@01A *, ,RGYA GAR SKAD DU, A'ARYA LA LI TA BI ST'A RA N'A MA MA H'A Y'A NA S'U TRA, BOD SKAD DU, 'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS MNYAN YOD NA RGYAL BU RGYAL BYED KYI TSAL MGON MED ZAS SBYIN @02A *, ,GYI KUN DGA' RA BA NA DGE SLONG KHRI NYIS STONG GI DGE SLONG GI DGE 'DUN CHEN PO LA 'DI LTA STE, TSE DANG LDAN PA KUN SHES Koo ndI NYA DANG, TSE DANG LDAN PA RTA THUL DANG, TSE DANG LDAN PA RLANGS PA DANG, TSE DANG LDAN PA MING CHEN DANG, TSE DANG LDAN PA BZANG PO DANG, TSE DANG LDAN PA GRAGS SBYIN DANG, TSE DANG LDAN PA DRI MA MED DANG, TSE DANG LDAN PA LAG BZANG DANG, TSE DANG LDAN PA GANG PO DANG, TSE DANG LDAN PA BA LANG BDAG DANG, TSE DANG LDAN PA LTENG RGYAS 'OD SRUNG DANG, TSE DANG LDAN PA CHU KLUNG 'OD SRUNG DANG, TSE DANG LDAN PA GA YA 'OD SRUNG DANG, TSE DANG LDAN PA SH'A RI'I BU DANG, @02B TSE DANG LDAN PA MOO DGAL GYI BU CHEN PO DANG, TSE DANG LDAN PA 'OD SRUNG CHEN PO DANG, TSE DANG LDAN PA K'A TYA-''I BU CHEN PO DANG, TSE DANG LDAN PA KA PI NA CHEN PO DANG, TSE DANG LDAN PA GSUS PO CHE DANG, TSE DANG LDAN PA SKUL BYED DANG, TSE DANG LDAN PA BYAMS MA'I BU GANG PO DANG, TSE DANG LDAN PA MA 'GAGS PA DANG, TSE DANG LDAN PA DGA' BYED DANG, TSE DANG LDAN PA 'UG PA DANG, TSE DANG LDAN PA RAB 'BYOR DANG, TSE DANG LDAN PA NAM GRU DANG, TSE DANG LDAN PA SENG LDENG NAGS PA DANG, TSE DANG LDAN PA DON YOD RGYAL PO DANG, TSE DANG LDAN PA PHA ROL TU 'GRO BA CHEN PO DANG, TSE DANG LDAN PA BA KU LA DANG, TSE DANG LDAN PA DGA' BO DANG, TSE DANG LDAN PA SGRA GCAN ZIN DANG, TSE DANG LDAN PA LEGS 'ONGS DANG, TSE DANG LDAN PA KUN DGA' BO DANG, DE DAG LA SOGS PA DGE SLONG KHRI NYIS STONG DANG THABS CIG TU BZHUGS SO, , @03A *, ,BYANG CHUB SEMS DPA' SUM KHRI NYIS STONG THAMS CAD KYANG SKYE BA GCIG GIS THOGS PA, BYANG CHUB SEMS DPA'I PHA ROL TU PHYIN PA THAMS CAD LAS NGES PAR SKYES PA, BYANG CHUB SEMS DPA'I MNGON PAR SHES PA THAMS CAD KYIS RNAM PAR RTZE BA; BYANG CHUB SEMS DPA'I GZUNGS THAMS CAD THOB PA, BYANG CHUB SEMS DPA'I SPOBS PA THAMS CAD THOB PA, BYANG CHUB SEMS DPA'I SMON LAM THAMS CAD SHIN TU YONGS SU RDZOGS PA, BYANG CHUB SEMS DPA'I SO SO YANG DAG PAR RIG PA THAMS CAD RTOGS PAR KHONG DU CHUD PA, BYANG CHUB SEMS DPA'I TING NGE 'DZIN THAMS CAD LA DBANG THOB PA, BYANG CHUB SEMS DPA'I DBANG THAMS CAD THOB PA; BYANG CHUB SEMS DPA'I BZOD PA THAMS CAD LA ZHUGS PA, BYANG CHUB SEMS DPA'I SA THAMS CAD RAB TU RDZOGS PA SHA STAG @03B STE; 'DI LTAR BYANG CHUB SEMS DPA' SEMS DPA' CHEN PO BYAMS PA DANG, BYANG CHUB SEMS DPA' SEMS DPA' CHEN PO GZUNGS KYI DBANG PHYUG RGYAL PO DANG, BYANG CHUB SEMS DPA' SEMS DPA' CHEN PO SENG-DGE'I TOG DANG, BYANG CHUB SEMS DPA' SEMS DPA' CHEN PO DON GRUB BLO GROS DANG, BYANG CHUB SEMS DPA' SEMS DPA' CHEN PO SPYOD PA RAB TU ZHI BA'I BLO GROS DANG, BYANG CHUB SEMS DPA' SEMS DPA' CHEN PO SO SO YANG DAG PAR RIG PA THOB PA DANG, BYANG CHUB SEMS DPA' SEMS DPA' CHEN PO BRTZON 'GRUS RTAG PAR SBYOR DANG, BYANG CHUB SEMS DPA' SEMS DPA' CHEN PO SNYING RJE CHER SEMS DANG, DE DAG LA SOGS PA BYANG CHUB SEMS DPA' SUM KHRI NYIS STONG DANG YANG THABS CIG GO ,DE'I TSE BCOM LDAN 'DAS MNYAN YOD KYI GRONG KHYER CHEN PO NA 'KHOR BZHI DANG, RGYAL PO DANG, RGYAL PO'I SRAS DANG, RGYAL PO'I BLON PO CHEN PO DANG, CHAGS 'OG GI RGYAL PHRAN DANG, RGYAL PO'I ZHABS 'BRING BA DANG, RGYAL RIGS DANG, BRAM ZE DANG, TSONG DPON DANG, KHYIM BDAG DANG, BLON PO DANG, 'KHOR GYI MI DANG, GRONG KHYER PA DANG, YUL GYI MI DANG, MU STEGS CAN DANG, DGE SBYONG DANG, BRAM ZE DANG, DPYOD PA PA DANG, KUN TU RGYU SNA TSOGS KYIS RIM @04A *, ,GROR BYAS, BLA MAR BYAS, BSTI STANG DU BYAS, MCHOD PA BYAS SO, ,BCOM LDAN 'DAS NI BZA' BA DANG, BCA' BA DANG, MYANG BA BSOD CING MANG BA DANG, NA BZA' DANG, BSOD SNYOMS DANG, GZIMS CHA DANG, SNYUN GYI GSOS SMAN DANG, YO BYAD RUNG BA BRNYES SHING, BCOM LDAN 'DAS NI BRNYES PA DAM PA DANG, GRAGS PA DAM PA BRNYES KYANG PAD-MA LA CHUS MI GOS PA LTAR THAMS CAD DU MA CHAGS MA GOS PAR BZHUGS SO, ,BCOM LDAN 'DAS KYI GRAGS PA DANG, SGRA DANG SNYAN PA NI 'DI SKAD DU, BCOM LDAN 'DAS DE NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RIG PA DANG ZHABS SU LDAN PA; BDE BAR GSHEGS PA, 'JIG RTEN MKHYEN PA, SKYES BU 'DUL BA'I KHA LO SGYUR BA BLA NA MED PA, LHA DANG MI RNAMS KYI STON PA, SANGS RGYAS BCOM LDAN 'DAS ZHES BYA BAR 'JIG RTEN DU MNGON PAR GRAGS PAR GYUR TO, ,DE NI SPYAN LNGA DANG LDAN PA STE, 'JIG RTEN 'DI DANG, 'JIG RTEN PHA ROL LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG BRAM ZER BCAS BA'I SKYE RGU LHA DANG MIR BCAS PA DAG RANG GIS MNGON PAR MKHYEN PAS MNGON DU MDZAD @04B NAS NYE BAR BSGRUBS TE RAB TU STON TO, ,DE THOG MAR DGE BA, BAR DU DGE BA, THA MAR DGE BA, DON BZANG PO, CHIG 'BRU BZANG PO, MA 'DRES PA, YONGS SU RDZOGS PA, YONGS SU DAG PA, YONGS SU DKAR BA'I CHOS STON TE, TSANGS PA'I SPYOD PA YANG DAG PAR STON TO, ,DE'I TSE BCOM LDAN 'DAS KYIS NAM GYI GUNG THUN LA SANGS RGYAS KYI RGYAN BKOD PA ZHES BYA BA'I TING NGE 'DZIN LA SNYOMS PAR ZHUGS PAR GYUR TO, ,BCOM LDAN 'DAS KYIS SANGS RGYAS KYI RGYAN BKOD PA ZHES BYA BA'I TING NGE 'DZIN DE LA SNYOMS PAR ZHUGS MA THAG TU SKAD CIG DE NYID LA BCOM LDAN 'DAS KYI DBU'I GTZUG GI GTZUG TOR GYI GSEB NAS SNGON GYI SANGS RGYAS RJES SU DRAN PAR BYA BA LA CHAGS PA MED PA'I YE SHES SNANG BA ZHES BYA BA'I 'OD ZER BYUNG STE, DES GNAS GTZANG MA'I LHA'I GNAS THAMS CAD SNANG BAR BYAS NAS LHA'I BU DBANG PHYUG CHEN PO LA SOGS PA LHA'I BU TSAD MED PA DAG YANG DGE PAR BSKUL TO, ,DE BZHIN GSHEGS PA'I 'OD ZER GYI TSOGS DE LAS SKUL BA'I TSIGS SU BCAD PA 'DI DAG KYANG BYUNG NGO, ,YE SHES 'OD LDAN MUN BCOM 'OD MDZAD PA, ,'OD BZANG GZI BRJID DAM PA DRI MED PA, ,SKU LUS RAB ZHI THUGS DGE ZHI BA PO, ,SH'A-KYA'I SENG-GE THUB DANG PHRAD PAR GYIS, ,YE SHES RGYA MTSO MTHU CHEN DAG PA STE, ,CHOS KYI MNGA' BDAG @05A *, ,KUN MKHYEN THUB PA'I DBANG, ,MI DANG LHAS MCHOD LHA YI LHAR GYUR PA, ,CHOS LA RANG BYUNG MNGA' DBANG MDZAD LA RTON, ,GANG ZHIG GDUL KA'I SEMS LA MNGA' MDZAD DE, ,GANG ZHIG BDUD KYI RNYI LAS GROL BA'I THUGS, ,DE 'DIR MTHONG THOS DON MED MA YIN GYI, ,RNAM GROL MTHAR PHYIN ZHI BA'I DRUNG DU DENGS, ,MTSUNGS MED CHOS LA SNANG BAR GYUR PA STE, ,MUN SEL TSUL BZANG STON PAR RAB MDZAD PA, ,SANGS RGYAS SPYOD ZHI MKHYEN PA DPAG MED PA, ,DE YI DRUNG DU DAD PA MCHOG GIS DENGS, , DE NI SMAN PA'I RGYAL PO BDUD RTZI GTONG, ,DE NI SMRA BA DPA' BO TSOGS NGAN 'JOMS, ,DE NI CHOS KYI RTZA LAG DON DAM MKHAS, ,DE NI 'DREN PA BLA MED LAM STON PA'O, ,GNAS GTZANG MA'I RIS KYI LHA'I BU DE DAG SNGON GYI SANGS RGYAS RJES SU DRAN PAR BYA BA LA CHAGS PA MED PA'I YE SHES SNANG BA'I 'OD ZER DES PHOG CING TSIGS SU BCAD PA RNAM PA DE LTA BU DE DAG GIS KYANG BSKUL MA THAG TU RAB TU ZHI BA'I TING NGE 'DZIN DE LAS LANGS NAS SANGS RGYAS KYI MTHUS BSKAL PA GRANGS MED, TSAD MED, BGRANG BA LAS SHIN TU 'DAS PA DAG LAS 'DAS PA'I SANGS RGYAS BCOM LDAN 'DAS RNAMS RJES SU DRAN ZHING, SANGS RGYAS BCOM LDAN 'DAS DE DAG GI SANGS RGYAS KYI ZHING GI YON TAN @05B BKOD PA GANG YIN PA DAG DANG, 'KHOR GYI DKYIL 'KHOR GANG YIN PA DAG DANG, CHOS BSTAN PA GANG YIN PA DE DAG THAMS CAD KYANG RJES SU DRAN PAR GYUR TO, ,DE NAS DE'I NUB MO MI NYAL TZAM NA GNAS GTZANG MA'I RIS KYI LHA'I BU DBANG PHYUG CES BYA BA DANG, DBANG PHYUG CHEN PO DANG, DGA' PO DANG, SHIN TU DGA' BO DANG, TZAN-DAN DANG, MCHOD BYAS DANG, RAB ZHI DANG, DUL BA RAB ZHI DBANG PHYUG LA SOGS PA DE DAG DANG, GNAS GTZANG MA'I RIS KYI LHA'I BU GZHAN SHIN TU MANG PO KHA DOG 'PHAGS SHING SHIN TU 'PHAGS PA DANG LDAN PA DAG GIS LHA'I SNANG BAS RGYAL BU RGYAL BYED KYI TSAL THAMS CAD SNANG BAR BYAS TE BCOM LDAN 'DAS GA LA PA DER DONG NAS PHYIN PA DANG, BCOM LDAN 'DAS KYI ZHABS LA MGO BOS PHYAG 'TSAL TE PHYOGS GCIG TU 'KHOD DO, ,PHYOGS GCIG TU 'KHOD NAS KYANG GNAS GTZANG MA'I RIS KYI LHA'I BU DE DAG GIS BCOM LDAN 'DAS LA 'DI SKAD CES GSOL TO, ,BCOM LDAN 'DAS, RGYA CHER ROL PA ZHES BGYI BA'I CHOS KYI RNAM GRANGS MDO SDE SHIN TU RGYAS PA CHEN PO BSDUS PA, BYANG CHUB SEMS DPA' RNAMS KYI DGE BA'I RTZA BA YANG DAG PAR BSTAN PA, DGA' LDAN GYI PHO BRANG DAM PA NAS 'BAB PA DANG, CHED DU DGONGS TE LHUMS SU 'JUG PA'I RNAM PAR ROL PA DANG, MNGAL GYI @06A *, ,GNAS KYI KHYAD PAR KUN TU BSTAN PA, RIGS BZANG POR SKYE BA'I SA'I MTHU KUN TU BSTAN PA, BYIS PA'I SPYOD PA THAMS CAD LAS YON TAN GYI KHYAD PAR GYIS SHIN TU 'DA' BA BSTAN PA, 'JIG RTEN PA'I BZO'I GNAS DANG, LAS KYI GNAS DANG, YI GE DANG, GRANGS DANG, LAG RTZIS DANG, RTZIS DANG, RAL GRI'I THABS DANG; 'PHONG DANG, STOBS DANG, GYAD KYI 'DZIN STANGS RNAMS SEMS CAN THAMS CAD LAS KHYAD PAR DU 'PHAGS PA KUN TU BSTAN PA, BTZUN MO'I 'KHOR DANG, YUL GYI LONGS SPYOD DANG, YONGS SU SPYOD PA KUN TU BSTAN PA, BYANG CHUB SEMS DPA'I SPYOD PA THAMS CAD KYI RGYU MTHUN PAS YONGS SU GRUB PA'I 'BRAS BU BRNYES PA YONGS SU BRJOD PA, BYANG CHUB SEMS DPA'I RNAM PAR ROL PA DANG, BDUD KYI DKYIL 'KHOR THAMS CAD RNAM PAR 'JIG PA BSTAN PA, DE BZHIN GSHEGS PA'I STOBS DANG MI 'JIGS PA BSDUS PA, SANGS RGYAS KYI CHOS TSAD MA MCHIS PA NGES PAR BSTAN PA, SNGON GYI DE BZHIN GSHEGS PA RNAMS KYIS SNGON CHAD GSUNGS PA MCHIS TE, 'DI LTA STE, BCOM LDAN 'DAS PAD-MA'I BLA MA DANG, CHOS KYI TOG DANG, MAR ME MDZAD DANG, YON TAN GYI TOG DANG, YON TAN 'BYUNG GNAS DANG, 'OD ZER CHEN PO DANG, DRANG SRONG LHA DANG, @06B DPAL GYI GZI BRJID DANG, BDEN PA'I TOG DANG, RDO RJE MKHREGS DANG, THAMS CAD ZIL GYIS GNON DANG, GSER MDOG DANG, SHIN TU MTHOR GSHEGS DANG, BYI RU'I RGYA MTSO DANG, ME TOG GI TOG DANG, GZUGS BZANG DANG, SPYAN BZANG DANG, DRANG SRONG SBED DANG, DMAG TSOGS LAS RGYAL DANG, MTHO BA DANG, ME TOG RGYAS PA DANG, MDZOD SPU GZI BRJID DANG, SHIN TU RGYAS DANG, 'OD ZER BZANG PO DANG, BKRA SHIS LDAN DANG, BLTA NA BZANG DANG, SENG-DGE'I GZI BRJID CHEN PO DANG, BLO GROS BRTAN PAS BYIN DANG, SOS KA'I SPOS DRI DANG, BDEN PA'I PHYOGS GRAGS RGYA CHEN DANG, 'OD LDAN DANG, SKAR RGYAL DANG, 'JIG RTEN MDZES DANG, 'OD RGYA CHEN DANG, RIN CHEN GRAGS DANG, DRAG SHUL GZI BRJID DANG, RIN CHEN GZI BRJID DANG, TSANGS PA'I GZI BRJID DANG, SGRA SNYAN DANG, ME TOG BZANG PO DANG, RI RAB ME TOG DANG, RAB TU YID 'ONG DBYANGS DANG, DGE BA TSUL BZANG DANG, RAB TU 'DZUM PA'I SPYAN DANG, YON TAN PHUNG PO DANG, 'BRUG SGRA DANG, KHA DOG MDZES DANG, TSE'I GZI BRJID DANG, NGOM BAG GLANG PO'I 'GROS DANG, 'JIG RTEN MNGON PAR SMON DANG, DGRA LAS RGYAL DANG, YANG DAG MCHOD DANG, RNAM PAR GZIGS DANG, GTZUG TOR CAN DANG, THAMS CAD SKYOB DANG, 'KHOR BA 'JIG DANG, @07A *, ,GSER THUB DANG, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS 'OD SRUNG GIS KYANG SNGON CHAD GSUNGS PA LAGS NA; DE BCOM LDAN 'DAS KYIS KYANG SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BA DANG, SKYE BO PHAL PO CHE'I DON DANG, LHA DANG MI RNAMS KYI DON DU 'GYUR BA DANG, SMAN PA DANG BDE BAR 'GYUR BA DANG, THEG PA CHEN PO'I 'DI'ANG BRJOD PA DANG, PHAS KYI RGOL BA THAMS CAD TSAR GCAD PA DANG, BDUD THAMS CAD ZIL GYIS MNAN PA DANG, BYANG CHUB SEMS DPA' THAMS CAD LA BSTAN PA DANG, BYANG CHUB SEMS DPA'I THEG PA PA'I GANG ZAG THAMS CAD KYI BRTZON 'GRUS BRTZAM PA BSKYED PA DANG, DAM PA'I CHOS YONGS SU GZUNG BA DANG, DKON MCHOG GSUM GYI GDUNG MI GCAD PA DANG, SANGS RGYAS KYI MDZAD PA YONGS SU RDZOGS PA'ANG KUN TU BSTAN PA'I SLAD DU DA BSTAN DU GSOL ZHES GSOL PA DANG, BCOM LDAN 'DAS KYIS LHA'I BU DE DAG DANG, LHA DANG BCAS PA'I 'JIG RTEN LA THUGS BRTZE BA'I PHYIR CANG MI GSUNG BAS GNANG NGO, ,DE NAS LHA'I BU DE DAG KYANG BCOM LDAN 'DAS KYIS CANG MI GSUNG BAS GNANG BAR RIG NAS TSIM ZHING MGU LA YID RANGS @07B SHING RAB TU DGA' STE, DGA' BA DANG YID BDE BA SKYES NAS BCOM LDAN 'DAS KYI ZHABS LA MGO BOS PHYAGG 'TSAL TE BCOM LDAN 'DAS LA LAN GSUM BSKOR BA BYAS NAS TZAN-DAN GYI PHYE MA DANG, AA GA RU'I PHYE MA DANG, ME TOG MAN-D'A RAB BA DAG GIS KYANG MNGON PAR GTOR TE, DE NYID DU MI SNANG BAR GYUR TO, ,DE NAS BCOM LDAN 'DAS NUB MO DE'I NAM NANGS PA DANG, SMYIG MA'I LDUM BU'I 'KHOR GYI KHYAMS GA LA BA DER GSHEGS TE BYON NAS BCOM LDAN 'DAS BYANG CHUB SEMS DPA'I TSOGS KYIS YONGS SU BSKOR ZHING NYAN THOS KYI DGE 'DUN GYIS MDUN GYIS BLTAS TE GDAN BSHAMS PA LA BZHUGS SO, ,BZHUGS NAS KYANG BCOM LDAN 'DAS KYIS DGE SLONG RNAMS LA BKA' STZAL PA; DGE SLONG DAG ,MDANG 'DIR NGA'I DRUNG DU GNAS GTZANG MA'I RIS KYI LHA'I BU DBANG PHYUG CES BYA BA DANG, DBANG PHYUG CHEN PO DANG, DGA' BO DANG, SHIN TU DGA' BO DANG, TZAN-DAN DANG, MCHOD BYAS DANG, RAB ZHI DANG, DUL BA RAB ZHI DBANG PHYUG LA SOGS PA DE DAG DANG, GNAS GTZANG MA'I RIS KYI LHA'I BU GZHAN SHIN TU MANG PO ZHES BYA BA NAS, DE NYID DU MI SNANG BAR GYUR CES BYA BA'I BAR DU SNGA MA BZHIN DU GSUNGS SO, ,DE NAS BYANG CHUB SEMS DPA' DE DAG DANG, NYAN THOS CHEN PO DE DAG GIS BCOM LDAN 'DAS @08A *, ,GA LA BA DE LOGS SU THAL MO SBYAR BA BTUD DE BCOM LDAN 'DAS LA 'DI SKAD CES GSOL TO, ,BCOM LDAN 'DAS, RGYA CHER ROL PA'I CHOS KYI RNAM GRANGS LEGS PAR BSTAN DU GSOL, DE NI SKYE BO MANG PO LA SMAN PA DANG, SKYE BO MANG PO LA BDE BA DANG, 'JIG RTEN LA THUGS BRTZE BAR MDZAD PA DANG, SKYE BO PHAL PO CHE DANG, LHA DANG MI RNAMS DANG, DA LTAR DANG MA 'ONGS PA'I BYANG CHUB SEMS DPA' SEMS DPA' CHEN PO RNAMS KYI DON DANG, SMAN PA DANG BDE BAR 'GYUR RO, ZHES GSOL PA DANG, BCOM LDAN 'DAS KYIS BYANG CHUB SEMS DPA' SEMS DPA' CHEN PO DE DAG DANG, NYAN THOS CHEN PO DE DAG DANG, LHA DANG, MI DANG, LHA MA YIN DANG BCAS PA'I 'JIG RTEN LA THUGS BRTZE BA'I PHYIR CANG MI GSUNG BAS GNANG NGO, ,DE LA 'DI SKAD CES BYA STE, DGE SLONG DAG KYE NGA NI MDANG SUM 'DIR, ,GNAS PA BZANG POS BDE BAR GNAS GYUR CING, ,NYON MONGS MED PAR RAB TU GNAS GYUR LA, ,RTZE GCIG SEMS SU MNYAM PAR BZHAG DRUNG DU, ,RDZU 'PHRUL CHE ZHING KHA DOG BZANG LDAN LA, DRI ME DPAL 'BAR LHA YI BU LHAGS NAS, ,DPAL GYIS RGYAL BYED TSAL 'DI SNANG BYAS TE, ,DGA' BAS NGA YI GAN DU MNGON PAR LHAGS, ,DBANG PHYUG DBANG PHYUG CHEN PO TZAN-DAN DANG, ,DGA' BO RAB TU SEMS @08B ZHI MCHOD BYAS DANG, ,SHIN TU DGA' PO ZHI BA LHA YI BU, ,BYE BA LHA MANG DE DANG DE DAG RNAMS, ,NGA YI ZHABS LA PHYAG 'TSAL BSKOR BYAS TE, ,NGA YI MDUN DU 'DIR NI 'KHOD PAR GYUR; ;SOR MO BCU YI THAL SBYAR GUS BCAS PAR, ,DE DAG 'DIR NI NGA LA GSOL BA BTAB, ,'JIG RTEN KUN LA SMAN PA'I DON SLAD DU, ,RGYAL BA KUN GYIS SNGON CHAD GANG GSUNGS PA, ,SHIN TU RGYAS MDO GLENG GZHI CHEN PO 'DI, ,THUB PA 'DOD CHAGS BSAL BAS DE RING YANG, ,BYANG CHUB SEMS DPA'I TSOGS KUN BZUNG BZHED PAS, ,PHAS KYI RGOL DANG BDUD RNAMS 'DUL MDZAD LA, ,THEG PA CHEN PO MCHOG 'DI RAB GSUNG ZHING, ,THUB PA DE SLAD LEGS PAR BSHAD DU GSOL, ,LHA YI TSOGS KYIS GSOL BA DE SNANG PHYIR, , MI GSUNG GYUR PAS GNANG BA MDZAD PAS NA, ,THAMS CAD TSIM ZHING RAB DGA' MGU GYUR NAS, ,DGA' BA THOB PAS ME TOG SIL MA GTOR, ,DE PHYIR DGE SLONG SHIN TU RGYAS PA'I MDO; ;'JIG RTEN KUN LA PHAN PA'I DON GYI PHYIR, ,DE BZHIN GSHEGS PA KUN GYIS SNGON BSHAD PA, ,GLENG GZHI CHEN PO KHYED KUN 'DIR NYON CIG ,GLENG GZHI'I LE'U STE, DANG PO'O;; ,,DGE SLONG DAG ,DE LA CHOS KYI RNAM GRANGS SHIN TU RGYAS PA CHEN PO'I MDO RGYA CHER ROL PA ZHES BYA BA DE GANG ZHE NA, DGE SLONG DAG ,'DI LA BYANG CHUB SEMS DPA' @09A *, ,DGA' LDAN GYI GNAS MCHOG NA GNAS PA, MCHOD PAR BYA BAS MCHOD PA, DBANG BSKUR BA THOB PA, LHA BRGYA STONG GIS BSTOD CING BKUR TE BRJOD CING BSNGAGS PA, BSAM PA THOB PA, SMON LAM GYIS YANG DAG PAR 'PHAGS PA, SANGS RGYAS KYI CHOS THAMS CAD YANG DAG PAR THOB PA'I BLO DANG LDAN PA, YE SHES KYI MIG SHIN TU RGYAS SHIN YONGS SU DAG PA DANG LDAN PA, DRAN PA DANG, BLO GROS DANG, RTOGS PA DANG, KHREL YOD PA DANG, DGA' PA 'BAR BA'I BLO RLOBS PO CHE DANG LDAN PA, SBYIN PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THAMS LA MKHAS PA CHEN PO'I DAM PA'I PHA ROL TU SON PA, TSANGS PA'I LAM BYAMS PA CHEN PO DANG, SNYING RJE CHEN PO DNAG, DGA' BA CHEN PO DANG, BTANG SNYOMS CHEN PO LA MKHAS PA, MNGON PAR SHES PA DANG, RIG PA CHEN POS SMRI BA PA MED CING CHAGS PA MED PA'I YE SHES MTHONG BA MDON DU GYUR PA, DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG; DBANG PO DANG, STOBS DANG, BYANG CHUB KYI YAN LAG DANG, LAM DANG, BYANG CHUB KYI PHYOGS KYI CHOS THAMS CAD SHIN TU YONGS SU RDZOGS PA'I MTHAR PHYIN PA, BSOD @09B NAMS DANG YE SHES KYI TSOGS DPAG TU MED PA'I MTSAN DANG DPE BYAD BZANG POS LUS LEGS PAR BRGYAN PA, YUN RING POR RJES SU 'BRANG BA DANG LDAN PA, JI SKAD DU SMRAS PA DE LTAR BYED PAS LOG PA ME DPA'I TSIG GI LAM YANG DAG PAR SMRA BA, DRANG ZHING MA YO LA GYA GYU MED PA'I YID THEGS ? PA MED PA DANG LDAN PA, NGA RGYAL DANG, RGYAGS PA DANG, DREGS PA DANG, 'JIGS PA DANG, ZHUM PA THAMS CAD MED PA DANG, SEMS CAN THAMS CAD LA SEMS MNYAM PA, SANGS RGYAS BYE BA KHRAG KHRIG BRGYA STONG DPAG TU MED PA LA BSNYEN BKUR BYAS PA, BYANG CHUB SEMS DPA' BYE BA KHRAG KHRIG BRGYA STONG MANG POS NGOR BLTA ZHING BLTA BA'I BZHIN DANG LDAN PA, BRGYA BYIN DANG, TSANGS PA DANG, DBANG PHYUG CHEN PO DANG, 'JIG RTEN SKYONG BA DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, SRIN PO RNAMS KYIS MNGON PAR DGA' BAR BYA BA'I GRAGS PA DANG LDAN PA, TSIG THAMS CAD RAB TU PHYE STE STON PA LA THOGS PA MED PA'I SO SO YANG DAG PAR RIG PA LA 'JUG PA'I SHES PA LA MKHAS PA, SANGS RGYAS THAMS CAD KYIS GSUNGS PA GZUNG BA LA DRAN PA'I SNOD 'KHRUL PA MED PA DANG, GZUNGS MTHA' YAS MU MED PA RAB TU THOB PA, DRAN PA NYE BAR GZHAG PA DANG, YANG DAG PAR @10A *, ,SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM DANG, SHES RAB KYI PHA ROL TU PHYIN PA DANG, THABS MKHAS PA'I CHOS RIN PO CHE DANG, BSOD NAMS KYIS YANG DAG PAR BSGRUBS PA'I CHOS KYI GRU CHEN PO'I DED DPON CHEN PO, CHU BO BZHI'I PHA ROL TU 'GRO BA'I BSAM PA CAN, BDUD DANG PHYIR RGOL BA BCOM PA, PHAS KYI RGOL BA THAMS CAD SHIN TU TSAR BCAD PA, G-YUL NGO'I THOG MA LA RAB TU 'DUG PA, NYON MONGS PA'I DGRA'I TSOGS 'JOMS PA, YE SHES MCHOG GI RDO RJE'I MTSON SRA BA DANG LDAN PA, BYANG CHUB KYI SEMS KYI RTZA BA LAS SNYING RJE CHEN PO'I CHU BA LHAG PA'I BSAM PAS SKYES PA ZAB CING BRTAN PA DANG, BRTZON 'GRUS KYI CHOS KYI CHUS MNGON PAR BLAN PA, THABS MKHAS PA'I SNYING PO DANG LDAN PA, BYANG CHUB KYI YAN LAG DANG, BSAM GTAN GYI ZE BA CAN, TING NGE 'DZIN GYI ZE'U 'BRU DANG LDAN PA, YON TAN GYI TSOGS RGYA CHEN PO'I MTSO LAS SKYES PA, NGA RGYAL DANG DREGS PA'I GDUNG BA MED PA'I ZLA BAS DRI MA MED PA'I 'DAB MA RGYAS PA, TSUL KHRIMS DANG, THOS PA DANG, BAG YOD PA'I GSUNG GI DAD PHYOGS BCUR THOGS PA MED PAR LDANG BA, 'JIG RTEN NA SHES PAS THU BOR GYUR PA, 'JIG RTEN GYI CHOS BRGYAD KYIS MA GOS PA, SKYES BU CHEN PO'I PAD-MA, @10B BSOD NAMS DANG YE SHES KYI TSOGS KYI DRI ZHIM PO 'BYUNG BA, SHES RAB DANG YE SHES KYI NYI MA'I 'OD ZER GYIS MIG SHIN TU RNAM PAR DAG PA'I PAD-MA 'DAB MA BRGYA BA RGYAS PA, RDZU 'PHRUL GYI RKANG PA BZHI MCHOG TU MGYOGS PA'I SHUGS DANG LDAN PA, 'PHAGS PA'I BDEN PA BZHI'I SDER MO DANG MCHE BA SHIN TU RNO BA, TSANGS PA'I GNAS PA BZHI'I SO DRANG BSNYER BA, BSDU BA'I DNGOS PO BZHIS SHIN TU BSDUS PA'I MGO DANG LDAN PA, RTEN CING 'BREL PAR 'BYUNG BA YAN LAG BCU GNYIS KHONG DU CHUD PAS RIM GYIS 'PHAGS PA'I LUS DANG LDAN PA, BYANG CHUB KYI PHYOGS KYI CHOS SUM CU RTZA BDUN YANG DAG PAR YONGS SU RDZOGS PAS RAL PA CAN DU BYAS SHING, RIG PA DANG, YE SHES KYI ZE BA CAN, RNAM PAR THAR PA'I SGO GSUM GYI KHA GDANGS BA, ZHI GNAS DANG LHAG MTHONG SHIN TU RNAM PAR DAG PA'I MIG DANG LDAN PA, BSAM GTAN DANG, RNAM PAR THAR PA DANG, TING NGE 'DZIN DANG, SNYOMS PAR 'JUG PA'I RI SUL GYI PHUG NA GNAS PA, SPYOD LAM BZHI DANG, 'DUL BA'I NAGS TSAL DANG, NAGS 'DAB NAS SKYES PA'I LUS DANG LDAN PA, STOBS BCU DANG, MI 'JIGS PA BZHI DANG, NYE BA'I STOBS DANG LDAN PA, SKYE BA DANG 'JIG PA'I 'JIGS PA DANG SPU G-YO BA MED PA, RTZA LA LA ZHUM PA MED PA, MU STEGS CAN GYI BONG BU DANG, RI DWAGS MANG PO'I TSOGS RAB TU @11A *, ,'JOMS PA, BDAG MED PAR SGRA BRJOD PA'I SENG-GE'I NGA RO CHEN PO SGROG PA, SKYES BU SENG-GE DANG, RNAM PAR GROL BA DANG, BSAM GTAN GYI DKYIL 'KHOR LAS SHES RAB KYI 'OD DANG, 'OD ZER GYIS MU STEGS BYED SRIN BU ME KHYER GYI TSOGS 'OD MED PAR BYED PA, MA RIG PA'I MUN PA MUN NAG GI LING TOG DANG RAB RIB MED PAR BYED PA, STOBS DANG BRTZON 'GRUS 'BAR BA, LHA DANG MI'I NANG DU BSOD NAMS KYI GZI BRJID KYI GZI DANG LDAN PA, SKYES BU CHEN PO NYI MA, NAG PO'I PHYOGS MED PA, DKAR PO'I PHYOGS YONGS SU RDZOGS PA, BLTA NA SDUG CING YID DU 'ONG BAS MIG GI DBANG PO LA THOGS PA MED PA, LHA BRGYA STONG GI SKAR MA'I TSOGS KYIS SHIN TU BRGYAN PA, BSAM GTAN DANG, RNAM PAR THAR PA DANG, YE SHES KYI DKYIL 'KHOR CAN, BYANG CHUB KYI YAN LAG GI BDE BAS ZLA BA'I 'OD ZER DU GYUR PA, MI DANG LHA MKHAS PA'I ME TOG KU MU DA KHA 'BYED PA SKYES BU CHEN PO ZLA BA, 'KHOR GYI GLING BZHIR SONG BA, BYANG CHUB KYI YAN LAG BDUN GYI RIN PO CHE DANG LDAN PA, SEMS CAN THAMS CAD LA SEMS MNYAM PAR SBYOR BA, BLO DPYAD THOGS PA MED PA, DGE BA BCU'I LAS KYI LAM GYI DKA' THUB DANG BRTUL ZHUGS SHIN TU PHUN SUM TSOGS SHING RAB TU RDZOGS PA'I KHYAD PAR DU POGS DBYUNG @11B BAR BYA BA'I BSAM PA CAN, CHOS KYI RGYAL PO'I CHOS KYI 'KHOR LO RIN PO CHE MCHOG DAM PA THOGS PA MED PAR BSKOR BA, 'KHOR LOS BSGYUR BA'I RIGS KYI RGYUD DU BYUNG BA, CHOS KYI 'KHOR LOS BSGYUR BA CHEN PO, RTEN CING 'BREL PAR 'BYUNG BA ZAB CING GTING DPAG DKA' BA, CHOS RIN PO CHE THAMS CAD KYIS RAB TU GANG BA, THOS PAS MI NGOMS PAS YANGS SHING RGYA CHE LA MTHA' YAS PA'I YE SHES DANG TSUL KHRIMS KYI TSOD LAS MI 'DA' BA, BLO RGYA MTSO DANG SA LTAR RGYA CHE BA'I MCHOG TU GYUR PA, SA DANG CHU DANG ME DANG RLUNG DANG MNYAM PA'I SEMS SU GYUR PA, RI RAB LTAR BRTAN ZHING MI GYO LA BSKYOD PAR MI NUS PA'I YID DANG LDAN PA, RJES SU CHAGS PA DANG KHONG KHRO BA MED PA, NAM MKHA'I DKYIL LTAR DRI MA MED CING YANGS LA 'DRA BA MED PAR RGYA CHE BA'I BLO DANG LDAN PA, LHAG PA'I BSAM PA SHIN TU YONGS SU DAG PA, SBYIN PA LEGS PAR BYIN PA, SNGON SBYOR BA LEGS PAR BYAS PA, LHAG PA'I BYA BA LEGS PAR BYAS PA, BDEN PA'I RGYAN GYIS LEGS PAR BRGYAN PA, DGE BA'I RTZA BA THAMS CAD YONGS SU BTZAL BA, GOS PAR BYA BA BSGOS PA, DGE BA'I RTZA BA NGES PAR BYAS PA, BSKAL PA GRANGS MED PA BDUN DU DGE BA'I RTZA BA THAMS CAD YANG DAG PAR BSGRUBS PA, SBYIN PA RNAM PA BDUN BYIN PA, BSOD NAMS BYA BA'I DNGOS PO LNGA SHIN TU @12A *, ,BSTEN PA, LEGS PAR SPYAD PA LUS KYI RNAM GSUM, NGAG GI RNAM BZHI, YID KYI RNAM GSUM SPYAD PAR GYUR PA, DGE BA BCU'I LAS KYI LAM BSTEN PA DANG LDAN PA, YANG DAG PA'I SBYOR BA YAN LAG BZHI BCU DANG LDAN PA BSTEN PAR GYUR PA, YANG DAG PA'I SMON LAM YAN LAG BZHI BCU DANG LDAN PA'I SMON LAM BTAB PA, LHAG PA'I BSAM PA YAN LAG BZHI BCU DANG LDAN PA LA ZHUGS PA, YANG DAG PA'I RNAM PAR THAR PA YAN LAG BZHI BCU DANG LDAN PA YONGS SU RDZOGS PAR BYAS PA; YANG DAG PA'I MOS PA YAN LAG BZHI BCU DANG LDAN PA DRANG POR BYAS PA, SANGS RGYAS BYE BA KHRAG KHRIG BRGYA STONG PHRAG BZHI BCU'I RJES SU RAB TU BYUNG BA, SANGS RGYAS BYE BA KHRAG KHRIG BRGYA STONG LNGA BCU RTZA LNGA LA SBYIN PA PHUL BAR GYUR PA, RANG SANGS RGYAS BYE BA BRGYA PHRAG PHYED DANG BZHI LA LHAG PAR BYA BA BYAS PA, SEMS CAN TSAD MED GRANGS MED PA DAG MTHO RIS DANG THAR PA'I LAM DU BTZUD PAR GYUR PA, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'DOD PA, TSE GCIG GIS THOGS PA, 'DI NAS SHI 'PHOS NAS DGA' LDAN GYI GNAS DAM PA NA GNAS PA LHA'I BU DAM PA TOG DKAR PO ZHES BYA BA, LHA'I TSOGS RNAMS KYIS 'DI NI @12B 'DI NAS SHI 'PHOS NAS MI'I 'JIG RTEN DU SKYES TE RING PO MI THOGS PAR BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES DER SHIN TU MCHOD PA, GZHAL MED KHANG GNAS SUM KHRI NYIS STONG RAB TU GNAS PA, STEGS BU DANG, BA GAM DANG, RTA BABS DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHYAMS KYIS LEGS PAR BRGYAN PA, GDUGS DANG, RGYAL MTSAN DANG, BA DAN SGRENG BA, RIN PO CHE'I DRIL BU GYER KHA'I DRA BA'I BLA BRE BRES PA, ME TOG MAN-D'A RA BA DANG, MAN-D'A RA BA CHEN PO CHAL PAR BKRAM PA, LHA'I BU MO BYE BA KHRAG KHRIG BRGYA STONG GLU DBYANGS LEN PA, ME TOG AA TI MUK-TA DANG, TZAMP KA DANG, SKYA SNAR DANG, SA BRTOL DANG, BTANG BZUNG DANG, BTANG BZUNG CHEN PO DANG, MYA NGAN 'TSANG DANG, NYA GRO DHA DANG, TIN-DU KA DANG, AA SA NA DANG, DONG KA'I ME TOG DANG, SHING KE SA RA DANG, TA MA LA DANG, S'A LA DANG, RIN PO CHE'I SHING LJON PA CHEN POS BRGYAN PA, GSER GYI DRA BAS GYOGS PA, GZHI MNYAM ZHING BKOD PAS MDZES PAR BYAS PA, ME TOG SNANG 'OD DANG, MA LI KA DANG, SNA MA'I ME TOG DANG, BAR-SHI KA DANG, TA RA NI DANG, BA LI DANG, KO TA RA NI DANG, MCHOG TU DRI ZHIM DANG, DA NU SKA RI DANG, LHA'I SNA MA'I ME TOG DANG, AU-TAP LA DANG, PAD-MA DANG, KU MU DA @13A *, ,DANG, PAD-MA DKAR PO DANG, DRI RAB TU ZHIM PA'I BLA BRE CHEN PO PHYOGS PHYOGS SU BRES PA, BYA 'DAB SBED DANG, NE TZO DANG, RI SKEGS DANG, KHU BYUG DANG, NGANG PA DANG, RMA BYA DANG, NGUR PA DANG, KU NA LA DANG, KA LA PING-KA DANG, SHANG SHANG TE'U LA SOGS PA BYA SNA TSOGS SGRA SNYAN PA 'BYIN PA, LHA BYE BA KHRAG KHRIG BRGYA STONG GIS MIG MNGON DU PHYOGS TE BLTA ZHING LTAD MOR BYA BA, CHOS RGYA CHE BA CHEN PO YANG DAG PAR BRJOD PAS 'DOD PA LA DGA' BA'I SHUGS KYI NYON MONGS PA THAMS CAD GCOD PA, NGA RGYAL DANG; RGYAGS PA DANG, DREGS PA DANG, KHRO BA DANG, THA BA DANG, KHONG KHRO BA MED PAR GYUR PA, DGA' BA DANG, MGU BA DANG, MCHOG TU DGA' BA DANG, DRAN PA RGYA CHE ZHING GSAL BA, SKYE BA'I GZHAL MED KHANG CHEN PO DE NA BDE BAR GNAS SHING CHOS KYI YANG DAG PA'I GTAM BYUNG BA DANG, SIL SNYAN DANG, GLU DBYANGS BRGYAD KHRI BZHI STONG PO'I SGRA DE DAG LAS BYANG CHUB SEMS DPA'I SNGON GYI LAS DGE BA'I TSOGS KYIS YANG DAG PAR SKUL BA'I TSIGS SU BCAD PA 'DI DAG BYUNG NGO, ,BSOD NAMS RGYA CHEN TSOGS MNGA' DRAN RTOGS DANG, ,BLO GROS MTHA' YAS SHES RAB 'OD MDZAD PA, ,MTSUNGS MED STOBS MNGA' SGYU RTZAL RGYA CHE BA, ,MAR ME MDZAD KYIS LUNG BSTAN DGONGS PAR MDZOD, ,RGYA CHEN @13B DRI MA MED PA'I THUGS MNGA' BA, ,DRI MA GSUM SPANGS RGYAGS DANG SKYON ZHI BA, ,DGE BA DRI MED RNAM PAR DAG PA'I THUGS, ,SNGON CHAD JI LTAR SBYIN SPYAD DGONGS PAR MDZOD, ,ZHI GNAS TSUL KHRIMS BRTUL ZHUGS BZOD PA DANG, ,DUL DANG BRTZON 'GRUS BSAM GTAN SHAS RAB STOBS, ,BSKAL PA BYE BA KHRAG KHRIG RNAMS SPYAD PA, ,SBYOD RIGS CHER BYUNG DGONGS MDZOD DGONGS PAR MDZOD, ,SEMS CAN RNAMS LA THUGS BRTZE MDZAD GYUR CING, ,SANGS RGYAS BYE BA KHRAG KHRIG KHYED KYIS MCHOD, ,DGONGS MDZOD DGONGS PAR MDZOD CIG GRAGS MTHA' YAS, ,DE DUS LAGS KYI BTANG SNYOMS MA MDZAD CIG ,RGA SHI NYON MONGS 'JIGS MDZAD RDUL BRAL BA, ,LHA DANG KLU DANG GNOD SBYIN DRI ZA DANG, ,LHA MIN DBANG PO DAG KYANG SDOD LAGS KYI, ,'CHI 'PHO'I TSUL MKHYEN 'PHO BA BSTAN PAR MDZOD, ,BSKAL PA STONG DU DKA' BA SPYAD GYUR KYANG, ,RGYA MTSO CHU YIS JI BZHIN MI NGOMS KYI, ,NGOMS PA KHYOD KYI THUGS DAM DGE BA STE, ,YUN RING SKOM NYEN SKYE BO CHIM PAR MDZOD, ,SMAD PA MED PA'I GRAGS BA MNGA' BA KHYOD, ,CHOS LA DGYES PAR KHYOD DGYES 'DOD MI DGYES, ,'ON KYANG DRI MA MED PA'I SPYAN MNGA' BA, ,LHAR BCAS 'JIG RTEN DAG LA THUGS BRTZE MDZOD, ,LHA RNAMS BYE BA KHYOD LAS CHOS THOS PAS, ,NGOMS PAR 'GYUR BA MA LAGS 'ON GYIS @14A *, ,KYANG, ,DAL DANG MI LDAN GYUR PA'I NGAN SONG DU, ,GNAS PAR GYUR PA DAG LA GZIGS SU GSOL, ,DRI MA MED PA'I SPYAN MNGA' PHYOGS BCU YI, ,'JIG RTEN DAG GI SANGS RGYAS GZIGS GYUR CING, ,DE DAG RNAMS LA CHOS GSAN CHOS MCHOG DE, ,'JIG RTEN DAG LA RNAM PAR DBYE BA MDZOD, ,DPAL LDAN KHYOD KYI BSOD NAMS DPAL GYIS NI; ;DGA' LDAN PHO BRANG SHIN TU MDZES MOD KYI, ,'ON KYANG THUGS RJE THUGS DANG LDAN PAS NA, ,DZAM-BU'I RGYAL MTSAN DU NI CHAR PA PHOB, ,BRTUL ZHUGS GRUB PA BYANG CHUB REG CES TE; ;'DOD PA'I KHAMS LAS RAB TU 'DAS PA YI, ,GZUGS KYI KHAMS NA LHA RNAMS GANG 'KHOD PA, ,DU MA THAMS CAD MNGON PAR RAB TU DGA', ,MGON PO KHYOD KYIS BDUD KYI LAS RNAMS BCOM, ,KHYOD GZHAN MU STEGS CAN RNAMS PHAM MDZAD DE, ,KHYOD NI BYANG CHUB PHYAG MTHIL BZHAG DANG 'DRA, ,DE DUS LAGS KYI BTANG SNYOMS MA MDZAD CIG ,NYON MONGS RAB TU 'BAR BA'I 'JIG RTEN LA, ,DPA' BO KHYOD KYIS SPRIN LTAR KHYAB MDZAD DE, ,BDUD RTZI'I CHAR BA MNGON PAR RAB TU PHOB, ,LHA MI RNAMS KYIS NYON MONGS ZHI BAR MDZOD, ,KHYOD NI SMAN PA KHAMS LA MKHAS PA STE, ,YUN RING NAD PA SMAN PAS POR BA YI, ,SEMS CAN RNAM THAR GSUM GYI SBYAR SMAN GYIS, ,MYA NGAN 'DAS @14B PA'I BDE LA MYUR DU KHOD, ,SENG-GE'I NGA RO THOS PAR MA GYUR PAS, ,WA RNAMS 'JIGS PA MED PAR SGRA SGROG GI ,SANGS RGYAS SENG-GE'I SGRA NI RAB BSGRAGS TE, ,MU STEGS CAN GZHAN WA RNAMS SKRAG PAR MDZOD, ,SA YI DKYIL NA STOBS DANG BRTZON 'GRUS KYI, ,STOBS LDAN PHYAG NA SHES RAB SGRON ME BSNAMS, ,PHYAG MTHIL DAM PAS SA LA BRDAB MDZAD DE, ,'DI RNAMS KHYOD KYIS RAB TU PHAM PAR MDZOD, ,GANG DAG KHYOD LA LHUNG BZED 'BUL BA YI, ,'JIG RTEN SKYONG BA BZHI PO SDOD CING MCHIS, ,KHYOD BLTAMS GANG DAG LEN PAR 'GYUR BA YI, ,BRGYA BYIN TSANGS PA KHRAG KHRIG SDOD CING MCHIS, ,BLO GROS BZANG PO RIGS CHEN RIGS LDAN PA, ,GANG LA GNAS NAS BYANG CHUB SEMS DPA' YI, ,SPYOD PA STON 'GYUR DAM PA RIGS SKYES PA; ;RIGS KYI NANG NA BTZUN PA'I RIGS LA GZIGS, ,SNOD GYUR GANG DU NOR BU RIN PO CHE, ,BZHAG NA DPAL DANG LDAN PAR 'GYUR BA BZHIN, ,NOR BU RIN CHEN LTA BUR DRI MED THUGS; ;DZAM-BU'I RGYAL MTSAN DU NI CHAR PA PHOB, ,GLU DBYANGS SGRA LAS RNAM PA 'DI LTA YI, ,TSIGS SU BCAD PA MANG PO BYUNG GYUR NAS, ,'DI NI DUS LAGS BTANG SNYOMS MA MDZAD CES; ;SNYING RJE'I YID DANG LDAN LA SKUL BAR BYED, ,YANG DAG PAR SPRO BAR BYA BA'I LE'U STE, GNYIS PA'O,, ,,DGE SLONG DAG, DE LTAR BYANG CHUB SEMS DPA' CHOS KYI DUS @15A *, ,DE LTA BUS YANG DAG PAR BSKUL BA DANG, GZHAL MED KHANG CHEN PO DE NAS BYUNG STE CHOS KYIS MTHO BA ZHES BYA BA'I KHANG BZANG CHEN PO GANG DU BYANG CHUB SEMS DPA' 'DUG CING DGA' LDAN GYI LHA RNAMS LA CHOS STON PA DER BYANG CHUB SEMS DPA' ZHUGS SO, ,ZHUGS NAS KYANG SENG-GE'I KHRI CHOS BZANG PO ZHES BYA BA LA 'DUG GO ,DE NAS LHA'I BU GANG DAG BYANG CHUB SEMS DPA' DANG SKAL PA MNYAM PA THEG PA MTSUNGS PA LA ZHUGS PA DE DAG KYANG KHANG BZANG DE NYID DU ZHUGS SO, ,GANG YANG BYANG CHUB SEMS DPA' PHYOGS BCU NAS 'DUS PA BYANG CHUB SEMS DPA' DANG SPYOD PA 'DRA BA DAG DANG, LHA'I BU DE DAG KYANG LHA'I BU MO'I TSOGS RNAMS BSAL CING LHA'I BU PHAL RNAMS KYANG BSAL NAS LHA'I BSAM PA MTHUN PA'I 'KHOR CAN DU BYAS TE, 'KHOR BYE BA PHRAG DRUG CU RTZA BRGYAD BRGYAD DANG KHANG BZANG DER ZHUGS NAS SO SO CI RIGS PAR RANG RANG GI SENG-GE'I KHRI LA 'KHOD PAR GYUR TO, ,DGE SLONG DAG ,DE LTAR BYANG CHUB SEMS DPA' LO BCU GNYIS NA MA'I MNGAL DU 'JUG PAR 'GYUR RO ZHES BYA BA DE'I TSE GNAS GTZANG MA'I RIS KYI LHA'I BU DAG DZAM-BU'I GLING DU LHAGS NAS LHA'I KHA DOG MI SNANG BAR BYAS TE BRAM ZE'I CHA BYAD DU BSGYUR NAS BRAM ZE RNAMS RIG BYED SLOB TU 'DZUD DE, GANG @15B ZHIG RNAM PA 'DI LTA BUR MNGAL DU ZHUGS PAR GYUR NA, DE NI SKYES BU CHEN PO'I MTSAN SUM CU RTZA GNYIS DANG LDAN PAR 'GYUR TE, DE DAG DANG LDAN NA, RNAM PA GNYIS SU 'GYUR GYI; GSUM DU 'GYUR BA MED DO, ,DE GAL TE KHYIM NA GNAS NA NI 'KHOR LOS SGYUR BA'I RGYAL PO MTHA' BZHIR RNAM PAR RGYAL BA, CHOS DANG LDAN PA, CHOS KYI RGYAL PO RIN PO CHE SNA BDUN DANG LDAN PAR 'GYUR TE, DE'I RIN PO CHE SNA BDUN NI 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, BUD MED RIN PO CHE DANG, NOR BU RIN PO CHE DANG, KHYIM BDAG RIN PO CHE DANG, BLON PO RIN PO CHE DANG BDUN NO, ,'KHOR LOS SGYUR BA'I RGYAL PO 'KHOR LO RIN PO CHE RNAM PA JI LTA BU DANG LDAN PAR 'GYUR ZHE NA 'DI LA RGYAL PO RGYAL RIGS SPYI BO NAS DBANG BSKUR BA'I GSO SBYONG GI NYI MA TSES BCO LNGA LA MGO KHRUS BYAS TE DBU ZUNGS SU GNAS SHING STENG GI KHYAMS NA BUD MED KYI TSOGS KYIS KUN NAS BSKOR CING 'DUG PA'I TSE SHAR PHYOGS NAS LHA'I 'KHOR LO RIN PO CHE RTZIBS STONG YOD PA, MU KHYUD DANG LDAN PA, LTE BA DANG BCAS PA, THAMS CAD GSER LAS GRUB PA; MGAR BAS MA BYAS PA, 'PHANG DU SHING TA LA BDUN TZAM NAS 'BYUNG STE, RGYAL PO RGYAL RIGS SPYI BO NAS DBANG BSKUR BAS LHA'I 'KHOR LO RIN PO CHE DE MTHONG NAS 'DI SNYAM @16A *, ,DU SEMS TE, BDAG GIS THOS PA RGYAL PO RGYAL RIGS SPYI BO NAS DBANG BSKUR BA GSO SBYONG GI NYI MA TSES BCO LNGA LA MGO KHRUS BYAS TE DBU ZUNGS SU GNAS SHING STENG GI KHYAMS NA BUD MED KYI TSOGS KYIS KUN NAS BSKOR CING 'DUG PA'I TSE SHAR PHYOGS NAS LHA'I 'KHOR LO RIN PO CHE BYUNG BAR GYUR NA, DE NA 'KHOR LOS BSGYUR BA'I RGYAL POR 'GYUR RO ZHES THOS TE, BDAG GI DRUNG DU LHA'I 'KHOR LO RIN PO CHE 'ONGS PA LAS NA, BDAG KYANG 'KHOR LOS SGYUR BA'I RGYAL PO YIN DU NGES SO SNYAM STE, DE NAS RGYAL PO RGYAL RIGS SPYI BO NAS DBANG BSKUR BA DE BLA GOS PHRAG PA GCIG TU GZAR NAS PUS MO GYAS PA'I LHA NGA SA LA BTZUGS TE, LAG PA GYAS BAS LHA'I 'KHOR LO RIN PO CHE DE BSKOR ZHING 'DI SKAD DU, BTZUN PA, LHA'I 'KHOR LO RIN PO CHE CHOS KYIS BSKOR CIG ,CHOS MA YIN PAS NI MA YIN NO ZHES BYA BA'I TSIG SMRAS PA DANG, DE NAS LHA'I 'KHOR LO RIN PO CHE DE RGYAL PO RGYAL RIGS SPYI BO NAS DBANG BSKUR BAS BSKOR BAS RDZU 'PHRUL GYIS NAM MKHA' LAS SHAR PHYOGS SU LEGS PAR 'GRO STE, RGYAL PO 'KHOR LOS SGYUR BA'ANG DPUNG GI TSOGS YAN LAG BZHI BA DANG LHAN CIG RJES SU 'GRO'O, ,SA'I PHYOGS GANG DU LHA'I 'KHOR LO RIN PO CHE DE GNAS @16B PAR 'GYUR BA DER RGYAL PO RGYAL RIGS SPYI BO NAS DBANG BSKUR BA DE'ANG DPUNG GI TSOGS YAN LAG BZHI PA DANG LHAN CIG TU GNAS PAR 'GYUR RO, ,DE NAS SHAR PHYOGS KYI KHAMS KYI RGYAL PO GANG YIN PA DE DAG DNGUL GYI SNOD NI GSER PHYES BKANG STE THOGS, GSER GYI SNOD NI DNGUL SIL MAS BKANG STE THOGS NAS 'KHOR LOS SGYUR BA'I RGYAL PO BSU ZHING 'DI SKAD DU, LHA 'DIR LEGS PAR GSHEGS SO, ,LHA TSUR GSHEGS SU GSOL, LHA'I CHAB SRID NI SHIN TU RGYAS SHING 'BYOR LA BDE STE, LO LEGS SHING NYAMS DGYIS LA SKYE BO MANG PO DANG, MIS GTAMS PA LAGS TE, LHA NYID KYI YUL DU BYON NAS BZHUGS SU GSOL, DE SKAD CES SMRAS PA DANG, RGYAL PO RGYAL RIGS SPYI BO NAS DBANG BSKUR BAS RIMS KYI RGYAL PO DE DAG LA 'DI SKAD DU, KHYED RANG RANG GI RGYAL SRID DAG CHOS KYIS GYIS SHIG ,CHOS MA YIN PAS NI MA YIN NO, ,KHYED SROG CHAGS MA GSOD CIG ,MA BYIN PAR MA LEN CIG ,'DOD PA LA LOG PAR GYEM PAR MA BYED CIG ,BRDZUN DU MA SMRA ZHIG, PHRA MA MA ZER CIG ,NGAG RTZUB PO MA SMRA ZHIG ,TSIG KYAL PA MA SMRA ZHIG ,BRNAB SEMS CAN DU MA GYUR CIG ,GNOD SEMS CAN DU MA GYUR CIG ,LOG PAR LTA BAR MA GYUR CIG ,SROG GCOD PA LA BYAMS PAR MA GYUR CIG ,LOG PAR LTA BA CAN GYI BAR LA BYAMS PAR MA @17A *, ,GYUR CIG ,NGA'I YUL DU CHOS MA YIN PA BYUNG NGA RE, CHOS MA YIN PAR SPYOD PA LA BYAMS PAR MA BYED CIG CES BSGOS NAS RGYAL PO RGYAL RIGS SBYI BO NAS DBANG BSKUR BAS DE LTAR SHAR PHYOGS SU RNAM PAR RGYAL BAR BYED DO, ,SHAR PHYOGS SU RNAM PAR RGYAL BAR BYAS NAS SHAR PHYOGS KYI RGYA MTSO LA 'GRO'O, ,SHAR PHYOGS KYI RGYA MTSO LA SONG NAS SHAR PHYOGS KYI RGYA MTSO LAS RGAL LO, ,RGAL NAS KYANG LHO PHYOGS SU NAM MKHA' LAS RDZU 'PHRUL GYIS LEGS PAR 'GRO STE, 'KHOR LOS BSGYUR BA'I RGYAL PO'ANG DPUNG GI TSOGS YAN LAG BZHI PA DANG LHAN CIG TU 'GRO'O, ,SNGA MA BZHIN DU LHO PHYOGS SU RNAM PAR RGYAL BAR BYED DO, ,LHO PHYOGS SU JI LTA BA DE BZHIN DU NUB PHYOGS DANG, BYANG PHYOGS SU RNAM PAR RGYAL BAR BYED DO, ,BYANG PHYOGS SU RNAM PAR RGYAL BAR BYAS NAS BYANG PHYOGS KYI RGYA MTSO LA 'GRO'O, ,BYANG PHYOGS KYI RGYA MTSO LA SONG NAS BYANG PHYOGS KYI RGYA MTSO LA RGAL LO, ,RGAL NAS KYANG NAM MKHA' LAS RDZU 'PHRUL GYIS RGYAL PO'I PHO BRANG DU LEGS PAR 'ONGS NAS BTZUN MO'I 'KHOR GYI SGO'I STENG DU NYAMS PA MED PAR GNAS TE, RGYAL PO RGYAL RIGS SPYI BO NAS DBANG BSKUR BA NI 'KHOR LO RIN PO CHE RNAM PA DE LTA BU DANG LDAN PA YIN NO, ,'KHOR LOS BSGYUR BA'I @17B RGYAL PO GLANG PO RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BAS GLANG PO RIN PO CHE SNGA MA BZHIN DU 'BYUNG STE, THAMS CAD THAL KAR GYUR PA, YAN LAG BDUN SHIN TU GNAS PA, GTZUG GSER GYIS BRGYAN PA, GSER GYI RGYAL MTSAN DANG LDAN PA, GSER GYI RGYAN GYIS BRGYAN PA, GSER GYI DRA BAS GYOG PA; RDZU 'PHRUL DANG LDAN PA, NAM MKHA' LAS 'GRO BA, RNAM PAR 'PHRUL BA'I CHOS CAN TE, 'DI LTAR GLANG PO'I RGYAL PO BYANG CHUB CES BYA BA'O, ,GANG GI TSE RGYAL PO RGYAL RIGS SPYI BO NAS DBANG BSKUR BA GLANG PO RIN PO CHE DE BRTAG PAR 'DOD PAR GYUR PA'I TSE NYI MSHAR KHAR GLANG PO RIN PO CHE DE LA ZHON TES CHEN PO 'DI RGYA MTSO'I MTHA' SKOR DANG BCAS PA, RGYA MTSO'I MUR THUG PA DANG BCAS PA KUN TU BSKOR TE RGYAL PO'I PHO BRANG DU 'ONGS NAS KHYE'U SUS KYI DGA' BA MYONG BAR BYED DE, 'KHOR LOS SGYUR BA'I RGYAL PO GLANG PO RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO RTA RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I RTA RIN PO CHE SNGA MA BZHIN DU 'BYUNG STE, THAMS CAD SNGON POR GYUR PA, MGO NAG PA, RNGOG MA LCANG LOR 'DUG PA, ZHON NA GUS PAR BYED PA, GSER GYI RGYAL MTSAN DANG BCAS @18A *, ,PA; GSER GYI RGYAN DANG LDAN PA, GSER GYI DRA BAS GYOGS PA, RDZU 'PHRUL DANG LDAN PA, NAM MKHA' LAS 'GRO BA, RNAM PAR 'PHRUL PA'I CHOS CAN TE; 'DI LTAR RTA'I RGYAL PO SPRIN YI SHUGS CAN ZHES BYA BA'O, ,GANG GI TSE RGYAL PO RGYAL RIGS SPYI BO NAS DBANG BSKUR BA RTA RIN PO CHE BRTAG PAR 'DOD PAR GYUR PA DE'I TSE NYI MA SHAR KHAR RTA RIN PO CHE DE LA ZHON NAS SA CHEN PO 'DI RGYA MTSO'I MTHA' SKOR DANG BCAS PA, RGYA MTSO'I MUR THUG PA DANG BCAS PA KUN TU BSKOR TE PHYIR RGYAL PO'I PHO BRANG DU 'KHOR NAS KHYE'U SUS KYI BDE BA MYONG BAR BYED DE, 'KHOR LOS SGYUR BA'I RGYAL PO NI RTA RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO NOR BU RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I NOR BU RIN PO CHE SNGA MA BZHIN DU 'BYUNG STE, THAMS CAD DU SNGO BA, BEE d'U-RYA'I RANG BZHIN ZUR BRGYAD DU 'DUG PA, SHIN TU SBYANGS PA 'BYUNG TE NOR BU RIN PO CHE DE'I 'OD KYIS BTZUN MO'I 'KHOR THAMS CAD KYANG SNANG BAS KHYAB PAR 'GYUR RO, ,GANG GI TSE RGYAL PO RGYAL RIGS SPYI BO NAS DBANG BSKUR BA NOR BU RIN PO CHE BRTAG PAR 'DOD PAR GYUR PA DE'I TSE MTSAN MO NAM GYI GUNG LA MUN PA MUN NAG GI NANG DU NOR BU RIN @18B RIN PO CHE DE RGYAL MTSAN GYI RTZE MO LA BTAGS TE SKYED MOS TSAL GYI SA BZANG PO BLA BA'I PHYIR SONG NA, NOR BU RIN PO CHE DE'I 'OD KYIS THAMS CAD DAN GLDAN PA'I DBUNG GI TSOGS YAN LAG BZHI PA THAMS CAD DPAG TSAD KHO RA KHOR YUG TU SNANG BAS GSAL BAR 'GYUR RO, ,NOR BU RIN PO CHE'I 'KHOR NA GNAS PA'I MI DE DAG KYANG SNANG BA DES GSAL BAR GYUR PA DANG, GCIG GIS GCIG MTHONG, GCIG GIS GCIG SHES NAS GCIG LA GCIG 'DI SKAD SMRA STE, BZHIN BZANG DAG LONGS, LAS KYI MTHA' DAG BYOS SHIN, TSONG 'DUS DAG KHROM, NYI MA SHAR TE NYIN MOR SHES SO ZHES ZER TE, RGYAL PO RGYAL RIGS SPYI BO NAS DBANG BSKUR BA DE NOR BU RIN PO CHE RNAM PA DE LTA BU DANG LDAN PA YIN NO, , RGYAL PO RGYAL RIGS SPYI BO NAS DBANG BSKUR BA BUD MED RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I BUD MED RIN PO CHE SNGA MA BZHIN DU 'BYUNG STE, TSUL DANG MTHUN PA, RGYAL RIGS SU SKYES PA, HA CANG YANG MI RING BA, HA CANG YANG MI THUNG BA, HA CANG YANG MI SPOM PA, HA CANG YANG MI SKEM PA, HA CANG YANG MI DKAR BA, HA CANG YANG MI NAG PA, GZUGS MDZES A LA LHAGS NAS RKANG RJES DE DAG NI A DOG BZANG PO RGYAS PA MCHOG DANG LDAN PA, DE'I SPU'I KHUN @19A *, ,THAMS CAD NAS TZAN-DAN GYI DRI 'BYUNG BA, KHA NAS AUTP LA'I NGAD LNGANG BA, KA TZA LIN-DA'I GOS LTAR REG NA BDE BA, DE GRANG BA'I DUS NA NI LUS LA REG NA DRO BA, DRO BA'I DUS NA, LUS LA REG NA BSIL BA STE, DE 'KHOR LOS SGYUR BA'I RGYAL PO MA GTOGS PAR GZHAN LA YID KYIS KYANG 'DOD CHAGS SU MI BYED NA, LUS KYIS LTA CI SMOS TE, 'KHOR LOS SGYUR BA'I RGYAL PO NI BUD MED RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO KHYIM BDAG RIN PO CHE RNAM PA JI LTA BU DANG LDAN PA YIN ZHE NA, 'DI LA RGYAL PO RGYAL RIGS SPYI BO NAS DBANG BSKUR BA'I KHYIM BDAG RIN PO CHE SNGA MA BZHIN DU 'BYUNG STE, MKHAS PA, GSAL PA; YID GZHUNGS PA, LHA'I MIG DANG LDAN PA 'BYUNG NGO, ,DE LHA'I MIG DES DPAG TSAD KHO RA KHOR YUG TU BDAG PO DANG BCAS PA'I GTER DAG KYANG MTHONG, BDAG PO MED PA'I GTER DAG KYANG MTHONG STE, DE BDAG PO MED PA'I GTER GANG YIN PA DE DAG GIS 'KHOR LOS SGYUR BA'I RGYAL PO'I NOR GYI DGOS PA BYED DE, 'KHOR LOS SGYUR BA'I RGYAL PO NI KHYIM BDAG RIN PO CHE RNAM PA DE LTA BU DANG LDAN PA YIN NO, ,'KHOR LOS SGYUR BA'I RGYAL PO BLON PO RIN PO CHE RNAM PA JI LTA BU DANG LDAN PA YIN ZHE NA, @19B 'DI LA 'KHOR LOS SGYUR BA'I RGYAL PO'I BLON PO RIN PO CHE SNGA MA BZHIN DU 'BYUNG STE, MKHAS SHING GSAL LA YID GZHUNGS PA'O, ,DE 'KHOR LOS BSGYUR BA'I RGYAL PO DES BSAM PA TZAM GYIS BSKO BAR BYA BA'I DPUNG RNAMS SKO'O, ,'KHOR LOS SGYUR BA'I RGYAL PO NI BLON PO RIN PO CHE RNAM PA DE LTA BU DANG LDAN PA YIN TE, 'KHOR LOS BSGYUR BA'I RGYAL PO NI RIN PO CHE SNA BDUN DE DAG DANG LDAN PA YIN NO, ,DE LA BU STONG 'BYUNG STE, DPA' BA, RTUL PHOD PA, YAN LAG MCHOG GI GZUGS DANG LDAN PA, PHA ROL GYI SDE RAB TU 'JOMS PA SHA STAG STE, DES RGYA MTSO LA THUG PA'I SA CHEN PO MA LUS PA GNOD PAR SDO BA MED CING 'TSE BA MED PA 'DI NYID CHAD PA MED CING MTSON GYIS BDA' BA MED LA CHOS KYIS LEGS PAR PHAB STE GNAS SO, ,GAL TE KHYIM NAS KHYIM MED PAR RAB TU BYUNG NA, SANGS RGYAS SU 'GYUR TE, 'DOD PA'I 'DOD CHAGS SPANGS PA, 'DREN PA GZHAN GYI DRING MI 'JOG PA, LHA DANG MI RNAMS KYI STON PAR 'GYUR RO ZHES RIG BYED 'DON DU 'DZUD DO, ,DE BZHIN DU LHA'I BU GZHAN DAG KYANG DZAM-BU'I GLING DU LHAGS SHING RANG SANGS RGYAS DAG LA SKUL MA 'DEBS TE, 'PHAGS PA DAG ,DA STE LO BCU GNYIS NA BYANG CHUB SEMS DPA' YUM GYI LHUMS SU 'JUG GI ,SANGS RGYAS KYI ZHING 'DI 'OR @20A *, ,CIG CES ZER RO, ,DGE SLONG DAG, DE'I TSE RGYAL PO'I KHAB KYI GRONG KHYER CHEN PO NA MJUG MA SGYUR BA ZHES BYA BA'I RIL RANG SANGS RGYAS GLANG PO ZHES BYA BA 'DUG PAS SGRA DE THOS NAS RDO BA'I STENG DU 'JIM PA LA BYA BA DE BZHIN DU 'DUG STE, NAM MKHA' LA SHING TA LA BDUN SRID DU GYEN DU 'PHAGS SO, ,GYEN DU 'PHAGS NAS KYANG ME'I KHAMS LA SNYOMS PAR ZHUGS TE SGRON MA BZHIN DU MYA NGAN LAS 'DAS SO, ,DE'I MKHRIS PA DANG, BAD KAN DANG, CHU RGYUS DANG, RUS PA DANG, SHA DANG, KHRAG TU GYUR PA GANG YIN PA THAMS CAD NI MES YONGS SU ZAD PAR GYUR TE, RING BSREL 'BA' ZHIG SA LA LHAGS NAS RKANG RJES DE DAG NI DA DUNG YANG DRANG SRONG GI RJES ZHES GRAG STE YOD DO, ,DGE SLONG DAG ,DE'I TSE YUL WA' RA n'A SI'I RI DWAGS KYI NGAS DRANG SRONG LHUNG BA NA RANG SANGS RGYAS LNGA BRGYA 'KHOD PA DE DAG GIS KYANG SGRA DE THOS NAS NAM MKHA' LA SHING TA LA BDUN SRID DU GYEN DU 'PHAGS NAS ME'I KHAMS LA SNYOMS PAR ZHUGS TE SGRON MA BZHIN DU YONGS SU MYA NGAN LAS 'DAS SO, ,DE DAG GI MKHRIS PA DANG, BAD KAN DANG, CHU RGYUS DANG, RUS PA DANG, SHA DANG, KHRAG TU GYUR PA GANG YIN PA DE THAMS CAD NI MES YONGS SU ZAD PAR GYUR TE, RING BSREL 'BA' ZHIGS @20B LA LHAGS SO, ,DE LTAR 'DIR DRANG SRONG RNAMS LHUNG NGO ZHES DE PHYIN CHAD DRANG SRONG LHUNG BA ZHES BYA BA'ANG DRANG SRONG LHUNG BA DRANG SRONG LHUNG BA ZHES MING DU CHAGS PAR GYUR TO, ,MI 'JIGS PA BYIN PA'I RI DWAGS DAG KYANG DE NA GNAS PAS DE PHYIN CHAD RI DWAGS KYI NGAS ZHES BYA B'ANG RI DWAGS KYI NGAS RI DWAGS SKYE NAGS ZHES MING DU CHAGS PAR GYUR TO, ,DGE SLONG DAG ,DE LTAR BYANG CHUB SEMS DPA' DGA' LDAN GYI GNAS DAM PA NA 'DUG PA NI RNAM PAR BLTA PA CHEN PO BZHI LA RNAM BAR LTA STE, BZHI GANG ZHE NA, 'DI LTA STE, DUS LA RNAM PAR LTA BA DANG, GLING LA RNAM PA LTA BA DANG, YUL LA RNAM PAR LTA BA DANG, RIGS LA RNAM PA LTA PA'O, ,DGE SLONG DAG, CI'I PHYIR BYANG CHUB SEMS DPA' DUS RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI THOG MA'I DUS SEMS CAN 'DU BA'I TSE MA'I MNGAL DU MI 'JUG GI, GANG GI TSE 'JIG RTEN GSAL BAR KUN NAS GNAS PAR GYUR TE, SKYE BA SNANG BAR GYUR, RGA BA SNANG BAR GYUR, NA SNANG BAR GYUR, 'CHI BA SNANG BAR GYUR PA DE'I TSE BYANG CHUB SEMS DPA' MA'I MNGAL DU 'JUG GO ,DGE SLONG DAG ,CI'I PHYIR BYANG CHUB SEMS DPA' GLING RNAM PAR BLTA BA LA RNAM BAR LTA ZHE NA, BYANG CHUB SEMS DPA' NI MTHA' 'KHOB KYI GLING DU MI SKYE, SHAR GYI LUS 'PHAGS @21A *, ,POR MI SKYE, NUB KYI BA LANG SPYOD DU MI SKYE, BYANG GI SGRA MI SNYAN DU MI SKYE'O, ,LHO'I 'DZAM-PU GLING NYID DU SKYE'O, ,DGE SLONG DAG ,CI'I PHYIR BYANG CHUB SEMS DPA' YUL RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI MTHA' 'KHOB KYI YUL GANG NA MI RNAMS DBANG PO RTUL ZHING BLUN LA LUG LTAR LKUGS PA'I RANG BZHIN CAN LEGS PAR BSTAN PA DANG, NYES PAR BSTAN PA'I DON SHES PAR BYA BA'I SKAL BA MED PA DAG YOD PA DAG TU MI SKYE'I, BYANG CHUB SEMS DPA' NI YUL GYI DBUS NYID DU SKYE'O, ,DGE SLONG DAG ,CI'I PHYIR BYANG CHUB SEMS DPA' RIGS RNAM PAR BLTA BA LA RNAM PAR LTA ZHE NA, BYANG CHUB SEMS DPA' NI RIGS DMA' BA GDOL PA'I RIGS SAM, SMYIG MA MKHAN GYI RIGS SAM, SHING RTA MKHAN GYI RIGS SAM, G-YUNG RIGS SU MI SKYE'I, BRAM ZE'I RIGS SAM, RGYAL RIGS KHO NA STE, RIGS GNYIS SU SKYE'O, ,DE LA GANG GI TSE BRAM ZE'I RIGS BTZUN PAR BYA BA DE'I TSE BRAM ZE'I RIGS SU SKYE'O, ,GANG GI TSE RGYAL RIGS BTZUN PAR BYA BA DE'I TSE RGYAL RIGS SU SKYE STE, DGE SLONG DAG ,DA LTAR NI RGYAL RIGS BTZUN PAR BYA BAS, DE'I PHYIR BYANG CHUB SEMS DPA' RGYAL RIGS SU SKYE STE, DGE SLONG DAG ,DON GYI DBANG DE LA BRTEN @21B NAS BYANG CHUB SEMS DPA' DGA' LDAN GYI GNAS DAM PA NA GNAS PA RNAM PAR BLTA BA CHEN PO BZHI LA RNAM PAR LTA STE, DE LTAR BLTAS NAS CANG MI ZER BAR GYUR TO, ,'PHAGS PA RGYA CHER ROL PA ZHES BYA BA THEG PA CHEN PO'I MDO,, ,,BAM PO GNYIS PA, DGE SLONG DAG ,DE LTAR LHA'I BU DE DAG DANG, BYANG CHUB SEMS DPA' DE DAG GCIG LA GCIG 'DI SKAD DU; BYANG CHUB SEMS DPA' RIGS RIN PO CHE NI JI LTA BU ZHIG TU SKYE BAR 'GYUR, YUM NI JI LTA BU ZHIG GI LHUMS SU 'JUG PAR 'GYUR ZHES 'DRI'O, ,DE LA LA LA NA RE, YUL MA GA DHA NA LUS 'PHAGS KYI RIGS 'DI 'BYOR CING RGYAS LA LO LEGS PA DANG, BDE BA DANG LDAN PA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE NI TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE NI MA'I RGYUD KYIS DAG PA'ANG MA YIN, PHA'I RGYUD KYIS DAG PA'ANG MA YIN LA, BSOD NAMS CHUNG DUS BYUNG GI ,BSOD NAMS RGYA CHEN POS MNGON PAR BYUNG BA MA YIN ZHING, RGOD LA MI BRTAN TE MI GNAS PA YIN LA, YUL DE'ANG NYE 'KHOR GSEG MAS GANG BA, SKYED MOS TSAL DANG, MTSO DANG, MTSE'U DAG KYANG MI MANG LA, RI BRAG LTAR MTHA' 'KHOB KYI GNAS SU GYUR PA STE, DE'I PHYIR DE NI TSUL DANG MTHUN BAM YIN NO, , @22A *, ,ZHES ZER RO, ,LA LA NA RE, KO SA LA'I RIGS 'DI 'KHOR MANG ZHING BZHON PA MANG LA NOR CHE BA STE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR KO SA LA'I RIGS NI GDOL PA'I RIGS LAS SHI 'PHOS NAS SKYES PA YIN TE, PHA DANG MAS DAG PA'ANG MA YIN LA, DMA' BA LA MOS PA STE, RIGS MTHO BAR YANG MI BYA, NOR DANG RIN PO CHE'I GTER YANG TSAD MED PAR PHUN SUM TSOGS PA MA YIN TE, DE'I PHYIR DE NI TSUL DANG MTHUN PA MA YIN NO ZHES ZER RO, ,LA LA NA RE, RGYAL PO BAD SA'I RIGS 'DI 'BYOR CING RGYAS LA LO LEGS PA DANG, BDE BA DANG LDAN PA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO, ,ZHES ZER RO, ,LA LA NA RE, DE'ANG DE'I TSUL DANG MTHUN PA MA YIN TE, DE CI'I PHYIR ZHE NA, 'DI LTAR RGYAL PO BAD SA'I RIGS NI PHAL PA STE, GTUM LA GZI BRJID 'BAR BA'ANG MA YIN ZHING, SKYES PA GZHAN LAS SKYE BA GRUB PA, PHA MA NYID KYI GZI BRJID KYI LAS KYIS GRUB PA MA YIN LA, DE'I RGYAL PO'ANG CHAD PAR SMRA BA STE, DE'I PHYIR DE'ANG TSUL DANG MTHUN PA MA YIN NO ZHES ZER @22B RO; ;LA LA NA RE, GRONG KHYER CHEN PO YANGS PA CAN 'DI NI 'BYOR CING RGYAS LA LO LEGS PA DANG, BDE BA DANG LDAN PA YIN TE, NYAMS DGA' LA SKYE BO MANG PO DANG MIS KUN TU GANG BA; STEGS BU DANG, BA GAM DANG, RTA BABS ? DANG, SKAR KHUNG DANG, BSIL KHANG DANG, KHANG PA BRTZEGS PA DANG, KHANG BZANG DAG GIS LEGS PAR BRGYAN PA STE, ME TOG GI RA BA DANG, NAGS TSAL GYI PHRENG BA ME TOG KUN TU RGYAS PA DANG LDAN PA YIN LA, LHA'I PHO BRANG DANG 'DRA BA YIN TE, DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO, ,ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE DAG LA NI PHAN TSUN DU RIGS PAR SMRA BA MED DO; ;CHOS SPYOD PA MED DO, ,GONG MA DANG, BAR MA DANG, RGAN PA DANG, GTZO BO DAG LA'ANG RIM GROR BYA BA MED CING, RE RE ZHING YANG 'DI SNYAM DU BDAG NI RGYAL PO'O, ,BDAG NI RGYAL PO'O SNYAM DU SEMS PAS SLOB MAR KHAS LEN PA MED CING, CHOS KHAS LEN PA MED PA STE, DE'I PHYIR DE'ANG TSUL DANG MTHUN PA MA YIN NO ZHES ZER RO, ,LA LA NA RE, GRONG KHYER 'PHAGS RGYAL NA RAB SNANG GI RIGS 'DI NI DPUNG CHE ZHING BZHON PA MANG BA, PHA ROL GYI G-YUL NGOR RGYAL BA THOB PA YIN TE, DE NI BYANG CHUB SEMS @23A *, ,DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR DE DAG NI KHRO ZHING GTUM LA BRLANG ZHING GZU LUMS CAN RGOD PA STE, LAS YOD PAR LTA BA'ANG MA YIN PAS, DE'I PHYIR DE'ANG BYANG CHUB SEMS DPA' YUM GYI LHUMS SU 'JUG PA'I GNAS KYI 'OS MA YIN NO ZHES ZER RO, ,LA LA NA RE, GRONG KHYER BCOM BRLAG 'DI 'BYOR CING RGYAS LA LO LEGS PA DANG, BDE BA DANG LDAN PA, SKYE BO MANG PO DANG MIS KUN TU GANG BA YIN PAS, RGYAL PO LAG BZANG SDE DPA' BA'I BDAG PO'I RGYAL PO'I PHO BRANG DE NI BYANG CHUB SEMS DPA' YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR RGYAL PO DE NI LOG PAR LTA BA'I RIGS KYI RGYUD DU SKYES PA STE, MI RGOD DANG 'DRA BA'I RGYAL PO YIN PAS BYANG CHUB SEMS DPA' SRID PA THA MA PA NI LOG PAR LTA BA'I RIGS SU SKYE BAR MI RIGS TE, DE'I PHYIR DE'ANG TSUL DANG MTHUN PA MA YIN NO ZHES ZER RO, ,LA LA NA RE, GRONG KHYER HA STI NA PU RA 'DI'I RGYAL PO NI SKYA BSENG GI BU'I RIGS KYI RGYUD LAS SKYES PA, DPA' ZHING RTUL PHOD PA @23B DANG LDAN PA, YAN LAG MCHOG GI GZUGS PHUN SUM TSOGS PA GZHAN GYI SDE 'JOMS PA STE, RIGS DE NI BYANG CHUB SEMS DPA' DE YUM GYI LHUMS SU 'JUG PA'I GNAS KYI 'OS YIN NO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, 'DI LTAR SKYA BSENG GI BU'I RIGS SU SKYES PA DAG GIS NI RIGS KYI RGYUD RNAM PAR 'KHRUGS PAR BYAS TE, G-YUL NGOR BRTAN PA LA NI CHOS KYI BU ZHES ZER, 'JIGS SDE LA NI RLUNG GI BU ZHES ZER, SRID SGRUB LA NI DBANG PO'I BU ZHES ZER, RIGS MED DANG, LHAR BCAS LA NI THA SKAR GYI BU ZHES ZER TE, DE'I PHYIR RIGS DE'ANG BYANG CHUB SEMS DPA' DE LHUMS SU 'JUG PA'I GNAS KYI 'OS MA YIN NO ZHES ZER RO; ;LA LA NA RE, GRONG KHYER BCOM BRLAG 'DI NI SHIN TU'ANG NYAMS DGA' ZHING PHAN TSUN 'BYOR GYI STENG DU RGYAL PO BZANG PO'I BSHES GNYEN BZHUGS PA'I SA'ANG YIN LA; RGYAL PO DE'ANG GLANG PO DANG, RTA DANG, SHING RTA DANG, DPUNG BU CHUNG DANG, DPUNG GI TSOGS MANG PO DANG LDAN PA, GSER DANG, DNGUL DANG, NOR BU DANG, MU TIG DANG, BEE d'U-RYA DANG, DUNG DANG, MAN SHEL DANG, BYI RU DANG, SA LE SBRAM DANG, NOR DANG, YO BYAD SHIN TU MANG BA, RGYAL PO DANG BLON PO THAMS CAD KYIS ZIL GYIS MI NON PA'I STOBS @24A *, ,DANG, PHA ROL GNON PA DANG LDAN PA, MDZA' BA DANG LDAN ZHING CHOS LA DGA' BA STE, RIGS DE NI BYANG CHUB SEMS DPA' DE YUM GYI LHUMS SU 'JUG PA'I GNAS SU RUNG NGO ZHES ZER RO, ,LA LA NA RE, DE'ANG TSUL DANG MTHUN PA MA YIN TE, DE CI'I PHYIR ZHE NA, RGYAL PO BZANG PO'I BSHES GNYEN YON TAN DE LTA BU DANG LDAN PA DE YOD MOD KYI; DE NI SHIN TU RGAS PAS BU SKYED PA'I MTHU'ANG MED LA, BU'ANG MANG BAS DE'I PHYIR RIGS DE'ANG BYANG CHUB SEMS DPA' DE YUM GYI LHUMS SU 'JUG PA'I GNAS KYI 'OS MA YIN NO ZHES ZER RO, ,DE LTAR BYANG CHUB SEMS DPA' DE DAG DANG, LHA DE DAG GIS DZAM-BU'I GLING GI YUL CHEN PO BCU DRUG PO THAMS CAD NA RGYAL PO'I RIGS MTHON PO MTHON PO'I RIGS GANG JI SNYED CIG YOD PA DE DAG THAMS CAD LA BLTAS NA, THAMS CAD KYANG NYES PA DANG BCAS PAR MTHONG STE, DE DAG DE LTAR SEMS PA'I YID LA BYED PA'I TSE LHA'I BU YE SHES TOG GI RGYAL MTSAN ZHES BYA BA BYANG CHUB LAS PHYIR MI LDOG PA, THEG PA CHEN PO 'DI LA NGES PAR GYUR PA ZHIG YOD PA DES BYANG CHUB SEMS DPA'I 'KHOR DANG, LHA'I 'KHOR CHEN PO YOD PA DE DAG LA 'DI SKAD CES SMRAS SO, ,GROGS PO DAG TSUR SHOG ,BYANG CHUB SEMS DPA' DE NYID KYI DRUNG DU DONG STE, RIGS RIN PO CHE YON TAN JI LTA @24B BUR PHUN SUM TSOGS PA ZHIG TU SRID PA THA MA PA'I BYANG CHUB SEMS DPA' SKYE BAR 'GYUR BA DRI'O ZHES SMRAS PA DANG, LEGS SO, ,ZHES TE, DE DAG THAMS CAD KYANG THAL MO SBYAR NAS BYANG CHUB SEMS DPA'I DRUNG DU PHYIN TE DRIS PA, SKYES BU DAM PA, RIGS RIN PO CHE YON TAN PHUN SUM TSOGS PA JI LTA BU ZHIG TU BYANG CHUB SEMS DPA' SRID PA THA MA PA SKYE BAR 'GYUR, DE NAS BYANG CHUB SEMS DPAS BYANG CHUB SEMS DPA'I TSOGS CHEN PO DANG, LHA'I TSOGS CHEN PO DE DAG LA RNAM PAR BLTAS TE 'DI SKAD CES SMRAS SO, ,GROGS PO DAG ,BYANG CHUB SEMS DPA' SRID PA THA MA PA GANG DU SKYE BAR 'GYUR BA'I RIGS DE NI RNAM PA DRUG CU RTZA BZHI PHUN SUM TSOGS PA YIN TE, DRUG CU RTZA BZHI GANG ZHE NA, 'DI LTA STE; RIGS DE NI, BTZUN PA YIN, RIGS DE NI KUN GYIS MNGON PAR SHES PA YIN, RIGS DE NI PHRAN TSEGS MED CING GNOD PAR BYED PA MED PA YIN, RIGS DE NI RGYUD PHUN SUM TSOGS PA YIN, RIGS DE NI CHO 'BRANG PHUN SUM TSOGS PA YIN, RIGS DE NI SKYES BU ZUNG PHUN SUM TSOGS PA YIN, RIGS DE NI SNGON GYI SKYES BU ZUNG PHUN SUM TSOGS PA YIN, RIGS DE NI BTZUN PA'I SKYES BU ZUNG PHUN SUM TSOGS PA YIN, RIGS DE NI KUN GYIS MNGON PAR SHES PA'I SKYES BU ZUNG PHUN SUM TSOGS PA YIN, @25A *, ,RIGS DE NI DBANG CHE BAR GRAGS PA'I SKYES BU ZUNG PHUN SUM TSOGS PA YIN, RIGS DE NI SKYES PA MANG BA YIN, RIGS DE NI BUD MED MANG BA YIN; RIGS DE NI 'JIGS PA MED PA YIN, RIGS DE NI DMAN PA MED CING ZHUM PA MED PA YIN, RIGS DE NI BRKAM PA MED PA YIN, RIGS DE NI TSUL KHRIMS DANG LDAN PA YIN, RIGS DE NI SHES RAB DANG LDAN PA YIN, RIGS DE NI BLON POS BLTA ZHING LONGS SPYOD LA SPYOD PA YIN, RIGS DE NI BZO DON YOD PAS BSHAMS SHING LONGS SPYOD LA SPYOD PA YIN, RIGS DE NI MDZA' BA BRTAN PA YIN, RIGS DE NI DUD 'GRO'I SKYE GNAS SU SKYES PA'I SROG CHAGS KYI SROG LA LTA BA YIN, RIGS DE NI BYAS PA GZO BA DANG LDAN PA YIN, RIGS DE NI BRTUL ZHUGS SHES PA YIN, RIGS DE NI 'DUN PAS MI 'GRO BA YIN, RIGS DE NI ZHE SDANG GIS MI 'GRO BA YIN, RIGS DE NI GTI MUG GIS MI 'GRO BA YIN, RIGS DE NI 'JIGS PAS MI 'GRO BA YIN, RIGS DE NI KHA NA MA THO BAS 'JIGS PA YIN, RIGS DE NI GTI MUG LA MI GNAS PA YIN, RIGS DE NI LAG SBABS CHE BA YIN, RIGS DE NI BYA BA LA MOS PA YIN, RIGS DE NI GTONG BA LA MOS PA YIN, RIGS DE NI SBYIN PA LA MOS @25B PA YIN; RIGS DE NI ZHO SHA SHES PA YIN, RIGS DE NI RTZAL BRTAN PA YIN, RIGS DE NI MTHU RTZAL DANG LDAN PA YIN, RIGS DE NI RTZAL MCHOG DANG LDAN PA YIN, RIGS DE NI DRANG SRONG MCHOD PA YIN, RIGS DE NI LHA MCHOD PA YIN, RIGS DE NI MCHOD RTEN MCHOD PA YIN, RIGS DE NI MTSUN RJED PA YIN, RIGS DE NI 'KHON DU 'DZIN PA MED PA YIN, RIGS DE NI PHYOGS BCUR SGRA GRAGS PA YIN, RIGS DE NI 'KHOR CHEN PO DANG LDAN PA YIN, RIGS DE NI 'KHOR MI PHYED PA DANG LDAN PA YIN, RIGS DE NI BLA NA MED PA'I 'KHOR DANG LDAN PA YIN, RIGS DE NI RIGS KYI NANG NA GTZO BOR BYA BA YIN, RIGS DE NI RIGS LA DBANG THOB PA YIN, RIGS DE NI DBANG CHE BAR GRAGS PA YIN; RIGS DE NI PHAR 'DZIN PA YIN, RIGS DE NI MAR 'DZIN PA YIN, RIGS DE NI DGE SBYONG DU 'DZIN PA YIN, RIGS DE NI BRAM ZER 'DZIN PA YIN, RIGS DE NI NOR DANG 'BRU'I BANG MDZOD MANG BA YIN, RIGS DE NI DBYIG DANG, GSER DANG, NOR BU DANG, MU TIG DANG, BEE d'URYA DANG, DUNG DANG, MAN SHEL DANG, BYI RU DANG, SA LE SBRAM DANG, DNGUL DANG, RDZAS DANG, YO BYAD MANG BA YIN, RIGS DE NI GLANG PO CHE DANG, RTA DANG, RNGA MONG DANG, BA LANG DANG, LUG SHIN TU MANG ? BA YIN, RIGS DE NI BRAN PHO DANG, @26A *, ,BRAN MO DANG, LAS BYED PA DANG, ZHO SHAS 'TSO BA SHIN TU MANG BA YIN, RIGS DE NI THUB PAR DKA' BA YIN, RIGS DE NI DON THAMS CAD GRUB PA YIN; RIGS DE NI 'KHOR LOS SGYUR BA'I RIGS KYI RGYUD DU SKYES PA YIN, RIGS DE NI SNGON GYI DGE BA'I RTZA BA'I GROGS KYIS BSKYED PA YIN, RIGS DE NI BYANG CHUB SEMS DPA'I RIGS SU RIGS BTZUN PAR SKYES PA YIN, RIGS DE NI 'JIG RTEN LHA DANG BCAS PA, BDUD DANG BCAS PA, TSANGS PA DANG BCAS PA, DGE SBYONG DANG BRAM ZE'I SKYE RGU DANG BCAS PA'I NANG NA RIGS LAS SMOS PA'I SKYON GYI KHA NA MA THO BA THAMS CAD DANG BRAL BA STE, GROGS PO DAG ,GANG DU BYANG CHUB SEMS DPA' SRID PA THA MA PA 'BYUNG BAR 'GYUR BA'I RIGS DE NI RNAM PA DRUG CU RTZA BZHI PO DE DAG DANG LDAN PA YIN NO, ,GROGS PO DAG ,SRID PA THA MA PA'I BYANG CHUB SEMS DPA' BUD MED GANG GI MNGAL DU 'JUG PAR 'GYUR BA'I BUD MED DE NI YON TAN GYI RNAM PA SUM CU RTZA GNYIS DANG LDAN PA YIN TE, SUM CU RTZA GNYIS GANG ZHE NA, 'DI LTA STE, BYANG CHUB SEMS DPA' SRID PA THA MA PA NI KUN GYIS MNGON PAR SHES PA'I BUD MED KYI MNGAL DU 'JUG GO ,KUN GYIS MNGON PAR RIG PA DANG, SPYOD PA LA GLAGS MI THOD PA DANG, RIGS PHUN SUM TSOGS PA @26B DANG, CHO 'BRANG PHUN SUM TSOGS PA DANG, GZUGS PHUN SUM TSOGS PA DANG, MING PHUN SUM TSOGS PA DANG, CHU ZHENG PHUN SUM TSOGS PA DANG, SNGON CHAD MA BTZAS PA DANG, TSUL KHRIMS PHUN SUM TSOGS PA DANG, GTONG BA PHUN SUM TSOGS PA DANG, BZHIN 'DZUM PA DANG, MTHUN PAR 'DZIN PA DANG, GSAL BA DANG, DUL BA DANG, 'JIGS PA MED PA DANG, MANG DU THOS PA DANG, MKHAS PA DANG, SGYU MED PA DANG, G-YO MED PA DANG, MI KHRO BA DANG, PHRAG DOG MED PA DANG, SER SNA MED PA DANG, MI RGOD PA DANG, MI G-YENG PA DANG, CA CO MED PA DANG, BZOD CING DES PA DANG LDAN PA DANG, NGO TSA SHES SHING KHREL YOD PA DANG, 'DOD CHAGS DANG, ZHE SDANG DANG, GTI MUG GI SHAS CHUNG BA DANG, BUD MED KYI SKYON DANG BRAL BA DANG, KHYIM THAB KYI BRTUL ZHUGS DANG LDAN PA DANG, YON TAN THAMS CAD PHUN SUM TSOGS PA'I BUD MED KYI MNGAL DU BYANG CHUB SEMS DPA' SRID PA THA MA PA 'JUG GO ,GROGS PO DAG ,BYANG CHUB SEMS DPA' SRID PA THA MA PA BUD MED GANG GI MNGAL DU 'JUG PA'I BUD MED DE NI YON TAN GYI RNAM PA SUM CU RTZA GNYIS PO DE DAG DANG LDAN PA YIN NO, ,GROGS PO DAG ,BYANG CHUB SEMS DPA' NI ZLA BA MAR GYI NGO LA MA'I MNGAL DU MI 'JUG GI ,BYANG CHUB SEMS DPA' SRID PA THA MA PA NI ZLA BA YAR GYI TSES BCO LNGA'I ZLA BA NYA STE RGYAS PA LA @27A *, ,SKAR MA RGYAL DANG LDAN PA'I TSE, MA GSO SBYONG BLANGS PA'I MNGAL DU 'JUG GO ,DE NAS BYANG CHUB SEMS DPA' DE DAG DANG, LHA'I BU DE DAG GIS BYANG CHUB SEMS DPA' LAS RIGS YONGS SU DAG PA DANG, MA YONGS SU DAG PA'I RNAM PA DE LTA BU DE DAG THOS NAS 'DI SNYAM DU SEMS TE, SKYES BU DAM PA 'DI RNAM PA JI SNYED DU BSTAN PA DE LTA BU'I YON TAN DANG LDAN PA'I RIGS DE GANG ZHIG LA YOD SNYAM DU SEMS SO, ,DE LTAR SEMS SHING YID LA BYED PA LA ZHUGS PA NA, DE DAG 'DI SNYAM STE, SH'A-KYA'I GRONG KHYER 'DI 'BYOR CING RGYAS LA BDE ZHING LO LEGS PA DANG LDAN TE, NYAMS DGA' ZHING SKYE BO MANG PO DANG MIS GANG BA YIN LA, RGYAL PO ZAS GTZANG MA'ANG MA'I RGYUD KYIS DAG PA, PHA'I RGYUD KYIS DAG PA, CHUNG MA DAG PA DANG LDAN PA, LAS KYI MTHA' LA NYON MONGS PA MED PA, DPE BYAD BZANG BA, SHIN TU MDZANGS PA, BSOD NAMS KYI GZI BRJID DANG LDAN PA, GRAGS PA CHEN PO'I RIGS SU SKYES PA, 'KHOR LOS BSGYUR BA'I RIGS KYI RGYUD DU SKYES PA, NOR DANG, GTER DANG, RIN PO CHE DPAG TU MED PA DANG LDAN PA, LAS YOD PAR LTA BA; SDIG PA'I LTA BA MED PA, SH'A-KYA'I YUL KUN NA'ANG RGYAL PO DE GCIG PUR ZAD DE, TSONG DPON DANG, KHYIM BDAG DANG, BLON PO DANG, 'KHOR GYI MI THAMS CAD KYIS RIM @27B GRONG ? BYA ZHING MCHOD PA, MDZES PA, BLTA NA SDUG PA, HA CANG YANG MI RGAN, HA CANG YANG MI GZHON ZHING GZUGS MDZES LA YON TAN THAMS CAD DANG LDAN PA, BZO SHES PA, DUS SHES PA; BDAG SHES PA, CHOS SHES PA, SEMS SHES PA, 'JIG RTEN SHES PA, MTSAN SHES PA, CHOS KYI RGYAL PO CHOS KYIS RJES SU STON PA'O, ,SER SKYA'I GNAS KYI GRONG KHYER CHEN PO DE NI SEMS CAN DGE BA'I RTZA BA SKYED PA RNAMS KYI GNAS TE, GANG DAG DER SKYES PAR GYUR PA DE DAG KYANG DE DANG SKAL BA 'DRA BA DAG GO ,RGYAL PO ZAS GTZANG MA DE LA LHA MO SGYU 'PHRUL ZHES BYA BA SH'A-KYA'I BDAG PO SHIN TU LEGS PAR RTOGS PA ZHES BYA BA'I BU MO ZHIG YOD PA'ANG PHYUG CING GZHON ZHING DAR LA BAB PA'I GZUGS PHUN SUM TSOGS PA; SNGON CHAD MA BTZAS PA, BU DANG BU MO MED PA, GZUGS MDZES PA, BU DON LA BRIS PA LTAR BLTA NA SDUG PA, LHA'I BU MO LTAR RGYAN THAMS CAD KYIS BRGYAN PA, BUD MED KYI SKYON RNAMS DANG BRAL BA, BDEN PAR SMRA BA, MI DRAG PA, MI BRLANG BA, MI GCOR BA, KHA NA MA THO BA MED PA, GYO MO'I SGRA LTA BU MED PA, CA CO MED PA, 'JAM ZHING SNYAN LA YID DU 'ONG BAR SMRA BA, MI DES PA DANG, KHONG KHRO BA DANG, NGA RGYAL DANG, DREGS PA DANG, RGYAGS PA DANG, KHRO BA MED PA, PHRAG DOG MED PA, DUS SU SMRA BA, GTONG BA PHUN SUM TSOGS PA, @28A *, ,TSUL KHRIMS DANG LDAN PA, KHYOS CHOG BAR 'DZIN PA, KHYIM THAB KYI BRTUL ZHUGS CAN, SKYES PA GZHAN LA BSAM PA'I YID LA BYA BA DANG BRAL PA, MGO DANG, RNA BA DANG, SNA GNAS SU PHEBS PA, BUNG BA'I MCHOG GI KHA DOG LTA BU'I SKRA DANG LDAN PA, DPRAL BA LEGS PA, SMIN TSUGS LEGS PA, KHRO GNYER MED PA, BZHIN 'DZUM PA, GSONG POR SMRA BA, 'JAM ZHING SNYAN PA'I TSIG DANG LDAN PA, MTHUN PAR 'DZIN PA, DRANG BA, GYA GYU MED PA, SGYU MED PA, G-YO MED PA, KHREL YOD CING NGO TSA SHES PA; MI RGOD PA, MI G-YENG BA, KHA NGAN MI SMRA BA, 'CHAL BA'I TSIG MED PA, 'DOD CHAGS DANG, ZHE SDANG DANG, GTI MUG GI SHAS CHUNG BA, DANG DES SHING BZOD PA DANG LDAN PA, RKANG LAG DANG, MIG DANG, BLO SHIN TU BSRUNGS PA, RKANG LAG SHIN TU 'JAM PA, KA TZA LIN-DA'I GOS LTAR REG NA BDE BA, PAD-MA GZHON NU'I 'DAB MA LTAR MIG SHIN TU RNAM PAR DAG PA; SNA DBYIBS LEGS SHING MDOG SDUG PA, YAN LAG SHIN TU BRTAN PA, 'JA'I DBYIBS LTAR SHIN TU 'DUD PA, YAN LAG DANG, NYING LAG SHIN TU 'BYES PA, YAN LAG LA SMAD DU MED PA, MCHU BIM PA LTAR DMAR PA, BLTA NA MDZES PA, MGUL RIM BZHIN DU 'DUG PA, RGYAN DAM PA DANG LDAN PA, SNA MA'I ME TOG DANG BAR-SHI KA LTAR SO @28B SHIN TU RNAM PAR DAG PA, PHRAG PA LEGS PAR BYIN GYIS 'TSAM PA, RIM GYIS LEGS PAR GRUB PA'I DPUNG PA DANG LDAN PA, RKED PA GZHU'I 'CHANG BZUNG LTAR PHRA BA, GZHOGS NYAMS PA MED PA, LTE BA KHUNG ZAB PA, STA ZUR 'JAM ZHING YANGS LA ZLUM ZHING BRTAN PAR GRUB PA, RDO RJE LTAR MKHREGS SHING MTSUNGS PA PAD-MED ? PA'I LUS DANG LDAN PA, GLANG PO'I SNA LTAR MNYAM ZHING LEGS PA'I BRLA DANG LDAN PA, BYIN PA RI DWAGS AE NA YA'I LTA BU, LAG PA DANG RKANG PA'I MTHIL RGYA SKYEGS KYI KHU BA LTAR 'DUG PA, 'GRO BA'I MIG TU SDUG BA; MIG GI DBANG PO NYAMS PA MED PA, YID DU 'ONG ZHING BLTA NA SDUG PA, BUD MED RIN PO CHE'I GZUGS LAS KYANG KHYAD PAR 'PHAGS PA, MTSUNGS PA MED PA, SGYU 'PHRUL SPRUL PA LTA BU'I GZUGS SU 'DUG PAS SGYU 'PHRUL ZHES MING GI BRDAR BTAGS PA, SGYU RTZAL LA MKHAS PA, DGA' TSAL GYI LHA'I BU MO LTA BU ZHIG RGYAL PO ZAS GTZANG MA'I BTZUN MO'I 'KHOR GYI NANG NA 'DUG PA DE NI BYANG CHUB SEMS DPA'I YUM DU TSUL DANG MTHUN GYI, GANG BYANG CHUB SEMS DPAS RIGS DAG PA BSTAN PA DE NI SH'A-KYA'I RIGS NYID LA SNANG GI ,GZHAN LA NI MA YIN NO, ,DE LA 'DI SKAD CES BYA STE, DAG PA'I SEMS CAN CHOS MTHO KHANG BZANG NA, ,CHOS BZANG SENG-GE'I KHRI LA RAB TU 'DUG ,BYANG CHUB SEMS @29A *, ,DPA' GRAGS CHEN LDAN PA DANG, ,SKAL BA MNYAM PA'I LHA RNAMS DRANG SRONG 'KHOR, ,DE NA 'DUG CING DE NI 'DI SNYAM SEMS, ,RIGS GANG RNAM DAG RAB TU SHES DANG LDAN, ,BYANG CHUB SEMS DPA' SKYE DANG TSUL MTHUN GANG, ,PHA MA GANG ZHIG DAG PA'I DNGOS DANG LDAN, ,DZAM-BU'I GLING 'DI KUN TU RNAM BLTAS NA, ,RGYAL RIGS RGYAL RGYUD CHE BA GANG YIN PA, ,KUN KYANG SKYON DANG BCAS PAR RJES BSAM NAS, ,SH'A-KYA'I RIGS NI SKYON DANG BRAL BAR MTHONG, ,ZAS GTZANG RGYAL PO'I RIGS NANG RIGS DANG LDAN, , MI DBANG RGYUD NA RNAM DAG CHO RIGS CAN, ,'BYOR CING RGYAS LA 'KHRUG PA MED PA STE, ,SKYE BO DAM PA CHOS LDAN RIM GRO CAN, ,SER SKYAR BRJOD PA'I GRONG KHYER SEMS CAN GZHAN; ;KUN KYANG BSAM PA RAB DAG CHOS DANG LDAN, ,SKYED MOS KUN DGA' GZHAL MED KHANG GIS BRGYAN, ,SKYE BA'I SAR NI SER SKYAR BRJOD PA MDZES, ,KUN KYANG TSAN CHEN STOBS DANG LDAN PA STE, ,GLANG PO GNYIS SAM GSUM GYI STOBS KYANG BDOG ,'PHONG RTZAL BSLAB PA'I PHA ROL MTHAR PHYIN KYANG, ,SROG GI DON DU GZHAN LA GNOD MI BYED, ,ZAS GTZANG RGYAL PO'I BUD MED DBEN PA STE, ,BUD MED DAM PA STONG GI MCHOG TU PHYIN, ,YID DU 'ONG BA SGYU 'PHRUL SPRUL PA'I GZUGS, ,DE YI MING YANG LHA MO SGYU 'PHRUL TE, , @29B MDZES PA'I GZUGS 'CHANG LHA YI BU MO BZHIN, ,'BYES PA'I LUS LDAN YAN LAG DRI MED SDUG ,LHA DANG MI RNAMS GANG YANG RUNG BA DAG ,SGYU 'PHRUL MTHONG NA GANG NGOMS DE MED KYANG, 'DOD CHAGS ZHEN MED LDANG BAS ZHE LDANG MED, ,DE NI 'JAM SNYAN DRANG BA'I NGAG DANG LDAN, ,MI BRLANG MI RTZUB SHIN TU DES PA STE, ,DE NI BZHIN 'DZUM KHRO GNYER RAB TU SPANGS, ,NGO TSA KHREL YOD CHOS SPYOD LDAN PA STE, ,NGA RGYAL MED CING MA KHENGS RGOD PA MED, ,PHRAG DOG MED CING SGYU DANG G-YO MED DE, ,GTONG LA DGA' ZHING RTAG TU BYAMS SEMS LDAN, ,LAS YOD LTA ZHING LOG PA'I SBYOR BA SPANGS, ,BDEN LA GNAS SHING LUS DANG YID RAB BSDAMS, ,SA LA GANG YOD BUD MED SKYON MANG TSOGS, ,DE DAG THAMS CAD DE LA YOD MA YIN, ,MI YI 'JIG RTEN DRI ZA'I 'JIG RTEN NAM, ,LHA YI 'JIG RTEN DAG NA BUD MED BZHIN, ,LHA MO SGYU 'PHRUL MTSUNGS MED GA LA LHAG ,DRANG SRONG CHEN PO'I MAR NI DE 'OS TE, ,TSE RABS LNGA BRGYA KHO NAR TSANG BAR YANG, ,DE NI BYANG CHUB SEMS DPA'I MAR GYUR TO, ,DE DANG DER NI YAB KYANG ZAS GTZANG STE, ,DE PHYIR YON TAN LDAN PA'I MA YI 'OS, ,DKA' THUB CAN LTAR DE NI BRTUL ZHUGS GNAS; ;BRTUL ZHUGS RJES SPYOD RTAG PAR CHOS KYANG SPYOD, ,RGYAL POS GNANG STE MCHOG SBYIN THOB PAS NA, ,'DOD PA MA SPYAD ZLA BA SUM CU GNYIS, ,GANG GI PHYOGS NA DE 'DUG @30A *, ,'GRENG BA'AM, ,NYAL ZHING 'GRO BAR GYUR BA'I GNAS DAG KYANG, ,DE YI LAS DGE GZHOL BA'I 'OD ZER GYIS, ,SHIN TU SNANG BAR 'DOD KYIS GSAL BAR GYUR; ;LHA DANG LHA MIN MI RNAMS GANG YANG RUNG, ,'DOD CHAGS SEMS KYIS BLTA BAR NUS PA MED, ,SPYOD LAM RNAMS SU 'PHAGS PA'I YON TAN LDAN, ,DE LA KUN KYANG MA DANG BU MOR LTA, ,SGYU 'PHRUL LHA MO'I DGE BA'I LAS KYI RGYUS, ,RGYAL PO'I SRID NI RAB YANGS RNAM PAR 'PHEL, ,KHAMS KYI RGYAL PO'ANG 'JUG PAR MI BYED CING, ,RGYAL PO'I GRAGS DANG BRJOD PA RNAM PAR 'PHEL, ,DE LTAR SGYU 'PHRUL SNOD DU MTHUN GYUR CING, ,DE LTAR SEMS CAN DAM PA MCHOG MDZES PAS, ,DE GNYIS YON TAN MCHOG DANG LDAN PAS NA; ;'DI NI BUR 'GYUR DE NI MA YI 'OS, ,LHA MO YON TAN MCHOG DANG LDAN PA STE, ,GLANG PO KHRI YI STOBS BDOG MA GTOGS PAR, ,DZAM-BU'I RGYAL MTSAN 'DI NA MI MCHOG DE; ;'DZIN PAR NUS PA'I BUD MED GANG YANG MED, ,DE SKAD CHE BA'I LHA YI BU RNAMS DANG, ,BYANG CHUB SEMS DPA' SHES RAB RGYA CHEN DAG ,SH'A-KYA'I RIGS RNAMS DGA' BAR MDZAD PA YI, ,YUM DU LEGS LDAN SGYU 'PHRUL 'GYUR ZHES ZER, ,RIGS YONGS SU DAG PA'I LE'U STE, GSUM PA'O,, ,,DGE SLONG DAG ,DE LTAR BYANG CHUB @30B SEMS DPAS SKYE BA'I RIGS LA RNAM PAR BLTAS NAS DGA' LDAN GYI GNAS KYI GZHAL MED KHANG CHEN PO CHU DANG RGYAR DPAG TSAD DRUG CU RTZA BZHI YOD PA GANG DU BYANG CHUB SEMS DPA' 'DUG STE, DGA' LDAN GYI LHA RNAMS LA CHOS STON PA RGYAL MTSAN MTHON PO ZHES BYA BA YOD DE, BYANG CHUB SEMS DPA' DE GZHAL MED KHANG CHEN PO DER SONG NAS PHYIN PA DANG, DGA' LDAN GYI RIGS KYI LHA'I BU THAMS CAD LA SMRAS PA, KHYED RNAMS 'DIR 'DU BAR GYIS SHIG ,SHI 'PHO BA'I RNAM PAR SBYOR BA ZHES BYA BA'I CHOS RJES SU DRAN PA RJES SU BSTAN PA THA MA'I CHOS MNYAN PA BYANG CHUB SEMS DPA' LAS NYON CIG ,DE SKAD KYI TSIG THOS NAS DGA' LDAN GYI RIS KYI LHA'I BU THAMS CAD LHA'I BU MO'I TSOGS DANG BCAS TE GZHAL MED KHANG CHEN PO DER 'DUS SO, ,DER BYANG CHUB SEMS DPAS 'KHOR GYI KHYAMS GLING BZHI PA CHEN PO'I 'JIG RTEN GYI KHAMS KYI TSAD TZAM DU YANGS PAR BYIN GYIS BRLABS PAR GYUR NAS DE DE TZAM DU BZANG ZHING DE TZAM DU BLTA NA SDUG LA, DE TZAM DU RGYAN GYIS RGYAS SHING DE TZAM DU YID DU 'ONG BAR GYUR PA DES 'DOD PA NA SPYOD PA DANG, GZUGS NA SPYOD PA'I LHA'I BU THAMS CAD RANG RANG GI KHYIM GYI BKOD PA LA DUR KHROD LTA BU'I 'DU SHES SKYES PAR GYUR TO, ,DE LA BYANG CHUB SEMS DPA' RANG GI BSOD NAMS KYI RNAM PAR @31A *, ,SMAN PA'I RGYU MTHUN PAS YONGS SU BRGYAN PA'I SENG- GE'I KHRI NOR BU RIN PO CHE DU MAS RTZA BA SPRAS PA, LHA'I RAS BCOS BU'I STAN DU MA BTING BA, LHA'I SPOS ZHIM PO DU MAS BSGOS PA, BDUG SPOS DAM PA MCHOG TU BYA BA DU MAS BDUGS PA, LHA'I ME TOG KHA DOG DU MA'I DGRAM PA BKRAM PA, NOR BU RIN PO CHA'I 'OD BRGYA STONG DU MA 'BAR BA'I GZI BRJID CAN, NOR BU RIN PO CHE DU MA'I DRA BAS G-YOGS PA, RIN PO CHE'I DRIL BU G-YER KHA'I DRA BA DU MA'I SGRA 'BYUNG BAS MNGON PAR DGA' BA DANG LDAN PA, RIN PO CHE'I DRIL BU BRGYA STONG DU MA MNGON PAR DKROL BA'I SGRA DANG LDAN PA, RIN PO CHE'I DRA BA BRGYA STONG DU MAS YONGS SU GSAL BAR GYUR PA, RIN PO CHE'I GDUGS BRGYA STONG DU MAS KUN NAS BKAB PA, DAR BRGYA STONG DU MAS RAB TU DPYANGS PA, DAR GYI PHRENG BA LDA LDI BRGYA STONG DU MAS SHIN TU BRGYAN PA, LHA'I BU MO BRGYA STONG DU MAS GLU BLANGS GAR BYAS, ROL MO BYAS PA, YON TAN BRGYA STONG DU MA KUN TU BRJOD PA, 'JIG RTEN SKYONG BA BRGYA STONG DU MAS RJES SU BSRUNGS PA, BRGYA BYIN BRGYA STONG DU MAS PHYAG BYAS PA, TSANGS PA BRGYA STONG DU MAS RAB TU BTUD PA, BYANG CHUB SEMS DPA' BYE BA KHRAG KHRIG BRGYA STONG DU MAS YONGS SU BZUNG BA, PHYOGS BCU'I SANGS RGYAS BYE BA KHRAG KHRIG BRGYA STONG DU MA @31B MTHA' YAS PAS DGONGS PA, BSKAL PA BYE BA KHRAG KHRIG BRGYA STONG DPAG TU MED PAR PHA ROL TU PHYIN PA TSOGS SU BYAS PA'I BSOD NAMS KYI RNAM PAR SMIN PA'I RGYU MTHUN PA LAS BYUNG BA DE LTA BU LA 'DUG GO ,DGE SLONG DAG ,DE LTAR BYANG CHUB SEMS DPA' SENG-GE'I KHRI CHEN PO YON TAN DE LTA BU DANG LDAN PA LA 'DUG NAS LHA'I 'KHOR CHEN PO DE DAG LA SMRAS PA, GROGS PO DAG ,BYANG CHUB SEMS DPA'I LUS BSOD NAMS BRGYA'I MTSAN GYIS LEGS PAR BRGYAN PA LA LTOS, SHAR DANG, LHO DANG, NUB DANG, BYANG DANG, 'OG DANG, STENG DANG, PHYOGS BCU KUN NA BYANG CHUB SEMS DPA' DGA' LDAN GYI GNAS DAM PA NA 'KHOD CING THAMS CAD KYANG SRID PA THA MA LA MNGON DU PHYOGS PA, LHA'I TSOGS KYIS YONGS SU BSKOR BA, 'CHI 'PHO'I RNAM PAS LHA RNAMS DGA' BAR BYED PA'I CHOS SNANG BA'I SGO YANG DAG PAR STON PA TSAD MED, GRANGS MED, BGRANG BA LAS 'DAS PA DAG LA LTOS, DE NAS LHA'I 'KHOR DE THAMS CAD KYIS BYANG CHUB SEMS DPA'I BYIN GYI RLABS KYIS BYANG CHUB SEMS DPA' DE DAG MTHONG BAR GYUR TE, MTHONG BAR GYUR NAS KYANG BYANG CHUB SEMS DPA' GA LA BA DE LOGS SU THAL MO SBYAR BA BTUD DE YAN LAG LNGAS PHYAG 'TSAL NAS 'DI SKAD DU, 'DI LTAR BDAG CAG GIS BLTAS PA TZAM GYIS BYANG CHUB SEMS DPA' 'DI SNYED CIG MTHONG @32A *, ,BA NA BYANG CHUB SEMS DPA'I BYIN GYI RLABS BSAM GYIS MI KHYAB STE, LEGS SO ZHES CHED DU BRJOD PA CHED DU BRJOD DO, ,DE NAS BYANG CHUB SEMS DPAS YANG LHA'I 'KHOR CHEN PO DE DAG LA BOS NAS 'DI SKAD CES SMRAS TE, GROGS PO DAG ,DE BAS NA, BYANG CHUB SEMS DPA' DE DAG LHA'I BU DE DAG LA GANG STON PA 'CHI 'PHO'I RNAM PAS LHA RNAMS DGA' BAR BYED PA'I CHOS SNANG BA'I SGO NYON CIG ,GROGS PO DAG ,CHOS SNANG BA'I SGO BRGYA RTZA BRGYAD PO 'DI DAG NI BYANG CHUB SEMS DPAS 'CHI 'PHO'I DUS LA BAB PA'I TSE LHA'I 'KHOR LA GDON MI ZA BAR YANG DAG PAR BSTAN PAR BYA BA STE, BRGYA RTZA BRGYAD GANG ZHE NA, 'DI LTA STE, GROGS PO DAG ,DAD PA NI CHOS SNANG BA'I SGO STE, BSAM PA MI PHYED PAR 'GYUR RO, ,DANG BA NI CHOS SNANG BA'I SGO STE, SEMS RNYOG PA CAN DANG BAR 'GYUR RO, ,MCHOG TU DGA' BA NI CHOS SNANG BA'I SGO STE, LUS SHIN TU SBYANGS PAR 'GYUR RO, ,DGA' BA NI CHOS SNANG BA'I SGO STE, SEMS RNAM PAR DAG PAR 'GYUR RO, ,LUS KYI SDOM PA NI CHOS SNANG BA'I SGO STE, LUS KYI NYES PA RNAM PA GSUM YONGS SU DAG PAR 'GYUR RO, ,NGAG GI SDOM PA NI CHOS SNANG BA'I SGO STE, NGAG GI NYES PA BZHI YONGS SU SPONG BAR 'GYUR RO, ,YID KYI SDOM PA NI CHOS SNANG @32B BA'I SGO STE, YID KYI BRNAB SEMS DANG, GNOD SEMS DANG, LOG PAR LTA BA SPONG BAR 'GYUR RO, ,SANGS RGYAS RJES SU DRAN PA NI CHOS SNANG BA'I SGRO STE, SANGS RGYAS MTHONG BA RNAM PAR DAG PAR 'GYUR RO, ,CHOS RJES SU DRAN PA NI CHOS SNANG BA'I SGO STE, CHOS BSTAN PA RNAM PAR DAG PAR 'GYUR RO, ,DGE 'DUN RJES SU DRAN PA NI CHOS SNANG BA'I SGO STE, SKYON MED PAR 'JUG PAR 'GYUR RO, ,GTONG BA RJES SU DRAN PA NI CHOS SNANG BA'I SGO STE, RDZAS THAMS CAD RAB TU SPONG BAR 'GYUR RO, ,TSUL KHRIMS RJES SU DRAN PA NI CHOS SNANG BA'I SGO STE, SMON LAM YONGS SU RDZOGS PAR 'GYUR RO, ,LHA RJES SU DRAN PA NI CHOS SNANG BA'I SGO STE, SEMS RGYA CHEN POR 'GYUR RO, ,BYAMS PA NI CHOS SNANG BA'I SGO STE, RDZAS LAS BYUNG BA'I BSOD NAMS BYA BA'I DNGOS PO THAMS CAD ZIL GYIS GNON PAR 'GYUR RO, ,SNYING RJE NI CHOS SNANG BA'I SGO STE, RNAM PAR 'TSE BA MED PA LHUR LEN PAR 'GYUR RO, , DGA' BA NI CHOS SNANG BA'I SGO STE, MI DGA' BA THAMS CAD SEL BAR 'GYUR RO, ,BTANG SNYOMS NI CHOS SNANG BA'I SGO STE, 'DOD PA LA SMOD PAR 'GYUR RO, ,MI RTAG PAR SO SOR RTOG PA NI CHOS SNANG BA'I SGO STE, 'DOD PA DANG, GZUGS YOD PA DANG, GZUGS MED PA'I 'DOD CHAGS LAS YANG DAG PAR 'DA' BAR 'GYUR RO, ,SDUG BSNGAL DU SO SOR RTOG PA NI @33A *, ,CHOS SNANG BA'I SGO STE, SMON LAM KUN TU CHAD PAR 'GYUR RO, ,BDAG MED PAR SO SOR RTOG PA NI CHOS SNANG BA'I SGO STE, DAG LA MNGON PAR ZHEN PA MED PAR 'GYUR RO, ,ZHI BAR SO SOR RTOG PA NI CHOS SNANG BA'I SGO STE, RJES SU CHAGS PA 'BAR BA MED PAR 'GYUR RO, ,NGO TSA SHES PA NI CHOS SNANG BA'I SGO STE, NANG NYE BAR ZHI BAR 'GYUR RO, ,KHREL YOD PA NI CHOS SNANG BA'I SGO STE, PHYI ROL NYE BAR ZHI BAR 'GYUR RO, ,BDEN PA NI CHOS SNANG BA'I SGO STE, LHA DANG MI RNAMS LA MI SLU BAR 'GYUR RO, , YANG DAG PA NI CHOS SNANG BA'I SGO STE, BDAG LA SLU BA MED PAR 'GYUR RO, ,CHOS SPYAD PA NI CHOS SNANG BA'I SGO STE, CHOS LA RTON PAR 'GYUR RO, ,GSUM LA SKYABS SU 'GRO BA NI CHOS SNANG BA'I SGO STE, NGAN SONG GSUM LAS YANG DAG PAR 'DA' BAR 'GYUR RO, ,BYAS PA GZO BA NI CHOS SNANG BA'I SGO STE, DGE BA'I RTZA BA BYAS PA RNAMS CHUD MI ZA BAR 'GYUR RO, ,BYAS PA RIG PA NI CHOS SNANG BA'I SGO STE, GZHAN LA BRNYAS PA MED PAR 'GYUR RO, ,BDAG SHES PA NI CHOS SNANG BA'I SGO STE, BDAG LA BSTOD PA MED PAR 'GYUR RO, , SEMS CAN SHES PA NI CHOS SNANG BA'I SGO STE, GZHAN LA SMOD PA MED PAR 'GYUR RO, ,CHOS SHES PA NI CHOS SNANG BA'I SGO STE, CHOS KYI RJES SU MTHUN PA'I CHOS LA NAN TAN @33B BYED PAR 'GYUR RO, ,DUS SHES PA NI CHOS SNANG BA'I SGO STE, MTHONG BA DON YOD PAR 'GYUR RO, ,NGA RGYAL BCOM PA NI CHOS SNANG BA'I SGO STE, YE SHES YONGS SU RDZOGS PAR 'GYUR RO,, ZHE 'GRAS PA MED PA'I SEMS NI CHOS SNANG BA'I SGO STE, BDAG DANG GZHAN RJES SU SRUNG BAR 'GYUR RO, ,'KHON DU MI 'DZIN PA NI CHOS SNANG BA'I SGO STE, 'GYOD PA MED PAR 'GYUR RO; ;MOS PA NI CHOS SNANG BA'I SGO STE, THE TSOM MED PA LHUR LEN PAR 'GYUR RO, ,MI SDUG PAR SO SOR RTOG PA NI CHOS SNANG BA'I SGO STE, 'DOD PA LA RNAM PAR RTOG PA SPONG BAR 'GYUR RO, ,GNOD SEMS MED PA NI CHOS SNANG BA'I SGO STE, GNOD SEMS KYI RNAM PAR RTOG PA SPONG BAR 'GYUR RO, ,GTI MUG MED PA NI CHOS SNANG BA'I SGO STE, MI SHES PA RNAM PAR SEL BAR 'GYUR RO, ,CHOS DON DU GNYER BA NI CHOS SNANG BA'I SGO STE, DON LA RTON PAR 'GYUR RO, ,CHOS 'DOD PA NI CHOS SNANG BA'I SGO STE, CHOS SNANG BA THOB PAR 'GYUR RO, ,THOS PA TSOL BA NI CHOS SNANG BA'I SGO STE, TSUL BZHIN DU CHOS LA SO SOR RTOG PAR 'GYUR RO, ,YANG DAG PA'I SBYOR BA NI CHOS SNANG BA'I SGO STE, YANG DAG PAR NAN TAN BYED PAR 'GYUR RO, , MING DANG GZUGS YONGS SU SHES PA NI CHOS SNANG BA'I SGO STE, CHAGS PA THAMS CAD LAS YANG DAG PAR 'DA' BAR 'GYUR RO, ,RGYUR LTA BA YANG DAG PAR 'JOMS PA NI CHOS SNANG @34A *, ,BA'I SGO STE, RIG PA DANG RNAM PAR GROL BA THOB PAR 'GYUR RO, ,RJES SU CHAGS PA DANG KHONG KHRO BA SPONG BA NI CHOS SNANG BA'I SGO STE, MTHO BAR SEMS PA MED CING DMA' BAR SEMS PA MED PAR 'GYUR RO, ,PHUNG PO LA MKHAS PA NI CHOS SNANG BA'I SGO STE, SDUG BSNGAL YONGS SU SHES PAR 'GYUR RO, ,KHAMS MNYAM PA NYID NI CHOS SNANG BA'I SGO STE, KUN 'BYUNG BA SPONG BAR 'GYUR RO, ,SKYE MCHED BSAL BA NI CHOS SNANG BA'I SGO STE, LAM SGOM PAR 'GYUR RO, ,MI SKYE BA'I BZOD PA NI CHOS SNANG BA'I SGO STE; 'GOG PA MNGON DU BYED PAR 'GYUR RO, ,LUS LA SONG BA'I DRAN PA NI CHOS SNANG BA'I SGO STE, LUS DBEN PAR 'GYUR RO, ,TSOR BA LA SONG BA'I DRAN PA NI CHOS SNANG BA'I SGO STE, TSOR BA THAMS CAD RGYUN CHAD PAR 'GYUR RO, ,SEMS LA SONG BA'I DRAN PA NI CHOS SNANG BA'I SGO STE, SEMS LA SGYU MA LTA BUR SO SOR RTOG PAR 'GYUR RO, ,CHOS LA SONG BA'I DRAN PA NI CHOS SNANG BA'I SGO STE, RAB RIB DANG BRAL BA'I YE SHES SU 'GYUR RO, ,YANG DAG PA'I SPONG BA BZHI NI CHOS SNANG BA'I SGO STE, MI DGE BA'I CHOS THAMS CAD SPONG BA DANG, DGE BA'I CHOS THAMS CAD YONGS SU RDZOGS PAR 'GYUR RO, ,RDZU 'PHRUL GYI RKANG PA BZHI NI CHOS SNANG BA'I SGO STE, LUS DANG SEMS YANG BAR 'GYUR RO, ,DAD @34B PA'I DBANG PO NI CHOS SNANG BA'I SGO STE, GZHAN GYI DRING MI 'JOG PAR 'GYUR RO, ,BRTZON 'GRUS KYI DBANG PO NI CHOS SNANG BA'I SGO STE, SHIN TU RTOGS PA'I YE SHES DANG LDAN PAR 'GYUR RO, ,DRAN PA'I DBANG PO NI CHOS SNANG BA'I SGO STE, LAS LEGS PAR BYAS PAR 'GYUR RO, ,TING NGE 'DZIN GYI DBANG PO NI CHOS SNANG BA'I SGO STE, SEMS RNAM PAR GROL BAR 'GYUR RO, ,SHES RAB KYI DBANG PO NI, CHOS SNANG BA'I SGO STE, MNGON SUM GYI YE SHES SU 'GYUR RO, ,DAD PA'I STOBS NI CHOS SNANG BA'I SGO STE, BDUD KYI STOBS LAS YANG DAG PAR 'DA' BAR 'GYUR RO, ,BRTZON 'GRUS KYI STOBS NI CHOS SNANG BA'I SGO STE, PHYIR MI LDOG PAR 'GYUR RO, ,DRAN PA'I STOBS NI CHOS SNANG BA'I SGO STE, MI 'PHROG PAR 'GYUR RO, ,TING NGE 'DZIN GYI STOBS NI CHOS SNANG BA'I SGO STE, RNAM PAR RTOG PA THAMS CAD SPONG BAR 'GYUR RO, ,SHES RAB KYI STOBS NI CHOS SNANG BA'I SGO STE, MI THUL BAR 'GYUR RO, ,DRAN PA YANG DAG BYANG CHUB KYI YAN LAG NI CHOS SNANG BA'I SGO STE, CHOS JI LTA BA BZHIN DU RAB TU SHES PAR 'GYUR RO, ,CHOS RNAM PAR 'BYED PA YANG DAG BYANG CHUB KYI YAN LAG NI CHOS SNANG BA'I SGO STE, CHOS THAMS CAD YONGS SU RDZOGS PAR 'GYUR RO, ,BRTZON 'GRUS YANG DAG BYANG CHUB KYI YAN LAG NI CHOS SNANG BA'I SGO STE, SHIN TU RTOG PA'I BLO DANG LDAN PAR 'GYUR RO, ,DGA' BA YANG DAG BYANG CHUB @35A *, ,KYI YAN LAG NI CHOS SNANG BA'I SGO STE, TING NGE 'DZIN SGRUB PAR 'GYUR RO, ,SHIN TU SBYANGS PA YANG DAG BYANG CHUB KYI YAN LAG NI CHOS SNANG BA'I SGO STE, BYA BA BYAS PAR 'GYUR RO, ,TING NGE 'DZIN YANG DAG BYANG CHUB KYI YAN LAG NI CHOS SNANG BA'I SGO STE, CHOS THAMS CAD MNYAM PA NYID DU KHONG DU CHUD PAR 'GYUR RO, ,BTANG SNYOMS YANG DAG BYANG CHUB KYI YAN LAG NI CHOS SNANG BA'I SGO STE, SKYE BA THAMS CAD LA SMOD PAR 'GYUR RO, ,YANG DAG PA'I LTA BA NI CHOS SNANG BA'I SGO STE, SKYON MED PAR 'JUG PAR 'GYUR RO, ,YANG DAG PA'I RTOG PA NI CHOS SNANG BA'I SGO STE, RTOG PA DANG, RNAM PAR RTOG PA DANG, YONGS SU RTOG PA THAMS CAD SPONG BAR 'GYUR RO, ,YANG DAG PA'I NGAG NI CHOS SNANG BA'I SGO STE, YI GE DANG, SGRA DANG, SKAD DANG, TSIG GI LAM THAMS CAD BRAG CA DANG MNYAM PA NYID DU RTOGS PAR 'GYUR RO, ,YANG DAG PA'I LAS KYI MTHA' NI CHOS SNANG BA'I SGO STE, LAS MED CING RNAM PAR SMIN PA MED PAR 'GYUR RO, ,YANG DAG PA'I 'TSO BA NI CHOS SNANG BA'I SGO STE, TSOL BA THAMS CAD RGYUN CHAD PAR 'GYUR RO, ,YANG DAG PA'I RTZOL BA NI CHOS SNANG BA'I SGO STE, PHA ROL GYI NGOGS SU PHYIN PAR 'GYUR RO, ,YANG DAG PA'I DRAN PA NI CHOS SNANG BA'I SGO STE, DRAN PA MED CING YID LA BYED PA MED PAR 'GYUR RO, , @35B YANG DAG PA'I TING NGE 'DZIN NI CHOS SNANG BA'I SGO STE, SEMS MI 'KHRUGS PA'I TING NGE 'DZIN THOB PAR 'GYUR RO, ,BYANG CHUB KYI SEMS NI CHOS SNANG BA'I SGO STE, DKON MCHOG GSUM GYI RIGS RGYUN MI CHAD PAR 'GYUR RO, ,BSAM PA NI CHOS SNANG BA'I SGO STE, THEG PA DMAN PA LA 'DOD PA MED PAR 'GYUR RO, ,LHAG PA'I BSAM PA NI CHOS SNANG BA'I SGO STE, SANGS RGYAS KYI CHOS RGYA CHEN PO LA LHAG PAR DMIGS PAR 'GYUR RO, ,SBYOR BA NI CHOS SNANG BA'I SGO STE, DGE BA'I CHOS THAMS CAD YONGS SU RDZOGS PAR 'GYUR RO, ,SBYIN PA'I PHA ROL TU PHYIN PA NI CHOS SNANG BA'I SGO STE, MTSAN DANG, DPE BYAD BZANG PO DANG, SANGS RGYAS KYI ZHING YONGS SU DAG PAR 'GYUR ZHING SER SNA CAN GYI SEMS CAN YONGS SU SMIN PAR BYED PAR 'GYUR RO, ,TSUL KHRIMS KYI PHA ROL TU PHYIN PA NI CHOS SNANG BA'I SGO STE, MI KHOM PA DANG, NGAN 'GRO THAMS CAD LAS YANG DAG PAR 'DA' ZHING TSUL KHRIMS 'CHAL BA'I SEMS CAN YONGS SU SMIN PAR BYED PAR 'GYUR RO, ,BZOD PA'I PHA ROL TU PHYIN PA NI CHOS SNANG BA'I SGO STE, GNOD SEMS DANG, THA BA DANG, ZHE SDANG DANG, NGA RGYAL DANG, DREGS PA DANG, RGYAGS PA SPONG BAR 'GYUR ZHING GNOD SEMS CAN GYI SEMS CAN YONGS SU SMIN PAR BYED PAR 'GYUR RO, ,BRTZON 'GRUS KYI PHA ROL TU PHYIN PA NI CHOS SNANG BA'I SGO STE, DGE BA'I @36A *, ,CHOS BRTZAMS PA THAMS CAD NYAMS SU LON PAR 'GYUR ZHING LE LO CAN GYI SEMS CAN YONGS SU SMIN PAR BYED PAR 'GYUR RO, ,BSAM GTAN GYI PHA ROL TU PHYIN PA NI CHOS SNANG BA'I SGO STE, BSAM GTAN DANG MNGON PAR SHES PA THAMS CAD BSKYED CING SEMS G-YENG PA CAN GYI SEMS CAN YONGS SU SMIN PAR BYED PAR 'GYUR RO, , SHES RAB KYI PHA ROL TU PHYIN PA NI CHOS SNANG BA'I SGO STE, MA RIG PA DANG, GTI MUG GI MUN PA MUN NAG DANG, DMIGS PA'I LTA BA SPONG ZHING SHES RAB 'CHAL PA'I SEMS CAN YONGS SU SMIN PAR BYED PAR 'GYUR RO, ,THABS MKHAS PA NI CHOS SNANG BA'I SGO STE, SEMS CAN JI LTAR MOS PA BZHIN DU SPYOD LAM STON CING SANGS RGYAS KYI CHOS THAMS CAD SGRUB PAR 'GYUR RO, ,BSDU BA'I DNGOS PO BZHIN NI, CHOS SNANG BA'I SGO STE, SEMS CAN THAMS CAD SDUD CING BYANG CHUB BRNYES PA LAS CHOS NOD PAR 'GYUR RO, ,SEMS CAN YONGS SU SMIN PAR BYA BA NI CHOS SNANG BA'I SGO STE, BDAG GI BDE BA LA MI CHAGS SHING YONGS SU SKYO BA MED PAR 'GYUR RO, ,DAM PA'I CHOS YONGS SU 'DZIN PA NI CHOS SNANG BA'I SGO STE, SEMS CAN THAMS CAD KYI KUN NAS NYON MONGS PA SPONG BAR 'GYUR RO, ,BSOD NAMS KYI TSOGS NI CHOS SNANG BA'I SGO STE, SEMS CAN THAMS CAD NYE BAR 'TSO @36B BAR 'GYUR RO, ,YE SHES KYI TSOGS NI CHOS SNANG BA'I SGO STE, STOBS BCU YONGS SU RDZOGS PAR 'GYUR RO, ,ZHI GNAS KYI TSOGS NI CHOS SNANG BA'I SGO STE, DE BZHIN GSHEGS PA'I TING NGE 'DZIN THOB PAR 'GYUR RO, ,LHAG MTHONG GI TSOGS NI CHOS SNANG BA'I SGO STE, SHES RAB KYI MIG THOB PAR 'GYUR RO, ,SO SO YANG DAG PAR RIG PA LA 'JUG PA NI CHOS SNANG ? BA'I SGO STE, CHOS KYI MIG THOB PAR 'GYUR RO, ,RTON PA LA 'JUG PA NI CHOS SNANG BA'I SGO STE, SANGS RGYAS KYI SPYAN YONGS SU DAG PAR 'GYUR RO, ,GZUNGS THOB PA NI CHOS SNANG BA'I SGO STE, SANGS RGYAS KYIS GSUNGS PA THAMS CAD 'DZIN PAR 'GYUR RO, ,SPOBS PA THOB PA NI CHOS SNANG BA'I SGO STE, SEMS CAN THAMS CAD LEGS PAR BSHAD PAS TSIM PAR BYED PAR 'GYUR RO, ,RJES SU MTHUN PA'I CHOS KYI BZOD PA NI CHOS SNANG BA'I SGO STE, SANGS RGYAS KYI CHOS THAMS CAD DANG MTHUN PAR 'GYUR RO, ,MI SKYE BA'I CHOS LA BZOD PA NI CHOS SNANG BA'I SGO STE, LUNG BSTAN PA THOB PAR 'GYUR RO, ,PHYIR MI LDOG PA'I SA NI CHOS SNANG BA'I SGO STE, SANGS RGYAS KYI CHOS THAMS CAD YONGS SU RDZOGS PAR 'GYUR RO, ,SA NAS SAR 'PHAR BA'I YE SHES NI CHOS SNANG BA'I SGO STE, THAMS CAD MKHYEN PA'I YE SHES KYIS DBANG BSKUR BAR 'GYUR RO, ,DBANG BSKUR BA'I SA NI CHOS SNANG BA'I SGO STE, MNGAL DU @37A *, ,'JUG PA DANG, BTZAS PA DANG, MNGON PAR 'BYUNG BA DANG, DKA' BA SPYAD PA DANG, BYANG CHUB KYI SNYING POR 'GRO BA DANG, BDUD GDUL BA DANG, BYANG CHUB RNAM PAR 'TSANG RGYA BA DANG, CHOS KYI 'KHOR LO BSKOR BA DANG, YONGS SU MYA NGAN LAS 'DAS PA CHEN PO STON PAR 'GYUR RO, ,GROGS PO DAG ,'DI DAG NI CHOS SNANG BA'I SGO BRGYA RTZA BRGYAD CES BYA BA STE, BYANG CHUB SEMS DPAS 'CHI 'PHO BA'I DUS KYI TSE LHA'I 'KHOR DU GDON MI ZA BAR GANG BSTAN PAR BYA BA'O, ,DGE SLONG DAG ,BYANG CHUB SEMS DPAS CHOS SNANG BA'I SGO'I LE'U 'DI BSTAN PA'I TSE LHA'I 'KHOR DE LAS LHA'I BU BRGYAD KHRI BZHI STONG BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR GYUR TO, , LHA'I BU SNGON YONGS SU SBYANGS PA BYAS PA SUM KHRI NYIS STONG NI MI SKYE BA'I CHOS LA BZOD PA THOB PAR GYUR TO, ,LHA'I BU BYE BA SUM CU RTZA DRUG NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,DGA' LDAN GYI GNAS THAMS CAD KYANG LHA'I ME TOG GIS PUS MO NUB TZAM DU YOG PAR GYUR TO, ,DGE SLONG DAG ,DE LTAR BYANG CHUB SEMS DPAS LHA'I 'KHOR DE DAG RGYA CHER DGA' BAR BYA BA'I PHYIR DE'I TSE TSIGS SU BCAD PA 'DI DAG SMRAS SO, ,GANG GI TSE NA DGA' LDAN GNAS MCHOG NAS, ,'DREN PA @37B SKYES BU SENG-GE 'CHI 'PHO'I TSE, ,LHA RNAMS DAG LA TSIG TU SMRA BA NI, ,BAG MED MTHA' DAG RNAM PAR SPONGS ZHES SMRA, ,LHA YI DGA' BA RNAM MANG JI SNYED PA, ,YID KYIS BSAM PAS 'BYUNG BA DPAL LDAN PA, ,THAMS CAD LAS DGE'I RGYU LAS BYUNG BA STE, ,DE NI DGE BA'I LAS KYI 'BRAS BU YIN, ,DE LTA BAS NA BYAS PA GZO BAR GYIS, ,SNGON GYI DGE BSAGS 'DI NI ZAD GYUR TE, ,GANG DU MI BDE SDUG BSNGAL MYONG 'GYUR BA, ,NGAN SONG DAG TU SONG BAR GYUR TA RE, ,NGA LA GUS PAR BYA BA BSKYED NAS NI, ,CHOS GANG THOS PAR GYUR PA DE DAG LA, , NAN TAN GYIS NI RAB TU SGRUBS SHIG DANG, ,BDE BA MTHA' YAS NGES PAR THOB PAR 'GYUR, ,'DOD PA THAMS CAD MI RTAG BRTAN PA MIN, ,THER ZUG MA YIN RMI LAM 'DRA BA STE, ,SMIG RGYU DANG NI SGYU MA RNAMS DANG 'DRA, ,GLOG DANG DBU BA 'DRA ZHING 'GYUR BA YIN, ,'DOD PA'I YON TAN DAG GI DGA' BA NI, ,LAN TSWA'I CHU 'THUNGS BZHIN DU NGOMS MI 'GYUR, ,GANG DAG RDUL MED 'JIG RTEN 'DAS PA YI, ,SHES RAB LDAN PA DE DAG NGOMS PAR 'GYUR, ,LHA MO DAG DANG 'GROGS DANG GLU DBYANGS NI, ,GAR GYI LTAD MO BA DANG MTSUNGS SHING 'DRA, ,DPER NA 'DUS PA DAG NI KHRI LAS SU, ,PHAN TSUN 'GRO BAR SBYOR BAR BYED DANG MTSUNGS, ,DGE BA'I LAS BYAS RJES SU 'BRANG BYED CING, ,PHYI BZHIN 'GRO BAR BYED PA MA GTOGS PAR, , @38A *, ,'DUS BYAS DAG LA GROGS YOD MA YIN TE, ,MDZA' BSHES NYE DU MED CING 'KHOR KYANG MED, ,DE LTA BAS NA LHAN CIG MTHUN BYOS LA, ,PHAN TSUN BYAMS SEMS PHAN PA'I SEMS BYOS TE, ,CHOS KYI SPYAD PA DAG NI SPYAD PAR GYIS, ,SPYAD PA LEGS PAR SPYAD LA GDUNG PA MED, ,THOS DANG TSUL KHRIMS SBYIN LA DGA' GYUR CING, ,BZOD DANG DES PA PHUN SUM TSOGS BGYIS TE, ,SANGS RGYAS DANG NI CHOS DANG DGE 'DUN DANG, ,DE BZHIN BAG YOD PA DAG DRAN PAR GYIS, ,RTAG PA MED CING SDUG BSNGAL BDAG MED LA, , RGYU DANG RKYEN RNAMS DANG NI LDAN GYUR CING, ,BDAG PO MED LA BEM POR GYUR PA YI, ,CHOS 'DI DAG LA TSUL BZHIN BRTAG PAR GYIS, ,NGA LA RDZU 'PHRUL DAG NI GANG YOD DANG, , RDZOGS PAR 'TSANG MI RGYA BAR 'DUG PA DE NI KHO KYANG LAS DGE'I RGYU LAS BYUNG BA STE, ,THOS DANG TSUL KHRIMS BAG YOD RNAMS LAS BYUNG, ,SEMS CAN DON DANG PHAN DANG BYAMS DON DU, ,NGA YI TSUL KHRIMS DANG NI THOS PA DANG, ,BAG YOD PA DANG SBYIN DANG DUL BA DANG, ,YANG DAG SDOM PA'I RJES SU BSLAB PAR GYIS, ,NGAG DANG SKAD DANG SGRA RNAMS TZAM GYIS NI, ,DGE BA'I CHOS RNAMS SGRUB PAR MI NUS KYI, ,NAN TAN SNYING POR BYA BAS SGRUB BYOS LA, ,JI LTAR SMRAS PA DE BZHIN BYA BAR BYOS, ,GZHAN GYIS GLENG @38B BA'I SKABS NI MA DBYE BAR, ,BDAG NI RTAG TU SGRIM PAS 'BAD PAR GYIS, ,LA LAS BYAS SHING SBYIN PA YOD MA YIN, ,MA BYAS PAR YANG 'GRUB PAR 'GYUR BA MED, ,SNGON CHAD 'KHOR BAR 'KHOR TSE SDUG BSNGAL DAG ,MYONG PAR GANG GYUR DE NI DRAN PAR GYIS, ,KHYED CAG LOG PA NYID DU NGES PAS NA, ,MYA NGAN 'DAS DANG 'DOD CHAGS BRAL MA THOB, ,DE LTA BAS NA DAL DANG BSHES GNYEN DANG, ,TSUL DANG MTHUN PA'I YUL DU GNAS PA DANG, ,CHOS MNYAN DAM PA THOB PAR BYAS NAS NI, ,'DOD CHAGS LA SOGS NYON MONGS ZHI BAR GYIS, ,NGA RGYAL DANG NI RGYAGS DANG DREGS THONGS LA, ,RTAG TU MNYEN ZHING DRANG LA G-YO MED CING, ,MYA NGAN 'DAS PAR 'GRO LA GZHOL BYOS TE, ,LAM RTOG BYA BA'I PHYIR NI SBYOR BAR GYIS, ,GTI MUG RNYOG PA'I MUN PA THAMS CAD KYANG, ,SHES RAB SGRON MAS RNAM PAR BSAL BAR GYIS, ,BAG LA NYAL BCAS SKYON GYI DRA BA RNAMS, ,YE SHES RDO RJE YIS NI RNAM PAR KHROL, ,SHIN TU MANG POR SMRA BA CI DGOS TE, ,DON DANG YANG DAG LDAN PA'I CHOS DE LA, ,KHYED CAG GNAS PAR BYAS PAR MA GYUR NA, ,DE LA CHOS KYIS LAN PA MA YIN NO, ,GANG TSE NGAS NI BYANG CHUB THOB GYUR TE; ;'CHI MED 'GRO BA'I CHOS CHAR 'BEBS PA'I TSE, ,RNAM PAR DAG PA'I SEMS DANG LDAN PA KHYED, ,CHOS KYI DAM PA MNYAN PA'I PHYIR SHOG CIG ,CHOS SNANG BA'I SGO'I LE'U STE, BZHI @39A *, ,PA'O;; ;;DGE SLONG DAG ,DE LTAR BYANG CHUB SEMS DPAS LHA'I 'KHOR CHEN PO DE DAG LA CHOS KYI GTAM 'DI YANG DAG PAR BSTAN, YANG DAG PAR 'DZIN DU BCUG ,YANG DAG PAR GZENGS BSTOD, YANG DAG PAR DGA' BAR BYAS, BZOD PAR BYAS NAS LHA'I 'KHOR BKRA SHIS DANG LDAN PA RNAMS LA SMRAS PA, GROGS PO DAG ,KHO BO NI DZAM BU'I GLING DU 'GRO 'O, ,KHO BO SNGON BYANG CHUB SEMS DPA'I SPYAD PA SPYOD PA'I TSE SEMS CAN RNAMS BSDU BA'I DNGOS PO SBYIN PA DANG, SNYAN PAR SMRA BA DANG, DON SPYAD PA DANG, DON MTHUN PAR BYA BA BZHI LA MGRON DU BOS LA, GROGS PO DAG , DA KHO BO BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG MI RGYA BAR 'DUG PA DE NI KHO BOS BYAS PA MA SHES SHING RIGS PA MA YIN PAR 'GYUR RO, ,DE DAG DGA' LDAN GYI RIS KYI LHA'I BU DE DAG DU ZHING BYANG CHUB SEMS DPA'I RKANG PA GNYIS LA 'JUS TE 'DI SKAD CES 'DZER TO, ,SKYES BU DAM PA KHYOD MI BZHUGS NA, DGA' LDAN GYI GNAS 'DI MDZES PAR MI 'GYUR RO, ,DE NAS BYANG CHUB SEMS DPAS LHA'I 'KHOR CHEN PO DE DAG LA 'DI SKAD DU, BYANG CHUB SEMS DPA' BYAMS PA 'DI KHYED LA CHOS STON PAR 'GYUR RO ZHES @39B DE SKAD SMRAS TE, DE NAS BYANG CHUB SEMS DPA' RANG GI MGO LAS THOD DANG COD PAN PHOG STE BYANG CHUB SEMS DPA' BYAMS PA'I MGO LA BZHAG NAS 'DI SKAD DU, SKYES BU DAM PA KHYOD NI NGA'I 'OG TU BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR RO ZHES DE SKAD SMRAS TE, DE NAS BYANG CHUB SEMS DPAS BYANG CHUB SEMS DPA' BYAMS PA DGA' LDAN GYI GNAS DAM PAR DBANG BSKUR NAS YANG LHA'I 'KHOR CHEN PO DE DAG LA SMRAS PA, GROGS PO DAG ,KHO BOS JI LTA BU'I GZUGS KYIS MA'I MNGAL DU 'GRO BAR BYA, DE LA KHA CIG NA RE, BRAM ZE'I KHYE'U'I GZUGS SU GSHEGS PA'I RIGS SO ZHES ZER RO, ,LA LA NA RE, BRGYA BYIN GYI GZUGS SU, LA LA NA RE, TSANGS PA'I GZUGS SU, LA LA NA RE, RGYAL PO CHEN PO'I GZUGS SU, LA LA NA RE, RNAM THOS KYI BU'I GZUGS SU, LA LA NA RE, SGRA GCAN GYI GZUGS SU, LA LA NA RE, DRI ZA'I GZUGS SU, LA LA NA RE, MI'AM CI'I GZUGS SU, LA LA NA RE, LTO 'PHYE CHEN PO'I GZUGS SU, LA LA NA RE, DBANG PHYUG CHEN PO'I GZUGS SU, LA LA NA RE, ZLA BA'I GZUGS SU; LA LA NA RE, NYI MA'I GZUGS SU, LA LA NA RE, NAM MKHA' LDING GI DBANG PO'I GZUGS SU BZHUD PA'I RIGS SO ZHES ZER RO, ,DE NAS TSANGS RIS KYI LHA'I BU GZI BRJID @40A *, ,DAM PA ZHES BYA BA SNGON DRANG SRONG LAS SHI 'PHOS PA BLA NA MED PA YANG DAG PAR RDZOGS PA'I BYANG CHUB LAS PHYIR MI LDOG PA ZHIG 'DUG PA DES 'DI SKAD CES SMRAS SO, ,BRAM ZE RNAMS KYI GSANG SNGAGS KYI RIG BYED KYI BSTAN BCOS LAS JI SKAD 'BYUNG BA DE LTA BU'I GZUGS SU BYANG CHUB SEMS DPA' YUM GYI LHUMS SU BZHUD PA'I RIGS SO, ,DE'ANG CI 'DRA ZHE NA, GLANG PO DAM PA LUS CHEN MCHOG GYUR PA, ,MCHE BA DRUG CAN GSER GYI DRA BAS G-YOGS, ,MGO BO RAB TU DMAR ZHING SHIN TU MDZES, ,'GRAM NAS ZAG CING GZUGS LDAN DPAL LDAN PA'O, ,RIG BYED BSTAN BCOS YANG DAG MKHAS PA YI, ,BRAM ZES RNAM PA DE 'DRA DE SHES NAS, ,SUM CU RTZA GNYIS MTSAN DANG LDAN 'GYUR ZHES; ;YANG DAG NYID DU LUNG NI STON PAR 'GYUR, ,DGE SLONG DAG ,DE LTAR BYANG CHUB SEMS DPAS SKYE BA'I DUS LA BLTAS NAS DGA' LDAN GYI GNAS DAM PA NA GNAS BZHIN DU RGYAL PO ZAS GTZANG MA'I KHYIM DAM PA DER SNGA LTAS BRGYAD BSTAN TO, ,BRGYAD GANG ZHE NA, 'DI LTA STE, KHYIM DE RTZA DANG, SDONG DUM DANG, TSER MA DANG, GSEG MA DANG, GYO MO MED CING, DRI MA MED LA CHAG CHAG LEGS PAR BTAB PA DANG, PHYAG DAR LEGS PAR BYAS SHING, RLUNG RDUL CAN DANG, MUN PA DANG, RDUL DANG BRAL BA DANG, SBRANG MA DANG, SHA SBRANG DANG, SBRANG @40B BU DANG, PHYE MA LEB DANG, SDEG SBRUL MED CING ME TOG GIS KUN TU GANG BA, LAG MTHIL LTAR MNYAM PAR GNAS PAR GYUR TE, 'DI NI SNGA LTAS BYUNG BA DANG PO'O, ,RI'I RGYAL PO GANGS RI LA BYA 'DAB SBED DANG, NE TZO DANG, RI SKEGS DANG, KHU BYUG DANG, NGANG PA DANG, RMA BYA DANG, NGUR PA DANG, KUN NA LA DANG, KA LA PING KA DANG, SHANG SHANG TE'U LA SOGS PA SGRO GSHOG SNA TSOGS MDZES PA YID DU 'ONG ZHING SNYAN PA'I SGRA 'BYIN PA'I BYA'I TSOGS GANG DAG GNAS PA DE DAG DER 'ONGS NAS RGYAL PO ZAS GTZANG MA'I KHYIM DAM PA DE'I STEGS BU DANG, BA GAM DANG, RTA BABS DANG, SKAR KHUNG DANG, GZIL KHANG DANG, KHANG PA BRTZEGS PA DANG, KHANG BZANG GI STENG DAG TU GNAS SHING DGA' BA DANG, MGU BA DANG, YID BDE BA SKYES NAS RANG RANG GI SGRA SKAD DAG 'BYIN TE, 'DI NI SNGA LTAS BYUNG BA GNYIS PA'O, ,GANG YANG RGYAL PO ZAS GTZANG MA DE'I KUN DGA' RA BA NYAMS DGA' BA DANG, NAGS TSAL NYAMS DGA' BA DANG, SKYED MOS TSAL NYAMS DGA' BA DAG NA ME TOG DANG, 'BRAS BU'I SHING LJON PA SNA TSOGS DUS THA DAD PAR 'BYUNG BA DE THAMS CAD KYANG KHA 'BUS SHING ME TOG RGYAS PAR GYUR TE, 'DI NI SNGA LTAS BYUNG BA GSUM PA'O, ,RGYAL PO ZAS GTZANG MA'I CHU'I LONGS SPYOD KYI RKYEN RDZING LA SOGS PA GANG DAG YOD PA DE DAG THAMS CAD KYANG PAD-MA @41A *, ,'DAB MA BYE BA KHRAG KHRIG BRGYA STONG DU MA DANG LDAN PA TSAD SHING RTA'I 'PHANG LO TZAM DAG GIS KHEBS PAR GYUR TE, 'DI NI SNGA LTAS BYUNG BA BZHI PA'O; ;RGYAL PO ZAS GTZANG MA'I KHYIM DAM PA DE NA MAR DANG, 'BRU MAR DANG, SBRANG RTZI DANG, BU RAM GYI DBU BA DANG, SHA KHA RA LA SOGS PA BZA' BA'I RNAM PA GANG DAG YOD PA DE DAG KYANG YONGS SU SPYAD PAS ZAD PAR MI 'GYUR ZHING, YONGS SU GANG BAR SNANG STE, 'DI NI SNGA LTAS BYUNG BA LNGA PA'O, ,RGYAL PO ZAS GTZANG MA'I KHYIM MCHOG DAM PA DANG, BTZUN MO'I 'KHOR CHEN PO DAG NA RNGA BO CHE DANG, RDZA RNGA DANG, 'KHAR RNGA DANG, RGYUD GCIG PA DANG, PI WANG DANG, GLING BU DANG, RGYUD GSUM PA DANG, 'KHAR BA'I SIL KHROL DANG, PHEG RDOB LA SOGS PA ROL MO'I CHA BYAD GANG DAG YOD PA DE DAG THAMS CAD KYANG MA BLANGS MA DKROL BAR YID DU 'ONG BA'I SGRA RANG SGROG PAR GYUR TE, 'DI NI SNGA LTAS BYUNG BA DRUG PA'O, ,RGYAL PO ZAS GTZANG MA'I KHYIM MCHOG DAM PA NA GSER DANG, DNGUL DANG, NOR BU DANG, MU TIG DANG, BEE d'U-RYA DANG, DUNG DANG, MAN SHEL DANG, BYI RU LA SOGS PA RIN PO CHEN SNA TSOGS KYI SNOD GANG DAG YOD PA DE DAG THAMS CAD KYANG KHA BYE ZHING DRI MA MED LA RNAM PAR DAG CING RAB TU GANG BAR SNANG STE, 'DI NI SNGA LTAS BYUNG BA @41B BDUN PA'O, ,NYI ZLA'I 'OD ZIL GYIS RLAG PAR BYED CING, LUS DANG SEMS DGA' BA SKYED PA'I 'OD DAG CING DRI MA MED PAS SNANG BAR GYUR TE, 'DI NI SNGA LTAS BYUNG BA BRGYAD PA'O, ,'PHAGS PA RGYA CHER ROL PA ZHES BYA BA THEG PA CHEN PO'I MDO, BAM PO GSUM PA, LHA MO SGYU 'PHRUL YANG KHRUS BYAS, LUS BYUG PAS BYUGS, RGYAN SNA TSOGS KYIS LAG PA SHIN TU BRGYAN TE, GOS SHIN TU 'JAM PA MCHOG BGOS SHING BTZUN SPU DANG BCAS LA, DGA' BA DANG, MCHOG TU DGA' BA DANG, RANGS PA THOB NAS BUD MED STONG PHRAG BCUS BSKOR CING MDUN DU BDAR TE LHAN CIG TU RGYAL PO ZAS GTZANG MA ROL MO BYA BA'I KHANG BZANG NA BDE BAR GNAS PA'I DRUNG DU PHYIN TE, G-YAS ROL NA KHRI BZANG PO RIN PO CHE'I DRA BAS BRGYAN PA LA 'DUG NAS 'DZUM PA'I BZHIN KHRO GNYER MED CING RAB TU DANG BA'I MDOG GIS RGYAL PO ZAS GTZANG MA LA TSIGS SU BCAD PA 'DI DAG SMRAS SO, ,RGYAL PO SA BDAG LEGS PAR BDAG LA GSAN DU GSOL, ,RGYAL PO KHYOD LA GSOL GYIS BDAG LA DA GNONG ZHIG ,BDAG GI BSAM PA YID LA CI MCHIS CIR DGA' BA, ,DE DAG BDAG LA GSAN CING THUGS DGYES RANGS PAR MDZOD, ,LHA BDAG BSNYEN GNAS TSUL KHRIMS BRTUL ZHUGS LEN PAR GSOL, ,BDAG NI 'GRO LA BYAMS PAS YAN LAG BRGYAD LEN TE, ,SROG CHAGS GNOD PA SPANGS @42A *, ,SHING BSAM PA RTAG DAG PAS, ,JI LTAR BDAG LA BYAMS PA DE LTAR GZHAN LA BGYI, ,RKU SEMS RNAM PAR SPANGS TE 'DOD DANG DREGS PA SPANGS, , RGYAL PO 'DOD PA RNAMS LA LOG PAR G-YEM MI BGYID, ,BDEN LA GNAS SHING PHRA MA MA MCHIS ZHE GCOD SPANG, ,MI DGE KYAL PA'I TSIG KYANG YONGS SU MI SPYOD DO, ,GNOD SEMS ZHE SDANG THA BA GTI MUG RGYAGS PA DANG, ,BRNAB SEMS KUN SPANGS RANG GI NOR GYIS 'TSAL BAR BGYI, ,YANG DAG SBYOR BAS KHA GSAG TSUL 'CHOS PHRAG DOG SPANG, , DGE BCU'I LAS LAM 'DI DAG BDAG GIS SPYAD PAR BGYI, ,BDAG NI TSUL KHRIMS BRTUL ZHUGS MNGON DGA' RAB BSNGAMS KYIS, ,MI YI DBANG PO BDAG LA BZHED PAS SRED MA MDZAD, ,RGYAL PO KHYOD LA YUN RING MI DGER 'GYUR DU MCHI, ,BDAG GI TSUL KHRIMS BRTUL ZHUGS NYER GNAS DGYES PAR MDZOD, ,RGYAL PO BDAG GI 'TSAL BA 'DI LAGS DENG MYUR STZOL, ,KHANG BZANG BSIL KHANG LDAN PA DANG SKYA LDAN PA'I NANG, ,ME TOG BKRAM PA'I MCHIS MAL 'JAM ZHING DRI BDA' BAR, ,GROGS MOS RTAG TU BSKOR CING BDE DGAR GNAS SNYAM BGYID, ,SKYES PA NYUG RUM RNAMS DANG DE BZHIN KHYE'U DAG DANG, ,BUD MED PHAL PA RNAMS KYANG MDUN NA MCHIS MI 'TSAL, ,SNYAN CING YID MCHI SGRA SNYAN @42B NYAN PA MA GTOGS PAR, ,GZUGS DANG SGRA BSUNG YID DU MI MCHI BDAG MI 'TSAL, ,BCINGS DANG BTZON RAR STZAL BA THAMS CAD DGYE BAR GSOL, ,NOR GYIS BREL BA'I MI RNAMS NOR DANG LDAN PAR MDZOD, ,ZAS SKOM RAD PA SHING RTA KHYOGS DANG BZHON PA RTA, ,'GRO LA BDE BA'I SLAD DU DGUNG BDUN STZAL BA MDZOD, ,PHO BRANG 'DI NA SKYES PA KHYE'U DANG BUD MED DAG , JI SNYED MCHIS PA 'THAB RTZOD KHRO BA'I TSIG BRAL ZHING, ,PHAN TSUN BYAMS PA'I YID LDAN PHAN DANG NGES SEMS KYIS, ,DGA' TSAL GNAS PA'I LHA LTAR MTHUN ZHING BDE SPYOD MDZOD; ;RGYAL PO'I CHAD PA CHE PHRA GNYER GYIS BDA' BA DANG, ,GNOD PA BGYID DANG RDEG BTZOG SDIGS RU MI MDZAD PAR, ,KUN LA'ANG DANG BA'I THUGS KYIS BYAMS DANG PHAN DGONGS TE; ;LHA YIS SKYE BO RNAMS LA SRAS GCIG BZHIN DU GZIGS, ,RGYAL POS DE SKAD TSIG THOS RAB TU DGAR GYUR NAS, ,SMRAS PA KHYOD NI CI 'DOD DE KUN DE BZHIN BYA, ,KHYOD KYI BSAM PA YID KYIS GANG RNAMS RJES BSAM ZHING, ,KHYOD KYIS MCHOG BLANGS GANG YIN DE NI NGAS SBYIN NO, ,RGYAL PO'I DAM PAS RANG GI 'KHOR LA BSGO BA NI, ,KHANG BZANG DAM PA'I STENG DU PHUN SUM TSOGS PA SHOMS, ,ME TOG MDZES PA KHROM LA BDUG SBOS MCHOG GIS BDUGS, ,GDUGS DANG BA DAN TA LA'I PHRENG BA'I RGYAN KYANG GYIS, ,'THAB PHOD STONG PHRAG @43A *, ,NYI SHU SNA TSOGS GO CHA CAN, ,MDA' MDUNG LCAGS MDA' MDUNG THUNG RAL GRI THOGS PA DAG ,YID 'ONG SGRA GCAN PA'I ? SKYA LDAN PA BSKOR BGYIS TE, , LHA MO 'JIGS PA MED PA BYA PHYIR SRUNG ZHING GNAS, ,KHRUS BYAS SPOS BYUGS GOS MCHOG DAG GIS YAN LAG BRGYAN, ,BUD MED RNAMS KYIS DE BSKOR LHA YI BU MO 'DRA; ;YID DU 'ONG BA'I SGRA LDAN SIL SNYAN STONG BLANGS TE, ,LHA MO DER ZHUGS LHA YI BU MO BZHIN DU GNAS, ,LHA YI RIN CHEN RIN THANG CHEN POS RTZA SPRAS PA, ,KHRI LA GOS MCHOG MANG POS YID 'ONG MAL BSHAMS TE, ,MAL PHYIN GTZUG GI NOR BU RIN CHEN KLONG BYAS NAS, ,'DRES PA'I NAGS TSAL LHA YI BU MO BZHIN DU GNAS, ,DGE SLONG DAG ,DE NAS RGYAL PO CHEN PO BZHI DANG, LHA'I DBANG PO BRGYA BYIN DANG, LHA'I BU RAB 'THAB BRAL DANG, YONGS SU DGA' LDAN DANG, RAB 'PHRUL DGA' DANG, GZHAN 'PHRUL DBANG BYED DANG, BDUD KYI BU DED DPON DANG, MI MJED KYI BDAG PO TSANGS PA DANG, MDUN NA 'DON TSANGS MCHOG DANG, MDUN NA 'DON TSANGS BZANG DANG, 'OD BKOD PA DANG, 'OD GSAL DANG, GNAS GTZANG MA'I RIS KYI DBANG PHYUG CHEN PO DANG, MTHAR THUG DANG, 'OG MIN PA DANG, DE DAG LA SOGS PA DANG, GZHAN YANG LHA BRGYA STONG @43B MANG PO 'DUS TE GCIG LA GCIG 'DI SKAD CES SMRAS SO, ,GROGS PO DAG ,BDAG CAG GIS BYANG CHUB SEMS DPA' GCIG PU GNYIS SU MED PAR GSHEGS SU GSOL NA, BDAG CAG GIS BYAS PA MA SHES PAR 'GYUR TE, BDAG CAG LA MI CHA'I, GROGS PO DAG ,KHYED KYI NANG NAS BYANG CHUB SEMS DPA' THOG MA YUM GYI LHUMS SU GSHEGS PA DANG, LHUMS NA BZHUGS PA DANG, BLTAMS PA DANG, THOR BU DANG, BYIS PA'I NANG NA ROL PA DANG, BTZUN MO'I 'KHOR GYI NANG NA BZHUGS PA DANG, ROL MO GZIGS PA DANG, MNGON PAR 'BYUNG BA DANG, DKA' BA SPYOD PA DANG, BYANG CHUB KYI SNYING POR GSHEGS PA DANG, BDUD 'DUL BA DANG, BYANG CHUB MNGON PAR RDZOGS PAR 'TSANG RGYA BA DANG, CHOS KYI 'KHOR LO BSKOR BA DANG, MYA NGAN LAS 'DAS PA CHEN PO BSTAN GYI BAR DU PHAN PA'I SEMS DANG, DGA' BA'I SEMS DANG, PHANGS PA'I SEMS DANG, BYAMS PA'I SEMS DANG, MNYEN PA'I SEMS KYIS RTAG PAR RGYUN DU BYANG CHUB SEMS DPA'I ZHABS 'BRING NA 'KHOD PAR SU DAG SPRO, ,DE'I TSE TSIGS SU BCAD PA 'DI DAG KYANG SMRAS SO, ,KHYED LAS SU ZHIG RTAG TU DGA' YID KYIS, , GZUGS MCHOG MNGA' BA'I ZHABS 'BRING BYED PAR SPRO, ,SU DAG RANG GI BSOD NAMS GZI BRJID DANG, ,STOBS DANG GRAGS PA RNAM PAR SPEL BAR 'DOD, ,GANG ZHIG LHA YI PHO @44A *, ,BRANG 'DI DAG NA, ,LHA MO DAG DANG 'DOD PA'I YON TAN GYI, ,LHA YI BDE BAS DGA' BAR 'DOD PA DAG ,DRI MED ZLA BA'I ZHAL GYIS ZHABS 'BRING GYIS, ,DE BZHIN 'DRES PA'I NAGS TSAL MDZES PA MCHOG ,LHA YI 'BYUNG GNAS LHA YI PHO BRANG NA, ,GSER MDOG ME TOG RGYAS PAR DGA' 'DOD NA, ,DRI MED GZI BRJID MNGA' BA'I ZHABS 'BRING GYIS, ,GANG GIS SNA TSOGS SHING RTA DE BZHIN DU, ,DGA' TSAL ME TOG MAN-D'AR 'DAB RGYAS SU, ,LHA MO LHAN CIG RTZE BAR 'DOD PA DAG ,SKYES BU CHEN PO 'DI YI ZHABS 'BRING GYIS, ,'THAB BRAL BDAG PO'AM DGA' LDAN BDAG PO'AM, ,YANG NA DBANG PHYUG 'GYUR BAR 'DOD PA DANG, ,'GRO BA KUN GYI MCHOD 'OS 'DOD PA DAG ,GRAGS PA MTHA' YAS 'DI YI ZHABS 'BRING GYIS, ,GANG ZHIG 'PHRUL DGA'I KHANG PA MDZES PA DANG, ,DBANG SGYUR LHA YI GNAS SU RTZE 'DOD CING, ,YID KYI 'PHRUL GYIS THAMS CAD SPYOD 'DOD PA, , YON TAN MCHOG MNGA' 'DI YI ZHABS 'BRING GYIS, ,BDUD KYI DBANG PO ZHE SDANG YID MED PA, ,RDZU 'PHRUL DBANG PHYUG KUN GYI MTHAR PHYIN PA'I, ,'DOD PA'I DBANG PHYUG DBANG MTHAR PHYIN 'DOD NA, ,PHAN PA MDZAD PA 'DI DANG LHAN CIG DANG, ,DE BZHIN 'DOD PA'I KHAMS LAS 'DA' BYAS TE, ,TSANGS PA'I GNAS SU GNAS PAR SU 'DOD PA, ,DE NI TSAD MED BZHI @44B YI GZI MNGA' BA, ,SKYES BU CHEN PO'I ZHABS 'BRING DENG NAS GYIS, ,'ON TANG GANG ZHIG MI YI NANG DAG TU, ,'KHOR LOS BSGYUR YUL YANGS PAR SKYE 'DOD NA, ,RIN CHEN 'BYUNG GNAS MI 'JIGS BDEN SBYIN PA, ,BSOD NAMS YANGS PA MNGA' BA'I ZHABS 'BRING GYIS, ,GANG ZHIG SA BDAG DE BZHIN TSONG DPON BU, ,PHYUG CING SKYID LA NOR MANG TSOGS CHEN DANG, ,DGRA YI DPUNG BCOM 'KHOR DANG LDAN 'DOD PA, ,DE NI PHAN MDZAD 'DI DANG LHAN CIG DENGS, ,GZUGS DANG LONGS SPYOD DE BZHIN DBANG PHYUG DANG, ,SNYAN PA GRAGS DANG SPOBS DANG YON TAN DANG, ,GZUNG 'OS TSIG DANG MNYAN PA'I TSIG 'DOD PA, ,DE NI TSANGS DBYANGS MKHAS PA'I GAN DU SONG, ,LHA DANG MI YI 'DOD PA GANG YIN DANG, ,SRID PA GSUM GYI BDE BA THAMS CAD DANG, ,BSAM GTAN BDE DANG DBEN PA'I BDE 'DOD PA, ,DE NI CHOS KYI DBANG PHYUG ZHABS 'BRING GYIS, ,'DOD CHAGS DANG NI ZHE SNGANG SPANG BA DANG, ,NYON MONGS MUN PA SEL BAR SU 'DOD CING, ,ZHI BA RAB ZHI NYER ZHI YID LDAN PA, ,DE NI THUGS DUL ZHABS 'BRING MYUR DU SONG, ,GANG ZHIG SLOB DANG MI SLOB RANG RGYAL DANG, ,THAMS CAD MKHYEN PA'I YE SHES THOB 'DOD CING, , STOBS BCUS SENG-GE'I SGRA SGROG SU 'DOD PA, ,DE NI YON TAN RGYA MTSO MKHAS DRUNG SONG, ,GANG ZHIG NGAN SONG RNAMS KYI LAM GCOD CING, ,BZANG 'GRO 'CHI BA MED PA'I LAM DBYE DANG, , @45A *, ,YAN LAG BRGYAD LAM 'GRO BAS 'GRO 'DOD NA, ,'GRO LAM MTHAR 'BYIN 'DI YI ZHABS 'BRING GYIS, ,GANG ZHIG BDE GSHEGS YONGS SU MCHOD PA DANG, , THUGS RJE MNGA' BA DE LAS CHOS NYAN DANG, ,DGE 'DUN YON TAN THOB PAR 'DOD PA NI, ,YON TAN RGYA MTSO 'DI YI ZHABS 'BRING GYIS, ,SKYE RGA NA 'CHI'I SDUG BSNGAL ZAD PA DANG, , 'KHOR BA'I BCINGS PA RNAM PAR DGROL BA DANG, ,NAM MKHA'I MTHA' MNYAM RNAM DAG SPYOD 'DOD PA, ,DE NI SEMS CAN DAG PA'I ZHABS 'BRING GYIS, ,'GRO BA KUN NA YID 'ONG SDUG MDZES SHING, ,GZUGS MCHOG MTSAN DANG YON TAN RGYAS PA DANG, ,BDAG DANG DE BZHIN GZHAN YANG 'GREL 'DOD PA, ,DE NI BLTA SDUG MKHAS PA'I GAN DU SONG, , TSUL KHRIMS TING 'DZIN DE BZHIN SHES RAB DANG, ,ZAB CING BLTA DKA' GTING DPAG DKA' BA YI, ,RNAM GROL THOB 'DOD MKHAS PA GANG YIN DE, ,SMAN PA'I RGYAL PO'I GAN DU MYUR DU SONG, ,YON TAN 'DI DANG GZHAN YANG RNAM MANG DANG, ,SRID PA'I BDE DANG DE BZHIN MYA NGAN 'DAS, ,YON TAN THAMS CAD RAB TU RDZOGS 'DOD PA, ,DE NI BRTUL ZHUGS GRUB MKHAS GAN DU SONG, ,TSIG DE THOS NAS RGYAL CHEN BZHI'I RIS KYI LHA 'BUM PHRAG BRGYAD CU RTZA BZHI DANG, SUM CU RTZA GSUM GYI LHA 'BUM DANG, 'THAB BRAL GYI LHA 'BUM @45B DANG, DGA' LDAN GYI LHA 'BUM DANG, 'PHRUL DGA'I LHA 'BUM DANG, BDUD KYI RIS KYI LHA SNGON GYI DGE BA'I LAS KYIS BYUNG BA DRUG KHRI DANG, TSANGS RIS KYI LHA DRUG KHRI BRGYA STONG DANG, 'OG MIN GYI BAR GYI LHA BRGYA STONG MANG PO DAG 'DUS PAR GYUR PA DANG, GZHAN YANG SHAR PHYOGS DANG, LHO PHYOGS DANG, NUB PHYOGS DANG, BYANG PHYOGS NAS LHA'I BU BRGYA STONG MANG PO 'DUS PAR GYUR PA DE DAG LAS GANG DAG MCHOG TU BYA BA'I LHA'I BU DAG GIS LHA'I 'KHOR CHEN PO DE DAG LA TSIGS SU BCAD PA 'DI DAG SMRAS SO, ,BDAG CAG RNAMS KYI BSAM PA YANG DAG CI 'DRA YI, ,TSIG 'DI LHA YI DBANG PO DAG GIS GSAN DU GSOL, ,'DOD PA'I DGA' 'BYOR BSAM GTAN BDE BA MCHOG SPANGS TE, ,SEMS CAN DAG PA DAM PA 'DI YI ZHABS 'BRING BGYI, ,LHUMS SU GSHEGS DANG LHUMS NA BZHUGS DANG BLTAMS PA'I TSE, ,BDAG NYID CHEN PO MCHOD 'OS SHIN TU MCHOD PAR BGYI, ,BSOD NAMS DAG GIS BSRUNGS PA'I DRANG SRONG YONGS BSRUNGS NA, ,ZHE SDANG SEMS KYIS SUS KYANG GLAGS RNYED 'GYUR MA MCHIS, ,GLU DBYANGS SIL SNYAN ROL MO'I DBYANGS SGRA LEGS BSGRAGS PAS, ,YON TAN RGYA MTSO MNGA' BA'I YON TAN BSNGAGS BRJOD DE, ,GANG THOS SKYE BO BYANG CHUB MCHOG TU SEMS BSKYED PAR, ,LHA DANG MI RNAMS THAMS CAD RAB TU DGA' BAR BGYI, ,RGYAL PO'I @46A *, ,PHO BRANG ME TOG SIL MAS RGYAS PAR DGANG, ,AA GA RU MCHOG NAG POS BDUGS TE DRI ZHIM BGYI, ,DE YI DRI TSOR LHA MI RAB TU DGA' 'GYUR ZHING, ,NAD MED RIMS NAD BRAL ZHING BDE BAR 'GYUR BAR BGYI, ,ME TOG MAN-D'A RA DANG KUN NAS 'DU BA DANG, ,SIM BYAD RAB TU SIM BYED STHA ? LA RNAM SNANG DANG, ,ME TOG BZANG POS 'PHRIN LAS DGE LAS BYUNG BA DE, ,MCHOD PA'I SLAD DU SER SKYA'I GRONG KUN DGANG BAR BGYI, ,JI SRID YUM GYI LHUMS NA DRI GSUM MA GOS BZHUGS, ,JI SRID RGA SHI MTHAR 'BYIN BLTAMS PAR GYUR GYI BAR, ,DE SRID DUS SU DANG BA'I YID KYIS ZHABS 'BRING BGYI, ,BLO GROS CHE MNGA' MCHOD PAR BGYI BAR BDAG CAG SEMS, ,BLTAMS NAS GOM PA BDUN GSHEGS BRGYA BYIN TSANGS PA YIS, ,LAG TU BLANGS TE SPOS CHU DAG GIS SKU BSIL BA, ,SEMS CAN RNAM PAR DAG PA DE NI MTHONG BA YI, ,LHA MI DE DAG THOB PA RGYA CHEN LEGS PAR THOB, ,JI SRID BAR DU 'JIG RTEN RJES SU MTHUN MDZAD CING, ,'DOD PA'I NYON MONGS 'JOMS MDZAD BTZUN MO'I NANG BZHUGS LA, ,JI SRID CIG NA RGYAL SRID KUN SPANGS KHAB NAS 'BYUNG, ,DE SRID DUS SU DANG BA'I SEMS KYIS ZABS 'BRING BGYI, ,JI SRID CIG NA RIN BSNAMS BYANG CHUB SNYING POR GSHEGS, ,JI SRID CIG NA BDUD BCOM BYANG CHUB @46B THOB 'GYUR CING, ,TSANGS PA KHRAG KHRIG 'KHOR LO BSKOR BAR GSOL BTAB PA, ,DE SRID BDE BAR GSHEGS LA MCHOD PA RGYA CHEN BGYI, ,SEMS CAN BYE BA KHRAG KHRIG 'CHI MED BTUL GYUR TE, ,STONG GSUM 'DIR NI SANGS RGYAS 'PHRIN LAS NAM LAGS NAS, ,ZHI ZHING BSAL ? BA'I MYA NGAN 'DAS PAR GSHEGS GYUR PA, ,DE SRID KUN GYIS DRANG SRONG GRAGS CHEN GTANG MI BGYI; ;DGE SLONG DAG ,DE NAS 'DOD PAN SPYOD PA'I LHA'I BU MO DAG GIS BYANG CHUB SEMS DPA'I LUS GZUGS PHUN SUM TSOGS PA MTHONG NAS 'DI SNYAM DU SEMS TE, ,SEMS CAN DAG PA MCHOG DAM PA 'DI LTA BU 'DZIN PAR 'GYUR BA'I NA CHUNG DE NI JI LTA BU ZHIG YOD SNYAM NAS DE DAG NGO MTSAR DU GYUR TE, ,ME TOG DANG, SPOS DANG, PHRENG BA DANG, BYUG PA MCHOG TU BYA BA DAG KHYER NAS LHA'I LUS YID LAS GRUB PA THOB CING BSOD NAMS KYI RNAM PAR SMIN PA'I RDZU 'PHRUL GYIS BYIN GYIS BRLABS PA DE DAG SKAD CIG DE NYID LA LHA'I PHO BRANG DE NAS MI SNANG BAR GYUR TE, SER SKYA'I GRONG KHYER CHEN PO DAM PA SKYED MOS TSAL BRGYA STONG GIS BRGYAN PA, RGYAL PO ZAS GTZANG MA'I KHYIM MCHOG KHANG BZANG CHEN PO DANG SKYA LDAN ZHES BYA BA LHA'I DBANG PO'I PHO BRANG LTA BU DER PHYIN NAS LHA'I BU MO GOS LHUG LHUG PO GYON PA, DGE BA DRI MA MED PA'I BSOD NAMS KYI GZI BRJID KYIS RAB TU BRGYAN PA, LHA'I RGYAN GYIS LAG PA SHIN TU @47A *, ,BRGYAN PA DE DAG GIS LHA MO SGYU 'PHRUL MAL MCHOG GI STENG NA 'DUG PA MTHONG NAS PHAN TSUN MDZUB MOS STON CING, NAM MKHA'I DKYIL NA 'KHOD DA GCIG LA GCIG TSIGS SU BCAD DE SMRAS PA, LHA GNAS 'KHOD PA'I LHA YI BU ME RNAMS, ,YID 'ONG BYANG CHUB SEMS DPA'I SKU MTHONG NAS, ,DE TSE DE DAG 'DI SNYAM SEMS GYUR TE, ,BYANG CHUB SEMS DPA'I YUM GYUR JI 'DRA SNYAM, ,LAG NA ME TOG PHRENG CAN DE DAG RNAMS, ,THE TSOM SKYES NAS RGYAL PO'I PHO BRANG DU, ,ME TOG DE BZHIN BYUG PA THOGS NAS SU, ,SOR BCU THAL MO SBYAR TE 'DUD CING LHAGS, ,LHUG LHUG GOS GYON 'JO BAG GZUGS 'CHANG BAS, ,LHA MO SGYU 'PHRUL MAL STENG GNAS MTHONG NAS, , LAG PA G-YAS PA'I SOR MOS PHYAG BYAS TE, ,MI YI BUD MED GZUGS LA LEGS LTOS 'DZER, ,BDAG CAG NGA RGYAL SEMS KYIS MNGON SEMS PA, ,LHA YI BU MO GZUGS MCHOG YID 'ONG SNYAM, ,RGYAL PO'I BTZUN MO 'DI YI GZUGS MTHONG NA, ,LHA YI LUS KYANG ZIL GYIS NON PAR MTHONG, ,'DI NI GANG ZAG MCHOG GI YUM 'GYUR DU, ,YON TAN LDAN PAS SHIN TU GSHA' ZHING 'OS, ,NOR BU RIN CHEN SNOD BZANG GNAS PA LTAR, ,LHA MO 'DI NI LHA YI LHA SNOD YIN, ,RKANG LAG MTHIL DANG SPYI BO MAN CHAD DU, ,YAN LAG @47B YID 'ONG LHA LAS LHAG PA STE, ,MIG GIS BLTA NA NGOMS PAR 'GYUR MA YIN, ,YID DANG SEMS NI PHYIR ZHING DGA' BAR 'GYUR, ,'DI YI KHA BZHIN LUS MDZES SDUG PA NI, ,NAM MKHA'I DKYIL NA ZLA BA MDZES PA 'DRA, ,NYI LTAR DRI MED ME LTAR 'BAR BA STE, ,'DI YI LUS LAS 'OD GSAL BZANG PO 'BYUNG, ,GSER SBRAM BTZOM BZANG PO'I GSER BZHIN DU, ,LHA MO 'DI YI KHA DOG RNAM PAR MDZES, ,'DI YI SKRA NI 'JAM GTZANG DRI ZHIM STE, ,BUNG BA MCHOG GI MDOG 'DRA LCANG LOR 'KHYIL, ,'DI YI MIG NI PAD-MA'I 'DAB MA 'DRA, ,RNAM DAG SO NI NAM MKHA'I SKAR MA BZHIN, ,RKED PA GZHU LTAR PHRA ZHING STA ZUR YANGS, ,PHRAG PA ZLUM ZHING TSIGS RNAMS MNGON PA MED, ,BRLA LEGS GLANG PO MCHOG GI SNA 'DRA STE, ,BYIN PA SHIN TU LEGS PA BYIN GYIS PHRA, ,RKANG LAG MTHIL MNYAM SHIN TU DMAR BA STE, ,'DI NI GZHAN MIN LHA YI BU MOR NGES, ,DE LTAR RNAM MANG DU MAR BLTAS BYAS NAS, ,ME TOG GTOR TE BSKOR BA BYAS ? NAS NI, ,GRAGS LDAN RGYAL BA'I YUM LA BSTOD BYAS TE, ,SKAD CIG GCIG GIS PHYIR YANG LHA GNAS DONG, ,DE NAS PHYOGS BZHI SKYONG BA BZHI PO DANG, ,'THAB BRAL RAB DANG BRGYA BYIN 'PHRUL BA DANG, ,LHA TSOGS LHA MIN GRUL BUM SRIN PO DANG, ,MI 'AM CI DANG LTO 'PHYE CHES SMRAS PA, ,SKYES BU MCHOG GI MDUN DU KHYED DENGS LA, ,SKYES BU DAM PA @48A *, ,DE LA SRUNG BA GYIS, ,'GRO BA DAG LA YID KYIS SNGANG MA BYED, ,MI RNAMS LA YANG GTZE BA MA BYED CIG ,LHA MO SGYU 'PHRUL KHYIM MCHOG GANG GNAS PA, ,DER NI MTHUN PAR 'KHOR DANG LHAN CIG KUN, ,MDA' GZHU RAL GRI MDUD THUNG MTSON THOGS LA, ,NAM MKHA'I DKYIL NA GNAS TE BLTA PAR GYIS, ,DE LTAR SHI 'PHO'I DUS SHES LHA'I BU RNAMS, ,ME TOG DE BZHIN BYUG PA THOGS NAS NI, ,SOR BCU THAL MO SBYAR TE 'DUD BYOS LA, ,DGA' BA'I SEMS KYIS SGYU 'PHRUL DRUNG DU DENGS, ,SMRA BA'I SENG-GE DUS NI DENG LEGS KYI, ,'JIG RTEN KUN LA THUGS RJE BRTZE BSKYED DE, ,MI DBANG SEMS CAN DAG PA 'CHI 'PHO STON, ,MCHOD SBYIN DON DU BDAG CAG GSOL BA 'DEBS, ,DGE SLONG DAG , DE NAS BYANG CHUB SEMS DPA' 'CHI 'PHO BA'I DUS KYI TSE SHAR PHYOGS NAS BYANG CHUB SEMS DPA' SKYE BA GCIG GIS THOGS PA, DGA' LDAN GYI GNAS DAM PA NA GNAS PA BRGYA STONG PHRAG MANG PO DAG BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE BZHIN DU PHYOGS BCU'I PHYOGS RE RE NAS KYANG BYANG CHUB SEMS DPA' SKYE BA GCIG GIS THOGS PA, DGA' LDAN GYI GNAS DAM PA NA GNAS PA BRGYA STONG PHRAG MANG PO DAG BYANG CHUB SEMS DPA' LA MCHOD PA BYA BA'I @48B PHYIR BYANG CHUB SEMS DPA' GA LA BA DER LHAGS SO, ,RGYAL CHEN BZHI'I RIS KYI LHA RNAMS KYI NANG NAS LHA'I BU MO 'BUM PHRAG BRGYAD CU RTZA BZHI SIL SNYAN DANG GLU DBYANGS SNA TSOGS LEN CING BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE BZHIN DU SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED KYI LHA RNAMS KYI NANG NAS LHA'I BU MO 'BUM PHRAG BRGYAD CU RTZA BZHI SIL SNYAN DANG GLU DBYANGS SNA TSOGS LEN CING, BYANG CHUB SEMS DPA' LA MCHOD PA BYA BA'I PHYIR BYANG CHUB SEMS DPA' GA LA BA DER LHAGS SO, ,DE NAS BYANG CHUB SEMS DPA' KHANG PA BRTZEGS PA CHEN PO BSOD NAMS THAMS CAD KYIS YANG DAG PAR BYUNG BA DPAL GYI SNYING PO LHA RNAMS KYIS KUN NAS BLTA BA'I NANG DU 'DUG STE BYANG CHUB SEMS DPA' DE DAG DANG, LHA BYE BA KHRAG KHRIG BRGYA PHRAG STONG GIS YONGS SU BSKOR CING MDUN DU BDAR NAS DGA' LDAN GYI GNAS DAM PA NAS BSKYOD PAR BRTZAMS SO, ,DGE SLONG DAG ,DE LTAR BSKYOD PAR BRTZAMS PA'I TSE BYANG CHUB SEMS DPAS 'OD GANG GIS STONG GSUM GYI STONG CHEN PO'I 'JIG RTEN GYI KHAMS 'DI LTAR RGYA CHE ZHING YANGS LA THA GRU CHE BA 'DIR SNGON CHAD MA BYUNG BA'I 'OD SNANG BA LHA'I 'OD LAS @49A *, ,SHIN TU 'DAS PAS YONGS SU GSAL ZHING SNANG BAR GYUR TO, ,'JIG RTEN GYI BAR GANG SDIG PA SDIG PAS KHEBS NAS MUN PA MUN NAG SMAG TU GYUR PA, SNANG BA MED PA GANG DU NYI MA DANG ZLA BA 'DI GNYIS 'DI LTAR RDZU 'PHRUL CHE ZHING 'DI LTAR MTHU TSE LA 'DI LTAR DBANG CHE BAR GRAGS PAS KYANG 'OD DANG, KHA DOG DANG, GZI BRJID KYIS LAM MER MA GYUR, THAL LER MA GYUR, LHANG NGER MA GYUR PA DER SEMS CAN GANG DAG SKYES PA DE DAG RANG RANG GIS LAG PA BRKYANG PA'ANG MI MTHONG BA DE DAG TU'ANG DE'I TSE SNANG BA CHEN POS RGYAS PAR KHYAB PAR GYUR CING, DER SKYES PA'I SEMS CAN DE DAG SNANG BA DES KHYAB PAR GYUR NAS GCIG GIS GCIG MTHONG ZHING GCIG GIS GCIG SHES TE 'DI SKAD DU KYE GROGS PO DAG ,SEMS CAN GZHAN DAG KYANG 'DIR SKYES SO, ,KYE GROGS PO DAG ,SEMS CAN GZHAN DAG KYANG 'DIR SKYES SO ZHES ZER BAR GYUR PA DE LTA BU'I 'OD LUS LAS BKYE'O, ,STONG GSUM GYI STONG CHEN PO'I 'JIG RTEN GYI KHAMS 'DI'ANG RNAM PA DRUG DANG, LTAS CHEN PO BCO BRGYAD DU G-YOS, RAB TU G-YOS, KUN TU RAB TU G-YOS SO, ,'GUL, RAB TU 'GUL, KUN TU RAB TU 'GUL TO, ,LDEG ,RAB TU LDEG ,KUN TU RAB TU LDEG GO ,'KHRUGS, RAB TU 'KHRUGS, KUN TU @49B RAB TU 'KHRUGS SO, ,'UR 'UR, RAB TU 'UR 'UR, KUN TU RAB TU 'UR 'UR RO, ,CHEM CHEM, RAB TU CHEM CHEM, KUN TU RAB TU CHEM CHEM MO, ,MTHA' DMA' NA DBUS MTHO BAR GYUR TO; ;DBUS DMA' NA MTHA' MTHO BAR GYUR TO, ,SHAR PHYOGS DMA' NA NUB PHYOGS MTHO BAR GYUR TO, ,NUB PHYOGS DMA' NA SHAR PHYOGS MTHO BAR GYUR TO, ,LHO PHYOGS DMA' NA BYANG PHYOGS MTHO BAR GYUR TO, ,BYANG PHYOGS DMA' NA LHO PHYOGS MTHO BAR GYUR TO, ,DE'I TSE SGRA DGA' BAR 'GYUR BA, TSIM PAR 'GYUR BA, MGU BAR 'GYUR BA, DANG BAR 'GYUR BA, SIM PAR 'GYUR BA, MNYAN PAR 'OS PA, BSNGAGS PAR 'OS PA, MTSUNGS PA MED PA, MNYAN NA BTANG MI BRA BA, MI MTHUN PA MED PA, SDANG BAR 'GYUR BA MED PA DAG KYANG GRAG PAR GYUR TO, ,SKAD CIG DE LA SEMS CAN GANG LA'ANG GNOD PA'AM, 'JIGS PA'AM, SDANG BA'AM, BAG NON PA MED PAR GYUR TO, ,SKAD CIG DE LA NYI ZLA DANG, BRGYA BYIN DANG, TSANGS PA DANG, 'JIG RTEN SKYONG BA DAG GI 'OD KYANG MI SNANG BAR GYUR TO, ,SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DU SKYES PA'I SEMS CAN THAMS CAD KYANG SKAD CIG DE LA SDUG BSNGAL DANG BRAL ZHING BDE BA THAMS CAD DANG LDAN PAR GYUR TE, SEMS CAN GANG LA'ANG 'DOD CHAGS KYIS GNOD PAR MI 'GYUR, ZHE SDANG GIS @50A *, ,GNOD PAR MI 'GYUR, GTI MUG GIS GNOD PAR MI 'GYUR ZHING, PHRAG DOG GAM, SER SNA'AM, NGA RGYAL LAM, 'CHAB PA'AM, RGYAGS PA'AM, KHRO BA'AM, GNOD SEMS SAM, YONGS SU GDUNG BAS GNOD PAR 'GYUR BA MED PAR GYUR TE, SEMS CAN THAMS CAD KYANG SKAD CIG DE LA PHAN TSUN PHA MA TZAM DU SEMS PA'I 'DU SHES SU GYUR NAS BYAMS PA'I SEMS DANG, PHAN PA'I SEMS DANG LDAN PAR GYUR TO, ,LHA DANG MI'I ROL MO SIL SNYAN BYE BA KHRAG KHRIG BRGYA STONG DAG KYANG MA DKROL MA BLANGS PAR YID DU 'ONG BA'I SGRA 'BYIN PAR GYUR TO, ,LHA BYE BA KHRAG KHRIG BRGYA STONG DAG KYANG LAG PA DANG, PHRAG PA DANG, SPYI BOS GZHAL MED KHANG CHEN PO DE 'DEGS SHING KHYER BAR GYUR TO, , LHA'I BU MO BRGYA STONG DAG GIS KYANG RANG RANG GI GLU DBYANGS BLANGS TE MDUN DANG, RGYAB DANG, G-YAS G-YON DAG NAS BYANG CHUB SEMS DPA' LA GLU DBYANGS KYI SGRA SKAD KYIS MNGON PAR BSTOD PA, KHYOD KYIS SNGON CHAD DGE LAS BSAGS PA DANG, ,YUN RING DUS KYI DGE BAS BYUNG BA DANG, ,KHYOD KYIS CHOS RNAMS KUN GYI TSUL SBYANGS PAS, ,DE RING MCHOD PA RGYA CHEN BYUNG BAR GYUR, ,BSKAL PA BYE BA MANG POR KHYOD KYIS SNGON, ,SRAS MO SRAS SDUG SBYIN PA MDZAD PAS NA, ,LHA YI ME TOG CHAR DU BAB PA 'DI, ,SBYIN PA SPYAD PA DE YI 'BRAS @50B BU LAGS, ,GTZO BO KHYOD KYIS RANG GI SHA BCAD DE, ,SRANG LA BCAL NAS THUGS BYON BYA PHYIR BTANG, ,SBYIN PA DE SPYAD PA YI 'BRAS BU DES, ,YI DWAGS 'JIG RTEN RNAMS KYANG ZAS SKOM THOB; ;BSKAL PA BYE BA MANG POR KHYOD KYIS SNGON, ,TSUL KHRIMS MA ZHIG MA NYAMS BSRUNGS PAS NA, ,TSUL KHRIMS DE SPYAD PA YI 'BRAS BU DES, ,MI KHOM NGAN SONG YONGS SU DAG PAR GYUR, ,BSKAL PA BYE BA MANG POR KHYOD KYIS SNGON, ,BYANG CHUB BSGRUB PA'I GZHIR NI BZOD PA BSGOMS, ,BZOD PA DE SPYAD PA YI 'BRAS BU DE, ,LHA DANG MI KUN BYAMS PA'I SEMS SU GYUR, ,BSKAL PA BYE BA MANG POR KHYOD KYIS SNGON, ,BRTZON 'GRUS MA GOD DAM PA BSGOMS PAS NA, ,BRTZON 'GRUS DE SPYAD PA YI 'BRAS BU DES, ,SKU NI RI RAB BZHIN DU MDZES PAR GRUB, ,BSKAL PA BYE BA MANG POR KHYOD KYIS SNGON, ,NYON MONGS SBYANG SLAD BSAM GTAN BSGOMS MDZAD PAS, ,BSAM GTAN DE SPYAD PA YI 'BRAS BU DES, ,'GRO BA DAG LA NYON MONGS GNOD MI 'GYUR, ,BSKAL PA BYE BA MANG POR KHYOD KYIS SNGON, ,NYON MONGS GCOD PA'I SHES RAB BSGOMS MDZAD PA'I, ,SHES RAB DE SPYAD PA YI 'BRAS BU DES; ;'OD GSAL DAM PA RNAM PAR SNANG ZHING MDZES, ,BYAMS PA'I GO MNABS NYON MONGS 'JOMS MDZAD CING, ,SEMS CAN KUN LA THUGS RJE CHES BYUNG BA, ,DGYES PA @51A *, ,MCHOG BRNYES BTANG SNYOMS MCHOG LDAN PA, ,BDE GSHEGS TSANGS GYUR KHYOD LA PHYAG 'TSAL LO, ,SHES RAB SGRON MA'I 'OD DANG GZIS 'PHAGS SHING, , GTI MUG SKYON GYI MUN PA KUN SEL BA, ,'DREN PA STONG GSUM DAG NA MIG GYUR PA'I, ,THUB PA LAM STON KHYOD LA PHYAG 'TSAL LO, ,RDZU 'PHRUL RKANG PA MNGON SHES MCHOG LA MKHAS; ;BDEN PA GZIGS SHING DAM PA'I DON BSLAB PA, ,RGAL NAS SROG CHAGS GZHAN DAG SGROL MDZAD PA, ,BDE GSHEGS GROL GYUR KHYOD LA PHYAG 'TSAL LO, ,THABS DANG MNGON SHES DAM PA KUN LA MKHAS, ,'CHI 'PHO 'CHI 'PHO MED PA'I 'PHO BA STON, ,'JIG RTEN CHOS KYI RJES SU MTHUN MDZAD KYANG, ,'JIG RTEN GANG DU'ANG CHAGS PA KHYOD MI MNGA'; ;GANG DAG KHYOD NI NYAN TAM BLTAR LHAGS PA, ,DE DAG THOB PA DAM PA BSAM MI KHYAB, ,KHYOD LA CHOS NYID THOS TE GANG DAD CING, ,DGA' BA YANGS PA SKYES PA SMOS CI 'TSAL, ,DGA' LDAN GNAS RNAMS KUN NI MOG MOG GYUR, ,DZAM-BU'I GLING DU NYI MA MNGON DU SHAR, ,SROG CHAGS BYE BA KHRAG KHRIG BSAM MI KHYAB, ,NYON MONGS GNYID KYIS LOG LAS SAD PAR MDZAD, ,DENG NI PHO BRANG 'BYOR CING RGYAS GYUR LA, ,BYE BA KHRAG KHRIG LHA RNAMS LANG LONG GYUR, ,LHA YI BU MOS SIL SNYAN SGRA PHYUNG BAS, ,RGYAL PO'I @51B KHAB NA SGRA SNYAN GRAG PAR 'GYUR, ,BSOD NAMS GZI BRJID RDZOGS SHING LAS DGE BA, ,BUD MED GZUGS KYI MCHOG DANG LDAN GYUR PA, ,DE YI SRAS GYUR DE NI DE LTAR 'BYOR, ,DPAL GYIS 'JIG RTEN GSUM NI ZIL GYIS GNON, ,MI MCHOG 'BYUNG BA DE YI GZI BRJID KYIS, ,DE PHYI PHYIN CHAD PHO BRANG DAM PA 'DIR, ,LUS CAN RNAMS LA 'DOD SNGANG 'THAB RTZOD MED, ,KUN KYANG BYAMS PA'I SEMS KYIS SRI ZHUR BCAS, ,'KHOR LOS BSGYUR BA'I RIGS RGYAL BYUNG PAS NA, ,RGYAL PO'I RIGS NI RAB TU 'PHEL BAR 'GYUR, ,SER SKYA'I GRONG 'DI SHIN TU PHUN SUM TSOGS; ;RIN CHEN MDZOD KYIS RAB TU GANG BAR 'GYUR, ,GNOD SBYIN SRIN PO GRUL BUM GSANG BA PA, ,LHA DANG LHA MIN TSOGS RNAMS DBANG POR BCAN, ,MI MCHOG SRUNG BA GANG DAG GNAS PA RNAMS, ,DE DAG RING POR MI THOGS THAR PA 'THOB, ,GUS DANG SRI ZHU LA NI GNAS NAS SU, ,'DREN PA KHYOD BSTOD BSOD NAMS GANG BSAGS PA, ,KUN KYANG BYANG CHUB TU NI YONGS SU BSNGO, ,MI YI DAM PA KHYOD LTAR MYUR DU SHOG ,BSKYOD PAR BRTZAMS PA'I LE'U STE, LNGA PA'O,, ,,DGE SLONG DAG ,DE LTAR DGUN 'DAS TE DPYID KYI DUS LA DPYID ZLA THA CHUNG GI TSE SKAR MA SA GA LA BAB PA DUS KYI DAM PA LA SHING RNAMS KYI LO MA RGYAS SHING ME TOG MCHOG TU RGYAS NAS GRANG DRO DANG, MUN PA DANG, RDUL MED CING SA'I GZHI SNGO GZHON NU @52A *, ,SKYES PAS KHEBS PAR GNAS PA'I TSE 'JIG RTEN GSUM GYI GTZO BO 'JIG RTEN GYIS MCHOD PAS DUS LA BAB PA'I TSOD LA RNAM PAR GZIGS NAS TSES BCO LNGA'I ZLA BA NYA LA SKAR MA RGYAL GYI DUS SU YUM GSO SBYONG BLANGS PA'I RUM DU BYANG CHUB SEMS DPA' DGA' LDAN GYI GNAS DAM PA NAS 'PHOS TE DRAN ZHING SHES BZHIN DU GLANG PO'I PHRUG GU THAL DKAR MCHE BA DRUG DANG LDAN PA, MGO'I KHA DOG SRIN BU LHAM BU CHU GSHER GYI MDOG LTA BU, MCHE BA LA GSER 'TSIG PA, YAN LAG DANG NYING LAG THAMS CAD DANG LDAN PA, DBANG PO NYAMS PA MED PAR BYAS TE MA'I GLO G-YAS PA NAS ZHUGS SO, ,ZHUGS NAS KYANG GLO G-YAS PA LOGS SU BRTEN TE GNAS KYI, GLO G-YON PA LOGS SU NAM YANG MA BRTEN TO, ,LHA MO SGYU 'PHRUL MAL BDE BA NA NYAL PA DES KYANG RMI LAM 'DI LTA BU MTHONG NGO, ,GLANG PO KHA BA DNGUL MDOG MCHE BA DRUG ,RKANG LAG RAB MDZES MGO BO DMAR SDUG PA, ,'GROS BZANG LUS TSIGS RDO RJE BZHIN BRTAN PA, ,GLANG PO MCHOG CIG KHONG DU SONG SNYAM BYED, ,DES NI DE 'DRA'I BDE BA BRGYA LAM NA'ANG, ,MA MTHONG MA THOS MYONG BAR MA GYUR TE, ,LUS KYANG BDE ZHING SEMS KYANG BDER GYUR NAS, ,BSAM GTAN MNYAM PAR BZHAG PA BZHIN DU GYUR, ,DE NAS LHA MO SGYU 'PHRUL RGYAN DANG GOS @52B LHUG LHUG POR GYON CING THOGS PA LAS LUS DANG, SEMS BDE BAR GYUR TE, DGA' BA DANG, RANGS PA DANG, NYAMS BDE BA THOB NAS MAL DAM PA DE LAS LANGS TE BUD MED KYI TSOGS KYIS YONGS SU BSKOR CING MDUN DU BDAR NAS KHANG BZANG DE'I STENG NAS BABS TE, SHING MYA NGAN 'TSANG GI NAGS TSAL GA LA BA DER SONG NAS DE MYA NGAN 'TSANG GI NAGS TSAL DU BDE BAR 'DUG STE, RGYAL PO ZAS GTZANG MA'I DRUNG DU PHO NYA BTANG NAS RGYAL PO GSHEGS SU GSOL, LHA MOS KHYOD KYI ZHAL MTHONG BAR BZHED DO ZHES BYAS PA DANG, RGYAL PO ZAS GTZANG MAS TSIG DE THOS NAS RAB TU DGA' BAR GYUR TE LUS G-YOS NAS KHRI BZANG PO LAS LANGS TE BLON PO DANG, GRONG RDAL BA DANG, 'KHOR DANG, GNYEN PA'I SKYE BO DAG GIS YONGS SU BSKOR CING MDUN DU BDAR TE MYA NGAN 'TSANG GI NAGS TSAL GA LA BA DER SONG NGO, ,SONG NAS KYANG BDAG GI LUS SHIN TU LCI BA SNYAM BYED NAS MYA NGAN 'TSANG GI NAGS TSAL DU 'GRO MA NUS TE, DE MYA NGAN 'TSANG GI NAGS TSAL GYI SGOR 'DUG NAS CUNG ZAD CIG BSAM STE, DE'I TSE TSIGS SU BCAD PA 'DI SMRAS SO, ,BDAG NI G-YUL DU DPA' BA'I PHUL PHYIN PA; ;DENG LTAR LUS LCI BDAG GIS MYONG MI DRAN, ,BDAG GI KHYIM DU'ANG 'GRO BAR DENG MA NUS, ,KYE MA 'DI CI SU LA DRI BAR BYA, ,GNAS GTZANG MA'I RIS KYI LHA DAG NAM MKHA'I DKYIL @53A *, ,NA 'KHOD NAS LUS PHYED MNGON PAR SPRUL TE RGYAL PO ZAS GTZANG MA LA TSIGS SU BCAD DE SMRAS PA, DKA' THUB BRTUL ZHUGS YON TAN LDAN PA 'JIG RTEN GSUM GYIS MCHOD, ,BYAMS DANG SNYING RJE THOB PAS BSOD NAMS YE SHES DBANG BSKUR BA'I, ,BYANG CHUB SEMS DPA' CHE BA DGA' LDAN GNAS NAS 'PHOS GYUR TE, ,RGYAL PO KHYOD KYI SRAS GYUR LHA MO SGYU 'PHRUL MNGAL DU ZHUGS, ,DE TSE RANG GI MGO COG SOR BCU THAL MO SBYAR BYAS TE, ,RGYAL PO RIM GROR BYA BAR LDAN GYUR DE YI NANG DU ZHUGS, ,NGA RGYAL DREGS PA MED PAS LHA MO SGYU 'PHRUL NGOR BLTAS TE, ,NGAS NI KHYOD LA CI BYA CI SBYAR KHYOD KYIS NGA LA SMROS, ,LHA MOS SMRAS PA, KHA BA DNGUL GYI MDOG 'DRA NYI ZLA'I 'OD LAS 'PHAGS PA STE; ;RKANG LAG LEGS SHING RAB 'BYES MCHE BA DRUG LDAN CHE BA NYID, ,GLANG PO'I DAM PA RDO RJE BZHIN DU TSIGS BRTAN GZUGS BZANG BA, ,BDAG GI RUM DU ZHUGS KYI DE YI LO RGYUS GSAN PAR GSOL, ,STONG GSUM KHAMS 'DI MDZES PAR RAB RIB MA MCHIS BDAG GIS MTHONG, ,BDAG NI NYAL ZHING MCHIS NA LHA RNAMS BYE BAS RAB TU BSTOD,, 'ON KYANG BDAG LA KHRO ZHING 'TSIG DANG ZHE SDANG RMONGS MA MCHIS, ,ZHI BA'I SEMS SU GYUR CING BSAM GTAN BDE DANG LDAN SNYAM BGYID, ,BDAG GI RMI LAM 'DI NI RIGS LA @53B DGE 'AM DNGO 'AM CI, ,BDAG GI RMI LAM 'DI NI YANG DAG LDAN PAR LUNG STON PA, ,RIG BYED RMI LAM GZHUNG LA MKHAS SHING GZA' YI CHO GA MKHAN, ,RGYAL PO MYUR DU BRAM ZE 'DIR NI LEGS PAR DGUG TU GSOL, ,DE SKAD TSIG THOS RGYAL POS DE YI DUS KYI SKAD CIG LA, ,BRAM ZE RIG BYED BSTAN BCOS GZHUNG LA SHIN TU MKHAS PA GNYER, ,SGYU 'PHRUL BRAM ZE RNAMS KYI MDUN DU 'DUG NAS 'DI SKAD SMRAS, ,KHO MOS RMI LAM 'DI 'DRA MTHONG NA DE YI LO RGYUS GSON, ,BRAM ZE RNAMS KYIS SMRAS PA, LHA MO BKA' STZAL DU GSOL, KHYOD KYIS RMI LAM CI 'DRA BA ZHIG GZIGS, THOS NAS KYANG DPYAD PAR BGYI'O, ,LHA MOS SMRAS PA, KHA BA DNGUL GYI MDOG 'DRA NYI ZLA'I 'OD LAS 'PHAGS PA STE, ,RKANG LAG LEGS SHING RAB 'BYES MCHE BA DRUG LDAN CHE BA NYID, ,GLANG PO DAM PA RDO RJE BZHIN DU TSIGS BRTAN GZUGS BZANG BA, ,BDAG GI RUM DU ZHUGS PA DE YI LO RGYUS MNYAN PAR GYIS, ,DE SKAD TSIG THOS NAS NI BRAM ZE RNAMS KYIS 'DI SKAD SMRAS, ,RIGS LA DNGO BA MA MCHIS DGYES PA RGYA CHEN BRNYES PAR GYUR, ,KHYOD LA SRAS MNGA' MTSAN GYIS YAN LAG BRGYAN PA SKYE BAR 'GYUR, , RGYAL PO'I RIGS SU RIGS LDAN 'KHOR LOS BSGYUR BA CHE BA NYID, ,GAL TE 'DOD PA DAG DANG RGYAL SRID PHO BRANG SPANGS GYUR TE, ,'JIG RTEN KUN LA THUGS BRTZE CHAGS MED RAB TU BYUNG @54A *, ,GYUR NA; ;DE NI 'JIG RTEN GSUM NA SBYIN GNAS SANGS RGYAS 'GYUR BA STE, ,BDUD RTZI MCHOG GI RO YIS 'JIG RTEN THAMS CAD TSIM MDZAD 'GYUR, ,DE SKAD TSIG SNYAN LUNG BSTAN TE, ,RGYAL PO'I PHO BRANG ZAN ZOS NAS, ,BYA DGA' BYIN PA BLANGS NAS SU, ,BRAM ZE DE DAG PHYIR DONG NGO, ,DGE SLONG DAG ,DE LTAR RGYAL PO ZAS GTZANG MAS BRAM ZA MTSAN DANG LTAS SHES SHING RNAM PAR 'BYED PA DANG, RMI LAM GYI GZHUNG SHES PA DAG LAS DA SKAD KYI TSIG THOS NAS TSIM ZHING MGU STE YID RANGS LA RAB TU DGA' ZHING DGA' BA DANG, YID BDE BA SKYES NAS BRAM ZE DE DAG BZA' BA DANG, BTUNG BA DANG, MYANG BA MANG PO NYAMS SU BSOD PAS TSIM ZHING NGOMS PAR BYAS NAS BYA DGA' BYIN TE BKYE'O, ,DE NYID KYI TSE GRONG KHYER CHEN PO SER SKYA'I GNAS KYI GRONG KHYER CHEN PO DE'I SGO BZHI NA GRONG KHYER GYI BZHI MDO DANG, SUM MDO THAMS CAD DU SBYIN PA BYIN TE, JI TZAM DU BYANG CHUB SEMS DPA' LA MCHOD PA BYA BA'I PHYIR ZAS 'DOD PA RNAMS LA NI ZAS, SKOM 'DOD PA RNAMS LA NI SKOM, GOS 'DOD PA RNAMS LA NI GOS, BZHON PA 'DOD PA RNAMS LA NI, BZHON PA, SPOS 'DOD PA RNAMS LA NI SPOS; PHRENG BA 'DOD PA RNAMS LA NI PHRENG BA, BYUG PA 'DOD PA RNAMS LA NI BYUG PA, MAL CHA 'DOD PA RNAMS LA NI MAL CHA, GNAS 'DOD PA @54B RNAMS ? LA NI GNAS, 'TSO BA 'DOD PA RNAMS LA NI 'TSO BA BYIN NO, ,DGE SLONG DAG ,DE NAS RGYAL PO ZAS GTZANG MA 'DI SNYAM DU SEMS TE, LHA MO SGYU 'PHRUL 'DI KHYIM GANG NA 'DUG NA BDE ZHING NYON MONGS PA MED PAR 'DUG PAR 'GYUR SNYAM PA DANG, DE NAS SKAD CIG DE NYID LA RGYAL PO CHEN PO BZHI RGYAL PO ZAS GTZANG MA'I DRUNG DU 'ONGS TE 'DI SKAD CES SMRAS SO, ,LHA, THUGS LAS SU MA MDZAD PAR BTANG SNYOMS SU BDE BAR BZHUGS SHIG ,BDAG CAG GIS BYANG CHUB SEMS DPA'I PHO BRANG BSHAM MO, ,DE NAS LHA'I DBANG PO BRGYA BYIN RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,SKYONG BA'I GZHAL MED KHANG RNAMS NGAN, ,SUM CU RTZA GSUM PA YI BZANG, ,BYANG CHUB SEMS DPA'I PHO BRANG NI, ,RNAM PAR RGYAL TZAM BDAG GIS DBUL, ,DE NAS LHA'I BU RAB 'THAB BRAL RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,KHO BO'I KHANG KHYIM MTHONG GYUR NAS, ,BRGYA BYIN BYA BA NGO MTSAR GYUR, , 'THAB BRAL RAB KYI DPAL LDAN KHANG, ,RGYAL BA'I SRAS LA BDAG 'BUL LO, ,DE NAS LHA'I BU YONGS SU DGA' LDAN RGYAL BO ZAS GTZANG MA'I GAN DU 'ONGS TE 'DI SKAD CES SMRAS SO, , GRAGS PA CHE MNGA' SNGON CHAD NI, ,DGA' LDAN GANG DU BZHUGS GYUR PA, ,PHO BRANG DAM PA DGYES PA DE, ,RGYAL BA'I SRAS LA BDAG 'BUL LO, ,DE NAS LHA'I BU RAB 'PHRUL DGA' RGYAL PO @55A *, ,ZAS GTZANG MA'I GAN DU 'ONGS TE 'DI SKAD CES SMRAS SO, ,DPAL LDAN YID LAS GRUB PA'I KHANG, ,DE NI RIN CHEN RANG BZHIN TE, ,BYANG CHUB SEMS DPA' MCHOD DON DU, ,RGYAL PO BDAG GIS DBUL BAR BGYI, ,DE NAS LHA'I BU GZHAN 'PHRUL DBANG BYED RGYAL PO ZAS GTZANG MA'I GAN DU 'ONGS TE 'DI SKAD CES SMRAS SO, ,'DOD PA'I KHAMS GNAS JI SNYED PA, ,GZHAL MED KHANG MDZES GANG YOD PA, ,BDAG GI GZHAL MED KHANG DRUNG NA, ,'OD DANG MDOG KYANG STOR BAR SNANG, ,DE BAS DPAL LDAN BDAG GIS DBUL; ;BYANG CHUB SEMS DPA' MCHOD PA'I PHYIR, ,RIN CHEN RANG BZHIN PHO BRANG BZANG, ,DE NI RGYAL PO BLANG BAR GYIS, ,LHA YI ME TOG RAB BKANG STE, ,LHA YI SPOS KYI NGAD LDANG BA'I,, PHO BRANG YANGS PA BDAG GIS DBUL, ,DER NI LHA MO BZHUGS PAR GYIS, ,DGE SLONG DAG ,DE LTAR 'DOD PA NA SPYOD PA'I LHA'I DBANG PO THAMS CAD KYIS BYANG CHUB SEMS DPA' LA MCHOD PA'I PHYIR SER SKYA'I GNAS KYI GRONG KHYER CHEN PO DAM PA DER RANG RANG GI KHYIM PHUL BAR GYUR TO, ,RGYAL PO ZAS GTZANG MAS KYANG MI'I LAS NI 'DAS KYI, LHA YIR NI MA GYUR PA BSHAMS PAR GYUR TE, DE LA BYANG CHUB SEMS DPAS BKOD PA CHEN PO'I TING NGE 'DZIN GYI MTHUS KHYIM DE DAG THAMS CAD DU LHA MO SGYU 'PHRUL MNGON PAR BSTAN TO, ,BYANG @55B CHUB SEMS DPA' LHA MO SGYU 'PHRUL GYI RUM NA 'DUG PA'I TSE GLO G-YAS PHYOGS LOGS SU SKYIL MO KRUNG BCAS TE GNAS PAR GYUR TO, ,LHA'I DBANG PO DE DAG THAMS CAD KYANG SO SO NAS BDAG NYID KYI KHYIM NA BYANG CHUB SEMS DPA'I MA 'DUG GI ,GZHAN MA YIN NO ZHES DE LTAR SHES PAR GYUR TO, ,DE LA 'DI SKAD CES BYA STE, TING 'DZIN BKOD PA CHE LA GNAS GYUR TE; ;SPRUL PA BSAM GYIS MI KHYAB SPRUL BYAS NAS, ,LHA RNAMS THAMS CAD BSAM PA RDZOGS PAR BYAS, ,RGYAL PO'ANG DE LTAR YID BZHIN BSAM PA GRUB, ,DE NAS 'KHOR DE'I NANG NAS LHA'I BU KHA CIG 'DI SNYAM DU SEMS TE, RGYAL CHEN BZHI'I RIS KYI LHA GANG YIN PA DE DAG KYANG MI'I LUS KYI DRI BRO NA SKYO ZHING 'BYOL NA, DE MA YIN PA'I LHA GZHAN SUM CU RTZA GSUM MAM, 'THA' BRAL LAM, DGA' LDAN GYI LHA'I BU DAG LTA SMOS KYANG CI DGOS NA, JI LTAR BYANG CHUB SEMS DPA' GTZANG ZHING DRI NGA BA DANG BRAL BA, 'JIG RTEN THAMS CAD LAS MNGON PAR 'PHAGS PA, SEMS CAN RIN PO CHE DGA' LDAN GYI LHA'I RIS NAS 'PHOS TE YUM GYI LHUMS MI'I LUS DRI MI ZHIM PAR BZHUGS PAR GYUR SNYAM PA DANG, DE NAS SANGS RGYAS KYI MTHUS TSE DANG LDAN PA KUN DGA' BOS BCOM LDAN 'DAS LA 'DI SKAD CES GSOL TO, ,BCOM LDAN 'DAS, JI TZAM DU BUD MED KYI LUS NI SMAD PA LAGS PA DANG, @56A *, ,'DOD CHAGS LA SPYOD CES BGYI BA'I BAR DU DE BZHIN GSHEGS PAS GSUNGS PA NGO MTSAR CHE NA, BCOM LDAN 'DAS, DE BAS KYANG 'JIG RTEN THAMS CAD LAS MNGON PAR 'PHAGS PA, SNGON BYANG CHUB SEMS DPAR GYUR PA 'DI LTAR DGA' LDAN GYI LHA'I RIS NAS 'PHOS TE YUM GYI LHUMS MI'I LUS SU GLO G-YAS PHYOGS SU BRTEN TE BZHUGS SO, ,ZHES BGYI BA 'DI NI RAB TU'ANG NGO MTSAR CHE STE, BCOM LDAN 'DAS, SNGON BCOM LDAN 'DAS KYIS DE LTAR MDZAD DO ZHES DE SKAD DU SMRA BAR NI BDAG LA SPRO BA MA MCHIS SO, ,BCOM LDAN 'DAS KYIS BKA' STZAL PA, KUN DGA' BO, KHYOD BYANG CHUB SEMS DPA'I YONGS SU SPYAD PA RIN PO CHE BKOD PA ZHES BYA BA GANG BYANG CHUB SEMS ? DPA' MA'I RUM NA GNAS PA'I YONGS SU SPYAD PAR GYUR PA MTHONG BAR 'DOD DAM, GSOL PA, BCOM LDAN 'DAS, DE'I DUS NI DA LAGS SO, ,BDE BAR GSHEGS PA, DE'I DUS NI DA LAGS TE, DE BZHIN GSHEGS PAS BYANG CHUB SEMS DPA'I YONGS SU SPYAD PA DE BSTAN TE MTHONG NA GLO BA DGA'O, ,DE NAS BCOM LDAN 'DAS KYIS RNAM PA DE LTA BU'I MTSAN MA MDZAD DE, DES MI MJED KYI BDAG PO TSANGS PA TSANGS PA 'BUM PHRAG DRUG CU RTZA BRGYAD DANG LHAN CIG TSANGS PA'I 'JIG RTEN NAS MI SNANG BAR GYUR TE BCOM LDAN 'DAS @56B KYI SPYAN SNGAR PHYIN NAS DES BCOM LDAN 'DAS KYI ZHABS LA MGO BOS PHYAG 'TSAL TE, BCOM LDAN 'DAS LA LAN GSUM BSKOR BA BYAS NAS THAL MO SBYAR TE BCOM LDAN 'DAS LA 'DUD CING PHYOGS GCIG TU 'DUG GO ,DE NAS BCOM LDAN 'DAS KYIS MKHYEN BZHIN DU MI MJED KYI BDAG PO TSANGS PA LA BKA' STZAL PA, TSANGS PA, KHYOD KYIS SNGON NGA BYANG CHUB SEMS DPAR GYUR CING MA'I RUM NA ZLA BA BCUR 'DUG 'DUG PA'I BYANG CHUB SEMS DPA'I YONGS SU SPYAD PA BLANGS SAM, GSOL PA, BCOM LDAN 'DAS, DE DE LTA LAGS SO, ,BDE BAR GSHEGS PA; DE DE LAGS SO, ,BKA' STZAL PA, TSANGS PA, DA DE GA LA YOD STON CIG ,GSOL PA, BCOM LDAN 'DAS, DE NI TSANGS PA'I 'JIG RTEN NA MCHIS SO, ,BKA' STZAL PA, TSANGS PA, DE'I PHYIR ZLA BA BCU PA'I BYANG CHUB SEMS DPA'I YONGS SU SPYAD PA DE 'DIR KHYOD KYIS STON CIG DANG, JI TZAM DU 'DUS BYAS PA SHES PAR 'GYUR RO, ,DE NAS MI MJED KYI BDAG PO TSANGS PAS TSANGS PA DAG LA 'DI SKAD CES SMRAS SO, ,KHO BOS BYANG CHUB SEMS DPA'I YONGS SU SPYAD PA RIN PO CHE BKOD PA DE BLANG GI ,DE'I BAR DU KHYED 'KHOD CIG ,DE NAS MI MJED KYI BDAG PO TSANGS PA BCOM LDAN 'DAS KYI ZHABS LA MGO BOS PHYAG 'TSAL TE BCOM LDAN 'DAS KYI SPY