[སྔོན་འགྲོའི་དཔར་གཞི།]་
@001A (!)། །ལས་སྒྲིབ་སྦྱོང་བའི་ཐབས་མཆོག་རྡོ་རྗེ་སེམས་དཔའི་བུམ་སྒྲུབ་བཞུགས་སོ།།
@001B ༄༅། །ན་མོ་བཛྲ་སཏྭ་ཡེ། yc+འདིར་ལས་སྒྲིབ་དང་སྡིག་ལྟུང་སྦྱང་བའི་ཐབས་དམ་པ་རྡོ་རྗེ་སེམས་དཔའི་བུམ་སྒྲུབ་བཤད་པ་ལ།-yc་བུམ་རྫས་དང་ལྡན་པའི་བུམ་པ་མགུལ་འཆིང་དཀར་པོ་དང་བཅས་པ་སྟ་གོན་བྱས་ལ། དེའི་
མདུན་དུ་མཆོད་གཏོར་བཤམས་ཏེ། སྐྱབས་སེམས་སོགས་སྔོན་དུ་བཏང་ནས། རང་ཉིད་སྐད་ཅིག་གིས་རྡོར་སེམས་སུ་བསྐྱེད་ཀྱང་རུང་ལ། ཅུང་ཟད་རྒྱས་པར་ན། སྭ་བྷཱ་ཝས་སྦྱངས། སྟོང་བའི་ངང་ལས་པཾ་ལས་པདྨ་དཀར་
པོ་འདབ་མ་བརྒྱད་པའི་ལྟེ་བར་ཨ་ལས་ཟླ་བའི་དཀྱིལ་འཁོར་དེའི་སྟེང་དུ་རང་གི་སེམས་ཉིད་ཧཱུཾ་ཡིག་དཀར་པོ་དེ་ལས་འོད་ཟེར་འཕྲོས། འཕགས་པ་མཆོད། སེམས་ཅན་གྱི་དོ་བྱས་ཚུལ་འདུས་ཡོངས་སུ་གྱུར་པ་ལས༌།
རང་ཉིད་རྡོ་རྗེ་སེམས་དཔའ་དཀར་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ། ཡུམ་རྡོ་རྗེ་དབྱིངས་ཀྱིས་དབང་ཕྱུག་མ་དཀར་མོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པ་ལ་འཁྱུད་པ་
གཉིས་ཀའང་དར་གྱི་ན་བཟའ་དང་རིན་པོ་ཆེའི་དབུ་རྒྱན་ལ་སོགས་པ་རིན་པོ་ཆེའི་རྒྱན་གྱིས་བརྒྱན་ཅིང་དར་སྣ་ཚོགས་ཀྱི་ན་བཟའ་གསོལ་བ། འོད་ཀྱི་ཕུང་པོའི་དབུས་ན་ཞབས་རྡོ་རྗེ་སྐྱིལ་ཀྲུང་གིས་བཞུགས་པ༌།
@002A ༄༅། །དེའི་སྤྱི་བོར་ཨོཾ་དཀར་པོ། མགྲིན་པར་ཨཱཿ དམར་པོ། ཐུགས་ཀར་ཧཱུཾ་སྔོན་པོ་དེ་ལས་འོད་ཟེར་འཕྲོས་རང་བཞིན་གྱི་གནས་ནས་བཅོམ་ལྡན་འདས་རྡོ་རྗེ་སེམས་དཔའ་ལ་སངས་རྒྱས་དང་བྱང་ཆུབ་སེམས་
དཔའི་ཚོགས་ཀྱིས་བསྐོར་བ་ཨོཾ་བཛྲ་ས་མཱ་ཛཿ ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། སླར་ཡང་ཐུགས་ཀའི་ཧཱུཾ་ལས་འོད་ཟེར་འཕྲོས། དབང་གིས་ལྷ་རྣམས་སྤྱན་དྲངས། ཁྱེད་རྣམས་ཀྱིས་མངོན་པར་དབང་
བསྐུར་དུ་གསོལ། ཞེས་གསོལ་བ་བཏབ་པས་དེ་རྣམས་ཀྱིས་ཡེ་ཤེས་ཀྱི་བདུད་རྩིས་གང་བའི་བུམ་པ་ཐོགས་ནས། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མཱ་ཡ་ཤྲཱི་ཡེ་ཧཱུཾཿ ཞེས་གསུངས་ཤིང༌། སྤྱི་བོ་ནས་དབང་བསྐུར།
ལུས་ཐམས་ཅད་གང༌། དྲི་མ་ཐམས་ཅད་དག ། ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར། yc+མཆོད་པ་ཨ་མྲྀ་ཏས་བསངས།-yc་སྭ་བྷས་ཝས་སྦྱངས། སྟོང་པའི་ངང་ལས་ཨ་ལས་བྱུང་བའི་ཐོག་པ་ཡངས་ཤིང་རྒྱ་ཆེ་
བ་རྣམས་ཀྱི་ནང་དུ་རང་རང་གི་མིང་ཡིག་དང་པོ་ཐིག་ལེས་བརྒྱན་པ་ཞུ་བ་ལས་བྱུང་བའི་མཆོད་ཡོན། ཞབས་བསིལ། མེ་ཏོག་ནས་ཟག་པ་མེད་པའི་བདེ་བ་ཁྱོད་པར་ཅན་བསྐྱེད་པར་གྱུར། ཨོཾ་ཨརྒྷཾ་ཨཱཿ ཧཱུཾ་yc+ནས-yc་(SHPA)ཏ་ཨཱཿ ཧཱུཾ་
yc+གི་བར་གྱིས་བླ་མེད་ལྟར་བྱིན་གྱིས་བརླབས་ལ།-yc་ཨོཾ་བཛྲ་སཏྭ་ཨརྒྷཾ་པྲ་ཏིཙྪ་ནས་(SHPA)ཏའི་yc+བར་གྱིས་མཆོད། ནང་མཆོད་ཡོད་ན་ནི་འབུལ་རུང༌།-yc་མི་བསྐྱོད་རྡོ་རྗེ་ཡེ་ཤེས་ཆེ། །རྡོ་རྗེ་དབྱིངས་ནི་མཁས་པ་ཆེ། །རྡོ་རྗེ་གསུམ་མཆོག་དཀྱིལ་འཁོར་གསུམ།
@002B yc+རྡོ་རྗེ་སེམས་དཔའ་ལ་ཕྱག་འཚལ། །ཞེས་བསྟོད། རང་གི་ཐུགས་ཀའི་ཟླ་གདན་ལ་གནས་པའི་ཧཱུཾ་གྱི་གི་མཐར་སྔགས་འཕྲེང་གིས་བསྐོར་བ་ལས་འོད་ཟེར་འཕྲོས། སེམས་ཅན་ཐམས་ཅད་ཀྱི་སྡིག་སྒྲུབ་སྦྱངས། སངས་རྒྱས་སྲས་
བཅས་ལ་མཉེས་པའི་མཆོད་པ་ཕུལ། དེ་རྣམས་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་འོད་ཀྱི་རྣམ་པར་བསྡུས་ནས་ཐུགས་ཀའི་ཧཱུཾ་ཡིག་སྔགས་འཕྲེང་དང་བཅས་པ་ལ་ཐིམ་པས་གཟི་བརྗིད་དང་མཐུ་སྟོབས་ཡོན་
ཏན་ཕུན་སུམ་ཚོགས་པར་གྱུར་yc+པར་བསམས་ལ༌། ཡིག་བརྒྱ་བརྒྱའམ་ཉེར་གཅིག་བཟླ་ཞིང་མཐར་སྔར་བཞིན་མཆོད་བསྟོད་བྱའོ། །དེ་ནས་མཆོད་པ་སྔར་ལྟར་བྱིན་བརླབས་བྱས་ཏེ། བུམ་པ་ཨ་མྲྀ་ཏས་བསངས། སྭ་བྷཱ་ཝས་སྦྱངས། སྟོང་པའི་དད་ལས་པཾ་ལས-yc་
བྱུང་བའི་བུམ་པ་དཀར་པོ་ལྟོ་བ་ཆེ་བ། མགྲིན་པ་རིང་བ་མཆུ་འཕྱང་བ་ལ་སོགས་པའི་མཚན་ཉིད་ཐམས་ཅད་དང་ལྡན་པར་གྱུར། བུམ་པའི་ནང་དུ་པཾ་ལས་པད་མད་དཀར་པོ་འདབ་མ་བརྒྱད་པའི་ལྟེ་བར་ཨ་ལས་ཟླ་བའི་དཀྱིལ་འཁོར་
དེའི་སྟེང་དུ་ཧཱུཾ་ཡིག་དཀར་པོ་yc+ནས-yc་ཡོངས་སུ་གྱུར་པ་ལས་རྡོ་རྗེ་སེམས་དཔའ་དཀར་པོ་yc+ནས-yc་མི་བསྐྱོད་པས་དབུ་བརྒྱན་yc+བར་གྱུར་ཞེས་པའི་བར་སྔར་བཞིན་བྱ། དེ་ནས་མཆོད་བ་ནི། ཆུ་བོ་གངྒཱ་མ་སོགས་ཅི་རིགས་ཀྱི་མཐར། ཨོཾ་བཛྲ་སཏྭ་ས་བཱ་རི་ཝ་ར་ཨརྒྷཾ་
སོགས་བཏགས་ལ་མཆོད་ཅིང་སྔར་བཞིན་བསྟོད་ལ།-yc་བཅོམ་ལྡན་འདས་རྡོ་རྗེ་སེམས་དཔའ་བདག་གཞན་སེམས་ཅན་ཐམས་ཅད་ཀྱི་སྡིག་སྒྲིབ་དང་དམ་ཚིག་ཉམས་ཆགས་ཐམས་ཅད་བྱང་ཞིང་དག་པར་མཛད་དུ་གསོལ་ཞེས་གསོལ་བ་བཏབ་
@003A ༄༅། །པས་ཐུགས་ཀའི་ཟླ་གདན་ལ་གནས་པའི་ཧཱུཾ་ཡིག་གི་མཐར་སྔགས་འཕྲེང་གིས་བསྐོར་བ་ལས་འོད་ཟེར་འཕྲོས་ནས་ཡོན་ཏན་ཕུན་སུམ་ཚོགས་པར་གྱུར་ཏེ་སྐུ་ཡི་ཆ་ནས་བདུད་རྩིའི་རྒྱུན་བབས་པས་བུམ་པ་གང་བར་གྱུར་
yc+བར་བསམས་ལ། ཡིག་བརྒྱ་བརྒྱ་འམ་སྟོང་ངམ་ཁྲི་སོགས་ཅི་འགྲུབ་བཟླ། དེ་ནས་གཏོར་མ་སྔར་བཞིན་བསངས་སྦྱངས།-yc་སྟོང་པའི་ངང་ལས་ཨཱཿ ལས་བྱུང་བའི་ཐོད་པ་ཡངས་ཤིང་རྒྱ་ཆེ་བའི་ནང་དུ་ཤ་ལྔ་བདུད་རྩི་ལྔའི་སྟེང་དུ་ཡི་གེ་གསུམ། དེ་ལས་
འོད་ཟེར་འཕྲོས་རླུང་གཡོས་མེ་སྦར་ཐོད་པའི་རྫས་རྣམས་ཞུ་ཞིང་འཁོལ་རྡོ་རྗེ་གསུམ་གྱི་ལྷ་ཚོགས་རྣམས་བཀུག་ནས་ཡི་གེ་གསུམ་ལ་ཐིམ་པས་དེ་གསུམ་ཡང་རིམ་གྱིས་ཞུ་ནས་ཐོད་པར་ལྷུང་བས་སྦྱང་རྟོགས་སྦར་གསུམ་བྱས་
པའི་ཟག་མེད་ཀྱི་ཡེ་ཤེས་ཀྱི་བདུད་རྩིའི་ངོ་བོར་གྱུར། ཨོཾ་ཨཱཿ ཧཱུཾ་yc+ལན་གསུམ།-yc་བཅོམ་ལྡན་འདས་ཀྱི་ལྗགས་འོད་ཟེར་གྱི་སྦུ་གུས་གཏོར་མའི་བཅུད་ཐམས་ཅད་དྲངས་ཏེ་གསོལ་བར་གྱུར། ཨོཾ་བཛྲ་སཏྭ་ས་པཱ་རི་
ཝ་ར་ཨི་དམ་པ་ལིཾ་ཏ་ཁ་ཁ་ཁཱ་ཧི་ཁཱ་ཧི། yc+ལན་བདུན་ནམ་གསུམ་གྱིས་དབུལ་ཞིང་མཆོད་བསྟོད་བྱ། མ་རྙེད་སོགས་ཀྱིས་བཟོད་གསོལ་གྱི་མཐར།-yc་ཨོཾ་ཨཱཿ བཛྲ་མུཿ ཡེ་ཤེས་པ་རང་བཞིན་གྱི་གནས་སུ་གཤེགས་ཤིང༌། དམ་
ཚིག་པ་བུམ་པའི་ཆུ་དང་དབྱེར་མེད་དུ་གྱུར་yc+པར་བསམ། དེ་ལྟར་བསྒྲུབས་པའི་ཆུ་དེ་རང་གཞན་གང་གིས་ཀྱང་འཐུང་ཞིང་ཁྲུས་བྱས་ནའང་ལས་སྒྲིབ་སྡིག་ལྟུང་དམ་ཚིག་ཉམས་ཆགས་ཐམས་ཅད་བྱང་བར་འགྱུར་བས་དགོས་པ་ཤིན་དུ་ཆེ་བའི་ཕྱིར་རང་
@003B ཅག་ལྟ་བུས་འདི་ལ་འབད་པར་བྱའོ།། །།རྡོར་སེམས་ཀྱི་སྒོམ་བཟླས་བྱེད་པར་འདོད་ན། སངས་རྒྱས་ཆོས་ཚོགས་མ་ལན་གསུམ་གྱིས་སྐྱབས་སེམས་བྱས་ནས། སྤྱིར་རྡོར་སེམས་བསྐྱེད་ཚུལ་ལ། རང་རྡོར་སེམས་སུ་བསྐྱེད་པ་དང༌། རང་གི་མདུན་གྱི་
ནམ་མཁར་བསྐྱེད་ཅིང་བཟླས་པ་བྱེད་པ་དང༌། གོང་དུ་བཤད་པ་ལྟར་བྱ་བ་སོགས་དུ་མ་ཞིག་ཡོད་པ་རྣམས་གང་བྱས་ཀྱང་མི་འགལ་ཞིང་ཕུན་སུམ་ཚོགས་པར་འགྱུར་མོད།-yc་འདིར་བླ་མ་སྔ་མའི་ཕྱག་ལེན་ལྟར་རང་གི་སྤྱི་བོར་རྡོར་སེམས་བསྐྱེད་ཆོག་མཛད་པ་
བཞིན་བྱེད་པར་འདོད་ན། རང་ཐ་མལ་པའམ། ལྷའི་ང་རྒྱལ་ལ་གནས་པས་ཀྱང་རུང་ལ། རང་གི་སྤྱི་བོར་པཾ་ལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་ཧཱུཾ་ཡིག་དཀར་པོ་དེ་ལས་འོད་འཕྲོས། འཕགས་པ་མཆོད། སེམས་ཅན་
གྱི་དོན་བྱས། ཚུལ་འདུས་ཡོངས་སུ་གྱུར་པ་ལས། རྡོ་རྗེ་སེམས་དཔའ་དཀར་པོ་yc+ཞེས་པ་ནས-yc་བསྐོར་བ་ཨོཾ་བཛྲ་ས་མཱ་ཛཿ ཨོཾ་བཛྲ་ས་ཏྭ་ས་པཱ་རི་ཝ་ར་ཨརྒྷཾ་yc+ནས-yc་ཤཔྟ་yc+འི་བར་གྱིས་མཆོད།-yc་ཛཿ ཧཱུཾ་བཾ་ཧོཿ དམ་ཚིག་པ་དང་གཉིས་སུ་མེད་པར་གྱུར། yc+ཞེས་
པ་ནས-yc་ཆུ་ལྷག་མ་ཡར་ལུད་པ་ལས་མི་བསྐྱོད་པས་དབུ་བརྒྱན་པར་གྱུར་yc+ཅེས་པའི་པར་གོང་བཞིན་བྱའོ། yc+།དེ་ནས-yc་བཅོམ་ལྡན་འདས་རྡོ་རྗེ་སེམས་དཔའ་བདག་གཞན་སེམས་ཅན་ཐམས་ཅད་ཀྱི་སྡིག་སྒྲབ་དང་དམ་ཚིག་ཉམས་ཆགས་ཐམས་ཅད་བྱང་ཞིང་དག་པར་
མཛད་དུ་གསོལ། yc+ཞེས་པ་ནས།-yc་མཐུ་སྟོབས་ཡོན་ཏན་ཕུན་སུམ་ཚོགས་པར་གྱུར་yc+ཅེས་པའི་བར་གྱི་གསོལ་བ་གདབ་ཅིང༌། ཡིག་བརྒྱ་ཉེར་གཅིག་གམ་ཅི་འགྲུབ་བཟླའོ། །ཡི་གེ་བརྒྱ་པའི་གྲངས་ནི་སྲོག་ལྡན་གྱི་ཡི་གེ་དབང་དུ་བྱས་ཀྱི་གཞན་བརྒྱ་ལས་མང་ཞིང༌།-yc་ཨོཾ་དང་ཧཱུཾ་ཕཊ་
@004A ༄༅། །རྣམས་ནི་དེར་མ་གཏོགས་སོ། །མཐར་བདག་ནི་མི་ཤེས་རྨོངས་པ་ཡིས། yc+།ཞེས་པ་ནས-yc་སྐུ་གསུང་ཐུགས་དབྱེར་མི་ཕྱེད་པར་གྱུར་yc+པར་བསམ་མོ།-yc༌།འདི་ལ་སྟོབས་བཞི་ཚང་ཚུལ་ནི། སྐྱབས་འགྲོ་སེམས་བསྐྱེད་གཉིས་རྟེན་གྱི་སྟོབས། ཡིག
བརྒྱའི་བཟླས་པ་ནི་གཉེན་པོ་ཀུན་ཏུ་སྤྱོད་པའི་སྟོབས། yc+བདག་ནི་མི་ཤེས-yc་སོགས་ནི་སུན་འབྱིན་པའི་སྟོབས་ཡིན་ལ། དེའི་ཤུགས་ལ་སླར་ལྡོག་པའི་སྟོབས་བསྟན་ཏོ། །ཡི་གེ་བརྒྱ་པའི་སྔགས་དོན་ནི། ཨོཾ་ནི་སྐུ་རྡོ་རྗེའི་ས་བོན་ཡིན་ཞིང༌། མཆོག
ནོར་བཀྲ་ཤིས་སོགས་དོན་བདུན་ལ་འཇུག །བཛྲ་ས་ཏྭ་ནི་རྡོ་རྗེ་སེམས་དཔའ། ས་མ་ཡ་ནི་དམ་ཚིག ། མ་ནུ་བཱ་ལ་ཡ་ནི་རྗེས་སུ་སྐྱོངས། བཛྲ་སཏྭ་ཏྭེ་ནོ་བ་ནི་རྡོ་རྗེ་སེམས་དཔའ་ཉིད་ཀྱིས་ཉེ་བར། ཏིཥྛ་ནི་གནས་པ། ཌི་ཌྷོ་ནི་བརྟན་པ། མེ་ནི་
བདག །བྷ་ཝ་ནི་དངོས་པོ་འམ་རང་བཞིན་དུ་མཛོད། སུ་ཏོ་ཥྱོ་ནི་ཤིན་དུ་དགྱེས་པ། སུ་བོ་ཥྱོ་ནི་ཤིན་ཏུ་རྒྱས་པ། ཨ་ནུ་རཀྟོ་ནི་རྗེས་སུ་ཆགས་པ། མེ་བྷ་ཝ་གསུམ་ནི་སྔར་བཞིན་ནོ། །སརྦ་སིདྡྷི་ནི་དངོས་གྲུབ་ཐམས་ཅད། མེ་པྲ་ཡཙྪ་ནི་བདག
ལ་སྩོལ་བར་མཛོད། སརྦ་ཀརྨ་སུ་ཙ་མེ་ནི་བདག་ལ་ལས་ཐམས་ཅད་རྩོལ་བར་མཛོད། ཙིཏྟཾ་ཤྲཱི་ཡཿ ཀུ་རུ་ནི་སེམས་སམ་སྙིང་གི་དཔལ་དུ་མཛོད། ཧཱུཾ་ནི་ཐུགས་ཀྱི་ས་བོན་དང༌། ཧ་བཞི་དང་ཧོ་དང་ལྔས་ནི་ཡེ་ཤེས་ལྔ་མཚོན། བྷ་ག་ཝན་ནི་
བཅོམ་ལྡན་འདས། སརྦ་ཏ་ཐཱ་ག་ཏ་ནི་དེ་བཞིན་གཤེགས་པ་ཐམས་ཅད་ཀྱི། བཛྲ་མ་མེ་ནི་རྡོ་རྗེ་བདག། མུཉྩ་ནི་མ་འདོར་ཅིག །བཛྲི་བྷ་ཝ་ནི་རྡོ་རྗེ་ཅན་གྱི་རང་བཞིན་དུ། མ་ཧཱ་ས་མ་ཡ་ས་ཏྭ་ནི་དམ་ཚིག་ཆེན་པོའི་སེམས་དཔའ།
@004B ཨཱཿ ནི་གསུང་དང༌། ཧཱུཾ་ནི་ཐུགས་ཀྱི་ས་བོན། ཕཊ་ནི་གསལ་བར་བྱེད་པ་འམ་འཇོམས་པར་བྱེད་པའོ། །ཡི་གེ་བརྒྱ་པ་ཚུལ་བཞིན་དུ་བཟླས་ན། སྡིག་ལྟུང་ཐམས་ཅད་སྦྱོང་ཞིང་འཕེལ་ཁ་གཅོད་པ་དང་དམ་ཚིག་ཉམས་པ་སྦྱོང་བའི་ཐབས་མཆོག
ཏུ་གྱུར་པ་ཡིན་ཏེ། སྙིང་པོ་རྒྱན་ལས༌། སངས་རྒྱས་ཀུན་གྱི་སྐུ་གཅིག་པོ། །བད་དཀར་ཟླ་བའི་དབུས་གནས་ཤིང༌། །རྡོ་རྗེ་དྲིལ་བུ་རྒྱན་སྤྲས་པའི། །རྡོ་རྗེ་སེམས་དཔའ་ལེགས་དམིགས་ཤིང༌། །ཡི་གེ་བརྒྱ་པ་ཆོ་ག་བཞིན། །ཉི་ཤུ་རྩ་ནི་རེ་རེ་བཟླས། །
ལྟུང་སོགས་བྱིན་གྱིས་བརློབ་འགྱུར་བས། །འཕེལ་བ་རུ་ནི་མི་འགྱུར་ཞེས། །གྲུབ་པ་མཆོག་རྣམས་ཀྱིས་བཤད་པ། །ཐུན་མཚམས་སུ་ནི་སྤྱད་པར་བྱ། །འབུམ་ཕྲག་ཏུ་ནི་བཟླས་གྱུར་ན། །རྣམ་པར་དག་པའི་བདག་ཉིད་འགྱུར། །ཞེས་གསུངས་
པའི་ཕྱིར་རོ། །འདིའི་དམིགས་སྐོར་བྱེད་ཚུལ་ལ་མང་སྟེ། རང་ལྷར་གསལ་བའི་ཐུགས་ཀའི་ཧཱུཾ་ཡིག་གི་ཐིག་ལེའི་ནང་དུ་ཟླ་གདན་གྱི་དབུས་སུ་རང་དང་མཐར་ཕ་མ་སོགས་སེམས་ཅན་ཐམས་ཅད་ཀྱིས་བསྐོར་བར་དམིགས་ནས༌། རང་གི་སྤྱི་བོའི་རྡོར་སེམས་
ཡབ་ཡུམ་གྱི་སྦྱོར་མཚམས་ནས་བྱང་ཆུབ་སེམས་ཀྱི་བདུད་རྩི་རང་གི་ཚངས་བུ་ག་ནས་ཞུགས་ཏེ་རང་དང་སེམས་ཅན་ཐམས་ཅད་ཀྱི་སྡིག་སྒྲིབ་སྦྱོང་བའི་དམིགས་པ་དང༌། ཡང་རང་ལྷར་གསལ་བའི་ཐུགས་ཀའི་ཟླ་གདན་གྱི་དབུས་སུ་རང་དང་མཐར་སེམས་ཅན་ཐམས་ཅད་འཁོད་
ཕར་མོས་ནས་སྔར་བཞིན་འབེབས་སྦྱང་བྱེད་པ་དང༌། ཡང་རང་ལྷར་གསལ་བའི་མདུན་དུ་དབུས་སུ་རང་དང་མཐར་སེམས་ཅན་འཁོད་པའམ། ཡང་རང་ཐ་མལ་དུ་གནས་པའི་མདུན་ནས་བརྩམས་ཏེ་ཕ་མ་ལ་སོགས་པའི་སེམས་ཅན་ཐམས་ཅད་ཀྱིས་བསྐོར་བར་བསམས་
@005A ༄༅། །ནས། རང་གི་སྤྱི་བོའི་རྡོ་རྗེ་སེམས་དཔའི་ཐུགས་ཀའི་ཧཱུཾ་ཡིག་ལས་རྡོར་སེམས་ཡབ་ཡུམ་དཔག་ཏུ་མེད་པ་སེམས་ཅན་ཐམས་ཅད་ཀྱི་གྲངས་དང་མཉམ་པ་སྤྲོས། སེམས་ཅན་ཐམས་ཅད་ཀྱི་སྤྱི་བོར་རྡོར་སེམས་ཡབ་ཡུམ་ཟུང་རེ་རེ་
བཞུགས་པར་གྱུར་ནས་རང་དང་སེམས་ཅན་ཐམས་ཅད་ཀྱིས་ཡིག་བརྒྱ་འདོན་པར་བསམ་ཞིང༌། རང་དང་སེམས་ཅན་སོ་སོའི་སྤྱི་བོ་ནས་བཞུགས་པའི་རྡོར་སེམས་ཡབ་ཡུམ་གྱི་སྦྱོར་མཚམས་ནས་བདུད་རྩིའི་རྒྱུན་ནར་ནར་བྱུང་སྟེ། རང་གཞན་ཐམས་
ཅད་ཀྱི་སྤྱི་བོ་ནས་ཞུགས་པས་སྡིག་ལྟུང་ཐམས་ཅད་སོལ་ཁུ་དང་དུད་ཁུའི་རྣམ་པར་དབང་པོའི་སྒོ་དང་བ་སྤུའི་བུ་ག་ཐམས་ཅད་ནས་ཕྱིར་འཐོན་ཏེ་སྡིག་སྒྲིབ་ཐམས་ཅད་དག་པར་མོས་པའི་ཚུལ་རྣམས་ལས། ཕྱི་མ་ལྟར་བྱས་ན་བདེ་བར་སེམས་སོ། །མཐར་
རྡོར་སེམས་རང་ལ་བསྟིམ་ནས་དབྱེར་མེད་དུ་གྱུར་པར་བསམས་ཏེ། སླར་ཡང་ཡིག་བརྒྱ་རེ་གཉིས་སོགས་གང་འགྲུབ་དང༌། ཨོཾ་བཛྲ་སཏྭ་ཧཱུཾ་ཞེས་པ་རྡོར་སེམས་ཀྱི་སྙིང་པོ་ཅི་འགྲུབ་རེ་བཟླས་ན་ནི་ཁྱད་ཆེ། yc+དེ་ནས།-yc་དགེ་བ་འདི་ཡིས་མྱུར་དུ་བདག །
རྡོ་རྗེ་སེམས་དཔའ་འགྲུབ་གྱུར་ནས། །ཞེས་སོགས་བརྗོད་ཅིང༌། གཏོར་མ་འབུལ་བར་འདོད་ན་སྔར་ལྟར་བྱའོ། yc+།ཅེས་པ་འདི་ནི་དོད་དང་རྣམ་དཔྱོད་ལྡན་པའི་གནས་བརྟན་རྒྱལ་མཚན་བཀྲ་ཤིས་ཞེས་བགྱི་བ་རང་ཉིད་ཀྱི་དད་པས་ཀུན་ནས་བསླངས་ཏེ་བར་དུ་
བརྐོ་བར་བྱའོ་ཞེས་བསྐུལ་བའི་དོན་དུ་ཤཱཀྱའི་དགེ་སློང་བཤད་སྒྲུབ་མིང་ཅན་གྱིས་གཞན་འགའ་རེ་ལ་ཕན་སྲིད་སྙམ་དུ་བསམས་ནས་སྦྱར་བའོ།། །།སརྦ་སིདྡྷི་མྨེ་པྲ་ལཙྪ་ནྟུ།-yc་མཾ་ག་ལཾ་ཀུརྺནྟུ། །
@005B [BLANK PAGE]