[#THE FOLLOWING TEXT HAS INCOMPLETE SECTIONS, WHICH ARE ON ORDER] @87B ,,RGYA GAR SKAD DU, A'ARYA LANGKA AA BA T'A RA MAH'A Y'A NA S'U TRA, BOD SKAD DU, 'PHAGS PA LANG-KAR @88A *, ,GSHEGS PA'I THEG PA CHEN PO'I MDO, BAM PO DANG PO, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS LANG-KA'I GRONG RDAL NA, RGYA MTSO'I RI MA LA YA'I RTZE MO RIN PO CHE'I RIGS DANG, ME TOG SNA TSOGS KYIS BRGYAN PA LA DGE SLONG GI DGE 'DUN CHEN PO DANG, BYANG CHUB SEMS DPA' SEMS DPA' CHEN PO SANGS RGYAS KYI ZHING SNA TSOGS PA NAS 'DUS PA TING NGE 'DZIN DANG, DBANG DANG, STOBS DANG, MNGON PAR SHES PA DU MAS RNAM PAR ROL PA, BYANG CHUB SEMS DPA' BLO GROS CHEN PO LA SOGS PA DAG SANGS RGYAS THAMS CAD KYI PHYAG GI DBANG BSKUR BA BDAG GI SEMS SNANG BA'I SPYOD YUL YONGS SU SHES PA'I DON LA MKHAS PA, SEMS CAN GYI SEMS SNA TSOGS DANG, GZUGS DANG, TSUL DANG, 'DUL BA RNAM PA THA DAD PA'I CHA BYAD 'CHANG BA, CHOS LNGA DANG; RANG BZHIN DANG, RNAM PAR SHES PA DANG, BDAG MED PA GNYIS KHONG DU CHUD PAR RTOGS PA'I BYANG CHUB SEMS DPA' DAG GI TSOGS CHEN PO DANG THABS GCIG TU BZHUGS TE, YANG DE'I TSE NA BCOM LDAN 'DAS RGYA MTSO'I KLU'I RGYAL PO'I GNAS NAS ZHAG BDUN LON TE BYUNG NAS BRGYA BYIN DANG, TSANGS PA DANG, KLU'I BU MO BYE BA DU MAS BSU BA DANG LANG-KA'I RI MA LA YA LA @88B GZIGS TE, LANG-KA'I GRONG RDAL GYI RI MA LA YA'I RTZE MO 'DIR SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYIS KYANG 'PHAGS PA SO SO RANG GIS RIG PA'I YE SHES, RTOG GE'I LTA BA MU STEGS CAN DANG, NYAN THOS DANG, RANG SANGS RGYAS DANG, 'PHAGS PA'I YUL MA YIN PA DE DAG GIS BSGOMS PA'I CHOS BSTAN TE, NGAS KYANG DE NYID DU GNOD SBYIN GYI BDAG PO 'BOD SGROGS KYI PHYIR DE NYID BSNYAD CING CHOS BSTAN TO SNYAM NAS 'DZUM PA MDZAD DO, ,DE NAS GNOD SBYIN GYI BDAG PO 'BOD SGROGS DE BZHIN GSHEGS PA'I BYIN GYI RLABS KYIS BCOM LDAN 'DAS RGYA MTSO'I KLU'I RGYAL PO'I GNAS NAS BYUNG STE, BRGYA BYIN DANG, TSANGS PA DANG, KLU'I BU MO BRGYA STONG DU MAS BSKOR CING MDUN DU BDAR NAS RGYA MTSO'I RLABS LA GZIGS TE, KUN GZHI RNAM PAR SHES PA'I RGYA MTSO LA 'JUG PA'I RNAM PAR SHES PA YUL GYI RLUNG GIS BSKYOD CING DE DAG GI SEMS 'BYUNG BAR GZIGS TE; CHED DU BRJOD PA CHED DU BRJOD PA MDZAD DO ZHES THOS NAS, BDAG SONG LA BCOM LDAN 'DAS LA GSOL BA BTAB STE LANG-KAR GSHEGS PAR BYA'O, ,DE NI BDAG DANG LHA DANG MI RNAMS LA YUN RING PO'I DON DANG, PHAN PA DANG BDE BAR 'GYUR RO SNYAM STE, DE NAS GNOD SBYIN GYI BDAG PO 'BOD SGROGS 'KHOR DANG BCAS PA ME TOG GI GZHAL MED KHANG DU ZHUGS @89A *, ,NAS; BCOM LDAN 'DAS GA LA BA DER SONG STE PHYIN PA DANG, 'KHOR DANG BCAS TE GZHAL MED KHANG NAS BABS ? NAS RNGA DANG SIL SNYAN RNAMS RAB TU BSGRAGS TE, BCOM LDAN 'DAS LA LAN GSUM BSKOR BA BYAS NAS PI WANG GI KHOG PA AIN-DRA N'I LA LA BEE d'U RYA DANG, MU SA RAS SPRAS PA, GOS NGUR KA PRI YANG KU 'DRA BA RIN THANG MED PAS TSAR DU DPYANGS TE, 'KHOR RNAMS RAB TU DGA' BAR BYAS NAS, GLU'I DBYANGS, shA RDZ'A DANG, RI shA BHA DANG, G'AN DHA RA DANG, DEEHA B'A TA DANG, NI sh'A DA DANG, MA DHYA MA DANG; KOO SHI KA DANG, GLU'I DBYANGS MANG POR SBYAR BA LA SOGS PA DANG LDAN ZHING, RGYAD ? RJES SU MTHUN PA DANG PI WANG GI NANG DU CHUD PAR BYAS TE TSIGS SU BCAD PA'I DBYANGS KYIS GLU BLANGS PA, SEMS KYI RANG BZHIN TSUL NYID CHOS KYI GTER, ,BDAG MED LTA DANG RNAM BRAL DRI MA MED, ,SO SO RANG RIG SHES PA STON PA YI, ,CHOS TSUL MGON PO 'DIR YANG BSHAD DU GSOL; ;DGE BA'I CHOS KYIS YANG DAG BSAGS PA'I SKU, ,BDE GSHEGS 'PHRUL PAS SPRUL PA STON PA STE, ,SO SO RANG RIG RTOGS PA'I CHOS DGYES PA, ,THUB PA DENG NI LANG-KAR GSHEGS PA'I DUS, ,LANG-KA 'DI NA SNGON GYI RGYAL BA DANG, DE YI SRAS RNAMS GZUGS MANG 'CHANG BA BZHUGS, ,MGON PO 'DIR NI CHOS RAB BSHAD DU GSOL, ,GZUGS @89B MANG LDAN PA'I GNOD SBYIN KUN KYANG NYAN, ,DE LTAR LANG-KA'I BDAG PO 'BOD SGROGS KYIS TO tA KA'I RGYUD DU GLU BLANGS NAS YANG TSIGS SU BCAD PA'I DBYANGS KYIS GLU BLANGS PA, BCOM LDAN 'DAS NI DGUNG BDUN TE, ,CHU SRIN GNAS KYI RGYA MTSO YI, ,RGYA MTSO'I DBANG PO'I GNAS NAS NI, ,SLAD DU BYUNG STE 'GRAM NA BZHUGS, ,SANGS RGYAS BZHUGS MA THAG TU YANG, ,NE TZO SA RA NAS BRGYAN PA'I, ,GNOD SBYIN RNAM PA MANG PO DANG, ,'BOD SGROGS LHA MO LHAN CIG TU, ,MGON PO GANG NA BZHUGS PA YI, ,LAM DER 'PHRUL GYIS SONG NAS NI, ,ME TOG BZHON LAS BABS NAS KYANG, ,DE BZHIN GSHEGS LA MCHOD PHYAG 'TSAL, ,RGYAL BA'I DBANG POS BYIN BRLABS NAS, ,DE LA MNGON PAR MI BSNYAD PA, ,BDAG NI 'BOD SGROGS MGRIN BCU STE; ;SRIN PO'I DBANG PO 'DIR MCHIS SO, ,GRONG RDAL 'DI NA SU GNAS DANG, ,BDAG GI LANG-KA RJES SU BZUNG, ,RDZOGS PA'I SANGS RGYAS SNGA MAS KYANG, ,SO SO RANG RIG SPYOD YUL NI, ,RTZE MO RIN CHEN BRGYAN PA YI, ,GRONG RDAL DBUS SU RAB TU BSHAD, ,BCOM LDAN GYIS KYANG DE NYID KYI, ,RTZE MO RIN CHEN BRGYAN PA LA, ,RGYAL BA'I SRAS KYIS YONGS BSKOR CING, ,RDUL MED CHOS NI BSHAD DU GSOL, ,GANG RNAMS LANG-KAR GNAS PA DANG, ,BDAG CAG DE RING NYAN PAR 'TSAL, ,BSHAD PA'I TSUL LAS RNAM GROL BA, ,SO SO RANG RIG SPYOD YUL TE, LNGAR GSHEGS PA'I MDO @90A *, ,SDE NI, ,SANGS RGYAS SNGA MAS GSUNGS PA'O, ,RGYAL BA'I SRAS KYIS YONGS BSKOR CING, ,SNGON GYI SANGS RGYAS DAG GIS KYANG, ,MDO SDE 'DI NI BSHAD PAR DRAN, BCOM LDAN 'DAS KYIS BSHAD DU GSOL, ,MA 'ONGS DUS NA 'BYUNG BA YI, ,SANGS RGYAS SRAS DAG KYANG, ,'PHRUL GYI TSUL TE 'DI NYID NI, ,RTZE MO RIN CHEN BRGYAN PA LA, , GNOD SBYIN RNAMS LA THUGS BRTZE PHYIR, ,'DREN PA RNAMS NI STON PAR 'GYUR, ,'PHRUL GYI LANG-KA'I GRONG RDAL 'DI, ,MDANGS DGA' RIN CHEN SNA TSOGS DANG, ,THAL SDINGS RDO STENG DGA' BA DANG, ,RIN CHEN DRA BA'I BLA BRES BRGYAN, ,RNAL 'BYOR NYES DANG RNAM BRAL BA, ,SO SO RANG RIG SEMS PA YI, ,BCOM LDAN 'DI NA GNOD SBYIN DAG ,SANGS RGYAS SNGA MAS MDZAD SRUNG PA, ,THEG CHEN TSUL LA DAD PA YI, ,MNGON PAR ZHEN CING GZHAN 'DZUD PA, ,GNOD SBYIN MO DANG GNOD SBYIN BU, ,THEG CHEN RTOGS PAR 'TSAL BA MCHIS; ;LANG-KA MA LA YA YI RIR, ,STON PA SANGS RGYAS GSHEGS SU GSOL, ,BUM PA RNA LA SOGS PA RNAMS, ,SRIN PO GRONG RDAL GNAS PA DAG ,THEG PA CHE LA RTON PA RNAMS, ,SO SO RANG RIG NYAN PAR 'TSAL, ,SANGS RGYAS RNAMS LA BGYI BA BGYIS, ,DA LTAR NA YANG SHIN TU BGYID, ,BDAG LA RJES SU THUGS BRTZE'I PHYIR, ,LANG-KAR @90B SRAS DANG BCAS TE GSHEGS, ,KHYIM DANG LHA MO TSOGS RNAMS DANG, ,SE MO DO YANG SNA TSOGS DANG, ,MDANGS DGA' AA SHO KA YI TSAL, ,THUB PA CHEN PO BZHES SU GSOL, , BDAG NI RGYAL SRAS DE DAG DANG, ,SANGS RGYAS RNAMS KYI BKA' BZHIN BGYID, ,BDAG GIS MI DBUL GCIG MA MCHIS, ,THUB PA CHEN PO THUGS BRTZER DGONGS, ,DE YI TSIG DE GSAN PA NA, ,SRID GSUM DBANG POS GSUNGS PA NI, ,GNOD SBYIN DBANG PO 'DAS PA YI, ,MGON PO RIN CHEN RI BO LA, ,SO SO RANG RIG CHOS RNAMS BSTAN, ,KHYOD NYID LA YANG THUGS BRTZER DGONGS, ,RIN CHEN RNAM BRGYAN RI BO LA, ,MA 'ONGS RNAMS KYANG GSUNG BAR 'GYUR, ,'DI NI RNAL 'BYOR LDAN PA DAG ,MTHONG BA'I CHOS LA SPYOD PA'I GNAS, ,NGA DANG SRAS RNAMS DAG GIS KYANG, ,GNOD SBYIN DBANG PO BRTZER DGONGS RIGS, ,BCOM LDAN GNANG NAS MI GSUNG BAR, ,ZHI BA'I BLO YIS RNAM PAR BZHUGS, ,'BOD SGROGS KYIS NI PHUL BA YI, ,ME TOG BZHON PAR BZHUGS PAR GYUR, ,DE NYID DU NI 'BOD SGROGS DANG, ,'JIGS MED RGYAL SRAS GZHAN YANG STE, ,LHA MOS BZHAD GAD ROL MO YIS, ,RAB TU MCHOD CING GRONG DU GSHEGS, ,DGA' BA'I GRONG RDAL DER GSHEGS NAS, ,MCHOD PA RAB TU YANG BRNYES SO, ,'BOD SGROGS LA @91A *, ,SOGS GNOD SBYIN GYI, ,SDE DANG GNOD SBYIN MOS KYANG MCHOD, ,GNOD SBYIN BU MO GNOD SBYIN BUS, ,RIN PO CHE YI DRA BAS MCHOD, ,'BOD SGROGS KYIS KYANG SANGS RGYAS KYI, ,RIN CHEN BRGYAN PA'I SE MO DO, ,RGYAL BA'I SRAS DANG RGYAL BA YI, ,STOD KYI YAN LAG RNAMS LA BTAGS, ,BCOM LDAN RGYAL SRAS MKHAS BCAS PA, ,MCHOD PA PHUL BA BZHES NAS NI, ,SO SO RANG RIG SPYOD YUL GYI, ,CHOS NI RNAM PAR BSTAN PA MDZAD, ,GNOD SBYIN SDE DANG 'BOD SGROGS KYIS, ,SMRA BA RNAMS KYI MCHOG MCHOD DE, ,BLO GROS CHEN PO RAB MCHOD CING, ,GSOL BA YANG DANG YANG 'DEBS PA, ,KHYOD NI SANGS RGYAS THAMS CAD LA, ,RANG RIG SPYOD YUL 'DRI BA YIN, ,'DI NA BDAG DANG GNOD SBYIN DANG, ,RGYAL BA'I SRAS RNAMS NYAN PA MCHIS, ,KHYOD LA RGYAL SRAS MKHAS PA DANG, ,GNOD SBYIN RNAMS KYANG GSOL BA 'DEBS, ,SMRA BA'I NANG NA SMRA CHEN KHYOD, ,RNAL 'BYOR CAN GYI'ANG RNAL 'BYOR ZHUGS, KHYOD LA GUS PAR GSOL 'DEBS KYI, ,'JIGS PA MED PAS TSUL DRIS SHIG ,RANG RGYAL NYAN THOS RNAMS DANG NI, ,MU STEGS NYES LAS RNAM PAR GROL, ,SO SO RANG RIG CHOS NYID GTZANG; ;SANGS RGYAS SA NI THOB BYED PA'O, ,RTZE MO RIN CHEN BRGYAN PA DANG, ,GZHAN YANG LHA RDZAS RNAMS KYI NI, ,RIN CHEN BYE BAS BRGYAN PA DAG ,BCOM LDAN 'DAS KYIS DER @91B SPRUL TE, ,MGON PO RI BO RE RE LA, ,NYID KYI SKU NI RAB TU BSTAN, ,'BOD SGROGS GNOD SBYIN DE DAG NA, ,RE RE LA NI RNAM PAR GNAS, ,THAMS CAD 'KHOR NI MA BRI BAR, ,RE RE NA YANG SHIN TU SNANG, ,DE NA ZHING RNAMS THAMS CAD DANG, ,GANG YANG DE NA 'DREN PA DANG, ,DE NA SRIN PO'I DBANG PO RNAMS, ,GANG DAG LANG-KAR GNAS PA'ANG SNANG, ,DE DANG 'GRAN PA'I LANG-KA DANG, ,AA SHO KA YI TSAL GZHAN DANG, ,NAGS TSAL BZANG PO DE DAG KYANG, ,RGYAL BA YIS NI MNGON PAR SPRUL, ,MGON PO RI RNAMS RE RE LA, ,BLO GROS CHEN POS BSKUL BA DANG, ,SO SO RANG RIG BRJOD PA YIS, ,CHOS NI GNOD SBYIN RNAMS LA BSTAN, ,STONG PHRAG BRGYA BA'I MDO SDE DAG ,RI BO LA NI MA LUS BSHAD, ,STON PA DANG NI RGYAL SRAS RNAMS, ,DE NYID DU YANG MI SNANG GYUR, ,GNOD SBYIN 'BOD SGROGS BDAG GIS LUS, ,KHYIM NA GNAS PAR MTHONG BA DANG, ,BSAMS PA 'DI KO JI ZHIG SNYAM,, GANG GIS BSHAD DE SU YIS THOS, ,CI ZHIG MTHONG GE GANG GIS MTHONG, ,GRONG KHYER DE DAG GANG DU SONG, ,SANGS RGYAS DE DAG ZHING DE RNAMS, ,RIN CHEN NAGS BZANG DE GA RE, ,'DI NA SGYU MA'ANG RMI LAM ROL, ,DRI ZA'I GRONG ZHES BSGRAGS PA'AM, ,RAB RIB YIN NAM SMIG RGYU'AM, ,RMI LAM MO GSHAM BU BYUNG NGAM, ,BDAG GIS 'DIR NI @92A *, ,GANG MTHONG BA, ,MGAL ME BSKOR TA MA NGU BA'AM, ,'ON TE SEMS KYI SPYOD YUL LA, ,CHOS RNAMS KYI NI CHOS NYID DAM, ,LTA BA MED CING BLTA BA'ANG MED, ,SMRA MED SMRA BAR BYA MED NA, ,RANG GI RTOG PAS MYOS PA YI, ,BYIS PA RNAMS KYIS MI SHES SO, ,GZHAN DU RNAM PAR RTOG PA 'DI, ,SANGS RGYAS DANG NI CHOS LTAR GNAS; ;JI LTAR MTHONG BZHIN SU LTA BA, ,DE DAG 'DREN PA MI MTHONG NGO, ,RNAM PAR RTOG PA MI 'JUG CING, ,GANG TSE SANGS RGYAS MI MTHONG LA, ,'JUG MED SANGS RGYAS YIN PAR NI, ,GAL TE MTHONG NA DE SANGS RGYAS, ,LANG-KA'I BDAG PO GNAS SHIN TU GYUR PA DANG, RANG GI SEMS SNANG BA TZAM DU KHONG DU CHUD PA RAB TU RTOGS MA THAG TU RNAM PAR RTOG PA'I RGYU BA LA GNAS PA, SNGON GYI DGE BA'I RTZA BAS BSKUL BA GTZUG LAG THAMS CAD LA MKHAS PA'I BLO DE BZHIN NYID JI LTA BA BZHIN DU MTHONG BA, GZHAN GYI DRING MI 'JOG PA, BDAG GI BLO RNAM PAR DPYOD PA LA MKHAS PA, RTOG GE BA'I LTA BA DANG BRAL BAR LTA BA, GZHAN GYI DRING LA MI 'JOG PA, RNAL 'BYOR CHEN PO'I RNAL 'BYOR CAN, GZUGS SNA TSOGS 'CHANG BA CHEN PO THABS LA MKHAS PA KHONG DU CHUD PAR RTOGS PA, GONG NAS GONG DU SA THAMS CAD KYI RANG GI MTSAN NYID RTOGS PAR BYA BA LA MKHAS @92B PA; SEMS DANG YID DANG RNAM PAR SHES PA'I RANG BZHIN DBEN PA LA DGA' BA, RGYUD GSUM CHAD PAR LTA BA, RGYU DANG MU STEGS CAN THAMS CAD KYI RGYU DANG BRAL BA'I BLOR GYUR PAS DE BZHIN GSHEGS PA'I SNYING PO, SANGS RGYAS KYI SA LA NANG DU SNYOMS PAR ZHUGS PA LA GNAS SHING, SANGS RGYAS KYI BLOS NAM MKHA' DANG NANG NAS SGRA THOS PA LANG-KA'I BDAG PO; LEGS SO, ,LEGS SO, ,YANG LANG-KA'I BDAG PO KHYOD NI LEGS SO, ,JI LTAR KHYOD SLOB PA DE LTAR RNAL 'BYOR CAN RNAMS KYIS BSLAB PAR BYA'O, ,JI LTAR KHYOD KYIS MTHONG BA DE BZHIN NYID DU DE BZHIN GSHEGS PA RNAMS DANG, CHOS RNAMS LA LTA BAR BYA'O, ,RNAM PA GZHAN DU BLTAS NA CHAD PA LA GNAS PAR 'GYUR RO, ,KHYOD KYI SEMS DANG YID DANG YID KYI RNAM PAR SHES PA DANG BRAL ZHING NANG DU SPYOD PAS, CHOS THAMS CAD RNAM PAR BSGOM PAR BYA STE, PHYI ROL GYI DON DU LTA BA LA MNGON PAR CHAGS PAS NI MA YIN NO, ,KHYOD KYIS NYAN THOS DANG, RANG SANGS RGYAS DANG, MU STEGS CAN GYI MNGON PAR RTOGS PA DANG, TSIG GI DON GYI SPYOD YUL DU LHUNG BA'I LTA BA DANG, TING NGE 'DZIN DU MA YIN, GTAM DANG SGRUNG LA DGA' BAR MA YIN, RIG BYED KYI RANG BZHIN DU LTA BAR MA YIN, RGYAL PO'I DBANG GIS GREGS PA LA LHUNG BAR MA YIN, BSAM GTAN @93A *, ,DRUG LA SOGS PA LA BSAM GTAN PAR MA YIN TE, LANG-KA'I BDAG PO 'DI NI RGYAL BA'I SRAS RNAL 'BYOR CHEN PO'I RNAL 'BYOR DANG LDAN PA, PHA ROL RGOL BA RAB TU 'JOMS PA, LTA BA DANG NGAN PA SEL BA, BDAG TU LTA BA RNAM PAR BZLOG PA LA MKHAS PA, BLO ZHIB CING RNAM PAR SHES PA, SHIN TU 'GYUR BA LA MKHAS PA; THEG PA CHEN PO LA SPYOD PA RNAMS KYI DAM TSIG GO ,DE BZHIN GSHEGS PA'I BDAG GI SO SO RANG GI ? SA LA 'JUG PA KHONG DU CHUD PAR BYA BA'I PHYIR KHYOD KYIS BRTZON PAR GYIS SHIG ,DE LTAR BYAS NA LANG-KA'I BDAG PO GANG KHYOD KYIS TING NGE 'DZIN LA MKHAS PA'I SNYOMS PAR 'JUG PAS YONGS SU BZUNG BA'I LAM 'DI NI PHYIR ZHING GONG NAS GONG DU RNAM PAR SPYOD PA YIN TE, JI LTAR BYIS PA MU STEGS CAN GYI RNAL 'BYOR LA RNAL 'BYOR CAN BDAG TU 'DZIN PAR SNANG BA'I MTSAN NYID LA MNGON PAR CHAGS PA 'BYUNG BA DANG, YON TAN DANG RDZAS KYI RJES SU SPYOD PA, MA RIG PA'I RKYEN DU LTA BA LA MNGON PAR CHAGS PAS MNGON PAR ZHEN PA, STONG PA DANG, SKYE BAS G-YENGS PA DANG, RNAM PAR RTOG PA LA MNGON PAR CHAGS PA, MTSAN NYID DU LHUNG BA'I BSAM PAS BRTAGS PA, NYAN THOS DANG, RANG SANGS RGYAS DANG, MU STEGS CAN RJES SU 'JUG PA'I SGO'I SPYOD YUL @93B NI MA YIN NO, ,LANG-KA'I BDAG PO, BDAG GI SO SO RANG GIS RIG PA RTOGS PAR BYED PA'I THEG PA CHEN PO KHONG DU CHUD PA 'DI NI GZUGS SNA TSOGS RAB TU 'THOB PAR BYED PA'O, ,BYE GRAG GI SRID PAR SKYE BA YONGS SU 'THOB PAR YANG 'GYUR RO, ,LANG-KA' BDAG PO, THEG PA CHEN PO'I RNAL 'BYOR LA 'JUG PA 'DI NI KHEBS PA'I G-YOGS MA RNAM PAR SHES PA SNA TSOGS KYI RLABS ZLOG PAR BYED PA YIN TE, MU STEGS CAN GYI RNAL 'BYOR GYI GNAS SU LHUNG BA NI MA YIN NO, ,LANG-KA'I BDAG PO, MU STEGS CAN GYI RNAL 'BYOR NI MU STEGS CAN RNAMS KYI BDAG TU MNGON PAR ZHEN PA LAS BYUNG BA'O, ,RNAM PAR SHES PA'I RANG BZHIN GNYIS KYI DON LA CHAGS PAR LTA BAS MU STEGS CAN RNAMS KYI 'DI'ANG RNAL 'BYOR MA YIN NO; ;LANG-KA'I BDAG PO, DE LEGS SO, ,DE BZHIN GSHEGS PA MTHONG ZHING JI LTAR RJES SU BSAMS PA'I DON DE NYID RJES SU SOMS SHIG DANG, DE NYID NA DE BZHIN GSHEGS PA MTHONG BA YIN NO, ,DE NAS DE'I SKABS SU 'BOD SGROGS 'DI SNYAM DU SEMS TE, YANG 'DI LTAR BDAG GIS BCOM LDAN 'DAS RNAL 'BYOR THAMS CAD LA MNGA' MDZAD PA, MU STEGS CAN GYI RNAL 'BYOR RNAM PAR ZLOG PA, SO SO RANG GIS RIG PA'I SPYOD YUL STON PA, 'PHRUL PAS SPRUL PA DANG BRAL BA, THUGS SU CHUD PA'I BLO LA GANG GI PHYIR RNAL 'BYOR CAN @94A *, ,RNAMS RNAL 'BYOR MNGON PAR RTOGS PA'I DUS NA, TING NGE 'DZIN GYI BDE BA DANG, SNYOMS PAR 'JUG PA RNAMS KHONG DU CHUD PAR 'GYUR TE, DE KHONG DU CHUD PA'I PHYIR 'DIS KHONG DU CHUD DO ZHES RNAL 'BYOR CAN RNAMS KYI RNAL 'BYOR GYI SGRAR GDAGS TE, DE'I PHYIR BDAG GIS THUGS RJE CAN NYON MONGS PA 'BAR BA'I RGYU DANG, RNAM PAR RTOG PA ZAD PAR BYED PA, RGYAL BA'I SRAS RNAMS KYIS YONGS SU BSKOR BA, SEMS CAN THAMS CAD KYI SEMS DANG BSAM PA'I RJES SU ZHUGS PA, THAMS CAD DU KHYAB PA, THAMS CAD MKHYEN PA LA BYED PA'I MTSAN NYID RNAM PAR LOG PA'I RDZU 'PHRUL GYIS DE LTAR BLTA'O, ,DE MTHONG BAS NI KHONG DU MA CHUD PA KHONG DU CHUD PAR BYA'O, ,RNAM PAR MI RTOG PA LA SPYOD PA BDE BA'I TING NGE 'DZIN DANG, SNYOMS PAR 'JUG PAS GNAS PA DE BZHIN GSHEGS PA'I THUGS SU CHUD PA'I SA THOB PAR BYED PA BDAG GIS KHONG DU CHUD PAR YANG RNAM PAR 'PHEL BAR 'GYUR RO SNYAM MO, ,DE NAS BCOM LDAN 'DAS KYIS DE'I TSE LANG-KA'I BDAG PO MA SKYES PA'I CHOS LA BZOD PA THOB PAR THUGS SU CHUD NAS MGRIN BCU LA THUGS BRTZE BA'I PHYIR RIN PO CHE MANG POS BRGYAN PA, RIN PO CHE'I DRA BAS BRES PA'I BDAG GI RI'I RTZE MO LA MDZES PA DE LTA BU NYID DU BDAG NYID BSTAN NAS, YANG LANG-KA'I @94B BDAG PO MGRIN BCUS MTHONG BA DANG, MYONG BA'I MDZES PA DANG, RTZE MO LA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS MTSAN RAB SUM CU RTZA GNYIS KYIS BRGYAN PA'I SKU DANG, RI BO RE RE LA BDAG GI LUS KYANG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI SPYAN SNGA NA 'DUG PA DANG, DE BZHIN GSHEGS PA BLO GROS CHEN PO DANG THABS GCIG TU SO SO RANG GIS RIG PA'I SPYOD YUL GYI GTAM MDZAD PA DANG, GNOD SBYIN GYIS BSKOR CING BSHAD PA BRDZOD PA'I GTAM GSUNG BA DANG, MGON PO DANG BCAS PA'I ZHING DE DAG KYANG MTHONG BAR GYUR TO, ,DE NAS BCOM LDAN 'DAS KYIS DE'I TSE SANGS RGYAS KYI SHA'I SPYAN GYIS 'KHOR LA GZIGS NAS, SENG GE'I RGYAL PO LTAR RNAM PAR BSGYINGS TE, BZHAD MO CHER BZHAD NAS, MDZOD SPU DANG, RTZIB LOGS DANG, BRLA DANG, RKED PA'I PHYOGS DANG, DPAL GYI BE'U DANG, SPU'I KHUNG BU THAMS CAD NAS NI 'OD ZER RAB TU 'BYIN, DUS KYI MTHA'I ME BZHIN DU NI 'BAR, GZI BRJID NI 'JA' LTA BU, 'OD KYI DKYIL 'KHOR NI NYI MA SHAR BA 'DRA BAR SHIN TU 'BAR, BRGYA BYIN DANG, TSANGS PA DANG, 'JIG RTEN SKYONG BA RNAMS KYIS NI NAM MKHA'I DBYINGS NAS LTA ZHING RI RAB KYI RTZE MO LA 'GRAN PA'I ZOM LA BZHUGS NAS BZHAD MO CHER BZHAD DO, ,DE NAS BYANG CHUB SEMS @95A *, ,DPA'I 'KHOR DE DANG, BRGYA BYIN DANG, TSANGS PA LA SOGS PA DE DAG 'DI SNYAM DU SEMS TA, RGYU GANG DANG RKYEN GANG GIS DE LTAR BCOM LDAN 'DAS CHOS THAMS CAD LA MNGA' MDZAD PA SNGON DU 'DZUM PAS BZHAD MO CHER BZHAD CING RANG GI SKU LAS 'OD ZER RAB TU 'BYIN, BYUNG NAS KYANG BDAG GI SO SO RANG GIS RIG PA'I 'PHAGS PA'I YE SHES MTHONG BA'I SPYOD YUL TING NGE 'DZIN GYI BDE BA LA DGONGS PA RAB TU BZHAG STE, GZIGS MO MED PAR SENG GE'I LTA BAS PHYOGS SU GZIGS NAS 'BOD SLOGS KYI RNAL 'BYOR RTOGS PA RGYU BA LA RJES SU DGONGS SHING CANG MI GSUNG BAR GYUR SNYAM MO, ,DE NAS BYANG CHUB SEMS DPA' SEMS DPA' CHEN PO BLO GROS CHEN PO SNGAR GSOL BA BTAB PAS 'BOD SGROGS LA SNYING BRTZE BA DANG, BYANG CHUB SEMS DPA'I 'KHOR DE DAG GI SEMS DANG, BSAM PA DANG, RNAM PAR SPYOD PA'ANG SHES SHING MA 'ONGS PA'I SKYE BO'I TSOGS LA'ANG BLTAS NAS BSHAD PA BRJOD PA LA MNGON PAR DGA' BA'I SEMS CAN RNAMS DANG, SGRA JI BZHIN DU MNGON PAR ZHEN PA RNAMS DANG, NYAN THOS DANG; RANG SANGS RGYAS DANG, MU STEGS CAN GYI RNAL 'BYOR GYI STOBS LA MNGON PAR ZHEN PA THAMS CAD 'DI LTAR BCOM LDAN 'DAS DE BZHIN GSHEGS PA RNAM PAR SHES @95B PA'I YUL LAS PHYIR LOG PA RNAMS KYANG BZHAD MO CHER BZHAD DO SNYAM DU SEMS SHING SEMS RNAM PAR MYOS PAR GYUR NA MI RUNG NGO SNYAM NAS, DE DAG GI NGO MTSAR RNAM PAR BZLOG PA'I PHYIR; BCOM LDAN 'DAS LA ZHUS PA, BCOM LDAN 'DAS, RGYU GANG DANG RKYEN GANG GIS 'DI LTAR 'DZUM PA MDZAD, BCOM LDAN 'DAS KYIS BKA' STZAL PA, BLO GROS CHEN PO, LEGS SO; ;LEGS SO, ,YANG BLO GROS CHEN PO GANG KHYOD KYIS 'JIG RTEN GYI RANG BZHIN DANG, 'JIG RTEN RNAMS KYI LTA BA NGAN PA LA BLTAS TE, DUS GSUM GYI SEMS KHONG DU CHUD PAS NGA LA DRI BAR BRTZAMS PA NI, BLO GROS CHEN PO, KHYOD LEGS SO, ,DE LTAR MKHAS PA RNAMS KYI BDAG DANG GZHAN GYI DON DANG, GNYIS KA'I DON DU YONGS SU 'DRI BA'I RANG BZHIN CAN DU BYA'O,, BLO GROS CHEN PO, LANG-KA'I BDAG PO 'BOD SGROGS 'DIS NI SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA DRI BA GNYIS DRIS SO, ,DANG LA YANG GANG NYAN THOS DANG, RANG SANGS RGYAS DANG, MU STEGS CAN GYI RNAL 'BYOR LA RNAL 'BYOR BA RNAMS KYIS MA MYONG BA'I DRI BA GNYIS KYI BYE BRAG KHONG DU CHUD PA'I MTSAN NYID RNAM PAR BSGOM PA'I PHYIR DRI BAR 'DOD DO, ,'DI LTAR 'DRI BAR 'DOD PA'I MGRIN BCU 'DI NI MA 'ONGS PA'I RGYAL BA RNAMS LA'ANG 'DRI BAR 'GYUR RO, ,DE NAS BCOM LDAN 'DAS KYIS MKHYEN BZHIN DU, LANG-KA'I @96A *, ,BDAG PO LA 'DI SKAD CES BKA' STZAL TO, ,LANG-KA'I BDAG PO KHYOD LA DE BZHIN GSHEGS PAS SKABS PHYE'I, COD PAN RAB TU G-YO BA MA SDOD PAR CI DANG CI 'DOD PA NGA LA DRIS SHIG DANG, NGAS DRI BA DE DANG DE'I LUNG BSTAN PAS JI LTAR KHYOD RNAM PAR RTOG PA'I GNAS SHIN TU GYUR NAS, SA'I MI MTHUN PA'I PHYOGS LA MKHAS SHING RAB TU 'BYED PA'I BLOS SO SO RANG GI RIG PA'I TSUL GYIS MTSAN NYID KYI TING NGE 'DZIN GYI BDE BAR GNAS PA LA RNAM PAR DPYOD CING TING NGE 'DZIN GYI SANGS RGYAS RNAMS KYIS NI YONGS SU BZUNG, ZHI BA'I BDE BA LA NI RNAM PAR GNAS TE, NYAN THOS DANG RANG SANGS RGYAS KYI TING NGE 'DZIN GYI NYES PA LAS 'DAS NAS MI G-YO BA DANG, DGE BA'I BLO GROS DANG, CHOS KYI SPRIN GYI SA LA NI RNAM PAR GNAS, CHOS LA BDAG MED PA'I YANG DAG PA JI LTA BA BZHIN LA NI RAB TU MKHAS PAS RIN PO CHE'I PAD-MO CHEN PO BTING BA LA TING NGE 'DZIN GYI RGYAL BAS DBANG BSKUR BA THOB PAR 'GYUR ZHING, DE DANG RJES SU MTHUN PA'I PAD-MO DAG LA BDAG GI LUS RNAM PA SNA TSOGS SU BYIN GYI RLABS KYIS BYIN DU BRLABS TE, PAD-MO DE DAG LA BDAG GI LUS 'DUG PA MTHONG BAR 'GYUR BA DANG, GCIG GIS GDONG LA GCI GTA BAR YANG BYED PAR 'GYUR BA DANG, DE LTAR YANG GI PHYIR BSAM @96B GYIS MI KHYAB PA'I YUL DE NI MNGON PAR SGRUB PA LA MKHAS PA, GCIG GIS MNGON PAR BSGRUBS PA YIN TE, SPYOD PA'I SA LA GNAS SHING THABS MKHAS PAS YONGS SU BZUNG BA'I MNGON PAR BSGRUB PA MNGON PAR BSGRUBS PAS, BSAM GYIS MI KHYAB PA'I YUL DE'ANG RJES SU 'THOB PAR 'GYUR BA DANG, DE BZHIN GSHEGS PA'I SKU GZUGS RNAM PA MANG POR RNAM PAR 'GYUR BA, NYAN THOS DANG, RANG SANGS RGYAS DANG, MU STEGS CAN DANG, TSANGS PA DANG, DBANG PO DANG, NYE BA'I DBANG PO RNAMS KYIS SNGON MA MTHONG BA DE'ANG THOB PAR 'GYUR PAR KHYOD KYI SEMS RANGS PAR BYA'O, ,DE NAS LANG-KA'I BDAG PO LHA MO DANG BCAS PA'I TSOGS KYIS YONGS SU BSKOR BA, BCOM LDAN 'DAS KYIS SKABS PHYE BAS RIN PO CHE'I PAD-MO'I 'OD ZER GYIS DRI MA MED PA'I 'OD RIN PO CHE'I PAD-MO DANG 'DRA BA'I RIN PO CHE'I RTZE MO DE NAS LANGS NAS ME TOG DANG, PHRENG BA DANG, SPOS DANG, BDUG PA DANG, BYUG PA DANG, GDUGS DANG, RGYAL MTSAN DANG, LHA'I BA DAN DANG, SE MO DO DANG, DO SHAL DANG, COD PAN DANG, THOR TSUGS RNAM PA DU MA RNAM PA THA DAD PA SNA TSOGS DANG, SNGON MA MTHONG MA THOS PA'I RGYAN GYI KHYAD PAR RNAM PAR 'PHAGS PA GZHAN DAG DANG, LHA DANG, KLU DANG, GNOD SPYIN DANG, SRIN PO DANG, DRI ZA DANG, MI'AM CI DANG, LTO 'PHYE CHEN PO DANG, @97A *, ,MI LAS LHAG PA LAS KYANG 'DAS PA'I RNGA DANG, SIL SNYAN RNAMS DANG, 'DOD PA'I KHAMS SU GTOGS PA'I ROL MO'I CHA BYAD THAMS CAD KYANG RNAM PAR SPRUL, GANG YANG SANGS RGYAS KYI ZHING GZHAN GYI ROL MO'I KHYAD PAR MTHONG BA DE DAG KYANG MNGON PAR SPRUL, BCOM LDAN 'DAS DANG, BYANG CHUB SEMS DPA' RNAMS LA RIN PO CHE'I DRA BAS NI MNGON PAR BKAB , GOS SNA TSOGS KYI LHA'I BA DAN NI RAB TU BSGRENG, TA LA BDUN TZAM DU NI NAM MKHA' LA MNGON PAR 'PHAGS, MCHOD PA'I SPRIN CHEN PO'I CHAR NI MNGON PAR PHAB , RNGA DANG SIL SNYAN RNAMS KYI SGRA NI RAB TU PHYUNG STE, NAM MKHA' DE LAS BABS NAS NYI MA DANG, GLOG GI 'OD LTA BU RIN PO CHE'I PADMA CHEN POS BRGYAN PA'I RIN PO CHE'I RTZE MO GNYIS PA LA 'DUG GO ,'DUG NAS ZHE SAR 'DZUM PA SNGON DU BYAS TE, BCOM LDAN 'DAS KYIS GO SKABS PHYE BAS, BCOM LDAN 'DAS LA DRI BA GNYIS DRIS SO, ,SNGON GYI DE BZHIN GSHEGS PA DGRA BCOM PA YANG DAG PAR RDZOGS SANGS RGYAS RNAMS LA'ANG BDAG GIS ZHUS NAS, DE RNAMS KYIS KYANG LAN GLAN TE, BCOM LDAN 'DAS LA'ANG DA ZHU'O, ,BSTAN PA BRJOD PA LAS KYANG 'DI NI SANGS RGYAS RNAMS DANG KHYOD KYIS KYANG GDON MI 'TSAL BAR BSHAD PAR 'GYUR TE, BCOM LDAN 'DAS, CHOS GNYIS @97B PO 'DI NI 'PHRUL PAS SPRUL PA RNAMS KYIS BSTAN PA LAGS TE, NGO BO'I DE BZHIN GSHEGS PA RNAMS KYIS NI MA GSUNGS SO, ,BCOM LDAN 'DAS, NGO BO'I DE BZHIN GSHEGS PA RNAMS NI TING NGE 'DZIN GYI SGO'I SPYOD YUL STON TE, TSIG GI SPYOD YUL GYI RNAM PAR RTOG PAR LHUNG BA NI MI STON NA, BCOM LDAN 'DAS, CHOS LA MNGA' MDZAD PA DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS NYID KYIS CHOS GNYIS PO DE LEGS PAR BDAG LA BSHAD DU GSOL, ,BCOM LDAN 'DAS, RGYAL BA'I SRAS 'DI RNAMS KYANG NYAN, BDAG KYANG 'TSAL BAR 'GYUR RO, ,BCOM LDAN 'DAS KYIS BKA' STZAL PA, LANGKA'I BDAG PO, CHOS GNYIS PO DE SMROS SHIG ,SRIN PO'I DBANG PO LUS LA COD PAN DANG, DPUNG RGYAN DANG; SE MO DO DANG, RDO RJE MCHOG GI PHRENG BA THOGS SHING RGYAN BZANG POS LUS BRGYAN PAS GSOL PA, CHOS NYID KYANG SPANG BAR BGYI NA, CHOS MA MCHIS PAR LTA CI SMOS, BCOM LDAN 'DAS, CHOS GNYIS PO DE JI LTAR SPANG BAR 'GYUR, CHOS SAM, CHOS MA MCHIS PA RNAMS NI GANG LAGS, JI LTAR NA GNYIS SPANG BA'I CHOS CAN RNAM PAR RTOG PA'I MTSAN NYID DU LHUNG BA RNAM PAR RTOG PA'I RANG BZHIN 'BYUNG BA DANG, 'BYUNG BA LAS GYUR PA MA LAGS PA, KUN GZHI RNAM PAR SHES PA YONGS SU MA RIG PAS KHYAD PAR GYI MTSAN NYID MA @98A *, ,MCHIS PA, SKRA SHAD 'DZINGS PA'I RANG BZHIN DU GNAS PA, SHES PA MA DAG CING ZAD PAR 'GYUR BA'I YUL CAN, DE LTA BU'I RANG BZHIN DE DAG JI LTAR SPANG BAR 'GYUR, BCOM LDAN 'DAS KYIS BKA' STZAL PA, LANGKA'I BDAG PO, 'DI LTAR BUM PA LA SOGS PA 'CHAG PA'I RANG BZHIN 'JIG PA'I CHOS CAN RNAMS BYIS PA RNAMS KYI RNAM PAR RTOG PA'I SPYOD YUL LA THA DAD PA'I BYE BRAG TU SNANG BA, DE BZHIN DU 'DI LA'ANG CI PHYIR MI GZUNG, BYIS PA RNAMS KYI SO SO'I RNAM PAR RTOG PA NYE BAR BZUNG NA, CHOS DANG CHOS MED PA THA DAD PA'I BYE BRAG KYANG YOD DO, ,'PHAGS PA'I YE SHES KHONG DU CHUD PAR BYA BA'I PHYIR MTHONG BAS NI MA YIN NO, ,LANGKA'I BDAG PO, BUM PA LA SOGS PA'I DNGOS PO MTSAN NYID SNA TSOGS SU LHUNG BA RNAMS BYIS PA DAG GI YIN TE, 'PHAGS PA RNAMS KYI MA YIN PA LTA ZHOG LA, RANG BZHIN GCIG CING 'BAR BA GCIG LAS BYUNG BA'I RAB TU 'BAR BA KHYIM DANG, GNAS DANG, SKYED MOS TSAL DANG, KHANG PA LA 'DUG BA SHING GI DBANG GIS 'OD RING BA DANG THUNG BA'I KHYAD PAR DANG THA DAD PA'I BYE BRAG TU SNANG BA DE BZHIN DU 'DI LA'ANG CHOS DANG, CHOS MED PA THA DAD PA'I BYE BRAG YOD PAR CI'I PHYIR MI GZUNG, ME LCE'I RGYUD GCIG TU GYUR PA'I 'OD 'PHRO BA THA @98B DAD PA'I BYE BRAG TU SNANG BA 'BA' ZHIG TU'ANG MA ZAD DE, LANGKA'I BDAG PO SA BON GCIG LAS BYUNG YANG MYU GU DANG, LJANG BU DANG, SOG MA DANG, TSIGS DANG, LO MA DANG, YAL GA DANG, ME TOG DANG, 'BRAS BU DANG, GRA MA'I BYE BRAG YOD PA DE BZHIN DU PHYI NANG GI CHOS SKYE BA'I CHOS CAN, MA RIG PA LAS RAB TU BYUNG BA, PHUNG PO DANG, KHAMS DANG, SKYE MCHED DU GTOGS PA THAMS CAD DANG, KHAMS GSUM DU SKYES PA'I CHOS THAMS CAD LA BDE BA'I DBYIBS DANG, BRJOD PA DANG 'GRO BA'I KHYAD PAR DAG KYANG SNANG STE, MTSAN NYID GCIG PA'I RNAM PAR SHES PA YUL LA MNGON PAR 'DZIN PAR RAB TU 'JUG PA'I KHYAD PAR RAB DANG 'BRING DANG THA MA'I BYE BRAG DANG, RNAM PAR BYANG BA DANG, DGE BA DANG, MI DGE BAR YANG SNANG NGO, ,LANGKA'I BDAG PO, CHOS DE DAG GI THA DAD PA'I BYE BRAG TU'ANG MA ZAD DE, RNAL 'BYOR CAN RNAL 'BYOR BSGOM PA RNAMS KYI RNAL 'BYOR GYI LAM LA'ANG SO SO RANG GIS RIG PA'I MTSAN NYID KYI KHYAD PAR SNANG NA, SO SO'I RNAM PAR RTOG PA LAS BYUNG BA'I CHOS DANG, CHOS MED PA'I KHYAD PAR LTA CI'I PHYIR MED DE YOD DO, ,LANGKA'I BDAG PO, RNAM PAR RTOG PA'I MTSAN NYID KYI PHYIR CHOS DANG, CHOS MED PA THA DAD PA'I BYE BRAG YOD DO, ,LANGKA'I BDAG PO, DE LA CHOS RNAMS GANG ZHE NA, 'DI LTA STE, MU STEGS CAN DANG, NYAN THOS DANG, RANG SANGS RGYAS DANG, BYIS PA RNAMS KYI RNAM PAR RTOG PAS RNAM PAR BRTAGS PA RGYU LAS YON TAN DANG @99A *, ,RDZAS KYIS GZHI BTZUGS PA NI CHOS RNAMS ZHES BYA'O, ,DE DAG NI SPANG BAR BYA BA GTANG BAR BYA BA STE, MTSAN NYID DU SO SOR RNAM PAR BRTAG PAR MI BYA'O, ,RANG GI SEMS SNANG BA'I CHOS RNAMS LA MNGON PAR ZHEN PA'I PHYIR RDZA MA LA SOGS PA'I CHOS BYIS PAS KUN BRTAGS PA LUS SU MA RED PA'I RNAMS NI MED PA YIN TE, DE LTA BUR LHAG MTHONG GIS RAB TU MTHONG NA SPANG BAR 'GYUR RO, ,DE LA CHOS MED PA RNAMS GANG ZHE NA, GANG DE DAG BDAG NYID DU MA RED PA YIN TE, MTSAN NYID KYI RNAM PAR RTOG PA RGYU BA MED PA'I CHOS DON GYI RGYU LAS BYUNG BA DE DAG YANG DAG PA DANG, YANG DAG PA MA YIN PAR 'JUG PA MED PAR MTHONG NAS, DE'I PHYIR CHOS MED PA SPONG BAR 'GYUR RO, ,YANG BDAG NYID DU MA RED PA'I CHOS RNAMS GANG ZHE NA, 'DI LTA STE, RI BONG DANG, RNGA MO DANG, BONG BU DANG, RTA'I RVA DANG, MO GSHAM GYI BU LA SOGS PA'I CHOS RNAMS TE, BDAG NYID DU MA RED PA'I PHYIR DE DAG NI MTSAN NYID DU BRTAG PAR MI BYA'I, GZHAN DU NA THA SNYAD KYI DON DU BRJOD DE, BUM PA LA SOGS PA LTAR MNGON PAR CHAGS PAS NI MA YIN NO, ,JI LTAR DE DAG RNAM PAR SHES PAS GZUNG DU MED PA'I PHYIR SPANG BAR BYA BA DE BZHIN DU RNAM PAR RTOG PA'I DNGOS PO RNAMS KYANG SPANG BAR BYA BA YIN TE, DE'I PHYIR CHOS DANG, CHOS MED PA SPANG BA YIN NO, , @99B LANGKA'I BDAG PO KHYOD KYIS CHOS DANG, CHOS MED PA GNYIS JI LTA BUR SPANG BAR BYA ZHES SMRAS PA DE NI 'DI LTAR BSHAD DO, ,GANG YANG LANGKA'I BDAG PO KHYOD KYIS SNGON GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA'ANG BDAG GIS DRIS TE, DE DAG GIS KYANG LAN GLAN NO ZHES SMRAS PA'ANG, LANGKA'I BDAG PO, SNGON ZHES BYA BA 'DI NI RNAM PAR RTOG PA'I TSIG BLA DWAGS TE, 'DAS PA LA'ANG 'DI LTAR 'DAS PA ZHES RNAM PAR RTOG GO ,DE BZHIN DU MA 'ONGS PA DANG, DA LTAR YANG RTOG STE, DE BZHIN GSHEGS PA RNAMS NI DE'I CHOS NYID KYIS RNAM PAR MI RTOG PA RNAM PAR RTOG PA'I SPROS PA THAMS CAD LAS 'DAS PA STE, GZUGS KYI NGO BO NYID LA BRTAGS PA LTAR NI MA YIN GYI, GZHAN DU NA YE SHES THUGS SU CHUD PA BDE BA'I DON DU MTSAN MA MED PA LA SPYOD PA'I SHES RAB KYIS RNAM PAR SGOM MO, ,DE'I PHYIR DE BZHIN GSHEGS PA RNAMS NI YE SHES KYI BDAG NYID YE SHES KYI SKU STE, BRTAGS PAR MI BYA'O, ,GANG GIS MI BRTAG CE NA, YID KYIS BDAG DANG, SROG DANG, GANG ZAG TU MI BRTAG GO ,JI LTAR MI BRTAG CE NA, YUL GYI DON GYI RGYU LAS BYUNG BA YID KYI RNAM PAR SHES PAS JI LTAR GZUGS KYI MTSAN NYID DANG, DBYIBS DANG, RNAM PA BZHIN DU MI BRTAG GO ,DE BAS NA KHYOD KYIS BRTAG PAR BYA BA DANG, RNAM PAR RTOG PA DANG BRAL BAR BYA'O, ,LANGKA'I @100A *, ,BDAG PO, 'DI LTAR YANG SEMS CAN GYI SPYOD PA RNAMS NI BRTZIG PA'I RI MO'I GZUGS DANG 'DRA STE, LANGKA'I BDAG PO, CHOS THAMS CAD YOD PA MA YIN PA'I PHYIR 'JIG RTEN GNAS PA NI G-YO BA MED PA STE, LAS DANG BYED PA DANG BRAL BA'O, ,'DI LA GANG YANG NYAN PA'AM, MNYAN PAR BYA BA MED DO, ,LANGKA'I BDAG PO, 'JIG RTEN GNAS PA NI SPRUL PA DANG MTSUNGS NA, MU STEGS CAN BYIS PA'I RNAL 'BYOR PA RNAMS RNAM PAR MI SGOM MO, ,LANGKA'I BDAG PO, GANG GIS DE LTAR MTHONG BA DES NI YANG DAG PAR MTHONG BA STE, RNAM PA GZHAN DU MTHONG NA RNAM PAR RTOG PA LA SPYOD PA'O, ,DE LTAR RNAM PAR RTOG PA DANG BCAS PA RNAMS NI RNAM PA GNYIS SU 'DZIN TE, 'DI LTA STE, ME LONG GI NANG NA YOD PA'I BDAG GI GZUGS KYI GZUGS BRNYAN DANG, CHU LA BDAG GI GZUGS KYI GRIB MA DANG, ZLA BA'I 'OD DANG, KHYIM NA ME MAR 'BAR BA LA BDAG GI LUS KYI GRIB MA DANG, BRAG CA'AM, GZHAN YANG BDAG GI RNAM PAR RTOG PA'I GZUNG BA RAB TU BZUNG STE, CHOS DANG CHOS MED PAR RNAM PAR RTOG CING, CHOS DANG CHOS MED PA SPONG BA LA MI SPYOD DE SPYOD DO, ,RNAM PAR RTOG GO ,RGYAS PAR BYED DO, ,RAB TU ZHI BA MI 'THOB BO, ,'DI NI RTZE GCIG PA'I TSIG BLA DVAGS TE, 'DI NI DE BZHIN GSHEGS PA'I SNYING PO BDAG GI 'PHAGS PA SO SO RANG GI YE SHES KYI SPYOD YUL @100B DU 'JUG PA'I PHYIR MCHOG GI TING NGE 'DZIN SKYE BA'O, ,'BOD SGROGS KYIS GSOL BA BTAB PA'I LE'U STE DANG PO'O,, ,,DE NAS SANGS RGYAS KYI ZHING THAMS CAD DU RGYU BA'I BYANG CHUB SEMS DPA' SEMS DPA' CHEN PO BLO GROS CHEN PO BYANG CHUB SEMS DPA' BLO GROS DANG LHAN CIG TU SANGS RGYAS KYI MTHUS STAN LAS LANGS TE, BLA GOS PHRAG PA GCIG LA GZAR NAS PUS MO G-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR TE PHYAG BTZAL NAS, BCOM LDAN 'DAS LA TSIGS SU BCAD PA 'DI DAG GIS MNGON PAR BSTOD DO, ,'JIG RTEN SKYE 'JIG MA MCHIS TE, ,NAM MKHA'I ME TOG RAB TU 'DRA, ,KHYOD KYI SHES RAB THUGS RJE YE, ,KHYOD KYI YOD DANG MED MA DMIGS, CHOS RNAMS THAMS CAD SGYU MA BZHIN, ,SEMS DANG RNAM PAR SHES PA SPANGS, ,KHYOD KYI SHES RAB THUGS RJE YI, ,KHYOD KYIS YOD DANG MED MA DMIGS, ,'JIG RTEN RTAG DANG CHAD SPANGS PA, ,KHOR ZUG RMI LAM 'DRA BA STE, ,KHYOD KYI SHES RAB THUGS RJE YI, ,KHYOD KYIS YOD DANG MED MA DMIGS, ,CHOS DANG GANG ZAG BDAG MED DANG, ,KHYOD KYI NYON MONGS SHES BYA RNAMS, ,KHYOD KYI SHES RAB THUGS RJE DANG, ,MTSAN MA MED PAS RTAG TU DAG ,SGYU MA RMI LAM RANG BZHIN GYI, ,CHOS KYI SKU LA JI SKAD BSTOD, ,DNGOS PO RANG BZHIN MED RNAMS KYI, ,MA SKYES DE NI BSTOD PA LAGS, , @101A *, ,DBANG PO DON DANG RNAM BRAL ZHING, ,SNANG MED DE YI GZIGS PA BAS, ,GAL TE BSTOD DAM SMAD KYANG RUNG, ,THUB PA DE LA JI SKAD BRJOD, ,MYA NGAN MI 'DA' 'DA' LA MIN, ,KHYOD LA MYA NGAN 'DA' MI GNAS, ,BLO DANG RIG PAR BGYI DANG BRAL, ,YOD DANG MED PA'I PHYOGS KYANG SPANGS, ,DE LTAR SKYE 'JIG SPANGS PA YI, ,THUB PA ZHI BA SUS MTHONG BA, ,DE DANG 'DI DANG SLAD MAR YANG, ,CHAGS MED NYER LEN MA MCHIS 'GYUR, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA TSUL DANG 'DRA BA'I TSIGS SU BCAD PA 'DI DAG GIS MNGON PAR BSTOD DO, ,BDAG GI MING DANG RIGS BCOM LDAN 'DAS LA GSOL PA, BCOM LDAN BDAG NI BLO CHEN TE, THEG CHEN KHONG DU CHUD PAR RTOGS, ,'DRI BA BRGYA PO RTZA BRGYAD PA, ,GSUNGS BA'I MCHOG LA ZHU BAR BGYI, ,DE YI TSIG DE GSAN PA DANG, ,SANGS RGYAS 'JIG RTEN MKHYEN PA'I MCHOG ,THAMS CAD 'KHOR LA RNAM GZIGS NAS, ,BDE GSHEGS SRAS LA GSUNGS PA NI, ,NGA LA DRIS SHIG RGYAL SRAS RNAMS, ,BLO GROS CHEN PO KHYOD KYANG DRIS, ,SO SO RANG RIG SPYOD YUL NI, ,NGA YIS KHYOD LA BSHAD PAR BYA, ,DE NAS BCOM LDAN 'DAS KYIS SKABS PHYE BAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS KYI ZHABS GNYIS LA GTUGS TE, BCOM LDAN 'DAS LA @101B ZHU BA ZHUS PA, JI LTAR RTOG GE RNAM DAG 'GYUR, ,RTOG GE CI YI SLAD DU 'BYUNG, ,JI LTA BU NA NOR PA GDA', ,CI YI SLAD DU NOR PA 'BYUNG, ,CI YI SLAD DU SPRUL DANG ZHING, ,KHYOD KYI MTSAN DANG MU STEGS KYANG, ,SNANG MED RIM PA CI SLAD DU, ,KHYOD KYI RGYAL SRAS GANG NAS LHAGS, ,GROL BA GANG DU MCHI BAR 'GYUR, ,BCINGS PA SU LAGS GANG GIS 'GROL, ,BSAM GTAN PA YI YUL DE GANG, ,JI LTAR THEG PA GSUM PO LAGS, ,RKYEN GYIS SKYE BA DE DAG CI, ,'BRAS BU CI ZHIG RGYU NI GANG, ,GNYIS KYIS MTHA' BRJOD CI SLAD DU, ,JI LTA BU YANG 'BYUNG BA LAGS, GZUGS MED SNYOMS PAR 'JUG PA DANG, 'GOG PA DE YANG JI LTA BU, ,'DU SHES 'GOG PA JI LTA BU, ,CI SLAD JI LTAR SAD PAR 'GYUR, ,'GRO BA DANG NI LUS 'DZIN KYANG, ,CI YI SLAD DU BYA BA 'BYUNG, ,JI LTAR SNANG BA RNAM PAR SGOM, ,JI LTAR SA LA 'JUG PAR 'GYUR, ,SRID GSUM CHOMS GNAS PA DE SU, ,GNAS NI GANG LAGS LUS NI CI, ,GNAS SHING 'GRO BA GANG ZHIG TU, ,RGYAL BA'I SRAS SU JI LTAR 'GYUR, ,DBANG DANG TING NGE 'DZIN RNAMS DANG, ,MNGON PAR SHES PA JI LTAR 'THOB, ,JI LTAR SEMS NI MNYAM PAR 'JOG ,RGYAL BA KHYU MCHOG BDAG LA GSUNGS, ,YID DANG RNAM PAR SHES PA DANG, ,KUN GZHI DE YANG JI LTA BUR, ,SNANG LA JI LTAR 'JUG PA LAGS, ,JI LTAR SNANG LAS SLAD DU LDOG ,RIGS DANG RIGS MED JI LTAR CIS, , @102A *, ,SEMS TZAM DU YANG JI LTAR 'GYUR, ,MTSAN RNAMS RNAM PAR DGOD PA DANG, ,BDAG MED PA YANG JI LTAR 'GYUR, ,SEMS CAN MA MCHIS JI LTA BU, ,KUN RDZOB BSHAD PA JI LTA BU, ,JI LTAR RTAG DANG CHAD PA YIS, ,LTA BA RAB TU 'BYUNG MI 'GYUR, ,JI LTAR KHYOD DANG MU STEGS SU, ,MTSAN NYID RNAMS KYIS 'GAL MI 'GYUR, ,SDE PA RNAMS KYANG JI LTA BUR, ,MA 'ONGS DUS NA 'BYUNG BA GSUNGS, ,CI SLAD JI LTAR STONG PA NYID, ,JI LTAR KHYOD KYIS SKAD CIG 'JIG ,SNYING PO JI LTAR 'BYUNG BA LAGS, ,JI LTAR 'JIG RTEN BYED MA MCHIS, ,CI SLAD 'JIG RTEN SGYU MA 'DRA, ,DRI ZA 'DRA DANG SMIG RGYU DANG, ,CHU YI ZLA BA 'DRA BA YANG, ,CI YI SLAD DU BDAG LA GSUNGS, ,BYANG CHUB YAN LAG JI LTAR MCHIS, ,BYANG CHUB PHYOGS RNAMS CI LAS 'BYUNG, ,YUL 'KHRUG PA DANG KHRAG KHRUG DANG, ,JI LTAR 'BYUNG BAR LTA BAR 'GYUR, ,MA SKYES PA DANG MA 'GAGS PA, ,JI LTAR NAM MKHA'I ME TOG 'DRA, ,'JIG RTEN JI LTAR THUGS SU CHUD, ,YI GE MED PAR JI LTAR GSUNGS, ,CI YIS RNAM PAR MI RTOG 'GYUR, ,JI LTAR NAM MKHA' 'DRA BA LAGS, ,DE BZHIN NYID NI RNAM PA DU, ,SEMS DANG PHA ROL PHYIN PA DU, ,GANG GIS SA YI RIM PAR GYUR, ,SNANG MED RGYU BA GANG ZHIG LAGS, ,GANG GIS BDAG MED RNAM PAR GNYIS, ,SHES BYA JI LTAR RNAM PAR BDAG ,MGON PO YE @102B SHES RNAM PA DANG, ,TSUL KHRIMS SEMS CAN 'BYUNG GNAS DU, ,NOR BU MU TIG GSER 'BYUNG BA'I, ,RIGS RNAMS SU YIS RAB TU PHYUNG, ,SEMS CAN DNGOS PO'I SNA GRANGS DANG, ,MNGON PAR BRJOD PA SU YIS BSKYED, ,RIG PA'I GNAS DANG BZO YI RNAMS, ,GANG GIS JI LTAR RAB TU BSHAD, ,TSIGS SU BCAD PA RNAM PA DU, ,TSIGS BCAD RKYANG PA JI LTA BU, ,RIGS PA RNAM PA DU ZHIG MCHIS, ,BSHAD PA DAG KYANG JI LTAR 'GYUR, ,SKOM DANG KHA ZAS SNA TSOGS DANG, ,JI LTAR 'KHRIG PA 'BYUNG BAR 'GYUR, ,RGYAL PO 'KHOR LOS BSGYUR BA DANG, ,KHAMS KYI BDAG PO JI LTAR LAGS, ,JI LTAR RGYAL SRID SRUNG BAR 'GYUR, ,LHA YI RIS LA RNAM PA DU, ,SA DANG SKAR TSOGS CI LAS GYUR, ,NYI ZLA GNYIS KYANG JI LTA BU, ,THAR PA RNAM PA DU ZHIG MCHIS, ,RNAL 'BYOR LDAN PA RNAM PA DU, ,SLOB MA RNAM PA DU ZHIG MCHIS, ,SLOB DPON DU YANG JI LTAR 'GYUR, ,SANGS RGYAS RNAM PA DU ZHIG LAGS, ,SKYES PA'I RABS LA RNAM PA DU, ,BDUD LA RNAM PA DU ZHIG MCHIS, ,YA MTSAN CAN YANG RNAM PA DU, ,KHYOD KYI RANG BZHIN RNAM PA DU, ,SEMS LA RNAM PA DU ZHIG MCHIS, ,BTAGS PA TZAM YANG JI LTA BU, ,SMRA BA'I MCHOG GIS BDAG LA GSUNGS, ,NAM MKHA'I SPRIN RLUNG CI LAS GYUR, ,DRAN DANG YID GZHUNGS JI LTAR 'BYUNG, ,SHING GI 'KHRI SHING JI LTAR MCHIS, ,SRID GSUM DBANG PO BDAG LA GSUNGS, ,GLANG PO RI DWAGS RTA BLUN RNAMS, ,GZUNG DU RUNG BA CI SLAD @103A *, ,DU, ,NGAN PA'I MI RNAMS CI LAS GYUR, ,BDAG LA SEMS LUNG SGYUR BAS GSUNGS, ,KHAMS DRUG 'DZIN PA CI SLAD DU, ,'DOD CHEN PAR YANG JI LTAR 'GYUR,, SKYES PA BUD MED MA NING RNAMS, ,JI LTAR SKYE 'GYUR BDAG LA GSUNGS, ,RNAL 'BYOR LAS NI JI LTAR LDOG ,RNAL 'BYOR LA YANG JI LTAR 'JUG ,CI 'DRA'I SKYES BU JI LTA BUR, ,RNAL 'BYOR GZHAG PA BDAG LA GSUNGS, ,'GRO BAR PHYIN PA'I SEMS CAN GYI, ,MTSAN NYID MTSAN MA JI LTA BU, ,GANG GIS JI LTAR PHYUG POR 'GYUR, ,MKHA' 'DRAS BDAG LA BKA' STZOL CIG ,JI LTAR CI YI SH'A-KYA'I RIGS, ,BU RAM SHING SKYES JI LTAR BYUNG, ,YUN RING DRANG SRONG DKA' THUB GANG, ,KHYOD KYI DES NI JI LTAR BRLABS, ,KHYOD NYID ZHING RNAMS THAMS CAD DU, ,MTSAN DANG DE BZHIN GZUGS SNA TSOGS, ,RGYAL BA'I SRAS KYIS BSKOR BA YANG, ,CI YI SLAD DU KUN NA GDA', ,JI LTAR SHA RNAMS BZAR MI RUNG, ,JI LTAR SHA NI BKAG PA LAGS, ,SHA ZA'I RIGS SU SKYES PA RNAMS, ,SHA 'TSAL BAR YANG JI LTAR 'GYUR, ,JI LTAR ZHING RNAMS NYI ZLA'I DBYIBS, ,RI RAB PADMO 'DRA BA DANG, ,DPAL BE'U SENG GE'I DBYIBS 'DRA BA, ,CI YI SLAD DU BDAG LA GSUNGS, ,GO 'DUN DAG DANG SPYI TSUGS DANG, ,MIG 'PHRUL 'DRA BA JI LTA BU, ,RIN CHEN KUN GYI ZHING RNAMS KYANG, ,JI LTAR CI SLAD BDAG LA GSUNGS, ,PI WANG ? RNGA YI DBYIBS 'DRA @103B DANG, ,'BRAS BU ME TOG SNA TSOGS 'DRA, ,NYI ZLA DAG DANG RNAM BRAL BA, ,JI LTAR CI SLAD BDAG LA GSUNGS, ,LA LA SPRUL PA'I SANGS RGYAS DANG, ,SANGS RGYAS LA LA RNAM SMAN 'BYUNG, ,YANG DAG YE SHES SANGS RGYAS RNAMS, ,JI LTAR CI SLAD BDAG LA GSUNGS, ,CI SLAD JI LTAR 'DOD KHAMS SU, ,RNAM SANGS MA RGYAS BDAG LA GSUNGS, ,CI YI DON DU 'OG MIN DU, ,CHAGS BRAL KHROD DU MNGON SANGS RGYAS BDE GSHEGS MYA NGAN 'DAS NAS GO ,BSTAN PA SU ZHIG 'DZIN PAR 'GYUR, ,STON PA JI SRID BAR DU BZHUGS, ,TSUL YANG JI SRID GNAS PAR 'GYUR, ,KHYOD KYI GRUB MTHA' RNAM PA DU, ,LTA BA DAG KYANG RNAM PA DU, ,DGE SLONG DNGOS DANG 'DUL BA YANG, ,CI SLAD JI LTAR BDAG LA GSUNGS, ,RANG RGYAL RGYAL SRAS NYAN THOS KYI, ,CI SLAD 'GYUR BA RGYAL PO DANG, ,SNANG BA MED PA RGYAL PO YANG, ,CI YI SLAD PA BDAG LA GSUNGS, ,'JIG RTEN MNGON SHES GANG GIS 'BYUNG, ,'JIG RTEN 'DAS KYI'ANG JI LTA BUR, ,SEMS DANG SA RNAMS BDUN PO YANG, ,JI LTAR CI SLAD BDAG LA GSUNGS, ,KHYOD KYI DGE 'DUN RNAM PA DU, ,JI LTAR DGE 'DUN DBYEN DU 'GYUR, ,SEMS CAN GSO BA'I GTZUG LAG KYANG, ,JI LTA CI SLAD BDAG LA GSUNGS, ,'OD SRUNG LOG PAR DAD SEL DANG, GSER THUB KYANG NI NGA YIN ZHES,, RGYAL BA'I SRAS LA GSUNG BA DE, ,THUB PA CHEN PO CI SLAD GSUNG, ,BDAG DANG SEMS CAN CIS MED BRJOD, ,RTAG DANG 'JIG GTAM JI LTA BUR, ,CI SLAD SEMS TZAM YANG DAG NYID, ,THAMS CAD DU @104A *, ,NI BSHAD MI MDZAD, ,JI SRID SKYES BU NA CHUNG TSAL, ,AA RU RA DANG SKYU RU TSAL, ,TI SE'I GANGS DANG KHOR YUG RI, ,RDO RJE SRA BA'ANG JI LTA BU, ,DE YI NANG NA DU MA'I RI, , RIN CHEN SNA TSOGS RAB BRGYAN CING, ,DRANG SRONG DRI ZAS KUN GANG BA, ,JI LTAR CI SLAD BDAG LA GSUNGS, ,THEG PA CHE TSUL SNA TSOGS PA, ,SANGS RGYAS RNAMS KYI THUGS MCHOG 'DI, , SANGS RGYAS 'JIG RTEN MKHYEN PA'I PHUL, ,LHA CHEN GYIS NI GSAN PA DANG, ,SHES RAB CHEN PA LEGS SO LEGS, ,KHYOD KYIS YONGS SU GANG DRIS PA, ,DE NI RIM GYIS NGAS BSHAD KYI, ,BLO CHEN NGA LA SHES PAR BYOS, ,SKYE DANG SKYE BA MED PA DANG, ,JI LTAR MYA NGAN 'DAS DANG, ,'PHO DANG RANG BZHIN MED PA DANG, ,SANGS RGYAS PHA ROL PHYIN DANG SRAS, ,NYAN THOS RGYAL BA'I SRAS RNAMS DANG, ,GZUGS MED SPYOD PA'I MU STEGS DANG, ,RI RAB RGYA MTSO RI RNAMS DANG, ,GLING DANG SA DANG ZHING RNAMS DANG, ,SKAR MA NYI MA ZLA BA DANG, ,MU STEGS LHA DANG LHA MA YIN, ,RNAM THAR DBANG DANG MNGON SHES DANG, ,STOBS DANG BSAM GTAN TING NGE 'DZIN, ,'GOG DANG RDZU 'PHRUL RKANG PA DANG, ,BYANG CHUB YAN LAG LAM RNAMS DANG, ,TSAD MED RNAMS DANG BSAM GTAN DANG, ,PHUNG PO RNAMS DANG 'GRO 'ONG DANG, ,SNYOMS PAR 'JUG DANG 'GOG PA DANG, ,LDANG DANG SNA TSOGS BSHAD PA DANG, ,SEMS DANG YID DANG RNAM SHES DANG, ,BDAG @104B MED PA DANG CHOS LNGA DANG, ,RANG BZHIN RTOG DANG BRTAGS PA DANG, ,SNANG DANG LTA GNYIS JI LTA BU, ,THEG PA RNAMS KYI 'BYUNG GNAS DANG, ,GSER NOR MU TIG 'BYUNG BA'I RIGS, ,'DOD CHEN PA DANG 'BYUNG CHEN DANG, ,SANGS RGYAS GCIG DANG DKRUGS MA DANG, ,SHES DANG SHES BYA 'BYUNG 'THOB DANG, ,SEMS CAN SRID DANG MI SRID DANG, ,CI PHYIR GLANG PO RI DVAGS RTA, ,JI LTAR GZUNG RUNG BDAG LA GSUNGS, ,DPE DANG RGYU RNAMS LDAN PA YI, ,GRUB PA'I MTHA' BSHAD JI LTA BUR, ,RGYU DANG 'BRAS BU CI YI PHYIR, ,TSUL DANG NOR PA SNA TSOGS DANG, ,SEMS TZAM STE NI SNANG BA MED, ,SA RNAMS LA YANG RIM PA MED, ,SNANG BA MED DANG 'GYUR BA RNAMS, ,BRGYA PO CI PHYIR BDAG LA GSUNGS, ,GSO BA'I GTZUG LAG BZO RNAMS DANG, ,SGYU RTZAL RIG LUNG DE BZHIN TE, ,RI BO DE BZHIN RI RAB DANG, ,SA YI TSAD KYANG JI LTA BUR; ;NYI MA ZLA BA RGYA MTSOR YI, ,TSAD NI JI TZAM BDAG LA GSUNGS, ,SEMS CAN LUS LA RDUL GYI RNAMS, ,RAB DANG 'BRING DANG THA MA DU, ,ZHING DANG ZHING LA RDUL RNAMS DU, ,'DOM DANG 'DOM LA JI SNYED MCHIS; ;KHRU 'DOM GOM PA RGYANG GRAGS DANG, ,DPAG TSAD PHYED DANG PAG TSAD LA, ,RI BONG NYI ZER SRO MA DANG, ,LUG GI DANG NI NGAS KYANG DU, ,BRE GANG LA NI NAS 'BRU DU, ,BRE PHYED LA YANG NAS 'BRU DU, ,DE BZHIN BRE BO KHAL GCIG LA, ,'BUM DANG BYE BA SHU RDOG DU, ,YUNGS KAR LA NI RDUL PHRAN DU, ,'OL MA SE LA YUNGS KAR DU, ,RI GCIG LA NI 'OL SE DU, ,NAM GCIG LA NI RI DU @105A *, ,YOD, ,ZHO GCIG LA NI NAM DU YOD, ,SRANG [#DATA INCOMPLETE HERE] @107A *, ,DANG; ZHING GI TSIG DANG, ZHING MED PA'I TSIG DANG, RDUL GYI TSIG DANG, RDUL MED PA'I TSIG DANG, CHU'I TSIG DANG, CHU MED PA'I TSIG DANG, RMONGS PA'I TSIG DANG, RMONGS PA MA YIN PA'I TSIG DANG, YANG DAG PA'I TSIG DANG, YANG DAG PA MA YIN PA'I TSIG DANG, GRANGS DANG RTZIS KYI TSIG DANG, GRANGS DANG RTZIS MED PA'I TSIG DANG, MNGON PAR SHES PA'I TSIG DANG, MNGON PAR SHES PA MED PA'I TSIG DANG, SKYO BA'I TSIG DANG, SKYO BA MED PA'I TSIG DANG, STUG PO'I TSIG DANG, STUG PO MA YIN PA'I TSIG DANG, SGYU RTZAL DANG RIG PA DANG BZO'I TSIG DANG, SGYU RTZAL DANG RIG PA DANG BZO MED PA'I TSIG DANG, RLUNG GI CHIG DANG, RLUNG MED PA'I TSIG DANG, SA'I TSIG DANG, SA MED PA'I TSIG DANG, SEMS KYI TSIG DANG, SEMS MED PA'I TSIG DANG, GDAGS PA'I CHIG DANG, GDAGS PA MED PA'I TSIG DANG, RANG BZHIN GYI TSIG DANG, RANG BZHIN MED PA'I TSIG DANG, PHUNG PO'I TSIG DANG, PHUNG PO MED PA'I TSIG DANG, SEMS CAN GYI TSIG DANG, SEMS CAN MED PA'I TSIG DANG, BLO'I TSIG DANG, BLO MED PA'I TSIG DANG, MYA NGAN LAS 'DAS PA'I TSIG DANG, MYA NGAN LAS 'DAS PA MED PA'I TSIG DANG, SHES BYA'I TSIG DANG, SHES BYA MED PA'I TSIG DANG, MU STEGS CAN GYI TSIG DANG, MU STEGS CAN MED PA'I TSIG DANG, KHRAG KHRUG GI TSIG DANG, KHRAG KHRUG MA YIN PA'I TSIG DANG, SGYU @107B MA'I TSIG DANG, SGYU MA MED PA'I TSIG DANG, RMI LAM GYI TSIG DANG, RMI LAM MED PA'I TSIG DANG, SMIG RGYU'I TSIG DANG, SMIG RGYU MED PA'I TSIG DANG, GZUGS BRNYAN GYI TSIG DANG, GZUGS BRNYAN MED PA'I TSIG DANG, 'KHOR LO'I TSIG DANG, 'KHOR LO MED PA'I TSIG DANG, DRI ZA'I TSIG DANG, DRI ZA MA YIN PA'I TSIG DANG, LHA'I TSIG DANG, LHA MA YIN PA'I TSIG DANG, ZAS SKOM GYI TSIG DANG, ZAS SKOM MED PA'I TSIG DANG, 'KHRIG PA'I TSIG DANG, 'KHRIG PA MED PA'I TSIG DANG, LTA BA'I TSIG DANG, LTA BA MED PA'I TSIG DANG, PHA ROL TU PHYIN PA'I TSIG DANG, PHA ROL TU PHYIN PA MED PA'I TSIG DANG, TSUL KHRIMS KYI TSIG DANG, TSUL KHRIMS MED PA'I TSIG DANG, NYI ZLA DANG SKAR MA'I TSIG DANG, NYI ZLA DANG SKAR MA MED PA'I TSIG DANG, BDEN PA'I TSIG DANG, BDEN PA MED PA'I TSIG DANG, 'BRAS BU'I TSIG DANG, 'BRAS BU MED PA'I TSIG DANG, 'GOG PA'I TSIG DANG, 'GOG PA MED PA'I TSIG DANG, 'GOG PA LAS LDANG BA'I TSIG DANG, 'GOG PA LAS LDANG BA MED PA'I TSIG DANG, GSO BA'I TSIG DANG, GSO BA MED PA'I TSIG DANG, MTSAN GYI TSIG DANG, MTSAN MED PA'I TSIG DANG, YAN LAG GI TSIG DANG, YAN LAG MED PA'I TSIG DANG, SGYU RTZAL RIG PA'I TSIG DANG, SGYU RTZAL RIG PA MED PA'I TSIG DANG, BSAM GTAN GYI TSIG DANG, BSAM GTAN MED PA'I TSIG DANG, NOR PA'I TSIG DANG, NOR PA MED PA'I TSIG DANG, SNANG @108A *, ,BA'I TSIG DANG, SNANG BA MED PA'I TSIG DANG, BSRUNG BA'I TSIG DANG, BSRUNG BA MED PA'I TSIG DANG, RUS KYI TSIG DANG, RUS MED PA'I TSIG DANG, DRANG SRONG GI TSIG DANG; DRANG SRONG MA YIN PA'I TSIG DANG, RGYAL PO'I SRID KYI TSIG DANG, RGYAL PO'I SRID MA YIN PA'I TSIG DANG, GZUNG BA'I TSIG DANG, GZUNG BA MED PA'I TSIG DANG, RIN PO CHE'I TSIG DANG, RIN PO CHE MED PA'I TSIG DANG, LUNG BSTAN PA'I TSIG DANG, LUNG BSTAN PA MED PA'I TSIG DANG, 'DOD CHEN PA'I TSIG DANG, 'DOD CHEN PA MED PA'I TSIG DANG, PHO MO DANG MA NING GI TSIG DANG; PHO MO DANG MA NING MED PA'I TSIG DANG, BRO BA'I TSIG DANG, BRO BA MED PA'I TSIG DANG, BYED PA'I TSIG DANG, BYED PA MED PA'I TSIG DANG, LUS KYI TSIG DANG, LUS MED PA'I TSIG DANG; RTOG GE'I TSIG DANG, RTOG GE MED PA'I TSIG DANG, G-YO BA'I TSIG DANG, G-YO BA MED PA'I TSIG DANG, DBANG PO'I TSIG DANG, DBANG PO MED PA'I TSIG DANG, 'DUS BYAS KYI TSIG DANG, 'DUS BYAS MED PA'I TSIG DANG, RGYU DANG 'BRAS BU'I TSIG DANG, RGYU DANG 'BRAS BU MED PA'I TSIG DANG, 'OG MA'I TSIG DANG, 'OG MIN GYI TSIG DANG, DUS KYI TSIG DANG, DUS MED PA'I TSIG DANG, SHING DANG SHING GEL BA DANG LCUG MGYES PA'I TSIG DANG, SHING DANG SHING GEL BA DANG LCUG MA GYES BA MED PA'I TSIG DANG, SNA TSOGS KYI TSIG DANG, SNA TSOGS @108B MED PA'I TSIG DANG, BSTAN PAS GZUNG BA'I TSIG DANG, BSTAN PAS GZUNG BA MED PA'I TSIG DANG, 'DUL BA'I TSIG DANG, 'DUL BA MED PA'I TSIG DANG, DGE SLONG GI TSIG DANG, DGE SLONG MED PA'I TSIG DANG, BYIN GYI RLABS KYI TSIG DANG, BYIN RLABS MED PA'I TSIG DANG, YI GE'I TSIG DANG, YI GE MED PA'I TSIG DANG, 'DI DAG NI, BLO GROS CHEN PO, SNGON GYI SANGS RGYAS KYIS BRJOD PA'I TSIG BRGYA RTZA BRGYAD DO,, ,,'PHAGS PA LANG-KAR GSHEGS PA, BAM PO GNYIS PA, DE NAS YANG BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS, RNAM PAR SHES PA RNAMS KYI SKYE BA DANG, GNAS PA DANG, 'GAG PA RNAM PA DU MCHIS, BCOM LDAN 'DAS KYIS BKA' STZAL PA; BLO GROS CHEN PO, RNAM PAR SHES PA RNAMS KYI SKYE BA DANG, GNAS PA DANG, 'GAG PA LA RNAM PA GNYIS YOD DE, RTOG GE PA RNAMS KYIS KHONG DU MI CHUD DO, ,'DI LTA STE, RGYUN 'GAG PA DANG; MTSAN NYID 'GAG PA'O, ,RNAM PAR SHES PA RNAMS KYI SKYE BA'ANG RNAM PA GNYIS TE, RGYUN SKYE BA DANG, MTSAN NYID SKYE BA'O, ,GNAS PA'ANG RNAM PA GNYIS TE, RGYUN GNAS PA DANG, MTSAN NYID GNAS PA'O, ,BLO GROS CHEN PO, RNAM PAR SHES PA NI RNAM PA GSUM STE, 'JUG PA'I MTSAN NYID DANG, LAS KYI MTSAN NYID DANG, RIGS KYI MTSAN NYID DO, ,BLO GROS CHEN PO, MTSAN NYID @109A *, ,BRGYAD DU GSUNGS PA'I RNAM PAR SHES PA NI MDOR RNAM PA GNYIS TE, SNANG BA'I RNAM PAR SHES PA DANG, DNGOS PO SO SOR RNAM PAR RTOG PA'I RNAM PAR SHES PA'O; ;BLO GROS CHEN PO, JI LTAR ME LONG LA GZUGS BZHIN DU SNANG BA LA SNANG BA'I RNAM PAR SHES PA 'DZIN TE, BLO GROS CHEN PO, SNANG BA'I RNAM PAR SHES PA DANG, DNGOS PO SO SOR RNAM PAR RTOG PA'I RNAM PAR SHES PA DE GNYIS NI MTSAN NYID THA MI DAD CING GCIG GI RGYU GCIG GO ,BLO GROS CHEN PO, DE LA SNANG BA'I RNAM PAR SHES PA NI BSAM GYIS MI KHYAB PA'I BAG CHAGS YONGS SU 'GYUR BA'I RGYU LAS BYUNG BA'O, ,BLO GROS CHEN PO, DNGOS PO SO SOR RNAM PAR RTOG BA'I RNAM PAR SHES PA NI YUL LA RNAM PAR RTOG PA'I RGYU LAS BYUNG BA DANG, THOG MA MED PA'I DUS KYI SPROS PA'I BAG CHAGS KYI RGYU LAS BYUNG BA'O, ,DE LA, BLO GROS CHEN PO, DBANG PO'I RNAM PAR SHES PA THAMS CAD 'GAG PA NI 'DI LTA STE, KUN GZHI RNAM PAR SHES PA'I YANG DAG PA MA YIN PAR KUN RTOG PA'I BAG CHAGS SNA TSOGS 'GOG PA STE, BLO GROS CHEN PO, 'DI NI MTSAN NYID 'GAG PA'O, ,BLO GROS CHEN PO, RGYUN 'GAG PA NI GANG LAS 'BYUNG BA YIN TE, BLO GROS CHEN PO, GANG LAS ZHES BYA BA NI GANG LA GNAS PA DANG, GANG LA DMIGS PA'O, ,DE LA GANG LA GNAS PA ZHES BYA BA NI THOG MA MED PA'I DUS KYI SPROS PA GNAS @109B NGAN LEN GYI BAG CHAGS SO, ,GANG LA DMIGS PA ZHES BYA BA NI BDAG GI SEMS SNANG BA RNAM PAR SHES PA'I YUL DU RNAM PAR RTOG PA'O, ,BLO GROS CHEN PO, 'DI LTA STE, DPER NA, 'JIM PA'I RDUL PHRA BA DANG, 'JIM PA'I GONG BU NI GCIG PA'ANG MA YIN, THA DAD PA'ANG MA YIN PA DANG, JI LTAR GSER DANG RGYAN BZHIN TE, BLO GROS CHEN PO, CI STE 'JIM PA'I GONG BU 'JIM PA'I RDUL PHRA RAB DANG THA DAD PA ZHIG YIN NA NI DE DAG LAS BRTZAMS PA MA YIN PAR 'GYUR NA, DE NI 'JIM PA'I RDUL PHRA RAB DE DAG LAS KYANG BRTZAMS PAS NA, DE'I PHYIR THA DAD PA MA YIN NO, ,DE STE THA DAD PA MA YIN NA NI 'JIM PA'I GONG BU DANG, RDUL PHRA RAB TU BYE BRAG MED PAR 'GYUR RO, ,DE BZHIN DU BLO GROS CHEN PO 'JUG PA'I RNAM PAR SHES PA RNAMS KUN GZHI RNAM PAR SHES PA'I RIGS KYI MTSAN NYID DANG GAL TE THA DAD PA YIN NA NI KUN GZHI RNAM PAR SHES PA'I RGYU LAS 'BYUNG BAR MI 'BYUR RO, ,DE STE THA DAD PA MA YIN NA NI 'JUG PA'I RNAM PAR SHES PA 'GAGS NA KUN GZHI RNAM PAR SHES PA'ANG 'GAG PAR 'GYUR NA, DE LTAR BDAG GI RIGS KYI MTSAN NYID 'GAG PAR YANG MI 'GYUR TE, DE'I PHYIR, BLO GROS CHEN PO, RNAM PAR SHES PA RNAMS KYI RANG GI RIGS KYI MTSAN NYID 'GAG PAR MI 'GYUR GYI LAS KYI MTSAN NYID NI 'GAG GO ,RANG GI RIGS KYI MTSAN NYID 'GAGS NA KUN GZHI @110A *, ,RNAM PAR SHES PA'ANG 'GAG PAR 'GYUR TE, BLO GROS CHEN PO, KUN GZHI RNAM PAR SHES PA 'GAGS NA NI SMRA BA 'DI'ANG MU STEGS BYED PA'I CHAD PAR SMRA DANG KHYAD PAR MED PAR 'GYUR RO, ,BLO GROS CHEN PO, MU STEGS BYED RNAMS KYI SMRA BA NI 'DI LTA STE, 'DI LTAR YUL LA 'DZIN PA RGYUN CHAD PAS RNAM PAR SHES PA'I RGYUN CHAD PAR 'GYUR TE; RNAM PAR SHES PA'I RGYUN CHAD PAS THOG MA MED PA'I DUS KYI RGYUN YANG CHAD PAR 'GYUR BA'O, ,BLO GROS CHEN PO, MU STEGS BYED RNAMS NI RGYU LAS RGYUN 'BYUNG BAR SMRA'O, ,RGYU MA GTOG PAR MIG GI RNAM PAR SHES PA GZUGS DANG SNANG BA 'DUS PA LAS 'BYUNG BAR MI SMRA STE, BLO GROS CHEN PO, RGYU NI GTZO BO DANG, SKYES BU DANG, DBANG PO DANG, DUS DANG, RDUL PHRA MOR SMRA BA'O; ;GZHAN YANG, BLO GROS CHEN PO, DNGOS PO'I RANG BZHIN BDUN YOD DE, 'DI LTAR 'DU BA DNGOS PO'I RANG BZHIN DANG, DNGOS PO'I RANG BZHIN GYI DNGOS PO DANG, MTSAN NYID KYI DNGOS PO DANG, 'BYUNG BA CHEN PO'I RANG BZHIN GYI DNGOS PO DANG, RGYU'I DNGOS PO DANG, RKYEN GYI DNGOS PO DANG, 'GRUB PA'I DNGOS PO STE BDUN NO, ,BLO GROS CHEN PO, GZHAN YANG DON DAM PA BDUN TE, 'DI LTAR SEMS KYI SPYOD YUL DANG, YE SHES KYI SPYOD YUL DANG, LTA BA GNYIS KYI SPYOD YUL DANG, LTA BA GNYIS LAS 'DAS PA'I SPYOD YUL DANG, @110B SNANG BA MED PA'I SPYOD YUL DANG, SRAS KYI SA LAS 'DA' BA'I SPYOD YUL DANG, DE BZHIN GSHEGS PA'I SO SO RANG GIS RIG PA'I SPYOD YUL TE, 'DI DAG NI, BLO GROS CHEN PO, 'DAS PA DANG, MA 'ONGS PA DANG, DA LTAR GYI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI DNGOS PO'I RANG BZHIN DANG, DON DAM PA'I SNYING PO YIN TE, DNGOS PO'I RANG BZHIN DANG DON DAM PA'I SNYENG PO DE DANG LDAN PAS DE BZHIN GSHEGS PA RNAMS 'JIG RTEN PA DANG, 'JIG RTEN LAS 'DAS PA'I MCHOG GI CHOS RANG DANG SPYI'I MTSAN NYID DU GTOGS PA'I RNAMS 'PHAGS PA'I SHES RAB KYI SPYAN GYIS RNAM PAR 'GOD DE, JI LTAR MU STEGS BYED PA'I SMRA BA DANG, LTA BA NGAN PA DANG THUN MONG DU MI 'GYUR BA DE LTAR RNAM PAR 'GOD DO, ,BLO GROS CHEN PO, JI LTAR NA MU STEGS BYED PA'I SMRA BA DANG, LTA BA NGAN PA DANG THUN MONG MA YIN PA YIN ZHE NA, 'DI LTA STE, BLO GROS CHEN PO, RNAM PAR SHES PA RNAMS KYI BDAG GI YUL LA RNAM PAR RTOG PA'I LTA BA KHONG DU MA CHUD PA DANG, BDAG GI SEMS SNANG BA TZAM DU MI 'JUG PAS BYIS PA SO SO'I SKYE BO RNAMS DNGOS PO DANG DNGOS PO MED PA'I RANG BZHIN DON DAM PAR LTA BA GNYIS SU SMRA BAR GYUR TO, ,BLO GROS CHEN PO, GZHAN YANG MI SHES PA DANG, SRED PA DANG, LAS KYI RKYEN RNAM PAR LOG PA, RNAM PAR RTOG PA, SRID PA GSUM @111A *, ,GYI SDUG BSNGAL RNAM PAR ZLOG PA, RANG GI SEMS SNANG BA'I YUL SGYU MA RJES SU MTHONG BA BSHAD PAR BYA'O, ,BLO GROS CHEN PO, DGE SBYONG NGAM, BRAM ZE GANG LA LA MA BYUNG BA'AM, YOD PA RGYU LAS 'BRAS BU MNGON PA DANG, DNGOS PO YUN DU GNAS PA DANG, RKYEN RNAMS LAS PHUNG PO DANG, KHAMS DANG, SKYE MCHED RNAMS SKYE BA DANG, GNAS PA DANG, BYUNG NAS KYANG 'JIG PAR 'DOD DE, BLO GROS CHEN PO, DE DAG NI RGYUN DANG, BYA BA DANG, SKYE BA DANG, SRID PA DANG, MYA NGAN LAS 'DAS PA DANG, LAM DANG, LAS DANG, 'BRAS BU DANG, BDEN PA DANG, RNAM PAR 'JIG PA DANG, CHAD PAR LTA BAR 'GYUR TE, DE CI'I PHYIR ZHE NA, MNGON SUM DANG, MI DMIGS PA DANG, THOG MA MTHONG BA MED PA'I PHYIR RO; ;BLO GROS CHEN PO, 'DI LTA STE, GYO MO NI RDZA MA MED PAS RDZA MA'I BYA BA MI BYED DO, ,SA BON TSIG PA'ANG MYU GU'I BYA BA MI BYED DE, BLO GROS CHEN PO, DE BZHIN DU PHUNG PO DANG, KHAMS DANG; SKYE MCHED KYI DNGOS PO DE DAG 'GAGS PA DANG, 'GAG PA DANG, 'GAG PAR 'GYUR BA NI BDAG NI SEMS SNANG BA RNAM PAR RTOG PA MTHONG BA'I RGYU LAS BYUNG BAS DE DAG NI RGYUN MI 'CHAD PAR 'BYUNG BA MED DO, ,BLO GROS CHEN PO, GAL TE MA BYUNG BA'AM, YOD PA LAS RNAM PAR SHES PA RNAMS GSUM PHRAD PA'I RKYEN GYI BYED PA LDAN PA LAS 'BYUNG DU ZIN NA NI @111B BLO GROS CHEN PO RUS SBAL GYI SPU LTA BU MED PA RNAMS DANG, BYE MA LAS KYANG 'BRU MAR 'BYUNG BAR 'GYUR RO, ,BLO GROS CHEN PO, YOD PA DANG MED PA LAS 'BYUNG BAR SMRA BA LAS DAM BCAS PA NYAMS PA DANG, NGES PA LAS 'GAL BA DANG, BYA BA DANG LAS DANG BYED PA DON MED PAR YANG 'GYUR RO, ,BLO GROS CHEN PO, DE DAG LA'ANG GSUM PHRAD PA'I RKYEN GYI BYED PA DANG LDAN PAS RGYU DANG, 'BRAS BU DANG, RANG GI MTSAN NYID DU STON PA YOD DE, 'DAS PA DANG, MA 'ONGS PA DANG, DA LTAR BYUNG BA'I YOD PA DANG, MED PA'I MTSAN NYID YOD PAR RIG PA DANG, GZHUNG GIS BRTAGS PA'I SA LA GNAS SHING RANG GI LTA BA NYES PA'I BAG CHAGS KYIS STON TE, BLO GROS CHEN PO, DE LTAR BYIS PA SO SO'I SKYE BO RNAMS NYES PA'I LTA BAS ZIN PA MI MNYAM PA'I BLO CAN RNAMS MI SHES PAS BSTAN PA LA THAMS CAD MKHYEN PAS BSTAN TO ZHES ZER RO, ,BLO GROS CHEN PO, DGE SBYONG NGAM BRAM ZE GANG LA LA RANG BZHIN MED PA SPRIN DANG, 'GAL ME BSKOR BA DANG, DRI ZA'I GRONG KHYER DANG, MA SKYES PA DANG, SGYU MA DANG, SMIG RGYU BA DANG, CHU'I ZLA BA DANG, RMI LAM DANG, PHYI ROL TU SEMS KYI SNANG BA RNAM PAR RTOG PA DANG, THOG MA MED PA'I DUS KYI SPROS PA MTHONG BAS RANG GI SEMS SNANG BA, RNAM PAR RTOG PA'I RKYEN PHYIR LDOG PA MED PA, YONGS SU BRTAGS PA'I BRJOD PA DANG, MTSAN DANG MTSAN GYI GZHI DANG, BRJOD PAR BYA BA @112A *, ,DANG BRAL BA, LUS DANG LONGS SPYOD DANG, GNAS SU SNANG BA'I KUN GZHI RNAM PAR SHES PA DANG, YUL DANG, GZUNG BA DANG, 'DZIN PA DANG RNAM PAR BRAL BA; SNANG BA MED PA'I SPYOD YUL, SKYE BA DANG GNAS PA DANG 'JIG PA SPANGS PA, BDAG GI SEMS SKYE BA DANG LDAN PA RNAM PAR SGOM PAR 'GYUR TE, BLO GROS CHEN PO, BYANG CHUB SEMS DPA' SEMS DPA' CHEN PO DE DAG NI RING PO MI THOGS PAR 'KHOR BA DANG MYA NGAN LAS 'DAS PA MNYAM PA NYID 'THOB PAR 'GYUR RO, ,BLO GROS CHEN PO, SNYING RJE CHEN PO DANG, THABS LA MKHAS PA LHUN GYIS GRUB PAR GYUR PA'I SBYOR PA DANG, SEMS CAN GYI KHAMS THAMS CAD SGYU MA DANG, GZUGS BRNYAN DANG MNYAM PA NYID DANG, RKYEN GYIS MA BRTZAMS PA DANG, PHYI NANG GI YUL RNAM PAR DPEN PA DANG, SEMS PHYI ROL TU LTA BAS MTSAN MA MED PA'I BYIN GYI RLABS DANG LDAN PA RNAMS RIM GYIS SA'I RIM PA TING NGE 'DZIN GYI YUL LA RJES SU 'JUG PA DANG, KHAMS GSUM BDAG GI SEMS SGYU MAR SHIN TU MOS PAR RAB TU SGOM PAS SGYU MA LTA BU'I TING NGE 'DZIN RAB TU 'THOB PAR 'GYUR RO, ,BDAG GI SEMS SMAD BA MED PA TZAM LA 'JUG PAS SHES RAB KYI PHA ROL TU PHYIN PA LA GNAS PA RJES SU THOB PAR SKYE BA DANG, BYA BA DANG LDAN PA'I BYANG CHUB SEMS DPA' RNAMS TING NGE 'DZIN RDO RJE'I GZUGS @112B LTA BU DE BZHIN GSHEGS PA'I SKU'I RJES SU SONG BA DE BZHIN NYID KYI SPRUL PA DANG LDAN PA, STOBS DANG, MNGON PAR SHES PA DANG, DBANG DANG, SNYING BRTZE BA DANG, SNYING RJE DANG THABS KYIS BRGYAN PA, SANGS RGYAS THAMS CAD KYI ZHING GI MU STEGS CAN GYI GNAS SU NYE BAR 'GROB, SEMS DANG, YID DANG, YID KYI RNAM PAR SHES PA DANG BRAL PA, RIM GYIS GNAS 'PHOS PA'I DE BZHIN GSHEGS PA'I SKU RAB TU 'THOB PAR 'GYUR RO, ,BLO GROS CHEN PO, DE BAS NA BYANG CHUB SEMS DPA' SEMS DPA' CHEN PO DE BZHIN GSHEGS PA'I SKU'I RJES SU 'BRANG BA RAB TU 'THOB PA RNAMS KYIS PHUNG PO DANG, KHAMS DANG, SKYE MCHED DANG, SEMS DANG, RGYU DANG, RKYEN DANG, BYA BA DANG LDAN PA DANG, SKYE BA DANG, GNAS PA DANG, 'JIG PAR RNAM PAR RTOG PA'I SPROS PA DANG BRAL BAR SEMS TZAM GYI RJES SU 'BRANG BAR BYA'O, ,THOG MA MED PA'I DUS KYI SPRUL PA'I GNAS NGAN LEN GYI BAG CHAGS BYUNG BA'I SRED PA GSUM PO RAB TU MTHONG NAS; SANGS RGYAS KYIS SNANG BA MED PA, MI SKYE BA DRAN PA'I PHYIR 'PHAGS PA SO SO RANG GI CHOS RTOGS PAR KHONG DU CHUD PAS BDAG GI SEMS LA DBANG SGYUR ZHING, LHUN GYIS GRUB PA'I SPYOD PA RTOGS PAR KHONG DU CHUD PAS GZUGS SNA TSOGS KYI NOR BU DANG 'DRA BA SHIN TU PHRA ZHING SEMS CAN GYI SEMS KYI RJES SU 'JUG PA'I SPRUL PA'I GZUGS DANG, SEMS TZAM DU @113A *, ,'JUG PAS SA'I RIM PA'I MTSAMS SBYOR BA 'BREL PA RAB TU 'JIG PAR 'GYUR RO, ,BLO GROS CHEN PO, DE BAS NA BYANG CHUB SEMS DPA' SEMS DPA' CHEN POS BDAG GI GRUB PA'I MTHA' LA MKHAS PAR BYA'O, ,DE NAS YANG BLO GROS CHEN POS GSOL PA, BCOM LDAN 'DAS, SEMS DANG YID DANG RNAM PAR SHES PA DANG, CHOS LNGA DANG, RANG BZHIN GYI MTSAN NYID SANGS RGYAS DANG, BYANG CHUB SEMS DPA' RNAMS RJES SU DONG BA BDAG GI SEMS SNANG BA'I SPYOD YUL DANG RNAM PAR BRAL BAR BYED PA, BRJOD PA DANG, RIGS PA DANG, DE KHO NA NYID KYI MTSAN NYID RNAM PAR 'JIG PA, SANGS RGYAS THAMS CAD KYI GSUNG RAB KYI SNYING PO CHOS KYI RNAM GRANGS KYI ME TOG BSHAD DU GSOL, LANG-KA'I GRONG RDAL DANG, MA LA YA'I RGYA MTSO LA GNAS PA'I BYANG CHUB SEMS DPA' RNAMS KYI SLAD DU KUN GZHI RNAM PAR SHES PA'I SPYOD YUL RGYA MTSO'I RLABS LTA BU CHOS KYI SKU DE BZHIN GSHEGS PAS RJES SU GSUNGS PA BSHAD DU GSOL, DE NAS BCOM LDAN 'DAS KYIS KYANG BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, MIG GI RNAM PAR SHES PA NI RGYU BZHI DAG GIS 'BYUNG NGO, ,BZHI GANG ZHE NA, 'DI LTA STE, RANG GI SEMS SNANG BA LA 'DZIN PAR KHONG DU MA CHUD PA DANG, THOG MA MED @113B PA'I DUS NAS SPROS PA'I GNAS NGAN LEN GYI GZUGS KYI BAG CHAGS LA MNGON PAR ZHEN PA DANG, RNAM PAR SHES PA'I RANG BZHIN GYI NGO BO NYID DANG, GZUGS RNAM PA SNA TSOGS KYI MTSAN NYID LA NGO MTSAR DU 'DZIN PA YIN TE, BLO GROS CHEN PO, RGYU BZHI PO 'DI DAG GIS KUN GZHI RNAM PAR SHES PA CHU'I KLUNG LTA BU LAS 'JUG PA'I RNAM PAR SHES PA'I RLABS 'BYUNG NGO; ,BLO GROS CHEN PO, MIG GI RNAM PAR SHES PA LA JI LTA BA BZHIN DU DBANG PO THAMS CAD KYI RDUL PHRA RAB DANG, SPU'I KHUNG BU RNAMS LA'ANG DE BZHIN TE, ME LONG LA CIG CAR DANG, RIM GYIS YUL GYI GZUGS SNANG BA DANG, RGYA MTSO LA RLUNG GIS BTAB PA BZHIN DU, BLO GROS CHEN PO, YUL GYI RLUNG DANG, SEMS KYI RGYA MTSO'I RLABS RGYU'I BYA BA RGYUN MCHAD PA'I MTSAN NYID GCIG DANG, THA DAD PA LAS RNAM PAR GROL BA LAS DANG RIGS KYI MTSAN NYID DANG, SHIN TU 'BREL PA'I RANG BZHIN NGO BO NYID KHONG DU MI CHUD PA RNAM PAR SHES PA'I TSOGS LNGA 'JUG GO ,BLO GROS CHEN PO, RNAM PAR SHES PA'I TSOGS LNGA PO DE DAG DANG LHAN CIG TU RGYU DANG YUL GYI BYE BRAG 'BYED PA'I MTSAN NYID KHONG DU CHUD PAR BYED PA ZHES BYA BA'I YID KYI RNAM PAR SHES PA DE DAG GI RGYU LAS BYUNG PA'I BDAG NYID RAB TU 'JUG STE, DE DAG DANG DE 'DI SNYAM DU BDAG CAG NI LHAN CIG TU PHAN TSUN RGYUR GYUR CING, RANG GI SEMS SNANG BA'I RNAM @114A *, ,PAR RTOG PA LA MNGON PAR ZHEN PAS ZHUGS PA'O SNYAM DU MA SEMS SO, ,'ON KYANG PHAN TSUN THA MI DAD PA'I MTSAN NYID DU LHAN CIG RNAM PAR RIG PA'I YUL BYE BRAG 'BYED PA LA 'JUG STE, DE LTAR 'JUG PA'I TSE MNYAM PAR BZHAG PA'I RNAL 'BYOR CAN GYIS KYANG JI LTAR SHIN TU PHRA BAR RGYU BA'I BAG CHAGS 'JUG PA RNAMS MI SHES PAR RGYU'I, RNAL 'BYOR CAN RNAMS NI 'DI LTAR BDAG CAG RNAM PAR SHES PA RNAMS BKAG NAS SNYOMS PAR 'JUG GO SNYAM DU SEMS KYANG, DE DAG NI RNAM PAR SHES PA MA 'GAGS BZHIN DU SNYOMS PAR 'JOG STE, BAG CHAGS KYI SA BON MA 'GAGS PA'I PHYIR NI MA 'GAGS PA'O, ,YUL LA 'JUG CING 'DZIN PA MED PAS NI 'GAGS SO, ,BLO GROS CHEN PO, KUN GZHI RNAM PAR SHES PA RGYU ZHING 'JUG PA DE LTAR SHIN TU PHRA BAS DE BZHIN GSHEGS PA DANG, SA LA RAB TU GNAS PA'I BYANG CHUB SEMS DPA' RNAMS MA GTOGS PAR GZHAN NYAN THOS DANG, RANG SANGS RGYAS DANG, MU STEGS CAN GYI RNAL 'BYOR GYI RNAL 'BYOR PA RNAMS KYIS KHONG DU CHUD PA'AM, TING NGE 'DZIN DANG, SHES RAB KYI STOBS KYIS KYANG RTOGS PAR SLA BA MA YIN NO, ,BLO GROS CHEN PO, GZHAN DU NA SA'I MTSAN NYID DANG, SHES RAB DANG, YE SHES LA MKHAS SHING, TSIG RAB TU PHYE BA LA RNAM PAR GDON MI ZA BA RGYAL @114B BA RNAMS LA MTHA' YAS PA'I DGE BA'I RTZA BA BSAGS PA, RANG GI SEMS SNANG BA LA RNAM PAR RTOG PA'I SPROS PA DANG BRAL BA, NAGS TSAL STUG PO DANG, PHUG DANG SHING KHROD NA GNAS SHING RNAL 'BYOR RAB DANG 'BRING DANG THA MA LA RNAL 'BYOR PA RNAMS KYIS RANG GI SEMS KYI RNAM PAR RTOG PA SNANG BA'I RGYUD MTHONG BA DANG, ZHING MTHA' YAS PA'I RGYAL BA RNAMS KYIS DBANG BSKUR BA DANG, DBANG DANG, STOBS DANG, MNGON PAR SHES PA DANG, TING NGE 'DZIN RNAMS KYANG THOB PAR NUS SO, ,BLO GROS CHAN PO, DGE BA'I BSHES GNYEN GYI SKYE BO LA RI MOR BYAS PA RNAMS KYIS SEMS DANG, YID DANG, YID KYI RNAM PAR SHES PA RANG GI SEMS SNANG BA'I RANG BZHIN GYI SPYOD YUL RNAM PAR RTOG PA'I 'KHOR BA SRID PA'I RGYA MTSO LAS DANG, SRED PA DANG, MI SHES PA'I RGYU LAS BYUNG BA LAS RGAL BAR NUS SO, ,BLO GROS CHEN PO, DE'I PHYIR RNAL 'BYOR CAN GYIS DGE BA'I BSHES GNYEN GYI SKYE BO DANG BSTEN PA'I NAN TAN BRTZAM PAR BYA'O, ,DE NAS DE'I TSE BCOM LDAN 'DAS KYIS TSIGS SU BCAD PA 'DI DAG BKA' STZAL TO, ,JI LTAR RGYA MTSO'I DBA' RLABS RNAMS, ,RLUNG GI RKYEN GYIS BYUNG BA DAG ,GAR CING RAB TU 'BYUNG BA NI, ,RGYUN YANG RNAM PAR 'CHAD PA MED, ,KUN GZHI CHU PO DE BZHIN DU, ,RTAG TU YUL GYI RLUNG GIS BSKYOD, ,SNA TSOGS RNAM SHES DBA' RLABS RNAMS, ,GAR CING @115A *, ,RAB TU 'BYUNG BAR 'GYUR, ,SNGON PO DMAR PO LAN TSWA ? DANG, ,MAR DANG 'O MA KHA RA DANG, ,BSKA BA'I 'BRAS BU ME TOG DANG, ,JI LTAR NYI ZLA'I 'OD ZER DANG, , RGYA MTSO YI NI DBA' RLABS DAG ,MI GCIG THA DAD MIN PAR SHES, ,DE BZHIN RNAM SHES BDUN PO YANG, ,SEMS DANG LHAN CIG LDAN PA'O, ,RGYA MTSO YONGS SU GYUR PA NI, , 'BA' RLABS RNA TSOGS DE DAG STE, ,RNAM PAR SHES ZHES BYA BA NI, ,KUN GZHI DE BZHIN SNA TSOGS 'BYUNG, ,SEMS DANG YID DANG RNAM SHES PA, ,MTSAN NYID DON TU RAB TU BRTAG ;BRGYAD PO THA DAD MA YIN MTSAN, ,MTSAN GYI GZHI DANG MTSAN NYID MED, ,RGYA MTSO DANG NI DBA' RLABS RNAMS, ,JI LTAR KHYAD PAR MED PA BZHIN, ,SEMS DANG RNAM SHES DE BZHIN DU, ,YONGS SU GYUR PA MI RNYED DO, ,SEMS NI LAS RNAMS GSOG PAR BYED, ,YID KYANG RNAM PAR GSOG PA STE, ,RNAM PAR SHES PAS RNAM PAR RIG ,LNGA PO SNANG LA RTOG PAR BYED, ,SNGON PO DMAR PO'I RNAM PAR NI, ,MI YI RNAM PAR SHES PA GDA', ,DBA' RLABS SEMS DANG MTHUN PA'I CHOS, ,CI SLAD THUB CHEN BSHAD DU GSOL, , SNGON PO DMAR PO'I RNAM PA RNAMS, ,DBA' RLABS DAG LA MA MCHIS TE, ,MTSAN NYID DON DU BYIS PA LA, ,SEMS KYI 'JUG PA BSHAD PA'O, ,DE LA 'JUG PA MED PA STE, ,RANG @115B GI SEMS NI GZUNG BA SPANGS, ,GZUNG BA YOD NA 'DZIN PA YANG, ,DBA' RLABS MTHUN PAR SGRUB PAR 'GYUR, ,LUS DANG LONGS SPYOD GNAS LTA BUR, ,MI YI RNAM PAR SHES PAR SNANG, , DE PHYIR DE YI 'JUG PA NI, ,DBA' RLABS DAG DANG 'DRA BAR SNANG, ,DBA' RLABS DNGOS POR RGYA MTSO NI, ,GAR BYED RNAM PAR RIG 'GYUR NA, ,KUN GZHI 'JUG PA DE BZHIN DU, ,CI YI PHYIR NA BLOS MI RIG ,BYIS PA BLO DANG MI LDAN PAS, ,KUN GZHI RGYA MTSO JI BZHIN DU, ,DBA' RLABS 'BYUNG BA'I CHOS MTHUN PHYIR, ,DPE YIS NYE BAR SBYAR BA YIN, ,SKYE BO BZANG NGAN BAR MA LA, ,GDUGS 'CHAR 'GYUR BA JI BZHIN DU, ,DE BZHIN 'JIG RTEN SGRON MA KHYOD, ,BUS PA RNAMS LA YANG DAG STON, ,CHOS LA RAB TU BZHUGS MDZAD CING, ,CI SLAD DE BZHIN NYID MI GSUNG, ,DE STE DE BZHIN NYID GSUNG NA, ,SEMS LA DE BZHIN NYID MA MCHIS, ,JI LTAR RGYA MTSO'I DBA' RLABS DANG, ,ME LONG RMI LAM JI BZHIN DU, ,CIG CHA'I DUS SU SNANG BA BZHIN, ,SEMS KYANG RANG GI SPYOD YUL LA, ,YUL DANG RNAM PAR MI LDAN PAS, ,RIM GYIS 'JUG PAR RAB TU 'BYUNG, ,RNAM PAR SHES PAS RNAM PAR RIG ,YID KYIS DE BZHIN SNYEMS PAR BYED, ,LNGA PO RNAMS LA SNANG BAR MNGON, ,MNYAM PAR BZHAG LA RIM PA MED, ,RI MO'I MKHAN PO LA LA'AM, ,RI MO MKHAN GYI SLOB MA'ANG RUNG, ,RI MO'I @116A *, ,DON DU TSON 'GYED PA, ,BSHAD PA 'DI YANG DE DANG 'DRA, ,TSON LA RI MO YOD PA MIN, ,PIR DANG SNOD LA'ANG DE BZHIN MED, ,SEMS CAN DRANG BA'I DON GYI PHYIR, , TSON GYIS RI MO RNAM PAR BRTAG ,YANG DAG LA NI YI GE MED, ,BSHAD PA DAG NI 'KHRUL PA'O, ,CHOS RNAMS LA NI GNAS BCAS SHING, ,RNAL 'BYOR CAN LA YANG DAG BSTAN, ,SO SO RANG RIG YANG DAG NI, ,BRTAG DANG RTOG PAS YANG DAG SPANGS, ,RGYAL BA'I SRAS LA 'DI BSTAN GYI, ,BYIS PA RNAMS LA BSHAD MA YIN, ,JI LTAR SGYU MA SNA TSOGS DAG ,SNANG YANG YOD PA MA YIN TE, ,DE BZHIN BSHAD PA SNA TSOGS KYANG, ,BSHAD PA RNAM PAR 'KHRUL PA YIN, ,GZHAN LA GANG ZHIG BSTAN PA DE, ,GZHAN LA BSHAD PAR MI RUNG STE, ,JI LTAR NAD PA SO SO LA; ;SMAN PA SMAN RNAMS GTONG BA LTAR, ,SANGS RGYAS DE BZHIN SEMS CAN LA, ,SEMS TZAM DU'ANG RAB TU GSUNG, ,MGON PO RNAMS NI GANG GSUNG BA'I, ,SO SO RANG RIG SPYOD YUL NI, ,RTOG PA CAN GYI YUL MA YIN, ,NYAN THOS RNAMS KYI'ANG DE BZHIN MIN, ,BLO GROS CHEN PO, ,GZHAN YANG BYANG CHUB SEMS DPA' RANG GI SEMS SNANG BA'I GZUNG BA DANG, 'DZIN PA LA RNAM PAR RTOG PA'I SPYOD YUL YONGS SU SHES PAR 'DOD PAS 'DU BA DANG, 'DU 'DZI DANG, GNYID DANG, SGRIB PA MED PAR BYA'O, ,SROD DANG, THO RANGS DANG, NAM @116B GYI GUNG LA MI NYAL BA'I SBYOR BA LA BRTZON PAR BYA'O, ,MU STEGS CAN DANG, NGAN PA'I GTZUG LAG DANG, GTAM DANG, NYAN THOS DANG, RANG SANGS RGYAS KYI THEG PA'I MTSAN NYID DANG BRAL BAR BYA'O, ,BYANG CHUB SEMS DPA' SEMS DPA' CHEN POS RANG GI SEMS SNANG BA LA RNAM PAR RTOG PA'I MTSAN NYID KHONG DU CHUD PAR RTOGS PAR BYA'O, ,GZHAN YANG, BLO GROS CHEN PO; BYANG CHUB SEMS DPA' SEMS DPA' CHEN POS SEMS DANG, SHES RAB DANG, YE SHES KYI MTSAN NYID RNAM PAR DGOD PA LA GNAS TE, GONG DU 'PHAGS PA'I YE SHES KYI MTSAN NYID GSUM LA BRTZON PAR BYA'O, ,DE LA, BLO GROS CHEN PO, GONG DU 'PHAGS PA'I YE SHES KYI MTSAN NYID GSUM PO GANG ZHE NA, 'DI LTA STE, SNANG BA MED PA'I MTSAN NYID DANG; SANGS RGYAS THAMS CAD KYI RANG GI SMON LAM GYI BYIN GYI RLABS KYI MTSAN NYID DANG, 'PHAGS PA SO SO RANG GI YE SHES KYI MTSAN NYID DE, DE DAG KHONG DU CHUD PAS RNAL 'BYOR CAN BONG BU THENG PO LTA BUR SEMS DANG, SHES RAB DANG, YE SHES KYI MTSAN NYID SPANGS TE, RGYAL BA'I SRAS KYI SA BRGYAD PO THOB NAS DE'I GONG DU MTSAN NYID GSUM LA BRTZON PAR BYED DO, ,DE LA, BLO GROS CHEN PO, THAMS CAD SNANG BA MED PA'I MTSAN NYID NI NYAN THOS DANG, RANG SANGS RGYAS DANG, MU STEGS CAN GYI MTSAN NYID YONGS SU 'DRIS PA @117A *, ,LAS 'BYUNG NGO, ,BLO GROS CHEN PO, BYIN GYI RLABS KYI MTSAN NYID NI SNGON GYI SANGS RGYAS RNAMS KYI RANG GI SMON LAM GYI BYIN GYI RLABS LAS 'BYUNG NGO, ,BLO GROS CHEN PO, SO SO RANG GIS RIG PA 'PHAGS PA'I YE SHES KYI MTSAN NYID NI SANGS RGYAS KYI CHOS THAMS CAD DANG , MTSAN NYID THAMS CAD LA MNGON PAR ZHEN PA MED PA DANG , SGYU MA LTA BU'I TING NGE 'DZIN GYI LUS RAB TU THOB PAS SANGS RGYAS KYI SA KHONG DU CHUD PA'I RTOGS PA RGYU BA LAS 'BYUNG NGO, ,BLO GROS CHEN PO, 'DI NI 'PHAGS PA RNAMS KYI MTSAN NYID GSUM STE, 'PHAGS PA'I MTSAN NYID GSUM DANG LDAN NA 'PHAGS PA RNAMS 'PHAGS PA BDAG GI SO SO RANG GI YE SHES KYI SPYOD YUL KHONG DU CHUD PAR 'GYUR RO, ,DE BAS NA BLO GROS CHEN PO, 'PHAGS PA'I YE SHES KYI MTSAN NYID GSUM PO LA BRTZON PAR BYA'O, ,DE NAS SANGS RGYAS THAMS CAD KYIS BYIN GYIS BRLABS PA'I BYANG CHUB SEMS DPA' SEMS DPA' CHEN PO BLO GROS CHEN POS BYANG CHUB SEMS DPA'I 'KHOR DE DAG GI SEMS DANG , BSAM PA'I SPYOD PA RAB TU SHES NAS 'PHAGS PA'I YE SHES KYI DNGOS PO RAB TU 'BYED PA ZHES BYA BA'I CHOS KYI RNAM GRANGS BCOM LDAN 'DAS LA ZHUS SO, ,BCOM LDAN 'DAS, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS GANG @117B LA GNAS SHING , BYANG CHUB SEMS DPA' SEMS DPA' CHEN PO RNAMS LA RANG DANG SPYI'I MTSAN NYID DU GTOGS PA YONGS SU BRTAGS PA'I RANG BZHIN RTOGS PA RAB TU PHYE BA'I TSUL STON PA DANG , YONGS SU BRTAGS PA'I RANG BZHIN RTOGS PA RAB TU PHYE BA'I TSUL BYE BRAG SHIN TU RTOGS PA GANG GIS GANG ZAG DANG , CHOS LA BDAG MED PA'I RAB TU RGYU BA SHIN TU SBYANGS TE, SA RNAMS LA MKHAS PAR BYAS PA RNAMS NYAN THOS DANG , RANG SANGS RGYAS DANG , ,MU STEGS BYED PA THAMS CAD KYI BSAM GTAN DANG, TING NGE 'DZIN DANG , SNYOMS PAR 'JUG PA'I BDE BA LAS 'DAS TE, DE BZHIN GSHEGS PAS MKHYEN PA'I YUL LA 'JUG PA BSAM GYIS MI KHYAB PA'I CHOS LNGA DANG , RANG BZHIN RTOGS PA LAS RNAM PAR LOG PA, DE BZHIN GSHEGS PA'I CHOS KYI SKU SHES RAB DANG , YE SHES SHIN TU 'BREL PA'I CHOS CAN SGYU MA'I SPYOD YUL GYI MNGON PAR GRUB PA, SANGS RGYAS KYI ZHING THAMS CAD DANG , DGA' LDAN GYI PHO BRANG DANG , 'OG MIN GYI GNAS SU NYE BAR BZHUD PA'I DE BZHIN GSHEGS PA'I SKU RAB TU THOB PAR 'GYUR BA, 'PHAGS PA'I YE SHES KYI DNGOS PO RAB TU 'BYED PA'I RANG BZHIN CHOS KYI RNAM GRANGS TSIG BRGYA RTZA BRGYAD SHIN TU PHYE BA'I GNAS BDAG LA BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, 'DI LA MU STEGS KYI LTA BA CAN LA LA MED PA LA @118A *, ,MNGON PAR ZHEN PA DAG RNAM PAR RTOG PA'I BLO'I RGYU ZAD PA'I RANG BZHIN MED PA'I PHYIR RI BONG LA RWA MED DO SNYAM STE, JI LTAR RI BONG LA RI BONG GI RWA MED PA DE BZHIN DU CHOS THAMS CAD LA'ANG RNAM PAR RTOG GO ,BLO GROS CHEN PO, GZHAN YANG 'BYUNG BA DANG , YON TAN DANG , RDUL DANG , RDZAS DANG , DBYIBS DANG , DPE TSUL GYI KHYAD PAR MTHONG NAS RI BONG GI RWA MED PAR MNGON PAR CHAGS SHING ZHEN PA RNAMS BA LANG GI RWA YOD DO SNYAM DU RNAM PAR RTOG GO ,BLO GROS CHEN PO, MTHA' GNYIS KYI LTA BAR LHUNG ZHING SEMS TZAM DU MA RTOGS PA'I BLO CAN DE DAG DE RANG GI SEMS KYI KHAMS RNAM PAR RTOG PAS LUS DANG , LONGS SPYOD DANG , GNAS DANG , 'GRO BA DANG , RNAM PAR RTOG PA TZAM LA, BLO GROS CHEN PO, RI BONG GI RWA YOD PA DANG , MED PA LAS RNAM PAR LOG PA BRTAG PAR MI BYA'O, ,DE BZHIN DU, BLO GROS CHEN PO, DNGOS PO THAMS CAD KYANG YOD PA DANG MED PA LAS RNAM PAR LOG STE BRTAG PAR MI BYA'O, ,BLO GROS CHEN PO, GANG YANG YOD PA DANG MED PA LAS RNAM PAR LOG PA'I RI BONG GI RWA LA MED DO SNYAM DU RTOG STE, DE DAG GIS PHAN TSUN DU LTOS PA'I RGYU'I PHYIR RI BONG GI RWA MED DO SNYAM DU BRTAG PAR MI BYA'O, ,BLO GROS CHEN PO, RDUL PHRA RAB KYI BAR DU BRTAGS NA DNGOS PO MI DMIGS TE, MED PA'I PHYIR 'PHAGS PA'I YE @118B SHES KYI SPYONG YUL LAS RNAM PAR LOG PA'I BA LANG GI RWA YOD PAR MI BRTAG GO ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,BCOM LDAN 'DAS, RNAM PAR RTOG PA MI 'BYUNG BA'I MTSAN NYID MTHONG NAS RJES SU DPAG NA, RNAM PAR RTOG PA MI 'BYUNG BA LA LTOS TE, DE MA MCHIS ZHES BGYI BAR 'GYUR RO, ,BCOM LDAN 'DAS KYIS BKA' STZAL BA, BLO GROS CHEN PO, RNAM PAR RTOG PA MI 'BYUNG BA LAS LTOS TE DE MED PA MA YIN NO, ,DE CI'I PHYIR ZHE NA, DE NI RNAM PAR RTOG PA 'BYUNG BA'I RGYU STE, BLO GROS CHEN PO, RNAM PAR RTOG PA NI DE'I RWA LAS BRTEN TE BYUNG BA'O, ,BLO GROS CHEN PO, 'DI LTAR RWA LAS BRTEN TE RNAM PAR RTOG PA BYUNG BAS DE'I PHYIR BRTEN PA'I RGYU YIN PA DANG, THA DAD PA DANG, THA DAD PA MA YIN PAR RNAM PAR SPANGS PA'I PHYIR DE LA LTOS TE RI BONG GI RWA MED PA MA YIN NO, ,BLO GROS CHEN PO, RI BONG GI RA DANG RNAM PAR RTOG PA GAL TE THA DAD NA NI RWA'I RGYU LAS BYUNG BA MA YIN PAR 'GYUR RO, ,DE STE THA DAD PA MA YIN NA NI DE'I RGYU LAS BYUNG BAS RDUL PHRA RAB KYI BAR DU RAB TU BRTAGS NA MI DMIGS PAS RWA DANG THA DAD PA MA YIN PA'I PHYIR DE'ANG MED PAR 'GYUR TE, DE GNYIS KA'I DNGOS PO MED NA GANG GIS CI LAS LTOS TE MED PAR 'GYUR, BLO GROS CHEN PO, GAL TE LTOS NAS MED PAR MI 'GYUR NA, @119A *, ,RGYU MI MTHUN PA'I PHYIR BA LANG GI RWA YOD PA LAS LTOS TE, RI BONG GI RWA MED CES KYANG BRTAG PAR BYA BAR MI 'GYUR RO, ,BLO GROS CHEN PO, RGYU MI MNYAM PA'I PHYIR YOD PA DANG , MED PAR SMRA BA RNAMS KYI YOD PA DANG , MED PAR 'GRUB PAR MI 'GYUR RO, ,BLO GROS CHEN PO, GZHAN YANG MU STEGS BYED PA'I LTA BA CAN GZUGS DANG RGYU DANG DBYIBS LA MNGON PAR CHAGS PAS MNGON PAR ZHEN PA, NAM MKHA'I DNGOS PO YONGS SU RTOG PA LA MI MKHAS PA RNAMS GZUGS NAM MKHA'I DNGOS PO DANG BRAL BA LA BYE BRAG 'BYED PAR LTA BAS RNAM PAR RTOG STE, BLO GROS CHEN PO, GZUGS RNAMS KYI 'BYUNG BA'I RJES SU ZHUGS PA'I PHYIR NAM MKHA' NYID KYANG GZUGS SO, ,GZUGS NYID KYANG NAM MKHA' STE, BLO GROS CHEN PO, GZUGS DANG NAM MKHA'I RGYU RNAM PA THA DAD PA NI GZHAG PA DANG GZHI'I TSUL DU GYUR PAS YID CHES PAR BYA'O, ,BLO GROS CHEN PO, 'BYUNG BA RNAMS SKYE BA NI PHAN TSUN DU RANG GI MTSAN NYID KYI BYE BRAG GIS THA DAD PA, NAM MKHA' LA'ANG MI GNAS PA YIN TE, DE DAG LA'ANG NAM MKHA' MED DO, ,BLO GROS CHEN PO, DE BZHIN DU RI BONG GI RWA NI BA LANG GI RWA LAS LTOS PA YIN TE, BA LANG GI RWA'ANG RDUL PHRA MO RNAM PAR PHYE STE RDUL PHRA MO RNAMS KYANG RNAM PAR GZHIG NA RDUL PHRA MO'I MTSAN NYID LA'ANG MI GNAS NA DE CI LAS LTOS TE @119B MED PAR 'GYUR, DE STE GZHAN LAS LTOS PA'I DNGOS PO ZHIG NA'ANG DE'ANG DE LTA BU'I CHOS CAN NO, ,DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO KHYOD DANG , BYANG CHUB SEMS DPA' GZHAN RNAMS KYIS RI BONG DANG BA LANG GI RWA DANG , NAM MKHA' DANG , GZUGS SU LTA BA'I RNAM PAR RTOG PA DANG BRAL BA DANG , BLO GROS CHEN PO KHYOD KYIS RANG GI SEMS SNANG BA LA RNAM PAR RTOG PA RJES SU RTOGS PA'I YID DU'ANG 'GYUR BAR BYA'O, ,RGYAL BA'I SRAS DANG , ZHING GI DKYIL 'KHOR THAMS CAD DU'ANG KHYOD KYIS RANG GI SEMS SNANG BA'I RNAL 'BYOR BSTAN PAR BYA'O, ,DE NAS DE'I TSE BCOM LDAN 'DAS KYIS TSIGS SU BCAD PA 'DI DAG GSUNGS SO, ,SNA TSOGS SNANG BA YOD PA MIN, ,SNANG BA LAS NI SEMS 'BYUNG STE, ,LUS DANG LONGS SPYOD GNAS 'DRA BA'I, ,KUN GZHI MI LA SNANG BA YIN, ,SEMS DANG YID DANG RNAM PAR SHES, ,RANG BZHIN DANG NI CHOS LNGA DANG , ,BDAG MED GNYIS PO DAG PA YANG , ,RNAM PAR 'DREN PA RAB TU GSUNG , ,PHAN TSUN DU NI 'BREL BA LAS, ,RING DANG THUNG LA SOGS PA 'BYUNG , ,YOD PA SGRUB PA MED PA STE, ,MED PA SGRUB PA YOD PA'O, ,RDUL PHRAN DU NI RDZAS GZHIG STE, ,GZUGS LA RNAM PAR BRTAG MI BYA, ,SEMS TZAM RNAM PAR BZHAG PA NI, ,LTA @120A *, ,BA NGAN PAS GSAL MI 'GYUR, ,MGON PO RNAMS NI GANG GSUNG BA'I, ,SO SO RANG RIG SPYOD YUL TE, ,RTOG PA CAN GYI YUL MA YIN, ,NYAN THOS RNAMS KYI'ANG DE BZHIN MIN, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS RANG GI SEMS SNANG BA'I RGYUD RNAM PAR DAG PAR BYA BA'I PHYIR YANG GSOL BA BTAB PA, BCOM LDAN 'DAS, RANG GI SEMS SNANG BA'I RGYUD CIG CAR RAM RIM GYIS 'JUG PAS SAM, JI LTAR RNAM PAR DAG PAR 'GYUR, BCOM LDAN 'DAS KYIS BKA' STZAL PA, BLO GROS CHEN PO, RANG GI SEMS SNANG BA'I RGYUD NI RIM GYIS 'JUG PAS RNAM PAR 'DAG STE, CIG CAR NI MA YIN NO, ,'DI LTA STE, BLO GROS CHEN PO, SHING AA MRA'I 'BRAS BU NI RIM GYIS SMIN PAR 'GYUR GYI CIG CAR MA YIN NO, ,BLO GROS CHEN PO, DE BZHIN DU SEMS CAN RNAMS KYI RANG GI SEMS SNANG BA'I RGYUD KYANG RIM GYIS RNAM PAR 'DAG STE, CIG CAR MA YIN NO, ,BLO GROS CHEN PO, 'DI LTA STE, RDZA MKHAN NI SNOD RNAMS RIM GYIS BYED DE, CIG CAR MA YIN NO, ,BLO GROS CHEN PO, DE BZHIN DU, DE BZHIN GSHEGS PA'ANG SEMS CAN RNAMS KYI RANG GI SEMS SNANG BA'I RGYUD RIM GYIS RNAM PAR SPYOD STE, CIG CAR MA YIN NO, ,BLO GROS CHEN PO, 'DI LTA STE, SA CHEN PO LAS @120B RTZWA DANG , SHING GEL BA DANG , SMAN DANG NAGS TSAL RNAMS RIM GYIS 'JUG PAS SKYE'I, CIG CAR MA YIN NO, ,DE BZHIN DU, BLO GROS CHEN PO, DE BZHIN GSHEGS PA'ANG SEMS CAN RNAMS KYI RANG GI SEMS SNANG BA'I RGYUD RIM GYIS SBYONG STE, CIG CAR MA YIN NO, ,BLO GROS CHEN PO, 'DI LTA STE, BZHAD GAD DANG , ROL MO DANG , GLU DANG , PI WANG DANG , SIL SNYAN DANG , RI MO DAG LA MKHAS PA NI RIM GYIS 'BYUNG GI ,CIG CAR MA YIN NO, ,DE BZHIN DU, BLO GROS CHEN PO, DE BZHIN GSHEGS PA'ANG SEMS CAN THAMS CAD KYI RANG GI SEMS SNANG BA'I RGYUD RIM GYIS RNAM PAR SBYONG STE, CIG CAR MA YIN NO, ,BLO GROS CHEN PO, 'DI LTA STE, ME LONG GI NANG DU GZUGS KYI GZUGS BRNYAN SNANG BA THAMS CAD RNAM PAR RTOG PA MED PAR CIG CAR SNANG NGO, ,DE BZHIN DU, BLO GROS CHEN PO, DE BZHIN GSHEGS PA'ANG SEMS CAN THAMS CAD KYI RANG GI SEMS SNANG BA'I RGYUD RNAM PAR MI RTOG CING SNANG BA MED PA'I SPYOD YUL RNAMS CIG CAR RNAM PAR SBYONG NGO, ,BLO GROS CHEN PO, 'DI LTA STE, ZLA BA DANG NYI MA'I DKYIL 'KHOR NI 'OD ZER GYIS GZUGS SU SNANG BA THAMS CAD CIG CAR MNGON PAR BYED DO, ,DE BZHIN DU, BLO GROS CHEN PO, DE BZHIN GSHEGS PA'ANG SEMS CAN RANG GI SEMS SNANG BA'I GNAS NGAN LEN GYI BAG CHAGS DANG BRAL BA RNAMS LA, RGYAL BA YE SHES BSAM GYIS MI KHYAB PA'I YUL @121A *, ,DANG , SPYOD YUL CIG CAR YANG DAG PAR STON TO, ,BLO GROS CHEN PO, 'DI LTA STE, KUN GZHI RNAM PAR SHES PA NI RANG GI SEMS SNANG BA'I LUS DANG , GNAS DANG , LONGS SPYOD KYI YUL CIG CAR RNAM PAR STON NO, ,DE BZHIN DU, BLO GROS CHEN PO, RGYU 'DRA BA'I SANGS RGYAS KYANG CIG CAR SEMS CAN GYI SPYOD YUL YONGS SU SMIN PAR BYAS TE, 'OG MIN GYI PHO BRANG DANG , GZHAL MED KHANG GI GNAS KYI RNAL 'BYOR GYI RNAL 'BYOR CAN DU BZHAG GO ,BLO GROS CHEN PO, 'DI LTA STE, CHOS NYID KYI SANGS RGYAS NI CIG CAR RGYU 'DRA BA DANG , SPRUL PA'I 'OD ZER GYIS RNAM PAR MDZES SO, ,DE BZHIN DU, BLO GROS CHEN PO, 'PHAGS PA SO SO RANG GIS RIG PA'I CHOS KYI MTSAN NYID KYANG YOD PA DANG , MED PA'I LTA BA NGAN PA RNAM PAR ZLOG PAS CIG CAR RNAM PAR MDZES SO, ,GZHAN YANG , BLO GROS CHEN PO, CHOS NYID DANG 'DRA BAR 'BYUNG BA'I SANGS RGYAS NI SGYU MA'I YAN LAG RNAM PA MANG PO'I SKYES BU DE'I BDAG NYID MA YIN PA SNA TSOGS LA MNGON PAR ZHEN PA, MI DMIGS PA'I PHYIR RANG DANG SPYI'I MTSAN NYID DU GTOGS PA'I CHOS THAMS CAD RANG GI SEMS SNANG BA'I BAG CHAGS RGYU'I MTSAN NYID DANG 'BREL PA YONGS SU BRTAGS PA'I RANG BZHIN LA MNGON PAR ZHEN PA'I RGYU LAS BYUNG BAR STON NO, ,BLO GROS CHEN PO, GZHAN YANG YONGS SU BRTAGS @121B PA'I RANG BZHIN 'BYUNG BA'I MTSAN NYID NI GZHAN GYI DBANG GI RANG BZHIN LA MNGON PAR ZHEN PA LAS 'BYUNG NGO, ,BLO GROS CHEN PO, 'DI LTA STE, RTZWA DANG , SHING DANG , GYO MO LA RTEN TE SGYU MA'I SNGAGS DANG , MIR LDAN PA LAS SEMS CAN THAMS CAD KYI GZUGS KYI YAN LAG PHUN SUM TSOGS SHING SNA TSOGS KYI GZUGS 'CHANG BA'I SGYU MA'I SKYES BU'I GZUGS SEMS CAN GYI LUS RANG BZHIN GCIG TU MA GRUB PA, RNAM PAR RTOG PA RNAM PA SNA TSOGS KYIS RNAM PAR BRTAGS PA SNANG STE, BLO GROS CHEN PO, DE LTAR SNANG YANG DE'I BDAG NYID MA YIN NO, , DE BZHIN DU, BLO GROS CHEN PO, GZHAN GYI DBANG GI RANG BZHIN LA KUN BRTAGS PA'I RANG BZHIN RNAM PAR RTOG PA'I SEMS SNA TSOGS RNAM PA MANG PO'I MTSAN NYID DU SNANG NGO, ,BLO GROS CHEN PO, DNGOS PO YONGS SU RTOG PA'I MTSAN NYID DU MNGON PAR ZHEN PA'I BAG CHAGS LA YONGS SU RTOG PAS KUN BRTAGS PA'I RANG BZHIN GYI MTSAN NYID DU 'GYUR TE, BLO GROS CHEN PO, 'DI NI 'DRA BAR BYUNG BA'I SANGS RGYAS KYI BSHAD PA'O, ,BLO GROS CHEN PO, CHOS NYID KYI SANGS RGYAS NI SEMS KYI RANG BZHIN GYI MTSAN NYID DANG BRAL BA, 'PHAGS PA SO SO RANG GIS RIG PA'I SBYOD YUL RNAM PAR BZHAG GO ,BLO GROS CHEN PO, 'PHRUL PAS SPRUL PA'I SANGS RGYAS NI SBYIN PA DANG , BSAM GTAN DANG , TSUL KHRIMS DANG , TING NGE 'DZIN @122A *, ,DANG , SEMS DANG , SHES RAB DANG , YE SHES DANG , PHUNG PO DANG , KHAMS DANG , SKYE MCHED DANG , RNAM PAR THAR PA DANG , RNAM PAR SHES PA 'JUG PA'I MTSAN NYID RAB TU PHYE BA RGYU BA RNAM PAR BZHAG GO ,MU STEGS CAN GYI LTA BA BAS GZUGS MED PA'I TING NGE 'DZIN GYI RIM PA'I MTSAN NYID KYANG STON NO, ,BLO GROS CHEN PO, CHOS NYID KYI SANGS RGYAS NI DMIGS PA MED CING DMIGS PA DANG BRAL BA, BYA BA DANG , DBANG PO DANG , TSAD MA'I MTSAN NYID THAMS CAD LAS RNAM PAR LOG PA, BYIS PA DANG , NYAN THOS DANG , RANG SANGS RGYAS DANG , MU STEGS CAN BDAG GI MTSAN NYID LA MNGON PAR CHAGS PAS MNGON PAR ZHEN PA RNAMS KYI YUL MA YIN PAR STON NO, ,BLO GROS CHEN PO, DE BAS NA 'PHAGS PA SO SO RANG GIS RIG PA'I KHYAD PAR GYI MTSAN NYID LA BRTZON PAR BYA'O, ,KHYOD KYIS RANG GI SEMS KYI MTSAN NYID SNANG BA'ANG RNAM PAR LOG PAR LTA BAR GYIS SHIG ,BLO GROS CHEN PO, GZHAN YANG NYAN THOS KYI THEG PA'I TSUL RAB TUNG BYE BA'I MTSAN NYID NI RNAM PA GNYIS SO, ,'DI LTA STE, 'PHAGS PA SO SO RANG GIS RIG PA'I KHYAD PAR GYI MTSAN NYID DANG , DNGOS POR RNAM PAR RTOG PA'I RANG BZHIN LA MNGON PAR ZHEN PA'I MTSAN NYID DO, ,BLO GROS CHEN PO, DE LA NYAN THOS RNAMS KYI 'PHAGS PA SO SO RANG GIS RIG PA'I @122B KHYAD PAR GYI MTSAN NYID GANG ZHE NA, 'DI LTA STE, STONG PA NYID DANG , BDAG MED PA DANG , SDUG BSNGAL BA DANG , MI RTAG PA'I YUL GYI BDE BA LAS SKYO BA DANG , RGYUN CHAD PAS PHUNG PO DANG , KHAMS DANG , SKYE MCHED DANG , RANG DANG SPYI'I PHYI ROL RNAM PAR 'JIG PA MED PA'I MTSAN NYID YANG DAG PA JI LTA BA BZHIN YONGS SU SHES PAS SEMS MNYAM PAR GZHOG STE, BLO GROS CHEN PO, RANG GI SEMS MNYAM PAR BZHAG NAS NYAN THOS RNAMS BSAM GTAN DANG , RNAM PAR THAR PA DANG , TING NGE 'DZIN DANG , LAM DANG , 'BRAS BU DANG , SNYOMS PAR 'JUG PA DANG , RNAM PAR GROL BA DANG , BAG CHAGS BSAM GYIS MI KHYAB PA YONGS SU GYUR PA SHI 'PHO DANG BRAL BA, 'PHAGS PA SO SO RANG GIS RIG PA'I BA DE BA LA GNAS PA LHAG PAR RTOGS PAR 'GYUR RO, ,BLO GROS CHEN PO, 'DI NI NYAN THOS RNAMS KYI 'PHAGS PA SO SO RANG GIS RIG PA'I MTSAN NYID DO, ,BLO GROS CHEN PO, NYAN THOS RNAMS KYI 'PHAGS PA SO SO RANG GIS RIG PA'I GNAS KYI BDE BA KHONG DU CHUD NAS BYANG CHUB SEMS DPA' SEMS DPA' CHEN POS SNGON SEMS CAN RNAMS LA SNYING BRTZE BAR BLTAS TE, BDAG GI SMON LAM MNGON PAR BSGRUBS PA'I PHYIR 'GOG PA'I SGO'I BDE BA DANG , MNYAM PAR BZHAG PA'I BDE BA NI MNGON DU MI BYA'O, ,BLO GROS CHEN PO, 'DI NI NYAN THOS RNAMS KYI 'PHAGS PA SO @123A *, ,SO RANG GIS RIG PA'I MTSAN NYID KYI BDE BA STE, 'PHAGS PA SO SO RANG GIS RIG BA'I MTSAN NYID BDE BA DE LA BYANG CHUB SEMS DPAS BSLAB PAR MI BYA'O, ,BLO GROS CHEN PO, YANG NYAN THOS RNAMS KYI DNGOS PO RNAM PAR RTOG PA'I RANG BZHIN LA MNGON PAR ZHEN PA GANG ZHE NA, 'DI LTA STE, SNGON PO DANG , SER PO DANG , DRO BA DANG , GSHER BA DANG , G-YO BA DANG , SRA BA'I 'BYUNG BA CHEN PO RNAMS BYED PA MED PAR 'BYUNG BA DANG , RANG DANG SPYI'I MTSAN NYID DANG , RIGS PA DANG , LUNG DANG , TSAD MA SHIN TU 'BREL BA RNAMS MTHONG NAS DE'I RANG BZHIN LA MNGON PAR ZHEN PA'I RNAM PAR RTOG PA 'BYUNG NGO, ,BLO GROS CHEN PO, 'DI NI BYANG CHUB SEMS DPAS KHONG DU CHUD NAS BZLOG PAR BYA'O, ,CHOS LA BDAG MED PA'I MTSAN NYID LA RJES SU ZHUGS PAS GANG ZAG LA BDAG MED PA'I MTSAN NYID DU LTA BA PHYIR BZLOG STE, SA'I RIM PA'I MTSAMS SBYOR BA LA GNAS PAR BYA'O, ,BLO GROS CHEN PO, 'DI NI NYAN THOS RNAMS KYI DNGOS POR RNAM PAR RTOG PA'I RANG BZHIN LA MNGON PAR ZHEN PA'I MTSAN NYID CES GANG SMRAS PA DE'I PHYIR BSHAD DO, ,DE NAS BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,BCOM LDAN 'DAS KYIS 'PHAGS PA SO SO RANG GIS RIG PA'I SPYOD YUL DON DAM PA @123B RTAG PA BSAM GYIS MI KHYAB PA BSHAD DE, BCOM LDAN 'DAS, DE BZHIN DU MU STEGS BYED PA DAG KYANG RGYU RNAMS RTAG PA DANG , BSAM GYIS MI KHYAB PAR SMRA BA MCHIS SO, ,BCOM LDAN 'DAS KYIS BKA' STZAL PA, BLO GROS CHEN PO, MU STEGS BYED PA RNAMS KYI RGYU NI RTAG PA DANG , BSAM GYIS MI KHYAB PA NYID 'THOB PAR MI 'GYUR RO, ,DE CI'I PHYIR ZHE NA, BLO GROS CHEN PO, MU STEGS BYED PA RNAMS KYI RTAG PA DANG , BSAM GYIS MI KHYAB PA NI RGYU'I RANG GI MTSAN NYID DANG LDAN PA MA YIN TE, BLO GROS CHEN PO, GANG GI RTAG PA DANG , BSAM GYIS MI KHYAB PA DE RGYU'I RANG GI MTSAN NYID DANG MI LDAN PA'I RTAG PA DANG , BSAM GYIS MI KHYAB CES BYA BAR YANG GANG GIS JI LTAR MNGON PAR BYA, BLO GROS CHEN PO, DE STE RTAG PA DANG , BSAM GYIS MI KHYAB PAR SMRA BA RGYU'I RANG GI MTSAN DANG LDAN PA ZHIG YIN NA NI RGYU LA RAG LUS PA'I RGYU'I MTSAN NYID YIN PAS MI RTAG PAR 'GYUR TE, RTAG PA DANG , BSAM GYIS MI KHYAB PAR MA YIN NO, ,BLO GROS CHEN PO, NGA'I DON DAM PA RTAG PA DANG , BSAM GYIS MI KHYAB PA NI DON DAM PA'I RGYU'I MTSAN NYID DANG LDAN PA STE, YOD PA DANG MED PA DANG BRAL BA, 'PHAGS PA SO SO RANG GIS RIG PA'I MTSAN NYID KYI PHYIR MTSAN NYID DANG LDAN PA'O, ,DON DAM PA'I YE SHES RGYUR GYUR PAS NA RGYU DANG LDAN PA'O, ,YOD PA DANG MED PA DANG BRAL BAS NA MA BYAS PA'I @124A *, ,NAM MKHA' DANG , MYA NGAN LAS 'DAS PA DANG , 'GOG PA'I DPE DANG CHOS 'DRA BAS RTAG PA STE, DE'I PHYIR, BLO GROS CHEN PO, 'DI NI MU STEGS BYED PA'I RTAG PA DANG , BSAM GYIS MI KHYAB PAR SMRA BA DANG MTHUN PA MA YIN NO, ,BLO GROS CHEN PO, RTAG PA DANG , BSAM GYIS MI KHYAB PA 'DI NI DE BZHIN GSHEGS PA RNAMS KYI 'PHAGS PA SO SO RANG GI YE SHES KYIS THUGS SU CHUD PAR BYA BA'I DE BZHIN NYID DE, DE BAS NA, BLO GROS CHEN PO, BYANG CHUB SEMS DPA' SEMS DPA' CHEN POS RTAG PA DANG , BSAM GYIS MI KHYAB PA 'PHAGS PA SO SO RANG GI YE SHES KYIS KHONG DU CHUD PAR BYA BA'I PHYIR BRTZON PAR BYA'O, ,BLO GROS CHEN PO, GZHAN YANG MU STEGS BYED PA RNAMS KYI RTAG PA DANG , BSAM GYIS MI KHYAB PA NI DNGOS PO MED PA MI RTAG PA'I MTSAN NYID KYI RGYU LAS GYUR PA'I PHYIR MI RTAG PA'O, ,BDAG GIS BYAS PA'I RGYU'I MTSAN NYID KYIS RAB TU PHYE BAS RTAG PA MA YIN NO, ,BLO GROS CHEN PO, DE STE MU STEGS BYED PA RNAMS KYI RTAG PA DANG , BSAM GYIS MI KHYAB PA BYAS PA'I DNGOS PO MED PAS RTAG PA NYID DU MTHONG NAS RJES SU DPOG PA'I BLOS RTAG PA YIN NA NI, BLO GROS CHEN PO, RGYU 'DI NYID KYIS NGA'I YANG BYAS PA'I DNGOS PO MED PAS RTAG PA NYID DU MTHONG NAS RGYU MED PAR BSTAN PA'I PHYIR RTAG PA'O, ,BLO GROS CHEN PO, DE STE MU STEGS BYED PA RNAMS @124B KYI RTAG PA DANG , BSAM GYIS MI KHYAB PA RGYU DANG MTSAN NYID DANG LDAN PA ZHIG YIN NA NI RGYU DANG RANG GI MTSAN NYID KYI DNGOS PO MED PAS, BLO GROS CHEN PO, RTAG PA DANG , BSAM GYIS MI KHYAB PA RI BONG GI RWA DANG MTSUNGS TE, BLO GROS CHEN PO, MU STEGS BYED PA RNAMS KYI NI TSIG GI RNAM PAR RTOG PA TZAM DU 'GYUR RO, ,DE CI'I PHYIR ZHE NA, 'DI LTA STE, BLO GROS CHEN PO, RI BONG GI RWA NI RANG GI RGYU DANG , MTSAN NYID MED PA'I PHYIR TSIG GI RNAM PAR RTOG PA TZAM MO, ,BLO GROS CHEN PO, DE'I RTAG PA DANG , BSAM GYIS MI KHYAB PA NI 'PHAGS PA SO SO RANG GIS RIG PA'I MTSAN NYID RGYUR GYUR PA'I PHYIR BYAS PA DANG , DNGOS PO DANG , DNGOS PO MED PA'I RNAM PAR SPANGS PAS NA RTAG STE, PHYI ROL GYI DNGOS PO MED PA DANG , RTAG PA LAS RJES SU DPOG PA'I PHYIR RTAG PA MA YIN NO, ,BLO GROS CHEN PO, PHYI ROL MED PA'I PHYIR RTAG PA DANG , RTAG PA LAS RJES SU DPOG PA'I PHYIR BSAM GYIS MI KHYAB PA DANG , RTAG PA GANG GIS DES NI RTAG PA DANG , BSAM GYIS MI KHYAB PA DE'I RANG GI RGYU DANG , MTSAN NYID MI SHES SO, ,BLO GROS CHEN PO, DE DAG NI 'PHAGS PA SO SO RANG GI YE SHES KYIS KHONG DU CHUD PAS SPYOD YUL LAS PHYI ROL TU GYUR PA STE, GTAM BYAR RUNG BA MA YIN NO, ,BLO GROS CHEN PO, GZHAN YANG 'KHOR BA DANG , MYA NGAN LAS 'DAS PA'I KHYAD PAR MI SHES PA 'KHOR BA'I SDUG BSNGAL RNAM PAR RTOG BA'I 'JIGS @125A *, ,PAS SKRAG PA DAG MYA NGAN LAS 'DAS PA 'TSOL TE, BLO GROS CHEN PO, DNGOS PO LA RNAM PAR RTOG PA THAMS CAD MED PA DANG , DBANG PO RNAMS KYI YUL MA 'ONGS PA RGYUN CHAD PAS MYA NGAN LAS 'DA' BAR RNAM PAR RTOG GI ,BLO GROS CHEN PO, SO SO RANG GIS RIG PA'I YE SHES KUN GZHIR GYUR PA SNGON DU BTANG BA MA YIN NO, ,BLO GROS CHEN PO, DE'I PHYIR SKYES BU BLUN PO DE DAG THEG PA GSUM DU SMRA BA YIN TE, SEMS TZAM DU RTOG PA SNANG BA MED PAR NI MI SMRA'O, ,BLO GROS CHEN PO, DE LTAR DE DAG 'DAS PA DANG , MA 'ONGS PA DANG , DA LTAR BYUNG BA'I DE BZHIN GSHEGS PA RNAMS KYI RANG GI SEMS SNANG BA'I SPYOD YUL MNGON PAR MI SHES PA STE, BLO GROS CHEN PO, PHYI ROL GYI SNANG BA SEMS KYI SPYOD YUL DU MNGON PAR ZHEN PA DE DAG 'KHOR BA'I 'GRO BA'I 'KHOR LOR RAB TU 'KHOR RO, ,BLO GROS CHEN PO, GZHAN YANG 'DAS PA DANG , MA 'ONGS PA DNAG DA LTAR BYUNG BA'I DE BZHIN GSHEGS PA RNAMS CHOS THAMS CAD MA SKYES PA STON TO, ,DE CI'I PHYIR ZHE NA, 'DI LTA STE, BLO GROS CHEN PO, RANG GI SEMS SNANG BA'I DNGOS PO MED PA DANG , YOD PA DANG , MED PA LAS SKYE BA MED PA'I PHYIR DNGOS PO THAMS CAD NI MA SKYES PA STE, BLO GROS CHEN PO, CHOS THAMS CAD NI RI BONG DANG , RTA DANG , BONG BU DANG , RNGA MO'I RWA DANG MTSUNGS PA'O, ,BLO GROS CHEN PO @125B BYIS PA SO SO'I SKYE BO RNAMS KYIS YANG DAG PA MA YIN PAR YONGS SU BRTAGS PA'I RANG BZHIN DU RNAM PAR BRTAGS PA'I PHYIR DNGOS PO THAMS CAD NI MA SKYES BA STE, BLO GROS CHEN PO DNGOS PO THAMS CAD KYI RANG BZHIN GYI MTSAN NYID SKYE BA NI 'PHAGS PA SO SO RANG GIS RIG PA'I YE SHES KYI SPYOD YUL TE, BYIS PA RNAMS KYI RNAM PAR RTOG PA GNYIS KYI SPYOD YUL GYI RANG BZHIN MA YIN NO, ,BLO GROS CHEN PO, LUS DANG , LONGS SPYOD DANG , GNAS KYI RNAM PA'I RANG BZHIN GYI MTSAN NYID KUN GZHI RNAM PAR SHES PA GZUNG BA DANG , 'DZIN PA'I MTSAN NYID DU 'JUG PA LA BYIS PA SKYE BA DANG , GNAS PA DNAG 'JIG PA'I LTA BA GNYIS SU LHUNG BA'I BSAM PA CAN RNAMS YOD PA DNAG MED PA LAS DNGOS PO THAMS CAD SKYE BA RNAM PAR RTOG GI, BLO GROS CHEN PO, 'DI LA KHYOD KYIS BRTZON PAR BYA'O, ,BLO GROS CHEN PO, GZHAN YANG MNGON PAR RTOGS PAR 'GYUR BA'I RIGS LNGA YOD DE, LNGA GANG ZHE NA, 'DI LTAR NYAN THOS KYI THEG PA MNGON PAR RTOGS PAR 'GYUR PA'I RIGS DANG , RANG SANGS RGYAS KYI THEG PA MNGON PAR RTOGS PAR 'GYUR BA'I RIGS DANG , DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS DANG , GANG DU'ANG MA NGES PA'I RIGS DANG , RIGS MED PA DANG LNGA'O, ,BLO GROS CHEN PO, NYAN THOS KYI THEG PA MNGON PAR RTOGS PAR 'GYUR BA'I RIGS JI LTAR KHONG @126A *, ,DU CHUD PAR BYA ZHE NA, GANG PHUNG PO DANG , KHAMS DANG , SKYE MCHED DANG , RANG DANG SPYI'I MTSAN NYID YONGS SU SHES PA KHONG DU CHUD PAR 'GYUR BA BSTAN NA LUS KYI SPU LDANG ZHING DE'I BLO MTSAN NYID YONGS SU 'DRIS PA, BYA BA'I SHES PA LA 'JUG LA RTEN CING 'BREL PAR 'BYUNG BA DANG THA MI DAD PA'I MTSAN NYID YONGS SU 'DRIS PAR BYA BA MA YIN PA 'DI, BLO GROS CHEN PO, 'DI NI NYAN THOS KYI THEG PA MNGON PAR RTOGS PAR 'GYUR BA'I RIGS TE, NYAN THOS KYI THEG PA MNGON PAR RTOGS PA'I LTA BAS SA DRUG DANG LNGA DAG TU KUN NAS LDANG BA'I NYON MONGS PA RAB TU SPANGS NAS BAG CHAGS KYI NYON MONGS PA RAB TU MA SPANGS PA BSAM GYIS MI KHYAB PA'I 'CHI 'PHO DANG LDAN PA DE NI BDAG GI SKYE BA ZAD DO, ,TSANGS PAR SPYOD PA LA GNAS SO, ,BYA BA BYAS SO ZHES YANG DAG PAR SENG GE'I SGRAR SGROG CING , DE LA SOGS PA SMRAS NAS, GANG ZAG LA BDAG MED PA YONGS SU 'DRIS PA NAS MYA NGAN PAS 'DAS PA'I BAR GYI BLOR GYUR RO, ,BLO GROS CHEN PO, GZHAN DAG NI BDAG DANG , SEMS CAN DANG , SROG DANG , GSO BA DANG , SKYES BU DANG , GANG ZAG YOD PAR KHONG DU CHUD BAS MYA NGAN LAS 'DAS PA 'TSOL LO, ,BLO GROS CHEN PO, YANG GZHAN DAG NI DNGOS PO THAMS CAD RGYU LA RAG LAS PAR MTHONG NAS MYA NGAN LAS 'DAS PA 'DOD PA'I BLOR @126B 'GYUR TE, BLO GROS CHEN PO, CHOS LA BDAG MED PAR MTHONG BA MED PA'I PHYIR THAR PA NI MED DE, ,BLO GROS CHEN PO, 'DI NI NYAN THOS KYI THEG PA MNGON PAR RTOGS PAR 'GYUR BA DANG , MU STEGS CAN GYI RIGS 'BYUNG BA MA YIN PA LA 'BYUNG BA'I BLO CAN TE, BLO GROS CHEN PO, 'DI LA KHYOD KYIS LTA BA NGAN PA RNAM PAR BZLOG PA'I PHYIR BRTZON PAR BYA'O, ,BLO GROS CHEN PO, DE LA RANG SANGS RGYAS KYI THEG PA MNGON PAR RTOGS PAR 'GYUR BA'I RIGS NI GANG GCIG PU'I PHYIR MNGON PAR RTOGS PA BSTAN PA NA MCHI MA DANG , SNYING YER ZHES LUS KYI SPU LDANG BAR 'GYUR ZHING 'DU 'DZIN MED PA'I RKYEN GYIS DNGOS PO LA MNGON PAR ZHEN PA DANG , RANG GI LUS KYI RDZU 'PHRUL SNA TSOGS RNAM PA MANG PO BSNOR BA DANG , ZUNG GI CHO 'PHRUL BSTAN PA RAB TU BSHAD NA DGA' BAR 'GYUR BA YIN TE, DE NI RANG SANGS RGYAS KYI THEG PA MNGON PAR RTOGS PAR 'GYUR BA'I RIGS CAN DU SHES NAS, RANG SANGS RGYAS KYI THEG PA MNGON DU RTOGS PAR 'GYUR BA DANG , RJES SU MTHUN PA'I GTAM BYA'O, ,BLO GROS CHEN PO, 'DI NI RANG SANGS RGYAS KYI THEG PA MNGON PAR RTOGS PAR 'GYUR BA'I RIGS CAN GYI MTSAN NYID DO, ,BLO GROS CHEN PO, DE LA DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS NI RNAM PA GSUM STE, 'DI LTAR RANG BZHIN GYI RANG BZHIN MED PA'I CHOS MNGON PAR RTOGS PAR @127A *, ,'GYUR BA'I RIGS DANG, KHONG DU CHUD PA BDAG GI SO SO RANG GI MNGON PAR RTOGS PAR 'GYUR PA'I RIGS DANG, SANGS RGYAS KYI ZHING PHYI ROL YANGS PA MNGON PAR RTOGS PAR 'GYUR BA'I RIGS SO, ,BLO GROS CHEN PO, DE RNAM PA GSUM PO 'DI DAG LAS GANG YANG RUNG BA ZHIG BSTAN PA DANG, RANG GI SEMS SNANG BA'I LUS DANG, KUN GZHI DANG, LONGS SPYOD DANG, GNAS BSAM GYIS MI KHYAB PA'I YUL BSTAN PA NI MI 'JIGS, MI SKRAG ,SKRAG PAR MI 'GYUR NA, DE NI DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS CAN DU SHES PAR BYA STE, BLO GROS CHEN PO, 'DI NI DE BZHIN GSHEGS PA'I THEG PA MNGON PAR RTOGS PAR 'GYUR BA'I RIGS CAN GYI MTSAN NYID DO, ,BLO GROS CHEN PO, MA NGES PA'I RIGS CAN NI GSUM PO 'DI DAG BSTAN PA'I TSA GANG LA DGA' BA DE LA RJES SU SBYAR BAR BYA'O, ,BLO GROS CHEN PO, 'DI LTAR RIGS RNAM PAR DGOD PA 'DI NI YONGS SU SBYANG BA'I SA STE, SNANG BA MED PA'I SA LA 'JUG PA'I PHYIR RNAM PAR DGOD PAR BYA'O, ,SO SO RANG GI KUN GZHI LA RANG GI NYON MONGS PA'I BAG CHAGS DAG NAS CHOS LA BDAG MED PA MTHONG BA'I PHYIR, TING NGE 'DZIN GYI BDE BA LA GNAS PA THOB NAS NYAN THOS RNAMS KYANG RGYAL BA'I SKU'I SKU NYID RAB TU 'THOB PAR 'GYUR RO, ,DE NAS BCOM LDAN 'DAS @127B KYIS TSIGS SU BCAD PA 'DI DAG GSUNGS SO, ,RGYUN DU ZHUGS PA'I 'BRAS BU DANG, ,LAN GCIG PHYIR 'ONG DE BZHIN TE, ,PHYIR MI 'ONG BA'I 'BRAS BU DANG, ,DGRA BCOM NYID KYANG SEMS BSLAD PA'O, ,BYIS PA BLO ZHAN RNAMS LA NI, ,THEG PA GSUM DANG THEG PA GCIG ,THEG PA MED PA'ANG NGA SMRA STE, ,'PHAGS PA RNAMS LA DBEN PA NYID, ,RNAM RIG GNYIS PO SPANGS PA NI, ,DAM PA'I DON GYI SGO MO STE, ,THEG PA GSUM DU RNAM DGOD PA, ,SNANG MED LA GNAS GA LA YOD, ,BSAM GTAN RNAMS DANG TSAD MED DANG, ,GZUGS MED RNAMS DANG TING NGE 'DZIN, ,'DU SHES 'GOG PA MA LUS PAR, ,SEMS TZAM LA NI YOD PA MIN, ,BLO GROS CHEN PO, DE LA 'DOD CHEN PA RNAMS KYI THAR PAR MI 'DOD PA JI LTAR 'BYUNG ZHE NA, 'DI LTA STE, DGE BA'I RTZA BA THAMS CAD SPANGS PA DANG, THOG MA MED PA'I DUS KYI SEMS CAN THAMS CAD KYI PHYIR SMON PA'O, ,DE LA DGE BA'I RTZA BA THAMS CAD SPANGS PA GANG ZHE NA, 'DI LTAR BYANG CHUB SEMS DPA'I SDE SNOD LA 'DI DAG NI THAR PA DANG MTHUN PA'I MDO DANG, 'DUL BA MA YIN NO ZHES SMRA BAS SPONG ZHING SKUR PA YIN TE, DGE BA'I RTZA BA THAMS CAD SPANGS PA'I PHYIR MYA NGAN LAS MI 'DA'O, ,BLO GROS CHEN PO, GNYIS SU NA BYANG CHUB SEMS DPA' SEMS DPA' CHEN PO 'DI LTAR SEMS CAN THAMS CAD YONGS SU MYA NGAN LAS MA 'DAS KYI BAR BDAG @128A *, ,KYANG MYA NGAN LAS MI 'DA'O ZHES SRID PAR SMON LAM DANG, THABS SNGON DU BTANG BAS DE'I PHYIR MYA NGAN LAS MI 'DA'O, ? ,BLO GROS CHEN PO, 'DI NI YONGS SU MYA NGAN LAS MI 'DA' BA'I CHOS CAN RNAMS KYI RANG GI MTSAN NYID DE, DES 'DOD CHEN PA RNAMS KYI TSUL RAB TU 'THOB PAR 'GYUR RO, ,BLO GROS CHEN POS YANG GSOL PA, BCOM LDAN 'DAS, 'DI LA SHIN TU BYA NGAN LAS MI 'DA' BA GANG LAGS, BCOM LDAN 'DAS KYIS BKA' STZAL PA, BLO GROS CHEN PO, DE LA BYANG CHUB SEMS DPA'I 'DOD CHEN PO NI CHOS THAMS CAD THOG MA NAS MYA NGAN LAS 'DAS PAR SHES NAS SHIN TU MYA NGAN LAS MI 'DA' STE, DGE BA'I RTZA BA THAMS CAD SPONG BA'I 'DOD CHEN PA NI MA YIN NO,, BLO GROS CHEN PO, DGE BA'I RTZA BA THAMS CAD SPONG BA'I 'DOD CHEN PA'ANG DE BZHIN GSHEGS PA RNAMS KYI BYIN GYI RLABS KYIS, BRGYA LA GAL TE NA DGE BA'I RTZA BA YONGS SU SBYONG ? BAR 'GYUR RO, ,DE CI'I PHYIR ZHE NA, BLO GROS CHEN PO, 'DI LTAR DE BZHIN GSHEGS PA RNAMS KYI NI SEMS CAN THAMS CAD YONGS SU MA BTANG NGO, ,BLO GROS CHEN PO, DE LTAR DE'I PHYIR BYANG CHUB SEMS DPA'I 'DOD CHEN PA RNAMS NI YONGS SU MYA NGAN LAS MI 'DA'O, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN @128B POS RANG BZHEN GYI MTSAN NYID GSUM LA MKHAS PAR BYA'O, ,BLO GROS CHEN PO, ,DE LA KUN BRTAGS PA'I RANG BZHIN NI MTSAN MA LAS 'BYUNG STE, BLO GROS CHEN PO, MTSAN MA LAS KUN BRTAGS PA'I RANG BZHIN JI LTAR 'BYUNG ZHE NA, DE LA, BLO GROS CHEN PO, GZHAN GYI DBANG GI RANG BZHIN NI DNGOS PO'I MTSAN MA'I MTSAN NYID LTA BUR SNANG BA STE, BLO GROS CHEN PO, DE LA DNGOS PO'I MTSAN MA'I MTSAN NYID LA MNGON PAR ZHEN PA NI DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS MING LA MNGON PAR ZHEN PA'I MTSAN NYID DANG, DNGOS PO'I MTSAN MA LA MNGON PAR ZHEN PA'I MTSAN NYID KYIS KUN BRTAGS PA'I RANG BZHIN DANG, RNAM PA GNYIS SU 'JOG GO ,BLO GROS CHEN PO, DE LA DNGOS PO'I MTSAN MA LA MNGON PAR ZHEN PA'I MTSAN NYID NI 'DI LTA STE, NANG DANG PHYI'I CHOS LA MNGON PAR ZHEN PA'O, ,BLO GROS CHEN PO, MTSAN MA'I MTSAN NYID LA MNGON PAR ZHEN PA NI 'DI LTA STE, NANG DANG PHYI ROL GYI CHOS DE DAG NYID KYI RANG DANG SPYI'I MTSAN NYID YONGS SU SHES SHING KHONG DU CHUD PA'O, ,BLO GROS CHEN PO, DE NI KUN BRTAGS PA'I RANG BZHIN GYI MTSAN NYID GNYIS PA'O, ,DE LA GNAS SHING MI DMIGS PA LAS 'BYUNG BA DE GZHAN GYI DBANG NGO, ,BLO GROS CHEN PO, DE LA YONGS SU GRUB PA'I RANG BZHIN GANG ZHE NA, 'DI LTA @129A *, ,STE; MTSAN MA DANG, MING DANG, DNGOS PO'I MTSAN NYID RNAM PAR RTOG PA DANG BRAL BA'I DE BZHIN NYID 'PHAGS PA'I YE SHES RTOGS PA THOB PAS 'PHAGS PA SO SO RANG GAS RIG PA'I YE SHES KYI SPYOD YUL TE, BLO GROS CHEN PO, YONGS SU GRUB PA'I RANG BZHIN 'DI NI DE BZHIN GSHEGS PA RNAMS KYI SNYING PO THUGS SO, ,DE NAS DE'I CHE BCOM LDAN 'DAS KYIS TSIGS SU BCAD PA 'DI GSUNGS SO, ,MING DANG MTSAN MA KUN RTOG PA, ,RANG BZHIN GNYIS KYI MTSAN NYID DE, ,YANG DAG SHES DANG DE BZHIN NYID, ,YONGS SU GRUB PA'I MTSAN NYID DO, ,BLO GROS CHEN PO, 'DI NI CHOS LNGA'I RANG BZHIN GYI MTSAN NYID RAB TU 'BYED PA ZHES BYA BA'I CHOS KYI RNAM GRANGS 'PHAGS PA SO SO RANG GIS RIG PA'I YE SHES KYI SPYOD YUL TE, DE LA KHYOD DANG BYANG CHUB SEMS DPA' GZHAN RNAMS KYIS KYANG BSLAB PAR BYA'O, ,GZHAN YANG, BLO GROS CHEN PO, BYANG CHUB SEMS DPA' SEMS DPA' CHEN POS BDAG MED PA GNYIS KYI MTSAN NYID SHES PA RAB TU DBYE BA LA MKHAS PAR BYA'O, ,BLO GROS CHEN PO, DE LA BDAG MED PA GNYIS KYI MTSAN NYID GANG ZHE NA, MING DANG GZUGS LA SOGS PA 'DZIN PA LA MNGON PAR ZHEN PA'I PHYIR DBANG PO THAMS CAD LAS RNAM PAR SHES PA 'BYUNG BA NI, 'DI LTA STE, MI SHES PA DANG, LAS DANG, SRED PA @129B LAS BYUNG BA'I PHUNG PO DANG, KHAMS DANG, SKYE MCHED BDAG DANG, BDAG GI BA MED PA RANG GI SEMS SNANG BA'I SNOD DANG, LUS DANG, GZHIR BDAG GI SEMS KYIS BRTAGS PA RNAMS SHES PAR BYED DE, 'BAB CHU DANG, SA BON DANG, MAR ME DANG, RLUNG DANG, SPRIN LTA BU SKAD CIG MA GCIG NAS GCIG TU THA DAD PAS SO SOR GYUR PA GYO BA SPRE'U DANG, SBRANG MA LTA BU YUL MI GTZANG BA LA SPYOD PA, MGON MED PA ME LTAR CHOG MI SHES PA THOG MA MED PA'I DUS NAS SPROS PA'I YUL GYI BAG CHAGS KYI RGYU LAS BYUNG BA ZO BA CHU SKOR GYI 'KHRUL 'KHOR GYI 'KHOR LO LTAR 'KHOR BA SRID PA'I 'GRO BA'I 'KHOR LO LA LUS RNAM PA SNA TSOGS KYI GZUGS 'CHANG BA, SGYU MA DANG RO LANGS DANG 'KHRUL 'KHOR LTA BUR 'JUG CING 'BYUNG STE, BLO GROS CHEN PO, GANG MTSAN NYID 'DI LA MKHAS PA'I SHES PA DE NI GANG ZAG LA BDAG MED PAR SHES PA ZHES BYA'O, ,BLO GROS CHEN PO, DE LA CHOS LA BDAG MED PAR SHES PA GANG ZHE NA, 'DI LTA STE, PHUNG PO DANG, KHAMS DANG, SKYE MCHED RNAMS KYI KUN BRTAGS PA'I MTSAN NYID KYI RANG BZHIN RTOGS PA STE, BLO GROS CHEN PO, JI LTAR PHUNG PO DANG, KHAMS DANG, SKYE MCHED RNAMS BDAG LA SOGS PA DANG BRAL ZHING PHUNG PO 'DUS PA TZAM STE LAS DANG SRED PA'I RGYU'I SRAD PUS SBREL BA PHAN TSUN RKYEN DU GYUR PAS GYO BA MED PAR 'BYUNG BA DE BZHIN DU, BLO GROS CHEN PO, @130A *, ,PHUNG PO DAG RANG DANG SPYI'I MTSAN NYID DANG YANG BRAL BA STE, YANG DAG PA MA YIN PAR KUN BRTAGS PA'I MTSAN NYID KYI RNAM PAR RTOG PAS RAB TU PHYE BA LA BYIS PA RNAMS RNAM PAR RTOG GI ,'PHAGS PA RNAMS KYIS NI MA YIN TE, BLO GROS CHEN PO, CHOS THAMS CAD LA SEMS DANG, YID DANG, RNAM PAR SHES PA DANG, CHOS LNGA DANG RANG BZHIN DANG BRAL BAR RNAM PAR SGOM PA'I BYANG CHUB SEMS DPA' SEMS DPA' CHEN PO NI CHOS LA BDAG MED PA LA MKHAS PA YIN NO, ,BLO GROS CHEN PO, BYANG CHUB SEMS DPA' SEMS DPA' CHEN PO CHOS BDAG MED PA LA MKHAS PA NI SNANG BA MED PA RAB TU RTOGS PA'I PHYIR RING PO MI THOGS PAR BYANG CHUB SEMS DPA'I SA DANG PO THOB STE, SA'I MTSAN NYID RAB TU DBYE BA KHONG DU CHUD PA'I PHYIR RAB TU DGA' BA'I 'OG TU SA DGU LA'ANG MKHAS PAR BYAS NAS CHOS KYI SPRIN RAB TU THOB BO, ,DE DE LA GNAS NAS SGYU MA'I RANG BZHIN GYI SPYOD YUL LA RAB TU 'BYED PAS MNGON PAR GRUB PA DANG PADMO LTA BU'I GZHAL MED KHANG CHEN POR RIN PO CHE'I PADMO'I RGYAL PO CHEN PO, RIN PO CHE DANG, MU TIG DU MAS RAB TU BRGYAN PA LA 'DUG STE, DE DANG MTHUN PA'I RGYAL BA'I SRAS RNAMS KYIS YONGS SU BSKOR CING SANGS RGYAS KYI ZHING THAMS CAD NAS BYUNG BA'I SANGS RGYAS KYI PHYAG GI DBANG BSKUR BAS 'KHOR LOS BSGYUR BA'I BU @130B BZHIN DU MNGON PAR DBANG BSKUR RO, ,SANGS RGYAS KYI SRAS KYI SA LAS 'DAS NAS 'PHAGS PA SO SO RANG GIS RIG PA'I CHOS KHONG DU CHUD PA'I PHYIR CHOS LA BDAG MED PA MTHONG BAS CHOS KYI SKU LA MNGA' MDZAD PA'I DE BZHIN GSHEGS PAR 'GYUR TE, BLO GROS CHEN PO, 'DI NI RANG GI CHOS LA BDAG MED PA'I MTSAN NYID DO, ,BLO GROS CHEN PO, DE LA KHYOD DANG, BYANG CHUB SEMS DPA' GZHAN DAG GIS KYANG BSLAB PAR BYA'O,, ,,'PHAGS PA LANGKAR GSHEGS PA, BAM PO GSUM PA, DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS 'DI SKAD CES GSOL TO, ,BCOM LDAN 'DAS, JI LTAR BDAG DANG, BYANG CHUB SEMS DPA' GZHAN SGRO 'DOGS PA DANG, SKUR PA'I LTA BA NGAN PA RNAM PAR SPANGS PA'I BLO CAN RNAMS MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA ZHING MNGON PAR SANGS RGYAS NAS KYANG RTAG PA DANG, SGRO 'DOGS PA DANG, SKUR PA DANG CHAD PAR LTA BA RNAM PAR SPANGS TE, KHYOD KYI SANGS RGYAS KYI TSUL LA MI SKUR BAR 'GYUR BAR SGRO 'DOGS PA DANG, SKUR PA'I MTSAN NYID BDAG LA BSHAD DU GSOL, DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN POS YANG GSOL BA BTAB PAR THUGS SU CHUD NAS TSIGS SU BCAD PA 'DI DAG @131A *, ,GSUNGS SO, ,SGRO 'DOGS PA DANG SKUR PA DAG ,SEMS TZAM LA NI YOD PA MIN, ,LUS DANG LONGS SPYOD GNAS LTA BU'I, ,SEMS NI SU DAG MI SHES PA, , SGRO 'DOGS PA DANG SKUR PA LA, ,MI MKHAS DE DAG RAB TU SPYOD, ,DE NAS BCOM LDAN 'DAS KYIS TSIGS SU BCAD PA 'DI GNYIS KYI DON BSTAN PA'I PHYIR YANG 'DI SKAD CES BKA' STZAL TO, ,BLO GROS CHEN PO, MED PA LA SGRO 'DOGS PA NI RNAM PA BZHI STE, RNAM PA BZHI GANG ZHE NA, 'DI LTA STE, MED PA'I MTSAN NYID LA SGRO 'DOGS PA DANG, MED PA'I LTA BAR SGRO 'DOGS PA DANG, MED PA'I RGYUR SGRO 'DOGS PA DANG, MED PA'I DNGOS POR SGRO 'DOGS PA STE, BLO GROS CHEN PO, 'DI NI SGRO 'DOGS PA RNAM PA BZHI'O, ,BLO GROS CHEN PO, SKUR PA GANG ZHE NA, 'DI LTA STE, SGRO 'DOGS PA'I LTA BA NGAN PA 'DI NYID MI DMIGS PAR RAB TU 'BYED PA MED PA'I PHYIR SKUR BAR 'GYUR TE, BLO GROS CHEN PO, 'DI NI SGRO 'DOGS PA DANG, SKUR PA'I MTSAN NYID DO, ,BLO GROS CHEN PO, GZHAN YANG MED PA'I MTSAN NYID LA SGRO 'DOGS PA'I MTSAN NYID GANG ZHE NA, 'DI LTA STE, PHUNG PO DANG, KHAMS DANG, SKYE MCHED RNAMS KYI RANG DANG SPYI'I MTSAN NYID LA 'DI NI 'DI LTA STE, DE BZHIN GYI GZHAN DU MA YIN NO ZHES MNGON PAR ZHEN PA'O, ,BLO GROS CHEN PO, 'DI NI MED PA'I MTSAN NYID LA SGRO 'DOGS @131B PA'I MTSAN NYID DE, BLO GROS CHEN PO, MED PA'I MTSAN NYID LA SGRO 'DOGS PA'I RNAM PAR RTOG PA 'DI NI THOG MA MED PA'I DUS KYI SPROS PA GNAS NGAN LEN GYI BAG CHAGS SNA TSOGS LA MNGON PAR ZHEN PA LAS 'BYUNG STE, BLO GROS CHEN PO, 'DI NI MED PA'I MTSAN NYID LA SGRO 'DOGS PA'I MTSAN NYID DO, ,BLO GROS CHEN PO, MED PA'I LTA BAR SGRO 'DOGS PA NI GANG PHUNG PO DANG; KHAMS DANG, SKYE MCHED DE DAG NYID LA BDAG DANG, SEMS CAN DANG, SROG DANG, GSO BA DANG, SKYES BU DANG, GANG ZAG TU LTA BA NGAN PAR SGRO 'DOGS PA YIN TE, BLO GROS CHEN PO, 'DI NI MED PA'I LTA BAR SGRO 'DOGS PA ZHES BYA'O, ,BLO GROS CHEN PO, MED PA'I RGYUR SGRO 'DOGS PA NI 'DI LTA STE, SNGON RGYU LAS MA SKYES PA'I RNAM PAR SHES PA PHYIS SGYU MA LTA BUR SNGON MA BYUNG ZHING MED PA LAS MIG DANG, GZUGS DANG, SNANG BA'I RGYU DANG, DRAN PA SNGON DU 'JUG PA LAS 'BYUNG NGO, ,MED PA LAS BYUNG NAS KYANG YANG 'JIG PAR 'GYUR TE, BLO GROS CHEN PO, 'DI NI MED PA RGYUR SGRO 'DOGS PA'O, ,BLO GROS CHEN PO, MED PA'I DNGOS POR SGRO 'DOGS PA NI 'DI LTA STE, NAM MKHA' DANG, 'GOG PA DANG, MYA NGAN LAS 'DAS PA MA BYAS PA'I DNGOS POR MNGON PAR ZHEN CING SGRO 'DOGS PA'O, ,BLO GROS CHEN PO, CHOS 'DI DAG THAMS CAD NI DNGOS PO DANG, DNGOS PO MED PA LAS RNAM PAR @132A *, ,LOG PA, RI BONG DANG, RTA DANG, BONG BU DANG, RNGA MO'I RWA DANG, SKRA SHAD 'DZINGS PA LTA BU YOD PA DANG, MED PA'I PHYOGS DANG BRAL BA STE, BLO GROS CHEN PO; BYIS PA RANG GI SEMS SNANG BA TZAM DU MA RTOGS PA'I BLO CAN RNAMS SGRO 'DOGS PA DANG, SKUR PAS RNAM PAR RTOG STE, 'PHAGS PA RNAMS KYI NI MA YIN NO, ,'DI NI, BLO GROS CHEN PO, DNGOS PO MED PAR RNAM PAR RTOG PAS SGRO 'DOGS PA DANG, SKUR PA'I MTSAN NYID DO, ,DE BAS NA, BLO GROS CHEN PO, SGRO 'DOGS PA DANG SKUR PA'I LTA BA DANG BRAL BAR BYA'O, ,BLO GROS CHEN PO, GZHAN YANG BYANG CHUB SEMS DPA' RNAMS NI SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG, BDAG MED PA GNYIS KYI MTSAN NYID KHONG DU CHUD PAR RTOGS PAS GZHAN LA PHAN PA'I PHYIR GZUGS DANG, CHA BYAD DU 'DZIN PA YIN NO, ,GZHAN GYI DBANG LA GNAS PA KUN BRTAGS PA'I RANG BZHIN LTAR SNA TSOGS KYI GZUGS CAN YID BZHIN GYI NOR BU LTA BU SANGS RGYAS KYI ZHING THAMS CAD KYI DKYIL 'KHOR DU DONG STE, DE BZHIN GSHEGS PA THAMS CAD LAS RMI LAM DANG, SGYU MA DANG, MIG YOR DANG, GZUGS BRNYAN DANG, CHU'I ZLA BA'I TSUL 'DRA BA'I CHOS SKYE BA DANG, 'JIG PA DANG, RTAG PA DANG, CHAD PA DANG BRAL BA THAMS CAD @132B DANG; NYAN THOS DANG, RANG SANGS RGYAS THAMS CAD KYI THEG PA DANG BRAL BA'I CHOS BSTAN PA DAG MNGON DU NYAN CING TING NGE 'DZIN BRGYA STONG RAB TU THOB PA NAS TING NGE 'DZIN BYE BA KHRAG KHRIG BRGYA STONG GI BAR DU'ANG RAB TU 'THOB STE, THOB NAS KYANG SANGS RGYAS MCHOD PA LA BRTZON PAR TING NGE 'DZIN DE DAG GIS ZHING NAS ZHING DU 'DONG NGO, ,SKYE BA DANG, LHA'I PHO BRANG DANG, GNAS THAMS CAD DU'ANG DKON MCHOG GSUM YANG DAG PAR BSTAN TE, SANGS RGYAS KYI GZUGS SU BYAS SHING NYAN THOS DANG, BYANG CHUB SEMS DPA'I TSOGS KYIS YONGS SU BSKOR NAS YOD PA DANG MED PA'I PHYOGS LAS RNAM PAR BZLOG PA'I PHYIR RANG GI SEMS SNANG BA TZAM LA 'JUG PAS PHYI ROL GYI DNGOS PO MED PAR STON PAR BYED DO, ,DE NAS BCOM LDAN 'DAS KYIS DE'I TSE TSIGS SU BCAD PA 'DI GSUNGS SO, ,GANG TSE 'JIG RTEN SEMS TZAM DU, ,RGYAL BA'I SRAS KYIS RAB MTHONG BA, ,DE TSE TSIGS SU GYUR PA'I SKU, ,GZAS SHING BYED PA KUN SPANGS PA; ;STOBS DANG MNGON SHES DBANG LDAN PA, ,DE DAG GIS NI THOB PAR 'GYUR, ,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS GSOL BA BTAB PA, BCOM LDAN 'DAS, STONG PA NYID DANG, MI SKYE BA DANG, MI GNYIS PA DANG, RANG BZHIN MA MCHIS PA'I MTSAN NYID RTOGS PA JI LTA BUS BDAG DANG, BYANG @133A *, ,CHUB SEMS DPA' GZHAN RNAMS KYANG MCHIS PA DANG, MA MCHIS PAR RNAM PAR RTOG PA YONGS SU SPANGS TE, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR 'GYUR BA'I CHOS THAMS CAD KYI STONG PA NYID DANG, MI SKYE BA DANG, MI GNYIS PA DANG, RANG BZHIN MA MCHIS PA'I MTSAN NYID BDAG LA BSHAD DU GSOL, DE NAS BCOM LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, DE'I PHYIR SHIN TU LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,LEGS SO, ,BCOM LDAN 'DAS ZHES BYANG CHUB SEMS DPA' SEMS DPA' CHEN PO BLO GROS CHEN PO, BCOM LDAN 'DAS LA PHYIR NYAN TO, ,BCOM LDAN 'DAS KYIS DE LA 'DI SKAD CES BKA' STZAL TO, ,BLO GROS CHEN PO, STONG PA NYID DO, ,STONG PA NYID NGO ZHES BYA BA 'DI NI KUN BRTAGS PA'I RANG BZHIN GYI TSIG STE, BLO GROS CHEN PO, KUN BRTAGS PA'I RANG BZHIN LA MNGON PAR ZHEN PAS STONG PA NYID DANG, MI SKYE BA DANG, DNGOS PO MED PA DANG, MI GNYIS PA DANG, RANG BZHIN MED PA'I DNGOS POR SMRA BA YIN NO, ,BLO GROS CHEN PO, DE LA MDOR NA STONG PA NYID RNAM PA BDUN TE, 'DI LTAR MTSAN NYID STONG PA NYID DANG, DNGOS PO'I RANG @133B BZHIN STONG PA NYID DANG, SRID PA STONG PA NYID DANG, MI SRID PA STONG PA NYID DANG, CHOS THAMS CAD BRJOD DU MED PA STONG PA NYID DANG, DON DAM PA 'PHAGS PA'I YE SHES STONG PA CHEN PO NYID DANG, GCIG GIS GCIG STONG PA NYID DANG BDUN NO, ,BLO GROS CHEN PO, DE LA MTSAN NYID STONG PA NYID GANG ZHEN, 'DI LTA STE, DNGOS PO THAMS CAD NI RANG DANG SPYI'I MTSAN NYID KYIS STONG NGO, ,BLO GROS CHEN PO, 'DUS PA PHAN TSUN DU LTOS PA DANG, RAB TU DBYE BA'I KHYAD PAR MED PA'I PHYIR RANG DANG SPYI'I MTSAN NYID DU 'JUG PA MED DE, BLO GROS CHEN PO, BDAG DANG, PHA ROL DANG, GNYIS KA MED PA'I PHYIR MTSAN NYID GNAS PA MED PAS NA DE'I PHYIR DNGOS PO THAMS CAD MTSAN NYID STONG PA ZHES BYA'O, ,BLO GROS CHEN PO, DNGOS PO'I RANG BZHIN STONG PA NYID GANG ZHE NA, 'DI LTA STE, BLO GROS CHEN PO, RANG GI RANG BZHIN GYIS DNGOS PO SKYE BA MED PA'I PHYIR CHOS THAMS CAD DNGOS PO'I RANG BZHIN STONG PA NYID YIN TE; DE'I PHYIR DNGOS PO'I RANG BZHIN STONG PA NYID CES BYA'O, ,BLO GROS CHEN PO, SRID PA'I STONG PA NYID GANG ZHE NA, 'DI LTA STE, BDAG DANG BDAG GI DANG BRAL BA'I PHUNG PO RNAMS TE, RGYU DANG, RIGS ? PA DANG, PHYED ? PA DANG, LAS DANG, 'BYOR PA LAS SKYE ZHING 'BYUNG STE, DE'I PHYIR SRID PA'I STONG PA NYID CES BYA'O, ,BLO GROS CHEN PO, MI SRID PA STONG PA NYID GANG ZHE NA, 'DI LTA STE, @134A *, ,PHUNG PO RNAMS LA MYA NGAN LAS 'DAS PA SNGON MI SRID PA YIN TE, DE'I PHYIR MI SRID PA STONG PA NYID CES BYA'O, ,BLO GROS CHEN PO, BRJOD DU MED PA'I STONG PA NYID GANG ZHE NA, 'DI LTA STE, KUN BRTAGS PA'I RANG BZHIN BRJOD DU MED PA'I PHYIR CHOS THAMS CAD BRJOD DU MED PA'I STONG PA NYID DE, DE'I PHYIR BRJOD DU MED PA STONG PA NYID CES BYA'O, ,BLO GROS CHEN PO, DON DAM PA 'PHAGS PA'I YE SHES CHEN PO STONG PA NYID GANG ZHE NA, 'DI LTA STE, BDAG GI SO SO RANG GI 'PHAGS PA'I YE SHES KHONG DU CHUD PA NI LTA BA DANG; NYES PA'I BAG CHAGS THAMS CAD KYIS STONG STE, DE'I PHYIR DON DAM PA 'PHAGS PA'I YE SHES STONG PA CHEN PO NYID CES BYA'O, ,BLO GROS CHEN PO, GCIG GIS GCIG STONG PA NYID GANG ZHE NA, 'DI LTA STE, GANG NA CI MED PA DE NI DES STONG ZHES BYA'O, ,'DI LTA STE, BLO GROS CHEN PO, RI DWAGS 'DZIN GYI MA'I KHANG PA NA GLANG PO DANG, BA LANG DANG, LUG LA SOGS PA MED KYANG DGE SLONG DANG, DGE SLONG MA LA SOGS PAS NI STONG PA NYID MA YIN NO ZHES NGAS BSHAD DE, DE NI DE DAG GIS STONG NGO ZHES BYA YANG, BLO GROS CHEN PO, KHANG PA YANG KHANG PA'I DNGOS PO MED PA MA YIN, DGE SLONG RNAMS KYANG DGE SLONG GI NGO BOR MED PA MA YIN TE, GLANG PO DANG, BA LANG DANG, LUG LA SOGS PA'I DNGOS PO DE DAG DUD NA NI 'KHOD @134B PA'ANG MA YIN NO, BLO GROS CHEN PO , DE BZHIN DU CHOS THAMS CAD KYI RANG DANG SPYI'I MTSAN NYID NI GCIG LA GCIG MED DE, DE'I PHYIR GCIG GIS GCIG STONG PA NYID CES BYA'O, ,BLO GROS CHEN PO CHEN PO, 'DI NI STONG PA NYID RNAM PA BDUN TE, BLO GROS CHEN PO, GCIG GIS GCIG STONG PA NYID 'DI NI KUN GYI THA SHAL TE, DE NI KHYOD KYIS YONGS SU SPANG BAR BYA'O, ,BLO GROS CHEN PO, RANG YANG MI SKYE, TING NGE 'DZIN GYI GNAS SKABS MA GTOGS PAR YANG MI SKYE LA, MI SKYE BA'ANG MA YIN TE, DE'I PHYIR MA SKYES PA DANG, RANG BZHIN MED PA DANG, 'THAD PA MED PA LAS DGONGS TE, DNGOS PO THAMS CAD RANG BZHIN MED PA ZHES BYA'O, ,BLO GROS CHEN PO, SKAD CIG MA'I RGYUN GYI RGYUN MED PA DANG, GZHAN DU 'GYUR BAR SNANG BA'I PHYIR CHOS THAMS CAD RANG BZHIN MED PA STE, DE'I PHYIR DNGOS PO THAMS CAD NI RANG BZHIN MED PA ZHES BYA'O, ,BLO GROS CHEN PO, MI GNYIS PA'I MTSAN NYID GANG ZHE NA, 'DI LTA STE, GRIB MA DANG, NYI MA LTA BU DANG; RING PO DANG, THUNG NGU DANG, NAG PO DANG, DKAR PO LTA BU DAG GNYIS SU RAB TU PHYE BA'I RNAMS SO SO THA DAD PA MA YIN NO, ,BLO GROS CHEN PO, DE BZHIN DU 'KHOR BA DANG, MYA NGAN LAS 'DAS PA LTAR CHOS THAMS CAD MI GNYIS PA STE, BLO GROS CHEN PO, DE NI MTSAN NYID THA DAD PA'I RGYU YOD PA'I PHYIR RO, ,MYA NGAN LAS 'DAS PA GANG NA BA DE NA 'KHOR BA MED, @135A *, ,'KHOR BA GANG NA BA DE NA'ANG MYA NGAN LAS 'DAS PA MED DE, DE'I PHYIR CHOS THAMS CAD 'KHOR BA DANG, MYA NGAN LAS 'DAS PA LTAR MI GNYIS SO ZHES BYA'O,, DE BAS NA, BLO GROS CHEN PO, STONG PA NYID DANG, MI SKYE BA DANG, MI GNYIS PA DANG, RANG BZHIN MED PA'I MTSAN NYID LA BRTZON PAR BYA'O, ,DE NAS DE'I TSE BCOM LDAN 'DAS KYIS TSIGS SU BCAD PA 'DI DAG SUNGS SO, ,'KHOR BA RMI LAM SGYU 'DRA DANG , ,RTAG DANG CHAD PA SPANGS PA NYI, ,RTAG TU STONG PA NYID BSHAD KYANG, ,LAS NI RNAM PAR MI 'JIG GO ;MYA NGAN 'DAS DANG NAM MKHA' DANG, ,'GOG PA GNYIS PO NYID KYANG STE, , MA BYAS PAR NI BYIS PAS RTOG ,'PHAGS PAS YOD MED SPANGS PAR RO, ,DE NAS YANG BCO, LDAN 'DAS KYIS BYANG CHUB SEMS DPA' SEMS DPA' CHEN PO BLO GROS CHEN PO LA 'DI SKAD CES BKA' STZAL TO, ,BLO GROS CHEN PO, STONG PA NYID DANG, MI SKYES BA DANG, MI GNYIS PA DANG, RANG BZHIN MED PA'I MTSAN NYID SANGS RGYAS THAMS CAD KYI MDO SDE'I NANG DU CHUD PA 'DI NI MDO SDE GANG DU'ANG RUNG STE, DE DAG TU DON 'DI NYID KHONG DU CHUD PAR BYA'O; ;BLO GROS CHEN PO, MDO SDE DE NI SEMS CAN THAMS CAD KYI BSAM PA BZHIN DU BSTAN PA DON 'KHRUL PA YIN TE, DE NI DE KHO NA RNAM PAR BZHAG PA'I GTAM MA YIN NO, ,BLO @135B GROS CHEN PO, 'DI LTA STE, DPER NA, SMIG RGYU BA NI RI DWAGS SLU BA YIN TE, CHU'I DNGOS POR MNGON PAR ZHEN PAS MNGON PAR ZHEN PAR BYED DE, DE LA CHU MED DE, ,BLO GROS CHEN PO, DE BZHIN DU MDO SDE BSTAN PA'I CHOS THAMS CAD KYANG BYIS PA RNAMS KYI RANG BZHIN RNAM PAR RTOG PA MGU BAR BYA BA YIN TE, DE NI 'PHAGS PA'I YE SHES RNAM PAR DGOD PA'I GTAM NI MA YIN NO, ,DE BAS NA BLO GROS CHEN PO KHYOD KYIS DON GYI RJES SU 'BRANG BAR BYA'I, BSTAN PA BRJOD PA LA MNGON PAR CHAGS PAR MI BYA'O, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS BCOM LDAN 'DAS LA 'DI SKAD CES GSOL TO, ,BCOM LDAN 'DAS KYIS MDO SDE BRJOD PA LAS DE BZHIN GSHEGS PA'I SNYING PO GSUNGS PA DE, BCOM LDAN 'DAS KYIS RANG BZHIN GYIS 'OD GSAL BA RNAM PAR DAG PAS THOG MA NAS RNAM PAR DAG PAS THOG MA NAS RNAM PAR DAG PA NYID MTSAN SUM CU RTZA GNYIS DANG LDAN PA, SEMS CAN THAMS CAD KYI LUS KYI NANG NA MCHIS PAR BRJOD DE, BCOM LDAN 'DAS KYIS RIN PO CHE RIN THANG CHEN PO GOS DRI MA CAN GYIS YONGS SU DKRIS PA LTAR PHUNG PO DANG, KHAMS DANG, SKYE MCHED KYI GOS KYIS YONGS SU DKRIS PA; 'DOD CHAGS DANG, ZHE SNGAD DANG, GTI MUG GI ZIL GYIS NON PA, YONGS SU RTOG PA'I DRI MAS DRI MA CAN DU GYUR PA, RTAG PA DANG, BRTAN PA, THER ZUG PAR NI BRJOD NA, BCOM @136A *, ,LDAN 'DAS, DE BZHIN GSHEGS PA'I SNYING POR SMRA BA 'DI MU STEGS BYED KYI BDAG TU SMRA BA DANG JI LTAR MI 'DRA BA LAGS, BCOM LDAN 'DAS, MU STEGS BYED RNAMS KYANG RTAG PA MED PA, BYED PA MED PA, YON TAN MED PA, KHYAB PA, MI 'JIG PA'O ZHES BDAG TU SMRA BA STON PAR BGYID DO, ,BCOM LDAN 'DAS KYIS BKA' STZAL PA, BLO GROS CHEN PO, NGA'I DE BZHIN GSHEGS PA'I SNYING PO BSTAN PA NI MU STEGS CAN GYI BDAG TU SMRA BA DANG MTSUNGS PA MA YIN TE, BLO GROS CHEN PO, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI STONG PA NYID DANG, YANG DAG PA'I MTHA' DANG, MYA NGAN LAS 'DAS PA DANG, MA SKYES PA DANG, MTSAN MA MED PA DANG, SMON PA MED PA LA SOGS PA'I TSEG GI DON RNAMS LA, DE BZHIN GSHEGS PA'I SNYING POR BSTAN PAR BYAS NAS, BYIS PA RNAMS BDAG MED PAS 'JIGS PAR 'GYUR PA'I GNAS RNAM PAR SPANG BA'I DON DU DE BZHIN GSEGS PA'I SNYING PO'O SGO BSTAN PAS RNAM PAR MI RTOG PA'I GNAS SNANG BA MED PA'I SBYOD YUL STON TE, 'DI LA, BLO GROS CHEN PO, MA 'ONGS PA DANG, DA LTAR BYUNG BA'I BYANG CHUB SEMS DPA' SEMS DPA' CHEN PO RNAMS KYIS BDAG TU MNGON PAR ZHEN PAR MI BYA'O, ,BLO GROS CHEN PO, DPER @136B NA; RDZA MKHAN NI 'JIM PA'I RDUL GYI PHUNG PO GCIG LAS LAG PA DANG, BZO DANG, LAG ZUNGS DANG, CHU DANG, SRAD BU DANG, NAN TAN LDAN PA LAS SNOD RNAM PA SNA TSOGS BYED DO, ,BLO GROS CHEN PO, DE BZHIN DU DE BZHIN GSHEGS PA RNAMS KYANG CHOS LA BDAG MED PA'I RNAM PAR RTOG PA'I MTSAN NYID THAMS CAD RNAM PAR LOG PA DE NYID SHES RAB DANG, THABS LA MKHAS PA DANG LDAN PA RNAM PA SNA TSOGS KYIS DE BZHIN GSHEGS PA'I SNYING POR BSTAN PA'AM, BDAG MED PAR BSTAN PAS KYANG RUNG STE, RDZA MKHAN BZHIN DU TSIG DANG, YI GE'I RNAM GRANGS RNAM PA SNA TSOGS KYIS STON TO, ,DE LTAR DE'I PHYIR, BLO GROS CHEN PO, DE BZHIN GSHEGS PA'I SNYING POR BSTAN PAS MU STEGS BYED KYI BDAG TU SMRA BA'I BSTAN PA DANG MI 'DRA'O, ,BLO GROS CHEN PO, DE LTAR DE BZHIN GSHEGS PA RNAMS KYI MU STEGS BYED BDAG TU SMRA BA LA MNGON PAR ZHEN PA RNAMS DRANG BA'I PHYIR DE BZHIN GSHEGS PA'I SNYING PO BSTAN PAS DE BZHIN GSHEGS PA'I SNYING PO STON TE, YANG DAG PA MA YIN PA'I BDAG TU RNAM PAR RTOG PA'I LTA BAR LTUNG BA'I BSAM PA CAN DAG RNAM PAR THAR PA GSUM GYI SPYOD YUL LA GNAS PA'I BSAM PA DANG LDAN ZHING, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR 'TSANG RGYA BAR JI LTAR 'GYUR ZHE NA, BLO GROS CHEN PO, DE'I DON DU DE BZHIN @137A *, ,GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS DE BZHIN GSHEGS PA'I SNYING PO STON PAR MDZAD DO, ,DE LTA BAS NA 'DI NI MU STEGS BYED BDAG TU SMRA BA DANG MTSUNGS PA MA YIN NO, ,BLO GROS CHEN PO, DE LTA BAS NA MU STEGS BYED KYI LTA BA RNAM PAR BZLOG PA'I PHYIR DE BZHIN GSHEGS PA'I SNYING PO BDAG MED PA'I RJES SU 'JUG PAR BYA'O, ,DE NAS DE'I TSE BCOM LDAN 'DAS KYIS TSIGS SU BCAD PA 'DI GSUNGS SO, ,GANG ZAG RGYUN DANG PHUNG PO DANG, ,DE BZHIN RKYEN DANG RDUL DAG DANG; ;GTZO BO DBANG PO BYED PO DAG ,SEMS TZAM PA LA RNAM PAR BRTAGS, ,DE NAS BYANG CHUB SEMS DPA' SEMS DPA' CHEN PO BLO GROS CHEN POS MA 'ONGS PA'I SKYE BO'I TSOGS LA BLTAS NAS YANG BCOM LDAN 'DAS LA GSOL BA BTAB PA, BCOM LDAN 'DAS, JI LTAR BYANG CHUB SEMS DPA' SEMS DPA' CHEN PO RNAMS RNAL 'BYOR CHEN PO'I RNAL 'BYOR CAN DU 'GYUR BA'I RNAL 'BYOR MNGON PAR RTOGS PAR BDAG LA BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, CHOS BZHI DANG LDAN PA'I BYANG CHUB SEMS DPA' SEMS DPA' CHEN PO RNAMS RNAL 'BYOR CHEN PO'I RNAL 'BYOR CAN DU 'GYUR RO, ,BZHI GANG ZHE NA, 'DI LTA STE, RANG GI SEMS SNANG BA RNAM PAR @137B SGOM PA DANG, SKYE BA DANG, GNAS PA DANG, 'JIG PA'I LTA BA RNAM PAR SPONG BA DANG, PHYI ROL GYI DNGOS PO DNGOS PO MED PAR RTOGS PA DANG, 'PHAGS PA SO SO RANG GI YE SHES KHONG DU CHUD PAR MOS PA YIN TE, BLO GROS CHEN PO, CHOS BZHI PO 'DI DAG DANG LDAN PA'I BYANG CHUB SEMS DPA' SEMS DPA' CHEN PO RNAMS RNAL 'BYOR CHEN PO'I RNAL 'BYOR CAN DU 'GYUR RO, ,BLO GROS CHEN PO, DE LA JI LTAR NA BYANG CHUB SEMS DPA' SEMS DPA' CHEN PO RANG GI SEMS SNANG BA SGOM PA LA MKHAS PA YIN ZHE NA, 'DI LTA STE, 'DI LTAR KHAMS GSUM 'DI NI RANG GI SEMS TZAM STE, BDAG DANG BDAG GI DANG BRAL BA G-YO BA MED PA, BLANG BA DANG DOR BA DANG BRAL BA, THOG MA MED PA'I DUS KYI SPROS PA'I GNAS NGAN LEN GYI BAG CHAGS LA MNGON PAR ZHEN PAS BSGOS PA, KHAMS GSUM GYI GZUGS RNAM PA SNA TSOGS LA NYE BAR SPYOD PAS 'BREL PA, LUS DANG, LONGS SPYOD DANG, GNAS DANG, 'GRO BAR RNAM PAR RTOG PA'I RJES SU SONG BAR SNANG NGO ZHES RAB TU RTOG STE, BLO GROS CHEN PO, DE LTAR NA BYANG CHUB SEMS DPA' SEMS DPA' CHEN PO RANG GI SEMS SNANG BA RNAM PAR SGOM PA LA MKHAS PA YIN NO, ,BLO GROS CHEN PO, JI LTAR NA BYANG CHUB SEMS DPA' SEMS DPA' CHEN PO SKYE BA DANG, GNAS PA DANG, 'JIG PA'I LTA BA RNAM PAR SPANGS PA YIN ZHE NA, 'DI LTA STE, DNGOS PO THAMS CAD @138A *, ,NI SGYU MA DANG, RMI LAM GYI GZUGS SKYE BA DANG 'DRA BAR BDAG DANG, GZHAN DANG, GNYIS KA MED PA'I PHYIR MI SKYE STE, RANG GI SEMS SNANG BA TZAM GYI RJES SU 'BRANG BA DANG, PHYI ROL GYI DNGOS PO MED PAR MTHONG BAS RNAM PAR SHES PA RNAMS 'JUG PA MED PA DANG, RKYEN RNAMS KYANG PHUNG PO DANG, SPUNGS PA MED PAR MTHONG NAS KHAMS GSUM RNAM PAR RTOG PA'I RKYEN LAS BYUNG BAR MTHONG NAS, PHYI NANG GI CHOS THAMS CAD MI DMIGS SHING RANG BZHIN MED PA'I RJES SU MTHONG BA'I PHYIR SKYE BA'I LTA BA RNAM PAR LOG NAS, SGYU MA LA SOGS PA'I CHOS KYI RANG BZHIN DU RJES SU RTOGS PAS MI SKYE BA'I CHOS LA BZOD PA RAB TU 'THOB STE, SA BRGYAD LA GNAS NAS SEMS DANG, YID DANG, YID KYI RNAM PAR SHES PA DANG, CHOS LNGA DANG, RANG BZHIN DANG, BDAG MED PA GNYIS RTOGS PA RAB TU GYUR PA KHONG DU CHUD PA'I PHYIR YID KYI LUS KYANG RAB TU 'THOB BO, ,BCOM LDAN 'DAS, CI'I SLAD DU YID KYI LUS ZHES BGYI, BCOM LDAN 'DAS KYIS BKA' STZAL PA, BLO GROS CHEN PO, YID KYI LUS ZHES BYA BA NI YID LTAR THOGS PA MED CING MGYOGS PAR 'GRO BA'I PHYIR YID KYI LUS ZHES BYA STE, BLO GROS CHEN PO, 'DI LTA STE, YID NI RI DANG, RTZIG PA DANG, 'BAB CHU DANG, SHING LA SOGS PA LA THOGS PA MED PAR DPAG TSAD @138B BRGYA STONG DU MAR SNGON MTHONG BA DANG, MYONG BA'I YUL RJES SU DRAN ZHING RANG GI SEMS KYI RGYUN MA CHAD PA'I LUS THOGS PA MED PA'I 'GROS KYIS 'JUG GO ,BLO GROS CHEN PO, DE BZHIN DU YID KYI LUS KYANG THOB MA THAG TU SGYU MA DANG 'DRA BA'I TING NGE 'DZIN GYIS STOBS DANG, DBANG DANG, MNGON PAR SHES PA DANG, YE SHES DANG, MTSAN NYID KYI ME TOG RGYAS PA, 'PHAGS PA'I RIS SU LHAN CIG SKYES PA, 'GRO BA LA THOGS PA MED PA SNGON GYI SMON LAM GYI YUL RJES SU DRAN ZHING SEMS CAN YONGS SU SMIN PAR BYA BA'I PHYIR YID BZHIN DU 'JUG STE, DE LTAR NA; BLO GROS CHEN PO, BYANG CHUB SEMS DPA' SEMS DPA' CHEN PO SKYE BA DANG, GNAS PA DANG, 'JIG PA'I LTA BA RNAM PAR SPANGS PA YIN NO, ,BLO GROS CHEN PO, DE LA JI LTAR NA BYANG CHUB SEMS DPA' SEMS DPA' CHEN PO PHYI ROL GYI DNGOS PO DNGOS PO MED PAR RTOGS PA LA MKHAS PA YIN ZHE NA, BLO GROS CHEN PO, 'DI LTA STE, DNGOS PO THAMS CAD NI SMIG RGYU DANG; RMI LAM DANG, SKRA SHAD 'DZINGS PA LTA BU'O, ,DNGOS PO THAMS CAD NI THOG MA MED PA'I DUS KYI SPROS PA'I GNAS NGAN LEN GYI RNAM PAR RTOG PA'I BAG CHAGS RNAM PA SNA TSOGS LA MNGON PAR ZHEN PA'I RGYU LAS BYUNG BA YIN TE, RANG BZHIN MED PA'O ZHES YANG DAG PAR MTHONG NAS 'PHAGS PA SO SO RANG GI YE SHES KYIS RTOGS PA'I YUL LA MNGON PAR MOS SO, , @139A *, ,BLO GROS CHEN PO, CHOS 'DI BZHI DANG LDAN PA'I BYANG CHUB SEMS DPA' SEMS DPA' CHEN PO NI RNAL 'BYOR CHEN PO'I RNAL 'BYOR CAN YIN NO, ,BLO GROS CHEN PO; DE LA KHYOD KYIS BRTZON PAR GYIS SHIG ,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN PO BLO GROS CHEN POS GSOL BA BTAB PA, BCOM LDAN 'DAS; RGYU DANG RKYEN GYI MTSAN NYID RTOGS PA GANG GIS BDAG DANG BYANG CHUB SEMS DPA' GZHAN RNAMS MCHIS PA DANG, MA MCHIS PAR LTA BA'I RNAM PAR RTOG PA DANG BRAL ZHING DNGOS PO THAMS CAD RIM GYIS DANG, CIG CAR SKYE BAR RNAM PAR MI RTOG PAR MI 'GYUR BA'I CHOS THAMS CAD KYI RGYU DANG, RKYEN GYI MTSAN NYID BDAG LA BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, CHOS THAMS CAD KYI RTEN CING 'BREL BAR 'BYUNG BA'I MTSAN NYID RNAM PA GNYIS TE, 'DI LTAR PHYI'I DANG, NANG GI'O, ,BLO GROS CHEN PO, DE LA PHYI'I RTEN CING 'BREL PAR 'BYUNG BA NI 'JIM PA'I GONG BU DANG, LAG ZUNGS DANG, 'KHOR LO DANG, SRAD BU DANG, CHU DANG, MI'I NAN TAN LA SOGS PA'I RKYEN RNAMS KYIS RDZA MA 'BYUNG NGO, ,BLO GROS CHEN PO, JI LTAR 'JIM PA'I GONG BU LAS RDZA MA 'BYUNG BA DE BZHIN DU THAG PA LAS SNAM BU DANG, RTZI SKYANG LAS RE LDE DANG, SA BON LAS MYU GU DANG, @139B SRUB MA LA SOGS PA MI'I NAN TAN DANG, ZHO LAS MAR 'BYUNG BA 'DI NI, BLO GROS CHEN PO, PHYI'I RTEN CING 'BREL PAR 'BYUNG BA SNGA MA SNGA MA LAS PHYI MA PHYI MAR 'BYUNG BA'O, ,BLO GROS CHEN PO, DE LA NANG GI RTEN CING 'BREL PAR 'BYUNG BA NI 'DI LTA STE, MA RIG PA DANG, SRED PA DANG, LAS DANG, CHOS 'DI DAG LA SOGS PA NI RTEN CING 'BREL PAR 'BYUNG BA ZHES BYA BA'I MING 'THOB PO; ;BLO GROS CHEN PO, 'DI DAG LAS SKYES PA'I PHUNG PO DANG, KHAMS DANG, SKYE MCHED CES BYA BA'I CHOS DE DAG KYANG RTEN CING 'BREL PAR 'BYUNG BA ZHES BYA BA'I MING 'THOB STE, DE DAG NI KHYAD PAR MED PA LAS BYIS PA RNAMS KYIS BRTAGS SO, ,BLO GROS CHEN PO, DE LA RGYU NI RNAM PA DRUG STE, 'DI LTAR 'BYUNG BAR 'GYUR BA'I RGYU DANG, 'BREL PA'I RGYU DANG, MTSAN NYID KYI RGYU DANG, BYED PA'I RGYU DANG, SNANG BAR BYED PA'I RGYU DANG, LTOS PA'I RGYU DANG DRUG GO ,DE LA, BLO GROS CHEN PO, 'BYUNG BAR 'GYUR BA'I RGYU NI PHYI NANG GI CHOS RNAMS SKYE BA'I PHYIR RGYU'I BYA BA BYED DO, ,BLO GROS CHEN PO, 'BREL BA'I RGYU NI PHYI NANG GI PHUNG PO DANG, SA BON LA SOGS PA 'BYUNG BA'I DMIGS PA'I BYA BA BYED DO, ,BLO GROS CHEN PO, MTSAN NYID KYI RGYU NI DE MA THAG TU BYED PA'I MTSAN NYID DANG 'BREL BA SKYED DO, ,BLO GROS CHEN PO, BYED PA'I RGYU NI DBANG BAR GTOGS PA'I BYA BA BYED DE, 'KHOR LOS BSGYUR BA'I RGYAL PO BZHIN NO, ,BLO GROS CHEN PO, SNANG BAR BYED PA'I RGYU NI RNAM PAR @140A *, ,RTOG PA'I DNGOS PO SKYES PA'I MTSAN NYID SNANG BA'I BYA BA BYED DE, GZUGS LA SOGS PA LA MAR ME BZHIN NO, ,BLO GROS CHEN PO, LTOS PA'I RGYU NI RNAM PAR LDOG PA'I DUS NA RNAM PAR MI RTOG PA'I DNGOS PO 'BYUNG BA'I PHYIR RGYUN GYI BYA BA MI 'CHAD PAR BYED DO, ,'DI DAG NI, BLO GROS CHEN PO, BYIS PA SO SO'I SKYE BO RNAMS KYI RANG GI SEMS KYI RNAM PAR RTOG PAS BRTAGS PA STE, RIM GYIS 'JUG PAS KYANG MA YIN NO, ,CIG CAR YANG MI 'BYUNG NGO, ,DE CI'I PHYIR ZHE NA, BLO GROS CHEN PO, GAL TE CIG CAR 'BYUNG NA NI RGYU'I MTSAN NYID DU MA REG DPA'I PHYIR BYA BA DANG BYED PA'I BYE BRAG KYANG MED PAR 'GYUR RO, ,DE STE RIM GYIS 'JUG PAS 'BYUNG NA NI MTSAN NYID DU MA REG PA'I BDAG NYID LAS RIM GYIS 'JUG PAR MI 'BYUNG STE, BLO GROS CHEN PO, BU MA SKYES PAR PHA ZHES GDAGS PA DANG 'DRA BAR RTOG PA PA RNAMS KYI RIM GYIS 'JUG PAS 'BREL PA'I TSUL YANG MI RUNG NGO, ,BLO GROS CHEN PO, RGYU DANG, DMIGS PA DANG, DE MA THAG PA DANG, BDAG PO'I RKYEN LA SOGS PAS BSKYED PAR BYA BA DANG, SKYED PA'I PHYIR RIM GYIS 'JUG PAS MI SKYE STE, BLO GROS CHEN PO, KUN BRTAGS PA'I RANG BZHIN LA MNGON PAR ZHEN PA'I MTSAN NYID KYI PHYIR RIM GYIS SAM CIG CAR MI SKYE'O, ,BLO GROS CHEN PO, RANG GI SEMS SNANG BA'I LUS @140B DANG; LONGS SPYOD CAN YIN PA'I PHYIR RANG DANG, SPYI'I MTSAN NYID KYI PHYI ROL GYI DNGOS PO MED PA'I PHYIR RIM GYIS SAM CIG CAR YANG MI SKYE STE, GZHAN DU NA RANG GI SEMS SNANG BA'I RNAM PAR RTOG PAS RNAM BAR BRTAGS PA'I PHYIR RNAM PAR SHES PA 'BYUNG NGO, ,BLO GROS CHEN PO, DE LTA BAS NA KHYOD KYIS RGYU DANG RKYEN DANG, BYED PA DANG LDAN PA'I MTSAN NYID RIM PA'AM CIG CAR DU LTA BA DANG RAL BAR BYA'O, ,DE LA 'DI SKAD CES BYA STE, 'DI LA GANG YANG RKYEN RNAMS KYIS, ,SKYE BA MED CING 'GAG PA MED, ,BTAGS PA'I RKYEN RNAMS KHO NA NI, ,SKYE ZHING 'GAG PAR 'GYUR YIN NO, ,SKYE 'JIG RKYEN LA 'BREL PA NI, ,RNAM PAR BZLOG PAR MI BYA STE, ,BYIS PA RKYEN GYIS GANG RTOG PA, ,DE NI RNAM PAR BZLOG PAR BYA, ,BAG CHAGS RNAMS KYIS RMONGS BYAS SEMS, ,SRID GSUM DAG NA SNANG BA'I PHYIR, ,RKYEN RNAMS YOD DANG MED LAS KYANG, ,CHOS RNAMS 'BYUNG BA MED PA'O, ,MA BYUNG RKYEN GYIS SKYE BA MED, ,GANG YANG 'GAG PAR MI 'GYUR TE, ,NAM MKHA'I ME TOG MO GSHAM BUR, ,GANG TSE 'DUS BYAS MTHONG BA NA, ,DE TSE GZUNG DANG 'DZIN PA YANG, ,NOR PAR MTHONG BAR PHYIR LDOG GO ,SKYES MED BSKYED PAR BYA BA MED, , RKYEN RNAMS DANG NI GANG DAG KYANG, ,GAG KYANG GANG TSE'ANG YOD PA MIN, ,SPYOD PA DAG TU BRJOD PA YIN, ,DE NAS YANG BCOM LDAN 'DAS LA BYANG CHUB SEMS DPA' SEMS DPA' CHEN @141A *, ,PO BLO GROS CHEN POS 'DI SKAD CES GSOL TO, ,BCOM LDAN 'DAS, TSIG GI RNAM PAR RTOG PA'I MTSAN NYID KYI SNYING PO THA DAD PA'I BYE BRAG SHIN TU RTOGS PA GANG GIS BDAG DANG, BYANG CHUB SEMS DPA' SEMS DPA' CHEN PO GZHAN RNAMS BRJOD PA DANG, BRJOD DU MA MCHIS PA'I DON GNYIS RTOGS PAR KHONG DU CHUD NAS, MYUR DU BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS TE, SEMS CAN THAMS CAD KYI BRJOD PA DANG, BRJOD DU MA MCHIS PA'I DON GNYIS KYI RTOGS PA RNAM PAR SBYONG BAR 'GYUR BA TSIG GI RNAM PAR RTOG PA'I MTSAN NYID KYI SNYING PO ZHES BGYI BA'I CHOS KYI GZHUNG BCOM LDAN 'DAS KYIS BDAG LA BSHAD DU GSOL, BCOM LDAN 'DAS KYIS BKA' STZAL PA, BLO GROS CHEN PO, DE'I PHYIR SHIN TU LEGS PAR NYON LA YID LA GZUNG ZHIG DANG NGAS KHYOD LA BSHAD DO, ,BCOM LDAN 'DAS, LEGS SO ZHES GSOL NAS BYANG CHUB SEMS DPA' SEMS DPA' CHEN PO BLO GROS CHEN PO BCOM LDAN 'DAS LA PHYIR NYAN TO, ,BCOM LDAN 'DAS KYIS DE LA 'DI SKAD CES BKA' STZAL TO, ,BLO GROS CHEN PO, TSIG GI RNAM PAR RTOG PA'I MTSAN NYID RNAM PA BZHI YOD DE, 'DI LTAR MTSAN NYID KYI TSIG DANG, RMI LAM GYI TSIG DANG, GNAS NGAN LEN LA