[སྔོན་འགྲོའི་དཔར་གཞི།]་
@001A ༄༅། །འཇིགས་བྱེད་དཔའ་བོ་གཅིག་པའི་སྒྲུབ་ཐབས་བདུད་དབུང་ཀུན་འཇོམས་ཞེས་བྱ་བ་བཞུགས་སོ།།
@001B ༄༅༅། །ན་མོ་གུ་རུ་མཉྫུ་གྷྲོ་ཥཱ་ཡ། ཕྱི་ནང་གསང་བའི་འཆི་བདག་གཤིན་རྗེ་རྣམས། །ཀུན་ནས་མཐར་བྱེད་འཇམ་དཔལ་དཔའ་བོ་དང༌། །དབྱེར་མེད་རྗེ་བཙུན་བླ་མའི་ཞབས་བཏུད་ནས། །འཇིགས་བྱེད་དཔའ་
གཅིག་སྒྲུབ་ཐབས་བཤད་པར་བྱ། །འདིར་འཇིགས་བྱེད་དཔའ་བོ་གཅིག་པའི་སྒྲུབ་ཐབས་རྒྱུན་གྱི་རྣལ་འབྱོར་དུ་བྱ་བའི་ཚུལ་ལ་རྒྱས་བསྡུས་གཉིས་ལས། རྒྱས་པ་ནི་རྗེ་ཉིད་ཀྱིས་མཛད་པའི་སྒྲུབ་ཐབས་བདུད་ལས་རྣམ་རྒྱལ་བཞིན་ཅད་བྱཱ་ཞབས་དྲུང་གིས་བགྲལ་བལྟར་ཡིན་ལ། ཤིན་དུ་
བསྡུས་པ་ནི། པཎ་ཆེན་གོང་མའི་གསུང་འབུམ་ནས་འབྱུང་བ་བཞིན་ཏེ། འདིར་སྔ་མ་ལས་བསྡུས་ཤིང་ཕྱི་མའི་དགོངས་པ་ཁ་བསྐང་བའི་སྒོ་ནས་ཅུང་ཟད་རྒྱས་པར་བཤད་པ་ནི། ཌ་དྲིལ་དང༌། ཕྱི་ནང་གི་མཆོད་པ་སོགས་རྣལ་འབྱོར་གྱི་ཡོ་བྱང་རྣམས་ཚོགས་བར་བྱས་ཏེ། སྐྱབས་སེམས་
སོགས་སྤྱི་ལྟར་རམ། ཡང་ན་དཀོན་མཆོག་གསུམ་ལ་སྐྱབས་སུ་འགྲོ། yc+ཞེས་སོགས་ཤློ་ཀ་གཅིག་གིས་སྐྱབས་འགྲོ་སེམས་བསྐྱེད་ལན་གསུམ་སྔོན་དུ་བཏང༌།-yc་རང་ཉིད་སྐད་ཅིག་གིས་དཔལ་རྡོ་རྗེ་འཇིགས་བྱེད་ཞལ་གཅིག་ཕྱག་གཉིས་གྲི་གུག་དང་ཐོད་པ་འཛིན་པའི་སྐུར་
བཞེངས་པར་གྱུར། yc+ནང་མཆོད་བྱིན་རླབས་རྒྱས་པ་ནི།-yc་ཨོཾ་ཧྲཱིཿ ཥྚཱྀཿ ཝི་ཀྲྀ་ཏཱ་ན་ན་ཧཱུཾ་ཕཊ། ཨོཾ་ལྭ་བྷཱ་ཝ་ཤུདྡྷཿ སརྦ་དྷརྨཿ སྭ་བྷཱ་ཝ་ཤུདྡྷོ་ཧཾ། སྟོང་པ་ཉིད་དུ་གྱུར། སྟོང་པའི་ངང་ལས། ཡཾ་ལས་རླུང་གི་དཀྱིལ་འཁོར་སྔོན་པོ་གཞུའི་དབྱིབས་ལྟ་བུ་བ་དན་གྱིས་མཚན་པ།
དེའི་སྟེང་དུ་རཾ་ལས་མེའི་དཀྱིལ་འཁོར་དམར་པོ་གྲུ་གསུམ་པ། དེའི་སྟེང་དུ་ཨཱཿ ལས་མི་མགོའི་སྐྱེ་བུ་གསུམ་གྱི་སྟེང་དུ་ཨཱཿ ལས་བྱུང་བའི་ཐོད་པ་དཀར་པོ། དེའི་ནང་གི་ཤར་དུ་བྷུཾ་ལས་བྱུང་བའི་བ་ཡང་གི་ཤ་གཽས་མཚན་པ། ལྷོར་ཨ་ལས་བྱུང་བའི་ཁྱིའི་ཤ་
@002A ༄༅། །ཀུས་མཚན་པ། ནུབ་ཏུ་ཛྲིཾ་ལས་བྱུང་བའི་གླང་པོ་ཆེའི་ཤངས་མཚན་པ། བྱང་དུ་ཁ་ལས་བྱུང་བའི་རྟའི་ཤས་ཧས་མཚན་པ། དབུས་སུ་ཧཱུཾ་ལས་བྱུང་བའི་མིའི་ཤ་ནས་མཚན་པ། ཤར་ལྷོར་ལཾ་ལས་བྱུང་བའི་དྲི་ཆེན་པོས་མཚན་པ། ལྷོ་ནུབ་ཏུ་ཨཾ་ལས་བྱུང་
བའི་རཀྟ་རས་མཚན་པ། ནུབ་བྱང་དུ་བཾ་ལས་བྱུང་བའི་བྱང་སེམས་དཀར་པོ་ཤུས་མཚན་པ། བྱང་ཤར་དུ་ཏཾ་ལས་བྱུང་བའི་རྐང་མར་མེས་མཚན་པ། དབུ་སུ་པཾ་ལས་བྱུང་བའི་དྲི་ཆུ་མུས་མཚན་པ། དེ་དག་གི་སྟེང་དུ་ཨོཾ་དཀར་པོ། ཨཱཿ དམར་པོ། ཧཱུཾ་སྔོན་པོ་གསུམ་སྟེང་ནས་སྟེང་དུ་
བརྩེགས་པར་གྱུར། རང་གི་ཐུགས་ཀའི་ཧཱུཾ་ལས་འོད་འཕྲོས། རླུང་ལ་ཕོག །རླུང་གཡོས། མེ་སྦར། ཐོད་པའི་རྫས་རྣམས་ཞུ་ཞིང་ཁོལ་བར་གྱུར། ཡི་གེ་གསུཾ་ལས་འོད་ཟེར་རིམ་པ་བཞིན་དུ་འཕྲོས་པས། སྐུ་རྡོ་རྗེ། གསུང་རྡོ་རྗེ། ཐུགས་རྡོ་རྗེ་རྣམས་བཀུག་ནས། ཡི་གེ་
གསུམ་ལ་རིམ་གྱིས་ཐིམ་པ་རྣམས་ཐོད་པར་ལྷུང་ནས་ཞུ་བས། ཧཱུཾ་གིས་ཁ་དོག་དྲི་ནུས་ཀྱི་སྐྱོན་སྦྱངས། ཨཱས་བདུད་རྩིར་རྟོགས་པར་བྱས། ཨོཾ་གྱིས་མང་པོར་སྦར་ཞིང་སྦེལ་yc+བར་གྱུར།-yc་ཨོཾ་ཨཱཿ ཧཱུཾ། yc+ལན་གསུམ་བརྗོད་ནས་བྱིན་གྱིས་བརླབས་པ་འམ། མདོར་བསྡུ་ན། ཡི་གེ་གསུམ་དང༌།-yc་
ཧ་ཧོ་ཧྲཱིཿ yc+ལན་གསུམ་གྱིས་ནང་མཆོད་བྱིན་གྱིས་བརླབས་ཏེ་རང་ཉིད་འཇིགས་བྱེད་ཞེས་པ་ནས་འཇུག་པའམ། རྒྱུན་པའི་ཁ་ཏོན་ལ་སྔོན་འགྲོའི་མཆོད་གཏོར་སོགས་མེད་ན་མི་འགལ་ཡང༌། ཡོད་ན-yc་ཧྲཱིཿ ཥྚྲིཿ yc+ས་བསང༌། སྭ་བྷཱ་yc+ཝས་སྟོང་པར་སྦྱངས།-yc་སྟོང་yc+པའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བ-yc་
རྣམས་ཀྱི་ནང་དུ་ཧཱུཾ་ཧཱུཾ་ཞུ་བ་ལས་བྱུང་བའི་མཆོད་ཡོན། ཞབས་བསིལ། yc+ཞེས་པ་ནས།-yc་རོལ་མོ་རྣམས་རང་བཞིན་བདེ་སྟོང་རྣམས་མཆོད་རྫས། བྱེད་ལས་དབང་པོ་དྲུག་གི་སྤྱོད་ཡུལ་དུ་ཟག་པ་མེད་པའི་བདེ་བ་ཁྱད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ་ནས་ཤཔྟ་ཨཱཿ ཧཱུཾ་yc+གིས་པར་གྱིས་བྱིན་གྱིས་
@002B བརླབས། གཏོར་མ་སྔར་བཞིན་བརླབས་ཏེ།-yc་རང་གི་ཐུགས་ཀའི་ཧཱུཾ་yc+ཞེས་པ་ནས-yc་ཕྱོགས་སྐྱོང་འཁོར་བཅས་རང་གནས་སུ་གཤེགས་པར་གྱུར། yc+ཅེས་པའི་བར་གཞན་ནས་འབྱུང་བ་ལྟར་བྱ། འདིར་བདག་བསྐྱེད་ཀྱི་མཆོད་པ་སྔར་བཞིན་ནམ་སྤྲོ་ན་འདོད་ཡོན་དང་བཅས་པ་བརླབས་པའམ། ཡང་ན་འོག་ཏུ་བྱ། མཎྜལ་འབུལ་འདོད་ནམ་གཏོགས་མི་དགོས་
ལ༑ རྡོར་སེམས་ཀྱི་སྒོམ་བཟླས་བྱ་བ་འདིར་དངོས་སུམ་གསུངས་ཀྱང༌། བྱས་ན་ལེགས་པས་དེ་ནི-yc་རང་གི་སྤྱི་བོ?་པཾ་ལས་པདྨ་yc+ཞེས་པ་ནས-yc་སྐུ་གསུང་ཐུགས་དབྱེར་མི་ཕྱེད་པར་གྱུར་yc+ཅེས་པའི་བར་བཅུ་གསུམ་མ་ལྟར་བྱའོ། །དེ་ནས།-yc་རང་ཉིད་འཇིགས་བྱེད་ཞལ་གཅིག་ཕྱག་གཉིས་པར་གསལ་བའི་ཐུགས་ཀར།-yc་པདྨ་དང་ཉི་མ་ལ་
གནས་པའི་ཧཱུཾ་གི་འོད་ཟེར་གྱིས་འཇིག་རྟེན་གྱི་ཁམས་སུ་མེད་པ་གསལ་བར་བྱས། དེ་ན་བཞུགས་པའི་སངས་རྒྱས་དང་བྱང་ཆུབ་སེམས་དཔའ་དང་ཁྲོ་བོ་དང༌། རིག་པའི་ཚོགས་ཀྱིས་བསྐོར་བའི་རྡོ་རྗེ་འཇིགས་བྱེད་བླ་མ་དང་བཅས་པ་མདུན་གྱིས་ནམ་མཁར་སྤྱན་དྲངས། འོད་ཟེར་རང་གི་སྙིང་གར་ཐིམ། གང་གི་
དྲིན་གྱིས་བདེ་ཆེན་གནས། །སྐད་ཅིག་གིས་ནི་ཐོབ་འགྱུར་བ། །བླ་མ་རིན་ཆེན་ལྟ་བུ་ཡི། །རྡོ་རྗེ་ཅན་ཞབས་བདལ་འདུད། །གཟུགས་མཆོག་མཆོག་ཏུ་དྲག་པོ་ཆེ། །དཔའ་བོ་མཆོག་གི་སྤྱོད་ཡུལ་ཅན། །གདུལ་དཀའ་འདུལ་བའི་དོན་མཛད་པ། །རྡོ་རྗེ་འཇིགས་བྱེད་ལ་ཕྱག་འཚལ། yc+།ཞེས་པས་
ཕྱག?་བྱ།-yc་རང་གི་སྙིང་གའི་ཧཱུཾ་གི་འོད་ཟེར་ལས་བྱུང་བའི་ཙ་རྩི་དཀར་མོ། ཕག་མོ་སྔོན་མོ། དབྱངས་ཅན་མ་དམར་མོ། ཀཽ་རི་ལྗང་གུ་ཕྱག་ན་མཆོད་རྫས་སྣ་ཚོགས་པ་ཐོགས་པ་རྣམས་ཀྱིས་མཆོད་པར་གྱུར། ཨོཾ་ཧྲཱིཿ ཥྚྲཱིཿ ཧས་yc+མཆོད་ཡོན་དང༌།-yc་ཨོཾ་ཧཱུཾ་ཧཱུཾ་ཕཊ་yc+ཀྱིས་ཞབས་བསིལ།-yc་ཨོཾ་ཝི་ཀྲྀ་ཏཱ་ན་ན་དུཥྚཾ་
སཏྭ་ད་མ་ཀ་གཿ གཿ གཿ ཡིས་དྲི། ཨོཾ་ཀུ་མཱ་ར་རཱུ་པི་ཎེ་ཛཿ ཛཿ ཧཱུཾ་ཕཊ་yc+ཀྱིས་མེ་ཏོག།-yc་ཨོཾ་ཧྲཱིཿ ཧཿ ཧཻ?་ཕཊ་yc+ཀྱིས་བདུག-yc་སྤོས། ཨོཾ་དཱི་སྟ་ལོ་ཙ་ན་ཝི་ཀྲྀ་ཏཱ་ན་ན་མ་ཧཱ་ཨཊྚ་ཊྚ་ཧཱ་ས་ན་དི་ནི་དཱཾ་བཏ་ཡ་སྭཱ་ཧཱ་yc+ས་མར་མེ།-yc་ཨོཾ་བཛྲ་ནཻ་བི་དྱ་ཨཱཿ ཧཱུཾ་སྭཱ་ཧཱ། yc+ས་ལྷ་པ་ཤོས།-yc་ཨོཾ་བཛྲ་ཤཔྟ་ཨཱཿ ཧཱུཾ་yc+གིས་རོལ་མོ་རྣམས་དབུལ། དེ་ནས-yc་སྡིག་པ་རྣམས་ནི་
@003A ༄༅། །བཤགས་པར་བྱ། །སྐྱེས་ཤིང་བྱུང་བ་རྣམས་ནི་བསལ། །མི་བྱེད་པར་ཡང་སྤྱན་སྔར་བརྗོད། །དེ་བཞིན་བསོད་ནམས་རྗེས་ཡི་རང༌། །བདག་གིས་བདེར་འགྲོ་ཡོངས་སུ་བསྔོ། །དཀོན་མཆོག་གསུམ་ལ་སྐྱབས་སུ་འགྲོ། །སེམས་ཅན་ཐམས་ཅད་བདག་གིས་དགྲོལ།།
བྱང་ཆུབ་གནས་ལ་དགོད་པར་བགྱི། །བྱང་ཆུབ་སེམས་ནི་ཡང་དག་བསྐྱེད། །ཡོན་ཏན་རྒྱ་མཚོ་ཁྱེད་རྣམས་ལ། །བདག་གི་ལུས་འདི་དབུལ་བར་བགྱི། །ཡང་དག་རྫོགས་པའི་སངས་རྒྱས་དང༌། །དེ་སྲས་ལམ་གྱུར་སྦྱིན་སོགས་ཚུལ། །སྐུ་གསུམ་ཡེ་ཤེས་ཐོབ་བྱའི་ཕྱིར། །རབ་ཏུ་དང་
པས་བསྟེན་པར་བགྱི། yc+།ཞེས་པའི་བར་གྱིས་བཤགས་པ་དང༌། ཡི་རང༌། བསྔོ་བ། སྐྱབས་འགྲོ་སེམས་བསྐྱེད། ལུས་འབུལ་བ། ལམ་བསྟེན་རྣམས་བྱ། དེ་ནས་རིགས་ལྔའི་སྡོམ་བཟུང་འདོད་ན།-yc་སངས་རྒྱས་བྱང་ཆུབ་སེམས་དཔའ་ཀུན། yc+ཞེས་པ་ནས-yc་སེམས་ཅན་མྱ་ངན་འདས་ལ་འགོད། yc+།ཅེས་པའི་བར་བརྗོད་ལ་འཛིན་ཅིང༌།-yc་
སེམས་ཅན་ཐམས་ཅད་བདེ་བ་དང་ལྡན་པར་གྱུར་ཅིག yc+།ཅེས་སོགས་ཀྱིས་ཚད་མེད་བཞི་བསྒོམས་ཏེ་བསོད་ནམས་ཀྱི་ཚོགས་བསག་པའོ། །དེ་ནས།-yc་ཨོཾ་སྭ་བྷཱ་ཝ་ཤུདྡྷཱཿ སརྦ་དྷརྨཿ སྭ་བྷཱ་ཝ་ཤུདྡྷོཉ་ཧཾ། ཨོཾ་ཤཱུ་ནྱ་ཏཱཾ?་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉཧཾ། རང་དང་ཚོགས་ཞིང་གི་ལྷ་དང་དེ་དག་ལས་གཞན་པའི་ཆོས་ཐམས་ཅད་བརྟེན་
ནས་བཏགས་པ་ཡིན་པའི་ཕྱིར། རྟག་ཆད་ལ་སོགས་པའི་མཐའ་བཞི་དང་བྲལ་བའི་སྟོང་པ་ཉིད་དུ་གྱུར། དེ་ལྟར་འཁོར་འདས་ཀྱི་ཆོས་ཐམས་ཅད་སྟོང་པ་ཉིད་དང་བདེ་བ་ཆེན་པོ་དབྱེར་མི་ཕྱེད་པའི་ཆོས་ཀྱི་སྐུའི་བདག་ཉིད་དུ་མོས།-yc་དེ་ཉིད་གདགས་གཞིར་བྱས་ནས་ང་རྒྱལ་བཞག་སྟེ་བསྒོམ་པ་ནི་ཡེ་ཤེས་ཀྱི་ཚོགས་བསགས་པ་དང་འཆི་བ་ཆོས་
སྐུར་འཁྱེར་བའི་ལམ་འཁྱེར་ཡིན་ནོ།། ཤིན་དུ་བསྡུ་ན། སྟོང་པའི་ངང་ལས་སྐད་ཅིག་གིས་རྡོ་རྗེའི་ས་གཞི་ང་བ་གུར་བླ་རེ་མེ་རི། དུར་ཁྲོད་ཆེན་པོ་བརྒྱད་ཀྱིས་ཡོངས་སུ་བསྐོར་བའི་གཞལ་ཡས་ཁང་གི་ནང་གི་དབུས་སུ་ཡཾ་ལས་རླུང་གི་དཀྱིལ་འཁོར་ནག་ལ་ཅུང་ཟད་དམར་པའི་ཞེས་བསྡུས?་ཏེ་འདོན་པ་ལྟར་རམ།
@003B རྒྱས་པར་ན། སྟོང་པའི་ངང་ལས་ཡཾ་ལས་རླུང་གི་དཀྱིལ་འཁོར་དུ་བའི་མདོག་ཅན་yc+ཞེས་པ་ནས།-yc་མེ་དཔུང་ཕྱོགས་བཅུར་འཕྲོ་བར་གྱུར། yc+ཞེས་པའི་བར་གྱི་ཐུན་མོང་བའི་སྲུང་འཁོར་དང༌། ཐུན་མོང་མ་ཡིན་པའི་སྲུང་འཁོར་འདོད་ན།-yc་རྭ་བའི་དབུས་སུ་yc+ཞེས་པ་ནས།-yc་ཚར་གཅོད་པར་གྱུར། yc+ཅེས་པའི་བར་གྱིས་བསྒོམ།
འདི་ལྟར་ན།-yc་རང་ཉིད་གནོད་མཛེས་སུ་གནས་པ་ཡོངས་སུ་གྱུར་བ་ལ་རྡོ་རྗེ་སེམས་དཔའ་ཞེས་དང༌། yc+སྔ་མ་ལྟར་ན།-yc་རྭ་བའི་དབུས་སུ་རྡོ་རྗེ་སེམས་དཔའ་སྐུ་མདོག་དཀར་པོ་དཀར་མཐིང་དམར་བའི་ཞལ་གསུམ་ཕྱག་དྲུག་གི་དང་པོ་གཉིས་ཀྱིས་རང་འདྲའི་ཡུམ་ལ་འཁྱུད་ཅིང༌། ལྷག
མ་གཡས་གཉིས་རྡོ་རྗེ་དང་རལ་གྲི། གཡོན་གཉིས་རིན་པོ་ཆེ་དང་པདྨ་འཛིན་པ་ཡོངས་སུ་གྱུར་པ་ལས། ཆོས་འབྱུང་དཀར་པོ་གྲུ་གསུམ་པ། གྱེན་དུ་འགྲེང་བ་འོག་ཏུ་ཕྲ་ཞིང་སྟོད་ཡངས་པ། འོག་ཟུར་ནས་པཾ་ལས་བྱུང་བའི་སྣ་ཚོགས་པདྨའི་ལྟེ་བར། ཧཱུཾ་ལས་
སྣ་ཚོགས་རྡོ་རྗེ་ཤར་གྱི་རྭ་དཀར། ལྷོའི་རྭ་སེར། ནུབ་ཀྱི་རྭ་དམར། བྱང་གི་རྭ་ལྗང༌། དབུས་ཀྱི་ལྟེ་བ་སྔོན་པོས་བརྒྱན་པ་yc+ར་བསམ་མོ།-yc་ལྟེ་བའི་དབུས་སུ་བྷྲུཾ་ལས་འཁོར་ལོ་བྷྲུཾ་གྱིས་མཚན་པ་ལས་བྱུང་བའི་རྣམ་སྣང་དཀར་པོ་དཀར་མཐིང་དམར་བའི་ཞལ་གསུམ། ཕྱག
དྲུག་གི་དང་པོ་གཉིས་ཀྱིས་རང་འདྲའི་ཡུམ་ལ་འཁྱུད་ཅིང༌། ལྷག་མ་གཡས་གཉིས་རྡོ་རྗེ་ལ་གནས་པའི་འཁོར་ལོ་དང་རལ་གྲི། གཡོན་གཉིས་རིན་པོ་ཆེ་དང་པདྨ་འཛིན་པ་ཡོངས་སུ་གྱུར་པ་ལས༑ གཞལ་ཡས་ཁང་གྲུབ་ཞི་བ་སྒོ་བཞི་པ། ཕྱི་རོལ་ནས་རིམ་པ་བཞིན་དཀར་
སེར་དམར་ལྗང་སྔོ་བའི་རྩིག་པ་ལྔ་དང་ལྡན་པ། རྩིག་པའི་སྟེང་ན་རིན་པོ་ཆེ་སྣ་ཚོགས་པས་མཛེས་པར་བྱས་པའི་རིན་པོ་ཆེའི་ཕ་གུས་བསྐོར་བའི་གཞལ་ཡས་ཁང་གི་ནང་དུ། རྡོ་རྗེའི་ཕྲེང་བས་ཟླུམ་པོར་བསྐོར་བ་ལ་བརྟེན་པའི་ཀ་བ་བརྒྱད་གྱིས་བཏེག་པའི་རྡོ་རྗེའི་གདུང་བཞིས་མཛེས་
@004A ༄༅། །པར་ཕུབ་པ། རྩེ་མོ་རྡོ་རྗེ་ནོར་བུ་རིན་པོ་ཆེའི་ཏོག་གིས་མཛེས་པའི་ནང་གི་ཤར་དཀར་ལྷོ་སེར་ནུབ་དམར་བྱང་ལྗང་དབུས་སྔོ་བ། ཕ་གུའི་སྟེང་ན་གསེར་གྱི་ཀ་རགས་བཞིའི་ཕྱི་ངོས་སུ་ཆུ་སྲིན་གྱི་ཁ་ནས་འཕྱང་བའི་རིན་པོ་ཆེའི་དྲ་བ་དང་དྲ་བ་ཕྱེད་པ་ལ་
དྲིལ་བུ་དང་རྔ་ཡབ་ལ་སོགས་པས་བརྒྱན་པ། དེའི་ཕྱི་ངོས་སུ་བྱ་འདབ་ལས་འཕྱང་བའི་རིན་པོ་ཆེའི་ཤར་བུ། དེའི་སྟེང་དུ་མདའ་ཡབ་པདྨ་འདབ་མ་ཕྱེད་པའི་དབྱིབས་ཅན་ལ། བ་དན་དང་རྒྱལ་མཚན་ལ་སོགས་པས་མཛེས་པར་བྱས་པ། རྩིག་པའི་མཐའ་ནས་འདོད་ཡོན་གྱི་
སྣམ་བུ་དམར་པོས། འགྲམ་སྟེགས་ཀྱི་རྣམ་པར་བསྐོར་བ་ལ། ལྷ་མོ་མཆོད་རྫས་ཐོགས་པ་རྣམས་འཁོང་ནས་མཆོད་པ་བྱེད་པ། སྒོ་དང་སྒོ་འཁྱུད་ཀྱི་ཕྱིའི་མཚམས་དང༌། འོག་གི་ཕྱི་ནང་གི་གྲྭ་བཞིར་ཟླ་ཕྱེད་རྡོ་རྗེ་རིན་ཆེན་གྱིས་སྤྲས་པ། སྒོ་བཞི་སོ་སོའི་མདུན་དུ་ཀ་བ་བཞི་
བཞིས་བཏེག་པའི་རྟ་བབ་སྣམ་བུ་བཅུ་གཅིག་དང་ལྡན་པའི་སྟེང་དུ་ཆོས་ཀྱི་འཁོར་ལོ། དེའི་གཡས་གཡོན་དུ་རི་དགས་ཕོ་མོ་དང་བཅས་པ། རྡོ་རྗེའི་རྭ་བ་མེ་རི་དང་བཅས་པའི་ཕྱི་རོལ་ཏུ། གཏུམ་དྲག་ལ་སོགས་པའི་དུར་ཁྲོད་བརྒྱད་ན། ནཱ་ག་གེ་སར་གྱི་ཤིང་ངམ་ཤིར་ཥ་ལ་སོགས་
པའི་ཤིང་བརྒྱད། དེའི་རྩ་བར་བརྒྱ་བྱིན་ལ་སོགས་པའི་ཕྱོགས་སྐྱོང་བརྒྱད། རྩེ་མོར་རྫུ་འཕྲུལ་ཆེན་པོ་པ་གླང་པོ་ཆེའི་གདོང་བ་ཅན་ལ་སོགས་པའི་ཞིང་སྐྱོང་བརྒྱད། ཐུགས་རྗེའི་ཆུ་བརྒྱད། དེ་ལ་གནས་པའི་ནོར་རྒྱས་ལ་སོགས་པའི་ཀླུ་བརྒྱད། དེ་དག་གི་སྟེང་གི་ནམ་མཁའ་ལ་
སྒྲོགས་པ་ལ་སོགས་པ་ལ་སྤྲིན་བརྒྱད། ཡེ་ཤེས་ཀྱི་མེ་བརྒྱད། མཆོད་རྟེན་བརྒྱད། གཞན་ཡང་ཀེང་རུས་དང༌། གསལ་ཤིང་གིས་ཕུག་པའི་རོ་དང༌། ཤིང་ལ་དབྱངས་པ་དང༌། སྐྱེས་བུ་ཟབ་དང༌། མཚོན་གྱིས་ཕུག་པ་ལ་སོགས་པ་དང༌། བྱ་རོག་དང་བྱ་རྒོད་དང་ཁྱི་དང་ཅེ་སྦྱང་
@004B དང༌། སེང་གེ་དང་སྟག་ལ་སོགས་པ་དང༌། ཅ་ཅོ་སྒྲོག་པའི་རོ་ལངས?་དང༌། གནོད་སྦྱིན་དང་གྲིན་པོ་ལ་སོགས་པ་རྣམས་ཀྱིས་འཇིགས་སུ་རུང་བ། གྲུབ་པ་དང་རིག་པ་འཛིན་པ་དང་དམ་ཚིག་སྤྱོད་པའི་རྣལ་འབྱོར་པ། བཅོམ་ལྡན་འདས་ལ་རྩེ་གཅིག་ཏུ་བལྟ་བ། གཅེར་བུ་སྐྲ་བཤིག་པ། ཕྱག
རྒྱ་ལྔ་མ་བརྒྱན་པ། ཅང་ཏེའུ་དང་ཐོད་པ་དང་ཁ་ཊྭཱཾ་ག་འཛིན་པ་ཐོད་པས་སྤྱི་བོར་བརྒྱན་པ། རྒོད་ཅིང་དུར་ཁྲོད་དུ་འཇུག་པ་སོགས་ཀྱིས། ཤིན་དུ་ངོ་མཚར་བར་བྱེད་པའི་དུར་ཁྲོད་རྣམས་ཀྱིས་བསྐོར་བའི་རབ་སམ་པ་ནི་རྟེན་བསྐྱེད་པའོ། གཞལ་ཡས་ཁང་གི་དབུས་སུ་ཡཾ་ལས་རླུང་གི་དཀྱིལ་འཁོར་
ནག་ལ?་ཅུང་ཟད་དམར་བའི་མདོག་ཅན་གྱི་སྟེང་དུ་ཨི་ཡིག་དང་པོ་ལས་བྱུང་བའི་ཟླ་བའི་དཀྱིལ་འཁོར་གྱི་དབུས་སུ་ཆུ་ལས་ཆུ་བུར་གྱི་ཚུལ་དུ་དྷཱིཿ སེར་པོ་ལས་བྱུང་བའི་རལ་གྲིའི་དབུས་སུ་དྷཱི་ས་མཚན་པ། དེ་ལས་འོད་ཟེར་འཕྲོས། བདེ་བར་གཤེགས་པ་ཐམས་ཅད་སྤྱན་དྲངས། ཐིམ་པ་ཡོངས་སུ་གྱུར་
བ་ལས་རང་ཉིད་རྒྱུ་རྡོ་རྗེ་འཛིན་པ་འཇམ་དཔལ་གཞོན་ནུར་གྱུར་པ་སྐུ་མདོག་སེར་ལོ།། ཡིད?་ཙམ་ཁྲོས་པ་ཕྱག་གཡས་རལ་གྲི་འབྱང་ཞིང༌། གཡོན་གྱིས་གླེགས་བམ་ཐུགས་ཀར་བསྣམས་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་པ། མཚན་སོ་གཉིས་དང་དཔེ་བྱད་བརྒྱད་ཅུས་བརྒྱན་པ།
རལ་བའི་ཟུར་ཕུད་ལྔ་དང་ལྡན་ཞིང༌། རྒྱན་ཐམས་ཅད་ཀྱིས་བརྒྱན་པ། དེ་ལྟར་བསྒོས་པ་ནི་བར་དོ་ལོངས་སྐུར་བ་ཕྱེར་བའི་རྣལ་འབྱོར་རོ།། དེའི་ཐུགས་ཀར་ཨཱཿ ལས་བྱུང་བའི་ཉི་མའི་དཀྱིལ་འཁོར། དེའི་འོད་ཀྱི་ཕྱོགས་བཅུན་བཞུགས་པའི་རྣམ་སྣང་ལ་སོགས་པའི་སངས་རྒྱས་དང༌། རྡོ་རྗེ་རྣོན་པོ་
ལ་སོགས་པའི་བྱང་ཆུབ་སེམས་དཔའ་དང༌། རྡོ་རྗེ་ལྕགས་ཀྱུ་ལ་སོགས་པའི་ཁྲོ་བོ་དང༌། སེམས་མ་རྡོ་རྗེ་མལ་སོགས་པའི་རིག་པ་རྣམས་སྤྱན་དྲངས་ཏེ། འཇམ་དཔལ་དང་བཅས་པ་ཉི་མ་ལ་ཞུགས་པས་འོད་ཟེར་གྱིས་དཔག་ཚད་སྟོང་ཕྲག་བརྒྱར་ཁྱབ་པའི་ཉི་མའི་དཀྱིལ་འཁོར་དུ་
@005A ༄༅། །གྱུར། དེའི་སྟེང་དུ་ཧཱུཾ་ཡིག་མཐིང་ག་འོད་ཟེར་ལྔ་དང་ལྡན་པ་ལས་འོད་ཟེར་འཕྲོས་པས། སངས་རྒྱས་དང་བྱང་ཆུབ་སེམས་དཔའ་དང་ཁྲོ་བོ་དང་རིག་པའི་ཚོགས་རྣམས་སྤྱན་དྲངས་ཏེ་ཧཱུཾ་ལ་ཞུགས་པ་ལས་ཁྲོ་བོའི་རྡོ་རྗེ་ཁ་དོག་ནག་པོ་རྩེ་དགུ་པ་རྭ་ཤིན་ཏུ་
གདེངས་པ་འོད་ཟེར་ལྔ་དང་ལྡན་པ། ལྟེ་བ་ལ་ཧཱུཾ་ཡིག་གིས་མཚན་པ། དེ་ལས་རྡོ་རྗེ་ཕྲ་མོའི་གཟུགས་སྤྲོས་པས་སངས་རྒྱས་དང་བྱང་ཆུབ་སེམས་དཔའ་དང་ཁྲོ་བོ་དང་རིག་པའི་ཚོགས་རྣམས་སྤྲོས་ཏེ། ནམ་མཁའི་ཁམས་ཐམས་ཅད་ཏིལ་གྱི་གང་བུ་བཞིན་དུ་གང་བ། ཉི་མ་ལ་གནས་པས་
སེམས་ཅན་རྣམས་སྨིན་པར་བྱས་ནས། རྡོ་རྗེ་འཇིགས་བྱེད་ཐོབ་པར་བྱས་པ་དང་ལྷན་ཅིག་ཏུ་འདུས་ནས་རྡོ་རྗེ་ལ་ཐིམ་པར་གྱུར། ཟླ་དང་དེའི་སྟེང་གི་ཉི་མ་རྡོ་རྗེ་ཧཱུཾ་དང་བཅས་པ་ཡོངས་སུ་གྱུར་པ་ལས། སྣ་ཚོགས་པདྨ་དང་ཟླ་བ་དང་ཉི་མའི་སྟེང་དུ། རང་ཉིད་འབྲས་བུ་རྡོ་རྗེ་འཛིན་
པ་དཔལ་རྡོ་རྗེ་འཇིགས་བདེ་ཆེན་པོ། སྐུ་མདོག་མཐིང་ན་གཞལ་དགུ་ཕྱག་སོ་བཞི་ཞབས་བཅུ་དྲུག་པ་གཡས་བསྐུམས་ཤིང་གཡོན་བརྐྱངས་པའི་སྟབས་ཀྱིས་བཞུགས་པ། ཁམས་གསུམ་པོ་ཟ་བར་ནུས་པ། ཧ་ཧ་ཞེས་སྒྲོག་ཅིང་ལྗགས་འགྲིལ་བ། མཆེ་བ་རྣམ་པར་གཙིགས་
པ་ཁྲོ་གཉེར་ཅན། ཁྲོ་གཉེར་གྱི་འགྲམ་དུ་སྨིན་མ་དང་སྤྱན་འཇིགས་པའི་དུས་ལྟར་འབར་བ། སྐྲ་ཁམ་སེར་གྱེན་དུ་བརྫེས་པ། འཇིག་རྟེན་དང་འཇིག་རྟེན་ལས་འདས་པའི་ལྷ་ལ་སྡིགས་མཛུབ་བྱེད་པ། འཇིགས་པ་རྣམས་ཀྱང་འཇིགས་པར་མཛད་པ། ཕཻཾ་ཀ་རའི་སྒྲ་ཆེན་པོ་
འབྲུག་ལྟར་སྒྲོག་པ། མིའི་ཁྲག་དང་ཞག་དང་རྐང་དང་ཚིལ་བུ་ཟ་བ། འཇིགས་སུ་རུང་བའི་ཐོད་བ་སྐམ་པོ་ལྔས་ཐོད་བྱས་ཤིང༌། མགོ་བོ་རློན་པ་ལྔ་བཅུའི་ཐོད་པའི་ཕྲེང་བས་བརྒྱན་པ། སྤྲུལ་ནག་པོ་མཆོད་ཕྱིར་ཐོགས་དང་མི་རུས་ཀྱི་འཁོར་ལོ་དང༌། རྣ་ཆ་ལ་སོགས་པ་རུས་པའི་
@005B རྒྱན་རྣམས་ཀྱིས་བརྒྱན་པ། གསུས་པ་ཆེ་བ་གཅེར་བུའི་གཟུགས་ཅན། མཚན་མ་གྱེན་དུ་འགྲེར་བ། སྨིན་མ་དང་རྫི་མ་དང་སྨ་ར་དང་བ་སྤུ་རྣམས་དུས་མཐའི་མེ་ལྟར་འབར་ཞིང༌། རྩ་ཞལ་ནག་པོ་མ་ཧེའི་གདོང་ཅན་ཤིན་ཏུ་ཁྲོས་པ་རྭ་རྣོན་པོ་ཅན། དེའི་སྟེང་མ་རྭ་གཉིས་ཀྱི་དབུས་ཀྱི་ཞལ་དམར་པོ་རབ་
ཏུ་འཇིགས་པ་ཞལ་ནས་ཁྲག་འཛག་པ། དེའི་སྟེང་དུ་འཇམ་དཔལ་གྱི་ཞལ་སེར་པོ་ཡིད་ཙམ་ཁྲོས་པ། གཞོན་ནུའི་རྒྱན་གྱིས་བརྒྱན་པ། སྤྱི་བོར་རལ་པ་ལྔ་དང་ལྡན་པ། རྭའི་རྩ་བའི་གཡས་ཀྱི་ཞལ་དང་པོ་སྔོན་པོ། །དེའི་གཡས་ཞལ་དམར་པོ། །གཡོན་ཞལ་སེར་པོ། །རྭའི་རྩ་བའི་
གཡོན་གྱི་ཞལ་དང་པོ་དཀར་པོ། དེའི་གཡས་ཞལ་དུད་ཀ༌།གཡོན་ཞལ་ནག་པོ། ཞལ་རྣམས་ཤིན་ཏུ་ཁྲོས་པ། ཞལ་དགུ་པོ་ཐམས་ཅད་ཀྱང་སྤྱན་གསུམ་གསུམ་དང་ལྡན་པའོ། །ཕྱག་གཡས་གཡོན་གྱི་དང་པོ་གཉིས་ཀྱིས་གླང་པོ་ཆེའི་པགས་པ་རློན་པ་མགོ་གཡས་དང་སྤུ་ཕྱིར་
བསྟན་ཏེ་ལག་པ་དང་རྐང་པའི་པགས་པ་གཡོན་པ་ནས་བརྒྱངས་ཏེ་འཛིན་པ། ལྷག་མ་གཡས་ཀྱི་དང་པོ་ན་གྲི་གུག །གཉིས་པ་ན་བྷི་དྷི་པཱ་ལ། གསུམ་པ་ན་གཏུན་ཤིང༌། བཞི་པ་ན་ཆུ་གྲི། ལྔ་པ་ན་ཀ་ཎ་ཡ། དྲུག་པ་ན་དགྲ་སྟ། བདུན་པ་ན་མ་དུང༌། བརྒྱད་པ་ན་མདའ། དགུ་པ་ན་
ལྕགས་ཀྱུ། བཅུ་པ་ན་དབྱུག་ཐོ། བཅུ་གཅིག་པ་ན་ཁ་ཊྭཾ་བ། །བཅུ་གཉིས་པ་ན་འཁོར་ལོ། །བཅུ་གསུམ་པ་?་རྡོ་རྗེ་རྩེ་ལྔ་པ། བཅུ་བཞི་པ་ན་རྡོ་རྗེ་ཐོ་པ། བཅོ་ལྔ་པ་ན་རལ་གྲི། བཅུ་དྲུག་པ་ན་ཅང་ཏེའུ་བསྣམས་ཤིང༌། ལྷག་མ་གཡོན་གྱི་དང་པོ་ན་ཁྲག་གིས་གང་པའི་ཐོད་པ། གཉིས་
པ་ན་ཚངས་པའི་མགོ་པོ། གསུམ་པ་ན་ཕུབ། བཞི་པ་ན་རྐང་པ། ལྔ་པ་ན་ཞགས་པ། དྲུག་པ་ན་གཞུ། བདུན་པ་ན་རྒྱུ་མ། བརྒྱད་པ་ན་དྲིལ་བུ། དགུ་པ་ན་ལག་པ། བཅུ་པ་དུར་ཁྲོད་ཀྱི་རས། བཅུ་གཅིག་པ་ན་སྐྱེས་བུ་གསལ་ཤིང་ལ་བཙུགས་པ། བཅུ་གཉིས་པ་མེ་ཐབ། བཅུ་གསུམ་པ་
@006A ༄༅། །ན་ཐོད་ཚལ། བཅུ་བཞི་པ་ན་སྔགས་མཛུབ། བཅོ་ལྔ་པ་ན་འཕན?་རྩེ་གསུམ་པ། བཅུ་དྲུག་པ་ན་རླུང་རས་བསྣམས་པའོ། །ཞབས་གཡས་ཀྱི་དང་པོས་མི། གཉིས་པས་མ་ཧེ། གསུམ་པ་བ་གླང༌། བཞི་པས་བོང་བུ། ལྔ་པས་རྔ་མོང༌། དྲུག་པས་ཁྱི།
བདུན་པས་ལུག །བརྒྱད་པས་ཝ་དང༌། གཡོན་གྱི་དང་པོས་བྱ་རྒོད། གཉིས་པས་འུག་པ། གསུམ་པས་བྱ་རོག །བཞི་པས་ནེ་ཙོ། ལྔ་པས་ཁྲ། དྲུག་པས་བྱ་ཆེན་པོ། བདུན་པས་ཁྱིམ་བྱ། བརྒྱད་པས་བཞད་མནན་པ། ཚངས་པ་དང་དབང་པོ་དང་ཁྱབ་འཇུག་དང་དྲག་པོ་དང་
གཞོན་ནུ་གདོང་དྲུག་དང་ལོག་འདྲེན་དང་ཟླ་བ་དང་ཉི་མ་རྣམས་ཁ་སྦུབ་ཏུ་བྱས་ཏེ། ཞབས་འོག་ཏུ་མནན་ནས་མེ་དབུང་རབ་ཏུ་འབར་བའི་གློང་དཀྱིལ་ན་བཞུགས་པ། yc+འདི་ནི་སྐྱེ་བ་སྤྲུལ་སྐུར་འཁྱེར་བའི་རྣལ་འབྱོར་རོ།། རྗེའི་སྒྲུབ་ཐབས་ལས་སྐབས་འདིར་སྐྱེ་མཆེད་བྱིན་བརླབ་བྱ་བར་བཤད་པ་ལྟར་རམ། ཡང་ན་
འདི་ལྟར་ཡང་རུང་སྟེ།-yc་རང་ཉིད་དམ་ཚིག་སེམས་དཔའི་ཐུགས་ཀར་ཟླ་གདན་ལ་ཡེ་ཤེས་སེམས་དཔའ་འཇམ་དཔལ་གཞོན་ནུར་གྱུར་པ་སྐུ་མདོག་སེར་པོ། ཡིད་ཙམ་ཁྲོས་པ་ཕྱག་གཡས་རལ་གྲི་འཕྱར་ཞིང༌། གཡོན་གྱིས་གླེགས་བམ་ཐུགས་ཀར་བསྣམས་པ། ཞབས་རྡོ་རྗེའི་སྐྱིལ་ཀྲུང་གིས་བཞུགས་
པ༑ མཚན་སོ་གཉིས་དང་དཔེ་བྱད་བརྒྱད་ཅུས་བརྒྱན་པ། རལ་པའི་ཟུང་བུད་ལྔ་དང་ལྡན་ཞིང༌། རྒྱན་ཐམས་ཅད་ཀྱིས་བརྒྱན་པ། དེའི་ཐུགས་ཀར་ཨཱཿ ལས་བྱུང་བའི་ཉི་མའི་དཀྱིལ་འཁོར་གྱི་དབུས་སུ། ཏིང་ངེ་འཛིན་སེམས་དཔའ་ཧཱུཾ་ཡིག་མཐིང་ག་འོད་ཟེར་ལྔ་འཕྲོ་བ། རང་གི་
མིག་གཉིས་སུ་ཀྵིཾ། རྣ་བ་གཉིས་སུ་ཛྲིཾ། སྣར་ཁཾ། ལྕེའི་རྩ་བར་རཾ། དཔྲལ་བར་ཀཾ། །ལྟེ་བར་སཾ། སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུཾ་གིས་མཚན་པར་གྱུར། yc+ཡང་ན། མིག་གཉིས་སུ་སྙིང་གི་རང་བཞིན་ཀྵིཾ་ཀྵིཾ་དཀར་པོ་སོགས་གཞན་ནས་འབྱུང་བ་ལྟར་བྱའོ།-yc༌།རང་གི་ཐུགས་
@006B ཀའི་ཧཱུཾ་ལས་འོད་ཟེར་འཕྲོས་པས། དཔལ་རྡོ་རྗེ་འཇིགས་བྱེད་དཔའ་བོ་གཅིག་པའི་དཀྱིལ་འཁོར་རྟེན་དང་བརྟེན་པར་བཅས་པ་མདུན་གྱི་ནམ་མཁར་སྤྱན་དྲངས། ཧྲཱིཿ ཥྚཱྀས་ཕྱིར་འབྲང་yc+གི་བགེགས་བསྐྲད།-yc་ཧྲཱིཿ ཥྚཱྀཿ ཧ་yc+སོགས་ཀྱིས་མཆོད། འདི་ནས་དབང་ལྷ་བསྟིམ་པའི་བར་གཙོ་བོ་གཅིག་བུའི་ཁྱད་མ་གཏོགས་
བཅུ་གསུམ་མ་ལྟར་རམ། བསྡུ་ན-yc་ཛཿ ཧཱུཾ་བཾ་ཧོཿ སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། ཁྱེད་རྣམས་ཀྱིས་བདག་ལ་མངོན་པར་དབང་བསྐུར་དུ་གསོལ་ཞེས་གསོལ་བ་བཏབ་པས། དེ་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་བུམ་པ་ཐོགས་ནས། ཨོཾ་སརྦ་
ཏ་ཐཱ་ག་ཏ་ཨ་བྷི་ཥི་ཀ་ཏ་ས་མ་ཡ་ཤྲཱི་ཨཱཿ ཧཱུཾ་ཞེས་དབང་བསྐུར་ལུས་གང་དྲི་མ་དག་ཆུ་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས། མི་བསྐྱོད་པས་དབུ་བརྒྱན་ཅིང༌། དབང་གི་ལྷ་རྣམས་ཀྱང་རང་ཉིད་ལ་ཐིམ་པར་གྱུར། yc+དེ་ནས-yc་ཨོཾ་ཧྲཱིཿ ཥྚཱྀཿ ཧ་yc+སོགས་སམ།-yc་ཨོཾ་ཡ་མཱནྟ་ཀ་ས་བ་རི་ཝཱ་ར་ཨརྒྷཾ་yc+སོགས་
ཀྱིས་མཆོད་ལ། ནང་མཆོད་རྒྱས་བསྡུས་ཅི་རིགས་སྐབས་དང་སྦྱར་ནས་འབུལ། བསྟོད་པ་ཡང་སྤྲོ་ན་འཇམ་དཔལ་གསེར་མདོག་མ་དང༌། བསྡུ་ན།-yc་གཉིས་མེད་ཐུན་མོང་མ་ཡིན་ཁྱབ་པའི་སྐུ། །ཀུན་ལ་སྙོམས་མཛད་རྒྱལ་བ་ཀུན་གྱི་ཡབ། །ཆོས་ཀྱི་དབྱིངས་གྱུར་རྒྱལ་བ་ཀུན་གྱི་ཡུམ། །ཡེ་ཤེས་སེམས་དཔའ་རྒྱལ་བ་ཀུན་
གྱི་སྲས། །ཕྱག་འཚལ་འཇམ་དཔལ་དཔལ་གྱུར་རྫོགས་པ་ཁྱོད། །ཆོས་ཀྱི་སྐུ་ལ་བྱམས་སྡང་མི་མངའ་ཡང༌། །སྲིང་གསུམ་གདུག་པ་མ་ལུས་འདུལ་བའི་ཕྱིར། །ཐུགས་རྗེའི་ཐབས་ཀྱིས་ཁྲོ་རྒྱལ་སྐུར་བསྟན་པ། །འཇིགས་བྱེད་གཤིན་རྗེ་གཤེད་ལ་ཕྱག་འཚལ་ལོ། །སངས་རྒྱས་ཀུན་གྱི་དངོས་
པོ་ཁྱོད། །སངས་རྒྱས་ཐམས་ཅད་གཅིག་བསྡུས་པ། །སངས་རྒྱས་ཀུན་མཆོག་གཙོ་བོའི་གཙོ། །དཀྱིལ་འཁོར་གཙོ་ལ་ཕྱག་འཚལ་བསྟོད། yc+།དེ་ལས་ཀྱང་བསྡུ་ན།-yc་གཟུགས་མཆོག་མཆོག་ཏུ་དྲག་པོ་ཆེ། yc+།ཞེས་སོགས་ཤློ་ཀ་གཅིག་བྱ། སྐབས་འདིར་བསྐྱེད་པའི་རིས་པའི་རྣལ་འབྱོར་ལ་རྩེ་གཅིག་ཏུ་
@007A ༄༅། །བརྩོན་པར་བྱ་བ་དང༌། བསྐྱེད་པས་ཕྲེང་གསལ་བུ་གཅིག་ཏུ་མཉམ་པར་འཇོག །བསྒོམས་པ་བསྐྱོན།-yc་དེ་ལྟར་ཞལ་དགུ་ནི་yc+ནས།-yc་མཚན་མ་གྱེན་དུ་འགྲེང་བ་ནི་བདེ་བ་ཆེན་པོ་རྒྱས་པ་ནས། གོ་བར་བྱེད་པའོ།། yc+ཞེས་དག་པ་དྲན་པར་བྱ། བསྡུ་ན་མ་བྱས་ཀྱང་ཆོག།-yc་དེ་ནས་བགྲང་འཕྲེང་འཇིགས་བྱེད་དཔའ་གཅིག་ཏུ་
བསྐྱེད། ཡེ་ཤེས་པ་དགུག་གཞུག །མཆོད་བསྟོད་བཟླ་བ་ཅུང་ཟད་བྱས། བཅོམ་ལྡན་འདས་ཞུ་བ་ལས་བྱུང་བའི་ཁྲག་འཛག་པའི་མགོ་འཕྲེང་དུ་བསམས་ཏེ་ཞི་ཁྲོ་སྦྲགས་བསྒྲུབ་ཀྱི་མན་ངག་ཞལ་ནས་འབྱུང་བ་ལྟར་དུ། བཟླས་པའི་སྐྱོན་དང་བྲལ་བར།-yc་ཨ་ར་པ་ཙ་ན་དང༌། ཨོཾ་ཡ་མ་རཱ་ཛཱ་ས་དོ་མེ་ཡ། ཡ་མེ་དོ་རུ། ཎ་ཡོ་ད་ཡ།
ཡ་ད་ཡོ་ནི་ར་ཡ་(SHshE)་ཡ། ཡ་ཀྵེ་ཡཙྪ་ནི་རཱ་མ་ཡ་ཧཱུཾ་ཧཱུཾ་ཕཊ་ཕཊ་སྭཱ་ཧཱ། yc+ཞེས་པ་རྩ་སྔགས?་དང༌།-yc་ཨོཾ་ཧྲཱིཿ ཥྚཱྀཿ ཝི་ཀྲྀ་ཏཱ་ན་ན་ཧཱུཾ་ཕཊ། yc+ཅེས་ལས་སྔགས་དད།-yc་ཨོཾ་ཡ་མཱནྟ་ཀ་ཧཱུཾ་ཕཊ། yc+ཅེས་པ་སྙིང་པོ་སྟེ། སྔགས་གསུམ་པོ་ཅི་རིགས་པ་དམིགས་པ་དང་བཅས་བཟླ། བསྙེན་པའི་གྲངས་ནི། གསུམ་ཀའམ་ཧྲཱིཿ ཥྚཱྀ་ལ་སུམ་འབུམ་མམ་འབུམ་ཕྲག་གཅིག
ཡེ་ཤེས་འབེབས?་སྔགས་ཁ་སྐོང་སྦྱིན་སྲེག་དང་བཅས་པ་བྱའོ།-yc༌།རང་ཡི་དམ་དུ་གསལ་བའི་ཐུགས་ཀའི་ཏིང་ངེ་འཛིན་སེམས་དཔའི་མཐའ་སྐོར་དུ་སྔགས་འཕྲེང་གསུམ་པོ་ཡི་གེ་འབར་བའི་གཟུགས་སུ་ཡོད་པ་ལས། འོད་ཟེར་འཕྲོས་རང་གཞན་གྱི་སྡིག་སྒྲིབ་རྦད་གདོན་ཐམས་ཅད་ཚར་བཅད་ཅིང་སེམས་ཅན་གྱི་དོན་བྱས།
སངས་རྒྱས་བྱང་སེམས་རྣམས་ཀྱི་མཐུ་སྟོབས་བྱིན་རླབས་ཐམས་ཅད་འོད་ཟེར་སྣ་ལྔའི་རྣམ་པར་བཀུག །སྙིང་གའི་སྔགས་འཕྲེང་ལ་ཐིམ་པར་བསམས་ཏེ། བཟླས་པའི་མཇུག་ཏུ་གཤིན་རྗེ་གཤེད་ཀྱི་ཡིག་བརྒྱས་བརྟན་པར་བྱས་ལ།། མཆོད་བསྟོད་མདོར་བསྡུས་བྱ། གཏོར་མ་འབུལ་བར་འདོད་ན། ནང་མཆོད་ལྟར་བྱིན་གྱིས་བརླབ། བསྐྱེད་ཚུལ་
རྒྱས་པ་གཞན་དུ་ཤེས་ལ། བསྡུ་ན་སྤྱན་དྲངས་ཏེ་འབུལ་པ་ནི།-yc་རང་གི་ཐུགས་ཀའི་ཧཱུཾ་ལས་འོད་ཟེར་འཕྲོས། དཔས་རྡོ་རྗེ་འཇིགས་བྱེད་དཔའ་བོ་གཅིག་པའི་ཡེ་ཤེས་པ་མདུན་གྱི་ནམ་མཁར་སྤྱན་དྲངས། ཡ་མཱནྟ་ཀའི་མཇུག་ཏུ་པ་ལིཾ་ཏ་yc+སོགས་བཏགས་པ་ལྔའམ་གསུམ་གྱིས་གཏོར་མ་ཕུལ་ཏེ་མཆོད་བསྟོད་མདོར་བསྡུས་བྱ།-yc་བཛྲ་མུཿ
@007B ཡེ་ཤེས་པ་རང་བཞིན་གྱི་གནས་སུ་གཤེགས་པར་གྱུར་པར་བསམ་མོ། །མཇུག་ཏུ་ཉེ་བར་བསྡུས་ཏེ་འོད་གསལ་གྱི་དང་ལས། སླར་ཡང་དཔའ་གཅིག་པའི་སྐུར་ལངས་ཏེ། དགེ་བ་འདི་ཡིས་མྱུར་དུ་བདག yc+།ཅེས་སོགས་བསྔོ་བ་སྨོན་རྣམ་པར་དག་པས་རྒྱས་འདེབས་ཤིང༌། ཐུན་འཚམས་སུ་ལྷའི་རྣལ་འབྱོར་དང་ལྡན་པའི་ངང་ནས། ཉལ་བ་དང༌།
ལྗང་བ་དང༌། ཁྲུས་དང༌། ཁ་ཟས་ཀྱི་རྣལ་འབྱོར་སོགས་རྒྱུད་དང་གྲུབ་ཆེན་གྱི་གཞུང་ནས་འབྱུང་བ་ལྟར་ཉམས་སུ་བླངས་ཏེ། དལ་འབྱོར་ཐོབ་པ་དོན་དང་ལྡན་པར་བྱའོ།།-yc༌།།སྨྲས་པ། གང་ཞིག་བསྟེན་པས་འཆི་བདག་བདུད་སྡེའི་དཔུང༌། །མ་ལུས་མཐར་བྱེད་བླ་མ་གཤིན་རྗེའི་གཤེད། །དེ་ཉིད་སྒྲུབ་པར་བྱེད་པའི་
རྣལ་འབྱོར་མཆོག །འཁྱེར་བདེ་ཀུན་ཕན་རིན་ཆེན་འཕྲེང་བ་སྤེལ། །ཚུལ་འདིར་འབད་ལས་བྱུང་བའི་རྣམ་དཀར་དགེ །ཇི་སྙེད་མཆིས་པ་དེས་ཀྱང་བདག་གཞན་ཀུན། །བྱང་ཆུབ་བར་དུ་འཇམ་དཔལ་ཞི་ཁྲོ་ཡིས། །འབྲལ་མེད་དགྱེས་བཞིན་རྗེས་སུ་འཛིན་གྱུར་ཅིག yc+།ཅེས་འཇིགས་
བྱེད་དཔའ་བོ་གཅིག་པའི་སྒྲུབ་ཐབས་རིན་ཆེན་འཕྲེང་བ་ཞེས་བྱ་བ་འདི་ནི།-yc་ཤཱཀྱའི་དགེ་སློང་རབ་འབྱམས་སྨྲ་བ་གྲགས་པ་བཤད་སྒྲུབ་ཀྱིས་དད་པས་ཀུན་ནས་བསླངས་ཏེ་རྗེ་ཉིད་ཀྱི་མན་ངག་བཞིན་ཅོ་ནེ་དགེ་ན་ཉིད་དུ་ལེགས་པར་སྦྱར་བའོ།། །།བཀྲ་ཤིས།