@168B 'PHAGS PA DKON MCHOG BRTZEGS PA CHEN PO'I CHOS KYI RNAM GRANGS LE'U STONG PHRAG BRGYA PA LAS LE'U BCU BDUN PA STE GANG POS ZHUS PA, BAM PO DANG PO, ,RGYA GAR SKAD DU, A'ARYA P'URnnA PA RI PRiTZTSVA N'A MA MA H'A Y'A NA S'U TRA, BOD SKAD DU, 'PHAGS PA GANG POS ZHUS PA ZHES BYA BA THEG PA CHEN PO'I MDO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS RGYAL PO'I KHAB 'OD MA'I TSAL NA DGE SLONG GI DGE 'DUN CHEN PO MANG PO DANG, BYANG CHUB SEMS DPA' SEMS DPA' CHEN PO GRANGS MED TSAD MED PA RNAMS DANG THABS CIG TU BZHUGS TE, DE NAS TSE DANG LDAN PA BYAMS MA'I BU GANG PO STAN LAS LANGS NAS BLA GOS PHRAG PA GCIG TU GZAR TE PUS MO G-YAS PA'I LHA NGAS LA BTZUGS NAS BCOM LDAN 'DAS GA LA BA DE LOGS SU THAL MO SBYAR TE BCOM LDAN 'DAS LA 'DI SKAD CES GSOL TO, ,BCOM LDAN 'DAS BDAG LA ZHU BA CUNG ZAD CIG MCHIS NA DE BZHIN GSHEGS PAS THUGS BRTZE BAR DGONGS TE RJES SU GNANG BAR MDZAD DU GSOL, BCOM LDAN 'DAS KYIS BKA' STZAL PA, BYAMS MA'I BU GANG PO KHYOD CI DANG CI 'DOD PA DRIS SHIG DANG, NGAS YANG DAG PAR BSTAN NAS KHYOD KYI SEMS RANGS PAR BYA'O, ,TSE DANG LDAN PA GANG POS GSOL PA, BCOM LDAN 'DAS DENG BDAG NI YON TAN MCHOG MNGON PAR BSGRUBS PA, GRAGS PA SHIN DU MTHO ZHING RGYANG RING BA, RTAG PAR SEMS CAN GYI BDE BA YONGS SU GNYER BAR BGYID PA'I BYANG CHUB SEMS DPA' SEMS DPA' CHEN PO RNAMS KYI SLAD DU ZHU BA MCHIS LAGS SO, ,DE NAS TSE DANG LDAN PA BYAMS MA'I BU GANG POS TSIGS SU BCAD DE GSOL PA, YON TAN MCHOG NI RAB BSGRUBS NAS, ,GRAGS PA MTHO ZHING RGYANG RING DANG, ,TSUL KHRIMS GTZANG ZHING CHOS MOS PA'I, ,SPYOD PA GANG LAGS BDAG ZHU LAGS, ,JI LTAR SEMS NI SBYONG BAR BGYID, ,JI LTAR SBYIN PA RGYA CHER GTANG, ,JI LTAR SEMS CAN RAB SGROL CING, ,DGA' SEMS RTAG TU LAM SGOM LAGS, ,YANG BCOM LDAN 'DAS LA BYAMS MA'I BU GANG POS GSOL PA, BCOM LDAN 'DAS DENG BDAG NI SKYES BU DAM @169A *, ,PA DE DAG GI SLAD DU DNGOS PO DE LTA BU DAG ZHU PA LAGS NA BYANG CHUB SEMS DPAS, JI LTAR MANG DU THOS PA RGYA MTSO CHEN PO LTA BUR BSAGS PAS YONGS SU GTUGS PAR MI 'GYUR LAGS, JI LTAR MANG DU THOS PA'I GTER RIN PO CHE BSAGS NAS CHOS RNAMS LA NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR LAGS, DE NAS TSIGS SU BCAD DE GSOL PA, JI LTAR BYANG CHUB SEMS DPA' RNAMS, ,MANG THOS RGYA MTSO LTA BU TSOL, ,CHOS LA NGES PA'I DON THOB NAS, ,BYANG CHUB LAM NI LEGS RTOGS 'GYUR, ,JI LTA BUR NA TSIG GCIG GIS, ,TSAD MED DON NI RAB RTOGS TE, ,'DI LTAR SHES RAB STOBS DAG GIS, ,CHOS RNAMS THAMS CAD RTOGS 'GYUR LAGS, ,MANG THOS MTHAR THUG MA MCHIS PAS, ,RGOL BA MCHIS KYANG SEMS MI G-YO, ,SNYING BRTZE SLAD DU CHOS BSTAN NAS, ,SEMS CAN THE TSOM GCOD BGYID LAGS, ,BCOM LDAN 'DAS LA TSE DANG LDAN PA BYAMS MA'I BU GANG POS YANG GSOL PA, BCOM LDAN 'DAS DENG BDAG NI SA'I RJES SU 'BRANG BA'I YE SHES KYI STOBS KYIS DE BZHIN GSHEGS PA LA ZHU BA GSOL BA LAGS NA, BYANG CHUB SEMS DPA' SEMS DPA' CHEN PO RNAMS JI LTAR BLA NA MED PA YANG DAG PAR RDZOGS PA'I BYANG CHUB LAS YONGS SU LDOG PAR MI 'GYUR LAGS, DE NAS YANG TSIGS SU BCAD DE GSOL PA, JI LTAR MI KHOM YONGS SPANGS NAS, ,SANGS RGYAS MANG PO PHRAD GYUR LAGS, ,SANGS RGYAS MANG PO MTHONG NAS KYANG, ,SHIN DU DANG BA MYUR 'THOB LAGS, ,BLA MED DANG BA THOB GYUR NAS, ,SHIN DU GTANG DKA' GTONG BAR 'GYUR, ,THAMS CAD YONGS SU BTANG NAS KYANG, ,STOBS KYIS THOGS MED LAM SPYOD LAGS, ,JI LTAR RAB 'BYUNG MOS GYUR NAS, ,DBEN GNAS STONG PA'I YE SHES SGOM, ,JI LTAR CHOS DANG 'GAL MI BGYID, ,DNGOS PO 'DI NI BKAS BSHAD GSOL, ,BCOM LDAN 'DAS LA TSE DANG LDAN PA BYAMS MA'I BU GANG POS YANG GSOL PA, BCOM LDAN 'DAS BDAG NI DE BZHIN GSHEGS PA RNAMS MKHYEN PA THAMS CAD PHUN SUM TSOGS PA DANG, RDZU 'PHRUL THAMS CAD KYI PHA ROL TU BYON PA DANG, KHAMS GSUM NA MCHOG TU GYUR @169B PAS DPE ZLA MA MCHIS PA'I YE SHES CHEN PO GYA NOM PA BRNYES NAS CHOS RNAMS LA SPYOD PA THOGS PA MI MNGA' BAR KHONG DU CHUD PAS NA DE'I SLAD DU DENG BDAG DNGOS PO 'DI DAG ZHU BA LAGS SO, ,DE NAS YANG TSIGS SU BCAD DE GSOL PA, BCOM LDAN YON TAN MCHOG BZHUGS PAS, ,RDZU 'PHRUL PHA ROL RAB TU BYON, ,THOGS PA MI MNGA'I MKHYEN BRNYES PAS, ,DPA' BO KHYOD LA BDAG ZHU LAGS, ,CHOS RNAMS THAMS CAD LEGS BSLABS PAS, ,YON TAN MTHO ZHING MNGON PAR 'PHAGS, ,MUN BCOM SHES RAB SNANG BSKYED PAS, ,'KHOR MANG THAMS CAD DGA' BAR MDZAD, ,DGRA ZIN BYAMS SDANG MI MNGA' ZHING, ,MYA NGAN MI MNGA' SLU MI MNGA', ,'CHI BDAG LAS NI RAB RGYAL ZHING, ,BDUD DPUNG DAG NI PHAM PAR MDZAD, ,MTSON CHA THOGS PA MI MNGA' BAR, ,DGRA RNAMS THAMS CAD PHAM PAR MDZAD, ,RTAG PAR BYAMS PA'I THUGS LDAN ZHING, ,TSUL KHRIMS RNAM DAG BRTAN PAR GNAS, ,BCOM LDAN G-YO SGYU MI MNGA' ZHING, ,NGA RGYAL MI MNGA' DREGS MI MNGA', ,RNAM GROL RIG PA BRNYES PAS NA, ,YON TAN KUN GYI MCHOG TU GYUR, ,JI LTAR SNGON NI LAM SPYAD NAS, ,MKHYEN PA MCHOG NI BRNYES PA DANG, ,JI LTAR SPYAD NAS SANGS RGYAS PA, , BDAG LA DENG NI BKAS BSHAD GSOL, ,DE NAS BCOM LDAN 'DAS KYIS TSE DANG LDAN PA BYAMS MA'I BU GANG PO LA BKA' STZAL PA, KHYOD KYIS DE BZHIN GSHEGS PA LA DNGOS PO DE LTA BU DAG ZHUS PA DE LEGS SO LEGS SO, ,SHIN DU LEGS PAR NYON LA YID LA ZUNG SHIG DANG, NGAS KHYOD LA BYANG CHUB SEMS DPA' RNAMS KYI SEMS BSKYED NAS JI LTAR SANGS RGYAS KYI CHOS TSAD MED PA THAMS CAD MNGON PAR BSGRUB PA YANG DAG PAR BSTAN PAR BYA'O, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, NGAS DENG BYANG CHUB SEMS DPA' RNAMS, ,DANG PO BYANG CHUB SEMS BSKYED NAS, ,RAB TU BRTZON PA'I STOBS DAG GIS, ,BYANG CHUB LAM SPYAD BSHAD PAR BYA, ,BYANG CHUB SEMS DPAS SPYAD PA YI, ,LHAG PA'I BSAM PA SNA TSOGS KYIS, ,SANGS RGYAS LUNG NI BSTAN GYUR PA, ,DNGOS PO DE DAG MDOR BSTAN TO, ,LHAG PA'I BSAM PAS @170A *, ,CHOS MOS SEMS, ,TSAD MED MTHA' YANG YOD MA YIN, ,SPYOD PA SNA TSOGS STON BYED PA, ,DNGOS PO GCIG GIS 'GRUB MI 'GYUR, ,DGA' SEMS NANG NI RAB RGYAS PAS, ,SBYIN PA DAG NI GTONG BAR BYED, ,SBYIN PA GTONG YANG 'GYOD MED PAS, ,DE YI SEMS NI DGA' BAR 'GYUR, ,BYANG CHUB SEMS DPA' 'DI SNYAM DU, ,SEMS CAN RTAG TU RGUD PAS NA, ,MANG DU THOS PA'I NOR MI LDAN, ,BDAG GIS BTZAL BYA SNYAM DU SEMS, ,SEMS CAN RTAG TU RGUD PA YANG, ,LE LO'I DBANG LAS GYUR PAS NA, ,BDAG GIS BRTZON 'GRUS RAB BSKYED DE, , BYANG CHUB THOB BYA SNYAM DU SEMS, ,BDAG GIS SEMS CAN CHED DU NI, ,YID BZHIN BZOD PA RAB BSKYED DE, ,TSIG NGAN SMA 'BEBS BRDEGS GYUR KYANG, ,LAN YANG MI SMRA SNYAM DU SEMS, ,BDAG LA SMA 'BEBS SU ZHIG YIN, ,SMA 'BEBS DMIGS PAR MI 'GYUR BAS, ,SMA 'BEBS KHONG KHRO BYED PA YI, ,DNGOS PO THAMS CAD STONG SNYAM SEMS, ,DE LTAR YID LA SEMS PAS NA, ,SEMS LA KHONG KHRO 'KHON 'DZIN MED, ,RTAG TU BZOD PA BSGOMS PAS NA, ,DES NA MNGON PAR 'TSANG YANG RGYA, ,SEMS CAN DGE SEMS MED PA LA, ,'JIG RTEN SGRON MA BYAS NAS NI, , MGON DANG SKYABS NI BYED PAS NA, ,NOR MED NOR DANG LDAN PAR BYED, ,SEMS CAN LAM LOG SPYOD PA NI, ,DE DAG SNYING BRTZE'I GNAS YIN PAS, ,BDAG GIS YONGS SU BZLAS NAS NI, ,MYA NGAN 'DAS LA GZHAG SNYAM SEMS, ,SEMS CAN THAMS CAD RGUD PAS NA, ,SHES RAB NOR DANG YANG MI LDAN, ,BDAG GIS THAMS CAD MKHYEN THOB NAS, ,DE DAG TSIM PAR BYA SNYAM SEMS, ,DE LTAR BYANG CHUB SEMS DPA' RNAMS, ,SEMS CAN YONGS SU BZLA BA'I PHYIR, ,SEMS BSKYED BYANG CHUB TSOL BA NA, ,DE 'DRA'I SMON LAM 'DEBS PAR BYED, ,BCOM LDAN 'DAS KYIS TSE DANG LDAN PA BYAMS MA'I BU GANG PO LA BKA' STZAL PA, BYANG CHUB SEMS DPA' SEMS DPA' CHEN PO RNAMS NI RGYU RKYEN RNAM PA SNA TSOGS KYIS SEMS CAN LA CHOS STON PAR BYED KYANG CHOS 'GA' TZAM LA YANG GNAS PAR MI BYED DO, ,DE CI'I PHYIR ZHE NA, BYANG CHUB SEMS DPA' RNAMS NI CHOS @170B THAMS CAD LA YANG DAG PAR BSLABS NAS DE'I 'OG TU MNGON PAR RDZOGS PAR 'TSANG RGYA BAR 'GYUR BAS SO, ,BYANG CHUB SEMS DPA' NI NGO MTSAR RMAD DU BYUNG BA'I DNGOS PO RNAM PA BZHI DANG LDAN PAS CHOS GZHAN GANG YANG DNGOS PO 'DI LAS LHAG PAR YANG DAG PAR RJES SU MI MTHONG NGO, ,BZHI GANG ZHE NA, BYANG CHUB SEMS DPA' NI SEMS CAN LE LO CAN RNAMS LA BRTZON 'GRUS RTZOM PAR BYED PA GANG YIN PA 'DI NI NGO MTSAR RMAD DU BYUNG BA'I DNGOS PO DANG PO ZHES BYA'O, ,KHONG KHRO'I SEMS CAN NAN PO CHE DAG GI NAD NA BZOD PA SGOM PAR BYED PA GANG YIN PA 'DI NI NGO MTSAR RMAD DU BYUNG BA'I DNGOS PO GNYIS PA ZHES BYA'O, ,SEMS CAN LAM LOG PA LA SPYOD PA DAG MTHONG NAS BDAG NYID YANG DAG PA'I LAM LA BRTZON PAR BYED PA GANG YIN PA 'DI NI NGO MTSAR RMAD DU BYUNG BA'I DNGOS PO GSUM PA ZHES BYA'O, ,SEMS CAN 'KHOR BA LAS YONGS SU BZLA BA'I PHYIR LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB TU SEMS SKYED PAR BYED PA GANG YIN PA 'DI NI NGO MTSAR RMAD DU BYUNG BA'I DNGOS PO BZHI PA ZHES BYA'O, ,GANG PO NGO MTSAR RMAD DU BYUNG BA'I DNGOS PO BZHI PO 'DI DAG NI BYANG CHUB SEMS DPA'I NGO MTSAR RMAD DU BYUNG BA'I DNGOS PO MCHOG CES BYA'O, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, SEMS CAN LE LO CAN MTHONG NA, ,BRTZON 'GRUS SEMS NI SKYED BYED PAS, ,BDAG GIS DE LA CHOS MIN PA'I, ,DNGOS PO BSTAN SNYAM YOD MI SEMS, ,KHONG KHRO STON PAR MI BYED DE, ,KHONG KHRO SANGS RGYAS LAM MIN ZHES, ,RTAG TU BYAMS SEMS SGOM PAS NA, ,BYANG CHUB DE LAS SKYE BAR 'GYUR, ,SEMS CAN LAM LOG MOS PAS NA, ,LOG PA'I LAM LA GNAS PAR BYED, ,BYANG CHUB SEMS DPA' YANG DAG LAM, ,BCAL NAS SEMS CAN 'GOD PAR BYED, ,'KHOR BA'I NYES DMIGS MTHONG BAS NA, ,RTZE GCIG SANGS RGYAS YE SHES TSOL, ,BLA MED GTER NI THOB GYUR NAS, ,SEMS CAN BZLA BYA SNYAM DU SEMS, ,RMAD BYUNG DNGOS PO 'DI DAG LAS, ,LHAG PA'I GZHAN NI SU YANG MED, ,DE LTA BAS NA THOBS MED CHOS, ,'THOB PAR 'GYUR BAR RIG PAR BYA, , @171A *, ,LUS KYI GOS NI TSIG PA DANG, ,MGO THOD ME NI 'BAR BA BZHIN, ,LE LO'I SEMS NI SKYES GYUR NA, ,MYUR BA NYID DU SEL BAR BYED, ,BCOM LDAN 'DAS KYIS BKA' STZAL PA, GANG PO BYANG CHUB SEMS DPA' CHOS BZHI DANG LDAN NA DGA' PA'I SEMS SKYE BAR 'GYUR RO; ,BZHI GANG ZHE NA, SEMS CAN RNAMS NI 'KHOR BA NA GNAS SHING BRTZON 'GRUS MI RTZOM PAR MTHONG LA BDAG NYID NI SANGS RGYAS KYI LAM LA GNAS NAS BRTZON 'GRUS RTZOM PAR MTHONG BAS DGA' BA'I SEMS SKYE BAR 'GYUR BA DANG, ,SEMS CAN RNAMS NI RTAG PAR LE LO CAN DU GYUR PAR MTHONG LA BDAG NYID NI SANGS RGYAS KYI BSTAN PA LA GNAS NAS BRTZON 'GRUS RTZOM PAR MTHONG BAS DGA' BA'I SEMS SKYE BAR 'GYUR BA DANG, SEMS CAN RNAMS NI KHONG KHRO BA DANG, 'KHON DU 'DZIN PA DANG, ,PHRAG DOG CAN DU GYUR PAR MTHONG LA BDAG NYID NI KHONG KHRO BA DANG, 'KHON DU 'DZIN PA DANG, PHRAG DOG MED CING RTAG PAR BYAMS PA'I SEMS DANG LDAN PAR MTHONG BAS DGA' BA'I SEMS SKYE BAR 'GYUR BA DANG, SANGS RGYAS KYI CHOS MNGON PAR BSGRUB PAR BRTZON PAR GZHAN SU YANG BDAG DANG MTSUNGS PA MED PAR MTHONG BAS DGA' BA'I SEMS SKYE BAR 'GYUR BA GANG YIN PA'O; ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, SEMS CAN LE LO CAN MTHONG NA, ,BDAG NYID BRTZON 'GRUS RTZOM BYED PAS, ,DE PHYIR BYANG CHUB SEMS DPA' NGE, ,BDAG NYID DGA' SEMS 'THOB PAR 'GYUR, ,'KHOR BA'I NYES DMIGS MTHONG BAS NA; ,SKYO BA'I SEMS NI RAB TU SKYE, ,KHAMS GSUM BTZON RAR 'JIGS PAS NA, ,BRTZON PA'I SEMS KYIS SPONG BAR BYED, ,SEMS CAN KHONG KHRO 'KHON 'DZIN DGA', ,BDAG NYID BYAMS SEMS GNAS PAS NA, ,DE PHYIR BYANG CHUB SEMS DPA' DE, ,DGA' BDE SEMS NI SKYE BAR 'GYUR, ,SEMS CAN RNAMS KYIS GANG BYAS PA, ,DE DAG THAMS CAD MI BYA BAR, ,DE PHYIR BDAG GIS BLA MED PA'I, ,SANGS RGYAS LAM NI BTZAL SNYAM SEMS, ,SANGS RGYAS RNAMS KYIS BSNGAGS PA YI, ,YANG DAG YE SHES GANG YIN PA, ,BDAG GIS YE SHES DE BSLABS NAS, , @171B SEMS CAN KUN GYI SKYABS BYA SEMS, ,DE PHYIR BYANG CHUB SEMS DPA' DE, ,RTAG TU DGA' SEMS SKYE BAS NA, ,'DUS BYAS MI BDEN DAG LAS NI, ,YANG DAG CHOS NI SKYE BAR 'GYUR, ,BCOM LDAN 'DAS KYIS BKA' STZAL PA, GANG PO BYANG CHUB SEMS DPA' CHOS BZHI DANG LDAN NA MI KHOM PA RNAMS DANG BRAL TE, ,DAL BA PHUN SUM TSOGS PA THOB NAS SANGS RGYAS KYI CHOS MNGON PAR BSGRUBS PA CHUD ZA BAR MI 'GYUR RO, ,BZHI GANG ZHE NA, BYANG CHUB SEMS DPA' NI SEMS DMAN ZHING SHIN DU MNYEN PAS NA SEMS CAN DAG MTHONG BAR GYUR PA'I TSE RTAG PAR BDE BAR 'ONGS SAM ZHES MDANGS DANG LDAN PAS GSONG POR SMRA ZHING PHAN TSUN TSIG SBYIN PAR BYED PAS RTAG PAR 'DZUM PA DANG LDAN PA YIN, SEMS RTZE GCIG TU CHOS GNYER ZHING RTAG PAR 'DRI RTOG LA RAB TU MOS PAS NA DGE BA'I DON TSOL ZHING BRTZON PA LA CHOG SHES PA MED PA YIN, DBEN PA'I GNAS LA MOS SHING GCIG PU 'DUG PA LA DGA' BA YIN, BDAG NYID BYANG CHUB KYI LAM LA GNAS SHING SEMS CAN GZHAN YANG BYANG CHUB KYI LAM LA GNAS PAR 'DZUD PA YIN TE, BYANG CHUB SEMS DPA' CHOS BZHI PO 'DI DAG DANG LDAN PAR GYUR NA MI KHOM PA RNAMS DANG BRAL TE, DAL BA PHUN SUM TSOGS PA THOB NAS SANGS RGYAS KYI MNGON PAR BSGRUBS PA CHUD ZA BAR MI 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, MNYEN PA'I SEMS DANG RAB LDAN ZHING, ,RTAG PAR BYAMS SEMS SGOM PAS NA, ,SEMS CAN DAG DANG SMRA BA'I TSE, , SEMS DMAN GSONG POR SMRA BAR BYED, ,RTAG TU SANGS RGYAS BSNGAGS PA YI, ,ZAB MO GYA NOM CHOS KYANG TSOL, ,RTAG PAR TSUL KHRIMS GTZANG SRUNG ZHING, ,SBYANGS PA'I SPYOD LA MOS PA YIN, ,SBYANGS PA'I CHOS LA RAB GNAS KYANG, ,SHES RAB ZAB MOS SPYOD PAS NA, ,DE PHYIR BYANG CHUB SEMS DPA' DE, ,MI KHOM RAB SPANGS DAL DANG LDAN, ,RTAG TU SANGS RGYAS RNAMS LA NI, ,CHOS ZAB RNAMS NI ZHU BYED PAS, ,DE PHYIR SHES RAB 'PHEL GYUR NAS, ,MI KHOM GNAS SU SKYE MI 'GYUR, ,RTAG PAR DGON PAR GNAS MOS SHING, ,RNAM DAG SBYANGS PA @172A *, ,SPYOD PAS NA, ,DE PHYIR BYANG CHUB SEMS DPA' DE, ,MI KHOM RAB SPANGS KHOM DANG LDAN, ,BLO LDAN MKHAS PA GANG DAG GIS, ,CHOS 'DI BZHI LA STEN BYED NA, ,MI KHOM THAMS CAD RAB SPANGS NAS, ,SANGS RGYAS MANG PO MTHONG BAR 'GYUR, ,SANGS RGYAS MANG PO MTHONG NAS KYANG, ,MI 'JIGS DAD DANG LDAN PAS NA, ,BRTZON 'GRUS MCHOG NI RAB BSKYED NAS, ,SANGS RGYAS YE SHES TSOL BAR 'GYUR, ,DE PHYIR YE SHES GNYER BA DAG ,YANG DAG CHOS NI BSLAB PAR BYA, ,YANG DAG CHOS NI BSLABS GYUR NAS, ,BYANG CHUB LAM NI 'THOB MI DKA', ,BYANG CHUB SEMS DPA'I SPYOD PA'I LE'U STE DANG PO'O,, ,,BCOM LDAN 'DAS KYIS BKA' STZAL PA, GANG PO BYANG CHUB SEMS DPA' CHOS BZHI DANG LDAN NA MANG DU THOS PA RGYA MTSO CHEN PO LTA BUR BSAGS PA YIN PAS YONGS SU GTUGS PAR MI 'GYUR ZHING RTAG PAR MANG DU THOS PA'I GTER RIN PO CHE BSAGS NAS CHOS RNAMS LA NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR RO, ,BZHI GANG ZHE NA, BYANG CHUB SEMS DPA' NI CHOS YONGS SU TSOL BAR BYED PAS GSUNG RAB YAN LAG BCU GNYIS PO 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, DE LTA BU BYUNG BA'I SDE DANG, SKYES PA'I RABS KYI SDE DANG, SHIN DU RGYAS PA'I SDE DANG, RMAD DU BYUNG BA'I CHOS KYI SDE DANG, RTOGS PA BRJOD PA'I SDE DANG, GTAN LA PHAB PAR BSTAN PA'I SDE RNAMS YONGS SU TSOL BAR BYED DE, YONGS SU BTZAL NAS KYANG KLOG CING KHA TON DU 'DON PAR BYED, KLOG CING KHA TON DU BTON NAS KYANG YANG DAG PAR RJES SU DRAN PAR BYED, YANG DAG PAR RJES SU DRAN PAR BYAS NAS KYANG JI SKAD BSTAN PA BZHIN DU YANG DAG PAR SGRUB PAR BYED DE, GANG PO BYANG CHUB SEMS DPA' GANG CHOS DANG PO 'DI DANG LDAN PAR GYUR NA MANG DU THOS PA RGYA MTSO CHEN PO LTA BUR BSAGS PA YIN PAS YONGS SU GTUGS PAR MI 'GYUR ZHING RTAG PAR MANG DU THOS PA'I GTER RIN PO CHE BSAGS NAS @172B CHOS RNAMS LA NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR RO, ,GZHAN YANG GANG PO BYANG CHUB SEMS DPA' NI CHOS THAMS CAD LA GNAS PA MED PAS BSAM GTAN DANG, TING NGE 'DZIN LA MNYAM PAR BZHAG KYANG GNAS PAR BYA BA MED DO, ,GNAS PA MED PA'I PHYIR CHOS RNAMS LAS GNAS PA MED PA'I YE SHES 'THOB PAR 'GYUR RO, ,GNAS PA MED PA'I YE SHES THOB PAS CHOS RNAMS LA THOGS PA MED PA'I YE SHES MTHONG BA 'THOB PAR 'GYUR RO, ,DE CI'I PHYIR ZHE NA, GANG PO 'DOD CHAGS SHING THOGS PAR BYA BA'I CHOS GANG YANG MED PA'I PHYIR TE, BYANG CHUB SEMS DPA' GANG CHOS GNYIS PA 'DI DANG LDAN PAR GYUR NA MANG DU THOS PA RGYA MTSO CHEN PO LTA BUR BSAGS PA YIN PAS YONGS SU GTUGS PAR MI 'GYUR ZHING RTAG PAR MANG DU THOS PA'I GTER RIN PO CHE BSAGS NAS CHOS RNAMS LA NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR RO, ,GZHAN YANG GANG PO BYANG CHUB SEMS DPA' NI CHOS YONGS SU GNYER BA'I RGYU DANG RKYEN GYIS SANGS RGYAS RJES SU DRAN ZHING SANGS RGYAS KYI CHOS RJES SU DRAN PAR BYED DO, ,DES CHOS KYI RGYU DANG RKYEN GYIS SANGS RGYAS RJES SU DRAN ZHING SANGS RGYAS KYI CHOS RJES SU DRAN PAR GYUR PA NA 'DOD CHAGS PAR BYA BA'I CHOS 'GA' YANG YANG DAG PAR RJES SU MI MTHONG NGO, ,DES 'DOD CHAGS PA MED PA'I PHYIR CHOS THAMS CAD LA SEMS KYIS MNGON PAR ZHEN PA MED DO, ,DES CHOS THAMS CAD LA MNGON PAR ZHEN PA MED PA'I PHYIR DRIS PA RNAMS KYI RJES SU LAN 'DEBS PA LA THOGS PA MED PAR 'GYUR TE, BYANG CHUB SEMS DPA' GANG CHOS GSUM PA 'DI DANG LDAN PAR GYUR NA MANG DU THOS PA RGYA MTSO CHEN PO LTA BU BSAGS PA YIN PAS YONGS SU GTUGS PAR MI 'GYUR ZHING RTAG PAR MANG DU THOS PA'I GTER RIN PO CHE BSAGS NAS CHOS RNAMS LAS NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR RO, ,GZHAN YANG GANG PO BYANG CHUB SEMS DPA' NI DMIGS PA MED PA'I BYAMS PA PHUN SUM TSOGS PAR GYUR PAS SPYOD PA DAG LA THOGS PA MED DE, DMIGS PA MED PA'I BYAMS PA NI DNGOS PO RNAMS MI @173A *, ,LEN PA GANG YIN PA'O, ,DE CI'I PHYIR ZHE NA, GANG PO GANG MTSAN MA 'DI LA GNAS PAR GYUR NA YANG 'DOD CHAGS DANG, ZHE SDANG DANG, GTI MUG SKYED PAR BYED LA, GANG MTSAN MA DE LA GNAS PAR GYUR NA YANG 'DOD CHAGS DANG, ZHE SDANG DANG, GTI MUG SKYED PAR BYED PAS SO, ,DNGOS PO'I MTSAN MA'AM, RDZAS KYI MTSAN MA'AM, PHUNG PO'I MTSAN MA'AM, SKYE MCHED KYI MTSAN MA'AM, KHAMS KYI MTSAN MA'AM, CHOS KYI MTSAN MA'AM, CHOS MA YIN PA'I MTSAN MA LA GNAS PAR GYUR NA YANG 'DOD CHAGS DANG, ZHE SDANG DANG, GTI MUG SKYED PAR BYED PAS DE'I PHYIR GANG PO JI TZAM DU LEN PA'I MTSAN MA DANG BCAS PA DE DAG THAMS CAD NI LOG PA'I LTA BA ZHES BYA STE, BYANG CHUB SEMS DPA' NI MTSAN MA DE DAG THAMS CAD NYE BAR ZHI BAR BYA BA'I CHED DU BYAMS PA'I SEMS SGOM PAR BYED PAS SEMS CAN 'JIG PA'I PHYIR DANG, MTSAN MA 'JIG PA'I PHYIR DNGOS PO YANG 'JIG PA NYID DO, ,DNGOS PO 'JIG PA'I PHYIR LTA BA YANG 'JIG PA NYID DO ZHES BYANG CHUB SEMS DPA' DE'I TSE CHOS THAMS CAD RNAM PAR BSHIG NAS BYAMS PA SGOM PAR BYED DE, DE LTA BU'I BYAMS PA GANG YIN PA 'DI NI DMIGS PA MED PA'I BYAMS PA ZHES BYA'O; ,DE LTA BU'I DMIGS PA MED PA'I BYAMS PA GANG YIN PA DE NI CHOS KYI BYAMS PA ZHES BYA'O, ,DE LTA BU'I CHOS KYI BYAMS PA GANG YIN PA DE NI SANGS RGYAS KYI BYAMS PA ZHES BYA'O, ,GANG PO SANGS RGYAS KYI BYAMS PA GANG ZHE NA, MNGON PAR 'DU BYED PA MED CING 'JIG PA MED PA GANG YIN PA DE NI SANGS RGYAS KYI BYAMS PA ZHES BYA'O, ,GZHAN YANG GANG PO YANG DAG PA JI LTA BA BZHIN DU CHOS THAMS CAD RAB TU RTOGS PA GANG YIN PA DE NI SANGS RGYAS KYI BYAMS PA ZHES BYA'O, ,GANG POS GSOL PA, BCOM LDAN 'DAS JI LTAR BGYIS NA YANG DAG PA JI LTA BA BZHIN CHOS THAMS CAD RAB TU RTOGS PA ZHES BGYI LAGS, BCOM LDAN 'DAS KYIS BKA' STZAL PA, GANG PO RAB TU RTOGS PA ZHES BYA BA 'DI NI CHOS SO ZHE'AM, 'DI NI CHOS MA YIN NO ZHES SEMS PAR MI BYED DO, ,DE CI'I PHYIR ZHE NA, GANG PO GAL TE CHOS YOD DO ZHES ZER NA DE NI CHOS MA YIN PA YIN PAS GAL TE CHOS MED @173B PAR GYUR NA CHOS MA YIN PA YANG MED PAR 'GYUR BAS DE LA SPROS PA CI YANG MED PAS SO, ,SPROS PA MED PA GANG YIN PA DE NI MYA NGAN LAS 'DAS PA ZHES BYA STE, KHYOD KYIS DE LTAR RAB TU BRTAGS NAS DE SHIN DU THAG RING BA ZHIG YIN NAM, 'ON TE SHIN DU THAG NYE BA ZHIG YIN, GANG POS GSOL PA, DE NI THAG RING BA YANG MA LAGS LA, THAG NYE BA YANG MA LAGS SO, ,DE CI'I SLAD DU ZHE NA, BCOM LDAN 'DAS DE LTA BU'I DON DE LA NI PHYOGS KYANG MA MCHIS, GNAS KYANG MA MCHIS, NANG ZHES BGYI BA YANG MA MCHIS, PHYI ZHES BGYI BA YANG MA MCHIS PAS SO, ,BCOM LDAN 'DAS KYIS BKA' STZAL PA, DE BZHIN DU GANG PO KHYOD KYIS CHOS RNAMS GRANGS SU BGRANG BAR BYA'O, ,BCOM LDAN 'DAS CHOS JI LTA BU ZHIG LA GRANGS SU BGRANG BAR BGYI LAGS, GANG PO JI TZAM DU BYIS PA SO SO'I SKYE BO RNAMS KYIS MNGON PAR ZHEN PAR BYA BA'I CHOS DE DAG NI DE BZHIN GSHEGS PAS DMIGS PAR MI MDZAD, SGRUB PAR MI MDZAD, MNGON DU MI MDZAD DO, ,ZHES DE LTA BU'I CHOS MI RTOGS PA GANG YIN PA DE NI GRANGS SU BGRANG BA ZHES BYA'O, ,GANG PO CHOS RNAMS KYI GRANGS DE DAG NI CHOS RAB TU RNAM PAR 'BYED PA MA YIN PA'I PHYIR, GANG PO DENG KHYOD LA 'DI LTAR RAB TU DBEN BA'I CHOS MCHOG DAM PA SANGS RGYAS KYI LAM YONGS SU SDUD PAR GYUR PA BSHAD PAR BYA'O, ,GANG PO MA 'ONGS PA'I DUS NA 'JIG RTEN PA'I RNYED PA LA GDU BA DAG GAL TE MDO SDE 'DI THOS PAR GYUR NA MNYAN PA DANG, LEN PAR MOS PAR MI 'GYUR RO, ,GANG PO NGAS BYANG CHUB CES BRJOD PA'I TSIG 'DI KHYED KYIS SGRA DANG TSIG TZAM DU PHYOGS CUNG ZAD CIG RTOGS PAR GYUR PAR ZAD KYI DE'I DON GYI TSUL NI KHYED KYIS SHES PAR MI NUS SO, ,DON 'DI NI SHIN DU ZAB PAS TSIG GIS BRJOD PAR BYA BA MA YIN GYI, MKHAS PA DAG GIS RANG GIS RIG PAR BYA BA YIN NO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, GANG GIS DON NI MI RTOGS PA, ,SANGS RGYAS CHOS LA MYA NGAN SKYE, ,GAL TE DON NI RIG GYUR NA, ,SANGS RGYAS DE LA STON PAR MDZAD, ,SANGS RGYAS STON PAR GANG SEMS PA, ,DE NI MYA NGAN 'DAS GNYER BAS, ,'THAB RTZOD SEMS NI MED PAR YANG, , @174A *, ,YANG DAG CHOS NI SEMS PAR BYED, ,'DI LA CHOS SKYE YOD PA MIN, ,'GAG PA'I CHOS KYANG YOD MIN TE, ,SKYE DANG 'GAG PA MED GYUR PA, ,DE NI CHOS RNAMS YANG DAG MTSAN, ,CHOS GANG SKYE BA MED PA LA, ,BYED DANG 'BYUNG BA'ANG YONG MI 'GYUR, ,YIN DANG MA YIN THA DAD GCIG ,CHOS 'DI LA NI DE DAG MED, ,DE NI MYA NGAN 'DAS YIN TE, ,DE NA 'GAG PAR BYA BA MED, ,THAG NI NYE RING GANG ZER BA, ,DE DAG GNYI GA STONG PA YIN, ,GANG ZHIG STONG PAR RTOGS GYUR PA, ,DE NI MYA NGAN 'DAS SHES YIN, ,MYA NGAN 'DAS PA GANG SHES PA, , NGA YI SLOB MA ZHES BYA'O, ,GANG PO BYANG CHUB SEMS DPA' GANG CHOS BZHI PO 'DI DANG LDAN PAR GYUR NA MANG DU THOS PA RGYA MTSO CHEN PO LTA BUR BSAGS PA YIN PAS YONGS SU GTUGS PAR MI 'GYUR ZHING RTAG PAR MANG DU THOS PA'I GTER RIN PO CHE BSAGS NAS CHOS RNAMS LA NGES PA'I DON THOB PAS TSIG GI DON RNAMS LEGS PAR KHONG DU CHUD PAR 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, RTAG TU MANG THOS GNYER 'DOD PA, ,SANGS RGYAS RNAMS NI BSNGAGS 'GYUR ZHING, ,YANG DAG NGES DON THOB 'GYUR BAS, ,DE PHYIR RGYA MTSO LTA BUR 'GYUR, ,YI GE 'BRU NI GCIG PU DANG, ,TSIG GI DON NI GCIG TZAM YANG, ,BSKAL PA BYE BA BRGYA STONG DU, ,BRJOD KYANG ZAD PAR MI 'GYUR RO, ,DE PHYIR YANG DAG CHOS GNYER BYA, ,GNYER NAS TSUL BZHIN BSAM BYA YI, ,CHOS KYI MTSAN NYID MI BLANG ZHING, ,SANGS RGYAS BSNGAGS LA ZHEN MI BYA, ,DE BZHIN GSHEGS PA RJES DRAN ZHING, ,YANG DAG CHOS NI DRAN PAR BYA, ,'DOD CHAGS RTZOD MED SEMS KYIS NI, ,'DREN PA YONGS SU GNYER BAR BYA, ,RTAG PAR SEMS CAN RNAMS LA NI, ,BYAMS PA'I SEMS NI BSGROM PAR BYA, ,SEMS CAN LA NI ZHEN MED PAR, ,CHOS RNAMS THAMS CAD ZHI BAR BYA, ,BYANG CHUB SEMS DPA' GRAGS CHEN GYIS, ,'DI 'DRA'I CHOS NI SGRUB BYED NA, ,MYUR DU GZUNGS NI 'THOB 'GYUR BAS, ,MANG DU THOS PA DE LAS SKYE, ,JI LTAR NAM MKHA'I NGO BO NYID, ,'PHEL ZHING 'GRIB PA MED PA LTAR, , @174B CHOS NYID KYANG NI DE BZHIN TE, ,'PHEL BA MED CING 'GRIB PA MED, ,NGAS NI SHES RAB STOBS NGAG GIS, ,BSKAL PA TSAD MED GRANGS MED DU, ,CHOS RNAMS YONGS SU BSHAD GYUR KYANG, ,'ON KYANG BSHAD PA ZHES MI BRJOD, ,SEMS CAN NYID NI JI SNYED PA, ,THAMS CAD MI LUS THOB GYUR TE, ,KUN KYANG RAB TU BYUNG NAS NI, ,MANG THOS KUN DGA' BZHIN GYUR KYANG, ,GZUNGS THOB BYANG CHUB SEMS DPA' YIS, ,SEMS CAN DE DAG THAMS CAD LA, ,BSKAL PA BYE BAR CHOS BSHAD KYANG, ,DE YI SHES RAB GTUGS MI 'GYUR, ,SANGS RGYAS MKHYEN PA MTSUNGS MED PAS, ,NAM MKHA' 'DRA BAR TSAD KYANG MED, ,NAM MKHA' SKYE 'BYUNG MED PA LTAR, ,MKHYEN PA YANG NI DE BZHIN NO, ,KLU YIS CHU NI MA BLANGS PAR, ,CHAR CHEN DAG NI 'BEBS BYED PA, ,CHU DE LA NI GNAS MED KYANG, ,CHAR 'BABS BA LA MTHAR THUG MED, ,BYANG CHUB SEMS DPA' 'ANG DE BZHIN DU, ,GZUNGS 'DI THOB PAR GYUR PA NA, ,CHOS RNAMS LA NI GNAS MED KYANG, ,RKYEN DE BSHAD NA ZAD MI 'GYUR, ,DE PHYIR MANG THOS BTZAL BAR BYA, ,BTZAL NAS TSUL BZHIN BSAM BYA STE, ,CHOS DMIGS SANGS RGYAS RJES DRAN NA, ,MANG DU THOS PA DE LAS SKYE, ,BYAMS PAS SEMS CAN KUN KHYAB STE, ,SEMS CAN MTSAN MA ZHI BYED CING, ,CHOS KYI MTSAN MA'ANG ZHI BYED NA, ,MANG DU THOS PA DE LAS SKYE, ,MANG DU THOS PA'I LE'U STE GNYIS PA'O,, ,,BCOM LDAN 'DAS KYIS BKA' STZAL PA, ,GANG PO BYANG CHUB SEMS DPA' CHOS BZHI DANG LDAN PAR GYUR NA BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR RO, ,BZHI GANG ZHE NA, BYANG CHUB SEMS DPA' NI SNGON MA THOS PA'I CHOS THOS PAR GYUR NA DON GYI TSUL RAB TU SEMS PAR BYED KYI 'DI MA YIN NO ZHES SMRA BAR MI BYED DE, BYANG CHUB SEMS DPA' GANG CHOS DANG PO 'DI DANG LDAN PAR GYUR NA BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, BDAG GI YID DANG MI 'GAL BA'I, ,MA THOS CHOS NI THOS GYUR NA, ,DON GYI TSUL NI SEMS BYED KYI, , @175A *, ,CHOS MIN ZHES NI SMRA MI BYED, ,GAL TE STONG PA'I CHOS THOS NA, ,RTAG TU DON TSUL TSOL BYED PAS, ,DE PHYIR SHES RAB 'PHEL 'GYUR ZHING, ,BYANG CHUB LAM NI DE NAS SKYE, ,MA THOS CHOS NI THOS GYUR NA, ,DON GYI TSUL NI TSOL BYED PAS, ,BYANG CHUB LAS NI MI LDOG CING, , SHES RAB DAG NI 'PHEL BAR 'GYUR, ,MA THOS CHOS NI THOS GYUR NA, ,NGA RGYAL NGAN PA'I SEMS MI 'BRANG, ,G-YO SGYU DAG KYANG SKYED MI BYED, ,G-YO SKYED PA NI BYANG CHUB MIN, ,MA THOS CHOS NI THOS GYUR NA, ,DE YI DON NI TSOL BYED PAS, ,SNGON CHAD THOS PAR MA GYUR KYANG, ,RTZE GCIG TU NI SEMS PAR BYED, ,GANG ZAG DES NI CHOS THOS TSE, ,YANG DAG CHOS NI THOS 'GYUR ZHING, ,RTAG PAR SANGS RGYAS MANG MTHONG BAS, ,BYANG CHUB LAS NI LDOG MI 'GYUR, ,SANGS RGYAS MANG PO MTHONG NAS KYANG, ,TSUL BZHIN ZHU BA ZHU BYED PAS, ,NYAN THOS DAG GIS THOS NA YANG, ,THAMS CAD RAB TU DGA' BAR 'GYUR, ,'DI NI NGO MTSAR RMAD LDAN PAS, ,'DI 'DRA'I ZHU BA ZHU BAR BYED, ,BDAG CAG BSAM PA'ANG YOD MIN NA, ,DNGOS PO 'DI THOS CI SMOS ZER, ,NYAN THOS NGO MTSAR BRJOD PAS NA, ,LHA KLU THAMS CAD DGA' 'GYUR ZHING, ,SANGS RGYAS BSNGAGS PA BRJOD 'GYUR BA, ,'DI NI MANG THOS 'BRAS BU YIN, ,ZHU BA GANG YOD ZHUS PA'I TSE, ,SANGS RGYAS DE BZHIN LAN 'DEBS PAS, ,'KHOR 'DUS MANG PO TSANG MED PA, ,THAMS CAD PHAN PA CHE THOB 'GYUR, ,BYANG CHUB SEMS DPAS LAN 'DEBS PA, ,MANG THOS 'DI NI THOS GYUR NA, ,'KHOR MANG TSAD MED THAMS CAD KYIS, , BLA MED CHOS MIG THOB PAR 'GYUR, ,BCOM LDAN 'DAS KYIS BKA' STZAL PA, GANG PO RGYU DANG RKYEN NGES NA BYANG CHUB SEMS DPAS SNGON MA THOS PA'I CHOS THOS PAR GYUR PA NA MNGON PAR YIN CHES PAS DANG DU LEN CING 'GAL BA MED PA'I SEMS KYI TSUL BZHIN DU BSAMS NAS 'DI NI MA YIN NO, , ZHES SMRA BAR MI BYED NA, ,NGES SEMS CAN TSAD MED PA RNAMS KYI DON BYED PAR 'GYUR BAR RIG PAR BYA'O, ,GANG PO SNGON 'DAS PA'I BSKAL PA GRANGS MED, TSAD MED, DPAG TU MED, BSAM GYIS MI KHYAB PA'I YANG CHES BSAM GYIS MI KHYAB PA NA DE BZHIN GSHEGS PA DGRA BCOM PA YANG DAG PAR @175B RDZOGS PA'I SANGS RGYAS RIG PA DANG ZHABS SU LDAN PA, BDE BAR GSHEGS PA, 'JIG RTEN MKHYEN PA, SKYES BU 'DUL BA, KHA LO SGYUR PA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS YON TAN THAMS CAD KYI 'OD ZER GYI RGYAL PO ZHES BYA BA BYUNG STE, ,GANG PO BCOM LDAN 'DAS YON TAN THAMS CAD KYI 'OD ZER GYI RGYAL PO DE'I SKU TSE'I TSAD NI LO BYE BA PHRAG BRGYAD CU THUB PAR GYUR TO, ,BCOM LDAN 'DAS DE'I 'KHOR 'DUS PA RE RE LA YANG NYAN THOS KYI DGE 'DUN GANG G'A'I KLUNG BRJOD KYIS MI LANG BA'I BYE MA SNYED CHOS RNAMS LA LEN PA MED CING ZAG PA ZAD NAS SEMS RNAM PAR GROL BA'I DGRA BCOM PA GNYI GA'I CHA LAS RNAM PAR GROL BA SHA STAG BYUNG STE, BYANG CHUB SEMS DPA'I TSOGS KYI GRANGS KYANG DE BZHIN NO, ,GANG PO BCOM LDAN 'DAS DE MYA NGAN LAS 'DAS PA'I 'OG TU DAM PA'I CHOS NI LO DRUG KHRIR GNAS PAR GYUR TO, ,DE YONGS SU MYA NGAN LAS 'DAS SU NYE BA'I TSE BYANG CHUB SEMS DPA' BYE BA BRGYA PHRAG MANG PO THAMS CAD RDZU 'PHRUL GYI STOBS KYIS DAM PA' CHOS BSRUNG BA'I PHYIR 'DZAM BU'I GLING BYE BA BRGYA PHRAG MANG PO KUN DU KHYAB PAR GYUR PAS 'DZAM BU'I GLING RE RE NA YANG BYANG CHUB SEMS DPA' RE RE GNAS PAR GYUR TO, ,GANG PO BCOM LDAN 'DAS YON TAN THAMS CAD KYI 'OD ZER GYI RGYAL PO DE YONGS SU MYA NGAN LAS 'DAS PA'I 'OG TU DE'I NYAN THOS RNAMS KHAD KYIS LE LO DANG, SNYOMS LAS CAN DU GYUR NAS 'DI LTA BU'I MDO SDE ZAB MO DAG KHA TON DU 'DON CING YONGS SU 'DZIN PA MED PAR GYUR PAS CHOS RNAMS STONG PA NYID DANG LDAN PA'I MDO SDE DANG, TSUL KHRIMS RNAM PAR DAG CING SBYANGS PA'I YON TAN DANG LDAN PA'I MDO SDE THAMS CAD KYANG MTHAR GYI NUB PAR GYUR TE, DE DAG GIS BKLAG PA DANG, KHA TON DU 'DON PA DANG, RNAM PAR BSHAD PA MA BYAS PA'I PHYIR DE'I BSTAN PA LAS CHOS KYI SDE SNOD SHIN DU YANGS SHING RGYA CHE BA BRGYAD KHRI BZHI STONG YOD LA, CHOS KYI SDE SNOD RE RE LA YANG MDO SDE BYE BA KHRAG KHRIG BRGYA STONG PHRAG DRUG CU RTZA BRGYAD YOD DE MDO'I SDE RE RE LA YANG CHED DU BRJOD PA'I SDE SUM KHRI DRUG BRGYA YOD DE, CHED DU BRJOD PA'I SDE RE RE LA YANG TSIGS SU BCAD PA BYE BA PHRAG DRUG KHRI BDUN BRGYA YOD DE, GANG PO DE'I TSE DE'I @176A *, ,DUS THA MA LA DAM PA'I CHOS NUB TU NYE BA NA SANGS RGYAS KYI CHOS KYI SDE SNOD MANG PO DE DAG LAS MDO'I SDE DANG, CHED DU BRJOD PA'I SDE 'BA' ZHIG LUS PAR GYUR TO, ,DE'I TSE CHOS SMRA BA'I DGE SLONG MTHU BO CHE ZHES BYA BA ZHIG YOD DE, 'DZAM BU'I GLING 'DIR DE BZHIN GSHEGS PA'I RDZU 'PHRUL GYI MTHUS DAM PA'I CHOS BSRUNG BA'I PHYIR CHOS SMRA BA MTHU CHEN THOB PA MANG DU THOS SHING RGYA CHE BA, CHOS LEGS PAR STON PA, TSIG RGYAN DANG LDAN PA, DON GYI TSUL GSAL BAR RTOGS PA DES RTAG PAR SNGON MA THOS PA'I CHOS BSGRAGS PA LA MOS PAR GYUR TO, ,DES CHOS BSGRAGS PAR GYUR PA NA SKYE BO MANG PO PHAL CHER SKUR PA 'DEBS SHING 'GAL BAR BYAS PAR GYUR PAS CHOS SMRA BA'I DGE SLONG MTHU CHEN THOB PA DE 'DI SNYAM DU 'DI LTAR SKYE BO MANG PO 'DI DAG SNGON MA THOS PA'I CHOS THOS PAR GYUR KYANG MNGON PAR YID MI CHES PAS MNYAN PA DANG, LEN PAR MOS PA YANG MED LA, GAL TE THOS PAR GYUR NA YANG KHONG DU MI CHUD PAS RJES SU 'BRANG BAR MI BYED CING 'GAL BAR BYAS NAS SKYON 'BYIN PAR BYED PAS 'DI SKAD DU 'DI NI SANGS RGYAS KYI BKA' YANG MA YIN LA, STON PA CHEN PO'I BSTAN PA YANG MA YIN NO, ,DE CI'I PHYIR ZHE NA, BDAG CAG GIS SNGON CHAD NAM YANG SLOB DPON DANG, MKHAN PO LAS 'DI LTA BU'I MDO SDE MA THOS LA, ,GZHAN YANG DGE SLONG GNAS BRTAN RGAN RABS GANG YANG SLOB DPON DANG, MKHAN PO LAS 'DI LTA BU BRGYUD DE THOS PAR MI SMRA BAS SO ZHES DGE SLONG MANG PO DE SKAD KYANG ZER LA, MDO'I SDE DANG, CHED DU BRJOD PA'I SDE TZAM LAS MA LUS PAS DENG BDAG CI'I PHYIR GCIG PU GNAS DBEN PAR MI 'GRO SNYAM MO, ,GANG PO CHOS SMRA BA'I DGE SLONG MTHU CHEN THOB PA DE, DE SNYAM DU BSAMS NAS GCIG PU RI PHUG DBEN PAR GNAS PAR GYUR TO, ,DE'I TSE 'DZAM BU'I GLING NA BSKAL PA CHAGS TSUN CHAD GRONG KHYER CHEN PO CHUR DPAG TSAD BCU GNYIS YOD PA, ZHENG DU DPAG TSAD BDUN YOD CING RAB TU MDZES PAR BYAS PA, LAM SRANG RNAMS THAD KAR 'BAB PA, SKYE BO MANG POS GANG BA, LO LEGS SHING BDE BAR GYUR PA DRUG KHRI BRGYAD STONG YOD PAR GYUR TO, ,DE'I 'OG TU PHYIS YANG GRONG KHYER CHUNG NGU KHA CIG NI DPAG TSAD @176B BDUN YOD PA, KHA CIG NI DPAG TSAD DRUG DANG, LNGA DANG, BZHI DANG, GSUM DANG, GNYIS YOD PA NANG GI CHUNG BA'I TSAD KYANG DPAG TSAD GCIG YOD BYE BA PHRAG BRGYAD CU RTZA BZHI BYAS PAR GYUR TE, GANG PO DE'I TSE 'DZAM BU'I GLING NA GRONG KHYER CHEN PO RAB TU DBEN PA ZHES BYA BA NA KHYIM BDAG SHA NI ZHES BYA BA ZHIG BYUNG BA DE'I BU NI MA H'A SHU MA TA ZHES BYA STE, KHYIM BDAG DE'I BU DE DBEN BA NA GNAS PA LAS LHA ZHIG 'ONGS NAS TSIGS SU BCAD DE SMRAS PA, KHYOD KYIS NAN TAN CHOS DAG LA, ,BTZAL NAS TSUL BZHIN SOMS SHIG DANG, ,DE BZHIN GSHEGS PA YON TAN RGYAL, ,KHYOD 'TSANG RGYA BAR LUNG STON TO, ,GANG PO LHA DES TSIGS SU BCAD PA 'DI SMRAS NAS MI SNANG BAR GYUR TO, ,DE NAS KHYIM BDAG GI BU DE PHA'I DRUNG DU SONG NAS RKANG PA LA MGO BOS PHYAG BYAS TE, 'DI SKAD DU BDAG NI RAB TU BYUNG NAS BCOM LDAN 'DAS YON TAN THAMS CAD KYI 'OD ZER GYI RGYAL PO'I BSTAN PA LA TSANGS PAR SPYOD PAR 'DOD DO ZHES SMRAS PA DANG, DE NAS KHYIM BDAG SHA NIS TSIGS SU BCAD DE SMRAS PA, NGA YI KHYIM NA RIN CHEN MANG, ,GSER DNGUL DAG NI TSAD KYANG MED, ,'DZAM BU'I GLING NA MED PA KUN, ,NGA YI KHYIM NA LDAN BAR YOD, ,NGAS NI RIN CHEN BTZAL BA YANG, ,BU 'DOD SPYOD PHYIR BTZAL BTZAL NA; ,CI PHYIR RAB TU 'BYUNG BYED CING, ,'JIG RTEN SMOD LA DGA' BAR BYED, ,DE NAS KHYIM BDAG GI BU DES TSIGS SU BCAD DE PHA LA SMRAS PA, BDAG NI RTAG TU CHOS TSOL MOS, ,BTZAL NAS YANG DAG TSUL BZHIN SEMS, ,LONGS SPYOD MYONG BAR MI DGA' BAS, ,'JIG RTEN 'DREN PA BYED PAR DGA', ,KHYIM GYI RIN CHEN MI DGOS PAS, ,BDAG NI 'DOD PA NYUNG LA MOS, ,CHOS KYI GTER NI DBYUNG BA'I PHYIR, ,RAB TU 'BYUNG BAR MOS PA YIN, ,SANGS RGYAS 'BYUNG BA RAB TU DKON, ,CHOS BSTAN PA YANG RAB TU DKON, ,DENG BDAG SANGS RGYAS BSTAN PHRAD NA, ,CI'I PHYIR NA GTANG BAR BYA, ,GANG PO DE NAS KHYIM BDAG GI BU DES PHA'I RKANG PA LA PHYAG BYAS TE BSKOR BA BYAS NAS PHYIR BYUNG STE 'GRO BA'I TSE TSIGS SU BCAD PA 'DI DAG SMRAS SO, ,PHA NI BYE BA 'BUM YOD CING, ,MA NI BYE BA BRGYA YOD KYANG, ,DENG BDAG RAB TU 'BYUNG BA'I SEMS, ,GANG GIS KYANG NI @177A *, ,BRTOG MI NUS; ;DENG BDAG LUS SROG PHA MA DANG, ,GNYEN 'DAB KUN NI RAB SPANGS NAS, ,SANGS RGYAS CHOS NI MI SPONG BAR, ,RAB BYUNG SPYOD PA GNYER BAR BYED, ,GANG PO DE'I TSE KHYIM BDAG GI BU DES TSIGS SU BCAD PA 'DI DAG SMRAS NAS RAB TU BYUNG BAR GYUR TE, CHOS SMRA BA'I DGE SLONG MTHU CHEN THOB PA GA LA BA DER SONG NAS CHOS MNYAN PA GNYER BAR GYUR PA DANG, DE NAS DE'I TSE CHOS SMRA BA MTHU CHEN PO THOB PAS KYANG DE LA SNGON MA THOS PA'I MDO SDE RGYA CHER YANG DAG PAR RAB TU BSTAN TO, ,DE NAS DGE SLONG MA H'A SHU MA ? TAS SNGON MA THOS PA'I MDO SDE THOS PAR GYUR NAS CHOS SMRA BA MTHU CHEN THOB PA LA 'DI SKAD CES SMRAS SO, ,BDAG GIS 'DI LTA BU'I MDO SDE SNGON CHAD MA THOS NA MDO SDE 'DI LTA BU 'DI SUS NI KLOG PAR BYED, ,SUS NI 'DUN PAR BYED, ,SUS NI YANG DAG PAR BLANGS NAS 'DZIN PAR BYED, GNAS GANG DU NI THOS PAR 'GYUR, MTHU CHEN THOB PAS SMRAS PA, BDAG GIS SNGON GYI TSE RABS RJES SU DRAN PA'I DGE BA'I RTZA BA'I RGYU DANG RKYEN GYIS DE BZHIN GSHEGS PA YON TAN THAMS CAD KYI 'OD ZER GYI RGYAL PO'I BYIN GYI RLABS KYI MTHU'I DBANG GIS 'DI LTA BU'I MDO SDE ZAB MO RANG GI NGANG GIS SEMS LA GNAS PAR GYUR TO, ,GANG PO DE'I TSE DGE SLONG MA H'A SHU MA TAS DE SKAD CES SMRAS PA THOS NAS LHAG PA'I BSAM PA BSKYED DE RJES SU BSAM PAS SHES RAB KYI MTHU SKYES PAS SHES RAB DANG, THABS MKHAS PA CHEN PO'I STOBS KYIS CHOS SMRA BA MTHU CHEN THOB PA LA DRI BA DRIS PA DANG, MTHU CHEN THOB PAS KYANG DON GYI RJES SU LAN YANG DAG PAR BTAB NAS 'DI SKAD DU SNGON DE BZHIN GSHEGS PA YON TAN THAMS CAD KYI 'OD ZER GYI RGYAL PO LA DGE SLONG ZHIG GIS DNGOS PO 'DI DENG KHYOD KYIS JI SKAD DRIS PA DE BZHIN DU DE BZHIN GSHEGS PA DE LA ZHUS PA DANG, DE BZHIN GSHEGS PA DES KYANG DE BZHIN DU YANG DAG PAR LAN BTAB PA DGE SLONG DES THOS PAR GYUR NAS SHIN TU DGA' BAR GYUR TO ZHES SMRAS SO, ,GANG PO DE'I TSE... ? @177B ...? ,DGE SLONG MA H'A SHU MA TAS CHOS SMRA BA MTHU CHEN THOB PA LA YANG 'DI SKAD DU DRIS PA DANG; MTHU CHEN THOB PAS KYANG 'DI SKAD DU SNGON DE BZHIN GSHEGS PA YON TAN THAMS CAD KYI 'OD ZER GYI RGYAL BO LA DGE SLONG ZHIG GIS DNGOS PO 'DI DENG KHYOD KYIS JI SKAD DRIS BA DE BZHIN DU ZHUS PA DANG, DE BZHIN GSHEGS PA DES KYANG DE BZHIN DU LAN YANG DAG PAR BTAB PA DGE SLONG DES THOS NAS SHIN TU DGA' BAR GYUR TO ZHES SMRAS SO, ,GANG PO DE'I TSE DGE SLONG MA H'A SHU MA TAS CHOS SMRA BA MTHU CHEN THOB PA LA 'DI SKAD CES SMRAS SO, ,KYE SKYES BU DAM PA SNGON DE BZHIN GSHEGS PA LAS ZHUS PA DANG, LAN 'DEBS PA'I DNGOS PO 'DI LTA BU LAN DU ZHIG THOS PAR GYUR, MTHU CHEN THOB PAS SMRAS PA, DNGOS PO 'DI NI SHIN DU YID CHES PAR DKA' BAS DNGOS PO 'DI MA DRI BAR ZHOG SHIG ,GZHAN YANG GANG LUS KYI CHOS KHYAD PAR DU 'PHAGS PA MNGON SUM DU MA BYAS PA DAG GIS KYANG SHIN DU YID CHES PAR DKA'O, ,DE BZHIN DU LAN GNYIS LAN GSUM GYI BAR DU MA H'A SHU MA TAS KYE SKYES BU DAM PA SNGON DE BZHIN GSHEGS PA LAS ZHUS PA DANG, LAN 'DEBS PA'I DNGOS PO 'DI LTA BU LAN DU ZHIG THOS PAR GYUR, MTHU CHEN THOB PAS SMRAS PA, DNGOS PO 'DI MA DRI BAR ZHOG SHIG ,GAL TE KHONG DU MA CHUD PAR GYUR NA DED KHYOD LA DPES NYE BAR MTSON PAR BYA STE, BLO DANG LDAN PA DAG NI DPES NYE BAR MTSON NA RAB TU RTOGS PAR 'GYUR RO, ,DGE SLONG BDAG GIS DE BZHIN GSHEGS PA YON TAN THAMS CAD KYI 'OD ZER GYI RGYAL PO LAS SEMS CAN GYI RANG BZHIN THOS PA NI SA CHEN PO'I RNAM PA BAS CHES MANG NGO, ,DGE SLONG GAL TE STONG GSUM GYI STONG CHEN PO'I 'JIG RTEN GYI KHAMS THAMS CAD NA YOD PA'I SEMS CAN GYI RNAM PA GZUGS CAN NAM, GZUGS CAN MA YIN PA'AM, 'DU SHES CAN NAM, 'DU SHES MED PA'AM, 'DU SHES MED 'DU SHES MED MIN JI SNYED PA DE DAG THAMS CAD KYIS MI'I LUS THOB NAS SHES RAB KYI STOBS @178A *, ,DANG LDAN PAR GYUR LA, SEMS CAN DE DAG RE RES KYANG YUN SE GOL GTOGS PA GCIG LA GANG G'A'I KLUNG GI BYE MA SNYED KYI DRI BA SO SO NAS MI 'THUN PA DAG DRIS PAR GYUR, DGE SLONG DE BZHIN DU PHYOGS BCU'I 'JIG RTEN GYI KHAMS MA LUS PA THAMS CAD NA SEMS CAN JI SNYED PA DE DAG THAMS CAD KYIS KYANG BSKAL PA GCIG GAM, BSKAL PA GCIG LAS LHAG PA'I BAR DU DRI BA MANG PO DE LTA BU DRIS PAR GYUR, GZHAN YANG GANG ZAG GCIG GIS SE GOL GTOGS PA GCIG LA GANG ZAG DE SNYED GYI DRI BA THA DAD CING MI 'THUN PA THAMS CAD DRIS PAR GYUR, DE BZHIN DU GZHAN YANG GANG ZAG GCIG GIS SEMS CAN MA LUS PA MTHAR THUG PA SNYED KYI DRI BA SNA TSOGS BSKAL PA GCIG GAM, BSKAL PA GCIG LAS LHAG PA'I BAR DU DRIS PAR GYUR NA, 'DI JI SNYAM DU SEMS, DRI BA DE DAG CI MANG BA YIN SNYAM 'AM, SMRAS PA, DE SHIN DU MANG BAS DPER SLA BA YANG MA YIN NO, ,MTHU CHEN THOB PAS DGE SLONG MA H'A SHU MA TA LA SMRAS PA, BDAG GIS DENG KHYOD LA YANG DAG PAR SMRAS PA YIN GYIS THE TSOM MA ZA SHIG ,JI LTAR SEMS CAN MA LUS PA DE DAG THAMS CAD KYIS BSKAL PA GCIG GAM, BSKAL PA GCIG LAS LHAG PA'I BAR DU THE TSOM DRIS PA BAS BDAG GIS DE BZHIN GSHEGS PA LAS CHOS KYI RNAM GRANGS GCIG THOS PA'I SGO NAS LAN BTAB PA DE BAS KYANG CHES MANG NGO, ,DE BZHIN DU CHOS KYI RNAM GRANGS KYI SGO GNYIS DANG, GSUM DANG, BZHI DANG, LNGA DANG, BCU DANG, NYI SHU DANG, SUM CU DANG, BZHI BCU DANG, LNGA BCU NAS, BRGYA DANG; STONG DANG, KHRI DANG, 'BUM LA SOGS PA'I BAR DU YANG DE BZHIN TE, DGE SLONG BDAG GIS MDO TZAM DU BSTAN NA BGRANG BA'I MING DANG, YI GE JI SNYED PA THAMS CAD NI TSAD MED PA, MTHAR THUG PA MED PA, BSAM GYIS MI KHYAB PAS GRANGS DE DAG LAS YANG DAG PAR 'DAS PAR GYUR KYANG BDAG GIS MA LUS PAR KHA TON DU BTON NAS YONGS SU BZUNG NGO, ,DGE SLONG DRIS PA DE DAG THAMS CAD KYANG CHOS KYI RNAM GRANGS GCIG TU 'DUS PAR BDAG GIS RAB TU SHES TE, 'DI LTA STE, DE BZHIN GSHEGS PA YON TAN THAMS CAD KYI 'OD ZER GYI RGYAL POS YANG DAG PAR GSUNG PA'I LAM GYI TSIG DANG @178B SGO'I TSIG DANG, PHYAG RGYA'I TSIG DANG, DNGOS GZHI'I TSIG DANG, RDO RJE LTA BU'I TSIG DANG, RAB TU LCI BA'I TSIG DANG, MI G-YO BA'I TSIG DANG, GTING DPAG DKA' BA'I TSIG GANG YIN PA'O, ,DGE SLONG SGO GCIG TU CHOS THAMS CAD SDUD PA NI 'DI LTA STE, MNGON PAR 'DU BYED PA MED PA'I SGO DAG YIN PAS CHOS THAMS CAD DANG, TSIG THAMS CAD KYANG SGO DES GZHI BYED PAS THAMS CAD SGO DER 'JUG PAR 'GYUR RO, ,MDO'I SDE DANG, CHED DU BRJOD PA'I SDE THAMS CAD KYANG SGO DER ZHUGS NAS YI GE GCIG RNAM PAR PHYE STE YI GE MANG PO LA 'JUG PAR 'GYUR RO, ,DGE SLONG DE BZHIN DU GZUNGS KYI SGO BDUN KHRI BRGYAD STONG PO THAMS CAD LA YANG 'JUG PAR 'GYUR TE, DE LA YANG DBANG PO RNAMS KYI BYE BRAG DGU KHRI NYIS STONG YOD DO, ,SEMS CAN GYI SPYOD PA'I SGO NAS KYANG GZUNGS KYI KHA DOG BRGYAD KHRI YOD DO, ,LAM GYI BYE BRAG GIS THA DAD PA'I GZUNGS JI SNYED PA DE DAG THAMS CAD KYI MING GANG YIN PA YANG BDAG GIS RAB TU SHES SO, ,GZUNGS DE DAG RE RE LA YANG MING BRGYA YOD PA DANG, DE BZHIN DU MING NYIS BRGYA DANG, MING SUM BRGYA YOD PA NAS MING BRGYA STONG DU MA YOD PA'I BAR DAG KYANG BDAG GIS RAB TU SHES SO, ,'DZAM BU'I GLING NA YOD PA NAS PHYOGS BCU'I SANGS RGYAS KYI ZHING KHAMS LAS 'DAS PA'I BAR DAG NA YOD PA'I DMIGS PA THA DAD PA DANG, MING THA DAD PA JI SNYED YOD PA DE DAG THAMS CAD KYANG BDAG GIS RAB TU SHES SO, ,MDOR NA DE BZHIN GSHEGS PA'I MTHUS CHOS RNAMS SO SO THA DAD PA'I BYE BRAG DANG, DRIS PA DANG, LAN GYI BYE BRAG JI SNYED YOD PA RNAMS KYANG DE BZHIN GSHEGS PA YON TAN THAMS CAD KYI 'OD ZER GYI RGYAL PO'I BYIN GYI RLABS KYI MTHUS BDAG GIS RAB TU SHES SO, ,GANG PA DE'I TSE DGE SLONG MA H'A SHU MA TAS CHOS SMRA BA MTHU CHEN THOB PA LA 'DI SKAD CES SMRAS SO, ,SKYES BU DAM PA SLAR GRONG DANG, GRONG KHYER DANG, GRONG RDAL DU GSHEGS TE, DE BZHIN GSHEGS PA YON TAN THAMS CAD KYI 'OD ZER GYI RGYAL POS YANG DAG PAR GSUNGS PA'I CHOS KYI 'KHOR LO YANG DAG PAR RJES SU BSKOR CING BDAG GIS GSOL BA BTAB PA BZHIN DU GNANG BAR MDZAD DU GSOL, BDAG GIS YANG DAG PAR BSRUNG ZHING CHOS MNYAN PAR 'TSAL @179A *, ,LO; ,MTHU CHEN THOB PAS SMRAS PA, DA LTAR GYI DUS GYI DGE SLONG RNAMS NI THAMS CAD KYANG LE LO DANG SNYOM LAS CAN DU GYUR TE, DGE BA'I CHOS LA SOGS PA'I LHAG PA'I BSAM BA MED PAS KHYOD DE SKAD MA ZER CIG ,MA H'A SHU MA TAS SMRAS PA, BDAG NI DENG PHYIN CAD DGE BA'I CHOS LA LHAG PA'I BSAM PA BSKYED NAS CHOS DE GNYER BAR BGYID PAS LE LO MI BGYID DO, ,GANG PO DGE SLONG MA H'A SHU MA TAS MTHU CHEN THOB PA GRONG DANG, GRONG KHYER DANG, GRONG RDAL DU 'JUG CING YANG DAG PA'I CHOS BSHAD PAR GSOL BA BTAB NAS RJES SU BSRUNG BA BYAS TE SNGON MA THOS PA'I CHOS YANG DAG PAR MNYAN TO, ,GANG PO DE'I TSE DGE SLONG MA H'A SHU MA TA SKYE BO RNAMS KYIS RIM GRO DANG, BSNYEN BKUR BYAS TE MANG PO KUN GYIS TSUL KHRIMS SRUNG BA DANG, SHES RAB DANG LDAN PHA DANG, MANG DU THOS PA'I YON TAN MCHOG TSAD MED PA DANG LDAN PA'O, ,ZHES BRJOD PAR GYUR TO, ,DE'I TSE DGE SLONG MA H'A SHU MA TAS GRONG DANG, GRONG KHYER DANG, GRONG RDAL DAG TU SONG NAS SEMS CAN MANG PO YANG DAG PA'I CHOS LA GZUD PA DANG, GZHAN YANG SANGS RGYAS KYI BSTAN PA KUN TU SPEL BA'I CHED DU CHOS SMRA BA MTHU CHEN THOB PA'I BSNGAGS PA YANG RAB TU BRJOD PAR GYUR TO, ,GANG PO DE'I TSE DGE SLONG MA H'A SHU MA TAS SKYE BO MANG PO RNAMS YANG DAG PAR BSKUL NAS CHOS LA MCHOD PAR BYA BA DANG, DAM PA'I CHOS MNYAN PA'I PHYIR CHOS SMRA BA MTHU CHEN THOB PA LA BSNYEN BKUR DANG, RIM GRO DANG, YANG DAG PAR SRUNG BA BYED DU BCUG GO ,GANG PO CHOS SMRA BA MTHU CHEN THOB PA YANG DGE SLONG MA H'A SHU MA TAS YANG DAG PAR BSRUNG BA BYAS PAS PHYIS GRONG DANG, GRONG KHYER DANG, GRONG RDAL DAG TU SONG NAS DE BZHIN GSHEGS PA YON TAN THAMS CAD KYI 'OD ZER GYI RGYAL POS BSKAL PA GRANGS MED PA RNAMS SU BYANG CHUB MNGON PAR BSGRUBS PA GANG YIN PA DE DAG RNAM PA SNA TSOGS KYI SGO NAS RGYA CHER YANG DAG PAR BSHAD DE, KUN TU RGYA CHER RAB TU SPEL TO, ,GANG PO 'DI LTAR DGE SLONG MA H'A SHU MA TAS KYANG LO BRGYA'I BAR DU RTAG PAR CHOS SMRA BA MTHU CHEN THOB PA'I RJES SU 'BRANGS NAS CHOS RNAMS YANG DAG PAR DRIS KYANG RTAG PAR GSAR DU THA DAD PA'I CHOS YANG DAG PAR BSTAN GYI, NAM YANG ZLOS BU SMRAS PAR MA GYUR @179B TO; ,GANG PO CHOS SMRA BA MTHU CHEN THOB PA YANG DGE SLONG MA H'A SHU MA TAS YANG DAG PAR RAB TU BSRUNGS PA'I PHYIR SEMS CAN TSAD MED PA SNYED 'PHAGS PA'I BSTAN PA LA YANG DAG PAR BTZUD NAS SEMS CAN TSAD MED PA SNYED SANGS RGYAS KYI BYANG CHUB LA YANG DAG PAR BKOD DO, ,GANG PO KHYOD KYIS DE'I TSE DE'I DUS NA CHOS SMRA BA MTHU CHEN THOB PAS DAM PA'I CHOS YANG DAG PAR BSRUNGS SHING CHOS LEGS PAR BSHAD PA DE GZHAN YIN SNYAM DU SEMS NA DE LTAR MI BLTA STE, DE NI BYANG CHUB SEMS DPA' BYAMS PA 'DI NYID YIN NO, ,GANG PO DGE SLONG MA H'A SHU MA TA YANG CHOS SMRA BA YANG DAG PAR BSRUNGS ZHING GSOL BA BTAB PA DANG, GROGS BYAS PA'I BSOD NAMS KYI MTHUS SHI BA'I 'OG TU 'OG GI PHYOGS SU 'JIG RTEN GYI KHAMS BCU PA DE BZHIN GSHEGS PA 'KHOR MCHOG TU GYUR PA ZHES BYA BA'I ZHING DU SKYES NAS DE BZHIN GSHEGS PA DE LA SEMS CAN THAMS CAD KYI THE TSOM YONGS SU GCOD PA ZHES BYA BA'I MDO SDE 'DI YANG DAG PAR ZHUS PA DANG, DE'I TSE DE BZHIN GSHEGS PA DES KYANG LEGS SO ZHES BYA BA'I BSNGAGS PA LAN BRGYA STONG DU MA BRJOD NAS DE LA CHOS THAMS CAD SDUD CING 'BYUNG BAR BYED PA'I SGO ZHES BYA BA'I MDO SDE YANG DAG PAR BSTAN TO, ,MDO SDE 'DI YANG DAG PAR BSTAN PA NA SEMS CAN TSAD MED PA SNYED BLA NA MED PA YANG DAG PAR RDZOGS PA'I BYANG CHUB TU SEMS BSKYED NAS YANG DAG PA NYID DU SEMS PA LA RAB TU ZHUGS PAR GYUR TO, ,GANG PO DGE SLONG MA H'A SHU MA TA 'CHI BA'I DUS BYAS PA'I 'OG TU GZHAN YANG DE BZHIN GSHEGS PA RI RAB CES BYA BA DANG PHRAD NAS DE BZHIN GSHEGS PA DE LA CHOS THAMS CAD SDUD CING 'BYUNG BAR BYED PA ZHES BYA BA'I MDO SDE YANG DAG PAR ZHUS PA DANG, DE'I TSE DE BZHIN GSHEGS PA DES KYANG LEGS SO ZHES BYA BA'I BSNGAGS PA LAN BRGYA STONG DU MA BRJOD NAS DE LA CHOS THAMS CAD SDUD CING 'BYUNG BAR BYED PA'I SGO ZHES BYA BA'I MDO SDE YANG DAG PAR BSTAN TO, , MDO SDE 'DI YANG DAG PAR BSTAN PA NA SEMS CAN TSAD MED PA SNYED BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO, ,DE NAS YANG 'CHI BA'I DUS BYAS TE DE BZHIN GSHEGS PA RI'I RGYAL PO ZHES BYA BA DANG PHRAD NAS DE BZHIN GSHEGS PA DE LA CHOS THAMS CAD KYI SGO ZHES BYA BA'I MDO SDE @180A *, ,YANG DAG PAR ZHUS PA DANG DE'I TSE DE BZHIN GSHEGS PA DES KYANG LEGS SO ZHES BYA BA'I BSDAGS PA LAN BRGYA STONG DU MA BRJOD NAS DE LA CHOS THAMS CAD KYI SGO ZHES BYA BA'I MDO SDE RGYA CHER YANG DAG PAR RAB TU BSTAN TO, ,MDO SDE 'DI DAG YANG DAG PAR BSTAN PA NA SEMS CAN TSAD MED PA SNYED BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO, ,DE NAS YANG 'CHI BA'I DUS BYAS TE DE BZHIN GSHEGS PA TSANGS PA'I DBYANGS SHES BYA BA DANG PHRAD NAS DE BZHIN GSHEGS PA DE LA CHOS THAMS CAD YANG DAG PAR SDUD PA ZHES BYA BA'I MDO SDE YANG DAG PAR ZHUS PA DANG, DE'I TSE DE BZHIN GSHEGS PA DES KYANG LEGS SO ZHES BYA BA'I BSNGAGS PA BRJOD NAS DE LA CHOS THAMS CAD YANG DAG PAR SDUD PA ZHES BYA BA'I MDO SDE RGYA CHER YANG DAG PAR BSTAN TO, ,MDO SDE 'DI YANG DAG PAR BSTAN PA NA SEMS CAN TSAD MED PA SNYED BLA NA MED PA YANG DAG PAR RDZOGS PA'I BYANG CHUB TU NGES PAR GYUR TO, ,GANG PO DGE SLONG MA H'A SHU MA TAS DE BZHIN GSHEGS PA GCIG NAS GCIG TU SANGS RGYAS MANG PO DANG PHRAD NAS MDO SDE MANG PO ZHUS PA DANG, SEMS CAN YONGS SU BZLAS NAS BLA NA MED PA YANG DAG PAR RDZOGS PA'I BYANG CHUB LA BKOD PA GANG YIN PA DE DAG NGAS GAL TE BSKAL PA'AM, BSKAL PA LAS LHAG PAR BRJOD PAR GYUR NA YANG SANGS RGYAS MANG PO DE DAG GI MTSAN DANG, SEMS CAN JI SNYED CIG BLA NA MED PA YANG DAG PAR RDZOGS PA'I BYANG CHUB LA YANG DAG PAR BKOD PA DE DAG MTHAR THUG PAR MI 'GYUR RO, ,GANG PO DGE SLONG MA H'A SHU MA TAS JI TZAM DU DE BZHIN GSHEGS PA 'JIG RTEN NA MNGON DU BZHUGS PA 'AM, YONGS SU MYA NGAN LAS 'DAS PA GANG G'A'I KLUNG GI BYE MA SNYED KYI SANGS RGYAS RNAMS KYI BSTAN PA RNAMS YANG DAG PAR BSRUNGS PA'I GRANGS NI BRJOD KYIS KYANG MI LANG NGO, ,GANG PO DE LTA BAS NA BYANG CHUB SEMS DPA' SEMS DPA' CHEN PO RNAMS KYIS SNGON MA THOS PA'I CHOS THOS NAS DON GYI TSUL YID LA SEMS PAR BYED NA YON TAN RGYA CHEN PO DE LTA BU DAG THOB PAR 'GYUR BAR RIG PAR BYA'O, ,GANG PO KHYOD KYIS DE'I TSE DE'I DUS NA DGE SLONG MA H'A SHU MA TAS CHOS SMRA BA MTHU CHEN THOB PA LAS SNGON MA THOS PA'I CHOS THOS NAS @180B DON GYI TSUL GYI RJES SU 'BRANGS BAR GYUR PA DE GZHAN YIN SNYAM DU SEMS NA DE LTAR MI BLTA STE, DE NI BYANG CHUB SEMS DPA' KE'U WER DU ZHES BYA BA 'DI NYID YIN TE, DE'I TSE DGE SLONG MA H'A SHU MA TAS YANG DAG PA'I CHOS BSRUNGS PA DANG, SNGON MA THOS PA'I CHOS MNYAN NAS DON GYI RJES SU 'BRANG ZHING TSIG LA MNGON PAR ZHEN PA MED PA'I RGYU DANG RKYEN GYIS SANGS RGYAS MANG PO DANG PHRAD NAS MDO SDE ZAB MO SHIN DU GYA NOM PA MANG PO THOS PA DANG, SNGON GYI DGE BA'I RTZA BA'I RGYU DANG RKYEN GYIS DENG 'DI RANG LA YANG CHOS THAMS CAD YANG DAG PAR SDUD PA RGYA MTSO LTA BU'I CHOS KYI RNAM GRANGS ZHES BYA BA'I MDO SDE ZHUS PA LAS KYANG NGAS KYANG YANG DAG PAR BSTAN PAS SEMS CAN TSAD MED PA SNYED PHAN PA CHEN PO THOB PAR GYUR PA YIN NO, ,DE NAS DE'I TSE BCOM LDAN 'DAS KYIS DON 'DI NYID YANG BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPAS MA THOS CHOS, ,THOS NAS DON TSUL BSAM BYA YI, ,BDAG GI SNGON CHAD MA THOS ZHES, ,DE SKAD DU NI SMRA MI BYA, ,MA THOS CHOS NI THOS GYUR NA, ,YANG DAG DRAN PAS DON SEMS NA, ,RGYA MTSOR 'BAB CHU SHONG BA BZHIN, ,DE PHYIR SHES RAB 'PHEL BAR 'GYUR, ,MANG DU THOS PA 'PHEL 'GYUR ZHING, ,SHES RAB DAG KYANG 'PHEL BAR 'GYUR, ,SANGS RGYAS MDZAD PA THOB 'GYUR ZHING, ,RGYA CHER SEMS CAN PHAN YANG 'DOGS, ,MANG THOS RGYA MTSO SOGS 'GYUR ZHING, ,SHES RAB DAG KYANG GTUGS MI 'GYUR, ,TSIG GI DON NI RAB SHES PAS, ,KHYAD PAR NANG NA MCHOG TU 'GYUR, ,DE PHYIR SNGON CHAD MA THOS CHOS; ,YANG DAG PAR NI MNYAN PAR BYA, ,MA THOS CHOS NI NYAN BYED NA, ,DE 'DRA'I RNAM SMIN THOB PAR 'GYUR,, ,,BAM PO GNYIS PA, GZHAN YANG GANG PO BYANG CHUB SEMS DPA' SEMS DPA' CHEN POS MANG DU THOS PA YONGS SU GNYER PA LA SHIN TU 'DUN PA'I BSAM PA BSKYED CING GNAS DBEN PAR GNAS PA LA MOS PA'I BSAM PA RAB TU BSKYED NAS SEMS RTZE GCIG TU NAN TAN BRTZON 'GRUS KYIS BLA NA MED PA YANG DAG PAR RDZOGS PA'I BYANG CHUB YONGS SU GNYER BAR BYA'O, ,YONGS SU GNYER NAS KYANG ZHE SDANG YONGS SU SPANG BA'I PHYIR BYAMS PA BSGOM PAR BYA'O, ,'DOD @181A *, ,CHAGS YONGS SU SPANG BA'I PHYIR MI SDUG PA BSGOM PAR BYA'O, ,GTI MUG YONGS SU SPANG BA'I PHYIR RTEN CING 'BREL BAR 'BYUNG BA BSGOM PAR BYA'O, ,GANG PO BYANG CHUB SEMS DPA'I BRTZON 'GRUS NI GANG YIN, BYANG CHUB SEMS DPA' JI LTAR NA BRTZON 'GRUS RTZOM PAR BYED CEN, GANG PO BYANG CHUB SEMS DPA' GANG LA LA ZHIG BSKAL PA GCIG GAM, BSKAL PA GCIG LAS NYUNG BA ZHIG TU 'GRO 'AM 'DUG PA DAG TU RTAG PAR BRTZON 'GRUS BSKYED PAR BYA'O SNYAM DU SEMS NA, GANG PO DE LTA BU GANG YIN PA DE NI YANG DAG PA'I BRTZON 'GRUS ZHES MI BYA'O, ,BYANG CHUB SEMS DPA' GANG LA LA ZHIG BSKAL PA GCIG GAM, BSKAL PA GCIG LAS NYUNG BA ZHIG TU TSUL KHRIMS RNAM PAR DAG PA BSRUNGS PA DANG, DKA' THUB SPYAD PA DANG, SBYANGS PA'I YON TAN DANG LDAN PAR GYUR KYANG DMIGS PA'I DNGOS PO'I RJES SU 'DOD PA'I SEMS BSKYED NAS CHOS RNAMS KYI YANG DAG PA'I MTSAN NYID DANG BRAL BAR GYUR NA 'DI LTA BU YANG DAG PA'I BRTZON 'GRUS ZHES MI BYA'O, ,DE NAS BCOM LDAN 'DAS LA TSE DANG LDAN PA GANG POS 'DI SKAD CES GSOL TO, ,BCOM LDAN 'DAS BYANG CHUB SEMS DPA'I YANG DAG PA'I BRTZON 'GRUS DE BZHIN GSHEGS PA RNAMS KYIS RAB TU BSNGAGS PAR 'GYUR ZHING 'JIG RTEN PA'I MKHAS PA RNAMS KYIS SMAD PAR MI 'GYUR BA DE GANG LAGS, BCOM LDAN 'DAS KYIS BKA' STZAL PA, GANG PO BYANG CHUB SEMS DPAS SDON MTHOS PA'I CHOS ZAB MO STONG PA NYID DANG LDAN PA, MTSAN MA CUNG ZAD TZAM YANG MED CING DON DAM PA'I RJES SU 'THUN PA DE LTA BU'I MDO SDE ZAB MO THOS PAR GYUR NA MI 'THUN ZHING 'GAL BA MED PAR DE'I DON GSAL BAR RTOGS PAR BYA BA'I PHYIR NAN TAN BRTZON 'GRUS BSKYED NAS SEMS LA NUR BA MED PAR NYAN PA DANG, LEN PA DANG, KLOG PA DANG, KHA TON DU 'DON PA DANG, GZHAN LA YANG DAG PAR RAB TU STON PAR BYED PA GANG YIN PA 'DI NI BYANG CHUB SEMS DPA'I YANG DAG PA'I BRTZON 'GRUS ZHES BYA'O, ,BYANG CHUB SEMS DPA' GANG CHOS DANG PO 'DI DANG LDAN PAR GYUR NA BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR RO, ,MDO SDE ZAB MO THOS NAS DE'I DON RAB TU RTOGS TE MI 'THUN PA MED CING @181B 'GAL BA MED PA'I BRTZON 'GRUS DE LTA BU DE LA NI SANGS RGYAS RNAMS KYIS BSNGAGS PAR 'GYUR ZHING 'JIG RTEN PA'I MKHAS PA RNAMS KYIS KYANG SMAD PAR MI 'GYUR BAS DE'I PHYIR GANG PO BYANG CHUB SEMS DPA' JI LTAR 'JIG RTEN PA'I SEMS CAN RNAMS KYIS GTING MI RNYED PA GANG YIN PA DE BDAG GIS 'DIR GTING GI MTHAR THUG PAR BYA'O, ,'JIG RTEN PA'I SEMS CAN RNAMS BYING BAR GYUR PA'I GNAS GANG YIN PA DE BDAG GIS BYING BAR MI BYA'O, ,'JIG RTEN PA'I SEMS CAN RNAMS KYI 'JIG GNAS GANG YIN PA DE DAG LA BDAG GIS 'JIG PAR MI BYA'O, ,SNYAM PA'I GO CHA BGO BAR BYA'O, ,DE CI'I PHYIR ZHE NA, BDAG GIS GO CHA BGOS BA NI 'JIG RTEN PA DANG RJES SU 'THUN PA MA YIN PAS 'JIG RTEN PA'I CHOS SPANG BA'I PHYIR GO CHA BGOS PA YIN, 'JIG RTEN PA'I CHOS SPYOD PA'I PHYIR GO CHA BGOS PA MA YIN GYI, 'JIG RTEN PA'I CHOS MI SPYAD PAR BYA BA'I PHYIR GO CHA BGOS PA YIN, 'JIG RTEN PA'I CHOS KYI RJES SU 'BRANG BAR BYA BA'I PHYIR GO CHA BGOS PA MA YIN GYI, 'JIG RTEN PA'I CHOS BZLOG PA'I PHYIR GO CHA BGOS PA YIN NO SNYAM DU SEMS BSKYED PA GANG YIN PA 'DI NI GANG PO BYANG CHUB SEMS DPA' SEMS DPA' CHEN PO RNAMS KYI YANG DAG PA'I BRTZON 'GRUS ZHES BYA STE, BYANG CHUB SEMS DPA' GANG CHOS GNYIS PA 'DI DANG LDAN PAR GYUR NA BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR RO, ,DE NAS DE'I TSE BCOM LDAN 'DAS KYIS DON 'DI NYID YANG DAG PAR BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPA' CHOS GNYER BA, ,RTAG PAR BRTZON 'GRUS RAB BSKYED DE, ,DON GYI TSUL NI SEMS BYED PA, ,SGRA YI RJES SU YONG MI 'BRANG, ,BYANG CHUB SEMS DPA' TSIG MI 'BRANG, ,CHOS RNAMS STONG PAR SHES PA'I PHYIR, ,DGE BA'I TSIG NI TSOL BAR BYED, ,BSKAL PA DAG NI GRANGS MED PA, ,BYE BA STONG PHRAG MANG POR NI, ,NYIN MTSAN RTAG PAR 'DUG GYUR TE, ,SEMS BSKYED DKA' BA RAB SPYOD KYANG, ,SNGON CHAD MA THOS MDO SDE NGAG ,YID MI CHES NA BRTZON 'GRUS MIN, ,DON ZAB GTING NI GANG RNYED PA, ,LE LO CAN ZHES MI BYA'O, ,DE 'DRA'I BRTZON 'GRUS @182A *, ,GANG YIN PA, ,SANGS RGYAS RNAMS KYIS RAB TU BSNGAGS, ,'JIG RTEN GTING NI MI RNYED PA, ,DE GTING BYANG CHUB SEMS DPAS RNYED, ,'JIG RTEN 'JIG CING BYING GYUR KYANG, ,BYANG CHUB SEMS DPA' 'JIG BYING MED, ,BRTZON PA'I SEMS KYIS RTAG TU NI, ,STONG DBEN BYANG CHUB TSOL BAR BYED, ,STONG PA'I CHOS LA 'JIG MED PAS, ,LDOG CING BYING BAR GYUR PA'ANG MED, ,BDAG CHOS MTSAN NYID GNAS PA LAS, ,DE PHYIR 'JIG BYING RAB TU SKYE, ,CHOS RNAMS THAMS CAD 'JIG 'THOR BA, ,DE NI BYANG CHUB LAM ZHES BYA, ,NAN TAN BRTZON 'GRUS GANG SKYED PA, ,MANG THOS RGYA MTSO MYUR DU 'GRUB, ,GZHAN YANG GANG PO BYANG CHUB SEMS DPAS PHUNG PO LNGA LA MKHAS PAR BYA, SKYE MCHED BCU GNYIS LA MKHAS PAR BYA, KHAMS BCVA BRGYAD LA MKHAS PAR BYA, ,RTEN CING 'BREL BAR 'BYUNG BA'I YAN LAG BCU GNYIS LA MKHAS PAR BYA'O, ,PHUNG PO LNGA DANG, SKYE MCHED BCU GNYIS DANG, KHAMS BCVA BRGYAD DANG, RTEN CING 'BREL PAR 'BYUNG BA'I YAN LAG BCU GNYIS PO LA RAB TU MKHAS PAR GYUR NA GNAS PA MED PA'I YE SHES YONGS SU 'GRUB PAR 'GYUR RO, ,GNAS PA MED PA'I YE SHES THOB PA'I PHYIR CHOS THAMS CAD LA MI SEMS SHING RNAM PAR RTOG PAR YANG MI BYED DO, ,MI SEMS SHING RNAM PAR MI RTOG PAS SEMS CAN LA CHOS BSTAN NAS LTA BA THAMS CAD 'JIG CING 'JIG TSOGS LA LTA BA RAB TU 'DUL BAR 'GYUR TE, BYANG CHUB SEMS DPA' GANG CHOS GSUM PA 'DI DANG LDAN PAR GYUR NA BLA NA MED PA YANG DAG PAR RDZOGS PA'I BYANG CHUB LAS PHYIR LDOG PAR MI 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, BYANG CHUB SEMS DPAS PHUNG PO LNGA, ,SKYE MCHED BCU GNYIS STONG PAR SHES, ,KHAMS NI BCVA BRGYAD RAB 'BYED CING, ,RTEN 'BREL BCU GNYIS RAB TU RTOGS, ,LNGA PHUNG RJES SU MI 'BRANG ZHING, ,LUS NI MI BDEN NYID DU RIG ,PHYI NANG SKYE MCHED THAMS CAD KUN, ,RANG BZHIN DAG NI STONG PAR SHES, ,DE LTAR CHOS RNAMS SHES NAS KYANG, ,GZHAN DAG LA NI STON BYED PAS, ,DE PHYIR BYANG CHUB SEMS DPA' DE, ,SHES RAB RGYA CHER 'PHEL BAR 'GYUR, ,GZHAN YANG GANG @182B PO BYANG CHUB SEMS DPA' SEMS DPA' CHEN PO RNAMS NI JI LTAR TSUL KHRIMS BCAS PA DANG, JI LTAR 'DUL BA YANG DAG PAR BSTAN PA BZHIN DU LEGS PAR RJES SU SLOB PAR BYED PAS YONGS SU NYAMS PAR MI BYED DO, ,BYANG CHUB SEMS DPA' JI LTAR TSUL KHRIMS LA SLOB PAR BYED CE NA, CHOS THAMS CAD SLOB PAR BYED PA GANG YIN PA DE NI BYANG CHUB SEMS DPA'I TSUL KHRIMS LA SLOB PA ZHES BYA'O, ,DE CI'I PHYIR ZHE NA, GANG PO BYANG CHUB SEMS DPA' CHOS THAMS CAD LA SLOB PAR BYED PA GANG YIN PA DES NI THAMS CAD MKHYEN PA THOB PAR 'GYUR LA, CHOS SHES PA DES NI RNAM PAR MI RTOG PA'I SHES RAB THOB PAR 'GYUR TE, RNAM PAR MI RTOG PA'I SHES RAB DES DNGOS PO THAMS CAD SHES PAR 'GYUR BAS SO, ,JI LTAR DNGOS PO THAMS CAD SHES PAR 'GYUR ZHE NA, BYANG CHUB SEMS DPA' NI NANG GI DNGOS PO THAMS CAD DANG, PHYI ROL GYI DNGOS PO THAMS CAD RAB TU SHES PA GANG YIN PA'O, ,GANG PO CI'I PHYIR NANG ZHES BYA ZHE NA, NANG ZHES BYA BA NI JI TZAM DU MYONG BA DANG BCAS PA 'DOD CHAGS PAR BYA BA'I GNAS 'DI LTA STE, NANG GI LUS RTEN CING 'BREL PAR 'BYUNG BA YAN LAG BCU GNYIS LAS SKYES SHING DE LA KUN RDZOB TU BTAGS PA'I MING TZAM DU YOD PA 'DI NI MIG GO, 'DI NI RNA BA'O, ,'DI NI SNA'O, ,'DI NI LCE'O, ,'DI NI LUS SO, ,'DI NI YID NGO ? ZHES BRJOD PA GANG YIN PA 'DI DAG NI NANG ZHES BYA'O, ,CHOS DE DAG LA SO SO'I SKYE BO RNAMS MNGON PAR ZHEN PAR BYED PA'I PHYIR NANG ZHES BYA STE, 'DI SKAD DU BDAG GIS MIG 'DI LTA BU THOB PAR BYA'O ZHES BRJOD KYANG DE LTA BU'I MIG MNGON PAR 'DU BYED PA MED LA, DE BZHIN DU RNA BA DANG, SNA DANG, LCE DANG, LUS DANG, YID THOB PAR BYA'O ZHES BRJOD KYANG 'DI LTAR RNA BA DANG, SNA DANG, LCE DANG, LUS DANG, YID MNGON PAR 'DU BYED PA MED PAR YANG DE NA LAS KYI RKYEN SLONG ZHING RNAM PAR SMIN PA RAB TU SKYED PAS DE'I PHYIR NANG ZHES BYA'O, ,DE'I BYE BRAG LA SO SO'I SKYE BOS MNGON PAR ZHEN NAS 'DI NI MIG GO ,'DI NI RNA BA DANG, SNA DANG, LCE DANG, LUS DANG, YID DO ZHES ZER BA THAMS CAD NI NANG ZHES BYA'O, ,GZHAN YANG GANG PO NANG ZHES BYA BAS DNGOS PO 'DI GNYIS MNGON PAR 'DU BYED PA YANG MI BDEN @183A *, ,ZHING SLU BAR BYED PA YIN NO, ,BYIS PA SO SO'I SKYE BO MNGON PAR ZHEN PAS YANG DAG PAR BLANGS NAS RTZOD PA SKYED PAR BYED KYI, GANG PO DE BZHIN GSHEGS PAS NI 'DI DAG GZOD MNYID NAS YANG DAG PA JI LTA BA BZHIN DU THUGS SU CHUD PAS MNGON PAR ZHEN PAR MI MDZAD DO, , DE BZHIN GSHEGS PAS JI LTA BA BZHIN DU THUGS SU CHUD NAS MNGON PAR ZHEN PAR MI MDZAD CE NA, DE BZHIN GSHEGS PA NI CHOS 'DI DAG LA PHYOGS PAR MI MDZAD DO, ,GANG ZHIG LA PHYOGS PAR MI MDZAD CE NA, 'DI LTA STE, MIG 'DI NI SRID PA 'CHING BA YIN NO ZHES PHYOGS PAR MI MDZAD LA; MIG DANG BRAL BA LA YANG PHYOGS PAR MI MDZAD DO, ,RNA BA DANG, SNA DANG, LCE DANG, LUS DANG, YID LA YANG PHYOGS PAR MI MDZAD LA, YID DANG BRAL BA LA YANG PHYOGS PAR MI MDZAD DO, ,DE CI'I PHYIR ZHE NA, GANG PO DE BZHIN GSHEGS PA NI CHOS 'DI DAG LA NANG ZHES BYA BA YANG MI DMIGS LA, PHYI ROL ZHES BYA BA YANG MI DMIGS PAS DE'I PHYIR DE BZHIN GSHEGS PAS CHOS 'DI DAG LA PHYOGS PAR MI MDZAD DO, ,DE BZHIN GSHEGS PA NI YANG DAG PAR GSUNG BA YIN PAS 'DI SKAD DU DGE SLONG DAG MIG NI BDAG KYANG MA YIN LA GZHAN YANG MA YIN NO, ,DE CI'I PHYIR ZHE NA, RANG GI NGO BO NYID DMIGS SU MED PA'I PHYIR RO, ,CHOS GANG NI MIG YIN, ,MIG NI SU'I YIN, CHOS GANG NI RNA BA DANG, SNA DANG, LCE DANG, LUS DANG, YID YIN, YID NI SU'I YIN TE, ,DE CI'I PHYIR ZHE NA, RANG GI NGO BO NYID DMIGS SU MED PA'I PHYIR RO, ,ZHES GSUNGS PAS SO, , GANG PO MIG KYANG DENG SO SOR RAB TU BRTAGS, RNA BA DANG, SNA DANG, LCE DANG, LUS DANG, YID KYANG DENG SO SOR BRTAGS NA CHOS GANG LA YANG MNGON PAR ZHEN CING LEN PA MED DO, ,DE CI'I PHYIR ZHE NA, GANG GIS JI TZAM DU CHOS LA LEN PA DANG BCAS PA DES NI SDUG BSNGAL SKYED PAR BYED LA; SDUG BSNGAL SKYES PA'I PHYIR NI BDE BA MED PAR 'GYUR BAS DE'I PHYIR GANG PO JI TZAM DU CHOS LA LEN PA DANG BCAS PA THAMS CAD NI SDUG BSNGAL MYONG BAR 'GYUR LA, GANG SDUG BSNGAL MYONG BAR 'GYUR BA DE NI SDUG BSNGAL SPONG BAR MI BYED PAS GANG PO 'DI NI MIG SO SOR BRTAG PA DANG, RNA BA DANG, @183B SNA DANG, LCE DANG, LUS DANG, YID 'JUG PA'I GNAS MED PAR SO SOR BRTAG PA ZHES BYA'O, ,DE CI'I PHYIR ZHE NA, GANG PO GAL TE 'JUG PA'I GNAS YOD PAR GYUR NA 'BYUNG BA'I GNAS KYANG YOD PAR 'GYUR BAS DE'I PHYIR DE BZHIN GSHEGS PA RNAMS KYIS KYANG MIG NI STONG ZHING BDAG DANG BDAG GI BA MED DE, RANG BZHIN GYIS DE 'DRA ZHING RNA BA DANG, SNA DANG, LCE DANG, LUS DANG, YID KYANG STONG ZHING BDAG DANG BDAG GI BA MED DE, RANG BZHIN GYIS DE 'DRA BAS NGO BO NYID MED DE, 'DI LTAR NGO BO NYID MED PA GANG YIN PA DE LA NI MNGON PAR 'DU BYA BA YANG MED LA 'JIG PA YANG MED DO ZHES GSUNGS SO, ,GANG PO CHOS NYID 'DI LTA BU GANG YIN PA 'DI NI DE BZHIN GSHEGS PA BYUNG YANG RUNG, DE BZHIN GSHEGS PA MA BYUNG YANG RUNG STE, NGO BO NYID 'DI NI RTAG TU GNAS PA NYID DO, ,DE BZHIN GSHEGS PA NI CHOS RNAMS SKYE YANG MI SKYE BA NYID DU THUGS SU CHUD PAS DE'I PHYIR DE BZHIN GSHEGS PA NI YANG DAG PAR GSUNG PA YIN PAS 'DI SKAD DU DE BZHIN GSHEGS PA BYUNG YANG RUNG, DE BZHIN GSHEGS PA MA BYUNG YANG RUNG STE, NGO BO NYID 'DI NI RTAG TU GNAS PA NYID DO ZHES GSUNG NGO, ,GANG PO CI'I PHYIR MI SKYE BA ZHES BYA, CI'I PHYIR NI MI SKYE BA'I YE SHES ZHES BYA ZHE NA, GANG PO CHOS RNAMS MNYAM PA NYID DU GYUR PA GANG YIN PA DE NI MI SKYE BA ZHES BYA'O, ,LAM GANG YIN PA DE NI MI SKYE BA'I YE SHES ZHES BYA'O, ,SDUG BSNGAL ZAD PA GANG YIN PA DE NI MI SKYE BA ZHES BYA'O, ,LAM GANG YIN PA DE NI MI SKYE BA'I YE SHES ZHES BYA STE, 'DI NI DE BZHIN GSHEGS PAS BDEN PA GNYIS PO 'DI LTA STE, KUN RDZOB KYI BDEN PA DANG, DON DAM PA'I BDEN PA YOD PAR GSUNGS PA ZHES BYA'O, ,GANG PO DE BZHIN GSHEGS PAS SDUG BSNGAL GYI MTSAN NYID CES GANG GSUNGS PA DE NYID NI MTSAN NYID MED PA ZHES GSUNGS SO, ,SDUG BSNGAL GYI MTSAN NYID CES BYA BA GANG ZHE NA, 'DI LTA STE, 'DUS MA BYAS KYI MTSAN NYID GANG YIN PA'O, ,'DUS MA BYAS KYI MTSAN NYID GANG YIN PA DE NI MTSAN NYID MED PA YIN PAS MKHAS PA RNAMS KYIS 'DUS MA BYAS DE NYID MTSAN NYID MED PA YIN PAR RAB TU SHES SO, ,GANG PO MKHAS PA RNAMS KYIS @184A *, ,JI LTAR 'DUS MA BYAS DE NYID MTSAN MA MED PA YIN PAR RAB TU SHES PAR 'GYUR ZHE NA, 'DI LTAR 'DUS MA BYAS KYI CHOS NI STONG PAR YANG SHES, RAB TU DBEN PA YIN PAR YANG SHES, SKYABS SU 'GRO BA'I GNAS YIN PAR YANG SHES, PHAN PA MCHOG YIN PAR YANG SHES, YONGS SU GDUNG BA MED PAR YANG SHES TE, MKHAS PA RNAMS KYIS DE LTAR 'DUS MA BYAS RAB TU SHES KYANG YE SHES DE LA SKYE BA'I MTSAN MA MED DO, ,GANG PO MKHAS PA RNAMS NI MTSAN MA RNAMS YONGS SU SPANGS PAS DON MCHOG DAM PA MNGON PAR 'DU BYED PA MED PA, 'JIG PA MED PA THOB PAR 'GYUR RO; ,GANG PO GANG MNGON PAR 'DU BYED PA DANG BCAS PA DE LA NI 'JIG PA YOD KYI, GANG MNGON PAR 'DU BYED PA MED PA DE LA 'JIG PA YANG MED DO, ,'JIG PA MED PA'I MTSAN NYID GANG YIN PA DE NI STONG PA NYID YIN NO, ,'JIG PA MED PA'I MTSAN NYID GANG YIN PA DE NI MTSAN MA MED PA YIN NO,, 'JIG PA MED PA'I MTSAN NYID GANG YIN PA DE NI SMON PA MED PA YIN NO, ,GANG GIS KYANG MNGON PAR 'DUS MA BYAS LA, GANG GIS KYANG 'JIG PA MED PAR DBYER MED PA GANG YIN PA DE NI GANG PO DE BZHIN GSHEGS PA RNAMS KYI BLA NA MED PA YANG DAG PAR RDZOGS PA'I BYANG CUB MI 'JIG PA'I MTSAN NYID CES BYA'O, ,DE BHIN GSHEGS PA RNAMS KYI BLA NA MED PA YANG DAG PAR RDZOGS PA'I BYANG CHUB KYANG GANG ZHE NA, 'DI LTA STE, DE BZHIN GSHEGS PA RNAMS KYI DMIGS SU MED PA GANG YIN PA'O, ,BCOM LDAN 'DAS LA TSE DANG LDAN PA GANG POS GSOL PA, BCOM LDAN 'DAS DE BZHIN GSHEGS PA RNAMS KYI DMIGS SU MA MCHIS PA DE NYID GANG LAGS, BCOM LDAN 'DAS KYIS BKA' STZAL PA, GANG PO CHOS THAMS CAD NI DE BZHIN GSHEGS PA RNAMS KYI DMIGS SU MED PA YIN NO, ,BCOM LDAN 'DAS GAL TE DE LTA NA NI CHOS THAMS CAD THANG SANGS RGYAS RNAMS KYI BYANG CHUB LAGS PAR 'GYUR RO, ,BCOM LDAN 'DAS KYIS BKA' STZAL PA, GANG PO DE DE BZHIN TE, CHOS THAMS CAD SANGS RGYAS KYI BYANG CHUB YIN YANG BYANG CHUB DE NI CHOS THAMS CAD CES MI BYA'O, ,CHOS THAMS CAD NI SANGS RGYAS RNAMS KYI BYANG CHUB YIN NO, , @184B ZHES BYA BA YANG KUN RDZOB TU BTAGS PA TZAM DU BRJOD PAR ZAD DE, DE NI LE LO CAN RNAMS KYIS RTOGS PAR DKA' ZHING RIG PAR DKA' BA YIN NO, ,DE CI'I PHYIR ZHE NA, LE LO CAN GANG YIN PA DE DAG NI CHOS RNAMS MNYAM PA NYID DU MNGON PAR SGRUB PAR MI BYED LA, MNYAM PAR MA GYUR BA ? GANG YIN PA DE DAG NI SANGS RGYAS DANG RTZOD PAR BYED PAS SO, ,GANG PO GANG DAG MNYAM PA NYID MNGON PAR SGRUB PAR MI BYED CE NA, GANG PO 'JIG RTEN PA THAMS CAD NI MNYAM PA NYID MNGON PAR SGRUB PAR MI BYED DO, ,SANGS RGYAS RNAMS KYI BYANG CHUB LA NI MNYAM PA YANG MED, MI MNYAM PA YANG MED DE, GANG PO NGAS LAM 'DIS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PAS NA RGYU DANG RKYEN DE'I PHYIR MDO SDE 'DI DAG LAS CHOS THAMS CAD NI YANG DAG PA'I GNAS SKABS SU THAMS CAD KYANG NGES PA NYID DU ZHUGS PA YIN PAS DE NI NGES PAR BYANG CHUB KYI SGOR ZHUGS PA ZHES BSTAN PA YIN TE, DE'I PHYIR GANG PO CHOS THAMS CAD NI BYANG CHUB CES BYA'O, ,DE NAS BCOM LDAN 'DAS LA TSE DANG LDAN PA GANG POS 'DI SKAD CES GSOL TO, ,BCOM LDAN 'DAS DE BZHIN GSHEGS PA RNAMS KYI BLA NA MED PA YANG DAG PAR RDZOGS PA'I BYANG CHUB GANG LAGS PA DE NI NGES PA YANG LAGS, MA NGES PA YANG LAGS, TSIG 'BRU DANG YI GER ZHUGS PA YANG LAGS, TSIG 'BRU DANG YI GER MA ZHUGS PA YANG LAGS, TSIG LA ZHUGS PA YANG LAGS, TSIG LA MA ZHUGS PA YANG LAGS PA DE NI SHIN TU NGO MTSAR CHE LAGS SO, ,DE CI'I SLAD DU ZHE NA, BCOM LDAN 'DAS DENG BDAG GIS BCOM LDAN 'DAS LAS MDO SDE 'DI LTA BU THOS PAS CHOS THAMS CAD LA RNAM PAR NGES PA'I SNANG BA THOB LAGS SO, ,BCOM LDAN 'DAS DENG BDAG GIS CHOS RNAMS LA RNAM PAR NGES PA'I SNANG BA THOB PAS DNGOS PO GCIG LAS KYANG DNGOS PO THAMS CAD RTOGS PAR GYUR LA, DNGOS PO THAMS CAD LAS KYANG DNGOS PO GCIG RTOGS PAR GYUR PAS SO, ,DE NAS BCOM LDAN 'DAS KYIS TSE DANG LDAN PA GANG PO LA BKA' STZAL PA, GANG PO KHYOD KYIS 'DI LTAR MYUR BA KHO NAR SANGS RGYAS RNAMS KYI CHOS THAMS CAD KYI DON @185A *, ,LA RAB TU ZHUGS PAR GYUR PA LEGS SO LEGS SO, ,'DI YANG KHYOD KYI SNGON 'DAS PA'I DUS SU SANGS RGYAS MANG PO RNAMS LA MCHOD CING RIM GRO BYAS PA DANG, DGE BA'I RTZA BA RNAMS BSKYED NAS NYE BAR BSTEN TE ZHU BA DAG ZHUS PA LAS GYUR PA YIN PAR RIG PAR BYA'O, ,GANG PO NGAS MNGON PAR DRAN TE 'DAS PA'I DUS KYI TSE ZHING 'DI NYID KYI NAM MKHA'I PHYOGS GCIG NA KHYOD KYIS SANGS RGYAS DRUG KHRI BRGYAD STONG LAS MDO SDE 'DI THOS PA'I DGE BA'I RTZA BA'I YON TAN GYI RGYU DANG RKYEN GYI DBANG GIS KHYOD KYIS CHOS RNAM PAR NGES PA'I SNANG BA THOB PA YIN NO, ,BCOM LDAN 'DAS GAL TE BDAG GIS SANGS RGYAS MANG PO LAS MDO SDE 'DI SNGON THOS PAR GYUR PA ZHIG LAGS NA, CI'I SLAD DU BLA NA MED PA YANG DAG PAR RDZOGS PA'I BYANG CHUB RJES SU DRAN PA'I BSAM PA GCIG TZAM YANG MA MCHIS PA LAGS, BCOM LDAN 'DAS KYIS BKA' STZAL PA, GANG PO NGAS MNGON PAR DRAN TE 'DAS PA'I DUS KYI TSE KHYOD KYIS BSKAL PA GCIG GI BAR DU BLA NA MED PA YANG DAG PAR RDZOGS PA'I BYANG CHUB TU SEMS BSKYED PA LAS SLAR LOG CING NYAMS PAR GYUR KYANG DE'I BSOD NAMS KYI RGYU DANG RKYEN GYIS NGAS DENG 'DIR KHYOD CHOS SMRA BA RNAMS KYI NANG NA MCHOG TU GYUR PA ZHES BRJOD PA YIN NO, , BCOM LDAN 'DAS LA TSE DANG LDAN PA GANG POS GSOL PA, BCOM LDAN 'DAS BDAG GIS SNGON MI DGE BA'I LAS CI ZHIG BGYIS NA BSKAL PA GCIG GI BAR DU BLA NA MED PA YANG DAG PAR RDZOGS PA'I BYANG CHUB TU SEMS BSKYED PA LAS SLAR LOG CING NYAMS PAR GYUR LAGS, BCOM LDAN 'DAS KYIS BKA' STZAL PA, GANG PO KHYOD KYIS MI DGE BA'I GROGS PO LA BSTEN PA'I PHYIR DANG, GZHAN YANG KHYOD KYIS DAM PA'I CHOS RGYA CHER MA SPEL BA'I PHYIR KHYOD BLA NA MED PA YANG DAG PAR RDZOGS PA'I BYANG CHUB LAS SLAR LDOG CING NYAMS PAR GYUR PA YIN NO, ,GANG PO CHOS BZHI DANG LDAN NA BLA NA MED PA YANG DAG PAR RDZOGS PA'I BYANG CHUB LAS LDOG CING NYAMS NAS NYAN THOS KYI THEG PAR 'GYUR RO, ,BZHI GANG ZHE NA, BYANG CHUB SEMS PA'I SDIG PA MI DGE BA'I GROGS LA BSTEN PA'I PHYIR DGE BA'I RTZA BA YONGS SU SPANGS NAS 'DI SKAD DU 'DI LTAR BLA NA MED PA'I BYANG CHUB TU SEMS @185B BSKYED CI DGOS, 'KHOR BA'I MTHA' NI SHIN TU THAG RING STE 'GRO BA LNGA PO RNAMS SU KHA BRGYUD CING SDUG BSNGAL TSAD MED MYONG BAS KHOM PA DANG PHRAD PA YANG SHIN TU DKON, SANGS RGYAS 'BYUNG BA DANG PHRAD PA YANG SHIN TU DKON, SHIN TU DANG BA'I DAD PA THOB PA YANG SHIN TU DKON, SANGS RGYAS 'BYUNG BA DANG PHRAD PAR GYUR NA YANG KHYIM NAS KHYIM MED PAR RAB TU 'BYUNG BA CHES SHIN TU DKA' BAS DENG KHYED KHOM PA DANG LDAN PA CHUD MA GZAN CIG ,KHYOD DE BZHIN GSHEGS PA RNAMS LAS BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR BAR LUNG BSTAN PA THOB PA YANG MA YIN LA, DGE BA'I RTZA BA NGES PAR GYUR PA YANG MA YIN PAS YONGS SU MYA NGAN LAS 'DA' BA YANG MI THOB CING 'GRO BA LNGA PO RNAMS SU 'KHOR BAR 'GYUR RO ZHES SMARS PAS GANG ZAG DES DE SKAD SMRAS PA THOS PA'I DBANG GIS SEMS BYING NAS BYANG CHUB KYI LAM LAS LDOG CING LE LOS MOS PAR MI 'GYUR TE, GANG PO BYANG CHUB SEMS DPA' GANG CHOS DANG PO 'DI DANG LDAN PAR GYUR NA BLA NA MED PA'I BYANG CHUB LAS SLAR LOG NAS NYAN THOS KYI THEGS PAR 'GYUR RO, ,GZHAN YANG GANG PO BYANG CHUB SEMS DPA' GANG BYANG CHUB SEMS DPA'I RJES SU 'THUN PA'I MDO SDE 'DI LTA STE, BYANG CHUB SEMS DPA'I SDE SNOD KYI MDO DANG, BYANG CHUB TU SEMS BSKYED PA'I MDO DANG, BYANG CHUB SEMS DPA'I BYA BA YANG DAG PAR SDUD PA'I MDO DANG, PHA ROL TU PHYIN PA DRUG DANG RJES SU 'THUN PA'I MDO THOS PAR MA GYUR NA, 'DI LTAR THOS PAR MA GYUR PA'I PHYIR JI SKAD BSTAN PA BZHIN DU SPYOD PAR MI 'GYUR, JI SKAD BSTAN PA BZHIN DU YANG DAG PAR SLOB PAR MI 'GYUR BAS DES BYANG CHUB SEMS DPAS CHOS GANG NI BSTEN PAR BYA, CHOS GANG NI YONGS SU SPANG BAR BYA, CHOS GANG NI YANG DAG PAR BLANG BAR BYA BA'I RIGS, CHOS GANG NI YANG DAG PAR BLANG BAR BYA BA'I MI RIGS, CHOS GANG NI BYANG CHUB SEMS DPA'I CHOS YIN, CHOS GANG NI NYAN THOS KYI CHOS YIN PA DAG RAB TU MI SHES SO, ,'DI LTAR MI SHES SHING RAB TU 'BYED PAR MI NUS PA'I PHYIR BSTEN PAR BYA BA'I RIGS PA'I CHOS NI BSTEN PAR MI BYED LA, BSTEN PAR BYA BA'I MI RIGS PA'I CHOS LA NI RAB TU BSTEN @186A *, ,PAR 'GYUR RO, ,DES BSTEN PAR BYA BA'I RIGS PA'I CHOS NI STEN PAR MI BYED LA, BSTEN PAR BYA BA'I MI RIGS PA'I CHOS LA NI RAB TU STEN PAR BYED PA'I PHYIR SANGS RGYAS RNAMS KYI BYANG CHUB KYI SEMS LAS RAB TU NYAMS SHING LOG PAR GYUR PAS SEMS KYANG ZHUM STE, LE LO CAN DU GYUR NAS SNGON GYI SMON LAM RNAMS KYANG YONGS SU GTONG BAR 'GYUR TE, GANG PO BYANG CHUB SEMS DPA' GANG CHOS GNYIS PA 'DI DANG LDAN PAR GYUR NA BLA NA MED PA'I BYANG CHUB LAS SLAR LOG NAS NYAN THOS KYI THEG PA BAR 'GYUR RO, ,GZHAN YANG GANG PO BYANG CHUB SEMS DPA' GANG CHOS RNAMS YOD PA NYID DU 'DZIN CING BDAG TU MNGON PAR ZHEN PA DANG, LOG PAR LTA BA RNAMS SPYOD CING MTHAR 'DZIN PA'I LTA BAR LTUNG BA DANG, LOG PA'I SDIG PA RNAMS SU BYING STE DRANG DKA' BAR GYUR NAS MDO SDE ZAB MO DON DAM PA'I RJES SU 'THUN PA DAG THOS PAR GYUR NA YANG MNGON PAR YID CHES PA'I RTAGS CUNG ZAD TZAM YANG MED CING 'GAL BAR BYED PA DANG, MNGON PAR MA RTOGS NAS YANG DAG PA'I CHOS 'JIG PA'I KHA NA MA THO BA DAG SLONG BAR BYED NA RGYU DANG RKYEN DES MI KHOM PA'I GNAS SU SKYES NAS SANGS RGYAS RNAMS DANG YANG PHRAD PAR MI 'GYUR, DAM PA'I CHOS KYANG THOS PAR MI 'GYUR, SANGS RGYAS RNAMS KYIS RJES SU BSTAN PA DAG DANG YANG PHRAD PAR MI 'GYUR, DGE BA'I BSHES GNYEN YANG RNYED PAR MI 'GYUR RO, ,DES SANGS RGYAS RNAMS MI MTHONG BA'I PHYIR YANG DAG PA'I CHOS KYANG THOS PAR MI 'GYUR RO, ,YANG DAG PA'I CHOS MA THOS PA'I PHYIR SANGS RGYAS RNAMS KYIS RJES SU BSTAN PA DAG DANG YANG PHRAD PAR MI 'GYUR RO, ,SANGS RGYAS RNAMS KYIS RJES SU BSTAN PA'I CHOS DANG PHRAD PAR MA GYUR PA'I PHYIR DGE BA'I BSHES GNYEN RNYED PAR MI 'GYUR RO, ,DGE BA'I BSHES GNYEN MA RNYED PA'I PHYIR KHOM PA'I GNAS DANG BRAL NAS MI KHOM PA'I GNAS SU SKYE BAR 'GYUR RO, ,MI KHOM PA'I GNAS SU SKYES PA'I PHYIR DGE BA'I BSHES GNYEN DANG BRAL NAS MI DGE BA'I GROGS PO DANG PHRAD PAR 'GYUR RO, ,MI DGE BA'I GROGS PO'I RJES SU 'BRANGS PA'I PHYIR SNGON GYI YI DAM BRJED CING STOR BAR 'GYUR RO, ,DES SNGON GYI YI DAM BRJED CING @186B STOR BAR GYUR PA'I PHYIR BYANG CHUB KYI SEMS KYANG SPONG BAR BYED, BYANG CHUB SEMS DPA'I THEG PA YANG SPONG BAR BYED PAS SLAR LDOG PAR 'GYUR ZHING BYANG CHUB KYI BSAM PA YANG GTAN DU STOR NAS 'KHOR BA'I CHOS 'BA' SHIG SPYOD CING THEG PA CHEN PO'I SPYOD PA'I CHOS MNGON PAR SGRUB PAR MI 'GYUR TE, GANG PO BYANG CHUB SEMS DPA' GANG CHOS GSUM PO 'DI DANG LDAN PAR GYUR NA BLA NA MED PA'I BYANG CHUB LAS SLAR LOG NAS NYAN THOS KYI THEG PA PAR 'GYUR RO, ,GZHAN YANG GANG PO BYANG CHUB SEMS DPA' GANG 'DI LTA BU'I MDO SDE THOS PAR GYUR YANG LHAG PA'I BSAM PAS GZHAN DAG LA YANG DAG PAR STON PAR MI BYED CING, SEMS ZHUM PAR GYUR NAS GCIG TU 'GRO BA LA DGA' ZHING CHOS KYI SER SNA BYAS NAS GZHAN DAG LA BSTAN PA'I 'DUN PA MED PA DANG, CHOS KYIS GZHAN DAG RGYA CHER YONGS SU SDUD PAR MI BYED NA MI DGE BA'I RTZA BA DE'I RGYU DANG RKYEN GYIS SHES RAB DANG DRAN PA RAB TU NYAMS PAR 'GYUR RO, ,SHES RAB DANG DRAN PA NYAMS PAR GYUR PA'I DBANG GIS GZHAN DAG DANG LHAN CIG MDO SDE'I CHOS KLOG CING 'DON PAR MI BYED LA, CHOS KYIS GZHAN DAG DANG 'THUN PAR MI BYED PAS GANG ZAG DE LUS RJES MTHAG TU BYANG CHUB KYI SEMS KYANG STOR BAR 'GYUR LA BYANG CHUB SEMS DPA'I BSAM PA YANG BRJED PAR GYUR TE, GANG PO BYANG CHUB SEMS DPA' GANG CHOS BZHI PO DE DAG DANG LDAN PAR GYUR NA BLA NA MED PA'I BYANG CHUB KYI SEMS LAS SLAR LOG NAS NYAN THOS KYI THEG PA PAR 'GYUR RO, ,DE NAS DE'I TSE BCOM LDAN 'DAS KYIS DON 'DI NYID YANG DAG PAR RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, MI DGE'I GROGS PO STEN BYED CING, ,BYANG CHUB LA NI MI BRTZON NA, ,RGYU DANG RKYEN NI DE YI PHYIR, ,BLA MED BYANG CHUB SEMS STOR 'GYUR, ,SDIG PA'I BDAG LTA RAB BSKYED NAS, ,MTHA' DANG LOG LTAR GANG LHUNG BA, ,CHOS 'JIG SDIG NI BSLANG BAS NA, MI KHOM GNAS SU SKYE BAR 'GYUR, ,MI KHOM GNAS SU SKYES NAS KYANG, ,BYANG CHUB SEMS NI GCOD BYED CING, ,SNGON GYI YI DAM STOR 'GYUR BAS, ,DE PHYIR BYANG CHUB SEMS KYANG NYAMS, ,DE YIS BYANG CHUB SEMS SKYE BA'I, ,CHOS NI THOS PAR YANG MI 'GYUR, ,DE YI @187A *, ,SEMS NI 'PHEL GYUR NA, ,BYANG CHUB SEMS NI SGRUB PAR 'GYUR, ,DAM CHOS RGYA CHEN THOS GYUR KYANG, ,SER SNAS GZHAN LA STON MI MOS, ,RGYU DANG RKYEN NI DE YI PHYIR, ,BYANG CHUB LAM NI LDOG PAR 'GYUR, ,BYANG CHUB SEMS DPA' THEG CHEN GNYER, ,CHOS 'DI BZHI NI SHES PAR BYA, , CHOS 'DI BZHI NI SHES GYUR NA, ,BYANG CHUB SEMS NI SKYE BAR 'GYUR, ,DE PHYIR SDIG PA'I CHOS 'DI BZHI, ,NAN TAN GYIS NI RAB SPANGS NAS, ,STONG NYID CHOS NI SGOM BYED NA, ,DGE BA'I BSHES GNYEN STEN PAR 'GYUR, ,'DI LTA'I MDO SDE THOS GYUR NA, ,SER SNA DAG NI MI BSKYED PAR, ,NAN TAN GZHAN LA BSTEN PAR BYA, ,DE LAS BYANG CHUB RAB TU SKYE, ,BCOM LDAN 'DAS KYIS BKA' STZAL PA, GANG PO BYANG CHUB SEMS DPA' CHOS BZHI DANG LDAN NA JI LTAR YONGS SU BSNGOS PA BZHIN DU BYANG CHUB KYI SEMS LAS LDOG PAR MI 'GYUR ZHING, JI LTAR YONGS SU BSNGOS PA BZHIN DU DGE BA'I RTZA BA RNAMS YONGS SU NYAMS PAR MI 'GYUR RO, ,BZHI GANG ZHE NA, BYANG CHUB SEMS DPA' RNAMS TSUL KHRIMS RNAM PAR DAG PA YONGS SU BSRUNGS NAS BSAM PA RNAMS MNGON PAR GRUB PAR BYED PA DANG, DRAN PA DANG LDAN ZHING SHES RAB LA YANG DAG PAR GNAS PA DANG, RAB TU BRTZON PA'I SEMS KYIS BRTZON ZHING LE LO MED PA DANG, MANG DU THOS PA PHUN SUM TSOGS SHING SHES RAB 'PHEL BAR GYUR PA DAG YIN TE, GANG PO BYANG CHUB SEMS DPA' GANG CHOS BZHI PO 'DI DAG DANG LDAN PAR GYUR NA JI LTAR YONGS SU BSNGOS PA BZHIN DU BYANG CHUB KYI SEMS LAS YONGS SU LDOG PAR MI 'GYUR ZHING, JI LTAR YONGS SU BSNGOS PA BZHIN DU DGE BA'I RTZA BA RNAMS YONGS SU NYAMS PAR MI 'GYUR RO, ,DE NAS DE'I TSE BCOM LDAN 'DAS KYIS DON DE NYID GSAL BAR RAB TU BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPA' TSUL KHRIMS LDAN, ,DRAN PA ZAB CING THAG KYANG RING, ,BRTZON PA'I SEMS KYIS RAB BRTZON ZHING, ,MANG THOS SHES RAB RGYAN DANG LDAN, ,BYANG CHUB SEMS DPA' RTAG TU NI, ,CHOS 'DI BZHI LA STEN BYED NA, ,YID LA BSAMS PA'I DNGOS PO KUN, ,THAMS CAD RAB TU GRUB PAR 'GYUR, ,DE PHYIR RTAG TU KHRIMS BSRUNG ZHING, ,NAN TAN BRTZON 'GRUS LDAN PAR BYA, ,CHOS DRAN RGYUN NI MI @187B GCOD CING, ,RTAG PAR MANG THOS GNYER BAR BYA, ,KHRIMS BSRUNGS GNAS GTZANG RAB TU SKYE, ,DRAN PAS SHES RAB SBYONG BAR 'GYUR, ,BRTZON 'GRUS SANGS RGYAS CHOS KYANG SBYONG, ,MANG THOS SHES RAB CHEN PO SKYE, ,DE BAS BYANG CHUB SEMS DPA' RNAMS, ,DE 'DRA'I CHOS NI BSLAB PAR BYA, ,DE 'DRA'I CHOS NI RAB BSLABS NA, ,BLA MED 'KHOR LO SKOR BAR 'GYUR, ,GZHAN YANG GANG PO BYANG CHUB SEMS DPA' CHOS BZHI DANG LDAN PAR GYUR NA BYANG CHUB LA PHAN 'DOGS PAR 'GYUR RO, ,BZHI GANG ZHE NA, TSUL KHRIMS SRUNG BA NI BYANG CHUB LA PHAN 'DOGS PA'I CHOS SO, ,BZOD PA SGOM PA NI BYANG CHUB LA PHAN 'DOGS PA'I CHOS SO, ,BRTZON 'GRUS RTZOM PA NI BYANG CHUB LA PHAN 'DOGS PA'I CHOS SO, ,MANG DU THOS PA NI BYANG CHUB LA PHAN 'DOGS PA'I CHOS TE, GANG PO CHOS BZHI PO 'DI DAG NI BYANG CHUB LA PHAN 'DOGS PA ZHES BYA'O, ,DE NAS DE'I TSE BCOM LDAN 'DAS KYIS DON 'DI NYID GSAL BAR RAB TU BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPA' KHRIMS SRUNG BA, ,BYANG CHUB LA NI PHAN 'DOGS TE, ,BRTZON 'GRUS DANG NI BZOD PA DANG, ,MANG DU THOS PA DE BZHIN NO, ,TSUL KHRIMS DAG PA GANG SRUNG BA, ,SMON LAM THAMS CAD 'GRUB PAR 'GYUR, ,KHRIMS GTZANG PHAN 'DOGS MANG BAS NA, ,BYANG CHUB 'THOB PAR YONG MI DKA', ,BYANG CHUB SEMS DPA' BZOD SGOM PA, ,LUS KYI MTSAN DANG SHES RAB 'GRUB, ,DE PHYIR BZOD PA RAB BSGOMS NA, ,SANGS RGYAS MTSAN DANG SHES RAB GTER, ,BRTZON 'GRUS KYANG NI DE BZHIN DU, ,BYANG CHUB MANG DU PHAN 'DOGS PAS, RTAG TU BRTZON 'GRUS GANG RTZOM PA, ,BYANG CHUB 'THOB PAR YONG MI DKA', ,MANG THOS KYIS KYANG PHAN 'DOGS PAS, ,THOS NAS CHOS LA RAB STEN CING, ,CHOS MIN DAG NI SPONG BYED PAS, ,BYANG CHUB 'THOB PAR YONG MI DKA', ,CHOS BZHI SA BON YIN PAS NA, ,DE LAS BYANG CHUB RAB TU SKYE, , DE PHYIR BYANG CHUB SEMS DPA' RNAMS, ,CHOS KYI PHAN LA BSTEN PAR BYA, ,GZHAN YANG GANG PO BYANG CHUB SEMS DPA' SEMS DPA' CHEN PO RNAMS CHOS BZHI DANG LDAN PAR GYUR NA LUS KYI KHA DOG PHUN SUM TSOGS PA DANG, LONGS SPYOD PHUN SUM TSOGS PA DANG, 'KHOR PHUN SUM TSOGS PA THOB PAR 'GYUR @188A *, ,NAM YANG RTAG PAR SDIG PA MI DGE BA'I GNAS MI KHOM PA RNAMS SU SKYE BAR MI 'GYUR, ,RTAG PAR SANGS RGYAS RNAMS DANG PHRAD PAR 'GYUR, SANGS RGYAS RNAMS KYIS RAB TU BSNGAGS PAR 'GYUR RO, ,BZHI GANG ZHE NA, BYANG CHUB SEMS DPA' NI BYAMS PA BSGOMS PAS SEMS CAN THAMS CAD LA KHONG KHRO BA MED CING GNOD PA MI BYED PA YIN TE, GANG PO BYANG CHUB SEMS DPA' BYAMS PA BSGOMS PAS SEMS CAN THAMS CAD LA KHONG KHRO BA MED CING GNOD PA MI BYED PA JI LTA BU ZHE NA, BYANG CHUB SEMS DPA' BYAMS PA SGOM PA NA SEMS CAN RNAMS LA BDAG GIS YONGS SU BSKYAB PAR ? BYA'O SNYAM PA'I BYAMS PA BSKYED PAS SEMS CAN LUS DANG SEMS SDUG BSNGAL BA DAG MTHONG BAR GYUR PA NA 'DI SKAD DU BDAG GIS NAN TAN BRTZON 'GRUS KYIS SEMS CAN DE DAG 'KHOR BA'I SDUG BSNGAL LAS YONGS SU BZLAS NAS SEMS CAN DE DAG LA BDAG GIS BDE BA SBYIN PAR BYA'O, ,BDAG GIS DRANGS NAS 'KHOR BA'I SDUG BSNGAL DANG BRAL BAR BYA'O ZHES SEMS CAN RNAMS LA DE LTA BU'I SEMS SKYED PAR BYED DO, ,DE LTA BU'I SEMS BSKYED NAS KYANG NAN TAN BRTZON 'GRUS KYIS PHA ROL TU PHYIN PA DRUG PO SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA DAG YONGS SU GOMS PAR BYED DO, ,GANG PO BYANG CHUB SEMS DPA' NI SHES RAB KYI PHA ROL TU PHYIN PA'I RGYUS PHA ROL TU PHYIN PA DRUG PO DAG PHUN SUM TSOGS PAR BYED DO, ,BYANG CHUB SEMS DPA'I SHES RAB KYI PHA ROL TU PHYIN PA NI GANG YIN, JI LTAR SHES RAB KYI PHA ROL TU PHYIN PA'I RGYUS NAN TAN BRTZON 'GRUS SKYED PAR BYED CE NA, GANG PO BYANG CHUB SEMS DPA' NI 'DI SNYAM DU CHOS GANG NI BDAG CES BYA BA YIN, CHOS GANG NI BDAG GI ZHES BYA BA YIN SNYAM DU SEMS SHING 'JAL BAR BYED DE, DE LTAR SEMS SHING 'JAL BA NA BDAG CES BYA BA'I CHOS KYANG YANG DAG PAR RJES SU MI MTHONG LA, BDAG GI ZHES BYA BA'I CHOS KYANG YANG DAG PAR RJES SU MI MTHONG NGO SNYAM DU SEMS PAS CHOS 'DI LA NI BDAG CES BYA BA'I CHOS KYANG MED LA, BDAG GI ZHES BYA BA'I CHOS KYANG MED DO SNYAM DU SEMS SO, ,BYANG CHUB SEMS DPA' BDAG DANG BDAG GIR 'DZIN PA DANG BRAL BA'I PHYIR LUS STONG PA NYID DU RAB TU SHES @188B SO; ;LUS STONG PA'I PHYIR SEMS CAN YANG STONG NGO SNYAM MO, ,DE CI'I PHYIR ZHE NA, CHOS RNAMS LA BDAG DANG BDAG GIR 'DZIN PA YANG STONG PA YIN NA SEMS CAN LTA SMOS KYANG CI DGOS SNYAM DU SEMS PAS SO, ,BYANG CHUB SEMS DPAS BDAG DANG BDAG GIR 'DZIN PA DANG BRAL BA'I PHYIR SEMS CAN STONG PA NYID DU RIG PAR 'GYUR RO, ,SEMS CAN STONG PA'I PHYIR GZUGS KYI PHUNG PO YANG STONG PA NYID DU RIG PAR 'GYUR RO, ,GZUGS KYI PHUNG PO STONG PA'I PHYIR TSOR BA DANG, 'DU SHES DANG, 'DU BYED DANG, RNAM PAR SHES PA'I PHUNG PO YANG STONG PA NYID DU RIG PAR 'GYUR RO, ,BYANG CHUB SEMS DPA' DE LTAR BDAG DANG BDAG GIR 'DZIN PA DANG 'BRAL BA'I PHYIR LUS KYANG STONG PA NYID DU RIG PAR 'GYUR RO, ,LUS STONG PA'I PHYIR SEMS CAN YANG STONG PA NYID DU RIG PAR 'GYUR RO, ,SEMS CAN STONG PA'I PHYIR PHUNG PO RNAMS KYANG STONG PA NYID DU RIG PAR 'GYUR RO, ,PHUNG PO RNAMS STONG PA'I PHYIR 'DI LTA STE, SA DANG; CHU DANG; ME DANG, RLUNG DANG, NAM MKHA' DANG, RNAM PAR SHES PA'I KHAMS KYANG STONG PA NYID DU RIG PAR 'GYUR TE, SA'I KHAMS KYANG SA'I KHAMS KYI MTSAN NYID KYIS STONG, CHU DANG, ME DANG, RLUNG DANG, NAM MKHA' DANG, RNAM PAR SHES PA'I KHAMS KYANG RNAM PAR SHES PA'I KHAMS KYI MTSAN NYID KYIS STONG PAS KHAMS 'DI DAG LA NI BYED PA YANG MED LA BYA BA YANG MED DO, ,BYANG CHUB KYANG MED DO, ,GANG BYED PA MED PA'I CHOS DE NI STONG PA YIN NO SNYAM MO, ,GANG PO BYANG CHUB SEMS DPA' 'DI DAG LA BDAG DANG BDAG GIR 'DZIN PA SPANGS PA'I PHYIR LUS STONG PA NYID DU RIG PAR 'GYUR RO, ,LUS STONG PA'I PHYIR SEMS CAN YANG STONG PA NYID DU RIG PAR 'GYUR RO, ,SEMS CAN STONG PA'I PHYIR PHUNG PO RNAMS KYANG STONG PA NYID DU RIG PAR 'GYUR RO, ,PHUNG PO RNAMS STONG PA'I PHYIR KHAMS RNAMS KYANG STONG PA NYID DU RIG PAR 'GYUR RO, ,KHAMS RNAMS STONG PA'I PHYIR SKYE MCHED RNAMS KYANG STONG PA NYID DU RIG PAR 'GYUR RO; SKYE MCHED RNAMS STONG PA'I PHYIR SKYE MCHED RNAMS KYI MTSAN NYID KYANG STONG ZHING SKYE MCHED RNAMS LA BYED PA MED PA DANG, BYA BA MED PA NYID DU RIG PAR 'GYUR TE, CHOS GAN GBYED PA DANG BYA BA MED PA GANG YIN PA DE NI STONG BA YIN NO SNYAM MO, ,GANG PO BYANG CHUB SEMS DPA' NI DE LTAR CHOS THAMS CAD @189A *, ,STONG PA NYID DU LTA BAR BYED DO, ,CHOS THAMS CAD STONG PAR LTA BA'I TSE CHOS RNAMS LA NGO BO NYID KYIS ZHE SDANG SKYE BA'I GNAS YANG DAG PAR RJES SU MI MTHONG STE, GANG PO 'DI NI BYANG CHUB SEMS DPA' SEMS DPA' CHEN PO RNAMS KYI BYAMS PA CHEN PO LUS STONG PA NYID DU RIG PA'I BYAMS PA DANG, SEMS CAN STONG PA NYID DU RIG PA'I BYAMS PA DANG, PHUNG PO DANG, SKYE MCHED DANG, KHAMS RNAMS STONG PA NYID DU RIG PA'I BYAMS PA ZHES BYA'O, ,BYANG CHUB SEMS DPA' GANG 'DI LTA BU'I BYAMS PA SGOM PA GANG YIN PA DE NI CHOS THAMS CAD STONG PA NYID KYI BYAMS PA SGOM PA ZHES BYA'O, ,GANG PO 'DI NI BYANG CHUB SEMS DPA' BYAMS PA CHEN PO SGOM PA ZHES BYA'O, ,'DI LTAR BYANG CHUB SEMS DPA' NI BDAG DANG BDAG GIR 'DZIN PA DANG BRAL BA'I SEMS KYIS BLA NA MED PA YANG DAG PAR RDZOGS PA'I BYANG CHUB LA SHIN TU 'DUN PA BSKYED NAS, SEMS CAN RNAMS LA SNYING RJE CHEN PO SKYED PAR BYED PAS SEMS CAN GANG 'DI LTAR CHOS RNAMS KYI YANG DAG PA'I MTSAN NYID KHONG DU MA CHUD PA DAG KHONG DU CHUD PAR BYA BA'I PHYIR GO CHA CHEN PO BGOS PA GANG YIN PA 'DI NI BYANG CHUB SEMS DPA'I SNYING RJE CHEN PO SPYOD PA ZHES BYA STE, BDAG GIS BSKYAB PAR BYA'O SNYAM DU SEMS PA'I PHYIR BYAMS PA ZHES BYA'O, ,BDAG GIS DRANG BAR BYA'O SNYAM DU SEMS PA'I PHYIR SNYING RJE ZHES BYA STE, BYANG CHUB SEMS DPA' GANG 'DI LTA BU'I BYAMS PA CHEN PO DANG LDAN PA GANG YIN PA DES NI SEMS CAN RNAMS KYI MGON DANG, SKYABS DANG, GNAS DANG, GLING DANG, MTHAR PHYIN PA'I GNAS BYED PAR 'GYUR BAS DE'I PHYIR BYANG CHUB SEMS DPAS DE LTA BU'I BYAMS PA CHEN PO BSGOM PAR BYA'O, ,SEMS CAN RNAMS LA RJES SU CHAGS PA YANG MED LA, KHONG KHRO BA YANG MI SKYED BA GANG YIN PA 'DI NI BYANG CHUB SEMS DPA'I SEMS CAN STONG PA'I BYAMS PA ZHE SDANG MED PA ZHES BYA'O, ,GANG PO BYANG CHUB SEMS DPA' GANG BYAMS PA'I RGYU DANG; BRAL BA'I RGYU DANG, STONG PA'I RGYUS CHOS RNAMS SKYE BA MED PA DANG 'GAG PA MED PA LA 'JUG PAR 'GYUR BA GANG YIN PA 'DI NI BYANG CHUB SEMS DPA' BYAMS PA CHEN PO SGOM PA ZHES BYA'O, ,BYANG CHUB SEMS DPA' GANG GIS DE LTAR CHOS RNAMS RAB TU RTOGS PAR GYUR PA DE LA BDUD DANG BDUD @189B KYI 'KHOR RNAMS KYIS TSUGS PAR MI 'GYUR TE, BYANG CHUB SEMS DPA' GANG CHOS DANG PO 'DI DANG LDAN PAR GYUR PA DE NI YON TAN THAMS CAD LA SGRIB PA'I 'CHING BA RNAMS YONGS SU GCOD PAR BYED DO, ,YON TAN GYI 'CHING BA YONGS SU BCAD PA'I PHYIR MNYAM PA NYID KYI PHA ROL DU PHYIN PA RNAMS 'THOB PAR 'GYUR RO, ,DE NAS DE'I TSE BCOM LDAN 'DAS KYIS DON 'DI NYID RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPAS PHUNG PO DANG, ,KHAMS DANG SKYE MCHED DE DAG LA, ,BDAG MED PAR NI RTAG SHES PA, ,BYAMS SGOM STONG PAR LTA BAR BYED, ,BDAG DANG BDAG GI CHOS GNYIS DAG ,NGES PAR YANG DAG DMIGS SU MED, ,CHOS RNAMS DMIGS SU MED PAS NA, ,BYAMS PA'I SEMS NI SGOM PAR BYED, ,CHOS RNAMS LA NI MI GNAS TE, ,MI GNAS PA YANG MA YIN PA, ,'DI NI SANGS RGYAS RNAMS KYI LAM, ,CHOS RNAMS MI GNAS PA ZHES BYA; ,BLA MED BZOD PA GANG 'THOB PA, ,CHOS RNAMS YANG DAG MTSAN NYID BZOD, ,CHOS RNAMS SKYE 'GAG MED DO ZHES, ,DON GYI TSUL NI RAB TU RTOGS, ,BLO GROS CHEN PO LDAN PA DAG ,CHOS 'DI LA NI STEN BYED NA, ,RTAG TU GYA NOM GZUNGS THOB CING, ,SPOBS PA DAG KYANG THOB PAR 'GYUR, , RTAG PAR SANGS RGYAS PHRAD PAR 'GYUR, ,CHOS RNAMS KUN GYI DON RIG 'GYUR, ,DE PHYIR BYANG CHUB SEMS DPA' DE, ,BLA MED BYANG CHUB 'THOB PAR 'GYUR, ,GZHAN YANG GANG PO BYANG CHUB SEMS DPA' SEMS DPA' CHEN PO RNAMS NI NAN TAN BRTZON 'GRUS KYIS DE BZHIN GSHEGS PA RNAMS KYI MCHOD RTEN DAG LA MCHOD PA BYED PAS GUS PA'I SEMS KYIS ME TOG DANG, SPOS DANG, PHRENG BA DANG, BYUG PA DANG, SPOS KYI PHYE MA DANG, GDUGS DANG, BA DAN DANG, ROL MO SIL SNYAN DANG, MCHOD PA'I YO BYAD GYA NOM PA RNAM PA SNA TSOGS KYIS MCHOD PAR BYED DE, BYANG CHUB SEMS DPA' GANG CHOS GNYIS PA 'DI DANG LDAN PAR GYUR NA YON TAN PHUN SUM TSOGS PA THAMS CAD THOB PAR 'GYUR RO, ,DE NAS DE'I TSE BCOM LDAN 'DAS KYIS DON 'DI NYID RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, BYANG CHUB SEMS DPA' ME TOG SPOS, ? ,BA DAN DANG NI GDUGS MCHOG GIS, , @190A *, ,BLO MCHOG MCHOD RTEN RAB MCHOD NAS, ,SHES RAB MCHOG NI TSOL BAR BYED, ,BSOD NAMS 'DI YI RKYEN GYIS NI, ,BYAD BZHIN DAG NI MDZES PAR 'GYUR, ,NOR PHYUG RIN CHEN RAB TU MANG, ,'KHOR NI PHUN SUM TSOGS PAR 'GYUR, ,BYANG CHUB NYID DU NGES GYUR CING, , RTAG TU CHOS LA RAB TU GNAS, ,SKYE BA DAG NI THAMS CAD DU, ,YON TAN 'PHEL ZHING MTHON POR 'GYUR, ,RGYAL PO RNAMS KYIS BKUR BYED CING, ,LHA KLUS RTAG TU DRAN PAR 'GYUR, ,SEMS CAN THAMS CAD KUN GYIS KYANG, ,BKUR STI DAG NI BYED PAR 'GYUR, ,'DAS DANG DA LTAR BZHUGS PA YI; ,SANGS RGYAS DAG LA MCHOD BYED NA, ,SKYE BA KUN DU MCHOD PA 'THOB, ,RTAG PAR MI KHOM MED PAR SKYE, ,GZHAN YANG GANG PO BYANG CHUB SEMS DPA' SEMS DPA' CHEN PO RNAMS NI RTAG PAR BRTZON PA'I SEMS KYIS CHOS LA MCHOD PAR BYED DO, ,CHOS ZHES BYA BA NI GANG, JI LTAR NA CHOS LA MCHOD PAR BYED CE NA, DE LA CHOS ZHES BYA BA NI DRAN PA NYE BAR GZHAG PA BZHI DANG, YANG DAG PAR SPONG BA BZHI DANG, RDZU 'PHRUL GYI RKANG PA BZHI DANG, DBANG PO LNGA DANG, STOBS LNGA DANG, BYANG CHUB KYI YAN LAG BDUN DANG, 'PHAGS PA'I LAM YAN LAG BRGYAD PA DANG, BSAM GTAN BZHI DANG, ZHI GNAS DANG, LHAG MTHONG DANG, RIG PA DANG, RNAM PAR GROL BA DANG, RNAM PAR THAR PA'I SGO GSUM DANG, ZAD PA'I YE SHES DANG, MI LDOG PA'I LE'U STE GSUM PA'O,, ,CHOS ZHES BYA'O, ,JI LTAR MCHOD PAR BYED CE NA, CHOS DE DAG JI SKAD BSTAN PA BZHIN DU MNGON PAR SGRUB CING RJES SU 'BRANGS NAS 'GAL BA MED PAR 'DUN PA DANG, BRTZON 'GRUS BSKYED DE PHUN SUM TSOGS PAR MNGON PAR SGRUB PA GANG YIN PA 'DI NI CHOS LA MCHOD PA ZHES BYA'O, ,GZHAN YANG GANG PO CHOS LA MCHOD PA ZHES BYA BA LA, CHOS NI MDO SDE 'DI LTA BU DAG YIN LA, DE LA MNGON PAR YID CHES SHING YID LA SEMS PA DANG; RNAM PAR 'BYED PA DANG, RJES SU 'BRANG ZHING SEMS KYIS 'GAL BAR MI BYED PA GANG YIN PA 'DI NI CHOS LA MCHOD PA ZHES BYA STE, BYANG CHUB SEMS DPA' GANG CHOS GSUM PA 'DI DANG LDAN PAR GYUR NA YON TAN PHUN SUM TSOGS PA THAMS CAD 'THOB PAR 'GYUR RO, ,DE NAS DE'I TSE BCOM @190B LDAN 'DAS KYIS DON 'DI NYID RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, RTAG TU CHOS MCHOD BRTZON BYED PAS, ,JI SKAD BSTAN PA BZHIN DU GNAS, ,ZAB MO STONG PA'I CHOS THOS NA, ,SEMS KYIS 'GAL BAR YOD MI BYED, ,DE PHYIR LUS NI RTAG MDZES SHING; ,SPOBS PA DAG KYANG 'THOB PAR 'GYUR, ,NGAS NI JI SKAD BSNGAGS PA'I CHOS, ,DE NI RAB TU 'PHEL BAR BYED, ,GZHAN YANG GANG PO BYANG CHUB SEMS DPA' SEMS DPA' CHEN PO RNAMS NI RAB TU BRTZON PA'I SEMS KYIS DE BZHIN GSHEGS PA'I 'PHAGS PA'I TSOGS RNAMS LA MCHOD PA BYED PAS ME TOG DANG, SPOS DANG, PHRENG BA DANG, SPOS KYI PHYE MA DANG, BYUG PA DANG, GDUGS DANG, RGYAL MTSAN DANG, BA DAN DANG, GOS DANG, BZA' BA DANG, BTUNG BA DANG, MAL CHA DANG, NA BA'I GSOS SMAN DANG, 'TSO BA'I YO BYAD DAG DANG, GTZUG LAG KHANG DANG, KUN DGA'I RA BA DANG, 'CHAGS DANG, KHRUS KYI RDZING DANG, KHRON PA DANG, LAS BYED PA'I MI DANG, 'DI LTA BU LA SOGS PA GZHAN YANG MCHOD PA'I YO BYAD RNAM PA SNA TSOGS KYIS 'DI LTAR 'PHAGS PA'I TSOGS RNAMS LA MCHOD BAR BYED DE, BYANG CHUB SEMS DPA' GANG CHOS BZHI PO 'DI DANG LDAN PAR GYUR NA YON TAN PHUN SUM TSOGS PA THAMS CAD 'THOB PAR 'GYUR RO, ,DE NAS DE'I TSE BCOM LDAN 'DAS KYIS DON DE NYID RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, MCHOD PA'I YO BYAD MCHOG DAM PAS, ,'PHAGS PA'I TSOGS NI MCHOD BYED PAS, ,BSOD NAMS 'DI YI RKYEN GYIS NI, ,SKYE BA KUN TU LONGS SPYOD LDAN, ,LUS KYI KHA DOG RAB MDZES SHING, ,SPOBS PA DAG KYANG 'THOB PAR 'GYUR, ,YON TAN RNAMS NI PHUN TSOGS SHING, ,SHES RAB DAG NI 'PHEL BAR 'GYUR, ,DRANG PO'I SEMS KYIS MCHOD BYAS SHING, ,BDAG DANG BDAG GI MED PAS NA; ,SHES PA 'DI YI RGYU RKYEN GYIS, ,SKYE BA KUN TU MCHOD PA 'THOB, ,SANGS RGYAS RNAMS KYIS BSNGAGS PA YI, ,CHOS BZHI DAG LA RTAG BSTEN NA, ,SKYE BA KUN TU CHO RIGS BTZUN, ,YON TAN DAG NI MNGON THOB 'PHAGS, ,PHYIR MI LDOG PA'I LE'U STE GSUM PA'O,, ,, @191A *, ,BAM PO GSUM PA, DE NAS BCOM LDAN 'DAS KYIS TSE DANG LDAN PA GANG PO LA BKA' STZAL PA, GANG PO BYANG CHUB SEMS DPA' SEMS DPA' CHEN PO GANG THEG PA CHEN PO LA YANG DAG PAR ZHUGS PAS RTAG PAR CHOS BZHI PO 'DI DAG LA BSTEN CING GOMS PAR BYAS NA DGE BA'I CHOS THAMS CAD KYANG PHUN SUM TSOGS PAR YONGS SU SDUD PAR 'GYUR LA, DGE BA'I RTZA BA THAMS CAD DANG YANG RAB TU LDAN PAR 'GYUR RO, ,BZHI GANG ZHE NA, GANG PO RIGS KYI BU'AM, RIGS KYI BU MO GANG DAG THEG PA CHEN POR SEMS BSKYED PAS BZOD PA SGRUB PA'I CHOS LA BSTEN CING BSGOM PAR BYA'O; ,DE LTAR BZOD PA'I CHOS SGOM PA NA GAL TE SEMS MNYAM PAR GYUR NA SHIN TU MNYAM PA'I PHA ROL TU PHYIN PA RNAMS KYANG THOB PAR 'GYUR LA, SEMS CAN THAMS CAD MNYAM PA NYID KYI PHA ROL TU PHYIN PA YANG THOB PAR 'GYUR TE, BYANG CHUB SEMS DPA' DES SEMS MNYAM PA NYID KYI PHA ROL TU PHYIN PA DANG, YE SHES MNYAM PA NYID KYI PHA ROL TU PHYIN PA DANG LDAN PAR GYUR PA NA, GAL TE 'GRO 'AM, 'GRENG NGAM, 'DUG GAM, NYAL LAM, GNYID LOG GAM, SAD PA'I TSE YANG RUNG STE, GCIN GYI BUM PA'AM, DUG GI BUM PA'AM, KHU TSAN GYI BUM PA'AM, PHYAG DAR RNAMS SAM, ME DANG THAL BA'AM, BSHANG GCI'AM, THAL BA TSA BA THOGS PA ZHIG 'ONGS NAS MGO'I STENG DU BLUGS SAM, LUS KYI YAN LAG KUN DU BRDUNGS PAR GYUR NA, BYANG CHUB SEMS DPAS DE LA ZHE SDANG DANG 'KHON GYI BSAM PA BSKYED NAS SEMS RNAM PAR G-YENG ZHING KHONG KHRO BA BSKYED PAR YANG MI BYA'O, ,'DI SKAD DU BDAG LA NYES PA CI YOD CES KYANG SMRA BAR MI BYA'O, ,GZHAN YANG NGAN SEMS KYIS DE LA BLTA BAR MI BYA'O, ,SEMS RTZE GCIG TU RANG GI CHOS DON DU GNYER ZHING GANG BSGRUB PAR BYA BA'I DNGOS PO SEMS RTZE GCIG TU MI SPONG BA DE LTAR SEMS YONGS SU GDUL BAR BYA'O, ,GANG ZAG DES RGYU DANG RKYEN GANG GI PHYIR GCIN GYI BUM PA DANG, DUG GI BUM PA DANG, THAL BA DANG, ME DAG THOGS TE 'ONGS NAS BDAG GI LUS LA GNOD PAR BYED PA NA BDAG GI LUS NI DNGOS PO 'DI DAG GI RGYU DANG RKYEN GYIS NA BA DANG, GNOD PAR MI 'GYUR RO, ,ZHES BYANG CHUB @191B SEMS DPA' DE'I TSE 'DI LTAR RGYU DANG RKYEN MANG PO'I CHOS LA SO SOR BRTAGS NAS SU ZHIG NI DNGOS PO 'DI SBYIN PAR BYED, DNGOS PO 'DI NI SU LA SBYIN PAR BYED, DNGOS PO GANG NI SBYIN PAR BYED CES DES DE LTAR YANG DAG PA JI LTA BA BZHIN DU YID LA BYED PA NA SBYIN PAR BYED PA NI SU YIN, LEN PAR BYED PA NI SU YIN, CHOS NI GANG YIN ZHES CHOS 'GA' YANG YANG DAG PAR RJES SU MI MTHONG NGO, ,DE LTAR YANG DAG PA'I DRAN PAS YID LA BYED CING SO SOR RTOG PA'I TSE 'DI DANG DE ZHES BYA BA MI DMIGS PA'I PHYIR CHOS THAMS CAD DMIGS PAR YANG MI 'GYUR LA MTHONG BAR YANG MI 'GYUR RO, ,BYANG CHUB SEMS DPA' DES CHOS THAMS CAD MI DMIGS SHING MI MTHONG BA'I PHYIR ZHE SDANG DANG 'KHON DU 'DZIN PA YANG SKYED PAR MI BYED DO, ,GANG PO BYANG CHUB SEMS DPAS GAL TE DE LTAR BSAMS KYANG ZHE SDANG DANG 'KHON DU 'DZIN PA'I BSAM PA SKYES PAR GYUR NA, GZHAN YANG 'DI LTAR YANG DAG PA'I DRAN PAS 'DI SNYAM DU REG BYA GANG GI RGYU DANG RKYEN GYIS BDAG GI LUS LA NA BAR BYED, REG BYA DE DAG GIS GANG DU NI REG PAR 'GYUR, LUS LA GNOD PAR GYUR TAM, 'ON TE SEMS LA GNOD PAR GYUR, GAL TE LUS LA GNOD PAR GYUR PA YIN NA NI LUS NI RTZVA DANG, SHING DANG, GYO MO DANG, RDO DANG, GZUGS BRNYAN LTA BU YIN PAS RTOG PA MED PA, SHES PA MED PA YIN TE, BDAG KYANG MA YIN, GZHAN YANG MA YIN NO, ,GAL TE SEMS LA GNOD PAR GYUR PA YIN NA NI SEMS NI KHA DOG DANG GZUGS MED PA, SKAD CIG MAR SKYE ZHING 'GAG PA, THANG CIG TZAM YANG MI GNAS PAS BDAG KYANG MA YIN, GZHAN YANG MA YIN NA YANG DAG PA MA YIN PA'I RNAM PAR RTOG PAS RNAM PAR BRTAGS NAS 'DI NI SDUG BSNGAL LO, ,'DI NI BDE BA'O, ,'DI NI SDUG BSNGAL YANG MA YIN, BDE BA YANG MA YIN PA'O ZHES ZER BAR ZAD PAS DENG BDAG GIS YANG DAG PA MA YIN PA'I RNAM PAR RTOG PAS RNAM PAR BRTAGS PA 'DI BSKYED PAR MI BYA'O, ,DENG BDAG GIS MNYAM PA NYID KYI YANG DAG PA'I MTSAN NYID DU BLTAS NAS 'PHAGS PA'I BYA BA RNAMS BSGRUB PAR BYA'I, BYIS PA SO SO'I SKYE BO'I BYA BA'I RJES SU 'BRANG BAR MI BYA'O, ,'PHAGS PA'I BYA BA GANG ZHE NA, 'DI LTA STE, CHOS RNAMS LAS THAG RING DU GYUR CING RNAM PAR GROL @192A *, ,BA GANG YIN PA'O, ,BDAG NI THAG BSRING PA'I PHYIR SLOB PA YIN, MI PHRAD PAR BYA BA'I PHYIR SLOB PA YIN NA YANG DAG PA MA YIN PA'I RNAM PAR RTOG PA 'DI DAG NI THAMS CAD KYANG PHRAD PAR BYED PA YIN TE, SU DANG PHRAD PAR BYED PA YIN ZHE NA, 'DOD CHAGS DANG PHRAD PAR BYED PA YIN, ZHE SDANG DAD, GTI MUG DANG PHRAD PAR BYED PA YIN NO, ,JI LTAR NA 'DOD CHAGS DANG, ZHE SDANG DANG, GTI MUG DANG PHRAD PAR BYED PA YIN ZHE NA, LUS LA RMONGS PA'I PHYIR DANG, 'JIG TSOGS LA LTA BA LA RMONGS PA'I PHYIR DANG, 'JIG TSOGS LA LTA BA LA MNGON PAR ZHEN PA'I PHYIR LUS KYI SDUG BSNGAL MYONG BA'I TSE GZHAN DAG LA MNAR SEMS SKYED PA GANG YIN PA DE NI ZHE SDANG DANG PHRAD PA ZHES BYA'O, 'JIG TSOGS LA LTA BA LA RMONGS PA DANG BCAS PA'I PHYIR DANG, 'JIG TSOGS LA LTA BA LA MNGON PAR ZHEN PA'I PHYIR DANG, YID DANG MI 'THUN PAR GYUR PA'I PHYIR GZHAN DAG LA MNAR SEMS SKYED PA GANG YIN PA DE NI GTI MUG DANG PHRAD PA ZHES BYA'O, ,GANG DAG 'DI LTA BU'I DUG GSUM GYIS BCINGS NAS 'DI LTA BU'I KHA NA MA THO BA'I LAS KYI RGYU DANG RKYEN SLONG BAR BYED NA DE BZHIN GSHEGS PA RNAMS KYIS KYANG YONGS SU SKYOB PAR MI SPYOD NA GZHAN GYIS LTA SMOS KYANG CI DGOS TE, DENG BDAG GIS RGYU DANG RKYEN GYI CHOS RNAMS SHIN DU LEGS PAR SO SOR BRTAGS NAS CHOS STONG PA NYID DU BLTA BAR BYA'O, ,SNYAM DU BSAM PAR BYA'O, ,BYANG CHUB SEMS DPA' DE LTAR RJES SU 'THUN PAR YANG DAG PAR LTA BAS RGYU DANG RKYEN GYI CHOS RNAMS SO SOR RTOG PAR BYED PA NA CHOS 'GA' TZAM YANG SUS BYIN PA'AM, SUS LEN PA'AM, DNGOS PO GANG YIN PA YANG DAG PAR RJES SU MI MTHONG NGO, ,DE'I TSE BYANG CHUB SEMS DPA' GZHAN YANG 'DI SNYAM DU CHOS THAMS CAD NI RGYU DANG RKYEN MANG PO LAS SKYES PA YIN PAS RANG BZHIN GYIS GZOD MA NYID NAS STONG PA YIN TE, NGES PAR DMIGS SU MED PAR STONG PA YIN NA, BDAG CI'I PHYIR YANG DAG PA MA YIN PA'I CHOS DMIGS SU MED PA DAG LA LAS MNGON PAR 'DUS BYAS NAS ZHE SDANG BSKYED DE 'DU BYED KYI RGYU RKYEN SLONG BAR BYED, DENG BDAG GIS ZHE SDANG DANG 'KHON DU 'DZIN PA MED PA'I BSAM PA BSKYED NAS MNGON PAR @192B 'DU BYA BA MED PA DANG, 'BYUNG BA MED PA DANG, SKYE BA MED PA'I CHOS MNGON PAR BSGRUBS NAS STONG PA NYID KYI CHOS NYID DU BLTA BAR BYA'I, BDAG NYID KYI SEMS KYI RJES SU 'BRANG BAR MI BYA'O, ,DENG BDAG GIS MNGON PAR 'DU BYA BA MED PA DANG, 'BYUNG BA MED PA DANG, SKYE BA MED PA'I CHOS LA BLTA BAR BYA'I, MNGON PAR 'DU BYA BA DANG, 'BYUNG BA'I CHOS LA GNAS PAR MI BYA'O, ,BDAG GIS YANG DAG PA JI LTA BA BZHIN DU CHOS RNAMS BSAM PAR BYA'I, DENG BDAG GIS YANG DAG PA MA YIN PA YOD PA MA YIN PA 'DI LA NAN GYIS CHOS SU 'DU SHES BSKYED PAR MI BYA STE, YANG DAG PA MA YIN PA LA NAN GYIS MNGON PAR 'DU BYED PA NI ZHE SDANG DANG 'KHON DU 'DZIN PA DAG YIN NO, ,DE CI'I PHYIR ZHE NA, CHOS KYI NGO BO LA GNAS PA LA NI ZHE SDANG DANG 'KHON DU 'DZIN PA YOD KYI, CHOS RNAMS KYI YANG DAG PA'I MTSAN NYID MTHAR STONG PA NYID LA NI GNAS PAR BYA BA'I CHOS KYI NGO BO GZOD MA NYID NAS MED PAS SO SNYAM DU BSAM PAR BYA'O, ,BYANG CHUB SEMS DPAS DE LTAR CHOS RNAMS YID LA BYAS PAR GYUR NA, DE'I SEMS RAB TU DBEN PAR GYUR BAS ZHE SDANG DANG 'KHON DU 'DZIN PA SKYE BAR MI 'GYUR RO, ,GZHAN YANG GANG PO BYANG CHUB SEMS DPA' DE 'GRO 'AM, 'GRENG NGAM, 'DUG GAM, NYAL LAM, GNYID LOG GAM, SAD PA'I TSE YANG RUNG STE, 'GA' ZHIG 'ONGS NAS SPOS DRI ZHIM PA'AM, SPOS KYI PHYE MA'AM, BYUG SPOS SAM, ME TOG MCHOG DAM PA LUS LA GTOR RAM, YANG NA SPOS DANG, ME TOG MCHOG DAM PA DANG, SE MO DO DANG, ME TOG TZAM PA KA'I PHRENG BA DANG, ME TOG PA RIshA KA'I PHRENG BA DANG, ME TOG MANG PO'I PHRENG BA DAG GIS LUS LA G-YOGS PAR GYUR TAM, YANG NA GOS MCHOG DAM PA SHIN TU PHRA ZHING 'JAM PA 'DI LTA STE, KA SHI KA'AM, KU SHA KA'AM, KU SHA PA'AM, KU MA PA'AM, KU SHA YA SHA'AM, CHU MA 'AM; KA PA'AM, DE DAG LA SOGS PA GOS PHRA ZHING 'JAM PA DAG GIS LUS LA G-YOGS PAR GYUR TAM, YANG NA DAR GYI LNGA LDI MCHOG DAM PA DANG, GDUGS DANG, RGYAL MTSAN DANG, BA DAN DAG BDAG NYID KYI STENG DU BRES PAR GYUR TAM, YANG NA LHA'I ME TOG DANG, SPOS DANG, GOS @193A *, ,MCHOG DAM PA DANG, RIN PO CHE'I PHRENG BA DAG GIS LUS G-YOGS PAR GYUR TAM, YANG NA LHA'I KHA ZAS MCHOG DAM PA BDUD RTZI'I RO DANG LDAN PA DAG KHYER TE 'ONGS NAS BYIN PAR GYUR NA, BYANG CHUB SEMS DPAS MCHOD PA RNAM PA SNA TSOGS 'DI DAG LA SRED PA'I PHYIR SEMS BSKYED NAS MNGON PAR ZHEN PAR MI BYA'O, ,RKYEN DES GANG ZAG DE DAG LA BSTEN NAS YID DANG 'THUN PAR BYAS TE PHAN TSUN 'DRUL ZHING GTAM SMRA BAR YANG MI BYA'O, ,PHYOGS GCIG PA'I SEMS KYIS RJES SU CHAGS PAR YANG MI BYA'O, ,BYANG CHUB SEMS DPAS DE DAG LA SEMS SNYOMS PAR BYA ZHING CHOS THAMS CAD KYI MNYAM PA NYID RAB TU RTOGS PAR BYAS NAS 'DI SNYAM DU BDAG GIS SEMS CAN RNAMS LA KHONG KHRO BAR YANG MI BYA, RJES SU CHAGS PAR YANG MI BYA'O, ,DE CI'I PHYIR ZHE NA, BYAMS SDANG GI DNGOS PO GNYI GA YANG NYON MONGS PA YIN PAS SO, ,DENG BDAG GIS DE DAG LA SRED PA MI BSKYED PAR CHOS RNAMS KYI YANG DAG PA NYID LEGS PAR RTOGS PAR BYA'O, ,DE CI'I PHYIR ZHE NA, NYON MONGS PA RNAMS KYI NANG NA SRED PA'I RKYEN GYIS PHRAD PAR GYUR PA 'DI MCHOG TU LCI BAS SO, ,'DI LTAR NYON MONGS PA DE NI RUS PA DANG RKANG LA YANG THAL TE 'GRO BAS KUN TU SBYOR BA SKYED PA'I CHOS KYI NANG NA SRED PA'I SEMS KYIS NI SHIN DU MNGON PAR ZHEN PAR BYED DO, ,DE CI'I PHYIR ZHE NA, 'DOD CHAGS PAR BYA BA'I DNGOS PO GAL TE YID BZHIN DU THOB PAR MA GYUR NA ZHE SDANG SKYE BAR 'GYUR BAS SO, ,SKYE BO RNAMS NI RANG GI LUS LA 'DOD CHAGS KYI SRED PA SKYED PAR BYED PAS DE DAG GAL TE 'GA' ZHIG GIS GNOD PAR BYAS PAR GYUR NA ZHE SDANG SKYE BAR 'GYUR BAS, DE'I PHYIR ZHE SDANG NI SRED PA'I 'BRAS BU RNAM PAR SMIN PA YIN LA, MNGON BAR ZHEN PA NI GTI MUG GI 'BRAS BU RNAM PAR SMIN PA YIN PAR RIG PAR BYA'O, ,DENG BDAG NI SRED PAS GOS PA'I SEMS SPANGS NAS CHOS RNAMS LA MNGON PAR ZHEN PA MED PAR BYA'O, ,BDAG NI 'DOD CHAGS KYI PHYIR SLOB PA MA YIN, ZHE SDANG GI PHYIR SLOB PA MA YIN, GTI MUG GI PHYIR SLOB PA MA YIN GYI, BDAG NI CHOS RNAMS KYI DE KHO NA NYID LA RGYA CHER SLOB PA YIN PAS CHOS RNAMS @193B KYI MTSAN NYID YANG DAG PA JI LTA BA BZHIN DU BLTAS NAS JI SKAD BSTAN PA BZHIN DU YANG DAG PA NYID DU SPYAD NAS LAS DANG RNAM PAR SMIN PA'I RGYU RKYEN LA BRTEN TE MCHOD PA DANG, SDUG BSNGAL GYI DNGOS PO RNAMS KYANG SNGON GYI LAS KYI SPYOD PA'I RKYEN LAS GYUR PA YIN PAR RIG PAR BYAS NAS DE'I PHYIR RJES SU 'THUN PAR GYUR PA'I CHOS RNAMS LA YANG DGA' ZHING SRED PA MI BSKYED, DGE BA'I CHOS DANG 'GAL BA LA YANG ZHE SDANG MI BSKYED PAR SEMS YONGS SU SBYANGS TE MNAR SEMS MED PAR BYAS NAS 'DOD CHAGS KYI RJES SU 'BRANG BAR YANG MI BYA, ZHE SDANG GI RJES SU 'BRANG BAR YANG MI BYA; GTI MUG GI RJES SU 'BRANG BAR YANG MI BYA, SDIG PA'I CHOS KYI RJES SU 'BRANG BAR YANG MI BYA'O SNYAM DU SEMS BSKYED PAR BYA'O, ,GANG PO BYANG CHUB SEMS DPA' GANG CHOS DANG PO 'DI DANG LDAN PAR GYUR NA YON TAN PHUN SUM TSOGS PA THAMS CAD THOB PAR 'GYUR RO, ,DE NAS DE'I TSE BCOM LDAN 'DAS KYIS DON 'DI NYID RAB TU GSAL BAR BSTAN PA'I PHYIR TSIGS SU BCAD DE BKA' STZAL PA, NGAS NI RTAG TU SHES RAB BSNGAGS, ,TSUL KHRIMS BSRUNG BA'ANG BSNGAGS PA YIN, ,BZOD PA BSGOM LA BSNGAGS BYAS SHING, ,MANG DU THOS PA'ANG BSNGAGS PA YIN, NGAS NI DGE BA'I CHOS SPYOD DANG, ,BYAMS SEMS TSIG SNYAN SMRA LA BSNGAGS, ,SEMS CAN LA NI PHAN GDAGS PHYIR, ,YON TAN MANG PO CI RIGS BSNGAGS, ,NGA NI RTAG TU 'DOD LNGA DANG, KHONG KHRO 'KHON 'DZIN GTI MUG CAN, ,PHRA DOG NGA RGYAL G-YO SGYU DANG, ,'KHRUG LONG SEMS CAN GNOD BYED DMOD, ,LE LO DANG NI SNYOM LAS DANG, ,BKA' BLO MI BDE SMRA DGA' DANG, ,BYAS PA MI GZO LAM LOG CAN, ,NYES PA CHUNG LA CHER KHRO DANG, ,RNYED PA LA NI GDU BA DANG, ,BDAG NI RNYED BAR RAB DGA' ZHING, ,GZHAN GYI RNYED LA MI DGA' BA, ,'DI DAG LA NI NGA MI BSNGAGS, BLO CHUNG RNYED PA BDAG 'DOD CING, ,GZHAN GYI RNYED LA PHRAG DOG CHE, ,GZHAN GYI KHYIM LA SER SNA BYED, ,'DI DAG LA NI NGA MI BSNGAGS, ,RNYED PA DAG NI TSOL BA'I PHYIR, ,SPYOD LAM DAG NI 'CHOS BYED PA, ,'DI NI 'TSO BA DAG MIN PAS, ,NGA YI CHOS LAS SHIN DU RING, ,LAM GYI BSGOM @194A *, ,PA DAG LA NI, ,NYES PA 'DI DAG THAMS CAD YOD, ,'DI NI NGAN 'GRO'I RKYEN YIN PAS, ,DNGOS PO 'GA' YANG BSNGAGS SU MED, ,SDIG PA BDAG LTA MA SPANGS NA, ,'DOD SRED SEMS NI RAB TU MANG, ,'DOD SRED SEMS NI MANG BA'I PHYIR, ,RNYED PA DAG LA GDU BAR 'GYUR, , BYANG CHUB SEMS DPA' 'DI SNYAM DU, ,BZOD BSGOMS SEMS CAN PHAN GDAGS SHING, ,KHENGS PA'I SEMS NI RAB BTUL NAS, ,MYUR DU SANGS RGYAS BYA BAR GSUNGS, ,BDAG GIS BYAMS SEMS RAB BSGOMS TE, ,BZOD PAS SEMS CAN BRTZE BAR BYA, ,CHOS RNAMS STONG ZHING RKYEN LAS BYUNG; ,'BREL PA MED PAR SHES PAR BYA, ,RKYEN GANG GIS NI CHOS RNAMS YOD, ,CHOS DE SEMS LAS BYUNG BA YIN, ,MI BDEN 'DU SHES KHONG KHRO BSKYED, ,MKHAS PA THAMS CAD STONG PA YIN, ,MI BDEN 'DU SHES KHAMS GSUM BSKYED, ,LUS KYI RGYUN NI 'CHAD MI 'GYUR, ,MI BDEN 'DU SHES MI RTOG NA, ,NYES DMIGS 'DI DAG YOD MI 'GYUR, ,RTAG TU CHOS RNAMS SEMS PA NA, ,RKYEN LAS BYUNG BAR RAB TU SHES, ,RTAG TU CHOS RNAMS STONG LTA BAS, ,THAMS CAD YONGS SU BZLOG PAR NUS, ,KHRIMS SPANGS SEMS CAN SDUG BSNGAL BA, ,NGA RGYAL DAG GIS SMAS PA LA, ,SDUG BSNGAL NYER ZHI CHOS STON PAS, ,PHAN PA MANG PO RAB TU BYED, ,GANG ZHIG SHAR NUB LHO BYANG DANG, ,PHYOGS MTSAMS BZHI PO DAG NAS NI, ,MI GTZANG DUG GI BUM THOGS NAS, ,MGO YI STENG DU BLUGS GYUR NA, ,SUS BYIN SUS NI LEN BYED CES, , BDAG NI KHONG KHRO YONG MI SKYED, ,CHOS GANG ZHIG NI BDAG YIN ZHES, ,BRTAGS NAS BRTZON 'GRUS RTZOM PAR BYED, ,NYES PA CI YOD GNOD BYAS SHES, ,NGAN SEMS GZHAN LA LTA MI BYED, ,SHIN DU BRTAN PA'I BZOD BSKYED NAS, ,BYAMS SEMS GZHAN LA PHAN 'DOGS BYED, , SNGON GYI LAS LAS GYUR SHES PAS, ,RNAM SMIN 'DI MYONG SNYAM DU SEMS, ,DANG DU BLANGS TE BZOD BYED PAS, ,BYANG CHUB LAM LA GNAS PAR BYED, ,DMOD DANG SDUG BSNGAL DNGOS PO 'DI, ,GZHAN GYIS BYAS PA MA YIN GYI, ,'DI NI NGES PAR LAS KYI RKYEN, ,YUN RING LON KYANG @194B CHUD MI ZA; ,SEMS CAN 'JIG RTEN GNAS PA DAG ,RTAG TU DGE SDIG LAS SLONG BAS, ,DENG BDAG SDUG BSNGAL 'DI MYONG YANG, ,LAS RKYEN YIN PAR RAB TU SHES, ,GAL TE NGAN PA'I LAS BYAS NA, ,PHYIS KYANG SDUG BSNGAL MYONG 'GYUR NA, ,CI'I PHYIR DNGOS PO NGAN PA YIS, ,DE DAG LA NI GNOD BYA SNYAM, ,BLA NA MED PA'I CHOS GNYER NAS, ,GZHAN DAG LA NI STON BYED PAS, ,SEMS CAN SDUG BSNGAL JI SNYED PA, ,THAMS CAD LAS NI THAR BAR BYED, ,GAL TE 'GA' ZHIG ME TOG SPOS, ,PHRENG BA DAG GIS BDAG MCHOD KYANG, RJES SU CHAGS PA MI SKYED PAR, ,MNYAM PAR BSGOM PA BSGRUB BYA SNYAM, ,BYAMS SDANG DAG NI LAM MIN PAS, ,RTAG TU BTANG SNYOMS SPYOD PAR BYED, ,SUS BYIN SUS NI LEN BYED CES, ,CHOS RNAMS YANG DAG RTOG PAR BYED, ,STONG PAS BYIN ZHING STONG LEN NA, ,PHYI NANG GNYI GA STONG PAS NA, ,STONG LA BYIN DANG LEN MED PAS, ,THAMS CAD KUN LA BDAG MED DO, ,STONG LA 'DOD CHAGS BRAL BA MED, ,STONG LA KUN NAS NYON MONGS MED, ,RNAM PAR BYANG BA'ANG MED PAS NA, ,DRI BRAL RNAM DAG STONG PA YIN, ,STONG LA RNAM PAR RTOG PA MED, ,STONG LA NGO BO NYID RNAMS MED, ,STONG NI RTAG STONG MTSAN MA MED, ,DE NI RNAM DAG LAM YIN NO, ,GAL TE 'GA' ZHIG 'ONGS GYUR NAS, ,LUS NI DUM BUR BCAD GYUR KYANG, ,LAS KYI RKYEN LAS BYUNG RIG PAS, ,DE LA ZHE SDANG YONG MI SKYED, ,SEMS CAN DGE SDIG SLONG BAS NA, ,LAS BZHIN RANG NYID 'BRAS BU LEN, ,BDAG KYANG NGES PAR SNGA MA'I SDIG ,SDUG BSNGAL RNAM SMIN 'DI MYONG SNYAM, ,SDIG PA'I RNAM SMIN 'DI MYONG YANG, ,LUS BRTAGS GZUGS BRNYAN CHU BUR DANG, ,SGYU MA SPRUL PA SMIG RGYU 'DRA, ,STONG ZHING MED PAS MTHAR YANG STONG, ,KHA CIG LUS KYI YAN LAG GCOD, ,KHA CIG DRIN NI DRAN GYUR NAS; ,MCHOD PA DAG NI BYAS GYUR KYANG, ,DGA' DANG MI DGA' YANG MI BYED, ,RNYED PA THOB KYANG DGA' BA MED, ,KHA NGAN BYAS KYANG KHONG MI KHRO, ,'DI GNYIS SGRIB PA YIN PAS NA, ,SANGS RGYAS YANG DAG LAM MIN SEMS, ,'DOD CHAGS ZHE SDANG GTI MUG SEMS, ,DE DAG THAMS CAD @195A *, ,SPONG BAR BYED, ,RTAG TU STONG DBEN BSGOMS PAS NA, ,SGOMS PAS NA, ,SGRIB PA RNAMS NI SPONG BAR BYED, ,BZOD PA STOBS BCU'I GZHI YIN TE, ,SANGS RGYAS RNAMS KYI RDZU 'PHUL GNAS, ,THOGS MED YE SHES SNYING RJE YI, ,RTZA BA DAG NI BZOD PA YIN, ,BDEN BZHI DRAN DANG YANG DAG SPONG, DBANG STOBS BYANG CHUB LAM YAN LAG ,THAMS CAD BZOD PAS GZHI BYED PAS, ,MKHAS PA GANG ZHIG BZOD MI SGOM, ,NGAS KYANG B'A RA n'A SIR NI, ,BLA MED 'KHOR LO BSKOR BA YANG, ,BZOD PA DAG GIS GZHI BYAS PAS, ,SANGS RGYAS RTAG TU BZOD PA BSNGAGS, ,KHYED KYANG STONG BZOD BLA MED GZHI, ,YONGS SU SGOM BAR BYED NA NI, ,CHOS KYI CHOS NYID DE YIN PAS, ,SANGS RGYAS YON TAN THOB PAR 'GYUR, ,GZHAN YANG GANG PO BYANG CHUB SEMS DPA' SEMS DPA' CHEN PO RNAMS NI 'DOD PA LNGA PO NGAG SPANGS NAS RTAG PAR RAB TU 'BYUNG BAR MOS PAS SEMS KYIS RAB TU 'BYUNG BA'I RJES SU 'BRANG BAR BYED, RAB TU 'BYUNG BA LA GZHOL BAR BYED PAS 'DOD PA LNGA PO DAG LA MNGON PAR ZHEN PAR MI BYED DO, ,RAB TU BYUNG NAS KYANG 'DU 'DZI RNAMS SPANGS NAS SHIN DU THAG RING BA'I RI DANG NAGS TSAL DBEN PA DAG TU GNAS SHING DGE BA'I CHOS CHUD MI ZA BAR BYED DO, ,BYANG CHUB SEMS DPA' GANG CHOS GNYIS PA 'DI DANG LDAN PAR GYUR NA YON TAN PHUN SUM TSOGS PA THAMS CAD RAB TU 'THOB PAR 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA, RAB TU BYUNG LA RTAG MOS PAS, ,RTAG TU RAB TU 'BYUNG BAR 'GYUR, ,RI DANG NAGS TSAL GNAS MOS PAS, ,YON TAN 'BYUNG GNAS 'PHEL BAR BYED, ,DBEN BAR GNAS LA STEN BYED PAS, ,'DOD LNGA'I CHAGS PA YONGS SU SPONG, ,DE NA 'DU 'DZI MED PAS NA, ,DGE CHOS RKYEN NI NYAMS MI 'GYUR, ,PHAN TSUN 'DRUL ZHING GTAM 'DRI DANG, ,TSIG GIS SMRA BAR MI BYED PAS, ,STONG DBEN NYER ZHE DBEN PA LA, ,SANGS RGYAS RNAMS KYIS RAB TU BSNGAGS, ,DE PHYIR BYANG CHUB SEMS DPA' RNAMS, ,RTAG PAR DGON PA BSTEN BYA ZHING, ,GRONG KHYER LA NI CHAGS MI BYA, ,BSTEN NA RNYED SEMS SKYE BAR 'GYUR, ,RNYED PA THOB NA RAB TU DGA', ,STOR BAR GYUR NA MYA NGAN SKYE, , @195B DE YIS SANGS RGYAS MCHOD BYAS KYANG, ,MCHOD PA BYAS ZHES MI BRJOD DO, ,DE 'DRA'I NYES DMIGS SPONG 'DOD NA, ,RNYED PA RNAMS NI SPANG BAR BYA, ,SPANGS NAS GNAS DBEN RAB GNAS NAS, ,STONG PA'I CHOS NI BSGOM PAR BYA, ,GZHAN YANG GANG PO BYANG CHUB SEMS DPA' NI RTAG PAR CHOS GNYER BA YONGS SU SLOB PAR BYED PAS YONGS SU GNYER NAS KYANG KLOG CING KHA TON DU BTON NAS 'DI LTAR TSUL KHRIMS YONGS SU DAG PA DANG, SBYANGS PA'I YON TAN SHIN TU PHRA BA'I CHOS YONGS SU TSOL BAR BYED KYI, 'DOD PA MED PA DANG, CHOG MI SHES PA'I CHOS YONGS SU TSOL PAR MI BYED DO, ,'DOD CHAGS NYE BAR ZHI BA YONGS SU TSOL BAR BYED KYI, 'DOD CHAGS RGYAS PAR MI BYED DO, ,ZHE SDANG GZHOM PA YONGS SU TSOL BAR BYED KYI, ZHE SDANG 'PHEL BAR MI BYED DO, ,GTI MUG GCOD PA YONGS SU TSOL BAR BYED KYI, GTI MUG SKYED PAR MI BYED DO, ,KHENGS PA GZHIL BA YONGS SU TSOL BAR BYED KYI, KHENGS PA SLONG BA YONGS SU TSOL BAR MI BYED DO, ,NGA RGYAL GZHOM PA YONGS SU TSOL BAR BYED KYI, NGA RGYAL 'PHEL BA YONGS SU TSOL BAR MI BYED DO, ,BDAG DANG BDAG GIR 'DZIN PA'I CHOS SPONG BA YONGS SU TSOL BAR BYED KYI, BDAG DANG BDAG GIR 'DZIN PA'I CHOS 'PHEL BAR BYED PA YONGS SU TSOL BAR MI BYED DO, ,BDAG MED PA'I CHOS YONGS SU TSOL BAR BYED KYI, BDAG DANG, GANG ZAG DANG, SEMS CAN DANG, SROG LA GNAS PA'I CHOS YONGS SU TSOL BAR MI BYED DO, ,RTAG PAR SHES RAB CHEN PO THOB PAR 'GYUR BA'I CHOS YONGS SU TSOL BAR BYED KYI, SHES RAB CHEN PO NYAMS PAR 'GYUR BA'I CHOS YONGS SU TSOL BAR MI BYED DO, ,RTAG PAR MTSUNGS PA MED PA'I SHES RAB THOB PAR 'GYUR BA'I CHOS YONGS SU TSOL BAR BYED KYI, SHES RAB RGYA CHUNG NGU THOB PAR 'GYUR BA'I CHOS YONGS SU TSOL BAR MI BYED DO, ,PHUN SUM TSOGS PA THAMS CAD THOB PAR 'GYUR BA'I CHOS RNAMS YONGS SU TSOL BAR BYED KYI, YON TAN RNAMS PHUN SUM TSOGS PAR MI 'GYUR BA'I CHOS YONGS SU TSOL BAR MI BYED DO, ,DE LTAR CHOS YONGS SU BTZAL NAS KYANG KLOG BAR BYED, KHA TON DU 'DON PAR BYED, TSUL BZHIN DU YANG DAG @196A *, ,PAR YID LA BYED, JI SKAD BSTAN PA BZHIN DU YANG DAG PAR YID LA BYED, SGRUB PAR BYED, GZHAN DAG LA YANG YANG DAG PAR RAB TU STON PAR BYED KYANG 'JIG RTEN PA'I KHE YANG YONGS SU TSOL BAR MI BYED LA, THAN LEGS SO ZHES BYA BA'I BSNGAGS PA BRJOD PA TZAM YANG YONGS SU TSOL BAR MI BYED PAS SEMS CAN MANG PO CHOS DE LA 'GOD PAR BYED DE, GANG PO BYANG CHUB SEMS DPA' GANG CHOS GSUM PA 'DI DANG LDAN PAR GYUR NA YON TAN PHUN SUM TSOGS PA THAMS CAD RAB TU 'THOB PAR 'GYUR RO, ,DE NAS DE'I TSE BCOM LDAN 'DAS KYIS TSIGS SU BCAD DE BKA' STZAL PA; BYANG CHUB SEMS DPA' RAB BYUNG NI, ,TSUL KHRIMS SBYANGS PA DAG LA MOS, ,DES NA SHES RAB YONGS 'PHEL NAS, ,YE SHES CHAR NI 'BEBS PAR BYED, ,RNAM DAG CHOS ZAB DE THOS NAS, ,YANG DAG DRAN PAS DON SEMS BYED, ,JI SKAD BSTAN PA BZHIN DU NI, ,DE BZHIN YANG DAG SGRUB PAR BYED, ,RTAG TU RNAM DAG SEMS KYIS NI, ,GZHAN LA RGYA CHER RAB BSTAN NAS, ,SEMS CAN MANG LA PHAN 'DOGS KYANG, ,SEMS LA RE BA CUNG ZAD MED, ,YON TAN RNAMS KYI RO RNYED NAS, ,BDAG NYID CHOS DER RAB GNAS SHING, ,GZHAN YANG DE LA 'GOD BYED PAS, , DE PHYIR SANGS RGYAS CHOS 'PHEL 'GYUR, ,BSKAL PA TSAD MED RNAMS SU NI, ,YON TAN MANG PO CI BSAGS PA, ,THAMS CAD MNGON DU GYUR NAS NI, ,BYANG CHUB LAM DU SDUD 'JUG 'GYUR, ,DE PHYIR SANGS RGYAS BSNGAGS PA YI, ,CHOS ZAB DAG NI YONGS BTZAL NAS, ,RTAG PAR SEMS CAN BSTAN PAR BYA, ,YON TAN RNAMS NI DE LAS SKYE, ,GANG PO BYANG CHUB SEMS DPA' SEMS DPA' CHEN PO GANG TSUL KHRIMS YONGS SU SRUNG ZHING SBYANGS BA'I CHOS LA RAB TU GNAS PAR GYUR NA DGE BA'I RTZA BA THAMS CAD PHUN SUM TSOGS PA'I BSOD NAMS DANG LDAN PAR 'GYUR RO, ,GANG PO SNGON BYUNG BA 'DAS PA'I DUS NA BSKAL PA GRANGS MED PA, TSAD MED CING MTHA' YAS PA, BSAM GYIS MI KHYAB PA'I YANG CHES BSAM GYIS MI KHYAB PA BYUNG BA DE'I TSE DE'I DUS NA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA, BDE BAR @196B GSHEGS PA 'JIG RTEN MKHYEN PA, BLA NA MED PA'I SKYES BU 'DUL BA KHA LO SGYUR BA, LHA DANG MI RNAMS KYI STON PA, SANGS RGYAS BCOM LDAN 'DAS ME RO GAN DHA ZHES BYA BA 'JIG RTEN DU BYUNG STE, BCOM LDAN 'DAS DE'I SKU TSE'I TSAD NI TSE LO DRUG CU THOB PAR GYUR TO, ,'DUS PA RE RE LA CHOS BSTAN PA'I TSE NYAN THOS BYE BA PHRAG BRGYAD CU DGRA BCOM PA'I 'BRAS BU THOB PAR GYUR TO, ,GANG PO DE BZHIN GSHEGS PA ME RO GAN DHA YONGS SU MYA NGAN LAS 'DAS PA'I 'OG TU DAM PA'I CHOS NI LO LNGA BRGYA'I BAR DU GNAS PAR GYUR TE, DE BZHIN GSHEGS PA DE YONGS SU MYA NGAN LAS 'DAS PA'I 'OG TU ZHAG BDUN TSUN CHAD NYAN THOS CHEN PO JI SNYED PA PHAL CHER DE BZHIN GSHEGS PA'I RJES SU YONGS SU MYA NGAN LAS 'DAS PAR GYUR TO, ,GANG PO DE BZHIN GSHEGS PA DE YANG NGA JI LTA BA BZHIN DU SNYIGS MA LNGA'I DUS KYI TSE 'JIG RTEN DU BYUNG BAR GYUR TE, NYAN THOS CHEN PO RNAMS YONGS SU MYA NGAN LAS 'DAS PA'I 'OG TU DE'I TSE SKYE BO RNAMS PHAL CHER 'DI SNYAM DU DGE SBYONG GI CHOS NI RAB TU BDE ZHING SKYID PA YIN NA BDAG CAG CI'I PHYIR SO SO NAS RAB TU MI 'BYUNG SNYAM DU BSAMS NAS, SO SO NAS SKRA DANG KHA SPU BREGS TE CHOS GOS NGUR SMRIG BGOS NAS KHYIM NAS KHYIM MED PAR RAB TU BYUNG NGO, ,RAB TU BYUNG NAS KYANG DNGOS PO GSUM PO RTAG PAR KHYIM PA'I KHYIM DU 'GRO ZHING 'DU BAR BYED PA DANG, RNYED PA LA MNGON PAR ZHEN NAS BDAG NYID 'TSO BAR BYED PA DANG, BDAG NYID NYAM 'TSAG 'TSO BA 'BA' ZHIG TU SBYOR ZHING BSOD NAMS DANG YE SHES DANG MI LDAN PA 'BA' ZHIG SPYOD BAR GYUR PAS DNGOS PO GSUM PO 'DI 'BA' ZHIG SPYOD PAR BYED KYI LAS GZHAN NI MNGON PAR MI SGRUB PAR GYUR TO, ,LO BRGYA 'DAS PA'I 'OG TU NYAN THOS CHEN PO THAMS CAD YONGS SU MYA NGAN LAS 'DAS TE MA LUS PAR GYUR PAS DGE SLONG MANG PO DE DAG KHYIM PA RNAMS DANG, 'THUN PAR BYED CING SANGS RGYAS KYI MDO SDE ZAB MO RNAMS DANG, TSUL KHRIMS SRUNG BA DANG, SBYANGS PA'I YON TAN SPYOD LAM ZHIB MO GYA NOM PA'I CHOS RNAMS NI PHAL CHER SPANGS NAS SU YANG KLOG CING 'DON PA MED PAR GYUR TO, ,GANG PO DE'I TSE DGE SLONG RNAMS 'DOD PA MANG PO DAG LA SPYOD PAR @197A *, ,MOS SHING BZA' BA DANG BTUNG BA'I RO LA CHAGS PAR GYUR PAS DE'I TSE RGYAL PO'I BU DA MA SHI RI ZHES BYA BA RGYAL PO SHIN TU BYAMS SHING GCES PAR BYED PA ZHIG YOD DE, DES GNAS DBEN PA ZHIG TU GNAS NAS 'DI SNYAM DU DE BZHIN GSHEGS PA ME RO GAN DHAS CHOS JI LTA BU ZHIG BRNYES NA, DENG DE'I NYAN THOS RNAMS BAG MED PAR SPYOD CING KHYIM PA RNAMS DANG BYE BRAG MED PAR GYUR CES DE SNYAM DU SEMS SHING THE TSOM DU GYUR PA DANG, DE'I TSE LHA ZHIG DE'I THAD DU 'ONGS NAS LUS MI SNANG BAR BYAS TE, 'DI SKAD DU KYE RGYAL BU DE BZHIN GSHEGS PA ME RO GAN DHAS BRNYES PA'I CHOS NI SHIN TU ZAB CING YONGS SU DAG LA RNAM PAR NGES PA YIN NO ZHES SMRAS SO, ,DE NAS RGYAL BU DES LHAS DE SKAD SMRAS PA THOS PA DANG, 'DI SKAD DU KYE DE BZHIN GSHEGS PA ME RO GAN DHAS BRNYES PA'I CHOS SHIN TU ZAB CING YONGS SU DAG LA RNAM PAR NGES PAR GYUR PA'I CHOS KYI DNGOS PO DE JI LTA BU ZHIG YIN, LHAS SMRAS PA, RGYAL BU CHOS DE NI GZUGS KYANG MED, TSOR BA DANG, 'DU SHES DANG, 'DU BYED DANG, RNAM PAR SHES PA YANG MED, PHUNG PO DANG, KHAMS DANG, SKYE MCHED KYANG MED, 'DOD PA LNGA YANG MED, 'DOD PA'I SEMS KYANG MED DE, DE BZHIN GSHEGS PA ME RO GAN DHAS DE LTA BU'I CHOS SHIN DU ZAB CING YONGS SU DAG LA RNAM PAR NGES PA BRNYES PA SEMS CAN RNAMS LA YANG DAG PAR RAB TU BSTAN TO, ,DE NAS RGYAL BU DES LHA DE LA SMRAS PA, BDAG GIS DE LTA BU'I CHOS THOS SHING KHONG DU CHUD PAR 'GYUR NAS JI SKAD BSTAN PA BZHIN DU BSGRUB TU RUNG NGAM, LHAS SMRAS PA, KYE RGYAL BU KHYOD SEMS RTZE GCIG TU NAN TAN BRTZON 'GRUS BYOS SHIG DANG THOB PAR DKA' BA MED DO, ,GANG PO DE'I TSE RGYAL BU DE 'DI SNYAM DU NGES PAR LHAS KYANG BSKUL TE BDAG KHONG DU CHUD PAR BYAS NAS BDAG RAB TU BYUNG NAS CHOS ZAB MO DE YONGS SU GNYER BAR BYA'O SNYAM DU BSAMS NAS, PHA MA GA LA BA DER SONG STE MGOS GTUGS TE PHYAG BYAS NAS 'DI SKAD CES SMRAS SO, ,YAB YUM DENG BDAG NI DE BZHIN GSHEGS PA ME RO GAN DHA'I BSTAN PA LA RAB TU BYUNG NAS LAM YONGS SU GNYER BAR 'TSAL LO, , @197B PHA MAS SMRAS PA, KHYOD DENG NGED SPANGS NAS RAB TU BYUNG BA DE CI DGOS, DA LTAR SANGS RGYAS KYI BSTAN PA LA RAB TU BYUNG BA RNAMS NI KHYIM PA RNAMS DANG BYE BRAG TU GYUR PA CI YANG MED DO, ,DE NAS DE'I TSE TSIGS SU BCAD DE SMRAS PA, DA LTAR DGE SLONG MANG PO RNAMS, ,BAG MED 'DOD PA LNGA YANG SPYOD, ,ZHING RMOD NYO TSONG BYED PAS NA, ,KHYIM PA RNAMS DANG BYE BRAG MED, ,DBUL PO SDUG BSNGAL RAB MANG ZHING, ,BDAG NYID GSO BAR MI NUS PA, ,DE 'DRA'I SKYE BO MANG PO RNAMS, ,LUS GSO'I PHYIR NI RAB TU 'BYUNG, ,KHYOD NI RGYAL RIGS KHYIM DU SKYES, ,PHYUG CING 'DOD LNGA'I BDE BA MYONG, ,NOR DANG RIN CHEN RAB MANG NA, ,RAB TU PHYUNG BAS CI ZHIG BYA, ,DE NAS RGYAL BU DA MA SHI RIS PHA MA LA TSIGS SU BCAD DE SMRAS PA, BDAG NI DBANG PHYUG MI TSOL TE, ,GAL TE THOB KYANG SPONG BAR BGYID, ,DENG BDAG SANGS RGYAS CHOS ZAB DANG, ,RNAM DAG TSUL KHRIMS 'BA' ZHIG TSOL, ,LHA ZHIG BDAG NI GO BGYIS TE, ,RAB TU 'BYUNG BAR BSKUL BAS NA, ,SANGS RGYAS GSUNGS PA'I ZAB MO CHOS, ,BDAG NI RAB TU RTOGS PAR 'TSAL, ,LHAS SMRAS BDAG GIS THOS PAS NA, ,SEMS NI RAB TU DGA' BAR GYUR, ,SANGS RGYAS BSTAN PA NUB TU NYE, ,BDAG NI GROGS BGYI BSRUNG BAR SEMS, ,DE NAS PHA MAS TSIGS SU BCAD DE DA MA SHI RI LA SMRAS PA, MDO SDE ZAB MO ZAD NUB PAS, ,KHA TON 'DON PA YOD MED NA, ,DE RING KHYOD KYIS SU LAS NI, ,SANGS RGYAS CHOS ZAB THOS PAR 'GYUR, ,GAL TE 'KHOR NI BZHI PO LA, ,DON ZAB 'DON PA YOD GYUR NA, ,DE LAS KHYOD KYIS SNGAR MNYAN NAS, ,DE 'OG RAB TU 'BYUNG BA'I RIGS, ,DA MA SHI RIS TSIGS SU BCAD DE PHA MA LA SLAR SMRAS PA, DENG BDAG NAN TAN BRTZON 'GRUS KYIS, ,TSUL KHRIMS BSRUNG ZHING SBYANGS PA SPYOD, ,THAG RING RI DANG NAGS TSAL NAS, ,SANGS RGYAS CHOS ZAB RNAM DAG TSOL, ,GANG PO DA MA SHI RIS TSIGS SU BCAD PA 'DI SMRAS NAS MGO BOS PHYAG BYAS TE, RAB TU 'BYUNG BAR GSOL BA BTAB PA DANG, PHA MA GNYIS KYANG CAD MI SMRA BAR GNANG DO, ,DE NAS DE DGE SLONG RNAMS KYI THAD DU SONG NAS SKRA DANG KHA SPU BREGS @198A *, ,TE CHOS GOS NGUR SMRIG BGOS NAS RAB TU BYUNG STE, BSLAB PA'I DNGOS PO RNAMS YANG DAG PAR BLANGS NAS GUS PA'I SEMS KYIS DGE SLONG RNAMS LA DE BZHIN GSHEGS PA ME RO GAN DHAS RJES SU BSTAN PA JI LTA BU ZHIG GIS SLOB MA RNAMS LA RJES SU BSTAN PAR MDZAD, BDAG GIS THOS PAR GYUR NA JI SKAD BSTAN PA BZHIN DU BSGRUB PAR 'TSAL LO ZHES SMRAS PA DANG, GANG PO DGE SLONG MANG PO RNAMS KYIS DGE SLONG DA MA SHI RI LA 'DI SKAD CES SMRAS SO, ,BDAG CAG GIS DE BZHIN GSHEGS PA LAS CHOS THOS PA NI MED KYI, MKHAN PO DANG SLOB DPON RNAMS KYI RJES SU SPYOD PAR ZAD PAS DENG KHYOD KYANG 'DI LTA BU'I CHOS LA SPYOD CIG ,DE NAS DGE SLONG DA MA SHI RIS DGE SLONG RNAMS LA SMRAS PA, KHYED NI GDON MI ZA BAR DBUL PO DMANGS RIGS LAS RAB TU BYUNG BA YIN PAS DE'I PHYIR DENG KHYED GOS ZAS 'BA' ZHIG LHUR LEN PAS SPYOD PA RNAMS KHYIM PA DAG DANG BYE BRAG TU GYUR PA CI YANG MED PAS DENG KHYED BDAG DANG LHAN CIG TU SANGS RGYAS KYI CHOS ZAB MO YONGS SU DAG PA BTZAL BAR BYA'O, ,DE NAS DE'I TSE DGE SLONG MANG PO RNAMS KYIS TSIGS SU BCAD DE DGE SLONG DA MA SHI RI LA SMRAS PA, BDAG CAG GIS NI GANG BSGRUBS PA; ,DNGOS PO DE NI THOB GYUR PAS, ,GOS ZAS DAG NI 'BYOR CING LDAN, ,RGYAL POS BKOL BA LAS KYANG THAR, ,SHIN TU BDE ZHING RAB TU SKYID, ,BRNYAS SHING NGA RGYAL BYED PA MED, ,KHYIM PA'I SDUG BSNGAL GANG YIN PA, ,DE DAG DA LTAR GANG YANG MED, ,'DI NYID MYA NGAN 'DAS YIN PAS, ,MCHOG TU BDE BAR GYUR PA YIN, ,DNGOS PO 'DI LAS LHAG PA NI, ,BDAG CAG LA NI DGOS PA MED, ,KHYIM PAS RTAG TU SBYOR 'BUL BAS, ,BDAG CAG CHOS GOS LHUNG BZED MANG, ,SMAN DANG NOR ZAS SHIN DU MANG, ,SBYIN BDAG KHYIM YANG RAB TU MANG, ,GANG PO DE'I TSE DGE SLONG DA MA SHI RIS DGE SLONG MANG PO RNAMS KYIS TSIGS SU BCAD DE DE SKAD SMRAS PA THOS PA DANG, SEMS LA RAB TU GDUNG BA SKYES NAS MCHI MA BLAGS TE DUS NAS, GTZUG LAG KHANG GZHAN DAG TU SONG STE, YANG DNGOS PO DES DGE SLONG MANG PO RNAMS @198B LA DE BZHIN GSHEGS PA ME RO GAN DHAS RJES SU BSTAN PA JI LTA BU ZHIG GIS SLOB MA RNAMS LA RJES SU BSTAN PAR MDZAD, BDAG GIS THOS PAR GYUR NA JI SKAD BSTAN PA BZHIN DU BSGRUB PAR 'TSAL LO ZHES SMRAS PA DANG, DGE SLONG MANG PO RNAMS KYIS KYANG SNGA MA BZHIN DU LAN BTAB PAR GYUR TO, ,DE NAS DGE SLONG DA MA SHI RIS DGE SLONG MANG PO DE DAG SPANGS NAS GCIG PU RI DANG NAGS TSAL DBEN PAR SONG NAS SEMS RTZE GCIG TU CHOS ZAB MO GNYER BA LA 'DUN PAR GYUR PA DANG, DE'I TSE SNGON DE BZHIN GSHEGS PA ME RO GAN DHA'I NYAN THOS RNAMS KYI NANG NA NYAN THOS CHEN PO SHIN DU BRTAN PA ZHES BYA BA RAB TU DBEN PA'I SPYOD PA MNGON PAR BSGRUBS PA, GCIG PU RI PHUG DBEN PAR GNAS PA, 'DOD PA NYUNG ZHING CHOG SHES PA YONGS SU SPONG PA LA SEMS MNGON PAR SPRO BA, BYA BA BYAS PA, ,MNGON PAR SHES PA DRUG DANG, RIG PA GSUM DANG LDAN PA'I DGRA BCOM PA CHEN PO ZHIG BYUNG BAR GYUR TE, JI LTAR DA LTAR NGA'I BSTAN PA LAS 'OD SRUNG CHEN PO JI LTA BA BZHIN NO, ,DE'I TSE DGE SLONG SHIN TU BRTAN PA DES BDAG NYID GNAS PA'I RI PHUG GI BRAG NGOS LA TSIGS SU BCAD PA 'DI DAG YI GER BRIS PAR GYUR TE, 'DI LTA STE, 'DOD PA'I RO NI MYANG SA PA'I PHYIR; ;'KHOR BA DAG NI RGYUN MI GCOD, ,DGRA NI GSOS NAS DUR KHROD 'JUG ,DON MED SDUG BSNGAL MANG PO MYONG, ,LUS 'DI MI GTZANG PO DANG 'DRA, ,BU GA DGU NAS MI GTZANG 'DZAG ,SRIN BU MI GTZANG MOS PA BZHIN, ,BLUN PO LUS SRED DE DANG 'DRA, ,YANG DAG MA YIN KUN RTOG PA, ,DE NI 'DOD LNGA'I RTZA BA YIN, ,MKHAS PA DAG NI MI RTOG PAS, ,'DOD LNGA DAG NI 'GAG PAR 'GYUR, ,LOG RTOG LAS NI 'DOD CHEN SKYE, ,'DOD CHE LAS NI NYON MONGS SKYE, ,YANG DAG DRAN LA ZHEN MED PAS, ,NYON MONGS LHAG MA'ANG ZAD PAR 'GYUR,, ,, BAM PO BZHI PA, GANG PO DGE SLONG SHIN TU BRTAN PAS RI PHUG GI BRAG NGOS LA TSIGS SU BCAD PA BZHI PO 'DI DAG YI GER BRIS PA DGE SLONG DA MA SHI RI RI PHUG DBEN PAR SONG BAS YUN RING ZHIG LON NAS RI PHUG GI BRAG NGOS LA TSIGS SU BCAD PA BZHI PO 'DI DAG YI GER BRIS PA MTHONG NAS KHA TON DU BSLABS TE, @199A *, ,DE'I DON GANG YIN PA YID LA BYAS PA DANG, RING PO MA LON PAR MNGON PAR SHES PA LNGA THOB PAR GYUR TO, ,DE NAS DE BZHIN GSHEGS PA ME RO GAN DHA SNGON ZHUGS LA BZHEN PA'I GNAS SU PHYIN NAS PHYAG BYAS TE, LAN GSUM BSKOR BA BYAS NAS, SKYIL MO KLUD BCAS TE 'DUG NAS 'DI SKAD CES BDAG GIS GNAS 'DIR DE BHIN GSHEGS PA YANG MA MTHONG, CHOS GZHAN YANG MA THOS KYI BAR DU 'DI LAS MI LDANG NGO ZHES YI DAM BCAS SO, ,GANG PO DE BZHIN GSHEGS PA ME RO GAN DHAS GSUNGS PA'I MDO SDE SGO STONG PHRAG BRGYAD BRGYA PA ZHES BYA BA BRGYA BYIN LHA'I DBANG POS KHA TON DU SHES PAS BRGYA BYIN LHA'I DBANG POS DGE SLONG DA MA SHI RI'I LHAG PA'I BSAM PA SEMS KYIS RTOGS NAS SUM CU RTZA GSUM LHA'I GNAS NAS BABS TE, DE'I DRUNG DU PHYIN NAS DE LA MDO SDE SGO STONG PHRAG BRGYAD BRGYA PA DE YANG DAG PAR BSHAD DO, ,GZHAN YANG MANG DU THOS PA'I DNGOS GZHI'I TSIG BZHI DANG, RNAM PA SNA TSOGS KYI TSIG BDUN DANG, SGO'I TSIG BCU BZHI PA ZHES BYA BA'I GZUNGS KYANG BYIN NO, ,DGE SLONG DA MA SHI RIS THOS NAS KYANG KHA TON DU BTON TE YONGS SU BZUNG BAS CHOS RNAMS LA SHES RAB KYI SNANG BA THOB PAR GYUR NAS DE BZHIN GSHEGS PA ME RO GAN DHAS GSUNGS PA'I MDO SDE YONGS SU DAG CING STONG PA NYID KYI RJES SU 'THUN PA, BRAL BA'I RJES SU 'THUN PA, ZAB MO SHIN TU GYA NOM PA'I MDO SDE RNAMS KYANG RANG GI NGANG GIS SEMS LA SNANG BAR GYUR TO, ,GZHAN YANG DE BZHIN GSHEGS PA ME RO GAN DHA DGE SLONG GI DGE 'DUN GYI 'KHOR DANG BCAS PA DANG, BZHUGS PA'I GNAS DRI GTZANG KHANG DANG, GDAN KHRI DANG, 'KHOR BZHI PO RNAMS DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG MI MA YIN PA DANG BCAS PA'I 'KHOR THAMS CAD KYANG MTHONG BAR GYUR TO, ,DGE SLONG DA MA SHI RI YANG CHOS RNAMS LA SHES RAB KYI SNANG BA THOB PAR GYUR PAS 'DUG PA'I STAN LAS LANGS NAS MTHAR GYI RANG GI YUL DU SONG STE PHA MA'I DRUNG DU PHYIN NAS PHA MA LA YONGS SU DAG CING STONG PA NYID KYI RJES SU 'THUN PA, BRAL BA'I RJES SU 'THUN PA, @199B ZAB MO SHIN DU GYA NOM PA'I MDO SDE RNAMS YANG DAG PAR BSHAD NAS, SANGS RGYAS DANG, CHOS DANG, DGE 'DUN GYI YON TAN GYI BSNGAGS PA RAB TU BRJOD PAS, GANG PO DE'I TSE DGE SLONG DA MA SHI RI'I PHA MA DANG, NANG GI BTZUN MO DANG, BLON PO CHEN PO DANG, 'KHOR RNAMS KYIS CHOS DE THOS NAS SHIN DU MNGON PAR YID CHES PAR GYUR PAS GUS PA'I SEMS KYIS DGE SLONG DA MA SHI RI LA 'DI SKAD CES SMRAS SO, ,BTZUN PA BDAG CAG YONGS SU BSKYAB CING DE BZHIN GSHEGS PA ME RO GAN DHA'I BSTAN PA LA RAB TU DBYUNG DU GSOL ZHES, GANG PO DE'I TSE SROG CHAGS BRGYAD KHRI BZHI STONG RGYAL PO DANG, BTZUN MO RAB TU BYUNG BA'I RJES SU DUS GCIG TU RAB TU BYUNG BAR GYUR TO, ,RAB TU BYUNG NAS THAMS CAD KYI MING DA MA SHI RI'I TSOGS KYI DGE SLONG GI DGE 'DUN ZHES BYA BAR GYUR TO, ,GANG PO DGE SLONG DA MA SHI RIS DE LTAR DE BZHIN GSHEGS PA ME RO GAN DHA'I BSTAN PA LA SLAR RGYAS PAR BYAS NAS SEMS CAN MANG PO BDE BA LA YANG DAG PAR BKOD DO, ,SNGON GYI TSE RABS KYI BYAMS PA DANG, SNYING RJE CHEN PO'I SEMS KYIS DAM PA'I CHOS BSRUNG BAR SMON LAM BTAB PA'I PHYIR DE'I TSE DGE SLONG DA MA SHI RI LJONGS GCIG NAS GCIG TU, GRONG KHYER GCIG NAS GCIG TU, YUL GCIG NAS GCIG TU RGYU ZHING SONG NAS DE BZHIN GSHEGS PA ME RO GAN DHA DANG DE'I NYAN THOS KYI BSNGAGS PA YANG BRJOD, GZHAN YANG YONGS SU DAG CING, STONG PA NYID KYI RJES SU 'THUN PA, BRAL BA'I RJES SU 'THUN PA, ZAB MO SHIN TU GYA NOM PA'I MDO SDE RNAMS KYANG SEMS CAN RNAMS LA RGYA CHER YANG DAG PAR RAB TU BSTAN PAS DE'I TSE DGE SLONG DA MA SHI RI YANG SKYE BO MANG PO KUN GYIS MCHOD CING RIM GRO DANG, BKUR STI DANG, BLA MAR BYAS SHING BSNGAGS PA BRJOD PAS SNYAN PA'I GRANGS PA YANG KUN TU GRAGS PAR GYUR TO, ,GANG PO DGE SLONG DA MA SHI RIS DE LTAR SEMS CAN MANG PO'I DON RGYA CHER BYAS NAS DE'I 'OG TU 'CHI BA'I DUS BYES PA DANG, DE'I SLOB MA DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS LHAN CIG 'DUS TE, SPOS KYI SHING THAMS CAD SPUNGS NAS MCHOD PA BYAS TE BSREGS NAS RING BSREL GYI MCHOD RTEN CHU ZHENG DU @200A *, ,RGYANG GRAGS GNYIS YOD PA BRTZIGS TE, ME TOG DANG, SPOS DANG, BYUG PA DANG, SPOS KYI PHYE MA DANG, GDUGS DANG, RGYAL MTSAN DANG, BA DAN SNA TSOGS KYIS GUS PAR MCHOD CING RIM GRO DANG BLA MAR BYAS NAS BSNGAGS PA BRJOD PAR GYUR TO, ,GANG PO DGE SLONG DA MA SHI RI 'CHI KA'I DUS KYI TSE SLAR 'DZAM BU'I GLING 'DI NYID DU SKYE BAR GYUR CIG CES SMON LAM BTAB PAS SMON LAM BTAB PA BZHIN DU RGYAL RIGS SU SKYES NAS DRAN PA THOB PA ZHES BYA BAR GYUR TE, DE BZHIN GSHEGS PA ME RO GAN DHA YONGS SU MYA NGAN LAS 'DAS PA'I 'OG TU LO SUM BRGYA LON PA'I BSTAN PA LA RAB TU BYUNG STE, SNGON GYI SMON LAM DANG TSE RABS DRAN PA'I SHES PA'I DBANG GIS SGO RNAMS KYI TSIG CES BYA BA'I GZUNGS KYI TSIG KYANG RANG GI NGANG GIS SLAR THOB PAR GYUR TO, ,GZUNGS THOB PA'I STOBS KYI DBANG GIS SNGON MA THOS PA'I MDO SDE RNAMS SEMS CAN LA RGYA CHER YANG DAG PAR BSTAN GYI TSE RABS SNGA MA LA SNGAR BSHAD PAR GYUR PA DAG NI MA BSTAN TO, ,GANG PO DE'I TSE DA MA SHI RI'I DGE SLONG MANG PO RNAMS LAS GANG SHES RAB ZAB CING GSAL LA RNO BA DANG, DGE BA'I RTZA BA LHUN STUG PA GANG YIN PA DE DAG NI DRAN PA THOB PAS BSTAN PA'I MDO SDE RNAMS THOS PAR GYUR NAS SEMS KYIS RJES SU YI RANG NAS MNGON PAR YID CHES SHING DANG DU LEN PAR BYED, GUS PAS MCHOD PA BYAS NAS DGE SLONG DRAN PA THOB PA LA YANG YONGS SU SRUNG BAR BYED DO, ,DGE SLONG DE DAG LAS GAD GZI BYIN DANG YON TAN MED PA DANG, DBANG PO RTUL ZHING MI GSAL BA DANG, DGE BA'I RTZA BA CHUNG BA DE DAG NI DGE SLONG DRAN PA THOB PAS GSAR DU BSHAD PA'I CHOS THOS PAR GYUR NAS MNGON PAR YID CHES PA YANG MED, DANG DU LEN PA YANG MED LA, 'GAL BA DAG BYAS NAS SKYON 'BYIN CING 'DI SKAD DU 'DI LTA BU'I MDO SDE 'DI DAG NI BDAG CAG GIS MKHAN PO DANG, SLOB DPON LAS KYANG MA THOS, SNGON SLOB DPON CHEN PO DA MA SHI RI LAS KYANG MA THOS SO ZHES ZER RO, ,GANG PO DE DAG LAS GANG SHES RAB ZAB CING YANG DAG PA'I DON LA RTON PA DE DAG NI TSIG GI RJES SU MI 'BRANG BAR DON LA RTON PA'I PHYIR SEMS KYIS KYANG 'GAL BAR MI BYED DO, ,'GAL BAR MI BYED PA'I PHYIR DE @200B BZHIN GSHEGS PA ME RO GAN DHA'I BSTAN PA YANG YANG DAG PAR SRUNG BAR BYED LA, GUS PAS DGE SLONG DRAN PA THOB PA LA YANG SRUNG BAR BYED DO, ,GANG PO DE'I TSE DGE SLONG DANG, DGE SLONG MA DANG, DGE BSNYEN DANG, DGE BSNYEN MA'I 'KHOR KHRAG KHRIG PHRAG BRGYAD CU DGE SLONG DRAN PA THOB PAS BSTAN PA'I MDO SDE'I CHOS KYI RJES SU ZHUGS PAR GYUR TO, ,GANG PO DE'I TSE DA MA SHI RI'I SLOB MA 'KHOR RNAMS LOGS SHIG TU SDE GNYIS SU GYES PAR GYUR TE, GCIG GI MING NI DA MA SHI RI'I DGE SLONG GI DGE 'DUN ZHES BYA BAR GYUR TO, ,GCIG GI MING NI DRAN PA THOB PA'I DGE SLONG GI DGE 'DUN ZHES BYA BAR GYUR KYANG DE'I TSE DGE SLONG DRAN PA THOB PAS BDAG NI DA MA SHI RI YIN NO ZHES NI MA SMRAS SO, ,DE CI'I PHYIR ZHE NA, DE'I TSE DGE SLONG DA MA SHI RI NI MANG PO KUN GYIS DGRA BCOM PA'I 'BRAS BU THOB PAR GYUR GYI, BYANG CHUB SEMS DPA' NI MA YIN NO ZHES ZER BAS GAL TE BDAG NYID KYIS SMRAS PAR GYUR NA, MANG PO KUN THE TSOM ZA BAR GYUR PA DANG, DGE SLONG DRAN PA THOB PA NI DE'I TSE MANG PO KUN GYIS 'DI NI BYANG CHUB SEMS DPA' YIN GYI, DGRA BCOM PA NI MA YIN NO ZHES ZER BAS SO, ,GANG PO DGE SLONG DRAN PA THOB PAS DE LTAR RGYA CHER SEMS CAN RNAMS LA PHAN BTAGS NAS DE'I 'OG TU 'CHI BA'I DUS BYAS PAR GYUR PA DANG, DE'I SLONG MA MANG PO RNAMS KYIS SPOS KYI SHING THAMS CAD SPUNGS NAS MCHOD PA BYAS TE BSREGS SO, ,'KHOR BZHI PO RNAMS 'DUS NAS STON PA CHEN PO BYANG CHUB SEMS DPA' DE LA MCHOD PA BYA BA'I PHYIR RING BSREL GYI MCHOD RTEN CHU ZHED DU RGYANG GRAGS GCIG YOD PA BRTZIGS NAS SPOS DANG, ME TOG DANG, SPOS KYI PHYE MA DANG, BYUG PA DANG, PHRENG BA DANG, GDUGS DANG, RGYAL MTSAN DANG, BA DAN SNA TSOGS KYIS MCHOD CING BKUR STIR BYAS, BLA MAR BYAS SHING BSNGAGS PA BRJOD PAR GYUR TO, ,GANG PO DGE SLONG DRAN PA THOB PA 'CHI KA'I DUS KYI TSE BDAG SLAR 'DZUM BU'I GLING 'DI NYID DU SKYE BAR GYUR CIG CES SMON LAM BTAB PAS SMON LAM BTAB PA BZHIN DU KHYIM BDAG GI RIGS SHING S'A LA CHEN PO LTA BUR SKYES PAR GYUR TE, DE'I MING NI YA SHA ZHES BYA BAR GYUR TO, ,SNGON GYI SMON LAM GYI DBANG GIS SNGON GYI GNAS @201A *, ,RJES SU DRAN PA THOB PAR GYUR BAS DE BZHIN GSHEGS PA ME RO GAN DHA YONGS SU MYA NGAN LAS 'DAS PA'I 'OG TU LO BZHI BRGYA PA'I BSTAN PA LA LO BDUN LON TE RAB TU BYUNG NAS GZUNGS RNAMS THOB PAR GYUR TO, ,GZUNGS THOB PA'I MTHUS SKYE BO MANG PO LA SNGON MA THOS PA'I MDO SDE RNAMS YANG DAG PAR BSTAN TO, ,DE'I TSE DGE SLONG DRAN PA THOB PA'I DGE SLONG RNAMS DANG, DA MA SHI RI'I DGE SLONG RNAMS LAS GANG DGE BA'I RTZA BA LHUN STUG PA DE DAG NI YE SHES BSTAN PA'I CHOS RNAMS THOS NAS SEMS RAB TU DGA' ZHING THAMS CAD KYIS CHOS KYI BDE BA THOB PAR GYUR TO; ,GANG PO DGE SLONG MANG PO DE DAG YANG DAG PA'I DON LA RTON CING TSIG GI RJES SU 'BRANG BAR KYANG MI BYED PAS DE'I PHYIR DGE SLONG YE SHES ? SNGON MA THOS PA'I MDO SDE STONG PA NYID KYI RJES SU 'THUN ZHING SHIN TU ZAB PA, DON DAM PA'I RJES SU 'THUN PA DAG YANG DAG PAR BSTAN PA THOS PAR GYUR NAS MNGON PAR YID CHES SHING DANG DU LEN PAR BYED, 'GAL BA MED PAR YANG DAG PAR LEN CING KHA TON DU 'DON PAR BYED DE, JI SKAD BSTAN PA BZHIN DU RJES SU BSGRUBS PAR GYUR TO, ,GANG PO DGE SLONG DE DAG LAS GANG DBANG PO RTUL ZHING MI GSAL BA DANG, DGE BA'I RTZA BA LHUN MI STUG PA DE DAG NI DGE SLONG YA SHA LAS SNGON MA THOS PA'I MDO SDE DON DAM PA'I RJES SU 'THUN PA, STONG PA NYID KYI RJES SU 'THUN ZHING SHIN TU ZAB PA DAG THOS PAR GYUR NAS MNGON PAR YID CHES SHING DANG DU LEN PAR YANG MI BYED, 'GAL BA BYAS NAS 'JIG CING DMOD PAR BYED DE, 'DI SKAD DU 'DI LTA BU'I CHOS 'DI NI BDAG CAG GIS MKHAN PO DANG, SLOB DPON LAS KYANG MA THOS, SNGON STON PA CHEN PO BYANG CHUB SEMS DPA' DRAN PA THOB PA LAS KYANG MA THOS SO ZHES ZER RO, ,GANG PO DE'I TSE DGE SLONG YA SHA LAS CHOS THOS NAS RAB TU DGA' BA DANG, SEMS KYIS MNGON PAR YID CHES SHING DANG DU BLANGS PA DE DAG THAMS CAD NI DA MA SHI RI'I DGE SLONG RNAMS DANG, DRAN PA THOB PA'I DGE SLONG RNAMS KYIS SDANG ZHING PHRAG DOG GIS DMANG NAS LHAN CIG GNAS SU YANG MI STER, LHAN CIG KLOG PA DANG, KHA TON 'DON PA DANG, CHOS BSHAD DU YANG MI STER TE, SKUR PA BTAB @201B NAS 'DI SKAD DU 'DI NI SANGS RGYAS KYI CHOS KYANG MA YIN, STON PA CHEN PO'I BSTAN PA YANG MA YIN NO ZHES ZER RO, ,GANG PO DE'I TSE DGE SLONG YE SHES ? DE BZHIN GSHEGS PA ME RO GAN DHA'I BSTAN PA RGYA CHER YANG DAG PAR SPEL NAS GRONG KHYER GCIG NAS GRONG KHYER GCIG TU RGYU ZHING SONG NAS SEMS CAN RNAMS LA CHOS BSTAN CING PHAN PA MANG PO BYAS PAS SROG CHAGS KHRAG KHRIG PHRAG BRGYAD CUS BLA NA ME