[preliminary data - not manually proofread] [SNGON 'GRO'I DPAR GZHI] @001A *, ,RGYUD KYI RGYAL PO MTSAN YANG DAG PAR BRJOD PA'I SNYING PO'I DON BSREL? GSAL BA BZHUGS SO, @001B #, ,NA MO GU RU MANYDZU GHO sh'A YA, RNAM DAG TSOGS GNYIS KHAMS LAS LEGS GRUB RNAM DAG MTSAN DPE'I 'PHRENG BAS MDZES, ,GRANGS MED GDUL BYA'I KHAMS DANG 'TSAM PAR GRANGS MED GDUL BYA'I KHAMS DANG 'TSAMS PAR GRANGS MED MED CHOS, ,PHUNG KUN NAS SGROGS, ,MTHA' BRAL RTEN CING 'BREL 'BYUNG TSUL LA MTHA' BRAL GZIGS PA MCHOG MNGA' BA, ,LHA MI'I STON PA SH'AKYA'I GTZO BO LHA MI'I GTZUG NA MDZES GYUR CIG ,BDE GSHEGS KUN GYI MKHYEN BRTZE'I PHUNG PO GANG, ,GCIG BSDUS RGYAL SRAS GZHON NU'I ZLOS GAR MKHAN, ,RAB 'BYAMS ZHING DU MHYEN PA'I GTER CHEN ZHES, ,YONGS SU GRANGS PA'I LA PHYAG 'TSAL LO, ,MTHA' YAS RGYAL BA KUN GYIS MGRIN GCIG TU, ,MTHU STOBS BDAG PO NYID DU RAB BSNGAGS PA, ,GSANG SNGAGS RIGS SNGAGS 'CHANG RNAMS KUN GYI RJE, ,BCOM LDAN RDO RJE 'DZIN GYIS DAG SKYONGS SHIG ,'JAM MGON GSANG GSUM SGYU 'PHRUL DRA BA YAS, ,LEGS BYON RGYAL BA'I GDUNG 'TSO BA CHOS KYI RJE, ,KUN MKHYEN BLA MA BTZONG KHA PA LA SOGS, ,DNGOS BRGYUD YONGS 'DZIN RNAMS LA GUS PAS 'DUD, ,SHIN TU DPAG DKA' RDO RJE'I TSIG GI RGYA, ,BYIS BLO'I SONG RTZES DBYE BAR NUS MIN KYANG, , @002A *, ,MKHAS MANG LEGS BAR BSHAD PA'I MTSON RNON GYIS, ,TSIG DON DKA' GNAD BCINGS PA'I MDUD DGROL BYA, ,DE LA 'DIR RGYUD THAMS CAD KYI RGYAL PO MTSAN YANG DAG PAR BRJOD PA NI, GANG BSHAD PAR BYA BA'I CHOS SO, ,'DI LA GNYIS, SPYI'I RNAM GZHAG BSTAN PA DANG SKABS KYI DON BSHAD PA'O, ,DANG PO LA, 'DI'I RGYUD NI, GSUNG BA PO GANG GIS, GNAS GANG DU, DUS NAM GYI TSE GSUNGS ZHE NA, DE YANG BDAG CAG GI STON PA DE NYID KYIS 'PHAGS YUL GYI LHO PHYOGS DPAL LDAN 'BRAS SPUNGS KYI MCHOD RTEN CHEN POR DUS KYI 'KHOR LO'I RGYUD GSUNGS PA'I TSE 'DI'I RTZA RGYUD SGYU 'PHRUL DRA BA'I RGYUD CHEN PO GSUNGS PA YIN LA, MTSAN YANG DAG PAR BRJOD PA 'DI RGYUD DE LAS PHYUNG BA'O, ,'DI NGO BO NI BLA MED KYI RGYUD DU GTOGS KYANG, DGONGS BA 'GREL BA'I BSTAN BCOS KYI RIM PA'I DBANG DU BYAS NA, DUS 'KHOR, BLA MED SPYI 'GRO, RNAL 'BYOR RGYUD KYI PHYOGS SU 'GREL BA'I LUGS GSUM BYUNG NGO, ,DE DAG THAMS CAD KYANG 'DI'I TSIG GI DON YIN PAR MI 'GAL TE, DPER NA, GSANG 'DUS PA'I RGYUD KYI TSIG RE RE LA'ANG MTHA' DRUG DANG TSUL BZHI'I BSHAD PA MI 'DRA BA DU MA 'DUG BA BZHIN NO, ,'DI LA TSIGS BCAD BRGYA DANG DRUG CU RTZA GNYIS YOD PAR BSHAD CING, 'GYUR YANG MI 'DRA BA 'GA' RE SNANG NGO, ,'DI LA RGYA 'GREL GYI RIM PA MANG DU SNANG YANG, BOD 'GREL NI RJE DGE 'DUN RGYA MTSOS DUS 'KHOR DANG BSTUN NAS MDZAD PA ZHIG 'DUG PA LAS GZHAN MA MTHONG NGO, ,LON? 'DIR GANG GI RJES SU 'BRANG NAS 'CHAD CE NA, GTZO BOR BLA MED SPYI 'GRO'I DBANG DU BYAS TE, RGYA 'GREL RNAMS LAS GANG SKABS SU BA'I PA DANG 'CHAD BDE BA NYID GTZO BOR @002B BYED LA DUS 'KHOR DANG BSTUN PA GTZO BOR BYAS NA, LUGS MI 'DRA BAS GO MI BDE'O, ,DER MA ZAD, RDO RJE'I TSIG 'DI DAG NI, GZHAN DANG MI 'DRA BAS SHIN TU GO DKA' BAR SNANG BA'I PHYIR, BDAG LTA BU'I RANG STOBS KYIS 'GREL GAL NUS, 'ON KYANG MKHAS BA'I LAN DAG LA BRTEN NAS JI LTAR NUS BA BZHIN, 'DOR BSDUS TE DRANG NGES KYI BSHAD PA CI RIGS KYIS 'CHAD PAR BYA'O, ,GNYIS BA SKABS KYI DON LA GSUM, MTSAN GYI DON, 'GYUR GYI PHYAG GZHUNG GI DON NO, ,DANG PO NI, RGYA GAR NA SKAD RIGS BZHI YOD PA LAS, LEGS SBYAR GYI SKAD DU, 'DI'I MTSAN LA, A'ARYA MANYDZU SHR'I N'A MA SAm GI TI ZHES 'BYUNG LA, DE YANG BOD SKAD DU SBYAR NA, 'PHAGS BA 'JAM DPAL GYI MTSAN YANG DAG PAR BRJOD PA STE, A'ARYA NI, 'PHAGS PA, MANYDZU SHR'I NI, 'JAM DPAL, N'A MA NI, MTSAN, SAm GI TI NI, YANG DAG PAR BRJOD PA'O, ,GNYIS PA NI, 'PHAGS PA 'JAM DPAL GZHON NUR GYUR PA LA PHYAG 'TSAL LO ZHES PA LO TZTSA BAS BKOD PA STE DON NI SLA'O, ,GSUM PA GZHUNG GI DON LA GNYIS, DANG PO NI, 'DI LA SPYIR LE'U BCU GSUM YONG PA'I LUGS SU BYAS NAS 'CHAD PAR 'GYUR LA, 'DI LA'ANG ZHU LAN GNYIS MDOR BSTAN PA DANG, ZHUS PA'I LAN GYI RANG BZHIN RGYAS PAR BSHAD PA DANG GNYIS, DANG PO LA GNYIS, ZHUS PA DANG, LAN GYI LE'U'O, ,DANG PO NI, DE NAS DPAL LDAN RDO RJE 'CHANG, ,ZHES PA NAS, KHYOD NI RTZE GCIG YID KYI NYON, ,CES PA'I BAR TE, 'DI LA GANG GIS ZHUS PA SOGS BDUN LAS, DANG PO NI, 'DIR 'DI SKAD BDAG GIS THOS PA ZHES PA'I TSIG DNGOS SU MI 'BYUNG BA NI, 'DI NYID SGYU 'PHRUL DRA BA CHEN PO KHRI DRUG STONG PA LAS PHYUNG BA'I CHA SHAS YIN PAS, RGYUD DE'I THOG MAR 'DI SKAD SMRAS ZIN PA'I RGYU MTSAN GYIS YIN LA, 'ON KYANG DE NAS ZHES PA'I SKAD DOD AA THA ZHES PA LAS 'DI SKAD KYI DON NI MI GSAL BA'I TSUL GYIS YOD DO, ,SPYIR MA THA'I SGRA NI, DE MA THAG PA, DBANG DU BYAS PA, BKRA SHIS PA SOGS LA @003A *, ,'JUG PA LAS, 'DIR DE MA THAG PA'I DON TE, DE YANG SNGAR RGYUD RGYAS PA BSHAD PA'I RJES DE MA THAG NAS ZHES 'TSAMS SBYAR TE, GANG GIS ZHUS PA NI DPAL TE 'DI LA DON MANG DU YOD PA LAS, CHOS SKU LONGS SKU SPRUL SKU GSUM THOB PAS NA DPAL DANG, YANG, RANG DON DANG GZHAN DON GYI SKU GNYIS THOB PAS NA DPAL, YANG, STONG PA NYID DANG RO GCIG TU ZHUGS PA'I GNYIS SU MED PA'I YE SHES THOB PAS NA DPAL, YANG, ,BDE STONG DBYER MED KYI YE SHES MTHAR THUG BRNYES PAS NA DPAL TE, DE DAG THUGS RGYUD LA LDAN PA'O, ,RDO RJE 'CHANG STE, 'DI LA SGRA JI BZHIN PA'I DRANG DON DANG, DE MA YIN PA'I NGES DON GNYIS YOD PA LAS, DANG PO NI, PHYAG MTSAN DU RDO RJE 'DZIN PA'AM 'CHANG BA'I DON DANG, BYI MA NI BLA MED LTAR NA, 'BRAS DUS KYI BDE STONG DBYER MED KYI YE SHES DANG, BLA MED DANG RNAL 'BYOR RGYUD THUN MONG BA LTAR NA, GNYIS SU MED PA'I YE SHES NYID RANG GI BDAG NYID DU 'CHAD PA'AM 'DZIN PA STE, BADZRA BHA RA'I SKAD DOD DE GNYIS KA LA 'JUG PA'I DBANG DU BYAS PA'O, ,PHYI RU 'DUL DKA' BA GNOD SBYIN SRIN PO DANG, NANG DU GDUL DKA' BA NYON MONGS GSANG BA'I GDUL DKA' BA LAS RLUNG STE, PHYI NANG GSANG BA'I GDUL DKA' BA MTHA' DAG 'DUL BAR BYED PA LA MANG DU YOD KYANG, DE RNAMS KYI MCHOG TU GYUR CING, 'DUL TSUL YANG GTZO BOR DRAG PO'I SGO NAS 'DUL BA'O, ,DE LTAR 'DUL NUS BAS NA DPA' BO'O, ,SA 'OG SA STENG SA BLA GSUM GYI 'JIG RTEN GYI GTZO BO RNAMS DBANG DU MDZAD PAS NA, 'JIG RTEN GSUM LAS RGYAL BA'O, ,GNYIS SU MED PA'I YE SHES KYI RDO RJE THUGS LA MNGA' ZHING DE LA DBANG BSGYUR BAS NA DBANG PHYUG DANG, GSANG BA GNOD SBYIN GYI BDAG PO YIN PA'AM, RGYUD SDE 'OG MA DANG, NYAN RANG RNAMS LAS GSANG BAR BYA BA'I YE SHES THUN MONG MIN PA DANG LDAN PAS NA, GSANG BA'I RGYAL PO STE, DE LA DBANG BSGYUR BA'I, ,DE 'DRA BA'I GSANG BA'I BDAG PO DE PADMA'I ?? AA DKAR PO RGYAS PA DANG 'DRA BA'I SPYAN MNGA' ZHING, BARMA RGYAS PA DANG 'DRA BA'I ZHAL MNGA' BA NYID DO, @003B GSANG BDAG DES RANG GI LAG GIS MTSON BYED DPE'I RDO RJE MCHOG DE NYID YANG DANG YANG DU GSOR BAR BYED PA DANG, MTSON BYA DON GYI YE SHES KYI RDO RJE NI GDUL BYA'I RGYUD LA GSONG BA STE SPEL BAR BYED PA'O, ,GSANG BDAG DE LA 'KHOR JI LTA BU YOD ZHE NA, KHRO GNYER RIM PAR LDAN PA LA SOGS PA LAG NA RDO RJE'I MING CAN GRANGS MTHA' YAS PA'I 'KHOR DANG LDAN PA'O, ,KHRO BO DE DAG THAMS CAD KYANG, DPA' BO GDUL DKA' BA 'DUL BAR BYED NUS PA PO STE, DE YANG MTSE BA GTZIGS PA LA SOGS PA'I 'JIGS SU RUNG BA DANG, MA RUNGS PA THAMS CAD 'DUL NUS BAS NA, DPA' BYAD CAN NAM, DE THAMS CAD 'DUL NUS PA'I MTSON BYED DU DPA' BA'I CHA BYAD GAR DGU'I NYAMS DANG LDAN PA STE, DE RNAMS KYI PHYAG MTSAN RDO RJE RTZE MO LAS 'OD RAB TU 'PHRO BA RANG RANG GI LAG GIS GSOR BA BYED PA CAN NO, ,DE THAMS CAD KYANG SNYING RJE CHE BA DANG SHES RAB CHE BA DANG, ZHI DRAG SOGS THABS SNA TSOGS KYIS 'GRO BA'I DON BYED PA'I MCHOG STE, SEMS CAN GYI DON BYED PA LA SNYING RJE'I DGA' BA DANG, SHES RAB KYIS MGU BA DANG, YID RANGS PA'I BSAM PA CAN KHRO BO'I LUS KYI GZUGS DANG LDAN PA'O, ,DE LTAR BSTAN PA YANG GTZO BOR DRAG PO'I SGO NAS SANGS RGYAS KYI 'PHRIN LAS BYED PA'I MGON DU GYUR PA STE, DE LTA BU'I KHRO BO DAG STON PA LA GUS PAS LUS BTUD PA RNAMS DANG LHAN CIG TU ,SEMS CAN GYI MGON PO BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA PHYAG 'TSAL TE, LAG PA THAL MO SBYAR BAR BYAS PAR GYUR NAS SANGS RGYAS KYI SPYAN SNGAR 'DUG GO ,DE LTAR 'DUG STE ZHU TSUL NI, 'OG NAS 'BYUNG BA 'DI SKAD CES GSOL TO, ,DGOS PA GANG GI CHED DU ZHU BA NI, RIGS THAMS CAD LA KHYAB PAS NA, KHYAB BDAG CES STON PA SA BONS LAS BDAG LA SMAN PA STE PHAN PA DANG, BDAG GI DON DANG, BDAG LA THUGS BRTZE BA'I PHYIR ZHU STE, BDAG LA PHAN PA YANG SGYU MA LTA BU'I RNAM PAR 'PHRUL BA'I DRA BA MTHA' YAS PA STON PA'I TSUL GYIS MNGON PAR RDZOGS PAR SANGS @004A *, ,RGYAS PA'I BYANG CHUB DE CI NAS KYANG BDAG GIS THOB PAR MDZOD CIG PA STE, 'DIR PHYAG RDOR RANG NYID KYIS DE MA THOB PA LTA BUR BSTAN PA NI, GDUL BYA'I SEMS CAN LA DGONGS PA'O, ,RANG DON DU DE LTAR ZHUS NAS, GZHAN DON DU GANG LA ZHU BA NI, NYON MONGS PA 'DOD CHAGS LA SOGS PAS SEMS DKRUGS SHING; SHES BYA LA RMONGS PA'I MI SHES PA'I 'DAM DU BYING BA YI, SEMS CAN KUN LA GNAS SKABS SU SMAN PA DANG, MTHAR THUG BLA NA MED PA'I SKU BZHI'I 'BRAS BU THOB PAR BYA BA'I PHYIR DU RDZOGS PA'I SANGS RGYAS BCOM LDAN 'DAS 'GRO BA'I BLA MA THAR LAM STON PA PO DE NYID, CHOS KYI SKU LA GNAS PA DANG, SEMS CAN GYI DON BYED PA LAS MI 'DA' BAS NA DAM TSIG CHEN PO DANG, CHOS RNAMS KYI DE KHO NA NYID MKHYEN CING, SEMS CAN THAMS CAD KYI DBANG PO DANG BSAM PA JI BZHIN DU MKHYEN PA MCHOG GIS NI, CHOS GANG ZHU BA YANG SANGS RGYAS BCOM LDAN 'DAS KYI GNYIS SU MED PA'I YE SHES KYI SKU DE NI, DE BZHIN GSHEGS PA'I GTZUG TOR CHEN PO LTAR RTOGS PAR DKA' ZHING, BSNGAGS PA'I GNAS SU GYUR PA STE, DE NYID STON PA PO TSIG GI BDAG PO SANGS RGYAS BCOM LDAN 'DAS MTHA' DAG GI YE SHES KYI SKU STE DE YANG, RIGS THAMS CAD KYI SPRO BA DANG BSDU BA'I GSHING? GYUR CING YE SHES KYI BDAG NYID LAS BYUNG BAS NA RANG BYUNG BA'O, ,DE LTA BU'I SKU'I MTSAN GYI RNAM GRANGS LA, DRANG DON GYI 'JAM DPAL DANG, NGES DON GYI 'JAM DPAL GNYIS LAS, DANG PO'I DBANG DU BYAS NAS, 'JAM DPAL YE SHES SEMS DPA' YI MTSAN DE NI YANG DAG PAR BRJOD PAR BYA BA'I MCHOG YIN TE, PHAN YON CHE BA'I PHYIR RO, ,GNYIS PA'I DBANG DU BYAS NA, RGYAL BA'I THUGS GNYIS SU MED PA'I YE SHES KYI SKU STE DE STON PA'I MTSAN BRJOD 'DI'I DON RTOGS PAR DKA' BAS NA DON ZAB PA DANG, KHYAD PAR MAR BAS NA DON NI RGYA CHE ZHING DANG, 'BRAS BU'I MCHOG DANG NYAN RANG SOGS KYI THEG PA GZHAN DANG MI MNYAM PAS NA, DON CHEN PO DANG, MTSUNGS MED PA DANG, SKYON THAMS CAD DANG BRAL ZHING @004B ZAG MED KYI RANG BZHIN DU GYUR BAS NA, RAB TU ZHI BA DANG, THOG MAR THOS PA'I SHES RAB DANG RGYU DGE BA DANG, YANG DU BSAM PA'I SHES RAB DANG LAM DGE BA DANG, THA MAR SGOM PA'I SHES RAB DANG 'BRAS BU DGE BA'I KHYAD PAR DANG LDAN LA BRJOD BYA DON GYI 'JAM DPAL DE STON PAR BYED PA'I RJOD BYED NI, 'DAS PA'I SANGS RGYAS BCOM LDAN 'DAS RNAMS KYIS GSUNGS SHING, MA 'ONGS PA'I SANGS RGYAS RNAMS KYIS KYANG GSUNG BAR 'GYUR LA, DA LTAR BYUNG BA'I RDZOGS SANGS RGYAS BCOM LDAN 'DAS RNAMS KYIS KYANG YANG DANG YANG DU GSUNG BA GANG YIN PA, SNGAR RGYUD CHEN PO SGYU 'PHRUL DRA BA DE NYID LAS STON PA RDO RJE 'CHANG CHEN DANG, GSANG SNGAGS 'CHANG BA'I STON PA GZHAN DPAG TU MED PA RNAMS KYIS DGYES PA YI SGO NAS RAB TU GSUNGS PA GANG LAGS PA DE 'DIR YANG BSHAD DU GSOL, ZHES PA'O, ,GZHUNG SNGA MA DES, SANGS RGYAS BCOM LDAN 'DAS MTHA' DAG GIS GSANG SNGAGS STON PAR BSTAN LA, 'ON KYANG GSANG 'DUS RTZA RGYUD LAS, MAR ME MDZAD NAS BDAG CAG GI STON PA'I PAR SANGS RGYAS GZHAN RNAMS KYIS GSANG SNGAGS MA GSUNG BAR BSHAD PA NI, 'PHAGS YUL GYIS DER MA BSTAN PA LA DGONGS PAR BSHAD DO, ,DE BSHAD NA DE BRJED PAR MI BYA STE, MGON PO RDZOGS PA'I SANGS RGYAS KUN GYIS GSANG SNGAGS KYI CHOS 'DZIN PA NYID DU CI NAS KYANG BDAG 'GYUR BAR BYA BA'I PHYIR DU NGES PAR 'BYUNG GI BYANG CHUB KYI BAR DU NI BDAG GIS MI BRJED PA'I BSAM PA BRTAN POS GZUNG BAR BGYI'O, ,DGOS PA GANG GI CHED DU NA, GDUL BYA'I SEMS CAN GYI PHYIR TE, DE'I 'DOD CHAGS SOGS NYON MONGS PA MA LUS PA BSAL BAR BYA BA DANG, RMONGS PA'I MI SHES PA MA MA LUS PA SPANG BAR BYA BA'I PHYIR DU, SEMS CAN RNAMS KYI DBANG PO DANG BSAM PA'I KHYAD PAR JI LTA BA BZHIN RAB TU BSHAD PAR BGYI'O ZHES GSANG BA'I BDAG PO LAG NA RDO RJE YIS DE BZHIN GSHEGS PA LA TSIG DE SKAD DU GSOL BA BTAB NAS THAL MO SBYAR BAR BYAS TE GUS PAS LUS BTUD NAS NI SANGS RGYAS KYI SPYAN SNGAR 'DUG GO ZHES PA STE, 'DI DAG LA BSHAD PA'I @005A *, ,RNAM GRANGS MI 'DRA BA MANG ZHING, KHYAD PAR NGES DON GYI BSHAD PA MI 'DRA BA GZHAN YOD KYANG 'DIR MA BRIS SO, ,ZHES BYA BA ZHUS PA'I LE'U'I RNAM BSHAD DE DANG PO'O,, ,,GNYIS PA LAN GYI LE'U LA RIM PA LNGA LAS, STON PA PHUN SUM TSOGS PA NI, ZHUS PA'I RJES DE NAS BCOM LDAN 'DAS SH'AKYA THUB PA YANG DAG PAR RDZOGS PA'I SANGS RGYAS RKANG MED DANG, RKANG MAR RKANG GNYIS PA RNAMS KYI MCHOG DAM PA DES, CHO 'PHRUL PHUN SUM TSOGS PA MDZAD PA NI, STON PA NYID KYI ZHAL NAS LJAGS BZANG BA DANG SGRA MTSAMS SU SLEB PAS RING ZHING, ZHAL KHEBS PA'I YANGS PA BRGYAD PAR MDZAD DE, DE LAS 'PHROS PA'I 'OD KYIS, SA 'OG SA BLA SA STENG GI 'JIG RTEN GSUM PO SNANG BAR BYED CING, LHA'I BU'I BDUD LA SOGS PA BDUD BZHI DANG BCAS PA'I DGRA RNAMS 'DUL BAR BYED PA DANG, LHA MI SOGS SEMS CAN RNAMS KYI DAN SONG GSUM DU 'GRO BA'I RGYU DANG, SDUG BSNGAL SBYONG BAR BYED PA'I ZHAL 'DZUM PA BSTAN NAS, RNAM PA THAMS CAD PA'I SKANG DANG MTHUN PA'I PHYIR NA TSANGS PA'I GSUNG NI SNYAN PA YIS SA GSUM GYI 'JIG RTEN GSUM PO KUN BKANG STE, DRANG DON DANG NGES DON GYI RDO RJE 'DZIN PA'I LAG NA RDO RJE BDUD DANG MI MTHUN PA'I PHYOGS? 'JOMS NUS PA'I STOBS PO CHE GSANG BA'I BDAG PO DE LA NI, LAN SLAR GSUNG BA YANG SNYING RJE CHEN PO DANG LDAN PAR GYUR PAS, DGOS PA 'GRO BA LA PHAN PA'I DON DU KHYOD KYIS YE SHES LUS CAN 'JAM DPAL GYI MING STE MTSAN BRJOD PAS NI, 'BRAS BU DON CHE BA NYES PA RNAMS DAG PAR BYED CING, KHYAD PAR SDIG PA THAMS CAD SEL PAR BYED PA'I RGYUD 'DI, STON PA NGA LAS NYAN PAR BRTZON PA NI, LEGS SO DPAL LDAN RDO RJE 'CHANG STE, RDO RJE 'DZIN PA ZHES POS NAS, YANG LAG NA RDO RJE KHYOD LEGS SO ZHES LEGS SO GNYIS PA BYIN NO, ,YANG GSANG BA'I BDAG PO ZHES BOS NAS, KHYOD KYI ZHU DON DGOS PA KHYAD PAR CAN DANG, @005B ZHUS PA'I BRJOD BYA KHYAD PAR DU 'PHAGS PA'I RGYU MTSAN DE'I PHYIR, NGAS KHYOD LA LEGS PAR BSTAN PAR BYA YIS, KHYOD NI YID MA YENGS PAR RTZE GCIG PA'I YID KYIS NYON CIG CES PA'O, ,'DI'I SKABS SU 'JAM DPAL ZHES 'BYUNG BA NI, DRANG DON GYI DBANG DU BYAS NA RJE BTZUN 'JAM DBYANGS NYID LA BYED DGOS PAS, MING ZHES PA YANG, DE'I MTSAN LA BYED, NGES DON GYI DBANG DU BYAS NA, BDE STONG DBYER MAD KYI YE SHES MTHAR THUG DANG, 'JA' LUS RDO RJE'I SKU LA BYED PA STE, MING YANG, MTSAN YANG DAG PAR BRJOD PA'I RGYUD LA BYED DGOS SO, ,ZHES BYA BA'I LE'U GNYIS PA'I BSHAD PA'O,, ,,GNYIS PA DON GYI RANG BZHIN RGYAS PAR BSHAD PA LA BZHI, BRJOD BYA LUS KYI RNAMS, ZHAG YAN LAG GI RANG BZHIN RGYAS PAR BSHAD PA, MJUG BSDU PA RJES SU YI RANG BA'I TSUL LO, ,DANG PO LA GNYIS, RIGS DRUG LA GZIGS PA, LUS RNAM PAR BZHAG PA'I DNGOS GZHI SGYU 'PHRUL DRA BAS MNGON PAR BYANG CHUB PA'I LE'U BSHAD PA'O, DANG PO NI, BCOM LDAN DED NI NAS, RIGS CHEN GTZUG TOR CHEN GZIGS NAS, ,ZHES SO, DE NAS GSANG BDAG GIS BCOM LDAN 'DAS DE NI LEGS SO ZHES GSOL TE, LAN GYI LE'U RJES DE NAS BCOM LDAN 'DAS SH'AKYA PA DES RIGS DRUG LA GZIGS PA YIN TE, DE BZHIN GSHEGS PA DANG, RDO RJE DANG, RIN PO CHE DANG, PADMA DANG, LAS DANG, RIGS DRUG PA LA GZIGS PA'I PHYIR TE, DE YANG GSANG SNGAGS RIGS CHEN THAMS CAD DANG, ZHES PAS RIGS RNAMS BSDUS TE BSTAN NAS, DE LA GSANG SNGAGS THABS KYI RIGS DANG, RIG SNGAGS 'CHANG BA'I RIGS SHES RAB KYI RIGS GNYIS DANG, SKU GSUNG THUGS KYI DBYE BA'I RIGS GSUM LA NI RNAM PAR GZIGS SHING, 'JIG RTEN DANG 'JIG RTEN LAS 'DAS P'I RIGS GNYIS DANG, 'JIG RTEN SNANG BAR BYED PA'I RIGS CHEN DANG, PHYAG RGYA CHEN PO MI BSKYOD PA LA SOGS PA'I RIGS KYI MCHOG LNGA DANG, RIGS DRUG PA RIGS TSAN GTZUG TOR CHEN POR @006A *, ,GZIGS SO, ,'DI DAG NI 'OG NAS 'CHAD PA'I LHA'I RIGS KYI DBYE BA STON PA STE, 'DIR 'CHAD TSUL MI 'DRA BA DU MA ZHIG SNANG NGO, ,ZHES PA NI, LE'U GSUM PA BSHAD PA'O, ,GNYIS PA SGYU 'PHRUL DRA BAS MNGON PAR BYANG CHUB PA'I LE'U BSHAD PA NI, NAS TSIG GI BDAG POS NAS N'A YA TE NA MA: ZHES SO; ;BSHAD MA THAG PA'I DE NAS, RIGS DRUG PA MCHOG TU BSTAN PA'I PHYIR, TSIG GI BDAG PO SANGS RGYAS KYIS TSIGS SU BCAD PA GSANG SNGAGS KYI RGYAL PO, ,AOm BADZRA TIKshA SOGS DRUG DANG LDAN ZHING GNYIS SU MED PA'I YE SHES KYI BDAG NYID DAM, NGO BOR ZA SNYAD DU 'BYUNG BA DANG, RANG BZHIN GYIS MI SKYE BA'I CHOS CAN GYI DBYANGS KYI TSIG 'DI DAG GSUNGS PA STE, DE LA DBYANGS KYI MA NING BZHI DOR BA'I BCU GNYIS SO, ,BCU GNYIS PO DES SNGAGS KYIS BCU GNYIS DANG, RNAM BYANG GI BRTEN 'BREL BCU GNYIS SOGS MTSAN NO, ,DBYANGS BCU GNYIS KYANG, AA A'A NAS AAm A'A:'I BAR BCU GNYIS TA BCU GNYIS PO DE NYIS TSAN DU PHYE BAS DRUG TSAN GCIG TU 'GYUR RO, ,SNGAGS LHAG MA RNAMS KYI DON NI, STHI TO HRi DI NI, SNYING DAM THUGS PAR GNAS PA STE, STHI TO NI GNAS PA, HRI DI NI THUGS SAM SNYING PO, ,DZNY'AN MU RTI NI, YE SHES KYI SKU STE, DZNY'A NA YE SHES, MURTI NI SEMS DPA' SKU'O, ,RA HAm NI NGA'O, ,BUDDHA NI RTOGS PA, BUDDHA NAm NI SANGS RGYAS RNAMS KYI'O, ,TRYA DH'A BARTI NAm NI DUS GSUM BZHUGS PAS, TRYA DTVA? NAm DUS GSUM, BRTI NAm NI BZHUGS PA'O, ,DE NAS LHA DRUG GI SNYING PO NI, AOm BADZRA T'I KshA NI RDO RJE RNON PO, ,DU: KHA TZTSE, DA NI SDUG BSNGAL GCOD PA, PAR DZNY'A DZNY'A NA MURTA YE NI SHES RAB YE SHES KYI GTZUG TOR RAM?? CAN, DZNY'A NA K'A YA NI, YE SHES KYI SKU CAN, W'A GI SHVA RAN NGAG GI DBANG PHYUG ,AA RA PA TZA NA NA MA: NI 'GRO BA SMIN PAR BYED KHYOD LA 'DUD CES SAM, SKYE BA MED PA'I SHES RAB CHAGS PA MED PA'I SPYOD YUL ZHAS PA'AM, SDIG PA THAMS CAD SREG PAR BYED PA'I DON DU BSHAD DO, ,GSANG SNGAGS @006B DRUG PO YANG RIM PA BZHIN DU, PADMA DANG, RDO RJE DANG, DE BZHIN GSHEGS PA DANG, LAS DANG, RIN PO CHE DANG, RIGS DRUG PA'I SNYING PO'O, ,ZHES PA NI LE'U BZHI PA'I BSHAD PA'O, ,GNYIS PA YAN LAG GI RANG BZHIN RGYAS PAR BSHAD PA LA GNYIS, RIGS DRUG PA RDO RJE DBYINGS KYI DKYIL 'KHOR GYI LE'U DANG, YE SHES LNGA'I LE'U LNGA BSHAD PA'O, ,DANG PO LA GNYIS, MDOR BSTAN PA DANG, RGYAS PAR BSHAD PA'O, ,DANG PO NI, 'DI LTAR SANGS RGYAS BCOM LDAN 'DAS, ,NAS RAB TU GSAL BAR BYED, ,CES SO, ,GONG DU RIGS KYI RNAM GZHAG BSTAN PA'I DBYE BA NI 'DI LTAR BSHAD PAR BYA'O, ,DE YANG SANGS RGYAS BCOM LDAN 'DAS ZHES BRJOD PA'I RDZOGS PA'I SANGS RGYAS RIGS DRUG PA RDO RJE 'CHANG DE NI NGES DON GYI AA SHIN TU PHRA BA'I RLUNG SEMS LAS BYUNG BA YIN NO, ,'DI DRANG DON DANG SBYAR NA AA YIG LAS GTZO BO BSKYED PA'I DON NO, ,SPYIR AA YIG LA DRANG NGES KYI BSHAD PA GNYIS LAS, DRANG DON GYI DBANG DU BYAS NA, GANG 'JUG PA'I AA THUNG GI YI GE DE NYID, GANG LA 'JUG NA DBYANGS GSAL GYI DAG TSIG MTHA' DAG LA 'JUG ,JI LTAR 'JUG NA, AA THUNG DE DBYANGS GSAL DE DAG GI SROG TU ZHUGS PA'I TSUL GYIS 'JUG ,CI'I PHYIR 'JUG NA, DE LTAR ZHUGS PA LA BRTEN NAS MING TSIG SHO LO KA LA SOGS PA 'BYED PA'I TSUL GYI, 'JUG GO ,GNYIS PA NGES DON GYI DBANG DU BYAS NA, GANG 'JUG NA, DBYANGS GSAL GYI MTSON DON RTZA BA DANG YAN LAG GI RLUNG RNAMS 'JUG ,GANG LA 'JUG NA, AA THUNG GI MTSON DON MI SHIGS PA PHRA BA LA 'JUG, CI'I PHYIR 'JUG NA, DPE DON GYI 'OD GSAL SKYE BA'I CHED DU 'JUG ,JI LTAR 'JUG NA, SA CHU SOGS 'BYUNG BA THIM RIM GYIS 'JUG GO ZHES BYA'O, ,DES NA, DRANG NGES GNYIS LAS DRANG DON GYI DBANG DU BYAS NA, NGAG GI NGO BO AA THUNG DE NI DBYANGS GSAL GYI YIG 'BRU KUN GYI NANG NAS MCHOG YIN TE, DE YANG BRJOD BYA STON PA'I NGAG GI RTZA BA YIN PAS DON CHEN PO DANG, MI 'GYUR BAS NA YI GE, DON @007A *, ,CHE BA DANG MI 'GYUR BA'I PHYIR NA DAM PA YIN LA, LUS KYI KHONG PA NAS 'BYUNG BA DANG, DON DAM PAR 'DUS BYAS THAMS CAD SKYE BA MED PAR MTSON PA DANG, DON DAM PAR SKYE BA MED PA NYID KYIS NA DE LTAR TSIG TU BRJOD PA SPANGS PA STE MED LA, 'ON KYANG THA SNYAD DU MING TSIG SOGS BRJOD PA KUN GYI RGYU BYED PA YI MCHOG YIN TE, RGYU MTSAN NI, RJOD BYED KYI TSIG KUN GYI SROG TU ZHUGS PA'I TSUL GYIS RAB TU GSAL BAR BYED PA'O, ,NGES DON GYI DBANG DU BYAS NA, SHIN TU PHRA BA'I SROG GI RLUNG NI, RLUNG GZHAN LAS PHRA BAS MCHOG DANG, DON CHE BA SANGS RGYAS KYI RGYU BYED PA DANG, DE'I PHYIR DAM PA YIN PA DANG, SNYING KHA'I RTZA DBU MA'I KHONG STONG NAS 'BYUNG BA DANG, YIG 'BRU'I GZUGS SU SKYE BA MED PA DANG, DE LTAR BRJOD PA MED PA DANG, RLUNG GZHAN GYI'ANG RTZA BA BYAS TE KHA NAS TSIG 'BYUNG BAR BYED PA'O,, ,,GNYIS PA RGYAS PAR BSHAD PA LA, DBYIBS KYI RNAL 'BYOR, DKYIL 'KHOR RGYAL MCHOG ,LAS RGYAL MCHOG GI DBYE BA, LHA'I DBYE BA SOGS YOD KYANG, 'DIR THUN MONG DU TSIG DON GYI NGOS NAS BSHAD PAR BYA STE, DE YANG RIGS LNGA DANG YE SHES LNGA GANG GI DBANG DU BYAS KYANG YI 'GAL YANG, YE SHES KYI DBANG DU BYAS NA, MCHOD PA CHEN PO 'DOD CHAGS CHE, ,NAS THEG PA CHEN PO'I TSUL GYIS MCHOG ,CES SO, ,'DI LA GNYIS TSIG DON DANG, DKYIL 'KHOR GYI LHA BSHAD TSUL DANG SBYAR BA'O, ,DANG PO NI, 'DOD CHAGS RNAM PAR DAG PA'I SOR RTOG YE SHES NI, 'DIR MCHOD PAR BYA BA'I GNAS CHEN PO'O, ,YE SHES DE NYID LHAN SKYES KYI BDE BA'I RANG BZHIN YIN PAS NA 'DOD CHAGS CHE BA STE, DES GZUGS SOGS LA CHAGS PA'I 'DOD CHAGS KYIS SEMS CAN THAMS CAD DGA' BAR BYED PA'I TSUL GYIS 'KHOR BAR 'CHING BA NYID SBYONG BAR BYED DO, ,ZHE SDANG RNAM PAR DAG PA ME LONG LTA BU'I YE SHES NI, MCHOD PAR BYA BA CHEN PO'O, ,YE SHES DES ZHE SDANG GI DGRA 'JOMS PAS NA ZHE SDANG CHE BA ZHES BYA LA, DE'I PHYIR NYON MONGS PA KUN GYI DGRA CHE BA'ANG YIN NO, ,GTI MUG RNAM PAR DAG @007B PA CHOS DBYINGS YE SHES NI, MCHOD PAR BYA BA CHEN PO'O, ,YE SHES DES GTI MUG 'JOMS PAR BYED PAS NA GTI MUG CHE BA YIN LA, DE'I PHYIR GTI MUG 'JOMS PA'I BLO ZHES BYA STE, NYON MONGS PA GTI MUG SEL BAR BYED PA'O, ,PHRAG DOG RNAM PAR DAG PA BYA BA GRUB PA'I YE SHES DE NI MCHOD PAR BYA BA CHEN PO'O, ,YE SHES DES NYON MONGS PA PHRAG DOG 'JOMS PA'I PHYIR NA KHRO BA CHE ZHES BYA LA, DE LTA BU'I KHRO BA CHEN PO'I YE SHES NI, NYON MONGS PA PHRAG DOG GI DGRA CHE BA'ANG YIN NO, ,SER SNA RNAM PAR DAG PA MNYAM NYID YE SHES NI, MCHOD PAR BYA BA CHEN PO'O, ,YE SHES DES, NYON MONGS PA SER SNA'I CHAGS PA THAMS CAD SEL BAS NA CHAGS PA CHE BA STE, SER SNA'I CHAGS PA THAMS CAD GNYEN PO'I STOBS KYIS GTAN NAS SEL BAR BYED PA'I PHYIR RO, ,'DIR YE SHES LNGA LA SBYAR BA YIN KYANG, RIGS LNGA NYID LA'ANG SBYAR RUNG STE, RIM PA BZHIN DU SNANG MTHA', MI BSKYOD PA, RNAM SNANG, RIN 'BYUNG, DON GRUB STE LDI? LA SBYOR RO, ,MCHOD PA CHEN PO'I DON NI BSTEN PA DANG DGA' BAR BYED PA LA'ANG BSHAD DU YOD DO, ,DE DAG LA 'DOD CHAGS SOGS KYI MING BTAGS PA NI, DE DANG DE'I RNAM DAG LA DGONGS PA?, GNYEN PO LA SPANG BYA'I MING GIS BTAGS PA'O, ,RIGS LNGA YANG 'DIR 'JAM DPAL NYID LA RIGS LNGAR PHYE BA YIN NO, ,LONGS SKU 'JAM DPAL GYIS 'DOD PAR BYA BA CHEN PO GNYIS SU MED PA'I YE SHES KYI NGO BO BDE BA CHEN PO'I CHED DU SEMS CAN LA CHOS BSTAN NAS SEMS CAN THAMS CAD DGA' BAR BYED PAS NA, DGA' BA CHEN PO YIN LA, DES YID MGU BAR BYED PA'I PHYIR, MGU BA CHEN PO'O, ,'GRO BA MA LUS PA 'DUL BA'I LUS SPRUL PAR BYED PA'AM, THA MAL PA GZHAN GYIS SPYOD YUL MA YIN PA'I GZUGS CAN YIN PAS NA, GZUGS CHE BA DANG, NYON MONGS KYI MA BSKYED CING YE SHES KYI BDAG NYID CAN GYI LUS MNGA' BAS NA, LUS KYANG CHE BA STE, SNA TSOGS PA'I 'OD KYI KHA DOG STON BAS NA KHA DOG CHE ZHING, SKU'I DBYIBS BONG CHE BAS NA LUS BONG CHE BA DANG, @008A *, ,MTSAN SO GNYIS DANG LDAN PAS SAm, GRAGS PA CHE BAS MING YANG CHE ZHING, TSOGS GNYIS RGYA CHE BAS NA RGYA CHE BA, RIGS DRUG GI DKYIL 'KHOR LA KHYAB PAS NA, DKYIL 'KHOR CHEN PO YANGS PA YIN PA DANG, SHES BYA THAMS CAD GZIGS PA'I SHES RAB KYIS RMONGS PA'I DGRA 'JOMS PA'I PHYIR NA SHES RAB KYI MTSON CHA CHEN PO 'CHANG BA STE, GLANG PO CHE LCAGS KYUS 'DUL BA LTAR, SHES RAB DE 'GRO BA'I NYON MONGS PA 'DUL BA'I LCAGS KYU CHE BA'I MCHOG DANG, 'JIG RTEN KHYAB PAR BYED PA'I GRAGS PA CHEN PO'I SNYAN GRAGS CHEN PO MNGA' BA STE, YE SHES KYI SNANG BA CHEN PO NI CHOS THAMS CAD LA GSAL BA CHE BA NI MNGON SUM DU GZIGS PA'O; ;GDUL BYA 'DUL BA'I THABS LA MKHAS PA YIN TE, GANG LA GANG 'TSAM GYIS 'DUL BAS NA SGYU 'PHRUL CHEN PO 'CHANG BA'O, ,RNAM 'PHRUL GYI SGYU 'PHRUL CHEN PO DE LTA BU'I SGO NAS SEMS CAN GYI DON GRUB PAR BYED PA DANG, SGYU 'PHRUL CHEN PO DE LTA BU'I SGO NAS KYANG SEMS CAN GYI DON BYED PA LA THUGS DGA' BAS KYANG LHAG PAR DGA' ZHING THABS SNA TSOGS PA'I SGYU 'PHRUL CHEN PO DE LTA BU'I SGO NAS GDUL BYA'I BSAM PA BZHIN DU 'CHAR BAS NA MIG 'PHRUL CAN GYI SPRUL PA'I SKU STON TO, ,ZANG ZING DANG CHOS KYI SBYIN PA SOGS SEMS CAN LA SBYIN PAS NA, SBYIN PA DAG CHEN PO DANG DE LTAR SBYIN PA GTONG BA GZHAN RNAMS KYI YANG MCHOG YIN PAS NA GTZO BO STE, SO THAR BYANG SEMS GSANG SNGAGS KYI TSUL KHRIMS CHEN PO 'CHANG BA'I MCHOG DANG, SDUG BSNGAL DANG LEN DANG, GNOD PA LA JI MI SNYAM PA DANG, CHOS LA DES THOB KYI BZOD PA CHEN PO 'CHANG BA STE BRTAN PAR BYED PA NI NAM YANG KHRO BA MED PA PO DANG, SANGS RGYAS MCHOD CING SEMS CAN THAMS CAD KYI DON BYED PAR SPRO BA'I BRTZON 'GRUS CHEN PO DANG LDAN LA, DER 'JUG PA LA 'BAD PAS NA BRTUL BA YIN NO, ,ZAG MED KYI BDE BA'I TING NGE 'DZIN DANG, BDE STONG DBYER MED KYI TING NGE 'DZIN LA RTZE GCIG TU 'JUG PAS NA, BSAM GTAN CHEN PO'I TING NGE 'DZIN GYI RGYAL @008B PO LA GNAS SHING, JI LTA JI SNYED KYI CHOS THAMS CAD GZIGS PA'I SHES RAB DANG, STONG PA NYID DANG DBYER MI PHYED PAR RO GCIG TU ZHUGS PA'I BDE BA CHEN PO'I YE SHES KYI NGO BOR GYUR PA'I SHES RAB CHEN PO'I LUS 'CHANG BA STE, THUN MONG BA DANG THUN MONG MA YIN PA'I PHA ROL TU PHYIN PA DRUG DANG, PHYI'I BDUD SOGS DANG, NANG DU NYON MONGS PA THAMS CAD THUB PAS NA STOBS PO CHE STE STOBS KYI PHAR PHYIN DANG LDAN LA, THABS SNA TSOGS KYIS GZHAN DON BYED PAS NA THABS CHE BA'I PHAR PHYIN DANG, JI LTAR SMON PA BZHIN 'GRUB PA'I YE SHES DANG LDAN PAS NA SMON LAM GYI PHAR PHYIN DANG, CHOS KUN GZIGS PA'I YE SHES DANG, GNYIS SU MED PA'I YE SHES MANG PO'I 'BYUNG GNAS SU GYUR PAS NA, YE SHES RGYA MTSO STE YE SHES KYI PHAR PHYIN RDZOGS LA, MDOR NA, THUN MONG BA DANG, THUN MONG MA YIN PA'I PHAR PHYIN BCU YONGS SU RDZOGS PA'O, ,'DI DAG KYANG 'JAM DBYANGS NYID LA SBYAR BA DANG, DKYIL 'KHOR BA'I LHA SO SO DANG SBYAR BA'I TSUL GNYIS BSHAD DO, ,GZHAN YANG SEMS CAN THAMS CAD BLA MED KYI BDE BA LA 'GOD PA'I BYAMS PA CHEN PO'I RANG BZHIN DPAG TU MED PA DANG LDAN LA, DE DAG SDUG BSNGAL LAS SKYOB PAR BYED PA'I SNYING RJE CHEN PO DANG LDAN ZHING, DE'I SGO NAS SEMS CAN THAMS CAD KYI DON SGRUB PAR BYED PAS NA, DE BLO YI MCHOG YIN LA, CHOS RAB TU RNAM PAR 'BYED PA'I SHES RAB CHEN PO MNGA' BA DANG, GDUL BYA 'DUL BA'I THABS SHES PA'I BLO GROS CHEN PO DANG LDAN ZHING, GANG LA GANG 'DUL GYI THABS MKHAS PA CHEN PO DANG LDAN PAS THABS CHE BA'O, ,GRANGS MED PA'I SPRUL PA BSTAN NAS SEMS CAN 'DUL BAS NA, RDZU 'PHRUL CHEN PO DANG, ZHABS KYI MTHE BONG GIS KYANG 'JIG RTEN GYI KHAMS BSKYOD PAR NUS PAS NA, STOBS DANG LDAN PA DANG, RDZU 'PHRUL GYI SHUGS CHEN POS 'GRO BA NA SHUGS CHEN PO DANG, LAG PA BRKYANGS BSKUM TZAM GYI RING LA GRANGS MED PA'I 'JIG RTEN GYI KHAMS SU 'GRO BAS NA MGYOGS PA CHEN PO STE DANG, GSUNG GI RDZU 'PHRUL CHEN PO YAN @009A *, ,LAG DRUG CU'I DBYANGS KYI SGRA CHER GRAGS PA DANG, MTHUS NYAN THOS DANG RANG SANGS RGYAS THAMS CAD ZIL GYIS NON PA'I PHYIR STOBS CHEN PHA ROL GNON PA PO STE GHE?? KYIS SRID PA'I RI BO CHEN PO MA RIG PA NAS RGA SHI'I BAR 'JOMS PAR BYED PA DANG, STONG PA NYID DANG DBYER MED PA'I YE SHES KYI RDO RJE DANG, CHOS KYI DBYINGS KYI SKU DAG PA GNYIS LDAN NI, MI MTHUN PHYOGS KYIS PHYED PAR MI NUS PAS NA MKHREGS PA, ,SRA ZHING RDO RJE CHEN PO 'CHANG BA STE, RDO RJE'I DON NI MI PHYED PA'I DON YIN PA'I PHYIR RO, ,PHYI RU BDUD DANG 'BYUNG PO SOGS DANG, NANG DU NYON MONGS PA 'DUL BA'I PHYIR DRAG PO CHEN PO DANG, PHYI RU 'JIGS PA'I GZUGS CAN DRAG PO STON PA DANG, NANG DU YE SHES KYI NUS PA SHUGS DRAG POS BDUD DANG NYON MONGS THAMS CAD 'JOMS PA'I PHYIR DRAG SHUL CHE ZHING, PHYI NANG GI 'JIGS CHEN DE DAG 'JIGS PA STE 'JOMS PAR BYED PA PO YIN PA'O, ,SEMS CAN THAMS CAD KYI MGON SKYABS SU GYUR PA'I PHYIR NA, MGON PO YIN LA, GSANG SNGAGS DANG RIG SNGAGS KYI LHA GZHAN RNAMS KYI MCHOG YIN PA'I PHYIR NA, RIGS MCHOG CHEN PO STE DANG, 'GRO BA LA CHOS STON PA'I PHYIR 'DIR BLA MA ZHES BYA BA'AM, YANG NA, RGYUD SDE 'OG MA LAS GONG DU GYUR BA'I SNGAGS KYI LAM STON PAS NA BLA MA GSANG SNGAGS CHE BA'I MCHOG GO ,GSANG SNGAGS KYI THEG PA CHEN PO'I TSUL LA GNAS SHING, KHYAD PAR BLA MED KYI THEG PA CHEN PO'I TSUL GYI MCHOG LA GNAS PA'O, ,GNYIS PA NI, GONG DU BRJOD PA DE RNAMS KYIS DKYIL 'KHOR BA'I LHA STON TSUL GYI DBANG DU BYAS NAS MDOR BSDUS BRJOD PAR BYA STE, DE YANG, 'DI LTAR SANGS RGYAS BCOM LDAN 'DAS, ,ZHES SOGS KYI RKANG PA BZHIS, DKYIL 'KHOR GYI GTZO BO 'JAM DPAL RDO RJE SEMS DPA' YAB YUM SKYED TSUL DANG, MCHOD PA CHEN PO 'DOD CHAGS CHE SOGS KYIS SNGAR BSHAD PA LTAR RIGS LNGA PO BSTAN, KHONG NAS 'BYUNG BA SKYE BA MED CES SOGS RKANG PA BZHIS YUM @009B BZHI; DE NAS 'DOD PA CHEN PO 'DE BA CHE,, ZHES SOGS RKANG PA GNYIS KYIS, RDO RJE SEMS DPA', RDO RJE RGYAL PO, RDO RJE LEGS PA, RDO RJE CHAGS PA STE BZHI, GZUGS CHE LUS KYANG CHE BA STE, ,ZHES SOGS RKANG PA BZHIS RDO RJE RIN CHEN, RDO RJE NYI MA, RDO RJE RGYAL MTSAN, RDO BZAD PA BZHI SHES RAB MTSON CHA CHEN PO 'CHANG, ,ZHES SOGS RKANG PA BZHIS RDO RJE CHOS, RNON PO, ,RGYU, SMRA BA BZHI, MKHAS PA SGYU 'PHRUL CHEN PO 'CHANG, ,ZHES SOGS RKANG PA BZHIS, RDO RJE LAS, SRUNG BA, GNOD SBYIN, KHU TSUR BZHI STE, DE DAG GIS SEMS DPA' BCU DRUG, BSTAN, SBYIN BDAG CHEN PO SOGS RKANG PA 'GAS SGEG SOGS LHA MO BRGYAD DANG, RDZU 'PHRUL CHEN PO STOBS DANG LDAN, ,ZHES SOGS LHAG MAS GSHIN RJE GSHED SOGS KHRO BO BCU BSTAN PA NI, SGYU 'PHRUL DRA BA ZHE GSUM MA DANG, THEG PA CHEN PO'I TSUL LA GNAS, ,ZHES SOGS RKANG PA GNYIS KYIS, YANG RDOR SEMS YAB YUM BSTAN PA NI ZHE LNGA MA, BYAMS CHEN RANG BZHIN DPAG TU MED, ,ZHES SOGS RKANG PA BZHIS LCAGS KYU MA SOGS SGO BA BZHI BSTAN PA NI LHA ZHE DGU MA'O, ,GZHUNG 'DI DAG NI, ,DUS 'KHOR DANG, BLA MED SPYI'I LUGS KYANG YIN LA, RNAL 'BYOR RGYUD DU BKRAL BA PHAL CHER NA LHA'I DBYE BA GSAL BAR MI SNANG ZHING, 'DI'I LHA RNAMS LA ZHAL GSUM PHYAG DRUG PAR BZHED PA SOGS MI 'DRA BA 'GA' RE SNANG YANG, DE DAG NI 'DI'I DON YIN PAR MI 'GAL BA'I TSUL NI BRJOD ZIN TO, ,ZHES BYA BA NI LE'U LNGA PA'I BSHAD PA'O, ,GNYIS PA LA LNGA, CHOS DBYINGS YE SHES, ME LONG LTA BU, SOR RTOGS YE SHES, MNYAM NYID YE SHES, BYA GRUB YE SHES KYI LE'U BSHAD PA'O, ,DANG PO NI, SANGS RGYAS RNAM PAR SNANG MDZAD CHE, ,NAS RDO RJE LCAGS KYU ZHAGS PA CHE, ,ZHES SO, ,DE YANG, RIGS LNGA'I NANG NAS SANGS RGYAS RNAM PAR SNANG MDZAD CHEN PO NI SKU'I @010A *, ,RIGS YIN LA, NGES MI MTHUN PA'I PHYOGS THAMS CAD THUB PAS NA, THUB PA CHEN PO ZHES BYA LA, LHA MI'I DRANG SRONG GZHAN LAS MCHOG YIN PA'I PHYIR, THUB CHEN LDAN PA'AM, YANG NA SGO GSUM DUS RTAG TU MNYAM PAR BZHAG PAS NA 'DI SKAD CES BYA'O, ,GSANG SNGAGS KYI TSUL CHEN PO'I LAM BSGOMS PA LAS BYUNG BA YIN LA, DER MA ZAD, DA LTA NI 'BRAS BU GSANG SNGAGS KYI TSUL CHEN PO'I BDAG NYID CAN GYI YE SHES THOB PA GNAS SO, ,'DI'I RNAM SNANG NI SH'AKYA THUB PA'I NGO BO RNAM SNANG DE LA BSHAD PA DANG, 'JAM DBYANGS LA RIGS LNGAR PHYE BA'I RNAM SNANG LA BSHAD PA GNYIS DANG, DE GNYIS NGO BO GCIG TU BSHAD PA LTA BUR YANG SNANG BA LAS, GNYIS PA'I DBANG DU BYAS TSE 'JAM DPAL NYID KYIS SNGAR NAS KYANG, THUN MONG DANG THUN MONG MA YIN PA'I SBYIN PA NAS, SMON LAM GYI PHAR PHYIN GYI BAR SNGAR BSHAD PA LTAR PHA ROL TU PHYIN PA BCU PO THOB PA STE, DER MA ZAD, DA LTA YANG 'BRAS BU'I PHA ROL TU PHYIN PA BCU LA GNAS SHING, RGYU DANG 'BRAS BU'I PHA ROL TU PHYIN PA BCU NI SKYON GYIS MA GOS PAS NA DAG BA STE, PHA ROL TU PHYIN PA BCU'I TSUL LA RANG NYID GNAS SHING, SEMS CAN GZHAN KYANG TSUL DE LA 'GOD DO, ,MGON PO KHYOD NI, SA DANG PO RAB TU DGA' BA NAS, BCU PA CHOS KYI SPRIN GYI BAR RDZOGS PA'I PHYIR, SA BCU'I DBANG PHYUG ZHES BYA STE, SA BCU MTHAR PHYIN PA'I SA LA NI GNAS PA PO YIN NO, ,SDUG BSNGAL, KUN 'BYUNG, 'GOG PA, LAM, ZAD PA, MI SKYE BA, CHOS, RJES SU, KUN RDZOB, GZHAN GYI SEMS TE DER? LA SHES PA SBYAR BA'I SHES PA BCU RNAM PAR DAG PA'I BDAG NYID CAN YIN LA, SHES PA BCU RNAM PAR DAG PA THUGS RGYUD LA 'CHANG BA PO STE, SDUG BSNGAL BDEN PA JI LTA BA BZHIN DU SHES NAS, GZHAN GYI SEMS JI LTA BA BZHIN DU SHES PA'I YE SHES DANG LDAN PA'O, ,RNAM PA BCU PO ZHES DANG DON BCU'I DON ZHES PA LA DON MI 'DRA BA BSHAD PA 'GA' @010B RE SNANG YANG, PHUNG PO LNGA DANG, NYON MONGS LNGA STE BCU NI RNAM PA BCU'AM, PHUNG PO LNGA DAG PAS RIGS LNGA DANG, NYON MONGS LNGA DAG PAS YE SHES LNGA STE BCU LA DON BCU'I DON ZHES BYA BAR BSHAD PA LTAR RAM, YANG NA, SLOB PA'I SKABS KYI STOBS RNAM PA BCU PO GOMS PAS DON BCU'I 'BRAS BU THOB STE, DE YANG SANGS RGYAS KYI GO 'PHANG DON CHEN PO THUB DBANG GI GNAS DANG GNAS MA YIN PA MKHYEN PA'I STOBS NAS, ZAG PA ZAD PA MKHYEN PA'I STOBS KYI BAR STOBS BCU MNGA' BA DANG, THUGS SEMS LA KHYAB PA'I BDAG NYID CAN NAM, YANG NA, RJE BTZUN GYI RGYUD LA STOBS SOGS YON TAN GYIS KHYAB PAR BSHAD PA LTAR RO, ,STOBS BCU 'DI YANG THUN MONG BA'I STOBS BRJOD PA BZHIN DANG, YANG, BSAM PA'I STOBS NAS, CHOS KYI 'KHOR LO BSKOR BA'I STOBS KYI BAR BCU DRI MED 'OD LAS BSHAD DE, DE 'DRA'I STOBS DES SEMS CAN KUN GYI DON NI MA LUS PA BYED PA YIN NO, ,RNAM BCU DBANG LDAN SHES PA LA MTSON BYED DANG MTSON DON GNYIS, ,DANG PO NI, HA KshA MA LA WA RA YAm STE YI GE BDUN DANG, ZLA TSES THIG LE DANG BCAS PA DANG, N'A DA DANG, YI GE THAMS CAD KYI SROG GI AA YIG STE BCU LA RNAM BCU DANG LDAN ZHES BYA LA, DUS 'KHOR LTAR NA, DE DAG GIS MANG DU MTSON PAR BYED DO, ,MTSON DON GYI DBANG BCU THUN MONG BA NI, TSE LA DBANG BA DANG, DE BZHIN DU, LAS DANG, YO BYAD DANG, MOS PA DANG, SMON LAM DANG, RDZU 'PHRUL DANG, SKYE BA DANG, CHOS DANG, SEMS DANG, YE SHES LA DBANG BA STE BCU DANG LDAN NA, RNAM PA BCU'I DBANG DANG LDAN PA'I CHE BA PO STE CHEN PO'O, ,GLO BUR DU BYUNG BA MA YIN PAR THOG MA MED PA NAS RANG BZHIN GYIS GRUB PA'I SPROS PA MED PA'I BDAG NYID DU GNAS PA'I DE BZHIN NYID DANG DBYER MI PHYED PA'I BDAG NYID CAN GYI YE SHES SGRIB GNYIS RNAM PAR DAG PA'I BDAG NYID LAS MI G-YO BAR CHU LA CHU BZHAG PA LTAR MNYAM PAR BZHAG GO ,DE LTA NA'ANG @011A *, ,GZHAN GYI DON DU MI 'JUG PA MIN TE, GZHAN LA RDZUN MED PA'I BDEN PAR SMRA ZHING TSIG GZHAN DU MI 'GYUR BA YIN LA, SEMS CAN GYI DON BYED PAR DAM BCAS PA JI SKAD SMRAS BDE BZHIN DU BYED CING, GZUNG 'DZIN GYI CHOS GNYIS RANG GZHIN GYIS MED PA DE NI, GZHAN LA GNYIS SU MED PA'I TSUL DE LTAR STON PAR BYED DO, ,SNGAR BSHAD PA DE DAG GIS DBANG BSKUR TSUL DANG, SLOB MA'I RNAM GZHAG KYANG BSTAN PAR BZHED PA'ANG YOD DO, ,RANG NYID YANG DAG PA'I MTHA' DE BZHIN NYID LA RNAM PAR GNAS NAS SEMS CAN GZHAN CHOS THAMS CAD GANG ZAG DANG CHOS KYI BDAG MED PAR STON PA'I SENG GE'I SGRA SGROGS PA DANG LDAN PA'I PHYIR, BDAG TU SMRA BA'I MU STEGS BYED KYI RI DVAGS NGAN PA'I TSOGS RNAMS 'JIG PAR BYED DO, ,'DI NI GZUGS CAN GYI RGYAN TE, 'JAM DPAL DANG, SENG GE DE'I GSUNG DANG SENG+GE'I SGRA, MU STEGS NGAN PA DANG, RI DVAGS GNYIS SBYAR, SENG+GE'I SGRAS RI DVAGS SKRAG PAR BYED PA BZHIN DU, RJE BTZUN GYI BDAG MED STON PA'I GSUNG GIS, BDAG SMRA'I MU STEGS KYI RIGS RNAMS SKRAG PAR BYED PAR BSTAN TO, ,SANGS RGYAS KYI ZHING KUN DU 'GRO BA'I TSUL GYIS SEMS CAN GYI DON SGRUB PAR BYED PA'I PHYIR DON YOD PA'I STOBS DANG LDAN LA, DE'I TSE MGYOGS TSUL NI, DE BZHIN GSHEGS PA'I YID LTAR SKAD CIG GCIG LA ZHING DE DANG DE DAG TU SLEB PA'I MGYOGS PA STE MYUR RO, ,GANG LAS RGYAL BA YIN NA NYON MONGS PA DANG SDIG PA'I CHOS LAS RNAM PAR RGYAL ZHING, PHA ROL GYI SMRA BA NGAN PA'I DGRA LAS RGYAL BA'O, ,KHAMS GSUM GYI CHOS KYI RGYAL SRID LA DBANG BSGYUR BA'I PHYIR NA, 'KHOR LO SGYUR BA DANG, GZHAN GYI DPUNG 'JOMS PAS NA STOBS PO CHE ZHES BYA'O, ,NYAN THOS KYI TSOGS KYI SLOB DPON MDZAD CING, RANG RGYAL GYI TSOGS RNAMS KYI MCHOG YIN LA, BYANG CHUB SEMS DPA'I TSOGS RNAMS KYI RJE BO STE DPON DANG, DE BZHIN GSHEGS PA'I TSOGS KYI BDAG PO STE, MDOR NA, RJE BTZUN NI, RIGS DANG DKYIL 'KHOR GYI BDAG PO @011B NYID DU BSTAN PA'O, ,DE RNAMS LA YON TAN GYI DBANG SGYUR BAS DBANG DANG LDAN LA, DE NYID GYI PHYIR NA MTHU CHEN PO ZHES KYANG BYA'O, ,MTHU DE YANG YE SHES KYI STOBS YIN PAS YE SHES DE RANG GIS GCES PAR 'DZIN ZHES KYANG BSHAD LA, CHOS DANG RJE BTZUN NYID SANGS RGYAS BYANG SEMS KYIS GCES PAR 'DZIN PA'I PHYIR GCES PAR 'DZIN PA STE ZHES BSHAD, THEG PA CHEN PO'I SNGAGS KYI TSUL MTHAR THUG PA CHEN PO LA GNAS PAS NA GZHAN GYI DRING MI 'JOG STE, NYAN RANG BYANG SEMS SOGS SLOB DPON GZHAN LA BLTOS PA MED PA'I PHYIR RO, GSUNG GI YON TAN GYI KHYAD PAR LA DON SO SO YANG DAG PA RIG PA NYID THOB PAS NA, TSIG GI RJE DANG, CHOS SO SO YANG DAG RIG PA THOB PAS NA, TSIG GI BDAG PO DANG, NGES PA'I TSIG SO SO YANG DAG RIG PAS NI SMRA MKHAS PA DANG, SPOBS PA SO SO YANG DAG RIG PAS NI TSIG LA DBANG BA'O, ,SKAD SNA TSOGS KYIS CHOS STON PA'I PHYIR NA, TSIG MTHA' YAS PA'O, ,DON MI SLU BAR STON PAS NA TSIG BDEN ZHING, SNGA PHYI MI 'GAL BAR DON DANG MTHUN PAR STON PAS NA BDEN PAR SMRA BA STE, SDUG BSNGAL BDEN PA, KUN 'BYUNG, LAM, 'GOG BDEN TE, 'PHAGS PA'I BDEN PA BZHI NI GDUL BYA LA STON PA PO'O, ,DE DAG NI SGRA JI BZHIN PA'I DBANG DU BYAS LA, 'DI DAG GIS SBAS DON LA DBANG BSKUR BA'I SLOB DPON GYI DBYE BA BSTAN PA'I TSUL YANG YOD DO, ,THEG PA DMAN PA'I LAM DU LDOG MI SRID PAS NA, PHYIR MI LDOG PA STE, DE YANG RDZOGS PA'I BYANG CHUB LAS PHYIR MI LDOG PA'I DON NO, ,LAS NYON MONGS GYI DBANG GIS 'KHOR BAR MI 'ONG BAS NA PHYIR MI 'ONG BA'O, ,GDUL BYA 'DUL BA'I PHYIR DU 'DREN PAR RANG RGYAL TSOGS NA GNAS PA DANG, GCIG PUR GNAS PA BSE RU LTA BU'I TSUL DU SPRUL PAR MDZAD LA, YANG NA, RANG RGYAL DE DAG GI RIGS CAN LA CHOS BSTAN NAS, RANG RGYAL DGRA BCOM PA'I GO 'PHANG 'THOB PAR BSHAD PA LTAR RO, ,GDUL BYA'I RIGS SNA TSOGS PA RANG RANG GI RIGS DANG, MTHUN PAR 'KHOR BA LAS NGES PAR 'BYUNG BA'I THABS SNA TSOGS PA BSTAN NAS, @012A *, ,DE YANG NGES PAR 'BYUNG BA'I THAR PA LA 'GOD PAR MDZAD DO, ,GO 'PHANG DER 'BYUNG BA'I THABS CHEN PO RGYU GCIG PU NI DGE BA'I LAS KHO NA'O, ,'DIR 'BYUNG BA CHEN PO NI RGYA 'GREL KHA CIG TU 'BYUNG BZHIR BSHAD PA YANG SNANG LA, 'ON KYANG 'GYUR BA CHEN PO ZHES 'BYUNG BA NI, MA DAG PAR GSAL STE 'GREL PA RNAMS SU 'BYUNG BA'I DON DU BSHAD PAS SO, ,NYON MONGS DANG BRAL BAS NA, DON DAM PA'I DGE SLONG ZHES BYA LA, NYON MONGS CAN DANG NYON MONGS CAN MA YIN PA'I ZAG PA THAMS CAD SPANGS PA'I PHYIR NA DGRA BCOM PA ZAG PA ZAD PA DANG, 'DOD PA'I YUL LNGA LA 'DOD CHAGS DANG BRAL BA'I PHYIR, 'DOD PA'I YUL GZUGS SOGS LA CHAGS PAS 'JUG PA MED PAS MIG SOGS KYI DBANG PO LNGA THUL BA YIN TE, DPER NA, RTA RGOD BTUL BA BZHIN NO, ,MTHAR THUG GI ZAG MED KYI BDE BA DAM PA RNYED PAS BDUD BZHI LA 'JIGS PA MED PA'I GNAS THOB PA'O,, NYON MONGS PA'I TSA GDUNG SPANGS PAS NA BSIL BAR GYUR PA DANG, GLO BUR GYI DRI MAS MA GOS PAS RNYOG PA MED PA'O, ,'DI DAG GI SBAS DON LA RDO RJE SLOB DPON GYIS CHOS STON TSUL DANG, DE'I YON TAN BSTAN PA LA SBYAR BA ZHIG KYANG SNANG NGO, ,RJE BTZUN GYIS GZHAN GYI SEMS SHES PA DANG, SNGON GYI GNAS DRAN PA DANG, ZAG PA ZAD PA STE SHES PA'I RIG PA DANG NI, RDZU 'PHRUL GYI RKANG PAR LDAN LA, MTHAR THUG GI BDE BA DAM PAR GSHEGS PAS BDE BAR GSHEGS PA, SEMS CAN RNAMS KYI BSAM PA JI LTA BA BZHIN MKHYEN NAS CHOS STON PAS 'JIG RTEN RIG PA STE MKHYEN PA'I GTZO BO DAM PA'I, MCHOG GO ,MIG SNA SOGS BDAG GI BA LA DMIGS NAS BDAG GI BAR RANG BZHIN GYI GRUB PAR MI 'DZIN LA, BDAG LA DMIGS NAS BDAG GAM RANG RANG NGOS NAS GRUB PAR YANG MI 'DZIN ZHING, KUN RDZOB KYI SNANG BA RNAMS SGYU MA LTA BU DANG, DE DAG RANG BZHIN GYIS MED PA'I DON DAM PA STE, BDEN PA DE GNYIS KYI @012B TSUL SHES PA LA GNAS PA'O, ,SHES RAB KYI STOBS KYIS 'KHOR BA'I RGYA MTSO'I?? GYI MTHAR SON PA STE PHYIN PA, DE YANG LTA BA DANG SPYOD PAS LAM GYI BYA BA THAMS CAD BYAS PA LAS SGRIB GNYIS KYI RLAN GSHED BSKAMS PA'I SANGS RGYAS KYI SAR GNAS SO, YANG NA, BYA BA BYAS PA NI SEMS CAN GYI DON BYAS PA'O ZHES 'CHAD PA LTAR RO, ,DE KHO NA NYID DA LA RTAG TU MNYAM PAR BZHAG PA'I SHES PA 'BA' ZHIG ZHES PAR GSAL BA STE, DES DE KHO NA NYID MNGON SUM DU RTOGS PA'I PHYIR RO, ,YANG NA SANGS RGYAS KYI SAR RTEN BRTEN PA'I DNGOS PO RNAMS YE SHES KYI BDAG NYID 'BA' ZHIG TU SNANG BA'I DON TE, BSHAD PA MI 'DRA BA MANG NGO, ,SHES RAB MTSON CHA LTA BUS GDUL BYA'I MI MTHUN PHYOGS THAMS CAD RNAM PAR 'JOMS PAR BYED LA, LUNG DANG RTOGS PA'I DAM CHOS RNAMS LA DBANG BSGYUR BAS NA CHOS KYI RGYAL PO STE, DES CHOS KYIS SEMS CAN RNAMS KYI MA RIG PA'I MUN PA BSAL NAS GNAS PAS GSAL BAR LDAN PA'AM, YANG NA, CHOS DE DAG RJE BTZUN GYI THUGS LA GSAL BAR LDAN PA'O ZHES BSHAD PA LTAR RAM, YANG, DAM CHOS NI LUNG DANG, CHOS RGYAL NI RTOGS PA'I DAM CHOS SO, ,DAM CHOS DES 'JIG RTEN SEMS CAN GYI MA RIG PA'I MUN PA BSAL NAS YE SHES NYID SNANG BAR BYED PA'I MCHOG GO ,CHOS KYI PHUNG PO BRGYAD KHRI BZHI STONG LA DBANG BSGYUR BAS NA CHOS KYI DBANG PHYUG DANG, 'KHOR LA CHOS DE RNAMS RANG DBANG GI STON PAS NA CHOS KYI RGYAL PO DANG, LEGS PA THAR PA DANG SANGS RGYAS KYI CHOS GZUGS KYI SKU STE, DE THOB BYED KYI THABS DANG RJES SU MTHUN PA'I LAM NI STON PA PO'O, ,DE LTAR BSTAN PAS GDUL BYA'I 'DOD PA'I DON THAMS CAD GRUB PAR BYAS PAS GDUL BYA'AM RJE BTZUN RANG NYID KYI BSAM PA GRUB PA STE, SNGON SMON LAM DE LTAR BTAB PA BZHIN 'GRUB PA'I PHYIR RO, ,BDAG GNYIS SU MTSAN MAR 'DZIN PA'I KUN TU RTOG PA THAMS CAD SPANGS PA'I CHOS KYI SKU THOB CING, CHOS SKU DE NI GNYIS SNANG GI RTOG PA THAMS CAD DANG BRAL BAS RNAM PAR MI RTOG PA'I RANG BZHIN CAN DAG PA GNYIS LDAN @013A *, ,GYI CHOS DBYINGS MI ZAD PA YIN PA'I PHYIR, CHOS KYI DBYINGS DAM PA ZAD MI SHES ZHES BYA STE, ZAD PA DANG 'JIG PA MED PA'I CHOS NYID KYI SGU YIN PA'I PHYIR NGO, ,DE NI SPANGS PA CHOS SKU'I DBANG DU BYAS LA GZUGS SKU DANG YE SHES CHOS SKU GNYIS KYI, DANG PO NI, LEGS PAR SPYAD PA'I BSOD NAMS DANG LDAN PA YIN LA, SNGAR BSAGS PA'I BSOD NAMS KYI TSOGS LAS BYUNG BA DANG, PHYI MA YE SHES CHOS SKU NI, YE SHES KYI 'BYUNG GNAS CHEN PO YE SHES KYI TSOGS LAS 'BYUNG BA YIN NO, ,DE LTA BU'I YE SHES DANG LDAN PAS NI, DNGOS PO RNAMS JI LTAR 'BYUNG BA DANG 'JIG PA'I KHYAD PAR DANG THA SNYAD DU YOD CING, RANG BZHIN GYIS MED PA'I KHYAD PAR JI LTA BA BZHIN DU SHES PAS SAM, YANG NA, YOD PA NI MNGON SUM DANG, MED PA NI LKOG GYUR LA BSHAD PA LTAR RO, ,BSOD NAMS DANG YE SHES KYI TSOGS GNYIS KYI TSOGS NI MTHA' BSAGS PA PO STE, RJE BTZUN DE'I YE SHES DANG, DES MTSON PA'I GZHAN GYI YE SHES LA'ANG SBYAR RUNG NGO, ,'DID SBAS DON DU BSOD NAMS KYI TSOGS BSTAN PA'I SGO NAS BSKYED RIM DANG, YE SHES KYI TSOGS BSTAN PA'I SGO NAS RDZOGS RIM KYANG BSHAD PA'I TSUL YOD DO, ,GZUGS SKU'I 'PHRIN LAS RGYUN MI 'CHAD PA DANG, CHOS KYI DE BZHIN NYID MI 'JIG PA'I PHYIR NA RTAG PA ZHES BYA LA, DE NI MI MTHUN PHYOGS LAS GROL BAS NA KUN LAS RGYAL BA'O, ,RTAG TU BSAm GTAN DANG PO SOGS DANG, BLA MED LTAR BDE STONG DBYER MED KYI YE SHES NYID LA RNAL 'BYOR DU BYED PA CAN TE DE DAG LA BSAM GTAN BYED CING, BSGOM PA'AM BSAM PAR BYA BAR GNAS SO, ,DE LTA BU'I BSAM GTAN GYI BLO DANG LDAN PA'I BDAG NYID CAN YIN PA'I PHYIR, CHOS THAMS CAD RANG BZHIN GYIS STONG PAR RTOGS PA'I MNYAM GZHAG SO SO RANG RIG PA'I YE SHES LAS MI G-YO BAR GNAS PA ZHES BYA'O, ,'DIR RTAG PA ZHES PA NI RNAM SNANG LA BYAS NAS DE'I RNAL 'BYOR SGOM TSUL ZHIG KYANG BSTAN PAR BZHED PA'ANG YOD DO, ,SANGS RGYAS KYI GO 'PHANG MCHOG GI DANG PO CHOS KYI SKU THOB LA DE DANG DUS MNYAM PA'I TSUL GYIS LONGS SKU DANG SKU GNYIS KYANG THOB @013B PAS NA CHOS SKU LONGS SKU SPRUL SKU STE SKU GSUM 'CHANG BA STE THOB PA'AM 'DZIN PA'O, ,BLA MED LTAR NA SANGS RGYAS RDO RJE 'CHANG 'JAM DPAL DE NI, NGO BO NYID SKU DANG, YE SHES CHOS SKU, LONGS SPYOD RDZOGS SKU, SPRUL SKU LA RNAM PAR SMIN PA DANG, SMIN PA MA YIN PA'I SPRUL SKU GNYIS SU PHYE BAS SKU LNGA'I BDAG NYID CAN YIN PAS, RIGS KUN LA KHYAB PA'I BDAG NYID CAN DANG, CHOS DBYINGS YE SHES SOGS YE SHES LNGA'I BDAG NYID CAN YIN LA YE SHES LNGA MTSON PA'I PHYIR SANGS RGYAS RIGS LNGA'I BDAG NYID COD PAN DU 'DZIN PA CAN NO, ,SPYAN LNGA DANG YANG LDAN TE, SHA'I SPYAN LA SOGS PA SPYAN LNGA NI YUL THAMS CAD LA CHAGS PA MED CING, THOGS PA MED PA NYID YIN LA, DE LTA BU'I SPYAN LNGA 'CHANG BA'I PHYIR RO, ,RJE BTZUN NYID DUS GSUM GYI SANGS RGYAS THAMS CAD BSKYED PA PO STE YAB TU GYUR PA STE, 'ON KYANG SANGS RGYAS KYI SRAS PO SA BCU PA'I BYANG CHUB SEMS DPA' CHEN PO DAM PA MCHOG GI TSUL 'DZIN PA'O, ,CHOS RNAMS RANG BZHIN MED PAR SHES PA NYID KYIS, SRID PA 'KHOR BA LAS 'BYUNG BAS NA 'KHOR BA'I SKYE GNAS MED DO, ,'DIR 'GREL PA RNAMS LAS SKYE GNAS MED PA'I DON DU BSHAD PAS, TE ZHES PA NI MA DAG PAR GSAL LO, ,DE YANG CHOS NYID RTOGS PA LAS BYUNG BA'I YE SHES KYI SKUS SRID PAR SKYE BA'I RGYU LAS DANG NYON MONGS PA THAMS CAD SEL BAR BYED PA'O, ,GNYIS SU MED PA'I YE SHES KYI BDAG NYID CAN GYI SKU YIN PAS NA GCIG PU DANG, DE MI MTHUN PHYOGS KYIS BYED PAR MI NUS PA'I SRA BRTAN CAN YIN PAS NA, SRA ZHING 'KHREGS PA DANG RDO RJE'I BDAG NYID CAN TE, DE LTA BU'I SKU DE THOB MA THAG PA NAS 'GRO BA'I DPAL DU GYUR PAS NA, SKYES MA THAG PA NAS 'GRO BA'I BDAG PO'O, ,'DIR GCIG PU SRA 'KHREGS RDO RJE NI, DES DON LA SBYAR NA, BDE STONG DBYER MED KYI YE SHES DANG, ZUNG 'JUG GI SKU LA BYED DU RUNG, NAM MKHA' LTA BU'I CHOS KYI DBYINGS RTOGS PA LAS BYUNG BA'I RANG BYUNG BA'I YE SHES MNGON DU BYAS SHING, ZAB MA RTOGS PA'I SHES RAB DANG RGYA CHE BA RTOGS PA'I YE SHES KYI ME BO CHE STE ME CHER 'BAR BAS, GDUL BYA'I NYON MONGS PA SOGS THAMS CAD SREGS PAR BYED CING, YE SHES DE'I 'OD @014A *, ,CHEN POS RANG GI RGYUD RNAM PAR SNANG BAR BYED DO, ,'DIR NAM MKHA' NI, CHOS NYID KYI 'OD GSAL LA BYAS NAS DE LAS YE SHES KYI SKU ZUNG 'JUG 'GRUB PA'I TSUL LA'ANG BSHAD DU RUNG NGO, ,YE SHES DES YUL THAMS CAD MNGON SUM DU RTOGS PAS NA, SNANG BA LAM ME BAR GSAL LO, ,'GRO BA'I MA RIG PA'I MUN PA THAMS CAD SEL BA'I PHYIR NA MAR ME ZHES BYA'O, ,DE SEL BA TZAM DU MA ZAD DE DAG GI RGYUD SNANG BAR BYED PA'I PHYIR YE SHES KYI SGRON ME'O, ,NAM MKHA' LAS BYUNG NAS 'DI'I BAR GYI RKANG PA LNGAS, RIM BZHIN, CHOS DBYINGS YE SHES, ME LONG LTA BU, MNYAM PA NYID, SO SOR RTOGS PA, BYA GRUB YE SHES TE LNGA BSHAD PAR 'DOD PA'ANG YOD DO, ,YE SHES LNGA'I RANG BZHIN MTSON PA'I PHYIR RNAM PAR BKRA BA'I 'OD KHA DOG LNGA DANG LDAN PAS NA, GZI BRJID CHEN PO 'OD GSAL BA'O, ,SNGAGS KYI MCHOG GSANG KYI BDAG PO YIN PAS, RIG PA'I RGYAL PO'O, ,DE YANG SNGAGS KYI DKYIL 'KHOR GYI GTZO BO YIN PA'I DON NO, ,GSANG SNGAGS KYI RGYAL PO YIN PAS, DE'I SGO NAS SEMS CAN GYI DON CHEN PO BYED DO, ,GSANG SNGAGS ZHES PA'I DON NI, THABS SHES DBYER MED PA ZHIG LA BYED PAS, DE RGYUD SDE BZHI'I DON LA YOD DO, ,GSANG SNGAGS DE DANG DE NYID LDAN PA NI, GTZUG TOR CHEN PO LTAR RMAD DU BYUNG BA STE, KUN GYI SPYI GTZUG TU BKUR BAR BOS SO, ,'DI DAG GIS KHRO BO KHAMS GSUM RNAM RGYAL GYI DKYIL 'KHOR BSTAN PAR BSHAD PA'ANG YOD PAS, DE'I LUGS LA, GTZUG TOR CHEN PO NI GTZUG TOR 'KHOR SGYUR DANG, RIG SNGAGS RGYAL PO NI GNOD MDZES LA BYED PAR SNANG, DUS KYI 'KHOR LO'I LUG SU BYAS TE BSHAD NA, GTZUG TOR CHEN PO ZHES PA DANG, NAM MKHA'I BDAG PO SOGS LA BSHAD PA YA MTSAN ZHIG 'DUG KYANG MANG DU DOGS NAS MA BRIS SO,, NAM MKHA' LTA BU'I CHOS KYI DBYINGS LA RTAG TU MNYAM PAR GZHAG PA'I BDAG NYID CAN YIN PA'I PHYIR NA BDAG PO STE, DE LA GNAS BZHIN DU SPRUL PA DANG 'PHRIN LAS MI 'DRA BA SNA TSOGS STON PAR BYED DO, ,RIGS THAMS CAD KYI BDAG PO'I SKU YIN PAS NA, SANGS RGYAS KUN GYI BDAG PO'I SKU YI MCHOG STE, ZUNG 'JUG GI SKU BRNYES @014B BA'O; ;SKU DE'I SGO NAS SPRUL PA SNA TSOGS BSTAN NAS SEMS CAN GYI DON BYED PAS NA, 'GRO KUN DGA' BA'I MIG DANG LDAN PA STE, GANG LA GANG MOS KYI GZUGS 'DZIN PA'O, ,DE YANG GANG ZHE NA, LHA MI KLU SOGS SNA TSOGS PA'I GZUGS CAN BSKYED PA PO STE SPRUL PAR BYED DO, ,MIG DANG ZHES PA LA DON GZHAN YANG, SHES RAB DANG YE SHES KYI MIG CES BSHAD PA'ANG SNANG NGO, ,DE LTA BU'I YON TAN DANG LDAN PA'I 'JAM DPAL DE NI, TSANGS PA BRGYA BYIN SOGS KYIS KYANG MCHOD PAR 'OS PA DANG BRJED PAR 'OS? PA STE BSTOD 'OS PA DANG, LHA MI'I DRANG SRONG RNAMS LAS KHYAD PAR DU 'PHAGS BSAN DRANG SRONG CHEN PO'O, ,SKU GSUNG THUGS KYI RIGS SAM, GSANG SNGAGS RIGS SNGAGS GZUNGS SNGAGS KYI RIGS GSUM 'CHANG BA STE 'DZIN PAS NA, GSANG SNGAGS DANG LDAN PA ZHES BYA'O, ,GSANG SNGAGS KYI TSUL LAS MI 'DA' BAS NA DAM TSIG CHEN PO TE, TSUL DES DON GYI GSANG SNGAGS 'DZIN LA, DE YANG GNYIS SU MED PA'I YE SHES DANG, ZUNG 'JUG GI SKU 'DZIN PA'O, ,GTZO BO'AM MCHOG TU GYUR PA'I YE SHES DANG SKU DE LTA BU 'DZIN PA NI SANGS RGYAS LA SOGS PA'I DKON MCHOG GSUM 'DZIN PA'ANG YIN NO, ,DE YANG YE SHES DE NI CHOS DKON MCHOG DANG, DE MTHAR PHYIN PA NA SANGS RGYAS DANG, DE SGRUB PAR BYED PA NI DGE 'DUN DGON MCHOG TU BYED PA'O, ,THEG PA MCHOG GSUM ZHES PA NI, PHYI MNYAN THOS RANG RGYAL BYANG SEMS KYI THEG PA GSUM DANG, NANG DU GSANG SNGAGS RIG SNGAGS GZUNGS SNGAGS GSUM LA BSHAD DO, ,DE GSUM NI GDUL BYA LA STON PA PO YIN LA, 'BRAS BU'I DON YOD PA'I THUGS RJE'I ZHAGS PAS GDUL BYA RNAMS RJES SU 'DZIN PA DANG, THUGS RJE'I ZHAGS PA DE NI, MI MTHUN PHYOGS RANG DON NYID GTZO BOS BYED PAS RNAM PAR RGYAL BA DANG, THUGS RJES SEMS CAN MI GTONG BAS NA 'DZI PA CHEN PO YIN LA, MI MTHUN PHYOGS KYIS MI BYED PAS NA RDO RJE DANG SEMS CAN RJES SU 'DZIN PA'AM 'CHING BAS NA ZHAGS PA STE, DE LTA BU'I YE SHES DES 'DZIN PA DANG, 'CHING BAR BYED PA GNYIS KYI SGO NAS RDO RJE LCAGS KYU DANG, RDO RJE ZHAGS PA CHEN PO ZHES MTSUNGS PA'I MING GIS @015A *, ,BRJOD DO, ,'DIR LTAGS KYU DANG ZHAGS PA ZHES PA'I SPAS DON DU SGO PA BZHI BSTAN PAR BZHED DO, ,GONG DU BRJOD PA DE DAG GIS RDZOGS RIM GYI SBYOR BA YAN LAG DRUG BSTAN PAR DUS 'KHOR GYI LUGS SU 'GREL TSUL SNANG YANG MA BYAS SO, ,ZHES BYA BA NI LE'U DRUG PA'I RNAM PAR BSHAD PA'O,, ,,GNYIS PA ME LONG LTA BU'I YE SHES NI, RDO RJE 'JIGS BYED 'JIGS PAR BYED, ,NAS, SGRA DANG LDAN PA RNAMS KYI MCHOG ,CES SO, ,DE NAS RDO RJE 'JIGS BYED 'JIGS PAR BYED CES GSUNGS TE, 'DI DAG LA BSHAD TSUL MI 'DRA BA GZHAN SNANG YANG, DRANG NGES GNYIS KYIS BSHAD NA, BDE STONG DBYER MED KYI YE SHES MTHAR THUG NI, NGES DON GYI RDO RJE 'JIGS BYED YIN LA, DES SGRIB GNYIS BAG CHAGS DANG BCAS PA 'JIGS PAR BYED PAS DE LTAR DU BRJOD CING, YANG BDUNG DANG SIN PO SOGS 'JOMS PAR BYED PA'I PHYIR NA, 'JIGS PAR BYED CES BRJOD DO, ,RGYA 'GREL 'GA' ZHIG TU NI, 'JIGS PAR BYED PA DE GDONG DRUG CES PA'I KHRO BO NYID DANG SBYANG LA, LA LAR RDO RJE 'JIGS BYED CES PAS 'JIGS BYED DANG, 'JIGS PAR BYAD CES PAS PHYAG RDOR DBANG BSKUR BA'I RGYAD LAS 'BYUNG BA'I SBRUL BA'I KHRO DE BSTAN, GDONG DRUG NI, GDONG DRUG GI RGYUD NAS BSHAD PA'I KHRO BO BSTAN PA YIN ZHES SOGS BSHAD TSUL MANG NGO, ,'ON KYANG 'DI LTAR BSHAD PAR BYA STE, RDO RJE 'JIGS BYED CES PA 'JIGS BYED NYID LA BYAS NAS, DAS GANG 'JIGS PAR BYED NA BDUD DANG GSHIN RJE SOGS 'JIGS PAR BYED DO, ,YANG, 'JAM DPAL GYI SPRUL PA'I KHRO BO RGYAL PO GDONG DRUG CES BYA BA DE YANG 'JIGS PA'I GZUGS CAN TE, DE'I GDONG DRUG RE RE LA'ANG MIG GSUM GSUM YOD KYANG, MIG GSUM PO RING GCIG TU BSDUS NA, MIG DRUG YOD CES BYAL LAG PA DRUG DANG LDAN ZHING, BDUD DANG BGEGS THAMS CAD 'JOMS NUS BAS NA STOBS DANG LDAN PA'O, ,THOD SKAM SOGS NGUS PA'I RGYAN GYIS BRGYAN BAS NA GENG RUS GYIS BRGYAN PA DANG, ZHAL MCHE BA GTZIGS PA PO'O, ,YANG, KHRO BO HA LA HA LA ZHES BYA BA 'JAM @015B DPAL GYI SPRUL PA DE LA ZHAL BRGYA YOD BAS, GDONG BRGYA BA ZHES BYA LA, DES GSHIN RJE 'JOMS PAS NA GSHIN RJE GSHED PO DANG, BGEGS 'JOMS PAS NA BGEGS KYI RGYAL PO'O, ,HA LA HA LA ZHES PA NI SNGA MA'I SBRUL RGYAN DU BSHAD PA'ANG SNANG DO, ,PHYAG MTSAN GYI RDO RJE NI, DPE MED PA'I SHUGS CHEN PO CAN TE DGE BA THAMS CAD 'JIGS PAR BYED PA'O, ,'GA' ZHIG TU GSHIN RJE GSHED PO DANG, BGEGS KYI RGYAL PO DANG RDO RJE SHUGS CAN DANG, 'JIGS PAR BYED PA RNAMS RE RES KYANG 'JAM DPAL RNAM 'PHRUL GYI KHRO BO RE RE BSTAN PAR BSHAD, YANG, DRANG DON DU RDZAS KYI RDO RJE LA DE LTAR DU GRAGS PA YIN KYANG, RDO RJE'I DON NI; NGES DON GYI SNYING PO'I DBANG DU BYAS NA, BDE STONG DBYER MED PA'I YE SHES NYID LA BYED PA YIN LA, DE NYID LHA DRAG PO'I RNAM PAR BSTAN PAS NA SGYU 'PHRUL RDO RJE ZHES BYA'O, ,LA LAR RDO RJE GRAGS PA DANG, RDO RJE SNYING PO DANG, SGYU 'PHRUL RDO RJE SOGS RE RES KYANG KHRO BO RE RE BSTAN PAR BSHAD DE, 'DI'I GONG 'OG RNAMS SU KHRO BO LNGA BCU'I SKOR ZHIG BSHAD PAR BZHED PA'ANG YOD DO, ,DE LTAR SPRUL PA'I KHRO BO DE LANG MI'U THUNG GI GZUGS SU YOD CING LTO BA CHE BAS NA GSUS PO CHE ZHES BYA'O, ,DE NI NGES DON GYI RDO RJE GNYIS SU MED PA'I YE SHES LAS SKYES PA YIN LA, DE LAS SKYES BA'I SKU DE PHANG MI PHYED PA'I RDO RJE'I BDAG NYID CAN NO, ,MI PHYED PA'I RDO RJE'I SNYING PO NGES DON GYI RDO RJE GNYIS SU MED PA'I MTHAR THUG PA NI, GNYIS SNANG THAMS CAD ZHI BAS NA, NAM MKHA' DANG 'DRA BA ZHES BYA LA, DE NI MTSAN 'DZIN GYI RNAM RTOG GIS MI G-YO BA STE BSKYOD PAR MI NUS SO, ,SKU'I CHA BYAD LAS, DBU'I RAL BA NI SPYI BOR MNYAM POR GCIG GIS BCINGS PA'I BSGYINGS PA STE 'GYINGS PA'I TSUL LO, ,KHRO BO DE DAG NI GLANG CHEN GYI KO BA RLON PA STOD DU GOS SU GYON PA CAN NO, ,GSUNG GI GAD BRGYANGS NI SGRA DRAG PO CHEN PO HA HA ZHES SGROGS PAR BYED CING HI HI ZHES PA'I SGRA SGROGS @016A *, ,TE GDUG BCAN RNAMS 'JIGS PAR BYED DO, ,DRAG CHEN ZHES PA LA GRAGS CHEN GYI DON DU BYAS PA'ANG SNANG NGO, ,HA HA LA SOGS PA'I GAD MO CHEN MOS SA GSUM KHYAB PAR BYED PA'I GAD BRGYANGS CAN GYI SNYING PO NYID STON PA'I RDO RJE GAD MO BZHAD PA'I SGRA CHES CHER SGROGS PA'O, ,NANG DU BDE STONG GI, YE SHES KYIS MYOS BAS PHYI ROL TU ZHAL NAS SGRA DE LTAR SGROGS PAR BYED KYANG, THUGS NI MI MTHUN PHYOGS KYIS MI PHYED PAS NA RDO RJE DANG, RANG DON MTHAR THUG BAS NA SEMS DPA' DANG, GZHAN DON MTHAR THUG PAS NA SEMS DANG SA CHEN PO ZHES BYA ZHING THAG MED BDE STONG GI ,YI SHES DE NI RDO RJE'I RGYAL PO YIN LA, DE MI 'GYUR BA'I BDE BA'I NGO PONG GYUR BAS NA BDE BA CHE BA DANG, DES MI MTHUN PHYOGS 'JOMS PAS NA RDO RJE DRAG PO DANG, RANG GZHAN THAMS CAD MGU BAR BYED PAS NA DGA' BA CHE BA'O, ,GZHAN YANG, ZHAL NAS RDO RJE H'Um STA H'Um ZHES, SGROGS SHING, MTSON DU NI DRANG NGES KYI RDO RJE'I MDA' GNYIS THOGS PA STE, NANG GI MI MTHUN PHYOGS 'BIGS PAR BYED PA'I NGES DON YE SHES KYI MNGA' DANG, DRANG DON DU MTSON GYI MDA' 'AM ZA DANG 'DRA BA'I MTSON THOGS PA LA'ANG BSHAD, DE BZHIN DU NGES DON SHES RAB GYI RAL GRI DANG; DRANG DON MTSON GYI RAL GRI 'CHANG BAS NA RDO RJE RAL GRI DANG, DES MI MTHUN PHYOGS GCOD PAR BYED PAS NA MA LUS GCOD PA'O, ,RDO RJE KUN 'CHANG ZHES PA LA DRANG NGES GNYIS LAS DRANG DON GYI SNA TSOGS RDO RJE 'CHANG BA YIN LA, RES DON GYI YE SHES LNGA 'CHANG BA'O, ,DE LTA @016B BU'I DRANG NGES KYI RDO RJE 'DZIN PAS NA RDO RJE CAN ZHES BYA'O, ,NGES DON GNYIS SU MED PA'I YE SHES KYI RDO RJE GCIG BUS DES NI MI MTHUN PHYOGS KYI G-YUL SEL BAR BYED PA STE, MTSON BYED DU RDZAS KYI RDO RJE BSNAMS PA'O, ,RDO RJE 'BAR BA MIG MI BZANG, ,ZHES PA LA DRANG NGES KYI BSHAD PA GNYIS LAS, NGES DON NI, THUGS YE SHES KYI RDO RJE'I SPYAN GYIS YUL THAMS CAD MTHONG BA'I MTHA' TSANG BZUNG MI NUS PA DANG, YE SHES KYI MIG DES NYON MONGS PA SOGS 'JOMS PAR BYED PAS NA, MIG MI BZANG SHES BYA LA, DRANG DON GYI YE SHES DE GANG LA YOD PA'I KHRO BO DE DAG GI SPYAN LAS ME LTA BU'I 'OD 'BAR PAS NA RDO RJE 'BAR BA DANG, SPYAN GYI 'OD DES GDUG PA CAN RNAMS SREG PAR BYED PA'I PHYIR MIG MI BZANG BA'O, ,ZHES BYA BA STE DES NI SPYAN RTZA GLOG LTAR 'KHYUG BA SOGS BLTA BAR MI BZANG BAR BSTAN TO, ,'DIR MIG MI BZANG BA DANG MI BZAD PA GANG BYAS KYANG DON 'DRA YANG 'GREL PA PHAL CHER LAS SNGA MA LTAR 'BYUNG NGO, ,DE LTA BU'I DRANG NGES KYI SPYAN GNYIS KYANG MI MTHUN PHYOGS KYIS MI PHYED PAS NA RDO RJE ZHES BYA LA, DER MA ZAD, DBU'I SKRA YANG RDO RJE 'BAR BA STE, YE SHES KYI BDAG NYID CAN YIN PA SO, ,DE NI DBU SKRAS MTSON PA'I DBU SKRAS MTSON PA'I DBU ZHABS PHYAG SOR MO SOGS SKU'I CHA THAMS CAD KYANG LE SHES KYI NGO BO'I BDAG NYID YIN PAS THAMS CAD KYIS YUL MTHONG BA DANG THOS PA'I KHYAD PAR MED NGO, ,DE YANG, BDE MCHOG RTZA RGYUD LAS, KUN TU BYAG DANG ZHABS LDAN PA'I, ,KUN TU SPYAN DANG DBU DANG ZHAL, ,KUN TU SNYAN LDAN 'JIG RTEN NA, ,THAMS CAD G-YOGS TE RNAM PAR BZHUGS, , @017A *, ,ZHES GSUNGS PA LTAR RO, ,DE LTA NA'ANG DE NGAG SHES PA YIN NO ZHES MI BYA'O, ,'BAR BA'I DON NI, DRANG DON DU 'OD 'BAR BA LA'ANG BYED CING, NGES DON DU YUL GSAL BAR GZIGS PA'O, ,RDO RJE 'BEBS PA 'BEBS PA CHE LA'ANG GNYIS TE, DRANG DON DU SKU'I CHA THAMS CAD NAS RDO RJE'I MTSON CHA'I CHAR 'BEBS PA DANG, RAB TU 'BEBS PAS GDUG PA CAN 'DUL BA'I DON TE, 'BEBS PA NI GDUG PA CAN CHUNG NGU 'DUL BA DANG, 'BEBS BA CHEN PO NI, GDUG PA CAN CHEN PO 'DUL PA LA'ANG BSHAD, NGES DON NI, RDO RJE LTA BU'I YE SHES KYIS DE KHO NA NYID MNGON SUM DU GZIGS PAS 'BEBS PA DANG, JI SNYED PA'I SHES BYA THAMS CAD THOGS MED DU GZIGS PA NI 'BEBS PA CHEN PO STE, BSHAD MA THAG PA'I DRANG NGES KYI SGYAN DANG, SLA SOGS LA'ANG SBYAR RUNG BAR SEMS SO, ,MIG BRGYA PA STE ZHES PA NI CHOS THAMS CAD MNGON SUM DU RTOGS PA'I YE SHES KYI SPYAN BRGYAS MTSON NAS MANG DU POR POR BSTAN PA DRANG, KHRO BO GDONG BRGYA PA LA MIG BRGYA SOGS YOD PA'I DON DU BSHAD PA GNYIS SO, ,YUL LA THOGS PA MED PAS NA RDO RJE'I MIG GO ,'DIR DUS NI ZHES SOGS GONG MA DANG, ZLOS SAM SNYAM DU DOGS PAR MI BYA STE, PHYI NAS GSUNGS PAS MI 'GAL BAR SHES DGOS LA DE BZHIN DU GZHAN LA YANG SHES PAR BYA'O, ,SUM NI RDO RJE'I BA SPU CAN TE, LUS KYIS SPU RNAMS NI GNYIS SU MED PA'I YE SHES KYI RANG BZHIN CAN NO, ,THA MAL GYI BA SPU MA YIN PAR YE SHES KYI NGO BO RDO RJE'I SPU NI GCIG PU STA KHO NA'I RANG BZHIN LUS CAN DANG, PHYAG GI SEN MO SKYES BA NI RDO RJE'I RTZE MO DANG MTSUNGS SHANG MI MTHUN BU'I PHYOGS 'JOMS PAR BYED DO, ,DE BZHIN DU RDO RJE'I SNYING PO CAN GYI PAGS PA MKHREGS PA STE, SRA ZHI NGAM KHREGS PAS SUS KYANG MI 'THIGS PA'I PHYIR RO?, ,YE SHES KYI RANG BZHIN CAN GYI RDO RJE'I 'PHRENG BA MI MGO'I RNAM PA CAN THOGS PA STE, DE RNAMS KYI MTSON DON PHUN SUM @017B TSOGS PA'I DPAL DANG LDAN PA'O, ,MDOR NA, YE SHES KYI RANG BZHIN CAN GYI RDO RJE'I RGYAN SNGAR BSHAD PA DE DAG KUN GYI BRGYAN PA STE, RGYAN THAMS CAD KYANG YE SHES KYI CHA SHAS YIN PAS NA, KUN KYANG RDO RJE 'BAR BA MIG MI BZANG,, SKRA YANG ZHES PA'I SKABS SU BSHAD PA LTAR NYAN PA DANG LTA BA SOGS KYI KHYAD PAR DANG LDAN NO, ,GSUNG GIS GANG BRGYANGS HA HA ZHES NGES PAR SGROGS PA STE, DRAG BO'I DBANG DU BYAS PA'O, ,'DI NI GONG DU BSTAN KYANG KHO BO SO SO LA SBYAR BA'AM, YANG NA, SNGA MA LTAR GSUNG GI HA HA ZHES SGROGS PA SOGS KYANG YE SHES KYI BDAG NYID CAN DU BSTAN PA STE, SNGAGS BLA MED GYI THEG PA'I SKABS SU NGAG GSUNG THUGS KYI RDO RJE GSUM NGO BO DBYER MI PHYED PA'I BDAG NYID CAN YIN PA'I PHYIR RO, ,ZHI BA'I DBANG DU BYAS NA, YI GE DRUG PA RDO RJE SGRA,, ZHES PA'I YIG GE DRUG PA NI, AA RA PA TZA NA DH'I: LA BYED PA DANG, AOm W'A GI SHVA RI MUm: LA BYED PA GNYIS SNANG LA, DE LTA BU'I RDO RJE'I TSIG GI SGRA SGROGS PA STE, YE GE DE DAG MTSON DON RIGS DRUG GIS BSDUS PA'I SNGAGS KYI THEG PA STON PA'I DON NO, ,DE LTAR SGROGS PA'I GSUNG NI 'JAM ZHING SNYAN PA'I DBYANGS CHEN PO STE, DE'I SGRA CHE BA'AM MA CHOG YIN LA, DE NI SA 'OG SOGS 'JIG RTEN GSUM NA SGRA JI SNYED YOD PA'I NANG NAS 'GRAN ZLA MED PAS SGRA GCIG PA LTA BU STE DE YANG NAM MKHA'I MTHA' KLAS TE, NAM MKHA'I KHAMS LA MTHA' MANG BA LTAR MTHA' DANG BRAL BA'I TSUL GYIS SGRA SGROGS PA BYED PA'I PHYIR NA, SGRA DANG LDAN PA GZHAN RNAMS KYI MCHOG CES BYA'O, ,'DIR YI GE DRUG PA NI H'Um GI SGRA DRUG LA BYAS NAS, DE SGROGS PA PO NGAG PO NYID LA SBYAR BA DANG, YI GE DRUG SNGAR LTAR BYAS NAS, 'JAM DBYANGS ZHES PA 'JAM DBYANGS NYID LA SBYAR BA'ANG YOD DO ZHES PA NI LE'U BDUN PA'I BSHAD PA'O,, ,,GSUM PA SOR RTOG YE SHES NI, YANG DAG BDAG MED DE BZHIN NYID, ,NAS, YE SHES MI LCES 'OD RAB GSAL, @018A *, ,ZHES SO, ,YANG DAG PA'I GNAS LUGS KYI DON STONG PA NYID DE NI, CHOS KYI BDAG DANG GANG ZAG GI BDAG MED PAS RAB TU PHYE BA'I DE BZHIN NYID YIN PAS DE LA YANG DAG PA'I MTHA' ZHES KYANG BYA STE, DE NI YI GE DANG BRJOD PA'I SGRA DANG RTOG PA TZAM GYIS BLO YUL DU MTSON PAR BYAR MED DE RTOG GE TZAM GYI YUL MA YIN PA'I PHYIR RO, ,'DIR SANGS RGYAS KYI THUGS RGYUD LA MNGA' BA'I DAG PA GNYIS LDAN GYI CHOS SKU STONG PA NYID DANG, DE MNGON SUm DU RTOGS PA'I YE SHES KYI SKU GNYIS BSTAN TE, ,DE LTA BU'I STONG PA NYID STONG PAR BYED PA'I GANG ZAG MCHOG YIN PA'I PHYIR NA SMRA BA'I KHYU MCHOG CES BYA STE, ZAB PA BDAG MED BA JI LTA BA BZHIN STON CING, RGYA CHE BA JI SNYED PA THAMS CAD DANG THABS KYI PHYOGS LEGS PAR STON PA'I SGRA SGROGS PA SO, ,DE LTAR STON PA'I GSUNG LA CHOS KYI DUNG ZHES BYA STE, DE CHOS KYI SGRA CHEN PO SGROGS PA DANG LDAN PA'O,, DE YANG RJOD BYED KYI NGOS NAS CHOS DUNG BUS PA LTA BU'I SGRA CHE BA SOGS DANG BRJOD BYA'I NGOS NAS ZAB PA DANG RGYA CHE BA SGROGS PA'O, ,GSUNG LA CHOS KYI GAnd'I SGRA BO CHE ZHES BYA STE, BDUD DANG MU STEGS PHAM PAR BYED PA'I GAnd'I'I SGRA CHEN PO SGROGS PA DANG MTSUNGS PA'O, ,SRID ZHI GNYIS KYI MTHA' LA MI GNAS PA'I MYA DAN LAS 'DAS PA'I THABS STON PAR BYED PA BO'I SGRA YANG YIN LA, SGRA PHYOGS BCUR SGROGS PA'I CHOS KYI RNGA BO CHE DANG MTSUNGS PA'ANG YIN NO, ,SANGS RGYAS KYI LONGS SKU NI, RDUL PHRA RAB 'DUS PA'I GZUGS MED LA, 'ON KYANG 'JA' TSON LTA BU'I GZUGS PHRA BA'I NGAG NYID CAN YIN PAS GZUGS BZANG DAM PA ZHES BYA STE, SHIN TU PHRA BA'I RLUNG SEMS LAS GRUB PA'I GZUGS LA MTSAN DPEGS LA RDZOGS KYIS SPRAS PA'I PHYIR RO, ,RGYA 'GREL 'GA' ZHIG TU, GZUGS MED PA NI CHOS SKU DANG, GZUGS BZANG BA NI LONGS SKUR @018B BSHAD PA'ANG YOD DO, ,LONGS SKU DES SPRUL PA SNA TSOGS PA STON PAS NA SNA TSOGS GZUGS CAN SHES BYAL, YE SHES KYI BDAG NYID CAN LAS GRUB PAS NA YID LAS SKYES PA'O, ,RDUL GCIG GI STENG DU YANG SNA TSOGS PA'I GZUGS RNAMS STON PAS NA GZUGS RNAMS THAMS CAD SNANG BA'I DPAL ZHES BYA LA, ZLA BA'I GZUGS BRNYAN BZHIN DU, GDUL BYA'I BSAM NGO DANG MTHUN PAR SPRUL BA'I GZUGS BRNYAN MA LUS 'CHANG BA PO'O, ,BDUD DANG BGEGS SOGS KYIS TSUGS PA MED CING, LHA DANG MI SOGS KUN GYI NANG NAS BSOD NAMS DANG YON TAN GYIS CHE BAR GRAGS BLO? MA 'OG SOGS GSUM MAM, 'DOD KHAMS SOGS KHAMS GSUM LA DBANG PHYUG TU BYED PA'I CHEN PO STE, KHAMS GSUM GYI BDAG PO TSANGS PA DANG DBANG PHYUG SOGS LAS KYANG MCHOG YIN PA'I PHYIR RO, ,'PHAGS PA'I LAM SHIN TU MTHO BA GNYIS SU MED PA'I YE SHES MTHAR THUG LA GNAS PA STE, DE LTA BU'I YE SHES KYI DAD PA CHEN PO NI DAR BA'AM RGYAS ZHING 'PHEL BA'I MTHAR PHYIN PA YIN PAS SO, ,DE CHOS RNAMS KYI NANG NAS MCHOG GA MA RTZE MO LTA BU YIN PAS NA, DE'I TOG CES BYA'O, ,KHA CIG DAR PA CHEN PO NI, LONGS SKU DANG, 'GA' ZHIG YE SHES KYIS MKHYEN TSUL RGYA CHE BA LA BSHAD DO, ,MDZAD PA NI, 'JIG RTEN GSUM NA GZHON NU BCU DRUG LON PA LTA BU'I LUS GCIG BA LTA BUR STON PA DANG, YAR HAN THOS KYI GZUGS SU GNAS BRTAN DANG RANG RGYAL LHAN PO LTA BUR STON PA DANG, TSANGS PA LA SOGS PA SKYE DGU'I BDAG PO DANG, SUM CU RTZA GNYIS KYI MTSAN 'CHANG BA'I BYANG SEMS SAM SANGS RGYAS LTA BU DANG, GZHAN GYI YING DU 'ONG BA SDUG GU'I GZUGS DANG LDAN PA, 'JIG RTEN GSUM NA MDZES PA DANG, 'JIG RTEN LA RANG NYID KYIS SHES PA LAGS PA'I PHYOGS STON PA'I SLOB DPON DU GYUR TE, LAM @019A *, ,STON PA NA, 'JIG RTEN GYI SLOB DPON DU GYUR PA DANG, PHAS KYI RGOL BA GZHAN GYIS 'JIGS PA MED PA DANG, 'JIG RTEN SEMS CAN GYI MGON DU GYUR PA DANG, DE RNAMS NGAN SONG LAS SKYOB PA POR GYUR PA DANG, 'JIG RTEN THAMS CAD KYIS YID BCUGS PA STE YID MDZA' BA'I GROGS LTA BU DANG, DE DAG SDUG BSNGAL LAS SGROL BA'I SKYABS DANG, DE'I SHES RGYUD MI MTHUN PHYOGS LAS SKYOB PA PO DANG, TSUL DE LTAR BYED PA LA GONG NA GZHAN MED PAS BLA NA MED PA ZHES BYA'O, ,'DIR RGYA 'GREL 'GA' ZHIG TU SKU'I RNAM PAR BSTAN PA LAM BSHAD PAR RJE BTZUN NYID LA DE DAG GI SGRA BSHAD KYI DBANG DU BYAS NAS BSHAD LA LAR DBANG BZHI'I SKABS SU DANG, DE'I SLOB DPON GNYIS SBREL NAS STON PA'I DON DU BSHAD DE, PHYI MA NI SBAS DON DU BYAS KYANG MI 'GAL LA, SLOB DPON NI 'JIG RTEN SHES LEGS ZHES SOGS RKANG PA BZHI 'CHAD PAR 'DOD DO, ,CHOS KYI SKU NAM MKHA' LTA BU'I MTHA' LA LONGS SPYOD PAR BYED CING, SHES BYA THAMS CAD MNGON SUM DU MKHYEN PA'I YE SHES KYI 'BYUNG GNAS YIN PA'I PHYIR NA RGYA MTSO'O, ,YANG NA RGYA MTSO NI MANG TSIG STE, YE SHES MANG DU MNGA' BA'I DON NO, ,BYA SGO NGA'I NANG NAS 'DON PA LTAR, GDUL BYA MA RIG PA'I SGO NGA'I SBUBS NA 'DUG PA'I SGO 'BYED PAR MDZAD CING, DE LA PHYIR BTON NAS THAR BA LA 'GOD PAR BYED DO, , SRID PA SDE 'KHOR BA'I DRA BA LAS DANG NYAN MONGS PA THAMS CAD 'JOMS PAR BYED PA PO ZHES BYA STE, RTZA BA DANG NYE BA'I NYON MONGS PA MA LUS PA ZHI BAR BYED PAS SO, ,LAS DANG NYON MONGS PA'I DBANG GIS NYING 'CHAMS SBYAR BA 'KHOR BA'I RGYA MTSO'I PHA ROL TU SON PA STE PHYIN NAS THAR PA BLA NA MED PA'I SKAM PAR GNAS PA'O, ,'DI DAG GIS SBAS DON DU BLA MAS DBANG GSUM PA DANG BZHI PA BSKUR NAS 'KHOR BA LAS GROL BAR BYED PA'I TSUL ZHIG BSTAN PAR BSHAD DE, YE SHES DBANG BSKUR ZHES PA YANG DBANG DE GNYIS LA BYED DO, ,'ON KYANG 'DI LTAR BYA STE, ME LONG LTA BU'I YE SHES SOGS YE SHES LNGA DANG LDAN PA @019B NYID MTSON PA'I PHYIR SANGS RGYAS RIGS LNGA RANG GI SPYI BOR DBANG BSKUR BA'I COD PAN CAN DU THOGS PA STE, RDZOGS PA'I SANGS RGYAS RGYAN DU THOGS ZHES SO, ,SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA 'DU BYED KYI SDUG BSNGAL TE SDUG BSNGAL GSUM GYI SDUG BSNGAL MA LUS PA ZHI BAR BYED PA DANG CHAGS SOGS DUG GSUM SEL BAR BYED CING, MTHA' YAS PA'I 'GRO BA RNAMS NI CHOS SKU LONGS SKU SPRUL SKU STE GROL BA GSUM THOB PAR MDZAD DO, ,GROL GSUM NI NYAN THOS, RANG RGYAL, BYANG SEMS KYI GROL BA LA BSHAD PA DANG, GROL GSUM THOB PA GDUL BYAS THOB 'GYUR LA MI BYED PAR SANGS RGYAS KYIS THOB ZIN PA LA BSHAD PA'ANG SNANG NGO, ,NYON MONGS PA DANG SHES BYA'I SGRIB PA KUN LAS NGES PAR GROL NAS NAM MKHA' LTAR KHYAB PA'I CHOS KYI DBYINGS MNYAM PA NYID LA GNAS PA'I PHYIR NA, NYON MONGS PA DANG DRI MA KUN LAS 'DAS PA'I BDAG NYID CAN ZHES BYA'O, ,JI LTA BA GZIGS PA'I MNYAM BZHAG GI GZIGS NGOR 'DAS MA 'ONGS DA LTA'I DUS GSUM DUS KYI RANG BZHIN DU GRUB PA MED PAR RTOGS PA PO DANG, SPANGS PA DANG RTOGS PA'I KHYAD PAR DE DAG GIS SEMS CAN KUN GYI GTZO BO CHEN POR GYUR PA DANG, YON TAN GYI THOD CAN NYAN RANG BYANG SEMS RNAMS KYI'ANG? THOD DU GYUR PA STE, MGO BO'I THOD BZHIN DU BKUR BA'I GNAS MCHOG TU GYUR PA'O, ,NYON MONGS PA BAG CHAGS DANG BCAS PA KUN LAS RNAM PAR GROL BA'I CHOS SKU THOB CING, NAM MKHA'I LAM DANG MTSUNGS PA'I YE SHES KYI SKU LA RAB TU GNAS PA STE SPANGS RTOGS PHUN SUM TSOGS PA GNYIS RDZOGS PA'O, ,'DIR NYON MONGS KUN LAS RNAM GROL BA, ZHES PA NI RGYA 'GREL 'GA' ZHIG TU, LUS CAN KUN LAS RNAM GROL BA, ZHES BTON NAS BSHAD CING, SEMS CAN KUN GYI GTZO BO CHE ZHES PA'ANG, GTZO BO NI KLU ZHAS BYAS NAS BSHAD PA'ANG SNANG NGO, ,CHOS SKU DE LTA BU BRNYES NAS 'PHRIN LAS NI, YID BZHIN GYI NOR BU RIN PO CHE CHEN PO CHE LA GANG GIS @020A *, ,GSOL BA BTAB NA, NOR BU NGE LAS DNGOS GRUB 'BAD MED LHUN GRUB TU 'BYUNG BA LTAR, MDZAD PA 'PHRIN LAS KYANG GDUL BYA LA 'BAD MED LHUN GRUB TU BYED PA 'CHANG NGO, ,RGYA MTSAN DE NYID KYIS NI, RIGS KYI KHYAB BDAG DE NI RIN CHEN KUN GYI NANG NAS MCHOG YIN NO, ,DER MA ZAD, DPAG BSAM GYI SHING CHEN PO RGYAS PA STE ZHES KYANG BYA LA, 'DOD RGU 'BYUNG BA'I BUM PA BZANG PO CHE BA'I MCHOG DANG, MTSUNGS PA ZHES KYANG BYA STE, 'PHRIN LAS 'BAD MED LHUN GRUB TU BYED PAR CHOS MTHUN PA'I PHYIR RO, ,'PHRIN LAS BYED PO SKAR YIN PA DE RANG DON DU MA YIN PAR SEMS CAN KUN GYI DON BYED PA YIN PA, SEMS CAN RNAMS LA PHAN PAR 'DOD PA'I BYAMS PA DANG LDAN PA'I PHYIR NA, SEMS CAN GYI GNYEN GSHIN PA'I MA LTA BU'O, ,BZANG BA STE GDUL BYA SKAL BA LDAN PA DANG LEGS PA'I PHYOGS, NGAN PA DE LAS BZLOG PA'I TSUL RNAMS SHES SHING, 'DUL BA'I DUS KYANG SHES PA'O, ,KHYAB BDAG DES RANG NYID SEMS CAN GYI DON BYED PAR DAM BCAS PA SHES NAS DAM BCAS PA DE LAS MI 'DA' BAS NA, DAM TSIG DANG LDAN PA ZHES BYA'O, ,GDUL BYA'I TSE SNGON DANG PHYI MA'I DUS KYI KHYAD PAR RNAMS SHES SHING, SEMS CAN DE DAG GI KHAMS DANG DBANG PO RNO RTUL GYI RIM PA RNAMS KYANG SHES PA'I SGO NAS SEMS CAN GYI DON TSUL BZHIN PHYED PA'O, ,NYAN THOS DANG RANG SANGS RGYAS DANG SANGS RGYAS GSUM GYI RNAM GROL GSUM GYI KHYAD PAR LA MKHAS PA PO ZHES BYA LA, RANG NYID SPANGS RTOGS YONGS SU RDZOGS PA'I YON TAN DANG LDAN ZHING, GZHAN RGYUD KYI YON TAN RNAMS KYANG JI LTA BA BZHIN DU SHES SO, ,DGE MI DGE'I BLANG DOR GYI CHOS SHES NAS MI DGE BA DOR TE BKRA SHIS PA'I DGE BA BSGRUBS PA LAS BKRA SHIS PA BDE 'GRO LHA MI'I RTON THOB PAR 'BYUNG BA SHES SHING, DE LTA BU'I RTEN BKRA SHIS PA THOB PA'I TSE LEGS TSOGS KUN GYI BKRA SHIS PA DE YANG 'BYUNG BA DANG DE DAG GI TSE GRAGS PA'I BKRA SHIS SNYAN GRAGS DGE BA BZANG PO 'THOB PAR 'GYUR BA'ANG SHES SO, ,SDUG BSNGAL @020B GYIS MNAR NAS DBUGS MA PHYIN PA'I SEMS CAN RNAMS DE LAS SKYOB PA'I TSUL GYIS DBUGS 'BYIN PA CHEN PO BYED LA, DE NIS BDE BA'I DGA' STON CHE LA SBYOR RO, ,DE NAS KYANG CHOS KYI DGA' BA CHEN PO'I ROL MO ZAG MED KYI BDE BA CHEN PO STE BLA NA MED PA'I GO 'PHANG LA 'GOD PAR BYED DO, ,MCHOD PAR BYA BA SOGS 'OS BAS NA BKUR STI BYAR 'OS PA DANG, TSUL DES BSTEN PAR BYA BAS RIM 'GRO PHUN SUM TSOGS PAR BYAR 'OS PA'O, ,'GRO BA'I DON LA ZAG MED KYI BDE BA THOB PAS NA MCHOG TU DGA' BA DANG LDAN LA, PHYOGS SU KHYAB PA'I GRAGS PA DAG GI DPAL PHUN SUM TSOGS PA THOB PA'O, ,RANG YON TAN GYI MCHOG SPANGS RTOGS PHUN SUM TSOGS PA DANG LDAN LA, GZHAN DAG LA YON TAN GYI MCHOG DE SBYIN PAR BYED PA'O, ,DE LTAR MCHOG SBYIN PA KUN GYI NANG NAS GTZO BO STE, KHYAD PAR DU 'PHAGS PA'O, ,SKYABS GZHAN LAS MCHOG TU GYUR PAS NA SKYABS KYI DAM PA ZHES BYA BA LA, RGYU MTSAN DE NYID KYI PHYIR, KUN GYI SKYABS SU 'OS PO,, BDUD SOGS DANG LAS NYON SDUG BSNGAL SOGS KYI 'JIGS PA CHEN PO THAMS CAD 'JOMS PAR BYED PA'I PHYIR NA, DE'I DGRA ZHES BYA STE RAB NYAN RANG BYANG SEMS RNAMS KYI'ANG MCHOG GO ,'GA' ZHIG TU RAB DANG MCHOG GI DON DU BSHAD, 'KHOR BA DANG NGAN SONG GI 'JIGS PA MA LUS PA SEL BA PO ZHES BYA LA, KHA CIG STAG DANG SENGGE SOGS KYI 'JIGS PA LAS SKYOB PAR BYED PA'I PHYIR NA, DE LTAR BRJOD CES 'DOD DO, ,BSHAD CING 'CHAD 'GYUR 'DI DAG GI SKABS SU RJE BTZUN GANG LA GANG 'DUL DE DANG DE DAG GI GZUGS SPRUL NAS DE DANG DE'I DON BYED PAR 'CHAD PA DANG, LHA BSGOM PA'I DUS SU CHAS 'JUG BYED TSUL DANG, SPYI BO'I RTZA 'DAB KYI GNAS STON PA SOGS 'CHAD TSUL MANG DU SNYANG YANG, 'DI LTAR BYA STE, SPYI BO'I GNAS SU DBU SKRA GYEN DU BCINGS PA'I GTZUG PHUD DBUS MA DANG, DE'I G-YAS G-YON SOGS LA BCINGS PA'I PHUD BU DANG, MTHON MTHING LTA BU'I LJANG LO CAN GYI RAL PA NUNYTZA'Am? GROL BA THOR COG GROL BA'I DON DU BSHAD @021A *, ,PA DANG, RKANG MGOR SLEB PA'I RAL BA'I LHAG MA SKA RAGS SU BYAS PA DANG, RAL BA'I THOR COG SPYI BOR BCINGS PA LA'ANG BSHAD PA SOGS SAM, THOR COG GROL BA SO SOR YOD PA'I DON DU BYAS NA LEGS SNYAM MO, ,DE LTA BU'I RAL PA'I THOR CHOG LNGA SPYI BOR COD PAn DU THOGS SHING, GDONG LNGA STE YE SHES LNGA MTSON PA'I GTZUG PHUD LNGA DANG LDAN PA DANG, GTZUG PHUD DAM ZUR PHUD LNGA PA CAN DANG ME TOG GI RGYAN THOD DU BCINGS PA'O, ,KHA CIG ,GDONG LNGA BZHAS TSANGS PA'I RNAM PAR SPRUL NAS SEMS CAN GYI DON BYED PAR 'CHAD LA, LA LA GTZUG PHUD CES SOGS KYIS BYIS BA LTA BU'I GZUGS KYIS SEMS CAN GYI DON BYED PA LA'ANG BSHAD DO, ,MGO ZLUM ZHES PA NI MGO REG CES PA YIN LA, DE YANG MGO'I SKRA BREGS PA'I DGE SBYONG GI SPYOD PA LA GNAS PA'I DON GYIS BRTUL ZHUGS LA GNAS PA ZHES BYA'O, ,SBAS DON LA GSANG SNGAGS KYI SPYOD PA LA GNAS PA STE, HE RU KA'I BRTUL ZHUGS LA GNAS PAR YANG BSHAD, DE LTA BU'I BRTUL ZHUGS DE NI, BRTUL ZHUGS GZHAN RNAMS KYI MCHOG YIN PAS NA CHEN PO STE ZHES BYA LA, DGE SBYONG GI TSUL GYIS MI TSANGS PAR SPYOD PA SPANGS PA'I TSANGS PAR SPYOD PA GNAS PAS, TSANGS SPYOD KYI BRTUL ZHUGS DE NI BRTUL ZHUGS GZHAN RNAMS KYI MCHOG GO ,BZOD PA LA SOGS PA'I DKA' THUB MA H'A DAG MTHAR PHYIN PA'I DKA' THUB CHEN PO 'JIG RTEN LAS 'DAS PA'I DKA' THUB LA GNAS PA'O, ,'DIR STON PA SH'AKYA THUB KYIS DKA' THUB LO DRUG TU MDZAD PA LTAR, RJE BTZUN GYIS KYANG DKA' THUB MDZAD NAS SEMS CAN GYI DON BYED PA LA BSHAD PA'ANG SNANG, PHYI'I SPYOD PA GTZANG BA DANG NANG GI RKYAD NYON MONGS BDAG PA NA, GTZANG GNAS DAM PA ZHES BYA LA, DE'I SGO NAS GO'U TAm STE RIGS MCHOG ZHES PA NI, SH'AKYA THUB PA DANG MTSUNGS PA'O, ,PHYI NANG GI GTZANG SBRA LA GNAS PAS NA BRAM ZE STE, NYON MONGS PA SPANGS PAS TSANGS PA DANG, SHES BYA'I SGRIB PA SPANGS PAS TSANGS PA CHEN PO STE, DE GNYIS KYI TSUL MNGON SUM DU SHES NAS, @021B DE LTA BU'I MYA NGAN LAS 'DAS PA TSANGS PA MTHAR THUG PA DE NYID THOB PA'O, ,SKABS 'DI DAG LA BSHAD PA MI 'BRAB MANG STE, KHA CIG TSANGS PA NI, LHA'I RGYAL PO TSANGS PAR SPRUL NAS SEMS CAN GYI DON BYED PA DANG, LA LA CHOS KYI DBYINGS MKHYEN BAS TSANGS PA DANG, GNYIS SU MED PA'I YE SHES MKHYEN PAS TSANGS BA CHEN PO ZHES DANG, KHA CIG SNGAR LTAR 'CHAD PA SOGS MANG DU SNANG NGO, ,DE DAG KYANG 'DI'I DON YIN PAR MI 'GAL TE, GZHAN DU NA PAn CHEN DE DAG GIS KYANG RANG DGAR BSHAD PAR THAL BA'I NYES PA YOD DO, ,'KHOR BA'I 'CHING BA LAS GROL BA DANG, SHES BYA'I SGRIB PA LAS THAR PA'I RNAM GROL GYI LUS TE SKU THOB PA'O, , DE LTA BU'I RNAM GROL DE NI, SRID MTHA' LA ME GNAS PAS NA ZHI BA DANG ZHI MTHA' LA MI GNAS PAS NA ZHI BA NYID CES BYA'O, ,YANG NA, ZHI BA DANG PO NI BDEN GRUB KYI SPROS PA ZHI BA DANG, GNYIS PA MTSAN 'DZIN GYI SPROS PA ZHI BA'AM, YANG, DANG PO NI, LAS NYON ZHI BA DANG, PHYI MA NI MA RIG P'I BAG CHAGS ZHI BA LA BSHAD PA LTAR RO; ;NYON MONGS PA SPANGS PA'I NYAN THOS KYI MYA NGAN LAS 'DAS PA ZHI BA DANG, RANG SANGS RGYAS KYI MYA NGAN LAS 'DAS PA DANG, LEGS PAR MYA NGAN 'DAS PA SANGS RGYAS KYI CHOS SKU DANG NYE BA BYANG SEMS KYI MYANG 'DAS YIN LA, DE DAG NI NYON MONGS PA SPANGS PA TZAM YIN GYI, 'GRO BA THAMS CAD KYI GNAS SKABS DANG MTHAR THUG GI BDE BA MTHA' DAG SGRUB PA DANG, SDUG BSNGAL MTHA' DAG SEL BA MTHAR PHYIN PAR GYUR PA NI SANGS RGYAS NYID YIN NO, ,BSHAD MTHAG PA'I CHAGS BRAL NYAN RANG GI MYANG 'DAS LA GNAS PA'I DMAN PA'I LUS 'DAS PA PO SANGS RGYAS KYI CHOS KYI SKU NI, GNOD PAS MI THUS PAS THUB PA MED PA DANG, GNAS TSUL JI BZHIN MTSON PA'I DPE MED PA DANG, GTING ZAB PAS NA ME MNGON PA DANG, DBANG PO'I SHES PA'I YUL MIN BSAN MI SNANG BA DANG, RANG BZHIN GYIS 'OD GSAL BA YIN GYI, RKYEN GZHAN GYI GSAL BYED LA BLTOS PA MIN PA'O, ,GZHAN YANG, CHOS SKU STONG PA NYID DE CHA MED CES PA LTAR NA, GZUGS @022A *, ,CAN LTAR PHYOGS KYI DBYER BA MED PA DANG, MI 'GYUR ZHES PA LTAR NA, NGO BO MI 'GYUR BAS GNAS PA'O, ,NAM MKHA' LTAR KUN DU KHYAB PA'I TSUL GYIS 'GRO ZHING KHYAB PA PO DANG, RTOGS PAR DKA' BA'I PHYIR PHRA MO DANG, MA RIG PA SOGS KYI SA BON GYI ZAG PA MED PA DANG, RANG GI NGO BO LA DRI MA MA ZHUGS PAS NA, RDUL MED PAS RANG BZHIN RNAM DAG DANG, GLO BUR GYI DRI MA'I RDUL DANG BRAL ZHING DRI MA MED PAS GLO BUR RNAM DAG DANG LDAN LA, GLO BUR GYI DRI MA NYON MONGS PA'I NYES PA SPANGS PA DANG, SHES BYA'I SGRIB PA'I SKYON MED PA'O, ,SGRIB GNYIS KYI RMONGS PA'I GNYID LAS SHIN TU SAD PA'I YE SHES KYIS SHES BYA THAMS CAD MNGON SUM GZIGS PAS NA, SAD PA'I BDAG NYID CAN NO, ,YE SHES DES JI LTA BA KUN SHES SHING JI SNYED PA KUN RIG PA DANG, DAM PA PO STE MCHOG CES BYA'O, ,YE SHES DE NI PHYI ROL GYI CHOS SUM ZAD, NANG RNAM PAR SHES PA'I CHOS NYID LA BDEN PAR 'DZIN BA LA 'DAS NAS, YE SHES MTHAR THUG GNYIS SU MED PA'I YE SHES KYI TSUL 'CHAD PA'O, ,YE SHES DE NYID KYI 'PHRIN LAS RNAM PAR RTOG PA MED PA STE, 'BAD RTZOL? MED PAR LHUN GYIS GRUB PAR 'BYUNG NGO, ,'DAS MA 'ONGS DA LTA'I DUS GSUM GYI SANGS RGYAS RNAMS KYANG 'PHRIN LAS DE LTA BUS SEMS CAN GYI DON BYED PA'O, ,RGYA 'GREL KHA CIG TU, RJE BTZUN GYIS DUS GSUM GYI SANGS RGYAS THAMS CAD KYI 'PHRIN LAS BYED PAR 'CHAD LA 'GAL ZHIG TU, DUS GSUM RGYUN MI 'CHAD PAR YE SHES CHOS SKU'I BDAG RKYEN LAS SANGS RGYAS KYI 'PHRIN LAS 'BYUNG BAR BSHAD, SANGS RGYAS KYI CHOS SKU STONG BA NYID NI, NAM MKHA' LTAR KHYAB PA'I PHYIR THOG BA'I MTHA' DANG, THA MA'I MTHA' MED PA ZHES BYA STE, SEMS CAN THAMS CAD KYI SEMS RANG BZHIN GYIS RNAM PAR DAG PA GLO BUR GYI DRI MA DANG BRAL BA'O TSE CHOS? KYI SKUR GYUR PA'I PHYIR RO, ,DE YANG SEMS CAN DANG SANGS RGYAS GNYIS KA'I SEMS RANG BZHIN BYIS RNAM PAR DAG PA RIGS GCIG PA LA DGONGS SO, ,YANG THOG MAR SANGS RGYAS PA'I TSEG SAR DU @022B THOB PA'I CHOS KYI SKU NI, DANG PO'I SANGS RGYAS YIN LA, DE NI 'JIG PA MED PA'I 'DUS MA BYAS YIN PA'I PHYIR, SKYE BYED KYI RGYU MED PA'O, ,LA LAR RES MED PA'I DON DU 'CHAD DE, DE YANG THOG MA'I SANGS RGYAS DE NYID, RIGS GZHAN GYI 'BYIN PA BO YIN PAS DA NI RIGS THAMS CAD LA KHYAB PA'I RIS SU MA CHAD PA'O ZHES BSHAD, DE'I THUGS GNYIS SU MED PA'I YE SHES KYI MIG RNAMS NI GCIG TU DRI MA MED PAR MTSUNGS PA KHO NA'O, ,GCIG CES PA'I DON NI, STONG PA NYID DANG RO GCIG TU ZHUGS PA'I YE SHES SAM, GNYIS SU MED PA'I YE SHES ZHES BYA BA'ANG YIN NO, ,DE LTA BU'I YE SHE SDANG NGO GCIG PA'I SKU GANG LA LDAN PA NI, YE SHES KYI LUS CAN TE, DE NI DE BZHIN GSHEGS BA ZHES BYA'O, ,'DI DAG GIS RJE BTZUN NYID KYI DE MNGON DU BYAS PAR DON GYI BSTAN TO, ,YE SHES KYI SKU CAN DE'I GSUNG YANG 'DI LTA BU DANG LDAN PA 'BYUNG BA STE, SKAD THAMS CAD KYI CHOS STON PAS TSIG GI DBANG PHYUG ,BRJOD PA RNAMS LA THOGS PA MED PAS SMRA BA CHEN PO, ,SMRA BA PO THAMS CAD KYI MCHOG YIN PAS SMRA BA'I SKYES MCHOG, SMRA BA LA 'GRAN ZLA MED PAS SMRA BA'I RGYAL PO, ,CHOS SMRA BA THAMS CAD KYI NANG NAS SMRA BA'I DAM PAR GYUR PAS SMRA BA'I DAM PA, BLA NA MED PA'I GO 'PHANG THOB BYED KYI THABS STON PAS MCHOG GI GNAS, SMRA BA'I TSE GZHAN LA 'JIGS PA MED PAS SMRA BA'I SENGGE, RGOL BA GZHAN GYIS GLAGS MI NUS PAS TSUGS BA MED PA'O, ,DE DAG LA MU STEGS TSANGS PA SOGS DANG, NYAN RANG GI SMRA BA LAS KHYAD PAR 'PHAGS TSUL SO SOR SBYAR NAS BSHAD PA'ANG SNANG SKU'I CHED NI, 'GRO BA GZHAN GYIS KUN TU LTA BA STE LEGS PAR BLTAS NA MCHOG TU DGA' BA THOB PA'O, GCIG TU SHUGS RJES 'GRO BA LA BLTA BA DANG, LA LAR STONG NYID LA LTA BAR DGA' BA'I DON DU'ANG 'CHAD DO, ,SKU LA GZIG BRJID KYI 'PHRENG BA 'BAR BAS LTA NA MYUR PA STE MA THONG NA DGA' BA DANG, SKU LAS 'OD LNGE'I KHO DON BZANG PO 'BANG BA STE 'PHRO ZHING, THUGS KA NI DPAL GYI @023A *, ,BE'US BRGYAN PA STE MTSAN GZHAN YANG MTSON NO, ,LAG NA 'OD 'BAR SNANG BA PO NI, PHYAG LAS 'OD ZER 'BAR BA LA 'CHAD PA DANG, DE LAS GZHAN DU BSHAD PA'ANG YOD, SEMS CAN GYI NYON MONGS PA'I NAD SEL BAS NA SMAN PA CHEN PO, ,SDUG BSNGAL GSUM GYI NAD THAMS CAD BZHI BAR BYED BAS NA MCHOG , DE LTAR BYED PA KUN GYI NANG NAS GTZO BO STE, SDUG BSNGAL GYI ZUG RNGU MA LUS BDRUNG NAS 'BYIN PA LA BLA NA MED PA'O, ,SMAN RNAMS MA LUS PA 'BYUNG BA'I LJON PA'I SHING CHEN PO BZHIN DU NYON MONGS PA'I NAD KYI GDUNG BA THAMS CAD ZHI BAR BYED PA'I PHYIR NA, DE'I DGRA CHE BA'O, ,KUN GYI YID DU 'ONG BAS NA SDUG GU STE, 'JIG RTEN GSUM GYI MCHOG GAM DAM PAR GYUR BA'O, ,DPER NA, RGYU SKAR RNAMS KYIS ZLA BA'I DKYIL 'KHOR BSKOR NAS MDZES PA DE BZHIN DU, DPAL LDAN STE PHUN SUM TSOGS PA RGYU SKAR LTA BU'I 'KHOR GYI DKYIL 'KHOR GYIS BSKOR BAS NA CAN TE LDAN PA'I DON NO, ,'DIR PHYIL ZLA NYI RGYU SKAR SOGS SU SPRUL NAS DON BYED PAR BSTAN CING, NANG DU YE SHES KYIS STOBS KYIS MI MTHUN PHYOGS ZIL GYIS GNON PAR BSTAN LA, DUS KYI 'KHOR LO'I LUGS SU PHYI ?KLING ?? NYI ZLA SOGS DANG, NAD DU DE DANG TSES MTHUN PA'I LAM BSGOM PA LA BSHAD, BRJOD MA THAG LTA BU'I SKU DANG 'KHOR GYIS PHYOGS BCU NAM MKHA'I MTHAR THUG PA STE MTHA' JI SRID KYI BAR DU, LUNG DANG RTOGS PA'I TSES KYI RGYAL MTSAN LEGS PAR 'JUGS BAR MDZAD DO, ,RGYA 'GREL KHA CIG TU 'DI DAG GI SKABS SU DON GZHAN 'GA' RE BSHAD KYANG MA BRIS, GDUGS KYI TSA BAS GDUNGS BA LAS SKYOB BA DE BZHIN DU, 'GRO BA RNAMS NYON MONGS PA'I TSA GDUNGS LAS SKYOB PAR BYED PA'I PHYIR 'GRO BA'I KHAMS NA GDUGS GCIG BU YANGS PA RGYA CHE PHA LTA BU STE, DE GANG ZHE NA, BYAMS PA DANG SNYING RJE'I DKYIL 'KHOR CAN GYI DPAL LDAN TE DE NYID DO, ,'KHOR BA LA MA CHAGS PAS PADMA DANG MTSUNGS PA'I BYAMS SNYING RJE'I ZLOS GAR GYI BDAG NYID CAN NO, ,GAR NI, THABS SNA TSOGS KYIS 'GRO BA'I DON BYED @023B PA BA'ANG BSHAD LA, PADMA GAR GYI DBANG PHYUG GI GZUGS SU 'DZIN PAR YANG 'CHAD DO, ,BYAMS PA DANG SNYING RJES SEMS CAN THAMS CAD KYI DON BYED PAS NA KHYAB BDAG CHEN PO CES PA STE, 'DOD PA SGRUB PAS RIN PO CHE DANG 'DRA LA, GDUNG BA SEL BAS GDUGS DANG MTSUNGS SO, ,RIN PO CHE'I GDUGS DANG 'DRA BAR BYAS KYANG MI 'GAL LA, RGYA 'GREL PHAL CHER LAS RJE BTZUN NYID LA SBYAR ZHING, LA LAR NYAMS LEN GYI SKABS SOGS CI RIGS LA SBYAR RO, ,SANGS RGYAS KUN GYI RGYAL BA CHE, ,ZHES PA LTAR NA LONGS SKU NI SANGS RGYAS THAMS CAD KYI GTZO BO'AM RGYAL PO LTA BU'I DON TE, DE YANG RIGS KYI BDAG PO YIN PA'O, ,SANGS RGYAS KUN GYI GZI BRJID CHE, ,ZHES 'BYUNG BA LTAR NA LONGS SKU DE MTSAN DPE GSAL RDZOGS KYI MA SBRAS PA LA BSHAD DO, ,RIGS THAMS CAD KYI BDAG PO YIN BAS NA, SANGS RGYAS KUN GYI SKU RANG GI NGO BOR 'CHANG BA'O, ,LONGS SKU'I DBANG DU BYAS TSE SANGS RGYAS THAMS CAD KYI SKU'I YON TAN 'CHANG BA LA BSHAD, GNYIS SU MED PA'I YE SHES KYI RNAL 'BYOR RANG GI BDAG NYID DU 'DZIN PAS NA SANGS RGYAS KUN GYI RNAL 'BYOR TSE ZHES SAM, DE LTA BU'I RNAL 'BYOR STON PAR BYED PA'I PHYIR YANG DE LTAR RO, ,SANGS RGYAS THAMS CAD KYI GNYIS SU MED PA'I YE SHES NYID STON PAR MTSUNGS PAS NA SANGS RGYAS KUN GYI BSTAN PA GCIG PA'O, RDO RJE RIN CHEN DBANG BSKUR DPAL TE RDO RJE'I RIGS DANG, RIN CHEN KUN BDAG DBANG PHYUG STE RIN PO CHE'I RIGS DANG, 'JIG RTEN DBANG PHYUG KUN GYI BDAG NI PADMA'I RIGS DANG, RDO RJE 'CHANG BA KUN GYI RJE NI LAS KYI RIGS DANG, SANGS RGYAS KUN GYI THUGS CHE BA NI, DE BZHIN GSHEGS PA'I RIGS SU BSHAD PA YANG SNANG LA, LA LAR BUM PA'I DBANG BSKUR BA SOGS LA SBYAR BA'ANG 'DUG MOD, 'ON KYANG 'DI LTAR BSHAD PA BZHIN BYA STE, RDO RJE RIN CHEN NAM RIN PO CHE DANG, MTSUNGS PA'I GNYIS SU MED PA'I YE SHES KYIS DBANG BSKUR BA'I DPAL DANG LDAN ZHING, RIN CHEN LTA BU'I RIGS KUN GYI BDAG PO STE DE @024A *, ,LA DBANG BSKUD BAS DBANG PHYUG STE ZHES BYA ZHING, YANG 'JIG RTEN GYI DBANG PHYUG GZHAN KUN GYI BDAG POR GYUR PA DANG, RDO RJE 'DZIN PA THAMS CAD KYI GTZO BO YIN PAS NA RDO RJE 'CHANG BA KUN GYI RJE'O, ,SANGS RGYAS THAMS CAD KYI THUGS RDO RJE'I NGO BO NYID PAS NA, SANGS RGYAS KUN GYI THUGS CHE BA DANG, SANGS RGYAS KUN GYI THUGS LA GNAS PA'ANG YIN NO, ,SANGS RGYAS THAMS CAD KYI SKU RDO RJE'I BDAG NYID YIN BAS NA SANGS RGYAS KUN GYI SKU CHE BA YIN LA, SANGS RGYAS THAMS CAD KYI GSUNG RDO RJE'I NGO BO YIN PA'I PHYIR NA, SANGS RGYAS KUN GYI GSUNG YANG YIN NO, ,GNYIS SU MED PA'I YE SHES KYI RDO RJE NYI MA LTA BU'I MA RIG PA'I MUN PA BSAL NAS SNANG BA CHE LA, THUGS RJE CHEN PO'I RDO RJE ZLA BA LTA BUS GDUL BYA LA PHAN BDE SGRUB PAS DRI MA MED PA'I 'OD CHAGS PA'O, ,YANG NYON MONGS PA'I GDUNG BA BSIL BAR BYED PAS NA ZLA BA'O, ,RDO RJE NYI MA DANG ZLA BA LA BSHAD PA'I RNAM GRANGS KHA CIG NYI MA RIG MA DANG, KHAMS DMAR BO LA BYED, ZLA BA NI SGRUB PA PO DANG; KHAMS DKAR PO LA BYED PA'ANG SNANG, NYON MONGS PA'I CHAGS PA DANG BRAL BA LA SOGS YIN NA'ANG, SEMS CAN THAMS CAD LA BRTZE BAS RJES SU CHAGS PA CHE BA'O, ,YANG NA CHAGS BRAL GYI LAM MAM PHA ROL TU PHYIN PA'I THOG PA DANG, CHAGS BCAS KYI LAM MAM SNGAGS KYI THEG PA STON PA LA BSHAD PA LTAR RO, , DANG PO DANG, LA SOGS ZHES GNYIS LA BSGYUR BA YANG SKAD DONG GCIG PA YIN PA'I DBANG DU BYAS LA, RGYA 'GREL RNAMS SU SOGS KYI DON DU BSHAD DO, ,YE SHES LNGA'I RANG BZHIN KHA DOG SNA TSOGS PA 'BAR BA'I 'OD LNGA 'PHRO BA CAN DANG, YANG, SNA TSOGS PA'I GZUGS STON PA'I DON DU BSHAD PA LTAR RO, ,THABS SHES DBYER MI PHYED PA'I RTAGS SU RDO RJE'I SKYIL KRUNG GIS BZHUGS PA STE, RDZOGS PA'I SANGS RGYAS SH'AKYA THUB PA NI RDO RJE SKYIL KRUNG GIS SANGS RGYAS BA'I TSUL STON PA LTA BU'O, ,'DIR SBAS DO NI GYI BSHAD PA GZHAN YOD KYANG MA BRIS, SANGS RGYAS RNAMS KYIS BRJOD PA STE BSTAN PA'I DAM PA'I CHOS MA LUS PA 'DZIN BAR MDZAD @024B LA; DPAL DANG LDAN PA'I SANGS RGYAS BCOM LDAN 'DAS 'JAM DPAL NI, 'DAM GYIS MA GOS PA'I PADMA DANG 'DRA BAR DRI MA MED PA'I BDAG NYID DU SKYES SHING, SHES BYA KUN MKHYEN PA'I YE SHES KYI MDZOD 'DZIN PA'O, ,BZHAD BA TZAM GYIS 'DOD RGUR DBANG BSGYUR BA'I RGYAL BO SPRUL PA SNA TSOGS STON PA'I SGYU 'PHRUL SNA TSOGS PA 'CHANG ZHING, RTOGS PA'I YON TAN CHE BA SANGS RGYAS KYI RIGS SNGAGS THABS DANG SHES RAB DANG YE SHES MTHAR THUG PA 'CHANG BA DANG, GNYIS SU MED PA'I LHAN SKYES KYI YE SHES RDO RJE RNON PO NI, MI MTHUN PHYOGS THAMS CAD GCOD PAR BYED PA'I PHYIR RAL GRI CHE NA PO'O, ,YI GE MA CHOG STE ZHES PA LA GNYIS LAS, DANG PO NI, YI GE DH'I: LA BYED PA DANG, AA YIG LA BYED PA'I TSUL GNYIS YOD DO, ,GNYIS PA NI, YI GE'I SKAD DOD AA KshA RA NI MI 'GYUR PA'I DON LA BSHAD PA LTAR, 'GYUR BA MED PA'I YE SHES KYI SKU LA BYED DO, ,DE LTA BU'I SKU DE NYON MONGS PA SOGS KYI DRI MAS RNAM PAR DAG PA'O, ,GSANG SNGAGS KYI THEG PA CHEN PO'I LAM GYIS SEMS CAN THAMS CAD KYI SDUG BSNGAL RGYUN GCOD PAR BYED CING, LAM DE LA MTSON CHA CHEN PO ZHES BYA STE, DES SDUG BSNGAL RGYU DANG BCAS PA RGYUN GCOD PA'I PHYIR RO, ,GNYIS SU MED PA'I YE SHES KYI CHOS YIN PAS NA RDO RJE CHOS ZHES BYA ZHING, DES YUL STONG PA NYID MNGON SUm DU RTOGS PAS NA RDO RJE ZAB MO DANG, NYON MONGS PA LAS RGYAL BA'I NYAN RANG GI YE SHES LAS KYANG GONG DU 'PHAGS PAS NA RGYAL BA STE, DZI NA DZI KA KYANG DON DE LTAR RO, ,DE 'DRA'I RDO RJE LTA BU'I BLO GROS KYI SHES BYA JI LTA JI SNYED KYI DON JI LTA BA BZHIN DU RIG PA DANG, SBYIN SOGS KYI PHA ROL TU PHYIN PA KUN RDZOGS PA DANG, SA BCU MTHAR PHYIN PA'I YON TAN DANG LDAN BAS NA, MA RNAMS KUN GYI RGYAN DANG LDAN PA STE, 'DI LA PHAR PHYIN THEG PA DANG, SNGAGS KYI KHYAD PAR GYIS SA'I DBYE BA MANG NYUNG YOD KYANG, KHOG 'DRA'O, ,RANG BZHIN GYIS RNAM PAR DAG PA BDAG MED PA'I CHOS MNGON SUM DU RTOGS PA YANG DAG PA'I YE SHES NI DRI MA MED PA'I ZLA BA'I 'OD LTAR BZANG ZHING @025A *, ,'OD GSAL BA YIN LA, DE BRTZON 'GRUS CHEN PO BSGRUBS PAS SBRUL PA SNA TSOGS STON PA'I SGYU 'PHRUL DRA BA'I SKUR SANGS RGYAS PA STE, SBRUL BA SNA TSOGS STON PA'I DON DU'ANG BSHAD CING, SBRAS? DON GYI BSHAD PA GZHAN YANG SNANG, DE 'DRA'I YI SHES DANG SKU STON PA'I MTSAN BRJOD KYI RGYUD 'DI NI, RGYUD SDE 'OG MA'AM BZHI PO KUN GYI BDAG PO RGYAL PO MCHOG YIN TE, BDE STONG DBYER MED KYI YE SHES RDO RJE'I GDAN TE YE SHES DE SKYE BA'I GZHI 'AM THABS KYI KHYAD PAR NI MA LUS PA DANG LDAN PAS SO, ,'ON KYANG, 'DIR RGYUD KYI BDAG PO NI 'JAM DPAL NYID LA BYAS PA SOGS KYANG SNANG, CHOS DBYINGS YE SHES SOGS YE SHES LNGA 'DUS PA'I BDAG NYID CAN GYI SKU YIN PAS NA SKU RNAMS MA LUS PA 'CHANG BA STE, SKU DE NI NYES PA THAMS CAD DANG BRAL ZHING YON TAN GYI RIGS RDZOGS PAS NA KUN TU BZANG PO ZHES BYA LA, GZHAN LA PHAN BDE SGRUB PA'I GNAS THAMS CAD MKHYEN PAS SAM, YANG, DRI MA MED PA'I YE SHES KYI BDAG NYID CAN YIN PAS NA BLO GROS BZANG PO'O, ,MAS NI 'GRO BA RNAMS GNAS PA'I RTEN BYED CING 'DZIN PA DE BZHIN DU, ,RJE BTZUN GYIS 'GRO BA RNAMS RJES SU 'DZIN PAS NA SA YI SNYING PO 'GRO BA 'DZIN PA STE, 'DI LA BSHAD TSUL MI 'DRA BA NI, RJE BTZUN SNOD KYI 'JIG RTEN DU SPRUL NAS 'GRO BA RTEN PAS NA 'GRO BA 'DZIN PA DANG, YANG, SA'I SNYING PO NI LUS KYI KHAMS DVANGS MA BYANG SEMS LA BYAS NAS, DE PHYIR MI 'PHO BAR 'DZIN PAS NA, 'GRO BA 'DZIN CES BSHAD PA'ANG SNANG, SANGS RGYAS BCOM LDAN 'DAS RNAMS 'DUS PA'I BDAG NYID DE DAG BSKYED PA'I RGYUR GYUR PAS NI, SANGS RGYAS KUN GYI SNYING PO CHE ZHES BYA LA, GDUL BYA 'DUL BA'I PHYIR DU GANG LA GANG 'TSAM GYI SPRUL BA'I 'KHOR LO SNA TSOGS PA 'CHANG BA STE, 'DI LA LHA'I DKYIL 'KHOR SNA TSOGS SPRUL PA LA'ANG BSHAD, CHOS RNAMS KYI DNGOS PO KUN GYI RANG BZHIN STONG PA NYID GANG YIN PA DE LA MCHOG CES BYA ZHING, DE LAS CHOS KYI DNGOS PO KUN GYI RANG BZHIN STONG PA NYID KYI NGO BO RTEN 'BREL GYI SNANG BA SNA TSOGS 'CHAN BLA?? @025B NA 'DZIN PA STE, DE YANG RANG BZHIN GYIS SKYE BA MED PA'I CHOS STONG PA NYID DE NYID LAS 'KHOR 'DAS SOGS SNA TSOGS PA'I DON CAN DU 'CHAR BAS SNANG STONG TSOGS PA SGYU MA LTA BU'O, ,DE 'DA'I CHOS KUN NI RANG BZHIN GYIS MED PA NYID YIN PAS NA NGO BO NYID 'CHANG BA STE, DNGOS RNYED NGO BO GNYIS NI 'DZIN PAR 'GYUR, ZHES PA DANG 'DRA'O, ,JI SKAD BSHAD PA'I JI LTA JI SNYED KYI CHOS THAMS CAD SKAD CIG GIS KHONG DU CHUD PA'I YE SHES MNGA' BA NI SHES RAB CHEN POS SKAD CIG LA, CHOS KUN KHONG DU CHUD PA 'CHANG BA STE, YE SHES KYIS BDEN GNYIS DUS GCIG CAR DU GZEGS PA'O, ,CHOS KUN DE LTAR RTOGS PA DE YANG MNGON PAR RTOGS PA STE MNGON SUM RTOGS PA NYID YIN GYI DON SPYI'I TSUL GYIS MA YIN PA'O, ,DE 'DRA'I YE SHES DANG LDAN PA'I THUB PA DE'I BLO MCHOG NI, YANG DAG PA'I MTHA' STE MTHAR THUG PA'I YE SHES SO, ,RGYA 'GREL KHA CIG TU 'BYUNG BA MTHA'I DON DU BSHAD LA, 'BYUNG BA YANG, GNOD PA LAS SAM, 'KHOR BA LAS 'BYUNG BA'I DON DU BYAS PA'ANG SNANG, RNAM RTOG GYI MI BSKYOD PAS NA MI G-YO ZHING DRI MA'I RNYOG PA DANG BRAL BAS YUL GSAL BAR MTHONG BA RAB TU DANG BA'I BDAG NYID CAN GYI RDZOGS PA'I SANGS RGYAS KYI BYANG CHUB NYID 'CHANG BA STE, MNGON DU BYES PA'AM 'DZIN PA'O, ,SANGS RGYAS KUN GYI MNGON SUM PA STE, MNGON DU BYAS PA'I GNYIS SU MED PA'I YE SHES KYI MI LCES MA RIG PA'I MUN PA BSAL NAS SHES BYA THAMS CAD LA RANG GI 'OD RAB TU GSAL BA STE MNGON DU GZIGS PA YIN NO, ,YE SHES KYI YUL GZIGS TSUM YANG YANG ZLOS NAS BSHAD... SNANG BA NI, 'GAL BAR MI BSAM STE, 'GA' ZHIG RTEN SO SO DANG, LA LA YE SHES KYI NGO BO DANG, KHA CIG 'PHRIN LAS SOGS KYI DBANG DU BYAS PA'O, ,ZHES PA NI, LE'U BRGYAD PA'I BSHAD PA'O,, ,,BZHI PA MNYAM NYID YE SHES NI, 'DOD PA'I DON GRUB DAM PA STE, ,NAS NOR BU CHEN PO RIN CHEN TOG ,CES SO, ,RANG GZHAN GYI 'DOD PA'I DON GRUB DAM PA STE SANGS RGYAS KYI GO 'PHANG BRNYES PAS NGAN SONG GSUM PO THAMS CAD KYI SDUG BSNGAL RGYU DANG BCAS PA RNAM PAR? @026A *, ,SBYONG BAR MDZAD BA'I MGON PO SEMS CAN KUN GYI MCHOG TU GYUR PA DES, SEMS CAN THAMS CAD RANG RANG GI SKYAL PA DANG 'TSAM BAR RAB TU GROL BAR BYED PA YIN TE, DE YANG NYON MONGS PA'I DGRA 'JOMS PA'I PHYIR NA G-YUL DU 'JUG PA LA GCIG TU DPA' BA'AM DPA' BA GCIG PU YIN LA, MI SHES PA'I RMONGS PA BAG CHAGS DANG BCAS PA'I DGRA'I DREGS PA 'JOMS PAR MDZAD PAS MO, ,DGRA'I DREGS PA NI MU STEGS SOGS LA BYAS PA'ANG SNANG, SPRUL SKU'I MDZAD PA NI, GDUL BYA 'DUL BA'I THABS MKHYEN PA'I BLO DANG LDAN ZHING, RGYAN CHA LUGS DANG LDAN PAR STON PAS SGEG 'CHANG DANG, NUS MTHA'I DPAL DANG LDAN PA'I DPA' BO MI SDUG PA'I GZUGS 'CHANG BA'I KHRO BO'I GZUGS CAN DU SPRUL NAS 'GRO BA'I DON BYED LA, DE YANG 'GA' ZHIG TU DPA' PO'I DOD DU BRTEN PO ZHES BTON NAS BSHAD, DE LTA BU'I SPRUL PA MTSON CHA SNA TSOGS PA THOGS PA'I LAG PA BRGYA PO KUN BSKYOD PAR BYE CING, ZHABS KYI GOM PA'I STABS KYIS GAR BYED PA STE, DPAL LAm PHUN SUM TSOGS PA DANG LDAN PA'I LAG PHA BRGYA SPRUL NAS GANG BA LA, NAM MKHA' KHYAB PAR GAR BYED PA'O, ,'DIR LAG PA'I DBYUG PA ZHES PA NI, PHAL CHER LAS LAG PA BRGYA PO ZHES 'BYUNG BAS DE BZHIN DU BSHAD DO, ,LAG PA BRGYA PO NI, TSANGS BA 'DUL BA'I CHED DU SPRUL PAR BSHAD LA, KHA GCIG TU SA CHOG GI SKABS SU GAR BYED PA DANG SBYAR NAS KYANG BSHAD DO, ,STONG GSUM GYI SA YI DKYIL 'KHOR CHEN PO'I GZHI YI KHYON 'DI RKANG PA YA GCIG GI MTHIL GYIS GNON PAR MDZAD CING, DER MA ZAD RKANG PA'I MTHEB STE MTHE BONG GI SEN MO GCIG GI KHYON KYIS KYANG TSANGS PA'I YUL SA STONG GCIG GI 'JIG RTEN KHYAB PA'I RTZE NAS GNON PAR BYED DO, ,'DI DAG LA SBAS DON GYI BSHAD PA RDZOGS RIM GYI SKABS DANG SBYAR BA'ANG YOD DO, ,DE LTAR NUS PAR MA ZAS, ZUNG 'JUG BRNYES PA'I GANG ZAG GIS RDUL PHRA MO GCIG @026B GI GO SANG STONG GSUM SHONG BAR BYED NUS LA DE'I TSE RDUL CHE DU MA SONG ZHING, STONG GSUM CHUNG DUR 'ANG MI 'GRO BAR BSHAD DE, DE YANG JI SKAD DU, RDUL GCIG STENG NA RDUL SNYED SANGS RGYAS RNAMS, ,ZHES DANG, SKRA TZAM KHYON LA DUS GSUM TSAD SNYED KYI, ,ZHES SOGS GSUNGS PA LTAR RO, ,DON MTHAR THUG PA GCIG CHOS KYI SKU STONG PA NYID DE NI, KUN RDZOB DANG NGO BO GNYIS SU MED PA CHOS KYI DE KHO NA NYID KYI DON ZHES BYA LA, SKU DE NI DAM PA'I DON GYI SKU YI TE, GNOD PAS 'JIGS PA MED PA'I DON DAM GYI SKU YIN BAS SO, ,CHOS SKU DE LA RNAM RIG STE MOS PA SNA TSOGS PA'I NGO BOR DE DANG MTHUN PA'I GZUGS KYI DON CAN DU SNANG NGO, ,'ON KYANG, RNAM RIG ZHES PA SEMS DANG, SNA TSOGS NI SGO LNGA'I RNAM SHES LA BYED PA YANG SNANG BAS 'DI LTAR BYED NA, SEMS DANG RNAM SHES GNYIS KYANG DE LTAR BYED PA DANG 'BREL LO, ,SNGA MA LTAR BYAS NA'ANG, SEMS YID DANG DBANG PO'I RNAM PAR SHES PA'I RGYUD DANG LDAN PA'I 'GRO BA RNAMS KYI DNGOS KYI DON MA LUS PA RNAMS BYED B'I GZUGS 'DZIN PA LA DGA' BA STE, 'GRO BA'I DON LA DGA' BAR YANG BSHAD, DE LTAR 'KHOR BA'I DON BYED PA MI GTONG YANG, STONG PA NYID LA MNYAM PAR 'JOG PA LA DGA' BA'I MCHOG GI BLO DANG LDAN NO, ,SRID PAR SEMS CAN GYI DON DU SNANG YANG SRID PA'I 'DOD CHAGS LA SOGS PA LAS 'DAS PA'O, ,DE LAS 'DAS KYANG SRID PA GSUM GYI SEMS CAN KUN GYI DON LA DGA' BA CHEN PO PA'O, ,DE DAG NI SPRUL SKU DANG CHOS SKU GNYIS CI RIGS KYI? DBANG DU BYAS PA STE, LONGS SKU'I DBANG DU BYAS NA, DPER NA, SPRIN DKAR PO DAG BA DE BZHIN DU, LONGS SKU'I KHA DOG KYANG DKAR ZHING DAG PA'O, ,DKAR BZHI MTSON PA TZAM YIN LA, KHA GCIG TU DKAR BA NI DAG PA'I DON DU'ANG BSHAD, SKU LAS 'OD BZANG PO STON KA'I ZLA BA'I 'OD BZHI DU 'PHRO LA, 'OD DE YAR 'KHOR YUG DANG LDAN PA NI, NYI MA 'CHAR KA'I DKYIL LTAR MDZES SHING, PHYAG GI SEN MO LAS 'PHRO BA'I 'OD NI SHAS CHER DMANG BA'O, ,SPYI BO'I DBU SKRA THOB COG @027A *, ,TU BCINGS PA'I COD PAN BZANG PO NI NOR BU MTHON KA STE AINTRA N'I YA'I RTZE MO LTA BU DANG, DBU SKRA MCHOG GI MDOG KYANG NOR BU MTHON GA CHEN PO DBANG SNGON GYI MDOG LTA BU 'CHANG BA'I COD PAN GYI RTZER NOR BU CHEN PO 'OD CHAGS PA'I DPAL GYIS MDZES LA, SANGS RGYAS SPRUL PA'I RGYAN DANG LDAN, ZHES PHA LA DON GNYIS KYI DANG PO NI, SANGS RGYAS LONGS SKUR RANG NYID LA BYAS NAS RGYAN NI MTSAN DANG DPE BYAD LA BYAS PA DANG, GNYIS PA NI SPRUL PA DPAG TU MED PA SPRUL PA'I DON DU BSHAD DO ,DE LA NUS PA NI, 'JIG RTEN GYI KHAMS BRGYA KUN NAS BSKYOD PA STE G-YO BAR MDZAD PA'I RDZU 'PHRUL GYI RKANG PA'I STOBS CHEN PO DANG LDAN TE, RDZU 'PHRUL GYI RKANG PA BZHI MTHAR PHYIN PA'O, ,DE LTA BU'I RDZU 'PHRUL DE NYID LA NYAMS PA MI MNGA' BA'I DRAN PA CHEN PO 'CHANG BA STE, 'DI DE KHO NA NYID LA GNAS PA MI BRJED PA'I DON DU BSHAD PA'ANG SNANG, DRAN PA BZHI PO NI, DRAN PA NYER BZHAG BZHI LA BSHAD PA DANG, DGON MCHOG GSUM DANG GTONG BAR RJES SU DRAN PA BZHI LA BSHAD PA GNYIS SNANG STE, DE NI TING NGE 'DZIN GYI RGYAL PO LTA BU STE GTZO BO'O, ,DRAN PA YANG DAG BYANG CHUB KYI YAN LAG SOGS BYANG CHUB KYI YAN LAG BDUN NI, 'PHAGS PA RNAMS DGYES PA BSKYED PA'I PHYIR ME TOG DANG SPOS ZHES BYA'O, ,'DIR SBAS DON DU RDZOGS RIM GYI LAM BSTAN PAR BYAS NAS, ME TOG NI KHRAG DANG, SPOS NI BYANG SEMS DKAR PO LA BSHAD PA'ANG SNANG STENG DE DAG NI DE BZHIN GSHEGS PA'I YON TAN RIN PO CHE'I 'BYUNG GNAS SU GYUR PAS NA MTSO'O, ,YANG DAG PA'I LTA BA SOGS 'PHAGS PA'I LAM GYI YAN LAG BRGYAD KYI TSUL TE, MDOR NA SANGS RGYAS SU BGROD THABS KYI LAM BYANG PHYOGS SO BDUN PO THAMS CAD JI LTA BA BZHIN DU RIG PA'I PHYIR NA, YANG DAG PAR RDZOGS PA'I SANGS RGYAS KYI LAM RIG PA STE MKHYEN PA ZHES BYA BA NI RJE BTZUN NYID LA SBYAR RO, ,SEMS CAN KUN LA BRTZE BAS SHAS CHER CHAGS KYANG, NAM MKHA' THAMS CAD LA KHYAB BZHIN DU GANG LA'ANG MA CHAGS PA LTA BUR NYON @027B MONGS CAN GYIS CHAGS PA MED DO, ,SEMS CAN KUN GYI YID DE BSAM PHA LA 'JUG GO ,'DIR BDE BA CHEN PO'I YE SHES SEMS CAN GYI RGYUD LA 'JUG PAR BSHAD PA ZHIG KYANG SNANG STE, SBAS DON DU BYAS NA MI 'GAL LO, ,SEMS CAN RNAMS KYI BSAM PA SHES PA DA YANG, SEMS CAN KUN GYI KHAMS DANG BSAM PA'I KHYAD PAR THA DAD PA RNAMS SKAD CIG GIS MKHYEN PAS NA YID LTAR MGYOGS PA'O, ,SEMS CAN KUN GYI DBANG PO RNO RTUL GYI RIM PA'I DON LEGS PAR SHES NAS CHOS BSTAN TE, DES SEMS CAN KUN GYI YID 'PHROG PAR BYED DO, ,YID LTAR MGYOGS PA NI, BRTZON 'GRUS KYIS YID LTAR MGYOGS PA DANG, SEMS CAN 'DUL BA'I DUS LAS SKAD CIG KYANG MI 'DA' BA'I DON DU BYAS PA'ANG SNANG LA, YID 'PHROG PA NI SKU MTHONG BAS YID 'PHROG PA LA BSHAD PA'ANG YOD DER MI 'GAL LO, ,CHOS BSTAN PAS GZUGS SOGS PHUNG PO LNGA'I DON GZUGS DBU BA BRDOS PA DANG, TSOR BA CHU BUR LTA BU SOGS KYANG KUN RDZOB SGYU MA LTA BU'I TSUL DANG, DE DAG SGYU MA LTA BU LAS RANG BZHIN GYIS MED PA'I DE NYID SHES SO, ,RNAM DAG PHUNG PO LNGA 'CHANG BA, ,ZHES PA LA GNYIS TE, GZUGS SOGS PHUNG PO LNGA RNAM PAR DAG PA'I YE SHES LNGA 'CHANG BA DANG, TSUL KHRIMS KYI PHUNG PO, ,DE BZHIN DU TING 'DZIN, SHES RAB, RNAM GROL, RNAM PAR GROL BA'I YE SHES MTHONG BA'I PHUNG PO LNGA 'CHANG LA 'CHAD PA GNYIS KYI DANG PO NI, THUN MONG MA YIN PA'I SKABS DANG, GNYIS PA THUN MONG BA'I SKABS DANG SBYAR BA'O, ,YE SHES LNGA NI ME LONG LTA BU'I YE SHES SOGS LNGA STE, RIGS LNGA'I BDAG NYID CAN 'CHANG BA'I DON NO, ,NGES PAR 'BYUNG BA'I THEG PA'AM LAM KUN GYI MTHANG THUG LA GNAS PAS NA MTHA' LA GNAS PA DANG, THEG PA GSUM GYI NGES PAR 'BYUNG BA KUN GYI DON LA MKHAS SHING, SDUG BSNGAL LAS NGES PAR 'BYUNG BA KUN GYI LAM MTHAR THUG PA GNYIS SU MED PA'I PA'I YE SHES LA GNAS TE, GDUL BYA LA NGES PAR 'BYUNG BA GSUM PO KUN LEGS PAR STON PAR @028A *, ,MDZAD DO, ,MA RIG PA NAS RGA SHI'I BAR GYI YAN LAG BCU GNYIS KYI SGO NAS 'KHOR BAR 'KHOR BA'I SRID PA'I RTZA BA BCAD PA'AM BTON PA STE, 'KHOR BA'I RTZA BA MA RIG PA SPANGS PAS 'KHOR BA'ANG SPANGS PA'I PHYIR RO, ,DAG PA RNAM PA BCU GNYIS 'CHANG, ,ZHES PA LA GNYIS TE, MA RIG PA 'GAG PA NAS RGA SHI 'GAG PA'I BAR GYI DAG BA BCU GNYIS 'CHANG BA DANG, MIG GI SKYE MCHED NAS YID KYI SKYE MCHED KYI BAR DRUG DANG, GZUGS KYI SKYE MCHED NAS CHOS KYI SKYE MCHED KYI BAR DRUG STE SKYE MCHED BCU GNYIS RNAM PAR DAG PA DANG LDAN PA'O, ,'DIS RJE BTZUN GYIS RANG RGYAL GYI LAM RTOGS NAS DE LA STON PA'I DON DU BSHAD DO, ,SDUG BSNGAL BDEN PA SOGS 'PHAGS PA'I BDEN PA BZHI'I TSUL GYI RNAM PA SHES PA CAN GYI SHES PA BRGYAD PO SDE 'DI LA GNYIS, SDUG BSNGAL CHOS SHES DANG, SDUG BSNGAL RJES SHES DANG, DE BZHIN DU, KUN? 'BYUNG, 'GOG PA, LAM GSUM PO RE RE LA'ANG CHOS SHES RJES SHES GNYIS SBYAR BA'I BRGYAD LA BSHAD PA DANG, MIG GI RNAM SHES SOGS DRUG DANG KUN GZHI NYON YID DE RNAM SHES TSOGS BRGYAD DAG PA LA BSHAD PA GNYIS SNANG, DE LTA BU'I RTOGS PA YANG LDAN GYIS RDZOGS PA'I RIGS MTHUN 'CHANG PA'O, ,'PHAGS PA'I BDEN PA'I DON NI RNAM PA BCU GNYIS DANG LDAN TE, DE YANG BDEN PA BZHI RE RE LA'ANG, NGO BO DANG, BYED PA DANG, BYA BA'I 'BRAS BU GSUM STE, BCU GNYIS YOD PAS, DE BCU GNYIS LAS BRTZAMS TE CHOS KYI 'KHOR LO LAN GSUM DU BZLAS TE RNAM PA BCU GNYIS SU BSKOR BA'ANG YIN NO, 'DIR KHA CIG BCU GNYIS LDAN PA NI SKYE MCHED BCU GNYIS LA BSHAD PA'ANG SNANG LA, SBAS DON GYI DBANG DU BYAS NAS BCU GNYIS LDAN PA NI DBANG BZHI DANG, SKAD CIG MA BZHI DANG DGA' BA BZHI STE BCU GNYIS LA BSHAD PA DANG, YANG BCU GNYIS PO YAN LAG BCU GNYIS LA BYAS NAS DE 'GAGS PA'I CHA BCU GNYIS LDAN PA LA'ANG 'CHAD DO, ,DE NYID RNAM PA BCU DRUG RIG CES PA LA, SDUG BSNGAL BDEN @028B PA'I MI RTAG, SDUG BSNGAL, STONG PA, BDAG MED BZHI, KUN 'BYUNG BDEN PA'I RGYU, KUN 'BYUNG, RAB SKYE, RKYEN GYI RNAM PA BZHI, LAM BDEN GYI LAM, SGRUB PA, RIG PA, NGES 'BYIN BZHI, 'GOG PA BDEN GYIS 'GOG PA, ZHI BA, GYA NOM PA, NGES 'BYUNG BZHI STE BCU DRUG RIG PA LA 'CHAD PA DANG, NANG STONG PA NYID SOGS STONG NYID BCU DRUG RIG PAR YANG 'CHAD LA, SBAS DON DU, YAS BABS MAS BRTAN GYI DGA' BA BZHI PO RE RE LA'ANG BZHI BZHIR PHYE NAS BCU DRUG BSTAN PAR BSHAD DO, ,RNAM PA NYI SHUS BYANG CHUB PA ZHES PA LA, GZUGS BDAG MA YIN ZHING SA GZUGS LA BDAG RANG NGOS NAS MED, BDAG NYID GZUGS MIN, BDAG LA GZUGS DANG BZHIN GYIS MED PA BZHI STE, DE BZHIN DU, TSOR BA, 'DU SHES, 'DU BYED, RNAM SHES, BZHI LA SBYAR BA'I 'JIG LTA NYI SHU SPANGS PA LA BYED PA DANG, STENG NYID BCU DRUG SHES PA'I STENG DU, MI LONG LTA BU, MNYAM PA NYID, SO SOR RTOGS PA, BYA BA GRUB PA'I YE SHES BZHI BSNAN TE NYI SHU LA 'CHAD PA DANG, YANG, 'BYUNG BA LNGA, PHUNG PO LNGA, NYON MONGS PA LNGA, DBANG PO LNGA STE NYI SHU PO SHES PA DANG, DE LAS GZHAN DU 'CHAD PA'ANG SNANG, PHYI MA LTAR NA, DE DAG RNAM PAR DAG PA'I CHA NAS BYANG CHUB PA'O, ,SHES BYA'I RNAM PA THAMS CAD KHONG DU CHUD PAS NA SANGS RGYAS DANG KUN REG PA'I MCHOG CES BYA LA, DE LTAR RIG PAS NA SEMS CAN GYI DON DU SANGS RGYAS KUN GYI SPRUL PA'I SKU BYE BA DPAG TU MED PA PHYOGS BCUR SPRUL NAS 'GYED PA PO STE, LONGS SKUS SPRUL PA STON PA'I TSUL LO, ,'DI DAG GI SBAS DON LA SNGAGS KYI SKABS SU 'TSANG RGYA BA'I TSUL STON PAR BSHAD DO, ,SHES BYA MTHONG BA LA GEGS BYED KYI SGRIB PA SPANGS PAS, SEMS CAN THAMS CAD KYI SEMS KYI RNAM PAR RTOG PA SKAD CIG SNGA PHYI JI SNYED CIG SKYES PA THAMS CAD MNGON PAR TE MNGON SUM DU RTOGS SHING, YANG, SEMS KYI SKAD CIG MA GCIG LA SHES BYA'I DON KUN MNGON SUM DU REG PAR MDZAD DO, ,THUN MONG DANG THUN MONG MA YIN PA'I THEG PA SNA TSOGS PA'I THABS KYI TSUL LA MKHAS PA'I TSUL GYIS 'GRO BA'I DON LA RANG RANG GI DBANG PO DANG 'TSAM PAR RTOGS PA PO STE SHES PAR BYAS NAS, DE YANG SEMS @029A *, ,CAN DE DAG NYAN THOS DANG RANG RGYAL SANGS RGYAS KYI THEG PA GSUM GYI NGES PAR 'BYUNG BA LA 'KHRID PAR MDZAD KYANG, DE DAG THAMS CAD MTHAR THUG THEG PA CHEN PO GCIG GI 'BRAS BU SANGS RGYAS KYI SAR GNAS PA MDZAD DO, ,THEG PA GCIG CES PA BLA MED KYI THEG PA LA BSHAD PA YOD KYANG, DE NI, THEG PA CHEN POR 'DUS PAS MI 'GAL LO, ,'DOD CHAGS SOGS NYON MONGS PA'I KHAMS RNAMS MA LUS PA DAG PA'I BDAG NYID CAN DANG, NYON MONGS PAS KUN NAS BSLANGS PA'I LAS KYI KHAMS RNAMS ZAD PAR BYED PA DANG, SDUG BSNGAL GYI CHU BO 'BAB PA'I 'KHOR BA'I RGYA MTSO KUN LAS BRGAL ZHING, SBYOR BA'I DGON PA NYON MONGS PA MED PA'I GNAS LAS BYUNG BA'O, ,SBYOR BA'I DGON PA NI, SPANG BYA LA BSHAD NA, 'KHOR BA'I GNAS SU SBYOR BAR BYED PA'I KUN SBYOR LA BYA'O, ,RGYA 'GREL 'GA' ZHIG TU 'KHOR BA'I DGON PA ZHES 'BYUNG LA, LAS ZHES 'BYUNG BA LTAR NA, SPANG BYA LA BYAS NA BDE YANG, PHAL CHER LAS SNGA MA BZHIN BSHAD DO, ,GZHAN YANG 'DOD CHAGS SOGS RTZA BA'I NYON MONGS PA DANG, PHRAG DOG SOGS NYE BA'I KUN NAS NYON MONGS PA BAG CHAGS DANG BCAS PA GTAN DU SPANGS PA'O, ,DE DAG NI SPANGS PA'I KHYAD PAR BSTAN PA'O, ,DMIGS MED KYI SNYING RJE CHEN PO DANG STONG NYID RTOGS PA'I SHES RAB KYI THABS DE LTA BU'I SGO NAS, DON YOD PAR GYUR PA'I LAS 'GRO BA'I DON BYED PA'O, ,BDAG TU 'DZIN PA'I 'DU SHES KUN GYI DON SPANGS SHING, RNAM PAR SHES PA'I TSOGS DRUG BDEN SNANG DANG BCAS PA'I 'KHRUL PA'I DON NI 'GOG PA STE SPANGS PA 'CHANG BA'O, ,KHA CIG TU 'GAGS PAR BYED CES 'BYUNG NGO, ,SEMS CAN KUN GYI YID KYI YUL SEMS RANG BZHIN MED PA DE, SEMS CAN KUN GYI YID LA GNAS PAS, DE SEMS CAN DUN GYI YID KYI NANG NA GNAS PA STE, SEMS CAN THAMS CAD KYI RANG BZHIN GYI RNAM PAR DAG PA YIN LA, DE NI CHOS SKUR 'GYUR BAR STON PA'O, ,'ON KYANG RKANG PA GSUM PO LA 'GYUR MI 'DRA BA'ANG SNANG BAS, DON KYANG MI 'DRA BA YOD DO, ,GZHAN YANG, YID LA GNAS PA PO NI RJE BTZUN NYID LA SBYAR BA'ANG SNANG, SEMS CAN RNAMS @029B RNAMS KYI SEMS RANG BZHIN GYIS RNAM PAR DAG PA'I RGYU MTSAN GYIS RJE BTZUN SEMS CAN DE DAG GI SEMS TE BSAM PA DANG MTHUN PAR 'JUG PAR BYED DE, RIM GYIS SANGS RGYAS KYI SAR 'GOD PA'I THABS STON PA'O, ,SANGS RGYAS KYI GNYIS SU MED PA'I YE SHES NYID, SEMS CAN GYI RGYUD LA 'JUG PAR BSHAD PA BZHIN BYAS KYANG MI 'GA' BAR SEMS SO, ,DE GNYIS GANG GI DBANG DU BYAS KYANG, ZHUGS NAS NI, SEMS CAN KUN GYI YID TSIM PAR BYED PA DANG, SEMS CAN KUN GYI YID DGA' BAR BYED DE, GRUB PA MTHA' RU PHYIN PA NI SPANGS RTOGS MTHAR PHYIN PA DANG, GRUB MTHA' KUN MKHYEN PA'I BSHAD TSUL GNYIS SNANG, DE MTHAR PHYIN PAS NA NOR PA'I 'KHRUL PA DANG LDAN PA MA YIN PA STE, NOR BA THAMS CAD RNAM PAR SPANGS PA'I PHYIR RO, ,RANG GZHAN SO SO DANG GNYIS KA'I DON GSUM PO THE TSOM MED PAR 'GRUB NGES SU BYED NUS PA'I BLO GROS DANG LDAN TE, RANG GZHAN KUN GYI DON BYED NUS PA'I YON TAN CHOS SKU LONGS SKU SPRUL SKU GSUM GYI BDAG NYID CAN GYI GO 'PHANG MNGON DU BYAS PA'I PHYIR RO, ,GZUGS SOGS KYI PHUNG PO LNGA'I DON 'DAS MA 'ONGS DA LTA'I DUS GSUM DU JI LTAR BYUNG BA DANG GNAS PA DANG, 'BYUNG BA'I GANG YIN PA RNAMS KYI DUS SNGA PHYI'I SKAD CIG PA SKYES SHING ZHIG PA DANG GNAS PA DANG 'BYUNG BA THAMS CAD KYANG, YE SHES KYI DUS GCIG LA SO SOR MA 'DRES PAR BYE BRAG PHYED PA'I TSUL GYIS MKHYEN PA'O, DES NA SKAD CIG MA GCIG GIS CHOS THAMS CAD LA MNGON PAR RDZOGS PA SANGS RGYAS PA ZHES BYA STE, DUS SKAD CIG MA THUNG NGU GCIG LA'ANG CHOS THAMS CAD MNGON SUM DU RTOGS PA'I PHYIR RO, ,SANGS RGYAS THAMS CAD KYI CHOS SKU LA RIGS MI 'DRA BA'I DBYE BA MED PA DAG PA GNYIS LDAN GYI SKUR MTSUNGS PA DE NYID, RANG GI NGO BOR 'DZIN PAS NA, SANGS RGYAS KUN GYI RANG BZHIN 'CHANG BA STE, 'GA' ZHIG TU, RIGS KYI BDAG PO'I DON DU BSHAD DO, ,RDUL PHRA RAB LAS GRUB PA'I LUS MED PA'I CHOS KYI SKU'I BDAG NYID CAN GYI LUS TE DE NI LUS THAMS CAD KYI CHOG CES BYA STE, LUS THAMS CAD KYI MTHA' RU PHYIN PA'I LUS NI RTOGS PA PO STE THOB PA @030A *, ,YIN NO, ,DE LTA BU'I LUS SAMS SKU THOB NAS GDUL BYA'I DON DU SDUL? BA'I GZUGS RNAMS SNA TSOGS PA KUN TU STON PAR BYED PAS SKU DE NI NOR BU CHEN PO RIN CHEN DBANG GI RGYAL MTSAN GYI TOG TU BYAS PA DANG MTSUNGS PAR GDUL BYA'I BSAM PA THAMS CAD YONGS SU RDZOGS PAR BYED PAS SO, ,LUS KYI MCHOG CES PA'I SKABS KYI LUS NI, RGYA 'GREL 'GA' ZHIG TU CHOS SKU LA GNYIS SU BYE BA'I YE SHES CHOS SKU LA BSHAD, KHA GCIG NGO BO NYID SKU LA CHOS SKUR BYAS PA DER BSHAD, KHAL? NI, LONGS SKU'I LUS LA 'CHAD PA'ANG SNANG NGO, ,CES BYA BA NI, LE'U DGU PA'I BSHAD PA'O,, ,,LNGA PA BYA BA GRUB PA'I YE SHES NI, SANGS RGYAS KUN GYIS RTOGS BYA BA, NAS; 'JAM DPAL DPAL DANG LDAN PA'I MCHOG ,CES SO, ,DUS GSUM GYI SANGS RGYAS KUN GYIS RTOGS PAR BYA BA STE MNGON DU BYAS PA'I GNYIS SU MED PA'I YE SHES KYI SKU NI, SANGS RGYAS KYI BYANG CHUB BLA NA MED PA ZHES BYA LA, BYANG CHUB DE NI THABS DANG SHES RAB KYI BDAG NYID GSANG SNGAGS KYI RGYU LAS BYUNG BA'O, ,GSANG SNGAGS DE NI THABS SHES KYI BDAG NYID CAN YIN GYI, YI GE'I GZUGS KYI NGO BOR MED DO, ,GSANG SNGAGS CHEN PO DE LA RIGS GSUM YOD PA STE, SKU GSUNG THUGS KYI DBYE BA DE LTAR RO, ,GSANG SNGAGS DE NI DON GNYIS SAM DON THAMS CAD KUN BSKYED PA PO STE, 'GRUB PAR BYED PA'I THABS YIN LA, 'DIS SBAS DON DU BSKYED RIM BSTAN PAR BSHAD, THIG LE CHEN PO YI GE MED CES PA NI, KHA CIG, THIG LE NI CHOS DBYINGS DANG, YI GE MED PA NI 'GYUR BA MED PA'I DON 'CHAD PA, 'GA' ZHIG, THIG LE NI DBYANG GSAL LA BYAS NAS, YI GE MED PA NI, DE DAG DON DAM PAR MED PA LA 'CHAD, GZHAN DAG, THABS SHES DBYER MED PA'I GSANG SNGAGS NI YI GE'I GZUGS SU MED PAS, DE LTAR 'CHAD PAR BYED DO, ,RE ZHIG DANG PO'I DBANG DU BYAS NA, DE LTA BU'I CHOS DBYINGS KYI THIG LE STONG PA CHEN PO DE 'DI LAS YI GE LNGA 'CHAR TE, 'DI YANG YE SHES LNGA'I BDAG NYID RIGS LNGA LA BYED PA DANG, AOm A'A: H'Um SV'A H'A LA BYED PA DANG, @030B AA RA PA TZA NA LA BYED PA DANG, AOm H'Um TR'Um HR'I: KHAm LA CHAD PA'ANG SNANG STE, GANG LTAR YANG RIGS LNGA'I BDAG NYID MTSON PA ZHIG GO ,THIG LE STONG PA YI GE DRUG CES PA LA NI, LA LAR YI GE BRGYA, ZHES BYAS NAS RIGS BRGYAR 'BYED LA, AOm W'A GI SHVA RI MUm: STE DRUG LA BYED PA DANG SNANG PA LAS, RGYA 'GREL PHAL CHER LAS SNGA MA LTAR 'BYUNG BAS DE BZHIN DU BYA'O, ,THIG LE'I DON NI PHYAG RGYA'I DON DU'ANG BSHAD LA, PHYAG RGYA YANG RGYAS BTAB PA LAS MI 'DA' PA'I DON TE, CHOS DBYINGS KYI SKU'I BDAG NYID LAS RIGS BRGYA'I DBYE BA 'BYED PA'I DON DU BYA'O, ,RNAM PA KUN LDAN RNAM PA MED, ,CES PA'I RNAM PA KUN LDAN NI, RIGS KYI DBYE BA DE LTAR YOD KYANG, RNAM PA MED CES PA NI, DE DAG MTHAR BTUGS NA RIGS GCIG TU 'DU BA'I DON DU BSHAD PA DANG, MTSAN DPE'I RNAM PA KUN DANG LDAN PA DANG, CHOS SKU STONG PA NYID DU RNAM PA MED PA DANG, YANG, RNAM PA KUN GYI MCHOG DANG LDAN PA'I LUS SU SNANG LANG, RDUL PHRA RAB LAS GRUB PA'I LUS KYI RNAM PA'I ????? SNANG BA LAS, RE ZHIG DANG PO LTE RO, ,BCU DRUG PHYED PHYED THIG LE 'CHANG ZHES PA LA, KHA CIG ,BCU DRUG NI DBYANGS YIG BCU DRUG LA BYAS NAS, DE'I PHYED NI BRGYAD DANG, DE'I PHYED NI BZHI STE, AA A'A Am AA: ZHES PA BZHI STE, 'DIS RNAM THAR SGO BZHI MTSON GSUNG LA, 'GA' ZHIG NI, BZHI NI SU BZHI 'CHANG BA'I DON DU BSHAD PA LA, GONG LTAR BRTZIS PA'I BZHI NI, RDO RJE DANG PADMA GNYIS, DE GNYIS SBYOR BAS KUN LTA BU DANG, DE LAS DON DAM PA'I BDE BA GNYIS TE BZHI'I GSUNGS TE PHYI MA NI SBAS DON DU BYA'O, ,DER MA ZAD, GZHAN DAG NI SPYI BOR ZLA BA'I THIG LE RAL PA'I COD PAN THOGS PA'I DON DU BSHAD PA DANG, THIG LE CHA BCU DRUG TU 'BAB PA'I CHA BZHI LA BSHAD PA'ANG SNANG NGO, ,YAN LAG MED PA RTZIS LAS 'DAS, ZHES PA LA, KHA CIG ,YAN LAG MED PA NI, RNAM PAR RTOG PA MED PA DANG, LA LA NI, CHA SHAS MED PA DANG, 'GA' ZHIG SPROS PA MED PA'I DON DU 'CHAD LA, RTZIS LAS 'DAS PA NI BCU DRUG PHYED CES PA LTAR BRJOD PA'I RTZIS LAS 'DAS PA DANG, YOD MED SOGS RTAG CHAD DU 'DZIN PA'I RTOG PA LAS 'DAS PA LA'ANG BSHAD CING, @031A *, ,DE RNAMS MED PA DANG 'DAS RGYU NI BZHED PA MI 'DRA BA YOD KYANG, RE ZHIG SKU BZHI LA BYA'O, ,BSAM GTAN DANG PO SOGS BSAM GTAN BZHI YOD PA'I BSAM GTAN BZHI PA MTHAR PHYIN PA'I RTZE MO MCHOG LHAN SKYES KYI YE SHES 'CHAD PA STE, BLA MED KYI SKABS DANG SBYAR TSE, DBANG BZHI PA'I SKABS DANG SBYAR DGOS PAS, THUN MONG BA'I BSAM GTAN BZHI PA TZAM MIN NO, ,BSAM GTAN DANG PO SOGS BZHI PO RE RE LA'ANG LAN LAG MI 'DRA BA SNA TSOGS YOD PA KUN MKHYEN PAS NA, BSAM GTAN YAN LAG KUN SHES SHING ZHES BYA LA, THUN MONG BA'I BSAM GTAN BZHI LA BCO BRGYAD YOD DO, ,SBAS DON DU STONG PA BZHIN DANG DGA' BA BZHI 'DREN TSUL SOGS SHES PA'O, , DPA' BAR 'GRO BA'I TING NGE 'DZIN LA SOGS PA TING NGE 'DZIN RNAMS MKHYEN CING, TING NGE 'DZIN DE RNAMS NI RIGS GANG DU GTOGS PA DANG, DE DAG GANG ZAG GANG GI RGYUD KYIS BSDUS PA SOGS MKHYEN PAS NA RGYUD RIG PA'O, ,KHA CIG RGYUD RIG PA NI SHER PHYIN RIG PA'I DON DU 'CHAD, TING 'DZIN MTHAR PHYIN PA'I YE SHES LUS CAN DANG, LUS KYI MCHOG CHOS SKU DANG, LONGS SPYOD RDZOGS PA'I SKU GUN GYI RGYAL PO DANG, SPRUL PA'I SKU STE SKU YI MCHOG BRNYES PAS, SANGS RGYAS KYI SPRUL PA'I RGYUD 'CHAD PA STE 'DZIN PA'O, ,RGYUD 'CHANG BA'I TSUL YANG, PHYOGS BCUR SPRUL PA SNA TSOGS 'GYED PA'I TSUL GYIS RANG RANG SKAL BA JI BZHIN 'GRO BA'I DON BYED PA'O, ,LHA'I DBANG PO ZHES SOGS KYI SBAS DON DU DKYIL 'KHOR GYI LHA 'GOD PA DANG SBYAR BA ZHIG SNANG YANG 'DI LTAR BSHAD PA BZHIN BYA STE, DE LTAR SPRUL PA BSTAN NAS 'GRO BA'I DON BYED PA'I NANG NAS 'JIG RTEN PA'I RNAM PAR BSTAN PA LA, LHA YI DBANG PO KHYAB 'JUG, LHA YI LHA TSANGS PA, LHA YI DBANG PO BRGYA BYIN, LHA MIN BDAG PO SGRA GCAN, 'CHI MED DBANG PO NI 'THAB BRAL LA SOGS PA'I RGYAL PO DANG, LHA YI BLA MA NI PHUR PHU DANG, 'JOMS BYED NI TSOGS BDAG, LANG 'JOMS BYED NI DBANG PHYUG STE, DBANG PHYUG CHEN POR SPRUL NAS 'GRO BA'I DON BYED CES SBYAR BA DANG, 'DI LA'ANG 'CHI MED DBANG PO NI BRGYA BYIN LA SBYAR BA DANG, LHA DANG ZHES BTON NAS BSHAD @031B BA'ANG YOD DO, ,STON PA GCIG PU ZHES SOGS NI, GONG DU BRJOD MA THAG PA'I SPRUL PA DE DAG KYANG RANG RANG GI 'KHOR DU STON PA DANG 'DRA BA LA BSHAD PA ZHIG SNANG YANG, 'DI LTAR BYA STE TE RJE BTZUN NI 'GRO BA'I, CHOS STON PA'I NANG NAS ZLA MED PA LTA BUR GYUR BAS NA, STON PA GCIG PU DANG, 'GRO BA'I BLA MA ZHES BYA LA; DE LTAR YIN PA'I SGRA 'JIG RTEN PHYOGS BCUR RAB TU GRAGS PA DANG, CHOS KYI SBYIN PA BYED PAS NA CHOS KYI SBYIN BDAG CHE BA DANG, DE YANG SEMS CAN BDE BA LA 'GOD PAR BZHED PA'I BYAMS PA'I GNAS SEMS CAN GYI DON DU CHAS PA STE BYAMS PA'I GO CHA BTZAN PO BGOS SHING, SEMS CAN SDUG BSNGAL LAS SKYOB 'DOD KYI SNYING RJE YIN LA LAD KHRAB LTA BU'I TSUL DU BGOS PA STE GYON NAS, SHES RAB KYI RAL GRI DANG MDAR, THABS KYI GZHU THOGS TE, 'GRO BA'I NYON MONGS PA SPYI DANG MI SHES PA'I G-YUL DE SEL BAR MDZAD DO, ,MDA' SNYING RJE DANG, GZHU STONG NYID LA SBYAR BA'ANG BSNANG, GZHAN YANG, DPA' BO ZHES BYA STE, BDUD KYI DGRA CHEN PO YIN PA'I PHYIR DANG BDUD 'DUL BA'I MCHOG YIN PA'I PHYIR TE, LHA'I BU'I BDUD SOGS BDUD BZHI'I 'JIGS PA SEL BAR BYED CING, BDUD KYI DBUNG RNAMS PHAM PAR BYED PA'I PHYIR RO, ,BDUD LA PHYI'I BDUD DANG NANG GI BDUD GNYIS LAS, PHYI MA NI NYON MONGS SOGS YIN NO, ,'DI DAG NI, 'JAM DBYANGS NYID LA SBYAR BA TZAM DU MA ZAD, SANGS RGYAS KYI LONGS SPRUL? GYI SKU GZHAN LA'ANG SBYAR RGYU YIN NO, ,'DIR SBAS DON DU 'JAM DBYANGS KYI SKU BSGOM MA'I TSUL ZHIG BSTAN PA YANG BSHAD, NGES DON DU RJE BTZUN NI, RDZOGS PA'I SANGS RGYAS 'JIG RTEN GYI 'DEN? PA YIN, DE'I PHYIR MCHOD PAR 'OS PA DANG, BSTOD PAR 'OS PA DANG PHYAG GI GNAS DANG, DUS RTAG TU BSTEN NAS RI MOR BYA BA'I 'OS YIN PA DANG, RGYAL STAR BKUR BAR 'OS PA DANG, BSNGAGS PA'I GNAS SU GYUR PAS BRJOD PAR BYA BA'I MCHOG DANG, BLA MA LTAR PHYAG BYA BAR 'OS PA DANG, BLA MA'I NANG NAS MCHOG YIN PAS NI BLA MA'I RAB CES BYA'O, ,'JIG RTEN GSUM PO NI RDZU 'PHRUL GYI GOM PA GCIG GIS BGROD PAR MDZAD LA, NAM MKHA'I KHAMS KYIS KUN KHYAB PA LTAR @032A *, ,SPRUL PAS 'JIG RTEN GYI KHAMS MTHA' MED PA RNAM PAR GNON PA STE KHYAB PA'I, ,'JIG RTEN GSUM NI SA 'OG SA STENG SA BLA GSUM DANG, 'DOD KHAMS GZUGS KHAMS GZUGS MED KHAMS GSUM LA BSHAD PA GNYIS SNANG, GOM GCIG BGROD PA NI, SNGAGS GYI THEG PA LA BRTEN NAS TSE GCIG LUS GCIG LA 'CHAD RGYA NUS PA'I DON DU BSHAD PA'ANG SNANG NGO, ,MKHA' LTAR MTHA' MED SOGS LA, CHOS SKU NAM MKHA' LTA BU LA GNAS PAS MI MTHUN PHYOGS THAMS CAD GNON PA DANG, SEMS CAN MTHA' MED PA'I DON BYED PA LA'ANG BSHAD DO, ,GSUM RIG PA NI, KHA CIG LHA'I MIG GI MNGON SHES DANG, SNGON GYI GNAS RJES SU DRAN PA DANG, ZAG PA MED PA'I MNGON SHES GSUM LA BSHAD, LA LA DUS GSUM RIG PA DANG, SDE SNOD GSUM RIG PA DANG, NANG DU SKU GSUNG THUGS RIG PA LA BSHAD PA'I TSUL YANG SNANG NGO, ,DE LTAR RIG PA YE SHES NI, SKYON THAMS CAD KYIS MA GOS PAS NA GTZANG MA DAG PA STE ZHES BYA'O, ,LHA'I MIG GI MNGON SHES NAS, ZAG PA ZAD PA'I MNGON SHES KYI BAR MNGON SHES DRUG DANG LDAN LA, DKON MCHOG GSUM DANG TSUL KHRIMS GTONG PA LHA RJES SU DRAN B'I RJES DRAN DRUG STE KHA CIG PHYI MA GSUM LA, DAM TSIG THUGS MDZAD PA RJES SU DRAN PA GSUM 'DREN, LA LA 'GRO DRUG RJES SU DRAN PA LA BZHED, DE LTA BU DANG LDAN PAS BYANG CHUB SEMS DPA' STE RANG DON GYI SKU LA DMIGS PA DANG, SEMS DPA' CHEN PO STE GZHAN DON GYI SKU LA DMIGS PA'AM THOB PA'I SGO NAS 'GRO BA'I DON BYED PA'O, ,RDZU 'PHRUL CHEN PO 'JIG RTEN LAS 'DAS PA BRNYES PA STE, SKU'I DBANG PHYUG THOB PA'O, ,KHA CIG RDZU 'PHRUL CHEN PO DANG 'JIG RTEN LAS 'DAS PA SO SOR PHYE NAS 'CHAD DE, 'KHOR BA LAS 'DAS PA'I PHYIR 'JIG RTEN LAS 'DAS BRA BZHED, CHOS THAMS CAD RANG BZHEN MED LNGA RTOGS PA'I SHES RAB KYI PHA ROL TU PHYIN PA'I MTHA' LA GNAS PA STE MTHAR PHYIN PAR GYUN LA, SHES RAB GOMS PA'I STOBS KYIS NI CHOS KYI DE KHO NA NYID KYI SKU THOB BO, ,BDAG GI DON RIG PA DANG, GZHAN GYI DON RIG PA THAMS CAD MTHAR PHYIN PA STE, DE'I PHYIR SEMS CAN KUN LA PHAN PA DANG, DES NA GANG ZAG MCHOG GAM DAM PHA ZHES @032B BYA'O; ;GZHAN GYI DON BYED PA LA MTSUNGS PA GZHAN MED PAS, DPER BYA KUN LA 'DAS PA STE, DPE MED PA'O, ,SHES PA YE SHES KYI SKU DANG, SHES BYA GZUGS KYI SKU GNYIS NGO BO DBYER MED PA'I ZUNG 'JUG GI SKU'I BDAG PO MCHOG GO ,KHA CIG, SHES PAR BYED PA DANG BYA BA'I DON GNYIS KA'I BDAG PO MCHOG TU BZHED, LA LA GZUNGS 'DZIN GNYIS KYI BDAG POR 'CHAD PA'ANG SNANG, SKYE 'PHAGS KUN GYI GTZO BO DANG, CHOS KYI SBYIN PA BYIN PAS NA CHOS KYI SBYIN BDAG ZHES BYA STE, DAM RGYA, CHOS RGYA, LAS RGYA, PHYAG CHEN GYI PHYAG RGYA BZHI PO'I DON STON PA STE, THUGS DAM RGYA, GSUNG CHOS BRGYA, 'PHRIN LAS RGYA, SKU PHYAG RGYA CHEN PO STON PA'O, ,KHA CIG, 'DUS BYAS THAMS CAD MA RTAG BAG BCAS THAMS CAD SDUG BSNGAL, CHOS THAMS CAD BDAG MED PA, MYA NGAN LAS 'DAS PA ZHIB STE LTA BA BKAR BTAGS KYI PHYAG RGYA BZHI STON PA LA SKYAR NAS BSHAD PA LTAR BYAS KYANG MI 'GAL LO, ,DE STON PAS NA 'GRO BA'I SNYEN BKUR GNAS KYI MCHOG TU GYUR PA'O, ,NYAN THOS RANG RGYAL BYANG SEMS KYI THEG PA GSUM GYI NGES PAR 'BYUNG GI GSUM PO DER BGROD PA'I 'BRAS BU RNAMS KYI NANG NAS DON GYI DAM PA MCHOG NI, SGRIB GNYIS BAG CHAGS DANG BCAS PA'I DRI MAS RNAM PAR DAG PA'I DPAL DU GYUR PA 'JIG RTEN GSUM NA SKAL BZANG CHAB STE PHUN SUM TSOGS PA DANG, DON GNYIS KYI DPAL DANG LDAN PA'I 'BYOR BA KUN 'GRUB PAR BYED PA STE, DE GANG ZHE NA, DRANG DON DANG, DE LA? DON GYI 'JAM DPAL YON TAN GYI DPAL DANG LDAN PA'I MCHOG DE NYID YIN NO,, CES BYA BA NI LE'U BCU PA'I BSHAD PA'O,, ,,GSUM PA 'JUG BSDU BA LA GNYIS, YE SHES LNGA LA BSTOD PA'I LE'U DANG, SNGAGS KYI LE'U BSHAD PA'O, ,DANG PO NI, MCHOG SBYIN RDO NAS YE SHES SKU NYID KHYOD LA 'DUD, ,CES PA'I BAR TE, 'DI LA LDE ME LONG LTA BU, CHOS DBYINGS YE SHES, SO SOR RTOGS PA, MNYAM NYID YE SHES, BYA GRUB YE SHES KYI SGO NAS BSTOD PA'O, ,DANG PO NI, SANGS RGYAS SA KYI GO 'PHANG MCHOG SBYIN PAR BYED PA GNYIS SU MED PA'I YE SHES KYI RDO RJE MCHOG ME YONG LTA BU'I YE SHES KHYOD LA 'DUD, YANG DAG PA'I MTHA' DAG PA GNYIS LDAN GYI CHOS DBYINGS DANG RO @033A *, ,GCIG TU ZHUGS PAR GYUR PA KHYOD LA 'DUD, CHOS RNAMS RANG BZHIN GYIS STONG PA NYID RTOGS PA LAS BYUNG BA KHYOD LA 'DUD, SANGS RGYAS KYI BYANG CHUB TU GYUR BA KHYOD LA 'DUD DO CES PA STE NGO BO'I SGO NAS BSTOD PA'O, ,GNYIS PA NI, SGRIB GNYIS KYI GNYID SANGS SHING ZHES BYA LA BLO RGYAS PA, YUL STONG PA NYID LA RTAG TU GNAS PAS NA CHAGS PA STE, CHOS DBYINGS YE SHES KHYOD LA 'DUD, SANGS RGYAS YUL STONG PA NYID LA GNAS PAR 'DOD PA LA PHYAG 'TSAL 'DUD, SANGS RGYAS YUL DER GNAS PAR DGYES PA KHYOD LA 'DUD, SANGS RGYAS YUL DER RTAG TU SAR ROL PA LA?? PHYAG 'TSAL 'DUD DO, ,'DIR SEMS CAN GYI DON DU CHAGS PA DANG, 'DOD PA SO?????? PA SNANG NGO, ,GSUM PA NI, SANGS RGYAS CHOS STON PA'I MNYES NAS 'DZUM PA'I RGYU BYED PA'I SO SOR RTOGS PA'I YE SHES KHYOD LA 'DUD, SANGS RGYAS 'GRO BA'I DON MDZAD PA LA DGYES NAS BZHAD PA LA PHYAG 'TSAL 'DUD, SANGS RGYAS CHOS STON PA'I GSUNG GI MNGA' BDAG NYID DU GYUR PA KHYOD LA 'DUD, SANGS RGYAS DE BZHIN NYID DANG NGO GCIG TU GYUR PA'I THUGS LA PHYAG 'TSAL 'DUD DO, ,BZHI PA NI, RANG BZHIN GYIS MED PA'I STONG PA NYID LAS BYUNG BA'I MNYAM NYID YE SHES KHYOD LA 'DUD, SANGS RGYAS KYI GO 'PHANG 'BYUNG BA'I GNAS KHYOD LA 'DUD, NAM MKHA' LTA BU'I CHOS NYID RTOGS PA LAS BYUNG BA KHYOD LA 'DUD, GNYIS SU MED PA'I YE SHES LAS BYUNG BA KHYOD LA 'DUD DO, ,LNGA PA NI, SGYU MA LTA BU'I RNAM PAR 'PHRUL PA'I DRA BA SPRUL PA SNA TSOGS STON PA BYA GRUB YE SHES KHYOD LA 'DUD, SANGS RGYAS KYI MDZAD PA'I RNAM ROL STON PA KHYOD LA 'DUD, YON TAN GYI RNAM PA THAMS CAD YONGS SU RDZOGS PAS SEMS CAN THAMS CAD KYI DON BYED PA KHYOD LA 'DUD, LHAN CIG SKYES PA'I YE SHES KYI SKU NYID DU GYUR PA KHYOD LA 'DUD DO CES PA STE, 'DI DAG YE SHES LNGA GANG GI BSTOD PA YIN PA'I GO RIM DANG, DON BSHAD PAS MI 'DRA BA 'GA' RE SNAD NGO, ,'DI YE SHES LNGA'I BSTOD PA YIN KYANG, DON LA RIGS LNGA'I BSTOD PA STE, DE YANG SPYI DANG BYE BRAG 'JAM DPAL NYID LA RIGS LNGAR PHYE NAS BSTOD PA'I SKABS SO, ,ZHES PA NI, LE'U BCU GCIG PA'I BSHAD PA'O,, ,, @033B GNYIS PA NI, AOm SARBA DHARM'A NAS GARBHE AA: ZHES SO, ,AOm NI SNGAGS KYI 'GO 'DREN TE, DAM BCA' BA DANG, BKRA SHIS PA SOGS LA 'JUG GO ,SARBA DHARMA NI CHOS THAMS CAD, AA BHA WA NI DNGOS PO MED BCAM RANG BZHIN MED PA, SVA BH'A WA NI RANG BZHIN, BI SHUDDHE NI RNAM PAR DAG PA, BADZRA TZAKsh'A? NI RDO RJE'I MIG AA A'A: AAm AA: RNAM PAR THAR PA'I SGO BZHI MTSON BYED, PRA KRi TA NI RANG BZHIN NAS GANG LA ZHUGS PA'AM GNYIS SU MED PA, PA RI DUD DHA NI YONGS SU DAG PA, SARBA DH'ARM'A NI CHOS THAMS CAD, YA DU TA NI GSHEGS SHIG GAM SKYED PA, SARBA TA TH'A GA TA NI DE BZHIN GSHEGS PA THAMS CAD, DZNY'A NA K'A YA NI YE SHES KYI SKU, MANYDZU SHR'INI 'JEL DPAL, BA RI SHUDHI TA NI YONGS SU DAG PA, MU P'A D'A YA TI NI MYUR PAR GSHEGS SHIG ,AA A':NI RANG BZHIN SKYE MED MTSON BYED, SARBA TA TH'A GA TA NI DE BZHIN GSHEGS PA THAMS CAD, HRi DA YA NI SNYING PO, ,HA RA HA RA NI 'BYUNG BA 'BYUNG BA'AM 'PHROG PA GNYIS, AOm H'Um HR'I: NI SKU GSUNG THUGS MTSON BYED, BHA GA WAN BCOM LDAN 'DAS, DZNY'A NA YE SHES, MURTI NI LUS SAM SKU'AM THAMS CAD, W'A GI SHVA RA NI DAG GI DBANG PHYUG, MA H'A PA TZA NI 'JAM PA CHEN PO'AM SMIN PA CHEN MO, ,GA GA N'I NAM MKHA', AA MA LA NI LTA BU, SU NI BDE BA, PA RI SHUDHA NI YONGS SU DAG PA, DH'ARMA DH'A DU NI CHOS KYI DBYINGS, GARBHA NI SNYING PO, A'A: NI SKYE BA MED PA'O, ,DE YANG, RTZA SNGAGS, SPYAN 'DREN GYI SNGAGS, 'PHRENG SNGAGS GSUM STE, AOm SARBA DHARM'A NAS, AA AA AAm AA: 'I BAR RTZA SNGAGS DANG, PRA KRi TA NAS, MU B'A D'A YA TI'I BAR SPYAN 'DREN PA'I SNGAGS, DE MAN CHAD NI 'PHRENG BA'I SNGAGS SO, ,SNGAGS 'DI DAG GI DON LA NGES DON GYI BSHAD PA GZHAN YOD KYANG MANG DU DOGS NAS MA BRIS SO, , ZHES PA NI LE'U BCU GNYIS PA'I BSHAD PA'O,, ,,GSUM PA RJES SU YI RANG BA NI, DE NAS DPAL LDAN RDO RJE 'CHANG, ,NAS, RDZOGS PA'I SANGS RGYAS RNAMS KYI BSHAD, ,CES PA'I BAR TE, STON PAS LAN RGYAS PAR GSUNGS PA'I RJES DE NAS SDUD PA PO RDO RJE 'CHANG OPHYAG NA RDO RJE, YI DAG ZHING @034A *, ,MGU NAS THAL MO SBYAR TE, MGON PO BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS LA PHYAG 'TSAL TE, RNAM MANG MGON PO LAG NA RDO RJE GZHAN RNAMS DANG, GSANG BA KUN GYI DBANG PO LAG NA RDO RJE DE, RANG GI 'KHOR KHRO BO'I RGYAL POR BCAS PA RNAMS KYIS SKAD KYI GSANG BSTOD NAS NI 'OG NAS 'BYUNG BA'I TSIG 'DI SKAD CES GSOL TO, ,MGON PO ZHES STON PA LA BOS NAS, ZHU BA PO BDAG CAG KHYOD KYIS GSUNGS PA LA RJES SU YI RANG NGO, ,LEGS SO LEGS SO ZHES GNYIS 'BYUNG BA'I SNGA MA NI, RANG DON DANG, PHYI MA GZHAN DON DU BYIN PA'I TSUL GCIG DANG, YANG SNGA MA ZAB PA DANG, PHYI MA BRJOD BYA RGYA CHE BA'I TSUL LA BYIN PAR BSHAD PA'ANG SNANG NGO, ,DE'I PHYIR RGYUD 'DI LEGS PAR GSUNGS SO ZHES PA STE, DE YANG ZHU BA PO BDAG CAG RNAMS YANG DAG PAR RDZOGS PA YI BYANG CHUB MYUR DU THOB PAR BYED PA'I DON CHEN PO MDZAD PA'O, ,'GRO BA MGON MED PA RNAMS DANG NI, RNAM GROL 'BRAS BU SANGS RGYAS KYI GO 'PHANG 'TSAL BA STE, 'DOD PA YI DON DU GNYER BYA RNAM DAG LEGS PA'I LAM 'DI NI, SGYU 'PHRUL DRA BA'I TSUL TE LHA DANG YE SHES KYI BKOD PA'I RNAM ROL BSTAN PA, BRJED BYA ZAB CING YANGS LA RGYA CHE BA STE, DON CHEN PO SANGS RGYAS KYI GO 'PHANG STER BAR MDZAD PA'I SGO NAS 'GRO BA'I DON BYED PA, DON MA LUS PA SANGS RGYAS RNAMS KYI MNGON SUM GYI SPYOD YUL YIN PA'I MTSAN YANG DAG PAR BRJOD PA 'DI NI, DUS GSUM GYI YANG DAG PAR RDZOGS PA'I SANGS RGYAS RNAMS KYIS BSHAD PA YIN NO, ,'DI LA'ANG SBAS DON GYI BSHAD PA GZHAN ZHIG KYANG SNANG LA, DER MA ZAD LE'U 'DI LA 'GYUR MI 'DRA BA SNANG BAS DON KYANG GO RIM MI 'DRA BA RE 'BYUNG NGO, ,RGYUD 'DI NI SGYU 'PHRUL DRA BA STONG PHRAG BCU DRUG PA RNAL 'BYOR CHEN PO'I RGYUD RGYAS PA LAS LOGS SU PHYUNG BA YIN PA SOGS NI 'PHAGS PA SGYU 'PHRUL DRA BA ZHES SOGS KYIS STON PA DON NI SLA'O, ,CES PA NI LE'U BCU GSUM PA'I RNAM PAR BSHAD PA'O, ,'DI LA PHAN YON NI LE'U DRANGS NA BCUG BZHI YIN LA, BCU GSUM GYI RIM PA NI, GONG DU BSTAN PA LTAR TE, GO BDE BAR @034B BRJOD NA, ZHUS PA'I LE'U, LAN GYI LE'U, LUS RNAM GANG GI LE'U, MNGON PAR BYANG CHUB PA'I LE'U, RDO RJE DBYINGS KYI DKYIL 'KHOR GYI LE'U, YE SHES LNGA LA CHOS DBYINGS YE SHES, ME LONG YE SHES, SOR RTOGS YE SHES, MNYAM NYID YE SHES, BYA GRUB YE SHES KYI LE'U LNGA, BSTOD PA'I LE'U, SNGAGS KYI LE'U, RJES SU YI RANGS PA'I LE'U STE BCU GSUM MO, ,'DI LAS SKU GSUM GYI RNAM GZHAG DANG, MDZAD PA SOGS BSKYAR NAS GSUNGS PA SNANG BA NI, YE SHES LNGA PO RE RE LA BRTZAMS TE SKU GSUM MDZAD PA SOGS BSTAN PA YIN PAS ZLOS PA'I SKYON MED LA, DE DAG KYANG 'JAM DPAL GYI RNAM PAR 'PHRUL PA'I DBANG DU BYAS PA YIN PAS, 'JAM DPAL LA BSTOD PA'I SKABS 'CHOL PA'I NYES PA YANG MED DO, ,RGYUD 'DI'I DON 'GRAL BA'I SLOB DPON NYI MA SBAS PA DANG, GRUB CHEN DPE MED 'TSOS 'DI 'I DON GTZO BOR NGES DON BSKYED RDZOGS GNYIS DANG, KHYAD PAR RDZOGS RIM PA BSTON PA'I DUN DU BSHAD LA, RGYA 'GEL GZHAN PHAL CHER LAS SNGAR GYI 'CHAD TSUL LTAR BSHAD DO, , 'ON KYANG 'CHAD TSUL MI 'DRA BA YOD PA NI GONG DU BRJOD PA LTAR TE, RGYA 'PHREL 'DI DAG GI DGONGS PA RTOGS DKA' YANG DE DAG LAS GANG 'CHAD BDE BA DANG SKABS SU BABS PA NYID GZHIR BYAS TE BSHAD PA YIN NO,, ,,SMRAS PA, GSUNG RAB KUN GYI SNYING PO MTHAR THUG PA, ,RDO RJE'I TSIG GIS RGYAS BTAB RGYUD KYI RTZE, ,SAR GNAS 'PHAGS PA'I SPYOD YUL 'DI YI? DON, ,BDAG LTA'I BYIS BLOS DPAG PAR GA LA ZHIG ,JI LTAR 'DOD RGU'I 'BYUNG GNAS DBANG GI RGYAL, ,DMUS?? LAG TU SON BZHIN PHYOGS KUN NA, ,'DI LA ZHAL TON BYED PA MANG MOD KYANG, ,GANG 'DI'I DON ZAB MI SHES TSIG TZAM BRJOD, ,GAL TE DPYAD KYANG GTING DPOG MI NUS SHING, ,KHYIM PA YAN KYI BYA'I?? TSAS TZAM DU, ,'DZIN PAR MTHONG NAS TSUL DAM BZOD PAR, ,GANG GIS BSKUL BZHIN 'DI DON 'GREL LA BRTZON, ,DE TSE MKHAS PAS BKRAL BA'I SROL ZHUGS NAS, ,JI LTAR NUS PA'I TSUL GYIS DPYAD PA @035A *, ,'DIR; MA RTOGS LOG RTOG NONGS PAR GYUR PA'I TSE, ,RANG GI NYES TE DAM PA'I SPYAN SNGAR 'CHAGS, ,GANG PHYIR 'PHAGS YUL MKHAS PA'I MCHOG DAG KYANG, ,SHIN TU RTOGS DKA'I GNAS 'DI 'CHAD PA'I TSE, ,THE TSOM KHYOGS ?? NGAL SO BSDED BYED NA, ,BLUN RMONGS BDAG LTA 'DI LA CIS MI 'KHRUL, ,'ON TE TSAD LDAN GZHUNG DON GZHIR BZHAG NAS, ,RANG GI BLO YIS 'BAD PAS BKRAL BA LAS, ,LEGS PAR BSKRUN PA'I DGE BA GANG THOB DES, ,RGYAL BA'I DAM CHOS MA LUS 'DZIN GYUR CIG ,CES RGYUD KYI RGYAL PO MTSAN YANG DAG PAR BRJOD PA'I SNYING P'O DON 'GREL GSAL BA ZHES BYA BA 'DI NI, PHYOGS 'DIR BSTAN PA'I MNGA' BDAG KO'U SHRI NANG SO NGAG DBANG 'PHRIN LAS RGYA MTSO DPAL BZANG PO DANG, GANG DE'I RIGS DPON DU GYUR BA DPON SRAS BLO BZANG BSTAN PA'I RGYAL MTSAN RNAM PA GNYIS KYIS GNANG SBYIN DANG BCAS TE BSKUL BA DANG, DBON PO NYID KYI SLOB DPON PA GNAS BRTAN 'PHRIN LAS DAR RGYAS DANG, NYANG BZA'I DKA' BCUS KYANG BSKUL BA'I DONG CO NE'I SLOB DPON PA SH'AKYA'I DGE SLONG RIGS PA SMRA BA'I SPOBS PA CAN GRAGS BSHAD SGRUB CES BYA BAS DGE BYED KYI LOR SBYAR BA STE, PHYIS DGE SLONG 'JAM DBYANGS GRAGS PA DANG BLO BZANG PHUN TSOGS GNYIS KYIS GRVA TSANG DU DKA' BCU'I MTSAN GSOL BA'I TSA PAR DU BRKOS SO,, MANGGA LA,,