[preliminary data - not manually proofread]
[SNGON 'GRO'I DPAR GZHI]

@001A *, (,BSNYEN YIG RIN CHEN PHRENG MDZES ZHES BYA BA BZHUGS
SO,,)

@001B #, ,MA LUS RGYAL BA'I YAB GCIG 'JAM PA'I DBYANGS, ,GTUM
DRAG KHROS PA'I GAR MDZAD GSHIN RJE GSHED, ,ZHI KHRO Mi YI RNAM
ROL TZONG KHA PA, ,RNAM GSUM DBYER MED BLA MAR GUS PHYAG 'TSAL,
,'DIR YI DAM GYI LHA DAG GI

BSNYEN SGRUB BYED TSUL YAN LAG DANG BCAS 'CHAD PA LA GSUM,
SPYI'I DBANG DU BYAS PA DANG, 'JIGS BYED KYI BSNYEN PA BYED TSUL
BYE BRAG TU BSHAD PA DANG, 'PHROS DON NO, ,DANG PO NI, SPYIR
BSNYEN PA DE LA GNYIS YOD DE, THUN MONG DANG MCHOG GI BSNYEN PA

GNYIS YOD PA'I PHYIR TE, GSANG BA 'DUS PA'I RGYUD PHYI MA LAS,
THUN MONG MCHOG GI DBYE BA YIS, ,BSNYEN PA RNAM PA GNYIS SU
'DOD, ,CES GSUNGS PA LTAR RO, ,DE YANG BLA MED LTAR NA BSKYED
RDZOGS GNYIS BSGOM PA'I RNAL 'BYOR DANG, RGYUD SDE

'OG MA GSUM LTAR NA MTSAN BCAS DANG MTSAN MED KYI LHA'I RNAL
'BYOR THAMS CAD LA BSNYEN PA ZHES BYA'O, ,GZHAN YANG BSNYEN PA
LA LHA'I DKYIL 'KHOR BSGOM PA DANG, DE'I SNGAGS BZLA BA GNYIS
YOD PA LAS, SNGA MA NI GTZO BO YIN TE, SNGAGS RIN CHEN

MO LAS, LHA'I NGA RGYAL DANG GSAL SNANG SGRUB PA NI BSNYEN PA'I
GTZO BO YIN TE, ZHES GSUNGS PA'I PHYIR RO, ,'ON KYANG NGAG BZLAS
LA BSNYEN PA'I MING BTAGS BA NI, SPYI MING BYE BRAG LA 'JUG PA'I
DBANG DU BYAS PA'O, ,CI'I PHYIR BSNYEN PA

@002A #, ,ZHES BYA ZHE NA, RANG GI THOB BYA'AM BSGRUB BYA'I LHA
DE DANG KHAD NYE BAR BYED PAS NA DE SKAD CES BYA'O, ,SPYIR
SNGAGS KYI THEG PA'I 'JUG SGO NI DBANG BSKUR MTSAN NYID PA THOB
PA NAS YIN LA, DE THOB NAS DKYIL 'KHOR GYI LHA'I BSNYEN PA BYED
PA

SNGON DU 'GRO DGOS TE, DE SNGON DU MA SONG BAR DBANG BSKUR BA
RAB GNAS SBYIN BSREG SOGS BYAR MI RUNG ZHING ZHI SOGS KYI LAS
KYANG 'GRUB PAR DKA' BA'I PHYIR TE, SNGAGS RIM LAS, BSNYEN PA
SNGON DU MA SONG BAR DBANG LA SOGS PA LA 'JUG PA NI RANG GIS
RANG LA GNOD PA BYED PA

YIN TE, ZHES DANG, PHRENG BA LAS KYANG, BSNYEN PA MED LA DNGOS
GRUB MED, ,CES GSUNGS PA'I PHYIR RO, ,NGAG BZLAS LA PHRENG BA
DGOS PAS DE'I KHYAD PAR NI, SAm BHU tI LAS, ZHI BA LA, SA DANG
MU TIG DANG RUS PA DANG RDO DANG NOR BU SOGS DANG, RGYAS PA LA,
GSER

DANG DNGUL DANG ZANGS DANG BYI'U DANG TZANDAN DANG PADMA'I SA
(BON) SOGS DANG, DBANG LA, GUR GUM LA SOGS PA'I DRI BZANG LAS
BYAS PA DANG, DRAG PO LA, RAKSHA DANG LUNG THANG DANG, MI RUS
SOGS LAS BYA BAR BSHAD LA, LAS THAMS CAD LA THUN MONG DU SHIS BA
NI BO DE TZE YIN TE ,

DE NYID LAS, ZHI RGYAS DBANG DANG MNGON SPYOD LA, ,BO DE TZE NI
LAS KUN BYED, ,CES GSUNGS PA'I PHYIR RO, ,GRANGS NI, SPYIR KHA
SBYOR LAS, SNGAGS KYI SGRUB PA LNGA BCU STE, ,DBANG LA DE YI
PHYED NYID DO, ,BRGYA PHRAG GCIG NI ZHI BA LA, ,DE BZHIN RGYAS
LA LHAG PA

@002B BRGYAD, ,MNGON SPYOD PA NI BCU DRUG NYID, ,ZHES GSUNGS PA
LTAR YIN LA, DMIGS BSAL NGES PA MED DO, ,GZHAN YANG SNGAGS RIM
LAS, PHRENG SKU DANG, PHRENG BA RAB GNAS RGYAS PAR BYA TSUL YANG
BSHAD LA, BLA MED KYI SKABS SU RAB GNAS BSDUS PA NI, RANG RANG
GI GSUNG RDO RJED BSKYED PAR BSHAD DO, ,NOR BU RGYAS PA'I GZHAL
MED

KHANG NAS 'BYUNG BA'I, AOm RU TZIR MA nI PRA WARTA YE H'Um ZHES
PA 'DI NANG PAR LAN BDUN BZLAS TE PHRENG BA LA BTAB NA 'GYUR
SHIN TU CHE BAR BSHAD PAS, SPYIR SNGAGS GANG LA ZLA BA'I THOG
MAR DE BZHIN BYAS NA LEGS LA, KHA SBYOR SOGS LAS AOm BA DE BA DE
MA H'A DZNY'A NAm SARBA BUDDHA MA H'A BHA BE H'Um H'Um H'Um HO
HO HO A'A: KHAm SV'A H'A, ZHES BZLAS NAS PHRENG BA BYIN

BRLAB BYA BA'I TSUL YANG BSHAD DO, ,'DREN TSUL NI, RDO RJE MKHA'
'GRO LAS, ZHI BA LA NI MDZUB MOR BZHAG ,RGYAS LA GUNG MOR DGAL
BAR BYA, ,CES SOGS 'BYUNG BA LTAR YIN NA'ANG, LAG LEN LA KHYAD
PAR DE LTAR BYED PA'I SROL CHER MI SNANG NGO, ,BZLAS PA'I SNGON
DU MNGON RTOGS RGYAS BSDUS JI LTAR BYED PA NI, SNGAGS RIM

NAS 'BYUNG BA BZHIN BKOD NA, DE NYID LAS, DE LA THUN BZHIR BYA
BAR, KYE RDOR DANG MNGON BRJOD BLA MA SOGS KYI RGYUD MANG PO
DANG MDO BSRE SOGS KYI BSTAN BCOS MANG PO LAS GSUNGS LA, THUN
BZHI NI DZA LA NA DHA RI BAS, THUN BZHIR BYIN GYIS BRLABS PA'I
RIM PA ZHES BYA BA NI, THO RANGS DANG NYI MA GUNG DANG PHYI DRO
DANG MTSAN MO STE BSGOM

PA'I RIM PA'O, ,ZHES BSHAD PA LTAR SMAN ZHABS KYIS KYANG BSHAD
PAS THUN BZHI'I BYED TSUL DE LTAR RO, ,THUN DANG PO THO RANGS
KYI THUN LA SNGAR BSHAD PA LTAR BYAS NAS THUN GZHAN GSUM LA
RGYAS BSDUS KHYAD PAR MED PAR BYA BA'AM MI BYA SNYAM NA, LVA?
BA PAS, THUN DANG PO LA CHO GA THAMS CAD SPYAD NAS GUNG DANG
PHYI DRO'I THUN MTSAMS

LA RANG NYID 'OD DU GYUR PA H'Um DU GYUR TE DE YONGS SU GYUR PA
LAS RTEN DANG BRTEN PA'I DKYIL 'KHOR GSAL BAR DMIGS NAS DBANG
BSKUR BA PHYIN CHAD TSANG BAR DANG THUN THA MA LA CHO GA THAMS
CAD BYED DE DRIL BU BAS KYANG DE BZHIN DU BSHAD DO, ,MU TIG
PHRENG BA LAS, THUN GZHAN LA RANG NYID BDAG MED MAR BSGOM NAS
SNYING KHA'I

@003A *, (,SA BON LAS 'KHOR GYI LHA MO BCU BZHI PHYUNG STE GNAS
SU BKOD NAS RNAM DAG DANG SKU GSUNG THUGS BYIN BRLAB DANG DBANG
BSKUR BA MAN CHAD RNAMS RDZOGS PAR BYED PAR BSHAD PA BZHIN DU
NAG PO SPYOD PA DANG DAM TSIG RDO RJES KYANG THUN GZHAN LA
SNYING KHA'I SA BON LAS 'KHOR LO SPROS TE 'GOD PA DANG YE SHES
LA GZHUG PA DANG DBANG BSKUR

BA MAN CHAD RDZOGS BAR BYED BAR BSHAD DE, DE DAG GI BZHED BAS
GZHAL LAS KHANG MA BSDUS PAR YOD PAS DE'I SKYED CHOG DANG SRUNG
'KHOR DANG TSOGS GA SOG BZHAG NAS DANG PO SBYOR BA DRAN RDZOGS
BYAS TE DKYIL 'KHOR RGYAL MCHOG THUGS KHA NAS SPRO BA TZAM BYAS
PA'I LUGS SO, ,PHYED BCAS BZHI BRGYA LNGA BCU PA'I 'GREL PA LAS
KYANG, THUN MTSAMS SU YANG ZHES BYA BA NI

NYI MA GUNG DANG NYI MA'I MTHA' DANG MTSAN PHYED LA YONGS SU
RDZOGS PA'I DKYIL 'KHOR YUD TZAM GYIS MNGON DU BYAS LA, MCHOD PA
DANG BSTOD PA LA SOGS PA YANG SNGA MA BZHIN BYAS NAS GNYID LDOG
PA'I DUS SU NYAL BAR BYA'O, ,ZHES GSANG 'DUS LA YANG DE LTAR BYA
BAR GSUNGS TE SNGA MA DANG 'DRA'O, ,SNYEM BCU GNYIS PA LA,
,'BREL BAS NI THUN GZHAN GYI CHO GA RJES SU

BSGRUB BO, ,SKABS YOD NA NI MTHA' DAG BSGRUB BO, ,ZHES THUN DANG
PO LA DAL NA CHO GA THAMS CAD DANG, BREL NA THUN GZHAN GYI CHO
GA STE CHO GA BSDUS PA BYA BAR BSHAD LA, SMAN ZHABS KYIS BREL NA
THUN DANG PO LA TSANG BAR BSGOMS NAS THUN GZHAN LA RANG GI GDAN
LA LHA'I NGA RGYAL GYIS GNAS TE YI GE GSUM GYIS DKYIL 'KHOR GYI
LHA SPROS NAS DBANG BSKUR MCHOD

BSTOD BDUD RTZI MYANG BA BYA ZHING, PHRA THIG GANG RUNG LA GNAS
NAS BZLAS PA BYAS TE BSDUS NAS SNGA MA LTAR BYA BAR GSUNGS TE,
DAM TSIG RDO RJES BSHAD PA LTAR YE SHES BA GZHUG DGOS PA 'DRA'O,
,DE LTAR NA THUN THOG MTHA' GNYIS RGYAS LA BAR BA BSDUS PA'I
LUGS GCIG DANG, DANG PO RGYAS LA GZHAN GSUM BSDUS PA NI DAL BREL
GYIS MIN GYI,

RGYUN PA'I BYED LUGS SO, ,BREL BAS KYANG DANG PO RGYAS PA DANG
MTHA' MA GSUM BSDUS TE BYED PA DANG, THUN DANG PO LA YANG DAL
BREL GNYIS KYI DBANG GIS RGYAS BSDUS GNYIS BYED LA GZHAN GSUM
BSDUS TE BYED PA MAN SNYE'I LUGS RNAMS LAS GANG RUNG BYA LA,
ZHES GSUNGS SHING, DE'I DON NI MKHAS GRUB RIN PO CHE'I GSUNG
'BUM THOR BU LAS

@003B KYANG, RGYAS BSDUS BYA TSUL DE LTAR DU BSHAD PA DANG,
MKHAS MCHOG NGAG DBANG BRTZON 'GRUS KYIS, 'JIGS BYED KYI BSKYED
RIM GYI 'KHRID YIG LAS KYANG, THUN RE RE'I NANG DU LONG SKABS
YOD NA SGRUB THABS RGYAS PA BSGOM PA GRUB CHEN DZ'A LAN DHA RI
BAS BSHAD PA LTAR RAM,, YANG THUN THOG MTHA' GNYIS RGYAS LA BAR
PA BSDUS PA BYED PA GRUB CHEN SMAN ZHABS

KYIS BSHAD PA LTAR RAM, THUN DANG PO RGYAS LA MTHA' MA GSUM
BSDUS PA GRUB CHEN LA BA'I NA BZA' CAN GYIS BSHAD PA LTAR RAM,
BREL BA BYUNG NA BZHI KA BSDUS PA BYAS CHOG PA GRUB CHEN AA BHYA
KA RAS BSHAD PA GANG RUNG BYA, ZHES GSUNGS PA BZHIN, RGYAS BSDUS
BYED PA'I TSE DE LTAR BYA TSUL SHES DGOS LAS, DE LA GONG GI YUNG
DON

ZHIB PAR SHES DGOS PA YOD NA'ANG MANG DU DOGS NAS MA BRIS SHING,
'JIGS BYED LA RGYAS BSDUS JI LTAR BYA BA CUNG ZAD CIG 'OG TU
'CHAD PAR 'GYUR RO, ,DE'I PHYIR BYED TSUL SHES SHING BLOS 'TSUN
NA SNGAR LTAR BSDUS PA BYED PA YANG RANG BZO MIN GYI, MKHAS GRUB
TSAD LDAN DU MA'I BZHED PA YIN PAS BYAS PA LA 'GAL BA CI YANG
MED LA, 'ON KYANG BREL BA,

MED PA'I TSE THUN BZHI KA 'AM THOG MTHA' GNYIS LA RGYAS PA BYAS
NA NI LEGS PA YIN TE, SNGAGS RIM CHEN MO LAS, DA YAN? LA BA BA
LA SOGS PA'I LUGS SU BYAS NA, LHA BSGOM PA'I YUN RING PA LA
KHYAD CHE ZHING SBYANG GZHI SBYONG BA'I BSKYED RIM GYI GNAD
RNAMS MI 'CHAD PAR SNANG NGO, ,ZHES GSUNGS PA'I PHYIR RO, ,BLA
MED KYI SKABS SU DBANG DANG RAB

GNAS SBYIN BSREG SOGS BYED RUNG GI BSNYEN TSAD LA NI, BRTAG
GNYIS LAS, DKYIL 'KHOR BDAG PO'I BZLAS PA 'BUM, ,DKYIL 'KHOR BA
YI KHRI YIN TE, ,ZHES GSUNGS PA LTAR, LVA BA'I NA BZA' CAN DANG,
GRUB CHEN DPAL 'DZIN DANG, RJE RIN PO CHES GSUNGS SHING, MKHAS
GRUB RIN PO CHES RGYUD SDE SPYI RNAMS LAS, BLA MED

KYI DKYIL 'KHOR PHAL CHE BA LAS, GTZO BO'I BZLAS PA 'BUM, 'KHOR
RNAMS LA KHRI KHRAG RE RE BYA DGOS PAR GSUNGS, ZHES BSHAD PA
LTAR RO, ,GZHAN NAS GTZO BO'I SNGAGS 'BUM SOGS BZLAS PA'I BCU
CHA'I SBYIN BSREG BYA BAR GSUNGS PA NI, SNGAGS RIM LAS, DNGOS
GRUB BSGRUB PA'I SKABS LA DGONGS PA YIN PAS DKYIL

@004A *, ,'KHOR GYI CHOG BYED PA'I SNGA ROL GYI BSNYEN PA LA DE
MI DGOS PAR BSHAD LA, RJE'I 'DUS PA'I DKYIL CHOG LAS, GTZO BO LA
'BUM, 'KHOR RNAMS LA KHRI YE SHES 'BEBS SNGAGS 'BUM BZLA BA DANG
DE'I BCU CHA'I SBYIN BSREG BYA BAR BSHAD KYANG, BSNYEN BA'I KHA
SKONG GI SBYIN BSREG BYED MI BYED GSAL BAR MA BSHAR,

SNGAGS RIM LAS NI, DE MA BYAS KYANG CHOG PAR BSHAD CES MKHAS
GRUB RIN PO CHES GSUNGS SHING, GSHIN RJE GSHED DMAR NAG GI DKYIL
CHOG LAS NI BSNYEN PA'I KHA SKONG GI SBYIN BSREG BYA DGOS PA
GSAL BAR BSHAD PAS, RANG RANG GI LUGS KYI KHYAD PAR SHES DGOS
SO, ,'ON KYANG DKYIL 'KHOR PHAL CHER LA YE SHES

'BEBS SNGAGS KHRI DANG KHA SKONG GI SBYIN BSREG CI NUS ZHIG BYAS
NA NI LEGS PAR MNGON TE, D'A RI KA BAS, 'BRING NGAM CHUNG DU'I
TSUL GNAS NA, ,DKYIL 'KHOR DBANG PO 'BUM DU STE, ,DE BZHIN MKHA'
'KRO STONG PHRAG BCU, ,BZLAS TE LHA RNAMS MCHOD BAR BYA, ,YE
SHES MCHOG LA KHRI PHRAG STE, ,SBYIN BSREG MCHOG GIS NYE

BAR MCHOD, ,CES GSUNGS PA'I PHYIR RO, ,SNGAGS RIM SOGS NAS, GTZO
BO'I SNGAGS 'BUM MAM, RANG GIS DBANG ZHU BA'I SKABS SU ME TOG
PHOG BA'I LHA GANG YIN PA DE'I SNGAGS 'BUM BZLA BA 'DAM KHA CAN
DU BSHAD PAS GTZO BO'I SNGAGS KYI GRANGS NGES BZUNG DU MI DGOS
SO, ,GTZO BO'I SNGAGS BZLA NA'ANG RTZA SNGAGS NGES PAR DGOS

BA MA YIN TE SNYING POS KYANG CHOG BER RJE YAB SRAS KYIS BSHAD
PA'I PHYIR RO, ,RNAL 'BYOR RGYUD KYI SKABS SU NI JI LTAR BYA BA
RDO RJE 'BYUNG BA LAS GSUNGS BA LTAR, SNGAGS RIM NAS BSNYEN BA
BYED TSUL RGYAS 'BRING BSDUS GSUM BSHAD PA'I BSDUS PA NI, RNAL
'BYOR CHEN PO'I LHA RE RE'I BZLAS PA 'BUM BYA BAR GSUNGS LA, KUN
RIG tIG CHEN

LAS NI RGYAS PA'I DBANG DU BYAS NAS ME TOG GANG PHOG GI LHA DE'I
SNGAGS 'BUM MAM, YANG NA RTZA RIG 'BUM DANG, 'KHOR GYI LHA RNAMS
LA KHRI PHRAG RE BZLA BAR BSHAD CING, YE SHES 'BEBS SNGAGS BZLA
DGOS MI DGOS MI GSAL LA, RJE NYID KYIS KYANG 'DIR GSAL BAR BSHAD
PA MI SNANG BAS 'BEBS SNGAGS BZLA BA'AM

@004B MA BZLAS KYANG MI 'GAL BAR SEMS, SGRO NA, LHAN THABS ZHIG
NAS GTZO BO'I SNGAGS 'BUM DANG 'KHOR RNAMS LA KHRI YE SHES 'BEBS
SNGAGS 'BUM SBYIN BSREG DANG BCAS PA BYA BAR BSHAD PA LTAR BYAS
NA'ANG LEGS, YE SHES 'BEBS SNGAGS NI, KHA CIG GA BAR 'DUS NAS
BSHAD PA DE YIN ZHES BZHED KYANG, KHO BO LTAR NA NI RANG RANG GI
SKABS

NAS BSHAD PA'I YE SHES 'BEBS TSUL DE KA YIN SNYAM STE BRTAG
,DE'I PHYIR KUN RIG GI SGO NAS GZHAN DON BYED PAR 'DOD PAS NI
RAB SNGAR BSHAD PA LTAR BYA ZHING, MA THA'ANG GZUNGS THUNG 'BUM
PHRAG GCIG NGES BAR BZLA DGOS KYI, GZHAN DUN NYES PA DANG BCAS
PAR 'GYUR RO, ,GTZO BO'I SNGAGS NI, RAB RTZA RIG DANG DE MIN
NA'ANG, GZUNGS THUNG GIS KYANG CHEG PAR SEMS

BZLAS PA'I TSE THUN DANG PO LA CHOG RDZOGS PAR BYAS NAS, THUN
GYI MTHAR YIG BRGYA BRJOD BA'I RJES SU GTZO BO LAS BYED NAS GNAS
GSUM BYIN GYIS BRLABS TE, THUN MTSAMS KYI BYA BA LA 'JUG CING
PHYI MA GSUM LA 'JUG BA'I TSE, GTZO BO'I DAM RGYA BCINGS NAS
SNGAGS BRJOD DE GTZO BO DANG DBYER MED DU GYUR PAR BSAMS LA,
MCHOD BSTOD BYAS NAS BZLAS PA LA

ZHUGS CHOG PAR BSHAD PAS, TSE KA SLAR 'DON DGOS BA NI MIN NO,
,SPYOD RGYUD DANG CHUNG BAS 'DIR BZHAG LA, BYA RGYUD LA NI LEGS
GRUB LAS, ,BCO LNGA MAN CHAD GRANGS RNAMS LA, ,SBYIR NA YI GE DU
YOD PA, ,DE SNYED 'BUM PHRAG BZLAS BRJOD BYA, ,YI GE SUM CU RTZA
GNYIS LA, ,BZLAS BRJOD SUM 'BUM BYA BAR BSHAD, ,DE BAS MANG PA'I
YI GE LA,,

SNGON DU BSNYEN PA KHRI BYA'O, ,ZHES GSUNGS PA LTAR YIN ZHING
'BUM BZLA BAR YANG BSHAD PAS GANG RUNG NGO, ,'DI LA GTZO BO MA
GTOGS 'KHOR GYI BSNYEN PA MI DGOS PAS, BDAG BSKYED LA NI, DKYIL
'KHOR BCAS SAM GTZO RGYANG BSKYED PAS KYANG CHOG GO ,RGYUD SDE
BZHI GANG GI SKABS SU YANG, BSNYEN BA BYED PA'I TSE LHA'I GNANG
BA THOB NA, ,

BZLAS PA'I GRANGS MA RDZOGS KYANG DES GO CHOD LA, GNAS GCIG TU
BSNYEN BA'I GRANGS RDZOGS DGOS KYI, GNAS GZHAN DU PHYED DANG, DE
LAS GZHAN DU BYED BZLAS NAS GRANGS RDZOGS BYUNG BSNYEN BA'I
BRANG RDZOGS PA'I GO MI CHOD CING THUN GYI TSE BAR SEMS G-YENG?
NAS BZLAS PA BSNYEN PA'I GRANGS LA MI 'DREN PAR BSHAD, THUN 'O
GNAS

@005A *, ,'JUG GI BAR RING THUNG NI RANG GI KHAMS LA DPAG STE
BYA'I, HA CANG RING NA SUN PA DANG, HA CANG THUNG NA SNGAGS BZLA
BONG MED BAR JI LTAR 'TSAM PAR BYA'O, ,THUN DNGOS GZHI'I SKABS
SU GTAM SMRA BA DANG BZA' BA TUNG DANG 'GRO BA'I BYA BA MI BYA
LA, THUN MTSAMS SU NI, SMRA BCAD BYA BA 'AM MA BYAS KYANG MI

'GAL ZHING, SMRA DGOS NA MTSAMS G-YO GA BA DNGOS SAM, MTSAMS 'OG
TU CHUD PAR BYAS BA LHA BUM GTOGS GZHAN DANG NGAG BSRE BAR MA
BYAS NA LEGS LA, 'ON KYANG BDE MTSAMS LA NI NGES PA MED DO, ,BLA
MA KHA CIG BDE MTSAMS YIN NA, LHA GZHAN BSGOM BA DANG DE'I
SNGAGS BZLA BA SOGS RUNG YANG, MTSAMS DAM BAR BYED TSE LHA DE'I
MNGON

RTOGS SOGS DANG YIG BRGYA DANG LHA BLA MA'I BSTOD PA LHA BU MA
GTOGS, LHA GZHAN GYI MNGON RTOGS DANG BZLAS BRJOD NI DNGOS
GZHI'I SKABS SU MA ZAD THUN 'TSAMS SU YANG MI BYA BAR BSHAD LA,
'ON KYANG MKHAS GRUB RIN PO CHES NI, NYIN GCIG LA DKYIL 'KHOR MI
'DRA BA BZHI'I BSNYEN PA BYA RUNG BAR BZHED CING, NYIN GCIG THUN

BZHI LA DE LTAR BYED PA NI, RGYA GZHUNG NA MI GSAL YANG, BOD KYI
BLA MA RNAMS KYI PHYAG BZHES SU GDA' BA LA LHA DU MAS RGYUD BYIN
GYIS BRLABS BA'I DGOS PA YOD PAS, PHUN SUM TSOGS BA'I YAN LAG
YIN PAR BSHAD CING, BYED LUGS KYANG DE'I GSUNG 'BUM NAS 'BYUNG
BA LTAR SHES DGOS, THUN GYI RING ZAS GOS SOGS

GRIB CAN GYI RIGS LA 'DZEM DGOS SHING, KHA BLTA PHYOGS NI, RDO
RJE 'PHRENG BA LAS, BYANG DU KHA BLTAS RGYAS BA'I LAS, ,DE BZHIN
ZHI BA SHAR DU BLTA, ,DRAG PO'I LAS LA LHO YI PHYOGS, ,DBANG GI
LAS LA NUB TU BLTA, ,ZHES GSUNGS BA LTAR RAM, MA BDEN PHYOGS
RTOG BAS BRTAGS BA TZAM DU BSAMS LA GANG BDE BYA, RDO RJE'AM

G-YUNG DRUNG LTA BUS MTSON BA'I STAN LA SPYOD LAM TSUL DANG
MTHUN BAR 'KHOD DE, 'KHOR BA DANG NGAN SONG LAS THAR 'DOD DANG,
CHOS 'DI LTA BU BSGRUB TU YOD PA NI SKAL BA BZANG SNYAM DU DGA'
BA BSGOM, DE'I TSE RTAGS MTSAN BZANG NGAN GANG BYUNG YANG RE
DOGS MI BYA ZHING, BZANG PO BYUNG NA'ANG RLOM SEMS DANG NGAN PA
LA'ANG RNAM RTOG BYAR MI

@005B DUNG NGO, ,THO BA ZHI RGYA CHEN BA ZHIR BSKYED PA NI, RJE
LA BA SRAS KYI GSUNG LAS BSHAD PA MA MTHONG YANG, BLA MA 'GA'
ZHIG GIS BSHAD PAS BYA BA'AM MA BYAS KYANG MI 'GAL, 'ON KYANG
THUN 'DZUG PA'I THOG MAR BGEGS GTOR GTONG BA SOGS BYAS NA LEGS
SHING, MA GRUB NA, YUNGS KAR LA DRAG SNGAGS BRTAB STE, SUMBHA

NI SOGS KYIS BSHEGS BSGRAD TZAM BYA BAR BSHAD, BLA MED KYI SKABS
THUN MTSAMS SU GANG ZAG RTOGS PA MTHON PO LA SHA CHANG SGO
GTZONG SOGS MA BKAG NA'ANG SO THAR GYI SDOM BA DANG LDAN PAS NI,
DAM RDZAS YIN PA'I 'DU SHES KYIS NANG MCHOD MYANG BA TZAM MA
GTOGS, CHANG LA SRED PA'I YID KYIS 'THUNG GTAN NAS MI

RUNG, RGYUD SDE 'OG MA'I SKABS SU SHA CHANG SOGS LA LONGS SPYAD
DU MI RUNG SHING GTZANG SPRA LA GNAS BA GAL CHE, GTOR MA NI,
THUN BZHI KA'I MTHAR GRUB NA RAB, MA GRUB NA THUN PHYI MA'I
MTHAR 'BUL DGOS LA, GZHAN JI LTAR BYA BA NI RANG RANG GI GZHUNG
NAS BSHAD PA LTAR RO, ,GNYIS PA 'JIGS BYED KYI BSNYEN BA BYED

TSUL BSHAD PA LA GNYIS, SBYOR BA DANG, DNGOS GZHI'O, ,DANG PO LA
BZHI, 'DI'I CHE BA, RTEN DANG, GNAS DANG, YO BYAD SOGS GYI KHYAD
PAR RO, ,DANG PO NI, 'DI'I THUN MONG MA YIN BA'I KHYAD CHOS NI
LNGA STE, SPYIR YI DAM 'DI LA BRTEN NA 'TSANG RGYA BA LA BGEGS
KYIS MI TSUGS SHING BYIN RLABS MYUR BA'I KHYAD CHOS ,

RGYU MA DANG MI THAB GNYIS KYIS 'DUS PA NAS BSHAD PA'I SGYU LUS
DANG 'OD GSAL MTSON BA'I KHYAD CHOS, KHA tV'Am KAS 'KHOR LO BDE
MCHOG DANG KYE RDOR NAS BSHAD BA'I BDE STONG STON BA'I KHYAD
CHOS, ME THAB KYIS SHES RAB GZHAN LAS CHE ZHING SDIGS MDZUB KYIS
DNGOS GRUB MYUR BA DANG SKYES BU GSAL SHING LA BSKYON PAS NI
SDIG CAN BTZAN THABS SU 'TSANG

RGYA BAR NUS PA'I KHYAD CHOS, RJE BTZUN SPYIR RGYAL BA KUN GYI
YAB YIN ZHING, KHYAD PAR 'JIGS BYED LA RGYU 'BRAS YE SHES SEMS
DPA' GSUM KA'I SKABS SU 'JAM DPAL GYI ZHAL DNGOS SU YOD PAS TSE
RABS KUN TU RJE BTZUN GYIS RJES SU 'DZIN BA'I KHYAD CHOS DANG
LDAN BA'I PHYIR RO, ,GNYIS PA NI, RTEN SGRUB PA PO DAD PA CHE
ZHING BYAMS SNYING RJE BYANG CHUB GYI

@006A *, ,SEMS DANG SBYIN SOGS KYI SPYOD PA DANG LDAN ZHING
GZHAN DON LA DNGOS SU BRTZON PA'AM DE DAG PHYOGS MTHUN YOD PA
DANG, KHYAD PAR DU 'DI'I DBANG BSKUR BA THOB CING DAM TSIG DANG
SDOM PA LA GNAS PA ZHIG DGOS, GSUM PA NI, GNAS SHING DRUNG NGAM?
DUR KHROD SOGS RGYUD NAS BSHAD PA LTAR RAM, RANG GI YID DANG

MTHUN PA'O, ,BZHI PA NI, MCHOD RDZAS SPYI DANG, KHYAD PAR BRIS
SKU DANG, RDOR DRIL, NANG MCHOD SOGS STA GON BYA ZHING BGEGS
BSKRAD, BDUD RTZI RIL BU'AM NANG MCHOD KYIS KHA DAG PAR BYA,
SAMBHA RA SOGS 'GYUR SNGAGS 'DON CING, NGAG BYIN GYIS RLOB NA,
AOm AA A'A NAS, (KshA H'Um SV'A H'A ZHES BA'I BAR LAN BDUN
BRJOD,) SKYABS SEMS SOGS SDON DU

'GRO BAS 'DOD NA BLA MA'I RNAL 'BYOR RGYAS BSDUS GANG RUNG NGAM,
GSOL 'DEBS CI RIGS BYA, DE NAS THUN DANG PO LA SNGON 'GRO GTOR
MA NAS BZUNG STE NYER BSDU'I BAR MNGON RTOGS NAS 'BYUNG BA LTAR
RIM PAR BSGOM, PHYI MA GSUM GYI CHE TSOGS ZHING NAS BYA LA,
(BSKYED TSUL BSDUS BA BYED NA, BDAG MED PA'I RANG BZHIN STONG PA
NYID DU GYUR, STONG BA'I DANG

LAS SKAD GCIG GIS RDO RJE'I SA GZHI GUR BLA RE MI RI DANG BCAS
PA'I DUR KHROD CHEN PO BRGYAD KYIS YONGS SU BSKOR BA'I RE MIG
DGU BA'I DBUS SU YAm LAS RLUNG GI DKYIL 'KHOR, ZHES SOGS MNGON
RTOGS LTAR LA, DKYIL 'KHOR RGYAL MCHOG GI SKABS SU LHA BCU GSUM
GYI SKUR YONGS SU RDZOGS PAR GYUR BA NI, DBUS KYI GDAN LA DPAL
RDO RJE 'JIGS BYED CHEN

PO NAS, G-YAS BSKUM ZHING G-YON BRKYANG BA YUM DANG BCAS PA'I
SKUR BZHENGS PAR GYUR, NANG GI SHAR DU GTI MUG GSHIN RJE GSHED
DKAR PO YAB YUM NAS, BYANG SGOR RAL GRI GSHIN RJE GSHED LJANG
KHU YAB YUM, NANG GE SHAR LHOR RTZA RTZI KA DKAR MO YAB YUM,
NAS, BYANG SHAR DU GO RI LJANG KHU YAB YUM, GVA BZHIR MI'I THOD
PA BDUD RTZIS GANG BA

BZHI; ZHES DAL BUS BRJOD CING BSAMS LA MNGAL 'BYIN BYAS TE,
PHYOGS SKYONG DGUG BSKYED DOR NAS SKYE MCHED BYIN RLABS KYANG
BSDU ZHING, DE MAN CHAD NI GZHUNG LTAR RGYAS BSDUS CI RIGS DANG,
DAG PA DRAN PAR MA BYAS KYANG MI 'GAL, GONG DU DRANGS PA'I
SNGAGS RIM GYI DON LTAR NA, DE LAS KYANG BSDU TSUL ZHIG SNANG
YANG 'DIR MA BRIS TE, KHA

@006B CIG HA CANG SLA CHOS BYED PAR DOGS PA'I PHYIR RO, ,RGYAS
BSDUS GANG BYAS KYANG YID LA BSHAR BSGOM BYA ZHING, BRGYAL DANG
GSAL SNANG BRTAN PO'AM, LHAG TU'ANG DE DANG DE'I MOS PA SHUGS
CAN BYA DGOS TE, GSAL SNANG DANG NGA RGYAL GNYIS LAS NGA RGYAL
GTZO BO YIN PAR RJE NYID KYIS BSHAD PAS, TSIG TZAM BRJOD PA LHUR
MI BYED DO, ,THUN DANG PO'I TSE

DAG PA DRAN PA'I RJES SU BRENG BA GSUNG RDO RJER BSKYED PA SOGS
BYA LA, PHYI MA GSUM GYI TSE BYED DAM MA BYAS KYANG MI 'GAL, ZHI
KHRO SBRAGS SGRUB LA MANG YANG THUN MONG BA TZAM BYED NA, YE
SHES SEMS DPA'I THUGS KA'I NYI GDAN ZLA GDAN DANG H'Um YIG DH'I:
YIG TU GYUR BA'I MTHAR AOm AA RA PA TZA NAS BSKOR BA LAS 'OD ZER
'PHROS, LUS KYI NANG GANG ,

MI SHES PA DANG SDIG SGRIB THAMS CAD SBYANGS, PHYIR 'PHROS PAS
SEMS CAN THAMS CAD LA ?? ,DE RNAMS KYI MI SHES BA SOGS SBYANGS
NAS 'JAM PA'I DBYANGS KYI GO 'PHANG LA BKOD, ,'OD ZER LAS 'PHROS
PA'I MCHOD PA'I LHA MOS RGYAL BA SRAS BCAS RNAMS MCHOD CING, DE
DAG GI MKHYEN RAB THAMS CAD BSDUS NAS RANG LA THIM PAS,

SHES RAB KYI SNANG BA KHYAD PAR CAN THOB PAR BSAMS LA, YIG 'BUM
MAM, 'BUM PHRAG GCIG DANG, YANG NA CI NUS BZLA , RTZA SNGAGS
SOGS BZLA BA'I TSE ZLA GDAN NYI GDAN DANG DH'I: YIG H'Um YIG TU
GYUR BA'I MTHAR, NANG NAS RIM BA BZHIN DU YA MANTA KA ,HR'I:
sht'I: YA MA R'A DZE RNAMS KHA DOG SNGO NAG 'OD ZER 'GRO BA'I
RNAM BAR BKOD NAS H'Um DANG SNGAGS

'PHRENG LA YID GTAD DE, HA CANG MYUR BUL SOGS KYI SKYON DANG
BRAL BAR BZLA ZHING, PHRENG BA LHA 'GUG BA'I DMIGS PAS BA GRANG,
SNGAGS GSUM KA LA BSNYEN BA BYED NA, RTZA SNGAGS NAS THOG MAR
BZLA BA'AM, YA M'ANTA KA NAS THOG MAR BZLA BA GANG BDE YIN PAR
GSUNGS SHING, LAG LEN DU RTZA SNGAGS NAS THOG MAR BYED PA DANG,
GSUM PO GANG

RUNG ZHIG? LA GRANGS BSNYEN? BYED NA, SNGAGS GSUM KA 'GOD BA'AM
GANG BZLA BA DE KHO NA BKOD KYANG CHOG PAR BSHAD CING, GSUM KA
BKOD NA SNGA MA BZLAS ZIN PA NA PHYI MA LA THIM BAR BSAM PA GANG
BDE, BAR BAR DU DBUGS DANG LHAN CIG SPRO BSDU BYA ZHING, DE YANG
DBUGS PHYIR 'BYUNG BA DANG LHAN CIG DKYIL 'KHOR LHA TSOGS SAM,
'OD ZER

@007A *, ,RTZA ZHES GYI SHANGS PHUG G-YAS NAS THON, SEMS CAN
GYI DON BYAS, DBUGS RDUB PA DANG LHAN CIG SLAR 'DUS NAS SNGAGS
'PHRENG LA THIM ZHING, ZHAL DGU DANG LHA THAMS CAD KYI ZHAL
NAS 'DON BAR BSAM, RTZA SNGAGS THOG MAR 'DON PA GTZO BOR BYED
NA DE GANG MANG DANG GZHAN NYER GCIG SOGS CI 'GRUB ,

DE BZHIN DU GZHAN GNYIS LA'ANG SBYAR ZHI RTZA SNGAGS 'GRUB TU
NYE BA'I TSE YI GE BCU PA GTZO BOR BZLA BA SOGS BYA, SNGAGS
GSUM PO GANG RUNG ZHIG YIN NA GANG BZLA BA DE CI MANG DANG
GZHAN GANG 'GRUB, DE YANG HR'I: sht'I: YIN NA RTZA SNGAGS SA
MA YA M'ANTA KA'I RJES SU 'DON PA'I KHYAD PAR MA GTOGS 'DRA
LA, 'ON KYANG GANG GTZO BOR BZLA BA DE SNGON LA

BZLAS CHOG PAR NI BSHAD DO, ,GRANGS NI, BSHAD RGYUD RTOG PA
GSUM PA LAS, 'DI NI MA HE'I GDONG CAN GYI, ,SNYING PO'I SNGAGS
SU RAB TU GRAGS, ,YI GE RE RE 'BUM BZLAS PAS, ,'JIG RTEN GSUM
GYI LAS NI GANG, ,CI YANG RUNG BA THAMS CAD BYED, ,CES YA
M'ANTA KA YIG 'BUM DANG, LAS KYI SNGAGS SU RAB TU GRAGS,

SUM 'BUM BZLAS PAS LAS KUN BYED,, CES, HR'I: sht'I: SUM 'BUM
DANG, ,MA HE'I GDONG CAN RTZA SNGAGS TE, ,'BUM BZLAS PA YIS
LAS KUN BYED, ,CES RTZA SNGAGS 'BUM BZLA BAR BSHAD CING, DE
YANG ZHI SOGS KYI LAS BSGRUB PA'I SKABS LA DGONGS PA STE DBANG
BSKUR RAB GNAS SBYIN BSREG SOGS BYA BA LA, GSUM KA'AM ME GE

BCU BA 'BUM PHRAG GCIG BZLAS NA CHOG PAR YANG BSHAD PAS SKABS
DANG BSTUN CING, DA LTA'I GANG ZAG GIS LAS MANG PO 'GRUB PA LA
NI GRANGS KYI BSNYEN PA SA YA'AM BYE BA LTA BU 'GRO DGOS PAR
BSHAD DO,, RTOG GSUM GYI LUNG SNGAR DRANGS PA LTAR, RJE'I ZA
MA TOG LAS KYANG, YA M'ANTA KA SNYING POR BSHAD CING, BLA MA
KHA CIG DE SNYING PO

DANG, GR'I?: sht'I: NYE SNYING DU BZHED LA, CANG GYA ZHABS
SOGS MANG POS NI DE LAS BZLOG STE BSHAD PAS BRTAG ,'KHOR GYI
SNGAGS GRANGS NI KHRI YIN LA, BZLA BA'I TSE BUM LA SOGS PA'I
THUGS KAR NYI GDAN LA RANG RANG GI SA BON GYI MTHAR RANG RANG
GI SNGAGS RNAMS G-YAS SKOR DU 'GRENG STE 'OD ZER 'BAR BA'I
RNAM PA CAN

@007B DU BLTA ZHING, SNGAR BZHIN GTZO 'KHOR THAMS CAD KYIS
'DON PAR BSAMS TE BZLAS NA 'GYUR CHE BAR BSHAD, BZLAS PA RNAMS
SONG NAS SNGAGS DE DAG CI 'GRUB BZLAS PA'I RJES SU, HR'I:
sht'I: 'I 'JUG TU, AA BE SHA YA STVAm BHA YA, RA RA RA RA,
TZ'A LA YA TZ'A LA YA, H'Um HA: A'A: DZHEE: H'Um PHAt, CES
PA'I YE SHES 'BEBS SNGAGS GANG MANG BZLA

STE, GRANGS NI KHRI KHRAG GCIG GO ,YANG NA HR'I: sht'I: 'I
'JUG TU H'Um HA: A'A: DZHEE H'Um PHAt, CES BTAGS PA NI YE SHES
'BEBS SNGAGS BSDUS PA YIN ZHES BSHAD PA LTAR BYA'O, ,DE'I TSE
DMIGS PA NI, RANG GI THUGS KA'I H'Um LAS 'OD ZER 'PHROS,
PHYOGS BCU'I SANGS RGYAS DANG BYANG CHUB SEMS DPA' THAMS CAD
RDO RJE 'JIGS BYED KYI RNAM PAR

SPYAN DRANGS NAS RANG GI LUNG LA CHAR CHEN PO 'BEBS PA BZHIN
THIM PAR BSAM, THUN GYI MTHAR YIG BRGYA MCHOD BSTOD GTOR 'BUL
NYER BSDU'I BAR SGRUB THABS NAS BSHAD PA LTAR BYA ZHING, 'DIR
LAS GSHIN LA'ANG GTOR 'BUL BYED PA GAL CHE'O, ,GSUM PA 'PHROS
DON GTOR MA'I RIM PA LA, DE'I RGYU NI SNGAGS RIM LAS, GTOR
MA'I

RDZAS NI ZAN DANG SRAN MA DANG SHA DANG NYA SHA DANG CHAN THUG
DANG KHUR BA DANG CHANG DANG CHU DANG TZONG DANG SGOG SKYA
DANG 'O MA LA SOGS PA'AM, MA 'BYON NA ZAN DANG CHU LA SOGS PA
TZAM YANG RUNG BAR PHRENG BA DANG MAN SNYE LAS BSHAD DO, ,CES
GSUNGS PA LTAR BYA ZHING, BLA MED KYI SKABS SU CHANG NI GTOR
RDZAS KYI GTZO BO YIN PAR BSHAD, GTOR

MA'I DBYIBS JI LTAR BYA BA NI, PAn CHEN RIN PO CHE'I GSUNG
'BUM AE WAm LAS, YE DAM SOGS KYI GTOR MA'I DBYIBS NI RGYUD
RGYA GZHUNG SOGS LAS GSAL BAR BSHAD PA MI 'DUG ,CES GSUNGS PA
LTAR, RJE YAB SRAS KYI GSUNG LAS KYANG GSAL BAR BSHAD PA MI
SNANG BAS, GONG GI RDZAS DE RNAMS 'BUL

RUNG BAR MNGON LA, 'ON KYANG PAn CHEN RIN PO CHES 'JIGS BYED
KYI GTOR MA'I DBYIBS RTZE MO ZUR GSUM LA RTZA BA CUNG ZAD ZLUM
PA SNYING GZUGS KYI RNAM PA CAN DU BYA BAR BSHAD CING, CANG
GYANG ZHABS KYIS KYANG DBYIBS SNYING GZUGS LTA BU LA DMAR
RTZIS BRGYAN PA'I MTHAR GONG GI RDZAS DE RNAMS GANG RUNG 'JOG

@008A *, ,BAR BSHAD PAS DE LTAR BYA, PHYAG LEN 'GA' ZHIG LA
ZLUM PO TZAM DANG DE LA GSHOG PA 'DOGS PA'I TSUL GNYIS SNANG
ZHING, GANG LTAR YANG GSANG BDE 'JIGS GSUM SOGS BLA MED PHAL
CHER LA NI ZLUM PO CUNG ZAD LDIR CHE ZHING DMAR RTZIS BRGYAN
PAR BYAS NA 'THAD PAR SEMS LA, DE YANG DRAG PO YIN NA ME

RI SOGS DANG BCAS SHING ZHI BA LA NI ME RI DOR NA LEGS SNYAM,
'ON KYANG MGON PO 'KHOR BCAS KYI GTOR DBYIBS NI MKHAS GRUB RIN
PO CHES BSHAD CING CHOS SKYONG DRAG PO LA NI ZUR GSUM BYED PA
DAR RO, ,GZHAN GTOR MA BYA TSUL GYI DPE ZHIG SNANG BA NI PHYAG
LEN YI GER BKOD PA YIN GYI, RGYUD RGYA GZHUNG DANG MKHAS GRUB

DAM PA'I GSUNG NAS DNGOS SU BSHAD PA MIN PAR RTOGS SO, ,RGYUD
SDE 'OG MA'I GTOR RDZAS NI, ZAN DANG KHUR BA DANG CHAN THUG
DANG CHU DANG 'O MA SOGS BYA ZHING, DBYIBS NI ZLUM PO DKAR
RTZES BRGYAN PA LA SGOR RGYAN BYAS NA 'THAD PAR BZHED, 'ON
KYANG SKABS STOBS KYIS KHYAD PAR 'BYED DGOS SHING, PHYAG LEN
LA

GZHI BDAG GTOR MA SOGS LA RKED DKRIS LTA BU ZHIG BYED PAR
SNANG LA, DE YANG KHA CIG PAD 'DAB KYI DBYIBS LTA BU DANG, DE
LAS SKYES BA'I RNAM PAR BYED DGOS ZER BA SOGS MANG YANG TSAD
LDAN GYI GZHUNG NAS BSHAD PA MA MTHONG BAS, DE YOD DAM MED
KYANG MI 'GAL BAR SEMS, 'BUL BA'I SNOD NI, SNGAGS RIM

LAS, GSHED DMAR GYI RGYUD LAS KYANG KHYOGS SAM ZANGS GZHONG GI
SNOD DU BYA BAR BSHAD LA, PHRENG BAR KHAM YOR DANG KHYOR BAR
YANG SBYIN PAR BSHAD PAS CI RIGS SO, ,ZHES GSUNGS PA LTAR SNOD
BZANG PO GANG YANG RUNG BA'O, ,BSKYED CHOG NI SNGAGS RIM LAS
RGYUD DANG RGYA GZHUNG GI LUGS MI 'DRA BA DU MA ZHIG

BSHAD KYANG RANG RANG GI CHO GA NAS 'BYUNG BA LTAR RAM, SPYI
'GRO YANG YOD PAS DE BZHIN DU BYA'O, ,SKABS GANG DU 'BUL BA
NI, BSNYEN PA'I 'JUG TU YIG BRGYA DANG MCHOD BSTOD MDOR BSDUS
ZHIG BYA BA'I MTHAR RAM, YIG BRGYA BZLAS PA'I MJUG NYID DU'ANG
RUNG LA, SPYIR BDAG BSKYED KYI MNGON RTOGS RGYAS PA'I MJUG

@008B KAM, RANG NYID SKAD CIG GIS LHA DE DANG DER BSKYED NAS
'BUL YUL GANG YIN PA DE LA PHUL KYANG CHOG ,'BUL BA'I YUL NI,
BDAG BSKYED RKYANG PA'I SKABS SU MDUN DU BSKYED CING YE SHES
PA SPYAN DRANGS TE BSTIM NAS 'BUL BA'AM, SKAD CIG GIS SPYAN
'DREN TZAM BYAS NAS 'BUL LA, MDUN BSKYED KYI SKABS SU DE NYID
LA 'BUL RUNG, 'JIGS BYED LA NI BDAG

MDUN 'JUG PA GCIG YIN NA BDAG BSKYED LA 'BUL RUNG YANG, BSNYEN
PA'I SKABS SU MDUN DU BSKYED PA'AM, SPYAN DRANGS PA TZAM BYAS
NAS 'BUL DGOS KYI, BDAG BSKYED NYID LA 'BUL PA NI RJE'I DGONGS
PA MIN NO, ,DE'I PHYIR BSNYEN PA'I TSE MNGON RTOGS DNGOS
GZHI'I SKABS SU PHYOGS SKYONG DGUG BSKYED BYED PA NI MI 'THAD
PAS, DES 'JUG TU

BYA'O; ;GTOR MGRON GYI LHA BSKYED TSUL SOGS LA RGYAS BSDUS
MANG DU YOD PA NI GZHAN NAS SHES PAR BYA ZHING, 'JIGS BYED LA
DE BYED TSUL GYI KHYAD PAR ZHIG BDAG GIS GZHAN DU BSHAD ZIN
TO, ,GTOR MA 'BUL BA NI GAL CHE BA'ANG YIN TE, SNGAGS RIM CHEN
MO LAS, GTOR MA NI RGYAD RNAMS LAS BGEGS NYE BAR ZHI BA DANG

DNGOS GRUB BSGRUB PA'I PHYIR THOG MA DANG THA MAR GAL CHE BAR
GSUNGS PAS BYA DGOS LA, ZHES GSUNGS PA'I PHYIR RO, ,SMRAS PA,
RGYUD SDE GONG 'OG DKYIL 'KHOR GYI, ,LHA YI BSNYEN PA BYED
TSUL SOGS, ,DAM PA'I GZHUNG LA BRTEN NAS NI, ,DON BSDUS GO
SLA'I NGAG GIS BSHAD, ? CES BYA'O, ,BSNYEN YIG? 'DI CHEN H'Um?
ZHING

MDZES ZHES BYA BA 'DI YANG, DAD PA DANG RNAM DPYOD YANGS PA'I
GNAS BRTAN GRAGS PA DPAL 'BYOR GYIS NYE BAR BSKUL BA LA BRTEN
NAS, SH'AKYA'I BTZUN PA BSHAD SGRUB MING CAN GYIS DAM PA SDAMS
MDZAD PA'I BSNYEN YIG 'GA' DE SNANG YANG, BSNYEN PA'I SKABS SU
MNGON RTOGS RGYAS BSDUS JI LTAR BYA TSUL LDAN PA'I RTZI'I

CHEN MO NAS 'BYUNG BA BZHIN GSAL BAR BSHAD PA MI 'DUG PAS,
'DIR DE BYED TSUL DANG BCAS TE GZHAN LA'ANG PHAN SRID SNYAM
PA'I 'DUN PAS SBYAR BA'O,, ,, SARBA MANGGA LAm ,, BHA WANTU ,,