@01A *, ,RGYA GAR SKAD DU, BI NA YA BSTU, BOD SKAD DU, 'DUL BA GZHI, BAM PO DANG PO, DKON MCHOG GSUM LA PHYAG 'TSAL LO, ,GANG GIS 'CHING RNAMS YANG DAG RAB BCAD CING, ,MU STEGS TSOGS RNAMS THAMS CAD RAB BCOM STE, ,SDE DANG BCAS PA'I BDUD RNAMS NGES BCOM NAS, ,BYANG CHUB 'DI BRNYES DE LA PHYAG 'TSAL LO, ,KHYIM DON CHE CHUNG SPANGS TE DANG POR RAB 'BYUNG DKA', ,RAB BYUNG THOB NAS YUL SPYAD DAG GIS DGA' THOB DKA', ,MNGON DGA' JI BZHIN DON BSKYED YANG DAG BYED PA DKA', ,NGUR SMRIG GOS 'CHANG MKHAS PA TSUL LAS NYAMS PA DKA', ,GZHI RNAMS KYI SPYI SDOM LA, RAB 'BYUNG GSO SBYONG GZHI DANG NI, ,DGAG DBYE DBYAR DANG KO LPAGS GZHI, ,SMAN DANG GOS DANG SRA BRKYANG DANG, ,KOO SH'AM B'I DANG LAS KYI GZHI, ,DMAR SER CAN DANG GANG ZAG DANG, ,SPO DANG GSO SBYONG BZHAG PA DANG, ,GNAS MAL DANG NI @02A *, ,RTZOD PA DANG, ,DGE 'DUN DBYEN RNAMS BSDUS PA YIN, ,RAB TU 'BYUNG BA'I GZHI'I SPYI SDOM LA, SH'A RI'I BU DANG MU STEGS CAN, ,DGE TSUL GNYIS DANG BYA ROG SKROD, ,DGRA BCOM BSAD DANG LAG RDUM GYI, ,SDE TSAN YANG DAG BSDUS PA YIN, ,SDOM LA, SH'A RI'I BU DANG RAB 'BYUNG DANG, ,BSNYEN PAR RDZOGS PAR GNANG BA DANG, ,NYE SDES TSOGS NI BSDUS PA DANG, ,LNGA PA'I SDE TSAN BSDUS PA YIN, ,BYANG CHUB SEMS DPA' DGA' LDAN GYI GNAS NA BZHUGS PA NA, YUL AANG GA DAG NA AANG GA'I RGYAL PO ZHES BYA BAS RGYAL SRID 'BYOR PA, RGYAS PA BDE BA LO LEGS PA SKYE BO DANG MI MANG POS GANG BA BYED DU BCUG GO, ,YUL MA GA DH'A DAG NA YANG RGYAL PO PAD MA CHEN PO ZHES BYA BAS, RGYAL SRID 'BYOR PA RGYAS PA BDE BA LO LEGS PA SKYE BO DANG MI MANG POS GANG BA BYED DU BCUG GO, ,RES 'GA' NI AANG GA'I RGYAL PO DPUNG DANG MTHU CHE BA YIN LA, RES 'GA' NI RGYAL PO PAD MA CHEN PO DPUNG DANG MTHU CHE BA YIN NO, ,GANG GI TSE AANG GA'I RGYAL PO DPUNG DANG MTHU CHE BA DE'I TSE NA; DES DPUNG GI TSOGS YAN LAG BZHI PA, GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE, YUL MA GDH'A RGYAL PO'I KHAB MA GTOGS PA BCOM NAS PHYIR LDOG PAR BYED DO, ,GANG GI TSE RGYAL PO PAD MA CHEN PO DPUNG DANG MTHU CHE BA DE'I TSE NA, DES KYANG DPUNG GI TSOGS YAN LA GA BZHI PA, GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE, @02B YUL AANG GA TZAM PA MA GTOGS PA BCOM NAS PHYIR LDOG PAR BYED DO, ,DE NAS DUS GZHAN ZHIG NA AANG GA'I RGYAL PO DPUNG DANG MTHU CHE BAR GYUR NAS, DES DPUNG GI TSOGS YAN LAG BZHI BA GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE, YUL MA GA DH'A GZHOM PAR BRTZAMS PA DANG, MA GA DH'A NA GNAS PA'I SKYE BO'I TSOGS KYIS RGYAL PO PAD MA CHEN PO LA LHA AANG GA'I RGYAL POS DPUNG GI TSOGS YAN LAG BZHI PA GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE, YUL MA GA DH'A 'JOMS PAR BGYID DO ZHES SPRON PA DAG BTANG NGO, ,RGYAL PO PAD MA CHEN POS KYANG THOS NAS DPUNG GI TSOGS YAN LAG BZHI PA GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE, AANG GA'I RGYAL PO DANG GYUL SPRAD PA'I PHYIR 'PHAGS SO, ,DE NAS AANG GA'I RGYAL POS RGYAL PO PAD MA CHEN PO'I GLANG PO CHE PA'I TSOGS THAMS CAD PHROGS SHING, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS THAMS CAD KYANG PHROGS SO, ,RGYAL PO PAD MA CHEN PO YANG PHAM PA DANG, SKRAG PA DANG, BCOM PA DANG, GZHAN RGYAL BA DANG, RGYAB KYIS PHYOGS PAR BYAS TE, RGYAL PO'I KHAB TU ZHUGS NAS SGO BCAD DE, RAB DAG GI KHAR SBRENGS NAS 'DUG GO, AANG GA'I RGYAL POS RGYAL PO PAD MA CHEN PO LA PHO NYA BTANG STE, GAL TE PHYIR 'BYUNG NA DE LTA NA LEGS, GAL TE PHYIR MI 'BYUNG NA JI STE STENG GI NAM MKHA' LA 'GRO NA NI MDA' BRGYUD PAS KHYOD LTUNG BAR BYA'O, ,JI STE SA'I 'OG TU 'GRO NA NI MCHIL PA DANG DRANG BA'I TSUL GYIS DRANG BAR BYA'O, ,JI STE RI'I RTZE MOR 'DZEG NA NI DER YANG KHYOD THAR PA MED DO ZHES SPRING NGO, ,RGYAL PO PAD MA CHEN POS PHRIN YIG BKLAGS NAS DE MI BDE BAR GYUR TE, LAG PA LA 'GRAM PA GTAD NAS SEMS KHONG DU CHUD CING 'DUG 'DUG NAS, DES BLON PO RNAMS LA SMRAS PA, SHES LDAN DAG AANG GA'I RGYAL @03A *, ,PO 'DI NI GDUG PA, PHA ROL GNON PA, DPUNG DANG MTHU CHE BAR GYUR LA, DES YU BU CAG LA 'DI DANG 'DI SKAD CES SPRAD NA, DE LA YU BU CAG GIS JI LTAR BSGRUB PAR BYA, DE DAG GIS TSIGS SU BCAD PA SMRAS PA, YUL DANG SROG LA GNOD GYUR NA, , SKYES BUS KUN DU SROG BSRUNG BYA, ,BLO YIS GNYIS KA DPYAD BYAS NA, ,YUL NI YANG RNYED SROG RNAMS MIN, ,LHA RNAM PA THAMS CAD DU SLAR 'BYUNG BAR BGYI'O, ,DE RAL GRI MGUL DU THOGS TE PHYIR BYUNG BA DANG, AANG GA'I RGYAL POS DE LA LO THANG DANG DPYA PHAB STE DE NYID DU BZHAG GO, ,GANG GI TSE BCOM LDAN 'DAS BYANG CHUB SEMS DPA' DGA' LDAN GYI GNAS NA BZHUGS PAS GZIGS PA LDA PO DAG LA GZIGS NAS 'DOD PA NA SPYOD PA'I LHA DRUG PO DAG LA LAN GSUM BSGO BA MDZAD DE, GLANG PO CHE LTAR SNANG BAR BSGYUR TE, YUM GYI LHUMS SU ZHUGS PA DE'I TSE NA SA CHEN PO SHIN TU GA-YOS PAR GYUR CING 'JIG RTEN 'DI THAMS CAD KYANG SUM BCU RTZA GSUM PA'I LHA RNAMS KYI KHA DOG GI MTHU BAS LHAG PA'I SNANG BA RGYA CHEN POS KHYAB PAR GYUR CING, 'JIG RTEN GYI 'JIG RTEN GYI BAR GANG NA NYI MA DANG ZLA BA 'DI LTAR RDZU 'PHRUL CHE BA, 'DI LTAR MTHU CHE BA 'DI GNYIS KYI 'OD DAG NYAMS SU MI MYONG BA'I MUN PA MUN GNAG MUN PAR BYED PAS, GNAG PAR GYUR PA GANG DAG YIN PA DE DAG KYANG DE'I TSE NA SNANG BRGYA CHEN POS KHYAB PAR GYUR NAS, SEMS CAN GANG DAG DER SKYES PA DAG GIS RANG GI LAG PA BRKYANG BA YANG MI MTHONG BA DE DAG GIS KYANG 'OD DES SEMS CAN GCIG GIS GCIG MTHONG NAS SHES LDAN DAG SEMS CAN GZHAN YANG 'DIR SKYES SO, ,SHES LDAN DAG SEMS CAN GZHAN YANG 'DIR SKYES SO ZHES SHES PAR GYUR TO, ,GANG GI TSE BCOM LDAN 'DAS BYANG CHUB SEMS DPA' BLTAM PA DE'I TSE NA GRONG KHYER CHEN PO BZHI PO DAG TU RGYAL PO CHEN PO BZHI DAG GI BU YANG BTZAS PAR GYUR TE, RGYAL PO'I KHAB TU RGYAL PO PAD MA CHEN PO'I BU BTZAS SO, ,MNYAN YOD DU NI RGYAL PO RTZIBS KYIS 'PHUR TSANGS BYIN GYI BU BTZAS SO, ,'PHAGS RGYAL DU NI RGYAL PO MU @03B KHYUD MTHA' YAS KYI BU BTZAS SO, ,KOO SH'AM B'IR NI RGYAL PO DMAG BRGYA PA'I BU BE TZAS SO, ,BCOM LDAN 'DAS BYANG CHUB SEMS DPA' BLTAM PA NA 'JIG RTEN THAMS CAD SUM BCU RTZA GSUM PA'I LHA RNAMS KYI KHA DOG GI MTHU BAS LHAG PA'I SNANG BA RGYA CHEN POS KHYAB PAR GYUR CING 'JIG RTEN GYI 'JIG RTEN GYI BAR GANG NA NYI MA DANG ZLA BA 'DI LTAR RDZU 'PHRUL CHE BA, 'DI LTAR MTHU CHE BA 'DI GNYIS KYI 'OD DAG NYAMS SU MI MYONG BA'I MUN PA MUN GNAG MUN PAR BYED PAS GNAG PAR GYUR PA GANG DAG YIN PA DE DAG KYANG DE'I TSE NA SNANG BA RGYA CHEN POS KHYAB PAR GYUR NAS, SEMS CAN GANG DAG DER SKYES PA DAG GIS RANG GI LAG PA BRKYANG BA YANG MI MTHONG BA DE DAG GIS KYANG 'OD DES SEMS CAN GCIG GIS GCIG MTHONG NAS SHES LDAN DAG SEMS CAN GZHAN YANG 'DIR SKYES SO, ,SHES LDAN DAG SEMS CAN GZHAN YANG 'DIR SKYES SO ZHES SHES PAR GYUR TO, ,RGYAL PO PAD MA CHEN POS BSAMS PA, BDAG GI BU BTZAS PA NA 'JIG RTEN NYI MA'I GZUGS SHAR BA LTAR SNANG ZHING 'DI BTZUN MO GZUGS CAN GYI BU YIN PAS GZHON NU 'DI'I MING GZUGS CAN SNYING POR GDAGS SO SNYAM NAS BU DE'I MING GZUGS CAN SNYING PO ZHES BYA BAR BTAGS SO, ,RGYAL PO RTZI BAS KYIS 'PHUR TSANGS BYIN GYIS BSAMS PA, BDAG GI BU BTZAS PA NA 'JIG RTEN GSAL BA GSAL BA LTAR SNANG BAS GZHON NU 'DI'I MING GSAL RGYAL DU GDAGS SO SNYAM NAS BU DE'I MING GSAL RGYAL ZHES BYA BAR BTAGS SO, ,RGYAL PO DMAG BRGYA PAS BSAMS PA, BDAG GI BU BTZAS PA NA 'JIG RTEN NYI MA SHAR BA LTAR SNANG BAR GYUR PAS GZHON NU 'DE'I MING SHAR BAR GDAGS SO SNYAM NAS BU DE'I MING SHAR BA ZHES BYA BAR BTAGS SO, ,RGYAL PO MU KHYUD MTHA' YAS KYIS BSAMS PA, BDAG GI BU BTZAS PA NA 'JIG RTEN RAB TU SNANG BAS SNANG BAR GYUR PAS GZHON NU 'DI'I MING RAB SNANG ZHES BYA BAR GDAGS SO SNYAM NAS BU DE'I MING RAB SNANG ZHES BYA BAR BTAGS SO, ,RGYAL PO RE RES BSAMS PA YANG BDAG GI BU 'DI'I MTHU YIN NO, ,BDAG @04A *, ,GI BU 'DI'I MTHU YIN NO SNYAM MOD KYI, DE NI DE LTA MA YIN TE, 'DI LTAR DE DAG THAMS CAD NI BYANG CHUB SEMS DPA'I MTHU YIN PA'I PHYIR RO, ,GANG GI NYIN MO GZHON NU GZUGS CAN SNYING PO BTZAS PA DE NYID KYI NYIN MO BLON PO LNGA BRGYA DAG GI BU LNGA BRGYA YANG BTZAS TE, DE DAG KYANG RIGS DANG MTHUN PAR MING BTAGS SO, ,GZHON NU GZUGS CAN SNYING PO MA MA BRGYAD PO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRIM 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO,, DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE YI GE DANG, GRANGS DANG, RTZIS DANG, LAG RTZIS DANG, DBYUNG BA DANG, GZHUG BA DANG, GZHAG PA LA NYE BAR ZHUGS NAS, DE YI GE'I MTHAR PHYIN CING 'BYED PA DANG, KLOG PA DANG, MKHAS PA DANG, SKYOD PA GSAL BA DANG, BRTAG PA BRGYAD PO 'DI LTA STE, RIN PO CHE BRTAG PA DANG, GZHI BRTAG PA DANG, GOS BRTAG PA DANG, SHING BRTAG PA DANG, GLANG PO CHE BRTAG PA DANG, RTA BRTAG PA DANG, BUD MED BRTAG PA DANG, SKYES PA BRTAG PA LA MKHAS PAR GYUR TO, ,RGYAL PO RGYAL RIGS SPYI BOR DBANG BSKUR BA LJONGS KYI DBANG PHYUG MTHU DANG BRTZON 'GRUS THOB PA, SA CHEN PO'I DKYIL 'KHOR MNGON PAR RGYAL BAR BYAS TE GNAS PA RNAMS KYI BZO'I GNAS DANG, LAS KYI GNAS THA DAD PAR GYUR PA GANG DAG YIN PA 'DI LTA STE, GLANG PO CHE'I GNYAR BZHON PA DANG, RTA BZHON PA DANG, SHING RTA'I THABS DANG, RAL GRI'I THABS DANG, 'PHONG DANG, PHYIR BSNUR BA DANG, MDUN DU BSNUR BA DANG, LCAGS KYI BSGYUR THABS DANG, ZHAGS PA GDAB PA DANG, MDA' BO CHE 'PHEN THABS DANG, 'DZIN STANGS DANG, GOM STANGS DANG, THOR TSUGS @04B DANG; GCAD PA DANG, DRAL BA DANG, DBUG PA DANG, GNAS LNGA PO 'DI LTA STE, RGYANG NAS 'PHOG PA DANG, SGRA GRAGS PAR 'PHOG PA DANG, GNAD DU 'PHOGS PA DANG, MI 'CHOR BAR 'PHOG PA DANG, TSABS CHE BA DE DAG LA YANG ZHUGS SHING BYANG BAR GYUR TO, ,BLON PO'I BU LNGA BRGYA PO DE DAG KYANG BZO'I GNAS DANG, LAS KYI GNAS DAG LA BYANG BAR GYUR TO, ,DE PHAS BZO SBYANG BA BCWA BRGYAD PO DAG LA BA CUG NAS DE'I MING BZO SBYANGS GZUGS CAN SNYING PO, ,BZO SBYANGS GZUGS CAN SNYING PO ZHES BYA BAR GYUR TO, ,DE NAS DUS GZHAN ZHIG NA GZHON NU GZUGS CAN SNYING PO GLANG PO CHE LA ZHON TE LJONGS SU BYUNG BA DANG, DES AANG GA'I RGYAL PO'I ZHO SHAS 'TSO BA DAG LO THANG DANG DPYA SDUD PA MTHONG NAS, DES SMRAS PA, SHES LDAN DAG LO THANG DANG DPYA SDUD PA 'DI DAG SU'I YIN, DE DAG GIS SMRAS PA, LHA AANG GA'I RGYAL PO'I LAGS SO, ,DES SMRAS PA, CI YU BU CAG DE LA LO THANG 'BUL BA YIN NAM, DE DAG GIS SMRAS PA, LHA LO THANG 'BUL BA LAGS SO, ,DES SMRAS PA, SHES LDAN DAG ZHO SHAS 'TSO BA DE DAG BOS SHIG ,DE DAG GIS BOS PA DANG, DES SMRAS PA; SHES LDAN DAG DE YANG RGYAL PO RGYAL RIGS SPYI BOR DBANG BSKUR BA YIN LA, NGED KYANG RGYAL PO RGYAL RIGS SPYI BOR DBANG BSKUR BA YIN NA, CI'I PHYIR KHYED CAG LO THANG DANG DPYA SDUD PAR BYED, DENG LA PHYIN CHAD LO THANG DANG DPYA MA SDUD CIG ,DE DAG GIS BSAMS PA; GZHON NU 'DI NI RGYUS MI SHES PA YIN PAS BDAG CAG RGYAL PO PAD MA CHEN PO'I GAN DU 'DONG ZHING SONG NAS BSNYAD PAR BYA'O SNYAM NAS, DE DAG RGYAL PO PAD MA CHEN PO'I GAN DU SONG STE PHYIN NAS SMRAS PA, LHA BDAG CAG AANG GA'I RGYAL PO'I ZHO SHAS 'TSO BA LO THANG DANG DPYA SDUD PA NA GZHON NU GZUGS CAN SNYING POS BKAG NA, CI BSDU BAR 'TSAL LAM, 'ON TE SLAR MCHI BAR 'TSAL, DES SMRAS PA, SHES LDAN DAG GZHON NU DE NI RGYUS MI SHES PA YIN PAS KHYED CAG SNGON JI LTAR LO THANG DANG DPYA SDUD PA DE BZHIN DU SDUS SHIG ,DE DAG GIS @05A *, ,YANG BSDU BAR BRTZA MAS TE, DE DAG 'ONGS NAS PHYIR LDOG PA GZHON NU GZUGS CAN SNYING POS MTHONG NAS SMRAS PA, SHES LDAN DAG NGAS KHYED LA PHYIN CHAD LE THANG DANG DBYA MA SDUD CIG CES MA BZLOG GAM, CI'I PHYIR YANG KHYED LO THANG DANG DPYA SDUD, GAL TE RE ZHIG 'KHOD NA DE LTA NA LEGS, GAL TE MI 'KHOD NA MTSAMS CHEN PO GCAD PAR BYA'O, ,DE DAG SKRAG NAS BSAMS PA, GZHON NU 'DI NI GDUG PA PHA ROL GNON PA YIN PAS BDAG CAG LA GNOD PA BYED PAR 'GYUR BA GANG YIN PA DE LTA BU'I GNAS YOD PAR 'GYUR GYIS, BDAG CAG AANG GA'I RGYAL PO'I GAN DU DONG STE SBRAN PAR BYA'O SNYAM NAS DE DAG AANG GA'I RGYAL PO'I GAN DU DONG STE PHYIN NAS SMRAS PA, LHA BDAG CAG LHA'I ZHO SHAS 'TSO BA LAGS TE, BDAG CAG LHA'I LO THANG DANG DPYA SDUD PA NA RGYAL PO PAD MA CHEN PO'I BU GZHON NU GZUGS CAN SNYING PO DES BZLOG LAGS NA, DA GAL TE LHAS BTANG SNYOMS MDZAD NA SLAD KYIS GNOD PA CHEN PO BGYID PAR 'GYUR BA GANG LAGS PA DE LTA BU'I GNAS MCHIS PAR 'GYUR RO, ,TSIGS SU BCAD PA YANG SMRAS PA, JI SRID SHING NI GZHON PA'I TSE, ,SEN MO DAG GIS GCAD NUS PA, , DE NYID CHEN POR SKYES PA NA, ,STA RE BRGYAS KYANG GCAD PAR DKA', ,AANG GA'I RGYAL POS RGYAL PO PAD MA CHEN PO LA GZHON NU GZUGS CAN SNYING PO MGUL PA NAS THOGS LA TSUR BKRI BA'AM, YANG NA RTZWA DANG CHAS STA GON GYIS SHEG DANG, NGA NYID 'O NIR 'ONG NGO ZHES PHRIN YIG SPRING NGO, ,RGYAL PO PAD MA CHEN POS PHRIN YIG BKLAGS NAS DE MI BDE BAR GYUR TE LAG PA 'GRAM PA LA GTAD NAS, SEMS KHONG DU CHUD CING 'DUG 'DUG NAS, DES GZHON NU GZUGS CAN SNYING PO BOS NAS SMRAS PA, CI'I PHYIR KHYOD KYIS AANG GA'I RGYAL PO'I ZHO SHAS 'TSO BA DAG LO THANG DANG DPYA SDUD PA ZLOG ,DES KHROS TE NGA LA 'DI DANG 'DI SKAD CES SPRING NGO, ,DES SMRAS PA, LHA CI SKOL DE LA LO THANG 'BUL BA LAGS SAM, BU LO THANG 'BUL BA YIN NO, ,DES SMRAS PA, LHA DE YANG RGYAL PO RGYAL RIGS SPYI BOR DBANG BSKUR BA LAGS LA, SKOL KYANG @05B RGYAL PO RGYAL RIGS SPYI BOR DBANG BSKUR BA LAGS NA, CI'I SLAD DU SKOL DE LA LO THANG DANG DPYA 'BUL, LHAS BDAG LA DPUNG GI TSOGS YAN LAG BZHI PA STZAL BA 'BA' ZHIG MDZOD CIG DANG, BDAG GIS AANG GA'I RGYAL PO DANG LHAN CIG GYUL NGOR GA-YUL SPRAD PAR BGYI'O, ,DE NAS RGYAL PO PAD MA CHEN POS AANG GA'I RGYAL PO LA KHYOD KYI MTHU DANG, DPUNG DANG, BRTZON 'GRUS DANG, PHA ROL GNON PA GANG DAG YIN PA DE DAG THAMS CAD MNYAMS PAR GYIS SHIG CES PHRIN YIG SPRING NGO, ,AANG GA'I RGYAL POS THOS NAS MI BZOD PA SKYES TE BLON PO RNAMS LA SMRAS PA, SHES LDAN DAG DE'I YUL 'KHOR GZHOM PAR BYAS, DPUNG GI TSOGS YAN LAG BZHI PA GO SKON CIG ,DES DPUNG GI TSOGS YAN LAG BZHI PA GLANG PO CHE PA'I TSOGS DANG, RTA PA'I TSOGS DANG, SHING RTA BA'I TSOGS DANG, DPUNG BU CHUNG GI TSOGS GO BSKON TE YUL MA GA DH'A GZHOM PAR BRTZAMS PA DANG, MA GA DH'A NA GNAS PA'I SKYE BO'I TSOGS KYIS RGYAL PO PAD MA CHEN PO LA LHA AANG GA'I RGYAL PO 'DI DPUNG GI TSOGS YAN LAG BZHI PA GLANG PO CHE PA'I TSOGS DANG, RTA PA'I TSOGS DANG, SHING RTA PA'I TSOGS DANG, DPUNG BU CHUNG GI TSOGS GO BSKON TE YUL MA GA DH'A 'JOMS PAR BGYID DO ZHES SPRON PA DAG BTANG NGO, ,RGYAL PO PAD MA CHEN POS THOS NAS DE MI BDE BAR GYUR TE LAG PA 'GRAM PA LA GTAD NAS, SEMS KHONG DU CHUD CING 'DUG 'DUG NAS, DES GZHON NU GZUGS CAN SNYING PO BOS TE; DE LA DPUNG GI TSOGS YAN LAG BZHI PA BYIN NO, ,GZHON NU GZUGS CAN SNYING POS BLON PO'I BU LNGA BRGYA BSDUS TE SMRAS PA, SHES LDAN DAG NGA NI AANG GA'I RGYAL PO DANG LHAN CIG GA-YUL NGOR GA-YUL SPROD PAR BYED NA SHES LDAN DAG CI BYED, DE DAG GIS SMRAS PA, GZHON NU KHYOD KYI GNAS SKABS GANG LAGS PA DE BDAG CAG GI YANG LAGS SO, ,DES TSIGS SU BCAD PA SMRAS PA, MI GANGC LA NI KHYIM DPAL GNAS, ,DE NI KUN GYIS YONGS BSRUNG BYA, ,DE NYAMS NA NI KUN NYAMS TE, ,LTE BA CHAG PAS RTZIBS RNAMS BZHIN, ,DA KHYED @06A *, ,KYIS KUN NAS YONGS SU BSRUNG BAR BYA'O, ,DE DAG GIS SMRAS PA, LHA'I GNAS SKABS GANG LAGS PA DE BDAG CAG GI YANG LAGS LA, LHA'I ZHABS GANG NA BA DE NA BDAG CAG GI MGO MCHIS SO, ,DE NAS DES DPUNG GI TSOGS YAN LAG BZHI PA GO BSKON TE, RGYAL PO'I KHAB NAS BYUNG NGO, ,RGYAL PO PAD MA CHEN PO STENG GI KHANG BZANGS KYI GZHIR GTOGS PA NA BLON PO'I TSOGS KYIS BSKOR CING 'DUG PA DES DE BYUNG BA MTHONG NAS DES BLON PO RNAMS LA SMRAS PA, SHES LDAN DAG DMAG 'DI SU'I YIN, DE DAG GIS SMRAS PA, LHA GZHON NU GZUGS CAN SNYING PO'I LAGS SO, ,DES SMRAS PA, SHES LDAN DAG AE MA 'DI DMAG MANG PO DANG LDAN NO ZHES SMRAS PAS, DE'I MING DMAG LDAN GZUGS CAN SNYING PO, DMAG LDAN GZUGS CAN SNYING PO ZHES BYA BAR GYUR TO, ,DE NA KHA CIG GIS NI BZO SBYANGS GZUGS CAN SNYING PO ZHES BYA BAR SHES SO, ,KHA CIG GIS NI DMAG LDAN GZUGS CAN SNYING PO ZHES BYA BAR SHES SO, ,GZHON NU GZUGS CAN SNYING POS BLON PO'I BU LNGA BRGYA PO DAG LA SMRAS PA, SHES LDAN DAG AANG GA'I RGYAL PO 'DI NI GDUG PA PHA ROL GNON PA DPUNG DANG MTHU CHE BAR GYUR PA YIN PAS YU BU CAG GIS 'DI DANG LHAN CIG GA-YUL SPRAD BAR NI MI NUS KYIS, 'DI LTAR DE BAG YONGS SU GO PHUD PA'I PHRU MA BRDZI ZHING BZHABS TE GSAD PAR BYA'O, ,DE DAG GIS DE PAG YONGS SU GO PHUD PA'I PHRU MA BRDZIS NAS DE DAG GIS AANG GA'I RGYAL PO BZHABS TE BSAD DO, ,AANG GA'I RGYAL PO'I DPUNG GI TSOGS YAN LAG BZHI PA PHYOGS BZHIR BYER BA DANG, GZHON NU GZUGS CAN SNYING POS PHYOGS BZHIR PHO NYA RTA PA DAG BKYE STE, SHES LDAN DAG DE YANG RGYAL PO RGYAL RIGS SBYI BOR DBANG BSKUR BA YIN LA, NGED KYANG RGYAL PO RGYAL RIGS SPYI BOR DBANG BSKUR BA YIN GYIS PHYIR LOG SHIG DANG, SHES LDAN DAG NGAS SHES LDAN DAG LA 'TSO BA'I RGYU SBYIN PAR BYA'O ZHES SPRING BA DANG DE DAG PHYIR LOG GO, ,DE NAS AANG GA'I RGYAL POS GRONG KHYER TZAM PA BSRUNG BA BZHAG PA DES @06B AANG GA'I RGYAL PO JI LTAR BSAD PA THOS NAS DES SGO BCAD DE RA BA DAG GI KHAR SBRENGS NAS 'DUG GO, ,GZHON NU GZUGS CAN SNYING PO YANG MTHAR GYIS GRONG KHYER TZAM PAR PHYIN NAS DES SHING RING PO LA AANG GA'I RGYAL PO'I MGO BTAGS TE BSTAN NAS SMRAS PA, NGAS KHYOD KYI JO BO GANG YIN PA DE GNAS SKABS 'DI LTA BUR BYAS KYIS, GAL TE JE PHYIR 'BYUNG NA DE LTA NA LEGS, GAL TE PHYIR MI 'BYUNG NA KHYOD KYANG GNAS SKABS 'DI LTA BUR BYAS PAR 'GYUR BA GANG YIN PA DE LTA BU'I GNAS YOD PAR 'GYUR RO, ,DES THOS NAS MI BDE BAR GYUR TE, DES BSAMS PA; YUL DANG SROG LA GNOD GYUR NA, ,SKYES BUS KUN DU SROG BSRUNG BYA, ,BLO YIS GNYIS KA DPYAD BYAS NA, ,YUL NI YANG RNYED SROG RNAMS MIN, ,SNYAM NAS DE RAL GRI MGUL DU THOGS TE PHYIR BYUNG NGO, ,DE NA GZHON NU GZUGS CAN SNYING POS AANG GA'I RGYAL PO BSAD DE GRONG KHYER TZAM PA RANG GI LAG TU THOB NAS DES RGYAL PO PAD MA CHEN PO LA LHA BDAG GIS AANG GA'I RGYAL PO BKUM STE GRONG KHYER TZAM PA RANG GI SUG PAR THOB LAGS NA, LHA YONGS SU MA GRUB PA GZHAN CI MCHIS BKA' STZOL CIG DANG YONGS SU BSGRUB PAR BGYI'O ZHES PHRIN YIG SPRING NGO, ,DE MGU NAS DES DE LA GDUGS DANG, COD PAN DANG, THOD BSKUR TE, BU KHYOD KYIS 'O NI NYID DU RGYAL SRID BYED DU CHUG SHIG ,NGAS KYANG 'DI NYID DU RGYAL SRID BYED DU GZHUG GO ZHES SPRING NGO, ,DE NAS GZHON NU GZUGS CAN SNYING POS YUL AANG GA DAG TU RGYAL SRID 'BYOR PA RGYAS PA BDE BA LO LEGS PA SKYE BO DANG MI MANG POS GANG BA BYED DU BCUG GO, ,DUS GZHAN ZHIG NA RGYAL PO PAD MA CHEN PO DUS LA BAB NAS RGYAL PO'I KHAB KYI BLON PO RNAMS KYIS RGYAL PO GZUGS CAN SNYING PO LA LHA KHYOD KYI YAB DUS LA BAB BO ZHES SPRING NAS, DE AANG GA DANG MA GADH'A PA'I BLON PO RNAMS KYIS RGYAL SRID LA DBANG BSKUR BA CHEN POS DBANG BSKUR TO, ,DE NAS RGYAL PO GZUGS CAN SNYING POS YUL AANG GA DANG MA GADH'A DAG TU RGYAL SRID 'BYOR PA, RGYAS PA, BDE BA, LO LEGS PA, SKYE BO DANG MI MANG POS GANG BA, THAB MO DANG, THA @07A *, ,BA DANG, PHYI DGRA DANG, NANG 'KHRUG RAB TU ZHI BA, CHOM RKUN DANG, MU GE DANG, NAD DANG BRAL BA, S'A LU DANG, BU RAM SHING GI PHRENG BA DANG, BA LANG DANG, MA HE PHUN SUM TSOGS PA BYED DU BCUG STE, CHOS DANG LDAN PA CHOS KYI RGYAL POS CHOS KYI RGYAL SRID BYED DU BCUG GO, ,DE NAS BRAM ZE'I KHYE'U GSANG TSIG 'DOD PA GSANG TSIG TSOL BA ZHIG YUL DBUS NAS LHO PHYOGS SU SONG NGO, ,DE NA BRAM ZE RIG BYED DANG RIG BYED KYI YAN LAG GI PHA ROL DU SON PA YUL THA DAD PA NA GNAS PA'I BRAM ZE RNAMS KYI STON PAR GYUR PA ZHIG 'DUG NAS; BRAM ZE'I KHYE'U DE BRAM ZE DE'I DRUNG DU SONG STE PHYIN NAS ZHI BA DANG SPYOD LAM ZHI BAS MGO BOS PHYAG 'TSAL TE PHYOGS GCIG TU 'DUG GO, ,DE NAS BRAM ZE DES BRAM ZE'I KHYE'U DE LA 'ONGS PA LEGS SO ZHES BYA BA'I TSIG GIS KUN DU SPYAD NAS SMRAS PA, KYE BRAM ZE'I KHYE'U KHYOD GA LAS 'ONGS CI ZHIG 'DOD, BRAM ZE'I KHYE'US SMRAS PA, BDAG YUL DBUS NAS MCHIS TE, MKHAN PO'I ZHABS LA SRI ZHU BGYID PAR 'TSAL LO, ,CI ZHIG GI PHYIR, RIG BYED BKLAG PA'I SLAD DU'O, ,BU LEGS KYIS DE BZHIN DU GYIS SHIG ,DE NI BRAM ZES BYA BA YIN NO, ,BRAM ZE'I KHYE'U DES BRAM ZE DE'I DRUNG DU RIG BYED BKLAG PAR BYA BAR BRTZAMS SO, ,BRAM ZE'I KHYE'U RNAMS KYI KUN DU SPYOD PA NI 'DI YIN TE, GANG GI TSE MI KLOG PAR GYUR PA DE'I TSE NA LAN 'GA' NI CHU NGOGS SU NYE REG BYED DU 'DONG NGO, ,LAN 'GA' NI GRONG KHYER LTAR 'DONG NGO, ,LAN 'GA' NI YAM SREG SHING THUR 'DONG DO, ,JI TZAM DUS GZHAN ZHIG NA DE DAG MI KLOG PAR GYUR NAS DE'I TSE DE DAG YAM SREG SHING THUR DONG BA DANG, DE DAG LA LAM GYI BAR DU BAR SKABS KYI GTAM BRJOD PA 'DI LTA BU 'DI BYUNG STE, KYE KUD SA'I BU DAG ,BAD SA'I BU DAG ,SHAN DI LI'I BU DAG ,BA RA DVA DZA'I BU DAG ,LNGA PA'I BU DAG ,NYE LNGA'I BU DAG ,JE KHYED CAG LAS GANG NI YUL GA LAS 'ONGS PA DRI BAR BYA'O, ,DE NA BRAM ZE'I KHYE'U GCIG GIS SMRAS PA, KHO BO NI YUL SHAR NAS SO, ,GZHAN ZHIG GIS SMRAS PA, KHO @07B BO NI LHO PHYOGS NAS SA, ,YANG GZHAN ZHIG GIS SMRAS PA, KHO BO NI NUB PHYOGS NAS SO, ,YANG GZHAN ZHIG GIS SMRAS PA, KHO BO NI BYANG PHYOGS NAS SO, ,BRAM ZE'I KHYE'U DES SMRAS PA, KHO BO NI YUL DBUS NAS SO, ,DE DAG GIS SMRAS PA, SHES LDAN DAG BDAG CAG GIS YUL THAMS CAD MTHONG ZHING THOS NA YUL DBUS NI MA MTHONG MA THOS SO, ,SHAR NA BLO CAN GNAS PA STE, ,LHO PHYOGS NA NI GA-YON BYED 'DUG ,NUB KYI YUL NA PHRA MA CAN, ,BYANG PHYOGS NA NI TSIG RTZUB BO, ,ZHES TSIGS SU BCAD PA YANG SMRAS SO, ,DE NAS DRIS PA, BRAM ZE'I KHYE'U YUL DBUS CI 'DRA, SHES LDAN DAG YUL DBUS NI YUL RNAMS KYI MCHOG YIN TE, S'A LU DANG, BU RAM SHING GI PHRENG BA DANG, BA LANG DANG, MA HE PHUN SUM TSOGS PA, SLONG MO PA BRGYAS KHYAB PA, DBUS PA'I SKYE BOS GANG BA, MTHA' 'KHOB PA'I SKYE BOS SPANGS PA, SKYE BO MKHAS PAS BSTEN PA, DE NA CHU KLUNG GANG G'A KHA RJE DANG, BSOD NAMS DANG, BKRA SHIS DANG, GTZANG BA DANG, GTZANG BA NYID KYI GNAS SU GRAGS PA, 'GRAM GNYIS NAS RLAN 'PHYO BA, DRANG SRONG RNAMS KYI BSTI GNAS ZHES BYA BA CHU DGUR BCVA BRGYAD 'BAB PA YOD DE, DER DRANG SRONG RNAMS KYIS DKA' THUB SPYAD NA RANG GI LUS NYID KYIS MTHO RIS SU 'DONG BA YIN NO, ,KYE BRAM ZE'I KHYE'U DE NI MJAL GYIS GZHAN 'DI 'DRI'O, ,YUL DBUS NA MKHAS PAR BGRANG BA DAG YOD DAM, SHES LDAN DAG KHO BOS DANG PO NYID NAS SHES LDAN DAG YUL DBUS NI DBUS PA'I SKYE BOS GANG BA, MTHA' 'KHOB PA'I SKYE BOS SPANGS PA, SKYE BO MKHAS PAS BSTEN PA'O ZHES MA SMRAS MA, BRAM ZE'I KHYE'U KHYOD KYIS DE SKAD SMRAS SO, ,BRAM ZE'I KHYE'U YUL DBUS NA 'DI LTA STE DPER NA BDAG CAG GI MKHAN PO DANG 'DRA BA SMRA BA'I KHYU MCHOG DE LTA BU DAG YOD DAM, SHES LDAN DAG YUL DBUS NA BDAG CAG GI MKHAN POS GANG DAG GI GDONG DU LTA BAR YANG MI NUS PA, SNYAN PAR SMRA BA, SMRA BA'I KHYU MCHOG DE LTA BU DAG YOD DO, ,BRAM ZE'I KHYE'U DES DE DAG LA DE LTA DE LTAR YUL DBUS KYI @08A *, ,BSNGAGS PA BRJOD PA DANG, 'DI LTAR DE DAG THAMS CAD YUL DBUS SU 'DONG 'DOD PAR GYUR TO, ,DE NAS BRAM ZE'I KHYE'U DE DAG YAM SREG SHING DAG BTZAL TE, YAM SREG SHING GI KHUR THOGS NAS BRAM ZE'I KHYIM GA LA BA DER DONG STE PHYIN NAS YAM SREG SHING GI KHUR DAG MTHA' GCIG TU BZHAG STE, BRAM ZE DE GA LA BA DER DONG NAS PHYIN PA DANG, BRAM ZE DE LA 'DI SKAD CIS SMRAS SO, ,MKHAN PO MKHYEN PAR MDZOD CIG ,BRAM ZE'I KHYE'U 'DES CI NAS KYANG BDAG CAG THAMS CAD YUL DBUS SU MCHI 'TSAL BAR GYUR PA DE LTAR YUL DBUS KYI BSNGAGS PA BRJOD DO, ,BRAM ZE DES SMRAS PA, BU DAG JI SNYED THOS PA DE SNYED BGROD PAR BYA BA YIN NAM, 'DI LTAR YUL DAG NI THOS NA DGA' BAR 'GYUR BA YIN PAS MNYAN PAR BYA'I BGRONG PAR NI MI BYA'O, ,MKHAN PO BRAM ZE'I KHYE'U 'DI'I MCHID NAS YUL DBUS NA BDAG CAG GI MKHAN POS GANG DAG GI GDONG DU LTA BAR YANG MI NUS PA, SNYAN PAR SMRA BA, SMRA BA'I KHYU MCHOG DE LTA BU DAG MCHIS SO ZHES MCHI'O, ,BU DAG CI KHO BO NA RE SA'I STENG NA KHO BO GCIG PU KHO NA SMRA BA YIN GYI, SMRA BA GZHAN 'GA' YANG MED DO ZHES ZER RAM, SA NI RIN PO CHE MANG PO 'DZIN PA YIN PAS SA GZHI NI MDZES PA MDZES PA DAG GIS GANG BA YIN NO, ,MKHAN PO RE ZHIG YUL DE YANG MTHONG BAR 'GYUR ZHING CHU NGOGS SU NYE REG KYANG BGYI, SMRA BA'I KHYU MCHOG DE DAG LA YANG BSNYEN BKUR BGYI, RGOL BA DAG KYANG TSAR GCAD PAR BGYI, RANG GI GRAGS PA YANG BSGRAG PAR BGYI, RNYED PA YANG BSGRUB PAR BGYIS, BDAG CAG YUL DBUS SU MCHI'O, ,BRAM ZE DE SLOB MA LA RJES SU CHAGS PA DANG BCAS PA DANG, 'KHOR NYUNG BA YIN PAS DES BRAM ZE'I KHYE'U DE DAG LA 'DI SKAD CES SMRAS SO, ,BU DAG GAL TE DE LTA NA GA-YANG GZHI DAG DANG, SHING SHUN DAG DANG, DBYU GU DAG DANG, BLUGS GZAR DAG DANG, DGANG GZAR DAG DANG, RIL BDAG LONG SHIG DANG YUL DBUS SU 'DONG NGO, ,DE DAG GIS DE DAG BLANGS NAS BRAM ZE DE BRAM ZE'I KHYE'U DE DAG DANG LHAN CIG YUL DBUS SU @08B 'PHAGS PA DANG, DES RGOL BA KHA CIG NI TSAR BCAD DE RGOL BA'I SHING RTA LA SBYOR BAR BYED, KHA CIG NI MGOR THAL BA'I BUM PA DAG GIS BSNUN, KHA CIG NI 'BONG GI DPONG SAR KHVA BZHIN DU THAG RING PO NAS YONGS SU SPONG BAR BYED, KHA CIG NI GDUGS DANG, RGYAL MTSAN DANG; BA DAN DAG GIS BSU BAR BYED, KHA CIG NI SLOB MA NYID DU KHAS LEN PAR BYED CING DE MTHAR GYIS GRONG DANG, GRONG KHYER DANG, GRONG RDAL DANG, DBYE TSONGS DANG, TSONG RDAL DAG TU RGOL BA 'DUL ZHING RGYAL PO'I KHAB TU PHYIN TO, ,BRAM ZE DES BSAMS PA, BDAG GIS CI'I PHYIR RTZA BA SPANGS TE YAL GA DANG, 'DAB MA DANG, LO MA LA NYUG PAR BYA, RGOL BA GANG DAG DANG, MKHAS PAR BGRANG BA GANG JI SNYED PA DE DAG THAMS CAD KYANG RGYAL PO DANG NYE BA YIN GYIS, BDAG KYANG RGYAL PO'I GAN DU 'GRO'O SNYAM NAS BRAM ZE DE RGYAL PO GZUGS CAN SNYING PO GA LA BA DER SONG STE PHYIN NAS RGYAL PO GZUGS CAN SNYING PO LA RGYAL BA DANG TSE SPEL BA BYAS TE PHYOGS GCIG TU 'DUG GO, ,PHYOGS GCIG TU 'DUG NAS RGYAL PO GZUGS CAN SNYING PO LA 'DI SKAD CES SMRAS SO, ,LHA BDAG LA BLA MA LAS YI GE NYUNG SHAS SHIG BLANGS PA MCHIS TE, DE'I SLAD DU LHA'I SPYAN SNGAR RGOL BA DAG DANG LHAN CIG BKA' MCHID RNAM PAR GTAN LA DBAB BAR 'TSAL LO, ,RGYAL POS BLON PO RNAMS LA SMRAS PA, SHES LDAN DAG NGA'I YUL NA BRAM ZE 'DI DANG LHAN CIG GTAM RNAM PAR GTAN LA 'BEBS PAR BYED PA'I RGOL BA 'GA' YOD DAM, BLON PO RNAMS KYIS SMRAS PA, LHA GRONG NA LA DA NA BRAM ZE GNAS LEN GYI BU ZHES BGYI BA RIG BYED DANG RIG BYED KYI YAN LAG GI PHA ROL TU MCHIS PA ZHUGS LTA BU'I SHES PAS RANG GI SMRA BA GSAL BAR BGYID, GZHAN GYI SMRA BA TSAR GCOD PAR RDO THOG PA ZHIG MCHIS TE, DES BSTAN BCOS GNAS LEN GYI BU ZHES BGYI BA NYE BAR SBYAR TO, ,MKHAN PO GNAS LEN GYI BU DE BOS SHIG ,LHA BOD PAR BGYI'O ZHES DE DAG GIS DE BOS NAS DE RGYAL PO GZUGS CAN SNYING PO GA LA BA DER SONG STE PHYIN NAS RGYAL PO GZUGS CAN SNYING PO LA RGYAL BA DANG, @09A *, ,TSE SPEL PA BYAS TE PHYOGS GCIG TU 'DUG PA DANG, BLON PO RNAMS KYIS SMRAS PA, LHA MKHAN PO DE 'DI LAGS SO, ,RGYAL POS 'ONGS PA LEGS SO ZHES BYA BA'I TSIG GIS KUN DU SPYAD DE SMRAS PA, MKHAN PO KHYOD KHO BO'I MDUN DU BRAM ZE 'DI DANG LHAN CIG GTAM RNAM PAR GTAN LA DBAB PAR BYED NUS SAM, GNAS LEN GYI BUS SMRAS PA, BDAG GIS RNGO THOG PAS, RGYAL PO DGYES PAR BGYI'O, ,RGYAL POS BLON PO RNAMS LA BSGO BA, SHES LDAN DAG RGOL BA'I DKYIL 'KHOR SHOMS SHIG ,PHYOGS DANG GZHAN GYI PHYOGS DAG RNAM PAR ZHOG SHIG ;BLON PO RNAMS KYIS RGOL BA'I DKYIL 'KHOR BSHAMS SHING PHYOGS DANG GZHAN GYI PHYOGS DAG RNAM PAR BZHAG GO, ,DE NAS BLON PO RNAM KYIS RGYAL PO'I RKANG PA GNYIS LA PHYAG 'TSAL TE SMRAS PA, LHA PHYOGS SNGA MA GANG BGYID DU STZAL, RGYAL POS SMRAS PA, BRAM ZE 'DI 'GRON PA YIN GYIS 'DI PHYOGS SNGA MA BYED DU CHUG SHIG ,BRAM ZE DE PHYOGS SNGA MA BYED DU BCUG NAS DES RGYUD CHAGS LNGA BRGYA BZLAS SO, ,GNAS LEN GYI BUS PHYIR BZLAS TE, KHYOD KYI 'DI NI RIGS PA MED PA YIN NO, ,'DI NI MI MTHUN PA YIN NO, ,'DI NI MI 'THAD PA YIN NO ZHES SKYON BTAGS BA DANG BRAM ZE DE CANG MI SMRA BAR 'DUG GO, ,TSAR GCAD PA'I GNAS RNAMS KYI NANG NA 'DI LTA STE LAN LA SBOBS PA MED PA 'DI NI THA CHAD YIN NO, ,RGYAL POS BLON PO RNAMS LA SMRAS PA, SHES LDAN DAG SU RGYAL, LHA MKHAN PO GNAS LEN GYI BU'O, ,DE NAS RGYAL PO YID DGA' ZHING YID DGA' NAS RO STOD BSRANG STE, LAG PA GA-YAS PA BRKYANG NAS BDAG GI YUL NA SMRA BA'I KHYU MCHOG 'DI LTA BU DAG YOD PA NI BDAG GIS RNYED PA LEGS PAR RNYED DO ZHES CHED DU BRJOD PA CHED DU BRJOD NAS SMRAS PA, MKHAN PO KHYOD GNAS GANG NA GNAS, GNAS LEN GYI BUS SMRAS PA, LHA GRONG NA LA DA NA'O, ,KHYOD SONG LA GRONG DE KHYOD KYIS RGOL BA'I LONGS SPYOD GYIS SHIG ,GNAS LEN GYI BU RANGS PA DANG DGA' BA DANG MCHOG TU DGA' BAR GYUR NAS SKYE BO MKHAS PA RNAMS KYIS YONGS SU BSKOR TE, GRONG DER SONG NGO, ,'JIG RTEN NI 'BYOR BA @09B 'DOD CING RGUD PA LA MA DAD PA YIN PAS DE LA BRAM ZE DU MA ZHIG GIS BU MO CHUNG MAR LEN DU BCUG PA DANG, DE NAS GNAS LEN GYI BU DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,RTZE BAR BYED, DGA' BAR BYED, DGA' MGUR SPYOD PAR BYED PA DE'I CHUNG MA LA BU RO STOD RING BA RING BA ZHIG BTZAS NAS DE'I NYE DU DAG 'DUS SHING LHAGS NAS NYI MA BDUN GSUM NYI SHU RTZA GCIG TU BTZAS PA'I BTZAS STON RGYA CHER BYAS TE, KHYE'U'I MING CIR GDAGS ZHES MING 'DOGS PAR BYED DO, ,NYE DU RNAMS KYIS SMRAS PA, KHYE'U 'DI RO STOD RING BA RING BAR GYUR PAS KHYE'U 'DI'I MING STOD RINGS SU GDAGS SO ZHES DE'I MING STOD RINGS SU BTAGS SO, ,BRAM ZE'I KHYE'U STOD RINGS MAM BRGYAD PO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO, ,DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN MYUR DU SKYED BAR BYED DO, ,DE GANG GI TSE CHEN POR GYUR PA DE'I TSE YI GE DANG, GRANGS DANG, RTZIS DANG, LAG RTZIS DANG, DBYUNG PA DANG, GZHUG PA DANG, GZHAG PA DANG, 'BYED PA DANG, KLOG PA'I PHA ROL TU SON CING, DE'I TSE NA BRAM ZE'I SPYOD TSUL DANG, SPYOD PA DANG, GTZANG SBRA DANG; KUN DU SPYOD PA DANG, THAL BA BLANG BA DANG, BYA MA BUM BLANG BA DANG, SA BLANG BA DANG, LAG STANGS DANG, THOR TSUGS DANG, RAB BSNGAGS BYA BA DANG, KYE ZHES BYA BA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, BRAM ZE'I LAS DRUG PO MCHOD SBYIN BYED PA DANG, MCHOD SBYIN BYED DU 'JUG PA DANG, KLOG PA DANG, KLOG TU 'JUG PA DANG, SBYIN PA DANG, LEN PA LA MKHAS PA'I BRAM ZE RIG BYED DANG, RIG BYED KYI YAN LAG GI PHA ROL TU SON PA ME LTA BU'I SHES PAS RANG GI SMRA BA GSAL BAR @10A *, ,BYED PA, GZHAN GYI SMRA BA TSAR GCOD PAR BYED NUS PAR GYUR TO, ,YANG DE RTZE PAR BYED, DGA' BAR BYED, DGA' MGUR SPYOD PAR BYED PA'I CHUNG MA LA BU MO MIG GNYIS BYA SH'A RI K'A 'DRA BA ZHIG BTZAS NAS DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS TE, BU MO'I MING CIR GDAGS ZHES MING 'DOGS PAR BYED DO, ,NYE DU RNAMS KYIS SMRAS PA, BU MO 'DI'I MIG GNYIS BYA SH'A RI K'A 'DRA BAS BU MO 'DI'I MING SH'A RI K'AR GDAGS SO ZHES DE'I MING SH'A RI K'AR BTAGS SO, , BU MO SH'A RI K'A BSRINGS SHING BSKYED DE CHEN MOR GYUR TO, ,DE PHAN YIG 'BRU'I YI GE LA NYE BAR SBYAR NAS DES YIG 'BRU'I YI GE DAG LOBS SO, ,DUS GZHAN ZHIG NA BRAM ZE'I KHYE'U STOD RINGS SH'A RI K'A DANG LHAN CIG 'GYED PAR BYED PA NA SH'A RI K'AS DE TSAR BCAD NAS, PHAN STOD RINGS LA SMRAS PA, BU KHYOD SKYES PA YIN NA BUD MED KYIS TSAR BCAD DAM, NGA 'DAS NAS RGOL BA'I LONGS SPYOD DAG PHROGS PAR 'GYUR RO, ,DE NAS YANG BRAM ZE'I KHYE'U GSANG TSIG 'DOD PA GSANG TSIG TSOL BA ZHIG YUL DBUS NAS LHO PHYOGS SU SONG NGO, ,DE NA BRAM ZE SKAR RGYAL ZHES BYA BA 'JIG RTEN RGYANG 'PHEN LA MKHAS PA, RIG BYED DANG RIG BYED KYI YAN LAG GI PHA ROL TU SON PA YUL THA DAD PA NA GNAS PA'I BRAM ZE RNAMS KYI STON PAR GYUR PA ZHIG 'DUG NAS, BRAM ZE'I KHYE'U DE BRAM ZE DE'I DRUNG DU SONG STE PHYIN NAS ZHI BA DANG SPYOD LAM ZHABS MGO BOS PHYAG 'TSAL TE PHYOGS GCIG TU 'DUG GO, ,DE NAS BRAM ZE SKAR RGYAL GYIS BRAM ZE'I KHYE'U DE LA 'ONGS PA LEGS SO ZHES BYA BA'I TSIG GIS KUN DU SPYAD NAS SMRAS PA, KYE BRAM ZE'I KHYE'U KHYOD GA LAS 'ONGS CI ZHIG 'DOD, BRAM ZE'I KHYE'US SMRAS PA, BDAG YUL DBUS NAS MCHIS TE, MKHAN PO'I ZHABS LA SRI ZHU BGYID PAR 'TSAL LO, ,CI ZHIG GI PHYIR, 'JIG RTEN RGYANG 'PHEN GZUNG BA'I SLAD DU'O, ,BRAM ZE'I KHYE'U LEGS KYIS DE BZHIN GYIS SHIG ,DE NI BRAM ZES BYA BA YIN NO, ,BRAM ZE'I KHYE'U DES BRAM ZE SKAR RGYAL GYI DRUNG DU 'JIG RTEN RGYANG 'PHEN GZUNG BAR BRTZAMS SO, , @10B BRAM ZE'I KHYE'U RNAMS KYI KUN DU SPYOD PA NI 'DI YIN TE, GANG GI TSE MI KLOG PAR GYUR PA DE'I TSE NA LAN 'GA' NI CHU'I NGOGS SU NYE REG BYED DU 'DONG NGO, ,LAN 'GA' NI GRONG KHYER LTAR 'DONG NGO, LAN 'GA' NI YAM SREG SHING THUR 'DONG NGO, ,JI TZAM DUS GZHAN ZHIG NA DE DAG MI KLOG PAR GYUR NAS DE'I TSE DE DAG YAM SREG SHING THUR DONG BA DANG, DE DAG LA LAM GYI BAR DU BAR SKABS KYI GTAM BRJOD PA 'DI LTA BU 'DI DAG BYUNG STE, KYE KUD SA'I BU DAG ,BAD SA'I BU DAG ,SHAN DI LA'I BU DAG ,BA RA DVA DZA'I BU DAG ,LNGA PA'I BU DAG ,NYE LNGA PA'I BU DAG JE KHYED CAG LAS GANG NI YUL GA LAS 'ONGS PA DRI BAR BYA'O, ,DE NA BRAM ZE'I KHYE'U GCIG GIS SMRAS PA, KHO BO NI YUL SHAR NAS SO, ,GZHAN ZHIG GIS SMRAS PA, KHO BO NI LHO PHYOGS NAS SO, ,YANG GZHAN ZHIG GIS SMRAS PA, KHO BO NI NUB PHYOGS NAS SO, ,YANG GZHAN ZHIG GIS SMRAS PA, KHO BO NI BYANG PHYOGS NAS SO, ,BRAM ZE'I KHYE'U DES SMRAS PA, KHO BO NI YUL DBUS NAS SO, ,DE DAG GIS SMRAS PA, SHES LDAN DAG BDAG CAG GIS YUL THAMS CAD MTHONG ZHING THOS NA YUL DBUS NI MA MTHONG MA THOS SO, ,SHAR NA BLO CAN GNAS PA STE; ,LHO PHYOGS NA NI GA-YON BYED 'DUG ,NUB KYI YUL NA PHRA MA CAN, ,BYANG PHYOGS NA NI TSIG RTZUB BO, ,ZHES TSIGS SU BCAD PA YANG SMRAS SO, ,DE NAS DRIS PA, BRAM ZE'I KHYE'U YUL DBUS CI 'DRA, SHES LDAN DAG YUL DBUS NI YUL RNAMS KYI MCHOG YIN TE, S'A LU DANG, BU RAM SHING GI PHRENG BA DANG, BA LANG DANG, MA HE PHUN SUM TSOGS PA, SLONG MO PA BRGYAS KHYAB PA, DBUS PA'I SKYE BOS GANG BA, MTHA' 'KHOB PA'I SKYE BOS SPANGS PA, SKYE BO MKHAS PAS BSTEN PA, DE NA CHU KLUNG GANG G'A KHA RJE DANG, BSOD NAMS DANG, BKRA SHIS DANG, GTZANG BA DANG, GTZANG BA NYID KYI GNAS SU GRAGS PA, 'GRAM GNYIS NAS RLAN 'PHYO BA, DRANG SRONG RNAMS KYI BSTI GNAS ZHES BYA BA CHU DGUR BCVA BRGYAD 'BAB PA YOD DE, DER DRANG SRONG RNAMS KYI DKA' THUB SPYAD NA RANG GI LUS NYID KYIS MTHO RIS SU 'DONG BA YIN NO, ,KYE BRAM ZE'I KHYE'U DE NI @11A *, ,MJAL GYIS GZHAN 'DI 'DRI'O, ,YUL DBUS NA MKHAS PAR BGRANG BA DAG YOD DAM, SHES LDAN DAG KHO BOS DANG PO NYID NAS SHES LDAN DAG YUL DBUS NI DBUS PA'I SKYE BOS GANG BA, MTHA' 'KHOB PA'I SKYE BOS SPANGS PA, SKYE BO MKHAS PAS BSTEN PA'O ZHES MA SMRAS SAM, BRAM ZE'I KHYE'U KHYOD KYIS DE SKAD SMRAS SO, ,BRAM ZE'I KHYE'U YUL DBUS NA 'DI LTA STE DPER NA, BDAG CAG GI MKHAN PO DANG 'DRA BA SMRA BA'I KHYU MCHOG DE LTA BU DAG YOD DAM, SHES LDAN DAG YUL DBUS NA BDAG CAG GI MKHAN POS GANG DAG GI GDONG DU LTA BAR YANG MI NUS PA SNYAN PAR SMRA BA, SMRA BA'I KHYU MCHOG DE LTA BU DAG YOD DO, ,BRAM ZE'I KHYE'U DES DE DAG LA DE LTA DE LTAR YUL DBUS KYI BSNGAGS PA BRJOD PA DANG, 'DI LTAR DE DAG THAMS CAD YUL DBUS SU 'DONG 'DOD PAR GYUR TO, ,DE NAS BRAM ZE'I KHYE'U DE DAG GIS YAM SREG SHING DAG BTZAL TE, YAM SREG SHING GI KHUR THOGS NAS BRAM ZE DE'I KHYIM GAL BDER DONG STE PHYIN NAS YAM SREG SHING GI KHUR MTHA' GCIG TU BZHAG STE, BRAM ZE DE GA LA BA DER DONG NAS PHYIN PA DANG, BRAM ZE DE LA 'DI SKAD CES SMRAS SO, ,MKHAN PO MKHYEN PAR MDZOD CIG ,BRAM ZE'I KHYE'U 'DIS CI NAS KYANG BDAG CAG THAMS CAD YUL DBUS SU MCHI 'TSAL BAR GYUR PA DE LTAR YUL DBUS KYI BSNGAGS PA BRJOD DO, ,BRAM ZE SKAR RGYAL GYIS SMRAS PA, BU DAG JI SNYED THOS PA DE SNYED BGROD PAR BYA BA YIN NAM, 'DI LTAR YUL DAG NI THOS NA DGA' BAR 'GYUR BA YIN PAS MNYAN PAR BYA'I BGROD PAR NI MI BYA'O, ,MKHAN PO BRAM ZE'I KHYI'U 'DI'I MCHID NAS YUL DBUS NA BDAG CAG GI MKHAN POS GANG DAG GI GDONG DU LTA BAR YANG MI NUS PA, SNYAN PAR SMRA BA, SMRA BA'I KHYU MCHOG DE LTA BU DAG MCHIS SO ZHES MCHI'O, ,BU DAG CI KHO BO NA RE SA'I STENG NA KHO BO GCIG PU SMRA BA KHO NA YIN GYI SMRA BA GZHAN 'GA' YANG MED DO ZHES ZER RAM, SA NI RIN PO CHE MANG PO 'DZIN PA YIN PAS SA GZHI NI MDZES PA MDZES PA DAG GIS GANG BA YIN NO, ,MKHAN PO RE ZHIG YUL DE @11B YANG MTHONG BAR 'GYUR ZHING CHU NGOGS SU NYE RIG KYANG BGYI, SMRA BA'I KHYU MCHOG DE DAG LA YANG BSNYEN BKUR BGYI, RGOL BA DAG KYANG TSAR GCAD PAR BGYI, RANG GI GRAGS PA YANG BSGRAG PAR BGYI, RNYED PA YANG BSGRUB PAR BGYIS, BDAG CAG YUL DBUS SU MCHI'O, ,BRAM ZE DE SLOB MA LA RJES SU CHAGS PA DANG BCAS PA DANG, 'KHOR NYUNG BA YIN PAS DES BRAM ZE'I KHYE'U DE DAG LA 'DI SKAD CES SMRAS SO, ,BU DAG GAL TE DE LTA NA GA-YANG GZHI DAG DANG, SHING SHUN DAG DANG, DBYU GU DAG DANG, BLUGS GZAR DAG DANG, DGANG GZAR DAG DANG, RIL BA DAG LONG SHIG DANG YUL DBUS SU 'DONG NGO, ,DE DAG GIS DE DAG BLANGS NAS BRAM ZE DE BRAM ZE'I KHYE'U DE DAG DANG LHAN CIG YUL DBUS SU 'PHAGS PA DANG, DES RGOL BA KHA CHIG NI TSAR BCAD DE RGOL BA'I SHING RTA LA SBYOR BAR BYED, KHA CIG NI MGOR THAL BA'I BUM PA DAG GIS BSNUN, KHA CIG NI 'PHONG GI DPONG SAR KHWA BZHIN DU THAG RING PO NAS YONGS SU SPONG BAR BYED, KHA CIG NI GDUGS DANG, RGYAL MTSAN DANG, BA DAN DAG GIS BSU BAR BYED, KHA CIG NI SLOB MA NYID DU KHAS LEN PAR BYED CING DE MTHAR GYIS GRONG DANG, GRONG KHYER DANG, GRONG RNGAL DANG, DBYE TSONGS DANG, TSONG RNGAL DAG TU RGOL BA 'DUL ZHING RGYAL PO'I KHAB TU PHYIN TO, ,BRAM ZE SKAR RGYAL GYIS BSAMS PA, BDAG GIS CI'I PHYIR RTZAB SPANGS TE YAL GA DANG, 'DAB MA DANG, LO MA LA NYUG PAR BYA, RGOL BA GANG DAG DANG, MKHAS PAR BGRANG BA GANG JI SNYED PA DE DAG THAMS CAD KYANG RGYAL PO DANG NYE BA YIN GYIS, BDAG KYANG RGYAL PO'I GAN DU 'GRO'O SNYAM NAS BRAM ZE SKAR RGYAL RGYAL PO GZUGS CAN SNYING PO GA LA BA DER SONG STE PHYIN NAS, RGYAL PO GZUGS CAN SNYING PO LA RGYAL BA DANG TSE SPEL BA BYAS TE PHYOGS GCIG TU 'DUG GO, ,PHYOGS GCIG TU 'DUG NAS RGYAL PO GZUGS CAN SNYING PO LA 'DI SKAD CES SMRAS SO, ,LHA BDAG LA BLA MA LAS YI GE NYUNG SHAS SHIG BLANGS PA MCHIS TE, DE'I SLAD DU LHA'I SPYAN SNGAR RGOL BA DAG DANG LHAN, @12A *, ,CIG BKA' MCHID RNAM PAR GTAN LA DBAB PAR 'TSAL LO, ,RGYAL POS BLON PO RNAMS LA SMRAS PA, SHES LDAN DAG MKHAN PO GNAS LEN GYI BU DE GANG NA 'DUG ,LHA GRONG NA LA DA NA'O, ,MKHAN PO GNAS LEN GYI BU DE BOS SHIG ,LHA BOD PAR BGYI'O ZHES DE DAG GIS DE BOS NAS DE RGYAL PO GZUGS CAN SNYING PO GA LA BA DER SONG STE PHYIN NAS, RGYAL PO GZUGS CAN SNYING PO LA RGYAL BA DANG TSE SPEL BA BYAS TE PHYOGS GCIG TU 'DUG PA DANG BLON PO RNAMS KYIS SMRAS PA, LHA MKHAN PO DE 'DI LAGS SO, ,RGYAL POS 'ONGS PA LEGS SO, ,ZHES BYA BA'I TSIG GIS KUN DU SPYAD DE SMRAS PA, MKHAN PO KHYOD KHO BO'I MDUN DU BRAM ZE SKAR RGYAL DANG LHAN CIG GTAM RNAM PAR GTAN LA DBAB PA BYED NUS SAM, GNAS LEN GYI BUS SMRAS PA, BDAG GIS RNGO THOG GIS RGYAL PO DGYES PAR BGYI'O, ,RGYAL POS BLON PO RNAMS LA BSGO BA, SHES LDAN DAG RGOL BA'I DKYIL 'KHOR SHOMS SHIG ,PHYOGS DANG GZHAN GYI PHYOGS DAG RNAM PAR ZHOG SHIG ,BLON PO RNAMS KYIS RGOL BA'I DKYIL 'KHOR BSHAMS SHING PHYOGS DANG, GZHAN GYI PHYOGS DAG RNAM PAR BZHAG GO, ,DE NAS BLON PO RNAMS KYIS RGYAL PO'I RKANG PA GNYIS LA PHYAG 'TSAL TE SMRAS PA, LHA PHYOGS SNGA MA GANG BGYID DU STZAL, RGYAL POS SMRAS PA, BRAM ZE SKAR RGYAL 'DI 'GRON PA YIN GYIS, 'DI PHYOGS SNGA MA BYED DU CHUG SHIG ,BRAM ZE SKAR RGYAL GYIS SMRAS PA, LHA BRAM ZE GNAS LEN GYI BU 'DI RGYAN BA LAGS PAS 'DI PHYOGS SNGA MA BGYID DU STZAL BAR GSOL, BRAM ZE GNAS LEN GYI BUS BSAMS PA, BRAM ZE SKAR RGYAL 'DI GZHUNG GSAR LA BYED PA GSAL BAS BDAG GIS 'DI DANG LHAN CIG SMRA BAR MI NUS KYIS, JE 'DI DANG LHAN CIG TSIG 'GRED PA ZHIG BYA'O SNYAM NAS DES RGYUD CHAGS LNGA BRGYA BZLAS SO, ,BRAM ZE SKAR RGYAL GYIS PHYIR BZLAS TE, KHYOD KYI 'DI NI RIGS PA MED PA YIN NO, ,'DI NI MI MTHUN PA YIN NO, ,'DI NI MI 'THAD PA YIN NO ZHES SKYON BTAGS PA DANG, BRAM ZE GNAS LEN GYI BU CANG MI SMRA BAR @12B 'DUG GO, ,TSAR BCAD PA'I GNAS RNAMS KYI NANG NA 'DI LTA STE LEN LA SPOBS PA MED PA 'DI NI THA CHAD YIN NO, ,RGYAL POS BLON PO RNAMS LA SMRAS PA, SHES LDAN DAG SU RGYAL, BRAM ZE SKAR RGYAL RGYAL LO, ,SHES LDAN DAG BRAM ZE SKAR RGYAL LA RGOL BA'I LONGS SPYOD BYIN CIG ,DE DAG GIS SMRAS PA, LHA GAL TE SKOL GYIS RGOL BA MCHIS SHING LHAGS DGU LA RGOL BA'I LONGS SBYOD STZAL BAR GYUR NA RING PO MI THOGS PAR SKOL GYI YUL AANG GA DANG MA GA DH'A DAG RGOL BA'I LONGS SPYOD DU 'GYUR BAS, 'DI LTAR GRONG NA LA DA 'DI NYID RGOL BA'I LONGS SPYOD KYI BA DAN DU BGYIS LA BRAM ZE GNAS LEN GYI BU LAS PHROGS TE, BRAM ZE 'DI LA STZAL CING 'DI BAS KYANG CHES RGYAL BA GZHAN 'GA' ZHIG MCHIS NA YANG SKOL GYIS DE LA STZAL BAR BGYI'O, ,RGYAL POS SMRAS PA, SHES LDAN DAG DE BZHIN GYIS SHIG ,DE DAG GIS DE GNAS LEN GYI BU LAS PHROGS TE BRAM ZE SKAR RGYAL LA BYIN NO, ,GNAS LEN GYI BUS BSAMS PA, BDAG GIS RGYAL PO 'DI LA PHAN MANG DU BTAGS NA RGYAL PO 'DIS BDAG RJES SU MA BSRUNGS KYIS, BDAG GZHAN DU 'GRO'O SNYAM NAS DES CHUNG MA LA SMRAS PA, BZANG MO KHO BOS RGYAL PO 'DI LA PHAN MANG DU BTAGS NA RGYAL PO 'DIS KHO BO RJES SU MA BSRUNGS KYIS KHO BO GZHAN DU 'GROS KHYIM GYI SO NAM DAG SDUS SHIG ,DES KHYIM GYI SON MA DAG BSDU BAR BRTZAMS PA DANG, DE'I NYE DU DAG GIS MKHAN PO GNAS LEN GYI BU GZHAN DU 'GRO'O, ,ZHES THOS NAS DE DAG DE'I GAN DU SONG STE PHYIN NAS SMRAS PA, MKHAN PO CHI'I SLAD DU KHYIM GYI SO NAM DAG SDUD, DES SMRAS PA, SHES LDAN DAG KHO BOS RGYAL PO 'DI LA PHAN MANG DU BTAGS NA RGYAL PO 'DIS KHO BO RJES SU MA BSRUNGS KYIS KHO BO GZHAN DU 'GRO'O, ,DE DAG GIS SMRAS PA, MKHAN PO KHYOD GZHAN DU MA BZHUD PAR RE ZHIG NYE DU'I NANG 'DI NYID DU BDE BAR BZHUGS SHIG ,DES TSIGS SU BCAD PA SMRAS PA, MI NI GZHAN GYI YUL NA GNAS BLA YI, ,RANG GI YUL NA ZIL GNON GNAS PA MIN, ,MI NI GANG NA ZIL GNON MED GNAS PA, ,DE NYID RANG YUL DE NA GNYEN YANG @13A *, ,YOD; ,BRAM ZE SKAR RGYAL GYIS MKHAN PO GNAS LEN GYI BU GZHAN DU 'GRO'O ZHES THOS NAS DE DE'I GAN DU SONG STE PHYIN NAS SMRAS PA, BDAG NI BLO BUR DU 'ONGS PA YIN PAS RING PO MI THOGS BA KHO NAR 'GRO STE, 'DI KHYOD NYID KYI RGOL BA'I LONGS SPYOD DU 'GYUR GYIS GZHAN DU MA 'GRO BAR 'DUG SHIG ,DES SMRAS PA, BRAM ZE'I KHYE'U 'GRO'O, ,MKHAN PO GAL TE DE LTA NA GRONG 'DI PHYED KHYOD SNOMS SHIG ,PHYED BDAG 'TSAL LO, ,BRAM ZE GNAS LEN GYI BUS BSAMS PA, BDAG GIS RGYAL PO 'DI LA PHAN MANG DU BTAGS NA RGYAL PO 'DIS BDAG RJES SU MA BSRUNGS TE, 'DI LTAR BRAM ZE SKAR RGYAL 'DIS BDAG LA 'DI LTA STE, LONGS SPYOD DAG GIS LONGS SPYOD KYI BGO BSHA' BYAS PA NI PHAN MANG DU BTAGS PA YIN GYIS, 'DI LA SH'A RI K'A DE CHUNG MA'I DON DU SBYIN NO SNYAM NAS DES CHUNG MA LA SMRAS PA; BZANG MO KHO BO SA RGYAL PO 'DI LA PHAN MANG DU BTAGS NA RGYAL PO 'DIS KHO BO RJES SU MA BSRUNGS TE, 'DI LTAR BRAM ZE SKAR RGYAL 'DIS KHO BO LA 'DI LTA STE, LONGS SPYOD DAG GIS LONGS SBYOD KYI BGO BSHA' BYAS PA NI PHAN MANG DU BTAGS PA YIN GYIS, 'DI LA SH'A RI K'A DE CHUNG MA'I DON DU SBYIN NO, ,DES SMRAS PA, BRAM ZE'I KHYE'U STONG RINGS LA DRI'O, ,DE GNYIS KYIS DE BOS TE SMRAS PA, BU BDAG CAG GIS RGYAL PO 'DI LA PHAN MANG DU BTAGS NA RGYAL PO 'DIS BDAG CAG RJES SU MA BSRUNGS TE, 'DI LTAR BRAM ZE SKAR RGYAL 'DIS BDAG CAG LA 'DI LTA STE, LONGS SPYOD DAG GIS LONGS SPYOD KYI BGO BSHA' BYAS PA NI PHAN MANG DU BTAGS PA YIN GYIS, 'DI LA SH'A RI K'A DE CHUNG MA'I DON DU SBYIN PAR BYA'O, ,DES SMRAS PA, YAB YUM DE LTAR DGRA BO LA MDZA' BSHES SU BGYIS NA 'DI LTA STE, DES LONGS SPYOD RNAMS LAS NYAMS PAR BGYID PA'AM, THAMS CAD KYI THAMS CAD DU SROG DANG 'BRAL BAR BGYID PAR YANG 'GYUR LA, DES BDAG CAG LONGS SPYOD DAG LAS NYAMS PAR BGYIS NA, CI'I SLAD DU SKOL GYIS 'DI LA SH'A RI K'A MCHIS BRANG GI DON DU STZAL BAR BGYI, DE GNYIS @13B KYIS SMRAS PA, BLUN PO KHYOD CI SHES ZHES DE GNYIS KYIS DE'I TSIG TSIG MA YIN PAR BYAS TE SH'A RI KA' BRAM ZE SKAR RGYAL LA CHUNG MA'I DON DU BYIN NO, ,DES DE DPAL GYI 'BYOR PA CHEN POS BAG MAR BLANGS SO, ,BRAM ZE'I KHYE'U STOD RINGS KYIS BSAMS PA, 'DI DAG GIS BDAG BRNYAS PAR GYUR PA GANG YIN PA DE THAMS CAD NI THOS PA NYUNG BA LAS GYUR PA YIN NO SNYAM NAS 'DI LTAR BRAM ZE SKAR RGYAL CI ZHIG SHES SNYAM NA, 'JIG RTEN RGYANG 'PHEN SHES SO SNYAM NAS DES SMRAS PA, SHES LDAN DAG 'JIG RTEN RGYANG 'PHEN SHES PA GA LA YOD, LHO PHYOGS NA'O; ,DE 'JIG RTIN RGYANG 'PHEN GYI DON DU LHO PHYOGS SU 'PHAGS NAS DE MTHAR GYIS LHO PHYOGS SU PHYIN PA DANG, DE DER SONG STE DRIS PA, SHES LDAN DAG 'JIG RTEN RGYANG 'PHEN SHES PA SU DAG YIN, KUN DU RGYU DAG GO, ,DE DE DAG GI GAN DU SONG STE PHYIN NAS SMRAS PA, BDAG SHES LDAN DAG GI ZHABS LA SRI ZHU BGYID PAR 'TSAL LO, ,CI ZHIG GI PHYIR, 'JIG RTEN RGYANG 'PHEN GZUNG BA'I SLAD DU'O, ,DE DAG GIS SMRAS PA, KHO BO CAG NI KHYIM PA LA 'JIG RTEN RGYANG 'PHEN MI STON TO, ,DES SMRAS PA, GAL TE DE LTA NA RAB TU 'BYUNG NGO, ,DE DAG GIS DE RAB TU PHYUNG NAS DES BDAG GIS JI SRID DU 'JIG RTEN RGYANG 'PHEN MA BZUNG BDE SRID DU BDAG GIS SEN MO MI GCAD DO ZHES DES SEN MO RING PO RING POR BZHAG NAS DE'I SEN MO RING BA RING BAR GYUR PAS DE'I MING KUN DU RGYU SEN RINGS KUN DU RGYU SEN RINGS ZHES BYA BAR GYUR TO, ,SH'A RI K'A YANG BRAM ZE SKAR RGYAL DANG LHAN CIG 'GYED PAR BYED PA NA SKAR RGYAL GYIS DE TSAR BCAD DO, ,BRAM ZE SKAR RGYAL SH'A RI K'A DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED PA NA SEMS CAN SRID PA THA MA PA SPYOD PA TSOL BA, THAR PA'I SNYING PO BZUNG BA, MYA NGAN LAS 'DAS PA LA PHYOGS PA, 'KHOR BA LAS PHYIR PHYOGS PA, SRID PA'I 'GRO BA THAMS CAD DU 'CHI 'PHO DANG SKYE BA DON DU MI GNYER BA, LUS THA MA 'DZIN PA ZHIG KYANG LHA'I RIS BZANG PO ZHIG NAS SHI 'PHOS TE SH'A RI K'A'I MNGAL DU ZHUGS SO, ,SH'A RI K'AS RMI LAM DU MI LAG NA SGRON MA @14A *, ,THOGS PA ZHIG GIS BDAG GI DKU DRAL TE ZHUGS SHING BDAG RI CHEN PO'I SPO LA 'DZEG GO, ,BDAG STENG GI NAM MKHA' LA 'GRO'O, ,BDAG LA SKYE BO PHAL PO CHE'I TSOGS PHYAG 'TSAL LO ZHES ZER BA RMIS SO, ,RMIS NAS DES BRAM ZE SKAR RGYAL LA SMRAS PA, BDAG GIS RMI LAM 'DI DANG 'DI LTA BU ZHIG RMIS SO, ,'DI LTAR BRAM ZE SKAR RGYAL NYID RMI LTAS KYI DPYAD LA MKHAS PA YIN MOD KYI, DES BRAM ZE RMI LTAS KYI DPYAD 'DON PA GZHAN DAG LA SMRAS PA, BDAG GI BRAM ZE MOS RMI LAM 'DI DANG 'DI LTA BU ZHIG RMIS NA CIL LTA, DE DAG GIS SMRAS PA, MKHAN PO GA-YAR LAM DE BZANG STE, MI LAG NA SGRON MA THOGS PA ZHIG GIS BDAG GI DKU DRAL TE ZHUGS ZHES MCHI BA NI BU BTZA' BAR 'GYUR ZHING DES LO BRGYAD GNYIS KYIS DBANG PO'I BRDA SPROD PA BKLAGS NAS RGOL BA THAMS CAD TSAR GCOD PAR 'GYUR BA LA LTA'O, ,BDAG RI CHEN PO'I SPOL 'DZEG GO, ,BDAG STENG GI NAM MKHA' LA 'GRO'O, ,BDAG LA SKYE BO PHAL PO CHE'I TSOGS PHYAG 'TSAL LO ZHES MCHI BA GANG LAGS PA NI RAB TU BYUNG NAS BRTUL ZHUGS GRUB PA'I BDAG NYID CHEN POR 'GYUR BA LA LTA'O; ,DUS GZHAN ZHIG NA BRAM ZE SKAR RGYAL SH'A RI K'A DANG LHAN CIG 'GYED PAR BYED PA NA SH'A RI K'AS DE TSAR BCAD NAS, DES BSAMS PA, SNGON BDAG GIS 'DI TSAR BCAD NA DA 'DIS BDAG TSAR BCAD PA'I SBYOR PA GANG YIN SNYAM NAS DES BSAMS PA, DE NI 'DI'I MTHU MA YIN GYI, 'DI LTAR 'DI'I MNGAL DU SEMS CAN ZHUGS PA GANG YIN PA DE'I MTHU YIN NO SNYAM MO, ,DE NAS ZLA BA BRGYAD DAM DGU 'DAS TE KHYE'U GZUGS BZANG BA, BLTA NA SDUG PA, MDZES PA, GSAL BA, GSER GYI MDOG 'DRA BA, MGO GDUGS LTA BU DANG LDAN PA, LAG PA RING BA; 'PHRAL BA'I DBYES CHE BA, SMIN MA 'JAR BA, SNA'I GZENGS MTHO BA ZHIG BTZAS SO, ,BTZAS NAS DES BRAM ZE SKAR RGYAL LA SMRAS PA, BRAM ZE'I KHYI'U 'DI MES PO'I GNA DU PHUL NA DE 'DI'I MING 'DOGS PAR 'GYUR RO, ,DES MES PA'I GNA DU KHRID PA DANG DES @14B KHYE'U'I MING CIR GDAGS ZHES BSAMS NA, BRAM ZE'I KHYE'U 'DI BRAM ZE SKAR RGYAL GYI BU YIN PAS, BRAM ZE'I KHYE'U 'DI'I MING NYE RGYAL DU GDAGS SO SNYAM NAS DE'I MING NYE RGYAL ZHES BYA BAR BTAGS SO, ,BRAM ZE SKAR RGYAL GYIS SMRAS PA, MES POS BRAM ZE'I KHYE'U 'DI'I MING CIR BTAGS NYE RGYAL ZHES BYA BAR BTAGS SO, ,DES BSAMS PA, MES POS BRAM ZE'I KHYE'U 'DI'I MING PHA LAS DRAS TE BTAGS KYIS, BDAG GIS 'DI'I MING MA LAS DRAS TE GDAGS SO SNYAM NAS BRAM ZE'I KHYE'U 'DI MA SHA' RI KA'I BU YIN PAS 'DI'I MING SHA' RI'I BUR GDAGS SO SNYAM NAS DE'I MING SH'A RI'I BU ZHES BYA BAR BTAGS SO, ,DE NA KHA CIG GIS NI BRAM ZE'I KHYE'U SH'A RI'I BU ZHES BYA BAR SHES SO, ,KHA CIG GIS NI BRAM ZE'I KHYE'U NYE RGYAL ZHES BYA BAR SHES SO, ,BRAM ZE'I KHYE'U NYE RGYAL MA MA BRGYAD PO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO, ,DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTSO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN MYUR DU SKYED PAR BYED DO, DE GANG GI TSE CHEN PO GYUR PA DE'I TSE YE GE DANG, GRANGS DANG, RTZES DANG, LAG RTZIS DANG, DBYUNG BA DANG, GZHUG PA DANG, GZHAG PA DANG, 'BYED PA DANG; KLOG PA'I PHA ROL DU SON CING, DE'I TSE NA BRAM ZE'I SPYOD TSUL DANG, SPYOD PA DANG, GTZANG SBRA DANG, KUN DU SPYOD PA DANG, THAL BA BLANG BA DANG, BYA MA BUM BLANG BA DANG, SA BLANG BA DANG, LAG STANGS DANG, THOR TSUGS DANG, RAB BSNGAGS BYA BA DANG, KYE ZHES BYA BA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, BRAM ZE'I LAS DRUG PO MCHOD SBYIN BYED PA DANG, MCHOD SBYIN BYED DU 'JUG PA DANG, KLOG PA DANG, KLOG TU 'JUG PA DANG, @15A *, ,SBYIN PA DANG, LEN PA LA MKHAS PA'I BRAM ZE RIG BYED DANG RIG BYED KYI YAN LAG GI PHA ROL DU SON PA, ME LTA BU'I SHES PAS RANG GI SMRA BA GSAL BAR BYED PA, GZHAN GYI SMRA BA TSAR GCOD NUS PAR GYUR TO, ,DES PHAS RIG PA'I GNAS THAMS CAD SLOB TU BCUG NAS DES LO BRGYAD GNYIS KYIS DBANG PO'I BRDA SPROD PA BKLAGS NAS RGOL BA THAMS CAD TSAR BCAD PAR GYUR TO, ,DE DUS GZHAN ZHIG NA PHA DANG LHAN CIG RIG BYED 'DON PAR BYED PA NA SMRAS PA, YAB SMRAS PA 'DI'I DON CI LAGS, BU KHO BOS KYANG SMRAS PA 'DI'I DON MI SHES TE 'DI LTAR GSANG TSIG GI GZHI 'DI DAG NI SNGON GYI DRANG SRONG RNAMS KYIS BSTOD PA BSGRAGS PA YANG DAG PAR SBYAR PA STE, DE DAG NI DA LTAR BRAM ZE RNAMS KYANG RJES SU SGROGS SHING RJES SU RJOD PAR BYED DO, ,YAB GSANG TSIG GI GZHI SNGON GYI DRANG SRONG DE RNAMS KYIS BSTOD PA BSGRAGS PA YANG DAG PAR SBYAR BA GANG DAG DA LTAR BRAM ZE RNAMS RJES SU SGROGS SHING RJES SU RJOD PA DE DAG DON MA MCHIS LAGS SNYAM MAM, CI 'DI LTAR SMRAS PA 'DI'I DON NI 'DI LAGS SO, ,SMRAS PA, 'DI'I DON NI 'DI LAGS SO, ,BRAM ZE SKAR RGYAL YID DGA' ZHING YID DGA' NAS BSAMS BA, BUS BYA BA NI 'DI LTA STE, PHA'I GZHUNG SONGS PAR BYA BA'AM, KHYAD PAR LHAG PAR RTOGS PAR BYA BA DE TZAM DU ZAD NA BRAM ZE'I KHYE'U 'DIS NI BDAG PAS KHYAD PAR LHAG PAR RTOGS SO SNYAM NAS, DE BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG PA DE DAG KYANG DES YID DGA' ZHING DGA' BAS DE NYID LA GTAD DO, ,BRAM ZE'I KHYE'U NYE RGYAL BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG PA NA DES RIG BYED RING PO RING PO GANG DAG YIN PA DE DAG NI THUNG DUR RNAM PAR BZHAG GO, ,RIG BYED THUNG NGU THUNG NGU GANG DAG YIN PA DE DAG NI RING POR RNAM PAR BZHAG STE TSIG DANG YI GE PHRI ZHING DON DANG NGES PA'I TSIG TU RNAM PAR BZHAG GO,, ,,'DUL BA GZHI, BAM PO GNYIS PA, GRONG SHING THAGS CAN NA BRAM ZE MDUN NA 'DON @15B GRU 'DZIN CES BYA BA PHYUG PA NOR MANG BA LONGS SBYOD CHE BA, YONGS SU BZUNG BA, YANGS SHING RGYA CHE BA, RNAM THOS KYI BU'I NOR DANG LDAN PA, RNAM THOS KYI BU'I LA NOR GYIS 'GRAN PA ZHIG 'DUG STE, DES RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED DGA' MGUR SPYOD PAR BYED DO, ,RTZE BAR BYED, DGA' BAR BYED, DGA' MGUR SBYOD PAR BYED PA DE LA BU YANG MED BU MO YANG MED NAS, DE BU MED CING BU MNGON PAR 'DOD PAS ZHI BA DANG, CHU LHA DANG, LUS NGAN DANG, BRGYA BYIN DANG, TSANGS PA LA SOGS PA DAG LA GSOL BA 'DEBS SHING, LHA'I BYE BRAG GZHAN 'DI LTA STE, KUN DGA' RA BA'I LHA DAG DANG, TSAL GYI LHA DAG DANG, BZHI MDO'I LHA DAG DANG, SUM MDO'I LHA DAG DANG, GTOR MA LEN PA'I LHA DAG DANG, LHAN CIG SKYES PA DAG DANG, CHOS MTHUN PA DAG DANG, RTAG TU RJES SU 'BRANG BA'I LHA DAG LA YANG GSOL BA 'DEBS SO, ,'JIG RTEN NA GANG GSOL BA 'DEBS PA'I RGYU LAS BU DANG BU MO DAG SKYE'O ZHES BYA BA'I GTAM DE LTA BU YOD DO, ,DE NI DE LTA MA YIN TE GAL TE DE LTAR 'GYUR DU ZIN NA RE RE LA YANG 'DI LTA STE DPER NA 'KHOR LOS SGYUR BA'I RGYAL PO BZHIN DU BU STONG YOD PAR 'GYUR RO, ,'DI LTAR GNAS GSUM PO DAG MNGON DU 'GYUR BA LAS BU DANG BU MO DAG SKYE BAR 'GYUR TE, GSUM PO DE DAG GANG ZHE NA, PHA DANG MA GNYIS CHAGS PAR GYUR CING 'DUS PA DANG, MA DUS LA BAB CING ZLA MTSAN DANG LDAN PA DANG, DRI ZA NYE BAR GNAS SHING 'JUG PAR 'DOD PA STE, GNAS GSUM PO DE DAG MNGON DU GYUR PA LAS BU DANG BU MO DAG SKYE BAR 'GYUR RO, ,DE DE LTAR GSOL BA 'DEBS PA LHUR LEN CING 'DUGS PA NA, SEMS CAN SRID PA THA MA PA SPYOD PA TSOL BA., THAR PA'I SNYING PO BZUNG BA, MYA NGAN LAS 'DAS PA LA PHYOGS PA, 'KHOR BA LAS PHYIR PHYOGS PA, SRID PA'I 'GRO BA THAMS CAD DU 'CHI 'PHO DANG, SKYE BA DON DU MI GNYER BA, LUS THA MA 'DZIN PA ZHIG KYANG LHA'I RIS BZANG PO ZHIG NAS SHI 'PHOS TE DE'I SKYE DGU'I BDAG MO'I MNGAL DU ZHUGS SO, ,BUD MED MKHAS PA'I RANG BZHIN CAN LA LA LA MA 'DRES PA'I CHOS LNGA YOD DE, LNGA GANG ZHE NA, ,SKYES @16A *, ,PA CHAGS PAR GYUR PA SHES SHING CHAGS PA DANG BRAL BA SHES PA DANG, DUS SHES SHING ZLA MTSAN SHES PA DANG, MNGAL NA GNAS PA ZHUGS PAR SHES PA DANG, GANG LAS MNGAL NA GNAS PA ZHUGS PA DE SHES PA DANG, KHYE'U SHES SHING BU MO SHES PA STE, GAL TE KHYE'U YIN NA DKU GA-YAS PAR RTEN CING 'DUG LA, GAL TE BU MO YIN NA DKU GA-YON PAR RTEN CING 'DUG PA'O, ,DE YID DGA' ZHING YID DGA' NAS KHYIM THAB LA SMRAS PA, RJE'I SRAS BDAG LA SEMS CAN ZHUGS PAR GYUR PA NI 'DI LTAR BDAG GIS DKU GA-YAS PAR RTEN CING MCHIS PAS NGES PAR KHYE'UR 'GYUR GYIS DGYES PA BSKYED DU GSOL, DE YANG YID DGA' ZHING YID DGA' NAS RO STOD BSRANG STE LAG PA GA-YAS PA BRKYANG NAS 'DI SKAD CES KHO BO YUN RING PO NAS MNGON PAR 'DOD PA BU'I NGO MTHONG BA DANG, KHO BO DANG MTHUN PAR SKYE ZHING MI MTHUN PAR MI SKYE BA DANG, KHO BO'I BYA BA DAG BYED PA DANG, GSOS PAS PHYIR GSO PA DANG, BGO SKAL LA SPYOD PA DANG, KHO BO'I RIGS RGYUD RING DU GNAS PAR SGRUB PA DANG, BDAG CAG SHI ZHING DUS LA BAB PA DAG LA NYUNG DU'AM, MANG PO YANG RUNG BA'I SBYIN PA DAG BYIN ZHING BSOD NAMS DAG BYAS NAS 'DI DE GNYIS GANG DU SKYES SHING 'GRO BA'I RJES SU 'GRO BAR GYUR CIG CES MING GIS YON SNGO BA BYED PAR GYUR CIG CES CHED DU BRJOD PA CHED DU RJOD PAR BYED DO, ,DE LA SEMS CAN ZHUGS PAR RIG NAS 'DI LTA STE, MNGAL NA GNAS PA YONGS SU SMIN PAR BYA BA'I PHYIR STENG GI KHANG BZANGS KYI GZHIR GRANG BA NA GRANG BA'I YO BYAD DAG DANG, DRO BA NA DRO BA'I YO BYAD DAG DANG, SMAN PAS BCAS PA'I ZAS HA CANG YANG MI KHA BA DANG, HA CANG YANG MI SKYUR BA DANG, HA CANG YANG LAN TSVA MI CHE BA DANG, HA CANG MI MNGAR BA DANG, HA CANG MI TSA BA DANG, HA CANG MI BSKA BA DANG, KHA BA DANG, SKYUR BA DANG, LAN TSWA DANG, MNGAR BA DANG, TSA BA DANG, BSKA BA RNAM PAR SPANGS PA'I ZAS DAG DANG, DO SHAL DANG, SE MO DO DANG, RGYAN GYIS BKLUBS PA'I LUS LHA'I BU MO DGA' BA'I TSAL NA RNAM PAR SPYOD PA LTA @16B BU DANG, KHRI NAS KHRIR DANG, KHRI'U NAS KHRI'UR RGYU ZHING SHOD KYIS GZHIR MI 'BAB PA DANG, DES SGRA YID DU MI 'ONG BA CUNG ZAD KYANG MI THOS PAR GNOD PA MED PA NYID DU RIM GRO BYED DU 'DZUD DO, ,DE ZLA BA BRGYAD DAM DGU 'DAS TE KHYE'U GZUGS BZANG BA, BLTA NA SDUG PA, MDZES PA, GSAL BA GSER GYI MDOG 'DRA BA, MGO GDUGS LTA BU DANG LDAN PA, LAG PA RING BA, 'PHRAL BA'I DBYES CHE BA, SMIN MA 'JAR BA, SNA'I GZENGS MTHO BA ZHIG BTZAS SO, ,BTZAS NAS DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS KHYE'U'I MING CIR GDAGS ZHES MING 'DOGS PAR BYED DO, ,KHYE'U 'DI LHA PANG DU BLANGS NAS THOB PAS, BRAM ZE'I KHYE'U 'DI'I MING PANG NAS SKYES SU GDAGS SO SNYAM NAS DE'I MING PANG NAS SKYES ZHES BYA BAR BTAGS SO; ,GZHAN YANG MOOD GAL GYI RIGS YIN PAS BRAM ZE'I KHYE'U 'DI'I MING MOOD GAL GYI BUR GDAGS SO SNYAM NAS DE'I MING MOOD GAL GYI BU ZHES BYA BAR YANG BTAGS SO, ,DE NA KHA CIG GIS NI BRAM ZE'I KHYE'U MOOD GAL GYI BU ZHES BYA BAR SHES SO, ,KHA CIG GIS NI BRAM ZE'I KHYE'U PANG NAS SKYES ZHES BYA BAR SHES SO, ,BRAM ZE'I KHYE'U BANG NAS SKYES MA MA BRGYAD PO BANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO, ,DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE YI GE DANG, GRANGS DANG, RTZIS DANG, LAG RTZIS DANG, DBYUNG BA DANG, GZHUG BA DANG, GZHAG PA DANG, 'BYED PA DANG, KLOG PA'I PHA ROL DU SON CING, DE'I TSE NA BRAM ZE'I SPYOD TSUL DANG, SPYOD PA DANG, GTZANG SBRA DANG, KUN DU SPYOD PA DANG, @17A *, ,THAL BA BLANG BA DANG, BYA MA BUM BLANG BA DANG, SA BLANG BA DANG, LAG STANGS DANG, THOR TSUGS DANG, RAB BSNGAGS BYA BA DANG, KYE ZHES BYA BA DANG, NGES BRJOD KYI RIG BYED DANG, MCHOD SBYIN GYI RIG BYED DANG, SNYAN TSIG GI RIG BYED DANG, SRID SRUNG GI RIG BYED DANG, BRAM ZE'I LAS DRUG PO MCHOD SBYIN BYED PA DANG, MCHOD SBYIN BYED DU 'JUG PA DANG, KLOG PA DANG, KLOG TU 'JUG PA DANG, SBYIN PA DANG, LEN PA LA MKHAS PA'I BRAM ZE'I RIG BYED DANG, RIG BYED KYI YAN LAG GI PHA ROL DU SON BA ME LTA BU'I SHES PAS RANG GI SMRA BA GSAL BAR BYED PA, GZHAN GYI SMRA BA TSAR GCOD NUS PAR GYUR TO, ,DE PHAS RIG PA'I GNAS THAMS CAD SLOB TU BCUG GO , ,DE DUS GZHAN ZHIG NA PHA DANG LHAN CIG RIG BYED 'DON PAR BYED PA NA SMRAS PA, YAB SMRAS PA 'DI'I DON CI LAGS, BU KHO BOS KYANG SMRAS PA 'DI'I DON MI SHES TE, 'DI LTAR GSANG TSIG GI GZHI 'DI DAG NI SNGON GYI DRANG SRONG RNAMS KYIS BSTOD PA BSGRAGS PA YANG DAG PAR SBYAR BA STE, DE DAG NI DA LTAR BRAM ZE RNAMS KYANG RJES SU SGROGS SHING RJES SU RJOD PAR BYED DO, ,YAB GSANG TSIG GI GZHI SNGON GYI DRANG SRONG DE RNAMS KYIS BSTOD PA BSGRAGS PA, YANG DAG PAR SBYAR BA GANG DAG DA LTAR BRAM ZE RNAMS RJES SU SGROGS SHING RJES SU BRJOD PA DE DAG DON MA MCHIS PA LAGS SNYAM MAM CI, 'DI LTAR SMRAS PA 'DI'I DON NI 'DI LAGS SO, ,BRAM ZE GRU 'DZIN YID DGA' ZHING YID DGA' NAS BSAMS PA, BUS BYA BA NI 'DI LTA STE, PHA'I GZHUNG SRONGS PAR BYA BA'AM, KHYAD PAR LHAG PAR RTOGS PAR BYA BA DE TZAM DU ZAD NA, BRAM ZE'I KHYE'U 'DIS NI BDAG PAS KHYAD PAR LHAG PAR RTOGS SO SNYAM NAS BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG PA DE DAG KYANG DES YID DGA' ZHING YID DGA' BAS DE NYID LA GTAD DO, ,BRAM ZE'I KHYE'U PANG NAS SKYES BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG GO , ,BRAM ZE'I KHYE'U RNAMS KYI KUN DU SPYOD PA NI @17B 'DI YIN TE, GANG GI TSE MI KLOG PAR GYUR PA DE'I TSE NA LAN 'GA' NI CHU NGOGS SU NYE REG BYED DU 'DONG NGO, ,LAN 'GA' NI GRONG KHYER LTAR 'DONG NGO, ,LAN 'GA' NI YAM SREG SHING THUR 'DONG NGO, ,JI TZAM DUS GZHAN ZHIG NA DE DAG MI KLOG PAR GYUR NAS, DE'I TSE DE DAG GRONG KHYER LTAR DONG BA DANG, BRAM ZE'I KHYE'U NYE RGYAL GYI BRAM ZE'I KHYE'U DAG GSANG TSIG DAG KLOG CING MDUN DU 'DONG NGO, ,BRAM ZE'I KHYE'U PANG NAS SKYES KYI BRAM ZE'I KHYE'U DAG KYANG GSANG TSIG DAG KLOG CING PHYI BZHIN 'BRANG ZHING 'DONG NGO, ,BRAM ZE'I KHYE'U PANG NAS SKYES KYI BRAM ZE'I KHYE'U DE DAG GIS BRAM ZE'I KHYE'U NYE RGYAL GYI BRAM ZE'I KHYE'U DE DAG GSANG TSIG GI GZHI DAG KLOG PA THOS NAS DE DAG GIS SMRAS PA, CI'I PHYIR KHYED CAG GSANG TSIG GI GZHI DAG NYAMS PAR BYAS TE KLOG ,DE DAG GIS SMRAS PA, JI LTAR BKLAG PAR BYA; GSANG TSIG GI GZHI 'DI DAG NI 'DI DANG 'DI SKAD CES BKLAG PAR BYA'O, ,DE DAG GIS SMRAS PA, KHYED CAG GIS SU LAS GSANG TSIG GI GZHI 'DI DAG BKLAGS, DE DAG GIS SMRAS PA, GANG GIS DE MI SHES PA DES NI NYI MA DANG ZLA BA GNYIS MI SHES PA YIN NO, , GRONG NA LA DA NA BRAM ZE SKAR RGYAL ZHES BYA BA ZHIG 'DUG PA DE'I BU BRAM ZE'I KHYE'U NYE RGYAL ZHES BYA BA DE LAS BDAG CAG GIS BKLAGS SO, ,KHYED CAG GIS KYANG SU LAS GSANG TSIG GI GZHI 'DI DAG BKLAGS, DE DAG GIS SMRAS PA, GANG GIS DE MI SHES PA DES KYANG NYI MA DANG ZLA BA GNYIS MI SHES PA YIN NO, ,GRONG SHING THAGS CAN NA BRAM ZE MDUN NA 'DON GRU 'DZIN CES BYA BA ZHIG 'DUG PA DE'I BU BRAM ZE'I KHYE'U PANG NAS SKYES ZHES BYA BA DE LAS BDAG CAG GIS BKLAGS SO, ,DE NAS BRAM ZE'I KHYE'U NYE RGYAL GYI BRAM ZE'I KHYE'U RNAMS SPA GONG ZHING MI DGA' BA DANG, MI 'JIGS PA MED PAR GYUR TE, BRAM ZE'I KHYE'U NYE RGYAL GA LA BA DER DONG BA DANG DES THAG RING PO KHO NA NAS MTHONG NAS SMRAS PA, BRAM ZE'I KHYE'U DAG 'DI LTA CI NYES, MKHAN PO CANG MA NONGS SO, ,DES TSIGS SU BCAD PA SMRAS PA, @18A *, ,BSAM PA NANG NA YOD PA KUN, ,PHYI ROL NAS NI NYE BAR DMIGS, ,SKAD MDOG DBANG PO'I RNAM PA DAG ,RNAM PAR SBA BAR MI NUS SO, ,BRAM ZE'I KHYE'U DAG GOR MA CHAG PAR CI ZHIG NYES SO, ,DE DAG GIS SKABS DE RGYAS PAR BRJOD PA DANG DES SMRAS PA, BRAM ZE'I KHYE'U DAG DE DE BZHIN TE, JI LTAR BRAM ZE'I KHYE'U DE DAG GSANG TSIG GI GZHI DE DAG KLOG PA BZHIN DU DE DAG BKLAG PAR BYA BA YIN MOD KYI, KHO BOS RIG BYED RING PO RING PO GANG DAG YIN PA DE DAG NI THUNG NGUR RNAM PAR BZHAG GO, ,RIG BYED THUNG DU THUNG DU GANG DAG YIN PA DE DAG NI RING POR RNAM PAR BZHAG STE, TSIG DANG YI GE PHRI ZHING DON DANG NGES PA'I TSIG TU RNAM PAR BZHAG GO, ,BRAM ZE'I KHYE'U PANG NAS SKYES KYI BRAM ZE'I KHYE'U RNAMS KYANG SPA GONG ZHING MI DGA' BA DANG MI 'JIGS PA MED PAR GYUR TE, BRAM ZE'I KHYE'U PANG NAS SKYES GA LA BA DER DONG BA DANG DES KYANG THAG RING PO KHO NA NAS MTHONG NAS SMRAS PA, BRAM ZE'I KHYE'U DAG 'DI LTA CI NYES, MKHAN PO CANG MA NONGS SO, ,DES KYANG TSIGS SU BCAD PA SMRAS PA, BSAM PA NANG NA YOD PA KUN, ,PHYI ROL NAS NI NYE BAR DMIGS, ,SKAD MDOG DBANG PO'I RNAM PA DAG ,RNAM PAR SBA BAR MI NUS SO, ,BRAM ZE'I KHYE'U DAG GOR MA CHAG PAR CI ZHIG NYES SO, ,DE DAG GIS SKABS DE RGYAS PAR BRJOD PA DANG DES SMRAS PA, BRAM ZE'I KHYE'U DAG DE DE BZHIN TE, JI LTAR BDAG CAG GSANG TSIG GI GZHI DE DAG KLOG PA DE BZHIN DU DE DAG BKLAG PAR BYA BA YIN MOD KYI, BRAM ZE'I KHYE'U DE SHES RAB CAN YIN PAS DES RIG BYED RING PO RING PO GANG DAG YIN PA DE DAG NI THUNG NGUR RNAM PAR BZHAG GO, ,RIG BYED THUNG NGU THUNG DU GANG DAG YIN PA DE DAG NI RING POR RNAM PAR BZHAG STE, TSIG DANG YI GE PHRI ZHING DON DANG NGES PA'I TSIG TU RNAM PAR BZHAG GO, ,DE GNYIS GCIG GIS GCIG THOS MA THAG KHO NAR MTHONG 'DOD PAR GYUR NAS BRAM ZE'I KHYE'U NYE RGYAL PHA'I GAN DU SONG STE PHYIN NAS SMRAS PA, YAB BDAG @18B GRONG SHING THAGS CAN DU MCHI 'TSAL LO, ,CI ZHIG GI PHYIR BRAM ZE MDUN NA 'DON GRU 'DZIN CES BGYI BA ZHIG MCHIS PA DE'I BU BRAM ZE'I KHYE'U PANG NAS SKYES ZHES BGYI BA DE BLTA BA'I SLAD DU'O, ,BU DE KHYOD PAS CHES SHES RAB CAN ZHIG YIN NAM CI, YAB DE NI BDAG PAS CHES SHES RAB CAN MA LAGS TE, 'DI LTAR DE NI CHES PHYUG PA LAGS SO, ,DES TSIGS SU BCAD PA SMRAS PA, MI GANG RIGS KYIS RGAN PA DANG, ,NA TSOD RGAN DANG NOR GYIS RGAN, ,DE KUN THOS PAS RGAN PA YI, ,SGO NA DON KUN GNYER BAS SDOD, ,BU GAL TE DE 'ONG NA THOS PAS BGO BSHA' BYA'I BGROD PAR NI MI BYA'O, ,BRAM ZE'I KHYE'U PANG NAS SKYES KYANG PHA'I GAN DU SONG STE PHYIN NAS SMRAS PA, YAB BDAG GRONG NA LA DAR MCHI 'TSAL LO, ,CI ZHIG GI PHYIR DE NA BRAM ZE SKAR RGYAL ZHES BGYI BA ZHIG MCHIS PA DE'I BU BRAM ZE'I KHYE'U NYE RGYAL ZHES BGYI BA DE BLTA BA'I SLAD DU MCHI'O, ,BU DE KHYOD PAS CHES PHYUG PA ZHIG YIN NAM CI, YAB DE NI BDAG PAS CHES PHYUG PA MA LAGS TE, 'DI LTAR DE NI CHES SHES RAB CAN LAGS SO, ,DES KYANG TSIGS SU BCAD PA SMRAS PA, MI GANG RIGS KYIS RGAN PA DANG; ,NA TSOD RGAN DANG THOS PAS RGAN, ,DE KUN NOR GYIS RGAN PA YI, ,SGO NA CI BYA SNYAM PA SDOD, ,BU GAL TE 'ONG NA NOR GYIS BGO BSHA' BYA'I BGROD PAR NI MI BYA'O, ,JI TZAM DUS GZHAN ZHIG NA RGYAL PO'I KHAB TU KLU'I RGYAL PO RI BO DANG, YID 'ONG GNYIS KYI DUS STON LA BAB PO, ,RGYAL PO GZUGS CAN SNYING PO'I KUN DU SPYOD PA NI GANG GI TSE KLU'I RGYAL PO RI BO DANG, YID 'ONG GNYIS KYI DUS STON LA BAB PA DE'I TSE NA BDAG NYID KYIS NYAMS SU MYONG BAR BYED PA'AM, YANG NA GZHON NU MA SKYES DGRA GTONG BAR BYED DO, ,CI TZAM DUS GZHAN ZHIG NA RGYAL PO GZUGS CAN SNYING PO LA BYA BA CHUNG ZHIG BYUNG NAS DES GZHON NU MA SKYES DGRA LA SMRAS PA, BU SONG LA KLU'I RGYAL PO RI BO DANG, YID 'ONG GNYIS KYI DUS STON NYAMS SU MYONG BAR GYIS SHIG ,BRAM ZE GRU 'DZIN GYIS RGYAL PO GZUGS CAN SNYING POS @19A *, ,GZHON NU MA SKYES DGRA KLU'I RGYAL PO RI BO DANG, YID 'ONG GNYIS KYI DUS STON NYAMS SU MYONG BAR BYED DU BTANG BA, THOS NAS DES BSAMS PA, GZHON NU MA SKYES DGRA 'DI PHA 'DAS NAS RGYAL POR 'GYUR LA, BRAM ZE'I KHYE'U BANG NAS SKYES 'DI YANG BDAG 'DAS NAS MDUN NA 'DON DU 'GYUR BAS, DE BSTEN NA DUS SU 'BRAS BU STER BAR 'GYUR RO SNYAM NAS DES BRAM ZE'I KHYE'U PANG NAS SKYES LA SMRAS PA, BU SONG LA KLU'I RGYAL PO RI BO DANG, YID 'ONG GNYIS KYI DUS STON NYAMS SU MYONG BAR GYIS LA DE NA STAN BZHI PO RGYAL PO'I STAN DANG, MDUN NA 'DON GYI STAN DANG, RGOL BA'I STAN DANG, MCHOG THOB PA'I STAN BSHAMS PA LAS KHYOD KYIS RGYAL PO'I GDAN GCIG PU ZHOG LA MDUN NA 'DON GYI STAN LA 'DUG SHIG ,DE DER SONG NAS RGYAL PO'I STAN GCIG PU BZHAG STE MDUN NA 'DON GYI STAN LA 'DUG GO, ,BRAM ZE SKAR RGYAL GYIS KYANG RGYAL PO GZUGS CAN SNYING POS GZHON NU MA SKYES DGRA KLU'I RGYAL PO RI BO DANG, YID 'ONG GNYIS KYI DUS STON NYAMS SU MYONG BAR BYED DU BTANG BA THOS NAS DES KYANG BRAM ZE'I KHYE'U NYE RGYAL LA SMRAS PA, BU SONG LA KLU'I RGYAL PO RI BO DANG, YID 'ONG GNYIS KYI DUS STON NYAMS SU MYONG BAR GYIS LA, DE NA STAN BZHI PO RGYAL PO'I GDAN DANG, MDUN NA 'DON GYI STAN DANG, RGOL BA'I STAN DANG, MCHOG THOB PA'I STAN BSHAMS PA LAS KHYOD KYIS RGYAL PO'I GDAN DANG, MDUN NA 'DON GYI STAN ZHOG LA MCHOG THOB PA'I STAN LA DBYI GU DANG RIL BA ZHOG STE RGOL BA'I STAN LA 'DUG SHIG ,JI TZAM NA NYI MA 'CHAR BA NAS JI TZAM NA NUB PAR 'GYUR BA DE'I BAR DU KHYOD DANG 'DRA BA'I RGOL BA GZHAN MED DO, ,DE YANG SONG STE RGYAL PO'I STAN DANG, MDUN NA 'DON GYI STAN BZHAG STE, MCHOG THOB PA'I STAN LA DBYI GU DANG RIL BA BZHAG STE RGOL BA'I STAN LA 'DUG GO, ,ROL MO'I SGRA DAG BYUNG BA NA GAR MKHAN DAG GIS TO tA KA'I RGYUD DU GLU BLANGS PA DANG, MI DAG GIS BRO BRDUNG BA DANG, @19B GLU BLANG BAR BRTZAMS PA DANG BRAM ZE'I KHYE'U DE GNYIS DBANG PO DAG PHYIR BLAN TE, 'KHOD PA SKYE BO PHAL PO CHE'I TSOGS KYIS MTHONG NAS DE DAG GIS SMRAS PA, BRAM ZE'I KHYE'U 'DI GNYIS YANG NA NI BLUN PO GNYIS SHIG GO, ,YANG NA NI SHES PAS MI 'KHRUG PA GNYIS SHIG GO , , ROL MO'I SGRA DAG ZHI ZHING MI DAG GIS BRO BRDUNG ZHING GLU BLANGS TE DONG BA DANG, BRAM ZE'I KHYE'U PANG NAS SKYES KYIS BRAM ZE'I KHYE'U NYE RGYAL LA SMRAS PA, JI LTAR KHYOD LA BRO LEGS PAR BRDUNGS PA DANG, GLU LEGS PAR BLANGS PA DANG, ROL MO'I SGRA LEGS PAR BSGRAGS PAR SNANG NGAM, DES SMRAS PA, GANG GIS MTHONG BA'AM, THOS PA LA SNANG NGO, ,DES SMRAS PA, DBANG PO NANG DU BSDUS PA DAG GIS MA MTHONG BA NI BDEN NA JI LTAR MA THOS, DES TSIGS SU BCAD PA SMRAS PA, SHI LPAGS SHI BA'I RGYUS PA DANG, ,'CHIR 'GYUR BZHAD GAD 'JO SGEG GI, ,'CHI BA'I SKYE BO 'DUS PA LA, ,MKHAS PA SU ZHIG BAG MED BYED, ,DES SMRAS PA, KHYOD NYE RGYAL YIN NAM, KHO BO SKYE BO DAG GIS DE LTAR SHES SO, ,BRAM ZE'I KHYE'U NYE RGYAL GYIS KYANG BRAM ZE'I KHYE'U PANG NAS SKYES LA SMRAS PA, JI LTAR KHYOD LA YANG BRO LEGS PAR BRDUNGS PA DANG, GLU LEGS PAR BLANGS PA DANG, ROL MO'I SGRA LEGS PAR BSGRAGS PAR SNANG NGAM, DES KYANG SMRAS PA, GANG GIS MTHONG BA'AM, THOS PA LA SNANG NGO, ,DES SMRAS PA, DBANG PO NANG DU BSDUS PA DAG GIS MA MTHONG BA NI BDEN NA JI LTAR MA THOS, DES KYANG TSIGS SU BCAD PA SMRAS PA, RGYAN RNAMS THAMS CAD KHUR YIN TE, ,GAR RNAMS THAMS CAD MTHO 'TSAM PA, ,GLU RNAMS THAMS CAD KYAL PA STE, ,GZUGS KUN MI RTAG NYID YIN NO, ,DES SMRAS PA, KHYOD PANG NAS SKYES YIN NAM, KHO BO SKYE BO DAG GIS DE LTAR SHES SO, ,BRAM ZE'I KHYE'U NYE RGYAL GYIS BRAM ZE'I KHYE'U PANG NAS SKYES LA SMRAS PA, TSUR SHOG BDAG CAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO, ,DES SMRAS PA, BRAM ZE'I KHYE'U @20A *, ,GANG GI DON DU MCHOD SBYIN SBYIN PAR BYED, SBYIN SREG SREG PAR BYED, DKA' THUB KYIS GDUNG BAR BYED PA'I MDUN NA 'DON DE BDAG GI LAG MTHIL DU 'ONGS SHING GLANG PO CHES 'GRO BA'I RIGS SU SKYES NA CI'I PHYIR RAB TU 'BYUNG, DES TSIGS SU BCAD PA SMRAS PA, LJON SHING RDIB PAR GYUR BA'I TSE, ,YAL GA 'DAB MAS CI ZHIG BYED, ,DE BZHIN SKYES BU 'CHI BA'I TSE, ,YONGS SU BZUNG BAS CI ZHIG BYED, ,TSUR SHOG BDAG CAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO; ,DES SMRAS PA, JE PHA MA LA DRI BAR BYA'O, ,BRAM ZE'I KHYE'U PANG NAS SKYES PHA MA GNYIS GA LA BA DER SONG STE PHYIN NAS SMRAS PA, YAB YUM MKHYEN PAR MDZOD CIG ,BDAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO, ,BU GANG GI DON DU MCHOD SBYIN SBYIN PAR BYED, SBYIN SREG SREG PAR BYED, DKA' THUB KYIS GDUNG BAR BYED PA'I MDUN NA 'DON DE KHYOD KYI LAG MTHIL DU 'ONGS SHING GLANG PO CHES 'GRO BA'I RIGS SU SKYES NA CI'I PHYIR RAB TU 'BYUNG, DES TSIGS SU BCAD PA SMRAS PA, NAGS NA SHING SHUN RTZWA GYON ZHING, ,RTZA BA 'BRAS BU 'CHA' BA DANG, ,RI DAGS GDUG PA RNAMS DANG NI, ,LHAN CIG GNAS PA MCHOG LAGS KYI, ,'JIG RTEN PHA ROL 'JIGS BYED PA'I, ,MKHAS PAS RGYAL SRID SLAD DU NI, ,GSOD DANG BCING DANG RDEG PA DAG , BGYID PA DE LTA MA LAGS SO, ,DE GNYIS KYIS SMRAS PA, BU KHYOD NGED KYI BU GCIG PA SDUG PA, YID DU 'ONG BA, BZOD PA, MTHONG NA MI MTHUN PA MED PA YIN PAS KHYOD SHI BAR GYUR NA NGED MI 'DOD BZHIN DU 'BRAL GRANG, GSON BZHIN DU GTANG BLTA SMOS KYANG CI DGOS, YAB YUM GAL TE GNANG NA DE LTA NA LEGS, GAL TE MI GNANG NA DENG SLAN CHAD BDAG 'TSAL MA YANG MI 'TSAL, PHYAG LA YANG MI 'TSAL LO, ,BU GZHON NU MI GNANG GIS JI SRID NGED GSON GYI BAR DU KHYOD NGED KYI MIG LAM NA 'DUG LA BYA BA GZHAN MA SEMS SHIG ,DE @20B NAS BRAM ZE'I KHYE'U PANG NAS SKYES KYIS NYI MA GCIG KYANG ZAN GCAD PA BYAS SO, ,GNYIS DANG, GSUM NAS DRUG GI BAR DU YANG ZAN GCAD PA BYAS SO, ,DE NAS BRAM ZE'I KHYE'U PANG NAS SKYES KYI PHA MA GNYIS BRAM ZE'I KHYE'U PANG NAS SKYES GA LA BA DER DONG STE PHYIN NAS BRAM ZE'I KHYE'U PANG NAS SKYES LA 'DI SKAD CES SMRAS SO, ,BU GZHON NU SHES PAR GYIS SHIG ,KHOD NI SHIN TU GZHON PA BDE BA 'DOD PA YIN PAS KHYOD KYIS SDUG BSNGAL MI SHES TE, TSANGS PAR SPYOD PA SPYAD DKA'O, ,RAB TU DBEN PA BYA DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PAR MNAGS PAR DKA'O, ,GCIG PU DGON PAR GNAS PA YANG SDUG BSNGAL LO, ,KHYOD KYIS JI SRID 'TSO'I BAR DU RI DAGS GDUG PA DAG DANG LHAN CIG GNAS PAR BYA DGOS SO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BYA DGOS SO, ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BYA DGOS SO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BYA DGOS SO, ,BU GZHON NU PANG NAS SKYES TSUR SHOG 'DI NYID DU 'DUG LA 'DOD PA DAG LA YANG YONGS SU SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG ,DE SKAD SMRAS KYANG BRAM ZE'I KHYE'U PANG NAS SKYES CANG MI SMRA'O, ,BRAM ZE'I KHYE'U PANG NAS SKYES KYI PHA MA GNYIS KYIS BRAM ZE'I KHYE'U PANG NAS SKYES LA LAN GNYIS LAN GSUM GYI BAR DU 'DI SKAD CES SMRAS SO, ,BU GZHON NU SHES PAR GYIS SHIG ,KHYOD NI SHIN TU GZHON PA BDE BA 'DOD PA YIN PAS KHYOD KYIS SDUG BSNGAL MI SHES TE, TSANGS PAR SPYOD PA SPYAD DKA'O, ,RAB TU DBEN PA BYA DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, , @21A *, ,KHYOD KYIS JI SRID 'TSO'I BAR DU RI DAGS GDUG PA DAG DANG, LHAN CIG GNAS PAR BYA DGOS SO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BYA DGOS SO, ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BYA DGOS SO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BYA DGOS SO, ,BU GZHON NU PANG NAS SKYES TSUR SHOG KHYOD 'DI NYID DU 'DUG LA 'DOD PA DAG LA YANG YONGS SU SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG, ,DE SKAD LAN GNYIS LAN GSUM GYI BAR DU SMRAS KYANG BRAM ZE'I KHYE'U PANG NAS SKYES CANG MI SMRA'O, ,DE NAS BRAM ZE'I KHYE'U PANG NAS SKYES KYI PHA MA GNYIS KYIS BRAM ZE'I KHYE'U PANG NAS SKYES KYI NYE DU RNAMS LA BSGO BA, KYE NYE DU DAG TSUR SHEG BU GZHON NU PANG NAS SKYES SLONG SHIG ,DE NAS BRAM ZE'I KHYE'U PANG NAS SKYES KYI NYE DU DAG BRAM ZE'I KHYE'U PANG NAS SKYES GA LA BA DER DONG STE PHYIN NAS BRAM ZE'I KHYE'U PANG NAS SKYES LA 'DI SKAD CES SMRAS SO, ,SRAS GZHON NU MKHYEN PAR MDZOD CIG ,KHYOD MI SHIN TU GZHON PA BDE BA BZHED PA LAGS PAS KHYOD KYIS SDUG BSNGAL MI MKHYEN TE, TSANGS PAR SPYOD PA SPYAD DKA'O, ,RAB TU DBEN PA BGYI DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, ,KHYOD KYIS JI SRID 'TSO'I BAR DU RI DAGS GDUG PA DAG DANG, LHAN CIG GNAS PAR BGYI 'TSAL LO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BGYI 'TSAL LO; ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BGYI 'TSAL LO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BGYI 'TSAL LO, ,SRAS GZHON NU PANG NAS SKYES TSUR SBYON KHYOD 'DI NYID DU BZHUGS LA 'DOD @21B PA DAG LA YANG YONGS SU SPYOD CIG ,SBYIN PA DAG KYANG STZOL CIG, ,BSOD NAMS DAG KYANG MDZOD CIG ,DE SKAD SMRAS KYANG BRAM ZE'I KHYE'U PANG NAS SKYES CANG MI SMRA'O, ,BRAM ZE'I KHYE'U PANG NAS SKYES KYI NYE DU DAG GIS BRAM ZE'I KHYE'U PANG NAS SKYES LA LAN GNYIS LAN GSUM GYI BAR DU 'DI SKAD CES SMRAS SO, ,SRAS GZHON NU MKHYEN PAR MDZOD CIG, ,KHYOD NI SHIN TU GZHON PA BDE BA BZHED PA LAGS PAS KHYOD KYIS SDUG BSNGAL MI MKHYEN TE, TSANGS PAR SPYOD PA SPYAD DKA'O, ,RAB TU DBEN PAR BGYI DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, ,KHYOD KYIS JI SRID 'TSO'I BAR DU RI DAGS GDUG PA DAG DANG LHAN CIG GNAS PAR BGYI 'TSAL LO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BGYI 'TSAL LO, ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BGYI 'TSAL LO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BGYI 'TSAL LO, ,SRAS GZHON NU PANG NAS SKYES TSUR SBYON KHYOD 'DI NYID DU BZHUGS LA 'DOD PA DAG LA YANG YONGS SU SPYOD CIG ,SBYIN PA DAG KYANG STZOL CIG ,BSOD NAMS DAG KYANG MDZOD CIG ,DE SKAD LAN GNYIS LAN GSUM GYI BAR DU SMRAS KYANG BRAM ZE'I KHYE'U PANG NAS SKYES CANG MI SMRA'O, ,DE NAS BRAM ZE'I KHYE'U PANG NAS SKYES KYI PHA MA GNYIS KYIS BRAM ZE'I KHYE'U PANG NAS SKYES KYI NE'U LDANGS RNAMS LA BSGO BA, KYE GZHON NU DAG TSUR SHEG BU GZHON NU PANG NAS SKYES SLONG SHIG ,DE NAS BRAM ZE'I KHYE'U PANG NAS SKYES KYI NE'U LDANGS DAG BRAM ZE'I KHYE'U PANG NAS SKYES GA LA BA DER DONG STE PHYIN NAS BRAM ZE'I KHYE'U PANG NAS SKYES LA 'DI SKAD CES SMRAS SO, ,SRAS ZHI BA GZHON NU MKHYEN PAR MDZOD CIG ,KHYOD NI SHIN TU GZHON PA BDE BA BZHED PA LAGS PAS KHYOD KYIS SDUG @22A *, ,BSNGAL MI MKHYEN TE, TSANGS PAR SPYOD PA SPYAD DKA'O, ,RAB TU DBEN PAR BGYI DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DGA'O, GCIG PU DGON PAR GNAS PA SDUG BSNGAL LO, ,KHYOD KYIS JI SRID 'TSO'I BAR DU RI DAGS GDUG PA DAG DANG LHAN CIG GNAS PAR BGYI 'TSAL LO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BGYI 'TSAL LO, ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BGYI 'TSAL LO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BGYI 'TSAL LO, ,SRAS GZHON NU PANG NAS SKYES TSUR SBYON KHYOD 'DI NYID DU BZHUGS LA 'DOD PA DAG LA YANG YONGS SU SPYOD CIG , SBYIN PA DAG KYANG STZOL CIG ,BSOD NAMS DAG KYANG MDZOD CIG ,DE SKAD SMRAS KYANG BRAM ZE'I KHYE'U PANG NAS SKYES CANG MI SMRA'O, ,BRAM ZE'I KHYE'U PANG NAS SKYES KYI NE'U LDANGS RNAMS KYIS BRAM ZE'I KHYE'U PANG NAS SKYES LA LAN GNYIS LAN GSUM GYI BAR DU 'DI SKAD CES SMRAS SO, ,SRAS GZHON NU MKHYEN PAR MDZOD CIG ,KHYOD NI SHIN TU GZHON PA BDE BA BZHED PA LAGS PAS KHYOD KYIS SDUG BSNGAL MI MKHYEN TE, TSANGS PAR SPYOD PA SPYAD DKA'O, ,RAB TU DBEN PAR BGYI DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, ,KHYOD KYIS JI SRID 'TSO'I BAR DU RI DAGS GDUG PA DAG DANG LHAN CIG GNAS PAR BGYI 'TSAL LO, ,KHYOD KYIS JI SRID 'TSO'I BAR DU GZHAN GYIS BYIN PAS 'TSO BAR BGYI 'TSAL LO, ,KHYOD KYIS JI SRID 'TSO'I BAR DU MI'I 'DOD PA DAG LAS DBEN PAR BGYI 'TSAL LO, ,KHYOD KYIS JI SRID 'TSO'I BAR DU MI'I DGA' BA DANG RTZED MO DAG LAS DBEN PAR BGYI 'TSAL LO, ,SRAS GZHON NU PANG @22B NAS SKYES TSUR SBYON KHYOD 'DI NYID DU BZHUGS LA 'DOD PA DAG LA YANG YONGS SU SPYOD CIG ,SBYIN PA DAG KYANG STZOL CIG ,BSOD NAMS DAG KYANG MDZOD CIG ,DE SKAD LAN GNYIS LAN GSUM GYI BAR DU SMRAS KYANG BRAM ZE'I KHYE'U PANG NAS SKYES CANG MI SMRA'O, ,DE NAS BRAM ZE'I KHYE'U PANG NAS SKYES KYI NE'U LDANGS RNAMS BRAM ZE'I KHYE'U PANG NAS SKYES KYI PHA MA GNYIS GA LA BA DER DONG STE PHYIN NAS BRAM ZE'I KHYE'U PANG NAS SKYES KYI PHA MA GNYIS LA 'DI SKAD CES SMRAS SO, ,YAB YUM DAG MKHYEN PAR MDZOD CIG ,ZHI BA GZHON NU PANG NAS SKYES GUM PAS CI ZHIG BGYI RAB TU 'BYUNG BA NI MKHAS PAS BSDAGS PA LAGS PAS GAL TE RAB TU BYUNG NAS MNGON PAR DGA' BAR GYUR NA YANG DE GSON PO NYID DU GZIGS PAR 'GYUR LA, MNGON PAR DGA' BAR MA GYUR NA YANG DRANG SRONG DAG NI SLAR LDOG PA LAGS PAS BU'I GNAS PHA MA GNYIS LAS MA GTOGS PA GZHAN SU ZHIG MCHIS PAR 'GYUR GYIS RAB TU BYUNG NA LEGS SO, ,DE NAS BRAM ZE'I KHYE'U PANG NAS SKYES KYI PHA MA GNYIS KYIS BRAM ZE'I KHYE'U PANG NAS SKYES LA 'DI SKAD CES SMRAS SO, ,BU GZHON NU PANG NAS SKYES KHYOD LA RAB TU 'BYUNG BA LEGS PA BYED PA YIN LA, KHYIM NA GNAS PA LEGS PA BYED PA MA YIN NAM, YAB YUM BDAG LA RAB TU 'BYUNG BA LEGS PA BGYID PA LAGS LA, KHYIM NA GNAS PA LEGS PA BA GYID PA MA LAGS SO, ,BU GZHON NU PANG NAS SKYES 'O NA DA DE'I DUS LA BAB PAR SHES PAR GYIS SHIG ,DE NAS BRAM ZE'I KHYE'U PANG NAS SKYES PHA MA GNYIS KYIS GNANG NAS 'BRAS KHU'I RIM GYIS LUS KYI MTHU DANG, STOBS DANG, BRTZON 'GRUS BSKYED DE, GRONG SHING THAGS CAN NAS PHYIR BYUNG NAS, GRONG NA LA DAG LA BA DER 'PHAGS SO, , BRAM ZE'I KHYE'U NYE RGYAL DBEN PA LA DGA' BAS GNAS MAL DGON PAR SONG STE, BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG GO, ,BRAM ZE'I KHYE'U PANG NAS SKYES MTHAR GYIS GRONG NA LA DAR PHYIN NAS BRAM ZE'I KHYE'U NYE RGYAL GYI PHA MA GNYIS LA SMRAS @23A *, ,PA; YAB YUM BRAM ZE'I KHYE'U NYE RGYAL GAR MCHIS, DE GNYIS KYIS SMRAS PA, BRAM ZE'I KHYE'U NYE RGYAL DBEN PA LA DGA' BAS GNAS MAL DGON PAR SONG STE, BRAM ZE'I KHYE'U LNGA BRGYA TZAM BRAM ZE'I GSANG TSIG DAG KLOG TU 'JUG GO , , BRAM ZE'I KHYE'U PANG NAS SKYES BRAM ZE'I KHYE'U NYE RGYAL GA LA BA DER SONG STE PHYIN NAS SMRAS PA, NYE RGYAL TSUR SHOG BDAG CAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO, ,DES SMRAS PA, KHYOD PHA MA GNYIS KYIS GNANG NGAM, GNANG NGO, , DES SMRAS PA, BRAM ZE'I KHYE'U KHO BOS PHA MA GNYIS LA DRIS TE 'ONG GI BAR DU RE ZHIG SDOD CIG ,DES SMRAS PA, NYE RGYAL KHO BO NI DUS DE SRID KYIS PHA MAS GNANG NA KHYOD DA JI SRID KYIS GNANG BAR 'GYUR, DES SMRAS PA, BRAM ZE'I KHYE'U KHO BO DA KHO NA GNANG BAR BYAS TE 'ONG NGO, ,DE NAS BRAM ZE'I KHYE'U NYE RGYAL PHA MA GNYIS GA LA BA DER SONG STE PHYIN NAS PHA MA GNYIS LA 'DI SKAD CES SMRAS SO, ,YAB YUM MKHYEN PAR MDZOD CIG ,BDAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO, ,DE GNYIS KYIS SMRAS PA, BU KHYOD LA RAB TU 'BYUNG BA LEGS PA BYED PA YIN NAM, YAB YUM BDAG LA RAB TU 'BYUNG BA LEGS PA BGYID PA LAGS SO, ,BU 'O NA SONG LA RAB TU BYUNG SHIG ,DE NAS BRAM ZE'I KHYE'U NYE RGYAL BRAM ZE'I KHYE'U PANG NAS SKYES KYI GAN DU SONG STE SMRAS PA; ,PANG NAS SKYES TSUR SHOG BDAG CAG YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG NGO, ,DES SMRAS PA, BRAM ZE'I KHYE'U KHYOD PHA MA GNYIS KYIS GNANG NGAM, GNANG NGO, ,NYE RGYAL KHO BO NI DUS DE SRID KYIS PHA MA GNYIS KYIS GNANG NA KHYOD PHA MA GNYIS KYIS MYUR DU GNANG BA'I SBYOR BA GANG YIN, 'DI LTAR KHYOD NI 'CHING BA DAM PA DANG, 'CHING BA BRTAN PA DANG, 'CHING BA MA RUL DANG, GAGS SHING SBOM PA YIN GYI, KHO BO NI 'CHING BA STOBS MED PA DANG, 'CHING BA STOBS CHUNG BA DANG, 'CHING BA RUL @23B BA DANG, GAGS SHING PHRA BA YIN NO, ,'DI LTAR TSE DANG LDAN PA SH'A RI'I BU NI TSE RABS LNGA BRGYAR RAB TU BYUNG BAR GYUR CING 'DI LTAR TSE DANG LDAN PA SH'A RI'I BUS SMON LAM 'DI SKAD CES, HA CANG PHYUG PA'I KHYIM DANG NI, ,DBUL PO'I KHYIM DU MI SKYE BAR, ,BAR MA'I KHYIM DU SKYE 'GYUR ZHING, ,RTAG TU RAB BYUNG MANG BAR SHOG ,CES BTAB PA'I PHYIR RO, ,BRAM ZE'I KHYE'U PANG NAS SKYES KYIS BRAM ZE'I KHYE'U NYE RGYAL LA SMRAS PA, BRAM ZE'I KHYE'U BDAG CAG NI BRAM ZE RAB TU GRAGS PA DAG YIN PAS BDAG CAG GANG YANG RUNG BA RAB TU 'BYUNG BAR MI NUS KYIS, 'DI LTAR LEGS PAR BRTAG PAR BYA STE RAB TU 'BYUNG BAR BYA'O ZHES DE GNYIS MTHAR GYIS RGYAL PO'I KHAB TU PHYIN TO, ,DE'I TSE NA RDZOGS BYED LA SOGS PA STON PA DRUG PO THAMS CAD MKHYEN PA MA YIN PAR THAMS CAD MKHYEN PAR MNGON PA'I NGA RGYAL CAN 'DI LTA STE, 'DRO BA SKYONG GI BU RDZOGS BYED DANG, GNAG LHAS KYI BU KUN DU RGYU DANG, SMRA 'DOD KYI BU MO'I BU YANG DAG RGYAL BA CAN DANG, MI PHAM SKRA'I LA BA CAN DANG, KA TYA'I BU NOG CAN DANG, GNYEN GYI BU GCER BU DAG RGYAL PO'I KHAB NA NYE BAR RTEN CING GNAS SO, , DE NAS BRAM ZE'I KHYE'U NYE RGYAL DANG, PANG NAS SKYES GNYIS 'DROB SKYONG GI BU RDZOGS BYED GA LA BA DER DONG STE PHYIN NAS 'DROB SKYONG GI BU RDZOGS BYED LA 'DI SKAD CES SMRAS SO, ,SHES LDAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS BAR SPYOD PA'I 'BRAS BU NI GANG YIN, PHAN YON NI GANG YIN, RDZOGS BYED KYIS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, SBYIN PA MED DO, ,MCHOD SBYIN MED DO, SBYIN SREG MED DO, ,LEGS PAR SPYAD PA MED DO, ,NYES PAR SPYAD PA MED DO, ,LEGS PAR SPYAD PA DANG NYES PAR SPYAD PA'I LAS RNAMS KYI 'BRAS BU DANG RNAM PAR SMIN PA MED DO, ,'JIG RTEN 'DI MED DO, ,'JIG RTEN PHA ROL MED DO, ,MA MED DO, ,PHA MED DO, ,SEMS CAN RDZUS TE SKYE BA MED DO, ,'JIG RTEN NA DGRA BCOM PA @24A *, ,YANG DAG PAR SONG BA YANG DAG PAR ZHUGS PA GANG DAG TSE 'DI NYID LA RANG GI MNGON PAR SHES PAS 'JIG RTEN 'DI DANG 'JIG RTEN PHA ROL MNGON SUM DU BYAS NAS BSGRUBS TE BDAG CAG NI SKYE BA ZAD DO, ,TSANGS PAR SPYAD PA BSTEN TO, ,BYA BA BYAS SO, , SRID PA 'DI LAS GZHAN MI SHES SO ZHES GO BAR BYED PA DAG MED DO, ,SROG NI 'DI NYID LA 'TSO ZHING DE PHYIS CHAD PAR 'GYUR, ZHIG PAR 'GYUR TE SHI BA'I 'OG TU MI 'BYUNG NGO, ,SKYES BU'I LUS NI 'BYUNG BA CHEN PO BZHI LAS GYUR BA YIN TE, DE NI GANG GI TSE DUS BYED PA NA DE'I SA'I LUS NI SA'I BAG LA ZHA, CHU'I LUS NI CHU'I, ME'I LUS NI ME'I, RLUNG GI LUS NI RLUNG GI BAG LA ZHA BAR 'GYUR RO, ,DBANG PO RNAMS NI NAM MKHA'I RJES SU 'GRO BAR 'GYUR RO, ,SKYES BU'I RO NI KHRI DANG LNGA'I MI DAG GIS KHYER TE DUR KHROD DU 'GRO ZHING BSREGS PHAN CHANG MI MNGON PAR 'GYUR RO, ,BSREG BYA DAG NI THAL BAR 'GYUR RO, ,RUS PA DAG NI THI BA'I MDOG 'DRA BAR GNAS SO, ,'DI LTAR RMONGS PAS NYE BAR BSTEN PA NI SBYIN LA, MKHAS PAS NYE BAR BSTEN PA NI LEN TO, ,DE LA GANG DAG YOD PAR SMRA BA DE DAG THAMS CAD NI GSOB GSOG BRDZUN DU GDOL PA DAG YIN NO, ,'DI LTAR BYIS PA DANG MKHAS PA DE GNYIS NI PHYIS CHAD PAR 'GYUR, ZHIG PAR 'GYUR TE SHI BA'I 'OG TU MI 'BYUNG NGO, ,DE NAS BRAM ZE'I KHYE'U NYE RGYAL DANG, PANG NAS SKYES GNYIS 'DI SNYAM DU SEMS TE, STON PA SHES LDAN 'DI NI LAM MGOL BAR ZHUGS PA, LAM NGAN PA LEGS PAR SGRUB PA YIN TE, LAM 'JIGS PA DANG BCAS PA JI LTA BA BZHIN DU MKHAS PA RNAMS KYIS SPRANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG PAR STON BYED PA, ,DMAN PA STON PAR GRAGS PA STE, ,GANG GI CHOS NI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS GNAG LHAS KYI BU KUN DU RGYU GA LA BDER @24B DONG STE PHYIN NAS GNAG LHAS KYI BU KUN DU RGYU LA 'DI SKAD CES SMRAS SO, ,SHES LDAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, KUN DU RGYUS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, SEMS CAN RNAMS KUN NAS NYON MONGS PAR 'GYUR BA LA RGYU MED RKYEN MED DO, ,SEMS CAN RNAMS RGYU MED RKYEN MED PAR KUN NAS NYON MONGS PAR 'GYUR RO, ,SEMS CAN RNAMS RNAM PAR DAG PAR 'GYUR BA LA RGYU MED RKYEN MED DO, ,SEMS CAN RNAMS RGYU MED RKYEN MED PAR RNAM PAR DAG PAR 'GYUR RO, ,SEMS CAN RNAMS SHES PA MED PAR 'GYUR BA DANG, MTHONG BA MED PAR 'GYUR BA LA RGYU MED RKYEN MED DO, ,SEMS CAN RNAMS RGYU MED RKYEN MED PAR SHES PA MED PA DANG, MTHONG BA MED PAR 'GYUR RO, ,SEMS CAN RNAMS SHES PAR 'GYUR BA DANG, MTHONG BAR 'GYUR BA LA RGYU MED RKYEN MED DO, ,SEMS CAN RNAMS RGYU MED RKYEN MED PAR SHES PA DANG, MTHONG BAR 'GYUR RO, ,STOBS MED DO, ,BRTZON 'GRUS MED DO, ,STOBS DANG BRTZON 'GRUS MED DO, ,SKYES BU'I RTZAL MED DO, ,PHA ROL GNON PA MED DO, ,SKYES BU'I RTZAL DANG PHA ROL GNON PA MED DO, ,BDAG GI RTZAL MED DO, ,GZHAN GYI RTZAL MED DO, ,BDAG GI RTZAL DANG GZHAN GYI RTZAL MED DO, ,SEMS CAN THAMS CAD DANG, SROG THAMS CAD DANG, 'BYUNG PO THAMS CAD MTHU MED, STOBS MED DO, ,DBANG MED DO, ,BRTZON 'GRUS MED DO, ,PHA ROL GNON PA MED DO, ,'GRO BA MTSAMS SBYOR BA'I SRID PA DAG NGES PAR GYUR TO, ,'DI LTAR 'GRO BA DRUG PO DAG TU BDE BA DANG SDUG BSNGAL SO SOR MYONG BAR 'GYUR RO, ,DE NAS BRAM ZE'I KHYE'U NYE RGYAL DANG, PANG NAS SKYES GNYIS 'DI SNYAM DU SEMS TE, STON PA SHES LDAN 'DI YANG LAM GOL BAR ZHUGS PA, LAM NGAN PA LEGS PAR SGRUB PA YIN TE, LAM 'JIGS PA DANG BCAS PA JI LTA BA BZHIN DU MKHAS PA @25A *, ,RNAMS KYIS SPANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG PAR STON BYED PA, ,DMAN PA STON PAR GRAGS PA STE, ,GANG GI CHOS NI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO,, ,,'DUL BA GZHI, BAM PO GSUM PA, DE NAS BRAM ZE'I KHYE'U NYE RGYAL DANG, BANG NAS SKYES GNYIS SMRA 'DOD KYI BU MO'I BU YANG DAG RGYAL BA CAN GA LA BA DER DONG STE PHYIN NAS SMRA 'DOD KYI BU MO'I BU YANG DAG RGYAL BA CAN LA 'DI SKAD CES SMRAS SO, ,SHES LDAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, YANG DAG RGYAL BA CAN GYIS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, BYED PA DANG BYED DU 'JUG PA DANG, GCOD PA DANG GCOD DU 'JUG PA DANG, SREG PA DANG SREG TU 'JUG PA DANG, RDEG PA DANG RDEG TU 'JUG PA DANG, SROG CHAGS LA 'TSE BA DANG, MA BYIN PAR LEN PA DANG, 'DOD PA DAG LA LOG PAR SPYOD PA DANG, SHES BZHIN DU BRDZUN SMRA BA DANG, MYOS PAR 'GYUR BA'I BTUNG BA 'THUNG BA DANG, KHYIM 'BIGS PA DANG, MDUD PA DGROL BA DANG, RIL GYIS 'PHROG PA DANG, LAM 'GOG CING 'DUG PA DANG, GRONG 'JOMS PAR BYED PA DANG, GRONG KHYER 'JOMS PAR BYED PA DANG, YUL 'JOMS PAR BYED PA DANG, SA GZHI CHEN PO 'DI LA SEMS CAN GANG DAG YOD PA DE DAG THAMS CAD 'KHOR LO'I MTHA' SPU GRI LAS BYAS PAS KUN DU GCOD PAR BYED, KUN DU GSHEG PAR BYED, KUN DU RDUNG BAR BYED, KUN DU 'DRAL BAR BYED CING SEMS CAN DE DAG THAMS CAD KUN DU BCAD, KUN DU GSHEGS, KUN DU BRDUNGS, KUN DU DRAL NAS SHA'I THANG MA GCIG TU BYED, SHA'I TSOMS GCIG TU BYED, SHA'I BUNGS GCIG TU BYED, SHA'I PHUNG PO GCIG TU BYED CING SHA'I THANG MA GCIG TU @25B BYAS, SHA'I TSOMS GCIG TU BYAS, SHA'I BUNGS GCIG TU BYAS, SHA'I PHUNG PO GCIG TU BYAS NAS DE LTAR KUN DU SGRUB PAR BYED PA LA GZHI DE LAS SDIG PA YANG MED, GZHI DE LAS SDIG PAR 'GYUR BA YANG MED DO, ,CHU KLUNG GANG G'A'I LHO NAS KUN DU GCOD PAR BYED, KUN DU GSHEG PAR BYED, KUN DU RDUNG BAR BYED, KUN DU 'DRAL BAR BYED CING 'GRO LA, CHU KLUNG GANG G'A'I BYANG NAS SBYIN PA BYED, MCHOD SBYIN BYED CING 'GRO BAR GYUR NA, GZHI DE LAS SDIG PA DANG BSOD NAMS KYANG MED, GZHI DE LAS SDIG PA DANG BSOD NAMS SU 'GYUR BA YANG MED DO, ,SBYIN PA DANG, DUL BA DANG, YANG DAG PAR SDOM PA DANG, DON SPYOD PA DANG, DON MTHUN PAS DE LTAR BYED PA YANG BSOD NAMS MI BYED PA KHO NA YIN NO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS 'DI SNYAM DU SEMS TE, STON PA SHES LDAN 'DI YANG LAM GOL BAR ZHUGS PA, LAM NGAN PA YANG DAG PAR SGRUB PA YIN TE, 'JIGS PA DANG BCAS PA'I LAM JI LTA BA BZHIN DU MKHAS PA RNAMS KYIS SPANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG PAR STON BYED PA, ,DMAN PA STON PAR GRAGS PA STE, ,GANG GI CHOS 'DI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS MI PHAM SKRA'I LA BA CAN GA LA BA DER DONG STE PHYIN NAS MI PHAM SKRA'I LA BA CAN LA 'DI SKAD CES SMRAS SO, SHES LDAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, MI PHAM GYIS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, LUS BDUN PO 'DI DAG NI MA BYAS PA, BYAS PAS MA BYAS PA, MA SPRUL PA, SPRUL PAS MA BYAS PA, GNOD PAR BYA BA MA YIN PA, THER ZUG TU GNAS PA, KA BA BZHIN DU GNAS PA DAG YIN TE, @26A *, ,BDUN GANG ZHEN, 'DI LTA STE SA'I LUS DANG, CHU'I LUS DANG, ME'I LUS DANG, RLUNG GI LUS DANG, BDE BA DANG, SDUG BSNGAL BA DANG, SROG GSON PA NYID NI BDUN PA STE, LUS BDUN PO DE DAG NI MA BYAS PA, BYAS PAS MA BYAS PA, MA SPRUL PA, SPRUL PAS MA BYAS PA, GNOD BAR BYA MA YIN PA, ? THER ZUG TU GNAS PA, KA BA BZHIN DU GNAS PA DAG YIN NO, ,DE DAG NI 'DI LTA STE, BSOD NAMS SU 'GYUR BA'I PHYIR RAM, SDIG PAR 'GYUR BA'I PHYIR RAM, BSOD NAMS DANG SDIG PAR 'GYUR BA'I PHYIR RAM, BDE BAR 'GYUR BA'I PHYIR RAM, SDUG BSNGAL BAR 'GYUR BA'I PHYIR RAM, BDE BA DANG, SDUG BSNGAL BAR 'GYUR BA'I PHYIR GA-YO BAR MI BYED, RNAM PAR 'GYUR BAR MI BYED, GCIG LA GCIG GNOD PAR MI BYED DO, ,SKYES BU GANG GIS SKYES BU'I MGO GCOD BAR BYED PA DES KYANG 'JIG RTEN NA GA-YO BA'AM, GNAS PA LA GNOD PA CHUNG ZAD KYANG MI BYED DE, LUS BDUN PO DAG LA BAR MED BAR MTSON THAL BYUNG DU 'GRO ZHING DER SROG LA GNOD BA'ANG MED DO, ,DE LA GSOD PAR BYED BA'AM, GSOD DU BCUG PA'AM, SKUL BAR BYED PA'AM, SKUL DU BCUG PA'AM, DRAN PAR BYED PA'AM, DRAN PAR BYED DU BCUG PA'AM, RNAM PAR RIG PAR BYED PA'AM, RNAM PAR RIG PAR BYED DU BCUG PA 'GA' YANG MED DO, ,BYIS PA'AM MKHAS PA GANG DAG YIN PA DAG NI SKYE GNAS GTZO BO DANG LDAN PA KHRI BZHI STONG DANG, RTOG PA CHEN PO DRUG KHRI DANG DRUG BRGYA DANG, LAS LNGA DANG, LAS GSUM DANG, LAS GNYIS DANG LAS DANG, LAS PHYED DANG, LAM DRUG BCU RTZA GNYIS DANG, RTOG PA BAR MA DRUG BCU RTZA GNYIS DANG, SEMS CAN DMYAL BA SUM BCU RTZA DRUG DANG, DBANG PO BRGYA NYI SHU DANG, RDUL GYI KHAMS DRUG BCU RTZA GNYIS DANG, KLU'I RIGS BZHI KHRI DGU STONG DANG, NAM MKHA' LDING GI RIGS BZHI KHRI DGU STONG DANG, KUN DU RGYU'I RIGS BZHI KHRI @26B DGU STONG DANG, KUN DU 'TSO'I RIGS BZHI KHRI DGU STONG DANG, GCER BU PA'I RIGS BZHI KHRI DGU STONG DANG, 'DU SHES CAN GYI GNAS BDUN DANG, 'DU SHES MED PA'I GNAS BDUN DANG, GCER BU PA'I GNAS BDUN DANG, LHA MA YIN BDUN DANG, SHA ZA BDUD DANG; LHA BDUN DANG, MI BDUN DANG, MTSO CHEN PO BDUN DANG, MTSO BDUN BRGYA DANG, RMI LAM CHEN PO BDUN DANG, RMI LAM BDUN BRGYA DANG, 'BRI BA CHEN PO BDUN DANG, 'BRI BA BDUN BRGYA DANG, 'PHEL BA CHEN PO BDUN DANG, 'PHEL BA BDUN BRGYA DANG, SANG BA CHEN PO BDUN DANG, SAD PA BDUN BRGYA DANG, GA-YANG SA CHEN PO BDUN DANG, GA-YANG SA BDUN BRGYA DANG, RIGS BTZUN PA DRUG DANG, MNGON PAR MTHO BA BCU DANG, SKYES BU CHEN PO'I SA BRGYAD PO DE DAG TU BSKAL PA CHEN PO BRGYAD KHRI BZHI STONG DU MTSAMS SBYAR CING 'KHOR NAS SDUG BSNGAL MTHAR BYED DO, ,'DI LTA STE, DPER NA SKUD PA'I DRU BU YANG BA STENG GI NAM MKHA' LAS 'PHANGS PA GZANGS PA NAS LA 'BAB PA DE BZHIN DU BYIS PA'AM MKHAS PA GANG DAG YIN PA DAG KYANG DE DAG TU BSKAL PA CHEN PO BRGYAD KHRI BZHI STONG DU MTSAMS SBYAR CING 'KHOR NAS SDUG BSNGAL MTHAR BYED DO, ,DE LA DGE SBYONG DANG, BRAM ZE GANG 'DI SKAD CES, BDAG TSUL KHRIMS SAM, BRTUL ZHUGS SAM, DKA' THUB BAM, TSANGS PAR SPYOD PA LA GNAS PA 'DIS LAS YONGS SU MA SMIN PA NI YONGS SU SMIN PAR BYA ZHING YONGS SU SMIN PA NI REG PAR BYAS NAS BYANG BAR BYA'O ZHES ZER BA 'GA' YANG MED DO, ,BDE BA DANG SDUG BSNGAL 'DI NGES PA YIN NO, ,YAR SKYE BA DANG MAR 'GRIB PA NI MI SRID DO, ,'DI LTA BU 'DI NYID DANG GZHAN MA YIN PAS 'KHOR PA GZHAL LO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS 'DI SNYAM DU SEMS TE, STON PA SHES LDAN 'DI YANG LAM GOL BAR ZHUGS PA, LAM NGAN PA LEGS PAR SGRUB PA YIN TE, LAM 'JIGS PA DANG BCAS PA CI LTA BA BZHIN DU MKHAS PA @27A *, ,RNAMS KYIS SPANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG PAR STON BYED PA, ,DMAN PA STON PAR GRAGS PA STE, ,GANG GI CHOS 'DI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS KA TYA'I BU NOG CAN GA LA BA DER DONG STE PHYIN NAS, KA TYA'I BU NOG CAN LA 'DI SKAD CES SMRAS SO, ,SHES LDAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, NOG CAN GYIS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, GAL TE 'GA' ZHIG KHO BO'I GAN DU 'ONGS TE 'DI SKAD CES 'JIG RTEN PHA ROL YOD DAM ZHES DRI BA 'DRI NA, DE LA KHO BO 'JIG RTEN PHA ROL YOD DO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL MED DAM ZHES DRI BA 'DRI NA, DE LA KHO BO 'JIG RTEN PHA ROL MED DO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL YOD PA DANG MED PA YIN NAM ZHES DRI BA 'DRI NA, DE LA KHO BO 'JIG RTEN PHA ROL YOD PA DANG MED PA YIN NO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL YOD PA YANG MA YIN MED PA YANG MA YIN NAM ZHES DRI BA 'DRI NA, DE LA KHO BO 'JIG RTEN PHA ROL YOD PA YANG MA YIN MED PA YANG MA YIN NO ZHES DRI BA DRIS BA'I LAN 'DEBS PAR BYED DO, ,DE BZHIN DU GAL TE 'GA' ZHIG KHO BO'I GAN DU 'ONGS TE 'DI SKAD CES 'JIG RTEN PHA ROL 'DI LTA BU NYID DANG, 'DI LTA BU NYID MA YIN PA YIN NAM DRI BA 'DRI NA, DE LA KHO BO 'JIG RTEN PHA ROL 'DI LTA BU DANG 'DI LTA BU NYID MA YIN PA YIN NO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL GZHAN NYID DANG GZHAN NYID MA YIN PA YIN NAM ZHES DRI BA 'DRI NA, DE LA KHO BO 'JIG RTEN PHA ROL GZHAN NYID DANG GZHAN NYID MA YIN @27B PA YIN NO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL GZHAN MA YIN PA NYID DANG GZHAN MA YIN PA NYID MA YIN PA YIN NAM ZHES DRI BA 'DRI NA, DE LA KHO BO 'JIG RTEN PHA ROL GZHAN MA YIN PA NYID DANG, GZHAN MA YIN PA NYID MA YIN PA YIN NO ZHES DRI BA DRIS PA'I LAN 'DEBS PAR BYED DO, ,'JIG RTEN PHA ROL DE NYID DANG DE NYID MA YIN PA YIN NAM ZHES DRI BA 'DRI NA, DE LA KHO BO 'JIG RTEN PHA ROL DE NYID DANG DE NYID MA YIN PA YIN NO ZHES DRI BA DRIS PA'I LAN 'DEBS PAR BYED DO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS 'DI SNYAM DU SEMS TE, STON PA SHES LDAN 'DI YANG LAM GOL BAR ZHUGS PA, LAM NGAN PA LEGS PAR SGRUB PA YIN TE, LAM 'JIGS PA DANG BCAS PA JI LTA BA BZHIN DU MKHAS PA RNAMS KYIS SPANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG BAR STON BYED PA, ,DMAN PA STON PAR GRAGS PA STE, ,GANG GI CHOS NI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS GNYEN GYI BU GCER BU GA LA BDER DONG STE PHYIN NAS GNYEN GYI BU LA 'DI SKAD CES SMRAS SO, ,SHES LNGAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, GCER BUS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, SKYES BU GANG ZAG 'DIS SO SOR MYONG BA GANG YIN PA CI YANG RUNG STE DE THAMS CAD SNGON BYAS PA'I RGYU LAS BYUNG BA YIN NO, ,LAS RNYING PA RNAMS NI DKA' THUB KYIS 'BYANG BAR 'GYUR LA LAS SAR PA RNAMS NI MI BYA BA'I CHU LON GYIS LDOG PAR BYA'O, ,DE LTAR NA PHYIN CHAD ZAG PA MED DO, ,ZAG PA MED NA LAS ZAD DO, LAS ZAD NA SDUG BSNGAL ZAD DO, ,SDUG BSNGAL ZAD NA SDUG BSNGAL MTHAR BYED PAR 'GYUR RO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS @28A *, ,'DI SNYAM DU SEMS TE, STON PA SHES LDAN 'DI YANG LAM GOL BAR ZHUGS PA LAM NGAN PA LEGS PAR SGRUB PA STE, LAM 'JIGS PA DANG BCAS PA JI LTA BA BZHIN DU MKHAS PA RNAMS KYIS SPANG BAR BYA BA YIN NO SNYAM DU RIG NAS TSIGS SU BCAD PA SMRAS PA, BLO NGAN LOG PAR STON BYED PA, ,DMAN PA STON PAR GRAGS PA STE, ,GANG GI CHOS 'DI DE 'DRA BA, ,DE YI CHOS MIN CI ZHIG 'DRA, ,ZHES SMRAS NAS SNOD STONG PA BZHIN DU BRDABS TE DONG NGO, DE'I TSE NA MU STEGS CAN GYI GNAS YANG DAG RGYAL BA CAN ZHES BYA BA ZHIG BYUNG NAS RING PO MA LON PAR GYUR TO, ,DE NAS BRAM ZE'I KHYE'U NYE RGYAL DANG PANG NAS SKYES GNYIS STON PA YANG DAG RGYAL BA CAN GA LA BDER DONG STE PHYIN NAS DRIS PA, SHES LDAN DAG STON PA YANG DAG RGYAL BA CAN GANG NA, NANG DU YANG DAG 'JOG LA'O, ,KYE MA BDAG CAG GIS YUN RING MO ZHIG NAS NANG DU YANG DAG 'JOG GI SGRA GDOD THOS SO, ,DE GNYIS 'DI SNYAM DU SEMS TE, BDAG CAG GIS STON PA NANG DU YANG DAG 'JOG LAS BSLANG BA NI BDAG CAG GI TSUL DANG MTHUN PA MA YIN GYIS, GANG GI TSE NANG DU YANG DAG 'JOG LAS LANGS BAR GYUR BA DE'I TSE NA DRUNG DU 'DONG BAR BYA'O SNYAM NAS, DE GNYIS PHYOGS GCIG TU DONG STE 'KHOD DO, ,DE NAS STON PA YANG DAG RGYAL BA CAN NANG DU YANG DAG 'JOG LAS LANGS PA DANG DE BSAM GTAN DAG GIS DBANG PO RNAMS TSIM PAR GYUR TO, , DE GNYIS KYIS BSAMS BA, GANG LA BYAD BZHIN YOD PA DE DAG LA YON TAN DAG KYANG YOD DO SNYAM NAS DE GNYIS DE'I GAN DU DONG STE PHYIN NAS SMRAS PA, SHES LDAN YANG DAG RGYAL BA CAN KHYOD KYI CHOS KYI TSUL NI GANG YIN, SLOB MA LA GDAMS PA NI GANG YIN, TSANGS PAR SPYOD PA'I 'BRAS BU NI GANG YIN, PHAN YON NI GANG YIN, YANG DAG RGYAL BA CAN GYIS SMRAS PA, BRAM ZE'I KHYE'U DAG KHO BO NI 'DI LTAR LTA ZHING 'DI SKAD SMRA STE, BDEN PA DANG MI 'TSE BA NI CHOS SO ZHI BA DANG, RGA BA MED PA DANG, 'CHI BA MED PA DANG, NYAMS PA MED PA'I @28B GNAS DE NI TSANGS PA'O, ,DE GNYIS KYIS SMRAS PA, MKHAN PO SMRAS PA DE'I DON CI LAGS, BDEN PA ZHES BYA BA NI BDEN PA'I BSAM PAS RAB TU 'BYUNG BA'O, ,MI 'TSE BA ZHES BYA BA NI CHOS THAMS CAD MI 'TSE BA'I GZHI LAS BYUNG BA'O, ,ZHI BA DANG, RGA BA MED PA DANG; 'CHI BA MED PA DANG, NYAMS PA MED PA'I GNAS ZHES BYA BA DE DAG NI MYA NGAN LAS 'DAS PA'I RNAM GRANGS KYI TSIG DAG YIN NO, ,DE NI TSANGS PA'O ZHES BYA BA NI GAL TE RE ZHIG TSE 'DI NYID LA MYA NGAN LAS 'DAS PA SGRUB PAR BYED NA DE LTA NA LEGS, GAL TE SGRUB PAR MI BYED NA YANG TSANGS PA'I 'JIG RTEN DU NYE BAR 'GRO BAR 'GYUR TE, DE LTA NA YANG BRAM ZE DAG NI TSANGS PA'I 'JIG RTEN DU GZHOL BA DANG, TSANGS PA'I 'JIG RTEN DU 'BAB PA DANG, TSANGS PA'I 'JIG RTEN DU BAB PA YIN NO, ,TSANGS PA'I 'JIG RTEN YANG DE LTA BU YIN ZHING, TSANGS PA'I 'JIG RTEN YANG DE 'DRA BA YIN TE, TSANGS PA'I 'JIG RTEN DANG SKAL BA MNYAM PAR SGRUB PA NI MYA NGAN LAS 'DAS PA LA GZHOL BA YIN NO, ,MKHAN PO BDAG CAG RAB TU 'BYUNG BAR GNANG NA BA DAG CAG MKHAN PO'I SPYAN SNGAR TSANGS PAR SPYOD PA SPYAD PAR BGYI'O, , DES DE GNYIS RAB TU PHYUNG DO, ,GANG GI TSE STON PA YANG DAG RGYAL BA CAN GYIS BRAM ZE'I KHYE'U NYE RGYAL DANG PANG NAS SKYES GNYIS RAB TU PHYUNG BA DE'I TSE NA THAMS CAD DU STON PA YANG DAG RGYAL BA CAN GYIS BRAM ZE'I KHYE'U NYE RGYAL DANG PANG NAS SKYES GNYIS RAB TU PHYUNG NGO ZHES SGRA GRAGS SHING DE LA RNYED PA DANG BKUR STI MANG PO BYUNG BAR GYUR TO, ,DES BSAMS PA, SNGON YANG BDAG SHAn dI LA'I RIGS YIN LAD LTAR YANG BDAG SHAn dI LA'I RIGS YIN NAD LTAR BDAG LA RNYED PA DANG BKUR STI MANG PO BYUNG BAR GYUR PA'I SBYOR BA GANG YIN SNYAM MO, ,DES BSAMS PA; 'DI NI BDAG GI MTHU MA YIN TE, 'DI LTAR BRAM ZE'I KHYE'U 'DI GNYIS KYI MTHU YIN NO SNYAM NAS BRAM ZE'I KHYE'U LNGA BRGYA TSAM BRAM ZE'I GSANG TSIG DAG KLOG TU 'JUD PA NA DES GCIG LA NYIS BRGYA LNGA BCU GTAD CING CIG SHOS LA YANG NYIS BRGYA LNGA BCU GTAD DO, , @29A *, ,DUS GZHAN ZHIG NA STON PA YANG DAG RGYAL BA CAN NA BAR GYUR NAS NYE RGYAL GYIS PANG NAS SKYES LA SMRAS PA, PANG NAS SKYES CI KHYOD MKHAN PO'I GA-YOG BYED DAM 'ON TE SMAN TSOL BAR BYED, DES BSAMS PA, 'DI NI SHES RAB CAN YIN PAS 'DI NYID GA-YOG BYED DU BCUG LA BDAG GIS NI SMAN BTZAL BAR BYA'O SNYAM NAS DES SMRAS PA, KHYOD MKHAN PO'I GA-YOG BYOS SHIG DANG KHO BOS SMAN BTZAL LO, ,NYE RGYAL GYIS GA-YOG BYA BAR BRTZAMS NAS PANG NAS SKYES SMAN TSOL BAR BYED DO, ,DEL RTZA BA DANG, SDONG BU DANG, 'DAB MA DANG, ME TOG DANG, 'BRAS BU'I SMAN NGAG GIS BSNYEN BKUR BYAS KYANG NAD DE NYE BAR ZHI BAR MA GYUR CING NYAM DAMS NAS DES 'DZUM PA BSTAN PA DANG BRAM ZE'I KHYE'U NYE RGYAL GYIS SMRAS PA, ,MKHAN PO KHYOD LTA BU'I SKYES BU GTZO BO DAG NI RGYU MA MCHIS RKYEN MA MCHIS BAR 'DZUM PA MI MDZAD NA, MKHAN PO 'DZUM PA MDZAD PA'I RGYU NI GANG LAGS, RKYEN NI GANG LAGS, DES SMRAS PA, NYE RGYAL DE DE BZHIN NO, ,DE DE BZHIN TE, KHO BO LTA BU SKYES BU GTZO BO DAG NI RGYU MED RKYEN MED PAR 'DZUM PA MI STON TE, 'DI LTAR GSER GLING NA RGYAL PO GSER BDAG CES BYA BA DUS LA BAB PA DE'I CHUNG MA ME'I PHUNG POR MCHONGS PA NA DE LA KHO BO 'DI SNYAM DU SEMS TE, SEMS CAN 'DI DAG NI 'DOD PA'I RGYU DANG, 'DOD PA'I GZHI DANG, 'DOD PA'I GNAS KYI RGYUS 'DI LTAR SDUG BSNGAL NYAMS SU MYONG BAR BYED DO SNYAM MO, ,MKHAN PO DUS GANG GI TSE, DUS MANG GE MO ZHIG GI TSE'O, ,ZLA BA GANG LA, ZLA BA MANG GE MO ZHIG LA'O, ,NYI MA GANG LA, NYI MA MANG GE MO ZHIG LA'O, ,DES DRIS PA DE GLEGS BU LA BRIS TE BZHAG GO , ,DES SMRAS PA, MKHAN PO BDAG CAG CUNG ZAD RAB TU PYUNG BA GANG LAGS PA DE DAG THAMS CAD BDUD RTZI DON DU GNYER ZHING BDUD RTZI TSOL BA LAGS NA, GAL TE MKHAN POS BDUD RTZI CUNG ZAD BRNYES PA LTA NA, KYE MA MKHAN POS BDAG CAG LA YANG BDUD RTZI BGO BSHA' MDZAD DU GSOL, BU KHO BO YANG CUNG @29B ZAD RAB TU BYUNG BA DE THAMS CAD BDUD RTZI DON DU GNYER ZHING BDUD RTZI TSOL BA YIN NA KHO BOS BDUD RTZI CUNG ZAD KYANG MA RNYED DE, 'DI LTAR 'DI NYID KYI GSO SBYONG BCVA LNGA PA LA LHA DAG STENG GI NAM MKHA' LA RGYU BA RNAMS KYI SGRA THOS NAS GANGS KYI NGOS DANG NYE BA CHU KLUNG SKAL LDAN SHING RTA BA'I 'GRAM DRANG SRONG SER SKYA'I BSTI GNAS DANG HA CANG MI RING BAR SH'AKYA RNAMS KYI GZHON NU BYUNG STE, DE BRAM ZE LTAS BA DANG MTSAN MKHAN DAG GIS GZHON NU DE PHO BRANG GI NANG NA BZHUGS PAR GYUR NA 'KHOR LOS SGYUR BA'I RGYAL PO MTHA' BZHIR RGYAL BA, CHOS KYI RGYAL PO CHOS DANG LDAN PA, RIN PO CHE SNA BDUN DANG LDAN PAR 'GYUR TE, DE'I RIN PO CHE BDUN PO DE DAG NI 'DI LTA BUR 'GYUR TE, 'DI LTA STE 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, DMAG DPON RIN PO CHE NYID NI BDUN PA YIN NO, ,'DI LA BU DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA STONG TSANG BA YOD PAR 'GYUR RO, ,DE RGYA MTSO LA THUG PA'I SA CHEN PO MA LUS PA GNOD PAR SNGO BA MED CING 'TSE BA MED BA 'DI NYID CHAD PA MED CING MTSON GYIS BDA' BA MED LA, CHOS DANG MTHUN ZHING SNYOMS PAS LEGS PAR PHAB STE GNAS PAR 'GYUR RO, ,GAL TE SKRA DANG KHA SPU BREGS TE GOS DUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG NA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'JIG RTEN DU RNAM PAR GRAGS PA'I SGRA DANG LDAN PAR 'GYUR RO ZHES LUNG BSTAN TO ZHES ZER BA'I SGRA THOS KYIS, KHYED GNYIS DE'I BSTAN PA LA RAB TU BYUNG LA RIGS SMRA BAR MI BYA, RUS SMRA BAR MI BYA, BRAM ZE'I KHYE'UR SMRA BA MI BYA BAR RGYAGS PA DANG NGA RGYAL NGES PAR BCOM PA DAG GIS DE'I SPYAN SNGAR TSANGS PAR SPYAD PA SBYOD CIG DANG, DE LAS KHYED GNYIS KYIS BDUD RTZI CHEN PO THOB PAR 'GYUR RO ZHES SMRAS NAS, BSAGS PA KUN GYI MTHA' ZAD @30A *, ,CING; ,MTHON PO RNAMS NI MTHA' LTUNG 'GYUR, ,PHRAD BA'I MTHA' NI 'BRAL BA STE, ,GSON PA'I MTHA' NI 'CHI BA YIN, ,ZHES BYA BA YIN PAS DUS KYI CHOS DANG LDAN PAR GYUR TO, ,DE DE RNAMS KYI GOS SNGON PO DANG, SER PO DANG, DMAR PO DANG, DKAR PO DAG GI PHYOGS BRGYAN TE DUR KHROD DU BSKYAL NAS BSREGS TE, DE'I 'OG TU MYA NGAN BSANG BDAG BYAS NAS 'KHOD DO, ,GSER GLING NAS BRAM ZE'I KHYE'U RAL PA GSER 'DRA ZHES BYA BA ZHIG MTHAR GYIS RGYAL PO'I KHAB TU PHYIN NAS DE DE RNAMS KYI 'DUG GNAS SU ZHUGS PA DANG NYE RGYAL GYIS SMRAS PA, BRAM ZE'I KHYE'U KHYOD DE BAR GA LAS 'ONGS, DES SMRAS PA, GSER GLING NAS SO, ,BRAM ZE'I KHYE'U KHYOD KYIS GSER GLING NA NGO MTSAR DANG RMAD DU BYUNG BA'I CHOS CUNG ZAD CI MTHONG, DES SMRAS PA, BDAG GIS NGO MTSAR DANG RMAD DU BYUNG BA'I CHOS CHEN PO MA MTHONG STE, 'DI LTAR BDAG GIS GSER GLING NA NGO MTSAR DANG RMAD DU BYUNG BA'I CHOS CUNG ZAD CI MTHONG BDE NYON CIG ,GSER GLING NA RGYAL PO GSER BDAG CES BYA BA DUS LA BAB PA DE'I CHUNG MA ME'I PHUNG POR MCHONGS SO, ,DUS GANG GI TSE, DUS MANG GE MO ZHIG GI TSE'O, ,ZLA BA GANG LA, ZLA BA MANG GE MO ZHIG LA 'O, ,NYI MA GANG LA, NYI MA MANG GE MO ZHIG LA'O, ,DES DRIS PA GLEGS BU LA BRIS BA BLTAS NA JI TZAM NA THAMS CAD DE KHON BZHIN DU MTHONG NAS NYE RGYAL GYIS BANG NAS SKYES LA SMRAS PA, MKHAN POS SLOB DPON GYI DPE MKHYUD BYAS TE, DES SHIN TU BDUD RTZI RNYED NA BDAG CAG LA BDUD RTZI'I BGO BSHA' MA BYAS TE, 'DI LTAR LHA'I MIG GIS YUL GZHAN NA 'DUG PA'I GZUGS DAG MTHONG BA DANG, LHA'I RNA BAS SGRA YID DU 'ONG BDAG THOS PA LAS NA, DES BDUD RTZI MA RNYED DO ZHES BYA BA NI CHOS MED DO, ,PANG NAS SKYES KYIS BSAMS BA; NYE RGYAL 'DI NI SHES RAB CAN YIN PAS 'DIS KYANG BDUD RTZI RNYED NA BDAG LA MI RJOD PA DANG YIN PA DE LTA BU'I GNAS YOD PAR 'GYUR RO SNYAM NAS DES SMRAS PA, NYE RGYAL TSUR SHOG KHRIMS SU BYA BA BCAS, BDAG CAG GNYIS LAS GANG GIS DANG POR BDUD RTZI RNYED BA DES @30B PHAN TSUN BSNYAD PAR BYA'O ZHES DE GNYIS KYIS KHRIMS SU BYA BA DE LTA BU BCAS TE LDONGS RGYUR DONG NGO, ,GANG GI TSE BCOM LDAN 'DAS BYANG CHUB SEMS DPA' LO NYI SHU RTZA DGU PA ZHES KYANG 'DOD PA DAG LAM ROL TE RGAN PO DANG, NA BA DANG, SHI BA GZIGS PAS THUGS BYUNG NAS MTSAN MO NAM PHYED NA, NAGS SU GSHEGS NAS LO DRUG TU DKA' BA SPYAD DE DKA' BA BYED PA CI YANG MED PAR RIG NAS CI BDER DBUGS RDUB PAR MDZAD, CI BDER DBUGS 'BYIN PAR MDZAD CING 'BRAS CHAN DANG ZAN DRON LA SOGS PA ZHAL ZAS RGYA CHEN PO DAG KYANG GSOL BAR MDZAD, ZHUN MAR DANG, 'BRU MAR DAG GIS SKU DAG KYANG SKUD PAR MDZAD, CHU DRON POS KYANG SKU BSIL BAR MDZAD CING GRONG SDE 'DOD DU GSHEGS NAS GRONG PA'I BU MO DGA' MO DANG, DGA' STOBS MA GNYIS LAS LAN BCU DRUG BZLAS PA'I 'O MA SBRANG RTZI DANG BSRES PA GSOL TE, KLU'I RGYAL PO NAG POS MNGON PAR BSTOD PA NA RTZVA BKRA SHIS 'TSONG BA LAS RTZVA GSER GYI MDOG LTA BU DAG BZHES NAS BYANG CHUB KYI GZHIG LA BDER GSHEGS TE BYON NAS NYID KYIS RTZVA MA 'KHRUGS SHING KUN DU MA 'KHRUGS PA'I GDAN BSHAMS DAS SKYIL MO KRUNG BCAS TE SKU DRANG POR BSRANG NAS DRAN PA PHYOGS PAR BZHAG STE BZHUGS NAS, JI SRID ZAG MED MA THOB PA, ,DE SRID SKYIL KRUNG GZHIG MI BYA, ,ZHES THUGS BSKYED CING GSUNG BRJOD DE, DE YIS JI SRID ZAG MED PA, ,MA BRNYES SKYIL KRUNG 'JIG MI MDZAD, ,CES BYA BA DANG, GANG GI TSE BCOM LDAN 'DAS KYIS MTSAN MO'I GUNG THUN LA BDUD 'BYUNG PO DUNG PHYUR PHRAG GSUM DANG, BYE BA PHRAG DRUG GI 'KHOR DANG LDAN PA BYAMS PA'I STOBS KYIS MNGON PAR BTUL TE BLA NA MED PA'I MKHYEN PA THUGS SU CHUD NAS TSANGS BAS GSOL TE B'A R'A nA S'IR GSHEGS NAS LAN GSUM DU BZLAS TE RNAM PA BCU GNYIS SU CHOS DANG LDAN PA CHOS KYI 'KHOR LO BSKOR BA DE'I TSE LNGA PA DANG, NYE LNGA DAG DANG, GRONG PA'I KHYE'U MTHO BA MTHO BA LNGA BCU BTUL TE RAB TU BYUNG ZHING BSNYEN PAR RDZOGS PAR MDZAD NGO, ,RAS @31A *, ,PAL CAN GYI TSAL GSEB TU GSHEGS NAS BZANG SDE'I TSOGS DRUG BCU BDEN PA DAG LA BKOD DO, ,GRONG SDE 'DONG DU GSHEGS NAS GRONG PA'I BU MO DGA' MO DANG, DGA' STOBS MA GNYIS BDEN PA DAG LA BKOD DO, ,LTENG RGYAS SU GSHEGS NAS RAL PA CAN STONG RAB TU PHYUNG ZHING BSNYEN PAR RDZOGS PAR MDZAD DO, ,GA Y'A MGO'I MCHOD RTEN DU GSHEGS NAS DGE SLONG STONG PO DE DAG CHO 'PHRUL GSUM GYI GDAMS PA MDZAD NAS 'KHOR BA'I DGON PA LAS BSGRAL TE SHIN TU MTHAR THUG PA GRUB PA DANG BDE BA BLA NA MED PA'I MYA NGAN LAS 'DAS PA LA BKOD DO, ,LTANG BRANG GI TSAL GSEB TU GSHEGS NAS MA GA DH'A'I RGYAL PO BZO SBYANGS GZUGS CAN SNYING PO LHA BRGYAD KHRI DANG MA GA DH'A PA'I BRAM ZE DANG, KHYIM BDAG 'BUM PHRAG DU MA DANG LHAN CIG BDEN BDAG LA BZHAG GO ,RGYAL PO'I KHAB TU GSHEGS NAS 'OD MA'I TSAL BZHES TE, DE NA SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DKA'I GNAS NA BZHUGS SO, ,NYE RGYAL DANG PANG NAS SKYES GNYIS KYANG LJONGS RGYU ZHING DONG BAN RGYAL PO'I KHAB TU PHYIN PA DANG DE NA GRONG KHYER RGYAL PO'I KHAB CHEM ME CHEMS SE 'DUG PA MTHONG NAS, DE GNYIS KYIS BSAMS PA, RGYU GNYIS KYIS GRONG KHYER CHEN PO 'DI LTA BU CHEM ME CHEMS SER GYUR TE, PHA ROL GYI DMAG TSOGS KYIS 'JIGS PA DANG, DGE SBYONG NGAM BRAM ZE BSOD NAMS DANG DBANG CHE BAR GRAGS PA 'GA' ZHIG GNAS BA LAS 'GYUR RO SNYAM NAS, DE GNYIS KYI RGYU SKAR DAG LA BLTA BAR BRTZAMS NAS DE GNYIS KYIS BSAMS PA, RE ZHIG PHA ROL GYI DMAG TSOGS KYIS 'JIGS PA NI MED PAS SANG SHES PAR BYA'O SNYAM MO, ,DE GNYIS KYI KUN DU SPYOD PA NI GANG GI TSE DE GNYIS 'PHRAL RIS GSUM BYAS TE SPYOD YUL DU 'DONG BDE'I TSE NA SROG CHAGS 'BUM PHRAG DU MA DAG PHYI BZHIN PHYI BZHIN RJES SU 'BRANG BAR 'GYUR BA YIN NO, ,DE GNYIS PHYI DE NYIN PAR 'PHRAL RIS GSUM BYAS TE, SPYOD YUL DU DONG BA DANG DE'I NYIN PAR SEMS CAN GCIG KYANG PHYI @31B BZHIN PHYI BZHIN RJES SU MI 'BRANG NGO, ,DE GNYIS PHYIR BYUNG STE BLTAS NA, JI TZAM NA SEMS CAN GCIG KYANG PHYI BZHIN PHYI BZHIN RJES SU MI 'BRANG BAR MTHONG NAS DE GNYIS KYIS BSAMS PA, BDAG CAG GNYIS SNGON CHAD SPYOD YUL DU 'DONG BA DE'I TSE NA SROG CHAGS 'BUM PHRAG DU MA DAG PHYI BZHIN PHYI BZHIN RJES SU 'BRANG BAR GYUR NA, DA LTAR SEMS CAN GCIG KYANG PHYI BZHIN PHYI BZHIN RJES SU MI 'BRANG BA 'DI LA RGYU GANG YIN SNYAM MO, ,DE'I SKABS SU SANGS RGYAS BCOM LDAN 'DAS RNAMS LA NI MI MKHYEN PA DANG, MA GZIGS PA DANG, MA RIG PA DANG, RNAM PAR MI MKHYEN PA CUNG ZAD KYANG MI MNGA' BAS, SANGS RGYAS BCOM LDAN 'DAS 'TSO ZHING BZHUGS LA GSON ZHING GZHES PA THUGS RJE CHEN PO DANG LDAN PA, 'JIG RTEN LA PHAN PAR ZHUGS PA, SRUNG BA GCIG BU BA, NYAG GCIG DPA' BA, GNYIS PA MED PA, GNYIS SU MI GSUNG BA, ZHI GNAS DANG LHAG MTHONG GIS BZHUGS PA, RIG PA GSUM GSAL BAR MDZAD PA, BSLAB PA GSUM LA LEGS PAR BSLABS PA, DUL BA'I GNAS GSUM GYI GZHIL MKHAS PA, CHU BO BZHI LAS RGYAL BA RDZU 'PHRUL GYI RKANG PA BZHIS SPYOD PA'I GZHI LA LEGS PAR GNAS PA, BSDU BA'I DNGOS PO BZHI LA YUN RING PO NAS YONGS SU SBYANGS PA MDZAD PA, 'PHAGS PA'I BDEN PA BZHI STON PA, MI 'JIGS PA BZHIS BSNYENGS PA MI MNGA' BA YAN LAG LNGA SPANGS PA, 'GRO BA LNGA LAS YANG DAG PAR 'DAS PA, PHUNG PO LNGA BDAG MED PAR STON PA, YAN LAG DRUG DANG LDAN PA, PHA ROL DU PHYIN PA DRUG YONGS SU RDZOGS PA, RTAG TU GNAS PA DRUG GIS GNAS PA, DBANG PO DRUG GI SGO BSDAMS PA, YANG DAG PAR DGA' BAR BYA BA'I CHOS DRUG LA GOMS PAR MDZAD PA; BYANG CHUB KYI YAN LAG BDUN GYI ME TOG GIS PHYUG PA, 'PHAGS PA'I NOR BDUN STON PA, 'JIG RTEN GYI CHOS BRGYAD KYIS MA GOS PA, KUN NAS MNAR SEMS KYI DNGOS PO DGU LA MKHAS PA, LAM GYI YAN LAG BRGYAD STON PA, MTHAR GYIS GNAS PA'I SNYOMS @32A *, ,PAR 'JUG PA DGU LA MKHAS PA, STOBS BCU'I STOBS DANG LDAN PA, PHYOGS BCUR SNYAN PAS YANG DAG PAR RGYAS PA, BRGYA PHRAG BCUR DBANG SGYUR BA LAS KHYAD PAR DU 'PHAGS PA RNAMS KYI CHOS NYID NI NYIN LAN GSUM MTSAN LAN GSUM DU SANGS RGYAS KYI SPYAN GYIS 'JIG RTEN LA RNAM PAR GZIGS NAS, GANG NA NYAMS PAR GYUR, GANG NI 'PHEL BAR GYUR, GANG NI GNOD PAR GYUR, GANG NA NYAM NGA BAR GYUR, GANG NI MI BDE BAR GYUR, GANG NI GNOD PA DANG, NYAM NGA BA DANG, MI BDE BAR GYUR, GANG NI NGAN SONG LA GZHOL, GANG NI NGAN SONG LA 'BAB, GANG NI NGAN SONG LA BAB, NGAS GANG NI NGAN SONG GI LAM LAS BSLONG STE MTHO RIS DANG, THAR PA DANG 'BRAS BU LA GZHAG PAR BYA, 'DOD PA'I 'DAM DU BYING BA GANG GI LAG NAS NI DRANG BAR BYA, 'PHAGS PA'I NOR GYI DBYIG DANG BRAL PA GANG NI 'PHAGS PA'I NOR GYI DBANG PHYUG LA GZHAG PAR BYA, GANG GI SANGS RGYAS 'BYUNG BAS BRGYAN PA'I 'JIG RTEN NI 'BRAS BU DANG BCAS PAR BYA, GANG GI DGE BA'I RTZA BDAG MA BSKYED PA NI BSKYED PAR BYA, GANG GI DGE BA'I RTZA BA DAG BSKYED PA NI YONGS SU SMIN BAR BYA, YONGS SU SMIN PA GANG NI RNAM PAR GROL BAR BYA ZHES MKHYEN PA DANG GZIGS PA LA 'JUG GO , ,SMRAS PA, CHU SRIN GNAS KYI DUG CAN PA, ,DUS LAS 'DA' BAR 'GYUR SRID KYI, ,SANGS RGYAS GDUL LA BYAMS PA NI, ,DUS LAS 'DA' BAR MI 'GYUR RO, ,JI LTAR MA NI BU SDUG GCIG PU LA, ,RTOG CING DE SROG SRUNG BAR BYED PA LTAR, ,DE BZHIN GSHEGS PA'ANG GDUL BA'I SKYE BO LA, ,RTOG PAR MDZAD CING DE SROG SRUNG BAR MDZAD, ,KUN MKHYEN RGYUD LA MNGA' BA'I THUGS RJE YIS, ,BZHON MA GDUL BA'I BE'U TSOL MI SKYO STE, ,SRID DANG NGAN 'GROS NYAMS LA BYAMS PA NI, ,RAB NYAMS BE'U LA BYAMS PA'I BA BZHIN NO, ,DE LTAR BCOM LDAN 'DAS KYIS SANGS RGYAS KYI SBYAN GYIS 'JIG RTEN LA RNAM PAR GZIGS NA KUN DU RGYU NYE RGYAL DANG PANG NAS SKYES GNYIS RGYUD YONGS SU SMIN PA, SNGON GYI SANGS RGYAS @32B RNAMS LA BYA BA LHAG PAR BYAS PA, DGE BA'I RTZA BA'I TSOGS BSAGS PA YIN TE, DE GNYIS GDUL BA'I DUS NI 'BRAS YONGS SU SMIN PA MTSON GYIS BRTOL BA LA SDOD PA LTA BU YIN PAR GZIGS NAS, BCOM LDAN 'DAS 'DI SNYAM DU DGONGS TE, CI 'DI GNYIS RE ZHIG STON BAS GDUL BA YIN NAM, 'ON TE NYAN THOS KYIS GDUL BA YIN SNYAM DU DGONGS NA, NYAN THOS KYIS GDUL BA YIN PAR GZIGS SO, ,SGO GANG NAS 'JUG PAR 'GYUR, CI RDZU 'PHRUL GYIS GDUL BA YIN NAM, 'ON TE SBYOD LAM GYIS GDUL BA YIN SNYAM DU DGONGS NA, SPYOD LAM GYIS GDUL BA YIN PAR GZIGS SO, ,BCOM LDAN 'DAS NI GANG LA SPYOD LAM GYIS GDUL BA DE LA TSE DANG LDAN PA RTA THUL GTONG BAR MDZAD DE, 'DI LTAR DE'I SBYOD LAM GYIS NI LHA DANG MI'I YID SDUD PAR BYED PA YIN PA'I PHYIR RO, ,DE NAS BCOM LDAN 'DAS KYIS TSE DANG LDAN PA RTA THUL LA BKA' STZAL PA, RTA THUL KHYOD KYIS KUN DU RGYU NYE RGYAL DANG PANG NAS SKYES GNYIS LA SOMS SHIG ,TSE DANG LDAN PA RTA THUL GYIS CANG MI SMRA BAS BCOM LDAN 'DAS KYIS BKA' STZAL PA DANG DU BLANGS SO, ,DE NAS TSE DANG LDAN PA RTA THUL BCOM LDAN 'DAS KYIS BKA' LA LHAG PAR BYA BA BYED PA YIN PAS BCOM LDAN 'DAS KYIS BKA' STZAL PA LA MNGON PAR BSTOD PA DANG RJES SU YI RANG BA BYAS NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS KYI SPYAN SNGA NAS SONG NGO, ,DE NAS TSE DANG LDAN PA RTA THUL DE NYID KYI MTSAN MO 'DAS NAS SNGA DRO SHAM THABS BGOS LHUNG BZED DANG CHOS GOS THOGS TE, 'GRO BA DANG, LDOG PA DANG, CHUNG ZAD BLTA BA DANG, RNAM PAR BLTA BA DANG, BSKUM PA DANG, BRKYANG BA DANG, SNAM SBYANG DANG, CHOS GOS DANG LHUNG BZED THOGS PA MDZES PAS RGYAL PO'I KHAB TU BSOD SNYOMS LA ZHUGS SO, ,DE'I TSE NA KUN DU RGYU NYE RGYAL RGYAL PO'I KHAB TU BYA BA ZHIG GI PHYIR SPYOD YUL DU ZHUGS PAS TSE DANG LDAN PA RTA THUL 'GRO BA DANG, LDOG PA DANG, CHUNG ZAD BLTA @33A *, ,BA DANG, RNAM PAR BLTA BA DANG, BSKUM PA DANG, BRKYANG BA DANG, SNAM SBYAR DANG, CHOS GOS DANG LHUNG BZED THOGS PA MDZES PAS RGYAL PO'I KHAB NA BSOD SNYOMS LA RGYU BA THAG RING PO KHO NA NAS MTHONG NGO, ,MTHONG NAS KYANG 'DI SNYAM DU SEMS TE; RGYAL PO'I KHAB 'DIR RAB TU BYUNG BA JI SNYED CIG LHAGS SHING GNAS PA DAG LAS 'DI LTA STE, RAB TU BYUNG BA 'DI'I SPYOD LAM LTA BU NI BDAG GIS SNGAN CHAD 'GA' YANG MA MTHONG BAS BDAG DE'I GAN DU SONG STE, DGE SLONG KHYOD KYI STON PA NI GANG YIN, GANG GI PHYIR NI RAB TU BYUNG, SU'I CHOS LA NI DGA' ZHES DRI'O SNYAM DU RI GNAS LAM BO CHE RUB PA ZHIG NA 'GRO BA DANG LDOG PAS SHAS CHER SDOD CING 'DUG GO , ,DE NAS TSE DANG LDAN PA RTA THUL KUN DU RGYU NYE RGYAL GA LA BA DER SONG NGO, ,DE NAS KUN DU RGYU NYE RGYAL GYIS TSE DANG LDAN PA RTA THUL LA 'DI SKAD CES SMRAS SO, ,DGE SLONG KHYOD KYI STON BA NI GANG YIN, GANG GI PHYIR NI RAB TU BYUNG, SU'I CHOS LA NI DGA', TSE DANG LDAN PA SH'AKYA'I SRAS KYI DGE SBYONG GOO TA MA SH'AKYA'I RIGS LAS SKRA DANG KHA SPU BREGS NAS GOS NGUR SMRIG DAG BGOS TE YANG DAG PA KHO NAR DAD PAS KHYIM NAS KHYIM MED PAR RAB TU BYUNG BA ZHIG YOD DE, DE BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAS KHO BO'I STON PA NI BCOM LDAN 'DAS DE YIN NO, ,KHO BO DE'I PHYIR RAB TU BYUNG NGO, ,KHO BO DE'I CHOS LA DGA'O, DGE SLONG DE'I PHYIR CHOS STON CIG ,TSE DANG LDAN PA KHO BO NI NA GZHON PA DANG RAB TU BYUNG BA GSAR PAS DE'I PHYIR KHO BOS BCOM LDAN 'DAS DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DE'I BSTAN BRGYA CHER YANG DAG PAR RAB TU BSTAN PAR SLA BA MA YIN TE, 'DI LTAR DE'I DON BSTAN PAR BYA'O, ,DGE SLONG KHO BO LA NI DON DGOS KYI TSIG NI SHIN DU MANG POS KYANG CI BYA STE, KHYOD KYIS DON MANG YANG RUNG NYUNG YANG RUNG STON CIG ,DE NAS TSE DANG LDAN PA RTA THUL GYIS DE'I TSE TSEGS SU BCAD PA SMRAS PA, CHOS @33B RNAMS GANG DAG RGYU LAS BYUNG BA DANG, ,DE YI RGYU DANG DE 'GOG GANG YIN PA'ANG, ,DE BZHIN GSHEGS PA NYID KYIS BKA' STZAL TE, ,DE SKAD GSUNG BA'I TSUL CAN DGE SBYONG CHE, ,CHOS KYI RNAM GRANGS 'DI BSHAD PA NA KUN DU RGYU NYE RGYAL CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS KUN DU RGYU NYE RGYAL CHOS MTHONG BA DANG, CHOS THOS PA DANG, CHOS RIG PA DANG, CHOS KYI GTING SLEB BA DANG, SOM NYI LAS RGYAL BA DANG, THE TSOM LAS RGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PA'I BSTAN PA'I CHOS RNAMS LA MI 'JIGS PA THOB NAS STAN LAS LANGS TE BLA GOS PHRAG PA GCIG TU GZAR NAS TSE DANG LDAN PA RTA THUL GA LA BA DE LOGS SU THAL MO SBYAR BA BTUD DE DE'I TSE TSIGS SU BCAD PA SMRAS PA, SKYOB PA RNAMS KYI CHOS 'DI YIN, ,BSKAL MANG BYE BA KHRAG KHRIG TU, ,SNGAN CHAD MA MTHONG MA THOS PA, ,'CHI MED MYA NGAN MED PA YI, ,GO 'PHANG 'DI LA RJES SU RTOGS, ,TSE DANG LDAN PA BCOM LDAN 'DAS DE DA LTAR GA LA BZHUGS, TSE DANG LDAN BRGYAL PO'I KHAB 'OD MA'I TSAL BYA KA LAN DKA'I GNAS 'DI NYID NA'O, ,DE NAS KUN DU RGYU NYE RGYAL TSE DANG LDAN PA RTA THUL GYIS SMRAS PA LA MNGON PAR BSTOD PA DANG RJES SU YI RANG BA BYAS TE, TSE DANG LDAN PA RTA THUL GYI RKANG PA GNYIS LA MGO BOS PHYAG 'TSAL NAS, TSE DANG LDAN PA RTA THUL LA LAN GSUM BSKOR BA BYAS TE SONG NAS KUN DU RGYU PANG NAS SKYES GA LA BA DER SONG NGO, ,KUN DU RGYU PANG NAS SKYES KYIS KUN DU RGYU NYE RGYAL THAG RING PO KHO NA ? NAS MTHONG NGO, ,MTHONG NAS KYANG KUN DU RGYU NYE RGYAL LA 'DI SKAD CES SMRAS SO, ,TSE DANG LDAN PA KHYOD KYI DBANG PO RNAMS NI RNAM PAR DANG BZHIN GYI MDOG NI YONGS SU DAG ,BGAS PA'I MDOG NI SHIN DU DKAR NA KHYOD KYIS BDUD RTZI RNYED DAM, TSE DANG LDAN PA RNYED DO, ,TSE DANG LDAN PA DE'I PHYIR CHOS STON CIG ,DE NAS KUN DU RGYU NYE RGYAL GYIS DE'I TSE TSIGS SU BCAD PA SMRAS PA, CHOS RNAMS GANG DAG RGYU LAS BYUNG BA DANG, , @34A *, ,DE YI RGYU DANG DE 'GOG GANG YIN PA'ANG, ,DE BZHIN GSHEGS PA NYID KYIS BKA' STZAL TE, ,DE SKANG GSUNG BA'I TSUL CAN DGE SBYONG CHE, ,TSE DANG LDAN PA DA DUNG YANG LAN GCIG BRJOD CIG ,TSE DANG LDAN PA BRJOD PAR BYA'O, ,CHOS RNAMS GANG DAG RGYU LAS BYUNG BA DANG, ,DE YI RGYU DANG DE 'GOG GAR YIN PA'ANG, ,DE BZHIN GSHEGS PA NYID KYIS BKA' STZAL TE, ,DE SKAD GSUNG BA'I TSUL CAN DGE SBYONG CHE, ,CHOS KYI RNAM GRANGS 'DI BSHAD PA NA KUN DU RGYU PANG NAS SKYES CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS KUN DU RGYU PANG NAS SKYES CHOS MTHONG BA DANG, CHOS THOS PA DANG, CHOS RIG PA DANG, CHOS KYI GTING SLEB PA DANG, SOM NYI LAS RGAL BA DANG, THE TSOM LAS RGAL BA DANG, GZHAN GYI DRING MI 'JOG PA DANG, GZHAN GYIS MI BKRI BA DANG, STON PA'I BSTAN PA'I CHOS RNAMS LA MI 'JIGS PA THOB NAS STAN LAS SANGS TE BLA GOS PHRAG PA GCIG TU GZAR NAS KUN DU RGYU NYE RGYAL GA LA BA DE LOGS SU THAL MO SBYAR BA BTUD DE, DE'I TSE TSIGS SU BCAD PA SMRAS PA, SKYOB PA RNAMS KYI CHOS 'DI YIN, ,BSKAL MANG BYE BA KHRAG KHRIG TU, ,SNGAN CHAD MA MTHONG MA THOS PA, ,'CHI MED MYA NGAN MED PA YI, ,GO 'PHANG 'DI LA RJES SU RTOGS, ,TSE DANG LDAN PA BCOM LDAN 'DAS DE DA LTAR GA LA BZHUGS, TSE DANG LDAN PA RGYAL PO'I KHAB 'OD MA'I TSAL BYA KA LAN DA KA'I GNAS 'DI NYID NA'O, , TSE DANG LDAN PA TSUR SHOG BCOM LDAN 'DAS DE'I SPYAN SNGAR TSANGS PAR SPYOD PA SPYAD PAR BYA'O, ,TSE DANG LDAN PA DE'I PHYIR JE 'KHOR LA BLTA BAR BYA STE, BDAG CAG LTA BU'I MI GRAGS PA DANG LDAN PA SHES PAR GYUR PA DAG GIS 'KHOR LA BLTA BA NI LEGS PA YIN NO, ,DE NAS KUN DU RGYU NYE RGYAL DANG PANG NAS SKYES GNYIS KYIS BRAM ZE'I KHYE'U RNAMS LA SMRAS PA, BRAM ZE'I KHYE'U RNAMS SHES PAR GYIS SHIG ,KHO BO CAG GNYIS NI BCOM LDAN 'DAS KYI SPYAN SNGAR CHANGS PAR SPYAD PA SPYOD PAR BYED NA KHYED CAG JI LTAR BYED, MKHAN PO GNYIS BDAG CAG @34B CUNG ZAD CI 'TSAL BA GANG LAGS PA DE DAG THAMS CAD MKHAN PO GNYIS LAS BRTEN NAS 'TSAL BA LAGS NA, GAL TE MKHAN PO GNYIS BCOM LDAN 'DAS KYI SPYAN SNGAR TSANGS PAR SPYAD PA SPYOD NA BDAG CAG KYANG MKHAN PO GNYIS RAB TU BYUNG BA'I RJES SU RAB TU 'BYUNG BAR BGYI'O,, BRAM ZE'I KHYE'U RNAMS DA DE'I DUS LA BAB PAR SHES PAR GYIS SHIG ,DE NAS KUN DU RGYU NYE RGYAL DANG PANG NAS SKYES GNYIS 'KHOR NYIS BRGYA LNGA BCU LNGA BCU DANG 'OD MA'I TSAL BYA KA LAN DKA'I GNAS GA LA BDER DONG NGO, ,DE'I TSE NA TSE DANG LDAN BRTA ? THUL NYIN MO SPYOD PA'I PHYIR SHING LJON PA ZHIG GI DRUNG NA RTEN CING 'DUG GO , ,KUN DU RGYU NYE RGYAL DANG PANG NAS SKYES GNYIS KYIS TSE DANG LDAN PA RTA THUL THAG RING PO KHO NA NAS MTHONG NGO, ,MTHONG NAS KYANG NYE RGYAL GYIS PANG NAS SKYES LA SMRAS PA, PANG NAS SKYES CI JE BCOM LDAN 'DAS LA BSNYEN BKUR BYA'AM, 'ON TE GANG LAS CHOS THOS PA DE LA BYA, DES SMRAS PA, JE GANG LAS CHOS THOS PA DE LA BSNYEN BKUR BYA'O, ,DE GNYIS TSE DANG LDAN PA RTA THUL GA LA BA DER DONG STE PHYIN NAS TSE DANG LDAN PA RTA THUL GYI RKANG PA GNYIS LA MGO BOS PHYAG 'TSAL TE MTHA' GCIG TU 'KHOD DO, ,DE'I TSE NA BRAM ZE ZLA BA LA DGA' BA ZHIG ZLA BA LA BSNYEN BKUR BYED CING PHYAG 'TSAL LO, ,DE NAS BCOM LDAN 'DAS KYIS BYUNG BA 'DI LA TSIGS SU BCAD PA BKA' STZAL PA, RGAN PA DANG NI GZHON PA'ANG RUNG, ,GANG LAS CHOS NI RNAM SHES PA, ,DE LA GUS PAR PHYAG BYA STE, ,ZLAB TSES LA JI BZHIN NO, ,BRAM ZE ME LA DGA' BA ZHIG KYANG ME LA BSNYEN BKUR BYED CING PHYAG 'TSAL LO, ,DE NAS BCOM LDAN 'DAS KYIS BYUNG PA 'DI LA TSIGS SU BCAD PA SMRAS PA, RGAN PA DANG NI GZHON PA'ANG RUNG, ,GANG LAS CHOS NI RNAM SHES PA, ,DE LA GUS PAR PHYAG BYA STE, ,ME LA BRAM ZE GTZANG MA BZHIN,, ,,'DUL BA GZHI, BAM PO BZHI PA, DE NAS KUN DU RGYU NYE RGYAL DANG BANG NAS SKYES GNYIS TSE DANG LDAN PA RTA THUL GYI RKANG PA GNYIS LA MGO BOS PHYAG 'TSAL TE DONG NAS BCOM LDAN 'DAS GA LA BA DER DONG @35A *, ,NGO; ,DE'I TSE NA BCOM LDAN 'DAS DGE SLONG GI 'KHOR BRGYA PHRAG DU MA'I GUNG LA CHOS STON CING BZHUGS SO, ,BCOM LDAN 'DAS KYIS KUN DU RGYU NYE RGYAL DANG PANG NAS SKYES GNYIS THAG RING PO KHO NA NAS GZIGS SO, ,GZIGS NAS KYANG DGE SLONG RNAMS LA BKA' STZAL PA, DGE SLONG DAG KHYED KYIS GROGS YONGS SU SDUD PA, TSOGS YONGS SU 'DREN PA, TSOGS KYI MDUN NAS 'ONG BA 'DI LTA STE, NYE RGYAL DANG PANG NAS SKYES GNYIS MTHONG NGAM, BTZUN PA MTHONG NGO, ,'DI GNYIS NI NGA'I NYAN THOS ZUNG DANG, ZUNG GI MCHOG DANG, ZUNG BZANG POR 'GYUR TE, GCIG NI RDZU 'PHRUL DANG LDAN PA RNAMS KYI MCHOG TU 'GYUR LA, CIG SHOS NI SHES RAB DANG LDAN PA RNAMS KYI MCHOG TU 'GYUR RO, ,DE NAS DGE SLONG ZHIG GIS DE'I TSE TSIGS SU BCAD PA SMRAS PA, STON PA DGONGS YUL MTHA' YAS PA, SKYES BU'I DBANG PO MKHYEN MTHAR BYON, ,BCOM LDAN SRID PA'I MTHAR MDZAD PAS, ,GROGS PO NYE RGYAL PANG NAS SKYES, ,'OD MA'I TSAL DUM PHYIN PAR, ,DE LTAR MCHI BA GZIGS GYUR NAS, ,TSOGS MCHOG DBUS SU DE GNYIS NI, ,'DI GNYIS NGA YI NYAN THOS KYI, ,ZUNG MCHOG 'GYUR ZHES NGES BSTAN TE, ,GCIG NI RDZU 'PHRUL LDAN PA'I MCHOG ,CIG SHOS SHES RAB LDAN PA YI, ,MCHOG TU 'GYUR BAR LUNG BSTAN MDZAD, ,DE NAS KUN DU RGYU NYE RGYAL DANG PANG NAS SKYES GNYIS BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE, BCOM LDAN 'DAS LA 'DI SKAD CES GSOL TO, ,BTZUN PA BDAG CAG LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO GNANG NA, BDAG CAG BCOM LDAN 'DAS KYI SPYAN SNGAR TSANGS PAR SPYOD PA SPYAD PAR BGYI'O, ,BCOM LDAN 'DAS KYIS DE GNYIS LA DGE SLONG TSUR SHOG CES BYA BAS RAB TU MYUNG ZHING DGE SLONG DAG TSUR SHOG TSANGS PAR SPYAD PA SPYOD CIG CES BKA' STZAL PA DANG, DE DAG BCOM LDAN 'DAS KYI BKA'I MJUG KHO NAR SKRA BYI BA DANG SNAM SBYAR GYON PAR GYUR @35B TE; SKRA DANG KHA SPU ZHAG BDUN SKYES PA TZAM DANG, LAG PAN LHUNG BZED DANG, BYA MA BUM ? THOGS PA DANG, DGE SLONG BSNYEN PAR RDZOGS NAS LO BRGYA LON PA'I SPYOD LAM LTA BUR GNAS PAR GYUR TO, ,YANG SMRAS PA, DE BZHIN GSHEGS PAS TSUR SHOG BKA' STZAL PAS, ,SKRA BYI SNAM SBYAR GYON PA'I LUS LDAN ZHING, ,MOD LA DBANG PO RAB ZHIR GNAS GYUR TE, ,SANGS RGYAS DGONGS BAS LUS GZUGS BKAB PAR GYUR, ,DE NAS DGE SLONG RAB TU MANG PO DAG SNGA DRO SHAM THABS BGOS LHUNG BZED DANG CHOS GOS THOGS TE, RGYAL PO'I KHAB TU BSOD SNYOMS LA ZHUGS PA DANG, DE NA RGYAL PO'I KHAB KYI MI GANG DAG YANG DAG RGYAL BA CAN GYI MU STEGS CAN GYI GNAS RAB TU PHYUNG ZHING BSNYEN PAR RDZOGS NAS RING PO MA LON PAS YI MA RANGS SHING MNGON PAR MI DGA' BDE DAG GIS DGE SLONG DE DAND DE DAG MTHONG NAS CO 'DRI ZHING TSIGS SU BCAD PA SMRAS PA, SANGS RGYAS MA GA DH'A DAG GI, ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,DES DGE SLONG RNAMS SBA GONG ZHING MI DGA' BA DANG MI 'JIGS PA MED PAR GYUR TO, ,DE NAS DGE SLONG RAB TU MANG PO DAG RGYAL PO'I KHAB TU BSOD SNYOMS KYI PHYIR BRGYUS NAS ZAS KYI BYA BA BYAS TE PHYI DRO BSOD SNYOMS MI LEN PAS LHUNG BZED DANG CHOS GOS MKHOS SU PHAB NAS RKANG PA GNYIS BKRUS TE SDUG BSNGAL ZHING MI BDE PAS BCOM LDAN 'DAS GA LA BA DER DONG NAS PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS BCOM LDAN 'DAS LA DGE SLONG RAB TU MANG PO DAG GIS 'DI SKAD CES GSOL TO, ,BTZUN PA 'DI NA BDAG CAG DGE SLONG RAB TU MANG PO DAG SNGA DRO SHAM THABS 'TSAL, LHUNG BZED DANG CHOS GOS THOGS TE RGYAL PO'I KHAB TU BSOD SNYOMS LA ZHUGS PA DANG, DE NA RGYAL PO'I KHAB GYI MI GANG DAG YANG DAG RGYAL BA CAN GYI MU STEGS CAN GYI GNAS RAB TU PHYUNG ZHING BSNYEN PAR RDZOGS NAS RING PO MA LAGS PAS YI MA RANGS SHING MNGON PAR MI DGA' BDE ? DAG GIS DGE SLONG DE DANG DE DAG MTHONG NAS @36A *, ,CO 'DRI ZHING TSIGS SU BCAD PA, SANGS RGYAS MA GA DH'A ? DAG GI, ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,ZHES MCHI NAS DES BDAG CAG RNAMS SPA GONG ZHING MI DGA' BA DANG, MI 'JIGS PA MA MCHIS PAR GYUR TO, ,BCOM LDAN 'DAS KYIS BKA' STZAL BA, DGE SLONG DAG RGYAL PO'I KHAB KYI MI DE SKAD ZER BA RNAMS LA 'DI SKAD CES, 'DI LA DPA' CHEN BDE GSHEGS DAG ,DAM BA'I CHOS KYIS KHRID MDZAD DE, ,DE DAG CHOS KYIS KHRID MDZAD LA, , MKHAS PA SU ZHIG MI BZOD BYED, ,CES BRJOD NA RGYAL PO'I KHAB KYI MI DE SKAD ZER BA RNAMS KYI RLOM BA TZAM MAM SPOBS PA TZAM GANG YIN PA DE THAMS CAD KYI THAMS CAD DU MED PAR 'GYUR RO, ,DE NAS DGE SLONG RAB TU MANG PO DAG SNGA DRO SHAM THABS BGOS LHUNG BZED DANG CHOS GOS THOGS TE RGYAL PO'I KHAB TU BSOD SNYOMS LA ZHUGS PA DANG, DE NA RGYAL PO'I KHAB KYI MI GANG DAG YANG DAG RGYAL BA CAN GYI MU STEGS CAN GYI GNAS RAB TU PHYUNG ZHING BSNYEN PAR RDZOGS NAS RING PO MA LON PAS YI ? MA RANGS SHING MNGON PAR MI DGA' BA DE DAG GIS DGE SLONG DE DANG DE DAG MTHONG NAS CO 'DRI ZHING TSIGS SU BCAD PA SMRAS PA, SANGS RGYAS MA GA DH'A ? DAG GI, ,GRONG MCHOG RGYAL PO'I KHAB GSHEGS PAS, ,YANG DAG RGYAL BA'I KUN KHRID NA, ,PHYIN CHAD CI ZHIG BKRI BAR BYA, ,DE NAS DGE SLONG ZHIG GIS DE'I TSE TSIGS SU BCAD PA SMRAS PA, 'DI NA DPA' CHEN BDE GSHEGS DAG ,DAM PA'I CHOS KYIS KHRID MDZAD DE, ,DE DAG CHOS KYIS KHRID MDZAD LA, ,MKHAS PA SU ZHIG BZOD MI BYED, ,DE SKAD CES SMRAS PA DANG, RGYAL PO'I KHAB KYI MI DE SKAD ZER BA RNAMS KYI RLOM PA TZAM MAM SPOBS PA TZAM GANG YIN PA DE THAMS CAD KYI THAMS CAD DU MED PAR GYUR TO; ,JI TZAM DUS GZHAN ZHIG NA BRAM ZE GNAS LEN GYI BU DUS LA BAB CING DE'I CHUNG MA YANG DUS LA BAB, BRAM ZE SKAR RGYAL YANG DUS LA BAB, SH'A RI K'A YANG DUS LA BAB BO, ,BRAM ZE'I BU KHYE'U STOD RINGS KYANG LHO PHYOGS NAS 'JIG RTEN RGYANG 'PHEN BZUNG NAS GRONG NA LA DAR PHYIN PA DANG, @36B DE SGO BAS BZHIN GYI GZUGS LAS NGO SHES NAS SMRAS PA, SHES LDAN KHYOD STOD RINGS YIN NAM, KHO BO SKYE BO DAG GIS DE LTAR SHES SO, ,BRAM ZE GNAS LEN GYI BU DE GA RE, DUS LA BAB BO, ,DE'I CHUNG MA DE GA RE, DE YANG DUS LA BAB BO, ,BRAM ZE SKAR RGYAL GA RE, DE YANG DUS LA BAB BO, ,SH'A RI K'A GA RE, DE YANG DUS LA BAB BO, ,SH'A RI'I BU DE GA RE, RGYAL PO'I KHAB TU STON PA YANG DAG RGYAL BA CAN ZHES BYA BA BYUNG NAS RING PO MA LON PA DE'I GAN DU RAB TU BYUNG NGO, ,'DI LTA STE RE ZHIG RAB TU 'BYUNG BAR BYA BA DE NI BRAM ZES BYA BA YIN NO, ,DE MTHAR GYIS RGYAL PO'I KHAB TU PHYIN NAS DE DER SONG STE DRIS PA, STON PA YANG DAG RGYAL BA CAN GA RE, DUS LA BAB BO, ,DE'I MU STEGS KYI GNAS GA RE, THAMS CAD DGE SBYONG GOO TA MA'I DRUNG DU RAB TU BYUNG NGO, ,DGE SBYONG GOO TA MA NI 'KHOR LOS SGYUR BA'I RGYAL POR LUNG BSTAN PAS DE YANG DE'I MDUN NA 'DON DU 'GYUR BAS LEGS SO, ,DE NAS KUN DU RGYU SEN RINGS BCOM LDAN 'DAS GA LA BA DER SONG STE PHYIN NAS BCOM LDAN 'DAS DANG THABS CIG PHAN TSUN MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM SNA TSOGS BYAS TE PHYOGS GCIG TU 'DUG GO, ,PHYOGS GCIG TU 'DUG NAS BCOM LDAN 'DAS LA KUN DU RGYU SEN RINGS KYIS 'DI SKAD CES GSOL TO, ,KYE GOO TA MA BDAG NI THAMS CAD MI BZOD DO, ,MER 'JUG GI BU KHYOD KYIS BDAG THAMS CAD MI BZOD PAR LTA BA GANG YIN PA'I LTA BA DE YANG MI BZOD DO, ,KYE GOO TA MA BDAG NI THAMS CAD MI BZOD PAR LTA BA GANG YIN PA'I LTA BA DE YANG MI BZOD DO, ,MER 'JUG GI BU 'O NA KHYOD KYIS DE LTAR SHES SHING DE LTAR MTHONG NA LTA BA DE YANG SPONG BA DANG, 'DOR BA DANG, MED PAR 'GYUR LA, LTA BA GZHAN YANG MTSAMS MI SBYOR BA DANG, NYE BAR MI LEN PA DANG, MI 'BYUNG BAR 'GYUR RO, ,KYE GOO TA MA BDAG GIS DE LTAR SHES SHING DE LTAR MTHONG NA LTA BDE YANG SPONG BA DANG, 'DOR BA DANG, MED PAR 'GYUR LA, LTA BA GZHAN YANG MTSAMS MI SBYOR BA DANG, NYE BAR MI LEN PA DANG, MI 'BYUNG BAR 'GYUR RO, ,MER 'JUG GI BU KHYOD NI SKYE BO PHAL PO