@01A *, ,MDO CA PA BZHUGS SO, , @01A *, ,RGYA GAR SKAD DU, A'A RYA SAN DHI NIR MO TZA NA N'A MA MAH'A Y'A NA S'U TRA, BOD SKAD DU, 'PHAGS PA DGONGS PA NGES PAR 'GREL PA ZHES BYA BA THEG PA CHEN PO'I MDO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS GZHAL MED KHANG RIN PO CHE SNA BDUN @02A *, ,MCHOG TU 'BAR BA BKOD PA 'JIG RTEN GYI KHAMS DPAG TU MED PA RGYAS PAR 'GENGS PA'I 'OD ZER CHEN PO SHIN TU MNGA' BA, GNAS KYI BYE BRAG SHIN TU RNAM PAR PHYE BA, MTHA' YAS PA RNAM PAR BZHAG PA, DKYIL 'KHOR YONGS SU MA CHAD PA, KHAMS GSUM PA LAS YANG DAG PAR 'DAS PA'I SPYOD YUL, 'JIG RTEN LAS 'DAS PA DE'I BLA MA'I DGE BA'I RTZA BA LAS BYUNG BA, DBANG SGYUR BA'I RNAM PAR RIG PA SHIN TU RNAM PAR RIG PA'I MTSAN NYID, DE BZHIN GSHEGS PA'I GNAS @02B BYANG CHUB SEMS DPA' DPAG TU MED PA'I DGE 'DUN RJES SU DONG BA, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO DANG, MI DANG MI MA YIN PA MTHA' YAS PA RNAM PAR RGYU BA; CHOS KYI RO'I DGA' BA DANG BDE BA CHEN POS BRTAN PA, SEMS CAN THAMS CAD KYI DON THAMS CAD YANG DAG PAR THOB PAR MDZAD PAS NYE BAR GNAS PA, NYON MONGS PA'I DRI MA'I GNOD PA THAMS CAD DANG BRAL BA, BDUD THAMS CAD YONGS SU SPANGS PA, THAMS CAD KYI BKOD PA LAS LHAG PA, DE BZHIN GSHEGS PA'I BYIN GYI RLABS KYIS BKOD PA, DRAN PA DANG; BLO GROS DANG, RTOGS PA CHEN POS NGES PAR 'BYUNG BA, ZHI GNAS DANG LHAG MTHONG CHEN PO BZHON PA YIN PA, RNAM @03A *, ,PAR THAR PA'I SGO CHEN PO STONG PA NYID DANG, MTSAN MA MED PA DANG, SMON PA MED PA NAS 'JUG PA, RIN PO CHE'I PAD-MA'I RGYAL PO CHEN PO YON TAN GYI TSOGS MTHA' YAS PAS BRGYAN PA'I BKOD PA LA BRTEN PA NA BZHUGS TE, BCOM LDAN 'DAS LEGS PAR THUGS SU CHUD PA'I BLO DANG LDAN PA, KUN TU SPYOD PA, GNYIS MI MNGA' BA, MTSAN NYID MED PA'I CHOS LA MCHOG TU GZHOL BAR MDZAD PA, SANGS RGYAS KYI GNAS PAS GNAS PA, GNAS PA SANGS RGYAS THAMS CAD DANG MNYAM PA NYID BRNYES PA, SGRIB PA MED PA'I RTOGS PAR THUGS SU CHUD PA, PHYIR MI LDOG PA'I CHOS DANG LDAN PA, SPYOD YUL GYIS MI 'PHROGS PA, RNAM PAR GZHAG PA, BSAM GYIS MI KHYAB PA RNAM PAR 'JOG PA, DUS GSUM LA MNYAM PA NYID TSAR PHYIN PA, 'JIG RTEN GYI @03B KHAMS THAMS CAD DU ZHUGS PA'I SKU LNGA DANG LDAN PA, CHOS THAMS CAD LA THE TSOM MED PA'I MKHYEN PA MNGA' BA, SPYOD PA THAMS CAD DANG LDAN PA'I BLO MNGA' BA, CHOS SHES PA LA NEM NUR MI MNGA' BA, RNAM PAR MA BRTAGS PA'I SKU MNGA' BA, BYANG CHUB SEMS DPA' THAMS CAD KYIS YE SHES YANG DAG PAR BLANGS PA, SANGS RGYAS KYI GNAS PA GNYIS SU MED PA, DAM PA'I PHA ROL TU BYON PA, DE BZHIN GSHEGS PA MA 'DRES PA'I RNAM PAR THAR PAR MDZAD PA'I YE SHES KYI MTHAR PHYIN PA, MTHA' DANG DBUS MED PA'I SANGS RGYAS KYIS MNYAM PA NYID THUGS SU CHUD BA, CHOS KYI DBYINGS KYIS KLAS PA, NAM MKHA'I KHAMS KYI MTHAS GTUGS PA DE, NYAN THOS KYI DGE 'DUN TSAD MED PA THAMS CAD KYANG CANG SHES PA, SANGS RGYAS KYI SRAS, SEMS SHIN TU RNAM PAR GROL BA, SHES RAB SHIN TU RNAM PAR GROL BA, TSUL KHRIMS SHIN TU RNAM PAR DAG PA, CHOS 'DOD PA RNAMS DANG BDE BAR PHRAD PA, MANG DU THOS PA, THOS PA 'DZIN PA, THOS PA BSAGS PA, LEGS PAR BSAM PA SEMS PA, LEGS PAR SMRA BA BRJOD PA, LEGS PAR BYA BA'I LAS BYED PA, SHES RAB MYUR BA, SHES RAB MGYOGS PA, SHES RAB RNO BA, NGES PAR 'BYUNG BA'I SHES RAB CAN, NGES PAR RTOGS PA'I SHES RAB CAN, SHES @04A *, ,RAB CHE BA, SHES RAB YANGS BA, SHES RAB ZAB PA, SHES RAB MNYAM PA MED PA, SHES RAB RIN PO CHE DANG LDAN PA, RIG PA GSUM DANG LDAN PA, TSE 'DI LA BDE BAR GNAS PA'I MCHOG THOB PA, YONGS SU SBYONG BA CHEN PO, SPYOD LAM RAB TU ZHI BA PHUN SUM TSOGS PA, BZOD PA DANG DES PA CHEN PO DANG LDAN PA, DE BZHIN [*LINE BREAK?] GSHEGS PA'I BKA' LA SHIN TU ZHUGS PA SHA STAG DANG, SANGS RGYAS KYI ZHING THA DAD PA NAS 'DUS PA'I BYANG CHUB SEMS DPA' DPAG TU MED PA THAMS CAD KYANG GNAS CHEN PO LA GNAS SHING YANG DAG PAR ZHUGS PA, THEG PA CHEN PO'I CHOS KYIS NGES PAR BYUNG BA, SEMS CAN THAMS CAD LA SEMS MNYAM PA, RTOG PA DANG, RNAM PAR RTOG PA DANG, YONGS SU RTOG PA THAMS CAD BRAL BA, BDUD DANG PHYIR RGOL BA THAMS CAD BCOM PA, NYAN THOS DANG RANG SANGS RGYAS KYI YID LA BYED PA THAMS CAD LAS RING DU GYUR PA, CHOS KYI RO'I DGA' BA DANG, BDE BA CHEN POS BRTAN PA, 'JIGS PA CHEN PO LNGA LAS YANG DAG PAR 'DAS PA, PHYIR MI LDOG PA'I SA BGROD PA GCIG PAR GYUR BA; SEMS CAN THAMS CAD KYI GNOD PA THAMS CAD RAB TU ZHI BAR BYED PA'I SA MNGON DU GYUR PA SHA STAG LA 'DI LTA STE, BYANG CHUB SEMS DPA' SEMS DPA' CHEN PO @04B DON ZAB DGONGS PA NGES PAR 'GREL DANG, TSUL BZHIN KUN 'DRI DANG, CHOS 'PHAGS DANG, BLO GROS SHIN TU RNAM DAG DANG, BLO GROS YANGS PA DANG, YON TAN 'BYUNG GNAS DANG, DON DAM YANG DAG 'PHAGS DANG, 'PHAGS PA SPYAN RAS GZIGS DBANG PHYUG DANG, BYAMS PA DANG, BYANG CHUB SEMS DPA' SEMS DPA' CHEN PO 'JAM DPAL LA SOGS PA DANG THABS GCIG GO ,DE NAS BYANG CHUB SEMS DPA' TSUL BZHIN KUN 'DRIS KYIS BRJOD DU MED PA DANG, GNYIS SU MED PA'I MTSAN NYID DON DAM PA LAS BRTZAMS TE, BYANG CHUB SEMS DPA' DON ZAB DGONGS PA NGES PAR 'GREL PA LA DRI BA DRIS PA, KYE RGYAL BA'I SRAS, CHOS THAMS CAD GNYIS SU MED PA, CHOS THAMS CAD GNYIS SU MED PA ZHES BYA NA, CHOS THAMS CAD NI GANG, JI LTAR NA GNYIS SU MED PA YIN, RIGS KYI BU, CHOS THAMS CAD CHOS THAMS CAD CES BYA BA NI GNYIS JI TZAM PA STE, 'DUS BYAS DANG, 'DUS MA BYAS SO, ,DE LA 'DUS BYAS NI 'DUS BYAS KYANG MA YIN, 'DUS MA BYAS KYANG MA YIN NO, ,'DUS MA BYAS NI 'DUS MA BYAS KYANG MA YIN, 'DUS BYAS KYANG MA YIN NO, ,SMRAS PA, KYE RGYAL BA'I SRAS, JI LTAR NA 'DUS BYAS NI 'DUS BYAS KYANG MA YIN, 'DUS MA BYAS KYANG MA YIN LA, 'DUS MA BYAS KYANG 'DUS MA BYAS KYANG MA YIN, 'DUS BYAS KYANG MA YIN, @05A *, ,RIGS KYI BU, 'DUS BYAS ZHES BYA BA DE NI STON PAS BTAGS PA'I TSIG YIN TE, STON PAS BTAGS PA'I TSIG GANG YIN PA DE NI, KUN TU RTOG PA LAS BYUNG BA THA SNYAD DU BRJOD PA YIN LA, KUN TU RTOG PA LAS BYUNG BA THA SNYAD DU BRJOD PA GANG YIN PA DE NI, KUN TU RTOG PA SNA TSOGS KYI THA SNYAD DU BRJOD PA GTAN YONGS SU MA GRUB PA'I PHYIR 'DUS BYAS MA YIN NO, ,RIGS KYI BU, 'DUS MA BYAS ZHES BYA BA DE'ANG THA SNYAD KYI KHONGS SU GTOGS PA YIN LA, 'DUS BYAS DANG 'DUS MA BYAS SU MA GTOGS PA GANG CI BRJOD KYANG DE'ANG DE DANG 'DRA BA NYID DU GYUR, DE'ANG DE DANG 'DRA BA NYID DU 'GYUR RO, ,BRJOD PA NI DNGOS PO MED PA CAN YANG MA YIN TE, DNGOS PO DE'ANG GANG ZHE NA, 'PHAGS PA RNAMS KYI 'PHAGS PA'I SHES PA DANG, 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS PA GANG YIN PA STE, BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS BYAS ZHES MING DU BTAGS SO, ,RIGS KYI BU, 'DUS MA BYAS ZHES BYA BA DE'ANG STON PAS BTAGS PA'I TSIG YIN TE, STON PAS BTAGS PA'I TSIG GANG YIN PA DE NI KUN TU RTOG PA LAS BYUNG BA THA SNYAD DU BRJOD PA YIN LA, KUN TU RTOG PA LAS BYUNG BA THA SNYAD DU BRJOD PA GANG YIN PA DE NI KUN TU RTOG @05B PA SNA TSOGS KYI THA SNYAD DU BRJOD PA GTAN YONGS SU MA GRUB PA'I PHYIR 'DUS MA BYAS MA YIN NO, ,RIGS KYI BU, 'DUS BYAS ZHES BYA BA DE'ANG THA SNYAD KYI KHONGS SU GTOGS PA YIN LA, 'DUS BYAS DANG 'DUS MA BYAS SU MA GTOGS PA GANG CI BRJOD KYANG DE'ANG DE DANG 'DRA BA NYID DU GYUR, DE'ANG DE DANG 'DRA BA NYID DU 'GYUR RO, ,BRJOD PA NI DNGOS PO MED PA CAN YANG MA YIN TE; DNGOS PO DE'ANG GANG ZHE NA, 'PHAGS PA RNAMS KYIS 'PHAGS PA'I SHES PA DANG, 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS PA GANG YIN PA STE; BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS MA BYAS ZHES MING DU BTAGS SO, ,KYE RGYAL BA'I SRAS, JI LTAR NA 'PHAGS PA RNAMS KYIS DNGOS PO DE 'PHAGS PA'I SHES PA DANG, 'PHAGS PA'I MTHONG BAS BRJOD DU MED PAR MNGON PAR RDZOGS PAR SANGS RGYAS SHING BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS BYAS DANG, 'DUS MA BYAS ZHES MING DU BTAGS PA YIN NO, ,RIGS KYI BU, 'DI LTA STE, DPER NA, SGYU MA MKHAN NAM SGYU MA MKHAN GYI SLOB MA MKHAS PA ZHIG LAM PO CHE'I BZHI MDOR 'DUG STE, RTZWA DAG GAM, LO MA DAG GAM, SHING DAG GAM, GSEG MA DAG GAM, GYO DUM DAG GCIG TU BSDUS NAS SGYU MA'I @06A *, ,LAS SNA TSOGS 'DI LTA STE, GLANG PO CHE'I TSOGS DANG, RTA PA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG; BEE d'U RYA DANG, DUNG DANG, MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS RNAM PAR BSTAN NA, DE LA SEMS CAN GANG DAG BYIS PA'I RANG BZHIN CAN, RMONGS PA'I RANG BZHIN CAN, SHES RAB 'CHAL BA'I RANG BZHIN CAN, RTZWA DANG, LO MA DANG, SHING DANG, GSEG MA DANG, GYO DUM DE DAG MI SHES PA DE DAG NI DE MTHONG NGAM THOS NA 'DI SNYAM DU SEMS TE, GLANG PO CHE'I TSOGS SNANG BA GANG YIN PA DE NI YOD DO, ,RTA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG, BEE d'U RYA DANG, DUNG DANG, MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS SNANG BA GANG YIN PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU DE LA NAN GYIS MCHOG TU BZUNG ZHING MNGON PAR ZHEN NAS, 'DI NI BDEN GYI GZHAN NI RDZUN PA'O, , ZHES RJES SU THA SNYAD 'DOGS PAR YANG BYED DE, DE NI DE DAG GIS PHYIS NYE BAR BRTAG PAR BYA DGOS PA YIN NO, ,DE LA SEMS CAN GANG DAG BYIS PA'I RANG BZHIN CAN MA YIN PA, @06B RMONGS PA'I RANG BZHIN CAN MA YIN PA, SHES RAB DANG LDAN PA'I RANG BZHIN CAN RTZWA DANG, LO MA DANG, SHING DANG, GSEG MA DANG, GYO DUM DE DAG SHES PA DE DAG NI DE MTHONG NGAM THOS NA 'DI SNYAM DU SEMS TE, GLANG PO CHE'I TSOGS SNANG BA GANG YIN PA 'DI NI MED DO, ,RTA PA'I TSOGS DANG, SHING RTA'I TSOGS DANG, DPUNG BU CHUNG GI TSOGS DANG, NOR BU DANG, MU TIG DANG, BEE d'U DANG, DUNG DANG, MAN SHEL DANG, BYU RU'I TSOGS DANG, NOR DANG, 'BRU DANG, MDZOD DANG, BANG BA'I TSOGS SNANG BA GANG YIN PA 'DI NI MED KYI, GANG LA GLANG PO CHE'I TSOGS KYI 'DU SHES DANG, GLANG PO CHE'I TSOGS KYI RNAM GRANGS KYI 'DU SHES 'BYUNG BA DANG, NOR DANG, 'BRU DANG, MDZOD DANG, BANG BA'I TSOGS KYI BAR GYI 'DU SHES DANG, DE DAG GI RNAM GRANGS KYI 'DU SHES 'BYUNG BA SGYU MA BYAS PA 'DI NI YOD, MIG SLU BAR BYED PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU DE LA NAN GYIS MCHOG TU BZUNG ZHING MNGON PAR ZHEN NAS 'DI NI BDEN GYI GZHAN NI RDZUN PA'O ZHES RJES SU THA SNYAD MI 'DOGS KYI, 'DI LTAR DON RNAM PAR RIG PAR BYA BA'I PHYIR RJES SU THA SNYAD 'DOGS PAR BYED DE, DE NI DE DAG GIS PHYIS NYE BAR BRTAG PAR BYA MI DGOS PA YIN NO, ,DE BZHIN DU SEMS CAN GANG DAG BYIS PA'I RANG BZHIN CAN SO SO'I SKYE @07A *, ,BOR GYUR PA, SHES RAB 'PHAGS PA 'JIG RTEN LAS 'DAS PA MA THOB PA, CHOS THAMS CAD KYI BRJOD DU MED PA'I CHOS NYID MNGON PAR MI SHES PA DE DAG NI 'DUS BYAS DANG, 'DUS MA BYAS TE MTHONG NGAM THOS NA, 'DI SNYAM DU SEMS TE, 'DUS BYAS DANG 'DUS MA BYAS SNANG BA GANG YIN PA 'DI NI YOD DO SNYAM DU SEMS SHING, DE DAG JI LTAR MTHONG BA DANG, JI LTAR THOS PA BZHIN DU DE LA NAN GYIS MCHOG TU BZUNG ZHING MNGON PAR ZHEN NAS 'DI NI BDEN GYI GZHAN NI RDZUN PA'O ZHES RJES SU THA SNYAD 'DOGS PAR YANG BYED DE, DE NI DE DAG GIS PHYIS NYE BAR BRTAG PAR BYA DGOS PA YIN NO, ,DE LA SEMS CAN GANG DAG BYIS PA'I RANG BZHIN CAN MA YIN PA BDEN PA MTHONG BA, SHES RAB 'PHAGS PA 'JIG RTEN LAS 'DAS PA THOB PA, CHOS THAMS CAD KYI BRJOD DU MED PA'I CHOS NYID MNGON PAR SHES PA DE DAG NI 'DUS BYAS DANG, 'DUS MA BYAS DE MTHONG NGAM THOS NA 'DI SNYAM DU SEMS TE, 'DUS BYAS DANG, 'DUS MA BYAS SNANG BA GANG YIN PA 'DI NI MED KYI, GANG LA 'DUS BYAS DANG, 'DUS MA BYAS KYI 'DU SHES DANG, 'DUS BYAS DANG, 'DUS MA BYAS KYI RNAM GRANGS KYI 'DU SHES 'BYUNG BA, RNAM PAR RTOG PA LAS BYUNG BA, 'DU BYED KYI MTSAN MA SGYU MA LTA BU 'DI NI YOD, BLO RNAM PAR RMONGS @07B PAR BYED PA 'DI NI YOD DO SNYAM DU SEMS SHING DE DAG JI LTAR MTHONG BA DANG, JI LTAR THOS PA BZHIN DU DE LA NAN GYIS MCHOG TU BZUNG ZHING MNGON PAR ZHEN NAS 'DI NI BDEN GYI GZHAN NA RDZUN PA'O ZHES RJES SU THA SNYAD MI 'DOGS KYI, 'DI LTAR DON RNAM PAR RIG PAR BYA BA'I PHYIR RJES SU THA SNYAD 'DOGS PAR BYED DE, DE NI DE DAG GIS PHYIS NYE BAR BRTAG PAR BYA MI DGOS PA YIN NO, ,RIGS KYI BU, DE LTAR NA 'PHAGS PA RNAMS KYIS DNGOS PO DE 'PHAGS PA'I SHES PA DANG, 'PHAGS PA'I MTHONG BAS BRJOD DU MED PAR SANGS RGYAS SHING, BRJOD DU MED PA'I CHOS NYID DE NYID MNGON PAR RDZOGS PAR RTOGS PAR BYA BA'I PHYIR 'DUS BYAS DANG, 'DUS MA BYAS ZHES MED DU BTAGS PA YIN NO, ,DE NAS BYANG CHUB SEMS DPA' DON ZAB DGONGS PA NGES PAR 'GREL GYIS DE'I TSE TSIGS SU BCAD PA 'DI DAG SMRAS SO, ,ZAB MO BYIS PA'I SBYOD YUL MA YIN PA, ,BRJOD MED GNYIS MIN RGYAL BAS BSTAN MDZAD KYANG, ,BYIS PA GTI MUG RMONGS PA 'DI DAG NI, ,SMRA BA'I SPROS LA DGA' ZHING GNYIS LA GNAS, ,MA RTOGS PA'AM LOG PAR RTOG PA DAG ,LUG DANG BA LANG DAG TU YANG SKYE ZHING, ,DE DAG SHES PA'I SMRA BA DE BOR NAS, ,SHIN TU YUN RING 'KHOR BA 'DIR 'KHOR 'GYUR, ,DON ZAB DGONGS PA NGES PAR 'GREL GYI LE'U STE DANG PO'O,, ,,DE NAS BCOM LDAN 'DAS LA BYANG @8A *, ,CHUB SEMS DPA' CHOS 'PHAGS KYIS 'DI SKAD CES GSOL TO, ,BCOM LDAN 'DAS, SNGON GYI DUS RNAMS KYI SHIN TU SNGA MA ZHIG NA, 'DI NAS 'JIG RTEN GYI KHAMS GANG-G'A'I KLUNG BDUN CU RTZA BDUN GYI BYE MA SNYED 'DAS PA NA, DE BZHIN GSHEGS PA GRAGS PA RGYA CHEN GYI SANGS RGYAS KYI ZHING 'JIG RTEN GYI KHAMS GRAGS PA CAN ZHES BGYI BA DER BDAG MCHIS PA'I TSE, DE NA BDAG GIS MU STEGS CAN RANG RANG GI STON PA LA SOGS PA 'BUM PHRAG BDUN CU RTZA BDUN 'DI LTA STE, CHOS RNAMS KYI DON DAM PA'I MTSAN NYID BSAM PA LAS BRTZAMS NAS SA PHYOGS SHIG NA MCHIS SHING 'DUS NAS DE DAG CHOS RNAMS KYI DON DAM PA'I MTSAN NYID SEMS PAR BGYID, 'JAL BAR BGYID, NYE BAR RTOG PAR BGYID, YONGS SU TSOL BAR BGYID KYANG MA RTOGS NAS BLO GROS THA DAD PA YID GNYIS CAN, BLO GROS NGAN PA, RTZOD PA DANG 'GYED PAR GYUR PA DAG GCIG LA GCIG KHA STOBS KYIS GNON PA BGYIS, ZHER 'DEBS PA BGYIS, GAB GAB BGYIS, MNAN PA BGYIS, TSAR GCAD PA BGYIS TE SO SOR MCHIS PA DAG CIG MTHONG NAS, BCOM LDAN 'DAS BDAG 'DI SNYAM BGYID DO, ,KYE MA, DE BZHIN GSHEGS PA RNAMS 'JIG RTEN DU 'BYUNG ZHING DE DAG BYUNG BAS DON DAM PA RTOG GE THAMS CAD LAS YANG DAG PAR @8B 'DAS PA'I MTSAN NYID 'DI LTA BU RTOGS PA DANG, MNGON SUM DU BGYI PA MCHIS PA NI NGO MTSAR RMAD DU BYUNG BA LAGS SO SNYAM BGYID LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' CHOS 'PHAGS LA 'DI SKAD CES BKA' STZAL TO, ,CHOS 'PHAGS DE DE BZHIN NO, ,DE DE BZHIN TE, NGAS NI DON DAM PA RTOG GE THAMS CAD LAS YANG DAG PAR 'DAS PA'I MTSAN NYID MNGON PAR RDZOGS PAR SANGS RGYAS TE, MNGON PAR RDZOGS PAR SANGS RGYAS NAS KYANG BSNYAD CING GSAL BAR BYAS, RNAM PAR PHYE, GDAGS PAR BYAS, RAB TU BSTAN TO, ,DE CI'I PHYIR ZHE NA, DON DAM PA NI 'PHAGS PA RNAMS KYI SO SO RANG GI RIG PA YIN PAR NGAS BSHAD LA, SO SO'I SKYE BO RNAMS KYI PHAN TSUN RIG PAR BYA BA NI, RTOG GE'I SPYOD YUL YIN PA'I PHYIR TE, CHOS 'PHAGS, DE'I PHYIR RNAM GRANGS DES KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA NI DON DAM PA YIN PAR RIG PAR BYA'O, ,CHOS 'PHAGS, GZHAN YANG DON DAM PA NI MTSAN MA MED PA'I SPYOD YUL YIN PAR NGAS BSHAD LA, RTOG GE NI MTSAN MA'I SPYOD YUL YIN TE, CHOS 'PHAGS DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA NI DON DAM PA YIN PAR RIG PAR BYA'O, ,CHOS 'PHAGS, GZHAN @9A *, ,YANG DON DAM PA NI BRJOD DU MED PA YIN PAR NGAS BSHAD LA, RTOG GE NI BRJOD PA'I SPYOD YUL YIN TE, CHOS 'PHAGS, DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA NI, DON DAM PA YIN PAR RIG PAR BYA'O, ,CHOS 'PHAGS, GZHAN YANG DON DAM PA NI THA SNYAD THAMS CAD YANG DAG PAR CHAD PA YIN PAR NGAS BSHAD LA, RTOG GE NI THA SNYAD KYI SPYOD YUL YIN TE, CHOS 'PHAGS, DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA NI DON DAM PA YIN PAR RIG PAR BYA'O, ,CHOS 'PHAGS, GZHAN YANG DON DAM PA NI RTZOD PA THAMS CAD YANG DAG PAR CHAD PA YIN PAR NGAS BSHAD LA, RTOG GE NI RTZOD PA'I SPYOD YUL YIN TE, CHOS 'PHAGS, DE'I PHYIR RNAM GRANGS DES KYANG KHYOD KYIS 'DI LTAR RTOG GE THAMS CAD LAS YANG DAG PAR 'DAS PA'I MTSAN NYID GANG YIN PA NI DON DAM PA YIN PAR RIG PAR BYA'O, ,CHOS 'PHAGS, 'DI LTA STE, DPER NA, SKYES BU GANG ZAG JI SRID 'TSO BA'I BAR DU TSA BA DANG KHA BA'I RO BSTEN BSTEN PAS NI SBRANG RTZI'I RO'AM, SHA KHA RA'I RO LA BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS @9B 'DOD PA'I 'DOD CHAGS LA MOS PA, 'DOD PA'I YONGS SU GDUNG BA DAG GIS YONGS SU GDUNGS PA NI NANG GI RAB TU DBEN PA'I BDE BA GZUGS DANG, SGRA DANG, DRI DANG, RO DANG, REG BYA'I MTSAN MA THAMS CAD DANG BRAL BA LA BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS KUN TU SMRA BA LA MOS PA, KUN TU SMRA BA LA MNGON PAR DGA' BAS NI NANG GI MI SMRA BA 'PHAGS PA'I BDE BA LA BRTAG PA'AM, RJES SU DPAG PA'AM, MOS PAR MI NUS SO, ,YUN RING PO NAS MTHONG BA DANG, THOS PA DANG, BYE BRAG PHYED PA DANG, RNAM PAR SHES PA'I THA SNYAD LA MOS PA, THA SNYAD LA MNGON PAR DGA' BAS NI THA SNYAD THAMS CAD YANG DAG PAR CHAD PA, 'JIG TSOGS 'GOG PA'I MYA NGAN LAS 'DAS PA LA BRTAG PA'AM, RJES SU DPAG PA'AM, MOS PAR MI NUS SO, ,CHOS 'PHAGS, 'DI LTA STE, DPER NA, YUN RING PO NAS BDAG GI YONGS SU 'DZIN PA NYID KYIS RTZOD PA LA BRTZON PA, RTZOD PA LA MNGON PAR DGA' BAS NI BYANG GI SGRA MI SNYAN PA DAG GI DAG GIR YONGS SU 'DZIN PA MED PA NYID DANG, RTZOD PA MED PA NYID LA BRTAG PA'AM, RJES SU DPAG PA'AM, MOS PAR MI NUS SO, , CHOS 'PHAGS, DE BZHIN DU RTOG GE PA THAMS CAD KYIS KYANG DON DAM PA RTOG GE THAMS CAD LAS YANG DAG PAR 'DAS PA'I MTSAN NYID BRTAG PA'AM, RJES SU DPAG PA'AM, MOS @10A *, ,PAR MI NUS SO, ,DE NAS MCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,SO SO RANG RIG MTSAN NYID SPYOD YUL TE, ,BRJOD DU MED CING THA SNYAD YONGS CHAD PA, ,RTZOD DANG BRAL BA DON DAM CHOS YIN TE, ,DE NI RTOG GE KUN LAS 'DAS MTSAN NYID, ,CHOS 'PHAGS KYI LE'U STE GNYIS PA'O,, ,, DE NAS BCOM LDAN 'DAS LA BYANG CHUB SEMS DPA' BLO GROS SHIN TU RNAM DAG GIS 'DI SKAD CES GSOL TO, ,BCOM LDAN 'DAS, BCOM LDAN 'DAS KYIS GANG GI SLAD DU 'DI SKAD CES DON DAM PA NI PHRA BA, ZAB PA, THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID RTOGS PAR DKA' BA YIN NO ZHES BKA' STZAL TE, JI TZAM DU BCOM LDAN 'DAS KYIS LEGS PAR GSUNGS PA DE NI NGO MTSAR LAGS SO, ,BCOM LDAN 'DAS, 'DI LA BDAG GIS SA PHYOGS SHIG NA, BYANG CHUB SEMS DPA' MOS PAS SPYOD PA'I SA LA ZHUGS PA RAB TU MANG PO DAG CIG 'DI LTA STE, 'DU BYED RNAMS DANG, DON DAM PA THA DAD PA DANG THA DAD PA MA LAGS PA NYID LAS BRTZAMS TE, PHAN TSUN NAS MCHIS SHING MCHIS NAS 'DUS TE MCHIS NAS DE NA BYANG CHUB SEMS DPA' KHA CIG 'DI SKAD CEG 'DU BYED KYI MTSAN NYID DANG, DON DAM PA'I MTSAN NYID THA DAD PA MA LAGS @10B SO ZHES MCHI, KHA CIG NI 'DI SKAD 'DU BYED KYI MTSAN NYID DANG, DON DAM PA'I MTSAN NYID THA DAD PA MA LAGS PA MA LAGS KYI, 'DU BYED KYI MTSAN NYID DANG, DON DAM PA'I MTSAN NYID THA DAD PA LAGS SO ZHES MCHI, THE TSOM DU GYUR PA'I BLO GROS CAN, YID GNYIS SU GYUR PA KHA CIG NI 'DI SKAD DU GANG DAG DE SKAD CES 'DU BYED KYI MTSAN NYID DANG, DON DAM PA'I MTSAN NYID THA DAD PA LAGS SO ZHES MCHI BA DANG, GANG DAG DE SKAD CES 'DU BYED KYI MTSAN NYID DANG, DON DAM PA'I MTSAN NYID THA DAD PA MA LAGS SO ZHES MCHIS PA'I BYANG CHUB SEMS DPA' DE DAG LAS GANG NI MED PAR MCHI BA LAGS, GANG NI SHOB BE MCHIS LAGS, GANG NI TSUL BZHIN DU ZHUGS PA LAGS, GANG NI TSUL BZHIN DU MA LAGS PAR ZHUGS PA LAGS ZHES MCHI BA DAG CIG MTHONG LAGS SO, ,BCOM LDAN 'DAS, MTHONG NAS KYANG BDAG 'DI SNYAM BGYID DE, RIGS KYI BU, 'DI DAG THAMS CAD NI 'DI LTAR DON DAM PA 'DU BYED RNAMS DANG, THA DAD PA DANG THA DAD PA MA LAGS PA NYID LAS YANG DAG PAR 'DAS PA'I MTSAN NYID PHRA BA MA 'TSAL BA, BYIS PA RMONGS PA, MI GSAL BA, MI MKHAS PA, TSUL BZHIN MA LAGS PAR ZHUGS PA SHA STAG LAGS SO SNYAM BGYID LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' BLO GROS SHIN TU RNAM @11A *, ,PAR DAG PA LA 'DI SKAD CES BKA' STZAL TO, ,BLO GROS SHIN TU RNAM PAR DAG PA, DE DE BZHIN NO, ,DE DE BZHIN TE, RIGS KYI BU DE DAG THAMS CAD NI 'DI LTAR DON DAM PA 'DU BYED RNAMS DANG, THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID PHRA BA MI SHES PA, BYIS PA RMONGS PA, MI GSAL BA, MI MKHAS PA, TSUL BZHIN MA YIN PAR ZHUGS PA SHA STAG YIN NO, ,DE CI'I PHYIR ZHE NA, BLO GROS SHIN TU RNAM DAG ,'DU BYED RNAMS LA DE LTAR SO SOR RTOG PA DAG NI DON DAM PA RTOGS PA'AM, DON DAM PA MNGON SUM DU BYED PA MA YIN PA'I PHYIR RO, ,DE CI'I PHYIR ZHE NA, BLO GROS SHIN TU RNAM DAG ,GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN PAR GYUR NA NI DES NA BYIS PA SO SO'I SKYE BO THAMS CAD BDEN PA MTHONG BA YIN PAR YANG 'GYUR, SO SO'I SKYE BO KHO NAR GYUR BZHIN DU GRUB PA DANG, BDE BA BLA NA MED PA'I MYA NGAN LAS 'DAS PA 'THOB PAR YANG 'GYUR, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR RO,, GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA YIN PAR GYUR NA NI, DES NA BDEN PA MTHONG BA RNAMS KYANG 'DU BYED KYI MTSAN MA DANG MA BRAL BAR @11B 'GYUR, 'DU BYED KYI MTSAN MA DANG MA BRAL BA'I PHYIR BDEN PA MTHONG BA MTSAN MA'I 'CHING BA LAS RNAM PAR 'GROL BAR YANG MI 'GYUR, MTSAN MA'I 'CHING BA LAS RNAM PAR MA GROL NA, GNAS NGAN LEN GYI 'CHING BA LAS KYANG RNAM PAR MA GROL BAR 'GYUR, 'CHING BA DE GNYIS LAS MA GROL NA BDEN PA MTHONG PAS GRUB PA DANG, BDE BA BLA NA MED PA'I MYA NGAN LAS 'DAS PA THOB PA'ANG MI 'GYUR, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG MI 'GYUR RO, ,BLO GROS SHIN TU RNAM DAG ,GANG GI PHYIR SO SO'I SKYE BO BDEN PA MTHONG BA MA YIN, SO SO'I SKYE BO KHO NAR GYUR BZHIN DU GRUB PA DANG, BDE BA BLA NA MED PA'I MYA NGAN LAS 'DAS PA 'THOB PAR YANG MI 'GYUR, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR MI 'GYUR BA DE'I PHYIR 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN ZHES BYAR MI RUNG STE, DE LA GANG DAG DE SKAD COS 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN ZHES ZER BA DE DAG NI, RNAM GRANGS DES NA KHYOD KYIS 'DI LTAR TSUL BZHIN MA YIN PAR ZHUGS PA YIN GYI, TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG ,GANG GI PHYIR BDEN PA MTHONG BA RNAMS 'DU BYED KYI MTSAN MA @12A *, ,DANG BRAL BA MA YIN GYI, BRAL BA KHO NA YIN PA DANG, BDEN PA MTHONG BA MTSAN MA'I 'CHING BA LAS RNAM PAR GROL BA MA YIN GYI, RNAM PAR GROL BA YIN PA DANG; BDEN PA MTHONG BA GNAS NGAN LEN GYI 'CHING BA LAS RNAM PAR GROL BA MA YIN GYI, RNAM PAR GROL BA DANG, 'CHING BA DE GNYIS KA LAS RNAM PAR GROL NA GRUB PA DANG, BDE BA BLA NA MED PA'I PHYIR MYA NGAN LAS 'DAS PA 'THOB PAR 'GYUR BA DANG, BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR YANG 'GYUR BA DE'I PHYIR 'DU BYED KYI MTSAN NYID DANG, DON DAM PA'I MTSAN NYID THA DAD PA ZHES BYAR MI RUNG STE, DE LA GANG DAG DE SKAD CES 'DU BYED KYI MTSAN NYID DANG, DON DAM PA'I MTSAN NYID THA DAD PA ZHES ZER BA DE DAG NI RNAM GRANGS DES NA KHYOD KYIS 'DI LTAR TSUL BZHIN MA YIN PAR ZHUGS PA YIN GYI, TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG ,GZHAN YANG GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN PAR GYUR NA NI, DES NA JI LTAR 'DU BYED KYI MTSAN NYID KUN NAS NYON MONGS PA'I MTSAN NYID DU GTOGS PA DE BZHIN DU DON DAM PA'I MTSAN NYID KYANG KUN NAS NYON MONGS PA'I MTSAN NYID DU GTOGS PAR 'GYUR RO, ,BLO GROS SHIN TU @12B RNAM DAG ,GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA YIN PAR GYUR NA'ANG, DES NA 'DU BYED KYI MTSAN NYID THAMS CAD LA DON DAM PA'I MTSAN NYID SPYI'I MTSAN NYID DU GYUR PA MA YIN PAR 'GYUR RO, ,BLO GROS SHIN TU RNAM DAG ,GANG GIS PHYIR DON DAM PA'I MTSAN NYID KUN NAS NYON MONGS PA'I MTSAN NYID DU GTOGS PA MA YIN PA DANG, 'DU BYED KYI MTSAN NYID THAMS CAD LA DON DAM PA'I MTSAN NYID SPYI'I MTSAN NYID DU GYUR PA YIN PA DE'I PHYIR 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN ZHES BYAR YANG MI RUNG LA, DON DAM PA'I MTSAN NYID THA DAD PA ZHES BYAR YANG MI RUNG STE, DE LA GANG DAG DE SKAD CES 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN PA ZHES ZER BA DANG, DON DAM PA'I MTSAN NYID THA DAD PA ZHES ZER BA DE DAG NI, RNAM GRANGS DES NA KHYOD KYIS 'DI LTAR TSUL BZHIN MA YIN PAR ZHUGS PA YIN GYI, TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG ,GZHAN YANG GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN PAR GYUR NA NI, DES NA JI LTAR DON DAM PA'I MTSAN NYID 'DU BYED KYI MTSAN NYID THAMS CAD LA BYE BRAG MED PA DE BZHIN DU 'DU BYED KYI MTSAN NYID THAMS CAD KYANG BYE BRAG MED PA DANG , RNAM 'BYOR PA DAG 'DU BYED @13A *, ,RNAMS LA JI LTAR MTHONG BA DANG , JI LTAR THOS PA DANG, JI LTAR BYE BRAG PHYED PA DANG, JI LTAR RNAM PAR SHES PA LAS GONG DU DON DAM PA YONGS SU 'TSOL BAR YANG MI 'GYUR RO, ,GAL TE 'DU BYED KYI MTSAN NYID DANG, DON DAM PA'I MTSAN NYID THA DAD PA YIN PAR GYUR NA NI, DES NA 'DU BYED RNAMS KYI BDAG MED PA TZAM DANG, NGO BO NYID MED PA TZAM NYID DON DAM PA'I MTSAN NYID YIN PAR YANG MI 'GYUR, KUN NAS NYON MONGS PA'I MTSAN NYID DANG, RNAM PAR BYANG BA'I MTSAN NYID KYANG DUS GCIG TU MTSAN NYID THA DAD DU GRUB PAR 'GYUR RO, ,BLO GROS SHIN TU RNAM DAG GANG GI PHYIR 'DU BYED KYI MTSAN NYID RNAMS NI BYE BRAG YOD PA YIN TE, BYE BRAG MED PA MA YIN PA DANG, RNAL 'BYOR PA DAG 'DU BYED RNAMS LA JI LTAR MTHONG BA DANG, THOS PA DANG, BYE BRAG PHYED PA DANG, RNAM PAR SHES PA LAS GONG DU DON DAM PA YONGS SU TSOL BAR BYED PA DANG, DON DAM PA NI 'DU BYED RNAMS KYI BDAG MED PAS RAB TU PHYE BA YIN PA DANG, KUN NAS NYON MONGS PA DANG, RNAM PAR BYANG BA'I MTSAN NYID KYANG DUS GCIG TU MTSAN NYID THA DAD DU GRUB PA MED PA DE'I PHYIR 'DU BYED KYI MTSAN NYID DANG, DON DAM PA'I MTSAN NYID THA DAD PA MA YIN PA'AM, THA DAD PA ZHES BYAR MI RUNG NGO , ,DE LA GANG DAG DE SKAD CES 'DU BYED KYI @13B MTSAN NYID DANG, DON DAM PA'I MTSAN NYID THA DAD PA MA YIN PA'AM, THA DAD PA ZHES ZER BA DE DAG NI RNAM GRANGS DES NA, KHYOD KYIS 'DI LTAR TSUL BZHIN MA YIN PAR ZHUGS PA YIN GYI; TSUL BZHIN DU ZHUGS PA MA YIN PAR RIG PAR BYA'O, ,BLO GROS SHIN TU RNAM DAG 'DI LTA STE, DPER NA, DUNG GI DKAR PO NYID NI, DUNG DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,DUNG GI DKAR PO NYID JI LTA BA BZHIN DU GSER GYI SER PO NYID KYANG DE BZHIN NO, ,PI WANG GI SGRA'I SNYAN PA NYID KYANG PI WANG GI SGRA DANG MTSAN NYID THA DAD PA MA YIN PA'AM, MTSAN NYID THA DAD PAR GDAGS PAR SLA BA MA YIN NO, ,AA KA RU NAG PO'I DRI ZHIM PA NYID KYANG AA KA RU NAG PO DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,NA LE SHAM GYI TSA BA NYID KYANG NA LE SHAM DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,NA LE SHAM GYI TSA BA NYID JI LTA BA BZHIN AA RU RA'I BSKA BA NYID KYANG DE BZHIN NO, ,'DI LTA STE, DPER NA, SHING BAL GYI 'DA' BA'I 'JAM PA NYID KYANG SHING BAL GYI 'DA' BA DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,'DI LTA STE, DPER NA, MAR LA MAR GYI SNYING KHU'ANG MAR DANG MTSAN NYID THA DAD @14A *, ,PA MA YIN PA'AM, MTSAN NYID THA DAD DU GDAGS PAR SLAB BA MA YIN NO, ,'DI LTA STE, DPER NA,'DU BYED THAMS CAD LA MI RTAG PA NYID DANG, ZAG PA DANG BCAS PA THAMS CAD LA SDUG BSNGAL BA NYID DANG, CHOS THAMS CAD LA GANG BDAG MED PA NYID KYANG DE DAG DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN NO, ,BLO GROS SHIN TU RNAM DAG 'DI LTA STE, DPER NA, 'DOD CHAGS KYI MA ZHI BA'I MTSAN NYID DANG, KUN NAS NYON MONGS PA'I MTSAN NYID KYANG 'DOD CHAGS DANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR SLA BA MA YIN PA DANG, 'DOD CHAGS KYI JI LTA BA BZHIN DU ZHE SDANG DANG, GTI MUG GI'ANG DE BZHIN DU RIG PAR BYA'O, ,BLO GROS SHIN TU RNAM DAG DE BZHIN DU 'DU BYED KYI MTSAN NYID DANG, DON DAM PA'I MTSAN NYID KYANG MTSAN NYID THA DAD PA MA YIN PA'AM, MTSAN NYID THA DAD DU GDAGS PAR MI BZOD DO, ,BLO GROS SHIN TU RNAM DAG NGAS NI DE LTAR DON DAM PA PHRA BA, MCHOG TU PHRA PA, MCHOG TU ZAB PA, RTOGS PAR DKA' BA, MCHOG TU DKA' BA, THA DAD PA DANG THA DAD PA MA YIN PA NYID LAS YANG DAG PAR 'DAS PA'I MTSAN NYID MNGON PAR RDZOGS PAR SANGS RGYAS TE, MNGON PAR RDZOGS PAR SANGS @14B RGYAS NAS KYANG BSNYAD CING GSAL BAR BYAS, RNAM PAR PHYE, GDAGS PA BYAS, RAB TU BSTAN TO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, , 'DU BYED KHAMS DANG DON DAM MTSAN NYID NI, ,GCIG DANG THA DAD BRAL BA'I MTSAN NYID DE, ,GCIG DANG THA DAD DU YANG GANG RTOG PA, ,DE DAG TSUL BZHIN MA YIN ZHUGS PA YIN, ,SKYE BA PO YI LHAG MTHONG DANG, ,ZHI GNAS GOMS PAR BYAS NAS NI, ,GNAS NGAN LEN GYI 'CHING BA DANG, ,MTSAN MA'I 'CHING LAS RNAM GROL 'GYUR, ,BLO GROS SHIN TU RNAM DAG GI LE'U STE GSUM PA'O,, ,,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL BA, RAB 'BYOR KHYOD KYIS SEMS CAN GYI KHAMS NA GANG DAG MNGON PA'I NGA RGYAL GYIS MNGON DU ZIN CING SHES PA BRDA SPROD PAR BYED PA'I SEMS CAN NI JI TZAM ZHIG YOD PAR SHES, KHYOD KYIS SEMS CAN GYI KHAMS NA GANG DAG MNGON PA'I NGA RGYAL MED PAR SHES PA BRDA SPROD PAR BYED PA'I SEMS CAN NI JI TZAM ZHIG YOD PAR SHES, RAB 'BYOR GYIS GSOL PA, BCOM LDAN 'DAS, BDAG NI SEMS CAN GYI KHAMS NA GANG DAG MNGON PA'I NGA RGYAL MA MCHIS PAR SHES PA BRDA SPROD PAR BGYID PA'I SEMS CAN NI NYUNG SHAS SHIG MCHIS PAR 'TSAL LAGS KYIS BCOM LDAN 'DAS, BDAG GIS SEMS @15A *, ,CAN GYI KHAMS NA GANG DAG MNGON PA'I NGA RGYAL GYIS MNGON DU ZIN CING SHES PA BRDA SPROD PAR BGYID PA'I SEMS CAN NI TSANG MA MCHIS, GRANGS MA MCHIS, BRJOD DU MA MCHIS PAR 'TSAL LAGS TE, BCOM LDAN 'DAS, BDAG DUS GCIG CIG NA, DGON PA NAGS KHROD CHEN PO ZHIG NA MCHIS PA'I TSE, DE NA BDAG GI NYE 'KHOR NA DGE SLONG RAB TU MANG PO DAG CIG KYANG DGON PA NAGS KHROD CHEN PO NA RTEN CING GNAS LAGS TE, BDAG GIS SNGA DRO'I DUS KYI TSE DGE SLONG PHAN TSUN NAS MCHIS SHING MJAL NAS, CHOS RNAM PA SNA TSOGS DMIGS PA'I MNGON PAR RTOGS PA STON PAS SHES PA BRDA SPROD PAR BGYID DE, DE NA KHA CIG NI PHUNG PO DMIGS PA DANG, PHUNG PO'I MTSAN MA DMIGS PA DANG, PHUNG PO'I SKYE BA DMIGS PA DANG, PHUNG PO'I 'JIG PA DMIGS PA DANG, PHUNG PO 'GOG PA DMIGS PA DANG, PHUNG PO 'GOG PA MNGON DU BGYID PA DMIGS PAS SHES PA BRDA SPROD PAR BGYID, KHA CIG PHUNG PO DMIGS PAS JI LTA BA DE BZHIN DU KHA CIG NI SKYE MCHED DMIGS PAS, KHA CIG RTEN CING 'BREL PAR 'BYUNG BA DMIGS PAS SHES PA BRDA SPROD PAR BGYID, KHA CIG NI ZAS DMIGS PA DANG, ZAS KYI MTSAN MA DMIGS PA DANG, ZAS KYI SKYE BA DMIGS PA DANG, ZAS KYI 'JIG PA DMIGS PA DANG, @15B ZAS 'GOG PA DMIGS PA DANG , ZAS 'GOG PA MNGON DU BGYI BA DMIGS PAS SHES PA BRDA SPROD PAR BGYID, KHA CIG NI BDEN PA DMIGS PA DANG , BDEN PA'I MTSAN NYID DMIGS PA DANG, BDEN PA YONGS SU SHES PA DMIGS PA DANG, BDEN PA SPANGS PA DMIGS PA DANG, BDEN PA MNGON DU BGYI BA DMIGS PA DANG, BDEN PA SGOM PA DMIGS PAS SHES PA BRDA SPROD PAR BGYID, KHA CIG NI KHAMS KYI DMIGS PA DANG, KHAMS KYI MTSAN MA DMIGS PA DANG, KHAMS SNA TSOGS PA NYID DMIGS PA DANG, KHAMS DU MA DMIGS PA DANG, KHAMS 'GOG PA DMIGS PA DANG, KHAMS 'GOG PA MNGON DU BGYI BA DMIGS PAS SHES PAS BRDA SPROD PAR BGYID, KHA CIG NI DRAN PA NYE BAR BZHAG PA DMIGS PA DANG, DRAN PA NYE BAR BZHAG PA'I MTSAN MA DMIGS PA DANG, DRAN PA NYE BAR BZHAG PA'I MI MTHUN PA'I PHYOGS DANG, GNYEN PO DMIGS PA DANG, DRAN PA NYE BAR BZHAG PA BSGOM PA DMIGS PA DANG, DRAN PA NYE BAR BZHAG PA MA SKYES PA SKYE BA DMIGS PA DANG, DRAN PA NYE BAR BZHAG PA SKYES PA GNAS PA DANG, MI BSKYUD PA DANG, SLAR ZHING 'BYUNG BA DANG, 'PHEL ZHING RGYAS PA DMIGS PAS SHES PA BRDA SPROD PAR BGYID, KHA CIG NI DRAN PA NYE BAR BZHAG PA RNAMS JI LTA BA DE BZHIN DU, KHA CIG NI YANG DAG PAR SPONG BA RNAMS DANG, RDZU 'PHRUL @16A *, ,GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, KHA CIG NI 'PHAGS PA'I LAM YAN LAG BRGYAD PA DMIGS PA DANG, 'PHAGS PA'I LAM YAN LAG BRGYAD PA'I MTSAN MA DMIGS PA DANG, 'PHAGS PA'I LAM YAN LAG BRGYAD PA'I MI MTHUN PA'I PHYOGS KYI GNYEN PO DMIGS PA DANG, 'PHAGS PA'I LAM YAN LAG BRGYAD PA BSGOM PA DMIGS PA DANG, 'PHAGS PA'I LAM YAN LAG BRGYAD PA MA SKYES BA SKYE BA DMIGS PA DANG, 'PHAGS PA'I LAM YAN LAG BRGYAD PA SKYES PA GNAS PA DANG, MI BSKYUD PA DANG, SLAR ZHING 'BYUNG BA DANG, 'PHEL ZHING RGYAS PA DMIGS PAS SHES PA BRDA SPROD PAR BGYID PA DAG MTHONG LAGS SO; ;MTHONG NAS KYANG BDAG 'DI SNYAM BGYID DE, TSE DANG LDAN PA 'DI DAG NI CHOS RNAM PA SNA TSOGS PA'I MNGON PAR RTOGS PA STON PAS SHES PA BRDA SPROD PAR BGYID CING, 'DI LTAR DON DAM PA THAMS CAD DU RO GCIG PA'I MTSAN NYID MA 'TSAL BAS, TSE DANG LDAN PA 'DI DAG NI MNGON PA'I NGA RGYAL CAN, MNGON PA'I NGA RGYAL GYIS MNGON DU ZIN CING SHES PA BRDA SPROD PAR BGYID PA SHA STAG LAGS SO SNYAM BGYID LAGS SO, ,BCOM LDAN 'DAS, BCOM LDAN 'DAS KYI GANG GI SLAD DU 'DI SKAD CES DON DAM PA NI PHRA BA, ZAB PA, RTOGS @16B PAR DKA' BA, MCHOG TU RTOGS PAR DKA' BA, THAMS CAD DU RO GCIG PA'I MTSAN NYID YIN NO ZHES BKA' STZAL BA JI TZAM DU BCOM LDAN 'DAS KYIS LEGS PAR GSUNGS PA DE NI NGO MTSAR LAGS TE, BCOM LDAN 'DAS, DON DAM PA THAMS CAD DU RO GCIG PA'I MTSAN NYID NI BCOM LDAN 'DAS KYI BSTAN PA 'DI NYID LA ZHUGS PA, DGE SLONG DU GYUR PA'I SEMS CAN RNAMS KYIS KYANG DE LTAR RTOGS PAR DKA' BA LAGS NA, 'DI LAS SLAD ROL PA'I MU STEGS CAN RNAMS KYIS LTA SMOS KYANG CI 'TSAL, BCOM LDAN 'DAS KYIS BKA' STZAL PA, RAB 'BYOR, DE DE BZHIN NO, ,DE DE BZHIN TE, NGAS NI DON DAM PA THAMS CAD DU RO GCIG PA'I MTSAN NYID PHRA BA, MCHOG TU PHRA BA, ZAB PA, MCHOG TU ZAB PA, RTOGS PAR DKA' BA, MCHOG TU RTOGS PAR DKA' BA, MNGON PAR RDZOGS PAR SANGS RGYAS TE, MNGON PAR RDZOGS PAR SANGS RGYAS NAS KYANG BSNYAD CING GSAL BAR BYAS, RNAM PAR PHYE, GDAGS PAR BYAS; RAB TU BSTAN NO, ,DE CI'I PHYIR ZHE NA, RAB 'BYOR, PHUNG RNAMS DANG, RTEN CING 'BREL PAR 'BYUNG BA DANG, ZAS RNAMS DON DAM PA YIN PAR YONGS SU BSTAN CING, RAB 'BYOR, SKYE MCHED RNAMS DANG, RTEN CING 'BREL PAR 'BYUNG BA DANG, ZAS RNAMS DANG, BDEN PA RNAMS DANG, KHAMS RNAMS DANG, DRAN PA NYE BAR BZHAG PA RNAMS DANG, YANG @17A *, ,DAG PAR SPONG BA RNAMS DANG, RDZU 'PHRUL GYI RKANG BA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, RANG 'BYOR, 'PHAGS PA'I LAM YAN LAG BRGYAD PA LA RNAM PAR DAG PA'I DMIGS PA GANG YIN PA DE NI DON DAM PA YIN PAR YONGS SU BSTAN PA'I PHYIR RO, ,PHUNG PO RNAMS LA RNAM PAR DAG PA'I DMIGS PA DE'ANG THAMS CAD DU RO GCIG PA STE, MTSAN NYID THA DAD PA MA YIN NO, ,PHUNG PO RNAMS LA JI LTA BA DE BZHIN DU SKYE MCHED RNAMS NAS, 'PHAGS PA'I LAM YAN LAG BRGYAD PA'I BAR LA RNAM PAR DAG PA'I DMIGS PA DE'ANG THAMS CAD DU RO GCIG PA STE, MTSAN NYID THA DAD PA MA YIN NO, ,RAB 'BYOR, RNAM GRANGS DES NA KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA DE NI DON DAM PA YIN PAR RIG PAR BYA'O, ,RAB 'BYOR, GZHAN YANG DGE SLONG RNAL 'BYOR SPYOD PA NI PHUNG PO GCIG GI DE BZHIN NYID DON DAM PA'I CHOS BDAG MED PA RAB TU RTOGS NAS YANG DE LAS GZHAN PA'I PHUNG PO RNAMS DANG, KHAMS RNAMS DANG, KHAMS RNAMS DANG, SKYE MCHED RNAMS DANG, RTEN CING 'BREL PAR 'BYUNG BA DANG, ZAS RNAMS DANG, BDEN PA RNAMS DANG, DRAN BA NYE BAR BZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG @17B PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS SO SO DANG, 'PHAGS PA'I LAM YAN LAG BRGYAD PA SO SO LA DE BZHIN NYID DON DAM PA, BDAG MED PA, YONGS SU TSOL BAR MI BYED KYI, DE BZHIN NYID KYI RJES SU 'BRANG BA GNYIS MED PA'I SHES PA LA RTEN PA DE NYID KYIS DON DAM PA THAMS CAD DU RO GCIG PA'I MTSAN NYID NGES PAR 'DZIN PA DANG, MNGON PAR RTOGS PA KHO NAR BYED DE, RAB 'BYOR, RNAM GRANGS DES KYANG KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA DE DON DAM PA YIN PAR RIG PAR BYA'O, ,RAB 'BYOR, GZHAN YANG JI LTAR PHUNG PO DANG, SKYE MCHED DANG, RTEN CING 'BREL PAR 'BYUNG BA DANG, ZAS DANG, BDEN PA DANG, KHAMS DANG; DRAN PA NYE BAR BZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG 'DI DAG PHAN TSUN MTSAN NYID THA DAD PA DANG, JI LTAR 'PHAGS PA'I LAM YAN LAG BRGYAD PA PHAN TSUN MTSAN NYID THA DAD PA YIN PA DE BZHIN DU GAL TE, CHOS DE DAG GI DE BZHIN NYID DON DAM PA CHOS BDAG MED PA'ANG MTSAN NYID THA DAD PA YIN PAR GYUR NA NI, DES NA DE BZHIN NYID DON DAM PA, CHOS BDAG MED PA'ANG RGYU DANG BCAS PA YIN ZHING RGYU LAS BYUNG BA YIN PAR 'GYUR RO, ,RGYU @18A *, ,LAS BYUNG BA NYID YIN NA NI 'DUS BYAS YIN PAR 'GYUR RO, ,'DUS BYAS NYID YIN NA NI DON DAM PA YIN PAR MI 'GYUR RO, ,DON DAM PA MA YIN NA NI DON DAM PA GZHAN ZHIG YONGS SU BTZAL DGOS PAR 'GYUR RO, ,RAB 'BYOR, GANG GI PHYIR DE BZHIN NYID DON DAM PA, CHOS BDAG MED PA RGYU LAS BYUNG BA MA YIN PA DANG, 'DUS BYAS MA YIN PA DANG, DON DAM PA MA YIN PA MA YIN PA DANG, DON DAM PA DE'I SON DAM PA GZHAN YONGS SU BTZAL BAR BYA MI DGOS KYI, DE BZHIN GSHEGS PA RNAMS BYUNG YANG RUNG MA BYUNG YANG RUNG STE, RTAG PA RTAG PA'I DUS DANG, THER ZUG THER ZUG GI DUS SU CHOS GNAS PAR BYA BA'I PHYIR CHOS RNAMS KYI CHOS NYID DBYINGS DE NI RNAM PAR GNAS PA KHO NA YIN PA DE'I PHYIR, RAB 'BYOR, RNAM GRANGS DES KYANG KHYOD KYIS 'DI LTAR THAMS CAD DU RO GCIG PA'I MTSAN NYID GANG YIN PA NI DON DAM PA YIN PAR RIG PAR BYA'O; ;RAB 'BYOR, 'DI LTA STE, DPER NA, NAM MKHA' NI GZUGS KYI RNAM PA SNA TSOGS DU MA MTSAN NYID THA DAD PA LA MTSAN MA MED PA RNAM PAR RTOG PA MED PA 'GYUR BA MED PA STE, THAMS CAD DU RO GCIG PA'I MTSAN NYID YIN NO, ,RAB 'BYOR, DE BZHIN DU DON DAM PA'ANG MTSAN NYID THA DAD PA'I CHOS RNAMS LA THAMS CAD DU RO GCIG PA'I MTSAN @18B NYID YIN PAR BLTA BAR BYA'O, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,DON DAM DE NI THA DAD MA YIN TE, ,KUN TU RO GCIG MTSAN NYID SANGS RGYAS GSUNG , ,DE LA GANG DAG THA DAD KUN RTOG PA, ,DE DAG NGA RGYAL GNAS PA RMONGS PA YIN, ,RAB 'BYOR GYI LE'U STE BZHI PA'O,, ,,D E NAS BCOM LDAN 'DAS LA BYANG CHUB SEMS DPA' BLO GROS YANGS PAS ZHU BA ZHUS PA, BCOM LDAN 'DAS, BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA, BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA ZHES BGYI NA, BCOM LDAN 'DAS, JI TZAM GYIS NA BYANG CHUB SEMS DPA' SEMS DANG, YID DANG; RNAM PAR SHES PA'I GSANG BA LA MKHAS PA LAGS, DE BZHIN GSHEGS PA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR 'DOGS NA'ANG JI TZAM GYIS 'DOGS LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' BLO GROS YANGS PA LA 'DI SKAD CES BKA' STZAL TO, ,BLO GROS YANGS PA KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG @19A *, ,BDE BA'I PHYIR ZHUGS TE, DE BZHIN GSHEGS PA LA KHYOD DON 'DI NYID 'DRI BAR SEMS PA NI LEGS SO, ,LEGS SO, ,BLO GROS YANGS PA, DE'I PHYIR NYON CIG DANG, SEMS DANG , YID DANG, RNAM PAR SHES PA'I GSANG BA LA MKHAS PA KHYOD LA BSHAD PAR BYA'O, ,BLO GROS YANGS PA, 'GRO BA DRUG GI 'KHOR BA 'DI NA SEMS CAN GANG DANG GANG DAG SEMS CAN GYI RIS GANG DANG GANG DU'ANG SGO NAS SKYE BA'I,SKYE NAS SAM, YANG NA MANGL NAS SKYE BA 'MA, YANG NA DROD GSHER LAS SKYE BA'AM, YANG NA RDZUS TE SKYE BA'I SKYE GNAS SU LUS MNGON PAR 'GRUB CING 'BYUNG BAR 'GYUR BA DER DANG POR 'DI LTAR LEN PA RNAM PA GNYIS PO RTEN DANG BCAS PA'I DBANG PO GZUGS CAN LEN PA DANG, MTSAN MA DANG MING DANG RNAM PAR RTOG PA LA THA SNYAD 'DOGS PA'I SPROS PA'I BAG CHAGS LEN PA LA RTEN NAS, SA BON THAMS CAD PA'I SEMS RNAM PAR SMIN CING 'JUG LA, RGYAS SHING 'PHEL BA DANG YANGS PAR 'GYUR RO, ,DE LA GZUGS CAN GYI KHAMS NA NI LEN PA GNYI GA YOD LA, GZUGS CAN MA YIN PA'I KHAMS NA NI LEN PA GNYIS SU MED DO; ;BLO GROS YANGS PA, RNAM PAR SHES PA DE NI LEN PA'I RNAM PAR SHES PA ZHES KYANG BYA STE, 'DI LTAR DES LUS 'DI BZUNG ZHING BLANGS PA'I PHYIR RO, ,KUN GZHI RNAM PAR @19B SHES PA ZHES KYANG BYA STE, 'DI LTAR DE LUS 'DI LA GRUB PA DANG BDE BA GCIG PA'I DON GYIS KUN TU SBYOR BA DANG, RAB TU SBYOR BAR BYED PA'I PHYIR RO, ,SEMS ZHES KYANG BYA STE, 'DI LTAR DE NI GZUGS DANG, SGRA DANG, DRI DANG, RO DANG, REG BYA DANG, CHOS KUN TU BSAGS PA DANG, NYE BAR BSAGS PA YIN PA'I PHYIR RO, ,BLO GROS YANGS PA, LEN PA'I RNAM PAR SHES PA DE LA RTEN CING GNAS NAS RNAM PAR SHES PA'I TSOGS DRUG PO 'DI LTA STE, MIG GI RNAM PAR SHES PA DANG, RNA BA DANG, SNA DANG, LCE DANG, LUS DANG, YID KYI RNAM PAR SHES PA DAG 'BYUNG NGO , ,DE LA RNAM PAR SHES PA DANG BCAS PA'I MIG DANG GZUGS RNAMS LA BRTEN NAS, MIG GI RNAM PAR SHES PA 'BYUNG STE, MIG GI RNAM PAR SHES PA DE DANG LHAN CIG RJES SU 'JUG PA, DUS MTSUNGS PA, SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA'ANG 'BYUNG NGO, ,BLO GROS YANGS PA, DE LA RNAM PAR SHES PA DANG BCAS PA'I RNA BA DANG, SNA DANG, LCE DANG, RNAM PAR SHES PA DANG BCAS PA'I LUS DANG, REG BYA RNAMS LA BRTEN NAS LUS KYI RNAM PAR SHES PA 'BYUNG STE, LUS KYI RNAM PAR SHES PA DE DANG LHAN CIG RJES SU 'JUG PA, DUS MTSUNGS PA, SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA'ANG 'BYUNG NGO, ,GAL TE MIG GI @20A *, ,RNAM PAR SHES PA GCIG LHAN CIG 'BYUNG NA NI MIG GI RNAM PAR SHES PA DANG SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA GCIG KHO NA LHAN CIG 'BYUNG NGO, ,GAL TE RNAM PAR SHES PA'I TSOGS GNYIS SAM, GSUM MAM, BZHI LHAN CIG GAM, LNGA CHAR LHAN CIG 'BYUNG NA'ANG DER RNAM PAR SHES PA'I TSOGS LNGA PO DAG DANG SPYOD YUL MTSUNGS PA, RNAM PAR RTOG PA'I YID KYI RNAM PAR SHES PA'ANG GCIG KHO NA LHAN CIG 'BYUNG NGO , ,BLO GROS YANGS PA, 'DI LTA STE; DPER NA, CHU'I KLUNG CHEN PO 'BAB PA LA GAL TE RLABS GCIG 'BYUNG BA'I RKYEN NYE BAR GNAS PAR GYUR NA, RLABS KYANG GCIG KHO NA 'BYUNG NGO, ,GAL TE RLABS GNYIS SAM; GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA, RLABS RAB TU MANG PO DAG 'BYUNG ZHING CHU'I KLUNG DE RANG GI RGYUN GYIS RGYUN 'CHAD PAR YANG MI 'GYUR LA, YONGS SU ZAD PAR YANG MI 'GYUR RO, ,ME LONG GI DKYIL 'KHOR SHIN TU YONGS SU DAG PA LA'ANG GAL TE GZUGS BRNYAN GCIG 'BYUNG BA'I RKYEN NYE BAR GNAS PAR GYUR NA, GZUGS BRNYAN YANG GCIG KHO NA 'BYUNG NGO, ,GAL TE GZUGS BRNYAN GNYIS SAM, GAL TE RAB TU MANG PO DAG 'BYUNG BA'I RKYEN NYE BAR GNAS PAR GYUR NA, @20B GZUGS BRNYAN RAB TU MANG PO DAG 'BYUNG ZHING ME LONG GI DKYIL 'KHOR DE GZUGS BRNYAN GYI DNGOS POR YONGS SU 'GYUR BA'ANG MA YIN LA, YONGS SU SBYOR BAR YANG MI MNGON NO,, BLO GROS YANGS PA, DE BZHIN DU CHU KLUNG LTA BU DANG, ME LONG LTA BU'I LEN PA'I RNAM PAR SHES PA DE LA RTEN CING GNAS NAS, GAL TE MIG GI RNAM PAR SHES PA GCIG LAN GCIG 'BYUNG BA'I RKYEN NYE BAR GNAS PAR GYUR NA'ANG MIG GI RNAM PAR SHES PA GCIG KHO NA LAN GCIG 'BYUNG NGO, ,GAL TE RNAM PAR SHES PA'I TSOGS LNGA CHAR GYI BAR DAG LAN GCIG 'BYUNG BA'I RKYEN NYE BAR GNAS PAR GYUR NA'ANG RNAM PAR SHES PA'I TSOGS LDA CHAR LAN GCIG 'BYUNG NGO, ,BLO GROS YANGS PA DE LTAR BYANG CHUB SEMS DPA' CHOS KYI LUGS SHES PA LA BRTEN CING CHOS KYI LUGS SHES PA LA GNAS NAS, SEMS DANG, YID DANG, RNAM PAR SHES PA'I GSANG BA LA MKHAS PA YIN YANG DE BZHIN GSHEGS PA NI BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PAR 'DOGS NA DE TZAM GYIS THAMS CAD KYI THAMS CAD DU MI 'DOGS SO, ,BLO GROS YANGS PA, GANG GI PHYIR BYANG CHUB SEMS DPA' NANG GI SO SO NANG GI LEN PA MI MTHONG, LEN PA'I RNAM PAR SHES PA'ANG MI MTHONG LA, DE'ANG YANG DAG PA JI LTA BA BZHIN DU YIN PA DANG, KUN GZHI YANG @21A *, ,MI MTHONG, KUN GZHI RNAM PAR SHES PA'ANG MI MTHONG, BSAGS PA'ANG MI MTHONG, SEMS KYANG MI MTHONG, MIG KYANG MI MTHONG, GZUGS KYANG MI MTHONG, MIG GI RNAM PAR SHES PA'ANG MI MTHONG, RNA BA'ANG MI MTHONG, SGRA'ANG MI MTHONG, RNA BA'I RNAM PAR SHES PA'ANG MI MTHONG, SNA'ANG MI MTHONG, DRI'ANG MI MTHONG, SNA'I RNAM PAR SHES PA'ANG MI MTHONG, LCE'ANG MI MTHONG, RO'ANG MI MTHONG, LCE'I RNAM PAR SHES PA'ANG MI MTHONG, LUS KYANG MI MTHONG, REG BYA'ANG MI MTHONG, LUS KYI RNAM PAR SHES PA'ANG MI MTHONG, BLO GROS YANGS PA, GANG GI PHYIR BYANG CHUB SEMS DPA' NANG GI SO SO RANG GI YID KYANG MI MTHONG, CHOS RNAMS KYANG MI MTHONG, YID KYI RNAM PAR SHES PA'ANG MI MTHONG LA, DE'ANG YANG DAG PA JI LTA BA BZHIN DU YIN PA DE NI, BYANG CHUB SEMS DPA' DON DAM PA LA MKHAS PA ZHES BYA STE, DE BZHIN GSHEGS PA'ANG BYANG CHUB SEMS DPA' DON DAM PA LA MKHAS PA NI SEMS DANG, YID DANG, RNAM PAR SHES PA'I GSANG BA LA MKHAS PA YIN PAR 'DOGS SO, ,BLO GROS YANGS PA, DE TZAM GYIS NA BYANG CHUB SEMS DPA' SEMS DANG, YID DANG, RNAM PAR SHES PA'I GSANG BA LA MKHAS PA YIN LA, DE BZHIN GSHEGS PA BYANG CHUB SEMS DPA' SEMS DANG, YID DANG, @21B RNAM PAR SHES PA'I GSANG BA LA MKHAS PAR 'DOGS NA'ANG DE TZAM GYIS 'DOGS SO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I KLUNG LTAR 'BAB, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,BLO GROS YANGS PA'I LE'U STE LNGA PA'O,, ,,DE NAS BCOM LDAN 'DAS LA BYANG CHUB SEMS DPA' YON TAN 'BYUNG GNAS KYI ZHU BA ZHUS PA, BCOM LDAN 'DAS, BYANG CHUB SEMS DPA' CHOS RNAMS KYI MTSAN NYID LA MKHAS PA, BYANG CHUB SEMS DPA' CHOS RNAMS KYI MTSAN NYID LA MKHAS PA ZHES BGYI NA, BCOM LDAN 'DAS, JI TZAM GYIS NA, BYANG CHUB SEMS DPA' CHOS RNAMS KYI MTSAN NYID LA MKHAS PA LAGS, DE BZHIN GSHEGS PA BYANG CHUB SEMS DPA' CHOS RNAMS KYI MTSAN NYID LA MKHAS PAR 'DOGS NA'ANG JI TZAM GYIS 'DOGS LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' YON TAN 'BYUNG GNAS LA 'DI SKAD CES BKA' STZAL TO, ,YON TAN 'BYUNG GNAS KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG BDE BA'I PHYIR ZHUGS TE, DE @22A *, ,BZHIN GSHEGS PA LA KHYOD DO NA 'DI NYID 'DRI BAR SEMS PA NI LEGS SO, ,LEGS SO, ,YON TAN 'BYUNG GNAS, DE'I PHYIR NYON CIG DANG, CHOS RNAMS KYI MTSAN NYID LA MKHAS PA KHYOD LA BSHAD PAR BYA'O, ,YON TAN 'BYUNG GNAS, CHOS RNAMS KYI MTSAN NYID NI GSUM PO 'DI DAG YIN TE, GSUM GANG ZHE NA, KUN BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID DO, ,YON TAN 'BYUNG GNAS, DE LA CHOS RNAMS KYI KUN BRTAGS PA'I MTSAN NYID GANG ZHE NA, JI TZAM DU RJES SU THA SNYAD GDAGS PA'I PHYIR CHOS RNAMS KYI NGO BO NYID DAM BYE BRAG TU MING DANG BRDAR RNAM PAR BZHAG PA GANG YIN PA'O, ,YON TAN 'BYUNG GNAS, CHOS RNAMS KYI GZHAN GYI DBANG GI MTSAN NYID GANG ZHE NA, CHOS RNAMS KYI RTEN CING 'BREL PAR 'BYUNG BA NYID DE, 'DI LTA STE, 'DI YOD PAS 'DI 'BYUNG LA, 'DI SKYES PA'I PHYIR 'DI SKYE BA 'DI LTA STE, MA RIG PA'I RKYEN GYIS 'DU BYED RNAMS ZHES BYA BA NAS, DE LTAR NA SDUG BSNGAL GYI PHUNG PO CHEN PO 'DI 'BA' ZHIG PO 'DI 'BYUNG BAR 'GYUR RO ZHES BYA BA'I BAR GANG YIN PA'O, ,YON TAN 'BYUNG GNAS, CHOS RNAMS KYI YONGS SU GRUB PA'I MTSAN NYID GANG ZHE NA, CHOS RNAMS KYI DE BZHIN NYID GANG YIN PA STE, BYANG @22B CHUB SEMS DPA' RNAMS KYIS RTUN PA'I RGYU DANG, LEGS PAR TSUL BZHIN YID LA BYAS PA'I RGYUS DE RTOGS SHING, DE RTOGS PA GOMS PAR BYAS PA YANG DAG PAR GRUB PAS KYANG BLA NA MED PA YANG DAG PAR RDZOGS PA'I BYANG CHUB KYI BAR DU YANG DAG PAR 'GRUB PA GANG YIN PA'O, ,YON TAN 'BYUNG GNAS, 'DI LTA STE, DPER NA, SKYES BU GANG ZAG RAB RIB CAN GYI MIG LA RAB RIB KYI SKYON CHAGS PA DE LTA BUR NI KUN BRTAGS PA'I MTSAN NYID DU BLTA BAR BYA'O, ,YON TAN 'BYUNG GNAS, 'DI LTA STE, DPER NA, DE NYID LA RAB RIB KYI MTSAN MA SKRA SHAD 'DZINGS PA'AM, SBRANG MA'AM, TIL GYI 'BRU 'AM, SNGON PO'I MTSAN MA'AM, SER PO'I MTSAN MA'AM, DMAR PO'I MTSAN MA'AM, DKAR PO'I MTSAN MA SNANG BAR GYUR PA DE LTA BUR NI GZHAN GYI DBANG GI MTSAN NYID DU BLTA BAR BYA'O, ,YON TAN 'BYUNG GNAS, 'DI LTA STE, DPER NA, SKYES BU GANG ZAG DE NYID KYI MIG YONGS SU DAG CING MIG LA RAB RIB KYI SKYON CHAGS PA DANG BRAL BAR GYUR PA NA, MIG DE NYID KYI RANG BZHIN GYI SPYOD YUL MA NOR BA'I SPYOD YUL DE LTA BUR NI YONGS SU GRUB PA'I MTSAN NYID DU BLTA BAR BYA'O, ,YON TAN 'BYUNG GNAS, 'DI LTA STE, DPER NA, SHEL SHIN TU GSAL BA NI GANG GI TSE TSON SNGON PO DANG PHRAD PAR GYUR PA DE'I TSE NI NOR DU RIN PO CHE AAN DA RNYIL DANG, MTHON KA CHEN @23A *, ,PO LTA BUR SNANG BAR 'GYUR ZHING, NOR BU RIN PO CHE AAN DA RNYIL DANG, MTHON KA CHEN POR LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,GANG GI TSE TSON DMAR PO DANG PHRAD PAR GYUR PA DE'I TSE NI NOR BU RIN PO CHE PAD-MA R'A GA LTA BUR SNANG BAR 'GYUR ZHING, NOR BU RIN PO CHE PAD-MA R'A GA RU LOG PAR 'DZIN PAS SEMS CAN RNAMS RNAM PAR RMONGS PAR BYED DO, ,GANG GI TSE NA TSON LJANG KHU DANG PHRAD PAR GYUR PA DE'I TSE NI NOR BU RIN PO CHE MRGAD LTA BUR SNANG BAR 'GYUR ZHING, NOR BU RIN PO CHE MRGAD DU LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,GANG GI TSE TSON SER PO DANG PHRAD PAR GYUR PA DE'I TSE NI GSER LTA BUR SNANG BAR 'GYUR ZHING, GSER DU LOG PAR 'DZIN PAS KYANG SEMS CAN RNAMS RNAM PAR RMONGS PAR BYED DO, ,YON TAN 'BYUNG GNAS, 'DI LTA STE, DPER NA, SHEL SHIN TU GSAL BA TSON DANG PHRAD PA DE LTA BUR NI GZHAN GYI DBANG GI MTSAN NYID LA KUN BRTAGS PA'I MTSAN NYID KYI THA SNYAD KYI BAG CHAGS SU BLTA BAR BYA'O, ,'DI LTA STE, DPER NA; SHEL SHIN TU GSAL BA LA NOR BU RIN PO CHE AAN DA RNYIL DANG, MTHON KA CHEN PO DANG, PAD-MA R'A GA DANG, MRGAD DANG, GSER DU LOG PAR 'DZIN PA LTA BUR NI GZHAN @23B GYI DBANG GI MTSAN NYID LA KUN BRTAGS PA'I MTSAN NYID DU 'DZIN PA BLTA BAR BYA'O, ,YON TAN 'BYUNG GNAS, 'DI LTA STE, DPER NA, SHEL SHIN TU GSAL BA DE NYID LTA BUR NI GZHAN GYI DBANG GI MTSAN NYID BLTA BAR BYA'O, ,'DI LTA STE, DPER NA, SHEL SHIN TU GSAL BA NYID NOR BU RIN PO CHE AAN DA RNYIL DANG, MTHON KA CHEN PO DANG, PAD-MA R'A GA DANG, MRGAD DANG, GSER GYI MTSAN NYID DER RTAG PA RTAG PA'I DUS DANG, THER ZUG THER ZUG GI DUS SU YONGS SU MA GRUB CING NGO BO NYID MED PA DE LTA BUR NI GZHAN GYI DBANG GI MTSAN NYID DE, KUN BRTAGS PA'I MTSAN NYID DER RTAG PA RTAG PA'I DUS DANG, THER ZUG THER ZUG GI DUS SU YONGS SU MA GRUB CING NGO BO NYID MED PA NYID KYIS YONGS SU GRUB PA'I MTSAN NYID PA LTA BAR BYA'O; ;YON TAN 'BYUNG GNAS, DE LA MTSAN MA DANG 'BREL BA'I MING LA BRTEN NAS NI KUN BRTAGS PA'I MTSAN NYID RAB TU SHES SO, ,GZHAN GYI DBANG GI MTSAN NYID LA KUN BRTAGS PA'I MTSAN NYID DU MNGON PAR ZHEN PA LA BRTEN NAS NI GZHAN GYI DBANG GI MTSAN NYID RAB TU SHES SO, ,GZHAN GYI DBANG GI MTSAN NYID LA KUN BRTAGS PA'I MTSAN NYID DU MNGON PAR ZHEN PA MED PA LA BRTEN NAS NI YONGS SU GRUB PA'I MTSAN NYID RAB TU SHES SO, ,YON TAN 'BYUNG GNAS, DE LA BYANG CHUB SEMS DPA' CHOS RNAMS KYI GZHAN @24A *, ,GYI DBANG GI MTSAN NYID LA KUN BRTAGS PA'I MTSAN NYID YANG DAG PA JI LTA BA BZHIN DU RAB TU SHES NAS MTSAN NYID MED PA'I CHOS YANG DAG PA JI LTA BA BZHIN DU RAB TU SHES SO, ,YON TAN 'BYUNG GNAS, DE LA BYANG CHUB SEMS DPAS GZHAN GYI DBANG GI MTSAN NYID YANG DAG PA JI LTA BA BZHIN DU RAB TU SHES NA, KUN NAS NYON MONGS PA'I MTSAN NYID KYI CHOS YANG DAG PA JI LTA BA BZHIN DU RAB TU SHES SO, ,YON TAN 'BYUNG GNAS, DE LA BYANG CHUB SEMS DPAS YONGS SU GRUB PA'I MTSAN NYID YANG DAG PA JI LTA BA BZHIN DU RAB TU SHES NA, RNAM PAR BYANG BA'I MTSAN NYID KYI CHOS YANG DAG PA JI LTA BA BZHIN DU RAB TU SHES SO, ,YON TAN 'BYUNG GNAS, DE LA BYANG CHUB SEMS DPAS GZHAN GYI DBANG GI MTSAN NYID LA MTSAN NYID MED PA'I CHOS YANG DAG PA JI LTA BA BZHIN DU RAB TU SHES NA, KUN NAS NYON MONGS PA'I MTSAN NYID KYI CHOS RAB TU SPONG NGO, ,KUN NAS NYON MONGS PA'I MTSAN NYID KYI CHOS RAB TU SPANGS NA RNAM PAR BYANG BA'I MTSAN NYID KYI CHOS THOB PAR 'GYUR TE, YON TAN 'BYUNG GNAS, GANG GI PHYIR BYANG CHUB SEMS DPAS DE LTAR CHOS RNAMS KUN BRTAGS PA'I MTSAN NYID DANG, GZHAN GYI DBANG GI MTSAN NYID DANG, YONGS SU GRUB PA'I MTSAN NYID YANG @24B DAG PA JI LTA BA BZHIN DU RAB TU SHES SHING MTSAN NYID MED PA DANG, KUN NAS NYON MONGS PA'I MTSAN NYID DANG, RNAM PAR BYANG BA'I MTSAN NYID YANG DAG PA JI LTA BA BZHIN DU RAB TU SHES LA; MTSAN NYID MED PA'I CHOS YANG DAG PA JI LTA BA BZHIN DU RAB TU SHES NAS, KUN NAS NYON MONGS PA'I MTSAN NYID KYI CHOS RAB TU SPONG ZHING KUN NAS NYON MONGS PA'I MTSAN NYID KYI CHOS RAB TU SPANGS NA RNAM PAR BYANG BA'I MTSAN NYID KYI CHOS 'THOB PAR 'GYUR BA DE TZAM GYIS NA, BYANG CHUB SEMS DPA' CHOS RNAMS KYI MTSAN NYID LA MKHAS PA YIN LA, DE BZHIN GSHEGS PA BYANG CHUB SEMS DPA' CHOS RNAMS KYI MTSAN NYID LA MKHAS PAR 'DOGS NA'ANG DE TZAM GYIS 'DOGS SO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,MTSAN NYID MED PA'I CHOS NI RAB SHES NA, ,KUN NAS NYON MONGS MTSAN NYID CHOS SPONG 'GYUR, ,KUN NAS NYON MONGS CHOS NI RAB SPANGS NA, ,SHIN TU RNAM DAG MTSAN NYID CHOS THOB 'GYUR, ,SKYE BO BAG MED NYES BCOM LE LO CAN, ,'DU BYED SKYON LA RTOG PAR MI BYED PA, ,BRTAN MED G-YO BA YOD PA'I CHOS RNAMS LA, ,RAB TU NYAMS PAS SNYING BRTZER BYA BA YIN, ,YON TAN 'BYUNG GNAS KYI LE'U STE DRUG PA'O,, ,,DE NAS BCOM LDAN 'DAS LA BYANG CHUB SEMS DPA' DON DAM YANG @25A *, ,DAG 'PHAGS KYIS 'DI SKAD CES GSOL TO, ,BCOM LDAN 'DAS, 'DI NA BDAG GCIG PU DBEN PA ZHIG NA MCHIS PA'I TSE, SEMS KYI YONGS SU RTOG PA 'DI LTA BU SKYES LAGS TE, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL, SKYE BA'I MTSAN NYID DANG, 'JIG PA'I MTSAN NYID DANG, SPANG BA DANG YONGS SU SHES PA YANG BKA' STZAL, PHUNG PO RNAMS KYI JI LTA BA BZHIN DU SKYE MCHED RNAMS DANG, RTEN CING 'BREL PAR 'BYUNG BA DANG, ZAS RNAMS KYI YANG BKA' STZAL, BCOM LDAN 'DAS KYIS RNAM GRANGS DU MAR BDEN PA RNAMS KYI MTSAN NYID KYANG BKA' STZAL, YONGS SU SHES PA DANG, SPANG BA DANG, MNGON DU BGYI BA DANG, BSGOM PA'ANG BKA' STZAL, BCOM LDAN 'DAS KYIS RNAM GRANGS DU MAR KHAMS RNAMS KYI RANG GI MTSAN NYID KYANG BKA' STZAL, KHAMS SNA TSOGS PA NYID DANG, KHAMS DU MA NYID DANG, SPANG BA DANG, YONGS SU SHES PA'ANG BKA' STZAL, BCOM LDAN 'DAS KYIS RNAM GRANGS DU MAR DRAN PA NYE BAR BZHAG PA RNAMS KYI RANG GI MTSAN NYID KYANG BKA' STZAL, MI MTHUN PA'I PHYOGS DANG, GNYEN PO DANG, BSGOM PA DANG, MA SKYES PA RNAMS SKYE BA DANG, SKYES PA RNAMS GNAS PA DANG, MI BSKYUD PA DANG, SLAR ZHING @25B 'BYUNG BA DANG, 'PHEL ZHING YANGS PA NYID KYANG BKA' STZAL, DRAN PA NYE BAR BZHAG PA RNAMS KYI JI LTA BA BZHIN DU YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS KYI'ANG BKA' STZAL, BCOM LDAN 'DAS KYIS RNAM GRANGS DU MAR 'PHAGS PA'I LAM YAN LAG BRGYAD PA'I RANG GI MTSAN NYID KYANG BKA' STZAL, MI MTHUN PA'I PHYOGS DANG, GNYEN PO DANG, BSGOM PA DANG, MA SKYES PA RNAMS SKYE BA DANG, SKYES PA RNAMS GNAS PA DANG, MI BSKYUD PA DANG, SLAR ZHING 'BYUNG BA DANG, 'PHEL ZHING YANGS PA NYID KYANG BKA' STZAL LA, BCOM LDAN 'DAS KYIS THAMS CAD NGO BO NYID MA MCHIS PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS BZHES KYANG BKA' STZAL LAGS NA, BCOM LDAN 'DAS KYIS JI LTAR DGONGS NAS CHOS THAMS CAD NGO BO NYID MA MCHIS PA; CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA ZHES BKA' STZAL SNYAM BGYID LAGS TE, BCOM LDAN 'DAS KYIS CI LA DGONGS NAS CHOS THAMS CAD NGO BO NYID MA MCHIS PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS @26A *, ,PA ZHES BKA' STZAL PA'I DON DE NYID BCOM LDAN 'DAS LA BDAG YONGS SU ZHU LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA 'DI SKAD CES BKA' STZAL TO, ,DON DAM YANG DAG 'PHAGS KHYOD KYI SEMS KYI YONGS SU RTOG PA, DGE BA TSUL BZHIN SKYES PA LEGS SO, ,LEGS SO, ,DON DAM YANG DAG 'PHAGS KHYOD DE LTAR SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MIR BCAS PA'I SKYE DGU'I DON DANG, PHAN PA DANG BDE BA'I PHYIR ZHUGS TE, DE BZHIN GSHEGS PA LA DON 'DI NYID 'DRI BAR SEMS PA NI YANG KHYOD LEGS SO, ,DON DAM YANG DAG 'PHAGS, DE'I PHYIR NYON CIG DANG, NGAS CI LAS DGONGS NAS CHOS THAMS CAD NGO BO NYID MED PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA ZHES GSUNGS PA KHYOD LA BSHAD PAR BYA'O, ,DON DAM YANG DAG 'PHAGS, NGAS CHOS RNAMS KYI NGO BO NYID MED PA NYID RNAM PA GSUM PO 'DI LTA STE, MTSAN NYID NGO BO NYID MED PA NYID DANG, SKYE BA NGO BO NYID MED PA NYID DANG, DON DAM PA NGO BO NYID MED PA NYID LAS DGONGS NAS CHOS THAMS CAD NGO BO NYID MED PA'O ZHES BSTAN @26B TO; ;DON DAM YANG DAG 'PHAGS, DE LA CHOS RNAMS KYI MTSAN NYID NGO BO NYID MED PA NYID GANG ZHE NA, KUN BRTAGS PA'I MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI MING DANG BRNGAR RNAM PAR BZHAG PA'I MTSAN NYID YIN GYI, RANG GI MTSAN NYID KYIS RNAM PAR GNAS PA NI MA YIN PAS DE'I PHYIR, DE NI MTSAN NYID NGO BO NYID MED PA NYID CES BYA'O, ,DON DAM YANG DAG 'PHAGS, CHOS RNAMS KYI SKYE BA NGO BO NYID MED PA NYID GANG ZHE NA, CHOS RNAMS KYI GZHAN GYI DBANG GI MTSAN NYID GANG YIN PA'O, ,DE CI'I PHYIR ZHE NA, 'DI LTAR DE NI RKYEN GZHAN GYI STOBS KYIS BYUNG BA YIN GYI, BDAG NYID KYIS NI MA YIN PAS DE'I PHYIR, SKYE BA NGO BO NYID MED PA NYID CES BYA'O, ,DON DAM YANG DAG 'PHAGS, CHOS RNAMS KYI DON DAM PA NGO BO NYID MED PA NYID GANG ZHE NA, RTEN CING 'BREL PAR 'BYUNG BA'I CHOS GANG DAG SKYE BA NGO BO NYID MED PA NYID KYIS NGO BO NYID MED PA DE DAG NI DON DAM PA'I NGO BO NYID MED PA NYID KYIS NGO BO NYID MED PA'ANG YIN NO, ,DE CI'I PHYIR, ZHE NA, DON DAM YANG DAG 'PHAGS, CHOS RNAMS LA RNAM PAR DAG PA'I DMIGS PA GANG YIN PA DE NI NGAS DON DAM PA YIN PAR YONGS SU BSTAN LA, GZHAN GYI DBANG GI MTSAN NYID DE NI RNAM PAR DAG PA'I DMIGS PA MA YIN PAS DE'I PHYIR DON DAM PA'I NGO BO NYID MED PA NYID CES BYA'O, ,DON DAM YANG DAG 'PHAGS, @27A *, ,GZHAN YANG CHOS RNAMS KYI YONGS SU GRUB BA'I MTSAN NYID GANG YIN PA DE'ANG DON DAM PA NGO BO NYID MED PA NYID CES BYA'O, ,DE CI'I PHYIR ZHE NA, DON DAM YANG DAG 'PHAGS, CHOS RNAMS KYI CHOS BDAG MED PA GANG YIN PA DE NI, DE DAG GI NGO BO NYID MED PA NYID CES BYA STE, DE NI DON DAM PA YIN LA, DON DAM PA NI CHOS THAMS CAD KYI NGO BO NYID MED PA NYID KYIS RAB TU PHYE BA YIN PAS DE'I PHYIR, DON DAM PA NGO BO NYID MED PA NYID CES BYA'O, ,DON DAM YANG DAG 'PHAGS, DE LA 'DI LTA STE, DPER NA, NAM MKHA'I ME TOG JI LTA BA DE LTA BUR NI MTSAN NYID NGO BO NYID MED PA NYID BLTA BAR BYA'O, ,DON DAM YANG DAG 'PHAGS, DE LA 'DI LTA STE, DPER NA, SGYU MA BYAS PA JI LTA BA DE LTA BUR NI SKYE BA NGO BO NYID MED PA NYID KYANG BLTA BAR BYA, DON DAM PA NGO BO NYID MED PA NYID DE LAS GCIG KYANG BLTA BAR BYA'O, ,DON DAM YANG DAG 'PHAGS, DE LA 'DI LTA STE, DPER NA, NAM MKHA'I GZUGS KYI NGO BO NYID MED PA NYID TZAM GYIS RAB TU PHYE BA DANG, THAMS CAD DU SONG BA JI LTA BA DE LTA BUR NI DON DAM PA NGO BO NYID MED PA NYID LAS CHOS BDAG MED PAS RAB TU PHYE BA DANG THAMS CAD DU SONG BA GCIG BLTA BAR BYA STE, DON DAM YANG DAG 'PHAGS, NGAS NGO BO NYID MED PA NYID RNAM PA GSUM PO DE DAG LAS DGONGS NAS CHOS THAMS CAD NGO BO @27B NYID MED PA'O ZHES BSTAN TO, ,DON DAM YANG DAG 'PHAGS, DE LA MTSAN NYID NGO BO NYID MED PA NYID LAS DGONGS NAS, NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA; RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DE CI'I PHYIR ZHE NA, DON DAM YANG DAG 'PHAGS, 'DI LTAR RANG GI MTSAN NYID KYIS MED PA GANG YIN PA DE NI MA SKYES PA YIN, MA SKYES PA GANG YIN PA DE NI MA 'GAGS PA YIN, MA SKYES PA DANG MA 'GAGS PA GANG YIN PA DE NI, GZOD MA NAS ZHI BA YIN, GZOD MA NAS ZHI BA GANG YIN PA DE NI RANG BZHIN GYIS YONGS SU MYA NGAN LAS 'DAS PA YIN, RANG BZHIN GYIS YONGS SU MYA NGAN LAS 'DAS PA GANG YIN PA DE LA NI, YONGS SU MYA NGAN LAS 'DA' BAR BYA BA CUNG ZAD KYANG MED DE, DE'I PHYIR MTSAN NYID NGO BO NYID MED PA NYID LA DGONGS NAS NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO; ;DON DAM YANG DAG 'PHAGS, YANG DON DAM PA NGO BO NYID MED PA NYID CHOS BDAG MED PAS RAB TU PHYE BA LAS DGONGS NAS NGAS CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DE CI'I PHYIR ZHE NA, 'DI LTAR DON DAM PA NGO BO NYID MED PA NYID CHOS BDAG MED PAS RAB TU PHYE BA NI RTAG @28A *, ,PA RTAG PA'I DUS DANG, THER ZUG GI DUS SU RNAM PAR GNAS PA KHO NA YIN LA, DE NI CHOS RNAMS KYI CHOS NYID DU 'DUS MA BYAS PA NYON MONGS PA THAMS CAD DU BRAL BA YIN TE, RTAG PA RTAG PA'I DUS DANG, THER ZUG THER ZUG GI DUS SU CHOS NYID DE NYID KYIS RNAM PAR GNAS PA 'DUS MA BYAS PA GANG YIN PA DE NI 'DUS MA BYAS PA'I PHYIR MA SKYES PA DANG MA 'GAGS PA YIN LA, DE NI NYON MONGS PA THAMS CAD DANG BRAL BA'I PHYIR GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA YIN TE, DE'I PHYIR DON DAM PA NGO BO NYID MED PA NYID CHOS BDAG MED PAS RAB TU PHYE BA LAS DGONGS NAS NGAS CHOS THAMS CAD MA SKYES MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'O ZHES BSTAN TO, ,DON DAM YANG DAG 'PHAGS, NGAS NI SEMS CAN GYI KHAMS NA SEMS CAN RNAMS KYIS KUN BRTAGS PA'I NGO BO NYID NGO BO NYID KYIS THA DAD PAR MTHONG ZHING, GZHAN GYI DBANG GI NGO BO NYID DANG, YONGS SU GRUB PA'I NGO BO NYID KYANG NGO BO NYID KYIS THA DAD PAR MTHONG NA, DE'I PHYIR NGO BO NYID MED PA NYID RNAM PA GSUM MI 'DOGS KYI, SEMS CAN RNAMS GZHAN GYI DBANG DANG, YONGS SU GRUB PA'I NGO BO NYID LA KUN BRTAGS PA'I NGO BO NYID DU SGRO BTAGS NAS, GZHAN GYI DBANG DANG, YONGS SU @28B GRUB PA'I NGO BO NYID LA, KUN BRTAGS PA'I NGO BO NYID KYI MTSAN NYID RJES SU THA SNYAD 'DOGS TE, JI LTA JI LTAR RJES SU THA SNYAD 'DOGS PA DE LTA DE LTAR THA SNYAD BTAGS PAS YONGS SU BSGOS PA'I SEMS THA SNYAD BTAGS PA DANG RJES SU 'BREL PA'AM, THA SNYAD BTAGS PA BAG LA NYAL GYIS GZHAN GYI DBANG DANG, YONGS SU GRUB PA'I NGO BO NYID LA KUN BRTAGS PA'I NGO BO NYID KYI MTSAN NYID DU MNGON PAR ZHEN NO, ,JI LTA JI LTAR MNGON PAR ZHEN PA DE LTA DE LTAR GZHAN GYI DBANG GI NGO BO NYID LA KUN BRTAGS PA'I NGO BO NYID DU MNGON PAR ZHEN PA'I RGYU DE DANG, RKYEN DES PHYI MA LA GZHAN GYI DBANG GI NGO BO NYID KUN TU BSKYED DE, GZHI DES NA, NYON MONGS PA'I KUN NAS NYON MONGS PAS KYANG KUN NAS NYON MONGS PAR 'GYUR, LAS KYI KUN NAS NYON MONGS PA DANG; SKYE BA'I KUN NAS NYON MONGS PAS KYANG KUN NAS NYON MONGS PAR 'GYUR ZHING, YUN RING PO YANG NA SEMS CAN DMYAL BA RNAMS DANG, YANG NA DUD 'GRO RNAMS SAM, YANG NA YI DWAGS RNAMS SAM, YANG NA LHA RNAMS SAM, YANG NA LHA MA YIN RNAMS SAM, YANG NA MI RNAMS KYI NANG DU KUN TU RGYUG CING 'KHOR BAR 'GYUR TE, 'KHOR BA LAS MI 'DA' BA'I PHYIR RO, ,DON DAM YANG DAG 'PHAGS, DE LA SEMS CAN GANG DAG DANG PO NYID NAS DGE BA'I RTZA BA MA BSKYED PA, SGRIB PA YONGS SU MA DAG PA, RGYUD YONGS SU MA SMIN PA, MOS PA MI MANG @29A *, ,BA; BSOD NAMS DANG YE SHES KYI TSOGS YANG DAG PAR MA GRUB PA DE DAG LA NI NGA SKYE BA NGO BO NYID MED PA NYID LAS BRTZAMS NAS CHOS STON TE, DE DAG GIS CHOS DE THOS NAS RTEN CING 'BREL PAR 'BYUNG BA'I 'DU BYED RNAMS LA MI RTAG PA NYID DU SHES SHING MI BRTEN PA NYID DANG, YID BRTAN DU MI RUNG BA NYID DANG, 'GYUR BA'I CHOS NYID DU SHES NAS 'DU BYED THAMS CAD LAS YID SDANG BAR BYED, SKYO BAR BYED DO, ,YID SDANG BAR BYAS, SKYO BAR BYAS NAS SDIG PA LAS PHYIR ZLOG STE, DE DAG SDIG PA GANG YIN PA DE MI BYED CING DGE BA LA BSTEN PAR BYED DO, ,DGE BA LA BSTEN PA'I RGYUS DGE BA'I RTZA BA MA BSKYED PA RNAMS NI SKYED DO, ,SGRIB PA YONGS SU MA BYANG BA RNAMS KYANG YONGS SU SBYONG NGO, ,RGYUD YONGS SU MA SMIN PA'ANG YONGS SU SMIN PAR BYED DO, ,GZHI DES MOS PA MANG ZHING BSOD NAMS DANG YE SHES KYI TSOGS YANG DAG PAR GRUB PAR 'GYUR RO, ,DE DAG DE LTAR DGE BA'I RTZA BA BSKYED PA NAS BSOD NAMS DANG YE SHES KYI TSOGS KYI BAR DU YANG DAG PAR 'GRUB MOD KYI, 'ON KYANG SKYE BA NGO BO NYID MED PA NYID DE LA MTSAN NYID NGO BO NYID MED PA NYID DANG, DON DAM PA NGO BO NYID MED PA NYID RNAM PA GNYIS YANG DAG PA JI LTA BA BZHIN DU MI SHES PAS, 'DU BYED THAMS CAD LAS YANG DAG PAR SKYO BAR MI 'GYUR, YANG DAG PAR @29B 'DOD CHAGS DANG BRAL BAR MI 'GYUR, YANG DAG PAR RNAM PAR GROL BAR MI 'GYUR ZHING, NYON MONGS PA'I KUN NAS NYON MONGS PA LAS KYANG YONGS SU GROL BAR MI 'GYUR, LAS KYI KUN NAS NYON MONGS PA LAS KYANG YONGS SU GROL BAR MI 'GYUR, SKYE BA'I KUN NAS NYON MONGS PA LAS KYANG YONGS SU GROL BAR MI 'GYUR BAS, YANG DE BZHIN GSHEGS PA DE DAG LA 'DI LTA STE; MTSAN NYID NGO BO NYID MED PA NYID DANG, DON DAM PA NGO BO NYID MED PA NYID LAS BRTZAMS NAS 'DI LTAR 'DU BYED THAMS CAD LAS YANG DAG PAR SKYO BAR BYA BA DANG, 'DOD CHAGS DANG BRAL BAR BYA BA DANG, RNAM PAR GROL BAR BYA BA DANG, NYON MONGS PA'I KUN NAS NYON MONGS PA LAS YANG DAG PAR BZAL BA DANG, LAS KYI KUN NAS NYON MONGS PA LAS YANG DAG PAR BZLA BA DANG, SKYE BA'I KUN NAS NYON MONGS PA LAS YANG DAG PAR BZLA BA'I PHYIR CHOS STON TO, ,DE DAG GIS CHOS DE THOS NAS GZHAN GYI DBANG GI NGO BO NYID LA KUN BRTAGS PA'I NGO BO NYID KYI MTSAN NYID DU MNGON PAR ZHEN PA MED PAS SKYE BA NGO BO NYID MED PA NYID DE, DE LA MTSAN NYID NGO BO NYID MED PA NYID DU DON DAM PA NGO BO NYID MED PA NYID DU MOS PAR BYED, RAB TU RNAM PAR 'BYED PAR BYED, JI LTA BA BZHIN DU RTOGS PAR BYED CING 'DI LTA STE, THA SNYAD BTAGS PAS YONGS SU MA BSGOS PA'I SHES PA THA SNYAD BTAGS PA DANG RJES SU 'BREL BA MED CING THA @30A *, ,SNYAD BAG LA NYAM MED PA'I SHES PAS GZHAN GYI DBANG GI MTSAN NYID DE, TSE 'DI LA SHES PA'I STOBS BSKYED PA DANG, PHYI MA LA RGYAD YANG DAG PAR CHAD PAS 'GOG PAR BYED DE, GZHI DES 'DU BYED THAMS CAD LAS YANG DAG PAR SKYO BA DANG, YANG DAG PAR 'DOD CHAGS DANG BRAL BA DANG, YANG DAG PAR RNAM PAR GROL BAR 'GYUR ZHING NYIN MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA LAS KYANG YONGS SU GROL BAR 'GYUR RO, ,DON DAM YANG DAG 'PHAGS, DE LA SEMS CAN NYAN THOS KYI THEG PA'I RIGS CAN RNAMS KYIS KYANG LAM 'DI NYID DANG, SGRUB PA 'DI NYID KYIS GRUB PA DANG BDE BA BLA NA MED PA'I MYA NGAN LAS 'DAS PA 'THOB PAR 'GYUR LA, SEMS CAN RANG SANGS RGYAS KYI THEG PA'I RIGS CAN RNAMS DANG, DE BZHIN GSHEGS PA'I RIGS CAN RNAMS KYIS KYANG LAM 'DI NYID DANG, SGRUB PA 'DI NYID KYIS GRUB PA DANG BDE BA BLA NA MED PA'I MYA NGAN LAS 'DAS PA THOB PAR 'GYUR BAS 'DI NI, NYAN THOS DANG, RANG SANGS RGYAS DANG, BYANG CHUB SEMS DPA' RNAMS KYI RNAM PAR DAG PA'I LAM GCIG PA YIN LA, RNAM PAR DAG PA GCIG STE, GNYIS PA GANG YANG MED PAS NGAS DE LAS DGONGS NAS THEG PA GCIG BU BSTAN TE, SEMS CAN GYI KHAMS NA SEMS CAN @30B RANG BZHIN GYIS DBANG PO RTUL PO RNAMS DANG, DBANG PO 'BRING RNAMS DANG, DBANG PO RNON PO RNAMS KYI SEMS CAN GYI RIGS SNA TSOGS DAG KYANG MED PA MA YIN NO, ,DON DAM YANG DAG 'PHAGS NYAN THOS KYI RIGS CAN GANG ZAG ZHI BA'I BGROD PA GCIG PU PA NI SANGS RGYAS THAMS CAD BRTZON PA DANG LDAN PAR GYUR KYANG BYANG CHUB KYI SNYING PO LA BZHAG STE, BLA NA MED PA YANG DAG PAR RDZOGS PA'I BYANG CHUB THOB PAR BYAR MI NUS SO, ,DE CI'I PHYIR ZHE NA, 'DI LTAR DE NI SNYING RJE SHIN TU CHUNG BA DANG, SDUG BSNGAL GYIS SHIN TU 'JIGS PA'I PHYIR RANG BZHIN GYIS RIGS DMAN PAR KHO NA YIN PA'I PHYIR RO, ,DE JI LTAR SNYING RJE SHIN TU CHUNG BA DE BZHIN DU SEMS CAN GYI DON BYANG BA LA SHIN TU MI PHYOGS PAR 'GYUR RO, ,JI LTAR SDUG BSNGAL GYIS SHIN TU 'JIGS PA DE BZHIN DU 'DU BYED MNGON PAR 'DU BYA BA THAMS CAD LA SHIN TU MI PHYOGS PAR 'GYUR RO, ,SEMS CAN GYI DON BYA BA LA SHIN TU MI PHYOGS PA DANG, 'DU BYED MNGON PAR 'DU BYA BA THAMS CAD LA SHIN TU MI PHYOGS PA NI BLA NA MED PA YANG DAG PAR RDZOGS PA'I BYANG CHUB TU NGAS MA BSTAN NO, ,DE'I PHYIR ZHI BA'I BGROD PA GCIG PU PA ZHES BYA'O, ,NYAN THOS BYANG CHUB TU YONGS SU 'GYUR BA GANG YIN PA DE NI NGAS RNAM GRANGS KYIS BYANG CHUB SEMS DPA' YIN PAR BSTAN TE, 'DI LTAR DE NI NYON MONGS BA'I SGRIB PA LAS RNAM PAR GROL NAS, DE BZHIN GSHEGS PA RNAMS KYIS @31A *, ,BSKUL NA, SHES BYA'I SGRIB PA LAS SEMS RNAM PAR GROL BAR BYED PA'I PHYIR RO, ,DE NI DANG POR BDAG GI DON LA SBYOR BA'I RNAM PAS NYON MONGS PA'I SGRIB PA LAS RNAM PAR GROL TE, DE'I PHYIR DE BZHIN GSHEGS PAS DE NYAN THOS KYI RIGS SU 'DOGS SO, ,DON DAM YANG DAG 'PHAGS, 'DI LTAR NGA'I CHOS 'DUL BA LEGS PAR GSUNGS PA, SHIN TU GYA NOM PA, BSAM PA SHIN TU RNAM PAR DAG PA STON PA, CHOS LEGS PAR BSTAN PA LA NI SEMS CAN RNAMS KYI MOS PA'I RIM PA'ANG SNANG STE, DON DAM YANG DAG 'PHAGS, 'DI LA DE BZHIN GSHEGS PA NI NGO BO NYID MED PA NYID RNAM PA GSUM PO DE DAG NYID LAS DGONGS NAS DRANG BA'I DON GYI MDO BRJOD PA'I RNAM PAS 'DI LTA STE, CHOS THAMS CAD NGO BO NYID MED PA, CHOS THAMS CAD MA SKYES PA, MA 'GAGS PA, GZOD MA NAS ZHI BA, RANG BZHIN GYIS YONGS SU MYA NGAN LAS 'DAS PA'I ZHES CHOS STON TO, ,DE LA SEMS CAN GANG DAG DGE BA'I RTZA BA CHEN PO BSKYED PA DANG , SGRIB PA YONGS SU DAG PA, RGYUD YONGS SU SMIN PA, MOS PA MANG BA, BSOD NAMS DANG YE SHES KYI TSOGS CHEN PO YANG DAG PAR GRUB PA DE DAG GIS NI CHOS DE THOS NA NGA'I DGONGS TE BSHAD PA YANG DAG PA JI LTA BA BZHIN DU RAB TU SHES SHING, CHOS DE LA'ANG CHOS SHES PAR 'GYUR LA, DON @31B DE'ANG SHES RAB KYIS YANG DAG PA JI LTA BA BZHIN DU RTOGS PAR 'GYUR ZHING, DE RTOGS PA GOMS PAS KYANG MYUR BA MYUR BA KHO NAR SHIN TU MTHAR THUG PA NYID RJES SU 'THOB PAR 'GYUR TE, NGE LA'ANG AA LA LA, BCOM LDAN 'DAS DE NI YANG DAG PAR RDZOGS PA'I SANGS RGYAS YIN TE, DES NI CHOS THAMS CAD LEGS PAR MNGON PAR RDZOGS PAR SANGS RGYAS SO ZHES DAD PA THOB PAR 'GYUR RO, ,DE LA SEMS CAN GANG DAG DGE BA'I RTZA BA MA BSKYED PA DANG, SGRIB PA YONGS SU MA DAG PA DANG, RGYUD YONGS SU MA SMIN PA DANG, MOS PA CHEN PO MA YIN PA, BSOD RNAMS DANG YE SHES KYI TSOGS CHEN PO YANG DAG PAR MA GRUB PA, DRANG PO DANG DRANG PO'I RANG BZHIN CAN, RTOG PA DANG SEL MI NUS PA, RANG GI LTA BA MCHOG TU 'DZIN PAR MI GNAS PA DE DAG GIS NI CHOS DE THOS NA NGA'I DGONGS TE BSHAD PA'ANG YANG DAG PA JI LTA BA BZHIN DU RAB TU MI SHES MOD KYI, 'ON KYANG CHOS DE LA MOS PAR BYED CING DAD PA'ANG 'THOB STE, MDO SDE 'DI DAG NI DE BZHIN GSHEGS PAS GSUNGS PA ZAB PA ZAB PAR SNANG BA, STONG PA NYID DANG LDAN PA MTHONG BAR DKA' BA, RTOGS PAR DKA' BA, BRTAG MI NUS PA, RTOG GE'I SPYOD YUL MA YIN PA; ZHIB MO BRTAGS PA'I MKHAS PA MDZANGS PAS RIG PA YIN NO ZHES MOS PAR BYED DO, ,MDO SDE DE DAG GI DON BSTAN PA DAG GI DON BSTAN PA DAG LA BDAG MI SHES SO SNYAM NAS @32A *, ,'DUG STE, 'DI SKAD CES SANGS RGYAS KYI BYANG CHUB NI ZAB, CHOS RNAMS KYI CHOS NYID KYANG ZAB STE, DE BZHIN GSHEGS PA NYID KYIS MKHYEN GYI BDAG CAG GIS NI MI SHES SO, ,DE BZHIN GSHEGS PA RNAMS KYI CHOS BSTAN PA NI SEMS CAN RNAMS LA MOS PA SNA TSOGS KYIS 'JUG PA YIN TE, DE BZHIN GSHEGS PA RNAMS NI MKHYEN PA DANG GZIGS PA MTHA' YAS PA YIN GYI, BDAG CAG GI SHES PA DANG MTHONG BA NI BA LANG GI RJES TZAM MO SNYAM NAS, DE DAG MDO SDE DE RNAMS LA GUS PAR BYAS TE YI GER 'DRI BAR YANG BYED, YI GER BRIS NAS 'CHANG BAR YANG BYED, KLOG PAR YANG BYED, YANG DAG PAR 'GED PAR YANG BYED, MCHOD PAR YANG BYED, LUNG NOD PAR YANG BYED, 'DON PAR YANG BYED, KHA TON DU'ANG BYED MOD KYI, 'DI LTAR NGA'I DGONGS TE BSHAD PA ZAB MO 'DI MA RTOGS PA'I PHYIR BSGOM PA'I RNAM PAS SBYOR BAR MI NUS SO, ,DE DAG GZHI DES NA BSOD NAMS KYI TSOGS KYIS KYANG 'PHEL BAR 'GYUR, YE SHES KYI TSOGS KYIS KYANG 'PHEL BAR 'GYUR LA, GONG DU'ANG RGYUD YONGS SU MA SMIN PA DAG KYANG YONGS SU SMIN PAR BYED DO, ,CI STE SEMS CAN DE DAG LAS SEMS CAN GANG DAG BSOD NAMS DANG YE SHES KYI TSOGS CHEN PO'I BAR DU YANG DAG PAR GRUB PA MA YIN YANG DRANG PO DANG DRANG PO'I RANG BZHIN CAN MA YIN LA, RTOG PA DANG SEL @32B NUS LA, RANG GI LTA BA MCHOG TU 'DZIN PAR GNAS PA DE DAG GIS NI CHOS DE THOS NA NGA'I DGONGS TE BSHAD PA ZAB MO YANG DAG PA JI LTA BA BZHIN MI SHES TE, CHOS DE LA MOS KYANG CHOS 'DI DAG THAMS CAD NI NGO BO NYID MED PA KHO NA YIN NO, ,CHOS 'DI DAG THAMS CAD NI MA SKYES PA KHO NA'O, ,MA 'GAGS PA KHO NA'O, ,GZOD MA NAS ZHI BA KHO NA'O, ,RANG BZHIN GYIS YONGS SU MYA NGAN LAS 'DAS PA KHO NA'O ZHES CHOS KYI DON LA SGRA JI BZHIN KHO NAR MNGON PAR ZHEN PAR BYED DE, DE DAG GZHI DES NA CHOS THAMS CAD LA MED PAR LTA BA DANG, MTSAN NYID MED PAR LTA BA 'THOB PAR 'GYUR TE, MED PAR LTA BA DANG, MTSAN NYID MED PAR LTA BA THOB NAS KYANG THAMS CAD LA MTSAN NYID THAMS CAD KYIS SKUR PA 'DEBS TE, CHOS RNAMS KYI KUN BRTAGS PA'I MTSAN NYID LA SKUR PA 'DEBS, CHOS RNAMS KYI GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA'ANG SKUR PA 'DEBS SO, ,DE CI'I PHYIR ZHE NA, DON DAM YANG DAG 'PHAGS, 'DI LTAR GZHAN GYI DBANG NYID DANG, YONGS SU GRUB PA'I MTSAN NYID YOD NA NI, KUN BRTAGS PA'I MTSAN NYID KYANG RAB TU SHES PAR GYUR NA, DE LA GANG DAG GZHAN GYI DBANG GI MTSAN NYID DANG, YONGS SU GRUB PA'I MTSAN NYID LA MTSAN NYID MED PAR MTHONG BA DE DAG GIS NI KUN BRTAGS PA'I MTSAN NYID LA'ANG SKUR PA BTAB PA YIN PA'I PHYIR TE, @33A *, ,DE LTA BAS NA DE DAG NI MTSAN NYID RNAM PA GSUM CHAR LA'ANG SKUR PA 'DEBS PA ZHES BYA'O, ,DE DAG NI NGA'I CHOS LA CHOS SU 'DU SHES PA DANG, DON MA YIN PA LA DON DU 'DU SHES PA YIN TE, NGA'I CHOS LA CHOS SU 'DU SHES PA DANG, DON MA YIN PA LA DON DU 'DU SHES PA DE DAG CHOS LA'ANG CHOS SU 'DZIN, DON MA YIN PA LA'ANG DON DU 'DZIN TO; ;DE DAG CHOS LA MOS PAS DGE BA'I CHOS RNAMS KYIS 'PHEL MOD KYI, 'ON KYANG DON MA YIN PA LA MNGON PAR ZHEN PAS SHES RAB LAS YONGS SU NYAMS PAR 'GYUR TE, SHES RAB LAS YONGS SU NYAMS NA DGE BA'I CHOS SHIN TU RGYA CHE BA DANG, SHIN TU DPAG TU MED PA RNAMS LAS KYANG YONGS SU NYAMS PAR 'GYUR RO, ,DE DAG LAS GZHAN DAG GIS CHOS LA CHOS SU DANG, DON MA YIN PA LA DON DU THOS NAS GANG DAG LTA BA LA DGA' BAR BYED PA DE DAG NI CHOS LA CHOS SU 'DU SHES PA DANG, DON MA YIN PA LA DON DU 'DU SHES PAS CHOS LA CHOS SU DANG, DON MA YIN PA LA DON DU MNGON PAR ZHEN PAR 'GYUR TE, DE DAG GZHI DES NA DE BZHIN DU DGE BA'I CHOS LAS NYAMS PAR RIG PAR BYA'O, ,GANG DAG LTA BA LA DGA' BAR MI BYED PA DE DAG NI DE DAG LAS CHOS RNAMS KYI NGO BO NYID MED PA NYID THOS SHING CHOS RNAMS KYI SKYE BA MED PA DANG, 'GAG PA MED PA DANG, GZOD MA NAS ZHI BA DANG, @33B RANG BZHIN GYIS YONGS SU MYA NGAN LAS 'DAS PA THOS NAS SKRAG CING DANG NGAS LA KUN TU DBANG BAR 'GYUR ZHING 'DI SKAD CES 'DI NI SANGS RGYAS KYI BKA' MA YIN GYI, 'DI NI BDUD KYIS SMRAS PA YIN NO ZHES KYANG ZER ZHING, DE LTAR RIG NAS MDO SDE DE DAG LA SKUR PA 'DEBS PAR BYED, SPONG BAR BYED, MI BSNGAGS PA RJOD PAR BYED, DAN DU RJOD PAR BYED, GZHI DES NA PHONGS PA CHEN PO 'THOB PAR 'GYUR ZHING LAS KYI SGRIB PA CHEN POS KYANG REG PAR 'GYUR RO, ,GZHI DES KYANG GANG DAG SKYE BO PHAL PO CHE LA LAS KYI SGRIB PA CHEN PO 'THOB PAS SLU BAR BYED PA, MTSAN NYID THAMS CAD MED PAR LTA ZHING DON MA YIN PA DON DU STON PAR BYED PA DE DAG NI LAS KYI SGRIB PA CHEN PO DANG LDAN PAR NGA SMRA'O, ,DON DAM YANG DAG 'PHAGS, DE LA SEMS CAN GANG DAG DGE BA'I RTZA BA MA BSKYED, SGRIB PA YONGS SU MA DAG ,RGYUD YONGS SU MA SMIN, MOS PA MI MANG, BSOD NAMS DANG YE SHES KYI TSOGS YANG DAG PAR MA GRUB CING, DRANG PO DANG DRANG PO'I RANG BZHIN CAN MA YIN LA RTOG PA DANG SEL MI NUS LA, RANG GI LTA BA MCHOG TU 'DZIN PAR GNAS PA DE DAG GIS NI CHOS DE THOS NA, NGA'I DGONGS TE BSHAD PA'ANG YANG DAG PA JI LTA BA BZHIN DU RAB TU MI SHES SHING CHOS DE LA MOS PAR YANG MI 'GYUR LA, DE DAG CHOS LA CHOS MA YIN PAR 'DU SHES SHING, DON LA DON MA YIN PAR 'DU SHES LA, CHOS LA'ANG CHOS MA YIN PA @34A *, ,DANG; DON LA'ANG DON MA YIN PAR MNGON PAR ZHEN NAS, 'DI SKAD CES 'DI NI SANGS RGYAS KYI BKA' MA YIN GYI, 'DI NI BDUD KYIS SMRAS PA YIN NO ZHES KYANG ZER ZHING, DE LTAR RIG NAS MDO SDE DAG LA SKUR PA 'DEBS PAR BYED, SPONG BAR BYED, MI BSNGAGS PA RJOD PAR BYED, DAN DU RJOD PAR BYED CING LHAD KYANG 'JUG PAR BYED DE, RNAM GRANGS DU MAR MDO SDE DE DAG SPANG BA DANG, CHUD GZAN PA DANG, RNAM PAR GZHIG PA'I PHYIR ZHUGS SHING DE LA MOS PA'I GANG ZAG RNAMS LA'ANG DGRAR 'DU SHES PAR 'GYUR RO, ,DE DAG NI DANG PO NYID NAS KYANG LAS KYI SGRIB PAS BSGRIBS PA YIN LA, GZHI DES KYANG YANG LAS KYI SGRIB PA DE LTA BUS SGRIB PAR BYED DE, LAS KYI SGRIB PA DE'I DANG PO NI GDAGS PAR SLA'I, BSKAL PA BYE BA KHRAG KHRIG 'BUM PHRAG 'DI SNYED KYI BAR GYIS 'BYUNG BAR 'GYUR RO ZHES GDAGS PAR NI DKA'O, ,DON DAM YANG DAG 'PHAGS, DE LTAR NA NGA'I CHOS 'DUL BA LEGS PAR GSUNGS PA, SHIN TU GYA NOM PA, BSAM PA SHIN TU RNAM PAR DAG PA, STON PA CHOS LEGS PAR BSTAN PA LA SEMS CAN RNAMS KYI MOS PA'I RIM PA DE LTA BU DAG KYANG SNANG NGO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI DAG BKA' STZAL TO, ,CHOS RNAMS NGO BO NYID MED CHOS RNAMS MA SKYES DANG, @34B CHOS RNAMS MA 'GAGS CHOS RNAMS GZOD NAS ZHI BA DANG, ,CHOS RNAMS THAMS CAD RANG BZHIN MYA NGAN 'DAS PAR NI, ,DGONGS PA MED PAR MKHAS BA SU ZHIG SMRA BAR BYED, ,MTSAN NYID NGO BO NYID MED SKYE BA NGO BO MED, ,DON DAM NGO BO NYID MED DO ZHES PA NGAS BSHAD DE, ,'DI LA MKHAS PA GANG ZHIG DGONGS PA SHES PA NI, ,RAB TU NYAMS PAR 'GYUR BA'I LAM DU DE MI 'GRO; KUN GYI RNAM DAG LAM NI GCIG PU 'DI YIN TE, ,RNAM PAR DAG PA'ANG GCIG STE GNYIS PA GANG YANG MED, ,DE PHYIR THEG PA GCIG PA 'DI NI 'DOGS BYED KYANG, ,SEMS CAN RIGS NI RNAM PA SNA TSOGS MED MA YIN, ,SEMS CAN KHAMS 'DI NA NI GANG BDAG GCIG PU PA, ,MYA NGAN 'DA' BAR BYED PA'I SEMS CAN DPAG TU MED, ,GANG DAG MYA NGAN 'DAS KYANG SEMS CAN MI GTONG BA'I, ,BRTAN PA SNYING RJE LDAN PA DE DAG SHIN TU DKON, ,GANG GROL DE DAG RNAMS KYI ZAG PA MED PA'I DBYINGS, ,PHRA ZHING BSAM GYIS MI KHYAB MNYAM ZHING BYE BRAG MED, , THAMS CAD DON GRUB SDUG BSNGAL NYON MONGS SPANGS PA STE, ,GNYIS SU BRJOD PA MA YIN BDE ZHING BRTAN PA YIN, ,DE NAS DE'I TSE BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS, JI TZAM DU SANGS RGYAS BCOM LDAN 'DAS RNAMS KYI DGONGS TE GSUNGS PA, PHRAG BA, MCHOG TU PHRA BA, ZAB @35A *, ,PA; MCHOG TU ZAB PA, RTOGS PAR DKA' BA, MCHOG TU RTOGS PAR DKA' BA NI NGO MTSAR RMAD DU BYUNG BA LAGS SO, ,BCOM LDAN 'DAS BCOM LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA LA, GZUGS KYI PHUNG PO ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR BZHAG PA DANG, GZUGS KYI PHUNG PO SKYE'O ZHE'AM, 'GAG GO ZHE'AM, GZUGS KYI PHUNG PO SPANG BA DANG, YONGS SU SHES PA ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR BZHAG PA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE, NGE LA BRTEN NAS BCOM LDAN 'DAS CHOS RNAMS KYI SKYE BA NGO BO MA MCHIS PA NYID DANG, DON DAM PA NGO BO NYID MA MCHIS PA DE NYID LAS GCIG KYANG 'DOGS PAR MDZAD LAGS SO, ,BCOM LDAN 'DAS, BCOM @35B LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS, 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING NGO BO NYID MED, DE KHO NAS NGO BO NYID MA MCHIS PA NYID CHOS BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI DON DAM PA'I NGO BO NYID MA MCHIS PA DE NYID LAS GCIG 'DOGS PAR MDZAD LAGS SO, , GZUGS KYI PHUNG PO LA JI LTA BA BZHIN DU PHUNG PO LHAG MA RNAMS LA'ANG DE BZHIN DU SBYAR BAR BGYI LAGS SO, ,PHUNG PO RNAMS LA JI LTA BA BZHIN DU SKYE MCHED BCU GNYIS PO DAG GI SKYE MCHED RE RE LA'ANG DE BZHIN LAGS SO, ,SRID PA'I YAN LAG BCU GNYIS PO DE DAG GI SRID PA'I YAN LAG RE RE LA'ANG DE BZHIN BGYI LAGS SO, ,ZAS BZHI PO DAG GI ZAS RE RE LA'ANG DE BZHIN LAGS SO, ,KHAMS DRUG DANG, KHAMS BCO BRGYAD PO DAG GI KHAMS RE RE LA'ANG DE BZHIN LAGS SO, ,BCOM LDAN 'DAS, BCOM LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA LA SDUG BSNGAL GYI BDEN PA DANG, SDUG BSNGAL GYI BDEN PA YONGS SU @36A *, ,SHES PA ZHES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR BZHAG PA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI GZHAN GYI DBANG GI MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI SKYE BA NGO BO NYID MA MCHIS PA NYID DANG, DON DAM PA NGO BO NYID MA MCHIS PA DE LAS GCIG KYANG 'DOGS PAR MDZAD LAGS SO, ,BCOM LDAN 'DAS, BCOM LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING NGO BO NYID DE KHO NAS NGO BO NYID MA MCHIS PA NYID CHOS BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI DON DAM PA NGO BO NYID MA MCHIS PA NYID DE LAS GCIG 'DOGS PAR MDZAD LAGS SO, ,SDUG BSNGAL 'PHAGS @36B PA'I BDEN PA LA JI LTA BA DE BZHIN DU BDEN PA LHAG MA RNAMS LA'ANG DE BZHIN DU SBYAR BAR BGYI LAGS SO, ,BDEN PA RNAMS LA JI LTA BA BZHIN DU DRAN PA NYE BAR BZHAG PA RNAMS DANG, YANG DAG PAR SPONG BA RNAMS DANG, RDZU 'PHRUL GYI RKANG PA RNAMS DANG, DBANG PO RNAMS DANG, STOBS RNAMS DANG, BYANG CHUB KYI YAN LAG RNAMS DANG, LAM GYI YAN LAG RNAMS KYI YAN LAG RE RE LA'ANG DE BZHIN DU SBYAR BAR BGYI LAGS SO, ,BCOM LDAN 'DAS, BCOM LDAN 'DAS KYIS BKA' STZAL PA'I DON BDAG GIS 'DI LTAR BTSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA LA YANG DAG PA'I TING NGE 'DZIN ZHE'AM, TING NGE 'DZIN GYI MI MTHUN PA'I PHYOGS DANG GNYEN PO ZHE'AM, TING NGE 'DZIN BSGOM PA ZHE'AM, MA SKYES PA SKYE BA ZHE'AM, SKYES PA GNAS PA DANG, MI BSKYUD PA DANG, SLAR ZHING 'BYUNG BA DANG, 'PHEL ZHING RGYAS PA NYID CES NGO BO NYID KYI MTSAN NYID DAM, BYE BRAG GI MTSAN NYID DU MING DANG BRDAR RNAM PAR BZHAG PA GANG LAGS PA DE NI KUN BRTAGS PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI MTSAN NYID NGO BO NYID MA MCHIS PA NYID 'DOGS PAR MDZAD LAGS SO, ,RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA GANG LAGS PA DE NI @37A *, ,GZHAN GYI DBANG GI MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI SKYE BA NGO BO NYID MA MCHIS PA NYID DANG, DON DAM PA NGO BO NYID MA MCHIS PA DE LAS GCIG KYANG 'DOGS PAR MDZAD LAGS SO, ,BCOM LDAN 'DAS, BCOM LDAN 'DAS KYIS BKA' STZAL PA'I DON BDAG GIS 'DI LTAR 'TSAL TE, RNAM PAR RTOG PA'I SPYOD YUL KUN BRTAGS PA'I MTSAN NYID KYI GNAS 'DU BYED KYI MTSAN MA DE NYID KUN BRTAGS PA'I MTSAN NYID DER YONGS SU MA GRUB CING NGO BO NYID DE KHO NAS NGO BO NYID MA MCHIS PA NYID CHOS BDAG MA MCHIS PA DE BZHIN NYID RNAM PAR DAG PA'I DMIGS PA GANG LAGS PA DE NI YONGS SU GRUB PA'I MTSAN NYID LAGS TE, DE LA BRTEN NAS BCOM LDAN 'DAS CHOS RNAMS KYI DON DAM PA NGO BO NYID MA MCHIS PA DE LAS GCIG 'DOGS PAR MDZAD LAGS SO, ,BCOM LDAN 'DAS, 'DI LTA STE, DPER BGYI NA, BCA' SGA'I PHYE MA'I SMAN SBYAR BA DANG, BCUD KYIS LEN SBYAR BA THAMS CAD DU STZAL BAR BGYI BA LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG; 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, BCOM LDAN 'DAS NGES PA'I DON BSTAN @37B PA 'DI'ANG DRANG BA'I DON GYI MDO SDE THAMS CAD DU STZAL BAR BGYI BA LAGS SO, ,BCOM LDAN 'DAS, 'DI LTA STE, DPER BGYI NA, RI MO BRI BA'I GZHI NI SNGON PO'AM, SER PO'AM, DMAR PO'AM, DKAR PO'AM, RI MOR BGYI BA THAMS CAD LA RO GCIG PA LAGS SHING RI MOR BRIS PA DE'ANG SHIN TU GSAL BAR BGYID PA LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS BCOM LDAN 'DAS KYI NGES PA'I DON BSTAN PA 'DI'ANG DRANG BA'I DON GYI MDO SDE THAMS CAD LA RO GCIG PA DANG DRANG BA'I DON DE DAG SHIN TU GSAL BAR BGYID PA LAGS SO, ,BCOM LDAN 'DAS, 'DI LTA STE, DPER BGYI NA, CHAB MAR NI SNOD DU BSGRAL BA DANG, SHA G-YOS DANG; BAG CHOS KYI RNAM PA THAMS CAD DU STZAL NA SHIN TU GDA' BAR 'GYUR LAGS SO, ,DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS BCOM LDAN 'DAS KYI NGES PA'I DON BSTAN PA 'DI'ANG DRANG BA'I DON GYI MDO SDE THAMS CAD DU STZAL NA DGA' BA DANG, MCHOG TU DGA' BA CHEN POR 'GYUR LAGS SO, ,BCOM LDAN 'DAS, 'DI LTA STE, DPER BGYI NA, NAM MKHA' NI THAMS CAD LA RO GCIG PA DANG, BRTZAM PA THAMS CAD LA SGRIB PAR MI 'GYUR BA LAGS @38A *, ,SO; ;DE BZHIN DU CHOS RNAMS KYI NGO BO NYID MA MCHIS PA NYID DANG, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS BCOM LDAN 'DAS KYI NGES PA'I DON BSTAN PA 'DI'ANG DRANG BA'I DON GYI MDO SDE THAMS CAD LA RO GCIG PA DANG, NYAN THOS KYI THEG PA DANG, RANG SANGS RGYAS KYI THEG PA DANG, THEG PA CHEN POR BRTZAM PA THAMS CAD LA SGRIB PAR MI 'GYUR BA LAGS SO, ,DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA LEGS SO, ,ZHES BYA BA BYIN TE, DON DAM YANG DAG 'PHAGS, LEGS SO, ,LEGS SO, ,DON DAM YANG DAG 'PHAGS KHYOD KYIS DE BZHIN GSHEGS PA'I DGONGS TE BSHAD PA SHES TE, DON DE LA 'DI LTA STE; BCA' SGA DANG, RI MO 'DRI BA'I GZHI DANG, MAR GYIS GDAB PA DANG, NAM MKHA'I DPE LEGS PAR BYAS PA DE NI, DON DAM YANG DAG 'PHAGS, DE BZHIN TE, GZHAN DU MA YIN GYI, DE NI DE BZHIN DU GZUNG ZHIG ,DE NAS BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS YANG 'DI SKAD CES GSOL TO, ,BCOM LDAN 'DAS KYIS DANG POR YUL W'A RA n'A SI DRANG SRONG SMRA BA RI DWAGS KYI NAGS SU THEG PA LA YANG DAG PAR ZHUGS PA RNAMS LA 'PHAGS PA'I BDEN PA BZHI'I RNAM PAR BSTAN PAS CHOS KYI @38B 'KHOR LO NGO MTSAR RMAD DU BYUNG BA, SNGON LHAR GYUR BA'AM, MIR GYUR PA SUS KYANG CHOS DANG MTHUN PAR 'JIG RTEN DU MA BSKOR BA GCIG TU RAB TU BSKOR TE, BCOM LDAN 'DAS KYI CHOS KYI 'KHOR LO BSKOR BA DE'ANG BLA NA MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR PA LAGS LA, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS THEG PA CHEN PO LA YANG DAG PAR ZHUGS PA RNAMS LA STONG PA NYID SMOS PA'I RNAM PAS CHES NGO MTSAR RMAD DU BYUNG BA'I CHOS KYI 'KHOR LO GNYIS PA BSKOR TE, BCOM LDAN 'DAS KYI CHOS KYI 'KHOR LO BSKOR BA DE'ANG BLA NA MCHIS PA, SKABS MCHIS PA, DRANG BA'I DON, RTZOD PA'I GZHI'I GNAS SU GYUR PA LAGS LA, BCOM LDAN 'DAS KYIS CHOS RNAMS KYI NGO BO NYID MA MCHIS PA NYID LAS BRTZAMS, SKYE BA MA MCHIS PA DANG, 'GAG PA MA MCHIS PA DANG, GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA NYID LAS BRTZAMS NAS, THEG PA THAMS CAD LA YANG DAG PAR ZHUGS PA RNAMS LA LEGS PAR RNAM PAR PHYE BA DANG LDAN PA, SHIN TU NGO MTSAR RMAD DU BYUNG BA'I CHOS KYI 'KHOR LO GSUM @39A *, ,PA BSKOR TE, BCOM LDAN 'DAS KYI CHOS KYI 'KHOR LO BSKOR BA 'DI NI BLA NA MA MCHIS PA, SKABS MA MCHIS PA, NGES BA'I DON LAGS TE, RTZOD PA'I GZHI'I GNAS SU GYUR PA MA LAGS SO, ,BCOM LDAN 'DAS, CHOS RNAMS KYI NGO BO NYID MA MCHIS PA NYID LAS BRTZAMS, RANG BZHIN GYIS YONGS SU MYA NGAN LAS 'DAS PA NYID KYI BAR LAS BRTZAMS NAS, BCOM LDAN 'DAS KYIS NGES PA'I DON BSTAN PA 'DI RIGS KYI BU'AM, RIGS KYI BU MO GANG GIS THOS NAS MOS PAR BGYID PA DANG, YI GER 'DRIR STZOL BA DANG, YI GER BRIS NAS KYANG 'CHANG BA DANG, KLOG PA DANG, MCHOD PA DANG, YANG DAG PAR 'GYED PA DANG, LUNG NOD PA DANG, KHA TON BGYID PA DANG, SEMS PA DANG, BSGOM PA'I RNAM PAS SBYOR BAR BGYID PA DE BSOD NAMS JI TZAM ZHIG BSKYED PAR 'GYUR BA LAGS, DE SKAD CES GSOL PA DANG, BCOM LDAN 'DAS KYIS BYANG CHUB SEMS DPA' DON DAM YANG DAG 'PHAGS LA 'DI SKAD CES BKA' STZAL TO, ,DON DAM YANG DAG 'PHAGS, RIGS KYI BU'AM, RIGS KYI BU MO DE NI BSOD NAMS DPAG TU MED GRANGS MED PA BSKYED DE, DE'I DPE BYA BAR SLA BA MA YIN MOD KYI, 'ON KYANG MDOR BSDUS TE KHYOD LA BSHAD PAR BYA'O, ,DON DAM YANG DAG 'PHAGS, 'DI LTA STE, DPER NA, SEN MO'I @39B RTZE MO LA GNAS PA'I SA'I RDUL GANG DAG YIN PA DE NI, SA LA GNAS PA'I RDUL RNAMS DANG BSGRUN NA BRGYA'I CHAR YANG NYE BAR MI 'GRO ZHING STONG GI CHA DANG, 'BUM GYI CHA DANG, GRANGS DANG, CHA DANG; BGRANG BA DANG, DPE DANG, RGYUR YANG NYE BAR MI 'GRO'O, ,BA LANG GI RJES KYI CHU NI RGYA MTSO CHEN PO BZHI'I CHU DANG BSGRUN NA BRGYA'I CHAR YANG NYE BAR MI 'GRO BA NAS RGYU'I BAR DU'ANG NYE BAR MI 'GRO'O, ,DON DAM YANG DAG 'PHAGS, DE BZHIN DU NGAS DRANG BA'I DON GYI MDO SDE LA MOS PA NAS, BSGOM PA'I RNAM PAR SBYOR BAR BYED PA'I BAR GYI BSOD NAMS GANG BSHAD PA DE NI NGES PA'I DON BSTAN PA LA MOS PA LAS YANG DAG PAR GRUB PA NAS, BSGOM PA'I RNAM PAS SBYOR BA LAS YANG DAG PAR GRUB PA'I BAR GYI BSOD NAMS DANG BSGRUN NA BRGYA'I CHAR YANG NYE BAR MI 'GRO BA NAS RGYU'I BAR DU'ANG NYE BAR MI 'GRO'O, ,DE SKAD CES BKA' STZAL PA DANG, BCOM LDAN 'DAS LA BYANG CHUB SEMS DPA' DON DAM YANG DAG 'PHAGS KYIS 'DI SKAD CES GSOL TO, ,BCOM LDAN 'DAS, DGONGS PA NGES PAR 'GREL BA'I CHOS KYI RNAM GRANGS 'DIR BSTAN PA 'DI'I MING CI LAGS, 'DI JI LTAR GZUNG BAR BGYI, BCOM LDAN 'DAS KYIS DE LA BKA' STZAL PA, DON DAM YANG DAG 'PHAGS, 'DI NI DON DAM PA'I NGES PA'I DON BSTAN PA YIN TE, 'DI DON DAM PA NGES PA'I DON BSTAN PA ZHES BYA BAR GZUNG ZHIG @40A *, ,DON DAM PA NGES PA'I DON BSTAN PA 'DI BSHAD PA NA SROG CHAGS DRUG 'BUM NI BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,NYAN THOS SUM 'BUM NI CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,NYAN THOS 'BUM LNGA KHRI NI LEN PA MED PAR ZAG PA RNAMS LAS SEMS RNAM PAR GROL LO; ;BYANG CHUB SEMS DPA' BDUN KHRI LNGA STONG GIS NI MI SKYE BA'I CHOS LA BZOD PA THOB PAR GYUR TO, ,DON DAM YANG DAG 'PHAGS KYI LE'U STE BDUN PA'O,, ,,DE NAS BCOM LDAN 'DAS LA BYANG CHUB SEMS DPA' BYAMS PAS ZHU BA ZHUS PA, BCOM LDAN 'DAS, BYANG CHUB SEMS DPA' CI LA GNAS, CI LA BRTEN TE THEG PA CHEN PO LA ZHI GNAS DANG, LHAG MTHONG SGOM PAR BGYID LAGS, BCOM LDAN 'DAS KYIS BKA' STZAL PA, BYAMS PA, CHOS GDAGS PA RNAM PAR BZHAG PA DANG, BLA NA MED PA YANG DAG PAR RDZOGS PA'I BYANG CHUB TU SMON LAM MI GTONG BA LA GNAS SHING BRTEN CING BRTEN NAS SO, ,BCOM LDAN 'DAS KYIS ZHI GNAS DANG, LHAG MTHONG GI DMIGS PA'I DNGOS PO BZHI PO 'DI LTA STE, RNAM PAR RTOG PA DANG BCAS PA'I GZUGS BRNYAN DANG, RNAM PAR MI RTOG PA'I GZUGS BRNYAN DANG, DNGOS PO'I MTHA' DANG, DGOS PA YONGS SU GRUB PA'O ZHES GANG DAG @40B BSTAN PA DE LA, BCOM LDAN 'DAS, DU ZHIG ZHI GNAS KYI DMIGS PA LAGS, BKA' STZAL PA, GCIG STE, 'DI LTA STE, RNAM PAR MI RTOG PA'I GZUGS BRNYAN NO, ,DU ZHIG LHAG MTHONG GI DMIGS PA LAGS, BKA' STZAL PA, GCIG KHO NA STE, RNAM PAR RTOG PA DANG BCAS PA'I GZUGS BRNYAN NO, ,DU ZHIG DE GNYIS KA'I DMIGS PA LAGS, BKA' STZAL PA, GNYIS TE, 'DI LTA STE, DNGOS PO'I MTHA' DANG, DGOS PA YONGS SU GRUB PA'O, ,BCOM LDAN 'DAS, BYANG CHUB SEMS DPA' ZHI GNAS DANG, LHAG MTHONG GI DMIGS PA'I DNGOS PO BZHI PO DE DAG LA BRTEN CING GNAS NAS JI LTAR ZHI GNAS YONGS SU TSOL BAR BGYID BA DANG, LHAG MTHONG LA MKHAS PA LAGS, BKA' STZAL PA, BYAMS PA, NGAS CHOS GDAGS PA RNAM PAR BZHAG PA 'DI LTA STE, MDO'I SDE DANG, DBYANGS KYIS BSNYAD PA'I SDE DANG, LUNG DU BSTAN PA'I SDE DANG, TSIGS SU BCAD PA'I SDE DANG, CHED DU BRJOD PA'I SDE DANG, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA'I RABS KYI SDE DANG, SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA DBAB PAR BSTAN PA'I SDE GANG DAG BYANG CHUB SEMS DPA' RNAMS LA BSHAD PA DE DAG BYANG CHUB SEMS DPAS LEGS PAR THOS, LEGS BAR BZUNG, KHA TON BYANG BAR BYAS, YID KYIS LEGS PAR BRTAGS, @41A *, ,MTHONG BAS SHIN TU RTOGS PAR BYAS NAS DE GCIG PU DBEN PAR 'DUG STE, NANG DU YANG DAG BZHAG NAS JI LTAR LEGS PAR BSAMS PA'I CHOS DE DAG YID LA BYED CING, SEMS GANG GIS YID LA BYED PA'I SEMS DE NANG DU RGYUN CHAGS SU YID LA BYED PAS YID LA BYED DO, ,DE LTAR ZHUGS SHING DE LA LAN MANG DU GNAS PA DE LA LUS SHIN TU SBYANGS PA DANG, SEMS SHIN TU SBYANGS PA 'BYUNG BA GANG YIN PA DE NI ZHI GNAS ZHES BYA STE, DE LTAR NA BYANG CHUB SEMS DPA' ZHI GNAS YONGS SU TSOL BAR BYED PA YIN NO, ,DE LUS SHIN TU SBYANGS PA DANG, SEMS SHIN TU SBYANGS PA DE THOS NAS DE NYID LA GNAS TE, SEMS KYI RNAM PA SPANGS NAS JI LTAR BSAMS PA'I CHOS DE DAG NYID NANG DU TING NGE 'DZIN GYI SPYOD YUL GZUGS BRNYAN DU SO SOR RTOG PAR BYED, MOS PAR BYED DO, ,DE LTAR TING NGE 'DZIN GYI SPYOD YUL GZUGS BRNYAN DE DAG LA SHES BYA'I DON DE RNAM PAR 'BYED PA DANG, RAB TU RNAM PAR 'BYED PA DANG, YONGS SU RTOG PA DANG, YONGS SU DPYOD PA DANG, BZOD PA DANG, 'DOD PA DANG, BYE BRAG 'BYED PA DANG, LTA BA DANG, RTOG PA GANG YIN PA DE NI LHAG MTHONG ZHES BYA STE, DE LTAR NA BYANG CHUB SEMS DPA' LHAG MTHONG LA MKHAS PA YIN NO, ,BCOM LDAN 'DAS, BYANG CHUB SEMS DPA' DE LA SEMS LA DMIGS PA'I SEMS NANG DU YID LA @41B BGYID PA NA, JI SRID DU LUS SHIN TU SBYANGS PA DANG, SEMS SHIN TU SBYANGS PA MA THOB PA DE'I BAR DU YID LA BGYID PA DE LA CI ZHES BGYI, BYAMS PA, ZHI GNAS NI MA YIN TE, ZHI GNAS KYI RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O, ,BCOM LDAN 'DAS, BYANG CHUB SEMS DPA' DE JI SRID DU LUS DANG SEMS SHIN TU SBYANGS PA MA THOB PA DE'I BAR DU JI LTAR LEGS PAR BSAMS PA'I CHOS DE DAG NANG DU TING NGE 'DZIN GYI SPYOD YUL GZUGS BRNYAN DU YID LA BGYID PA'I YID LA BGYID PA DE LA CI ZHES BGYI, BYAMS PA, LHAG MTHONG NI MA YIN TE, LHAG MTHONG GI RJES SU MTHUN PA'I MOS PA DANG MTSUNGS PAR LDAN PA YIN PAR BRJOD PAR BYA'O, ,BCOM LDAN 'DAS, ZHI GNAS KYI LAM DANG, LHAG MTHONG GI LAM THA DAD CES BGYI'AM, THA DAD PA MA LAGS ZHES BGYI, BKA' STZAL PA, BYAMS PA, THA DAD PA'ANG MA YIN, THA DAD PA MA YIN PA'ANG MA YIN ZHES BYA'O, ,CI'I PHYIR THA DAD PA MA YIN ZHE NA, LHAG MA THONG GI DMIGS PA'I SEMS LA DMIGS PA'I PHYIR RO, ,CI'I PHYIR THA DAD PA MA YIN PA MA YIN ZHE NA, RNAM PAR RTOG PA DANG BCAS PA'I GZUGS BRNYAN LA DMIGS PA'I PHYIR RO, ,BCOM LDAN 'DAS, RNAM PAR LTA BAR BGYID PA'I TING NGE 'DZIN GYI SPYOD YUL GZUGS BRNYAN GANG LAGS PA DE CI LAGS, SEMS DE DANG THA DAD PA ZHES BGYI'AM, THA DAD @42A *, ,PA MA LAGS ZHES BGYI, BYAMS PA, THA DAD PA MA YIN ZHES BYA'O, ,CI'I PHYIR THA DAD PA YIN ZHE NA, GZUGS BRNYAN DE RNAM PAR RIG PA TZAM DU ZAD PA'I PHYIR TE, BYAMS PA, RNAM PAR SHES PA NI DMIGS PA RNAM PAR RIG PA TZAM GYIS RAB TU PHYE BA YIN NO ZHES NGAS BSHAD DO, ,BCOM LDAN 'DAS, TING NGE 'DZIN GYI SPYOD YUL GZUGS BRNYAN DE GAL TE GZUGS SEMS DE LAS THA DAD PA MA LAGS NA, SEMS DE NYID KYIS SEMS DE NYID LA JI LTAR RTOG PAR BGYID LAGS, BKA' STZAL PA, BYAMS PA, DE LA CHOS GANG YANG CHOS GANG LA'ANG RTOG PAR MI BYED MOD KYI, 'ON KYANG DE LTAR SKYES PA'I SEMS GANG YIN PA DE DE LTAR SNANG NGO, ,BYAMS PA, 'DI LTA STE, DPER NA, GZUGS LA BRTEN NAS ME LONG GI DKYIL 'KHOR SHIN TU YONGS SU DAG PA LA GZUGS NYID MTHONG YANG GZUGS BRNYAN MTHONG NGO SNYAM DU SEMS TE, DE LA GZUGS DE DANG, GZUGS BRNYAN SNANG BA DE DON THA DAD PAR SNANG NGO, ,DE BZHIN DU DE LTAR SKYES PA'I SEMS DE DANG, TING NGE 'DZIN GYI SPYOD YUL GZUGS BRNYAN ZHES BYA BA GANG YIN PA DE'ANG DE LAS DON GZHAN YIN PA LTA BUR SNANG NGO, ,BCOM LDAN 'DAS, SEMS CAN RNAMS KYI GZUGS LA SOGS PAR SNANG BA SEMS KYI GZUGS BRNYAN RANG BZHIN DU GNAS PA GANG LAGS PA DE'ANG SEMS DE DANG THA DAD @42B PA MA LAGS ZHES BGYI'AM, BKA' STZAL PA, BYAMS PA, THA DAD PA MA YIN ZHES BYA STE, BYIS PA PHYIN CI LOG GI BLO CAN RNAMS NI GZUGS BRNYAN DE DAG LA RNAM PAR RIG PA TZAM DE NYID YANG DAG PA JI LTA BA BZHIN MI SHES PAS PHYIN CI LOG TU SEMS SO, ,BCOM LDAN 'DAS, BYANG CHUB SEMS DPA' JI TZAM GYIS NA, GCIG TU LHAG MTHONG SGOM PA LAGS, BKA' STZAL PA; GANG GI TSE RGYUN CHAGS SU YID LA BYED PAS SEMS KYI MTSAN NYID LA BYED PA'O, ,JI TZAM GYIS NA GCIG TU ZHI GNAS BSGOM PA LAGS, BKA' STZAL PA, GANG GI TSE RGYUN CHAGS SU YID LA BYED PAS BAR CHAD MED PA'I SEMS YID LA BYED PA'O, ,JI TZAM GYIS NA ZHI GNAS DANG, LHAG MTHONG GNYIS 'DRES PAR 'GYUR TE MNYAM PAR ZUNG DU 'JUG PA LAGS, BKA' STZAL PA, GANG GI TSE SEMS RTZE GCIG PA NYID YID LA BYED PA'O, ,BCOM LDAN 'DAS, SEMS KYI MTSAN MA GANG LAGS, BYAMS PA, LHAG MTHONG GI DMIGS PA TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN GANG YIN PA'O, ,BAR CHAD MA MCHIS PA'I SEMS GANG LAGS, BYAMS PA, ZHI GNAS KYI DMIGS PA GZUGS BRNYAN LA DMIGS PA'I SEMS GANG YIN PA'O, ,SEMS RTZE GCIG PA NYID GANG LAGS, TING NGE 'DZIN GYI SPYOD YUL GZUGS BRNYAN DE LA 'DI NI RNAM PAR RIG PA TZAM YIN NO ZHES BYA BAR RTOGS TE, DE RTOGS @43A *, ,NAS DE BZHIN NYID DU YID LA BYED PA GANG YIN PA'O, ,BCOM LDAN 'DAS, LHAG MTHONG LA RNAM PA DU MCHIS, BYAMS PA, RNAM PA GSUM STE, MTSAN MA LAS BYUNG BA DANG, YONGS SU TSOL BA LAS BYUNG BA DANG, SO SOR RTOG PA LAS BYUNG BA'O, ,MTSAN MA LAS BYUNG BA GANG ZHE NA, TING NGE 'DZIN GYI SPYOD YUL RNAM PAR RTOG PA DANG BCAS PA'I GZUGS BRNYAN 'BA' ZHIG YID LA BYED PA'I LHAG MTHONG GANG YIN PA'O, ,YONGS SU TSOL BA LAS BYUNG BA GANG ZHE NA, DE DANG DER SHES RAB KYIS SHIN TU LEGS PAR MA RTOGS PA'I CHOS DE DAG NYID SHIN TU LEGS PAR RTOGS PAR BYA BA'I PHYIR YID LA BYED PA'I LHAG MTHONG GANG YIN BA'O, ,SO SOR RTOG PA LAS BYUNG BA GANG ZHE NA, DE DANG DER SHES RAB KYIS SHIN TU LEGS PAR RTOGS PA'I CHOS RNAMS LA RNAM PAR GROL BAS SHIN TU LEGS PAR BDE BA LA REG PAR BYA BA'I PHYIR YID LA BYED PA'I LHAG MTHONG GANG YIN PA'O, ,ZHI GNAS LA RNAM PA DU MCHIS, BKA' STZAL PA, BAR CHAD MED PA'I SEMS DE'I RJES SU 'BRANG BAS DE'ANG RNAM PA GSUM DU BRJOD PAR BYA'O, ,BYAMS PA, YANG ZHI GNAS NI RNAM PA BRGYAD DE, BSAM GTAN DANG PO PA DANG, GNYIS PA DANG, GSUM PA DANG, BSAM GTAN BZHI PA DANG, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED @43B DANG, CI'ANG MED PA'I SKYE MCHED DANG, 'DU SHES MED 'DU SHES MED MIN SKYE MCHED PA'O, ,YANG RNAM PA BZHI STE, BYAMS PA TSAD MED PA DANG, SNYING RJE DANG, DGA' BA DANG, BTANG SNYOMS TSOD MED PA'O, ,BCOM LDAN 'DAS, ZHI GNAS DANG, LHAG MTHONG NI CHOS LA GNAS PA ZHES KYANG BGYI, CHOS LA MI GNAS PA ZHES KYANG BGYI NA, CHOS LA GNAS PA NI GANG LAGS, CHOS LA MI GNAS PA NI GANG LAGS, BYAMS PA, JI LTAR BZUNG BA DANG BSAMS PA'I CHOS KYI MTSAN MA'I RJES SU 'BRANG BAS DON LA ZHI GNAS DANG, LHAG MTHONG GANG YIN PA DE NI CHOS LA GNAS PA YIN NO, ,BZUNG BA DANG BSAMS PA'I CHOS LA MI LTOS PAR GZHAN GYI GDAMS NGAG DANG, RJES SU BSTAN PA LA BRTEN NAS DON LA ZHI GNAS DANG, LHAG MTHONG 'DI LTA STE, RNAM PAR RNGOS PA'AM, RNAM PAR RNAGS PA'AM, DE LTA BU DANG MTHUN PA RNAMS SAM, 'DU BYED THAMS CAD MI RTAG PA ZHES BYA BA 'AM, SDUG BSNGAL BA ZHES BYA BA'AM, CHOS THAMS CAD BDAG MED PA ZHES BYA BA'AM, MYA NGAN LAS 'DAS PA ZHI BA ZHES BYA BA DANG, DE LTA BU DANG MTHUN PA'I ZHI GNAS DANG, LHAG MTHONG DE NI CHOS LA MI GNAS PA YIN PAR RIG PAR BYA'O, ,BYAMS PA; DE LA NGA NI CHOS LA GNAS PA'I ZHI GNAS DANG, LHAG MTHONG LA BRTEN NAS BYANG CHUB SEMS DPA' CHOS KYI RJES SU 'BRANG BA DBANG PO RNON POR 'DOGS SO, ,CHOS LA MI GNAS PA @44A *, ,LA BRTEN NAS DAD PAS RJES SU 'BRANG BA DBANG PO RTUL POR 'DOGS SO, ,BCOM LDAN 'DAS, ZHI GNAS DANG, LHAG MTHONG NI MA 'DRES PA'I CHOS LA DMIGS PA ZHES KYANG BGYI, 'DRES PA'I CHOS LA DMIGS PA ZHES KYANG BGYI NA, MA 'DRES PA'I CHOS LA DMIGS PA NI GANG LAGS, 'DRES PA'I CHOS LA DMIGS PA NI GANG LAGS, BYAMS PA, GAL TE BYANG CHUB SEMS DPA' JI LTAR BZUNG BA DANG BSAM PA'I CHOS RNAMS LAS MDO'I SDE LA SOGS PA'I CHOS SO SO LA DMIGS PA'I ZHI GNAS DANG, LHAG MTHONG SGOM PAR BYED PA DE NI MA 'DRES PA'I CHOS LA DMIGS PA'I ZHI GNAS DANG, LHAG MTHONG YIN NO, ,GAL TE MDO SDE LA SOGS PA'I CHOS DE GCIG TU BZLUM PA DANG, GCIG TU BSDU BA DANG, GCIG TU BRTUL BA DANG, PHUNG PO GCIG TU BYAS TE, CHOS 'DI DAG THAMS CAD NI DE BZHIN NYID LA GZHOL BA, DE BZHIN NYID LA 'BAB PA, DE BZHIN NYID LA BAB PA, BYANG CHUB LA GZHOL PA, BYANG CHUB LA 'BAB PA, BYANG CHUB LA BAB PA, MYA NGAN LAS 'DAS PA LA GZHOL BA, MYA NGAN LAS 'DAS PA LA 'BAB PA, MYA NGAN LAS 'DAS PA LA BAB PA, GNAS GYUR PA LA GZHOL BA, GNAS GYUR PA LA 'BAB PA, GNAS GYUR PA LA BAB PA DAG STE, CHOS 'DI DAG THAMS CAD NI DGE BA'I CHOS DPAG TU MED PA, GRANGS MED PA DAG MNGON PAR BRJOD @44B PAS BRJOD PA YIN NO SNYAM DU YID LA BYED PA DE NI, 'DRES PA'I CHOS LA DMIGS PA'I ZHI GNAS DANG, LHAG MTHONG YIN NO, ,BCOM LDAN 'DAS, ZHI GNAS DANG, LHAG MTHONG NI 'DRES PA CHUNG NGU'I ? CHOS LA DMIGS PA ZHES KYANG BGYI, 'DRES PA CHEN POR GYUR PA'I CHOS LA DMIGS PA ZHES KYANG BGYI, 'DRES PA TSAD MA MCHIS PA'I CHOS LA DMIGS PA ZHES KYANG BGYI NA, 'DRES PA CHUNG NGU'I CHOS LA DMIGS PA NI GANG LAGS, 'DRES PA CHEN POR GYUR PA'I CHOS LA DMIGS PA NI GANG LAGS, 'DRES PA TSAD MA MCHIS PA'I CHOS LA DMIGS PA NI GANG LAGS, BYAMS PA, MDO'I SDE NAS SHIN TU RGYAS PA'I SDE DANG, RMAD DU BYUNG BA'I CHOS KYI SDE DANG, GTAN LA DBAB PAR BSTAN PA'I SDE'I BAR DAG SO SOR GCIG TU BZLUMS TE YID LA BYED PA'I ZHI GNAS DANG, LHAG MTHONG NI 'DRES PA CHUNG NGU'I CHOS LA DMIGS PA YIN PAR RIG PAR BYA'O, ,MDO'I SDE LA SOGS PA DE DAG NYID JI SNYED BZUNG BA DANG, BSAMS PA SO SOR GCIG TU BZLUMS TE YID LA BYED PA NI 'DRES PA CHEN POR GYUR PA'I CHOS LA DMIGS PA YIN PAR RIG PAR BYA'O, ,DE BZHIN GSHEGS PA RNAMS KYI CHOS BSTAN PA TSAD MED PA RNAMS DANG, CHOS KYI TSIG DANG, YI GE TSAD MED PA RNAMS DANG, GONG NAS GONG DU SHES RAB DANG, SPOBS PA TSAD MED PA RNAMS GCIG TU BZLUMS TE YID LA BYED PA'I NI 'DRES PA TSAD MED PA'I CHOS LA DMIGS PA YIN @45A *, ,PAR RIG PAR BYA'O, ,BCOM LDAN 'DAS, BYANG CHUB SEMS DPA' JI TZAM GYIS NA 'DRES PA'I CHOS LA DMIGS PA'I ZHI GNAS DANG, LHAG MTHONG THOB PAR 'GYUR LAGS, BYAMS PA, DE NI RGYU LNGAS THOB PAR 'GYUR BAR RIG PAR BYA STE, 'DI LTA STE, YID LA BYED PA'I TSE SKAD CIG SKAD CIG LA GNAS NGAN LEN GYI RTEN THAMS CAD 'JIG PAR BYED PA DANG, 'DU BYED SNA TSOGS RNAM PAR SPANGS TE, CHOS KYI KUN DGA' LA DGA' BA 'THOB PA DANG, CHOS SNANG BA PHYOGS BCUR TSAD MED CING RNAM PA YONGS SU MA CHAD PA YANG DAG PAR SHES PA DANG, DGOS PA YONGS SU GRUB PA DANG LDAN PA RNAM PAR DAG PA'I CHA DANG MTHUN PA'I MTSAN MA RNAM PAR MA BRTAGS PA RNAMS DE LA KUN 'BYUNG BA DANG, CHOS KYI SKU 'THOB PA DANG, YONGS SU RDZOGS PA DANG, YONGS SU 'GRUB PAR BYA BA'I PHYIR, RGYU GONG MA BAS CHES GONG MA, BZANG PO BAS CHES BZANG PO YANG DAG PAR YONGS SU 'DZIN PAR BYED PA'O; ;BCOM LDAN 'DAS, 'DRES PA'I CHOS LA DMIGS PA'I ZHI GNAS DANG, LHAG MTHONG DE GANG LA RTOGS SHING GANG LA 'THOB PAR 'TSAL BAR BGYI LAGS, BKA' STZAL PA, BYAMS PA, SA DANG PO RAB TU DGA' BA LA NI RTOGS PA YIN LA, SA GSUM PA 'OD BYED PA LA NI THOB PAR RIG PAR BYA STE, BYAMS PA, DE LTA MOD KYI, BYANG CHUB SEMS DPA' @45B LAS DANG PO PAS KYANG DE LA RJES SU BSLAB CING YID LA BYA BAR MI GTANG BAR BYA'O, ,BCOM LDAN 'DAS, JI LTAR NA ZHI GNAS DANG, LHAG MTHONG RTOG PA DANG BCAS SHING DPYOD PA DANG BCAS PA'I TING NGE 'DZIN DU 'GYUR BA LAGS, JI LTAR RTOG PA MA MCHIS SHING DPYOD PA TZAM DU 'GYUR BA LAGS, JI LTAR NA RTOG PA MA MCHIS PA DANG DPYOD PA MA MCHIS PAR 'GYUR BA LAGS, BYAMS PA, JI LTAR BZUNG ZHING BRTAGS PA DANG, DPYAD PA'I CHOS RNAMS LA DE DAG GI MTSAN MA GSAL ZHING RAGS PA MYONG BA'I RJES SU DPYOD PA'I ZHI GNAS DANG, LHAG MTHONG GANG YIN PA DE NI, RTOG PA DANG BCAS SHING DPYOD PA DANG BCAS PA'I TING NGE 'DZIN YIN NO, ,DE DAG NYID KYI MTSAN MA GSAL ZHING RAGS PA MYONG BA'I RJES SU DPYOD PA MA YIN MOD KYI, 'ON KYANG DE SNANG BA 'OL BYI DRAN PA TZAM PHRA MO MYONG BA'I RJES SU DPYOD PA'I ZHI GNAS DANG, LHAG MTHONG GANG YIN PA DE NI RTOG PA MED CING DPYOD PA TZAM GYI TING NGE 'DZIN YIN NO, ,DE DAG GI MTSAN MA LA THAMS CAD KYI THAMS CAD DU LHUN GYIS GRUB PAR CHOS MYONG BA YID LA BYED PAS RNAM PAR DPYOD PA'I ZHI GNAS DANG, LHAG MTHONG GANG YIN PA DE NI RTOG PA MED PA DANG DPYOD PA MED PA'I TING NGE 'DZIN YIN NO, ,BYAMS PA, YANG YONGS SU TSOL BA LAS BYUNG BA'I ZHI GNAS DANG, LHAG MTHONG GANG YIN PA DE NI RTOG PA DANG BCAS SHING DPYOD PA DANG @46A *, ,BCAS PA'I TING NGE 'DZIN YIN NO, ,SO SOR RTOG PA LAS BYUNG BA GANG YIN PA DE NI RTOG PA MED CING DPYOD PA TZAM GYI TING NGE 'DZIN YIN NO, ,'DRES BA'I CHOS LA DMIGS PA GANG YIN PA DE NI RTOG PA MED PA DANG, DPYOD PA MED PA'I TING NGE 'DZIN YIN NO, ,BCOM LDAN 'DAS, ZHI GNAS KYI RGYU MTSAN NI GANG LAGS, RAB TU 'DZIN PA'I RGYU MTSAN NI GANG LAGS, BTANG SNYOMS KYI RGYU MTSAN NI GANG LAGS, BYAMS PA, SEMS RGOD PA'AM, RGOD DU DOGS PA NA, KUN TU SKYO BAR 'GYUR BA DANG MTHUN PA'I CHOS RNAMS DANG, BAR CHAD MED PA'I SEMS DE YID LA BYED PA GANG YIN PA DE NI ZHI GNAS KYI RGYU MTSAN ZHES BYA'O, ,BYAMS PA, SEMS BYING DAM, BYING DU DOGS PA NA, MNGON PAR DGA' BAR 'GYUR BA DANG MTHUN PA'I CHOS RNAMS DANG, SEMS KYI MTSAN MA DE YID LA BYED PA GANG YIN PA DE NI RAB TU 'DZIN PA'I RGYU MTSAN ZHES BYA'O, ,BYAMS PA, ZHI GNAS LA GCIG TU NGES PA'AM, LHAG MTHONG LA GCIG TU NGES PA'AM, ZUNG DU 'BREL BA'I LAM YANG RUNG STE, DE GNYIS KA'I NYE BA'I NYON MONGS PAS NYE BAR NYON MONGS PA MED PA LA SEMS RANG GI NGANG GIS 'JUG PA NA YID LA BYED PA LHUN GYIS GRUB PA GANG YIN PA DE NI BTANG SNYOMS KYI RGYU MTSAN ZHES BYA'O, ,BCOM LDAN 'DAS, BYANG CHUB SEMS DPA' ZHI GNAS DANG LHAG MTHONG BSGOM PA, @46B CHOS SO SOR YANG DAG PAR RIG PA DANG, DON SO SOR YANG DAG PAR RIG PA LAGS NA, JI LTAR CHOS SO SOR YANG DAG PAR RIG PA LAGS, JI LTAR DON SO SOR YANG DAG PAR RIG PA LAGS BYAMS PA, RNAM PA LNGAS SO SOR YANG DAG PAR RIG PA YIN TE, MING DANG, TSIG DANG, YI GE DANG, SO SO BA DANG, BSDUS PAS SO, ,MING GANG ZHE NA, KUN NAS NYON MONGS PA DANG, RNAM PAR BYANG BA'I CHOS RNAMS LA NGO BO NYID DANG, BYE BRAG GI MING DU BYA BAR BTAGS PA GANG YIN PA'O, ,TSIG GANG ZHE NA, KUN NAS NYON MONGS PA DANG, RNAM PAR BYANG BA PA'I DON RJES SU THA SNYAD GDAGS PA'I PHYIR GNAS DANG RTEN MING DE DAG NYID KYI TSOGS LA BRTEN PA GANG YIN PA'O, ,YI GE GANG ZHE NA, DE GNYIS KA'I GNAS KYI YIG 'BRU GANG YIN PA'O, ,DE DAG SO SO LAS SO SO YANG DAG PAR RIG PA GANG ZHE NA, MA 'DRES PA LA DMIGS PA'I YID LA BYED PAS SO SO YANG DAG PAR RIG PA GANG YIN PA'O, ,BSDUS PA LAS SO SO YANG DAG PAR RIG PA GANG ZHE NA, 'DRES PA LA DMIGS PA'I YID LA BYED PAS SO SO YANG DAG PAR RIG PA GANG YIN PA'O, ,DE DAG THAMS CAD GCIG TU BSDU NA CHOS SO SO YANG DAG PAR RIG PA ZHES BYA STE, DE LTAR NA CHOS SO SO YANG DAG PAR RIG PA YIN NO, ,BYANG CHUB SEMS DPA'I RNAM PA BCUS DON SO SO YANG DAG PAR RIG PA YIN TE, JI SNYED YOD PA NYID DANG, JI LTA BA BZHIN DU @47A *, ,YOD PA NYID DANG, 'DZIN PA'I DON DANG, GZUNG BA'I DON DANG, GNAS PA'I DON DANG, LONGS SPYOD KYI DON DANG, PHYIN CI LOG GI DON DANG, PHYIN CI MA LOG PA'I DON DANG, KUN NAS NYON MONGS PA'I DON DANG, RNAM PAR BYANG BA'I DON GYIS SO, ,BYAMS PA, DE LA KUN NAS NYON MONGS PA DANG, RNAM PAR BYANG BA'I CHOS RNAMS LA RNAM PA RAB TU DBYE BA THAMS CAD KYI MTHAR THUG PA GANG YIN PA DE NI JI SNYED YOD PA NYID YIN TE, 'DI LTA STE, PHUNG PO RNAMS KYI NI GRANGS LNGAS SO, ,NANG GI SKYE MCHED RNAMS KYI NI GRANGS DRUG GIS SO, ,PHYI ROL GYI SKYE MCHED RNAMS KYI'ANG GRANGS DRUG KHO NAS SO ZHES BYA BA LA SOGS PA'O, ,BYAMS PA, DE LA KUN NAS NYON MONGS PA DANG, RNAM PAR BYANG BA PA'I CHOS DE DAG NYID KYI DE BZHIN NYID GANG YIN PA DE NI JI LTA BA BZHIN DU YOD PA NYID YIN TE, DE'ANG RNAM PA BDUN TE, 'BYUNG BA'I DE BZHIN NYID NI 'DU BYED RNAMS KYI THOG MA DANG THA MA MED PA NYID GANG YIN PA'O, ,MTSAN NYID KYI DE BZHIN NYID NI CHOS THAMS CAD KYI GANG ZAG BDAG MED PA DANG, CHOS BDAG MED PA GANG YIN PA'O, ,RNAM BAR RIG PA'I DE BZHIN NYID NI 'DU BYED RNAMS RNAM PAR RIG PA NYID GANG YIN PA'O, ,GNAS PA'I DE BZHIN NYID NI NGAS SDUG BSNGAL GYI BDEN PA BSTAN PA GANG YIN PA'O, ,LOG PAR SGRUB PA'I @47B DE ? BZHIN NYID NI NGAS KUN 'BYUNG BA'I BDEN PA BSTAN PA GANG YIN PA'O, ,RNAM PAR DAG PA'I DE BZHIN NYID NI NGAS 'GOG PA'I BDEN PA BSTAN PA GANG YIN PA'O, ,YANG DAG PAR SGRUB PA'I DE BZHIN NYID NI NGAS LAM GYI BDEN PA BSTAN PA GANG YIN PA'O, ,BYAMS PA, DE LA 'BYUNG BA'I DE BZHIN NYID GANG YIN PA DE DANG, GNAS PA'I DE BZHIN NYID GANG YIN PA DE DANG, LOG PAR SGRUB PA'I DE BZHIN NYID GANG YIN PA DES NI SEMS CAN THAMS CAD MTSUNGS SHING MNYAM MO, ,BYAMS PA, DE LA MTSAN NYID KYI DE BZHIN NYID GANG YIN PA DE DANG, RNAM PAR RIG PA'I DE BZHIN NYID GANG YIN PA DES NI CHOS THAMS CAD DANG MTSUNGS SHING MNYAM MO, ,BYAMS PA, RNAM PAR DAG PA'I DE BZHIN NYID GANG YIN PA DES NI NYAN THOS KYI BYANG CHUB GANG YIN PA DANG, RANG SANGS RGYAS KYI BYANG CHUB GANG YIN PA DANG, BLA NA MED PA YANG DAG PAR RDZOGS PA'I BYANG CHUB GANG YIN PA'I BYANG CHUB THAMS CAD MTSUNGS SHING MNYAM MO, , BYAMS PA, DE LA YANG DAG PAR SGRUB PA'I DE BZHIN NYID DES NI THOS PA THAMS CAD 'DRES PA'I CHOS LA DMIGS PA'I ZHI GNAS DANG, LHAG MTHONG GI BSDUS PA'I SHES RAB MTSUNGS SHING MNYAM MO, ,BYAMS PA, DE LA 'DZIN PA'I DON NI SKYE MCHES GZUNGS CAN LNGA DANG, SEMS DANG, YID DANG, RNAM PAR SHES PA DANG, SEMS LAS BYUNG BA'I CHOS RNAMS @48A *, ,SO, ,BYAMS PA, DE LA GZUNG BA'I DON NI PHYI ROL GYI SKYE MCHED DRUG PO DAG YIN NO, ,BYAMS PA, YANG 'DZIN PA'I DON GANG YIN BA DE NI GZUNG BA'I DON KYANG YIN NO; ;BYAMS PA, DE LA GNAS KYI DON NI 'JIG RTEN GYI KHAMS GANG YIN PA STE, GANG LA GNAS NA SEMS CAN GYI KHAMS SNANG BA'O, ,'DI LTA STE, GRONG TSIGS DANG, GRONG TSIGS BRGYA DANG, DE STONG DANG, DE 'BUM DANG, RGYA MTSO LA THUG PA'I SA DANG, DE BRGYA DANG, DE 'BUM DANG, DZAM-BU'I GLING DANG, DE BRGYA DANG, DE STONG DANG, DE 'BUM DANG, GLING BZHI PA DANG; DE BRGYA DANG, DE STONG DANG, DE 'BUM DANG, STONG GI 'JIG RTEN GYI KHAMS DANG, DE BRGYA DANG, DE STONG DANG, DE 'BUM DANG, STONG GNYIS PA BAR MA'I 'JIG RTEN GYI KHAMS DANG; DE BRGYA DANG, DE STONG DANG, DE 'BUM DANG, STONG GSUM GYI STONG CHEN PO'I 'JIG RTEN GYI KHAMS DE BRGYA DANG, DE STONG DANG, DE 'BUM DANG, DE BYE BA DANG, DE BYE BA PHRAG BRGYA DANG; DE BYE BA PHRAG STONG DANG, DE BYE BA PHRAG 'BUM DANG, DE GRANGS MED PA DANG, DE GRANGS MED PA PHRAG BRGYA DANG, DE GRANGS MED PA PHRAG STONG DANG, DE GRANGS MED PA PHRAG 'BUM DANG, PHYOGS BCU DAG GI 'JIG RTEN GYI KHAMS DPAG TU MED GRANGS MED PA STONG GSUM GYI STONG CHEN PO'I 'JIG RTEN GYI KHAMS GRANGS MED PA PHRAG 'BUM GYI RDUL PHRA RAB @48B KYI RDUL SNYED DAG GO ,BYAMS PA, DE LA LONGS SPYOD KYI DON NI YONGS SU SPYAD PAR BYA BA'I PHYIR NGAS SEMS CAN RNAMS KYI YONGS SU BZUNG BA DANG, YO BYAD BSTAN PA GANG DAG YIN PA RNAMS SO, ,BYAMS PA, DE LA PHYIN CI LOG GI DON NI 'DZIN PA LA SOGS PA'I DON DE DAG NYID LA MI RTAG PA LA RTAG PAR 'DU SHES PA PHYIN CI LOG DANG, SEMS PHYIN CI LOG DANG, LTA BA PHYIN CI LOG DANG, SDUG BSNGAL LA BDE BA DANG, MI GTZANG PA LA GTZANG BA DANG, BDAG MED PA LA BDAG TU 'DU SHES PHYIN CI LOG DANG, SEMS PHYIN CI LOG DANG, LTA BA PHYIN CI LOG GANG YIN PA'O, , BYAMS PA, DE LA PHYIN CI MA LOG PA'I DON NI DE LAS BZLOG PA STE, DE'I GNYEN PO YIN PAR RIG PAR BYA'O, ,BYAMS PA, DE LA KUN NAS NYON MONGS PA'I DON NI RNAM PA GSUM STE, KHAMS GSUM PA'I NYON MONGS PA'I KUN NAS NYON MONGS PA DANG, LAS KYI KUN NAS NYON MONGS PA DANG, SKYE BA'I KUN NAS NYON MONGS PA'O, ,BYAMS PA, DE LA RNAM PAR BYANG BA'I DON NI KUN NAS NYON MONGS PA RNAM PA GSUM PO DE DAG NYID DANG BRAL BAR BYA BA'I PHYIR BYANG CHUB KYI PHYOGS DANG MTHUN PA'I CHOS GANG DAG YIN PA RNAMS TE, BYAMS PA, RNAM PA BCU PO DE DAG GIS DON THAMS CAD BSDUS PAR RIG PAR BYA'O, ,BYAMS PA, YANG BYANG CHUB SEMS DPAS RNAM PA LNGAS DON SO SO YANG DAG PAR RIG PA YIN TE, DON RNAM PA LNGA GANG ZHE @49A *, ,NA, YONGS SU SHES PAR BYA BA'I DNGOS PO DANG, YONGS SU SHES PAR BYA BA'I DON DANG, YONGS SU SHES PA DANG, YONGS SU SHES PA'I 'BRAS BU THOB PA DANG, DE RAB TU RIG PAR BYED PA'O, ,BYAMS PA, DE LA YONGS SU SHES PAR BYA BA'I DNGOS PO NI SHES BYA THAMS CAD YIN PAR BLTA BAR BYA STE, 'DI LTA STE, PHUNG PO RNAMS ZHES BYA BA'AM, NANG GI SKYE MCHED RNAMS ZHES BYA BA'AM, PHYI ROL GYI SKYE MCHED RNAMS ZHES BYA BA'AM, DE LTA BU LA SOGS PA DAG GO ,BYAMS PA, DE LA YONGS SU SHES PAR BYA BA'I DON NI RNAM PA JI SNYED KYIS SHES BYA DE JI LTA BA BZHIN SHES PAR BYA BSTE, ? 'DI LTA STE, KUN RJOB DANG, DON DAM PA DANG, SKYON DANG, YON TAN DANG, RKYEN DANG, DUS DANG, SKYE BA DANG, GNAS PA DANG; 'JIG PA'I MTSAN NYID DANG, NAD LA SOGS PA DANG, SDUG BSNGAL DANG, KUN 'BYUNG BA LA SOGS PA DANG, DE BZHIN NYID DANG, YANG DAG PA'I MTHA' DANG, CHOS KYI DBYINGS DANG, BSDU BA DANG, DBYE BA DANG, MGO GCIG TU LAN GDAB PA DANG, RNAM PAR DBYE BA DANG, DRIS TE LAN GDAB PA DANG, GZHAG PA DANG, GSANG BA DANG, BSGRAGS PA DANG, DE LTA BU DANG MTHUN PA NI YONGS SU SHES PAR BYA BA'I DON YIN PAR RIG PAR BYA'O, ,BYAMS PA, DE LA YONGS SU SHES PA NI DE GNYIS KA 'DZIN PAR BYED PA, BYANG CHUB KYI @49B PHYOGS DANG MTHUN PA'I CHOS GANG YIN PA DAG STE, 'DI LTA STE, DRAN PA NYE BAR BZHAG PA RNAMS DANG, YANG DAG PAR SPONG BA RNAMS DANG, DE LA SOGS PA'O, ,BYAMS PA, DE LA YONGS SU SHES PA'I 'BRAS BU 'THOB PA NI 'DI LTA STE, 'DOD CHAGS DANG, ZHE SDANG DANG, GTI MUG 'DUL BA DANG, 'DOD CHAGS DANG, ZHE SDANG DANG, GTI MUG MA LUS PAR SPONG BA DANG, DGE SBYONG NYID KYI 'BRAS BU RNAMS DANG, NGAS NYAN THOS DANG, DE BZHIN GSHEGS PA'I YON TAN 'JIG RTEN PA DANG, 'JIG RTEN PA LAS 'DAS PA THUN MONG DANG THUN MONG MA YIN PA GANG DAG BSTAN PA DE DAG MNGON DU BYA BA GANG YIN PA'O, ,BYAMS PA, DE LA RAB TU RIG PAR BYED PA NI MNGON SUM DU BYAS PA'I CHOS DE DAG NYID LAS RNAM PAR GROL BAR SHES PA DANG, GZHAN DAG LA'ANG RGYA CHER STON PA DANG, YANG DAG PAR STON PA GANG YIN PA STE, BYAMS PA, DON LNGA PO DE DAG GIS KYANG DON THAMS CAD BSDUS PAR RIG PAR BYA'O, ,BYAMS PA, YANG BYANG CHUB SEMS DPAS RNAM PA BZHIS DON SO SO YANG DAG PAR RIG PA YIN TE, DON RNAM PA BZHI GANG ZHE NA, SEMS KYI LEN PA'I DON DANG, MYONG BA'I DON DANG, RNAM PAR RIG PA'I DON DANG, KUN NAS NYON MONGS PA DANG, RNAM PAR BYANG BA'I DON GYIS TE, BYAMS PA, DON RNAM PA BZHI PO DE DAG GIS KYANG DON THAMS CAD BSDU BAR RIG PAR BYA'O, ,BYAMS PA, @50A *, ,YANG BYANG CHUB SEMS DPA'I RNAM PA GSUM GYIS DON SO SO YANG DAG PAR RIG PA YIN TE, DON RNAM PA GSUM GANG ZHE NA, TSIG 'BRU'I DON DANG, DON GYI DON DANG, KHAMS KYI DON GYIS SO, ,BYAMS PA, DE LA TSIG 'BRU'I DON MI MING GI TSOGS LA SOGS PA YIN PAR BLTA BAR BYA'O, ,BYAMS PA, DE LA DON GYI DON NI RNAM PA BCU RA RIG PAR BYA STE, DE KHO NA'I MTSAN NYID DANG, YONGS SU SHES PA'I MTSAN NYID DANG, SPANG BA'I MTSAN NYID DANG, MNGON DU BYA BA'I MTSAN NYID DANG, BSGOM PA'I MTSAN NYID DANG, DE KHO NA'I MTSAN NYID LA SOGS PA DE DAG NYID KYI RNAM PA RAB TU DBYE BA'I MTSAN NYID DANG, GNAS DANG GNAS PAR 'BREL BA'I MTSAN NYID DANG, YONGS SU SHES PA LA SOGS PA'I BAR DU GCOD PA'I CHOS KYI MTSAN NYID DANG, RJES SU MTHUN PA'I CHOS KYI MTSAN NYID DANG, YONGS SU MI SHES PA LA SOGS PA DANG, YONGS SU SHES PA LA SOGS PA'I NYES DMIGS DANG, PHAN YON GYI MTSAN NYID DO, ,BYAMS PA, DE LA KHAMS KYI DON NI KHAMS LNGA STE, 'JIG RTEN GYI KHAMS DANG, SEMS CAN GYI KHAMS DANG, CHOS KYI KHAMS DANG, 'DUL BA'I KHAMS DANG, 'DUL BA'I THABS KYI KHAMS TE, BYAMS PA, DON RNAM PA GSUM PO DE DAG GIS KYANG DON THAMS CAD BSDUS PAR RIG PAR BYA'O, ,BCOM LDAN @50B 'DAS, THOS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DANG, BSAMS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DANG, BCOM LDAN 'DAS, ZHI GNAS DANG, LHAG MTHONG BSGOMS PA LAS BYUNG BA'I SHES RAB KYIS DON SO SO YANG DAG PAR RIG PA GANG LAGS PA DE DAG LA THA DAD DU BGYI BA CI MCHIS LAGS, BKA' STZAL PA, BYAMS PA, BYANG CHUB SEMS DPAS THOS PA LAS BYUNG BA'I SHES RAB KYIS NI TSIG 'BRU LA GNAS PA, SGRA JI BZHIN PA, DGONGS PA MED PA, MNGON DU MA GYUR PA, RNAM PAR THAR PA'I RJES SU MTHUN PA, RNAM PAR THAR PAR BYED PA MA YIN PA'I DON SO SO YANG DAG PAR RIG PAR BYED DO, ,BYAMS PA, BSAMS PA LAS BYUNG BA'I SHES RAB KYIS NI TSIG 'BRU LA GNAS PA KHO NA YIN LA, SGRA JI BZHIN MA YIN PA, DGONGS PA CAN, MNGON DU GYUR PA, RNAM PAR THAR PA'I RJES SU CHES MTHUN PA, RNAM PAR THAR PAR BYED PA MA YIN PA'I DON SO SO YANG DAG PAR RIG PA BYED DO, ,BYAMS PA, BYANG CHUB SEMS DPAS BSGOMS PA LAS BYUNG BA'I SHES RAB KYIS NI TSIG 'BRU LA GNAS PA DANG, CHIG 'BRUL GNAS PA MA YIN PA DANG, SGRA JI BZHIN PA DANG, DGONGS PA CAN DANG, SHES BYA'I DNGOS PO DANG CHA MTHUN PA'I TING NGE 'DZIN GYI SPYOD YUL GYI GZUGS BRNYAN @51A *, ,GYIS MNGON DU GYUR PA, RNAM PAR THAR PA'I RJES SU CHOS SHIN TU MTHUN PA, RNAM PAR THAR PAR BYED PA'I DON KYANG SO SOR YANG DAG PAR RIG PAR BYED DO, BYAMS PA, DE DAG GI THA DAD DU BYA BA NI DE YIN NO ZHES BCOM LDAN 'DAS KYIS BKA' STZAL TO, ,BCOM LDAN 'DAS, BYANG CHUB SEMS DPA' ZHI GNAS DANG, LHAG MTHONG SGOM PA CHOS SO SOR YANG DAG PAR RIG PA DANG, DON SO SO YANG DAG PAR RIG PA'I SHES PA NI GANG LAGS, MTHONG BA NI GANG LAGS, BYAMS PA, NGA NI SHES PA DANG, MTHONG BA RNAM GRANGS DU MAS STON PAR BYED MOD KYI, 'ON KYANG MDOR BSDUS TE BSHAD PAR BYA'O, ,'DRES PA'I CHOS LA DMIGS PA'I ZHI GNAS DANG, LHAG MTHONG GI SHES RAB GANG YIN PA DE NI SHES PA YIN NO, ,MA 'DRES PA'I CHOS LA DMIGS PA'I ZHI GNAS DANG, LHAG MTHONG GI SHES RAB GANG YIN PA DE NI MTHONG BA YIN NO, ,BCOM LDAN 'DAS, BYANG CHUB SEMS DPA' ZHI GNAS DANG, LHAG MTHONG SGOM PAS YID LA BGYID PA GANG GIS MTSAN MA GANG JI LTAR RNAM PAR SEL BAR BGYID LAGS, BYAMS PA, DE BZHIN NYID YID LA BYED PAS CHOS KYI MTSAN MA DANG, DON GYI MTSAN MA RNAM PAR SEL BAR BYED LA, MING LA MING GI NGO BO NYID MI DMIGS SHING DE'I GNAS MTSAN MA YANG DAG PAR RJES SU MI MTHONG BAS RNAM PAR SEL LO, MING @51B LA JI LTA BA BZHIN DU TSIG DANG, YI GE DANG, DON THAMS CAD LA'ANG DE BZHIN DU RIG PAR BYA'O, ,BYAMS PA, KHAMS KYI BAR LA KHAMS KYI NGO BO NYID MI DMIGS SHING, DE'I GNAS KYI MTSAN MA'ANG YANG DAG PAR RJES SU MI MTHONG BAS RNAM PAR SEL LO, ,BCOM LDAN 'DAS, CI LAGS, DE BZHIN NYID KYI DON SO SO YANG DAG PAR RIG PA'I MTSAN MA GANG LAGS PA DE'ANG RNAM PAR SEL BAR BGYID LAGS SAM, BYAMS PA, DE BZHIN NYID KYI DON SO SO YANG DAG PAR RIG PA LA NI MTSAN MA MED DE MI DMIGS NA, DE LA CI ZHIG RNAM PAR SEL BAR 'GYUR TE, BYAMS PA, DE BZHIN NYID KYI DON SO SO YANG DAG PAR RIG PAS NI CHOS DANG DON GYI MTSAN MA THAMS CAD ZIL GYIS GNON GYI, DE NI GANG GIS KYANG ZIL GYIS MNAN PAR BYA BA YIN PAR NGA MI SMRA'O, ,BCOM LDAN 'DAS, BCOM LDAN 'DAS KYIS CHAB RNYOG PA CAN MCHIS PA'I SNOD KYI DPE DANG, ME LONG YONGS SU MA DAG PA'I DPE DANG, MTSE'U 'KHRUGS PA'I DPES JI LTAR RANG BZHIN GYI MTSAN MA BRTAG PAR MI NUS PA DE LAS BZLOG PA NI NUS PA DE BZHIN DU MA BSGOMS PA'I SEMS KYIS YANG DAG PA JI LTA BA BZHIN SHES PAR MI NUS KYI, BSGOMS PAS NI NUS SO ZHES BKA' STZAL PA GANG LAGS PA DE LA SEMS KYIS SO SOR BRTAG PA NI GANG LAGS, DE BZHIN NYID NI GANG LAS DGONGS TE BKA' STZAL PA NI GANG LAGS, BKA' STZAL PA, BYAMS PA, SEMS KYIS SO SOR BRTAG PA RNAM PA GSUM GYI PHYIR PE @52A *, ,THOS PA LAS BYUNG BA'I SEMS KYIS SO SOR BRTAG PA DANG, BSAMS PA LAS BYUNG BA'I SEMS KYIS SO SOR BRTAG PA DANG, BSGOM PA LAS BYUNG BA'I SEMS KYIS SO SOR BRTAG PA'O, ,RNAM PAR RIG PA'I DE BZHIN NYID LAS DGONGS TE YONGS SU BSTAN PA YIN NO, ,BCOM LDAN 'DAS, BYANG CHUB SEMS DPA' DE LTAR CHOS DANG DON SO SO YANG DAG PAR RIG PA DANG, MTSAN MA RNAM PAR SEL BA LA ZHUGS PA'I MTSAN MA DU ZHIG NI RNAM PAR BSAL DKA' BA DAG LAGS LA, GANG GIS NI DE DAG RNAM PAR SEL LAGS, BYAMS PA BCU STE, DE DAG NI STONG PA NYID KYIS RNAM PAR SEL LO, ,BCU GANG ZHE NA, CHOS KYI DON SO SO YANG DAG PAR RIG PAR BYED PA'I TSIG DANG, YI GE'I MTSAN MA SNA TSOGS GANG YIN PA DE NI CHOS THAMS CAD STONG PA NYID KYIS RNAM PAR SEL LO, ,GNAS PA'I DE BZHIN NYID KYIS DON SO SO YANG DAG PAR RIG PAR BYED PA'I SKYE BA DANG, 'JIG PA DANG, GNAS PA DANG, GZHAN DU 'GYUR BA NYID KYI RGYUN GYI RJES SU 'JUG PA'I MTSAN MA GANG YIN PA DE NI MTSAN NYID STONG PA NYID DANG, THOG MA DANG THA MA MED PA STONG PA NYID KYIS RNAM PAR SEL LO, ,'DZIN PA'I DON SO SO YANG DAG PAR RIG PAR BYED PA'I 'JIG TSOGS LA LTA BA'I MTSAN MA DANG, NGA'O SNYAM PA'I MTSAN MA GANG YIN PA DE NI NANG STONG PA NYID DANG, MI DMIGS PA STONG PA @52B NYID KYIS RNAM PAR SEL LO, ,GZUNG BA'I DON SO SO YANG DAG PAR RIG PAR BYED PA'I LONGS SPYOD LA LTA BA'I MTSAN MA GANG YIN PA DE NI ? PHYI STONG PA NYID KYIS RNAM PAR SAL LO, ,YONGS SU LONGS SPYOD PA'I DON DU SKYES PA DANG, BUD MED KYI BSNYEN BKUR DANG, YO BYAD DANG LDAN PA SO SO YANG DAG PAR RIG PAR BYED PA'I NANG GI BDE BA'I MTSAN MA DANG, PHYI ROL GYI SDUG PA'I MTSAN MA GANG YIN PA DE NI PHYI STONG PA NYID DANG, RANG BZHIN STONG PA NYID KYIS RNAM PAR SEL LO, ,GNAS KYI DON SO SO YANG DAG PAR RIG PAR BYED PA'I TSAD MED PA'I MTSAN MA GANG YIN PA DE NI CHEN PO STONG PA NYID KYIS RNAM PAR SEL LO, ,GZUGS MED PA LA BRTEN TE, NANG GI ZHI BA'I RNAM PAR THAR PA'I MTSAN MA GANG YIN PA DE NI 'DUS BYAS STONG PA NYID KYIS RNAM PAR SEL LO, ,MTSAN NYID KYI DE BZHIN NYID KYI DON SO SO YANG DAG PAR RIG PAR BYED PA'I GANG ZAG BDAG MED PA'I MTSAN MA DANG, CHOS BDAG MED PA'I MTSAN MA DANG, RNAM PAR RIG PA TZAM GYI MTSAN MA DANG, DON DAM PA'I MTSAN MA GANG YIN PA DE NI MTHA' LAS 'DAS PA STONG PA NYID DANG, DNGOS PO MED PA STONG PA NYID DANG, DNGOS PO MED PA'I NGO BO NYID STONG PA NYID DANG, DON DAM PA STONG PA NYID KYIS RNAM PAR SEL LO, ,RNAM PAR DAG PA'I DE BZHIN NYID KYI DON SO SO YANG DAG PAR RIG PAR BYED PA'I 'DUS MA BYAS KYI MTSAN MA DANG, 'GYUR @53A *, ,BA MED PA'I MTSAN MA GANG YIN PA DE NI 'DUS MA BYAS STONG PA NYID DANG, DOR BA MED PA STONG PA NYID KYIS RNAM PAR SEL LO, ,MTSAN MA DE'I GNYEN PO STONG PA NYID DE NYID YID LA BYED PA'I STONG PA NYID KYI MTSAN MA GANG YIN PA DE NI STONG PA NYID STONG PA NYID KYIS RNAM PAR SEL LO, ,BCOM LDAN 'DAS, MTSAN MA RNAM BCU RNAM PAR SEL BAR BGYID NA, MTSAN MA GANG RNAM PAR SEL BAR BGYID CING 'CHING BA'I MTSAN MA GANG LAS YONGS SU GROL BAR 'GYUR LAGS, BYAMS PA, TING NGE 'DZIN GYI SPYOD YUL GZUGS BRNYAN GYI MTSAN MA RNAM PAR SEL BAR BYED CING KUN NAS NYON MONGS PA'I MTSAN MA'I MTSAN MA LAS YONGS SU GROL BAR 'GYUR BA DE'ANG RNAM PAR SEL LO, ,BYAMS PA, STONG PA NYID DE DAG NI DNGOS SU NA MTSAN MA DE DAG GI GNYEN POR GYUR PA YIN PAR RIG PAR BYA'O, ,RE RE'ANG MTSAN MA THAMS CAD KYI GNYEN POR MI 'GYUR BA NI MA YIN NO, ,BYAMS PA, 'DI LTA STE; DPER NA, MA RIG PA NAS RGA SHI'I BAR GYI KUN NAS NYON MONGS PA GRUB PAR MI BYED PA YIN MOD KYI, ,NYE BA DANG SHIN TU NYE BA'I RKYEN NYID YIN PA'I PHYIR, DNGOS SU NA 'DU BYED 'GRUB PAR BYED PA YIN PAR BSTAN PA BZHIN DU 'DI LA'ANG TSUL DE BZHIN DU BLTA BAR BYA'O, ,BCOM LDAN 'DAS, THEG PA CHEN PO LA BYANG CHUB SEMS DPA' RNAMS KYIS GANG RTOG @53B NA STONG PA NYID KYI MTSAN NYID LA MNGON PA'I NGA RGYAL MA MCHIS PAS RAB TU NYAMS PAR MI 'GYUR BA'I STONG PA NYID KYI MTSAN NYID BSDUS PA GANG LAGS, DE NAS BCOM LDAN 'DAS KYIS BYANG CHUB SEMS DPA' BYAMS PA LA LEGS SO ZHES BYA BA BYIN TE, BYAMS PA KHYOD DE LTAR BYANG CHUB SEMS DPA' RNAMS STONG PA NYID LAS RAB TU NYAMS PAR MI 'GYUR BAR BYA BA'I PHYIR, DE BZHIN GSHEGS PA LA KHYOD DON 'DI NYID 'DRI BA LEGS SO, ,LEGS SO, ,DE CI'I PHYIR ZHE NA, BYAMS PA, BYANG CHUB SEMS DPA' STONG PA NYID LAS RAB TU NYAMS PA NI THEG PA CHEN PO MTHA' DAG LAS KYANG RAB TU NYAMS PAR 'GYUR PA'I PHYIR RO, ,BYAMS PA, DE'I PHYIR NYON CIG DANG, STONG PA NYID KYI MTSAN NYID BSDUS PA KHYOD LA BSHAD PAR BYA'O, ,BYAMS PA, GZHAN GYI DBANG GI MTSAN NYID DANG, YONGS SU GRUB PA'I MTSAN NYID RNAM PA THAMS CAD DU KUN NAS NYON MONGS PA DANG, RNAM PAR BYANG BA'I KUN BRTAGS PA'I MTSAN NYID DANG, SHIN TU RNAM PAR BRAL BA'I MTSAN NYID DANG, DE LA DE DMIGS PA GANG YIN PA DE NI THEG PA CHEN PO LA STONG PA NYID KYI MTSAN NYID BSTAN PA ZHES BYA'O, ,BCOM LDAN 'DAS, ZHI GNAS DANG, LHAG MTHONG DAG GIS TING NGE 'DZIN DU ZHIG BSDUS LAGS, BKA' STZAL PA, BYAMS PA, NGAS NYAN THOS RNAMS DANG, BYANG CHUB SEMS DPA' RNAMS DANG, DE BZHIN GSHEGS PA RNAMS KYI TING NGE 'DZIN @54A *, ,RNAM PA DU MA BSTAN PA GANG YIN PA DE DAG THAMS CAD BSDUS PAR RIG PAR BYA'O, ,BCOM LDAN 'DAS, ZHI GNAS DANG, LHAG MTHONG RGYU GANG LAS BYUNG BA LAGS, BYAMS PA, TSUL KHRIMS RNAM PAR DAG PA'I RGYU LAS BYUNG BA DANG, THOS PA DANG BSAMS PA LAS BYUNG BA'I LTA BA RNAM PAR DAG PA'I RGYU LAS BYUNG BA YIN NO, ,BCOM LDAN 'DAS, DE DAG GI 'BRAS BU GANG LAGS PAR BRJOD PAR BGYI, BYAMS PA, SEMS RNAM PAR DAG PA NI 'BRAS BU YIN, SHES RAB RNAM PAR DAG PA NI 'BRAS BU YIN NO, ,BYAMS PA, YANG NYAN THOS RNAMS KYI'AM, BYANG CHUB SEMS DPA' RNAMS KYI'AM, DE BZHIN GSHEGS PA RNAMS KYI DGE BA'I CHOS 'JIG RTEN PA DANG, 'JIG RTEN LAS 'DAS PA THAMS CAD KYANG ZHI GNAS DANG; LHAG MTHONG GI 'BRAS BU YIN PAR RIG PAR BYA'O, ,BCOM LDAN 'DAS, ZHI GNAS DANG, LHAG MTHONG GI LAS CI LAGS, BYAMS PA, 'CHING BA RNAM PA GNYIS PO MTSAN MA'I 'CHING BA DANG, GNAS NGAN LEN GYI 'CHING BA LAS RNAM PAR THAR PAR BYED PA YIN NO, ,BCOM LDAN 'DAS, BCOM LDAN 'DAS KYIS GEGS RNAM PA LNGA GSUNGS PA GANG DAG LAGS PA DE DAG LAS DU NI ZHI GNAS KYI GEGS DAG LAGS, DU NI LHAG MTHONG GI GEGS DAG LAGS, DU NI GNYIS KA'I GEGS DAG LAGS, BYAMS PA, LUS DANG LONGS @54B SPYOD LA LTA BA NI ZHI GNAS KYI GEGS YIN NO, ,'PHAGS PA'I GTAM 'DOD PA BZHIN MA THOB PA NI LHAG MTHONG GI GEGS YIN NO, ,'DRES PAR GNAS PA DANG, CUNG ZAD TZAM GYIS CHOG PAR 'DZIN PA NI DE GNYIS KA'I GEGS YIN TE, DE LA'ANG GCIG GIS KYANG SBYOR BAR MI BYED DO, ,GCIG SHOS KYIS NI SBYOR BA MTHAR THUG PAR MI 'GYUR RO, ,BCOM LDAN 'DAS, SGRIB PA LNGA PO GANG DAG LAGS PA DE DAG LAS DU NI ZHI GNAS KYI SGRIB PA DAG LAGS, DU NI LHAG MTHONG GI SGRIB PA DAG LAGS, DU NI GNYIS KA'I SGRIB PA DAG LAGS, BYAMS PA, RGOD PA DANG, 'GYOD PA NI ZHI GNAS KYI SGRIB PA YIN NO, ,RMUGS PA DANG, GNYID DANG, THE TSOM NI LHAG MTHONG GI SGRIB PA YIN NO, ,'DOD PA LA 'DUN PA DANG, GNOD SEMS NI GNYIS KA'I SGRIB PA YIN NO, ,BCOM LDAN 'DAS, JI TZAM GYIS NA ZHI GNAS KYI LAM YONGS SU DAG PA LAGS, BYAMS PA, GANG GI TSE RMUGS PA DANG, GNYID LEGS PAR RAB TU CHOMS PAR GYUR PA'O; ;BCOM LDAN 'DAS, JI TZAM GYIS NA LHAG MTHONG GI LAM YONGS SU DAG PA LAGS, BYAMS PA, GANG GI TSE RGOD PA DANG, 'GYOD PA LEGS PAR RAB TU CHOMS PAR GYUR PA'O, , BCOM LDAN 'DAS, BYANG CHUB SEMS DPA' ZHI GNAS DANG, LHAG MTHONG LA ZHUGS PAS RNAM PA DU DAG GIS SEMS RNAM PAR G-YENG BAR 'TSAL BAR BGYI LAGS, BKA' STZAL PA, @55A *, ,BYAMS PA, RNAM PA LNGAS TE, YID LA BYED PA'I RNAM PAR G-YENG BA DANG, PHYI ROL TU SEMS RNAM PAR G-YENG BA DANG, NANG DU SEMS RNAM PAR G-YENG BA DANG, MTSAN MA'I RNAM PAR G-YENG BA DANG, GNAS NGAN LEN GYI RNAM PAR G-YENG BAS SO, ,BYAMS PA, GAL TE BYANG CHUB SEMS DPA' THEG PA CHEN PO DANG LDAN PA'I YID LA BYED PA BTANG STE, NYAN THOS DANG; RANG SANGS RGYAS DANG LDAN PA'I YID LA BYED PAR RAB TU LHUNG NA DE NI YID LA BYED PA'I RNAM PAR G-YENG BA YIN NO, ,GAL TE PHYI ROL GYI 'DOD PA'I YON TAN LNGA PO DAG DANG, 'DU 'DZI DANG, MTSAN MA DANG, RNAM PAR RTOG PA DANG, NYON MONGS PA DANG, NYE BA'I NYON MONGS PA DANG, PHYI ROL GYI DMIGS PA RNAMS LA SEMS RNAM PAR 'PHRO BAR GTONG NA DE NI PHYI ROL TU SEMS RNAM PAR G-YENG BA YIN NO, ,GAL TE RMUGS PA DANG GNYID KYIS BYING BA'AM, SNYOMS PAR 'JUG PA'I RO MYANG PA'AM, SNYOMS PAR 'JUG PA'I NYE BA'I NYON MONGS PA GANG YANG RUNG BAS NYON MONGS PAR GYUR NA, DE NI NANG DU SEMS RNAM PAR G-YENG BA YIN NO, ,GAL TE PHYI ROL GYI MTSAN MA LA BRTEN NAS NANG GI TING NGE 'DZIN GYI SPYOD YUL GYI MTSAN MA YID LA BYED NA DE NI MTSAN MA'I RNAM PAR G-YENG BA YIN NO, ,GAL TE NANG GI YID LA BYED PA LA BRTEN NAS BYUNG BA'I TSOR BA LA GNAS NGAN LEN GYI LUS KYIS NGA'O SNYAM DU RLOM SEMS SU BYED NA DE NI @55B GNAS NGAN LEN GYI RNAM PAR G-YENG ? BA YIN NO, ,BCOM LDAN 'DAS, ZHI GNAS DANG LHAG MTHONG DAG BYANG CHUB SEMS DPA'I SA DANG PO NAS BZUNG STE, DE BZHIN GSHEGS PA'I SA'I BAR LA GANG GI GNYEN PO LAGS, BYAMS PA, ZHI GNAS DANG, LHAG MTHONG SA DANG PO LA NI NGAN SONG BA'I NYON MONGS PA DANG, LAS DANG SKYE BA'I KUN NAS NYON MONGS PA'I GNYEN PO YIN NO; ;GNYIS PA LA NI LTUNG BA PHRA MO'I 'KHRUL PA KUN TU 'BYUNG BA RNAMS KYI'O, ,GSUM PA LA NI 'DOD PA'I 'DOD CHAGS KYI'O, ,BZHI PA LA NI SNYOMS PAR 'JUG PA LA SRED PA DANG, CHOS LA SRED PA'I 'O, ,LNGA PA LA NI 'KHOR BA DANG, MYA NGAN LAS 'DAS PA DAG LA GCIG TU MI PHYOGS PA NYID DANG, MNGON DU PHYOGS PA NYID KYI'O, ,DRUG PA LA NI MTSAN MA MANG PO KUN TU 'BYUNG BA'I 'O, , BDUN PA LA NI MTSAN MA PHRA MO KUN TU 'BYUNG BA'I 'O, ,BRGYAD PA LA NI MTSAN MA MED PA LA RTZOL BA DANG, MTSAN MA LA DBANG DU MA GYUR PA'I 'O, ,DGU PA LA NI RNAM PA THAMS CAD DU CHOS STON PA LA DBANG DU MA GYUR PA'I 'O, ,BCU PA LA NI CHOS KYI SKU YONGS SU RDZOGS PA SO SO YANG DAG PAR RIG PA MI 'THOB PA'I 'O, ,BYAMS PA, ZHI GNAS DANG, LHAG MTHONG DE BZHIN GSHEGS PA'I SA LA NI NYON MONGS PA DANG SHES BYA'I SGRIB PA SHIN TU PHRA BA MCHOG TU CHES SHIN TU PHRA BA'I GNYEN PO YIN TE, DE LEGS PAR BCOM PAS THAMS CAD LA CHAGS PA MED @56A *, ,PA DANG, THOGS PA MED PA'I SHES PA DANG, MTHONG BA THOB CING DGOS PA YONGS SU GRUB PA'I DMIGS PA LA CHOS KYI SKU SHIN TU RNAM PAR DAG PA LA GNAS PA YIN NO, , BCOM LDAN 'DAS, BYANG CHUB SEMS DPA' ZHI GNAS DANG, LHAG MTHONG LA JI LTAR SGRUB NA BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR 'TSANG RGYA BAR 'GYUR LAGS, BCOM LDAN 'DAS KYIS BKA' STZAL PA, BYAMS PA, 'DI LA BYANG CHUB SEMS DPA' ZHI GNAS DANG, LHAG MTHONG THOB NAS DE BZHIN NYID RNAM PA BDUN LAS BRTZAMS TE; JI LTAR THOS PA DANG BSAMS PA'I CHOS RNAMS MNYAM PAR BZHAG PA'I SEMS KYIS BZUNG BA DANG, LEGS PAR BSAMS PA DANG, LEGS PAR MNYAM PAR BZHAG PA'I DE BZHIN NYID NANG DU YID LA BYED DE, DE LTAR DE BZHIN NYID YID LA BYED PA NA MTSAN MA PHRA MO KUN TU 'BYUNG BA THAMS CAD LA'ANG RE ZHIG