[preliminary data - not manually proofread]
[SNGON 'GRO'I DPAR GZHI]

@001A *, ,'PHAGS PA 'DA' GA? YE SHES DANG 'DU SHES BCU GCIG
BSTAN PA'I MDO GNYIS KYI 'GRAS PA BZHUGS SO, ,

@001B #, ,NA MO MANYDZU GHO sh'A YA,, GSER MNGAL CAN DANG MGRIN
SNGON MIG STONG LDAN, ,PAD DKAR MIG DANG PADMO'I GNYEN LA SOGS,
,SRID NA DREGS PA'I GRAGS LDAN KUN GYIS KYANG, ,ZHABS PAD GTZUG

BSTEN THUB PA'I DBANG POR 'DUD, ,'DIR STON PA THUGS RJE CHEN PO
DANG LDAN PA DE NYID KYIS BYANG CHUB SEMS DPA' DANG, DGE SLONG
DAG LA 'CHI BA'I DUS SU 'DU SHES BSGOM TSUL GYI GZHUNG GNYIS
GSUNGS SHING, DE YANG

'PHAGS PA 'DA' KA YE SHES DANG, 'DU SHES BCU GCIG BSTAN PA'I
MDO'O, ,DANG PO NI, GTZO CHER BYANG CHUB SEMS DPA'I DBANG DU
MDZAD KYANG GZHAN GYIS KYANG NYAMS SU BLANG BAR BYA STE, DE YANG
'DI SKAD BDAG GIS

THOS PA DUS GCIG NA BCOM LDAN 'DAS 'OG MIN LHA'I RGYAL PO'I
KHANG BZANG NA BZHUGS TE 'KHOR THAMS CAD LA CHOS STON PA DANG
ZHES PA NI GLING GZHI'O, ,DUS NI BCOM LDAN 'DAS YUM CHEN LHAR
SKYES PA BDEN PA LA 'GOD

PA'I TSED DU SUM CU RTZA GSUM GYI LHA'I GNAS SU BYON PA'I TSE
YIN PAR 'GA' ZHIG LAS BSHAD CING, GZHUNG 'DIS BSTAN PA'I 'OG MIN
NI GZUGS KHAMS GNAS RIGS BCU BDUN GYI NANG GI LTAG MA DE'AM,
DE'I GONG NA 'OG

MIN STUGS PO BKOD PA ZHES BYA ZHIG LOD PAR BSHAD PA DE GNYIS
GANG YIN 'DIR MI GSAL YANG, 'DI'I RGYA 'GREL GNYIS KYI GCIG LAS,
STON PA NI LONGS SBYOD RDZOGS PA'I SKU DANG, 'KHOR BYANG CHUB
SEMS DPA' 'BA'

@002A *, ,ZHIG YIN ZHES 'BYUNG BA LTAR NA NI PHYI MAR SNANG LA,
GCIG LAS NI 'OG MIN STUGS PO BKOD BAR GSAL BAR BSHAD DO, ,ZHUB
PO NI 'PHAGS PA NAM MKHA'I SNYING PO STE, DES BCOM LDAN 'DAS LA
'DI SKAD CES GSOL TO, ,DON GANG ZHIG JI

LTAR ZHUS PA NI, BCOM LDAN 'DAS ZHES POS NAS, BYANG CHUB SEMS
DPA' NAM 'CHI KA MA'I TSE SEMS JI LTAR BLTA BAR BGYI ZHES SPYIR
BSDUS NAS ZHUS SO, ,ZHUS PA'I LAN LA BCOM LDAN 'DAS KYIS NAM
MKHA'I SNYING PO ZHES POS NAS BYANG CHUB SEMS

DPA' NAM 'CHI BA'I TSE, 'DA' KA YE SHES BSGOM PAR BYA'O MING GI
SGO NAS BSDUS TE BSUN NAS, DE LA 'DA' KA YE SHES ZHES BYA BA NI
ZHES SOGS KYIS RGYAS PAR BSHAD CING, BCOM LDAN 'DAS KYIS TSIGS
SU BCAD DE BKA' STZAL PA ZHES SOGS KYIS

SLAR DON BSDUS NAS GSUNGS SO, ,RGYAS BSHAD KYI DON LA BZHI STE,
CHOS THAMS CAD RANG BZHIN GYIS STONG PAR BSGOM PA, DE LTA NA'ANG
SEMS CAN THAMS CAD LA DMIGS PA'I SNYING RJE CHEN PO BSGOM PA,
'DOD PA'I DNGOS PO LA MI CHAGS PAR BSGOM PA ,

SEMS KYI RANG BZHIN SHES PA'I YE SHES LAS SANGS RGYAS 'BYUNG BAR
BSHAD PA'O, ,DANG PO NI, CHOS THAMS CAD RANG BZHIN GYIS RNAM PAR
DAG PAS NA DNGOS PO MED PA'I 'DU SHES BSGOM PAR BYA'O ZHES PA
STE, 'DI'I DON RGYAS PAR 'CHAD NA DBU MA'I LUNG DANG

RIGS PAS PHUNG SOGS KYI CHOS RNAMS RANG BZHIN MED PA'I TSUL GTAN
LA 'BEB DGOS PAR SNANG YANG 'DIR BSDUS PA ZHIG 'CHAD PA YIN PAS
SNOD BCUD KYI CHOS THAMS CAD BRTEN NAS 'BYUNG BA DANG BRTEN NAS
BTAGS PA YIN PA'I PHYIR BTAGS DON BTZAL

@002B NA MI RNYED PA'I RANG BZHIN GYIS GRUB PAS RNAM PAR DAG LA,
DE LTAR RNAM PAR DAG PAS NA CHOS THAMS CAD BDEN PAR GRUB PA'I
DNGOS PO MED PAR RTOGS PA'I 'DU SHES TE YE SHES RAB TU BSGOM PAR
BYA'O ZHES SO, ,MDOR NA 'DIS BDEN PAR GRUB PA'I CHOS RDUL TZAM
YANG

MED PAR BSHAD NAS STONG NYID BSGOM PAR BSTAN TO, ,DE YANG SEMS
LA SOGS PA BRTEN NAS 'BYUNG BA'I CHOS RNAMS 'DOD? MA NAS RANG
BZHIN GYIS MA SKYES PA'I STONG PAR BSHAD PA YIN TE, MA DROS PAS
ZHUS PA'I MDO LAS, GANG ZHIG RKYEN LAS SKYES PA DE MA SKYES,,

DE LA SKYE BA'I RANG BZHIN YOD MA YIN, ,RKYEN LA RAG LAS GANG DE
STONG BAR BSHAD, ,GANG ZHIG STONG NYID SHES DE BAG YOD YIN,
,ZHES DANG, 'JUG PA LAS, GDOD NAS ZHI ZHING SKYE BRAL RANG BZHIN
GYIS, ,ZHES GSUNGS PA LTAR RO, ,GNYIS PA NI, CHOS THAMS

CAD BYANG CHUB KYI SEMS SU 'DUS PAS NA SNYING RJE CHEN PO'I 'DU
SHES RAB TU BSGOM PAR BYA'O ZHES BSTE, SEMS LA SOGS PA'I CHOS
RNAMS SNGAR BSHAD PA LTAR RANG BZHIN GYIS MED KYANG, THA SNYAD
DU BYA BYED KYI RNAM GZHAG THAMS CAD 'THAD PAS, BYANG CHUB SEMS

DPA' 'CHI BA'I DUS KYIS MTSON TE, THEG CHEN GYI DKAR CHOS THAMS
CAD KYI RTZA BA SNYING RJES DRANGS PA'I BYANG CHUB KYI SEMS SU
'DU BA STE RAG LAS PAS SEMS DE BSKYED PA DANG, RANG BZHIN MED
PAR RTOGS PA'I LTA BAS ZIN PA'I SGO NAS SEMS CAN RNAMS SDUG
BSNGAL

THAMS CAD LAS SKYOB PAR 'DOD PA'I DMIGS MED KYI SNYING RJE CHEN
PO'I 'DU SHES BSGOM PAR BYA'O ZHES PA NI, STONG NYID SNYING
RJE'I SNYING PO CAN ZHES PA DE BSGOM PAR BSHAD PA'O, ,GSUM PA
NI, CHOS THAMS CAD RANG BZHIN GYIS MI DMIGS SHING 'OD GSAL BSAN
DNGOS

@003A *, ,PO CI LA YANG MI CHAGS PA'I 'DU SHES BSGOM PAR BYA'O
ZHES PA STE, SEMS LA SOGS PA CHOS THAMS CAD SNGAR BSHAD PA LTAR
RANG BZHIN GYIS GRUB BA RDUL TZAM YANG MI DMIGS SHING NAM MKHA'
G-YA' DAG PA LTAR STONG SANG 'OD GSAL BA'O, ,DPER NA,

NAM MKHA' THOGS BCAS BKAG TZAM GYI STONG CHA LA 'JOG PA LTAR
SEMS SOGS CHOS THAMS CAD RANG BZHIN GYIS STONG PA DE DGAG BYA
RANG BZHIN GYIS GRUB PA RNAM PAR BCAD TZAM LA 'JOG GO ,RGYU
MTSAN DE'I PHYIR NA SEMS DANG YO BYAD LA SOGS PA'I CHOS KYI

DNGOS PO CI LA YANG BDEN ZHEN GYIS CHAGS PA'I 'DU SHES SPANGS
NAS CHAGS MED BDEN STONG GI 'DU SHES BSGOM PAR BYA'O, ,'DIR
STONG NYID BSGOM PA'I DBANG DU BYAS NAS DE LTAR BSHAD KYI, 'DI'I
RGYA 'GREL ZHIG TU DNGOS PO THAMS CAD MI RTAG PAS NA CI LA

YANG MI CHAGS PA'I 'DU SHES RAB TU BSGOM PAR BYA'O ZHES 'BYUNG
BA LTAR NA SPYIR 'DUS BYAS THAMS CAD MI RTAG CING KHYAD PAR DU
RANG LA DBANG BA DANG RANG GIS BSAGS PA'I YO BYAD KYI DNGOS PO
RNAMS MI RTAG CING 'DZAD PA'I CHOS CAN YIN PA'I PHYIR CHAGS ZHEN

MI BYA BAR BSHAD PA LTAR YANG RUNG STE, 'ON KYANG GZHUNG 'DI'I
DNGOS BSTAN NI SNGA MA LTAR RO SNYAM MO, ,BZHI PA NI, SEMS RTOGS
NA YE SHES YIN PAS NA SANGS RGYAS GZHAN DU MI BTZAL BA'I 'DU
SHES BSGOM PAR BYA'O ZHES PA STE, SEMS RTOGS NA

YE SHES YIN PAS NA ZHES PA 'DI LA DON 'CHAD TSUL MI 'DRA BA 'GA'
RE MTHONG STE, SNGA MA KHA CIG RANG GI SEMS KYI NGO BO GSAL
ZHING RIG PA TZAM MTHONG BA BSHAD PA DANG, KHA CIG SEMS DUS SKAD
CIG GNYIS PAR MI SDOD PA'I SKYE 'GAG BYED TSUL MTHONG

@003B BA LA 'DOD PA DANG, KHA CIG, SEMS RANG YAL DU SONG BA'I
STONG PA'I NGO BO MTHONG BA DANG, KHA CIG SEMS KHA DOG DANG
DBYIBS SU MA GRUB PAR MTHONG BA DANG, KHA CIG PHYI ROL GYI DON
NI MED KYI SNANG BA THAMS CAD SEMS KYI BDAG NYID DU MTHONG BAR
'DOD PA DANG,

GZHAN DAG SEMS RANG BZHIN GYIS STONG PAR MTHONG BA LA 'DOD PA
SOGS MANG DU SNANG YANG, GTZO BO NI PHYI MA LTAR YIN TE, 'DUS
PA'I RTZA RGYUD LAS, RANG SEMS GDOD NAS MA SKYES PA, ,STONG PA
NYID KYI RANG BZHIN NO, ,ZHES DANG, BRGYAD STONG PA LAS ,

SEMS LA SEMS MA MCHIS TE, SEMS KYI RANG BZHIN NI 'OD GSAL BA'O,
,ZHES PA'I DON PAn CHEN RIN PO CHE'I PHYAG CHEN 'GREL BAR, SEMS
LA RANG BZHIN GYIS GRUB PA'I SEMS MA MCHIS TE, SEMS KYI RANG
BZHIN 'OD GSAL PA'I STONG PA NYID DO ZHES

GSUNGS SHING, DKON MCHOG BRTZEGS PA LAS, 'OD SRUNG SEmS NI YONGS
SU BTZAL NA MI RNYED DO ZHES SOGS DANG, RJE MAR PAS, GZHI CHOS
NYID SKYE BA MED PA RTOGS, ,SEMS STONG PA NYID LA SPAR ZIN BYAS,
,ZHES SOGS LTA BU MANG NGO, ,DE LTAR SEMS RANG

BZHIN GYIS STONG PAR RTOGS NAS DRI MA DAG PA'I SEMS KYI RGYUN
LAS 'BRAS BU SANGS RGYAS KYI YE SHES THOB PAR 'GYUR BA YIN GYI,
RANG GI SEMS LA MA BLTOS PAR THOB RGYU'I SANGS RGYAS ZHIG GZHAN
NAS LOGS SU BTZAL KYANG MI RNYED DO, ,DE LTAR LANG LANG KAR

GSHEGS PA LAS, RTOG PA SPANGS PA'I SEMS NYID NI, ,YID KYI RNAM
SHES BZLOG PA STE, ,CHOS RNAMS THAMS CAD SHES PA'I PHYIR, ,SEMS
NI SANGS RGYAS ZHES NGAS 'CHAD, ,CES GSUNGS SHING, 'OG TU SEMS
NI YE SHES 'BYUNG BA'I RGYU, ,SANGS

@004A *, ,RGYAS GZHAN DU MA 'TSOL CIG ,CES 'BYUNG BA LAS GSAL
LO, ,DE NAS MJUG BSDU NI, BCOM LDAN 'DAS KYIS TSIGS SU BCAD DE
BKA' STZAL BA ZHES MTSAMS SBYAR NAS, SNGAR RGYAS PAR BSHAD PA'I
DON BZHI BSDUS TE 'CHAD PA NI, CHOS

NAMS RANG BZHIN RNAM DAG PAS, ,DNGOS PO MAD PA'I 'DU SHES BSGOM,
,BYANG CHUB SEMS DANG RAB LDAN PAS, ,SNYING RJE CHEN PO'I 'DU
SHES BSGOM, ,RANG BZHIN MI DMIGS 'OD GSAL BAS, ,DNGOS PO CI
LA'ANG MI CHAGS BSGOM, ,SEMS NI YE SHES

'BYUNG BA'I RGYU, ,SANGS RGYAS GZHAN DU MA 'TSOL CIG ,ZHES
GSUNGS TE DON NI SNGAR BSHAD PA LTAR RO, ,DE NAS BCOM LDAN 'DAS
KYIS DE SKAD CES BKA' STZAL PA DANG, ZHES PA NAS, MNGON PAR
BSTOD DO, ,ZHES PA'I BAR TE SLA'O, ,CHOS BZHI PO 'DI

DAG NI BYANG SEMS KYIS 'CHI BA'I DUS SU BSGOMS NA LHAG PAR PHAN
CHE BA LA DGONGS PA STE, GZHAN DU NA GSON PA'I DUS KYI NYAMS LEN
GYI GTZO BOR SNANG NGO, ,'DA' KA YE SHES ZHES PA NI SNGAR LTAR
CHOS THAMS CAD RANG BZHIN MED PAR RTOGS PA'I YE SHES LA

DE'I THA SNYAD MDZAD PAR BSHAD DO, ,YANG NA 'DRA' KA NI 'CHI KHA
MA'I DUS KYI NYAMS SU LEN RGYU'I YE SHES SNGAR BSHAD PA BZHI
BRJOD BYAR STON PA LA BYA'O,, ` ,,GNYIS PA 'DU SHES BCU GCIG
BSTAN PA'I MDO'I DON 'CHAD PA LA, 'DI SKAD BDAG GIS THOS

PA'I DUS GCIG NA, BCOM LDAN 'DAS KU SHA'I GRONG KHYER NA GYAD
KYI SHING S'A LA ZUNG? GI TSAL RAB NA BZHUGS TE, ZHES PA NI GNAS
STON PA STE, RTZVA MCHOG GRONG DU GYAD KYI KUN DGA' RA BA SHING
S'A LA'I SDONG PO GNYIS YOD PA'I TSAL NA BCOM LDAN 'DAS BZHUGS
SHING MYA NGAN

@004B 'DA' BA'I TSUL STON PAR BZHED PA'I DUS KYI TSE, DGE SLONG
MANG PO 'DUS BA RNAMS LA BKA' STZAL PA, DGE SLONG DAG CES BOS
NAS KHYED CAG RNAMS GANG NAM 'CHI BA'I DUS KYI TSE 'DU SHES BCU
GCIG PO 'DI DAG BSGOM PA MNGON DU BYA'O ZHES MDOR BSTAN NAS, DE
NYID RGYAS PAR

'CHAD PA LA BCU GCIG PO GANG YIN ZHE NA, 'DI LA MA CHAGS PA'I
'DU SHES DANG ZHES PA NAS, MYA NGAN LAS 'DAS PA NI ZHI BA'O
SNYAM PA'I 'DU SHES MNGON DU BYA'O ZHES PA'I BAR GSUNGS TE, DON
BSDUS TE BSHAD BCU PO 'DI LA DANG PO ZANG ZING GI DNGOS PO RNAMS
DANG RANG GI

YO BYAD LA MA CHAGS PA'I 'DU SHES DANG, GNYIS PA SEMS CAN THAMS
CAD LA DMIGS NAs DE RNAMS BDE BA DANG LDAN PAR GYUR CIG ,LDAN NA
CI MA RUNG, BDE BA DANG LDAN PAR BYA'O SNYAM PA'I BYAMS PA DANG,
GSUM PA GZHAN DANG 'KHON 'DZIN BYUNG BA YOD NA NI 'KHON DU 'DZIN

PA'I SEMS THAMS CAD YONGS SU 'DOR BA'I 'DU SHES DANG, BZHI PA
SNGAR MI DGE BA BCU DANG RTZA BZHI'I LTUNG BA BYUNG STE TSUL
KHRIMS 'CHAL PAR GYUR PA'I NYEs PA YOD NA DE THAMS CAD DKON
MCHOG GI DRUNG DU BSHAGS PA DANG BSHAGS PAR BYA'O SNYAM PA'I 'DU
SHES DANG, LNGA PA DGE

BA BCU DANG RTZA BA BZHI SPONG BA LA SOGS PA'I SDOM PA'I TSUL
KHRIMS THAMS CAD DA LTA YANG DAG PAR BLANGS NAS BSRUNG BAR BYA'O
SNYAM PA'I 'DU SHES DANG, DRUG PA MTSAMS MED DANG RTZA LTUNG LA
SOGS PA NYES PA CHE BA DAG LA YANG 'BRAS BU CHUNG BA'AM YANG
PA'I 'DU SHES DANG, BDUN

BA DGE RTZA CHUNG NGU ZHIG BYAS PA DAG LA'ANG 'BRAS BU CHE BAR
'BYUNG BA'I 'DU SHES DANG, BRGYAD PA 'JIG RTEN PHA ROL DAG LA CI
LTAR 'GYUR SNYAM NAS SKRAGS PA'I 'JIGS PA MED PA DANG, DGU PA
BDAG LTA CI 'DUS BYAS KYI CHOS THAMS CAD KYANG 'JIG PAR 'GYUR
PA'I MI RTAG PA'O SNYAM

@005A *, ,PA'I 'DU SHES DANG, BCU PA 'DUS BYAS DANG 'DUS MA BYAS
KYI CHOS THAMS CAD KYANG RANG DBANG GIS GRUB PA'I BDAG MED PA'O
SNYAM PA'I 'DU SHES DANG, BCU GCIG PA NYON MONGS SPANGS PA'I
THAR PA MYA NGAN LAS 'DAS PA'I GO 'PHANG NI NYER 'TSE BRAL BA'I
ZHI BA'O

SNYAM PA'I 'DU SHES BSGOM PA MNGON DU BYA'O ZHES PA'O, ,GONG DU
'CHI BA'I DUS SU NYES PA CHEN PO LA CHUNG BA DANG YANG BA'I 'DU
SHES DANG, DGE RTZA CHU NGU LA'ANG CHE BA'I 'DU SHES 'JOG PAR
GSUNGS PA 'DI LTA BU RANG CAG GIS JI LTA BA BZHIN SHES DKA'
YANG, SANGS RGYAS KYI

MKHYEN PA TSAD MAR BYED DGOS PAS GNAD CHE BAR ZUNGS SHIG ,'DI
RNAMS DGE SLONG DU MA ZAD GANG ZAG GZHAN GYIS KYANG 'CHI BA'I
DUS SAM, DE'I SNGON NAS KYANG NYAMS SU BLANG NA PHAN YON SHIN TU
CHE STE, BCU PO 'DI'I NANG DU THEG PA CHE CHUNG GNYIS KYI LAM
GYI SNYING PO 'AM

GNAD MANG PO ZHIG 'DUS PA'I PHYIR RO, ,'DI DAG NI 'CHI BA'I DUS
KYI GDAMS NGAG TU BCOM LDAN 'DAS KYIS GSUNGS PAS DE'I TSE DRAN
DGOS LA, 'DI NANG GI BYAMS PA BSGOM PA DANG, NYES PA BSHAGS PA
DANG, 'DUS BYAS THADm MI RTAG PAR LTA BA DANG, CHOS THADm BDAG
MED PAR LTA BA DANG

MYA NGAN LAS 'DAS PA ZHI BAR LTA BA RNAMS NI DUS RGYUN TU BSGOM
DGOS PA'O, ` ,RGYAL BAS BYANG CHUB SEMS DPA' DANG, ,DGE SLONG
DAG LA 'CHI BA'I TSE, ,NYER MKHO PHAN PA'I GDAMS NGAG MCHOG ,DAM
CHOS SNYING PO 'DI GNYIS BSTAN, ,TSUL 'DI MAN NGAG SNYING PO RU,
,MTHONG BA'I DAD PAS YID DRANGS TE, ,DGONGS DON 'GREL BA NYUNG
DU ZUNG, ,BSHAD

SGRUB BDAG GIS DAD BAS SBYAR, DE LAS BYUNG BA'I RNAM DKAR DGOS?,
,NAM ZHIG 'CHI PHO'I? DUS KYI TSE, ,LAM ? 'DI RNAMS DRAN BZHIN
DU, ,SHI 'PHOS DAG? ZHING SKYE BA DANG, ,RGYUR DU SANGS RGYAS
THOB GYUR CIG ,CES PA'I BAR GYI YI GE PA NI, DAD STOBS PHUN SUM
TSOGS PA'I DGE SLONG BLO GROS KUN DGA' 'O?,, ,,SHU PAm ,