01A #, ,[DD] 'DUL BA GZHI, BAM PO LNGA BCU LNGA PA, THUN MONG MA YIN PA GANG ZHE NA, DGE SLONG DAG SNGON BYUNG BA B'A R'A nA S'I'I GRONG KHYER DU RGYAL PO TSANGS SBYIN ZHES BYA BA RGYAL SRID BYED DU 'JUG STE 'BYOR PA DANG ZHES RGYAS PAR BYA STE, DE'I TSE SMAD 'TSONG MA BZANG MO ZHES BYA BA DANG, SKYES BU G-YON CAN PAD MA'I RTZA LAG CES BYA BA ZHIG GNAS SO, , DES DE LA DGA' MGUR SPYAD PA'I PHYIR GOS DANG, RGYAN RNAMS BSKUR BA DANG, DES GOS DANG RGYAN RNAMS BGOS NAS SONG BA LAS, SKYES PA GZHAN ZHIG KYANG DONG TSE LNGA BRGYA THOGS TE 'ONGS NAS, BZANG MO DGA' MGUR SPYAD KYIS TSUR SHOG CES SMRAS SO, ,DES BSAMS PA, GAL TE SONG NA NI DONG TSE LNGA BRGYA YANG MI 'THOB LA, KHYIM DU 'ONGS PA BOR TE GZHAN DU 'GRO BA 'DI NI GSOL KA MI YANG BAR YANG 'GYUR RO SNYAM NAS, DES BU MO MNGAG GZHUG MA LA SMRAS PA, SONG LA PAD MA'I RTZA LAG LA JO BO RE ZHIG [DD] @02A *, ,BA DAG GIS STA GON MA BGYIS KYIS SLAD KYIS MCHI'O ZHES ZER RO ZHES SMROS SHIG ,DE DE'I GAN DU SONG NAS SMRAS SO, ,SKYES PA DE YANG BYA BA MANG PO ZHIG PAS DGA' MGUR SPYAD NAS SROD NYID LA PHYIR SONG NGO, ,DES BSAMS PA, THUN MONG DU YOD PAS BDAG GIS DE'I SEMS KYANG BSRUNG NUS SO SNYAM NAS, DES YANG BU MO DE LA SMRAS PA, SONG LA PAD MA'I RTZA LAG LA JO BO STA GON BGYIS LAGS NA, SKYED MOS TSAL GANG DU MCHI SHIG CES MCHI'O ZHES SMROS SHIG ,DES DE'I DRUNG DU SONG NAS SMRAS PA DANG, DES SMRAS PA, KHYOD KYI JO MO SKAD CIG GIS NI STA GON BYAS, SKAD CIG GIS NI STA GON MA BYAS, BU MO DE YANG DE DANG RIGS MI 'PHROD PA ZHIG PAS DES SMRAS PA, RJE'I SRAS NGES STA GON MA BGYIS TE, 'ON KYANG KHYOD KYI GOS DANG RGYAN RNAMS KYIS SKYES PA GZHAN DANG LHAN CIG DGA' MGUR SPYAD DO, ,DE 'DOD CHAGS KYI KUN NAS DKRIS PA GANG YIN PA DE DANG NI BRAL, GNOD SEMS KYIS KUN NAS DKRIS PA NI SKYES PAR GYUR TE, DE MI BZOD PA SKYES NAS SMRAS PA, BU MO BZANG MO'I DRUNG DU SONG LA, PAD MA'I RTZA LAG NA RE SKYED MOS TSAL GA GE MO ZHIG TU SHOG SHIG CES ZER RO ZHES SMROS SHIG ,DES SONG NAS BZANG MO LA SMRAS PA DANG, DE NAS DE SKYED MOS TSAL DER SONG BA DANG, SKYES BU G-YON CAN PAD MA'I RTZA LAG GIS SMRAS PA, KHYOD KHO BO'I GOS DANG RGYAN GYIS GZHAN DANG LHAN CIG DGA' MGUR YONGS SU SPYAD PA JI GA RIGS SAM DES SMRAS PA, RJE'I SRAS 'DI NI BDAG GIS NONGS LAGS TE, 'ON KYANG BUD MED NI @02B RTAG PAR SKYON CAN LAGS KYIS BZOD PA MDZOD CIG ,DE NAS DES MI BZOD PA SKYES NAS, RAL GRI SHUBS NAS PHYUNG STE SROG DANG PHRAL LO, ,DE NAS BU MO DES JO MO BSAD DO JO MO BSAD DO ZHES KU CO'I SGRA CHEN PO BTON PA DE SKYE BO'I TSOGS CHEN POS THOS NAS BRGYUGS SO, ,DE TZAM NA SKYED MOS TSAL DE NA RANG SANGS RGYAS LEGS SMON ZHES BYA BA BSAM GTAN BYED DO, ,DE NAS SKYES BU G-YON CAN PAD MA'I RTZA LAG DE SKRAG PAS RAL GRI KHRAG CAN RANG SANGS RGYAS LEGS SMON GYI MDUN DU BOR NAS SKYE BO'I TSOGS CHEN PO DE NYID KYI NANG DU ZHUGS SO, ,SKYE BO'I TSOGS CHEN POS RAL GRI KHRAG CAN MTHONG NAS RAB TU BYUNG BA 'DIS NI BZANG MO'I SROG DANG PHRAL LO ZHES DE NAS RANG SANGS RGYAS DE KUN NAS BSKOR NAS MI BZOD PA BSKYED DE SMRAS PA, KYE RAB TU BYUNG BA DRANG SRONG GI RGYAL MTSAN BSREL NAS 'DI 'DRA BA'I LAS BYED DAM, DES SMRAS PA CI ZHIG BYAS, DE RNAMS KYIS SMRAS PA, KHYOD KYIS BZANG MO DANG LHAN CIG DGA' MGUR SPYAD NAS DE SROG DANG PHRAL LO, ,DES SMRAS PA, RNAS MI BZOD PA DE NGA NI LAS 'DI MI BYED DO, ,DES RNAS MI BZOD PA'I TSIG SMRAS KYANG, SKYE BO'I TSOGS CHEN PO DES LAG PA PHYING KE LOG TU DAM DU BCINGS NAS RGYAL PO LA PHUL TE, LHA RAB TU BYUNG BA 'DIS BZANG MO DANG LHAN CIG DGA' MGUR SPYAD NAS DES SROG DANG PHRAL LAGS SO, ,RGYAL PO DAG NI MI RTOG PA YIN PAS DES SMRAS PA, GAL TE DE LTA NA RAB TU BYUNG BA 'DI NGAS SPANGS KYIS DENG LA SOD CIG ,DE NAS DE'I MGUL PAR ME TOG KA RA B'I RA'I PHRENG BAS BTAGS NAS GSHED MA GOS SNGON PO GYON PA MTSON THOGS PA RNAMS KYIS YONGS SU BSKOR NAS LAM BO CHE DANG, TSOS DUS DANG, BZHI MDO DANG, SUM MDO RNAMS SU BSGRAGS TE, GRONG KHYER NAS SKYED MOS TSAL LOGS SU KHRID DO, ,DE NAS SKYES BU G-YON CAN PAD MA'I RTZA LAG GI BLO SKYES PA RAB TU BYUNG BA DKA' THUB CAN SKYON MED PA NYES PA MI BYED PA @03A *, ,'DI LA YANG DAG PA MA YIN PAS SKUR PA BTAB PAS DA 'DI GSAD PA LA THUG NA, BDAG GIS 'DI YAL BAR DOR BA NI BDAG GI CHA MA YIN NO SNYAM DU BSAMS NAS SLAR LOG STE, RGYAL PO'I DRUNG DU SONG NAS RKANG PA GNYIS LA GTUGS TE SMRAS PA; LHA RAB TU BYUNG BA 'DIS NI LAS 'DI MA BGYIS TE, SDIG PA'I LAS 'DI NI BDAG GIS BGYIS KYIS RAB TU BYUNG BA 'DI GTANG BAR GSOL, DGE SLONG DAG JI SNYAM DU SEMS, DE'I TSE DE'I DUS KYI SKYES BU G-YON CAN PAD MA'I RTZA LAG GANG YIN PA DE NI NGA NYID YIN TE, NGAS RANG SANGS RGYAS LA YANG DAG PAR MA YIN PAS SKUR PA BTAB PA GANG YIN PA DE'I LAS KYI RNAM PAR SMIN PAS NGA LO MANG PO DANG ZHES BYA BA NAS, SEMS CAN DMYAL BA RNAMS SU BTZOS SO ZHES BYA BA'I BAR GONG MA BZHIN DU'O, , LAS KYI LHAG MA DE KHO NAS DA LTAR NGA MNGON PAR RDZOGS PAR BYANG CHUB PA NA YANG BRAM ZE'I BU MO RTZVA MIS YANG DAG PA MA YIN PAS SKUR PA BTAB STE, 'DI NI THUN MONG MA YIN PA'O, ,BTZUN PA BCOM LDAN 'DAS KYIS PHRIN LAS CI ZHIG MDZAD NA, PHRIN LAS DE'I RNAM PAR SMIN PAS YUL DGRA MTHAR DGE SLONG GNYIS KYIS LNGA BRGYAR MA TSANG BA'I DGE SLONG RNAMS DANG THABS CIG NAS RUL GSOL LA, TSE DANG LDAN PA SH'A RI'I BU DANG, MOOD GAL GYI BU GNYIS NI LHA'I ZHAL ZAS LA LONGS SPYOD LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN RNAMS SU LAS RNAMS BYAS SHING BSAGS PA ZHES BYA BA NAS, 'BRAS BU DAG TU 'GYUR BA NYID CES BYA BA'I BAR GONG MA BZHIN DU'O, ,DGE SLONG DAG SNGON BYUNG BA SKYE DGU RNAMS KYI TSE LO BRGYAD KHRI THUB PA NA 'JIG RTEN DU STON PA RNAM PAR GZIGS ZHES BYA BA ZHIG BYUNG NAS ZHES BYA BA NAS, SANGS RGYAS BCOM LDAN 'DAS ZHES BYA BA'I BAR GONG MA BZHIN DU'O, ,DE 'KHOR DRUG KHRI DANG LJONGS RGYU ZHING GSHEGS PA NA, RGYAL PO'I PHO BRANG @03B BSHES LDAN DU BYON TO, ,BSHES LDAN DE'I BRAM ZE ZHIG BRAM ZE'I KHYE'U LNGA BRGYA LA BRAM ZE RNAMS KYI GSANG TSIG KLOG TU 'JUG GO, ,DES YANG DAG PAR RDZOGS PA'I SANGS RGYAS RNAM PAR GZIGS 'KHOR LNGA BRGYA DANG MTHONG NAS, DES BRAM ZE'I KHYE'U RNAMS LA SMRAS PA, SHES LDAN DAG DGE SBYONG MGO REG 'DI DAG LHA'I ZHAL ZAS LA LONGS SPYAD PA'I 'OS MA YIN GYI, NAS RUL PA ZA BA'I 'OS YIN NO, ,DE RNAMS KYIS KYANG RJES SU YI RANG BA BYAS TE, MKHAN PO DE MAD DE, DGE SBYONG MGO REG 'DI DAG NI LHA'I ZHAL ZAS LA LONGS SPYAD PA'I 'OS MA LAGS KYI NAS RUL PA 'TSAL BA'I 'OS LAGS SO, ,DE NA YANG BRAM ZE'I KHYE'U DKAR PO CAN GNYIS SHIG GIS SMRAS PA, MKHAN POS NI MA LEGS PA ZHIG GSUNGS TE, BDAG NYID CHEN PO 'DI DAG NI LHA'I ZHAL ZAS LA LONGS SPYOD PA'I 'OS LAGS SO, ,DGE SLONG DAG JI SNYAM DU SEMS, DE'I TSE DE'I DUS KYI BRAM ZE LNGA BRGYA CAN GANG YIN PA DE NI NGA NYID YIN TE, NGAS YANG DAG PAR RDZOGS PA'I SANGS RGYAS RNAM PAR GZIGS NYAN THOS KYI DGE 'DUN DANG BCAS PA LA NGAG GI LAS RTZUB MO PHYUNG BA GANG YIN PA DE'I LAS KYI RNAM PAR SMIN PAS NGA LO MANG PO DANG, LO BRGYA PHRAG MANG PO DANG, LO STONG PHRAG MANG PO DANG, LO BRGYA STONG PHRAG MANG POR NAS RUL PA ZOS SO, ,LAS KYI LHAG MA DE KHO NAS DA LTAR MNGON PAR RDZOGS PAR BYANG CHUB PA NA YANG DGRA MTHAR DGE SLONG GNYIS KYIS LNGA BRGYAR MA TSANG BA'I DGE SLONG RNAMS DANG THABS CIG NAS RUL PA LA LONGS SPYAD DO, ,BRAM ZE'I KHYE'U GNYIS PO GANG YIN PA DE NI DGE SLONG SH'A RI'I BU DANG, MOOD GAL GYI BU 'DI DAG NYID YIN NO, ,BTZUN PA BCOM LDAN 'DAS KYIS PHRIN LAS CI ZHIG MDZAD NA PHRIN LAS DE'I RNAM PAR SMIN PAS LO DRUG TU DKA' BA SPYAD PAR GYUR LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN RNAMS SU LAS RNAMS BYAS SHING BSAGS PA DAG NI ZHES BYA BA NAS, @04A *, ,'BRAS BU DAG TU 'GYUR BA NYID CES BYA BA'I BAR GONG MA BZHIN DU'O, ,DGE SLONG DAG SNGON BYUNG BA LJONGS KYI GRONG RDAL BEE BHI tING GI ZHES BYA BA 'BYOR PA DANG RGYAS PA, BDE BA DANG, LO LEGS PA, SKYE BO DANG, MI MANG POS RAB TU GANG BA ZHIG YOD DE, DGE SLONG DAG LJONGS KYI GRONG RDAL BEE BHI tING GI NA RDZA MKHAN DGA' SKYONG ZHES BYA BA SANGS RGYAS LA MNGON PAR DANG BA, CHOS DANG DGE 'DUN LA MNGON PAR DAD PA, SANGS RGYAS LA SKYABS SU SONG BA, CHOS DANG DGE 'DUN LA SKYABS SU SONG BA, SANGS RGYAS LA GCIG TU BYED PA, CHOS DANG DGE 'DUN LA GCIG TU BYED PA, SANGS RGYAS LA YID GNYIS DANG THE TSOM MED PA, CHOS DANG DGE 'DUN LA YID GNYIS DANG THE TSOM MED PA, SDUG BSNGAL DANG KUN 'BYUNG DANG, 'GOG PA DANG, LAM LA YID GNYIS DANG THE TSOM MED PA, BDEN PA MTHONG BA, 'BRAS BU THOB PA, LO MA DANG, GTUN SPANGS PA ZHIG BYUNG STE, DE GANG NA CHUS BRKOS PA'AM, BYI BRUN MA GTOGS PA RANG GI LAG GIS SA MI RKO ZHING RKOR MI 'JUG GO, ,DE NAS RANG GIS SA BLANGS NAS SROG CHAGS MED PA'I CHUS SPRUS TE SNONG RNAMS BYAS NAS MTHA' GCIG TU BZHAG STE, 'DI SKAD CES 'PHAGS PA'AM, BZHIN BZANGS DAG 'DIR TIL LAM, 'BRAS SAM, SRAN MUD GA TSAL TSOL DAG MTHA' GCIG TU ZHOG LA, KHYED CAG LAS GANG ZHIG SNONG GANG DGOS PA DE DE LONG LA DENG SHIG CES SMRAS NAS, DE NAS PHA MA LONG BA GNYIS GSO ZHING DUS DUS SU YANG DAG PAR RDZOGS PA'I SANGS RGYAS 'OD SRUNG LA BSOD SNYOMS 'BUL LO, ,BRAM ZE'I KHYE'U BLA MA'I GROGS PO DANG, SNYING DU SDUG PA DANG, NE'U ZLA YANG YIN NO, ,DGE SLONG DAG LJONGS KYI GRONG KHYER BEE BHI tING GI NA BRAM ZE SHING S'A LA CHEN PO LTA BU NA-YA GRO DHA ZHES BYA BA PHYUG CING NOR MANG LA LONGS SPYOD CHE BA ZHIG BYUNG STE, BEE BHI tING GI RGYAS PA, 'DU THANG DANG BCAS RTZVA SHING DANG 'BAB CHUR BCAS PA, RGYAL @04B PO KRi K'IS BRAM ZE'I SBYIN PAR BYIN PA LA YONGS SU LONGS SPYOD DO, ,BRAM ZE SHING S'A LA CHEN PO LTA BU NA-YA GRO DHA'I SLOB MA BRAM ZE'I KHYE'U BLA MA ZHES BYA BA PHA DANG MA'I RIGS DANG LDAN PA, MO PHYOGS NAS DAG PA, MES PO'I PHYOGS DANG, PHYI MO'I PHYOGS ZUNG BDUN RGYUD KYI BAR GYIS BZUNG STE, RIGS LA GTAM GYIS MA PHOG PA, KLOG TU 'JUG PA, GSANG TSIG 'DZIN PA, RIG BYED GSUM PO SGRA NGES PAR SBYAR BA DANG, SHES GSAL DANG BCAS PA'I YI GE RAB TU 'BYED PA DANG BCAS PA DANG, LNGA PA DE LTA BU BYUNG BA CAN RNAMS KYIS PHA ROL TU PHYIN CING LUNG STON PAR BYED PA, GZUGS BZANG BA, BLTA NA SDUG PA, MDZES PA ZHIG YOD DE, BRAM ZE SHING S'A LA CHEN PO LTA BU NA-YA GRO DHA'I BRAM ZE'I KHYE'U LNGA BRGYA TZAM LA BRAM ZE RNAMS KYI GSANG TSIG KLOG TU 'JUG GO, , RDZA MKHAN DGA' SKYONG GI GROGS PO DANG, SNYING DU SDUG PA DANG NE'U ZLA YANG YIN NO, ,DE NAS RDZA MKHAN DGA' SKYONG YANG DAG PAR RDZOGS PA'I SANGS RGYAS 'OD SRUNG GANG NA BA DER SONG STE PHYIN PA DANG, YANG DAG PAR RDZOGS PA'I SANGS RGYAS 'OD SRUNG GI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,PHYOGS GCIG TU 'DUG PA DANG, YANG DAG PAR RDZOGS PA'I SANGS RGYAS 'OD SRUNG GIS RDZA MKHAN DGA' SKYONG LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS RDZA MKHAN DGA' SKYONG YANG DAG PAR RDZOGS PA'I SANGS RGYAS 'OD SRUNG GIS GSUNGS PA LA MNGON PAR DGA' STE RJES SU YI RANGS NAS, BCOM LDAN 'DAS KYI ZHABS GNYIS LA MGO BOS PHYAG BYAS TE STAN @05A *, ,LAS LANGS NAS SONG NGO, ,DE'I TSE BRAM ZE'I KHYE'U BLA MA RTA RGOD MA DANG LDAN PA'I SHING RTA THAMS CAD NAS DKAR BA'I NANG DU ZHUGS TE, GSER GYI RIL BA DANG, DBYUG PA THOGS NAS BRAM ZE'I KHYE'U'I TSOGS KYIS YONGS SU BSKOR CING, BRAM ZE'I KHYE'U'I TSOGS KYIS MDUN DU BDAR NAS, BEE BHI tING GI PHYI ROL DU BRAM ZE RNAMS KLOG TU 'JUG PAR 'DOD NAS, BEE BHI tING GI NAS BYUNG BA DANG BRAM ZE'I KHYE'U BLA MAS RDZA MKHAN DGA' SKYONG THAG RING PO KHO NA NAS MTHONG NGO, ,MTHONG NAS KYANG 'DI SKAD CES SMRAS SO, , DES PA DGA' SKYONG KHYOD DA GZOD GA LAS 'ONGS, DES PA BLA MA KHO BO NI 'O NI NAS YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYED DU 'GROS DES PA BLA MA TSUR SHOG ,BDAG CAG YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYED DU 'DONG NGO, ,DES PA DGA' SKYONG YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYED PA THONG SHIG ,DGE SBYONG MGO REG DE LA BYANG CHUB GA LA YOD, BYANG CHUB NI MCHOG TU DKA' BA YIN NO, ,DES PA BLA MA DGE SBYONG MGO REG DE LA BYANG CHUB GA LA YOD, BYANG CHUB NI MCHOG TU DKA' BA'O ZHES DE SKAD MA SMRA ZHIG , ,'ON KYANG BCOM LDAN 'DAS DE NYID SANGS RGYAS YIN TE, 'DIS CHOS THAMS CAD SANGS RGYAS SO, ,DES PA BLA MA TSUR BDAG CAG YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYED DU 'DONG, BRAM ZE'I KHYE'U BLA MAS LAN GNYIS LAN GSUM DU YANG RDZA MKHAN DGA' SKYONG LA 'DI SKAD CES SMRAS SO, ,DES PA DGA' SKYONG THONG SHIG ,SANGS RGYAS 'OD SRUNG ZHES BYA BA NAS, BYANG CHUB NI MCHOG TU DKA' BA'O ZHES BYA BA'I BAR GONG MA BZHIN DU'O, ,RDZA MKHAN DGA' SKYONG GIS KYANG LAN GNYIS LAN GSUM DU BRAM ZE'I KHYE'U BLA MA LA 'DI SKAD CES SMRAS SO, ,DES PA BLA MA KHYOD DE SKAD MA SMRA BAR ZHES BYA BA NAS, BSNYEN BKUR BYED DU ZHES BYA BA'I BAR DU'O, ,DE NAS RDZA MKHAN DGA' SKYONG GIS @05B BRAM ZE'I KHYE'U BLA MA'I SHING RTA LA 'DZEGS NAS BRAM ZE'I KHYE'U BLA MA'I CO TO NAS BZUNG STE, 'DI SKAD CES SMRAS SO, ,DES PA BLA MA TSUR YANG DAG PAR RDZOGS PA'I SANGS RGYAS 'OD SRUNG LA BSNYEN BKUR BYED DU 'DONG, DE NAS BRAM ZE'I KHYE'U BLA MA 'DI SNYAM DU SEMS TE; AE MA'O SANGS RGYAS NI MCHOG MA YIN PA MA YIN ZHING CHOS BSTAN PA YANG MCHOG MA YIN PA MA YIN PAS DA LTAR RDZA MKHAN DGA' SKYONG YUN RING PO NAS GTUM PO MA YIN, GZU LUMS CAN MA YIN, BRLANG PO MA YIN BSRI BA MED PA MA YIN PA DES BDAG GI SKRA RNAMS BZUNG BAR GYUR TO SNYAM DU RIG NAS, RDZA MKHAN DGA' SKYONG LA 'DI SKAD CES SMRAS SO, ,DES PA DGA' SKYONG DE TZAM BYA BA LA THUG GAM, DES PA DE TZAM BYA BA LA THUG CES SO, ,DES PA DGA' SKYONG DE LTA NA THONG SHIG DANG YANG DAG PAR RDZOGS PA'I SANGS RGYAS 'OD SRUNG LA BA SNYEN BKUR BYED DU 'DONG NGO, ,DE NAS RDZA MKHAN DGA' SKYONG DANG BRAM ZE'I KHYE'U BLA MA SHING RTA GCIG GI NANG DU ZHUGS NAS YANG DAG PAR RDZOGS PA'I SANGS RGYAS 'OD SRUNG GANG NA BA DER DONG STE, DE GNYIS KYIS JI TZAM BZHON PA'I SA'I BAR DU BZHON PAS SONG NAS BZHON PA LAS BABS TE, RKANG PA KHO NAS KUN DGA' RA BA'I NANG DU ZHUGS TE, YANG DAG PAR RDZOGS PA'I SANGS RGYAS 'OD SRUNG GANG NA BA DER PHYIN PA DANG, DE NAS RDZA MKHAN DGA' SKYONG GIS YANG DAG PAR RDZOGS PA'I SANGS RGYAS 'ONG SRUNG GI ZHABS GNYIS LA MGO BOS PHYAG BYAS TE PHYOGS GCIG TU 'DUG GO, ,BRAM ZE'I KHYE'U BLA MAS NI BCOM LDAN 'DAS DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM RNAM PA SNA TSOGS BYAS TE PHYOGS GCIG TU 'DUG GO, , DE NAS RDZA MKHAN DGA' SKYONG GIS THAL MO SBYAR BA BTUD DE YANG DAG PAR RDZOGS PA'I SANGS RGYAS 'OD SRUNG GANG NA BA DE LOGS SU 'DI SKAD CES GSOL TO, ,BTZUN PA BRAM ZE'I KHYE'U BLA MA 'DI SANGS RGYAS LA MNGON PAR MA DAD CING CHOS DANG DGE 'DUN LA MNGON PAR MA DAD @06A *, ,LAGS NA, BCOM LDAN 'DAS KYIS JI LTAR BRAM ZE'I KHYE'U BLA MA 'DI SANGS RGYAS LA MNGON PAR DAD CING CHOS DANG DGE 'DUN LA MNGON PAR DAD PAR 'GYUR BA'I CHOS DE LTA BU LEGS PAR BSHAD DU GSOL, DE NAS YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS BRAM ZE'I KHYE'U BLA MAS RDZA MKHAN DGA' SKYONG LA 'DI SKAD CES SMRAS SO; ,DES PA DGA' SKYONG KHYOD CHOS 'DUL BA 'DI LTA BU THOS NA CI'I PHYIR DAD PA YANG DAG PA KHO NAS KHYIM NAS KHYIM MED PAR RAB TU MI 'BYUNG, DES PA BLA MA KHO BO 'DI LTAR PHA MA LONG BA GNYIS GSO BA DANG, YANG DAG PAR RDZOGS PA'I SANGS RGYAS 'OD SRUNG LA DUS DUS SU BSOD SNYOMS 'BUL BA KHYOD KYIS MI SHES SAM, DES PA BLA MA KHYOD RAB TU BYUNG SHIG , KHO BO NI RE ZHIG RAB TU MI 'BYUNG NGO, ,DE NAS YANG DAG PAR RDZOGS PA'I SANGS RGYAS 'OD SRUNG LA RDZA MKHAN DGA' SKYONG GIS 'DI SKAD CES GSOL TO, , BTZUN PA BRAM ZE'I KHYE'U BLA MA 'DI LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO 'THOB PA LTA NA, BCOM LDAN 'DAS KYIS THUGS BRTZE BA NYE BAR BZUNG STE, RAB TU 'BYUNG BA DANG BSNYEN PAR RDZOGS PAR MDZAD DU GSOL, BRAM ZE'I KHYE'U BLA MAS LEGS PAR GSUNGS PA'I CHOS 'DUL BA LA RAB TU 'BYUNG BA DANG BSNYEN PAR RDZOGS PA DGE SLONG GI DNGOS PO THOB PAR GYUR TO, ,DE NAS YANG DAG PAR RDZOGS PA'I SANGS RGYAS 'OD SRUNG GIS BRAM ZE'I KHYE'U BLA MA RAB TU PHYUNG ZHING BSNYEN PAR @06B RDZOGS PAR MDZAD NAS, BEE BHI tING GIR JI TZAM BZHED KYI BAR DU BZHUGS NAS B'A R'A nA S'I GANG NA BA DER RGYU ZHING GSHEGS TE RIM GYIS RGYU ZHING GSHEGS PA DANG B'A R'A nA S'IR BYON TO, ,RGYAL PO KRi K'IS YANG DAG PAR RDZOGS PA'I SANGS RGYAS 'OD SRUNG YUL KA SHI NAS LJONGS RGYU ZHING GSHEGS PA DANG B'A R'A nA S'IR GSHEGS TE, B'A R'A nA S'I'I DRANG SRONG SMRA BA RI DAGS KYI NAGS NA BZHUGS SO ZHES THOS SO, ,THOS NAS KYANG YANG DAG PAR RDZOGS PA'I SANGS RGYAS 'OD SRUNG GANG NA BA DER SONG STE, PHYIN PA DANG YANG DAG PAR RDZOGS PA'I SANGS RGYAS 'OD SRUNG GI ZHABS GNYIS LA MGO BOS PHYAG BYAS TE PHYOGS GCIG TU 'DUG GO , ,PHYOGS GCIG TU 'DUG PA DANG YANG DAG PAR RDZOGS PA'I SANGS RGYAS 'OD SRUNG GIS RGYAL PO KRi K'I LA CHOS DANG LDAN PA'I GTAM GYIS YANG DAG PAR STON PAR MDZAD, YANG DAG PAR 'DZIN DU 'JUG PAR MDZAD, YANG DAG PAR GZENGS STOD PAR MDZAD, YANG DAG PAR RAB TU DGA' BAR MDZAD DE, RNAM GRANGS DU MAR CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG , YANG DAG PAR GZENGS BSTOD; YANG DAG PAR RAB TU DGA' BAR MDZAD NAS CANG MI GSUNG NGO, ,DE NAS RGYAL PO KRi K'I STAN LAS LANGS TE BLA GOS PHRAG PA GCIG TU GZAR NAS PUS MO G-YAS PA'I LHA NGA SA LA BTZUGS TE, YANG DAG PAR RDZOGS PA'I SANGS RGYAS 'OD SRUNG GANG NA BA DE LOGS SU THAL MO SBYAR BA BTUD NAS YANG DAG PAR RDZOGS PA'I SANGS RGYAS 'OD SRUNG LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG LA SANG BDAG GIS GDUGS TSOD SBYOR ZHING MCHIS NA GNANG BAR MDZAD DU GSOL, YANG DAG PAR RDZOGS PA'I SANGS RGYAS 'OD SRUNG GIS RGYAL PO KRi K'I LA CANG MI GSUNG BAS GNANG NGO, ,DE NAS RGYAL PO KRi K'IS YANG DAG PAR RDZOGS PA'I SANGS RGYAS 'OD SRUNG CANG MI GSUNG BAS GNANG BAR RIG NAS, YANG DAG PAR RDZOGS PA'I SANGS RGYAS 'OD @07A *, ,SRUNG GI ZHABS GNYIS LA MGO BOS PHYAG BYAS TE STAN LAS LANGS NAS SONG NGO, ,DE NAS RGYAL PO KRi K'IS DE NYID KYI NUB MO NAS GTZANG ZHING BSOD PA'I BZA' BA DANG, BCA' BA RNAMS STA GON BYAS NAS NANG PAR SNGAR LANGS TE GDAN BSHAMS, NOR BU'I CHU SNOD BZHAG NAS YANG DAG PAR RDZOGS PA'I SANGS RGYAS 'OD SRUNG LA DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA BCOM LDAN 'DAS DA DE'I DUS LA BAB PAR DGONGS SU GSOL, DE NAS YANG DAG PAR RDZOGS PA'I SANGS RGYAS 'OD SRUNG SNGA DRO NA BZA' SHAM THABS MNABS LHUNG BZED DANG CHOS GOS BSNAMS TE, DGE SLONG GI TSOGS KYIS YONGS SU BSKOR CING, DGE SLONG GI DGE 'DUN GYIS MDUN DU BDAR TE, RGYAL PO KRi K'I'I BKAD SA GANG NA BA DER GSHEGS TE BYON NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO KRi K'ISA SANGS RGYAS LA SOGS PA DGE SLONG GI DGE 'DUN BDE BAR BZHUGS ZIN PAR RIG NAS GTZANG ZHING BSOD PA'I BZA' BA DANG, BCA' BA RNAMS KYIS RANG GI LAG NAS STOBS SHING TSIM PAR BYED DE, GTZANG ZHING BSOD PA'I BZA' BA DANG BCA' BA RNAMS KYIS RANG GI LAG NAS BSTABS SHING TSIM PAR BYAS TE, YANG DAG PAR RDZOGS PA'I SANGS RGYAS 'OD SRUNG GIS GSOL ZIN NAS PHYAG BCABS TE, LHUNG BZED GYU BAR RIG NAS STAN CHES DMA' BA ZHIG BLANGS TE, YANG DAG PAR RDZOGS PA'I SANGS RGYAS 'OD SRUNG GI SPYAN SNGAR GSOL BA BTAB PA BCOM LDAN 'DAS DGE SLONG GI DGE 'DUN DANG THABS CIG LA BDAG GIS DGUNG ZLA GSUM DU NA BZA' CHOS GOS DANG, BSOD SNYOMS DANG, GZIMS CHA DANG, SNYUN DPYAD KYI RKYEN SMAN GYI YO BYAD RNAMS 'BUL ZHING, BDAG GIS BCOM LDAN 'DAS KYI SLAD DU GTZUG LAG KHANG LNGA BRGYA TZAM BRTZIG CING KHRI DANG KHRI'U DANG, STAN NANG TSANGS CAN DANG, SNGAS NANG TSANGS CAN DANG, GOR BU LNGA BRGYA TZAM DBUL ZHING 'BRAS SBUBS SU @07B SMIN PA DE LTA BU 'DIS BCOM LDAN 'DAS DGE SLONG GI DGE 'DUN LA BSNYEN BKUR BGYID LAGS NA GNANG BAR MDZAD DU GSOL, RGYAL PO CHEN PO JI TZAM SEMS MNGON PAR DAD PAR BYAS PA DE TZAM GYIS BYAS ZIN GYIS CHOG GO , ,LAN GNYIS LAN GSUM DU YANG DAG PAR RDZOGS PA'I SANGS RGYAS 'OD SRUNG LA RGYAL PO KRi K'IS 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG LA ZHES BYA BA NAS, BDAG LA GNANG BAR MDZAD DU GSOL ZHES BYA BA'I BAR GONG MA BZHIN DU'O, ,LAN GNYIS LAN GSUM DU YANG YANG DAG PAR RDZOGS PA'I SANGS RGYAS 'OD SRUNG GIS RGYAL PO KRi K'I LA 'DI SKAD CES BKA' STZAL TO, ,RGYAL PO CHEN PO JI TZAM SEMS MNGON PAR DAD PAR BYAS PA DE TZAM GYIS BYAS ZIN GYIS CHOG GO , ,DE NAS YANG DAG PAR RDZOGS PA'I SANGS RGYAS 'OD SRUNG LA RGYAL PO KRi K'IS 'DI SKAD CES GSOL TO, ,BTZUN PA BCOM LDAN 'DAS LA BSNYEN BKUR BGYID PA, DPER NA DA LTAR GYI BDAG 'DRA BA GZHAN 'GA' LTA MCHIS LAGS SAM, RGYAL PO CHEN PO KHYOD NYID KYI YUL NA BEE BHI tING GI ZHES BYA BA'I GRONG YOD DE; DE NA RDZA MKHAN DGA' SKYONG ZHES BYA BA SANGS RGYAS LA MNGON PAR DAD PA ZHES BYA BA NAS GNAS SO ZHES BYA BA'I BAR GONG MA BZHIN DU'O, ,DES PHA MA LONG BA GNYIS GSO ZHING DUS DUS SU NGA LA YANG BSOD SNYOMS KYIS STOBS PAR BYED DE, RGYAL PO CHEN PO DUS GCIG CIG NA NGA BEE BHI tING GI'I LJONGS KYI GRONG RDAL NA NYE BAR BSTEN CING BZHUGS NAS SNGA DRO SHAM THABS MNABS TE LHUNG BZED DANG CHOS GOS BSNAMS NAS, BEE BHI tING GI LJONGS KYI GRONG RDAL DU BSOD SNYOMS LA ZHUGS TE, NGAS BEE BHI tING GIR BSOD SNYOMS SPYOD CING RDZA MKHAN DGA' SKYONG GI KHYIM GANG NA BA DER GSHEGS PA DANG, DE'I TSE RDZA MKHAN DGA' SKYONG DGOS PA ZHIG LA PHYI LOGS SU SONG NAS, NGAS RDZA MKHAN DGA' SKYONG GI SGO 'PHAR LA RIM GYIS DAL BU DAL BUS BRDUNGS PA LAS RDZA MKHAN DGA' SKYONG GI PHA DANG MAS SGO 'PHAR LA @08A *, ,BRDUNGS PA'I SGRA THOS SO, ,THOS NAS KYANG 'DI SKAD CES SMRAS SO, ,'PHAGS PA 'DI SU ZHIG BZHIN BZANGS 'DI SU ZHIG RDZA MKHAN DGA' SKYONG GI SGO 'PHAR LA RDUNG, DE GNYIS LANGS 'DI SKAD CES SMRAS TE, NGA NI YANG DAG PAR RDZOGS PA'I SANGS RGYAS 'OD SRUNG YIN TE BSOD SNYOMS BZHED DO, ,DE GNYIS KYIS 'DI SKAD CES SMRAS SO, ,'PHAGS PA NANG DU SBYON CIG ,BZHIN BZANGS NANG DU SBYON CIG , KHYOD LA RIM GRO BGYID PA NI SLAD ROL DU MCHIS KYIS PHRU BA NA ZAN DRON DANG RDZE'U NA SRAN TSOD MCHIS KYIS NYID KYIS BZHES TE LONGS SPYAD DU GSOL, RGYAL PO CHEN PO NGAS BYANG GI SGRA MI SNYAN GYI DUS BYIN GYIS BRLABS NAS PHRU BA NA ZAN DRON DANG, RJE'U NA SRAN TSOD YOD PA DE NYID KYIS BLANGS NAS LONGS SPYAD DO, ,DE NAS PHYI ZHIG NA RDZA MKHAN DGA' SKYONG 'ONGS NAS PHRU BA NA ZAN DRON DANG RDZE'U NA SRAN TSOD YOD PA ZOS PAR MTHONG NAS PHA MA LA 'DI SKAD CES SMRAS SO, ,YAB YUM PHRU BA NA ZAN DRON DANG RDZE'U'I SRAN TSOD SU ZHIG GIS 'TSAL LAGS, DE GNYIS KYIS 'DI SKAD CES SMRAS SO, ,DGA' SKYONG KHYOD 'DI NAS PHYIR BYUNG BA NA BDAG CAG GIS SGO 'PHAR LA RDUNG BA'I SGRA ZHIG THOS SO, ,THOS NAS 'DI SKAD CES SMRAS SO, ,'PHAGS PA 'DI SU ZHIG BZHIN BZANGS 'DI SU ZHIG SGO 'PHAR LA RDUNG, DES 'DI SKAD CES GSUNGS SO, ,DA NI YANG DAG PAR RDZOGS PA'I SANGS RGYAS 'OD SRUNG YIN TE BSOD SNYOMS BZHED DO, ,DE LA BDAG CAG GIS 'DI SKAD CES GSOL TO, ,'PHAGS PA NANG DU SPYON CIG , BZHIN BZANGS NANG DU SPYON CIG , KHYOD LA RIM GRO BGYID PA NI SLAD ROL DU MCHIS KYIS PHRU BA NA ZAN DRON DANG, RDZE'U NA SRAN TSOD MCHIS KYIS NYID KYIS BZHES LA LONGS SPYAD DU GSOL, DES DE DAG LONGS SPYAD PAR GYUR TO, ,DE NAS RDZA MKHAN DGA' SKYONG 'DI SNYAM DU SEMS TE, YANG DAG PAR RDZOGS PA'I SANGS RGYAS 'OD SRUNG GIS BDAG GI KHYIM DU SHIN TU BAG PHAB CING 'DRIS PAR GYUR PA @08B NI BDAG GIS RNYED PA LEGS PAR RNYED DO SNYAM NAS DGA' BA DANG RAB TU DGA' BAS SKYIL MO KRUNG BCAS TE ZHAG BDUN 'DAS PAR BYAS SO, ,ZLA BA PHYED KYI BAR DU YANG DE'I LHAN CIG LDAN PA'I DGA' BA LUS MI 'DOR ZHING DE RTAG TU LUS LA BAR CHAD MED PAR 'DUG GO , ,'DI LTAR SANGS RGYAS RNAMS KYI SANGS RGYAS KYI MTHU DANG, LHA RNAMS KYI LHA'I MTHUS ZHAG BDUN GYI BAR DU PHA DANG MA GNYIS KYI PHRU BA'I ZAN DRON DANG RDZE'U'I SRAN TSOD KYANG DE BZHIN DU 'DUG GO RGYAL PO CHEN PO DUS GCIG NA NGA BEE BHI tING GI LJONGS KYI GRONG RDAL DU NYE BAR BRTEN TE DBYAR GNAS PAR DAM BZHES PA DANG, NGA'I GTZUG LAG KHANG DU CHAR 'BEBS PA'I LHAS THOG MAR CHAR PHAB PAR GYUR TO, ,DE'I TSE RDZA MKHAN DGA' SKYONG GI LAS BYED PA'I KHANG PA RTZVA SAR PAS G-YOGS SO, ,NGA'I ZHABS 'BRING BYED PA DGE SLONG RNAMS LA BKA' STZAL PA, DGE SLONG DAG KHYED CAG DENG LA RDZA MKHAN DGA' SKYONG GI LAS BYED PA'I KHANG PA'I G-YOGS MAS NGA'I GTZUG LAG KHANG G-YOGS SHIG , BTZUN PA BKA' BZHIN 'TSAL ZHES DGE SLONG DE RNAMS KYIS NGA LAS MNYAN NAS, RDZA MKHAN DGA' SKYONG GI LAS BYED PA'I KHANG PA'I G-YOGS MA 'CHU BAR BYED PA NA, DE'I TSE RDZA MKHAN DGA' SKYONG DGOS PA 'GA' ZHIG LA PHYI ROL TU SONG NGO, ,RDZA MKHAN DGA' SKYONG GI PHA DANG MA GNYIS KYIS LAS BYED PA'I KHANG PA'I G-YOGS MA 'CHU BA'I SGRA THOS SO, ,THOS NAS KYANG 'DI SKAD CES SMRAS SO, ,'PHAGS PA 'DI SU ZHIG BZHIN BZANGS 'DI SU ZHIG LAS BYED PA'I KHANG PA'I G-YOGS MA 'CHU, DE RNAMS KYIS 'DI SKAD CES SMRAS SO, ,KHO BO CAG NI YANG DAG PAR RDZOGS PA'I SANGS RGYAS 'OD SRUNG GI ZHABS 'BRING BA'I DGE SLONG DAG YIN TE, YANG DAG PAR RDZOGS PA'I SANGS RGYAS 'OD SRUNG GI GTZUG LAG KHANG DU CHAR 'BEBS PA'I LHAS THOG MAR CHAR PHAB PAS KHO BO CAG GIS 'DI BSHUS TE DE G-YOGS SO, ,DE GNYIS KYIS 'DI SKAD CES SMRAS SO, ,KHYED LA RIM GRO BGYID PA NI SLAD ROL DU MCHIS KYIS, 'PHAGS PA DAG SNOMS SHIG , @09A *, ,BZHIN BZANGS DAG SNOMS SHIG , DE NAS DGE SLONG DE RNAMS KYIS LAS BYED PA'I KHANG PA BSHUS NAS NGA'I GTZUG LAG KHANG G-YOGS SO, ,DE NAS PHYI ZHIG NA RDZA MKHAN DGA' SKYONG 'ONGS NAS RDZA MKHAN DGA' SKYONG GIS LAS BYED PA'I KHANG PA'I G-YOGS MA BSHUS PA MTHONG NGO, ,MTHONG NAS KYANG PHA DANG MA LA 'DI SKAD CES SMRAS SO, ,YAB YUM LAS BYED PA'I KHANG PA 'DI SU ZHIG GIS BSHUS DE GNYIS KYIS 'DI SKAD CES SMRAS SO, ,'DI NAS KHYOD PHYI LOGS SU SONG BA NA BDAG CAG GIS LAS BYED PA'I KHANG PA'I G-YOGS MA 'CHU BA'I SGRA THOS SO, ,THOS NAS KYANG 'DI SKAD CES SMRAS SO, ,'PHAGS PA 'DI SU ZHIG BZHIN BZANGS 'DI SU ZHIG LAS BYED PA'I KHANG PA 'CHU, DE RNAMS KYIS 'DI SKAD CES SMRAS SO, ,KHO BO CAG NI YANG DAG PAR RDZOGS PA'I SANGS RGYAS 'OD SRUNG GI ZHABS 'BRING BA DGE SLONG DAG YIN TE, YANG DAG PAR RDZOGS PA'I SANGS RGYAS 'OD SRUNG GI GTZUG LAG KHANG DU CHAR 'BEBS PA'I LHAS THOG MAR CHAR PHAB PAS KHO BO CAG GIS 'DI BSHUS LA DE G-YOGS SO, ,DE RNAMS LA BDAG CAG GIS 'DI SKAD CES SMRAS SO; ,KHYED CAG LA RIM GRO BGYID PA NI SLAD ROL DU MCHIS KYIS 'PHAGS PA DAG SNOMS SHIG , BZHIN BZANGS DAG SNOMS SHIG , DE RNAMS KYIS LAS BYED PA'I KHANG PA DE BSHUS SO, ,DE NAS RDZA MKHAN DGA' SKYONG 'DI SNYAM DU SEMS TE, YANG DAG PAR RDZOGS PA'I SANGS RGYAS 'OD SRUNG GIS BDAG GI KHYIM DU SHIN TU BAG PHAB CING 'DRIS PAR GYUR PA NI BDAG GIS RNYED PA LEGS PAR RNYED DO ZHES BYA BA NAS ZHAG BDUN DU ZHES BYA BA'I BAR GONG MA BZHIN DU'O, ,'DI LTAR SANGS RGYAS RNAMS KYI SANGS RGYAS KYI MTHU DANG LHA RNAMS KYI LHA'I MTHUS RDZA MKHAN DGA' SKYONG GI PHA MA'I DBYAR GYI GNAS DER LAS BYED PA'I KHANG PAR CHAR PA THIGS PA GCIG KYANG MA BAB BO, ,RGYAL PO CHEN PO KHYOD NI YANG DAG PAR RDZOGS PA'I SANGS RGYAS 'OD SRUNG ZLA BA GSUM DU NA BZA' CHOS GOS DANG, BSOD SNYOMS DANG, @09B GZIMS CHA DANG, SNYUN DPYAD KYI RKYEN SMAN GYI YO BYAD RNAMS 'BUL NA MA GNANG NGO, ,ZHES KHYOD KYI SEMS GZHAN DU 'GYUR GYI, DGA' SKYONG NI LAS BYED PA'I KHANG PA'I G-YOGS MA BSHUS KYANG SEMS GZHAN DU MA GYUR TO, ,BTZUN PA RDZA MKHAN DGA' SKYONG GIS NI THOB PA LEGS PAR THOB LAGS TE, BCOM LDAN 'DAS KYIS DE'I SDUM PAR SHIN TU BAG PHAB CING 'DRIS PAR GYUR LAGS SO, ,DE NAS YANG DAG PAR RDZOGS PA'I SANGS RGYAS 'OD SRUNG GIS RGYAL PO KRi K'I'I SBYIN PA DE LA RJES SU YI RANG BA 'DIS RJES SU YI RANG BAR MDZAD DE, SBYIN SREG MCHOD SBYIN RNAMS KYI MCHOG ,BDE SBYOR MCHOG NI NYI MA'I LHA, ,MI YI MCHOG NI RGYAL PO STE, ,RGYA MTSO CHU BO RNAMS KYI MCHOG ,ZLA BA RGYU SKAR RNAMS KYI GTZO, ,NYI MA SNANG BYED RNAMS KYI GTZO, ,STENG DANG 'OG DANG THAD KAR YANG,, 'GRO BA'I 'GRO BA JI SNYED PA, ,LHA DANG BCAS PA'I 'JIG RTEN NA, ,SMRA BA'I MCHOG NI RDZOGS SANGS RGYAS, ,DE NAS YANG DAG PAR RDZOGS PA'I SANGS RGYAS 'OD SRUNG GIS RGYAL PO KRi K'I LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG , YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS BCOM LDAN 'DAS GSHEGS NAS RING PO MA LON PAR RGYAL PO KRi K'IS MI ZHIG LA SMRAS PA, KVA'I NANG RJE KHYOD SONG LA SBUBS SU SMIN PA'I 'BRAS KYIS SHING RTA LNGA BRGYA TZAM KHONG LA, RDZA MKHAN DGA' SKYONG GANG NA BA DER SONG STE PHYIN PA DANG, DE LA 'DI SKAD CES DES PA DGA' SKYONG RGYAL PO KRi K'IS KHYOD LA SBUBS SU SMIN PA'I 'BRAS KYIS BKANG BA'I SHING RTA LNGA BRGYA TZAM PO 'DI DAG BSKUR GYIS 'DIS KHYOD KYI PHA MA LONG BA GNYIS GSO BA DANG, YANG DAG PAR RDZOGS PA'I SANGS RGYAS 'OD SRUNG LA DUS DUS SU BSOD SNYOMS DBUL BA DANG, BDAG NYID KYANG LEGS PAR BDE BAS TSIM PAR BYOS SHIG ,LHA BKA' BZHIN 'TSAL ZHES MI DES RGYAL @10A *, ,PO KRi K'I LAS MNYAN NAS SBUBS SU SMIN PA'I 'BRAS KYIS SHING RTA LNGA BRGYA TZAM BKANG STE, RDZA MKHAN DGA' SKYONG GANG NA BA DER SONG NAS PHYIN PA DANG, RDZA MKHAN DGA' SKYONG LA 'DI SKAD CES SMRAS SO, ,DES PA DGA' SKYONG RGYAL PO KRi K'IS KHYOD LA SBUBS SU SMIN PA'I 'BRAS KYIS BKANG BA'I SHING RTA LNGA BRGYA TZAM PO 'DI DAG BSKUR GYIS, 'DIS KHYOD KYI PHA MA LONG BA GNYIS GSO BA DANG, YANG DAG PAR RDZOGS PA'I SANGS RGYAS 'OD SRUNG LA BSOD SNYOMS DBUL BA DANG, BDAG NYID KYANG LEGS PAR BDE BAS TSIM PAR BYOS SHIG CES GSUNG NGO, ,KYE NANG RJE RGYAL PO KRi K'I NI DGOS PA MANG ZHING BYA BA MANG BA YIN LA, BDAG NI DGOS PA NYUNG ZHING BYA BA NYUNG BA YIN NO ZHES SMRAS NAS MA BLANGS SO, ,DGE SLONG DAG JI SNYAM DU SEMS, DE'I TSE DE'I DUS KYI BRAM ZE'I KHYE'U BLA MA GANG YIN PA DE NI NGA NYID YIN TE, NGAS GANG ZAG LA SKUR GYI BYANG CHUB LA MA YIN PA GANG YIN PA DE'I LAS KYI RNAM PAR SMIN PAS BYANG CHUB KYI SNYING POR DKA' BA LO DRUG SPYAD DO, ,GAL TE NGAS BYANG CHUB LA BSKUR BAR GYUR NA, NGAS SLAR YANG BSKAL PA GRANGS MED PA GSUM DU BYANG CHUB KYI CHED DU BDAG NYID SHIN TU DUB PAR 'GYUR RO, ,BTZUN PA BCOM LDAN 'DAS KYIS PHRIN LAS CI ZHIG MDZAD NA, PHRIN LAS DE'I RNAM PAR SMIN PAS MNGON PAR RDZOGS PAR BYANG CHUB PA NA YANG BCOM LDAN 'DAS LA 'KHRU BA'I SNYUN GYIS THEBS LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN RNAMS SU LAS 'DI DAG BYAS SHING BSAGS PA ZHES BYA BA NAS, 'BRAS BU DAG TU 'GYUR BA NYID CES BYA BA'I BAR GONG MA BZHIN NO, , DGE SLONG DAG SNGON BYUNG BA RI 'OR ZHIG NA SMAN PA ZHIG YOD PA LAS DE NA KHYIM BDAG CIG GI BU NAD KYIS THEBS NAS, DES SMAN PA DE BKUG STE DRIS NAS DES DE LA SMAN BYIN PAS SOS PAR GYUR NA, KHYIM BDAG DES DE LA RNGAN PA MA BYIN NO, ,KHYIM BDAG GI BU DE LAN GSUM @10B GYI BAR DU NAD KYIS THEBS TE, SMAN PA DES LAN GSUM GYI BAR DU SOS PAR BYAS KYANG DES DE LA RNGAN PA MA BYIN NAS DE NAS SMAN PA DE KUN NAS DKRIS PA DRAG POS MI BZOD PAR GYUR NAS BSAMS PA, KHYIM BDAG GI BU 'DI BDAG GIS LAN GSUM GYI BAR DU DPYAD BYAS KYANG 'DIS CUNG ZAD KYANG LAN DU PHAN MA BTAGS KYIS, DA NI BRGYA LA NAD KYIS THEBS PAR GYUR DANG, DE LA SMAN MA YIN PA GANG ZHIG GIS DE'I NANG GROL RNAMS DUM BU DUM BUR 'DZAG PAR 'GYUR BA DE LTA BU SBYIN NO SNYAM PA LAS JI TZAM NA KHYIM BDAG DE'I BU MA BDE STE SLAR NA BAR GYUR PA DANG, SMAN PA DES MI BZOD PA SKYES PAS, DE LA SMAN MA YIN PA BYIN NAS DES NANG GROL RNAMS DUM BU DUM BUR ZAGS SO, ,DGE SLONG DAG JI SNYAM DU SEMS, DE'I TSE DE'I DUS KYI SMAN PA GANG YIN PA DE NI NGA NYID YIN TE, NGAS NGAN SEMS KYIS KHYIM BDAG GI BU LA SMAN MA YIN PA BYIN PAS DES NANG GROL RNAMS DUM BU DUM BUR ZAGS PA GANG YIN PA DE'I LAS DE'I RNAM PAR SMIN PAS LO MANG PO ZHES BYA BA NAS, SEMS CAN DMYAL BA RNAMS SU BTZOS SO ZHES BYA BA'I BAR GONG MA BZHIN DU'O, ,LAS DE'I LHAG MA DE KHO NAS DA LTAR MNGON PAR RDZOGS PAR BYANG CHUB BA NA YANG 'KHRU BA'I SNYUN GYIS THEBS SO, ,BTZUN PA BCOM LDAN 'DAS KYIS PHRIN LAS CI ZHIG MDZAD NA, PHRIN LAS DE'I RNAM PAR SMIN PAS SH'AKYA RNAMS BKUM PA NA, BCOM LDAN 'DAS KYI DBU SNYUN RAB TU DRAG POS THEBS PAR GYUR LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN RNAMS SU 'DI DAG BYAS SHING BSAGS PA ZHES BYA BA NAS, 'BRAS BU DAG TU 'GYUR BA NYID CES BYA BA'I BAR GONG MA BZHIN DU'O, ,DGE SLONG DAG SNGON BYUNG BA CHU BO GNYEN LDAN GYI 'GRAM NA NYA PA LNGA BRGYA RTEN CING GNAS TE, DE RNAMS KYIS NYA SHIN TU CHE BA GNYIS SHIG JI LTAR GNYEN LDAN GYI NANG DU ZHUGS TE NYAL BA ZIN PA DANG, DE DAG 'DI SNYAM DU SEMS TE, GAL TE 'DI GNYIS BSAD NA SHA LOM PAR MI 'GYUR ZHING RUL BAR @11A *, ,'GYUR RO SNYAM NAS DE RNAMS KYIS DE GNYIS PHUR PA LA BTAGS NAS BZHAG GO , ,GANG GI TSE LAN 'GA' ZHIG NYO BAR 'ONGS PA DE'I TSE BCAD CING BCAD CING SBYIN PAR BYED DO, ,DE GNYIS KYI LUS LA GCOD PA NA SDUG BSNGAL GYI TSOR BAS NYEN PAS RANG GI RIS MTHUN PA'I SKAD 'BYIN PAS 'BO SGRA 'DON PAR BYED DO, ,DE NA NYA PA'I KHYE'U GCIG CIG DE GNYIS KYI SHA GCOD PA NA YANG DANG YANG DU 'BO SGRA 'DON PA LA DGA' BAR GYUR TO, ,DGE SLONG DAG JI SNYAM DU SEMS, DE'I TSE DE'I DUS KYI NYA PA'I KHYE'U GANG YIN PA DE NI NGA YIN TE; NGAS NYA GSOD PAR BYED PA LA DGA' BA BSKYED PA GANG YIN PA DE'I LAS KYI RNAM PAR SMIN PAS NGA LO MANG PO ZHES BYA BA NAS, KLAD PA NA BAR GYUR TO ZHES BYA BA'I BAR GONG MA BZHIN DU'O, ,LAS KYI LHAG MA DE KHO NAS DA LTAR MNGON PAR RDZOGS PAR BYANG CHUB PA NA YANG SH'AKYA RNAMS BSAD PA NA KLANG NAD RAB TU DRAG POS THOBS PAR GYUR TO, ,BTZUN PA BCOM LDAN 'DAS KYIS PHRIN LAS CI ZHIG MDZAD NA, PHRIN LAS DE'I RNAM PAR SMIN PAS MNGON PAR RDZOGS PAR BYANG CHUB PA NA YANG BCOM LDAN 'DAS KYI SKU RGYAB BSER MA'I SNYUN GYIS THEBS PAR GYUR LAGS, BCOM LDAN 'DAS KYIS BKA' STZAL PA, DGE SLONG DAG DE BZHIN GSHEGS PA NYID KYIS SNGON GYI TSE RABS GZHAN RNAMS SU LAS 'DI DAG BYAS SHING BSAGS PAS ZHES BYA BA NAS, 'BRAS BU DAG TU 'GYUR BA NYID CES BYA BA'I BAR GONG MA BZHIN DU'O, ,DGE SLONG DAG SNGON BYUNG BA GYAD GCIG GIS YUL LJONGS KYI GYAD THAMS CAD BRDABS NAS RGYAL PO'I PHO BRANG DU PHYIN PA DANG, RGYAL PO'I PHO BRANG DE NA RGYAL PO'I GYAD STOBS DANG PHA ROL GNON PA THUB RLAG PA ZHIG YOD DE, DE DE DANG LHAN CIG RGYAL MTSAN GYI PHYIR STOBS 'GYED PA LA ZHUGS SO, ,GYAD DE DAG GI KUN TU SPYOD PA NI LAG PA NAS BZUNG BA KHO NAS GYAD KYIS GYAD SHES PA YIN PAS, DE NAS RGYAL PO'I GYAD DES YUL LJONGS KYI GYAD 'DI NI BDAG PAS STOBS CHE'O ZHES BYA BAR SHES NAS DES SMAS @11B PA; NE'U ZLA BDAG GI 'DI NI RIGS KYI RGYUD KYIS 'ONGS PA YIN GYIS, KHYOD BDAG NYID 'GYEL BAR BYOS SHIG DANG, BDAG LA NI GRAGS PAR ZAD LA RU MTSON NI KHYOD KYI YIN PAR 'GYUR RO, ,DES KHAS BLANGS PA DANG, DES DE MNAN TO, ,DES RU MTSON BLANG BAR BRTZAMS PA DANG, DES SMRAS PA, NE'U ZLA SGYU'AM MTHUS RGYAL BA DON DU GNYER BA YIN PA LAS KHYOD NGAS SGYUS BSLUS NA, CI'I PHYIR RU MTSON SBYIN BDAG NYID CHEN PO DE NGA RGYAL BCOM PA ZHIG PAS LAN GSUM GYI BAR DU GYAD DE DANG LHAN CIG 'GYED PAR ZHUGS PA NA YANG DE LA BSLU BAR BRTZAMS PA NA NE'U ZLA KHYOD LA RU MTSON GYIS CI ZHIG BYA BDAG GI SRING MO PHYUGS CHUNG MA KHYIM THAB LA MA SONG BA ZHIG YOD PA DE KHYOD LA SBYIN GYIS BDAG NYID 'GYEL BAR BYOS SHIG , BSLUS PA DE DE'I CHUNG MAS THOS NAS DES SMRAS PA, RJE'I SRAS SNGA MA'I GLENG GZHI DAG DGONGS SAM, DE NAS DE'I CHUNG MAS NGA RGYAL BSKYED NAS KUN NAS DKRIS PA DRAG POS DE BTEG STE, BRDABS PAS DE SGAL TSIGS CHAG NAS SHI'O, ,DGE SLONG DAG JI SNYAM DU SEMS, DE'I TSE DE'I DUS KYI YUL LJONGS KYI GYAD GANG YIN PA DE NI NGA NYID YIN TE, NGAS NGAN SEMS BSKYED NAS KUN NAS DKRIS PA DRAG POS RGYAL PO'I GYAD SGAL TSIGS BCAG PA GANG YIN PA DE'I LAS KYI RNAM PAR SMIN PAS NGA LO MANG PO DANG, LO BRGYA PHRAG MANG PO DANG, LO STONG PHRAG MANG PO DANG, LO BRGYA STONG PHRAG MANG PO RNAMS SU SEMS CAN DMYAL BA RNAMS SU BTZOS SO, ,LAS KYI LHAG MA DE KHO NAS DA LTAR MNGON PAR RDZOGS PAR BYANG CHUB PA NA YANG NGA'I SGAL TSIGS RLUNG NAD KYIS THEBS PAR GYUR TO, ,DGE SLONG DAG DE LTA BAS NA LAS GCIG TU GNAG PA RNAMS DANG ZHES BYA BA NAS BRTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O ZHES BYA BA'I BAR GONG MA BZHIN NO,, ,,'DUL BA GZHI, BAM PO LNGA BCU DRUG PA, THAMS CAD ZIL GNON THAMS CAD GZIGS, ,THUB PA 'JIG RTEN KUN LA SMAN, ,SRED PA THAMS CAD @12A *, ,ZAD PA BRNYES, ,SBYOR BA KUN GYI MTHAR PHYIN MDZAD, ,THAMS CAD MKHYEN CING THAMS CAD RIG ,THUB CHEN THAMS CAD MNGON PAR MKHYEN, ,'KHON DANG 'JIGS PA KUN LAS 'DAS, ,CHOS KUN GYI NI PHA ROL GSHEGS, ,BSAM PA KUN LA MKHAS PA PO, ,SRED PA THAMS CAD RAB TU BCOM, ,SEMS CAN KUN LA PHAN DGONGS PA, ,MDUD PA THAMS CAD RAB TU GROL, ,BAG LA NYAL KUN BCAD NAS NI, ,'CHING BA THAMS CAD YANG DAG BCAD, ,SEMS CAN KUN GYI MCHOG RAB STE, ` THUB PA CHOS RNAMS STON PAR MDZAD, ,SEMS CAN CHEN PO SHES RAB CHE, ,BRTZON 'GRUS CHEN PO GRAGS PA CHE, ,CHOS CHEN 'OD NI CHEN PO PA, ,CHOS CHEN DON GYI PHA ROL GSHEGS, ,KLU CHEN SENG GE CHEN PO PA, ,DGE SLONG CHEN PO DRANG SRONG CHE, ,SHES RAB CHEN PO'I RAL GRI MTSON, ,NYON MONGS CHEN PO RAB TU BCOM, ,STOBS DANG BRTZON 'GRUS RAB TU CHE, ,BRTAN PA CHEN PO PHA ROL GNON, ,BYANG CHUB CHEN PO BRNYES PA GANG, ,DGRA CHEN RNAMS LAS RNAM PAR RGYAL, ,NAD CHEN PO YI DPYAD MDZAD PAS,, BCOM LDAN SMAN PA CHEN PO LAGS, ,'DOD CHAGS CHEN PO ZIL GNON LA, ,SMAN CHEN PO NI STZOL BA PO, ,'KHOR BA CHEN PO'I BTZON RA NA, ,'CHING BA CHEN POS BCINGS RNAMS LA, ,THUGS RJE CHEN PO DANG LDAN PAS, ,'CHING BA KUN LAS GROL BAR MDZAD, ,SKYES BU CHEN PO LHA CHEN PO, ,TSOGS RNAMS KYI NI TSOGS CHEN LDAN, ,SBYIN PA'I MCHOG NI SBYIN CHEN PO, ,ZHI BA CHEN PO'I GO 'PHANG REG ,SEMS CAN MCHOG STE DRANG SRONG MCHOG ,DE BZHIN RNAM PAR 'DREN MCHOG BRNYES, ,NYAN THOS MCHOG NI PHUN SUM TSOGS, ,CHOS KYI MCHOG NI RAB STON PA, ,SHIN TU MNYAM PAR BZHAG PA'I MCHOG ,YON GNAS RNAMS KYI MCHOG TU 'OS, ,RNAM PAR GROL BA RNAMS KYI MCHOG ,MTSAN NI MCHOG RAB KUN DANG LDAN, ,BCOM LDAN SRID LAS @12B RAB TU GROL, ,SRID PA'I DGA' BA LAS 'PHAGS PA, ,SRID PA'I 'DOD CHAGS KUN NAS BCAD, ,SRID PA'I SRED PA RAB TU BCOM, ,CHOS CHEN PO NI BSGOMS PAS NA, ,'JIGS DANG 'JIGS SU RUNG BA SPANGS, ,KLU YI RGYAL PO RNAMS KYI GNAS, , MA DROS PA YI MTSO CHEN DU, ,THAMS CAD BYA BA BYAS PA YI, ,NYAN THOS RNAMS KYI MDUN BYAS TE, ,LNGA BRGYA RNAMS DANG THABS CIG TU, ,RDZU 'PHRUL GYIS NI MKHA' LAS GSHEGS, ,CHU BO DE YI 'GRAM DAG TU, ,SMRA BA'I MCHOG NI BZHUGS NAS NI,, RJES SU BRTZE BA THUGS RJE CAN, ,LUS CAN KUN LA PHAN MDZAD PAS, ,MTSO LA GZIGS NAS DGE SLONG LA, ,'DI SKAD CES NI BKA' STZAL TO, ,NGAS NI SDIG PA GANG BYAS DANG, ,NGA YI TSIG 'DI MNYAN PAR GYIS, ,NGAS NI SNGON GYI TSE RABS SU, ,G-YON CAN PAD MA'I RTZA LAG GYUR, ,RANG SANGS RGYAS NI LEGS SMON TE, ,SKYON MED LA NI SKUR BTAB NAS, ,SKYE BO'I TSOGS CHEN LHAGS NAS SU, ,THUB PA CHOS KYI YON TAN DGA', ,BCING BA DAM POS DE BCINGS NAS, ,GRONG KHYER NAS NI PHYUNG BA DANG, ,DGE SBYONG BCING BAS DAM BCINGS PAS, ,SDUG BSNGAL GYUR DE NGA YIS MTHONG, ,DE LA SNYING RJE BSKYED NAS KYANG, ,NGA NYID KYIS NI THAR BAR BYAS, ,LAS KYI RNAM PAR SMIN PA DES, ,DMYAL BA RNAMS SU YUN RINGS 'PHANGS, ,SLAR YANG MIR NI 'ONGS PA NA, ,NGAS NI SKUR PA THOB PAR GYUR, ,DE NAS LAS KYI LHAG MAS KYANG, ,NGA YI YANG SRID THA MA LA, ,MU STEGS RNAMS KYIS MDZES MA'I PHYIR, ,YANG DAG MA YIN SKUR PA BTAB, ,NGA SNGON BRAM ZER GYUR PA NA, ,GSANG TSIG 'DZIN CING MANG THOS PA, ,BRAM ZE LNGA BRGYA RNAMS LA NI, ,TSAL NA GSANG TSIG BRJOD PA'I TSE, ,MNGON SHES LNGA LDAN RDZU 'PHRUL CHE, ,BYIN CAN DRANG SRONG DER 'ONGS PA, ,BKUR STI BYED PA NGAS MTHONG NAS, ,SKYON MED LA NI SKUR PA BTAB, ,DRANG SRONG 'DI NI 'DOD SPYOD CES, ,NGAS NI BRAM ZE'I KHYE'U LA @13A *, ,SMRAS; ,BRAM ZE'I KHYE'U RNAMS NGA YI TSIG ,THOS NAS RJES SU YI RANG ZHING, ,DE NAS BRAM ZE'I KHYE'U RNAMS KYIS, ,KHYIM DANG KHYIM DU SLONG BA NA, ,DRANG SRONG 'DI NI 'DOD SPYOD CES, ,SKYE BO MANG PO DAG LA SMRAS, ,LAS KYI RNAM PAR SMIN PA NGES; ,DGE SLONG LNGA BRGYA DAG DANG YANG, ,MDZES MA KHO NA'I RGYU LAS NI, ,SKUR PA DAG NI THOB PAR GYUR, ,SANGS RGYAS THAMS CAD ZIL NON GYIS, ,NYAN THOS GYUR PA GNAS 'JOG BU, ,DE TSE DGE SBYONG DE LA NI, ,NGAS NI MI BDEN SKUR PA BTAB, ,SDIG PA'I LAS DE BYAS PAS NA, ,MI BZAD NGAN 'GROR SONG NAS NI, ,SEMS CAN DMYAL BA RNAMS SU SKYES, ,SDUG BSNGAL TSOR BA NYAMS SU MYONG, ,DE NAS LAS KYI LHAG MAS NI, ,NGA LA BRAM ZE RTZA MIS 'DIR, ,SKYE BO'I TSOGS NI 'DUS PA NA, ,YANG DAG MA YIN SKUR PA BTAB, ,NOR GYI PHYIR NI SKYON MED PAR, ,NGAS NI G-YAS KHYIM NU BO NI, ,RI YI GSEB TU BCUG NAS SU, ,NGAS NI RDO BA DAG GIS BSNUN, ,LAS KYI RNAM PAR SMIN PA DES, ,DMYAL BA DAG TU YUN RINGS 'PHANGS, ,RAB TU TSA DANG THIG NAG GI , , SDUG BSNGAL TSOR BA MYONG BAR GYUR, ,DE NAS LAS KYI LHAG MAS NI, ,LHA SBYIN GYIS NI RDO 'PHANGS TE, ,NGA YI ZHABS KYI MTHE BO NI, ,RDO BA'I DUM BUS RMA YANG PHYUNG, ,RGYA MTSO YI NI GRU BO CHES, ,RGYA MTSO LA NI 'GRO BA NA, ,GRU NA 'DUG PA'I TSONG PA NI, ,MDUNG THUNG RNON POS BSAD PAR GYUR, ,LAS KYI RNAM PAR SMIN PA DES, ,DMYAL BA RNAMS SU YUN RINGS 'PHANGS, ,DE YI LAS KYI LHAG MAS NGA'I, ,ZHABS LA TSAL PAS ZUG PAR GYUR, ,SNGON NI NYA PA'I GRONG KHYER GYI, ,NYA PA'I BUR NI GYUR PA NA, ,NYA RNAMS GSOD PAR BYED PA DANG, ,YID DGA' BA NI SKYES PAR GYUR, ,LAS KYI RNAM PAR SMIN PA DES, ,NGA NI DMYAL BAR YUN RINGS 'PHANGS, ,RAB TU TSA DANG THIG NAG DANG, ,SDUG BSNGAL MANG PO MYONG BAR GYUR, ,DE NAS LAS KYI LHAG MAS NI, ,GANG GI TSE NA 'PHAGS @13B SKYES POS, ,SH'AKYA RNAMS NI GSOD PA NA, ,KLAD PA MI BZAD NAD KYIS THEBS, ,RNAM PAR GZIGS KYI GSUNG RAB KYI, ,NYAN THOS YONGS SU SMAD BYAS TE, ,KHYED NI NAS DAG ZA BAR 'OS, ,KHYED LA 'BRAS NI MI RIGS ZHES, ,NGAG GIS NYES PAR SPYAD PA DANG, ,LAS KYI RNAM PAR SMIN PA DES, ,DMYAL BA THIG NAG RNAMS SU NI, ,SDUG BSNGAL MANG PO NYAMS SU MYONG, ,DE NAS LAS KYI LHAG MAS NI, ,DGRA MTHAR DBYAR NI GNAS BCAS TE, ,BRAM ZE YIS NI SPYAN DRANGS TSE, ,ZLA BA GSUM DU NAS DAG ZOS, ,NGA NI SMAN PAR GYUR PA NA, ,TSONG DPON BU PHO 'KHRUR 'JUG TSE, ,NAD KYIS SDUG BSNGAL GYUR PA LA, ,SMAN MA YIN PA NGAS BYIN NO, ,LAS KYI RNAM PAR SMIN PA DES, ,SDUG BSNGAL MANG PO NYAMS SU MYONG, ,DE NAS LAS KYI LHAG MAS NI, , DE 'DRA'I 'KHRU BA'I NAD KYIS THEBS, ,SNGON GYI TSE RABS GZHAN RNAMS SU, ,NGA NI MTHU CAN GYAD GYUR TSE, ,STOBS DAG 'GYED PAR BYED PA NA, ,NGAS NI GYAD KYI BU ZHIG BSAD, ,LAS KYI RNAM PAR SMIN PA DES, ,SDUG BSNGAL MANG PO NYAMS SU MYONG, ,DE NAS LAS KYI LHAG MAS NI, ,'DI NA NGA YI RGYAB BSNYUNG NGO, ,SNGON NI NGAN SPONG BUR GYUR PA, ,DGA' SKYONG LA NI SMRAS PA NI, ,MGO REG NGAS MTHONG CI ZHIG BYA, ,'DI LA BYANG CHUB YOD MA YIN, ,NGAG GIS NYES PAR SPYOD PA DANG, ,LAS KYI RNAM PAR SMIN PA DES, , 'DIR YANG MIR NI 'ONGS PA NA, ,KHYIM MED PAR NI RAB BYUNG NAS, ,BYANG CHUB MCHOG NI 'DOD PA'I PHYIR, ,LTENG RGYAS 'GRAM DU LO DRUG TU, ,MCHOG TU DKA' BA SPYAD PA NGAS, ,SDUG BSNGAL MANG PO NYAMS SU MYONG, ,SEMS CAN KUN GYI RAB MCHOG GIS, , CHOS KYI DAM PA THUGS CHUD NAS, ,SDIG PA'I LAS NI GANG MDZAD PA, ,TSOGS KYI MCHOG LA BKA' STZAL TO, ,THAMS CAD ZIL GNON STOBS BRNYES KYIS, ,DGE SLONG DGE 'DUN GUNG BZHUGS NAS, ,MA DROS PA YI MTSO CHEN DU, ,NYID KYI PHRIN LAS @14A *, ,LUNG BSTAN TO, ,DE BZHIN GSHEGS PA'I LE'U'O,, ,,SDOM NI, GNAS 'JOG SBRANG RTZI CAN DANG NI, ,RGYU CAN KOOndI NYA NYE BA 'KHOR, ,'OD BYED DANG NI NAM GRU STE, ,PHYI MA BDE BAR GSHEGS PA YIN, ,MA DROS PA'I TSIGS SU BCAD PA'O, ,DE NAS BCOM LDAN 'DAS DGRA BCOM PA LNGA BRGYA DANG THABS CIG TU MTSO CHEN PO MA DROS PAR PHRIN LAS KYI RGYU BA LUNG BSTAN NAS MA DROS PA NAS MI SNANG BAR MDZAD DE, MNYAN YOD KYI RI DAGS 'DZIN GYI MA'I SNGON GYI KUN DGA' RA BA'I KHANG BZANGS NA BZHUGS SO, ,RI DAGS 'DZIN GYI MA SA GAS, BCOM LDAN 'DAS MTSO CHEN PO MA DROS PA NAS MI SNANG BAR MDZAD DE, MNYAN YOD DU GSHEGS NAS MNYAN YOD KYI BDAG GI KHANG BZANGS KHO NA NA BZHUGS SO ZHES THOS SO, ,THOS NAS KYANG MNYAN YOD NAS BYUNG NAS BCOM LDAN 'DAS GANG NA BA DER SONG STE ZHES BYA BA NAS RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN NO, ,DE NAS RI DAGS 'DZIN GYI MA SA GA STAN LAS LANGS TE, BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS MTSO CHEN PO MA DROS PAR RANG RANG GI LAS KYI RGYU BA LUNG BSTAN PA'I DGRA BCOM PA LNGA BRGYA GANG DAG LAGS PA DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA, BCOM LDAN 'DAS KYIS GNANG BAR MDZAD DU GSOL, ,RI DAGS 'DZIN GYI MA SA GAS GNANG BAR RIG NAS ZHES BYA BA NAS, BCOM LDAN 'DAS GSOL ZIN NAS PHYAG BCABS TE LHUNG BZED GYU BAR RIG NAS ZHES BYA BA'I BAR GONG MA BZHIN DU STE, STAN CHES DMA' BA ZHIG BLANGS NAS CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO , ,DE NAS BCOM LDAN 'DAS KYIS RI DAGS 'DZIN GYI MA SA GA LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG @14B DAG PAR RAB TU DGA' BAR MDZAD NAS GDAN LAS BZHENGS TE GSHEGS NAS GTZUG LAG KHANG DU BYON PA DANG DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,BZHUGS NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG RI DAGS 'DZIN GYI MA SA GA LA MA RDZOGS PA YOD DE, DES DGE SLONG GI DGE 'DUN SPYAN DRANGS TE GDUGS TSOD GSOL NA, 'ON KYANG DGE 'DUN GYI CHED DU YON MA PHUL LO, ,DE NAS BCOM LDAN 'DAS KO SA LA'I LJONGS RGYU ZHING GSHEGS PA NA, GRONG KHYER THIGS PA CAN DU BYON NAS, GRONG KHYER THIGS PA CAN GYI BYANG PHYOGS KYI GRONG SHING SHA PA'I TSAL NA BZHUGS SO, ,GRONG KHYER THIGS PA CAN GYI BRAM ZE DANG KHYIM BDAG RNAMS KYIS BCOM LDAN 'DAS KO SA LA NAS ZHES BYA BA NAS SHING SHA PA'I TSAL NA BZHUGS SO ZHES THOS SO BYA BA'I BAR GONG MA BZHIN DU'O, ,THOS NAS KYANG TSOGS NAS TSOGS DANG KHYU NAS KHYUR PHRAD CING 'DUS TE GRONG KHYER THIGS PA CAN NAS BYUNG NAS, BCOM LDAN 'DAS GANG NA BA DER DONG STE LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE ZHES BYA BA NAS YANG DAG PAR RAB TU DGA' BAR MDZAD NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS GRONG KHYER THIGS PA CAN GYI BRAM ZE DANG KHYIM BDAG RNAMS STAN LAS LANGS TE, BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG CAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS GRONG KHYER THIGS PA CAN GYI BRAM ZE DANG KHYIM BDAG RNAMS LA CANG MI GSUNG BAS GNANG NGO, ,DE NAS GRONG KHYER THIGS PA CAN GYI BRAM ZE DANG KHYIM BDAG RNAMS KYIS BCOM LDAN 'DAS CANG MI GSUNG PAS GNANG BAR RIG NAS, BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN @15A *, ,'DAS KYI SPYAN SNGA NAS DONG NGO, ,DE NAS YI DAGS RUS GONG SBREL BA BSGRENG BA LTA BU RANG GI SKRAS YOG PA LTO RI RAB TZAM, KHA KHAB KYI MIG TZAM 'BAR RAB TU 'BAR, KUN TU RAB TU 'BAR TE, ME LCE GCIG TU GYUR PA LNGA BRGYA BCOM LDAN 'DAS GA LA BA DER DONG STE LHAGS PA DANG, BCOM LDAN 'DAS LA KUN NAS YONGS SU BSKOR TE 'DUG NAS 'DI SKAD CES GSOL TO, ,BCOM LDAN 'DAS GRONG KHYER THIGS PA CAN GYI BRAM ZE DANG KHYIM BDAG 'DI DAG NI BDAG CAG GI NYE DU RA GYUR PA LAGS NA, KYE MA BCOM LDAN 'DAS KYIS THUGS BRTZE BA NYE BAR BZUNG STE, BDAG CAG KHO NA'I MING NAS YON BSDO BA MDZAD DU GSOL, ,BCOM LDAN 'DAS KYIS BKA' STZAL PA, NGAS DAM ZHIG BCAS TE, GAL TE KHYED CAG CHA BYAD 'DI NYID KYIS YON SNGO BA BYED PA'I TSE 'ONG NA NI KHYED CAG GI MING NAS YON BSNGO BAR BYA'O, ,DE RNAMS KYIS GSOL PA, BCOM LDAN 'DAS G-YAR TSA LAGS NA JI LTAR MCHI LAGS, DE NAS BCOM LDAN 'DAS KYIS DE'I TSE TSIGS SU BCAD PAS BKA' STZAL PA, NGO TSA MED LA NGO TSA BYED, ,NGO TSA BA LA NGO MI TSA, , 'JIGS PA MED LA 'JIGS PAR LTA, ,'JIGS PA LA NI MI 'JIGS LTA, ,LOG PA'I LTA BA BLANGS PAS NA, ,SEMS CAN RNAMS NI NGAN 'GROR 'GRO, ,NGO TSA BA LA NGO TSA DANG, ,NGO TSA MED LA NGO MI TSA, ,MI 'JIGS PA LA MI 'JIGS LTA, ,'JIGS PA LA NI 'JIGS LTA BA'I, ,YANG DAG LTA BA BLANGS PA YIS, ,SEMS CAN RNAMS NI BDE 'GROR 'GRO, ,DE RNAMS KYIS GSOL PA, BCOM LDAN 'DAS GAL TE DE LTA NA MCHI LAGS SO, ,DE NAS GRONG KHYER THIGS PA CAN GYI BRAM ZE DANG KHYIM BDAG RNAMS KYIS DE NYID KYI NUB MO NAS GTZANG ZHING BSOD PA'I BZA' BA DANG BCA' BA DAG STA GON BYAS NAS ZHES BYA BA NAS, STAN CHES DMA' BA ZHIG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O, ,YI DAGS LNGA BRGYA PO DE DAG 'ONGS PA DANG, DE @15B NAS GRONG KHYER THIGS PA CAN GYI BRAM ZE DANG, KHYIM BDAG RNAMS KYIS YI DAGS RNAMS MTHONG NAS 'BROS PAR BRTZAMS PA DANG, BCOM LDAN 'DAS KYIS BKA' STZAL PA, SHES LDAN DAG CI'I PHYIR 'BROS, DE RNAMS KYIS GSOL PA, BCOM LDAN 'DAS YI DAGS 'O NI DAG MCHIS LAGS SO, ,BCOM LDAN 'DAS KYIS BKA' STZAL PA, TSUR SHOG 'DI DAG NI KHYED CAG GI NYE DU YIN NO, ,GAL TE KHYED CAG GIS GNANG NA NGAS 'DI RNAMS KYI MING GIS YON BSNGO'O, ,DE RNAMS KYIS GSOL PA, BCOM LDAN 'DAS RUNG LAGS SO, ,DE NAS BCOM LDAN 'DAS KYIS YAN LAG LNGA DANG LDAN PA'I GSUNG DBYANGS KYIS DE RNAMS KYI MING NAS YON BSNGO BA MDZAD DE, SBYIN PA 'DI YI BSOD NAMS GANG, ,DE NI YI DAGS RJES 'GRO ZHING, ,'DI DAG YI DAGS 'JIG RTEN NI, ,MI BZANG BA NAS MYUR LDANG SHOG ,'DI YIS GOS DANG SKOM DANG ZAS, ,GNAS MAL RNAM PA SNA TSOGS PA, ,DUS KUN TU NI MI ZAD PAR, ,DE RNAMS LA NI GRUB PAR SHOG ,DE NAS BCOM LDAN 'DAS KYIS GRONG KHYER THIGS PA CAN GYI BRAM ZE DANG, KHYIM BDAG RNAMS LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE NAS GRONG KHYER THIGS PA CAN GYI BRAM ZE DANG, KHYIM BDAG RNAMS RTOG KHANG DU LHAGS SHING TSOGS NAS 'DI LTA BU'I SKABS KYI GTAM DAG GLENG BAR BYED DE, KYE DGE SBYONG GOO TA MA NI 'DOD ZHEN CHE ZHING DE'I NYAN THOS RNAMS KYANG 'DOD ZHEN CHE BA YIN NO, ,KHA CIG GIS SMRAS PA, SHES LDAN DAG DGE SBYONG GOO TA MA NI 'DOD ZHEN CHUNG ZHING DE'I NYAN THOS RNAMS KYANG 'DOD ZHEN CHUNG STE, MU STEGS CAN RNAMS NI DE LTA MA YIN NO, ,DE'I TSE BRAM ZE SMRA 'DOD KYI SENG GE ZHES BYA BA 'KHOR DE NYID DU 'DUS SHING 'DUG PAR GYUR TO, ,DE NAS BRAM ZE SMRA 'DOD KYI SENG GES GRONG KHYER THIGS PA CAN GYI BRAM ZE DANG, @16A *, ,KHYIM BDAG RNAMS LA 'DI SKAD CES SMRAS SO, ,DGE SBYONG GOO TA MA 'DOD ZHEN CHE'AM 'DOD ZHEN CHUNG BA DANG, DE'I NYAN THOS RNAMS 'DOD ZHEN CHE'AM, 'DOD ZHEN CHUNG BA NGAS KHYED CAG YID CHES PAR BYA'O, ,DE NAS BRAM ZE SMRA 'DOD KYI SENG GES BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,SHES LDAN GOO TAM DGE SLONG GI DGE 'DUN DANG THABS CIG LA BDAG GIS BCA' BA BU RAM ZHIG 'BUL ZHING MCHIS NA GNANG BAR MDZAD DU GSOL, BCOM LDAN 'DAS KYIS BRAM ZE SMRA 'DOD KYI SENG GE LA CANG MI GSUNG BAS GNANG NGO, ,DE NAS BRAM ZE SMRA 'DOD KYI SENG GES BCOM LDAN 'DAS CANG MI GSUNG BAS GNANG BAR RIG NAS, BCOM LDAN 'DAS KYI SPYAN SNGA NAS SONG NGO, ,DE NAS BCOM LDAN 'DAS KYIS DGE SLONG RNAMS LA BKA' STZAL PA; DGE SLONG DAG BRAM ZE SMRA 'DOD KYI SENG GE KLAN KA TSOL BAS SANGS RGYAS LA SOGS PA DGE SLONG GI DGE 'DUN RNAMS BCA' BA BU RAM LA SPYAN DRANGS KYIS, KHYED CAG LAS GANG GIS JI TZAM YOG PA DES DE TZAM ZHIG BLANG BAR BYA'O, ,BRAM ZE SMRA 'DOD KYI BU SENG GE LA BU RAM 'TSONG BA'I KHANG PA LNGA BRGYA YOD PA NAS DES BU RAM GYI KHANG PA RE RE NAS BU RAM GYI SNOD BLANGS TE, BU RAM GYI SNOD LNGA BRGYA KHYER NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA 'DI SKAD CES GSOL TO, ,SHES LDAN GOO TA MA BU RAM BSDOGS LAGS NA, NYAN THOS KYI DGE 'DUN DANG THABS CIG TU BZHUGS TE, LONGS SPYAD DU GSOL, DE NAS BCOM LDAN 'DAS PHYAG DANG LHUNG BZED BCABS NAS DGE SLONG GI DGE 'DUN GYI GUD LA GDAN BSHAMS PA NYID LA BZHUGS SO, ,DE NAS BRAM ZA SMRA 'DOD KYI SENG GES BU RAM GYI SNOD CIG BLANGS TE BRIM PAR BRTZAMS PA DANG, BCOM LDAN 'DAS KYIS JI LTAR DGE SLONG GI DGE 'DUN GYI BAR DU BRIMS KYANG LHAG PAS THAMS CAD DE KHO NA BZHIN DU 'DUG PA DE LTAR BYIN GYIS BRLABS SO, ,DE NAS BRAM ZE SMRA 'DOD KYI SENG GE MNGON PAR @16B DAD PAR GYUR TO, ,DE NAS DE DAD PA SKYES NAS PHYOGS MTHA' DAG TU SGRA BSGRAGS PA, SHES LDAN DAG DGE SBYONG GOO TA MA NI 'DOD ZHEN CHUNG ZHING DE'I NYAN THOS RNAMS KYANG 'DOD ZHEN CHUNG BA YIN NO, ,DE NAS DES MU STEGS CAN RNAMS BU RAM LA LONGS SPYOD DU GZHUG BA'I PHYIR MGRON DU BOS PA DANG, DE RNAMS KYIS BU RAM BAG MED PAR BLANGS NAS KHA CIG GIS NI LONGS SPYOD DO, ,KHA CIG GIS NI SNOD BKANG NAS BOR ZHING KHYER TE DONG NGO, ,DE NAS BRAM ZE SMRA 'DOD KYI SENG GES SMRAS PA, SKYES BU BLUN PO KHYED CAG KHO NA 'DOD ZHEN CHE BA YIN LA DGE SBYONG GOO TA MA NI 'DOD ZHEN CHUNG ZHING DE'I NYAN THOS RNAMS KYANG 'DOD ZHEN CHUNG BA YIN NO ZHES SMRAS NAS, BCOM LDAN 'DAS LA LHAG PAR YANG MNGON PAR DAD PAR GYUR TE, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS DANG LHAN CIG MNGON DU ZHES BYA BA'I BAR GONG MA BZHIN DU STE, BCOM LDAN 'DAS LA 'DI SKAD CES GSOL TO, ,BTZUN PA LEGS PAR GSUNGS PA'I CHOS 'DUL BA LA BDAG CES BYA BA NAS TSANGS PAR SPYAD PAR BGYI'O ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS DGE SLONG TSUR SHOG CES BYA BA NAS DGE SLONG TSUR SHOG TSANGS PAR SPYAD PA SPYOD CIG CES GSUNGS PA ZHES BYA BA NAS, SANGS RGYAS DGONGS PAS LUS GZUGS BKAB PAR GYUR CES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DE LTA BAS NA RJES SU GNANG STE, DUS SAM DUS MA YIN PA'AM, NA BA'AM MI NA BAS, BU RAM LA LONGS SPYAD PAR BYA STE, 'DI LA 'GYOD PAR NI MI BYA'O, ,TSE DANG LDAN PA SMRA 'DOD KYI SENG GE RO MYAGS PA'I DRI MI ZHIM PAS SEMS RTZE GCIG PA NYID MA THOB NAS BCOM LDAN 'DAS KYIS DGONGS PA, DGE SLONG SMRA 'DOD KYI SENG GE NI, SRID PA THA MA YIN NA CI'I PHYIR BDEN PA MA MTHONG SNYAM DU DGONGS NA, LUS RUL PA'I DRI MI ZHIM PA LAS GYUR PAR GZIGS SO, ,DE NAS BCOM LDAN 'DAS KYIS TSE DANG LDAN PA KUN @17A *, ,DGA' BO LA BKA' STZAL PA, KUN DGA' BO SONG LA DGE SLONG SMRA 'DOD KYI SENG GE'I GTZUG LAG KHANG DRI DANG ME TOG GI PHRENG BA DANG, BDUG PA DANG, PHYE MA RNAMS KYIS GTOR LA GNAS MAL LA YANG BDUG PAS BDUG CING ME TOG DRI ZHIM POS BRGYAN PA'I ME TOG GI GDUGS BRES SHIG ,BTZUN PA BKA' BZHIN 'TSAL ZHES TSE DANG LDAN PA KUN DGA' BOS BCOM LDAN 'DAS KYI LTAR MNYAN TO, ,JI TZAM NA DE BSOD SNYOMS LA SONG BA DE'I BAR DU DE'I GTZUG LAG KHANG DU SONG NAS BCOM LDAN 'DAS KYIS BKA' STZAL BA BZHIN THAMS CAD BYAS SO, ,DE NAS TSE DANG LDAN PA SMRA 'DOD KYI SENG GE BSOD SNYOMS LA BRGYUS NAS GTZUG LAG KHANG DU 'ONGS PA DANG LHA'I 'BYOR PA MTHONG NAS, DE NAS DGA' BA'I YID KYIS BSOD SNYOMS LA LONGS SPYAD DE ZAS KYI BYA BA BYAS NAS GTZUG LAG KHANG GI PHYI ROL DU RKANG PA GNYIS BKRUS TE GTZUG LAG KHANG DU ZHUGS NAS, SKYIL MO KRUNG BCAS TE LUS DRANG POR BSRANG NAS DRAN PA MNGON DU PHYOGS PAR DER BZHAG STE 'DUG PA DANG, DRI ZHIM PO MNAM NAS DE'I SEMS MNYAM PAR BZHAG PAR SKYES SO, ,DE NAS DES NYON MONGS PA THAMS CAD SPANGS TE, DGRA BCOM PA NYID MNGON SUM DU BYAS NAS ZHES BYA BA NAS, MNGON DU SMRA BAR GYUR TO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG NGA'I DGE SLONG DANG NGA'I NYAN THOS SDUG PAS RNAM PAR GROL BA RNAMS KYI MCHOG NI 'DI LTA STE, DGE SLONG SMRA 'DOD KYI SENG GE 'DI YIN NO, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA DGE SLONG GZHAN RNAMS NI MI SDUG PAS RNAM PAR GROL NA, TSE DANG LDAN PA SMRA 'DOD KYI SENG GE SDUG PAS RNAM PAR GROL BA LA GZIGS, BCOM LDAN 'DAS KYIS BKA' STZAL PA, DGE SLONG DAG 'DI NI TSE RABS LNGA BRGYA BTUD MAR SUM BCU RTZA GSUM GYI LHA RNAMS NAS SHI 'PHOS SHING DE NYID DU SKYES TE, DA LTAR @17B GYI SRID PA THA MA MI RNAMS SU SKYES PA NA LUS RUL BA'I DRI MNAM PAS SEMS RTZE GCIG PA MA GRUB PA'O, ,DRI ZHIM PO'I DRI MNAM PA DANG, SEMS MNYAM PA THOB NAS SDUG PAS RNAM PAR GROL BAR GYUR TO, ,GAL TE 'DI LA THABS 'DI MA BYAS PAR GYUR NA, DRO BAR GYUR PA YANG 'DIS BSKYED PAR MI 'GYUR RO, ,DE LTA BAS NA RJES SU GNANG STE, GZHAN GANG ZHIG SDUG PA 'DI LTA BUS RNAM PAR GROL BAR 'GYUR BA DES RIM PA DE LTA BU BYA STE, 'DI LA 'GYOD PAR NI MI BYA'O, ,DE NAS BCOM LDAN 'DAS YUL SPONG BYED NAS LJONGS RGYU ZHING GSHEGS TE YANGS PA CAN DU BYON NAS, YANGS PA CAN GYI SPRE'U RDZING GI 'GRAM NA KHANG PA BRTZEGS PA'I GNAS NA BZHUGS SO, ,YANGS PA CAN GYI BRAM ZE DANG KHYIM BDAG RNAMS KYIS BCOM LDAN 'DAS YUL SPONG BYED NAS LJONGS RGYU ZHING GSHEGS TE YANGS PA CAN DU BYON NAS YANGS PA CAN GYI SPRE'U RDZING GI 'GRAM NA KHANG PA BRTZEGS PA'I GNAS NA BZHUGS SO ZHES THOS SO, ,THOS NAS KYANG GCIG TU 'DUS NAS SMRAS PA, SHES LDAN DAG BCOM LDAN 'DAS YUL SPONG BYED NAS LJONGS RGYU ZHING GSHEGS TE YANGS PA CAN DU BYON NAS YANGS PA CAN GYI SPRE'U RDZING GI 'GRAM NA KHANG PA BRTZEGS PA'I GNAS NA BZHUGS SO ZHES GRAG GIS, GAL TE BDAG CAG RE RE NAS BCOM LDAN 'DAS SPYAN DRANGS TE GDUGS TSOD GSOL NA NI, BCOM LDAN 'DAS SLAR GSHEGS DANG, GZHAN GYI SKABS MI RNYED PAR 'GYUR BAS DE LA KHRIMS SHIG BCAS TE, CI NAS KYANG TSOGS SHING 'DUS PA KHO NAS BCOM LDAN 'DAS GDUGS TSOD GSOL GYI MI GCIG PUS NI MA YIN NO ZHES DE RNAMS KYIS KHRIMS SU BCA' BA DAG BYAS NAS BZHAG GO , ,DE'I TSE YANGS PA CAN GYI BSOD NAMS CHEN PO DANG LDAN PA BZHI ZHIG GNAS TE, NOR CAN DANG, NOR CAN GYI CHUNG MA DANG, NOR CAN GYI BU DANG, NOR CAN GYI MNA' MA'O, ,DE DAG GI KHYIM DU NI LHA DANG MI RNAMS KYI G-YANG BABS PAR GYUR TO, ,DE RNAMS KYIS KHRIMS SU BCAS PA DE MA THOS PAR KHYIM BDAG @18A *, ,NOR CAN GYIS BCOM LDAN 'DAS YUL SPONG BYED NAS LJONGS RGYU ZHING GSHEGS TE YANGS PA CAN DU BYON NAS, YANGS PA CAN GYI SPRE'U RDZING GI 'BRAM NA KHANG PA BRTZEGS PA'I GNAS NA BZHUGS SO ZHES THOS SO, ,THOS NAS KYANG YANGS PA CAN NAS BYUNG NAS BCOM LDAN 'DAS GANG NA BA DER SONG STE ZHES BYA BA NAS YANG DAG PAR RAB TU DGA' BAR MDZAD NAS CAD MI GSUNG NGO ZHES BYA BA'I BAR GONG MA BZHIN DU'O, ,DE NAS KHYIM BDAG NOR CAN STAN LAS LANGS TE, BLA GOS PHRAG PA GCIG TU GZAR NAS BCOM LDAN 'DAS GANG NA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS CANG MI GSUNG BAS KHYIM BDAG NOR CAN LA GNANG NGO, ,DE NAS KHYIM BDAG NOR CAN GYIS BCOM LDAN 'DAS CANG MI GSUNG BAS GNANG BAR RIG NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS SONG NGO, , DE NAS YANGS PA CAN GYI BRAM ZE DANG KHYIM BDAG RNAMS YANGS PA CAN NAS BYUNG NAS BCOM LDAN 'DAS GANG NA BA DER SONG STA ZHES BYA BA NAS BCOM LDAN 'DAS DGE SLONG GI DGE 'DUN RNAMS DANG THABS CIG TU SANG BDAG CAG GI SDUM PAR GDUGS TSOD SGYOR ZHING MCHIS NA GNANG BAR MDZAD DU GSOL ZHES BYA BA'I BAR GONG MA BZHIN DU'O, ,BCOM LDAN 'DAS KYIS BKA' STZAL PA, GNAS 'JOG GI BU DAG NGA SNGAR KHYIM BDAG NOR CAN GYIS SPYAN DRANGS ZIN TO, ,DE RNAMS KYIS SMRAS PA, SHES LDAN DAG KHYIM BDAG NOR CAN GYIS NI TSOGS KYI KHRIMS BCAS PA LAS 'DAS PAR BYAS SO, ,KHA CIG DAG GIS SMRAS PA, CI STE DE 'DAS PAR BYED, GDON MI ZA BAR DES KHRIMS BCAS PA MA THOS SO, ,'ON KYANG BDAG CAG PAS DE NI SKYES BU DAM PA YIN PAS GDUGS TSOD GSOL DU CHUG BDAG CAG GIS NI @18B GNANGS GDUGS TSONG GSOL LO, ,DE NAS TSE DANG LDAN PA KUN DGA' BO NANG BAR SNGAR LANGS TE, LHUNG BZED DANG CHOS GOS THOGS NAS, KHYIM BDAG NOR CAN GYI KHYIM GANG NA BA DER SONG STE PHYIN NAS SHAR SGO NAS ZHUGS PA DANG, JI TZAM NA GDAN MA BSHAMS SHING ZHAL ZAS RNAMS STA GON MA BYAS PA MTHONG NAS, DE NAS KHYIM BDAG NOR CAN LA 'DI SKAD CES SMRAS SO, ,KHYIM BDAG KHYOD KYIS SANGS RGYAS LA SOGS PA DGE SLONG GI DGE 'DUN RNAMS SPYAN DRANGS NAS SNYING LAS CHUNG DUS GNAS SAM, DES SMRAS PA, 'PHAGS PA KUN DGA' BO CI STE DE SKAD GSUNG, KHYIM BDAG GDAN MA BSHAMS SHING ZHAL ZAS RNAMS STA GON MA BYAS PA MTHONG NGO, ,'PHAGS PA KHYOD CHAB SGO GANG NAS ZHUGS KHYIM BDAG SHAR NAS SO, ,'PHAGS PA LHO NAS ZHUGS SHIG ,DES ZHUGS PA LAS JI TZAM NA LHA'I GDAN BSHAMS SHING LHA'I ZHAL ZAS RNAMS STA GON BYAS PA YANG MTHONG NGO, ,MTHONG NAS KYANG SHIN TU NGO MTSAR SKYES PAR GYUR TO, ,DE NAS KHYIM BDAG NOR CAN GYI SPYAN 'DREN GYIS BCOM LDAN 'DAS LA DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA, BCOM LDAN 'DAS DA DE'I DUS LA BAB PAR MKHYEN PAR MDZAD DU GSOL ZHES BYA BA NAS BCOM LDAN 'DAS KYIS GSOL ZIN NAS PHYAG BCABS TE LHUNG BZED GYU BAR RIG NAS, STAN CHES DMA' BA ZHIG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O, ,DE NAS NOR CAN GYI CHUNG MA STAN LAS LANGS TE, BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN RNAMS DANG THABS CIG TU SANGS BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS CANG MI GSUNG BAS NOR CAN GYI CHUNG MA LA GNANG NGO, ,GNANG NAS KYANG KHYIM BDAG NOR CAN LA CHOS BSHAD PA MDZAD @19A *, ,NAS GDAN LAS BZHENGS TE GSHEGS SO, ,NOR CAN GYI CHUNG MAS KYANG ZHAL ZAS RNAMS STA GON BYAS SO, ,DE NAS TSE DANG LDAN PA KUN DGA' BO NANG PAR SNGAR LANGS TE LHUNG BZED DANG CHOS GOS THOGS NAS KHYIM BDAG NOR CAN GYI KHYIM GANG NA BA DER SONG STE PHYIN NAS LHO SGO NAS ZHUGS NA GDAN MA BSHAMS SHING ZHAL ZAS RNAMS KYANG STA GON MA BYAS PAR MTHONG NGO, ,MTHONG NAS KYANG NOR CAN GYI CHUNG MA LA 'DI SKAD CES SMRAS SO, ,KHYIM BDAG GI CHUNG MA SANGS RGYAS LA SOGS PA DGE SLONG GI DGE 'DUN SPYAN DRANGS NAS CI SNYING LAS CHUNG DUS GNAS SAM DES SMRAS PA, 'PHAGS PA CI STE DE SKAD GSUNG GDAN MA BSHAMS SHING ZHAL ZAS RNAMS KYANG STA GON MA BYAS PA MTHONG NGO, ,'PHAGS PA KHYOD CHAB SGO GANG NAS ZHUGS LHO NAS SO, ,'PHAGS PA SHAR NAS ZHUGS SHIG ,JI TZAM NA GDAN BZANG PO BSHAMS SHING ZHAL ZAS BSOD PA STA GON BYAS PA YANG MTHONG NGO, ,MTHONG NAS KYANG SHIN TU NGO MTSAR SKYES PAR GYUR TO, ,DE NAS NOR CAN GYI CHUNG MA'I SPYAN 'DREN GYIS BCOM LDAN 'DAS LA DUS TSOD GSOL PA, BTZUN PA BCOM LDAN 'DAS GDUGS TSOD BSHAMS LAGS SHING MCHIS NA, BCOM LDAN 'DAS DA DE'I DUS LA BAB PAR MKHYEN PAR MDZAD DU GSOL ZHES BYA BA NAS PHYAG BCABS TE LHUNG BZED GYU BAR RIG NAS, STAN CHES DMA' BA ZHIG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O, ,DE NAS NOR CAN GYI BU STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO,, BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS CANG MI GSUNG BAS NOR CAN GYI BU LA GNANG NGO, ,DE NAS BCOM LDAN 'DAS KYIS NOR CAN GYI CHUNG @19B MA LA CHOS BSHAD PA MDZAD NAS GSHEGS SO, ,NOR CAN GYI BUS KYANG GTZANG ZHING BSOD PA'I BZA' BA DANG BCA' BA DAG STA GON BYAS SO, ,DE NAS TSE DANG LDAN PA KUN DGA' BO NANG PAR SNGAR LANGS TE LHUNG BZED DANG CHOS GOS THOGS TE NOR CAN GYI KHYIM GANG NA BA DER SONG STE PHYIN NAS LHO SGO NAS ZHUGS NA GDAN MA BSHAMS SHING ZHAL ZAS STA GON MA BYAS PA MTHONG NGO, ,MTHONG NAS KYANG NOR CAN GYI BU LA 'DI SKAD CES SMRAS SO, ,KHYIM BDAG GI BU SANGS RGYAS LA SOGS PA DGE SLONG GI DGE 'DUN SPYAN DRANGS NAS CI SNYING LAS CHUNG DUS GNAS SAM, DES SMRAS PA, 'PHAGS PA JI STE DE SKAD GSUNG, GDAN MA BSHAMS SHING ZHAL ZAS STA GON MA BYAS PA MTHONG NGO, ,'PHAGS PA KHYOD CHAB SGO GANG NAS ZHUGS LHO NAS SO, ,'PHAGS PA NUB NAS ZHUGS SHIG ,JI TZAM NA GDAN BZANG PO BSHAMS SHING ZHAL ZAS BSOD PA STA GON BYAS PA YANG MTHONG NGO, ,MTHONG NAS KYANG SHIN TU NGO MTSAR SKYES PAR GYUR TO, ,DE NAS NOR CAN GYI BU'I SPYAN 'DREN GYIS BCOM LDAN 'DAS LA DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA BCOM LDAN 'DAS DA DE'I DUS LA BAB PAR MKHYEN PAR MDZAD DU GSOL ZHES BYA BA NAS PHYAG BCABS TE LHUNG BZED GYU BAR RIG NAS, STAN CHES DMA' BA ZHIG BLANGS TI CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O; ,DE NAS NOR CAN GYI MNA' MA STAN LAS LANGS TE BCOM LDAN 'DAS GA LA BA DE LOGS SU THAL MO SBYAR BA BTUD DE, BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANG BDAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS CANG MI GSUNG BAS NOR CAN GYI MNA' MA LA GNANG NGO, ,DE NAS BCOM LDAN 'DAS KYIS NOR CAN GYI BU LA CHOS BSHAD PA MDZAD NAS GSHEGS SO, ,DE NAS YANGS PA CAN GYI BRAM ZE DANG @20A *, ,KHYIM BDAG RNAMS BCOM LDAN 'DAS GANG NA BA DER SONG STE LHAGS PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE PHYOGS GCIG TU 'DUG GO , ,PHYOGS GCIG TU 'DUG PA DANG, BCOM LDAN 'DAS KYIS YANGS PA CAN GYI BRAM ZE DANG KHYIM BDAG RNAMS LA CHOS DANG LDAN PA'I GTAM GYIS ZHES BYA BA NAS CANG MI GSUNG NGO ZHES BYA BA'I BAR GONG MA BZHIN DU'O, ,DE NAS YANGS PA CAN GYI BRAM ZE DANG KHYIM BDAG RNAMS STAN LAS LANGS TE BLA GOS PHRAG PA GCIG TU GZAR NAS, BCOM LDAN 'DAS GANG NA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG TU SANGS BDAG CAG GI SDUM PAR GDUGS TSOD SBYOR ZHING MCHIS NA GNANG BAR MDZAD DU GSOL, BCOM LDAN 'DAS KYIS BKA' STZAL PA, GNAS 'JOG GI BU DAG NGA SNGAR NOR CAN GYI MNA' MAS SPYAN DRANGS ZIN TO, ,DE NAS YANGS PA CAN GYI BRAM ZE DANG KHYIM BDAG RNAMS RNGAM NAS SMRAS PA, SHES LDAN DAG NOR CAN GCIG PU LA NOR YOD KYI BDAG CAG LA MED DAM CI NA, DES SANGS RGYAS LA SOGS PA DGE SLONG GI DGE 'DUN NYI MA RE RE GDUGS TSONG SBYOR ZHING BDAG CAG KHO NAS SKABS MTHOB PAR GYUR TO, ,DE LA JI LTAR BSGRUB PAR BYA, GZHAN DAG GIS SMRAS PA, GANG GI TSE SANGS RGYAS LA SOGS PA DGE SLONG GI DGE 'DUN GDUGS TSOD GSOL ZIN NAS GSHEGS PAR GYUR PA DE'I TSE DE'I KHYIM RDO BA RE RE NAS BKOGS TE GZHIG GO , ,DE NAS TSE DANG LDAN PA KUN DGA' BO NANG PAR SNGAR LANGS TE LHUNG BZED DANG CHOS GOS THOGS NAS KHYIM BDAG NOR CAN GYI KHYIM GANG NA BA DER SONG STE PHYIN NAS NUB SGO NAS ZHUGS NA GDAN MA BSHAMS SHING ZHAL ZAS KYANG STA GON MA BYAS PA MTHONG NGO, ,MTHONG NAS KYANG NOR CAN GYI MNA' MA LA 'DI SKAD CES SMRAS SO, ,NOR CAN GYI MNA' MA SANGS RGYAS LA SOGS PA DGE SLONG GI DGE 'DUN RNAMS SPYAN DRANGS NAS CI SNYING LAS CHUNG DUS GNAS SAM, DES SMRAS @20B PA; 'PHAGS PA CI STE DE SKAD GSUNG, GDAN MA BSHAMS SHING ZHAL ZAS RNAMS KYANG STA GON MA BYAS PA MTHONG NGO, ,'PHAGS PA CHAB SGO GANG NAS ZHUGS NUB NAS SO, ,'PHAGS PA BYANG NAS ZHUGS SHIG ,DES BYANG NAS ZHUGS NAS JI TZAM NA LHA'I GDAN BSHAMS SHING LHA'I ZHAL ZAS STA GON BYAS PA MTHONG NGO, ,MTHONG NAS KYANG SHIN TU NGO MTSAR SKYES PAR GYUR TO, ,DE NAS NOR CAN GYI MNA' MA'I SPYAN 'DREN GYIS BCOM LDAN 'DAS LA DUS TSOD GSOL PA, BTZUN PA GDUGS TSOD BSHAMS LAGS SHING MCHIS NA BCOM LDAN 'DAS DA DE'I DUS LA BAB PAR MKHYEN PAR MDZAD DU GSOL ZHES BYA BA NAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO ZHES BYA BA'I BAR GONG MA BZHIN DU'O, ,DE NAS YANGS PA CAN GYI BRAM ZE DANG KHYIM BDAG THAMS CAD 'DUS NAS KHYIM BDAG NOR CAN GYI SGO NA 'DUG GO , ,DE NAS BCOM LDAN 'DAS KYIS KHYIM BDAG NOR CAN LA 'DI SKAD CES BKA' STZAL TO, ,KHYIM BDAG YANGS PA CAN GYI TSOGS RDAM NAS SGO NA 'DUG STE DE DAG GIS KHYED CAG LA GNOD PA BYAS PAR 'GYUR DU 'ONG GIS SONG LA BZOD PAR GSOL CIG ,DE PHYIR BYUNG NAS BZOD PAR GSOL BAR BRTZAMS PA DANG DE RNAMS KYIS SMRAS PA, KHYIM BDAG CI KHYOD GCIG PU LA NOR YOD DAM, GANG GI PHYIR KHYOD KYIS NYIN RE ZHING SANGS RGYAS LA SOGS PA DGE SLONG GI DGE 'DUN GDUGS TSOD GSOL TE KHO BO CAG GIS SKABS MI RNYED PAR BYED, DES SMRAS PA, SHES LDAN DAG BDAG GIS TSOGS KYI KHRIMS SU BCAS PA MA THOS KYIS, DE BAS NA TSOGS KYIS BZOD PAR BYA BA'I RIGS SO, ,GZHAN DAG GIS SMRAS PA, SHES LDAN DAG SKYES BU 'DI NI DAM PA YIN PAS 'DI LA BZOD PAR BYA'O ZHES DE RNAMS BZOD BAR GYUR PA DANG, DE SMRAS PA, GAL TE DE LTA NA NANG DU ZHUGS SHIG DE RNAMS KHYIM DU ZHUGS PA DANG, GDAN BZANG PO BSHAMS SHING ZHAL ZAS BSOD PA STA GON BYAS PA YANG MTHONG NGO, ,MTHONG NAS KYANG SHIN TU NGO MTSAR SKYES PAR GYUR NAS SMRAS PA, KHYIM BDAG @21A *, ,KHYOD 'BA' ZHIG SANGS RGYAS LA SOGS PA DGE SLONG GI DGE 'DUN GDUGS TSOD GSOL BAR 'OS KYI, KHO BO CAG NI MA YIN NO, ,DES DE RNAMS LA RIN PO CHE DAG BYIN PA DANG DE RNAMS KYIS MA BLANGS SO, ,DE NAS BCOM LDAN 'DAS KYIS BKA' STZAL PA DANG, RIN PO CHE 'DI DAG NI RNYED PAR DKA' BA YIN GYIS LONG SHIG ,DE RNAMS KYIS BLANGS PA LAS GANG GIS CI 'DRA BA BLANGS PA DE'I KHA DOG DE 'DRA BA KHO NAR SNANG BAR GYUR TO, ,DE NAS NOR CAN GYI MNA' MAS SANGS RGYAS LA SOGS PA DGE SLONG GI DGE 'DUN BDE BAR BZHUGS PAR RIG NAS; GTZANG ZHING BSOD PA'I BZA' BA DANG BCA' BA DAG GIS ZHES BYA BA NAS PHYAG BCABS TE, LHUNG BZED GYU BAR RIG NAS STAN CHES DMA' BA ZHIG BLANGS TE CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS NOR CAN DANG, NOR CAN GYI CHUNG MA DANG, NOR CAN GYI BU DANG, NOR CAN GYI MNA' MA RNAMS KYI BSAM PA DANG, BAG LA NYAL DANG, KHAMS DANG, RANG BZHIN MKHYEN NAS GANG THOS NA NOR CAN DANG, NOR CAN GYI CHUNG MA DANG, NOR CAN GYI BU DANG, NOR CAN GYI MNA' MA RNAMS KYIS 'JIG TSOGS LA LTA BA RI'I RTZE MO NYI SHU MTHO BA YE SHES KYI RDO RJES BCOM STE, RGYUN DU ZHUGS PA'I 'BRAS BU MNGON SUM DU BYAS PA DE LTA BUR 'PHAGS PA'I BDEN PA RNAMS SO SOR RTOGS PAR BYED PA'I CHOS BSHAD PA MDZAD DE, DE RNAMS KYIS BDEN PA MTHONG NAS LAN GSUM DU CHED DU BRJOD PAS CHED DU BRJOD PA ZHES BYA BA NAS, BDAG CAG NI MNGON PAR 'PHAGS SO ZHES BYA BA'I BAR GONG MA BZHIN DU'O, ,BDAG CAG BCOM LDAN 'DAS DANG, CHOS DANG DGE SLONG GI DGE 'DUN LA SKYABS SU MCHI LAGS KYIS, BCOM LDAN 'DAS KYIS BDAG CAG DGE BSNYEN DU GZUNG DU GSOL, JI SRID 'TSO BA'I BAR DU SROG DANG YANG BSDOS TE SKYABS SU MCHI BAR MNGON PAR DAD LAGS SO, ,DE NAS BCOM LDAN 'DAS KYIS NOR CAN DANG, NOR CAN GYI CHUNG MA DANG, NOR CAN GYI BU DANG, NOR @21B CAN GYI MNA' MA RNAMS LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO,, ,,'DUL BA GZHI; BAM PO LNGA BCU BDUN PA, DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA BTZUN PA NOR CAN DANG, NOR CAN GYI MCHIS 'BRANG DANG, NOR CAN GYI BU DANG, NOR CAN GYI MNA' MA RNAMS KYIS LAS CI ZHIG BGYIS NA LAS DE'I RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES SHING LHA DANG MI RNAMS KYI DPAL NYAMS SU MYONG BAR GYUR LAGS, BCOM LDAN 'DAS KYIS BKA' STZAL PA, DGE SLONG DAG 'DI RNAMS KHO NAS LAS RNAMS BYAS SHING BSAGS PA TSOGS RNYED PA ZHES BYA BA NAS, 'BRAS BU DAG TU 'GYUR BA NYID CES BYA BA'I BAR GONG MA BZHIN NO, ,DGE SLONG DAG SNGON BYUNG BA B'A R'A nA S'I NA ME TOG PHRENG RGYUD MKHAN ZHIG YOD PA DES RIGS MNYAM PA LAS CHUNG MA BLANGS TE, DE DE DANG LHAN CIG RTZE BAR BYED DGA' BAR BYED DGA' MGUR SPYOD PAR BYED DO, ,DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED PA LAS KHYE'U ZHIG BTZAS SO, ,DES DE YANG RIGS MNYAM PA LAS CHUNG MA BLANGS SO, ,DE DUS PHYI ZHIG NA BKREN ZHING SHIN TU BKREN PAR GYUR TE, DE DANG; BU DANG, CHUNG MA DANG, MNA' MAS BRTZON PA CHEN POS 'BAD PAS RAS YUG GCIG CIG GRUB NAS, DE NAS ME TOG PHRENG RGYUD MKHAN YANG DE BGOS NAS, RGYAL PO LA ME TOG 'BUL ME TOG PHRENG RGYUD MKHAN GYI CHUNG MA YANG DE NYID BGOS NAS BTZUN MO LA 'BUL, ME TOG PHRENG RGYUD MKHAN GYI BU YANG DE NYID BGOS NAS GZHON NU RNAMS LA 'BUL, ME TOG PHRENG RGYUD MKHAN GYI MNA' MA YANG DE NYID BGOS NAS RGYAL PO'I MNA' MA RNAMS LA ME TOG PHRENG 'BUL BAR BYED DO, ,SANGS RGYAS RNAMS 'BYUNG BA MED PA NA 'JIG RTEN DU RANG SANGS RGYAS @22A *, ,DMAN PA DANG, NGAN PA LA SNYING BRTZE BA DANG, GNAS MAL BAS MTHA' LA BRTEN PA, 'JIG RTEN GYI YON GNAS GCIG PU DAG 'BYUNG BAR 'GYUR BAS JI TZAM NA RANG SANGS RGYAS SHIG LJONGS RGYU ZHING 'GRO BA NA NYI MA NUB KA'I DUS SU B'A R'A nA S'IR PHYIN NAS ME TOG PHRENG RGYUD MKHAN DE'I KHYIM GRONG KHYER GYI SGO NA 'DUG PA DE'I LDUM RAR NUB MO GNAS BTAB STE ME'I KHAMS LA SNYOMS PAR ZHUGS SO, ,DE NAS ME TOG PHRENG RGYUD MKHAN DES ME'I PHUNG PO 'BAR BA LTA BUR MTHONG NAS DE DAD PA SKYES TE CHUNG MA LA SMRAS PA DANG DE YANG DAD PAR GYUR TO; ,NGES BU LA SMRAS PA DANG DE YANG DAD PAR GYUR TO, ,DES MNA' MA LA SMRAS PA DANG DE YANG DAD PAR GYUR TO, ,DE NAS DE RNAMS KYIS GROS BYA BAR BRTZAMS PA, BDAG CAG SANG ZAN MA ZOS KYANG BLA 'DUS LA RAB TU BYUNG BA ZHI BA'I BDAG NYID CAN 'DI BSHOS GSOL LO, ,DE NAS NAM NANGS NAS DE RNAMS KYIS DE LA BSOD SNYOMS PHUL LO, ,ME TOG PHRENG RGYUD MKHAN GYIS SMRAS PA, BZANG MO KHO BO'I RAS KYI BGO SKAL GANG YIN PA DE NI RAB TU BYUNG BA 'DI LA 'BUL LO, ,DES SMRAS PA, RJE'I SRAS BDAG GI YANG DBUL LO; ,BUS SMRAS PA, BDAG GI YANG DBUL LO, ,MNA' MAS SMRAS PA, BDAG GI YANG DBUL LO, ,DE NAS DE RNAMS 'DUS NAS DE LA RAS BSKON TO, ,BDAG NYID CHEN PO DE DAG NI LUS KYIS CHOS STON GYI TSIG GIS MA YIN PAS DE NAS BDAG NYID CHEN PO DE DE RNAMS LA SNYING BRTZE BA'I PHYIR NAM MKHA' LA 'PHAGS NAS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYA BAR BRTZAMS SO, ,SO SO'I SKYE BO RNAMS NI RDZU 'PHRUL LA MYUR DU SEMS GTOD PA YIN PAS SHING RTZA BA NAS BCAD PA BZHIN DU RKANG PA GNYIS LA GTUGS TE SMON LAM GDAB PAR BRTZAMS PA, BDAG CAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA 'DIS BDAG CAG PHYUG CING NOR MANG LA LONGS SPYOD CHE BA'I RIGS SU SKYE ZHING BDAG CAG GI KHYIM DU LHA DANG @22B MI'I G-YANG 'BAB PAR GYUR CIG ,'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON PA MNYES PAR BYED KYI, MI MNYES BAR BYED PAR MA GYUR CIG CES BYAS SO, ,DE NAS RANG SANGS RGYAS KYIS DE RNAMS LA SNYING BRTZE BAR RDZU 'PHRUL BYAS NAS RGYAL PO'I KHAB KYI STENG NAS PHAR CHAS TE SONG BA DANG, DE'I GRIB MA RGYAL PO'I STENG DU BAB PA LAS DE GDONG BSTOD DE BLTA BAR BRTZAMS PA DANG, BDAG NYID CHEN PO DE MTHONG NAS DES BSAMS PA, BDAG NYID CHEN PO 'DIS YANG SU ZHIG GI BKREN PA'I RTZA BA PHYUNG BAR 'GYUR SNYAM MO, ,ME TOG PHRENG RGYUD MKHAN DE RGYAL PO LA ME TOG 'BUL BA'I DUS GANG YIN PA DE LAS THEG GI TZAM ZHIG YOL LO, ,RGYAL PO YANG ME TOG LA SDOD CING 'DUG GO, ,DE NAS ME TOG PHRENG RGYUD MKHAN DE RGYAL PO'I ZHO SHAS 'TSO BA RNAMS KYIS BKUG PA DANG RGYAL POS DE LA SMRAS PA, CI'I PHYIR KHYOD KYIS ME TOG DE RING DUS LAS YOL DES JI LTAR GYUR PA RGYAS PAR SMRAS PA DANG, DE NAS RGYAL POS JI SNYED GYON PA BYIN NO, ,DE BZHIN DU ME TOG PHRENG RGYUD MKHAN GYI CHUNG MA LA NI BTZUN MO RNAMS KYIS JI SNYED GYON PA BYIN NO, , ME TOG PHRANG RGYUD MKHAN GYI BU LA NI GZHON NU RNAMS KYIS SO, ,ME TOG PHRENG RGYUD MKHAN GYI MNA' MA LA NI RGYAL PO'I MNA' MA RNAMS KYIS TE, DE MTHONG BA'I CHOS DE NYID LA NOR GYI ME TOG MNGON PAR GRUB PAR GYUR TE DBUL BA MED PAR GYUR TO, ,DGE SLONG DAG JI SNYAM DU SEMS, DE'I TSE DE'I DUS KYI ME TOG PHRENG RGYUD MKHAN GANG YIN PA DE NI NOR CAN 'DI NYID YIN NO, ,ME TOG PHRENG RGYUD MKHAN GYI CHUNG MA NI NOR CAN GYI CHUNG MA YIN NO, ,ME TOG PHRENG RGYUD MKHAN GYI BU NI NOR CAN GYI BU YIN NO, ,ME TOG PHRENG RGYUD MKHAN GYI MNA' MA NI NOR CAN GYI MNA' MA YIN TE, 'DI DAG GIS RANG SANGS RGYAS LA BYA BA BYAS SHING SMON LAM BTAB PA GANG YIN PA DE'I LAS KYI RNAM PAR SMIN PAS PHYUG CING NOR MANG LA LONGS SPYOD CHE BA'I RIGS SU SKYES NAS, KHYIM DU LHA DANG MI'I G-YANG BABS PAR GYUR TO, ,NGA'I @23A *, ,SPYAN SNGA NAS KYANG BDEN PA MTHONG BAR BYAS TE, NGA RANG SANGS RGYAS BYE BA BRGYA STONG BAS KHYAD PAR DU 'PHAGS PA'I STON PA 'DI DAG GIS MNYES PAR BYAS KYI MI MNYES PAR MA YIN NO, ,DGE SLONG DAG DE LTA BAS NA LAS GCIG TU GNAG PA RNAMS KYI NI ZHES BYA BA NAS BRTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O ZHES BYA BA'I BAR GONG MA BZHIN DU'O, ,DE NAS YANGS PA CAN GYI BRAM ZE DANG KHYIM BDAG RNAMS LHAG PAR YANG MNGON PAR DAD PAR GYUR NAS STAN LAS LANGS TE, BCOM LDAN 'DAS GANG NA BA DE LOGS SU THAL MO SBYAR BA BTUD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS DGE SLONG GI DGE 'DUN DANG THABS CIG LA BDAG CAG GIS DGUNG ZLA GSUM DU NA BZA' CHOS GOS DANG BSOD SNYOMS DANG, GZIMS CHA DANG, SNYUN DPYAD KYI RKYEN SMAN DANG, YO BYAD RNAMS 'BUL ZHING MCHIS NA GNANG BAR MDZAD DU GSOL, BCOM LDAN 'DAS KYIS CANG MI GSUNG BAS YANGS PA CAN GYI BRAM ZE DANG KHYIM BDAG RNAMS LA GNANG NGO, ,DE NAS YANGS PA CAN GYI BRAM ZE DANG KHYIM BDAG RNAMS BCOM LDAN 'DAS CANG MI GSUNG BAS GNANG BAR RIG NAS, BCOM LDAN 'DAS KYI ZHABS GNYIS LA MGO BOS PHYAG BYAS NAS STAN LAS LANGS TE DONG NGO, ,DE NAS YANGS PA CAN GYI BRAM ZE DANG KHYIM BDAG RNAMS KYIS DE NYID KYI NUB MO NAS GTZANG ZHING BSOD PA'I BZA' BA DANG BCA' BA DAG STA GON BYAS TE ZHES BYA BA NAS, PHYAG BCABS TE LHUNG BZED GYU BAR RIG NAS STAN CHES DMA' BA ZHIG BLANGS TE, CHOS MNYAN PA'I PHYIR BCOM LDAN 'DAS KYI SPYAN SNGAR 'DUG GO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS YANGS PA CAN GYI BRAM ZE DANG KHYIM BDAG RNAMS LA CHOS DANG LDAN PA'I GTAM GYIS YANG DAG PAR BSTAN, YANG DAG PAR 'DZIN DU BCUG YANG DAG PAR GZENGS BSTOD, YANG DAG PAR RAB TU DGA' BAR MDZAD NAS GDAN LAS BZHENGS TE GSHEGS SO, ,DE BZHIN DU NYI @23B MA GNYIS SAM GSUM GYI BAR DU 'DAS SO, ,YANGS PA CAN GYI BRAM ZE DANG KHYIM BDAG RNAMS KYI 'KHOR RGYA CHEN PO MU GE DANG BCAS PA'I DUS BYUNG NAS DE RNAMS KYI NYE DU NGAG ZAS KYI PHYIR NYI MA RE RE ZHING 'ONG BAS DE DAG GIS GTZES PAR GYUR NAS DGE SLONG RNAMS LA SMRAS PA, 'PHAGS PA DAG MU GE DANG BCAS PA'I DUS BYUNG BAS BDAG CAG GI NYE DU DAG SKRUR MCHIS TE DE RNAMS LA BDAG CAG GDUGS GCIG BZHIN DU STZOL BAS KHYED CAG DANG DE RNAMS LA KHYAD PAR RNGO MI THOG NA, KYE 'PHAGS PA DAG BDAG CAG GIS YO BYAD RNAMS DBUL GYIS ZHAL TA KHO NA MDZOD CIG ,DGE SLONG RNAMS KYIS SMRAS PA, BCOM LDAN 'DAS LA ZHUS TE BYA'O ZHES DGE SLONG RNAMS KYIS SKABS DE BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE LTA BAS NA RJES SU GNANG STE DGE SLONG RNAMS KYIS ZHAL TA BYA'O, , BCOM LDAN 'DAS KYIS DGE SLONG RNAMS KYIS ZAS KYI ZHAL TA BYA'O ZHES GSUNGS PAS DE RNAMS KYIS ZHAL TA BYA BAR BRTZAMS TE JI TZAM NA STENG G-YOGS MED PAR THUG PA 'TSED PA'I ZHAL TA BYAS PA LAS LHAS CHAR PHAB PAS DE MA RUNG BAR GYUR PA'I SKABS DE BCOM LDAN 'DAS LA GSOL PA DANG; BCOM LDAN 'DAS KYIS BKA' STZAL PA, STENG G-YOGS MED PAR BTZO BAR MI BYA'O, ,SGO KHANG DANG KHYAMS SU 'TSED PAR BYED PA DANG, BCOM LDAN 'DAS KYIS BKA' STZAL PA, SGO KHANG DANG KHYAMS SU BTZO BAR MI BYA'O, ,DGE SLONG DAG DE LTA BAS NA RUNG BA'I GNAS KYI GZHIR MI RUNG BA NI BCU PO 'DI DAG STE, 'DI RNAMS SU ZAS KYI ZHAL TA MI BYA'O, ,BCU GANG ZHE NA, STENG G-YOGS MED BA DANG, SGO KHANG DANG, KHYAMS DANG, BSRO GANG DANG, KHRUS KHANG DANG, RGYAL PO'I GNAS DANG, MCHOD RTEN GYI GNAS DANG, MU STEGS CAN GYI GNAS DANG, KHYIM BDAG GI GNAS DANG, DGE SLONG MA'I DBYAR KHANG NGO, ,GZHI BCU PO 'DI DAG NI RUNG BA MA YIN PA'I GNAS KYI GZHI YIN TE, DE RNAMS SU DGE SLONG GIS ZAS KYI ZHAL TA MI BYA'O, ,ZHAL TA BYED NA 'GAL TSABS CAN DU 'GYUR RO,, ,, @24A *, ,SDOM NI; NAD BU CAN DANG ZAS DAG DANG, ,G-YAR TSUS LHAG PA DAG DANG YANG, ,TSAL GYI 'BRAS BU CHU SKYES DANG, ,PAD MA'I RTZA DANG LUG DAG GO, ,GLENG GZHI NI MNYAN YOD NA'O, ,MNYAN YOD NA DGE SLONG NAD BU CAN ZHIG YOD PA DES SMAN PA LA DRIS PA; BZHIN BZANGS DAG KHO BO LA SMAN STON CIG ,DES NAD KYI GZHI DRIS NAS SMRAS PA, 'PHAGS PA THUG PA GSOL CIG DANG SOS PAR 'GYUR RO, ,DES SMRAS PA, BZHIN BZANGS BCOM LDAN 'DAS KYIS MA GNANG NGO, ,SMAN PAS SMRAS PA, 'PHAGS PA KHYOD KYI STON PA THUGS RJE CAN YIN PAS 'DI NYID KYIS RKYEN BYAS NAS GNANG BAR 'GYUR BA'I GNAS DE YOD DO, ,DES SKABS DE DGE SLONG RNAMS LA'O, ,DGE SLONG RNAMS KYIS NI BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, GAL TE SMAN PAS THUG PA 'THUNG SHIG CES ZER NA SMAN PAS BSGO BA BZHIN THUG PA BTUNG BAR BYA STE DE LA 'GYOD PA MI BYA'O, ,BCOM LDAN 'DAS KYIS SMAN PAS BSGO BA BZHIN THUG PA BTUNG BAR BYA'O ZHES BKA' STZAL PA DANG, DE'I NAD G-YOG GIS THUG PA GRANG MO ZHIG KHYER TE BYIN NO, , DE NAS SMAN PAS 'ONGS NAS DRIS PA 'PHAGS PA KHYOD BDE'AM, DES SMRAS PA, BZHIN BZANGS MI BDE'O, ,CI KHYOD KYIS THUG PA MA GSOL TAM, 'THUNGS SO, ,CI 'DRA BA ZHIG ,GRANG MO'O, ,'PHAGS PA MA LEGS PA ZHIG BGYIS SO, ,SANG NI DRON MO GSOL CIG ,DE NAS NAD G-YOG GIS BLANGS NAS GRANG MO KHO NA RNYED NAS DES DE LA BSROS TE BYIN NO, ,DE NAS SMAN PA 'ONGS TE DE BZHIN DU DRIS PA DANG DES SMRAS PA, MI BDE'O, ,CI THUG PA MA GSOL TAM, 'THUNGS SO, ,CI 'DRA BA ZHIG ,GRANG MO ZHIG BSROS NAS SO, , 'PHAGS PA MA LEGS PA ZHIG BGYIS SO, ,DE GRANGS TE BSROS PA LAGS KYIS SANG NI RANG BZHIN GYIS DRON POR MDZOD LA GSOL CIG ,DE NAS DE'I NAD G-YOG GIS 'BRAS DANG SNOD STA GON BYAS NAS GTZUG LAG KHANG GI PHYI ROL GYI SHING DRUNG ZHIG TU BTZO BAR BRTZAMS PA LAS DE NAS @24B KHVA'I RTUG PAS DE MA RUNG BAR BYAS PAS DGE SLONG DE PHONGS PAR GYUR PA'I SKABS DE DGE SLONG RNAMS LA'O, ,DGE SLONG RNAMS KYIS NI BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG DE LTA BAS NA RUNG BA'I GNAS BSKO BAR BYA'O, BCOM LDAN 'DAS KYIS RUNG BA'I GNAS BSKO BAR BYA'O ZHES BKA' STZAL PA DANG, DGE SLONG RNAMS KYIS CI 'DRA BA DANG JI TZAM PA MA SHES NAS, BCOM LDAN 'DAS KYIS BKA' STZAL PA, RUNG BA'I GNAS LNGA STE, RTZOM PA'I MTHA' CAN DANG, SEMS GTOD PA'I MTHA' CAN DANG, BA NYAL BA LTA BU DANG, STONG PA'I GNAS DANG, BSKOS PA'O, ,DE LA RTZOM PA'I MTHA' CAN NI 'DI LTA STE, DGE SLONG LAG GI BLAS GNAS RTZOM PA NA DER THOG MAR GZHI 'DI NI DGE 'DUN GYI RUNG BA'I GNAS SU 'GYUR RO ZHES SEMS BSKYED CING TSIG TU SMRAS PA STE, 'DI NI RUNG BA'I GNAS RTZOM PA'I MTHA' CAN ZHES BYA'O, ,SEMS GTOD PA'I MTHA' CAN GANG ZHE NA, 'DI LTA STE, DGE SLONG LAG GI BLAS DER THOG MAR GZHI RNGO BA 'DREN PA NA NYE 'KHOR GYI DGE SLONG RNAMS LA SMRAS PA, TSE DANG LDAN PA DAG GZHI 'DI NI DGE 'DUN GYI RUNG BA'I GNAS SU 'GYUR BAR NGES PAR ZUNG SHIG NGES PAR ZUNG SHIG CES BYA STE, 'DI NI SEMS GTOD PA'I MTHA' CAN ZHES BYA'O, ,BA NYAL BA LTA BU GANG ZHE NA, GANG LA SGO THA DAD PAR GSES PA STE, 'DI NI BA NYAL BA LTA BU ZHES BYA'O, ,GNAS STONG PA GANG ZHE NA, SPANGS PA'I GNAS TE 'DI NI GNAS STONG PA ZHES BYA'O, ,BSKOS PA GANG ZHE NA, GSOL BA DANG GNYIS KYI LAS KYIS BSKOS PA'O, ,DGE SLONG RNAMS KYIS JI LTAR BSKO BA MA SHES NAS, BCOM LDAN 'DAS KYIS BKA' STZAL PA, GNAS GANG ZHIG THAMS CAD ZIN PAR BYAS PA NANG MTSAMS DANG PHYI ROL NYE 'KHOR 'DOM GANG DANG BCAS PA LA DGE 'DUN GYIS 'DOD NA DE BSKO BAR BYA'O, ,BSKO BA YANG 'DI LTAR BYA STE, GNAS MAL BSHAMS LA GAnd'I BRDUNGS TE DRIS PA'I TSIG GIS DGE SLONG RNAMS LA YANG DAG PAR BSGO LA, DGE 'DUN THAMS @25A *, ,CAD 'DUG CING MTHUN PAR GYUR PA DANG, DGE SLONG GCIG GIS GSOL BA BYAS TE LAS BYA'O, ,DGE 'DUN BTZUN PA RNAMS GSAN DU GSOL, GNAS THAMS CAD LAGS PA NANG MTSAMS DANG PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKO NA, GAL TE DGE 'DUN GYI DUS LA BAB CING BZOD NA DGE 'DUN GYIS GNANG BAR MDZOD CIG DANG, DGE 'DUN GYIS GNAS THAMS CAD LAGS PA NANG MTSAMS PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKO'O; ,'DI NI GSOL BA'O, ,LAS NI 'DI LTAR BYA STE, DGE 'DUN BTZUN PA RNAMS GSAN DU GSOL, GNAS THAMS CAD LAGS PA NANG MTSAMS DANG PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKO BAR BZHED DE, DE'I SLAD DU DGE 'DUN GYIS GNAS THAMS CAD LAGS PA NANG MTSAMS DANG PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKO NA, TSE DANG LDAN PA RNAMS LAS GANG DAG GNAS THAMS CAD LAGS PA NANG MTSAMS DANG PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKO BAR BZOD PA DE DAG NI CANG MA GSUNG SHIG ,GANG DAG MI BZOD PA DE DAG NI GSUNG SHIG ,DGE 'DUN GYIS BZOD CING GNANG NAS DGE 'DUN GYIS GNAS THAMS CAD BGYIS LAGS PA NANG MTSAMS DANG PHYI ROL NYE 'KHOR 'DOM GANG DANG BCAS PA 'DI DGE 'DUN GYI RUNG BA'I GNAS SU BSKOS LAGS TE, 'DI LTAR CANG MI GSUNG BAS DE DE BZHIN DU 'DZIN TO, ,GANG DU DGE 'DUN GYI RUNG BA'I GNAS SU BSKOS PA DER GNYIS SKABS DBYE STE, MTSAMS KYI NANG DU BTZOS PA DANG, MTSAMS KYI NANG DU ZHAG LON PA'O, ,SANGS RGYAS BCOM LDAN 'DAS YANGS PA CAN GYI SPRE'U RDZING GI 'GRAM NA KHANG PA BRTZEGS PA'I GNAS NA BZHUGS SO, ,YANGS PA CAN NA SDE DPON SENG GE ZHES BYA BA ZHIG GNAS TE, DE'I NYE 'KHOR NA GNAS PA RNAMS KYIS DE'I CHED @25B DU SHA KHYER TE 'ONGS NAS DE YANG ZA BAR BYED DO, ,GANG GI TSE DES BCOM LDAN 'DAS LAS BDEN PA MTHONG BA DE'I TSE MI ZA BAS KHYER TE 'ONGS NAS YANG DGE SLONG RNAMS LA SBYIN PAR BYED DO, ,DGE SLONG RNAMS KYIS KYANG DE DAG ZOS PA DANG MU STEGS CAN RNAMS SMOD PAR BYED, GZHOGS 'PHYAS BYED, KHA ZER BAR BYED DE, SHES LDAN DAG SDE DPON SENG GE'I CHED DU BYAS TE SHA KHYER TE 'ONGS NA NI DES DE DAG MA ZOS LA, SH'AKYA'I SRAS KYI DGE SBYONG RNAMS LA BYIN PA DANG, SH'AKYA'I SRAS KYI DGE SBYONG RNAMS KYI CHED DU BYAS PA'I SHA NI ZOS SO ZHES PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, NGAS GNAS GSUM GYIS RUNG BA MA YIN PA'I SHA BZA' BAR MI BYA'O ZHES GSUNGS PA GSUM GANG ZHE NA, BDAG GI CHED DU BYAS PAR MNGON DU MTHONG BA RUNG BA MA YIN PA'I SHA BZA' BAR MI BYA'O ZHES GSUNGS PA DANG, YID CHES PA LAS KHYOD KYI CHED DU BYAS PA YIN NO ZHES THOS PA RUNG BA MA YIN PA'I SHA BZA' BAR MI BYA'O ZHES GSUNGS PA DANG, RANG NYID KYI BLO LA RNAM PAR RTOG PA SKYES BA TSUL LAS 'DI NI BDAG GI CHED DU BYAS PA YIN NO SNYAM DU RUNG BA MA YIN PA'I SHA BZA' BAR MI BYA'O ZHES GSUNGS PA YIN NO, ,DGE SLONG DAG NGAS GNAS GSUM GYIS RUNG BA'I SHA BZA' BAR BYA'O ZHES GSUNGS PA GSUM GANG ZHE NA, 'DIS BDAG GI CHED DU BYAS PAR MNGON SUM DU MA MTHONG BA RUNG BA'I SHA BZA' BAR BYA'O ZHES GSUNGS PA DANG, YID CHES PA LAS 'DIS KHYOD KYI CHED DU BYAS PA MA YIN NO ZHES THOS PA RUNG BA'I SHA BZA' BAR BYA'O ZHES GSUNGS PA DANG, BDAG NYID KYI BLO LA RNAM PAR RTOG PA SKYES PA TSUL LAS 'DI NI BDAG GI CHED DU BYAS PA YIN NO SNYAM PA MA SKYES PA RUNG BA'I SHA BZA' BAR BYA'O ZHES GSUNGS PA YIN NO, ,GLENG GZHI NI MNYAN YOD NA'O, ,MU GE DANG BCAS PA'I DUS BYUNG NAS DGE SLONG DAG LTOGS PAR GYUR PAS DE RNAMS GLOS PHAB STE 'DUG PA DANG BRAM ZE DANG KHYIM BDAG RNAMS KYIS SMRAS PA, 'PHAGS PA DAG @26A *, ,GCIG TU BRTZON BAR BYA BA'I PHYIR BSTAN PA LA CI'I SLAD DU GLOS PHAB STE BZHUGS SHING DGE BA'I PHYOGS LA BRTZON PAR MI MDZAD, DE RNAMS KYIS SMRAS PA, MU GE DANG BCAS PA'I DUS BYUNG BAS BSOD SNYOMS LTO 'GRANGS PAR MI RNYED PAS KHO BO CAG LTOGS TE NYAM CHUNG BAS DES NA GLOS PHAB STE 'DUG GO , ,DE RNAMS KYIS SMRAS PA, CI STE ZHAL TSUS MI GSOL, BCOM LDAN 'DAS KYIS MA GNANG NGO, ,KHYOD KYI STON PA NI THUGS RJE CAN YIN PAS GNANG BAR 'GYUR BA GANG YIN PA'I GNAS DE YOD DO ZHES BYA BA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG DE'I PHYIR RJES SU GNANG STE, MU GE'I SDUG BSNGAL DGON PA 'DI LTA BUR DGE SLONG RNAMS KYIS G-YAR TSUS BZA' BAR BYA STE, 'DI LA 'GYOD PAR MI BYA'O, ,GLENG GZHI NI MNYAN YOD NA'O, ,MU GE DANG BCAS PA'I DUS BYUNG NAS DGE SLONG RNAMS LA BRAM ZE DANG KHYIM BDAG DAD PA CAN RNAMS KYIS SMRAS PA, 'PHAGS PA DAG 'DI NYID DU ZAS KYI BYA BA MDZOD CIG , DE RNAMS KYIS ZAS KYI BYA BA BYAS NAS BSOD SNYOMS SNGAR RNYED PA KHYER NAS GTZUG LAG KHANG DU SONG STE, DE RNAMS KYIS MU GE'I SKYON GYIS DE YANG BZA' BAR 'DOD NA 'ON KYANG 'GYOD PAS MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE'I PHYIR RJES SU GNANG STE, MU GE'I SDUG BSNGAL DGON PA 'DI LTA BUR 'DOD NA SNGAR BLANGS ZIN TO SNYAM DU SOMS LA SNGAR RNYED PA YANG BZA' PAR BYA STE, 'DI LA 'GYOD PAR MI BYA'O, ,GLENG GZHI NI MNYAN YOD NA'O, ,MU GE DANG BCAS PA'I DUS BYUNG NAS BRAM ZE DANG KHYIM BDAG DAD PA CAN RNAMS KYIS DGE SLONG RNAMS KHYIM GYI NANG DU ZAS LA MGRON DU BOS NAS DE RNAMS KYIS ZOS PA DANG BCA' BA LAS LHAG MA ZHIG LUS SO, ,BRAM ZE DANG KHYIM BDAG RNAMS KYIS SMRAS PA, 'PHAGS PA DAG KHYED KYI CHED DU STA GON BGYIS PA LAGS KYIS SNOMS TE BZHUD LA PHYIS GSOL CIG , @26B DE RNAMS KYIS KHYOR TE DONG NGO, ,DONG NAS DE YANG ZA BAR 'DOD NA 'GYOD PAS MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE'I PHYIR RJES SU GNANG STE, MU GE'I SDUG BSNGAL DGON PA 'DI LTA BUR 'DI DAG NI BYIN PA YIN NO SNYAM DU BSAMS NAS BZA' BAR BYA STE, 'DI LA 'GYOD PAR MI BYA'O, ,GLENG GZHI NI MNYAN YOD NA'O, ,MU GE DANG BCAS PA'I DUS BYUNG BA NA BRAM ZE DANG KHYIM BDAG DAD PA CAN RNAMS KYIS DGE SLONG RNAMS ZAS LA MGRON DU BOS TE, DE RNAMS KYIS ZOS NAS BCA' BA LA SOGS PA CUNG ZAD CIG LHAG STE, DGE SLONG RNAMS DONG BA DANG BRAM ZE DANG KHYIM BDAG RNAMS KYIS SMRAS PA, 'DI NI BDAG CAG GIS 'PHAGS PA DAG KHO NA LA YONGS SU BTANG BA LAGS TE, 'TSAL TE MCHIS LA KHYOD KHO NA LA DBUL LO ZHES DE RNAMS KYIS KHYER TE 'ONGS PA DANG, DGE SLONG RNAMS DE LA ZA BAR 'DOD NA 'GYOD PAS MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE'I PHYIR RJES SU GNANG STE, MU GE'I DGON PA SDUG BSNGAL 'DI LTA BUR SNGAR YONGS SU BTANG BA'O SNYAM DU BSAMS NAS BZA' BAR BYA STE, 'DI LA 'GYOD PAR MI BYA'O, ,GLENG GZHI NI MNYAN YOD NA'O, ,BRAM ZE DANG KHYIM BDAG DAD PA CAN RNAMS KYIS NUB PHYOGS KYI TSAL NA YOD PA'I 'BRAS BU RNAMS GRUB NAS DE RNAMS KYIS BSAMS PA; 'DI DAG NI RNYED DKA' BA YIN PAS 'PHAGS PA RNAMS LA 'BUL LO ZHES DE DAG GIS DGE SLONG RNAMS ZAS ZOS NAS SPANG BA BYAS PA RNAMS LA DE DAG BYIN PA DANG, DGE SLONG RNAMS KYIS SPANG BA BYAS ZIN NO ZHES 'GYOD PAS MA ZOS PA DANG, BRAM ZE DANG KHYIM BDAG DAD BA CAN RNAMS KYIS SMRAS PA, 'PHAGS PA DAG GANG GI TSE BCOM LDAN 'DAS 'JIG RTEN DU MA BYUNG BA DE'I TSE MU STEGS CAN RNAMS LA YON GNAS BGYID PA LAS, DA NI BCOM LDAN 'DAS 'JIG RTEN DU BYUNG NAS KHYED RNAMS KYANG DA NI YON GNAS SU GYUR PA LAGS NA, GAL TE @27A *, ,KHYED KYIS MA BZHES NA CI BDAG CAG GI DGE BA'I SHUL RGYAGS DANG BRAL TE, 'JIG RTEN 'DI NAS 'JIG RTEN PHA ROL DU MCHI BAR BGYI'AM, DE LTA BAS NA THUGS BRTZE BAS BZHES SHIG PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DE'I PHYIR RJES SU GNANG STE, RNYED PAR DKA' BA YIN NO SNYAM NAS BZA' BAR BYA STE, 'DI LA 'GYOD PAR MI BYA'O, ,DE LA TSAL NA YOD PA'I 'BRAS BU NI 'DI DAG YIN TE, RGUN 'BRUM DANG, BAL PO SE'U DANG, 'BRA GO DANG, STA RGA DANG, YON TSE DANG, SHING TOG AU RA MA NA DANG, SHING TOG AU RU MA YI KA DANG, SHING TOG NI KO TZA DANG, SHING TOG BA BHU DANG, SHING TOG SIN TZI KA'O, ,GLENG GZHI NI MNYAN YOD NA'O, ,BRAM ZE DANG KHYIM BDAG DAD PA CAN RNAMS KYIS DGE SLONG RNAMS ZAS ZOS ZIN PA DANG, CHU NAS SKYES PA DAG PHUL BA DANG, DGE SLONG RNAMS 'DOD KYANG SPANG BA BYAS ZIN TO ZHES 'GYOD PAS MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, RNYED PAR DKA' BA YIN NO SNYAM DU BSAMS NAS BZA' BAR BYA STE, DE LA 'GYOD PAR MI BYA'O, ,DE LA CHU NAS SKYES PA NI 'DI DAG YIN TE, AUTPA LA'I RTZA BA DANG, PAD MA'I RTZA BA DANG, KU MU DA'I SA BON DANG, PAD MA'I SA BON NO, ,GLENG GZHI NI MNYAN YOD NA'O, ,TSE DANG LDAN PA SH'A RI'I BU KHAMS MA SNYOMS PAS KHRAG DANG BAD KAN 'KHRUGS PAR GYUR TO, , DE'I RIM GRO BYED PA TSE DANG LDAN PA MOOD GAL GYI BU CHEN POS BSAMS PA, BDAG RANG GI BLOS NI TSE DANG LDAN PA SH'A RI'I BU LA LAN MANG DU RIM GRO BYAS KYI LAN 'GA' YANG SMAN PA LA MA DRIS KYIS, MA LA BDAG GIS DRI'O SNYAM NAS DES SMAN PA LA DRIS PA, BZHIN BZANGS TSE DANG LDAN PA SH'A RI'I BU KHRAG DANG BAD KAN 'KHRUGS PAR GYUR NA DE'I SMAN STON CIG ,DES SMRAS PA 'PHAGS PA PAD MA'I RTZA BA'I 'O MA STZOL CIG DANG SOS PAR 'GYUR RO, ,TSE DANG LDAN PA MOOD GAL GYI BU CHEN POS BSAMS PA, GAL TE BDAG GIS TSE DANG LDAN PA SH'A RI'I BU LA PAD MA'I RTZA BA PHAL PA'I @27B 'O MAS RIM GRO BYA BA NI BDAG GI CHA MA YIN NO SNYAM DU BSAMS NAS JI LTAR SEMS MNYAM PAR BZHAG PAS MNYAN YOD NAS MI SNANG BAR GYUR TE, DAL GYIS 'BAB CES BYA BA'I 'GRAM DU PHYIN PAR 'GYUR BA DE LTA BU'I TING NGE 'DZIN LA SNYOMS PAR ZHUGS PA DANG, KLU'I RGYAL PO RAB BRTAN GYI GNAS DANG NYE BAR GYUR PA DANG, DE NAS KLU'I RGYAL PO RAB BRTAN GYIS MTHONG NAS SMRAS PA, 'PHAGS PA DGOS PA CI ZHIG GI PHYIR BYON, DES SMRAS PA, TSE DANG LDAN PA SH'A RI'I BU KHRAG DANG BAD KAN 'KHUGS NAS DE LA SMAN PAS PAD MA'I RTZA BA'I 'O MA BSTAN TO, ,KLU'I RGYAL PO RAB BRTAN GYIS SMRAS PA, 'PHAGS PA GAL TE DE LTAR NA RE ZHIG GZHES SHIG ,DE DAL GYIS 'BAB KYI NANG DU ZHUGS NAS MI'I TSAD TZAM GYI PAD MA'I RTZA BA DAG BTON CING PAD MA'I RTZA BA'I 'O MA PAD MA'I 'DAB MA'I SKYO RAR GZAR NAS TSE DANG LDAN PA MOOD GAL GYI BU CHEN PO'I LHUNG BZED BKANG NGO, , TSE DANG LDAN PA MOOD GAL GYI BU CHEN POS PAD MA'I RTZA BA GSHEGS PA LA LTA BAR BRTZAMS PA DANG DE NAS KLU'I RGYAL PO RAB BRTAN GYIS SMRAS PA, 'PHAGS PA CI GZIGS PAD MA'I RTZA BA DAG GSOL BAR BZHED DAM, DE CANG MI SMRA BAR 'DUG PA DANG SMRAS PA, 'PHAGS PA BZHUD CIG DANG BSKUR RO, ,DE NAS TSE DANG LDAN PA MOOD GAL GYI BU CHEN POS PAD MA'I RTZA BA'I 'O MAS LHUNG BZED BKANG BA KHYER NAS DAL GYIS 'BAB KYI 'GRAM NAS MI SNANG BAR BYAS TE MNYAN YOD KYI RGYAL BU RGYAL BYED KYI TSAL MGON MED ZAS SBYIN GYI KUN DGA' RA BAR PHYIN TO, ,DE NAS TSE DANG LDAN PA SH'A RI'I BUS SMAN PAS BSTAN PA BZHIN PAD MA'I RTZA BA'I 'O MA 'THUNGS PAS SOS PAR GYUR TO, ,KLU'I RGYAL PO RAB BRTAN GYIS KYANG GLANG PO CHE NAG PO'I CHA BYAD 'CHANG LA PAD MA'I RTZA BA KHUR CIG BKUR NAS MNYAN YOD KYI RGYAL BU RGYAL BYED KYI TSAL DU SONG LA GTZUG LAG KHANG GI KHYAMS KYI MDUN DU ZHOG LA SHOG SHIG ,DE RLUNG GI SHUGS LTAR MGYOGS PA'I MTHUS MNYAN YOD KYI RGYAL BU RGYAL BYED KYI TSAL GYI GTZUG LAG KHANG DU 'ONGS NAS PAD MA'I RTZA BA RNAMS KHYAMS KYI MDUN DU BZHAG NAS SLAR LOG PA LAS LAM GYI PHYED NA TSAL GYI BAL GLANG MO ZHIG YOD PA DANG LHAN @28A *, ,CIG 'DUS PAR GYUR TO, ,DUS GZHAN ZHIG NA BAL GLANG MO DE LAS BAL GLANG PHRUG GU CIG 'BRANGS TE 'BRANGS PA'I MOD LA SENG GE'I SGRA 'BYIN TO, ,DE NAS BAL GLANG MO DE SKRAG PAS GCIG RTUG SHOR NAS BAL GLANG PHRUG GU BOR TE BROS SO, ,DE NAS RGYAL PO'I KHAB NA GNAS PA'I SHING MKHAN ZHIG SHING GI CHED DU TSAL DU SONG BA LAS BAL GLANG PHRUG GU DE MTHONG NAS KHYIM DU BLANGS TE BSNUN GSOS BSKYED DE, NOR GYIS BSKYANGS PAS MING NOR SKYONG NOR SKYONG ZHES BYA BAR GRAGS SO, ,KHA CIG NI RGYAL PO GSAL RGYAL GYIS RGYAL PO GZUGS CAN SNYING PO LA NOR SKYONG SKYES SU BSKUR BA LAS, DE MNYAN YOD KYI YUL NA GNAS PA'I SKYE BOS NOR GYIS BSKYANGS PAS NA NOR SKYONG ZHES 'DON TO, ,PAD MA'I RTZA BA KHA CIG NI TSE DANG LDAN PA MOOD GAL GYI BU CHEN POS ZOS, KHA CIG NI TSE DANG LDAN PA SH'A RI'I BUS, KHA CIG NI DGE 'DUN LA BRIMS PA LAS 'ON KYANG LHAG PAR GYUR TO, ,DE NAS DGE SLONG RNAMS KYIS SPANG BA BYAS NAS KYANG ZA BAR 'DOD NA BDAG CAG GIS SPANG BA BYAS SO ZHES MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG MI RNAMS KYIS LHA'I PAD MA'I RTZA BA RNYED PAR DKA' BAS DE'I PHYIR RJES SU GNANG NGO, ,PAD MA'I RTZA BA RNYED PAR DKA' BA YIN NO SNYAM DU BSAMS NAS BZA' BAR BYA STE, DE LA 'GYOD PAR MI BYA'O, ,GLENG GZHI NI MNYAN YOD NA'O, ,DE'I TSE GRONG KHYER BZANG BYED NA BSOD NAMS CHEN POR SHES PAR BYA BA DRUG GNAS TE, KHYIM BDAG LUG CES BYA BA DANG, LUG GI CHUNG MA DANG, LUG GI BU DANG, LUG GI MNA' MA DANG, LUG GI BRAN PO DANG, LUG GI BRAN MO'O, ,KHYIM BDAG LUG BSOD NAMS CHE BAR JI LTAR SHES ZHE NA, GAL TE BANG MDZOD STONG PA RNAMS LA BLTAS NA MTHONG MA THAG KHO NAR DGANG BAR 'GYUR TE, DE LTAR NA KHYIM BDAG LUG BSOD NAMS CHE BAR SHES SO, ,LUG GI CHUNG MA JI LTA BU ZHE NA, DES GCIG GI DON DU SNOD DU BTZOS PA NI BRGYA STONG GI BZA' BA 'BYUNG STE, LUG GI CHUNG MA NI DE LTA BU YIN NO, ,LUG GI BU JI LTA BU ZHE NA, DE'I RKED PA LA LNGA BRGYA PA'I SNOD @28B BTAGS TE 'DUG LA, DES GANG GI TSE BRGYA'AM STONG YONGS SU BTANG BA DE'I TSE DE BZHIN DU GANG BAR 'DUG STE, YONGS SU ZAD PAR MI 'GYUR TE, LUG GI BU NI DE LTA BU YIN NO, ,LUG GI MNA' MA JI LTA BU ZHE NA, DES GCIG GI DON DU DRI SBYAR NA BRGYA STONG KHYED PAR 'GYUR TE, LUG GI MNA' MA NI DE LTA BU YIN NO, ,LUG GI BRAN PHO JI LTA BU ZHE NA, DES GANG GI TSE ZHING LA ROL GCIG RMOS PA DE'I TSE ZHING LA ROL BDUN RMOS PAR 'GYUR TE, LUG GI BRAN PHO NI DE LTA BU YIN NO, ,LUG GI BRAN MO NI JI LTAR BSOD NAMS CHE BAR SHES ZHE NA, DE GANG GI TSE 'BRAS GTUN GANG TZAM DRUS PA DE'I TSE BDUN TZAM DU SKYES PAR 'GYUR TE, DE LTAR NA LUG GI BRAN MO BSOD NAMS CHE BA YIN NO, ,DE NAS BCOM LDAN 'DAS KYIS KHYIM BDAG LUG GDUL BA'I DUS MKHYEN NAS, TSE DANG LDAN PA KUN DGA' BO LA BKA' STZAL PA, KUN DGA' BO SONG LA DGE SLONG RNAMS LA DGE SLONG DAG DE BZHIN GSHEGS PA NI LJONGS RGYU ZHING GRONG KHYER BZANG BYED DU GSHEGS KYIS, KHYED CAG LAS GANG ZHIG DE BZHIN GSHEGS PA DANG THABS CIG TU LJONGS RGYU ZHING GRONG KHYER BZANG BYED DU 'DOD BAR SPRO BA DE NI CHOS GOS RNAMS LONG SHIG CES SGO ZHIG ,BTZUN PA BKA' BZHIN 'TSAL ZHES NAS TSE DANG LDAN PA KUN DGA' BOS, BCOM LDAN 'DAS KYI LTAR MNYAN NAS DGE SLONG RNAMS LA SMRAS PA, TSE DANG LDAN PA DAG BCOM LDAN 'DAS LJONGS RGYU ZHING GRONG KHYER BZANG BYED DU GSHEGS KYIS, KHYED CAG LAS GANG ZHIG DE BZHIN GSHEGS PA DANG THABS CIG TU LJONGS RGYU ZHING GRONG KHYER BZANG BYED DU 'DONG BAR SPRO BA DE NI CHOS GOS RNAMS LONG SHIG ,TSE DANG LDAN PA BKA' BZHIN 'TSAL ZHES DGE SLONG DE RNAMS KYIS TSE DANG LDAN PA KUN DGA' BO LAS MNYAN TO, ,DE NAS BCOM LDAN 'DAS DUL BA, 'KHOR DUL BA, ZHI BA, 'KHOR ZHI BA, DGRA BCOM PA, 'KHOR DGRA BCOM PA DANG LJONGS RGYU ZHING GRONG KHYER BZANG BYED DU GSHEGS SO, ,GANG GI TSE BCOM LDAN 'DAS KYIS MNYAN YOD DU CHO 'PHRUL CHEN PO BSTAN PA DE'I TSE MU STEGS CAN RNAMS MTHA' 'KHOB TU DONG BA LAS DE NAS KHA CIG GRONG KHYER BZANG BYED DU DONG NAS @29A *, ,GNAS PA DE RNAMS KYIS DGE SBYONG GOO TA MA 'ONG NGO ZHES THOS SO, ,THOS NAS KYANG ROD ROD POR GYUR NAS BDAG CAG SNGON NI DGE SBYONG GOO TA MAS YUL DBUS NAS SPYUGS SO, ,DE GAL TE 'DIR 'ONGS NA, GDON MI ZA BAR BDAG CAG 'DI NAS KYANG SPYUGS PAR 'GYUR GYIS DE LA THABS SHIG BSHAM PAR BYA'O SNYAM MO, ,DE RNAMS RIGS KYI KHYIM DAG TU DONG NAS SMRAS PA, CHOS THOB PAR GYUR CIG ,CHOS THOB PAR GYUR CIG ,'PHAGS PA DAG DE CI LAGS, SHES LDAN DAG BLTAS ZIN GYIS 'GRO'O, ,CI'I SLAD DU RE ZHIG KHYED CAG GI 'BYOR PA PHUN SUM TSOGS PA NI KHO BO CAG GIS MTHONG GIS JI SRID RGUD PA MA MTHONG BA DE'I BAR DU 'DONG NGO, ,'PHAGS PA DAG BDAG CAG LA RGUD PA CI ZHIG 'BYUNG BAR 'GYUR LAGS, SHES LDAN DAG DGE SBYONG GOO TA MA SPU GRI'I SER BA 'BEBS SHING DU MA ZHIG BU MED PA DANG, KHYIM THAB MED PAR BYED CING 'ONG NGO, ,'PHAGS PA DAG GAL TE DE LTA NA GANG GI DUS KHO NAR GZHES PAR BGYI BA DE KHO NA'I DUS SU BDAG CAG SPANG BAR BGYI'AM, BZHUGS SHIG MA BZHUD CIG ,DE RNAMS KYIS SMRAS PA, BDAG CAG CI STE 'DUG KHYED CAG KHO BO CAG GI NYAN DU MI BTUB BO, ,'PHAGS PA DAG GSUNG SHIG MNYAN PAR BGYI'O, ,DE RNAMS KYIS SMRAS PA, SHES LDAN DAG GRONG KHYER BZANG BYED KYI NYE 'KHOR GYI SKYE BO'I TSOGS THAMS CAD GNAS NAS PHYUNG LA GRONG KHYER BZANG BYED KYI NANG DU TSUD CIG RTZVA SNGON PO RNAMS RNGOS SHIG ,'DUG GNAS RNAMS NI SHIG CIG ,ME TOG DANG 'BRAS BU'I SHING RNAMS NI CHOD CIG ,CHU RNAMS NI DUG LUGS SHIG ,DE RNAMS KYIS SMRAS PA, 'PHAGS PA DAG BZHUGS SHIG DANG THAMS CAD BGYI'O, ,DE NAS DE RNAMS KYIS GRONG KHYER BZANG BYED KYI NYE 'KHOR GYI SKYE BO'I TSOGS THAMS CAD GNAS NAS BTON NAS GRONG KHYER BZANG BYED KYI NANG DU BTZUD DE, RTZVA SNGON PO RNAMS NI BRNGAS, 'DUG GNAS RNAMS NI BSHIG ,ME TOG DANG 'BRAS BU'I SHING NI BCAD, CHU RNAMS NI DUG BLUGS SO, ,DE NAS LHA RNAMS KYID BANG PO BRGYA BYIN GYIS BSAMS PA, BCOM LDAN 'DAS LA BKUR STI MA YIN PA BYED PA YAL BAR DOR BA NI BDAG GI CHA MA @29B YIN TE, 'DI LTAR BCOM LDAN 'DAS KYIS BSKAL PA GRANGS MED PA GSUM DU DKA' BA BRGYA STONG DU MAS PHA ROL TU PHYIN PA DRUG YONGS SU RDZOGS PAR MDZAD PAS BLA NA MED PA'I YE SHES BRNYES PA'I BCOM LDAN 'DAS DE 'JIG RTEN THAMS CAD MED PA'I YUL STONG RGYU ZHING GSHEGS PAR BYA 'AM, MA LA BDAG GIS BCOM LDAN 'DAS NYAN THOS KYI DGE 'DUN DANG THABS CIG TU BDE BA LA REG PAR BYA BA'I PHYIR 'BAD PAR BYA'O SNYAM NAS DES RLUNG GTONG BA'I LHA'I BU LA BSGO BA, SONG LA CHU DUG CAN RNAMS SKOMS SHIG ,CHAR 'BEBS PA'I LHA'I BU LA BSGO BA, 'DI RNAMS KYIS BSKAMS PA DANG; KHYOD KYIS CHU YAN LAG BRGYAD DANG LDAN PAS KHONG SHIG ,RGYAL CHEN BZHI'I RIS KYI LHA RNAMS LA YANG BSGO BA, KHYED KYIS GRONG KHYER BZANG BYED KYI NYE 'KHOR DU GNAS THOB SHIG ,DE NAS RLUNG GTONG BA'I LHA'I BUS NI CHU DUG CAN RNAMS BSKAMS SO, ,CHAR 'BEBS PA'I LHA'I BUS NI DER YANG CHU YAN LAG BRGYAD DANG LDAN PAS BKANG NGO, ,RGYAL CHEN BZHI'I RIS KYI LHA RNAMS KYIS KYANG GRONG KHYER BZANG BYED KYI NYE 'KHOR DU GNAS BTAB NAS LJONGS RNAMS 'BYOR CING RGYAS PAR GYUR TO, ,MU STEGS CAN RNAMS KYIS GRONG KHYER NA GNAS PA'I SKYE BO'I TSOGS RNAMS BSOGS NAS DE RNAMS KYIS RTOG CHEN DAG MNGAGS TE LJONGS RNAMS CI 'DRA LTOS SHIG ,DE RNAMS DONG BA LAS LJONGS RNAMS LHAG PAR YANG 'BYOR CING RGYAS PAR GYUR PA MTHONG NAS SLAR 'ONGS TE SMRAS PA, SHES LDAN DAG LJONGS RNAMS 'DI LTA BUR 'BYOR CING RGYAS PA NI SNGON LAN 'GA' YANG BDAG CAG GIS MA MTHONG NGO, ,MU STEGS CAN RNAMS KYIS SMRAS PA, SHES LDAN DAG KHYED KYIS MTHONG NGAM, RE ZHIG GANG ZHIG SEMS MED PA'I DNGOS PO RNAMS KYANG SGYUR BAR BYED PA DES, KHYED CAG SGYUR BAR MI BYED PA DE LTA SRID RE SKAN, KHYED CAG RNAM PA THAMS CAD DU BLTAS ZIN TE, BLTA BA'I THA MA BYAS NAS 'GRO'O, ,DE RNAMS KYIS SMRAS PA, 'PHAGS PA DAG BZHUGS SHIG ,KHYED CAG LA DGE SBYONG GOO TA MAS CI ZHIG BGYIR MCHIS, DE YANG RAB TU BYUNG BA LAGS LA, KHYED KYANG RAB TU BYUNG BA SLONG ZHING 'TSO BA LAGS NA, @30A *, ,CI DES KHYED CAG GI SLONG BA BKAG PAR 'GYUR SNYAM MAM, MU STEGS CAN RNAMS KYIS SMRAS PA, DAM ZHIG BCAS TE GAL TE KHYED CAG SUS KYANG DGE SBYONG GOO TA MA LA BLTA BAR 'GRO BAR MI BYA ZHING GANG ZHIG 'GRO BA DE LA CHAD PAR K'ARA sh'A PA nA DRUG BCUS GCAD PAR KHRIMS 'CHA' NA 'DUG GO , ,DE RNAMS KYIS KYANG KHAS BLANGS NAS KHRIMS SU BCAS SO, ,DE NAS BCOM LDAN 'DAS LJONGS RGYU ZHING GSHEGS TE RIM GYIS GRONG KHYER BZANG BYED DU GSHEGS NAS BZANG BYED KYI LHO PHYOGS KYI GNAS SHIG NA BZHUGS SO, ,DE'I TSE SER SKYA'I GZHI'I BRAM ZE'I BU MO GRONG KHYER BZANG BYED DU BAG MAR BTANG BA DE RA BA'I KHA NA 'DUG PAS BCOM LDAN 'DAS MUN KHUNG NA BZHUGS PA MTHONG NAS DES BSAMS PA, BCOM LDAN 'DAS SH'AKYA'I RIGS DGA' BAR MDZAD PA, SHA' KYA'I RIGS KYI RGYAL PO SPANGS NAS RAB TU BYUNG BA DE NI 'DI YIN TE, GAL TE 'DI LA THEM SKAS SHIG YOD PAR GYUR NA BDAG MAR ME THOGS LA 'BABS PA ZHIG ,DE NAS BCOM LDAN 'DAS KYIS DE'I BSAM PA THUGS SU CHUD NAS THEM SKAS ZHIG SBRUL TO, ,DE NAS DE SNYING DGA' BA DANG MGU BA DANG, RAB TU DGA' BAS MAR ME THOGS TE THEM SKAS LAS BABS NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI SPYAN SNGAR MAR ME BZHAG NAS ZHABS GNYIS LA MGO BOS PHYAG BYAS TE CHOS MNYAN PA'I PHYIR 'DUG GO , ,DE NAS BCOM LDAN 'DAS KYIS DE'I BSAM PA DANG, BAG LA NYAL DANG, KHAMS DANG, RANG BZHIN MKHYEN NAS DE DANG MTHUN PA'I 'PHAGS PA'I BDEN PA BZHI SO SOR RTOGS PAR 'GYUR BA'I CHOS BSHAD PA MDZAD DO ZHES BYA BA NAS, SKYABS SU MCHI BAR MNGON PAR DAD LAGS SO ZHES BYA BA'I BAR GONG MA BZHIN DU'O, ,DE NAS BCOM LDAN 'DAS KYIS BU MO DE LA 'DI SKAD CES BKA' STZAL TO, ,BU MO KHYOD TSUR KHYIM BDAG LUG GANG NA BA DER SONG LA PHYIN PA DANG DE LA NGA NA RE NAD MED PAR GYUR CIG CES SMROS LA 'DI SKAD CES KYANG SMROS SHIG ,KHYIM BDAG KHYOD KYI CHED KHO NAR NGA 'DIR 'ONGS NA KHYOD SGO BCAD NAS 'DUG PAS GLO BUR BA LA JI LTAR KHYOD BYED PA DE LTA BUR BYA BA DE CIG RIGS SAM, GAL TE @30B TSOGS KYIS KHRIMS SU BCA' BA BYAS SO ZHES SMRAS PA DANG, KHYOD KYI BU'I RKED PA LA LNGA BRGYA PA'I SNOD BTAGS TE 'DUG PA DES GAL TE BRGYA'AM STONG 'GED PAR BTANG NA YANG GANG BA NYID DU 'DUG CING YONGS SU ZAD PAR MI 'GYUR NA KHYOD K'ARA sh'A PA nA DRUG BCU BYIN NAS 'ONG MI NUS SAM ZHES SMROS SHIG ,BTZUN PA BKA' BZHIN 'TSAL ZHES BU MO DES BCOM LDAN 'DAS KYI LTAR MNYAN NAS CHAS PA DANG, BCOM LDAN 'DAS KYIS JI LTAR SUS KYANG MI TSOR BA DE LTAR BYIN GYIS BRLABS NAS KHYIM BDAG LUG GI GAN DU SONG STE PHYIN PA DANG SMRAS PA, KHYIM BDAG BCOM LDAN 'DAS KHYOD LA NAD MED PAR GYUR CIG CES GSUNG NGO, ,DES SMRAS PA, BU MO SANGS RGYAS BCOM LDAN 'DAS LA PHYAG 'TSAL LO, ,KHYIM BDAG ,BCOM LDAN 'DAS KYIS BKA' STZAL PA, KHYOD KHO NA'I CHED DU NGA 'DIR GSHEGS NA KHYOD SGO BCAD NAS 'DUG PA GLO BUR BA LA JI LTAR KHYOD BYED PA DE LTA BUR BYA BA CIG RIGS SAM, DES SMRAS PA, BU MO TSOGS KYIS KHRIMS SU BCA' BA SUS KYANG DGE SBYONG GOO TA MA LA BLTA BAR BYA BA'I PHYIR 'GRO BAR MI BYA'O, ,GANG ZHIG 'GRO NA DE TSOGS KYIS K'ARA sh'A PA nA DRUG BCU'I CHAD PAS GCAD DO ZHES DAM BCAS SO, ,KHYIM BDAG ,BCOM LDAN 'DAS KYIS BKA' STZAL PA, KHYOD KYI BU'I RKED PA LA LNGA BRGYA PA'I SNOD BTAGS TE 'DUG PA DES GAL TE BRGYA'AM STONG 'GED PAR BTANG NA YANG GANG BA KHO NAR 'GYUR ZHING YONGS SU ZAD PAR MI 'GYUR NA K'ARA sh'A PA nA DRUG BCU BYIN NAS KHYOD 'ONG BAR MI NUS SAM ZHES GSUNG NGO, ,DES BSAMS PA, 'DI NI SUS KYANG MI SHES NA BCOM LDAN 'DAS DE NI THAMS CAD MKHYEN PA YIN PAS 'GRO'O SNYAM NAS, DES K'ARA sh'A PA nA DRUG BCU SGOR BZHAG NAS BRAM ZE'I BU MOS BSTAN PA'I THEM SKAS LAS BAS TE, BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGAR CHOS MNYAN PA'I PHYIR 'DUG GO , ,DE NAS BCOM LDAN 'DAS KYIS KHYIM BDAG LUG GI BSAM PA DANG, BAG LA NYAL DANG, KHAMS DANG, RANG BZHIN MKHYEN NAS 'PHAGS PA'I @31A *, ,BDEN PA BZHI SO SOR RTOGS PAR 'GYUR BA DE LTA BU'I CHOS BSHAD PA MDZAD DE, KHYIM BDAG LUG GIS DE THOS NAS ZHES BYA BA NAS RGYUN DU ZHUGS PA'I 'BRAS BU MNGON SUM DU BYAS SO ZHES BYA BA'I BAR GONG MA BZHIN NO, ,DES BDEN PA MTHONG NAS GSOL PA, BCOM LDAN 'DAS BZANG BYED NA GNAS PA'I SKYE BO'I TSOGS 'DI DAG GIS KYANG CIG 'DI LTA BU'I CHOS RNAM PA SNA TSOGS 'THOB PAR 'GYUR LAGS SAM, BCOM LDAN 'DAS KYIS BKA' STZAL PA, KHYIM BDAG KHYOD LAS BRTEN NAS PHAL CHER KUN GYIS 'THOB PA KHO NAR 'GYUR RO, ,DE NAS KHYIM BDAG LUG GIS BCOM LDAN 'DAS KYI ZHABS GNYIS LA MGO BOS PHYAG BYAS TE BCOM LDAN 'DAS KYI SPYAN SNGA NAS SONG STE, DE KHYIM DU PHYIN NAS GRONG KHYER GYI NANG DU K'ARA sh'A PA nA'I PHUNG PO BCER TE TSIGS SU BCAD PAS SMRAS PA, GANG ZHIG RGYAL BA 'DOD CHAGS SKYON BCOM RTZOD MED PA, ,MTSUNGS PA MED PA GSER GYI MDOG CAN LTA 'DOD PA, ,DE NI 'JIGS MED SNYING GIS SHIN TU NGES BYOS LA, ,MYUR DU DENGS SHIG DE YI NOR NI KHO BOS GZHAL, ,SKYE BO'I TSOGS KYIS SMRAS PA, KHYIM BDAG DGE SBYONG GOO TA MA MTHONG NA DGE BAR 'GYUR RAM, DES SMRAS PA, DGE BAR 'GYUR RO, ,DE RNAMS KYIS SMRAS PA, GAL TE DE LTA BAS NA TSOGS KHO NAS KHRIMS SU BCAS PA TSOGS KHO NAS BSHIG TU ZAD MOD, 'DI LA 'GAL BA CI ZHIG YOD, DE RNAMS KYIS KHRIMS SU BCAS PA BSHIG NAS 'BYUNG BAR BRTZAMS SO, ,DE NAS PHAN TSUN SDOS PAS 'BYUNG BAR MA NUS PA DANG GNOD SBYIN LAG NA RDO RJES 'DUL BA'I SKYE BO LA SNYING BRTZE BA'I PHYIR RDO RJE 'PHANGS PAS RA BA DRAL NAS SROG CHAGS BRGYA STONG PHRAG DU MA KHA CIG NI YA MTSAN SKYES, KHA CIG NI SNGON GYI DGE BA'I RTZA BAS YANG DAG PAR BSKUL NAS BYUNG NGO, ,DE NAS SKYE BO'I TSOGS CHEN PO 'DUS PAS BCOM LDAN 'DAS KYI NYE 'KHOR DPAG TSAD GCIG TSUN CHAD 'KHOR BAR 'DUG GO, ,DE NAS BCOM LDAN 'DAS KYIS 'KHOR DE RNAMS ZIL GYIS MNAN TE DGE SLONG GI DGE 'DUN GYI GUNG LA GDAN BSHAMS PA NYID LA BZHUGS NAS SEMS CAN DU MA DAG GI RGYUD LA DGE BA'I RTZA BA SKYED PAR BYED PA'I CHOS BSHAD PA MDZAD DE, DE @31B THOS NAS KHA CIG GIS NI RGYUN DU ZHUGS PA'I 'BRAS BU MNGON DU BYAS SO ZHES BYA BA NAS, KHA CIG NI SKYABS SU 'GRO BA DANG BSLAB PA'I GZHI RNAMS BLANGS SO ZHES BYA BA'I BAR GONG MA BZHIN DU'O,, ,,'DUL BA GZHI, BAM PO LNGA BCU BRGYAD PA, BCOM LDAN 'DAS KYIS YUN RING PO ZHIG TU CHOS BSHAD PAS GDUGS TSOD KYI DUS LAS YOL BAR GYUR TO, ,KHYIM BDAG LUG GIS GSOL PA, BCOM LDAN 'DAS ZHAL ZAS KYI MDZAD PA MDZAD DU GSOL, BCOM LDAN 'DAS KYIS BKA' STZAL PA, KHYIM BDAG ZAS KYI DUS LAS YOL BAR GYUR TO, ,DES GSOL PA; BCOM LDAN 'DAS DUS MA LAGS PAR RUNG BA CI LAGS, BCOM LDAN 'DAS KYIS BKA' STZAL PA, MAR DANG, BU RAM DANG, HVAGS DANG, SHA KHA RA DANG, BTUNG BA DAG GO, ,DE NAS KHYIM BDAG LUG GIS GYOS MKHAN DAG BKUG STE SMRAS PA, SHES LDAN DAG DUS MA YIN PA'I BCA' BA RNAMS MYUR DU STA GON GYIS SHIG ,DE RNAMS KYIS DUS MA YIN PA'I BCA' BA RNAMS STA GON BYAS SO, ,DE NAS KHYIM BDAG LUG GIS SANGS RGYAS LA SOGS PA DGE SLONG GI DGE 'DUN LA DUS MA YIN PA'I BCA' BA DANG, DUS MA YIN PA'I BTUNG BA RNAMS KYIS TSIM PAR BYAS SO, ,DE NAS BCOM LDAN 'DAS KYIS KHYIM BDAG LUG 'KHOR DANG BCAS PA YANG BDEN PA RNAMS LA SO SOR BKOD, RI 'OR NA GNAS PA'I SKYE BO'I TSOGS DE YANG SKAL BA JI LTA BA BZHIN DU BTUL TE GSHEGS PA NA KHYIM BDAG LUG GIS GSOL PA, BCOM LDAN 'DAS SHUL GYI SNYUN RGYAGS KYI ZONG K'ARA sh'A PA nA DAG BZHES SHIG ,BCOM LDAN 'DAS KYIS BKA' STZAL PA, BLANG BAR BYA'O, ,BCOM LDAN 'DAS KYIS K'ARA sh'A PA nA BLANG BAR BYA'O ZHES BKA' STZAL PA DANG, DGE SLONG RNAMS KYIS SU ZHIG GIS BLANG BAR BYA BA MA SHES NAS BCOM LDAN 'DAS KYIS BKA' STZAL PA, RUNG BA BYED PAS SO, ,RUNG BA BYED PA MED NAS BCOM LDAN 'DAS KYIS BKA' STZAL PA, DGE TSUL GYIS SO, ,SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA BCOM LDAN 'DAS KYIS DGE TSUL GYI BSLAB PA'I GZHI BCU @32A *, ,BAR GSER DNGUL LEN PAR GSUNGS LA, BCOM LDAN 'DAS KYIS DGE TSUL GYIS BLANG BAR BYA'O ZHES GSUNGS PA DE JI LTA BU LAGS, BCOM LDAN 'DAS KYIS BKA' STZAL PA, NYE BA 'KHOR NGAS 'CHANG BAR BYED PA LAS DGONGS TE GSUNGS KYIS MI BLANG BA NI MA YIN TE, DE BAS NA DGE TSUL GYIS BLANG BAR BYA'I BLANGS NAS BDAG GIR NI MI BYA'O, ,KHYIM BDAG LUG GIS GSOL PA, BCOM LDAN 'DAS BU RAM DAG BZHES SHIG ,BCOM LDAN 'DAS KYIS BKA' STZAL PA, BLANG BAR BYA'O, ,DGE SLONG RNAMS KYIS SU ZHIG GIS JI LTAR BLANG BAR BYA BA MA SHES NAS; BCOM LDAN 'DAS KYIS BKA' STZAL PA, KHYIM PA'AM DGE TSUL MED NA, DGE SLONG GIS ZHAG BDUN PAR BYIN GYIS BRLABS NAS RANG NYID KYIS BKUR BAR BYA'O, ,DGE SLONG DAG GIS JI LTAR BYIN GYIS BRLAB PAR BYA BA MA SHES NAS, BCOM LDAN 'DAS KYIS BKA' STZAL PA, LAG PA GNYIS BKRUS NAS BYIN LEN BYAS TE LAG PA GYON PA'I STENG DU BZHAG LA LAG PA G-YAS PAS BKAB NAS DGE SLONG GI MDUN DU 'DUG NAS TSE DANG LDAN PA DGONGS SU GSOL, BDAG MING 'DI ZHES BGYI BA'I SMAN 'DI BDAG DANG TSANGS PA MTSUNGS PAR SPYOD PA RNAMS KYI PHYIR ZHAG BDUN PAR BYIN GYIS BRLAB BO ZHES DE SKAD LAN GNYIS LAN GSUM DU BRJOD PAR BYA'O, ,SANGS RGYAS BCOM LDAN 'DAS LA TSE DANG LDAN PA NYE BA 'KHOR GYIS ZHUS PA, BTZUN PA BCOM LDAN 'DAS KYIS BU RAM ZHAG BDUN PAR BYIN GYIS BRLAB PAR BYA'O ZHES GANG GSUNGS PA SU ZHIG GIS 'TSAL BAR BGYI LAGS, NYE BA 'KHOR GANG ZAG LNGA RNAMS KYIS TE, LAM DU ZHUGS PA DANG SMYUNG BA BYAS PA DANG, NAD PA DANG, DGE SKOS DANG, LAG GI BLAS SO, ,DGE SLONG LJONGS RGYUR CHAS PA RNAMS KYIS 'BRAS DANG PHYE DAG GI NANG DU BU RAM BCUG PA LAS LAM GYIS NGAL NAS BZA' BAR 'DOD NA 'GYOD PAS MA ZOS PA'I SKABS DE DGE SLONG RNAMS KYIS BCOM LDAN 'DAS LA GSOL PA DANG, BCOM LDAN 'DAS KYIS BKA' STZAL PA, DGE SLONG DAG ZAS DE ZAS KYI BYA BA BYED MI NUS PAS 'BRAS DAG GI NANG DU BCUG PA GANG YIN PA DE SPRUGS NAS BZA' BAR BYA'O,, @32B PHYE RNAMS KYI GANG YIN PA DE NI CHUS BKRUS NAS BZA' BAR BYA'O, ,KHA CIG ZHU BAR GYUR PA DE BKRUR MA RUNG STE ZAS DANG BCAS PA NYID DU GYUR NAS, BCOM LDAN 'DAS KYIS BKA' STZAL PA, SMYUG MA'I TSAL PAS BZHAR LA CHUS BKRU BAR BYA'O, ,'ON KYANG ZAS MED PAR BYA MA NUS NAS, BCOM LDAN 'DAS KYIS BKA' STZAL PA, LEGS PAR BSAL TE, CHU'I NANG DU MNYES LA BTUNG BAR BYAS NAS DE TSAGS KYIS BTZAGS LA BTUNG BAR BYA STE, DE LA 'GYOD PAR MI BYA'O, ,DGE SLONG RNAMS THE TSOM SKYES NAS THE TSOM THAMS CAD GCOD PA, SANGS RGYAS BCOM LDAN 'DAS LA ZHUS PA, BTZUN PA, KHYIM BDAG LUG DANG, LUG GI MCHIS 'BRANG DANG, LUG GI BU DANG, LUG GI MNA' ME DANG, LUG GI BRAN PHO DANG, LUG GI BRAN MOS LAS CI ZHIG BGYIS NA, DES NA DE DRUG BSOD NAMS CHEN POR GYUR CING, BCOM LDAN 'DAS KYI SBYAN SNGAR BDEN PA MTHONG NAS 'DI DAG GIS BCOM LDAN 'DAS MNYES PAR BGYIS KYI MA MNYES PAR NI MA LAGS, BCOM LDAN 'DAS KYIS BKA' STZAL PA, DGE SLONG DAG 'DI DAG NYID KYIS LAS RNAMS BYAS SHING BSAGS PA TSOGS RNYED PA ZHES BYA BA NAS 'BRAS BU DAG TU 'GYUR BA NYID CES BYA BA'I BAR GONG MA BZHIN DU'O, ,DGE SLONG DAG SNGON BYUNG BA B'A R'A nA S'I'I GRONG KHYER DU RGYAL PO TSANGS PAS BYIN ZHES BYA BA RGYAL SRID BYED DU 'JUG GO, ,DE'I TSE B'A R'A nA S'I'I GRONG KHYER DU LTAS MKHAN RNAMS KYIS LO BCU GNYIS SU CHAR MI 'BAB PAS THUR MAS 'TSO BA'I MU GE CHEN PO 'BYUNG BAR 'GYUR RO ZHES LUNG BSTAN TO, ,MU GE RNAM PA GSUM NI ZA MA TOG DANG, RUS GONG DKAR PO DANG, THUR MAS 'TSO BA'O, ,DE LA ZA MA TOG CES BYA BA NI ZA MA TOG DE'I NANG DU MI RNAMS KYIS 'BRU DAG BLUGS TE, MA 'ONGS PA'I SEMS CAN RNAMS KYI CHED DU BZHAG NAS BDAG CAG SHI NAS 'BRU 'DIS MI DE DAG GI BYA BA BYED PAR 'GYUR RO SNYAM PA STE, 'DI NI ZA MA TOG DANG 'BREL PAS ZA MA TOG CES BYA'O, ,RUS GONG DKAR PO GANG ZHE NA, DUS DE NA MI RNAMS KYI RUS PA DAG BSDUS NAS RE ZHIG BTZOS TE, JI TZAM NA RUS PA DE DKAR POR GYUR PA @33A *, ,DANG; DE NAS DE'I KHU BA 'THUNG BA STE, 'DI NI RUS GONG DKAR PO DANG 'BREL BAS RUS GONG DKAR PO ZHES BYA'O, ,THUR MAS 'TSO BA GANG ZHE NA, DUS DE NA MI RNAMS KYIS GYUL GYI SER GA NAS 'BRU'I 'BRUM BU DAG THUR MAS BRUS NAS CHU MANG PO'I SNOD DU BTZOS NAS 'THUNG BA STE, 'DI NI THUR MA DANG 'BREL PAS THUR MAS 'TSO BA ZHES BYA'O, ,DE NAS RGYAL PO TSANGS PAS BYIN GYIS B'A R'A nA S'IR DRIL SGROGS SU BCUG PA, B'A R'A nA S'I NA GNAS PA'I SHES LDAN GRONG KHYER PA DAG NYON CIG ,LTAS MKHAN RNAMS KYIS LO BCU GNYIS SU CHAR MI 'BAB PAS ZA MA TOG DANG, RUS GONG DKAR PO DANG, THUR MAS 'TSO BA'I MU GE 'BYUNG BAR LUNG BSTAN GYIS, KHYED LAS GANG DAG LO BCU GNYIS KYI BZA' BA YOD PA DE RNAMS NI 'KHOD CIG ,GANG DAG LA MED PA DE DAG NI GAR DGA' BAR DENG LA MU GE MED CING LO LEGS PAR GYUR NAS SLAR GSHEGS SHIG ,DE'I TSE NA B'A R'A nA S'I NA KHYIM BDAG PHYUG CING NOR MANG BA, LONGS SPYOD CHE BA, 'KHOR YANGS SHING RGYA CHE BA ZHIG YOD DE, DES MNGAN BKUG STE SMRAS PA, KYE NANG RJE KHO BO 'KHOR DANG BCAS PA'I LO BCU GNYIS KYI BZA' BA YOD DAM, DES SMRAS PA, DPON PO MCHIS SO, ,DE DE NYID NA GNAS PA LAS MU GE DE BRGYUD MA KHO NAR BYUNG BAS DE'I BANG MDZOD RNAMS YONGS SU ZAD PAS 'KHOR GYI SKYE BO THAMS CAD SHI BAR GYUR TE BDAG NYID DANG DRUG CIG LUS SO, ,DE NAS KHYIM BDAG DES BANG MDZOD RNAMS PHYAGS PA LAS, 'BRAS BRE'U CHUNG GANG ZHIG BYUNG NAS, DE'I CHUNG MAS SNOD DU BLUGS TE BTZOS SO, ,SANGS RGYAS RNAMS 'BYUNG BA MED PA NA RANG SANGS RGYAS ZHES BYA BA NAS, 'JIG RTEN GYI YON GNAS GCIG PU NGAG 'JIG RTEN DU 'BYUNG BAR 'GYUR BA ZHES BYA BA'I BAR GONG MA BZHIN DU'O, ,JI TZAM NA RANG SANGS RGYAS ZHIG LJONGS RGYU ZHING SONG BA DANG B'A R'A nA S'IR PHYIN NAS SNGA DRO SHAM THABS BGOS LHUNG BZED DANG CHOS GOS THOGS TE B'A R'A nA S'IR BSOD SNYOMS LA ZHUGS PA NA KHYIM BDAG DES KYANG BZA' BA BSDOGS PA DANG, RANG SANGS RGYAS DE YANG RIM BZHIN DU BSOD SNYOMS LA BRGYUS NAS @33B DE'I KHYIM DU PHYIN TO, ,KHYIM BDAG DES DE LUS MDZES SHING SEMS DANG BA MTHONG NGO, ,MTHONG NAS KYANG BSAMS PA, 'DI BDAG GIS ZOS KYANG GDON MI ZA BAR SROG DANG 'BRAL BAR 'GYUR GYIS, MA LA BDAG GI SKAL BA RAB TU BYUNG BA 'DI LA SBYIN NO SNYAM NAS DES CHUNG MA LA SMRAS PA, BZANG MO KHO BO'I SKAL BA NI RAB TU BYUNG BA 'DI LA DBUL LO, ,DES BSAMS PA, BDAG GI KHYIM THAB MI ZA NA BDAG GIS CI STE BZA' SNYAM NAS, DES SMRAS PA, RJE'I SRAS BDAG GI SKAL BA YANG 'DI LA DBUL LO, ,DE BZHIN DU BU DANG, MNA' MA DANG, BRAN PHO DANG, BRAN MOS KYANG DBYAD NAS RANG RANG GI SKAL BA YONGS SU BTANG STE, DE NAS DE THAMS CAD 'DUS NAS RANG SANGS RGYAS LA BSOD SNYOMS PHUL LO, ,BDAG NYID CHEN PO DE DAG NI LUS KYIS CHOS STON GYI TSIG GIS NI MA YIN PAS DES NGANG PA'I RGYAL PO 'DAB MA BRKYANG BA LTAR STENG GI NAM MKHA' LA MNGON PAR 'PHAGS NAS 'BAR BA DANG, GSAL BA DANG, CHAR 'BEBS PA DANG, GLOG 'BYIN PA'I CHO 'PHRUL DAG BYA BAR BRTZAMS SO, ,SO SO'I SKYE BO DAG NI RDZU 'PHRUL LA MYUR DU SEMS GTOD PA YIN PAS SHING RTZA BA NAS BCAD DE 'GYEL BA BZHIN DU RKANG PA GNYIS LA GTUGS NAS SMON LAM CI 'DOD PA GDAB PAR RTZOM STE, KHYIM BDAG GIS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS BDAG GIS GAL TE BANG BA DANG MDZOD STONG PA DAG LA BLTAS NA MTHONG BA DE'I MOD LA GANG BAR GYUR CIG ,'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON BA RNAMS MNYES PAR BGYID CING MI MNYES PAR MI BGYID PAR GYUR CIG ,CHUNG MAS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS BDAG GIS GAL TE GCIG CIG GI DON DU SNOD DU BTZOS PA DE BRGYA'AM STONG GIS ZOS KYANG JI SRID BDAG GIS SBYOR BA MA BTANG BA'I BAR DU YONGS SU ZAD PAR MI 'GYUR ZHING, 'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I @34A *, ,STON PA RNAMS MNYES PAR BGYID CING MI MNYES PAR MI BGYID PAR GYUR CIG ,BUS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS BDAG GI RKED PA LA LNGA BRGYA PA'I SNOD BTAGS TE 'DUG PA GAL TE BRGYA 'AM STONG 'GED PAR BTANG YANG GANG BA NYID DU 'DUG STE YONGS SU ZAD PAR MI 'GYUR ZHING, 'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON PA RNAMS MNYES PAR BGYID CING MI MNYES PAR MI BGYID PAR GYUR CIG ,MNA' MAS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS, BDAG GIS GAL TE GCIG GI PHYIR DRI RNAMS SBYAR NA DES BRGYA'AM STONG BYUGS KYANG JI SRID SBYOR BA MA BTANG GI BAR DU ZAD PAR MI 'GYUR ZHIGN 'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON PA RNAMS MNYES PAR BGYAD CING MI MNYES PAR MI BGYID PAR GYUR CIG ,RAN PHOS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS BDAG GIS GAL TE ZHING ROL GCIG RMOS NA ROL BDUN RMOS PAR 'GYUR ZHING, 'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON PA RNAMS MNYES PAR BGYID CING MI MNYES PAR MI BGYID PAR GYUR CIG ,BRAN MOS SMON LAM BTAB PA, BDAG GIS YON GNAS DAM PA 'DI LTA BU LA BYA BA BYAS PA'I DGE BA'I RTZA BA GANG YIN PA 'DIS BDAG GIS GAL TE SNOD GANG TZAM DRUS PA GANG YIN PA DES SNOD BDUN TZAM DU 'PHEL BAR 'GYUR ZHING, 'DI LTA BU'I CHOS RNAMS KYANG THOB NAS 'DI BAS KHYAD PAR DU 'PHAGS PA'I STON PA RNAMS MNYES PAR BGYID CING MI MNYES PAR MI BGYID PAR GYUR CIG , DE RNAMS KYIS DE LTA BU'I SMON LAM BTAB NAS RANG SANGS RGYAS BDAG NYID CHEN PO DE DE RNAMS LA SNYING BRTZE BA'I PHYIR RDZU 'PHRUL GYIS CHAS PA DANG JI TZAM NA RGYAL PO TSANGS BYIN STENG GI KHANG BZANGS KYI GZHIR SONG STE 'DUG PA LAS, RDZU 'PHRUL GYIS SONG BA'I GRIB MA RGYAL PO TSANGS BYIN @34B GYI STENG DU BABS NAS, DES GYEN DU BLTA BAR BRTZAMS PA LAS RANG SANGS RGYAS DE MTHONG NAS DE 'DI SNYAM DU BDAG NYID CHEN PO 'DI'I RDZU 'PHRUL GYI GSHOL CHEN POS YANG SU ZHIG GI BKRENG PA'I DRUNGS PHYUNG BAR GYUR SNYAM MO, ,DE NAS KHYIM BDAG DE RE BA CHEN POS MDZOD DANG BANG MDZOD RNAMS LA BLTAS PA DANG, JI TZAM NA GANG BAR MTHONG NGO, ,DES CHUNG MA LA SMRAS PA, RE ZHIG KHO BO'I SMON LAM NI RDZOGS PAR GYUR GYIS DA KHYED CAG GI BLTA'O, ,DE NAS BRAN MOS 'BRAS SNOD GANG TZAM DRUS NA BDUN TZAM DU 'PHEL BAR GYUR TO, ,CHUNG MAS GCIG GI DON DU SNOD DU BTZOS PA LA DE DAG THAMS CAD KYIS ZOS KYANG DE KHO NA BZHIN DU 'DUG ,NYE 'KHOR GYI SROG CHAGS STONG PHRAG DU MAS ZOS KYANG DE KHO NA BZHIN DU 'DUG GO, ,DE NAS KHYIM BDAG DES B'A R'A nA S'IR DRIL SGROGS SU BCUG PA, SHES LDAN DAG KHYED CAG LAS SU ZHIG CI DON DU GNYER BA DE SHOG SHIG ,B'A R'A nA S'IR SGRA GSAL BA DANG SGRA CHEN POR BYUNG BA RGYAL POS THOS NAS DES SMRAS PA, SHES LDAN DAG SGRA GSAL BA DANG, SGRA CHEN PO 'DI CI ZHIG YIN, BLON PO RNAMS KYIS SMRAS PA, LHA KHYIM BDAG CHE GE MO ZHIG CES BYA BAS MDZOD DANG BANG BA RNAMS PHYE BA LAGS SO, ,RGYAL POS SMRAS PA, GANG GI TSE 'JIG RTEN THAMS CAD SHI ZIN PA DE'I TSE KHYIM BDAG DES MDZOD DANG BANG BA RNAMS PHYE'AM, SHES LDAN DAG KHYIM BDAG DE KHUG SHIG ,DE RNAMS KYIS BKUG PA DANG, DE NAS RGYAL POS SMRAS PA, KHYIM BDAG GANG GI TSE 'JIG RTEN THAMS CAD SHI ZIN PA DE'I TSE KHYOD KYIS MDZOD DANG BANG BA RNAMS PHYE'AM, LHA SU'I MDZOD DANG BANG BA RNAMS PHYE, 'ON KYANG RING KHO NAR SA BON STZAL BA'I 'BRAS BU DE NYID DU GRUB LAGS SO, ,RGYAL POS SMRAS PA, DE JI LTA BU ZHIG ,DES SKABS DE RGYAS PAR SMRAS PA DANG RGYAL POS SMRAS PA, KHYIM BDAG KYOD KYIS BDAG NYID CHEN PO DE LA BSOD SNYOMS PHUL LAM, LHA BDAG GIS PHUL LO, ,DE YANG LHAG PAR DAD PAR GYUR NAS, TSIGS SU BCAD PAS SMRAS PA, KYE MA'O YON TAN LAS BYUNG BA'I, ,SKYON KUN RNAM PAR SPANGS PA'I ZHING, ,DE LA SA BON BTAB PA YI, ,'BRAS BU DE NYID THOB PAR @35A *, ,GYUR; ;DGE SLONG DAG JI SNYAM DU SEMS, KHYIM BDAG DANG, KHYIM BDAG GI CHUNG MA DANG, KHYIM BDAG GI BU DANG, KHYIM BDAG GI MNA' MA DANG, KHYIM BDAG GI BRAN PHO DANG, KHYIM BDAG GI BRAN MO GANG YIN DE NI KHYIM BDAG LUG DANG, LUG GI CHUNG MA DANG, LUG GI BU DANG, LUG GI MNA' MA DANG, LUG GI BRAN PHO DANG, LUG GI BRAN MO 'DI DAG NYID YIN NO, ,'DI DAG GIS RANG SANGS RGYAS LA BYA BA BYAS SHING SMON LAM BTAB PA GANG YIN PA DE'I LAS KYI RNAM PAR SMIN PAS DRUG CHAR YANG BSOD NAMS CHEN POR GYUR CING NGA'I SPYAN SNGAR BDEN PA MTHONG ZHING, RANG SANGS RGYAS BYE BA BRGYA STONG PAS CHES KHYAD PAR 'PHAGS PA'I STON PA NGA MNYES PAR BYAS KYI, MI MNYES PAR NI MA YIN NO, ,DGE SLONG DAG DE LTA BAS NA, LAS GCIG TU GNAG PA RNAMS KYI RNAM PAR SMIN PA NI GCIG TU GNAG PA YIN LA, GCIG TU DKAR BA RNAMS KYI NI GCIG TU DKAR BA YIN PAS ZHES BYA BA NAS BTZAL BAR BYA STE, DGE SLONG DAG KHYED KYIS DE LTA BU LA BSLAB PAR BYA'O ZHES BYA BA'I BAR GONG MA BZHIN DU'O,, ,,SDOM NI, KE NA'I BU YIS BTUD BA BLANGS, ,KA SHI'I TSONG RDAL NAS THUG DANG, ,SDIG CAN DU NI BCA' BA DANG, ,'GYOD DANG SBYAR BA'I ZAS DAG GO, ,BCOM LDAN 'DAS YUL AA DU MA'I GNAS NA BZHUGS SO, ,DE'I TSE DRANG SRING KE NA'I BU GNAS NI YUL AA DU MA NA 'DUG GO, ,NYIN PAR NI RDZING BU DAL GYIS 'BAB KYI 'GRAM NA GNAS SO, ,BCOM LDAN 'DAS KYIS DGONGS PA, NGAS GANG DU 'JIG RTEN SKYONG BA BZHI RNAMS LA CHOS BSHAD NA DER NGAS TSEGS CHUNG NGUS DRANG SRONG KE NA'I BU THUL BAR 'GYUR SNYAM PA DANG, DE NAS BCOM LDAN 'DAS 'DI SNYAM DU DGONGS TE, MA LA NGAS RDZING BU DAL GYIS 'BAB KYI 'GRAM DU BSHAD NA DER THUL BAR 'GYUR RO SNYAM MO, ,DE NAS BCOM LDAN 'DAS KYIS 'JIG RTEN PA'I THUGS BSKYED DE CHOS NYID KYIS GANG GI TSE SANGS RGYAS BCOM LDAN 'DAS RNAMS KYIS 'JIG RTEN PA'I THUGS BSKYED PA DE'I TSE BRGYA BYIN DANG TSANGS PA LA SOGS TE LHA RNAMS KYIS BCOM LDAN 'DAS KYI DGONGS PA SEMS KYIS SHES PAR 'GYUR BAS RGYAL PO CHEN PO RNAM THOS KYI BUS BSAMS PA, @35B BCOM LDAN 'DAS KYIS CI ZHIG GI PHYIR 'JIG RTEN PA'I THUGS BSKYED PA MDZAD PA BLTAS NA, BDAG CAG 'JIG RTEN SKYONG BA BZHI RNAMS KHO NA LA CHOS BSHAD PAR BZHED DO SNYAM DU RIG NAS, GNOD SBYIN GYI SDE DPON CHEN PO LDAS RTZEN LA BSGO BA LNGAS RTZEN SONG LA RDZING BU DAL GYI 'BAB KYI 'GRAM DU BCOM LDAN 'DAS KYI GDAN SHOM TE, 'DUS PA CHEN PO 'DUS PA NA SUS KYANG DE'I MDANGS 'PHROGS PAR MI 'GYUR BAR DRANG SRONG KE NA'I BU'I SRUNG MA GCIG KYANG SKOS SHIG ,DES RDZING BU DAL GYIS 'BAB KYI 'GRAM DU DRANG SRONG KE NA'I BU'I SRUNG MA BZHAG NAS GNAS SHOM PAR RTZOM PA NA DE NA SKYE BO'I TSOGS CHEN PO'I CA CO'I SGRA BYUNG BA DANG, DE NAS DRANG SRONG KE NA'I BU CA CO'I SGRAS LANGS NAS SRUNG MA DE LA DRIS PA, CA CO'I SGRA 'DI CI ZHIG DES SMRAS PA, GDAN SHOM PAR BYED PA'I'O, ,CI KHO BO'I PHYIR RAM, KHYOD KYI PHYIN NI MA YIN MOD KYI 'ON KYANG SANGS RGYAS BCOM LDAN 'DAS KYI PHYIR YIN NO, ,KHYOD 'DI NA CI ZHIG LA SDOD, KHYOD KHO NA SRUNG NGO, ,CI'I PHYIR 'BYUNG PO MANG PO 'DU BAR 'GYUR BAS SO, ,DES SMRAS PA, DGE SBYONG GOO TA MA DE SU ZHIG GIS SRUNG BAR BYED PAR 'GYUR, DES SMRAS PA, BCOM LDAN 'DAS DE LA SU ZHIG SRUNG, BCOM LDAN 'DAS DE NYID NI 'JIG RTEN LHA DANG, BCAS PA'I SRUNG MA MDZAD DO ZHES BYAS PA DANG DRANG SRONG KE NA'I BUS THOS NAS CANG MI SMRA'O, ,DE NAS BCOM LDAN 'DAS SDA DRO SHAM THABS MNABS LHUNG BZED DANG CHOS GOS BSNAMS NAS AA DU MAR BSOD SNYOMS LA ZHUGS TE, AA DU MAR BSOD SNYOMS SPYAD NAS ZAS KYI BYA BA MDZAD DE; ZAS PHYI MA'I BSOD SNYOMS SPANGS NAS JI LTAR THUGS MNYAM PAR BZHAG NA DGE SLONG GI DGE 'DUN DANG THABS CIG TU AA DU MA NAS MI SNANG BAR GYUR TE, RDZING BU DAL GYIS 'BAB KYI 'GRAM DU BYON PAR 'GYUR BA DE LTA BU'I TING NGE 'DZIN LA SNYOMS PAR ZHUG SO, ,DE NAS, BCOM LDAN 'DAS DGE SLONG GI DGE 'DUN GYI GUNG LA GDAN BSHAMS PA NYID LA BZHUGS SO, ,DE NAS RGYAL PO CHEN PO YUL 'KHOR SKYONG DRI ZA DU MA'I 'KHOR DANG, DRI ZA BRGYA PHRAG DU MA'I 'KHOR DANG, DRI ZA STONG PHRAG DU MA'I 'KHOR DANG, DRI ZA BRGYA STONG PHRAG DU MA'I 'KHOR DANG, LHA'I NOR @36A *, ,BUS THUB BKANG STE, BCOM LDAN 'DAS GANG NA BA DER SONG NAS PHYIN PA DANG, BCOM LDAN 'DAS LA LHA'I NOR BU RNAMS KYIS GTOR NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS DANG DGE SLONG GI DGE 'DUN LA MDUN GYIS BLTAS NAS SHAR PHYOGS SU BRTEN TE 'DUG GO, ,RGYAL BO CHEN PO 'PHAGS SKYES PO YANG GRUL BUM DU MA'I 'KHOR DANG, GRUL BUM BRGYA PHRAG DU MA'I 'KHOR DANG, GRUL BUM STONG PHRAG DU MA'I 'KHOR DANG, GRUL BUM BRGYA STONG PHRAG DU MA'I 'KHOR DANG, LHA'I MU TIG GIS THUB BKANG STE, BCOM LDAN 'DAS GANG NA BA DER SONG NAS PHYIN PA DANG, BCOM LDAN 'DAS LA LHA'I MU TIG GIS GTOR NAS, BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS DANG DGE SLONG GI DGE 'DUN LA MDUN GYIS BLTAS NAS LHO PHYOGS SU BRTEN TE 'DUG GO , ,RGYAL PO CHEN PO MIG MI BZANG YANG KLU DU MA'I 'KHOR DANG, KLU BRGYA PHRAG DU MA'I 'KHOR DANG, KLU STONG PHRAG DU MA'I 'KHOR DANG, KLU BRGYA STONG PHRAG DU MA'I 'KHOR DANG, LHA'I ME TOG AUTPA LA DANG, PAD MA DANG, KU MU DA DANG, PAD MA DKAR PO DANG, MAN D'A RA BA RNAMS KYIS THU BA BKANG NAS BCOM LDAN 'DAS GANG NA BA DER SONG STE PHYIN PA DANG, BCOM LDAN 'DAS LA LHA'I MA TOG AUTPA LA DANG, PAD MA DANG, KU MU DA DANG, PAD MA DKAR PO DANG, MAN D'A RA BA RNAMS KYIS GTOR NAS, BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS DANG DGE SLONG GI DGE 'DUN LA MDUN GYIS BLTAS NAS NUB PHYOGS SU BRTEN TE 'DUG GO, ,RGYAL PO CHEN PO RNAM THOS KYI BU YANG GNOD SBYIN DU MA'I 'KHOR DANG, GNOD SBYIN BRGYA PHRAG DU MA'I 'KHOR DANG, GNOD SBYIN STONG PHRAG DU MA'I 'KHOR DANG, GNOD SBYIN BRGYA STONG PHRAG DU MA'I 'KHOR DANG; LHA'I DBYIG DANG, GSER GYIS THU BA BKANG STE, BCOM LDAN 'DAS GANG NA BA DER SONG NAS PHYIN PA DANG, BCOM LDAN 'DAS LA LHA'I DBYIG DANG, GSER GYIS GTOR NAS BCOM LDAN 'DAS KYI ZHABS GNYIS LA MGO BOS PHYAG BYAS TE, BCOM LDAN 'DAS DANG DGE SLONG @36B GI DGE 'DUN LA MDUN GYIS BLTAS NAS BYANG PHYOGS SU BRTEN TE 'DUG GO, ,DE LA DBUS PA'I RIGS NI GNYIS TE, YUL 'KHOR SKYONG DANG, 'PHAGS SKYES PO'O, ,MTHA' 'KHOB PA'I RIGS NI GNYIS TE, MIG MI BZANG DANG, RNAM THOS KYI BU'O, ,DE NAS BCOM LDAN 'DAS 'DI SNYAM DU DGONGS TE, GAL TE NGAS DBUS PA'I TSIG GIS CHOS BSHAD NA GNYIS KHO NAS SHES PAR 'GYUR GYI GNYIS KYIS NI MI SHES LA, GAL TE MTHA' 'KHOB PA'I TSIG GIS BSHAD NA GNYIS KHO NAS SHES PAR 'GYUR GYI GNYIS KYIS NI MI SHES PAS MA LA NGAS GNYIS LA NI DBUS PA'I TSIG GIS CHOS BSHAD DO, ,GNYIS LA NI MTHA' 'KHOB PA'I TSIG GIS CHOS BSHAD DO SNYAM DU DGONGS NAS RGYAL PO CHEN PO YUL 'KHOR SKYONG LA BKA' STZAL PA, RGYAL PO CHEN PO 'DI LTAR LUS ZHIG PA DANG, TSOR BA BSIL BAR GYUR PA DANG, 'DU SHES 'GAGS PA DANG, 'DU BYED RNAMS NYE BAR ZHI BA DANG, RNAM PAR SHES PA NUB PAR GYUR PA DE NYID SDUG BSNGAL GYI MTHA' YIN NO, ,CHOS KYI RNAM GRANGS 'DI BKA' STZAL PA NA RGYAL PO CHEN PO YUL 'KHOR SKYONG DANG, DE DANG SKAL BA MNYAM PA'I DRI ZA BRGYA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS KYIS RGYAL PO CHEN PO 'PHAGS SKYES PO LA BKA' STZAL PA, RGYAL PO CHEN PO DE LA KHYOD KYIS MTHONG BA LA MTHONG BA TZAM DANG, THOS PA DANG, RTOGS PA DANG, RNAM PAR SHES PA LA RNAM PAR SHES PA TZAM DU GYIS SHIG ,CHOS KYI RNAM GRANGS 'DI BKA' STZAL PA NA RGYAL PO CHEN PO 'PHAGS SKYES PO DANG, DE DANG SKAL BA MNYAM PA'I GRUL BUM BRGYA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,DE NAS BCOM LDAN 'DAS KYIS RGYAL PO CHEN PO MIG MI BZANG LA BKA' STZAL PA, DE LTAR NA RGYAL PO CHEN PO AE NE ME NE, DAB BE, DA dAB PHE 'DI NYID SDUG BSNGAL GYI MTHA' YIN NO, ,CHOS KYI RNAM GRANGS 'DI BKA' STZAL PA NA RGYAL PO CHEN PO MIG MI BZANG DANG, DE DANG SKAL BA MNYAM PA'I KLU BRGYA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG @37A *, ,BRAL BA SKYES SO, ,DE NAS BCOM LDAN 'DAS KYIS RGYAL PO CHEN PO RNAM THOS KYI BU LA BKA' STZAL PA, DE LTAR NA RGYAL PO CHEN PO M'A sh'A, TU sh'A, SANG SH'A M'A, SARBA TRA BIR'A d'I 'DI NYID SDUG BSNGAL GYI MTHA' YIN NO, ,CHOS KYI RNAM GRANGS 'DI BKA' STZAL PA NA, RGYAL PO CHEN PO RNAM THOS KYI BU DANG DE DANG SKAL BA MNYAM PA'I GNOD SBYIN BRGYA STONG PHRAG DU MA CHOS RNAMS LA CHOS KYI MIG RDUL MED CING DRI MA DANG BRAL BA SKYES SO, ,BCOM LDAN 'DAS KYIS DGONGS PA, DA NI BDAG YONGS SU MYA NGAN LAS 'DA' BA'I DUS LA KHAD KYIS NYE NA, SU LA BSTAN PA GTAD NAS YONGS SU MYA NGAN 'DA', GAL TE LHA RNAMS LA NI LHA RNAMS BAG MED PA LA DGA' BA MANG BAS YUN RING DU GNAS PAR MI 'GYUR RO, ,'ON TE MI RNAMS LA NI MI NI TSE THUNG BA YIN PAS DE BZHIN DU YUN RING DU GNAS PAR MI 'GYUR GYI, MA LA NGAS LHA DANG, MI RNAMS DANG, DGE SLONG 'OD SRUNG LA GTAD NAS YONGS SU MYA NGAN LAS 'DA'O SNYAM DU DGONGS NAS RGYAL PO CHEN PO YUL 'KHOR SKYONG LA BKA' STZAL PA, RGYAL PO CHEN PO KHYOD KYIS NGA YONGS SU MYA NGAN LAS 'DAS PA'I BSTAN PA SHAR PHYOGS NAS BSRUNG BA BYOS SHIG ,RGYAL PO CHEN PO 'PHAGS SKYES PO LA BKA' STZAL PA, RGYAL PO CHEN PO KHYOD KYIS KYANG LHO PHYOGS NAS BSRUNG BA BYOS SHIG ,RGYAL PO CHEN PO MIG MI BZANG LA BKA' STZAL PA, RGYAL PO CHEN PO KHYOD KYIS KYANG NUB PHYOGS NAS BSRUNG BA BYOS SHIG ,RGYAL PO CHEN PO RNAM THOS KYI BU LA BKA' STZAL PA, RGYAL PO CHEN PO KHYOD KYIS KYANG BYANG PHYOGS NAS BSRUNG BA BYOS SHIG ,DE NAS RGYAL PO CHEN PO BZHI RAB TU DGA' BA'I YID KYIS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS BKA' JI SKAD STZAL PA DE BZHIN DU BGYI'O, ,BCOM LDAN 'DAS BDAG CAG GIS BSRUNG BAR BGYI LAGS SO ZHES GSOL NAS, BCOM LDAN 'DAS LAS BDEN PA MTHONG NAS ZHABS GNYIS LA MGO BOS PHYAG BYAS TE, BCOM LDAN 'DAS KYI SPYAN SNGA NAS DONG BA DANG, BCOM LDAN 'DAS KYIS TSE DANG LDAN PA 'OD SRUNG CHEN PO LA BSTAN PA MTHA' DAG GI BYA BA RNAMS GTAD NAS TSE DANG @37B LDAN BA KUN DGA' PO LA YANG BKA' STZAL PA, KUN DGA' BO KHYOD KYIS KYANG BSTAN PA'I