[སྔོན་འགྲོའི་དཔར་གཞི།]་
@001A ༄༅། །རྒྱུད་སྡེ་རྣམ་ཤིའི་དགོངས་འབྲེལ་སྔགས་རིམ་ཆེན་མོའི་དགོངས་པ་ཡང་གསལ་སྒྲོན་མེ?་ལེགས་བར་བཤད་པའི་སྣང་བ་ཞེས་བྱ་བ་བཞུགས་སོ། །
@001B ༄༅༅། །ན་མོ་གུ་རུ་མཉྫུ་གྷོ་ཥཱ་ཡ། རྒྱལ་བ་ཀུན་གྱི་མཁྱེན་བརྩེ་འཕྲིན་ལས་རྣམས། །གཅིག་བསྡུས་མི་ཡི་གཟུགས་ཀྱིས་རྣམ་རོལ་ཏེ། །འགྲོ་ལ་བདེ་གཤེགས་དགྱེས་པའི་ལམ་བཟང་མཆོག །
གསལ་མཛད་བཤེས་གཉེན་རྣམས་ལ་གུས་ཕྱག་འཚལ། །ཐུབ་པའི་མདོ་སྔགས་ཆོས་ཚུལ་མ་ལུས་པ། ཇི་བཞིན་འཛིན་ཕྱིར་དུར་སྨྲིག་ཟློས་གར་གྱིས། །གསུང་རབ་རྒྱ་མཚོའི་དགོངས་འགྲེལ་གྲུབ་པ་བརྙེས། །ཟླ་
མེད་བླ་མ་བཙོང་ཁ་པ་དེར་འདུད། །སྒྲིབ་བྲལ་འོད་གསལ་ལྷ་ཡི་ལམ་ཡངས་ལས། །ལེགས་འོད་བཟུང་འཇུག་སྒྱུ་འཕྲུལ་དྲ་བའི་སྐུ། །དག་པའི་བརྟན་གཡོ་སྤྲོ་དང་བསྡུ་བའི་གཞི། །རིགས་བརྒྱའི་ཁྱབ་བདག་དང་པོའི་མགོན་དེ་
རྒྱལ། །རབ་འབྱམས་རྒྱལ་བ་ཀུན་གྱི་ཡབ་གྱུར་ཀྱང༌། །ས་བཅུའི་དབང་ཕྱུག་ཟོལ་བསྟེན་གཞོན་ནུའི་སྐུ། །དྲན་པ་ཡིས་ཀྱང་བློ་ཡི་མཆོག་སྟེར་བ། །རྗེ་བཙུན་མཁྱེན་པའི་གཏེར་གྱིས་དགེ་ལེགས་སྩོལ། །གང་གི་ཞབས་
པད་གུས་པས་བསྟེན་ཙམ་གྱིས། །མ་རུངས་བདུད་དང་བགེགས་ཀྱི་དཔུང་འཇོམས་པ། །གསང་སྔགས་རིག་སྔགས་འཆང་རྣམས་ཀུན་གྱི་རྗེ། །བཅོམ་ལྡན་རྡོ་རྗེ་འཛིན་གྱིས་བདག་སྐྱོངས་ཤིག །རབ་འབྱམས་རྒྱལ་བ་ཀུན་གྱི་གསང་
@002A ༄༅། །བའི་མཛོད། །ཇི་བཞིན་སྟོན་མཛད་རྗེ་བཙུན་བཙོང་ཁ་པའི། །ལེགས་བཤད་མཐར་ཐུག་གསང་སྔགས་ལམ་རིམ་གྱི། །དགོངས་དོན་ཡང་གསལ་སྒྲོན་མེ་བཤད་པར་བྱ། །འདི་ལ་གཉིས། རྒྱལ་བའི་བསྟན་
པ་ཉིད་ཐར་འདོད་ཀྱི་འཇུག་དོགས་སུ་བསྟན་པ་དང༌། དེ་ལ་འཇུག་པའི་སྒོ་མི་འདྲ་བ་བསྟན་པའོ། །དང་པོ་ནི། ཚེ་འདིའི་བདེ་ཐབས་སྒྲུབ་པ་ཙམ་ཞིག་ནི་འཇིག་རྟེན་པའི་རྒན་པོ་རྣམས་ཀྱིས་རྣམ་པར་བཞག་པའི་ལུགས་ཡིན་ལ། འཇིག་རྟེན་
ཕྱི་མ་ཕན་ཆད་ཀྱི་བདེ་བ་དོན་དུ་གཉེར་བ་རྣམས་ཀྱིས་ནི། དེ་ཙམ་གྱིས་ཆོག་པར་མི་འཛིན་པར་རྒྱལ་བའི་གསུང་རབ་ལ་ཐོས་སོགས་ཀྱིས་འཇུག་དགོས་ཤིང༌། དེའི་སྔོན་དུ་རྒྱལ་བ་ཉིད་ལ་སྐྱབས་སུ་འགྲོ་བ་སོགས་ཀྱི་སྒོ་ནས་དེའི་བསྟན་པ་ལ་
འཇུག་དགོས་པ་ཡིན་ཏེ། སྤེལ་མར་བསྟོད་པ་ལས། གཏིང་མཐའ་མེད་པའི་འཁོར་པ་ནི། །རྒྱ་མཚོའི་ནང་ན་རྣམ་པར་གནས། །འདོད་ཆགས་ལ་སོགས་མི་བཟད་པའི། །ཆུ་སྲིན་གྱིས་ནི་ལུས་ཟོས་པ། །དེ་རིང་གང་ལ་སྐྱབས་སུ་
མཆི། །གང་ལ་ཉེས་པ་ཐམས་ཅད་ཀུན། །གཏན་ནས་ཡོང་ཡེ་མི་མངའ་ཞིང༌། །གང་ཞིག་ལ་ནི་ཡོན་ཏན་ཀུན། །རྣམ་པ་ཀུན་ཏུ་གནས་གྱུར་བ། །གལ་ཏེ་སེམས་ཞིག་ཡོད་ན་ནི། །དེ་ཉིད་ལ་ནི་སྐྱབས་འགྲོ་ཞིང༌། །དེ་བསྟོད་དེ་
ནི་བཀུར་པ་དང༌། །དེ་ཡི་བསྟན་ལ་གནས་པར་རིགས། །ཞེས་གསུངས་པའི་ཕྱིར་རོ། །འཇུག་བྱ་རྒྱལ་བའི་བསྟན་པ་ལ་ནི་ལུང་རྟོགས་ཀྱི་བསྟན་པ་གཉིས་ཡོད་ཅིང༌། དེ་འཛིན་པ་ནི། ལུང་ལ་ཐོས་བསམ་དང༌། རྟོགས་པ་ནི་
@002B སྒྲུབ་བའི་སྒོ་ནས་ཡིན་ཏེ། མཛོད་ལས། སྟོན་པའི་དམ་ཆོས་རྣམ་གཉིས་ཏེ། །ལུང་དང་རྟོགས་པའི་བདག་ཉིད་དོ། །དེ་འཛིན་བྱེད་པ་སྨྲ་བྱེད་དང༌། །སྒྲུབ་པར་བྱེད་པ་ཁོ་ན་ཡིན། །ཞེས་གསུངས་པའི་ཕྱིར། ལུང་གི་བསྟན་པ་ནི། མདོ་རྒྱུད་དགོངས་འགྲེལ་དང་བཅས་པ་ལ་ཟེར་ཞིང༌། རྟོགས་པའི་བསྟན་
པ་ནི། བསླབ་གསུམ་རིམ་གཉིས་དང་བཅས་པའི་ལམ་དངོས་དང་དེའི་སྡེར་གཏོགས་སོ། །དེར་མ་ཟད་དཀོན་མཆོག་ལ་སྐྱབས་སུ་སོང་བའི་སྐྱབས་འགྲོ་ཡང་རྒྱལ་བའི་བསྟན་པ་ཡིན་ཏེ། དེ་བསྟན་པ་ལ་འཇུག་པའི་སྒོ་ཡིན་པའི་ཕྱིར་རོ། །དེས་ན། སྐྱབས་འགྲོ་རྣམ་དག་དང༌། དེས་འབྱུང་གིས་ཟིན་པཱི་
ལུང་རྟོགས་ཀྱི་དམ་ཆོས་རྣམས་ནི་བསྟན་པར་འདོད་དགོས་སོ། །དེ་ལྟར་བསྟན་པའི་ངོ་བོ་གང་ཡིན་ཤེས་དགོས་ཀྱི། དེ་མི་ཤེས་བཞིན་དུ་རྒྱལ་བའི་བསྟན་པ་ཞེས་བརྗོད་པ་ནི་ཚིག་ཙམ་དུ་གསལ་ལོ། །གཉིས་པ་ལ་གཉིས། ཐེག་པ་སྤྱིའི་དབྱེ་བ་དང༌། ཐེག་པ་ཆེན་པོའི་དབྱེ་བའོ། །དང་པོ་
ལ་བཞི། དབྱེ་བའི་སྒོ། འབྱེད་པའི་རྒྱུ་མཚན། སོ་སོའི་རང་བཞིན། ཐམས་ཅད་ཀྱང་འཚང་རྒྱ་བའི་ཡན་ལག་ཏུ་བསྟན་པའོ། །དང་པོ་ནི། གདུལ་བྱའི་མོས་པའི་དབང་དུ་བྱས་ནས་གསུམ་དུ་དབྱེ་སྟེ། དེ་ཡང་སྤྱོད་པའི་དབང་དུ་བྱས་ན་དམན་པ་ལ་མོས་པ་ལ་ཆགས་བྲལ་གྱི་སྤྱོད་པ་དང༌། རྒྱ་
ཆེན་པོ་ལ་མོས་པ་ལ་ས་དང་ཕ་རོལ་ཏུ་ཕྱིན་པའི་སྤྱོད་པ་དང༌། ཟབ་མོ་ལ་མོས་པ་ལ་འདོད་ཆགས་ཀྱི་སྤྱོད་པ་བསྟན་པ་ལྟར་འབྱེད་ལ། བསྡུན་ཐེག་པ་མཆོག་དམན་གཉིས་སུའང་འབྱེད་པའི་ཕྱིར་རོ། །གཉིས་པ་རྒྱུ་མཚན་ལ། ཆེད་དུ་བྱ་བ་རང་ཉིད་གཅིག་པུའི་ཕྱིར་དུ་ཐོབ་བྱ་དམན་པ་འཁོར་
བའི་སྡུག་བསྔལ་ཙམ་ཞི་བའི་གོ་འཕང་དོན་དུ་གཉེར་པའི་རིགས་ཅན་གཅིག་དང༌། ཆེད་དུ་བྱ་བ་སེམས་ཅན་ཐམས་ཅད་ཀྱི་དོན་དུ་ཐོབ་བྱ་མཆོག་སངས་རྒྱས་ཀྱི་གོ་འཕང་དོན་དུ་གཉེར་བའི་རིགས་ཅན་གྱི་གདུལ་བྱ་གཉིས་ཡོད་ལ། དེ་གཉིས་ཐེག་པ་གང་གིས་རང་རང་གི་གོ་
@003A ༄༅། །འཕང་དུ་བགྲོད་པའི་ཐེག་པ་ལའང་གཉིས་ཡོད་ཅིང༌། དེའི་སྔ་མ་ལ་ཐེག་པ་ཆུང་ངུའམ་དམན་པ་དང༌། ཕྱི་མ་ལ་ཆེན་པོའམ་མཆོག་ཅེས་བྱའོ། །ཐེག་པ་དམན་པའི་གདུལ་བྱ་ལའང་ཉན་རང་གཉིས་ཡོད་པས་བགྲོད་བྱེད་ཉན་རང་གི་ཐིག་པ་གཉིས་སུ་ཕྱེ་བས་ཐེག་པ་གསུམ་
མོ། །གསུམ་པ་སོ་སོའི་རང་བཞིན་ལ་གཉིས། ཐེག་པ་དམན་པ་དང༌། ཐེག་པ་ཆེན་པོའི་རྣམ་གཞག་གོ །དང་པོ་ནི། ཉན་རང་གཉིས་ལ་དབང་པོ་དང་འབྲས་བུ་ལ་མཆོག་དམན་ཡོད་ཀྱང་ལམ་གྱི་རྣམ་གཞག་པ་ལ་ཆེར་མཚུངས་པ་འཕགས་པ་ཐོགས་མེད་ཀྱིས་བཤད་ཅིང༌། འདི་གཉིས་ཀའང་
རང་ཉིད་འཁོར་བ་ལས་གྲོལ་བ་ཙམ་གྱི་ཆེད་དུ་ཞུགས་པ་ཡིན་པས། དེ་ལས་གྲོལ་བྱེད་ཀྱི་རྒྱུའི་གཙོ་བོ་བདག་མེད་ཀྱི་དོན་རྟོགས་ནས་དེ་སྒོམ་པར་བྱེད་པ་ཡང་མཚུངས་སོ། །བྱེ་བྲག་སྨྲ་བ། མདོ་སྡེ་པ། སེམས་ཙམ་པ། རང་རྒྱུད་པ་རྣམས་ཀྱིས་ནི། ཉན་རང་འཕགས་པས་རང་གི་བྱང་ཆུབ་ཐོབ་
པའི་ཆེད་དུ་གཙོ་བོར་སྒོམ་པའི་བདག་མེད་ནི། ཕྱི་རོལ་པས་བཏགས་པའི་རྫས་ཡོད་ཀྱི་བདག་མེད་རྟོགས་ནས་སྒོམ་པ་ཡིན་གྱི། ཆོས་དང་གང་ཟག་རང་གི་མཚན་ཉིད་ཀྱིས་གདོད་ནས་མ་གྲུབ་པར་རྟོགས་ནས་གཙོ་བོར་སྒོམ་པར་མི་འདོད་ཀྱང༌། དཔལ་ལྡན་ཟླ་བས་ནི། ཆོས་དང་
གང་ཟག་རང་བཞིན་གྱིས་སམ་རང་གི་མཚན་ཉིད་ཀྱིས་མ་གྲུབ་པར་རྟོགས་ཤིང་གོམས་པར་མ་བྱས་ན་ཐར་བ་ཙམ་ཡང་ཐོབ་མི་ནུས་པར་བཞེད་པས། རང་ལུགས་ནི་འདིའི་རྗེས་སུ་འབྲང་བར་བྱ་སྟེ། འདི་ནི་འཕགས་པ་ཀླུ་སྒྲུབ་ཀྱི་བཞེད་པ་མཐར་ཐུག་ཡིན་པར་མ་ཟད། རིགས་པས་ཀྱང་འགྲུ་
པའི་ཕྱིར་རོ། །འོ་ན་སྟོན་པས་ཐེག་དམན་གྱི་མདོ་སྡེ་དུ་མ་ལས། ཉན་རང་གི་རིགས་ཅན་མང་པོ་ལ་ཆོས་དང་གང་ཟག་རང་བཞིན་གྱིས་མ་གྲུབ་པའི་ཚུལ་གསལ་བར་མ་བསྟན་པར་མི་རྟག་པ་དང་སྡུག་བསྔལ་བ་དང་འཁོར་བ་ལས་ཡིད་འབྱུང་བའི་ཚུལ་བསྟན་པས་ཀྱང༌། ཉན་ཐོས་ཀྱི་རི(Gs)
@003B ཅན་དུ་མས་དེ་མ་ཐག་རང་གི་བྱང་ཆུབ་ཐོབ་པར་བཤད་འདུག་པ་འདི་ཇི་ལྟར་ཡིན་ཞེ་ན། བདེན་མོད་སྐྱོན་དུ་མི་འགྱུར་ཏེ། དེ་ནི་སངས་རྒྱས་ཀྱི་བྱིན་རླབས་དང༌། གདུལ་བྱའི་རྒྱུད་སྨིན་པའི་དབང་གིས། ཚུལ་དེ་ལྟར་བསྟན་པ་ཙམ་གྱིས་ཀྱང་དེ་མ་ཐག་སྟོང་ཉིད་ཕྲ་མོ་ཁོང་དུ་ཆུད་པར་གྱུར་ནས་
ཐར་པ་ཐོབ་ནུས་པས་ད་ལྟའི་གང་ཟག་དང་མི་འདྲ་བའི་ཕྱིར་ཏེ། དེ་ལྟར་ཡང་འཕགས་པ་ཀླུ་སྒྲུབ་ཀྱིས། སྐྱེ་བ་ཤེས་པས་འཇིག་པ་ཤེས། །འཇིག་པ་ཤེས་པས་མི་རྟག་ཤེས། །མི་རྟག་ཉིད་ལ་འཇུག་ཤེས་པས། །དམ་པའི་ཆོས་ཀྱང་རྟོགས་པར་འགྱུར། །གང་དག་རྟེན་ཅིང་
འབྲེལ་འབྱུང་བ། །སྐྱེ་དང་འཇིག་པ་རྣམ་སྤངས་པར། །ཤེས་པར་གྱུར་པ་དེ་དག་གིཥ༌།ལྟ་གྱུར་སྲིད་པའི་རྒྱ་མཚོ་བརྒལ། །ཞེས་གསུངས་པ་ལྟར་རོ། །འོ་ན། ཐེག་དམན་གྱི་མདོ་ལས། །སྟོང་ཉིད་ཕྲ་མོ་བསྟན་ཅིང་ཐེག་དམན་པས་ཀྱང་དེ་བསྒོམས་ན། ཐེག་ཆེན་པ་དང་ཁྱད་མེད་དུ་མི་
འགྱུར་རམ་ཞེ་ན། མི་འགྱུར་ཏེ། འཕ(Gs) པ་ཀླུ་སྒྲུབ་ཀྱིས། ཉན་ཐོས་ཐེག་པ་དེ་ལས་ནི། །བྱང་ཆུབ་སེམས་དཔའི་སྨོན་ལམ་དང༌། །སྤྱོད་པ་ཡོངས་བསྔོ་མ་བཤད་དེས། །བྱང་ཆུབ་སེམས་དཔར་ག་ལ་འགྱུར། །ཞེས་གསུངས་པ་ལྟར། ཐེག་པ་ཆེ་ཆུང་གཉིས་ནི་ལྟ་བས་མི་འབྱེད་ཀྱི། སེམས་
བསྐྱེད་དང་སྤྱོད་པ་ཁྱད་པར་ཅན་གྱིས་འབྱེད་པའི་ཕྱིར་རོ། །གཉིས་པ་ཟེག་ཆེན་ནི། སེམས་བསྐྱེད་པ་ནི་གཞན་དོན་ཕྱིར། །ཡང་དག་རྫོགས་པའི་བྱང་ཆུབ་འདོད། །ཅེས་གསུངས་བ་ལྟར། ཆེད་དུ་བྱ་བ་སེམས་ཅན་ཐམས་ཅད་ཀྱི་དོན་དུ་བླ་ན་མེད་པའི་བྱང་ཆུབ་ཐོབ་པར་འདོད་ནས་སེམས་
བསྐྱེད་དེ་སྤྱོད་པ་ཕྱིན་དྲུག་ལ་ལེགས་པར་སློབ་པ་ནི། ཐེག་པ་ཆེན་པོ་པ་སྤྱིའི་ལམ་གྱི་གཞུང་ཡིན་ཏེ། སྔགས་ཀྱི་ཐེག་པ་པ་རྣམས་ཀྱིས་ཀྱང་དེ་ལྟར་སློབ་དགོས་སོ། །དེ་ལའང་ལྟ་བའི་སྒོ་ནས་ཕྱེ་ན། དབུ་མ་པ་དང་སེམས་ཙམ་པ་གཉིས་ཡོད་ཀྱང་ཐེག་པ་མི་འདྲ་བའི་རིམ་པ་མེད་དོ། །དབུ་སེམས་གཉིས་
@004A ༄༅། །ལས་དབུ་མ་པའི་རིགས་ཅན་ནི་གདུལ་བྱའི་གཙོ་བོ་ཡིན་གྱི། སེམས་ཙམ་པ་ནི་གདུལ་བྱ་ཕལ་པ་སྟེ། སྔ་མ་དབང་པོ་རྣོ་ཞིང་ཕྱི་མ་ནི་དེ་ལ་ལྟོས་ཏེ་དབང་པོ་རྟུལ་ལོ། །བདག་མེད་ཕྲ་མོ་རྟོགས་པའི་དབུ་མའི་ལྟ་བ་ལ་གནས་པའི་རིགས་ཅན་ཡིན་ན་ཐེག་ཆེན་གྱི་རིགས་ཅན་ཡིན་མི་དགོས་ཏེ་
དེ་ལ་གནས་པའི་ཉན་ཐོས་གྲུབ་མཐའ་སྨྲ་བ་མེད་ཀྱང་ཉན་རང་འཕགས་པའང་ཡོད་པའི་ཕྱིར་རོ། །དེའི་ཕྱིར་ཉན་ཐོས་དངོས་དང༌། གྲུབ་མཐའ་སྨྲ་བའི་ཉན་ཐོས་གཉིས་མིང་འདྲ་ཡང་དོན་ལ་ཁྱད་པར་ཆེའོ། །ཕར་ཕྱིན་ཐེག་པའི་ལུགས་ལ་གྲངས་མེད་གསུམ་གྱིས་སངས་རྒྱས་འཐོབ་པར་བཤད་ཀྱང༌།
ལམ་བགྲོད་ཚུལ་ལ་མྱུར་བུལ་གྱི་ཁྱད་པར་ཆེ་བ་ཡོད་དེ། ཕྱུགས་དང་གླང་པོ་ཆེའི་ཤིང་རྟ་ལྟ་བུའི་ཚུལ་གྱིས་ལམ་བགྲོད་པ་དང༌། ཟླ་བ་དང་ཉི་མ་ལྟ་བུས་བགྲོད་པ་དང༌། ཉན་རང་དང་སངས་རྒྱས་ཀྱི་རྫུ་འཕྲུལ་ལྟ་བུས་བགྲོད་པ་ཡོད་པས་འབྲས་བུ་ལའང་མྱུར་བུལ་གྱི་ཁྱད་པར་ཡོད་པའི་ཕྱིར་རོ། །
དེ་ལྟ་ནའང་དེ་ལ་ཐེག་པ་ཆེ་ཆུང་གི་ཁྱད་པར་མེད་དེ། ནང་གསེལ་གྱིས་དབང་པོ་རྣོ་རྟུལ་གྱི་ཁྱད་པར་ཙམ་ཡིན་པའི་ཕྱིར་རོ། །བཞི་པ་ནི། ཉན་རང་གི་རིགས་ཅན་དེ་དག་རྣམས་ཀྱིས་རང་ལམ་ནས་སངས་རྒྱས་དོན་དུ་མི་གཉེར་ཀྱང༌། ལམ་དེ་དག་ནི་སངས་རྒྱས་ཐོབ་བྱེད་ཀྱི་ཐབས་ཡིན་ཏེ།
མཚན་བརྗོད་ལས། ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཞེས་གསུངས་པའི་ཕྱིར་རོ། །ཉན་རང་གི་ལམ་དེ་བྱང་ཆུབ་སེམས་དཔའ་མྱུར་དུ་འཚང་རྒྱ་བའི་གེགས་སུ་གསུངས་པ་ཅི་ཡིན་ཞེ་ན། སྐྱོན་མེད་དེ། ལམ་དེ་བྱང་སེམས་མྱུར་དུ་འཚད?་རྒྱ་བའི་
གེགས་ཡིན་ཀྱང༌། ཉན་རང་འཚང་རྒྱ་བའི་ཐབས་ཡིན་པ་ལ་འགལ་བ་ཅི་ཡང་མེད་པའི་ཕྱིར་རོ། །གཉིས་པ་ལ་གཉིས། ཐེག་ཆེན་ལ་གཉིས་སུ་ཕྱེ་བ་དང༌། རྡོ་རྗེ་ཐེག་པ་ལ་འཇུག་པའི་རྣམ་དབྱེ་བྱེ་བྲག་ཏུ་བཤད་པའོ། །དང་པོ་ལ་གསུམ། ཕྱེ་བའི་གྲངས། ཕྱེ་བ་སོ་སོའི་དོན། འབྱེད་པའི་རྒྱུ་
@004B མཚན་ནོ། །དང་པོ་ནི། རྒྱུད་དོན་ལ་འཇུག་པ་ལས། བྱང་ཆུབ་སེམས་དཔའི་ཐེག་པ་ཡང་གཉིས་ཏེ། ས་དང་ཕ་རོལ་ཏུ་ཕྱིན་པའི་ཐེག་པ་དང༌། གསང་སྔགས་འབྲས་བུའི་ཐེག་པའོ། །ཞེས་གསུངས་པ་ལྟར། ཕར་ཕྱིན་ཐེག་པ་དང༌། རྒྱུའི་ཐེག་པ་དང༌། ཆགས་བྲལ་གྱི་ཐེག་པ་རྣམ་གྲངས་
ཡིན་ལ། སྔགས་ཀྱི་ཐེག་པ་དང༌། འབྲས་བུའི་ཐེག་པ་དང༌། རྡོ་རྗེ་ཐེག་པ་དང༌། ཆགས་བཅས་ཀྱི་ཐེག་པ་རྣམས་རྣམ་གྲངས་སོ། །གཉིས་པ་ལ་ནི། ཕར་ཕྱིན་ཐེག་པའི་ཕར་ཕྱིན་ཞེས་བའི་དོན་ནི་གོ་སླ་ཞིང༌། སྣོད་མིན་ལ་གསང་ཞིང་སྦས་གྲུབ་པ་ན་གསང་བ་དང༌། སྔགས་ཀྱི་སྐད་དོད་མནྟྲ་ཞེས་
པའི་མ་ནཱ་ཡིད་དང༌། ཏྲ་ཡ་སྐྱོབ་པའི་དོན་ལ་འཇུག་པའི་དོན་གྱིས་ན་སྔགས་ཞེས་བརྗོད་པ་སྟེ། གསང་སྔགས་ཀྱི་སྒྲ་དོན་ནོ། །འབྲས་བུ་གང་དུ་བགྲོད་པར་བྱེད་པའི་ཐབས་ཡིན་པས་ན། ཐེག་པ་ཞེས་བྱ་ཞིང་སྤྱིན?་ཐེག་པ་དེ་ལའང་འདིས་བགྲོད་བ་རྒྱུའི་ཐེག་པ་དང༌། འདིར་བགྲོད་པ་འབྲས་བུའི་
ཐེག་པ་གཉིས་སུ་དབྱེའོ། །རྒྱུའི་ཐེག་པ་ཆེན་པོ་ནི། གང་ལ་ཞོན་ནས་སེམས་ཅན་ཐམས་ཅད་སངས་རྒྱས་ཀྱི་སར་འགོད་པར་འདོད་པའི་བགྲོད་བྱེད་ཞིག་ལ་བྱེད་པ་ཡིན་ཏེ། སྡུད་པ་ལས། ཅི་ཕྱིར་འདི་ནི་བྱང་ཆུབ་ཐེག་ཆེན་བྱ་ཞེ་ན། །དེ་གང་ཞོན་ནས་སེམས་ཅན་ཐམས་ཅད་མྱ་ངན་ཟློ། །ཞེས་གསུངས་
པའི་ཕྱིར་རོ། །འབྲས་བུའི་ཐེག་པའི་དོན་ནི། སངས་རྒྱས་ཀྱི་གནས་སྐུ་ལོངས་སྤྱོད་མཛད་པ་བཞི་དང་མཐུན་པར་སྒོམ་པའི་རྣལ་འབྱོར་ཡིན་པས་ན་དེ་སྐད་ཅེས་བྱ་ཞིང༌། དེ་ལྟར་མ་སྒོམ་པར་རྒྱུ་ལམ་འཁྱེར་དུ་བྱེད་པས་ན་རྒྱུའི་ཐེག་པར་ཡང་འགྱུར་རོ། །རྡོ་རྗེ་ཐེག་པའི་དོན་ནི། ཕར་ཕྱིན་གྱི་ལམ་དང་སྔགས་
ཀྱི་ལམ་གཉིས་ཟུང་དུ་འཇུག་པའི་དབྱེར་མི་ཕྱེད་པའི་ཚུལ་གྱིས་ཉམས་སུ་ལེན་པའི་ལམ་ཡིན་པའོ། །གསང་སྔགས་ཐེག་པ་སྟོན་བའི་སངས་རྒྱས་ཀྱི་གསུང་ལ་རྒྱུད་ཅེས་བརྗོད་པ་ནི། འདུས་པ་ཕྱི་མ་ལས། རྒྱུད་ནི་རྒྱུན་ཞེས་བྱ་བར་གྲགས། །ཞེས་གསུངས་པ་ལྟར། རྒྱུད་ནི་རྒྱུན་ཆགས་བའི་དོན་ཡིན་
@005A ༄༅། །ལ༑ དེ་ལ་སྤྱིར་གཞིའི་རྒྱུད་དང༌། ལམ་གྱི་རྒྱུད་དང༌། འབྲས་བུའི་རྒྱུད་གསུམ་སྟེ་དེ་ནི་བརྗོད་བྱའི་རྒྱུད་ཡིན་ཞིང༌། དེ་བརྗོད་བྱར་བྱེད་པའི་རྒྱལ་པའི་གསུང་རབ་ནི་རྗོད་བྱེད་གཞུང་གི་རྒྱུད་དོ། །རྒྱུད་དེ་དག་ནི་སྡེ་སྣོད་གསུམ་པོ་ཅི་རིགས་སུ་འདུ་ཞིང༌། གཙོ་བོའི་དབང་དུ་བྱས་
ནཥ?་མདོ་སྡེའི་སྣོད་དུ་བཤད་ལ། ཁ་ཅིག་སྡེ་སྣོད་བཞི་པའོ་ཞེས་འཆད་དོ། །གསུམ་པ་ལ་གཉིས། དོགས་པའི་གནས་དགོད་པ་དང༌། དེ་ལ་ལན་གདབ་པའོ། །དང་པོ་ནི། ཐེག་པ་ཆེན་པོ་ལ་གཉིས་སུ་འབྱེད་པ་ནི། གང་གི་སྒོ་ནས་ཡིན། སེམས་བསྐྱེད་དང་ལྟ་བ་དང་སྤྱོད་པའི་སྒོ་ནས་ནི་མིན་ཏེ།
ཐེག་པ་ཆེན་པོ་གཉིས་ཀ་ལའང་དེ་ཡོད་པའི་ཕྱིར་རོ། །དབང་པོ་རྣོ་རྟུལ་ཙམ་གྱི་འང་མིན་ཏེ། སྔགས་ཀྱི་གདུལ་བྱ་ལའང་ནང་གསེས་ཀྱི་དབང་པོ་རྣོ་རྟུལ་ཡོད་པའི་ཕྱིར་རོ། །གཉིས་པ་ལ་གཉིས། ཐེག་པ་གཉིས་སུ་འབྱེད་པའི་རྒྱུ་མཚན་དངོས་དང༌། ལམ་ལ་མཆོག་དམན་ཡོད་
ཀྱང་འབྲས་བུ་ལ་དེ་མེད་པར་བསྟན་པའོ། །དང་པོ་ལ་གསུམ། དངོས་ཀྱི་དོན་དང༌། ཁུངས་བསྟན་པ། རྩོད་པ་སྤོང་བའོ། །དང་པོ་ནི། འདིར་བགྲོད་པར་བྱ་བ་འབྲས་བུ་སངས་རྒྱས་ཀྱི་ཐེག་པ་ལ་སྔགས་དང་ཕར་ཕྱིན་གཉིས་ཁྱད་པར་མེད་དེ། གཉིས་ཀའི་ཐོབ་བྱའི་སངས་རྒྱས་ནི་སྐྱོན་
ཟད་ཅིང་ཡོན་ཏན་རྫོགས་པར་མཚུངས་པའི་ཕྱིར། དེས་ན་འདིས་བགྲོད་པ་རྒྱུའི་ཐེག་པའི་ཁྱད་བར་ཡིན་ལ། དེ་ཡང་ལྟ་བ་སེམས་བསྐྱེད་སྤྱོད་པ་ཕྱིན་དྲུག་སོགས་ཀྱི་སྒོ་ནས་མཆོག་དམན་འབྱེད་པ་མིན་ཏེ། སྔགས་དང་ཕར་ཕྱིན་གཉིས་ཀ་ལ་དེ་རྣམས་དགོས་པ་མཚུངས་པའི་ཕྱིར་རོ། །འོ་ན་
གང་གིས་འབྱེད་ཅེ་ན། སྤྱིར་ཐེག་པ་ཆེ་ཆུང་གཉིས་སྟོང་ཉིད་རྟོགས་པའི་ཤེས་རབ་ཀྱིས་མི་འབྱེད་པར་ཐབས་ཀྱིས་འབྱེད་དགོས་ལ། ཁྱད་པར་དུ་ཐེག་པ་ཆེན་པོ་ལ་གཉིས་སུ་ཕྱེ་བ་ཡང་ཤེས་རབ་ཀྱིས་མིན་གྱི། ཐབས་ཀྱིས་འབྱེད་དགོས་སོ། །ཐབས་ཀྱི་གཙོ་བོ་ཡང་གཟུགས་སྐུ་སྒྲུབ་
@005B པའི་ཐབས་ཀྱི་ཆ་ནས་ཡིན་ལ། སྐུ་དེ་སྒྲུབ་བྱེད་ཀྱི་ཐབས་ནི་དེ་དང་རྣམ་པ་འདྲ་བར་སྒོམ་པའི་ལྷའི་རྣལ་འབྱོར་ཉིད་ཡོད་མེད་ཀྱི་སྒོ་ནས་ཡིན་ཏེ་འདི་ཐེག་པ་ཆེན་པོ་གཞན་ལ་མེད་ཅིང༌། སྔགས་ལ་ཡོད་པའི་ཕྱིར་རོ། །གཉིས་པ་ནི། རྡོ་རྗེ་གུར་ལས། གལ་ཏེ་སྟོང་པ་ཐབས་ཡིན་ན། ཞེས་པ་ནས། དེ་
ཕྱིར་དཀྱིལ་འཁོར་འཁོར་ལོ་ཞེས། །བདེ་བའི་ཐབས་ནི་སྡོམ་པ་སྟེ། །སངས་རྒྱས་ང?་རྒྱལ་རྣལ་འབྱོར་གྱིས། །སངས་རྒྱས་ཉིད་ཡུན་མི་རིང་འགྱུར། །སྟོན་པ་སུམ་ཅུ་རྩ་གཉིས་མཚན། །མངའ་བདག་དཔེ་བྱད་བརྒྱད་བཅུར་ལྡན། །དེ་ཕྱིར་ཐབས་དེས་བསྒྲུབ་བྱ་སྟེ། །ཐབས་ནི་སྟོན་
པའི་གཟུགས་ཅན་ནོ། །ཞེས་པ་དང༌། བདག་སྒྲུབ་པ་ལས་ཀྱང༌། དེ་ཡང་ཟབ་དང་རྒྱ་ཆེའི་ཕྱིར། །རྣམ་མི་རྟོག་དང་ཡོངས་སུ་སྨིན། །འདི་ལ་དེ་གཉིས་བསྟན་པས་ན། དེ་ཕྱིར་བླ་ན་མེད་པའི་ཐབས། །ཞེས་དང༌། དགྲ་ནག་འགྲེལ་བ་ལས་ཀྱང༌། སངས་རྒྱས་ཉིད་ནི་སྒྲུབ་པའི་རྒྱུ། །
སངས་རྒྱས་རྣལ་འབྱོར་ཀུན་ཏུ་ཡང༌། །རྒྱུ་དང་འདྲ་བའི་འབྲས་བུ་ཉིད། །ཀུན་དུ་མཐོང་བ་མ་ཡིན་ནམ། །ཞེས་གསུངས་པ་སོགས་མང་ངོ། །ལུང་འདི་དག་གིས་ནི། སྔགས་ཀྱི་ཐེག་པ་ལ་ཟབ་གསལ་གཉིས་མེད་ཀྱི་ལྷའི་རྣལ་འབྱོར་སྒོམ་པའི་ཚུལ་ཡོད་ཅིང༌། མདོ་ཕྱོགས་ཀྱི་ཐེག་པ་ལ་
དེ་མེད་པའི་ཁྱད་པར་དང༌། ཆོས་གཟུགས་ཀྱི་སྐུ་ལ་འབྲས་བུ་རང་དང་འདྲ་བའི་རྒྱུ་སྒྲུབ་དགོས་པར་བསྟན་ཅིང༌། དེ་ཡང་ཆོས་སྐུ་དང་རྣམ་པ་འདྲ་བའི་སྟོང་ཉིད་བསྒོམས་ནས་དེ་བསྒྲུབ་དགོས་པ་བཞིན་དུ། གཟུགས་སྐུ་དང་འདྲ་བའི་ལྷའི་རྣལ་འབྱོར་བསྒོམས་ནས་དེ་བསྒྲུབ་དགོས་པར་བཤད་པ་ཡིན་
ཏེ། འདི་གཉིས་བྱེད་ན་བྱེད་མཉམ་དང་འཇོག་ན་འཇོག་མཉམ་དུ་མཚུངས་པར་བསྟན་པའི་ཕྱིར་རོ། །གསུམ་པ་ནི་ཁ་ཅིག། སྔགས་ཀྱི་སྐབས་སུ་འབྲས་བུ་དང་འདྲ་བའི་ལམ་ལྷའི་རྣལ་འབྱོར་སྒོམ་པ་ཡོད་པས་ཕར་ཕྱིན་གྱི་ཐེག་པ་ལས་ཁྱད་པར་དུ་འཕགས་པར་འཇོག་མི་རིགས་ཏེ། འབྲས་
@006A ༄༅། །དང་འདྲ་བའི་རྒྱུས་འབྲས་བུ་སྒྲུབ་པ་ནི་ཤིན་དུ་ཡང་མ་ངེས་པའི་ཕྱིར་ཏེ། ངེས་ན་འཁོར་སྒྱུར་གྱི་མཚན་དང་རིགས་དྲུག་གི་རྒྱུར་ཡང༌། དེ་འདྲ་བསྒོམ་དགོས་པར་ཐལ་བར་འགྱུར་བའི་ཕྱིར་རོ། །ཞེ་ན། སྐྱོན?་མེད་དེ། གཟུགས་སྐུར་སྐྱེ་བ་ལེན་པའི་རྣམ་སྨིན་གྱི་རྒྱུར་དེ་འདྲ་
སྒོམ་དགོས་པར་ཁས་ལེན་ན་བདེན་ཡང་དེ་སྐད་མི་སྨའོ?། ཆོས་སྐུའི་སྔོན་དུ་དེའི་རིགས་མཐུན་སྟོང་ཉིད་བསྒོམ་དགོས་པ་ལྟར་སངས་རྒྱས་ཀྱི་སྐུ་དང་མཚན་དཔེ་ལྟ་བུ་འགྲུབ་པའི་སྔོན་དུའང་དེ་དང་རྗེས་སུ་མཐུན་པའི་རིགས་མཐུན་གྱི་རྒྱུ་དགོས་ཤིང༌། ཐབས་དེ་ལྟར་བསྒོམས་ན་དེ་དག་སྒྲུབ་སླ་བ་སོ(Gs)
དགོས་པ་དུ་མ་ཡོད་པས་ཁས་ལེན་པས། སྔར་གྱི་ཀླན་ཀ་དེ་མི་འཇུག་པའི་ཕྱིར་རོ། །གཉིས་པ་ལ་གཉིས། དངོས་ཀྱི་དོན་དང༌། ལམ་གྱི་ཁྱད་པར་རོ། །དང་པོ་ནི། སྔགས་དང་ཕར་ཕྱིན་གྱི་སྐབས་སུ་རྒྱུ་སྒྲུབ་ཚུལ་ལ་མཆོག་དམན་ཡོད་ཀྱང༌། ཐོབ་བྱའི་འབྲས་བུ་སངས་རྒྱས་ལ་ཁྱད་མེད་དེ།
གཉིས་ཀའི་ཐོབ་བྱའི་སངས་རྒྱས་དེ་སྒྲིབ་གཉིས་སྤངས་ཤིང༌། སྟོབས་ལ་སོགས་པའི་ཡོན་ཏན་མཐའ་དག་རྫོགས་པའི་སངས་རྒྱས་སུ་མཚུངས་པའི་ཕྱིར་རོ། །ལམ་དེ་གཉིས་ཀྱི་འབྲས་བུ་མཐར་ཐུག་ལ་མཆོག་དམན་མེད་ཅིང་ལམ་ལ་ནང་གསེས་ཀྱི་མཆོག་དམན་ཡོད་ཀྱང་སྐྱོན་མེད་དེ། དེ་གཉིས་
རང་གི་འབྲས་བུ་ལ་ཉེ་བ་དང་རིང་བའི་མྱུར་བུལ་གྱི་ཁྱད་པར་ཆེན་པོ་ཡོད་པའི་ཕྱིར་རོ། །གཉིས་པ་ལ་གཉིས། རང་གི་ལུགས་དང༌། གཞན་གྱི་ལུགས་སོ། །དང་པོ་ནི། གསང་སྔགས་དང་ཕར་ཕྱིན་ཐེག་པའི་ཁྱད་པར་དང་མཆོག་དམན་སྤྱིའི་དབང་དུ་བྱས་ན་སྔགས་ཀྱི་ཐེག?་པ་ལ་ནི་འབྲས་
བུ་སངས་རྒྱས་ཀྱི་གནས་ལུས་ལོང་སྤྱོད་མཛད་པ་བཞི་དང་འདྲ་བའི་ལམ་བསྒོམ་པ་ཡོད་ཅིང༌། ཕར་ཕྱིན་ལ་དེ་མེད་པའི་ཁྱད་པར་གྱིས་གསང་སྔགས་ཕར་ཕྱིན་ལས་ཁྱད་པར་དུ་འཕགས་པ་ཡིན་ལ། བྱེ་བྲག་རྒྱུད་སྡེ་འོག་མ་གསུམ་ཕར་ཕྱིན་གྱི་ཐེག་པ་ལས་འཕགས་པའི་མྱུར་ཁྱད་ནི། ཟབ་གསལ་
@006B གཉིས་མེད་ཀྱི་ལྷའི་རྣལ་འབྱོར་དང་བཟླས་པ་ལ་བརྟེན་ནས་དངོས་གྲུབ་མང་པོ་འགྲུབ་པ་དང༌། སངས་རྒྱས་བྱང་སེམས་ཀྱིས་དགོ(NGs) པ་ལ་སོགས་པའི་མཐུས་བྱང་ཆུབ་ཀྱི་སྤྱོད་པ་རྫོགས་པར་བྱེད་ལ། བླ་མེད་ཀྱི་མྱུར་ཁྱད་ནི་དེ་ལས་གོང་དུ་ཚེ་གཅིག་ལ་འཚང་རྒྱ་བ་སོགས་ཀྱི་ཐབས་རྫོགས་
རིམ་དུ་མ་ཟད་བསྐྱེད་རི་མ་ལའང་རྒྱུད་སྡེ་འོག་མ་གསུམ་ལ་མེད་པའི་ཁྱད་ཆོས་དུ་མ་ཡོད་དོ། །ཕར་ཕྱིན་ཐེག་པ་དང་རྒྱུད་སྡེ་འོག་མ་གསུམ་གྱི་གདུལ་བྱས་རང་གི་ལམ་ཙམ་གྱིས་སངས་རྒྱས་ཐོབ་ནུས་པ་ནི་མིན་ཏེ། དེ་དག་བར་སྐབས་སུ་འམ་མཐར་བླ་མེད་ཀྱི་ལམ་ལ་འཇུག་དགོས་
པའི་ཕྱིར་རོ། །གཉིས་པ་ནི། སྡོམ་འབྱུང་འགྲེལ་པ་དང༌། ཚུལ་གསུམ་སྒྲོན་མེའི་ལུགས་ཏེ་འདིར་མང་དུ་དོགས་པས་མི་འཆད་དོ། །གཉིས་པ་ལ་གསུམ། སྔགས་ལ་འཇུག་པའི་སྒོ་མི་འདྲ་བ་ཅི་ཙམ་ཞིག་ཡོད་པ་དང༌། འཇུག་སྒོ་མི་འདྲ་བར་འཇོག་པའི་ཁྱད་པར་
ངོས་བཟུང་བ་དང༌། དེ་དག་དང་ལྡན་པའི་ལམ་བགྲོད་པའི་ཚུལ་བསྟན་པའོ། །དང་པོ་ནི། རྡོ་རྗེ་གུར་ལས། དམན་པ་རྣམས་ལ་བྱ་བའི་རྒྱུད། །བྱ་མེད་རྣལ་འབྱོར་དེ་ལྟག་ལའོ། །རྣལ་འབྱོར་མཆོག་ནི་སེམས་ཅན་མཆོག །རྣལ་འབྱོར་བླ་མེད་དེ་ལྟག་ལའོ། །ཞེས་གསུངས་
པ་ལྟར། གདུལ་བྱ་དམན་པ་ལ་བྱ་རྒྱུད། དེའི་ལྟག་འབྲིང་ལ་སྤྱོད་རྒྱུད། མཆོག་ལ་རྣལ་འབྱོར་རྒྱུད། དེའི་ལྟག་ཆེས་མཆོག་ལ་བླ་མེད་ཀྱི་རྒྱུད་གསུངས་པས། རིམ་པ་དེ་བཞིའི་སྒོ་ནས་འཇུག་པའི་སྒོ་བཞིའོ། །གཉིས་པ་ལ་གཉིས། དྲི་བ་དང༌། ལན་ནོ། །དང་པོ་ནི།
གལ་ཏེ་གདུལ་བྱ་དམན་མཆོག་གི་སྒོ་ནས་རྒྱུད་སྔའི?་རིམ་པ་མི་འདྲ་བའི་འཇུག་སྒོ་འདི་རྒྱུ་མཚན་གང་ཡིན། འདུལ་བྱ་ལ་མཆོག་དམན་ཡོད་པ་ཙམ་གྱིས་ནི་མིན་ཏེ། སྤྱིར་ཐེག་ཆེན་གཉིས་ཀྱི་གདུལ་བྱ་ནི་སངས་རྒྱས་དོན་དུ་གཉེར་བར་བྱེད་པའི་རིགས་ཅན་དབང་རྣོན་
@007A ༄༅། །ཡིན་ལ། ནང་གསེས་ཀྱི་དབང་པོ་རྣོ་རྟུལ་ནི་སྔགས་ཀྱི་གདུལ་བྱ་ལའང་ཡོད་པའི་ཕྱིར་ཏེ། གསང་འདུས་ཀྱི་གདུལ་བྱ་ལ་དབང་པོའི་སྒོ་ནས་པད་མ་དཀར་པོ། ཨུཏྤ་ལ། པདྨ། ཙནྡན། རིན་པོ་ཆེ་ལྟ་བུའི་གདུལ་བྱ་སྟེ་རིགས་ལྔ་ཡོད་པའི་ཕྱིར་དང༌། ལྟ་བ་དང་འབྲས་བུའི་
སྒོ་ནས་མཆོག་དམན་འབྱེད་མི་རིགས་པར་གོང་དུ་བསྒྲུབས་ཟིན་པའི་ཕྱིར་རོ། །ལྷའི་རྣལ་འབྱོར་མི་འདྲ་བ་ཡོད་པ་ཙམ་གྱིས་ཀྱང་མི་འབྱེད་དེ། རྣལ་འབྱོར་གྱི་གཙོ་བོ་ཟབ་གསལ་གཉིས་མེད་ཀྱི་ལྷའི་རྣལ་འབྱོར་ནི་རྒྱུད་སྡེ་བཞི་ཀའི་ཉམས་ལེན་གྱི་གཙོ་བོ་ཡིན་པར་མཚུངས་ལ། ནང་གསེས་མི་
འདྲ་བ་ནི་བླ་མེད་གཅིག་པོ་ལའང་དུ་མ་ཡོད་པའི་ཕྱིར་རོ། །འོ་ན་གང་གིས་འབྱེད་ཅེ་ན། གཉིས་པ་ལ་གཉིས། གཞན་གྱི་ལན་དང༌། རང་གི་ལན་ནོ། །དང་པོ་ནི། ཁ་ཅིག །མུ་སྟེགས་ཀྱི་རིགས་ཅན་དབང་ཕྱུག་དང་ཁྱབ་འཇུག་དང་ཚངས་པ་གསུམ་གྱི་རྗེས་འབྲང་དང༌། དེ་གསུམ་
གང་རུང་དུ་མཐའ་གཅིག་མ་ངེས་པ་བཞི་ཡོད་པས། བཞི་པོ་ལ་རིམ་པ་བཞིན་དུ་བླ་མེད། སྤྱོད་རྒྱུད། བྱ་རྒྱུད། རྣལ་འབྱོར་གྱི་རྒྱུད་རྣམས་བསྟན་པ་ཡིན་ནོ་ཟེར། དེ་ནི་ཤིན་དུ་མི་འཐད་དེ། མུ་སྟེགས་པ་རྒྱུད་ཀྱི་ཆེད་དུ་བྱ་བའི་གདུལ་བྱང་མི་རུང་བའི་ཕྱིར་དང༌། རྒྱུད་སྡེ་བཞི་པོ་དེ་དག་གིས་རི(Gs)
ཅན་དེ་བཞི་འདུལ་སྲིད་པ་ཙམ་ནི་བཞི་ཀ་ལའང་ཡོད་པའི་ཕྱིར་རོ། །ཁ་ཅིག་གྲུབ་མཐའ་སྨྲ་བ་བཞི་དང་མཐུན་པར་རྒྱུད་སྡེ་བཞིར་འཇོག་གོ་ཟེར་བ་ཡང་མི་འཐད་དེ། དེ་དང་སྒོ་བསྟུན་ནས་འཇོག་པ་ལ་ཤེས་བྱེད་ཡང་དག་ཅི་ཡང་མེད་པའི་ཕྱིར་རོ། །ཁ་ཅིག་རྒྱལ་རིགས་ལ་བྱ་རྒྱུད་དང་རྣལ་འབྱོར་
རྒྱུད༑ རྗེ་རིགས་ཆགས་སྡང་ཆུང་ངུ་གཏི་མུག་ཆེ་བ་ལ་སྤྱོད་རྒྱུད། དེ་ལས་ལྡོག་པ་ལ་བླ་མེད་བསྟན་པ་ཡིན་ནོ་ཟེར་བ་ཡང་མི་འཐད་དེ། མི་རིགས་བཞི་རྒྱུད་སྡེ་བཞིའི་གདུལ་བྱ་ལ་དགོས་པར་འདོད་ན་ད་ན?་ངེས་ཤིང༌། གཙོ་ཆེ་ཆུང་ཡང་མི་སྣང་བའི་ཕྱིར་ཏེ། རྒྱུད་སྡེ་བཞི་ཀའི་གདུལ་
@007B བྱར་རིགས་བཞི་ཀ་འོང་མི་འོང་ལ་ཁྱད་པར་བཞག་དཀའ་བའི་ཕྱིར་དང༌། ཞེ་སྡང་ཆེ་བ་སོགས་དགོས་ན་ནི། ཤིན་དུ་ཡང་མི་རིགས་པའི་ཕྱིར་རོ། །གཉིས་པ་ནི། འདིར་རྒྱུད་སྡེའི་སྒོ་ནས་འཇུག་སྒོ་མི་འདྲ་བ་བཞིར་བཞག་པ་ནི། སྔར་བཤད་པ་དེ་དག་དང་ལྷའི་རྣལ་འབྱོར་ཙམ་གྱིས་ཀྱང་མིན་གྱི་
ཆེད་དུ་བྱ་བའི་གཙོ་བོ་ལ་རིགས་བཞི་ཡོད་པས་འཇུག་སྒོ་བཞིར་བཞག་སྟེ། འདོད་ཡོན་ལ་ཆགས་པ་ལམ་དུ་བྱེད་ཚུལ་མི་འདྲ་བ་བཞི་དང༌། ཟབ་གསལ་གཉིས་མེད་ཀྱི་རྣལ་འབྱོར་གོང་ནས་གོང་དུ་བསྐྱེད་པའི་ནུས་པ་མཆོག་དམན་བཞི་ཡོད་པའི་དབང་གིས་དེ་ལྟར་དུ་འཇོག་པའི་ཕྱིར་རོ།།
དེ་ཡང་ཁ་སྦྱོར་ལས། རྒོད་དང་ལྷ?་དང་ལག་བཅངས་དང༌། །གཉིས་གཉིས་འཁྱུད?་དང་རྣམ་པ་བཞི། །སྲིན་བུའི་ཚུལ་གྱིས་རྒྱུད་བཞིར་གནས། །ཞེས་པའི་རྐང་པ་ཐ་མས། དཔེར་ན་ཤིང་ལས་སྐྱེས་པའི་སྲིན་བུས་ཤིང་ཐོས་ནས་ཟད་པར་བྱེད་པ་ལྟར། རྒོད་པའི་རྒྱུད་དང༌། ལྟ་བའི་རྒྱུད།
ལག་བཅངས་སམ་འཁྱུད་བ། གཉིས་སྤྲོད་ཀྱི་རྒྱུད་བཞིའི་གདུལ་བྱ་དེ་འདྲ་བ་བཞིས། འདོད་ཡོན་ནམ་འདོད་ཆགས་ལ་བརྟེན་ནས་སྐྱེས་པའི་ཡེ་ཤེས་ཀྱིས་སྟོང་ཉིད་རྟོགས་པའི་སྒོ་ནས་འདོད་ཆགས་སོགས་ཟད་པར་བྱེད་ཅེས་བསྟན་ཏོ། །རྒོད་པའི་རྒྱུད་སོགས་བཞི་ནི་བྱ་རྒྱུད་སོགས་བཞི་ལ་རིམ་པར་སྦྱོར་སྟེ་
བྱ་རྒྱུད་ཀྱི་སྐབས་སུ་ལྷ་དང་ལྷ་མོའི་ཕན་ཚུན་རྗེས་སུ་ཆགས་པའི་འཛུམ་པའམ་རྒོད་པ་དང༌། སྤྱོད་རྒྱུད་ལ་ལྟ་བ། རྣལ་འབྱོར་རྒྱུད་ལ་ལག་བཅངས། བླ་མེད་ལ་དབང་པོ་གཉིས་སྦྱོར་གྱི་སྒོ་ནས་ཆགས་པ་ལམ་དུ་བྱེད་པར་གསུངས་ལ། དེ་ཡང་སྒྲུབ་པ་པོས་བསྒོམ་པའི་དབང་དུ་མཛད་པ་ཡིན་གྱི། ཡེ་ཤེས་པའི་
ལྷ་རྣམས་ལ་ནི་ཆགས་པས་ལྟ་བ་སོགས་ག་ལ་སྲིད་དེ། དེ་དག་ནི་ཆགས་སོགས་ཀྱི་ཉོན་མོངས་ཐམས་ཅད་དང་བྲལ་བའི་ཕྱིར་རོ། །འོ་ན། སྒྲུབ་ཐབས་སོགས་ནས་བཤད་པ་ལྟར་ལྷ་སྡུ?་ལ་གཉིས་སྦྱོར་གྱིས་ཚུལ་དུ་ཞུགས་པ་མང་དུ་སྣང་བ་འདི་ཅི་ཡིན་ཞེ་ན། སྐྱོན་མེད་དེ། དེ་ནི་བླ་མེད་ཀྱི་ཆེད་དུ་བྱ་བའི་
@008A ༄༅། །གདུལ་བྱས་ཐབས་དེ་ལྟ་བུའི་སྒོ་ནས་བདེ་ཆེན་གྱི་ལམ་བསྐྱེད་ན་མྱུར་དུ་འཚང་རྒྱའོ་ཞེས་གོ་བར་བྱེད་པའི་ཆེད་ཡིན་གྱི། ཡེ་ཤེས་པའི་ལྷ་ལ་ཆགས་པ་ཡོད་པའི་དབང་གིས་མིན་པའི་ཕྱིར་དང༌། གཉིས་སྦྱོར་གྱི་བཞུགས་པ་ཡང་དུས་འགའ་ཞིག་གི་ཚེ་ཡིན་གྱི། བྲིས་པ་ལྟར་དུས་ཐམས་
ཅད་དུ་མིན་པའི་ཕྱིར་རོ། །གལ་ཏེ་དེ་ལྟ་ནའང་ཐབས་གཞན་བསྟན་པས་ཆོག་གི །ཐབས་འདི་ལྟ་བུ་བསྟན་པས་ཅི་བྱ་ཞེ་ན། སྐྱོན་མེད་དེ། དཔེར་ན་འཇིག་རྟེན་ནའང་བུ་བསྐྱེད་པར་འདོད་ན་ནི་ཕོ་མོ་གཉིས་སྦྱོར་གྱི་ཐབས་དེ་དགོས་ཀྱི། ཐབས་གཞན་གྱིས་དེ་མི་ནུས་པ་ལྟར་འདིར་ཡང་ཕྱོགས་འདྲ་
བའི་ཕྱིར་རོ། །རྒྱུད་སྡེ་འོག་མ་གསུམ་གྱི་སྐབས་སུ་ཐབས་ཤེས་ཕན་ཚུན་ལྟ་བ་བྱེད་པ་སོགས་སུ་བསྒོམ་པ་ཡིན་གྱི། དབང་པོ་གཉིས་སྦྱོར་དངོས་སུ་ལྟ་ཞོག་སྒོམ་བ་ཙམ་ཡང་མི་རུང་ཞིང༌། བླ་མེད་ལ་དངོས་དང་སྒོམ་པའི་ཚུལ་གཉིས་ཀ་ཡོད་དོ། །རྒྱུད་སྡེ་བཞིའི་མཚན་དོན་རྒྱུད་སྡེ་བཞི་ཀ་ལ་གྲགས་
པའི་དབང་དུ་བྱས་ན། ཕྱིའི་བྱ་བ་དང་ནང་ལྷའི་རྣལ་འབྱོར་གཉིས་ཀྱི་ནང་ནས་ཕྱིའི་བྱ་བ་ལ་གཙོ་བོར་མོས་ཤིང༌། བསྒོམས་པའི་ལྷ་མོ་དང་ཕན་ཚུན་བལྟས་བ་ཙམ་ལས་བྱུང་བའི་བདེ་བ་ལམ་དུ་བྱེད་པ་ལ་མོས་པའི་རིགས་ཅན་གྱི་གདུལ་བྱ་ནི་བྱ་རྒྱུད་ཀྱི་ཆེད་དུ་བྱ་བའི་གདུལ་བྱ་ཡིན་ལ། དེའི་ཆེད་དུ་གཙོ་བོར་གསུ(NGs)
པའི་རྒྱུད་དངོས་སམ། དེའི་སྡེར?་གཏོགས་གང་རུང་གི་རྒྱུད་བྱ་རྒྱུད་ཀྱི་མཚན་ཉིད་དམ་ངོ་བོ། ཕྱིའི་བྱ་བ་དང་ནང་ལྷའི་རྣལ་འབྱོར་ཆ་མཉམ་དུ་སྤྱོད་པ་ལ་གཙོ་བོར་མོས་ཤིང༌། བསྒོམས་པའི་ལྷ་མོ་དང་ཕན་ཚུན་བལྟས་པར་མ་ཟད་རྒོད་པ་ཙམ་ལས་བྱུང་བའི་བདེ་བ་ལམ་དུ་བྱེད་པ་ལ་མོས་པའི་རིགས་ཅན་གྱི་གདུལ་
བྱ་ནི་སྤྱོད་རྒྱུད་ཀྱི་ཆེད་དུ་བྱ་བའི་གདུལ་བྱ་ཡིན་ལ། དེའི་ཆེད་དུ་གཙོ་བོར་གསུངས་པའི་རྒྱུད་དངོས་སམ་དེའི་སྡེར་གཏོགས་གང་རུང་གི་རྒྱུད་དེ། སྤྱོད་རྒྱུད་ཀྱི་མཚན་ཉིད་དམ་ངོ་བོ། བྱ་བ་དང་རྣལ་འབྱོར་གཉིས་ལས་ནང་ལྷའི་རྣལ་འབྱོར་ལ་གཙོ་བོར་མོས་ཤིང༌། བསྒོམས་པའི་ལྷ་མོ་དང་ཕན་ཚུན་ལྟ་རྒོད་
@008B དུ་མ་ཟད། འཁྱུད་པའམ་ལག་བཅངས་ལ་བརྟེན་ནས་བདེ་བ་ལམ་དུ་བྱེད་པ་ལ་མོས་པའི་རིགས་ཅན་གྱི་གདུལ་བྱ་དེ། རྣལ་འབྱོར་རྒྱུད་ཀྱི་ཆེད་དུ་བྱ་བའི་གདུལ་བྱ་ཡིན་ལ། དེའི་ཆེད་དུ་གཙོ་བོར་གསུངས་པའི་རྒྱུད་དངོས་སམ་དེའི་སྡེར་གཏོགས་ཀྱི་རྒྱུད་དེ། རྣལ་འབྱོར་རྒྱུད་ཀྱི་མཚན་ཉིད་དམ་ངོ་བོའོ།།
བྱ་བ་དང་རྣལ་འབྱོར་གཉིས་ཀྱི་ནང་ནས་དེ་ལས་གོང་ན་མེད་པའི་ལྷའི་རྣལ་འབྱོར་བསྒོམས་པ་ལ་གཙོ་བོར་མོས་ཤིང༌། དབང་པོ་གཉིས་སྦྱོར་གྱི་འདོད་ཡོན་ལ་ཆགས་པ་ལམ་དུ་བྱེད་པར་གཙོ་བོར་མོས་པའི་རིགས་ཅན་གྱི་གདུལ་བྱ་དེ། རྣལ་འབྱོར་བླ་མེད་ཀྱི་ཆེད་དུ་བྱ་བའི་གདུལ་བྱ་ཡིན་ལ། དེའི་ཆེད་དུ་
གཙོ་བོར་གསུངས་པའི་རྒྱུད་དངོས་སམ་དེའི་སྡེར་གཏོགས་གང་རུང་གི་རྒྱུད་དེ། བླ་མེད་ཀྱི་རྒྱུད་ཀྱི་མཚན་ཉིད་དམ་ངོ་བོ་ཡིན་ནོ། །རྒྱུད་སྡེ་བཞིའི་སྒྲ་དོན་ཀྱང༌། སྔ་མ་དེ་དག་གི་ཟུར་དང་པོ་བཞིས་ཤེས་པར་བྱའོ། །དེ་ཡང་རྒྱུད་སྡེ་བཞིའི་ཆེད་དུ་བྱ་བའི་གདུལ་བྱའི་མོས་ཚུལ་དེ་ལྟར་ཡིན་པས་དེའི་དབང་དུ་བྱས་
ཀྱི། སྤྱིར་རང་གི་དབང་པོ་དང་མི་འཚམ་སའི་ལམ་ལ་མོས་པའང་ཡོད་པས། བྱ་བ་ཤེས་ཆེ་ཆུང་སོགས་ལ་བལྟོས་མི་བལྟོས་དང་རིགས་གནས་ཀྱི་ཁྱད་པར་སྦྱར་ཏེ་ཞིབ་ཆ་འཐོན་པར་བྱའོ། །རྒྱུད་སྡེ་བཞིའི་གྲངས་ཚད་ནི། ཡེ་ཤེས་རྡོ་རྗེ་ཀུན་ལས་བཏུས་པ་ལས། རྟོགས་པའི་རྒྱུད་སྟོང་ཕྲག
བཞིའོ། །བྱ་བའི་རྒྱུད་སྟོང་ཕྲག་བཞིའོ། །སྤྱོད་པའི་རྒྱུད་སྟོང་ཕྲག་བརྒྱད་དོ། །གཉིས་ཀའི་རྒྱུད་སྟོང་ཕྲག་དྲུག་གོ །རྣལ་འབྱོར་རྒྱུད་ལ་མིང་སྟོང་ཕྲག་བཅུ་གཉིས་སོ། །དེ་ལྟར་ན་རྒྱུད་སྡེ་སྟོང་ཕྲག་སུམ་ཅུ་རྩ་བཞིའོ། །རྒྱས་པར་ན་ཚད་མེད་དོ།། ཞེས་གསུངས་ཤིང༌། བླ་མེད་ཀྱི་
དབང་དུ་བྱས་ནས་སྡོམ་འབྱུང་ལས། རྣལ་འབྱོར་རྒྱུད་རྣམས་ཀྱི་ནི་ཚད། །བྱེ་བ་ཕྲག་ནི་དྲུག་ཏུ་ངེས། །དེ་བཞིན་རྣལ་འབྱོར་མ་རྒྱུད་གྲངས། །བྱེ་བ་ཕྲག་ནི་བཅུ་དྲུག་གྲགས། །ཞེས་པ་སྟེ། དེ་ཡང་ཤོ་ལོ་ཀའི་གྲངས་མིན་གྱི། རྒྱུད་ཀྱི་མཚན་གྱི་གྲངས་སོ། །གསུམ་པ་ལ་གཉིས། ཐེག་ཆེན་
@009A ༄༅། །ཐུན་མོང་པ་དང༌། ཐུན་མོང་མ་ཡིན་པའི་ལམ་ལ་འཇུག་ཚུལ་ལོ། །དང་པོ་ནི། ངེས་འབྱུང་བྱམས་སྙིང་རྗེ་བྱང་ཆུབ་ཀྱི་སེམས་སྤྱོད་པ་ཕྱིན་དྲུག་དང་བསྡུ་བཞི་ལ་བསླབ་དགོས་ཏེ། ལམ་རིམ་སོགས་ནས་ཤེས་པར་བྱའོ། །གཉིས་པ་ལ་འདིའི་
ཐོག་མའི་འཇུག་སྒོ་ཁྱད་པར་ཅན་དང་འཇུག་པའི་ཚུལ་ཇི་ལྟར་ཡིན་ཞེ་ན། སྔགས་ལ་འཇུག་པ་ལ་ཡང་བྱང་ཆུབ་ཀྱི་སེམས་བསྐྱེ་དགོས་ཏེ། ལག་ན་རྡོ་རྗེ་དབང་བསྐུར་བའི་རྒྱུད་ལས། འཇམ་དཔལ་གང་དག་བྱང་ཆུབ་སེམས་སྒོམ་པ་ལ་ཞུགས་པ་དང༌། གང་གི་ཚེ་བྱང་ཆུབ་ཀྱི་སེམས་
གྲུབ་པར་གྱུར་པ་དེའི་ཚེ། འཇམ་དཔལ་བྱང་ཆུབ་སེམས་དཔའི་སྤྱད་པ་གསང་སྔགས་ཀྱི་སྒོ་སྤྱོད་པའི་བྱང་ཆུབ་སེམས་དཔའ་དེ་དག་ཡེ་ཤེས་ཆེན་པོར་དབང་བསྐུར་པའི་གཟུངས་སྔགས་ཀྱི་དཀྱིལ་འཁོར་དུ་གཞུག་པར་བྱའི། གང་དག་གིས་བྱང་ཆུབ་ཀྱི་སེམས་རྫོགས་
པར་མ་གྱུར་བ་དེ་དག་ནི་གཞུག་པར་མི་བྱ་སྟེ། དེ་དག་ནི་དཀྱིལ་འཁོར་ཡང་ལྟར་མི་གཞུག་གོ །ཞེས་གསུངས་པ་ལྟར་རོ། །དེ་ནས་མཚན་ཉིད་དང་ལྡན་པའི་རྡོ་རྗེ་སློབ་དཔོན་བསྟེན་ནས་རྒྱུད་སྣོད་རུང་དུ་བྱ་བའི་ཕྱིར་དབང་བསྐུར་བ་ནོད་པར་བྱ་སྟེ། དབང་རྣམ་པར་
དག་པ་ནི་སྔགས་ཀྱི་རིགས་ཅན་སྣོད་རུང་དུ་བྱ་བའི་འཇུག་སྒོ་ཡིན་པའི་ཕྱིར་རོ། །དབང་ཐོབ་ནས་ཀྱང༌། དམ་ཚིག་དང་སྡོམ་པ་ཚུལ་བཞིན་སྲུང་དགོས་ཏེ། བླ་མ་ལྔ་བཅུ་པ་ལས། དཀོན་མཆོག་གསུམ་ལ་སྐྱབས་སོང་ལ། །བླ་མའི་རྗེས་སུ་འཇུག་པ་འདི། །
ཁ་ཏོན་བྱ་བར་སྦྱིན་པར་བྱ། །དེ་ནས་སྔགས་སོགས་བྱིན་པ་ཡིས། །དམ་ཆོས་སྣོད་དུ་བྱས་ནས་སུ། །རྩ་བའི་ལྟུང་བ་བཅུ་བཞི་ནི། །ཀླག་དང་འཛིན་པ་ཉིད་དུ་བྱ། །ཞེས་གསུངས་པའི་ཕྱིར་རོ། །འོ་ན་ད་ལྟ་དབང་མ་ཐོབ་པར་སྔགས་ལ་ཞུགས་པ་མང་དུ་འདུག་པ་འདི་ཅི་
@009B ཡིན་ཞེ་ན། ད་ལྟའི་གང་ཟག་གི་སྤྱོད་ཚུལ་མ་ངེས་ཀྱང་རྒྱུད་ཀྱི་དགོངས་པ་ནི། སྔགས་ལ་ཉམས་ལེན་བྱེད་ན་དབང་ཐོབ་དགོས་ཏེ། མ་ཐོབ་ན་སྔགས་ལ་ཞུགས་ཀྱང་ཕན་ཡོན་ཆེན་པོ་མེད་པར་ཉེས་དམིགས་ཆེ་བའི་གནས་སུ་འགྱུར་བའི་ཕྱིར་ཏེ། ཕྱག་ཆེན་ཐིག་ལེ་ལས། དབང་མེད་པ་ལ་དངོས་གྲུབ་མེད་
བྱེ་མ་བཙིར་ལ་མར་མེད་ལྟར། །གང་གིས་རྒྱུད་ལུང་ང་རྒྱལ་གྱིས། །དབང་བསྐུར་མེད་པར་འཆད་བྱེད་ན། །སློབ་དཔོན་སློབ་མ་ཤི་མ་ཐག །དངོས་གྲུབ་ཐོབ་ཀྱང་དམྱལ་བར་འགྲོ། །ཞེས་གསུངས་པའི་ཕྱིར་རོ། །གཉིས་པ་རྡོ་རྗེ་ཐེག་པའི་ལམ་གྱི་རིམ་པ་ལ་གསུམ། བྱ་སྤྱོད་གཉིས་
དང༌། རྣལ་འབྱོར་དང༌། བླ་མེད་ཀྱི་ལམ་གྱི་རིམ་པའོ། །དང་པོ་ལ་གཉིས། བྱ་སྤྱོད་ལ་བདག་བསྐྱེད་དང་ཡེ་ཤེས་པ་གཞུག་པ་ཡོད་མེད་དང༌། བྱ་སྤྱོད་ཀྱི་ལམ་གྱི་རྣམ་གཞག་སོ་སོར་བཤད་པའོ། །དང་པོ་ནི། སྔོན་གྱི་སློབ་དཔོན་ཁ་ཅིག་བྱ་རྒྱུད་ལ་བདག་བསྐྱེད་མེད་ཅིང་སྤྱོད་རྒྱུད་ལ་དེ་
ཡོད་ཀྱང་ཡེ་ཤེས་པ་འཇུག་པ་མེད་ཟེར་བ་སོགས་ནི་སྔགས་རིམ་དུ་བཀག་ཟིན་པས་འདིར་མི་བརྗོད་དོ། །གཉིས་པ་ལ་གཉིས། བྱ་རྒྱུད་ཀྱི་ལམ་གྱི་རྣམ་གཞག་དང༌། སྤྱོད་རྒྱུད་ཀྱི་ལམ་གྱི་རྣམ་གཞག་གོ །དང་པོ་ལ་གཉིས། དབྱེ་བ་དང༌། ལམ་གྱི་རིམ་པའོ། །དང་པོ་ལ་གཉིས། རིགས་
སོ་སོའི་རྒྱུད་ཀྱི་དབྱེ་བ་དང༌། བྱ་བ་སྤྱིའི་རྒྱུད་ཀྱི་དབྱེ་བའོ། །འདི་གཉིས་ལས། སྔ་མས་ནི་རིགས་རེ་རེ་བའི་སྒྲུབ་ཐབས་དང་ཆོ་ག་སྟོན་ལ། ཕྱི་མས་རིགས་ཐམས་ཅད་ཀྱི་སྒྲུབ་ཐབས་དང་ཆོ་ག་སྟོན་ནོ། །སྤྱིར་བླ་མེད་ལ་རིགས་དྲུག་དང༌། རྣལ་འབྱོར་རྒྱུད་ལ་རིགས་ལྔར་འབྱེད་དོ། བྱ་སྤྱོད་
གཉིས་ཀྱི་སྐབས་སུ་དེ་བཞིན་གཤེགས་པའི་རིགས། པད་མའི་རིགས། རྡོ་རྗེའི་རིགས་ཏེ། རིགས་གསུམ་དུ་འབྱེད་དོ། །འོན་ཀྱང་དེ་གཉིས་ལ་དེ་བཞིན་གཤེགས་པ་རིགས་ལྔ་ཡང་ཡོད་དེ་དོན་མི་འདྲའོ། །བླ་མེད་ཀྱི་སྐབས་སུ་རིགས་དྲུག་པ་མཆོག་དང༌། རྣལ་འབྱོར་རྒྱུད་དང་བྱ་རྒྱུད་
@010A [MISSING]
@010B [MISSING]
@011A ༄༅། །བྱ་སྤྱོད་གཉིས་ཀྱི་སྐབས་སུ་རྡོ་རྗེ་སློབ་དཔོན་གྱི་དབང་ཕྱོགས་མཐུན་ཙམ་ལས། དེ་རྫོགས་པར་མེད་པའི་ཕྱིར་རོ། །བྱ་རྒྱུད་ལ་རིགས་གསུམ་ཡོད་པའི་དེ་བཞིན་གཤེགས་པའི་རིགས་ཀྱི་དབང་ཐོབ་ན། རིགས་གཞན་གསུམ་ཀའི་དབང་མ་ཐོབ་ཀྱང༌། རིགས་གསུམ་
ཀའི་ལྷ་སྒོམ་པ་དང་སྔགས་བཟླ་བ་སོགས་ལ་དབང་ཞིང༌། པདྨའི་རིགས་ཀྱི་དབང་ཙམ་ཐོབ་ན་རིགས་གཉིས་ཀྱི་སྒོམ་བཟླས་བྱེད་པ་ལ་དབང་གི །དེ་བཞིན་གཤེགས་པའི་རིགས་ལ་མི་དབང་ལ། རྡོ་རྗེའི་རིགས་ཀྱི་དབང་ཙམ་ཐོབ་ན་ནི། གཞན་གཉིས་ཀ་ལ་མི་དབང་ངོ། །བྱ་སྤྱོད་
ཀྱི་སྡོམ་པའི་ཆོག་ནི། དཀོན་མཆོག་གསུམ་ལ་བདག་སྐྱབས་མཆི། །ཞེས་པ་ནས། འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག་གི་བར་ལན་གསུམ་བརྗོད་དེ་འཛིན་ནོ། །འདིར་བཟུང་བའི་སྡོམ་པ་ནི་བྱང་སེམས་ཀྱི་སྡོམ་པ་ཡིན་པས། གསང་སྔགས་ཀྱི་སྡོམ་པའི་ཐུན་
མོང་མ་ཡིན་པའི་བསྲུང་རྒྱུ་མེད་ཀྱང༌། རང་གི་དམ་ཚིག་བསྲུང་རྒྱུ་མང་ངོ། །གཉིས་པ་ནི། ལེགས་གྲུབ་ལས། དེ་ནས་གཞན་ཡང་གང་ཞིག་ལ། །གནས་ན་ཟློག་པ་པོ་རྣམས་ཀྱིས། །དངོས་གྲུབ་མྱུར་དུ་འཐོབ་འགྱུར་བའི། །གསང་སྔགས་ཟློས་པའི་འདུལ་བར་བཤད། །ཅེས་
སོགས་ཀྱི་དམ་ཚིག་སྲུང་ཚུལ་མང་དུ་བཤད་ཅིང༌། དག་པར་བྱེད་ཚུལ་ཡང༌། དེ་ཉིད་ལས། ཉིན་པར་བག་མེད་བྱས་པ་དག །མཚན་མོ་སོ་སོར་བཤགས་པར་བྱ། །ནུབ་མོ་བྱས་པའང་ནང་པར་བཤགས། །ལེགས་པར་བྱས་ལ་མངོན་དགའ་བྱ། །བཟླས་བརྗོད་སྦྱིན་
སྲེག་གཙང་སྦྲ་རུ། །རིག་སྔགས་མཆོག་དང་རང་སྡོམ་དང༌། །རིག་སྔགས་འདུལ་བདག་ལ་ཡང༌། །སྒྲུབ་པ་པོས་ནི་ནན་ཏན་བྱ། ཞེས་དང༌། ཇི་སྐད་བཤད་པའི་དམ་ཚིག་རྣམས། །གལ་ཏེ་ཉམས་པར་གང་གྱུར་པ། །དེ་ནི་རང་གི་སྙིང་པོ་སྔགས། །གཅིག་འབུམ་དུ་
@011B ནི་བཟླས་པར་བྱ། ཡང་ན་སེམས་རྨོངས་མེད་པའི་གཟུངས། །སྟོང་དུ་བཟླས་བརྗོད་བྱས་ཀྱང་རུང༌། །ཡང་ན་ཞི་བའི་སྦྱིན་སྲེག་བྱ། །ཡང་ན་དཀྱིལ་འཁོར་དུ་ཡང་གཞུག །ཞེས་གསུངས་པ་ལྟར་རོ། །གསུམ་པ་ལ་གཉིས། སྔོན་དུ་བསྙེན་པ་དགོས་པའི་རྒྱུ་མཚན་དང༌། བསྙེན་པ་
བྱ་བའི་རིམ་པའོ། །དང་པོ་ནི། རྣམ་སྣང་མངོན་བྱང་ལས། རིག་སྔགས་འཆང་འགྱུར་དངོས་གྲུབ་དང༌། །ཚེ་རིང་གཞོན་ནུ་འགྱུར་བ་གང༌། །གལ་ཏེ་ཐོབ་པར་འདོད་ན་ནི། །ཇི་སྲིད་འདི་ནི་མ་བསྙེན་པར། །དེ་སྲིད་འཐོབ་པར་མི་འགྱུར་རོ། །ཞེས་གསུངས་ཏེ། བྱ་
སྤྱོད་གཉིས་ལའང་འདྲའོ། །གཉིས་པ་ནི། སྔགས་འགྲུབ་པ་ལ་བསམ་གཏན་དགོས་ཤིང་མེད་ན་མི་འགྲུབ་པར་གསུངས་པས་འདི་ལ་གཉིས། བཟླས་བརྗོད་ལ་བལྟོས་པ་དང༌། མི་བལྟོས་པའི་བསམ་གཏན་ནོ། །དང་པོ་ལ་གསུམ། བཟླས་བརྗོད་ཡན་ལག་བཞིའི་སྔོན་དང༌།
དངོས་གཞི་དང༌། མཇུག་ཏུ་ཇི་ལྟར་བྱ་བའོ། །དང་པོ་ནི། ནངས་པར་ལངས་ནས་རིགས་གསུམ་པོ་གང་རུང་དེའི་དམ་ཚིག་གི་ཕྱག་རྒྱ་བཅིངས་ནས་སྔགས་བརྗོད་པར་བྱ་སྟེ། ཐལ་མ་བཀན་པ་ལས་མཛུབ་མོ་གཉིས་ཅུང་ཟད་བཀུག་སྟེ་མགོ་ལ་བཞག་ནས། ཨོཾ་ཏ་ཐཱ་ག་ཏ་
ཨུཏྦྷ་ཝ་ཡེ་སྭཱ་ཧཱ། ཞེས་པ་དེ་བཞིན་གཤེགས་པའི་རིགས་དང༌། ཐལ་མོ་སྦྱར་བ་པད་མ་ཁ་བྱེ་བའི་ཚུལ་དུ་བྱས་ཏེ་སྙིང་ཀར་བཞག་ནས། ཨོཾ་པདྨ་ཨུདྦྷ་ཝ་ཡེ་སྭཱ་ཧཱ། ཞེས་པ་པདྨའི་རིགས་དང༌། ཐལ་མོ་བཟློག་སྟེ་སྦྱང་ལ་མཐེ་བོང་གཉིས་དང་མཐེའུ་ཆུང་སྦྱར་ཏེ་ལྟེ་བའི་ཐད་
ཀར་བཞག་ནས། ཨོཾ་བཛྲ་ཨུཏྦྷ་ཝ་ཡེ་སྭཱ་ཧཱ། ཞེས་བརྗོད་པ་ནི་རྡོ་རྗེའི་རིགས་ཀྱི་ཕྱག་རྒྱ་དང་སྔགས་སོ། །དེ་ནས་ཨོཾ་སརྦ་ཏ་ཐཱ་ག་ཏ་ནས་བྷནྡྷ་ནཱ་ཀ་རོ་མི། ཞེས་པས་ཕྱག་བྱ་ཞིང༌། ཕྱོགས་བཅུ་ན་བཞུགས་པའི་སངས་རྒྱས་དང་ཞེས་སོགས་ཀྱིས་ལུས་ཕུལ་ཏེ།
@012A ༄༅། །སངས་རྒྱས་ཆོས་དང་ཚོགས་མཆོག་ལ། ནས། དེང་ནས་བྱང་ཆུབ་སེམས་བསྐྱེད་དོ། །ཞེས་པས་སྐྱབས་སུ་འགྲོ་བ་དང་སེམས་བསྐྱེད། དེ་ནས་ཁྲོ་བོ་མནོལ་བ་མེད་པའི་སྔགས་དང་ཕྱག་རྒྱས་བ་སྲུང་བ་དང༌། སྔགས་དང་ཕྱག་རྒྱ་གཞན་གྱིས་ཁྲུས་བྱས་ཏེ་སྒྲུབ་ཁང་དུ་
འཇུག་པ་དང༌། བདག་དང་གནས་ལ་བསྲུང་བ་བྱ་བའི་རིམ་པ་རྒྱས་པ་ནི་སྔགས་རིམ་ནས་འབྱུང་བ་ལྟར་ཡིན་ལ། བསྡུས་པ་ལ་ནི་ངེས་པ་མེད་དེ། །ད་ལྟ་དེ་ལྟར་བྱེད་པའི་ཕྱག་ལེན་མ་དར་རོ། །གཉིས་པ་ལ་གཉིས། བཟླས་བརྗོད་ཀྱི་ཡན་ལག་གི་བསམ་གཏན་དང༌། བཟླས་བརྗོད་ཇི་ལྟར་བྱ་བའོ།
དང་པོ་ལ་གཉིས། རང་ལྷར་བསྐྱེད་པ་དང༌། མདུན་དུ་ལྷ་དམི(Gs)
ནས་མཆོད་པ་སོགས་སོ། །དང་པོ་ནི་ཚོགས་ཞིང་སྤྱན་དྲངས་ནས་མཆོད་དེ། ལྷ་དྲུག་བསྐྱེད་བྱ་ཚུལ་ནི། དེ་ལྟར་བདག་གི་དེ་ཁོ་ན་ཉིད་དོན་དམ་པར་སྤྲོས་པ་ཐམས་ཅད་དང་བྲལ་བ་ཞེས་སོགས་ཀྱིས་བདག་དང་ལྷ་གཉིས་
རང་བཞིན་མེད་པར་བསྒོམ་པར་བྱ་སྟེ། དང་པོ་དོན་དམ་པའི་ལྷའོ། །དེ་ནི་རྒྱུད་གཞན་ནས་སྭ་བྷཱ་ཝ་སོགས་བརྗོད་ནས་དེའི་དོན་སྒོམ་པ་དང་གནད་གཅིག །དེ་ལས་ལངས་ནས་ལྷ་གང་བསྒོམ་པ་དེའི་སྔགས་གྱི་གདངས་ཀྱི་རྣམ་པ་ནམ་མཁའ་ལ་གྲག་པར་བསམ་པ་ནི། གཉིས་པ་སྒྲའི་
ལྟའོ། །དེ་ནས་སྔགས་དེ་རང་གི་སེམས་ཟླ་བའི་དཀྱིལ་འཁོར་དུ་གྱུར་པའི་སྟེང་དུ་འཁོར་བར་བསམ་པ་ནི། གསུམ་པ་ཡི་གེའི་ལྷའོ། །དེ་ལས་འོད་ཟེར་འཕྲོས་དོན་གཉིས་བྱས་ནས་ཚུར་འདུས་ཏེ་ཟླ་བའི་དཀྱིལ་འཁོར་ལ་ཞུགས་པས་ལྷ་གང་ཡིན་པ་དེར་བསྒོམས་པས?་ང?་རྒྱལ་བྱ་བ་ནི། བཞི་
པ་གཟུགས་ཀྱི་ལྷའོ། །རང་གི་ཕྱག་རྒྱ་བཅིངས་ཏེ་སྔགས་བརྗོད་ནས་སྤྱི་གཙུག་སོགས་ལ་རེག་སྟེ་བྱིན་བརླབ་བྱ་བ་ནི། ལྔ་པ་ཕྱག་རྒྱའི་ལྷའོ། །བསྐྱེད་ཟིན་གྱི་ལྷ་དེ་ཉིད་སྒོམ་པ་ནི། དྲུག་པ་མཚན་མའི་ལྷ་སྟེ། སངས་རྒྱས་གསང་བས། སྟོང་པ་ཡི་གེ་སྒྲ་གཟུགས་དང༌། །
@012B ཕྱག་རྒྱ་མཚན་མ་དྲུག་ཡིན་ནོ། །ཞེས་གསུངས་པའི་ཕྱིར་རོ། །འདི་ནི་རྒྱུད་གཞན་ནས་མངོན་བྱང་ལྔ་བསྐྱེད་པའི་དོད་ཡིན་ལ། བསྡུ་ན་ཆོ?་གསུམ་བསྐྱེད་ཀྱང་རུང་ངོ། །བསྐྱེད་པའི་ལྷ་ལ་དཔྱད་སྒོམ་དང་འཇོག་སྒོམ་བྱེད་པ་ནི་བསམ་གཏན་ཡིན་ལ། དེ་ཡང་འཇོག་སྒོམ་བྱེད་པའི་ཚེ་སྲོག་རྩོལ་བསྡོམ་
པར་བྱ་སྟེ། འདིར་སྲོག་ནི་དབང་པོའི་བུ་ག་ནས་འཇུག་པའི་རླུང་དང༌། རྩོལ་བ་ནི་དམིགས་པ་ལས་མ་གཡེང་བའི་དྲན་པ་ཕ་བྱ་ཞིང༌། དེ་གཉིས་བསྡམས?་ནས་དམིགས་པ་ལ་རྩེ་གཅིག་ཏུ་བྱེད་པའོ། །སྐབས་འདིར་བདག་བསྐྱེད་ཀྱི་བསྙེན་པ་བྱེད་པ་ལ་ལྷ་ཐམས་ཅད་དམ། གཙེ?་མོ་རེ་རེས་ཀྱང་ཆོག་པར་
བཤད་ཅིང༌། འདི་ལ་གཞལ་ཡས་ཁང་སྒོམ་མི་སྒོམ་པའི་ཚུལ་གཉིས་སོ། །དམ་ཚིག་པ་ལ་ཡེ་ཤེས་པ་འཇུག་པ་སོགས་སངས་རྒྱས་གསང་བ་དང་བྱང་ཆུབ་མཆོག་གཉིས་ཀྱིས་མ་བཤད་པས་དེ་ལྟར་རམ། སློབ་དཔོན་གཞན་གྱིས་ཡེ་ཤེས་པ་འཇུག་པ་སོགས་བཤད་པ་ལྟར་ཡང་རུང་ངོ། །གཉིས་པ་
ལ་གཉིས། རྟེན་བསྐྱེད་པ་དང༌། ལྷ་སྤྱན་དྲངས་ཏེ་བཞུགས་སུ་གསོལ་བ་སོགས་ལས། དང་པོ་ནི། རང་གི་མདུན་དུ་བྲིས་སྒུ་སོགས་བགྲམ?་པའི་ཕྱོགས་དེར་ས་གཞི་གསེར་གྱི་བྱེ་མ་བདལ་བ་བསམ་པ་སོགས་བྱས་ནས། གཞལ་ལས་ཁང་བསྒོམ་པར་བྱའོ། །གཉིས་པ་ནི་དེར་ལྷ་བསྐྱེད་པའི་ཚུལ་
ཡོང་ཀྱང་སྔགས་རིམ་ནས་འབྱུང་བ་ལྟར་ན་ལྷ་མི་བསྐྱེད་པར་མཆོད་ཡོན་བཟུང་ནས་ཕྱག་རྒྱ་བཅས་ཏེ། དད་པ་དང་ནི་དམ་ཚིག་གིས། །ཞེས་སོགས་ཀྱིས་སྤྱན་དྲངས་ནས་གཞལ་ཡས་ཁང་དུ་བཞུགས་པར་བསམས་ཏེ། མཆོད་པ་དང་བསྟོད་པ་སོགས་ཇི་སྐད་བཤད་པ་ལྟར་བྱས་ནས། བོ་དེ་ཙེ་
སོགས་ཀྱི་ཕྲེང་བ་བྱིན་གྱིས་བརླབས་ཏེ་སྔགས་གང་ཡིན་པ་དེ་བཟླའོ། །གཉིས་པ་ལ་གཉིས། ཡི་གེ་དང༌། སྒྲ་ལ་དམིགས་པའི་བཟླས་བརྗོད་དོ། །དང་པོ་ལ་གཉིས། མདུན་གྱི་ཐུགས་ཀ་དང༌། རང་གི་ཐུགས་ཀའི་ཡི་གེ་ལ་དམིགས་པའོ། །དང་པོ་ནི་བསམ་གཏན་ཕྱི་མ་ལས། སྒྲ་དང་
@013A ༄༅། །སེམས་དང་གཞི་ལ་གཞོལ། །ཞེས་གསུངས་པ་ལྟར་བཟླས་བརྗོད་ཀྱི་ཡན་ལག་བཞི་སྟེ། རང་ལྷར་སྒོམ་པ་བདག་གི་གཞི་དང༌། མདུན་དུ་ལྷ་སྒོམ་པ་མདུན་གྱི་གཞི་དང༌། མདུན་གྱི་ལྷའི་ཐུགས་ཀར་རང་གི་སེམས་ཟླ་བར་བསམ་པ་ནི་སེམས་ལ་གཞོལ་བ་དང༌། དེར་སྔ(Gs)
འཕྲེང་བཀོད་པ་ནི་སྐྲ་ལ་གཞོལ་བའི་གཞིའོ། །སྔར་བཞིན་རང་ལྷར་བསྒོམས་པའི་ངང་ནས་སྲོག་རྩོལ་བསྡམས་ཏེ་བཟླས་པའི་ཡན་ལག་བཞི་ཚང་བའི་སྒོ་ནས། མདུན་གྱི་ལྷའི་ཐུགས་ཀའི་ཡི་གེ་ཟླ་བ་དང༌། སྐུ་གསུམ་ཀ་ལ་དུས་གཅིག་ཏུ་དམིགས་ནས་བཟླས་བརྗོད་བྱ་ཞིང༌། དབུགས་གཏོང་བ་ན་རང་
ལྷང་བསྒོ(Ms) པ་ལ་བལྟ་བར་བྱ་སྟེ། མདུན་གྱི་ཡི་གེ་ལ་དམིགས་པའོ། །གཉིས་པ་ནི། དེ་ཉིད་ལས། མི་འགྱུར་བ་དང་ཡི་གེར་ལྡན། །གཞི་ལས་གཞིར་གྱུར་དེ་བཞིན་ཏེ། །ཞེས་སོགས་གསུངས་པ་ལྟར། མདུན་གྱི་ལྷའི་ཐུགས་ཀའི་སྔགས་འཕྲེང་བཀོད་པའི་ཟླ་བ་དེ། རླུང་ནང་དུ་རྡུབ་པ་ན་ཚུར་རང་
གི་ཐུགས་ཀར་སྦོས་ནས་བཟླས་བརྗོད་བྱ་ལ། རླུང་གཏོང་བ་ན་ལྷའི་ཐུགས་ཀར་གནས་པར་བསམ་ཞིང་ཡང་སྔར་བཞིན་རང་གི་སྟིང་ཀར་སྤོས་ནས་བཟླས་པ་བྱ་སྟེ། རང་གི་ཐུགས་ཀའི་ཡི་གེ་ལ་དམིགས་པའོ། །གཉིས་པ་ནི། དེ་ཉིད་ལས། སླར་སྡུད་པ་ཡིས་བཀུག་ནས་ནི། །ཞེས་སོགས་
བཤད་པ་ལྟར། ཡན་ལག་བཞིའི་དང?་སྔགས་ཀྱི་གདངས་ལ་དམིགས་ནས་ཡིད་ཀྱིས་དེའི་སྒྲ་གྲག་པར་དམིགས་ནས་སམ་ཤུབ་བུའི་བཟླས་པ་བྱ་བའོ། །དེ་ཡང་དང་པོའི་སྐབས་སུ་ལྷ་དང་ཟླ་བ་སྔགས་གསུམ་པ་དམིགས་པ་དང༌། བར་པ་ལ་ཟླ་བ་དང་སྔགས་གཉིས་ཙམ་དང༌། ཕྱི་མ་འདི་ལ་སྒྲ་འབའ་ཞིག
ལ་དམིགས་ནས་བྱེད་དོ། །བཟླས་བརྗོད་ཀྱི་ཚེ་ཇི་ལྟར་བྱ་བ་ནི། དབུང་བཟང་གིས་ཞུས་པ་ལས། བཟླས་བརྗོད་བྱེད་ཚེ་མི་མྱུར་མི་དལ་ཞིང༌། །སྒྲ་ཆེར་མི་བྱ་ཧ་ཅང་ཆུང་བ་མིན། །སྨྲ་བཞིན་མ་ཡིན་གཞན་དུ་གཡེང་བཞིན་མིན། །གུག་སྐྱེད་གླད་ཀོར་ཚེག་རྣམས་ཉམས་པས་མིན། །ཞེས་
@013B གསུངས་པ་བཞིན་བྱ་སྟེ། བཟླས་པ་གཞན་ལའང་འདྲའོ། །བསྙེན་པའི་སྐབས་སུ་བཟླས་པའི་གྲངས་ནི། བཅོ་ལྔ་མན་ཆད་གྲངས་རྣམས་ལ། །སྤྱིར་ན་ཡི་གེ་དུ་ཡོད་པ། །དེ་རྙེད་འབུམ་ཕྲག་བཟླས་བརྗོད་བྱ། །ཡི་གེ་སུམ་ཅུ་རྩ་གཉིས་ལ། །བཟླས་བརྗོད་སུམ་འབུམ་བྱ་བར་བཤད། །དེ་བས་
མང་བའི་ཡི་གེ་ལ། སྔོན་དུ་བསྙེན་པ་བྲི?་བྱའོ། །ཞེས་གསུངས་པ་ལྟར་ཏེ། གཙོ་བའི་སྔགས་ཁ་ན་བཟླ་བའོ། །གཉིས་པ་ནི། དགེ་རྩ་འབུལ་བ་དང༌། མཆོད་བསྟོད་གཤེགས་གསོལ་སོགས་ཇི་ལྟར་བཤད་པ་བཞིན་བྱའོ། །གཉིས་པ་བཟླས་བརྗོད་ལ་མི་བལྟོས་པའི་བསམ་གཏན་ལ་གསུམ། མེ་གནས་
སྒྲ་གནས། སྒྲ་མཐའི་བསམ་གཏན་ནོ། །དང་པོ་ནི། རང་ལྷར་གསལ་བའི་ཐུགས་ཀར་མར་མེ་མེ་ལྕེ་འབར་བ་ལྟ་བུ་ཞིག་བས(Ms) ལ། དེའི་ནང་དུ་རང་གི་སེམས་བཟླས་བྱའི་སྔགས་ཀྱི་སྒྲའི་རྣམ་པར་གྲག་པར་བསམ་པ་སྟེ། དེ་ཡང་གཞན་གྱི་འདོན་པ་རང་གིས་ཉན་པ་ལྟར་བྱའོ། །གཉིས་པ་སྒྲ་གནས་ནི། སྔར་གྱི་
དམིགས་པ་བཏང་ནས། སྔགས་ཀྱི་སྒྲ་ཙམ་ལ་བསམ་གཏན་བྱ་སྟེ། དེ་ཡང་ལྷའི་སྐུ་དང་ཟླ་བ་དང་མེ་ལ་དམིགས་པར་མི་བྱེད་པས་སྔ་མ་གཉིས་དང་མི་འདྲའོ། །གསུམ་པ་ནི། སྒྲ་ལ་དམིགས་པའི་མཐར་བཏང་ནས་དེ་ཁོ་ན་ཉིད་རྩེ་གཅིག་ཏུ་བསྒོམ་པར་བྱ་བ་སྟེ། བདག་དང་ལྷ་ལ་སོགས་པའི་ཆོས་རྣམས་རང་
བཞིན་གྱིས་སྟོང་པར་བསྒོམས་ནས་ཐར་པ་འཐོབ་པར་འགྱུར་བའི་ཕྱིར་དེ་ལྟར་བརྗོད་དོ། །དེ་དག་ནི་བསམ་གཏན་ཕྱི་མ་ལས། གསང་སྔགས་མེ་གནས་དངོས་གྲུབ་སྟེར། །སྒྲ་གནས་རྣལ་འབྱོར་སྟེར་བ་དྲན། །སྒྲ་མཐར་ཐར་བ་སྟེར་བ་ཉིད། །འདི་དག་ཉིད་ནི་གསུམ་པོ་ཡིན། ཞེས་དང༌། སྒྲ་ཞེས་བྱ་བ་
འཕྲེང་བར་སྦྱོར། །ཞེས་སོགས་གསུངས་པ་ལྟར་རོ། །བཞི་པ་དངོས་གྲུབ་ཇི་ལྟར་བསྒྲུབ་པ་ནི་ཚུལ་ནི་འདིར་མི་འཆད་དོ། །འདི་དག་གི་ཚུལ་རྒྱས་པར་ནི་སྔགས་རིམ་ལས་ཤེས་པར་བྱ་སྟེ། འདིར་མང་དུ་དོགས་པས་དོན་བསྡུས་ནས་བརྗོད་པའོ།། །།གཉིས་པ་སྤྱོད་རྒྱུད་ཀྱི་
@014A ༄༅། །ལམ་གྱི་རིམ་པ་ལ་བཞི། ལམ་སྒོམ་པའི་སྣོད་རུང་དུ་བྱ་བ་དང༌། དམ་ཚིག་སོགས་དག་པར་བྱ་བ་དང༌། སྔོན་དུ་བསྙེན་པ་ཇི་ལྟར་བྱ་བ། དངོས་གྲུབ་བསྒྲུབ་པའི་རིམ་པའོ། །དང་པོ་གཉིས་གཞན་དུ་ཤེས་པར་བྱ་ལ། གསུམ་པ་ལ་གཉིས། མཚན་
བཅས་དང༌། མཚན་མེད་ཀྱི་རྣལ་འབྱོར་རོ། །དང་པོ་ལ་གཉིས། ཕྱིའི་ཡན་ལག་བཞི་དང་ནང་གི་ཡན་ལག་བཞིའི་བཟླས་བརྗོད་དོ། །དང་པོ་ལ་སྤྱོད་རྒྱུད་ཀྱི་གཙོ་བོ་ནི་རྣམ་སྣང་མངོན་བྱང་ཡིན་པས། འདིར་དེ་ནས་བཤད་བ་ལྟར་བྱ་བ་ཡིན་ལ། ཕྱག་རྡོར་དབང་བསྐུར་བའི་རྒྱུད་ཀྱང་
སྤྱོད་རྒྱུད་དོ། །ཉམས་སུ་ལེན་པ་ནི་སྔོན་དུ་བདག་དང་གནས་བསྲུང་བ་སོགས་བྱས་ནས་སྟོང་ཉིད་བསྒོམ། སྟོང་པའི་ངང་ནས་ཡན་ལག་བཞིའི་ནང་ནས་དང་པོ་ལྷ་བསྐྱེད་པའི་གཞིའི་ཡན་ལག་བྱ་སྟེ། རང་གི་སེམས་ཟླ་བར་གྱུར་པའི་སྟེང་དུ་ཡི་གེ་ཨཾ་བསམས་ཤིང༌། དེ་ལས་རྣམ་སྣང་ཞལ་ཅིག
ཕྱག་བཞི་པ་བསྐྱེད་ལ་སྔགས་དང་ཕྱག་རྒྱས་བྱིན་གྱིས་བརླབ་པར་བྱ་བ་སོགས་ཀྱང་དགོས་སོ། །གཞི་གཉིས་པ་ནི་རང་གི་མདུན་དུ་རང་འདྲའི་དེ་བཞིན་གཤེགས་པ་བསྒོམ་པའོ། །དེ་ནས་དེའི་ཐུགས་ཀར་ཟླ་བ་དང༌། དེར་སྔགས་འཕྲེང་བགོད་པ་གཉིས་བྱ་སྟེ་བཟླས་བརྗོད་ཀྱི་ཡན་ལག་བཞིའོ།།
དེ་ནས་ཡི་གེ་ལ་དམིགས་ནས་བཟླས་པ་བྱེད་ཚུལ་ནི་བྱ་རྒྱུད་ཀྱི་སྐབས་ལྟར་རོ། །གཉིས་པ་ནི། སྟོང་པའི་ངང་ལས་ཨ་ཨཱ་ཨཾ་ཨཿབཞི་པོ་གང་རུང་ལས་སྔར་ལྟར་ལྷ་བསྐྱེད་པ་ནི་གཞི་དང་པོ་བདག་གི་གཞི་ཡིན་ལ། དེའི་ཐུགས་ཀར་ཟླ་བའི་དཀྱིལ་འཁོར་གྱེན་བསྒྲེང་ཤིན་དུ་དག་པ་ཞིག་བསམ་
ནས་ཟླ་བའི་དཀྱིལ་འཁོར་དེའི་ནང་དུ་སྔར་གྱི་རྣམ་སྣང་ཕུག་ན་བཞུགས་པ་ལྟ་བུར་བསྒོམ་པ་ནི་གཞི་གཉིས་པ་གཞན་གྱི་གཞི་ཡིན་ཞིང༌། དེའི་ཐུགས་ཀར་ཟླ་བ་བསམ་པ་ནི་སེམས་ལ་གཞོལ་བ་དང༌། དེ་ལ་སྔགས་འཁོད་པར་བསམས་པ་ནི་སྒྲ་ལ་གཞོལ་བ་སྟེ་དེ་ལ་དམིགས་ནས་བཟླས་བརྗོད་
@014B འབུམ་ཕྲག་ཅིག་བྱའོ། །འདི་ལ་བཟླས་པ་གཉིས་ཀ་བྱ་ཞིང༌། ཡིད་བཟླས་ཀྱི་སྐབས་སུ་སྲོག་རྩོལ་བསྡམ་པའང་དགོས་སོ། །ལྷ་སྐུ་ལ་དམིགས་ནས་ཞི་གནས་འགྲུབ་ཀྱི་བར་བསྒོམ་པ་དང༌། མཆོད་པ་དང་བསྔོ་བ་བྱའོ། །གཉིས་པ་མཚན་མེད་ཀྱི་རྣལ་འབྱོར་ནི། ལྷ་སྐུ་སོགས་ལ་དམིགས་
ནས་རང་བཞིན་མེད་པའི་སྟོང་ཉིད་བསྒོམ་པར་བྱ་བ་སྟེ། ཟབ་དང་རྒྱ་ཆེ་བའི་ཚུལ་གཉིས་ཀ་ལ་བསླབ་བོ། །སྤྱིར་སྟོང་ཉིད་བསྒོམ་པ་ཙམ་ཞིག་ནི་མདོ་ཕྱོགས་ལའང་ཡོད་མོད། འདིར་ལྷའི་དཀྱིལ་འཁོར་བསྒོམ་པ་སྔོན་དུ་བཏང་ནས་བྱེད་པས་ཁྱད་པར་ཡོད་དོ། །བཞི་པ་ནི། རྫས་སྔགས་
ཏིང་ངེ་འཛིན་སོགས་ལ་བརྟེན་ནས་དངོས་གྲུབ་རྣམས་སྒྲུབ་པར་བྱེད་པའོ།། །།གཉིས་པ་རྣལ་འབྱོར་རྒྱུད་ཀྱི་རྣམ་གཞག་ལ་གཉིས། རྒྱུད་ལས་བསྟན་ཚུལ་དང༌། ཉམས་སུ་ལེན་ཚུལ་ལོ། །དང་པོ་ནི། རྣལ་འབྱོར་རྒྱུད་ཐམས་ཅད་ཀྱི་རྩ་བའི་རྒྱུད་ནི་དེ་ཉིད་བསྡུས་པ་?་
ཡིན་ཞིང༌། འདི་ལ་བཤད་རྒྱུད་རྡོ་རྗེ་རྩེ་མོ་ཞེས་པ་ཞིག་ཀྱང་ད་ལྟ་ཡོད་དོ། །དེའི་དང་པོ་ལ་དུམ་བུ་བཞི་སྟེ། རྡོར་དབྱི(NGs)། ཁམས་གསུམ་རྣམ་རྒྱལ། འགྲོ་འདུལ། དོན་གྲུབ་ཀྱི་དུམ་བུའོ། །དང་པོ་ལས་དེ་བཞིན་གཤེགས་པའི་རིགས་བསྟན་ཏེ་རྣམ་སྣང་གི་རི(Gs) སོ། །གཉིས་པས་རྡོ་རྗེའི་
རིགས་མི་བསྐྱོད་པ་དང༌། གསུམ་པས་པདྨའི་རིགས་འོད་དཔག་མེད་དང༌། བཞི་པས་ལས་ཀྱི་རིགས་དོན་གྲུབ་དང་རིམ་འབྱུང་གི་དཀྱིལ་འཁོར་གཉིས་བསྡུས་ནས་བསྟན་ཏེ། འོན་ཀྱང་དེ་བཞིན་གཤེགས་པ་ལྔ་ནི་རིགས་ཅན་ཡིན་ལ། ལྷ་གཞན་རྣམས་དེ་དག་གི་རིགས་སོ། །དུམ་བུ་རེ་
རེས་ཀྱང་དང་པོ་སྦྱོར་བ་སོགས་ཏིང་འཛིན་ཚན་པ་གསུམ་གསུམ་བཤད་ཅིང༌། རང་རང་གི་ཕྱག་རྒྱ་བཞིའི་དཀྱིལ་འཁོར་དང༌། ཕྱག་རྒྱ་གཅིག་བའི་དཀྱིལ་འཁོར་ཀྱང་གསུངས་ཏེ་རྒྱས་འབྲིང་བསྡུས་གསུམ་མོ། །གཉིས་པ་ལ་ལམ་བསྒོམ་པའི་སྣོད་རུང་དུ་བྱེད་པ་སོགས་སྔར་བཤད་པ་ལྟར་
@015A ༄༅། །བཞི་ལས་དང་པོ་གཉིས་ནི་གཞན་དུ་ཤེས་པར་བྱ་ཞིང༌། གསུམ་པ་བསྙེན་པ་ཇི་ལྟར་བྱ་ཚུལ་ལ་གཉིས། མཚན་བཅས་དང༌། མཚན་མེད་ཀྱི་རྣལ་འབྱོར་རོ། །དང་པོ་ལ་གཉིས། ཐུན་བཞིར་བསྒོམ་པ་དང༌། དེ་མི་ནུས་པས་ཇི་ལྟར་བྱ་བའོ། །དང་པོ་ལ། སློབ་དཔོན་ཀུན་སྙིང་
གི་བཞེད་པ་ལྟར་ན། སློབ་མའི་དབང་ཙམ་ཞིག་ཐོབ་པ་ཡིན་ན། སྔོན་འགྲོ་ཁྲུས་ནས་རྡོ་རྗེའི་ཐལ་མོའི་བར་བྱས་ཏེ། གཞལ་ཡས་ཁང་དུ་གཙོ་བོའམ་མེ་ཏོག་ཕོག་པའི་གང་རུང་གཅིག་བསྐྱེད་ནས་ཡེ་ཤེས་པ་བཅུག་ཏེ་ཕྱག་རྒྱ་བཞིས་རྒྱས་བཏབ་ནས་བསྒོམ་བཟླས་བྱའོ། །ཕྱག་རྒྱའི་སྒྲ་དོན་ནི། རྒྱས་ཇི་
ལྟར་བཏབ་པ་ལས་འདར་མི་རུང་བའི་དོན་ནོ། །དབྱེ་ན། ཕྱག་ཆེན། དམ་རྒྱ། ཆོས་རྒྱ། ལས་རྒྱ་སྟེ་བཞི། ཡང་སྦྱང་གཞིའི་ཕྱག་རྒྱ། སྦྱོང་བྱེད་ཀྱི་ཕྱག་རྒྱ། འབྲས་བུའི་ཕྱག་རྒྱ་སྟེ་གསུམ། སྦྱང་གཞིའི་ཕྱག་རྒྱ་ནི། ཐ་མལ་གྱི་ལུས་ངག་ཡིད་གསུམ་དང་བྱ་བ་སྟེ་བཞི་ཡིན་ལ། རིམ་པ་ལྟར་ལམ་གྱི་ཕྱག
ཆེན་དང་དམ་རྒྱ་དང་ཆོས་རྒྱ་དང་ལས་རྒྱ་བཞིའི་སྦྱང་བཞིའོ། །ལས་རྒྱ་རེ་རེ་ལའང་མཚོན་བྱ་དོན་གྱི་ཕྱག་རྒྱ་དང་མཚོན་བྱེད་ཀྱི་ཕྱག་རྒྱ་གཉིས་ཏེ། མཚོན་བྱེད་ལ་ཡང་ཕྱི་དང་ནང་གི་ཕྱག་རྒྱ་གཉིས་སུ་ཕྱེ་བས་གསུམ་གསུམ་ཡོད་དོ། །ཕྱག་ཆེན་ལ་མཚོན་ན། རྣམ་སྣང་སོགས་ལྷ་དེ་དང་དེའི་སྐུ་
གཟུགས་ཀྱི་རྣམ་པ་ནི་མཚོན་བྱའོ། །སྐུ་དེ་དང་རྣམ་པ་མཐུན་པར་བཅས་པའི་ལག་པའི་འདུ་བྱེད་ནི་མཚོན་བྱེད་ཕྱིའི་ཕྱག་རྒྱ་དང༌། རང་ཉིད་ལྷ་དེར་བསམ་པ་ནི་མཚོན་བྱེད་ནང་གི་ཕྱག་རྒྱའོ། །དེ་བཞིན་དུ་དམ་རྒྱའི་སྐབས་སུ་ཐུགས་ཀར་ཕྱག་མཚན་དང༌། ཆོས་རྒྱའི་སྐབས་སུ་ལྕེ་ལ་རྡོ་རྗེ་དང༌།
ལས་རྒྱའི་སྐབས་སུ་སྣ་ཚོགས་རྡོ་རྗེ་འགོད་པ་སོགས་ལའང་སྦྱར་བར་བྱའོ། །སྦྱངས་པ་འབྲས་བུའི་ཕྱག་རྒྱ་ནི་རྒྱལ་བའི་སྐུ་གསུང་ཐུགས་འཕྲིན་ལས་དང་བཅས་པ་བཞིའོ། །གོ་རིམ་ནི། སློབ་དཔོན་ཀུན་དགའ་སྙིང་པོས། དམ་རྒྱ་ཆོས་རྒྱ་ལས་རྒྱ་ཕྱག་ཆེན་བཞི་རིམ་པར་བྱེད་ལ། སངས་རྒྱས་གསང་
@015B བ་དང་ཤཱཀྱ་བཤེས་གཉེན་གཉིས་ཀྱིས་ཕྱག་ཆེན་དམ་རྒྱ་ཆོས་རྒྱ་ལས་རྒྱ་བཞི་རིམ་བཞིན་བྱེད་པས་གང་བྱས་ཀྱང་མི་འགལ་ལོ། །འོན་ཀྱང་ད་ལྟ་ཀུན་རིག་ལ་དམ་རྒྱ་ནས་སྔོན་ལ་བྱད་དེ། སྐུ་བཞིའི་དང་པོ་ཆོས་སྐུ་ཡིན་པའི་དབང་དུ་མཛད་པ་ཡིན་ལ། ཕྱག་ཆེན་སྔོན་དུ་བྱེད་པ་ལྟར་ན། ཆོས་སྐུ་དང་པོར་
ཐོབ་པའི་རྟེན་ལོངས་སྐུ་ཡིན་པའི་དབང་དུ་མཛད་པའོ། །རྒྱས་འདེབས་ཚུལ་ནི་ཀུན་རིག་ནས་འབྱུང་བ་ལྟར་ཏེ་གོ་སླའོ། །སློབ་དཔོན་གྱི་དབང་ཐོབ་ན་ནི། རྡོ་རྗེ་འབྱུང་བ་ལྟར་རྣལ་འབྱོར་ཆེན་པོ་རྒྱས་པའམ་འབྲིང་བསྡུས་གཉིས་གང་བྱས་ཀྱང་ཆོག་གོ །སློབ་དཔོན་སངས་རྒྱས་གསང་བས་ནི། སློབ་
དཔོན་གྱི་དབང་ཐོབ་པས་ཀྱང་སྦྱོར་བ་རྣམས་སྔོན་དུ་བཏང་སྟེ་གཞལ་ཡས་ཁང་དུ་ལྷ་གཅིག་བསྒོམ་ནས་ཕྱག་རྒྱ་བཞིས་རྒྱས་གདབ་ཅིང་མཆོད་བསྟོད?་བསྒོམ་བཟླས་བྱས་ཀྱང་ཆོག་པར་བཤད་དེ། སྔ་མ་ལས་བྱ་སླབ་ཞིག་གོ། གཉིས་པ་སྔར་ལྟར་བསྒོམ་མི་ནུས་པས། ལྷ་གང་ཡིན་གྱི་སྙིང་པོ་ཙམ་བརྗོད་ནས་ལྷ་དེར་
བསྐྱེད་ཅིང༌། མདུན་དུའང་དེ་ལྟར་བསྒོམས་ཏེ་མཆོད་བསྟོད་དང་བཟླས་པ་ཚང་བར་བྱའོ། །རྣལ་འབྱོར་རྒྱུད་ཀྱི་སྒོ་ནས་གཞན་དོན་བྱེད་པ་རྣམས་ཀྱིས་བསྙེན་པ་བྱ་ཚུལ་རྒྱས་པ་མ་ལྕོ(Gs) ན། མཐའང་འདི་ལྟ་བུ་ཞིག་སྔོན་དུ་བཏང་ནས་བྱ་སྟེ། སྔ(Gs) རིམ་ལས། སྔར་ལྟར་གསུངས་པའི་མཇུག་ཏུ། དེ་ཙམ་
ཡང་ཁྱད་ཆེ་བས་གསོན་པོ་དང་གཤིན་པོ་ལ་དབང་བསྐུར་བ་དང་རབ་གནས་སོགས་རྣལ་འབྱོར་རྒྱུད་ཀྱི་སྒོ་ནས་བྱེད་པ་རྣམས་ཀྱིས། ཐ་ནའང་བསྒོམ་དེ་ཙམ་དེ?་བྱས་ནས་རང་རང་གི་བཟླས་པ་རྫོགས་པ་རེ་བྱ་དགོས་སོ། །ཞེས་གསུངས་པའི་ཕྱིར་རོ། །ཕྲ་ཐིག་ནི་ལྷའི་འཁོར་ལོ་ལ་སེམས་བརྟན་ནས་བསྒོམ་
པར་གསུངས་ཏེ་མ་བྲིས་སོ། །གཉིས་པ་མཚན་མེད་ཀྱི་རྣལ་འབྱོར་ནི། བདག་དང་ལྷ་ལ་སོགས་པའི་ཆོས་རྣམས་རང་བཞིན་གྱིས་སྟོང་པར་བསྒོམ་པ་སྟེ། ཤེས་རབ་ངེས་འབིགས་ཀྱི་རྣལ་འབྱོར་ཞེས་ཀྱང་བྱའོ། །རྒྱུད་སྡེ་འོག་མ་གསུམ་གྱི་སྐབས་སུ་ཟབ་གསལ་གཉིས་མེད་ཀྱི་རྣལ་འབྱོར་ཞེས་པ་ཡང༌།
@016A ༄༅། །མཚན་བཅས་མཚན་མེད་ཀྱི་རྣལ་འབྱོར་གཉིས་ལ་བྱ་དགོས་ལ། དེ་ཡང་ལྷའི་རྣལ་འབྱོར་བསྒོམ་པ་ལ་སློབ་པ་ནི་མཚན་བཅས་སམ་གསལ་བ་ལ་སློབ་པ་ཡིན་ཞིང༌། དམིགས་པ་དེ་རྣམས་ལ་དམིགས་ནས་རྣམ་པ་རང་བཞིན་མེད་པར་སྒོམ་པ་ནི་མཚན་མེད་དམ་ཟབ་པ་ལ་སློབ་པའོ། །བཞི་པ་ནི།
བསྒོམ་བཟླས་མཐར་ཕྱིན་ནས་དངོས་གྲུབ་སྒྲུབ་པ་སྟེ། འདི་ལ་བསམ་གཏན་གྱི་སྒྲུབ་བ་དང༌། བཟླས་བརྗོད་ཀྱིས་སྒྲུབ་པའི་ཚུལ་གཉིས་སྔགས་རིམ་ལས་འབྱུང་བ་ལྟར་རོ། །དེ་ལྟར་རྒྱུད་སྡེ་འོག་མ་གསུམ་གྱི་དོན་ཉམས་སུ་ལེན་པ་ལ། དེ་གསུམ་གྱི་དོན་ཤེས་དགོས་ཤིང༌། དེར་མ་ཟད། བླ་མེད་ཀྱི་རྒྱུད་ནི་
རྒྱུད་སྡེ་གཞན་ལས་ཁྱད་པར་དུ་འཕགས་ཚུལ་ཤེས་པ་ལ་ཡང་དེ་ལྟར་ཤེས་དགོས་ཏེ། མི་ཤེས་ན་ནི་བླ་མེད་ཀྱི་རྒྱུད་དེ་རྒྱུད་གཞན་ལས་ཁྱད་པར་དུ་འཕགས་པར་ཁས་བླངས་ཀྱང་དམ་བཅའ་ཙམ་དུ་འགྱུར་བའི་ཕྱིར་ཏེ། རྗེའི་རྟོགས་བརྗོད་ལས། རྒྱུད་སྡེ་འོག་མ་གསུམ་གྱི་ལམ་གྱི་ཚུལ། །མི་ཤེས་དེ་ཡིས་རྣལ་འབྱོར་
བླ་མེད་རྒྱུད། །རྒྱུད་སྡེ་ཀུན་གྱི་མཆོག་ཏུ་ཐག་བཅད་ཀྱང༌། །དམ་བཅའ་ཙམ་དུ་ཟད་པར་ལེགས་མཐོང་ནས། །ཞེས་གསུངས་པའི་ཕྱིར་རོ།། །།གསུམ་པ་བླ་མེད་ཀྱི་རིམ་པ་ལ་གསུམ། ལམ་སྡུད་པའི་སྤྱི་ཆིངས། ལམ་གྱི་གོ་རིམ། ལམ་གྱི་རིམ་པ་ཉིད་བཤད་པའོ། །དང་པོ་ནི། རྣལ་
འབྱོར་བླ་མེད་ཀྱི་ལམ་གྱི་རིམ་པ་རྣམས་དོན་ཚན་དུ་ཞིག་ཏུ་འདུ་ཞེ་ན། སློབ་དཔོན་བསྐལ་བཟང་རྡོ་རྗེས་དབང་གི་ཆོ་ག །སྲུང་པའི་ཆོ་ག །མཚན་ཉིད་ཤེས་པའི་ཆོ་ག །སེམས་སྦྱང་བའི་ཆོ་ག །སྤྱོད་པ་དག་པའི་ཆོ་ག་སྟེ་ལྔ་བཤད་ལ། དགྲ་ནག་འགྲེལ་པར། དབང་དམ་ཚིག་བསྙེན་པ་སྒྲུབ་པ་འབྲས་
བུ་ལས་ཚོགས་ཏེ་དྲུག་ཏུ་བཤད། ཡེ་ཤེས་རྡོ་རྗེ་ཀུན་ལས་བཏུས་ལས། རྒྱུད་དང་གླེང་གཞི་དང་ངེས་ཚིག་དང་རྒྱུ་སྟེ་བཞིར་བཤད་ཅིང༌། དེ་ནི་དབང་དང་སྡོམ་པ་དང་བསྒོམ་པ་དང་སྤྱོད་པ་དང་འབྲས་བུ་མངོན་དུ་བྱེད་ཚུལ་ཏེ་ལྔར་འདུའོ། །ཡང་འགྲེལ་བ་རིན་ཆེན་སྒྲོན་མེར། རྒྱུད་ཀྱི་རྒྱལ་པོ་འདི་ནི་རབ་ཏུ་
@016B འཁྲུགས་པ་སྟེ་དེའི་ཕྱིར་བླ་མའི་གདམས་ངག་གིས་བསྙེན་པ་ལ་སོགས་པ་རེ་རེ་ལ་ཅི་རིགས་སུ་འབྲེལ་ཏེ། ཞེས་གསུངས་པ་ལྟར། རྒྱུད་ལས་གོ་རིམ་འཁྲུགས་པའི་ཚུལ་གྱིས་གསུངས་པ་རྣམས་འཁྲུགས་སྡེབས་བྱེད་པ་ཤེས་དགོས་ཤིང༌། བྱེད་ཚུལ་ཡང་སྔར་བཤད་པ་དེ་དག་གང་བྱས་ཀྱང་མི་འགལ་
མོད། འདིར་ནི་ཡེ་ཤེས་རྡོ་རྗེ་ཀུན་བཏུས་ཀྱི་དོན་ལྟར་བྱ་བར་གསུངས་སོ། །གཉིས་པ་ནི། རྣལ་འབྱོར་བླ་མེད་ཀྱི་སྒོར་ཞུགས་ནས་མྱུར་དུ་འཚང་རྒྱ་བ་ལ་རྒྱུད་དོན་ཤེས་དགོས་ཤིང༌། དེ་ཉན་པ་དང་ཤེས་པ་དང་སྒོམ་པ་ཐམས་ཅད་ལ་དབང་དང་དམ་ཚིག་བཟུང་བ་སོགས་ཀྱང་དགོས་སོ། །ཞུགས་
པའི་དཀྱིལ་འཁོར་ལ་ནི། སྤྱིར་རྡུལ་མཚོན་རས་བྲིས་བསམ་གཏན་ལུས་དཀྱིལ་དང་བཞི་ཡོད་དོ། །དེ་ལས་བསམ་གཏན་གྱི་དཀྱིལ་འཁོར་དུ་དབང་བསྐུར་བ་ནི། གང་ཡང་རུང་བས་མི་ཆོག་གི །སློབ་དཔོན་དང་སློབ་མ་གཉིས་ཀའང་དམིགས་བ་བརྟན་པ་སོགས་ཀྱང་དགོས་ལ། ལུས་
དཀྱིལ་དུ་དབང་བསྐུར་བ་ལ་ནི། རྡུལ་ཚོན་དང་རས་བྲིས་ཀྱི་དཀྱིལ་འཁོར་གང་རུང་དུ་དབང་བསྐུར་ཐོབ་པ་སྔོན་དུ་འགྲོ་དགོས་ཤིང་ཐོག་མར་རྒྱུད་མ་སྨིན་པ་སྨིན་པར་བྱེད་པ་ལ་ཡང་དེ་གང་རུང་དུ་དབང་ཐོབ་པ་ཞིག་དགོས་སོ། །འོན་ཀྱང་སློབ་མའི་ཚོགས་རྫོགས་པ་སོགས་ཀྱི་དགོས་པ་ཆེ་བས་རྒྱུད་དང་རྒྱ་
གཞུང་ནས་རྡུལ་མཚོན་གྱི་ཕྱོགས་ལ་བརྟེན་པ་མང་དུ་གསུངས་སོ། །དེ་ལའང་རྡུལ་ཚོན་གྱི་དུས་སུ་ལྷ་གང་དུ་འོང་བའི་གནས་དེ་ཉིད་དུ་དྲིའི་དཀྱིལ་འཁོར་སོགས་བྱས་ནས་ལྷ་སྟ་གོན་བྱེད་པ་དང་དེ་ལ་ཚོན་འགྱེད་པའི་གནས་ཀྱི་ཆེད་དུ་ལས་ཐིག་གིས་ཆ་བགོ་བ་དང་བྱིན་གྱིས་རློབ་བའི་ཆེད་དུ་ཡེ་ཐིག་གདབ་པ་
སྔོན་དུ་འགྲོ་དགོས་སོ། །ཐིག་གིས་ཆ་སོ་སོར་བགོས་པའི་གཞིར་ལྷ་སྟ་གོན་བྱེད་པར་ཡང་ས་ལྷ་སྟ་གོན་བྱེད་དགོས་པས། གཞི་དེར་སའི་ལྷ་མོ་ལ་དཀྱིལ་འཁོར་བྱེད་པའི་གནང་བ་ཐོབ་དགོས་ཤིང༌། དེ་ལས་བརྟག་པ་དང་བསླང་བ་སྔོན་དུ་འགྲོ་དགོས་སོ། །དེ་ལ་སློབ་མ་སྟ་གོན་ནི་དབང་གི་སྡོད་
@017A ༄༅། །རུང་དུ་བསྒྲུབ་པའི་ཆེད་དུ་བྱ་དགོས་ཤིང༌། བུམ་པ་ལ་གཉིས་ལས། ལས་བུམ་ནི། སློབ་མ་དང་མཆོད་རྫས་ཀྱི་མ་དག་པ་དང་བགེགས་བསལ་བའི་དོན་དུ་ཡིན་ལ། བུམ་པ་གཞན་སྟ་གོན་ནི་ཆུ་དབང་བསྐུར་བའི་ཆེད་དོ། །གསུམ་པ་ལ་བཞི། ལམ་སྒོམ་པའི་སྣོད་རུང་དུ་
བྱ་བ། དམ་ཚིག་དང་སྡོམ་པ་དག་པར་བྱ་བ། ལམ་ཇི་ལྟར་ཉམས་སུ་ལེན་པའི་ཚུལ། འབྲས་བུ་སྔོན་དུ་བྱེད་ཚུལ་ལོ། །དང་པོ་ལ་བཞི། སྔགས་ཀྱི་ལམ་ཉམས་སུ་ལེན་པ་ལ་དབང་དགོས་ཚུལ། དབང་བསྐུར་བའི་དཔོན་སློབ་ཕན་ཚུན་བརྟག་ཚུལ། བརྟག་ནས་གསོལ་བ་གདབ་ཅིང་བསྙེན་པ་བྱ་བ།
བྱས་ནས་དབང་ཇི་ལྟར་བསྐུར་བའོ། །དང་པོ་ནི། ཕྱག་ཆེན་ཐིག་ལེ་ལས། དང་པོ་རེ་ཞིག་གང་ཚེ་སློབ། །ལན་ཅིག་དབང་རྣམས་ཀྱིས་ནི་བསྐུར། །དེ་ཚེ་གསང་ཆེན་བཤད་པ་ཡི། །ངེས་པར་སྣོད་དུ་གྱུར་བའོ། །ཞེས་སོགས་དང༌། རྒྱུད་རྡོ་རྗེ་འཕྲེང་བ་ལས་ཀྱང༌། དབང་བསྐུར་བ་ནི་གཙོ་བོ་སྟེ་
དངོས་གྲུབ་ཐམས་ཅད་རྟག་ཏུ་གནས། །ཞེས་དང༌། སྔགས་རིམ་ལས་ཀྱང༌། གསང་ཆེན་བཤད་པ་དང་བསྒོམ་པའི་སྣོད་དུ་རུང་བ་དབང་རྣམ་པར་དག་པ་ལ་རག་ལས་པས། དབང་ནི་དངོས་གྲུབ་ཀྱི་རྩ་བ་ཡིན་ཏེ། དེ་མེད་ན་རྒྱུད་དོན་ཕྱིན་ཅི་མ་ལོག་པར་ཤེས་ནས་ལམ་ལ་ཅི་ཙམ་འབད་ཀྱང་དངོས་གྲུབ་
ཁྱད་པར་ཅན་ཐོབ་མི་སྲིད་ལ། ཞེས་གསུངས་པ་ལྟར་རོ། །གཉིས་པ་ནི། བླ་མ་ལྔ་བཅུ་པ་ལས། བླ་མ་དང་ནི་སློབ་མ་དག །མཚུངས་པར་དམ་ཚིག་ཉམས་འགྱུར་བས། །དཔའ་བོས་དང་པོར་སློབ་དཔོན་དང༌། །སློབ་མའི་འབྲེལ་པ་བརྟག་པར་བྱ། །ཞེས་གསུངས་པ་ལྟར་བརྟག་དགོས་ལ། དུས་
ནི་ཤེས་དཀའ་ན། ཕན་ཚུན་ལོ་བཅུ་གཉིས་བར་དུ་བརྟག་པར་གསུངས་ཤིང༌། ཤེས་སླ་ན་ནི་ངེས་པ་མེད་ལ། །དུས་དང་དགོས་པའི་དབང་གིས་ད་ལྟ་མི་བརྟག་པ་མེད?་བར་སྣང་ངོ། །བརྟགས་ནས་ཀྱང་སློབ་དཔོན་ནི། རྒྱུད་རྡོར་འཕྲེང་ལས། ཞི་བ་ལ་སོགས་ལས་ལ་བྱང༌། །སྔགས་དང་རྣལ་འབྱོར་
@017B ཆོ་ག་ཤེས། །དེ་ནི་བླ་མར་མངོན་པར་བསྔགས། །ཞེས་སོགས་གསུངས་པ་ལྟར་དགོས་ལ། འོན་ཀྱང་ད་ལྟ་མཚན་ཉིད་ཚང་བ་རྙེད་དཀའ་བས་ཇི་ལྟར་བྱ་བ་ནི། དོན་དམ་སྙེ་མ་ལས། རྩོད་ལྡན་དབང་གི་བླ་མ་སྐྱོན་དང་ཡོན་ཏན་འདྲེས། །རྣམ་པ་ཀུན་དུ་སྡིག་པ་མེད་པ་ཡོད་མ་ཡིན། །གང་ཞིག་ཡོན་ཏན་
ལྟག་པ་ཡང་ནི་ལེགས་དཔྱད་ནས། །བུ་རྣམས་ཀྱི་ས་ནི་དེ་ལ་བརྟེན་པར་འགྱུར་བའོ། །ཞེས་བཤད་པ་ལྟར་བྱའོ། །སློབ་མ་ནི། དད་པ་ཆེ་བ། ཐེག་ཆེན་ལ་དགའ་བ། སྔགས་དོན་དུ་གཉེར་བ། དགེ་བཅུ་ལ་སྤྱོད་པ། མང་དུ་ཐོས་པ་དང་ལྡན་པ་སོགས་དགོས་པར་བཤད་དོ། །གསུམ་པ་ལ་གཉིས།
སློབ་མས་གསོལ་བ་གདབ་ཅིང་སློབ་དཔོན་གྱིས་བསྲུང་བ། སྔོན་དུ་བསྙེན་པ་བྱ་ཚུལ་ལོ། །དང་པོ་ནི། མཎྜལ་ཕུལ་ཏེ་ཕྱག་བྱས་ལ། ཐལ་མོ་སྦྱར་ཏེ། ཐམས་ཅད་མཁྱེན་པའི་སྟོན་པ་པོ། །ཞེས་སོགས་རྐང་པ་བཞིས་ལན་གསུམ་གསོལ་བ་གདབ་ཅིང༌། སློབ་དཔོན་གྱིས་སྔགས་རིམ་ནས་འབྱུང་བ་ལྟར་སྔགས་
དང་སྒོམ་གྱིས་བསྲུང་བར་བྱའོ། །གཉིས་པ་ནི། སྤྱིར་བསྙེན་པ་ནི་རིམ་པ་གཉིས་ཀ་ལ་བྱ་སྟེ། འདུས་པ་ཕྱི་མ་ལས། ཐུན་མོང་མཆོག་གི་དབྱེ་བ་ཡིས། །བསྙེན་པ་རྣམ་པ་གཉིས་སུ་འདོད། །ཅེས་གསུངས་པས་སོ། །བསྙེན་པ་སྔོན་དུ་མ་སོང་བར་དབང་ལ་སོགས་པ་དཀྱིལ་འཁོར་གྱི་ལས་བྱ་བ་ལ།
འཇུག་ཏུ་མི་རུང་སྟེ། སྙིང་པོ་མདོར་བསགས་ལས། དཀྱིལ་འཁོར་མཆོག་གི་སློབ་དཔོན་གྱིས། །སྔོན་དུ་བསྙེན་པ་ལ་འབད་ནས། །དེ་ནས་དཀྱིལ་འཁོར་དེ་ཉིད་ནི། །ཤིན་དུ་དུལ་བས་བརྟག་པར་བྱ། །ལྷ་ནི་མཉེས་པར་མ་བྱས་ན། །བདག་ནི་རྣམ་པར་སུན་འབྱིན་ཡིན། །ཞེས་དང༌། ཕྲེང་བ་ལས་ཀྱང༌།
བསྙེན་པ་མེད་ལ་དངོས་གྲུབ་མེད། ཅེས་གསུངས་པའི་ཕྱིར་རོ། །བཟླས་པའི་གྲངས་ནི། ཕྲེང་བ་ལས། འཁོར་ལོའི་གཙོ་བོའི་འབུམ་བཟླས་ཤིང༌། །ཡང་ན་རང་གི་ལྷ་ཡི་འབུམ། །དཀྱིལ་འཁོར་པ་ཡི་ཁྲི་ཡིན་ཏེ། །འདི་ནི་སྔོན་དུ་བསྙེན་པར་བརྗོད། །ཞེས་དང༌། ཕྱེད་བཅས་བཞི་བརྒྱ་པ་ལཥ་ཀྱང་དེ་བཞིན་དུ་གསུངས་ཏེ་
@018A ༄༅། །དབང་དང་རབ་གནས་སོགས་བྱེད་པའི་སྔོན་དུ་གསང་འདུས་སོགས་དཀྱིལ་འཁོར་ཕལ་ཆེར་ལ་བསྙེན་གྲངས་ནི། གཙོ་བོ་ལ་འབུམ། འཁོར་རྣམས་ལ་ཁྲི་ཕྲག་རེ་བྱ་དགོས་ལ། གཙོ་བོ་དང་མེ་ཏོག་ཕོག་པའི་ལྷ་གཉིས་འདམ་ཁ་ཅན་དུའང་བཤད་ཅིང༌། བདེ་མཆོག་ལ་ནི་རྒྱས་པ་ལ་དེ་ལྟར་བྱེད་
ཀྱང་འབྲིང་དང་བསྡུས་པའི་ཚུལ་ཡང་བཤད་དོ། །འཇིགས་བྱེད་བཅུ་གསུམ་མའི་གཙོ་བོ་ལ་སྔགས་གསུམ་ཀའམ་གང་རུང་སྟེ། རྩ་སྔགས་ཡིན་ན་འབུམ་ཕྲག་གསུམ་མམ་གཅིག་ཀྱང་གསུངས། ཐམས་ཅད་ལ་བཟླས་པའི་ཁ་སྐོང་གི་སྦྱིན་བསྲེག་བྱས་ན་ལྷག་ཆད་ཀྱི་ཉེས་པ་སྦྱོང་བས་ལེགས་པར་གསུངས་ཀྱང༌།
གཞུང་འགའ་ཞིག་ལྟར་ན་སྦྱིན་བསྲེག་བྱེད་དགོས་པའི་ངེས་པ་ཅན་མིན་བར་སྣང་ངོ། །གཙོ་བོ་ལས་གནང་བ་ཐོབ་ན་ནི་གྲངས་དེ་ཙམ་མ་སོང་ཡང་རུང་སྟེ། སྔགས་རིམ་ལས། གཙོ་བོ་ལས་གནང་བ་ཐོབ་ན་དེ་ཙམ་མ་སོང་ཡང་རུང་བར་གསུངས་སོ། །ཞེས་གསུངས་པའི་ཕྱིར་རོ། །ཞི་སོགས་ཀྱི་ལས་མང་པོ་ལེགས་པར་
ན་གྲུབ་པར་ལ་ནི། ཡེ་ཤེས་འབེབས་སྔགས་ཁྲི་དང༌། དེའི་བཅུ་ཆའི་སྦྱིན་བསྲེག་ཀྱང་དགོས་སོ། །ཡང་སྔགས་རིམ་ལས། ལྷ་མི་གཅིག་པའི་དཀྱིལ་འཁོར་སོ་སོ་ལ་ནི་བསྒོམ་བཟླས་སོ་སོར་བྱ་དགོས་པར་མངོན་ལ། དཔའ་བོ་གཅིག་པའི་བསྒོམ་བཟླས་བྱས་པས་ཀྱང་མཆོག་པའི་སྐབས་ཡོད་པ་རྡོ་རྗེ་འཇིགས་བྱེད་ལྟ་བུ་མ་
གཏོགས་ཞེས་ཀྱང་གསུངས་པས་ཚུལ་དེ་ཡང་ཤེས་དགོས་སོ། །བཞི་པ་ལ་གཉིས། ཆོ་ག་བྱ་བའི་དུས་དང༌། ཆོ་ག་ཇི་ལྟར་བྱ་བའོ། །དང་པོ་ནི། སྤྱི་རྒྱུད་ལས། ཡང་དག་ཞི་བའི་སེམས་ཀྱིས་ནི། །དུས་དང་ཚེས་གྲངས་ཞི་བ་ལ། །སྔགས་ཀྱི་སྤྱན་འདྲེན་བྱེད་པ་ནི། །བསམ་པའི་དངོས་གྲུབ་ཐོབ་པར་འགྱུར།།
ཞེས་དང༌། ཚེས་གྲངས་ངན་དང་དུས་མིན་དང༌། །གནས་མིན་ཆོ་གར་མི་ལྡན་པར། །མཁས་པས་དཀྱིལ་འཁོར་མི་བྲིའོ། །ཞེས་དང༌། སྟོན་ཟླ་འབྲིང་པོའི་ཉ་ནས?་ནི། །དཔྱིད་ཟླ་ཐ་ཆུང་ཉ་ཡི་བར། །འདི་ཡི་བར་དུ་མཁས་པ་ཡིས། །དཀྱིལ་འཁོར་ཆོ་ག་བཞིན་དུ་བྲི། །ཞེས་དང༌། ཟླ་བ་ཡར་གྱི་དོ་དག་ལ། །ཟླ་བ་
@018B ཉ་བའམ་བཅུ་གསུམ་མམ། །ཚེས་བརྒྱད་དག་གམ་བཅུ་གཞི་འམ། །ཚེས་བཅུ་དང་ནི་བཅུ་གཅིག་གམ། །ཞེས་པ་ནས། མར་གྱི་ངོ་ཡི་དུས་མཚམས་ལའང༌། །དཀྱིལ་འཁོར་བྲི་བ་འགལ་བ་མེད། །ཞེས་གསུངས་པ་ལྟར་ལ། གཟའ་ཕུར་བུ་ཟླ་བ་པ་སངས་ཉི་མ་དང༌། སྐར་མ་རྒྱལ་སྐག་ས་ག་མེ་བཞི་ནགས་པ་ཐ་
སྐར་སྣོན་རྣམས་ལ་ལེགས་པར་བཤད་དོ། །གཉིས་པ་ལ་གཉིས། དབང་གི་ཆོ་གའི་རིམ་པ་དངོས་དང༌། དེའི་ཡན་ལག་གོ །དང་པོ་ལ་གསུམ། ས་ཆོག །སྟ་གོན་དང༌། དངོས་གཞིའི་ཆོ་གའོ། །དང་པོ་ལ་དྲུག །ས་བརྟག་པ། བསླང་བ། སྦྱང་བ། གཟུང་བ། བསྲུང་ཞིང་བྱིན་གྱིས་བརླབ་པ། གནས་དང་དཀྱིལ་
འཁོར་གཞན་ལ་ས་ཆོག་དགོས་མི་དགོས་བཤད་པའོ། །དང་པོ་ནི། གྲོང་དང་གཙུག་ལག་ཁང་སོགས་ཀྱི་ཕྱི་རོལ་དབང་ལྡན་དུའམ། ཤར་དང་བྱང་གཞོལ་བའི་གནས་ཡིད་དུ་འོང་བ་སོགས་སུ་བྱ་ཞིང༌། ཤར་དང་ལྷོ་དང་ནུབ་དང་མེ་འཚམས་དང་མཆོད་རྟེན་དང་ཉེ་བ་དང་སྡོང་དུམ་དང་ཚེར་མ་ཡོད་པ་སོགས་ཀྱི་
གནས་རྣམས་སུ་བྱར་མི་རུང་ལ། གཙུག་ལག་ཁང་ལྟ་བུའི་ནང་དུ་བྱེད་ན་ནི་ཕྱོགས་ལ་ལྟོས་པའི་ངེས་པ་མེད་དོ། །བརྐོས་པ་ལ་སས་བརྟག་ན། མཐོ་གང་ཙམ་བརྐོས་ནས་ས་དེས་ཁུང་བུ་དེ་ཉིད་མྱུར་དུ་བཀང་བས་ལྷག་ན་བཟང་བར་ཕྲེང?་བ་ལས་བཤད་ཅིང༌། ཆུས་བརྟག་ན། ཁུང་བུ་སྔ་མ་སླར་ཡང་མཐོ་
གང་དུ་བརྐོས་པ་ཆུས་བཀང་ལ་གོམ་པ་བརྒྱར་ཕྱིན་ཏེ་ལོག་ནས་བལྟས་པས་ཆུས་གང་ན་ནི་བཟང་ལ། དམའ་ན་ནི་ལེགས་པ་མིན་ནོ། །དམའ་བ་ནི་ཁུནད?་བུའི་ཕྱེད་མན་ལ་བཤད་པའང་ཡོད། བརྟག་པ་འདི་གཉིས་ནི་ཁང་པ་སོ་སྨ?་བྱེད་པའི་སྐབས་སུ་བྱས་ཀྱང་ལེགས་པར་ཕྲེང་བ་ལས་བཤད་དོ། །སའི་
ཁ་དོག་ནི། དཀར་སེར་དམར་ནག་པོ་བཞི་ནི་རིམ་པ་བཞིན་དུ་ཞི་རྒྱས་དབང་དྲག་གི་ལས་ལ་ཤིས་པར་བཤད་དེ། དེའི་རིགས་འགྲོས་ཤེས་པར་བྱའོ། །གཉིས་པ་ནི། སྤྱི་རྒྱུད་ལས། ས་ཡི་བདག་པོས་གནང་ནས་ནི། །སློབ་དཔོན་གྱིས་ནི་དཀྱིལ་འཁོར་བྲི། །ཞེས་གསུངས་པ་ལྟར། བརྟགས་པས་རུང?་ན་
@019A ༄༅། །ས་དེ་རྒྱལ་པོ་སོགས་མངོན་པའི་བདག་པོ་ལས་བསླང་བར་བྱ་ཞིང༌། དེ་ནས་གཞི་བདག་དང་ས་ལྷ་ལ་གཏོར་མ་སྦྱིན་པ་སྔོན་དུ་འགྲོ་བས་བསླང་ངོ། །གསུམ་པ་ལ་གསུམ། བརྐོས་ནས་སྦྱང་བ་དང༌། རྫས་སྔགས་སོགས་གསུམ་གྱིས་སྦྱང་བ། དག་པས་སྦྱང་བའོ། །དང་པོ་ལ་གཉིས། དངོས་དང་
ལྟོ་ཕྱེ་བརྟག་ཚུལ་ལོ། །དང་པོ་ནི། སྟེགས་བུ་གྲུབ་ཟིན་ལ་མི་དགོས་ཀྱང༌། བརྐོས་ན་སའི་ཟུག་རྡུ་རྣམས་དབྱུང་དགོས་ཏེ། དེ་ནི་རུས་པ་དང་རྡོ་དང་བྱོ?་མོ་དང་སྡོང་དུམ་དང་ཚེར་མ་སོགས་བསལ་བའོ། །སའི་ལྷག་མ་མ་བསལ་བ་རྣམས་དྲི་ཆུ་དང་སྦྱར་ནས་བརྐོས་པའི་དོང་བཀང་ལ་མ་ཁེངས་ན་གཞན་གྱིས་ཀྱང་
བཀང་ངོ། །དེ་ནས་ཧཱུཾ་དང་ལས་ཐམས་ཅད་པ་བཟླས་པའི་དྲི་ཆུ་གཏོར་ནས་ཁྲུ་ཕྱེད་ཙམ་དུ་མཐོ་ཞིང་མཉམ་ལ་དབུས་ཅུང་ཟད་མཐོ་ཞིང་ཤར་དང་བྱང་ཡིད་ཙམ་དམའ་བར་བྱ་སྟེ། དེ་ཡང་ས་ཕྱོགས་དང་སྟེགས་བུ་གཉིས་ཀ་ལ་མཚུངས་སོ། །ས་ལས་བྱས་པའི་སྟེགས་བུའི་དབུས་སུ་ཁུང་བུ་ཅུང་ཟད་བརྐོས་ནས་འབྲུ་རིན་
ཆེན་སྨན་དག་གཞུག་བར་བྱ་ཞིང༌། བུམ་པ་རིན་པོ་ཆེ་སོགས་ཀྱིས་གང་བ་བཅུགས་ནའང་ལེགས་སོ། །གཉིས་པ་ནི། དཀྱིལ་འཁོར་བྲི་བ་དང་གཙུག་ལག་ཁང་སོགས་ཀྱི་ཆེད་དུ་ལྟོ་ཕྱེ་བརྟག་པར་བྱ་སྟེ། དེ་ཡང་སྔགས་རིམ་ལས། གཞི་གང་ཡིན་གྲུ་བཞིར་བྱས་པ་དེའི་ཕྱོགས་བཞི་པོ་རེ་རེར་ཡང་ཟླ་བ་གསུམ་
གྱི་ཞག་གྲངས་དང་མཐུན་པར་རེའུ་མིག་དགུ་བཅུ་རེ་བྱའོ། །དེ་ལ་ལྟོ་ཕྱེ་གནས་པ་དང་རྒྱུ་བའི་ཚུལ་ནི། སྟོན་ཟླ་ར་བའི་ཚེས་གཅིག་ལ་མགོ་བྱང་ཤར་གྱི་མཚམས་ཀྱི་རེའུ་མིག་ཏུ་བཞག་ནས་མཇུག་རྩེ་ལྷོ་ནུབ་ཀྱི་རེའུ་མིག་ཏུ་བཞག་སྟེ་ཁ་ལྷོར་བལྟས་ཏེ་གནས་སོ། །དེ་ནས་ཞག་རེ་རེ་སོང་བ་ན་མགོས་ལྷོ་རོས་སུ་དེའུ་
མིག་རེ་དང་མཇུག་རྩེས་བྱང་ངོས་སུ་རེའུ་མིག་རེ་བགྲོད་ནས་གཡས་སྐྱོར་གྱིས་བཟོའོ?། །ཟླ་བ་གསུམ་ལ་ཕྱོགས་རེའི་རེའུ་མིག་དགུ་བཅུ་རེ་བགྲོད་པས་ལོ་གཅིག་ལ་ཕྱོགས་བཞིའི་རེའུ་མིག་དགུ་བཅུ་པ་ཕྲག་བཞི་ཀ་འཁོར་རོ། །དེ་ཡང་གཞོག་གཡོན་འོག་ཏུ་བཅུག་ནས་ཉལ་བའི་གདེངས་ཀ་ནས་མཇུག་རྩེའི་བར་
@019B ལ་མཐོ་བཅུ་ཡོད་ལ། མཐོ་རེས་རེའུ་མིག་དགུ་རེ་ནོན་པས་ཕྱོགས་དང་མཚམས་གང་དུ་གནས་པའི་ཚེ་ཡང་རེའུ་མིག་དགུ་བཅུ་རེ་ནོན་ནོ། །ལུས་ཀྱི་ཞེང་གིས་ནི་སའི་རེའུ་མིག་གི་ཆ་དགུ་ཁྱབ་པར་ཉལ་ཞིང༌། གསང་གནས་ནི་ཕྱོགས་གང་དུ་གནས་པའི་ཚེའང་དེའི་དབུས་སུ་བག?་གནས་གནས་ཏེ། ཞེས་དང༌། བརྐོ་བའི་གནས་
ཀྱང་དེ་ཉིད་ལས། མགོ་ཤར་དུ་བསྟན་པའི་དབང་དུ་བྱས་ན་མགོས་རེའུ་མིག་གང་ནོན་པའི་ཕྱོགས་དེ་ནས་ནུབ་ཏུ་རེའུ་མིག་དགུ་གསུམ་ཉེར་བདུན་དོར་བའི་བར་ལ་བརྐོར་མི་རུང་ལ། མཚམས་དེ་ནས་ནུབ་ཏུ་རེའུ་མིག་དགུ་དང་རྒྱབ་ཀྱི་ལུས་ཀྱིས་ནོན་པའི་ས་ནས་མདུན་དུ་རེའུ་མིག་ཕྱེད་དང་བཅུ་བཞིའི་བར་?་ལ་བརྐོར?་
མི་རུང་ཞིང༌། མཚམས་དེ་ནས་ལྷོར་རེའུ་མིག་ཕྱེད་དང་ལྔ་ནི་དང་པོར་བརྐོ་བའི་ས་དམིགས་སོ། །དེ་ནི་མཆན་གྱི་མདུན་དུ་བཞེད་པས་མཆན་གྱི་ཐད་དུ་རེའུ་མིག་དགུ་སྤངས་པར་བརྐོ་བའི་ལུགས་སོ། །ཞེས་གསུངས་ཏེ། ལག་ལེན་ནི་གཞན་ནས་ཤེས་པར་བྱའོ། །གཉིས་པ་ནི། ལས་ཐམས་ཅད་
པ་བཟླས་པའི་ཡུངས་ཀར་ཆུ་ཐལ་བ་སོགས་ས་དེ་ལ་གཏོར་ལ། འབྱུང?་ལྔས་ཤར་ནས་བརྩམས་ཏེ་བྱུག་ཅིང་དྲི་ཆུ་གཏོར་བར་བྱའོ། །དེ་ནས་ཨོཾ་བྷུ་ཁ་སོགས་སྔགས་ཀྱིས་སྦྱང་ཞིང༌། སྔར་ས་ལྷ་ནམ་མཁར་བཏེགས་ན་འདིར་ཕབ་ནས་མཆོད་གཏོར་སོགས་བྱའོ། །གསུམ་པ་ནི། ས་སོགས་རང་བཞིན་མེད་པར་
སྟོང་པའི་བདག་ཉིད་དུ་བསམ་པ་སྟེ་འདི་ག་ལ་ཆེའོ། །བཞི་པ་ལ་གསུམ། ལྷའི་རྣལ་འབྱོར་བྱས་ཏེ་གསོལ་བ་གདབ་ཅིང་དཀྱིལ་འཁོར་གདེག་པ། ལངས་ཏེ་ང་རྒྱལ་གྱིས་བགེགས་ལ་བཀའ་བསྒོ་བ། སྟངས་སྟབས་བྱ་བ་དང་བཅས་པའོ། །དང་པོ་ནི། དེ་ནས་དཀྱིལ་འཁོར་གྱི་ས་གཞི་ལ་མེ་ཏོག
བཀྲམ་པའི་དབུས་སུ་འདུག་པའམ། འདུག་པར་མོས་ལ། བྲི་བྱའི་ལྷའི་དཀྱིལ་འཁོར་སྲུང་འཁོར་དང་བཅས་པ་རྫོགས་པར་བསྒོམས་ནས་བགེགས་བ་སལ་ལ། རང་གི་ལྕེ་རྡོ་རྗེར་བསྐྱེད་དེ་སྦོས་བོར་བཟུང་ནས། མ་ལུས་ཞིང་ན་བཞུགས་པ་ཡི། །ཞེས་སོགས་ཀྱིས་སྙན་གསན་དབབ་ཅིང་མཆོད་
@020A ༄༅། །ཕྱོགས་བཞིའི་སློབ་མ་ཡོད་ན་རྣམ་སྣང་སོགས་རིགས་བཞིར་བསྐྱེད་ཅིང༌། མེད?་ན་གཅིག་ཉིད་རིམ་པ་བཞིན་དུ་ཕྱོགས་དེ་དག་ཏུ་སོང་ནས་ཕྱོགས་སོ་སོའི་དེ་བཞིན་གཤེགས་པའི་ང་རྒྱལ་འཛིན་པས། སློབ་དཔོན་དང་དཀྱིལ་འཁོར་གྱི་གཙོ་བོ་ཐ་མི་དད་དུ་མོས་ནས། དེ་བཞིན་གཤེ(Gs)
པ་ཀུན་ཞི་བ། ཞེས་སོགས་ཀྱིས་གསོལ་བ་གདབ། དེ་ཡང་བདེ་མཆོག་ལ་རྣལ་འབྱོར་མ་བཞི་དང་གཤིན་རྗེ་གཤེད་ལ་རང་གི་ཕྱོགས་བཞིའི་གཤེགས་པ་བཞིའི་ང་རྒྱལ་གྱིས་བྱ་སྟེ། གཞན་ལ་རིགས་བསྐྲེའོ། །དེ་ནས་སྔགས་དང་ཕྱག་རྒྱས་བསྒོམས་པའི་དཀྱིལ་འཁོར་ནམ་མཁར་འདེགས་ཚུལ་གཞན་ནས་མ་
བཤད་པ་ལྟར་བྱའོ། །པོ་གཉིས་ཀ་བྱའོ། །གཉིས་པ་ནི། དེ་ནས་ལངས་ཏེ་ཤར་དུ་ཕྱོགས་པས་མཉམ་པའི་རྐང་སྟབས་བྱས་ལ་མགོ་བོར་ཐལ་མོ་སྦྱར་ནས། ཨོཾ་པྲ་ནཱ་མ་མི་སོགས་ཀྱིས་ཕྱག་བྱའོ། །དེ་ནས་རང་ཧཱུཾ་མཛད་དུ་བསྐྱེད་དེ། མིག་བྱིན་གྱིས་བརླབས་ལ་རྡོ་རྗེའི་ལྟ་བས་ཕྱོགས་རྣམས་སུ་འགྲོ་བ་ལ་ལྟ་ཞིང་རྡོ་རྗེའི་འགྲོས་བྱ། །
དེ་ནས། ང་ནི་དཔལ་ལྡན་རྡོ་རྗེ་འཆང༌། །ཞེས་སོགས་ཀྱིས་ལྷའི་ང་རྒྱལ་བྱ་ཞིང༌། འགྱིང་བག་དང་བཅས་པས་རྡོ་རྗེ་གསོར་དྲིལ་བུ་དཀྲོལ་བཞིན་པར་རྡོ་རྗེའི་རྐང་སྟབས་ཀྱིས་དབང་ལྡན་དུ་སོང་སྟེ། བཀའ་བསྒོ་རྒྱས་པའམ། བསྡུ་ན་ལུས་ངག་སེམས་ལ་གནས་པ་ཡི། །ཞེས་སོགས་ལན་གསུམ་གྱིས་བཀའ་བསྒོ་བྱའོ།།
གསུམ་པ་ནི། རྡོ་རྗེ་རྩེ་གཅིག་པ་དང་གསུམ་པ་དང་ལྔ་པ་དང་སྣ་ཚོགས་རྡོ་རྗེའི་རྐང་སྟབས་བྱ་ཞིང༌། དེ་ཡང་རྐང་མཐིལ་དུ་ཧཱུཾ་ལས་རྡོ་རྗེ་དེ་རྣམས་བསྐྱེད་དེ། རྐང་མཐིལ་གྱིས་ས་ལ་རྡོ་རྗེ་དེ་རྣམས་བྲི་ཞིང་གར་གྱིས་བསྐོར་ཞིང་རྗེས་གདོད་བར་གསུངས་ཏེ། རྒྱས་བར་ནི་སྔགས་རིམ་ཉིད་དུ་བལྟའོ། །རྐང་སྟབས་དེ་དག་ནི་མི་
ཤེས་ཤིང་མི་སྤྲོན་མ་བྱས་ཀྱང་ཆོག་མོད། རྐང་པ་བྱིན་གྱིས་བརླབ་པ་ནི་བྱ་དགོས་སོ། །དེ་ནས་དཀྱིལ་འཁོར་བྲི་བའི་ས་གཞི་ལ་དྲིས་བྱུགས་ཏེ་མེ་ཏོག་སོགས་ཀྱིས་མཆོད་ནས་ལག་པ་རེག་ཅིང༌། གཙོ་བོའི་སྔགས་བརྒྱ་རྩ་བརྒྱད་དང་ཡིག་བརྒྱ་ལན་བདུན་བཟླའོ། །ལྔ་པ་ལ་གཉིས། སྔོན་དུ་ལྷར་བསྐྱེད་
@020B ནས་བགེགས་འགུགས་པ། བགེགས་ལ་ཕུར་གདབ་བྱ་བའོ། །དང་པོ་ནི། སྲུང་འཁོར་བསྒོམས་ཏེ་དེའི་དབུས་སུ་རང་ཉིད་ཧཱུཾ་མཛད་དུ་བསྐྱེད་ལ། ཐུགས་ཀའི་ཧཱུཾ་གི་འོད་ཀྱིས་བགེགས་བཀུག་སྟེ་ཧཱུཾ་ལས་སྤྲོས་པའི་ཁྲོ་བོ་བཅུ་ལ་གཏད་པར་བྱའོ། །གཉིས་པ་ནི། སེང་སྡེང་དང་རུས་པ་དང་ལྕགས་གང་རུང་ལས་
བྱས་པའི་ཕུར་བུ་སྟོད་ཁྲོ་བོ་དང་སྨད་ཕུར་བུའི་རྣམ་པ་ཅན་བཅུ་ཁྲོ་བཅུར་བསྐྱེད་པ་སོགས་བྱས་ལ། ལྷ་དེའི་གཡས་ཀྱི་ཕྱག་མཚན་དང་བོ་ཐོ་བར་བསྐྱེད་དེ། བགེགས་རྣམས་ཧཱུཾ་ལས་བྱུང་བའི་ཁྲོན་པར་བཅུག་པའི་མགོར་ཕུར་གདབ་ཀྱི་སྔགས་བརྗོད་པ་སྔོན་དུ་འགྲོ་བས་གདབ་པར་བྱའོ། །འོན་ཀྱང་
གསང་འདུས་འཕགས་ལུགས་ལ་འགུགས་པ་དང་འདེབས་པ་པོ་གཉིས་ཀ་གནོད་མཛེས་ཀྱིས་བྱེད་ཅིང༌། གཞན་མི་འདྲ་བའང་ཡོད་དོ། །ཕུར་བུ་དངོས་ཡོད་པའམ་མེད་ནའང་དམིགས་པས་བྱ་སྟེ། དེ་ཡང་དངོས་སུ་ཡོད་ན་དབུས་སུ་གདབ་པར་མོས་ལ་དབང་ལྡན་དུ་གདབ་ཅིང༌། ཕུར་བུ་ལ་མི་གནོད་པའི་ཆེད་དུ་སའི་
གོང་བུ་ལ་བཙུགས་ཏེ་མཆོད་བ་བྱའོ། །དྲུག་པ་ནི། ས་ཆོག་འདི་དཀྱིལ་འཁོར་གྱི་ཁང་བརྟེགས་བུ་བཅས་རྙིང་པ་དང་ཁང་བཟང་སོགས་ཀྱི་ནང་དང༌། ས་བརྐོ་མི་དགོས་པ་དང་རས་བྲིས་དང་ལུས་དཀྱིལ་དུ་དབང་བསྐུར་བ་སོགས་ལ་དགོས་སམ་མི་དགོས་སྙམ་ན། འདི་ནི་སྤྱི་རྒྱུད་ལས། དྲང་སྲོང་གནས་དང་
བ་ལང་ལྷས། ཕུག་དང་རི་ཡི་རྩེ་མོ་དང༌། །ས་གཞི་གང་ན་འཐས་པ་དང༌། །ཁང་སྟོང་དང་ནི་རྡོ་ལེབ་དང༌། །མཆོད་རྟེན་དྲུང་དང་བབ་ཆུའི་གླིང༌། །མཚོ་རྣམས་ཀྱི?་ནི་འགྲམ་དག་ཏུ། །ས་གཞི་སྦྱང་དང་བརྟག་པ་དག །ནན་ཏན་དུ་ནི་བྱ་མི་དགོས། །ཞེས་གསུངས་ཏེ། དེ་དག་ལས་བརྐོས་ནས་སྤྱོད་
བ་སོགས་ཇི་བཞིན་མི་དགོས་ཀྱང༌། རྫས་སྔགས་སྟོང་ཉིད་ཀྱིས་སྦྱང་བར་བྱའོ། །གནས་དེ་དག་ཏུ་རྡུལ་ཚོན་གྱིས་དཀྱིལ་འཁོར་བྲི་ན་ནི་མི་སྣང་བའི་གཞི་བདག་ལ་སློང་བ་དང་སྦྱང་བ་དང་བཟུང་བའི་སྒོར་ཅི་རིགས་བྱ་ལ། རས་རིས་ལ་ནི། ས་བརྟག་པ་དང་བསླང་བ་དང་སྦྱང་བ་རྣམས་མི་དགོས་ཤིང༌། སྤྲོན་བཟུང་ཞིང་
@021A ༄༅། །བསྲུང་བའི་སྐོར་བྱའོ། །གཉིས་པ་ལ་གསུམ། སྟ་གོན་སྤྱིའི་རྣམ་གཞག །སྟ་གོན་སོ་སོའི་ཆོ་ག །དཀྱིལ་འཁོར་གཞན་གྱི་སྟ་གོན་ནོ། །དང་པོ་ནི། སྟ་གོན་ལ་སྤྱིར་གྲངས་དང་གོ་རིམ་མི་འདྲ་བ་ཡོད་ཅིང༌། ཁྱད་པར་སའི་ལྷ་མོ་ནི་ས་མཆོག་གི་སྐབས་སུ་ཡོད་ལ་སྟ་གོན་གྱི་ཚེ་མེད་པ་དང༌།
སྟ་གོན་གྱི་ཚེ་ཡོད་ལ་ས་ཆོག་གི་སྐབས་སུ་མེད་པ་དང༌། གཉིས་ཀའི་སྐབས་སུ་ཡོད་པའི་ལུགས་གསུམ་ཡོད་ལ། ས་ལྷ་དང་ལྷ་དང་སློབ་མ་སྟ་གོན་གསུམ་སྟ་གོན་གྱི་སྐབས་ཉིད་དུ་བྱ་དགོས་ལ། །བུམ་ཕ་སྟ་གོན་ནི་སྔོན་དུ་བྱས་ན་བདེའོ་ཞེས་གསུངས། གཉིས་པ་ལ་ལྔ། ས་ལྷ་དང་ལྷ་དང་བུམ་པ་སྟ་གོན་དང་ལྷ་ལ་
གསོལ་བ་གདབ་པ་དང་སློབ་མ་སྟ་གོན་ནོ། །དང་པོ་ནི། ཕུར་བུ་བཏབ་ཟིན་ནས་རང་གི་མདུན་ནམ་དཀྱིལ་འཁོར་བྱེད་པའི་དབུས་སུ་དྲིའི་ཐིག་ལེ་བྱས་ནས་བཾ་ལས་ལྷ་མོ་བསྐྱེད་དེ། རྡོ་རྗེ་རྩེ་གསུམ་པའི་ཕྱག་རྒྱས་ཡེ་ཤེས་པའི་ལྷ་མོ་སྤྱན་དྲངས་ནས་བསྟིམ་པའམ། མ་བསྟིམ་ཀྱང་རུང་བར་བཤད། མཆོད་གཏོར་སོགས་
བྱས་ནས། སྐྱོབ་པ་སངས་རྒྱས་ཐམས་ཅད་ཀྱི། །ཞེས་སོགས་ལན་གསུམ་གྱིས་གསོལ་བ་གདབ་ཅིང་གནང་བ་བྱིན་ནས་དེར་ཐིམ་པར་བསམས་ལ་ལྷག་གནས་བྱའོ། །སྐབས་འདི་དང་ས་སློང་བའི་སྐབས་གཉིས་སུ་སའི་ལྷ་མོ་བསྐྱེད་མི་བསྐྱེད་དང་མཆོད་གཏོར་སོགས་ལ་ཁྱད་པར་མེད་དོ། །དེ་གཉིས་ཀྱི་སྐབས་སུ་
འདོད་དོན་གྱི་ཁྱད་པར་ནི། སྔ་མ་དཀྱིལ་འཁོར་གྱི་སའི་ཆེད་དུ་གནང་བ་ཞུ་བ་ཡིན་ལ། འདིར་ནི་དཀྱིལ་འཁོར་གྱི་ཆོ་ག་བྱེད་པ་ལ་དབང་པོ་ཞུ་བ་ཡིན་ནོ། །སྦྱིན་བསྲེག་བྱེད་པའི་སའི་ཆེད་དུ་འདི་ལ་གནང་བཞུ་བའམ་མ་བྱས་ཀྱང་རུང་ཞིང༌། སྔོན་ལོངས་སྤྱོད་བཞིན་པའི་ས་ལ་ནི་གཞི་བདག་གཏོར་མ་ཡང་ངེས་པར་དགོས་
པ་མིན་ཀྱང༌། རྫས་སྔགས་ཀྱིས་སྦྱང་བ་ནི་དགོས་སོ། །གཉིས་པ་ལ་གཉིས་ལྷ་གནས་ངེས་པའི་ཕྱིར?་དུ་ཐིག་གདབ་པ། ལྟ་གོན་ཇི་ལྟར་བྱ་བའོ། །དང་པོ་ལ་བཞི། ཐིག་གདབ་པའི་དཀྱིལ་འཁོར་གྱི་ཚད། ཐིག་འདེབས་པའི་གོ་རིམ་དང་དུས། ལམ་ཐིག་གདབ་ཚུལ། ཐིག་རྣམས་ཀྱི་དོན་བཤད་པའོ། །དང་པོ་ནི།
@021B སྤྱིར་ཚད་པ་བཤད་པ་ཡོད་ཀྱང༌། གྲུབ་ཆེན་མར་མེ་མཛད་ཀྱིས། སེམས་ཅན་བསམ་པ་ལ་བརྟེན་ནས། །ཚད་ལ་སོགས་པ་ངེས་མཛད་ཀྱི། །ཐབས་ཤེས་ལས་བྱུར་དངོས་གྲུབ་ལ། །ཚད་སོགས་ངེས་པས་ཅི་ཞིག་བྱ། །དེ་ནི་ཁྲུ་གཅིག་ནས་བརྩམས་ཏེ། །ཇི་སྲིད་ཁྲུ་སྟོང་བར་དུ་བྱ། །ཞེས་གསུངས་པ?་
ལྟར་རོ། །གཉིས་པ་ནི། དང་པོ་ལས་ཐིག་བཏབ་ནས་དེའི་རྗེས་སུ་ཡེ་ཐེག་གདབ་པར་བྱ་སྟེ། ཡེ་ཤེས་ཀྱི་ཐིག་ནི་ལས་ཐིག་བྱིན་གྱིས་རློབ་བྱེད་ཡིན་པའི་ཕྱིར་རོ། །དེ་ལྟར་ཡང་སར་ཧས། རིམ་བཞིན་ཐིག་གདབ་དེས་པར་བྱ། །དེ་སྟེང་ཡེ་ཤེས་ཐིག་བཏབ་པས། །ཞེས་གསུངས་པས་སོ། །གསུམ་
པ་ལ་གཉིས། ཐིག་སྐུད་འདུ་བྱ་བ་དང༌། ཐིག་གདབ་པའི་ཚུལ་ལོ། །དང་པོ་ནི། སྐྲ་དང་མ་འདྲེས་པའི་རས་སྐུད་གཞོན་ནུ་མས་བཀལ་བ་འདུར་མདུད?་མེད་པར་སུམ་སྒྲིལ་ཁ་ཏོག་དཀར་པོ་སྟེ། རིང་ཐུང་ནི་དཀྱིལ་འཁོར་ཉིས་འགྱུར་དང་སྦོམ་ཚད་སྒོའི་ཉི་ཤུའི་ཆའོ། །སྐྱེད་ཆོག་ནི་དྲི་སོགས་
བསྒོས་པར་བྱས་ནས་གསེར་སོགས་ཀྱི་སྣོད་དུ་བཞག་སྟེ་རང་གཙོ་བོའི་རྣལ་འབྱོར་དང་ལྡན་པས་ལས་ཐམས་ཅད་པ་གང་ཡིན་པར་བསྐྱེད་པ་སོགས་བྱས་ལ་སྔགས་བཟླས་ཏེ་བསྲུང་ངོ། །ལས་ཐམས་ཅད་པ་བཟླས་པའི་བདུད་རྩིའི་ཆུ་སོགས་གཏོར་ལ་ལག་པས་རག་ཅིང༌། ཨོཾ་བཛྲ་ས་མ་ཡ་
སོགས་དང༌། ཡི་གེ་གསུམ་བརྒྱ་རྩ་བརྒྱད་བཟླས་ཏེ་ལྷག་གནས་བྱ་བ་ནི་ཐིག་སྐུད་གཉིས་ཀ་ལ་འདྲའོ། །གཉིས་པ་ལ་གཉིས། ཕྱི་ཐིག་དང༌། ནང་ཐིག་གོ །དང་པོ་ནི། དཀྱིལ་འཁོར་གྱི་ས་ལ་བུམ་ཆུས་གཏོར་ནས་ནམ་མཁའི་དཀྱིལ་འཁོར་མཆོད་བསྟོད་ཀྱི་བར་འཆད་པ་ལྟར་བྱ། དེ་ནས་སའི་དབུས་བཙལ་ཏེ་དེར་
ཐིག་ལེ་བྱ་ཞིང༌། དེ་ནས་ཚད་མཉམ་པའི་སྐུད་པས་ཕྱོགས་བཞིར་ཐིག་ལེ་རེ་བྱའོ། །དེ་ནས་སྔར་གྱི་ཚད་ལས་ཅུང་ཟད་རིང་བའི་སྐུད་པ་ཐིག་ལེ་བཞིའི་སྟེང་དུ་བཟུང་ནས་ཟླུམ་སྐོར་རེ་བྱ་སྟེ། ཕྱོགས་མཚམས་ཀྱི་ཐིག་རྣམས་དྲང་པོར་འོང་བའི་ཆེད་དོ། །དེ་ནས་རང་ཉིད་གཙོ་བོ་དང་སྒྲུབ་གྲོགས་ལས་ཐམས་ཅད་བར་བསྐྱེད་དེ་
@022A ༄༅། །ཐིག་གཏོར་ལེན་འཆད་པ་ལྟར་བྱའོ། །ཚངས་ཐིག་བཞི་དང་རྩ་ཐིག་བཞི་སྟེ་ཐིག་ཆེན་བརྒྱད་ལས། དང་པོར་ཚངས་ཐིག?་དེ་ནས་ཟུར་ཐིག་དེ་ནས་རྩ་ཐིག་གདབ་པར་ཕྲེང་བར་བཤད་ལ། ཀླུ་བྱང་གི་དང་པོར་ཚངས་ཐིག་དང་དེ་རྗེས་རྩ་ཐིག་གདབ་པ་དང༌། ཚངས་ཐིག་གདབ་པ་ན་ས་ར་ཧས་ལྷོ་བྱང་སྔོན་དང་
གཞན་མང་པོས་ཤར་ནུབ་སྔོན་ལ་གདབ་པར་བཤད་ཅིང༌། རྩ་ཐིག་ལ་མི་འདྲ་བའི་ལུགས་ཡོད་ཀྱང་ཀླུ་བྱང་གིས་ཤར་ནས་རིམ་བཞིན་གདབ་པར་བཤད་ལ། ཟུར་ཐིག་ལ་མེ་རླུང་སྔོན་ལ་གདབ་བོ། །སློབ་དཔོན་དང་སློབ་མའི་སྡོད་ཕྱོགས་དང་ཁ་ལྟ་ཕྱོགས་སོགས་ནི་གཞན་དུ་ཤེས་པར་བྱ་ལ། ཐིག་གདབ་ཚུལ་ནི་
ཕྲེང་བ་ལས། ཤར་ཕྱོགས་སོགས་ཀྱི་ཐིག་ལེའི་སྟེང༌། །སྲད་བུ་བཟུང་ནས་མཎྜལ་བཞིས། །ཉ་ཡི་མགོ་དང་མཇུག་གི་མཐར། །ཚངས་ཐིག་དང་ནི་ཟུར་ཐིག་གདབ། །ཟུར་དེ་སྒོ་ཚད་བདུན་དང་ཕྱོགས། །ཁྲུལ་སོགས་པའི་རྩ་ཐིག་གི །དབུས་སུ་བརྒྱད་ཆ་ཕྱིས་བ་སྟེ། །སྒོ་དེ་ཡི་བཞི་ཆ་ཆ་ཆུང་སྟེ། །རྩ་བའི་ཕྱི་རོལ་
གཅིག་དང་གཉིས། །གཅིག་གཉིས་གཅིག་དང་གཅིག་གི་མཐར། །ཐིག་དྲུག་ཟུར་ནས་ངོས་སུ་སྟེ། །ཚངས་ལས་རིམ་གྱིས་རིང་བར་ནི། །ཆ་ཆུང་གསུམ་དུ་དང་པོའི་ཐིག །གཉིས་ཐིག་ཆ་ཆུང་གཉིས་རྩེར་རེག །ཆ་ཆུང་བརྒྱད་དུ་གསུམ་སྟེགས་བུའི། །ཐིག་ལས་དྲང་པོའི་ཐིག་བཞི་སྟེ། །གསུམ་ནི་ཆ་ཆུང་ལྔ་བཞི་པ། །
ཆུ་ཆུང་བཞི་དེའི་དང་པོ་ནི། །ངོས་ཐིག་རྩེ་མོར་ཡང་དག་རེག །གསུམ་ནི་ཆུ་ཆུང་རེ་རེའི་བར། །བཞི་པའི་རྩེ་ནས་ངོས་སུ་ཐིག །ཆ་ཆུང་བཅུ་དང་ལྡན་པའོ། །རྩ་བའི་རྩེ་ནས་བྱུང་བའི་ཐིག །ཆ་ཆུང་བཞི་པ་ངོས་སྟེང་དུ། །ཆ་ཆུང་གཉིས་གཉིས་ཐད་ཀར་ནི། །ཆ་ཆུང་བརྒྱད་དེ་གསུམ་འཁྱོག་པའོ། །ཞེས་དང༌། རྟ་བབས་ནི་
ཀ་བའི་རྩེ་ནས་ཕྱི་ངོས་སུ། །ཆ་ཆུང་རེ་རེ་དོར་བར་ཐིག །བཅུ་ཅིག་འདི་ལ་ལྔ་པ་དང༌། །བདུན་པ་ཆ་ཆུང་བྱེད་དང་གཉིས། །ཡང་ན་གསུམ་པ་བདུན་པ་དང༌། །དགུ་པ་ཆ་ཆུང་རེ་རེའོ། །བཞི་པ་དྲུག་པ་བཅུ་པ་རྣམས། །སོ་སོར་ཆ་ཆུང་ཕྱེ་དེ་དོ། །ལྔ་ནི་ཆ་ཆུང་ཕྱེད་དང་གཉིས། །དེ་ལ་སྤྱོ?་?་གཉིས་སུ་ནི་རྒྱར།།
@022B ཚངས་པའི་གཡས་དང་གཡོན་དུ་ནི། །ཆ་ཆུང་ཕྱེད་བཅས་མདའི་མཐར། །སྣམ་བུ་ཆ་ཆུང་ཕྱེད་དང་གསུམ། །ཐིག་ནི་ཆ་ཆུང་ཕྱེད་དང་བཞི། །ཆ་ཆུང་དྲུག་མཐར་གཉིས་པ་དང༌། །གསུམ་པ་ཆ་ཆུང་གསུམ་པའོ། །ཆ་ཆུང་བཞི་མཐར་བཞི་པ་ནི། །ཆ་ཆུང་ལྔ་སྟེ་མདའ་ཕྱེད་བཅས། །གསུམ་དོར་ནས་ནི་ཕྱེད་དང་ལྔ།།
གསུམ་ནས་དྲུག་པ་ཆ་ཆུང་ལྔ། །བཞི་ནི་ཆ་ཆུང་བདུན་རྣམས་ཏེ། །ཐིག་བཅུ་གཅིག་པ་ཆ་ཆུང་ལྔ། །སྣམ་བུ་ལྔ་པའི་སྟེང་གི་ནི། །ངོས་སུ་ཆ་ཆུང་ཕྱེད་དང་བཞི། །བདུན་པའི་འོག་ལ་ཆ་ཆུང་གསུམ། །སྟེང་ནི་ཆ་ཆུང་དྲུག་སྟེང་དུ། །སྣམ་བུ་རྣམས་མཐར་སོན་པའི་ཐིག །གཞན་གྱི་མཐའ་དང་ལྷན་ཅིག་སྟེ། །ཀྱོག་པོ་
གཅིག་གོ་འདི་ནང་དུའང༌། །ཆ་ཆུང་ཕྱེད་ནས་དེ་བཞིན་གཞན། །དེའི་ཕྱིར་ཆ་ཆུང་རིག་བྱེད་མཐར། །ཐིག་ཟླུམ་དེ་ནས་གཉིས་ཡིན་ཏེ། །ཆ་ཆུང་གཉིས་གཉིས་དོར་བར་རོ། །བཞི་དོར་བ་ནི་ཟླུམ་པོ་གང་ནན?། །ཞེས་གསུངས་པ་ལྟར་རོ། །འདི་ནི་ཐིག་སྐུད་རིང་ཐུང་གཉིས་ཀའི་ལུགས་ཡིན་པས་གསང་འདུས་ལའང་འགྲམ་
ལོགས་སྒོ་དང་མི་མཉམ་པ་འདི་བཞིན་བྱས་ཀྱང་ཆོག་བ་ཕྲེང་བའི་དགོངས་པ་ཡིན་ལ། འོན་ཀྱང་ཐིག་སྐུད་རིང་བའི་ཕྱོགས་ལའང་འགྲམ་ལོགས་སྒོ་དང་མཉམ་མི་མཉམ་གཉིས་གང་བྱས་ཀྱང་མི་འགལ་བས། ཀླུ་བྱང་གིས་སྒོ་སོགས་བཞི་ཀ་མཉམ་པ་བཤད་པའི་རྗེས་སུ་འབྲང་སྟེ། རྗེས་དབང་དོན་རབ་གསལ་དུ་ཚུལ་དེ་
བཀོད་པ་ལྟར་ཕྱག་ལེན་དུའང་སྣང་ངོ། །དེ་ལྟར་ན་གསང་འདུས་ལ་གོང་གི་ཐིག་ལས་དྲང་པོའི་ཐིག་བཞི་སྟེ། །ཞེས་པ་ནི། ཐིག་ལས་དྲང་པོའི་ཐིག་གཉིས་ཏེ། །དེ་ནི་ཆ་ཆུང་རེ་རེ་རི་བར། །དབངས་སུ་ལྔ་སྟེ་དང་པོ་ནི། ངོས་ཐིག་རྩེ་མོར་ཡང་དག་ག?༌།རྩ་བའི་རྩེ་ནས་བྱུང་བའི་ཐིག །ཆ་ཆུང་བཞི་སྟེ་ངོསུའང?་བཞི།
བཞི༑ ༑སྟེང་དུའང་བཞི་སྟེ་གསུམ་འཁྱོག་པའོ། །ཤེས་པར་འགྱུར་རོ། །རྭའི་སྐོར་ཚུལ་ནི། ཚངས་དང་མདའ་ཡབ་ཕྲད་པ་ནས། །ཆ་ཆུང་བཞི་དང་བཞི་གསུམ་ནི། །སོང་བར་ཆ་ཆུང་དགུ་དང་ནི། །བཞི་ཆས་གཡས་གཡོན་ཕྱི་རྭ་སྐོར། །མདའ་ཡབ་ཚངས་ལས་ཆ་ཆུང་ནི། །ཕྱེད་བཅས་གསུམ་ནས་ཐད་ཀར་གཡས་
@023A ༄༅། །དྲུག་ནས་ཕྱེད་བཅས་བཅུ་གཉིས་ཀྱིས། །གཡོན་བསྐོར་གཡས་པ་དེ་ལས་བཟློག །ཞེས་གསུངས་པ་ལྟར་རོ། །ཕྲེང་བའི་ལུགས་དེ་འགྲམ་ལོགས་?་སྒོ་དང་མི་མཉམ་པའི་དབང་དུ་མཛད་པའི་ཁྱད་པར་མ་གཏོགས། གསང་འདུས་བདེ་མཆོག །འཇིགས་བྱེད། ཀུན་རིག་གི་ཕྱི་དཀྱིལ།
ཚེ་དབང༌། །གདུགས་དཀར། རྣལ་རྒྱལ་སོགས་དེ་འདྲ་བའི་དཀྱིལ་འཁོར་གཞན་ལའང་འདྲ་བར་བཞེད་དོ། །གསང་འདུས་ཀྱི་སྒོ་ལོགས་སྒོ་དང་མཉམ་པའི་དབང་གིས། བྲིས་བྱ་ལ་སྒོ་ལོགས་གཉིས་ཀྱི་གདོང་གི་བར་དུ་མུན་སྣམ་དང་རྩིག་པའི་རི་མོ་གང་ཡང་མ་བྱས་པ་ཡིན་གྱི། བསྒོམ་བྱ་ལ་ནི་སྒོ་ལོགས་ཀྱི་སྟེང་དུ་
ཐོག་མེད་པ་མིན་ནོ། །ཐིག་སྐུད་རིང་ཐུང་གཉིས་ཀའི་ལུགས་ལ་མདའ་ཡབ་ནས་མདའ་ཡབ་ཀྱི་བར་མཉམ་ཡང༌། ཐུང་བ་ནི་ཐིག་སྐུད་ཆ་ཆུང་རེ་བཞི་བ་ཡིན་པས། རྟ་བབས་ཀྱི་དཔངས་སྒོ་ཚད་གཅིག་ལས་མི་འོང་ལ། རིང་བ་ནི་ཆ་ཆུང་གོ་དྲུག་པ་ཡིན་པས་འདི་ལ་ནི་རྟ་བབས་ཀྱི་དཔངས་སྒོ་ཚད་གསུམ་ཡོད་དོ། །རིང་
ཐུང་གི་ཁྱད་པར་རྩ་ཐིག་ནས་རྩ་ཐིག་བར་ཉིས་འགྱུར་གྱི་དབང་དུ་བྱས་པ་ནི་ཐུང་བ་ཡིན་ལ། མདའ་ཡབ་ནས་མདའ་ཡབ་ཀྱི་བར་ཉིས་འགྱུར་གྱི་དབང་དུ་བྱས་པ་ནི་རིང་བའི་ཕྱོགས་སོ། །དེ་ལྟར་རིང་ཐུང་གཉིས་ཡོད་ཀྱང་རིང་བའི་ཕྱོགས་ནི་མང་པོས་བཞེད་པས་དེ་ལྟར་བྱའོ། །རིང་བའི་ཐིག་སྐུད་ཆེ?་ཆེན་ཉེར་བཞི་ཡོད་ཅིང༌།
དེའི་རྟ་བབས་དང་ཟླུམ་ཐིག་ནི་ཕྲེང་བ་ལས། ཀ་པའི་རྩེ་ནས་ཕྱི་ངོས་སུ། །ཞེས་སོགས་གོང་དུ་དྲངས་པ་ལྟར་རོ། །ཡང་ཕྲེང་བ་ལས། འགྲམ་ལོགས་སྒོ་དང་མཉམ་པ་ལ། །མུན་པའི་སྣམ་བུ་མེད་པའོ།། ཞེ་སྒོ་ལོགས་ཀྱི་གདོང་ན་མུན་སྣམ་མེད་ཅིང༌། དར་དཔྱངས་ཀྱི་སྣམ་བུ་ཡང་མེད་པར་བཤད་དོ། །ཐུང་བ་ལ་
ཆ་ཆེན་བཅུ་དྲུག་ཡོད་ཅིང་དེའི་རྟ་བབས་སོགས་ཀྱང་ཕྲེང་བ་ལས་རྟ་བབས་སྒོ་ལས་སུམ་འགྱུར་ནི། །ཞེས་སོགས་ཀྱིས་བཤད་ཅིང༌། འདིའི་སྒོ་ལས་སུམ་འགྱུར་ནི་རྟ་བབས་ཀྱི་དཔངས་མིན་གྱི་ངོས་སུ་སྒོ་ཚད་གསུམ་ཡོད་པའི་དབང་དུ་བྱས་ལ། འདིར་དར་དཔྱངས?་ཀྱི་སྣམ་བུ་ནི་ཡོད་དོ། །སྒོ་ནས་སྒོ་ལོགས་ཀྱི་བར་
@023B ཆ་ཆེན་མཉམ་མི་མཉམ་གསུམ་འབྱུང་སྟེ། སྒོ་སོགས་བཞི་པོ་སྒོ་ཚད་རེ་རེར་མཉམ་པ་དང༌། སྒོ་དང་སྒོ་འཁྱུད་མཉམ་ཡང་འགྲམ་ལོགས་གཉིས་མི་མཉམ་པ་དང༌། དེ་གཉིས་ཀྱང་མཉམ་པ་གཅིག་གོ །རྟ་བབས་ཀྱི་དཔངས་ཆ་ཆེན་གསུམ་པ་ལ་གཉིས་མཉམ་དགུ་མཉམ་དང་ལྔ་མཉམ་གསུམ་མཉམ་གཉིས་
ཡོད་ལ། ཆ་ཆེན་གཅིག་པ་ལ་ལྔ་མཉམ་གསུམ་མཉམ་ཁོན་སྟེ་གཉིས་ཀའང་སྣམ་བུ་བཅུ་གཅིག་པའོ། །ཟླུམ་ཐིག་ནི་ཐིག་རིང་བར་པད་ར?་དང་རྡོ་ར་གཉིས་ཆ་ཆེན་ཕྱེང་ཕྱེད་དང་མེ་རི་ལ་ཆ་ཆེན་གཅིག་ཡིན་ཞིང༌། ཐུང་བ་ལ་པད་རྡོར་ནི་ཆ་ཆུང་རེ་རེ་བ་ཡིན་ལ་མེ་རི་ལ་ཆ་ཆུང་གཅིག་གོ །གཉིས་པ་ལ། གསང་འདུས་ཀྱི་
ནང་ཐིག་ནི། ཕྲེང་བ་ལས། ཚངས་ལས་ཆ་ཆུང་བརྒྱད་མཐར་དང༌། །བདུན་པའི་མཐའ་རུ་ཟླུམ་པོའི་ཐིག །དེ་ནས་ཡང་དག་དྲང་ནས་ནི། །ཕྱོགས་གཞན་ཐིག་གི་མཚམས་སོང་བའི། །ཐིག་གཉིས་རིམ་བཞིན་ཚངས་པཱི་ཕྱིར། །ཆ་ཆུང་གཉིས་གསུམ་དོར་བའོ། །བྱི་ཟླུམ་ཐིག་ལས་ཕྱི་ངོས་སུ། །ཆ་ཆུང་
དོར་བར་ཟླུམ་པོའི་ཐིག །དེ་ནས་ཆ་ཆུང་གསུམ་དོར་ནས། །ཟུར་ཐིག་བར་དུ་གནས་པའི་ཐིག །ཀུན་ཏུ་སོན་པའི་ཚངས་ཐིག་དང༌། །རེའུ་མིག་སྣམ་བུ་རེ་ཁ་དཔྱི། །ཞེས་གསུངས་པའི་དོན་སྔགས་རིམ་ལྟར་བཤད་ན་དབུས་ཀྱི་ཚངས་ཐིག་ནས་ཕྱིར་ཆ་ཆུང་བདུན་དང་བརྒྱད་ཀྱི་མཐར་ཟླུམ་ཐིག་རེ་རེ། དབུས་ནས་ཆ་ཆུང་
གཉིས་དང་གསུམ་དོར་བ་ནས་ཕྱོགས་བཞིར་རེའུ་མིག་དགུ་པའི་ཐིག་རེ་རེ། སྔར་གྱི་ཟླུམ་ཐིག་ཕྱི་མ་ནས་འོད་ཕྲེང་གི་དོན་དུ་ཆ་ཆུང་གཅིག །དེ་ནས་ཆ་ཆུང་གསུམ་དོར་བའི་མཚམས་ནས་ཟུར་ཐིག་ནས་ཟུར་ཐིག་གི་བར་འདེབས་པའི་སྣམ་བུ་ནི་རྡོ་རྗེ་མ་བཞིའི་གནས་དང༌། ཕྱི་མ་བཞི་ནི་སེམས་དཔའ་དང་ཁྲོ་བོའི་གནས་
ཏེ། འཇམ?་རྡོར་ལ་ནི་ཅུང་མི་འདྲ་བ་ཡོད་དོ། །བདེ་མཆོག་རེ་གཉིས་པའི་ནང་ཐིག་ནི། ཕྲེང་བ་ལས། རྩ་བའི་ནང་གི་དཀྱིལ་འཁོར་ནི། །ཞེས་པ་ནས། རྡོ་རྗེ་པདྨ་འཁོར་ལོའི་ཕྲེང༌། །ཞེས་པའི་བར་གྱིས་བསྟན་པ་ལྟར་རོ། །འཇིགས་བྱེད་བཅུ་གསུམ་མའི་ནང་ཐིག་ནི། རྩ་ཐིག་ནས་ནི་ཆ་ཆུང་གཅིག །
@024A ༄༅། །ནང་དུ་དོར་བར་ཟླུམ་པོའི་ཐིག། སླར་གཅིག་ནང་དོར་ཟླུམ་ཐིག་དང༌། །ལྟེ་བ་ནས་ནི་ཕྱོགས་བཞི་རུ། །ཚངས་ཐིག་སྟེང་ནས་ཆེ་ཆེན་ཅིག །ཆ་ཆུང་གཅིག་གི་སུམ་ཆ་རེ། །དོར་བཟླུམ་པོར་རེག་ཐིག་ཅིག །དེ་ནས་ཆུང་རེ་དོར་བར། །ཐིག་གཅིག་སྔོན་བཞིན་ལེའུ་ཚེ་དགུའོ་
ཞེས་པ་སྟེ་སླའོ། །ཚེ་དཔག་མི་འཁྲུགས་པ་བདེ་མཆོག་ལྷ་ལྔ་སོགས་ཀྱི་ནང་ཐིག་ནི། དབུས་ནས་ཆ་ཆུང་ལྔ་དང་ནི། །དེ་ནས་བཅུ་དང་དེ་ནས་གཅིག །སོང་བར་ཟླུམ་ཐིག་རེ་སྟེ། །ཕྱི?་མ་མུ་འཁྱུད་བར་མ་ལ། །པད་འདབ་ནང་མ་ལྟེ་བའོ། །ཞེས་འབྱུང་བ་ལྟར་བྱའོ། །ཐིག་གི་སྒོ་དབྱེ་བ་ནི། ཐིག་ཆེན་བརྒྱད་ཐེབས་
པའི་དུས་དང༌། ཐིག་རྣམས་རྫོགས་པའི་སྐབས་སུ་བྱེད་པའི་ཚུལ་གཉིས་བཤད་དེ། །དེ་གཉིས་གང་དུ་བྱེད་ཀྱང་རང་གཙོ་བོའི་ང་རྒྱལ་དང་ལྡན་པའི་མིག་གཉིས་ཧཱི་ལས་ཉི་མ་དང་ཟླ་བར་བསྐྱེད་དེ། ཁྲོ་བོའི་ལྟ་བས་ངག་ཏུ་ཧཱི་ཧཱི་ཞེས་བརྗོད་ལ་ཐར་བའི་སྒོའི་སྒྲིབ་པ་དབྱི?་བར་མོས་ནས་དབྱི་བར་བྱའོ། །བཞི་པ་ཡ?་གཉིས།
ཕྱི་ཐིག་དང༌། ནང་གི་ཐིག་གི་དོན་བཤད་པའོ། །དང་པོ་ནི། དུར་ཁྲོད་ཀྱི་བཤད་པ་ནི་སྡོམ་འབྱུང་དང་མན་སྟེ་ལས་ཤེས་པར་བྱ་ལ། ཕྱིའི་མེ་རི་ནི་འོད་ཟེར་འཕྲོ་བ་ཡིན་པས་བྲིས་པ་ལ་སྒོ་ཚད་གཅིག་ཡིན་ཀྱང་དོན་ལ་དེ་ཕན་ཆད་དུ་མི་འཕྲོ་བ་མིན་པས་དེའི་རྩེར་ཚོན་གྱི་དེ་ཁ་མི་བྱའོ། །དེའི་ནང་གི་རྡོར་ར་ནི་ཁོར་ཡུག
གི་དོན་ཏེ། རྡོ་རྗེའི་ངོ་བོ་ནི་རྩེ་གསུམ་པ་དང་ལྔ་པ་དང་སྣ་ཚོགས་རྡོ་རྗེ་རྣམས་གང་དུང?་ངོ། །རྡོར་ར་དང་པད་རའི་བར་གྱི་ཟླུམ་ཐིག་ནི་ཆོས་འབྱུང་གི་མཚོན་བྱེད་ཡིན་ལ། བདེ་མཆོག་སོགས་ཆོས་འབྱུང་མེད་པ་ལའང་ཆོས་དབྱིངས་ཀྱི་མཚོན་བྱེད་དོ། །ནང་གི་པད་མའི་འདབ་མ་གནས་པའི་ས་ནི་ཆོས་འབྱུང་དང་
ནང་གི་ཟླུམ་ཐིག་དང་པོ་ནི་པད་མའི་གེ་མར་གྱི་རི་མོ་ཡིན་ནོ། །སྣ་ཚོགས་རྡོ་རྗེའི་རྭ་རྩེ་དང་པདྨའི་ལྟེ་བའི་མཐའ་ཚད་མཉམ་ལ། རྡོ་རྗེའི་དབྱིབས་ནི་གྲུ་བཞི་ལ་གནས་ཤིང༌། རྒྱ་ཚད་ནི་ཆ་ཆེན་བཅུ་གཉིས་སོ། །རྭའི་སྲིད་ལ་ཐིག་སྐུད་བལ་ཆ་ཆེན་གཉིས་དང་རིང་བ་ལྟར་ན་ཆ་ཆེན་བཞིའོ། །ཚངས་ཐིག་ནས་
@024B གཡས་གཡོན་དུ་སྒོ་ཚད་གཉིས་གཉིས་སོང་བ་ནས་རྭའི་ཕྱི་ངོས་འཐོན་པར་བྱ་སྟེ། ཕྱོགས་རྭའི་ཕྱི་ངོས་ནི་དར་དཔྱངས་ཀྱི་སྣམ་བུ་ལས་འདར་མི་རུང་བར་བཤད་པའི་ཕྱིར་རོ། །ཕྱོགས་རྭ་ནི་དབུས་རྭ་དང་མཉམ་ཡང་ཆ་ཆུང་གཉིས་གུག་པའི་ཆ་ལ་འགྲོའོ། །ཕྱོགས་རྭ་ནི་སྦོམ་ས་ལ་ཆ་ཆུང་གསུམ་དང་དབུས་རྭའི་སྦོམ་
སར་སྒོ་ཚད་གཅིག་སྟེ། ཐོན་ས་དང་ཟུག་སའི་བར་རིམ་གྱིས་ཕྲ་བའོ། །རྟ་བབས་ཀྱི་འོག་གི་རྒྱ་ནི་སྣ་ཚོགས་རྡོ་རྗེའི་རྭ་གཡས་གཡོན་ལས་ཕྱིར་མི་འདའ་ཞིང༌། དེའི་ཀ་བ་ཡང་སྣ་ཚོགས་རྡོ་རྗེའི་ལྟེ་བ་ལ་མི་གནས་ཀྱི། ལྟེ་བའི་ཟད་མཚམས་ཀྱི་ཕྱི་ན་ཡོད་དོ། །དེ་ཡང་བྲི་བྱལ་མུན་སྣམ་ཡོད་མེད་གཉིས་ལས་ཡོད་པ་
ལྟར་ན། སྒོ་ལོགས་ཀྱི་གདོང་དང་བར་ན་ཆ་ཆུང་གཅིག་ཡོད་ལ། མེད་པ་ལྟར་ནའང་ལྟེ་བའི་ཟད་མཚམས་ནས་ཀྱང་ཆ་ཆུང་གཅིག་སོང་བ་ན་ཡོད་དགོས་སོ། །དེས་ན་འགྲམ་ལོགས་སྒོ་དང་མཉམ་པའི་བྲི་བྲ་ལ་མུན་སྣམ་མེད་ཀྱང༌། བསྒོམ་བྱ་ལ་ནི་དེ་ཡོད་པར་ངེས་སོ། །རྟ་བབས་ཀྱི་ཀ་བ་ནི་བྲི་བྱ་ལ་ཉལ་བ་ལྟར་སྣང་ཡང་
བསྒོམ་བྱ་ལ་ནི་གྱེན་དུ་ལངས་པ་ཡིན་ལ། ཞེང་ཆ་ཆུང་གཅིག་དང་སྲིང་དུ་ལྔ་སྟེ་འོག་ཏུ་སྟེགས་བུ་གྲུ་བཞི་པའི་སྟེང་དུ་བུམ་པ་ལ་གནས་པའོ། །ཀ་བའི་གྲངས་ནི་ཕྱོགས་རེ་རེར་གཉིས་གཉིས་ཏེ། བར་དུ་གདུང་ཡོད་མེད་ཀྱི་ལུགས་གཉིས་སོ། །དར་དཔྱངས་ནི་གདུང་ཡོད་ན་དེ་དང་མེད་ན་ཤར་བུ་ནས་འབྱང་བར་
བཤད་དོ། །རྟ་བབས་ཀྱི་སྣམ་བུ་ནི། མས་རིམ་ནས་གསེར་ཤར་བུ་སོགས་བཅུ་གཅིག་ཡོད་ལ། དེ་དག་གི་ཚད་དང་ཁ་དོག་སོགས་གཞན་ནི་སྔགས་རིམ་སོགས་ནས་ཤེས་པར་བྱའོ། །རྩིག་པ་རིམ་པ་ལྔ་ནི་ཕྱི་ནང་དུ་བསྒྲིགས་པ་ཡིན་ལ། ལྔ་བསྡོམས་པར་ཆ་ཆུང་གཅིག་དང་སྲིད་དུ་ཆ་ཆུང་བཅུགས?་
སོ། །འགྲམ་ལོགས་སྒོ་དང་མཉམ་པ་ལ་རྩིག་རྒྱུན་སྣ་ཚོགས་རྡོ་རྗེའི་ལྟེ་བའི་ཟད་མཚམས་བར་དུ་འགྲོ་ཞིང་མི་མཉམ་པ་ལ་སྣ་ཚོགས་རྡོ་རྗེའི་མཐའ་རེ་ལས་ཆ་ཆུང་གཅིག་ལྟག་གོ །སྔ་མ་ལ་སྒོ་ལོགས་ཀྱི་བར་སྟེང་དུ་གདུང་ཡོད་ཀྱང་རྩིག་རྒྱུན་ནི་མེད་ལ། ཕྱི་མ་ལ་ནི་གདུང་དང་རྩིག་རྒྱུན་གཉིས་ཀ་ཡོད་དོ།
@025A ༄༅། །དེའི་གདུང་འོག་གི་ཀ་བ་གཉིས་བྲི་བྱ་ལ་མེད་ཀྱང་བསྒོམ་དོན་ལ་ཡོད་དེ། གྲུ་བཞི་པ་ལ་སྒོ་བཞི་པ་ལ། །ཀ་བ་བརྒྱད་ཀྱིས་ཉེ་བར་མཛེས། །ཞེས་གསུངས་བསོ?། །ཕ་གུ་ནི་སྒོ་ལོགས་ཀྱི་རྩེ་མོའི་བར་རྩིག་པ་ཇི་ལྟར་འོང་བ་བཞིན་ཡོད་ཅིང་དེ་རྩིག་པ་ལས་ཆ་ཆུང་ཕྱེད་ཕྱིར་འཕགས་པའི་ཕྱི་ངོས་སུ་
དབྱིབས་དང་ཁ་དོག་སྣ་ཚོགས་པའི་རིན་པོ་ཆེས་སྤྲས་པའོ། །དེའི་སྟེང་དུ་གསེར་གྱི་སྐེ་རགས་བཞི་བརྩེགས་པའི་ཕྱི་ངོས་སུ་ཆུ་སྲིན་གྱི་ཁ་ནས་རིན་པོ་ཆེའི་དྲ་བ་དང་དྲ་བ་གྱེད་པ་དག་འཕྱང་བ་དང༌། སྟེང་དུ་བྱ་འདབ་ལས་འཕྱང་བའི་རིན་པོ་ཆེའི་ཤར་བུ་དང༌། དེའི་མདའ་ཡབ་སོགས་ཇི་ལྟར་བྱ་བ་ནི་བསྐྱེད་རིམ་གྱི་འཁྲིད་
དག་ལས་འབྱུང་བ་དང་འདྲའོ། །རྩིག་པའི་མཐའ་ནས་འདོད་སྣམ་བཞི་ལ་མཆོད་པའི་ལྷ?་མོ་སྣ་ཚོགས་པས་མཆོད་རྫས་ཐོགས་ནས་མཆོད་པར་བྱེད་ཅིང༌། སྒོ་དང་སྒོ་འཁྱུད་ཀྱི་ཕྱི་མཚམས་རྣམས་སུ་ཟླ་བ་ཕྱེད་པའི་སྟེང་དུ་རིན་པོ་ཆེ་དང༌། རྡོ་རྗེ་ཡོངས་རྫོགས་སམ་བྱེད་པས་མཚན་པའོ། །འདི་ད་ལྟ་གྲི་གུག
ལྟ་བུ་ཞིག་བྱེད་ཀྱང་དོན་ལ་རྡོ་རྗེ་ཟླ་ཕྱེད་ཀྱི་སྟེང་ངོས་སུ་ཡོད་པར་གསལ་ལོ། །སྟེང་གི་ཕྱོགས་བཞིའི་མངའ་ཡབ་ཀྱི་སྟེང་དུ་བུམ་པར་ཕྱོགས་རེར་རྒྱལ་མཚན་གཉིས་རེ་དང་བ་དན་གཉིས་རེ་སྟེ་བརྒྱད་གཉིས་བཅུ་དྲུག་བྱའི། རེ་རེ་ལ་བཅུ་དྲུག་གམ་བརྒྱད་མིན་ནོ། །རྒྱལ་མཚན་དང་བ་དན་གྱི་ཁྱད་པར་ནི་སྔགས་
རིམ་དང་བསྐྱེད་རིམ་གྱི་འཁྲིད་ལས་ཀྱང་འབྱུང་ངོ། །གཉིས་པ་ནི། གཞལ་ཡས་ཁང་གི་དབུས་ཀྱི་རེའུ་མིག་དགུ་པའི་རྡོར་འཕྲེང་གི་སྣམ་བུ་ནི་རྩིག་པ་ལ་རྡོ་རྗེའི་ཕྲེང་བ་ཟླུམ་པོས་བསྐོར་བ་སྟེང་གི་གདུང་ཟླུམ་དང་འདྲ་བར་བྱ་ཞིང༌། གྲུ་བཞི་པའི་སྣམ་བུ་ཡང་དེ་དང་འདྲའོ། །བསྒོམ་བྱར་གསང་འདུམ་
དབུས་སུ་གར་བུ་ཟླུམ་པོ་འོང་སྟེ། གནོད་མཛེས་བཞུགས་པའི་ཆེད་དོ། །ནང་ཐིག་གི་བཤད་པ་གཞན་དང་ཐོག་འབུབས་ཚུལ་རྣམས་ནི་ལོགས་སུ་ཤེས་པར་བྱའོ། །གཉིས་པ་ལྷ་ལྟ་གོན་དངོས་ནི། ཤར་ནས་ནུབ་ཏུ་ཕྱོགས་ཏེ། དཀྱིལ་འཁོར་གྱི་ས་གཞི་ལ་དྲི་ཞིམ་པོས་བྱུག་ཅིང་མེ་ཏོག་དགྲམ།
@025B སྟེ། བདུད་རྩི་ལྔ་དང་བཅས་པའི་དྲི་བཟང་གིས་ལྷ་རྣམས་གནས་གང་དུ་འོང་བའི་ས་དེར་མཎྜལ་རེ་བྱའོ། །དེ་ཡང་བདག་པོ་ལྔའི་གནས་རྣམས་སུ་གྲུ་བཞི་དང་གཞན་རྣམས་སུ་ཟླུམ་པོར་བྱས་ལ། སྤྲོ་ན་དེ་རྣམས་སུ་མེ་ཏོག་གི་ཚོམ་བུ་བྱ་བར་ཡང་བཤད་དེ་གདན་དུ་འབུལ་བའི་ཆེད་དོ། །དེ་ནས་གནས་སོ་
སོར་རང་རང་གི་དམ་ཚིག་གི་འཁོར་ལོ་བསྒོམས་ཏེ། ས་ཆོག་གི་སྐབས་སུ་ནམ་མཁར་བཏེག་པའི་ཡེ་ཤེས་པ་བསྟིམ་ལ་མཆོད་བསྟོད་སོགས་ཀྱང་བྱའོ། །གསུམ་པ་ལ་གཉིས། བུམ་པའི་རྒྱུ་ཚད་སོགས་བསྟན་པ་དང༌། སྒྲུབ་ཚུལ་ཡན་ལག་དང་བཅས་པའོ། །དང་པོ་ལ། བུམ་པའི་རྒྱུ་ནི་གསེར་དངུལ་ཟངས་རག་ན་
འཇིམ་པ་ལ་སོགས་ལས་བྱ་བར་གསུངས་ལ། ཚད་ནི། ཟུང་འཇུག་གསལ་བ་ལས། བུམ་པ་དེ་དག་ནས་ནས་ནི། །རྣམ་རྒྱལ་མཚན་ཉིད་ལྡན་པར་བྱ། །སོར་མོ་བརྒྱད་ཀྱི་ཚད་ཀྱིས་ནི། །མགྲིན་པ་མཐོ་ཞིང་རྣམ་པར་མཛེས། །ལྟོ་བའི་རྒྱར་ནི་མཐོ་ལྔའོ། །ཞེས་གསུངས་ཤིང༌། གཞན་ནས་ལྟོ་བའི་རྒྱར་
ནི་སོར་ཉི་ཤུ་བྱ་བར་བཤད་པས། སྔ་མ་མཐའ་སྐོར་གྱི་རྒྱ་ཚད་དོ། །དུས་འཁོར་ལས། དཔངས་སུ་སོར་ཉི་ཤུ་དང་མཆུ་ལ་སོར་གཉིས་དང་གཞན་སྔ་མ་དང་མི་འདྲ་བའང་བཤད་དེ། བུམ་པ་ཆེ་ཆུང་ལ་ལྟོས་ནས་འཇལ་བྱེད་ཀྱི་སོར་ཆེ་ཆུང་འདྲ་བར་བྱེད་དགོས་ཀྱི། ཁ་ཅིག་ཆེ་ཆུང་མེད་པར་མགྲིན་པ་མིའི་སོར་གྱིས་འཇལ་
བ་ནི་འཐད་སྙམ་པ་མེད་དོ། །མཆུ་ནི་གྲགས་པ་ལྟར་མིན་གྱི། ཁའི་འགྲམ་ནས་འབྱང་བའོ། །ཞབས་སྟེགས་མེད་ཅིང༌། རང་བཞིན་གྱིས་དཀར་བའམ་མིན་ན་དཀར་པོར་བསྒྱུར་བའང་བཤད། བུམ་པའི་གྲངས་ནི། རྒྱས་པ་ལ་ལྷ་གྲངས་ཀྱི་སྟེང་དུ་ལས་བུམ་དང༌། འབྲིང་ལྔ་ལྟ་བུ་དང༌། བསྡུ་ན་རྣམ་རྒྱལ་དང་ལས་
བུམ་གཉིས་སམ། དེའང་མེད་ན་རྣམ་རྒྱལ་གཅིག་པུ་བྱེད་དུ་གང་རུང་ངོ། །བུམ་རྫས་ལ་རིན་པོ་ཆེ་ལྔ་ནི་མུ་ཏིག་གསེར་པདྨ་རཱ་ག་བྱི་རུ་མུ་མེན་ནོ། །སྨན་ལྔ་ནི། སྟག་ཚོར་གཞན་གྱིས་མི་ཐུབ་པ་ཀཎྜ་ཀ་རི་དབྱུག་པའི་ཨུཏྤལ་ཧ་ས་དེ་བའམ་དབང་ལག་གོ །འབྲུ་ལྔ་ནི། ཏིལ་ནས་མོན་སྲན་འབྲས་སོ་བ་གྲོའོ། ། 
@026A ༄༅། །དྲི་ལྔ་ནི། ག་བུར་གུར་གུམ་ཙནྡན་དཀར་དམར་གླ་རྩིའོ། །སྙིང་པོ་ལྔ་ནི་ཏིལ་ལན་ཚྭ་མར་བུ་རམ་སྦྲང་རྩི་སྟེ། དེ་ཐམས་ཅད་དམ་གང་འབྱོར་དང༌། ས་ར་ཧས་ཆུ་ལ་འོ་མ་བསྲེས་ནས་བླུག་པར་བཤད་ཅིང༌། རྣམ་རྒྱལ་དང་ལས་བུམ་གཉིས་ཀའམ། རྣམ་རྒྱལ་ངེས་པར་རིན་པོ་ཆེའི་སྙིང་པོ་ཅན་དུ་བྱ་བར་
བཤད་ལ། ནང་རྫས་དེ་རྣམས་སྤྲོ་ན་རང་རང་གི་སྔགས་ཀྱིས་བྱིན་གྱིས་བརླབ་པོ། །མགུལ་འཆིང་ནི་ཁ་དོག་དཀར་སེར་དམར་སྔོ་བ་གང་རུང་སྟེ། དེ་དག་ཀྱང་ཉིས་རིམ་དུ་མང་པོས་བཤད་ལ། འཆིང་བྱེད་ནི་སྲད་བུ་དཀར་པོའོ། །ཁ་རྒྱན་ལ་ཡལ་འདབ་དང་བཅས་པའི་ཤིང་འབྲས་བུ་ཅན་ནམ། མེད་ན་དྲི་ལྡན་གྱི་སྔ?་
ལོམ?་བུ?་བཟང་པོས་ཀྱང་རུང་བར་བཤད་ལ། ཀུ་ཤ་ནི་གདན་དུ་འདིང་བར་བཤད་ཀྱི། ཁ་རྒྱན་དུ་མ་བཤད་ཀྱང་ད་ལྟའི་ཕྱག་ལེན་ལྟར་ན་བསང་ཆུ་འཐོར་བྱེད་དུ་རུང་བར་སེམས་སོ། །རྨ་བྱའི་སྒྲོ་ནི། བྱ་བ་ཁྲུས་བྱ་བ་ལ་དགོས་ཀྱང༌། འདིར་དེ་དགོས་པར་མི་སྣང་ཡང་གྲིབ་དང་བགེགས་སྲུང་བའི་ཆེད་དུ་རུང་ཙམ་མོ།།
མཚན་མ་ཉིད་བུམ་པ་ཉིད་ལ་འབྲི་བའམ། བྲིས་ནས་འདོགས་ལ། དེ་ཡང་གཙོ་བོའི་བུམ་པ་ལ་དེ་བཞིན་གཤེགས་པ་ལྔའི་མཚན་མ་དང༌། ལས་བུམ་ལ་ལས་ཐམས་ཅད་པའི་མཚན་མ་བྲི་སྟེ། བུམ་པ་གཅིག་ལས་མེད་ན་གཙོ་བོའི་མཚན་མ་དང་གཡས་གཡོན་བྱ་བར་སྔགས་རིམ་ལས་བཤད་དོ། །
བུམ་པ་བསྒྲུབ་པའི་ཚེ་འགོད་ཚུལ་ནི་མང་པོ་ཡོད་ན་གཙོ་བོའི་བུམ་པ་དབུས་ཏེ་ལྷ་ཐོབ་ཚུལ་གྱིས་འགོད་དོ། །གཉིས་པ་ནི། མདུན་དུ་སྟེགས་ཀྱི་ཁར་བུམ་པ་རྣམས་རིམ་པར་བཞག་སྟེ། བསངས་སྦྱངས་བསྐྱེད་པ་སོགས་བུམ་ཆོག་ནས་འབྱུང་བ་ལྟར་ཡིན་ལ། བསྐྱེད་ཚུལ་ནི། བུམ་པ་བྷྲུཾ་ལས་གཞལ་
ཡས་ཁང་དུ་ལྷ་བསྐྱེད་པ་དང༌། གཞལ་ཡས་ཁང་མེད་པར་ནང་དུ་ལྷ་བསྐྱེད་པའི་ཚུལ་གཉིས་ཡོད་ལ། བུམ་པ་མང་ཉུང་གི་ཁྱད་པར་གྱིས་བསྐྱེད་ཚུལ་ཡང་ཕྱེད་དགོས་སོ། །ཏཔྟ་ཏཔྟེ་སོགས་ནི་ག(NG+G'A)འྀ་ཆུ་འགུག་པའི་སྔགས་ཏེ། སྔགས་དོན་ནི་ཞི་བྱེད་ཞི་བྱེད་ཞི་བྱེད་ཆེན་པོ་ཞེས་པའོ། །རྣམ་རྒྱལ་
@026B བུམ་པ་སོགས་ལ་ལྷ་རྣམས་ཀྱི་སྔགས་བཟླ་ཞིང༌། ལས་བུམ་ལ་ནི་ལས་ཐམས་ཅད་པ་བཟླ་བ་སོགས་བུམ་ཆོག་ལྟར་རོ། །བཞི་པ་ནི། བུས་མོ་བཙུགས་ཏེ་རང་གི་ལྕེ་རྡོ་རྗེར་བསྐྱེད་ནས་སྤོས་ཐོགས་དྲིལ་བུ་དཀྲོལ་ཞིང༌། བཅོམ་ལྡན་ཆེ་གེ་རྡོ་རྗེ་མཆོག །ཞེས་པ་ནས། ཉེ་བར་འབྱོན་པར་མཛད་པར་རིགས།།
ཞེས་པའི་བར་གྱིས་ལན་གསུམ་གསོལ་པ་གདབ་པར་བྱའོ། །སྐབས་འདི་ངག་ཏུ་སྔགས་རིམ་དང་དེ་ཉིད་རབ་གསལ་གཉིས་ནས་འབྱུང་བའི་ཚིག་དོན་ལ་གོ་རིམ་ཅུང་ཟད་མི་འདྲ་བ་རེ་སྣང་ཡང་འདིར་སྔགས་རིམ་ལྟར་རོ། །ལྔ་པ་ལ་བཞི། སྒོའི་སློབ་དཔོན་དང་ལས་ཀྱི་རྡོ་རྗེ་ལྷག་གནས། སློབ་མའི་གྲངས།
སློབ་མ་ལྷག་གནས་དངོས། དཀྱིལ་འཁོར་གདེག་ཅིང་རྨི་ལྟས་བརྟག་པའོ། །དང་པོ་ནི། སྒོའི་སློབ་དཔོན་དུ་འོས་པ་བཞི་དང་ལས་ཀྱི་རྡོ་རྗེར་འོས་པ་གཅིག་སྟེ། རང་གིས་དབང་བསྐུར་བ་ཡིན་ནམ་གཏོགས། སྔོམ་པ་གཉིས་སམ་སློབ་དཔོན་གྱི་སྔོམ་པ་སྟེར་བ་སྔོན་དུ་འགྲོ་བའི་ལྷག་གནས་ཀྱི་ཆོ་གས་ལྷག་གནས་
བྱ་ཞིང༌། མེད་ན་གསུམ་མམ་གཉིས་སམ་གཅིག་གིས་ཀྱང་རུང་ངོ། །གཉིས་པ་ནི། དུས་གཅིག་ཏུ་དབང་བསྐུར་ན་དཱ་རི་ཀ་པས་གསུངས་པ་ལྟར་ཉེར་ལྔ་མན་ཆད་ཟུང་དུ་མ་གྱུར་པ་དང༌། མཚན་ཉིད་ཚང་བའི་སློབ་མ་ཡིན་ན་ཟུང་དུ་གྱུར་ཀྱང་མི་འགལ་བར་བཤད་དོ། །གསུམ་པ་ལ་ལྔ། ཀུན་སློང་བཅོས་ཤིང་
ནང་དབང་བསྐུར་ག་གསོལ་བ་གདབ་ཅིང་འཛིན་དུ་འཇུག་པ། སྡོམ་པ་བཟུང་ཞིང་བྱིན་གྱིས་བརླབས་པ། སོ་ཤིང་དོར་ཞིང་ཁྱོར་ཆུ་སོགས་སྦྱིན་པ། སྤྲོ་བ་བསྐྱེད་ཅིང་བསྲུངས་ཏེ་རྨི་ལམ་བརྟག་པར་གདམས་པའོ། །དང་པོ་ནི། སྤྱི་རྒྱུད་ལས། ལ་ལ་གསང་སྔགས་སྒྲུབ་དོན་གཉེར། །འདི་ན་དཀྱིལ་འཁོར་
འཇུག་པར་བྱེད། །ཅེས་པ་ནས། འཇིག་རྟེན་འདི་ཡི་འབྲས་བུ་རྒྱས། །ཞེས་པའི་བར་གྱིས་དཀྱིལ་འཁོར་དུ་འཇུག་པ་དོན་དུ་གཉེར་བ་ལ་ངེས་ལེགས་དོན་གཉེར་གྱི་བློ་བསྐྱེད་པའི་ཀུན་སློང་འཆོས་པ་དང༌། རང་གི་ཐུགས་ཀའི་ཧཱུཾ་གི་འོད་ཟེར་གྱིས་སློབ་མ་དྲངས་ཏེ་ཞལ་ཏུ་བཅུག་པ་རྡོ་རྗེའི་ལམ་ནས་པདྨར་
@027A ༄༅། །ཐོན་པ་མི་བསྐྱོད་པར་བསྐྱེད་དེ་ནད་དབང་བསྐུར་པདྨ་ནས་ཕྱུང་སྟེ་ཤར་སྒོར་བཞག་གོ །གཉིས་པ་ནི། སྐྱེ་རྒ་འཆི་བ་ན་ཀྲ་ཡི། །ཞེས་པ་ནས། མགོན་པོ་བདག་ནི་གཞུག་ཏུ་གསོལ། །ཞེས་པའི་བར་གྱིས་ལན་གསུམ་གསོལ་བ་གདབ་ཏུ་གཞུག །དེ་ནས། བུ་ཚུར་ཤོག་ཅིག་ཐེག་ཆེན་
པོ༑ ༑ཞེས་པ་ནས། བུ་ཡིས་བློ་གྲོས་འདི་གྱིས་ཤིག །ཅེས་པའི་བར་གྱིས་འཛིན་དུ་གཞུག་པ་དང༌། རྫོགས་པའི་སངས་རྒྱས་གང་འདས་དང༌། །ཞེས་སོགས་ཀྱི་མོས་པ་བརྟན་དུ་གཞུག་གོ །གསུམ་པ་ནི། དཀོན་མཆོག་གསུམ་ལ་བདག་སྐྱབས་མཆི། །ཞེས་སོགས་ཀྱིས་ཐུན་མོང་བའི་སྡོམ་པ་བཟུང་བར་བྱ་སྟེ།
དེ་ནི་འཇུག་སེམས་དང་བྱང་སེམས་ཀྱི་སྡོམ་པ་འཛིན་པའོ། །དེ་ནས་སློབ་དཔོན་གྱི་དབང་ཞུ་བ་ལ་ནི་རིགས་ལྔའི་སྡོམ་གཟུང་ཀྱང་བྱ་སྟེ། དེ་གཟུང་བའི་ཕྱིར་འཁོར་ལོ་ཕྱིར་མི་ལྡོག་པའི་དབང༌། །ཞེས་སོགས་ཀྱིས་གསོལ་པ་གདབ་ཅིང༌། སྡོམ་བཟུང་ནི་ཡོངས་གྲགས་ལྟར་རོ། །འདི་ནི་སྔགས་སྡོམ་ཡིན་པ། ལེན་པའི་
སྐབས་ནི་སྐབས་འདི་དང་དངོས་གཞིའི་སྐབས་གང་དུ་བླངས་ཀྱང་སྐྱེ་ཡང༌། གཉིས་ཀ་ལའང་སློབ་དཔོན་གྱིས་སྔོན་དུ་བྱས་ཏེ་ལན་གསུམ་གྱི་སྒོ་ནས་བླངས་ན་ནི་ལེགས་པར་བཤད་དོ། །དེ་ནས་སློབ་མའི་གནས་གསུམ་ཡི་གེ་གསུམ་གྱིས་བྱིན་གྱིས་བརླབས་ལ་དྲི་ཆུ་རྡོ་རྗེ་དང་བཅས་པའི་ཁུ་ཚུར་གྱིས་རེག་ཅིང༌། མགོ་
ལ་སོགས་པར་མེ་ཏོག་སོགས་བཞི་གཙོ་བོའི་སྔགས་སམ་ཡས་སྔགས་ཀྱིས་སྟེར་བར་བྱའོ། །བཞི་བ་ནི། བའི་ལྕི་བ་སོགས་ལ་གྲུ་བཞི་པ་བྱས་ལ། དེར་འོ་མ་ཅན་གྱི་ཤིང་ལས་བྱས་པའི་སོ་ཤེང་སོར་བཅུ་གཉིས་པ་མེ་ཏོག་བཅིངས་པ་སྔགས་བརྗོད་དེ་ལྟོས་མེད་དུ་འདོར་བར་བྱའོ། །དོར་བའི་ལྟས་
ལ་རྩེ་མོ་ཤར་བྱང་ནུབ་ལྷོ་སྟེང་འོག་ཏུ་ཕྱོགས་ན་རིམ་པ་བཞིན་ཞི་རྒྱས་དབང་དྲགས?་རིག་འཛིན་ས་འོག་གི་དངོས་གྲུབ་འགྲུབ་པའི?་བརྡ་སྤྲོད་ཅིང༌། ཕྱི་རོལ་ཏུ་ལྷུང་ན་དངོས་གྲུབ་མེད་དོ། །དེ་ནས་བཾ་ལས་སྐྱེས་པའི་ཆུ་བཾ་བཟླས་པ་བྱིན་ནས་དྲི་ཞིམ་པའི་ཆུ་ཁྱོར་བ་གསུམ་ཨོཾ་ཧྲཱིཿ ཞེས་སོགས་བཟླས་ཏེ་
@027B སྟེར་རོ། །དེ་ནས་ཧཱུཾ་ཡས་སྐྱེས་པའི་ཀུ་ཤ་གདན་དང་དྷྲཱིཿལས་སྐྱེས་པའི་ཀུ་ཤ་འཁྱིལ་བ་བཟླས་པ་སྔས་ཀྱི་དོན་དུ་སྔགས་བརྗོད་སྦྱིན་ལ། ཧཱུཾ་ལས་བྱུང་བའི་སྐུད་པ་དམར་པོ་སློབ་མའི་ལུས་ཚད་སུམ་བལྟབ་བྱས་ཏེ་འཁྱིལ་པ་ལན་བདུན་བཟླས་པ་དབུང་པ་གཡས་སམ་གཡོན་དུ་སྔགས་བརྗོད་དེ་བཅིང་ངོ། །ལྔ་པ་ནི།
འཇིག་རྟེན་དུ་ནི་ཀུན་མཁྱེན་རྣམས། །ཞེས་པ་ནས། དེ་བཞིན་གཤེགས་པར་འགྱུར་བ་ཡིན། །ཞེས་པའི་བར་གྱིས་སྤྲོ་བ་བསྐྱེད་ལ། འཁྱིལ་བ་བཟླས་པའི་སྔགས་ཀྱིས་བསྲུངས་ནས་དོ་ནུབ་རྨི་ལམ་རྟོག་ལ་སང་ང་ལ་སྨོས་ཤིག་ཅེས་གདམ་པར་བྱའོ། །བཞི་པ་ནི། སྟ་གོན་གྱི་ལྷ་ལ་མཆོད་ནས་ནམ་མཁར་
གདེག་ཅིང༌། འདེགས་ཚུལ་ནི་སྔགས་དང་ཕྱག་རྒྱས་གཞན་ནས་འབྱུང་བ་ལྟར་བྱའོ། །ནང་པར་རྨི་ལམ་དྲིས་ཏེ་ངན་ན། བདུད་རྩི་འཁྱིལ་པའི་སྔགས་ཀྱིས་བསྲུང་བའམ། སྦྱིན་བསྲེག་གམ་བདག་མེད་བསྒོམ་པ་སོགས་ཀྱི་ཟློག་ཐབས་བྱའོ། །གསུམ་པ་ནི། རས་བྲིས་ལ་བརྟེན་ནས་དབང་བསྐུར་བའི་ཚེ་
ཇི་ལྟར་བྱ་སྙམ་ན། བུམ་པ་སྟ་གོན་དང༌། སློབ་མ་ལ་དབང་བསྐུར་བ་ཡིན་ན་སློབ་མ་སྟ་གོན་ངེས་པར་བྱེད་དགོས་ལ། སྤྲོ་ན་དེ་ཉིད་རབ་གསལ་ལས། ཐིག་གདབ་པ་མ་གཏོགས་ལྷག་གནས་རྣམས་ནི་རས་བྲིས་ཀྱི་ཆོ་ག་ལ་ཡང་བྱའོ།། ཞེས་གསུངས་པ་ལྟར། ས་ལྷ་དང་ལྷ་སྟ་གོན་གཉིས་བྱས་ནའང་ལེགས་པ་ཡིན་
ལ༑ མ་བྱས་ཀྱང་ཆོག་པར་སྔགས་རིམ་གྱི་དགོངས་པ་ཡིན་ནོ། །བསམ་གཏན་གྱི་དཀྱིལ་འཁོར་ལས་གཟུང་བ་སོགས་ཡིད་ཀྱིས་བྱ་བར་འཕྲེང་བར་བཤད་ཅིང༌། ལུས་དཀྱིལ་ལ་ཡིད་ཀྱིས་བསྒོམ་པའམ་མ་བྱས་ཀྱང་ཆོ་ག་པར་བཤད་དོ།། ༈ །།གསུམ་པ་དངོས་གཞིའི་ཆོ་ག་ལ་གསུམ།
ཡེ་ཐིག་གདབ་ཅིང་ཚོན་བཀྱེ་བ། བུམ་པ་དགོད་ཅིང་དཀྱིལ་འཁོར་བརྒྱན་པ། བསྒྲུབས་ཤིང་མཆོད་ནས་དབང་བསྐུར་བའོ། །དང་པོ་ལ་གསུམ། ཡེ་ཐིག་གདབ་པ་ཚོན་བཀྱེ་བ་བགེགས་ཟློག་ཐབས་སོ། །དང་པོ་ལ་གཉིས། འདུ་བྱ་བ་དང༌། འདེབས་པའི་རིམ་བའོ།། དང་པོ་
@028A ༄༅། །ནི། རང་ཤར་དུ་ཕྱོགས་ཏེ་གཙོ་བོའི་རྣལ་འབྱོར་དང་ལྡན་པས། རྒྱུར་རུང་བའི་སྐུད་པ་ལྔ་ཚན་ལྔ་སྣོད་ལྔར་བཞག་ལ། ཡུངས་ཀར་གྱི་ཕྱེ་མ་དང་དྲིས་བསྒོས་པའི་ཚོན་ཁ་དོག་ལྔས་སྐུད་པ་རྣམས་སོ་སོར་ཁ་བསྒྱུར་བར་བྱའོ། །སྐུད་པ་ཉེར་ལྔ་བྱེད་པ་ནི། ལྔ་ཚན་ལྔ་པོ་རེ་རེ་ལའང་
རིགས་ལྔ་ཚོན་ཚུལ་ཡོད་པའོ། །དེ་ནས་རང་དང་སློབ་མ་ལྷར་བསྐྱེད་པའི་ལག་མཐིལ་དུ་ཐེའུ་ཆུང་གི་རྩ་བ་ནས་མཐེ་བོང་གི་བར་དུ་སྐུད་པ་རྣམས་བཀོད་ལ། སྐུད་པ་དཀར་པོ་རྣམ་སྣང་སེར་པོ་རིན་འབྱུང་སོགས་རང་རང་གི་ས་བོན་ལས་རིགས་ལྔར་བསྐྱེད་དོ། །བསྐྱེད་པའི་དམ་ཚིག་པ་ལ་ཡེ་ཤེས་པ་གཞུག་པ་ནི།
ནམ་མཁར་བཏེག་པའི་དེ་བཞིན་གཤེགས་པ་ལྔའི་ཐུགས་ཀར་རང་གི་ས་བོན་ལས་ཡེ་ཤེས་ཀྱི་ཐིག་སྐུ?་འོད་ཀྱི་རང་བཞིན་དུ་མོས་ལ། ཨོཾ་ཨཱཿ ཤཱ་ཤྭ་ཏ་སོགས་རང་རང་གི་སྔགས་ཀྱིས་གསོལ་བ་གདབ་ཅིང༌། མིག་གཉིས་སུ་ཛ་སེར་པོ་ལས་ཉི་མ་དང་ཟླ་བ་སེར་པོའི་རང་བཞིན་དུ་བསམས་ཏེ། ཨོཾ་དཱིབྟ་སོགས་བརྗོད་
ནས་འབར་བའི་ལྟ་སྟངས་ཀྱིས་ཡེ་ཤེས་པའི་ཐིག་སྐུད་བཀུག་ནས་རང་རང་གི་མདོག་ཅན་གྱི་དམ་ཚིག་པའི་ཐིག་སྐུད་ལ་ཐིམ་པར་བསམ་མོ། །དེ་ནས་སློབ་མ་དང་ལྷན་ཅིག་ཨོཾ་ཨཱཿ ཨ་ནྱོ་ནྱ་ཞེས་སོགས་ཀྱི་སྔགས་བརྗོད་ཅིང་དང་པོར་སྐུད་པ་ལྔ་རེ་སྐུད་པ་རེ་རེ་བྱས་ཏེ་སྐུད་པ་ལྔར་བྱ་ལ། དེ་ནས་
ལྔ་པོ་ཡང་གཅིག་ཏུ་བསྒྲིལ་བར་བྱའོ། །བསྒྲིལ་ཟིན་པ་དང་སྔར་གྱི་ས་གཞིར་དྲིས་བྱུག་པའི་གསེར་ལ་སོགས་པའི་སྣོད་དུ་དྲི་ཆུ་དང་བདུད་རྩི་ལྔ་པ་བྱུང་རྣམ་པ་ལྔས་སྤངས་ཏེ། ཡི་གེ་གསུམ་གྱི་ནང་དུ་ཆུད་པར་བཞག་ལ་མཆོད་ཅིང་ལག་པས་རེག་ལ་འཁྱིལ་བའི་སྔགས་ཀྱི་མ་བསྲུང་ངོ།། དེ་ནས་
མིག་གཉིས་མ་དང་ཊ་ལས་ཉི་ཟླར་བསྐྱེད་དེ་བཛྲ་ཌིཥྚི་མ་ཊ་ཞེས་པས་བརྟན་པར་བྱས་ལ། ལས་ཐམས་ཅད་པ་བཟླས་པའི་བདུད་རྩིའི་ཆུ་ཡུངས་ཀར་དང་དྲི་ཆུ་གཏོར་ཏེ་ལག་པས་རེག་ལ། ཨོཾ་བཛྲ་ས་མ་ཡ་སོགས་དང་འབྲུ་གསུམ་བརྒྱ་རྩ?་བརྒྱད་བཟླས་ཏེ་ལྷག་གནས་བྱའོ། །གཉིས་པ་ནི། བུམ་ཆུས་
@028B དཀྱིལ་འཁོར་གྱིས་ལ་ཨོཾ་སརྦ་སཾ་ཤོ་སོགས་བརྗོད་དེ་བསང་གཏོར་བྱས་ནས་དྲིས་བྱུགས། ཕྱི་རོལ་ཏུ་མེ་ཏོག་བཀྲམ་ལ་ནམ་མཁར་བྲི་བྱའི་དཀྱིལ་འཁོར་བཞུགས་པར་མོས་ནས་མཆོད་བསྟོད་བྱ་ཞིང༌། རང་དང་སྒྲུབ་གྲོགས་ཀྱི་མིག་གཉིས་སུ་ཛ་མས?་ཉི་ཟླ་འོད་ཟེར་སེར་པོ་ཅན་དུ་བསྒོམ། དེ་ནས་རང་གི་གཡོན་
པས་ཐིག་སྐུད་ལྟེ་བར་བཟུང་ཞིང་ཛྫཿཛྫཿཛྫཿ ཞེས་པ་དང་ཛ་གསུམ་གྱིས་གྲོགས་ལ་བཏང་བས། དེས་ཀྱང་དེ་དག་བརྗོད་ནས་དྲངས་ཏེ་གཡོན་པའི་རྡོ་རྗེ་ཁུ་ཚུར་གྱིས་ལྟེ་སར་བཟུང་ལ། ནམ་མཁར་མཐེབ་མཛུབ་ཀྱིས་ཐིག་སྐུད་བཟུང་ནས་ཐིག་གདབ་སྟེ་སེ་གོས་ཀྱི་སྒྲ་བྱའོ། །དེའི་ཚེ་ཐིག་གི་སྒྲས་ནམ་མཁར་ཁྱབ་པའི་
སངས་རྒྱས་རྣམས་བསྐུལ་ཏེ་ཐིག་སྐུད་ལ་ཐིམ་པར་བྱའོ། །ཐིག་འདེབས་པའི་སྐབས་སུ་ཨོཾ་བཛྲ་ས་མ་ཡ་སཱུ་དྲ་དང༌། ཧཱུཾ་ཨོཾ་སྭཱ་ཨཱཿ ཧཱ་རྣམས་བརྗོད་དགོས་སོ། །ནམ་མཁའ་ལ་འདེབས་པའི་ཐིག་ནི་ཚངས་ཐིག་གཉིས་ཡིན་གྱི། ཐིག་གཞན་མིན་ནོ། །ཡེ་ཐིག་འདེབས་པ་ན་དམིགས་པ་ནི། ཡེ་ཤེས་ཀྱི་ཐིག
སྐུད་རེ་ཆད་ནས་ལས་ཐིག་རྣམས་ལ་ཐིམ་པར་བསམས་ཏེ། ལས་ཐིག་རྣམས་ཀྱི་སྟེང་དུ་གདབ་པར་བྱའོ། །ཐིག་གི་ཚེ་ཕྱོགས་ཐམས་ཅད་མཉམ་པ་ཉིད་དུ་སྒོམ་པ་དང་སྐོར་ཕྱོགས་དང་སྡོད་ཕྱོགས་སོགས་ནི་ཐིག་གི་ཆོག་ལས་ཤེས་པར་བྱ་ཞིང་ཡེ་ཐིག་ཐེབས་ནས་མཆོད་གཏོར་ཕུལ་ཏེ་ཡེ་ཤེས་པ་སྟ་གོན་གྱི་ལྷའི་ཐུགས་
ཀར་གཤེགས་པར་བྱའོ། །གཉིས་པ་ལ་བཞི། ཚོན་འདུ་བྱ་བ། ཇི་ལྟར་བཀྱེ་བ། ཚོན་ས་བསྟན་པ། མཚན་མ་བཀོད་ནས་གཤེགས་གསོལ་ལོ། །དང་པོ་ནི། སྣོད་བཟང་པོར་ཚོན་སྣ་བཞག་ལ་པཾ་སོགས་ཀྱི་ས་བོན་ལས་བྱུང་བར་བསམས་ཤིང་ཚོན་གྱི་རྒྱུ་རིན་པོ་ཆེའི་རིགས་སམ་ས་ཚོན་སོགས་ཀྱང་རུང་ངོ།།
དེ་ནས་ཚོན་ལྔ་ནི་བྷྲུཾ་སོགས་ས་བོན་ལྔ་ལས་རྣམ་སྣང་སོགས་སུ་བསྐྱེད་དེ། སྔར་ལྟར་ཡེ་ཤེས་པའི་ཐིག་བཀུག་སྟེ་བསྟིམ། ཨོཾ་བཛྲ་ཙི་ཏྲ་སོགས་བརྒྱ་རྩ་བརྒྱད་བཟླས་ནས་འབར་བའི་ལྟ་བས་གཟི་བརྗིད་བསྐྱེད་ཅིང༌། ཚོན་དུ་ཧཱིཿ བཀོད་ནས་བདེན་བརྗོད་ཀྱིས་བྱིན་བརླབ་བྱའོ། །དེ་ནས་དྲི་དང་མེ་ཏོག་སོགས་ཀྱིས་མཆོད་
@029A ༄༅། །སྔར་བཏབ་པའི་ཕུར་བུ་ཧཱུཾ་བཞི་བའི་སྔགས་ཀྱིས་དབྱུང་ངོ། །གཉིས་པ་ནི། རྡོ་རྗེའི་ཁུ་ཚུར་སོགས་ཀྱིས། རྩིག་པ་ལྔ་བྱི་ནས་རིམ་པ་བཞིན་དུ་འགྱེད་ཅིང༌། དེའི་ཚེ་འདི་ནི་ཆོས་དབྱིངས་སམ་མེ་ལོང་དག་པ་སྟེ།། ཞེས་སོགས་ལྔ་སྐབས་སུ་གང་བབས་དང་པོར་སྦྱར་ཏེ་བྲིའོ། །འགྱེར་ཚུལ་ནི་ཕྲ་
སྦོམ་སོགས་ཀྱི་སྐྱོན་དང་དྲལ་བར་བཀྱེ་སྟེ། གཞན་དུ་ན་ཉེས་པར་འགྱུར་རོ། །ཐོག?་མར་རང་གིས་བཀྱེ་ཞིང་རྗེས་སུ་སློབ་མ་དང་རི་མོ་མཁན་ཅི་རིགས་ཀྱིས་བྱའོ། །གསུམ་པ་ལ་གཉིས། ཕྱི་དང༌། ནང་གི་ཚོན་སའོ། །དང་པོ་ནི། དབུས་དང་ཕྱོགས་བཞིར་རིགས་ལྔའི་སྐུ་མདེག་སྤྱི་དང་བྱེ་བྲག་གིས་དབྱེ་བས་
ཚོན་གྱི་ཁ་དོག་ཀྱང་དེར་འགྱུར་ལ། གྲི?་གུའམ་རིན་ཆེན་སྣམ་བུའི་ས་ནི་དམར་པོ་དང་དྲ་བ་དྲ་ཕྱེད་ཀྱི་ས་ནི་ནག་པོའོ། །འདོད་སྣམ་ནི་དམར་པོ་དང༌། ཤར་བུ་དང་མདའ་ཡབ་ཀྱི་ས་ནི་སྔོན་པོའོ། །རྟ་བབས་ཀྱི་ཀ་བ་དང་ཀྱོག་པོའི་ནང་གི་བླ་བྲེའི་འོག་གི་ས་ནི་ཕྱོགས་མདོག་ཡིན་ལ། ཕྱི་མ་ནི་ཕྱོགས་མདོག་གིས་
སྤྲས་པའི་ནམ་མཁའི་རང་བཞིན་ནོ། །རྟ་རྨིག་ཝ་རཎྜ་ཆུ་སྲིན་གྱི་སྣམ་བུ་ནི་མཛེས་ཚོན་ཡིན་ལ། ཤར་བུ་དང་མདའ་ཡབ་གཉིས་དཀར་པོ་ལ་དེ་དག་གི་ས་ནི་སྔོན་པོའོ། །རིན་པོ་ཆེའི་སྣམ་བུ་དང་མུན་སྣམ་དང་གསེར་སྣམ་གསུམ་ནི་དམར་ན་གསེར་པོའོ། །འཁོར་ལོ་བཞི་ནི་སེར་པོ་དང་རི་དགས་ཀྱང་དེ་ལྟར་
རོ༑ ༑གཞལ་ཡས་ཁང་གི་རྟེན་གྱི་རྡོ་རྗེ་ནི་ནག་པོའམ་གཙོ་བོའི་མདོག་ཏུའང་བཤད་ལ། ཕྱོགས་རྭ་རྣམས་ནི་ཕྱོགས་ཀྱི་དེ་བཞིན་གཤེགས་པའི་མདོག་གམ་རྭ་ཁྲའོ། །རྟ་བབས་ཀྱི་གཡས་གཡོན་གྱི་བུམ་པ་རྣམས་སེར་པོ་དང༌། ཤིང་རྣམས་ནི་དཔག་བསམ་གྱི་ཤིང་སྟེ་སླའོ། །འོག་གི་སྣ་ཚོགས་
པདྨའི་ལྟེ་བ་ལྗང་ཁུ་གེ་སར་སེར་པོ་འདབ་མ་སྣ་ཚོགས་པ་སྟེ། འདབ་མའི་གཞི་ནི་དམར་པོ་ཤས་ཆེའོ། །བདར་དང་རྡོ་རའི་བར་གྱི་རེ་ཁ་ནི་དཀར་པོའོ། །རྡོ་རྗེའི་ངོ་བོ་དང་དེའི་རེ་ཁའི་གཅོད་མཚམས་ནི་ནག་པོའམ། དཀར་པོ་དང་སེར་པོར་ཡང་བཤད་དེ་གང་རུང་ངོ། །རྡོ་རྗེ་གནས་པའི་གཞི་ནི་
@029B ལྗང་ཁུ་དང༌། རྡོ་རྗེའི་ས་གཞི་ནི་སྣ་ཚོགས་པའོ། །འོད་འཕྲེང་ནི་ཁ་དོག་སྣ་ཚོགས་པ་སྟེ་བརྒྱད་དམ་སོ་གཉིས་སམ་རེ་བཞི་པའོ། །གཉིས་པ་ནི། ནང་གི་ཕྱོགས་བཞིའི་ཁ་དོག་ནི་དེ་བཞིན་གཤེགས་པའི་མདོག་དང༌། བསྒོམ་བྱའི་དཀྱིལ་འཁོར་གྱི་ཐོག་ཀྱང་དེ་ལྟར་རོ། །ཀ་བ་རྣམས་ཀྱང་ཕྱོགས་མདོག
སྟེ་ཕྱོགས་ཀྱི་དེ་བཞིན་གཤེགས་པའི་མཚན་མས་སྤྲས་པའོ། །སྤྱིར་གཙོ་བོའི་ས་དང་ཕྱོགས་ནི་ནང་གི་དེ་བཞིན་གཤེགས་པའི་མདོག་ཡིན་ཀྱང༌། མ་ངེས་ཏེ། དཔེར་ན། འཇམ་རྡོར་ལ་གཙོ་བོ་དམར་སེར་ཡིན་ཀྱང་དབུས་སྔོ་བ་དང༌། ཀུན་རིག་ལ་སྦྱོང་རྒྱལ་སྐུ་མདོག་དཀར་པོར་ཡོད་ཀྱང༌། དེའི་ཤར་
སྔོན་པོར་ཡོད་པ་བཞིན་ཏེ་རིགས་ཀྱི་དབང་དུ་བྱས་པའོ། །རེའུ་མིག་དགུ་པའི་ས་གཞི་ནི་དབུས་ཀྱི་སའི་མདོག་ཏུ་གསུངས་པས་དེ་ལྟར་བྱས་ན་ལེགས་ལ། ཁ་ཅིག་ཕྱོགས་མདོག་བྱེད་པའང་སྣང་ངོ། །བཞི་པ་ནི། བྲིས་ཟིན་པ་དང་རང་རང་གི་མཚན་མ་དགོད་པར་བྱ་སྟེ། ཀླུའི་གློས། ཇི་ལྟར་ནུས་པས་
དཀྱིལ་འཁོར་དུ། །ས་བོན་དགོད་བྱ་ཡང་ན་ནི། །མཚན་མ་འམ་ལྷ་ཡི་གཟུགས་ཉི་དེ། །ལུགས་མའམ་འདུ་བྱས་དགོད་པར་བྱ། །ཞེས་གསུངས་ཤིང༌། སྔགས་རིམ་ལས་ཀྱང་དེ་ལྟར་བཤད་པ་བཞིན་བྱ་ལ། འདིར་རྡུལ་ཚོན་ལ་སྐུ་འགོད་པ་མ་དར་ཡང༌། འབུར་སྐུ་མ་རྙེད་ན་ཙ་ཀ་ལི་སའི་གོང་བུ་ལ་
བཙུགས་ཏེ?་དེར་བཞག་ནའང་ལིགས་སོ།། དེ་རྣམས་རྫོགས་པ་དང་ཡེ་ཤེས་ཀྱི་ཚོན་གཤེགས་གསོལ་བྱའོ།། གསུམ་པ་ནི། སྲུང་འཁོར་བསྒོམས་པ་སོགས་ཀྱིས་དཀྱིལ་འཁོར་བསྲུང་བར་བྱ་སྟེ་སླའོ།། གཉིས་པ་ལ་གཉིས། བུམ་པ་དགོད་པ་དང༌། དཀྱིལ་འཁོར་བརྒྱན་
པའོ།། དང་པོ་ནི། སྔར་ལྷག་གནས་བྱས་པའི་བུམ་པ་རྣམས་དཀྱིལ་འཁོར་ལ་གཡས་སྐོར་དུ་ཐོབ་ཚུལ་ལྟར་འགོད་པར་བྱའོ།། གཉིས་པ་ནི། དཀྱིལ་འཁོར་གྱི་ཕྱོགས་བཞིར་དམ་ཆོས་ཀློག་པ་དང་ན་བཟའ་འབུལ་བ་དང་གདུགས་སོགས་ཀྱིས་བརྒྱན་པར་བྱའོ།།
@030A ༄༅། །གསུམ་པ་ལ་གཉིས། དཀྱིལ་འཁོར་བསྒྲུབ་ཅིང་མཆོད་པ་དང༌། དབང་བསྐུར་བའི་ཆོ་གའོ། །དང་པོ་ལ་གཉིས། སྒྲུབ་པ་དང༌། མཆོད་པའོ། །དང་པོ་ལ་བདག་མདུན་ཐ་དད་དུ་བྱེད་པ་དང༌། ཐ་མི་དད་དུ་སྒྲུབ་པའི་ཚུལ་གཉིས་ལས། དཱ་རི་ཀ་བ?་དང་
ས་ར་ཧས་བདེ་མཆོག་ལ་བདག་མདུན་ཐ་དད་དུ་མཛེད?་སྒྲུབ་ལ། ཀླུ་བྱང་དཔལ་འཛིན་ལྭ་པ་པ་སོགས་ཀྱིས་བདག་མདུན་ཐ་མི་དད་དུ་སྒྲུབ་པར་མཛད་དོ། །བདག་མདུན་ཐ་དད་དུ་བྱེད་པའི་ཚེ། སྔོན་དུ་བདག་བསྐྱེད་རྫོགས་པར་བསྒོམས་ཏེ་མདུན་བསྐྱེད་སྒྲུབ་ཅིང་མདུན་གྱི་དཀྱིལ་འཁོར་དུ་ཕྱིན་
པའི་དམིགས་པ་མི་བྱེད་ལ། ཐ་མི་དད་དུ་སྒྲུབ་པའི་ཚེ་ཡང༌། སྔོན་དུ་བདག་བསྐྱད་མི་བསྒོམ་པར་དཀྱིལ་འཁོར་གྱི་དབུས་སུ་ཕྱིན་པར་མོས་ཏེ་བདག་མདུན་འཇུག་པ་གཅིག་ཏུ་སྒྲུབ་པ་དང༌། བདག་བསྐྱེད་སྔོན་དུ་བསྒོམས་ཏེ། མདུན་བསྐྱེད་སྒྲུབ་པ་ན་དཀྱིལ་འཁོར་གྱི་དབུས་སུ་ཕྱིན་
པར་མོས་ཏེ་བསངས་སྦྱངས་བསྐྱེད་པའི་སྒོ་ནས་འཇུག་པ་ཐ་དད་དུ་བྱེད་པ་གཉིས་ཡོད་པ་ལས། དང་པོ་ནི་གཤིན་རྗེ་གཤེད་ལྟ་བུ་ལ་རུང་གི་གསང་འདུས་ལ་ནི་ཕྱི་མ་ལྟར་བདག་བསྐྱེད་སྔོན་དུ་བྱས་ནས་བསྒྲུབ་པར་བྱ་དགོས་ཞེས་མཁས་གྲུབ་རྗེ་བཞེད་ལ། འོན་ཀྱང་སྔགས་རིམ་གྱི་ཚིག
ཟིན་ལས་བདག་མདུན་ཐ་མི་དད་དུ་བྱེད་ན་ལྷའི་རྣལ་འབྱོར་སོ་སོ་བ་མི་དགོས་སོ་ཞེས་གསུངས་པ་ལྟར་ན་དམིགས་བསལ་བསྒོམ་བཟླས་སྔོན་དུ་སོང་བ་ཞིག་གིས་དཀྱིལ་འཁོར་སྒྲུབ་པའི་སྐབས་སུ་སྔར་བདག་བསྐྱེད་ཟུར་དུ་མི་སྒོམ་པར་བདག་མདུན་འཇུག་པ་གཅིག་ཏུ་བྱས་ནས་བསྒྲུབ་རུང་
བར་སེམས་སྟེ་བརྟག །དེས་ན་སྤྱིར་གསང་འདུས་ཀྱི་མདུན་བསྐྱེད་སྒྲུབ་པ་ན། བདག་བསྐྱེད་སྔོན་དུ་འགྲོ་དགོས་ཤིང༌། སོང་ནས་རང་ཉིད་དཀྱིལ་འཁོར་གྱི་དབུས་སུ་ཞུགས་པར་མོས་ཏེ་བསངས་འབྱུང་བཞི་དཀྱིལ་འཁོར་ལྷའི་གདན་བཅས་བསྐྱེད་ནས། དེ་རྣམས་ཆོ་ག་
@030B སུམ་བསྐྱེད་ཀྱིས་གཙོ་བོ་དང་འཁོར་རྣམས་རྫོགས་པར་བསྐྱེད་ལ། རང་རིགས་ཀྱི་རིག་མ་དང་ལྷན་ཅིག་སྙེམས་འཇུག་བྱས་ཏེ། མངལ་གྱི་ལྷ་རྣམས་བསྐྱེད། དེ་ནས་མཚན་སྔགས་བརྗོད་དེ་ལྷ་དེ་རྣམས་ཕྱིར་སྤྲོས་སྤྱི་སོགས་ཀྱི་མཛད་པ་མཛད་ནས་གཅིག་ཏུ་འདུས་ཏེ་ཡེ་ཤེས་པ་དང་འདྲེས་པ་
སེམས་དཔའ་སུམ་བརྩེགས་ཅན་དུ་གྱུར་པ་རྣམས་སྤྱན་དྲངས་ཏེ། རང་རང་གི་དམ་ཚིག་པ་ལ་བསྟིམ་ཞིང༌། དེ་ནས་རང་བཞིན་གྱི་ཡེ་ཤེས་པ་གཞན་སྤྱན་དྲངས་ཏེ་བསྟིམ་ནས་དབང་བསྐུར་རྒྱས་གདབ་ཀྱང་བྱས་ལ། དེ་ནས་སྟ་གོན་གྱི་ལྷ་བསྟིམ་པར་བྱའོ། །རས་བྲིས་ཀྱི་དཀྱིལ་འཁོར་སྒྲུབ་ནའང་རྡུལ་
ཚོན་གྱི་དཀྱིལ་འཁོར་འདྲ་བར་རྗེའི་དགོངས་པ་ཡིན་པར་སྔགས་རིམ་དང་དེ་ཉིད་རབ་གསལ་གཉིས་ཀ་ནས་གསལ་བར་ཤེས་མོད། ད་ལྟ་ཕལ་ཆེར་ཕྱག་མཚན་བསྐྱེད་པའི་སྐབས་བསམ་གཏན་གྱི་དཀྱིལ་འཁོར་ལྟར་བྱེད་པ་མང་སྟེ་ཡིན་སྙམ་པ་མེད་དོ། །དེས་ན་རས་བྲིས་ལའང་རྡུལ་ཚོན་ལྟར་བྱ་ལ།
བསམ་གཏན་གྱི་དཀྱིལ་འཁོར་ལ་ནི་ལྷ་བསྐྱེད་པའི་སྐབས་སྔོན་མ་དང་ཅུང་མི་འདྲ་བ་རེ་ཡོད་པས་སྔགས་རིམ་སོགས་ནས་བཤད་པ་ལྟར་བྱ་ཤིང༌། ལུས་དཀྱིལ་ལ་ནི་བསམ་གཏན་དང་འདྲ་ཡང་ལུས་ཀྱི་ཆ་རྣམས་སྒྲུབ་གཞིར་བྱས་ནས་བསྒྲུབ་པ་ཡིན་ཏེ། འདི་ལ་ཞིབ་ཆ་དགོས་སོ། །མི་ཤེས་པ་
ཁ་ཅིག་སྣོད་གཞལ་ཡས་ཁང་དང་བཅུད་ལྷ་དང་ལྷ་མོའི་རང་བཞིན་དུ་དངོས་གནས་ལ་ཡོད་ཟེར་བ་ལྟར། གཞན་དག་ལུས་ཀྱི་ཆ་ད་དང་དེ་དག་ནི་རྟེན་དང་བརྟེན་པའི་ལྷ་དངོས་ཀྱི་རང་བཞིན་དུ་ཡོད་ཀྱང་མ་ཤེས་པས་དེ་ཤེས་པ་དང་གསལ་བའི་ཕྱིར་དུ་དེ་རྣམས་སུ་སྒོམ་པར་བྱེད་པའོ། །ཞེས་སྨྲ་བ་ནི། ཡེ་
ཤེས་པའི་ལྷ་དངོས་ལ་རྨོངས་ཤིང་ཅང་མི་ཤེས་པའི་ལྷ་ཡོད་པའམ། སྒྲིབ་པ་དང་བཅས་པའི་སངས་རྒྱས་ཡོད་པར་འདོད་པ་ཡིན་པས། ཁས་ལེན་ཚུལ་དེ་ལས་ཐ་ཆད་པ་ཅི་ཞིག་ཡོད། །གཉིས་པ་ལ་གཉིས། ནང་དུ་དཀྱིལ་འཁོར་ལ་མཆོད་པ་དང༌། ཕྱི་རོལ་གྱི་གཏོར་མའོ། །དང་པོ་ནི། མཆོད་ཡོན་
@031A ༄༅། །ལ་སོགས་པའི་མཆོད་རྫས་རྣམས་བསངས་སྦྱངས་བསྐྱེད་ནས་དཀྱིལ་ཆོག་ནས་འབྱུང་བ་ལྟར་མཆོད་བསྟོད་བཟླས་པ་ཡིག་བརྒྱ་བཅས་རྫོགས་པར་བྱ། མཆོད་པའི་ཆུ་བཞི་ལ་ནི་ཞི་བའི་རྫས་ནས་འོ་མ་མེ་ཏོག་དཀར་པོ་ཏིལ་འབྲས་གཡོས་སོགས་བླུགས་ཏེ་སྒྲུབ་པ་དང༌། རྒྱས་
པ་སོགས་ལ་ཁ་དོག་སོགས་ཅུང་མི་འདྲ་སྟེ། འབུལ་ཚུལ་ནི་གཞན་དུ་ཤེས་པར་བྱའོ། །གཉིས་པ་ནི། ཕྱི་རོལ་ཏུ་འཇིག་རྟེན་ལས་འདས་མ་འདས་ཀྱི་མཆོད་གཏོར་བཏང་སྟེ་འཕྲེང?་ལས་བཅོལ་བར་བྱའོ། །དེ་ནས་ཉེ་རེག་བྱས་ལ་ནང་དུ་འོངས་ཏེ། ཧཱུཾ་མཛད་ཀྱིས་ཕྱག་རྒྱ་དང་ལྡན་པས་ཧཱུཾ་བཞི་པའི་སྔགས་
ཟློས་ཤིང་མེ་ཏོག་དང་བཅས་དམིགས་པས་དཀྱིལ་འཁོར་གྱི་རྩིག་པའི་འོག་ནས་འཛུལ་ཏེ་ཡིག་བརྒྱ་བརྗོད་ཅིང་སྐོར་བ་གསུམ་བྱས་པས་མེ་ཏོག་འབུལ་ལོ། །དེ་ནས་སྐོར་བ་རེ་བྱས་ལ་སྒོ་རེ་དབྱེ་བར་བྱ་སྟེ། ཐོག་མར་ནུབ་ཏུ་གནས་ནས་སྒོ་དབྱེ་བའི་སྔགས་ཀྱིས་ཤར་གྱི་སྒོ་དབྱེ་ཞིང༌། དེ་བཞིན་དུ་ཕྱོགས་
གཞན་ལའང་རིགས་པ་སྦྱོར། དེ་ནས་སྔགས་ཀྱིས་མེ་ཏོག་ཕུལ་བ་བླངས་ནས་གར་གྱིས་རང་གི་མགོ་ལ་བཅིངས་ཏེ་དངོས་གྲུབ་ཞུའོ། ༈ །གཉིས་པ་དབང་བསྐུར་བ་ལ་གསུམ། སློབ་མ་ལ་དབང་བསྐུར་བའི་ཆོ་གའི་སྐོར་ལ་ཚིག་མང་དུ་འབྱུང་བས། འདིར་དེ་དག་གི་རྣམ་གཞག་རྒྱས་པར་མི་འཆད་པས་
གཞན་ནས་ཤེས་པར་བྱ་ལ། དོན་གྱི་ཕྱོགས་བསྡུས་ཏེ་བཤད་པར་བྱ་སྟེ། དེ་ཡང་བླ་མེད་ཀྱི་དབང་ལ་བཞི་སྟེ་བུམ་དབང་གསང་དབང་ཤེས་རབ་ཡེ་ཤེས་ཀྱི་དབང་དབང་བཞི་པའོ། །དང་པོ་ལ་ལྔ། དཀྱིལ་འཁོར་གང་དུ་འཐོབ་པ། གྲངས་ཅི་ཙམ། ངོ་བོ་གང་ཡིན་པ། བྱེད་ལས་ཅི་འདྲ། སྒྲ་དོན་ནོ།།
དང་པོ་ནི། རྡུལ་ཚོན་ནམ་རས་བྲིས་ཀྱི་དཀྱིལ་འཁོར་དུ་ཡིན་ལ། བུམ་དབང་བསྐུར་བ་ན་སྒྲུབ་པའི་དཀྱིལ་འཁོར་པ་རྣམས་ཀྱིས་བུམ་པ་བཟུང་ནས་དབང་བསྐུར་བའི་བྱ་བ་མཛད་པ་མིན་གྱི། སྤྱན་དྲངས་པའི་དབང་གི་ལྷ་རྣ(Ms) ཀྱི་ནང་ནས་སྤྱན་མ་སོགས་ཀྱིས་བུམ་པ་བཟུང་ནས་དངོས་སུ་དབང་བསྐུར་
@031B པའི་མོས་པ་བྱེད་པ་ཡིན་ནོ། །འོན་ཀྱང་བུམ་པ་འཇོག་པ་སོགས་ནི་སློབ་དཔོན་གྱིས་བྱེད་པ་ཡིན་ལ། དེའི་ཚེ་སློབ་དཔོན་གྱིས་བསྒྲུབ་པའི་དཀྱིལ་འཁོར་བ་རྣམས་ལ་དབང་བསྐུར་བའི་དགོངས་པ་གཏད་པའི་མོས་པ་ངེས་པར་བྱེད་དགོས་ཏེ། གཞན་དུ་ན་རྡུལ་ཚོན་ནམ་རས་བྲིས་ཀྱི་དཀྱིལ་འཁོར་དུ་བུམ་དབང་ཐོབ་པར་འཇོག་དཀའོ།།
གཉིས་པ་གྲངས་ནི། སློབ་མའི་དབང་དང་སློབ་དཔོན་གྱི་དབང་གཉིས་ཡོད་ལ། ཕྱེ་ན། ཆུ་དབང་ཅོད་པན་དང་རྡོ་རྗེ་དང་དྲིལ་བུ་དང་མིང་སྟེ་ལྔ་ནི་སློབ་མའི་དབང་དང༌། དེ་ནས་སློབ་དཔོན་གྱི་དབང་སྔགས་དབང་ལུང་བསྟན་དབུགས་ཐུང་རྡོ་རྗེའི་བརྟུལ་ཞུགས་སྤྱོད་པའི་བརྟུལ་ཞུགས་རྗེས་གནང་དང་བཅས་པ་སྟེ། དབང་དགུར་དབྱེ་
བའི་ཚེ་ཕྲེང་བའི་དབང་ནས་འདྲེན་པ་ཡིན་ཞིང༌། གཞན་ཆུ་དབང་ནས་བཟུང་སྟེ་དབང་བདུན་དུ་བཤད་པའང་ཡོད་ལ། བུམ་དབང་ཉིད་ལ་བཅུ་གཅིག་ཏུ་འབྱེད་པའང་ཡོད་མོད། དེ་ཐམས་ཅད་དབྱེ་བསྡུ་ཡིན་པས་མི་འགལ་ལོ། །གསུམ་པ་དབང་གི་ངོ་བོ་གང་ཞེ་ན། འདི་ལ་ཆུ་གཏོར་བ་སོགས་དང་དབུ་རྒྱན་བསྐོན་པ་དང་རྡོར་དྲིལ་གཏད་
པ་དང་མིང་འདོགས་པ་རྣམས་ནི་དབང་གི་རྒྱུ་ཡིན་གྱི། དབང་གི་ངོ་པོ་མིན་ལ། དབང་གི་ངོ་བོ་ནི་ཐབས་དེ་རྣམས་ལ་བརྟེན་ནས་ཉོན་མོངས་ལྔ་ཅི་རིགས་པ་སྦྱངས་ནས་ཕུང་པོ?་ལྔ་ཅི་རིགས་དག་ཅིང་ཡེ་ཤེས་ལྔ་མངོན་དུ་བྱེད་ནུས་པ་དང་རིགས་ལྔའི་སྒོམ་བཟླས་དང་དངོས་གྲུབ་འགྲུབ་པ་ལ་དབང་བའི་ནུས་པ་ཁྱད་པར་ཅན་ཏེ་རྒྱུད་ལ་བཞག
པ་ནི་དབང་དེ་དག་གི་དངོས་གཞི་ཡིན་པར་སྔགས་རིམ་ལས་བཤད་དེ། དེ་འདྲ་བའི་དབང་གཞན་ལའང་རིགས་འགྲེ་སྦྱོར། ཡང་ཆུ་དབང་རྣམས་བསྐུར་བའི་ཚེ་དབང་པོ་རྣོན་པོ་ལ་བདེ་བ་དངོས་སུ་སྐྱེ་བ་འོང་ཞིང༌། བདེ་བ་དེས་སྟོང་ཉིད་ཀྱི་དོན་ངེས་པའི་བདེ་སྟོང་གི་ཡེ་ཤེས་ཉིད་བུམ་དབང་ཁྱད་པར་ཅན་གྱི་ངོ་བོར་བཞེད་ཅིང༌། བདེ་བ་དངོས་
སུ་མ་སྐྱེས་ཀྱང་དེ་སྐྱེས་སྙམ་པ་དང་ལྟ་བ་དྲན་པའི་མོས་པ་བྱ་དགོས་པར་བཤད་དོ། །སློབ་དཔོན་གྱི་དབང་གི་སྐབས་སུའང་ལྷ་ཡབ་ཡུམ་དུ་བསམ་པ་ནི་དབང་གི་རྒྱུ་ཡིན་གྱི། དབང་གི་དངོས་གཞི་མིན་ལ། དངོས་གཞི་ནི་འཁྱུད་པ་ལ་བརྟེན་ནས་བདེ་བ་སྐྱེས་བའམ་སྐྱེས་བར་མོས་ཏེ་ལྟ་བ་དྲན་པའོ། །དེ་ལྟ་བུའི་མོས་པ་མ་མཐའ་ཡང་
@032A ༄༅། །བྱེད་དགོས་ཀྱི། གཞན་དུ་ན་དབང་གྲལ་དུ་འདུག་པ་ཙམ་གྱིས་དབང་ཐོབ་པར་འཇོག་དགའ་བར་བཤད་པས་དབང་བརྡ་ཅི་ཡང་མི་འཕྲོད་པ་དག་གིས་ནི་དབང་ཇི་ལྟར་ཐོབ་བསམ་དགོས་སོ། །བཞི་པ་ལ། མེ་ཏོག་འཕྲེང་བའི་དབང་གིས་ནི། སངས་རྒྱས་དེའི་རིགས་སུ་འཚང་རྒྱ་བའི་ནུས་པ་འཇོག། ཆུ་དབང་
གིས་རིགས་དེར་འཚང་རྒྱ་བ་ལ་གེགས་བྱེད་པའི་དྲི་མ་སྦྱོང་བའི་ནུས་པ་དང༌། ཅོད་པན་གྱིས་གཙུག་ཏོར་འགྲུབ་པའི་ནུས་པ་དང༌། རྡོ་རྗེས་རྒྱལ་བའི་ཐུགས་འགྲུབ་པ་དང༌། དྲིལ་བུས་གསུང་འགྲུབ་པ་དང༌། མིང་དབང་གིས་གང་གི་ཚེ་སངས་རྒྱས་པ་ན་དེའི་མཚན་ལ་འདི་ཞེས་བྱ་བར་འགྱུར་རོ་ཞེས་མཚན་གྱི་ནུས་པ་འཇོག་སྟེ།
དེ་ནི་རིགས་སོ་སོའི་དབང་དུ་བྱས་པ་ཡིན་ལ། རྡོ་རྗེ་སློབ་དཔོན་གྱི་དབང་གིས་ནི་རིགས་ཐམས་ཅད་ཀྱི་བདག་པོ་རྡོ་རྗེ་གསུམ་དབྱེར་མི་ཕྱེད་པ་རྡོ་རྗེ་འཆང་འགྲུབ་པའི་ནུས་པ་འཇོག་པར་བྱེད་པ་ཡིན་ནོ། །འོན་ཀྱང་དེ་དག་ནི་ངོ་བོ་དང་བྱེད་ལས་ཅི་རིགས་ཀྱིས་བསྡུས་སོ། །ཡང༌། བུམ་དབང་གིས་བསྐྱེད་རིམ་ཡན་ལག་དང་བཅས་
པ་མཐའ་དག་སྒོམ་པ་ལ་དབང་ཞིང་དེའི་སྣོད་རུང་དུ་བྱེད་པ་དང་སྤྲུལ་པའི་སྐུ་འགྲུབ་པའི་ནུས་པ་ཁྱད་པར་ཅན་འཇོག་པ་སྟེ། དེ་ཡང་རྫོགས་རིམ་མིན་གྱི་བསྐྱེད་རིམ་སྟོན་པའི་རྒྱུད་འགྲེལ་མན་ངག་དང་བཅས་པ་ཉན་པ་དང་འཆད་པ་ལ་དབང་བའོ། །དེར་མ་ཟད་བླ་མེད་ཀྱི་བུམ་དབང་རྣམ་དག་རྫོགས་པར་ཐོབ་ན། རྒྱུད་སྡེ་འོག་མ་གསུམ་
གྱི་རྒྱུད་འཆད་ཉན་དང་སྔགས་སྒྲུབ་ལ་ཡང་དབང་བར་བཤད་ལ། འོན་ཀྱང་ལྷ་སྒྲུབ་པ་ལ་སྒོམ་བཟླས་ཀྱི་ལུང་དང་དབང་བསྐུར་བ་ལ་ནི་རང་གིས་དབང་གང་བསྐུར་བ་དེ་ཐོབ་དགོས་སོ། །ལྔ་པ་ནི། དེ་ཐམས་ཅད་ལ་བུམ་པའི་ཆུའི་བྱ་བ་རྗེས་སུ་འགྲོ་བས་ན་བུམ་པའི་དབང་ཞེས་བྱ་ལ་རྫོགས་བྱང་ལས་ཕྱིར་མི་ལྡོག་བའི་ནུས་པ་
འཇོག་པས་ཕྱིར་མི་ལྡོག་པའི་དབང་དང༌། རྡོ་རྗེ་སློབ་དཔོན་གྱི་ལས་བྱེད་པ་རྣམས་ལ་དབང་བས་སློབ་དཔོན་གྱི་དབང་ཞེས་བརྗོད་པའང་ཡིན་ནོ། །རིག་པའི་དབང་ཞེས་པ་ནི། རིག་པ་ཡེ་ཤེས་ལྔ་སྒྲུབ་པར་བྱེད་པ་དང༌། རིག་པའི་ལྷ་མོ་རྣམས་ཀྱིས་དབང་བསྐུར་བས་ན་དེ་སྐད་ཅེས་བརྗོད་པའི་ཚུལ་གཉིས་སོ། །གཞན་ཡང་སྔགས་
@032B དབང་ནི་སྔགས་འགྲུབ་པའི་ཚེད་དང༌། མིག་སྨན་ནི་ལྷའི་མིག་གི་མངོན་ཤེས་བསྐྱེད་པའི་ཆེད་དང༌། མེ་ལོང་ནི་ཆོས་ཐམས་ཅད་བདེན་སྟོང་སྒྱུ་མ་ལྟ་བུར་རྟོགས་པའི་ཆེད་དུ་དང་མདའ་ནི་ཆོས་ཉིད་མངོན་སུམ་དུ་རྟོགས་པའི་ཆེད་ཡིན་པ་སོགས་ཀྱི་མཚོན་དོན་སོགས་ཤེས་དགོས་སོ། །གཉིས་པ་གསང་བའི་དབང་ནི། རྒྱུད་དང་ཚད་ལྡན་གྱི་གཞུང་ནས་རིན་པོ་
ཆེ?་ལྟ་བུའི་གང་ཟག་གི་དབང་དུ་མཛད་ནས་ལས་རྒྱ་ལ་བརྟེན་ནས་བསྐུར་བའི་ཚུལ་གསུངས་པ་མང་སྟེ། དེ་ཡང་ལས་རྒྱ་བསྟེན་རུང་བའི་བླ་མ་མཚན་ཉིད་ཚང་བས་དཀྱིལ་འཁོར་བའི་ལྷ་ཐམས་ཅད་དམིགས་པས་བཀུག་སྟེ་རང་གི་ལུས་ལ་བཅུག་ནས་རིག་མ་དང་སྙོམས་འཇུག་བྱས་པས། ཐིག་ལེ་ཡུམ་གྱི་པདྨར་ཕབ?་པ་ཡུམ་གྱི་ཁམས་དམར་པོ་
དང་འདྲེས་པ་ལ་ཀུན་རྫོབ་བྱང་ཆུབ་ཀྱི་སེམས་ཞེས་བྱ་ལ། ཡབ་ཡུམ་གྱི་ཁམས་དཀར་དམར་ཡུམ་གྱི་པདྨར་གནས་པ་མཐེབ་སྲིན་གྱིས་བླངས་ཏེ། ལྕེ་ཐོག་བཞག་པ་མྱང་བའི་ཚེ་རང་གི་ལུས་ཀྱི་རྩ་ཁམས་བྱིན་གྱིས་བརླབས་པས་བདེ་བ་དངོས་སུ་སྐྱེ་བ་འོང་བས་དེའི་ཚེ་བདེ་བས་སྟོང་པ་ངེས་པའི་བདེ་སྟོང་སྦྱོར་ཞིང༌། དེང་སང་དུས་སུ་ནི་བླ་མ་དང་
རིག་མ་མཚན་ཉིད་ཚང་དཀའ་ཞིང༌། མ་ཚང་བཞིན་དུ་བསྟེན་ན་ངན་འགྲོར་འཕེན་པས་བླ་མ་ཡེ་རྒྱ་དང་སྙོམས་འཇུག་བྱས་པར་མོས་ཏེ་ཐིག་ལེ་དཀར་དམར་གྱི་ངོ་བོར་བསྐྱེད་པའི་ནང་མཆོད་སོགས་ལྕེ་ལ་བཞག་པ་མྱང་བའི་ཚེ་དབང་རྣོན་རེ་གཉིས་ལ་བདེ་བ་དངོས་སུ་སྐྱེ་སྲིད་ཀྱང༌། ད་ལྟའི་གང་ཟག་ལ་དའང་དཀའ་བས་དེ་སྐྱེས་པའི་མོས་པ་བྱས་ཏེ་
ལྟ་བ་རྣཾ་དག་དང་སྦྱར་དགོས་པར་བཤད་ལ། འོན་ཀྱང་ལྟ་བ་མེད་པའི་བདེ་བ་སྐྱེས་པར་མོས་པ་ཤུགས་ཅན་བྱས་ན་ཡང་དབང་དེ་ཐོབ་པར་འཇོག་རུང་ཙམ་དུ་སེམས་ཏེ། ལྟ་བ་མེད་པའི་བདེ་བ་དང་བཅས་པའི་ཏིང་ངེ་འཛིན་སྐྱེས་པ་ལ་དབང་དེ་ཐོབ་པ་ཙམ་དུ་འཇོག་ནུས་པར་སྔགས་རིམ་ལས་གསུངས་པསོ། །དེས་ན་དབང་ཐོབ་ཚུལ་ལ་མཆོག་དམན་
འོང་བར་མ་ཟད་བསྐུར་ཚུལ་ལའང་ཁྱད་པར་ཆེའོ། །བླ་མ་ཡབ་ཡུམ་སྙོམས་པར་འཇུག་པ་སྒོམ་པ་སོགས་ནི་དབང་གི་རྒྱུ་ཡིན་ལ། ཐབས་དེ་ལ་བརྟེན་ནས་སྐྱེས་པའི་བདེ་སྟོང་གི་ཡེ་ཤེས་ནི་དབང་གི་ངོ་བོ་ཡིན་ནོ། །བྱེད་ལས་ནི་སྒྱུ་ལུས་སྒོམ་པ་ལ་དབང་བ་སྟེ། དེ་སྒོམ་པའི་སྣོད་དུ་རུང་བ་དང༌། དེ་སྟོན་པའི་རྒྱུད་འཆད་ཉན་དང༌། སྒྱུ་ལུས་
@033A ༄༅། །སྒྲུབ་པའི་ཐབས་སུ་ལུས་ལ་གནད་དུ་བསྣུན་ནས་རླུང་དབུ་མར་ཞུགས་གནས་ཐིམ་གསུམ་བྱེད་པ་ལ་དབང་བའོ། །མདོར་ན་བླ་མ་ཡབ་ཡུམ་གྱི་བྱང་སེམས་མྱང་བས་རང་གི་རྩ་ཁམས་རླུང་དང་བཅས་པ་བྱིན་གྱིས་བརླབས་པ་ལ་བརྟེན་ནས་རླུང་སེམས་ཙམ་ལས་གྲུབ་པའི་ལོངས་སྤྱོད?་སྐུ་འགྲུབ་པའི་ནུས་པ་ཁྱད་
པར་ཅན་འཇོག་པ་ཡིན་ནོ། །སྒྲ་བཤད་ནི། རྫས་གསང་བ་ལས་ཐོབ་པའི་དབང་ཡིན་པས་གསང་བའི་དབང་ཅེས་བྱའོ། །གསུམ་པ་ཤེས་རབ་ཡེ་ཤེས་ཀྱི་དབང་ནི། རིན་པོ་ཆེ་ལྟ་བུའི་གང་ཟག་གི་དབང་དུ་བྱས་ན། བླ་མ་མཚན་ཉིད་ཚང་བས་སྔར་གྱི་རིག་མ་དེ་འམ་དེ་འདྲ་བ་ཞིག་སློབ་མ་ལ་གནང་སྟེ། དྲི་བ་དྲི་ལན་སོགས་བྱས་ཏེ་
སྙོམས་པར་ཞུགས་ཏེ་དགའ་བཞི་སྐྱེས་པ་ལས་ཐོས་པས་བྷ་གའི་དཀྱིལ་འཁོར་དུ་ཐོབ་པ་ཡིན་ལ། དེ་ཡང་སྙོམས་འཇུག་བྱས་པས་རླུང་དབུ་མར་ཞུགས་པ་ལ་བརྟེན་ནས་བྱང་སེམས་སྐྱེ་བོ་ནས་ཞུ་སྟེ། རང་གི་དྷཱུ་ཏཱི་ནས་མགྲིན་པ་སྙིང་ཀ་ལྟེ་བ་རྡོ་རྗེའི་རྩེར་སླེབ་པ་ན་དགའ་བཞི་རིམ་བཞིན་སྐྱེའོ། །ལྷན་སྐྱེས་ཀྱི་དགའ་བ་སྐྱེས་པ་ན་དེ་དང་སྟོང་ཉིད་
རྟོགས་པའི་ལྟ་བ་སྦྱར་ཏེ་སྒོམ་པ་ནི་དབང་གི་ངོ་བོ་ཡིན་ཞིང༌། གཞན་ལ་ནི་དེ་འདྲ་བའི་བདེ་སྟོང་སྦྱོར་ཚུལ་འོང་དཀའ་ཡང་གལ་ཏེ་སྐྱེས་པ་ཞིག་བྱུང་ན་ནི་དེ་དབང་གི་དུས་སུ་ཡིན་ཀྱང་ངོ་བོ་རྫོགས་རིམ་གྱི་ལམ་དུ་བཞག་དགོས་སོ། །ད་ལྟ་ནི་ཡེ་ཤེས་ཀྱི་ཕྱག་རྒྱ་ལ་བརྟེན་པ་ཡིན་པས་དེའི་ཚེ་དཔོན་སློབ་གཉིས་ཀས་དམིགས་རྣམ་ལེགས་པར་དྲན་པའམ། སློབ་མས་
བདེ་བ་སྐྱེས་པའི་མོས་པ་དང་སྟོང་ཉིད་ཀྱི་ལྟ་བ་དྲན་པའི་མོས་པ་ཙམ་ཞིག་ནི་མ་མཐའ་ཡང་བྱེད་དགོས་ཏེ། དེ་ཙམ་ཞིག་མ་བྱུང་ན་དབང་གསུམ་པ་མཆོག་དམན་གང་ཡང་ཐོབ་པར་འཇོག་མི་ནུསོ། །འདིའི་མོས་པ་ལའང་སྐབས་ཀྱི་དམིགས་རྣམ་ཕྱེད་པའི་གོ་བ་ངེས་པར་དགོས་ཀྱི། ནག་ཐོམ་པའི་མོས་པས་མི་ཆོ་གོ །བྱེད་ལས་ནི། གང་སྣང་ཐམས་ཅད་བདེ་སྟོང་
གི་རྣམ་རོལ་ཏུ་འཆར་བའི་གེགས་ཀྱི་དྲི་མ་སྦྱོང་བ་དང༌། དེ་འཆར་བའི་ནུས་པ་དང༌། ཆོས་སྐུ་འགྲུབ་པའི་ནུས་པ་ཁྱད་པར་ཅན་འཇོག་གོ །སྒྲ་བཤད་ནི། ཤེས་རབ་མ་ལ་བརྟེན་ནས་ཐོབ་པའི་དབང་ཡིན་པས་ན་ཤེས་རབ་ཡེ་ཤེས་ཀྱི་དབང་ཞེས་བྱའོ། །བཞི་པ་ཚིག་དབང་ནི། དབང་གསུམ་པ་མོས་པ་ཚུན་ཆད་ཀྱིས་ངེས་པར་བྱས་ནས་དེ་དང་དཔེར་བྱ་བ་སྟེ།
@033B ཟུང་འཇུག་གི་གོ་འཕང་ཇི་འདྲ་བ་སློབ་མ་ལ་ཚིག་གིས་བརྡ་ལེགས་པར་སྤྲད་པས་དོན་གོ་ན་ཚིག་གི་དབང་བཞི་པ་ཐོབ་པར་འཇོག་གི །དོན་གྱི་དབང་ཟུང་འཇུག་ད་ལྟ་ཐོབ་པ་མི་འབྱུང་ངོ། །དེའི་ཚུལ་ནི། འདུས་པའི་རྒྱུད་ཕྱི་མ་ལས།། བཞི་པ་དེ་ཡང་དེ་བཞིན་ཏེ།། ཞེས་གསུངས་པ་ལྟར། དབང་གསུམ་པའི་དུས་སུ་རང་དང་རིག་མའི་ལུས་འདོད་ལྷ་ཡབ་ཡུམ་གྱི་
སྐུར་མ་གྲུབ་བཞིན་དུ་ཡིད་ངོར་ལྷའི་སྐུར་སྣང་བའི་ངང་ནས་སེམས་ཀྱིས་སྟོང་ཉིད་ཀྱི་དོན་ངེས་པ་གཉིས་མཉམ་དུ་བསྒོམས་པ་དེ་བཞིན་དུ། ལམ་བསྒོམས་པའི་མཐུས་རིམ་པ་བཞི་པའི་མཐར་ཞུས?་ཤིན་དུ་ཕྲ་བའི་རླུང་སེམས་ཙམ་ལས་གྲུབ་པའི་འཇའ་ལུས་རྡོ་རྗེའི་སྐུར་དངོས་སུ་སོང་བ་དང༌། སེམས་སྟོང་ཉིད་མངོན་སུམ་རྟོགས་པའི་བདེ་སྟོང་
དབྱེར་མེད་ཀྱི་ཡེ་ཤེས་སུ་སོང་བ་གཉིས་དུས་མཉམ་དུ་འཇུག་པ་འབྱུང་ལ། དེའི་རྒྱུན་གོམས་པར་བྱས་པའི་མཐར་དེ་དང་འདྲ་བའི་མི་སློབ་པའི་ཟུང་འཇུག་ཁ་སྦྱོར་ཡན་ལག་བདུན་ལྡན་གྱི་སྐུ་འགྲུབ་པ་ཡིན་ནོ། །ཞེས་བརྡ་སྤྲོད་པ་ཡིན་ནོ། །དབང་དོན་ལམ་གྱི་རིམ་པར་བསྒྲིགས་ན། འདིར་འཚང་རྒྱ་བ་ལ་བསྐྱེད་རིམ་བསྒོམ་དགོས་ཤིང༌། དེ་སྒོམ་པའི་སྣོད་དུ་
རུང་བའི་ཕྱིར་དུ་དབང་དང་པོ་བུམ་དབང་དགོས་པ་ཡིན་ལ། དེ་ནས་རྫོགས་རིམ་སྒོམ་པ་ན། ཐོག་མར་ལུས་དབེན་དང་དག་དབེན་སོགས་ཀྱིས་རོ་རྐྱང་གི་རླུང་དྷཱུ་ཏཱིར་ཞུགས་གནས་ཐིམ་གསུམ་བྱས་པ་ལ་བརྟེན་ནས་སྣང་མཆེད་ཐོབ་གསུམ་དཔེའི་འོད་གསལ་དང་བཅས་པའི་སེམས་དབེན་འདྲེན་ཞིང༌། དེ་ལས་རླུང་སེམས་ཙམ་ལས་གྲུབ་པའི་མ་དག་པའི་སྒྱུ་ལུས་འགྲུབ་པའི་ཆེད་དུ་
གཉིས་པ་གསང་དབང་བསྐུར་བ་ཡིན་ཞིང༌། མ་དག་པའི་སྒྱུ་ལུས་དེ་བསམ་གཏན་གཉིས་ཀྱིས་འོད་གསལ་དུ་བཅུག་ནས་དག་པར་བྱས་པ་ལས་དོན་གྱི་འོད་གསལ་སྐྱེ་བས་དེའི་ཆེད་དུ་དབང་གསུམ་པ་དང༌། དོན་གྱི་འོད་གསལ་ལས་ལུགས་ཟློག་ཏུ་ལྡང་བ་ན་སྐུ་དག་བ་སྒྱུ་མའི་སྐུ་དང་ཐུགས་དག་པ་དོན་གྱི་འོད་གསལ་གཉིས་ངོ་བོ་གཅིག་པའི་སློབ་བའི་ཟུང་འཇུག་དང༌། དེའི་
རྒྱུན་ལས་མི་སློབ་པའི་ཟུང་འཇུག་གི་སྐུ་འགྲུབ་པའི་ཆེད་དུ་དབང་བཞི་པ་བསྐུར་བ་སྟེ། དབང་བཞི་དང་སྐུ་བཞིའི་གོ་རིམ་ཡང་དེ་ལྟར་རོ། །གཉིས་པ་ནི། དབང་ཐོབ་ནས་དམ་ཚིག་སྲུང་དགོས་པས་རྩ་ལྟུང་བཅུ་བཞི་དང་སྦོམ་པོ་བརྒྱད་སོགས་རྩ་བ་དང་ཡན་ལག་གི་ལྟུང་བ་རྣམས་ངེས་པར་བྱས་ཏེ་སྲུང་དགོས་ཞིང༌། གལ་ཏེ་རྩ་ལྟུང་བྱུང་ན་བདག
@034A ༄༅། །འཇུག་སོགས་ཀྱི་སྒོ་ནས་སླར་སོར་ཆུད་པར་བྱ་ལ། ལྟུང་བ་གཞན་བྱུང་ན་བཤགས་པར་བྱའོ། །རྩ་ལྟུང་མ་བྱུང་ན་ལམ་ཆེར་མ་བསྒོམས་ཀྱང་སྐྱེ་བ་བདུན་ནམ་བཅུ་དྲུག་ཚུན་ལ་འཚང་རྒྱ་ཞིང༌། རྩ་ལྟུང་བྱུང་བ་ཕྱིར་མ་བཅོས་ན་ལམ་བསྒོམས་ཀྱང་འཚང་མི་རྒྱ་བའམ?་ཟད། ངན་འགྲོར་སྐྱེ་བའི་ཉེན་ཆེ་བས་ངེས་
བར་དམ་ཚིག་དང་སྡོམ་པ་དག་པའི་ཐབས་ལ་འབད་པར་བྱའོ། ༈ །གསུམ་པ་ལ་གཉིས། རིམ་པ་གཉིས་ཀྱི་སྒྲ་དོན་སོགས་དང༌། རིམ་གཉིས་སོ་སོའི་བསླབ་ཚུལ་ལོ། །དང་པོ་ལ། བསྐྱེད་རིམ་གྱི་སྒྲ་དོན་ནི། བློས་བཏགས་པའམ་བཅོས་པའི་སྒོ་ནས་བསྐྱེད་པའི་ཚུལ་གྱིས་བསྒོམ་པར་བྱ་བའི་རིམ་པ་ཡིན་པས་དེ་སྐད་ཅེས་བྱ་ལ༌།
རྫོགས་རིམ་ནི། བློས་བཏགས་པ་ལ་མ་བལྟོས་པར་གྲུབ་པའི་རྩ་རླུང་ཐིག་ལ་དམིགས་ནས་དབུ་མའི་ནང་དུ་རླུང་ཞུགས་གནས་ཐིམ་གསུམ་སོགས་བྱ་བའི་ཕྱིར་བསྒོམ་པར་བྱ་བའི་རིམ་པ་ཡིན་པས་ན་རྫོགས་རིམ་ཞེས་བྱ་སྟེ་དོན་བསྡུས་པའོ། །རིམ་གཉིས་ཀྱི་གྲངས་ངེས་ནི། ཐུན་མོང་དང་མཆོག་གི་དངོས་གྲུབ་གཉིས་སོ་སོར་འགྲུབ་པའི་དབང་དུ།
བྱས་པ་ཡིན་ཏེ། རྒྱུད་ཕྱི་མ་ལས། ཐུན་མོང་མཆོག་གི་དབྱེ་བ་ཡིས། །བསྙེན་པ་རྣམ་པ་གཉིས་སུ་འདོད།། ཅེས་བསྐྱེད་རྫོགས་གཉིས་ལ་བསྙེན་བར་བྱས་ནས་གསུངས་པ་ལྟར་ཡིན་པའི་ཕྱིར་རོ། །གྲངས་ངེས་ནི། རིམ་ལྔ་ལས། བསྐྱེད་པའི་རིམ་པ་ལ་གནས་ཤིང༌། །རྫོགས་པའི་རིམ་པ་འདོད་རྣམས་ལ། །ཐབས་འདི་རྫོགས་པའི་སངས་རྒྱས་ཀྱིས།
སྐས་ཀྱི་རིམ་པ་ལྟ་བུར་གསུངས།། ཞེས་གསུངས་པ་ལྟར་རོ། །གཉིས་པ་ལ་གཉིས། བསྐྱེད་རིམ་དང༌། རྫོགས་རིམ་ལ་བསླབ་ཚུལ་ལོ། །དང་པོ་ལ་གཉིས། བསྐྱེད་རིམ་སྤྱིའི་རྣམ་གཞག་དང༌། མངོན་རྟོགས་ཀྱི་རིམ་པའོ། །དང་པོ་ལ་གཉིས། སྤང་བྱ་སྤོང་ཚུལ་དང༌། ལམ་བསྒོམ་ཚུལ་ལོ། །དང་པོ་ནི། བསྐྱེད་རིམ་གྱི་སྤང་བྱའི་གཙོ་བོ་ནི་ཐ་
མལ་གྱི་སྣང་ཞེན་གཉིས་ཡིན་ལ། དེའི་གཉེན་པོར་ནི་གཞལ་ཡས་ཁང་རྟེན་དང་བརྟེན་པར་བཅས་སྒོམ་པ་ཡིན་ཞིང༌། རྟེན་གཞལ་ཡས་ཁང་དང་བརྟེན་པ་ལྷར་འཆར་བའི་སྣང་བ་གོམས་པས་ཐ་མལ་གྱི་སྣང་བཟློག་པར་བྱེད་ལ། ལྷ་དེ་དང་དེའོ་སྙམ་སྟེ་ལྷའི་ང་རྒྱལ་གོམས་པས་ཐ་མལ་གྱི་ཞེན་པ?་ཟློག་པར་བྱེད་དོ། །ང་རྒྱལ་དང་སྣང་བ་ཁྱད་པར་ཅན་གཉིས་
@034B ལས་ང་རྒྱལ་གཙོ་བོ་ཡིན་ལ། སྣང་བ་ནི་དེའི་ཡན་ལག་གོ །སྣང་ཞེན་འགོག་ཚུལ་ནི། ས་བོན་སྤོང་བའི་ཚུལ་གྱིས་འགོག་པ་མིན་ལ། དག་པའི་རྟེན་བརྟེན་པའི་སྣང་བ་དང་ང་རྒྱལ་བརྟན་པོ་བྱུང་བའི་ཚེ་ཡིད་ངོར་ཐ་མལ་གྱི་སྣང་ཞེན་རེ་ཞིག་འགགས་པའི་ཚུལ་གྱིས་དེ་གཉིས་ཟློག་པའོ། །དེ་ལ་ནི་དང་པོར་བཅོས་མའི་ང་རྒྱལ་ཙམ་མ་གཏོགས་བཅོས་མིན་མི་སྐྱེ་ཡང༌།
གོམས་ན་འདོན་པ་བྱང་བ་བཞིན་དུ་བཅོས་མིན་གྱི་ང་རྒྱལ་འབྱུང་ངོ། །གཉིས་པ། མངོན་རྟོགས་ཅི་ཙམ་ཞིག་དང༌། གསལ་སྣང་འདོན་ཚུལ་བསྡུ་ན། རྫོགས་རིམ་གྱི་རྟོགས་པ་རྫོགས་པར་སྐྱེ་བའི་ཆེད་དུ་ཡིན་ན། བསྐྱེད་རིམ་ཕྲ་རགས་མཐར་ཕྱིན་པའི་བར་དུ་བསྒོམ་པར་བྱ་ཞིང༌། དེ་ཡང་དང་པོར་སྒྲུབ་ཐབས་ཀྱི་ལྷ་རྫོགས་པར་བསྒོམས་
ནས་གསལ་འདེབས་པའི་ཚེ། མི་འཆུན་ན་ནང་གི་ལྷ་གཅིག་དམིགས་རྟེན་དུ་བྱས་ནས་བསྒོམས་ཏེ་གོམས་པ་ན་གཞན་བསྣན་ནས་བསྒོམ་པར་བྱའོ། །དེའི་ཚེ་དཔྱད་སྒོམ་དང་འཇོག་སྒོམ་ཇི་ལྟར་རིགས་པར་བྱ་སྟེ་ལེགས་པར་བསྐྱངས་ན་ལྷ་རྣམས་ཀྱི་གསལ་སྣང་རྫོགས་པར་འཆར་བ་ནི་ཡུན་ཧ་ཅང་མི་རིང་བར་བཤད། དང་པོར་གསལ་བར་མི་འཆར་མོད་
ཡང་ཡང་བསྒོམས་པས་གོས་ན་ཡུལ་ཡང་ལོག་གང་ཡིན་ཀྱང་གསལ་བར་འཆར་ནུས་ཏེ། རྣམ་འགྲེལ་ལས། དེ་ཕྱིར་ཡང་དག་ཡང་དག་མིན། །གང་གང་ཤིན་ཏུ་གོམས་སྒྱུར?་པ། །གོམས་པས་ཡོངས་སུ་རྫོགས་པ་ན། །དེ་གསལ་མི་རྟོག་བློ་འབྲས་ཅན། །ཞེས་དང༌། མི་སྡུག་ཟད་པར་ས་ལ་སོགས། །ཡང་དག་མིན་པའང་བསྒོམ་པ་ཡི། །སྟོབས་ཀྱིས་སྤྲུལ་
བ་རྟོག་མེད་དང༌། །གསལ་བར་སྣང་བ་ཅན་དུ་གསུངས། །ཞེས་གསུངས་པའི་ཕྱིར་རོ།། འདིར་གོ་རིམ་ནི་རགས་པའི་རྣལ་འབྱོར་ལ་སེམས་བརྟན་པ་ན་ཕྲ་ཐིག་གི་རྣལ་འབྱོར་བསྒོམས་ནས་འདི་ལུགས་ཀྱི་ཞི་གནས་བསྒྲུབ་པར་བྱ་སྟེ་འདི་ནི་གཞན་ནས་ཤེས་དགོས་སོ། །ཕ་རྒྱུད་མ་རྒྱུད་ཀྱི་བསྐྱེད་རིམ་གྱི་ཆིངས་ཇི་ལྟར་ཡིན་པའི་ཚུལ་ནི་སོགས་ཀྱང་འདིར་
མི་འཆད་དེ། སྔགས་རིམ་ཉིད་དུ་བལྟའོ། །གཉིས་པ་ལ་གཉིས། སྦྱིར་བསྟན་པ་དང༌། འགྲོས་དོན་བྱེ་བྲག་ཏུ་བཤད་པའོ། །དང་པོ་ལ་གསུམ། ཐུན་གྱི་ངོ་བོ་དང༌། ཐུན་མཚམས་ཀྱི་རྣལ་འབྱོར་དང་དགོས་པའོ། །དང་པོ་ལ་གསུམ། རྣལ་འབྱོར་གྱི་སྔོན་འགྲོ། དངོས་གཞི། མཇུག་གོ །དང་པོ་ལ་གཉིས། ཚོགས་གསོག་པ་དང༌།
@035A ༄༅། །སྲུང་འཁོར་རོ། །དང་པོ་ནི། ལམ་ཐུན་མོང་བས་རྒྱུད་སྦྱངས་པའི་གང་ཟག་གིས་གནས་ཡིད་དུ་འོང་བར་ཡོ་བྱང་རྣམས་ཚོགས་པར་བྱས་ནས། ལྷའི་རྣལ་འབྱོར་གྱིས་སྒྲུབ་ཐབས་ཀྱི་སྔོན་དུ་འཇིག་རྟེན་པའི་ལྷ་ལ་གཏོར་མ་དང་མཆོད་པ་སོགས་བྱ་དགོས་ལ། ཡིག་བརྒྱ་བཟླ་བ་ནི།
སྐབས་འདི་དང་ཐུན་མཚམས་?་གང་རུང་སྟེ། འོན་ཀྱང་བླ་མ་སྔ་མའི་ཕྱག་ལེན་ལྟར་འདིར་བྱས་ནའང་ལེགས་སོ། །དེ་ནས་ཚོགས་ཞིང་ནི། འོག་མིན་སོགས་ནས་མདུན་གྱི་ནམ་མཁར་སྤྱན་དྲངས་ཏེ་མཆོད་པ་སོགས་བྱ་ལ། སྡོམ་པ་བརྟན་པའི་ཐབས་སུ་ཐུན་མོང་དང་ཐུན་མོང་མ་ཡིན་པའི་
སྡོམ་བཟུང་བའམ་མ་བྱས་ཀྱང་མི་འགལ། ཚོགས་ཞིང་མཐར་གཤེགས་པ་དང་མི་དམིགས་པར་བྱེད་པ་དང་རང་ལ་བསྟིམ་པའི་ལུགས་གསུམ་སྟེ་གང་རུང་གིས་ཆོག་གོ །དེ་རྣམས་ནི་བསོད་ནམས་ཀྱི་ཚོགས་གསོག་པ་སྟེ། ཡེ་ཤེས་ཀྱི་ཚོགས་ནི་སྔགས་གཉིས་ཀྱི་དོན་བསྒོམས་ནས་གསོག
པའོ༑ ༑དེ་ལ་ཤཱུ་ནྱ་ཏཱ་ནི་སྟོང་པ་ཉིད་དེ་ཆོས་ཐམས་ཅད་རང་བཞིན་གྱིས་སྟོང་པའོ། །ཛྙཱ་ན་ནི་ཡེ་ཤེས་ཏེ་སྟོང་ཉིད་དང་ངོ་བོ་གཅིག་པའི་སེམས་སོ། །བཛྲ་ནི་མི་ཕྱེད་པ་སྟེ་ཡུལ་སྟོང་པ་ཉིད་དང་ཡུལ་ཅན་ཡེ་ཤེས་གཉིས་དབྱེར་མི་ཕྱེད་པའི་ཚུལ་གྱིས་རོ་གཅིག་ཏུ་ཞུགས་པའོ།། སྭ་བྷཱ་ཝ་ནི་རང་བཞིན་ཏེ་
རང་བཞིན་གྱིས་རྣམ་པར་དག་པ་དང༌། ཨཏྨ་ཀ་ནི་བདག་ཉིད?་དེའི་བདག་ཉིད་ལས་མ་འདས་པའོ། །ཨ་ཧཾ་ནི་ངའོ་སྟེ། རང་བཞིན་གྱིས་རྣམ་པར་དག་པའི་བདག་ཉིད་ངའོ་ཞེས་པ་ཡིན་ལ། མདོར་ན་སྟོང་པ་ཉིད་དང་ཡེ་ཤེས་མི་ཕྱེད་པའི་རང་བཞིན་གྱི་བདག་ཉིད་ངའོ་ཞེས་ལ་སྟེ་སྟོང་ཉིད་ཀྱི་ལྟ་བ་བསྒོམ་
དགོས་པའི་དོན་ནོ། །སྭ་བྷཱ་ཝའི་ཚིག་དོན་ཡང་དེ་དང་འདྲ་བའོ། །དེ་ལྟར་བསྒོམས་པའི་དགོས་པ་ནི། ཡེ་ཤེས་ཀྱི་གཟུང་རྣམ་ལྷར་འཆར་བའི་ཆེད་སོགས་མང་ངོ། །གཉིས་པ་ནི། འཆི་བ་དང་འདྲ་བའི་སྟོང་ཉིད་བསྒོམས་པའི་རྗེས་སུ་བར་དོ་འགྲུབ་པའི་རྣམ་པ་དང་འདྲ་བའི་བར་སྲིད་མཚོན་བྱེད་ཀྲུང་འཁོར་
@035B གྱི་སྔོན་དུ་སྒོམ་པ་ཡོད་ཀྱང༌། སྲུང་འཁོར་སྔོན་དུ་བསྒོམ་ན་རང་གི་གཞུང་ནས་བཤད་པ་ལྟར་ཐུན་མོང་པ་དང་ཐུན་མོང་མ་ཡིན་པ་གཉིས་ཀའམ་གང་རུང་བསྒོམ་པར་བྱའོ། །དེ་ཡང་ཡཱུ་དྲིལ་གཉིས་ཀྱི་ལུགས་ལ་ནི་བར་སྲིད་མཚོན་བྱེད་ཀྱི་ནཱ་ད་སྲུང་འཁོར་གྱི་སྔོན་དུ་ནམ་མཁར་བཞག་ནས་དེའི་འོག་ཏུ་རྟེན་མ་
བསྐྱེད་པའི་བར་དེར་ཞུགས་པ་འབྱུང་ལ། འདུས་པ་དང་གཤིན་རྗེ་གཤེད་སོགས་ལ་གཞལ་ཡས་ཁང་བསྐྱེད་རྗེས་སུ་ལྷའི་སྐུར་བསམ་དགོས་པས་མི་འདྲའོ། །གཉིས་པ་ལ་གསུམ། རྟེན་གཞལ་ལས་ཁང་དང༌། བརྟེན་པ་ལྷ་བསྐྱེད་པ་དང་དེའི་ཡན་ལག་གོ །དང་པོ་ནི། སྲུང་འཁོར་རྩིབས་བཅུ་བསྒོམ་མི་སྒོམ་གྱི་
ལུགས་གཉིས་ལས། གསང་འདུས་འཕགས་ལུགས་པས་ཐུན་མོང་མ་ཡིན་པའི་སྲུང་འཁོར་བསྒོམས་ཏེ་སྟོང་པར་སྦྱངས་ནས་ཐུན་མོང་བའི་སྲུང་འཁོར་དང་ཆོས་འབྱུང་གི་ནང་དུ་འབྱུང་བཞི་འདྲེས་པ་ལས་རྡོ་རྗེའི་ས་དང༌། བྷྲུཾ་ལས་གཞལ་ཡས་ཁང་བསྐྱེད་ལ། གཤིན་རྗེ་གཤེད་ལ་སྟོང་ཉིད་ཀྱི་རྗེས་སུ་འབྱུང་བཞི་དང་སྲུང་
འཁོར་ཐུན་མོང་བའི་ནང་དུ་རྩིབས་བཅུ་བའི་སྲུང་འཁོར་ཁྲོ་བོ་བཅས་བསྐྱེད་དེ་མི་སྡུད་པར་རྟེན་བསྐྱེད་པ་སོགས་བྱེད། ལཱུ་ཧི་པ་ལ་ནི་རྩིབས་བཅུ་བའི་སྲུང་འཁོར་མི་སྒོམ་པར་སྟོང་ཉིད་སྲུང་འཁོར་གྱི་རྗེས་སུ་འབྱུང་བཞི་རི་རབ་པདྨ་སྣ་ཚོགས་རྡོ་རྗེ་དང་དེའི་སྟེང་དུ་མངོན་བྱང་ལྔ་ལས་བརྟེན་པ་དང་རྟེན་རྣམས་དུས་
གཅིག་ཏུ་བསྐྱེད། ཀྱེ་རྡོར་ལ་སྲུང་འཁོར་ཐུན་མོང་བའི་ནང་དུ་ཆོས་འབྱུང་པདྨ་རྡོ་རྗེའི་སྟེང་དུ་འབྱུང་བཞི་དང་དེའི་སྟེང་དུ་བྷྲུཾ་ལས་འཁོར་ལོ་ལས་རྟེན་བསྐྱེད་པ་སོགས་མང་སྟེ། མདོར་ན་གཞལ་ཡས་ཁང་བསྐྱེད་པ་ལ་འབྱུང་བཞི་བསྐྱེད་མི་བསྐྱེད་གཉིས་དང་བསྐྱེད་པ་ལ་རྩི་བས་བཅུ་བའི་ནང་དུ་བསྐྱེད་མི་བསྐྱེད་
གཉིས་ཡོད་དོ། །གཉིས་པ་ལ་གསུམ། ལྷ་བསྐྱེད་ཚུལ་དངོས་དང༌། སྦྱང་གཞི་ལམ་ལ་སྦྱར་བ་དང༌། དོན་བསྡུ་བ་སོགས་སོ། །དང་པོ་ལ་གཉིས། མངོན་བྱང་ལྔས་བསྐྱེད་ཚུལ། ཞུ་བ་ཀླུས་བསྐུལ་ནས་བསྐྱེད་ཚུལ་ལོ། །དང་པོ་ནི། དེ་བཞིན་ཉིད་དང་ཟླ་བ་དང་ས་བོན་དང་ཕྱག་མཚན་དང་སྐུ་རྫོགས་པ་སྟེ་
@036A ༄༅། །ལྔ?་ལས་བྱང་ཆུབ་བ་ལྔ་འཕགས་པ་ཡབ་སྲས་བཞེད་དེ། གཞན་ལ་མི་འདྲ་བའང་ཡོད་དོ། །མངོན་བྱང་ལྔའི་སྐབས་ཨཱ་ལི་ཀཱ་ལི་བསྐྱེད་མི་བསྐྱེད་པའི་ཚུལ་གཉིས་ཡོད་ལ། བསྐྱེད་པ་ལའང་བསྣོན་མ་བྱེད་ལུགས་མི་འདྲ་བ་ཡོད་དོ། །གཉིས་བ་ནི༑ ཀྱེ་རྡོར་ལ་རྒྱུ་རྡོ་རྗེའི་འཛིན་པ་ཞུ་ནས་གླུས་པ་སྐུ?་?་?་
འབྲས་བུ་རྡོ་རྗེ་འཛིན་བ་བསྐྱེད་ཅིང༌། གསང་འདུས་ལ་བསྙེད་པའི་རྗེས་སུ་ཞུ་བ་གླུས?་བསྐུལ་ཏེ་བཞེངས་པ་ནི་སྔ་མ་དང་མི་འདྲའོ། །བར་དོ་མཚོན་བྱེད་གང་ཡིན་བ་དེ་ཞུ་བཞི?་བར་སྲིད་པ་མངལ་དུ་འཇུག་པ་དང་འདྲ་བར་མཚོན་ཡང་མཚོན་བྱེད་ཀྱི་དབྱིབས་ལ་ཁ་ཅིག་ཏུ་ལྷའི་རྣམ་པ་དང༌། ཁ་ཅིག་ཏུ་བྱག?་མཚན་དང༌། ཁ་ཅིག་ཏུ་ཡི་
གེ་ཁ་ཅིག་ཏུ་ནཱ་ད?་འོང་ཞིང༌། འཇུག་ཚུལ་ལའང་མི་འདྲ་བ་ཡོད་དོ། །གཉིས་པ་ནི། སྡོན་དུ་མའི་མངལ་དུ་སྐྱེ་བ་འཛིན་པའི་(SLB)?་བསགས་བཞིག་ཤིན་ས་བར་དོ་གྲུབ་སྟེ་བར་སྲིད་མངལ་དུ་ཞུགས་པའི་མཐར་ཕྱིར་བཙས་ཏེ་ཆུང་མ་བླངས་ནས་བུ་དང་བུ་མོ་བསྐྱེད་པ་སོགས་དང་ཆོས་མཐུན་པར་བསྐྱེད་རིམ་སྒོམ་པ་ཡིན་ལ། དེ་
ཡང་ཚོགས་ཞིང་ལ་དམིགས་ཏེ་ཚོགས་གསོག་པ་ནི་ལྡོན་དུ་དགེ་མི་དགེའི་ལས་གསོག་པ་དང་འདྲ་ཞིང་དེ་ཉིད་ཚོགས་ལམ་དང་སྦྱོར་ལ། སྟོང་ཉིད་སྒོམ་པ་ནི་འཆི་བ་དང་འདྲ་སྟེ་དེ་ནས་བར་སྲིད་ཀྱི་ཡི་གེ་སོགས་མ་ཞུགས་ཀྱི་བར་རྣམས་སྦྱོར་ལམ་དང་བར་སྲིད་མཚོན་བྱེད་ཀྱི་ཡི་གེ་སོགས་ཞུ་བ་ནི་བར་སྲིད་པ་མངལ་དུ་འཇུག
པ་དང་འདྲ་སྟེ་དེ་ནས་ལྷའི་སྐུ་མ་རྫོགས་ཀྱི་བར་སྔོན་མ་མཐོང་ལམ་དང་ཕྱི་མ་རྣམས་རིམ་པར་སྒོམ་ལམ་ས་བཅུ་དང་སྦྱོར། དེ་ནས་གཙོ་བོ་ཡབ་ཡུམ་གྱི་སྐུ་རྫོགས་པར་གྲུབ་པ་ནི་མངལ་ནས་ཕྱིར་བཙས་པ་དང༌། ཡབ་ཡུམ་གཉིས་ཀྱི་དཀྱིལ་འཁོར་པའི་ལ?་ཕོ་མོ་བསྐྱེད་བ་ནི་ཕ་མས་བུ་དང་པུ?་མོ་བསྐྱེད་པ་འདྲ་སྟེ་མི?་
སློབ་ལམ་དང་སྦྱོར་དགོས་ཞིང༌། བསྐྱེད་ཚུལ་གྱི་དབང་གིས་མི་འདྲ་བ་ཡོད་དོ། །གསུམ་པ་ནི། བསྐྱེད་རིམ་ལ་སྦྱང་གཞི་སྦྱོང་བྱེད་ངོ་འཕྲོད་དགོས་ཏེ། དེ་ཡང་ལུས་ཅི་འདྲ་བ་ཞིག་འཛིན་པ་ནི་འབྲས་བུ་རྡོ་རྗེ་འཇིན་པ་ཡབ་ཡུམ་གྱི་སྐུར་སྐྱེ་བ་འཛིན་ལ། གནས་གང་དུ་ན་གཞལ་ཡས?་ཁང?་གི་ནང་དང་དེའི་དབུམ?་སུའོ།?་
@036B ལས་ཅིས་ཞེན?་ཚོགས་ཞིང་ལ་དམིགས་ནས་ཚོགས་བསགས་པའི་ལས་ཀྱིས་སོ། །བར་དོ་བ་དེ་སྐྱེ་བ་ལེན་པ་ནི་ལུས་སྔམ?་དོར་ནས་ཡིན་པས་སྡོན་དུ་སྟོང་ཉིད་བསྒོམས་ཏེ་ཐ་མལ་གྱི་སྣང་ཞེན་ཞི་བར་བྱས་ནས་ལྷར་བསྐྱེད་པ་དགོས་སོ། །གསུམ་བ་ནི། དེ་ལྟར་དམ་ཚིག་པ་བསྐྱེད་ནས་ཡེ་ཤེས་པ་དགུག་གཞུག་མཆོད་བསྟོད་
བདུད་རྩི་མྱང་བའི་བར་བྱས་ཏེ་བསྒོམ། སྐྱོ་ན་བཟླས་པ་བྱ་ལ་ཕྲེང་བའི་རྒྱུ་ནི། ཁ་སྦྱོར་སོགས་ལས། ས་ཉ་ཕྱིས་མུ་ཏིག་ནོར་བུ་དཀར་པོ་ནུས་པ་རྡོ་དཀར་པོ་སོགས་ཞི་བ་ལ་དང༌། གསེར་དངུལ་ཟངས་པདྨའི་བོན་སོགས་རྒྱས་པ་ལ་དང༌། མུ་ཏིག་བྱི་རུ?་ཙནྡན་དམར་པོ་དང་གུར་གུ?་སོགས་དྲིས་བགོས་པའི་ཕྲེང་བ་ནིས?་
དབང་ལ་དང༌། དུ་རཀྴ་ལུང་ཐང་མིའི་རུས་བསོགས་ལས་བྱས་བ་ནི་དྲག་བལ?་ཤིས་ཤིང༌། པོ་དེ་ཙེ་ནི་ལས་ཐམས་ཅད་ལ་བཟང་བར་བཤད་དོ། །ཕྲེང་རྡོག་གི་གྲངས་ནི། རྡོ་རྗེ་མཁའ་འགྲོ་ལས། ཞི་བ་ལ་བརྒྱ་རྩ། རྒྱས་པ་ལ་བརྒྱ་བརྒྱད། དབང་ལ་ཉེར་ལྡ། དྲག་པོ་ལ་བཅུ་དྲུག། ཁྱད་པར་གྱི་ལས་སྒྲུབ་པའི་སྔགས་ལ་
ལྔ་བཅུ་དགོས་པ་དང༌། ཕྲེང་ཐག་ནི་རས་བལ་སོགས་ལས་དགུ་སྒྲིལ?་བྱ་བར་བཤད་ཅིང༌། དབུས་མ་རྡོར་སེམས་དང་གཞན་སེམས་དཔའ་བརྒྱད་ཀྱི་བདག་ཉིད་དུ་བསམ་པ་དང༌། ཕྲེང་རྡོག་རྣམས་རིགས་ལྔའི་རང་བཞིན་དང༌། མདོ་འཛིན་སྟོབས་ལ་སོགས་བའི་ཆོས་ཀྱི་བུང?་པོའི་མཆོད་རྟེན་དུ་བསམས་ཏེ་བྱིན་བརླབ་བྱ?་
བར་བཤད་དེ་མ་བྲིས་སོ། །སྔགས་བཟླ་བའི་ཚེ། མྱུར་བུལ་སོགས་ཀྱི་སྐྱོན་དང་བྲལ་བར་བཟླ་ལྟིང?། སྤྲོ་བསྡུའི་དམིགས་པ་སོགས་རང་རང་གི་སྒྲུབ་ཐབས་ལས་བཤད་བ་ལྟར་བྱའོ། །དག་བ་དྲན་པ་ནི། བཟླས་པའི་སྔོན་དུ་འམ་མཇུག་གང་རུང་གིས་ཆོག་གོ །གསུམ་བ་ལ། གཏོར་མའི་རྫས་ནི་ཟན་དང་སྲན་
མ་ཤ་ཉ་ཤ་ཆན་ཐུག་ཁུར་བ་ཆང་ཆུ་བཙོད་སྒོག་སྐྱ་འོ་མ་ཆུ་ཡང་རུང་བར་བཤད་ལ། དབྱིབས་ནི། རྒྱ་གཞུང་ལས་མི་གསལ་ཡང་ལག་ལེན་ཏུ་ཅི་ལྟར་རིགས་པར་བྱེད། དབྱིབས་སུ་མ་བྱས་པར་རྫས་དེ་དག་འབུལ་བ་ཡང་རུང་ངོ། །གཏོར་མའི་སྣོད་ནི་ཐོག་པ་ཁམ་པོར་དང་ཕྱོར་བར་ཡང་སྦྱིན་བར་དུ་ང?་ཡ། བསྐྱེད་ཆོག་ལ?་
@037A ༄༅། །མི་འདྲ་བ་མང་སྟེ། གང་ལྟར་ཡང་ཤ་ལྔ་དང་བདུད་རྩི་ལྔའི་བདག་ཉིད་དུ་བསྐྱེད་བའོ། །གང་ལ་འབུལ་བ་ནི། གཏོར་མགྲོན་བསྐྱེད་ཅིང་སྤྱན་དྲངས་ནས་འབུལ་བ་དང༌། མདུན་བསྐྱེད་ལ་འབུལ་བའི་ཚུལ་གཉིས་ཏེ། འབུལ་ཡུལ་ལ་འཇིག་རྟེན་ལས་འདག?་མ་འདས་ཀྱང་གཉིས་སོ། སྐབས་
གང་དུ་འབུལ་བ་ནི། ཐུན་བཞི་ཀའི་མཐར་རམ། ཐུན་ཐ་མའི་རྗེས་སུ་འབུལ་ལ། སྐབས་གཞན་དུ་འབུལ་བ་ནི་བདག་མདུན་གྱི་མཇུག་གམ?། དགྲོང་བསྐྱེད་ཀྱིས་ཀྱང་སྦྱན་དྲངས་ཏེ་འབུལ་བར་རུང་ངོ། །གཏོར་མགྲོན་ལ་བསྐྱེད་ཆོག་རྒྱས་བསྡུས་ཅི་རིགས་བྱར་རུང?་ཞིང༌། དེར་མ་ཟད། མདོན་རྟོགས་སྒོམ་པ་
ལའང་རྒྱས་བསྡུས་ཅི་རིགས་བྱ་བར་བཤད་དེ། དེ་ཡང་ཐུན་བཞིར་བྱེད་བའི་ཚེ། ཐུན་ཐོག་མཐའ་གཉིས་རྒྱས་ཤིང་བར་བ་གཉིས་བསྡུས་བ་དང༌། དང་པོ་རྒྱས་ལ་གཞན་གསུམ་བསྡུས་པ་དང༌། ཐུན་བཞི་ཀ་རྒྱས་པ་དང༌། བྲེལ་བའི་ཆོ་བཞི་ཀ་ཡང་བསྡུས་པར་བྱས་ཆོག་པར་རྒྱ་གཞུང་གི་ལུགས་རྗེས་སྔགས་
རིམ་ལས་གསུངས་བ་ལྟར་ཡིན་ལ། དེ་ལྟར་རྒྱས་བསྡུས་བྱེད་ཚུལ་སྔགས་རིམ་གྱི་དགོངས་པ་བཞིན་བདག་གིས་གཞན་དུ་བཤད་ཟིན་ཏོ། །གསུམ་པ་ལ། །བཟས་ནི། གཏོར་མ་ལྟར་བྱིན་གྱིས་བརླབ་ལ?་ཏེ་ལྷ་མཆོད་པའི་བསམ་པས་ལོངས་སྤྱད་པར་བྱ་ལ། ཉལ་བའི་ཚེ་སྟོང་བའི་བདག་ཉིད་དུ་གྱུར་བར་མོས་ནས་
འོང་གསལ་དུ་ཉལ་བ་དང༌། ལྡང་བའི་ཚེ་ལྷ་མོས་བསྐུལ་བར་མོས་ནས་ལྡང་ངོ། །གསུམ་པ་དགོས་པ་ནི། བསྐྱེད་རིམ་གྱི་ལམ་སྐྱེ་འཆི་བར་དོ་གསུམ་དང་རྣམ་པ་མཐུན་པར་བསྒོམས་པའི་སྟོབས་ཀྱིས། སྦྱང་གཞིལ་གནས་བ་དང་འབྱུང་འགྱུར་གྱི་སྐྱེ་འཆི་བར་དོ་གསུམ་སྦྱོང་བ་སྟེ། སྦྱངས་པའི་འབྲས་བུ་ལ་སངས་རྒྱས་
ཀྱི་ཆོས་སྐུ་ཡེངས་སྐུ་སྤྲུལ་སྐུ་གསུམ་འགྲུབ་པ་དང༌། རྟེན་དང་བརྟེན་པ་བསྒོམས་སྟོབས་ཀྱིས་རང་ལ་འབྱུང་འགྱུར་གྱི་མ་དག་པའི་རྟེན་བརྟེན་བ་སྦྱངས་ནས་དག་བའི་རྟེན་བརྟེན་པ་འགྲུབ་བའོ། །རྒྱུད་སྡེ་འོ་གམ?་གསུམ་ལ་སྟོང་པ་དང་ལྷའི་འཁོར་ལོ་བསྒོམ་པ་ཡོད་ཀྱང་བསྐྱེད་རིམ་མེད་ཅིད། བསྐྱེད་རིམ་གྱིས་
@037B རྫོགས་རིམ་གྱི་རྒྱུད་སྨིན་བར་བྱེད་ཅིང༌། ཚོགས་རླབས་ཆེན་སྡུད་བར་བྱེད་དོ། །དེས་ན་བསྐྱེད་རིམ་གྱི་ཟབ་གསལ་གཉིས་མེད་ཀྱི་རྣལ་འབྱོར་ནི་རྒྱུད་སྡེ་གཞན་གྱི་རྣལ་འབྱོར་ལས་ཁྱད་པར་དུ་འཕགས་ཏེ། ཇི?་སྐད་དུ། རྣལ་འབྱོར་དག་ནི་འདེ་ཉིད་ཀྱིས། །མྱུར་དུ་སངས་རྒྱས་ཉིད་འཐོབ་འགྱུར།། ཞེས་
གསུངས་པ?། །གཉིས་པ་ལ། གསང་བདེ་འཇིགས་གསུམ་གྱི་མངོན་རྟོགས་བསྒོམ་ཚུལ་རྒྱས་པར་ནི་རང་རང་གི་ཆོག་ལས་འབྱུང་བ་བཞིན་ཤེས་པར་བྱ་ལ། འདིར་དེ་གསུམ་གྱི་སྨོན་ལམ་ནས་འབྱུང་བའི་ས་བཅད་ཙམ་བཀོང?་ན། དང་པོ་ནི?། གསང་འདུས་སྨོན་ལམ་ལས། དེ་ལྟར་སྒྱུ་མ་ཇི་བཞིན་སྨོན་
ལམ་བཞིན། །ཞེས་སོགས་ཀྱི་ཚིགས་བཅད་གཉིས་ཀྱིས་མདོན?་རྟོགས་བསྒོམས་པའི་དགེ་བ་སོགས་སྨོན་ལམ་འགྲུབ་པའི་རྒྱུར་བསྟན་ལ། དེ་ནས་རང་གཉིད་སྲིད་མཚོར་ལྷུང་བ་ཇི་བཞིན་དུ། །ཞེས་སོགས་ཚུགས་བཅད་གཅིག་གིས་དགེ་བ་དེས་བྱང་ཆུབ་ཀྱི་སེམས་འབྱོངས་པར་སྨོན་ཅིང༌། སེམས་ཙམ་བསྐྱེད་
ཀྱང་ཞེས་སོགས་རྐང་པ་བཞིས་འཇུག་སྡོམ་བཟུང་ནས་སྤྱོད་བ་ལ་སློབ་བར་སྨོན། ཐུན་མོང་ལམ་སྦྱང་སོགས་བཞིས་སྔ་གསལ་འཇུག་བར་སྨོན་ལ། བུམ་དབང་གངྒའི?་སོགས་རྐང་གཉིས་ཀྱིས་དབང་བཞིའི་ནང་ནས་དང་པོར་ཐ་མལ་གྱི་སྣང་ཞེན་སྦྱོང་བའི་ཆེད་དུ་བུམ་དབང་རྣམ་དག་ལེན་བ་དང༌། དེ་བཞིན་དུགས?་
དབང་ཡེ་ཤེས་སོགས་རྐང་བ་གཉིས་ཀྱིས་གསང་དབང་དང༌། གསུམ་བ་ལྷན་སྐྱེས་སོགས་རྐང་པ་གཉིས་ཀྱིས་ཤེས་རབ་ཡེ་ཤེས་ཀྱི་དབང་དང༌། བཞི་པ་ཟུང་འཇུག་སོགས་རྐང་གཉིས་ཀྱིས་དབང་བཞི་པ་ལེན་པར་སྨོན་ལ། དེ་ཚེ་དངོས་གྲུབ་སོགས་རྐང་པ་བཞེས་དབང་ཐོབ་ནས་དམ་ཚིག་དང་སྡོམ་པ་
སྲུང་བར་སྨོན་ནོ། །དེ་ནས། ཐ་མལ་སྣང་ཞེན་ཞེས་སོགས་ཚིགས་བཅད་གཉིས་ཀྱིས་བསྐྱེད་རིམ་མཐར་ཕྱིན་པར་སྤྱིར་སྨོན་ལ། བྱེ་བྲག་ཏུ་ཞིང་གི་ཕུལ་བྱུང་ཐུགས་ཀྱི་དཀྱིལ་འཁོར་ལ་ཞེས་སོགས་རྐང་པ་བཞིས་ཐོག་མར་ཚོགས་ཞིང་ལ་ཚོགས་གསོག་པ་དང༌། དབལ་ལྡན་ཞེ་སྔང?་རྡོ་རྗེ་སོགས་བཞིས་སྲུང་
@038A ༄༅། །འཁོར་དང༌། གང་དུ་འཚང་རྒྱའི་སོགས་ཚིགས་བཅད་གཉིས་ཀྱིས་གཞལ་ལས་ཁང་དང་དེར་ལྷག་མོས་ཀྱི་ལྷ་བསྐྱེད?་དེ་འོད་གསལ་དུ་ཐིམ་བའི་འཆིབ་ཆོས་སྐུའི་ལ་པ་འཁོར་དང༌། དང་པོའི་མགོན་པོ་བསྐྱེད་པའི་བར་དོ་ལོངས་སྐུའི་ཡམ་འཁྱེར་དང༌། སྤྲུལ་སྐུ་རྡོར་སེམས་སུ་བསྒྱུར་ནས་སྟོམས?་
འཇུག་བྱེད་པའི་བར་སྐྱེས་ཕ་སྤྲུལ་སྐུའི་ལམ་འཁྱེར་གསུམ་ཚང་བའི་དང་བོའི་སྦྱོར་བའི་ལམ་རྣམས་རྒྱུད་ལ་སྐྱེ་བར་སྨོན་ནོ། །རང་དོན་ཕུན་ཚགས་སོགས་རྐང་པ་བཞིས་དང་པོ་སྦྱོར་བའི་གཙོ་བོ་ཡབ་ཡུམ་སྙོམས་འཇུག་བྱས་ཏེ་ལུས་དཀྱིལ་གྱི་ལྷ་ལ་མཆོད་བ་དང༌། དེ་ནས་མཁའ་བྱིང་ས་རྡོ་རྗེ་སོགས་ཚིག་པ་ཅད་གཉིས་
ཀྱིས་དཀྱིལ་འཁོར་རྒྱལ་མཆོག་གི་ལྷ་རྣམས་བསྐྱེད་དེ་སྤྱི?་སོགས་ཀྱི་མཛད་བ་མཛད་པ་སོགས་དང༌། གྲོག་འཛིན་ཐུར་སེལ་སོགས་ཚིགས་བཅད་གཉིས་ཀྱིས་སྟེང་འོག་གི་སྣ་རྩེར?་ར་ཕྲ་མོ་བསྒོམ་པ་དང་བཟླས་བརྫོད་མཐར་ཕྱིན་བར་སྨོན་ནོ། །དེས་ནི་རྫས་སྔགས་སོགས་རྐང་བ་བཞིས་ལས་རྒྱལ་མཆོག་འགྲུབ་པར་
སྨོན་པ་སྟེ། དེ་དག་ནི་བ་སྐྱེད་རིམ་གྱི་སྐོར་རོ། །དེ་ནས་སོ་སོར་སྡུད་དང་བསམ་གཏན་སྲོག་རྩོལ་དང༌།། ཞེས་སོགས་རྐང་བ་བཞིས་རྫོགས་རིམ་གྱི་སྦྱོར་བ་ཡན་ལག་དྲུག་དང་དེ་བསྡུས་པ་རེམ་ལྔ་སྦྱོད?་པ་དང་བཅས་པ་འགྲུབ་པར་སྲོན་ཅིང༌། ལྷག་མ་ནི་འཆད་པར་འགྱུར་རོ། །གཉིས་བ་བདེ་མ་ཅོག?་སྨེན་
ལས༑ སྲིད་པ་གསུམ་འབར་སོགས་ཚིག་བཅད་གསུམ་ནི་གཞན་ནས་འབྱུང་བ་བཀོད་པ་ཡིན་ལ། དེ་ནས་དགེ་བཅུང་ཟང་ཙམ་ཡང་སོགས་ཚིག་བཅད་གཉིས་ཀྱིས་དགེ་བ་རྫོགས་བྱང་དུ་བསྔོ་དགོས་བའི་རྒྱུ་མཚན་དང་དམ་བཅའ་བསྟན། དེ་ནས་འདས་མ་འོངས་ད་ལྟར་བྱུང་བ་དང༌། ཞེས་སོགས་རྐང་བ་བཞེས། །དགེ་བའི་
མཐུས་ཚེར་བས་ཀུན་དུ་དགེ་བའི་བཤེས་གཉན་བསྟེན་པར་སྨོན། དེ་ཡིས་ཉེ་བར་བསྟན་པའི་སོགས་ཚིགས་བཅད་གཉིས་ཀྱིས་སྐྱེས?་བུ་ཆུང་འཁྲིད་དང་ཐུན་མོང་བའི་ལམ་རྣམས་རྒྱུད་ལ་སྐྱེ་བ་དང༌། བརྩེ་བས་འགྲོ་བའི་སོགས་རྐང་བ་བཞིས་བྱང་ཆུབ་ཏུ་སེ(Ms)
བསྐྱེད་ནས་སྤྱོད་པ་ལ་སློབ་པར་སྨོན་ནོ།། དེ་ནས་ཐུན་མོ་བ་ལམ་
@038B སྦྱངས་སོགས་བཞི་ས་དབང་བཞི་ལེན་པ་དང༌། དེ་དུས་བླ་མ་སོགས་བཞིས་དམ་ཚིག་དང་སྡོམ་པ་སྲུང་བ་དང༌། དེ་ནས་ཚེ་རབས་ཀུན་དུ་སོགས་ཚི(Gs) བཅད་གཉིས་ཀྱིས་བསྐྱེད་རིམ་མཐར་ཕྱིན་བར་སྤྱིར་སྨོན་ལ། སོ་སོར་བྱེད་སྒོ་གསུམ་སྤྱོད་བ་སོགས་རྐང་བ་བཞིས་དག་པ་གསུམ་དང༌། སྲུང་འཁོར་གྱིས་བ་གེགས་ཟློག
པ་དང་ཚོགས་གསོག་པ་དང༌། སྤྲོས་ཀུན་འོད་གསལ་སོགས་ཚི(Gs) བཅད་གཉིས་ཀྱིས། །སྣོད?་བཅུད་འོད་གསལ་དུ་སྡུད་པའི་འཆེབ་ཆོས་སྐུ་དང༌། དེ་ལས་ནྡ?་ད?་ནམ་མཁར་འཇོག་པའི་བར་དོ་ལོངས་སྐུ་དང༌། དེ་ཟླ་བ་དཀར་དམར་གྱི་དབུས་སུ་ཞུགས་ནས་ཧེ་རུ་ཀ?་འཁོར་བཅས་སུ་བསྐྱེད་པའི་བར་ནི་སྐྱི་བ་སྤྲུལ་སྐུའི་
ལམ་འཁྱེར་གསུམ་རྫོགས་པར་སྨོན་པ་དང༌། གནས་མཆོག་གང་དུ་སོགས་རྐང་བ་བཞིས་འབྱུང་བཞི་རི་རབ་པདྨ་རྣམས་ཀྱི་མཚོན་དོན་དང༌། པདྨའི་ལྟེ་བར་སོགས་ཚིགས་བཅད་གཉིས་ཀྱིས་པདྨའི་ལྟེ་བར་ཟླ་བ་དཀར་ལང་མར་བའི་མདངས་ཅན་སྒོམ་བ་སོགས་ཀྱི་མཚོན་དོན་དང༌། སྐྱེ་བ་སྤྲུལ་སྐུར་འཁྱེར་
བའི་སོགས་རྐང་པ་བཞེས་ཕྱི་དཀྱིལ་དང་ཡུས་དཀྱིལ་ལ་གོམས་པ་མཐར་ཕྱིན་པ་དང༌། སྒོམ?་མཚམས་མ་རྣམས་དབང་པོའི་སྒོར་བསྒོམས་པས།། ཞེས་པ་ནས། དགེ་བའི་རྩ་བ་ཡོངས་སུ་སྨིན་པར་ཤེབ?། །ཅེས་པའི་བར་ཚིགས་བཅད་གསུམ་གྱིས་ལུས་ཀྱི་ཆ་དེ་དང?་དེར་ལུས་དཀྱིལ་གྱི་ལྷ་དེ་དང་དེ་བསྒོམས་
བས་རྫོགས་རིམ་གྱི་རྟོགས་བ་ཁྱད་པར་ཅན་སྐྱེ་བའི་ནུས་པ་འཇོག་པར་སྨོན་ཏེ་བསྐྱེད་རིམ་གྱི་སྐོར།། དེ་ནས་དཔལ་ལྡན་འཁོར་ལོ་སྡོམ་བའི་རྩ་རྒྱུད་དོན།། ཞེས་སོགས་ཚིགས་བཅད་གཉིས་ཀྱིས་རྫོགས་རིམ་རྣལ་འབྱོར་ཆེན་པོ་སྦྱོད་བ་གསུམ་དང་བཅས་པ་ཉམས་སུ་བླངས་ནས་མཐར་ཕྱིན་བར་འགྱུར་བར་
སྨོན་པ་ཡིན་ལ། ལྷག་མའི་དོན་འཆད་བར་འགྱུར་རོ། ༈ །གསུམ་པ་འཇིགས་བྱེད་སྨོན་ལམ་དུ། རྣམ་དག་ཡིད་ཀྱི་ཟླ་ཤེལ་རྩིག་ངོས་ལ།། ཞེས་སོགས་རྐང་པ་དྲུག་གིས་མངོན་རྟོགས་བསྒོམས་པ་སོགས་ཀྱི་དགེ་བ་དེ་སྨོན་ལམ་འགྲུབ་བྱེད་ཀྱི་རྒྱུར་བསྟན་ནས། ལྷག་མའི་རྐང་པ་གཉིས་ཀྱིས་
@039A ༄༅། །དགེ་བ་དེ་སྐྱེ་བ་ཐམས་ཅད་དུ་དགེ་བའི་བཤེས་གཉེན་གྱིས་རྗེས་སུ་འཛིན་པའི་རྒྱུར་འགྱུར་བར་སྨོན་ཅིང༌། ཚེ་འདིའི་ཆོས་བརྒྱད་སོགས་རྐང་བ་བཞིས་འཁོར་བ་ལས་ཐར་འདོད་ཀྱི་བློ་དང་བྱང་ཆུབ་ཀྱི་སེམས་བསྐྱེད་དེ་ཕྱིན་དྲུག་ལ་སློབ་པར་སྨོན་པ་དང༌། རྣམ་དག་དབང་བཞིའི་སོགས་
རྐང་པ་བཞིས་སྔགས་ལ་ཞུགས་ཏེ་དབང་བཞི་ལེན་ཅིང་དམ་ཚིག་དང་སྡོམ་པ་སྲུང་བ་དང༌། སྐྱེ་ཤི་བར་དོའི་སོགས་བཞིས་སྐུ་གསུམ་འགྲུབ་བྱེད་ཀྱི་ཐབས་ཟབ?་མོ་བསྐྱེད་རིམ་ཐུན་བཞིར་སྒོམ་པ་སྤྱིར་སྨོན་ལ། དེ་ནས། བླ་མ་གཤིན་རྗེ་གཤེད་སོགས་བཞིས་ཚོགས་ཞིང་ལ་དམིགས་པའི་ཚོགས་
གསོག་པ་དང༌། སྔགས་གཉིས་དོན་ལྟར་སོགས་བཞིས་འཆི་བ་ཆོས་སྐུ་དང༌། གཏུམ་ཆེན་གནོད་མཛེས་སོགས་བཞིས་སྲུང་འཁོར་དང༌། རྣམ་མང་རིན་ཆེན་སོགས་བཞིས་གཞལ་ཡས་ཁང་དང༌། དེར་ནི་གུར་གུམ་སོགས་བཞིས་བར་དོ་ལོངས་སྐུ་དང༌། བླ་ཉི་ས་བོན་སོགས་བཞིས་སྐྱེ་བ་སྦྲུལ་སྐུའི་ལམ་འཁྱེར་
གསུམ་དང༌། འབུམ་ཕྲག་ཉི་འོད་སོགས་ཚིགས་བཅད་གཉིས་ཀྱིས་དང་པོ་སྦྱོར་བའི་གཙོ་བོ་ཡབ་ཡུམ་གྱིས་དཀྱིལ་འཁོར་རྒྱལ་མཆོག་གི་རྟེན་བརྟེན་པ་སྤྲུལ་ཏེ་གཞན་དོན་མཛད་པ་སོགས་དང༌། ཕྱི་ནང་བཟླས་བརྗོད་སོགས་རྐང་བ་བཞིས་ཕྱི་ནང་གི་མཆོད་པ་བཟླས་བརྗོད་འཁྲུལ་འཁོར་ལ་བརྟེན་ནས་ཞི་སོགས་ཀྱི་
ལས་སྒྲུབ་པའི་ལས་རྒྱལ་མཆོག་གི་སྐོར་མཐར་ཕྱིན་པར་སྨོན་སྟེ། བསྐྱེད་རིམ་གྱི་སྐོར་རོ། །དེ་ནས། བབ་ལམ་རིམ་པ་ལྔ་ཡི་གནད་ཀྱི་དོན། ཞེས་སོགས་རྐང་པ་བཞིས་རྫོགས་རིམ་བསྡུས་ནས་བསྟན་ཏེ། ལྷག་མའི་དོན་ནི་འཆད་པར་འགྱུར་རོ། །གཉིས་པ་ལ་གཉིས། ཕ་རྒྱུད་ཀྱི་རྫོགས་
རིམ་དང༌། མ་རྒྱུད་ཀྱི་རྫོགས་རིམ་མོ། དང་པོ་ལ་གཉིས། གསང་འདུས་དང༌། འཇིགས?་བྱེད་ཀྱི་རྫོགས་རིམ་མོ། །དང་པོ་ལ་གཉིས། གཞི་དངོས་པོའི་གནས་ཚུལ་དང༌། ལམ་གྱི་རིམ་པའོ། །དང་པོ་ནི། རྫོགས་རིམ་གྱི་ཆ་འགའ་ཞིག་སྐྱེ་བ་ཡ་བསྐྱེད་རིམ་ཤིན་དུ་བརྟན་པ་མི་དགོས་ཀྱང༌།
@039B རྫོགས་པར་སྐྱེ་བ་ལ་དེ་དགོས་སོ། །རྫོགས་རིམ་སྒོམ་པ་ལ་གཞི་དངོས་པོའི་གནས་ཚུལ་ཤེས་དགོས་པས་མདེར་བསྡུས་བརྗོད་པ་ལ། ལུས་ཀྱི་གནས་ཚུལ་རགས་པ་ནི་སྤྱི་གཙུག་ནས་རྐང་མཐིལ་གྱི་བར་གྱི་ལུས་རགས་བ་འདིའོ། །ལུས་ཕྲ་བ་ནི་འདི་ལ་གནས་པའི་རྩ་སྟོང་ཕྲག་དོན་གཉིས་
དང་རྩ་བ་དང་ཡན་ལག་གི་རླུང་བཅུ་དང་ཐིག་ལེའོ། །ཆེས?་ཕྲ་བ་ནི་སྟོང་པ་བཞིའི་བཞོན་པའི་རླུང་དང་ཁྱད་པར་འོད་གསལ་གྱི་བཞོན་པའི་རླུང་ངོ། །སེམས་ཀྱི་གནས་ཚུལ་ལ། རགས་པ་ནི་དབང་པོའི་ཤེས་པ་རྣམས་ཡིན་ལ། ཕྲ་བ་ནི་རང་བཞིན་བརྒྱད་ཅུའི་ཀུན་རྟོག་རྣམས་དང༌། ཤིན་ཏུ་ཕྲ་
པ་ནི་སྣང་མཆེད་ཐོབ་གསུམ་འོད་གསལ་དང་བཅས་པའི་རླུང་སེམས་སོ། །ལུས་ཀྱི་གནས་ཚུལ་བྱེ་བྲག་པ་ནི། ལུས་ཀྱི་སྨིན་མཚམས་ནས་རྡོ་རྗེའི་ནོར་བུའི་བར་ལུས་ཀྱི་སྒལ་ཚིག་དང་ཉེ་བར་དབུས་སུ་དབུ་མ་དང་གཡས་གཡོན་དུ་རོ་མ་དང་རྐྱང་མ་གནས་སོ། །ནོར་བུའི་དབུས་དང་གསང་གནས་ལྟེ་
པ་སྙིང་ག་མགྲིན་པ་སྦྱི་བོར་དྷཱ་ཏཱི་ལ་རོ་རྐྱང་གཉིས་ཀྱིས་འཁྱུད་པའི་ཐད་དྲུག་ན་རྩ་འཁོར་ཀྱང་དྲུག་གོ །གཉིས་པ་ལ་གཉིས། གྲངས་དང་གོ་རིམ། ལམ་གྱི་རིམ་པ་དངོས་སོ། །དང་པོ་ལ། གྲངས་ངེས་ནི། སྦྱོད་བསྡུས་ལས་ལུས་དབེན?། དག་དབེན། སེམས་དབེན། སྒྱུ་ལུས། འོད་གསལ༌།ཟུང་འཇུག
གི་རིམ་བ་སྟེ་དྲུག་ཏུ་བཤད་ཅིང༌། དང་པོ་གཉིས་གཅིག་ཏུ་བགྲང་ནས་ལྔར་མཛད་པ་དང༌། བཞིར་མཛད་པའང་ཡོད་དེ་དབྱེ་བསྡུ་ཡིན་པས་མི་འགལ?་ལོ། །གོ་རིམ་ནི། སློབ་མི་སློབ་ཀྱི་བུང?་འཇུག་ཐོབ་བལ་སྔོན་དུ་དོན་གྱི་འོད་གསལ་འགྲོ་དགོས་ཤིང༌། དེའི་སྔོན་དུ་སྒྱུ་ལུས། དེའི་སྡོན་དུ་སེམས་དབེན། དེའི་གྲོན?་དུ་དག་དབེན?།
དེའི་སྔོན་དུ་ལུས་དབེན་བསྒོམ་དགོས་བའི་རིམ་པ་ལྟར་རོ། །དེ་ལྟར་དགོས་པའི་རྒྱུ་མཚན་ནི། མི་སློབ་བའི་སྐུ་དག་པ་མཐར་ཐུག་སྒྱུ་མའི་སྐུ་དང་ཐུགས་དག་པ་མཐར་ཐུག་ལྷན་སྐྱེས་ཀྱི་ཡེ་ཤེས་གཉིས་ཟུང་དུ་འཇུག་པའི་ཟུང་འཇུག་གི་གོ་འཕང་ཐོབ་བ་ལ། སྔོན་དུ་ད་དང་རིགས་མཐུན་པའི་སློབ་པའི་ཟུང་འཇུག་ཐོ?་ལ་དགོས་
@040A ༄༅། །ལ། སློབ་བའི་ཟུང་འཇུག་གི་སྔོན་དུ་དེའི་ཡག་ཅིག་འོད་གསལ་དེ་དང་འདྲ་བ་རིམ་པ་བཞི་པའི་དོན་གྱི་འོད་གསལ་བསྐྱེད་དགོས་ཤིང༌། དེའི་སྔོན་དུ་ཡ་གཅིག་དག་པའི་སྒྱུ་ལུས་ཀྱི་རིགས་འདྲ་རིམ་པ་གསུམ་པའི་མ་དག་པའི་སྒྱུ་ལུས་བསྐྱེད་དགོས། སྒྱུ་ལུས་ཀྱི་སྔོན་དུ་དེའི་རྒྱུར་ཀུན་རྟོག་གཡོ་བྱེད་གཟུང་
འཛིན་གྱི་རླུང་ཐམས་ཅད་སྙིང་གའི་མི་ཤིགས་པ་ལ་བསྡུས་ནས་ཐིམ་པ་ལས་སྣང་མཆེད་ཐོབ་གསུམ་འོད་གསལ་དང་བཅས་པའི་སེམས་དབེན་བསྐྱེད་དགོས། དེའི་སྔོན་དུ་ལས་དང་ཡེ་ཤེས་ཀྱི་ཕྱག་རྒྱ་དང་སྦྱོར་བའི་སྲོག་རྩོལ་དང༌། རླུང་དང༌། ཐིག་ལེའི་རྣལ་འབྱོར་བསྒོམ་པ་སོགས་ཀྱི་དག་དབེན་དང་ལུས་དབེན་བསྐྱེད་
དགོ་སོ།། གཉིས་པ་ལ་གསུམ། དབེན་པ་གསུམ་གྱི་ཏིང་ངེ་འཛིན་དང༌། བདེན་པ་གཉིས་ཀྱི་ཏིང་ངེ་འཛིན་ལ་བསླབ་པའི་ཚུལ་ལོ། །དང་པོ་ལ་གསུམ། ལུས་དབེན། དག་དབེན། སེམས་དངེན?་ནོ། །འདི་དག་ནི་རྫེའི་གསང་འདུས་སྨོན་ལམ་དང་བསྟུན་ཏེ་བཤད་ན། དང་པོ་ལུས་དབེན་ལ་མཉམ་གཞག་དང་
རྗེས་ཐོབ་ཏུ་སྦྱོར་ཚུལ་གཉིས་ཡོད་པའི་དང་པོ་ནི། དེ་ཉིད་ལས། ནོར་བུར་ཐིག་ལེ་ཕྲ་མོ་སེམས་བརྟན་པས།། ཞེས་སོགས་ཚིགས་སུ་བཅད་པ་གཅི་གིས་སྟོན་ཏེ། སྤྱིར་རྫོགས་རིམ་གྱི་ལྷན་སྐྱེས་སྐྱེ་བ་ལ། དབུ་མའི་ཡར་སྣ་དང་མར་དང་སྙིང་ཁའི་རྩ་འཁོར་གྱི་དབུས་ཀྱི་དྷཱུ་ཏཱིའི་ནང་གང་རུང་དུ་དམིགས་པ་
གཏོད་དགོས་ལ། སྐབས་འདིར་ནི་དབུ་མའི་མར་སྣ་དང་ནོར་བུའི་དབུས་ཀྱི་རྩ་འདབ་ཀྱི་ཐད་ཀའི་དྷཱུ་ཏཱིའི་ནང་གང་རུང་ངུ?་ཐིག?་ལེ་ལ་དམིགས་པ་གཏོད་དགོས་སོ། །དེ་ལ་བརྟེན་ནས་ལྟས་དབེན་དངོས་བསྒོམ་ཚུལ་ནི། མཉམ་གཞག་ཏུ་སྔར་བསྒོམས་པས་དབུ་མའི་ནང་དུ་རླུང་ཞུགས་གནས་ཐིག་གསུམ་བྱས་བལ་རྟེན་
ཞས་དབུ་མའི?་ནང་ནས་བྱང་སེམས་ཞུ་སྟེ་ལྷན་སྐྱེས་ཀྱི་ཡེ་ཤེས་སྐྱེའོ། །དེ་ཡང་རླུང་དབུ་མར་ཞུགས་གནས་ཐིམ་གསུམ་བྱས་བ་ལས་དྷཱུ་ཏཱི་ཡིན་ད་གི་གཏུམ་མོ་ཁྱད་པར་ཅན་འབར་བའི་དྲོད་ཀྱིས་སྦྱི?་བོ་བྱང་སེམས་ཞུ་བ་དྷཱུ་ཏཱིར་རིམ་གྱིས་བབས་པ་ལས་དེའི་ནང་དུ་རེག་བྱ་ཁྱད་པར་ཅན་ཞིག་སྐྱེས། རེག་བྱ་དེས་གཟུང་དོན་དང་
@040B ལུས་དབང་གིས་བདག་རྐྱེན་བྱས་བ་ལས་ལུས་ཤེས་ཀྱི་བདེ་བ་ཁྱད་པར་ཅན་སྐྱེ། དེས་དེ་མ་ཐག་རྐྱེན་བྱས་ནས་ཡིད་ཤེས་ཕྲ་མོ་བདེ་བའི་ངོ་བོར་སྐྱེས་ཏེ། བདེ་བ་དེ་ཉིད་ཀྱིས་སྟོང་ཉིད་རྟོགས་པ་ལ་བདེ་སྟོང་སྦྱོར་ཞེས་བྱའོ། །རླུང་དབུ་མར་ཞུགས་གནས་ཐིམ་གསུམ་བྱས་བའི་ཚེ་རྟགས་ནི། ས་ནས་རླུང་གི་བར་ཐིམ་བའི་
ཚེ་སྨིག་རྒྱུ་དུ་བ་མཁའ་སྣང་མར་མེ་ལྟ་བུའི་རྟགས་ཀྱི་རྗེས་སུ་སྣང་བ་མཆེད་པ་ཉིར?་ཐོབ་ཀྱི་ཚེ་དཀར་དམར་ནག་ལམ་པ་བའི་སྣང་བ་དང༌། འོད་གསལ་གྱི་ཚེ་ནམ་མཁའ་སྟོང་སང་ལྟ་བུའི་སྣང་བ་འཆར་བ་རྣ(Ms) འབྱུང་ངོ། །གཉིས་པ་ནི། དེ་ལས་ལངས་ཚེ་གང་ཤར་སྣང་བ་ཀུན། །ཞེས་སོགས་ཚིགས་བཅད་གཅིག་ས་སྟོན་ཏེ།
དེ་ནས་རྗེས་ཐོབ་ཏུ་ཕུང་པོ་ལ། ཁམས་བཞི། དབང་པོ་དྲུག་ཡུལ་ལྔ་རྣམས་ལྷར་འཆར་བའི་ལུས་དབེན་བསྒོམ་བར་ཞིང༌། དེ་ཡང་ཕུང་པོ་ལྔ་པོ་རེ་རེ་ལའང་ལྡ་ལྡར་ཕྱེ་བས་བརྒྱར་འགྱུར་བའི་ལུས་དབེན་ནི། རིགས་བརྒྱའི་ལུས་དབེན་ཡིན་ལ། དེ་རྣམས་རིགས་སྔར་བསྡུས་ཏེ་སྒོམ་པའི་ལུས་དབེན་ནི། རིགས་ལྔའི་
ལུས་དབེན་དང༌། དེ་རྣམས་རིགས་གསུམ་དུ་བསྡུས་ནས་སྒོམ་པ་ནི། རིགས་གསུམ་གྱི་ལུས་དབེན་དང༌། དེ་ཐམས་ཅད་རང་རྡོ་རྗེ་འཆང་དུ་སྒོམ་པ་ནི། རིགས་གཅིག་པའི་ལུས་དབེན་སྒོམ་པར་བྱེད་པའི་ཚུལ་ཏེ། དེ་ཡང་མཉམ་གཞག་ཏུ་བསྒོམས་པའི་ཡེ་ཤེས་ཀྱི་གཟུང་རྣམ་ལྷར་ཤར་བའི་སྒོ་ནས་ཕུང་སེ(Gs)
ལྷར་སྒོམ་པའོ། །དེའི་ཚེ་དབང་པོ་ལྔས་ཡུལ་ལྔ་ལ་ཡོངས་སྤྱོད་པ་ན་ཡུལ་གྱི་སྣང་བ་ཐམས་ཅད་བདེ་སྟོང་གི་རྣམ་རོལ་ཏུ་འཆར་བའི་སོར་སྡུད་དང༌། དབང་པོ་དང་ཡུལ་རྣམས་ལྷར་སྒོམ་པའི་བསམ་གཏན་གཉིས་འབྱུང་བས་ངེ་ཡང་ཤེས་དགོས་སོ། །གཉིས་པ་དག་དབེན་ལ་གསུམ་ལས། དང་པོ་སྙིང་ཁར་སྔ(Gs)
ཀྱི་ཐིག་ལེ་སྒོམ་པ་ནི། ཐིག་ལེའི་རྒྱལ་པོ་སྔགས་ཀྱི་ཐིག་ལེ་མཚོག །ཞེས་སོགས་ཚིགས་བཅད་གཅིག་གི་སྟོན་ཏེ། འདི་ལ་སྙིང་ཁའི་རྩ་འཁོར་གྱི་ནང་དུ་ཐིག་ལེའི་དབུམ?་སུ་ཨ་ཡིག་གམ་ཧཱུཾ་བསྒོཾ་པ་དང༌། རྩ་འཁོར་ལ་དབྱངས་གསལ་གྱི་ཡི་གེ་བཀོད་ནས་བསྒོམ་པ་གཉིས་ཡོད་ཅིང༌། དེ་གཉིས་གང་བྱེད་ཀྱང་དམིགས་པ་
@041A ༄༅། །གཏད་ནས་རྩེ་གཅིག་ཏུ་བསྒོམས་པས་རླུང་ཙཉུ?་ཏཱིའི་ནང་དུ་ཞུགས་གནས་ཐིག་གསུམ་བྱས་པ་ལ་བརྟེན་ནས་ལྷན་སྐྱེས་ཀྱི་ཡེ་ཤེས་འཆར་བར་བྱེད་པའོ། །གཉིས་པ་གདོང་གི་སྣ་རྩེར་འོད་ཀྱི་ཐིག་ལེ་སྒོམ་པ་ནི། གདོང་གི་སྣ་རྩེར་འོད་ཀྱི་ཐིག་ལེའི་གདངས།། ཞེས་སོགས་རྐང་པ་བཞིས་སྟོན་ཏེ། རང་གི་
རླུང་འཇུག་གནས་ལྡང་གསུམ་བྱེད་པའི་གདངས་ཡི་གེ་གསུམ་གྱི་གདངས་སུ་ཤར་བའི་སྒོ་ནས་རྡོར་བཟླས་བྱ་ཞིང༌། དེ་ཡང་སྭ་སྒོ་ནས་རླུང་ནང་དུ་འཇུག་པའི་ཚེ་ཨོཾཿདང་གནས་པའི་ཚེ་ཨཱཿདང༌། ལྡང་བའི་ཚེ་ཧཱུཾ་གི་གདངས་སུ་ཤར་བར་བསམས་ཏེ་རྡོར་བཟླས་བྱས་པ་ལ་བརྟེན་ནས་སྙིང་ཁའི་རྩ་མདུད་རྣམས་
གྲོལ་བར་བྱེད་དོ། །རླུང་ལ་ནི་སྤྱིར་རྩ་བ་དང་ཡན་ལག་གི་རླུང་བཅུ་ཡོད་ཅིང༌། དེའི་ནང་ནས་རྣམ་ཤེས་ཀྱི་བཞོན་པའི་རླུང་ནི་སྙིང་ཁར་གནས་པའི་སྲོག་གི་རླུང་ཡིན་ལ། དེ་ལའང་ཕྲ་རགས་གཉིས་ཡོད་པའི་ཕྲ་བའོ། །རླུང་རྟ་ལྟ་བུ་དང་རྣམ་ཤེས་ཞོན་མཁན་ལྟ་བུ་སྟེ། འོན་ཀྱང་རླུང་དང་རྣམ་ཤེས་གཉིས་ངོ་བོ་ཐ་
དད་མིན་གྱི། ཆུ་ལ་ཆུ་ཞུགས་པ་བཞིན་དུ་ངོ་བོ་གཅིག་པའོ། །དེ་ཡང་རླུང་རྣམ་ཤེས་མིན་ཅིང་རྣམ་ཤེས་ཀྱང་རླུང་མིན་ལ། རླུང་ལས་ངོ་བོ་ཐ་དད་པའི་རྣམ་ཤེས་ཀྱང་མེད་མོད། རླུང་དང་རྣམ་ཤེས་གཉིས་གཅིག་ཀྱང་མིན་ནོ། །སྤྱིར་འཁོར་འདས་ཀྱི་བྱ་བྱེད་ཐམས་ཅད་རླུང་གིས་བྱེད་ཅིང༌། དེའི་ནང་ནས་
ཀྱང་སྐྱེ་འཆི་སོགས་ལས་ཀྱི་རླུང་གི་འཕྲུལ་ལས་བྱུང་བ་ཡིན་ཏེ། རྡོ་རྗེ་འཕྲེང་བ་ལས། ཇི་ལྟར་མེས་བསྲེག་དངོས་པོ་མེད། །རྒྱུ་མེད་པར་ནི་ཐིམ་ནས་འགྲོ། །སླར་ཡང་སྲོག་གི་རླུང་ཤར་ནས། །ལས་ཀྱི་རླུང་ནི་སྣ་ཚོགས་པ། །དེ་ཡི་ལྷན་ཅིག་རྣམ་ཤེས་དང༌། །སླར་ཡང་འཇིག་རྟེན་གསུམ་དུ་གནས་
ཞེས་གསུངས་པའི་ཕྱིར་རོ། །གསུམ་པ་གསང་བའི་སྣ་རྩེར་རྫས་ཀྱི་ཐིག་ལེ་ནི། །ཐབས་ཤེས་གསང་བའི་རྩ་མཆོག་གཉིས་ཀྱི་རྩེར། །ཞེས་སོགས་རྐང་པ་བཞིས་སྟོན་ཏེ། རང་གི་རྡོ་རྗེ་དང་ཕྱག་རྒྱའི་པདྨ་གཉིས་འཕྲད་མཚམས་སུ་ཐིག་ལེ་ཡུངས་འབྲུ་ཙམ་ལ་དམིགས་པ་རྩེ་གཅིག་ཏུ་གཏད་དེ།
@041B བསྒོམས་པ་ལ་བརྟེན་ནས་རླུང་ཐིམ་པས་སྣང་མཆད་ཐོབ་ཀྱི་ཡེ་ཤེས་གསུམ་དང༌། ཁྱད་པར་འོད་གསལ་གྱི་དུས་སུ་ལྷན་སྐྱེས་ཀྱི་ཡེ་ཤེས་འཆར་བར་བྱེད་པའོ། །གསུམ་པ་སེམས་དབེན་ནི་སྣ་རྩེ་གསུམ་དུ་ཐིག་ལེ་རྣམ་གསུམ་གྱི།། ཞེས་སོགས་རྐང་པ་བཞིས་སྟོན་ཏེ། སྔར་ལྟར་སྲོལ་རྩོལ་གསུམ་བསྒོམ་པ་
ལ་བརྟེན་ནས་སྙིང་གའི་རྩ་མདུད་རྣམས་ལེགས་པར་གྲོལ་ནས་རླུང་རྣམས་སྙིང་གའི་མི་ཤིག་པ་ལ་བསྡུས་ནས་ཐིམ་པས་དཔེའི་འོད་གསལ་འཆར་བར་བྱེད་པའོ། །དེ་ཡང་ཕྱག་རྒྱ་གཉིས་གང་རུང་ལ་བརྟེན་ནས་རིལ་འཛིན་དང་རྗེས་གཞི་གི་སྡུད་རིམ་མང་དུ་བྱས་པ་ལ་བརྟེན་ནས་སྣང་མཆེད་ཐོབ་གསུམ་གྱི་སེམས་དང་
ཁྱད་པར་དུ་དཔེའི་འོད་གསལ་མཐར་ཐུག་འདྲེན་ནུས་པའི་ཚེ་ན་སེ(Ms) དབེན་རྫོགས་པར་འགྱུར་རོ།། སེམས་དབེན་རྫོགས་མཚམས་ནི། སྔར་ཀུན་རྟོག་གཡོ་བྱེད་ཀྱི་རླུང་གཞན་རྣམས་དབུ་མར་ཞུགས་གནས་ཐིམ་གསུམ་བྱས་པ་ལ་བརྟེན་ནས་ཡེ་ཤེས་བསྐྱེད་ནུས་ཀྱང༌། འདིར་དེ་ནས་ཁྱབ་བྱེད་ཀྱི་རླུང་མ་ལུས་པ་འཆི་
རིམ་བཞིན་དུ་སྙིང་གའི་མི་ཤིག་པ་ལ་ཐིམ་པའི་འོད་གསལ་གྱི་ཡེ་ཤེས་ཐོག་མར་སྐྱེས་ནས་བདེ་སྟོང་སྦྱོར་བའི་ཚེ་སེམས་དབེན་མཐར་ཐུག་སྐྱེས་པའོ། །གཉིས་པ་ལ་གསུམ། ཀུན་རྫོབ་སྒྱུ་མ་དང་དོན་དམ་འོད་གསལ་དང་དབྱེར་མེད་ཟུང་འཇུག་གསུམ་ཡོད་ཀྱང༌། གསུམ་པོ་ཕྱོགས་གཅིག་ཏུ་བསྡུས་ནས་འཆད་
པ་ནི༑ སྒྱུ་མ་ལོངས་སྐུ་འོད་གསལ་ཆོས་སྐུ་དང༌། །ཤེས་སོགས་ཚིགས་སུ་བཅད་པ་གཉིས་གསུངས་ཏེ། གསུམ་གྱི་དང་པོ་ལ་སྒྱུ་ལུས་ཀྱི་སྒྲུབ་གཞི་ནི། རིམ་ལྔ་ལས། འགྲོ་ཀུན་རང་དབང་མེད་པ་སྟེ། །རང་དབང་དུ་ནི་འབྱུང་མ་ཡིན། །དེ་ཡི་རྒྱུ་ནི་འོད་གསལ་བ། །འོད་གསལ་ཐམས་ཅད་སྟོང་པའོ། །ཞེས་འགྲོ་བ་རྣམས་
འཆིབ?་འོད་གསལ་སྔོན་དུ་སོང་བ་ལས་སྐྱེའི། རང་དབང་དུ་མི་སྐྱེ་བར་བཤད་པ་ལྟར་དང༌། རྡོ་རྗེ་ཕྲེང་བ་ལས། སྙིང་པོར་གྱུར་པ་རང་སྲོག་ལས། །ཁམས་གསུམ་ན་ནི་གཞན་མེད་དེ། །སྒྱུ་མ་རླུང་གིས་ཁམས་གསུམ་པ། །རྨི་ལམ་རྨི་བ་བཞིན་དུ་མཐོང༌།། ཞེས་དང༌། ཇི་སྲིད་འཇིག་རྟེན་གྱིས་བཏགས་པ།།
@042A ༄༅། །སེམས་ཀྱི་རླུང་གི་རྣམ་འཕྲུལ་ལོ། །ཞེས་དང༌། དགོངས་པ་ལུང་སྟོན་ལས་ཀྱང༌། །འདུ་ཤེས་ཅན་དང་འདུ་ཤེས་མེད། །སེམས་ཅན་དུ་བཏགས་འདི་གནས་པ། །དེ་རྣམས་རླུང་ལས་བྱུང་བ་སྟེ། །སླར་ཡང་རླུང་ལས་འགགས་ཡིན། །ཞེས་གསུངས་པའི་སྔ་མས་སྒྱུ་
ལུས་ཀྱི་སྒྲུབ་གཞི་ནི་སྲོག་གི་རླུང་ཡིན་པར་བཤད་ལ། ཕྱི་མ་གཉིས་ཀྱིས་འགྲོ་བ་དང་དེའི་སྐྱེ་འཆི་སོགས་རླུང་སེམས་ཀྱི་རྣམ་འཕྲུལ་དུ་གསུངས་སོ། །སྒྱུ་ལུས་སྒྲུབ་ཚུལ་བསྡུན། སྔར་བཞིན་སེམས་དབེན་ལེགས་པར་གོམས་ནས་མཐར་ཕྱིན་པའི་དཔེའི་འོད་གསལ་ལས་ལུགས་ལྡོག?་ཏུ་ལངས་
པའི་ཚེ། ཉེར་ཐོབ་གྲུབ་པ་དང་མཉམ་དུ་འགྲུབ་པ་ཡིན་ལ། དེ་ཡང་རླུང་ཐམས་ཅད་སྙིང་ཁའི་རྩ་འཁོར་གྱི་ནང་དུ་བསྡུས་ནས་ཐིམ་པས་སྣང་མཆེད་ཐོབ་གསུམ་དང༌། ཁྱད་པར་འོད་གསལ་གྱི་བཞོན་པའི་རླུང་ཤིན་དུ་ཕྲ་བས་ཉེར་ལེན་དང་འོད་གསལ་གྱི་སེམས་ཀྱིས་ལྷན་ཅིག་བྱེད་རྐྱེན་
བྱས་པ་ལ་བརྟེན་ནས་ཆུ་ལས་ཉ་ལྡང་བ་ལྟར་འགྲུབ་པར་འགྱུར་ཞིང༌། སྐུ་དེ་སྒྱུ་མའི་དཔེ་བཅུ་གཉིས་ཀྱིས་མཚོན་པར་བྱར་ཡོད་དོ། །ལྡང་བ་ནི་ཐོག་མ་སྙིང་ཁ་ནས་གྲུབ་སྟེ་དེ་མ་ཐག་ལུས་ཀྱི་ཕྱིར་ལྡང་བ་དང༌། ཐོག་མ་ཉིད་ནས་ལུས་ཀྱི་ཕྱི་རོལ་ཏུ་འགྲུབ་པའི་ཚུལ་གཉིས་སོ། །འདིར་བསྲེ་བ་
ལ་བསྡུ་ན་ཆོས་སྐུ་ལོངས་སྐུ་སྤྲུལ་སྐུའི་བསྲེ་བ་སྟེ་གསུམ་བཤད་ཅིང༌། ཕྱེ་ན་རེ་རེ་ལའང་གསུམ་གསུམ་སྟེ་དགུ་བཤད་དེ། དེ་ཡང་སད་དུས་ཀྱི་སྐུ་གསུམ་དང༌། གཉིད་དུས་ཀྱི་སྐུ་གསུམ་དང༌། འཆི་དུས་ཀྱི་སྐུ་གསུམ་དང་བསྲེ་བའོ། །དེ་དག་ཀྱང་བསྡུ་ན་སད་དུས་ཆོས་སྐུ་དང་བསྲེ་བ་ནི། གཉིད་
སད་པའི་དུས་སུ་ལུས་ལ་གནད་དུ་བསྣུན་པ་ལ་བརྟེན་ནས་སྟོང་བཞི་དགའ་བཞིའི་ངོ་བོར་དྲང་སྟེ་འོད་གསལ་གྱི་དུས་སུ་བདེ་སྟོང་སྦྱར་ནས་བསྒོམ་པའོ། །སད་དུས་ཀྱི་ལོངས་སྐུ་དང་བསྲེ་བ་ནི། འོད་གསལ་དེ་ལས་ཡིད་ངོར?་རམ་དངོས་གནས་ལ་སྒྱུ་ལུས་རྡོ་རྗེ་འཆང་གི་སྐུར་ལངས་པའོ། །སད་དུས་ཀྱི་
@042B སྤྲུལ་སྐུ་དང་བསྲེ་བ་ནི། སྔར་གྱི་སྐུ་དངོས་སམ་རྗེས་སུ་མཐུན་པ་དེ་རྣམ་སྨིན་གྱི་ཕུང?་པོ་རྡོ་རྗེ་འཆང་གི་སྐུར་བསྒོམས་པའི་སྙིང་ཁར་འཇུག་པའོ། །གཉིད་དུས་ཆོས་སྐུ་ལོངས་སྐུ་སྤྲུལ་སྐུ་གསུམ་དང་བསྲེ་བའི་དང་པོ་ནི། གཉིད་ཀྱི་དུས་སུ་སྔར་ལྟར་བདེ་སྦྱོར་བ་དང༌། གཉིས་པ་ནི།
རྨི་ལམ་གྱི་ལུས་ཁྱད་པར་ཅན་དེ་རྡོ་རྗེ་འཆང་དུ་བཞེངས་པའམ་མིན་ཀྱང་དེར་སྒོམ་པ་དང༌། གསུམ་པ་ནི། སྐུ་དེ་ཉིད་རྣམ་སྨིན་གྱི་ལུས་ལ་འཇུག་པ་སྟེ་གསུམ་མོ། །འཆི་དུས་ཀྱི་ཆོས་སྐུ་ལོངས་སྐུ་སྤྲུལ་སྐུ་དང་བསྲེ་བ་གསུམ་ལས། འཆི་བའི་ཚེ་འབྱུང་བ་རྣམས་རིམ་གྱིས་ཐིམ་པའི་རྗེས་
སུ་སྣང་མཆེད་ཐོབ་གསུམ་འོད་གསལ་དང་བཅས་པ་རང་ཤུགས་ཀྱི་འཆར་བའི་འོད་གསལ་ནི་མའི་འོད་གསལ་ཡིན་ལ། དེ་དག་ངོ་ཤེས་པར་བྱས་ནས་སྒོམ་པ་དང་སྦྱར་ཏེ། འོད་གསལ་ཤར་བའི་ཚེ་ལྟ་ཐོག་ཏུ་འཇོག་པ་ནི་བུའི་འོད་གསལ་ཏེ་དང་པོ་འཆི་བ་ཆོས་སྐུ་དང་བསྲེ་བའོ། །འོད་གསལ་
དེ་ལས་ལངས་པའི་ཚེ་ལྷར་དངོས་སུ་ལྡང་བའམ་ལྡང་བར་མོས་ནས་སྒོམ་པ་ནི་གཉིས་པ་བར་དོ་ལོངས་སྐུ་དང་བསྲེ་བའོ། །ལྡང་བའི་ལྷ་སྐུ་འམ་བར་དོ་བ་དེ་མངལ་དུ་སྐྱེ་བ་ལེན་པའི་ལུས་རྡོར་སེམས་སུ་བསྒོམས་ནས་དེར་འཇུག་པ་ནི་གསུམ་པ་སྐྱེ་བ་སྤྲུལ་སྐུ་དང་བསྲེ་བའོ། །གཉིས་པ་
ནི༑ རིམ་པ་གསུམ་པའི་སྒྱུ་ལུས་པ་དེས་བསྲེ་བ་དང་སྤྱོད་པ་གསུམ་ཅི་རི(Gs) པ་བརྟེན་ནས་མཉམ་གཞག་ཏུ་སྟོང་པ་བཞི་ཡང་ཡང་དྲངས་ཏེ་བདེ་སྟོང་སྦྱར་ནས་བསྒོམ་པ་དང༌། རྗེས་ཐོབ་ཏུ་གང་སྣང་ཐམས་ཅད་བདེ་སྟོང་གི་རྣམ་རོལ་ཏུ་འཆར་བ་ལ་བསླབས་པས་རིམ་གྱིས་སྟོང་པ་དང་པོ་
གསུམ་གྱི་མཐར་འོད་གསལ་ཤར་བའི་ཚེ་རིམ་པ་གསུམ་པའི་མ་དག་པའི་སྒྱུ་ལུས་དེ་མཇའ་ཡལ་བ་ལྟར་དག་ནས་ལྷན་སྐྱེས་ཀྱི་བདེ་བས་སྟོང་ཉིད་མངོན་སུམ་རྟོགས་པའི་དོན་གྱི་འོད་གསལ་མངོན་དུ་འགྱུར་རོ། །གསུམ་པ་ནི། རིམ་པ་བཞི་པའི་དོན་གྱི་འོད་གསལ་ལས་ལངས་
@043A ༄༅། །པའི་ཚེ་ལུགས་ལྡོག་གི་ཉེར་ཐོབ་གྲུབ་པ་དང་མཉམ་དུ་འོད་གསལ་དེའི་ཤིན་དུ་ཕྲ་བའི་རླུང་སེམས་ལས་སློབ་པའི་ཟུང་འཇུག་གི་སྐུ་འགྲུབ་པར་འགྱུར་རོ། །དེ་ཡང་སྤངས་པ་ཟུང་འཇུག་ཡིན་གྱི། རྟོགས་པ་ཟུང་འཇུག་ནི་དེའི་རྗེས་སུ་འབྱུང་ངོ། །
དེ་ལྟ་བུའི་སྐུ་དེ་སླར་ལུས་རགས་པ་ལ་ཞུགས་ནས་སེམས་དཔའ་སུམ་བརྩེགས་དང་སྤྱོད་པ་གསུམ་ཅི་རིགས་གོམས་པར་བྱས་ཏེ། དེའི་རྒྱུན་ལས་མི་སློབ་པའི་ཟུང་འཇུག་གི་སྐུར་འཚང་རྒྱ་བ་ཡིན་ནོ། །དེ་ལྟ་བུའི་གོང?་རིམ་ནི། བླ་མེད་དུ་དང་པོ་ཉིད་ནས་རིགས་ངེས་པའི་
དབང་དུ་མཛད་པ་ཡིན་ལ། གཞན་པར་ཕྱིན་ཐེག་པའི་བྱང་སེམས་ཚོགས་སྦྱོར་བ་དང་ས་དང་པོ་སོགས་ནས་ཀྱང་བླ་མེད་དུ་འཇུག་པ་ཡོད་ཅིང༌། འཇུག་པའི་མཚམས་ཡང་ཁ་ཅིག་བསྐྱེད་རིམ་ནས་དང༌། ཁ་ཅིག་རྫོགས་རིམ་གྱི་ལུས་དབེན་སོགས་ཅི་རིགས་ནས་འཇུག་ལ། ས་བཅུ་པའི་
སྲིད་པ་ཐ་མ་པ་བླ་མེད་དུ་འཇུག་པ་ནི་རིམ་པ་བཞི་པའི་དོན་གྱི་འོད་གསལ་ནས་ཡིན་གྱི། དེའི་སྔོན་དུ་མིན་ནོ། །འདི་དག་ནི་གཙོ་བོ་གསང་བ་འདུས་པའི་དབང་དུ་བྱས་པ་སྟེ། ཕ་རྒྱུད་གཞན་ལའང་ཐ་སྙད་མི་འདྲ་བ་ཡོད་པ་ཙམ་མ་གཏོགས་དོན་འདི་དང་འདྲ་བར་སྦྱར་རུང་ངོ། །འདིར་བཤད་པར་བྱ་
བ་མང་དུ་ཡོད་ཀྱང་མང་བར་དོགས་ནས་མ་བྲིས་སོ། །གཉིས་པ། འཇིགས་བྱེད་ཀྱི་རྫོགས་རིམ་དེའི་སྨོན་ལམ་ནས་འབྱུང་བ་ལྟར་མདོར་བསྡུས་ཞིག་བཤད་པར་བྱ་སྟེ། དེ་ཡང་སྨོན་ལམ་ལས། ཟབ་ལམ་རིམ་པ་ལྔ་ཡི་གནད་ཀྱི་དོན།། མ་ལུས་བསྡུས་པ་རྣལ་འབྱོར་རྣམ་པ་བཞི།།
ཞེས་འབྱུང་བ་ལྟར་འདིའི་རྫོགས་རིམ་ནི་སྔར་གསང་འདུས་ཀྱི་སྐབས་སུ་བཤད་པ་བཞིན་རིམ་པ་ལྔར་འབྱེད་པ་ཡིན་ཀྱང༌། ལྔ་པོ་བསྡུ་ན་རྣལ་འབྱོར་བཞིར་འདུ་བས་དེ་ལྟར་འཆད་པ་ལ་བཞི། །སྔགས་ཀྱི་རྣལ་འབྱོར། བྱིན་རླབས་སམ་དམ་ཚིག་གི་རྣལ་འབྱོར། དབྱིབས་ཀྱི་རྣལ་འབྱོར།
@043B རྣམ་དག་ཡེ་ཤེས་ཀྱི་རྣལ་འབྱོར་རོ། །དང་པོ་ལ། སྔོན་འགྲོ་ལྟེ་བར་གནང་དུ་བསྣུན་ཚུལ་དང༌། དེ་ནས་བུམ་པ་ཅན་དང་རྡོར་བཟླས་བྱ་ཚུལ་ཡོ། །དང་པོ་ནི། དེ་ཉིད་ལས། སྤྲུལ་པའི་འཁོར་ལོར་འདོད་ལྷ་ཡབ་ཡུམ་ལ། །ཞེས་སོགས་རྐང་པ་བཞིས་སྟོན་ཏེ། ལྟེ་བའི་རྩ་འཁོར་གྱི་དྷཱ་ཏཱིའི་ནད་དུ་ཟླ་
གདན་ལ་འཇིགས་བྱེད་དཀར་པོ་ཞལ་གཅིག་ཕྱག་གཉིས་པར?་ཡབ་ཡུམ་བསྒོམས་པའི་ཡབ་ཀྱི་ཐུགས་ཀར་ཧཱུཾ་ཡིག་དཀར་ལ་དམར་བའི་མདངས་ཆགས་པ་ལ་དམི(Gs) ?་རྩེ་གཅིག་ཏུ་གཏང་ནས་བསྒོམས་ཏེ། རྗེས་གཞིག་གི་སྡུད་རིམ་བྱེད་ཚུལ་ནི། ཡེ་ཤེས་སེམས་དཔའ་ཡབ་ཡུམ་སྙོམས་པར་ཞུགས་པའི་
སྦྱོར་མཚམས་ནས་འོད་ཟེར་འཕྲོས་པ་སྣོད་བཅུད་ཀྱི་འཇིག་རྟེན་ལ་ཕོག་པས་སྣོད་དག་པའི་ཞིང་དང་བཅུད་ཀྱི་སེམས་ཅན་འཇིགས་བྱེད་ཡུམ་བཅས་སུ་བསྒྱུར། དེ་ན་སྣོད་ཐམས་ཅད་བཅུད་ཀྱི་སེམས་ཅན་ལ་ཐིམ། དེ་ཐམས་ཅད་རང་དང་རང་ཡབ་ཡུམ་ལྟེ་བའི་ཡེ་ཤེས་སེམས་དཔའ་ཡུམ་ལ་ཐིམ། དེ་ཡང་སྟོད་སྨད་ནས་
ཐུགས་ཀའི་ཧཱུཾ་དང༌། ཧཱུཾ་ཡང་ཞབས་ཀྱུ་ནས་ནཱ་དའི་བར་རིམ་གྱིས་ཐིམ་ཞིང༌། ནཱ་ད་ལ་དམིགས་ནས་རྩེ་གཅིག་ཏུ་བསྒོམས་པས་རླུང་དབུ་མར་ཞུགས་གནས་ཐིམ་གསུམ་བྱས་པའི་རྟགས་རྣམས་འབྱུང་ཞིང་མཐར་འོད་གསལ་འཆར་བར་བྱེད་དོ། །གཉིས་པ་ནི། ཆོས་ཀྱི་འཁོར་ལོར་སྔགས་ཀྱི་རྣལ་
འབྱོར་མཆོག །ཞེས་སོགས་རྐང་པ་བཞིས་སྟོན་ཏེ། དང་པོ་བུམ་པ་ཅན་ནི་རང་འཇིགས་བྱེད་དུ་གསལ་བའི་ཐུགས་ཀའི་དྷཱུ་ཏཱིའི་ནང་དུ་ཐིག་ལེ་དཀར་དམར་ཁ་སྦྱར་གྱི་ཚུལ་དུ་ཡོང་བའི་དབུས་སུ་ཧཱུཾ་ཡིག་དཀར་པོ་ལ་དམིགས་པ་རྩེ་གཅིག་ཏུ་གཏད་དེ། སྟེང་འོག་གི་རླུང་གཉིས་དྲངས་ནས་དེ་ལ་ཐིམ་པར་ཡང་ཡང་
བསམས་པས་རླུང་དབུ་མར་ཞུགས་གནས་ཐིམ་པའི་རྟགས་རྣམས་འབྱུང་ཞིང་འོད་གསལ་འཆར་བར་བྱེད་དོ། །གཉིས་པ་སྙིང་ཁར་རྡོར་བཟླས་བྱ་ཚུལ་ནི། རང་ཉིད་འཇིགས་བྱེད་ཡབ་ཡུམ་དུ་གསལ་བའི་ཐུགས་ཀའི་ཧཱུཾ་ལ་དམིགས་པ་གཏད་དེ། རླུང་ནང་དུ་འཇུག་པའི་ཚེ་ཨོཾ་གྱི་གདངས་དང༌། ནང་དུ་ཞུགས་
@044A ༄༅། །ནས་ཧཱུཾ་ལ་ཐིམ་པ་ན་ཨཱཿའི་གདངས་ཀྱིས་གནས་པ་དང༌། ཕྱིར་སྡང་བ་ན་ཧཱུཾ་གི་གདངས་སུ་ཤར་བའི་དམིགས་པ་ཡང་ཡང་བྱས་ཏེ་བསྒོམས་པས་སྙིང་གའི་རྩ་མདུད་གྲོས་ནས་འོད་གསལ་འཆར་བར་བྱེད་དོ། །གཉིས་པ་བྱིན་རླབས་ཀྱི་རྣལ་འབྱོར་ནི། སླར་ཡང་བྱིན་
གྱིས་བརླབས་པའི་རྣལ་འབྱོར་གྱིས། །ཞེས་སོགས་རྐང་པ་བཞིས་སྟོན་ཏེ། རང་ལྷར་གསལ་བའི་ཐུགས་ཀའི་ཧཱུཾ་ཡིག་ལས་འོད་ཟེར་འཕྲོས་སྣོད་བཅུད་ཐམས་ཅད་ལ་ཕོག་པས་སྣོད་ཐམས་ཅད་ཞུ་ནས་བཅུད་ལ་ཐིམ་པ་ནས་ཧཱུཾ་ཡིག་ནཱ་ད་ལ་ཐིམ་པའི་བར་སྔར་བཞིན་རྗེས་གཞིག
གི་སྡུད་རིམ་དང༌། ལས་དང་ཡེ་ཤེས་ཀྱི་ཕྱག་རྒྱ་གང་རུང་དང་སྙོམས་པར་ཞུགས་པའི་རྐྱེན་གྱིས་རླུང་དབུ་མར་ཞུགས་གནས་ཐིམ་གསུམ་བྱས་པས་དགའ་བཞི་དྲངས་ནས་བདེ་སྟོང་སྦྱོར་ཞིང༌། དཔེའི་འོད་གསལ་གྱི་སེམས་དབེན་མཐར་ཐུག་བསྐྱེད་པར་བྱའོ། །གསུམ་པ་?་
དབྱིབས་ཀྱི་རྣལ་འབྱོར་ནི། འཆི་རིམ་ཇི་བཞིན་རླུང་རྣམས་མ་ལུས་པ། །ཞེས་སོགས་རྐང་པ་བཞིས་སྟོན་ཏེ། སྔར་བཞིན་ཕྱག་རྒྱ་གཉིས་གང་རུང་དང་སྙོམས་འཇུག་བྱས་པས། ཀུན་རྟོག་གཡོ་བྱེད་ཀྱི་རླུང་ཐམས་ཅད་འཆི་རིམ་བཞིན་དུ་སྙིང་གའི་མི་ཤིགས་པ་ལ་ཐིམ་པའི་
དཔེའི་འོད་གསལ་མཐར་ཐུག་ལས་ལངས་པ་དང་ལུགས་ལྡོག་གི་ཉེར་ཐོབ་གྲུབ་པ་དང་མཉམ་དུ་མ་དག་པའི་སྒྱུ་ལུས་འགྲུབ་པར་འགྱུར་ཏེ་སྔར་བཤད་པ་དང་འདྲའོ། །བཞི་པ་རྣམ་དག་ཡེ་ཤེས་ཀྱི་རྣལ་འབྱོར་ལ་གཉིས་ལས། དང་པོ་དོན་གྱི་ལྷན་སྐྱེས་ནི། དབང་པོའི་གཞུ་ལྟར་
དྭངས་པའི་སྐུ་དེ་ཉིད། །ཞེས་སོགས་རྐང་པ་བཞིས་སྟོན་ཏེ། མ་དག་པའི་སྒྱུ་ལུས་པ་དེས་ཕྱག་རྒྱ་ལ་བརྟེན་ནས་རྗེས་གཞིག་གི་སྡུད་རིམ་ཡང་ཡང་བྱས་པས་མཐར་ལྷན་སྐྱེས་ཀྱི་བདེ་བས་སྟོང་ཉིད་མངོན་སུམ་དུ་རྟོགས་པའི་དོན་གྱི་འོད་གསལ་མངོན་དུ་གྱུར་མ་ཐག་མ་དག་པའི་སྒྱུ་
@044B གུས་དེ་འཇའ་ཡལ་བ་ལྟར་དག་པར་འགྱུར་རོ། །གཉིས་པ་ཟུང་འཇུག་ནི། དོན་གྱི་ལྷན་ཅིག་སྐྱེས་པ་དེ་ཉིད་ལས། །ཞེས་སོགས་རྐང་པ་བཞིས་སྟོན་ཏེ། དོན་གྱི་འོད་གསལ་དེ་ལས་ལངས་མ་ཐག་ཏུ་སློབ་པའི་ཟུང་འཇུག་གི་སྐུ་འགྲུབ་པར་འགྱུར་ཞིང༌། དེའི་རྒྱུན་ལས་མི་སློབ་པའི་ཟུང་
འཇུག་ཁ་སྦྱོར་ཡན་ལག་བདུན་ལྡན་ཀྱང་འཐོབ་པར་འགྱུར་རོ། །ཞེས་པ་ནི་ལྡེ་མིག་ལྟ་བུ་སྟེ་དོན་བསྡུས་པའོ། །གཉིས་པ་མ་རྒྱུད་ཀྱི་རྫོགས་རིམ་ལ་གཉིས། བདེ་མཆོག་དང༌། དུས་འཁོར་གྱི་རྫོགས་རིམ་མོ། །དང་པོ་ནི། སྤྱིར་མ་རྒྱུད་ལ་བདེ་མཆོག་གཉིས་དང་ཀྱེ?་རྡོར་སོགས་མང་ཡང༌།
འདིར་མ་རྒྱུད་ཀྱི་གཙོ་བོ་བདེ་མཆོག་གཉིས་དོན་ཕལ་ཆེར་འདྲ་བར་སྣང་ཏེ། འདི་ལ་རིམ་པ་ལྔ་དང་དྲུག་ཏུ་འབྱེད་པའང་ཡོད་ལ། རིམ་པ་ལྔར་བྱེད་པ་ཡང་གསང་འདུས་ཀྱི་རིམ་པ་ལྔ་དང་ཆུང?་མི་འདྲ་བ་ཡོད་དེ། རང་བྱིན་གྱིས་བརླབས་པའི་རིམ་པ་དང༌། སྣ་ཚོགས་རྡོ་རྗེའི་རིམ་པ་དང༌། ནོར་བུ་
འགེངས་པའི་རིམ་པ་དང༌། ཛ་ལན་དྷཱ་རའི་རིམ་པ་དང༌། བསམ་གྱིས་མི་ཁྱབ་པའི་རིམ་པའོ། །འདིར་རྗེའི་ལཱུ་ཧི་པའི་སྨོན་ལམ་ལས། འབྱུང་བ་དང་བསྟུན་ནས་མདོར་བསྡུས་བརྗོད་པར་བྱ་སྟེ། འདི་ལ་གཉིས། སྲོག་དྷཱུ་(C'I)ར?་འཛིན་པའི་རྣལ་འབྱོར་དང༌། བཟུང་ནས་བསྒོམ་ཚུལ་ལོ། །དང་པོ་
ལ་གསུམ། སྤྲིན་སྒྲ་ལ་སེམས་བརྟན་པར་བྱེད་པ། རྡོར་བཟླས་བྱ་ཚུལ། རྗེས་གཞིག་གི་བསམ་གཏན་ནོ། །དང་པོ་ནི། དེ་ཉིད་ལས། སྤྲུལ་པའི་འཁོར་ལོའི་དབུས་སུ་སྤྲིན་སྒྲ་ལ། །ཞེས་སོགས་རྐང་པ་དྲུག་གིས་སྟོན་ཏེ། སྦྱོར་བ་རྣམས་ཚང་བར་བྱས་ནས། ལྟེ?་བའི་བུག་པའི་ཐད་སོར་སྒལ་
ཚིག་ལ་ཉེ་བར་སྤྲུལ་པའི་འཁོར་ལོའི་དབུས་དྲང་པོ་ན་རྩ་དབུ་མ་ལ་རོ་རྐྱང་གི་མདུད་པས་བཅིངས་པའི་ཐད་ཀྱི་དབུ་མའི་ནང་དུ་ཐིག་ལེ་དཀར་དམར་གྱི་དབུས་སུ་སྤྲིན་སྒྲའི་ཧཱུཾ་ཡིག་མདོག་དེ་འདྲ་བའི་སྟེང་དུ་ཐིག་ལེ་དང་དེའི་སྟེང་དུ་ནཱ་ད་ཡང་མདོག་དེ་ལྟ་བུ་ཞིག་བསམས་ཏེ། དེ་ལ་དམིགས་པ་གཏད་ནས་བསྒོམས་
@045A ༄༅། །པས་རླུང་སེམས་འཇུག་པ་གཅིག་པའི་གནད་ཀྱིས་སེམས་ཟིན་ན་ཟླ་ཉི་རོ་རྐྱང་གི་རླུང་དབུ་མའི་ནང་དུ་ཞུགས་གནས་ཐིམ་གསུམ་བྱེད་པ་འབྱུང་ཞིང༌། དེ་ལ་བརྟེན་ནས་གསང་གནས་དང་ལྟེ་བའི་ཙཎྜ་ལི་གཏུམ་མོ་སྦར་བས་ལུས་ཀྱི་རྩ་རྣམས་གཡོས་པ་ན་བྱང་སེམས་བབས?་ཏེ།
ཡས་བབས་དང་མས་བརྟན་གྱི་དགའ་བཞི་སྟོང་བཞིའི་ངོ་བོར་བསྐྱེད་ནས་བདེ་སྟོང་སྦྱར་ནས་བསྒོམ་པའོ། །གཉིས་པ་ནི། འཇུག་དང་གནས་དང་ལྡང་བའི་རླུང་གིས་ནི། །ཞེས་སོགས་དྲུག་གིས་སྟོན་ཏེ། དྷཱུ་ཏཱིའི་ནང་དུ་སྔར་གྱི་ཧཱུཾ་ཡིག་གི་ནཱ་ད་ལ་དམིགས་ཏེ། རླུང་ནང་དུ་འཇུག་པའི་ཚེ་ཨོཾ་གྱི་
གདངས་དང༌། ཞུགས་ནས་གནས་པའི་དུས་སུ་ཨཱཿཡིག་གི་གདངས་དང༌། ཕྱིར་ལྡང་བ་ན་ཧཱུཾ་གི་གདངས་ཀྱི་རྣམ་པར་བསམས་ཏེ་རྡོར་བཟླས་བྱས་པ་ལ་བརྟེན་ནས་རླུང་དྷཱུ་ཏཱིའི་ནང་དུ་འཇུག་ནུས་པ་འོང་ཞིང༌། སྔར་བཞིན་གཏུམ་མོ་སྦར་ཏེ་སྤྱི་བོའི་ཧཾ་ཡིག་སོགས་ལས་བྱང་སེམས་བབས་པ་ལ་བརྟེན་
ནས་ལྟེ་བ་དང་སྙིང་གའི་རྩ་མདུད་སོགས་ལེགས་པར་གྲོལ་ནས་འོད་གསལ་འཆར་བར་བྱེད་རྡོར་བཟླས་སོ། །གསུམ་པ་ནི། མཁའ་དབྱིངས་ཤར་བའི་དབང་པོའི་གཞུ་བཞིན་དུ། །ཞེས་སོགས་རྐང་པ་དྲུག་གིས་སྟོན་ཏེ། རང་ཧེ་རུ་ཀ་ཡབ་ཡུམ་དུ་བསྒོམས་ཏེ་ཡབ་ཡུམ་སྙོམས་འཇུག
པའི་དགའ་བའི་སྒྲ་དང་འོད་ཟེར་གྱིས་སྣོད་བཅུད་ཐམས་ཅད་རིམ་གྱིས་བསྡུས་ནས་རང་དང་ལྟེ་བའི་ཡེ་ཤེས་སེམས་དཔའ་ཡབ་ཡུམ་ལ་ཐིམ། དེ་གཉིས་ཀྱང་སྙོམས་པར་ཞུགས་པས་ཞུ་སྟེ། ལྟེ་བའི་དྷཱུ་ཏཱིའི་ནང་གི་ཧཱུཾ་ཡིག་ལ་ཐིམ་པས། དེ་ཨཱུ་ནས་ནཱ་དའི་བར་རིམ་གྱིས་ཐིམ་ཞིང་ནཱ་ད་ཡབ་མི་
དམིགས་པར་བྱས་ཏེ་བསྒོམས་པས་རླུང་དབུ་མར་ཞུགས་གནས་ཐིམ་གསུམ་བྱེད་པ་འབྱུང་ལ། དེའི་ཚེ་བྱང་སེམས་ཞུ་བ་མགྲིན?་པ་སོགས་སུ་སླེབ་པ་ན་དགའ་བ་ལ་སོགས་པ་དགའ་བཞི་སྟོང་བཞིའི་ངོ་བོར་བསྐྱེད་ཅིང་ཁྱད་པར་ལྷན་སྐྱེས་ཀྱི་དགའ་བའི་དུས་སུ་ཐམས་ཅད་སྟོང་པ་འོད་གསལ་
@045B ཤར་བའི་ཚེ་བདེ་སྟོང་སྦྱར་ནས་བསྒོམ་པར་བྱ་སྟེ་རྗེས་གཞིག་གོ །གཉིས་པ་ལ་གཉིས། སྟོང་ཕྱོགས་ཀྱི་རྫོགས་རིམ་དང༌། སྣང་ཕྱོགས་ཀྱི་རྫོགས་རིམ་མོ། །དང་པོ་ནི། བསམ་གྱིས་མི་ཁྱབ་འོད་གསལ་ཕྱག་རྒྱ་ཆེ། །ཞེས་སོགས་རྐང་པ་གསུམ་གྱིས་སྟོན་ཏེ། སྔ་ལྟར་ལྟེ་བའི་དབུ་མའི་ནང་
དུ་སེམས་བཟུང་བ་ལ་བརྟེན་ནས་ས་ཆུ་ལ་ཐིམ་པའི་རྟགས་སྨིག་རྒྱུ་ལྟ་བུ་སོགས་ལྔ་འཆར་ཞིར། སྣང་མཆེད་ཐོབ་གསུམ་འོད་གསལ་དང་བཅས་པ་འབྱུང་ལ། ཁྱད་པར་འོད་གསལ་གྱི་དུས་སུ་བདེ་སྟོང་སྦྱར་ནས་རྩེ་གཅིག་ཏུ་བསྒོམ་པར་བྱ་སྟེ། སྟོང་ཕྱོགས་བསམ་མེ་བྱབ?་པའི་རིམ་པ་དངོས་སོ། །གཉིས་པ་ལ་
གསུམ༑ རྗེས་ཐོབ་ཏུ་སྐྱོང་ཚུལ་བསྟན་པ་དང༌། སྒྱུ་ལུས་སུ་ལྡང་ཚུལ་དང༌། དེ་ལས་ཟུང་འཇུག་བསྒྲུབ་ཚུལ་ལོ། །དང་པོ་ནི། ལངས་པར་གྱུར་ཚེ་གང་ཤར་སྣང་བ་ཀུན། །ཞེས་སོགས་རྐང་པ་ལྔས་སྟོན་ཏེ། མཉམ་གཞག་དེ་ལས་ལངས་པའི་དུས་སུ་དཔེར་ན་ཆུ་ལས་རྒྱ?་?་འབྱུང་ཞིང་དེ་ཆུའི་འཕྲུལ་
ཡིན་པ་ལྟར། མཉམ་གཞག་ཏུ་ལྷན་སྐྱེས་ཀྱི་ཡེ་ཤེས་གོམས་པ་ལས་རྗེས་ཐོབ་ཏུ་གང་སྣང་ཐམས་ཅད་བདེ་སྟོང་གི་རྣམ་རོལ་ཏུ་འཆར་བ་ལ་བསླབ་པར་བྱའོ། །དེ་ལྟར་འོང་བ་ནི་སྤྱིར་ཆོས་ཐམས་ཅད་བློས་བཏགས་པ་ཙམ་ཡིན་པ་དང༌། ཆོས་ཅན་ཐམས་ཅད་ཆོས་ཉིད་སྟོང་པའི་འཕྲུལ་ཡིན་པའི་སྟོབས་སོ། །གཉིས་
པ་ནི། རིམ་པ་དེ་ཡིས་དཔེ་ཡི་ལྷན་སྐྱེས་ལས། །ཞེས་སོགས་རྐང་པ་བཞིས་སྟོན་ཏེ། སྔོན་དུ་བསམ་གཏན་གོམས་པ་དང་སྒྱུ་ལུས་སུ་ལྡང་བར་བྱའོ་སྙམ་དུ་འཕེན་པ་བཏང་བའི་དབང་གིས། བསམ་གྱིས་མི་ཁྱབ་པའི་དཔེའི་འོད་གསལ་གྱི་མཐར་ལུགས་ལྡོག་ཏུ་ལྡང་བའི་ཚེ། ཆུ་ལས་ཉ་གློ་བུར་ལ་
སྟེང་དུ་འཕར་འོང་བ་ལྟར། འོད་གསལ་དེ་ལས་གློ་བུར་དུ་སྒྱུ་འཕྲུལ་དྲ་བ་སྒྱུ་མའི་སྐུ་འགྲུབ་པར་འགྱུར་རོ། །གསུམ་པ་ལ་གཉིས། སློབ་པའི་ཟུང་འཇུག་དང༌། མི་སློབ་པའི་ཟུང་འཇུག་སྒྲུབ་ཚུལ་ལོ། །སྒྱུ་མའི་ལུས་མཛེས་ཡང་ཡང་འོད་གསལ་དུ། །ཞེས་སོགས་རྐང་པ་བཞིས་སྟོན་ཏེ། 
@046A ༄༅། །འདི་ལའང་མཉམ་རྗེས་གཉིས་ལས། དང་པོ་ནི། སྔར་ཐོབ་པ་རིམ་བ་གསུམ་པའི་མ་དག་པའི་སྒྱུ་ལུས་དེ་རྗེས་གཞིག་གིས་འོད་གསལ་དུ་ཡང་ཡང་བཅུགས་བས་མཐར་སྦྱངས་ནས་རིམ་བ་བཞི་པ་དོན་གྱི་ལྷན་སྐྱེས་ཀྱི་འོད་གསལ་མངོན་དུ་འགྱུར་རོ། །གཉིས་པ་ནི།
འོད་གསལ་དེ་ལས་ལྡང་བ་དང་ལུགས་ལྡོག་གི་ཉེར་ཐོབ་གྲུབ་པ་མཉམ་དུ་སློབ་པའི་ཟུང་འཇུག་གི་གོ་འཕང་མངོན་དུ་བྱེད་པར་འགྱུར་རོ། །འདིར་བསྲེ་བ་བྱེད་པའི་སྐོར་ཡོད་ཀྱང་མི་འཆད་དོ། །གཉིས་པ་ནི། དཔའ་བར་འགྲོ་བའི་ཏིང་འཛིན་དེ་ཉིད་ནི། ཞེས་སོགས་རྐང་པ་བཞིས་སྟོན་ཏེ།
སྔར་ཐོབ་པའི་སློབ་པའི་ཟུང་འཇུག་གི་ཏིང་ངེ་འཛིན་ལ་བསྲེ་བ་གསུམ་དང་སྤྱོད་བ་རྣམ་པ་གསུམ་ཅི་རིགས་ལ་བསླབ་པས་གོམས་པར་བྱས་པའི་མཐར་ཡང༌། དོན་གྱི་ལྷན་སྐྱེས་རྡོ་རྗེ་ལྟ་བུའི་ཏིང་ངེ་འཛིན་ལ་མཉམ་པར་བཞག་བཞིན་པའི་ངང་ནས་སྒྲིབ་བ་སྦྱངས་ཏེ། སྔར་ལྟར་བོད་
གསལ་ལ?་མི་སློབ་པའི་ཟུང་འཇུག་སངས་རྒྱས་ཀྱི་གོ་འཕང་འགྲུབ་པར་འགྱུར་ཏེ། ཟུང་འཇུག་ནི་གསང་འདུས་ཀྱི་སྐོར་དང་འདྲའོ། །འདི་དག་ནི་སྣང་ཕྱོགས་བསམ་གྱིས་མི་ཁྱབ་པའི་རིམ་པ་སྟེ། དོན་བསྡུས་པའོ། །རང་བྱིན་གྱིས་བརླབ་པའི་རིམ་པ་སོགས་ལྔར་འབྱེད་པའི་ཚི་གོ་རིམ་
ནི་བསམ་གྱིས་མི་ཁྱབ་པའི་འོད་གསལ་གྱི་སྔོན་དུ་ཛ་ལན་དྷཱ་རའི་རིམ་པ་འགྲོ་དགོས་པས་རྗེས་གཞིག་གིས་སྣོད་བཅུང་འོད་གསལ་དུ་བཅུགས་ནས་མཐར་དགའ་བཞི་བསྐྱེད་པའི་སྐོར་ནི་དེའོ། །དེའི་སྔོན་དུ་ལས་དང་ཡེ་ཤེས་ཀྱི་ཕྱག་རྒྱ་ལ་བརྟེན་ནས་འོད་གསལ་བསྒོམ་པའི་རིམ་
པ་འགྲོ་དགོས་པས་དེ་ནི་ནོར་བུ་འགེང་པའི་རིམ་པའོ། །དེའི་སྔོན་དུ་ཧེ་རུ་ཀ་ཡམ་ཡུམ་ཏུ་གསལ་བའི་དབུ་མའི་ཡར་སྣ་དང་མར་སྣར་རྡོ་རྗེ་ཧཱུཾ་གིས་མཚན་པར་སྒོམ་པའི་སྐོར་ནི་འགྲོ་དགོས་པས། དེ་ནི་སྣ་ཚོགས་རྡོ་རྗེའི་རིམ་པའོ། །དེའི་སྔོན་དུ་རྡོར་བཟླས་དང་ལྟེ་
@046B [MISSING]
@047A [MISSING]
@047B སྐུ་དེ་ཨོཾ་གྱིས་དཔྲལ་བ་ནས་ནང་དུ་འཇུག་ཅིང་ཧཱུཾ་གིས་གནས་པ་དང་ཨཱཿའི་གདངས་ཀྱིས་ཕྱིར་ལྡང་བའི་རྡོར་བཟླས་བྱའོ། །འདིར་བུམ་པ་ཅན་ནི། རང་ལྷར་གསལ་བའི་སྟོད་ཀྱི་རླུང་རྣམས་རྩ་དབུ་མ་ནས་མར་དྲངས་ཏེ་ལྟེ་བའི་སྟོང་གཟུགས་ལ་བསྟིམ། སྨད་ཀྱི་རླུང་རྣམས་ཡར་དྲངས་ཏེ་དེ་ལ་
བསྟིམ་ནས་ཁ་སྦྱོར་གྱི་ཚུལ་དུ་བསྒོམས་པས་སྔར་ལྟར་རྟགས་རྣམས་འབྱུང་ལ། དེའི་ཚེ་ལྟེ་བའི་གཏུམ་མོ་སྦར་བ་གཙུག་ཏོར་གྱི་བར་སོང་སྟེ་བྱང་སེམས་བཞུས་བས་དཔྲལ་བ་སོགས་སུ་སླེབ་པ་ན་དགའ་བཞི་སྐྱེ་བས་བདེ་སྟོང་སྦྱོར་བ་དང༌། དེ་ལས་ལྡང་བའི་ཚེ་དུས་འཁོར་ཡབ་ཡུམ་གྱི་སྐུར་ལྡང་བར་མོས་
པའོ། །བཞི་པ་འཛིན་པ་ནི། སྔར་ལྟར་བསྒོམས་པས་སྟོང་གཟུགས་ཀྱི་སྐུ་ལྟེ་བར་གནས་བ་དེ། གསང་གནས་ལྟེ་བ་སྙིང་ག་མགྲིན་པ་དཔྲལ་བ་གཙུག་ཏོར་གྱི་དབུས་སུ་དྲངས་ཏེ་སྲོག་ཐུར་བསྲེས་ནས་བསྒོམས་པས་གཏུམ་མོ་སྦར་བས་དགའ་བཞི་འདྲེན་པ་སོགས་སྔར་ལྟར་བྱ་བའོ། །ལྔ་བ་རྗེས་དྲན་ནི།
གོང་ལྟར་བསྒོམས་པས་རྟགས་རྣམས་རིམ་གྱིས་ཤར་ཏེ་མཐར་རེ་གའི་ནང་དུ་སྟོང་གཟུགས་དུས་འཁོར་ཡབ་ཡུམ་འཁོར་བཅས་གྱི་སྐུར་དངོས་སུ་བཞེངས་པ་འབྱུང་ཞིང་དེ་ནས་སྟོང་གཟུགས་ཡབ་ཡུམ་རྣམས་མཉམ་པར་སྦྱར་ནས་མི་འགྱུར་བའི་བདེ་བ་སྒྲུབ་བར་བྱེད་དོ། །དྲུག་པ་ཏིང་ངེ་འཛིན་ནི། རང་ལྷར་
གསལ་བའི་ལྟེ་བའི་སྟོང་གཟུགས་ཡབ་ཡུམ་སྙོམས་པར་ཞུགས་པའི་རྐྱེན་གྱིས་དབུ་མའི་ཡར་སྣ་མར་སྣ་ནས་བྱང་སེམས་དཀར་དམར་གྱི་རྡུལ་སྟེང་འོག་ཏུ་རིམ་གྱིས་བརྩེགས་པས་འཕོ་མེད་དུ་གནས་ཏེ་མི་འགྱུར་བའི་བདེ་བས་སྟོང་ཉིད་རྟོགས་པའི་བདེ་སྟོང་སྦྱར་ནས་བསྒོམ་པའོ། །དེ་ལྟར་རིམ་གྱིས་བྱང་
སེམས་དཀར་དམར་གྱི་རྡུལ་བརྩེགས་པ་ཉིས་ཁྲི་ཆིག་སྟོང་དྲུག་བརྒྱ་ལས་མི་འགྱུར་བའི་བདེ་བ་ཉིས་ཁྲི་ཆིག་སྟོང་དྲུག་བརྒྱ་ཐོབ་པའི་མཐར་སྐད་གཅིག་མ་གཅིག་ལ་འཚང་རྒྱ་བར་འགྱུར་རོ། །དེ་དག་ནི་རྗེ་ཡབ་སྲས་ཀྱི་མན་ངག་གི་སྙིང་པོ་བསྡུས་བ་སྟེ། རྒྱས་བར་ཤེས་འདོད་ན་གཞན་དུ་བལྟ་བར་


@048A ༄༅། །བྱའོ། །བཞི་པ་ལ་གཉིས། མཐར་ཐུག་གི་འབྲས་བུ་མངོན་དུ་བྱེད་ཚུལ་ས་ལམ་དང་བཅས་པ་དང༌། ཚེ་འདིར་དེ་མངོན་དུ་བྱེད་མི་ནུས་པས་ཇི་ལྟར་བྱ་བའོ། །དང་པོ་ནི། སྔར་བཤད་པ་ལྟར་རིམ་གཉིས་ཉམས་སུ་བླངས་ཏེ་མཐར་མི་སློབ་པའི་ཟུང་འཇུག་ནམ་
ཐོབ་པའི་ཚེ་སངས་རྒྱས་པ་ཡིན་ལ། དེ་ཡང་ཕར་ཕྱིན་ཐེག་པ་ལྟར་ན་རྫོགས་སྨིན་སྦྱངས་གསུམ་བྱས་ནས་མཐར་འདོད་ཁམས་སུ་འཚང་མི་རྒྱ་བར་གཟུགས་ཁམས་ཀྱི་འོག་མིན་ཏུ་འཚང་རྒྱ་བར་བཞེད་ཅིང༌། གཟུགས་ཁམས་དེ་ནི་གནས་རིགས་བཅུ་བདུན་གྱི་ནང་ཚན་གྱི་གཟུགས་ཁམས་
མིན་གྱི། དེའི་གོང་ན་གཟུགས་ཁམས་ཀྱི་འོག་མིན་གཉིས་པ་གཞན་ཞིག་ཡོད་པ་དེར་འཚང་རྒྱ་བར་འཕགས་པ་ཐོགས་མེད་སོགས་ཀྱིས་བཤད་དོ། །དེ་ལྟར་ན་ཕར་ཕྱིན་ཐེག་པའི་ལུགས་ལ་ལྷའི་རྟེན་ཁོ་ན་ལ་འཚང་རྒྱའི། མིའི་རྟེན་ལ་གསར་དུ་འཚང་རྒྱ་བར་མི་འདོད་དོ།། འོན་ཀྱང་
འཚང་རྒྱ་བའི་ཚུལ་སྟོན་པ་ནི་མིའི་རྟེན་ལ་ཡོད་པར་བཞེད་དེ། མཆོག་གི་སྤྲུལ་སྐུ་ནི་མིའི་རྟེན་ལ་འབྱུང་བས་སོ། །སྔགས་བླ་མེད་ཀྱི་ལུགས་ལ་ལྷ་དང་མི་གཉིས་ཀའི་རྟེན་ལ་གསར་དུ་འཚང་རྒྱ་བ་ཡོད་པར་འདོད་དེ། ཚེ་གཅིག་ལ་འཚང་རྒྱ་ན་མི་ཁོ་ན་དང་གཞན་འོག་མིན་དང་འདོད་ལྷའི་
རྟེན་ལའང་གསར་དུ་འཚང་རྒྱ་བར་བཞེད་བའི་ཕྱིར་རོ། །ཕར་ཕྱིན་ཐེག་པ་ལྟར་ན་ལོངས་སྐུ་ཐམས་ཅད་ངེས་པ་ལྔ་ལྡན་དུ་བཞེད་པ་མངལ། བླ་མེད་ཀྱི་སྐབས་སུ་མི་སློབ་པའི་ཟུང་འཇུག་པའི་སྐུ་ཅན་ཐམས་ཅད་ནི་ཡོངས་སྐུར་བཞེད་དེ་མི་འདྲ་འོ། །ལུགས་གཉིས་ཀ་ལྟར་ན་སྤངས་རྟོགས་
ཀྱི་ཆོས་སྐུ་གཉིས་ཧ་ལམ་འདྲ?་ཡང་མི་འདྲ་བ་ཡོད་དེ། དེ་ཕྱག་རྒྱ་ལ་བརྟེན་ནས་ཐོབ་མ་ཐོབ་སོགས་ཀྱི་ཁྱད་པར་ཡོད་པའི་ཕྱིར་རོ། །གཉིས་ཀ་ལྟར་ན་ལུས་རགས་པ་བཟུངས་བའི་སངས་རྒྱས་ཀྱིས་སྐུ་ཐམས་ཅད་སྤྲུལ་པའི་སྐུ་ཡིན་པར་མཚུངས་སོ། །པར་ཕྱིན་ཐེག་པའི་ལམ་རྒྱང་བས་ས་བཅུ་
@048B པའི་བར་བགྲོད་ནུས་ཀྱང༌། དེ་ནས་ལམ་ལ་སྔགས་ཀྱི་ལམ་བསྣོན་མ་བཏང་ནས་འཇུག་དགོས་ཤིང་དེ་ཡང་རིམ་པ་བཞི་པ་ནས་ཡིན་ཀྱི། དེའི་གོང་དུ་འཇུག་མི་དགོས་ཏེ། དེ་དག་གི་དོད་རྣམས་བསྒྲུབས་ཟིན་པའི་ཕྱིར་རོ། །ཕར་ཕྱིན་ཐེག་བ་ཙམ་དུ་མ་ཟད་རྒྱུད་སྡེ་འོག་མ་གསུམ་གྱི་ལམ་ཁོ་ནས་ཀྱང་
འཚང་རྒྱ་བར་མི་ནུས་བས། དེ་དག་ཀྱང་མཐར་བླ་མེད་དུ་འཇུག་དགོས་ཤིང༌། འཇུག་བའི་སྐབས་ཀྱང་མཐའ་གཅིག་ཏུ་མ་ངེས་ཀྱི། ཁ་ཅིག་ནི་བསྐྱེད་རིམ་དང༌། གཞན་དག་རྫོགས་རིམ་ནས་འཇུག་པར་ཡོད་པ་ནི་སྔར་དང་འདྲ་བའི་ཕྱིར་རོ། །མདོ་སྔགས་གང་གི་དབང་དུ་བྱས་ཀྱང་འབྲས་བུ་མཐར་
ཐུག་མངོན་དུ་བྱེད་པ་ལ། ཐོག་མར་དཀོན་ཅོག་ལ་སྐྱབས་སུ་སོང་ནས་དེའི་བསྟན་བ་ལ་འཇུག་དགོས་ལ། དེ་ནས་རང་ཉིད་ངན་སོང་ལས་ཐར་འདོད་དང༌། དེ་རྗེས་འཁོར་བའི་སྡུག་བསྔལ་མཐའ་དག་ལས་ཐར་འདོད་ཀྱི་ངེས་འབྱུང་བསྐྱེད་ཅིང༌། དེ་ནས་སེམས་ཅན་ཐམས་ཅད་སྡུག་བསྔལ་ལས་ཐར་འདོད་
དང་དེ་ལས་སྐྱོབ་འདོད་ཀྱི་སྙིང་རྗེ་བསྐྱེད་དགོས་ཤིང༌། དེ་ནས་སེམས་ཅན་ཐམས་ཅད་རྫོགས་བྱང་ལ་འགོད་འདོད་ཀྱི་ལྷག་བསམ་དང༌། སེམས་ཅན་ཐམས་ཅད་ཀྱི་དོན་དུ་རང་ཉིད་རྫོགས་བྱང་ཐོབ་པར་འདོད་ནས་བྱང་ཆུབ་ཀྱི་སེམས་བསྐྱེད་དེ་སྤྱོད་པ་ཕར་ཕྱིན་དྲུག་དང་བསྡུ་བཞི་ལ་བསླབས་དགོས་སོ།། ཐེག་ཆེན་
གྱིས་ཀ་ལྟར་ནའང་བྱང་ཆུབ་ཀྱི་སེམས་བསྐྱེད་པ་དང་ཐེག་ཆེན་ལམ་དུ་ཞུགས་པ་དུས་མཉམ་པ་ཡིན་ལ། དེ་ནས་ཕར་ཕྱིན་ཐེག་པ་ལྟར་ན་ཆོགས་ལམ་གྱི་རྗེས་སུ་སྟོང་ཉིད་རྟོགས་པའི་ཞི་ལྷག་ཟུང་འབྲེལ་གྱི་རྣལ་འབྱོར་ཐོབ་པ་དང་སྦྱོར་ལམ་ཐོབ་པ་དུས་མཉམ་ཞིང༌། དེ་ནས་སྟོང་ཉིད་མངོན་སུམ་དུ་རྟོགས་
པའི་ཡེ་ཤེས་ནམ་གསར་དུ་རང་རྒྱུད་སྐྱེས་པའི་ཚེ་མཐོང་ལམ་ཐོབ་པ་དང་ས་དང་པོ་ཐོབ་པ་དུས་མཉམ་ལ། དེ་ཡང་ས་དང་པོ་ཐོབ་མ་ཐག་བའི་ཚེ་ཡེ་ཤེས་དེ་མཐོང་ལམ་བར་ཆད་མེད་ལམ་ཡིན་ཞིང༌། དེས་བདན་འཛིན་ཀུན་བཏགས་དངོས་སུ་སྤངས་པ་དང་ཐེག་ཆེན་མཐོང་ལམ་རྣམ་གྲོལ་ལམ་མངོན་དུ་
@049A ༄༅། །བྱས་ནས་འགོག་བདེན་ཀྱང་ཐོབ་ལ། མཉམ་གཞག་ད་ལས་ལངས་པན་རྗེས་ཐོབ་ཡེ་ཤེས་འབྱུང་ངོ། །ས་དང་པོའི་དཀྱིལ་སྟོད་མཐོང་ལམ་ཡིན་ཀྱང༌། དཀྱིལ་སྨད་ནས་ས་བཅུ་བའི་བར་གྱི་ཡེ་ཤེས་ཐམས་ཅད་སྒོམ་ལམ་ཡིན་ཞིང༌། དེ་ལ་སྤང་བྱ་སྤོང་ཚུལ་དང་ཡོན་ཏན་ཐོབ་ཚུལ་
གཉིས་ཀྱིས་ས་བཅུར་འབྱེད་དོ། །སྤང་བྱ་སྤོང་ཚུལ་ཡང་དབུ་མ་རང་རྒྱུད་པ་རྣམས་ཀྱིས། མངོན་རྟོགས་རྒྱན་གྱི་རྗེས་སུ་འབྲང་ནས་བདེན་འཛིན་ཤེས་སྒྲིབ་ཏུ་བྱས་པའི་ཀུན་བཏགས་རྣམས་མཐོང་ལམ་གྱི་སྐབས་སུ་སྤོང་ཞིང༌། བདེན་འཛིན་ལྷན་སྐྱེས་ལ་ཆེ་འབྲིང་ཆུང་དུ་སྐོར་དགུར་བྱེ་བ་རྣམས་རིམ་པ་
བཞིན་དུ། ས་དང་པོའི་དཀྱིལ་སྨད་ནས་ས་བཅུ་པའི་བར་གྱིས་རིམ་པར་སྤངས་ཏེ། དེ་སྤངས་པ་དང་སངས་རྒྱས་པ་དུས་མཉམ་བར་འདོད་ལ། དབུ་མ་ཐལ་འགྱུར་བ་རྣམས་ཀྱིས་ནི་བདེན་འཛིན་ཉོན་སྒྲིབ་ཏུ་བྱས་ནས་ས་དང་པོ་ནས་བདུན་པའི་བར་གྱིས་རིམ་བར་སྤངས་ཏེ། དེ་སྤངས་པ་དང་ས་བརྒྱད་པ་
ཐོབ་བ་དུས་མཉམ་པ་དང༌། གཉིས་སྣང་འཁྲུལ་པའི་བག་ཆགས་ལ་ཤེས་སྒྲིབ་ཏུ་མཛད་ནས་ཆེ་འབྲིང་ཆུང་དུ་སྐོར་གསུམ་དུ་ཕྱེ་བ་དག་པ་ས་གསུམ་གྱིས་རིམ་པར་སྤངས་ཏེ་འཚང་རྒྱ་བར་བཞེད་དོ། །ཡོན་ཏན་ཐོབ་ཚུལ་ལ་ཡང༌། ས་རང་རང་གི་ཡོངས་སྦྱོང་རྫོགས་མ་རྫོགས་དང༌། ཡོན་ཏན་བརྒྱ་ཕྲག་བཅུ་
གཉིས་སོགས་ཐོབ་མ་ཐོབ་དང༌། ཕར་ཕྱིན་བཅུའི་ཉམས་ལེན་ལྷག་བར་ཐོབ་མ་ཐོབ་སོགས་ཀྱི་སྒོ་ནས་འཇོག་གོ །སྤྱིར་ཕར་ཕྱིན་ཐེག་པའི་གདུལ་བྱ་འཚང་རྒྱ་བ་ནི་གྲངས་མེད་གསུམ་གྱི་ཚོགས་རྫོགས་ནས་ཡིན་ལ། དེ་ཡང་ཚོགས་སྦྱོར་གཉིས་སམ། ས་དང་པོའི་སྟོད་དང་བཅས་པས་གྲངས་མེད་དང་པོ།།
དེའི་སྨད་ནས་མ་དག་ས་བདུན་དུ་གྲངས་མེད་གཉིས་པ། དག་པ་ས་གསུམ་ནས་གྲངས་མེད་གསུཾ་པའི་ཚོགས་བསགས་ཏེ་རྫོགས་ནས་འཚང་རྒྱ་བར་བཞེད་ཀྱང༌། དམིགས་བསལ་གྲངས་མེད་གསུམ་གྱི་བར་འདུག་དགོས་པའི་ངེས་པ་མེད་དེ། སྔགས་ལ་ཞུགས་ཏེ་མྱུར་དུ་འཚང་རྒྱ་བ་ཡང་ཡོད་ལ། གྲངས་
@049B མེད་སོ་གསུམ་ནས་དང༌། དེ་ཡས་ཀྱང་རིང་བ་ནཥ་འཚང་རྒྱ་བ་ཡོད་བའི་ཕྱིར་རོ། །སྔགས་ཀྱི་སྐབས་སུ་ཕར་ཕྱིར་ཐེག་པ་དང་འདྲ་བར་ས་བཅུ་དང་དེ་ལས་མང་བར་བཤད་བ་ཡོད་ཀྱང༌། མིང་འདྲ་ཡང་དོན་འདྲ་བའི་ངེས་པ་མེད་དེ། དེ་ནི་དངོས་མིན་པར་དོད་ཐུབ་བརྩིས་པའི་དབང་དུ་མཛད་པ་ཤིན་ཏུ་མང་བའི་ཕྱིར་
རོ།། དེ་བཞིན་དུ་ལམ་ལྔའི་དབྱེ་བ་ཡོད་ཀྱང་ཕར་ཕྱིན་ཐེག་པ་དང་ཇི་མ་ཇི་བཞིན་འདྲ་མི་དགོས་སོ། །དེར་མ་ཟད་བསྐྱེད་རྫོགས་ཀྱི་སྐབས་སོ་སོ་ནས་ཀྱང་ས་དེ་དག་དང་ཆོས་མཐུན་སྦྱོར་ཚུལ་ཡོད་ཅིང༌། ཁྱད་པར་རྫོགས་རིམ་གྱི་སྐབས་སུ་ས་བཅུ་དང་ལམ་ལྔའི་དོད་ཐུབ་བརྩི་ཚུལ་ཁྱད་པར་བ་རེ་ཡོད་དོ། །དོད་ཐུབ་
དཔེར་མཚོན་ན་ཕར་ཕྱིན་ཐེག་བའི་ས་བརྒྱད་པ་ནས་ཞི་དག?་སྦྱོར་ཐོབ་དགོས་ཀྱང༌། བླ་མེད་ཀྱི་བསྐྱེད་རིམ་མཐར་ཕྱིན་ན་དེའི་དོད་ཐུབ་པ་དང༌། ཕར་ཕྱིན་དུ་ས་དེ་ནས་ཡིད་ལུས་ཁྱད་པར་ཅན་ཞིག་ཐོབ་པ་ཡིན་ཀྱང༌། འདིར་རིམ་བ་གསུམ་པའི་སྒྱུ་ལུས་ཀྱིས་དེའི་དོད་ཐུབ་པ་དང༌། ཕར་ཕྱིན་གྱི་སྐབས་སྒོམ་ལམ་
གྱི་མཐའི་བར་ཆད་མེད་ལམ་ཞིག་གིས་ཉོན་སྒྲིབ་དངོས་སུ་སྤོང་བ་ཡིན་ལ། འདིར་རིམ་པ་བཞི་པའི་དོན་གྱི་འོད་གསལ་དེ་མཐོང་ལམ་ཡིན་ཀྱང་ཉོན་སྒྲིབ་དངོས་སུ་སྤོང་ནུས་པས་དེའི་དོད་ཐུབ་ཏུ་འགྱུར་བ་བཞིན་ནོ། །མདོ་སྔགས་གཉིས་ཀྱི་འབྲས་བུ་སངས་རྒྱས་འདྲ་བ་ལ། འབྲས་བུ་ལ་ཉེ་རིང་འོང་བའི་ཁྱད་
བར་ཅི་ལྟ་བུ་ཞེ་ན། །དེའི་རྒྱུ་མཚན་སྔར་བརྗོད་ཟིན་མོད། འོན་ཀྱང་དཔེར་བྱ་ཚུལ་ཡོད་དེ། འཇིག་རྟེན་ན་གང་དུ་འགྲོ་སའི་གནས་གཅིག་ཡིན་པར་མཚུངས་ཀྱང༌། འགྲོ་སའི་ལམ་ལ་རིང་ཐུང་ཡོད་བའི་དབང་གིས། རིང་བའི་སར་ཉིན་ལམ་བཅུ་འགྲོ་དགོས་པ་ལྟ་བུ་ལ། ཐུང་བ་ལ་ཕྱིན་ན་ཉི་མ་
གཅིག་གིས་སླེབ་བ་ལྟ་བུ་དང༌། བཞོན་རྟ་ཡོད་མེད་སོགས་ཀྱི་ཁྱད་པར་ལྟར་མདོ་སྔགས་ཀྱི་ལམ་ལ་ཡང་འབྲས་བུ་ལ་ཉེ་རིང་དང་མྱུར་བུ་ལ་དང་ས་གཅོད་ཆེ་མི་ཆེ་འོང་བ་ཡིན་ནོ། །གཉིས་པ་ནི། སྔགས་བླ་མེད་ཀྱི་ཆེད་དུ་བྱ་བའི་གདུལ་བྱ་གང་གིས་སྒྱུ་ལུས་ཐོབ་ན་ཚེ་འདིར་ངེས་བར་འཚང་རྒྱ་བར་
@050A ༄༅། །བཤད་པས་དེ་ནི་དབང་པོ་ཆོས་ཤིན་ཏུ་རྣོན་པོ་རིན་པོ་ཆེ་ལྟ་བུའི་གང་ཟག་གི་ནང་ནས་དབང་པོ་རྣོ་བ་ཡིན་ལ། ཚེ་འདིར་དེ་ཐོབ་མི་ནུས་པ་ལ་ཡང་གཉིས་ཡོད་དེ། སེམས་དབེན་ཐོབ་པ་འམ་ཐོབ་ནུས་པ་དང་ད་མི་ནུས་པའོ། །དང་པོ་ནི། བར་དོ་འགྲུབ་པའི་དོད་ལ་སྒྱུ་ལུས་སུ་ལྡང་ཏ་འཚང་རྒྱ་བ་འོང?་ལ་
གཉིས་པ་ལའང་རྫོགས་རིམ་གྱི་ངག་དབེན་མན་ཆད་ཐོབ་པ་དང༌། བསྐྱེད་རིམ་ཕྲ་རགས་མཐར་ཕྱིན་པ་དང༌། རགས་པ་ཙམ་མཐར་ཕྱིན་པ་དང༌། ལེགས་པར་གོམས་པ་དང༌། ཅུང་ཟད་གོམས་པ་དང༌། དབང་བསྐུར་ཙམ་ཐོབ་པ་སོགས་མང་ངོ། །དེ་རྣམས་ཀྱིས་འདིར་མཆོག་མི་འགྲུབ་ཀྱང༌། དང་བོ་བཞིས་
སྐྱེ་འཆི་བར་དོ་གསུམ་གྱི་སྐྱོན་རགས་པ་ཕལ་ཆེར་སྦྱངས་ཏེ། བསྲེ་བ་དང་འཕོ་བའི་མན་ངག་ལ་བརྟེན་ནས་ཕྱི་མ་ལ་སྔགས་འགྲུབ་པའི་རིག་འཛིན་གྱི་རྟེན་ཁྱད་པར་ཅན་དག་ཏུ་སྐྱེ་བ་བསྒྱུར་ཞིང༌། རྟེན་དེ་ལ་མཆོག་འགྲུབ་པར་བྱེད་ལ། ཕྱི་མ་གཉིས་ཀྱིས་ཀྱང་རྒྱུད་ལ་སྔགས་ཀྱི་བག་ཆགས་བཞག་པ་དང་ལྷའི་བྱིན་རླབས་ལ་
བརྟེན་ནས་ཕྱི་མར་ཞིང་འདིའམ་གཞན་དུ་རྟེན་བཟང་པོ་ཐོབ་སྟེ་སྔགས་ཀྱི་ལམ་ཉམས་སུ་ལེན་པར་འགྱུར་བ་འོང་ཞིང༌། འོན་ཀྱང་འཆི་བའི་ཚེ་འཕོ་བའི་མན་ངག་ལ་བརྟེན་དགོས་པའང་ཡིན་ནོ། །དབང་བསྐུར་རྣམ་དག་ཐོབ་ནས་དམ་ཚིག་དང་སྡོམ་པ་ལེགས་པར་སྲུང་བའི་གང་ཟག་གིས་སྔགས་ཀྱི་ལམ་ཆེར་མ་བསྒོམས་
ཀྱང་མྱུར་དུ་འཚང་རྒྱ་བར་གསུངས་པ་མ། སྔགས་ལ་ཞུགས་ནས་དམ་ཚིག་དང་སྡོམ་པ་སྲུང་བ་ནི་གནད་ཤིན་ཏུ་ཆེའོ། །ད་ལྟའི་གང་ཟག་ཁོ་བོ་ལྟ་བུ་ལ་ནི་དེ་ཡང་ཤིན་དུ་དཀའ་བས་ན། འཚང་རྒྱ་བ་ལྟ་ཞོག་ལམ་མཐོན་བོར་འགྲོད་བ་རང་ཤིན་དུ་དཀའོ། །འོན་ཀྱང་གསང་སྔགས་ལ་རང་གི་རྙེད་པ་བསྒྲུབ་པའི་ཆེད་དུ་མ་
ཡིད་བར་ཐོས་བསམ་བསྒོམ་གསུམ་གྱིས་བག་ཆགས་བཟང་པོ་འཇོག་པ་ནི་གལ་ཆེ་སྟེ། སྤྱིར་མི་ལུས་ཐོབ་པར་དཀའ་བས་དམ་པའི་ཆོས་དར་འཕྲད་བར་ཡང་དགའ། ཁྱད་པར་དུ་གསང་སྔགས་དང་འཕྲད་དཀའ་བས་ན་བག་ཆགས་རིམ་བཞག་ན་རྗེས་གསུངས་པ་ལྟར་སྔགས་སྤྱོད་པའི་སྐལ་ཆད་ཅན་དུ་འགྱུར་བའི་ཕྱིར་དང་
@050B རྗེའི་རྟོགས་བརྗོད་ལས་ཀྱང༌། འདི་ན་རྫོགས་སངས་རྒྱས་སུ་བགྲོད་པ་ལ། །ཟབ་མོ་རྡོ་རྗེའི་ཐེག་དང་ཕར་ཕྱིན་ཐེག །རྣམ་པ་གཉིས་ཡོད་གསང་སྔགས་ཕར་ཕྱིན་ལས། །ཤིན་དུ་ཁྱད་པར་འཕགས་པ་ཡིན་ནོ་ཞེས། །ཉི་མ་ཟླ་བ་ལྟ་བུར་ཀུན་དུ་གྲགས། །ཚིག་དེ་བདེན་པའི་ཚིག་ཏུ་འདོད་བཞིན་དུ། །ཟབ་
མོའི་ཐེག་དེ་ཇི་ལྟ་བུ་ཞིག་ཅེས། །འཚོལ་བར་མི་བྱེད་མཁས་པའི་ཁུར་འཛིན་པ། །དེ་འདྲ་དེ་ཡང་ཤེས་རབ་ཅན་ཡིན་ན། །དེ་ལས་གཞན་པའི་དབང་པོ་རྟུལ་པོ་གང༌། །ཤིན་ཏུ་འཕྲད་དཀའ་གོང་ན་མེད་པའི་ལམ། །འདི་འདྲ་ཡལ་བར་འདོར་བ་ཀྱེ་མའོ་མཚར། །དེ་ཉིད་ཕྱིར་ན་རྒྱལ་བའི་ཐེག་པ་མཆོག། སངས་རྒྱས་
ལས་ཀྱང་དཀོན་པའི་རྡོ་རྗེའི་ཐེག །དངོས་གྲུབ་གཉིས་ཀྱི་གཏེར་གྱུར་ཟབ་མོ་དེར། །ཞུགས་ནས་འབད་པ་མང་པོས་རིང་དུ་སྦྱངས། །ཞེས་གསུངས་པ་ལྟར་ཡིན་པའི་ཕྱིར་རོ། །སྨྲས་པ། མཐའ་ལས་གསུང་རབ་རྒྱ་མཚོའི་དབུས་ཉིད་ནས། །ལྷུན་པོ་མཆོག་ལྟར་མངོན་པར་འཕགས་གྱུར་པ། །གསང་སྔགས་རྒྱུད་སྡེ་
བཞི་དང་ཁྱད་པར་དུ། །རྣལ་འབྱོར་བླ་ན་མེད་པའི་རྒྱུད་སྡེའོ། །དེ་ཡི་ནང་ནས་ཤིན་དུ་ཆེས་ཟབ་པ། །དཔལ་ལྡན་གསང་བ་འདུས་པའི་རྒྱུད་རྒྱལ་ཏེ། །ཚིག་ཉུང་དོན་བསྡུས་ཟབ་ལས་ཆེས་ཟབ་འདིའི། །དགོངས་དོན་གླུ་སྒྲུབ་ཡབ་སྲས་རྣམས་ཀྱིས་ཕྱེ། །རྒྱུད་དང་འཕགས་པའི་དགོངས་བ་འགྲེལ་པ་ལ། །ལེགས་པར་ཞུགས་པའི་
མཁས་གྲུབ་ཆེས་མང་ཡང༌། །ཡོངས་སུ་རྫོགས་པར་ཇི་བཞིན་འགྲེལ་མཁས་པ། །ཀུན་མཁྱེན་བཙོང་ཁ་པ་ལས་གཞན་སུ་ཞིག །གཞུང་ལུགས་ཡངས་པའི་མཁའ་ལ་རབ་འཕགས་ཏེ། །དྲི་མེད་རིགས་པའི་མིག་གིས་བལྟས་པ་ན། །མགོན་འདིའི་ལེགས་བཤད་སྡོན་མེད་ཉི་ཟླའི་དྲུང༌། །གཞན་དག་རྒྱུ་སྐར་རྩེ་བ་
བཞིན་དུ་མཐོང༌། །དེ་ལྟའི་བླ་མ་མཆོག་དེས་མདོ་སྔགས་ཀྱི། །དགོངས་དོན་འགྲེལ་བའི་གསུངས་རབ་མང་མཆིས་ཀྱང༌། །ཉི་མ་ཟླ་བ་ལྟ་བུར་ཆེར་གྲགས་པ། །དེ་ནི་མདོ་སྔགས་ལམ་རིམ་རྣམ་གཉིས་སོ། །དེ་ལས་རྒྱུད་སྡེ་རྣམ་བཞིའི་བརྗོད་བྱ་ཀུན། །གཅིག་བསྡུས་སྟོན་པ་གསང་སྔགས་ལམ་རིམ་གྱི། །
@051A ༄༅། །དགོངས་པ་འགྲོལ་འདིར་ནོངས་པ་མཆིས་གྱུར་ན། །མཆོག་གསུམ་མཁས་པའི་ཚོགས་ཀྱིས་བཟོད་པར་བཞེས། །ལེགས་བཤད་ཡིན་མིན་དྲི་མེད་རྣམ་དཔྱོད་ཀྱིས། །འབྱེད་པར་མི་ནུས་ཕྱོགས་ལྷུང་གདོན་གྱི་དབང༌། །འཐད་དང་འཐད་མིན་ཅི་འདྲ་
བརྗོད་བྱེད་ཀྱང༌། །བདེན་མིན་བརྫུན་མིན་སྨྲས་བ་ཙམ་དུ་ཟད། །ཟབ་ཅིང་རྒྱ་ཆེ་དཔག་དཀའི་ག་འུད?་མཆོག་འདིར། །འབད་ཅིང་ལེགས་པར་བཤད་ལས་ཐོབ་པའི་དགེ །སྐྱེ་ཀུན་ལམ་བཟང་འདི་དང་མི་འབྲལ་ཞིང༌། །རྒྱལ་བའི་དམ་ཆོས་མ་ལུས་འཛིན་ཕྱིར་བསྔོ། །ཅེས་སྔགས་རིམ་ཆེན་མོའི་དགོངས་པ་ཡང་
གསལ་སྒྲོན་མེ་ལེགས་པར་བཤད་པའི་སྣང་བ་ཞེས་བྱ་བ་འདི་ནི། མདོ་སྔགས་ཀྱི་གཞུང་དུ་མ་ལ་མཁྱེན་རབ་ཕུལ་དུ་བྱུང་བའི་སྐྱིད་ཐང་གནས་བརྟན་རིག་པ་འཛིན་པ་རྒྱལ་མཚན་དཔལ་བཟང་པོ་ཞེས་བགྱི་བས། རྗེ་བླ་མའི་དགོངས་པ་དང་མཐུན་པར་འདི་ལྟ་བུ་ཞིག་གྱིས་དང་ཁོ་བོས་དེའི་མཐུན་རྐྱེན་མཐའ་དག་སྦྱར་ནས་པར?་ཏུ་
བསྒྲུབ་པོ་ཞེས་གོས་ཀྱི་ཟླ་གམ་གནང་སྦྱིན་བཅས་བསྐུལ་བའི་ངོར་སླར་ཅོ་ནེའི་མཁན་ས་དང་མཚན་ཉིད་ཀྱི་བླ་ས་ཟུང་འབྲེལ་གྱིས་སྐྱོང་བ་ཤཱཀྱའི་དགེ་སློང་རིགས་པ་སྨྲ་བ་གྲགས་པ་བཤད་སྒྲུབ་ཀྱིས་སློབ་དཔོན་རྡོ་རྗེ་འཆང་བློ་བཟང་སྦྱིན་པ་སོགས་ཀྱི་བཀའ་དྲིན་དང༌། ཁྱད་པར་རྡོ་རྗེ་འཆང་གི་ལམ་གྱི་རིམ་པ་སོགས་གསང་
སྔགས་ཀྱི་གཞུང་དུ་མ་ལ་ལེགས་པར་འདྲིས་པར་བྱས་ནས། མི་ལུག་ལོར་ཅོ་ནེ་དགོན་ཉིད་དུ་ལེགས་པར་སྦྱར་བའོ། །འདིས་ཀྱང་རྒྱལ་བ་གཉིས་བའི་བསྟན་པ་ལ་ཕན་ཐོགས་པར་གྱུར་ཅིག་བཀྲ་ཤིས། དགེ་ལེགས་འཕེལ། བྷ་ཝནྟུ། །
@051B [BLANK PAGE]