@1 ` RDO RJE 'CHANG DBANG THA MAL TSUL STON ZHES, ,RDO RJE'I TSIG GIS BSTAN BZHIN DENG 'DIR YANG, ,RDO RJE 'CHANG DBANG NGUR SMRIG GAR ROL PA'I, ,RDO RJE'I ZHABS PAD SPYI BO'I GTZUG NA RGYAL, ,BLO GROS KHANG BZANG THUB GZHUNG NOR BUS PHYUG , BZANG PO'I SPYOD PA RGYA MTSOR 'DOD RGUR DBANG, ,DBANG BZHI'I LAM GYIS KHYED THUGS BUM PA BZANG, ,PHYUG PA'I BSHES KHYOD STONG PA'I RNAM 'PHRUL BLO, ,BLO 'DAS BZANG PO'I GSANG GSUM MDZAD PA'I CHA, ,SMRA LA SMRA BA'I DBANG PHYUG MA THOB KYANG, ,BLO LDAN SKAL BZANG DAD PA 'PHEL PHYIR DANG, ,DBANG PHYUG BSGRUB PHYIR CHA TZAM SPEL BAR BYA, ,BDAG CAG GI RNAM 'DREN DAM PA LUNG RIGS BYE BA'I GTER MDZOD GZHUNG BRGYA SMRA BA'I MKHAS PA'I KHYU MCHOG SER BYES MKHAN ZUR RIN PO CHE MTSAN BRJOD PAR DKA' BA DON GYI SLAD DU MTSAN NAS SMOS TE RJE BTZUN BLO BZANG DBANG PHYUG DPAL BZANG PO MCHOG GANG DU SKU BLTAMS PA'I GNAS NI, MDO KHAMS SA YI THIG LE DKAR MDZES DGON GYI NYE 'DABS CHU LEN LA MGO TSANG BYA BA'I KHYIM DU RIGS RUS PHUN SUM TSOGS PA YAB RIN CHEN DAR RGYAS DANG YUM TSE RING SGROL MA GNYIS KYI SRAS SU BOD RGYAL LO 2028 PHYI LO 1901 RAB BYUNG 15 PA'I BGRANG BYA 35 PA LCAGS MO GLANG GI LOR NGO MTSAR BA'I LTAS DU MA DANG BCAS GANG SKU CHU SHEL GYI DKYIL 'KHOR MNGAL GYI CHU 'DZIN GYI RGYA LAS GROL TE MIG GI BDUD RTZIR GYUR, SNGON GOMS BAG CHAGS KYI MTHUS GZHON NU NYID NAS BYIS PA THA MAL PA'I @2 SPYOD PA MTHA' DAG LAS 'DAS TE BAG YOD KYI BRTUL ZHUGS LA GNAS, THUGS RIG GRUNG ZHING PHA MAR GUS RTZI DANG, MCHOG GSUM LA DAD MOS CHE BA SOGS LA BRTEN PHA MA ZHANG PO SOGS KYIS RAB TU BYUNG BA'I 'OS SU CHE BAR GZIGS, GTZO CHER RGAN RIN PO CHE NYID KYI THUGS BSKYED BZANG PO DUS SU BDO BAS DGUNG GRANGS BDUN DU PHEBS PA NA DKAR MDZES MTSAN NYID GRVA TSANG DU SGRIG ZHUGS MDZAD CING ZHANG PO DGE BA'I BSHES GNYEN RIN CHEN DAR RGYAS PA'I DRUNG NAS YI GE SBYOR KLOGS SOGS SLOB PAR GNANG BA TSEGS CHEN PO LA MA LTOS PAR MKHYEN, CHOS SPYOD SOGS THUGS 'DZIN MDZAD BZHIN PA'I SKABS 'GAR SKU NA PHRA BA DANG YAB YUM LA BRTZE GDUNG CHE STABS RGAN GYIS MA MKHYEN PAR YAB YUM GYI DRUNG DU PHEBS PA'ANG BYUNG, NYIN GCIG DGE RGAN GYIS BSKOS NAS DPE CHA THUGS 'DZIN LAM RIM BSDUS DON GYI BSAM GTAN SEMS LA DBANG BSGYUR RGYAL PO STE, ,BZHAG NA G-YO MED RI YI DBANG PO BZHIN, ,ZHES PA'I SKABS TSIG DON THUGS LA SHAR TE DE TSUN CHAD PHEBS MA MYONG BA RED CES GSUNGS, MTSAN NYID GRVA TSANG GI ZHAL 'DON CHOS SPYOD KYI RIM PA CHOS SPYOD RAB GSAL POD GCIG ,RGYAN 'JUG GNYIS, SER BYES MKHAS SNYAN GRVA TSANG GI THUN MONG MA YIN PA'I CHOS SPYOD SNA KHA GSUM, GTOR 'BUL SNA KHA BRGYAD RNAMS 'BAD RTZOL CHER MA DGOS PAR THUGS 'DZIN GYIS DGON PA'I TSOGS DBUS SU RGYUGS SPROD BZHES GSOL YOD PA LTAR RGAN RIN PO CHE MCHOG NAS SGRA DAG GSAL GSUM GYI SGO NAS RGYUGS 'BUL GNANG MDZAD PAS TSANG MAS @3 YI RANG DANG BSNGAGS BRJOD KYI GNAS SU GYUR TE AANG RIM DANG PO PHUL, BAR SKABS SU MTSAN NYID DANG LDAN PA'I MKHAN SLOB LAS DGE BSNYEN GYI SDOM PA DANG BAR MA RAB BYUNG GI TSUL KHRIMS, TSIG SNGA MA DGE TSUL GYI SDOM PA RNAMS YANG DAG PAR NOD DE BSLAB BYA RNAMS LA TSUL BZHIN DU SLOB PAR MDZAD, DE NAS RGYAL BA'I BKA' DANG DGONGS 'GREL GYI BSTAN BCOS RNAMS LA THOS PA RGYA CHEN PO 'TSOL BAR BZHED CING, DE YANG DRI MA MED PA'I RIGS PA'I LAM NAS BRDAR SHA CHOD PA ZHIG MA BYUNG NA TSIG SPYI TZAM GYIS GO DON JI BZHIN MI BRNYED PAR GZIGS TE GDAN SA CHEN POR SHING RTA CHEN PO DAG GI GZHUNG LA SLOB GNYER PHEBS BZHED NAR MAR YOD PA NA, DKAR MDZES MTSAN NYID GRVA TSANG GI TSONG PA ZHIG LHA SAR SKYOD KYI YOD PA DANG SDEB STE DGUNG GRANGS BCO LNGA PAR RDO RJE GDAN GNYIS PA BOD KYI RGYAL SA LHA LDAN DU PHEBS, STON PA SH'AKYA THUB PA DANG MI GNYIS PA JO BO SH'AKYA MU NI DANG JO BO MI BSKYOD RDO RJE SOGS MJAL NAS THUGS SMON RGYA CHEN PO GNANG, DE NAS BSHAD SGRUB BSTAN PA'I CHU MGO GDAN SA CHEN PO GSUM GYI YA RGYAL SE RA THEG PA CHEN PO'I GLING DU TRE HOR KHANG TSAN LA PHEBS TE DGE BSHES SANGS RGYAS PHUN TSOGS ZHU BA KHAG THEG RGAN DU 'TSOL GNANG GIS MKHAN PO GSAR MJAL SOGS ZHUS NAS SER BYES MKHAS SNYAN GRVA TSANG GI CHOS SGOR ZHUGS, MI RING BAR CHOS RVA GSAR ZHUGS KYANG MDZAD DE DGE BA'I BSHES GNYEN RDO RJE GNAS SKYABS DPE KHRID DGE RGAN DU TSUL BZHIN BSTEN NAS, @4 BSDUS GRVA CHUNG 'BRING CHE GSUM BLO RTAGS GNYIS GRUB DON SA GSUM SOGS LA SBYANG BRTZON MDZAD, CHOS THOG SKABS CHOS RVAR PHEBS RGYU CHOS MTSAMS SKABS KHANG TSAN GYI BRTZI BZHAG LA PHEBS RGYU SOGS SGRIG LAM KUN SPYOD KYI RIM PA TSUL BZHIN 'KHUR GNANG MDZAD PAS MIG LTOS LA PHAN PA BYUNG, DPE KHRID SKABS RGAN RIN PO CHE DGUNG LO CHUNG BA DANG THUGS RIG GSAL BAS SLOB GROGS GZHAN RNAMS KYIS DGE BSHES PA'I MDUN DU 'PHUL BAS, RGAN RIN PO CHE NAS KYANG DPE KHRID NAM YOD LA SPOS RKANG RE DGE BSHES PA'I MDUN DU 'BUL SKABS 'BUL RES KYI SPOS KYI DUD PA DBU LA G-YAS BSKOR GYIS 'KHOR BA GZIGS PAS DGA' DAD LHAG PAR 'PHEL ZHING RIG PA LA'ANG SHIN TU PHAN PA BYUNG ZHES GSUNGS, DE NAS SKABS DANG PO'I SPYI DON SOGS BLO 'DZIN GYIS DBU NAS RIM BZHIN YANG DAG MTHA' BAR LA RTZOD PA DANG MTSAN 'KHYOL DAM BCA' SOGS MA CHAGS PAR MDZAD, YANG DAG MTHA' RTZOD SKABS GRVA TSANG RIN PO CHES RIGS CHUNG TSOGS LANG GNANG SROL LTAR RGYUGS SPROD BZHES SKABS RTZOD RGYUGS DANG BLO RGYUGS GNYIS KAR BLO GSAL GZHAN LAS YANG RTZER SON PAS TSOGS BZHENGS AANG DANG PO PHUL, DGE BSHES RDO RJE GNAS SKABS PHA YUL DU PHEBS SKABS DGE BSHES PAS RGAN RIN PO CHE GTZANG PA KHRI ZUR RIN PO CHE LHUN GRUB BRTZON 'GRUS GRVA SAR BZHUGS BZHIN YIN PA'I SKU MDUN DU KHRID GNANG NAS 'DI RIG PA DANG BRTZON 'GRUS YAG PO YOD PAS DPE KHRID SKYABS 'JUG YONG BA ZHUS PA NA, ZHAL NAS RIG PA YAG PO YOD NA NGAS RGYA GAR PAn GRUB LTA BU ZHIG BZO CHOG GSUNGS PA GCIG @5 BYAS NA KU RE ZHAL SHOB LTA BU YIN SRID KYANG RNAM PA GCIG TU NA MA 'ONGS MNGON GZIGS KYIS LUNG BSTAN PA'AM RJES SU RGYA GAR PAn GRUB DANG MNYAM PA LAS KYANG LHAG PA BYUNG BA 'DI'I RTEN 'BREL 'GRIGS PAR MNGON NO, ,DGE BA'I BSHES GNYEN BSAM SBYOR RNAM PAR DAG PAS TSUL BZHIN DU BSTEN NAS MNYES PA GSUM GYIS MNYES PAR MDZAD DE DRUNG NAS DBU PHAR 'DUL MDZOD SOGS LA GSAN SBYONG MDZAD SKABS 'TSO BA DKON PO YOD KYANG JI MI SNYAM PAR DPE CHA KHO NAR GZIGS PA LAS 'TSOL THABS DANG, 'JIG RTEN MTHUN 'JUG SOGS GTAN NAS MI GNANG, SKU 'GYED ZHO GANG DANG, PHYED BRGYAD LTA BU BYUNG BA NA 'PHRAL 'PHRAL DU KHROM NAS BZHES BAG DANG GSOL ZHIB GZIGS PA LAS GSOG RUM GTAN MI MDZAD, NYIN GCIG PHYED BRGYAD GCIG BYUNG BA BSNAMS TE GSOL ZHIB NYO BAR PHEBS PA NA GSOL CHAS MED PA DANG, NYIN MTSAN 'KHOR MO YUG TU DPE CHA 'DZIN SKYOR SBYONG LA 'BAD STABS BSER BUS RKYEN GYIS SKU GZUGS 'GYEL NAS THUGS DRAN MED DU SONG SKABS DER 'DZIN GROGS HA GDONG SOG PO AE CHOS MDZAD KYIS MTHONG NAS RGAN RIN PO CHE KHO RANG GI SHAG TU KHRID, GSOL JA DANG, GSOL TSIG BCUD CAN GSOL ZHIB BCAS PHUL KYANG RGYUN DU ZHAL LAG YAG PO MED CING GLO BUR BCUD CAN BZHES PA MA 'JU BAR NYIN SHAS PHYAG DPE GZIGS MA THUB, CHOS MDZAD 'DI DANG, 'DZIN GRA GCIG PA GZHAN DAG NAS KYANG SKABS SKABS SU KHA LAG SPROD KYI YOD PA PHAN PO YOD CES GSUNGS, SKABS SHIG GRVA TSANG GI 'BRU PHOG THEL RTZE GCIG DANG, GONG GSAL SOG PO'I @6 THEL RTZE'ANG RGAN LA PHUL BA'I GNYIS BYUNG BA CHU BSKOR DU BSKYEL BA LEN PA SOGS DUS TSOD MANG PO ZHIG CHUD ZOS SU 'GRO BAR 'DUG ,TSE 'DI'I 'TSO BA LAS BSOD NAMS KYI TSOGS SU GTONG BA DGOS PA CHE BAR GZIGS TE THEL RTZE GNYIS KYIS GSOL MAR GZIGS NAS YI DAM MDUN DU GSER KONG SBYONG, RTEN GZHAN GYI DRUNG DU'ANG MCHOD ME 'BUL BAR MDZAD, PHYED BRGYAD GCIG LHAG PA DES GRO ZHIB GZIGS NAS BZHES THUG BSKOL TE BZHES BZHIN PA'I SKABS DPE CHA DGE PHRUG 'PHAN PO NAS YIN PA ZHIG GIS GSOL ZHIB SGYE MO GANG KHUR NAS YONG STE KHA SANG NANG NAS 'BYOR BYUNG, RGAN LA 'BUL DU YONG BA YIN ZHUS, YI DAM GYI DNGOS GRUB KYANG YIN PAR SNANG STE ZHAL NAS LO RGYUS DANG SBRAGS YI DAM DNGOS GRUB MYUR PO YOD CES GSUNGS, YANG SKABS SHIG GRVA TSANG GI 'BUL BSDUD PA ZHIG 'BYOR NAS 'GYED CHE TZAM BYUNG BA MA BZHES PAR SHA RKANG PA ZHIG NYOS NAS KHRI ZUR RIN PO CHER PHUL TSUL YANG GSUNGS, PHAR PHYIN GYI DUS SU SKABS DANG PO'I SPYI DON, DRANG NGES LEGS BSHAD SNYING PO, BYAMS CHOS SDE LNGA, RGYAN GYI BSHAD BYA'I YUM BAR MA'I MDO TSIG RNAMS THUGS 'DZIN GYIS SKU NA CHER SMIN SKABS SU'ANG SHAR MAR GSUNGS THUB PA YOD, GZUNG BA RNAMS MTSAN SBYONG YANG YANG SKYOR BAR MDZAD, DBU MA'I SKABS RTZA 'JUG GI t'IK CHEN GNYIS, LHAG MTHONG CHE CHUNG STONG MTHUN BCAS KYI TSIG GAL CHE BA RNAMS THUGS 'DZIN DANG, 'JUG PA'I t'IK CHEN GYI TSIG DON THAMS CAD SA BCAD THOG BSGRIL TE 'JUG PA DANG SBYAR NAS SKYOR SBYONG GNANG @7 SKABS MTSAN PHUD 'GRO GYI YOD TSUL YANG GSUNGS, DGUNG GRANGS NYER GNYIS SKABS RGYAL BA SKU 'PHRENG BCU GSUM PA CHEN PO'I MDUN NAS BSNYEN PAR RDZOGS PAR MDZAD DE BSLAB BYA RNAMS MIG 'BRAS LTAR SRUNG BAR MA ZAD RNAM KUN GYI SPYOD LAM THAMS CAD 'DUL BA DANG MTHUN PA KHO NAR GNANG, 'DI TZAM NAS GSAR BU BA RNAMS LA DPE CHA KHRID PAR MDZAD, 'DZIN GRVA 'DI PHYAG DPE YAG GRAS YIN ZHING LHAG DON RGAN RIN PO CHE DANG, TS'A BA BYAMS PA MTHA' YAS RNAM GNYIS GO RIGS SHIN TU BZANG BAS DRANG NGES SOGS KYI RTZOD PAR MKHAN PO RTZOD GZIGS SU PHEBS PAS GZIGS PA NA THUGS YID RANG DBANG MED PAR DRANGS TE DUS TSOD JI SONG MA MKHYEN PA LTA BUS CHOS RVA DUS THOG TU GROL MI THUB PA YANG YANG YONG GI YOD PAS, 'DZIN GRVA GZHAN RNAMS NAS MKHAN PO SPYAN GSAL 'DZIN GRVAR BZHUGS 'DUG PAS CHOS RVA GROL GYI MA RED ZER BA'ANG BYUNG, RGAN RNAM GNYIS LA 'DZIN GRVA GCIG PA TSOS DGE RGAN LTA BUR BRTZI YI YOD CING, DKA' GNAD RNAMS LA BRGAL BRTAG MDZAD SKABS THOG MAR GO GI YOD KYANG RIGS PA PHRA RU SONG BA NA NGA TSOS GO GI MED CES LHA RAM AANG DANG PO BZHES TE RGYUD STOD MKHAN ZUR DU PHEBS PA HA GDONG RGAN CHOS 'BYOR LAGS NAS GSUNGS, RGAN RIN PO CHE RIG RTZAL CHE STABS MKHAN POS GSUNGS DON GRVA TSANG 'DIR RNAM 'GREL GYI RTZOD PA 'DZUGS THUB NA SNYAM PAS 'JANG DGUN CHOS SU PHEBS DGOS GSUNGS PA LTAR ZUR BKOL DANG PHAR PHYIN DBU RNYING SKABS BCAS LO GSUM PHEBS, BOD ZLA BCU GCIG PA GNAM GSHIS SHIN TU GRANG BA'I DUS YIN YANG LO DANG PO GNYIS LA GNAS TSANG GANG YANG MED PAR RDO RVA'I PHUG TU SLE @8 GU'I 'OG TU BZHUGS, CHOS GRVAR PHEBS SKABS SLE GU'I MTHA' RDOS MNAN NAS 'JOG PAR MDZAD, DE'I SKABS 'BRAS YE SHES BLO LDAN, DBANG 'DUS RGYAL MTSAN, TRE HOR SKYOR DPON, MI NYAG SKYOR DPON SOGS LO MANG TSAD MAR SBYANGS PA'I MKHAS PA RNAMS DANG BGRO GLENG GNANG BA NA GZHUNG DON DANG RTZOD RIGS GZHAN LAS KHYAD THON PA BYUNG, KHONG RNAMS LA BLO BSKYED CHEN PO BYUNG STABS LO MJUG MAR PHEBS ROGS ZHU MKHAN YANG BYUNG, ZHAL NAS, GZHAN RNAMS KYIS 'TSANG GA BRGYAB NAS GTONG SKABS TRE HOR SKYOR DPON GYIS ZUR NAS TSIG 'GA' SHAS GSUNG GI YOD GZHAN TSO PHEBS ZIN 'PHRAL SKU 'KHRIS SU BCAR TE SKABS DON DRI BA DVOGS GCOD LTA BU GNANG GI 'DUG GSUNGS, LO GSUM PAR NYID KYI DGE PHRUG RIG PA BZANG BA 'GA' ZHIG DANG BCAS SER SMAD GRVA TSANG GI YANG STENG DU BZHUGS, LO GSUM GAR THOR CHOS DAM BCA' 'JOG GNANG MDZAD, DBU PHAR GZIGS GRUB PA'I SKABS SHIG NA THOS PA'I DON RNAMS RTZE GCIG TU SGRUB PA LHUR LEN PAR BZHED PA DANG, RKYEN ZHIG GIS KYANG BSKUL TE GSANG STABS KYIS PHEBS ZHOR DU PA TSAB LO TZ'A BA'I GDUNG RTEN MJAL BA DANG, JO BO BKA' GDAMS PA'I GDAN SA RVA SGRENG MJAL BAR PHEBS, DE SKABS PHYIS SU BOD KYI SRID SKYONG GNANG BA'I RVA SGRENG MCHOG SPRUL RIN PO CHE GDAN SAR BZHUGS YOD PA NAS GNAS SKABS RVA SGRENG DU BZHUGS DGOS PA DANG 'TSO BA SOGS BLA BRANG NAS 'BUL SBYOR ZHU RGYU, PHYAG DPE KHANG DU KHRID GNANG NAS 'DI DANG 'DI ZHES BYA BA YIN GANG BZHED GZIGS CHOG PA'I GNANG BA 'BUL BAR MDZAD, MCHOG SPRUL RIN PO CHE NAS LUNG RIGS GANG LA'ANG THOGS PA MED PA'I MKHAS DBANG 'DI 'DRA @9 DBEN PAR GSHEGS NA GRVA TSANG GI SLOB GNYER LA GNOD PAR DGONGS TE DE DON GRVA TSANG LA YI GE PHUL, DE DANG DUS MTSUNGS MKHAN CHEN NGAG DBANG PHUN TSOGS PA ^GONG SA MCHOG GIS GZIGS SKYONG CHE BAS GZIM CHUNG DU NAM 'DOD BCAR CHOG PA ZHIG YOD PA MJAL BCAR SKABS ^GONG SA MCHOG NAS DENG SANG SE RA BYES PA'I MKHAS PA TSOS GA RE GNANG GI YOD GSUNGS, MKHAN CHEN PA RGAN BLO BZANG DBANG PHYUG GI MTSAN NAS DRIS NA GANG 'DRA ZHU DGOS SNYAM PA'I DNGANGS SKRAG SKYES, DGON PAR PHEBS MA THAG TRE HOR KHANG TSAN RGAN LA ^GONG SA MCHOG GI BKA' PHEBS 'GAN BLO BZOD PAR MI 'DUG RGAN RVA SGRENG DU BZHUGS YOD 'DUG PA LAM SENG GDAN 'DREN ZHU DGOS GSUNGS PA LTAR GDAN DRANGS TE, SNGAR BZHIN SLOB GNYER BA RNAMS LA DPE KHRID DANG, RGAN RANG GI SLOB GNYER YANG 'PHRO SKYONG GNANG, 'DZIN GRVA MDZOD RNYING DU PHEBS PA NA RIGS CHEN TSOGS BZHENGS 'KHOR BA'I SKABS DGE BSKOS NAS RGAN RIN PO CHE DANG, TS'A BA BYAMS PA MTHA' YAS RNAM GNYIS LA SHO BRGYAB KYI YIN PA GA 'DRA GNANG GA GSUNGS PA NA RGAN RNAM GNYIS GCIG GIS GCIG SNGON MAR PHEBS DGOS GSUNGS SHING, MTHAR RGAN RIN PO CHES AU NAN MTHAR BSKYEL GNANG BAS BYAMS PA MTHA' YAS LAGS NAS, 'O NA DE RING NGAS DANG POR PHYIN PA'I CHOG LHA RAMS AANG DANG PO KHYED RANG BYED DGOS KYI RED CES GSUNGS, CHOS GROGS RNAM GNYIS PHAN TSUN CHE MTHONG DANG GUS BKUR GNANG BA 'DI TZAM YANG BSTAN PA'I MDZES RGYAN NGO MTSAR BA'I GNAS SU 'KHUMS, TSOGS BZHENGS SNGA RTING GRUB NAS LHA RAMS 'DZIN GRVAR PHEBS, SKYOR GZHUNG SKYOR RGYU, 'DUL MDZOD KYI @10 GZHUNG GI SPYI BSHAD DANG, DKA' GNAD RNAMS LA BRGAL BRTAG DPYIS PHYIN PAR GNANG BAS 'DZIN GRVAR BLO BSKYED 'PHEL, 'DUL MDZOD KYI MU BZHI SOGS RTAGS BSAL SGRUB ROGS BYED PAR DGA' PO BYED KYI YOD TSUL YANG GSUNGS, MTSAN RTAGS GRUB NAS LO MANG PHYIN RJES DGE BSKOS TSAB GNANG BA'I NYIN ZHIG LHA RAMS 'DZIN GRVAR YONGS GRAGS KYI MKHAS PA GNYIS MDZOD KYI MU BZHI PHRA BA ZHIG YOD MED ZHAL MA MNYAM PAR MED PA'I RJES SU PHYOGS PA MANG DU BYUNG BA NA, RGAN RIN PO CHE NAS MU BZHI YOD PAR BSGRUB PA'I TSE RJES PHYOGS PA DRAG GA GCIG NAS DE LA MU BZHI 'DUG NA GSER LUG MGO TZAM ZHIG 'BUL CHOG CES ZHUS, RTZA BA'I DAM 'CHA' BA POR LUNG RIGS DRI MA MED PAS MU BZHI NGO 'PHROD DE KHAS BLANGS PA NA SNGAR GYI RJES PHYOGS PA DE LA GSER LUG MGO TZAM YANG MI DGOS LHA RAMS 'DZIN GRVAR GSOL JA ZHIG PHUL CIG GSUNGS, GZHUNG DON LA DPYAD PA'I RNAM DPYOD KYI RTZAL SHUGS MED KYANG, HAM PA'I RI BO 'DEGS PAR RTZOM PA DAG LA 'DI NYID 'OS SHING SMAN PA NYID DO, , DGE BSHES GTONG NYER YOD KYANG GTONG SGO'I SBYIN BDAG 'TSOL THABS SOGS GTAN NAS MA MDZAD, RGYUN DU DGE PHRUG TSOR BSLAB BYA SKYONG SKABS SU'ANG, MI LA RE BA MA CHE LHA LA GSOL BA THOB BYA BA RED, MI LA NGO BSRUNG BYED MI DGOS, DKON MCHOG LA GSOL BA THOB, MI LA RTAG PA MED CING DKON MCHOG LA BSLU BA YOD PA MA RED GSUNGS KYI YOD PA DE KHO NA LTAR MDZAD CING BZHUGS PAS DE BZHIN BYUNG SNANG STE, RTZOD RGYUGS MA REN TZAM DU TRE HOR DKAR MDZES KYI TSONG DPON BSOD NAMS STOBS RGYAL NAS GTONG SGO'I SBYIN BDAG ZHU RGYU ZHUS, @11 LHA RAMS PA'I RTZOD RGYUGS DMANGS DANG SPYI MTSUNGS SU BZHES PAR MA ZAD, MI NYAG SKYOR DPON DANG RGAN RNAM GNYIS MKHAS SNYAN SHIN TU CHE BAR BRTEN SRID SKYONG RVA SGRENG RIN PO CHE NAS DMIGS BSAL GYI RTZOD RGYUGS BZHES, DE YANG BOD KYI RGYAL SA RDO RJE GDAN GNYIS PA LTA BU LHA LDAN DAG PA'I ZHING DU GRAGS PA'I BYANG PHYOGS SRID SKYONG BZHUGS GNAS BZHI SDE'I THOG GA'I PHO BRANG DU RTZOD DPANG SRID SKYONG MCHOG DANG, MTSAN ZHABS PA, SE 'BRAS KYI MKHAS PA PHAL CHE BA 'DZOMS PA'I DBUS SU GSUNGS RAB KYI DKA' BA'I GNAD DAG LAS BRTZAMS TE BGRO GLENG GNANG BA NA THOG MA'I CHAR RTAGS BSAL SOGS GCIG LAS GCIG BZANG BA LTA BUR BYUNG SNANG YANG, GZHUNG DON ZAB TU 'GRO BA DANG RIGS PA PHRA BAR PHYIN PA'I TSE, GANG ZHIG THOS BSAM GYI LUS STOBS RGYAS SHING SPOBS PA'I SPYI GTZUG MTHO BA LEGS BSHAD KYI 'GRAM CHANG RTAG TU 'DZAG PA LA BLO GSAL BUNG BA'I TSOGS MANG DU 'DU BA, SKU NYAMS KYI GOM STABS DAL BUR RGYU ZHING, RTZOD NGAG MI BZAD PA'I SNA ZHAGS RING POR BSKYANG BA'I KHYU MCHOG DE YANG, GANG GIS LEGS SMON GYIS BYED POS BSKRUN PA'I SKYES SBYANG SHES RAB KYI LCAGS KYU RNON PO DBU TSAD KYI RIGS PA'I NGAR CHU LAS DRANGS PA DES RANG DBANG DU BGYIS PAS SNYAN PA'I GRAGS PA CHES CHER RGYAS PA'I STOBS KYIS SNGON CHAD ZHAL 'TSO TZAM YANG MED PA'I SKYOR DPON GYI SBYIN BDAG KA SHOD PA YANG YID KYI BRTAN PA DBANG MED DU 'PHROG TE, RGAN RIN PO CHE RTZOD RGYUGS GRUB NAS GTZUG LAG KHANG DU GNAS GZIGS DANG THUGS SMON MDZAD RJES BAR BSKOR PHYI MAR BSKOR BA SKYON PA NA, KA SHOD CHOS @12 RGYAL NYI MA LHUN GRUB KHONG RANG NYID KYIS RGAN RIN PO CHE GZIMS CHUNG DU GDAN 'DREN ZHUS NAS DGE BSHES GTONG SGO'I SBYIN BDAG ZHU CHOG PA ZHUS PA NA LAM SENG ZHAL BZHES MA GNANG BAR SBYIN BDAG GZHAN ZHIG YOD PAR DRI DGOS GSUNGS, 'DI YANG DENG DUS DANG BSTUN NA NGO MTSAR BA'I RNAM THAR RO, ,DE NAS BOD ZLA 11 PAR DGUN CHOS CHEN MO'I SKABS DGE BSHES DAM BCA' DANG, GONG GSAL SBYIN BDAG NAS GTONG SGO ZAB RGYAS ZHUS, TRE HOR SKYON DPON RIN PO CHE BYA BRAL MDZAD DE SGRUB PA LA GSHEGS PA'I DUS KYANG 'DI NAS YIN TE, KHONG BKRA SHIS CHOS GLING DU BLA MA RDO RJE 'CHANG PHA BONG KHA PA'I MDUN BYA BRAL DU PHEBS RGYU'I GNANG BA ZHU BAR PHEBS RJES SE RA'I MDUN BYE RAG YOD SA NAS RGAN RIN PO CHE'I DGE PHRUG GCIG LA RGAN BLO BZANG DBANG PHYUG DAM BCA' DANG GTONG SGO YAG PO BYUNG 'DUG PA THUGS RJE CHE ZHUS GSUNGS NAS MJAL DAR ZHIG 'BUL RGYUR BSKUR, ZHAL NAS, KHONG DGON PA'I 'KHRIS SU PHEBS NAS SHAG TU MI 'ONG BA GANG YIN NAM SNYAM YANG BLA MA'I GNANG BA THOB STE SGRUB PA LA RINGS PA'I STABS KYIS YIN 'DUG GSUNGS, DE NAS DGUNG GRANGS 39 PA BOD RGYAL 2067 PHYI LO 1939 RAB BYUNG BCU DRUG PA'I NYAG MA 13 PA SA YOS LOR DGUNG GSAR DGYES STON DKAR GRO'I TSOGS BZHENGS GNANG, DE NAS LHA LDAN SMON LAM CHEN MOR GDAN SA GSUM GYI BKA' RAB 'BYAMS DGE BA'I BSHES GNYEN BLO GSAL 'DUS PA RGYA MTSO'I DBUS SU GZHUNG CHEN BKA' POD LNGA LA SBYANGS PA MTHAR PHYIN PA'I 'BRAS RTAGS SU DAM BCA' 'JOG GNANG MDZAD, DE YANG ZHOG PA GSUNG CHOS RVA BAR @13 RNAM 'GREL DANG, NYIN GUNG 'KHYAMS RVA CHEN MOR DBU PHAR GYI SKABS RNAMS SU BLO GSAL ZHING RIGS LAM LA BYANG CHUB PA RNAMS KYIS ZAB CING RNO BA'I THAL 'GYUR GYI PHRENG BA MANG DU SPROS KYANG GSUNG LAN RAL GRI LTA BUS DUM BU DUM BUR BCAD PAS THUNG NGE BA LAS MA BYUNG, THUGS LA THUNG THUNG 'DI 'DRA RTEN 'BREL LA'ANG MI LEGS PAR 'DUG ,DGONG MO'I DAM BCAR LAN LHOD LHOD BYED DGOS PA BYUNG, DAM BCA' GROL NAS SMON LAM TSOGS SKABS CHOS GROGS GSER KONG MTSAN ZHABS RIN PO CHE NAS LAN YAG PO SKYON SONG THUGS RJE CHE GSUNGS, RGAN RANG GI DGONGS TSUL ZHUS PAS, GANG YIN GANG YIN RGYAL BA DGYES PA'I MCHOD SPRIN SGRUB PA'I MCHOD PA ZER BA DE YIN PAS LAN YAG PO SKYON ROGS GNANG ZHES BSKUL MA GNANG, DGONG MO 'DUL MDZOD KYI DAM BCAR, GZHUNG LUGS RAB 'BYAMS LA MI 'JIGS PA'I SPOBS PA GZENGS SU MTHO BA'I DGE BA'I BSHES GNYEN RNAMS KYIS RTAGS BSAL 'PHANGS PA LA'ANG GSUNG LAN THOGS MED DU GNANG BA NA, MKHAS PA 'GA' ZHIG THUGS 'TSAB STE SNGON DU GO BSGRIGS BYAS PA'I RTAGS BSAL MI DRAN PA DANG, TSA LA GI GU 'BYAR BAS BZHAD GAD THING NGE BA YANG BYUNG, SKYES BU SER SKYA'I RNAM THAR 'DZIN PA'I RTOG GE MGO 'KHREGS RE TZAM BYUNG BA'ANG GZHUNG LEN MKHAN POS DE GAR TSAR BCAD PA'I LO RGYUS KYANG YOD, RGAN RIN PO CHE DAM BCA' BZHAG SKOR SER LHO DGE BSHES TSUL KHRIMS YON TAN NAS RGAN BLO BZANG DBANG PHYUG DAM BCA' BZHAG PA LTA BU'I YAG PO DE 'DRA GZHAN MTHONG MA MYONG, LAN KHAMS DVANGS PO RTAGS @14 LAN 'DOD LAN SHA STAG ,GSAR BU BA GCIG GIS BTANG NA'ANG 'DOD LAGS ZHES ZHE SA DANG 'BREL NAS GNANG GI 'DUG ,GRVA PA RGAN PA RNAMS KYIS RGAN BLO BZANG DBANG PHYUG GI THUGS LA GZHUNG THAMS CAD PAR BTAB PA BZHIN YOD PA RED GSUNG GI 'DUG CES GSUNGS, DE LTAR DAM BCA' BZHAG GRUB PA NA GZHUNG GI NGES CHA, DON GYI GO BA, RIGS PA'I 'DZIN MTSAMS SOGS GANG CIR 'GRAN ZLA DANG BRAL BA BYUNG BAS ZHAL BTAD SKYOR DPON NAS KYANG, RGAN NGA RANG GNYIS RGAN SNGON MA RED CES SOGS ZHUS TE RTZOD MED KYI AANG GI DANG PO'I DANG PO BZHES, DAM BCAR BZHUGS NYIN NA GZAB 'PHYOR GNANG SROL YOD KYANG RNAM KUN NAS NA BZAR DVANGS 'DOD MED GSHIS 'DI NYIN YANG RTEN 'BREL CHED GSER KONG RIN PO CHES DBU ZHVA GSAR PA ZHIG BSNAMS 'DUG PA BRJES PA MA GTOGS RGYUN CHAS DE GA YIN GSUNGS, DE NAS MI RING POR 'JAM MGON TZONG KHA PA CHEN PO'I GSANG SNGAGS KYI BKA' SROL NYAMS PA MED PAR 'DZIN PA'I DPAL LDAN SMAD RGYUD GRVA TSANG DU BZHUGS 'DING SKYON, RGYUD KYI RGYAL PO DPAL GSANG BA 'DUS PA'I RTZA RGYUD 'GREL PA BZHI SBRAGS GSANG SNGAGS RGYUD SDE RGYA MTSO'I DGONGS DON JI LTA BA BZHIN 'BYED PA'I SBYANG BRTZON RMAD DU BYUNG BA MDZAD DE DGUNG GRANGS 40 LOR SNGAGS KYI RTZOD RGYUGS AANG DANG PO BZHES TE, tI KA SKYOR DPON DANG, KHRID DPON BCAS MDZAD, GZHAN YANG SKABS SKABS SU ^GONG SA LHA MI'I RNAM 'DREN ^SKYABS MGON SKU 'PHRENG BCU GSUM PA CHEN PO MCHOG DANG, KHYAB BDAG 'KHOR LO'I MGON PO PHA BONG KHA PA BDE CHEN SNYING @15 PO DPAL BZANG PO, LHA BTZUN RDO RJE 'CHANG THUB BSTAN RAB RGYAS DPAL BZANG PO, KHYAB BDAG BKA' 'GYUR BA BRAG RI LUNG RIGS RGYA MTSO DPAL BZANG PO, YONGS 'DZIN DGA' KHRI GLING SPRUL RDO RJE 'CHANG DPAL BZANG PO, YONGS 'DZIN KHRI BYANG RDO RJE 'CHANG DPAL BZANG PO, SPANGS RTOGS YON TAN BYE BAS MNGON PAR MTHO NA YANG, DMAN LA GCIG TU DGYES PA'I MDZAD PA CAN, RANG CAG KHA BA RI PA RNAMS LA 'DI PHYI'I DON GNYIS 'BAD MED DU 'JO BAR MDZAD PA'I SNGON MED PA'I YID BZHIN GYI NOR BU ^RGYAL DBANG SKU 'PHRENG BCU BZHI PA CHEN PO DGE 'DUN BSTAN 'DZIN RGYA MTSO DPAL BZANG PO LA SOGS PA'I MDUN NAS BYANG CHUB LAM RIM CHEN MO'I BSHAD KHRID, DMAR KHRID SOGS KHRID KYI RIGS, BDE GSANG 'JIGS DUS SOGS KYI DBANG CHEN LA SOGS PA DBANG LUNG KHRID MAN NGAG MTHA' DAG GSAN TE BSTAN PA YONGS RDZOGS KYI BDAG PO CHEN POR BZHENGS PA YIN TE, JI SKAD DU ^SKYABS RJE KHRI BYANG RDO RJE 'CHANG NAS BSTZAL BA'I ZHABS BRTAN GSOL 'DEBS SU, 'JAM DPAL RDO RJE'I LUNG GI RTZE BRGYA PAS, PHAS RGOL LOG SMRA'I BRAG RI 'JIG PA'I MTHU, ,RANG SRID DGE LDAN SKYONG BA'I DPA' RTAGS SU, ,'DZIN BYED BSTAN PA'I GNYEN ZHES DON GNAS KYI BSNGAGS BRJOD MDZAD CING, BLA MA GZHAN DANG GZHAN GYIS BSNGAGS BRJOD JI LTAR MDZAD PA SOGS NI MANGS PAS 'JIGS NAS MA BRIS SO, ,JI LTAR THOS PA'I DON RNAMS KYANG THOS LO TZAM MA YIN PAR THOS DON RGYUD LA SBYAR BAS ZHI DUL DANG LDAN PA, CHOG MI SHES PA SOGS LTUNG BA 'BYUNG BA'I SGO RNAMS BSDAMS TE 'DOD CHUNG CHOG SHES LA GNAS PA'I NGANG NAS LTUNG BA MI 'BYUNG @16 BA'I THABS LA 'BAD CING, RGYA LA BYUNG BA RNAMS KYANG 'PHRAL 'PHRAL DU BSHAGS SDOM LA 'BAD PAR MDZAD, LHAG PAR GSO SBYONG SKABS BSHAGS SDOM BSTEN PA GAL CHE TSUL DANG MA CHAG PAR 'GRO DGOS TSUL SOGS GSUNGS NAS DE BZHIN DU PHYAG LEN LA 'DEBS PAR MDZAD, SLOB GNYER RGYAB BZHIN PA'I SKABS GSUNG CHOS MANG PO ZHU BA THUGS MNYES PO RANG GNANG GI MED KYANG MTSAMS MTSAMS SU DBANG CHEN ZHU DGOS, DAM SDOM GSO BA LA KHYAD YOD CES SOGS GSUNGS TE DAM TSIG DANG SDOM PA LA GCES SPRAS SHIN TU CHE BAR GNANG, RGYUN GTAN BZHUGS TSUL YANG, DGUNG GRANGS 47 SKABS KHO BOS ZHABS PAD BSTEN PA'I SKAL BZANG THOB CING, DE SKABS MKHAS BTZUN BZANG GSUM GYI MTSAN SNYAN CHE BA, BLA MA MANG PO'I YONGS 'DZIN GNANG BA, GRVA TSANG GNYIS KYI DGE SKOS ZUR PA BCAS YIN KYANG CHE NYAMS DANG RGYAS SPROS SOGS GANG YANG MED PAR TRE HOR KHAMS TSAN GYI THOG KHAR SHAG CHUNG MDO SBUG GNYIS YOD PA ZHIG TU BZHUGS, SBUG TU CHAG SGAM CHUNG NGU ZHIG GI STENG DU SGAM CHAG SHEL SGO SPRAS PA'I NANG RJE RIN PO CHE DANG, RJE BTZUN SGROL MA'I SKU BRNYAN GNYIS, STENG DU PHYAG DPE MI NYUNG TZAM ZHIG DANG 'OG TU SA GDAN DANG GDAN KHRI GANG YANG MED PAR BZHUGS 'BOL CHA GCIG ZHAL GDAN DMAR RKYANG GCIG ,MDUN DU GSOL LCOG CHUNG CHUNG GCIG ,MDOR GZIM MAL RKYANG GDAN GCIG GI STENG DU GRUM GDAN SER PO RGAL CHAD GCIG DANG GZIM PHRUG RNYING TZAM PA, GSOL THAB SKOR GNAS SKABS BED CHOD TZAM LAS DMAR BA GANG YANG MED, DE LTAR SKU'I NYER SPYAD SOGS MTHA' GNYIS SU @17 MA LHUNG TZAM DANG PHEBS BZHUGS GANG GI TSE YANG GRVA BTZUN DKYUS MA DANG MTSUNGS PAR MKHAS NYAMS CHE NYAMS SOGS GTAN NAS MI MDZAD PAS SU YIN RUNG 'GROGS BDE BA YOD, ZHAL NAS RAB TU BYUNG BAS YO BYAD MANG PO GSOG 'JOG BYA MI RUNG, 'CHI BA'I TSE BYA RDO THOG NAS 'PHUR BA LTA BU DGOS ZHES YANG YANG GSUNGS, GSANG SNGAGS KYI NYER SPYAD KYANG CHAG SGAM DU RDO DRIL DANG NANG MCHOD TZAM YOD PA LAS GZHAN MNGON MTSAN CHE BA GANG YANG MED PAR GSANG ZHING SBAS PA'I SGO NAS NYAMS BZHES GNANG BA JO BO BKA' GDAMS PA'I RNAM THAR GTZANG MA BDAG GIR BZHES, THUGS RGYUD KYANG SHIN TU BZANG BA ZHIG YOD DE, 'GRO BA NYAM THAG PA SDUG BSNGAL GYIS MNAR BA GZIGS PA'AM GSAN PA NA THUGS BRTZE BA CHEN POS BSKYOD NAS SPYAN CHAB 'BYIN PAR MDZAD PAS DPOG PAR NUS LA, DE YANG RGAN RIN PO CHE DGE SKOS MDZAD DE RGYUD SMAD AE WAM DU TSOGS PA'I SKABS SHIG NA GSAR BU PA NGAG DBANG LEGS BSHAD SOGS 'GA' ZHIG TSOGS CHEN ZHAL NGOS RKU MAR RTA LCAG GZHU SAR LTA BAR PHYIN NAS TSUR 'ONG BA DANG, DGE SKOS NAS GA BAR PHYIN PA GSUNG PA NA ZHED SNANG TSAD MED SKYES KYANG LAN DRANG POR GSOL BAS, CI 'DRA CI BYED 'DUG GSUNGS PAR LUS GCER BUR BTON TE GLANG LCAG GZHU GI 'DUG ZHUS PAS, SPYAN CHAB CHAR RGYUN BZHIN BSIL TE KHONG PA TSOR YANG BKA' BKYON PA SOGS MA BYUNG, DGE BSHES DE HA CANG GI THUGS RGYUD BZANG PO ZHIG YOD CES PHYIS YANG YANG BSNGAGS BRJOD BYED PA DANG, YANG DPE KHRID SKABS MU STEGS RGYANG PHAN SOGS KYI 'DOD PA 'CHAD SKABS DE @18 'DRA'I LTA BA LOG PA YANG YONG GI YOD RED GSUNGS NAS BRTZE BA'I NYAMS KYIS SPYAN CHAB BSIL BA LTA BU YIN, DAR DGON DGE BSHES SER BYES DGE ZUR TSE BKRA LAGS NAS KYANG BLO BZANG DBANG PHYUG RIGS PA'I DBANG PHYUG RED, YAR YAR PHYIN RIM BZHIN THUGS RGYUD BZANG DU BZANG DU 'GRO BA KHONG LTA BU DGOS PA RED CES SOGS GSUNGS, BKA' SLOB DANG GSUNG MOL JI 'DRA ZHIG GNANG RUNG MTHAR LUS ZHI DUL DANG SEMS BZANG PO DGOS PA'I STENG DU KOR RE 'ONG BA ZHIG YOD, MDOR NA GUNG THANG RIN PO CHES, MANG DU THOS PA RGYA CHER BTZAL BAS MKHAS, ,THOS DON JI BZHIN RGYUD LA SBYAR BAS BTZUN, ,KUN KYANG BSTAN 'GRO'I DON DU BSNGO BAS BZANG, ,BLO BZANG RGYAS BA'I BSTAN PA RGYAL GYUR CIG ,CES RJE RIN PO CHE'I BKA' SROL 'DZIN PA RNAMS KYI RNAM THAR GYI DON BSDU MDZAD PA LTAR 'DI NYID LA MNGA' BA YIN NO, ,BSTAN PA LA BYA BA MDZAD TSUL YANG, DGUNG GRANG NYER GNYIS YAN MAN NAS DGUNG GRANGS MTHAR PHYIN GYI BAR DMIGS BSAL 'GA' ZHIG GI SKABS MA GTOGS PAR DPE KHRID KHO NA MDZAD PA'I 'DI NYID BSTAN PA'I BYA BA RLABS CHE SHOS YIN ZHING, DGE PHRUG BLO KHA MTHO BA RNAMS LA YANG DPE KHRID BYED DGOS PAR YANG YANG GSUNGS, GZHAN YANG DGUNG GRANGS ZHE GCIG THOG SMAD RGYUD GRVA TSANG GI DGE SKOS, ZHE GNYIS LA SER BYES GRVA TSANG GI DBYAR KHA'I DGE SKOS BZHENGS, GRVA TSANG GNYIS KYI SGRIG LAM DAM CHOS 'DUL BA'I DGONGS DON BYANG CHUB LAM RIM CHEN MO DANG NGO BO DBYER MED PAR GSUNG RGYUN LA YOD PA LTAR DE DANG MTHUN PA'I MI NYAMS GONG 'PHEL NYAMS PA SOR CHUD 'BYUNG THABS, TSOGS @19 CHOS SLOB GNYER LA BSKUL SLONG GNANG RGYU SOGS BSTAN PA'I MIG RGYAN DGE SKOS KYI MING DON MTHUN PAR MDZAD, DGUNG GRANGS ZHE DRUG PHEBS SKABS LI THANG SHOG DRUG SKYABS MGON RIN PO CHE NAS DBU MA'I LTA BA'I SKOR PHYAG DPE TSIGS BCAD MA ZHIG BRTZAMS NAS SNGON GYI MKHAS PA'I SROL LTAR GDAN SA CHEN PO'I MKHAS PA RNAMS LA 'THAD MIN BRTAG RGYUR 'GREMS GNANG MDZAD PA NA, MKHAS PA GZHAN RNAMS MNYAM NYID CHEN MO'I NGANG DU YUR TE LAN GYI SPROS PA'I SKABS MA BYUNG, RGAN RIN PO CHE NAS SPYIR BSTAN PA'I DAG THER DANG, RTZOM PA PO'I BZHED PA BSKONG PHYIR SKYON SEL GYI MCHAN 'GOD MDZAD DE PHUL BAS MCHOG TU DGYES TE 'BYIN 'JUG DGOS PA RNAMS GNANG NAS PHYIS LJAGS LUNG GNANG SKABS SNGON DU 'DI 'DRA ZHIG YOD KYANG SE RA'I DGE BSHES MKHAS PA'I DBANG PO BLO BZANG DBANG PHYUG GI GSUNG LTAR 'DI 'DRAR BCOS TSUL GSUNGS PA KHO BO KYANG THOS, ZHE BDUN LA PHEBS PA NA ^GONG SA ^SKYABS MGON YID BZHIN NOR BU SE RAR CHOS BZHUGS BKA' DRIN BSKYANG SKABS TSOGS CHEN 'DU KHANG DU MDZAD SGO LEGS GRUB KYI DGYES STON DKAR GRO'I TSOGS BZHENGS GNANG, 'DI LOR GRVA TSANG GI KHONGS NAS 'JANG DGUN CHOS SU PHEBS MKHAN ZHAN TZAM BYUNG STABS RGAN RIN PO CHE'I DGE PHRUG MKHAN PO LAS THOG THUB BSTAN BSAM GTAN MCHOG NAS 'GRO GRON DANG, ZHABS PHYI BTANG TE GDAN ZHUS LTAR RTAGS RIG NAS LE'U BZHI PA BAR NYIN RER DPE KHRID THENG BZHI LNGA TZAM GNANG BA'I BKA' DRIN GYIS NYIN CHOS DANG THOR CHOS SOGS LA RTZOD PA DANG, DAM BCA' SNGON LAS LHAG PA BYUNG, 'DI SKABS BLA MA DBU MDZAD BSKO BA'I SKABS @20 KHEL BA'I 'GA' ZHIG GIS THUGS 'DOD YOD MED BKA' 'DRI ZHUS PA NA, LO CHUNG DUS YIN NA LAS SNE 'DRA YANG BYED 'DOD YOD DA NI MDO SNGAGS KYI LAM RIM GNYIS LA GANG THUB CI THUB KYI NYAMS LEN BYED SNYAM PA LAS GZHAN 'DOD PA GANG YANG MED GSUNGS, ZHE BRGYAD BZHES PA'I SKABS SHIG NA NGED CAG LA CHOS SDINGS GONG DU SKYABS 'GRO GSOG GI YIN GSUNGS, DON DU SKU MTSAMS BCAD DE SGRUB PA RTZE GCIG TU MDZAD PAR BZHED NAS ^SKYABS RJE KHRI BYANG RIN PO CHER DE DON GNANG BA GSOL BAS SGRUB PA LAS DPE KHRID MDZAD PA BSTAN PA SPYI LA PHAN CHE TSUL GSUNGS TE GNANG BA MA BSTZAL BAS SNGAR LAS KYANG LHAG PAR DPE KHRID LA BRTZON PAR MDZAD, 'DI LOR SKU TSA NYI MA TSE RING BTZUN CHUNG ZHIG ZHABS ZHUR 'BYOR, GZIM SHAG TU ZHABS PHYI THOG MA YIN, ZHE DGUR PHEBS SKABS BOD GZHUNG NAS DGE BSHES MKHAS PA GCIG PHYI RGYAL DU GTONG DGOS KYI 'DUG GSUNGS NAS DGE BSHES DRAG GRAS TSOGS 'DUR BSKONG BA SOGS KYIS CUNG ZAD THUGS SUN BYUNG, 'KHRUNGS YUL NAS SKU MCHED DKAR MDZES DGON GYI SPYI SO TSE RING DBANG PHYUG LHA SAR 'BYOR BYUNG BAS KYANG PHEBS SKUL ZHUS YOD TSOD, GTZO CHER SMAD PHYOGS KYI GDUL BYA 'DUL BA'I DUS MKHYEN TE 'KHRUNGS YUL DU PHEBS RGYU'I DGONGS PA BTAD, RGYUD PA NAS 'THEN RGYU SOGS STA GON RNAMS GSANG STABS KYIS MDZAD, 'DI LO DGUN KHAR RGYUD SMAD DU DAM BCA'I SKABS RTAGS BSAL BKRA SHIS GANG ZHIG MA GTONG GNANG MDZAD PAS 'GA' SHAS NAS BKRA SHIS BRJOD GNANG SONG RGYUD PA NAS 'THEN RGYU YIN PA RED ZER MKHAN YANG BYUNG, DGUNG GRANGS LNGA BCUR PHEBS PA LCAGS STAG @21 LO'I SMON LAM SKABS SU RTAGS BSAL TSIG BZANG SHA STAG GNANG BAS GANG YIN NAM SNYAM PA BYUNG, BCO LNGA'I RGYAB TZAM LA KHO BOR DA NGA LO CHEN PO LNGA BCUR SLEBS ZIN PA RED, BLA MA MANG PO'I MDUN NAS GSUNG CHOS MANG PO ZHUS KHAS LEN MANG PO ZHUS YOD DE DAG MA BSGRUB NA DAM TSIG DANG 'GAL RGYU RED, DE DAG BSGRUB CHED PHA YUL DU 'GRO RGYU YIN GZHAN LA MA LAB GSUNGS, GZHAN RNAMS KYIS KYANG TSOR TE DGE PHRUG RNAMS KYIS GRVA SA RANG DU BZHUGS PAR GSOL BA BTAB KYANG GONG LTAR GSUNGS NAS MA GSAN, ^SKYABS RJE KHRI BYANG RIN PO CHER BSHOL 'DEBS GNANG ROG ZHUS PA NA, ,RGAN MKHAS PA CHEN PO RED KHO RANG GI DGONGS PA LA NGAS DGAG BYA ZHU NUS KYI MA RED GSUNGS PAS BYA THABS BRAL, SMON LAM GROL RJES TRE HOR SKYOR DPON RIN PO CHE SKYABS RJE KHRI BYANG RDO RJE 'CHANG GI MDUN NAS GSANG BDE 'JIGS GSUM GYI DBANG CHEN ZHU BAR LHA SAR PHEBS, KHONG DANG THUGS SNANG SHIN TU ZAB PAS KHONG LHA SA'I LHO PHYOGS KYI GRONG ZAD MTHAR RTZIG PA ZHIG GI 'KHRIS SU BZHUGS YOD SAR RGAN RDO RJE BKRA SHIS PHYAG PHYIR KHRID NAS MJAL 'PHRAD GNANG, GSUNG MOL MANG DU GNANG, SKYOR DPON RIN PO CHE NAS NGA TSO'I LUNG PA SKYO PO LAS 'BRAS DANG BLANG DOR LA RMONGS PA'I SMAG RUM GYI KHROD DU RGAN RIN PO CHE NAS SGRUB PA GCIG PO MA YIN PAR BSHAD SGRUB ZUNG DU 'BREL BA'I SGO NAS CHOS KYI SGRON ME SPOR DGOS PA'I SKUL MA MDZAD, DE RJES DGON PA NAS LHA SAR DKAR MDZES MTSAN NYID GRVA TSANG GI KHANG PAR PHEBS BZHUGS MDZAD, DE NAS RGAN RIN PO CHE DANG KHANG DMAR RIN PO CHE SKU 'KHOR, SER BYES @22 MKHAN PO, SE RUNG RIN PO CHE SOGS CHIBS RAG MDOR BSDUS BCAS SKU 'BUM THANG DU GRVA TSANG, KHAMS TSAN, DGE PHRUG SPYI BCAS NAS PHEBS BSKYEL THABS BSU'I SAR PHEBS, GSOL JA BZHES 'BRAS BTEGS, MJAL KHA BCAS GRUB NAS MKHAN RIN PO CHE DANG, SE RUNG RIN PO CHE SOGS KYIS PHAR TZAM BAR PHEBS BSKYEL ZHUS, KHANG DMAR RIN PO CHE LHAN PHEBS GNANG, DGE PHRUG BYINGS RNAMS DBU GUR DU MIG MCHI MAS GANG BZHIN 'DUS PA NA DER YOD KYI DGE PHRUG RGAN PA LHA RAMS PA MTHU STOBS LAGS NAS SPYAN CHAB 'BYIN BZHIN PAR NGU NGAG GIS RGAN RIN PO CHE PHEBS LAM DU SKU MNYEL MED PAR PHA YUL DU BSTAN 'GRO'I DON THUGS BZHED LTAR 'GRUB PA DANG, NGA RANG TSOS KYANG TSOGS CHOS SLOB GNYER RGAN BZHUGS PA'I SKABS BZHIN BYED DGOS PA'I BSLAB BYA BSKYANGS, DE NAS LAM BAR GYI DAD LDAN RNAMS KYI RE BA SKONG BZHIN PAR 'KHRUNGS YUL DU PHEBS BSU ZAB RGYAS DANG BCAS TE PHEBS, DER LO BZHI LHAG TZAM BZHUGS RING SGRUB PA NYAMS BZHES GTZO BOR GNANG THOG BAR BAR DU DAD LDAN GYI SLOB MA RNAMS LA MYUR LAM DMAR KHRID KYI NYAMS KHRID, BYANG CHUB LAM RIM CHEN MO, LEGS BSHAD SNYING PO, SPYOD 'JUG CHEN MO BCAS KYI BSHAD KHRID, BLA MA MCHOD PA, DGA' LDAN LHA BRGYA MA SOGS KYI BKA' KHRID, GSANG BDE 'JIGS GSUM GYI DBANG CHEN, MGON CHOS LHA MO SOGS KYI RJES GNANG, RJE TSE 'DZIN MA'I TSE DBANG DPE CHA BA RNAMS LA DPE KHRID GNANG RGYU SOGS GANG LA GANG 'DOD BZHIN STZAL, LHAG PAR SDOM GSUM BSLAB BYA'I BKA' KHRID ZAB NAN THOG SDOM PA BSRUNGS PA'I PHAN YON, MA @23 BSRUNGS PA'I NYES DMIGS, NYAMS NA PHYIR BCOS TSUL SOGS ZHIB CING PHRA BAR GSUNGS PAS SNGAR DGON DER GSO SBYONG LA PHEBS MKHAN DANG, CHOS GOS RNAM SBYAR LA DO SNANG DE TZAM MED KYANG PHYIS GSO SBYONG LA CHAG MED DANG, CHOS GOS RNAM SBYAR MED NA NGO NONGS DGOS PA LTA BU'I SROL CHAGS TE 'DUL BSTAN NYIN MO LTAR GSAL BAR MDZAD PA'I BKA' DRIN BSAM BRJOD LAS 'DAS, ,^GONG SA ^SKYABS MGON CHEN PO MCHOG DGON DER CHIBS SGYUR GNANG SKABS DGE SLONG RNAM SBYAR GYON PA SHA STAG GI 'PHRENG BSTAR NAS BSU BA ZHUS PAS THUGS DGYES TE BSNGAGS BRJOD KYANG GNANG, RONG TSA RI KHROD SOGS SU PHEBS NAS CHOS MANG DU GSUNGS, DKAR MDZES SNGAGS PA GRVA TSANG GI MKHAN PO'I MDZAD KHUR LO GCIG BZHES, ,DE NAS DGUNG GRANGS NGA BZHI PA SHING RTA LOR ^GONG SA ^SKYABS MGON CHEN PO MCHOG NAS SER BYES MKHAS SNYAN GRVA TSANG GI MKHAN POR DMIGS BSAL GYIS BSKO BZHAG BSTZAL BA'I BKA' YIG RIN PO CHE PHEBS, DGON DER GDAN SA KHAG NAS SLOB GNYER MTHAR PHYIN PA'I DGE BSHES BCU PHRAG GNYIS LAS BRGAL BA YOD KYANG KHUL DE'I MI RNAMS RO GYONG BAS GZHAN RNAMS KYIS GDUL BYAR MA GYUR STABS GRVA SHAR 'GA' SHAS NAS, NGA TSOR DGE BSHES PHAN THOGS PA GCIG YOD PA DE SDE PA GZHUNG NAS 'PHROG RTZIS BYED PA RED GTONG GI MIN ZER BA DANG, LAS SNE RNAMS KYIS RGAN RIN PO CHE BZHUGS ROG GNANG MKHAN PO DGONGS ZHU'I SNYAN ZHU NGA TSOS 'BUL GYI YIN ZHUS PA DANG, RGAN RANG NAS LAS SNE GNANG RGYU THUGS 'DOD MED PAS JI 'DRA BYED SNYAM DU DGONGS PA NA, SNGAR GYI RTZA @24 BA'I DGE RGAN DGE BSHES RDO RJE GNAS SKYABS YAR BZHENGS TE ^GONG SA ^SKYABS MGON CHEN PO'I SKU PAR SPYI BOR BLANGS NAS SKU NA PHRA MO 'DI 'DRA'I SKABS NAS CHOS SRID KYI MDZAD 'KHUR CHEN PO 'DI LTA BU BZHES KYI YOD NA BKA' BCAG NUS BRAL BAS RGAN NAS MKHAN PO GNANG STE CHOS SRID KYI ZHABS 'DEGS GANG YONG SGRUB DGOS GSUNGS PA DANG, KHUL DE'I BSTAN 'GRO'I DON YANG PHAL CHER GRUB ZIN PAS YAR PHEBS RGYUR THUGS GTAN KHEL, DE NAS KHANG DMAR RIN PO CHE DANG, LAM GRAGS RIN PO CHE RNAM GNYIS KYIS GO RA THANG DU THUGS SPROR GDAN ZHUS LTAR NYIN BDUN RING SKU KHAMS BSANGS PAR MDZAD, GZHAN SPYI SGER MANG POS GSOL STON BSHAMS, GRVA PA GCIG GIS DKAR YOL YU RING DMAR PO ZHIG PHUL BA DBANG GI MDOG DANG MTHUN PAS BZHES PA YIN GSUNGS, DE SKABS NYAMS SNANG DE TZAM MA BYUNG YANG YI DAM PADMA DBANG CHEN DGYES PA'I BRDA MTSON LTA BUR GSUNGS PA YIN NAM SNYAM, LHA SAR PHEBS NAS NYAMS ZHIB MKHAN GYIS BRTAG PA NA RIN THANG CHE BA'I DKAR YOL ZHIG YIN 'DUG ,DE NAS PHEBS LAM DU ZHUGS NAS CHAB MDOR PHEBS, DER DGE BSHES BYAMS PA MTHA' YAS LAGS NAS MDO PHYOGS 'DZIN GRVA BCU GSUM SER BYES GRVA TSANG JI LTA BA BZHIN 'DZUGS GNYER MDZAD YOD KYANG, SNGAGS KYI 'DZIN GRVA 'DZUGS RGYU YIN PA BZHIN 'DI SKABS RGAN RIN PO CHE NAS SNGAGS KYI 'DZIN GRVA'I SKAR 'DZIN NAM DBU 'BYED MDZAD DE, SNGAGS RIM CHEN MO'I DBU NAS BRTZI BZHAG LAN GSUM GTONG BA BCAS GNANG, DE NAS CHAB MDO MTSAN NYID GRVA TSANG NAS LHA SA BAR CHIBS THOG GDAN ZHU CHOG PA ZHUS KYANG SNUM 'KHOR THOG @25 PHEBS NAS SPRA MOG TU ^GONG SA ^KYABS MGON CHEN PO'I MDUN MKHAN PO GSAR MJAL ZHUS, ^SKYABS RJE KHRI BYANG RDO RJE 'CHANG MCHOG NAS, YA RGAN BLO BZANG DBANG PHYUG KHYED RANG DA PHA YUL LA SKYID PO GNANG NAS BZHUGS DANG ZHES DANG, MAR PHEBS DUS GRVA SA'I DGE PHRUG TSO NGU SHAD TSAG DE BA BZOS, DA YANG PHA YUL DU NGU SHAD TSAG DE BA BZOS YOD RED SOGS NANG NYAMS KYIS GSUNG GLENG 'PHEL, DE NAS RIM PHEBS KYIS BOD ZLA 7 BDUN PA'I TSES 28 NYER BRGYAD NYIN LHA SAR 'BYOR TE DBANG 'DUS KHANG GSAR DU BZHUGS, BOD ZLA 8 BRGYAD PA'I TSES 3 NYIN GRVA TSANG DANG KHAMS TSAN GYIS THAB BSU BCAS SE RAR PHEBS, DGE PHRUG MKHAN ZUR DANG BLA SPRUL RNAMS CHIBS ZHABS SU BCAR, THOG MAR TRE HOR KHAMS TSAN GYI TSOMS NANG DU RTEN 'BREL GYI MDZAD SGO GNANG SAR GRVA TSANG KHAMS TSAN SOGS KYIS MAndAL RTEN GSUM 'DEGS 'BUL ZHUS, GZHAN YANG DGE PHRUG ,THUGS DGE KHAG ,LHA SDOD DKAR MDZES DANG DAR RGYAS KHUL GYI TSONG RIGS RNAMS KYANG MJAL KHAR BCAR, 'DI DUS SE RA'I CHAB ZHUGS KYI SKABS SU KHEL ZHING, KHANG TSAN GYI BGRES PA RNAMS KYANG NYIN BDUN TZAM GYI RING GLING KHAR CHAB ZHUGS THUGS SPRO GTONG SROL YOD PA DER YANG GDAN 'DREN ZHUS, RNAM KUN KHANG TSAN GYI LAS DON SKOR LA GROS BSDUR GNANG GI YOD KYANG 'DI LO RGAN RIN PO CHE PHEBS PA'I DGYES STON LTA BUR LAS DON GZHAN BZHAGS TE SPRO ZHING BAG PHEBS PA'I TSUL GYIS LHOD BZHUGS MDZAD, DE NAS BOD RGYAL 2081 PHYI LO 1954 RAB RGYAL SHING RTA ZLA BA 8 BRGYAD PA'I @26 TSES 10 GZA' SKAR MCHOG TU DGE BA'I NYIN SER BYES GRVA TSANG GI 'DU KHANG CHEN MO'I NANG DU BYES SMAD SNGAGS GSUM GYI DGE 'DUN 'DUS PA'I MANG JA'I TSOGS DBUS SU KHAMS TSAN DGE RGAN RNAMS KYIS SPOS SNE DANG, GONG GSAL THUGS DGE KHAG NAS MTHA' BSTEN DANG BCAS GDAN DRANGS TE YAB RJE RGYAL BA GNYIS PA'I SRAS KYI THU BO KUN MKHYEN BLO GROS RIN CHEN SENGGE BA CHEN PO'I MI 'JIGS GDONG LNGAS BTEG PA'I CHOS KYI KHRI LA ZHABS SOR BKOD DE CHOS KYI RGYAL TSAB CHEN POR MNGA' GSOL, DER GZHUNG SA MCHOG NAS GSOL JA BZHES 'BRAS ^GONG SA MCHOG GI PHYAG BSRUNG MJAL DAR BCAS GNANG, GZHAN YANG GRVA TSANG TSOGS CHEN KHANG TSAN SOGS KYIS MAndAL SKU GSUNG THUGS RTEN 'DEGS 'BUL ZHUS, TSOGS DBUS SU LJAGS BSNGO DANG, TSOGS PAR BKRA SHIS PA'I RDZAS KHA BTAGS DKAR GTZANG RE BCAS 'BUL GNANG MDZAD, DE NAS GRVA TSANG YANG STENG BLA BRANG GZIM CHUNG DU GDAN 'DREN ZHUS, GUNG TSIG CHOS RVA'I SKABS SU CHOS KHRIR PHEBS, SHES RAB SNYING PO TSAR GSUM BZLOG PA DGU BZLOG TSIGS BCAD BCAS GRUB MTSAMS DBU MDZAD NAS MAndAL DBU BSKUL GNANG, GRVA TSANG NAS MJAL DAR RTEN GSUM PHUL RJES MKHAN RIN PO CHE NAS DBU BSKUL GNANG STE LAM RIM CHEN MO'I MCHOD BRJOD BAR GANGS CAN SHING RTA BCUGS NAS LAN GSUM GSUNGS, DE SKABS DBU ZHVA PHYAG TU BZHES TE GUS BTUD GNANG, DE NAS SANGS RGYAS CHOS TSOGS MA TSAR GSUM GYI RJES DBU ZHVA DBU THOG TU LEB 'JOG MDZAD NAS LAM RIM CHEN MO'I DBU NAS CHOS THUN GCIG GNANG GRUB RJES MAndAL BCAS PHUL TE @27 GZIM CHUNG DU PHEBS, DE NAS GZIM CHUNG DU CHOS PHYOGS KYI MDZAD SGO'I THOG MAR RGYUD SMAD MKHAN PO SKAL BZANG RNAM RGYAL LAM KA BLO ZHU BA DE DANG, DGE BSHES THUB BSTAN BKRA SHIS, KHO BO CAG SOGS MI DRUG LA DGE BSHES LHA RAMS PA'I MING RTAGS GSOL STZAL GNANG ZHING, GRVA TSANG TSOGS 'DU LHAN RGYAS SU BKA' MOL GYI THOG MAR BCU DGU MCHOD PA'I SKABS GRVA TSANG NAS DGE 'DUN RER GSOL ZHIB MDA' ZO KHA BCAD RE 'BUL GYI YOD PA DA NAS BZUNG JI SRID NAM GNAS BAR KHA GCOD MA DGOS PAR BYUR BUR BKANG STE 'BUL RGYU'I THAG GCOD GNANG BA NI GRVA TSANG GI THOS BSAM SLOB GNYER, 'DOD RGU LONGS SPYOD GSANG 'PHEL DU 'GYUR BA'I RTEN 'BREL DU MNGON, DE NAS 'PHAGS PA LHA RIGS CHUNG TSOGS BZHENGS GRUB PA'I MDZAD SGO GNANG, GRVA TSANG NAS STON CHOS CHEN MO'I SKABS 'BRU PHOG YOD MED NGES MED GNANG GI YOD PA 'DI LO NAS BZUNG 'BRU KHAL RE 'BUL RGYU GTAN KHEL MDZAD, BOD ZLA BCU PAR PHAR PHYIN GYI TSOGS DBUR PHEBS, DGUN KHAR BSNYUN GZHI LJID TZAM ZHIG BZHES PAR ZHAL NAS, 'GA' ZHIG GIS GDAN SAR PHEBS PA MA LEGS TSUL ZER YANG, NGA RANG GI BSAM PAR PHA YUL DU YOD NA'ANG LAS DBANG GIS NA TSA 'DI YONG GI RED, RIM GRO DANG, SMAN BCOS KYI CHA RKYEN 'DI GA TZAM MI 'DZOMS PAS 'CHI BA LAS 'OS MED, DA LEN MA SHI BA ^SKYABS MGON RIN PO CHE'I BKA' DRIN YIN GSUNGS TE GDAMS NGAG GLENG MO'I TSUL GYIS 'DOMS PAR MDZAD, SHING LUG LOR ^GONG SA ^SKYABS MGON @28 CHEN PO MCHOG GDAN SA KHAG LA GNAS GZIGS DANG 'BREL SER BYES CHOS RVA'I NANG RTZOD GZIGS SU PHEBS TE GAM BCAR BA RNAMS SKU DRUNG DU MED PA'I SENG BAR DU GRVA TSANG GI LAS DON SKOR BKA' 'DRI DANG, DKA' NGAL BYUNG TSE SNYAN SUN ZHUS CHOG PA'I BKA' BZHES THOB KYANG DE 'DRA YOD TSUL DANG, SNYAN SUN ZHU BA SOGS GTAN NAS MA MDZAD, DGUN STOD CHOG GRVA RGYUD SMAD DGE 'DUN PA BCU GRANGS DANG RDOR SLOB ^SKYABS RJE YONGS 'DZIN KHRI BYANG RIN PO CHES GNANG NAS GRVA TSANG YANG STENG DU NYIN GSUM RING RAB GNAS TSUGS, MKHAN BRGYUD KHA SKONG YANG 'DI DUS GNANG, DGE CHOS KYI KLU RGYAN LA DGAG LAN BRTZOM RGYU'I STA GON GNANG YANG, DE RJES KLU 'BUM LHA RAMS PA SHES RAB RGYA MTSOS RTZOM GYI YOD PAR GSAN PAS 'JOG PAR MDZAD, ME SPREL LOR GRVA TSANG GI TSOGS GDAN DANG RGYUN BRGYAB KYI MCHOD RDZAS BGRES ZAD CHE BAR BRTEN, TSOGS GDAN GSAR BRJE DANG, MCHOD RDZAS SNGON MA LAS CHE LEGS GSAR BSKRUN GNANG, DAM PA GONG MA RNAMS KYIS RTEN RNYING PAR RAB GNAS YANG YANG BSKYAR DGOS PAR GSUNGS PA LTAR 'DI LO ZLA BA LNGA PAR RGYUD SMAD TSOGS YONGS GDAN ZHUS KYI TSOGS DBUR ^GONG SA ^SKYABS MGON CHEN PO SPYAN DRANGS TE RDOR SLOB GNANG, GZHAN YANG KHRI THOG GO DRUG PA THUB BSTAN KUN DGA' DPAL BZANG PO, ^SKYABS RJE YONGS 'DZIN RNAM GNYIS, MKHAN PO LAS ZUR DANG BCAS DPAL LDAN SMAD RGYUD PA'I PHYAG LEN JI LTA BA BZHIN RAB GNAS CHO GA DGE LEGS CHAR 'BEBS KYI SGO NAS RTEN LA LHAG GNAS DANG, @29 TSOGS PAR YON GYIS MNYES PAR MDZAD, RAB GNAS GRUB 'PHRAL GRVA TSANG 'DU KHANG DU ^GONG SA ^SKYABS MGON CHEN POR MDO LUGS BRTAN BZHUGS DANG 'BREL GRVA TSANG TSOGS MANG NAS MJAL KHA ZHUS, LHAG GNAS KYI MTHUS GRVA TSANG PHYI NANG SNOD BCUD GANG SAR DGE MTSAN MNGON GSAL CAN BYUNG BA DE SKABS KYI LAS BYED PA PO RNAMS MTHUN PAR GLENG, ME BYA LOR RVA SGRENG RIN PO CHE CHOS BZHUGS KYI MDZAD SGO DANG, 'DI LO RGYA GAR 'PHAGS PA'I YUL NAS CHOS TSOGS KYI LTA SKOR TSOGS PA ZHIG BOD DU PHEBS NAS GDAN SA KHAG DANG, GRVA TSANG SO SOR GZIGS SKOR GNANG SKABS GRVA TSANG GI SNE LEN SAR BSTAN PA RIN PO CHE YUN DU GNAS PA'I THABS 'BA' ZHIG THUGS LA BRNAG PA'I MTHUS GZHAN DAG DANG MI 'DRA BAR SKU MGRON LA DGA' BSU YOD TSUL DANG, 'PHAGS BOD CHOS KYI 'BREL BA CHE TSUL, BOD DU CHOS LUGS NYAM DMAS BYUNG NA RGYA GAR GZHUNG DANG CHOS TSOGS KYI ROGS PHAN DGOS PA'I 'BOD BSKUL GNANG, SA KHYI LOR GRVA TSANG NAS ^GONG SA ^SKYABS MGON MCHOG LA BRTAN BZHUGS DANG, ^SKYABS RJE YONGS 'DZIN RNAM GNYIS LA'ANG LHA LDAN GZIM SHAG SO SOR BRTAN BZHUGS 'BUL BAR MDZAD, ^GONG SA ^SKYABS MGON CHEN PO MCHOG GIS GZHUNG CHEN BKA' POD LNGA LA SBYANGS PA MTHAR PHYIN PA GNANG GRUB NAS PHYI LO SMON LAM CHEN MO'I SKABS LHA RAMS MTSAN RTAGS BZHES RGYU'I SNGON 'GRO GDAN SA KHAG LA PHEBS TE SE RA TSOGS CHEN DU MTSAN RTAGS MDZAD SGO'I NYIN RGAN RIN PO CHE DAM BCAR BZHUGS TE @30 ^GONG SA MCHOG LA GSUNG LAN 'BUL BAR MDZAD, MKHAN PO GNANG RING ^GONG SA MCHOG GI MDZAD CHEN GAL CHE RIGS LA BKA' DGONGS BZHIN DKAR SPRO'I TSOGS BZHENGS YANG YANG GNANG, BOD MI MANG NAS GSER KHRI 'BUL SKABS KYI MDZAD SGOR TSOGS BZHENGS SKABS SA BCU'I BYANG CHUB SEMS DPA' CHEN PO LA PHYOGS BCU'I RGYAL BA RNAMS KYIS 'OD ZER CHEN POS DBANG BSKUR BA LAS BRTZAM TE RIG LAM SPRO BAR MDZAD CING, RIN PO CHE'I PADMA LA BZHAG STE ZHES PA GSER GYI KHRI LA BZHAG STE ZHES TSIGS BSGYUR MDZAD PAS MCHOD YON SKU 'KHOR TSANG MAR THUGS SMON GYI GSOS 'DEBS BLA NA MED PAR GYUR, ^GONG SA MCHOG NAS GSOL MGRON BRGYUD GSER GYI GSOL LTIR NAS GSOL JA GNANG BAR MDZAD, DE DAG GI SKABS KYI ZHAL BTAD RNAMS KYANG LHA RAMS AANG DANG PO BZHES NAS MKHAN PO'I GO SAR PHEBS PA MING DON GNYIS KA NAS CHES RGAN PAR GYUR PA DAG YIN MOD KYANG, RGAN RIN PO CHE'I 'BEL BA'I GTAM GYIS THAMS CAD KYANG BLO GSAL GZHON NU'I NGANG TSUL LA SBYOR BAR MDZAD PA NI DER 'KHOD GZUR GNAS RNAMS KYIS MKHYEN CHUB LTAR DANG, DER BRTEN ^GONG SA MCHOG NAS RGAN RIN PO CHE'I SKOR GSUNG GLENG MANG PO GNANG GI YOD 'DUG PA, ^SKYABS RJE KHRI BYANG RIN PO CHE'I ZHAL NAS DENG SANG RGYAL BA RIN PO CHE'I GZIM CHUNG RGAN BLO BZANG DBANG PHYUG GIS DAG DAG SBYANG BZHAG YOD DO, ,ZHES PHEBS, GONG DU BKOD PA RNAMS KYIS MTSON GRVA TSANG GI LAS DON GANG CI'I THUGS 'GAN BZHES SHING, MA ZAD ZHOG CHOS BRTZIS BZHAG ,NYIN CHOS LAM RIM @31 'CHAD NYAN DANG BRTZI BZHAG ,RGYUN DU DPE KHRID, DAM BCA' DANG, 'DZIN GRVA SO SOR RTZOD GZIGS BSLAB BYA SOGS YANG YANG GNANG BA LA BRTEN NAS DGE 'DUN GYI ZHAL GRANGS TSOGS CHOS SLOB GNYER SOGS GONG 'PHEL DU GYUR, DE NAS MKHAN PO DGONGS PA ZHU RTZIS GNANG BA NA LHO PA DGE BSHES BLO BZANG DON YOD LAGS NAS LO RJES MAR RVA SGRENG RIN PO CHE RIGS CHUNG GI MDZAD SGO, 'PHAGS PA LHA MTSAN RTAGS KYI MDZAD SGO BCAS KHEL STABS LO GCIG BZHUGS THUB NA LEGS TSUL ZHUS PAR DE DAG KHYED RANG GI THOG LA GNANG NA 'GRIGS KYI RED CES GSUNGS, SA PHAG SMON LAM CHEN MOR ^GONG SA ^SKYABS MGON CHEN POS RAB 'BYAMS PA'I MTSAN BZHES BKA' DRIN BSKYANGS GRUB PA'I RJES LA DGONGS ZHU PHUL BAS DGONGS 'KHROL LEGS PAR THOB STE GSAR PA GONG GSAL DGE BSHES DE RANG LA PHYAG RTAGS PHEBS, 1959 LOR RKYEN DBANG GIS BTZAN BYOL DU PHEBS TE SBAG SA CHOS SGAR SPOS SKABS KYANG MKHAN PO GSAR PA MA PHEBS BAR MKHAN PO'I LAS 'KHUR GNANG, YUL GYI TSA BA DANG DGUNG NA'I BABS KYI SKU'I 'PHROD BSTEN SOGS GANG CIR SKU'I NGAL BAR MA LTOS PAR GTZO CHE ^GONG SA CHEN PO'I BKA' DGONGS DANG, YANG SGOS RGYAL BSTAN NYAG PHRA THUGS KYI MA BZOD PAR RIS MED 'DUS DMANGS MNYAM BZHUGS KYIS DAD 'DUD RIS MED DGE 'DUN RNAMS LA BYANG CHUB LAM RIM CHEN MO'I BSHAD KHRID, DRANG NGES LEGS BSHAD SNYING PO'I BSHAD KHRID THENG GNYIS, SNGAGS KYI SA LAM DANG, SKU GSUM LAM 'KHYER GYI @32 KHRID, THEG CHEN GSO SBYONG GI SDOM PA, 'GREL PA DON GSAL GYI BSHAD KHRID, NYIN LTAR DBU PHAR SOGS DPE KHRID CHOS THUN GNYIS RE PHAL CHER CHAG MED GNANG, GZHAN YANG DPE KHRID GNANG SKABS DON ZAB CING 'BREL CHAGS LA GO BDE BA GSUNG BSHAD NYUNG NGUS GZHUNG GONG 'OG KUN LA NGES PA STER THUB PA ZHIG YOD PAS, AA MDO DANG, DBUS KYI GDAN SA KHAG NAS GZHUNG CHEN MTHA' DAG LA SBYANGS ZIN PA 'GA' ZHIG KYANG GZHUNG CHEN MO LTA CI, BSDUS GRVA KHRID SKABS SU YANG CHAG MED DU BCAR BA YANG BYUNG, TRE HOR SKYOR DPON RIN PO CHE dAL HOR DU BZHUGS SKABS 'GA' ZHIG NAS SBAG SAR PHEBS NA GRVA TSOGS MANG BAS PHAN THOGS CHE TSUL ZHUS PA NA, NGA 'GRO DGOS KYI MA RED, RGAN BLO BZANG DBANG PHYUG YOD RED CES GSUNGS, MKHAS PA MKHAS PA'I NANG NA MDZES ZHES PA YANG 'DI LTA BU LA ZER BAR MNGON, 1969 LOR LHO PHYOGS MA'I SOR GZHIS CHAGS SU PHEBS 'BYOR ZIN NAS KYANG GSANG 'DUS RIM LNGA GSAL SGRON, SNGAGS KYI SA LAM, GRVA TSANG 'DI NYID KYI THUN MONG MA YIN PA'I YI DAM PADMA DBANG CHEN GYI BKA' DBANG THENG GNYIS DANG, LHAG PAR THUGS BRTZON SNGAR LAS KYANG CHER BSKYED KYIS SLOB GNYER BA RGAN GRAS RNAMS SMOS CI GSAR ZHUGS BLO GSAL BA RNAMS LA'ANG RIGS PA'I SGO 'BYED BSDUS GRVA NAS BZUNG RANG RANG 'DZIN GRA'I SKABS DANG MTSAMS PA'I DPE KHRID SKU'I NYOG TSUL CHER BZHES MA BYUNG BAR NYIN LTAR CHAG MED BKA' DRIN CHE SKYANG LA BRTEN DE SKABS 'DZIN GRVA DRUG TZAM PHRA TSUGS, DE DAG NI SKYABS MCHOG DAM PA GANG NYID KYI THABS MKHAS THUGS RJE DANG RING MO ZHIG NAS SNYIGS LNGA'I DUS 'DIR RGYAL BA'I BSTAN LA GCIG TU SMAN 'GYUR GYI THUGS BSKYED DUS SU BDO BA GOR MA CHAGS SHING, SER BYES RGYUD SMAD MKHAN ZUR AU RGYAN TSE BRTAN MCHOG NAS YI DAM GYI BKA' DBANG SNYAN GSAN PHUL NAS DUS TSOD GANG TZAM PHYIN PA'I NUB GCIG GZIM LAM DU BUD MED CHAS BZANG ZHIG NAS BYU RU DMAR PO MDOG LEGS MANG PO ZHIG SKU GZAN GYI LTEB TU PHUL ZHING, SKU NYID NAS DE GZHAN ZHIG TU BYO BAR MDZAD PA NA RDOG GNYIS LHAG PA ZHIG BYUNG BA YI DAM GYIS GNANG BA BSTZAL BAR DGONGS NAS GRVA TSANG TSOGS YONGS SU BKA' DBANG THENG DANG @33 PO GNANG, DE SKABS GRVA PA GNYIS GRVA TSANG GI LAS DON DU PHYOGS GZHAN DU BSKYOD NAS DBANG MA THOB, PHYIS KHONG GNYIS NAS ZHUS TE TSOGS YONGS SU THENG GNYIS PA BSTZAL, BYU RU GNYIS LHAG PA DE'I LTAS SU MNGON GSUNGS, BKA' DBANG SKABS KYI MCHOD GTOR BCA' GSHOM DANG, GANG LAS BRGYUD PA BCAS ^GONG SA ^SKYABS MGON CHEN PO MCHOG GIS JI LTA BA BZHIN GZIGS PA GZIM LAM DU BYUNG TSUL YANG GSUNGS, YANG ZHAL NAS, RJE BTZUN PA YANG DGUNG GRANGS DON DRUG LAS BZHUGS YOD PA MA RED, NGA YANG DE TZAM YIN 'GRO GSUNGS PA DANG, BKON RDOR SPRUL SKU SKU NA GZHON PA'I SKABS SHIG LA'ANG RJE BTZUN PA'I DGE PHRUG YIN NA LO DON DRUG SDOD DGOS ZHES SOGS GSUNGS KYI YOD PA LTAR DGUNG GRANGS DON DRUG DU PHEBS PAR NYE BA NA 'GA' ZHIG LA RING POR MI BZHUGS PA'I ZHAL TA PHEBS SHING, GDAN SA CHEN PO RNAMS SU THUGS SMON DANG 'BREL BSNYEN BSKUR ZAB RGYAS GNANG, DE'I RJES TZAM LA ^GONG SA MCHOG HUN SUR DU PHEBS SKABS ZHAL MJAL MA THAG DANG, GZIM CHUNG DU'ANG MCHOD 'BUL GNANG BA DE GA RE'I CHED DU YIN PA ZHES DANG, GZHAN YANG DE SKABS RGYUD SMAD DU PHEBS YOD PA DA LTA'I KHRI ZUR RIN PO CHE 'JAM DPAL GZHAN PHAN MCHOG DANG, BLO CHOS RIN PO CHE SOGS LA'ANG RGAN BLO BZANG DBANG PHYUG GIS MCHOD 'BUL CHEN PO GNANG BA DGONGS PA GA RE YIN SHES SAM, RGAN LTA BU LO SHAS BZHUGS THUB NA'ANG DGA' PO YONG BA 'DUG GA ,MI 'DUG GAM ZHES DANG, SKU TSE BRTAN PA'I GSOL BA 'DEBS DGOS GSUNGS PA BZHIN DU KHONG RNAMS KYIS KYANG GSOL BA BTAB, @34 ^GONG SA MCHOG RDA SAR PHEBS GRUB NAS KYANG TSE RDZAS DANG, PHYAG BRIS BCAS BSTZAL GNANG MDZAD PA LTAR THUGS 'DUN BSGYUR NAS DGUNG GRANGS DON DGU BAR BZHUGS, BOD RGYAL LO 2106 PHYI LO 1979 RAB BYUNG RGYAL PO'I BGRANG BYA 53 PA SA LUG LOR DGUNG GRANGS DON DGUR PHEBS PA NA GZIM LAM DU, BRAG G-YANG GZAR PO ZHIG GI NGOS SU GRVA TSANG YOD PA LA, DE'I THAD GONG NAS BRAG RDO SHIN TU CHEN PO SKYI G-YA' BA ZHIG 'GRIL NAS 'ONG BA GRVA TSANG GI THOG TU BAB NA BCOM TSAR BA LTA BU'I DNGANGS SKRAG BYUNG BA DANG, GRVA TSANG SKYOB THUB NA RANG NYID JI LTAR GYUR KYANG SLA SNYAM PA'I THUGS STOBS BSKYED DE PHYAG GNYIS BRKYANGS TE BKAG PAS 'GOG THUB PA ZHIG RMIS ZHES RGAN BLO BZANG BDE LEGS LA GSUNGS NAS GZHAN LA MA BSHAD AANG ZHES GSUNGS, DE NAS BZUNG GRVA TSANG RIN PO CHER SKU MNYEL CHEN PO ZHIG MI YONG NGAM ZHES THUGS NGAL YANG YANG GNANG, RJES SU BRTAN BZHUGS 'BUL SKABS SHIG LA BRTAN BZHUGS LEGS PO BYUNG TSUL ZHUS PA NA'ANG BRTAN BZHUGS PHUL KYANG KHA SENG NAS LAB TSAR BA DE GA RANG RED CES GSUNGS, GSUNG 'DI DAG LA DPAG NA BZHED BZHIN DU GRVA TSANG GI BAR CHAD BZLOG PA'I CHED DGONGS PA GZHAN DU GTAD PA ZHIG YIN PAR GOR MA CHAG GO ,BOD ZLA BZHI PA'I NANG TZAM NAS NYIN RE BZHIN 'JIGS BYED LHA BCU GSUM GYI BDAG 'JUG BZHES PAR MDZAD, PHYI ZLA 6 TSES SHAR TZAM LA RNAM KUN DANG CUNG MI 'DRA BA'I BLO GSAR BA TSOR SLOB GNYER BYED PHYOGS, BSGRIGS LAM KHUR STANGS, RGAN GZHON GO RIM RTZI GAL CHE LUGS SOGS KYI BKA' SLOB GTZO BOR STON GNANG BA DANG, GZHAN YANG DGE 'DUN PHYOGS 'GA' DANG 'GA' LA RING POR MI BZHUGS PA'I GSUNG SGO YANG YANG PHEBS PAR BRTEN GRVA TSANG MKHAN LAS 'DUS MANG YONGS NAS RANG MOS BLA KHAG LA THUGS DAM PHUL BA'I PHYIR PHEBS ZHABS RIM SMIN SGRUB ZHUS DANG ZHU MUR, PHYI ZLA 7 TSES 18 SKOR NAS PHRAN BU SKU KHAMS SNYOG TSUL BSTAN PAR GONG ZLA'I TSES 21 NYIN MA'I SOR SMAN KHANG DU SMAN BCOS GDAN ZHUS KYIS SKU'I 'PHROD BSTEN 'BYUNG THABS DANG, PHYOGS GCIG NAS ZHABS ZUNG YUN BRTAN GYI CHED ^GONG SA ^SKYABS MGON CHEN PO MCHOG DANG, ^SKYABS RJE YONGS 'DZIN RDO RJE 'CHANG RNAM GNYIS, GZHAN YANG RANG MOS BLA KHAG LA THUGS DAM BRTAGS PA ZHUS PHRAL, PHYIR PHEBS ZHABS RIM RNAMS GRVA TSANG PHYAG KHANG DANG, 'DUS DMANGS YONGS, KHANG TSAN, BLA BRANG ZHABS 'BRING, DKAR MDZES SKYID SDUG BCAS SPYI MGRIN NAS PHYAR BA GRU 'DEGS KYI SGO NAS PHRAL PHRAL SMIN SGRUB DANG, BRTAN BZHUGS STAR 'BUL BCAS SGO GANG SA NAS LHOD YANG DU MA SONG BA ZHU BZHIN MUR, SLOB BU RNAMS BSOD NAMS DMAN RKYEN GYIS BOD ZLA 7 PA'I GNAM GANG, PHYI ZLA 9 TSES 21 NYIN MO'I GUNG CHU @35 TSOD DANG PO YOL TZAM LA DGONGS PA ZHI DBYINGS SU MNA' TSUL BSTAN NAS, PHYI ZLA 9 TSES 24 SNGA DRO CHU TSOD LNGA PAR THUGS DAM 'OD GSAL LAS BZHENGS RTAGS BYANG SEMS DKAR DMAR PHEBS PA BSTUN, GDUNG KHRUS DANG, ZHUGS 'BUL ZHU SGO SOGS GZHUNG DANG MTHUN PA ZHU SKABS NAM MKHAR 'JA' SPRIN 'KHRIGS PA DANG, SKU GDUNG ZHUGS SU PHUL BA'I DAD RTEN YID CHES KYI GNAS SU GYUR PA BCAS KYIS BDAG SOGS GDUL BYA RNAMS BCOS MIN GYI DAD GUS LHAG PAR 'PHEL BA'I RGYUR SON CING, DAM PA GANG NAS DRANG NGES LEGS BSHAD SNYING PO THUGS DAM GTZIGS CHER GNANG STABS SKU GDUNG RIN PO CHE BZHUGS KYI RING NYIN MTSAN SBREL NAS BKLAGS SHING, SKU'I BDUN TSIG NAM YIN DANG, SKU GSHEGS KYI DUS CHEN NAM YIN LA LO GCIG RING GRVA TSANG TSOGS DBUS SU GSUNG BSGROGS ZHUS, DUS CHEN GCIG LA ^GONG SA YID BZHIN NOR BU TSOGS DBUR ZHABS 'KHOD KYIS LHAN GSUNGS GNANG, GDUNG RTEN THUB DBANG GI SKU BZHENGS PA NA BZO BO RANG YANG SHIN TU YA MTSAN PA'I BYON GTZANG PHEBS PA DA LTA GRVA TSANG RIN PO CHE'I RTEN GTZOR BZHUGS PA LAGS SO,, ,, DE LTAR RJE BLA MA MCHOG GI THUN MONG BA'I MDZAD PA RAG RIM TZAM ZHIG RANG GIS MJAL BA DANG, GZHAN NGAG SGROS TSAD MA LAS 'BYUNG BA GCAM BU DANG, RAB RTOG GIS MA BSLAD PAR SER LHO CHOS LDAN SPRUL MING PAS RANG BZHIN BCOS MIN DU BKOD PA 'DI YANG TSE RABS KUN TU RJE BTZUN BLA MA DAM PAS MNYES BZHIN RJES SU 'DZIN PA'I RGYUR GYUR CIG , @36 ` DRANG NGES LEGS PAR BSHAD PA'I SNYING PO'I ZIN BRIS BLO GSAL SGRON ME ZHES BYA BA BZHUGS SO, , @37 ` AOm SVA STI, GANG SKU MTSAN DPE'I DKYIL 'KHOR YONGS SU RDZOGS, ,CHOS TSUL SNOD DANG MTSAMS PA'I 'OD STONG 'BAR, ,MKHYEN BRTZES DBYINGS DANG 'DZIN MA KUN 'CHINGS PA'I, ,RNAM 'DREN NYI MA'I GNYEN LA GUS PHYAG 'TSAL, ,RGYAL o KUN MKHYEN RAB GCIG BSDUS DH'I YIG ZOL, ,RGYAL o BA'I YAB DANG YUM SRAS RNAM ROL LAS, ,RGYAL o BA GNYIS PA BLO BZANG GRAGS PA'I GAR, ,RGYAL o BA'I DGONGS ZAB 'BYED PAR DAD PHYAG BRTZEGS, ,BLO o CHEN BLO o YI LANG TSO RAB RGYAS RIGS TSUL BZANG o POS YONGS SU 'KHYUD, ,MKHAS o PA'I MKHAS o PAR BKA' YI DBANG o BGYID LUNG DANG RTOGS PA'I NOR GYIS PHYUG o ,BLO o GSAL BLO o YI RNAM DPYOD 'BYED BYED 'CHAD TSUL BZANG o PO'I RLABS KYIS BRJID, ,DBANG o PO'I DBANG o PHYUG o DPYID DU BZHUGS LA BYANG CHUB BAR DU RJES SU SKYONGS, ,DPYAD GSUM DAG PA'I LUNG GI MDA' STAN LA, ,TSUL GSUM RIGS PA'I SGRO LDAN STONG SBYAR NAS, ,GNAS GSUM DON RNAMS CIG CAR 'BIG BYED PA'I, ,RIGS GSUM GCIG BSDUS BLA MA'I GSUNG ZIN SPEL, ,DE LA BDAG CAG GI RNAM PAR 'DREN PA CHEN PO, BKA' DRIN DANG THUGS RJE MTSUNGS ZLA BRAL BA, NGES PA DON GYI MKHAS MCHOG SMRA BA'I SENG GE MTSAN BRJOD PAR DKA' BA DON GYI SLAD DU MTSAN NAS SMOS TE SER BYES MKHAN ZUR RIN PO CHE RDO RJE 'CHANG BLO BZANG DBANG PHYUG DPAL BZANG PO'I ZHAL SNGA NAS KYIS ZAB DON 'BREL BA'I LEGS BSHAD RMAD DU BYUNG BA RJE NYID NAS KYANG BKA' RTZOM GZHAN LA MA SBYAR BAS MTSAN LEGS PAR BSHAD PA'I SNYING PO ZHES BSNGAGS PA DON DANG LDAN PA'I @38 BSTAN BCOS CHEN PO 'DI NYID KYI DPE 'KHRID BSTZAL BA'I SKABS GCIG NA ^SKYABS RJE PHA BONG KHA PA'I MCHOG SPRUL RIN PO CHE NAS ZIN BRIS 'DEBS PAR MDZAD PA DANG, DGONGS PA GZHAN DON DU GSHEGS PAR NYE BA NA MKHAN CHEN RDO RJE 'CHANG DE NYID KYI GSUNG SGRA 'DZIN 'KHOR LOR BCUG PA KHA YAR 'DUG PA RNAMS GONG 'OG BSGRIGS TE PHYOGS GCIG TU DGOD PA LA ZHUGS SO, ,'DI 'CHAD PA LA GSUM, BSHAD PA LA 'JUG PA'I BYA BA, BSHAD PA NYID NYE BAR 'GOD PA, BSHAD PA MTHAR PHYIN PA'I BYA BA'O, ,DANG PO LA GNYIS, MCHOD PAR BRJOD PA DANG, BSHAD PAR DAM BCAS TE NYAN PAR BSKUL BA'O, ,DANG PO LA GNYIS, BSTAN BCOS GZHAN GYI 'GYUR PHYAG DANG MTHUN PAR MCHOD PAR BRJOD PA DANG, BSTAN BCOS LUS KYI MCHOD PAR BRJOD PA'O, ,DANG PO NI, NA MO GU RU MANYDZU GHO sh'A YA ZHES PA STE DON 'GYUR BYAS NA BLA MA 'JAM DBYANGS LA PHYAG 'TSAL LO ZHES PA STE DGOS PA NI BSTAN BCOS 'DI MNGON PA'I SDE SNOD DU GTOGS PAS SNGON GYI BKAS BCAD DANG MTHUN PAR MDZAD PA'AM, YANG NA DRANG NGES SPYI DON LAS, KHYAD PAR DU YANG, 'JAM MGON BLA MA'I DRIN GYIS LEGS MTHONG NAS, ,ZHES 'JAM DBYANGS KYIS BKA' DRIN LA BRTEN NAS DRANG NGES KYI DGONGS PA PHYIN CI MA LOG PAR RTOGS ZHES GSUNGS PAS BSTAN BCOS 'DI'I THOG MAR BKOD PA YIN NAM SNYAM MO ZHES GSUNGS PA LTAR TE 'DIS NI RANG GI RTZA BA'I BLA MA DE SANGS RGYAS LAS LHAG PAR BLTA DGOS PAR YANG BSTAN TO, ,GNYIS PA LA GNYIS, STON PA LA MCHOD PAR BRJOD PA DANG, @39 BSTAN 'DZIN LA MCHOD PAR BRJOD PA'O, ,DANG PO NI, BDE 'BYUNG SPRIN LA ZHON DANG ZHES SOGS TE DON NI SRID PA GSUM NA 'GRAN ZLA MED PAR RLOM PA'I LHA CHEN PO BRGYAD SOGS ZIL GYIS GNON PA'I SGO NAS BSTOD PA STE, 'DIR ZIL GYIS MNAN BYA LA 'GYING ZHES LUS DANG, NGA RO ZHES NGAG DANG, DREGS PA'I ZHES DANG RLOM PAS ZHES YID DE GSUM 'BYUNG BA LTAR SKU'I GZI BYIN DANG, GSUNG RTEN 'BREL ZAB MO'I NGA RO DANG, THUGS MKHYEN BRTZE'I YON TAN GYI SGO NAS ZIL GYIS GNON PAR SBYAR DU RUNG NGAM SNYAM STE SMRA BA ZLA MED KYI SGO NAS MCHOD PAR BRJOD PA'O, ,'DIS NI RANG GZHAN GYI STON PA DANG BSTAN PA'I KHYAD PAR RIG PAR BYAS TE 'JIG RTEN PA'I LHA LA SKYABS SU 'GRO MI RUNG BAR BSTAN TO, ,GNYIS PA LA GSUM, SRAS KYI THU BO GNYIS LA MCHOD PAR BRJOD PA, SHING RTA'I SROL 'BYED GNYIS LA MCHOD PAR BRJOD PA, SHING RTA'I SROL 'DZIN RNAMS LA MCHOD PAR BRJOD PA'O, ,DANG PO NI, MKHYEN BRTZE'I GTING MTHA' SHIN TU DPAG PAR DKA', ,ZHES SOGS KYIS 'CHAD, DON NI, SRAS MCHOG GNYIS RGYA MTSO CHEN PO DANG CHOS MTSUNGS RNAM PA GSUM GYI SGO NAS RGYA MTSO CHEN PO'I GZUGS SU BKOD DE MCHOD PAR BRJOD PA'O, ,CHOS MTSUNGS GSUM NI, RGYA MTSO GTING MTHA' DPAG DKA' BA, RBA RLABS G-YO BA, RIN PO CHE'I GTER DU GYUR PA GSUM DANG, 'DI GNYIS KYI MKHYEN BRTZE, BYANG CHUB SPYOD PA'I TSUL, LEGS PAR BSHAD PA'I GTER DU GYUR PA RNAMS SBYAR BA'O, ,'DIS NI BYANG CHUB CHEN PO BSGRUB PA LA ZAB RGYAS KYI LAM GNYIS YA MA BRAL BA DGOS PAR BSTAN TO, GNYIS PA NI, BDE GSHEGS GSUNG RAB TSUL GNYIS SHING RTA'I SROL, ,ZHES SOGS KYIS 'CHAD, DON NI, 'DI GNYIS KYIS BDE @40 BAR GSHEGS PA'I GSUNG RAB KYI LAM SROL MI 'DRA BA GNYIS KYI SHING RTA'I SROL LEGS PAR PHYE BA'I SGO NAS BSTAN PA'I MCHOG THEG CHEN GYI BSTAN PA SA GSUM NA GSAL BAR MDZAD PA'I MDZAD PA RLABS CHE BA'I SGO NAS MCHOD PAR BRJOD PA STE, 'DIS NI GSUNG RAB KYI ZAB DON 'GREL BA TSUL 'DI GNYIS LAS 'DAR MI RUNG BAR BSTAN TO, ,GSUM PA NI, SHING RTA CHEN PO'I SROL GNYIS LEGS BZUNG NAS, ,ZHES SOGS KYIS 'CHAD, DON NI, DBU SEMS KYI SHING RTA'I SROL 'DZIN 'DI RNAMS KYIS RANG RANG GI SHING RTA CHEN PO'I SROL LEGS PAR BZUNG NAS 'DZAM GLING GI BLO GSAL RNAMS LA SHES RAB KYI MIG 'BYED PAR MDZAD PA'I YON TAN BRJOD PA'I SGO NAS MCHOD PAR BRJOD PA STE 'DIS NI DAM PA BAR MA CHAD PAR BRGYUD PA'I MAN NGAG DANG LDAN PAR BSTAN TO, ,'DI DAG GIS NI RNAM GROL DON DU GNYER BA'I NYAMS SU BLANG BYA'I CHOS DE YANG STON PA SANGS RGYAS KYIS GSUNGS, SRAS KYI THU BO GNYIS SOGS BKA' BSDU BA PO RNAMS KYIS BSDUS, SHING RTA CHEN PO SOGS KYIS LEGS PAR BKRAL, PAn GRUB DAM PA GCIG NAS GCIG TU BRGYUD DE BYIN RLABS KYI BRGYUD PA BAR MA CHAD PA ZHIG DGOS KYI SA CHOS GNAM CHOS THOL BYUNG SOGS LA YID BRTON DU MI RUNG BAR BSTAN PA YIN NO, ,GNYIS PA BSHAD PAR DAM BCAS TE MNYAN PAR BSKUL BA LA GNYIS, BSTAN BCOS KYI CHE BA BSTAN TE BSHAD PAR DAM BCA' BA DANG, BLO GROS DANG LDAN ZHING DON DU GNYER BA'I NYAN PA PO LA MNYAN PAR BSKUL BA'O, ,DANG PO NI, GZHUNG LUGS MANG THOS ZHES SOGS RKANG PA DRUG GIS 'CHAD, GNYIS PA NI, BSTAN PA'I DE NYID CES SOGS RKANG PA GNYIS KYIS 'CHAD, DON NI, MANG DU @41 THOS PA, RIGS PA SMRA BA, MNGON PAR RTOGS PA STE YON TAN GSUM LDAN GYIS KYANG 'BAD RTZOL JI TZAM BGYIS KYANG RTOGS PAR MA GYUR PA'I GNAD DE NI ZHES PAS BSTAN BCOS 'DI'I BRJOD BYA DANG, BSTAN PA'I DE NYID CES SOGS KYIS DGOS PA, SMRA BA ZLA MED 'DOD RNAMS ZHES PAS NYING DGOS, 'BREL BA SHUGS LA BSTAN PA BCAS DGOS SOGS CHOS BZHI DANG, RJE NYID LA BSTAN BCOS RTZOM PA'I RGYU PHUN SUM TSOGS PA MNGA' BAR YANG BSTAN PA YIN TE, GO SLA'O, ,'DI DAG GI TSIG DON ZHIB PAR RJE BTZUN CHOS KYI RGYAL MTSAN DPAL BZANG PO'I DRANG NGES SPYI DON SOGS LAS SHES PAR BYA'O, ,GNYIS PA BSHAD PA NYID NYE BAR 'GOD PA LA GNYIS, DRANG NGES KYI KHYAD PAR RIGS PA RNAM DAG GIS GTAN LA 'BEBS DGOS PAR BSTAN PA DANG, DE LTAR GTAN LA 'BEBS PA'I TSUL LO, ,DANG PO LA GNYIS, MDO'I DRANG NGES 'BYED DGOS SHING LUNG TZAM GYIS 'BYED MI NUS PA DANG, DES NA RIGS PAS DRANG NGES 'BYED DGOS PA'O, ,DANG PO LA GNYIS, SPYIR DRANG NGES 'BYED DGOS TSUL DANG, LUNG TZAM GYIS 'BYED MI NUS PA'I TSUL LO, ,DANG PO NI, STONG PA ZHI BA SKYE BA MED PA'I TSUL, ,ZHES PAS CHOS RNAMS KYI NGO BO BDEN PAS STONG BA, RGYU BDEN PAR GRUB PA'I MTSAN MA ZHI BA, 'BRAS BU BDEN PA'I SKYE BA MED PA STE RNAM PAR THAR PA'I SGO GSUM BSTAN, DE GSUM 'DUS BYAS 'DUS MA BYAS KYI CHOS THAMS CAD KYI STENG DU 'THAD CING TSUL DE MI SHES PAS 'GRO BA RNAMS 'KHOR BAR 'KHYAMS PAR GYUR PA NA BDE BA MI 'BYUNG ZHING SDUG BSNGAL RGYUN MI CHAD PA DES NA 'GRO BA DE DAG LA BRTZE BA THUGS RJE CHEN PO MNGA' BA STON PA THUGS RJE CAN GYIS SDUG BSNGAL DE DAG GCOD PA'I PHYIR DU THABS KYI TSUL SBYIN SOGS PHAR PHYIN DRUG DANG @42 BSDU BA'I DNGOS PO BZHI LA SOGS PA DANG, SHES RAB KYI TSUL RTEN 'BREL GYI RIGS PA LA SOGS PA BDEN MED SGRUB PA'I RIGS PA'I SGO MANG PO DANG BCAS PA THABS SHES KYI CHOS GNYIS BSTAN NAS ZAB MO STONG PA NYID KYI DON KHONG DU CHUD PA STE RTOGS PA LA 'DZUD PAR MDZAD DO, , STONG NYID KHONG DU CHUD PA YANG NGES DON GYI GSUNG RAB ZHIG LA BRTEN DGOS LA, DES NA NGES DON GYI GSUNG RAB NGOS ZIN DGOS TE, DE GSUNG RAB KYI DRANG NGES 'BYED PA LA RAG LAS PA'I PHYIR, DRANG NGES 'BYED PA LA'ANG TSIG DANG DON GYI DRANG NGES 'BYED TSUL GNYIS LAS, DANG PO NI NGES DON DANG DRANG DON LA YID DPYOD TZAM GYIS GO BA BRNYED NAS, NGES DON BRJOD BYAR BYED PA'I GSUNG RAB LA NGES DON DANG, DRANG DON BRJOD BYAR BYED PA'I GSUNG RAB LA DRANG DON GYI GSUNG RAB KYIS GO BA BRNYED PA NA YID DPYOD KYIS TSIG GI DRANG NGES 'BYED PAR BZHAG ,GNYIS PA YANG DE DANG 'DRA'O, , MKHAS PA 'GA' ZHIG TSIG GI DRANG NGES YID DPYOD KYIS 'BYED NUS KYANG DON GYI DRANG NGES 'BYED PA TSAD MAR RAG LAS ZER, 'O NA BRJOD BYA DON GYI DRANG NGES 'BYED PA'ANG YID DPYOD TZAM GYIS BZHAG CHOG PAR THAL, TSIG GI DRANG NGES 'BYED PAR YID DPYOD TZAM GYIS CHOG PA GANG ZHIG ,RNAM PA KUN TU MTSUNGS PA'I PHYIR RO, , YANG GSUNG RAB KYI DRANG NGES 'BYED PA'I DON GSUNG RAB LAS 'DI DRANG DON GYI MDO YIN 'DI NGES DON GYI MDO YIN ZHES GSUNGS PA RANG NYID KYIS SHES SHING DE RGYU MTSAN DU BYAS NAS DRANG NGES 'BYED PA YIN GSUNGS NA GNOD BYED GNYIS KYI ZLOG TU MED DO, , @43 'O NA RANG LUGS LA GSUNG 'DI'I DON JI LTAR ZHE NA, SNGAR GONG DU BSHAD PA DE YIN GSUNGS, GNYIS PA LA GNYIS, LUNG TZAM GYIS NUS PA LA GNOD BYED DANG, MI NUS PA'I SGRUB BYED DO, ,DANG PO LA GNYIS, LUNG TZAM GYIS NUS NA LUNG DON 'CHAD MI DGOS PAR THAL BA DANG, 'GAL BA LA MI 'KHRUL BA YOD PAR THAL BA'O, , DANG PO NI, DE GNYIS RNAM PAR 'BYED PA YANG 'DI NI DRANG BA'I DON NO 'DI NI NGES PA'I DON NO ZHES SOGS KYIS 'CHAD, DON NI, DRANG NGES RNAM PAR 'BYED PA LA YANG 'DI DRANG DON 'DI NGES DON ZHES LUNG TZAM SGRUB BYED DU BYED MI NUS TE, GZHAN DU NA SHING RTA CHEN PO DAG GIS DRANG NGES 'BYED PA'I DGONGS 'GREL BRTZAMS PA CHOS CAN, DON MED DU 'GYUR BAR THAL, 'DI 'DI'O ZHES GSUNGS PA'I LUNG TZAM LA BRTEN NAS DRANG NGES 'BYED NUS PA'I PHYIR, GNYIS PA NI, GSUNG RAB LAS DRANG NGES KYI 'JOG TSUL MI MTHUN PA DU MA GSUNGS PA'I PHYIR DANG ZHES PA'I DON NI, 'GAL BA LA MA 'KHRUL BA'I TSAD MA YOD PAR THAL, LUNG TZAM GYIS DRANG NGES 'BYED NUS PA'I PHYIR, 'DI DANG SNGA MA'I THAL 'GYUR GNYIS LUNG TZAM GYIS DRANG NGES 'BYED NUS PA LA GNOD BYED DO 'GAL BA LA MA 'KHRUL BA'I TSAD MA'I DON NI, GZHI DE GNYIS 'GAL BA YIN PA LA, DE GNYIS KYI GZHI MTHUN DMIGS PA'I TSAD MA YOD NA TSAD MA DE LA 'GAL BA LA MA 'KHRUL BA'I TSAD MA ZER ZHING 'DI NI THA SNYAD DU YANG MED DO, ,'DIR LUNG TZAM GYIS DRANG NGES 'BYED NA 'DI 'DRA'I TSAD MA YOD PAR THAL TE, DE LTAR BYED NA LUNG LAS DRANG DON GYI MDOR GSUNGS NA DRANG DON GYI MDO DANG, NGES DON GYI MDOR GSUNGS NA NGES @44 DON YIN PAS KHYAB DGOS, DE LTAR NA YUM RGYAS 'BRING BSDUS GSUM LTA BU CHOS CAN, DRANG DON GYI MDO DANG NGES DON GYI MDO GNYIS KA YIN PAR THAL, DE LTAR DU LUNG LAS GSUNGS PA'I PHYIR, DE 'DRA'I MDO CHOS CAN, DRANG DON GYI MDOR GSUNGS TE, DE LTAR DU 'KHOR LO MTHA' MA MDO SDE DGONGS 'GREL LAS GSUNGS PA'I PHYIR, PHYI MA DER THAL, BLO GROS MI ZAD PAS BSTAN PA LAS NGES DON GYI MDOR GSUNGS PA'I PHYIR, RTZA BAR 'DOD NA, SPYIR DRANG DON GYI MDO DANG NGES DON GYI MDO GNYIS 'GAL BA YIN PA LA, DE GNYIS KYI GZHI MTHUN YOD PAR THAL, RGYAS 'BRING BSDUS GSUM DE GNYIS KYI GZHI MTHUN DU GRUB PA'I PHYIR, 'DOD NA, 'GAL BA LA MA 'KHRUL BA'I TSAD MA YOD PAR THAL, DE GNYIS KYI GZHI MTHUN RTOGS PA'I TSAD MA YOD PA'I PHYIR TE, DE GNYIS KYI GZHI MTHUN YOD PA'I PHYIR, RTAGS KHAS, GNYIS PA MI NUS PA'I SGRUB BYED NI, 'DI NI 'DI'O ZHES GSUNGS PA TZAM GYI LUNG GIS DE LTAR GZHAG PAR NI MI NUS LA ZHES SOGS KYIS 'CHAD, BSTAN DON NI, GONG GI THAL 'GYUR GNYIS KYI RTAGS LOG CHOS DANG CHOS LOG RTAGS SU BKOD PA'I TSUL GSUM TSANG BA'I GTAN TSIG GO ,DE'I TSE SPYI LA DE LTAR MA KHYAB PA NI ZHES PA'I SPYI NI GSUNG RAB SPYI DANG, DE LTAR MA KHYAB PA NA ZHES PA NI GSUNG RAB SPYI LA YOD PAR GSUNGS NA YOD PAS KHYAB PA DANG, MED PAR GSUNGS NA MED PAS KHYAB PA MED PAS GSUNG RAB KYI BYE BRAG STE DE'I NANG TSAN DRANG DON YIN GSUNGS PA'I MDO LA DRANG DON GYI MDO YIN PAS KHYAB @45 PA DANG, NGES DON GYI MDO YIN GSUNGS PA'I MDO LA NGES DON GYI MDO YIN PAS KHYAB PA MED PA'I PHYIR TE, GSUNG RAB 'GA' ZHIG TU BDEN GRUB YOD PAR GSUNGS, 'GA' ZHIG TU BDEN GRUB MED PAR YANG GSUNGS PA'I PHYIR, GNYIS PA DES NA RIGS PAS DRANG NGES 'BYED DGOS PA LA GNYIS, DNGOS KYI DON DANG, SHES BYED KYI KHUNGS SO, ,DANG PO LA GNYIS, SHING RTA CHEN PO'I BSTAN BCOS KYI RJES SU 'BRANGS TE DRANG NGES 'BYED DGOS PA DANG, DE LTAR PHYE NAS RIGS PAS DRANG NGES 'BYED PAR SGRUB PA'O, ,DANG PO NI, DE'I PHYIR GSUNG RAB KYI DRANG NGES 'BYED PAR LUNG BSTAN PA'I SHING RTA CHEN PO DAG GIS ZHES PA NAS 'TSOL DGOS PAS ZHES PA'I BAR GSUNGS, DON NI LUNG TZAM GYIS DRANG NGES 'BYED NUS PA LA GNOD BYED DANG MI NUS PA'I SGRUB BYED YOD PA DE'I PHYIR GSUNG RAB KYI DRANG NGES 'BYED PA LA RGYAL BAS LUNG BSTAN PA'I SHING RTA CHEN PO KLU SGRUB DANG THOGS MED KYIS DRANG NGES KYI DGONGS PA JI LTA BA BZHIN DU BKRAL BA'I RJES SU 'BRANG DGOS ZHES PA'O, ,'O NA SHING RTA CHEN PO RNAM GNYIS KYIS DRANG NGES 'GREL TSUL JI LTAR YIN ZHE NA, 'DI LA GNYIS, NGES DON GYI GSUNG RAB KYI DON GZHAN DU 'DREN PA LA GNOD BYED DANG, GZHAN DU DRANG DU MI RUNG BAR DON DER NGES PA'I SGRUB BYED GNYIS KYI SGO NAS GSUNG RAB KYI DRANG NGES 'BYED PA YIN GSUNGS, DE YANG MGON PO KLU SGRUB KYIS SHER PHYIN GYI MDO'I DGONGS PA GZHAN DU 'DREN PA LA GNOD BYED NI, DPER NA, MYU GU CHOS CAN, RGYU RKYEN LA MI LTOS PAR THAL, RANG BZHIN GYIS GRUB PA'I PHYIR ZHES PA LTA BU'O, ,SGRUB BYED NI MYU GU CHOS CAN, RANG BZHIN GYIS MI SKYE STE, RANG GI RGYU RKYEN LA BRTEN @46 NAS 'BYUNG BA'I PHYIR ZHES PA'O, ,'DIR DVOGS GCOD LA, DE'I PHYIR GSUNG RAB KYI DRANG NGES 'BYED PAR LUNG BSTAN PA'I SHING RTA CHEN PO DAG GIS ZHES SHING RTA CHEN PO KLU SGRUB DANG THOGS MED GNYIS KYIS NGES DON GYI GSUNG RAB KYI DON GZHAN DU 'DREN PA LA GNOD BYED DANG, GZHAN DU DRANG DU MI RUNG BAR DON DER NGES PA'I SGRUB BYED KYI RIGS PA GNYIS KYI SGO NAS DRANG NGES 'BYED DAM MI 'BYED, DANG PO LTAR NA THOGS MED KYIS DE LTAR 'BYED PAR THAL, DE GNYIS KYIS DE LTAR 'BYED PA'I PHYIR, 'DOD NA, MI 'THAD PAR THAL, 'PHAGS PA THOGS MED KYIS NGES DON GYI GSUNG RAB KYI DON GZHAN DU 'DREN PA LA GNOD PA BRJOD PA'I SGO NAS DRANG NGES MI 'BYED PA'I PHYIR, DES MDO SDE DGONGS 'GREL GYI DON GZHAN DU 'DREN PA LA GNOD PA BRJOD PA'I SGO NAS DRANG NGES 'BYED PAS, DE LTAR DU BZHAG PA YIN NO ZER NA, DE YANG RIGS PA MA YIN PAR THAL, DGONGS 'GREL NGES DON GYI MDO MA YIN PA'I PHYIR TE, SKABS 'DI SPYI BSHAD YIN PAS THAL 'GYUR BA'I SKABS YIN PA GANG ZHIG ,DGONGS 'GREL SKABS 'DIR NGES DON GYI MDOR MI 'DOD PA'I PHYIR, DE'I PHYIR DGONGS 'GREL GYI DON GZHAN DU 'DREN PA LA GNOD PA BRJOD NA NGES DON GYI GSUNG RAB KYI DON GZHAN DU 'DREN PA LA GNOD PA BRJOD PAS KHYAB PA MED DO, ,GZHAN YANG SKABS 'DIR NGES DON GYI GSUNG RAB KYI DON GZHAN DU 'DREN PA LA GNOD BYED DANG, GZHAN DU DRANG DU MI RUNG BAR DON DER NGES PA'I NGES DON DU SGRUB PA'I SGRUB BYED KYI RIGS PA'I SGO NAS DRANG NGES 'BYED PA'I GANG ZAG LA DBU MA'I SHING RTA'I SROL 'BYED YIN DGOS @47 PA GANG ZHIG ,THOGS MED DBU MA PA'I SHING RTA'I SROL 'DZIN YIN PA'I PHYIR, GAL TE RANG RANG GI SKABS KYI NGES DON GYI GSUNG RAB LA DGONGS SO ZHE NA, 'O NA, LUGS 'DI GZHIR BZHAG NA DE 'DRA'I GSUNG RAB KYI DRANG NGES 'BYED PA'I GANG ZAG LA KLU SGRUB KHO NAR NGES PAR THAL, THOGS MED KYANG DE MA YIN, DE LAS GZHAN PA'ANG MED PA'I PHYIR, 'DOD NA, BSTAN BCOS 'DI NYID LAS, SHING RTA CHEN PO DAG GIS DRANG NGES KYI DGONGS PA BKRAL ZHING ZHES PA DANG 'GAL TE, SHING RTA CHEN PO DAG GIS ZHES DU MA'I TSIG GSUNGS PA'I PHYIR, RTZA BA'I DRI BA GNYIS PA GAL TE MI 'BYED NA DRANG MA THAG PA'I GZHUNG DANG 'GAL, YANG MJUG THOGS SU RIGS PAS LEGS PAR GTAN LA PHAB PA ZHIG GI RJES SU 'BRANGS NAS DGONGS PA 'TSOL DGOS PAS ZHES BYUNG BAS, SNGAR STONG NYID RTOGS PA DRANG NGES 'BYED PA LA RAG LAS PA'I DON BZHAG PA DE NI DE LTAR YIN PA GZHUNG 'DIS KYANG THON PAR GSUNGS, GNYIS PA DE LTAR PHYE NAS RIGS PAS DRANG NGES 'BYED PAR SGRUB PA NI, MTHAR GTUGS NA DRI MA MED PA'I RIGS PA NYID KYIS DBYE DGOS TE ZHES SOGS KYIS 'CHAD, DON NI DRANG NGES 'BYED PA LA YANG, DANG PO RANG NYID KYIS SHING RTA CHEN PO DE RNAMS KYI RIGS PAS LEGS PAR GTAN LA PHAB PA'I GSUNG RAB DANG BSTAN BCOS 'DI LTA BU LA THOS BSAM TSUL BZHIN DU BYED, GSUNG RAB DE RNAMS LAS GSUNGS PA'I RIGS PA RNAMS RANG NYID KYIS LEGS PAR SBYANGS, DE NAS TSAD MA'I SKYES BU DE RNAMS KYI THUGS RGYUD LA YOD PA'I RIGS PA DE 'DRA BA ZHIG RANG RGYUD LA 'KHOR GANG THUB BYED, MTHAR RANG NYID KYI @48 RGYUD LA DE 'DRA'I NGES SHES BRNYED PA'I TSAD MA RGYUD LA SKYES PA NA GSUNG RAB LA MA BRTEN PAR DE 'DRA'I NGES SHES NYID KYIS DRANG NGES 'BYED DGOS PAR GSUNGS TE, BSTAN BCOS 'DI LAS, MTHAR GTUGS NA DRI MA MED PA'I RIGS PA NYID KYIS ZHES GSUNGS PA'I PHYIR, RIGS PA DANG 'GAL BA'I GRUB MTHA' KHAS LEN NA ZHES PA'I DVOGS GCOD LA, SLOB DPON DBYIG GNYEN GYIS RIGS PA DANG 'GAL BA'I GRUB MTHA' KHAS LEN NAM MI LEN, DANG PO LTAR NA TSAD MA'I SKYES BU MA YIN PAR THAL, RIGS PA DANG 'GAL BA'I GRUB MTHA' KHAS LEN PA'I PHYIR, ,KHYAB STE, BSTAN BCOS 'DI NYID LAS, RIGS PA DANG 'GAL BA'I GRUB MTHA' KHAS LEN NA SMRA BA PO TSAD MA'I SKYES BUR MI RUNG BA'I ZHES GSUNGS PA'I PHYIR, MI LEN NA, DE LTAR KHAS LEN PAR THAL, BDEN MED SGRUB PA'I RIGS PA DANG 'GAL BA'I GRUB MTHA' KHAS LEN PA'I PHYIR TE, GZHAN DBANG YONGS GRUB BDEN PAR GRUB CING KUN BRTAGS BDEN MED DU KHAS LEN PA'I GANG ZAG YIN PA'I PHYIR, DE 'DRA'I GRUB MTHA' DE RIGS PA DANG 'GAL BA'I GRUB MTHA' YIN PAR THAL, GZHAN DBANG YONGS GRUB BDEN GRUB TU KHAS LEN PA'I GRUB MTHA' DE, DE GNYIS BDEN MED DU SGRUB PA'I DBU MA'I RIGS PA BRGYA PHRAG DANG 'GAL BA'I PHYIR RO, ,RANG LUGS NI, DE DAG RIGS PA DANG 'GAL BA'I GRUB MTHA' MA YIN TE, RIGS PA DANG 'GAL BA'I GRUB MTHA'I DON NI, RANG NYID KYIS THAR PAR BGROD TSUL GYI LAM JI @49 LTAR BSTAN PA LTAR BSTEN KYANG 'BRAS BU THAR PA NAM YANG MI THOB PAR MA ZAD, DE LA BRTEN NAS NGAN 'GRO'I RGYU SGRUB PAR BYED PA'I GRUB MTHA' RNAMS RIGS PA DANG 'GAL BA'I GRUB MTHA' DANG, DE KHAS LEN NA RIGS PA DANG 'GAL BA'I GRUB MTHA' KHAS LEN PAR BZHAG GSUNGS, GZHAN DBANG YONGS GRUB BDEN PAR GRUB PAR KHAS LEN PA'I GRUB MTHA' DE LA BRTEN NAS GDUL BYA SEMS TZAM PA RNAMS KYIS TSOGS RGYA CHEN PO GSOG , DE LA BRTEN NAS GDUL BYA DE DAG THAR PA THOB PA'I THABS MCHOG TU 'GYUR BA YOD PA LA DGONGS TE STON PAS GDUL BYA'I BSAM PA'I DBANG GIS BDEN GRUB YOD PAR GSUNGS PA'I PHYIR RIGS PA DANG 'GAL BA'I GRUB MTHA' MA YIN NO, ,GDUL BYA'I BSAM PA'I DBANG GIS BDEN GRUB YOD DO, ,GNYIS PA SHES BYED KYI KHUNGS NI, DON GYI DBANG 'DI GZIGS NAS, DGE SLONG DAG GAM MKHAS RNAMS KYIS, ,ZHES SOGS KYI DPE GSUM GYI SGO NAS DPYAD PA GSUM GYIS DAG TSUL BSTAN TO, ,DVOGS GCOD LA, MTHONG BA MNGON GYUR NI RI RVA BA KHANG KHYIM SOGS DBANG SHES KYI MNGON SUM GYI YUL GANG YIN PA DANG, SO SKYE THA MAL BAS DBANG SHES KYIS MNGON SUM DU RTOGS MI NUS PA NGES PAR RTAGS LA LTOS DGOS PA'I SGRA MI RTAG PA LTA BU CUNG ZAD LKOG GYUR, TSE 'DIR SBYIN PA BTANG BA LA BRTEN NAS SKYE BA PHYI MAR LONGS SPYOD CHEN PO 'BYUNG BA LTA BU SHIN TU LKOG GYUR RO, ,GSUNG RAB YIN NA DPYAD GSUM GYIS DAG PAS KHYAB BAM MA KHYAB, DANG PO LTAR NA, SBYIN PAS LONGS SPYOD KHRIMS KYIS BDE, ,ZHES SOGS KYI LUNG CHOS CAN, DER THAL, DE'I PHYIR, 'DOD NA, DE CHOS CAN, MTHONG BA MNGON GYUR STON PA'I CHA LA @50 MNGON SUM TSAD MAS GNOD PA MED CING DES GRUB PA SOGS GSUM PO DE YIN PAR THAL, DE DPYAD PA GSUM GYIS DAG PA GANG ZHIG ,DPYAD PA GSUM GYIS DAG TSUL DE YIN PA'I PHYIR TE, DE LTAR MKHAS GRUB SDE BDUN YID KYI MUN SEL LAS GSUNGS PA'I PHYIR, 'DOD NA, DE 'DRA'I LUNG CHOS CAN, MTHONG BA MNGON GYUR SOGS BSTAN PAR THAL, DE GSUM BSTAN PA'I CHA LA TSAD MA GSUM GYIS MI GNOD PAR MA ZAD DE GSUM GYIS GRUB PA'I PHYIR, 'DOD NA, DE 'DRA'I LUNG SHIN LKOG KHO NA STON PA'I LUNG MA YIN PAR THAL LO, ,'DOD NA, DE KHO NA BSTAN PA'I LUNG MED PAR THAL LO, ,RTZA BA'I DRI BA GNYIS PA LA GSUNG RAB YIN NA DPYAD GSUM GYIS DAG PAS MA KHYAB NA, DE LTAR KHYAB PAR THAL, RTEN 'BREL BSTOD PA LAS, LAM 'DI NYID KYIS GSUNG GZHAN YANG, ,TSAD MAR GYUR PA NGES PA SKYE ZHES DANG, RNAM 'GREL LAS, GTZO BO'I DON LA MI SLU'I PHYIR, ,GZHAN LA RJES SU DPAG PA YIN ZHES GSUNGS PA'I PHYIR, 'O NA SBYIN PAS LONGS SPYOD CES SOGS RIN CHEN PHRENG BA'I GZHUNG TSIG 'DIS MTHONG BA MNGON GYUR SOGS GSUM BSTAN NAM ZHE NA BSTAN TO, ,KHA CIG SBYIN PAS LONGS SPYOD KHRIMS KYIS BDE ZHES SOGS KYI SOGS KHONGS NA RIN CHEN PHRENG BA'I GZHUNG TSIG THAMS CAD BZHAG NAS DES MTHONG BA MNGON GYUR SOGS BSTAN PAR 'DOD, RANG LUGS NI, GSUNG RAB LA DPYAD PA GSUM GYIS DAG PAS KHYAB CING SBYIN PA'I RDZAS MTHONG BA MNGON GYUR DANG, GTONG SEMS CUNG ZAD LKOG GYUR, SHIN TU LKOG GYUR NI GONG DU BSHAD PA DE YIN GSUNGS, GNYIS PA DE LTAR GTAN LA 'BEBS @51 PA'I TSUL LA GNYIS, MDO SDE DGONGS 'GREL LA BRTEN PA'I PHYOGS DANG, BLO GROS MI ZAD PAS BSTAN PA LA BRTEN PA'I PHYOGS SO, DANG PO LA GNYIS, MDO SDE NAS JI LTAR GSUNGS PA DGOD PA DANG, DE'I DON JI LTAR BKRAL BA'I TSUL LO, ,DANG PO LA BZHI, MDO SDE LA 'GAL SPONG GI DRI BA, 'GAL BA DE SPONG BA'I LAN, NGO BO NYID GSUM GYI NGO BO NGOS GZUNG BA, DE DAG GIS GRUB PA'I DON ZHUS PA'O, ,DANG PO NI DGONGS 'GREL LAS, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL ZHES PA NAS 'PHEL ZHING YANGS PA NYID KYANG BKA' STZAL LA ZHES PA'I BAR GYIS 'KHOR LO DANG PO LAS GZUGS NAS BYANG PHYOGS SO BDUN BAR RANG GI MTSAN NYID KYIS GRUB PA SOGS BKA' STZAL TSUL DANG, BCOM LDAN 'DAS KYIS CHOS THAMS CAD CES PA NAS BKA' STZAL LAGS NA ZHES PAS 'KHOR LO BAR PA LAS NGO BO NYID MA MCHIS PA SOGS BSTAN TSUL DANG, BCOM LDAN 'DAS KYIS CI LA DGONGS NAS ZHES PA NAS BKA' STZAL SNYAM BGYID LAGS TE ZHES PAS GDUL BYA SEMS TZAM PA LA DVOGS PA SKYE TSUL DANG, BCOM LDAN 'DAS KYIS CI LA DGONGS NAS CHOS THAMS CAD CES PA NAS BDAG YONGS SU ZHU LAGS SO ZHES PA'I BAR GYIS 'KHOR LO GNYIS PA LA DRI BA DNGOS SU ZHUS NAS DANG PO LA DON GYIS ZHUS TSUL BSTAN, 'O NA 'DIR 'KHOR LO DANG PO LA DRI BA DNGOS SU MA ZHUS PAR BAR PA LA DNGOS SU ZHU DGOS TSUL JI LTAR ZHE NA, DE NI DE'I DUS SU 'KHOR LO MTHA' MA GSUNG PA'I DUS LA BABS SHING DE'I GDUL BYA SEMS TZAM PAS 'KHOR LO DANG POR RANG GI MTSAN NYID KYIS GRUB PA SOGS GSUNGS PA GDUL BYA DON SMRA SDE GNYIS @52 RJES SU GZUNG BA'I PHYIR DU GZUGS NAS BYANG PHYOGS SO BDUN BAR LA GSUNGS PA YIN NAM SNYAM PA'I DVOGS PA CHUNG LA, BAR PA LA NGO BO NYID MA MCHIS PA SOGS LNGA GSUNGS PA DE SGRAS ZIN LTAR NA CHES MI RIGS PAS DE LTAR GSUNGS PA DE GANG LA DGONGS NAS GSUNGS PA YIN NAM SNYAM PA'I DVOGS PA SHAS CHE BAS DE LA DNGOS SU ZHUS PA YIN GSUNGS, 'DIR MDO SDE DGONGS 'GREL LA LE'U BCU BZHAG PA NI SA BCU LA GNAS PA'I BYANG CHUB SEMS DPA' BCUS DRI BA ZHUS PA'I DRIS LAN DGU DANG GLENG GZHI'I LE'U BCAS BCU'O, ,BYANG CHUB SEMS DPA' BCUS DRI BA BCU ZHUS KYANG DRIS LAN DGU MA GTOGS MED PA NI BYANG SEMS GNYIS KYIS DRI BA LHAN DU ZHUS PA'I DRIS LAN MNYAM DU GSUNGS, DVOGS GCOD, BYANG CHUB SEMS DPA' DON DAM YANG DAG 'PHAGS LA DE LTA BU'I DVOGS PA YOD PAR THAL, DVOGS PA DE GCOD PA'I PHYIR DU STON PA LA DRI BA ZHUS PA'I PHYIR, 'DOD NA MI 'THAD PAR THAL, DANG PO DANG BAR PA LA DE LTAR GSUNGS PA DE DGONGS GZHI GANG LA DGONGS NAS GSUNGS PA YIN MIN RANG NYID KYIS SHES PA'I PHYIR TE, RANG NYID SA BCU PA BA YIN PA'I PHYIR RO, ,RANG LUGS NI BYANG SEMS DE LA DE 'DRA'I DVOGS PA MED KYANG RANG NYID LA YOD PA LTAR BYAS NAS DRI BA ZHUS PA YIN PA'I PHYIR, DE LA DVOGS PA MED KYANG GDUL BYA SEMS TZAM PA LA DE 'DRA'I DVOGS PA CHEN PO YOD PA RANG NYID KYIS GZIGS SHING, GDUL BYA DE RNAMS LA DE LTA BU'I DVOGS PA YOD KYANG BCOM LDAN 'DAS KYI SKU'I GZI BRJID DBANG GIS DNGOS SU ZHU MA NUS PA BYANG SEMS DES GZIGS NAS STON PA LA DE LTAR DRI BA ZHUS PA YIN @53 GSUNGS, 'O NA DE'I GNAS SKABS SU GDUL BYA SEMS TZAM PA YOD DAM MED, YOD NA MI 'THAD PAR THAL, STON PA 'JIG RTEN DU BYON, DE'I RJES SU STON PA MYA NGAN LAS 'DAS NAS LO BZHI BRGYA LON PA'I 'OG TU DPAL MGON KLU SGRUB KYIS THEG PA MCHOG DBU MA'I SROL PHYED, DE'I RJES THOGS MED KYIS RNAM RIG PA'I SROL GTOD PA GANG ZHIG , THOGS MED KYIS SROL MA GTOD PA'I SNGON ROL DU SEMS TZAM PA MED PA'I PHYIR TE, DE'I SNGA ROL GYI THEG CHEN PA LA DBU MA PA YIN PAS KHYAB PA'I PHYIR TE, KUN GZHI RTZA BA LAS, SMRA BA'I DAM PAS THEG PA MCHOG ,'DZIN PAR LUNG BSTAN 'PHAGS PA KLUS, ,THEG MCHOG RGYAS PAR MDZAD PA'I RJES, ,LUNG BSTAN BRNYES PA'I THOGS MED KYIS, ,SROL GTOD SNGON DU DBU MA NYID CES GSUNGS PA'I PHYIR, GAL TE DE'I DUS NA GDUL BYA DE MED NA MI 'THAD PAR THAL, DON DAM YANG DAG 'PHAGS KYIS DE 'DRA'I DVOGS PA DE, SEMS TZAM PA'I RGYUD LA YOD PAR GZIGS NAS STON PA LA DRI BA ZHUS PA YIN PA'I PHYIR, GZHAN YANG MDO 'DI CHOS CAN, SEMS TZAM THUN MONG MA YIN PA'I MDO MA YIN PAR THAL, MDO DE GSUNGS YUL GYI GDUL BYA SEMS TZAM PA DE'I DUS NA MED PA'I PHYIR, RANG LUGS LUNG DE'I DGONGS PA NI, STON PA 'JIG RTEN DU BYON PA'I GNAS SKABS SU SEMS TZAM PA YOD KYANG STON PA MYA NGAN LAS 'DAS PA'I 'OG TU THEG CHEN GYI BSTAN PA MING TZAM YANG MED PAR NUB CING DE'I RJES SU DPAL MGON KLU SGRUB BYON NAS THEG CHEN GYI BSTAN PA RGYAS PAR BYAS, DE'I RJES SU THOGS MED KYIS RNAM RIG PA'I SROL PHYED PA YIN PAS THEG CHEN GYI BSTAN PA KLU SGRUB KYIS SROL PHYED CING THOGS @54 MED KYIS SROL MA PHYE BA'I BAR DU THEG CHEN PA LA DBU MA PA NYID YIN PAS KHYAB CES PA'I DON YIN GYI, THOGS MED KYIS SROL MA PHYE BA'I SNGA ROL DU SEMS TZAM PA MED CES PA'I DON MA YIN NO, ,'DIR 'KHOR LO DANG PO LAS 'GREL RKANG BDUN GSUNGS PA'I DE GANG ZHE NA, PHUNG PO'I SDE TSAN, SKYE MCHED KYI SDE TSAN, RTEN 'BREL DANG, ZAS BZHI BCAS SDE TSAN BZHI DANG, BDEN PA BZHI'I SDE TSAN, KHAMS KYI SDE TSAN, BYANG PHYOGS SO BDUN GYI SDE TSAN DANG BCAS 'GREL RKANG BDUN NO, ,BSHAD BYA'I 'KHOR LO DANG PO LA, GUNG THANG 'JAM DPAL DBYANGS KYIS PHUNG PO SOGS BZHI GSUNGS PA'I MDO NI RGYAL PO GZUGS CAN SNYING PO LA GDAMS PA'I MDO, BDEN PA BZHI'I MDO NI BDEN BZHI'I CHOS 'KHOR, KHAMS KYI MDO NI KHAMS SNA TSOGS STON PA'I MDO, BYANG PHYOGS SO BDUN GYI MDO NI DRAN PA NYER BZHAG GI MDO RNAMS BZHAG PAR GSUNGS, BLA MA RJE BTZUN PAS 'KHOR LO DANG PO LA BDEN BZHI'I CHOS 'KHOR YIN PAS KHYAB DGOS PA LTA BUR GSUNGS, DE LTAR KHYAB NA BDEN BZHI'I CHOS 'KHOR GYIS PHUNG PO LNGA NAS ZAS BZHI'I BAR LA KHYAD CHOS LNGA LNGA KHYAD MED DU SBYAR BA DANG, KHAMS RNAMS LA KHYAD CHOS GSUM GSUM KHYAD MED DU SBYAR BA DANG, BYANG PHYOGS SO BDUN LA KHYAD CHOS BRGYAD BRGYAD KHYAD MED DU SBYAR BAR THAL, DE LTAR 'KHOR LO DANG PO LAS SBYAR BA GANG ZHIG ,'KHOR LO DANG PO LA BDEN BZHI'I CHOS 'KHOR GYIS KHYAB PA'I PHYIR, 'DOD NA, DE 'DRA'I BDEN BZHI'I CHOS 'KHOR GYI NANG TSAN DU GYUR PA'I DE RNAMS LA DE LTAR SBYAR BA'I MDO TSIG YOD PAR THAL @55 LO, ,'KHOR LO DANG PO LAS DE LTAR SBYAR BAR THAL, MDO SDE DGONGS 'GREL LAS, BCOM LDAN 'DAS KYIS RNAM GRANGS DU MAR PHUNG PO RNAMS KYI RANG GI MTSAN NYID KYANG BKA' STZAL ZHES SOGS GSUNGS PA'I PHYIR, 'DI LA DVOGS PA CHEN PO YOD GSUNGS, 'O NA PHUNG PO LNGA LA KHYAD CHOS LNGA LNGA KHYAD MED DU JI LTAR SBYOR ZHE NA, RANG GI MTSAN NYID KYANG ZHES PA NI SDE TSAN LHAG MA KUN LA SBYAR DGOS PAS 'DI LA SPYI'I MTSAN NYID KYANG ZER RO, ,LHAG MA BZHI NI DPER NA, GZUGS PHUNG LA SBYAR NA 'DI LA LUGS GNYIS LAS, GZUGS SKYE BA'I TSE RANG DBANG GIS MI SKYE BAR LAS NYON GYI DBANG GIS SKYE BA DANG 'JIG PA ZHES SBYAR BA GNANG YANG, DVOGS PA BCAD NA GZUGS PHUNG SKYE BA DANG 'JIG PA'I TSE LAS NYON GYI DBANG GIS SKYE BA DANG 'JIG PA YIN PAR THAL BA DANG, KUN 'BYUNG GI CHAR GYUR PA'I PHUNG PO RNAMS SPANG BAR BYA BA DANG, SDUG BDEN GYI CHAR GYUR PA'I PHUNG PO RNAMS YONGS SU SHES PAR BYA BA YIN PAR THAL, DAM BCA' 'THAD PA'I PHYIR, 'DOD NA, GZUGS PHUNG YIN NA DE LTAR YIN PAS KHYAB PAR THAL, 'DOD PA'I PHYIR, 'DOD NA, SANGS RGYAS 'PHAGS PA'I THUGS RGYUD KYI MTSAN DPES SPRAS PA'I SKU GZUGS CHOS CAN, DER THAL, DE'I PHYIR, GAL TE GZUGS PHUNG LA LAS NYON GYIS SKYE 'JIG BYED PA ZHIG YOD PAS GZUGS PHUNG LA LAS NYON GYIS SKYE 'JIG BYED PAR BZHAG PA YIN ZER NA, SHES BYA LA RVA YOD PAR THAL BA'I RIGS PAS GNOD DO, ,RANG LUGS LA SPYIR GTANG GI SKYE 'JIG MTSAN NYID PA BZHAG NA BDE BAR GSUNGS, PHYI MA GNYIS NI ZAG BCAS KYI PHUNG PO GANG YIN PA DE SPANG BYA, ZAG MED KYI PHUNG PO GANG YIN PA DE YONGS SU SHES PAR BYA ZHES @56 SBYAR NA BDE GSUNGS, 'O NA SKYE MCHED BCU GNYIS LA KHYAD CHOS LNGA SBYAR NA, CHOS KYI SKYE MCHED LA SKYE BA'I MTSAN NYID DANG 'JIG PA'I MTSAN NYID YOD PAR THAL, SKYE MCHED BCU GNYIS LA DE YOD PA'I PHYIR, 'DOD NA, DE MED PAR THAL, RTAG PA YIN PA'I PHYIR, MED PA 'DOD MI NUS TE, DGONGS 'GREL LAS, PHUNG PO RNAMS KYI JI LTA BA DE BZHIN DU SKYE MCHED RNAMS DANG ZHES SOGS DANG 'GAL BA'I PHYIR, 'ON KYANG 'DI'I 'GREL RKANG BDUN LAS SPANG BYA KUN NYON PHYOGS KYI 'GREL RKANG PHYED DANG DRUG DANG, BLANG BYA RNAM BYANG PHYOGS KYI 'GREL RKANG PHYED DANG GNYIS BSTAN PAS KUN NYON PHYOGS KYI SKYE MCHED BCU GNYIS PO GANG RUNG LA 'DUS BYAS KYIS KHYAB PA'I PHYIR SKYON MED CES DGE BA'I BSHES GNYEN RNAMS KYI GSUNG RGYUN YIN GSUNGS, RANG GI MTSAN NYID DANG SPANG BYA DANG YONGS SU SHES PA SBYAR TSUL GONG DANG 'DRA, BDEN PA BZHI LA KHYAD CHOS GNYIS GNYIS SBYAR BA YIN NA JI LTAR SBYOR ZHE NA, GCIG NI SPYI'I MTSAN NYID SBYAR DGOS LA THUN MONG MA YIN PA'I KHYAD CHOS NI SDUG BDEN YONGS SU SHES PAR BYA, DE'I RGYU KUN 'BYUNG SPANG BA DANG, 'GOG PA MNGON DU BGYI BA DANG, LAM BSGOM PAR BYA ZHES SBYAR DGOS PAR GSUNGS, KHAMS LA NI KHYAD CHOS GSUM PO DE SNGAR GYI SKYE MCHED BCU GNYIS LA SBYAR BA DANG 'DRA, 'DIR KHAMS SNA TSOGS PA DANG DU MA GNYIS KHYAD GZHI DANG KHYAD CHOS LA 'JOG MI 'JOG GI KHYAD PAR YOD PAS GANG BYAS KYANG CHOG GSUNGS, BYANG PHYOGS SO BDUN LA, RANG GI MI MTHUN PHYOGS DANG MA 'DRES PAS MI MTHUN PA DANG, @57 RANG GI MI MTHUN PHYOGS KYI GNYEN PO DANG, LAM DE DAG RANG RGYUD LA YOD NA DGE BA'I CHOS SKYE 'GYUR SKYE BA DANG, SNGAR SKYES PA'I LAM DE DAG LAS GZHAN DU MI LTUNG BAR LAM DER GNAS PAR BYED PA DANG, LAM DE DAG YOD PA'I STOBS KYIS MI BSKYUD PA STE MI BRJED PA'I GZUNGS THOB PA DANG, DE DAG YOD PAS LAM GONG MA SOGS 'BAD BRTZON CHEN PO LA MI LTOS PAR SLAR ZHING 'BYUNG BA DANG, DE DAG YOD PAS RANG RGYUD KYI YON TAN GONG NAS GONG DU 'PHEL BA DANG, SPYI'I MTSAN NYID DANG KHYAD CHOS BRGYAD KHYAD MED DU SBYAR BA YIN NO, ,GNYIS PA 'GAL BA DE SPONG BA'I LAN LA, NGO BO NYID MED TSUL GANG LA DGONGS NAS NGO BO NYID MED PAR GSUNGS PAR BSHAD PA DANG, GANG LA DGONGS NAS MA SKYES PA SOGS SU GSUNGS PAR BSHAD PA'O, ,DANG PO LA GSUM, MDOR BSTAN PA DANG, RGYAS PAR BSHAD PA DANG, DE DAG GI DPE BSTAN PA'O, ,DANG PO NI, DGONGS 'GREL LAS, DON DAM YANG DAG 'PHAGS ZHES SOGS KYIS 'CHAD, 'DI NYID LAS NGO BO NYID MED PA NYID RNAM PA GSUM LA DGONGS NAS ZHES PA'I NGO BO NYID MED PA GSUM NI MTSAN NYID NGO BO NYID MED PA NYID DANG, SKYE BA NGO BO NYID MED PA NYID DANG, DON DAM PA NGO BO NYID MED PA NYID GSUM BZHAG GI KUN BRTAGS MTSAN NYID NGO BO NYID MED PA, GZHAN DBANG SKYE BA NGO BO NYID MED PA DANG, YONGS GRUB DON DAM PA NGO BO NYID MED PA GSUM BZHAG NA GSUM PA LA 'JOG TSUL GNYIS GSUNGS PAS DE 'DRA'I 'JOG TSUL GNYIS MI 'THAD PAR THAL BA'I SKYON YOD PA'I PHYIR, 'KHOR LO BAR PAR NGO BO NYID MED PA SOGS LNGA GANG LA DGONGS NAS GSUNGS ZHES ZHUS PA'I LAN DU NGO BO NYID MED PA NYID DE DGONGS GZHI GANG LA DGONGS NAS @58 GSUNGS PA'I DGONGS GZHI NI MTSAN NYID GSUM LA DGONGS NAS RANG GI MTSAN NYID KYIS MA GRUB PA SOGS LNGA GSUNGS ZHES BSTAN PA YIN TE, GZUGS NAS RNAM MKHYEN GYI BAR GYI CHOS RNAMS DE GSUM DU 'DU ZHING, DE GSUM LA NGO BO NYID MED TSUL BSHAD NA GDUL BYAS GO SLA BAR DGONGS NAS, DE GSUM LA NGO BO NYID SOGS MED TSUL GSUNGS SKABS 'DIR STON PA RANG NYID KYIS GDUL BYA'I DBANG GIS BAR PA DRANG DON DU 'GREL BA YIN GSUNGS, 'DI NYID LAS, CHOS RNAMS NGO BO NYID MED PAR GSUNGS PA'I CHOS KYI NANG NA DON DAM MED DO ZHES SEMS DANG LDAN PA SU ZHIG SMRA ZHES DANG, GONG DU 'PHAGS PA YAB SRAS LA SOGS PA'I LUGS LAS KYANG PHYI ROL TU GYUR PA'O ZHES PAS JO NANG PA CHEN PO DGAG PAR MDZAD, DE DAG GI LUGS LAS PHYI ROL TU 'GYUR TSUL NI, JO NANG PAS DON DAM BDEN GRUB TU 'DOD PA'I GNAD KYIS SO, 'DI DAG 'GOG PA NA, KHA CIG DE DAG GI MTSAN DNGOS SU MA SMOS PA NI, DE DAG GI LTA BA'I PHYOGS LA SKYON YOD KYANG SPYOD PHYOGS NAS BSTAN PA LA PHAN THOGS CHEN PO BYUNG BA DANG LHAG PAR YANG RJE BLA MA RANG NYID MKHAS BTZUN BZANG GSUM GYI YON TAN DANG LDAN ZHING DE'I NANG NAS KYANG BTZUN PA'I YON TAN CHES MCHOG TU MNGA' BAS YIN GSUNGS, GNYIS PA RGYAS PAR BSHAD PA NI, GAL TE NGO BO NYID MED PAR GSUNGS PA'I CHOS RNAMS NGO BO NYID MED PA GSUM DU SDUD NA DE GSUM GANG YIN NGO BO NYID MED TSUL JI LTAR YIN SNYAM NA ZHES SOGS KYIS BSTAN DON NI, 'KHOR LO BAR PA LAS GZUGS NAS RNAM MKHYEN GYI BAR LA NGO BO NYID MED PAR GSUNGS PA MTSAN NYID GSUM LA DGONGS NAS JI LTAR GSUNGS SHE NA, @59 DPER NA GZUGS LTA BU LA MTSON NA GZUGS GZUGS ZHES BRJOD PA'I SGRA 'JUG PA'I GZHIR RTOG PAS BTAGS PA TZAM YIN GYI RANG GI MTSAN NYID KYIS MA GRUB PA LA DGONGS NAS GZUGS KYI KUN BRTAGS RANG GI MTSAN NYID KYIS MA GRUB PAR GSUNGS, GZUGS RKYEN GZHAN GYI DBANG GIS SKYE BA YIN GYI BDAG NYID GCIG PA'I RGYU LAS MI SKYE BA LA DGONGS NAS GZUGS RANG GI MTSAN NYID KYIS GRUB PA'I SKYE BA MED PAR GSUNGS, NGO BO NYID MED PA GSUM PA LA 'JOG TSUL GNYIS GSUNGS PA'I DANG PO NI, GZHAN DBANG LA DON DAM PA NGO BO NYID MED CES PA'I DON DAM DE NI, RNAM DAG LAM GYI DMIGS PA MTHAR THUG LA DON DAM DU BZHAG NAS, GZHAN DBANG GI CHOS RNAMS RNAM DAG LAM GYI DMIGS PA MTHAR THUG DER MA GRUB PAS DE DAG LA DON DAM PA NGO BO NYID MED PAR GSUNGS, PHYI MA'I DON DAM NI DGAG BYA'I CHOS BDAG LA BZHAG NAS, CHOS KYI BDAG MED KYI YONGS GRUB DGAG BYA CHOS BDAG BCAD TZAM GYI MED DGAG DE, DGAG BYA DE'I NGO BOR MA GRUB PAS DON DAM PA NGO BO NYID MED PAR GSUNGS SO, ,'O NA KUN BRTAGS MTSAN NYID NGO BO NYID MED PA STON PA'I SKABS, MDO YI DMIGS 'BYED PA 'DIS 'OG MA GNYIS KYANG SHES PAR BYA'O ZHES PA'I DON JI LTAR ZHE NA, DRI BA'I TSIG DANG LAN GYI TSIG GNYIS BSDOMS PAS KUN BRTAGS MTSAN NYID NGO BO MED PAR BSTAN, JI LTAR BSTAN CE NA, DRI TSIG LA CHOS RNAMS KYI MTSAN NYID NGO BO NYID MED PA GANG LAGS ZHUS PA'I LAN DU KUN BRTAGS PA'I MTSAN NYID GANG YIN PA'O GSUNGS, GONG 'OG GNYIS BSDOMS NAS KUN BRTAGS MTSAN NYID NGO BO NYID MED PA ZHES BYUNG, RGYU MTSAN DRIS PA'I LAN DU DGAG @60 PHYOGS NAS RANG GI MTSAN NYID KYIS MA GRUB PA DE'I PHYIR SGRUB PHYOGS NAS MING BRDAS BZHAG PA'I RGYU MTSAN BSTAN PAS, MDO 'DI'I TSIG MTSAMS BZHAG LUGS 'DIS MDO 'OG MA GNYIS LA'ANG SHES PAR BYA ZHES PA'I DON NO, ,'DIR THAL 'GYUR BAS YOD PA RNAMS MING GI THA SNYAD KYI DBANG GIS BZHAG PA DANG CHES MI MTHUN ZHES PA'I DON GANG YIN ZHE NA, SEMS TZAM PAS KUN BRTAGS MING BRDAS BZHAG LUGS DANG THAL 'GYUR BAS CHOS THAMS CAD MING BRDAS BZHAG CES PA'I MING BRDAS BZHAG LUGS GNYIS CHES MI MTHUN PA STE, MI MTHUN PA CHEN PO YOD CES PA'I DON NO, ,'DI NYID LAS, 'ON KYANG 'DI'I RANG MTSAN GYIS YOD PAR 'DZIN PA YOD NA THAL 'GYUR BA'I RANG MTSAN GYIS GRUB PAR 'DZIN PA YANG YOD LA ZHES SOGS KYI DON LA, KHA CIG GIS SEMS TZAM PA'I 'DOD PA LTAR GYI GZHI DE RANG GI MTSAN NYID KYIS GRUB PAR 'DZIN NA THAL 'GYUR BA'I 'DOD PA LTAR GYI GZHI DE RANG GI MTSAN NYID KYIS GRUB PAR 'DZIN PAS KHYAB ZER, 'O NA SEMS TZAM PA'I 'DOD PA LTAR GYI KUN BRTAGS RANG GI MTSAN NYID KYIS GRUB PAR 'DZIN PA'I BLO CHOS CAN, DER THAL, DE'I PHYIR, 'DOD NA, DE CHOS CAN, KHYOD KYIS KUN BRTAGS THA SNYAD BTAGS PA'I BTAGS DON BTZAL BA'I TSE NA RNYED PAR 'DZIN PAR THAL, 'DOD PA'I PHYIR, 'DOD NA, BLO DON MTHUN YIN PAR THAL, 'DOD PA'I PHYIR, 'DOD NA, DE MA YIN PAR THAL, LOG SHES YIN PA'I PHYIR TE, KHYOD KYIS KUN BRTAGS RANG GI MTSAN NYID KYIS GRUB PAR 'DZIN PA GANG ZHIG ,DE DE LTAR MA YIN PA'I PHYIR, @61 RANG LUGS NI SEMS TZAM PA'I 'DOD PA LTAR GYI RANG GI MTSAN NYID KYIS YOD PAR 'DZIN PA'I GANG ZAG GI RGYUD LA THAL 'GYUR BA'I 'DOD PA LTAR GYI RANG MTSAN GYIS YOD PAR 'DZIN PA YOD LA, GZHI 'GA' ZHIG SEMS TZAM PA'I 'DOD PA LTAR GYI RANG MTSAN GYIS YOD PAR MI 'DZIN YANG PHYI MA THAL 'GYUR BA'I 'DOD PA LTAR GYI RANG MTSAN GYIS YOD PAR 'DZIN PA'I GANG ZAG YOD CES PA'I DON NO, ,YANG DON DAM PA NI GANG LA DMIGS NAS GOMS NA SGRIB PA ZAD PAR 'GYUR BA YIN NA GZHAN DBANG LA DMIGS NAS GOMS PAS SGRIB PA DAG PAR BYED MI NUS PA'I PHYIR RO ZHES PA'I DON LA, GZHAN DBANG YIN NA, KHYOD LA DMIGS NAS BSGOMS PAS SGRIB PA ZAD PAR MI NUS PAS KHYAB ZER NA, 'O NA BYANG CHUB KYI SEMS BSGOMS NAS SGRIB PA ZAD MI NUS PAR THAL, GZHAN DBANG YIN PA'I PHYIR, GZHAN YANG STONG NYID RTOGS PA'I SHES RAB CHOS CAN, DER THAL, DE'I PHYIR, RANG LUGS NI, KUN BRTAGS LA DE 'DRA BA'I DVOGS PA MED PA'I PHYIR RO ZHES GSUNGS PA'I DVOGS PA DE JI LTAR YIN ZHE NA, STONG GZHI CHOS CAN GZHAN DBANG DGAG BYA'I KUN BRTAGS KYIS STONG BA'I CHOS NYID DE LA RNAM DAG LAM GYIS DMIGS NAS SGRIB PA DAG PAR 'GYUR BAR SHES PA NA, LAM DES STONG GZHI CHOS CAN GZHAN DBANG LA'ANG DMIGS DGOS PA DANG, DON DAM YANG YIN PA DES NA RNAM DAG LAM GYI DMIGS PA'I DON DAM MTHAR THUG TU 'GYUR SNYAM PA'I DVOGS PA CHE BAR SKYE LA, KUN BRTAGS DON DAM DU MA GRUB PAS DE 'DRA BA'I DVOGS PA MED PA'I PHYIR RO, ,'O NA DE 'DRA'I DVOGS PA DE GANG ZAG SU'I RGYUD LA YOD CE NA, 'DI LA LUGS GSUM SNANG, @62 MKHAS PA'I DBANG PO KHA CIG GIS DE 'DRA'I DVOGS PA DE BDAG GIS DBEN PA'I 'DU BYED KYI PHUNG PO DNGOS SU RTOGS NAS, BDAG MED SHUGS LA RTOGS PA'I NYAN THOS MTHONG LAM BAR CHAD MED LAM KHAS LEN PA'I NYAN THOS SDE GNYIS KYI RGYUD LA YOD GSUNGS, DE YOD TSUL NI RNAM DAG GI LAM NYAN THOS MTHONG LAM BAR CHAD MED LAM DES GZHAN DBANG GI DNGOS PO 'DU BYED KYI PHUNG PO MNGON SUM DU RTOGS PAS DE LA DMIGS PA YIN ZHING, DON DAM PA YANG YIN PAS DE 'DRA'I PHUNG PO DE RNAM DAG GI LAM DE'I DMIGS PA MTHAR THUG GI DON DAM DU 'GYUR SNYAM DU NYAN THOS SDE PA LA DVOGS PA SKYE BA'I DE 'DRA'I DVOGS PA DE BCAD PA'I PHYIR DU DGONGS 'GREL LAS GZHAN DBANG DON DAM PAR NGO BO NYID MED PAR GSUNGS PA YIN ZHES BZHED, 'GA' ZHIG GIS DE 'DRA'I DVOGS PA DE NGO BO NYID MED PAR SMRA BA LA YOD GSUNGS, DE'I TSUL NI, RNAM RIG PAS GZHAN DBANG BDEN GRUB TU KHAS LEN NA, DBU MA PA LTAR NA GZHAN DBANG BDEN PAR GRUB NA DON DAM DU GRUB DGOS, DER GRUB NA DON DAM BDEN PA YIN DGOS, DE LTAR NA, RNAM DAG LAM THEG CHEN GYI MTHONG LAM BAR CHAD MED LAM GYIS MNGON SUM DU GZIGS DGOS SHING, DE LTAR GZIGS NA RNAM DAG GI LAM THEG CHEN GYI MTHONG LAM BAR CHAD MED LAM GYI DMIGS PA MTHAR THUG TU 'GYUR RAM SNYAM PA'I DVOGS PA DE DBU MA PA LA YOD PAS DE 'DRA'I DVOGS PA BCAD PA'I PHYIR DU DGONGS 'GREL LAS DE LTAR GSUNGS PA YIN ZHES GSUNGS, SBRA TI RIN CHEN DON GRUB KYI GSUNG RGYUN DRANG NGES CHEN MOR, DE 'DRA'I DVOGS PA DE SEMS TZAM PA RANG GI RGYUD @63 LA YOD PAR BZHED, DE'I TSUL NI DVOGS PA DE DE'I RGYUD LA YOD, DE YANG LTA BA MA RNYED BAR DU MI 'ONG BA YIN, LTA BA RNYED PA DE'I TSE PHYI ROL DON DU GRUB PA'I CHOS CUNG ZAD KYANG MED CING CHOS THAMS CAD SEMS KYI BDAG NYID TZAM DU RTOGS PA DE 'ONG, DE'I TSE RNAL 'BYOR PA DES PHYI ROL DON GYIS STONG PA LA DMIGS KYANG DE LTAR RTOGS PA'I RNAL 'BYOR PA DES YID LA DE'I GNAS SKABS SU SEMS GCIG PU MA GTOGS GZHAN MI 'DUG SNYAM DU BSAMS SHING, RANG NYID KYI YID SHES DES SEMS GCIG PU RNAM DAG LAM GYI DMIGS PA MTHAR THUG TU 'GYUR SNYAM PAS DE 'DRA'I RNAL 'BYOR PA DE'I RGYUD KYI DVOGS PA DE BCAD PA'I PHYIR DU DGONGS 'GREL LAS DE LTAR GSUNGS SHING, DE 'DRA'I DVOGS PA SKYE BA'I GZHI GZHAN DBANG DE YANG SPYI TZAM PA LA MI BYED PAR GZHAN DBANG GI GTZO BO SEMS YIN PAS SEMS LA BYED PAR GSUNGS, GZHAN YANG CHOS RNAMS KYI YONGS SU GRUB PA'I MTSAN NYID YONGS GRUB DON DAM PAR NGO BO NYID MED PAR GSUNGS PA YIN ZER NA, YONGS GRUB CHOS CAN, CHOS KYI BDAG MED PHRA MO YIN PAR THAL, SKABS 'DIR DON DAM PAR NGO BO NYID MED CES PA'I MED RGYU'I DON DAM DE DGAG BYA'I CHOS BDAG LA BZHAG NAS, DE'I NGO BOR MED PAS DON DAM PAR NGO BO NYID MED PAR BZHAG PA'I PHYIR TE, 'DI NYID LAS, CHOS RNAMS KYI BDAG GI NGO BO NYID MED PAS RAB TU PHYE BA STE DE TZAM GYIS BZHAG PA YIN PA'I PHYIR CHOS RNAMS KYI NGO BO NYID MED PA ZHES KYANG BYA BAS DON DAM PA NGO BO NYID MED PA ZHES BYA'O ZHES GSUNGS PA'I PHYIR, 'DOD NA, KHYOD LA GANG ZAG GI BDAG MED PHRA MO'I DBANG DU BYAS PA GCIG MED PAR THAL, 'DOD PA'I PHYIR, 'DOD NA, KHYOD YIN NA CHOS KYI BDAG MED PHRA MO YIN PAS KHYAB @64 PAR THAL, 'DOD PA'I PHYIR, 'DOD NA, GANG ZAG GI BDAG MED PHRA MO YONGS GRUB MA YIN PAR THAL LO, ,RANG LUGS CHOS KYI BDAG MED KYI DBANG DU BYAS PA'I YONGS GRUB LA BSHAD, DGONGS 'GREL LAS, GAL TE 'DU BYED KYI MTSAN NYID DANG DON DAM PA'I MTSAN NYID CES PAS STONG GZHI CHOS CAN DANG DE'I STENG GI STONG NYID GNYIS NGO BO GCIG LA LDOG PA THA DAD DU BSTAN, THA DAD PA YIN PAR GYUR NA NI ZHES PAS 'BREL MED THA DAD PAR GYUR NA DE'I STENG GI BDAG MED TZAM DANG NGO BO NYID MED PA TZAM NYID DE'I STONG NYID MA YIN PAR 'GYUR ZHES PA'O, ,MDO 'DIS JO NANG PA DGAG PAR MDZAD TSUL NI, JO NANG PAS YONGS GRUB DGAG BYA BCAD LDOG NAS MI 'JOG PAR SGRUB PA RANG DBANG BAR KHAS BLANGS PAS DE LA RJE BLA MAS DGONGS 'GREL GYI LUNG DRANGS TE DGAG PAR MDZAD DO, ,GSUM PA DE DAG GI DPE BSTAN PA NI, DGONGS 'GREL LAS, DE LA 'DI LTA STE DPER NA ZHES SOGS KYIS 'CHAD, DON DAM PA NGO BO NYID MED PA NYID DE LAS KYANG GCIG KYANG BLTA BAR BYA'O ZHES PA'I DON NI, YONGS GRUB KYI DPE SNGA MA GNYIS LAS KYANG GSAL BA GCIG 'CHAD PAR BYA'O ZHES PA'O, ,'CHAD TSUL NI DE MA THAG TU BYUNG BA DE YIN, YANG, YONGS GRUB KYI DPE DON NI DKYUS NA GSAL LO ZHES PA NI, MDO DER GSAL BAR SNANG ZHES PA'O, ,MTSAN NYID GSUM RANG GI MTSAN NYID KYIS MA GRUB PAR LTA BA SKUR 'DEBS YIN KYANG, KUN BRTAGS RANG GI MTSAN NYID KYIS MA GRUB PAR LTA BA SKUR 'DEBS MA YIN, KUN BRTAGS 'DOGS GZHI GZHAN DBANG DANG, @65 DE 'DOGS PA PO'I THA SNYAD SGRA DANG RTOG PA'O, ,GNYIS PA GANG LA DGONGS NAS MA SKYES PA SOGS SU GSUNGS PA BSHAD PA NI, NGO BO NYID MED PA'I TSUL DE LTAR YIN NA SKYE BA MED PA SOGS GANG LA DGONGS NAS GSUNGS SHE NA ZHES SOGS KYI DON NI, 'KHOR LO BAR BAR SKYE BA MED PA SOGS BZHI GSUNGS PA'I DGONGS GZHI LA KUN BRTAGS DANG YONGS GRUB GNYIS MA GTOGS GZHAN DBANG MA GSUNGS, KUN BRTAGS RANG GI MTSAN NYID KYIS MA GRUB PAS MA SKYES, MA SKYES PAS MA 'GAG PA YIN, MA SKYES PA DANG MA 'GAG PA YIN PAS GZOD MA NAS ZHI BA STE GDOD MA NAS NYON MONGS PA ZHI BA YIN, DE YIN PAS RANG BZHIN KUN MONGS DANG MA 'DRES SHING DE LA YONGS SU MYA NGAN LAS 'DAS PA STE SLAR YANG KUN NYON DANG BRAL RGYU CUNG ZAD KYANG MED DO, ,ZHES KUN BRTAGS LA DGONGS TSUL LO, YONGS GRUB DGAG BYA'I BDAG GI NGO BO NYID MED PAS YONGS GRUB BDAG DE'I NGO BOR SKYE BA MED PA SOGS 'OG MA LA YANG SBYAR DGOS, YONGS GRUB NI RTAG GTAN THER ZUG YIN TE, SANGS RGYAS 'JIG RTEN DU BYON NAS STONG NYID BSTAN NA YOD PA DANG MA BYON PA'I SKABS SU MI 'BYUNG BA MA YIN PAR RTAG PA STE SNGA MA SNGA MA'I DUS THER ZUG THER ZUG STE PHYI MA PHYI MA'I DUS SU GNAS PA YOD PA'I PHYIR, KUN BTUS LAS NI NGO BO NYID GSUM GA LA DGONGS PAR BSTAN, GZHAN DBANG LA BSHAD NA DE SKYE BA NGO BO NYID MED PA STE, DE BDAG NYID GCIG PA'I RGYU LAS SKYE BA MED PA DANG, BDAG NYID GCIG PA'I RGYU LAS SKYE BA'I 'GAG PA MED PA DANG, DE 'DRA'I GZOD MA NAS ZHI BA DANG, DE 'DRA'I YONGS SU MYA NGAN LAS 'DAS SO, ,ZHES GZHAN DBANG DE DAG GI DGONGS GZHIR @66 GSUNGS PA NI, BDAG NYID GCIG PA'I RGYU LAS SKYE BA RANG GI MTSAN NYID MA GRUB PA SOGS LNGA LA DGONGS NAS GSUNGS, DGONGS 'GREL LAS MA GSUNGS PA NI GZHAN DBANG THA SNYAD DU SKYE 'GAG SOGS YOD PA LA DGONGS SO, ,DVOGS GCOD NI, KUN BTUS LAS, GZHAN DBANG DE LTAR YOD PAR GSUNGS PA DE, DGONGS 'GREL GYI DGONGS PA YIN NAM MIN, YIN NA DGONGS 'GREL LAS DE LTAR BSTAN PAR THAL, DE'I DGONGS PA YIN PA'I PHYIR, ZHES BRTAG ,DGONGS 'GREL GYIS GZHAN DBANG GZOD MA NAS ZHI BA DANG, RANG BZHIN GYIS YONGS SU MYA NGAN LAS 'DAS PA'I GZHIR MA MDZAD PA NI GZHAN DBANG PHAL CHER KUN NYON GYIS BSDUS PAS SO, ,DVOGS GCOD, RGYAN LAS, 'DI LA BSAL BYA CI YANG MED CES GSUNGS PAS BRTAG DGOS, GSUM PA NGO BO NYID GSUM GYI NGO BO NGOS GZUNG BA NI, KUN BRTAGS MTSAN NYID NGO BO NYID MED PA YIN NA KUN BRTAGS NYID GANG YIN SNYAM NA ZHES SOGS KYIS 'CHAD, DGONGS 'GREL LAS, RNAM PAR RTOG PA'I SPYOD YUL ZHES PAS SMRA BA DANG RTOG PA'I YUL, KUN BRTAGS 'DOGS GZHI 'DU BYED KYI MTSAN MA STE 'DUS BYAS KYI MTSAN NYID CAN, DE GSUM GYIS GZHAN DBANG KHYAD CHOS GSUM LDAN DU BSTAN TO, ,RTOG PA'I SPYOD YUL NI RANG ZHES BRJOD PA'I SGRA'I BRJOD BYA DANG RANG 'DZIN RTOG PA'I ZHEN GZHI'O, ,MDO 'DIS STONG TSUL BSTAN PA NGES DON DU 'DOD PA DANG ZHES PAS JO NANG PA DGAG PAR MDZAD, JO NANG PAS NGES DON DU BZHED PA'I MDO LA, DGONGS 'GREL SOGS MDO BCU YOD GSUNGS, @67 STONG LUGS KYANG SA PHYOGS BUM PAS STONG PA LTAR DON GZHAN DU YOD PA BKAG PA MIN GYI ZHES SOGS KYIS GZHAN DBANG KUN BRTAGS KYIS STONG LUGS NI, SA PHYOGS BUM PAS STONG LUGS LTAR DON GZHAN GYIS STONG PA MA YIN GYI, GANG ZAG RDZAS SU MED PA LTAR YIN PAR GSUNGS, SA PHYOGS BUM PAS STONG LUGS NI GZHI DER BUM PA YOD MED KYIS BYED KYI, GZHI DE BUM PA YIN MIN LA MI BYED, ,GANG ZAG RDZAS YOD KYIS STONG TSUL NI RANG GI NGO BO DE DER GRUB MA GRUB LA BYED DO, GANG GIS STONG PA'I KUN BRTAGS NI MDO 'DI'I KUN BRTAGS NGOS BZUNG BA'I SKABS GNYIS KAR ZHES SOGS KYIS DGONGS 'GREL DNGOS BSTAN GYI KUN BRTAGS LA NGO BO LA KUN BTAGS PA DANG, KHYAD PAR LA KUN BTAGS PAS KUN BRTAGS GANG RUNG GIS KHYAB CES BSTAN, NGO BO DANG KHYAD PAR LA KUN BTAGS PA'I KUN BRTAGS LA'ANG YOD RGYU'I KUN BRTAGS DANG MED RGYU'I KUN BRTAGS GNYIS LAS, DANG PO NI, GZUGS GZUGS 'DZIN RTOG PA'I ZHEN GZHI YIN PA LTA BU DANG, GZUGS KYI SKYE BA ZHES PA'I SGRA 'JUG PA'I GZHI YIN PA LTA BU STE, DE GNYIS YOD KYANG RTAG PA'O, ,GNYIS PA MED RGYU'I KUN BRTAGS LA'ANG DE 'DRA'I ZHEN GZHIR RANG GI GNAS LUGS KYI DBANG GIS GRUB PA DANG, DE 'DRA'I SKYE BA ZHES PA'I SGRA 'JUG PA'I GZHIR RANG GI GNAS LUGS KYI DBANG GIS GRUB PA LTA BU STE, 'DI GNYIS THA SNYAD DU'ANG MED DO, ,DES MTSON NAS GZUGS NAS RNAM MKHYEN GYI BAR CHOS KUN LA SBYAR TE GSUNGS, DE LTAR GZUGS PHUNG LA JI LTAR SBYAR BA BZHIN DU PHUNG PO LHAG MA BZHI DANG SKYE MCHED BCU GNYIS DANG RTEN 'BREL BCU GNYIS DANG ZAS BZHI DANG KHAMS DRUG DANG BCO BRGYAD PO RE RE LA YANG MTSAN NYID @68 GSUM GSUM SBYAR BAR GSUNGS SO ZHES PA'I DON JI LTAR YIN ZHE NA, 'DI LA LUGS GNYIS LAS, RJE BTZUN CHOS RGYAN GYIS, SKYE MCHED BCU GNYIS KYI NANG TSAN CHOS KYI SKYE MCHED KYI NGO BOR GYUR PA'I 'DUS MA BYAS KYI NAM MKHA'I STENG DU MTSAN NYID GSUM GYI RNAM GZHAG BYED PA NA NAM MKHA'I GZHAN DBANG LA RANG 'DZIN TSAD MA BZHAG DGOS TE, NAM MKHA'I GZHAN DBANG LA GZHAN DBANG KHYAD CHOS GSUM LDAN ZHIG BZHAG DGOS PA'I PHYIR, RTAGS DER THAL, GZUGS PHUNG GI STENG GI KUN BRTAGS KYI GDAGS GZHI KHYAD CHOS GSUM LDAN ZHIG BZHAG DGOS PA GANG ZHIG ,GZUGS PHUNG LA JI LTAR SBYAR BA BZHIN DU PHUNG PO LHAG MA BZHI DANG SKYE MCHED BCU GNYIS SOGS LA YANG SBYAR DGOS PA'I PHYIR TE, BSTAN BCOS 'DI NYID LAS, DE LTAR GZUGS PHUNG LA JI LTAR SBYAR BA BZHIN DU PHUNG PO LHAG MA BZHI DANG ZHES SOGS GSUNGS PA'I PHYIR, DE BZHIN DU SDUG BDEN LA NI GDAGS GZHI SNGAR BZHIN LA ZHES GSUNGS PA'I PHYIR, GZHAN YANG DE LTAR DGOS PAR THAL, YUM GYI MDO LAS CHOS THAMS CAD NGO BO NYID MED PAR GSUNGS PA GANG LA DGONGS NAS NGO BO NYID MED PAR GSUNGS PA BSHAD PA'I RGYAS BSHAD KYI SKABS SU, NAM MKHA'I GZHAN DBANG RKYEN GZHAN GYI STOBS KYIS BYUNG BA YIN GYI BDAG NYID GCIG PA'I RGYU'I STOBS KYIS SKYE BA MA YIN PAS SKYE BA NGO BO NYID MED PAR BSHAD PA YIN PA'I PHYIR, RTAGS DER THAL, DE'I SKABS SU NAM MKHA'I GZHAN DBANG SKYE BA NGO BO NYID MED PAR BSHAD PA GANG ZHIG , @69 RKYEN GZHAN GYI STOBS KYIS SKYE BA YIN GYI BDAG NYID GCIG PA'I RGYU LAS MI SKYE BA DE SKYE BA NGO BO NYID MED PA'I DON YIN PA'I PHYIR TE, DGONGS 'GREL LAS, 'DI LTAR DE NI RKYEN GZHAN GYI STOBS KYIS BYUNG BA YIN GYI BDAG NYID KYIS MA YIN PAS DE'I PHYIR DE NI SKYE BA NGO BO NYID MED PA NYID CES BYA'O ZHES GSUNGS PA'I PHYIR, DE'I SKABS SU NAM MKHA'I GZHAN DBANG SKYE BA NGO BO NYID MED PAR MA GSUNGS SHE NA, DE LTAR GSUNGS PAR THAL, 'KHOR LO BAR PAS GZUGS NAS RNAM MKHYEN GYI BAR GYI CHOS THAMS CAD LA NGO BO NYID MED PAR GSUNGS PA GANG ZHIG ,NAM MKHA' DE'I NANG TSAN YIN PA'I PHYIR, DANG PO DER THAL, 'DI NYID LAS, GZUGS NAS RNAM MKHYEN GYI BAR GYI CHOS RNAMS KYI GSAL BA'I DBYE BA MTHA' YAS PA LA NGO BO NYID DAM RANG BZHIN MED DO ZHES GSUNGS PA RNAMS NGO BO NYID MED PA GSUM DU 'DU ZHING ZHES SOGS DANG, DE'I MJUG THOG TU DE LTAR MDZAD DGOS PA YANG ZHES SOGS GSUNGS PA'I PHYIR, NAM MKHA'I GZHAN DBANG SKYE BA NGO BO NYID MED PAR GSUNGS NA, SKYE BA MED PAR GSUNGS PA'I DON DE DANG LDAN DGOS LA, NAM MKHA' NAM MKHA'I GZHAN DBANG YIN NA SNGAR GONG DU BSHAD PA'I RIGS PAS GNOD DO, ,GZHAN YANG STONG GZHI CHOS CAN BDEN PAR MA GRUB NA DE'I STONG NYID KYANG BDEN GRUB TU MI RUNG BA'I PHYIR TE, RTZA SHES LAS, 'DUS BYAS RAB TU MA GRUB PAS, ,'DUS MA BYAS NI JI LTAR 'GRUB CES DANG, MDO LAS, GZUGS NYID KYANG MI DMIGS NA GZUGS KYI DE BZHIN NYID DMIGS PA LTA GA LA 'GYUR ZHES GSUNGS LA, DE DBU MA PA'I LUGS @70 LA DGONGS SO ZHE NA, MI 'THAD DE BSTAN BCOS 'DI LAS, ,ZHES GSUNGS PA BZHIN DU LUGS GNYIS KAS LAN DU MAR GSUNGS SO, ,ZHES GSUNGS PA'I PHYIR, BZHI PA DE DAG GIS GRUB PA'I DON ZHUS PA LA GNYIS, MDO DGOD PA DANG, DE'I DON CUNG ZAD BSHAD PA'O, ,DANG PO NI, DE LTAR NA GSUNG RAB LA CHOS RNAMS RANG GI MTSAN NYID KYIS YOD PA DANG ZHES SOGS KYI DON NI GO SLA, DE LA YANG GNYIS YOD PAS MDO SDE GNYIS DRANG DON DANG GCIG NGES DON DU SNGAR BSHAD PA RNAMS KYI SHUGS KYIS SHES PAR 'GYUR RO, ,ZHES SNGAR BSHAD PA NI MDO SDE LA 'GAL SPONG GI DRI BA ZHU LUGS DANG, DE LA STON PAS MTSAN NYID GSUM LA DGONGS NAS NGO BO NYID MED PA SOGS GSUNGS TSUL DANG, TSUL DE LTAR GSUNGS PAS MDO SDE DGONGS 'GREL GYIS MTSAN NYID GSUM LA BDEN PAR YOD MED GSAL BAR BSTAN PA YIN PAS, DE RNAMS LA BRTEN NAS 'KHOR LO DANG PO GNYIS DRANG DON DANG THA MA NGES DON DU SHUGS KYIS TE DON GYIS GO BA'O, ,SHUGS LA GO BA'I DON NI, DANG PO GNYIS DRANG DON DANG THA MA NGES DON YIN PA SHUGS LA GNAS PA'O, ,DE NI DUS KYI RIM PA'I SGO NAS 'KHOR LO RIM PA GSUM DANG SBYAR BA'I DRANG NGES SU 'GYUR TSUL DON DAM YANG DAG 'PHAGS KYIS STON PA LA ZHUS PA NI, DGONGS 'GREL LAS, BCOM LDAN 'DAS KYIS DANG POR YUL WA RA n'A SIR ZHES PA NAS RTZOD PA'I GZHI'I GNAS SU 'GYUR PA MA LAGS SO ZHES PA'I BAR GYIS BSTAN, GNYIS PA DE'I DON CUNG ZAD BSHAD PA LA GNYIS, MDO'I TSIG DON CUNG ZAD BSHAD PA DANG, DRANG NGES KYI TSUL CUNG ZAD @71 BSHAD PA'O, ,DANG PO NI, DE LA 'KHOR LO DANG PO BSKOR BA LA GNAS NI TSIG DANG POS BSTAN LA ZHES SOGS KYI DON NI DKYUS NA GSAL, YUL WA RA n'A SIR, ,ZHES YUL GYI MING GSUNGS PA NI MDO 'DI'I CHED DU BYA BA'I GDUL BYA LA KHYIM PA'I PHYOGS MANG PO YOD PA GO BA'I CHED DANG, DRANG SRONG SMRA BA RI DVAGS KYI NAGS SU, ,ZHES GNAS KYI MTSAN SMOS PA NI YUL DER RAB BYUNG GI GNAS MANG PO YOD PA DANG MDO 'DI'I CHED DU BYA BA'I GDUL BYA LA RAB BYUNG GI PHYOGS MANG PO YOD PA GO BA'I DON DU SMRAS SO, ,DRANG SRONG LHUNG BA'I RI DVAGS KYI NAGS ZHES PA NI SNGON SANGS RGYAS 'JIG RTEN DU MA BYON PA'I DUS SU GNAS DER RANG RGYAL DGRA BCOM PA DU MA YOD CING, NAM ZHIG GI TSE STON PA SUM CU RTZA GSUM DU LHA'I BU DAM PA TOG DKAR PO'I SKYE BA BZHES PA'I TSE LHA RNAMS KYIS, SANGS RGYAS 'JIG RTEN DU MI RING BAR GSHEGS PAS KHYED CAG GNAS GZHAN DU GSHEGS SHIG CES NAM MKHA' NAS SGRA THOS PA NA DGRA BCOM PA DE RNAMS KYIS NAM MKHA' LA 'PHUR BA DANG, NAM MKHA' LA 'DUG PA DANG, SKU'I STOD NAS ME 'BAR SKU'I SMAD NAS CHU 'BAB PA SOGS SPYOD LAM RNAM PA BZHI'I SGO NAS MYA NGAN LAS 'DAS PA'I MDZAD PA BSTAN TE RING BSREL SA LA LHUNG BAS NA DE SKAD DU BRJOD PAR GSUNGS SO, ,'PHAGS PA'I BDEN PA ZHES PA NI BDEN BZHI MNGON SUM DU RTOGS PA'I GANG ZAG LA 'PHAGS PAS TE DES GZIGS PA LTAR DON LA GNAS PAS NA BDEN PA'O, ,SNGON MA THOS PA ZHIG THOS PAS NGO MTSAR RMAD DU BYUNG BA ZHES NGO MTSAR SKAD DU SMRA BAS NI, SNGON STON PA 'JIG RTEN DU MA @72 BYON PA'I GNAS SKABS SU TSANG PA DANG DBANG PHYUG LA SOGS PA 'JIG RTEN DREGS PA'I LHA BRGYAD LA SOGS PA SUS KYANG BSKOR MI NUS PA ZHIG GSUNGS PAS NGO MTSAR RMAD DU BYUNG ZHES PA'O, , DE YANG ZHES PAS 'KHOR LO GSUM PA GSUNGS PA'I DUS SU MDO 'DI GSUNGS NAS YUN RING PO SONG BA'I DON NO, ,NYAN THOS KYI THEG PA LA YANG DAG PAR ZHUGS PA ZHES PAS CHED DU BYA BA'I GDUL BYA BSTAN, 'DI'I THEG PA 'GA' ZHIG GIS BRJOD BYA DON GYI THEG PA LA BYED PAS LAM ZHUGS KYIS KHYAB PA DANG, 'GA' ZHIG GIS RJOD BYED TSIG GI THEG PA LA BYAS NAS DE'I CHED DU BYA BA'I GDUL BYA LA LAM ZHUGS KYIS MA KHYAB PAR BZHED, SNGA MA NI RJE BTZUN CHOS RGYAN SOGS KYI BZHED PAR GSUNGS, BAR PA LA THEG PA CHEN PO ZHES SBYAR BA MA GTOGS GDUL BYA NGOS 'DZIN GONG DANG 'DRA, SDE SNOD GSUM PA WEN TSIG GIS GSUM PA LA LTOS NAS BLA NA YOD PA SOGS LAS MA BSHAD CING ZHES SOGS KYI DON NI, RGYA GAR GYI MKHAN PO YANG DAG BDEN PA'I 'KHOR LO DANG PO DANG BAR PA LA BLA NA MCHIS PA SOGS SBYOR TSUL NI BLA NA MCHIS PA NAS BRTZIS PA'I GSUM PA DRANG BA'I DON BSGRUB BYAR BYED DE 'KHOR LO DANG PO GNYIS LA BLA NA MCHIS PA SOGS BSHAD PA YIN PAS, DE YANG DPER NA 'KHOR LO DANG PO DRANG DON YIN TE, BLA NA MCHIS PA SKABS MCHIS PA RTZOD PA'I GZHI'I GNAS SU GYUR PA YIN PA'I PHYIR, BAR PA LA'ANG DE LTAR SBYAR NAS BSHAD KYANG, RJE BLA MAS MI LEGS PAR GZIGS NAS BSTAN BCOS 'DIR MA BRIS PA YIN GSUNGS PA'I DON NO, ,SKABS MED PA'I SNGA MA MA GTOGS PA ZHES PAS DE'I GONG DU WEN TSIG GIS SKABS MED PA'I BSHAD PA LA GNYIS SBYAR NAS GSUNGS PA'I DANG PO DE MA GTOGS RANG LUGS LA 'THAD PA YIN, BSHAD PA DANG PO NI PHYIS MCHOG TU 'GYUR BA'I SKABS MED PA LA BSHAD DO, ,GNYIS PA DRANG NGES KYI TSUL CUNG ZAD BSHAD PA NI, DE 'DRA BA'I 'KHOR LO DANG PO LA BDEN BZHI'I CHOS 'KHOR @73 DANG ZHES SOGS KYIS 'CHAD, MDO 'DI NYID KYI TSIG DANG BSTUN NA, ,ZHES PAS DGONGS 'GREL LAS MTSAN NYID GSUM BDEN PAR YOD MED SO SOR PHYE BAS DE 'DRA'I TSIG DANG BSTUN NA 'KHOR LO THA MA'I MTSAN LA LEGS PAR RNAM PAR PHYE BA'I CHOS 'KHOR ZHES BYA BAR GSUNGS, 'ON KYANG 'GREL CHEN LAS BTAGS PA DE MDO'I DGONGS PA MA YIN PA NI MIN TE, DON DAM YANG DAG 'PHAGS KYIS STON PA LA MDO 'DI'I MTSAN CI ZHIG LAGS ZHUS PA'I LAN DU DGONGS 'GRE LAS, DON DAM RNAM PAR NGES PA ZHES BYA BAR YANG ZUNGS SHIG CES GSUNGS PA'I PHYIR, 'DUL BA MDOR BSDUS ZHES BYA BA RUNG MTHUN DU GRAGS PA GSUNGS KYANG, ,ZHES 'DUL BA MDOR BSDUS ZHES PA'I DON JI LTAR YIN ZHE NA, STON PA SKU MYA NGAN LAS 'DA' KHAR SNGON NGAS 'DUL BA'I BCAS PA MDZAD PA DANG MI 'GAL ZHING DE DANG MTHUN NA RUNG BA YIN, DE DANG MI MTHUN NA MI RUNG NGO ZHES BCAS PA MDOR BSDUS TE BSTAN PA'I MDO DE LA ZER RO, ,KHA CIG GIS MDO 'DI LA BRTEN NAS DUS GSUM PAR GSUNGS PA'I MDO THAMS CAD NGES DON DU BSGRUBS NAS, ,ZHES PA'I KHA CIG NI JO NANG PA'O, ,DES NI DUS GSUM PAR GSUNGS PA'I MDO LA NGES DON GYIS KHYAB PAR BZHED, DE LTAR BZHED PAS GZHAN SDE'I RIGS CAN TSE RABS SNGA MAR BDAG KHAS LEN PA'I GRUB MTHA' LA GOMS PA CHE BA'I DBANG GIS GANG ZAG GI BDAG KHAS LEN LAS 'BRAS DANG DKON MCHOG KHAS LEN PA'I GDUL BYA 'GA' ZHIG NANG PA'I GRUB MTHA' LA ZHUGS PA'I PHYIR DU STON PAS, PHUNG PO LNGA NI KHUR YIN LA, ,KHUR KHYER BA YI BDAG YOD DO, , RTAG GAM MI RTAG BRJOD MI BYA ZHES GANG ZAG RANG RKYA THUB PA'I BDAG BSTAN PA'I MDO SGRA @74 JI BZHIN PAR 'DOD CING, DON DAM BDEN PA MA GTOGS CHOS THAMS CAD 'KHRUL SNANG TZAM LAS RANG GI NGO BO CUNG ZAD KYANG MED CING CHOS NYID BDEN GRUB YIN MIN RNAM PAR PHYE BA STE GSAL BAR BSTAN PA LEGS PAR RNAM PAR PHYE BA'I DON DU 'DOD DO, ,DE LA GZHAN DAG GIS NI MDO 'DIS DRANG NGES PHYE BA LTAR YIN NA, ,ZHES PA'I PHYOGS SNGA NI GUNG THANG GIS YAR 'GROGS PA RIN CHEN TOG YIN PAR GSUNGS, DES 'KHOR LO THA MA NGES DON GYI MDO MA YIN TE, DE YIN NA DUS GSUM PAR GSUNGS PA'I MDO THAMS CAD NGES DON DU KHAS LEN DGOS PA DANG, CHOS NYID BDEN PAR GRUB PA'I BDEN MI BDEN RNAM PAR PHYE BA LEGS PAR PHYE BA'I DON DU 'DOD DGOS LA DE LTAR MI RIGS PAS SGRA JI BZHIN PA MIN NO ZER, GONG 'OG GNYIS KAS KYANG MDO SDE LA 'GAL SPONG GI DRI BA BYUNG LUGS SOGS LA ZHIB TU MA BRTAGS PAR DE LTAR RTZOD PA DE DRANG NGES KYI RNAM DBYE BYAS PA TZAM ZHIG LA RTZOD PAR GSUNGS, GNYIS PA DE'I DON JI LTAR BKRAL BA'I TSUL LA GNYIS, SLOB DPON THOGS MED KYIS GTZO BOR DGONGS 'GREL LA BRTEN TSUL DANG, DE LA BRTEN NAS DE KHO NA NYID GTAN LA PHAB PA'I TSUL LO, ,DANG PO NI, BSDU BA LAS, DON DAM PA MTSAN NYID LNGA DANG LDAN PA YANG DGONGS 'GREL LAS 'BYUNG BA BZHIN SHES PAR BYA'O ZHES PA NAS BSTAN, 'DIR SLOB DPON THOGS MED KYIS GTZO BOR DGONGS 'GREL LA BRTEN PA DANG ZHES GTZO BOR GSUNGS PA SPYIR THOGS MED KYIS 'PHAGS PA DPAL 'PHRENG GI MDO LA SOGS PAR BRTEN NAS RGYAN RTZA BA DANG, RGYUD BLA MA'I DGONGS PA DBU MA'I LUGS SU 'GREL BA @75 YIN YANG, SKABS 'DIR GTZO BOR DGONGS 'GREL 'DI LA BRTEN ZHES GO BA'I PHYIR DU GSUNGS ZHES BSTAN BCOS 'GAR YOD, GNYIS PA LA GSUM, MTHA' GNYIS SPONG TSUL SPYIR BSTAN PA, SGRO 'DOGS KYI MTHA' BYE BRAG TU DGAG PA, DES GSUNG RAB KYI DRANG NGES 'BYED PA'I TSUL LO, ,DANG PO LA GSUM, BYANG SA NAS BSHAD PA'I TSUL DANG, BSDU BA NAS BSHAD PA'I TSUL DANG, DE DAG LAS GZHAN PA'I GZHUNG NAS BSHAD TSUL LO, ,DANG PO LA GNYIS, SGRO SKUR DU LTA BA'I TSUL DANG, DE GNYIS 'GOG PA'I TSUL LO, ,DANG PO NI, BYANG SA LAS, JI LTAR YOD CE NA YOD PA MA YIN PA LA SGRO BTAGS PA'I LEGS PAR MA ZIN PA SPANGS PA DANG ZHES SOGS KYIS BSTAN, JI LTAR YOD CE NA ZHES PA 'GA' ZHIG GIS CHOS THAMS CAD KYI GNAS TSUL JI LTAR YOD CE NA ZHES GSUNGS PAR BZHED KYANG, RANG LUGS LA GNAS LUGS THAR THUG CHOS NYID DE JI LTAR YOD CE NA ZHES PA'I DON YIN, YOD PA MA YIN PA LA SGRO BTAGS PA'I LEGS PAR MA ZIN PA SPANGS PA DANG, ,ZHES PAS SGRO BTAGS PA STE RTAG MTHA' DANG, YANG DAG PA LA SKUR BA BTAB PA'I LEGS PAR MA ZIN PA SPANGS PA YOD DE, ,ZHES RTAG CHAD KYI MTHA' SPANGS PA'I TSUL DU YOD CES DBU MA'I LAM MTHAR THUG PA DE BSTAN, DE 'DRA BA DE SGRO SKUR SPANGS PA'I TSUL DU YOD NA SGRO 'DOGS DANG SKUR 'DEBS JI LTAR YIN ZHE NA, DE GNYIS NI BYANG SA LAS, GZUGS LA SOGS PA'I CHOS RNAMS DANG GZUGS LA SOGS PA'I DNGOS PO LA ZHES SOGS KYIS BSTAN, 'DOGS PA'I TSIG GI NGO BO NYID KYI, ,ZHES PA'I SPYIR 'DOGS @76 PA'I TSIG DE LA GNYIS SU YOD, DANG PO NI, KUN BRTAGS 'DOGS PAR BYED PA'I MING BRDA 'AM KUN BRTAGS 'DOGS PAR BYED MKHAN GYI SGRA DANG RTOG PA LA BYED, GNYIS PA NI, GANG GIS BTAGS PA STE KUN BRTAGS 'DOGS BYED KYI SGRA RTOG GIS GANG 'DOGS PA'I TSIG STE GANG BTAGS PA'I KUN BRTAGS LTA BU LA 'DOD, MDOR NA GANG GIS 'DOGS PA'I TSIG 'DOGS BYED KYI TSIG ,KUN BRTAGS 'DOGS BYED KYI MING BRDA, KUN BRTAGS 'JOG BYED KYI SGRA RTOG RNAMS MING GI RNAM GRANGS, GANG 'DOGS PA'I TSIG ,TSIG GIS BTAGS PA'I KUN BRTAGS, MING BRDAS BZHAG PA'I KUN BRTAGS, SGRA RTOG GIS BTAGS TZAM RNAMS MING GI RNAM GRANGS YIN, MTSAN GZHI NI DPER NA GZUGS GZUGS 'DZIN RTOG PA'I ZHEN GZHIR BRJOD PA'I SGRA DANG, DE LTAR RTOGS PA'I RTOG PA LTA BU DANG PO, GZUGS GZUGS 'DZIN RTOG PA'I ZHEN GZHI YIN PA DANG, DE'I ZHEN GZHIR RANG GI MTSAN NYID KYIS GRUB PA LTA BU GNYIS PA'I MTSAN GZHI YIN, SKABS 'DIR 'DOGS PA'I TSIG NI 'DOGS BYED KYI TSIG LA MI BYED PAR GDAGS BYA KUN BRTAGS LA BYED DE, DPER NA GZUGS GZUGS 'DZIN RTOG PA'I ZHEN GZHI YIN PA LTA BU LA BYED DO, ,BYANG SA'I SKABS GZHAN DU BYUNG BA RNAMS KYANG DE LTAR SHES PAR BYA'O, ,ZHES PAS 'DI BZHIN DU GDAGS BYA KUN BRTAGS LA BYED DGOS PAR GSUNGS, GZUGS GZUGS 'DZIN RTOG PA'I ZHEN GZHIR DANG GZUGS GZUGS ZHES BRJOD PA'I SGRA 'JUG PA'I 'JUG GZHIR RANG MTSAN GYIS MA GRUB STE, DE LTAR DU GRUB NA DE GZUGS 'DZIN @77 RTOG PA'I ZHEN GZHIR DANG, DE LTAR 'JUG PA'I 'JUG GZHIR 'GRO BA MING BRDA 'AM SGRA RTOG GANG LA'ANG MA BLTOS PAR RANG GI GNAS TSUL GYI DBANG GIS 'GRO DGOS PA LAS DE LTAR MI 'GRO BA'I PHYIR TE, DE DE'I ZHEN GZHIR DANG 'JUG GZHIR 'GRO BA MING BRDA LA BLTOS PA'I PHYIR TE, DE LTAR MI BLTOS NA, MING GI SNGA ROL BLO MED PHYIR, ,ZHES SOGS KYI RIGS PA GSUM GYIS GNOD DO, ,DE BZHIN DU CHOS GZHAN THAMS CAD LA SBYAR NAS SHES DGOS PAR GSUNGS, GZUGS LA SOGS PA'I CHOS RNAMS DANG GZUGS LA SOGS PA'I DNGOS PO LA, ZHES PHYI MA LA GZUGS LA SOGS PA'I DNGOS PO ZHES SMRAS PA NI, SGRO SKUR GNYIS GZUGS SOGS KYI DNGOS PO LA SHAS CHE BAS DE LTAR BRJOD PAR GSUNGS, BRJOD DU MED PA'I BDAG NYID KYIS DON DAM PAR YOD PA LA, ,ZHES BRJOD DU MED PA NI SGRA RTOG GIS BRJOD DU MED PA'O, ,BRJOD DU MED PA'I DON GANG YIN ZHE NA, SPYIR DNGOS PO LA DES KHYAB STE RANG MNGON SUM DU RTOGS PA'I MNGON SUM TSAD MAS JI LTAR RTOGS PA DE LTAR DU RANG BRJOD PA'I SGRAS BRJOD MI NUS PA DANG, RANG RTOGS PA'I RTOG PAS DE LTAR DU RTOGS MI NUS PA'I PHYIR TE, DE GNYIS KYIS SGRA SPYI DANG DON SPYI BRGYUD PA LA MA BLTOS PAR RANG MTSAN RJEN GCER DU BRJOD PA DANG RTOGS PAR MI NUS PA'I PHYIR, CHOS 'DUL BA 'DI LAS RAB TU NYAMS PA YIN PAR RIG PAR BYA'O ZHES PA'I DON NI, SGRO SKUR DE LTAR BYAS NA GDUL BYA 'DUL BA'I RIM PA THEG CHEN GYI CHOS ZAB MO 'DI LAS NYAMS PAR BSTAN PAR GSUNGS, DON DAM PAR YOD PA LA MED PAR LTA BA SKUR 'DEBS SU BSHAD PA'I ZLAS DRANGS NA ZHES PA NI 'THAD KAR DRANGS NA ZHES PA'I DON @78 YIN PAS DON DAM PAR YOD PA LA MED PAR LTA BA SKUR 'DEBS SU BSHAD PAS DE'I DNGOS KYI LOG PHYOGS DON DAM PAR MED PA LA YOD PAR LTA BA SGRO 'DOGS SU BSHAD DGOS KYANG, SKABS 'DIR DE LTAR MA GSUNGS PA NI PHAN TSUN MTSON RES BYED PA'I PHYIR DU DE LTAR BSTAN PA YIN, DES MTSON RES BYED TSUL NI SKABS 'DIR GZHAN DBANG DON DAM PAR YOD PA LA MED PAR LTA BA SKUR 'DEBS SU DNGOS SU BSHAD PAS, GZHAN DBANG RANG GI MTSAN NYID KYIS YOD PA LA MED PAR LTA BA SKUR 'DEBS SU SHUGS LA BSTAN PA DANG, SKABS 'DIR KUN BRTAGS RANG GI MTSAN NYID KYIS MED PA LA RANG GI MTSAN NYID KYIS YOD PAR 'DZIN PA SGRO 'DOGS SU DNGOS SU GSUNGS PAS, KUN BRTAGS DON DAM PAR YOD PAR 'DZIN PA SGRO 'DOGS SU SHUGS LA BSTAN PAS MTSON TSUL DE LTAR YIN GSUNGS, DE LTAR BYANG SA'I DNGOS BSTAN GYI SKUR 'DEBS LA GZHAN DBANG DON DAM PAR YOD PA LA MED PAR 'DZIN PA'I BLO YIN PAS KHYAB PA DANG, BYANG SA'I DNGOS BSTAN GYI SGRO 'DOGS LA KUN BRTAGS RANG GI MTSAN NYID KYIS YOD PAR 'DZIN PA'I BLO YIN PAS KHYAB BO, ,GNYIS PA DE GNYIS 'GOG PA'I TSUL NI, GAL TE SGRO SKUR BYED TSUL DE LTAR YIN NA DE GNYIS SPONG TSUL JI LTAR YIN SNYAM NA ZHES PA NAS BSTAN, BYANG SA LAS, 'DI LTA STE DPER NA, GZUGS LA SOGS PA'I PHUNG PO RNAMS YOD NA GANG ZAG GDAGS SU RUNG GI, ,ZHES PAS GZUGS PHUNG SOGS DON DAM PAR MED NA GANG ZAG MED PAR THAL BA BSTAN, DE BZHIN DU GZUGS LA SOGS PA'I CHOS RNAMS KYI DNGOS PO TZAM YOD NA, ,ZHES PAS NI DNGOS PO @79 DON DAM PAR MED NA CHOS DANG GANG ZAG GNYIS SU PHYE BA'I CHOS MED PAR THAL BA BSTAN, DANG PO BSTAN TSUL NI, GZUGS PHUNG SOGS DON DAM DU MED NA, BTAGS CHOS GANG ZAG MED PAR THAL, GDAGS GZHI GZUGS PHUNG DON DAM PAR MED PA'I PHYIR ZHES PA'O, ,PHYI MA NI GZUGS LA SOGS PA'I DNGOS PO DON DAM DU MI 'DOD NA CHOS DANG GANG ZAG GNYIS SU PHYE BA'I CHOS MED PAR THAL, RANG NYID 'DOGS PA'I TSIG GAM 'DOGS BYED KYI SGRA RTOG MED PA'I PHYIR ZHES PA'I DON NO, ,BYANG SA LAS, DE LA 'DOGS PA'I GZHI MED DU ZIN NA NI GZHI MED PAR 'GYUR BAS 'DOGS PA YANG MED PAR 'GYUR RO, ,ZHES PA'I DVOGS GCOD NI, GDAGS GZHI RANG NYID MED NA RANG NYID 'DOGS PA PO MED PAS KHYAB BAM MA KHYAB, DANG PO LTAR NA GZUNG 'DZIN RDZAS GZHAN DU GRUB PA CHOS CAN, RANG NYID 'DOGS PA PO MED PAR THAL, GDAGS GZHI RANG NYID MED PA'I PHYIR, DES MTSON NAS GZHAN LA YANG RIGS 'GRE, MA KHYAB NA, BYANG SA LAS, DE LA 'DOGS PA'I GZHI MED DU ZIN NA ZHES SOGS DANG 'GAL, DES NA GDAGS GZHI TSAD MA MED NA 'DOGS BYED TSAD MA MED DGOS ZHES ZER DGOS SAM SNYAM, DE LA 'DIR SKUR 'DEBS 'GOG PA'I PHYOGS SNGA KHAS LEN MKHAN NI GZHAN SDER 'ONG DON MED LA, ,ZHES SOGS LA DVOGS PA CUNG ZAD DPYAD NA, LAS DANG RNAM SMIN DON DAM DU MED PAR 'DZIN PA BYANG SA'I DNGOS BSTAN GYI SKUR 'DEBS YIN NAM MIN, DANG PO LTAR NA DE DON DAM DU MED PAR 'DZIN PA'I PHYI ROL PA YOD DAM MED, YOD NA DE 'DRA'I GZHAN SDE CHOS CAN, BYANG SA'I SKUR 'DEBS 'GOG YUL GYI PHYOGS SNGA @80 YIN PAR THAL, LAS 'BRAS DON DAM DU MED PAR 'DZIN PA'I 'DZIN PA BYANG SAS DNGOS BSTAN GYI SKUR 'DEBS GANG ZHIG ,KHYOD KYIS DE LTAR DU 'DZIN PA'I PHYIR, RTAGS SNGA PHYI GNYIS KA KHAS, MA KHYAB NA, NGO BO NYID MED PAR SMRA BA BYANG SA'I SKUR 'DEBS 'GOG YUL GYI PHYOGS SNGA YIN PA'I RGYU MTSAN GANG YIN, LAS DANG RNAM SMIN DON DAM DU MED PAR 'DZIN PA'I BLO BYANG SAS DNGOS BSTAN GYI SKUR 'DEBS YIN PAR THAL, GZHAN DBANG DON DAM DU MED PAR 'DZIN PA'I BLO BYANG SAS DNGOS BSTAN GYI SKUR 'DEBS YIN PA'I PHYIR, GZHAN YANG DE BYANG SAS DNGOS BSTAN GYI SKUR 'DEBS YIN PAR THAL, DE BSDU BAS DNGOS BSTAN GYI SKUR 'DEBS YIN PA GANG ZHIG ,BYANG SA DANG BSDU BA GNYIS SGRO SKUR GYI MTHA' DANG DE SPONG TSUL GCIG PA'I PHYIR TE, 'DI NYID LAS, BYANG SA DANG 'DI GNYIS SGRO SKUR GYI MTHA' DANG DE SPONG TSUL GCIG GO ,ZHES GSUNGS PA'I PHYIR, RTAGS DANG PO DE BSDU BAS DNGOS BSTAN GYI SKUR 'DEBS YIN PAR THAL, MNGON BRJOD KYI BAG CHAGS LAS BYUNG BA'I BLO KUN RDZOB PA RANG GI MTSAN NYID KYIS MA GRUB PAR LTA BA DE BSDU BAS DNGOS BSTAN GYI SKUR 'DEBS GANG ZHIG ,MTSUNGS PA'I PHYIR, RTAGS DANG PO DER THAL, BSDU BA LAS, DE LA 'DI SKAD CES BRJOD PAR BYA STE NGO BO NYID DU DMIGS PA DE MNGON PAR BRJOD PA DANG KUN RDZOB KYI RGYU LAS BYUNG BA YIN PAR 'DOD DAM ZHES SOGS DANG 'GAL BA'I PHYIR, RTZA BAR 'DOD NA YANG MI RIGS PAR THAL, BYANG SA'I SKUR 'DEBS 'GOG YUL GYI GZHAN SDE MED PA'I PHYIR TE, BSTAN BCOS @81 'DI LAS, DE LA 'DIR SKUR 'DEBS 'GOG PA'I PHYOGS SNGA KHAS LEN MKHAN NI GZHAN SDER 'ONG DON MED LA, ,ZHES GSUNGS PA'I PHYIR, BYANG SA LAS, TSUL BZHIN MA YIN PAR RNAM PAR BRTAGS TE RIGS PA MA YIN PAS BSKYED PA'I RTOG PA TZAM GYIS 'DI THAMS CAD NI BTAGS PA TZAM DU ZAD DE, ,ZHES PA'I DON RNAL 'BYOR SPYOD PA BAS THAL 'GYUR BA LA TSUL BZHIN MA YIN PA STE TSUL MIN YID BYED KYI RNAM RTOG GI DBANG GIS RIGS PA MA YIN PAS BSKYED PA'I RTOG PA TZAM GYIS CHOS RNAMS RTOG PAS BTAGS TZAM YIN, GANG ZAG SUS 'DI LTAR CHOS THAMS CAD RTOG PAS BTAGS TZAM DU LTA BA YANG DAG PAR LTA BA YIN NO ZHES ZER BA NI CHAD LTA'I GTZO BO YIN ZHES PA'I DON NO, , BYANG SA LAS, GANG ZAG TU LTA BA NI BLA YI STONG NYID LA LOG PAR ZIN PA DE NI DE LTAR MIN NO, ,ZHES PA'I DON SNGA MA 'DOGS PA'I TSIG RANG GI MTSAN NYID KYIS YOD PA MIN PA LA RANG MTSAN GYIS YOD PAR 'DZIN PA DANG GANG ZAG BDAG TU MED PA LA BDAG TU LTA BA LA SOGS PA'I SGRO 'DOGS KYIS NI BLA'I STE STONG NYID LA LOG PAR GZUNG BA TZAM DANG, SHES BYA LA RMONGS PA TZAM MA GTOGS PA SHES BYA THAMS CAD LA SKUR BA MI 'DEBS, DE'I DBANG GIS DMYAL BAR MI SKYE, GZHAN CHOS 'DOD PA YANG PHUNG BAR MI BYED, BSLAB PA'I GZHI LA YANG G-YEL BAR MI 'GYUR LA, PHYI MA SKUR 'DEBS KYIS CHOS THAMS CAD LA SKUR BA 'DEBS PA SOGS BZHI PO DE BYED PA YIN PA'I PHYIR, ,ZHES SKUR 'DEBS KHAS LEN PA DAG LA GNOD BYED BZHI BSTAN TE GZHAN DBANG RANG GI MTSAN NYID KYIS MED NA DE MED DGOS, DE MED @82 NA CHOS THAMS CAD MED PAR KHAS LEN DGOS, DE LTAR KHAS LEN NA CHOS THAMS CAD LA SKUR BA 'DEBS, CHOS THAMS CAD MED PAR KHAS BLANGS NA LAS 'BRAS DANG DKON MCHOG MED PAR KHAS LEN DGOS, DE KHAS LEN NA DE'I DBANG GIS NGAN SONG DU SKYE BA'I PHYIR DANG, GZHAN DBANG RANG GI MTSAN NYID KYIS MA GRUB PAR KHAS LEN NA THAR PA MED PAR KHAS LEN DGOS, THAR PA MED PAR KHAS LEN NA GANG ZAG GZHAN THAR PA 'DOD PA RNAMS THAR PA YOD DAM MED SNYAM DU THE TSOM ZA NAS THAR PA SPONG BAR BYED PAS GZHAN THAR PA 'DOD PA RNAMS PHUNG BAR BYED CING BSLAB PA'I GZHI LA YANG G-YEL BAR 'GYUR RO, ,DE LTAR BYAS NA GANG LA GANG MED PA DE NI DES STONG ZHING LHAG MA GANG YIN PA DE NI YOD PA YIN LA, ,ZHES PA'I DON NI GZHI GZHAN DBANG GANG LA KUN BRTAGS GANG MED PA DE NI GZHAN DBANG KUN BRTAGS KYI NGO BOS STONG ZHING DE NYID KYI LHAG MA YOD PA NI GDAGS GZHI DNGOS PO TZAM DANG 'DOGS PA TZAM YOD PA'O, ,GNYIS PA BSDU BA NAS BSHAD PA'I TSUL LA GNYIS, PHYOGS SNGA MA DGOD CING DE'I DON LA DRI LAN BYA BA DANG, LAN BTAB PA'I PHYOGS DGAG PA'O, ,DANG PO NI, BSDU BA LAS, THEG PA CHEN PO PA LA LA RANG GIS NYES PAR BZUNG BAS ZHES SOGS KYIS 'CHAD, DE LA 'DIR DON DAM GANG YIN DRIS PA NI, ,ZHES PA'I DON DON DAM GANG YIN DRIS PA NI DON DAM BDEN PA'I MTSAN GZHI DRIS PA YIN GYI DON DAM DU MED CES PA'I MED SA'I DON DAM MAM MED SA'I BDEN GRUB DE GANG NAS YIN TE, DON DAM GANG YIN DRIS PA NA DBU MA PAS CHOS THAMS CAD @83 KYI NGO BO NYID DE RANG GI MTSAN NYID KYIS MED PA GANG YIN PA'O ZHES LAN BTAB PA GANG ZHIG ,MED SA'I DON DAM DE DRIS NA DBU MA PAS CHOS THAMS CAD KYI STENG GI DON DAM BDEN PA'O ZHES LAN MI 'DEBS PA'I PHYIR TE, DBU MA PAS CHOS THAMS CAD KYI STENG GI DON DAM BDEN PA DE MED SA'I DON DAM YIN PAR MI 'DOD PA'I PHYIR, DE BZHIN DU KUN RDZOB GANG YIN DRIS PA NA YANG KUN RDZOB BDEN PA ZHES PA'I TSIG ZUR GYI KUN RDZOB DE GANG YIN ZHES DRIS PA YIN GYI CHOS RNAMS THA SNYAD DU YOD CES PA'I YOD SA'I THA SNYAD DE GANG YIN ZHES DRIS PA MA YIN TE, ,DE 'DRA'I YOD SA'I THA SNYAD DE THA SNYAD DPYOD BYED KYI TSAD MA LA BYED PA GANG ZHIG ,DE LTAR DRIS NA DBU MA PAS NGO BO NYID DU DMIGS PA GANG YIN PA'I BLO KUN RDZOB PA'O ZHES LAN 'DEBS PAR MI RIGS PA'I PHYIR TE, DE 'DRA'I BLO DE BLO DON MTHUN MA YIN PAR DBU MA PAS 'DOD PA GANG ZHIG ,THA SNYAD DU YOD CES PA'I YOD SA'I THA SNYAD DE BLO DON MTHUN YIN PAR DBU MA PAS KYANG 'DOD PA'I PHYIR, GNYIS PA LAN BTAB PA'I PHYOGS DGAG PA LA GNYIS, GZHAN GYI GRUB MTHA' LA 'GAL BA BSTAN PA DANG, RANG GI GRUB MTHA' LA 'GAL BA SPANG PA'O, ,DANG PO NI, DE LA THOG MAR KUN RDZOB KYI NGOS 'DZIN 'GOG PA NI BSDU BA LAS ZHES SOGS KYIS 'CHAD, NGO BO NYID DU DMIGS PA DE MNGON PAR BRJOD PA DANG KUN RDZOB KYI RGYU LAS BYUNG BA YIN PAR 'DOD DAM 'ON TE MNGON PAR BRJOD PA DANG KUN RDZOB TZAM ZHIG YIN PAR 'DOD CES PA'I MNGON PAR BRJOD PA NI RTOG PA'O, ,'DIR YANG DON DAM DU YOD MED KYI BRTAG PA BYA DGOS MOD KYANG DON 'DRA ZHING BRTAG PA SNGA MA @84 GO SLA BAS DE LTAR BSHAD DO, ,ZHES PA'I BRTAG PA SNGA MA NI RNAM RIG PAS THAL 'GYUR BA LA CHOS RNAMS RANG GI MTSAN NYID KYIS GRUB PAR DMIGS BZHIN DU RANG MTSAN GYIS MED CES PA MI RIGS TE, DE LTAR BRJOD PA LA RANG GI MTSAN NYID KYIS GRUB PAR RTOGS PA'I TSAD MAS GNOD PA'I PHYIR, ,ZHES SMRAS PA LA THAL 'GYUR BAS DE 'DRA'I BLOS MI GNOD DE, BLO DE LOG SHES SAM 'KHRUL SHES YIN PA'I PHYIR ZHES LAN 'DEBS PAR BYED PA LA, RNAM RIG PAS 'O NA DE 'DRA'I 'KHRUL SHES DE RANG MTSAN GYIS YOD DAM MED CES PA'I BRTAG PA DE YIN NO, ,DE'I PHYIR DGONGS 'GREL GYI 'GREL CHEN KHA CIG LAS KUN BRTAGS BDEN PA GNYIS KAR MED LA GZUNG 'DZIN GNYIS KYI GZHAN DBANG GI RTEN CING 'BREL BAR 'BYUNG BA, ,ZHES SOGS KYI DON NI DE 'DRA'I 'GREL CHEN DER KUN BRTAGS BDEN PA GNYIS KAR MED PA DANG GZUNG 'DZIN RDZAS THA DAD DU GRUB PA'I GZHAN DBANG YOD PAR BSTAN PA DE LA RJE BLA MAS 'DI LTAR GSUNGS TE, DE LTAR BSTAN PA DE MDO SDE DGONGS 'GREL GYI DGONGS PA MA YIN TE, DE LTAR YIN NA RNAM RIG PAS KHAS LEN DGOS PA LA THEG BSDUS SU DGONGS 'GREL DRANGS NAS GZUNG 'DZIN RDZAS THA DAD DU GRUB PA KUN BRTAGS SU BSHAD 'DUG PAS 'GREL CHEN DER DE GZHAN DBANG DU BSHAD PA MI RIGS PA'I PHYIR, DER MA ZAD KUN BRTAGS DE LTAR BSHAD PA DE MI 'THAD DE, DE THA SNYAD DU YOD PAR BSHAD PA'I PHYIR TE, BSDU BA LAS THA SNYAD LAS NI DE'I NGO BO NYID YIN PAR BRJOD PAR BYA'O, ,ZHES GSUNGS PA'I PHYIR, KHA CIG GIS @85 'GREL CHEN DE THOGS MED KYIS MDZAD ZER BA NI MA BRTAGS PA CHEN PO YIN TE, 'GREL CHEN DER RNAM NGES KYI LUNG YANG DRANGS 'DUG PAS RNAM NGES RTZOM PA PO CHOS KYI GRAGS PA YIN PA GANG ZHIG ,DPAL LDAN CHOS KYI GRAGS PA THOGS MED KYI RJES SU BYUNG BA'I PHYIR, THOGS MED KYIS MDZAD PA'I DGONGS 'GREL GYI 'GREL PA RNAM PAR GTAN LA DBAB PA BSDU BAR DGONGS 'GREL GYI GLENG GZHI'I LE'U MA GTOGS LE'U GZHAN RNAMS PHAL CHE BA DRANGS NAS DE DAG GI DKA' BA'I GNAD RNAMS LEGS PAR GTAN LA PHAB 'DUG PAS DE LAS GZHAN PA'I DGONGS 'GREL GYI 'GREL PA ZUR DU MDZAD DGOS PA MI SNANG NGO ZHES GSUNGS, DE'I MJUG THOGS SU PHYIS KYI KHA CIG KYANG ZHES PA'I PHYOGS SNGA MA NI JO NANG PA'O, ,GNYIS PA RANG GI GRUB MTHA' LA 'GAL BA SPONG BA NI, GAL TE BYANG SA DANG BSDU BA LAS GZHAN DBANG DON DAM PAR YOD PAR GSUNGS PA LTAR YIN NA DGONGS 'GREL LAS ZHES SOGS KYIS 'CHAD, GZHAN DBANG DON DAM BDEN PA YIN NA DGONGS 'GREL LAS 'DUS BYAS YIN NA DON DAM MIN PAR GSUNGS PA SOGS LUNG DRUG DANG MI 'GAL LAM ZHE NA, MI 'GAL TE, DON DAM PAR YOD PA DANG KUN RDZOB TU YOD PA LA 'JOG TSUL GNYIS GSUNGS PAS, RTOG PAS BTAGS TZAM DU GRUB PA 'JOG TSUL DANG PO'I DBANG DU BYAS PA'I KUN RDZOB TU YOD PA'I DON DANG, RTOG PAS BTAGS TZAM MA YIN PAR YUL RANG GI THUN MONG MA YIN PA'I SDOD LUGS KYI NGOS NAS GRUB PA DANG PO'I DBANG DU BYAS PA'I DON DAM DU YOD PA'I DON YIN, RNAM DAG LAM GYI DMIGS PA MTHAR THUG TU GRUB PA 'JOG TSUL @86 GNYIS PA'I DBANG DU BYAS PA'I DON DAM BDEN PA'I DON DANG, DE MA YIN PA GNYIS PA'I DBANG DU BYAS PA'I THA SNYAD DU YOD PA'I DON NO, ,DES NA DGONGS 'GREL LAS DE LTAR GSUNGS PA DANG, DBUS MTHA' DANG DE'I 'GREL PA DANG MDO SDE RGYAN DANG DE'I 'GREL PA RNAMS SU GSUNGS PA'I DON DAM RNAMS PHYI MA'I DBANG DU BYAS, BSDU BA LAS RGYU MTSAN DANG RNAM RTOG KUN RDZOB TU GSUNGS PA PHYI MA'I KUN RDZOB KYI DBANG DU BYAS PA YIN NO, ,MDO SDE RGYAN LAS, YOD MIN MED MIN DE BZHIN MIN GZHAN MIN, ,SKYE DANG 'JIG MED 'BRI BAR MI 'GYUR TE, ,'PHEL BA MED CING RNAM PAR DAG PA'ANG MED, ,RNAM PAR DAG 'GYUR DE NI DON DAM MTSAN, ,ZHES PAS DON DAM BDEN PA MTSAN NYID LNGA LDAN DU BSHAD LA, DE LA MTSAN NYID LNGA NI YOD MIN MED MIN GYI MTSAN NYID, GCIG DANG THA DAD MIN PA'I MTSAN NYID, SKYE 'JIG MED PA'I MTSAN NYID, 'PHEL 'GRIB MED PA'I MTSAN NYID, RNAM PAR DAG PA DANG RNAM PAR DAG PA MED PA'I MTSAN NYID DANG LNGA, ,DANG PO NI, DON DAM BDEN PA DE KUN BRTAGS DANG GZHAN DBANG GI NGO BOR YOD PA MA YIN YONGS GRUB KYI NGO BOR MED PA MA YIN PA'O, ,GNYIS PA NI, DON DAM BDEN PA RANG GI STONG GZHI CHOS CAN DANG GCIG MA YIN 'BREL MED DON GZHAN GYI THA DAD MA YIN PA'O, ,GSUM PA NI, DON DAM BDEN PA RANG GI NGO BO SKYE BA DANG 'JIG PA MA YIN PA'O, ,BZHI PA NI, DON DAM BDEN PA'I NGO BO LA 'PHEL BA DANG 'GRIB BA MED PA'O, LNGA PA NI, DON DAM BDEN PA'I NGO BO LA SEMS CAN GYI DUS SU RANG GI NGO BO SGRIB PA'I RNAM PAR MA DAG PA DANG, @87 SANGS RGYAS PA'I DUS SU RANG GI NGO BO SGRIB PA'I RNAM PAR DAG PA'I KHYAD PAR DE LTAR MED PA'O, , 'GA' ZHIG GIS DON DAM BDEN PA MTSAN NYID LNGA LDAN LA, ZAB PA, ZHI BA, SPROS PA DANG BRAL BA, 'OD GSAL BA, 'DUS MA BYAS DANG LNGAR GSUNGS, DANG PO NI, SO SKYES MNGON SUM GYIS YUL MA YIN PAS ZAB PA'O, ,GNYIS PA NI, RANG GI NGO BO NYON MONGS KYIS ZHI BA'O, ,GSUM PA NI, DON DAM BDEN PA DE RANG MNGON SUM DU GZIGS PA'I GZIGS NGOR KUN RDZOB DANG DGAG BYA'I SPROS PA THAMS CAD DANG BRAL BA'AM, RANG MNGON SUM DU GZIGS PA'I RNAM DAG LAM GYIS JI LTAR GZIGS PA LTAR DU SGRAS BRJOD MI NUS PA DANG RTOG PAS DE LTAR RTOGS MI NUS PA'O, ,BZHI PA NI, RANG GI NGO BO RANG BZHIN GYIS 'OD GSAL BA DANG, LNGA PA NI, RANG NYID RGYU RKYEN GYIS 'DUS MA BYAS PA'O, ,BSDU BA LAS, MNGON PAR BRJOD PA LA YONGS SU GOMS PA'I MING LA GNAS PA'I RNAM PAR SHES PA'I DMIGS PA GZUGS LA SOGS PA'I MING CAN GYI DNGOS PO GZUGS LA SOGS PA'I BDAG NYID GANG GIS YOD PA DE NI BDAG NYID DES RDZAS DANG DON DAM PA GNYIS KAR YANG MED DO, ,ZHES GSUNGS PA'I DON YANG, MNGON PAR BRJOD PA STE MNGON BRJOD KYI BAG CHAGS YONGS SU GOMS PA'I MING LA GNAS PA'I RNAM PAR SHES PA STE RTOG PA DANG, DE'I DMIGS PA STE DE'I SNANG YUL GZUGS LA SOGS PA'I MING CAN GYI DNGOS PO STE ZHEN GZHI'I GZUGS SAM GZUGS LA SOGS PA'I DON SPYI DE NI GZUGS LA SOGS PA'I BDAG NYID DU RTOG PA GANG GIS GZUGS LA SOGS PA'I BDAG NYID DU YOD PAR BZHAG PA DE NI RTOG PA DES DER BZHAG PA TZAM MA GTOGS GZUGS SOGS KYI NGO BOR MA GRUB PAS DE 'DRA'I GZUGS SOGS KYI MING CAN GYI DNGOS PO ZHES DON SPYI DE NI RDZAS YOD DANG DON DAM GNYIS @88 GANG DU YANG MED CES PA'I DON NO, ,'DI TSE RABS SNGON MAR GZUGS ZHES BRJOD PA'I SGRA YANG DANG YANG DU BRJOD CING GOMS PA'I BAG CHAGS KYI DBANG GIS GZUGS LA GZUGS SO SNYAM DU RTOG PA'I RTOG PA DE LA GZUGS SU SNANG BA'I GZUGS SNANG NGAM GZUGS KYI DON SPYI DE RTOG PA DE LA GZUGS SU SNANG BA TZAM MA GTOGS DE GZUGS KYI NGO BOR MA GRUB CING DE LTAR SNANG BA DE RTOG PA DES BZHAG PA TZAM YIN PAS RDZAS YOD DANG DON DAM DU MED PAR BSTAN, DE LTA BAS NA GZUGS LA SOGS PA'I MING CAN GYI CHOS DE DAG GI NGO BO NYID YOD PA MA YIN PA LAS ZHES SOGS