[preliminary data - not manually proofread]
[SNGON 'GRO'I DPAR GZHI]

@001A (*, ,SKYABS 'GRO'I KHRID YIG MDOR BSDUS GAMS PA BZHUGS,)

@001B *, ,SPANGS RTOGS MTHAR PHYIN RDZOGS SANGS RGYAS, ,BDEN
GNYIS ZUNG 'JUG DAM PA'I CHOS, ,TSOGS GNYIS NYAMS LEN DGE 'DUN
TE, ,DKON COG GSUM LA PHYAG 'TSAL LO, ,'DIR SKYABS 'GRO BYED
TSUL GYI RIM PA NYAMS LEN

DU 'KHYER BDE BAR 'GOD PA LA BZHI, SKYABS SU 'GRO BA'I DGOS PA;
PHAN YON; 'GRO TSUL; BSLAB BYA'O, ,DANG PO NI, DKON COG LA
SKYABS SU 'GRO DGOS TE, SANGS RGYAS KYI BSTAN PA DANG MJAL MA
MJAL DANG, BSTAN PA LA ZHUGS MA ZHUGS NI DKON

COG LA SKYABS SU SONG MA SONG BA'I SGO NAS 'JOG PA'I PHYIR TE,
DKON COG LA SKYABS SU 'GRO BA'I SKYABS 'GRO NI SANGS RGYAS KYI
BSTAN PA LA 'JUG PA'I SGO YIN PA'I PHYIR RO, ,GNYIS PA; SKYABS
SU SONG BA'I PHAN YON YOD DE, NANG PA SANGS RGYAS PAR

CHUD PA; SDOM PA THAMS CAD SKYE BA'I RTEN BYED PA, SDIG LTUNG
'DAG PA, TSOGS RDZOGS PA, NGAN SONG LAS THAR BA, MYUR DU 'TSANG
RGYA BA SOGS KYI PHAN YON YOD BA'I PHYIR RO, ,GSUM PA; SKYABS SU
'GRO TSUL LA, BSAM PA NI 'KHOR BA DANG NGAN SONG GI SDUG

BSNGAL GYIS 'JIGS NAS DE LAS SKYOB PA'I NUS PA DKON COG LA YOD
PAR YID CHES TE, KHYED MKHYEN SNYAM DU SNYING THAG PA NAS RE
LTOS 'CHA' BA'I BLOS SKYABS SU 'GRO DGOS SO, , GZHAN DU NA BLA
MA LA SKYABS SU MCHI'O ZHES SOGS KYI TSIG TZAM MANG DU BRJOD PA
LAS

PHAN YON TZAM 'BYUNG YANG, DKON COG LA SKYABS SU SONG BA'I
SKYABS 'GRO MTSAN NYID PAR 'GYUR BA MA YIN TE, SKYABS 'GRO KHYAD
PAR CAN DNGOS NI RJOD PA'I TSIG TZAM MA YIN PAR, DKON COG LA
DPUNG GNYEN DU RE LTOS 'CHA' BA'I BLO ZHIG GI STENG NAS 'JOG
DGOS

@002A *, ,PA'I PHYIR RO, ,SKYABS SU 'GRO BA'I YUL NI, SPYIR
PHYOGS BCU'I ZHING RAB 'BYAMS NA BZHUGS PA'I DKON COG GSUM DMIGS
YUL DU BYED PA'AM, TSOGS ZHING DU SPYAN DRANGS NAS YAN LAG BDUN
PA PHUL TE, SKYABS SU

'GRO BA'ANG RUNG MOD, 'JUG PA BDE CHED 'DI LTAR BYA BAR GSUNGS
TE, ` DE YANG; MDUN GYI NAM MKHAR SENG KHRI PADMA NYI ZLA'I GDAN
LA RTZA BA'I BLA MA DANG DBYER MED PA'I RGYAL BA SH'AKYA THUB PA
LA BLA MA YI DAM SANGS RGYAS BYANG SEMS NYAN RANG

DPA' BO MKHA' 'GRO CHOS SKYONG SRUNG MA'I TSOGS DPAG TU MED PAS
BSKOR NAS 'KHRIGS SE BZHUGS PAR GYUR, CES BRJOD DAM, MA YIN
KYANG DE'I MOS PA SHUGS CAN BYA, DE NAS RANG DANG SEMS CAN THAMS
CAD MNYAM DU, PHYOGS BCU NAS; BLA MA LA

SKYABS SU MCHI'O,, SOGS SKYABS 'GRO BZHI SKOR GANG MANG DANG, YI
DAM DKYIL 'KHOR SOGS BTAGS PA'I SKYABS 'GRO DRUG SKOR, LAN BDUN
NAM GSUM SOGS BYA ZHING DE'I TSE, SKYABS GNAS DE RNAMS KYI THUGS
KA NAS 'OD DKAR PO DPAG TU MED PA BYUNG

NAS RANG GZHAN SEMS CAN THAMS CAD LA PHOG PAS SDIG SGRIB THAMS
CAD DAG PAR GYUR SONG SNYAM DU BSAM, DE NAS YANG; BLA MA DANG
DKON COG RIN PO CHE RNAM PA GSUM LA PHYAG 'TSAL ZHING SKYABS SU
MCHI'O, ,KHYED RNAMS GYIS BDAG GI RGYUD BYIN GYIS

RLOB TU GSOL, ZHES LAN GSUM SOGS BRJOD PAS, SKYABS YUL RNAMS
DGYES BZHIN 'OD DU ZHU NAS RANG LA THIM PAS BYIN GYIS BRLABS PAR
BYAS SO, ,SNYAM DU BSAM MO, ,BZHI PA; BSLAB BYA BSDU NA, BRIS
'BUR GYI SKU GZUGS GANG YIN KYANG

@002B SANGS RGYAS DNGOS KYI 'DU SHES, CHOS TSIGS BCAD GCIG YAN
LA CHOS DKON COG GI 'DU SHES, RAB BYUNG GI RTAGS TZAM 'DZIN PA
LA'ANG DGE 'DUN DKON COG DNGOS KYI 'DU SHES 'JOG CING, SANGS
RGYAS LA SKYABS SU SONG NAS 'JIG RTEN PA'I LHA LA ,

SKYABS SU MI 'GRO, CHOS LA SKYABS SU SONG NAS SEMS CAN LA GNOD
'TSE SPONG, DGE 'DUN LA SKYABS SU SONG NAS GROGS DKON COG LA MI
GUS PA DANG MDZA' MTHUN BYAS NAS MI 'GROGS SHING, CI ZA CI
'THUNG GI PHUD KYIS MCHOD PA SOGS LA BSLAB

DGOS SO, ,DE NAS SEMS BSKYED SOGS BYED NA, SEMS CAN THAMS CAD
KYI DON DU SANGS RGYAS KYI GO 'PHANG THOB PAR BYA'O SNYAM STE,
SANGS RGYAS CHOS TSOGS MA DANG, DKON COG GSUM LA SOGS GNYIS
KA'AM GANG RUNG LAN GSUM GYIS SEMS

BSKYED, SEMS CAN THAMS CAD BDE BA LA 'GOD 'DOD KYI BYAMS PA
DANG, SDUG BSNGAL DANG BRAL 'DOD KYI SNYING RJE DANG, BDE BA
DANG MI 'BRAL BAR 'DOD PA'I DGA' BA DANG, NYE RING CHAGS SDANG
DANG BRAL 'DOD KYI BTANG SNYOMS LA GNAS PAR BYA'O SNYAM STE

BSAM PA THAG PAS; SEMS CAN THAMS CAD BDE BA DANG LDAN PAR GYUR
CIG SOGS LAN GSUM BRJOD NAS TSAD MED BZHI BSGOM MO, ,DE LTAR
TSUL BZHIN DU NYAMS SU BLANGS NAS CHOS KYI GNAD BSDUS PA'I SDOM
NYAMS SU BLANGS PAR 'GYUR BAS DON

SHIN TU CHE LA, TSIG TZAM GYIS SKYABS 'GRO SEMS BSKYED TSAD MED
BZHI BYED PA LA NI SNYING PO CHUNG NGO, ,SKYABS 'GRO KHYAD PAR
CAN LA PHAN YON SNGAR BSHAD PA LTAR MA ZAD, BYANG CHUB TU SEMS
BSKYED PA DANG, TSAD MED BZHI BSGOMS PA LA'ANG PHAN YON MANG DU
YOD

@003A *, ,TSUL MDO BSTAN BCOS LAS GSUNGS PA RNAMS KYANG SHES
DGOS SO, ,DE'I PHYIR SKYABS 'GRO SEMS BSKYED SOGS NYAMS LEN GYI
SNYING POR BYED PAR RIGS SO, ,CES PA 'DI NI, SH'AKYA'I BTZUN PA
BSHAD SGRUB MING CAN GYIS GZHAN LA'ANG PHAN SRID SNYAM

NAS DAM PA'I MAN NGAG BZHIN SBYAR BA'O,, ` (,,SDIG SGRIB 'JOMS
BYED STOBS BZHI'I NYI MA BZHUGS,,) NA MO SH'AKYA MUN YE, ('DIR
YAN LAG BDUN PA DANG 'BREL BA'I STOBS BZHI'I BSHAGS PA BYED TSUL
'CHANG BA LA, GNAS KHANG BYI DOR BYAS NAS SKU GSUNG THUGS KYI
RTEN DGRAM, MCHOD PA CI NUS BA SHAMS TE, SKYABS SEMS RGYUD DANG
'DRES PA ZHIG SNGON DU BTANG

NAS; GZUG? LA BDE CHED 'DI LTAR BYA STE,) BLA MA MCHOG GSUM BDE
GSHEGS MCHED BDUN DANG, ,SH'AKA THUB LA SOGS RGYAL BA SUM CU
LNGA, ,SANGS RGYAS STONG DANG SEMS DPA' BRGYAD LA SOGS, ,SKYABS
GNAS 'KHOR BCAS 'DIR GSHEGS BZHUGS SU GSOL, ,

(ZHES SOGS TSIGS BCAD CI RIGS KYIS SPYAN DRANGS NAS MDUN GYI NAM
MKHAR MNGON SUM DU BZHUGS PA'I MOS BDUNG DU DPYA,) SANGS RGYAS
THAMS CAD 'DUS PA'I SKU, (SOGS DANG,) MGON PO THUGS RJE (SOGS
DANG,) JI SNYED SU DAG (SOGS KYIS YAN LAG BDUN BA BYA ZHING,
BSAM SHES NA 'DI LA'ANG STOBS BZHI DON GYIS TSANG BAR 'GYUR MOD,
SDIG PA BSHAGS PA'I TSE SGOS SU BYAS NA

LEGS PAS,) RTZA BRGYUD KYI BLA MA RNAMS DANG DKON COG RIN PO CHE
RNAM PA GSUM DANG PHYOGS BCU'I RGYAL BA SRAS DANG BCAS PA THAMS
CAD LA PHYAG 'TSAL ZHING SKYABS SU MCHI'O, ,BDAG 'KHOR BA DANG
NGAN SONG GI 'JIGS PA LAS BSKYAB TU GSOL, (ZHES LAN GSUM SOGS
BRJOD

PAS SAM,) GTZO BO RGYAL BA (SOGS KYIS KYANG DE DAG GI SKYABS 'OG
TU TSUD PAR BYA, DE NAS BSAM PA THAG PAS,) SEMS CAN THAMS CAD
BDE BA DANG LDAN PAR GYUR CIG, LDAN NA CI MA RUNG, LDAN PAR BDAG
GIS BYA'O, ,SEMS CAN THAMS CAD SDUG BSNGAL DANG BRAL BAR GYUR
CIG, BRAL NA CI MA RUNG

@003B BRAL BA BDAG GIS BYA'O, ,DE'I CHED DU BDAG NYID SANGS
RGYAS KYI GO 'PHANG MYUR DU THOB PAR BYA'O, (,ZHES LAN MANG DU
BRJOD CING BSAM PAR BYA STE, DE GNYIS KA'ANG RTEN GYI STOBS
SO,,) RGYAL BA SRAS DANG BCAS PA THAMS CAD BDAG LA DGONGS SU
GSOL, BDAG GIS TSE RABS 'KHOR

BA THOG MA MED PA NAS DA LTA LA THUG GI BAR DU NYON MONGS PA'I
DBANG DU GYUR TE, MI DGE BA BCU DANG, MTSAMS MED PA LNGA DANG,
DE DANG NYE BA LNGA BGYIS PA DANG, 'PHAGS PA LA BSKUR BA BTAB PA
DANG, SEMS CAN LA GNOD PA'I LAS BGYIS PA DANG, DAM PA'I

CHOS SPANGS PA DANG, SDOM PA GSUM GYI BCAS PA DANG 'GAL BAS
MTSON TE, BCAS RANG GI KHA NA MA THO BA'I SDIG PA'I LAS BDAG GIS
BGYIS PA DANG, GZHAN LA BGYID DU STZAL BA DANG, BGYIS PA LA RJES
SU YI RANG PA LA SOGS PA MDOR NA MTHO RIS DANG THAR PA'I GEGS

SU GYUR CING, 'KHOR BA DANG NGAN SONG GI RGYUR GYUR PA'I NYES
PA'I TSOGS CI MCHIS PA THAMS CAD MTHOL LO,, 'CHAGS SO, ,MI 'CHAB
BO, ,MI SBED DO, (,ZHES RANG GI NYES PA RNAMS NONGS SHING 'GYOD
BA'I YID KYIS LAN GSUM SOGS BSGRAGS PA NI, RNAM PAR SUN 'BYIN
PA'I STOBS SO,,) DE LTA BU'I

NYES PA'I TSOGS THAMS CAD KYANG SLAN CHAD MI BYED PAR GCOD CING
SDOM PAR BGYI'O, (,ZHES LAN GSUM GYIS GYIN CHAD CI 'OS SU MI
BYED PA'I SDOM SEMS BYA STE, SLAR LDOG PA'I STOBS SO,) ,BSHAGS
PA PO DANG BSHAGS YUL DANG BSHAGS BYA LA SOGS PA'I CHOS THAMS
CAD KYANG, RANG

RANG GI GDAGS GZHI DANG CHA SHAS LA BRTEN NAS RTOG PAS BZHAG
PA'I RTEN 'BREL YIN PA'I PHYIR, RMI LAM DANG SGYU MA DANG CHU'I
ZLA BA LTAR SNANG BA LAS RANG BZHIN GYIS GRUB PA MED DO, (,ZHES
BRJOD CING, DE'I DON CI NUS BSAMS LA; SHER SNYING LAN GSUM DANG
BSNGO SMON BYA'O, ,RGYAS PA DANG,)

@004A *, (,MDO SDE ZAB MO GZHAN 'DON PA DANG, SANGS RGYAS BYANG
SEMS KYI MTSAN BRJOD PA DANG, MI 'KHRUGS PA, RNAM RGYAL,) NGAN
SONG SBYONG BA'I GZUNGS SOGS BZLA BA DANG, RTEN BZHENGS PA,
MCHOD PA 'BUL BA, TSA TSA GDAB PA SOGS GANG 'GRUB BYA BAR GSUNGS
LA, LTA BA DRAN PA DANG, (NYES PA LAS LDOG PA GNYIS

TSIG GIS MA BRJOD PAR BSAMS KYANG CHOG MOD, SKABS PHYED PA'I
PHYIR DE LTAR BSHAD DO,, LTUNG BSHAGS DANG SGREL NAS BYED
NA'ANG, PHYAG 'TSAL BA RNAMS NI, YAN LAG BDUN PA'I PHYAG GI
SKABS DANG, BSHAGS BA DANG SLAR LDOG GNYIS RNAM PAR SUN 'BYIN PA
SOGS KYI SKABS GNYIS SU SBYAR ZHING, BSNGO BA NI, MTHAR BYAS NA
LEGS SO,,

STOBS BZHI'I DANG PO DANG THA MA GNYIS LA NGOS 'DZIN LUGS CUNG
MI 'DRA BA RE YONG KYANG, SNGAR BSHAD PA'I RIM BA DE, MDO NYID
DANG RJE RIN PO CHE'I DGONGS PA'O,, DE LTAR STOBS BZHI'I SGO NAS
BSHAGS PA LAN MANG DU BYAS NA, NGAN SONG MYONG NGES KYI LAS
STOBS CHEN YANG 'DAG PAR GSUNGS SO, ,MI BZAD SDUG BSNGAL 'BYUNG
BA'I SGO, ,SDIG LTUNG MUN NAG

STUGS PO KUN, ,STOBS BZHI'I 'OD STONG 'BAR BA'I MES, ,'JOMS
PHYIR TSUL 'DIR 'BAD PA GNAD, ,CES PA 'DI YANG SH'AKYA'I DGE
SLONG BSHAD SGRUB MING CAN GYIS GZHAN LA'ANG PHAN SRID SNYAM NA
SBYAR BA'O,, ` ,,NA MO LO KE SHVA RA YA, (TSOGS GNYIS BDE BLAG
TU TSOGS PA'I THABS DAM PA BRGYA RTZA'I RIM PA MDOR BSDUS BYA
BAR 'DOD NA

PHYAG LEN MTHONG BRGYUD LTAR SHES PAR BYAS TE,) SANGS RGYAS CHOS
DANG (SOGS KYIS SKYABS SEMS SNGON DU BTANG NAS,) RANG NYID SKAD
CIG GIS THUGS RJE CHEN PO ZHAL GCIG PHYAG BZHI PAR GYUR, RANG GI
THUGS KA'I HR'I: LAS 'OD ZER 'PHROS, RANG 'DRA'I YE SHES PA AOm
BADZRA SA MA DZA: DZA: H'Um BAm HO:

GNYIS SU MED PAR GYUR, SLAR YANG THUGS KA'I HR'I: LAS 'OD ZER
'PHROS, DBANG GI LHA RNAMS SPYAN DRANGS, AOm SARBA (NAS) 'OD
DPAG MED KYIS DBU BRGYAN PAR GYUR, AOm LO KE SHVA RA AARGHAm
(NAS;) SHAPTA'I (PAR GYIS MCHOD,) SKYON GYIS MA GOS (SOGS KYIS
BSTOD PA, YIG DRUG

@004B BGRANG?; MCHOD PA;) AA MRi TA (SA BSANGS;) SVA BH'A WA (SA
SBYANGS;) STONG PA'I NGANG LAS MCHOD PA RNAMS PHUL DU BYUNG BA'I
LHA RDZAS PHUN SUM TSOGS PAR GYUR, AOm A'A: H'Um (GSUM GYIS BYIN
BRLABS BYAS LA;) RANG GI THUGS KA'I HR'I: LAS 'OD ZER 'PHROS
'JIG RTEN DANG 'JIG RTEN LAS 'DAS

PA'I MGRON RNAMS SPYAN DRANGS, BLA MA YI DAM MCHOG GSUM SOGS,
,GTOR MGRON 'KHOR DANG BCAS PA RNAMS, ,MCHOD SBYIN CHED DU SPYAN
'DREN GYI, ,'DIR GSHEGS GDAN LA BZHUGS SU GSOL, ,PHYAG BYAR 'OS
PA THAMS CAD LA,, (ZHES SOGS KYIS PHYAG BYAS LA ,)

AOm BADZRA AARGHAm (SOGS KYIS MCHOD,) ZHAL ZAS RO BRGYA LDAN
PA'I (SOGS KYIS ZHAL ZAS DANG;) JI LTAR BLTAMS PA (SOGS KYI
MTHAR;) AOm SARBA TA TH'A GA TA AA BHI (NAS;) H'Um (GIS KHRUS
BYA;) 'PHAGS PA SPYAN RAS GZIGS DBANG GI (,ZHES SOGS DANG;) AOm
A'A: HR'I: H'Um (DANG,) AOm MA nI PADME H'Um (DANG;)

AOm DZ'A LA ME DAM SARBA PRE TA BHYA: SV'A H'A, (DANG;) AOm
DZNY'A NA AA WA LO KE TE SA MANTA SPHA RA nA RA SMI BHA WA SA MA
YA MA H'A MA nI DU RU DU RU HRi DA YA DZ'A YA NI SV'A H'A,
(DANG; 'DOD NA;) KAm KA NI (SOGS KYIS KYANG CHU SBYIN BYA;)
CHU'I SBYIN PA 'DI LA BRTEN NAS KLU'I RGYAL PO DGA' BO DANG NYE
DGA' LA SOGS PA

SRID PA CHU KLUNG GI BDAG PO DANG, GZHI BDAG GNYUG MAR GNAS PA
DANG, SEMS CAN THAMS CAD KYI RGYUD LA SBYIN PA DAM PA SEMS KYI
RGYAN DU GYUR NAS DON GYI MCHOG THOB PAR GYUR CIG (,DE NAS GTOR
MA RNAMS THUN MONG DU;) AA MRi TA (SA BSANGS;) SVA BH'A WA (SA
SBYANGS;) STONG PA'I NGANG LAS

BHRUm LAS RIN PO CHE'I SNOD YANGS SHING RGYA CHE BA RNAMS KYI
NANG DU AOm 'OD DU ZHU BA LAS BYUNG BA'I GTOR MA ZAG PA MED PA
YE SHES KYI BDUD RTZI'I RGYA MTSO CHEN POR GYUR (BAR BSAMS TE;)
AOm A'A: H'Um, (LAN GSUM BRJOD DE BYIN GYIS BRLAB ,) NA MA:
SARBA TA TH'A GA TA AA WA LO KE TE

@005A *, ,AOm SAMBHA RA SAMBHA RA H'Um, (ZHES PA BDUN NAM GSUM
GYIS BSNGO; MGRON TSAN BZHI PA YAN LA;) SAMBHA RA'I (MJUG TU,)
AOm BADZRA AARGHAm (SOGS KYIS MCHOD, LNGA PA MAN YA; AARGHAm
SOGS KYI TSAB TU DE BZHIN GSHEGS PA BZHI'I MTSAN BRJOD, DANG
PO'I MCHOD PA'I MJUG TU,) BDUD

RTZI'I RGYA MTSO'I GTOR MA 'DI, ,BLA MA SANGS RGYAS BYANG SEMS
DANG, ,YI DAM MKHA' 'GRO'I TSOGS LA 'BUL, ,BZHES NAS MCHOG THUN
DNGOS GRUB STZOL, (,GNYIS PA'I TSE;) BDUD RTZI'I X YE SHES MGON
PO LA SOGS PA, ,CHOS SKYONG SRUNG MA'I

TSOGS LA 'BUL, ,BZHES NAS 'PHRIN LAS RNAM BZHI SGRUBS, (,GSUM
PA'I TSE;) BDUD RTZI'I X DRANG SRONG CHEN PO MCHOG BRGYANG SOGS,
,BDEN TSIG GRUB PA RNAMS LA 'BUL, ,BZHES NAS BSAM DON 'GRUB PAR
MDZOD, (,BZHI BA'I TSE;)

BDUD RTZI'I X DZAMBHA LA SOGS NOR LHA DANG, ,LHAN CIG SKYES PA'I
LHA LA 'BUL, ,BZHES NAS 'DOD RGYU CHAR BZHIN PHOB, (,LNGA PA'I
TSE;) BDUD X SA YI LHA MO BRTAN MA SOGS, ,YUL LHA GZHI BDAG
RNAMS LA 'BUL, ,BZHES NAS STONG GROGS BZANG PO MDZOD,

(DRUG PA'I TSE;) BDUD X RTA BDAG BRGYAD SOGS GNOD SBYIN DANG,
,LHA KLU SDE BRGYAD TSOGS LA 'BUL, ,BZHES NAS BDE SKYID 'BYUNG
BAR MDZOD, (,BDUD BA'I TSE;) BDUD RTZI'I X 'PHROG MA BU LA SOGS
PA YI, ,GDON BGEGS 'BYUNG PO RNAMS LA 'BUL, ,

BZHES NAS GNOD SEMS ZHI BAR MDZOD, (,BRGYAD PA'I TSE;) BDUD
RTZI'I X SKYE GNAS RNAM PA BZHIS BSDUS PA'I, ,RIGS DRUG 'GRO
BA'I TSOGS LA 'BUL, ,BZHES NAS SDUG BSNGAL LAS GROL SHOG (,DGU
PA'I TSE;) BDUD RTZI'I X, BA'I BAR RGYAL MOS

@005B GTZO BYAS PA'I, ,YI DAGS TSOGS (RNAMS) KUN LA 'BUL, ,BZHES
NAS BKRES SKOM ZHI GYUR CIG (,BCU PA'I TSE;) BDUD RTZI'I X THOG
MA MED NAS LAN CHAGS PA'I, ,SHA KHO NA GNYER BA RNAMS LA 'BUL,
,BZHES NAS BU LON KHYER GYUR CIG (,BCU GCIG PA'I TSE;)

BDUD RTZI'I X SKAL CHAD DBANG CHUNG GYUR PA YI, ,LHAG LA RE BA
RNAMS LA 'BUL, ,BZHES NAS LUS SEMS TSIM GYUR CIG (,ZHES BSNGOS
LA;) CHOS RNAMS THAMS CAD RGYU LAS BYUNG,, (ZHES SOGS DANG,)
SKAR MA RAB RIB (SOGS KYIS CHOS SBYIN DANG,) BDAG GI BSAM

PA'I (SOGS KYI MTHAR;) BADZRA MU: GTOR MGRON RNAMS RANG GNAS SU
GSHEGS PAR GYUR, (CES BRJOD LA; SENG GOL GDAB CING; BSNGO SMON
BYA'O,,) TSIG GI LO MA'I SPROS BRAL YANG, ,BRGYA RTZA'I DON GYI
SNYING PO KUN, ,MA TSANG MED PAR GCIG DRIL BA, ,'DI KO YID BZHIN
NOR BU'O, (,CES PA

'DI YANG;) PAn CHEN THAMS CAD MKHYEN PAS MJAD PA'I BRGYA RTZA
BSDUS PA DANG MTHUN PAR SH'AKYA'I DGE SLONG BSHAD SGRUB MING CAN
GYIS, BRGYA RTZA GTONG 'DOD KYANG RGYAS PA MA LCOGS PA 'GA'
LA'ANG PHAN SRID SNYAM NAS SBYAR BA'O,, ` ,,CHA BZHI DANG LAN
CHAGS GTOR MA GTOR BAR 'DOD NA,

GTOR SNOD LNGA RIL BU CHU GTZANG BCAS STA GON BYAS LA, SKYABS
SEMS MDOR BSDUS SNGON DU BTANG NAS;) RANG NYID SKAD CIG GIS
THUGS RJE CHEN PO ZHAL GCIG PHYAG BZHI BAR GSAL BAR GYUR, (GTOR
MA RNAMS THUN MONG DU;) AA MRi (TAS BSANGS;) SVA BH'A WAS
SBYANGS; STONG PA'I

NGANG LAS BHR'Um LAS RIN PO CHE'I SNOD (NAS;) RGYA MTSO CHEN POR
GYUR, AOm A'A: H'Um, (LAN GSUM GYIS BYIN BRLAB BYA BA'AM;) YANG
NA PHYI MA RNAMS KYI TSE'ANG YI GE GSUM LAN GSUM RE BRJOD NAS
BYIN GYIS BRLAB,) RANG GI THUGS KA'I HR'I: LAS 'OD ZER 'PHROS
PAS, BLA MA YI

@006A *, ,DAM SANGS RGYAS BYANG SEMS NYAN RANG DPA' PO MKHA'
'GRO CHOS SKYONG SRUNG MA LHA KLU GZHI BDAG RIGS DRUG DANG LAN
CHAGS KYI MGRON RNAMS MA LUS PA GNAS 'DIR SPYAN DRANGS, AE HYE
HI, KA MA L'A YE STRAm, (MGRON TSAN DANG PO

GNYI MA SO SOL;) SAMBHA RA (SA LAN 'DUN NAM GSUM GYIS PHUL LA;)
AOm BADZRA AARGHAm (SOGS KYIS MCHOD, DANG PO'I MTHAR,) MCHOD
SBYIN GYI GTOR MA 'DI NI, RTZA BRGYUD KYI BLA MA YI DAM LHA
TSOGS SANGS RGYAS BYANG SEMS NYAN RANG DPA' BO MKHA' 'GRO'I TSOG
RNAMS

LA 'DUL LO, ,BZHES NAS BDAG CAG 'KHOR DANG BCAS PA THAMS CAD KYI
TSOGS GNYIS RDZOGS, SGRIB GNYIS BYANG BA SOGS MCHOG THUN GYI
DNGOS GRUB MA LUS PA 'GRUB PAR PHYIN GYIS RLOB TU GSOL, (GNYIS
PA'I TSE;) MCHOD X MYUR MDZAD

YE SHES KYI MGON PO,, DAM CAN CHOS KYI RGYAL PO,, 'DOD KHAMS KYI
DBANG PHYUG,, RGYAL PO CHEN PO RNAM THOS SRAS LA SOGS PA CHOS
SKYONG SRUNG MA'I TSOGS RNAMS LA 'BUL LO, ,BZHES NAS SANGS RGYAS
KYI BSTAN PA RIN PO CHE DANG, BDAG CAG SRUNG ZHING

SKYOB PA DANG 'GAL RKYEN ZHI ZHING MTHUN RKYEN THAMS CAD CHOS
BZHIN DU 'GRUB PAR MDZAD DU GSOL, (PHYI MA GSUM LA;) SAMBHA RA
(SA BSNGOS NAS, DE BZHIN GSHEGS PA BZHI'I MTSAN BRJOD, DANG PO'I
MJUG TU,) MCHOD X SRID PA BAR DOR GNAS PA DANG, YI DAGS KYI
TSOGS

THAMS CAD DANG, RIGS DRUG GI SEMS CAN RNAMS LA'ANG SBYIN NO,
,BZHES NAS SDUG BSNGAL MTHA' DAG LAS GROL TE MYUR DU MNGON PAR
RDZOGS PAR 'TSANG RGYA BAR GYUR CIG (,GNYIS PA'I TSE;) MCHOD X
LHA KLU SDE BRGYAD RNAMS DANG YUL LHA GZHI BDAG GI

@006B TSOGS THAMS CAD LA 'BUL LO, ,BZHES NAS BDAG CAG GIS LAS
DANG BYA BA CI BYAS KYANG KO LONG DANG PHRAG DOG MI MDZAD PAR
MTHUN RKYEN RNAMS YID BZHIN DU 'GRUB PAR MDZAD DU GSOL, (GSUM
PA'I TSE;) MCHOD SBYIN GYI GTOR MA 'DI NI ,

THOG MA MED PA NAS DA LTA'I BAR DU GZHAN GYI 'DROG BCAD PA DANG,
'PHROG PA DANG, BRKUS PA LA SOGS PA'I DBANG GIS BU LON LAN CHAGS
SU GYUR NAS SHA KHO NA GNYER BAR BYED PA RNAMS LA 'BUL LO,
,BZHES NAS LAN CHAGS BU LON MTHA' DAG

KHYE BA, SHA KHO NA GNOD PA THAMS CAD ZHI NAS BYAMS PA'I SEMS
DANG LDAN PAR GYUR CIG ,CHOS RNAMS THAMS CAD RGYU LAS BYUNG, ,DE
RGYU DE BZHIN GSHEGS PAS GSUNG, ,RGYU LA 'GOG PA GANG YIN PA,
,DGE SBYONG CHEN POS DE SKAD GSUNG, ,

(ZHES DANG;) BDAG GI BSAM PA'I (SOGS DANG) MGRON RNAMS MNYES
SHING TSIM NAS RANG GNAS SU GSHEGS PAR GYUR, (CES BRJOD LA; SE
GOL GDAB CING; BSNGO SMON BYA'O, ,LAN CHAGS GTOR MA MANG DU
GTONG BAR 'DOD NA'ANG,) BYIN RLABS SNGAR LTAR BYAS LA, SAMBHA
RAS

LAN NYER GCIG RA PHUL BA'I MTHAR; DE BZHIN GSHEGS PA BZHI'I
MTSAN BRJOD PA SOGS BYA'O, ,YANG NA; RANG GI THUGS KA'I HR'I:
LAS 'OD ZER 'PHROS GDON BGEGS LAN CHAGS KYI MGRON RNAMS MA LUS
PA GNAS 'DIR SPYAN DRANGS (SOGS BRJOD LA;) SNGAR LTAR

BYIN GYIS BRLABS NAS 'BUL BA SOGS BYAS TE, MTHAR GSHEGS PAR
BYA'O, ,MCHOD SBYIN DAG PA'I ZHING SA LA, ,DGE TSOGS SA BON BTAB
PA YI, ,NYER 'BRAS PHAN BDE'I DGA' STON CHER, ,SPYOD PA'I SKAL
BZANG MYONG BAR SHOG,, ,,

@007A *, ,NA MO A'ARYA T'A RA YE, ('BYUNG BZHI'I GTOR MA GTONG
BAR 'DOD PAS, ZAN LEB LA ZLA GAM GRU GSUM ZLUM PO GRU BZHI ZAN
RIL RNAMS DANG, NGAR GLUD MTHEB KYU CHANG BU RNAMS CI TZAM DGOS
PA STA GON BYAS LA, RANG GI MDUN GYI G-YON PHYOGS NAS 'GO
BRTZAMS TE, SNOD SO SO'I NANG DU RIM PAR BSHAS

PA 'AM, SNOD GCIG TU BYED NA RLUNG GTOR DBUS DPAL? DUN NAS G-YAS
SKOR DU ZLA GAM SOGS RIM BZHIN DANG, NGAR MI MTHEB KYU CHANG BU
BCAS LOGS SU BZHAG STE, SKYABS SEMS RGYAS BSDUS SPYI LTAR BYAS
LA,) SVA BH'A WA (SA SBYANGS,) STONG BA'I NGANG LAS SNA TSOGS
PADMA ZLA BA KRishnA (SA RA'I PAGS PA'I STEB DU RANG NYID

SKAD CIG GIS DAM PA RGYA GAR ZHAL GCIG PHYAG GNYIS PA, MTSAN
DPES SPRAS SHING ZHABS GNYIS SKYIL KRUNG GIS BZHUGS PAR GYUR,
MCHOD PA AA MRi (TAS BSANGS,) SVA BH'A WAS (SBYANGS,) STONG PA'I
NGANG LAS MCHOD GTOR RNAMS LHA RDZAS DAM PA PHUN SUM TSOGS PA
NAM MKHA'I

KHAMS GANG BAR GYUR, AOm A'A: H'Um, (LAN GSUM GYIS BRLAB, MCHOD
YUL BSKYED PA SOGS NI,) CHOS KUN RANG BZHIN STONG PA NYID DU
GYUR, ,STONG PA'I NGANG LAS MDUN GYI MKHA' DBYINGS SU, ,RIN CHEN
KHRI STENG PAD NYI ZLA GDAN DANG, ,KRishnA SA RA'I PAGS STENG
DUS GSUM GYI, ,

RGYAL KUN NGO BO DAM PA RGYA GAR NI, ,MCHOG GSUM RIGS LNGA YI
DAM MKHA' 'GRO DANG, ,BSTAN SRUNG RGYA MTSOS BSKOR NAS RAB
BZHUGS PA'I, ,GNAS GSUM RDO RJE GSUM MCHAN H'Um YIG LAS, ,'OD
'PHROS RANG BZHIN GNAS NAS RANG 'DRA BA'I, ,YE SHES PA RNAMS

SPYAN DRANGS DBYER MED GYUR, ,BSOD NAMS YE SHES TSOGS LAS NYER
'KHRUNGS SHING, ,LUNG RTOGS YON TAN DU MA'I TSOGS KYIS BRGYAN,
,YID 'ONG MTSAN DANG DPE BYAD DPAL 'BAR BA, ,GRUB PA'I DBANG
PHYUG ZHABS LA PHYAG 'TSAL LO, ,DPAG MED LUS

@007B SPRUL SGO GSUM GUS PHYAG 'TSAL, ,DNGOS BSHAMS YID SPRUL
MCHOD SPRIN RGYA MTSO 'BUL, ,SDIG STUNG NYES PA'I TSOGS RNAMS SO
SOR BSHAGS, ,RANG GZHAN KUN GYI DGE LA RJES YI RANG, ,MYA NGAN
MI 'DA' RTAG PAR LEGS BZHUGS NAS, ,'GRO LA CHOS KYI

'KHOR LO BSKOR BAR BSKUL, ,DGE KUN RDZOGS PA'I SANGS RGYAS THOB
PHYIR BSNGO, ,RTZOD MED GRUB CHEN DAM PA RGYA GAR DANG, ,MCHOG
GSUM RGYAL BA SRAS BCAS THAMS CAD LA, ,GSOL BA 'DEBS SO BDAG
DANG SBYIN BDAG SOGS, ,BSRUNG SKYOB MDZAD CING MCHOG

THUN DNGOS GRUB STZOL, (,GTOR MA RNAMS SNGAR LTAR BSANGS
SBYANGS,) STONG PA'I NGANG LAS BHR'Um LAS RIN PO CHE'I SNOD
YANGS SHING RGYA CHE BA RNAMS KYI NANG DU YAm RAm BAm LAm BZHI,
DE YONGS SU GYUR PA LAS 'BYUNG BZHI'I GTOR MA KHA DOG DRI RO NUS
PA PHUN SUM TSOGS PA 'DOD YON

LNGA LDAN GYI BDUD RTZI'I RGYA MTSO CHEN POR GYUR, AOm A'A:
H'Um, (GSUM GYIS BRLABS LA, BSNGO BA NI, DANG PO ZLA GAM LA
DMIGS TE,) AOm TZA TSA DZA DZHA NYA YAm AO AOO SV'A H'A, (ZHES
LAN GSUM MAM BDUN GYIS BSNGOS LA,) AOm BADZRA AARGHAm PRA
T'ITZTSA (SOGS KYIS MCHOD,) LAm LAS BYUNG BA'I

RLUNG RDZAS YANGS SHING G-YO, ,RAB SNGO 'DOD YON LNGA LDAN GTOR
MA 'DI, ,BLA MA SANGS RGYAS BYANG SEMS YI DAM LHA, ,NYAN RANG
DPA' BO MKHA' 'GRO CHOS SKYOD DANG, ,KHYAD PAR RDO RJE'I RIGS
RNAMS 'KHOR BCAS LA, ,'BUL LO BZHES NAS RNAL 'BYOR SBYIN

BDAG GI ,RLUNG NAD RGYAL 'GONG SHAR PHYOGS GDON RNAMS DANG, ,ZHE
SDANG SOGS ZHI 'BYUNG BZHI SNYOMS PAR MDZOD, (,GNYIS PA BRU GSUM
LA DMIGS TE,) AOm tA thA dA dHA nA RAm AE AEE Ri R'i SV'A H'A,
(LAN GSUM MAM) BDUN DANG, SNGAR BZHIN MCHOD, RAm LAS BYUNG BA'I
ME RDZAS TSA

@008A *, ,ZHING BSREG ,RAB DMAR 'DOD YON X, ,BLA MA X, ,NYAN
RANG X, ,KHYAD PAR RIN CHEN RIGS RNAMS X, ,'BUL LO X, ,MKHRIS
NAD BDUD BTZAN LHO PHYOGS GDON RNAMS DANG, ,NGA RGYAL SOGS ZHI
'BYUNG BZHI X, (,GSUM PA ZLUm PO LA DMIGS TE,) AOm BA PAm BHA MA
BAm

AU A'U SV'A H'A, (LAN GSUM MAM BDUN DANG, SNGAR BZHIN MCHOD,)
PAm LAS BYUNG BA'I CHU RDZAS BRLAN ZHING GSHER, ,RAB DKAR 'DOD
YON X, ,BLA MA X, ,NYAN RANG X, ,KHYAD PAR PADMA'I RIGS RNAMS X,
,'BUL LO X, ,GRANG NAD DAM SRI NUB PHYOGS GDON RNAMS DANG, ,'DOD
CHAGS

SOGS ZHI 'BYUNG BZHI X, (,BZHI PA GRU BZHI LA DMIGS TE,) AOm TA
THA DA DHA NA AE Li L'I AI A'I SV'A H'A, (LAN GSUM MAM BDUN
DANG, SNGAR BZHIN MCHOD,) LAm LAS BYUNG BA'I SA RDZAS SRA ZHING
'THAS, ,RAB SER 'DOD YON X, ,BLA MA X, ,NYAN RANG X, ,KHYAD PAR
LAS KYI RIGS RNAMS X, ,

'BUL LO X, ,BAD KUN SA BDAG BYANG PHYOGS GDON RNAMS DANG, ,BRAG
DOG SOGS ZHI 'BYUNG BZHI SNYOMS PAR MDZOD, ,LNGA PA GTOR MA BYIN
BRLABS SPYI LTAR BYA BA 'AM, AOm A'A: H'Um, (LAN GSUM GYIS
BRLABS LA,) RANG GI THUGS KA'I H'Um LAS 'OD ZER 'PHROS, GNOD
BYED GDON

BGEGS LAN CHAGS KYI MGRON RNAMS MA LUS PA 'DIR SPYAN DRANGS, AA
K'A RO (LAN GSUM GYIS BSNGO, DE BZHIN GSHEGS PA BZHI'I MTSAN
BRJOD DE,) PHUN TSOGS 'DOD YON LNGA LDAN PA'I, ,BDUD RTZI'I RGYA
MTSO'I GTOR MA 'DI, ,STENG 'OG BAR GYI GDON KUN DANG, ,BU LON
CHAGS

PA RNAMS LA BSNGO, ,BZHES NAS GNOD 'TSE'I SEMS BOR TE, ,BYAMS
PA'I SEMS DANG LDAN PAR MDZOD, (,RGYUN PAR YIN NA CHOS SBYIN
DANG GSHEGS GSOL, BSNGO SMON BYAS NAS MJUG BSDU BA'ANG RUNG LA,
NAD PA'I CHED DU GLUD YOD NA LEGS PAS, DE SNGAR LTAR BSANGS
SBYANGS,) STONG PA'I NGANG

@008B LAS 'DOD YON LNGA LDAN GYI NGAR MI MKHO DGU'I YO BYAD PHUN
SUM TSOGS PA DANG LDAN PAR GYUR, AOm A'A: H'Um, (LAN GSUM BRJOD
DE,) AA K'A (ROS BSNGO, DE NAS) KYEE 'BYUNG BA'I KHYAD PAR RGYAS
PA LAS, ,RUS PA'I GLUD 'DI RDO LA GTONG, ,SHA YI GLUD 'DI SA LA
X, ,KHRAG GI GLUD 'DI

CHU X, ,DROD KYI GLUD 'DI MA X, ,DBUGS KYI GLUD 'DI RLUNG LA X,
,SEMS KYI GLUD 'DI MKHA' LA X, ,RDO DANG SA CHU ME RLUNG DANG,
,MKHA' LA GNAS PA'I LHA 'DRE RNAMS, ,GLUD DANG GTOR MA 'DI LONG
LA, ,GNOD 'TSE'I BSAM SBYOR GTAN BOR LA, ,PHYIN CHAD KHON DANG
GNOD

MA BYED, ,PHYI LTAR BLTAS NAS DRI SMAN LNGA, ,NANG LTAR BLTAS NA
RIN CHEN LNGA, ,GSANG BA YE SHES MKHA' 'GRO LNGA, ,RGYU SBYOR
YON BDAG 'KHOR BCAS KYI, ,GLUD DANG GTOR MA 'DI LONG LA, ,KHON
DANG GNOD PA MA BYED CIG ,CHOS RNAMS THAMS CAD RGYU LAS BYUNG,
(,ZHES SOGS

KYIS CHOS SBYIN BYA, MTHAR SE GOL DANG BCAS TE,) MGRON RNAMS
MNYES SHING TSIM NAS RANG GNAS SU GSHEGS PAR GYUR, (CES BRJOD
LA, GTOR MA RNAMS PHYOGS BZHIR BSKYAL LO, ,BSDU NA SNOD GCIG TU
DBUS SU NGAR GLUD 'JOG PA SOGS BYAS KYANG RUNG BAR BSHAD, LO
GRANGS YIN NA SNGAR LTAR BYAS PA RER TSAR DENG BRTZI ZHING, GAL
TE

MI THUB NA, GTOR MA RNAMS RE RE NAS LO GRANGS BYAS PA RANG RANG
GI STENG DU BRTZIGS NAS BSNGO SNGAGS TSIGS BCAD GNYIS LO GRANGS
DANG, DE YANG MA LCOGS NA TSAR GCIG BSHAMS TE SNGAGS LO GRANGS
DANG TSIGS BCAD LAN CIG BRJOD NAS BSNGO BA'I TSUL YANG BSHAD DO,
,JI SKAD BRJOD PA DE DAG DAM PA GZHAN GYI MAN NGAG DANG, GTZO
BOR PAn CHEN RIN

PO CHE'I GSUNG LA BRTEN PA YIN NA'ANG, 'DIR RLUNG DANG ME'I 'BUL
SNGAGS KYI GSAL BYED DE LAS GO BZLOG STE BSHAD PA NI SNGAGS KYI
BZLAG THABS MANG PO LAS TZE SDE RLUNG KHAMS DANG, tA SDE ME
KHAMS SU BSHAD PA DANG MTHUN PAR BYAS PA'O,,) ,,NA MO AUshn'I
shA BI DZA YE, (BSUR GTONG BAR 'DOD NA, DRI BSUNG)

@009A *, ,STA GON BYAS LA, (SKYABS 'GRO SEMS BSKYED RGYAS BSDUS
CI RIGS SNGON DU BTANG NAS,) AOm SVA BH'A WA (SA SBYANGS,) STONG
PA'I NGANG LAS PAD ZLA'I GDAN LA RANG NYID SKAD CIG GIS RJE
BTZUN SPYAN RAS GZIGS DBANG PHYUG ZHAL GCIG PHYAG BZHI BAR GSAL
BAR GYUR, RANG GI THUGS

KA'I HR'I: LAS 'OD 'PHROS PAS, ,BLA MA YI DAM DKON MCHOG SRID
ZHU'I MGRON, ,GDON BGEGS LAN CHAGS RIGS DRUG SNYING RJE'I MGRON,
,MA LUS SPYAN DRANGS 'DOD PA'I GDAN LA BZHUGS, ,AOm BADZRA AA
MRi (TAS BSANGS,) SVA BH'A WA (SA SBYANGS,) STONG PA'I NGANG LAS

BHRUm LAS RIN PO CHE'I SNOD YANGS SHING RGYA CHE BA'I NANG DU
AOm 'OD DU ZHU BA LAS BYUNG BA'I 'DOD YON LNGA LDAN GYI DRI PHUN
SUM TSOGS PA SA DANG BAR SNANG NAM MKHA'I KHYON THAMS CAD GANG
BAR GYUR, ,AOm A'A: H'Um, (LAN GSUM,) NA MA: SARBA TA TH'A GA TA
AA BA LO KE TE AOm SAMBHA

RA SAMBHA RA H'Um, (ZHES PA BDUN GYIS BSNGO,) AOm BADZRA AARGHAm
PRA TITZTSA (NAS,) SHAPTA'I (BAR GYIS MCHOD, DE BZHIN GSHEGS PA
BZHI'I MTSAN BRJOD,) DRI MCHOG 'DOD YON LNGA LDAN PA'I, ,ZAG MED
BSUR GYI MCHOD PA 'DI, ,BLA MA YI DAM DKON COG GSUM, ,MKHA' 'GRO
CHOS SKYONG THAMS

CAD DANG, ,DRI ZA'I TSOGS DANG RIGS DRUG MGRON, ,LHA KLU GZHI
BDAG THAMS CAD DANG, ,LAN CHAGS SHA KHON GNYER BA'I GDON, ,KHYAD
PAR BAR DO'I 'GRO BA LA, ,'BUL LO BZHES SHING TSIM GYUR TE,
,GNAS SKABS BAR CHAD KUN ZHI ZHING, ,TSE RING NAD MED 'BYOR

PA RGYAS, ,MTHAR YANG BDE BA CAN LA SOGS, ,DAG PA'I ZHING DU
SKYES NAS KYANG, ,'GRO DON RIS MED BYED GYUR CIG ,BADZRA MU:
MGRON RNAMS RANG GNAS SU GSHEGS PAR GYUR, (CES BRJOD LA BSNGO
SMON BYA'O, ,DE LTAR BYAS NA PHAN YON MANG DU YOD PAR GSUNGS
SO,,) DGE'O,,

@009B ,, ` ,,NA MO GU RU, (S'ATZTSA GDAB PAR 'DOD NA,) AOm
BADZRA KHA NA KHA NA H'Um (GIS BRKOS PA'I SA LA RIN PO CHE DANG
DRI BZANG GI PHYE MA BSRES PA LAS 'JIM PA GTZANG MA,, LAG PA
G-YON PA'I MTHE BOS MTHE'U CHUNG BSNAN LA KHA YAR BSTAN G-YAS PA
YANG DE BZHIN DU BYAS LA KHA BUG PA'I BAR DU BZUB STE,) RANG
NYID SKAD CIG GIS

DPAL RDO RJE 'JIGS BYED (CES PA NAS,) YUM DANG BCAS PA'I SKUR
BZHENGS BAR GYUR, ('JIM PA) HR'I: shtRI: (SA BSANGS,,) SVA BH'A
WA (SA SBYANGS,) STONG PA'I NGANG LAS BHRUm LAS 'JIM PA RIN PO
CHE'I PHUNG POR GYUR, RANG GI THUGS KA'I H'Um LAS 'OD ZER
'PHROS, RNAM PAR SNANG MDZAD KYI THUGS RGYUD BSKUL TE, DE'I

THUGS KA NAS 'OD DANG BDUD RTZI DPAG TU MED PA BYUNG, 'JIM PA LA
THIM PAR BYIN GYIS BRLABS PAR (BSAMS LA,) NA MO BHA GA WA TE BEE
RO TZA NA PRA BHA R'A DZ'A YA, TA TH'A GA T'A YA, AARHA TE SAm
MYAKSAm BUDDH'A YA, TADYA TH'A, AOm SU KshA ME SU KshA ME, SA ME
SA ME, SH'ANTE DANTE, SA MA RO PE, AA

NA LAMBHE, TA RAMBHE, YA SHO WA TE, MA H'A TE DZE, NI RKU LE, NI
RA WA TE, SARBA BUD DHA AA DHIshthA NA AA DHIshthI TE SV'A H'A,
(ZHES PA NYER GCIG GAM BDUN SOGS BZLA,) NA MA: SA MANTA BUD DH'A
NAm, AOm BADZRA A'A YU shE SV'A H'A, (ZHES PAS 'JIM PA BCAD,)
AOm BADZRA AUD BHA W'A YE

SV'A H'A (SA 'BI 'BI BYA,) AOm AA RA DZI BI RA DZE SV'A H'A (SA
SNUM 'BYUG) ,AOm DHARMA DH'A TU GARBHE SV'A H'A (SA BAR DU 'JUG)
,AOm BADZRA MUD GA RA AA KO tA YA AA KO tA YA H'Um (GIS BRDUNG,)
AOm YE DHARM'A HE TU PRA BHA W'A HE TUNTE sh'ANTA TH'A GA TO HYA
BA DA TA, TE sh'ANYTZA YO NI RO DHA AE WAm W'A D'I MA H'A SHR'A
MA nA YO SV'A

H'A (SA ME TOG 'BUL,) AOm DHARMA TA RE SV'A H'A (SA DBYUNG,) AOm
SU PRA TIshthA BADZRA YE SV'A H'A (SA BRTAN BZHUGS BYA'O,
,S'ATZTSA'I NANG DU GZUNGS KHYAD PAR CAN DBU NAS NANG DU BSGRIL
TE BCUG NA LAS SGRIB 'DAG PA SOGS PHAN YON LHAG PAR CHE BAR
BSHAD PAS, DE LTAR BYAS NA LEGS SO, ,S'ATZTSA LA RAB GNAS RGYAS
PA MA GRUB NA,) AOm SARBA TA TH'A GA T'A MA,

@010A *, ,nI SHA T'A D'IPTA DZVA LA DZVA LA DHARMA DH'A TU
GARBHE SV'A H'A, JI SRID ME DANG CHU DANG NI, ,RLUNG GIS BSKAL
BA 'JIG GI BAR, ,SEMS CAN KUN GYI DON GYI PHYIR, ,BCOM LDAN
KHYOD NI BZHUGS BAR MDZOD, (,ZHES LAN GSUM DANG,) SU PRA TIshthA
(BRJOD NA'ANG RAB TU GNAS BA'I GO CHOD

BAR BSHAD DO, ,DE LTA BU'I S'ATZTSA NI RTEN GRAL LAM, 'BUM KHAR
DANG, MCHOD RTEN SOGS KYI NANG NGAM, GNAS GTZANG MA BLA GAB CAN
DU BZHUGS BA DANG, BZHUGS PA'I GNAS MI BDE NA CHU BO CHEN POR
'DOR BAR YANG GSUNGS SO,) , SMRAS PA, RJOD BYED TSIG GI LO 'DAB
RGYAS MIN KYANG, ,BRJOD BYA'I 'BRAS BU'I KHUR GYIS

RAB DUD PA'I, ,GZUR GNAS RE SKONG YONGS 'DU'I DBANG 'DI YANG,
(,DAM PA'I LEGS BSHAD DGA' BA'I TSAL LAS 'ONGS, ,ZHES CHA BZHI,
'BYUNG BZHI'I GTOR MA BSUR GTONG TSUL, S'ATZTSA GDAB PA'I RIM PA
RNAMS MDOR BSDUS TE BRJOD PA 'DI YANG, DAM PA SNGA MA'I MAN NGAG
LAS 'BYUNG

PA'I DON BZHIN GZHAN LA PHAN SRID SNYAM PA'I 'DUN PAS SH'AKYA'I
DGE SLONG BSHAD SGRUB MING CAN GYIS MDZES BYED KYI YOR SBYAR
BA'I TSE,) DPON SRAS DBON CHUNG RIN PO CHES PAR SHING GI GNANG
SBYIN STZAL BA LA BRTEN NAS PAR DU BSGRUBS PA'O,, ,,MANGGA LAm
,,

^ (RUS CHOG MDOR BSDUS BYED NA,) RANG NYID SKAD CIG GIS DPAL RDO
RJE 'JIGS BYED (NAS) BZHENGS PAR GYUR, BUM PA DRI BZANG GI CHUS
BKAR BA LA DMIGS TE, KAm KA NI DANG KUN RIG GI GZUNGS CI NUS
BZLAS LA, RUS PA AA MRi TAS BSANGS, RUS PA'I STENG DU AA LAS ZLA
BA'I

DKYIL 'KHOR GYI STENG DU AA DKAR POS MTSAN PA, DE LAS BDUD
RTZI'I RGYUN BABS PAS DMIGS YUL GYI SDIG SGRIB THAMS CAD SBYANGS
SHING DAG PAR GYUR PAR BSAMS LA SNGAGS GNYIS BRJOD CING SPEL
TSIG DANG BCAS PAS BKRU BAR BYA'O,, SHU BAm,,

@010B [BLANK PAGE]