS GSUNGS TE, ME TOG CI 'DRA BA
ZHIG 'BUL BA YIN ZHE NA, DE YANG (SDONG BO) STE GZHUNG SHING CHE
CHUNG YAL GSOGS MANG NYUNG CI RIGS PA'I

ME TOG RNAMS DANG, MA BRGYUS PAR BCAL DU BKRAM PA'I (SIL MA)
RNAMS DANG, BRGYUS TE (PHRENG BA)R BYAS PA DANG, SNA TSOGS PA
BSRES SHING (SPEL) MAR (LEGS PA)R BSHAMS PA RNAMS DANG, GZHAN
YANG PHYOGS CIG TU BCINGS PA'I BON PO RNAMS DANG, SPUNGS PA'I
TSOM BU RNAMS DANG, KHA 'THOR

BA SOGS (MDZES PA'I ME TOG) DNGOS DANG BCOS MA DANG YID KYIS
SPRUL PA RNAMS (SA DANG BAR SNANG) GI KHYON THAMS CAD (GANG) TE
'BUL LO, ,KHA CIG PHRENG BA SPEL LEGS PA ZHES MA PHYE BAR BSHAD
DO, ,GNYIS PA BDUG SPOS NI, (DRI ZHIM) PO'I RIGS SNA TSOGS SBYAR
PA'I (SPOS KYI) TSOGS DANG, SNA GCIG PA MA SBYAR PA

@010B RNAMS BSREGS PA'I (DUD PA BEEd'URYA) SNGON PO'I MDOG DANG
MTSUNGS PA('I DBYAR SKYES) TE DBYAR DUS SU 'BYUNG BA'I CHU 'DZIN
(SNGON PO'I SPRIN GYIS LHA LAM) STE NAM MKHA' THAMS CAD DU
('KHRIGS) SHING GANG BA RNAMS 'BUL LO, ,GSUM PA SNANG GSAL NI,
(NYI) MA DANG, (ZLA) BA'I DKYIL 'KHOR GYI 'OD DANG, (NOR BU) RIN
PO CHE('I)

'OD ZER (RAB) TU ('BAR) BA LA SOGS PA'I (SGRON MO'I TSOGS) RNAMS
NI, STONG SPYI PHUD SOGS (STONG GSUM) GYI 'JIG RTEN KHAMS TSUN
CHAD KYI (MUN) PA MA LUS PA (SEL) BAR BYED NUS PA'I ('OD ZER
RTZE DGA' RGOD) BA STE 'BAD ZHING 'PHRO BA SOGS KYI BYED LAS
DANG LDAN PA RNAMS 'BUL LO, ,BZHI PA DRI CHAB NI, (?,

TZANDAN, GUR GUM) LA SOGS PA DRI BZANG PO'I TSOGS KYIS (BSGOS
PA'I SPOS CHU'I MCHO CHEN) PO KHOR RA (KHOR YUG) TU (GUN NAS
'KHYIL) BA RNAMS 'BUL LO, ,LNGA PA ZHAL ZAS NI, MNGAR SGYUR KHA
BA DANG BSKAB LA SOGS PA'I (RO BRGYA) STE GRANGS BRGYA 'DREN
TSUL ZHIG SNANG YANG 'DIR DON RO DU MA ('I BCUD DANG LDAN PA'I
BAR BSTE)

TSIG LER, SNA TSOGS 'BRAS CHAN ZAN DANG SHA, BYE DANG 'KHUR BA
BZA' BA LNGA, ZHES DANG, BCA' BA NI, TSIG LER, RTZA BA STONG BU
ME TOG 'BRAS, LO MA YANG NI BCA' BA LNGA, ,ZHES PA LTAR DANG, JA
THUG PA, ZHO CHANG DANG PHA 'O MA LA SOGS PA('I BTUNG PA DANG,)
GZHAN YANG (LHA DANG MI YI ZHAL ZAS) KYI RIGS SNA TSOGS PA RI
RAB

LHUN PO LTAR (SPRUNGS) BA RNAMS 'BUL LO, ,DRUG PHA ROL MO NI,
DUNG GLING BU (RNGA) PI WANG DRIL BU SOGS (SNA TSOGS) PA'I (ROL
MO'I BYE BRAG) STE KHYAD PAR MI 'DRA BA (MTHA' YAS) PA (LAS
BYUNG BA'I) SKAD (GYI) GDANGS SNYAN PO SGRA'I RNAM PAR ('GYUR
PAS) SA BLA SA STER, SA 'OG STE (SA GSUM 'GONGS PAR BYED PA)
RNAMS

'BUL THO, ,GSUM BA 'DOD YON LNGA NI, GZUGS SGRA DRI RO REG BYA'I
ZHES SOGS RGANG PA GNYIS TE, 'DI LA? GNYIS, PHYI'I 'DOD YON LNGA
DANG, NANG GI 'DOD YON LNGA'O, ,DANG PO NI, PHYAG NA GZUGS GSAL
BYED KYI ME LONG 'DZIN PA'I GZUGS RDO RJE MA, RNA BAR SNYAN PA'I
PI WANG SGRA DBYANGS STONG LDAN

@011A *, ,'DZIN PA'I SGRA RDO RJE MA, SNA'I DBANG POR BDE BA
STER BAR BYED PA'I (DRI) LDAN GYI DUNG CHOS 'DZIN PA'I DRI RDO
RJE MA, LCE'I DBANG POR ZAG MED KYI BDE BA STER NUS PA'I (RO)
SNA TSOGS PA'I SNOD THOG PA RO RDO RJE MA, LUS DBANG LA BDE BA
KHYAD PAR CAN STER BA BYED NUS PA'I (REG

BYA'I) GOS SNA TSOGS PA 'DZIN PA'I REG BYA RDO RJE MA STE,
(DPAL 'DZIN PA) NI 'DOD YON LNGA PO LA'ANG SBYAR ZHING PHUN SUM
TSOGS PA'I DON NO, ,GNYIS PA NI, GZUGS SOGS 'DOD YON LNGA RAB
'BRING THA GSUM DU SNANG BA THAMS CAD GZUGS RDO RJE MA LA SOGS
BLHA MO RNAMS GYI RNAM PAR SHAR TE, DE RNAMS KYIS

RANG RANG GI RTAGS KYI PHYI'I 'DOD YON RNAMS BZUNG NAS 'BUL BAR
MA ZAD, RANG RANG SO SO'I GZUGS DANG, DBYANGS DANG, DRI DANG, MA
MCHU'I RO DANG, LUS DANG GSANG BA'I REG BYA RNAMS KYANG 'BUL
BA'O, ,DE DAG BZHIN RAB TU MDZES SHING, ZHI BA'I SPYAN ZUR G-YO
BA, LANG TSO DAR LA BAB PA'O, ,

DE LTA BU'I (PHYI NANG 'DOD YON) GYI (LHA MO) GNYIS RE RE TZAM
MA YIN PAR GNYIS KA (SA PHYOGS KUN) DU (KHYAB) PAR MOS NAS 'BUL
LO, ,SPYIR MCHOD PA LA LNGA YOD DE, RDZAS KYI MCHOD PA, SNGAGS
KYI MCHOD PA, PHYAG RGYA'I MCHOD PA, TING NGE 'DZIN GYI MCHOD
PA, SGRUB PA'I MCHOD PA DANG LNGA

YOD PA'I PHYIR RO, ,'ON KYANG 'DIR PHYI'I MCHOD PA LA PHAS CHER
RDZAS TSANG ZHING, NANG DANG GSANG BA'I MCHOD PA RNAMS LA RDZAS
DANG, SNGAGS DANG PHYAG RGYA'I MCHOD PA RNAMS MA TSANG LA, DE
THAMS CAD LA YANG TING NGE 'DZIN GYI MCHOD PA TSANG PA YIN NO,
,BZHI PA MAndAL SOGS NI, BYE BA PHRAG BRGYA'I

GLING BZHI LHUN POR BCAS, ZHES PA NAS GTER LA 'BUL BAR BGYI,
ZHES PA'I BAR RKANG PA DRUG GSUNGS TE, 'DI LA SNOD KYI 'JIG RTEN
DANG, BCUD KYI LONGS SPYOD 'BUL BA DANG GNYIS, DANG PO NI, BYE
BA PHRAG BRGYA SOGS RKANG PA GCIG STE, 'OG GZHI RLUNG DANG, CHU
DANG, SA'I DKYIL

@011B 'KHOR RIM PA GSUM GYI STENG DU (BYE BA PHRAG BRGYA) STE,
BYE BA BRGYA THAM BA'I MING YIN LA, DE LA DUNG PHYUR BCU YOD
CING, THER 'BUM GCIG YIN NO, ,DE LTA BU'I SHAR LA SOGS PA (GLING
BZHI) DANG GLING PHRAN BRGYAD, KHOR YUG GI LCAGS RI, DE RNAMS
KYI DBUS NA GSER GYI RI BDUN DANG, DE RNAMS

KYI BAR BAR DU MTSO BDUN, DE THAMS CAD KYI DBUS SU RI RGYAL
(LHUN POR) TE DE DANG (BCAS) PA RNAMS 'BUL LO, ,SNGAR BSHAD PA
LTAR BYE BA BRGYA'I GLING BZHI LHUN POR BCAS PA RNAMS STONG GSUM
GYI STONG CHEN PO'I 'JIG RTEN GYI KHAMS GCIG GI BKOD PA YIN TE,
GLING BZHI NAS TSANGS PA'I

'JIG RTEN BAR BSDOMS PA STONG LONGS PA GCIG LA STONG DANG PO
DANG, DE STONG LA STONG GNYIS PA, DE STONG DU ?LO NGES PA LA
STONG GSUM BAR 'JOG PA'I PHYIR, DE LTAR YANG MDZOD LAS, GLING
BZHI DANG NI NYI ZLA DANG, RI RAB DANG NI 'DOD LHA DANG, TSANGS
PA'I 'JIG RTEN STONG LA NI,, STONG NI SPYI PHUNG YIN PAR

'DOD, ,DE STONG LA NI STONG GNYIS PA,, BAR MA'I 'JIG RTEN KHAMS
YIN NO, ,DE STONG LA NI STONG GSUM MO, ,ZHES GSUNGS PA LTAR RO,
,DER MA ZAD, RAB 'BYAMS RGYA MTSO'I 'JIG RTEN GYI KHAMS DANG,
PHYOGS BCU'I ZHING KHAMS JI SNYED PA THAMS CAD KYANG BLOS BLANGS
NAS MOS PAS 'BUL

RUNG NGO, ,LAG LEN LA NI MAndAL GYI TSOM BU RGYAS BSDUS GANG
RUNG BGOD NAS DE LTAR MOS TE 'BUL BAR BYA'O, ,GNYIS PA BCUD KYI
KHYAD PAR NI, RIN CHEN BDUN DANG ZHES SOGS LNGA STE, DE LA BCUD
NGOS BZUNG BA DANG, DE 'BUL PA GNYIS LAS, DANG PO NI, 'KHOR LO
SOGS (RIN CHEN) SNA (BDUN DANG,,)

MDZOD 'GREL LAS, RAL GRI BGAS PA KHANG PA TSAL, ,MAL STAN GOS
DANG LHAM GYI MCHOG ,ZHES BA LTAR, (NYE PA'I RIN CHEN) BDUN
DANG, (SOGS) KYIS BSTAN PA'I RIN PO CHE'I RI BO, ,DPAG BSAM
SHING, 'DOD 'JO'I BA, GTER GYI BUM PA, MCHOD PA'I LHA MO BRGYAD,
NYI ZLA GDUGS RGYAL

@012A *, ,MTSAN SOGS MCHOD YUL (KUN) NAS (DGA') BA SKYED PAR
BYED (PA'I) SNOD KYI 'JIG RTEN SNGAR BSHAD PA RNAMS DANG, (BCUD)
KYANG BSHAD MA THAG PA'I (PHUN SUM TSOGS) PA (LHA) DANG (MI YI
LONGS SPYOD) KYI GZHI MA ('DOD DGU) 'BYUNG B(A'I GTER CHEN PO)
DANG MTSUNGS PA'I ZHING BKOD

KYI MAndAL 'DI NYID 'BUL BAR BGYI'O, ,GNYIS PA GANG LA JI LTAR
'BUL BA NI, (DANG BA) STE DANG PA ('I SEMS KYIS PHUL DU BYUNG)
BA'I MCHOD YUL (ZHING GI MCHOG) SNGAR BSHAD BA LTAR GYI (SKYABS
MGON THUGS RJE'I GTER) MDZOD DU GYUR PA'I BLA MA 'KHOR DANG BCAS
PA RNAMS (LA DBUL BAR BGYI'O) 'O, ,LNGA BSGRUB PA

MCHOD PA ZHAR BYUNG DANG BCAS PA LA GNYIS, NANG NGAM SGRUB PA'I
MCHOD PA DNGOS DANG, ZHAR BYUNG RGYA JA'I MCHOD PA BSHAD PA'O,
,DANG PO NI, DNGOS BSHAMS YID SPRUL (NAS) MNYES PHYIR 'BUL,
,ZHES PA'I BAR TE, 'DI NI DPE CAN DPE RU BKOD PA'I GZUGS CAN GYI
RGYAN YIN MOD, GO BDE BAR DPE DON SO

SOR BSHAD PAR BYA STE, 'DI LA 'CHAD TSUL RUNG MI 'DRA BA GZHAN
YOD KYANG 'DIR RANG GZHAN GYIS (DNGOS SU BSHAMS) PA DANG, (YID
KYIS SPRUL) PA'I MCHOD PA'I TSOGS SKYES RABS NAS 'BYUNG BA'I
(YID BZHIN RGYA MTSO'I) CHU LTAR MANG BA (DOGS) TE RGYA MTSO LA
PHAR 'GRAM DANG, TSU ROL GYI 'GRAM GNYIS 'BYUNG

BA DE BZHIN DU, GZHI MCHOD PA RGYA MTSO LTA BU MANG PO DE LA
YANG, CHA GNYIS SU PHYE BA LAS BYUNG B'I (SRID) PA STE TSU ROL
'KHOR BAS BSDUS PA'I DGE BA DANG, ZHI BA STE PHA ROL THAR PA'I
PHYOGS KYIS BSDUS BA'I DGE BA GNYIS YOD PA NI, RGYA MTSO'I 'GRAM
GYI BAD SDONG GI SA BON DANG MTSUNGS PA STE, DE LTA BU'I (RNAM
DKAR) GYIS

BON BTAB PA'I RGYU (LAS 'ONGS) PA STE DE LAS BYUNG BA'I PHAN
BDE'I TSOGS RNAMS NI, MCHOD PAR 'OS PAS NA (MCHOD RDZAS KYI MING
GIS) BSTAN LA, DE YANG ('DAB STONG) STE JI SKAD DU, YID BZHIN
MTSO YI DOGS KYI BAD SDONG BZHIN,, ZHES GSUNGS PA LTAR, RGYA
MTSO DE'I NGOS KYI PADMA'I SDONG PO (RGYAL BA) DANG 'DRA BA'I
LEGS TSOGS RNAMS KYI

@012B BYED LAS NI, RANG GZHAN (KUN GYI YID 'PHROG) PA STE YID
DGA' BAR BYED (CING,) GZHAN YANG DE'I CHA SHAS ('JIG RTEN) NI SO
SO SKYE BO DANG, ('JIG RTEN LAS 'DAS,) PA 'PHAGS PA RNAMS TE
MDOR NA RANG DANG (GZHAN GYI) LUS NGAG YID KYI (SGO GSUM) DU
BSAGS PA'I (DGE BA'I ME TOG) GI TSOGS LTA BU (CI YANG BKRA) BA
STE SNA

TSOGS PA CIR YANG MDZES PAR SNANG BA DANG, LEGS TSOGS DE YANG
KUN TU BZANG ZHING KHYAD PAR DU 'PHAGS PA'AM, BYANG SEMS KUN TU
BZANG PO'I SMON LAM DANG YANG NA (KUN) HU BZANG PO'I BYANG CHUB
KYI SEMS DANG RDZOGS PA'I BYANG DU BSNGO BA'I BSAM PAS ZIN PA NI
(MCHOD PA'I DE BSUNG) STE

DRI NGAD BZANG PO LDANG BA LTA BU ('BUM) PHRAG ('PHRO BA'I DO
NO,) DPE DE LTA BU'I RGYA MTSO'I NGOGS SU 'KHRUNGS PA'I SDONG PO
ME TOG DRI LDAN RNAMS KYI RTZER, TSUL KHRIMS TING 'DZIN SHES RAB
KYI (BSLAB) PA (GSUM) DANG, THUN MONG DANG THUN MONG MA YIN PA'I
LAM GYI RIM PA GNYIS SAM, BSKYED

RDZOGS KYI LAM (RIM) PA (GNYIS) DANG, TSOGS LAM, SBYOR LAM,
MTHONG LAM, SGOM LAM, MI SLOB LAM STE (LAM LNGA'I 'BRAS) BU DANG
LDAN PA NI, RTOGS PA'I YON TAN DANG, THAR PA'I 'BRAS BU GYA NON
PA DANG LDAN PA NI SPANGS PA'I YON TAN TE, DE LTA BU'I MCHOD PA
(DGA') BA'I

(TSAL) DANG 'DRA BA 'DI YANG, (RJE BTZUN BLA MA MNYES) PA'I
PHYIR DU ('BUL) LO ZHES SO, ,DON BSDU NA, DGE RTZA RGYU'I MCHOD
PA RNAMS NI RGYA MTSO DANG SBYAR, 'KHOR 'DAS KYI RNAM DKAR NE
RGYA MTSO'I DOGS GNYIS LAS BYUNG BA'I PA DA SDONG DANG SBYAR LA,
SGO GSUM GYI DGE BA NI ME TOG DANG SBYAR, THABS

KHYAD PAR CAN GYIS ZIN PA NI DRI BSUNG DANG SBYAR, BSLAB GSUM
RIM GNYIS LAM LNGA NI 'BRAS BU DANG SBYAR NAS BSTAN PAS SO, ,DES
NA 'DIR DPE TZAM MA GTOGS DON LA YID BZHIN RGYA MTSO NI RGYA
MTSO DNGOS LA BYED PA MIN TE, YIN NA SDONG PO ME TOG DRI 'BRAS
BU RNAMS KYANG DE DAG DNGOS

@013A *, ,YIN PAR THAL BAR 'GYUR NA DE NI MI RUNG NGO, ,GNYIS PA
ZHAR BYUNG RGYA JA'I MCHOD PA NI, GUR GUM MDANGS LDAN SOGS RKANG
PA GNYIS TE (GUR GUM) GYI (MDANGS) MDOG LTA BU KHA DOG DMAR SER
DANG (LDAN) ZHING (BZANG PO) SHIN TU DRI ZHIM PO'I DRI NGAD CAN
RO BRGYA STE RO BCUD

MANG PO DANG LDAN PA'I (DPAL 'DZIN) PA STE YOD PA'I RGYA JA'I
BTUNG BA RNAMS KYANG 'BUL LO, ,DANG NI 'OG MA DANG SO SOR 'BYED
PA'I TSIG GO ,GNYIS PA NANG MCHOD NI, LCAGS KYU LNGA DANG SOGS
RKANG PA GNYIS TE, DNGOS GRUB 'GUGS PAR BYED PAS (LCAGS KYU
LNGA) STE SHA LNGA DANG, DNGOS GRUB GSAL

BAR BYED PAS (SGRON MA LNGA) STE BDUD RTZI LNGA DANG, (LA SOGS)
PAS BSDUS PA BDUD RTZI'I RDZAS SU 'OS PA RNAMS PA SANG SBYANG
BYIN GYIS BRLAB PA NI, (SBYANG RTOGS SBAR PA) STE DE LTA BU'I
('I BDUD RTZI RGYA MTSOS) RJE BTZUN BLA MA 'KHOR DANG BCAS PA
(MCHOD) PAR BGYI'O, ,SPYIR SHA LNGA LA DNGOS GRUB 'GUGS PAR

BYED PAS LCAGS KYU DANG GSAL BAR BYED PAS SGRON MA ZHES BSHAD PA
MANG YANG, SGRA DON DE NI BDUD RTZI LNGA LA'ANG SBYAR RUNG BAR
SEMS SO, ,GSUM PA GSANG BA'I MCHOD PA NI, YID 'ONG LANG TSO'I
DPAL SOGS TSIGS BCAD GCIG STE, DON NI, YID DU ('ONG) BA'I (LANG
TSO) STE NA TSOD BCU

DRUG LON PA LTA BU ('I DPAL) STA PHUN SUM TSOGS PA ('DZIN) PA
MCHOG TU MDZES PA'I RIG MA RNAMS SO, ,DE RNAMS KYI BYED LAS NI,
'KHYUD DANG 'O BYED SEN MO DANG, ,SO 'DEBS PA DANG YANG DAG
BSKYOD, ,SID SGRA SGROGS DANG BYA BA BYED, ,STENG NA 'DUG PA
DANG NI BRGYAD, ,ZHES 'BYUNG BA LTAR,

RE RE LA YANG BRGYAD BRGYAD DU PHYE BAS BSDOMS PAS (DRUG CU)
RTZA (BZHI'I 'DOD PA'I SGYU RTZA LA BCAG? PAS) PA'I (LUS PHRA
MA) STE YAN LAG DANG RKED PA CUNG PHRA ZHING LDEM LA SKABS PHYE
BA'O, ,DE LA GSUM YOD PA LAS GTZO CHE BA'I DBANG DU BYAS NA,
(ZHING SKYES) NI, RDZOGS RIM DBEN PA GSUM DANG SGYU

@013B LUS BZHI PO CI RIGS LA GNAS PA'I RNAL 'BYOR BA'I PHYAG MA
DANG, (SNGAGS SKYES) BSKYED RIM PA'I PHYAG MA DANG, (LHAN SKYES)
ZUNG 'JUG LA GNAS PA'I PHYAG RGYA MAR BSHAD PA LTAR YIN LA, 'ON
KYANG SNGAGS SKYES GTZO CHER MI'I RTEN CAN DANG ZHING KHYAD PAR
CAN YUL NYER BZHI'I RNAL 'BYOR

MA DON GYI LHAN SKYES MA THOB PA NI ZHING SKYES DANG, DON GYI
LHAN SKYES RGYUD LA SKYES PA 'JIG RTEN LAS 'DAS PA'I LHA MO NI
LHAN SKYES KYI RNAL 'BYOR MAR BSHAD DO,, (,,PHO NYA) STE LAM
BGROD PA'I THABS SAM MGYOGS BYED YIN LA, DE LTA BU ('I TSOGS)
THAMS CAD DO, ,DE DAG KYANG KHA DOG

(MDZES) PA DANG, DBYIBS LTA NA (SDUG) CING MDZES PA'O, ,GZUGS
BRNYAN NAM, SGYU MA MKHAN GYIS SPRUL PA'I BUD MED LTA BU SNANG
LA RANG BZHIN MED PA NI (SGYU MA'I) PHYAG RGYA MA (RNAMS KYANG
'BUL) BAR BGYI'O,, ZHES BYA BA STE, KYANG NI PHYI NANG GI MCHOD
PAR MA ZAD PA'O, ,SPYIR PHYAG RGYA'I SGRA DON NI

RGYAS 'DEBS PA'I DON YIN YANG, PHYAG RGYA LA DBYE BA MI 'DRA BA
MANG BAS SKABS THOB SHES DGOS SO, ,BZHI PA DE KHO NA NYID KYI
MCHOD PA NI SGRIB BRAL LHAN SKYES SOGS TSIGS SU BCAD PA GCIG
STE, GNYIS SNANG GI RTOG PA'I (SGRIB) PA KUN DANG (BRAL) BA YUL
CAN (LHAN) CIG (SKYES) PA'I (BDE BA'I YE

SHES) CHEN PO DANG, YUL GZUGS SOGS (CHOS KUN RANG BZHIN) GYIS
GRUB PA'I (SPROS) PA (DANG BRAL BA'I DBYINGS) TE STONG PA NYID
GNYIS PO NGO BO (DBYER MED) PAR (LHUN) GYIS (GRUB) PA STE 'BAD
RTZOL MED PAR CHU DANG CHU 'DRES PA LTAR RO GCIG TU ZHUGS PA'I
BDE STONG DBYER MED KYI YE SHES KYI GZIGS NGOR,,

NAM MKHA' LA BYA 'PHUR BA'I RJES LTAR 'DI 'DRA'O ZHES (SMRA) BAR
MI NUS PA DANG, YID LA 'DI LTA BU'O ZHES RTOG PAS JI BZHIN
(BSAM) PA DANG, BSAM PA'I DON LTAR TSIG GIS (BRJOD) PA'I YUL
(LAS 'DAS) PA STE DE 'DRA BA'I (DON DAM BYANG CHUB) KYI (SEMS
MCHOG) DE (KHYOD LA 'BUL) BAR BGYI'O,,

@014A *, ,ZHES SO, ,SPYIR DON DAM BYANG CHUB KYI SEMS NI BRJOD
PA DANG BSAM MI NUS PA MIN YANG, MNYAM GZHAG DE'I NGO BOR GNYIS
SNANG THAMS CAD DANG BRAL BA BSAN? GNYIS SNANG DANG BCAS PA'I
SMRA BSAM BRJOD MED YIN TE, SA BCU PA'I MDO LAS, JI LTAR BAR
SNANG BYA

RJES MKHAS RNAMS KYIS, ,BRJOD PA NUS MA YIN ZHING MI MTHONG
LTAR, ,DE BZHIN RGYAL BA'I SRAS KYIS KUN KYANG, ,BRJOD MI NUS NA
NYAN PAR GAL NUS,, ZHES GSUNGS PA LTAR RO, ,DE RGYUD LA YOD PA
NI SHIN TU DGON YANG GZHAN RGYUD LA YOD PA DANG RANG GI MOS PA
YAN CHAD KYIS 'BUL RUNG STE, GZHAN LA'ANG

'DRA'O, ,LNGA PA SMAN DANG LUS 'BUL BA NI, NYON MONGS BZHI BRGYA
RTZA BZHI'I ZHES SOGS RKANG PA BZHI STE, (NYON MONGS) PA 'DOD
CHAGS DANG, ZHE SDANG DANG, GTI MUG DANG, DUG GSUM CHA MNYAM RE
LA BRGYA DANG RTZA GCIG TU PHYE BAS BSDU NA (BZHI BRGYA RTZA
BZHI) YOD LA, DE RNAMS KYIS BSKYED (BA'I NAD) BZHI BRGYA RTZA
BZHI

('JOMS) PAR BYED (PA'I BZANG PO'I SMAN) GYI RIGS GA BUR, AA KA
RU SOGS KYI (BYE BRAG) STE KHYAD PAR MI 'DRA BA (SNA TSOGS) PA
(DANG,) DER YANG MA ZAD MGON PO (KHYED MNYES) PAR (BGYI) BA'I
(PHYIR) DU (BDAG NYID) KYANG (BRAN) DU ('BUL) BA LAGS NA, BRTZE
BAS (NAM MKHA' JI SRID) GNAS PA DE SRID PAR BDAG KHYOD KYI
('BANGS) STE BRAN

BGYID PAR RJES SU (BZUNG DU GSOL,) ZHES PA'O, ,RNAM GRANGS GCIG
TU NA, NAD BZHI BRGYA RTZA BZHI NI SMAN RGYUD LAS, NAD LAS BZHI
BRGYA RTZA BZHIR GRAGS PA LAS, ,BRGYA DANG RTZA GCIG LTAR SNANG
'PHRAL GYI NAD, ,BRGYA DANG RTZA GCIG KUN BTAGS GDON GYI NAD,
,BRGYA DANG RTZA GCIG YONGS SRUB TSE YI NAD, ,BRGYA DANG

RTZA GCIG GZHAN DBANG LAS KYI NAD,, ZHES PA DANG, YANG 'GA' ZHIG
TU, SMAN GYIS GSO NUS BRGYA DANG GCIG ,RIM 'GROS NUS PA BRGYA
DANG GCIG ,GNYIS KAS NUS PA BRGYA DANG GCIG ,CI YANG MI PHAN
BRGYA DANG GCIG ,NYES 'BYUNG YANG RANG LUGS NI SNGA MA'O, (,ZHES
PHYI NANG GSANG BA DE KHO NA NYID KYI MCHOD

@014B PA DANG, SMAN DANG BDAG NYID KYANG BRAN DU 'BUL BA RNAMS
DMIGS PA DANG BCAS PA'I SGO NAS BYAS) TE YAN LAG LHAG MA RNAMS
BYA'O, ,DE YANG; (BSHAGS PA SOGS) TE RJES SU YI RANG BA DANG,
'KHOR LO BSKOR BAR BSKUL BA DANG, BRTAN PAR BZHUGS SU GSOL BA
DANG, BSNGO BA DANG SNGA STE (YAN LAG LHAG MA) DE

RNAMS (SNGAR GYI) GZUNG DU GSOL ZHES PA'I ('PHRO NAS) 'DI LTAR
BYA'O, ,GNYIS PA BSHAGS PA SOGS KYI YAN LAG DE NYID STON PA NI,
THOG MED DUS NAS MI DGE SDIG PA'I LAS,, ZHES PA NAS, THOB PHYIR
BSNGO, ,ZHES PA'I BAR TSIGS SU BCAD PA LNGA STE, 'DI LA LNGA,
BSHAGS PA DANG,

YI RANG DANG, BSKUL BA DANG, GSOL 'DEBS DANG, BSNGO BA'O, ,DANG
PO NI, THOG MED DUS SOGS RKANG PA BZHI STE, 'KHOR BA DANG PO 'DI
NAS BYUNG LA DE PHAN CHAD DU MED DO ZHES PA'I MTSAMS BZUNG DU
MED PAS (THOG) MA MED PA'I (DUS NAS) DA LTA'I BAR DU (MI DGE) BA
(SDIG PA'I LAS) BDAG GIS

(BGYIS) PA DANG, GZHAN LA (BGYID) DU (STZAL) PA DANG, RANG GZHAN
GYIS BYAS PA'I SDIG PA LA RJES SU (YI RANG) BA'I NYES PA'I TSOGS
(CI MCHIS PA) RNAMS KYANG, BLA MA (THUGS RJE CHEN) PO DANG
(LDAN) PA 'KHOR DANG BCAS PA'I (SPYAN SNGAR 'GYOD) PA DRAG PO'I
(SEMS KYIS BSHAGS SHING,) DA NAS BZUNG STE

(SLAN CHAD) SROG LA BAB KYANG (MI BGYID) PAR LEGS PAR (SDOM PAR
NOD) DE DAM BCA' KHAS LEN PAR BGYI'O, ,ZHES SO, ,GNYIS PA YI
RANG NI, CHOS RNAMS RANG BZHIN SOGS RKANG PA BZHI STE, KUN RDZOB
PA'I (CHOS RNAMS) KYI (RANG BZHIN) TE GNAS LUGS STONG PA NYID
KYI DBANG DU BYAS

NA; BDEN PAR GRUB PA'I (MTSAN MA DANG BRAL YANG) MA BRTAGS MA
DPYAD PAR MING RKYANG BTAGS YOD KYI THA SNYAD TZAM DU LAS 'BRAS
KYI RNAM GZHAG 'THAD PA NI, DPER NA, SKYES BU GNYID LOG PA'I TSE
BDE SDUG SNA TSOGS ZHIG SNANG BA YOD KYANG, DE DAG 'KHRUL BA'I
BAG CHAGS KYI DBANG GIS YIN GYI ,

@015A *, ,DON GYI GNAS TSOD LA MI BDEN TE, RMI LAM GYI MI NI MI
MA YIN PA'I PHYIR RO, ,DE LTAR GNAS TSOD LA RMI LAM DU SHAR BA
RNAMS DON DE DNGOS GNAS PA MA YIN KYANG, DE LTA NA'ANG BDE SDUG
DU MA ZHIG RMI LAM GYI TSE BA SKYED PA JI LTA BA DE BZHIN DU
BDEN PAR

MED KYANG KUN RDZOB TZAM DU SO SO (SKYE) BO RNAMS DANG, ('PHAGS)
PA'I GANG ZAG (THAMS CAD KYI) RGYUD LA (BDE BA) DANG (DGA') BA'I
KHYAD PAR SNA TSOGS PA (CI YANG 'CHAR BA) STE 'BYUNG BA (BA'I)
RGYU (RNAM DKAR) GYI DGE TSOGS JI SNYED MCHIS PA RNAMS (LA, BDAG
CAG) TSIG TZAM MA YIN

PAR (BSAM PA THAG PAS) RJES SU (YI RANG NGO) STE DGA' BA BSGOM
PAR BGYI'O, ,ZHES SO, ,GSUM PA BSKUL BA NI, PHUL BYUNG MKHYEN
BRTZE SOGS RKANG PA BZHI STE, (PHUL) DU (BYUNG) BA'I (MKHYEN) PA
STE CHOS THAMS CAD JI LTA BA BZHIN DU GZIGS PA'I YE SHES DANG,
SEMS CAN

THAMS CAD LA BU LTAR DGONGS PA'I (BRTZE) BA SNYING RJE ('I CHU
'DZIN) TE SPRIN ('BUM) PHRAG DU MA (DKRIGS) PAR BYAS (TE MTHA'
YAS) PA'I ('GRO) BA ('DI'I PHAN PA DANG, (BDE) BA ('I) LEGS
TSOGS KYI (KUN DA'I) TSAL RNAMS LAS, SNGAR MA SKYES PA (BSKYED)
PA DANG, SKYES ZIN

PA RNAMS (YUN RING GNAS) PA DANG, GNAS PA RNAMS KYANG GONG DU
(SPEL BA'I PHYIR) DU, (ZAB) PA STE STONG PA NYID LAS BRTZAMS PA
DANG, (RGYAS) PA STE RGYA CHE BA RGYAL SRAS KYI SPYOD PA SOGS
KUN RDZOB KYI RNAM BZHAG LEGS PAR STON PA'I (CHOS KYI CHAR BA
DBAB TU GSOL) ZHES PA STE ,

'DI YANG GZUGS CAN GYI RGYAN YIN LA, CUNG ZAD GO BA DE BAR BRJOD
NA, SPRIN DANG MKHYEN BRTZE SBYAR ZHING, 'GRO BA'I PHAN BDE NI
KU MU DA'I TSAL DANG, CHOS BSTAN PA NI CHAR DANG SBYAR BA YIN
NO, ,BZHI PA GSOL 'DEBS NI, RDO RJE'I SKU LA SOGS RKANG PA BZHI
STE, (RDO RJE) STE MI

@015B MTHUN PHYOGS RNAMS KYIS PHYED PA'AM BSHIGS PAR MI NUS PA'I
(SKU) DE (LA SKYE 'CHI MI MNGA') ZHING DBANG THOB PA YIN NA
YANG, BDEN GNYIS (ZUNG) DU ('JUG) PA'I SKU NOR BU (DBANG GI
RGYAL PO) DANG MTSUNGS PA DE ('I) SNOD DU GYUR BA'I (ZA MA TOG)
GDUL BYA

BYA RNAMS KYI NGO BOR DNGOS SU SNANG BA 'DI NYID (BDAG CAG) SLOB
MA RNAMS KYIS, YUN RING DU BRTAN PAR BZHUGS NA CI MA RUNG SNYAM
DU NI (MOS PA JI BZHIN) YUN RING POR (SRID) PA STE 'KHOR BA'I
PHYI (MTHA') LA ZAD PA ('I BAR) DE SRID DU (MYA NGAN) LAS (MI
'DA') BA

STE 'DA' BA'I TSUL MI STON PAR DUS (RTAG PAR BZHUGS SU GSOL,)
ZHES SO, ,LNGA PA BSNGO BA NI, DE LTAR BSKRUN PA'I RNAM DKAR DGE
BA NAS THOB PHYIR BSNGO, ,ZHES PA'I BAR TSIGS SU BCAD PA GCIG
STE, SNGAR YAN LAG DRUG PO (DE LTAR) BYAS PA LAS DGE BA'I

TSOGS (BSKRUN PA) STE BSKYED PA'AM BSAGS PA ('I RNAM DKAR DGE
BA'I TSOGS) CI MCHIS PA THAMS CAD SNGAR BSHAD PA LTAR (BKA' DRIN
GSUM LDAN) GYI (RJE BTZUN BLA MA) DAM PA DE (YIS) THUGS DGYES
BZHIN (TSE RABS KUN TU 'BRAL) BA (MED) PAR (RJES) SU

('DZIN CING,) THUGS BDE STONG DBYER MED KYI YE SHES DANG, SGYU
MA'I SKU GNYIS MNYAM DU 'TSOGS PA'I MI SLOB PA'I (ZUNG 'JUG RDO
RJE 'CHANG DBANG) STE NGES DON GYI RDO RJE 'DZIN PA KUN GYI
DBANG PO DE NYID ('THOB) PA'I (PHYIR) DU (BSNGO) 'O, ,GNYIS PA
YAN LAG BDUN PO DE

BSAGS SNANG? SPEL GSUM DU 'DU BAR BSTAN PA NI, PHYAG DANG MCHOD
PA YI RANG DANG BSKUL BA DANG GSOL 'DEBS LNGA NI, TSOGS GSOGS
PA'I YAN LAG ,BSHAGS PA NI SGRIB PA SBYONG BA'I YAN LAG, BSNGO
BA NI DGE BA MI ZAD CING GONG 'PHEL DU BYED PA'I YAN LAG GO

@016A *, (,ZHES YAN LAG BDUN PA 'BUL ZHING, LONG BYUNG TSE,
BSHAGS PA'I MTSAMS SU SDOM PA GSUM SO SO'I BSHAGS PA DANG, BLA
MA RDOR 'DZIN MA DANG, BYANG CHUB LTUNG BSHAGS SOGS BYA'O,
,GNYIS PA GSOL BA 'DEBS PA NI, YAN LAG BDUN PO BYAS ZIN PA DE
NAS, 'GAN RDO RJE DBANG BSKUR BA'I RGYUD LAS, SLOB DPON KYI NI
YON TAN BZUNG, ,SKYON NI NAM YANG BZUNG MI BYA, ,YON TAN

BZUNG NA DNGOS GRUB THOB, ,SKYON RNAMS BZUNG NA DNGOS MI 'GRUB,
,ZHES GSUNGS PA LTAR,) ZHES PA NAS, (DMIGS BRTZE MA SOGS KYIS
GSOL BA GANG MANG BTAB PA'I MTHAR YANG 'DI LTAR GSOL BA GDAB PAR
BYA'O,) ,DE DAG NI GO SLA BA DANG TSIG MANG DU DOGS NAS MA BRIS
SO, ,'DI LA GSUM, MDO RGYUD NAS BSHAD PA'I BLA MA'I MTSAN NYID
BSTAN PA'I SGO NAS GSOL BA 'DEBS PA, YON

TAN GZHAN GYI SGO NAS GSOL BA 'DEBS PA, MTHAR TING NGE 'DZIN GYI
DBANG BZHI LEN TSUL LO, ,DANG PO LA GSUM, 'DUL BA DANG, THEG
CHEN THUN MONG BA DANG, RDO RJE THEG PA'I BLA MA'I MTSAN NYID
BRJOD DE GSOL BA 'DEBS PA'O, ,DANG PO NI, YON TAN 'BYUNG GNAS
SOGS RKANG PA BZHI STE, LUNG RTOGS KYI (YON TAN) MA LUS

BA'I ('BYUNG GNAS) SU GYUR PA'I (TSUL KHRIMS RGYA MTSO CHE) STE,
RNAM PAR DAG PA'I TSUL KHRIMS MANG PO DANG LDAN LA, MDO SNGAGS
KYI CHOS MANG DU THOS PA'I YON TAN RIN PO CHE (NOR BU'I TSOGS
GYIS) THUGS RGYUD (YONGS SU BLTAMS PA) STE GANG BA NI, DPER NA
NOR BU MANG PO RGYA MTSO'I NANG NA YOD PA BZHIN NO, ,CHOS GOS
(DUR SMRIG 'DZIN PA) DANG, (THUB DBANG NI)

SANGS RGYAS DNGOS YIN LA, (GNYIS PA) NI 'DUL BA'I BSLAB BYA STON
PA LA STON PA SANGS RGYAS GNYIS PA LTAR GYUR PA'I CHOS KYI RJE
ZHES PA'ANG YIN PAS SO, (,GNAS BRTAN) NI BSNYEN PAR RDZOGS NAS
LO BCU LON PA DANG, SDE SNOD GSUM LA MKHAS PA'I BRTAN MKHAS KYI
YON TAN GNYIS LDAN NO, (,'DUL BA) LA GNYIS YOD PA'I

RJOD BYED 'DUL BA'I SDE SNOD DANG, BRJOD BYA TSUL KHRIMS GNYIS
KA ('DZIN) PA'I BLA MA (LA GSOL BA 'DEBS) SO ZHES PA'O, ,DE LTAR
YANG, SUM BRGYA BAR, TSUL KHRIMS LDAN ZHING 'DUL BA'I CHO GA
SHES, ,NAD PAR SNYING BRTZE 'KHOR NI DAG PA DANG, ,CHOS DANG
ZANG ZING PHAN 'DOGS LA BRTZON PA, ,DUS SU 'DOMS

@016B PA DE DAG BLA MAR BSNGAGS, ZHES GSUNGS PA LTAR RO,, GNYIS
PA THEG CHEN THUN MONG BA'I BLA MA'I MTSAN NYID BSTAN PA'I SGO
NAS GSOL BA 'DEBS PA NI, GANG DANG LDAN NA SOGS RKANG PA BZHI
STE, THEG PA CHEN PO'I DGE BA'I BSHES GNYEN GYI MTSAN NYID (GANG
DANG LDAN NA) NI, SPANG BYA MA LUS SPANG BA'I (BDE BA'I)

GNAS DAM PAR (GSHEGS PA) SANGS RGYAS KYI SAR BGROD PAR BYED
PA('I LAM) NYAMS SU LEN PA'I RIM PA RNAMS GDUL BYA LA (STON PAR
'OS PA'I YON TAN) TE, MDO SDE RGYAN LAS, BSHES GNYEN DUL BZHI PA
NYER ZHI BA, ,YON TAN LHAG PA BRTZON BCAS LUNG GIS PHYUG ,DE
PHYIR RAB TU RTOGS LA SMRA MKHAS LDAN, ,BRTZE BA'I

BDAG NYID SKYO BA SPANGS LA BSTEN, ,ZHES PA LTAR KHYAD PAR (BCU)
DANG (LDAN PA) DANG, BDUD BZHI LAS RNAM PAR RGYAL BA'I (MA LUS
RGYAL BA'I GDUNG 'TSOB) STE, DE'I BRGYUD 'DZIN DU GYUR BA DANG,
LUNG RTOGS KYI CHOS KYI BDAG PO YIN PAS NA (CHOS KYI RJE) STE DE
NYID, THEG PA DE LA GNYIS YOD PA'I (THEG) PA (MCHOG) GAm CHEN
PO'I (DGE BA'I BSHES)

GNYEN DU 'OS PA YIN NO, SPYIR THEG PA ZHES PA NI BGROD BYED LAM
GYI MING YIN ZHING, DE YANG RANG RANG GI BGROD PA PO NYID ZHON
NAS 'GRO BAS NA BZHON PAS KHUR THEG PA'I DON NO, ,YANG 'DIS
BGROD PA RGYU'I THEG PA DANG, 'DIR BGROD PA 'BRAS BU'I THEG PA
GNYIS YOD CING, KHYAD PAR THEG CHEN ZHES PA LA, MDO SDE

RGYAN LAS, DMIGS PA CHE BA NYID DANG NI, ,ZHES PA NAS, SANGS
RGYAS 'PHRIN LAS CHEN PO STE, ,CHEN PO 'DI DANG LDAN PA'I PHYIR,
,THEG CHEN ZHES NI NGES PAR BRJOD, ,ZHES DON BDUN GSUNGS PA LTAR
RO,, SNGAR BSHAD PA DE LTA BU'I DGE BA'I BSHES GNYEN DE (LA)
ZHES PA'O,, GSUM PA NI, SGO GSUM SOGS

RKANG PA BZHI STE, LUS NGAG YID KYI (SGO GSUM) PO NYES SPYOD LAS
(LEGS) PAR (BSDAMS) ZHING, CHOS ZAB MO SHES PA'I (BLO) GROS SHES
RAB (CHEN) PO DANG LDAN PA DANG, GNOD PA DANG CHOS KYI DKA'
SPYAD LA BZOD NUS PA'I (BZOD PA DANG LDAN) PA DANG, NYE RING MED
CING LHAG BSAM DANG LDAN PAS DRANG BA, RANG GI NYES PA SBED PA'I
(G-YO DANG,)

@017A *, ,YON TAN MED BZHIN DU YOD PAR STON PA'I SGYU GNYIS KA
MED LA, SNGAGS DANG RDZAS SBYOR GYIS BGEGS SOGS BZLOG NUS PA'AM,
ZHI SOGS SGRUB PA SHES PA NI, (SNGAGS DANG RGYUD SHES SHING)
ZHES PA'I DON DU KHA CIG BZHED DO,, (DE NYID BCU ZUNG) STE BCU
TSAN GNYIS KYI DANG PO NI, RDO RJE SNYING PO RGYAN GYI LE'U
LAS,,

PHYIR ZLOG GNYIS KYI CHO GA DANG, ,GSANG DANG SHES RAB YE SHES
DANG, ,KHA SBYOR 'BYED PA'I CHO GA DANG, ,GTOR MA DANG RDO RJE'I
BZLAS PA DANG, ,DRAG SHUL SGRUB PA'I CHO GA DANG, ,RAB TU GNAS
DANG DKYIL 'KHOR SGRUB, ,GSANG BA'I DE NYID BCU YIN NO, ,ZHES PA
LTAR, KHRO BCU LTA BU BSGOMS NAS PHYIR BZLOG PA 1 DANG, BRIS

NAS 'DOGS PAS PHYIR BZLOG 2 TSUL SHES PA DANG, BUM DBANG SNGON
DU SONG BA'I GSANG BA BSKUR BA 3 DANG, SHES RAB YE SHES DANG,
DBANG BZHI PA BSKUR BA 4 DANG, DGRA BO SRUNG MA DANG PHRAL NAS
MNGON SPYOD BYED TSUL GYI KHA SBYOR DBYE BA 5 DANG, GTOR MA'I
RIGS 6 DANG, YID DANG NGAG BZLAS KYI RDO RJE'I BZLAS PA 7 DANG,
LHA LO

?DANG ?ZLA BAR TSUL BZHIN BSGRUBS KYANG MA 'GRUB NA LHA LA DRAG
PO'I SBYOR BA BYED PA 8 DANG, RAB GNAS 9 DANG, MDUN BSKYED KYI
DKYIL 'KHOR SGRUB TSUL BCAS SHES 10 PA'O, ,BCU TSAN GNYIS PA NI,
RGYUD DE NYID LAS, DKYIL 'KHOR TING 'DZIN PHYAG RGYA DANG,
,STANGS STABS 'DUG STANGS BZLAS BRJOD DANG, ,SBYIN SREG MCHOD

PA LAS SBYOR DANG, ,SLAR SDUD PA YI RNAM PA NI, ,PHYI YI DE NYID
BCU YIN NO,, ZHES PA LTAR MDUN BSKYED KYI DKYIL 'KHOR BRI SGRUB
SHES PA 1 DANG, BDAG BSKYED KYI DANG PO SBYOR BA SOGS SHES PA
DANG, PHYAG RGYA BZHIS RGYAS 'DEBS LTA BU 3 DANG, G-YAS BRKYANG
BA SOGS RKANG STABS 4 DANG, RDO RJE SKYIL KRUNG SOGS 'DUG

STANGS 5 DANG, SNGAGS KYI BZLAS 6 BRJOD DANG, SBYIN SREG 7 DANG,
MCHOD PA BYED 8 TSUL DANG, ZHI SOGS KYI 9 LAS SBYOR DANG, MCHOD
BSTOD SOGS BYAS NAS SLAR GSHEGS GSOL GYI SLAR SDUD SHES 10 PA'O,
,DE DAG GI DON RGYAS PAR NI, DE KHO NA NYID BCU PA LAS SHES PAR
BYA'O, ,ZHES RJE NYID KYIS BLA MA LNGA BCU PA'I RNAM

@017B BSHAD LAS GSUNGS SO, ,BCU TSAN SNGA MA NI RGYUD SDE GONG
MA DANG, PHYI MA NI 'OG MA'I SLOB DPON GYI MTSAN NYID YIN PAR
BSHAD LA, GZHAN YANG, DKYIL 'KHOR SOGS (BRI BA DANG,) MDO SNGAGS
KYI CHOS ('CHAD) PA LA YANG (MKHAS PA'I RDO RJE 'DZIN PA'I GTZO)
BO STE DE 'DRA BA'I SNGAGS KYI SLOB DPON (LA) ZHES SO,, 'O NA,
DE LTA BU'I MTSAN NYID TSANG

BA'I BLA MA DKON PAS JI LTAR BYED CE NA, DE YANG DON DAM SNYE MA
LAS, RTZOD LDAN DBANG GIS BLA MA SKYON DANG YON TAN 'DRES, ,RNAM
PA KUN TU SDIG PA MED PA YOD MA YIN, ,GANG ZHIG YON TAN LHAG PA
YANG NI LEGS DPYAD DE, ,BU RNAMS KYIS NI DE LA BSTEN PAR 'GYUR
BA'O,, ZHES GSUNGS PA LTAR, SKYON DANG YON TAN

GNYIS LAS YON TAN CHEN BSTEN PAR BYA BAR GSUNGS SO,, RANG LAS
DMAN PA'I BLA MA BSTEN PAR MI BYA STE, TSOMS LAS, DMAN PA BSTEN
PAS MI DAG NYAMS 'GYUR ZHING, ,THOD KAR BABS PA BSTEN PA SO NA
GNAS,, ZHES GSUNGS PA'I PHYIR RO,, (ZHES 'DUL BA DANG, THEG CHEN
THUN MONG BA DANG, RDO RJE THEG PA'I BLA MA'I MTSAN NYID KYI SGO
NAS

GSOL BA GDAB PO,) ,GNYIS PA YON TAN GZHAN GYI SGO NAS GSOL BA
'DEBS PA LA LNGA, PHYI DANG, NANG DANG, GSANG BA DANG, DE KHO NA
NYID KYI GSOL 'DEBS, KHYAD PAR GYI GSOL BA 'DEBS TSUL LO, ,DANG
PO NI SANGS RGYAS GRANGS MED, ZHES PA NAS, THUGS RJE CAN LA GSOL
BA 'DEBS ZHES PA'I BAR TSIGS SU BCAD PA GSUM STE,

SGRIB GNYIS SPANGS SHING, SHES BYA THAMS CAD LA MKHYEN PA RGYAS
PAS NA (SANGS RGYAS) TE, DE LTA BU SNGAR (GRANGS MED BYON) ZIN
(PA) RNAMS KYI (?SA MTHUL BA) 'AM 'DUL BAR MA NUS PA'I (MA
RUNGS) PA STE DMU RGOD (GDUL) DKA' BA'I TSE SNYIGS MA DANG, DUS
DANG, LTA BA DANG, SEMS CAN DANG, NYON MONGS PA'I (SNYIGS) MA
LNGA'I (DUS) SU BYUNG BA'I ('GRO BA) RNAMS LA, (BDE) BAR

(GSHEGS) PA'I SAR BGROD BYED KYI (LAS BZANG) PO BYANG CHUB KYI
SEMS DANG, STONG PA NYID KYI LTA BA SOGS RGYAL BA'I DGONGS PA JI
LTA BA (BZHIN) DU MA NOR BAR (STON PA YI) SDUG BSNGAL LAS SKYOB
PAS NA (SKYABS) DANG, BDE BA LA SBYOR BAS NA (MGON) ZHES BYA BA
BYANG CHUB KYI SEMS DANG, SNYING RJE NI (THUGS) RJE STE DE DANG
LDAN PA NI (CAN) YIN PAS DE (LA) ZHES SO, ,MI MTHUN PHYOGS

@018A *, ,THUB PAS NA THUB BSTE BDAG CAG GI STON PA'O, ,DE LTA
BU ('I NYI MA) DE, (DUS) NGAN KYI DBANG GIS (NUB) PA STE, MYA
NGAN LAS 'DAS PA'I TSUL BSTAN PAR ('GYUR TE,) DE'I RJES SU
(MGON) DANG (SKYABS MED? PA'I) BDAG SOGS SNYIGS MA'I ('GRO BA
MANG PO LA,?) BLANG DOR KYI GNAS STON PA SOGS (RGYAL BA'I MDZAD
PA) 'PHRIN LAS NYE BAR (SGRUB BAR MDZAD PA'I SKYABS MGON THUGS)

RJE (CAN NAS?) ZHES PA'O,, 'DAS MA 'ONGS DA LTAR GYI (DUS GSUM)
DU BYON PA DANG, 'BYON 'GYUR DANG, SHANG LA SOGS PA (PHYOGS
BRTZUN) BZHUGS (PA'I) BDUD BZHI LAS (RGYAL BA'I) SANGS RGYAS
(THAMS CAD) NI MCHOD PAR BYA BA'I BSOD NAMS KYI ZHING MCHOG TU
GYUR PA'I YIN MOD, DE DAG (LAS) KYANG, DRIN CAN BLA MA (GANG GI)
YON TAN RNAMS SMOS CI 'TSAL, BLA MA

DE'I (BSPU'I BU GA GCIG TZAM YANG BDAG CAG GI BSOD NAMS) GSOG
PA'I (ZHING DU) RGYAL BSRAS BCAS KYIS (LEGS PAR BSNGAGS PA'I
SKYABS MGON THUGS RJE CAN LA) ZHES PA STE, BSNGAGS LUGS NI, BLA
MA LNGA BCU BA LAS, DE DANG DA NI BLA MAR 'BUL, ,DE BYIN SANGS
RGYAS THAMS CAD LA, ,RTAG TU PHUL BA NYID DU 'GYUR, ,ZHES DANG,
MGON PO KLU SGRUB KYIS

SANGS RGYAS BRGYA MCHOD STONG MCHOD LAS, ,BLA MA'I BSPU GCIG
MCHOD LHAG ,ZHES DANG, DGE 'DUN RGYA MTSOS, PHYOGS BCU'I RGYAL
BA THAMS CAD MCHOD PA LAS, ,GANG GI BA SPU'I KHUNG BU GCIG MCHOD
PA, ,GZHAL DU MED PA'I BSOD NAMS LHAG THOB CING, ,ZHES GSUNGS PA
LTAR RO,, 'ON KYANG, BLA MA DE NYID SPANGS RTOGS

SANGS RGYAS LAS MI LHAG KYANG, PHAN 'DOGS PA'I ZHING DU LHAG PA
RJE NYID KYIS GSUNGS SO,, GNYIS PA NANG GI GSOL 'DEBS NI BDE
GSHEGS SKU GSUM, NAS ,BLA MA MCHOG LA GSOL BA 'DEBS,, ZHES PA'I
BAR TSIGS SU BCAD PA GNYIS TE, (BDE BAR GSHEGS) PA'I (SKU GSUM)
STE, RANG BZHIN GYI STONG PA CHOS

KYI SKU DANG CHOS SKU DER GTOGS PA'I YE SHES DANG, THEG CHEN GYI
CHOS 'BA' ZHIG LA LONGS SPYOD PA THOG MA NYID DU DNGOS SU SANGS
RGYAS PA'I LONGS SKU DANG, DE'I SPRUL PAR GYUR PA'I SPRUL SKU
STE GSUM PA YIN LA, SANGS RGYAS RNAMS DE'I RANG BZHIN DU MDZES
PAS NA (RGYAN GYI) STE KHA CIG SANGS RGYAS RNAMS KYIS SPYI GTZUG
SOGS

@018B MDZES PA'O,, ZHES GSUNG NGO,, ('KHOR LO NI) SKU GSUM GYI
TSOGS SAM, SKU GSUNG THUGS KYIS BSDUS PA'I DKYIL 'KHOR BA'I LHA
TSOGS SO,, DE THAMS CAD KYIS (THABS MKHAS) DANG, THUGS RJES
(SGYU 'PHRUL DRA BA) NI SGYU MA LTA BU'I SKU STE, ?? BSGEG? NI
DE LTAR SPRUL PA BSAM GYIS MI KHYAB PA ZHIG YOD PA (LAS,) BLO
DMAN BDAG CAG RNAMS

KYI SNANG NGO DANG MTHUN PAR (THA MAL) BA'I DGE BA'I BSHES GNYEN
GYI (TSUL GYIS) BDAG SOGS ('GRO BA) RNAMS 'KHOR BA DANG NGAN
SONG NAS ('DREN PAR) MDZAD PA'I (SKYABS MGON THUGS RJE CAN LA)
ZHES BYA'O,, SNGAR BSHAD PA DE LTA BU'I BLA MA (KHYOD KYIS
PHUNG) PO DANG, (KHAMS) DANG, (SKYE MCHED) RNAMS DANG, (YAN LAG
RNAMS) LHA'I NGO BO LAS MA 'DAS PA YIN TE, GZUGS

SOGS PHUNG PO LNGA NI RNAM SNANG SOGS (BDE GSHEGS RIGS LNGA YAB)
RNAMS KYI RANG BZHIN DANG, SA SOGS 'BYUNG BA BZHI NI SPYAN SOGS
(LUS) DANG, MIG SOGS SKYE MCHED DANG RTZA RGYUS DANG TSIG RNAMS
NI SA SNYING SOGS BYANG CHUB (SEMS DPA') DANG, LAG SOGS BCU NI
GSHIN RJE GSHED SOGS (KHRO BO'I DBANG PO BCU'I RANG BZHIN) SNGAR
BSHAD PA

LTAR YIN PA'I PHYIR RO,, DKON MCHOG GSUM PO 'DUS PA'I NGO BO
YANG YIN TE, SNGAR BSTAN PA'I RIGS LNGA YAB YUM NI SANGS RGYAS
DANG, BYANG SEMS DANG KHRO BO RNAMS NI DGE 'DUN DANG, DE RNAMS
KYI RGYUD LA MNGA' BA'I SPANGS RTOGS KYI YON TAN NI CHOS DKON
MCHOG STE MDOR NA DKON (MCHOG GSUM) PO KUN GYI BDAG NYID) CAN

YIN PA'I PHYIR RO,, DES NA DE LTA BU'I (BLA MA MCHOG LA) CES
PA'O,, GSUM PA GSANG BA'I GSOL 'DEBS NI, KUN MKHYEN YE SHES SOGS
RKANG BA BZHI STE, JI LTA JI SNYED KYI CHOS MA LUS BAR MKHYEN
PA'I SANGS RGYAS KYI YE SHES NI (KUN MKHYEN YE SHES) YIN LA, DE
YANG 'DIR SNGAGS PHYOGS LA GTOGS PAS BDE STONG DBYER

MED KYI YE SHES LA BYA ZHING, DE'I RNAM PAR ROL BA NI RNAM
'PHRUL BA STE DE (LAS BYUNG BA'I DKYIL 'KHOR) GYI ('KHOR LO BYE
BA'I BDAG NYID) CAN NAM BDAG POR GYUR BA DE NI (RIGS BRGYA'I
RGYAB BDAG) STE RIGS THAMS CAD 'DUS PA'I RDO RJE 'CHANG CHEN
PO'O, ,RIGS BRGYA NI, RNAM SNANG GI RIGS KYI RNAM SNANG, RIN
'BYUNG, 'OD DPAG MED, DON GRUB?, RME

@019A *, ,BSKYOD PA LNGA YOD PA DE BZHIN DU, LHAG MA BZHI LA'ANG
SBYAR BAS NYER LNGA, REG BYA RDO RJE MA SOGS YUM LNGA LA YANG DE
LTAR PHYE BAS NYER LNGA, 'DOD YON GYI LHA MO GZUGS RDO RJE MA
SOGS BZHI LA YANG DE LTAR LNGA LDAR PHYE BAS NYI SHU, BYAMS PA
KUN BZANG GNYIS MA GTOGS PA'I SA SNYING SOGS DRUG LA'ANG DE LTAR
PHYE

BAS SUM CU STE, DE LTAR NA, RNAM SNANG GI RIGS NYI SHU, NAS ,MI
BSKYOD PA'I RIGS NYI SHU 'BYUNG BAS, KHYON BSDOMS PAS BRGYA'O,,
DE BSDU NA RIGS LNGA DANG, DE YANG BSDU NA, RNAM SNANG 'OD DPAG
MED MI BSKYOD PA GSUM DU 'DU LA DE YANG BSDU NA, RDO RJE 'CHANG
DU 'DU BAS KHYAB BDAG GO ,DES NA RDO RJE 'DZIN GZHAN

RNAMS PHAL BA LTA BU DANG, RIGS THAMS CAD 'DUS PA'I BDAG PO RDO
RJE 'CHANG DANG 'DRA BAS (RDO RJE 'DZIN PA'I GTZO) BO YIN LA,
SNGAR BSHAD PA LTAR GYI (ZUNG 'JUG TU) GYUR PA'I SKU MNGA' BA'I
(DANG PO'I MGON) STE DANG PO NI MCHOG GI DON DU KHA CIG BZHED
LA, DKYIL 'KHOR GYI 'KHOR LO SPRUL PA'I RTZA BAR GYUR PAS NA
DANG PO ZHES BYA'AM SNYAM STE, DE LTA

BU'I BLA MA DE (LA) CES BYA'O, ,BZHI PA DE KHO NA NYID KYI GSOL
'DEBS NI, SGRIB MED LHAN SKYES SOGS RKANG PA BZHI STE, (GSOL BA
'DEBS) SO,, GANG LA NA, 'OG NAS 'BYUNG BA'I KHYAD PAR DANG LDAN
PA'I BLA MA (KHYOD LA'O,,) DE NYID NGO BO JI LTA BU ZHE NA,
(SGRIB MED) STE SGRIB PA DANG BRAL BA'I (LHAN SKYES) KYI (DGA'
BA'I) NGO BOR GYUR PA'I YE SHES KYI RNAM PAR (ROL BA DANG)

NGO BO (DBYER MED) PA'I CHOS KYI DBYINGS STONG PA NYID DE,
(BRTAN) PA SNOD DANG, (G-YO) BA BCUD THAMS CAD (KUN) LA NAM
MKHA' LTAR (KHYAB) CING DE DAG (KUN GYI BDAG) NYID DAM NGO BOR
GYUR PA DANG, (THOG MA) DANG (MTHA') MA'I DBYE BA DANG BRAL BA
SHIN TU RNAM PAR DAG PA'I RANG BZHIN CAN YIN PAS (KUN) DU BZANG
PO STE, (DON DAM BYANG CHUB KYI SEMS DNGOS) CHOS SKU BDE BA CHEN

PO LA NGES DON GYI BLA MA ZHES BYA BA DE'O,, GSOL BA 'DEBS PA NI
RE BA LTOS KYI ZHU BA 'BUL BA YIN PAR BU STON GYIS BSHAD PAS
TSIGS BCAD DE THAMS CAD KYI MTHAR SBYOR, (CES PHYI NANG GSANG BA
DE KHO NA NYID KYI YON TAN BRJOD PA'I SGO NAS RTZE GCIG TU GSOL
GDAB CING,) LNGA PA (KHYAD PAR DU) GSOL BA 'DEBS PA'I TSUL NI,
KHYOD NI BLA MA ZHES SOGS RKANG BA BZHI STE, ,

@019B MKHAS PA KHA CIG SKABS 'DIR BLA MA'I SKU LAS 'OD ZER
PHYOGS BCUR SPROS NAS 'KHOR RNAMS GTZO BO LA 'DUS BAR BSAM ZHES
GSUNGS TE BRTAG, DON NI, TSIG TZAM MA YIN PAR SNYING KHONG RUS
PA'I GTING NAS, (KHYOD NI BLA MA) KUN 'DUS, (KHYOD NI YI DAM)
KUN 'DUS, (KHYOD NI MKHA' 'GRO) KUN 'DUS, (CHOS SKYONG) KUN 'DUS
PA'I BDAG

NYID STE, DUS (DENG STE DA) LTA (NAS BZUNG STE BYANG CHUB) CHEN
PO MA THOB KYI (BAR DU) SKYID SDUG CI BYUNG YANG (KHYOD MA) YIN
PA'I RE SA'I (SKYABS) GNAS (GZHAN) NI YE (MI 'TSOL BAS,) TSE
('DI DANG BAR DO) SKYE BA (PHYI MA'I) MTHAR TE DE'I YANG PHYI MA
RNAMS SU (YANG THUGS RJE'I LCAGS KYUS BZUNG MDZOD LA,) BLA MA
KUN 'DUS YIN PAS SRID PA 'KHOR BA DANG NGAN SONG GI 'JIGS PA
DANG, (ZHI BA) RANG NYID GCIG PU

THAR PAR 'DOD PA'I DMAN PA'I THEG PAR LTUNG BA'I ('JIGS) PA KUN
LAS SGROL BA DANG, YI DAM KUN 'DUS YIN PAS MCHOG DANG THUN MONG
GI (DNGOS GRUB KUN) STZOL BA DANG, MKHA' 'GRO KUN 'DUS YIN PAS
(GTAN GYI) BDE BA SANGS RGYAS 'THOB PA LA 'GAL RKYEN SAL ZHING,
MTHUN RKYEN SGRUB PA'I (GROGS MDZOD) LA, CHOS SKYONG KUN 'DUS

YIN PAS GNAS SKABS SU PHYI NANG GI (BAR) DU (GCOD) PA'I GDON
BGEGS SOGS NYER 'TSE THAMS CAD LAS LEGS PAR (SRUNGS) SHIG PA'O,,
ZHES LAN GSUM MO,, GSUM PA MTHAR TING NGE 'DZIN GYI DBANG BZHI
LEN TSUL NI, DE LTAR LAN GSUM GSOL BA BTAB PA'I MTHUS,, ZHES
SOGS RKANG PA BRGYAD GSUNGS TE, SNGAR BSHAD

PA (DE LTAR LAN GSUM GSOL BA BTAB PA'I MTHU) DANG NUS PAS, (BLA
MA'I SKU'I) GNAS SPYI GTZUG TU YI GE AOm DKAR PO DANG, (GSUNG)
GI GNAS MGRIN PAR A'A: DMAR PO DANG, (THUGS KYI GNAS) SNYING KAR
H'Um YIG MTHING KA (RNAMS LAS,) SKU GSUNG THUGS KYI BYIN BRLABS
THAMS CAD (BDUD RTZI 'OD ZER) DANG BCAS PA DKAR DMAR MTHING KA'I
RNAM PA CAN (GSUM RIM) CHAR DANG,

DE NAS (CIG CHAR) DU (BYUNG NAS) DE RNAMS RIM PA BZHIN DU SGRUB
PA PO (BDAG NYID KYI) SPYI BO MGRIN PA SNYING GA'I (GNAS GSUM)
DU SNGA PHYI (RIM) CHAR (DANG,) DE NAS (CIG CHAR) DU (THIM PA)
NAS THUN MONG BA LTAR NA SROG GCOD SOGS LUS KYI SGRIB PA DANG,
RDZUN DU SMRA BA SOGS NGAG GI SGRIB PA DANG, BRNAB SEMS SOGS YID
KYI SGRIB PA DANG, SGO GSUM THUN MONG GI

@020A *, ,SGRIB PA STE (SGRIB) PA (BZHI DAG CING,) THUN MONG MA
YIN PA LTAR NA SGO GSUM SO SO DANG THUN MONG THA MAL DU 'DZIN
PA'I SNANG ZHEN GYI DRI MA RNAMS SBYANGS TE, BUM DBANG, GSANG
DBANG, SHES RAB YE SHES KYI DBANG, DBANG BZHI PA STE (RNAM) PAR
(DAG) PA'I (DBANG BZHI) RIM PA BZHIN DU (THOB) PA'I NUS PAS,
'BRAS BU

SPRUL SKU, LONGS SKU, CHOS SKU, ZUNG 'JUG GI SKU STE (SBU BZHI
THOB) PAR BSAM PA'AM 'THOB PAR 'GYUR BA'I NUS PA KHYAD PAR CAN
BZHAG BYUNG SNYAM DU BSAM PA YIN (CING,) DE NAS SPYI BO'I BLA MA
DE NYID LAS MAR ME GCIG LAS GNYIS CHAD KYI TSUL DU (BLA MA GNYIS
PA ZHIG) CHAD NAS (DGYES BZHIN) DU RANG NYID LA (THIM PAS,) RANG

GI SGO GSUM DANG BLA MA'I SKU GSUNG THUGS 'DRES NAS RANG DANG
BLA MA'I SGO GSUM DBYER MED DU SONG STE (BYIN GYIS BRLABS PAR
GYUR) BAR BSAM PA'O,, TING NGE 'DZIN GYI DBANG GIS DBANG THOB
PA'I GO MI CHOD KYANG, BYIN RLABS KYI KHYAD PAR SHIN TU CHE BAR
GSUNGS SO, ,GSUM PA BYIN RLABS ZHU BA SOGS NI, SNGAR BYIN RLABS

ZHUS PAR MA ZAD, (DE NAS SLAR YANG BYIN GYIS BRLABS PA'I PHYIR
DANG, THUGS RJE BSKUL BA'I PHYIR DANG, 'DOD BYA'I DON LA SMON
CING, THEG PA CHEN PO'I LAM LA BLO SBYONG BA LHAN CIG TU BYA) BA
YIN LA (DE'I TSUL NI 'DI LTAR RO,) ZHES MTSAMS SBYAR ZHING, 'DI
LA LNGA, THEG CHEN THUN MONG BA'I LAM, THUN MONG MA YIN PA'I
LAM, 'PHO BA 'DEBS TSUL, BLA MA DANG MI 'BRAL BAR SMON TSUL,,

MTHAR BLA MA RANG LA BSDUS NAS SPYOD LAM JI LTAR BYED TSUL LO,
,DANG PO LA GNYIS, LAM GYI SNGON 'GRO SGOM TSUL, DNGOS GZHI SGOM
TSUL LO,, DANG PO LA GNYIS, SKYES BU CHUNG DU DANG THUN MONG
BA'I LAM DANG, 'BRING DANG THUN MONG BA'I LAM SGOM TSUL LO,,
DANG PO LA GSUM, SLAR YANG BLA MA MCHOD PA LAS BYUNG BA'I BYIN

BRLABS ZHU BA, DAL 'BYOR RNYED DKA' BA SOGS SGOM TSUL, NGAN
'GRO'I SDUG BSNGAL BSAM STE SKYABS SU 'GRO BA'O,, DANG PO NI,
ZHING MCHOG DAM PA SOGS TSIGS SU BCAD PA GCIG STE, ZHING SA
BZANG PO LA LO TOG PHUN SUM TSOGS PA SKYE BA LTAR, TSUL BZHIN
BSTEN NA LEGS TSOGS 'BYUNG BAS SAM ,

@020B BSOD NAMS GSOG PA'I (ZHING) GI (MCHOG DAM PA) YIN LA, RJE
BTZUN GYI SKAD DOD BHAttA ZHES PA DAD SGROL LA 'JUG PAS, DAD PA
CAN 'KHOR BA DANG NGAN SONG LAS SGROL BAS NA (RJE BTZUN) TE DE
LTA BU'I (BLA MA LA) GONG DU BSHAD PA LTAR (MCHOD CING LUS? PAS
GSOL BA BTAB PA'I MTHU) LA BRTEN NAS SNGAR LTAR PHAN (BDE'I
LEGS) TSOGS KUN GYI (RTZA BAR) GYUR PA'I

('GON PO KHYOD NYID KYIS) TSE RABS THAMS CAD DU (DGYES BZHIN)
CHOS KYI BKA' DRIN STZOL PAS (RJES SU 'DZIN PAR BYIN GYIS
BRLOBS) SHIG PA STE, DE YANG SKU GSUNG THUGS KYI BYIN BRLABS SAM
GZI BYIN GYIS, BDAG GI SGO GSUM LAM SEMS RGYUD MI DGE BA LAS
LOGS SU BZANG POR BSGYUR BA NI BYIN GYIS BRLABS PA'I DON TE,
TSIGS BCAD

GZHAN RNAMS KYI MTHAR SBYAR NAS DE BZHIN DU SHES PAR BYA'O,
,GNYIS PA DAL 'BYOR RNYED DKA' BA SOGS NI, LAN CIG TZAM ZHIG
RNYED PA'I ZHES SOGS RKANG PA BZHI STE, DUS DA LTA (LAN GCIG
TZAM ZHIG RNYED PA'I DAL) BA STE CHOS BYED PAR KHOM PA'I LUS YIN
LA, DE YANG JI SKAD DU, DMYAL BA YI DAGS DUD 'GRO DANG, ,KLA KLO
CHI

DE? LHA DANG NI, ,LOG LTA SANGS RGYAS KYIS STONG PA, ,LKUG PA
'DI DAG MI KHOM BRGYAD, ,CES PA LTAR GYI MI KHOM PA BRGYAD DANG
BRAL BA'O,, ('BYOR) BA NI PHUN TSOGS YIN ZHING, JI SKAD DU, MI
NYID DBUS SKYES DBANG PO TSANG, ,LAS MTHA' MA LOG GNAS LA DAD,
,ZHES RANG 'BYOR LNGA DANG, SANGS RGYAS BYON DANG DAM

CHOS GSUNGS, ,BSTAN PA GNAS DANG DE RJES 'JUG ,GZHAN PHYIR
SNYING NI BRTZE BA'O,, ZHES PA LTAR GZHAN 'BYOR LNGA STE, DE LTA
BU TSANG BA'I CHOS LDAN GYI LUS ('DI) NYID SHIN TU (RNYED DKA')
STE, DE YANG, DPE NGO BO RGYU'I SGO NAS RNYED DKA' TSUL SOGS LAM
RIM SOGS NAS SHES PAR BYA'O,, DE LTAR RNYED DKA' YANG (MYUR DU
YIG BAR)

'GYUR BA'I 'CHI BA NI NGES PAR 'ONG LA NAM 'CHI CHA MED PA SOGS
YIN PA'I (TSUL) LEGS PAR (RTOGS NAS DON) CI YANG (MED) PA (TSE
'DI'I) ZAS NOR GSOG PA SOGS KYI (BYA BA LA MI G-YENG BAR) GTAN
GYI BDE BA BYANG CHUB SGRUB PA'I (DON) CHEN PO DANG (LDAN) PAS
LUS 'DI LA (SNYING PO) DE LTA BU (LEN BAR) RO,, GSUM PA NGAN
'GRO'I SDUG BSNGAL BSAM STE SKYABS SU

@021A *, ,'GRO BA NI, NGAN SONG SDUG BSNGAL 'BAR SOGS RKANG PA
BZHI STE, DMYAL BA SOGS (NGAN SONG) STE LAM NGAN PAR SONG BAS
(SDUG BSNGAL) RAB TU ('BAR BA'I MES) BDAG KYANG GDUNG BAR MI
'GYUR RAM SNYAM DU BSAM PA DANG, GZHAN GDUNG BA YANG MTHONG BA
SOGS KYIS ('JIGS NAS,) DE LA SKYOB PA'I NUS MTHU RDZOGS PAR

YOD PA NI DKON MCHOG GSUM KHO NA YIN PAS, DES NA TSIG TZAM MA
YIN PAR (SNYING) THAG PA (NAS DGON MCHOG GSUM LA SKYABS SU 'GRO
ZHING,) SKYABS 'GRO'I BSLAB BYA LAM RIM NAS 'BYUNG BA LTAR
(SDIG) PA RNAMS (SPONG) ZHING (DGE) BA'I (TSOGS MTHA' DAG SGRUB)
RA BYED (BA LA, BRTZON PA) DRAG PO (LHUR LEN) PA STE CHED DU
(BYED PAR) RO,, GNYIS PA SKYES BU 'BRING DANG THUN MONG

BA'I LAM SGOM PA LA GNYIS, 'KHOR BA LAS THAR 'DOD SKYE BA DANG,
DE LAS THAR BYED KYI THABS SO,, DANG PO NI, LAS DANG NYON MONGS
SOGS RKANG PA BZHI STE, ZAG PA DANG BCAS PA'I MI DAG PA'I LAS
SOGS (LAS) KYI KUN 'BYUNG DANG, 'DOD CHAGS SOGS (NYON MONGS)
PA'I TSOGS MA LUS PA'I (RBA KLONG DRAG TU 'KHRUG) CING

SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA
'DU BYED KYI SDUG BSNGAL TE (SDUG BSNGAL GSUM GYI CHU SRIN MANG
POS GTZES PA) STE GNOD PA DANG, (MTHA') MED PA SHIN TU ('JIGS SU
RUNG) BA'I (SRID) PA STE 'KHOR BA'I RGYA (MTSO CHEN PO) 'DI (LAS
THAR) BAR ('DOD) PA'I NGES 'BYUNG GI BSAM PA (SHUGS DRAG) RGYUD
LA (SKYE BAR) RO,, GZUGS CAN GYI RGYAN YIN LA, DPE

DON CUNG ZAD PHYE NA, 'KHOR BA NI, RGYA MTSO DANG SBYAR, LAS
NYON GNYIS NI RBA KLONG DANG, SDUG BSNGAL GSUM NI CHU SRIN DANG
'KHOR BA 'DI TZAM NAS GTAN MED CES TSAD 'DZIN MI NUS NI, RGYA
MTSO'I MTHA' DANG GTING PHAL BAS TSAD BZUNG MI NUS PA DANG SBYAR
RO,, GNYIS PA THAR 'DOD KYI THABS NI, BZOD DKA'

SOGS RKANG BA BZHI STE, SDUG BSNGAL GYIS GDUNG BA SHIN TU (BZOD
DKA') BA NI, DPER NA NYES CAN 'JUG PA'I GNAS (BTZON RA) DANG
('DRA BA'I 'KHOR BA 'DI) NI, BDAG CAG 'KHRUL PA'I BAG CHAGS NGAN
PA'I DBANG GIS, SKYID PA'I GNAS (DGA' BA'I TSAL LTA) BUR PHYIN
CI LOG TU (MTHONG BA'I BLO) NGAN PA 'DI (SPANGS NAS) LHAG PA'I
TSUL KHRIMS

@021B KYI BSLAB PA SOGS (BSLAB GSUM) DANG, DAD PA, TSUL KHRIMS,
THOS PA, GTONG BA, SHES RAB, KHREL YOD, (NGO TSA SHES PA'I
('PHAGS PA'I NOR GYI MDZOD) RNAMS LEGS PAR (BZUNG STE,) DPER NA,
LHA DBANG LHA MIN LAS RGYAL BA'I TSE, DE'I RTAGS KYI RGYAL MTSAN
SGRENG BA BZHIN DU, LAS NYON GYI MI MTHUN PHYOGS RNAMS LAS RGYAL
BA'I

(THAR BA'I RGYAL MTSAN 'DZIN BAR) RO, GNYIS PA DNGOS GZHI THEG
CHEN GYI LAM SGOM PA'I TSUL LA GNYIS, SEMS BSKYED LA SLOB TSUL
DANG, PHYIN DRUG LA SLOB TSUL LO, ,DANG PO LA'ANG GNYIS, SEMS
BSKYED SBYONG TSUL, SEMS BSKYED DNGOS LA SLOB TSUL LO, ,DANG PO
LA BZHI, GTONG LEN SBYONG TSUL, RKYEN NGAN LAM DU

BSGYUR TSUL, GANG SNANG STOBS LNGAS SEMS BSKYED KYI RGYUR SGYUR
TSUL, SBYOR BZHIS 'PHRAL RKYEN SGOM DU SBYOR TSUL LO, ,DANG PO
LA LNGA, MAR SHES PA SOGS SGOM TSUL, RANG GCES 'DZIN 'GOG TSUL,
GZHAN GCES 'DZIN YON TAN DU LTA TSUL, BDAG GZHAN MNYAM PAR BRJE
TSUL, GTONG LEN DNGOS SO, ,

DANG PO NI, NYAM THAG SOGS TSIGS SU BCAD PA GNYIS TE, SDUG
BSNGAL GYIS MNAR ZHING, BDE BAS 'PHONGS PAS (NYAM THAG) GI GNAS
SU GYUR PA NAM MKHA' DANG MNYAM PA'I ('GRO BA 'DI KUN) NI, (BDAG
GI MAR) GYUR PA SHA STAG YIN TE, RGYU MTSAN LUNG GI SPROS PA
GZHAN NAS SHES PAR BYA LA, MDOR NA SKYE SHI 'PHOS NAS NGO MA

SHES PA MA GTOGS, TSE SNGA MA RNAMS SU (YANG YANG) MA BYAS TE
(DRIN GYIS BSKYANGS PA'I TSUL) LEGS PAR (BSAM NAS,) DPER NA GCES
PHRUG SNYING DU (SDUG BA'I BU) GCIG PU ZHIG LA, DE NYID SDUG
BSNGAL DANG BRAL BAR BYAS TE BDE BA LA 'GOD PAR BYA'O SNYAM DU
(BRTZE BA'I MA BZHIN DU,) BLOS (BCOS) PA TZAM MA YIN PAR, MAR
GYUR PA'I SEMS CAN 'DI DAG SDUG

BSNGAL LAS THAR BAR BYA'O SNYAM PA'I (SNYING RJE) SHUGS DRAG PO
(SKYE BAR) RO,, MAR GYUR PA'I SEMS CAN THAMS CAD KYIS NI, (SDUG
BSNGAL PHRA MO) STE CHUNG DU (TZAM YANG MI 'DOD CING, BDE) BA
MYONG 'DOD PA LA DUS (NAM YANG CHOG SHES) TE NGOMS PA (MED PAR)
MTSUNGS PA (NI, BDAG DANG,) SEMS CAN (GZHAN LA KHYAD PAR) CI
YANG (YOD PA MA) YIN NO (ZHES) LEGS PAR SHES

@022A *, ,PAR BYAS NAS, SEMS CAN (GZHAN BDE) BA DANG DE'I RGYU
RNAMS DANG LDAN NA CIM RUNG SNYAM PA'I BYAMS PA DANG, DE DANG
MA BRAL NA SNYAM PA'I (DGA' BA) KHYAD PAR CAN RGYUD LA (SKYE
BAR) RO,, 'DI DAG GI SNGA MAS NI SNYING RJE DANG 'DIS NI BYAMS
PA DANG DGA' BA GNYIS BSTAN LA, BDAG GZHAN MNYAM PAR BRJE BAS
NI BTANG SNYOMS

BSTAN TO, ,GNYIS PA RANG GCES 'DZIN SKYON DU BLTAS NAS 'GOG
TSUL NI, RANG NYID GCES PAR 'DZIN PA'I SOGS RKANG BA BZHI STE,
SEMS CAN GZHAN YAL? BAR DOR NAS (RANG NYID GCES BAR 'DZIN
PA'I) BLO NI, DPER NA, NAD TSABS MI CHE YANG RIM GYIS SROG GI
BAR CHAD DU 'GYUR BA YUN RING BA'I NAD LA, GCONG NAD ZHES ZER
BA

LTAR 'PHRAL DU GNON PA MI CHE YANG PHUGS SU SDUG BSNGAL BSKYED
PA'I RTZA BAR GYUR BSAN (GCONG NAD) LTA BU STE, DE 'DRA BA'I
BLO NGAN PA ('DI) NI, SKYE RGAN 'CHI SOGS (MI 'DOD) PA'I (SDUG
BSNGAL SKYED PA'I RGYU) YIN PAR (MTHONG NAS,) DGRA 'DIS SNGON
BDAG LA SDUG BSNGAL BSAM GYIS MI KHYAB PA ZHIG MYANG DU BCUG
PAS, DA RES (LE LAN BDAS) PA STE

LAN 'KHOR BA DED NAS BYA'O SNYAM (PA 'KHON DU BZUNG) BAR
(BYAS) TE, (BDAG) KHO NA GCES PAR ('DZIN) PA'I (GDON CHEN) PO
'DI MYUR DU ('JOMS) NUS PAR RO,, GSUM PA GZHAN GCES 'DZIN YON
TAN DU LTA TSUL NI, MA RNAMS GCES SOGS RKANG PA BZHI STE, RANG
GCES PAR BZUNG BAS SKYON DU 'GYUR NA, SU ZHIG GCES PAR 'DZIN
CEN,

(MA) RGAN SEMS CAN (RNAMS GCES) BAR (BZUNG) NAS (BDE) BA (LA
'GOD PAR) 'DOD BA ('I BLO) BSKYED PAR BYA DGOS LA, BLO DE NI
(MTHA' YAS) PA'I (YON TAN) GYI TSOGS ('BYUNG BA'I SGO) YIN PAR
(MTHONG) BAR BYAS (NAS,) RGYU MTSAN DE NYID BSAM LA, GAL TE MA
RGAN ('GRO BA 'DI DAG) THAMS CAD KYANG, ('DAG GI) SROG LA RGOL
BA'I (DGRANG LANGS) PAR GYUR (KYANG,) 'DI DAG RNAMS NI

NYON MONGS PA'I GZHAN DBANG DU GYUR PA YIN BAS SNYING RE RJE
SNYAM NAS, RANG NYID SHI YANG BLA'I, MA SEMS CAN THAMS CAD
(SROG LAS) KYANG LHAG PAR (GCES PAR 'DZIN PAR) RO,, BZHI PA
RGYU MTSAN DES NA BDAG GZHAN MNYAM PAR BRJE BA'I RNAL 'BYOR
NI, MDOR NA BYIS PA SOGS TSIGS SU BCAD PA GNYIS TE, SNGAR LTAR
RANG

@022B GCES 'DZIN LA NYES DMIGS DANG, GZHAN GCES 'DZIN LA PHAN
YON RGYAS PAR BSHAD DU YOD MOD, (MDOR) BSDUS TE BSHAD (NA,
BYIS BA) SO SO SKYE BO RNAMS KYIS NI GZHAN YAL BAR DOR NAS
(RANG DON KHO NA) BYAS PA (DANG, THUB) PA'I (DBANG) POS (GZHAN
DON 'BA' ZHIG) GTZO BOR (MDZAD PA YI) KHYAD PAR YANG, BYIS PA
RNAMS KYIS (SKYON DANG,) PHYI MAS (YON TAN)

GYI (DBYE BA) CI LTAR THOB PA LEGS PAR (RTOGS PA'I BLO'I STOBS
KYI (SA), RANG GCES BA LTAR GZHAN GCES PAR 'DZIN DGOS PA 'DRA
'O SNYAM DU (BDAG GZHAN MNYAM) PAR MTHONG NAS RANG KHO NA GCES
PAR 'DZIN PA'I BLO DOR TE, GZHAN GTZO BOR GCES PAR 'DZIN PAR
'GYUR PA'I BLOR (BRJE NUS PAR) RO,, GZHAN YANG RJE BTZUN BLA
MA KHYOD KYIS,

BDAG LA SNGAR BSHAD PA LTAR GYI (BDAG GZHAN BRJE BA'I RNAL
'BYOR) DE LTA BU (NYAMS LEN SNYING POR) TE GTZO BOR (BYED PAR
BYIN GYIS RLOBS) SHIG CES GSOL BA LTAR MDZAD RIGS PA'ANG YIN
TE, BDAG GIS NI, (RANG NYID KHO NA GCES PAR 'DZIN PA NI,) SKYE
'CHI SOGS 'PHRAL DANG, NGAN SONG GSUM DANG, 'KHOR BA'I GNAS SU
SKYE BA SOGS YUN GYI (RGUD PA KUN

KYI SGO) STE 'BYUNG GNAS DANG, (MA) SEMS CAN (RNAMS GCES) PAR
('DZIN PA NI, GNAS SKABS DANG MTHAR THUG GI (YON TAN KUN KYI
GZHI) MA YIN PAR MTHONG BA DE'I (PHYIR RO,,) DES NA RJE BTZUN
BLA MA SOGS RKANG PA BZHI STE, SNGAR BSHAD PA'I RGYU MTSAN
(DES NA, RJE BTZUN BLA MA THUGS RJE CAN) KHYOD KYIS (MAR GYUR
'GRO BA) NAM MKHA' DANG MNYAM PA ('I SDIG SGRIB) DANG

(SDUG BSNGAL KUN) GCIG KYANG (MA LUS) PAR (DA LTA) NYID DU
(BDAG LA) TSUR (SMIN PA) STE 'ONG BAR MDZAD NAS SEMS CAN THAMS
CAD SDUG BSNGAL DANG BRAL BA DAG, (BDAG GI BDE) PA DANG, DGE
BA JI SNYED YOD PA RNAMS SEMS CAN (GZHAN LA) PHAR (BTANG BAR)
BYAS PA (YI) STOBS KYIS ('GRO KUN BDE) BA (DANG LDAN BAR) RO,,
GNYIS PA RKYEN NGAN LAM DU SLONG TSUL NI,

SNOD BCUD SOGS RKANG PA BZHI STE, PHYI (SNOD) KYI 'JIG RTEN
DANG, NANG (BCUD KYI SEMS CAN RNAMS (SDIG PA'I ?'BRAS BU) SDUG
BSNGAL SNA TSOGS PA RNAMS KYI (SA YONGS SU GANG STE,) RANG
LA'ANG (MI 'DOD?) PA'I (SDUG BSNGAL CHA LTA?) MANG PO (BAS)
BAR GYUR KYANG, SDUG BSNGAL DE NI SNGON SDIG PA BYAS PA'I RNAM
SMIN LAS NGAN PA'I ('BRAS BU) SMIN PA DE DAG ('DZAD PA'I RGYU)
YIN

@023A *, ,PA (RA MTHONG NAS, RKYEN NGAN) RNAMS LA MI DGA' BAR
MED PAR (LAM) GYI GROGS NYID (DU LONGS BA) STE SGYUR BAR RO,,
GSUM PA GANG SNANG STOBS LNGA SA SEMS BSKYED KYI RGYUR SGYUR
TSUL NI, MDOR NA SOGS RKANG PA BZHI STE, BYANG CHUB KYI SEMS
'PHEL BA'I RGYU MANG DU YOD MOD, (MDOR) BSDU NA, (BZANG NGAN)
GYI SNANG BCI BYUNG

(YANG,) DE THAMS CAD KYANG, 'PHEN PA GOM PA DKAR PO SA BON
DANG,, RNAM PAR SUN 'BYIN SMON LAM STOBS LNGA YIN, ZHES GSUNGS
PA LTAR, SANGS RGYAS MA THOB KYI BAR DU CHAGS SOGS NYON MONGS
SKYE BA BKAG STE BYANG CHUB KYI SEMS MA SKYES PA SKYE BA DANG,
SKYES PA GNAS PA DANG, GNAS PA 'PHEL BA'I

PHYIR DU 'BAD PAR BYA'O SNYAM DU 'PHEN PA GTONG BA NI, 'PHEN
PA'I STOBS DANG, BYANG CHUB KYI SEMS 'PHEL BA'I PHYIR DU TSOGS
BSAGS SHING SDIG SGRIB SBYONG BA LA BRTZON PA DNGOS NI, SA BON
GYI STOBS DANG, NYON MONGS GANG SKYES DE'I GNYEN PO BSGOMS TE
'BUR 'JOMS BYED PA NI, RNAM PAR SUN

'BYIN PA'I STOBS DANG, DGE BA THAMS CAD RANG GZHAN GYI BYANG
CHUB KYI SEMS 'PHEL BA'I RGYUR GYUR CIG SNYAM DU SMON PA NI,
SMON LAM GYI STOBS DANG, STOBS BZHI PO DE DANG BDAG GZHAN
MNYAM BRJE SOGS KYI SGO NAS BYANG CHUB KYI SEMS GNAS SKABS
THAMS CAD DU RANG RGYUD LA GOMS PAR BYED

BA NI GOM PA'I STOBS TE, (CHOS KUN) GYI (SNYING PO) GCIG TU
DRIL BA (STOBS LNGA'I NYAMS LEN) SNGAR BSHAD PA LTAR (GYI) SGO
NA (SA,) KUN RDZOB DANG, DON DAM (BYANG CHUB) KYI (SEMS GNYIS
'PHEL BA'I) LAM DU BSGYUR TE) YID MI BDE BA MED PAR (YID BDE
'BA' ZHIG SGOM PAR) RO,,) BZHI PA SBYOR BA BZHIS 'PHRAL RKYEN
THAMS CAD SKOM DU SBYOR TSUL NI, SBYOR BA

BZHI DANG SOGS TSIGS SU BCAD PA GCIG STE, 'DI LA YANG, SBYOR
BZHI BSHAD PA DANG, BLO SBYONG DAM TSIG DANG BSLAB BYA'I
SNYAMS LEN BSHAD PA'O,, DANG PO NI, SBYOR BA BZHI SOGS RKANG
PA GNYIS TE, RJE 'DI NYID KYI GSUNG 'BUM LAS, PAS KA SBYANG
LHA DANG GDON LA MCHOD PA YI, ,SBYOR BA BZHI DANG LDAN PA'I

@023B THABS MKHAS KYI,, ZHES PA LTAR, TSOGS BSAGS PA DANG,
SDIG SGRIB SBYONG BA DANG, LHA DANG, GDON LA GTOR MA SOGS KYIS
MCHOD PA'I (SBYOR BA BZHI DANG LDAN PA'I THABS MKHAS KYIS
'PHRAL LA) RKYEN BZANG DAN CHE CHUNG (GANG) DANG (THUG) KYANG,
DE THAMS CAD BYANG CHUB KYI SEMS (SGOM) PA LA SOGS PA'I MTHUN
RKYEN NAM GROGS (LA SBYOR BA) STE SGYUR BA

(DANG,) GNYIS PA BLO SBYONG GI DAM TSIG SOGS NI BLO SBYONG
SOGS RKANG PA GNYIS TE, (BLO SBYONG) GI (DAM TSIG) DANG,
(BSLAB BYA'I) RIM PA RNAMS RANG RANG GI GZHUNG BLO SBYONG SOGS
NAS 'BYUNG BA LTAR (NYAMS LEN GYI) BYA BA LA BRTZON PA (SA DAL
'BYOR) GYI MI LUS RIN PO CHE 'DI NI, GTAN GYI BDE BA THOB PAR
BYED PA'I 'DUN MA SOGS KYI (DON CHEN) DU (BYED PAR RO,,)

GNYIS PA SEMS BSKYED DNGOS LA SLOB TSUL LA GNYIS, SMON SEMS
DANG, 'JUG SEMS LA BSLAB TSUL LO,, DANG PO NI, GTOR LEN SOGS
RKANG PA BZHI STE, RANG GI BDE BA SOGS PHAR (GTONG BA) DANG,
GZHAN GYI SDUG BSNGAL RANG LA TSUR (LEN) PA'I THABS MKHAS NI,
RANG GI SNA BU GNYIS NAS RLUNG PHAR RGYU BA'I TSE DE (LA)

RANG GI LUS LONGS SPYOD DGE RTZA RNAMS (BSKYON BA) STE ZHON
PAR BYAS NAS SONG STE, DE RNAMS KYANG SEMS CAN THAMS CAD KYIS
THOB PAS BDE BA DANG LONGS SPYOD PHUN SUM TSOGS PA DANG LDAN
PAR BSAM LA BYAMS PA BSGOM PAR BYA ZHING DE BZHIN TU RLUNG
RANG GI SNA BUG TU TSUR 'JUG PA'I TSE DE LA SEMS CAN GYI SDUG
BSNGAL MI 'DOD

PA THAMS CAD BSKYON NAS RANG LA BSTIM PAS, SEMS CAN RNAMS SDUG
BSNGAL RGYU DANG BCAS PA THAMS CAD DANG BRAL BAR BSAM LA
SNYING RJE BSGOM PAR BYA'O,, DE LTA BU'I 'PHRUL 'DEGS NI, 'JIG
RTEN NA SHING GI 'KHRUL 'KHOR SHING RTA SOGS LA BRTEN NAS RDO
DANG SHING CHE BA DAG KYANG 'BAD MED DU 'DREN PA LTAR,

RLUNG 'GRO 'ONG GI KHYAD PAR LA BRTEN PA ('I 'GRUL 'DEGS) DE
LTAR BU DANG LDAN PA (CAN) GYI THABS MKHAS PAS, (BYAMS) PA
(DANG SNYING RJE) DANG, SEMS BSKYED KYI DNGOS RGYU (LHAG PA'I
BSAM PA) BUR SHUN GYI RO LTA BU'I BYANG CHUB KYI SEMS DANG
BCAS PA (YIS 'GRO) BA (RNAMS SRID) PA'I RGYA MTSO TSE LAS
SGROL BAR BYA (BA'I PHYIR) DU, SNGAR BSHAD PA LTAR GYI (BYANG
CHUB) KYI (SEMS)

@024A *, ,RIN PO CHE DE (NYID 'BYONGS PA) STE YONGS SU RDZOGS
PA BDAG GI RGYUD LA SKYE BAR RO,, GNYIS PA 'JUG SEMS LA SLOB
TSUL NI, DUS GSUM RGYAL BA KUN GYI SOGS TSIGS SU BCAD PA GCIG
STE, (DUS GSUM) GYI (RGYAL BA KUN GYI BGROD) PA STE BZHON PA
YIN LA (GCIG) PA NI, DE LAS GZHAN BGROD BYED KYI THABS

MED PA MIN GYI, DE NYID NGES PAR DGOS PA'O,, (LAM) NI 'JIG
RTEN NA GANG DU 'GRO SA'I GZHI KHYAD PAR BA LA LAM ZHES BRJOD
PA DANG 'DRA BAS SANGS RGYAS KYI GO 'PHANG DU BGROD BYED KYI
THABS KHYAD PAR CAN LA LAM ZHES BYA'O,, DE LTA BU'I LAM DE
GANG YIN ZHE NA, (RNAM PAR DAG) PA'I (RGYAL SRAS) BYANG SEMS
KYI SDOM PA

YIN LA, (SDOM PA) DES RANG (RGYUD) LEGS PAR (BSDOMS SHING)
BSRUNG BAR BYA'O,, SDOM PA 'DZIN TSUL SOGS NI SPYOD 'JUG DANG,
RJE NYID KYIS MDZAD PA'I BYANG SEMS TSUL KHRIMS KYI LE'U'I
RNAM BSHAD DU BLTA BAR BYA'O,, DER MA ZAD (THEG PA MCHOG) GI
TSUL KHRIMS GSUM GYI) STE DE YANG, BYANG SEMS KYI SO SO THAR
PA NI NYES SPYOD

SDOM PA'I TSUL KHRIMS DANG, BSDU BA'I DNGOS PO BZHI NI SEMS
CAN DON BYED KYI TSUL KHRIMS DANG, PHYIN DRUG GI NYAMS LEN NI
DGE BA CHOS SDUD KYI TSUL KHRIMS TE GSUM MO,, DE DAG GI (NYAMS
LEN LA BRTZON PA LHUR LEN) TE GTZO BOR BYED PAR RO,,) GNYIS PA
PHYIN DRUG LA SLOB TSUL LA, SBYIN SOGS DRUG GI DANG PO SBYIN
PA NI,

LUS DANG SOGS RKANG BA BZHI STE, (RANG GI LUS DANG LONGS SPYOD
DANG DUS GSUM) DU BSAGS PA'I (DGE TSOGS) DANG (BCAS) PA RNAMS
NI, MAR GYUR (SEMS CAN) THAMS CAD LA, (RANG RANG) GI CI DANG
CI ('DOD PA'I DNGOS) PO DE DANG DE DAG TU (BSGYUR TE) SER
SNA'I (CHAGS) PA MED PAR LHUG PAR (GTONG) BAR 'DOD PA'I (SEMS)
PA BSKYED PA NI, GONG 'PHEL DU 'GRO BA'AM, MANG POR

(SPEL BA'I MAN NGAG) STE, SEMS CAN THAMS CAD KYIS DNGOS SU
THOB PAR MA GYUR KYANG, DE THAMS CAD LA GTONG BAR 'DOD CING
SMON PAS NI, RIS SU BCAD PA'I SBYIN PA CHEN PO YANG GNON PA'O,
,DE LTA BU'I MAN NGAG GI MTHU LA BRTEN NA (SA SBYIN PA'I BAR
BYIN) GYI NYAMS LEN RNAMS (RDZOGS) PA BYED NUS (PAR RO,,) PHAR
PHYIN ZHES PA LA YANG

@024B GNYIS TE, PHYIN BYED LAM DANG, PHYIN PA 'BRAS BU'I PAR
PHYIN NO, ,DES NA KHA CIG SHER PHYIN ZHES PA NI PHYIN ZIN PA
KHO NA YIN PAS, SLOB LAM NA MED DO ZHES 'DOD KYANG, RJE YAB
SRAS KYIS PHYIN BYED DANG, PHYIN ZIN PA GNYIS SU PHYE BA'I
DANG PO NI DE NA YOD PAR BZHED DO,, GNYIS PA TSUL KHRIMS NI,
SO THAR BYANG SEMS SOGS RKANG

PA BZHI STE, RANG GIS SO THAR GYI SDOM PA DANG, (BYANG SEMS)
KYI SDOM PA DANG (GSANG SNGAGS) KYI SDOM PA STE (SDOM PA) GSUM
PO GANG RUNG GCIG GAM, GSUM KA BLANG BA YIN KYANG DE DANG DE
(YI) BSLAB BYA SANGS RGYAS NYID KYIS DGAG SGRUB GNANG GSUM GYI
(BCAS PA MDZAD PA'I (MTSAMS PHRA RAGS THAMS CAD NI (SROG GI
NA, RKYEN CHUNG DUS (MI GTONG) BA LTA SMOS KYANG CI DGOS

NA, RKYEN CHUNG DUS (MI GTONG) BA LTA SMOS KYANG CI DGOS
(ZHING) BSRUNG BA DANG, DGE BA CHOS (SDUD) KYI TSUL KHRIMS
SBYIN SOGS (DANG, SEMS CAN DON SGRUB) KYI TSUL KHRIMS BSDU
BZHI'I NYAMS LEN LA SOGS (BA'I) SGO NAS, (TSUL KHRIMS) KYI
PHAR BYIN (RDZOGS PAR) RO,, 'DIR PHYIN DRUG SOGS DANG, DE DGE
TSUL KHRIMS KYI KHYAD PAR ZHIB TU 'BYED DGOS PA YOD DO, ,GSUM

PA BZOD PA NI, KHAMS GSUM SKYED GU SOGS RKANG PA BZHI STE,
'DOD KHAMS, GZUGS KHAMS, GZUGS MED KHAMS TE (KHAMS GSUM) PO DE
DAG NA GNAS PA'I (SKYE DGU) NI, KHA CIG KHAMS GSUM PO RE RER
LAN GSUM GSUM SKYE BAS SKYE DGU ZHES 'DOD LA, GZHAN GYIS DE
BKAG NAS DGU NI MANG TSIG YIN PAS SKYE BA MANG BA'I DON DU

BZHED DE, PHYI MA 'THAD PAR MTHONG NGO,, DES NA, DE LTA BU'I
SKYE DGU SEMS CAN (MA LUS) BA (KHROS) BAR (GYUR TE,) GAL TE DE
THAMS CAD KYIS RANG NYID LA, TSIG NGAN GYIS (GSHE ZHING,)
SKYON BTAGS PA'I (MTSANG 'DRU) BA DANG, KHYOD NI 'DI LTAR
'JOMS PAR BYED DO ZHES (BSDIGS SHING, SROG GCOD) PAR BYED
(KYANG,) DE LTAR BYAS PA RNAMS LA SEMS (MI 'KHRUGS) PA STE

KHONG KHRO MI BYED PAR MA ZAD, 'DI DAG NI NYON MONGS PA'I GDON
GYIS ZIN PA'I DBANG MED YIN PAS, (GNOD LAR) LA (PAD PA) GANG
THUB (SGRUB) PAR (BYED) DO SNYAM (BA'I) GNOD PA LA JI MI SNYAM
PA'I BZOD PA DANG, SDUG BSNGAL DANG LEN GYI BZOD PA DANG, CHOS
LA NGES THOB KYI BZOD PA'I NYAMS LEN GYI SGO NAS, (BZOD PA'I
PHAR PHYIN RDZOGS PAR) RO, ,BZHI PA

@025A *, ,BRTZON 'GRUS NI, SEMS CAN RE RE'I PHYIR YANG SOGS
RKANG BA BZHI STE, GAL TE BDAG NI SEMS CAN THAMS CAD LTA ZHOG
(,SEMS CAN RE RE'I PHYIR) TE DON DU (YANG MNAR MED PA'I) DMYAL
BA'I (ME NANG) DU SKAD CIG TZAM MA YIN PAR (BSKAL PA RGYA MTSO)
STE MANG PO (RA GNAS DGOS) PA ZHIG BYUNG (KYANG,) DE LA (SNYING
RJES MI SKYO) PA TE YID MI SUN PAR SEMS

CAN DE DAG GI SDUG BSNGAL SEL BAR BYED CING, (BYANG CHUB MCHOG)
SANGS RGYAS THOB PAR BYA BA'I PHYIR DU (BRTZON PA) NI MI LDOG
PA'I BRTZON 'GRUS DANG, DES MTSON TE BRTAN PA'I BRTZON 'GRUS,
CHOG MI SHES PA'I BRTZON 'GRUS KYI NYAMS LEN LA BRTEN NAS
(BRTZON 'GRUS PHAR PHYIN RDZOGS PAR) RO,, LNGA BA BSAM GTAN NI,
BYING RGOD SOGS RKANG BA BZHI STE,

DMIGS PA LA SEMS MI GSAL BA'I (BYING) BA DANG, G-YENG BA'I RNAM
PA CAN GYI (RGOD) PA DANG GZHAN YANG PHYI ROL GYI (RNAM PAR
G-YENG BA'I SKYON SPANGS) NAS, GZUGS SOGS (CHOS KUN BDEN PA) RA
GRUB PA (SA STONG PA) STE, DE DANG DON GCIG PA'I RANG BZHIN GYIS
GRUB PAS STONG PA DANG, RANG GI MTSAN NYID KYIS GRUB PAS STONG
PA DANG, DON DAM PAR GRUB PAS STOR

PA SOGS KYI STONG PA ('I GNAS LUGS) TE, DE DANG DON GCIG PA'I
CHOS KYI DBYINGS, DE BZHIN NYID, YANG DAG PA'I MTHA', CHOS NYID,
STONG NYID SOGS (LA) SEMS (RTZE GCIG) TU (MNYAM PAR 'JOG PA'I
TING NGE 'DZIN GYI) NYAMS LEN LA BRTEN NAS (BSAM GTAN) GYI (PAR
PHYIN RDZOGS PAR) RO,, DRUG PA SHES RAB LA GSUM, MNYAM GZHAG
DANG, RJES THOB TU SLOB TSUL,

STONG DANG RTEN 'BYUNG 'GAL MED ZUNG 'BREL DU SLOB TSUL LO,,
DANG PO NI, DE NYID SO SOR RTOGS SOGS RKANG PA BZHI STE, CHOS
THAMS CAD GNAS LUGS STONG PA NYID (DE NYID) LA ZHI GNAS KYI TING
NGE 'DZIN GYI DANG NAS (SO SOR RTOGS PA) STE SO SOR DPYOD PA ('I
SHES RAB KYIS) YANG NAS YANG DU DPYAD PA'I MTHAR DPYAD STOBS
KYIS (DRANGS PA'I) LUS

SEMS LAS SU RUNG BA'I (SHIN DU SBYANGS) PA'I (BDE) BA CHEN PO
NAM SKYES PA'I TSE SHES RAB (DANG) TING NGE 'DZIN ZUNG DU ('BREL
BAR) GYUR TE, (DON DAM) MNGON SUM RTOGS PA'AM, DON SPYI'I TSUL
GYIS RTOGS PA'I MNYAM GZHAG YE SHES NI (MNYAM GZHAG NAM MKHA')
LTA BU ('I RNAL 'BYOR) ZHES BYA'O,, DE LTA BU'I RNAL 'BYOR (GYI)
SGO NAS (SHES RAB) KYI (BAR PHYIN) GYI NYAMS LEN RNAMS

@025B YONGS SU (RDZOGS) TE NUS (PAR) RO, ,GNYIS PA NI, PHYI NANG
SOGS RKANG PA BZHI STE, (PHYI NANG) STE PHYI SNOD KYI 'JIG RTEN
DANG, NANG BCUD KYI SEMS CAN NAM, YANG NA PHYI GZUGS KYIS BSDUS
PA'I PHUNG PO DANG, NANG GZUGS MED KYI BSDUS PA'I (CHOS RNAMS)
RANG BZHIN GYIS GRUB PA MED BZHIN DU DER SNANG BA NI, DPER NA,
SGYU? MKHAN

GYIS RDE'U SHING GU RTA GLANG DU SBRUL BA NI, MIG BSLAD PA'I
LTAD MO PA'I NGO BOR DE LTAR DU GRUB PAR SNANG YANG DON LA GRUB
PA MED PA DANG, RMI LAM GYI GNAS SKABS SU SNANG BA'I MI LTA BU
NI, (RMI LAM) GYI SHES NGOR MIR SNANG YANG DON LA DER GRUB PA
MED PA DANG, (DANG BA'I MTSO NANG) DU ZLA BA'I (GZUGS) SNANG
YANG DON LA ZLA BA'I GZUGS SUM GRUB PA'I

DPE JI LTA BA DE (BZHIN DU,) KUN RDZOB KYI CHOS THAMS CAD, SO SO
SKYE BO LA MA RIG PAS BSLAD PA'I DBANG GIS GANG SNANG THAMS CAD
KYANG, MING BRDAS BZHAG TZAM MA YIN PAR TSUGS THUB KYI BDEN PAR
GRUB PAR SNANG ZHING, SLOB PA'I RJES THOB TU'ANG BDEN SNANG
'BYUNG STE, RJE BLA MAS, RANG BZHIN GYIS NI GDOD MA NAS, ,RNAM
PAR

DBEN YANG DER SNANG BAS, ,'DI KUN RDZOB SGYU MA BZHIN DU
GSUNGS,, ZHES DANG, RJE 'DI NYID KYIS, KUN RDZOB DU YUL SNANG CI
SHAR YANG, ,GDOD MA NAS DBEN YANG DER SNANG BA, ,RMI LAM DANG
CHU NANG ZLA BA'I GZUGS, ,SNGAGS RDZAS KYIS BSLAD PA'I SGYU MA
BZHIN, ,ZHES GSUNGS PA'I PHYIR RO,, DE LTAR LUNG RIGS KYIS

NGES PA DRANGS NAS GANG SNANG BDEN GRUB TU SNANG YANG BDEN PAR
MED PA'I TSUL) LEGS PAR (RTOGS NAS) RJES THOB TU (SGYU MA) LTA
BU ('I TING NGE 'DZIN RDZOGS PAR RO,,) GSUL? BA STONG DANG RTEN
'BYUNG 'GAL MED DU NYAMS SU LEN PA NI, 'KHOR 'DAS SOGS RKANG PA
BZHI STE, 'KHOR BA DANG MYA NGAN LAS ('DAS) PA'I CHOS RNAMS
KYANG (RANG BZHIN) GYIS GRUB PA (TSUL)? CES LA

(MED PA DANG,) THA SNYAD TZAM DU (RGYU) DGE SDIG SOGS DANG DE'I
('BRAS) BU BDE SDUG SOGS LAS 'BRAS KYI RNAM BZHAG SHIN TU 'THAD
PA'I (RTEN 'BREL BSLU BA MED PA GNYIS) LA MI MTHUN PA TSA GRANG
LTAR 'GAL BAR BZUNG STE, RANG BZHIN GYIS STONG PA YIN NA LAS
'BRAS MI 'THAD SNYAM PA'I LOG LTA SPANGS NAS, RTEN 'BREL YIN
PA'I RGYU MTSAN GYIS RANG BZHIN GYIS

@026A *, ,STONG PA'O SNYAM DU (PHAN TSUN 'GAL) BA (MED) PA TZAM
DU MA ZAD, GCIG (GROGS SU) GCIG ('CHAR BA) YI TSUL 'DI NI, RGYAL
BA'I DGONGS PA BLA NA MED PA YIN PAR MDO RGYUD DU MA LAS GSUNGS
SHING, GSUNGS PA LTAR 'KHRUL PA MED PAR RNYED NAS LEGS PAR STON
PA NI DPAL MGON 'PHAGS PA (KLU SGRUB) YIN LA, DES MDZAD PA'I
RIGS

TSOGS RNAMS LAS BSTAN PA LTAR DE'I (DGONGS) PA'I (DON) JI LTAR
YIN PA DE LTAR (RTOGS PAR) RO,, 'O NA KYANG GROGS SU 'CHAR BA
YI, ZHES DRUG PA'I SGRA YOD PA'I LUGS LTAR BSHAD KYI, 'CHAR BA
YIS ZHES BYED PA'I TSIG 'BYUNG BA LTAR NA GROGS SU 'CHAR BA DE
SHES PA'I STOBS KYIS ZHES BSHAD DGOS PAR MNGON NO, ,DE DAG GI
DON RGYAS

PAR NI DBU MA'I GZHUNG DANG LAM RIM CHE BA SOGS NAS SHES PAR BYA
ZHING, 'DI JI LTA BA BZHIN MA RTOGS KYANG, YID CHES KYI NGES PA
RNYED PA TZAM NI, CHOS GZHAN LAS KYANG PHAN YON SHIN TU CHE'O,,
GNYIS PA THUN MONG MA YIN PA RDO RJE THEG PA'I LAM SGOM TSUL LA
GNYIS, GSANG SNGAGS KYI 'JUG SGO BLA MA BSTEN DGOS PA DANG,

RIM PA GNYIS LA SLOB TSUL LO,, DANG PO NI, DE NAS RDO RJE 'DZIN
PA'I SOGS RKANG PA BZHI STE, DE LTAR THUN MONG BA'I LAM GYI RIM
PAS LAGS PAR RGYUD SBYANGS ZIN PA, (DE NAS RDO RJE 'DZIN PA) STE
RDO RJE 'CHANG GI LAM STON PA'I DGE BA'I BSHES GNYEN NI, DPER
NA, RGYA MTSO'I PHA ROL TU 'GRO BA'I THABS LA MKHAS PA'I MI ZHIG
LA

DED DPON ZHES PA SNYAD PA LTAR DE LTA BU'I BSHES GNYEN DED DPON
GYI DRIN LA) BRTEN NAS RGYUD (SDE RGYA MTSO) LTA BU MANG PO ('I
MJING) STE DBUS SU (BRGAL TE) DON GYI SNYING PO LEN PAR BYED PA
DANG, DE'I THABS SU DBANG BSKUR THOB PAR BYED CING, DE'I DUS SU
KHAS BLANGS PA (DNGOS GRUB) KUN GYI (RTZA BAR) GYUR BA'I (DAM
TSIG) DANG (SDOM PA RNAMS SROG LAS) KYANG (GCES PAR 'DZIN

PAR) RO, ,GNYIS PA RIM GNYIS LA SLOB TSUL GNYIS, BSKYED RIM DANG
RDZOGS RIM MO, ,DANG PO NI, SKYE SHI BAR DO SOGS RKANG PA BZHI
STE, RANG GI MA DAG PA'I (SKYE SHI BAR DO) GSUM PO (RGYAL BA'I
SKU GSUM DU SGYUR BAR) BYED PA'I THABS (RIM PA DANG PO'I RNAL
'BYOR) BSKYED RIM LA SLOB PA DANG, DE LTA BU'I BSKYED RIM (GYIS)
SNOD BCUD LA (THA MAL) GYI (SNANG NYEN) GYI (DRI MA KUN SBYANGS
TE,)

@026B GANG SNANG BA'I SNOD THAMS CAD GZHAL YAS KHANG DANG, BCUD
THAMS CAD (LHA SKU'I) RNAM PAR ('CHAR BAR) RO, ,GNYIS PA RDZOGS
RIM NI, SNYING KA'I 'DAB BRGYAD SOGS RKANG PA BZHI STE, (SNYING
GA'I) RTZA ('DAB BRGYAD) KYI THAD SO'I (DH'U T'I) STE RTZA DBU
MA ('I DBUS DAG TU MGON) PO KHYOD KYI (ZHABS SEN) TE ZHABS KYI
SEN MO'I MING YIN LA, DE YANG SKU YONGS RDZOGS LA ZHABS DANG,
ZHABS LA SEN

MO'I MING GIS BSTAN PA NI ZHE SA'I KHYAD PAR GYIS SHIN TU GUS
PAR BSTAN PA YIN PAS SEN MO DANG ZHABS KHO NAR MI BZUNG NGO,
(,BKOD PA) STE SGOM PA (LAS BYUNG BA) 'I LAG RJES SAM 'BRAS BU,
DPE'I 'OD GSAL DANG DON GYI 'OD GSAL TE ('OD GSAL) GNYIS DANG,
DAG PA'I SGYU LUS DANG, MA DAG PA'I SGYU LUS STE (SGYU LUS)
GNYIS DANG, DON GYI 'OD GSAL DANG SGYU

LUS ZUNG DU 'JUG (PA'I LAM) STE RDO RJE 'CHANG GI GO 'PHANG DE
NYID (TSE 'DIR MNGON DU 'GYUR BA) STE THOB PAR RO,, GSUM PA CHOS
'DI BA'I LUGS KYI 'PHO BA NI, LAM SNAM ZIN SOGS RKANG PA BZHI
STE, GONG DU BSTAN PA LTA BU'I (LAM SNAM ZIN) PAR GAL TE ('CHI
BA'I DUS BYED) DGOS BYUNG NA, RJE MI LAS, SGOM PA'I SANGS RGYAS
KUN LA YOD LAGS KYANG, ,MA SGOM 'TSANG RGYA 'PHO BA'I

GDAM PA GCES, ,CES PA LTAR SDIG CAN (BTZAN THABS) SU ('TSANG
RGYA) BA'I THABS CHEN PO,, (BLA MA'I 'PHO BA NI,) BLA MA'I RNAL
'BYOR SOGS LA BRTEN PA'I 'PHO BA YIN LA DE YANG RNAM SHES GONG
DU 'PHO BYED CES PA'I DON TE 'PHO BA DE NI, DANG POR YO BYAD
GZHAN LA BTANG STE DKAR PO'I SA BON GYI STOBS GSOG, BSNGO SMON
GYI STOBS KYI SA KHA BSGYUR, LAS NYON SUN 'BYIN

PA'I STOBS KYIS 'GOG PA DANG, BYANG CHUB SEMS DANG MI 'BRAL
ZHING GZHAN DON BYED NUS PA'I RTEN DU 'GYUR BA'I 'PHEN PA'I
STOBS DANG, DE RNAMS LA YANG YANG SBYONG BA'I GOMS PA'I (STOBS
LNGA) PO DANG (YANG DAG) PAR PHYIN CI MA LOG PAR RANG GI GZHUNG
LAS 'BYUNG BA LTAR (SBYAR BA'I GDAM NGAG GI) MTHU LA BRTEN NAS
(DAG PA'I ZHING DU BGROD PAR) RO,, BZHI PA TSE RABS THAMS

CAD DU BLA MA DANG MI 'BRAL BAR SMON PA NI, MDOR NA SKYE ZHING
SKYE BA SOGS RKANG PA BZHI STE, MANG DU ZHU CI DGOS, (MDOR NA,)
SKYE BA 'DI TZAM DU MA ZAD, MA 'ONGS (SKYE ZHING SKYE BAR) 'GYUR
BA'I TSE RABS (THAMS CAD DU MGON PO KHYOD KYIS) DUS NAM YANG
('BRAL BA MED) PAR DGYES BZHIN DU (RJES SU BZUNG NAS SKU GSUNG
THUGS KYI) MDZAD PA RNAMS, BLO DMAN THAMS CAD KYIS MI SHES PAS
NA (GSANG BA)

@027A *, ,STE; DE 'DRA (KUN 'DZIN PA) 'AM SHES PA ('I SRAS) TE
BU SLOB KUN (GYI THU BONG 'GYUR BA DBYIN GYIS RLOBS) SHIG PA'O,
,TSIGS BCAD GNYIS PA'I DON NI, DAM PA KHYOD NGES DON DU SNGAR
BSHAD PA LTAR SANGS RGYAS KYI NGO BO YIN KYANG, SEMS CAN 'DUL
BA'I PHYIR DU (MGON) PO (KHYOD) ZHING (GANG DU, MNGON PAR SANGS
RGYAS PA'I) TSUL STON PA'I ZHES 'GYUNG 'GYUR LA KHA CIG BZHED

CING, KHO BO NI ZHING GANG DU SANGS RGYAS ZIN PA'I ZHING DER
ZHES 'CHAD DGOS PAR SEMS SO, ,DE GNYIS GANG BYAS KYANG DE LTA
BU'I ZHING DER ('KHOR GYI THOG MA NYID DU) STE LA LA NI MCHOG GI
DON DU 'DOD LA, KHA CIG 'KHOR 'BYUNG BA'I DUS DANG POR BZHED
DO,, 'O NA KYANG PHYI MA LTAR (BDAG GYUR TE, GNAS SKABS) KYI
DNGOS GRUB DANG, (MTHAR THUG) GI (DGOS 'DOD) SANGS RGYAS DANG

BCAS PA (MA LUS PA 'BAD) RTZOL (MED) PAR LHUN (GYIS GRUB PAR)
'BYUNG BA ('I BKRA SHIS STZOL,) ZHES SO,, LNGA BA MTHAR BLA MA
RANG LA BSDUS NAS SPYOD LA MA JI LTAR BYED TSUL NI, DE LTAR GSOL
BA SOGS RKANG PA BZHI STE, 'KHOR RNAMS 'DIR BSDU BA SKABS SU
BABS PAS BLA MA'I THUGS KA NAS 'OD ZER 'PHROS TE, MTHA'I 'KHOR
SOGS RIM GYIS BLA MA LA

'DUS PAR BSAMS LA, SNGAR BSHAD PA (DE LTAR) BLA MA BSGOMS NAS
MCHOD PAS, BYIN GYIS BRLABS PA'I CHED DU (GSOL BA BTAB PA'I)
MTHUS, (BLA MA MCHOG) DE NYID RANG LA (BYIN GYIS BRLABS) PAR BYA
BA'I PHYIR DU, (DGYES BZHIN) DU RANG GI (SPYI BOR) TSUR (BYON)
TE BZHUGS PAR GYUR BA LAS, DE NAS (SLAR YANG SNYING KA'I PADMA'I
ZE'U 'BRU) STE SNYING KA'I RTZA 'DAB KYI DBUS DE LA, (ZHABS

LEN) TE SEN MO YIN LA, DE NYID 'OD DANG LDAN PAS ('OD CHAGS) PA
STE DANG BCAS PA'I ZHABS GNYIS 'GYUR BA MED PAR (BRTAN PAR
BZHUGS SU GSOL,) ZHES SO, (DE LTA BU'I TSUL GYIS BLA MA DANG
LHAG PA'I LHA DANG RANG GI SEMS GSUM DBYER MED DU BYAS TE,) ZHES
PA NAS, (BRTZON PAR BYA ZHING,) ZHES PA'I BAR GSUNGS SO,, GSUM
PA MJUG TU CI LTAR BYA BA'I RIM PA NI, (MJUG TU BZANG PO SPYOD
PA'I SMON

LAM SOGS KYIS RGYAS 'DEBS SHING, MDOR BSDU NA,) 'DI LTAR BGYIS
PA'I SOGS TSIGS SU BCAD PA GNYIS GSUNGS TE, SNGAR GYI DGE BA
RNAMS SU MA ZAD, BLA MA MCHOD PA'I CHO GA'I RIM PA RNAMS SNGAR
BSHAD PA ('DI LTAR BGYIS PA) LAS BYUNG BA ('I RNAM DKAR) GYI DGE
BA JI SNYED MCHIS PA DE (YANG, DUS GSUM) GYI (BDE) BAR (GSHEGS)
PA, (SRAS) BYANG CHUB SEMS DPA'I TSOGS DANG (BCAS)

@027B PA (THAMS CAD) KYI (MDZAD PA) DANG, DE DAG GIS JI LTAR
BTAB PA'I (SMON LAM MA LUS) PA (SGRUB PA DANG,) DE RNAMS KYI
(LUNG DANG RTOGS) PA'I (DAM CHOS) THAMS CAD KYANG BSHAD SGRUB
GNYIS KYI SGO NAS ('DZIN PA'I RGYU RU BSNGO) BAR BYA'O,, DE LTAR
BSNGOS PA'I DGE RTZA SOGS (DE YI MTHU LA) BRTEN NAS, DUS 'DI NAS
BZUNG STE SANGS RGYAS MA THOB KYI BAR GYI (TSE RABS KUN TU BDAG)
NI, (THEG MCHOG 'KHOR LO BZHI) STE,

BSHES SPRING LAS, MTHUN PAR GYUR BA'I YUL DU GNAS PA DANG,
,SKYES BU DAM PA LA NI BRTEN PA DANG, ,BDAG GI LEGS BYAS SNGON
YANG BSOD NAMS KYI, ,'KHOR LO CHEN PO BZHI NI KHYOD LA MNGA',,
ZHES PA LTAR RO,, DES NA DE 'DRA BA'I 'KHOR LO BZHI PO DE DAG
(DANG MI 'BRAL ZHING,) 'KHOR BA LAS THAR BAR 'DOD PA'I (NGES
'BYUNG) DANG, SANGS RGYAS THOB PAR 'DOD

PA'I (BYANG) CHUB KYI (SEMS) DANG, STONG PA NYID RTOGS PA'I
(YANG DAG) PA'I LTA BA STE LAM GYI GTZO BO GSUM (DANG) BCAS PA
THUN MONG BA'I LAM GYI RIM PA DANG, BSKYED PA DANG RDZOGS PA'I
(RIM) PA (GNYIS) TE THUN MONG MA YIN PA'I LAM GYI RIM PA DANG,
DE'I YAN LAG DANG BCAS PA'I (LAM GYI BGROD PA) RNAMS MYUR DU
(MTHAR PHYIN) PAR SHOG CIG CES PA'O,, (CES BSNGO BA DANG SMON
LAM BYA

ZHING, MAN NGAG GI GNAD 'GA' ZHIG ZHAL LAS SHES PAR BYA'O,,)
ZHES PA NI, CHO GA DNGOS GZHI'I SKABS DANG, SBYOR BA DANG MJUG
GI SKABS RNAMS SU YANG DMIGS RNAM CI LTAR BYA BA MTHONG BA
BRGYUD PA'I PHYAG LEN LA LTOS PA'I DON YIN NO,, (DE LTAR NYIN RE
BZHIN RGYUN GYI RNAL 'BYOR DU BYAS NA, MDO SNGAGS THAMS CAD KYI
SNYING POR NYAMS SU BLANG BAR 'GYUR ZHING, 'DI PHYI'I LEGS TSOGS
THAMS

CAD KYI RTZA BA BRTAN PAR 'GYUR BA YIN NO,, DA LTA PHAL CHER
'DIR SRID ZHI'I RNAM DKAR ZHES SOGS 'DON PA LTAR MI 'GAL YANG,
GZHUNG GZHAN NAS 'BYUNG BA ZHIG BSNAN PA STE NGES PAR DGOS PA NI
MIN NO,, GSUM PA BSHAD PA MTHAR PHYIN PA'I BYA BA BSTAN PA NI,
MDO RGYUD DAM PA'I ZHES SOGS TSIGS SU BCAD PA GNYIS GSUNGS TE,
GZUGS

CAN GYI RGYAN DU SOR BZHAG BYAS NA CUNG ZAD GO DKA' BAS, DPE
RGYAN DU PHYE NA, RGYAL BAS GSUNGS PA'I (MDO RGYAD) DANG, BLA MA
(DAM PA'I CAD? DMAR? PO MA'I?) RGYA MTSO DANG 'DRA BA DE NI, BLO
BZANG CHOS KYI RGYAL MTSAN BDAG (GI? RNAM DPYOD) KYI (SHES RABS
'DZIN) GYI DBANG PO STE RI RAB MANT'A? RA DANG MTSUNGS PA DES,
(BSRUBS THA LAS) BYUNG BA (SNGON MED LEGS) PAR BSHAD PA'I (BDUD
RTZI'I K'A LA

@028A *, ,SHA STE BDUD RTZI'I BUM PA DANG 'DRA BA 'DI NI, (SKAL
BZANG) GI GDUL BYA (LEGS BRIS) TE LHA DANG SBYAR LA, DE LTA BU'I
(TSOGS KYI) 'DI PHYI'I PHAN BDE SROG DANG 'DRA BA'I NYE BAR
('TSO) BAR BYED PA'I THABS SU (GRUB) PAR BYAS PA YIN NO,, DE
'DRA BA'I CHO GA GANG YIN PA ('DI NI,) BLA MA DANG DKON MCHOG LA
(GUS) PA DANG (LDAN) PA'I (SLOB MA

MTHA' DAG GI SNYING MUN) TE, SEMS RGYUD RMONGS PA'I MI SHES PA
DANG, MA DAD PA SOGS KYI NYES PA'I TSOGS (MA LUS) PA (SEL BAR)
BYED PA ('I SGRON ME) LTA BU DANG ('JIG RTEN) DANG ('JIG RTEN)
LAS ('DAS PA'I DGE LEGS) KYI TSOGS RNAMS (NI MTHA' DAG MYUR DU
'KUGS BAR) BYED PA'I (LCAGS KYU) DANG 'DRA BA('ANG YIN) NO,,
ZHES SO,, RTZA PA'I SA BCAD GSUM PA

MJUG GI DGE BA BSNGO BA NI, TSUL 'DIR 'BAD SOGS RKANG PA BZHIS
STON TE, DON NI GONG DU BSHAD PA'I CHO GA BRTZAMS PA'I (TSUL
'DIR 'BAD) BA BYAS PA (LAS BYUNG BA'I DGE BA'I TSOGS ZLA ) BA
LTAR DKAR BA GANG ZHIG,) CHO GA RTZOM PA BO BDAG GIS (THOB PA DE
NI, DGE LEGS) KYI (RTZA BA DAM PA'I MGON RNAMS GYIS 'GRO) BA
SEMS CAN (KUN RJES SU 'DZIN PA'I RGYUR BSNGO'O,)

ZHES SO,, (ZHES BLA MA MCHOD PA'I CHO GA 'DI NI,) ZHES PA NAS,
(BKRA SHIS LHUN PO'I GZIM KHANG RGYAL MTSAN MTHON PO'I YANG THOG
TU SBYAR BA'O,,) ZHES PA'I BAR NI TSIG MANG DU DOGS NAS MA
DRANGS SO,, ,,SMRAS PA, MCHOG THUN DNGOS GRUB RTZA BA BSHES
GNYEN MCHOG ,MCHOG TU MNYES BYED MCHOD CHOG RDO RJE'I TSIG ,TSIG
DON CUNG ZAD GSAL NUS DAM PA'I

DRIN, ,DRIN LAN BYANG CHUB BAR DU 'JAL PHYIR BSTEN, ,GANG GI ZAB
YANGS THUGS KYI SKYED TSAL LAS, ,LEGS 'ONGS SGRUB CHOG 'DAB
STONG KUN 'DUS PA'I, ,DGONGS PA MKHAS PA'I NYI MA LAS GZHAN DU,
,MKHAS RLOM BDAG LTAS 'BYED PAR GA LA NUS, ,'ON KYANG THUB PA'I
BSTAN DANG MI LUS LA, ,CHOS KYI BAG CHAGS

BZANG PO 'JOG PHYIR DANG, ,SKAL MNYAM GZHAN LA'ANG PHAN PAR BYA
BA'I PHYIR, ,TSUL 'DIR 'BAD LA YID RAB SPRO BAR GYUR, ,GANG 'DI
PHYOGS LHUNG BRAL BA'I SKYE BO YI, ,RNAM DPYOD LANG TSO MDZES
BA'I GOS BZANG DANG, ,GZHUNG DON 'DOD DGU STER BA'I NOR BU DANG,
,BLO YI TSA GDUNG SEL BA'I ZLA BA'ANG YIN, ,DE YANG MDO RGYUD

@028B MKHAS BA'I MAN NGAG DANG, ,'BREL BAR DPYOD PA'I STOBS LAS
BYUNG BA NA, ,RANG BZOS BSLAD PA'I SKYON YOD MA YIN ZHING, ,'GAL
DANG MA 'BREL ZLOS SKYON MED DAM SNYAM, ,RJE BTZUN BLA MA'I
DGONGS PA PHRA ZHING ZAB, ,KHO BO SBYANGS PA DMAN ZHING BRTZON
BA ZHAN, ,MA RTOGS LOG RTOGS NYES PA'I TSOGS MCHIS PA, ,GANG DE
MKHAS

BA'I SPYAN SNGAR BZOD PAR GSOL, ,DE LAS THOB PA'I DGE BA CI
BSAGS PA, ,RNAL 'BYOR MCHOG 'DI NYAMS SU LEN PA RNAMS, ,RTAG TU
'JAM DBYANGS BLA MAS RJES 'DZIN CING, ,MTHAR THUG RDZOGS PA'I
BYANG CHUB THOB PHYIR BSNGO,, CES PA 'DI NI, MGO TSAR DKA' BCU
BA 'JAM DBYANGS BLO GROS DANG, DGE SLONG NGAG

DBANG RGYAL MTSAN RNAM PA GNYIS KYIS BSKUL BA'I NGO BOR CO NE'I
CHAR GTOGS SU SKYES SHING, GZHUNG LUGS DU MA LA BLA MIG CUNG ZAD
PHYE BA SH'AKYA'I DGE SLONG GRAGS PA BSHAD SGRUB KYIS RE GNYIS
LA PHAN SRID SNYAM PA'I 'DUN PAS KUN NAS BSLANGS TE, SNGAR SBYAR
BA LAS PHYIS DKA' BCU BA DE NYID

KYIS MTHUN RKYEN SBYAR NAS BAR DU BSGRUB PA'I TSE, PAR GYI YI GE
PA NI GNAS BRTAN KUN DGA' RIN CHEN DANG BLO BZANG RGYAL MTSAN
RNAM GNYIS TE, 'DIS KYANG GZHAN LA PHAN THOGS PAR GYUR CIG,,
BKRA SHIS,, SHU BAm ,,