[སྔོན་འགྲོའི་དཔར་གཞི།]་
@001A ༄༅། yc+།གསང་བདེ་འཇིགས་གསུམ་གྱི་བླ་མའི་རྣལ་འབྱོར་བཞུགས་སོ། །-yc་
@001B ༄༅༅། yc+།ན་མོ་གུ་རུ་བཛྲ་དྷཱ་ར་ཡེ། གང་ཞིག་བསྟེན་ན་མཆོག་ཐུན་གྱི། །དངོས་གྲུབ་བདེ་བླག་སྟེར་མཛད་པའི། །བླ་མ་རྡོ་རྗེ་འཆང་ཆེན་ཞབས། །གུས་མཆོད་བླ་མའི་རྣལ་འབྱོར་བཤད། yc+།སྐལ་བ་དང་ལྡན་པའི་གདུལ་བྱ་རྣམས་ཀྱིས་ཉམས་སུ་བླང་བར་བྱ་བའི་རིམ་
པ་མང་ཡང༌། ཆེས་མཆོག་ཏུ་གྱུར་བ་ནི་རྣལ་འབྱོར་བླ་མེད་ཀྱི་རིམ་གཉིས་ཡིན་ལ། དེའི་ནང་ནས་ཀྱང་གསང་བ་དེ་འཇིགས་གསུམ་གྱི་རིམ་པ་གཉིས་ཉམས་སུ་ལེན་དགོས་པར་བཤད་པས། འདིར་དེ་དག་གི་ཡང་སྙིང་བླ་མ་དང་ཡི་དམ་ཐ་མི་དད་པའི་རྣལ་འབྱོར་ཇི་ལྟར་ཉམས་སུ་ལེན་ཚུལ་ཅུང་ཟད་རྒྱས་པའི་དབང་དུ་བྱས་པ་རྗེ་ཡབ་སྲས་
ཀྱི་མན་ངག་པཎ་ཆེན་གོང་མ་སོགས་ཀྱི་གསུངས་ལས་འབྱུང་བ་བཞིན། རྒྱུན་གྱི་ཉམས་ལེན་དུ་འཁྱེར་བདེར་དགོད་པ་ལ་གསུམ། གསང་འདུས། བདེ་མཆོག །འཇིགས་བྱེད་གྱི་བླ་མའི་རྣལ་འབྱོར་རོ། །དང་པོ་ནི། དབང་བསྐུར་ཐོབ་ཅིང་དམ་ཚིག་དང་ལྡན་པས་སྐྱབས་འགྲོ་སེམས་བསྐྱེད་ཚད་མེད་རྣམས་རྒྱས་བསྡུས་ཅི་རིགས་སྔོན་དུ་
བཏང་ནས། རང་ཉིད་སྐད་ཅིག་གིས་ཞེ་སྡང་རྡོ་རྗེ་ཞལ་གསུམ་ཕྱག་དྲུག་པ་ཡུམ་དང་བཅས་པའི་སྐུར་བཞེངས་པར་གྱུར་བར་བསམས་ལ། ནང་མཆོད་དང་མཆོད་པ་རྣམས་དངོས་སུ་ཡོད་ན་ཕུན་སུམ་འཚོགས་པ་ཡིན་པས། བྱིན་རླབས་ཆོ་གའི་གཞུང་ལྟར་རམ། བསྡུ་ན། བི(GH'NA) ཏ་ཀྲྀ་ཏ་ཀྱིས་བསངས?་
སྭ་བྷཱ་ཝས་སྦྱངས། སྟོང་བའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་མཆོད་པ་རྣམས་རང་བཞིན་སྟོང་པ། རྣམ་པ་མཆོད་རྫས། བྱེད་ལས་དབང་པོ་དྲུག་གི་སྤྱོད་ཡུལ་དུ་
ཐག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨཱཿ ཧཱུཾ། yc+ལན་གསུམ་གྱིས་བརླབ།-yc་རང་གི་སྤྱི་བོ་འམ། མདུན་གྱི་ནམ་མཁར་སྣ་ཚོགས་པདྨ་འདབ་མ་སྟོང་དང་ལྡན་པའི་ལྟེ་བར་སེ་གེས་བཏེག་པའི་རིན་པོ་ཆེའི་ཁྲིའི་སྟེང་དུ་པདྨ་དང་ཟླ་བ་ཉི་མའི་དཀྱིལ་འཁོར་གྱི་
@002A ༄༅། །གདན་ལ། རྩ་བའི་བླ་མ་དེ་ཉིད་རྣམ་པ་རྒྱལ་བ་རྡོ་རྗེ་འཆང་ཀུ་མདོག་སྔོན་པོ་མི་བསྐྱོད་པའི་དབུ་རྒྱན་ཅན། སྔོ་དཀར་དམར་བའི་ཞལ་གསུམ་ཕྱག་དྲུག་གི་གསལ་རྡོ་རྗེ་འཁོར་ལོ་པདྨ། གཡོན་དྲིལ་བུ་རིན་ཆེན་རལ་གྲི་འཛིན་པ། དབུ་སྐྲ་རལ་པའི་ཐོར་ཚུགས་ཅན༌།
མཚན་བཟང་པོ་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུས་བརྒྱན་པ། ཡུམ་རེག་བྱ་རྡོ་རྗེས་སྔོན་མོ་མི་བསྐྱོད་བའི་དབུ་རྒྱན་ཅན། སྔོ་དཀར་ནས་རལ་གྲི་འཛིན་པ། དབུ་སྐྲ་རལ་བ་བྱེད་བཅིངས་སུ་བྱས་པ། ཤིན་ཏུ་སྒེག་ཅིང་བཞིན་འཛུམ་པ་དང་ལྡན་པ། ཟུར་གྱིས་ལྟ་བ་ལ་སོགས་པའི་རྣམ་
འགྱུར་གྱིས་མཛེས་པ། ལང་ཚོ་དར་ལ་བབ་ཅིང་འདོད་ཡོན་ལྔའི་དགའ་བས་རོལ་བ། ཡབ་ཡུམ་གཉིས་ཀའི་ཕྱག་དང་པོ་གཉིས་ཀྱིས་ཕན་ཚུན་དུ་ལ་བྱུང་པ། གཉིས་ཀའང་ནས། ཤམ་ཐབས་འབྱར་བ། འོད་ཀྱི་དཀྱིལ་འཁོར་གྱིས་བསྐོར་བའི་དབུས་ན་ཡབ་སེམས་དཔའི་སྐྱིལ་མོ་ཀྲུང་གིས་བཞུགས་
པར་གྱུར། དེའི་ཐུགས་ཀར་མི་བསྐྱོད་པ། སྤྱི་བོར་རྣམ་པར་སྣང་མཛད། མགྲིན་བར་འོད་དཔག་མེད། ལྷེ་བར་རིན་ཆེན་འབྱུང་ལྡན། བརླའི་རྩ་བར་དོན་ཡོད་གྲུབ་པ། ལྟེ་བར་སྤྱན་མ། སྙིང་གར་མཱ་མ་ཀི། མགྲིན་པར་གོས་དཀར་མོ།། སྤྱི་གཙུག་ཏུ་སྒོལ་མ། མིག་ཏུ་སའི་སྙིང་པོ།། རྣ་བར་ཕྱག་ན་རྡོ་རྗེ༌།
སྣར་ནམ་མཁའི་སྙིང་པོ།། ལྕེར་འཇིག་རྟེན་དབང་ཕྱུག། སྙིང་གར་འཇམ་དཔལ། གསང་གནས་སུ་སྒྲིབ་བ་རྣམ་སེལ། ཚིགས་རྣམས་ལ་ཀུན་ཏུ་བཟང་པོ།། སྤྱི་གཙུག་ཏུ་བྱམས་པ། མིག་གི་སྒོར་གཟུགས་རྡོ་རྗེས། རྣ་བའི་སྒོར་སྒྲ་རྡོ་རྗེས། སྣའི་སྒོར་དྲི་རྡོ་རྗེ་མ། ཁའི་སྒོར་རོ་རྡོ་རྗེ་མ། རྡོ་རྗེའི་སྒོར་རེག
བྱ་རྡོ་རྗེ་མ། ལག་པ་གཡས་ལ་གཤིན་རྗེའི་གཤེད། ལག་པ་གཡོན་ལ་གཞན་གྱིས་མི་ཐུབ་པ། ཁ་ལ་རྟ་མགྲིན། རྡོ་རྗེ་ལ་བདུད་རྩི་འཁྱིལ་པ། དབུང་བ་གཡས་བའི་རྩ་བར་མི་གཡོ་བ།། དབུང་བ་གཡོན་པའི་རྩ་བར་འདོད་པའི་རྒྱལ་པོ།། པུས་མོ་གཡས་ལ་དབྱུག་སྔོན་ཅན། པུས་མོ་གཡོན་ལ་
@002B སྟོབས་པོ་ཆེ། སྤྱི་གཙུག་ཏུ་གཙུག་ཏོར་འཁོར་ལོས་བསྒྱུར་བ། རྐང་མཐིལ་གཉིས་སུ་གནོད་མཛེས་རྒྱལ་པོ། །དེའི་མཐར་རྩ་བརྒྱུད་ཀྱི་བླ་མ་རྣམས་དང༌། ཡི་དམ་དཀྱིལ་འཁོར་གྱི་ལྷ་ཚོགས། སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་རྣམས་ཀྱིས་བསྐོར་ནས་
བཞུགས་པ། སོ་སོའི་མདུན་དུ་རང་རང་གི་ལུང་གི་དམ་པའི་ཆོས་རྣམས་གསུང་རབ་པོ་ཏིའི་རྣམ་པ་ཅན་དུ་འཁོད་པར་གྱུར། གཙོ་འཁོར་ཐམས་ཅད་ཀྱི་སྤྱི་བོར་སྐུ་རྡོ་རྗེའི་ངོ་བོ་ཨོཾ་དཀར་པོ། །མགྲིན་པར་གསུང་རྡོ་རྗེའི་ངོ་བོ་ཨཱཿ དམར་པོ། །ཐུགས་ཀར་ཐུགས་རྡོ་རྗེའི་ངོ་བོ་ཧཱུཾ་སྔོན་པོས་མཚན་པར་གྱུར༌།
རང་ཉིད་མི་བསྐྱོད་རྡོ་རྗེས་གསལ་བའི་ཐུགས་ཀར་སྣ་ཚོགས་པདྨ་དང་ཉི་མ་ལ་གནས་པའི་ཧཱུཾ་སྔོན་པོའི་འོད་ཟེར་ལྕགས་ཀྱུའི་རྣམ་པ་ཅན་གྱིས་རང་བཞིན་གྱི་གནས་ནས་བླ་མ་དང་གཉིས་སུ་མེད་པའི་མི་བསྐྱོད་པའི་དཀྱིལ་འཁོར་ལ་བླ་མ་རྒྱལ་བ་སྲས་བཅས་ཀྱིས་བསྐོར་བ་མདུན་གྱི་ནམ་མཁར་སྤྱན་དྲངས། མ་ལུས་
འགྲོ་བའི་རང་བཞིན་མངོན་དུ་མཛད། yc+།ཞེས་སོགས་ཚིགས་བཅད་གཅིག་གི་མཐར།-yc་ཨོཾ་བཛྲ་ས་མཱ་ཡ་ཛཿ ཛཿ ཛཿ ཧཱུཾ་བཾ་ཧོཿ། དམ་ཚིག་པ་དང་གཉིས་སུ་མེད་པར་གྱུར། ལྷ་སོ་སོའི་རིགས་བདག་ཞལ་གཅིག་ཕྱག་གཉིས་པ་ཡབ་ཡུམ་གྱིས་བྱང་ཆུབ་ཀྱི་སེམས་ཀྱིས་ལྷ་སོ་སོ་ལ་དབང་བསྐུར་བར་གྱུར། གང་གི་དྲིན་
གྱི་བདེ་ཆེན་གནས། yc+།ཞེས་སོགས་དང༌།-yc་རྨད་བྱུང་མཚན་དཔེའི་དཔལ་འབར་yc+སོགས་ཚིགས་བཅད་གཅིག་དང༌།-yc་གང་ཞིག་གཟུགས་དང་ཚོར་བ་བདུད་ཤེས་འདུ་བྱེད་དང༌། yc+།ཞེས་པ་ནས།-yc་རྨོངས་དང་ཞེ་སྡང་འདོད་ཆགས་སྒྲིབ་པ་རྡོ་རྗེ་སྟེ། །བྱང་ཆུབ་སེམས་འདྲ་རྒྱ་ཆེན་དེ་ལ་ཕྱག་འཚལ་ལོ། །ཕྱག་བྱང་འོས་ལ་སོགས་ཀྱིས་
yc+ཕྱག་བྱ། དེ་ནས།-yc་རང་གི་སྙིང་གའི་ཧཱུཾ་ལས་བྱུང་བའི་མཆོད་པའི་ལྷ་མོ་རྣམས་ཀྱིས་མཆོད་པར་གྱུར། ཨོཾ་སརྦ་ཏ་ཐཱ་ག་ཏ་ཨརྒྷཾ་པཱུ་ཛ་མེ་གྷ་ནས། སྤ་དྴ་པཱུ་ཛ་ཡེ་ལྷངས་མུ་དྲ་སྥ་ར་ཎ་ས་མ་ཡེ་ཤྲཱི་ཡེ་ཨཱཿ ཧཱུཾ་དང༌། ཞིང་འདི་རིན་ཆེན་སྣ་བདུན་གྱིས། yc+།སོགས་དང༌།-yc་བདག་གཞན་ལུས་ངག་ཡིད་གསུམ་yc+སོགས་ཀྱིས-yc་
@003A ༄༅། yc+།མཎྜལ་དང་བཅས་པའི་གྱི་མཆོད་དང༌།-yc་ཨོཾ་གུ་རུ་སརྦ་བུདྡྷ་བོ་དྷི་སཏྭ་ས་པ་རི་ཝཱ་ར་ཨོཾ་ཨཱཿ ཧཱུཾ་yc+གིས་ནང་མཆོད་དང༌།-yc་བླ་མ་ཡབ་ཡུམ་སྙོམས་པར་ཞུགས་པས་བྱང་ཆུབ་ཀྱི་སེམས་ཞུ་བས་ལྷན་སྐྱེས་ཀྱི་དགའ་བ་ཉམས་སུ་མྱོང་ཞིང༌། བདེ་བས་སྟོང་པ་ངེས་པའི་བདེ་སྟོང་དབྱེར་མེད་དུ་སྦྱར་བས༌།
གསང་བ་དང་དེ་ཁོ་ན་ཉིད་ཀྱི་མཆོད་པས་མཉེས་པར་གྱུར་པར་བསམ། yc+དེ་ནས་བླ་མ་རྡོར་འཛིན་མ་སོ་ཤས་བཤགས་པ་ཅི་རིགས་དང༌།-yc་གང་ཞིག་ཐོག་མེད་སྲིད་པའི་ཆུ་ཀླུང་དུ། yc+།ཞེས་པ་ནས།-yc་བྱང་ཆུབ་ཏུ་ནི་ཡོངས་སུ་བསྔོ་བར་བགྱི། yc+།ཞེས་པའི་བར་དང༌།-yc་ཡིད་ཀྱི་རོལ་པ་དྲི་མེད་ཟླ་འདྲས་བསྒྲུབས། yc+།ནས།-yc་ཡང་དག་ཉིད་དུ་ད་ནི་
གནས་པར་བགྱི། yc+།ཞེས་པའི་བར་དང༌། སྤྲོ་ན་རིགས་ལྔའི་སྡོམ་བཟུང་ཀྱང་བྱ་བར་གསུང༌། དེ་ནས་བླ་མ་རྡོ་རྗེ་འཆང་དེ་ཉིད་མཆོག་གསུམ་ཀུན་འདུས་ཀྱི་བདག་ཉིད་དུ་མོས་ལ།-yc་བླ་མ་ཀུན་འདུས་ཀྱི་ངོ་བོ་བླ་མ་རིན་པོ་ཆེ་ལ་གསོལ་བ་འདེབས་སོ། །ཡི་དམ་ཀུན་འདུས་(X)། སངས་རྒྱས་ཀུན་འདུས་(X)། དམ་ཆོས་ཀུན་འདུས་(X)། འཕགས་ཚོགས་
ཀུན་འདུས་(X)། སྐྱབས་གནས་ཀུན་འདུས་(X)། དངོས་གྲུབ་ཀུན་གྱི་འབྱུང་གནས་བླ་མ་རིན་པོ་ཆེ་ལ་གསོལ་བ་འདེབས་སོ། །ཞེས་སྙིང་ཐག་པ་ནས་ཅི་ནུས་བརྗོད་བའི་མཐར། བདག་གི་བློ་ཆོས་སུ་འགྲོ་བར་བྱིན་གྱིས་བརློབ་ཏུ་གསོལ། །བཤེས་གཉེན་ལ་མ་དད་པ་དང་ལོག་པར་ལྟ་བ་དང་དུག་གསུམ་ལ་
སོགས་པ་ཕྱིན་ཅི་ལོག་གི་བློ་སྣ་མཐའ་དག་འགག་པར་བྱིན་གྱིས་བརློབ་ཏུ་གསོལ། དད་པ་དང་ངེས་འབྱུང་དང་བྱམས་སྙིང་རྗེ་བྱང་ཆུབ་ཀྱི་སེམས་ཡང་དག་པའི་ལྟ་བ་ལམ་རིམ་པ་གཉིས་ལ་སོགས་པ་ཕྱིན་ཅི་མ་ལོག་པའི་རྟོག་པ་མཐའ་དག་མྱུར་དུ་རྒྱུད་ལ་སྐྱེ་བར་བྱིན་གྱིས་བརློབ་ཏུ་གསོལ།
yc+ཞེས་ལན་གསུམ་སོགས་ཀྱིས་བྱིན་རླབས་ཞུ།-yc་དེ་ལྟར་གསོལ་བ་བཏབ་པས། བླ་མ་ལྷ་ཚོགས་རྣམས་ཀྱི་སྐུའི་ཆ་ལས་བདུད་རྩི་འོད་ཟེར་ལྔ་དང་འདྲེས་པའི་རྒྱུན་དཔག་ཏུ་མེད་པ་བྱུང༌། རང་དང་སེམས་ཅན་ཐམས་ཅད་ཀྱི་སྤྱི་བོ་ནས་ཞུགས་པས་ནད་གནོད་སྡིག་སྒྲིབ་ཐམས་ཅད་སྦྱངས། ཚེ་དཔལ་བསོད་
@003B ནམས་དྲང་ལུང་རྟོགས་ཀྱི་ཡོན་ཏན་ཐམས་ཅད་འཕེལ་ཞིང་རྒྱས་པར་བྱས་ནས། བླ་མ་རྡོ་རྗེ་འཆང་གི་སྐུར་གྱུར། སླར་ཡང་འོད་དང་བདུད་རྩིའི་ཚོགས་སྤྲོས་ཏེ། སྣོད་ཀྱི་མ་དག་པ་སྦྱངས་ནས་དག་པའི་ཞིང་དུ་བསྒྱུར་བས་སྣོད་ཐམས་ཅད་དག་པའི་ཞིང་དང་བཅུད་ཀྱི་སེམས་ཅན་ཐམས་ཅད་ལྷ་དང་ལྷ་མོའི་རྣམ་
རོལ་ཏུ་གྱུར་པར་བསམས་ལ་མཉམ་པར་འཇོག །དེ་ནས། བྱང་ཆུབ་རྡོ་རྗེས་སངས་རྒྱས་ལ། །མཆོད་ཆེན་ཇི་ལྟར་སྩལ་བ་ལྟར། །བདག་ཀྱང་རབ་ཏུ་བསྒྲལ་བའི་ཕྱིར། །ནམ་མཁའི་རྡོ་རྗེས་དེང་བདག་སྩོལ། yc+།ཞེས་ལན་གསུམ་མམ་གཅིག་གིས་གསོལ་བ་གདབ།-yc་བླ་མ་དང་གཙོ་བོ་ཐ་མི་དད་པའི་ཐུགས་ཀའི་ཧཱུཾ་གི་འོད་ཟེར་གྱིས་
རྒྱལ་བ་སྲས་བཅས་ཐམས་ཅད་འདུས་པའི་ལྷ་སོ་གཉིས་ཀྱི་དཀྱིལ་འཁོར་བའི་རྣམ་པར་སྤྱན་དྲངས། དབང་བསྐུར་རྡོ་རྗེ་ཆེན་པོ་སྟེ། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་པའི། །གནས་ལས་བྱུང་བར་སྦྱིན་པར་བྱ། །ཨོཾ་ཨཱཿ སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་
མ་ཡ་ཤྲཱི་ཡེ་ཧཱུཾ། ཞེས་གསུངས་ཤིང་བདུད་རྩིའི་ཆུ་རྒྱུན་གྱིས་སྤྱི་བོ་ནས་དབང་བསྐུར་བས་ལུས་ཐམས་ཅད་གང༌། བདེ་བ་ཆེན་པོ་མྱོང༌། དྲི་མ་ཐམས་ཅད་དག །ཆུ་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས་མི་བསྐྱོད་པས་དབུ་བརྒྱན་པར་གྱུར། དེས་བུམ་པའི་དབང་ཐོབ། ལུས་ཀྱི་དྲི་མ་དག །
ལམ་བསྐྱེད་རིམ་བསྒོམ་པ་ལ་དབང་བར་བྱས། འབྲས་བུ་སྤྲུལ་སྐུ་འགྲུབ་པའི་ནུས་པ་ཁྱད་པར་ཅན་བཞག །བླ་མ་ཡབ་ཡུམ་གྱི་སྦྱོར་མཚམས་ནས་སྤྲོས་པའི་འོད་ཟེར་གྱིས་ཕྱོགས་བཅུའི་རྒྱལ་བ་ཐམས་ཅད་སྤྱན་དྲངས་ཏེ། །སྐུ་ལ་ཞུགས་པས་ཆགས་པ་ཆེན་པོའི་མེས་ཞུ་བའི་བྱང་ཆུབ་ཀྱི་སེམས་
སུ་གྱུར། །ཨོཾ་ཨཱཿ བཛྲ་དྷྲྀ་ཀ་ཧཱུཾ། ཞེས་གསུངས་ཏེ། བླ་མ་ཡབ་ཡུམ་གྱི་བྱང་སེམས་རང་གི་ལྕེའི་སྟེང་དུ་བཞག་བ་མྱང་བས་བདེ་སྟོང་དབྱེར་མེད་ཀྱི་ཡེ་ཤེས་སྐྱེས་གསང་བའི་དབང་ཐོབ། ངག་གི་དྲི་མ་དག། སྒྱུ་མའི་སྐུ་བསྒོམ་པ་ལ་དབང་བར་བྱས། འབྲས་བུ་ལོངས་སྤྱོད་རྫོགས་པའི་སྐུ་འགྲུབ་པའི་ནུས་པ་ཁྱད་
@004A ༄༅། །བར་ཅན་བཞག །བླ་མ་དང་གཙོ་བོ་ཐ་མི་དད་པའི་ཡུམ་ལས་རེག་བྱ་རྡོ་རྗེ་མ་གཉིས་པ་ཞིག་ཆད་ནས་རང་གི་ཡུམ་ལ་ཐིམ། དེ་དང་སྙོམས་པར་ཞུགས་པས་བདེ་སྟོང་དབྱེར་མེད་ཀྱི་ལྷན་ཅིག་སྐྱེས་པའི་ཡེ་ཤེས་རྒྱུད་ལ་སྐྱེས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག
དོན་དམ་འོད་གསལ་བསྒོམ་པ་ལ་དབང་བར་བྱས། འབྲས་བུ་ཆོས་ཀྱི་སྐུ་འགྲུབ་པའི་ནུས་པ་ཁྱད་པར་ཅན་བཞག །དེ་ནས་བླ་མ་དང་གཙོ་བོ་ཐ་མི་དད་པས། ཁྱོད་ཀྱིས་དབང་གསུམ་པ་ཐོབ་པའི་སྐབས་སུ་རང་དང་རིག་མ་གཉིས་ཀྱི་ལུས་འདོད་ལྷ་ཡབ་ཡུམ་དུ་སྣང་བཞིན་བའི་དུས་ན་སེམས་ལྷན་སྐྱེས་ཀྱི་
དགའ་བས་དེ་ཁོ་ན་ཉིད་ཀྱི་དོན་ངེས་པ་གཉིས་མཉམ་དུ་ཡོད་པ་ལྟར། མཐར་རླུང་སེམས་ཙམ་ལས་གྲུབ་པའི་ཡོངས་སྤྱོད་རྫོགས་པའི་སྐུ་དང༌། ཐུགས་ལྷན་སྐྱེས་ཀྱི་དགའ་བས་སྟོང་པ་ཉིད་མངོན་དུ་བྱས་པའི་ཡེ་ཤེས་གཉིས་ངོ་བོ་དབྱེར་མི་ཕྱེད་པའི་ཟུང་འཇུག་གི་གོ་འཕང་འགྲུབ་པར་བྱེད་དེ། དེ་ནི་ཐོབ་བྱ་
དོན་གྱི་དབང་བཞི་པ་ཡིན་ནོ་ཞེས་གསུང༌། དེས་དབང་བཞི་པ་ཐོབ། སྒོ་གསུམ་གྱི་དྲི་མ་དག །ཟུང་འཇུག་བསྒོམ་པ་ལ་དབང་བར་བྱས། འབྲས་བུ་རྡོ་རྗེ་འཆང་གི་སྐུ་འགྲུབ་པའི་ནུས་པ་ཁྱད་པར་ཅན་བཞག་གོ yc+།དབང་བཞི་བསྡུ་ན། བླ་མའི་གནས་གསུམ་གྱི་ཡི་གེ་གསུམ་ལས་ཏིང་ངེ་འཛིན་གྱི་དབང་བཞི་ལེན་པར་གསུངས་
ཏེ༑ དེ་ཡང་བྱང་ཆུབ་རྡོ་རྗེ་ཞེས་སོགས་ཀྱི་རྐང་པ་བཞི་པའི་མཐར།-yc་བླ་མའི་སྤྱི་བོའི་ཨོཾ་ལས་འོད་དང་བདུད་རྩི་དཀར་པོའི་ཚོགས་བྱུང༌། རང་གི་སྤྱི་བོར་ཞུགས་ནས་ལུས་ཀྱི་དྲི་མ་དག །བུམ་པའི་དབང་ཐོབ་སོགས་སྔར་བཞིན་དང༌། བླ་མའི་མགྲིན་པའི་ཨཱཿ ལས་འོད་དང་བདུད་རྩི་དམར་པོའི་ཚོགས་བྱུང༌། རང་གི་མགྲིན་པར་ཞུགས་
ངག་གི་དྲི་མ་དག yc+སོགས་དང༌།-yc་བླ་མའི་ཐུགས་ཀའི་ཧཱུཾ་ལས་འོད་དང་བདུད་རྩི་སྔོན་པོའི་ཚོགས་བྱུང༌། །རང་གི་སྙིང་ཀར་ཞུགས། ཡིད་ཀྱི་དྲི་མ་དག །ཤེས་རབ་ཡེ་ཤེས་ཀྱི་དབང་ཐོབ་yc+སོགས་དང༌།-yc་བླ་མའི་གནས་གསུམ་གྱི་ཡི་གེ་གསུམ་ལས་འོད་དང་བདུད་རྩི་དཀར་དམར་མཐིང་གསུམ་བྱུང༌། རང་གི་སྤྱི་བོ་
@004B མགྲིན་པ་སྙིང་ཀ་གསུམ་དུ་ཞུགས་པས། སྒོ་གསུམ་གྱི་དྲི་མ་དག་དབང་བཞི་པ་ཐོབ་yc+སོགས་སྔར་བཞིན་བྱའོ། །སླར་ཡང༌།-yc་སྐྱབས་གནས་ཀུན་འདུས་ཀྱི་བདག་ཉིད་བླ་མ་རིན་པོ་ཆེ་གསོལ་བ་འདེབས་སོ། །ཁྱེད་རྣམས་ཀྱིས་བདག་གི་རྒྱུད་ལ་ཕྱིན་ཅི་ལོག་གི་བློ་སྣ་འགག་པ་དང༌། ཕྱིན་ཅི་མ་ལོག་པའི་བློ་སྣ་མཐའ་དག
སྐྱེ་བར་བྱིན་གྱིས་བརློབ་ཏུ་གསོལ། yc+ཞེས་ཅི་ནུས་བརྗོད་པའི་མཐར།-yc་ཞེས་གསོལ་བ་བཏབ་པས། བླ་མ་འཁོར་དང་བཅས་པའི་སྐུ་ལས་འོད་དང་བདུད་རྩིའི་ཚོགས་དཔག་ཏུ་མེད་བ་བྱུང་སྟེ། རང་དང་སྣོད་བཅུད་ཐམས་ཅད་ལ་འཕོག་པས་དེ་རྣམས་ཀྱི་སྐྱོན་ཐམས་ཅད་སྦྱངས། སྣོད་ཐམས་ཅད་དག་པའི་ཞིང་དང༌། བཅུད་
ཐམས་ཅད་རྡོ་རྗེ་འཆང་གི་སྐུར་གྱུར། བླ་མའི་ཐུགས་ཀའི་ཧཱུཾ་གི་འོད་ཟེར་གྱིས་མཐའ་སྐོར་གྱི་རྒྱལ་བ་སྲས་བཅས་ཐམས་ཅད་བཀུག་ནས་བླ་མ་ཡབ་ཡུམ་གྱི་སྐུ་ལ་ཞུགས། དེ་གཉིས་ཀྱང་དགྱེས་བཞིན་དུ་རང་གི་སྤྱི་བོ་ནས་ཞུགས་ཏེ་དབུ་མའི་ལམ་བརྒྱུད། སྙིང་ག་ཆོས་ཀྱི་འཁོར་ལོའི་དབུས་སུ་པདྨའི་གདན་ལ་
བཞུགས་པ་དང༌། རང་ཞེ་སྡང་རྡོ་རྗེ་སེམས་དཔའ་སུམ་བརྩེགས་ཅན་དུ་གྱུར་yc+པར་བསམས་ལ་ཧཱུཾ་ཡིག་སྔགས་འཕྲེང་དང་བཅས་པ་ལ་དམིགས་ནས།-yc་ཨོཾ་ཨཱཿ བཛྲ་དྷྲྀ་ཀ་ཧཱུཾ་ཧཱུཾ། ཞེས་ཅི་ནུས་བཟླ་ཞིང༌། མཇུག་ཏུ། དགེ་བ་འདི་ཡིས་མྱུར་དུ་བདག yc+།ཞེས་སོགས་ཚིགས་བཅད་གཉིས་དང༌། སྐྱེ་བ་ཀུན་དུ་ཡང་དག་བླ་མ་དང༌། །ཞེས་སོགས་ཀྱིས་བསྔོ་སྨོན་
བྱའོ།། yc+།།གཉིས་པ་བདེ་མཆོག་གི་བླ་མའི་རྣལ་འབྱོར་ནི། འདི་ལྟར།-yc་བླ་མ་འཁོར་ལོ་སྡོམ་པ་སོགས། །མཆོག་གསུམ་རྣམས་ལ་གུས་ཕྱག་འཚལ། །སེམས་ཅན་ཀུན་གྱི་དོན་གྱི་ཕྱིར། །བདག་གིས་བྱང་ཆུབ་སེམས་བསྐྱེད་དོ། yc+།ཞེས་སྐྱབས་སེམས་ལན་གསུམ་དང༌།-yc་སེམས་ཅན་ཐམས་ཅད་སྡུག
བསྔལ་ཐམས་ཅད་དང་བྲལ་བར་གྱུར་ཅིག །སེམས་ཅན་ཐམས་ཅད་བདེ་བ་ཐམས་ཅད་དང་ལྡན་པར་གྱུར་ཅིག །སེམས་ཅན་ཐམས་ཅད་ཐོབ་ཟིན་པའི་བདེ་བ་བརྟན་པར་གྱུར་ཅིག །སེམས་ཅན་ཐམས་ཅད་ཡིད་དེ་བཞིན་ཉིད་ལ་རོ་གཅིག་ཏུ་གནས་པར་གྱུར་ཅིག yc+།ཅེས་ཚད་མེད་བཞི་བསྒོམ། དེ་ནས-yc་ཤྲཱི་ཧེ་རུ་ཀ། ཧེ་ནི་
@005A ༄༅། །ཀུན་གྱི་འགྱུང་གནས་སུ་གྱུར་པའི་སེམས་ཏེ། རྒྱུའི་བདག་ཉིད་དུ་བརྟགས་པར་བྱ་བས་སྟོང་པའི་ཆོས་ཀྱི་བདག་མེད་པ་དང༌། རུ་ནི་གང་ཟག་གི་བདག་ཏུ་འཛིན་པའི་རྣམ་རྟོག་གི་དྲ་བས་བཀོད་པའི་བདག་དང་བྲལ་བའི་གང་ཟག་གི་བདག་མེད་པ་དང༌། ཀ་ནི་དེ་ཁོ་ན་ཉིད་ཀྱི་
ཡུལ་ཡུལ་ཅན་གཉིས་མི་མཐུན་པར་སོ་སོར་གཉིས་སུ་མི་གནས་པ་དང་ཤྲཱི་ནི་ཡུལ་སྟོང་ཕ་ཉིད་ཇི་འདྲ་བ་དེ་བཞིན་དུ་རྗེས་སུ་ཞུགས་པའི་གཉིས་སུ་མེད་པའི་ཡེ་ཤེས་ཨེ་ཝཾ་གྱི་དོན་ནོ། །སྟོང་པའི་ངང་ལས་སྐད་ཅིག་གི་རང་ཉིད་ཧེ་རུ་ཀ་སྔོན་པོ་ཞལ་གཅིག་ཕྱག་གཉིས་ཀྱི་རྡོ་རྗེ་དང་དྲིལ་བུ་འཛིན་པ་
གཡས་བརྐྱང་གིས་བཞུགས་པ། ཡུམ་རྡོ་རྗེ་ཕག་མོ་དམར་མོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་ཐོད་པ་འཛིན་པས་འཁྱུད་བར་གྱུར། ཤྲཱི་ཧེ་རུ་ཀོ(NYRA) ཧཾ། yc+ལན་གསུམ་དང༌།-yc་ཨོཾ་ཨ་ཨཱ། yc+ནས།-yc་ས་ཧ་ཀྵ་ཧཱུཾ་ཧཱུཾ་ཕཊ་yc+།གསུམ།-yc་རང་གི་ལྟེ་བའི་ཕྱོགས་སུ་སྔགས་འཕྲེང་འོད་ཟེར་ལྔ་དང་བཅས་པ་གཡོན་
བསྐོར་གྱིས་ལན་གསུམ་དུ་བསྐོར་ནས་གནས་པ་ལས། འཁོར་ལོ་གསུམ་གྱི་ལྷའི་ཚོགས་འཕྲོས་པས་སྣ་བུག་ག་ལས་པ་ནས་ཐོན་ཏེ་ཕྱིར་འཕྲོས་པས་བགེགས་ཐམས་ཅད་བསྐྲད་དེ། སླར་བྱོན་རང་གི་སྣ་བུག་གཡོན་པ་ནས་ཞུགས་ཏེ་ལྟེ་བའི་སྔགས་འཕྲེང་ལ་ཐིམ་པར་གྱུར་པར་བསམ། མཆོད་པ་མེད་
ན་མོས་བས་ཀྱང་རུང་མོད། ཡོད་ན་ནང་མཆོད་གཞུང་ལྟར་རམ། བསྡུ་ན། ཨོཾ་ཨཱཿ ཧཱུཾ་ཧ་ཧོ་ཧྲཱིཿ། ལན་གསུམ་དང༌། མཆོད་པ་གཞན་རྣམས། ཁཎྜ་རོ་ཧི་ས་གསངས། སྭ་བྷཱ་ཝས་སྦྱངས། སྟོང་པའི་ངང་ལས་ཀཾ་ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་ཧཱུཾ་ཧཱུཾ་ཞུ་བ་ལས་བྱུང་བའི་མཆོད་ཡོན། ཞབས་སིལ།
མེ་ཏོག། བདུག་སྤོས། སྣང་གསལ། དྲི་ཆབ། ཞལ་ཟས། རོལ་མོ་ལ་སོགས་མ་རྣམས་ངང་བཞིན་བདེ་སྟོང༌། རྣམ་པ་མཆོད་རྫས། བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ། yc+ནས།-yc་སྤརྴ་ཨཱཿ ཧཱུཾ་yc+གིས་བྱིན་བརླབ་བྱ།-yc་
@005B དེ་ནས། རང་གི་མདུན་གྱི་ནམ་མཁའི་གནས་སུ་སྣ་ཚོགས་པདྨ་འདབ་མ་སྟོང་ལྡན་གྱི་ལྟེ་བར་སེང་གེ་ཆེན་པོ་བརྒྱད་ཀྱིས་བཏེག་པའི་རིན་པོ་ཆེའི་ཁྲིའི་སྟེང་དུ་སྣ་ཚོགས་པདྨ་དང་ཟླ་བ་དང་ཉི་མའི་དཀྱིལ་འཁོར་གྱི་གདན་ལ། དྲིན་ཅན་རྩ་བའི་བླ་མ་དང་ངོ་བོ་དབྱེར་མི་ཕྱེད་པའི་བཅོམ་ལྡན་འདས་དཔལ་ཧེ་རུ་
ཀ་སྐུ་མདོག་མཐིང་ནག་གཞལ་བཞི་པའི་རྩ་ཞལ་ནག །གཡོན་ཞལ་ལྗང༌། རྒྱབ་ཞལ་དམར། གཡས་ཞལ་སེར། ཞལ་རེ་རེ་ཡང་སྤྱན་གསུམ་པ། ཕྱག་བཅུ་གཉིས་པ། དཔྲལ་བར་རྡོ་རྗེ་རྩེ་ལྔ་པའི་འཕྲེང་བ་འཛིན་ཅིང༌། ཞབས་གཡས་བརྐྱང་པས་འཇིགས་བྱེད་ནག་པོ་ལག་པ་བཞི་པའི་དང་པོ་གཉིས་
ཐལ་མོ་སྦྱར་བ། ལྷག་མ་གཡས་ཌ་མ་རུ་དང་གཡོན་རལ་གྲི་འཛིན་པའི་མགོ་བོ་མནན་ཅིང༌། གཡོན་བསྐུམས་པས་དུས་མཚན་མ་དམར་མོ་ལག་པ་བཞི་པའི་དང་པོ་གཉིས་ཐལ་མོ་སྦྱར་བ། ལྷག་མ་གཉིས་ཐོད་པ་དང་ཁ་ཊྭཱཾ་ག་འཛིན་པའི་ནུ་མ་མནན་པ། གདན་གཉིས་ཀའང་གདོང་གཅིག་པ། མིག་གསུམ་པ།
ཕྱག་རྒྱ་ལྔས་བརྒྱན་པའོ། །དང་པོ་གཉིས་ཀྱིས་རྡོར་དྲིལ་བཟུང་ནས་ཡུམ་ལ་འཁྱུད་ཅིང༌། དེའི་འོག་མ་གཉིས་ཀྱིས་སྡིགས་མཛུབ་དང་བཅས་པས་གླང་པོ་ཆེའི་པགས་པ་རློན་པ་བརྒྱངས་ཏེ་འཛིན་པ། ག་ལས་གསུམ་པ་ན་ཌ་མ་རུ། བཞི་པ་ན་དགྲ་སྟ། ལྔ་པ་ན་གྲི་གུག །དྲུག་པ་ན་མདུང་རྩེ་གསུམ་པ།
གཡོན་གསུམ་པ་ན་རྡོ་རྗེས་མཚན་པའི་ཁ་ཊྭཱཾ་ག །བཞི་པ་ན་ཁྲག་གིས་གང་བའི་ཐོད་པ། ལྔ་པ་ན་རྡོ་རྗེའི་ཞགས་པ། དྲུག་པ་ན་ཚངས་པའི་མགོ་འོ་གདོང་བཞི་པ་བསྣམས་ཤིང༌། སྣ་ཚོགས་རྡོ་རྗེས་མཚན་པའི་རལ་པའི་ཐོར་ཅོག་ཅན། དབུ་རེ་རེ་ལའང་ཐོད་པ་བསྐམ་པོ་ལྔ་ལྔའི་ཕྲེང་བས་བརྒྱན་ཅིང༌། དབུའི་
གཡོན་དུ་ཅུང་ཟད་ཡོ་བའི་ཟླ་བ་ཕྱེད་པ་འཆང་བ། ཞལ་རྣམ་པར་འགྱུར་ཞིང་མཆེ་བ་བཞི་བཞི་གཙིགས་པ་འཇིགས་སུ་རུང་བ། སྒེག་པ་དཔའ་བ་མི་སྡུག་པ་ལ་སོགས་པ་གར་དགུའི་ཉམས་དང་ལྡན་པ། སྟག་གི་པགས་པའི་ཤམ་ཐབས་ཅན། མགོ་རློན་ལྔ་བཅུས་འཕྲེང་བ་བྱས་ཤིང༌། ཕྱག་རྒྱ་དྲུག
@006A ༄༅། །གིས་རྒྱས་བཏབ་པ། མི་རུས་ཀྱི་ཐལ་བས་ལུས་ཐམས་ཅད་ལ་བྱུགས་པའོ། །བཅོམ་ལྡན་འདས་ལ་མངོན་དུ་ཕྱོགས་པར་ཡུམ་རྡོ་རྗེ་ཕག་མོ་སྐུ་མདོག་དམར་མོ། །ཞལ་གཅིག་ཕྱག་གཉིས་པ། གཅེར་མོ་སྐྲ་གྲོལ་བ། ཐོད་པའི་དུམ་བུས་བརྒྱན་པའི་འོག་པག་ཅན། གཡོན་པས་ཡབ་ཀྱི་
མགུལ་ནས་འཁྱུད་པའི་ཕྱག་ནས་ཁྲག་གིས་བཀང་བའི་ཐོད་པ་བསྣམས་ནས་ཡབ་ཀྱི་ཞལ་དུ་སྟོབ་པ། གཡས་པས་གདུག་པ་ཅན་ཀུན་ལ་རྡོ་རྗེ་དང་བཅས་པའི་སྡིགས་འཛུབ་ཀྱིས་སྡིགས་པར་མཛད་པ། སྤྱན་གསུམ་དམར་ཞིང་མེ་ལྟར་འབར་བ་ཉི་མའི་གཟི་བརྗིད་ཅན། བྱིན་པ་གཉིས་ཀྱིས་ཡབ་
ཀྱི་བརླའི་སྟེང་དུ་ལེགས་པར་འཁྲིལ་བ། ཐུགས་རྗེའི་བདག་ཉིད་ཅན། ཕྱག་རྒྱ་ལྔས་བརྒྱན་པ། མི་མགོ་བསྒམ་པོ་ལྔའི་ཐོད་དང༌། བསྐམ་པོ་ལྔ་བཅུའི་དོ་ཤལ་ཅན་ནོ། །ཕྱོགས་བཞིའི་འདབ་མ་ལ་ཤར་དུ་མཁའ་འགྲོ་མ་ནག་མོ། །བྱང་དུ་ལཱ་མ་ལྗང་ཁུ། ནུབ་དུ་ཁཎྜ་རོ་ཧི་མ་དམར་མོ། །ལྷོར་གཟུགས་ཅན་
མ་སེར་མོ། །ཐམས་ཅད་ཀྱང་ཞལ་གཅིག་ཕྱག་བཞིའི་དང་པོ་གཉིས་ཀྱིས་གྲི་གུག་དང་ཐོད་པ་ཐུགས་ཀར་འཛིན་ཅིང༌། འོག་མ་གཉིས་ཀྱིས་ཌ་མ་རུ་དང་ཁ་ཊྭཱཾ་ཀ་བསྣམས་པ། སྤྱན་གསུམ་དང་ལྡན་ཞིང་མཆེ་བ་རྣམ་པར་གཙིགས་པ། གཅེར་མོ་སྐྲ་གྲོལ་ཞིང་ཕྱག་རྒྱ་ལྔས་བརྒྱན་པ། ཐོད་བསྐམ་ལྔའི་དབུ་
རྒྱན་དང༌། ལྔ་བཅུའི་དོ་ཤལ་ཅན། མཚམས་བཞིར་ཟླ་གདན་ལ་བདུད་རྩིས་གང་བའི་ཐོད་པ་བཞིའོ། །དེའི་མཐའ་སྐོར་གྱི་འདབ་མ་རྣམས་ལ་རིམ་པ་བཞིན་དུ་འཁོར་ལོ་གསུམ་གྱི་ལྷ་ཚོགས་རྣམས་ཏེ། དེ་ཡང་ཁཎྜ་ཀ་པཱ་ལ་དང་རབ་གཏུམ་མ་ལ་སོགས་པ་ཐུགས་ཀྱི་འཁོར་ལོའི་ལྷ་རྣམས་སྔོན་པོ། །མྱུ་གུ་ཅན་
དང་ས་སྲུང་མ་ལ་སོགས་པ་གསུང་གི་འཁོར་ལོའི་ལྷ་རྣམས་དམར་པོ། །སྟོབས་པོ་ཆེ་དང་འཁོར་ལོའི་ཤུགས་ཅན་མ་ལ་སོགས་པ་སྐུའི་འཁོར་ལོའི་ལྷ་རྣམས་དཀར་པོའོ། །དཔའ་བོ་ཉེར་བཞི་པོ་ཐམས་ཅད་ཀྱང་ཞལ་གཅིག་ཕྱག་བཞི་པ་སྤྱན་གསུམ་པ། ཕྱག་དང་པོ་གཉིས་ཀྱིས་རྡོར་དྲིལ་གཟུང་ནས་
@006B སུམ?་ལ་འཁྱུད་པ། འོག་མ་གཉིས་ཀྱིས་ཌ་མ་རུ་དང་ཁ་ཊྭཱཾ་ཀ་འཛིན་པ། དཔའ་བོའི་ཆས་ཀྱིས་བརྒྱན་ཅིང༌། གཡས་བརྐྱང་གིས་བཞུགས་པ། དཔའ་མོ་ཉེར་བཞི་པོ་ཐམས་ཅད་ཞལ་གཅིག་ཕྱག་གཉིས་མ། སྤྱན་གསུམ་པ། ཡབ་ལ་འཁྱུད་པའི་ཕྱག་གཉིས་ཀྱིས་གྲི་ཐོད་འཛིན་ཅིང༌། དཔའ་མོའི་ཆས་ཀྱིས་བརྒྱན་
?པའོ། །དེ་དག་གི་ཕྱི་རོལ་དུ་དམ་ཚིག་གི་འཁོར་ལོའི་ལྷ་ཁ་གདོང་མ་ལ་སོགས་པ་སྒོ་མཚམས་མ་བརྒྱད་དེ། ཐམས་ཅད་ཀྱང་ཞལ་གཅིག་ཕྱག་བཞིའི་དང་པོ་གཉིས་ཀྱིས་གྲི་ཐོང་ཐུགས་ཀར་འཛིན་ཅིང༌། འོག་མ་གཉིས་ཀྱིས་ཌ་མ་རུ་དང་ཁ་ཊྭཱཾ་ཀ་བསྣམས་པ། རང་རང་གི་ཕྱོགས་ཀྱི་མདོག་ཅན། དཔའ་མོའི་ཆས་
ཀྱིས་བརྒྱན་ཅིང༌། རོའི་གདན་ལ་གཡས་བརྐྱང་གིས་བཞུགས་པའོ། །དེ་དག་གི་མཐའ་སྐོར་དུ་ཡི་དམ་ལྷ་ཚོགས་སངས་རྒྱས་བྱང་སེམས་དཔའ་པོ་མཁའ་འགྲོ་ཆོས་སྐྱོང་སྲུང་མའི་ཚོགས་དཔག་ཏུ་མེད་པ་རྣམས་ཀྱིས་བསྐོར་བ། སྟེང་གི་ཆ་ལ་རྡོ་རྗེ་འཆང་ལ་དངོས་བརྒྱུད་ཀྱི་བླ་མ་རྣམས་ཀྱིས་བསྐོར་ནས་བཞུགས་
པའི་ལྷ་རྣམས་ཀྱི་སྤྱི་བོར་ཟླ་བ་ལ་ཨོཾ་དཀར་པོ། །མགྲིན་པར་པདྨ་ལ་ཨཱ?་དམར་པོ། །ཐུགས་ཀར་ཉི་མ་ལ་ཧཱུཾ་སྔོན་པོ། །རང་ཉིད་ཧེ་རུ་ཀར་གསལ་བའི་ཐུགས་ཀར་པཾ་སེར་པོ་ལས་བྱུང་བའི་སྣ་ཚོགས་པདྨའི་ལྟེ་བར་ཨཾ་ལས་ཟླ་བའི་དཀྱིལ་འཁོར་ལ་གནས་པའི་ཧཱུཾ་ཡིག་རྡོ་རྗེ་འཛིན་པའི་རང་བཞིན་དབུས་སྔོ་ལ་
མཐའ་སྐྱ་བ་ཡེ་ཤེས་ལྔའི་རང་བཞིན་ཅན་གྱི་འོད་ཟེར་གྱིས་རང་གི་སྤྱི་བོ་ནས་རྐང་པའི་བར་དུ་གང༌། ཐོག་མ་མེད་པ་ནས་བགྱིས་པའི་སྒོ་གསུམ་གྱི་དྲི་མ་རྣམས་སྦྱངས། ལུས་ཤེལ་གོང་ལྟར་དག་པར་གྱུར་ཏེ། བ་སྤུའི་སྒོ་ནས་ཕྱིར་འབྲོས་པའི་འོད་ཟེར་གྱིས་འོག་མིན་ནས་བླ་མ་རྡོ་རྗེ་འཆང་གི་རྣམ་པ་ཅན་དང༌། འཁོར་ལོ་
སྡོམ་པའི་དཀྱིལ་འཁོར་པའི་ལྷ་ཚོགས་དང༌། གཞན་ཡང་སངས་རྒྱས་དང་བྱང་ཆུབ་སེམས་དཔའ་དང་ལྷ་དང་ལྷ་མོ་དང་ཁྲོ་བོའི་ཚོགས་དབང་ལྷའི་དཀྱིལ་འཁོར་བ་དང་བཅས་པ་ནམ་མཁའི་ཁམས་ཐམས་ཅད་ཏིལ་གྱི་གང་བུ་ལྟར་གང་བ་མདུན་གྱི་ནམ་མཁར་སྤྱན་དྲངས། འོད་ཟེར་རང་གི་སྙིང་ཁར་ཐིམ། ཛཿ ཧཱུཾ་བཾ་ཧོཿ།
@007A ༄༅། །ཡེ་ཤེས་པ་རྣམས་དམ་ཚིག་པ་སོ་སོ་ལ་ཐིམ་པས་གཉིས་སུ་མེད་པར་གྱུར། དབང་གི་ལྷ་རྣམས་ཀྱིས་བདུད་རྩིའི་ཆུས་སྤྱི་བོ་ནས་དབང་བསྐུར། སྐུ་གང༌། ཆུ་ལྷག་མ་ལར་ལུད་པ་ལས། མི་བསྐྱོད་པས་དབུ་བརྒྱན་པར་གྱུར། གང་གི་དྲིན་གྱི་བདེ་ཆེན་གནས། yc+།སོགས་ཚིགས་བཅད་གཅིག
གི་མཇུག་ཏུ།-yc་ཧེ་རུ་ཀ་དཔལ་དཔའ་བོ་ཆེ། །རྣམ་དག་རྡོ་རྗེའི་དབང་ཕྱུག་དང༌། །རྗེས་ཆགས་ཆགས་པ་ཆེ་རྣམས་ཀྱི། །རྡོ་རྗེ་ཕག་མོ་དེ་ལ་འདུད། །གནས་དང་ཉེ་བའི་གནས་དང་ཞིང༌། །འདུ་དང་དུར་ཁྲོད་གནས་པ་ཡི། །དཔའ་བོ་དཔའ་མོ་དབང་ཕྱུག་མ། །ཀུན་ལ་བདག་ནི་གུས་ཕྱག་འཚལ། །རང་གི་
སྙིང་གའི་ཧཱུཾ་ལས་བྱུང་བའི་མཆོད་པའི་ལྷ་མོ་རྣམས་ཀྱིས་མཆོད་པར་གྱུར་yc+པར་བསམས་ལ།-yc་ཨོཾ་སརྦ་ཏ་ཐཱ་ག་ཨརྒྷཾ་པྲ་ཏཱི་ཙྪ་ཧཱུཾ་སྭཱ་ཧཱ། yc+ནས།-yc་ཤཔྟ་པྲ་ཏཱིཙྪ་ཧཱུཾ་སྭཱ་ཧཱ། ཨོཾ་བཛྲ་ཝཱི་ནི་ཧུཾ་ཧཱུཾ་ཕཊ། ཨོཾ་བཛྲ་བཾ་ཤེ་ཧུཾ་ཧཱུཾ་ཕཊ། ཨོཾ་བཛྲ་མྲྀ་ཏཾ་ཧུཾ་ཧཱུཾ་ཕཊ། ཨོཾ་བཛྲ་མུ་ར་ཛེ་ཧུཾ་ཧཱུཾ་ཕཊ། ཨོཾ་བཛྲ་ཧཱ་སྱ་ཧུཾ་ཧཱུཾ་ཕཊ། ཨོཾ་བཛྲ་ལཱ་
སྱ་ཧུཾ་ཧཱུཾ་ཕཊ། ཨོཾ་བཛྲ་གཱི་ཏཾ་ཧུཾ་ཧཱུཾ་ཕཊ། ཨོཾ་བཛྲ་ནྲྀ་ཏྱ་ཧུཾ་ཧཱུཾ་ཕཊ། ཨོཾ་བཛྲ་པུཥྤེ་ཧུཾ་ཧཱུཾ་ཕཊ། ཨོཾ་བཛྲ་དྷཱུ་པེ་ཧུཾ་ཧཱུཾ་ཕཊ། ཨོཾ་བཛྲ་དཱི་བེ་ཧུཾ་ཧཱུཾ་ཕཊ། ཨོཾ་བཛྲ་གནྡྷེ་ཧུཾ་ཧཱུཾ་ཕཊ། ཨོཾ་རཱུ་པ་བཛྲཱི་ཧཱུཾ་ཧཱུཾ་ཕཊ། ཨོཾ་རཱ་ས་བཛྲཱི་ཧུཾ་ཧཱུཾ་ཕཊ། ཨོཾ་སྤརྴ་བཛྲ་ཧུཾ་ཧཱུཾ་ཕཊ། ཨོཾ་དྷརྨཱ་དྷཱ་ཏུ་བཛྲཱི་ཧཱུཾ་ཧཱུཾ་ཕཊ། yc+གྱིས་མཆོད།-yc་ཨོཾ་ཧྲཱཾཿ ཧ་ཧ་ཧུཾ་ཧཱུཾ་ཕཊ།
ཨོཾ་ཨཱཿ ཧཱུཾ། yc+གིས་ནང་མཆོད་འབུལ།-yc་རང་གི་སྙིང་གའི་ཧཱུཾ་ལས་བྱུང་བའི་སྙིང་པོའི་རྣལ་འབྱོར་མ་བཞི་དང་སྒོ་མཚམས་མ་བརྒྱད་ཀྱིས་ཐོད་པ་ན་གནས་པའི་བདུད་རྩི་ལྔས་མཆོད། ཨོཾ་སརྦ་ཀཱ་མི་ནི་སརྦ་བྷཀྵཾ་ཤོ་དྷ་ལ་གུ་ཧྱ་བཛྲི་ཎི་སྭཱ་ཧཱ། ཨོཾ་ཨཱཿ ཧཱུཾ། ཡབ་ཡུམ་གྱི་སྤྱི་བོ་ལ་སོགས་པ་གནས་བཞི་དང་གསང་གནས་
བྱིན་གྱིས་བརླབས་པས་དེ་གཉིས་སྙོམས་པར་ཞུགས་པའི་བྱང་ཆུབ་ཀྱི་སེམས་ཞུ་བ། སྤྱི་བོ་ནས་མགྲིན་པར་སླེབས་པ་ན་དགའ་བ། མགྲིན་པ་ནས་སྙིང་གར་སླེབས་པ་ན་མཆོག་དགའ། སྙིང་ག་ནས་ལྟེ་བར་སླེབས་པ་ན་ཁྱད་པར་གྱི་དགའ་བ། ལྟེ་བ་ནས་ནོར་བུའི་རྩེར་སླེབས་པ་ན་ལྷན་ཅིག་སྐྱེས་པའི་
@007B ???་སྐྱེས་སུ་མྱོང་བས། ལྷ་ཐམས་ཅད་ཀྱིས་ཀྱང་ལྷན་ཅིག་སྐྱེས་པའི་དགའ་བ་མྱོང༌། བདེ་བ་ཆེན་པོ་དང་དེ་ཁོ་ན་ཉིད་དབྱེར་མི་ཕྱེད་པའི་ཏིང་ངེ་འཛིན་ལ་སྙོམས་པར་ཞུགས་པས་གསང་བ་དང་དེ་ཁོ་ན་ཉིད་ཀྱི་མཆོད་པས་མཉེས་པར་གྱུར། ཨོཾ་བཅོམ་ལྡན་དཔའ་བོའི་དབང་ཕྱུག་ལ་ཕྱག་འཚལ་
???། ཨོཾ?་བསྐལ་པ་ཆེན་པོའི་མེ་དང་མཉམ་པའི་འོད་ཧུཾ་ཧཱུཾ་ཕཊ། ཨོཾ་རལ་བའི་ཅོད་པན་མི་བཟད་པ་དང་ལྡན་ཧུཾ་ཧཱུཾ་ཕཊ། ཨོཾ་མཆེ་རྣམ་པར་གཙིགས་པ་འཇིགས་པའི་ཞལ་ཧུཾ་ཧཱུཾ་ཕཊ། ཨོཾ་སྟོང་ཕྲག་ཕྱག་ནི་འབར་བའི་འོད་ཟེར་ཅན་ཧུཾ་ཧཱུཾ་ཕཊ། ཨོཾ་དགྲ་སྟ་ཞགས་གདེངས་མདུང་དང་ཁ་ཊྭཱཾ་འཛིན་ཧུཾ་ཧཱུཾ་ཕཊ༌།
ཨོཾ?་སྟག?་གི་པགས་པའི་ན་?བཟའ་འཛིན་པ་ཅན་ཧུཾ་ཧཱུཾ་ཕཊ། ཨོཾ་སྐུ་ཆེན་དུད་ཁ་བགེགས་མཐར་མཛད་ལ་འདུད་ཧུཾ་ཧཱུཾ་ཕཊ། དཔལ་ལྡན་yc+རྡོ་རྗེ་མཁའ་འགྲོ་མ། །མཁའ་འགྲོ་མ་ཡི་འཁོར་ལོས་བསྒྱུར། །ཡེ་ཤེས་ལྔ་དང་སྐུ་གསུམ་ཉིད། །འགྲོ་བ་སྐྱོབ་ལ་ཕྱག་འཚལ་ལོ། །ཇི་སྙེད་རྡོ་རྗེ་མཁའ་འགྲོ་མ། །ཀུན་
ཏུ་རྟོག་པའི་འཆིང་གཅོད་ཅིང༌། །འཇིག་རྟེན་བྱ་བ་ལ་འཇུག་མ། །དེ་སྙེད་རྣམས་ལ་ཕྱག་འཚལ་ལོ། yc+།ཞེས་བསྟོད།-yc་བགྲོད་དཀའ་སྲིད་པའི་རྒྱ་མཚོ་ལས། །བདག་གིས་yc+འགྲོ-yc་རྣམས་བསྐྲལ་བའི་ཕྱིར། རང་གི་བདག་ཉིད་སྐད་ཅིག་མ། །སངས་རྒྱས་རྣམས་ལ་དབུལ་བར་བགྱི། yc+།ཞེས་བས་བདག་ཉིད་འབུལ།-yc་དཀོན་མཆོག
གསུམ་ལ་བདག་སྐྱབས་མཆི། yc+།སོགས་རྐང་བ་བཞི་ལན་གསུམ་བརྗོད་དེ་བྱང་སེམས་ཀྱི་སྡོམ་པ་དང༌།-yc་སངས་རྒྱས་བྱང་ཆུབ་སེམས་དཔའ་ཀུན། yc+།ཞེས་སོགས་ལན་གསུམ་མམ་གཅིག་གིས་སྔགས་སྡོམ་ཡང་འཛིན། དེ་ནས།-yc་ཆོས་བདེན་བདག་ཉིད་བསམ་མི་ཁྱབ། །བདག་ལ་དབང་ནི་བསྐུར་བར་མཛོད། །ཅེས་གསོལ་བ་བཏབ་
པས༑ སྒོ་མཚམས་མ་བརྒྱད་ཀྱིས་བགེགས་བསྐྱད། །དཔའ་བོ་རྣམས་ཀྱིས་ཤིས་པ་བརྗོད། དཔའ་བོ་རྣམས་ཀྱིས་རྡོ་རྗེའི་ཀླུ་ལེན། གཙོ་བོས་དབང་བསྐུར་བའི་དགོངས་པ་མཛད། ཡུམ་བཞི་དང་ཕག་མོ་དང་ལྔས་ཕྱག་གཡོན་པའི་བདུད་རྩིས་གང་བའི་ཐོད་པ་ཅུང་ཟད་ཡོ་བར་བྱས་ཏེ། ཨོཾ་སརྦ་ཏ་ཐཱ་ག་ཏ་
@008A ༄༅། །ཨ་བྷི་ཥེ་ཀ་ཏ་ས་མ་ཡ་ཤྲཱི་ཡེ་ཧཱུཾ། ཞེས་གསུང་ཞིང་སྤྱི་བོ་ནས་དབང་བསྐུར་བས་ལུས་ཐམས་ཅད་གང༌། བདེ་བ་ཆེན་པོ་མྱོང༌། དྲི་མ་ཐམས་ཅད་དག །ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། དེས་བུམ་པའི་དབང་ཐོབ། སྙིང་པོའི་རྣལ་འབྱོར་མ་བཞི་ཕག
མོ་ལ་ཐིམ། དེ་དང་ཧེ་རུ་ཀ་སྙོམས་པ་བཞུགས་པས་བྱང་ཆུབ་ཀྱི་སེམས་ཞུ་བ་རང་གི་ལྕེ་ལ་བཞག་པ་མྱང་བ་ལས་བདེ་བ་སྐྱེས་པས་གསང་བའི་དབང་ཐོབ། དེ་ནས་ཧེ་རུ་ཀ་ས་ཕག་མོ་གཉིས་པ་ཞིག་ཕྱག་རྒྱང་གནང་བ་རང་གི་ཡུམ་ལ་ཐིམ། དེ་དང་སྙོམས་པར་ཞུགས་པར། རླུང་ཐིམ་པ་ལས་ལྷན་སྐྱེས་
ཀྱི་བདེ་བ་མྱོང་བས་ཤེས་རབ་ཡེ་ཤེས་ཀྱི་དབང་ཐོབ། ཧེ་རུ་ཀ་ས་རིགས་ཀྱི་བུ་ཁྱོད་ཀྱིས་ཕྱག་རྒྱ་དང་སྦྱར་བ་ལ་བརྟེན་ནས་ཐོབ་པའི་སྣང་བ་ཐོབ་པའི་ཡེ་ཤེས་དེ་འོད་གསལ་བར་སྒོམས་ཤིག །འོད་གསལ་དེ་ནི་སྣང་མཆེད་ཐོབ་གསུམ་གྱི་རྣམ་ཤེས་རྣམ་པར་དག་པ་ཤེར་ཕྱིན་གྱི་ངོ་བོ་ཡིན་ལ། དོན་དམ་པའི་
བདེན་པ་དེ་ནི་མཐོང་བ་གཞན་གྱི་ཡུལ་ལས་འདས་པ་སྟེ། ཤེས་རབ་དང་ཡེ་ཤེས་ཀྱི་མིག་གིས་ལྟོས་ཤིག །དེ་ལྟར་གཞན་གང་གིས་ཀྱང་རང་བཞིན་དུ་མ་མཐོང་བ་དེ་འོད་གསལ་བ་མཐོང་བ་ཡིན་ནོ། །དེའི་ངོ་ན་རྒྱུ་འབྲས་གང་ཡང་མི་སྣང་མོད་ཀྱི། འོན་ཀྱང་ཀུན་རྫོབ་ཏུ་རླུང་སེམས་ཙམ་ལས་གྲུབ་པའི་ལྷ་རྣམས་
གཟུགས་བརྙན་ལྟར་གསལ་ལ་རྫོགས་པ། འཇའ་ཚོན་ལྟར་ཁ་དོག་མ་འདྲེས་པར་སོ་སོར་སྣང་བ། ཆུ་ཟླ་ལྟར་སྒྲོ་སྐུར་དང་བྲལ་བར་ལྟོས་ཤིག །དེ་འདྲ་བའི་ཀུན་རྫོབ་དང་དོན་དམ་འོད་གསལ་གཉིས་དབྱེར་མི་ཕྱེད་པར་ཟུང་དུ་འཇུག་པ་ནི། བྱང་ཆུབ་ཀྱི་སེམས་ཆེན་པོ་སྟེ་དབང་བཞི་པའོ། yc+།ཞེས་གསུང་བར་མོས་ཏེ་དབང་
བཞི་ལེན། དེ་ནས།-yc་མཐའ་སྐོར་གྱི་རྒྱལ་བ་ཞི་ཁྲོ་ཐམས་ཅད་བཅོམ་ལྡན་འདས་ཡབ་ཡུམ་ལ་ཐིམ། དེ་གཉིས་རང་གི་སྤྱི་བོར་ཨོཾ་བཛྲས་མ་ཛཿ། སྐྱབས་གནས་ཀུན་འདུས་ཀྱི་ངོ་བོ་བླ་མ་འཁོར་ལོ་སྔོམ་པ་ཡབ་ཡུམ་ལ་ཕྱག་འཚལ་ཞིང་སྐྱབས་སུ་མཆིའོ། །གསོལ་བ་འདེབས་སོ། །བདག་གི་རྒྱུད་ལ་ངེས་འབྱུང་བྱང་སེམས་
@008B ཡང་དག་པའི་ལྟ་བ་སོགས?། མདོ་སྔགས་ཀྱི་ལམ་གྱི་རིམ་པ་མཐའ་དག་སྐྱེ་བར་བྱིན་གྱིས་རློབ་ཏུ་གསོལ། yc+ཞེས་ཅི་ནུས་གསོལ་བ་གདའ། མཐར།-yc་བཅོམ་ལྡན་འདས་ཡབ་ཡུམ་གྱི་སྐུའི་ཆ་དང་སྦྱོར་yc+མཚམས་ནས-yc་བྱང་ཆུབ་ཀྱི་སེམས་ཀྱི་ངོ་བོ་བདུད་རྩའི་རྒྱུན་དཀར་ཆིལ་གྱིས་བབས་པས་ལུས་ཀྱི་ནང་ཐམས་ཅད་གང༌།
ཡབ་ཡུམ་གཉིས་ཀའང་རང་གི་སྤྱི་བོ་ནས་ཞུགས་དབུ་མའི་ལམ་བརྒྱུད་དེ། སྙིང་གར་རྩ་འདབ་བརྒྱད་པའི་དབུས་སུ་མི་བཤིག་པའི་ཐིག་ལེ་དང་ངོ་བོ་དབྱེར་མེད་དུ་བཞུགས་པར་yc+གྱུར་བར་བསམས་ལ་མཉམ་པར་འཇོག། དེ་ནས། གཙོ་འཁོར་ཐམས་ཅད་ཀྱི་བཟླས་པ་སྒྲུབ་ཐབས་བཞིན་བྱ་བའམ། བསྡུ་ན།-yc་ཨོཾ་ཤྲཱི་བཛྲ་ཧེ་ཧེ་རུ་
རུ་ཀཾ་ཧཱུཾ་ཧཱུཾ་ཕཊ། ཌཱ་ཀི་ནཱི་ཛཱ་ལ་ཤཾ་བ་རཾ་སྭཱ་ཧཱ། yc+ཞེས་ཡབ་ཀྱི་སྙིང་པོ་དང༌།-yc་ཨོཾ་ཧྲཱིཿ ཧ་ཧ་ཧཱུཾ་ཧཱུཾ་ཕཊ། yc+ཉེ་སྙིང༌།-yc་ཨོཾ་བཛྲ་བཻ་རོ་ཙ་ནཱེ་ཡེ་ཧཱུཾ་ཧཱུཾ་ཕཊ་སྭཱ་ཧཱ། yc+ཡུམ་གྱི་སྙིང་པོ་དང༌།-yc་ཨོཾ་བཛྲ་བུདྡྷ་ཌཱ་གི་ནཱི་ཡེ་བཛྲ་ཝརྞྞ་ནཱི་ཡེ་ཧཱུཾ་ཧཱུཾ་ཕཊ་སྭཱ་ཧཱ། yc+ཉེ་སྙིང་སྟེ་བཞི་བཟླ། ཡང་ན། སྙིང་པོ་གཉིས་ཙམ་མམ། ལྟ་དྲུག་ཅུའི་སྔགས་ཤིན་དུ་བསྡུས་པ་
བྱེད་ན།-yc་ཨོཾ་རཾ་རཱཾ། ལྀཾ་ལྀའ། ཀཾ་ཁཾ་གཾ་ངཾ་ཙཾ་ཚཾ་ཛཾ་ཛྷཾ་ཉཾ་ཊཾ་ཋཾ་ཌཾ་ཋཾ་ཎཾ་ཏཾ་ཐཾ་དཾ་གྷཾ་ནཾ་པཾ་ཕཾ་བཾ་བྷཾ་ཡཾ་རཾ་ལཾ་ལླཾ་ཤཾ་ཥཾ་སཾ་ཧཾ་ཧུཾ་ཧཱུཾ་ཕཊ། yc+ཅེས་བཟླས་ཆོ་ག་པར་རྗེ་ཉིད་ཀྱིས་བཤད་པས་དེ་ལྟར་བྱའོ། །མཇུག་དུ།-yc་སྲིད་པ་གསུམ་འབར་སྐུ་ནི་རྗེས་ཆགས་དུལ་བར་ལྡན། །འོད་ཟེར་སྔོན་པོ་སྟོང་ལྡན་ཉི་མ་བརྒྱ་སྟོང་ལྡན། །རྣམ་མང་སྐུ་དང་ཆ་
ལུགས་རྗེས་ཆགས་སེམས་དཔར་ལྡན། །ཧེ་རུ་ཀ་དཔལ་དེ་དང་ལྷན་ཅིག་གར་བྱེད་ཤོག །དགེ་བ་འདི་ཡིས་མྱུར་དུ་བདག །ཧེ་རུ་ཀ་དཔལ་འགྲུབ་གྱུར་ནས། yc+།ཞེས་སོགས་ཀྱིས་བསྔོ་སྨོན་བྱ། ཐུན་དུ་བཅད་ནས་བསྒོམ་པའི་ཚེ། གཏོར་མ་སྒྲུབ་ཐབས་བཞིན་འབུལ་བར་བྱའོ། །སྒྲུབ་ཐབས་རྒྱས་པ་མ་ལྕོགས་པའི་ཚེ་དེའི་དོན་དུའང་འདི་བཞིན་
བྱས་ན་ཤིན་ཏུ་ལེགས་པ་ཡིན་ནོ།། །།གསུམ་པ་འཇིགས་བྱེད་ཀྱི་བླ་མའི་རྣལ་འབྱོར་ནི། སྐུ་དང་མཆོད་པ་སོགས་བཅོད་ན་ལྟ་གོན་བྱས་ཏེ། སྐྱབས་སེམས་ཚད་མེད་བཞི་སྔོན་དུ་བཏང་ནས།-yc་རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད། yc+ནས།-yc་ཡུམ་དང་བཅས་པའི་སྐུར་བཞེངས་པར་གྱུར་yc+པར་བསམས༌།-yc་
@009A ༄༅། །yc+མཆོད་པ་བཅུ་གསུམ་མ་ལྟར་བྱིན་གྱིས་བརླབ་པའམ། བསྡུ་ན།-yc་ཨོཾ་ཨཱཿ ཧཱུཾ་ཧ་ཧོ་ཧྲཱཾཿ། yc+ལན་གསུམ། དེ་ནས།-yc་རང་གི་མདུན་གྱི་ནམ་མཁར་པཾ་ལས་སྣ་ཚོགས་པདྨའི་ལྟེ་བར་ཟླ་བ་དང་ཉི་མའི་གདན་ལ་ཧཱུཾ་ལས་རྡོ་རྗེ་ཧཱུཾ་གྱིས་མཚན་པ། དེ་ལས་འོད་འཕྲོས། འདུས་ཡོངས་སུ་གྱུར་པ་ལས་རྩ་བའི་
བླ་མ་དང་ངོ་བོ་དབྱེར་མི་ཕྱེད་པའི་བཅོམ་ལྡན་འདས་དཔལ་རྡོ་རྗེ་འཇིགས་བྱེད་ཆེན་པོ་སྐུ་མདོག་མཐིང་ནག་ཞལ་དགུ། ཕྱག་སོ་བཞི། ཞབས་བཅུ་དྲུག་པ་གཡས་བསྐུམ་ཞིང་གཡོན་བརྒྱང་པའི་སྟབས་ཀྱིས། yc+ཞེས་སོགས་སྒྲུབ་ཐབས་བཞིན་སེམས་དཔའ་སུམ་བརྩེགས་ཡུམ་བཅས་(BSPYA)ད་པའམ། བསྡུ་ན།-yc་གཡོན་བརྐྱང་
པའི་སྟ་པས་ཀྱིས་ཡེ་ཤེས་ཀྱི་མེ་རབ་ཏུ་འབར་བའི་དབུས་ན་བཞུགས་པ་ཡུམ་དང་བཅས་པའི་སྐུར་བཞེངས་པར་གྱུར། དེའི་ཐུགས་ཀར་ཟླ་གདན་ལ་འཇམ་དཔལ་ཡེ་ཤེས་སེམས་དཔའ། དེའི་ཐུགས་ཀར་ཉི་གདན་ལ་ཏིང་ངེ་འཛིན་སེམས་དཔའ་ཧཱུཾ་ཡིག་སྟེ། སེམས་དཔའ་གསུམ་གྱི་བདག་ཉིད་ཅན་ནོ། །
དེའི་མཐའ་བསྐོར་དུ་བླ་མ་ཡིད་དམ་མཆོག་གསུམ་དཔའ་བོ་མཁའ་འགྲོ་ཆོས་སྐྱོང་སྲུང་མའི་ཚོགས་རྣམས་ཀྱིས་བསྐོར་ནས་བཞུགས་པའི་སྤྱི་བོར་འཇིགས་བྱེད་དཀར་པོ། །མགྲིན་པར་འཇིགས་བྱེད་དམར་པོ། །ཐུགས་ཀར་འཇིགས་བྱེད་སྔོན་པོ། །ལྟེ་བར་འཇིགས་བྱེད་སེར་པོ། །གསང་གནས་སུ་འཇིགས་བྱེད་ལྗང་
ཁུ་རྣམས་ཞལ་གཅིག་ཕྱག་གཉིས་ཀྱིས་གྲི་ཐོད་བཟུང་ནས་ཡུམ་ལ་འཁྱུད་པ། མ་ཧེའི་གདོང་པ་ཅན། པད་ཉིའི་གདན་ལ་གཡོན་བརྐྱང་གིས་བཞུགས་པའོ། །དེ་རྣམས་ཀྱི་སྤྱི་བོར་ཨོཾ་དཀར་པོ། །མགྲིན་པར་ཨཱཿ དམར་པོ། །ཐུགས་ཀར་ཧཱུཾ་སྔོན་པོ། །ཐུགས་ཀའི་ཧཱུཾ་ལས་འོད་ཟེར་འཕྲོས་པས། རང་བཞིན་གྱི་
གནས་ནས་རྩ་བའི་བླ་མ་དང་དཔལ་རྡོ་རྗེ་འཇིགས་བྱེད་རིགས་ལྔ་ལ་བརྒྱུད་པའི་བླ་མ་རྣམས་དང༌། ཕྱོགས་བཅུའི་སངས་རྒྱས་བྱང་སེམས་ཞི་ཁྲོ་རབ་འབྱམས་ཐམས་ཅད་ཀྱིས་བསྐོར་བ་སྤྱན་དྲངས། ཨོཾ་ཧྲཱིཿ ཧ་བྷོ་yc+སོགས་ཀྱི་མཐར།-yc་ཛཿ ཧཱུཾ་བཾ་ཧོཿ། དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་
@009B འོད་ཟེར་འཕྲོས། དབང་གི་ལྷ་རིགས་ལྔ་འཁོར་བཅས་སྤྱན་དྲངས། ཁྱེད་རྣམས་ཀྱིས་མངོན་པར་དབང་བསྐུར་ཏུ་གསོལ། ཞེས་གསོལ་བ་བཏབ་པས། དེ་རྣམས་ཀྱིས་སྤྲོས་པའི་ལྷ་མོ་རྣམས་ཀྱིས་ཡེ་ཤེས་ཀྱི་བདུད་རྩིས་གང་པའི་བུམ་པ་ཐོགས་ནས། ཨོཾ་སརྦ་yc+ནས།-yc་ཧཱུཾ། ཞེས་དབང་བསྐུར། yc+ནས-yc་མི་བསྐྱོད་
པས་དབུ་བརྒྱན་པར་གྱུར་yc+པར་བསམ།-yc་གང་གི་དྲིན་གྱིས་བདེ་ཆེན་གནས། yc+།ཞེས་སོགས་དང༌།-yc་གཟུགས་མཆོག་མཆོག་ཏུ་yc+སོགས་དང༌།-yc་སངས་རྒྱས་ཀུན་གྱ་དངོས་པོ་yc+སོགས་དང༌།-yc་ཕྱག་བྱར་འོས་པ་yc+སོགས་ཅི་རིགས་ཀྱིས་ཕྱག་འཚལ། དེ་ནས་མཆོད་པ་རྣམས་ཚིགས་བཅད་སྔགས་དང་བཅས་པས་སམ། བསྡུ་ན།-yc་རང་གི་སྙིང་གའི་ཧཱུཾ་ལས་བྱུང་བའི་
མཆོད?་པའི་ལྷ་མོ་རྣམས་ཀྱིས་མཆོད་པར་གྱུར་yc+པར་བསམས་ལ།-yc་ཨོཾ་ཡ་མཱནྟ་ཀ་ས་པཱ་རི་ཝ་ར་ཨརྒྷཾ་པྲ་ཏིཙྪ་ཧཱུཾ་སྭཱ་ཧཱ། yc+ནས།-yc་སྤརྴ་yc+འི་བར་དང༌།-yc་ཙཀྲ་རཏྞ་yc+ནས།-yc་ཁངྒ་ར་yc+ཏྞའི་བར་དང༌།-yc་བདག་གཞན་ལུས་ངག yc+སོགས་ཀྱིས་མཎྜལ་དང་ནང་མཆོད་ཀྱང་འབུལ་ཞིང༌། དེ་ནས-yc་བླ་མ་ཡབ་ཡུམ་སྙོམས་པར་ཞུགས་པས་ལྷན་སྐྱེས་ཀྱི་བདེ་པས་སྟོང་པ་དེས་
པའི་བདེ་སྟོང་དབྱེར་མེད་ཀྱི་ཡེ་ཤེས་སྐྱེས་པས་གསང་བ་དང་དེ་ཁོ་ན་ཉིད་ཀྱི་མཆོད་པས་མཉེས་པར་གྱུར་yc+ཅེས་བརྗོད་ཅིང་བསམ།-yc་སླར་ཡང༌། ཕྱོགས་བཅུའི་རབ་འབྱམས་ཞིང་ན་མཆིས་པ་ཡི། །ཇི་སྙེད་ཕྱི་ནང་གསང་བའི་མཆོད་ཚོགས་འབུལ། །ཐོག་མེད་དུས་ནས་མ་རིག་དབང་གྱུར་པའི། །སྒོ་གསུམ་ཉེས་པའི་ཚོགས་
རྣམས་སོ་སོར་བཤགས། །འཁོར་འདས་ཀུན་གྱི་རྣམ་དཀར་དགེ་བའི་ཚོགས། །ཇི་སྙེད་མཆིས་པ་ཀུན་ལ་རྗེས་ཡི་རང༌། །སླུ་མེད་སྐྱབས་ཀྱི་དམ་པ་ཁྱེད་རྣམས་ལ། །ཟ་བ་དང་རྒྱ་ཆེའི་ཆོས་འཁོར་བསྐོར་བར་བསྐུལ། །ཐུགས་རྗེ་ཆེ་ལྡན་བླ་མ་ལྷ་ཚོགས་རྣམས། །བསྐལ་བརྒྱར་འགྲོ་བའི་དོན་དུ་བཞུགས་སུ་གསོལ།།
འདི་ལྟར་བགྱིས་པའི་དགེ་ཚོགས་ཅི་མཆིས་པ། །འགྲོ་བའི་དོན་དུ་བྱང་ཆུབ་ཐོབ་ཕྱིར་བསྔོ། །དཀོན་མཆོག་གསུམ་ལ་སྐྱབས་སུ་འགྲོ། yc+།ཞེས་སོགས་ཀྱི་རྐང་པ་བཞིས་བྱང་སྡོམ་ལེན་ཅིང༌།-yc་སྤྲོ་ན། yc+རེགས་ལྔའི་སྡོམ་བཟུང་ཀྱང་བྱའོ། །དེ་ནས།-yc་མཐའ་སྐོར་གྱི་རྒྱལ་བ་ཞི་ཁྲོ་ཐམས་ཅད་གཙོ་བོ་ལ་ཐིམ་པས་སྐྱབས་གནས་ཀུན་འདུས་ཀྱི་
@010A ༄༅། །བདག་ཉིད་དུ་གྱུར་yc+བར་མོས་ལ།-yc་བླ་མ་ཀུན་འདུས་ཀྱི་ངོ་བོ་བླ་མ་རྡོ་རྗེ་འཇིགས་བྱེད་ལ་གསོལ་བ་འདེབས་སོ། yc+།དེ་བཞིན་དུ?།-yc་ཡི་དམ་(X)། སངས་རྒྱས་(X)། དམ་ཆོས་(X)། དགེ་འདུན་(X)། མཁའ་འགྲོ་(X)། ཆོས་སྐྱོང་(X)། སྐྱབས་གནས་ཀུན་འདུས་ཀྱི་ངོ་བོ་བླ་མ་རྡོ་རྗེ་འཇིགས་བྱེད་ལ་
གསོལ་བ་འདེབས་སོ། །ཐུགས་རྗེས་གཟུང་ཏུ་གསོལ། བྱིན་གྱིས་རློབ་ཏུ་གསོལ། yc+ཅེས་ཅི་ནུས་སམ། བསྡུ་ན། ཕྱི་མ་ཙམ་ཞིག་གིས་བྱ།-yc་ཞེས་གསོལ་བ་བཏབ་པས་བླ་མའི་སྐུའི་ཆ་ལས་འོད་དང་བདུད་རྩིའི་རྒྱུན་དཔག་ཏུ་མེད་པ་བྱུང་སྟེ་རང་གཞན་སེམས་ཅན་ཐམས་ཅད་ཀྱི་སྡིག་སྒྲིབ་ནད་གདོན་དང་བཅས་པ་
ཐམས་ཅད་སྦྱང༌། ཚེ་དང་བསོད་ནམས་དང་ལུང་རྟོགས་ཀྱི་ཡོན་ཏན་རྣམས་རྒྱས་པར་བྱས། བླ་མ་ལྷའི་སྐུ་གསུང་ཐུགས་ཀྱི་བྱིན་རླབས་མཐའ་དག་རྒྱུད་ལ་ཞུགས་པས་མཆོག་ཐུན་གྱི་དངོས་གྲུབ་མ་ལུས་པ་སྒྲུབ་པའི་སྐལ་པ་ཅན་དུ་གྱུར་yc+པར་བསམ། དེ་ནས།-yc་བླ་མ་རྒྱལ་བ་ཀུན་འདུས་ཀྱིས། །བདག་ལ་དབང་
བཞི་བསྐུར་དུ་གསོལ། །ཞེས་གསོལ་བ་བཏབ་པས། བླ་མའི་ཐུགས་ཀ་ནས་སྤྲོས་པའི་དབང་གི་ལྷ་རྣམས་ཀྱིས་བདུད་རྩིས་གང་བའི་བུམ་པ་ཐོགས་ནས། ཨོཾ་སརྦ་yc+ནས།-yc་ཧཱུཾ། ཞེས་གསུང་ཞིང་སྤྱི་བོ་ནས་དབང་བསྐུར་བས་ལུས་ཀྱི་ནང་ཐམས་ཅད་གང་བས་དེའི་སྒྲིབ་པ་སྦྱངས། བུམ་པའི་དབང་ཐོབ། བསྐྱེད་
རིམ་བསྒོམ་པ་ལ་དབང་བར་བྱས། སྤྲུལ་སྐུ་འགྲུབ་པའི་ནུས་པ་ཁྱད་པར་ཅན་བཞག །བླ་མ་ཡབ་ཡུམ་སྙོམས་པར་ཞུགས་པའི་སྦྱོར་མཚམས་ནས་བྱང་སེམས་དཀར་དམར་བྱུང་བ། རང་གི་ལྕེ་ལ་མྱང་བས་ངག་གི་སྒྲིབ་པ་དག །གསང་བའི་དབང་ཐོབ། སྒྱུ་ལུས་བསྒོམ་པ་ལ་དབང་བར་བྱས། ལོངས་
སྐུ་འགྲུབ་པའི་ནུས་པ་ཁྱད་པར་ཅན་བཞག །བླ་མ་དང་གཙོ་བོ་ཐ་མི་དད་པའི་ཡུམ་ལས་ཡུམ་གཉིས་པ་ཞིག་ཆད་ནས་རང་གི་ཡུམ་ལ་ཐིམ། དེ་དང་མཉམ་པར་སྦྱར་པས་དགའ་བ་གསུམ་དང༌། ཁྱད་པར་ལྷན་ཅིག་སྐྱེས་པའི་དགའ་བ་ཉམས་སུ་མྱོང༌། བདེ་བས་སྟོང་པ་ངེས་པའི་བདེ་སྟོང་དབྱེར་མེད་དུ་
@010B ?་བས་ཡིད་ཀྱི་སྒྲིབ་པ་སྦྱངས། ཤེས་རབ་ཡེ་ཤེས་ཀྱི་དབང་ཐོབ། དོན་དམ་འོད་གསལ་བསྒོམ་པ་ལ་དབང་བར་བྱས། ཆོས་ཀྱི་སྐུ་འགྲུབ་པའི་ནུས་པ་ཁྱད་པར་ཅན་བཞག །བླ་མ་ཡབ་ཡུམ་ལས་རང་འདྲ་གཉིས་པ་ཞིག་ཆད་ནས་རང་ལ་ཐིམ་པས། ལུས་ངག་ཡིད་གསུམ་གྱི་སྒྲིབ་པ་སྦྱངས། དབང་
?་ཞི་པ་ཐོབ། ཟུང་འཇུག་བསྒོམ་པ་ལ་དབང་བར་བྱས། འབྲས་བུ་རྡོ་རྗེ་འཆང་གི་སྐུ་འགྲུབ་པའི་ནུས་པ་ཁྱད་པར་ཅན་བཞག་གོ yc+།དེ་ནས།-yc་བླ་མ་ཡབ་ཡུམ་རང་གི་སྤྱི་བོར་བྱོན་པར་གྱུར་yc+བར་བསམས་ལ། སླར་ཡང༌།-yc་སྐྱབས་གནས་ཀུན་འདུས་ཀྱི་བདག་ཉིད་བླ་མ་རྡོ་རྗེ་འཇིགས་བྱེད་ཆེན་པོ་གསོལ་བ་འདེབས་
སོ། །བདག་ལ་བྱིན་གྱིས་རློབ་ཏུ་གསོལ། ཞེས་yc+ལན་བདུན་ནམ་ཉེར་གཅིག་སོགས་བྱ།-yc་གསོལ་བ་བཏབ་པས་བླ་མ་ཡབ་ཡུམ་རང་གི་སྤྱི་བོའི་ཚངས་བུ་གནས་སྙིང་ཀར་ཞུགས་པས། རང་ཉིད་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་གྲི་གུག་དང་ཐོད་པ་འཛིན་པ་ཡུམ་དང་བཅས་པའི་སྐུར་
གསལ་བར་གྱུར། རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། སྣོད་བཅུད་ཐམས་ཅད་ལ་འཕོག་པས། དེ་དག་གི་སྐྱོན་ཐམས་ཅད་སྦྱངས། སྣོད་ཐམས་ཅད་གཞལ་ཡས་ཁང་དང༌། བཅུད་ཐམས་ཅད་རྡོ་རྗེ་འཇིགས་བྱེད་ཀྱི་སྐུར་གྱུར་yc+པར་བསམས་ལ། སྔགས་གསུམ་ཅི་འགྲུབ་བཟླའོ། མཐར་ཡིག་བརྒྱ་བརྗོད་ད།-yc་སྐྱེ་བ་
ཀུན་དུ་yc+འམ།-yc་དགེ་བ་འདི་ཡིས་མྱུར་དུ་བདག །འཇམ་དཔལ་ཞི་ཁྲོ་འགྲུབ་གྱུར་ནས། yc+།ཞེས་སོགས་བསྔོ་སྨོན་བྱའོ། དེ་ལྟར་ཐུན་བཞིའམ། གསུམ་མམ། གཉིས་སམ། གཅིག་ཏུ་ཉམས་སུ་བླངས་ན་ནི་ཕན་ཡོན་དཔག་ཏུ་མེད་པ་འབྱུང་ངོ་ཞེས་རྒྱལ་བ་དབེན་ས་བས་བཤད་དོ། །འདི་དག་གང་ཉམས་སུ་ལེན-yc་ཡང་དབང་ཐོབ་པ་སྔོན་དུ་འགྲོ་དགོས་ལ༌།
yc+དེ་ཐོབ་ནས་གསང་བདེ་འཇིགས་གསུམ་ལྟ་བུའི་བླ་མེད་ཀྱི་བསྐྱེད་རྫོགས་གཉིས་ཀའམ། གང་རུང་རྒྱས་པར་ཉམས་ལེན་དུ་བྱེད་བཞིན་པ་ཡིན་ན་ཤིན་ཏུ་ལེགས་མོད། དེ་དག་རྒྱས་པར་མ་ལྕོགས་པའི་ཚེ་འདི་བཞིན་བྱས་ནའང་ལེགས་པ་ཡིན་ནོ། །དེས་ན་བློ་གྲོས་ཅན་སྐལ་བ་དང་ལྡན་པ་སུ་དག་བླ་མེད་ཀྱི་ལམ་དུ་ཞུགས་ནས་འདི་ལྟ་བུའི་ཉམས་ལེན་གྱི་ཕྱོགས་རེ་ཙམ་
@011A ༄༅། །མེད་ན། ཕྱིས་སངས་རྒྱས་དང་འདྲ་བའི་ལམ་བཟང་པོ་དང་འཕྲད་པའི་སྐལ་བ་དང་བྲལ་བར་འགྱུར་པས། འདི་ལྟ་བུའི་ཉམས་ལེན་གྱི་ཕྱོགས་ལ་ཅི་ནུས་སུ་འབད་པར་བྱ་ཞིང༌།-yc་དམ་པ་དོན་མེད་པར་མི་བྱའོ། །དེ་ལྟ་ནའང་ཤིན་ཏུ་སྙིགས་མ་ལྔ་བདོ་བའི་དུས་འདིར་ནི། ལམ་གྱི་རྟོགས་པ་མཆོག་རྣམས་རང་ཅག་ལྟ་བུའི་རྒྱུད་
ལ་སྐྱེ་དགའ་ཡང༌། ཕྱོགས་མཐུན་གྱི་བག་ཆགས་བཟང་པོ་རེ་འཇོག་པར་གནད་ཆེ་མ། དེ་ཡང༌།-yc་གསང་བ་དེ་སོགས་ཀྱི་བསྐྱེད་རྫོགས་ཉིད་འགངས་ཆེ་བ་ཙམ་གྱིས་མི་ཆོག་གི-yc༌།རང་གི་བློ་ཚོད་དང་བསྟུན་ནས་རྒྱུད་ཐོག་ཏུ་ཁེལ་བར་བྱེད་ནུས་yc+མི་ནུས་ལ་ཐུག་པས། རང་གི་བློ་དང་མི་འཚམས་པའི་ཆོ་ག་རྒྱས་པ་ཙམ་ལ་ནི་དགའ་བར་མི་བྱ་བར་
བཤད་དོ།། སྨྲས་པ།-yc་རྒྱུད་ཀྱི་མཐར་ཐུག་གཡང་བ་དེ་འཇིགས་གསུམ་གྱི། །བརྗོད་བྱ་མཐར་ཐུག་རིམ་གཉིས་ཉམས་ལེན་ཏེ། །སྙིང་པོ་མཐར་ཐུག་བླ་མའི་རྣལ་འབྱོར་ཉིད། །མན་ངག་མཐར་ཐུག་ཡིན་ནམ་སྙམ་ནས་བྲིས།། yc+།ཞེས་པ་འདིའང༌། ཤཱཀྱའི་
དགེ་སློང་རབ་འབྱམས་སྨྲ་བ་གྲགས་པ་བཤད་སྒྲུབ་ཀྱིས། པཎ་ཆེན་གོང་མ་སོགས་དམ་པ་སྔ་མའི་མན་ངག་ལ་བརྟེན་ནས་གཞན་ལ་ཕན་པར་གྱུར་ན་ཅི་མ་རུང་སྙམ་པའི་འདུན་པ-yc་ཁོ་ནས་སྦྱར་བ་སྟེ། འདིས་ཀྱང་རྗེ་བླ་མའི་བསྟན་པ་ལ་ཕན་ཐོགས་པར་གྱུར་ཅིག།། །།བཀྲ་ཤིས། །
@011B [BLANK PAGE]