[preliminary data - not manually proofread] [SNGON 'GRO'I DPAR GZHI] @001A !, ,LAS SGRIB SBYONG BA'I THABS MCHOG RDO RJE SEMS DPA'I BUM SGRUB BZHUGS SO,, @001B *, ,NA MO BADZRA SATVA YE, ('DIR LAS SGRIB DANG SDIG LTUNG SBYANG BA'I THABS DAM PA RDO RJE SEMS DPA'I BUM SGRUB BSHAD PA LA,) BUM RDZAS DANG LDAN PA'I BUM PA MGUL 'CHING DKAR PO DANG BCAS PA STA GON BYAS LA, DE'I MDUN DU MCHOD GTOR BSHAMS TE, SKYABS SEMS SOGS SNGON DU BTANG NAS, RANG NYID SKAD CIG GIS RDOR SEMS SU BSKYED KYANG RUNG LA, CUNG ZAD RGYAS PAR NA, SVA BH'A WAS SBYANGS, STONG BA'I NGANG LAS PAm LAS PADMA DKAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR DE'I STENG DU RANG GI SEMS NYID H'Um YIG DKAR PO DE LAS 'OD ZER 'PHROS, 'PHAGS PA MCHOD, SEMS CAN GYI DO BYAS TSUL 'DUS YONGS SU GYUR PA LAS , RANG NYID RDO RJE SEMS DPA' DKAR PO ZHAL GCIG PHYAG GNYIS KYIS RDO RJE DANG DRIL BU 'DZIN PA, YUM RDO RJE DBYINGS KYIS DBANG PHYUG MA DKAR MO ZHAL GCIG PHYAG GNYIS KYIS RDO RJE DANG DRIL BU 'DZIN PA LA 'KHYUD PA GNYIS KA'ANG DAR GYI NA BZA' DANG RIN PO CHE'I DBU RGYAN LA SOGS PA RIN PO CHE'I RGYAN GYIS BRGYAN CING DAR SNA TSOGS KYI NA BZA' GSOL BA, 'OD KYI PHUNG PO'I DBUS NA ZHABS RDO RJE SKYIL KRUNG GIS BZHUGS PA , @002A *, ,DE'I SPYI BOR AOm DKAR PO, MGRIN PAR A'A: DMAR PO, THUGS KAR H'Um SNGON PO DE LAS 'OD ZER 'PHROS RANG BZHIN GYI GNAS NAS BCOM LDAN 'DAS RDO RJE SEMS DPA' LA SANGS RGYAS DANG BYANG CHUB SEMS DPA'I TSOGS KYIS BSKOR BA AOm BADZRA SA M'A DZA: DZA: H'Um BAm HO: DAM TSIG PA DANG GNYIS SU MED PAR GYUR, SLAR YANG THUGS KA'I H'Um LAS 'OD ZER 'PHROS, DBANG GIS LHA RNAMS SPYAN DRANGS, KHYED RNAMS KYIS MNGON PAR DBANG BSKUR DU GSOL, ZHES GSOL BA BTAB PAS DE RNAMS KYIS YE SHES KYI BDUD RTZIS GANG BA'I BUM PA THOGS NAS, AOm SARBA TA TH'A GA TA AA BHI shE KA TA SA M'A YA SHR'I YE H'Um: ZHES GSUNGS SHING, SPYI BO NAS DBANG BSKUR, LUS THAMS CAD GANG, DRI MA THAMS CAD DAG , CHU LHAG MA YAR LUD PA LAS MI BSKYOD PAS DBU BRGYAN PAR GYUR, (MCHOD PA AA MRi TAS BSANGS,) SVA BHAS WAS SBYANGS, STONG PA'I NGANG LAS AA LAS BYUNG BA'I THOG PA YANGS SHING RGYA CHE BA RNAMS KYI NANG DU RANG RANG GI MING YIG DANG PO THIG LES BRGYAN PA ZHU BA LAS BYUNG BA'I MCHOD YON, ZHABS BSIL, ME TOG NAS ZAG PA MED PA'I BDE BA KHYOD PAR CAN BSKYED PAR GYUR, AOm AARGHAm A'A: H'Um (NAS) SHPATA A'A: H'Um (GI BAR GYIS BLA MED LTAR BYIN GYIS BRLABS LA,) AOm BADZRA SATVA AARGHAm PRA TITZTSA NAS SHPATA'I (BAR GYIS MCHOD, NANG MCHOD YOD NA NI 'BUL RUNG,) MI BSKYOD RDO RJE YE SHES CHE, ,RDO RJE DBYINGS NI MKHAS PA CHE, ,RDO RJE GSUM MCHOG DKYIL 'KHOR GSUM, @002B (RDO RJE SEMS DPA' LA PHYAG 'TSAL, ,ZHES BSTOD, RANG GI THUGS KA'I ZLA GDAN LA GNAS PA'I H'Um GYI GI MTHAR SNGAGS 'PHRENG GIS BSKOR BA LAS 'OD ZER 'PHROS, SEMS CAN THAMS CAD KYI SDIG SGRUB SBYANGS, SANGS RGYAS SRAS BCAS LA MNYES PA'I MCHOD PA PHUL, DE RNAMS KYI SKU GSUNG THUGS YON TAN 'PHRIN LAS THAMS CAD 'OD KYI RNAM PAR BSDUS NAS THUGS KA'I H'Um YIG SNGAGS 'PHRENG DANG BCAS PA LA THIM PAS GZI BRJID DANG MTHU STOBS YON TAN PHUN SUM TSOGS PAR GYUR (PAR BSAMS LA , YIG BRGYA BRGYA'AM NYER GCIG BZLA ZHING MTHAR SNGAR BZHIN MCHOD BSTOD BYA'O, ,DE NAS MCHOD PA SNGAR LTAR BYIN BRLABS BYAS TE, BUM PA AA MRi TAS BSANGS, SVA BH'A WAS SBYANGS, STONG PA'I DAD LAS PAm LAS) BYUNG BA'I BUM PA DKAR PO LTO BA CHE BA, MGRIN PA RING BA MCHU 'PHYANG BA LA SOGS PA'I MTSAN NYID THAMS CAD DANG LDAN PAR GYUR, BUM PA'I NANG DU PAm LAS PAD MAD DKAR PO 'DAB MA BRGYAD PA'I LTE BAR AA LAS ZLA BA'I DKYIL 'KHOR DE'I STENG DU H'Um YIG DKAR PO (NAS) YONGS SU GYUR PA LAS RDO RJE SEMS DPA' DKAR PO (NAS) MI BSKYOD PAS DBU BRGYAN (BAR GYUR ZHES PA'I BAR SNGAR BZHIN BYA, DE NAS MCHOD BA NI, CHU BO GANGG'A MA SOGS CI RIGS KYI MTHAR, AOm BADZRA SATVA SA B'A RI WA RA AARGHAm SOGS BTAGS LA MCHOD CING SNGAR BZHIN BSTOD LA,) BCOM LDAN 'DAS RDO RJE SEMS DPA' BDAG GZHAN SEMS CAN THAMS CAD KYI SDIG SGRIB DANG DAM TSIG NYAMS CHAGS THAMS CAD BYANG ZHING DAG PAR MDZAD DU GSOL ZHES GSOL BA BTAB @003A *, ,PAS THUGS KA'I ZLA GDAN LA GNAS PA'I H'Um YIG GI MTHAR SNGAGS 'PHRENG GIS BSKOR BA LAS 'OD ZER 'PHROS NAS YON TAN PHUN SUM TSOGS PAR GYUR TE SKU YI CHA NAS BDUD RTZI'I RGYUN BABS PAS BUM PA GANG BAR GYUR (BAR BSAMS LA, YIG BRGYA BRGYA 'AM STONG NGAM KHRI SOGS CI 'GRUB BZLA, DE NAS GTOR MA SNGAR BZHIN BSANGS SBYANGS,) STONG PA'I NGANG LAS A'A: LAS BYUNG BA'I THOD PA YANGS SHING RGYA CHE BA'I NANG DU SHA LNGA BDUD RTZI LNGA'I STENG DU YI GE GSUM, DE LAS 'OD ZER 'PHROS RLUNG G-YOS ME SBAR THOD PA'I RDZAS RNAMS ZHU ZHING 'KHOL RDO RJE GSUM GYI LHA TSOGS RNAMS BKUG NAS YI GE GSUM LA THIM PAS DE GSUM YANG RIM GYIS ZHU NAS THOD PAR LHUNG BAS SBYANG RTOGS SBAR GSUM BYAS PA'I ZAG MED KYI YE SHES KYI BDUD RTZI'I NGO BOR GYUR, AOm A'A: H'Um (LAN GSUM,) BCOM LDAN 'DAS KYI LJAGS 'OD ZER GYI SBU GUS GTOR MA'I BCUD THAMS CAD DRANGS TE GSOL BAR GYUR, AOm BADZRA SATVA SA P'A RI WA RA AI DAM PA LIm TA KHA KHA KH'A HI KH'A HI, (LAN BDUN NAM GSUM GYIS DBUL ZHING MCHOD BSTOD BYA, MA RNYED SOGS KYIS BZOD GSOL GYI MTHAR,) AOm A'A: BADZRA MU: YE SHES PA RANG BZHIN GYI GNAS SU GSHEGS SHING, DAM TSIG PA BUM PA'I CHU DANG DBYER MED DU GYUR (PAR BSAM, DE LTAR BSGRUBS PA'I CHU DE RANG GZHAN GANG GIS KYANG 'THUNG ZHING KHRUS BYAS NA'ANG LAS SGRIB SDIG LTUNG DAM TSIG NYAMS CHAGS THAMS CAD BYANG BAR 'GYUR BAS DGOS PA SHIN DU CHE BA'I PHYIR RANG @003B CAG LTA BUS 'DI LA 'BAD PAR BYA'O,, ,,RDOR SEMS KYI SGOM BZLAS BYED PAR 'DOD NA, SANGS RGYAS CHOS TSOGS MA LAN GSUM GYIS SKYABS SEMS BYAS NAS, SPYIR RDOR SEMS BSKYED TSUL LA, RANG RDOR SEMS SU BSKYED PA DANG, RANG GI MDUN GYI NAM MKHAR BSKYED CING BZLAS PA BYED PA DANG, GONG DU BSHAD PA LTAR BYA BA SOGS DU MA ZHIG YOD PA RNAMS GANG BYAS KYANG MI 'GAL ZHING PHUN SUM TSOGS PAR 'GYUR MOD,) 'DIR BLA MA SNGA MA'I PHYAG LEN LTAR RANG GI SPYI BOR RDOR SEMS BSKYED CHOG MDZAD PA BZHIN BYED PAR 'DOD NA, RANG THA MAL PA'AM, LHA'I NGA RGYAL LA GNAS PAS KYANG RUNG LA, RANG GI SPYI BOR PAm LAS PADMA DANG AA LAS ZLA BA'I DKYIL 'KHOR GYI STENG DU H'Um YIG DKAR PO DE LAS 'OD 'PHROS, 'PHAGS PA MCHOD, SEMS CAN GYI DON BYAS, TSUL 'DUS YONGS SU GYUR PA LAS, RDO RJE SEMS DPA' DKAR PO (ZHES PA NAS) BSKOR BA AOm BADZRA SA M'A DZA: AOm BADZRA SA TVA SA P'A RI WA RA AARGHAm (NAS) SHAPTA ('I BAR GYIS MCHOD,) DZA: H'Um BAm HO: DAM TSIG PA DANG GNYIS SU MED PAR GYUR, (ZHES PA NAS) CHU LHAG MA YAR LUD PA LAS MI BSKYOD PAS DBU BRGYAN PAR GYUR (CES PA'I PAR GONG BZHIN BYA'O, (,DE NAS) BCOM LDAN 'DAS RDO RJE SEMS DPA' BDAG GZHAN SEMS CAN THAMS CAD KYI SDIG SGRAB DANG DAM TSIG NYAMS CHAGS THAMS CAD BYANG ZHING DAG PAR MDZAD DU GSOL, (ZHES PA NAS,) MTHU STOBS YON TAN PHUN SUM TSOGS PAR GYUR (CES PA'I BAR GYI GSOL BA GDAB CING, YIG BRGYA NYER GCIG GAM CI 'GRUB BZLA'O, ,YI GE BRGYA PA'I GRANGS NI SROG LDAN GYI YI GE DBANG DU BYAS KYI GZHAN BRGYA LAS MANG ZHING,) AOm DANG H'Um PHAt @004A *, ,RNAMS NI DER MA GTOGS SO, ,MTHAR BDAG NI MI SHES RMONGS PA YIS, (,ZHES PA NAS) SKU GSUNG THUGS DBYER MI PHYED PAR GYUR (PAR BSAM MO,) ,'DI LA STOBS BZHI TSANG TSUL NI, SKYABS 'GRO SEMS BSKYED GNYIS RTEN GYI STOBS, YIG BRGYA'I BZLAS PA NI GNYEN PO KUN TU SPYOD PA'I STOBS, (BDAG NI MI SHES) SOGS NI SUN 'BYIN PA'I STOBS YIN LA, DE'I SHUGS LA SLAR LDOG PA'I STOBS BSTAN TO, ,YI GE BRGYA PA'I SNGAGS DON NI, AOm NI SKU RDO RJE'I SA BON YIN ZHING, MCHOG NOR BKRA SHIS SOGS DON BDUN LA 'JUG ,BADZRA SA TVA NI RDO RJE SEMS DPA', SA MA YA NI DAM TSIG , MA NU B'A LA YA NI RJES SU SKYONGS, BADZRA SATVA TVE NO BA NI RDO RJE SEMS DPA' NYID KYIS NYE BAR, TIshthA NI GNAS PA, dI dHO NI BRTAN PA, ME NI BDAG ,BHA WA NI DNGOS PO 'AM RANG BZHIN DU MDZOD, SU TO shYO NI SHIN DU DGYES PA, SU BO shYO NI SHIN TU RGYAS PA, AA NU RAKTO NI RJES SU CHAGS PA, ME BHA WA GSUM NI SNGAR BZHIN NO, ,SARBA SIDDHI NI DNGOS GRUB THAMS CAD, ME PRA YATZTSA NI BDAG LA STZOL BAR MDZOD, SARBA KARMA SU TZA ME NI BDAG LA LAS THAMS CAD RTZOL BAR MDZOD, TZITTAm SHR'I YA: KU RU NI SEMS SAM SNYING GI DPAL DU MDZOD, H'Um NI THUGS KYI SA BON DANG, HA BZHI DANG HO DANG LNGAS NI YE SHES LNGA MTSON, BHA GA WAN NI BCOM LDAN 'DAS, SARBA TA TH'A GA TA NI DE BZHIN GSHEGS PA THAMS CAD KYI, BADZRA MA ME NI RDO RJE BDAG, MUNYTZA NI MA 'DOR CIG ,BADZRI BHA WA NI RDO RJE CAN GYI RANG BZHIN DU, MA H'A SA MA YA SA TVA NI DAM TSIG CHEN PO'I SEMS DPA', @004B A'A: NI GSUNG DANG, H'Um NI THUGS KYI SA BON, PHAt NI GSAL BAR BYED PA 'AM 'JOMS PAR BYED PA'O, ,YI GE BRGYA PA TSUL BZHIN DU BZLAS NA, SDIG LTUNG THAMS CAD SBYONG ZHING 'PHEL KHA GCOD PA DANG DAM TSIG NYAMS PA SBYONG BA'I THABS MCHOG TU GYUR PA YIN TE, SNYING PO RGYAN LAS , SANGS RGYAS KUN GYI SKU GCIG PO, ,BAD DKAR ZLA BA'I DBUS GNAS SHING, ,RDO RJE DRIL BU RGYAN SPRAS PA'I, ,RDO RJE SEMS DPA' LEGS DMIGS SHING, ,YI GE BRGYA PA CHO GA BZHIN, ,NYI SHU RTZA NI RE RE BZLAS, , LTUNG SOGS BYIN GYIS BRLOB 'GYUR BAS, ,'PHEL BA RU NI MI 'GYUR ZHES, ,GRUB PA MCHOG RNAMS KYIS BSHAD PA, ,THUN MTSAMS SU NI SPYAD PAR BYA, ,'BUM PHRAG TU NI BZLAS GYUR NA, ,RNAM PAR DAG PA'I BDAG NYID 'GYUR, ,ZHES GSUNGS PA'I PHYIR RO, ,'DI'I DMIGS SKOR BYED TSUL LA MANG STE, RANG LHAR GSAL BA'I THUGS KA'I H'Um YIG GI THIG LE'I NANG DU ZLA GDAN GYI DBUS SU RANG DANG MTHAR PHA MA SOGS SEMS CAN THAMS CAD KYIS BSKOR BAR DMIGS NAS , RANG GI SPYI BO'I RDOR SEMS YAB YUM GYI SBYOR MTSAMS NAS BYANG CHUB SEMS KYI BDUD RTZI RANG GI TSANGS BU GA NAS ZHUGS TE RANG DANG SEMS CAN THAMS CAD KYI SDIG SGRIB SBYONG BA'I DMIGS PA DANG, YANG RANG LHAR GSAL BA'I THUGS KA'I ZLA GDAN GYI DBUS SU RANG DANG MTHAR SEMS CAN THAMS CAD 'KHOD PHAR MOS NAS SNGAR BZHIN 'BEBS SBYANG BYED PA DANG, YANG RANG LHAR GSAL BA'I MDUN DU DBUS SU RANG DANG MTHAR SEMS CAN 'KHOD PA'AM, YANG RANG THA MAL DU GNAS PA'I MDUN NAS BRTZAMS TE PHA MA LA SOGS PA'I SEMS CAN THAMS CAD KYIS BSKOR BAR BSAMS @005A *, ,NAS, RANG GI SPYI BO'I RDO RJE SEMS DPA'I THUGS KA'I H'Um YIG LAS RDOR SEMS YAB YUM DPAG TU MED PA SEMS CAN THAMS CAD KYI GRANGS DANG MNYAM PA SPROS, SEMS CAN THAMS CAD KYI SPYI BOR RDOR SEMS YAB YUM ZUNG RE RE BZHUGS PAR GYUR NAS RANG DANG SEMS CAN THAMS CAD KYIS YIG BRGYA 'DON PAR BSAM ZHING, RANG DANG SEMS CAN SO SO'I SPYI BO NAS BZHUGS PA'I RDOR SEMS YAB YUM GYI SBYOR MTSAMS NAS BDUD RTZI'I RGYUN NAR NAR BYUNG STE, RANG GZHAN THAMS CAD KYI SPYI BO NAS ZHUGS PAS SDIG LTUNG THAMS CAD SOL KHU DANG DUD KHU'I RNAM PAR DBANG PO'I SGO DANG BA SPU'I BU GA THAMS CAD NAS PHYIR 'THON TE SDIG SGRIB THAMS CAD DAG PAR MOS PA'I TSUL RNAMS LAS, PHYI MA LTAR BYAS NA BDE BAR SEMS SO, ,MTHAR RDOR SEMS RANG LA BSTIM NAS DBYER MED DU GYUR PAR BSAMS TE, SLAR YANG YIG BRGYA RE GNYIS SOGS GANG 'GRUB DANG, AOm BADZRA SATVA H'Um ZHES PA RDOR SEMS KYI SNYING PO CI 'GRUB RE BZLAS NA NI KHYAD CHE, (DE NAS,) DGE BA 'DI YIS MYUR DU BDAG , RDO RJE SEMS DPA' 'GRUB GYUR NAS, ,ZHES SOGS BRJOD CING, GTOR MA 'BUL BAR 'DOD NA SNGAR LTAR BYA'O, (,CES PA 'DI NI DOD DANG RNAM DPYOD LDAN PA'I GNAS BRTAN RGYAL MTSAN BKRA SHIS ZHES BGYI BA RANG NYID KYI DAD PAS KUN NAS BSLANGS TE BAR DU BRKO BAR BYA'O ZHES BSKUL BA'I DON DU SH'AKYA'I DGE SLONG BSHAD SGRUB MING CAN GYIS GZHAN 'GA' RE LA PHAN SRID SNYAM DU BSAMS NAS SBYAR BA'O,, ,,SARBA SIDDHI MME PRA LATZTSA NTU,) MAm GA LAm KURWANTU, , @005B [BLANK PAGE]