[སྔོན་འགྲོའི་དཔར་གཞི།]་
@001A ༄༅༅། །ཚེ་ཡི་མཆོག་སྩོལ་མགོན་པོ་ཚེ་དཔག་མེད། །འཆི་མེད་དཔལ་སྟེར་རྗེ་བཙུན་རྣམ་པར་རྒྱལ། །ཚེ་སྦྱིན་ཡིད་བཞིན་འཁོར་ལོ་ལ་སོགས་པ། །འཆི་མེད་རྩོལ་མཛད་རྣམས་ལ་གུས་ཕྱག་འཚལ། yc+།འདིར་ཚེ་རིལ་བསྒྲུབ་པར་འདོད་ན། མཆོད་པ་རྣམས་
སྟ་གོན་བྱས་ལ། སྐྱབས་སེམས་སྔོན་དུ་བཏང་བ། བདག་མདུན་གཉིས་ལས། དང་པོ་ལ།-yc་རང་ཉིད་སྐད་ཅིག་གིས་རྒྱལ་པ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་པར་གསལ་བར་གྱུར། yc+བདག་མདུན་གྱི་མཆོད་པ་ཐུན་མོང་དུ་བྱིན་བརླབ་བྱ་བཞི།-yc་ཨོཾ་པདྨནྟ་ཀྲིཏ་ཧཱུཾ་ཕཊ། ཨོཾ་སྭ་བྷཝ་
yc+ནས-yc་ཧཾཿ སྟོང་པའི་ངང་ལས་ཨོཾ་ལས་རིན་པོ་ཆེའི་སྣོད་ཡངས་ཤིང་རྒྱ་ཆེ་བ་རྣམས་ཀྱི་ནང་དུ་རང་རང་གི་མིང་ལིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་མཆོད་ཡོན། ཞབས་བསིལ། yc+ནས-yc་རོལ་མོ་རྣམས་དངས་ཤིང་ཐོག་པ་མེད་པ་ཟག་མེད་ཀྱི་བདེ་བ་ཁྱད་པར་ཅན?་སྟེར?་
བར་གྱུར། ཨོཾ་ཨརྒྷཾ་ཨཱཿ ཧཱུཾ་yc+ནས-yc་ཤཔྟ་ཨཱཿ ཧཱུཾ་yc+གིས་བརླབ། དེ་ནས།-yc་སྭ་བྷཱ་ཝས་yc+སྦྱངས།-yc་སྟོང་པའི་ངང་ལས་པཾ་ལས་པ་དམ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་རང་གི་སེམས་ཉིད་ཧྲཱིཿ ཡིག་དམར་པོ་རིང་ཆ་ཚེག་དྲག་དང་བཅས་པ། སྐྱེ?་བས?་འོད་ཟེར་
འཕྲོས། སེམས་ཅན་གྱི་དོན་བྱས་ཚུར་འདུས་ཡོངས་སུ་གྱུར་བ་ལས། རང་ཉིད་རྒྱལ་བ་ཚེ་དཔག་མེད་སྐུ་མདོག་དམར་པོ་ཞལ་གཅིག་ཕྱག་གཉིས་པ་མཉམ་གཞག་གི་ཕྱག་རྒྱའི་སྟེང་ན་འཆི་མེད་ཚེའི་བདུད་རྩིས་གང་བའི་བུཾ་???། རིན་པོ་ཆེའི་དབུ་རྒྱན་ལ་
སོགས་པ་རིན་པོ་ཆེའི་རྒྱན་སྣ་ཚོགས་པས་སྤྲས་ཤིང༌། yc+ལྷ་རྫས་ཀྱི་ངར?-yc་གྱི་སྟོད་གཡོགས་དང་སྨད་གཡོགས་མཛེས་པར་གསོལ་བ། འོད་ཀྱི་ཕུང་པོའི་དབུས་ན་ཞབས་རྡོ་རྗེ་སྐྱིལ་ཀྲུང་གིས་བཞུགས་པ། རང་གི་སྤྱི་བོར་ཨོཾ་དཀར་པོ་yc+ནས-yc་ཧཱུཾ་སྔོན་པོ། དེ་ལས་འོད་
@001B ཟེར་འཕྲོས། བདེ་བ་ཅན་ནས་རྒྱལ་བ་ཚེ་དཔག་མེད་ལ་སངས་རྒྱས་དང་བྱང་ཆུབ་སེམས་དཔའི་ཚོགས་ཀྱིས་བསྐོར་བ་སྤྱན་དྲངས། ཛཿ ཧཱུཾ་བཾ་ཧོཿ གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གི་ལྷ་རྣམས་སྤྱན་དྲངས། ཁྱེད་རྣམས་
ཀྱིས་བདག་ལ་མངོན་པར་དབང་བསྐུར་ཏུ་གསོལ། yc+ནས-yc་ཆུ་ལྷག་མ་སྤྱི་གཙུག་ཏུ་གནས་པ་ཡོངས་སུ་གྱུར་པ་ལས་སྤྲུལ་སྐུ་ཚེ་དཔག་མེད་ཀྱིས་དབུ་བརྒྱན་པར་གྱུར། དེ་ནས་མཆོད་པ་འབུལ་བ་ནི། ཚིགས་བཅད་yc+སྔགས་དང་བཅས་བསམ། བསྡུ་ན-yc་ཨོཾ་ཨཱརྱ་ཨ་པཱ་ར་མི་ཏ་ཨཱ་ཡུར་ཛྙཱ་ན་
ས་པ་རི་ཝཱ་ར་ཨརྒྷཾ་པྲ་ཏིཙྪ་ཧཱུཾ་སྭཱ་ཧཱ། yc+ནས-yc་ཤཔྟའི་yc+བར་གྱིས-yc་མཆོད་ཅིང༌། འཇིག་རྟེན་འདྲེན་པའི་གཙོ་བོ་ཚེ་དཔག་མེད། །ཅེས་སོགས་yc+གྱིས་བསྟོད་ལ།-yc་རང་གི་ཐུགས་ཀའི་ཟླ་གདན་གྱི་སྟེ་དུ་ཧྲཱིཿ ཡིག་དམར་པོའི་མཐར་བཟླས་བྱའི་སྔགས་ཕྲེང་གིས་བསྐོར་བ། དེ་ལས་འོད་
ཟེར་ཕྱོགས་བཅུར་འཕྲོས་པས། འཇིག་རྟེན་དང་འཇིག་རྟེན་ལས་འདས་པའི་ཚེ་དཔལ་བསོད་ནམས་ཐམས་ཅད་བཀུགས་ནས་སྔགས་ཕྲེང་ལ་ཐིམ་པར་གྱུར་བར་བསམས་ལ། གཟུངས་རིང་ཐུང་གཉིས་ཅི་འགྲུབ་བཟླས་ནས་མཐར་ཡེག་བརྒྱ་བརྗོད་ཅིང༌། སྔར་བཞིན་མཆོད་བསྟོད་བྱའོ། །གཉིས་
པ་མདུན་བསྐྱེད་ནི། བྲག་ཞུན་ཅོང་ཞི། བུ་རམ། མར་ཀ་ར། སྦྲང་རྩི། ཤུག་འབྲས་སོགས་བཅུད་ལེན་དང༌། གཞན་དུག་རིགས་མིན་པའི་སྨན་སྣ་ཚོགས་དང༌། བུམ་རྫས་ཉེར་ལྔ་སོགས་ལས་རིལ་བུ་ཅི་འདོད་བྱས་པ་ན་བཟའ་དམར་པོ་སོགས་གང་རིག་སུ་བསྒྱུར་ཏེ་བསྐམ་པ་བུམ་པ་བཟང་པོའི་ནང་དུ་བླུགས་
ནས་སྟེ་ཏས་ཀྱི་ཁར་བཞག་ལ། མཆོད་པས་མཐའ་བསྐོར། རྒྱས་པར་ན་འདིར་ཡང་བྱིན་བརླབ་བྱ། བུམ་པ་སྔར་བཞིན་བསངས་སྦྱངས།-yc་སྟོད་པའི་ངང་ལས་བྷྲུཾ་ལས་རིན་པོ་ཆེའི་བུམ་པ་དམ་པོ་མཚན་ཉིད་ཐམས་ཅད་དང་ལྡན་ཞིང༌། ལྷ་རྫས་ཀྱི་གོས་ཀྱིས་དགྲིས་པའི་ནང་དུ། ཚེ་རིལ་རྣམས་ཡོངས་
སུ་གྱུར་བ་ལས་ཧྲཱིཿ ཡིག་དམར་པོ་རེ་རེ། ?་?་འོད་ཟེར་འཕྲོས། yc+ནས།-yc་རང་ཉིད་ཞེས་པ་དོན་ཏེ། སྔར་བཞིན་དང༌། སྒྲིབ?་ཀྱང་བའི་བཞུགས་པ་རེ་རེ་ལ་
@002A ༄༅། །གྱུར། དེ་རྣམས་ཀྱི་སྤྱི་བོར་ཨོཾ་དཀར་པོ། ནས་བདག་ལ་ཞེས་པ་ནི་འདི་ལ་ཞེས་པར་བསྒྱུར་བ་མ་གཏོགས་སྔར་ལྟར་རོ། །དེ་ནས་རབ་འབྱམས་རྒྱ་མཚོ་འམ། མཆོད་ཡོན་ཕལ་ཆེར་སོགས་ཀྱིས་མཆོད་ལ། འཇིག་རྟེན་འདྲེན་པའི་སོགས་དང་
བཅོམ་ལྡན་མགོན་པོ་ཚེ་དཔག་མེད། སྡིག་པའི་དྲི་མ་ཕྱིར་བསམ་ནས། །མཁའ་དང་མཉམ་པའི་སྐུ་མངའ་བ། །མཉམ་ཉིད་སྐུ་ལ་ཕྱག་འཚལ་བསྟོད། །ཞེས་པ་དང༌། རྒྱས་པར་ན། ཉི་གཞོན་འཆར་yc+ཀ་མས་བསྟོད་ཀྱང་མི་འགལ། དེ་ནས་དེ-yc་རྣམས་ཀྱི་ཐུགས་ཀ་
དང་ཕྱག་མཚན་བུམ་བའི་ནང་དུ་ཟླ་གདན་གྱི་སྟེང་དུ་ཧྲཱིཿ ཡིག་གི་མཐར་སྔགས་ཕྲེང་གིས་བསྐོར་བ་ལས་འོད་ཟེར་འཕྲོས། བསྒྲུབ་བྱའི་ཚེ་མི་མ་ཡིན་གྱིས་ཕྲོགས་པ་དང་བརྐུས་པ་དང་ཡར་བ་ལ་སོགས་པ་རྣམས་བུམ་པ་དང་ལྷུང་བཟེད་བདུད་རྩིས་བཀང་བའི་
རྣམ་པར་བསྡུས་ནས་སྔགས་ཕྲེང་ལ་ཐིམ་ཡང་འོད་ཟེར་འཕྲོས། འབྱུང་བ་ས་ཆུ་མེ་རླུང་ནམ་མཁའི་རོ་བཅུད་ནུས་པ་ཐམས་ཅད་དང༌། སྐྱེ་འཕགས་ཐམས་ཅད་ཀྱི་ཚེ་དང་བསོད་ནམས་རྒྱལ་བ་སྲས་བཅས་ཀྱི་བྱིན་བརླབས་སྔགས་དང་སྨན་པ་སོགས་
པ་འཇིག་རྟེན་དང་འཇིག་རྟེན་ལས་འདས་པའི་བཅུད་ཀྱི་སྙིང་པོ་ཐམས་ཅད་བསྡུས་ནས་སྔགས་ཕྲེང་བསལ་ཐིམ་པར་གྱུར། yc+བར་བསམས་ལ། གཟུངས་ཐུང་ལ་གཙོ་བོར་འབད་ཅིང༌། གཟུངས་རིང་ཅི་མང་བཟླ། མཐར་ཡིག་བརྒྱ་བརྗོད་ཅིང༌། མཆོད་བསྟོད་
དང་མ་རྙེད་སོགས་ཀྱིས་བཟོད་གསོལ་བྱས་ནས། བཅོམ་ལྡན་འདས་བདག་དང་སྦྱིན་པའི་བདག་པོ་ལ་ཚེ་དང་བསོད་ནམས་མ་ལུས་བ་བསྩལ་དུ་གསོལ། ཞེས་གསོལ་བ་གདབ། འདིར་ནི་རྟེན་དང་སོགས་ཀྱིས་བརྟན་བཞུགས་བྱས་ཏེ། ཤིས་བརྗོད་སྤྱི་དང༌། ཕྱིན་དྲུག
@002B དང་སྦྱར་བའི་བཀྲ་ཤིས་བྱའོ། །གཏོར་མ་འབུལ་བར་འདོད་ན། གོང་གི་ཡིག་བརྒྱའི་མཇུག་དེར་བྱིན་བརླབས་བྱས་ནས། ཨ་ཀཱ་རོ་འམ། ཨོཾ་ཨ་པཱ་ར་མི་ཏས་འབུལ་རུང༌། གཞི་བདག་གཏོར་མ་འབུལ་འདོད་ནའང་སྤྱི་ལྟར་འབུལ། གཞན་ཡང་འགའ་ཞིག་ཏུ།
མཆོད་གཏོར་བླ་མེད་ལྟར་ཡང་བྱ་བར་བཤད་པས། དེ་ལྟར་བྱས་ཀྱང་མི་འགལ་བར་སེམས། འདིའི་སྐབས་སུ་ཐུན་དུ་བཅད་དེ་བསྒྲུབས་ན་ནི་ཕུན་སུམ་ཚོགས་པར་འགྱུར་ཡང༌། མ་བྱས་ཀྱང་ཆད་ལྷག་ཏུ་མི་འགྱུར་བར་གང་བདེ་བྱ། གྲོལ་ཉིན་པར། མཆོད་
བསྟོད་ཡིག་བརྒྱ་དང་བཅས་མཇུག་ཏུ། བཟོད་གསོལ་དང་གསོལ་འདེབས་བྱས་རྗེས། ལྷ་རྣམས་འོད་དུ་ཞུ་ནས་རིལ་བུའི་རྣམ་པར་གྱུར་པར་བསམས་ལ། བརྟན་བཞུགས་དང་ཤིས་བརྗོད་བྱའོ། །དེ་ལྟར་བསྒྲུབ་པ་ནི་རྒྱས་པའི་དབང་དུ་བྱས་ལ། བསྡུ་
ན་བུམ་ནང་གི་རིལ་བུ་རྣམས་ཀྱི་སྟེང་དུ་ཟླ་གདན་ལ་གནས་པའི་ཧྲཱིཿ ཡིག་ལས་འོད་ཟེར་འཕྲོས་པས་བཅུད་རྣམས་བསྡུས་ནས་དེ་ཉིད་ལ་ཐིམ་པར་བསམ་ཞིང༌། སྔགས་བཟླས་ཀྱང་ཆོག་པར་བཤད་དོ། །ཚུལ་འདིར་འབད་ལས་བྱུང་བའི་རྣམ་དཀར་དགེ་བ་
བསྟན་པའི་མངའ་བདག་ཀོའུ་ཤྲི་ནང་སོ་ཡི། །སྐུ་ཚེ་བསྐལ་བརྒྱར་མི་གཡོ་རྟག་བརྟན་ཅིང༌། །ཐུབ་བསྟན་རྒྱལ་མཚན་ཕྱོགས་བཅུར་བསྒྲེང་གྱུར་ཅིག yc+།ཅེས་ཚེ་རིལ་བསྒྲུབ་ཚུལ་འཆི་མེད་དཔལ་སྦྱིན་འདི་ཡང༌།-yc་བསྟན་པའི་མངའ་བདག་ཀོའུ་
ཤྲི་ནང་སོའི་སྐུ་ཚེ་སྤེལ་བའི་ཐབས་མཁས་རྟེན་འབྲེལ་བསྒྲིགས་པའི་ཕྱིར་དུ་བསྐུལ་བའི་ངོར། ཤཱཀྱའི་དགེ་སློང་བཤད་སྒྲུབ་མིང་ཅན་གྱིས་ལེགས་པར་སྦྱར་བའོ། བཀྲ་ཤིས།། ། །