[#THE FOLLOWING TEXT HAS INCOMPLETE SECTIONS, WHICH ARE ON ORDER] @21A *, ,RGYA GAR SKAD DU, BI NA YA BI BHANG GA ,BOD SKAD DU, 'DUL BA RNAM PAR 'BYED PA, BAM PO DANG PO, DKON MCHOG GSUM LA PHYAG 'TSAL LO, ,DUL BA RGYAL PO RJE YI RIGS SU 'KHRUNGS, ,SLOB MA 'DUL MDZAD NYES PA RAB THUL BA, ,SANGS RGYAS 'DUL BA'I GTZO LA PHYAG 'TSAL TE, ,'DUL BA'I BSNGAGS PA CUNG ZAD BRJOD PAR BYA, ,PHA ROL MA MTHONG GTING RTOGS MA GYUR CING, ,GLAGS PA'I MUN GNAG SLOB DPON TSOGS RNAMS KYI, ,DBYE BAS THA DAD 'DUL BA RGYA MTSO LA, ,YON TAN KUN BSTOD RTZOL BLO BDAG LA MED, ,JI LTAR 'DI NA SHING RTZA GTZO BO STE, ,RNAM PAR 'PHEL DANG KUN 'DZIN GNYIS KYI GZHI, ,DE BZHIN DAM CHOS CHOGS RNAMS KUN GYI YANG, ,RGYU DANG RTZA BA 'DUL BA YIN PAR GSUNGS, ,JI LTAR SA NI SKYE DGU RNAMS KYI GZHI, ,DE LAS 'BRU RNAMS SKYE BAR 'GYUR BA LTAR, ,DE BZHIN 'DUL BA'ANG SDOM BRTZON RNAMS KYI GZHI, ,DE BZHIN DE LAS BSOD NAMS RNAMS KYANG SKYE, ,TSUL KHRIMS YON TAN RNAMS KYI GNAS SU DGONGS, ,DE YI GNAS NI 'DUL BA YIN PAR GSUNGS, ,'DI LA GNAS PAR 'GYUR NA MTHAR PHYIN 'GYUR, ,'DI LA MI GNAS MTHAR PHYIN GA LA 'GYUR, ,JI LTAR CHU LON MI PHYED SRA BA YIS, ,CHU KLUNG CHE YANG ZLOG PAR 'GYUR BA LTAR, ,DE BZHIN 'DUL BA 'PHAGS PA CHU LON 'DIS, ,TSUL KHRIMS 'CHAL BA'I CHU KLUNG ZLOG PAR 'GYUR, ,SANGS RGYAS RNAMS DANG RANG RGYAL RNAMS KYIS KYANG, ,BYANG CHUB GANG BRNYES THUB SLOB RNAM DAG PA'I, ,SEMS CAN DGRA BCOM YON TAN LDAN PA RNAMS, ,DE LA'ANG RGYU NI 'DUL BA YIN PAR GSUNGS, ,JI SRID 'GRO 'DIR RGYAL BA THAMS CAD KYI, ,MDZOD MCHOG 'DUL BA RDZOGS PA 'DI GNAS PA, ,DE SRID CHOS SGRON 'DI NI GNAS 'GYUR ZHING, , BZLOG PAR GYUR NA ZHI BA THOB PAR 'GYUR, ,SANGS RGYAS MI BZHUGS 'JIG RTEN TSIGS BCAD DANG, ,MDO SDE'I YAN LAG DE DANG DE DAG SPYOD, ,BSLAB 'JUG MED NA 'DUL BA'ANG MED 'GYUR BAS, ,DE PHYIR RGYAL BA DAG PAS CHES 'DI DKON, ,'JOG BRAL SEMS GLANG LCAGS KYO @21B 'DI YIN TE, ,GDUL BYA MA DUL BA YI SRAB 'DI YIN, ,RA BA'I MTSAMS KYI 'OBS DANG 'DRA BA STE, ,ZAG PA KUN GYI CHU LON 'DUL BA YIN, ,RGYAL BA STON PA DE YI BSTAN BCOS DAG ,MDO DANG CHOS MNGON YIN GSUNGS 'DUL BA NI, ,STON DANG BSTAN BCOS DNGOS YIN DE YI PHYIR, , GNYIS GYUR PHYAG BYA SANGS RGYAS CHOS GCIG GZHAN, ,GANG LA BRTEN TE GNAS PA'I SANGS RGYAS RNAMS, ,DE LA GUS BCAS RJE SAR BCAS GYUR CING, ,DE NI MGON PAS MGON YIN SKYABS GNAS YIN, ,DE PHYIR RAB BSGRIMS 'DUL LA PHYAG TSOL CIG ,GANG ZHIG STON PA THUGS RJE'I BSTAN PA LA, ,YANG BAR SEMS SHING CUNG ZAD 'DA' BYED PA, ,DE NI DE LAS SDUG BSNGAL GZHAN DBANG THOB, ,SMIG TSAL BREGS PAS AA MRA'I TSAL NYAMS BZHIN, ,'DI NA LA LAS RGYAL PO'I TSIG CHEN YANG, ,BZLAS NA LAN 'GA' CHAD PA 'THOB MI 'GYUR, ,THUB PA'I BKA' LUNG TSUL MIN BZLA BYAS NA, ,DUD 'GROR 'GRO 'GYUR AE LA'I 'DAB KLU BZHIN, ,SO SOR THAR BYA GANG YIN PA, ,SANGS RGYAS 'DUL BA GANG CHEN MTSO, ,GTING MTHA' MED PA THAMS CAD KYI, ,GNAS PA'I SNYING DANG SNYING PO YIN, ,'DI NI DAM CHOS RGYAL PO YI, ,CHOS RNAMS KUN GYI 'DREN PA MCHOG ,'DI NI DGE SLONG TSONG TSOGS KYI, ,BSLAB ZONG TSONG KHANG CHEN PO YIN, ,TSUL KHRIMS 'CHAL PAS ZIN RNAMS KYI, ,GDUG PA RNAM SEL SMAN 'DI YIN, ,'DI NI LANG TSO RNAM 'KHRUL BA'I, ,RKANG GNYIS GZHON NU'I LCAGS KYO YIN, ,MTSO BAS ZAB PA'I 'KHOR BA LAS, ,SGROL BA'I RGAL THABS 'DI YIN TE, ,'DI NI BZANG 'GROR 'GRO BA YI, ,NGES PA'I CHU LON ZAM PA YIN, ,'DI NI NYON MONGS PHAM BYED LAM, ,RGYAL PO YI NI 'DREN PA MCHOG ,'DI NI THAR PA'I GRONG 'JUG PA'I, ,THEM SKAS GZHI DANG 'DRA BAR GNAS, ,NGA NI MYA NGAN 'DAS GYUR NA, ,'DI NI KHYED KYI STON PA'O ZHES, ,RANG BYUNG NYID KYIS GUS BCAS PAR, ,NAN TAN DGE SLONG TSOGS MDUN BSTOD, ,'DUL 'DI SO SOR THAR PA DE'I, ,RNAM 'BYED YIN PAR DGONGS PAS NA, ,THAR 'DOD RNAMS KYIS GUS BYAS TE, ,'DI NI NAN TAN MNYAN PAR BYA, , @22A *, ,'DUL BA LA BSTOD PA RDZOGS SA-HO,, ,,BSKAL PA BYE BA RNAMS SU YANG, ,'DUL BA THOS PAR 'GYUR BA DANG, ,GZUNG DANG 'DZIN PA RNYED DKA' STE, ,SGRUB PA'ANG SHIN TU RNYED PAR DKA', ,SANGS RGYAS RNAMS NI 'BYUNG BA BDE, ,CHOS BSTAN PA YANG BDE BA YIN, , DGE 'DUN MTHUN PA BDE BA STE, ,MTHUN PA RNAMS KYI DKA' THUB BDE, ,'PHAGS PA RNAMS NI MTHONG BA BDE, ,DAM PA DAG DANG 'GROGS PA BDE, ,BYIS PA RNAMS NI MA MTHONG NA, ,RTAG TU BDE BA NYID DU 'GYUR, ,TSUL KHRIMS LDAN PA MTHONG BA BDE, ,MANG DU THOS PA MTHONG BA BDE, ,YANG SRID RNAM PAR GROL BA YI, ,DGRA BCOM PA DAG MTHONG BA BDE, ,'JUG NGOGS BDE BA'I CHU KLUNG BDE, ,CHOS LA GOMS PA'I SKYE BO BDE, ,SHES RAB THOB PAR GYUR PA BDE, ,NGA 'O NGA RGYAL ZAD PA BDE, ,NGES PAR BYAS SHING DBANG PO THUL BA DAG ,DGON PA ZHI BA RNAMS SU RGAS GYUR DANG, ,MANG DU THOS PA NAGS KYI NANG DAG TU, ,LANG TSO YOL BA RNAMS KYIS GNAS PA BDE, ,SH'A-KYA SENG GE DE LA NI, ,SOR MO BCU YI THAL SBYAR TE, ,'DUL BA RAB TU GDON PAR BYAS, ,GDUL BA'I DON DU NGA LA NYON, ,THOS NAS DRANG SRONG CHEN PO YIS, ,JI SKAD GSUNGS BZHIN BSGRUB BYA ZHING, ,KHA NA MA THO PHRA RNAMS LA, ,RTUL CING BYED PA NYID DU GYIS, ,RTAG TU 'BAD PAS BDA' BA YI, ,SEMS RTA KHA BLAN DKA' BA LA, ,MTHUN PA GZER RNON BRGYA PA YI, ,SRAB NI 'DUL BA 'DI YIN NO, ,CHE BA GANG DAG NGAG TZAM GYIS, ,LDOG CING MTSAMS LAS MI 'DA' BA, ,DE DAG MI RTA BZANG PO STE, ,NYON MONGS G-YUL LAS NGES RGAL 'GYUR, ,SU LA SRAB 'DI MED PA DANG, ,NAM DU'ANG 'DOD PAR MI 'GYUR BA, ,DE DAG NYON MONGS G-YUL GYIS DKRUGS, ,'JOG BRAL RNAM PAR 'KHYAM PAR 'GYUR, ,BCOM LDAN 'DAS KYI NYAN THOS KYI DGE 'DUN LO BCU GNYIS SU SKYON MED CING CHU BUR MED LA, BCOM LDAN 'DAS KYIS NYAN THOS RNAMS KYI SO SOR THAR PA'I MDO GDON PA YANG MDOR BSDUS TE, ,SDIG PA THAMS CAD MI BYA STE, ,DGE BA PHUN @22B SUM TSOGS PAR BYA, ,RANG GIS SEMS NI YONGS SU GDUL, ,'DI NI SANGS RGYAS BSTAN PA YIN, ,LUS KYI SDOM PA LEGS PA STE, ,NGAG GI SDOM PA'ANG LEGS PA YIN, ,YID KYI SDOM PA'ANG LEGS PA STE, ,THAMS CAD DU NI SDOM PA LEGS, ,KUN DU BSDAMS PA'I DGE SLONG NI, ,SDUG BSNGAL KUN LAS RAB TU 'GROL, ,NGAG RNAMS BSRUNG ZHING YID KYIS RAB BSDAMS TE, ,LUS KYI MI DGE BA DAG MI BYED CING, ,LAS LAM GSUM PO 'DI DAG RAB SBYANGS NAS, ,DRANG SRONG GSUNGS PA'I LAM NI THOB PAR 'GYUR, ,ZHES STON BAR GYUR TO, , LO BCU GSUM LA BAB PA NA SANGS RGYAS BCOM LDAN 'DAS YUL SPONG BYED DAG NA KA LAN DA KA'I GRONG NA BZHUGS SO, ,DE'I TSE NA KA LAN DA KA'I GRONG NA KA LAN DA KA'I BU BZANG BYIN ZHES BYA BA PHYUG PA, NOR MANG BA LONGS SPYOD CHE BA, YONGS SU BZUNG BA YANGS SHING RGYA CHE BA RNAMS THOS KYI BU'I NOR DANG LDAN PA, RNAM THOS KYI BU LA NOR GYIS 'GRAN PA ZHIG 'DUG STE, DES RIGS MNYAM PA LAS CHUNG MA BLANGS NAS DE DE DANG LHAN CIG RTZE BAR BYED DGA' BAR BYED, DGA' MGUR SPYOD PAR BYED DO, ,DE DUS GZHAN ZHIG NA SANGS RGYAS LA MNGON PAR DANG, CHOS DANG DGE 'DUN LA MNGON PAR DANG, SANGS RGYAS LA SKYABS SU SONG, CHOS DANG DGE 'DUN LA SKYABS SU SONG ZHING, DES SROG GCOD PA SPANGS TE, SROG GCOD PA LAS PHYIR LOG ,MA BYIN PAR LEN PA DANG, 'DOD PA LA LOG PAR G-YEM PA DANG, BRDZUN DU SMRA BA DANG, 'BRU'I CHANG DANG, BCOS BA'I CHANG MYOS PAR 'GYUR BA BAG MED PA'I GNAS SPANGS TE, 'BRU'I CHANG DANG, BCOS PA'I CHANG MYOS PAR 'GYUR BA BAG MED PA'I GNAS LAS PHYIR LOG GO, ,DE DAD PA SNGA MA DE NYID RJES SU SPEL ZHING SKRA DANG KHA SPU BREGS TE GOS NGUR SMRIG DAG BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU BYUNG NGO, ,DE DE LTAR RAB TU BYUNG NAS 'DI LTA STE, SNGON KHYIM PA BZHIN DU NYE DU RNAMS DANG LHAN CIG 'DRE ZHING GNAS SO, ,DE NAS KA LAN DA KA'I BU TSE DANG LDAN PA BZANG BYIN 'DI SNYAM DU SEMS TE, BDAG LEGS PAR GSUNGS PA'I CHOS 'DUL @23A *, ,BA LA RAB TU BYUNG NAS 'DI LTA STE, SNGON KHYIM PA BZHIN DU NYE DU RNAMS DANG LHAN CIG 'DRE ZHING GNAS PA NI BDAG GIS MA RNYED DE RNYED PA MA YIN ZHING NYES PA RNYED DE LEGS PA RNYED PA MA YIN GYIS, BDAG NYE DU RNAMS DANG 'BRAL BA'I PHYIR LHUNG BZED DANG CHOS GOS THOGS TE LJONGS RGYUR 'GRO'O SNYAM MO, ,DE NAS KA LAN DA KA'I BU TSE DANG LDAN PA BZANG BYIN NYE DU RNAMS DANG 'BRAL BA'I PHYIR LHUNG BZED DANG CHOS GOS THOGS TE LJONGS RGYUR SONG NGO, ,DE'I TSE NA MU GE NYAM NGA BA DGON PA SLONG MO PAS ZAS RNYED PAR DKA' ZHING PHA MA DAG KYANG RANG GI BU DAG LA ZAS SBYIN PA DANG BYA BAR SEMS PA DKA' NA SLONG MO PA DAG LTA LA SMOS KYANG CI DGOS PA BYUNG NGO, ,DE NAS KA LAN DA KA'I BU TSE DANG LDAN PA BZANG BYIN 'DI SNYAM DU SEMS TE, DA LTAR MU GE NYAM NGA BA DGON PA SLONG MO PAS ZAS RNYED PAR DKA' ZHING PHA MA DAG KYANG RANG GI BU DAG LA ZAS SBYIN PA DANG BYA BAR SEMS PA DKA' NA SLONG MO PA DAG LTA LA SMOS KYANG CI DGOS PA BYUNG LA, BDAG LA NYE DU LONGS SPYOD CHEN PO DANG LDAN PA DAG YOD PAS BDAG KA LAN DA KA'I GRONG DU SONG STE, NYE DU RNAMS KYI GAN DU SONG LA DGE 'DUN LA ZAS DAG SBYOR DU GZHUG CING DGE 'DUN LA SKYO MA DAG DANG, THUG PA'I BTUNG BA DAG DANG, RTAG RES 'KHOR DAG DANG, MGRON DU BOS PA DAG DANG, BRGYAD STON DANG, BCU BZHI STON DANG, NYA STON DANG, SPYAN GZIGS PHRAN TSEGS PHRAN TSEGS SBYOR DU GZHUG GO SNYAM MO, ,DE NAS KA LAN DA KA'I BU TSE DANG LDAN PA BZANG BYIN LJONGS SU CI DGAR 'DUG NAS LHUNG BZED DANG CHOS GOS THOGS TE, KA LAN DA KA'I GRONG GA LA BA DER RGYU ZHING SONG BA NA MTHAR GYIS RGYU BA'I TSE KA LAN DA KA'I GRONG DU PHYIN NAS KA LAN DA KA'I GRONG NA DGON PA'I SPYIL BUN GNAS SO, ,DE NAS KA LAN DA KA'I BU TSE DANG LDAN PA BZANG BYIN NYE DU RNAMS KYI GAN DU SONG STE PHYIN NAS DE DAG GI MDUN DU SANGS RGYAS DANG, CHOS DANG DGE 'DUN GYI BSNGAGS PA BRJOD DE, DGE 'DUN LA ZAS DAG SBYOR DU 'DZUD CING, DGE 'DUN LA SKYO MA DAG DANG, THUG PA'I BTUNG BA DAG DANG, RTAG RES @23B 'KHOR DAG DANG, MGRON DU BOS PA DAG DANG, BRGYAD STON DANG, BCU BZHI STON DANG, NYA STON DANG, SPYAN GZIGS PHRAN TSEGS PHRAN TSEGS SBYOR DU 'DZUD DO, ,DE'I TSE NA KA LAN DA KA'I BU TSE DANG LDAN PA BZANG BYIN DGON PA PA, CHOS GOS GSUM PA, PHYAG DAR KHROD PA, BSOD SNYOMS PA MTHAR CHAGS KYIS RGYU BAR GYUR TO, ,DE DUS GZHAN ZHIG NA DANG PO KHO NAR DGE SLONG GI DGE 'DUN THUG PA BSOD PAS TSIM PAR BYAS NAS SNGA DRO SHAM THABS BGOS TE, LHUNG BZED DANG CHOS GOS THOGS NAS KA LAN DA KA'I GRONG DU BSOD SNYOMS LA ZHUGS PA NA MTHAR GYIS KA LAN DA KA'I GRONG DU BSOD SNYOMS LA RGYU BA'I TSE RANG GI KHYIM DU PHYIN TO, ,DE RANG GI KHYIM NAS SBYIN PA MA THOB, PHYIR GTONG BA MA THOB PAR MYUR BA MYUR BAR PHYIR SONG NGO, ,DE'I TSE NA KA LAN DA KA'I BU TSE DANG LDAN PA BZANG BYIN GYI MA BYA BA 'GA' ZHIG LA PHYI ROL DU SONG BAR GYUR TO, ,BRAN MO RNYING PA RGAN MO ZHIG GIS KA LAN DA KA'I BU TSE DANG LDAN PA BZANG BYIN RANG GI KHYIM NAS SBYIN PA MA THOB, PHYIR GTONG BA MA THOB PAR MYUR BA MYUR BAR PHYIR SONG BA MTHONG NGO, ,MTHONG NAS KYANG KA LAN DA KA'I BU TSE DANG LDAN PA BZANG BYIN GYI MA GA LA BA DER SONG STE PHYIN NAS KA LAN DA KA'I BU TSE DANG LDAN PA BZANG BYIN GYI MA LA 'DI SKAD CES SMRAS SO, ,JO MO MKHYEN PAR MDZOD CIG ,JO CO BZANG BYIN 'PHYI BA 'PHYI BAR RANG GI KHAB DU BYON NAS, DE RANG GI KHAB NAS SBYIN PA MA BRNYES, SLAR GTONG BA MA BRNYES PAR MYUR BA MYUR BAR SLAR SONG NGO, ,DE NAS KA LAN DA KA'I BU TSE DANG LDAN PA BZANG BYIN GYI MA 'DI SNYAM DU SEMS TE, KYE MA MA LA KA LAN DA KA'I BU BZANG BYIN 'DOD BA'AM, MNGON PAR MI DGA' BA'AM, RNAM PAR 'KHYAM 'DOD PAR GYUR CING DGE SBYONG GI TSUL DON DU MI GNYER BA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE CHOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA'AM, CIG TU MA GYUR GRANG SNYAM DU SEMS SHING RIG NAS KA LAN DA KA'I GRONG NAS BYUNG STE, KA LAN DA KA'I BU TSE DANG LDAN PA BZANG BYIN GA LA BA DER SONG STE PHYIN NAS KA @24A *, ,LAN DA KA'I BU TSE DANG LDAN PA BZANG BYIN LA 'DI SKAD CES SMRAS SO, ,BU BZANG BYIN GAL TE KHYOD 'DOD PA'AM, MNGON PAR MI DGA' BA'AM, RNAM PAR 'KHYAM 'DOD CING DGE SBYONG GI TSUL DON DU MI GNYER BA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, KHYOD DGE SBYONG GI TSUL YONGS SU GTONG 'DOD PA LTA NA, BU BZANG BYIN BUD MED RNAMS KYI BUD MED KYI NOR ZHES BYA BA'AM, BUD MED KYI BAG RDZANGS ZHES BYA BA'AM, BUD MED DBANG BA'I RDZAS ZHES BYA BA GANG YIN PA DE NI KHYOD KYI MA'I DBYIG DANG; GSER GYI PHUNG PO CHEN PO GANG LA MTHA' GCIG NA 'GRENG BA'I MIS MTHA' GCIG NA 'DUG PA'I MI MI MTHONG LA, MTHA' GCIG NA 'DUG PA'I MIS MTHA' GCIG NA 'GRENG BA'I MI MI MTHONG BA YIN TE, 'DI NI KHYOD KYI MA'I YIN NO, ,GZHAN YANG KHYOD KYI PHA'I DBYIG DANG, GSER MTSAN MA BTAB PA YANG BRGYA PHRAG DU MA DANG, STONG PHRAG DU MA DANG, BRGYA STONG PHRAG DU MA DAG YOD NA GZHAN DANG PHA LA LTA SMOS KYANG CI DGOS, BU BZANG BYIN TSUR SHOG ,KHYOD 'DUG LA 'DOD PA LA YANG LONGS SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG ,DE SKAD CES SMRAS PA DANG, KA LAN DA KA'I BU TSE DANG LDAN PA BZANG BYIN GYIS MA LA 'DI SKAD CES SMRAS SO, ,YUM BDAG NI 'DOD PA'AM, MNGON PAR MI DGA' BA'AM, RNAM PAR 'KHYAM 'TSAL ZHING DGE SBYONG GI TSUL DON DU MI GNYER BA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM 'TSAL BA'AM, SMOD PA'AM, BDAG DGE SBYONG GI TSUL YONGS SU GTONG BAR MI BYED DO, ,DE NAS KA LAN DA KA'I BU TSE DANG LDAN PA BZANG BYIN GYI MA 'DI SNYAM DU SEMS TE, BDAG GIS DE SKAD BYAS KYANG BU BZANG BYIN PHYIR BZLOG PAR MA NUS KYIS BDAG KHYIM DU SONG LA 'DI'I BAG SAR SBED PAR BYA'O SNYAM MO, ,DE NAS KA LAN DA KA'I BU TSE DANG LDAN PA BZANG BYIN GYI MA KHYIM DU SONG STE MNA' MA LA 'DI SKAD CES SMRAS SO, ,KYE SRU KHYOD GANG GI TSE DUS LA BAB CING ZLA MTSAN DANG LDAN @24B PA DE'I TSE KHO MO LA SBRON CIG ,KA LAN DA KA'I BU TSE DANG LDAN PA BZANG BYIN GYI SNGON GYI CHUNG MAS YUM BKA' BZHIN 'TSAL ZHES SGYUG MO LAS MNYAN TO, ,DE NAS DUS GZHAN ZHIG NA KA LAN DA KA'I BU TSE DANG LDAN PA BZANG BYIN GYI SNGON GYI CHUNG MA DUS LA BAB CING ZLA MTSAN DANG LDAN PAR GYUR NAS, KA LAN DA KA'I BU TSE DANG LDAN PA BZANG BYIN GYI MA GA LA BA DER SONG STE PHYIN NAS, KA LAN DA KA'I BU TSE DANG LDAN PA BZANG BYIN GYI MA LA 'DI SKAD CES SMRAS SO, ,YUM NGAN BU DUS LA BAB CING ZLA MTSAN DANG LDAN PAR GYUR NA BDAG GIS CI BGYI BA DE MKHYEN PAR MDZOD CIG ,SRU DE'I PHYIR KHYOD KYIS BSKU MNYE JI LTA BUS BSKU MNYE BYAS PA DANG, KHRUS JI LTA BUS KHRUS BYAS PA DANG, DRI DANG, PHRENG BA RGYU DANG, BDUG SPOS DANG, PHYE MA DANG, GOS DANG, RGYAN JI LTA BU DAG GIS BRGYAN NA BU BZANG BYIN SNGON KHYIM PA NYID NA DGA' BA DANG, YID DU 'ONG BAR GYUR PA DE LTA BU'I BSKU MNYES BSKU MNYE GYIS SHIG ,DE LTA BU'I KHRUS KYIS KHRUS GYIS SHIG ,DE LTA BU'I DRI DANG, PHRENG BA RGYU DANG, BDUG SPOS DANG, PHYE MA DANG, GOS DANG, RGYAN DAG GIS BRGYAN PAR GYIS SHIG ,DE NAS KA LAN DA KA'I BU TSE DANG LDAN PA BZANG BYIN GYI SNGON GYI CHUNG MAS SGYUG MO LAS MNYAN TE SKU MNYE JI LTA BUS BSKU MNYE BYAS PA DANG, KHRUS JI LTA BUS KHRUS BYAS PA DANG, DRI DANG PHRENG BA RGYU DANG, BDUG SPOS DANG, PHYE MA DANG, GOS DANG, RGYAN JI LTA BU DAG GIS BRGYAN NA KA LAN DA KA'I BU TSE DANG LDAN PA BZANG BYIN SNGON KHYIM PA NYID NA DGA' BA DANG, YID DU 'ONG BAR GYUR PA DE LTA BU'I BSKU MNYES BSKU MNYE BYAS, DE LTA BU'I KHRUS KYIS KHRUS BYAS, DE LTA BU'I DRI DANG, PHRENG BA RGYU DANG, BDUG SPOS DANG, PHYE MA DANG, GOS DANG, RGYAN DAG GIS BRGYAN NAS KA LAN DA KA'I BU TSE DANG LDAN PA BZANG BYIN GYI MA GA LA BA DER SONG STE PHYIN NAS, KA LAN DA KA'I BU TSE DANG LDAN PA BZANG BYIN GYI MA LA 'DI SKAD CES SMRAS SO, ,YUM NGAN BU 'DI 'DRA NA BDAG GIS CI ZHIG BGYI, DE NAS KA LAN DA KA'I BU TSE DANG LDAN PA BZANG BYIN GYI MA MNA' MA DANG SHING @25A *, ,RTA GCIG TU ZHUGS TE KA LAN DA KA'I GRONG NAS BYUNG NAS KA LAN DA KA'I BU TSE DANG LDAN PA BZANG BYIN GYI GNAS GA LA BA DER SONG STE PHYIN NAS BZHON PA'I SA JI SRID PA DE SRID DU BZHON PAS SONG STE, BZHON PA LAS BABS NAS RKANG PA DAG KHO NAS KA LAN DA KA'I BU TSE DANG LDAN PA BZANG BYIN GYI DRUNG DU SONG NGO, ,DE'I TSE NA KA LAN DA KA'I BU TSE DANG LDAN PA BZANG BYIN GNAS KYI PHYI ROL BLA GAB MED PA'I 'CHAGS NA 'CHAGS SO, ,KA LAN DA KA'I BU TSE DANG LDAN PA BZANG BYIN GYI MAS KA LAN DA KA'I BU TSE DANG LDAN PA BZANG BYIN THAG RING PO KHO NA NAS MTHONG NGO, ,MTHONG NAS KYANG KA LAN DA KA'I BU TSE DANG LDAN PA BZANG BYIN GA LA BA DER SONG STE PHYIN NAS KA LAN DA KA'I BU TSE DANG LDAN PA BZANG BYIN LA 'DI SKAD CES SMRAS SO, ,BU BZANG BYIN GAL TE KHYOD MI 'DOD PA'AM, MNGON PAR MI DGA' BA'AM, RNAM PAR 'KHYAM 'DOD PAR MI 'GYUR ZHING, DGE SBYONG GI TSUL DON DU MI GNYER BA MA YIN PA'AM, DGE SBYONG GI TSUL GYIS SGYID LUG PA MA YIN PA'AM, MUS BYUNG BA MA YIN PA'AM, THE TSOM ZA BA MA YIN PA'AM, SMAD PA MA YIN PA'AM, KHYOD DGE SBYONG GI TSUL YONGS SU GTONG 'DOD PA MA YIN PA LTA NA, BU KHYOD KYI BAG SAR 'DI DUS LA BAB CING ZLA MTSAN DANG LDAN PAR GYUR GYIS 'DI LA SA BON GYI CHOS CUNG ZHIG RJES SU BYIN CIG ,KHYOD LA BU MED PA'I PHYIR DBANG BA'I RDZAS THAMS CAD DE BZHIN DU'AM, JI LTAR YANG RUNG BAS RGYAL POS DBANG DU BYAS PAR GYUR NA MI RUNG NGO, ,DE NAS KA LAN DA KA'I BU TSE DANG LDAN PA BZANG BYIN GYIS SNGAR BSLAB PA'I GZHI MA BCAS SHING, NYEN PA MA MTHONG LA BUD MED KYI YUL GZHON NU KHA DOG BZANG BA CHAGS PAR 'GYUR BA MTHONG NAS 'DOD CHAGS KYIS SEMS ZIL GYIS NON CING DE 'DOD CHAGS KYIS SEMS ZIL GYIS NON PAS YONGS SU GDUNG BA'I LUS DANG, YONGS SU GDUNG BA'I SEMS DANG LDAN ZHING, DE YONGS SU GDUNG BZHIN PA'I LUS DANG YONGS SU GDUNG BZHIN PA'I SEMS KYIS MA LA 'DI SKAD CES SMRAS SO, ,YUM BDAG GIS @25B DE LTAR BGYIR RUNG NGAM, BU BZANG BYIN 'DI LTA STE, SA BON GYI CHOS LA BRTEN NAS SHIN TU RUNG NGO, ,DE NAS KA LAN DA KA'I BU TSE DANG LDAN PA BZANG BYIN GYIS MA LAS MNYAN TE SNGON GYI CHUNG MA'I LAG PA GNYIS NAS BZUNG STE PHYOGS GCIG TU SONG NAS CHOS GOS DAG BZHAG STE, DE DANG LHAN CIG TU MI TSANGS PAR SPYOD PA 'KHRIG PA'I CHOS LAN GNYIS LAN GSUM DU BSTEN TE, SEMS CAN SRID PA THA MA PA, SPYOD PA TSOL BA, THAR PA'I SNYING PO BZUNG BA, MYA NGAN LAS 'DAS PA LA PHYOGS PA, 'KHOR BA LAS PHYIR PHYOGS PA, SRID PA'I 'GRO BA THAMS CAD DU 'CHI 'PHO BA DANG SKYE BA DON DU MI GNYER BA LUS THA MA 'DZIN PA ZHIG KYANG LHA'I RIS BZANG PO ZHIG NAS SHI 'PHOS TE, DE'I SKYE DGU'I BDAG MO'I MNGAL DU ZHUGS SO, ,BUD MED KYI YUL MKHAS PA'I RANG BZHIN CAN LA LA LA MA 'DRES PA'I CHOS LNGA YOD DE, LNGA GANG ZHE NA, SKYES PA CHAGS PAR GYUR PA SHES SHING CHAGS PA DANG BRAL BA SHES PA DANG, DUS SHES SHING ZLA MTSAN SHES PA DANG, MNGAL NA GNAS PA ZHUGS PA SHES PA DANG, GANG LAS MNGAL NA GNAS PA ZHUGS PA SHES PA DANG, KHYE'U SHES SHING BU MO SHES PA STE, GAL TE KHYE'U YIN NA DKU G-YAS PAR RTEN CING 'DUG LA, GAL TE BU MO YIN NA DKU G-YON PAR RTEN CING 'DUG PA'O, ,DE YID DGA' ZHING YID DGA' NAS SGYUG MO LA SMRAS PA, YUM MKHYEN PAR MDZOD CIG , BDAG LA SEMS CAN ZHUGS PAR GYUR PA NI 'DI LTAR BDAG GI DKU G-YAS PAR RTEN CING MCHIS PAS NGES PAR KHYE'UR 'GYUR RO, ,DE YANG YID DGA' ZHING YID DGA' NAS 'DI SKAD CES, KHO MO YUN RING PO NAS MNGON PAR DAD PA'I TSA BO NGO MTHONG BA DANG, KHO MO DANG MTHUN PAR SKYE ZHING MI MTHUN PAR MI SKYE BA DANG, KHO MO'I BYA BA DAG BYED PA DANG, GSOS PAS PHYIR GSO BA DANG, BGO SKAL LA SPYOD PA DANG, KHO MO'I RIGS RGYUD YUN RING DU GNAS PAR 'GYUR BA DANG, BDAG CAG SHI ZHING DUS LA BAB PA DAG LA NYUNG NGU'AM, @26A *, ,MANG PO YANG RUNG BA'I SBYIN PA DAG SBYIN ZHING BSOD NAMS KYANG BYAS NAS, 'DI DE GNYIS GANG DU SKYES PA DER 'GRO ZHING RJES SU 'GRO BAR GYUR CIG CES MING GIS YON BSHAD PA BYED PAR GYUR CIG CES CHED DU BRJOD PA CHED DU BRJOD PAR BYED DO, ,DE LA SEMS CAN ZHUGS PAR RIG NAS 'DI LTA STE, MNGAL NA GNAS PA YONGS SU SMIN PAR BYA BA'I PHYIR STENG GI KHANG BZANGS KYI GZHIR GTOGS PAR GRANG BA NA GRANG BA'I YO BYAD DAG DANG, DRO BA NA DRO BA'I YO BYAD DAG DANG, SMAN PAS BCAS PA'I ZAS HA CANG MI KHA BA DANG, HA CANG MI SKYUR BA DANG, HA CANG LAN TSVA MI CHE BA DANG, HA CANG MI MNGAR BA DANG, HA CANG MI TSA BA DANG, HA CANG MI BSKA BA DANG, KHA BA DANG, SKYUR BA DANG, LAN TSVA DANG, MNGAR BA DANG, TSA BA DANG, BSKA BA RNAM PAR SPANGS BA'I ZAS DAG DANG, DO SHAL DANG, SE MO DO DANG, RGYAN GYIS BKLUBS PA'I LUS LHA'I BU MO DGA' BA'I TSAL NA RNAM PAR SPYOD PA LTA BU DANG, KHRI NAS KHRIR DANG, KHRI'U NAS KHRI'U DANG, SHOD KYI SA GZHIR MI 'BAB PA DANG, DES SGRA YID DU MI 'ONG BA CUNG ZAD KYANG MI THOS PAR GNOD PA MED PA NYID DU RIM GRO BYED DU 'JUG GO, ,DE ZLA BA BRGYAD DAM DGU 'DAS TE BTZAS PA LAS KHYE'U GZUGS BZANG BA, BLTA NA SDUG PA, MDZES PA, GSAL BA, GSER GYI MDOG 'DRA BA, MGO GDUGS LTA BU DANG LDAN PA, LAG PA RING BA, DPRAL BA'I DBYES CHE BA, SMIN MA 'JAR BA, SNA'I GZANGS MTHO BA ZHIG BYUNG NGO, ,DE NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS KHYE'U'I MING CIR GDAGS ZHES MING 'DOGS PAR BYED DO, ,DE DAG 'DI SNYAM DU SEMS TE, GANG GI PHYIR KHYE'U 'DI SA BON GYI CHOS LA BRTEN TE RNYED PA DE'I PHYIR KHYE'U'I MING SA BON PA ZHES BYA'O ZHES DE'I MING SA BON PA ZHES BYA BAR BTAGS SO, ,KHYE'U SA BON PA MA MA BRGYAD PO PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS @26B KYI MA MA GNYIS LA RJES SU GTAD DO, ,DE MA MA BRGYAD PO DAG GIS 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN DU MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE YI GE DANG, GRANGS DANG, RTZIS DANG, LAG RTZIS DANG, DBYUNG BA DANG, GZHUG PA DANG, GZHAG PA LA NYE BAR ZHUGS NAS DE YI GE'I MTHAR PHYIN CING 'BYED PA DANG, KLOG PA DANG, MKHAS PA DANG, SPYOD PA GSAL BA DANG, BRTAG PA BRGYAD PO 'DI LTA STE, RIN PO CHE BRTAG PA DANG, GZHI BRTAG PA DANG, GOS BRTAG PA DANG, SHING BRTAG PA DANG, GLANG PO CHE BRTAG PA DANG, RTA BRTAG PA DANG, BUD MED BRTAG PA DANG, SKYES PA BRTAG PA LA MKHAS PAR GYUR TO, ,DE DUS GZHAN ZHIG NA SANGS RGYAS LA MNGON PAR DAD, CHOS DANG DGE 'DUN LA MNGON PAR DAD, SANGS RGYAS LA SKYABS SU SONG, CHOS DANG, DGE 'DUN LA SKYABS SU SONG ZHING DES SROG GCOD PA SPANGS TE, SROG GCOD PA LAS PHYIR LOG ,MA BYIN PAR LEN PA DANG, 'DOD PAS LOG PAR G-YEM PA DANG, BRDZUN DU SMRA BA DANG, 'BRU'I CHANG DANG, BCOS PA'I CHANG MYOS PAR 'GYUR BA BAG MED PA'I GNAS SPANGS TE, 'BRU'I CHANG DANG, BCOS PA'I CHANG MYOS PAR 'GYUR BA BAG MED PA'I GNAS LAS PHYIR LOG GO, ,DE PHA LAS BYUNG BA'I DAD PA SNGA MA DE NYID RJES SU SPEL ZHING LEGS PAR GSUNGS PA'I CHOS 'DUL BA LA SKRA DANG KHA SPU BREGS TE, GOS NGUR SMRIG DAG BGOS NAS YANG DAG PA KHO NAR DAD PAS, KHYIM NAS KHYIM MED PAR RAB TU BYUNG NGO, ,DE DE LTAR RAB TU BYUNG NAS GCIG PU DBEN PA BAG YOD PA BRTUN PA DANG LDAN PA BDAG NYID BTANG BAR GNAS SO, ,GCIG PU DBEN PA BAG YOD PA BRTUN PA DANG LDAN PA BDAG NYID BTANG BAR GNAS PA NA, RIGS KYI BU DAG GANG GI PHYIR SKRA DANG KHA SPU BREGS TE GOS NGUR SMRIG DAG @27A *, ,BGOS NAS YANG DAG PA KHO NAR DAD PAS KHYIM NAS KHYIM MED PAR RAB TU 'BYUNG BAR BYED PA TSANGS PAR SPYOD PA'I MTHA' BLA NA MED PA DE TSE DE NYID LA RANG GI MNGON PAR SHES PAS MNGON SUM DU BYAS TE BSGRUBS NAS BDAG GI SKYE BA ZAD DO, ,TSANGS PAR SPYOD PA SPYAD DO, ,BYA BA BYAS SO, ,SRID PA 'DI LAS GZHAN MI SHES SO ZHES GO BAR BYED CING DGRA BCOM PA KHAMS GSUM PA LAS 'DOD CHAGS DANG BRAL BA, BONG BA DANG GSER DU MNYAM PA, NAM MKHA' DANG LAG MTHIL DU MTSUNGS PA'I SEMS DANG LDAN PA, TZAN DAN BZHAG PA LTA BU RIG PAS SGO NGA'I SBUBS DRAL BAR GYUR CING, RIG PA DANG, MNGON PAR SHES PA DANG, SO SO YANG DAG PAR RIG PA THOB PA, SRID PA DANG, 'DOD PA'I RNYED PA DANG, BKUR STI LA RGYAB KYIS PHYOGS PA, DBANG PO DANG, NYE DBANG DANG BCAS PA'I LHA RNAMS KYIS MCHOD PAR BYA BA DANG, RJED PAR BYA BA DANG, MNGON DU SMRA BAR BYA BAR GYUR TO, ,DE NAS TSE DANG LDAN PA SA BON PAS DGRA BCOM PA THOB CING RNAM PAR GROL BA'I DGA' BA DANG BDE BA SO SOR YANG DAG PAR RIG PA NA, DE'I TSE TSIGS SU BCAD PA SMRAS PA, CHOS RNAMS LAS NI SKAL BA THOB, ,YAB KYI DKOR GYIS BDAG MI STOD, ,BDAG GIS HA CANG 'PHYI NAS SHES, ,BDAG NI CHUNG NGUS SHIN TU 'DAS, ,DE'I TSE NA BCOM LDAN 'DAS DGE SLONG GI 'KHOR BRGYA PHRAG DU MA'I MDUN NA BZHUGS SHING NYAN THOS RNAMS LA, 'DOD CHAGS 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON TO, ,ZHE SDANG 'DOD CHAGS DANG BRAL BAR BYA BA DANG, GTI MUG 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON TO, ,DE'I TSE NA KA LAN DA KA'I BU TSE DANG LDAN PA BZANG BYIN 'KHOR DE NYID DU 'DUG CING MTHUN PAR GYUR TO, ,BCOM LDAN 'DAS JI LTA JI LTAR 'DOD CHAGS 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB @27B RNAM PAR GROL BA'I CHOS STON PA DANG, ZHE SDANG 'DOD CHAGS DANG BRAL BAR BYA BA DANG, GTI MUG 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON PA DE LTA DE LTAR KA LAN DA KA'I BU TSE DANG LDAN PA BZANG BYIN CUNG ZAD 'GYOD PAR GYUR, RNAM PAR 'GYOD PAR GYUR, RAB TU 'GYOD PAR GYUR CING 'DUG LA, 'GYOD PA DANG LDAN, 'GYOD PA THOB CANG MI SMRA BAR GYUR, YUL YUL POR GYUR, PHRAG PA KLOD, GDONG SMAD, SPOBS PA MED, SEMS KHONG DU CHUD CING 'DUG GO, ,DE NAS DUS GZHAN ZHIG NA DGE SLONG RAB TU MANG PO DAG GNAS NYUL ZHING RGYU BA NA KA LAN DA KA'I BU TSE DANG LDAN PA BZANG BYIN GYI GNAS GA LA BA DER DONG STE PHYIN NAS KA LAN DA KA'I BU TSE DANG LDAN PA BZANG BYIN DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM SNA TSOGS BYAS TE MTHA' GCIG TU 'KHOD DO, ,MTHA' GCIG TU 'KHOD NAS DGE SLONG RAB TU MANG PO DAG GIS KA LAN DA KA'I BU TSE DANG LDAN PA BZANG BYIN LA 'DI SKAD CES SMRAS SO, ,TSE DANG LDAN PA BZANG BYIN KHYOD SNGON CHAD DGE SLONG GLO BUR DU LHAGS PA DAG MTHONG NA BSHES PA DANG BCAS PA NYID KYI TSIG GIS BSU NAS LHUNG BZED DANG, CHOS GOS DANG, KHAR BA DANG, GTUR BU DANG, RIL BA SPYI BLUGS DANG, 'BRU MAR SNOD DANG, ZHVA DANG, LHAM SGROG GU CAN DANG, MCHIL LHAM DAG LEN PAR BYED NA, KHYOD DA LTAR DGE SLONG GLO BUR DU LHAGS PA DAG MTHONG NA CUNG ZAD 'GYOD PAR GYUR, RNAM PAR 'GYOD PAR GYUR, RAB TU 'GYOD PAR GYUR CING 'DUG LA, 'GYOD PA DANG LDAN, 'GYOD PA THOB CANG MI SMRA BAR GYUR, YUL YUL POR GYUR, PHRAG PA KLOD, GDONG SMAD, SPOBS PA MED, SEMS KHONG DU CHUD CING 'DUG NA, TSE DANG LDAN PA BZANG BYIN DA LTAR KHYOD LA LUS KYI GNOD PA'AM, SEMS KYI YONGS SU GDUNG BA 'GA' ZHIG MED GRANG, TSE DANG LDAN PA DAG BDAG LA DA LTAR LUS KYI GNOD PA NI @28A *, ,'GA' YANG MED MOD KYI, 'ON KYANG BDAG LA SEMS KYI YONGS SU GDUNG BA YOD DO, ,TSE DANG LDAN PA KHYOD KYI SEMS KYI YONGS SU GDUNG BA GANG YIN, DES SKABS DE DGE SLONG RNAMS LA RGYAS PAR BRJOD PA DANG, DGE SLONG DE DAG DE LAS MNGON PAR BSTOD PAR YANG MI BYED, PHYIR ZLOG BAR YANG MI BYED CING MNGON PAR BSTOD PA YANG MA BYAS, PHYIR ZLOG PAR YANG MA BYAS PAR STAN DAG LAS LANGS NAS, BCOM LDAN 'DAS GA LA BA DER DONG STE PHYIN NAS, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,MTHA' GCIG TU 'KHOD NAS BCOM LDAN 'DAS LA DGE SLONG RAB TU MANG PO DAG GIS SKABS DE RGYAS PAR GSOL TO, ,DE SKAD CES GSOL PA DANG, BCOM LDAN 'DAS KYIS DGE SLONG RAB TU MANG PO DAG LA 'DI SKAD CES BKA' STZAL TO, ,DGE SLONG DAG ZAG PA'I GNAS LTA BU'I CHOS MANG PO RNAMS KYI DANG PO NI KA LAN DA KA'I BU BZANG BYIN GYIS 'DI LTA STE, MI TSANGS PAR SPYOD PA'I RKYEN GYIS BYAS PAR GYUR TO, ,DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, ,DE BZHIN GSHEGS PA NI DON GYI DBANG GNYIS GZIGS PA NA DGE SLONG GI DGE 'DUN SDUD PAR MDZAD DE, 'DI LTA STE, NGA'I NYAN THOS RNAMS KYI KUN SHES PA NYID DU BYA BA'I PHYIR DANG, NGAS 'DUL BA LA BSLAB PA'I GZHI LEGS PAR BCAS PAR 'GYUR BA'O, ,SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PA STE, MKHYEN BZHIN DU RMED PA, MKHYEN KYANG MI RMED PA, DUS SU RMED PA, DUS LAS YOL BAR MI RMED PA, DON DANG LDAN PA RMED PA, DON DANG MI LDAN PA MI RMED PAS, SANGS RGYAS BCOM LDAN 'DAS RNAMS NI DON DANG MI LDAN PA RMED PA LA CHU LON GYIS ZLOG PAR MDZAD PA YIN NO, ,DE LA SANGS RGYAS BCOM LDAN 'DAS RNAMS NI DON DANG LDAN PA RMED PA LA DUS MKHYEN PA YIN PAS SANGS RGYAS BCOM LDAN 'DAS KYIS KA LAN DA KA'I @28B BU TSE DANG LDAN PA BZANG BYIN LA RMAS PA, BZANG BYIN KHYOD KYIS MI MDZES PA DE LTA BU DE BYAS PAR GYUR PA BDEN NAM, BTZUN PA MAD DO, ,SANGS RGYAS BCOM LDAN 'DAS KYIS DGE SLONG GI TSUL MA YIN PA, RJES SU MTHUN PA MA YIN PA, RUNG BA MA YIN PA, TSUL DANG MTHUN PA MA YIN PA DE NI RAB TU BYUNG BAS BYA BA MA YIN NO, ,BZANG BYIN NGAS 'DOD CHAGS 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS BSTAN PA DANG, ZHE SDANG 'DOD CHAGS DANG BRAL BAR BYA BA DANG, GTI MUG 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS BSTAN PA LA KHYOD KYIS CI'I PHYIR MI MDZES PA DE LTA BU DE BYAS PAR GYUR MI GTI MUG CAN KHYOD KYIS SBRUL NAG PO DUG MYUR DU KHYAB PA, DUG DRAG PA, DUG RNO BA'I KHAR RANG GI YAN LAG GI RNAM PA BCUG PAR GYUR BA NI BLA'I, DE LTAR GYUR PAS BUD MED KYI YUL LA NI MA YIN NO ZHES RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA PHAN YON BCU YANG DAG PAR GZIGS PAS 'DUL BA LA NYAN THOS RNAMS KYI BSLAB PA'I GZHI BCA' BAR BYA STE, 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR GNAS PAR BYA BA'I PHYIR DANG, GNOD MI BKUR BA'I GANG ZAG RNAMS TSAR GCAD PA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR DANG, MNGON PAR MA DAD PA RNAMS MNGON PAR DAD PAR BYA BA'I PHYIR DANG, MNGON PAR DAD PA RNAMS PHYIR ZHING 'BYUNG BAR BYA BA'I PHYIR DANG, TSE 'DI'I ZAG PA RNAMS BSDAMS PAR BYA BA'I PHYIR DANG, TSE RABS PHYI MA'I RNAMS BZLOG PAR BYA BA'I PHYIR DANG, NGA'I TSANGS PAR SPYOD PA SKYE BO MANG PO LA PHAN PA YANGS PAR GYUR PA LHA DANG MI'I BAR DAG LA YANG DAG PAR RAB TU BSTAN PA YUN RING DU GNAS PAR BYA BA'I PHYIR NGA'I NYAN THOS @29A *, ,RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS BSLAB PA MA PHUL, BSLAB PA NYAMS PAR MA BYAS PAR MI TSANGS PAR SPYOD PA 'KHRIG PA'I CHOS BSTEN NA DGE SLONG DE PHAM PAR GYUR PA YIN GYIS GNAS PAR MI BYA'O, ,ZHES BCOM LDAN 'DAS KYIS 'DUL BA LA NYAN THOS RNAMS KYI BSLAB PA'I GZHI BCA' BA MDZAD DO, ,SANGS RGYAS BCOM LDAN 'DAS RGYAL PO'I KHAB NA 'OD MA'I TSAL BYA KA LAN DA KA'I GNAS NA BZHUGS SO, , DE'I TSE NA DGE SLONG ZHIG RGYAL PO'I KHAB NA DGON PA'I SPYIL BU NA 'DUG GO, ,DE NAS DGE SLONG DES DGON PA'I SPRA MO ZHIG ZAS KYIS BRNGOD BRNGOD NAS DE DANG LHAN CIG MI TSANGS PAR SPYOD PA 'KHRIG PA'I CHOS BSTEN TO, ,DE NAS DGE SLONG RAB TU MANG PO DAG GNAS NYUL ZHING RGYU BA NA DGE SLONG DE'I SPYIL BU GA LA BA DER DONG STE PHYIN NAS DGE SLONG DE DANG LHAN CIG MNGON DU YANG DAG PAR DGA' BAR 'GYUR BA DANG, YANG DAG PAR MGU BAR 'GYUR BA'I GTAM SNA TSOGS BYAS TE, MTHA' GCIG TU 'KHOD DO, ,DE NAS SPRA MO DE SNGON GYI SDIG PA CAN DAM PA MA YIN PA'I CHOS DE NYID RJES SU DRAN NAS DGE SLONG DE GA LA BA DER SONG STE PHYIN NAS, DGE SLONG DE'I GDONG DU RNAM PAR LTA BAR BYED, RO SMAD STOBS PAR BYED NAS DGE SLONG DE 'DI LTA STE, DGE SLONG DE DAG LA NGO TSA BAS DE ZLOG PAR BYED DO, ,SPRA MO DE LAN GNYIS LAN GSUM DU DGE SLONG DE'I GDONG DU RNAM PAR LTA BAR BYED, RO SMAD STOBS PAR BYED NAS DGE SLONG DE 'DI LTA STE, DGE SLONG DE DAG LA NGO TSA BAS LAN GNYIS LAN GSUM DU DE ZLOG PAR BYED DO, ,DE NAS SPRA MO DE KHROS 'KHRUGS RNGAM PAR GYUR CING YID MI DGA' NAS, DGE SLONG DE'I GDONG DANG, SNA DANG CHOS GOS RKANG PA'I SEN MO DAG GIS MNGON PAR BRAD DE MTHA' GCIG TU SONG NAS NGU RU RU ZER ZHING KHYI TSUGS SU 'DUG GO , ,DE NAS DGE SLONG DE DAG GIS DGE SLONG DE LA 'DI SKAD CES SMRAS SO, ,TSE DANG LDAN PA CI'I PHYIR DGON PA'I SPRA MO 'DI KHYOD KYI GDONG DU RNAM PAR @29B LTA BAR BYED, RO SMAD STOBS PAR BYED NAS KHYOD 'DI LTA STE, KHO BO CAG LA NGO TSA BAS DE ZLOG PAR BYAD, CI'I PHYIR DGON PA'I SBRA MO 'DI LAN GNYIS LAN GSUM DU KHYOD KYI GDONG DU RNAM PAR LTA BAR BYED, RO SMAD STOBS PAR BYED NAS KHYOD 'DI LTA STE, KHO BO CAG LA NGO TSA BAS DE ZLOG PAR BYED, 'ON KYANG DGON PA'I SPRA MO 'DI KHYOD LA KHROS 'KHRUGS RNGAM PAR GYUR CING YID MI DGA' NAS KHYOD KYI GDONG DANG, SNA DANG CHOS GOS RKANG PA'I SEN MO DAG GIS MNGON PAR BRAD DE MTHA' GCIG TU SONG NAS NGU RU RU ZER ZHING KHYI TSUGS SU 'DUG ,DES SKABS DE DGE SLONG DE DAG LA RGYAS PAR BRJOD DO, ,DE SKAD CES SMRAS PA DANG, DGE SLONG DE DAG GIS DGE SLONG DE LA 'DI SKAD CES SMRAS SO, ,TSE DANG LDAN PA 'O NA BCOM LDAN 'DAS KYIS MI TSANGS PAR SPYOD PA 'KHRIG PA'I CHOS MA BKAG GAM, TSE DANG LDAN PA DAG BKAG STE; DE YANG MI NYID LA YIN GYI DUD 'GROR SKYES PA LA NI MA YIN NO, ,DGE SLONG DE DAG MNGON PAR BSTOD PAR YANG MI BYED, PHYIR ZLOG PAR MI BYED CING MNGON PAR BSTOD PAR YANG MA BYAS, PHYIR BZLOG PAR YANG MA BYAS PAR STAN DAG LAS LANGS NAS BCOM LDAN 'DAS GA LA BA DER DONG STE PHYIN NAS BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,MTHA' GCIG TU 'KHOD NAS BCOM LDAN 'DAS LA DGE SLONG RAB TU MANG PO DAG GIS SKABS DE RGYAS PAR GSOL TO, ,BCOM LDAN 'DAS KYIS BKA' STZAL PA, DGE SLONG DAG NGAS RE ZHIG MI LA YANG BKAG NA DUD 'GROR SKYES PA LA LTA CI SMOS TE, DGE SLONG DAG MI GTI MUG CAN DE NI PHAM PAR GYUR TE, DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, SKABS 'DI LA DGE SLONG GI DGE 'DUN BSDU BA MDZAD DO, , SANGS RGYAS BCOM LDAN 'DAS RNAMS NI MKHYEN BZHIN DU RMED PAR MDZAD PAS ZHES BYA BA NAS SANGS RGYAS BCOM LDAN 'DAS KYIS DGE SLONG DE LA RMAS PA ZHES BYA BA'I BAR DU SNGA MA BZHIN NO, ,DGE SLONG KHYOD KYIS MI MDZES PA DE LTA BU DE BYAS PAR GYUR PA BDEN NAM, BTZUN @30A *, ,PA MED DO, ,SANGS RGYAS BCOM LDAN 'DAS KYIS DGE SBYONG GI TSUL MA YIN PA ZHES BYA BA NAS, MI GTI MUG CAN KHYOD KYIS SBRUL NAG PO DUG MYUR DU KHYAB PA, DUG DRAG PA, DUG RNO BA'I KHAR RANG GI YAN LAG GI RNAM PA BCUG PAR GYUR PA NI BLA'I, DE LTAR GYUR PAS DUD 'GRO'I SKYES GNAS SU SKYES PA LA NI MA YIN NO ZHES BYA BA'I BAR DU RNAM PAR SMAD PA MDZAD DO, ,DE NAS BCOM LDAN 'DAS KYIS RNAM GRANGS DU MAS RNAM PAR SMAD NAS DGE SLONG RNAMS LA BKA' STZAL PA, DGE SLONG DAG DE LTA BAS NA SNGA MA NI BCAS PA'O, ,'DI NI RJES SU BCAS PA'O, ,NGA'I NYAN THOS RNAMS KYIS 'DUL BA LA BSLAB PA'I GZHI 'DI LTAR GDON PAR BYA STE, YANG DGE SLONG GANG DGE SLONG RNAMS DANG LHAN CIG BSLAB PA MTSUNGS PAR GYUR PAS BSLAB PA MA PHUL, BSLAB PA NYAMS PAR MA BYAS PAR MI TSANGS PAR SPYOD PA 'KHRIG PA'I CHOS BSTEN NA THA NA DUD 'GRO'I SKYE GNAS SU SKYES PA DANG LHAN CIG KYANG RUNG STE DGE SLONG DE PHAM PAR GYUR PA YIN GYIS GNAS PAR MI BYA'O, ,YANG DGE SLONG GANG ZHES BYA BA NI DGE SLONG RNAM PA BZHI PO MING GI DGE SLONG DANG, KHAS 'CHE BA'I DGE SLONG DANG, SLONG BA'I PHYIR DGE SLONG DANG, NYON MONGS PA BCOM PA'I PHYIR DGE SLONG LAS MING GI DGE SLONG GANG ZHE NA, GANG GI MING DANG, MING DU BRJOD PA DANG, TSIG GNYIS PA DANG, TSIG BLA DAGS DANG, 'DU SHES DANG, BOD PA DANG, GDAGS PA DANG, THA SNYAD DGE SLONG ZHE'AM, DGE SLONG GI RIGS ZHE'AM, DGE SLONG DANG 'DRA BAR GYUR PA ZHES BYA BA DE NI MING GI DGE SLONG ZHES BYA'O, ,KHAS 'CHE BA'I DGE SLONG GANG ZHE NA, GANG DGE SLONG MA YIN BZHIN DU BDAG NYID DGE SLONG NGO ZHES KHAS 'CHE BAR BYED PA DANG, RKU THABS SU GNAS SHING DGE SLONG DU DAM 'CHA' BAR BYED PA DE NI KHAS 'CHE BA'I DGE SLONG ZHES BYA'O, ,SLONG BA'I PHYIR DGE SLONG GANG ZHE NA, GANG CHOS DANG LDAN PAS SLONG MO SPYOD PAS 'TSO BAR BYED PA DE NI SLONG BA'I PHYIR DGE SLONG ZHES BYA'O, ,NYON MONGS PA BCOM PA'I PHYIR DGE SLONG GANG ZHE NA, GANG GIS ZAG @30B PA KUN NAS NYON MONGS PAR BYED PA, YANG SRID PAR BYED PA, RIMS NAD DANG BCAS PA, RNAM PAR SMIN PA SDUG BSNGAL BA, PHYI MA LA SKYE BA DANG, RGA BA DANG, 'CHI BAR 'GYUR BA GANG DAG YIN PA DE DAG SPANGS PA DANG, YONGS SU SHES PA DANG, RTZA BA NAS BCAD PA DANG, SHING TA LA'I MGO BZHIN DU GZHI MI SNANG BA DANG, PHYI MA LA MI SKYE BA'I CHOS CAN DU GYUR PA DE NI NYON MONGS PA BCOM PA'I PHYIR DGE SLONG ZHES BYA'O, ,DON 'DIR NI GSOL PA DANG, BZHI'I LAS MI G-YO BA GZHAG PAR MI 'OS PAS BSNYEN PAR RDZOGS PA GANG YIN PA DE DGE SLONG DU DGONGS TE, DES NA YANG DGE SLONG GANG ZHES GSUNGS SO, ,DGE SLONG RNAMS DANG LHAN CIG CES BYA BA NI DE LAS GZHAN PA CHOS MTHUN PA TSANGS PA MTSUNGS PAR SPYOD PA RNAMS DANG NGO, ,BSLAB PA MTSUNGS PAR GYUR PAS ZHES BYA BA NI BSLAB PA GANG LA BSNYEN PAR RDZOGS NAS LO BRGYA LON PA'I DGE SLONG GIS BSLAB PAR BYA BA DE LA DENG BSNYEN PAR RDZOGS PAS KYANG, DENG BSNYEN PAR RDZOGS PAS GANG LA BSLAB PAR BYA BA DE LA BSNYEN PAR RDZOGS NAS LO BRGYA LON PAS KYANG NGO ZHES 'DI LA TSUL KHRIMS NYID KYIS MNYAM PA DANG, BSLAB PA NYID KYIS MNYAM PA DANG, SO SOR THAR PA'I MDO 'DON PA NYID KYIS MNYAM PA GANG YIN PA DE NI BSLAB PA MTSUNGS PAR GYUR PAS ZHES BYA STE, DE NA BSLAB PA MTSUNGS PAR GYUR PAS ZHES GSUNGS SO, ,BSLAB PA MA PHUL ZHES BYA BA LA, JI TZAM GYIS NA BSLAB PA MA PHUL BA YIN ZHE NA, 'DI LTA STE, DGE SLONG KHROS SHING KHRO BA'I ZIL GYIS NON PAS BSLAB PA 'BUL NA BSLAB PA MA PHUL BAR BRJOD PAR BYA'O, ,SMYOS PA DANG, SEMS 'KHRUGS PA DANG, TSOR BA DAG GIS NYEN PAS BSLAB PA 'BUL NA BSLAB PA MA PHUL BAR BRJOD PAR BYA'O, ,SMYON PA LA BSLAB PA 'BUL NA BSLAB PA MA PHUL BAR BRJOD PAR BYA'O, ,SEMS 'KHRUGS PA DANG, TSOR BA DAG GIS NYEN PA LA BSLAB PA 'BUL NA BSLAB PA MA PHUL BAR BRJOD PAR BYA'O, ,GLEN PA DANG, LKUGS PA DANG, 'ON PA @31A *, ,LA BSLAB PA 'BUL NA BSLAB PA MA PHUL BAR BRJOD PAR BYA'O, ,DBEN PAR DBEN PAR 'DU SHES PAS BSLAB PA 'BUL NA BSLAB PA MA PHUL BAR BRJOD PAR BYA'O, ,DBEN PAR MI DBEN PAR 'DU SHES PAS BSLAB PA 'BUL NA BSLAB PA MA PHUL BAR BRJOD PAR BYA'O, , MI DBEN PAR DBEN PAR 'DU SHES PAS BSLAB PA 'BUL NA BSLAB PA MA PHUL BAR BRJOD PAR BYA'O, ,DBUS PAS MTHA' 'KHOB PA'I TSIG GIS DBUS PA LA BSLAB PA 'BUL BAR BYED LA, DBUS PAS GAL TE MTHA' 'KHOB PA'I TSIG SMRAS PA DE MA SHES NA BSLAB PA MA PHUL BAR BRJOD PAR BYA'O, ,MTHA' 'KHOB PAS DBUS PA'I TSIG GIS MTHA' 'KHOB PA LA BSLAB PA 'BUL BAR BYED LA, MTHA' 'KHOB PAS GAL TE DBUS PA'I TSIG SMRAS PA DE MA SHES NA BSLAB PA MA PHUL BAR BRJOD PAR BYA'O, ,MTHA' 'KHOB PAS MTHA' 'KHOB PA'I TSIG GIS DBUS PA LA BSLAB PA 'BUL BAR BYED LA, DBUS PAS GAL TE MTHA' 'KHOB PA'I TSIG SMRAS PA DE MA SHES NA BSLAB PA MA PHUL BAR BRJOD PAR BYA'O, ,DBUS PAS DBUS PA'I TSIG GIS MTHA' 'KHOB PA LA BSLAB PA 'BUL BAR BYED LA, MTHA' 'KHOB PAS GAL TE, DBUS PA'I TSIG SMRAS PA DE MA SHES NA BSLAB PA MA PHUL BAR BRJOD PAR BYA'O, ,MI GNYID LOG PA DANG, SNYOMS PAR ZHUGS PA DANG, LHA DANG, SPRUL PA DANG, DUD 'GRO DANG, GZUGS BRNYAN LA BSLAB PA 'BUL NA BSLAB PA MA PHUL BAR BRJOD PAR BYA'O, ,KLAG COR CAN GYIS KLAG COR CAN LA BSLAB PA 'BUL NA BSLAB PA MA PHUL BAR BRJOD PAR BYA'O, ,GTONG BA'I SEMS MED PA DANG, DGE SBYONG GI TSUL 'DOD PA DANG, KHYIM NA GNAS PA MI 'DOD PA DANG, MI RANG BZHIN DU GNAS PA SHES PA 'GA' LA YANG RNAM PAR RIG PAR MI BYED NA BSLAB PA MA PHUL BAR BRJOD PAR BYA STE, DES NA BSLAB PA MA PHUL BA ZHES GSUNGS SO, ,BSLAB PA NYAMS PAR MA BYAS PAR ZHES BYA BA LA BSLAB PA PHUL LA BSLAB PA NYAMS PAR MA BYAS PA YANG YOD, ,BSLAB PA NYAMS PAR BYAS LA @31B BSLAB PA MA PHUL BA YANG YOD, BSLAB PA NYAMS PAR YANG BYAS LA BSLAB PA PHUL BA YANG YOD, BSLAB PA MA PHUL ZHING BSLAB PA NYAMS PAR MA BYAS PA YANG YOD DO, ,DE LA RE ZHIG BSLAB PA PHUL LA BSLAB PA NYAMS PAR MA BYAS PA NI 'DI LTA STE, DGE SLONG 'DOD PA'AM, MNGON PAR MI DGA' BA'AM, RNAM PAR 'KHYAM 'DOD CING, DGE SBYONG GI TSUL DON DU MI GNYER BA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA NA DGE SLONG GI DRUNG DU SONG STE, 'DI SKAD CES TSE DANG LDAN PA DGONGS SU GSOL, BDAG MING 'DI ZHES BGYI BA BSLAB PA 'BUL LO ZHES ZER NA BSLAB PA PHUL BAR BRJOD PAR BYA'O, ,SANGS RGYAS DANG, CHOS DANG, DGE 'DUN 'BUL LO ZHES ZER NA BSLAB PA PHUL BAR BRJOD PAR BYA'O, ,MDO SDE DANG, 'DUL BA DANG, MA MO 'BUL LO ZHES ZER NA BSLAB PA PHUL BAR BRJOD PAR BYA'O, ,MKHAN PO DANG, SLOB DPON 'BUL LO ZHES ZER NA BSLAB PA PHUL BAR BRJOD PAR BYA'O, ,BDAG KHYIM PA'AM, DGE TSUL LAM, ZA MA 'AM, MA NING NGAM; DGE SLONG MA SUN PHYUNG BA'AM, MA BSAD PA'AM, PHA BSAD PA'AM, DGRA BCOM PA BSAD PA'AM, DGE 'DUN GYI DBYEN BYAS PA'AM, DE BZHIN GSHEGS PA LA NGAN SEMS KYIS KHRAG PHYUNG BA'AM, MU STEGS CAN NAM, MU STEGS CAN ZHUGS PA'AM, RKU THABS SU GNAS PA'AM, THA DAD PAR GNAS PA'AM, GNAS PAR MI BYA BAR GZUNG DU GSOL ZHE 'AM, THA NA 'DI SKAD CES BDAG KHYED LTA BU CHOS MTHUN PA TSANGS PA MTSUNGS PAR SPYOD PA DAG GIS CHOG GO ZHES ZER NA BSLAB PA PHUL BAR BRJOD PAR BYA STE, DE LTAR NA BSLAB PA PHUL LA BSLAB PA NYAMS PAR MA BYAS PA YIN NO, ,JI LTAR NA BSLAB PA NYAMS PAR BYAS LA BSLAB PA MA PHUL BA YIN ZHE NA, 'DI LTA STE, DGE SLONG 'DOD PA'AM, MNGON PAR MI DGA' BA'AM, RNAM PAR 'KHYAM 'DOD CING DGE SBYONG GI TSUL MI 'DOD PA'AM, DGE @32A *, ,SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA NA DGE SLONG GI DRUNG DU SONG STE, 'DI SKAD CES TSE DANG LDAN PA MKHYEN PAR MDZOD CIG ,TSANGS PAR SPYOD PA SPYAD DKA'O, , RAB TU DBEN PA BYA DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, ,PHA MA DANG, PHU NU DANG, BU SRING DRAN NO, ,BDAG BZO DAG SLOB TU CHUG SHIG BDAG GI LAS KYI MTHA' DAG TSOL CIG ,BDAG KHYIM BZANG PO DAG TU GTOD CIG CES DE LTAR DE LA 'DOD PA'AM, MNGON PAR MI DGA' BA'AM, RNAM PAR 'KHYAM 'DOD CING DGE SBYONG GI TSUL MI 'DOD PA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA'I NGAG DANG, TSIG DANG, THA SNYAD DANG, SKAD DANG, RJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI LAS DANG, NGAG GI RNAM PAR RIG BYED GANG YIN PA DAG NI RJOD PAR BYED LA, 'DI SKAD CES TSE DANG LDAN PA DGONGS SU GSOL, BDAG MING 'DI ZHES BGYI BA BSLAB PA 'BUL LO ZHE'AM, SANGS RGYAS DANG, CHOS DANG, DGE 'DUN 'BUL LO ZHE'AM, MDO SDE DANG, 'DUL BA DANG, MA MO 'BUL LO ZHE'AM, MKHAN PO DANG, SLOB DPON 'BUL LO ZHE'AM, BDAG KHYIM PA'AM, DGE TSUL LAM, ZA MA'AM, MA NING DAM, DGE SLONG MA SUN PHYUNG BA'AM, MA BSAD PA'AM, PHA BSAD PA'AM, DGRA BCOM PA BSAD PA'AM, DGE 'DUN GYI DBYEN BYAS PA 'AM; DE BZHIN GSHEGS PA LA NGAN SEMS KYIS KHRAG PHYUNG BA'AM, MU STEGS CAN NAM, MU STEGS CAN ZHUGS PA'AM, RKU THABS SU GNAS PA'AM, THA DAD PAR GNAS PA'AM, GNAS PAR MI BYA BAR GZUNG DU GSOL ZHE'AM, THA NA 'DI SKAD CES BDAG KHYED @32B LTA BU CHOS MTHUN PA TSANGS PA MTSUNGS PAR SPYOD PA DAG GIS CHOG GO ZHES NI MI ZER BA STE, DE LTAR NA BSLAB PA NYAMS PAR BYAS LA BSLAB PA MA PHUL BA YIN NO, ,JI LTAR NA BSLAB PA NYAMS PAR YANG BYAS LA BSLAB PA PHUL BA YANG YIN ZHE NA, 'DI LTA STE, DGE SLONG 'DOD PA'AM, MNGON PAR MI DGA' BA'AM, RNAM PAR 'KHYAM 'DOD CING DGE SBYONG GI TSUL MI 'DOD PA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA NA DGE SLONG GI DRUNG DU SONG STE, 'DI SKAD CES TSE DANG LDAN PA MKHYEN PAR MDZOD CIG ,TSANGS PAR SPYOD PA SPYAD DKA'O, ,RAB TU DBEN PA BYA DKA'O, ,GCIG PU NYID LA MNGON PAR DGA' BAR DKA'O, ,GNAS MAL DGON PA NAGS KHROD DANG, RI DRUNG DANG, BAS MTHA' DAG TU GNAS PA KHONG DU CHUD PAR DKA'O, ,GCIG PU DGON PAR GNAS PA SDUG BSNGAL LO, ,PHA MA DANG, PHU NU DANG, BU SRING DAG DRAN NO, ,BDAG BZO DAG SLOB TU CHUG SHIG ,BDAG GI LAS KYI MTHA' DAG TSOL CIG ,BDAG KHYIM BZANG PO DAG TU GTOD CIG CES DE LTAR DE LA 'DOD PA'AM, MNGON PAR MI DGA' BA'AM, RNAM PAR 'KHYAM 'DOD PAR GYUR CING DGE SBYONG GI TSUL MI 'DOD PA'AM, DGE SBYONG GI TSUL GYIS SGYID LUG PA'AM, MUS BYUNG BA'AM, THE TSOM ZA BA'AM, SMOD PA'AM, DGE SBYONG GI TSUL YONGS SU GTONG 'DOD PA'I NGAG DANG, TSIG DANG, THA SNYAD DANG, SKAD DANG, RJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI LAS DANG, NGAG GI RNAM PAR RIG PAR BYED PA GANG YIN PA DAG KYANG RJOD PAR BYED LA, 'DI SKAD CES TSE DANG LDAN PA DAG DGONGS SU GSOL, BDAG MING 'DI ZHES BGYI BA BSLAB PA 'BUL LO ZHE'AM, SANGS RGYAS DANG, CHOS DANG, DGE 'DUN 'BUL LO ZHE'AM, MDO SDE DANG, 'DUL BA DANG, MA MO 'BUL LO ZHE'AM, MKHAN PO DANG, SLOB DPON 'BUL LO ZHE'AM, BDAG KHYIM @33A *, ,PA'AM; DGE TSUL LAM, ZA MA'AM, MA NING NGAM, DGE SLONG MA SUN PHYUNG BA'AM, MA BSAD PA'AM, PHA BSAD PA'AM, DGRA BCOM PA BSAD PA'AM, DGE 'DUN GYI DBYEN BYAS PA'AM, DE BZHIN GSHEGS PA LA NGAN SEMS KYIS KHRAG PHYUNG BA'AM, MU STEGS CAN NAM, MU STEGS CAN ZHUGS PA'AM, RKU THABS SU GNAS PA'AM, THA DAD PAR GNAS PA'AM, GNAS PAR MI BYA BAR GZUNG DU GSOL ZHE'AM, THA NA 'DI SKAD CES BDAG KHYED CAG LTA BU CHOS MTHUN PA TSANGS PA MTSUNGS PAR SPYOD PA DAG GIS CHOG GO ZHES KYANG ZER NA BSLAB PA PHUL BAR BRJOD PAR BYA STE, DE LTAR NA BSLAB PA NYAMS PAR YANG BYAS LA BSLAB PA PHUL BA YANG YIN NO, ,JI LTAR NA BSLAB PA MA PHUL ZHING BSLAB PA NYAMS PAR MA BYAS PA YANG YIN ZHE NA, RNAM PA DE DAG MA GTOGS PA STE, DES NA BSLAB PA NYAMS PAR MA BYAS PA ZHES GSUNGS SO, ,MI TSANGS PAR SPYOD PA ZHES BYA BA NI GNYIS KYIS GNYIS SPROD PA'O, ,'KHRIG PA ZHES BYA BA NI MI TSANGS PAR SPYOD PA GANG YIN PA DE 'KHRIG PA YANG YIN NO, ,CHOS ZHES BYA BA NI CHOS MA YIN PA DE CHOS KYI SGRAR GSUNGS PA'O, ,BSTEN NA ZHES BYA BA NI LHAG PAR SPYAD NA'O, ,THA NA DUD 'GRO'I SKYE GNAS SU SKYES PA DANG, LHAN CIG KYANG RUNG STE ZHES BYA BA NI SPRA MO'AM, SPRA MO DANG 'DRA BAR GTOGS PA DANG NGO, ,DGE SLONG ZHES BYA BA NI GANG LA DGE SLONG GI DNGOS PO YOD PA GANG YIN PA'O, ,DGE SLONG GI DNGOS PO GANG ZHE NA, BSNYEN PAR RDZOGS PA GANG YIN PA'O, ,BSNYEN PAR RDZOGS PA GANG ZHE NA, GSOL BA DANG BZHI'I LAS KYI BYA BA BYED PA NYID DANG, RTOG PA NYID DANG, YANG DAG PAR RTOG PA NYID DANG, MTHAR PHYIN PAR BYED PA NYID DANG, YANG DAG PAR MTHAR PHYIN PAR BYED PA NYID GANG YIN PA DANG, GANG ZAG DE'I KHAS LEN PA DANG, MNGON PAR KHAS LEN PA DANG, PHYIR MI LDOG PA DANG, PHYIR MI 'GOG PA NYID DANG, NGAG DANG, TSIG DANG, THA SNYAD DANG, SKAD DANG, RJOD PA DANG, NGES PA'I TSIG DANG, TSIG GI LAM DANG, TSIG GI SGRA DANG, NGAG GI @33B LAS DANG, NGAG GI RNAM PAR RIG BYED GANG YIN PA'O, ,DE ZHES BYA BA NI NYE BAR BSTAN PA DANG, KUN TU BSTAN PA'I TSIG BLA DAGS DE'O, ,PHAM PAR GYUR PA YIN GYIS ZHES BYA BA NI DE MTHAR GYUR PA DANG, LTUNG BA DANG, DMAN PA DANG, MJUG NA 'DUG PA DANG, THA CHAD DANG, YID DANG MI MTHUN PA YIN PA'O, ,YANG GANG GIS LTUNG BA DE BYAS NA BYAS MA THAG TU DGE SLONG DU MI RUNG BAR 'GYUR, DGE SBYONG DU MI RUNG, SHA'KYA'I SRAS KYIR MI RUNG, DGE SLONG GI DNGOS PO LAS NYAMS PAR 'GYUR TE, DE'I DGE SBYONG GI TSUL ZHIG PAR 'GYUR ZHING, NYAMS PA; BCOM PA, LTUNG BA, PHAM PAR GYUR PA STE, DE'I DGE SBYONG GI TSUL PHYIR BSLAD DU MED PAR 'GYUR RO, ,'DI LTA STE, DPER NA SHING TA LA'I MGO BCAD NA SNGON POR 'GYUR DU MI RUNG LA, 'PHEL ZHING RGYAS PA DANG, YANGS PAR 'GYUR DU MI RUNG BA DE BZHIN DU DGE SLONG GIS GNAS DE LTA BU BYAS NA BYAS MA THAG TU DGE SLONG DU MI RUNG BAR 'GYUR, DGE SBYONG DU MI RUNG, SHA'KYA'I SRAS KYIR MI RUNG, DGE SLONG GI DNGOS PO LAS NYAMS PAR 'GYUR TE, DE'I DGE SBYONG GI TSUL ZHIG PAR 'GYUR ZHING NYAMS PA, BCOM PA, LTUNG BA, PHAM PAR GYUR PA STE, DE'I DGE SBYONG GI TSUL PHYIR BSLAD DU MED PAR 'GYUR PAS, DE NA PHAM PAR GYUR PA YIN GYIS ZHES GSUNGS SO, ,GNAS PAR MI BYA'O ZHES BYA BA NI DGE SLONG RNAMS KYIS DE DANG GSO SBYONG DANG, DGAG DBYE DANG, GSOL PA DANG, GSOL PA DANG GNYIS DANG, GSOL PA DANG BZHI'I LAS LA GNAS PAR MI BYA'O, ,GANG ZAG BCU GNYIS PO DAG TU BSKO BAS BSKO BAR MI BYA BA STE, DE NA GNAS PAR MI BYA'O ZHES GSUNGS SO, ,DE LA LTUNG BAR JI LTAR 'GYUR ZHE NA,, ,,SDOM LA, 'BA' ZHIG DANG NI GNAS GSUM DANG, ,BUD MED SKYES PA MA NING DANG, ,STEN LA GZHOL DANG RTZOL BA DANG, ,MYOS PAR BYAS DANG MTHUS 'DZIN PA'O, ,DGE SLONG GIS MI TSANGS PAR SPYOD PA 'KHRIG PA'I CHOS BSTEN NA PHAM PAR 'GYUR RO, ,DGE SLONG GIS GNAS GSUM GYIS MI TSANGS PAR SPYOD PA 'KHRIG PA'I CHOS BSTEN NA PHAM PAR @34A *, ,'GYUR RO, ,ZAG BYED ZAG BYED DAM, KHA'AM, BSHANG BA'I LAM DU 'JUD NA BCUG MA THAG TU PHAM PAR 'GYUR RO, ,DGE SLONG GI BUD MED DANG, SKYES PA DANG, MA NING GSUM DANG LHAN CIG MI TSANGS PAR SPYOD PA 'KHRIG PA'I CHOS STEN NA PHAM PAR 'GYUR RO, ,DGE SLONG GI SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAR GYUR CING, DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS MI'I BUD MED GSON PO MA NYAMS PA LA ZAG BYED PAR DANG BCAS PAS BAR CHAD DANG BCAS PA DANG, BAR DANG BCAS PAS BAR CHAD MED PA DANG, BAR MED PAS BAR CHAD DANG BCAS PA DANG, BAR MED PAS BAR CHAD MED PA ZAG BYED DAM, KHA'AM, BSHANG BA'I LAM DU 'JUD NA BCUG MA THAG TU PHAM PAR 'GYUR RO, ,DGE SLONG GI SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAR GYUR CING DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS, MI'I BUD MED GSON PO NYAMS PA LA ZAG BYED PAR DANG BCAS PAS BAR CHAD DANG BCAS PA DANG; BAR DANG BCAS PAS BAR CHAD MED PA DANG, BAR MED PAS BAR CHAD DANG BCAS PA DANG, BAR MED PAS BAR CHAD MED PA ZAG BYED DAM, KHA'AM, BSHANG BA'I LAM DU 'JUD NA BCUG MA THAG TU NYES PA SBOM POR 'GYUR RO, ,DGE SLONG GI SEMS STEN PA LA GZHOL BA DANG ; STEN PA LA 'BAB PA DANG, STEN PA LA BAB PAR GYUR CING, DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS MI'I BUD MED SHI BA MA NYAMS PA LA ZAG BYED PAR DANG BCAS PAS BAR CHAD DANG BCAS PA DANG, BAR DANG BCAS PAS BAR CHAD MED PA DANG, BAR MED PAS BAR CHAD DANG BCAS PA DANG, BAR MED PAS BAR CHAD MED PA ZAG BYED DAM, KHA'AM, BSHANG BA'I LAM DU 'JUD NA BCUG MA THAG TU PHAM PAR 'GYUR RO, ,DGE SLONG GI SEMS STEN PA LA GZHOL BA DANG, STEN PA LA 'BAB PA DANG, STEN PA @34B LA BAB PAR GYUR CING, DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS MI'I BUD MED SHI BA NYAMS PA LA ZAG BYED BAR DANG BCAS PAS BAR CHAD DANG BCAS PA DANG, BAR DANG BCAS PAS BAR CHAD MED PA DANG, BAR MED PAS BAR CHAD DANG BCAS PA DANG, BAR MED PAS BAR CHAD MED PA ZAG BYED DAM, KHA'AM, BSHANG BA'I LAM DU 'JUD NA BCUG MA THAG TU NYES PA SBOM POR 'GYUR RO, ,MI'I BUD MED GSON PO DANG SHI BA LA JI LTA BA DE BZHIN DU MI MA YIN PA MO GSON PO DANG, SHI BA DANG, DUD 'GRO'I SKYES GNAS SU SKYES PA MO GSON PO DANG, SHI BA LA YANG DE BZHIN NO, ,SKYES PA GSON PO DANG, SHI BA LA RMA'I SGO GNYIS SU YANG DE BZHIN NO, ,SKYES PA GSON PO DANG, SHI BA LA RMA'I SGO GNYIS SU JI LTA BA DE BZHIN DU MI MA YIN PA PHO GSON PO DANG, SHI BA LA RMA'I SGO GNYIS SU DANG, DUD 'GRO'I SKYES GNAS SU SKYES PA PHO GSON PO DANG, SHI BA LA RMA'I SGO GNYIS SU YANG DE BZHIN NO, ,SKYES PA LA JI LTA BA DE BZHIN DU MI'I MA NING PHO GSON PO DANG, SHI BA LA RMA'I SGO GNYIS SU DANG, MI MA YIN PA'I MA NING PHO GSON PO DANG, SHI BA LA RMA'I DSGO GNYIS SU DANG, DUD 'GRO'I SKYES GNAS SU SKYES PA'I MA NING PHO GSON PO DANG, SHI BA LA RMA'I SGO GNYIS SU YANG DE BZHIN NO, ,DGE SLONG GI DGE SLONG NYAL BA LA RTZOL BAR BYED CING, GAL TE DGE SLONG GIS DE DANG POR YANG MA SHES, BAR DU YANG MA SHES, THA MAR YANG MA SHES NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG NYAL BA LA RTZOL BAR BYED CING, GAL TE DGE SLONG GIS DE DANG POR SHES SHING BAR DU YANG MA SHES, THA MAR YANG MA SHES NA GANG RTZOL BAR BYED PA DE BSNYIL BAR BYA'O, , DGE SLONG GIS DGE SLONG NYAL BA LA RTZOL BAR BYED CING, GAL TE DGE SLONG GIS DE DANG POR YANG SHES, BAR DU YANG SHES SHING THA MAR MA SHES NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG NYAL BA LA RTZOL BAR BYED CING, GAL TE DGE SLONG GIS @35A *, ,DE DANG POR YANG SHES, BAR DU YANG SHES, THA MAR YANG SHES LA SHES NAS KYANG BDAG GIR MI BYED NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG NYAL BA LA RTZOL BAR BYED CING, GAL TE DGE SLONG GIS DE DANG POR YANG SHES, BAR DU YANG SHES THA MAR YANG SHES LA SHES NAS KYANG BDAG GIR BYED NA GNYI GA BSNYIL BAR BYA'O, ,DGE SLONG GIS DGE SLONG LA JI LTA BA BZHIN DU DGE SLONG GIS DGE SLONG MA DANG, DGE SLOB MA DANG, DGE TSUL DANG, DGE TSUL MA DANG, DGE SLONG MAS DGE SLONG DANG, DGE TSUL LA DANG, DGE TSUL MAS DGE SLONG DANG, DGE TSUL DANG, DGE TSUL GYIS DGE SLONG DANG, DGE SLONG MA DANG, DGE SLOB MA DANG, DGE TSUL DANG, DGE TSUL MA LA YANG DE BZHIN NO, ,DGE SLONG GIS DGE SLONG 'BRU'I CHANG GIS MYOS PAR BYED DU BCUG STE RTZOL BAR BYED CING, GAL TE DGE SLONG GIS DE DANG POR YANG MA SHES, BAR DU YANG MA SHES, THA MAR YANG MA SHES NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG 'BRU'I CHANG GIS MYOS PAR BYED DU BCUG STE RTZOL BAR BYED CING, GAL TE DGE SLONG GIS DE DANG POR SHES SHING BAR DU YANG MA SHES, THA MAR YANG MA SHES NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG 'BRU'I CHANG GIS MYOS PAR BYED DU BCUG STE RTZOL BAR BYED CING, GAL TE DGE SLONG GIS DE DANG POR YANG SHES, BAR DU YANG SHES, THA MAR YANG SHES LA SHES NAS KYANG BDAG GIR MI BYED NA GANG RTZOL BAR BYED PA DE BSNYIL BAR BYA'O, ,DGE SLONG GIS DGE SLONG 'BRU'I CHANG GIS MYOS PAR BYED DU BCUG STE RTZOL BAR BYED CING, GAL TE DGE SLONG GIS DE DANG POR YANG SHES, BAR DU YANG SHES, THA MAR YANG SHES LA SHES NAS KYANG BDAG GIR BYED NA GNYI GA BSNYIL BAR BYA'O, ,DGE SLONG GIS DGE SLONG LA JI LTA BA BZHIN DU DGE SLONG GIS DGE SLONG MA DANG, DGE SLOB MA DANG, DGE TSUL DANG, DGE TSUL MA DANG, DGE SLONG MAS DGE SLONG DANG, DGE TSUL DANG, DGE SLOB MAS DGE SLONG DANG, DGE TSUL DANG, DGE TSUL MAS DGE SLONG DANG, DGE TSUL DANG, DGE TSUL MA LA YANG DE BZHIN NO, , @35B 'BRU'I CHANG GIS JI LTA BA BZHIN DU BCOS PA'I CHANG DANG, SBYAR BA'I CHANG DANG, RTZA BA'I BTUNG BA DANG, SDONG BU'I BTUNG BA DANG, 'DAB MA'I BTUNG BA DANG, ME TOG GI BTUNG BA DANG, 'BRAS BU'I BTUNG BAS SAM, GSANG SNGAGS DAG DANG, RIG SNGAGS DANG, SMAN GYIS SEMS 'KHRUGS PAR BYAS PA'AM, GNYID LOG PAR BYAS TE YANG DE BZHIN NO, ,DGE SLONG GIS DGE SLONG GYA TSOM DU MTHUS BZUNG STE RTZOL BAR BYED CING, GAL TE DGE SLONG GIS DE 'JUD PA NA BDAG GIR BYED NA GNYI GA BSNYIL BAR BYA'O, ,'JUD PA NA MI BYED KYANG BCUG PA NA BDAG GIR BYED NA GNYI GA BSNYIL BAR BYA'O, ,'JUD PA NA YANG MI BYED, BCUG PA NA YANG MI BYED MOD KYI 'BYIN PA NA BDAG GIR BYED NA GNYI GA BSNYIL BAR BYA'O, ,'JUD PA NA YANG BDAG GIR MI BYED, BCUG PA NA YANG MI BYED, 'BYIN PA NA YANG MI BYED NA GANG RTZOL BA DE BSNYIL BAR BYA'O, ,DGE SLONG GIS DGE SLONG LA JI LTA BA BZHIN DU DGE SLONG GIS DGE SLONG MA DANG, DGE SLOB MA DANG, DGE TSUL DANG, DGE TSUL MA DANG, DGE SLONG MAS DGE SLONG DANG, DGE TSUL DANG, DGE SLOB MAS DGE SLONG DANG, DGE TSUL DANG, DGE TSUL MAS DGE SLONG DANG, DGE TSUL DANG, DGE TSUL GYIS DGE SLONG DANG, DGE SLOB MA DANG, DGE TSUL DANG, DGE TSUL MA LA YANG DE BZHIN NO,, ,,'DUL BA RNAM PAR 'BYED PA, BAM PO GNYIS PA, SDOM LA, RGYAB MNYEN DANG NI 'PHYANG BA CAN, ,MDZES DGA' TSOGS CAN RGAN MO DANG, ,DGE SLONG GNYID KYIS LOG PA LA, ,LCI THUN MAS BTZAL NYES MED PA'O, ,SANGS RGYAS BCOM LDAN 'DAS MNYAN YOD NA, RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DUS GZHAN ZHIG NA RTZE BAR BYED, DGA' BAR BYED, DGA' MGUR SPYOD PAR BYED PA DE'I CHUNG MA LA SEMS CAN ZHUGS PAR GYUR NAS, DE ZLA BA BRGYAD DAM DGU 'DAS TE BTZAS @36A *, ,PA LAS KHYE'U ZHIG BYUNG BA DE'I RGYAB 'DI LTA STE, DPER NA RI BONG NGAM, BYI LA'I LTAR MNYEN PA DANG, SHIN DU MNYEN PAR GYUR TO, ,DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS, KHYE'U'I MING CIR GDAGS ZHES MING 'DOGS PAR BYED DO, ,DE DAG 'DI SNYAM DU SEMS TE, GANG GI PHYIR KHYE'U 'DI'I RGYAB 'DI LTA STE, DPER NA RI BONG NGAM, BYI LA'I LTAR MNYEN PA DANG, SHIN TU MNYEN PA DE'I PHYIR, KHYE'U'I MING RGYAB MNYEN ZHES BYA'O, ,ZHES DE'I MING RGYAB MNYEN ZHES BYA BAR BTAGS SO, ,DE 'O MA DANG, ZHO DANG, MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN DU MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE LEGS PAR GSUNGS PA'I CHOS 'DUL BA LA RAB TU BYUNG NGO, ,DE DE LTAR RAB TU BYUNG NAS DE SNGA DRO SHAM THABS BGOS, CHOS GOS DANG LHUNG BZED THOGS TE, GRONG NGAM, GRONG RDAL GANG NA NYE BAR RTEN CING GNAS PA'I GRONG NGAM, GRONG RDAL DE NYID DU LUS MA BSRUNGS, DBANG PO DAG MA BSDAMS, DRAN BA NYE BAR MA BZHAG PAR BSOD SNYOMS LA ZHUGS SO, ,DES GRONG NGAM, GRONG RDAL DE NYID DU BSOD SNYOMS LA BRGYUS NAS ZAS KYI BYA BA BYAS TE, PHYI MA'I ZAS KYI BSOD SNYOMS LAS PHYIR LOG PAR LHUNG BZED DANG CHOS GOS MKHOS SU PHAB NAS RKANG PA GNYIS BKRUS TE, NANG DU YANG DAG 'JOG GI PHYIR GNAS SU ZHUGS SO, ,DE'I SEMS GANG GI TSE 'DOD PA LA 'DOD CHAGS KYIS KUN NAS DKRIS PAR GYUR PA DE'I TSE DES RANG GI YAN LAG GI RNAM PA LAS SU RUNG BAR BYAS TE, RANG GI KHAR BCUG NAS RTZOL BAR BYED DO; ,DE NAS DUS GZHAN ZHIG NA DGE SLONG RAB TU MANG PO GNAS NYUL ZHING RGYU BA DAG DGE SLONG DE'I GNAS GA LA BA DER PHYIN PA DANG, DGE SLONG DE DAG GIS DGE SLONG DE DE LTAR BYED PA MTHONG NGO, ,MTHONG NAS KYANG YID MI DGA' ZHING MNGON PAR MA MGU NAS DGE SLONG DE LA 'DI SKAD CES SMRAS SO, , @36B TSE DANG LDAN PA CI BYED, REG PA BDAG GIR BYED DO, ,TSE DANG LDAN PA 'O NA BCOM LDAN 'DAS KYIS MI TSANGS PAR SPYOD PA 'KHRIG PA'I CHOS MA BKAG GAM, TSE DANG LDAN PA DAG BKAG STE, DE NI GZHAN GYI LA YIN GYI RANG GI LA NI MA YIN NO, ,DGE SLONG DE DAG DE LA MNGON PAR BSTOD PAR YANG MI BYED, PHYIR ZLOG PAR YANG MI BYED CING, MNGON PAR BSTOD PA YANG MA BYAS, PHYIR ZLOG PA YANG MA BYAS PAR DONG NAS, BCOM LDAN 'DAS GA LA BA DER DONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,MTHA' GCIG TU 'KHOD NAS BCOM LDAN 'DAS LA DGE SLONG RAB TU MANG PO DAG GIS SKABS DE RGYAS PAR GSOL PA DANG, BCOM LDAN 'DAS KYIS BKA' STZAL PA, DGE SLONG DAG NGAS RE ZHIG GZHAN GYI LA YANG BKAG NA RANG GI LA LTA SMOS KYANG CI DGOS TE MI GTI MUG CAN DE NI PHAM PAR GYUR TO, , DGE SLONG GI SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAR GYUR CING, DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS RANG GI YAN LAG GI RNAM PA LAS SU RUNG BAR BYAS TE RANG GI'AM, GZHAN GYI KHAR BCUG NAS RTZOL BAR BYED NA BCUG MA THAG TU PHAM PAR 'GYUR RO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,DUS GZHAN ZHIG NA RTZE BAR BYED, DGA' BAR BYED, DGA' MGUR SPYOD PAR BYED PA DE'I CHUNG MA LA SEMS CAN ZHUGS PAR GYUR NAS, DE ZLA BA BRGYAD DAM, DGU 'DAS TE BTZAS PA LAS KHYE'U YAN LAG GI RNAM PA TSAD LAS SHIN TU 'DAS PA ZHIG BYUNG NGO, ,DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS, KHYE'U'I MING CIR GDAGS ZHES MING 'DOGS PAR BYED DO, ,DE DAG 'DI SNYAM DU @37A *, ,SEMS TE, GANG GI PHYIR KHYE'U 'DI'I YAN LAG GI RNAM PA TSAD LAS SHIN TU 'DAS PA DE'I PHYIR KHYE'U 'DI 'PHYANG BA CAN ZHES BYA'O ZHES DE'I MING 'PHYANG BA CAN ZHES BYA BAR BTAGS SO, ,DE 'O MA DANG, ZHO DANG, MAR DANG, ZHUN MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN DU MYUR DU SKYED PAR BYED DO, ,DE GANG GI TSE CHEN POR GYUR PA DE'I TSE LEGS PAR GSUNGS PA'I CHOS 'DUL BA LA RAB TU BYUNG NGO, ,DE DE LTAR RAB TU BYUNG NAS DE SNGA DRO SHAM THABS BGOS LHUNG BZED DANG CHOS GOS THOGS TE, GRONG NGAM, GRONG RDAL GANG NA NYE BAR RTEN CING GNAS PA'I GRONG NGAM, GRONG RDAL DE NYID DU LUS MA BSRUNGS DBANG PO DAG MA BSDAMS, DRAN PA NYE BAR MA BZHAG PAR BSOD SNYOMS LA ZHUGS SO, ,DES GRONG NGAM, GRONG RDAL DE NYID DU BSOD SNYOMS LA BRGYUS NAS ZAS KYI BYA BA BYAS TE, PHYI MA'I ZAS KYI BSOD SNYOMS LAS PHYIR LOG PAS LHUNG BZED DANG CHOS GOS MKHOS SU PHAB NAS RKANG PA GNYIS BKRUS TE NANG DU YANG DAG 'JOG GI PHYIR GNAS SU ZHUGS SO, ,DE'I SEMS GANG GI TSE 'DOD PA LA 'DOD CHAGS KYIS KUN NAS DKRIS PAR GYUR PA DE'I TSE DES RANG GI YAN LAG GI RNAM PA LAS SU RUNG BAR BYAS TE RANG GI BSHANG BA'I LAM DU BCUG NAS RTZOL BAR BYED DO, ,DE NAS DUS GZHAN ZHIG NA DGE SLONG RAB TU MANG PO GNAS NYUL ZHING RGYU BA DAG DGE SLONG DE'I GNAS GA LA BA DER PHYIN PA DANG, DGE SLONG DE DAG GIS DGE SLONG DE DE LTAR BYED PA MTHONG NGO, ,MTHONG NAS KYANG YID MI DGA' ZHING MNGON PAR MA MGU NAS DGE SLONG DE LA 'DI SKAD CES SMRAS SO, ,TSE DANG LDAN PA CI BYED, REG PA BDAG GIR BYED DO, ,TSE DANG LDAN PA 'O NA BCOM LDAN 'DAS KYIS MI TSANGS PAR SPYOD PA 'KHRIG PA'I CHOS MA BKAG GAM, TSE DANG LDAN PA DAG BKAG STE, DE NI GZHAN GYI LA YIN GYI RANG GI LA NI MA YIN NO, ,DGE SLONG DE DAG DE LA MNGON PAR BSTOD PAR YANG MI BYED, PHYIR ZLOG PAR YANG MI BYED CING, MNGON PAR BSTOD PA YANG MA BYAS PHYIR BZLOG PA YANG MA BYAS PAR DOD NAS BCOM LDAN 'DAS @37B GA LA BA DER SONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,MTHA' GCIG TU 'KHOD NAS, BCOM LDAN 'DAS LA DGE SLONG RAB TU MANG PO DAG GIS SKABS DE RGYAS BAR GSOL PA DANG, BCOM LDAN 'DAS KYIS BKA' STZAL PA, DGE SLONG DAG NGAS RE ZHIG GZHAN GYI LA YANG BKAG NA RANG GI LA LTA SMOS KYANG CI DGOS TE, MI GTI MUG CAN DE NI PHAM PAR GYUR TO, ,DGE SLONG GI SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAR GYUR CING, DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS RANG GI YAN LAG GI RNAM PA LAS SU RUNG BAR BYAS TE, RANG GI'AM, GZHAN GYI BSHANG BA'I LAM DU BCUG NAS RTZOL BAR BYED NA BCUG MA THAG TU PHAM PAR 'GYUR RO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,DE'I TSE NA 'PHAGS RGYAL NA DED DPON DGA' BO ZHES BYA BA PHYUG PA, NOR MANG BA, LONGS SPYOD CHE BA, YONGS SU GZUNG BA, YANGS SHING RGYA CHE BA, RNAM THOS KYI BU'I NOR DANG LDAN PA RNAM THOS KYI BU LA NOR GYIS 'GRAN PA ZHIG 'DUG STE, DES RIGS MNYAM PA LAS CHUNG MA BLANGS NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,RTZE BAR BYED, DGA' BAR BYED, DGA' MGUR SPYOD PAR BYED PA DE LA BU YANG MED BU MO YANG MED NAS, DE BU MED CING BU MNGON PAR 'DOD PAS ZHI BA DANG, CHU LHA DANG, LUS NGAN DANG, BRGYA BYIN DANG, TSANGS PA LA SOGS PA DAG LA GSOL BA 'DEBS SHING, LHA'I BYE BRAG GZHAN 'DI LTA STE, KUN DGA' RA BA'I LHA DAG DANG, TSAL GYI LHA DAG DANG; BZHI MDO'I LHA DAG DANG, SUM MDO'I LHA DAG DANG, GTOR MA LEN PA'I LHA DAG DANG, LHAN CIG SKYES PA DAG DANG, CHOS MTHUN PA DAG DANG, RTAG TU RJES SU 'BRANG BA'I LHA DAG LA YANG GSOL BA 'DEBS SO, ,'JIG RTEN NA GANG GSOL BA 'DEBS PA'I RGYU LAS @38A *, ,BU DANG, BU MO DAG SKYE'O ZHES BYA BA'I GTAM DE LTA BU YOD DE, DE NI DE LTA MA YIN TE, GAL TE DE LTAR 'GYUR DU ZIN NA RE RE LA YANG 'DI LTA STE, DPER NA 'KHOR LOS SGYUR BA'I RGYAL PO BZHIN DU BU STONG YOD PAR 'GYUR RO, ,'DI LTAR GNAS GSUM PO DAG MNGON DU GYUR PA LAS BU DANG, BU MO DAG SKYE BAR 'GYUR TE, GSUM PO DE DAG GANG ZHE NA, PHA DANG MA GNYIS CHAGS PAR GYUR CING 'DUS PA DANG, MA DUS LA BAB CING ZLA MTSAN DANG LDAN PA DANG, DRI ZA NYE BAR GNAS SHING 'JUG 'DOD PA STE, GNAS GSUM PO DE DAG MNGON DU GYUR PA LAS BU DANG BU MO DAG SKYE BAR 'GYUR RO, ,DE DE LTAR GSOL BA 'DEBS PA LHUR LEN CING 'DUG PA NA SEMS CAN ZHIG KYANG LHA'I RIS NAS SHI 'PHOS TE DE'I SKYE DGU'I BDAG MO'I MNGAL DU ZHUGS SO, ,BUD MED KYI YUL MKHAS PA'I RANG BZHIN CAN LA LA LA MA 'DRES PA'I CHOS LNGA YOD DE, LNGA GANG ZHE NA, SKYES PA CHAGS PAR GYUR PA SHES SHING CHAGS PA DANG BRAL BA SHES PA DANG, DUS SHES SHING ZLA MTSAN SHES PA DANG, MNGAL NA GNAS PA ZHUGS PA SHES PA DANG, GANG LAS MNGAL NA GNAS PA ZHUGS PA, DE SHES PA DANG, KHYE'U SHES SHING BU MO SHES PA STE, GAL TE KHYE'U YIN NA DKU G-YAS PAR RTEN CING 'DUG LA, GAL TE BU MO YIN NA NI DKU G-YON PAR RTEN CING 'DUG PA'O, ,DE YID DGA' ZHING YID DGA' NAS KHYIM THAB LA SMRAS PA, RJE'I SRAS BDAG LA SEMS CAN ZHUGS PAR GYUR PA NI 'DI LTAR BDAG GI DKU G-YAS PAR RTEN CING MCHIS PAS NGES PAR KHYE'UR 'GYUR GYIS DGYES PA BSKYED DU GSOL, DE YANG YID DGA' ZHING YID DGA' NAS RO STOD BSRANG STE, LAG PA G-YAS PA BRKYANG NAS 'DI SKAD CES KHO BO YUN RING PO NAS MNGON PAR 'DOD PA'I BU'I NGO MTHONG BA DANG, KHO BO DANG MTHUN PAR SKYE ZHING MI MTHUN PAR MI SKYE BA DANG, KHO BO'I BYA BA DAG BYED PA DANG, GSOS PAS PHYIR GSO BA DANG, BGO SKAL LA SPYOD PA DANG, KHO BO'I RIGS RGYUD YUN RING DU GNAS PAR 'GYUR BA DANG, BDAG CAG SHI ZHING DUS LA BAB PA DAG LA NYUNG DU'AM MANG @38B PO YANG RUNG BA'I SBYIN PA DAG SBYIN ZHING BSOD NAMS DAG BYAS NAS, 'DI DE GNYIS GANG DU SKYES PA DER 'GRO ZHING RJES SU 'GRO BAR GYUR CIG CES MING GIS YON BSHAD PA BYED PAR GYUR CIG CES CHED DU BRJOD PA CHED DU BRJOD PAR BYED DO, ,DE LA SEMS CAN ZHUGS PAR RIG NAS 'DI LTA STE, MNGAL NA GNAS PA YONGS SU SMIN PAR BYA BA'I PHYIR STENG GI KHANG BZANGS KYI GZHIR GTOGS PA NA GRANG BA NA GRANG BA'I YO BYAD DAG DANG, DRO BA NA DRO BA'I YO BYAD DAG DANG, SMAN PAS BCAS PA'I ZAS HA CANG MI KHA BA DANG, HA CANG MI SKYUR BA DANG, HA CANG LAN TSVA MI CHE BA DANG, HA CANG MI MNGAR BA DANG, HA CANG MI TSA BA DANG, HA CANG MI BSKA BA DANG, KHA BA DANG, SKYUR BA DANG, LAN TSVA DANG, MNGAR BA DANG, TSA BA DANG, BSKA BA RNAM PAR SPANGS PA'I ZAS DAG DANG, DO SHAL DANG, SE MO DO DANG, RGYAN GYIS BKLUBS PA'I LUS LHA'I BU MO DGA' BA'I TSAL NA RNAM PAR SPYOD PA LTA BU DANG, KHRI NAS KHRIR DANG, KHRI'U NAS KHRI'UR RGYU ZHING SHOD KYI SA GZHIR MI 'BAB PA DANG, DES SGRA YID DU MI 'ONG BA CUNG ZAD KYANG MI THOS PAR GNOD PA MED PA NYID DU RIM GRO BYED DU 'DZUD DO, ,DE ZLA BA BRGYAD DAM, DGU 'DAS TE BTZAS PA LAS KHYE'U GZUGS BZANG BA, BLTA NA SDUG PA, MDZES PA, GSAL BA, GSER GYI MDOG 'DRA BA, MGO GDUGS LTA BU DANG LDAN PA, LAG PA RING BA, 'PHRAL BA'I DBYES CHE BA, SMIN MA 'JAR BA, SNA'I GZANGS MTHO BA ZHIG BYUNG NGO, ,DE'I NYE DU DAG 'DUS SHING LHAGS NAS NYI MA BDUN GSUM NYI SHU GCIG TU BTZAS PA'I BTZAS STON RGYA CHER BYAS NAS KHYE'U'I MING CIR GDAGS ZHES MING 'DOGS PAR BYED DO, ,YUL DBUS NA GANG GZUGS BZANG BA, BLTA NA SDUG PA, MDZES PA DE LA MDZES PA ZHES BYA'O ZHES KUN TU SPYOD PAS DE DAG 'DI SNYAM DU SEMS TE, GANG GI PHYIR KHYE'U 'DI GZUGS BZANG BA, BLTA NA SDUG PA, MDZES PA YIN LA, DED DPON DGA' BO'I BU YIN PA DE'I PHYIR KHYE'U'I MING MDZES DGA' ZHES BYA'O, ,ZHES DE'I MING MDZES DGA' ZHES BYA BAR BTAGS SO, , @39A *, ,KHYE'U MDZES DGA' MA MA BRGYAD PO, PANG NA 'TSO BA'I MA MA GNYIS DANG, NU MA SNUN PA'I MA MA GNYIS DANG, DRI MA 'PHYI BA'I MA MA GNYIS DANG, RTZEN GROGS KYI MA MA GNYIS LA RJES SU GTAD DO, ,DE MA MA BRGYAD PO DE DAG GIS 'O MA DANG, ZHO DANG MAR DANG, ZHUN MAR DANG, MAR GYI SNYING KHU DANG, GZHAN YANG YO BYAD KYI BYE BRAG GTZO BO GTZO BO DAG GIS SRING BAR BYED, SKYED PAR BYED CING RDZING NA GNAS PA'I PAD MA BZHIN DU MYUR DU SKYED PAR BYED DO, ,GANG GI TSE CHEN POR GYUR PA DE'I TSE YI GE DANG, GRANGS DANG, RTZIS DANG, LAG RTZIS DANG, DBYUNG BA DANG, GZHUG PA DANG, GZHAG PA LA NYE BAR ZHUGS NAS, DE YI GE'I MTHAR PHYIN CING 'BYED PA DANG, KLOG PA DANG, MKHAS PA DANG, SPYOD PA GSAL BA DANG, BRTAG PA BRGYAD PO 'DI LTA STE, RIN PO CHE BRTAG PA DANG, GZHI BRTAG PA DANG, GOS BRTAG PA DANG, SHING BRTAG PA DANG, GLANG PO CHE BRTAG PA DANG, RTA BRTAG PA DANG, BUD MED BRTAG PA DANG, SKYES PA BRTAG PA LA MKHAS PAR GYUR TO, ,PHAS DE'I CHUNG MA'I 'KHOR GSUM PO RAB DANG, 'BRING DANG, THA MA DAG RNAM PAR GZHAG GO, ,'DUG PA'I GNAS GSUM PO DGUN GYI DANG; DPYID KYI DANG, DBYAR GYI DAG BYED DU BCUG GO, ,SKYED MOS TSAL GSUM PO DGUN GYI DANG, DPYID KYI DANG, DBYAR GYI DAG BYED DU BCUG GO, ,DE STENG GI KHANG BZANGS KYI GZHIR GTOGS PA NA SKYES PA MED PAR SIL SNYAN GYIS RTZE BAR BYED, DGA' BAR BYED, DGA' MGUR SPYOD PAR BYED DO, ,DED DPON DGA' BO RTAG TU RTZIS LA CHAGS SHING 'DU BA DANG, 'GOD PA DAG KYANG SBYONG BAR BYED NAS MDZES DGA' SA SMRAS PA, YAB KHYOD CI'I SLAD DU RTAG TU RTZIS LA CHAGS SHING BZHUGS, DES SMRAS PA, BU CI STENG GI KHANG BZANGS KYI GZHIR GTOGS PA NA RTZE BA NYID KYIS NOR BSGRUB PAR BYAR NUS SAM, NGAS KHYIM GYI BYA BA LOS KYANG BSAM DGOS SO, ,MDZES DGA'SA DON GYIS 'DIS BDAG LA BSKUL TO SNYAM DU RIG NAS DES DE'I RKANG PA GNYIS LA GTUGS TE SMRAS PA, YAB GAL TE DE LTAR RJES SU GNANG NA YUL GZHAN DU MCHIS LA NOR BSGRUB PAR @39B BGYI'O, ,DES SMRAS PA, BU NOR GYI RNAM PA MANG PO YOD NA CI'I PHYIR YUL GZHAN DU 'GRO, 'DUG SHIG DES SMRAS PA, YAB NGAN BU GOR MA BKUM PAR MCHI'O, ,DED DPON DGA' BOS 'DI 'DOD PA LA BAB PAR BYA'O SNYAM DU BSAMS NAS, DES LDE MIG DANG, LDE MIG KYOG PO LA SOGS PA BLANGS TE, DBYIG DANG, GSER BYAS PA DANG MA BYAS PA DE'I MDZOD GANG BA BDUN PHYE STE BSTAN NAS SMRAS PA, BU MDZES DGA' NOR GYI RNAM PA 'DI SNYED YOD KYIS KHYOD 'DI NYID DU 'DUG LA 'DOD PA LA YANG LONGS SPYOD CIG ,SBYIN PA DAG KYANG BYIN CIG ,BSOD NAMS DAG KYANG GYIS SHIG ,YUL GZHAN DU 'GRO MI DGOS SO, ,DES SMRAS PA, YAB KHYOD NGAN BU LA STON PAR MDZAD NA, NGAN BUS BU RNAMS LA CI ZHIG BSTAN PAR BGYI, DED DPON DGA' BOS DE ZER BA BZANG STE, BDAG 'DAS NAS 'DIS KHYIM GYI BYA BA SBYONG BAR 'GYUR BAS DE'I PHYIR JI SRID BDAG GSON PA DE SRID DU ZONG MNOS SHING YUL GZHAN DU 'GRO LA RAG STE, YUL GZHAN DU 'DI LA PHA'I GROGS DAG KYANG MNGON DU GYUR PAS DE LTA NA BDAG 'DAS NAS 'DI'I 'GRO BA'I PHYOGS MUN PA MED PAR 'GYUR RO SNYAM DU SHES SHING RIG NAS CHUNG MA LA SMRAS PA, BZANG MO KHO BO 'DAS NAS MDZES DGA'SA KHYIM GYI BYA BA SBYONG BAR 'GYUR BAS DE'I PHYIR JI SRID KHO BO GSON PA DE SRID DU ZONG MNOS SHING YUL GZHAN DU 'GRO LA RAG STE, YUL GZHAN DU 'DI LA PHA'I GROGS KYANG MNGON DU GYUR PAS DE LTA NA KHO BO 'DAS NAS 'DI 'GRO BA'I PHYOGS MUN PA MED PAR 'GYUR RO, ,DES SMRAS PA, RJE'I SRAS MA NONGS TE DE BZHIN MCHI LA RAG GO, ,DE NAS DED DPON DGA' BOS MDZES DGA' BOS TE SMRAS PA, BU KHYOD KYIS ZONG MNOS TE YUL GZHAN DU 'GRO'O SNYAM DU SEMS BSKYED PA MNYES TE, KHO BO 'DAS NAS KHYOD KYIS KHYIM GYI BYA BA SBYONG BAR 'GYUR BAS DE'I PHYIR JI SRID KHO BO GSON PA DE SRID DU ZONG MNOS SHING YUL GZHAN DU 'GRO LA RAG STE, YUL GZHAN DU KHYOD LA PHA'I GROGS DAG KYANG MNGON DU GYUR BAS DE LTA NA KHO BO 'DAS NAS KHYOD KYI 'GRO BA'I PHYOGS MUN PA MED PAR 'GYUR RO, ,MDZES DGA'SA SMRAS PA, YAB BKA' BZHIN 'TSAL MCHI'O, ,DE NAS DED DPON @40A *, ,DGA' BOS 'PHAGS RGYAL DU DRIL BSGRAG PA BYED DU BCUG STE, 'PHAGS RGYAL NA GNAS PA DANG, PHYOGS THA DAD PA NAS LHAGS PA'I TSONG PA RNAMS LA SHES LDAN DAG NYON CIG ,DED DPON MDZES DGA'SA ZONG MNOS SHING YUL GZHAN DU 'GROS, KHYED CAG LAS DED DPON MDZES DGA' DANG LHAN CIG TU SHO GAM MED PA DANG, LA GCAN MED PA DANG, GRU BTZAS MED PAR YUL GZHAN DU 'GRO BAR SPRO BA GANG YIN PA DES YUL GZHAN DU 'GRO BA DANG MTHUN PA'I ZONG BSDOGS SHIG ,TSONG PA LNGA BRGYAS YUL GZHAN DU 'GRO BA DANG, MTHUN PA'I ZONG BSDOGS SO, ,DED DPON DGA' BOS TSONG PA DE DAG MGRON DU BOS TE ZAS BYIN NAS SMRAS PA, SHES LDAN DAG JI LTAR MDZES DGA' 'DI KHO BO'I BU YIN PA DE KHO NA BZHIN DU KHYED KYI YANG YIN GYIS, TSONG PA YUL GZHAN DU DONG BA RNAMS KYI BAR CHAD NI GSUM YOD DE, RGYAN PO DANG, 'JUD MTHUN MA DANG, CHANG GI GNAS SO, ,KHYED CAG GIS 'DI GNOD PA LAS NGES PAR BZLOG PAR BYA ZHING PHAN PA LA YANG DAG PAR SBYOR BAR BYA'O, ,GAL TE GNOD PA LAS NGES PAR BZLOG CING PHAN PA LA YANG DAG PAR SBYOR BAR BYED PA NA RAB TU GNAS PAR GYUR NA DE LTA NA LEGS, GAL TE RAB TU MI GNAS PAR GYUR NA KHYED KYIS ZONG RNAM PAR SPONGS SHING RIN MNOS TE 'GRO BAR BYA'O, ,MDZES DGA' LA YANG SMRAS PA, BU MDZES DGA' JI LTAR KHYOD KHO BO'I BU YIN PA DE KHO NA BZHIN DU TSONG PA 'DI DAG GI YANG YIN GYIS, ,KHYOD KYIS 'DI DAG GI TSIG DANG BAS MNYAN CING BYA BAR SEMS SHIG ,DED DPON MDZES DGA'SA YAB BKA' BZHIN TSAL ZHES DED DPON DGA' BO LAS MNYAN NAS DGE MTSAN DANG, BKRA SHIS DANG, BDE LEGS SU 'GYUR BA BYAS TE, SHING RTA DAG DANG, KHUR DAG DANG, SPYAD DAG DANG, GLE BA DAG DANG, RNGA MO DAG DANG, BA LANG DAG DANG, BONG BU DAG GIS ZONG MANG PO BLANGS TE, TSONG PA LNGA BRGYA DANG LHAN CIG YUL GZHAN DU 'PHAGS SO, ,DE MTHAR GYIS GRONG DANG, GRONG RDAL DANG, YUL 'KHOR DANG, RGYAL PO'I PHO BRANG GI GNAS DAG TU KHAD KYIS RGYU BA NA MNYAN YOD DU PHYIN NAS MNYAN YOD DU MDZOD @40B CIG TU ZONG BTZUD DE 'DUG GO, ,DE'I TZE NA MNYAN YOD NA GZUGS 'TSONG MA BZANG MO ZHES BYA BA GZUGS BZANG BA, BLTA NA SDUG PA, MDZES PA, SKYES BU DGA' BA ZHIG 'DUG STE, DE K'ARA sh'A PA nA LNGA BRGYAS SKYES PA DANG LHAN CIG DGA' MGUR SPYOD PAR BYED DO, ,DES 'PHAGS RGYAL NA DED DPON DGA' BO ZHES BYA BA 'DUG PA DE'I BU MDZES DGA' ZHES BYA BA GZUGS BZANG BA, BLTA NA SDUG PA, MDZES PA DE TSONG PA LNGA BRGYA DANG LHAN CIG TU 'DIR PHYIN NAS MDZOD CHE GE MO ZHIG TU ZONG MKHOS SU PHAB STE 'DUG GO ZHES THOS SO, ,THOS NAS KYANG DE 'DI SNYAM DU SEMS TE; GAL TE BDAG GIS DE'I ZONG THAMS CAD MA PHROGS NA BZANG MO ZHES BYA BA'I MING MI GZUNG NGO SNYAM MO, ,DES BU MO MNGAG GZHUG MA LA SMRAS PA, BU MO DED DPON MDZES DGA' ZHES BYA BA 'BYOR PA RGYA CHEN PO DANG LDAN PAS, ZONG KHYER TE 'ONGS NAS MDZOD CHE GE MO ZHIG TU BTZUD KYI, DRI DANG, PHRENG BA RGYU THOGS TE DE'I DRUNG DU SONG LA 'DI SKAD CES JO MO BZANG MO KHYOD KYI ZHABS LA PHYAG 'TSAL ZHING, RJE'I SRAS KYI CI'I SLAD DU RANG GI PHO BRANG SPANGS TE MI PHAL PA BZHIN DU MDZOD NA BZHUGS, 'DI NI KHYOD NYID KYI PHO BRANG LAGS KYIS TSUR SBYON CIG CES KYANG MCHI'O ZHES GYIS SHIG ,JO MO BKA' BZHIN 'TSAL ZHES BU MO MNGAG GZHUG MA DES GZUGS 'TSONG MA BZANG MO LAS MNYAN TE, DRI DANG, PHRENG BA RGYU THOGS NAS DED DPON MDZES DGA' GA LA BA DER SONG STE PHYIN NAS DED DPON MDZES DGA' LA 'DI SKAD CES SMRAS SO, ,JO MO BZANG MO KHYOD KYI ZHABS LA PHYAG 'TSAL ZHING, DRI DANG, PHRENG BA RGYU 'DI YANG BSKUR, RJE'I SRAS KYIS CI'I SLAD DU PHO BRANG SPANGS TE MI PHAL PA BZHIN DU MDZOD NA BZHUGS, 'DI NI KHYOD KYI PHO BRANG LAGS KYIS TSUR SBYON CIG CES KYANG MCHI'O, ,MDZES DGA'SA SMRAS PA, BU MO SONG SHIG DANG, KHO BO DRI DANG, PHRENG BA RGYU 'DI BTAGS TE 'ONG NGO, ,DE NAS BU MO MNGAG GZHUG MA DE GZUGS 'TSONG MA BZANG MO GA LA BA DER SONG STE PHYIN NAS, DES DED DPON MDZES DGA' DANG LHAN CIG SKABS KYI GTAM JI SNYED BYAS PAR GYUR PA DE DAG THAMS CAD GZUGS 'TSONG MA BZANG MO LA BSNYAD DO, ,DE @41A *, ,NAS GZUGS 'TSONG MA BZANG MOS BU MO MNGAG GZHUG MA LAS THOS NAS DGA' BA DANG YID BDE BA SKYES TE, KHYIM BYUG PAS BSKUS SHING BYI DOR BYED DU BCUG NAS ME TOG SNA TSOGS BKRAM ZHING BDUG SPOS ZHIM POS BDUGS TE, BLA RE BRES PA DANG BCAS PA'I MAL BSHAMS NAS GTZO CHER DED DPON MDZES DGA' LA STOD CING 'DUG GO , ,DED DPON MDZES DGA' YANG DRI DANG, PHRENG BA RGYU DANG, RGYAN GYIS BKLUBS TE BZHON PA LA ZHON NAS KHYE'U MNGAG GZHUG PAS YONGS SU BSKOR CING LANG TSO'I GZUGS MCHOG TU SDUG PAS RNAM PAR MDZES SHING GZUGS 'TSONG MA BZANG MO'I GNAS GA LA BA DER SONG NGO, ,GZUGS 'TSONG MA BZANG MOS DED DPON MDZES DGA' LANG TSO'I GZUGS MCHOG TU SDUG PAS RNAM PAR MDZES PA MTHONG NGO, ,MTHONG NAS KYANG BRAN MO MNGAG GZHUG MA LA DRIS PA, BU MO 'DI DED DPON MDZES DGA' YIN NAM, DES SMRAS PA, JO MO DED DPON MDZES DGA' NI 'DI KHO NA LAGS SO, ,DE NAS GZUGS 'TSONG MA BZANG MO DGA' BA DANG, YID BDE BA SKYES NAS TSIGS SU BCAD PA SMRAS PA, RIGS SKYES RIGS MIN SKYES PA 'AM, ,NOR NYAMS NOR GYIS 'BYOR PA'ANG RUNG, ,GZUGS KYIS PHYUG PA MTHONG BAS NI, ,BUD MED RNAMS KYI YID 'PHROG BYED, ,DE BZHON PA'I SA JI SRID PA DE SRID DU BZHON PAS SONG NAS BZHON PA LAS BABS TE RKANG PA DAG KHO NAS GZUGS 'TSONG MA BZANG MO'I KHYIM DU 'JUG PAR BRTZAMS PA DANG, DES MYUR BA MYUR BAR KHANG THOG NAS BABS TE DE BSU NAS YAN LAG THAMS CAD KYIS 'KHYUD DE, KHYIM GYI NANG DU KHRID NAS BUD MED KYI KHRI LA BZHAG STE SMRAS PA, RJE'I SRAS KYI MTSAN CI, DES SMRAS PA, MDZES DGA'O, ,DES SMRAS PA, AE MA KHYOD KYI MTSAN NI GZUGS DANG 'DRA LA, GZUGS KYANG MTSAN DANG 'DRA STE, GAL TE YAB YUM DAG GIS KHYOD KYI MTSAN MDZES DGA' ZHES BGYI BAR MA GSOL BAR GYUR NA, DENG BDAG GIS KHYOD KYI MTSAN MDZES DGA' ZHES BGYI BAR GSOL BAR 'GYUR RO, ,DES SMRAS PA, KHYOD KYI MTSAN CI, DES SMRAS PA, BZANG MO'O, ,DES SMRAS PA, AE MA'O, ,KHYOD KYI @41B MTSAN NI GZUGS DANG 'DRA LA, GZUGS KYANG MTSAN DANG 'DRA STE, GAL TE YAB YUM DAG GIS KHYOD KYI MTSAN BZANG MO ZHES BGYI BAR MA GSOL BAR GYUR NA DENG BDAG GIS KHYOD KYI MTSAN BZANG MO ZHES BGYI BAR GSOL BAR 'GYUR RO, ,MDZES DGA'AS SMRAS PA, BZANG MO DGUNG GCIG GI GLA CI TZAM, DES SMRAS PA, RJE'I SRAS KYIS MI PHAL PA BZHIN DU MI GSHA' BA ZHIG BKA' STZAL TO, ,DE'I BU MO MNGAG GZHUG MAS SMRAS PA, DGUNG RED ZHIG K'AR sh'A PA nA LNGA BRGYA LNGA BRGYA'O, ,DES MI LA KHYOD KYIS NYIN RE ZHING K'AR sh'A PA nA LNGA BRGYA LNGA BRGYA BSKUR BAR BYA'O ZHES BSGO NAS, DE DE DANG LHAN CIG RTZE BAR BYED, DGA' BAR BYED, DGA' MGUR SPYOD PAR BYED DO, ,'DOD PA DAG NI BSTEN PA NA LDOG PA'AM, NGOMS PA'AM, MTHAR THUG PA MED PAS DE NYI MA MANG PO 'DAS KYANG NGOMS PAR MA GYUR CING, MIS KYANG NYIN RE ZHING K'RA sh'A PA nA LNGA BRGYA LNGA BRGYA 'BUL BA KHO NAR BYED DO, ,TSONG PA DAG GIS SMRAS PA, SHES LDAN DAG DED DPON MDZES DGA' MI SNANG NA, DE BDAG CAG LA GROGS POS GTAD PAS KUN TU BTZAL BAR BYA'O, ,TSONG PA DAG GIS DE'I G-YOG DAG LA DRIS PA, DED DPON GAR BZHUD, DE DAG GIS SMRAS PA, DED DPON NYI MA GANG KHO NA LA MNYAN YOD DU PHYIN PA'I NYI MA DE NYID LA 'JUD MTHUN MA'I KHYIM DU ZHUGS TE 'DUG NA KHYED CAG GIS DENG GZOD DRAN NAM, TSONG PA DAG GIS SMRAS PA, SHES LDAN DAG YU BU CAG GIS DED DPON MDZES DGA' YAL BAR BOR BA NI MA LEGS PA BYAS TE, 'DI'I PHAS YU BU CAG LA KLAN KAR 'GYUR RO, ,TSONG PA DAG GIS MDZES DGA' LA DON MTHUN RNAMS KYI MCHID NAS TSUR SPYON CIG CES MCHI'O ZHES BANG CHEN BTANG NGO, ,BANG CHEN DES MDZES DGA' LA BSGO NAS MDZES DGA' 'BYUNG BAR BRTZAMS PA DANG, BZANG MOS GOS KYI MTHA' NAS BZUNG STE SMRAS PA, RJE'I SRAS 'DOD PA DAG NI RGYU GNYIS KYIS BSTEN PAR BGYI STE, GZUGS BZANG BA NYID DANG, LANG TSO NYID KYIS SO, ,KHYOD NI GZUGS BZANG BA DANG, LANG TSO LA BAB PA LAGS NA GZHON PA'I GNAS SKABS SU RE ZHIG RTZE BA DANG, DGA' BA DANG, DGA' MGUR SPYOD PA MDZOD LA BGRES PA'I @42A *, ,GNAS SKABS SU NOR SGRUB PA MDZOD CIG ,MDZES DGA'AS BANG CHEN DE LA SMRAS PA, KYE KHYOD SONG SHIG DANG 'ONG NGO, ,BANG CHEN DE SONG STE TSONG PA RNAMS LA SMRAS PA, DED DPON GYI ZHAL NAS SONG SHIG DANG 'ONG NGO ZHES GSUNG NGO, ,TSONG PA DE DAG 'DUS TE, SDOD PA NA MDZES DGA' THOGS NAS, TSONG PA DE DAG THAMS CAD 'DUS TE 'JUD MTHUN MA'I KHYIM DU DONG NAS TSONG PA DE DAG GIS SGOR BSDAD DE, MI LA SMRAS PA, KYE KHYO GA SONG LA DED DPON LA TSONG PA'I TSOGS RNAMS SGO NA SDOD CING DED DPON BLTA BAR 'TSAL LO, ,ZHES GYIS SHIG ,MI DES SONG STE MDZES DGA' LA BRJOD NAS MDZES DGA'AS 'BYUNG BAR BRTZAMS PA DANG, YANG GZUGS 'TSONG MA BZANG MOS GOS KYI MTHA' NAS BZUNG STE SMRAS PA, RJE'I SRAS TSONG PA DE DAG KYANG BDAG DANG LHAN CIG DGA' MGUR SPYOD 'TSAL TE, DE DAG DANG LHAN CIG DGA' MGUR SPYAD DU GA LA RUNG BZHUGS SHIG ,'DOD PA DAG NI BSTEN PA NA KUN DU SBYOR BA DAG 'PHEL BAR BYED PA YIN PAS MDZES DGA'AS SMRAS PA, GANG GI TSE KHO BO KUN NAS DKRIS PA DANG BRAL BAR GYUR PA DE'I TSE 'BYUNG BAR 'GYUR RO, ,MI DES SONG STE TSONG PA'I TSOGS RNAMS LA SMRAS PA, DED DPON GYI ZHAL NAS GANG GI TSE KHO BO KUN NAS DKRIS PA DANG BRAL BAR GYUR PA DE'I TSE 'BYUNG NGO ZHES GSUNG NGO, ,TSONG PA DAG GIS SMRAS PA, KYE MA MDZES DGA' 'DI BYA BA MA YIN PA LA ZHUGS KYIS 'DOD DO ZHES DE DAG GIS ZONG RNAM PAR SPANGS NAS RIN BLANGS TE 'PHAGS SO, ,DE NAS MI GANG GIS NYI MA RE RE ZHING BZANG MO LA K'AR sh'A PA nA LNGA BRGYA LNGA BRGYA PHUL BAR GYUR PA DES PHYIN CHAD 'BUL BAR MI BYED DO, ,DE NAS DUS GZHAN ZHIG NA BZANG MOS MI DE LA DRIS SHING SMRAS PA, KYE KHYO GA CI'I PHYIR PHYIN CHAD K'ARA sh'A PA nA DAG 'BUL BAR MI BYED, DES SMRAS PA, DON MTHUN DAG DONG BAS BDAG GIS GA LAS DBUL, CI DON MTHUN DAG GIS MDZES DGA'I ZONG YANG KHYER RAM, KHYER RO, ,BZANG MOS MDZES DGA' DANG LHAN CIG NYI MA GNYIS SAM, GSUM DGA' MGUR SPYAD NAS SMRAS PA, RJE'I SRAS BDAG LA ZHING YANG MA MCHIS, LAS KYI MTHA' BGYID PA DAG KYANG @42B MA MCHIS, GRONG MI ZONG MNOS TE YUL GZHAN DU MCHI BA DAG KYANG MA MCHIS TE, KHYOD LTA BU DAG GI DRUNG NAS GANG THOB PA DES BDAG 'TSO BAR 'GYUR BA KHO NAR BAS NA YANG NA NI K'AR sh'A PA nA DAG STZOL CIG ,YANG NA NI SKYES PA GZHAN GYIS SKABS DBYE BA MDZOD CIG ,MDZES DGA'AS SMRAS PA, BZANG MO KHYOD LA SDUG PA 'GA' YANG MED DAM, BZANG MOS SMRAS PA, RJE'I SRAS KHYOD KYIS, TSOGS CAN RNAMS LA SDUG PA MED, ,DE DAG RANG BZHIN RING MI GNAS, ,BYA RNAMS 'BRAS MED LJON PA BZHIN, ,DE DAG RNYING PA RNAM PAR SPONG, ,ZHES BGYI BA MA GSAN TAM, MDZES DGA'AS SMRAS PA, BZANG MO KHYOD LA JI SRID DU NOR SBYIN PAR BYED PA DE SRID DU KHYOD SKYES PA'I DBANG DU 'GYUR RAM, BZANG MOS SMRAS PA, RJE'I SRAS KHYOD KYIS, JI SRID BRGYA BYIN CHAR 'BEBS PA, ,DE SRID RI KLUNG CHU 'BEBS LTAR, ,JI SRID NOR NI SBYIN BYED PA, ,DE SRID 'JUD MTHUN SKYES BU DBANG, ,ZHES BGYI BA MA GSAN TAM, MDZES DGA'AS SMRAS PA, BZANG MO KHYOD SU LA YANG YID 'BEBS PAR MI BYED DAM, BZANG MOS SMRAS PA, RJE'I SRAS KHYOD KYIS, 'JUD MTHUN DGONGS KAR RANG LUS BZHIN, ,GCUGS DANG GTAM GYIS DGA' BAR BYED, ,DE NAS NAM PHYED DBUS GNAS SHING, ,NAM NANGS PHAN CHAD RTZVA BZHIN SPONG, ,ZHES BGYI BA MA GSAN TAM, MDZES DGA'AS SMRAS PA, BZANG MO KHYOD NOR DANG BCAS PA'I MI DAG LA SPYOD PAR BYED DAM, ,BZANG MOS SMRAS PA, RJE'I SRAS KHYOD KYIS, NOR DANG BCAS PA'I MI DAG DANG, ,NOR MA SPYAD PA RNAMS LA YANG, ,SAR PA'I RTZVA LA BA LANG BZHIN, ,BDAG CAG RNAMS KYIS SPYAD PAR BYA, ,ZHES BGYI BA MA GSAN TAM, MDZES DGA'AS 'BYUNG BAR BRTZAMS PA DANG, BZANG MOS BSAMS PA, MDZES DGA' 'DI NI GZUGS BZANG BA, BLTA NA SDUG PA, MDZES PA YIN PAS SHIN TU THAG RING BAR SONG YANG SKYES BU 'DI LTA BU DANG LHAN CIG RTZE BAR BYA, DGA' BAR BYA, DGA' MGUR SPYAD PAR BYA BA YIN PAS DE'I PHYIR JI SRID DU GZHAN K'AR sh'A PA nA DAG THOGS TE MI 'ONG BA DE SRID DU 'DI DANG LHAN @43A *, ,CIG RTZE BAR BYA, DGA' BAR BYA, DGA' MGUR SPYAD PAR BYA'O SNYAM DU SHES SHING RIG NAS, BZANG MOS MDZES DGA'I GOS KYI MTHA' NAS BZUNG STE 'DZIN CING SMRAS PA, RJE'I SRAS KHYOD LA KHAB NA BZHAD GAD MI BGYID DAM, DE NI BDAG GIS BZHAD GAD BGYID PA LAGS KYIS GZHES SHIG ,MA BZHUD CIG ,MDZES DGA' 'DOD CHAGS SHAS CHEN PO 'DUG PA DANG, SKYES PA GZHAN ZHIG K'AR sh'A PA nA LNGA BRGYA THOGS TE DER ZHUGS NAS, DES BZANG MO DGA' MGUR SPYAD KYIS BZHUD CES SMRAS PA DANG, BZANG MOS MDZES DGA' NYID KYI MDUN DU YOL BAS BCAD DE DGA' MGUR SPYAD PAR BRTZAMS NAS, MDZES DGA'AS 'DI BDAG KHO NA'I MDUN DU SKYES PA 'DI DANG LHAN CIG DGA' MGUR SPYOD PAR BYED DO SNYAM DU SHES SHING RIG NAS SONG NGO, ,MDZES DGA' LAM PO CHE LA MI MKHAS PAS GANG DU 'GRO BAR BYA BA MI SHES NAS, JI TZAM NA DGE SLONG ZHIG MNYAN YOD DU BSOD SNYOMS LA BRGYUS NAS PHYIR BYUNG BA DE MDZES DGA'AS MTHONG NAS DGE SLONG DE'I PHYIR THOG THAG RJES SU SONG NGO, ,DE NAS DGE SLONG DE GTZUG LAG KHANG DU SONG STE, LHUNG BZED DANG CHU TSAGS MTHA' GCIG TU BZHAG NAS SNAM SBYAR SBRUGS TE, RKANG PA GNYIS BKRUS NAS LAG PA GNYIS BSNYAL TE, CHU BTZAGS NAS LO MA LHAGS PA NGAG BLANGS TE, 'DUG NAS ZAS KYI BYA BA BYA BAR BRTZAMS PA DANG, MDZES DGA' DE'I MDUN NA 'GRENG NGO, ,DGE SLONG DES MDZES DGA' LA SMRAS PA, BZHIN BZANGS LHUNG BZED KYI LHAG MA 'DOD DAM, MDZES DGA'AS GAL TE MA ZOS NA BKRES PAS 'CHI BAR 'GYUR BAR SHES SHING RIG NAS SMRAS PA, 'PHAGS PA 'TSAL LO, ,DGE SLONG DES MDZES DGA' LA LHUNG BZED KYI LHAG MA BYIN PA DANG, MDZES DGA'AS ZOS SO, ,ZOS NAS DRIS PA, BZHIN BZANGS KHYOD GA LAS 'ONG, MDZES DGA'AS SMRAS PA, 'PHAGS PA BDAG NI YUL SRUNG BYED DAG NA GRONG KHYER 'PHAGS RGYAL ZHES BGYI BA DE NA DED DPON DGA' BO ZHES BGYI BA MCHIS PA DE'I BU MDZES DGA' ZHES BGYI BA LAGS TE, BDAG ZONG MANG PO 'TSAL TE MCHIS @43B PA LAS 'JUD MTHUN MAS TSUL MA LAGS PAS GNOD PA BSGRUBS PAR GYUR TO, ,DGE SLONG DES SMRAS PA, BZHIN BZANGS CI'I PHYIR RAB TU MI 'BYUNG, MDZES DGA'AS GAL TE BDAG 'PHAGS RGYAL DU SONG BAR GYUR NA SU ZHIG MCHIL MA DAG SA LA 'DOR BAR 'GYUR TE, BDAG KHO NA'I STENG 'BA' ZHIG DU'O SNYAM DU SHES SHING RIG NAS SMRAS PA, 'PHAGS PA BDAG RAB TU 'BYUNG NGO, ,DGE SLONG DES MDZES DGA' RAB TU PHYUNG BSNYEN PAR RDZOGS PAR BYAS NAS DE'I 'OG TU NYI MA GNYIS SAM, GSUM DU KUN DU SPYAD PA'I CHOS DAG SLOB DU BCUG NAS SMRAS PA, BZHIN BZANGS RI DAGS KYIS RI DAGS MI SOS, MNYAN YOD RGYA CHE LA RANG GI SPYOD YUL DANG, YAB KYI YUL YIN GYIS BSOD SNYOMS SGRUBS LA 'TSO BAR GYIS SHIG ,MDZES DGA' SNGA DRO SHAM THABS BGOS LHUNG BZED DANG CHOS GOS THOGS TE MNYAN YOD DU BSOD SNYOMS LA ZHUGS SO, ,GZUGS 'TSONG MA BZANG MO YANG 'GYOD PA SKYES TE, BDAG GIS K'AR sh'A PA nA 'DOD PA'I RGYUS DED DPON MDZES DGA' DE TZAM DU MDZES SHING LANG TSO LA BAB PA DE BSKRAD PA NI MA LEGS PA BYAS TE, SHIN TU THAG RING BAR SONG YANG SKYES BU DE LTA BU DANG LHAN CIG DGA' MGUR SPYAD PAR BYA BA YIN PAR SHES SHING RIG NAS, BU MO MNGAG GZHUG MA LA BU MO GAL TE DED DPON MDZES DGA' MTHONG NA YANG 'JUG TU CHUG SHIG CES BSGO'O, ,MDZES DGA' SPYOD YUL LA MI MKHAS PAS BSOD SNYOMS SGRUB PA NA 'JUD MTHUN MA'I KHYIM DE NYID DU PHYIN PA DANG, BU MO MNGAG GZHUG MA DES MTHONG NAS YONGS SU DGA' BAS BZANG MO LA JO MO MDZES DGA' KHAB SGOR MCHIS SO ZHES SBRAN TO, ,BZANG MOS SMRAS PA, 'JUG TU CHUG SHIG ,BU MOS SMRAS PA, RAB TU BYUNG NGO, ,BZANG MOS SMRAS PA, RAB TU BYUNG YANG 'JUG TU CHUG SHIG , MNGAG GZHUG MA DES MDZES DGA' 'JUG TU BCUG NAS GZUGS 'TSONG MA BZANG MO MTHONG BA DANG, BZANG MOS BRANG BRDUNGS TE SMRAS PA, MDZES DGA' KHYOD KYIS CI'I SLAD DU NGAN BU SPANGS TE RAB TU BYUNG, MDZES DGA'AS SMRAS PA, SKAL CHAD MA KHYOD KHO BO KHO NA'I MDUN DU @44A *, ,SKYES PA GZHAN DANG LHAN CIG DGA' MGUR SPYOD PAR BYED NA KHO BO JI LTAR RAB TU MI 'BYUNG, BZANG MOS SMRAS PA, RJE'I SRAS BUD MED KYI YUL NI RTAG TU NONGS PA MCHIS PAS BDAG LA NONGS PA MCHIS PA DE BZOD PAR MDZOD CIG ,DA NI BDAG GI RDZAS KYANG KHYOD LAGS KYIS TSUR SPYON BDAG DANG LHAN CIG DGA' MGUR SPYAD DU GSOL, ,MDZES DGA'AS SMRAS PA, DE'I TSE YANG KHYOD KYIS KHO BO RE ZHIG NOR DANG DON MTHUN DAG LA YONGS SU NYAMS PAR BYAS NA, CI DA TSUL KHRIMS LAS KYANG YONGS SU NYAMS PAR BYED 'DOD DAM, BZANG MOS SMRAS PA, 'PHAGS PA SLAD ROL DU DRUD CING NANG DU PHO LA, NANG DU DRUD CING SLAD ROL DU PHO ZHIG DANG 'DIS TSUL KHRIMS 'CHAL PA CI MCHIS, MDZES DGA'AS DGE SLONG GNAS BRTAN NO COG 'DIR BSOD SNYOMS LA 'JUG PA DE DAG KYANG GOR MA CHAG PAR 'DI LTAR BYED PAS DES NA 'DI SKAD CES ZER RO SNYAM DU SHES SHING RIG NAS, MDZES DGA'AS LHUNG BZED DANG CHOS GOS MTHA' GCIG TU BZHAG STE, PHYI ROL DU DRUD CING NANG DU PHO, ,NANG DU DRUD CING PHYI ROL DU PHO NAS YA MTSAN DANG BRAL BAR GYUR TO, ,DE NAS BZANG MOS BCA' BA DANG BZA' BA GTZANG MA BSOD PAS LHUNG BZED 'GENGS SU BCUG STE BYIN NAS, 'PHAGS PA GAL TE YANG BZHED PAR GYUR NA SPYON CIG CES KYANG SMRAS SO, ,MDZES DGA'AS BSOD SNYOMS BLANGS TE SONG NGO, ,JI TZAM NA BCOM LDAN 'DAS 'DOD CHAGS 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON TO, ,ZHE SDANG 'DOD CHAGS DANG BRAL BAR BYA BA'I PHYIR DANG, GTI MUG 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON TO, ,BCOM LDAN 'DAS JI LTA JI LTAR 'DOD CHAGS 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES RAB RNAM PAR GROL BA'I CHOS STON PA DANG, ZHE SDANG 'DOD CHAGS DANG BRAL BAR BYA BA'I PHYIR DANG, GTI MUG 'DOD CHAGS DANG BRAL BAR BYA BA'I PHYIR SEMS RNAM PAR GROL BA DANG, SHES @44B RAB RNAM PAR GROL BA'I CHOS STON PA DE LTA DE LTAR TSE DANG LDAN PA MDZES DGA' CUNG ZAD 'GYOD PAR GYUR RNAM PAR 'GYOD PAR GYUR, RAB TU 'GYOD PAR GYUR CING 'DUG LA, 'GYOD PA DANG LDAN, 'GYOD PA THOB CING CANG MI SMRA BAR GYUR, YUL YUL POR GYUR, PHRAG PA KLOD, GDONG SMAD, SBOBS PA MED, SEMS KHONG DU CHUD CING 'DAM BU SNGON POR BRNGAS PA RNYINGS PAR 'GYUR, SKAM PAR 'GYUR BA LTAR 'DUG GO , ,DGE SLONG RNAMS KYIS DE LA SMRAS PA, TSE DANG LDAN PA MDZES DGA' KHYOD LA LUS KYI GNOD PA'AM, SEMS KYI YONGS SU GDUNG BA 'GA' ZHIG MED DAM, DE NGO TSA BAS SMRA BAR MI BYED CING 'GA' YANG MED DO ZHES ZER RO, ,SMAN PA ZHIG PHYOGS DER 'ONGS PA DE LA DGE SLONG RNAMS KYIS SMRAS PA, BZHIN BZANGS GZHON NU 'DI NAD CI YIN PA DE LTOS SHIG ,SMAN PA DES DE BRTAG PAR BRTZAMS PA DANG, DBANG PO GSAL BA MTHONG NAS SMRAS PA, 'PHAGS PA DAG 'DI'I DBANG PO DAG GSAL BAS 'DI LA LUS KYI NAD NI 'GA' YANG MA MCHIS KYI, 'DI LA SEMS KYI YONGS SU GDUNG BA NI GOR MA BKUM PAR MCHIS SO, ,DGE SLONG RNAMS KYIS SMRAS PA, BZHIN BZANGS 'DI'I SEMS KYI YONGS SU GDUNG BA JI LTA BU YIN, SMAN PAS SMRAS PA, 'PHAGS PA DAG BDAG CAG SMAN PA DAG NI LUS GSO BAR BGYID PA LAGS KYI SEMS GSO BAR BGYID PA MA LAGS TE, 'DI LTAR 'PHAGS PA DAG NYID SEMS GSO BAR MDZAD PA LAGS PAS 'PHAGS PA DAG NYID KYIS MKHYEN PAR 'GYUR RO ZHES SMRAS TE SONG NGO, ,DGE SLONG RNAMS KYIS MDZES DGA' LA SMRAS PA, TSE DANG LDAN PA 'DI NA KHYOD KYI PHA YANG MED, MA YANG MED, RTZA LAG GZHAN YANG MED DE, TSANGS PA MTSUNGS PAR SPYOD PA NGED CAG KHO NAR ZAD PAS NGED KYIS KHYOD KYI BSNYEN BKUR BYAS JI LTAR GYUR PA SMOS SHIG ,MDZES DGA'AS DGE SLONG DE LA SKABS DE DAG RGYAS PAR BRJOD DO, ,DGE SLONG DE DAG GIS SMRAS PA, TSE DANG LDAN PA NI 'BRAS BU KHO NAS TSA BAR GYUR TE, TSE DANG LDAN PAS RAB TU BYUNG BA TZAM NYID KYIS BSTAN PA LA CHU BUR PHYUNG BAR GYUR TO ZHES DGE @45A *, ,SLONG DE DAG MDZES DGA'AS SMRAS PA LA MNGON PAR BSTOD PAR YANG MI BYED, PHYIR BZLOG PAR YANG MI BYED CING MNGON PAR BSTOD PAR MA BYAS, PHYIR BZLOG PA YANG MA BYAS PAR DONG NAS BCOM LDAN 'DAS GAL BA DER DONG STE PHYIN PA DANG, BCOM LDAN 'DAS KYI ZHABS GNYIS LA MGO BOS PHYAG 'TSAL TE MTHA' GCIG TU 'KHOD DO, ,MTHA' GCIG TU 'KHOD NAS BCOM LDAN 'DAS LA DGE SLONG DE DAG GIS SKABS DE RGYAS PAR GSOL PA DANG, BCOM LDAN 'DAS KYIS BKA' STZAL PA, DGE SLONG DAG DES KYANG MI GTI MUG CAN DE PHAM PAR GYUR TO, ,DGE SLONG GIS SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAR GYUR CING DE SEMS STEN PA LA GZHOL BA DANG, STEN PA LA 'BAB PA DANG, STEN PA LA BAB PAS ZAG BYED ZAG BYED KYI PHYI ROL DU DRUD CING NANG DU 'BO BA DANG, NANG DU DRUD CING PHYI ROL DU 'BO BAR BYED NA PHAM PAR 'GYUR RO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA KHYIM BDAG CIG 'DUG PA DES RIGS MNYAM PA LAS CHUNG MA BLANGS PA DANG; CHUNG MA DE RANG GI LAS DAG GIS DUS LA BAB BO, ,GNYIS PA BLANGS PA DANG DE YANG DUS LA BAB BO, ,DE BZHIN DU CHUNG MA BDUN PA'I BAR DU BLANGS PA DANG DE YANG DUS LA BAB BO, ,KHYIM BDAG DE YANG SKUR BA GDAB PAR 'GYUR BA'I LAS DAG GIS CHUNG MA GSOD PA CHUNG MA GSOD PA ZHES BYA BA'I MING DU GYUR TO, ,KHYIM BDAG DES YANG BU MO BSLANGS PA DANG, MI STER CING NGED KYIS CI'I PHYIR BU MO YONGS SU GTANG MI SBYIN NO ZHES KYANG ZER RO, ,KHYIM BDAG DES YUGS SA MO DAG BSLANGS PA DANG, YUGS SU MO DE DAG KYANG KHO MO CAG GIS CI'I PHYIR BDAG YONGS SU GTANG NA KHYOD KYI KHYIM DU 'JUG CES ZER RO, ,KHYIM BDAG DE RNAM PA THAMS CAD DU YI CHAD NAS RANG NYID KYIS KHYIM GYI SO TSIS DAG BYA BAR BRTZAM PA DANG, DUS GZHAN ZHIG NA KHYIM BDAG DE'I CHUNG PO GROGS SHIG 'ONGS NAS DES KHYIM BDAG DE MTHONG NAS DRIS PA DANG, KHYOD CI BYED, @45B KHYIM GYI SO TSIS DAG BYED DO, ,DES SMRAS PA, KHYOD CI'I PHYIR RANG NYID KYIS KHYIM GYI SO TSIS BYED, KHYIM BDAG GIS SMRAS PA, KHO BOS CHUNG MA GCIG BLANGS PA DANG DE RANG GI LAS DAG GIS DUS LA BAB BO, ,GNYIS PA BLANGS PA DANG DE YANG DUS LA BAB BO, ,DE BZHIN DU CHUNG MA BDUN PA'I BAR DU BLANGS PA DANG DE YANG DUS LA BAB BO, ,DES SMRAS PA, GZHAN DAG CI'I PHYIR MI SLONG, KHYIM BDAG GIS SMRAS PA, BSLANGS NA MI STER CING NGED ? KYIS CI'I PHYIR BU MO YONGS SU GTANG MI SBYIN NO ZHES ZER RO, ,DES SMRAS PA, YUGS SA MO DAG CI'I PHYI MI SLONG, , KHYIM BDAG GIS SMRAS PA, BSLANGS TE DE DAG KYANG KHO MO CAG GIS CI'I PHYIR BDAG YONGS SU GTANG NA KHYOD KYI KHYIM DU 'JUG CES ZER RO, ,KHYIM BDAG DE'I KHYIM GYI HA CANG YANG MI RING BA NA TSOGS CAN MA RGAN MO ZHIG 'DUG NAS CHUNG PO GROGS DES KHYIM BDAG LA SMRAS PA, TSOGS CAN MA RGAN MO DE CI'I PHYIR 'JUG TU MI GZHUG ,KHYIM BDAG GIS SMRAS PA, CI KHO BOS 'JUD MTHUN MA'I KHYIM BYA'AM, DES SMRAS PA, TSOGS CAN MA DE SDIG PA CAN DAM PA MA YIN PA'I CHOS DE LAS PHYIR LOG GIS 'JUG TU CHUG SHIG ,KHYIM BDAG DE CHUNG PO GROGS DES NAN GYIS MNAN PA NA TSOGS CAN MA DE'I GAN DU SONG STE BDE LEGS BDE LEGS ZHES SMRAS PA DANG, RGAN MOS SMRAS PA, BYON PA LEGS SO CI BZHED, KHYIM BDAG GIS SMRAS PA, KHYOD 'TSAL NA KHYOD SU'I, RGAN MOS SMRAS PA, BDAG LA ZAS DANG GOS SBYIN PA GANG LAGS PA'I 'O, , KHYIM BDAG GIS SMRAS PA, KHYOD SNGON GYI NYON MONGS PA DAG KUN DU MI SPYOD DAM, RGAN MOS SMRAS PA, CI BDAG GIS SKYES PA MI MTHONG NGAM, BDAG SDIG PA CAN DAM PA MA LAGS PA'I CHOS DE LAS NI PHYIR LOG GO , ,KHYIM BDAG GIS SMRAS PA, TSUR SPYON BZHUD BDAG GIS KHYOD KYI NA BZA' DANG BSHOS GSOL GYIS, KHYOD KYIS BDAG GI KHYIM GYI SO TSIS DAG MDZOD CIG ,KHYIM BDAG DES TSOGS CAN MA RGAN MO DE KHYIM DU BCUG STE, LDE MIG DANG LDE MIG KYOG PO DAG GTAD NAS SMRAS PA, 'DI KHYOD KYI KHYIM YIN GYIS KHYOD KYIS BYIN PAS KHO BO BYA BA BYED DO, ,TSOGS @46A *, ,CAN MA RGAN MO DES KHYIM BDAG DE'I KHYIM GYI SO TSIS DAG BYA BAR BRTZAMS NAS, DE'I 'OG TU GOS DANG ZAS BZANG POS DUS YUN MI RING BZHIG GIS PAGS PA DANG, SHA DANG, KHRAG DAG BRTAS PAR GYUR TO, ,DE'I SGO'I NYEN KOR NAS BU MO RAB TU MANG PO DAG CIG RGYAL BYED GYI TSAL DU 'DONG BA TSOGS CAN MA RGAN MOS MTHONG NAS GAR 'DONG ZHES DRIS PA DANG, BU MO DAG GIS SMRAS PA, RGYAL BYED KYI TSAL DU 'DONG NGO, ,RGAN MOS SMRAS PA, KHO MO GOS DANG RGYAN THOGS KYI BAR DU RE ZHIG SDOD CIG ,RGAN MOS GOS DANG RGYAN THOGS PA DE'I BAR DU BU MO DAG THAL TE DONG NGO, ,RGAN MO YANG GOS DANG RGYAN THOGS NAS PHYI BZHIN MYUR BA MYUR BAR 'PHAGS SO, ,JI TZAM NA BU MO DE DAG GTZUG LAG KHANG DU ZHUGS PA NA, GTZUG LAG KHANG DE NA DGE SLONG ZHIG GNAS KHANG SGO MA BCAD PA NA GNYID LOG PAR GYUR PA DE'I GOS RNAM PAR 'THOR BAR GYUR CING, DE'I YAN LAG GI RNAM PA YANG LAS SU RUNG BAR GYUR PA BU MO DE DAG GIS MTHONG NAS BU MO DE DAG DGOD CING GTZUG LAG KHANG NAS PHYIR BYUNG NGO, ,TSOGS CAN MA RGAN MO YANG 'JUG CING RGAN MOS BU MO DE DAG MTHONG NAS SMRAS PA, KHYED CAG CI LA DGOD GANG BSTI GNAS SU DGOD PA DE SO STO MAR 'GYUR RO ZHES BYA BA KHYED KYIS MA THOS SAM, BU MO DE DAG CANG MI SMRA BA NYID DU BYUNG STE DONG NGO, ,TSOGS CAN MA RGAN MOS BU MO DE DAG GIS 'DIR BYA GAG GAM, SPRE'U ZHIG MTHONG BAR GYUR GOR MA CHAG SNYAM DU SHES SHING RIG NAS SEMS GTOD CING NGES PAR RTOG BZHIN DU ZHUGS PA DANG, JI TZAM NA DGE SLONG DE DE LTAR RNAM PAR GYUR PA MTHONG NGO, ,MTHONG NAS KYANG DE LA 'DOD PA'I CHOS SKYES NAS TSOGS CAN MA RGAN MO DES DGE SLONG DE'I STENG DU BGRAD DE BRTZAL BAR BRTZAMS PA DANG, DGE SLONG DE GNYID STUG POS NON PAS PHYIR MA SAD DO, ,TSOGS CAN MA RGAN MOS BDAG CAG TSOGS CAN MA DAG GIS NI SGYU RTZAL DRUG BCU RTZA BZHI MNGON PAR SHES NA RAB TU BYUNG BA 'DIS KO SGYU RTZAL DRUG BCU RTZA LNGA SHES TE 'DI LTAR REG PA NI BDAG GIR BYED LA TSIG NI MI STER TO SNYAM DU SHES SHING RIG NAS, GANG GI TSE TSOGS @46B CAN MA RGAN MO DE KUN NAS DKRIS PA DANG BRAL BAR GYUR PA DE'I TSE DGE SLONG DE SAD PAR BYAS TE SMRAS PA, 'PHAGS PA BDAG GI SDUM PA PHYOGS GA GE MO ZHIG NA MCHIS KYIS, GAL TE YANG BZHED PAR GYUR NA SPYON CIG ,DGE SLONG DES SMRAS PA, SKAL CHAD MA BSTI GNAS SUN PAR BYED PA DE YANG RE ZHIG KHO BO BDAG GIR MI BYED NA, KHYOD KYI KHYIM DU 'ONG BAR 'GYUR RE SKAN, DGE SLONG DE BDAG LA PHAM PAR 'GYUR BA'I LTUNG BA MA BYUNG NGAM SNYAM DU 'GYOD PA SKYES NAS DES DGE SLONG RNAMS LA SKABS DE RGYAS PAR BRJOD DO, ,DGE SLONG RNAMS KYIS BCOM LDAN 'DAS LA GSOL PA DANG, DE NAS BCOM LDAN 'DAS KYIS DGE SLONG DE LA BKA' STZAL PA, DGE SLONG KHYOD KYIS REG PA BDAG GIR MA BYAS SAM, DES GSOL PA, BTZUN PA BDAG GIS REG PA BDAG GIR MA BGYIS TE, BDAG DANG PO NYID NAS GNYID STUG POS NON PAS REG PA BDAG GIR BGYID PAR GA LA 'GYUR, DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG DGE SLONG REG PA BDAG GIR MA BYAS PA 'DI LA NI LTUNG BA MED MOD KYI, 'ON KYANG NGAS DGE SLONG GRONG MTHA' PA'I KUN DU SPYOD PA'I CHOS DAG BCA' BAR BYA STE, DGE SLONG GRONG MTHA' PA NYIN PAR GLOS PHAB STE GNYID LOG PAS SGO SGO GTAN GYIS GCAD PAR BYA BA'AM, SRUNG MA DGE SLONG GZHAG PAR BYA BA'AM, GOS BCING BAR BYA'O, ,SGO SGO GTAN GYIS GCOD PAR MI BYED DAM, SRUNG MA DGE SLONG 'JOG PAR MI BYED DAM GOS 'CHING BAR MI BYED PAR NYIN PAR DE BZHIN DU GLOS PHAB STE GNYID LOG PAR BYED NA 'GAL TSABS CAN DU 'GYUR RO, ,SANGS RGYAS BCOM LDAN 'DAS MNYAN YOD NA RGYAL BYED KYI TSAL MGON MED ZAS SBYIN GYI KUN DGA' RA BA NA BZHUGS SO, ,MNYAN YOD NA DGE SLONG DGON PA PA BSAM GTAN BZHI PA THOB PA ZHIG 'DUG PA DE YANG DANG YANG DU BCOM LDAN 'DAS DANG, DGE SLONG GNAS BRTAN GNAS BRTAN RNAMS KYI ZHABS LA PHYAG BYA BA'I PHYIR NYE BAR 'GRO BAS DE DGE SLONG GSAR BU GSAR BU DAG GIS NGO SHES PAR BYAS SO, ,DE LA DUS GZHAN ZHIG NA G-YAN PA'I NAD BYUNG NAS DE LA DGE SLONG GSAR BU @47A *, ,GSAR BU DE DAG GIS SMRAS PA, GNAS BRTAN KHYOD LA G-YAN PA'I SNYUN BYUNG NGAM, DES SMRAS PA, BZHIN BZANGS DAG DE DE BZHIN NO, ,DE DAG GIS SMRAS PA, GNAS BRTAN CI'I SLAD DU SMAN PA LA RMAS TE BYA BA MI MDZAD, DES SMRAS PA, BZHIN BZANGS DAG SKYE BO MANG PO MI 'DOD PA DANG, SKYE BO MANG PO MI DGA' BA DANG, SKYE BO MANG PO LA MI SDUG PA DANG, SKYE BO MANG PO'I YID DU MI 'ONG BA 'JIG RTEN THAMS CAD DANG THUN MONG BA 'DI LTA STE, 'CHI BA ZHES BYA BA'I CHOS DE 'ONG BAR 'GYUR ZHING DES NAD 'DI DANG KHO BO YANG 'JIG RTEN 'DI NAS 'JIG RTEN PHA ROL DU KHRID PAR 'GYUR BAS BYA BA BYAR CI YOD, DE DAG GIS SMRAS PA, GNAS BRTAN 'O NA BCOM LDAN 'DAS KYIS SKYES BU GANG ZAG TSUL KHRIMS DANG LDAN PA YUN RING PO JI SRID DU 'TSO BA DE SRID DU BSOD NAMS MANG PO 'PHEL ZHING JI SRID DU BSOD NAMS MANG PO 'PHEL BA DE SRID DU YUN RING POR MTHO RIS DAG TU DGA' BAR 'GYUR RO ZHES MA GSUNGS SAM, BZHUD LA BYA BA MDZOD CIG ,DE DE DAG GIS NAN GYIS MNAN PA NA SMAN PA'I GAN DU SONG BA DANG, SMAN PAS DE MTHONG NAS SMRAS PA, 'PHAGS PA KHYOD LA G-YAN PA'I SNYUN BYUNG NGAM, DES SMRAS PA, BZHIN BZANGS DE BZHIN TE, DE'I DON KHO NAR KHO BO 'ONGS KYIS BDAG LA SMAN STON CIG ,'PHAGS PA BSHOS BSOD PA GSOL LA YUNGS MAR GYIS SKU DAG BSKUS TE GDUGS LA BZHUGS SHIG DANG KHYOD SOS PAR 'GYUR RO, ,BZHIN BZANGS KHO BO LA YUNGS MAR STZOL CIG ,'PHAGS PA BDAG CAG SMAN PA DAG NI SMAN STON PA LAGS KYI 'BUL BA NI MA LAGS TE, GAL TE RE RE LA YANG 'BUL NA BDAG CAG LA 'TSAL MA YANG MA MCHIS, RAD PA YANG MA MCHIS PAR 'GYUR RO, ,'DI LTAR KHYIM BDAG CHE GE MO ZHIG LA BRO NAD 'DI LTA BU BYUNG BAR GYUR NAS, BDAG GIS DE'I G-YAN PA'I NAD RAB TU ZHI BAR 'GYUR BA'I YUNGS MAR BSKOL GYIS DE'I GAN DU BZHUD LA SLONGS SHIG ,BZHIN BZANGS MI STER BAR 'GYUR RO, ,'PHAGS PA BZHUD CIG DANG DE DAD PA CAN LAGS PAS 'BUL BAR 'GYUR RO, ,BZHIN BZANGS AA ROG GYA DON GYIS NA KHYOD NYID KYIS BYIN NO ZHES SMRAS @47B TE SONG NAS KHYIM BDAG DE'I KHYIM GA LA BA DER SONG BA DANG, KHYIM BDAG DES DE THAG RING PO NAS MTHONG NAS SMRAS PA, 'PHAGS PA KHYOD LA G-YAN PA'I SNYUN BYUNG NGAM, BZHIN BZANGS DE DE BZHIN NO, ,'PHAGS PA YUNGS MAR GYIS SKU DAG BSKUS TE GDUGS LA BZHUGS SHIG DANG KHYOD, SOS PAR 'GYUR RO, ,BZHIN BZANGS DE'I DON KHO NAR KHO BO 'ONGS TE KHO BOS KHYOD LA G-YAN PA'I NAD RAB TU ZHI BAR 'GYUR BA'I YUNGS MAR YOD PAR SHES KYIS DE BYIN CIG DANG, KHYOD LA BSOD NAMS SU 'GYUR RO, ,'PHAGS PA DAM TSIG LA DBUL BAR BGYID DE, GAL TE BDAG LAS BSOD SNYOMS GSOL BAR 'GYUR NA'O, ,BZHIN BZANGS BZA' BAR BYA'O, ,KHYIM BDAG DES DE ZAS BSOD PAS TSIM PAR BYAS NAS G-YAN PA'I NAD RAB TU ZHI BAR 'GYUR BA'I YUNGS MAR GYIS LHUNG BZED CHUNG DU 'GENGS SU BCUG STE BYIN NO, ,DGE SLONG DES AA ROG GYA ZHES BRJOD DE SONG NAS DGON PA'I GNAS SU SONG STE DAM DUM DAG GYON NAS YUNGS MAR DES LUS BSKUS TE NYI MA LA 'DUG PA DANG DE LA BDE BA'I 'DU SHES SKYES PAR GYUR NAS GNYID LOG PA DANG DE'I YAN LAG GI RNAM PA SROG CHAGS AUD TZA TING GAS ZIN CING LAS SU RUNG BAR GYUR NAS DE'I GOS KYANG 'THOR BAR GYUR PA DANG, JI TZAM NA GZHON NU MA CHEN MO ZHIG LCI BA THU BA NA PHYOGS DER SON PA DANG, DGE SLONG DE DE LTAR RNAM PAR GYUR PA MTHONG NGO, ,MTHONG NAS DE LA 'DOD PA LA 'DOD CHAGS KYI KUN NAS DKRIS PA SKYES NAS DES DGE SLONG DE'I STENG DU BRTZAL BAR BRTZAMS PA DANG; DGE SLONG DE SAD NA NYAM CHUNG BAS PHYIR BZLOG PAR MA NUS SO, ,GANG GI TSE DE KUN NAS DKRIS PA DANG BRAL BAR GYUR PA DE'I TSE SMRAS PA, 'PHAGS PA BDAG GI SDUM PA PHYOGS GA GE MO ZHIG NA MCHIS KYI GAL TE YANG BZHED PAR GYUR NA SPYON CIG ,DGE SLONG DES SMRAS PA, SKAL CHAD MA BSTI GNAS SUN PAR BYED PA KHO BO RE ZHIG DE YANG BDAG GIR MI BYED NA, KHYOD KYI KHYIM DU 'ONG BAR 'GYUR RE SKAN, DGE SLONG DE BDAG LA PHAM PAR 'GYUR BA'I LTUNG BA MA BYUNG NGAM SNYAM DU 'GYOD PA SKYES NAS DES DGE SLONG RNAMS LA SKABS DE RGYAS PAR BRJOD PA DANG, DGE SLONG RNAMS @48A *, ,KYIS BCOM LDAN 'DAS LA GSOL NAS, DE NAS BCOM LDAN 'DAS KYIS DGE SLONG DE LA BKA' STZAL PA, DGE SLONG KHYOD KYIS REG PA BDAG GIR MA BYAS SAM, DES GSOL PA, BTZUN PA BDAG GIS REG PA BDAG GIR MA BGYIS TE, BDAG DANG PO NYID NAS 'DOD PA LAS 'DOD CHAGS DANG BRAL BAS BDAG REG PA BDAG GIR GA LA BGYID, DE NAS BCOM LDAN 'DAS KYIS DGE SLONG RNAMS LA BKA' STZAL PA, DGE SLONG DAG DGE SLONG REG PA BDAG GIR MI BYED PA 'DI LA NI LTUNG BA MED MOD KYI 'ON KYANG NGAS DGE SLONG DGON PA PA'I KUN DU SPYOD PA'I CHOS DAG BCA' BAR BYA STE, DGE SLONG DGON PA PA NYIN PAR GLOS PHAB STE, GNYID LOG PAS PHYOGS DE YAL GA DAG GAM, SEG DAG GAM, RE LDE DAG GIS BSKOR BAR BYA BA'AM, SRUNG MA DGE SLONG GZHAG PAR BYA BA'AM, GOS BCING BAR BYA'O, ,PHYOGS DE YAL GA DAG GAM, SEG DAG GAM, RE LDE DAG GIS BSKOR BAR MI BYED DAM, SRUNG MA DGE SLONG 'JOG PAR MI BYED DAM, GOS 'CHING BAR MI BYED PAR DE BZHIN DU GLOS PHAB STE, GNYID LOG PAR BYED NA 'GAL TSABS CAN DU 'GYUR RO, ,DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA GAL TE DGE SLONG 'DI RE ZHIG 'DOD PA LAS 'DOD CHAGS DANG BRAL BA LAGS NA CI'I SLAD DU DE'I YAN LAG GI RNAM PA LAS SU RUNG BAR GYUR, BCOM LDAN 'DAS KYIS BKA' STZAL PA, DGE SLONG DAG 'DOD CHAGS DANG MA BRAL BA'I YAN LAG GI RNAM PA NI RGYU LNGAS LAS SU RUNG BAR 'GYUR LA, 'DOD CHAGS DANG BRAL BA'I NI RGYU BZHIS SO, ,'DOD CHAGS DANG MA BRAL BA'I RGYU LNGA GANG ZHE NA, BSHANG BAS NYE BAR NON PA DANG, GCI BAS NYE PAR NON PA DANG, RLUNG GIS NYE BAR NON PA DANG, SROG CHAGS AUD TZA TING GAS ZIN PA DANG; 'DOD PA LA 'DOD CHAGS KYIS KUN NAS DKRIS PA NYID NI LNGA PA STE, 'DOD CHAGS DANG MA BRAL BA'I RGYU LNGA PO DE DAG GIS SO, ,'DOD CHAGS DANG BRAL BA'I RGYU BZHI PO GANG ZHE NA, BSHANG BAS NYE BAR NON PA DANG, GCI BAS NYE BAR NON PA DANG, RLUNG GIS NYE BAR NON PA DANG, SROG CHAGS @48B AUD TZA TING GAS ZIN PA STE, 'DOD CHAGS DANG BRAL BA'I NI RGYU BZHI PO DE DAG GIS SO, ,DGE SLONG 'DI'I YAN LAG GI RNAM PA NI DE'I TSE SROG CHAGS AUD TZA TING GAS ZIN PAS DES NA 'DI'I LAS SU RUNG BAR GYUR TO,, ,,'DUL BA RNAM PAR 'BYED PA, BAM PO GSUM PA, DGE SLONG RNAMS THE TSOM SKYES NAS THE TSOM THAMS CAD GCOD PA SANGS RGYAS BCOM LDAN 'DAS LA ZHUS PA, BTZUN PA KA LAN DA KA'I BU TSE DANG LDAN PA BZANG BYIN GYIS DGE SLONG GI DGE 'DUN SKYON MA MCHIS SHING CHU BUR MA MCHIS PA LA DE'I DANG POR 'DI LTA STE, MI TSANGS PAR SPYOD PA'I RKYEN GYIS CHU BUR PHYUNG BA LA GZIGS, BCOM LDAN 'DAS KYIS BKA' STZAL PA, DGE SLONG DAG DA LTAR DU MA ZAD KYI 'DI LTAR 'DAS PA'I DUS NA YANG 'DIS 'JIG RTEN SKYON MED CING CHU BUR MED PA LA DE'I DANG POR 'DI LTA STE, MI TSANGS PAR SPYOD PA'I RKYEN GYIS CHU BUR PHYUNG BA STE DE NYON CIG ,DGE SLONG DAG 'JIG RTEN 'DI 'JIG PA'I DUS GANG YIN PA DE YANG YOD DE, 'JIG RTEN 'JIG PA NA SEMS CAN DAG PHAL CHER 'OD GSAL GYI LHA'I RIS SU SKYE'O, ,DE DAG DE NA GZUGS CAN YID LAS BYUNG BA, MA TSANG BA MED PA, DBANG PO MA NYAMS PA, YAN LAG DANG NYING LAG THAMS CAD DANG LDAN PA, BZANG BA; KHA DOG DANG LDAN PA, RANG LAS 'OD 'BYUNG BA, NAM MKHA' LA 'GRO BA, DGA' BA ZA BA, DGA' BA'I ZAS DANG LDAN PA, TSE RING ZHING YUN RING DU GNAS SO, ,DE'I TSE NA SA CHEN PO 'DI CHU 'BA' ZHIG DANG RGYA MTSO 'BA' ZHIG TU GYUR TE, SA CHEN PO CHU 'BA' ZHIG DANG, RGYA MTSO 'BA' ZHIG TU GYUR PA'I STENG DU RLUNG GIS PRIS MA KUN DU 'CHAGS PAR BYED, KUN DU 'THAS PAR BYED, KUN DU KHYAB PAR BYED DE 'DI LTA STE, DPER NA 'O MA BSKOL BA GRANGS PAR GYUR PA'I STENG DU RLUNG GIS PRIS MA KUN DU 'CHAGS PAR BYED, KUN DU 'THAS PAR BYED, KUN DU KHYAB PAR BYED PA DE BZHIN DU SA CHEN PO CHU 'BA' ZHIG DANG, RGYA MTSO 'BA' ZHIG TU GYUR PA'I STENG DU YANG RLUNG GIS PRIS MA KUN DU 'CHAGS PAR BYED, KUN DU 'THAS PAR BYED, KUN DU KHYAB PAR BYED DO, ,DE NI SA'I BCUD KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA YIN TE, KHA DOG @49A *, ,GIS NI 'DI LTA BU STE, 'DI LTA STE, DPER NA MAR LTA BU'O, ,ROS NI 'DI LTA BU STE, 'DI LTA STE, DPER NA SBRANG BU'I SBRANG RTZI MA BSKOL BA LTA BU'O, ,DGE SLONG DAG 'JIG RTEN 'DI 'CHAGS PA'I DUS GANG YIN PA DE YANG YOD DE, 'JIG RTEN 'CHAGS PA NA 'OD GSAL GYI LHA'I RIS DE NAS SEMS CAN KHA CIG TSE ZAD LAS ZAD BSOD NAMS ZAD PAS SHI 'PHOS TE, 'DI LTA BU NYID DU MI RNAMS DANG SKAL BA MTHUN PA NYID DU 'ONG ZHING 'DIR YANG GZUGS CAN YID LAS BYUNG BA, MA TSANG BA MED PA, DBANG PO MA NYAMS PA, YAN LAG DANG NYING LAG THAMS CAD DANG LDAN PA, BZANG BA, KHA DOG DANG LDAN PA, RANG LAS 'OD 'BYUNG BA, NAM MKHA' LA 'GRO BA, DGA' BA ZA BA, DGA' BA'I ZAS DANG LDAN PA, TSE RING ZHING YUN RING DU GNAS SO, ,DE'I TSE NA 'JIG RTEN DU NYI MA DANG, ZLA BA DAG KYANG MA BYUNG NGO, ,'JIG RTEN DU RGYU SKAR DAG KYANG MA BYUNG, MTSAN MO DANG NYIN MO DAG KYANG MA BYUNG, SKAD CIG DANG, THANG CIG DANG, YUD TZAM DAG KYANG MA BYUNG, ZLA BA DANG, ZLA BA PHYED DANG, DUS TSIGS DANG, LO DAG KYANG MA BYUNG NGO, ,BUD MED KYANG MED, SKYES PA YANG MED DE, SEMS CAN SEMS CAN ZHES BYA BA 'BA' ZHIG GI GRANGS SU 'GRO'O, ,DE NAS SEMS CAN BRKAM PA'I RANG BZHIN CAN ZHIG SOR MO'I RTZE MOS SA'I BCUD MYONG BAR BYED DO, ,JI LTA JI LTAR MYONG BAR BYED PA DE LTA DE LTAR 'DOD PAR BYED DO, ,JI LTA JI LTAR 'DOD PAR BYED PA DE LTA DE LTAR KHAM GYI ZAS KYI RTZOM PAS ZOS PAR GYUR TO, , SEMS CAN GZHAN DAG GIS KYANG SEMS CAN DE SOR MO'I RTZE MOS SA'I BCUD MYONG BAR BYED PA NA, JI LTA JI LTAR MYONG BAR BYED PA DE LTA DE LTAR 'DOD PAR BYED PA DANG, JI LTA JI LTAR 'DOD PAR BYED PA DE LTA DE LTAR KHAM GYI ZAS KYI RTZOM PAS ZOS PAR GYUR PA MTHONG NGO, ,MTHONG NAS SEMS CAN DE DAG KYANG SOR MO'I RTZE MOS SA'I BCUD MYONG BAR BYED DO, ,JI LTA JI LTAR MYONG BAR BYED PA DE LTA DE LTAR 'DOD PAR BYED DO, ,JI LTA JI LTAR 'DOD PAR BYED PA DE LTA DE LTAR KHAM GYI ZAS KYI RTZOM PAS ZOS PAR GYUR TO, ,GANG GI PHYIR SEMS CAN DE DAG GIS SA'I BCUD KHAM GYI ZAS KYI RTZOM BAS ZOS @49B PAR GYUR PA DE'I PHYIR DE DAG GI LUS LA SRA BA NYID DANG LCI BA NYID BYUNG ZHING DE DAG GI KHA DOG GSAL BA BZANG PO GANG YIN PA DE YANG MED PAR GYUR, 'JIG RTEN DU MUN PA YANG BYUNG BAR GYUR TO, ,DGE SLONG DAG CHOS NYID KYIS NA 'JIG RTEN DU MUN PA BYUNG NA 'JIG RTEN DU NYI MA DANG ZLA BA DAG KYANG 'BYUNG BAR 'GYUR RO, ,'JIG RTEN DU RGYU SKAR DAG DANG, MTSAN MO DANG, NYIN MO DAG DANG, SKAD CIG DANG, THANG CIG DANG, YUD TZAM DAG DANG, ZLA BA DANG, ZLA BA PHYED DANG, DUS TSIGS DANG, LO DAG KYANG 'BYUNG BAR 'GYUR RO, ,DE DAG DE ZA ZHING ZAS DE DANG LDAN LA TSE RING ZHING YUN RING DU GNAS SO, ,DE DAG LAS GANG ZAS CHES CHUNG DU ZA BA DE NI KHA DOG DANG LDAN BAR 'GYUR LA, GANG ZAS CHES CHER ZA BA DE NI KHA DOG NGAN PAR 'GYUR RO, ,DE LTAR ZAS RNAM GNYIS NYID LA BRTEN NAS KHA DOG RNAM GNYIS NYID DU MNGON LA, KHA DOG RNAM GNYIS NYID DU GYUR PA NA SEMS CAN GYIS SEMS CAN LA KVA'E SEMS CAN NGA NI KHA DOG DANG LDAN PA YIN LA, KHYOD NI KHA DOG NGAN PA YIN NO ZHES KHYAD DU GSOD PAR BYED DO, ,DE DAG KHA DOG GIS MNGON PA'I NGA RGYAL CAN DU GYUR PA NA SDIG PA CAN MI DGE BA'I CHOS DE DAG NYID YANG DAG PAR BLANGS PA'I RGYUS SA'I BCUD MED PAR GYUR TO, ,DGE SLONG DAG SEMS CAN DE DAG SA'I BCUD MED PAR GYUR PA NA 'DUS SHING LHAGS NAS MYA NGAN BYED, SGYID LUG PAR BYED, SMRE SNGAGS 'DON PAR BYED CING 'DI SKAD CES KYE MA'O BCUD, KYE MA'O BCUD CES KYANG ZER TE, 'DI LTA STE, DPER NA DENG SANG MI DAG ZAS ZHIM PA BZANG PO CUNG ZHIG RNYED NAS YI GE DANG SBYAR BA DANG TSIG RNYING PA DE DAG NYID KYIS RJES SU THA SNYAD 'DOGS SHING 'DI SKAD CES KYE MA'O BTZUD, KYE MA'O BCUD CES KYANG ZER BA DE BZHIN DU, SEMS CAN DE DAG KYANG SA'I BCUD MED PAR GYUR PA NA 'DUS SHING LHAGS NAS MYA NGAN BYED, SGYID LUG PAR BYED, SMRE SNGAGS 'DON PAR BYED CING 'DI SKAD CES KYE MA'O BCUD, KYE MA'O BCUD CES ZER YANG SMRAS PA 'DI'I DON NI 'DI'O, ,SMRAS PA 'DI'I DON NI 'DI'O ZHES SMRAS PA'I DON NI MI SHES SO, ,DGE SLONG DAG SEMS CAN DE DAG GI SA'I BCUD MED PAR GYUR PA NAS ZHAG KHA DOG PHUN SUM TSOGS @50A *, ,PA; DRI PHUN SUM TSOGS PA, RO PHUN SUM TSOGS PA BYUNG BAR GYUR TE, KHA DOG GIS NI 'DI LTA BU STE, 'DI LTA STE, DPER NA DONG KA'I ME TOG LTA BU'O, ,ROS NI 'DI LTA BU STE, 'DI LTA STE, DPER NA SBRANG BU'I SBRANG RTZI MA BSKOL BA LTA BU'O, ,DE DAG DE ZA ZHING ZAS DE DANG LDAN LA TSE RING ZHING YUN RING DU GNAS SO, ,DE DAG LAS GANG ZAS CHES CHUNG DU ZA BA DE NI KHA DOG DANG LDAN PAR 'GYUR LA, GANG ZAS CHES CHER ZA BA DE NI KHA DOG NGAN PAR 'GYUR RO, ,DE LTAR ZAS RNAM GNYIS NYID LA BRTEN NAS KHA DOG RNAM GNYIS NYID DU MNGON LA, KHA DOG RNAM PA GNYIS NYID DU GYUR PA NA SEMS CAN GYIS SEMS CAN LA KVA'I SEMS CAN NGA NI KHA DOG DANG LDAN PA YIN LA KHYOD NI KHA DOG NGAN PA YIN NO ZHES KHYAD DU GSOD PAR BYED DO, ,DE DAG KHA DOG GIS MNGON PA'I NGA RGYAL CAN DU GYUR PA NA SDIG PA CAN MI DGE BA'I CHOS DE DAG NYID YANG DAG PAR BLANGS PA'I RGYUS SA ZHAG MED PAR GYUR TO, ,DGE SLONG DAG SEMS CAN DE DAG SA ZHAG MED PAR GYUR PA NA 'DUS SHING LHAGS NAS MYA NGAN BYED, SGYID LUG PAR BYED, SMRE SNGAGS 'DON PAR BYED CING 'DI SKAD CES KYE MA'O, ,KYE MA'O ZHES KYANG ZER RO, ,'DI LTA STE, DPER NA DENG SANG MI DAG SDUG BSNGAL DANG, YID MI BDE BA 'GA' ZHIG GIS REG PA NA YI GE DANG SBYAR BA DANG TSIG RNYING PA DE DAG NYID KYIS RJES SU THA SNYAD 'DOGS SHING 'DI SKAD CES KYE MA'O, ,KYE MA'O ZHES KYANG ZER BA DE BZHIN DU, SEMS CAN DE DAG KYANG SA ZHAG MED PAR GYUR PA NA 'DUS SHING LHAGS NAS MYA NGAN BYED, SGYID LUG PAR BYED, SMRE SNGAGS 'DON PAR BYED CING 'DI SKAD CES KYE MA'O, ,KYE MA'O ZHES ZER YANG, SMRAS PA 'DI'I DON NI 'DI'O, ,SMRAS PA 'DI'I DON NI 'DI'O ZHES SMRAS PA DE'I DON NI MI SHES SO, ,DGE SLONG DAG SEMS CAN DE DAG GIS ZHAG MED PAR GYUR PA NA MYU GU'I TSAL KHA DOG PHUN SUM TSOGS PA, DRI PHUN SUM TSOGS PA, RO PHUN SUM TSOGS PA BYUNG BAR GYUR TE, KHA DOG GIS NI 'DI LTA BU STE, 'DI LTA STE, DPER NA KA DAM BU KA'I ME TOG LTA BU'O, ,ROS NI 'DI LTA BU STE 'DI LTA STE, DPER NA SBRANG BU'I SBRANG RTZI MA BSKOL BA LTA BU'O, ,DE DAG DE ZA ZHING ZAS DE DANG LDAN LA TSE RING ZHING YUN RING DU GNAS @50B SO; ,DE DAG LAS GANG ZAS CHES CHUNG DU ZA BA DE NI KHA DOG DANG LDAN PAR 'GYUR LA, GANG ZAS CHES CHER ZA BA DE NI KHA DOG NGAN PAR 'GYUR RO, ,DE LTAR ZAS RNAM GNYIS NYID LA BRTEN NAS KHA DOG RNAM GNYIS NYID DU MNGON LA, KHA DOG RNAM GNYIS NYID DU GYUR PA NA SEMS CAN GYIS SEMS CAN LA KVA'E SEMS CAN, NGA NI KHA DOG DANG LDAN PA YIN LA, KHYOD NI KHA DOG NGAN PA YIN NO ZHES KHYAD DU GSOD PAR BYED DO, ,DE DAG KHA DOG GIS MNGON PA'I NGA RGYAL CAN DU GYUR PA NA SDIG PA CAN MI DGE BA'I CHOS DE DAG NYID YANG DAG PAR BLANGS PA'I RGYUS MYU GU'I TSAL MED PAR GYUR TO, ,DGE SLONG DAG SEMS CAN DE DAG MYU GU'I TSAL MED PAR GYUR PA NA 'DUS SHING LHAGS NAS MYA NGAN BYED, SGYID LUG BAR BYED, SMRE SNGAGS 'DON PAR BYED CING 'DI SKAD CES PHAR SONG PHAR SONG ZHES KYANG ZER TE, 'DI LTA STE, DPER NA DENG SANG MI DAG SMAD PA RNON PO 'GA' ZHIG GIS SMAD PA NA YI GE DANG SBYAR BA DANG TSIG RNYING PA DE DAG NYID KYIS RJES SU THA SNYAD 'DOGS SHING, 'DI SKAD CES PHAR SONG PHAR SONG ZHES KYANG ZER BA DE BZHIN DU, SEMS CAN DE DAG KYANG MYU GU'I TSAL MED PAR GYUR PA NA 'DUS SHING LHAGS NAS MYA NGAN BYED, SGYID LUG PAR BYED, SMRE SNGAGS 'DON PAR BYED CING 'DI SKAD CES PHAR SONG PHAR SONG ZHES ZER YANG SMRAS PA 'DI'I DON NI 'DI'O, ,SMRAS PA 'DI'I DON NI 'DI'O ZHES SMRAS PA DE'I DON NI MI SHES SO, ,DGE SLONG DAG SEMS CAN DE DAG GI MYU GU'I TSAL MED PAR GYUR PA NA MA RMOS MA BTAB PA'I 'BRAS S'A LU'I 'BRU SO BA MED PA, SBUN PA MED PA; DAG PA GTZANG BA, SOR BZHI PA KUN NAS MA DKRIS PA NUB BRNGAS NA NANG RGYAL ZHING PHYIR SKYE LA NANG BRNGAS NA NUB RGYAL ZHING PHYIR SKYE BA, BRNGAS SO COG PHYIR SKYE BA, BRNGAS PAR YANG MI MNGON PA BYUNG BAR GYUR TE, DE DAG DE ZA ZHING ZAS DE DANG LDAN LA TSE RING ZHING YUN RING DU GNAS SO, ,GANG GI PHYIR SEMS CAN DE DAG GIS MA RMOS MA BTAB PA'I 'BRAS S'A LU'I 'BRU KHAM GYI ZAS KYI RTZOM PAS ZOS PAR GYUR PA DE'I PHYIR DE DAG LA DBANG PO THA DAD PA BYUNG BAR GYUR TE, KHA CIG NI PHO'I DBANG PO DANG LDAN, KHA CIG NI MO'I DBANG PO DANG LDAN NO, ,DE NA GANG DAG PHO'I DBANG PO DANG LDAN BA DANG, @51A *, ,GANG DAG MO'I DBANG PO DANG LDAN PA DE DAG GCIG LA GCIG MIG GIS MIG LA BRTEN TE LTA BAR BYED DO, ,JI LTA JI LTAR GCIG LA GCIG MIG GIS MIG LA BRTEN TE LTA BAR BYED PA DE LTA DE LTAR KUN DU CHAGS SO, ,JI LTA JI LTAR KUN DU CHAGS PA DE LTA DE LTAR DRAL TO, ,JI LTA JI LTAR DRAL BA DE LTA DE LTAR LOG PAR ZHUGS SO, ,SEMS CAN GZHAN DAG GIS KYANG SEMS CAN SEMS CAN LA LOG PAR ZHUGS PA MTHONG NGO, ,MTHONG NAS SAS KYANG 'THOR BAR BYED, BONG BA DANG, GSEG MA DANG, GYO MO DANG, GYO DUM DAG KYANG 'PHEN PAR BYED CING, 'DI SKAD CES SEMS CAN NGAN PA GRONG BA BYA BA MA YIN PA BYED PA, SEMS CAN NGAN PA GRONG BA BYA BA MA YIN PA BYED PA, KVA'E SEMS CAN KHYOD CI'I PHYIR SEMS CAN SUN PAR BYED CES KYANG ZER TE, 'DI LTA STE, DPER NA DENG SANG SEMS CAN DAG BAG SAR BAG MAR LEN PA NA PHYE MAS KYANG 'THOR BAR BYED, DRI DANG, ME TOG DANG, 'BRAS YOS DAG GIS KYANG 'THOR BAR BYED CING, 'DI SKAD CES SRU BDE BAR GYUR CIG CES KYANG ZER BA DE BZHIN DU SEMS CAN DE DAG GIS KYANG SEMS CAN SEMS CAN LA LOG PAR ZHUGS PA MTHONG NAS SAS KYANG 'THOR BAR BYED, BONG BA DANG, GSEG MA DANG, GYO MO DANG, GYO DUM DAG KYANG 'PHEN PAR BYED CING 'DI SKAD CES SEMS CAN NGAN PA GRONG PA BYA BA MA YIN PA BYED PA, SEMS CAN NGAN PA GRONG PA BYA BA MA YIN PA BYED PA, KVA'E SEMS CAN KHYOD CI'I PHYIR SEMS CAN SUN PAR BYED CES KYANG ZER RO, ,DGE SLONG DAG DE LTAR NA SNGON CHOS MA YIN PAR GRAGS PA GANG YIN BA DE NI DENG SANG CHOS SU GRAGS LA, SNGON 'DUL BA MA YIN PAR GRAGS PA GANG YIN PA DE NI DENG SANG 'DUL BAR GRAGS, SNGON SMAD PAR BYA BA GANG YIN PA DE NI DENG SANG BSTOD PAR BYA BA YIN NO, ,DE NYI MA GCIG TZAM SPONG BAR BYED, NYI MA GNYIS SAM, GSUM MAM, BDUN TZAM SPONG BAR BYED DO, ,GANG GI PHYIR SEMS CAN DE DAG SDIG PA CAN DAM PA MA YIN PA'I CHOS DE LA SHIN DU SNGANG BAR BYED PAS BRTUL ZHUGS LA ZHUGS PA DE'I PHYIR DE DAG KHYIM RTZIG PA LA ZHUGS TE, BDAG CAG GIS 'DIR BYA BA MA YIN PA BYA'O, ,BDAG CAG GIS 'DIR BYA BA MA YIN PA @51B BYA'O, ,ZHES ZER BA LAS KHYIM KHYIM ZHES BYA BA'I MING BYUNG NGO, ,DGE SLONG DAG 'DI NI KHYIM GYI LAS KYI MTHA' DAG 'JIG RTEN DU 'BYUNG BA'I DANG PO RTZOM PA YIN TE, DE YANG CHOS KYIS YIN GYI CHOS MA YIN PAS NI MA YIN NO, ,DE LA CHOS NI 'DI YIN TE RGYAL BA DBANG PO RNAMS KYI CHOS MCHOG YIN NO, ,DGE SLONG DAG DE LA DE'I TSE DE'I DUS NA GANG GIS DE'I DANG POR SEMS CAN SUN PHYUNG BAR GYUR PA'I SEMS CAN GANG YIN PA DE NI KA LAN DA KA'I BU BZANG BYIN YIN TE, 'DIS DE'I TSE YANG 'JIG RTEN SKYON MED CING CHU BUR MED PA LA DE'I DANG POR 'DI LTA STE, MI TSANGS PAR SPYOD PA'I RKYEN GYIS CHU BUR PHYUNG NGO, ,'DIS DA LTAR YANG DGE SLONG GI DGE 'DUN SKYON MED CING CHU BUR MED PA LA DE'I DANG POR 'DI LTA STE, MI TSANGS PAR SPYOD PA'I RKYEN GYIS CHU BUR PHYUNG NGO, ,DGE SLONG DAG DE LTA BAS NA 'DI LTAR BSLAB PAR BYA STE, 'DOD CHAGS SPANG BA'I PHYIR 'BAD PAR BYA'O, , ZHE SDANG SPANG BA'I PHYIR DANG, GTI MUG SPANG BA'I PHYIR 'BAD PAR BYA STE, DGE SLONG DAG KHYED KYIS DE LTAR BSLAB PAR BYA'O, ,LAS DANG PO PA DANG, SMYOS PA DANG, SEMS 'KHRUGS PA DANG, TSOR BA DAG GIS NYEN PA LA NI LTUNG BA MED DO, ,PHAM PAR 'GYUR BA DANG PO RDZOGS SA-HO,, ,,SANGS RGYAS BCOM LDAN 'DAS RGYAL PO'I KHAB NA 'OD MA'I TSAL KA LAN DA KA'I GNAS NA BZHUGS SO, ,DE'I TSE NA SNGON RDZA MKHAN DGE SLONG NOR CAN RGYAL PO'I KHAB NA DGON PA'I SPYIL BU NA GNAS SO, ,DE NAS SNGON RDZA MKHAN DGE SLONG NOR CAN RGYAL PO'I KHAB TU SPYOD YUL DU ZHUGS PA DANG, RGYAL PO'I KHAB GYI MI BA LANG RDZI DAG DANG, PHYUGS RDZI DAG DANG, RTZVA THUN DAG DANG, SHING THUN DAG DANG, LAM GYIS 'TSO BA DAG DANG, LAM GOL BAS 'TSO BA'I MI DAG GIS SPYIL BU BCOM ZHING RNAM PAR DKRUGS TE, RTZVA DANG, SHING THAMS CAD KYANG KHYER RO, ,DE'I 'OG TU SNGON RDZA MKHAN DGE SLONG NOR CAN 'ONG BA DANG, SNGON RDZA MKHAN DGE SLONG NOR CAN GYIS SPYIL BU BCOM ZHING RNAM PAR DKRUGS TE, RTZVA DANG, SHING THAMS CAD KYANG KHYER BA MTHONG NGO, ,MTHONG NAS YANG RTZVA DANG, SHING BLANGS TE SPYIL BU GZHAN BYED DO, ,SNGON RDZA MKHAN @52A *, ,DGE SLONG NOR CAN LAN GNYIS LAN GSUM DU RGYAL PO'I KHAB TU SPYOD YUL DU ZHUGS PA DANG, RGYAL PO'I KHAB KYI MI BA LANG RDZI DAG DANG, PHYUGS RDZI DAG DANG, RTZVA THUN DAG DANG, SHING THUN DAG DANG, LAM GYIS 'TSO BA DAG DANG, LAM GOL PAS 'TSO BA'I MI DAG GIS SPYIL BU BCOM ZHING RNAM PAR DKRUGS TE, RTZVA DANG, SHING THAMS CAD KYANG KHYER RO, ,DE'I 'OG TU SNGON RDZA MKHAN DGE SLONG NOR CAN 'ONGS PA DANG, SNGON RDZA MKHAN DGE SLONG NOR CAN GYIS SPYIL BU BCOM ZHING RNAM PAR DKRUGS TE, RTZVA DANG, SHING THAMS CAD KYANG KHYER BA MTHONG NGO,, DE NAS SNGON RDZA MKHAN DGE SLONG NOR CAN 'DI SNYAM DU SEMS TE, 'DI LTAR BDAG RGYAL PO'I KHAB TU SPYOD YUL DU ZHUGS PA DANG RGYAL PO'I KHAB KYI MI BA LANG RDZI DAG DANG, PHYUGS RDZI DAG DANG, RTZVA THUN DAG DANG, SHING THUN DAG DANG, LAM GYIS 'TSO BA DAG DANG, LAM GOL PAS 'TSO BA'I MI DAG GIS LAN GSUM GYI BAR DU SPYIL BU BCOM ZHING RNAM PAR DKRUGS TE, RTZVA DANG, SHING THAMS CAD KYANG KHYER BA NI KYE MA'O SDUG BSNGAL, KYE MA'O MI BZAD DE, BDAG PHA'I BZO'I GNAS DANG, LAS KYI GNAS LA MKHAS KYIS BDAG GIS GNAS KHANG THAMS CAD SA LAS BYAS PA ZHIG BYA'O SNYAM MO, ,DE NAS SNGON RDZA MKHAN DGE SLONG NOR CAN GYIS LUS KYIS SA DAG BSKYAS SHING BSKYAS SHING SROG CHAGS MED PA'I CHUS SBANGS TE, DE GNAS KHANG GI GZHI'I RMANG DANG, THOG DANG, KA BA DANG, STENG RIM RTZIG PAR BYED CING, CHOS GOS KYI GDANG KHUNG DANG, CHOS GOS KYI GDANG DANG, STEGS DANG, KHRI DANG, KHRI'U DANG, AAN KHRI'U DANG, SGO SKYES DAG KYANG BYED DO DE SKAMS PAR RIG NAS KHA DOG CAN GYIS SKUD PAR BYED CING KHA DOG CAN GYIS BSKUS NAS SHING DANG, LCI BA DANG, RTZVA SKAM PO DAG BCER TE SO GTONG BAR BYED DO, ,DE'I GNAS KHANG DE TSOS PA SHIN TU TSOS PA, GRUB PA MCHOG TU GRUB PA, DMAR BA, MDOG DMAR BA, 'OD DMAR BA 'DI LTA STE, DPER NA ME TOG BAN DHU DZI BA KA 'DRA'O, ,DE NAS SNGON RDZA MKHAN DGE SLONG NOR CAN 'DI SNYAM DU SEMS TE, BDAG GI GNAS KHANG TSOS PA SHIN TU CHOS PA, GRUB PA MCHOG TU GRUB PA, DMAR BA, @52B MDOG DMAR BA, 'OD DMAR BA 'DI LTA STE, DPER NA ME TOG BAN DHU DZI BA KA 'DRAS, BDAG GIS DA NI GNAS KHANG GI DUS STON BYA'O SNYAM MO, ,DE NAS SNGON RDZA MKHAN DGE SLONG NOR CAN GYIS DGE SLONG NYEN KOR BA DAG LA GNAS KHANG LTAR BCUG STE, LHUNG BZED DANG CHOS GOS THOGS NAS LJONGS RGYUR SONG NGO, ,CHOS NYID KYIS NA SANGS RGYAS BCOM LDAN 'DAS GSON ZHING BZHUGS TE 'TSO ZHING GZHES PA DAG NI GDUL BAR GYUR PA'I DBANG GIS DUS DANG DUS SU SEMS CAN DMYAL BRGYUR GSHEGS PA DANG, DUD 'GRO RGYU BA DANG, YI DAGS RGYU BA DANG, LHA RGYU BA DANG, LJONGS RGYU BA DANG, CHU KLUNG RGYU BA DANG, DGON PAR RGYU BA DANG, DUR KHROD RGYU BA DANG, RI RGYU BA DANG, GTZUG LAG KHANG RGYUR GSHEGS SO, ,DON 'DIR NI SANGS RGYAS BCOM LDAN 'DAS GTZUG LAG KHANG RGYUR GSHEGS PAR BZHED NAS, TSE DANG LDAN PA KUN DGA' BO LA BKA' STZAL PA, KUN DGA' BO SONG LA DGE SLONG RNAMS LA DGE SLONG DAG DE BZHIN GSHEGS PA DA GTZUG LAG KHANG RGYUR GSHEGS KYIS KHYED CAG LAS GANG DE BZHIN GSHEGS PA DANG, THABS CIG GTZUG LAG KHANG RGYUR 'GRO BAR SPRO BA DES CHOS GOS DAG LONG SHIG CES BSGO SHIG ,TSE DANG LDAN PA KUN DGA' BOS BCOM LDAN 'DAS BKA' BZHIN 'TSAL ZHES BCOM LDAN 'DAS LAS MNYAN NAS, LDE MIG KYOG PO THOGS TE KUN DGA'I RA BA NAS KUN DGA' RA BAR GTZUG LAG KHANG NAS GTZUG LAG KHANG DU, KHANG KHYIM NAS KHANG KHYIM DU 'CHAG SA NAS 'CHAG SAR GOL BAR 'GRO ZHING DRANG POR 'GRO BA NA DGE SLONG DE DAG MTHONG NAS 'DI SKAD CES SMRAS SO, ,TSE DANG LDAN PA DAG BCOM LDAN 'DAS DE GTZUG LAG KHANG RGYUR GSHEGS KYIS KHYED CAG LAS GANG BCOM LDAN 'DAS DANG THABS CIG GTZUG LAG KHANG RGYUR 'GRO BAR SPRO BA DES CHOS GOS DAG LONG SHIG ,DGE SLONG DE DAG GIS TSE DANG LDAN PA BKA' BZHIN 'TSAL ZHES TSE DANG LDAN PA KUN DGA' BO LAS MNYAN NAS CHOS GOS BLANGS TE, BCOM LDAN 'DAS GA LA BA DER DONG NGO, ,DE NAS BCOM LDAN 'DAS DGE SLONG RAB TU MANG PO DAG DANG THABS CIG GTZUG LAG KHANG RGYUR GSHEGS TE, MTHAR GYIS GTZUG LAG KHANG @53A *, ,RGYU ZHING GSHEGS PA NA SNGON RDZA MKHAN DGE SLONG NOR CAN GYI GTZUG LAG KHANG GA LA BA DER GSHEGS PA DANG, BCOM LDAN 'DAS KYIS SNGON RDZA MKHAN DGE SLONG NOR CAN GYI GNAS KHANG TSOS PA SHIN TU TSOS PA, GRUB PA MCHOG TU GRUB PA, DMAR BA, MDOG DMAR BA, 'OD DMAR BA 'DI LTA STE, DPER NA ME TOG BAN DHU DZI BA KA 'DRA BA GZIGS SO, ,GZIGS NAS DGE SLONG RNAMS LA BKA' STZAL PA, DGE SLONG DAG GNAS KHANG 'DI SU'I YIN, BTZUN PA SNGON RDZA MKHAN DGE SLONG NOR CAN GYI LAGS SO, ,DGE SLONG DAG NGA LA GZHI 'DIS MU STEGS CAN DAG DGE SBYONG GOO TA MA 'DUG BZHIN DU NYAN THOS RNAMS LA ZAG PA'I GNAS LTA BU'I CHOS KHA CIG BYUNG BAR GYUR TO, ,ZHES KHA ZER BAR 'GYUR GYIS GNAS KHANG SHIG CIG RNAM PAR DKRUGS SHIG ,DGE SLONG DE DAG GIS 'DI LTA STE, STON PA'I BKA' LUNG GIS GNAS KHANG BSHIG CING RNAM PAR DKRUGS SO; ,BCOM LDAN 'DAS KYANG GNAS KHANG BSHIG CING RNAM PAR DKRUGS NAS GSHEGS SO, ,SNGON RDZA MKHAN DGE SLONG NOR CAN 'ONGS PA DANG, SNGON RDZA MKHAN DGE SLONG NOR CAN GYIS GNAS KHANG BSHIG CING RNAM PAR DKRUGS PA MTHONG NGO, ,MTHONG NAS DGE SLONG NYEN KOR BA RNAMS LA SMRAS PA, TSE DANG LDAN PA DAG KHO BO'I GNAS KHANG SUS BSHIG CING RNAM PAR DKRUGS, TSE DANG LDAN PA 'DI LTA STE, STON PA'I BKA' LUNG GIS DGE SLONG DAG GIS SO, ,GAL TE BCOM LDAN 'DAS CHOS KYI RJE BDE BAR GSHEGS PA CHOS KYI RJES BSHIG NA BSHIG PA LEGS SO, ,DE'I TSE NA GRONG KHYER RGYAL PO'I KHAB NA, SHING SRUNG BA'I MI SNA CHEN PO LA GTOGS PA SNGON RDZA MKHAN DGE SLONG NOR CAN GYI GTAM 'DRES PA, PHEBS PAR SMRA BA, SMOS 'DRIN 'GROGS BSHES SHIG 'DUG GO, ,DE NAS SNGON RDZA MKHAN DGE SLONG NOR CAN 'DI SNYAM DU SEMS TE, GRONG KHYER RGYAL PO'I KHAB NA SHING SRUNG BA'I MI SNA CHEN PO LA GTOGS PA BDAG GI GTAM 'DRES PA, PHEBS PAR SMRA BA, SMOS 'DRIN 'GROGS BSHES SHIG YOD KYIS BDAG GIS GNAS KHANG THAMS CAD SHING LAS BYAS PA ZHIG BYA'O SNYAM DU SHES SHING RIG NAS, SHING SRUNG BA'I MI SNA CHEN PO LA GTOGS PA GA LA @53B BA DER SONG STE PHYIN NAS SHING SRUNG BA'I MI SNA CHEN PO LA GTOGS PA LA 'DI SKAD CES SMRAS SO, ,KYE NANG PO SHES PAR GYIS SHIG ,LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRAS BDAG LA SHING DAG BYIN PA DE DAG 'DREN PAR 'DOD KYIS BDAG LA BYIN CIG ,'PHAGS PA GAL TE LHAS KHYOD LA ZHUGS SHING DAG GSOL NA GSOL BA LEGS KYIS KHYOD CI BDER SNOMS SHIG ,DE NAS SNGON RDZA MKHAN DGE SLONG NOR CAN GYIS LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG YIN PA SU LA YANG STER BAR SLA BA MA YIN PA DE DAG LAS SHING KHA CIG PHYUNG STE BCAD CING GSHAGS NAS 'DREN PAR BYED DO, ,GRONG KHYER SRUNG BA'I MI SNA CHEN PO LA GTOGS PA ZHIG GRONG KHYER RGYAL PO'I KHAB KYI MKHAR PHYI'I LAM NYUL BA NA LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG YIN PA SU LA YANG STER BAR SLA BA MA YIN PA DE DAG LAS SHING KHA CIG PHYUNG STE BCAD CING GSHAGS NAS DRANGS PA MTHONG NGO, ,MTHONG NAS DE 'DI LTAR LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG YIN PA SU LA YANG STER BAR SLA BA MA YIN PA DE DAG LAS SHING KHA CIG PHYUNG STE BCAD CING GSHAGS NAS DRANGS PA LAS NA, LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I GRONG KHYER RGYAL PO'I KHAB TU THONG MI PA'AM, CHOM RKUN PA'AM, DGRA BO 'GA' ZHIG ZHUGS PAR MA GYUR TAM SNYAM DU 'JIGS PAR GYUR, SDANGS PAR GYUR, SPU ZING ZHES BYED PAR GYUR TO, ,DE NAS SHING SRUNG BA'I MI SNA CHEN PO LA GTOGS PA GA LA BA DER SONG STE PHYIN NAS SHING SRUNG BA'I MI SNA @54A *, ,CHEN PO LA GTOGS PA DE LA 'DI SKAD CES SMRAS SO, ,KYE NANG PO SHES PAR GYIS SHIG ,BDAG 'DI NA GRONG KHYER RGYAL PO'I KHAB KYI MKHAR PHYI'I LAM NYUL BA NA LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG, 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG YIN PA SU LA YANG STER BAR SLA BA MA YIN PA DE DAG LAS SHING KHA CIG PHYUNG STE BCAD CING GSHAGS NAS DRANGS PA MTHONG NGO, ,MTHONG NAS BDAG 'DI LTAR LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I SHING GANG DAG GRONG KHYER RGYAL PO'I KHAB RAL BA DANG 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG YIN BA SU LA YANG STER BAR SLA BA MA YIN PA DE DAG LAS SHING KHA CIG PHYUNG STE BCAD CING GSHAGS NAS DRANGS PA LAS NA, LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA'I GRONG KHYER RGYAL PO'I KHAB TU THONG MI PA'AM, CHOM RKUN PA'AM, DGRA BO 'GA' ZHIG ZHUGS PAR MA GYUR TAM SNYAM DU 'JIGS PAR GYUR, DNGANGS PAR GYUR, SPU ZING ZHES BYED PAR GYUR NA, KYE NANG PO KHYOD KYIS SHING DAG SU LA YANG MA BYIN NAM, KYE NANG PO SU LA YANG MA BYIN TE 'ON KYANG SNGON RDZA MKHAN DGE SLONG NOR CAN 'ONGS NAS DE 'DI SKAD CES KYE NANG PO SHES PAR GYIS SHIG ,LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRAS BDAG LA SHING DAG BYIN PA DE DAG 'DREN PAR 'DOD KYIS BDAG LA BYIN CIG CES ZER NAS, BDAG GIS DE LA 'DI SKAD CES 'PHAGS PA GAL TE LHAS KHYOD LA ZHUGS SHING DAG GSOL NA, GSOL BA LEGS KYIS KHYOD CI BDER SNOMS SHIG CES BRJOD PAS NGES DRANGS PA'AM CIG TU MA GYUR TAM, DE NAS GRONG KHYER SRUNG BA'I MI SNA CHEN PO LA GTOGS PA LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA GA LA BA DER SONG STE PHYIN NAS, LUS 'PHAGS MA'I BU MA GA DH'ARA BYUNG BA'I RGYAL PO MA SKYES DGRA LA 'DI SKAD CES SMRAS SO, ,LHA MKHYEN PAR @54B MDZOD CIG ,BDAG 'DI NA GRONG KHYER RGYAL PO'I KHAB KYI MKHAR PHYI'I SHUL NYUL BA NA LHA'I ZHUGS SHING GANG DAG GRONG KHYER RGYAL PO'I KHAB RAL BA DANG, 'DRUMS PA BCOS PA'I SLAD DU THUGS BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA GANG LAGS PA SU LA YANG STZAL BAR SLA BA MA LAGS PA DE DAG LAS ZHUGS SHING KHA CIG PHYUNG STE BCAD CING GSHAGS NAS DRANGS PA MTHONG NGO, ,MTHONG NAS BDAG 'DI LTAR LHA'I ZHUGS SHING GANG DAG GRONG KHYER RGYAL PO'I KHAB RAL BA DANG, 'DRUMS PA BCOS PA'I SLAD DU THUGS BREL BA'I DON DU BZHAG PA, SBAS PA SHIN TU SBAS PA, BSRUNGS PA SHIN TU BSRUNGS PA, GANG LAGS PA SU LA YANG STZAL BAR SLA BA MA LAGS PA DE DAG LAS ZHUGS SHING KHA CIG PHYUNG STE BCAD CING GSHAGS NAS DRANGS PA LAS NA, LHA'I GRONG KHYER RGYAL PO'I KHAB TU THONG MI PA'AM, CHOM RKUN PA'AM, DGRA BO 'GA' ZHIG ZHUGS PAR MA GYUR TAM SNYAM DU 'JIGS PAR GYUR, DNGANGS PAR GYUR, ,SBU ZING ZHES BGYID PAR GYUR NAS, ZHUGS SHING SRUNG BA'I MI SNA CHEN PO LA GTOGS PA GA LA BA DER MCHIS TE MCHIS NAS ZHUGS SHING SRUNG BA'I MI SNA CHEN PO LA GTOGS PA LA 'DI SKAD CES KYE NANG PO SHES PAR GYIS SHIG ,BDAG 'DI NA GRONG KHYER RGYAL PO'I KHAB KYI MKHAR PHYI'I LAM NYUL BA NA LHA'I SHING GANG DAG GRONG KHYER RGYAL PO'I KHAB RAL BA DANG, 'DRUMS PA BCOS PA'I PHYIR BREL BA'I DON DU BZHAG PA, SBAS PA SHIN TU SBAS PA, BSRUNGS PA