[preliminary data - not manually proofread]
[SNGON 'GRO'I DPAR GZHI]

@001A *, ,BSKOR BA'I PHAN YON LEGS PAR BSHAD PA'I SLING PO
BZHUGS SO,,

@001B #, ,NA MO SH'AKYA MU NA YE, ,SPANGS RTOGS YON TAN MTHAR
PHYIN RDZOGS SANGS RGYAS, ,SDUG KUN NYES BRAL 'GOG LAM DAM PA'I
CHOS, ,DE NYID TSUL LA SGRUB MDZAD DGE 'DUN TE, ,SKYABS GNAS
DKON MCHOG

GSUM LA GUS PHYAG 'TSAL, ,MCHOG GSUM RTEN GYI GZUGS BRNYAN RNAM
GSUM YANG, ,BSOD NAMS GSOG PA'I ZHING DU DE DAG DANG, ,DBYER MED
BKUR PHYAG MCHOD PA'I GNAS NYID DU, ,GSUNGS PHYIR MI PHYED DAD
PAS

GUS PAS 'DUD, ,MCHOG DMAN BAR MA'I 'GRO KUN GYIS, ,DGE BA BSGRUB
PA'I TSUL MANG MOD, ,'DIR NI GZHAN LA SPRO 'PHEL PHYIR, ,SKOR
BA'I PHAN YON GRANGS BCAS BRE, ,'DI LA GNYIS, BSKOR BA'I PHAN
YON DANG, GRANGS

TSAD SOGS BSHAD PA'O, ,DANG PO NI, 'DUL BA LUNG GZHI LAS, ,MKHAS
PA GANG ZHIG RAB TU SEMS DAD PAS, ,SANGS RGYAS MCHOD RTEN LA NI
GOM 'DOR NA, ,'DZAMBU'I CHU BO GSER GYI SRANG TSAD NI, ,STONG
PHRAG BRGYA YANG

DE DANG MNYAM PA YIN, ,ZHES DANG, GSAL RGYAL GYIS ZHUS PA'I MDO
LAS, ,SU ZHIG DAD PAS THUB PA'I MCHOD RTEN NAM, ,SKU GZUGS DAG
LA BSKOR BA BYED PA DE, ,PHYI MA'I TSE NA DGRA CHEN RNAMS KYIS
BTUD, ,BZANG

@002A *, ,PO'I SNOD GYUR YON TAN RNAMS DANG LDAN, ,ZHES DANG, ME
TOG BRTZEGS PA'I MDO LAS, DE BZHIN GSHEGS PA YONGS SU MYA NGAN
LAS 'DAS NAS MCHOD RTEN RNAMS LA ME TOG 'GA' 'BUL LAM, ZHES PA
NAS, MAR ME PHUL TE PHUL

NAS DGA' BA'I SEMS KYIS GOM PA'I GAR STABS POR TE, SANGS RGYAS
BCOM LDAN 'DAS LA PHYAG 'TSAL ZHES SMRA BA DE DAG NI, SENG+GE
RNAM PAR RTZE BA BSKAL PA BRGYA'AM BSKAL PA STONG NGAM BSKAL PA
BRGYA PHRAG STONG DU YANG LOG PAR LTUNG BA'I GNAS SU 'GYUR

BA DE'I GNAS MED DO, ,ZHES DANG, 'PHAGS PA SPYAN RAS GZIGS KYI
MDO LAS, PHYI MA'I TSE PHYI MA'I DUS LNGA BRGYA'I THA MA LA SU
ZHIG DE BZHIN GSHEGS PA YONGS SU MYA NGAN LAS 'DAS PA'I RING
BSREL YUNGS 'BRU TZAM LA BSTI STANG BYED PA DANG, BLA MAR BYED

BA DANG, RI MOR BYED PA DANG, MCHOD PA DANG, RJED PA DANG, GSOL
BA DANG, BSNGAGS PA DANG, SKOR BA BYED PA DES PHAN YON LNGA
YONGS SU 'DZIN PAR 'GYUR TE, LNGA GANG ZHE NA, DRAN PA DANG LDAN
PAR 'GYUR BA DANG, RTOGS PA DANG LDAN PAR 'GYUR BA DANG, NGO TSA
SHES

SHING KHREL YOD PA DANG LDAN PAR 'GYUR BA DANG, MYUR DU SANGS
RGYAS BCOM LDAN 'DAS MTHONG BAR 'GYUR BA DANG, MTHONG NAS KYANG
DAD PA BSKYED PAR 'GYUR BA STE, PHAN YON LNGA PO DE DAG YONGS SU
BZUNG BAR 'GYUR RO, ,DE CHOS BZHI DANG LDAN PAR 'GYUR TE,

BZHI GANG ZHE NA, DE BZHIN GSHEGS PA'I BSTAN PA 'DZIN PA DANG,
DE YANG JI SKAD BSTAN PA BZHIN DU SGRUB PA DANG, BSGRUBS NAS
KYANG SANGS RGYAS BCOM LDAN 'DAS RNAMS DANG NYE BAR 'GYUR BA
DANG, MYUR DU SANGS RGYAS KYI ZHING YONGS SU DAG PAR SKYE

@002B BAR 'GYUR TE, BZHI PO DE DAG GO, ZHES, YANG DE NYID LAS,
SROG CHAGS KUN LA PHAN PA'I PHYIR, ,BYANG CHUB TU NI SEMS BSKYED
NAS, ,'JIG RTEN MGON GYI MCHOD RTEN LA, ,SU ZHIG SKOR BA BYED PA
NI, ,TSE RABS DAG NI THAMS CAD DU, ,BYA BA SPYAD PA SPYOD PA'I
TSE, ,DRAN

DANG LDAN ZHING BLO GROS LDAN, ,BSOD NAMS LDAN ZHING 'JIGS MED
'GYUR, ,MCHOD RTEN BSKOR BA BYAS NA NI, ,TSE RABS DAG NI THAMS
CAD NI, ,LHA DANG KLU DANG GNOD SBYIN DANG, ,SRIN PO RNAMS KYIS
MCHOD PAR 'GYUR, ,NGAS NI GANG DAG BSTAN PA YI, ,MI KHOM

BRGYAD PO DE DAG SPONG, ,SANGS RGYAS 'BYUNG BA RAB MDZES PA,
,MNYES PAR BYED 'DI DAL BA GCIG ,MDOG LDAN GZUGS NI PHUN SUM
TSOGS, ,MTSAN GYIS LEGS PAR BRGYAN PA DANG, ,MTHU DANG STOBS
DANG LDAN PAR 'GYUR, ,LE LO CAN DU DE MI 'GYUR, ,DE NI

PHYUG CING NOR CHER 'GYUR, ,ZHES PA NAS, MCHOD RTEN BSKOR BA
BYAS NA NI, ,SKYE BA THAMS CAD KUN TU YANG, ,DBANG CHER GRAGS
PA'I KHYIM BDAG DANG, ,DPAL DANG GZI BRJID LDAN PAR 'GYUR, ,BRAM
ZE S'A LA CHE BA DANG, ,TSUL KHRIMS LDAN ZHING MANG THOS DANG,
,RGYAL

RIGS S'A LA CHE 'DRA DANG, ,PHYUG CING NOR CHER LDAN PAR 'GYUR,
,RIS BSKOR RGYA MTSO TSUN CHAD KYI, ,SA KUN LA NI GANG SMON PA,
,GLING BZHI DAG GI DBANG PHYUG ZLA, ,RGYAL PO CHOS DANG LDAN PAR
'GYUR, ,'KHOR LOS BSGYUR BA RDZU 'PHRUL CHE, ,RIN CHEN BDUN DANG
LDAN

PAR 'GYUR, ,RGYAL SRID GNAS NAS SANGS RGYAS LA, ,YANG DANG YANG
DU BSTI STANG BYED, ,'DI NAS SHI 'PHOS MTHO RIS SU, ,SONG NAS
SANGS RGYAS BSTAN LA DAD, ,LHUN PO'I ZOM GYI DBANG PHYUG PO,
,LHA YI DBANG PO BRGYA BYIN 'GYUR, ,LHA DBANG SHIN TU 'THAS

@003A *, ,BRAL DANG, ,DE BZHIN DU NI DGA' LDAN DANG, ,LHA DBANG
SHIN TU 'PHRUL DGA' DANG, ,DBANG BSGYUR 'JIGS PA MED PAR 'GYUR,
,MCHOD RTEN SKOR BA BYAS NA NI, ,TSANGS PA'I DBANG PHYUG MKHAS
'GYUR ZHING, ,LHA RNAMS BYE BAS MCHOD PAR 'GYUR, ,

'JIG RTEN MGON GYI MCHOD RTEN LA, ,MI GANG SKOR BA BYED PA YI,
,BSNGAGS PA BSKAL PA BYE BAR YANG, ,BRJOD PAS ZAD PAR BYA MI
NUS, ,SU ZHIG BYANG CHUB SEMS SKYED NAS, ,STON PA'I MCHOD RTEN
PHYAG 'TSAL BA, ,DE NI BSKAL BA BYE BAR YANG, ,NAM YANG

LONG ZHING 'THENG MI 'GYUR, ,'JIG RTEN MGON GYI MCHOD RTEN LA,
,MNGON DU SKOR BA BYED PA NI, ,BUNG BA SNGON PO MDZES 'DRA YI,
,RNAM PAR DAG PA'I MIG 'THOB 'GYUR, ,MCHOD RTEN BSKOR BA BYAS NA
NI, ,DE NI NGES PAR RTAG TU YANG, ,MTHUN PA'I DON MTHUN 'THOB

'GYUR ZHING, ,DON MIG RNAMS NI SPANGS PAR 'GYUR, ,MCHOD RTEN
BSKOR BA BYAS NA NI, ,MTHU DANG STOBS DANG LDAN PAR 'GYUR, ,DE
NI LE LO MED 'GYUR ZHING, ,RTAG TU BAG YOD LDAN PAR 'GYUR,
,MCHOD RTEN BSKOR BA BYAS NA NI, ,BRTZON 'GRUS BRTAN CING MTHU

BRTAN LA, ,BRTAN ZHING RNAM PAR GNON BRTAN DANG, ,DE NI MYUR DU
MKHAS PAR 'GYUR, ,ME DANG DUG DANG MTSON GYIS DE, ,NAM YANG 'CHI
BUS BYED MI 'GYUR, ,MKHAS PA'I TSE NI RDZOGS RDZOGS SU, ,ZAD PAR
BYAS NAS 'CHI DUS BYED, ,MCHOD RTEN BSKOR BA BYAS

NA NI, ,PHO BRANG 'KHOR DANG YUL 'KHOR DANG, ,GRONG RDAL RNAMS
SU LONG SPYOD DANG, ,GZUGS KYIS KHYAD PAR 'PHAGS PAR 'GYUR,
,BYANG CHUB SPYAD PA SPYOD PA'I TSE, ,DE NI 'DOD PA MI BSTEN
CING, ,LUS KYANG GTZANG LA GOS GTZANG ZHING, ,GTZANG MA'I CHOS
LA

@003B GNAS PAR 'GYUR, ,ZHES DANG, MCHOD RTEN BSKOR BA'I TSIGS
BCAD KYI MDO LAS, SHES RAB CHEN PO SH'A RI'I BUS, STON PA LA NI
ZHU BA ZHUS, ,MCHOD BRTEN BSKOR BA BGYIS PA YI, ,RNAM PAR SMIN
PA CI 'GYUR BA, ,BSKAL PA CHEN PO'I 'JIG RTEN MCHOG ,RNAM PAR
'DREN

PAS BDAG LA GSUNGS, ,RDZOGS PA'I SANGS RGYAS RKANG GNYIS MCHOG
,STON PAS DE LAS BKA' STZAL BA, ,MCHOD RTEN BSKOR BA BYAS PA YI,
,YON TAN GANG YIN PHYOGS TZAM BSTAN, ,MCHOD RTEN BSKOR BA BYAS
PA YIS, ,LHA KLU GNOD SBYIN DRI ZA DANG, ,LHA MIN MKHA' LDING MI
'AM

CI, ,LTO 'PHYE RNAMS KYIS MCHOD PAR 'GYUR, ,DAL BA RNYED DKA'
THOB GYUR NAS, ,SKAD CIG GCIG TZAM BAR DU YANG, ,MCHOD RTEN
BSKOR BA BYAS PA NI, ,MI KHOM BRGYAD RNAMS SPONG BAR 'GYUR,
,MCHOD RTEN BSKOR BA BYAS PAS NI, ,DRAN DANG LDAN CING BLO GROS
LDAN, ,KHA DOG

LDAN ZHING MDZANGS PA DANG, ,THAMS CAD DU NI MCHOD PAR 'GYUR,
,MCHOD RTEN BSKOR BA BYAS PAS NI, ,LHA DANG DE BZHIN MI RNAMS
KYI, ,TSE RING BA YANG DE YIS 'THOB, ,GRAGS PA CHEN PO'ANG 'THOB
PAR 'GYUR, ,MCHOD RTEN BSKOR BA BYAS PAS NI, ,'DZAMBU'I GLING DU
RUS KYI MCHOG,

CHO RIGS YONGS SU DAG PAR YANG, ,BLO LDAN DE NI SKYE BAR 'GYUR,
,MCHOD RTEN BSKOR BA BYAS PAS NI, ,KHA BZHIN DAG KYANG BZANG BA
DANG, ,MDOG SDUG PA DANG MKHAS PA DANG, ,BDE BAR GNAS PA THOB
PAR 'GYUR, ,MCHOD RTEN BSKOR BA BYAS PAS NI, ,PHYUG CING NOR
YANG

MANG PA DANG, ,SER SNA MED CING GTONG PHOD DANG, ,SBYIN PA DAG
LA DPA' BAR 'GYUR, ,MCHOD RTEN BSKOR BA BYAS BAS NI, ,YID DU
'ONG ZHING LTA NA SDUG ,MDOG BZANG MTHONG NA DGA' BA DANG,
,LONGs SPYOD RGYA CHEN SPYOD PAR 'GYUR, ,MCHOD RTEN BSKOR BA
BYAS PAS NI, ,'DU BYED STONG

@004A *, ,PAR MTHONG NAS KYANG, ,DE NI CHOS LA RMONGS MI 'GYUR,
,MYUR DU DGA' BA THOB PAR 'GYUR, ,MCHOD RTEN BSKOR BA BYAS PAS
NI, ,RGYAL RIGS MCHOG TU SKYE BAR 'GYUR, ,BUD MED 'KHOR DANG
LDAN PA DANG, ,STOBS DANG BRTZON 'GRUS LDAN PAR 'GYUR, ,MCHOD

RTEN BSKOR BA BYAS PAS NI, ,BRAM ZE CHE ZHING MTHO BAR SKYE,
,TSUL KHRIMS LDAN ZHING THOS DANG LDAN, ,RIG BYED GSANG SNGAGS
LDAN PAR 'GYUR, ,MCHOD RTEN BSKOR BA BYAS PAS NI, ,KHYIM BDAG
CHE ZHING MTHO BAR SKYE, ,PHYUG CING NOR YANG MANG BA DANG, ,NOR
DANG 'BRU RNAMS

LDAN PAR 'GYUR, ,MCHOD RTEN BSKOR BA BYAS PAS NI, ,'DZAMBU'I
GLING GI MNGA' BDAG RJE, ,SA STENG MTHA' DAG DBANG BYED PA'I,
,CHOS DANG LDAN PA'I RGYAL POR 'GYUR, ,MCHOD RTEN BSKOR BA BYAS
PAS NI, ,RIN CHEN BDUN DANG LDAN PA YI, ,'KHOR LOS BSGYUR

BA'I RGYAL POR 'GYUR, ,CHOS BZHIN 'KHOR LO SKOR BAR BYED, ,MCHOD
RTEN BSKOR BA BYAS PAS NI, ,'DI NAS 'PHOS TE MTHO RIS 'GRO,
,SANGS RGYAS BSTAN LA DGA' BA DANG, ,RNAL 'BYOR LDAN ZHING RDZU
'PHRUL CHE, ,MCHOD RTEN BSKOR BA BYAS PAS NI, ,LHA YUL

DAG NAS 'PHOS NAS KYANG, ,DE NI MI YI NANG DU SKYE, ,RMONGS PA
MED PAR MNGAL DU 'JUG ,MCHOD RTEN BSKOR BA BYAS PAS NI, ,MNGAL
GYI SKYON GYI DRI MA YIS, ,DE LA GOS PAR MI 'GYUR TE, ,DE NI NOR
BU DAG PA BZHIN, ,MCHOD RTEN BSKOR BA BYAS PAS NI, ,MA 

LTOR BDE BAR GNAS PAR 'GYUR, ,DE NI BDE BAR BCA' BA DANG, ,BDE
BAR NU ZHO 'THUNG BAR 'GYUR, ,MCHOD RTEN BSKOR BA BYAS PAS NI,
,PHAS KYANG 'KHOR G-YOG MANG PO YIS, ,DE LA GSO ZHING GNAS PAR
'GYUR, ,MA MAS RTAG TU RIM GRO BYED, ,MCHOD

@004B RTEN BSKOR BA BYAS PAS NI, ,NYE DU RNAMS KYI SNYING DU
SDUG ,DE BZHIN PHA MA LHAG PAR BYAMS, ,SKYES NAS LONGs SPYOD
'PHEL BAR 'GYUR, ,MCHOD RTEN BSKOR BA BYAS PAS NI, ,SHA ZA DANG
NI SRIN RNAMS KYIS, ,DE LA GNOD PAR MI 'GYUR RO, ,LONG SPYOD DAG
LA SKYON MED SPYOD, ,MCHOD RTEN

BSKOR BA BYAS PAS NI, ,BSKAL BA BRGYAR YANG DE DAG RNAMS, ,ZHAR
BA GRUM POR YONG MI 'GYUR, ,LUS KYANG RNAM PAR DAG PAR 'GYUR,
,MCHOD RTEN BSKOR BA BYAS PAS NI, ,MIG KYANG RNAM PAR DAG PAR
'GYUR, ,DKYUS RING MTHON MTHING SDUG PA DANG, ,LHA YI MIG KYANG
DE

YIS 'THOB, ,MCHOD RTEN BSKOR BA BYAS PAS NI, ,LUS BDE SEMS KYANG
BRTAN PA DANG, ,DE BZHIN BRTZON 'GRUS BRTAN PA DANG, ,DPUNG MGO
ZLUM ZHING BRTAN PAR 'GYUR, ,MCHOD RTEN BSKOR BA BYAS PAS NI,
,STOBS DANG BYAD GZUGS PHUN SUM TSOGS, ,YAN LAG THAMs

CAD MTSAN RNAMS KYIS, ,LEGS PAR BRGYAN CING LDAN PAR 'GYUR,
,MCHOD RTEN BSKOR BA BYAS PAS NI, ,SUM CU RTZA GSUM DBANG PHYUG
RJE, ,RDZU 'PHRUL CHEN PO BRGYA BYIN DU, ,LHA YI DBANG PO CHEN
POR 'GYUR, ,MCHOD RTEN BSKOR BA BYAS PA SA NI, ,'THAB BRAL LHA
YI RGYAL

PO DANG, ,DE BZHIN YONGS SU DGA' LDAN DANG, ,'PHRUL DGA' GZHAN
'PHRUL DBANG BYED 'GYUR, ,MCHOD RTEN BSKOR BA BYAS PAS NI,
,TSANGS PA'I 'JIG RTEN TSANGS PA YI, ,DBANG PHYUG NYID DU DE
'GYUR ZHING, ,LHA RNAMS BYE BA SNYED? KYIS MCHOD, ,MCHOD RTEN
BSKOR BA

BYAS PAS NI, ,BSKAL PA BYE BA STONG DAG DANG, ,KHRAG KHRIG PHRAG
BRGYA DAG TU YANG, SHES RAB LDAN PAS RTAG TU MCHOD, ,MCHOD RTEN
BSKOR BA BYAS PAS NI, ,BSKAL BA BYE BA STONG DAG TU, ,LUS GTZANG
GOS KYANG GTZANG BA DANG, ,DKAR PO'I CHOS DANG LDAN PAR 'GYUR,

@005A *, ,MCHOD RTEN BSKOR BA BYAS PAS NI, ,STOBS DANG BRTZON
'GRUS PHUN SUM TSOGS, ,DE NI LE LO MED PA DANG, ,SHIN TU BSGRUB
PA THOB PAR 'GYUR, ,MCHOD RTEN BSKOR BA BYAS PAS NI, ,BRTZON
'GRUS BRTAN CING MTHU YANG BRTAN, ,RTZAL BRTAN CIS KYANG MI
TSUGS

SHING, ,DON RNAMS MYUR DU 'GRUB PAR BYED, ,MCHOD RTEN BSKOR BA
BYAS PAS NI, ,GDANGS SKAD GSANG YANG MTHO BA DANG, ,YID DU 'ONG
BA'I NGA RO CAN, ,GNOD PA MED CING NAD MED 'GYUR, ,MCHOD RTEN
BSKOR BA BYAS PAS NI, ,NGA NYID KYIS NI BSTAN PA YI, ,GNAS DER
MYUR DU DE 'GRO

ZHING, ,SHAS CHER SKYE BA 'THOB PAR 'GYUR, ,MCHOD RTEN BSKOR BA
BYAS PAS NI, ,DRAG PA NYE BAR GZHAG PA BZHI, ,SEMS GYI TSAD MED
BZHI PO DANG, ,RDZU 'PHRUL RKANG PA'I DBANG YANG 'THOB, ,MCHOD
RTEN BSKOR BA BYAS PAS NI, ,'PHAGS PA'I BDEN PA BZHI PO DANG,
,DBANG PO

RNAMS DANG STOBS RNAMS DANG, ,BYANG CHUB YAN LAG 'BRAS BU THOB,
,MCHOD RTEN BSKOR BA BYAS PAS NI, ,MNGON SHES DRUG LDAN ZAG PA
MED, ,NYON MONGS THAMS CAD SPANGS PA YI, ,DGRA BCOM RDZU 'PHRUL
CHEN POR 'GYUR, ,MCHOD RTEN BSKOR BA BYAS PAS

NI, ,'DOD CHAGS ZHE SDANG SPANGS PA DANG, ,'KHOR BA RNAMS NI
SPANGS PA YI, ,RANG RGYAL BYANG CHUB 'THOB PAR 'GYUR, ,MCHOD
RTEN BSKOR BA BYAS PAS NI, ,'JIG RTEN DAG TU DE BZHIN GSHEGS,
,MTSAN RNAMS KYIS NI BRGYAN PA DANG, ,GSER GYI SKU MDOG 'THOB
PAR

'GYUR, ,LUS KYI LAS KYANG BSKOR BA YIN, ,NGAG GI LAS KYANG BSKOR
BA YIN, ,YID KYI LAS KYANG BSKOR BA YIN, ,SMON LAM BTAB PA BSKOR
BA YIN, ,'DIR NI BSKOR BA BYAS PA YIS, ,BGROD DKA' BDE DGUR DON
RNAMS 'GRUB, ,'JIG RTEN MGON PO'I

@005B MCHOD RTEN LA, ,BSKOR BA BYAS PA'I YON TAN GANG, ,DE NI
TSIG TZAM NYE TSE YIS, ,LEGS PAR B?? PA MI NUS SO, ,SEMS CAN
RNAMS LA SNYING BRTZE'I PHYIR, ,SH'A RI'I BU YIS ZHUS NAS KYANG,
,MCHOD RTEN PHYAG BYAS YON TAN GANG, ,'JIG RTEN MGON POS BSTAN
PA YIN, ,RTA BRGYA DANG NI GSER

SRANG BRGYA, ,DRE MO'I SHING RTA BRGYA DAG DANG, ,RGOD MA BRGYA
YI SHING RTA RNAMS, ,RIN CHEN SNA TSOGS BKANG BA YANG, ,BSKOR
BA'I GOM PA GCIG POR BA'I, ,BCU DRUG CHAR YANG MI PHOD DO,
,GANGS KYI GLANG CHEN BRGYA RTEN DAG ,LUS CHEN NAM TSOD YANGS PA
DANG, ,SNA YANG GSHOL MDA' 'DRA BA'I

GLANG, ,GSER DANG NOR BUS BRGYAN PA YANG, ,BSKOR BA'I GOM PA
GCIG BOR BA'I, ,BCU DRUG CHAR YANG MI PHOD DO, ,MKHAS PA GANG
ZHIG SANGS RGYAS MCHOD RTEN LA, ,DGA' BA'I SEMS KYIS GOM PA GCIG
POR BA, ,'DZAMBU'I CHU KLUNG GSER SRANG 'BUM GRANGS SNYED, ,DE
NI DE DANG

MTSUNGS PA YOD MA YIN, ,ZHES DANG, GTZUG TOR DRI MED LAS, RING
BSREL GYI SNYING PO'AM, DE BZHIN GSHEGS PA'I RING BSREL GYI
SNYING PO CAN GYI MCHOD RTEN LA BSKOR BA BYA'O, ,YID BZHIN GYI
NOR BU RIN CHEN 'DI GNYIS KYANG DUS GCIG TU DRAN PAR BYA'O, ,DES
NI GANG+G'A'I KLUNG

GI BYE BA KHRAG KHRIG PHRAG 'BUM GYI BYE MA SNYED KYI DE BZHIN
GSHEGS PA LA DGE BA'I RTZA BA BSKYED PAR 'GYUR RO, ,BSOD NAMS
CHEN PO DANG LDAN PAR 'GYUR RO, ,MTSAMS MED PA LNGA'I LAS KYI
SGRIB PA RNAMS KYANG YONGS SU BYANG PAR 'GYUR RO, ,SEMS CAN
DMYAL BA DANG, DUD 'GRO'I SKYE

GNAS DANG, GSHIN RJE'I 'JIG RTEN GYI NGAN SONG RNAMS LAS YONGS
SU THAR BAR 'GYUR RO, ,TSE RING POR 'GYUR RO, ,SBRUL GYI PAGS PA
BRJES PA BZHIN DU LUS BOR NAS SKAL BA MNYAM PA'I PHYIR 'JIG RTEN
GYI KHAMS BDE BA CAN DU SKYE BAR 'GYUR RO, ,ZHES DANG, RIGS KYI
BU'AM

@006A *, ,RIGS KYI BU MO GANG LA LA ZHIG GIS MCHOD RTEN DE LA
BSKOR BA BYAS SAM, PHYAG BYAS SAM, MCHOD PA PHUL YANG RUNG STE
DE BZHIN GSHEGS PA'I BYIN GYIS BRLABS KYIS BLA NA MED PA'I BYANG
CHUB LAS PHYIR MI LDOG PAR 'GYURO, ,SNGON GYI LAS KYI SGRIB PA
MA LUS

PA YANG BYANG BAR 'GYUR RO, ,ZHES DANG, GANG LA LA ZHIG GIS
MCHOD RTEN 'DI LA BSKOR BA BYAS SAM, PHYAG BYAS SAM, THAL MO
SBYAR RAM, ME TOG PHUL LAM, BYUG PA DANG BDUG PAS PHUL LAM, DRIL
BU DANG BA DAN DANG GDUGS 'GA' ZHIG PHUL NA YANG DE BZHIN

GSHEGS PA DGU KHRI DGU STONG GI MCHOD RTEN LA PHUL BA'I BSOD
NAMS DANG MNYAM PA YIN NO, ,ZHES DANG, GSANG BA RING BSREL GYI
ZA MA TOG LAS SEMS CAN GANG DAG MCHOD RTEN DE LA BSKOR BA GCIG
GAM, PHYAG 'TSAL BA GCIG GIS MNAR MED PA LA THUG PA'I

BAR LA SOGS PA RNAMS LAS YONGS SU THAR BAR 'GYUR RO, ,BLA NA MED
PA YANG DAG PAR RDZOGS PA'I BYANG CHUB LAS PHYIR MI LDOG PAR
'GYURO, ,ZHES GSUNGS PA SOGS MANG NGO, ,MDOR NA SANGS RGYAS KYI
YUNG 'BRU'I RING BSREL DANG, CHOS SKU'I RING BSREL GZUNGS CHEN
SDE LNGAR GRAGs

PA SOGS RTEN DU SONG? BA'I SKU'AM, DE LTA BU'I RING BSREL GYI
SNYING PO CAN GYI MCHOD RTEN LA BSKOR BA BYAS NA SNGAR BSHAD PA
LTAR GYI PHAN YON RNAMS 'THOB PAR 'GYUR TE, JI SKAD DU, RING
BSREL GYI SNYING PO CAN GYI MCHOD RTEN LA BSKOR BA BYA'O,
,GANG+G'A'I KLUNG BYE BA KHRAG KHRIG

'BUM GYI BYE MA SNYED KYI DE BZHIN GSHEGS PA RNAMS LA DGE BA'I
RTZA BA BSKYED PAR 'GYUR RO, ,MTSAMS MED PA LNGA'I LAS KYI SGRIB
PA YANG BYANG BAR 'GYUR RO, ,NGAN SONG DU SKYE BAR MI 'GYUR RO,
,SKYE BA PHYI MA MNGAL GYI DRI MAS MI GOS PAR 'GYUR RO, ,GANG
DANG GANG DU SKYE

@006B BA DE DANG DER PADMA LAS BRDZUS TE SKYE BAR 'GYUR RO,
,SKYE BA DRAN PAR 'GYUR RO,, ZHES 'BYUNG BA LTAR RO,, DE DAG NI
BSKOR BA'I PHAN YON GTZO BOR BSHAD PA YIN LA, SANGS RGYAS KYI
SKU DNGOS SAM, SKU GSUNG THUGs KYI RTEN LA PHYAG 'TSAL BA DANG,
BSTOD PA DANG, MCHOD PA 'BUL BA DANG, GSOL

BA 'DEBS PA DANG, SKYABS SU 'GRO BA SOGS KYI PHAN YON MANG DU
BSHAD PA RNAMS NI 'DIR MANG DU DOGS NAS MI 'CHAD DE, GZHAN DU
YANG CUNG ZAD BRIS ZIN CING MTSON TZAM NI, RGYAL BA'I BLO GROS
ZHES BYA BA'I MDO LAS, YON TAN THAMS CAD THOB PAR 'DOD PAS DKON
MCHOG GSUM LA

MCHOD PAR BYA'O, ,ZHES DANG, SA'I SNYING PO'I MDO LAS, 'JIG RTEN
DAG NA BDE ZHING SKYID PA, ,THAMS CAD DKON MCHOG MCHOD LAS BYUNG
BAS, ,ZHES SOGS DANG, GZHAN YANG, SANGS RGYAS YON TAN BSAM MI
KHYAB, ,ZHES PA NAS, BSAM MI KHYAB LA DAD BYAS NA, ,RNAM PAR
SMIN

PA'ANG BSAM MI KHYAB, ,ZHES PA'I RKANG PA PHYI MA GNYIS NI BSAM
MI KHYAB LA MCHOD BYAS NA, ,RNAM PAR SMIN PA'ANG BSAM MI KHYAB,
,ZHES DANG, BSTOD PA DANG GSOL 'DEBS SOGS LA BSGYUR BA'I PHAN
YON 'BYUNG BAR GSUNGS SO,, KHYAD PAR DU SANGS RGYAS BCOM LDAN
'DAS RNAMs

NI YON TAN BSAM GYIS MI KHYAB PA'I PHYIR DE LA MCHOD PA SOGS KYI
PHAN YON KYANG LHAG PAR BSAM GYIS MI KHYAB STE, SPYAN RAS GZIGS
KYI MDO LAS, BLO GROS RNAM PAR DAG PA DE BZHIN GSHEGS PA YONGS
SU DAG PA LA SU ZHIG ME TOG DANG, PHRENG BA DANG, SPOS DANG,
GDUGS

DANG, RGYAL MTSAN DANG, BA DAN DANG, ROL MO'I SGRA DANG, BYUG PA
RNAMS KYIS BSTI STANGS BYED MA DE'I BSOD NAMS KYI PHUNG PO'I
MTHA' RTOGS PAR MI NUS TE DE'I MTHA' NI THEG PA GSUM PO GANG
YANG RUNG BAS MYA NGAN LAS 'DAS PA'I MTHAR THUG PA MA GTOGS PAR
BSOD

@007A *, ,NAMS KYI PHUNG PO'I PHYI MA'I MTHAR YANG ZAD PAR MI
NUS SO, ,DE CI'I PHYIR ZHE NA, BLO GROS RNAM PAR DAG PA JI LTAR
DE BZHIN GSHEGS PA SANGS RGYAS KYI CHOS THAMS CAD KYI TSAD MED
PA DE BZHIN DU DE BZHIN GSHEGS PA LA YON PHUL BA YANG TSAD MED
DO, ,MTHA'

YAS SO, ,BSAM GYIS MI KHYAB BO, ,MTSUNGS PA MED DO,, DPAG TU MED
DO,, GRANGS MED DO,, DPAG GIS MI LANG DO,, BRJOD DU MED DO,,
ZHES GSUNGS PA LTAR RO,, DE DAG LA DAD PA GAL CHE STE, MDO SDE
THAR TSAN LAS, KUN NAS NYON MONGS SPANGS PA DANG, ,DGE BA KUN
GYI

LAM BSGRUBS TE, ,SANGS RGYAS RANG BZHIN MTHONG BA LA, ,RNAM DAG
DAD PA'I DBANG GIS SO, ,ZHES DANG, DKON MCHOG TA LA LAS, DAD PA
GTER DANG NOR DANG RKANG PA'I MCHOG ,LAG PA BZHIN DU DGE SDUD
RTZA BA YIN, ,ZHES DANG, CHOS BCU PA'I MDO LAS, DAD PA THEG PA'I

MCHOG YIN TE, ,DES NI 'DREN RNAMS NGES PAR 'BYUNG, ,DE PHYIR BLO
GROS LDAN PA'I MIS, ,DAD PAS RJES 'BRANG NYID LA BRTEN, ,ZHES
GSUNGS PA DANG, 'JAM DPAL RTZA RGYUD LAS KYANG, DAD PA MED PA'I
SKYE BO LA, ,DKAR PO'I CHOS RNAMS MI SKYE STE, ,SA BO TSA SKOR
BTAB LAS,

MYU GU SKYE BA MED PA BZHIN, ,DAD PA'I RTZA BA RTAG TU CHOS,
,CHOS DON GZIGS PAS GSUNGS PA STE, ,ZHES GSUNGS SO,, GNYIS PA LA
GNYIS, BSKOR BA'I GRANGS TSAD DANG, BSKOR BA BYA TSUL LO,, DANG
PO NI, BSKOR BA'I GRANGS TSAD RDZOGS MA RDZOGS KYI KHYAD PAR 'DI

JI LTAR YIN ZHE NA, 'DI LA ZHIB TU PHYE NA MANG YANG MDOR BSDUS
ZHIG BRJOD PAR BYA STE, SPYIR BSKOR BA'I GRANGS KYI MTHA' TSAD
NI MED DE, BSKOR BA GRANGS MED PA ZHIG BYAS NA'ANG CHOG PA'I
PHYIR TE, DPER NA, PHYAG DANG MCHOD PA CI TZAM ZHIG MANG DU BYAS
KYANG RUNG BA BZHIN

@007B DANG, LHA'I BSNYEN GRANGS CI TZAM ZHIG MANG DU BYAS KYANG
RUNG ZHING PHAN? YON LHAG PAR CHE BA BZHIN NO, ,'ON KYANG 'DIR
BSKOR BA'I GRANGS KYI TSAD BZUNG BA NI, DPER NA SGRUB THABS KYI
GZHUNG DAG TU LHA'I BSNYEN PA'I GRANGS TSAD LAS 'DRA BA MANG DU
BSHAD KYANG 'BUM DANG SUM 'BUM

SOGS SU GSUNGS PA MANG BA LAS, 'DIR 'BUM DU GSUNGS PA LTAR RIGS
'GRE BAR, BSKOR BA'I GRANGS TSAD KYANG 'BUM GYI DBANG DU MDZAD
PA STE, DE YANG DGON SDE GANG YIN KYANG RANG RANG GI RTEN GYI
GTZO BO GANG LA BYED PA DE'I BZHUGS KHRI'AM, BAD GDAN NAM, SKYIL

DKRUNG LTA BU'I MTHAR MTHO TSAD KYIS GZHAL BAR BYAS NAS MTHO
TSAD DANG 'DOMS TSAD GANG LONGS KYANG, MTHAR DKRIS GCIG 'KHOR
BA'I TSAD DE SKOR LAM DU CI TZAM ZHIG 'KHOR NAS 'BUM LONGS PA NA
SKOR TSAD RE RDZOGS PAR 'JOG GO ,DE NI RTEN GYI GTZO BO GANG YIN
DE

LA SKOR BA 'BUM SONG BA'I DBANG DU BTANG YANG, DER MA ZAD, RTEN
GYI GTZO BO DE DANG TSAD MNYAM PA RNAMS SO SO LA YANG 'BUM RE
'GRO ZHING, GTZO BO LAS CHUD BA RNAMS LA NI GRANGS DE LAS MANG
BAR 'GRO'O, ,DE YANG CO NE'I DGON 'DI'I RTEN GYI GTZO BO GSANG
'DUS KHANG

GI DBUS MA STON PA'I DBANG DU BYAS PA'I SKOR TSAD DA LTA NYIS
STONG LHAG TZAM ZHIG 'BYUNG BA 'DI BZHIN TE DE BZHIN DU DGON SDE
RANG RANG GI RTEN GYI GTZO BO GANG YIN PA DE LA SGOR BA 'BUM
'GRO BA'I DBANG DU BTANG NAS, SKOR LAM GANG YIN PA DER 'JAL DGOS
PA YIN

NO, ,BSKOR BA'I GRANGS TSAD MANG? NYUNG NI RTEN 'GANGS CHE MI
CHE DANG GRANGS MA NYUNG GI DBANG MIN GYI, RTEN GYI GTZO BO DE
CHE NA BSKOR GRANGS MANG ZHING CHUNG NA NI GRANGS NYUNG BAR
'GYUR LA, 'ON KYANG SKOR LAM THAG RING MI RING GI KHYAD PAR LAS
KYANG MA NYUNG 'BYUNG SRID DO, ,DES

@008A *, ,NA DGON GANG YIN KYANG DE NYID YONGS RDZOGS LA BSKOR
TSAD RE 'GRUB BAR BYED NA NI DGON DE'I MTHAR BSKOR BA 'BUM 'GRO
DGOS SO, ,BSKOR BA'I GRANGS TSAD BSHAD PA LTAR BYED RGYU BYUNG
NA RAB YIN MOD, DE MIN GRANGS TSAD TZAM RDZOGS PA LA MA BLTOS
TE,

NAM BSKOR BA DANG GRANGS CI TZAM BYAS KYANG CHOG CING PHAN YON
'BYUNG BA NI GONG DU DRANGS PA'I LUNG RNAMS KYIS SHES SO, ,'O
NA, BSKOR BA 'DI MCHOD PA YIN NAM MIN SNYAM NA, MCHOD PA YIN TE
LUS KYI BKUR BSTI'I MCHOD PA YIN PA'I PHYIR TE, MDO SDE RGYAN
GYI 'GREL BA LAS

PHYAG 'TSAL BA DANG SKOR BA BYED PA SOGS NI BKUR STIS MCHOD
PA'O, ,ZHES GSUNGS PA'I PHYIR, MDO SNGAGS KYI GSUNG RAB DU MA
LAS BCOM LDAN 'DAS LA LAN GSUM BSKOR BA BYAS NAS ZHES SOGS LTA
BU BSKOR BA'I GRANGS TZAM GSUNGS YANG, GRANGS KYI TSAD 'DI

TZAM MO ZHES GSAL BAR BSHAD PA MA MTHONG YANG, DA LTA BSKOR BA'I
GRANGS TSAD 'DI NI MKHAS PA BRGYUD PA'I MAN NGAG LAS 'BYUNG BA
LTAR BKOD PA'O, ,GNYIS PA BSKOR BA BYA TSUL NI, GSANG SNGAGS
RNYING MA'I GZHUNG 'GA' ZHIG NAS DU MA ZHIG BSHAD KYANG 'DIR

MI 'CHAD LA, GSAR MA'I GZHUNG NAS GSAL BAR BSHAD PA MA MTHONG
YANG, PHYAG 'TSAL BA'I TSE RANG LUS MANG POR SPRUL NAS PHYAG
'TSAL BA DANG RANG GZHAN THAMS CAD KYI PHYAG 'TSAL BAR MOS PA
DANG, SNGAGS BZLA BA'I TSE DANG GZHAN THAMS CAD KYIS

BZLA BAR BSAMS NA 'GYUR CHE BAR BSHAD PA LTAR, BSKOR BA BYA BA'I
TSE LUS MANG POR MOS PA 'AM, RANG GZHAN SEMS CAN THAMS CAD LHAN
CIG BSKOR BA BYED PAR MOS NA PHAN YON DANG 'GYUR CHE BAR GSAL
LO, ,BSKOR BA'I DUS SU KHA TON GANG BYAS

@008B KYANG RUNG YANG LHAG TU SGRIB PA SBYONG BA LA YIG BRGYA,
LTUNG BSHAGS, MI 'KHRUGS PA'I GZUNGS SOGS DANG, MA nI BZLA BA
SOGS CI RIGS BYA'O, ,GZHAN BSKOR BA'I 'GYUR SNGAGS BZLA BAR
GSUNGS TE RTEN LA SKOR BA BYED PA'I TSE, NA MO DA SHA DIKshI K'A
LA SARBA RATnA TRA

Y'A? YA, NA MA:PRA DAKshA SU PRA DAKshA SARBA P'A BAm BI SHO DHA
NI SV'A H'A, ZHES BZLA ZHING BSKOR BA SDIG PA 'DAG PAR GSUNGS
SO, ,RTEN LA PHYAG BYA BA'I SNGAGS NI, AOm NA MO MANYDZU SHRI
YE, NA MA:SU SHR'I YE, NA MA:AUTTA MA SHR'I YE SV'A H'A, ZHES
BRJOD NA PHYAG GA?

BTZAL NA PHAN YON DANG 'GYUR LHAG PAR TSA BAR BSHAD DO, ,GSUNG
RAB DAG LAS MCHOD RTEN LA BSKOR BA BYA ZHES MANG DU 'BYUNG BA
NI, SGRA DOGs PA'I DBANG DU BYAS NA DA LTA MCHOD RTEN DU GRAGS
PA RNAMS LA BSKOR BA BYA BA'I DON YIN KYANG, SGRA YANGS BA'I
DBANG DU BYAS

NA MCHOD PA'I RTEN DU GYUR PA'I SKU GSUNG THUGS KYI RTEN RNAMS
LA MCHOD RTEN ZHES SGRA BSTUS NAS BRJOD PA LA BYA STE, DE LTAR
NA MCHOD RTEN DNGOS KYIS MTSON NAS SKU GSUNG THUGS KYI RTEN
THAMS CAD LA MCHOD RTEN ZHES BYAR RUNG BAR SEMS SO, ,BSAM PA JI
LTA

BUS BSKOR BA NI, SPYIR SGO GSUM GYI SGRIB PA SBYONG BA'I CHED
DANG, KHYAD PAR DU NGAN SONG LAS THAR 'DOD DANG, 'KHOR BA SPYI
LAS THAR 'DOD DANG, SANGS RGYAS THOB 'DOD KYI BSAM PAS BSKOR BA
BYA STE, SNGA MA LAS PHYI MA PHAN YON LHAG PAR CHE BA'I PHYIR
RO, ,

GAL TE SKU GSUNG THUGS KYI RTEN GCIG TZAM LA? BSKOR BA BYED
NA'ANG DE LA SKYABS GNAS THAMS CAD 'DUS PA DANG, DE NA RTEN
THAMS CAD BZHUGS PA'AM, KUN GYIS BSKOR BAR BSAMS TE BSKOR BA
BYAS NA NI PHAN YON LHAG PAR CHE'O, ,BSAM PA

@009A *, ,'DZIN TSUL GYI DBANG GIS PHAN YON CHE CHUNG 'ONG BAS
DAD SOGS KYI BSAM PA RGYA CHE DGOS LA, 'ON KYANG BSAM PA LEGS
SO? 'DZIN MI SHES PAR RTZED MO'I TSUL GYIS BSKOR BA BYAS NA'ANG
PHAN YON 'BYUNG STE, SANGS RGYAS KYI STOB BSKYED PA'I CHO 'PHRUL

GYI MDO LAS, GANG GIS DE BZHIN GSHEGS PA LA MCHOD PA'I PHYIR
BZHAD GAD DAM, KU RE'AM, BYIS PA'I KYAL KA'AM, RTZED MOR BYED
BA'AM, 'JIM PA LAS MCHOD RTEN BYED NA DE DAG THAMS CAD SDUG
BSNGAL MTHAR BYAS NAS BLA NA MED PA YANG DAG PAR RDZOGS

PA'I BYANG CHUB TU MNGON PAR 'TSANG RGYA BAR 'GYUR RO, ,ZHES
DANG, DAM CHOS PAD DKAR LAS, BYIS PAS RTZER MOR DE DANG DE DAG
TU, ,GANG GI RGYAL BA DE PHYIR MCHOD RTEN DAG ,BYER MA LAS NI
PHUNG PO BYAS PA YANG, ,DE RNAMS KYIS KYANG BYANG CHUB 'THOB PAR
'GYUR, ,ZHES

GSUNGS SHING, TSUL PHYAG MCHOD SKOR BA SOGS LA'ANG MTSUNGS PA'I
PHYIR DANG, SNGON SROG CHAGS SPUR BA GCIG CHU RLABS KYIS 'KHYER
NAS RING BSREL SNYING PO CAN GYI MCHOD RTEN LA STES DBANG GIS
BSKOR BA GCIG BYAS PA'I DGE BAS, PHYIS SANGS RGYAS

KYI 'KHOR DU SKYES NAS DGRA BCOM THOB PAR BSHAD PAS KYANG 'GRUB
PA'I PHYIR RO, ,BZANG BZANG STON PA BLA NA MED PA DES, ,LEGS
LEGS CHOS TSUL BSTAN PA MTHA' YAS KYANG, ,MANG MANG MCHOG DMAN
BAR MA'I 'GRO KUN LA, ,NGES NGES PHAN PA PHYAG

MCHOD SKOR BAR GRAGS, ,SKU GSUNG THUGS RTEN BSKOR BA'I BYIN
RLABS NYIS, ,THOG MED NAS BSAGS SGO GSUM SGRIB PA'I MUN, ,LEGS
PAR BSAL NAS MNGON MTHO NGES LEGS LAM, ,MNGON SUM MTHONG BAR
'GYUR BAS SKAL BA BZANG, ,TSUL

@009B 'DIR SGO GSUM 'BAD PA'I CHU 'DZIN LAS, ,DGE LEGS CHAR
RGYUN GANG ZHIG BSKRUN PA DE, ,DUS GSUM DGE BA'I KLUNG DANG LHAN
CIG TU, ,KUN MKHYEN RGYA MTSO CHEN POR 'JUG PHYIR BSNGO, ,CES
BSKOR BA'I PHAN YON LEGS PAR BSHAD PA'I SNYING PO DAD PA'I GZUGS
BRNYAN

'CHAR BA'I ME LONG ZHES BYA BA 'DI YANG, SH'AKYA'I DGE SLONG
GRAGS PA BSHAD SGRUB CES BYA BAS GZHAN DE GNYIS LA PHAN THOGS
SRID SNYAM STE CO NE'I DGON NYID DU SBYAR BA'I YI GE BA NI DGE
SLONG NGAG DBANG BKRA SHIS TE, ,DAD LDAN, SGOm? PA BYAMS KYIs
DAD PAS BAR DU BRKOS SO,,