[preliminary data - not manually proofread]
[SNGON 'GRO'I DPAR GZHI]

@001A *, (,MGON CHOS SOGS KYI GTOR? 'BUL? BSKANG? GZO DANG BCAS
PA BZHUGS SO,,)

@001B #, ,NA MO BADZRA BHEE RA WA YE, ('DIR CHOS SKYOD 'GA' ZHIG
GI GTOR 'BUL 'KHYER BDE BAR BRJOD PA LA, LHA'I RNAL 'BYOR SNGAR
BSGOMS PA YOD NA DE'I NGANG NAS SAM, YANG NA GSANG BDE 'JIGS
GSUM GANG RUNG DU SKAD CIG GIS BSKYED NAS BYIN BRLABS RANG RANG
GI YUGS LTAR

RNAM, BSDUS PA 'DONG? NA? SOGS SU BKOD PA YANG RUNG LA DE NAS
YUL SPYAN DRANGS PA YOD NA DE DANG BSTUN CING, MED NA 'DI LTAR,)
DZA: RANG GI THUGS KA'I H'Um LAS 'OD 'PHROS PAS, ,BSIL BA'I TSAL
DANG GSHIN RJE'I GRONG KHYER NAS, ,YE SHES MGON PO DAM CAN CHOS
KYI RGYAL, ,

'KHOR BCAS SPYAN DRANGS MDUN GYI NAM MKHAR BYON, ,MU LI GTING
DANG LCANG LO CAN SOGS NAS, ,'DOD KHAMS DBANG PHYUG RGYAL CHEN
RNAM THOS SRAS, ,RTA BDAG BRGYAD DANG THA 'OG CHOS RGYAL SOGS,
,'KHOR BCAS SPYAN DRANGS 'DIR GSHEGS RTEN

LA BZHUGS, ,BDE STONG DBYER MED ROL PA LAS BYUNG BA'I, ,MCHOD
YON ZHABS BSIL NYER SPYOD RNAM PA LNGA, ,'DOD YON RGYAL SRID
RTAG LA G-YUG BYA KHYI, ,GLING BZHI NYI ZLA RI RAB BCAS TE 'BUL,
,KHYAD BAR RAB YANGS THOD PAR 'BRU BCUD DANG, ,

DGRA BGEGS SHA KHRAG RUS GSUM LAS BYUNG BA'I, ,ZAG MED BDUD
RTZI'I GTOR MA'I RGYA MTSO 'DI, ,CHOS SKYONG 'KHOR BCAS 'BUL
GYIS BZHES SU GSOL, ,THUGS MCHOG ZHI BA'I DBYINGS LAS MA G-YOS
KYANG, ,SNA TSOGS SPRUL PA'I

GAR MDZAD YE SHES MGON, ,CHOS KYI RGYAL BO DMAG ZOR RGYAL MO
DANG, ,RNAM SRAS THA 'OG CHOS RGYAL 'KHOR BCAS BSTOD, ,KHYED
RNAMS MCHOD CING BSTOD BSKUL GSOL BTAB PAS, ,RNAL 'BYOR SBYIN
BDAG 'DUS SDE DGON GNAS KYI, ,

@002A *, ,MI G-YO 'OG MIN CHOS KYI PHO BRANG NAS, ,RDO RJE NAG
PO BYA ROG MTSAN CAN NI, ,LEGS LDAN BYA GDONG GSUM DANG TZAndI
KA ,MA MO BRGYAD DANG BCAS TE GSHEGS SU GSOL, ,PO TA LA DANG
TI SE GANGS SOGS NAS, ,NAG PO CHEN PO ZHAL BZHI PHYAG BZHI PA,
,

YUM BZHI ZHING SKYONG SDE BRGYAD TSOGS DANG BCAS, ,THOGS PA
MED PAR GNAS 'DIR DA TSUR GSHEGS, ,AU RGYAN YUL GYI DUR KHROD
CHEN PO NAS, ,HE RU KA YI THUGS SPRUL MTHU RTZAL CAN, ,DPAL
LDAN DUR KHROD BDAG PO YAB YUM BCAS, ,RGYAL BA'I BSTAN PA
BGRUNG

PHYIR GSHEGS SU GSOL, ,'JIGS RUNG HA HA RGOD PA'I DUR KHROD
NAS, ,DPAL LDAN MGON PO BRAM ZE DPA' BO'I GZUGS, ,YUM CHEN
BZHI SOGS 'KHOR GYI TSOGS DANG BCAS, ,RNAL 'BYOR 'PHRIN LAS
BSGRUB PHYIR SPYAN 'DREN NO, ,DUS GSUM RGYAL BA'I MTHU

STOBS NUS PA RNAMS, ,'JIGS RUNG SRIN PO KHROS PA'I SKUR
BZHENGS PA, ,BDE CHEN LCAM DRAL 'KHOR DANG BCAS PA KUN, ,SNA
TSOGS CHO 'PHRUL DANG BCAS GNAS 'DIR GSHEGS, ,BYANG PHYOGS
LCANG LO CAN GYI PHO BRANG NAS, ,MTHU STOBS BDAG PO SPRUL PA'I
GAR

MDZAD PA, ,'DOD RGU'I MCHOG STER RGYAL CHEN RNAM THOS SRAS,
,GNOD SBYIN TSOGS DANG BCAS TE GSHEGS SU GSOL, ,BYANG SHAR MA
RU RTZE YI DUR KHROD NAS, ,DREGS PA'I SDE DPON LCAM SRING CHEN
PO NI, ,YUM CHEN SRID PA'I LHA MO SROG BDAG DMAR, ,GRI THOGS
BSHAN PA'I

TSOGS BCAS GSHEGS SU GSOL, ,RDO RJE 'CHANG DANG PADMA THOD
'PHRENG GI ,SPYAN SNGAR BSTAN BSRUNG BAR ZHAL BZHES PA'I, ,THA
'OG CHOS RGYAL LA SOGS SRUNG MA'I TSOGS, ,'DIR GSHEGS DGYES
PA'I RTEN DANG DBYER MED GYUR, ,MCHOD PA DANG BSKANG RDZAS
SOGS SNGAR BYIN GYIS MA BRLABS

@002B NA 'DIR BRLAB PA 'AM, MOS PAS KYANG RUNG STE, 'BUL BA
NI, H'Um; YI DAM BSTAN SRUNG RGYA MTSOL (BOR BCAS LA, ,SGO
GSUM MI PHYED DAD PAS GUS PHYAG 'TSAL, ,DAM TSIG NYAMS CHAGS
THAMS CAD SO SOR BSHAGS, ,JI SNYED PHYI NANG GSANG BA'I MCHOD
TSOGS DANG, ,KHRAG DANG BDUD RTZI'I MCHOD YON MTSO

LTAR 'KHYIL,) ,MDZES PA'I ME TOG SA DANG PAR SNANG GANG, ,SHA
CHEN GU GUL SPOS KYI DUD SPRIN 'KHRIGS; ,ZHUN CHEN MAR ME'I
SNANG BA NYI LTAR GSAL, ,TZAN DAN GA BU RA DAD LDANG DRI CHAB
DANG, ,RO BRGYA BDA' BA'I ZHAL ZAS DRI LTAR SPUNGS, ,SNYAN
BRJID ROL MO'I SGRA DBYANGS SNA TSOGS KYIS, ,YI DAM

BSTAN SRUNG RGYA MTSO 'KHOR BCAS MCHOD, ,'PHRUL LDAN RTAN GA
G-YAG ROG ZHOL CHEN DANG, ,'DOD 'JO'I BA DANG RA SKYES SPYI
DKAR LUG ,MKHA' LDING BYA DANG DOM 'DRA'I KHYI NAG DANG, ,RIN
CHEN BDUN DANG 'DOD YON RNAM PA LNGA, ,SRA BTZAN GO KHRAB RNO
BA'I MTSON CHA'I TSOGS, ,KHYAD PAR

ZAG MED DAM RDZAS GTOR MA NI, ,GLING BZHI RI RAB KUN BZANG
MCHOD SPRIN BCAS, ,YI DAM BSTAN SRUNG TSOGS LA 'BUL BAR BGYI,
,BA ZHES NAS DAM SKONG BAR CAD ZHI BA DANG, ,MCHOG DANG THUN
MONG DNGOS GRUB MA LUS STZOL, (,GTOR MA SGER DU 'BUL NA,) YI
DAM BSTAN SRUNG 'KHOR

DANG BCAS PA'I LJAGS (NAS) GSOL BAR GYUR PAR BSAMS LA, AOm YA
M'A NTA KA SARBA DHARMA P'A LA SA PA RI W'A RA AI DAm (SOGS
KYIS LAN GSUM MAM BDUN GYIS 'BUL ZHING AARGHAm SOGS KYIS MCHOD
DAM MIN KYANG RUNG LA, NANG MCHOD YOD NA 'BUL, DE NAS BSTOD PA
NI, H'Um,) MKHYEN RAB DBANG PHYUG 'JAM

DPAL GSHIN RJE'I GSHED, ,SPYAN RAS GZIGS DBANG PHYAG DRUG YE
SHES MGON, ,RE MA TI DANG GNOD SBYIN CHEN PO BZHI, ,'KHOR
TSOGS DAM CAN RGYA MTSOR BCAS LA BSTOD, ,GANG ZHIG YID LA DRAN
PA TZAM GYIS KYANG, ,MCHOG DANG THUN MONG DNGOS GRUB MA LUS
PA, ,DPAG BSAM

@003A *, ,SHING BZHIN 'DOD RGU'I CHAR 'BEBS PA, ,MGON DKAR YID
BZHIN NOR LA GUS PAS BSTOD, ,'JAM DPAL GSHIN RJE GSHED KYI
BKA' NYAN MCHOG ,DGE SDIG SHAN 'GYED CHOS KYI RGYAL PO ZHES,
,BLO BZANG RGYAL BA'I BSTAN PA KUN SRUNG BA, ,LAS KYI GSHIN

RJE 'KHOR DANG BCAS LA BSTOD, ,RGYAL PA KUN GYI 'PHRIN LAS MA
LUS PA, ,GCIG BSDUS 'JIGS RUNG SRIN MO KHROS PA'I GZUGS, ,DPAL
LDAN DMAG DANG ZOR GYI RGYAL MO LA, ,RTZE GCIG GUS PA CHEN POS
PHYAG 'TSAL BSTOD, ,DUS GSUM RGYAL BA'I BSTAN SRUNG KUN GYI
GTZO, ,

GDUG PA TSAR GCOD SRIN PO KHROS PA'I SKU, MI'U THUNG GUR MGON
LCAM DRAL 'KHOR BCAS LA, ,SGO GSUM GUS PA'I YID KYIS BSTOD PAR
BGYI, ,BSTAN DANG BSTAN 'DZIN TSOGS RNAMS RTAG SRUNG ZHING,
,'JIGS BYED BZOD PAR DKA' BA'I SHUGS DANG LDAN, ,RNGAM PA'I
STOBS

KYIS BDUD DPUNG TSAR GCOD PA'I, ,MGON PO BYA ROG MTSAN CAN
KHYOD LA BSTOD, ,YE SHES ME DPUNG 'BAR BA'I KLONG DKYIL NA,
,MTHING NAG ZHAL BZHI 'JIGS RUNG KHROS PA'I SKU, ,YUM CHEN
BZHI SOGS SPRUL PA'I 'KHOR KYIS BSKOR, ,BSTAN SRUNG KUN GYI
GTZO BO KHYOD LA

BSTOD, ,BDE CHEN LHAN CIG SKYES PA'I YE SHES DNGOS, ,SHIN TU
KHROS PA'I KENG RUS GZUGS 'DZIN PA, ,MA MO MKHA' 'GRO'I TSOGS
KYIS YONGS BSKONG BA'I, ,DUR KHROD BDAG PO YAB YUM BCAS LA
BSTOD, ,HE RU KA YE SPRUL PA'I ZLOS GAR NYID, ,SKU MDOG SNGON
PO

ZHAL GCIG PHYAG GNYIS PA, ,RKANG GLING 'BUD CING MKHA' 'GRO
DBANG DU SDUD, ,BRAM ZE'I GZUGS CAN DPA' BO KHYOD LA BSTOD,
,SNGON TSE RDO RJE 'CHANG GI SPYAN SNGA RU, ,RGYAL BA'I BSTAN
DANG BSTAN 'DZIN SKYES BU KUN, ,MA G-YEL BU BZHIN SKYONG BA
ZHAL BZHES PA, ,BDE CHEN

@003B LCAM DRAL 'KHOR BCAS BDAG GIS BSTOD, ,RAB 'JIGS GDONG
LNGA'I DBANG PO 'GYING PA'I STENG, ,RAB MDZES GSER GYI RI SO
BRTZEGS PA BZHIN, ,RAB BRJID NYI MA 'BUM GYI GZI LDAN PA,
,DRANG SRONG RNAM MANG THOS PA'I SRAS

LA BSTOD, ,GTUM ZHING DRAG LA MYUR BA'I MTHU RTZAL GYIS, ,DRAG
PO'I 'PHRIN LAS SGRUB LA THOGS MED PA, ,SGROL GYING DRAG PO
SROG BDAG DMAR PO LA, ,SGO GSUM MI PHYED DANG BA'I YID KYIS
BSTOD, ,BSHAD SGRUB BSTAN PA SRUNG BA'I

MTHU RTZAL CAN, ,GNOD SBYIN CHEN PO THA 'OG CHOS RGYAL SOGS,
,DAM CAN CHOS SKYONG SRUNG MA'I TSOGS RNAMS LA, ,MCHOD CING GUS
PA CHEN POS RTAG TU BSTOD, ,MTHU LDAN CHOS SKYONG SRUNG MA 'KHOR
BCAS LA, ,MCHOD BSTOD GSOL BAS

RNAL 'BYOR BDAG CAG GI ,'GAL RKYEN BAR CHAD NYE 'TSE ZHI BA
DANG, ,'DOD DON THAMS CAD YID BZHIN 'GRUB PAR MDZOD, ,RTEN YOD
NA BDAG DANG 'GRO LA SOGS KYIS BRTAN BZHUGS DANG, MED NA, NYES
BYAS BZOD BZHES RANG BZHIN GNAS SU GSHEGS,,

SLAR YANG BYON NAS MCHOG THUN DNGOS GRUB STZOL, ,DAM CHOS
SGRUB PA'I 'GAL RKYEN ZHI BA DANG, ,DUS RNAMS KUN DU DGE LEGS
'PHEL BAR MDZOD, (,CES PA 'DI NI SH'AKYA'I DGE SLONG BSHAD
SGRUB MING CAN) GYIS, ,RJE DGE 'DUN RGYA MTSO DANG, PAn CHEN
GONG MA

GNYIS KYI MAN NGAG LA BRTEN NAS GZHAN PHAN GYI BSAM PAS SBYAR
BA STE, RNAM PA GNYIS KA LTAR NA'ANG 'DI LTAR BYED PA BYUNG NA
GTOR 'BUL TZAM DU MA ZAD, BSKANG GSO BSDUS PA BYAS PAR 'GYUR
BA YIN NO,, ,,BKRA SHIS, SHU BAm ,

@004A *, ,NA MO BADZRA P'A nI YE, ('DIR RGYAL CHEN RNAM SRAS
'KHOR BCAS LA GTOR 'BUL DANG, BSANG MCHOD SOGS BYED TSUL MDOR
BSDUS ZHIG 'CHAD PA LA, SKYABS SEMS SOGS SNGON DU BTANG NAS,)
RANG NYID SKAD CIG GIS DPAL PHYAG NA RDO RJE ZHAL GCIG PHYAG
GNYIS PAR GSAL

BAR GYUR (PAR BSAMS LA, MCHOD GTOR BSANG MCHOD RNAMS BYIN
BRLAB BYA TSUL LA RGYAS BSDUS GNYIS LAS, RGYAS BA NI BYIN
RLABS SO SOR BYA BA YIN NA'ANG, 'DIR BSDU NA,) AOm BADZRA AA
MRi TA KUndA LI HA NA HA NA H'Um PHAt, AOm SVA BH'A WA SHUDDHA
SARBA DHARMA: SVA BH'A WA SHUDDHONYHAm, STONG PA NYID DU GYUR,
STONG PA'I NGANG LAS

AOm LAS RIN PO CHE'I SNOD YANGS SHING RGYA CHE BA RNAMS KYI
NANG DU RANG RANG GI MING YIG DANG PO THIG LES BRGYAN PA ZHU
BA LAS BYUNG BA'I LHA RDZAS LAS GRUB PA'I MCHOD GTOR DANG
BSANG CHEN GYI RI BOS SA DANG BAR SNANG GI KHYON THAMS CAD
GANG ZHING MGRON RNAMS KYI DBANG PO DRUG GI SPYOD

YUL DU ZAG MED KYI BDE BA KHYAD PAR CAN BSKYED PAR BYED PA'I
NUS LDAN DU GYUR, AOm A'A: H'Um, (LAN GSUM, GTOR MA DANG BSANG
GNYIS LAS GANG RUNG ZHIG YIN NA, DE'I TSIG SBYOR BYA, DE NAS,)
RANG GI THUGS KA'I H'Um LAS 'OD 'PHROS TE, ,BYANG PHYOGS LCANG
LO CAN GYI PHO BRANG NAS, ,RGYAL

CHEN RNAM SRAS NOR LHA'I TSOGS DANG BCAS, ,SPYAN DRANGS MDUN
GYI NAM MKHAR BZHUGS PAR GYUR, ,GSER GYI RI DBANG LTA BUR
BRJID CHAGS SHING, ,NYI MA 'BUM GYI GZI BYIN RAB TU 'BAR, ,YO
BYAD NAM MKHA' MDZOD LA DBANG BSGYUR BA, ,RGYAL CHEN RNAM SRAS

'KHOR DANG BCAS LA 'DUD, (,MCHOD 'BUL NI,) ,CHU GNYIS NYER
SPYOD ROL MO 'DOD YON LNGA, ,RIN CHEN BDUN DANG BKRA SHIS
RDZAS BRGYAD DANG, ,GLING BZHI RI RAB BDAG LUS LONGS SPYOD
BCAS, ,RGYAL CHEN RNAM SRAS 'KHOR DANG BCAS LA 'BUL, (,GTOR
'BUL NI,) DKAR

@004B GSUM MNGAR GSUM 'BRU BCUD DANG SBYAR BA'I, ,ZAG MED BDUD
RTZI'I GTOR MA'I RGYA MTSO 'DI, ,RGYAL CHEN RNAM SRAS 'KHOR
BCAS LA 'BUL GYIS, ,BZHES NAS 'DOD RGU'I DNGOS GRUB CHAR LTAR
PHOB, (,BSANG MCHOD NI,) DRI LDAN BZANG SMAN SHING SNA BSREGS
PA LAS,,

BYUNG BA'I BSANG CHEN DUD PA CHU 'DZIN BZHIN, ,NAM MKHA'I
KHAMS KUN YONGS SU KHYAB BYAS TE, ,RGYA CHEN RNAM SRAS 'KHOR
BCAS MCHOD PAR BGYI, (,KHYAD PAR GYI MCHOD PA NI,) GZHAN YANG
DGOS 'DOD NOR DANG DPAG BSAM SHING, ,RIN CHEN LJON SHING GTER

BUM BZANG PO DANG, ,'DOD 'JO'I BA DANG RDZING BU BZANG PO
SOGS, ,RGYAL CHEN RNAM SRAS 'KHOR BCAS MNYES PHYIR 'BUL, ,GOS
SNGON LUNG THANG PHRENG BA NE'U LE DANG, ,MI 'JIGS SENGGE
RGYAL MTSAN NYI MA ZLA, ,'BRU SMAN RIN CHEN SNYING PO LNGA LA
SOGS, ,RGYAL CHEN RNAM SRAS 'KHOR BCAS

MNYES PHYIR 'BUL, ,SBYIN GTOR RGYA MTSO'I DGE LA GOMS BYAS
PAS, ,MI 'DZAD GTER GYI DPAL LA DBANG BSGYUR ZHING, ,PHONGS PA
KUN LA 'DOD RGU'I MCHOG STER BA, ,RGYAL CHEN RNAM SRAS 'KHOR
DANG BCAS LA BSTOD, ,KHYED LA MCHOD CING GUS PAS BSTOD BYAS
PAS, ,

MI 'DOD DBUL BA'I RGUD PA SEL BYED CING, ,'DOD PA'I DNGOS GRUB
MA LUS STZOL BA DANG, ,RTAG TU SRUNG ZHING SKYOB PA'I 'PHRIN
LAS MDZOD, (,RTEN YOD NA,) 'DIR NI RTEN DANG LHAN CIG TU,
(,ZHES SOGS DANG, MED NA,) BADZRA MU: MGRON RNAM PAR GNAS SU
GSHEGS PAR GYUR, ,

(CES BRJOD CING BSAM MO, CES PA 'DI YANG DAG DANG RNAM DPYOD
LDAN PA'I BRTZON 'GRUS PHUN TSOGS ZHES BGYI BAS, RNAM SRAS
RANG GI BRTEN BA'I LHAR BAB PAS MCHOD TSUL 'DI LTA BU ZHIG
DGOS ZHES BSKUL BA LTAR BSHAD SGRUB MING CAN GYI SBYAR BA'O,,)
,,BKRA SHIS ,