[preliminary data - not manually proofread] [SNGON 'GRO'I DPAR GZHI] @001A *, ,'JIGS BYED DPA' BO GCIG PA'I SGRUB THABS BDUD DBUNG KUN 'JOMS ZHES BYA BA BZHUGS SO,, @001B #, ,NA MO GU RU MANYDZU GHRO sh'A YA, PHYI NANG GSANG BA'I 'CHI BDAG GSHIN RJE RNAMS, ,KUN NAS MTHAR BYED 'JAM DPAL DPA' BO DANG, ,DBYER MED RJE BTZUN BLA MA'I ZHABS BTUD NAS, ,'JIGS BYED DPA' GCIG SGRUB THABS BSHAD PAR BYA, ,'DIR 'JIGS BYED DPA' BO GCIG PA'I SGRUB THABS RGYUN GYI RNAL 'BYOR DU BYA BA'I TSUL LA RGYAS BSDUS GNYIS LAS, RGYAS PA NI RJE NYID KYIS MDZAD PA'I SGRUB THABS BDUD LAS RNAM RGYAL BZHIN CAD BY'A ZHABS DRUNG GIS BGRAL BLTAR YIN LA, SHIN DU BSDUS PA NI, PAn CHEN GONG MA'I GSUNG 'BUM NAS 'BYUNG BA BZHIN TE, 'DIR SNGA MA LAS BSDUS SHING PHYI MA'I DGONGS PA KHA BSKANG BA'I SGO NAS CUNG ZAD RGYAS PAR BSHAD PA NI, dA DRIL DANG, PHYI NANG GI MCHOD PA SOGS RNAL 'BYOR GYI YO BYANG RNAMS TSOGS BAR BYAS TE, SKYABS SEMS SOGS SPYI LTAR RAM, YANG NA DKON MCHOG GSUM LA SKYABS SU 'GRO, (ZHES SOGS SHLO KA GCIG GIS SKYABS 'GRO SEMS BSKYED LAN GSUM SNGON DU BTANG,) RANG NYID SKAD CIG GIS DPAL RDO RJE 'JIGS BYED ZHAL GCIG PHYAG GNYIS GRI GUG DANG THOD PA 'DZIN PA'I SKUR BZHENGS PAR GYUR, (NANG MCHOD BYIN RLABS RGYAS PA NI,) AOm HR'I: sht'i: WI KRi T'A NA NA H'Um PHAt, AOm LVA BH'A WA SHUDDHA: SARBA DHARMA: SVA BH'A WA SHUDDHO HAm, STONG PA NYID DU GYUR, STONG PA'I NGANG LAS, YAm LAS RLUNG GI DKYIL 'KHOR SNGON PO GZHU'I DBYIBS LTA BU BA DAN GYIS MTSAN PA, DE'I STENG DU RAm LAS ME'I DKYIL 'KHOR DMAR PO GRU GSUM PA, DE'I STENG DU A'A: LAS MI MGO'I SKYE BU GSUM GYI STENG DU A'A: LAS BYUNG BA'I THOD PA DKAR PO, DE'I NANG GI SHAR DU BHUm LAS BYUNG BA'I BA YANG GI SHA GOOS MTSAN PA, LHOR AA LAS BYUNG BA'I KHYI'I SHA @002A *, ,KUS MTSAN PA, NUB TU DZRIm LAS BYUNG BA'I GLANG PO CHE'I SHANGS MTSAN PA, BYANG DU KHA LAS BYUNG BA'I RTA'I SHAS HAS MTSAN PA, DBUS SU H'Um LAS BYUNG BA'I MI'I SHA NAS MTSAN PA, SHAR LHOR LAm LAS BYUNG BA'I DRI CHEN POS MTSAN PA, LHO NUB TU AAm LAS BYUNG BA'I RAKTA RAS MTSAN PA, NUB BYANG DU BAm LAS BYUNG BA'I BYANG SEMS DKAR PO SHUS MTSAN PA, BYANG SHAR DU TAm LAS BYUNG BA'I RKANG MAR MES MTSAN PA, DBU SU PAm LAS BYUNG BA'I DRI CHU MUS MTSAN PA, DE DAG GI STENG DU AOm DKAR PO, A'A: DMAR PO, H'Um SNGON PO GSUM STENG NAS STENG DU BRTZEGS PAR GYUR, RANG GI THUGS KA'I H'Um LAS 'OD 'PHROS, RLUNG LA PHOG ,RLUNG GA-YOS, ME SBAR, THOD PA'I RDZAS RNAMS ZHU ZHING KHOL BAR GYUR, YI GE GSUm LAS 'OD ZER RIM PA BZHIN DU 'PHROS PAS, SKU RDO RJE, GSUNG RDO RJE, THUGS RDO RJE RNAMS BKUG NAS, YI GE GSUM LA RIM GYIS THIM PA RNAMS THOD PAR LHUNG NAS ZHU BAS, H'Um GIS KHA DOG DRI NUS KYI SKYON SBYANGS, A'AS BDUD RTZIR RTOGS PAR BYAS, AOm GYIS MANG POR SBAR ZHING SBEL (BAR GYUR,) AOm A'A: H'Um, (LAN GSUM BRJOD NAS BYIN GYIS BRLABS PA 'AM, MDOR BSDU NA, YI GE GSUM DANG,) HA HO HR'I: (LAN GSUM GYIS NANG MCHOD BYIN GYIS BRLABS TE RANG NYID 'JIGS BYED ZHES PA NAS 'JUG PA'AM, RGYUN PA'I KHA TON LA SNGON 'GRO'I MCHOD GTOR SOGS MED NA MI 'GAL YANG, YOD NA) HR'I: shtRI: (SA BSANG, SVA BH'A (WAS STONG PAR SBYANGS,) STONG (PA'I NGANG LAS A'A: LAS BYUNG BA'I THOD PA YANGS SHING RGYA CHE BA) RNAMS KYI NANG DU H'Um H'Um ZHU BA LAS BYUNG BA'I MCHOD YON, ZHABS BSIL, (ZHES PA NAS,) ROL MO RNAMS RANG BZHIN BDE STONG RNAMS MCHOD RDZAS, BYED LAS DBANG PO DRUG GI SPYOD YUL DU ZAG PA MED PA'I BDE BA KHYAD PAR CAN BSKYED PAR GYUR, AOm AARGHAm A'A: H'Um NAS SHAPTA A'A: H'Um (GIS PAR GYIS BYIN GYIS @002B BRLABS, GTOR MA SNGAR BZHIN BRLABS TE,) RANG GI THUGS KA'I H'Um (ZHES PA NAS) PHYOGS SKYONG 'KHOR BCAS RANG GNAS SU GSHEGS PAR GYUR, (CES PA'I BAR GZHAN NAS 'BYUNG BA LTAR BYA, 'DIR BDAG BSKYED KYI MCHOD PA SNGAR BZHIN NAM SPRO NA 'DOD YON DANG BCAS PA BRLABS PA'AM, YANG NA 'OG TU BYA, MAndAL 'BUL 'DOD NAM GTOGS MI DGOS LA; RDOR SEMS KYI SGOM BZLAS BYA BA 'DIR DNGOS SUM GSUNGS KYANG, BYAS NA LEGS PAS DE NI) RANG GI SPYI BO? PAm LAS PADMA (ZHES PA NAS) SKU GSUNG THUGS DBYER MI PHYED PAR GYUR (CES PA'I BAR BCU GSUM MA LTAR BYA'O, ,DE NAS,) RANG NYID 'JIGS BYED ZHAL GCIG PHYAG GNYIS PAR GSAL BA'I THUGS KAR,) PADMA DANG NYI MA LA GNAS PA'I H'Um GI 'OD ZER GYIS 'JIG RTEN GYI KHAMS SU MED PA GSAL BAR BYAS, DE NA BZHUGS PA'I SANGS RGYAS DANG BYANG CHUB SEMS DPA' DANG KHRO BO DANG, RIG PA'I TSOGS KYIS BSKOR BA'I RDO RJE 'JIGS BYED BLA MA DANG BCAS PA MDUN GYIS NAM MKHAR SPYAN DRANGS, 'OD ZER RANG GI SNYING GAR THIM, GANG GI DRIN GYIS BDE CHEN GNAS, ,SKAD CIG GIS NI THOB 'GYUR BA, ,BLA MA RIN CHEN LTA BU YI, ,RDO RJE CAN ZHABS BDAL 'DUD, ,GZUGS MCHOG MCHOG TU DRAG PO CHE, ,DPA' BO MCHOG GI SPYOD YUL CAN, ,GDUL DKA' 'DUL BA'I DON MDZAD PA, ,RDO RJE 'JIGS BYED LA PHYAG 'TSAL, (,ZHES PAS PHYAG? BYA,) RANG GI SNYING GA'I H'Um GI 'OD ZER LAS BYUNG BA'I TZA RTZI DKAR MO, PHAG MO SNGON MO, DBYANGS CAN MA DMAR MO, KOO RI LJANG GU PHYAG NA MCHOD RDZAS SNA TSOGS PA THOGS PA RNAMS KYIS MCHOD PAR GYUR, AOm HR'I: shtR'I: HAS (MCHOD YON DANG,) AOm H'Um H'Um PHAt (KYIS ZHABS BSIL,) AOm WI KRi T'A NA NA DUshtAm SATVA DA MA KA GA: GA: GA: YIS DRI, AOm KU M'A RA R'U PI nE DZA: DZA: H'Um PHAt (KYIS ME TOG,) AOm HR'I: HA: HEE? PHAt (KYIS BDUG) SPOS, AOm D'I STA LO TZA NA WI KRi T'A NA NA MA H'A AAttA ttA H'A SA NA DI NI D'Am BTA YA SV'A H'A (SA MAR ME,) AOm BADZRA NEE BI DYA A'A: H'Um SV'A H'A, (SA LHA PA SHOS,) AOm BADZRA SHAPTA A'A: H'Um (GIS ROL MO RNAMS DBUL, DE NAS) SDIG PA RNAMS NI @003A *, ,BSHAGS PAR BYA, ,SKYES SHING BYUNG BA RNAMS NI BSAL, ,MI BYED PAR YANG SPYAN SNGAR BRJOD, ,DE BZHIN BSOD NAMS RJES YI RANG, ,BDAG GIS BDER 'GRO YONGS SU BSNGO, ,DKON MCHOG GSUM LA SKYABS SU 'GRO, ,SEMS CAN THAMS CAD BDAG GIS DGROL,, BYANG CHUB GNAS LA DGOD PAR BGYI, ,BYANG CHUB SEMS NI YANG DAG BSKYED, ,YON TAN RGYA MTSO KHYED RNAMS LA, ,BDAG GI LUS 'DI DBUL BAR BGYI, ,YANG DAG RDZOGS PA'I SANGS RGYAS DANG, ,DE SRAS LAM GYUR SBYIN SOGS TSUL, ,SKU GSUM YE SHES THOB BYA'I PHYIR, ,RAB TU DANG PAS BSTEN PAR BGYI, (,ZHES PA'I BAR GYIS BSHAGS PA DANG, YI RANG, BSNGO BA, SKYABS 'GRO SEMS BSKYED, LUS 'BUL BA, LAM BSTEN RNAMS BYA, DE NAS RIGS LNGA'I SDOM BZUNG 'DOD NA,) SANGS RGYAS BYANG CHUB SEMS DPA' KUN, (ZHES PA NAS) SEMS CAN MYA NGAN 'DAS LA 'GOD, (,CES PA'I BAR BRJOD LA 'DZIN CING,) SEMS CAN THAMS CAD BDE BA DANG LDAN PAR GYUR CIG (,CES SOGS KYIS TSAD MED BZHI BSGOMS TE BSOD NAMS KYI TSOGS BSAG PA'O, ,DE NAS,) AOm SVA BH'A WA SHUDDH'A: SARBA DHARMA: SVA BH'A WA SHUDDHONYA HAm, AOm SH'U N+YA T'Am? DZNY'A NA BADZRA SVA BH'A WA A'ATMA KONYAHAm, RANG DANG TSOGS ZHING GI LHA DANG DE DAG LAS GZHAN PA'I CHOS THAMS CAD BRTEN NAS BTAGS PA YIN PA'I PHYIR, RTAG CHAD LA SOGS PA'I MTHA' BZHI DANG BRAL BA'I STONG PA NYID DU GYUR, DE LTAR 'KHOR 'DAS KYI CHOS THAMS CAD STONG PA NYID DANG BDE BA CHEN PO DBYER MI PHYED PA'I CHOS KYI SKU'I BDAG NYID DU MOS,) DE NYID GDAGS GZHIR BYAS NAS NGA RGYAL BZHAG STE BSGOM PA NI YE SHES KYI TSOGS BSAGS PA DANG 'CHI BA CHOS SKUR 'KHYER BA'I LAM 'KHYER YIN NO,, SHIN DU BSDU NA, STONG PA'I NGANG LAS SKAD CIG GIS RDO RJE'I SA GZHI NGA BA GUR BLA RE ME RI, DUR KHROD CHEN PO BRGYAD KYIS YONGS SU BSKOR BA'I GZHAL YAS KHANG GI NANG GI DBUS SU YAm LAS RLUNG GI DKYIL 'KHOR NAG LA CUNG ZAD DMAR PA'I ZHES BSDUS? TE 'DON PA LTAR RAM, @003B RGYAS PAR NA, STONG PA'I NGANG LAS YAm LAS RLUNG GI DKYIL 'KHOR DU BA'I MDOG CAN (ZHES PA NAS,) ME DPUNG PHYOGS BCUR 'PHRO BAR GYUR, (ZHES PA'I BAR GYI THUN MONG BA'I SRUNG 'KHOR DANG, THUN MONG MA YIN PA'I SRUNG 'KHOR 'DOD NA,) RVA BA'I DBUS SU (ZHES PA NAS,) TSAR GCOD PAR GYUR, (CES PA'I BAR GYIS BSGOM, 'DI LTAR NA,) RANG NYID GNOD MDZES SU GNAS PA YONGS SU GYUR BA LA RDO RJE SEMS DPA' ZHES DANG, (SNGA MA LTAR NA,) RVA BA'I DBUS SU RDO RJE SEMS DPA' SKU MDOG DKAR PO DKAR MTHING DMAR BA'I ZHAL GSUM PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA G-YAS GNYIS RDO RJE DANG RAL GRI, G-YON GNYIS RIN PO CHE DANG PADMA 'DZIN PA YONGS SU GYUR PA LAS, CHOS 'BYUNG DKAR PO GRU GSUM PA, GYEN DU 'GRENG BA 'OG TU PHRA ZHING STOD YANGS PA, 'OG ZUR NAS PAm LAS BYUNG BA'I SNA TSOGS PADMA'I LTE BAR, H'Um LAS SNA TSOGS RDO RJE SHAR GYI RVA DKAR, LHO'I RVA SER, NUB KYI RVA DMAR, BYANG GI RVA LJANG, DBUS KYI LTE BA SNGON POS BRGYAN PA (RA BSAM MO,) LTE BA'I DBUS SU BHRUm LAS 'KHOR LO BHRUm GYIS MTSAN PA LAS BYUNG BA'I RNAM SNANG DKAR PO DKAR MTHING DMAR BA'I ZHAL GSUM, PHYAG DRUG GI DANG PO GNYIS KYIS RANG 'DRA'I YUM LA 'KHYUD CING, LHAG MA G-YAS GNYIS RDO RJE LA GNAS PA'I 'KHOR LO DANG RAL GRI, G-YON GNYIS RIN PO CHE DANG PADMA 'DZIN PA YONGS SU GYUR PA LAS; GZHAL YAS KHANG GRUB ZHI BA SGO BZHI PA, PHYI ROL NAS RIM PA BZHIN DKAR SER DMAR LJANG SNGO BA'I RTZIG PA LNGA DANG LDAN PA, RTZIG PA'I STENG NA RIN PO CHE SNA TSOGS PAS MDZES PAR BYAS PA'I RIN PO CHE'I PHA GUS BSKOR BA'I GZHAL YAS KHANG GI NANG DU, RDO RJE'I PHRENG BAS ZLUM POR BSKOR BA LA BRTEN PA'I KA BA BRGYAD GYIS BTEG PA'I RDO RJE'I GDUNG BZHIS MDZES @004A *, ,PAR PHUB PA, RTZE MO RDO RJE NOR BU RIN PO CHE'I TOG GIS MDZES PA'I NANG GI SHAR DKAR LHO SER NUB DMAR BYANG LJANG DBUS SNGO BA, PHA GU'I STENG NA GSER GYI KA RAGS BZHI'I PHYI NGOS SU CHU SRIN GYI KHA NAS 'PHYANG BA'I RIN PO CHE'I DRA BA DANG DRA BA PHYED PA LA DRIL BU DANG RNGA YAB LA SOGS PAS BRGYAN PA, DE'I PHYI NGOS SU BYA 'DAB LAS 'PHYANG BA'I RIN PO CHE'I SHAR BU, DE'I STENG DU MDA' YAB PADMA 'DAB MA PHYED PA'I DBYIBS CAN LA, BA DAN DANG RGYAL MTSAN LA SOGS PAS MDZES PAR BYAS PA, RTZIG PA'I MTHA' NAS 'DOD YON GYI SNAM BU DMAR POS, 'GRAM STEGS KYI RNAM PAR BSKOR BA LA, LHA MO MCHOD RDZAS THOGS PA RNAMS 'KHONG NAS MCHOD PA BYED PA, SGO DANG SGO 'KHYUD KYI PHYI'I MTSAMS DANG, 'OG GI PHYI NANG GI GRVA BZHIR ZLA PHYED RDO RJE RIN CHEN GYIS SPRAS PA, SGO BZHI SO SO'I MDUN DU KA BA BZHI BZHIS BTEG PA'I RTA BAB SNAM BU BCU GCIG DANG LDAN PA'I STENG DU CHOS KYI 'KHOR LO, DE'I G-YAS G-YON DU RI DAGS PHO MO DANG BCAS PA, RDO RJE'I RVA BA ME RI DANG BCAS PA'I PHYI ROL TU, GTUM DRAG LA SOGS PA'I DUR KHROD BRGYAD NA, N'A GA GE SAR GYI SHING NGAM SHIR shA LA SOGS PA'I SHING BRGYAD, DE'I RTZA BAR BRGYA BYIN LA SOGS PA'I PHYOGS SKYONG BRGYAD, RTZE MOR RDZU 'PHRUL CHEN PO PA GLANG PO CHE'I GDONG BA CAN LA SOGS PA'I ZHING SKYONG BRGYAD, THUGS RJE'I CHU BRGYAD, DE LA GNAS PA'I NOR RGYAS LA SOGS PA'I KLU BRGYAD, DE DAG GI STENG GI NAM MKHA' LA SGROGS PA LA SOGS PA LA SPRIN BRGYAD, YE SHES KYI ME BRGYAD, MCHOD RTEN BRGYAD, GZHAN YANG KENG RUS DANG, GSAL SHING GIS PHUG PA'I RO DANG, SHING LA DBYANGS PA DANG, SKYES BU ZAB DANG, MTSON GYIS PHUG PA LA SOGS PA DANG, BYA ROG DANG BYA RGOD DANG KHYI DANG CE SBYANG @004B DANG, SENG GE DANG STAG LA SOGS PA DANG, CA CO SGROG PA'I RO LANGS? DANG, GNOD SBYIN DANG GRIN PO LA SOGS PA RNAMS KYIS 'JIGS SU RUNG BA, GRUB PA DANG RIG PA 'DZIN PA DANG DAM TSIG SPYOD PA'I RNAL 'BYOR PA, BCOM LDAN 'DAS LA RTZE GCIG TU BLTA BA, GCER BU SKRA BSHIG PA, PHYAG RGYA LNGA MA BRGYAN PA, CANG TE'U DANG THOD PA DANG KHA tV'Am GA 'DZIN PA THOD PAS SPYI BOR BRGYAN PA, RGOD CING DUR KHROD DU 'JUG PA SOGS KYIS, SHIN DU NGO MTSAR BAR BYED PA'I DUR KHROD RNAMS KYIS BSKOR BA'I RAB SAM PA NI RTEN BSKYED PA'O, GZHAL YAS KHANG GI DBUS SU YAm LAS RLUNG GI DKYIL 'KHOR NAG LA? CUNG ZAD DMAR BA'I MDOG CAN GYI STENG DU AI YIG DANG PO LAS BYUNG BA'I ZLA BA'I DKYIL 'KHOR GYI DBUS SU CHU LAS CHU BUR GYI TSUL DU DH'I: SER PO LAS BYUNG BA'I RAL GRI'I DBUS SU DH'I SA MTSAN PA, DE LAS 'OD ZER 'PHROS, BDE BAR GSHEGS PA THAMS CAD SPYAN DRANGS, THIM PA YONGS SU GYUR BA LAS RANG NYID RGYU RDO RJE 'DZIN PA 'JAM DPAL GZHON NUR GYUR PA SKU MDOG SER LO,, YID? TZAM KHROS PA PHYAG G-YAS RAL GRI 'BYANG ZHING, G-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA, MTSAN SO GNYIS DANG DPE BYAD BRGYAD CUS BRGYAN PA, RAL BA'I ZUR PHUD LNGA DANG LDAN ZHING, RGYAN THAMS CAD KYIS BRGYAN PA, DE LTAR BSGOS PA NI BAR DO LONGS SKUR BA PHYER BA'I RNAL 'BYOR RO,, DE'I THUGS KAR A'A: LAS BYUNG BA'I NYI MA'I DKYIL 'KHOR, DE'I 'OD KYI PHYOGS BCUN BZHUGS PA'I RNAM SNANG LA SOGS PA'I SANGS RGYAS DANG, RDO RJE RNON PO LA SOGS PA'I BYANG CHUB SEMS DPA' DANG, RDO RJE LCAGS KYU LA SOGS PA'I KHRO BO DANG, SEMS MA RDO RJE MAL SOGS PA'I RIG PA RNAMS SPYAN DRANGS TE, 'JAM DPAL DANG BCAS PA NYI MA LA ZHUGS PAS 'OD ZER GYIS DPAG TSAD STONG PHRAG BRGYAR KHYAB PA'I NYI MA'I DKYIL 'KHOR DU @005A *, ,GYUR, DE'I STENG DU H'Um YIG MTHING GA 'OD ZER LNGA DANG LDAN PA LAS 'OD ZER 'PHROS PAS, SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS RNAMS SPYAN DRANGS TE H'Um LA ZHUGS PA LAS KHRO BO'I RDO RJE KHA DOG NAG PO RTZE DGU PA RVA SHIN TU GDENGS PA 'OD ZER LNGA DANG LDAN PA, LTE BA LA H'Um YIG GIS MTSAN PA, DE LAS RDO RJE PHRA MO'I GZUGS SPROS PAS SANGS RGYAS DANG BYANG CHUB SEMS DPA' DANG KHRO BO DANG RIG PA'I TSOGS RNAMS SPROS TE, NAM MKHA'I KHAMS THAMS CAD TIL GYI GANG BU BZHIN DU GANG BA, NYI MA LA GNAS PAS SEMS CAN RNAMS SMIN PAR BYAS NAS, RDO RJE 'JIGS BYED THOB PAR BYAS PA DANG LHAN CIG TU 'DUS NAS RDO RJE LA THIM PAR GYUR, ZLA DANG DE'I STENG GI NYI MA RDO RJE H'Um DANG BCAS PA YONGS SU GYUR PA LAS, SNA TSOGS PADMA DANG ZLA BA DANG NYI MA'I STENG DU, RANG NYID 'BRAS BU RDO RJE 'DZIN PA DPAL RDO RJE 'JIGS BDE CHEN PO, SKU MDOG MTHING NA GZHAL DGU PHYAG SO BZHI ZHABS BCU DRUG PA G-YAS BSKUMS SHING G-YON BRKYANGS PA'I STABS KYIS BZHUGS PA, KHAMS GSUM PO ZA BAR NUS PA, HA HA ZHES SGROG CING LJAGS 'GRIL BA, MCHE BA RNAM PAR GTZIGS PA KHRO GNYER CAN, KHRO GNYER GYI 'GRAM DU SMIN MA DANG SPYAN 'JIGS PA'I DUS LTAR 'BAR BA, SKRA KHAM SER GYEN DU BRDZES PA, 'JIG RTEN DANG 'JIG RTEN LAS 'DAS PA'I LHA LA SDIGS MDZUB BYED PA, 'JIGS PA RNAMS KYANG 'JIGS PAR MDZAD PA, PHEEm KA RA'I SGRA CHEN PO 'BRUG LTAR SGROG PA, MI'I KHRAG DANG ZHAG DANG RKANG DANG TSIL BU ZA BA, 'JIGS SU RUNG BA'I THOD BA SKAM PO LNGAS THOD BYAS SHING, MGO BO RLON PA LNGA BCU'I THOD PA'I PHRENG BAS BRGYAN PA, SPRUL NAG PO MCHOD PHYIR THOGS DANG MI RUS KYI 'KHOR LO DANG, RNA CHA LA SOGS PA RUS PA'I @005B RGYAN RNAMS KYIS BRGYAN PA, GSUS PA CHE BA GCER BU'I GZUGS CAN, MTSAN MA GYEN DU 'GRER BA, SMIN MA DANG RDZI MA DANG SMA RA DANG BA SPU RNAMS DUS MTHA'I ME LTAR 'BAR ZHING, RTZA ZHAL NAG PO MA HE'I GDONG CAN SHIN TU KHROS PA RVA RNON PO CAN, DE'I STENG MA RVA GNYIS KYI DBUS KYI ZHAL DMAR PO RAB TU 'JIGS PA ZHAL NAS KHRAG 'DZAG PA, DE'I STENG DU 'JAM DPAL GYI ZHAL SER PO YID TZAM KHROS PA, GZHON NU'I RGYAN GYIS BRGYAN PA, SPYI BOR RAL PA LNGA DANG LDAN PA, RVA'I RTZA BA'I G-YAS KYI ZHAL DANG PO SNGON PO, ,DE'I G-YAS ZHAL DMAR PO, ,G-YON ZHAL SER PO, ,RVA'I RTZA BA'I G-YON GYI ZHAL DANG PO DKAR PO, DE'I G-YAS ZHAL DUD KA ,G-YON ZHAL NAG PO, ZHAL RNAMS SHIN TU KHROS PA, ZHAL DGU PO THAMS CAD KYANG SPYAN GSUM GSUM DANG LDAN PA'O, ,PHYAG G-YAS G-YON GYI DANG PO GNYIS KYIS GLANG PO CHE'I PAGS PA RLON PA MGO G-YAS DANG SPU PHYIR BSTAN TE LAG PA DANG RKANG PA'I PAGS PA G-YON PA NAS BRGYANGS TE 'DZIN PA, LHAG MA G-YAS KYI DANG PO NA GRI GUG ,GNYIS PA NA BHI DHI P'A LA, GSUM PA NA GTUN SHING, BZHI PA NA CHU GRI, LNGA PA NA KA nA YA, DRUG PA NA DGRA STA, BDUN PA NA MA DUNG, BRGYAD PA NA MDA', DGU PA NA LCAGS KYU, BCU PA NA DBYUG THO, BCU GCIG PA NA KHA tVAm BA, ,BCU GNYIS PA NA 'KHOR LO, ,BCU GSUM PA ? RDO RJE RTZE LNGA PA, BCU BZHI PA NA RDO RJE THO PA, BCO LNGA PA NA RAL GRI, BCU DRUG PA NA CANG TE'U BSNAMS SHING, LHAG MA G-YON GYI DANG PO NA KHRAG GIS GANG PA'I THOD PA, GNYIS PA NA TSANGS PA'I MGO PO, GSUM PA NA PHUB, BZHI PA NA RKANG PA, LNGA PA NA ZHAGS PA, DRUG PA NA GZHU, BDUN PA NA RGYU MA, BRGYAD PA NA DRIL BU, DGU PA NA LAG PA, BCU PA DUR KHROD KYI RAS, BCU GCIG PA NA SKYES BU GSAL SHING LA BTZUGS PA, BCU GNYIS PA ME THAB, BCU GSUM PA @006A *, ,NA THOD TSAL, BCU BZHI PA NA SNGAGS MDZUB, BCO LNGA PA NA 'PHAN? RTZE GSUM PA, BCU DRUG PA NA RLUNG RAS BSNAMS PA'O, ,ZHABS G-YAS KYI DANG POS MI, GNYIS PAS MA HE, GSUM PA BA GLANG, BZHI PAS BONG BU, LNGA PAS RNGA MONG, DRUG PAS KHYI, BDUN PAS LUG ,BRGYAD PAS WA DANG, G-YON GYI DANG POS BYA RGOD, GNYIS PAS 'UG PA, GSUM PAS BYA ROG ,BZHI PAS NE TZO, LNGA PAS KHRA, DRUG PAS BYA CHEN PO, BDUN PAS KHYIM BYA, BRGYAD PAS BZHAD MNAN PA, TSANGS PA DANG DBANG PO DANG KHYAB 'JUG DANG DRAG PO DANG GZHON NU GDONG DRUG DANG LOG 'DREN DANG ZLA BA DANG NYI MA RNAMS KHA SBUB TU BYAS TE, ZHABS 'OG TU MNAN NAS ME DBUNG RAB TU 'BAR BA'I GLONG DKYIL NA BZHUGS PA, ('DI NI SKYE BA SPRUL SKUR 'KHYER BA'I RNAL 'BYOR RO,, RJE'I SGRUB THABS LAS SKABS 'DIR SKYE MCHED BYIN BRLAB BYA BAR BSHAD PA LTAR RAM, YANG NA 'DI LTAR YANG RUNG STE,) RANG NYID DAM TSIG SEMS DPA'I THUGS KAR ZLA GDAN LA YE SHES SEMS DPA' 'JAM DPAL GZHON NUR GYUR PA SKU MDOG SER PO, YID TZAM KHROS PA PHYAG G-YAS RAL GRI 'PHYAR ZHING, G-YON GYIS GLEGS BAM THUGS KAR BSNAMS PA, ZHABS RDO RJE'I SKYIL KRUNG GIS BZHUGS PA; MTSAN SO GNYIS DANG DPE BYAD BRGYAD CUS BRGYAN PA, RAL PA'I ZUNG BUD LNGA DANG LDAN ZHING, RGYAN THAMS CAD KYIS BRGYAN PA, DE'I THUGS KAR A'A: LAS BYUNG BA'I NYI MA'I DKYIL 'KHOR GYI DBUS SU, TING NGE 'DZIN SEMS DPA' H'Um YIG MTHING GA 'OD ZER LNGA 'PHRO BA, RANG GI MIG GNYIS SU KshIm, RNA BA GNYIS SU DZRIm, SNAR KHAm, LCE'I RTZA BAR RAm, DPRAL BAR KAm, ,LTE BAR SAm, SPYI BOR AOm, MGRIN PAR A'A: THUGS KAR H'Um GIS MTSAN PAR GYUR, (YANG NA, MIG GNYIS SU SNYING GI RANG BZHIN KshIm KshIm DKAR PO SOGS GZHAN NAS 'BYUNG BA LTAR BYA'O,) ,RANG GI THUGS @006B KA'I H'Um LAS 'OD ZER 'PHROS PAS, DPAL RDO RJE 'JIGS BYED DPA' BO GCIG PA'I DKYIL 'KHOR RTEN DANG BRTEN PAR BCAS PA MDUN GYI NAM MKHAR SPYAN DRANGS, HR'I: sht'iS PHYIR 'BRANG (GI BGEGS BSKRAD,) HR'I: sht'i: HA (SOGS KYIS MCHOD, 'DI NAS DBANG LHA BSTIM PA'I BAR GTZO BO GCIG BU'I KHYAD MA GTOGS BCU GSUM MA LTAR RAM, BSDU NA) DZA: H'Um BAm HO: SLAR YANG THUGS KA'I H'Um LAS 'OD ZER 'PHROS, DBANG GI LHA RNAMS SPYAN DRANGS, KHYED RNAMS KYIS BDAG LA MNGON PAR DBANG BSKUR DU GSOL ZHES GSOL BA BTAB PAS, DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shI KA TA SA MA YA SHR'I A'A: H'Um ZHES DBANG BSKUR LUS GANG DRI MA DAG CHU LHAG MA SPYI GTZUG TU GNAS PA YONGS SU GYUR PA LAS, MI BSKYOD PAS DBU BRGYAN CING, DBANG GI LHA RNAMS KYANG RANG NYID LA THIM PAR GYUR, (DE NAS) AOm HR'I: sht'i: HA (SOGS SAM,) AOm YA M'ANTA KA SA BA RI W'A RA AARGHAm (SOGS KYIS MCHOD LA, NANG MCHOD RGYAS BSDUS CI RIGS SKABS DANG SBYAR NAS 'BUL, BSTOD PA YANG SPRO NA 'JAM DPAL GSER MDOG MA DANG, BSDU NA,) GNYIS MED THUN MONG MA YIN KHYAB PA'I SKU, ,KUN LA SNYOMS MDZAD RGYAL BA KUN GYI YAB, ,CHOS KYI DBYINGS GYUR RGYAL BA KUN GYI YUM, ,YE SHES SEMS DPA' RGYAL BA KUN GYI SRAS, ,PHYAG 'TSAL 'JAM DPAL DPAL GYUR RDZOGS PA KHYOD, ,CHOS KYI SKU LA BYAMS SDANG MI MNGA' YANG, ,SRING GSUM GDUG PA MA LUS 'DUL BA'I PHYIR, ,THUGS RJE'I THABS KYIS KHRO RGYAL SKUR BSTAN PA, ,'JIGS BYED GSHIN RJE GSHED LA PHYAG 'TSAL LO, ,SANGS RGYAS KUN GYI DNGOS PO KHYOD, ,SANGS RGYAS THAMS CAD GCIG BSDUS PA, ,SANGS RGYAS KUN MCHOG GTZO BO'I GTZO, ,DKYIL 'KHOR GTZO LA PHYAG 'TSAL BSTOD, (,DE LAS KYANG BSDU NA,) GZUGS MCHOG MCHOG TU DRAG PO CHE, (,ZHES SOGS SHLO KA GCIG BYA, SKABS 'DIR BSKYED PA'I RIS PA'I RNAL 'BYOR LA RTZE GCIG TU @007A *, ,BRTZON PAR BYA BA DANG, BSKYED PAS PHRENG GSAL BU GCIG TU MNYAM PAR 'JOG ,BSGOMS PA BSKYON,) DE LTAR ZHAL DGU NI (NAS,) MTSAN MA GYEN DU 'GRENG BA NI BDE BA CHEN PO RGYAS PA NAS, GO BAR BYED PA'O,, (ZHES DAG PA DRAN PAR BYA, BSDU NA MA BYAS KYANG CHOG,) DE NAS BGRANG 'PHRENG 'JIGS BYED DPA' GCIG TU BSKYED, YE SHES PA DGUG GZHUG ,MCHOD BSTOD BZLA BA CUNG ZAD BYAS, BCOM LDAN 'DAS ZHU BA LAS BYUNG BA'I KHRAG 'DZAG PA'I MGO 'PHRENG DU BSAMS TE ZHI KHRO SBRAGS BSGRUB KYI MAN NGAG ZHAL NAS 'BYUNG BA LTAR DU, BZLAS PA'I SKYON DANG BRAL BAR,) AA RA PA TZA NA DANG, AOm YA MA R'A DZ'A SA DO ME YA, YA ME DO RU, nA YO DA YA, YA DA YO NI RA YA SHshE YA, YA KshE YATZTSA NI R'A MA YA H'Um H'Um PHAt PHAt SV'A H'A, (ZHES PA RTZA SNGAGS? DANG,) AOm HR'I: sht'i: WI KRi T'A NA NA H'Um PHAt, (CES LAS SNGAGS DAD,) AOm YA M'ANTA KA H'Um PHAt, (CES PA SNYING PO STE, SNGAGS GSUM PO CI RIGS PA DMIGS PA DANG BCAS BZLA, BSNYEN PA'I GRANGS NI, GSUM KA'AM HR'I: sht'i LA SUM 'BUM MAM 'BUM PHRAG GCIG YE SHES 'BEBS? SNGAGS KHA SKONG SBYIN SREG DANG BCAS PA BYA'O,) ,RANG YI DAM DU GSAL BA'I THUGS KA'I TING NGE 'DZIN SEMS DPA'I MTHA' SKOR DU SNGAGS 'PHRENG GSUM PO YI GE 'BAR BA'I GZUGS SU YOD PA LAS, 'OD ZER 'PHROS RANG GZHAN GYI SDIG SGRIB RBAD GDON THAMS CAD TSAR BCAD CING SEMS CAN GYI DON BYAS, SANGS RGYAS BYANG SEMS RNAMS KYI MTHU STOBS BYIN RLABS THAMS CAD 'OD ZER SNA LNGA'I RNAM PAR BKUG ,SNYING GA'I SNGAGS 'PHRENG LA THIM PAR BSAMS TE, BZLAS PA'I MJUG TU GSHIN RJE GSHED KYI YIG BRGYAS BRTAN PAR BYAS LA,, MCHOD BSTOD MDOR BSDUS BYA, GTOR MA 'BUL BAR 'DOD NA, NANG MCHOD LTAR BYIN GYIS BRLAB, BSKYED TSUL RGYAS PA GZHAN DU SHES LA, BSDU NA SPYAN DRANGS TE 'BUL PA NI,) RANG GI THUGS KA'I H'Um LAS 'OD ZER 'PHROS, DPAS RDO RJE 'JIGS BYED DPA' BO GCIG PA'I YE SHES PA MDUN GYI NAM MKHAR SPYAN DRANGS, YA M'ANTA KA'I MJUG TU PA LIm TA (SOGS BTAGS PA LNGA'AM GSUM GYIS GTOR MA PHUL TE MCHOD BSTOD MDOR BSDUS BYA,) BADZRA MU: @007B YE SHES PA RANG BZHIN GYI GNAS SU GSHEGS PAR GYUR PAR BSAM MO, ,MJUG TU NYE BAR BSDUS TE 'OD GSAL GYI DANG LAS, SLAR YANG DPA' GCIG PA'I SKUR LANGS TE, DGE BA 'DI YIS MYUR DU BDAG (,CES SOGS BSNGO BA SMON RNAM PAR DAG PAS RGYAS 'DEBS SHING, THUN 'TSAMS SU LHA'I RNAL 'BYOR DANG LDAN PA'I NGANG NAS, NYAL BA DANG, LJANG BA DANG, KHRUS DANG, KHA ZAS KYI RNAL 'BYOR SOGS RGYUD DANG GRUB CHEN GYI GZHUNG NAS 'BYUNG BA LTAR NYAMS SU BLANGS TE, DAL 'BYOR THOB PA DON DANG LDAN PAR BYA'O,,) ,,SMRAS PA, GANG ZHIG BSTEN PAS 'CHI BDAG BDUD SDE'I DPUNG, ,MA LUS MTHAR BYED BLA MA GSHIN RJE'I GSHED, ,DE NYID SGRUB PAR BYED PA'I RNAL 'BYOR MCHOG ,'KHYER BDE KUN PHAN RIN CHEN 'PHRENG BA SPEL, ,TSUL 'DIR 'BAD LAS BYUNG BA'I RNAM DKAR DGE ,JI SNYED MCHIS PA DES KYANG BDAG GZHAN KUN, ,BYANG CHUB BAR DU 'JAM DPAL ZHI KHRO YIS, ,'BRAL MED DGYES BZHIN RJES SU 'DZIN GYUR CIG (,CES 'JIGS BYED DPA' BO GCIG PA'I SGRUB THABS RIN CHEN 'PHRENG BA ZHES BYA BA 'DI NI,) SH'AKYA'I DGE SLONG RAB 'BYAMS SMRA BA GRAGS PA BSHAD SGRUB KYIS DAD PAS KUN NAS BSLANGS TE RJE NYID KYI MAN NGAG BZHIN CO NE DGE NA NYID DU LEGS PAR SBYAR BA'O,, ,,BKRA SHIS,