@270B.1 ,,RGYA GAR SKAD DU, A'A-RYA BI MA LA K'I-RTI NI RDE SHA N'A MA MA-H'A Y'A NA S'U TRA, BOD SKAD DU, 'PHAGS PA DRI MA MED PAR GRAGS PAS BSTAN PA ZHES BYA BA THEG PA CHEN PO'I MDO, SANGS RGYAS DANG, BYANG CHUB SEMS DPA' DANG, 'PHAGS PA NYAN THOS DANG, RANG SANGS RGYAS 'DAS PA DANG, DA LTAR GYI DANG, MA BYON PA THAMS CAD LA PHYAG 'TSAL LO, ,'DI SKAD BDAG GIS THOS PA DUS GCIG NA, BCOM LDAN 'DAS YANGS PA'I GRONG KHYER NA AA MRA SRUNG BA'I TSAL NA, DGE SLONG BRGYAD STONG GI DGE SLONG GI DGE 'DUN CHEN PO DANG THABS GCIG TU BZHUGS TE, THAMS CAD KYANG DGRA BCOM PA, ZAG PA ZAD PA, NYON MONGS PA MED PA, DBANG DANG LDAN PAR GYUR PA, SEMS SHIN TU RNAM PAR GROL BA, SHES RAB SHIN TU RNAM PAR GROL BA, CANG SHES PA, GLANG PO CHEN PO, BYA BA BYAS PA, BYED PA BYAS PA, KHUR BOR BA, BDAG GI DON RJES SU THOB PA, SRID PAR KUN TU SBYOR BA YONGS SU ZAD PA, YANG DAG PA'I SHES PAS SEMS SHIN TU RNAM PAR GROL BA, SEMS KYI DBANG THAMS CAD KYI DAM PA'I PHA ROL TU SON PA SHA STAG GO ,BYANG CHUB SEMS DPA' SUM KHRI NYIS STONG DANG YANG THABS GCIG STE, MNGON PAR SHES PA MNGON PAR SHES PA'I BYANG CHUB SEMS DPA' SEMS DPA' CHEN PO MNGON PAR @271A *, ,SHES PA CHEN PO YONGS SU SBYANGS PA LAS NGES PAR BYUNG BA, SANGS RGYAS KYIS BYIN GYI RLABS KYIS BYIN GYIS BRLABS PA, CHOS KYI GRONG KHYER SRUNG BA, DAM PA'I CHOS YONGS SU 'DZIN PA, SENG GE'I SGRA CHEN PO SGROGS PA, PHYOGS BCUR SGRA SHIN TU BSGRAGS PA, GSOL BA MA BTAB PAR SEMS CAN THAMS CAD KYI DGE BA'I BSHES GNYEN DU GYUR PA, DKON MCHOG GSUM GYI RIGS RGYUN MI 'CHAD PAR BYED PA, BDUD DANG, PHYIR RGOL BA BCOM PA, PHA ROL GYI RGOL BA THAMS CAD KYIS ZIL GYIS MI NON PA, DRAN PA DANG, BLO GROS DANG, RTOGS PA DANG, TING NGE 'DZIN DANG, GZUNGS DANG, SPOBS PA PHUN SUM TSOGS PA, SGRIB PA DANG, KUN NAS LDANG BA THAMS CAD DANG BRAL BA, SGRIB PA MED PA'I RNAM PAR THAR PA LA GNAS PA, SPOBS PA RGYUN MI 'CHAD PA, SPYIN PA DANG, DUL BA DANG, MI 'GYUR BA DANG, YANG DAG PAR SDOM PA DANG, TSUL KHRIMS DANG, BZOD PA DANG, BRTZON 'GRUS DANG, BSAM GTAN DANG, SHES RAB DANG, THABS LA MKHAS PA DANG, SMON LAM DANG, STOBS DANG, YE SHES KYI PHA ROL TU PHYIN PA LAS NGES PAR BYUNG BA, MI DMIGS PA'I CHOS LA BZOD PA DANG LDAN PA, PHYIR MI LDOG PA'I CHOS KYI 'KHOR LO SKOR BA, MTSAN NYID MED PA'I PHYIR RGYAS BTAB BA, ? SEMS CAN THAMS CAD KYI DBANG PO SHES PA LA MKHAS @271B PA; 'KHOR THAMS CAD ZIL GYIS MI NON PA'I MI 'JIGS PAS RNAM PAR GNON PA, BSOD NAMS DANG, YE SHES KYI TSOGS CHEN PO BSAGS PA, MTSAN DANG, DPE BYAD BZANG PO THAMS CAD KYIS LUS SHIN TU BRGYAN PA, GZUGS DAM PA 'JIN PA, RGYAN DANG BRAL BA, RI RAB KYI RTZE MO MTHO BA BZHIN DU SNYAN PA DANG, GRAGS PAS MNGON PAR 'PHAGS PA, LHAG PA'I BSAM PA RDO RJE LTAR SRA BAS SANGS RGYAS DANG, CHOS DANG, DGE 'DUN LA MI PHYED PA'I DAD PA RNYED PA, CHOS RIN PO CHE'I 'OD ZER LAS BDUD RTZI'I CHAR SHIN TU 'BEBS PA, SEMS CAN THAMS CAD KYI SKAD DANG, SMRA BA DANG, DBYANGS KYI YAN LAG DANG, SGRA RNAM PAR DAG PA'I DBYANGS DANG LDAN PA, CHOS ZAB MO RTEN CING 'BREL PAR 'BYUNG BA LA 'JUG CING MTHA' DANG, MTHA' MED PAR LTA BA'I BAG CHAGS KYI MTSAMS SBYOR BA KUN GCOD PA DANG, SENG GE LTAR 'JIGS PA MED CING SGRA MNGON PAR SGROGS PA, CHOS CHEN PO'I 'BRUG SGRA SGROGS PA, MTSUNGS PA DANG, MI MTSUNGS BA'I CHOS LAS YANG DAG PAR 'DAS PA, CHOS RIN PO CHE'I SHES RAB DANG, BSOD NAMS KYI TSOGS YANG DAG PAR SGRUB PA'I DED DPON CHEN PO, DRANG BA DANG, ZHI BA DANG, PHRA BA DANG, 'JAM PA DANG, BLTA DKA' BA DANG, RTOGS PAR DKA' BA'I CHOS KYI TSUL LA MKHAS PA, SEMS CAN RNAMS KYI 'ONG BA DANG, 'GRO BA DANG, SEMS CAN GYI BSAM PA RTOGS PA'I RJES SU ZHUGS @272A *, ,PA'I YE SHES KYI YUL DANG LDAN PA, MI MNYAM PA DANG, MNYAM PA'I SANGS RGYAS KYI YE SHES LA DBANG BSKUR BAS DBANG BSKUR BA, STOBS BCU DANG, MI 'JIGS PA DANG, SANGS RGYAS KYI MA 'DRES PA LA LHAG PA'I BSAM PAS ZHUGS PA, NGAN SONG GI 'JIGS PA DANG, NGAN 'GRO LOG PAR LTUNG BA'I 'JIGS PA'I 'OBS THAMS CAD LAS BRGAL BAS BSAMS BZHIN DU SRID PA'I 'GRO BAR SKYE BA STON PA, SMAN PA'I RGYAL PO CHEN PO, SEMS CAN THAMS CAD 'DUL BA'I CHO GA LA MKHAS PA, SEMS CAN THAMS CAD KYI NYON MONGS PA'I NAD THAMS CAD RTOGS PA, CI RIGS PAR CHOS KYI SMAN SBYAR BA RAB TU SBYOR BA, YON TAN MTHA' YAS PA'I 'BYUNG GNAS DANG LDAN PA, SANGS RGYAS KYI ZHING MTHA' YAS PAR YON TAN BKOD PAS LEGS PAR BRGYAN PA MTHONG BA DANG, THOS PA 'BRAS BU YOD PA, GOM PA 'DOR BA 'BRAS BU YOD PA, BSKAL PA BYE BA KHRAG KHRIG BRGYA STONG DPAG TU MED PAR YON TAN YONGS SU BRJOD KYANG YON TAN GYI CHU BO MTHA' YAS PAR RTOGS PA LA, 'DI LTA STE, BYANG CHUB SEMS DPA' MNYAM PAR LTA BA ZHES BYA DANG, MNYAM MI MNYAM LTA BA DANG, TING NGE 'DZIN RNAM PAR SPRUL PA'I RGYAL PO DANG, CHOS KYI DBANG PHYUG DANG, CHOS KYI TOG DANG, 'OD KYI TOG DANG, 'OD BKOD PA DANG, RIN PO CHE BKOD PA DANG, @272B BKOD PA CHEN PO DANG, SPOBS PA BRTZEGS PA DANG, RIN PO CHEN BRTZEGS PA DANG, LAG NA RIN PO CHE DANG, LAG NA PHYAG RGYA RIN PO CHE DANG, RTAG TU LAG BRKYANG DANG, RTAG TU LAG BTEG DANG, RTAG TU GDUNG DANG, RTAG TU DGA' DGOD DBANG PO DANG, MCHOG TU DGA' BA'I RGYAL PO DANG, LHA'I RGYAL PO DANG, SMON LAM LA ZHUGS PAS PHYIN PA DANG, SO SO YANG DAG PAR RIG PA RAB TU SGRUB PA THOB DANG, NAM MKHA'I MDZOD DANG, RIN CHEN SGRON MA 'DZIN DANG, RIN CHEN DPA' DANG, RIN CHEN DGA' BA DANG, RIN CHEN DPAL DANG, MIG 'PHRUL CAN DANG, DRA BA CAN GYI 'OD DANG, DMIGS PA MED PA'I BSAM GTAN DANG, SHES RAB BRTZEGS DANG, RIN CHEN GTONG DANG, BDUD 'JOMS DANG, GLOG GI LHA DANG, RNAM PAR 'PHRUL PA'I RGYAL PO DANG, MTSAN BRTZEGS YANG DAG 'DAS DANG, SENG GE'I NGA RO MNGON PAR BSGRAGS PA'I DBYANGS DANG, RI'I RTZE MO KUN TU 'JOMS PA'I RGYAL PO DANG, SPOS KYI GLANG PO CHE DANG, SPOS KYI BAL GLANG GLANG PO CHE DANG, RTAG TU 'BAD DANG, BRTZON PA MI 'DOR BA DANG, RAB KYI BLO GROS DANG, MDZES PAR SKYES DANG, PAD MO'I DPAL GYI SNYING PO DANG, PAD MO BKOD PA DANG, SPYAN RAS GZIGS KYI DBANG PHYUG DANG, MTHU CHEN THOB DANG, TSANGS PA'I DRA BA CAN DANG, RIN CHEN GDAN DKAR CAN DANG, BDUD LAS RGYAL @273A *, ,DANG; ZHING SNYOMS RGYAN DANG, ,NOR BU RIN CHEN GDUGS DANG, GTZUG NA GSER DANG, GTZUG NA NOR BU DANG, BYAMS PA DANG, 'JAM DPAL GZHON NUR GYUR PA DANG, DE DAG LA SOGS PA BYANG CHUB SEMS DPA' SUM KHRI NYIS STONG NGO, ,GLING CHEN PO BZHI PA'I 'JIG RTEN GYI KHAMS MYA NGAN MED PA NAS TSANGS PA RAL PA CAN LA SOGS PA TSANGS PA KHRI BCOM LDAN 'DAS LA LTA BA DANG, PHYAG 'TSAL BA DANG, BSNYEN BKUR BYA BA DANG, CHOS MNYAN PA'I PHYIR LHAGS PA DE DAG KYANG 'KHOR DE NYID DU 'DUS SO; ;GLING CHEN PO BZHI PA SO SO NAS KYANG BRGYA BYIN KHRI NYIS STONG LHAGS TE, DE DAG KYANG 'KHOR DE NYID DU 'DUS SO, ,DE BZHIN DU, GZHAN YANG, DBANG CHE BA DBANG CHE BAR GRAGS PA'I TSANGS PA DANG, BRGYA BYIN DANG, 'JIG RTEN SKYONG DANG, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI'AM CI DANG, LTO 'PHYE CHEN PO RNAMS KYANG 'KHOR DE NYID DU 'DUS PAR GYUR TO, ,DE BZHIN DU 'KHOR BZHI PO DGE SLONG DANG, DGE SLONG MA DANG, DGE BSNYEN DANG, DGE BSNYEN MA RNAMS KYANG DER LHAGS SO; ;DE NAS BCOM LDAN 'DAS DPAL GYI SNYING PO'I SENG GE'I KHRI LA BZHUGS TE, 'KHOR BRGYA STONG DU MAS YONGS SU BSKOR CING MDUN GYIS BLTAS NAS CHOS STON TO, ,RGYA MTSO'I @273B NANG NAS RI'I RGYAL PO RI RAB MNGON PAR 'PHAGS PA BZHIN DU 'KHOR THAMS CAD ZIL GYIS MNAN TE LHAM ME LHAN NE LHANG NGER ? DPAL GYI SNYING PO'I SENG GE'I KHRI LA BZHUGS SO, ,DE NAS BYANG CHUB SEMS DPA' LI TZA B'I GZHON NU DKON MCHOG 'BYUNG GNAS LI TZA B'I GZHON NU LNGA BRGYA TZAM DANG, RIN PO CHE SNA BDUN GYI GDUGS THOGS NAS YANGS PA'I GRONG KHYER CHEN PO NAS BYUNG STE, AA MRA SRUNG BA'I TSAL GA LA BA DANG, BCOM LDAN 'DAS GA LA BA DER DONG STE LHAGS NAS BCOM LDAN 'DAS KYI ZHABS LA MGO POS PHYAG BTZAL TE, BCOM LDAN 'DAS LA LAN BDUN BSKOR BA BYAS NAS, RIN PO CHE'I GDUGS JI LTA BU THOGS PA DE DAG GIS BCOM LDAN 'DAS LA MNGON PAR BSKYABS TE, MNGON PAR BSKYABS NAS PHYOGS GCIG TU 'KHOD DO, ,RIN PO CHE'I GDUGS DE DAG PHUL MA THAG TU DE'I MOD LA SANGS RGYAS KYI MTHUS RIN PO CHE'I GDUGS DE DAG GCIG TU GYUR TE, RIN PO CHE'I GDUGS DES STONG GSUM GYI STONG CHEN PO'I 'JIG RTEN GYI KHAMS 'DI THAMS CAD KHEBS PAR SNANG NGO, ,STONG GSUM GYI STONG CHEN PO'I 'JIG RTEN GYI KHAMS KYI CHU ZHENG DE DAG KYANG RIN PO CHE'I GDUGS CHEN PO DE NYID KYI NANG NA SNANG NGO, ,STONG GSUM GYI STONG CHEN PO'I 'JIG RTEN GYI KHAMS 'DI NA RI'I RGYAL PO RI RAB GANG DAG YOD PA RNAMS DANG, GANGS RI DANG, RI BTANG BZUNG DANG, RI BTANG @274A *, ,BZUNG CHEN PO DANG, SPOS KYI NGAD LDAN DANG, RIN PO CHE'I RI DANG, RI NAG PO DANG, KHOR YUG DANG, KHOR YUG CHEN PO DANG, DE DAG THAMS CAD KYANG RIN PO CHE'I GDUGS CHEN PO DE NYID KYI NANG NA SNANG NGO, ,STONG GSUM GYI STONG CHEN PO'I 'JIG RTEN GYI KHAMS 'DI NA RGYA MTSO CHEN PO GANG DAG YOD PA RNAMS DANG, MTSO DANG, MTSE'U DANG, RDZING DANG, 'BAB CHU DANG, CHU BRAN DANG, LU MA 'BAB PA DE DAG THAMS CAD KYANG RIN PO CHE'I GDUGS CHEN PO DE NYID KYI NANG NA SNANG NGO, ,STONG GSUM GYI STONG CHEN PO'I 'JIG RTEN GYI KHAMS 'DI NA NYI MA DANG, ZLA BA'I GZHAL MED KHANG DANG, SKAR MA'I GZUGS DANG, LHA'I GNAS DANG, KLU'I GNAS DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING DANG, MI 'AM CI DANG, LTO 'PHYE CHEN PO'I GNAS RNAMS DANG, RGYAL PO CHEN PO BZHI'I GNAS DANG, GRONG DANG, GRONG KHYER DANG, GRONG RDAL DANG, YUL 'KHOR DANG, RGYAL PO'I PHO BRANG 'KHOR JI SNYED YOD PA DE DAG THAMS CAD KYANG RIN PO CHE'I GDUGS CHEN PO GCIG PO DE NYID KYI NANG NA SNANG NGO, ,PHYOGS BCU'I 'JIG RTEN NA SANGS RGYAS BCOM LDAN 'DAS RNAMS KYI CHOS STON PA GANG 'BYUNG BA ? DE'ANG RIN PO CHE'I GDUGS CHEN PO GCIG PO DE LAS 'BYUNG BA'I SGRAR GRAG GO ,DE NAS BCOM LDAN 'DAS LAS DE LTA BU'I CHO 'PHRUL CHEN PO 'DI @274B MTHONG NAS THAMS CAD DANG LDAN PA'I 'KHOR DE NGO MTSAR DU GYUR TE, TSIM ZHING MGU NAS YI RANGS TE, RAB TU DGA' ZHING DGA' BA DANG, YID BDE BA SKYES NAS DE BZHIN GSHEGS PA LA PHYAG BTZAL TE, MIG MI 'DZUM PAR LTA ZHING 'KHOD DO, ,DE NAS LI TZA B'I GZHON NU DKON MCHOG 'BYUNG GNAS KYIS BCOM LDAN 'DAS LAS DE LTA BU'I CHO 'PHRUL CHEN PO 'DI MTHONG NAS PUS MO GA-YAS PA'I LHA NGA SA LA BTZUGS TE, BCOM LDAN 'DAS GA LA BA DE LOGS SU THAL MO SBYAR BA BTUD NAS BCOM LDAN 'DAS LA TSIGS SU BCAD PA 'DI DAG GIS MNGON PAR BSTOD DO, ,GTZANG ZHING MDZES PA PAD-MA'I 'DAB LTAR YANGS PA'I SPYAN, ,DGONGS PA DAG CING ZHI GNAS PHA ROL PHYIN MCHOG BRNYES, ,DGE BA'I LAS BSAGS YON TAN RGYA MTSO DPAG MI LANG, ? ,DGE SPYONG ZHI BA'I LAM BRTEN KHYED LA PHYAG 'TSAL LO, ,SKYES BU KHYU MCHOG 'DREN PA'I RDZU 'PHRUL KHYOD GZIGS SHIG ,BDE BAR GSHEGS PA'I ZHING MCHOG RAB GSAL KUN KYANG GDA', ,KHYOD KYI CHES KYI BKA' MCHID RGYA CHE 'CHI MED 'GRO, DE DAG THAMS CAD NAM MKHA' 'DI YI DKYIL NA GDA', ,KHYOD KYI CHOS KYI RGYAL SRID MCHOG 'DI CHOS KYI RGYAL, ,RGYAL BAS 'GRO BA RNAMS LA CHOS KYI NOR KYANG STZAL, ,CHOS RNAMS RAB TU 'BYED MKHAS DON DAM STON MDZAD PA, ,CHOS KYI DBANG PHYUG CHOS RGYAL KHYOD LA MGOS PHYAG 'TSAL, ,MCHIS PA @275A *, ,MA LAGS PA DANG MA MCHIS MA LAGS DANG, ,CHOS 'DI THAMS CAD RGYU LAS BRTEN NAS 'BYUNG BA DANG, ,'DI LA BDAG MED TSOR BA PO DANG BYED MED CING,, DGE SDIG LAS CI'ANG CHUD MI ZA ZHES GSUNG GIS STON, ,THUB DBANG KHYOD KYIS BDUD DPUNG STOBS CAN RAB BTUL NAS, ,BYANG CHUB MCHOG RAB ZHI BA MI 'CHI BDE BA BRNYES, ,DE LA TSOR MED SEMS DANG YID KYI RGYU BA MED, ,MU STEGS NGAN PA'I TSOGS RNAMS KUN GYIS DE MI RTOGS, ,RMAD BYUNG CHOS KYI RGYAL PO LHA MI MNGON SUM DU, ,LAN GSUM BZLAS PA CHOS KYI 'KHOR LO RNAM MANG PO, ,SHIN TU ZHI BA RANG BZHIN RNAM DAG RAB TU BSKOR, ,DE TSE DKON MCHOG GSUM PO DAG KYANG NYE BAR BSTAN, ,KHYOD KYIS DKON MCHOG CHOS KYIS LEGS PAR GANG BTUL BA, ,DE DAG RTOG PA MA MCHIS RTAG PAR RAB TU ZHI, ,KHYOD NI SKYE RGA NA 'CHI MTHAR 'BYIN SMAN PA'I MCHOG ,YON TAN RGYA MTSO DPAG MI LANG LA MGOS PHYAG 'TSAL, , BSTI STANG LEGS PAR BGYIS PAS MI BSKYOD RI RAB BZHIN, ,TSUL KHRIMS LDAN DANG TSUL KHRIMS 'CHAL LA MTSUNGS PAR BYAMS, ,MNYAM PA NYID LA BZHUGS SHING THUGS KYANG NAM MKHA' BZHIN, ,SEMS CAN DKON MCHOG 'DI LA SU ZHIG MCHOD MI BGYID, ,THUB PA CHEN PO 'KHOR RNAMS 'DUS PA 'DI DAG NI, ,KHYOD KYI ZHAL DU RAB TU DAD PA'I YID KYIS LTA,, @275B THAMS CAD KYIS KYANG RGYAL BA RANG GI MDUN GNAS MTHONG, ,DE NI RGYAL BA'I MA 'DRES SANGS RGYAS MTSAN LAGS SO, ,BCOM LDAN 'DAS KYI GSUNG GCIG RAB TU PHYUNG BA YANG, ,'KHOR RNAMS KYIS NI GSUNG LA THA DAD RNAM PAR RIG ,'GRO BA DAG GIS RANG GI DON BZHIN RNAM RIG PA, ,DE NI RGYAL BA'I MA 'DRES SANGS RGYAS MTSAN LAGS SO, ,GSUNG GCIG RAB TU BSGRAGS PA MDZAD PA DE YIS NI, ,KHA CIG BAG CHAGS BSGOS SHING KHA CIG RTOGS PAR BYAS, ,SOM NYI 'TSAL BA 'DREN PAS RAB TU ZHI MDZAD DE, ,DE NI RGYAL BA'I MA 'DRES SANGS RGYAS MTSAN LEGS SO, ,STOBS BCU 'DREN PA'I RTZAL MNGA' KHYOD LA PHYAG 'TSAL LO, ,'JIGS PA MI MNGA' 'JIGS BRAL KHYOD LA PHYAG 'TSAL LO, ,MA 'DRES PA YI CHOS RNAMS NGES PAR RAB RTOGS PA, ,'GRO BA THAMS CAD 'DREN PA KHYOD LA PHYAG 'TSAL LO, ,KUN TU SBYAR BA'I BCINGS PA GCOD LA PHYAG 'TSAL LO, ,PHA ROL PHYIN NAS SKAM LA BZHUGS LA PHYAG 'TSAL LO, , DUB PA'I 'GRO BA SGROL BA KHYOD LA PHYAG 'TSAL LO, ,'KHOR BA'I 'GRO BAR MI GNAS PA LA PHYAG 'TSAL LO, ,SEMS CAN RNAMS DANG 'GRO BAR BZHUGS SHING KUN 'GROGS KYANG, ,'GRO BA THAMS CAD LAS NI RNAM PAR GROL BA'I THUGS, ,PAD-MA DAG NI CHU SKYES CHU YIS YONGS MI GOS, ,THUB PA'I PAD-MAS STONG PA NYID NI NGES PAR BSGOMS, ,MTSAN MA THAMS CAD RNAM PA KUN @276A *, ,TU RAB TU GSAL, ,KHYOD NI CI LA'ANG SMON PAR MDZAD PA YONG MI MNGA', ,SANGS RGYAS DAG GI MTHU CHEN BSAM GYIS MI KHYAB STE, ,NAM MKHA' LTA BUR MI GNAS PA LA BDAG PHYAG 'TSAL, ,DE NAS BCOM LDAN 'DAS LA LI TZA B'I GZHON NU DKON MCHOG 'BYUNG GNAS KYIS TSIGS SU BCAD PA DE DAG GIS MNGON PAR BSTOD NAS BCOM LDAN 'DAS LA 'DI SKAD CES GSOL TO, ,BCOM LDAN 'DAS, LI TZA B'I GZHON NU LNGA BRGYA TZAM PO 'DI DAG THAMS CAD KYANG BLA NA MED PA YANG DAG PAR RDZOGS PA'I BYANG CHUB TU YANG DAG PAR ZHUGS TE, 'DI DAG KYANG BYANG CHUB SEMS DPA' RNAMS KYI SANGS RGYAS KYI ZHING YONGS SU DAG PA GANG LAGS ZHES SANGS RGYAS KYI ZHING YONGS SU DAG PA ZHU NA, BCOM LDAN 'DAS DE BZHIN GSHEGS PAS BYANG CHUB SEMS DPA' DE DAG LA SANGS RGYAS KYI ZHING YONGS SU DAG PA LEGS PAR BSHAD DU GSOL, DE SKAD CES GSOL BA DANG, BCOM LDAN 'DAS KYIS LI TZA B'I GZHON NU DKON MCHOG 'BYUNG GNAS LA LEGS SO ZHES BYA BA BYIN TE, LEGS SO, ,LEGS SO, ,GZHON NU KHYOD, GANG SANGS RGYAS KYI ZHING YONGS SU DAG PA LAS BRTZAMS TE DE BZHIN GSHEGS PA LA 'DRI BA LEGS SO, ,DE'I PHYIR GZHON NU KHYOD LEGS PAR RAB TU NYON LA YID LA ZUNGS SHIG DANG, BYANG CHUB SEMS DPA' RNAMS KYI SANGS @276B RGYAS KYI ZHING YONGS SU DAG PA LAS BRTZAMS TE NGAS KHYOD LA BSHAD DO, ,BCOM LDAN 'DAS, LEGS SO ZHES GSOL NAS LI TZA B'I GZHON NU DKON MCHOG 'BYUNG GNAS DANG, LI TZA B'I GZHON NU LNGA BRGYA TZAM PO DE DAG BCOM LDAN 'DAS KYI LTAR NYAN PA DANG, BCOM LDAN 'DAS KYIS DE DAG LA 'DI SKAD CES BKA' STZAL TO, ,RIGS KYI BU, SEMS CAN GYI ZHING NI BYANG CHUB SEMS DPA'I SANGS RGYAS KYI ZHING NGO, ,DE CI'I PHYIR ZHE NA, BYANG CHUB SEMS DPA' JI TZAM DU SEMS CAN RNAMS LA RGYAS PAR BYED PA DE TZAM DU SANGS RGYAS KYI ZHING YONGS SU 'DZIN TO, , SEMS CAN RNAMS JI LTA BUS 'DUL BAR 'GYUR BA DE LTA BU'I SANGS RGYAS KYI ZHING YONGS SU 'DZIN TO, ,SANGS RGYAS KYI ZHING LA 'JUG PA JI LTA BUS SEMS CAN RNAMS SANGS RGYAS KYI YE SHES LA 'JUG PAR 'GYUR BA DE LTA BU'I SANGS RGYAS KYI ZHING YONGS SU 'DZIN TO, ,SANGS RGYAS KYI ZHING LA 'JUG PA JI LTA BUS SEMS CAN RNAMS 'PHAGS PA LTA BU'I DBANG PO SKYE BAR 'GYUR BA DE LTA BU'I SANGS RGYAS KYI ZHING YONGS SU 'DZIN TO, ,DE CI'I PHYIR ZHE NA, RIGS KYI BU, BYANG CHUB SEMS DPA' RNAMS KYI SANGS RGYAS KYI ZHING NI SEMS CAN GYI DON LAS BYUNG BA'I PHYIR RO, ,DKON MCHOG 'BYUNG GNAS, 'DI LTA STE, DPER NA, NAM MKHA' LA JI LTA BUR BYA BA 'DOD PA DE BZHIN DU BYED MOD KYI NAM MKHA' LA NI BYAR MI RUNG ZHING BRGYAN DU'ANG MI RUNG BA DE BZHIN DU, DKON @277A *, ,MCHOG 'BYUNG GNAS, CHOS THAMS CAD NAM MKHA' DANG MTSUNGS PAR SHES NAS BYANG CHUB SEMS DPA' SEMS CAN YONGS SU SMIN PAR BYA BA'I PHYIR SANGS RGYAS KYI ZHING JI LTA BUR BYA BAR 'DOD PA DE LTA BUR SANGS RGYAS KYI ZHING BYED MOD KYI, SANGS RGYAS KYI ZHING NAM MKHAR NI BYAR MI RUNG NGO, ,BRGYAN DU MI RUNG NGO, ,DKON MCHOG 'BYUNG GNAS, 'ON KYANG BSAM PA'I ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DU SEMS CAN GA-YO MED PA DANG, SGYU MED PA RNAMS SKYE BAR 'GYUR RO, ,RIGS KYI BU, LHAG PA'I BSAM PA'I ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DU DGE BA'I RTZA BA DANG, TSOGS THAMS CAD BSAGS PA'I SEMS CAN RNAMS SKYE BAR 'GYUR RO, ,SBYOR BA'I ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DU DGE BA'I CHOS THAMS CAD LA GNAS PA'I SEMS CAN RNAMS SKYE BAR 'GYUR RO, ,BYANG CHUB SEMS DPA'I SEMS BSKYED PA RGYA CHEN PO BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER THEG PA CHEN PO LA YANG DAG PAR ZHUGS PA'I SEMS CAN RNAMS SKYE BAR 'GYUR RO, ,SBYIN PA'I ZHING NI BYANG CHUB SEMS DPA'I SANGS RGYAS KYI @277B ZHING STE, DE BYANG CHUB THOB PA'I SANGS RGYAS KYI ZHING DER BDOG PA THAMS CAD YONGS SU GTONG BA'I SEMS CAN RNAMS SKYE BAR 'GYUR RO, ,TSUL KHRIMS KYI ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER BSAM PA THAMS CAD DANG LDAN PA'I DGE BA BCU'I LAS KYI LAM YONGS SU SRUNG BA'I SEMS CAN RNAMS SKYE BAR 'GYUR RO; ;BZOD PA'I ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER MTSAN SUM CU RTZA GNYIS KYIS BRGYAN CING BZOD PA DANG, DUL BA DANG, ZHI GNAS DAM PA'I PHA ROL TU PHYIN PA'I SEMS CAN RNAMS SKYE BAR 'GYUR RO, ,BRTZON 'GRUS KYI ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER DGE BA'I CHOS THAMS CAD LA BRTZON 'GRUS BRTZAMS PA'I SEMS CAN RNAMS SKYE BAR 'GYUR RO, ,BSAM GTAN GYI ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER DRAN PA DANG, SHES BZHIN GYIS MNYAM PAR BZHAG PA'I SEMS CAN RNAMS SKYE BAR 'GYUR RO, ,SHES RAB KYI ZHING NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER YANG DAG PA NYID DU NGES PA'I SEMS CAN RNAMS SKYE BAR 'GYUR RO, ,TSAD MED PA BZHI RNAMS NI BYANG CHUB SEMS @278A *, ,DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER BYAMS PA DANG, SNYING RJE DANG, DGA' BA DANG, BTANG SNYOMS LA GNAS PA'I SEMS CAN RNAMS SKYE BAR 'GYUR RO, ,BSDU BA'I DNGOS PO BZHI RNAMS NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER RNAM PAR GROL BA THAMS CAD KYIS YONGS SU ZIN PA'I SEMS CAN RNAMS SKYE BAR 'GYUR RO, ,THABS MKHAS PA NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER THABS DANG, SPYOD PA THAMS CAD LA MKHAS PA'I SEMS CAN RNAMS SKYE BAR 'GYUR RO, ,BYANG CHUB KYI PHYOGS SUM CU RTZA BDUN GYI CHOS RNAMS NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER DRAN PA NYE BAR GZHAG PA DANG, YANG DAG PAR SPONG BA DANG, RDZU 'PHRUL GYI RKANG PA DANG, DBANG PO DANG, STOBS DANG, BYANG CHUB KYI YAN LAG DANG, LAM SGRUB PA SHES PA'I SEMS CAN RNAMS SKYE BAR 'GYUR RO, ,YONGS SU BSNGO BA'I SEMS NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DU YON TAN THAMS CAD KYI RGYAN RNAMS SNANG BAR 'GYUR RO, ,MI KHOM PA BRGYAD RAB TU ZHI BAR BSTAN PA NI BYANG CHUB SEMS DPA'I SANGS RGYAS KYI @278B ZHING STE, DE BYANG CHUB THOB PA'I SANGS RGYAS KYI ZHING DU NGAN SONG THAMS CAD SHIN TU CHAD CING MI KHOM PA BRGYAD MED PAR 'GYUR RO, ,BDAG NYID BSLAB PA'I GZHI RNAMS LA GNAS SHING PHA ROL GYI LTUNG BA MI GLENG BA NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER LTUNG BA'I SGRA'ANG MI GRAG PAR 'GYUR RO, ,DGE BA BCU'I LAS KYI LAM YONGS SU DAG PA NI BYANG CHUB SEMS DPA'I SANGS RGYAS KYI ZHING STE, DE BYANG CHUB THOB PA'I SANGS RGYAS KYI ZHING DER TSE NGES PA DANG, LONGS SPYOD CHE BA DANG, TSANGS PAR SPYOD PA DANG, BDEN PA'I RJES SU 'JUG PA'I TSIG GIS BRGYAN PA DANG, NGAG 'JAM PA DANG, 'KHOR MI PHYED PA DANG, BYE BA SDUM PA LA MKHAS PA DANG, PHRAG DOG DANG BRAL BA DANG, GNOD SEMS KYI SEMS MED PA DANG, YANG DAG PAR LTA BA DANG LDAN PA'I SEMS CAN RNAMS SKYE BAR 'GYUR RO, ,RIGS KYI BU, DE LTAR NA BYANG CHUB SEMS DPA'I BYANG CHUB KYI SEMS BSKYED PA CI 'DRA BAR BSAM PA'ANG DE 'DRA'O, ,BSAM PA CI 'DRA BAR SBYOR BA'ANG DE 'DRA'O, ,SBYOR BA JI SNYED PAR LHAG PA'I BSAM PA'ANG DE SNYED DO, ,LHAG PA'I BSAM PA JI SNYED PAR NGES PAR SEMS PA'ANG DE SNYED DO, ,NGES PAR SEMS PA JI SNYED PAR SGRUB PA'ANG DE SNYED DO, ,SGRUB PA JI SNYED PAR YONGS SU BSNGO BA'ANG DE SNYED DO, ,YONGS SU BSNGO BA JI SNYED PAR THABS RNAMS KYANG DE SNYED DO, ,THABS @279A *, ,RNAMS JI SNYED PAR ZHING YONGS SU DAG PA'ANG DE SNYED DE, ZHING YONGS SU DAG PA JI LTA BA BZHIN DU SEMS CAN YONGS SU DAG PA'ANG DE BZHIN NO, ,SEMS CAN YONGS SU DAG PA JI LTA BA BZHIN DU YE SHES YONGS SU DAG PA'ANG DE BZHIN NO, ,YE SHES YONGS SU DAG PA JI LTA BA BZHIN DU BSTAN PA YONGS SU DAG PA'ANG DE BZHIN NO, ,BSTAN PA YONGS SU DAG PA JI LTA BA BZHIN DU YE SHES BSGRUBS PA YONGS SU DAG PA'ANG DE BZHIN NO, ,YE SHES BSGRUBS PA YONGS SU DAG PA JI LTA BA BZHIN DU RANG GI SEMS YONGS SU DAG PA'ANG DE BZHIN TE; RIGS KYI BU, DE LTA BAS NA BYANG CHUB SEMS DPA' SANGS RGYAS KYI ZHING YONGS SU DAG PAR BYED 'DOD PAS RANG GI SEMS YONGS SU SBYANG BA LA NAN TAN BYA'O, ,DE CI'I PHYIR ZHE NA, JI LTA BUR BYANG CHUB SEMS DPA'I SEMS YONGS SU DAG PA DE 'DRA BAR SANGS RGYAS KYI ZHING YONGS SU DAG PAR 'GYUR RO, ,DE NAS SANGS RGYAS KYI MTHUS TSE DANG LDAN PA SH'A RI'I BU 'DI SNYAM DU SEMS TE, GAL TE JI LTA BUR SEMS YONGS SU DAG PA DE 'DRA BAR BYANG CHUB SEMS DPA'I SANGS RGYAS KYI ZHING YONGS SU DAG PAR 'GYUR NA, BCOM LDAN 'DAS SH'A-KYA THUB PA BYANG CHUB SEMS DPA'I SPYAD PA SPYOD PA NA, DE SEMS YONGS SU MA DAG GAM, CI NAS SANGS RGYAS KYI ZHING 'DI LTA BUR YONGS SU MA DAG PAR SNANG SNYAM MO, ,DE NAS BCOM LDAN 'DAS @279B KYIS TSE DANG LDAN PA ]SH'A RI'I BU'I SEMS KYI YONGS SU RTOG PA THUGS KYIS MKHYEN NAS TSE DANG LDAN PA SH'A RI'I BU LA 'DI SKAD CES BKA' STZAL TO, ,SH'A RI'I BU, 'DI JI SNYAM DU SEMS, NYI MA DANG ZLA BA YONGS SU MA DAG GAM, CI NA DMUS LONG DAG GIS MI MTHONG, GSOL PA, BCOM LDAN 'DAS, DE LTAR MA LAGS SO, ,DE NI DMUS LONG GIS NONGS KYI NYI MA DANG, ZLA BAS NI MA NONGS SO; ;BKA' STZAL PA, SH'A RI'I BU, DE BZHIN DU SEMS CAN LA LAS DE BZHIN GSHEGS PA'I SANGS RGYAS KYI ZHING GI YON TAN GYI RGYAN BKOD PA MI MTHONG BA DE NI SEMS CAN RNAMS KYI MI SHES PAS NYES KYI DE LA DE BZHIN GSHEGS PAS NYES PA NI MA YIN NO, ,SH'A RI'I BU, DE BZHIN GSHEGS PA'I SANGS RGYAS KYI ZHING NI YONGS SU DAG MOD KYI KHYOD KYIS DE MI MTHONG NGO, , DE NAS TSANGS PA RAL PA CAN GYIS GNAS BRTAN SH'A RI'I BU LA 'DI SKAD CES SMRAS SO, ,BTZUN PA SH'A RI'I BU, DE BZHIN GSHEGS PA'I SANGS RGYAS KYI ZHING YONGS SU MA DAG GO ZHES MA ZER CIG; BTZUN PA SH'A RI'I BU, BCOM LDAN 'DAS KYI SANGS RGYAS KYI ZHING YONGS SU DAG PA 'DI LTA STE, DPER NA, BTZUN PA SH'A RI'I BU, GZHAN 'PHRUL DBANG BYED KYI LHA RNAMS KYI GNAS KYI BKOD PA BZHIN DU BCOM LDAN 'DAS SH'A-KYA THUB PA'I SANGS RGYAS KYI ZHING BKOD PA'ANG KHO BOS DE 'DRA BA MTHONG NGO, ,DE NAS GNAS BRTAN SH'A RI'I BUS TSANGS PA RAL PA CAN LA 'DI SKAD CES SMRAS @280A *, ,SO, ,TSANG PA, KHO BOS NI SA CHEN PO 'DI MTHO DMAN DANG, TSER MA DANG, GA-YANG SA DANG, RI'I RTZE MO DANG, NGAM GROG DANG, 'JIM NGAN GYIS RAB TU GANG BAR MTHONG NGO, , TSANGS PA RAL PA CAN GYIS SMRAS PA, 'DI LTAR SANGS RGYAS KYI ZHING 'DI 'DRA BAR YONGS SU MA DAG PAR MTHONG MA NI, ,BTZUN PA SH'A RI'I BU, SEMS LA MTHO DMAN YOD CING SANG RGYAS KYI YE SHES LA BSAM PA YONGS SU MA DAG PAR NGES SO, ,GANG DAG ,BTZUN PA SH'A RI'I BU, SEMS CAN THAMS CAD LA SEMS MNYAM ZHING SANG RGYAS KYI YE SHES LA BSAM PA YONGS SU DAG PA DE DAG GIS NI SANGS DRGYAS KYI ZHING 'DI YONGS SU DAG PA MTHONG NGO, ,DE NAS BCOM LDAN 'DAS KYIS STONG GSUM GYI STONG CHEN PO'I 'JIG RTEN GYI KHAMS 'DI LA ZHABS KYI MTHE BOS BSNUN PA DANG, BSNUN MA THAG TU 'JIG RTEN GYI KHAMS 'DI RIN PO CHEN DUM BRTZEGS PA DANG, RIN PO CHE BRGYA STONG DU MA'I TSOGS DAG RIN PO CHE BRGYA STONG DU MA SO SOR BKOD PAR GYUR PA 'DI LTA STE, DPER NA, DE BZHIN GSHEGS PA RIN PO CHE BKOD PA'I 'JIG RTEN GYI KHAMS YON TAN RIN CHEN MTHA' YAS BKOD PA BZHIN DU 'JIG RTEN GYI KHAMS 'DI'ANG DE 'DRA'O, ,DE NAS THAMS CAD DANG LDAN PA'I 'KHOR DE'ANG NGO MTSAR DU GYUR CING BDAG NYID KYANG RIN PO CHE'I PAD-MA BKOD PA'I STAN LA 'DUG PA SNYAM BYED DO, ,DE NAS @280B BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU, KHYOD KYIS SANGS RGYAS KYI ZHING GI YON TAN BKOD PA 'DI MTHONG NGAM, GSOL PA, BCOM LDAN 'DAS, MTHONG LAGS SO, ,LNGON MA MTHONG MA THOS PA'I BKOD PA 'DI DAG GDA'O, ,BKA' STZAL PA, SHA' RI'I BU, SANGS RGYAS KYI ZHING 'DI NI RTAG TU 'DI 'DRA MOD KYI SEMS CAN DMAN PA RNAMS YONGS SU SMIN PAR BYA BA'I PHYIR DE BZHIN GSHEGS PAS SANGS RGYAS KYI ZHING DE LTA BUR NYES PA MANG PO'I SKYON CHAGS PAR STON TE, SH'A RI'I BU, 'DI STA LTE, DPER NA, LHA'I BU RNAMS RIN PO CHE'I SNOD GCIG TU ZAS ZA'ANG BSOD NAMS JI LTA BU BSAGS PA'I BYE BRAG GIS LHA'I ZAS BDUD RTZI NYE BAR GNAS PA DE BZHIN DU, SHA' RI'I BU, ,SEMS CAN SANGS RGYAS KYI ZHING GCIG TU SKYES PA DAG KYANG SEMS CAN JI LTAR YONGS SU DAG PA BZHIN DU ZHIN DU SANGS RGYAS RNAMS KYI SANGS RGYAS KYI ZHING GI YON YAN BKOD PA MTHONG NGO, ,SANGS RGYAS KYI ZHING GI YON TAN GYI RGYAN BKOD PA 'DI SNANG BA NA SROG CHAGS BRGYAD KHRI BZHI STONG BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,LI TZA B'I GZHON NU GANG DAG LI TZA B'I GZHON NU DKON MCHOG 'BYUNG GNAS DANG LHAN CIG TU LHAGS PA LNGA BRGYA BO DE DAG KYANG RJES SU MTHUN PA'I BZOD PA THOB PAR GYUR TO, ,DE NAS BCOM LDAN 'DAS KYIS RDZU 'PHRUL DE DAG BRTUL BA DANG, DE NAS YANG SANGS RGYAS KYI @281A *, ,ZHING DE PHYIR SNGON GYI RANG BZHIN DU GYUR PAR SNANG NGO, ,DE NA NYAN THOS KYI THEG PA CAN GYI LHA DANG, MI RNAMS 'DI SNYAM DU SEMS TE, KYE MA'O 'DU BYED 'DI DAG NI MI RTAG GO SNYAM DU RIG NAS SROG CAGS SUM KHRI NYIS STONG CHOS RNAMS LA CHOS KYI MIG RDUL MED CING DRI MA DANG BRAL BAR RNAM PAR DAG GO ,DGE SLONG BRGYAD STONG NI LEN PA MED PAR ZAG PA RNAMS LAS SEMS RNAM PAR GROL LO, ,SANGS RGYAS KYI ZHING RGYA CHEN PO LA MOS PA'I SROG CHAGS BRGYAD KHRI BZHI STONG ? YANG CHOS THAMS CAD RNAM PAR BSGRUBS PAS NYE BAR BZHAG PA'I MTSAN NYID DU RIG NAS BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,SANGS RGYAS KYI ZHING YONGS SU DAG PA GLENG GZHI'I LE'U STE DANG PO'O,, ,, YANG DE'I TSE YANGS PA'I GRONG KHYER CHEN PO NA LI TZA B'I DRI MA MED PAR GRAGS PA ZHES BYA BZHIG 'DUG STE, SNGON GYI RGYAL BA LA LHAG PAR BYA BA BYAS SHING DGE BA'I RTZA BA BSKYED PA, SANGS RGYAS MANG PO LA BSNYEN BKUR BYAS PA, BZOD PA THOB PA, SPONGS ? PA THOB PA, MNGON PAR SHES PA CHEN POS RNAM PAR RTZEN PA, GZUNGS THOB PA, MI 'JIGS PA THOB PA, BDUD DANG, PHYIR RGOL BA BCOM PA, CHOS KYI TSUL ZAB MO LA SHIN TU ZHUGS PA, SHES RAB KYI PHA ROL TU PHYIR PA LA SA NGES PAR BYUNG BA, THABS MKHAS PA RTOGS PAR KHONG DU CHUD PA, SPOBS PA DANG @281B LDAN PA, SEMS CAN GYI BSAM PA DANG, SPYOD PA LA MKHAS PA, SEMS CAN GYI DBANG PO MCHOG DANG, MCHOG MA YIN PA SHES PA LAS NGES PAR BYUNG PA SO SO CI RIGS PAR CHOS STON PA, THEG PA CHEN PO 'DI LA BRTZON PAR BYAS SHING SHES PAR BYAS PA, SHIN TU BRTAGS TE LAS BYED PA, SANGS RGYAS KYI SPYOD LAM LA GNAS PA, BLO DAM PA RGYA MTSO LTA BU'I RJES SU ZHUGS PA, SANGS RGYAS THAMS CAD KYIS BSTOD CING BKUR TE RAB TU BSNGAGS PA, BRGYA BYIN DANG,TSANGS PA DANG, 'JIG RTEN SKYONG BA THAMS CAD KYIS PHYAG BYAS PA DE SEMS CAN YONGS SU SMIN PAR BYA BA'I PHYIR THABS MKHAS PAS YANGS PA'I GRONG KHYER CHEN PO NA GNAS TE, SEMS CAN MGON MED PA DANG, DBUL PO RNAMS BSDU BA'I PHYIR LONGS SPYOD ZAD MI SHES PA, SEMS CAN TSUL KHRIMS 'CHAL PA RNAMS BSDU BA'I PHYIR TSUL KHRIMS YONGS SU DAG PA, SEMS CAN SDANG BA DANG, RAB TU SDANG BA DANG, GNOD SEMS CAN DANG, TSUL KHRIMS 'CHAL BA DANG, KHRO BA'I SEMS CAN RNAMS BSDU BA'I PHYIR BZOD PA DANG, DUL BA THOB PA, SEMS CAN LE LO CAN RNAMS BSDU BA'I PHYIR BRTZON 'GRUS 'BAR BA, SEMS 'KHRUG PA'I SEMS CAN RNAMS BSDU BA'I PHYIR BSAM GTAN DANG, DRAN PA DANG, TENG NGE 'DZIN LA GNAS PA , SEMS CAN 'CHAL PA'I SHES RAB CAN RNAMS BSDU BA'I PHYIR SHES RAB RNAM PAR NGES PA THOB PA, GOS DKAR PO GYON @282A *, ,LA DGE SBYONG GI SPYOD PAS PHUN SUM TSOGS PA, KHYIM GYI GNAS NA GNAS LA 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS DANG MA 'DRES PA, BU DANG, CHUNG MA DANG, SLAS RNAMS KYANG RTAG TU TSANGS PAR SPYOD PA, GA-YOG BRAN GYIS YONGS SU BSKOR BAR SNANG YANG RAB TU DPEN PAR SPYOD PA, RGYAN GYIS BRGYAN PAR SNANG YANG RTAG TU MTSAN DANG LDAN PA, ZAS SKOM GYIS ZAS ZA BAR SNANG BA'ANG RTAG TU BSAM GTAN GYI DGA' BA'I ZAS ZA BA, RTZED MO DANG, RGYAN PO'I GRWA THAMS CAD NA SNANG YANG RTZED MO DANG, RGYAN PO LA CHAGS PA'I SEMS CAN RNAMS YONGS SU SMIN PAR BYED CING RTAG TU DON YOD PA, SPYOD PA YA MTSAN CAN THAMS CAD TSOL YANG SANGS RGYAS LA MI PHYED PA'I BSAM PA DANG LDAN PA, 'JIG RTEN PA DANG, 'JIG RTEN LAS 'DAS PA'I GSANG SNGAGS DANG, BSTAN BCOS KYI RNAM PAR SHES KYANG RTAG TU ? CHOS KYI KUN DGA' LA DGA' MOS PA, 'DU 'DZI KUN GYI NANG NA SNANG YANG THAMS CAD KYI NANG NA GTZO BOR MCHOD PA, 'JIG RTEN DANG MTHUN PAR BYA BA'I PHYIR RGAN RABS DANG, BAR ? MA DANG, GZHON NU'I GROGS SU GYUR CING CHOS GZIN DU SMRA BA, THA SNYAD THAMS CAD DU 'JUG KYANG RNYED PA DANG, LONGS SPYOD LA RE BA MED PA, SEMS CAN THAMS CAD GDUL BA'I PHYIR LAM GYI BZHI MA DO DANG, SU MA MDO @282B THAMS CAD NA'ANG SNANG LA SEMS CAN RNAMS SRUNG BA'I PHYIR RGYAL PO'I BYA BA RNAMS LA'ANG ZHUGS PA, THEG PA DMAN PA LA MOS PA ZLOG CING THEG PA CHEN PO LA SEMS CAN RNAMS YANG DAG PAR GZUD PA'I PHYIR CHOS NYAN PA DANG, YANG DAG PAR BRJOD PA THAMS CAD NA'ANG SNANG BA, BYES PA RNAMS YONGS SU SMIN PAR BYA BA'I PHYIR YE GE'I GRWA KHANG THAMS CAD TU'ANG 'GRO BA, 'DOD PA'I NYES PA YANG DAG PAR BSTAN PA'I PHYIR SMAD 'TSONG GI KHYIM KUN TU'ANG 'JUG PA, DRAN PA YANG DAG PAR GZHAG PA'I PHYIR CHANG 'TSONG BA'I KHYIM THAMS CAD DU'ANG 'JUG PA, CHOS KYI MCHOG BSTAN PA'I PHYIR TSONG DPON GYI NANG DU'ANG TSONG DPON DU KUN GYIS BKUR BA, 'DZIN PA THAMS CAD KYI LEN PA YONGS SU GCAD PA'I PHYIR KHYIM BDAG GI NANG DU'ANG KHYIM BDAG TU KUN GYIS BKUR BA, BZOD PA DANG,DES PA DANG, STOBS LA RAB TU DGOD PA'I PHYIR RGYAL RIGS KYI NANG DU RGYAL RIGS SU KUN GYIS BKUR BA, NGA RGYAL DANG, RGYAGS PA DANG, DREGS PA SHIN TU GZHOM PA'I PHYIR BRAM ZE'I NANG DU'ANG BRAM ZER KUN GYIS BKUR BA, RGYAL PO'I BYA BA THAMS CAD CHOS DANG MTHUN PAR BSGO BA'I PHYIR BLON PO'I NANG DU'ANG BLON POR KUN GYIS BKUR BA, RGYAL PO'I LONGS SPYOD DANG, DBANG PHYUG LA CHAGS PA BZLOG PA'I PHYIR GZHON NU'I NANG DU'ANG GZHON NUR KUN GYIS BKUR BA, BUD MED GZHON NU YONGS SU SMIN PAR BYA BA'I PHYIR BTZUN @283A *, ,MO'I 'KHOR GYI NANG DU'ANG NYUG RUM DU KUN GYIS BKUR BA, THA MAL PA'I BSOD NAMS KHYAD PAR DU 'PHAGS PAR DMIGS PAR BYA BA'I PHYIR SKYE BO PHAL PO DANG YANG MTHUN PAR 'JUG PA, DBANG PHYUG GI BDAG POR BSTAN PA'I PHYIR BRGYA BYIN GYI NANG DU'ANG BRGYA BYIN DU KUN GYIS BKUR BA, YE SHES KYI KHYAD PAR BSTAN PA'I PHYIR TSANGS PA'I NANG DU'ANG TSANGS PAR KUN GYIS BKUR BA, SEMS CAN THAMS CAD YONGS SU SMIN PAR BYA BA'I PHYIR 'JIG RTEN SKYONG PAR KUN GYIS BKUR BA STE, DE LTAR LE TZA B'I DRI MA MED PAR GRAGS PA TSAD MED PA'I THABS LA MKHAS PA'I YE SHES DANG LDAN TE, YANGS PA'I GRONG KHYER CHEN PO NA GNAS SHING 'DUG GO ,DE THABS LA MKHAS PAS BDAG NYID NA BA LTA BUR BSTAN NAS DE LA NAD 'DRI BA'I PHYIR YANGS PA'I GRONG KHYER CHEN PO NAS RGYAL PO DANG, BLON PO DANG, DBANG PO DANG, GZHON NU'I 'KHOR DANG, BRAM ZE DANG, KHYIM BDAG DANG, TSONG DPON DANG, GRONG PA DANG, YUL GYI MI DANG, DE MA YIN PA SROG CHAGS STONG PHRAG MANG PO NAD 'DRIR 'ONGS TI, DER LHAGS PA DE DAG LA LE TZA B'I DRI MA MED PAR GRAGS PAS 'BYUNG BA CHEN PO BZHI'I LUS 'DI NYID LAS BRTZAMS NAS CHOS STON TE, GROGS PO DAG ,LUS 'DI NI 'DI LTAR MI RTAG PA, 'DI LTAR MI BRTAN PA, 'DI LTAR YID BRTAN DU MI RUNG BA, 'DI LTAR @283B NYAM CHUNG BA, 'DI LTAR SNYING PO MED PA, 'DI LTAR ZHIG PA, 'DI LTAR YUN THUNG BA, 'DI LTAR SNGUG BSNGAL BA, 'DI LTAR NAD MANG PA, 'DI LTAR 'GYUR BA'I CHOS CAN NO, ,GROGS PO DAG 'DI LTAR LUS 'DI NI NAD MANG PO'I SNOD DE, MKHAS PAS DE LA GNAS PAR MI BYA'O, ,GROGS PO DAG ,LUS 'DI NI BCANG MI BZOD PA STE, DBU BA RDOS PA LTA BU'O, ,LUS 'DI NI RING DU MI GNAS PA STE, CHU'I CHU BUR LTA BU'O, ,LUS 'DI NI NON MONGS PA'I SRED PA LAS BYUNG BA STE, SMIG RGYU LTA BU'O, ,LUS 'DI NI SNYING PO MED PA STE, CHU SHING GI SDONG PO STA BU'O, ,KYE MA LUS 'DI NI RUS PA LA RKYAS PAS SBREL BA STE, 'KHRUL 'KHOR LTA BU'O, ,LUS 'DI NI PHYIN CI LOG LAS BYUNG BA STE, SGYU MA LTA BU'O, ,LUS 'DI NI YANG DAG PA MA YIN PA MTHONG BA STE, RMI LAM LTA BU'O, , LUS 'DI NI SNGON GYI LAS KYIS GZUGS BRNYAN SNANG BA STE, GZUGS BRNAN LTA BU'O, ,LUS 'DI NI RKYEN LA RAG LUS PA'I PHYIR, BRAG CA LTA BU'O, ,LUS 'DI NI SEMS 'KHRUG CING 'GYES PA'I MTSAN NYID DE, SPRIN LTA BU'O, ,LUS 'DI NI SKAD CIG TU 'JIG PA DANG LDAN ZHING MI GNAS PA STE, GLOG DANG MTSUNGS SO, ,LUS 'DI NI RKYEN SNA TSOGS LAS BYUNG BA STE BDAG PO MED PA'O, , LUS 'DI NI LA DANG 'DRA STE, BYED PA MED PA'O, ,LUS 'DI NI CHU DANG 'DRA STE, ,BDAG MED PA'O, ,LUS 'DI NI ME DANG 'DRA STE, SROG MED PA'O, ,LUS 'DI NI RLUNG DANG 'DRA STE, GANG ZAG MED PA'O, , @284A *, ,LUS 'DI NI NAM MKHA' DANG 'DRA STE, RANG BZHIN MED PA'O, ,LUS 'DI NI 'BYUNG BA CHEN PO RNAMS KYI GNAS TE, YANG DAG PA MA YIN PA'O, ,LUS 'DI NI BDAG DANG, BDAG GI MED PA STE, STONG PA'O, ,LUS 'DI NI RTZWA DANG, SHING DANG, RTZIG PA DANG, BONG BA DANG, MIG YOR LTA BU STE, BEMS PO'O, ,LUS 'DI NI RLUNG GI 'KHRUL 'KHOR DANG LDAN PAS 'BYUNG STE, TSOR BA MED PA'O, ,LUS 'DI NI RNAG DANG, MI GTZANG BA BSAGS PA STE, GSOG GO ,LUS 'DI NI RTAG TU BSKU BA DANG, MNYE BA DANG,'JIG PA DANG,'GA-YES PA'I CHOS CAN DE, GSOB BO, ,LUS 'DI NI NAD BZHI BRGYA RTZA BZHIS GTZES PA'O, ,LUS 'DI NI RTAG TU RGA BAS ZEL GYIS NON PA STE, KHRON PA RNYING PA DANG 'DRA BA'O, ,LUS 'DI NI 'CHI BA'I MTHA' YIN TE, MTHAR MI GNAS PA'O, ,LUS 'DI NI PHUNG PO DANG, KHAMS DANG, SKYE MCHED KYIS YONGS SU ZIN PA STE, GSHED MA DANG, SBRUL GDUG PA DANG, GRONG STONG PA LTA BU STE, KHYOD KYIS DE LTA BU'I LUS DE LA YID BYUNG BA DANG, SKYO BA BSKYED CING DE BZHIN GSHEGS PA'I SKU LA MOS PA BSKYED PAR BGYI'O, ,GROGS PO DAG ,DE BZHIN GSHEGS PA'I SKU NI CHOS KYI SKU STE, YE SHES LAS SKYES PA'O, ,DE BZHIN GSHEGS PA'I SKU NI BSOD NAMS LAS SKYES PA, SBYIN PA LAS SKYES PA, TSUL KHRIMS LAS SKYES PA, TENG NGE 'DZINM LAS SKYES PA, SHES RAB LAS SKYES PA @284B RNAM PAR GROL PA LAS SKYES PA, RNAM PAR GROL BA'I YE SHES MTHONG BA LAS SKYES PA, BYAMS PA DANG, SNYING RJE DANG, DGA' BA DANG, BTANG SNYOMS LAS SKYES PA, SBYIN PA DANG, DUL BA DANG, YANG DAG PAR SDOM PA LAS SKYES PA, DGE BA BCU'I LAS KYI LAM LAS SKYES PA, BZOD PA DANG, DES PA LAS SKYES PA, BRTZON 'GRUS BRTAN PA'I DGE BA'I RTZA MA LAS SKYES PA, BSAM GTAN DANG, RNAM PAR THAR PA DANG, TING NGE 'DZIN DANG, SNOMS PAR 'JUG PA LAS SKYES PA, THOS PA DANG, SHES RAB DANG, THABS LAS SKYES PA, BYANG CHUB KYI PHYOGS KYI CHOS SUM CU RTZA BDUN LAS SKYES PA, ZHI GNAS DANG, LHAG MTHONG LAS SKYES PA, STOBS BCU LAS SKYES PA, MI 'JIGS PA BZHI LAS SKYES PA, SANGS RGYAS KYI CHOS MA 'DRES PA BCO BRGYAD LAS SKYES PA, PHA ROL TU PHYIN PA THAMS CAD LAS SKYES PA, MNGON PAR SHES PA DANG, RIG PA LAS SKYES PA, MI DGE BA'I CHOS THAMS CAD SPANGS PA LAS SKYES PA, DGE BA'I CHOS THAMS CAD YANG DAG PAR SDUD PA LADS SKYES PA, BDEN PA LAS DSKYES PA, YANG DAG PA NYID LAS SKYES PA, BAG YOD BA LAS SKYES PA'O, ,GROGS PO DAG ,DE BZHIN GSHEGS PA'I SKU NI DGE BA'I LAS TSAD MED PA LAS SKYES PA STE, KHYED KYI DE LTA BU'I SKU DE LA MOS PA BSKYED PAR BYA'O, ,SEMS CAN THAMS CAD KYI NON MONGS PA'I NAD RAB TU SPANG PA'I PHYIR BLA NA MED PA @285A *, ,YANG DAG PAR RDZOGS PA'I BYANG CHUB TU SEMS BSKYED PAR BYA'O, ,DE BZHIN DU LI TZA B'I DRI MA MED PAR GRAGS PAS DE LTAR NAD 'DRI BA'I TSOGS PA DE DAG LA JI NAS SEMS CAN BRGYA STONG MANG PO DAG BLA NA MED PA YANG DAG PAR RDZOGS PA'I BYANG CHUB TU SEMS BSKYED PA DE LTA DE LTA BUR CHOS 'CHAD DO, ,THABS LA MKHAS PA BSAM GYIS MI KHYAB PA'I LE'U ZHES BYA STE GNYIS PA'O,, ,,DE NAS LI TZA B'I DRI MA MED PAR GRAGS PA 'DI SNYAM DU SEMS TE, BDAG NI NA ZHING MI BDE STE KHRI'I STENG NA 'DUG NA, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS KYIS BDAG LA MA DGONGS TE, THUGS MI BTZE BA'I PHYIR NAD 'DRI BA 'GA' YANG MA BTANG NGO SNYAM MO, ,DE NAS BCOM LDAN 'DAS KYIS LI TZA B'I DRI MA MED PAR GRAGS PA'I SEMS KYI RTOG PA DE LTA BU MKHYEN NAS BCOM LDAN 'DAS KYIS TSE DANG LDAN PA SH'A RI'I BU LA BKA' STZAL PA, SH'A RI'I BU, KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,DE SKAD CES BKA' STZAL PA DANG, BCOM LDAN 'DAS LA TSE DANG LDAN PA SHA' RI'I BUS 'DI SKAD CES GSOL TO, ,BCOM LDAN 'DAS, BDAG LI TZA B'I DRI MA MED PAR GRAGS PA'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, ZHING ZHIG @285B *, ,GI DRUNG NA NANG DU YANG DAG BZHAG PAR GYUR PA NA LI TZA B'I DRI MA MED PAR GRAGS PA YANG SHING DE'I DRUNG GA LA BA DER MCHIS NAS BDAG LA 'DI SKAD CES MA CHI'O, ,BTZUN PA SH'A RI'I BU, JI LTAR KHYOD KYIS NANG DU YANG DAG PAR BZHAG PA DE LTA BU'I NANG DU YANG DAG 'JOG PA LA NANG DU YANG DAG BZHAG PAR MI BYA'O, ,JI LTAR KHAMS GSUM DU LUS DANG, SEMS MI SNANG BAR 'GYUR BA DE LTAR NANG DU YANG DAG GZHAG PAR GYIS SHIG ,JI LTAR 'GOG PA LAS KYANG MI LDANG ZHING SPYOD LAM KUN TU'ANG SNANG BAR 'GYUR BA DE LTAR NANG DU YANG DAG GZHAG PAR GYIS SHIG ,JI LTAR THOB PA'I MTSAN NYID KYANG MI 'DOR LA SO SO'I SKYE BO'I ? MTSAN NYID DU'ANG SNANG BA DE LTAR NANG DU YANG DAG GZHAG PAR GYIS SHIG ,JI LTAR KHYOD KYI SEMS NANG NA'ANG MI 'DUG LA PHYI ROL GYI GZUGS LA'ANG MI RGYU BA DE LTAR NANG DU YANG DAG GZHAG PAR GYIS SHIG ,JI LTAR LTA BAR GYUR PA THAMS CAD LA'ANG MI GA-YO ZHING BYANG CHUB KYI PHYOGS KYI CHOS SUM CU RTZA BDUN RNAMS LA'ANG SNANG BA DE LTAR NANG DU YANG DAG GZHAG PAR GYIS SHIG ,JI LTAR 'KHOR BA NA SPYOD PA'I NYON MONGS PA RNAMS KYANG MI SPONG LA, MYA NGAN LAS 'DAS PA LA'ANG YANG DAG PAR GZHOL BAR 'GYUR 'BA DE LTAR NANG DU YANG DAG GZHAG PAR GYIS SHIG ,BTZUN PA SH'A RI'I BU, ,GANG DAG DE LTAR NANG DU YANG @286A *, ,DAG BZHAG PA LA NANG DU YANG DAG 'JOG NA DE RAG ,BCOM LDAN 'DAS KYIS NANG DU YANG DAG 'JOG PAR BKA' STZAL TO ZHES MA CHI NAS, BCOM LDAN 'DAS, BDAG GIS CHOS NYID DE THOS NAS DE LA SLAR TSIG LAN LDON PA'I RNGO MA THOGS SHING CANG ? MI MCHI BAR 'GYUR TE, DE'I SLAD DU BDAG SKYES BU DAM PA DE'I BRO 'DRI ZHING BCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA MOO-NGGAL GYI BU CHEN PO LA BKA' STZAL PA, MOO-NGGAL GYI BU, KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,MOO-NGGAL GYI BUS KYANG GSOL PA, BCOM LDAN 'DAS, BDAG SKYES BU DAM PA DE'I BRE 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA YANGS PA'I GRONG KHYER CHEN PO'I SRANG ZHIG GI SGO NA KHYIM BDAG RNAMS LA BDAG CHOS STON CING MCHIS PA'I DRUNG DER LI TZA B'I DRI MA MED PAR GRAGS PA MCHIS NAS BDAG LA 'DI SKAD CES MCHI'O, ,BTZUN PA MOO-NGGAL GYI BU, JI LTAR STON PA LTAR NI KHYIM PA GOS DKAR PO CAN RNAMS LA DE LTAR CHOS MI BSTAN TO, , BTZUN PA MOO-NGGAL GYI BU, CHOS DE JI LTA BA BZHIN DU CHOS BSTAN PAR BYA STE, BTZUN PA MOO-NGGAL GYI BU CHOS NI SEMS CAN MED PA STE SEMS CAN GYI RDUL DANG BRAL BA, BDAG MED @286B PA STE 'DOD CHAGS KYI RDUL DANG BRAL PA, SROG MED PA STE SKYE BA DANG, 'CHI 'PHO DANG BRAL BA, GANG ZAG MED PA STE SNGON GYI MTHA' DANG, PHYI MA'I MTHA' YONGS SU MA CHAD PA, ZHI BA DANG, NYE BAR ZHI BA'I MTSAN NYID DE 'DOD CHAGS DANG BRAL BA, DMIGS PA MED PAR 'GRO BA STE YI GE MED PA, TSIG THAMS CAD CHAD PA, BRJOD DU MED PA, RLABS THAMS CAD DANG BRAL BA, THAMS CAD KYI RJES SU SONG BA STEN MA MKHA' DANG MNYAM ZHING MTSUNGS PA, KHA DOG DANG, RTAGS DANG, DBYIBS MED PA, RGYU BA THAMS CAD DANG BRAL BA, NGA YI BA MED PA, NGA YIR 'DZIN PA MED PA RNAM PAR RIG PA MED PA STE, SEMS DANG, YID DANG, RNAM PAR SHES PA DANG BRAL PA, GNYEN PO MED PA'I PHYIR 'DRA BA MED PA, RGYU DANG MI MTHUN ZHING RGYEN DU SGRO 'DOGS PA MED PA, CHOS KYI DBYINGS SU YANG DAG PAR 'DU BA'I PHYIR CHOS THAMS CAD NI NYAM PAR BZHAG PA, RJES SU MI 'GRO BA'I TSUL GYIS DE BZHIN NYID KYI RJES SU SONG BA, SHIN TU MA GA-YOS PA'I PHYIR YANG DAG PA NYID KYI MTHA' LA GNAS PA, YUL DRUG LA MI RTEN PAS MA GA-YOS PA, MI GNAS PAS GANG DU'ANG 'GRO BA DANG, 'ONG BA MED PA, STONG PA NYID DU YANG DAG PAR 'DU BA, MTSAN MA MED PAS RAB TU BYE BA, SMON PA MED PA'I MTSAN NYID RTOG PA DANG, SEL BA MED PA, DOR BA MED CING GZHAG PA MED PA, SKYE BA DANG, 'JIG PA MED PA, KUN GZHI MED PA, MIG DANG, RNA BA DANG, SNA DANG, LCE DANG, @287A *, ,LUS DANG, YID KYI LAM LAS YANG DAG PAR 'DAS PA, MA KHENGS PA, MDUD PA, GNAS PA, MI GA-YO BAR GYUR PA, RGYU BA THAMS CAD DANG BRAL BA STE, BTZUN PA MOO-NGGAL GYI BU CHEN PO, DE LTA BU'I CHOS LA BSTAN PA JI LTA BU ZHIG YOD, BTZUN PA MOO-NGGAL GYI BU CHEN PO, CHOS BSTAN PA ZHES BYA BA DE'ANG SGRO BTAGS PA'I TSIG STE, GANG DAG NYAN PA DE DAG KYANG SGRO BTAGS PA NYAN TO, ,BTZUN PA MOO-NGGAL GYI BU, GANG LA SGRO BTAGS PA'I TSIG MED PA DE LA CHOS STON PA'ANG MED DE, THOS PA'ANG MED, SHES PA'ANG MED DO, ,'DI LTA STE, DPER NA, SGYU MA'I SKYES BUS SGYU MA'I SKYES BU DAG LA CHOS BSTAN PA BZHIN NO, ,DE LTA BUR SEMS GNAS PAS CHOS BSTAN PAR BYA'O, ,KHYOD KYIS SEMS CAN GYI DBANG PO LA MKHAS PAR BYA'O, ,SHES RAB KYI MIG GIS LEGS PAR MTHONG BA DANG, SNYING RJE CHEN PO MNGON DU GYUR PA DANG, THEG PA CHEN PO'I BSNGAGS PA BRJOD PA DANG, SANGS RGYAS LA BYAS PA GZO BA DANG, BSAM PA DAG PA DANG, CHOS KYI NGES PA'I TSIG RNAM PAR SHES PAS DKON MCHOG GSUM GYI RIGS MA CHAD PAR BYA BA'I PHYIR KHYOD KYIS CHOS BSTAN PAR BYA'O ZHES MCHI STE, BCOM LDAN 'DAS, DE LTA DE LTA BUR DES CHOS BSTAN PAS KYIM BDAG GI 'KHOR DE LAS KHYIM BDAG BRGYAD BRGYA BLA NA MED PA YANG DAG PAR RDZOGS PA'I @287B BYANG CHUB TU SEMS SKYES SO, ,BDAG KYANG SPOBS PA MA MCHIS PAR GYUR TE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING BCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA 'OD SRUNG CHEN PO LA BKA' STZAL PA, 'OD SRUNG, KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,'OD SRUNG CHEN POS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BDAG GIS MNGON PAR 'TSAL BA DUS GCIG NA, DBUL PO'I SRANG DU BSOD SNYOMS LA MCHIS LA LI TZA B'I DRI MA MED PAR GRAGS PA DER MCHIS NAS BDAG LA 'DI SKAD CES MCHI'O, ,'DI LTAR SEMS CAN CHEN PO'I KHYIM BKOL TE DBUL PO'I KHYIM RNAMS SU 'GRO BA NI, BTZUN PA 'OD SRUNG CHEN PO'I BYAMS PA PHYOGS GCIG PA YIN GYI, BTZUN PA 'OD SRUNG CEHN PO, CHOS MNYAM PA NYID LA GNAS PAR BYA'O, ,DUS THAMS CAD DU SEMS CAN THAMS CAD LA BSAMS TE BSOD SNYOMS BTZAL BAR BYA'O, ,ZAS MED PAR ZAS BTZAL BAR BYA'O, , GZHAN GYI RIL POR 'DZIN PA BSAL BA'I PHYIR KHYOD BSOD SNYOMS LA 'GRO BAR BYA'O, ,GRONG STONG PAR BYIN GYIS BRLABS TE KHYOD DGRONG DU 'JUG PAR BYA'O, ,SKYES PA DANG, BUD MED YONGS SU SMIN PAR BYA BA'I PHYIR KHYOD GRONG KHYER DU 'JUG PAR BYA'O, , SANGS RGYAS KYI RIGS KYIS KHYOD KHYIM DU 'GRO BAR BYA'O @288A *, ,MI LEN PAS BSOD SNYOMS BLANG BAR BYA'O, ,DMUS LONG DANG MTSUNGS PAR GZUGS RNAMS LA BLTA'O, ,BRAG CA DANG 'DRA BAR SGRA RNAMS MNYAN TO, ,RLUNG DANG MTSUNGS PAR DRI RNAMS MA ? NAM MO, ,RNAM PAR RIG PA MED PAS RO RNAMS MYONG NGO, ,YE SHES LA RIG ? PA MED PAS REG BYA RNAMS LA RIG ? PAR BYA'O, ,SGYU MA'I SKYES BU'I RNAM PAR RIG PAS CHOS RNAMS LA RIG PAR BYA'O, ,GANG BDAG GI DNGOS PO DANG, GZHAN GYI DNGOS PO DE NI MI 'BAR BA'O, ,GANG MI 'BAR BA DE NI ZHI BAR MI 'GYUR RO, , GAL TE, GNAS BRTAN 'OD SRUNG CHEN PO, LOG PA NYID BRGYAD LAS KYANG MI 'DA' ZHING RNAM PAR THAR PA BRGYAD LA'ANG SNYOMS PAR 'JUG CING LOG PA'I MNYAM PA NYID KYIS YANG DAG PA'I MNYAM PA NYID LA 'JUG PA DANG, BSOD SNYOMS GCIG KYANG SEMS CAN THAMS CAD LA SBYIN ZHING SANGS RGYAS THAMS CAD DANG, 'PHAGS PA THAMS CAD LA'ANG DBUL TE, PHUL NAS GDOD BDAG GIS BZA' BA LTA NA JI LTAR NYON MONGS PA DANG BCAS PA'ANG MA YIN, NYON MONGS DANG BRAL BA'ANG MA YIN PA DE LTAR BZA'O, ,MNYAM PAR BZHAG PA'ANG MA YIN, LANGS PA'ANG MA YIN PAR BZA'O, ,'KHOR BA LA'ANG MI GNAS LA MYA NYAN LAS 'DAS PA'ANG MI GNAS PAR BZA'O, ,BTZUN PA, KHYOD LA GANG DAG BSOD SNYOMS @288B SBYIN PAR BYED PA DE DAG KYANG 'BRAS BU CHE BAR YANG MI 'GYUR, 'BRAS BU CHUNG BAR YANG MI 'GYUR, 'BRING BAR YANG MI 'GYUR, KHYAD PAR DU'ANG MI 'GYUR, SANGS RGYAS GSHEGS PAR YANG DAG PAR GZHOL BAR BYA YI, ,NYAN THOS 'GRO BAR YANG DAG PAR GZHOL BAR MI BYA'O, ,GNAS BRTAN 'OD SRUNG CHEN PO, DE LTAR YUL 'KHOR GYI BSOD SNYOMS DON YOD PAR BZA'O ZHES MCHI STE, BCOM LDAN 'DAS, BDAG CHOS BSTAN PA 'DI THOS NAS NGO MTSAR DU GYUR TE, BYANG CHUB SEMS DPA' THAMS CAD LA PHYAG 'TSAL LO, ,KHYIM NA GNAS BA'ANG 'DI LTA BU'I SPOBS PA DANG LDAN NA, SU ZHIG BLA NA MED PA YANG DAG PAR RDZOGS PA'I BYANG CHUB TU SEMS MI SKYED SNYAM NAS DE TSUN CHAD BDAG GIS SEMS CAN GANG YANG THEG PA CHEN PO MA LAGS PAR NYAN THOS KYI THEG PA DANG, RANG SANGS RGYAS KYI THEG PA LA SNGON CHAD MA BTZUD DO, ,BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA RAB 'BYOR LA BKA' STZAL PA, RAB 'BYOR, KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,RAB 'BYOR GYIS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL @289A *, ,BA DUS GCIG NA, YANGS PA'I GRONG KHYER CHEN POR LI TZA B'I DRI MA MED PAR GRAGS PA'I KHYIM DU BSOD SNYOMS LA MCHIS PA DANG, LI TZA B'I DRI MA MED PAR GRAGS PAS BDAG GI LHUNG BZED 'TSAL NAS ZAS BZANG POS BKANG STE 'DI SKAD CES MCHI'O, ,BTZUN PA RAB 'BYOR, KHYOD GAL TE ZANG ZING GI MNYAM PA NYID RJES SU RTOGS SHING, CHOS THAMS CAD KYI MNYAM PA NYIS KYIS SANGS RGYAS KYI CHOS KYI MNYAM PA NYID RJES SU RTOGS NA GZOD BSOD SNYOMS 'DI LONGS SHIG ,BTZUN PA RAB 'BYOR, KHOD GAL TE 'DOD CHAGS DANG, ZHE SDANG DANG, GTI MUG KYANG MA SPANGS LA DE DAG DANG LHAN CIG TU'ANG MI GNAS, GAL TE 'JIG TSOGS LA LTA BA'ANG MI BSKYOD LA BGROD PA GCIG BA'I LAM DU'ANG SONG, ,KHYOD KYIS MA RIG PA DANG SRID PA'I SRED PA'ANG MA BCOM LA RIG PA DANG RNAM PAR GROL PA'ANG BSKYED MTSAMS MED PA'I MNYAM PA NYID DANG, KHYOD KYI RNAM PAR GROL BA'ANG MTSUNGS, KHYOD GROL BA'ANG MA YIN LA BCINGS PA'ANG MA YIN, KHOD KYIS 'PHAGS PA'I BDEN PA BZHI'ANG MA MTHONG LA BDEN PA MA MTHONG BA'ANG MA YIN, 'BRAS BU THOB PA'ANG MA YIN LA SO SO'I SKYE BO'ANG MA YIN, SO SO'I SKYE BO'I CHOS LAS KYANG MA LOG ,KHYOD 'PHAGS PA'ANG MA YIN LA MA 'PHAGS PA'ANG MA YIN, @289B CHOS THAMS CAD DANG YANG LDAN LA CHOS THAMS CAD KYI 'DU SHES DANG YANG BRAL, KHYOD KYIS STON PA'ANG MA MTHONG, CHOS KYANG MA THOS, DGE 'DUN LA'ANG BSNYEN BKUR MA BYAS SHING STON PA DRUG PO GANG YIN PA DE DAG ,'DI LTA STE, 'OD BSRUNG RDZOGS BYED DANG, KUN TU RGYU GNAG LHAS KYI BU DANG, SMRA 'DOD KYI BU MO'I BU YANG DAG RGYAL BA CAN DANG, K'A TYA'I BU NOG CAN DANG, MI PAM SKRA'I LA BA CAN DANG, GCER BU GNYEN GYI BU DE DAG BTZUN PA'I STON PA YIN TE, DE DAG LA BRTEN NAS KHYOD RAB TU BYUNG ZHING, STON PA DRUG PO DE DAG GI RE 'GRO BAR 'PHAGS PA RAB 'BYOR YANG 'GRO LA, LTA BAR GYUR PA THAMS CAD KYI NANG DU'ANG KHYOD CHUD CING MTHA' DANG, DBUS KYANG MI RNYED DO, ,KHYOD MI KHOM PA BRGYAD DU'ANG 'JUG LA DAL BA THOB PA'ANG MED, ,KHYOD KUN NAS NYON MONGS PA DANG MNYAM PAR GYUR LA RNAM PAR BYANG BA'ANG KHONG DU MA CHUD, GANG SEMS CAN THAMS CAN THAMS CAD KYI NYON MONGS PA MED PA DE, BTZUN PA'I NYON MONGS PA MED PA YIN, KHYOD KYI SBYIN PA'ANG RNAM PAR MA SBYANGS, BTZUN PA, KHYOD LA SU DAG BSOD SNYOMS SBYIN PAR BYED PA DE DAG 'KYANG LOG PAR LTUNG BAR BYED, KHYOD BDUD THAMS CAD DANG YANG LHAN CIG ,NYON MONGS PA THAMS CAD KYANG KYOD KYI GROGS SU GYUR, NON MONGS PA'I NGO BO NYID GANG YIN PA BTZUN PA'I NGO BO NYID KYANG DE YIN, SEMS CAN THAMS CAD @290A *, ,LA'ANG KHYOD KYIS GSANG BA'I SEMS NYE BAR GZHAG ,SANGS RGYAS THAMS CAD LA'ANG KHYOD KYIS SKUR, SANGS RGYAS KYI CHOS THAMS CAD LA'ANG MI SNYAN PAR BYAS; DGE 'DUN LA'ANG KHYOD MI RTON CING NAM YANG YONGS SU MYA NGAN LAS MI 'DA' NA GDOD KHYOD KYIS BSOD SNYOMS 'DI LONGS SHIG CES MCHI STE, BSTAN PA 'DI DE LAS THOS NAS, BCOM LDAN 'DAS, DE LA BDAG GIS JI SKAD BSHAD, JI SKAD SMRA, JI LTAR BGYI SNYAM STE, PHYOGS BCU MUN PAR GYUR NAS BDAG GIS LHUNG BZED DE'ANG BOR TE KHYIM NAS SLAR 'BYUD BAR BGYIS NA LI TZA B'A'I DRI MA MED PAR GRAGS PA BDAG LA 'DI SKAD CES MCHI'O, ,BTZUN PA RAB 'BYOR, YI GE DAG LA MA 'JIGS PAR LHUNG BZED 'DI LONGS SHIG ,BTZUN PA RAB 'BYOR; 'DI JI SNYAM DU SEMS, GAL TE DE BZHIN GSHEGS PA'I SPRUL PA LA DE SKAD BYAS NA DE JI SKRAG PAR 'GYUR RAM, BDAG GIS DE LA, RIGS KYI BU, DE LTA MA YIN NO ZHES BGYIS SO, ,DES BDAG LA SMRAS PA, BTZUN PA RAB 'BYOR, SGYU MA SPRUL PA'I RANG BZHIN GYI CHOS THAMS CAD LA SKRAG PAR MA BYED CIG ,DE CI'I PHYIR ZHE NA, TSIG DE DAG THAMS CAD KYANG DE'I RANG BZHIN TE, DE LTAR MKHAS PA DAG YI GE RNAMS LA'ANG MI CHAGS SHING DE DAG LA SKRAG PAR MI BYED PA'I PHYIR RO, ,DE CI'I PHYIR ZHE NA, YI GE DE DAG THAMS CAD NI YI GE @290B MED PA STE, RNAM PAR GROL BA NI MA GTOGS SO, ,CHOS THAMS CAD NI RNAM PAR GROL BA'I MTSAN NYID DO, ,BSTAN PA 'DI BSHAD PA NA LHA'I BU NYIS BRGYA CHOS RNAMS LA CHOS KYI MIG RDUL MED CING DRI MA DANG BRAL BA RNAM PAR DAG GO ,LHA'I BU LNGA BRGYA NI RJES SU MTHUN PA'I BZOD PA THOB PAR GYUR TO, ,BDAG KYANG SPOBS PA MA MCHIS PAR GYUR NAS DE LA SLAR LAN LDON PA'I RNGO MA THOG STE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA BYAMS MA'I BU GANG PO LA BKA' STZAL PA, GANG PO, KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG ,GANG POS KYANG GSOL PA, BCOM LDAN 'DAS, BDAG SKYES BU DAM PA DE'I BRO ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, NAGS TSAL CHEN PO'I SA PHYOGS SHIG NA LAS DANG PO PA'I DGE SLONG DAG LA CHOS STON CING MCHIS NA LI TZA B'A'I DRI MA MED PAR GRAGS PA DER MCHIS NAS BDAG LA 'DI SKAD CES MCHI'O, ,BTZUN PA GANG PO, SNYOMS PAR ZHUGS TE DGE SLONG 'DI DAG GI SEMS LTOS LA CHOS STON CIG ,RIN PO CHE'I SNOD CHEN POR ZAN RUL MA BLUGS SHIG ,DGE SLONG 'DI DAG GI BSAM PA JI LTA BU SHES PAR GYIS LA NOR BU RIN PO CHE BEE d'U-RYA MCHING BU'I NOR BU DANG MTSUNGS PAR MA BYED CIG , @291A *, ,BTZUN PA GANG PO, SEMS CAN GYI DBANG PO DAG LA MA BRTAGS PAR NYI TSE BA'I DBANG PO NYE BAR MA SGRUBS SHIG ,RMA MED PA LA RMA MA PHYUNGS SHIG ,LAM CHEN POR 'JUG PAR 'DOD PA SRANG DOG PAR MA GZUD CIG ,RGYA MTSO CHEN PO BA LANG GI RMIG RJES SU MA BLUGS SHIG ,RI RAB YUNGS 'BRU'I NANG DU MA GZHUG CIG ,NYI MA'I 'OD SRIN BU ME KHYER GYIS MA BZLOG CIG ,SENG GE'I SGRA SGROGS PAR 'DOD PA RNAMS WA'I SGRA LA MA GZUD CIG ,BTZUN PA GANG PO, DGE SLONG 'DI DAG THAMS CANG NI THEG PA CHEN PO LA YANG DAG PAR ZHUGS PA LAS BYANG CHUB KYI SEMS STOR BA SHA STAG STE, BTZUN PA GANG PO, 'DI DAG LA NYAN THOS KYI THEG PA MA STON CIG ,NYAN THOS KYI THEG PA NI YANG DAG PA MA YIN TE, SEMS CAN GYI DBANG PO'I RIM PA SHES PA LA NYAN THOS 'DI DAG NI KHO BOS DMUS LONG DANG 'DRA BA SNYAM BYED DO, ,DE NAS LI TZA B'A'I DRI MA MED PAR GRAGS PA DE'I TSE JI LTAR DGE SLONG DE DAG SNGON GYI GNAS RNAM PA MANG PO RJES SU DRAN PAR 'GYUR BA DE LTA BU'I TING NGE 'DZIN LA SNYOMS PAR ZHUGS NAS, DE DAG LA YANG DAG PAR RDZOGS PA'I BYANG CHUB KYI PHYIR SANGS RGYAS LNGA BRGYA LA BSNYEN BKUR BYAS PA'I DGE BA'I RTZA BA DANG LDAN PA STE, DE DAG GI BYANG CHUB KYI SEMS DE'ANG MNGON DU GYUR NAS DE DAG SKYES BU DAM PA DE'I RKANG PA LA MGO BOS PHYAG BTZAL TE, @291B THAL MO SBYAR BAR GYUR PA DANG, DES KYANG DE DAG LA BLAN MED PA YANG DAG PAR RDZOGS PA'I BYANG CHUB LAS PHYIR MI LDOG PAR 'GYUR BA DE LTA BU'I CHOS BSTAN NAS, BCOM LDAN 'DAS BDAG GIS 'DI SNYAM DU BSAMS SO, ,NYAN THOS KYIS PHA ROL GYI SEMS DANG BSAM PA MA BRTAGS PAR SU LA'ANG CHOS MI BSTAN TO, ,DE CI'I SLAD DU ZHE NA, NYAN THOS NI SEMS CAN THAMS CAD KYI DBANG PO MCHOG DANG, MCHOG MA LAGS PA LA MKHAS PA'ANG MA MCHIS, JI LTAR DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS BZHIN DU RTAG TU MNYAM PAR BZHIG PA'ANG MA LAGS SO SNYAM BGYID DE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA K'A TYA'I BU CHEN PO LA BKA' SKA' STZAL PA, K'A TYA'I BU, KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG ,KATYA'I BUS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, BCOM LDAN 'DAS KYIS DGE SLONG RNAMS LA GDAMS PA MDOR BKA' STZAL TE, MDO DE'I TSIG GTAN LA DBAB PA'I SLAD DU BDAG GIS, 'DI LTA STE, MI RTAG PA'I DON DANG, SDUG BSNGAL BA'I DON DANG, BDAG @292A *, ,MED PA'I DON DANG, ZHI BA'I DON GYI CHOS BSTAN NA LI TZA B'A'I DRI MA MED PAR GRAGS PA DER MCHIS NAS BDAG LA 'DI SKAD CES MCHI'O, ,BTZUN PA K'A TYA'I BU CHEN PO, RGYU BA DANG BCAS PA, SKYE BA DANG BCAS PA, 'JIG PA DANG LDAN PA'I CHOS NYID MA STON CIG ,BTZUN PA K'A TYA'I BU CHEN PO, GANG SHIN TU MA SKYES, MA BSKYED, BSKYOD PAR MI 'GYUR, MA 'GAGS, MI 'GAG ,'GAG PAR MI 'GYUR BA DE NI MI RTAG PA'I DON TO, ,GANG PHUNG PO LNGA PO DAG LA STONG PA NYID DU RTOGS PAS SKYE BA MED PA RTOG PA'I DON DE NI SDUG BSNGAL GYI DON TO, ,GANG BDAG DANG, BDAG MED PA GNYIS SU MED PA NYID DE NI BDAG MED PA'I DON TO, ,GANG RANG GI NGO BO MED PA DANG, GZHAN GYI NGO BO MED PA DE NI MI 'BAR TE, GANG MI 'BAR BA DE NI ZHI BAR MI 'GYUR ZHING, GANG RAB TU MA ZHI BA DE NI ZHI BA'I DON TO, ,BSTAN PA 'DI BSHAD PA NA DGE SLONG DE DAG LEN PA MED PAR ZAG PA RNAMS LAS SEMS RNAM PAR GROL LO, ,BCOM LDAN 'DAS, DE'I SLAD DU BDAG NI SKYES BU DAM PA DE'I BRO 'DRI ZHING MCHI BAR MI SPRO'I, ,DE NAS BCOM LDAN 'DAS KYIS TSE DANG LDAN PA MA 'GAGS PA LA BKA' STZAL PA, MA 'GAGS PA, KHYOD LI TZA B'A'I MA MED PAR GRAGS PA'I NAD 'DRIR SONG ZHIG ,MA 'GAGS PAS KYANG GSOL PA, BCOM LDAN 'DAS BDAG SKYES BU DAM PA DE'I @292B BRO 'DRI ZHING MA CHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, BDAG 'CHAGS SHIG NA 'CHAG PA DER TSANGS PA CHEN PO DGE BA BKOD PA ZHES BGYI BA TSANGS PA KHRI DANG LHAN CIG PHYOGS DE SNANG BAR BGYIS NAS BDAG GA LA BA DER MCHIS TE, BDAG GI RKANG PA LA MGO BOS PHYAG BGYIS NAS PHYOGS GCIG TU 'KHOD DE BDAG LA 'DI SKAD CES MCHI'O, ,BTZUN PA MA 'GAGS PA, KHYOD BCOM LDAN 'DAS KYIS LHA'I MIG CAN GYI MCHOG TU GSUNGS NA, TSE DANG LDAN PA MA 'GAGS PA'I LHA'I MIG GIS JI SRID TSUN CHAD MTHONG, BDAG GIS DE LA 'DI SKAD CES BGYIS SO, ,GROGS PO DAG ,KHO BOS NI BCOM LDAN 'DAS SH'AKYATHUB PA'I SANGS RGYAS KYI ZHING STONG GSUM GYI STONG CHEN PO'I 'JIG RTEN GYI KHAMS NI 'DI LTA STE, DPER NA, SKYES BU MIG DANG LDAN PA'I LAG MTHIL DU SKYU RU RA'I 'BRAS BU BZHAG PA BZHIN DU MTHONG NGO ZHES BKA' MCHID 'DI BGYID PA DANG; LI TZA B'A'I DRI MA MED PAR GRAGS PA PHYOGS DER MCHIS TE, BDAG GI RKANG PA LA MGO BOS PHYAG BGYIS NAS BDAG LA 'DI SKAD CES MCHI'O, ,BTZUN PA MA 'GAGS PA'I LHA'I MIG MNGON PAR 'DU BYED PA'I MTSAN NYID DAM, 'ON TE MNGON PAR 'DU MI BYED PA'I MTSAN NYID YIN, DE GAL TE MNGON PAR 'DU BYED PA'I MTSAN NYID YIN NA NI PHYI ROL GYI MNGON PAR @293A *, ,SHES PA LNGA DANG MTSUNGS SO, ,JI STE MNGON PAR 'DU MI BYED PA YIN NA NI MNGON PAR 'DU MI BYED PA NI 'DUS MA BYAS PA YIN TE, DES NI MTHONG BAR MI NUS NA GNAS BRTAN GYIS JI LTAR MTHONG ZHES MCHI NAS BDAG CANG MI MCHI BAR GYUR TE, TSANGS PA DE'ANG SKYES BU DAM PA DE LAS BSTAN PA 'DI THOS NAS NGO MTSAR DU GYUR TE PHYAG BTZAL NAS 'DI SKAD CES SMRAS SO, ,'JIG RTEN NA LHA'I MIG CAN GANG LAGS, SMRAS PA, SANGS RGYAS BCOM LDAN 'DAS RNAMS NI 'JIG RTEN NA LHA'I MIG CAN TE, DE DAG NI MNYAM PAR GZHAG PA'I GNAS KYANG MI 'DOR LA SANGS RGYAS KYI ZHING THAMS CAD KYANG GZIGS TE, GNYIS KYIS RAB TU PHYE BA'ANG MA YIN NO, ,DE NAS TSANGS PA GA-YOG 'KHOR KHRIS BSTAN PA 'DI THOS NAS LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DES BDAG DANG, SKYES BU DAM PA DE LA PHYAG BGYIS TE GUS PAR SMRAS NAS DE NYID DU MI GDA' BAR GYUR TE, BDAG KYANG SPOBS PA MA MCHIS PAR GYUR TO, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA NYE BAR 'KHOR LA BKA' STZAL PA, NYE BAR 'KHOR KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG ,NYE BAR 'KHOR GYIS KYANG GSOL PA, BCOM LDAN 'DAS, BDAG @293B SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, DGE SLONG GNYIS SHIG LTUNG BA BYUNG NAS BCOM LDAN 'DAS LA NGO TSA STE BCOM LDAN 'DAS KYI DRUNG DU MA MCHIS KYI, DE GNYIS BDAG GA LA BA DER MCHIS TE BDAG LA 'DI SKAD CES MCHI'O, ,BTZUN PA NYE BAR 'KHOR, BDAG CAG GNYIS LA LTUNG BA BYUNG STE NGO TSA NAS BCOM LDAN 'DAS KYI DRUNG DU'ANG MA MCHIS NA, TSE DANG LDAN PA NYE BAR 'KHOR, KHYOD KYIS BDAG CAG GNYIS KYI THE TSOM SOL TE BDAG CAG GNYIS LTUNG BA LAS PHYUNGS SHIG CES MCHI NAS, BCOM LDAN 'DAS, BDAG DGE SLONG DE GNYIS LA CHOS KYI GTAM STON PA'I PHYOGS DER LI TZA B'A'I DRI MA MED PAR GRAGS PA'ANG MCHIS NAS DE BDAG LA 'DI SKAD CES MCHI'O, ,BTZUN PA NYE BAR 'KHOR KHYOD KYIS DGE SLONG 'DI GNYIS KYI LTUNG BA DE PHYIR DAM DU MI BYA, RNYOG PA CAN DU MI BYA BAR 'DI GNYIS KYI LTUNG BA'I 'GYUR BA SOL CIG , BTZUN PA NYE BAR 'KHOR, LTUNG BA NI NANG NA'ANG MI GNAS, PHYI ROL DU'ANG MI 'PHOS, GNYIS KA MED PAR YANG MI DMIGS SO, ,DE CI'I PHYIR ZHE NA, BCOM LDAN 'DAS KYIS BKA' STZAL PA; SEMS KUN NAS NYON MONGS PAS SEMS CAN KUN NAS NYON MONGS SO, ,SEMS RNAM PAR BYANG BAS RNAM PAR DAG PAR 'GYUR RO ZHES GSUNGS PA'I PHYIR TE, BTZUN PA NYE BAR 'KHOR @294A *, ,SEMS NI NANG NA'ANG MA YIN, PHYI ROL NA'ANG MA YIN, GNYIS KA MED PAR YANG MI DMIGS SO, ,SEMS JI LTA BAR LTUNG BA'ANG DE BZHIN NO, LTUNG BA JI LTA BAR CHOS THAMS CAD KYANG DE BZHIN TE, DE BZHIN NYID LAS MI 'DA'O, ,BTZUN PA NYE BAR 'KHOR, SEMS KYI RANG BZHIN GANG YIN PA DANG, SEMS KYI RANG BZHIN GANG GIS BTZUN PA'I SEMS RNAM PAR GROL BA'I SEMS KYI RANG BZHIN DE NAM YANG KUN NAS NYON MONGS PAR GYUR TAM, SMRAS PA, DE NI MA YIN NO, ,SMRAS PA, BTSUN PA NYE BAR 'KHOR, SEMS CAN THAMS CAD KYI SEMS NI DE'I RANG BZHIN TE, BTZUN PA NYE BAR 'KHOR, KUN TU RTOG PA NI NYON MONGS PA STE, MI RTOG ,RNAM PAR MI RTOG PA NI RANG BZHIN NO, ,PHYIN CI LOG NI KUN NAS NYON MONGS PA STE, PHYIN CI MA LOG PA NI RANG BZHIN NO, ,BDAG TU SGRO 'DOGS PA NI KUN NAS NYON MONGS PA STE, BDAG MED PA NI RANG BZHIN NO; ;BTZUN PA NYE BAR 'KHOR, CHOS THAMS CAD NI SKYES NAS 'JIG CING MI GNAS PA STE, SGYU MA DANG, SPRIN DANG, GLOG LTA BU'O, ,CHOS THAMS CAD NI MI SDOD PA STE, SKAD CIG TZAM DU'ANG MI 'DUG GO ,CHOS THAMS CAD NI RMI LAM DANG, SMIG RGYU BA DANG 'DRA STE, YANG DAG PA MA YIN PA MTHONG BA'O, ,CHOS THAMS CAD NI CHU ZLA DANG, GZUGS BRNYAN DANG 'DRA STE, @294B SEMS KUN TU RTOG PA LAS BYUNG BA'O, ,GANG DAG GIS DE LTAR SHES PA DE DAG NI 'DUL BA 'DZIN PA ZHES BYA STE, GANG DAG DE LTAR BTUL BA DE DAG NI LEGS PAR BTUL BA'O, ,DE NAS DGE SLONG DE GNYIS 'DI SKAD CES MCHI'O, ,KHYIM BDAG 'DI NI SHIN TU SHES RAB DANG LDAN TE, BCOM LDAN 'DAS KYIS 'DUL BA 'DZIN PA RNAMS KYI MCHOG TU GSUNGS PA BTZUN PA NYE BAR 'KHOR 'DI NI DE TZAM MA YIN NO, ,DE GNYIS LA BDAG GIS 'DI SKAD CES BGYIS SO, ,DGE SLONG KHYED KYIS 'DI LA KHYIM BDAG SNYAM PA'I 'DU SHES MA SKYED CIG ,DE CI'I PHYIR ZHE NA, DE BZHIN GSHEGS PA MA GTOGS PAR GANG DAG 'DI'I SPOBS PA'I RGYUN GCOD NUS PA'I NYAN THOS SAM, BYANG CHUB SEMS DPA' DE GANG YANG MED DE, 'DI'I SHES RAB KYI SNANG BA NI DE DANG 'DRA'O, ,DE NAS DGE SLONG DE GNYIS THE TSOM BSAL NAS DE NYID DU LHAG PA'I BSAM PAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DE, DE GNYIS KYIS SKYES BU DAM PA DE LA PHYAG BTZAL NAS, 'DI SKAD CES, SEMS CAN THAMS CAD KYIS KYANG 'DI LTA BU'I SPOBS PA THOB PAR GYUR CIG CES MCHI'O, ,DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA SGRA GCAN ZIN LA BKA' STZAL PA, SGRA GCAN ZIN, KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG , @295A *, ,SGRA GCAN ZIN GYIS KYANG GSOL PA, BCOM LDAN 'DAS, BDAG SKYES BU DE'I PRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS BDAG GIS MNGON PAR 'TSAL BA DUS GCIG NA, LI TZA B'A'I GZHON NU MANG ZHIG BDAG GA LA BA DER MCHIS NAS BDAG LA 'DI SKAD CES MCHI'O, ,BTZUN PA SGRA GCAN ZIN; KHYOD BCOM LDAN 'DAS KYI SRAS YIN TE, 'KHOR LOS BSGYUR BA'I RGYAL SRID BOR NAS RAB TU BYUNG NA, KHYOD KYIS GANG LA DMIGS NAS RAB TU BYUNG BA'I YON TAN DANG PHAN YON GANG LAGS ZHES MCHI NAS, BDAG DE DAG LA CI RIGS PAR RAB TU BYUNG BA'I YON TAN DANG, PHAN YON STON CING MCHIS NA, LI TZA B'A'I DRI MA MED PAR GRAGS PA YANG BDAG GA LA BA DER MCHIS PA DER BDAG LA PHYAG BGYIS NAS 'DI SKAD CES MCHI'O, ,BTZUN PA SGRA GCAN ZIN, RAB TU BYUNG BA'I YON TAN DANG, PHAN YON JI LTAR KHYOD STON PA DE LTAR MI BSTAN TO, ,DE CI'I PHYIR ZHE NA, RAB TU 'BYUNG BA NI YON TAN MED CING PHAN YON MED PA YIN NO, ,BTZUN PA SGRA GCAN ZIN, GANG LA 'DUS BYAS 'JUG PA DE LA YON TAN DANG, PHAN YON YOD MOD KYI RAB TU BYUNG PA NI 'DUS MA BYAS PAR SBYOR BA YIN TE, 'DUS MA BYAS LA NI YON TAN DANG, PHAN YON MED DO, ,BTZUN PA SGRA GCAN ZIN @295B RAB TU 'BYUNG BA NI GZUGS CAN MA YIN TE, GZUGS DANG BRAL PA'O, ,THOG MA DANG, THA MA'I MTHAR LTA BA DANG BRAL PA'O, ,MYA NGAN LAS 'DAS PA'I LAM MO, ,MKHAS PA RNAMS KYIS BSNGAGS PA'O, ,'PHAGS PA RNAMS KYIS YONGS SU BZUNG BA'O, ,BDUD THAMS CAD PHAM PAR BYED PA'O, ,'GRO BA LNGA LAS GROL BA'O, ,MIG LNGA RNAM PAR SBYONG BA'O, ,STOBS LNGA 'THOB PA'O, ,DBANG PO LNGA'I RTEN TO, ,GZHAN DAG LA MI GNOD PA'O, ,SDIG PA'I CHOS DANG MA 'DRES PA'O, ,PHA ROL MU STEGS CAN RAB TU 'DUL BA'O, ,GDAGS PA LAS YANG DAG PAR 'DAS PA'O, ,'DOD PA'I 'DAM LA ZAB PA'O, ,YONGS SU 'DZIN PA MED PA'O, ,NGA YI BA MED CING NGAR 'DZIN PA DANG BRAL BA'O, ,LEN PA MED PA'O, ,'KHRUG PA MED PA'O, ,'KHRUG PA SPANGS PA'O, ,RANG GI SEMS 'DUL ZHING GZHAN GYI SEMS SRUNG BA'O, ,ZHI GNAS DANG MTHUN PA'O, ,THAMS CAD DU KHA NA MA THO BA MED PA STE, DE MI RAB TU BYUNG BA ZHES BYA, GANG, DAG DE LTAR RAB TU BYUNG BA DE DAG NI LEGS PAR RAB TU BYUNG BA'O, ,GZHON NU, KHYOD KYANG LEGS PAR GSUNGS PA'I CHOS 'DI LTA BU LA RAB TU PHYUNGS SHIG SANGS RGYAS 'BYUNG BA'ANG RNYED PAR DKA'O, ,DAL BA 'BYOR PA'ANG RNYED PAR DKA'O, ,MIR 'GYUR BA'ANG RNYED PAR DKA'O, ,GZHON NU DE DAG GIS 'DI SKAD SMRAS SO, ,KHYIM BDAG ,BDAG CAG GIS THOS @296A *, ,NA DE BZHIN GSHEGS PA NI PHA MAS MA BTANG BAR RAB TU MI 'BYIN CE'O, ,DES DE DAG LA SMRAS PA, GZHON NU, KHYOD KYIS BLA NA MED PA YANG DAG PAR RDZOGS PA'I BYANG CHUB TU SEMS BSKYED LA NAN TAN GYIS SGRUBS SHIG DANG, DE NYID KHYOD KYIS RAB TU BYUNG ZHING BSNYEN PAR RDZOGS PA YIN NO, ,DE NAS LI TZA B'A'I GZHON NU SUM STONG NYIS BRGYA BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSE DANG LDAN PA KUN DGA' BO LA BKA' STZAL PA, KUN DGA' BO, KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG ,KUN DGA' BOS KYANG GSOL PA, BCOM LDAN 'DAS BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, BCOM LDAN 'DAS KYI SKU LA SNYUN CIG BYUNG NAS, DE LA 'O MA ZHIG 'TSAL TE BDAG BRAM ZE SHING S'A LA CHEN PO LTA BU ZHIG GI SGO DRUNG NA LHUNG BZED THOGS SHING MCHIS PA DANG, LI TZA B'A'I DRI MA MED PAR GRAGS PA PHYOGS DER MCHIS NAS BDAG LA PHYAG BGYIS TE 'DI SKAD CES MCHI'O, ,BTZUN PA KUN DGA' BO, CI'I PHYIR NANG PAR SNGAR LHUNG BZED THOGS NAS @296B KHYIM GYI SGO DRUNG 'DI NA 'DUG ,DE LA BDAG GIS 'DI SKAD CES BGYIS SO, ,BCOM LDAN 'DAS KYI SKU LA SNYUN CIG BYUNG STE DE LA 'O MA ZHIG DGOS NAS DE TZOL LO ZHES BGYIS PA DANG, DE BDAG LA 'DI SKAD CES MCHI'O, ,BTZUN PA KUN DGA' BO, DE SKAD MA ZER CIG ,BTZUN PA KUN DGA' BO,,DE BZHIN GSHEGS PA'I SKU NI RDO RJE LTA BU MKHREGS PA STE, MI DGE PA THAMS CAD KYI BAG CHAGS NI SPANGS, DGE BA'I CHOS THAMS CAD DANG NI LDAN PA YIN NA DE LA SNYUN GA LA 'BYUNG, DE LA NYAM NGA BA GA LA YOD, BTZUN PA KUN DGA' BO, BCOM LDAN 'DAS LA SKUR PA MA 'DEBS PAR CANG MA ZER BAR SLAR SONG ZHIG ,GZHAN SU LA'ANG DE SKAD MA SMRA ZHIG ,GZI BRJID CHE BA GZI BRJID CHE BA'I LHA'I BU RNAMS DANG, SANGS RGYAS KYI ZHING KUN NAS LHAGS PA'I BYANG CHUB SEMS DPA' RNAMS KYIS THOS SA RE, BTZUN PA KUN DGA' BO, 'KHOR LOS BSGYUR BA'I RGYAL PO DGE BA'I RTZA BA CHUNG NGU DANG LDAN PA LA'ANG NAD MED NA; BCOM LDAN 'DAS DGE BA'I RTZA BA TSAD MED PA DANG LDAN LDAN PA DE LA SNYUN GA LA MNGA' STE, DE NI GNAS MED DO, ,BTZUN PA KUN DGA' BO, KHO BO NGO TSA BAR MI BYA BAR SLAR SONG ZHIG ,GZHAN MU STEGS CAN SPYOD PA PA DANG, KUN TU RGYU DANG, GCER BU PA DANG, 'TSO BA PA DAG GIS THOS SA RE, DE DAG 'DI SNYAM DU KYE MA'O 'DI DAG GI STON PA NI BDAG NYID KYANG @297A *, ,NA BA LAS SKYOB MI NUS NA, SEMS CAN NA BA DAG GI SKYABS LTA GA LA NUS SNYAM DU SEMS SA RE, BTZUN PA KUN DGA' BO, GAB CING MI SNANG BAR BZHUD CIG ,SUS KYANG THOS SA RE, BTZUN PA KUN DGA' BO, DE BZHIN GSHEGS PA RNAMS NI CHOS KYI SKU STE, KHA ZAS KYIS GSOS PA'I LUS MA YIN NO, ,DE BZHIN GSHEGS PA RNAMS NI 'JIG RTEN LAS 'DAS PA'I SKU YIN TE, 'JIG RTEN GYI CHOS THAMS CAD LAS YANG DAG PAR 'DAS PA'O, ,DE BZHIN GSHEGS PA'I SKU LA GNOD PA MED DE, ZAG PA THAMS CAD LAS RNAM PAR LOG PA'O, ,DE BZHIN GSHEGS PA'I SKU NI 'DUS MA BYAS TE, 'DU BYED THAMS CAD DANG BRAL BA'O, ,BTZUN PA KUN DGA'BO, DE LTA BU LA NAD YOD PAR 'DOD PA NI MI RIGS SHING 'DRA BA MA YIN NO ZHES MCHI NAS, DE LA BCOM LDAN 'DAS LAS BDAG GIS LOG PAR THOS SHING LOG PAR BZUNG BAR MA GYUR GRANG SNYAM STE, BDAG RAB TU NGO TSA BAR GYUR TE, DE NAS BDAG GIS BAR SNANG LAS SGRA THOS PA, KUN DGA' BO, KHYIM BDAG JI LTAR STON PA DE DE BZHIN TE, 'ON KYANG BCOM LDAN 'DAS SNYIGS MA LNGA'I DUS LA BYUNG BAS DE'I PHYIR SEMS CAN RNAMS DMAN ZHING DBUL BA'I SPYOD PAS RNAM PAR 'DUL TE, DE BAS NA, KUN DGA' BO, NGO TSA BAR MA BYED PAR 'O MA KHYER LA @297B SLAR SONG ZHIG CES MCHI'O, ,BCOM LDAN 'DAS, LI TZA B'A'I DRI MA MED PAR GRAGS PA DRIS PA LAN 'DEBS PA'I STAN PA 'DI 'DRI STE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE BZHIN DU NYAN THOS LNGA BRGYA TSAM MI SPRO BAR GYUR PA DE DAG GIS RANG GI SPOBS PA BCOM LDAN 'DAS LA GSOL TE, GANG DAG LI TZA B'A'I DRI MA MED PAR GRAGS PA DANG GTAM BYAS PA DE THAMS CAD KYANG BCOM LDAN 'DAS LA GSOL TO, ,DE NAS BCOM LDAN 'DAS KYIS BYANG CHUB SEMS DPA' BYAMS PA LA BKA' STZAL PA, BYAMS PA; KHYOD LI TZA B'A'I DRI MA MED PAR GRAGS PA'I NAD 'DRIR SONG ZHIG ,BYAMS PAS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, ,BDAG GIS MNGON PAR 'TSAL BA DUS GCIG NA, LHA'I BU YONGS SU DGA' LDAN LA SOGS PA DGA' LDAN RIGS KYI LHA'I BU RNAMS LA LHAN CIG TU 'DI LTAR BYANG CHUB SEMS DPA' SEMS DPA' CHEN PO RNAMS KYI PHYIR MI LDOG PA'I SA LA BRTZAMS TE CHOS KYI BKA' MCHID MCHI BA'I PHYOGS DER LI TZA B'A'I DRI MA MED PAR GRAGS PA MCHIS TE; DE BDAG LA 'DI SKAD CES MCHI'O, ,BYAMS PA, KHYOD BCOM LDAN 'DAS KYIS BLA NA MED PA YANG DAG PAR RDZOGS PA'I BYANG CHUB TU SKYE BA GCIG GIS THOGS PAR LUNG BSTAN NA , @298A *, ,BYAMS PA DE SKYE BA GANG GIS LUNG BSTAN, BYAMS PA CI 'DAS PAS SAM, 'ON TE MA 'ONGS PAS SAM, 'ON TE DA LTAR GYIS DE LA GANG 'DAS PA'I SKYE BA DE NI ZAD PA'O, ,GANG MA 'ONGS PA DE NI MA PHYIN PA'O, ,DA LTAR GYI SKYE BA LA NI GNAS PA'ANG MED DE, 'DI LTA STE, BCOM LDAN 'DAS KYIS BKA' STZAL PA, 'DI LTAR DGE SLONG DAG; KHYOD NI SKAD CIG GCIG TU SKYE'O, ,RGA'O, ,'CHI'O, BYAS PA'O BYUNG NGO ZHES GSUNGS SO, ,SKYE BA MED PA LA NI NGES PAR GYUR PA LA 'JUG PA STE, MI SKYE BA NI LUNG BSTAN PA'ANG MED, MI SKYE BA NI MNGON PAR RDZOGS PAR 'TSANG RGYA BA'ANG MA YIN NA, BYAMS PA, KHYOD DE BZHIN NYID SKYE BAS SAM, DE BZHIN NYID 'GAG PAS SAM, JI LTAR LUNG BSTAN PA DE BZHIN NYID NI MI SKYA MI 'GAG CING SKYE BAR MI 'GYUR LA 'GAG PAR MI 'GYUR TE, GANG SEMS CAN THAMS CAD KYI DE BZHIN NYID DANG, GANG CHOS THAMS CAD KYI DE BZHIN NYID DANG, GANG 'PHAGS PA THAMS CAD KYI DE BZHIN NYID DE NI, BYAMS PA, KHYOD KYI 'ANG DE BZHIN NYID DO, ,GAL TE KHYOD DE LTA BUR LUNG BSTAN NA NI SEMS CAN THAMS CAD KYANG LUNG BSTAN PA YIN NO, ,DE CI'I PHYIR ZHE NA, DE BZHIN NYID NI GNYIS KYIS RAB TU PHYE BA MA YIN, THA DAD PAS RAB TU PHYE BA MA YIN PA'I PHYIR TE, BYAMS PA, KHYOD @298B GANG ?,TO ? BYANG CHUB MNGON PAR RDZOGS PAR 'TSANG RGYA BA DE'I TSE SEMS CAN THAMS CAD KYANG DE LTA BU'I BYANG CHUB MNGON PAR RDZOGS PAR 'TSANG RGYA BAR 'GYUR RO, ,DE CI'I PHYIR ZHE NA, SEMS CAN THAMS CAD RJES SU RTOGS PA NI BYANG CHUB YIN PA'I PHYIR RO, ,BYAMS PA, KHYOD GANG GI TSE YONGS SU MYA NGAN LAS 'DAS PA DE'I TSE SEMS CAN THAMS CAD KYANG YONGS SU MYA NGAN LAS 'DA' BAR 'GYUR RO, ,DE CI'I PHYIR ZHE NA, SEMS CAN THAMS CAD YONGS SU MYA NGAN LAS MA 'DAS PAR DE BZHIN GSHEGS PA YONGS SU MYA NGAN LAS MI 'DA' STE, DE DAG GI SEMS CAN THAMS CAD SHIN TU YONGS SU MYA NGAN LAS 'DAS SHING MYA NGAN LAS 'DAS PA'I RANG BSHIN CAN DU MTHONG BA'I PHYIR RO, BYAM PA, DE LTA PAS NA LHA'I BU 'DI RNAMS MA BRID MA SLU ZHIG ,BYANG CHUB LA NI SU'ANG MI GNAS MI LDOG GI ,BYAMS PA, LHA'I BU 'DI DAG BYANG CHUB LA KUN TU RTOG PAR LTA BA DE 'DOR DU CHUG CIG ,BYANG CHUB NI LUS KYIS MNGON PAR RDZOGS PAR 'TSANG RGYA PA MA YIN, SEMS KYIS KYANG MA YIN NO, ,BYANG CHUB NI MTSAN MA THAMS CAD RNAM PAR ZHI BA'O, ,BYANG CHUB NI DMIGS PA THAMS CAD KYIS SGRO BTAGS PA MED PA'O, ,BYANG CHUB NI YID LA BYED PA THAMS CAD RGYU BA MED PA'O, ,BYANG CHUB NI LTA BAR GYUR PA THAMS CAD YONGS SU CHAD PA'O, ,BYANG CHUB NI YONGS SU RTOG PA THAMS CAD DANG @299A *, ,BRAL BA'I, ,BYANG CHUB NI GA-YO BA DANG, SEMS PA DANG, BSKYOD PA THAMS CAD DANG, BRAL BA'O, ,BYANG CHUB NI SMON LAM THAMS CAD LA MI 'JUG PA'O; ;BYANG CHUB NI 'DZIN PA THAMS CAD DANG BRAL ZHING MA CHAGS PAR 'JUG PA'O, ,BYANG CHUB NI CHOS KYI DBYINGS KYI GNAS KYIS GNAS PA'O, ,BYANG CHUB NI DE BZHIN NYID RJES SU RTOGS PA'O, ,BYANG CHUB NI YANG DAG PA NYID KYI MTHA' LA GNAS PA'O, ,BYANG CHUB NI YID DANG, CHOS MED PAS GNYIS SU MED PA'O, ,BYANG CHUB NI NAM MKHA' DANG MNYAM PAS MNYAM PA'O, ,BYANG CHUB NI SKYE BA DANG, 'JIG PA DANG, GNAS PA DANG, GZHAN DU 'GYUR BA MED PAS 'DUS MA BYAS PA'O, ,BYANG CHUB NI SEMS CAN THAMS CAD KYI SEMS DANG, SPYOD PA DANG, BSAM PA YONGS SU SHES PA'O, ,BYANG CHUB NI SKYE MCHED RNAMS KYI SGO MA YIN PA'O, ,BYANG CHUB NI BAG CHAGS THAMS CAD KYI MTSAMS SBYOR BA'I NYON MONGS PA DANG BRAL BAS MA 'DRES PA'O, ,BYANG CHUB NI GNAS DANG, GANS MA YIN PA DANG, BRAL BAS YUL LA MI GNAS SHING PHYOGS LA MI GNAS PA'O, ,BYANG CHUB NI KUN NAS MI LDANG ZHING DE BZHIN NYID LA MI GNAS PA'O, ,BYANG CHUB NI MING TZAM STE MING DE'ANG GA-YO BA MED DO, ,BYANG CHUB NI BLANG BA DANG, DOR BA MED PAS RLABS MED DO,, @299B BYANG CHUB NI 'KHRUG PA MED PA STE RANG BZHIN GYIS YONGS SU DAG PA'O, ,BYANG CHUB NI RAB TU SNANG BA STE NGO BO NYID RNAM PAR DAG PA'O, ,BYANG CHUB NI 'JIN PA MED PA STE SHIN TU DMIGS PA MED PA'O, ,BYANG CHUB NI CHOS THAMS CAD MI MNYAM PA NYID KHONG DU CHUD PAS THA DAD PA MED PA'O, ,BYANG CHUB NI DPE BSTAN PA DANG BRAL BAS DPE MED PA'O, ,BYANG CHUB NI SHIN TU KHONG DU CHUD PAR DKA' BA'I PHYIR PHRA BA'O, ,BYANG CHUB NI NAM MKHA'I RANG BZHIN BAS NA THAMS CAD DU SONG BA STE, DE NI LUS KYIS SAM, SEMS KYIS MNGON PAR RDZOGS PAR 'TSANG RGYA BAR MI NUS SO, ,DE CI'I PHYIR ZHE NA, LUS NI RTZA DANG, SHING DANG, RTZIG PA DANG, LAM DANG, MIG YOR LTA BU'O, ,SEMS NI GZUGS MED PA, BSTAN DU MED PA, RTEN MED PA, RNAM PAR RIG PA MED PA'O, ,BCOM LDAN 'DAS, BSTAN PA 'DI BSHAD PA NA 'KHOR DE NAS LHA'I BU NYIS BRGYA MI SKYE BA'I CHOS LA BZOD PA THOB BO, ,BDAG KYANG SPOBS PA MA MCHIS PAR GYUR TE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SBRO'O, ,DE NAS BCOM LDAN 'DAS KYIS LI TSA B'I GZHON NU 'OD BKOD PA LA BKA' STZAL PA, 'OD BKOD PA, KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,'OD BKOD PAS KYANG GSOL PA, BCOM LDAN 'DAS, BDAG SKYES BU DAM @300A *, ,PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, BDAG YANGS PA'I GRONG KHYER CHEN PO NAS BYUNG BA DANG, LI TZA B'I DRI MA MED PAR GRAGS PA NANG DU MCHI BA DANG MJAL TE, DES BDAG LA GUS PAR SMRAS PA DANG, BDAG GIS 'DI SKAD CES BGYIS SO, ,KHYIM BDAG ,KHYOD GA LAS 'ONGS, DES BDAG LA SMRAS PA, BYANG CHUB KYI SNYING PO NAS 'ONGS SO, ,BDAG GIS DE LA SMRAS PA, BYANG CHUB KYI SNYING PO ZHES BYA BA DE GANG GI TSIG BLA DWAGS, DE BDAG LA 'DI SKAD CES MCHI'O, ,RIGS KYI BU, BYANG CHUB KYI SNYING PO ZHES BYA BA DE NI BCOS MA MA YIN PA'I PHYIR BSAM PA'I SNYING PO'O, , RTZOM PA'I LAS SGROL BA'I PHYIR DE NI SBYOR BA'I SNYING PO'O, ,KHYAD PAR DU KHONG DU CHUD PA'I PHYIR DE NI LHAG PA'I BSAM PA'I SNYING PO'O, ,YANG DAG PAR MI BRJED PA'I PHYIR DE NI BYANG CHUB KYI SEMS KYI SNYING PO'O, ,RNAM PAR SMIN PA LA MI RE BA'I PHYIR DE NI SBYIN PA'I SNYING PO'O, ,SMON LAM YONGS SU RDZOGS PA'I PHYIR DE NI TSUL KHRIMS KYI SNYING PO'O, , SEMS CAN THAMS CAD LA KHONG KHRO BA'I SEMS MED PAS DE NI BZOD PA'I SNYING PO'O, ,PHYIR MI LDOG PA'I PHYIR DE NI BRTZON 'GRUS KYI SNYING PO'O, ,SEMS LAS SU RUNG BA'I PHYIR @300B DE NI BSAM GTAN GYI SNYING PO'O, ,MNGON SUM DU MTHONG BA'I PHYIR DE NI SHES RAB KYI SNYING PO'O, ,SEMS CAN THAMS CAD LA SEMS MNYAM PA'I PHYIR DE NI BYAMS PA'I SNYING PO'O, , GNOD PA THAMS CAD BZOD PA'I PHYIR DE NI SNYING RJE'I SNYING PO'O, ,CHOS KYI KUN DGA' LA DGA' ZHING MOS PA'I PHYIR DE NI DGA' BA'I SNYING PO'O, ,RJES SU CHAGS PA DANG, KHONG KHRO BA SPANGS PA'I PHYIR DE NI BTANG SNYOMS KYI SNYING PO'O, ,DRUG MNGON PAR SHES PAS DE NI MNGON PAR SHES PA'I SNYING PO'O, ,MI RTOG PA'I PHYIR DE NI RNAM PAR THAR PA'I SNYING PO'O, ,SEMS CAN YONGS SU SMIN PAR BYED PA'I PHYIR DE NI THABS KYI SNYING PO'O, ,SEMS CAN THAMS CAD SDUD PA'I PHYIR DE NI BSDU PA'I DNGOS PO'I SNYING PO'O, ,NAN TAN SNYING POR BYED PA'I PHYIR DE NI THOS PA'I SNYING PO'O, ,TSUL BZHIN SO SOR RTOG PA'I PHYIR DE NI NGES PAR SEMS PA'I SNYING PO'O, ,'DUS BYAS DANG, 'DUS MA BYAS SPONG BA'I PHYIR DE NI BYANG CHUB KYI PHYOGS KYI CHOS KYI SNYING PO'O,, 'JIG RTEN THAMS CAD MI SLU BA'I PHYIR DE NI BDEN PA'I SNYING PO'O, ,MA RIG PA'I ZAG PA ZAD PA NAS RGA SHI'I BAR GYI ZAG PA ZAD PA'I PHYIR DE NI RTEN CING 'BREL BAR 'BYUNG BA'I SNYING PO'O; ;YANG DAG PA JI LTA BA BZHIN DU MNGON PAR RDZOGS PAR BYANG CHUB PA'I PHYIR DE NI NYON MONGS PA THAMS CAD RAB TU ZHI BA'I SNYING PO'O, ,SEMS CAN THAMS CAD NGO BO NYID MED @301A *, ,PA'I PHYIR DE NI SEMS CAN THAMS CAD KYI SNYING PO'O, ,STONG PA NYID MNGON PAR BYANG CHUB PA'I PHYIR DE NI CHOS THAMS CAD KYI SNYING PO'O, ,MI GA-YO BA'I PHYIR DE NI BDUD THAMS CAD RAB TU 'JOMS PA'I SNYING PO'O, ,'JUG PA DANG BRAL BA'I PHYIR DE NI KHAMS GSUM PA'I SNYING PO'O, ,MI 'JIGS SHING MI DANG NGAS PA'I PHYIR DE NI SENG GE'I SGRA SGROGS PA'I BRTZON 'GRUS KYI SNYING PO'O, ,THAMS CAD DU MA SMAD PA'I PHYIR DE NI STOBS DANG, MI 'JIGS PA DANG, MA 'DRES PA DANG, SANGS RGYAS KYI CHOS THAMS CAD KYI SNYING PO'O, ,NYON MONGS PA MA LUS PA'I PHYIR DE NI RIG PA GSUM GYI SNYING PO'O, ,THAMS CAD MKHYEN PA'I YE SHES YANG DAG PAR GRUB PA'I PHYIR DE NI SEMS KYI SKAD CIG GCIG LA CHOS THAMS CAD MA LUS BAR KHONG DU CHUD PA'I SNYING PO'O, ,RIGS KYI BU, DE LTAR JI TZAM DU BYANG CHUB SEMS DPA' RNAMS PHA ROL TU PHYIN PA DANG LDAN PA DANG, SEMS CAN YONGS SU SMIN PAR BYED PA DANG LDAN PA DANG, DAM PA'I CHOS YONGS SU 'DZIN PA DANG LDAN PA DANG, DGE BA'I RTZA BA DANG LDAN PA'I GOM PA 'DOR BA DANG, 'DEG PA DE THAMS CAD KYANG BYANG CHUB KYI SNYING PO NAS 'ONGS SO, ,SANGS RGYAS KYI CHOS RNAMS LAS 'ONGS SHING SANGS RGYAS KYI CHOS RNAMS LA GNAS SO, , @301B BCOM LDAN 'DAS, BSTAN PA 'DI BSHAD PA NA, LHA DANG, MI LNGA BRGYA TZAM GYIS BYANG CHUB TU SEMS BSKYED DE, BDAG KYANG DE NAS SPOBS PA MA MCHIS PAR GYUR TO, ,BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS BYANG CHUB SEMS DPA' 'GRO BA 'DZIN LA BKA' STZAL PA, 'GRO BA 'DZIN, KHYED LI TZA B'I DRI MA MED PAR GRAGS PA'I NAD 'DRIR SONG ZHIG ,'GRO BA 'DZIN GYIS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, RANG GI GNAS NA MCHIS PA'I TSE BDUD SDIG CAN LHA'I BU MO KHRI NYIS STONG GIS YONGS SU BSKOR TE, BRGYA BYIN GYI CHA BYAD KYIS SIL SNYAN DANG, GLU DBYANGS LEN CING BDAG GA LA BA DER MCHIS TE, BDAG GI RKANG PA LA MGO BOS PHYAG BTZAL NAS DE 'KHOR DANG BCAS PA BDAG LA MDUN GYIS BLTAS TE PHYOGS GCIG TU MCHIS SO, ,BDAG NI DE LA BRGYA BYIN LHA'I DBANG PO LAGS SNYAM BGYID DE, BDAG GIS DE LA 'DI SKAD CES BGYIS SO, ,KOO SHI KA ,KHYOD LEGS PAR 'ONGS SO, ,'DOD PA'I DGA' BA THAMS CAD LA BAG YOD PAR GYIS SHIG ,LUS DANG, SROG DANG, LONGS SPYOD RNAMS LAS @302A *, ,SNYING PO BLANGS PA DANG, MI RTAG PAR RTOG PA MANG DU GYIS SHIG ,DE NAS DE BDAG LA 'DI SKAD CES MCHI'O, ,SKYES BU DAM PA, LHA'I BU MO KHRI NYIS STONG 'DI DAG BDAG LAS KHYOD KYIS LONG LA 'DI DAG KHYOD KYI GA-YOG GYIS SHIG CES MCHI BA DANG, DE LA BDAG GIS 'DI SKAD DU, KOO SHI KA ,RUNG BA MA YIN PA'I DNGOS PO DAG DGE SBYONG SH'A-KYA'I SRAS LA MA 'BUL CIG ,'DI DAG NI NGED LA RUNG BA MA YIN NO ZHES BGYIS SO, ,BKA' MCHID DE BGYIS PA DANG, LI TZA B'I DRI MA MED PAR GRAGS PA DE MCHIS NAS BDAG LA, 'DI SKAD DU, RIGS KYI BU, 'DI LA BRGYA BYIN YIN SNYAM DU 'DU SHES MA SKYED CIG ,'DI NI BDUD SDIG CAN TE, KHYOD LA CO DRI BA'I PHYIR 'ONGS KYI BRGYA BYIN NI MA YIN NO ZHES MCHI'O, ,DE NAS LI TZA B'I DRI MA MED PAR GRAGS PAS BDUD SDIG CAN DE LA, 'DI SKAD DU, BDUD SDIG CAN, LHA'I BU MO 'DI RNAMS DGE SBYONG SH'A-KYA'I SRAS LA NI RUNG BA MA YIN GYI, NGA LA BYIN CIG CES BGYIS PA DANG, DE NAS BDUD SDIG CAN 'JIGS SHING SKRAG NAS MI DGA' STE, LI TZA B'I DRI MA MED PAR GRAGS PA 'DIS BDAG LAR SLUS SU 'ONG NGO ZHES DE MI SNANG BAR BGYI BAR 'TSAL BA MA NUS TE, RDZU 'PHRUL THAMS CAD BSTAN KYANG MI SNANG BAR MA NUS SO, ,DE NAS BAR SNANG LAS @302B SGRA BYUNG STE, SDIG CAN, KHYOD KYIS LHA'I BU MO 'DI RNAMS SKYES BU DAM PA 'DI LA PHUL CIG DANG, GDOD BDAG GI GNAS SU 'GRO NUS PAR 'GYUR RO, ,DE NAS BDUD SDIG CAN 'JIGS SHING SKRAG NAS MI 'TSAL BZHIN DU LHA'I BU MO DE RNAMS PHUL LO, ,DE NAS DRI MA MED PAR GRAGS PAS LHA'I BU MO DE RNAMS BLANGS NAS LHA'I BU MO DE DAG LA 'DI SKAD CES SMRAS SO, , KHYOD SDIG CAN GYIS NGA LA BYIN GYI, DE BLA NA MED PA YANG DAG PAR RDZOGS PA'I BYANG CHUB TU SEMS SKYED CIG ,DES DE DAG LA BYANG CHUB TU YONGS SU SMIN PAR 'GYUR BA'I RJES SU MTHUN PA'I GTAM BGYIS PA DANG DE DAG KYANG BYANG CHUB TU SEMS BSKYED DO, ,DE NAS YANG DES DE DAG LA KHYED KYIS NGA BYANG CHUB TU SEMS BSKYED ZIN GYI, DA PHAN CHAD KHYED CHOS KYI KUN DGA' LA DGA' ZHING MOS PAR GYIS LA 'DOD PA LA DGA' ZHING MOS PAR MA BYED CIG CES BSGO'O, ,DE DAG GIS SMRAS PA, CHOS KYI KUN DGA' LA DGA' BA DE GANG LAGS, DES SMRAS PA, SANGS RGYAS LA MI PHYED PAR DAD CING DGA' BA DANG, CHOS NYAN PAR 'DOD CING DGA' BA DANG, DGE 'DUN LA BSNYEN BKUR BYA BAR DGA' BA DANG, NGA RGYAL MED CING BLA MA DAG LA BSTI STANG BYED PAR DGA' BA DANG, KHAMS KUN NAS 'BYUNG BAR DGA' BA DANG, YUL RNAMS LA MI GNAS PAR DGA' BA DANG, PHUNG PO RNAMS LA GSHED MA LTA @303A *, ,BUR RTOG PA LA DGA' BA DANG, KHAMS RNAMS LA SBRUL GDUG PA DANG MTSUNGS PAR RTOG PA LA DGA' BA DANG, SKYE MCHED RNAMS LA GRONG STONG PA LTA BUR DBEN PAR DGA' BA DANG, BYANG CHUB KYI SEMS KYI KUN TU BSRUNG BAR DGA' BA DANG, SEMS CAN LA PHAN PAR BYED PAR DGA' BA DANG, SBYIN PA LA BGO BSHA' BYED PAR DGA' BA DANG, TSUL KHRIMS LA MI LHOD PAR DGA' BA DANG, BZOD PA LA BZOD CING DUL BAR DGA' BA DANG, BRTZON 'GRUS LA DGE BA YANG DAG PAR BSGRUB PAR DGA' BA DANG, BSAM GTAN LA YONGS SU SPYOD PAR DGA' BA DANG, SHES RAB LA NYON MONGS PA'I SNANG BA MED PAR DGA' BA DANG, BYANG CHUB LA RGYA CHER DGA' BA DANG, BDUD BZANG PO YONGS SU SGRUB PA'I PHYIR DGE BA THAMS CAD BSAGS PA LA DGA' BA DANG, CHOS ZAB MO THOS PAS MI SKRAG PAR DGA' BA DANG, RNAM PAR THAR PA'I SGO GSUM LA TSAR GCOD PAR DGA' BA DANG, NYON MONGS PA RNAMS NGES PAR GZHOM PAR DGA' BA DANG, SANGS RGYAS KYI ZHING RNAM PAR SBYOD BAR DGA' BA DANG, MTSAN DANG, DPE BYAD 'DRIS PAR BYED PA'I DGA' BA DANG, MYA NGAN LAS 'DAS PA'I DMIGS PA LA DGA' BA DANG, BYANG CHUB KYI SNYING PO'I RGYAN LA DGA' BA DANG, DUS MA YIN PAR THOB PAR @303B BYED PA LA DGA' BA DANG, SKAL BA MNYAM PA'I SKYE BO LA BSTEN PAR DGA' BA DANG, SKAL BA MI MNYAM PA RNAMS LA ZHE MI SDANG ZHING KHONG KHRO BA MED PA'I DGA' BA DANG, DGE BA'I BSHES GNYEN RNAMS LA BSTEN PAR DGA' BA DANG, SDIG PA'I GROGS PO DAG RNAM PAR SPANG BAR DGA' BA DANG, CHOS LA MOS SHING DAD DE MCHOG TU DGA' BA'I DGA' BA DANG, THABS LA SDUD PA'I DGA' BA DANG, BAG YOD PAR BYANG CHUB KYI PHYOGS KYI CHOS BSTEN PA LA DGA' BA STE, DE LTAR NA BYANG CHUB SEMS DPA' CHOS KYI KUN DGA' LA DGA' ZHING MOS PA YIN NO, ,DE NAS BDUD SDIG CAN GYIS LHA'I BU MO DE DAG LA 'DI SKAD CES SMRAS SO, ,DE ? BDAG CAG GI GNAS SU 'DONG GI TSUR SHOG ,DE DAG GIS SMRAS PA, KHYOD KYIS BDAG CAG KHYIM BDAG 'DI LA PHUL BAS DA NI CHOS KYI KUN DGA' LA DGA' ZHING MOS PAR BYA'O, ,'DONG PA LA NI DGA' ZHING MOS PAR MI BYA'O, ,DE NAS BDUD SDIG CAN GYIS LI TZA B'I DRI MA MED PAR GRAGS PA LA 'DI SKAD CES SMRAS SO, ,BYANG CHUB SEMS DPA' SEMS DPA' CHEN PO NI BDOG PA THAMS CAD YONGS SU GTONG ZHING SEMS 'DZIN PA MED PA LAGS NA, KHYIM BDAG ,KHYOD KYIS LHA'I BU MO 'DI RNAMS DGYE BAR GSOL, DRI MA MED PAR GRAGS PAS SMRAS PA, 'DI RNAMS BKYE BA YIN GYI, SDIG CAN GA-YOG DANG BCAS TE DENGS SHIG , @304A *, ,SEMS CAN THAMS CAD KYI CHOS KYI BSAM PA YONGS SU RDZOGS PAR GYUR CIG ,DE NAS LHA'I BU MO DE DAG GIS DRI MA MED PAR GRAGS PA LA PHYAG BTZAL NAS 'DI SKAD CES SMRAS SO, ,KHYIM BDAG ,JI LTAR BDAG CAG BDUD KYI GNAS NA GNAS PAR BGYI, SMRAS PA, SRING MO DAG ,MI ZAD PA'I SGRON MA ZHES BYA BA'I CHOS KYI SGO YOD DE, DE LA NAN TAN GYIS SHIG ,DE'ANG GANG ZHE NA, 'DI LTA STE, SRING MO DAG ,SGRON MA GCIG LAS SGRON MA BRGYA STONG 'BAR BAR BYAS KYANG SGRON MA DE 'BRI BAR MI 'GYUR BA DE BZHIN DU; SRING MO DAG ,BYANG CHUB SEMS DPA' GCIG GIS SEMS CAN BRGYA STONG MANG PO RNAMS BYANG CHUB LA BKOD KYANG BYANG CHUB SEMS DPA' DE SEMS DRAN PA MI 'BRI, YONGS SU MI 'BRI BA'I STENG DU 'PHEL LO, ,DE BZHIN DU DGE BA'I CHOS THAMS CAD KYANG JI LTA JI LTAR GZHAN DAG LA BSGO ZHING BSTAN PA DE LTA DE LTAR DGE BA'I CHOS THAMS CAD KYIS RNAM PAR 'PHEL TE, 'DI NI MI ZAD PA'I SGRON MA ZHES BYA BA'I CHOS KYI SGO'O, ,BDUD KYI GNAS DE NA KHYOD GNAS PA'I TSE LHA'I BU DANG, LHA'I BU MO TSAD MED PA RNAMS BYANG CHUB KYI SEMS LA MOS PAR GYIS SHIG ,DE LTAR NA KHYED DE BZHIN GSHEGS PA LA BYAS PA GZO BAR 'GYUR RO, ,SEMS CAN THAMS CAD KYI 'TSO BAR YANG 'GYUR RO, ,DE NAS LHA'I BU MO DE DAG LI TZA B'A'I DRI MA @304B MED PAR GRAGS PA'I RKANG PA LA MGO BOS PHYAG BTZAL TE BDUD DANG LHAN CIG SLAR MA CHIS SO, ,BCOM LDAN 'DAS, LI TZA BA'I DRI MA MED PAR GRAGS PA'I RNAM PAR 'PHRUL PA'I KHYAD PAR DE BDAG GIS MTHONG STE, BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE NAS BCOM LDAN 'DAS KYIS TSONG DPON GYI BU LEGS PAR BYIN LA BKA' STZAL PA, RIGS KYI BU, KHYOD LI TZA BA'I DRI MA MED PAR GRAGS PA'I NAD 'DRIR SONG ZHIG ,LEGS PAR BYIN GYIS KYANG GSOL PA, BCOM LDAN 'DAS, BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE CI'I SLAD DU ZHE NA, BCOM LDAN 'DAS, BDAG GIS MNGON PAR 'TSAL BA DUS GCIG NA, BDAG PA'I SDUM PA NA MCHOD SBYIN CHEN PO BGYID PA'I SLAD DU DGE SBYONG DANG, BRAM ZE THAMS CAD DANG, DBUL PO DANG, SDUG BSNGAL BA DANG, BKREN PA DANG, SDUG PHONGS PA DANG, SLONG PA THAMS CAD LA SBYIN PA STZAL TE, GDUGS BDUN DU MCHOD SBYIN CHEN PO BGYIS PA DER GDUGS THA MA DER LI TZA B'I DRI MA MED PAR GRAGS PA MCHOD SBYIN CHEN PO'I SA DER MCHIS NAS BDAG LA 'DI SKAD CES MCHI'O, ,TSONG DPON GYI BU, JI LTAR KHYOD MCHOD SBYIN BYED PA DE LTAR MCHOD SBYIN MI BYA YI, KHYOD KYIS CHOS KYI MCHOD SBYIN BYA'O, ,ZANG ZING GI MCHOD @305A *, ,SBYIN GYIS KHYOD LA CI ZHIG BYA, BDAG GIS DE LA 'DI SKAD CES BGYIS SO, ,CHOS KYI MCHOD SBYIN DE JI LTAR SBYIN PAR BYA, DES BDAG LA SMRAS PA; CHOS KYI MCHOD SBYIN DE GANG GIS SNGA PHYI MED PAR SEMS CAN YONGS SU SMIN PAR 'GYUR BA DE NI CHOS KYI MCHOD SBYIN NO, ,DE'ANG GANG ZHE NA, 'DI LTA STE, BYANG CHUB KYI RNAM PAR BSGRUBS PA'I BYAMS PA CHEN PO DANG, DAM PA'I CHOS BSDUS PAS MNGON PAR BSGRUBS PA'I SNYING RJE CHEN PO DANG, SEMS CAN THAMS CAD KYI MCHOG TU DGA' BA LA DMIGS PAS MNGON PAR BSGRUBS PA'I DGA' BA CHEN PO DANG, SHES PAS BSDUS PAS MNGON PAR BSGRUBS PA'I BTANG SNYOMS CHEN PO DANG, ZHI BA DANG, DUL BAS MNGON PAR BSGRUBS PA'I SBYIN PA'I PHA ROL TU PHYIN PA DANG, SEMS CAN TSUL KHRIMS 'CHAL PA RNAMS YONGS SU SMIN PAR BYED PAS MNGON PAR BSGRUBS PA'I TSUL KHRIMS KYI PHA ROL TU PHYIN PA DANG, BDAG MED PA'I CHOS KYIS MNGON PAR BSGRUBS PA'I BZOD PA'I PHA ROL TU PHYIN PA DANG, BYANG CHUB TU RTZOM PAS MNGON PAR BSGRUBS PA'I BRTZON 'GRUS KYI PHA ROL TU PHYIN PA DANG, LUS DANG, SEMS DBEN PAS MNGON PAR BSGRUBS PA'I BSAM GTAN GYI PHA ROL TU PHYIN PA DANG, THAMS CAD MKHYEN PA'I @305B YE SHES KYIS MNGON PAR BSGRUBS PA'I SHES RAB KYI PHA ROL TU PHYIN PA DANG, SEMS CAN THAMS CAD YONGS SU SMIN PAR BYED PAS MNGON PAR BSGRUBS PA'I STONG PA NYID LA SGOM PA DANG; 'DUS BYAS YONGS SU SBYONG BAS MNGON PAR BSGRUBS PA'I MTSAN MA MED PA LA SGOM PA DANG, BSAMS BZHIN DU SKYE BAS MNGON PAR BSGRUBS PA'I SMON PA MED PA LA SGOM PA DANG; DAM PA'I CHOS YONGS SU 'DZIN PAS MNGON PAR BSGRUBS PA'I STOBS KYIS RTUL BA DANG, BSDU BA'I DNGOS POS MNGON PAR BSGRUBS PA'I SROG GI DBANG PO DANG, SEMS CAN THAMS CAD KYI BRAN DANG, SLOB MAR GYUR PAS MNGON PAR BSGRUBS PA'I NGA RGYAL MED PA DANG, SNYING PO MED PA LAS SNYING PO LEN PAS MNGON PAR BSGRUBS PA'I LUS DANG, SROG DANG; LONGS SPYOD RNYED PA DANG, RJES SU DRAN PA DRUG GIS MNGON PAR BSGRUBS PA'I DRAN PA DANG, YANG DAG PAR DGA' BAR 'GYUR BA'I CHOS KYIS MNGON PAR BSGRUBS PA'I BSAM PA DANG, YANG DAG PA'I NAN TAN GYIS MNGON PAR BSGRUBS PA'I 'TSO BA YONGS SU DAG PA DANG, DAD PA DANG, MCHOG TU DGA' BA BSTEN PAS MNGON PAR BSGRUBS PA'I 'PHAGS PA LA BSNYEN BKUR BYED PA DANG, 'PHAGS PA MA YIN PA LA KHONG KHRO BA MED PAS MNGON PAR BSGRUBS PA'I SEMS NGES PAR SEMS PA DANG, RAB TU BYUNG BAS MNGON PAR BSGRUBS @306A *, ,PA'I LHAG PA'I BSAM PA DANG, NAN TAN GYIS MNGON PAR BSGRUBS PA'I THOS PA LA MKHAS PA DANG, NYON MONGS PA MED PA'I CHOS RTOGS PAS MNGON PAR BSGRUBS PA'I DGON PA LA GNAS PA DANG, SANGS RGYAS KYI YE SHES 'THOB PAR BYED PAS MNGON PAR BSGRUBS PA'I NANG DU YANG DAG 'JOG PA DANG, SEMS CAN THAMS CAD NYON MONGS PA LAS RNAM PAR GROL BA'I RNAL 'BYOR GYIS MNGON PAR BSGRUBS PA'I RNAL 'BYOR SPYOD PA'I SA DANG, MTSAN DANG, DPE BYAD BZANG PO DANG, SANGS RGYAS KYI ZHING GI RGYAN DANG, SEMS CAN YONGS SU SMIN PAR BYED PAS MNGON PAR BSGRUBS PA'I BSOD NAMS KYI TSOGS DANG, SEMS CAN THAMS CAD KYI SEMS DANG, SPYOD PA LA CI RIGS PAR CHOS STON PAS MNGON PAR BSGRUBS PA'I YE SHES KYI TSOGS DANG, CHOS THAMS CAD LA BLANG BA MED PA DANG, DOR BA MED PA TSUL GCIG PA'I YE SHES KYIS MNGON PAR BSGRUBS PA'I SHES RAB KYI TSOGS DANG, NYON MONGS PA THAMS CAD DANG, BSGRIBS PA THAMS CAD DANG, MI DGE BA'I CHOS THAMS CAD SPONG BAS MNGON PAR BSGRUBS PA'I DGE BA'I RTZA BA THAMS CAD KYI TSOGS DANG, THAMS CAD MKHYEN PA'I YE SHES KHONG DU CHUD PA DANG, DGE BA'I CHOS KYIS MNGON PAR BSGRUBS PA'I BYANG @306B CHUB KYI PHYOGS KYI CHOS THAMS CAD YANG DAG PAR 'BYUNG BA DE NI, RIGS KYI BU, CHOS KYI MCHOD SBYIN TE CHOS KYI MCHOD SBYIN DE LA GNAS PA'I BYANG CHUB SEMS DPA' MCHOD SBYIN BYIN PA MCHOD SBYIN SHIN TU BYED PA YIN TE, LHA DANG BCAS PA 'JIG RTEN GYI SBYIN GNAS SU 'GYUR RO, ,BCOM LDAN 'DAS, DE LTA BUR KHYIM BDAG DES BSTAN PA 'DI BSHAD PA'I TSE BRAM ZE'I 'KHOR DE NAS BRAM ZE NYIS BRGYA BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,BDAG KYANG DAD CING NGO MTSAR DU GYUR TE, SKYES BU DAM PA'I RKANG PA LA PHYAG BGYIS NAS MU TIG GI DO SHAL BRGYA STONG RI BA BDAG GI MGUL NAS DKROL TE STZAL NA, DE MU TIG GI DO SHAL DE LEN DU MA BTUB NAS DE LA BDAG GIS, 'DI SKAD CES BGYIS SO; ;'DI LONG LA GANG LA MOS PA LA BYIN CIG CES BGYIS PA DANG, DER MU TIG GI DO SHAL BLANGS TE DUM BU GNYIS SU BGYIS NA, CHA GCIG NI MCHOD SBYIN GYI GNAS DE NA 'JIG RTEN THAMS CAD KYIS SMAD PA GRONG KHYER GYI NANG NA DBUL PO LA STZAL TO, ,CHA GCIG NI DE BZHIN GSHEGS PA BZOD PAR DKA' BA LA PHUL TE, JI LTAR 'KHOR DE DAG THAMS CAD KYIS SMIG RGYU'I 'JIG RTEN GYI KHAMS DE DANG, DE BZHIN GSHEGS PA BZOD PAR DKA' BA DE'ANG MTHONG ZHING MU TIG GI DO SHAL DE DE BZHIN GSHEGS PA BZOD PAR DKA' BA'I SPYI BO'I STENG @307A *, ,NA MU TIG GI DO SHAL GYI KHANG PA BRTZEGS PA, BKRA BA, BLTA NA SDUG PA, GRU BZHI LHAM PA, KA BA BZHI ZUG PA, NGOS MNYAM ZHING RAB TU RNAM PAR PHYE BA PHYUNG BA MTHONG BA DES DE LTA BU'I CHO 'PHRUL BSTAN NAS TSIG 'DI SKAD CES SMRAS SO, ,SBYIN PA PO SBYIN BDAG GANG JI LTAR DE BZHIN GSHEGS PA LA SBYIN GNAS SU 'DU SHES PA DE 'DRA BAR GRONG KHYER GYI DBUL PO DANG THA DAD PA MED PAR MNYAM ZHING SNYING RJE CHEN PO'I SEMS DANG, RNAM PAR SMIN PA LA MI RE BAS YONGS SU GTONG BA DE NI CHOS KYI MCHOD SBYIN YONGS SU RDZOGS PA'O ZHES BGYIS PA DANG, DE NAS GRONG KHYER GYI DBUL PO DES CHO 'PHRUL DE MTHONG, CHOS BSTAN PA DE'ANG THOS NAS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,BCOM LDAN 'DAS, DE'I SLAD DU BDAG SKYES BU DAM PA DE'I BRO 'DRI ZHING MCHI BAR MI SPRO'O, ,DE LTAR BYANG CHUB SEMS DPA' SEMS DPA' CHEN PO DE DAG THAMS CAD KYANG GANG SKYES BU DAM PA DE DANG, SKABS SU GTAM GANG DAG BRJOD PA SO SO'I BSTAN PA BSHAD DE 'GRO BAR MI SPRO'O, ,NYAN THOS DANG, BYANG CHUB SEMS DPA' GTANG BAR SMRAS PA'I LE'U STE GSUM PA'O,, ,,DE NAS BCOM LDAN 'DAS KYIS 'JAM DPAL GZHON NUR GYUR PA LA BKA' STZAL PA, 'JAM DPAL, @307B KHYOD LI TZA B'I DRI MA MED PAR GRAGS PA'I NAD 'DRIR SONG ZHIG ,'JAM DPAL GYIS KYANG GSOL PA, BCOM LDAN 'DAS, LI TZA B'I DRI MA MED PAR GRAGS PA NI BSNYEN PAR DKA' ZHING ZAB MO'I TSUL LA SPOBS PA RAB TU ZHUGS PA, TSIG SNEL ZHI DANG, RDZOGS PA'I TSIG SGRUB PA LA MKHAS PA, SPOBS PA RGYUN MI 'CHAD PA, SEMS CAN THAMS CAD LA KHONG KHRO BA MA MCHIS PA'I BLO DANG LDAN PA, BYANG CHUB SEMS DPA'I BGYI BA THAMS CAD TSAR PHYIN PA, BYANG CHUB SEMS DPA' THAMS CAD DANG, RANG SANGS RGYAS KYI GSANG BA'I GNAS LA SHIN TU ZHUGS PA, BDUD THAMS CAD KYI GNAS RNAM PAR ZLOG PA LA MKHAS PA, MNGON PAR SHES PA CHEN POS RNAM PAR RTZEN PA, THABS DANG, SHES RAB LAS NGES PAR 'BYUNG BA, CHOS KYI DBYING-SU GNYIS SU MA MCHIS SHING DBYER MA MCHIS PA'I SPYOD YUL GYI DAM PA'I MCHOG THOB PA CHOS KYI DBYINGS BKOD PA GCIG PA RNAM PA MTHA' YAS PA'I BKOD PAR CHOS STON PA LA MKHAS PA, SEMS CAN THAMS CAD KYI DBANG PO BKOD PA 'THOB PAR BGYID PA 'TSAL BA LA MKHAS PA, THABS MKHAS PA RTOGS PAR KHONG DU CHUD PA, DRIS PA GTAN LA 'BEBS PA THOB PA STE, DE NI GO CHA CHUNG DUS MGU BAR MI NUS KYIS, 'ON KYANG SANGS RGYAS KYI BYIN GYI RLABS KYIS DER MCHIS TE YANG DAG PA JI LTA BA DANG, MTHU JI LTA BA @308A *, ,BZHIN DU BSHAD PAR 'TSAL LO, ,DE NAS 'KHOR DE NA BYANG CHUB SEMS DPA' DE DAG DANG, NYAN THOS CHEN PO DE DAG DANG, BRGYA BYIN DANG, TSANGS PA DANG, 'JIG RTEN SKYONG BA DE DAG DANG, LHA'I BU DE DAG DANG, LHA'I BU MO DE DAG 'DI SNYAM DU SEMS SO, ,'JAM DPAL GZHON NUR GYUR PA DANG, SKYES BU DAM PA DE GNYIS SMRA BA LAS DER NI CHOS BSGRAGS PA'I GTAM CHEN PO GDON MI ZA BAR 'BYUNG NGO SNYAM STE, DE NAS BYANG CHUB SEMS DPA' BRGYA STONG DANG, NYAN THOS LNGA BRGYA TZAM DANG, BRGYA BYIN DANG, TSANGS PA DANG, 'JIG RTEN SKYONG BA SHIN TU MANG BA DANG, LHA'I BU BRGYA STONG PHRAG SHIN TU MANG PO RNAMS CHOS NYAN PA'I PHYIR 'JAM DPAL GZHON NUR GYUR PA'I PHYI BZHIN DONG NGO, ,DE NAS 'JAM DPAL GZHON NUR GYUR PA BYANG CHUB SEMS DPA' DE DAG DANG, NYAN THOS CHEN PO DE DAG DANG, BRGYA BYIN DANG, TSANGS PA DANG, 'JIG RTEN SKYONG BA DE DAG DANG, LHA'I BU DE DAG THAMS CAD KYIS YONGS SU BSKOR CING MDUN DU BDAR TE, YANGS PA'I GRONG KHYER CHEN POR ZHUGS SO, ,DE NAS LI TZA B'I DRI MA MED PAR GRAGS PA 'DI SNYAM DU SEMS TE, 'JAM DPAL GZHON NUR GYUR PA 'KHOR MANG PO DANG 'ONG GI ,BDAG GI KHYIM 'DI STONG PAR BYIN GYIS BRLAB BO SNYAM STE, DES KHYIM DE STONG @308B PAR BYIN GYIS BRLABS NAS DE NA SGO BA'ANG MED DO, ,KHRI GANG LA DRI MA MED PAR GRAGS PA NA BA NYAL ZHING 'DUG PA'I KHRI GCIG PO DE MA GTOGS PAR DE NA KHRI'AM, KHRI'U'AM, STAN GANG YANG MI SNANG NGO, ,DE NAS 'JAM DPAL 'KHOR DANG BCAS PA DRI MA MED PAR GRAGS PA'I GNAS GA LA BA DER DONG STE LHAGS NAS NANG DU 'ONGS PA DANG KHYIM DE STONG PAR MTHONG STE, DE NA SGO BA'ANG MED, DRI MA MED PAR GRAGS PA NYAL ZHING 'DUG PA'I KHRI GCIG PU DE LAS GZHAN KHRI 'AM, KHRI'U'AM, STAN MA MTHONG NGO, ,DE NAS LI TZA B'I DRI MA MED PAR GRAGS PAS 'JAM DPAL GZHON NUR GYUR PA MTHONG STE, MTHONG NAS 'DI SKAD CES SMRAS SO, ,'JAM DPAL, LEGS PAR 'ONGS SO, ,'JAM DPAL, SHIN TU LEGS PAR 'ONGS SO, , SNGON MA 'ONGS, MA MTHONG, MA THOS PA MTHONG NGO, ,'JAM DPAL GYIS SMRAS PA, KHYIM BDAG ,JI SKAD ZER BA DE BZHIN TE, GANG 'ONGS PA DE NI PHYIS MI 'ONG NGO, ,GANG SONG BA DE'ANG PHYIR MI 'GRO'O, ,DE CI'I PHYIR ZHE NA, MA 'ONGS PA LA 'ONG BAR SHES PA'ANG MED CING SONG BA LA'ANG 'GRO BAR SHES PA MED PA LA, GANG MTHONG BA DE NI PHYIR YANG BLTA BAR BYA BA MA YIN PA'I PHYIR RO, ,SKYES BU DAM PA KHYOD BZOD DAM, 'TSO 'AM, KHYOD KYI KHAMS RNAMS MI 'KHRUG GAM, KHYOD KYI NAD DE 'BYUNG NGAM, MI SKYE BA'AM, BCOM LDAN @309A *, ,'DAS KYANG KHYOD LA GNOD PA CHUNG NGAM, NYAM NGA BA NYUNG NGAM, NA BA NYUNG NGAM, BSKYOD PA YANG NGAM, 'TSO BA DANG, STOBS DANG, BDE BA DANG, KHA NA MA THO BA DANG, BDE BAR REG PA LA GNAS SAM ZHES GSUNG NGO, ,KHYIM BDAG ,KHYOD KYI NAD 'DI CI LAS BYUNG, BYUNG NAS CI SRID LON, JI LTAR GNAS, CI TZAM NA ZHI BAR 'GYUR, DRI MA MED PAR GRAGS PAS SMRAS PA, 'JAM DPAL, MA RIG PA DANG, SRED PA'I SRED PA JI SRID PAR KHO BO'I NAD 'DI'ANG DE SRID DO, ,SEMS CAN THAMS CAD KYI NAD JI SRID PAR KHO BO'I NAD KYANG DE SRID DO, ,NAM SEMS CAN THAMS CAD NAD DANG BRAL BAR GYUR PA DE NA KHO BO'I NAD KYANG MI 'BYUNG NGO, ,DE CI'I PHYIR ZHE NA, 'JAM DPAL, BYANG CHUB SEMS DPA'I 'KHOR BA'I GNAS NI SEMS CAN TE, NAD NI 'KHOR BA LA GNAS SO, ,NAM SEMS CAN THAMS CAD NAD DANG BRAL BAR GYUR PA DE NA BYANG CHUB SEMS DPA' YANG NAD MED PAR 'GYUR RO, ,'JAM DPAL, 'DI LTA STE, DPER NA, TSONG DPON GYI BU GCIG PA NA BAR GYUR NA DE NA BA'I PHYIR PHA MA GNYIS KYANG NA BAR 'GYUR RO, ,JI SRID DU BU GCIG PA DE NAD MED PAR MA GYUR PA DE SRID DU PHA MA GNYIS KYANG SDUG BSNGAL BAR 'GYUR TE, 'JAM DPAL, DE BZHIN DU BYANG CHUB SEMS DPA' SEMS CAN THAMS CAD @309B LA BU GCIG PA BZHIN DU SDUG PA YIN TE, SEMS CAN THAMS CAD NA BAS DE'ANG NA BAR 'GYUR, SEMS CAN LA NAD MED NA DE'ANG NA BA MED DO, ,GANG 'JAM DPAL, KHYOD NAD 'DI CI LAS BYUNG ZHES ZER BA'ANG BYANG CHUB SEMS DPA' RNAMS KYI NAD NI SNYING RJE CHEN PO LAS 'BYUNG NGO, ,'JAM DPAL GYIS SMRAS PA, KHYIM BDAG KHYOD KYI KHYIM 'DI STONG NA KHYOD LA GA-YOG 'GA' YANG MED DAM, SMRAS PA, 'JAM DPAL, SANGS RGYAS KYI ZHING THAMS CAD KYANG STONG NGO, ,SMRAS PA, CIS STONG, SMRAS PA, STONG PA NYID KYIS STONG NGO, ,SMRAS PA, STONG PA NYID LA STONG MA CI ZHIG YOD, SMRAS PA, KUN TU RTOG PA NI STONG PA NYID KYIS STONG PA'O, ,SMRAS PA, STONG PA NYID KUN TU BRTAG PAR NUS SAM, SMRAS PA, YONGS SU RTOG PA DE'ANG STONG PA STE, STONG PA NYID NI STONG PA NYID LA MI RTOG GO ,SMRAS PA, KHYIM BDAG ,STONG PA NYID GANG DU BTZAL, SMRAS PA, 'JAM DPAL, STONG PA NYID NI LTA BAR GYUR PA DRUG CU RTZA GNYIS LAS BTZAL LO, ,SMRAS PA, LTA BAR GYUR PA DRUG CU RTZA GNYIS GANG LAS BTZAL, SMRAS PA, DE DE BZHIN GSHEGS PA'I RNAM PAR GROL BA LAS BTZAL LO, ,SMRAS PA, DE BZHIN GSHEGS PA'I RNAM PAR GROL BA 'DI GANG LAS BTZAL, SMRAS PA, SEMS CAN THAMS CAD KYI SEMS DANG PO SPYOD PA LAS BTZAL LO, ,'JAM DPAL, GANG KHYOD LA GA-YOG @310A *, ,KYANG MED DAM ZHES ZER BA NI BDUD THAMS CAD DANG, PHAS KYI RGOL BA THAMS CAD NI KHO BO'I GA-YOG YIN NO, ,DE CI'I PHYIR ZHE NA, BDUD RNAMS NI 'KHOR BA'I BSNGAGS PA SMRA BA STE, 'KHOR BA NI BYANG CHUB SEMS DPA'I GA-YOG GO ,PHAS KYI RGOL BA RNAMS NI LTA BAR GYUR PA RNAMS KYI BSNGAGS PA SMRA BA STE, BYANG CHUB SEMS DPA' NI LTA BAR GYUR PA THAMS CAD LAS MI GA-YO'O, ,DE BAS NA BDUD THAMS CAD DANG, PHAS KYI RGOL BA THAMS CAD NI KHO BO'I GA-YOG GO ,'JAM DPAL GYIS SMRAS PA, KHYIM BDAG , KHYOD KYI NAD CI 'DRA, SMRAS PA, GZUGS MED CING BSTAN DU MED DO, ,SMRAS PA, NAD DE LUS DANG LDAN NAM, 'ON TE SEMS DANG LDAN, SMRAS PA, LUS DBEN PAS NA LUS DANG LDAN PA'ANG MA YIN, SEMS SGYU MA'I CHOS NYID PAS NA SEMS DANG YANG MI LDAN NO, ,SMRAS PA, KHYIM BDAG ,'DI LTA STE, SA'I KHAMS DANG, CHU'I KHAMS DANG, ME'I KHAMS DANG; RLUNG GI KHAMS DANG, NAM MKHA'I KHAMS 'DI BZHI LAS KHAMS GANG GNOD PAR 'GYUR, SMRAS PA, 'JAM DPAL, SEMS CAN THAMS CAD KYI NAD KHAMS DE LTA BU GANG YIN PA DES KHO BO'ANG NA'O, ,'JAM DPAL, JI LTAR NA BYANG CHUB SEMS DPAS BYANG CHUB SEMS DPA' NA BA YANG DAG PAR DGA' BAR BYA, 'JAM DPAL GYIS SMRAS PA, @310B LUS MI RTAG PA STE, YID BYUNG ZHING 'DOD CHAGS DANG BRAL BAS NI MA YIN NO, ,LUS SDUG BSNGAL BA STE, MYA NGAN LAS 'DAS PA LA DGA' BAS NI MA YIN NO, ,LUS BDAG MED PA STE, 'ON KYANG SEMS CAN SMIN PAR BYA BAS SO, ,LUS ZHI BA NYID KYIS TE, SHIN TU ZHI BAS NI MA YIN NO, ,NYES PAR SPYOD PA THAMS CAD BSTAN PA STE, 'PHO BAS NI MA YIN NO, ,BDAG NA BAS SEMS CAN GZHAN NA BA LA SNYING RJE BA DANG, SNGON GYI MTHA'I MU'I SDUG BSNGAL RJES SU DRAN PA DANG, SEMS CAN GYI DON BYA BA RJES SU DRAN PA DANG, DGE BA'I RTZA BA MNGON DU BYA BA DANG, GZOD MA NAS RNAM PAR DAG PA DANG, SRED PA MED PA DANG, RTAG TU BRTZON 'GRUS BRTZAMS PAS NAD THAMS CAD MED PAR BYED PA'I SMAN PA'I RGYAL POR 'GYUR RO ZHES DE LTAR BYANG CHUB SEMS DPAS BYANG CHUB SEMS DPA' NA BA YANG DAG PAR DGA' BAR BYA'O, ,'JAM DPAL GYIS SMRAS PA, RIGS KYI BU, BYANG CHUB SEMS DPA' NA PAS JI LTAR RANG GI SEMS NGES PAR BSAM PAR BYA, DRI MA MED PAR GRAGS PAS SMRAS PA, 'JAM DPAL, BYANG CHUB SEMS DPA' NA BAS NI BDAG GI SEMS LA 'DI LTAR NGES BAR BSAM PAR BYA'O, ,NAD NI SNGON GYI MTHA' NAS YOD PA MA YIN PA PHYIN CI LOG GI LAS KUN NAS LDANG BA LAS BYUNG NGO, ,YANG DAG PA MA YIN PA KUN TU RTOG PA'I NYON MONGS PA LAS BYUNG STE, DON DAM PAR NI @311A *, ,'DI LA GANG GI NA BA ZHES BYA BA'I CHOS DE GANG YANG MI DMIGS SO, ,DE CI'I PHYIR ZHE NA, 'BYUNG BA CHEN PO BZHI LAS GYUR PA'I LUS 'DI KHAMS 'DI DAG LA BDAG PO GANG YANG MED DE BSKYED PA'ANG MED DO, ,LUS 'DI LA BDAG MED DE, BDAG TU MNGON PAR ZHEN PA MA GTOGS PAR 'DI LA DON DAM PAR NA GANG NAD CES BYA BA DE MI DMIGS TE, DE BAS NA BDAG NI MNGON PAR ZHEN PA MED CING, NAD KYI RTZA BA KUN SHES PA LA GNAS PAR BYA'O ZHES DES BDAG TU 'DU SHES PA RGYUN BCAD DE CHOS KYI 'DU SHES BSKYED PAR BYA'O, ,LUS 'DI NI CHOS MANG PO 'DUS PA STE, SKYE BA NA'ANG CHOS KHO NA SKYE, 'GAG PA NA'ANG CHOS KHO NA 'GAG STE, CHOS DE DAG NI PHAN TSUN DU MI TSOR MI SHES TE, CHOS DE DAG SKYE BA NA'ANG 'DI SNYAM DU BDAG SKYE'O SNYAM DU MI SEMS SO, ,'GAG PA NA'ANG 'DI SNYAM DU BDAG 'GAG GO SNYAM DU MI SEMS SO, ,DES CHOS KYI 'DU SHES KUN SHES PAR BYA BA'I PHYIR SEMS BSKYED PAR BYA STE, GANG BDAG GIS 'DI LTAR CHOS SU 'DU SHES PA DE'ANG PHYIN CI LOG STE, PHYIN CI LOG NI NAD CHEN PO'O, ,BDAG NI NAD DANG BRAL BAR BYA STE, NAD RAB TU SPANG BA'I PHYIR BRTZON PAR BYA'O, ,DE LA NAD SPANG BA DE GANG ZHE NA, 'DI LTA STE, NGAR 'DZIN PA DANG, NGA YIR 'DZIN PA SPANG BA'O, ,NGAR 'DZIN PA DANG, NGA YIR @311B 'DZIN PA SPANG BA DE GANG ZHE NA, 'DI LTA STE, GNYIS DANG BRAL BA'O, ,DE LA GNYIS DANG BRAL BA GANG ZHE NA, 'DI LTA STE, NANG DANG, PHYI ROL TU KUN TU SPYOD PA MED PA'O,, DE LA NANG DANG, PHYI ROL TU KUN TU SPYOD PA DE GANG ZHE NA, 'DI LTA STE, MNYAM PA NYID LAS MI GA-YO BA, RAB TU MI GA-YO BA, RNAM PAR MI GA-YO BA'O, ,MNYAM PA NYID GANG ZHE NA, BDAG MNYAM PA NYID NAS MYA NGAN LAS 'DAS PA MNYAM PA NYID KYI BAR DU'O, ,DE CI'I PHYIR ZHE NA, 'DI LTA STE, BDAG DANG, MYA NGAN LAS 'DAS PA GNYIS KA'ANG STONG PA'I PHYIR RO, ,DE GNYIS KA CIS STONG ZHE NA, MING DU BRJOD PA DE GNYIS STONG STE, DE DAG KYANG YONGS SU MA GRUB PA'O, ,DE LTAR MNYAM PA NYID MTHONG BA DES NAD NYID GZHAN MA YIN, STONG PA NYID GZHAN DU MI BYED DE, NAD NYID STONG PA NYID DO, ,TSOR BA DE NI TSOR BA MED PAR RIG PAR BYA STE, DES TSOR BA 'GOG PA'ANG MNGON SUM DU MI BYA'O, ,SANGS RGYAS KYI CHOS YONGS SU RDZOGS PA LA TSOR BA GNYIS KA DOR MOD KYI NGAN 'GROR SKYES BA'I SEMS CAN THAMS CAD LA SNYING RJE CHEN PO MI SKYED PA'ANG MA YIN NO, ,JI LTAR SEMS CAN 'DI DAG LA TSUL BZHIN NGES BAR SEMS BAS NAD SEL BAR 'GYUR BA DE LTAR BYA'O, ,'DI DAG LA CHOS GANG YANG NYE BAR SBYAR BAR YANG MI BYA, BSAL BAR MI BYA STE, DE @312A *, ,GZHI GANG LAS NAD BYUNG BA DE YONGS SU SHES PAR BYA BA'I PHYIR DE DAG LA CHOS BSHAD PAR BYA'O, ,GZHI DE GANG ZHE NA, 'DI LTA STE, LHAG PAR DMIGS PA NI GZHI'O, ,LHAG PAR DMIGS PA'I GZHI LA JI TZAM DU DMIGS PA DE TZAM DU NAD KYI GZHI'O, ,CI LA LHAG PAR DMIGS SHE NA, KHAMS GSUM LA LHAG PAR DMIGS SO, ,LHAG PAR DMIGS PA'I GZHI YONGS SU SHES PA GANG ZHE NA, 'DI LTA STE, DMIGS PA MED CING MI DMIGS PA'O, ,GANG MI DMIGS PA DE NI LHAG PAR MI DMIGS PA'O, ,CI MI DMIGS ZHE NA, 'DI LTA STE, BDAG TU LTA BA DANG, PHA ROL TU LTA BA DANG, LTA BA GNYIS SU MI DMIGS TE, DES NA MI DMIGS PA ZHES BYA'O, ,'JAM DPAL, DE LTAR BYANG CHUB SEMS DPA' NA BAS RGA BA DANG, NA BA DANG, 'CHI BA DANG, SKYE BA SPANG BA'I PHYIR BDAG GI SEMS LA NGES PAR BSAM PAR BYA'O, ,'JAM DPAL, BYANG CHUB SEMS DPA' RNAMS KYI NAD NI DE LTA BU YIN TE, GAL TE DE LTA MA YIN DU ZIN NA, 'BAD PA DON MED PAR 'GYUR RO, ,'DI LTA STE, DPER BYA NA, PHYIR RGOL BA BCOM BAS DPA' BO ZHES BYA BA DE BZHIN DU RGA BA DANG, NA BA DANG, 'CHI BA'I SDUG BSNGAL ZHI BAR BYED PAS BYANG CHUB SEMS DPA' ZHES BYA'O, ,BYANG CHUB SEMS DPA' NA BA DES, @312B 'DI SNYAM DU JI LTAR BDAG GI NAD YANG DAG PA MA YIN ZHING YOD PA MA YIN PA DE BZHIN DU SEMS CAN THAMS CAD KYI NAD KYANG YANG DAG PA MA YIN ZHING YOD PA MA YIN NO ZHES BRTAG PAR BYA STE, DE DE LTAR RTOG PA NA PHAN YON DU LTA BAR MI LHUNG ZHING SEMS CAN RNAMS LA SNYING RJE CHEN PO SKYE STE, GLO BUR GYI NYON MONGS PA SPANG BA'I PHYIR MNGON PAR BRTZON PA'I SNYING RJE CHEN PO SEMS CAN RNAMS LA SKYE BA NI MA GTOGS SO, ,DE CI'I PHYIR ZHE NA, PHAN YON DU LTA BAR LTUNG BA'I SNYING RJE CHEN POS NI SKYE BA RNAMS SU BYANG CHUB SEMS DPA' SKYO BAR 'GYUR RO, , PHAN YON DU LTA BA'I KUN NAS LDANG BA DANG BRAL BA'I SNYING RJE CHEN POS NI BYANG CHUB SEMS DPA' SKYE BA RNAMS SU SKYO BAR MI 'GYUR RO, ,LTA BA KUN NAS LDANG BA KUN TU LDANG ZHING MI SKYE STE, DE SEMS KUN NAS LDANG BA MED PAR SKYE BAS DE GROL BZHIN DU SKYE, DE GROL BZHIN DU 'BYUNG NGO, ,GROL BZHIN DU SKYE ZHING GROL BZHIN DU 'BYUNG BAS SEMS CAN BCINGS PA RNAMS BCINGS PA LAS GROL BA'I CHOS STON PAR NUS SHING MTHU YOD DO, ,'DI LTA STE, BCOM LDAN 'DAS KYIS BDAG NYID BCINGS PAS PHA ROL BCINGS PA LAS DGROL BA DE NI GNAS MED DE, BDAG GROL BAS PHA ROL BCINGS BA LAS GROL BA DE NI GNAS YOD DO ZHES GSUNGS TE, DE BAS NA BYANG CHUB SEMS DPA' GROL BAR BYA YI, BCINGS BAR NI MI BYA'O, , @313A *, ,DE LA BCINGS PA GANG, GROL BA GANG ZHE NA, THABS MED PAR SRID PA'I GROL BA YONGS SU 'DZIN PA NI BYANG CHUB SEMS DPA'I BCINGS PA'O, ,THABS KYIS SRID PA'I 'GRO BAR 'JUG PA NI GROL BA'O, ,THABS MED PAS BSAM GTAN DANG, TING NGE 'DZIN DANG, SNYOMS PAR 'JUG PAR RO MYANG BA NI BYANG CHUB SEMS DPA'I BCINGS BA'O,, THABS KYIS BSAM GTAN DANG, TING NGE 'DZIN GYI RO MYANG BA NI GROL BA'O, ,THABS KYIS MA ZIN PA'I SHES RAB NI BCINGS PA'O, ,THABS KYIS ZIN PA'I SHES RAB NI GROL BA'O,, SHES RAB KYIS MA ZIN PA'I THABS NI BCINGS PA'O, ,SHES RAB KYIS ZIN PA'I THABS NI GROL BA'O, ,DE LA THABS KYIS MA ZIN PA'I SHES RAB BCINGS PA GANG ZHE NA, 'DI LTA STE; STONG PA NYID DANG, MTSAN MA MED PA DANG, SMON PA MED PA LA NGES PAR SEMS SHING, MTSAN DANG, DPE BYAD BZANG PO DANG, SANGS RGYAS KYI ZHING GI RGYAN DANG, SEMS CAN YONGS SU SMIN PAR BYA BA LA NGES PAR MI SEMS PA NI THABS KYIS MA ZIN PA'I SHES RAB STE BCINGS PA'O, ,DE LA THABS KYIS ZIN PA'I SHES RAB GROL BA GANG ZHE NA, 'DI LTA STE; MTSAN DANG, DPE BYAD BZANG PO DAG SANGS RGYAS KYI ZHING GI RGYAN DANG, SEMS CAN YONGS SU SMIN PAR BYA BA LA SEMS NGES PAR SEMS SHING STONG PA NYID DANG, MTSAN @313B MA MED PA DANG, SMON PA MED PA LA 'DRIS PAR BYED PA 'DI NI THABS KYIS ZIN PA'I SHES RAB STE GROL BA'O, ,DE LA SHES RAB KYIS MA ZIN PA'I THABS BCINGS PA GANG ZHE NA, 'DI LTA STE; LTA BA THAMS CAD DANG, NYON MONGS PA KUN NAS LDANG BA DANG, BAG LA NYAL DANG, RJES SU CHAGS PA DANG, KHONG KHRO BA LA GNAS PA'I DGE BA'I RTZA BA RTZOM PA THAMS CAD BYANG CHUB TU MI BSNGO BA NI SHES RAB KYIS MA ZIN PA'I THABS TE BCINGS PA'O, ,DE LA SHES RAB KYIS ZIN PA'I THABS GROL BA GANG ZHE NA, 'DI LTA STE, LTA BA THAMS CAD DANG, NYON MONGS PA KUN NAS LDANG BA DANG, BAG LA NYAL BA DANG, RJES SU CHAGS PA DANG, KHONG KHRO BA SPANGS PA'I DGE BA'I RTZA BA RTZOM PA THAMS CAD BYANG CHUB TU YONGS SU BSNGOS LA DES KYANG MI SNYEMS PA DE NI BYANG CHUB SEMS DPA'I SHES RAB KYIS ZIN PA'I THABS TE GROL BA'O, ,'JAM DPAL, DE LA BYANG CHUB SEMS DPA' NA BAS DE LTAR CHOS DE DAG LA NGES PAR BSAM PAR BYA STE; GANG LUS DANG, SEMS DANG, NAD LA MI RTAG PA DANG, SDUG BSNGAL BA DANG, STONG PA DANG, BDAG MED PAR RTOGS PA DE NI DE'I SHES RAB BO, ,GANG YANG LUS KYI NAD YONGS SU SPONG BAS MI SKYE STE, 'KHOR BA'I RGYUN MI GCOD CING SEMS CAN GYI DON SBYOR BA LA RJES SU SBYOR BA 'DI NI DE'I THABS SO, ,GZHAN YANG, GANG LUS DANG, SEMS DANG, NAD RNAMS @314A *, ,PHAN TSUN DU GCIG NAS GCIG TU GSAR PAR YANG MA YIN, RNYING PA'ANG MA YIN PAR RTOG PA DE NI DE'I SHES RAB BO, ,GANG YANG LUS DANG, SEMS DANG; NAD RNAMS SHIN TU ZHI BA DANG, 'GOG PA MI SKYED PA DE NI DE'I THABS SO, ,'JAM DPAL, DE LTAR BYANG CHUB SEMS DPA' NA BAS RANG GI SEMS NGES PAR BSAM PAR BYA MOD KYI DES NGES PAR SEMS PA DANG, NGES PAR MI SEMS PAR MI BYA'O, ,DE CI'I PHYIR ZHE NA, GAL TE NGES PAR SEMS PA LA GNAS NA DE NI BYIS PA'I CHOS SO, ,CI STE NGES PAR MI SEMS PA LA GNAS NA DE NI NYAN THOS KYI CHOS SO, ,DE LTA BAS NA BYANG CHUB SEMS DPAS NGES PAR SEMS PA DANG, MI SEMS PA LA GNAS PAR MI BYA'O, ,GANG DE LA MI GNAS PA NI BYANG CHUB SEMS DPA'I SPYOD YUL TE, GANG SO SO'I SKYE BO'I SPYOD YUL YANG MA YIN, 'PHAGS PA'I SPYOD YUL YANG MA YIN PA DE NI BYANG CHUB SEMS DPA'I SPYOD YUL LO, ,GANG 'KHOR BA'ANG SPYOD YUL LA NYON MONGS PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG MYA NGAN LAS 'DAS PAR RTOG PAR YANG SPYOD YUL LA GTAN DU YONGS SU MYA NGAN LAS 'DAS PAR YANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG BDUD BZHI STON PA'ANG SPYOD YUL LA @314B BDUD KYI YUL THAMS CAD LAS YANG DAG PAR 'DAS PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG THAMS CAD MKHYEN PA'I YE SHES TSOL BA'ANG SPYOD YUL LA DUS MA YIN PAR YE SHES 'THOB PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG BDEN PA BZHI SHES PA'ANG SPYOD YUL LA DUS MA YIN PAR BDEN PA RTOGS PAR BYED PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG NAD DU SO SOR RTOG PA'ANG SPYOD YUL LA BSAMS BZHIN DU SRID PAR SKYE BA YONGS SU 'DZIN PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG MI SKYE BA SO SOR RTOG PA'ANG SPYOD YUL LA NGES PAR GYUR PA LA 'JUG PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG RTEN CING 'PREL PAR 'BYUNG BA'I YANG SPYOD YUL LA LTA BA THAMS CAD KYI YUL YANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG SEMS CAN THAMS CAD KYI 'DU 'DZI'ANG SPYOD YUL LA NYON MONGS PA'I BAG LA NYAL YANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG DBEN PA'ANG SPYOD YUL LA LUS DANG, SEMS ZAD PA'I GNAS KYANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG KHAMS GSUM YANG SPYOD YUL @315A *, ,LA CHOS KYI DBYINGS DBYE BAR BYA BA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG STONG PA NYID KYANG SPYOD YUL LA YON TAN GYI RNAM PA THAMS CAD TSOL PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG MTSAN MA MED PA'ANG SPYOD YUL LA SEMS CAN RAB TU GROL BAR BYA BA LA DMIGS SHING RTOG PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG SMON PA MED PA'ANG SPYOD YUL LA BSAMS BZHIN DU SRID PA'I 'GRO BAR STON PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG MNGON PAR 'DU MI BYED PA'ANG SPYOD YUL LA DGE BA'I RTZA BA THAMS CAD MNGON PAR 'DU BYED PA RGYUN MI GCOD PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG PHA ROL TU PHYIN PA DRUG KYANG SPYOD YUL LA SEMS CAN THAMS CAD KYI SEMS DANG, SPYOD PA'I PHA ROL TU 'GRO BAR YANG SPYOD YUL BA DE NI BYANG CHUB SEMS DPA'I SPYOD YUL LO, ,GANG MNGON PAR SHES PA DRUG KYANG SPYOD YUL LA ZAG PA ZAD PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG DAM PA'I CHOS LA GNAS PA'ANG SPYOD YUL LA LAM NGAN PA LA MI DMIGS PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG TSAD MED PA BZHI LA'ANG SPYOD YUL @315B LA TSANGS PA'I 'JIG RTEN DU SKYE BA LA MI REG PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG RJES SU DRAN PA DRUG KYANG SPYOD YUL LA ZAG PA THAMS CAD KYANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG BSAM GTAN DANG, TING NGE 'DZIN DANG, SNYOMS PAR 'JUG PA'ANG SPYOD YUL LA TING NGE 'DZIN DANG, SNYOMS PAR 'JUG PA'I DBANG GIS MI SKYE BA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG DRAN PA NYE BAR GZHAG PA'ANG SPYOD YUL LA LUS DANG, TSOR BA DANG, SEMS DANG, CHOS KYANG SHIN TU SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG YANG DAG PAR SPONG BA'ANG SPYOD YUL LA DGE BA DANG ,MI DGE BA GNYIS SU DMIGS PA'ANG SPYOD YUL MA YIN PA DE NI BYANG CHUB SEMS DPA'I SPYOD YUL LO, ,GANG RDZU 'PHRUL GYI RKANG PA SGRUB PA'ANG SPYOD YUL LA LHUN GYIS GRUB PA'I RDZU 'PHRUL GYI RKANG PA LA DBANG SGYUR BA'ANG SPYOD YUL PA DE NI BYANG CHUB SEMS DPA'I SPYOD YUL LO, ,GANG DBANG PO LNGA'I YANG SPYOD YUL LA SEMS CAN THAMS CAD KYI DBANG PO MCHOG DANG, MCHOG MA YIN PA SHES PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG STOBS LNGA LA GNAS PA'ANG SPYOD YUL LA DE BZHIN GSHEGS PA'I STOBS BCU LA MNGON PAR DGA' BA'ANG SPYOD YUL BA DE NI BYANG CHUB @316A *, ,SEMS DPA'I SPYOD YUL LO, ,GANG BYANG CHUB KYI YAN LAG BDUN YONGS SU GRUB PA'ANG SPYOD YUL LA BLO RAB TU DBYE BA SHES PA LA MKHAS PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG LAM LA GNAS PA'ANG SPYOD YUL LA LAM NGAN PA LA MI DMIGS PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG ZHI GNAS DANG, LHAG MTHONG GI TSOGS TSOL BA'ANG SPYOD YUL LA SHIN TU ZHI BAR MI LTUNG BA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG CHOS THAMS CAD SKYED PA MED PA'I MTSAN NYID DU RTOG PA'ANG SPYOD YUL LA MTSAN DANG, DPE BYAD BZANG PO DANG, SANGS RGYAS KYI SKU DANG, RGYAN YONGS SU SGRUB PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG NYAN THOS DANG, RANG SANGS RGYAS KYI TSUL STON PA'ANG SPYOD YUL LA SANGS RGYAS KYI CHOS LAS MI NYAMS PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG RANG BZHIN RAB TU RNAM PAR DAG PAR GYUR PA'I CHOS THAMS CAD KYI RJES SU 'GRO BA'ANG SPYOD YUL LA SEMS CAN THAMS CAD JI LTAR MOS BA BZHIN DU SPYOD LAM STON PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG SANGS RGYAS KYI ZHING THAMS CAD LA SHIN TU 'JIG PA DANG, 'CHAGS PA MED @316B PA NAM MKHA'I RANG BZHIN DU RTOGS PA'ANG SPYOD YUL LA SNA TSOGS SU BKOD PA DANG, DU MAR BKOD PA SANGS RGYAS KYI ZHING GI YON TAN BKOD PA STON PA'ANG SPYOD YUL BA DE NI BYANG CHUB SEMS DPA'I SPYOD YUL LO, ,GANG CHOS KYI 'KHOR LO RAB TU BSKOR BA DANG, YONGS SU MYA NGAN LAS 'DAS PA CHEN PO STON PA'ANG SPYOD YUL LA BYANG CHUB SEMS DPA'I SPYOD PA MI GTONG BA'ANG SPYOD YUL BA DE NI BYANG CHUB SEMS DPA'I SPYOD YUL LO, ,BSTAN PA 'DI BSHAD PA NA 'JAM DPAL GZHON NUR GYUR BA DANG LHAN CIG TU LHAGS PA'I LHA'I BU DE DAG LAS LHA'I BU BRGYAD STONG BLA NA MED PA YANG DAG PAR RDZOGS PA'I BYANG CHUB TU SEMS SKYES SO, ,NA BA YANG DAG PAR DGA' BAR BYA BA'I LE'U STE BZHI PA'O,, ,,DE NAS TSE DANG LDAN PA SH'A RI'I BU 'DI SNYAM DU SEMS TE, KHYIM 'DI NA STAN DAG KYANG MED NA BYANG CHUB SEMS DPA' 'DI DAG DANG, NYAN THOS CHEN PO 'DI DAG CI LA 'KHOD SNYAM MO, ,DE NAS LI TZA BA'I DRI MA MED PAR GRAGS PAS TSE DANG LDAN PA SH'A RI'I BU'I SEMS KYI RTOG PA SHES NAS TSE DANG LDAN PA SH'A RI'I BU LA 'DI SKAD CES SMRAS SO, ,BTZUN PA SH'A RI'I BU, CI CHOS 'DOD DE 'ONGS SAM, 'ON TE STAN 'DOD, SMRAS PA, KHO BO NI CHOS 'DOD DE 'ONGS KYI, STAN 'DOD PA NI MA YIN NO, ,SMRAS PA, BTZUN PA SH'A RI'I BU, DE BAS NA GANG CHOS 'DOD PA DE @317A *, ,BDAG GI LUS KYANG 'DOD PA MA YIN NA, STAN 'DOD PAR LTA GA LA 'GYUR, BTZUN PA SH'A RI'I BU, GANG CHOS 'DOD PA DE NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA 'DOD PA MA YIN NO, ,PHUNG PO DANG, KHAMS DANG, SKYE MCHED 'DOD PA MA YIN NO, ,GANG CHOS 'DOD PA DE NI 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS 'DOD PA MA YIN NO, ,GANG CHOS 'DOD PA DE NI SANGS RGYAS LA MNGON PAR ZHE NA PA 'DOD PA MA YIN, CHOS DANG, DGE 'DUN LA MNGON PAR ZHEN PA 'DOD PA MA YIN NO, ,BTZUN PA SH'A RI'I BU, GZHAN YANG, GANG CHOS 'DOD PA DE NI SDUG BSNGAL YONGS SU SHES PAR 'DOD PA MA YIN; KUN 'BYUNG BA SPANG BAR 'DOD PA MA YIN, 'GOG PA MNGON DU BYA BAR 'DOD PA MA YIN, LAM BSGOM PAR 'DOD PA MA YIN NO, ,DE CI'I PHYIR ZHE NA, CHOS NI SPROS PA MED PA, YI GE MED PA STE, DE LA SDUG BSNGAL SHES PAR BYA, KUN 'BYUNG BA SPANG BAR BYA, 'GOG PA MNGON DU BYA, LAM BSGOM PAR BYA'O ZHES GANG 'PHROS PAR BYED PA DE NI CHOS 'DOD PA MA YIN TE, DE NI SPROS PA 'DOD PA'O, ,BTZUN PA SH'A RI'I BU, CHOS NI NYE BAR ZHI ZHING RAB TU ZHI BA STE, DE LA GANG DAG SKYE BA DANG, 'JIG PA LA SPYOD PA DE DAG NI @317B CHOS 'DOD PA MA YIN, DBEN PA 'DOD PA MA YIN TE, DE NI SKYE BA DANG, 'JIG PA 'DOD PA'O, ,BTZUN PA SH'A RI'I BU, GZHAN YANG, CHOS NI RDUL MED CING RDUL DANG BRAL PA STE, DE LA GANG DAG CHOS GANG LA CHAGS NA THA NA MYA NGAN LAS 'DAS PA LA'ANG RUNG STE, DE DAG NI CHOS 'DOD PA MA YIN GYI, DE DAG NI 'DOD CHAGS KYI RDUL 'DOD PA'O, ,CHOS NI YUL MA YIN TE , GANG DAG YUL BGRANG BA DE DAG NI CHOS 'DOD PA MA YIN GYI, DE DAG NI YUL 'DOD PA'O, ,CHOS NI BLANG BA MED PA, DOR BA MED PA STE, GANG DAG CHOS GANG LA 'DZIN PA DANG, GTONG BA DE DAG NI CHOS 'DOD PA MA YIN TE, DE DAG NI 'DZIN BA DANG, GTONG BA 'DOD PA'O, ,CHOS NI KUN GZHI MED PA STE, GANG KUN GZHI LA DGA' BA DE DAG NI CHOS 'DOD PA MA YIN GYI, DE DAG NI KUN GZHI 'DOD PA'O, ,CHOS NI MTSAN MA MED PA STONG PA STE, GANG DAG GI RNAM PAR SHES PA MTSAN MA'I RJES SU 'JUG PA DE DAG NI CHOS 'DOD PA MA YIN TE, DE DAG NI MTSAN MA 'DOD PA'O, ,CHOS NI LHAN CIG GNAS PA MA YIN TE, GANG SU DAG CHOS DANG LHAN CIG GNAS PA DE DAG NI CHOS 'DOD PA MA YIN GYI, DE DAG NI GNAS PA 'DOD PA'O, ,CHOS NI MTHONG BA DANG, THOS PA DANG, BYE BRAG PHYED PA DANG, RNAM PAR RIG PA MA YIN TE, GANG DAG MTHONG BA DANG, THOS PA DANG, BYE BRAG PHYED PA DANG, RNAM PAR RIG PA LA SPYOD PA @318A *, ,DE DAG NI MTHONG BA DANG, THOS PA DANG, BYE BRAG PHYED PA DANG, RNAM PAR RIG PA 'DOD PA YIN GYI DE DAG NI CHOS 'DOD PA MA YIN NO, ,BTZUN PA SH'A RI'I BU, CHOS NI 'DUS BYAS DANG, 'DUS MA BYAS MED PA STE, GANG DAG 'DUS BYAS SPYOD YUL BA DE DAG NI CHOS 'DOD PA MA YIN GYI DE DAG NI 'DUS BYAS SU 'DZIN PA 'DOD PA'O, ,BTZUN PA SH'A RI'I BU, DE LTA BAS NA KHYOD CHOS 'DOD PAR BYA NA KHYOD KYIS CHOS THAMS CAD MI 'DOD PAR BYA'O, ,CHOS BSTAN PA 'DI BSHAD PA NA LHA'I BU LNGA BRGYA CHOS RNAMS LA CHOS KYI MIG RNAM PAR DAG GO ,DE NAS LI TZA BA'I DRI MA MED PAR GRAGS PAS 'JAM DPAL GZHON NUR GYUR BA LA SMRAS PA, 'JAM DPAL, KHYOD KYIS PHYOGS BCU'I SANGS RGYAS KYI ZHING BRGYA STONG GRANGS MED PA DAG TU SANGS RGYAS KYI ZHING RGYU ZHING 'GRO BA NA SANGS RGYAS KYI ZHING GANG NA SANG GE'I KHRI THAMS CAD KYI MCHOG YON TAN THAMS CAD DANG LDAN PA DAG MTHONG, DE SKAD CES SMRAS PA DANG, 'JAM DPAL GZHON NUR GYUR BAS LI TZA BA'I DRI MA MED PAR GRAGS PA LA 'DI SKAD CES SMRAS SO, ,RIGS KYI BU, 'DI NAS SHAR PHYOGS SU SANGS RGYAS KYI ZHING GANG-G'A'I ?KLUNG SUM CU RTZA GNYIS KYI BYE MA SNYED 'DAS PA NA 'JIG RTEN GYI KHAMS LHUN PO'I RGYAL MTSAN ZHES BYA BA YOD DE, ,DE NA DE BZHIN GSHEGS PA LHUN PO'I SGRON ME'I @318B RGYAL PO ZHES BYA BA BZHUGS TE 'TSO ZHING GZHES SO, ,DE BZHIN GSHEGS PA DE'I SKU NI DPAG TSAD 'BUM PHRAG BRGYAD CU RTZA BZHI'O, ,BCOM LDAN 'DAS DE'I SENG GE'I KHRI'I TSAD NI DPAG TSAD 'BUM PHRAG DRUG CU RTZA BRGYAD DO, ,BYANG CHUB SEMS DPA' DE DAG GI LUS KYANG DPAG TSAD 'BUM PHRAG BZHI BCU RTZA GNYIS SO, ,BYANG CHUB SEMS DPA' DE DAG GI SENG GE'I KHRI'ANG DPAG TSAD 'BUM PHRAG SUM CU RTZA BZHI YOD DE, RIGS KYI BU, DE BZHIN GSHEGS PA LHUN PO'I SGRON ME'I RGYAL PO DE'I SANGS RGYAS KYI ZHING 'JIG RTEN GYI KHAMS LHUN PO'I RGYAL MTSAN DE NA SENG GE'I KHRI THAMS CAD KYI MCHOG YON TAN THAMS CAD DANG LDAN PA DAG YOD DO, ,DE NAS LI TZA BA'I DRI MA MED PAR GRAGS PAS DE'I TSE DE LTA BU'I BSAM PA KUN BSAMS SHING, 'DI LTA BU'I RDZU 'PHRUL 'DI MNGON PAR 'DU BYED PA MNGON PAR BYAS TE, GANG 'JIG RTEN GYI KHAMS LHUN PO'I RGYAL MTSAN DE NA BCOM LDAN 'DAS DE BZHIN GSHEGS PA LHUN PO'I SGRON MA'I RGYAL PO DES SENG GE'I KHRI SUM KHRI NYIS STONG BSKUR TE, DE TZAM DU 'PHANG MTHO BA, DE TZAM DU YANGS PA, DE TZAM DU BLTA NA SDUG PA, GANG BYANG CHUB SEMS DPA' DE DAG DANG, NYAN THOS CHEN PO DE DAG DANG, BRGYA BYIN DANG, TSANGS PA DANG, 'JIG RTEN SKYONG BA DANG, LHA'I BU DE DAG GIS SNGON MA MTHONG BA DE DAG STENG GI @319A *, ,NAM MKHA' LAS 'ONGS TE, LI TZA BA'I DRI MA MED PAR GRAGS PA'I KHYIM DU SO SOR GNAS SO, ,SENG GE'I KHRI SNA TSOGS SUM KHRI NYIS STONG MA ZLOS PAR SHONG STE, KHYIM DE'ANG DE TZAM DU YANGS PAR SNANG NGO, ,YANGS PA'I GRONG KHYER CHEN PO'ANG BSGRIBS PAR GYUR PA MED, DZAM-BU'I ?GLING DANG, GLING BZHI PA'ANG BSGRIBS PA MED DE, DE DAG THAMS CAD KYANG SNGON JI LTA BA BZHIN DU SNANG NGO, ,DE NAS LI TZA BA'I DRI MA MED PAR GRAGS PAS 'JAM DPAL GZHON NUR GYUR PA LA 'DI SKAD CES SMRAS SO, ,'JAM DPAL, SENG GE'I KHRI DANG 'TSAM PA'I LUS SU BYIN GYIS BRLABS NAS BYANG CHUB SEMS DPA' 'DI DAG DANG SENG GE'I KHRI LA 'DUG CIG ,DE NAS BYANG CHUB SEMS DPA' GANG MNGON PAR SHES PA THOB PA DE DAG NI BDAG GI LUS DPAG TSAD 'BUM PHRAG BZHI BCU RTZA GNYIS PAR BYIN GYIS BRLABS TE SENG GE'I KHRI LA 'KHOD DO, ,BYANG CHUB SEMS DPA' GANG DAG LAS DANG PO PA DE DAG NI SENG GE'I KHRI DE DAG LA 'DUG MA NUS SO, ,DE NAS LI TZA BA'I DRI MA MED PAR GRAGS PAS JI LTAR BYANG CHUB SEMS DPA' DE DAG MNGON PAR SHES PA LNGA 'GRUB PAR 'GYUR BA DE LTA DE LTA BUR BYANG CHUB SEMS DPA' DE DAG LA CHOS BSTAN TE, DE DAG GIS MNGON PAR SHES PA THOB NAS LUS DPAG TSAD 'BUM @319B PHRAG BZHI BCU RTZA GNYIS PAR MNGON PAR SGRUB TE SENG GE'I KHRI DA DAG LA 'KHOD DO, ,NYAN THOS CHEN PO DE DAG KYANG SENG GE'I KHRI DE DAG LA 'KHOD MA NUS TE, DE NAS LI TZA BA'I DRI MA MED PAR GRAGS PAS TSE DANG LDAN PA SH'A RI'I BU LA SMRAS PA, BTZUN PA SH'A RI'I BU, SENG GE'I KHRI LA 'DUG CIG ,SMRAS PA, SKYES BU DAM PA, SENG GE'I KHRI 'DI DAG MTHO ZHING CHE BAS 'DUG MI NUS SO, ,SMRAS PA, BTZUN PA SH'A RI'I BU, BCOM LDAN 'DAS DE BZHIN GSHEGS PA LHUN PO'I SGRON MA'I RGYAL PO DE LA PHYAG GYIS SHIG DANG, 'DUG NUS PAR 'GYUR RO, , DE NAS NYAN THOS CHEN PO DE DAG GIS BCOM LDAN 'DAS DE BZHIN GSHEGS PA LHUN PO'I SGRON MA'I RGYAL PO DE LA PHYAG BTZAL NAS GDOD DE DAG SENG GE'I KHRI LA 'KHOD DO, ,DE NAS TSE DANG LDAN PA SH'A RI'I BUS LI TZA BA'I DRI MA MED PAR GRAGS PA LA 'DI SKAD CES SMRAS SO, ,RIGS KYI BU, KHYIM CHUNG NGU'I NANG DU SENG GE'I KHRI 'DI LTA BU'I MTHO ZHING CHE BA SNA TSOGS 'DI LTA BU STONG PHRAG 'DI SNYED CHUD PA DANG, 'DI DAG GIS YANGS PA'I GRONG KHYER CHEN PO'ANG BSGRIBS PAR MA GYUR, DZAM-BU'I GLING GI GRONG DANG, GRONG KHYER DANG, GRONG RDAL DANG, YUL 'KHOR DANG; RGYAL PO'I 'KHOR DANG, GLING CHEN PO BZHI LA'ANG CUNG ZAD KYANG MA BSGRIBS, LHA DANG, KLU DANG, GNOD SBYIN DANG, DRI ZA DANG, LHA MA YIN DANG, NAM MKHA' LDING @320A *, ,DANG MI'AM CI DANG, LTO 'PHYE CHEN PO'I GNAS RNAMS KYANG BSGRIBS PAR MA GYUR TE, SNGON CI 'DRA BA PHYIS KYANG DE BZHIN DU SNANG BA NI NGO MTSAR TO, ,LI TZA B'I DRI MA MED PAR GRAGS PAS SMRAS PA, BTZUN PA SH'A RI'I BU, DE BZHIN GSHEGS PA DANG, BYANG CHUB SEMS DPA' RNAMS LA NI RNAM PAR THAR PA BSAM GYIS MI KHYAB PA ZHES BYA BA YOD DE, RNAM PAR THAR PA BSAM GYIS MI KHYAB PA DE LA GNAS PA'I BYANG CHUB SEMS DPA' NI RI'I RGYAL PO RI RAB DE TZAM DU MTHO BA, DE TZAM DU CHE BA, DE TZAM DU 'PHAGS PA; DE TZAM DU YANGS PA'ANG YUNGS 'BRU'I NANG DU 'JUG STE, YUNGS 'BRU DE'ANG SKYES PA'ANG MED, RI RAB KYANG GANG BA'ANG MED LA BYA BA DE'ANG STON TO, ,RGYAL CHEN BZHI'I RIS KYI LHA RNAMS DANG, SUM CU RTZA GSUM PA'I LHA RNAMS KYANG BDAG CAG GANG DU BCUG MI SHES SO, ,RDZU 'PHRUL GYIS 'DUL BA'I SEMS CAN GZHAN DAG GIS NI RI'I RGYAL PO RI RAB DE YUNGS 'BRU'I NANG DU BCUG PAR SHES SHING MTHONG NGO, ,DE NI BTZUN PA SH'A RI'I BU, BYANG CHUB SEMS DPA' RNAMS KYI RNAM PAR THAR PA BSAM GYIS MI KHYAB PA'I YUL LA 'JUG PA'O, ,BTZUN PA SH'A RI'I BU, GZHAN YANG, RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RGYA MTSO CHEN PO BZHI'I CHU'I PHUNG @320B PO RNAMS SPU'I KHUNG BU GCIG TU BLUGS TE; NYA DANG, RUS SBAL DANG, CHU SRIN BYIS PA GSOD DANG, SBAL PA DANG, CHU LAS SKYES PA'I SROG CHAGS GZHAN DAG LA'ANG GNOD PAR GYUR PA MED, KLU DANG, GNOD SBYIN DANG, DRI ZA DANG, LHA MA YIN RNAMS KYANG 'DI SNYAM DU BDAG CAG GAR BTZUD SNYAM YANG MI SEMS LA, BYA BA DE'ANG SNANG ZHING SEMS CAN DE DAG LA GNOD CING 'KHRUG PAR GYUR PA'ANG MED DO, ,STONG GSUM GYI STONG CHEN PO'I 'JIG RTEN GYI KHAMS 'DI'ANG RDZA MA KHAN GYI 'KHOR LO BZHIN LAG PA GA-YAS PAS BLANGS TE BSKOR NAS 'JIG RTEN GYI KHAMS GANG-G'A'I KLUNG GI BYE MA SNYED DU 'PHANGS KYANG SEMS CAN RNAMS BDAG CAG GANG DU PHYUNG, GANG NAS 'ONGS MI SHES SO, ,SLAR YANG BLANGS NAS GNAS BZHIN DU BZHAG KYANG 'ONG BA DANG, 'GRO BAR MI SHES MOD KYI BYA BA DE'ANG KUN TU SNANG NGO, ,BTZUN PA SH'A RI'I BU, GZHAN YANG, 'KHOR BA TSAD MED PAS 'DUL BA'I SEMS CAN DAG KYANG YOD, 'KHOR BA BSTUNG BAS 'DUL BA DAG KYANG YOD DE, DE LA RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' NI 'KHOR BA TSAD MED PAS 'DUL BA'I SEMS CAN RNAMS 'DUL BA'I DBANG GI PHYIR ZHAG BDUN YANG BSKAL PA 'DAS PAR STON TE, 'KHOR BA BSTUNG BAS 'DUL BA'I SEMS CAN RNAMS LA NI BSKAL PA'ANG ZHAG @321A *, ,BDUN GYIS 'DAS PAR STON TO, ,DE LA 'KHOR BA TSAD MED PAS 'DUL PA'I SEMS CAN RNAMS NI ZHAG BDUN LA'ANG BSKAL PA 'DAS PA SNYAM DU SHES SO, ,GANG 'KHOR BA BSTUNG BAS 'DUL BA'I SEMS CAN DE DAG NI BSKAL PA'ANG ZHAG BDUN GYIS 'DAS PAR SHES SO, ,DE LTAR RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' NI SANGS RGYAS KYI ZHING THAMS CAD KYI YON TAN BKOD PA RNAMS SANGS RGYAS KYI ZHING GCIG TU STON TO, ,SEMS CAN THAMS CAD KYANG LAG PA GA-YAS PA'I MTHIL DU BZHAG STE, SEMS KYI MGYOGS PA'I RDZU 'PHRUL GYIS 'GRO ZHING SANGS RGYAS KYI ZHING KUN TU STON KYANG SANGS RGYAS KYI ZHING GCIG NAS KYANG MA GA-YOS SO, ,PHYOGS BCU'I SANGS RGYAS BCOM LDAN 'DAS LA MCHOD PA JI SNYED YOD PA DE THAMS CAD SPU'I KHUNG BU GCIG TU STON TO, ,PHYOGS BCU NA ZLA BA DANG, NYI MA DANG, SKAR MA'I GZUGS JI SNYED YOD PA DE THAMS CAD KYANG SPU'I KHUNG BU GCIG TU STON TO, ,PHYOGS BCU NA RLUNG GI DKYIL 'KHOR LDANG BA JI SNYED PA DE THAMS CAD KHA'I NANG DU BRDUBS KYANG DE'I LUS ZHIG PA'ANG MED CING SANGS RGYAS KYI ZHING DE DAG GI RTZWA DANG, NAGS TSAL RNAMS NYAL BA'ANG MED DO, ,PHYOGS BCU'I SANGS RGYAS KYI ZHING RNAMS SREG PA'I BSKAL @321B PAS TSIG PA'I ME'I PHUNG PO DE KUN RANG GI LTOR BCUG KYANG GANG DES LAS BYA BA DE'ANG BYED DO, ,'OG TU SANGS RGYAS KYI ZHING GANG-G'A'I KLUNG GI BYE MA SNYED 'DAS PA NAS SANGS RGYAS KYI ZHING DE STENG DU BYUNG STE BTEG NAS, GYEN DU SANGS RGYAS KYI ZHING GANG-G'A'I KLUNG GI BYE MA SNYED 'DAS PAR STENG DU 'JOG STE, 'DI LTA STE, DPER NA, SKYES BU MTHU CHEN PO ZHIG GIS KHAB KYI RTZE MOS RGYA SHUG GI LO MA LA BTZUGS TE BTEG PA BZHIN NO, ,DE LTAR RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' SEMS CAN THAMS CAD 'KHOR LOS BSGYUR BA'I GZUGS SU BYIN GYIS RLOB BO, ,DE BZHIN DU 'JIG RTEN SKYONG BA'I GZUGS SU BYIN GYIS RLOB BO, ,BRGYA BYIN GYI GZUGS SU BYIN GYIS RLOB BO, ,TSANGS PA'I GZUGS SU BYIN GYIS RLOB BO, ,NYAN THOS KYI GZUGS SU BYIN GYIS RLOB BO, ,RANG SANGS RGYAS KYI GZUGS SU BYIN GYIS RLOB BO, ,BYANG CHUB SEMS DPA'I GZUGS SU BYIN GYIS RLOB BO, ,SEMS CAN THAMS CAD SANGS RGYAS KYI GZUGS SU BYIN GYIS RLOB BO, ,PHYOGS BCU NA SEMS CAN RAB 'BRING THA MA THAMS CAD KYI SGRAR GRAGS PA DANG, SGRAR BTAGS PA GANG JI SNYED PA DE DAG THAMS CAD SANGS RGYAS KYI GSUNG DBYANGS DANG, SANGS RGYAS KYI SGRA DANG, CHOS KYI SGRA DANG, DGE 'DUN GYI SGRAR BYIN GYIS RLOB STE, SGRA DBYANGS DE LAS @322A *, ,KYANG MI RTAG PA DANG, SDUG BSNGAL BA DANG, STONG BA DANG, BDAG MED PA'I SGRA DBYANGS 'BYUNG BAR BYED DE, PHYOGS BCU'I SANGS RGYAS BCOM LDAN 'DAS RNAM PA JI SNYED DU BSTAN PAS CHOS STON PA DE DAG THAMS CAD SGRA DANG, DBYANGS DE DAG LAS 'BYUNG BAR BYED DO, ,BTZUN PA SH'A RI'I BU, 'DI NI RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RNAMS KYI YUL LA 'JUG PA CUNG ZAD TZAM ZHIG BSTAN PAR ZAD DE, BTZUN PA SH'A RI'I BU, RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RNAMS KYI YUL LA 'JUG PA BSTAN PA NI BSKAL PA LAS LHAG PA'AM, DE LAS 'DAS PA'ANG KHO BOS BSHAD DO, ,DE NAS GNAS BRTAN 'OD SRUNG CHEN POS BYANG CHUB SEMS DPA'I RNAM PAR THAR PA BSAM GYIS MI KHYAB PA BSTAN PA 'DI THOS NAS NGO MTSAR DU GYUR TE, GNAS BRTAN SH'A RI'I BU LA 'DI SKAD CES SMRAS SO, ,TSE DANG LDAN PA SH'A RI'I BU, 'DI LTA STE, DPER NA, MI DMUS LONG GI MDUN DU LA LAS GZUGS SU GYUR PA THAMS CAD BSTAN KYANG DMUS LONG NGES GZUGS GCIG KYANG MI MTHONG BA DE BZHIN DU, TSE DANG LDAN PA SH'A RI'I BU, RNAM PAR THAR PA BSAM GYIS MI KHYAB PA'I SGO 'DI BSTAN PA'I TSE NYAN THOS DANG, RANG SANGS RGYAS @322B THAMS CAD DMUS LONG DANG 'DRA BAR MIG MED DE, BSAM GYIS MI KHYAB PA'I RGYU GCIG TZAM YANG MNGON DU MA GYUR NA, RNAM PAR THAR PA BSAM GYIS MI KHYAB PA 'DI THOS NAS MKHAS PA SU ZHIG BLA NA MED PA YANG DAG PAR RDZOGS PA'I BYANG CHUB TU SEMS MI SKYED, DBANG PO SHIN TU NYAMS PA, SA BON TSIG PA DANG, RUL BA LTAR THEG PA CHEN PO 'DI LA SNOD DU MA GYUR NA DA JI LTAR BYA, NYAN THOS DANG, RANG SANGS RGYAS THAMS CAD KYIS CHOS BSTAN PA 'DI THOS NAS CHO NGES BTAB STE, STONG GSUM GYI STONG CHEN PO'I 'JIG RTEN GYI KHAMS SU GO BAR BYAS SO,, BYANG CHUB SEMS DPA' THAMS CAD KYIS NI RNAM PAR THAR PA BSAM GYIS MI KHYAB PA 'DI THOS NA RGYAL BU GZHON NUS COD PAN BLANG BA BZHIN DU RAB TU DGA' BAS SPYI BOR BLANG ZHING 'DI LA MOS PA'I STOBS SHIN TU BSKYED PAR BYA'O, ,GANG RNAM PAR THAR PA BSAM GYIS MI KHYAB PA 'DI LA MOS PA DE LA BDUD THAMS CAD KYANG CI ZHIG BYED PAR 'GYUR, GNAS BRTAN 'OD SRUNG CHEN POS BSTAN PA 'DI BSHAD PA NA LHA'I BU SUM KHRI NYIS STONG GIS BLA NA MED PA YANG DAG PAR RDZOGS PA'I BYANG CHUB TU SEMS BSKYED DO, ,DE NAS LI TZA B'I DRI MA MED PAR GRAGS PAS GNAS BRTAN 'OD SRUNG CHEN PO LA 'DI SKAD CES SMRAS SO, ,BTZUN PA 'OD SRUNG CHEN PO, PHYOGS BCU'I 'JIG RTEN GYI KHAMS DPAG TU MED PA DAG NA BDUD JI SNYED @323A *, ,BDUD BYED PA DE DAG THAMS CAD KYANG RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RNAMS THABS LA MKHAS PAS SEMS CAN YONGS SU SMIN PAR BYA BA'I PHYIR BDUD BYED DO, ,BTZUN PA 'OD SRUNG CHEN PO, PHYOGS BCU'I 'JIG RTEN GYI KHAMS DPAG TU MED PA DAG NA BYANG CHUB SEMS DPA' LA SLONG BA GANG DAG GIS LAG PA'AM, RKANG PA'AM, RNA BA'AM, SNA'AM, KHRAG GAM, RGYUS PA'AM, RUS PA'AM, RKANG PA'AM, MIG GAM, RO STOD DAM, MGO 'AM; YAN LAG DANG, NYING LAG GAM, RGYAL PO'I SRID DAM, YUL 'KHOR RAM, LJONGS SAM, CHUNG MA DANG, BU PHO DANG, BU MO DANG, BRAN PHO DANG, BRAN MO DANG, RTA DANG, GLANG PO CHE DANG, SHING RTA DANG, BZHON PA DANG, GSER DANG, DNGUL DANG, NOR BU DANG, MU TIG DANG, DUNG DANG, MAN SHEL DANG, BYU RU DANG, BEE d'U-RYA DANG, NOR BU RIN PO CHE RNAMS KYANG RUNG, BZA' BA DANG, BTUNG BA DANG, BRO BA RNAMS SAM, GOS RNAMS KYANG RUNG, NYAM NGA BAR BYAS TE SLONG BA DE DAG THAMS CAD KYANG PHAL CHER RNAM PAR THAR PA BSAM GYIS MI KHYAB PA LA GNAS PA'I BYANG CHUB SEMS DPA' RNAMS TE, THABS LA MKHAS PAS LHAG PA'I BSAM PA BRTAN PA 'DI STON TO, ,DE CI'I PHYIR ZHE NA, @323B BTZUN PA 'OD SRUNG CHEN PO, BYANG CHUB SEMS DPA' RNAMS NI DKA' THUB DRAG PAS NA DE LTA BUR STON TE, GO SKABS MA PHYE BAR BYANG CHUB SEMS DPA' LA NYAM NGA BAR BYED PA'I MTHU SKYE BO PHAL LA MED DO, ,GO SKABS MA PHYE BAR GSAD PA'AM, BSLANG BAR YANG MI NUS SO, ,BTZUN PA 'OD SRUNG, 'DI LTA STE, DPER NA, SRIN BU ME KHYER GYIS NYI MA'I DKYIL 'KHOR GYI 'OD ZIL GYIS MNAN PAR MI NUS PA DE BZHIN DU, BTZUN PA 'OD SRUNG, GO SKABS MA PHYE BAR BYANG CHUB SEMS DPA'I THAD DU 'GRO BA'AM, BSLANG BAR MI NUS SO, ,BTZUN PA 'OD SRUNG CHEN PO, 'DI LTA STE, DPER NA, BAL GLANG GLANG PO CHE LA BRDEG PA NI BONG BUS BZOD PAR MI NUS TE, DE BZHIN DU, BTZUN PA 'OD SRUNG CHEN PO, BYANG CHUB SEMS DPA' MA YIN PAS BYANG CHUB SEMS DPA' LA NYAM NGA BAR BYED MI NUS KYI BYANG CHUB SEMS DPA' NYID BYANG CHUB SEMS DPA' LA NYAM NGA BAR BYED DE, BYANG CHUB SEMS DPA' NYAM NGA BAR BYAS PA BY