[preliminary data - not manually proofread]
[SNGON 'GRO'I DPAR GZHI]

@001A *, ,'JIGS BYED DPA' BO GCIG PA'I BLA BRGYUD NI, RIGS KUN
KHYAB BDAG 'JAM DPAL GSHIN RJE GSHED, ,YE SHES MKHA' 'GRO LA L'I
TA BADZRA, ,DON YOD RDO RJE YE SHES 'BYUNG GNAS SBAS, ,PADMA
BADZRA ZHABS LA GSOL BA 'DEBS, ,DH'I PAm KA RA RVA LO RDO RJE
GRAGS, ,CHOS RAB

YE SHES SENGGE 'BUM SER ZHABS, ,RJE BTZUN RGA LO SHER SANG YE
SHES DPAL, ,DON GRUB RIN PO CHE LA x, ,RGYAL BA GNYIS PA BLO
BZANG GRAGS PA'I DPAL, ,DE SRAS THU BO DGE LEGS DPAL BZANG NAS,
,BKA' DRIN MNYAM MED RTZA BA'I BLA MA'I BAR, ,DNGOS BRGYUD YONGS
'DZIN RNAMS LA x, ,DE LTAR

GSOL BA BTAB PAS 'GRO BA KUN, ,'JAM DPAL ZHI KHROS 'BRAL MED
RJES BZUNG NAS, ,BDUD BZHI'I G-YUL LAS RNAM PAR RGYAL GYUR TE,
,ZUNG 'JUG GO 'PHANG BDE BLAG THOB GYUR CIG ,SMON LAM NI, DE
LTAR 'JAM DPAL DPA' BO'I BSGOM BZLAS LA, ,GCIG TU BRTZON PA'I
RNAM DKAR

DGE DES BDAG ,THUN MONG LAM GYI RIM PAS RGYUD SMIN TE, ,ZAB MO'I
LAM GYIS GROL BAR BYED NUS SHOG ,RNAM DAG DBANG BZHIS DRI MA KUN
SBYANGS TE, ,SKU BZHI 'GRUB PA'I NUS PA 'JOG PA DANG, ,DE TSE
KHAS BLANGS DAM TSIG SDOM PA RNAMS, ,SROG BSNGOS TSUL BZHIN
SRUNG BAR BYED

GYUR CIG ,ZHING GI DAM PAR BSOD NAMS TSOGS NYID DANG, ,SNGAGS
GNYIS DON BSGOMS YE SHES TSOGS BSAGS NAS, ,MA DAG 'CHI BA'I
SKYON SBYANGS LAM 'BRAS KYI, ,CHOS SKU MNGON DU 'GYUR BA NYID
GYUR CIG ,DRAG PO'I 'KHOR LO LA GNAS KHRO BCU YIS, ,NAG PO'I
RTZA

LAG DPUNG BCAS TSAR BCAD DE, ,YE SHES RANG BZHIN GZHAL LAS KHANG
BSGOMS PAS, ,RGYAL BA'I ZHING BZANG MYUR DU 'GRUB PAR SHOG ,CHU
SHEL LTE BAR DH'I: YIG RAL GRI DANG, ,DE LAS 'JAM DPAL DBYANGS
NYID BSGOMS BYAS PAS, ,BAR DO'I SKYON SBYANGS RGYAL BA'I LONGS

@001B SKU MCHOG ,'GRUB PA'I DGE RTZA YONGS SU? SMIN PAR SHOG
,TSA ZER RGYAS PA'I LTE BAR H'Um YIG DANG, ,KHRO BO'I RDO RJE
LAS SRUNG 'JIGS BYED SKU, ,ZHAL PHYAG YONGS SU RDZOGS PA'I RNAL
'BYOR GYIS, ,SKYE BA'I SKYON SBYANGS SPRUL SKU 'GRUB PAR SHOG
,SDUD RIM NYID DANG SNGAGS

KYI RNAL 'BYOR MCHOG ,BSGOMS PAS KUN RTOG G-YO BA'I LAS RLUNG
RNAMS, ,DH'U T'I RI THIM LAS STONG PA RNAM GSUM DANG, ,DPE YI
'OD GSAL MTHAR THUG 'CHAR BAR SHOG ,DE NA SA CHU LAS CHU BUR
BRDOL BA LTAR, ,DBYIBS KYI RNAL 'BYOR SGYU MA'I SKUR BZHENGS PA,
'OD GSAL

NYID DU YANG YANG ZHUGS PA LAS, ,DON GYI LHAN SKYES MNGON DU
'GYUR BAR SHOG ,DE LAS SLOB PA'I ZUNG 'JUG 'GRUB GYUR NAS,
,SPYOD PA RNAM GSUM GOMS PA BYAS PA'I MTHAR, ,SGYU MA LTA BU'I
TING NGE 'DZIN DE NYID KYIS, ,MI SLOB ZUNG 'JUG GO 'PHANG THOB
GYUR CIG ,GO 'PHANG

MCHOG DE MNGON DU GUR PA NA, ,GRANGS MED SPRUL PA PHYOGS BCUR
RAB SPROS TE, ,MKHA' KHYAB 'GRO KUN 'JAM DPAL ZHI KHRO YI, ,GO
'PHANG MCHOG LA BDE BLAG 'GOD PAR SHOG ,SHIS BRJOD NI, RAB YANGS
NAM MKHAR GSHIN RJE GSHED PO YI, ,LHA TSOGS ME TOG CHAR 'BEBS
SHIS PA

BRJOD, ,BGEGS 'JOMS PHUN TSOGS DPAL STER SHES GYIS DANG, ,BKRA
SHIS GDANGS SNYAN BDAG GIS BSGRAG PAR BYA, ,RGYAL BA'I YAB GCIG
RJE BTZUN 'JAM PA'I DBYANGS, ,DRAG PO'I SKUR BSTAN 'JIGS MDZAD
GSHIN RJE GSHED, ,LA L'I TA SOGS BLA MA BRGYUD

PA LA, ,LEGS TSOGS JI SNYED MCHIS PA'I BKRA SHIS DES, ,MI MTHUN
KUN ZHI MTHUN RKYEN 'GRUB PA SOGS, ,PHUN TSOGS DPAL LA ROL PA'I
BKRA SHIS SHOG ,SANGS RGYAS KUN DNGOS 'JAM DPAL DPA' BO DANG,
,MGON DE'I LUNG DANG RTOGS PA'I DAM PA'I CHOS, ,

@002A *, ,DE NYID PHYOGS GCIG 'DZIN PA'I DGE 'DUN LA, ,LEGS
TSOGS x, ,MI MTHUN KUN ZHI x, ,PHUN TSOGS x, ,RNAM MANG RIN CHEN
BRGYAN GYIS RAB MDZES SHING, ,RNAM SNANG RNAM PAR DAG PA'I BDAG
NYID CAN, ,RNAM DAG YE SHES GZHAL YAS KHANG CHEN LA,

LEGS TSOGS JI SNYED MCHIS PA'I BKRA SHIS DES, ,MA DAG SNOD KYI
DRI MA KUN SBYANGS NAS, ,DAG PA'I ZHING DU ROL PA'I BKRA SHIS
SHOG, ,,CES 'JIGS BYED DPA' BO GCIG PA'I BLA BRGYUD GSOL 'DEBS
SMON LAM SHIS BRJOD DANG BCAS PA MA NGOR BSDUS PA 'DI YANG, DAD
DANG

RNAM DPYOD ZUNG DU 'BREL BA'I GNAS BRTAN RGYAL MTSAN BKRA SHIS
ZHES BGYI PAS BSKUL BA LTAR, SH'AKYA'I DGE SLONG BSHAD SGRUB
MING CAN GYIS SBYAR BA'O,, ,,BKRA SHIS,,