*, ,CHOS MNGON MDZOD KYI t'IKKA RGYAL BA SRAS BCAS 'PHAGS TSOGS THAMS CAD KYI DGONGS DON GSAL BAR BYED PA'I NYI MA ZHES BYA BA BZHUGS SO, , @01A #, ,NA MO GU RU BUDDHA BO DHI SATV'A BHYA: GRANGS MED {DD} GSUM GYI TSOGS GNYIS YONGS RDZOGS SKU GSUM GO 'PHANG MCHOG BRNYES TE, , RIGS CAN GSUM GYI GDUL BYA'I TSOGS LA RNAM GSUM 'KHOR LO RAB BSKOR NAS, ,THEG PA GSUM GYI BYANG CHUB LAM BKOD KHAMS GSUM 'GRO BA'I GNYEN GCIG PU, ,SRID PA GSUM GYI STON PA MCHOG DER SGO GSUM GUS PAS PHYAG 'TSAL LO, ,DRI MED YE SHES SPYAN ZUR GCIG GIS KYANG, ,MA LUS CHOS KYI RANG SPYI'I MTSAN NYID KUN, ,JI BZHIN MA 'DRES GSAL BAR MNGON GZIGS PA, ,SMRA BA'I DBANG PHYUG 'JAM PA'I DBYANGS LA 'DUD, ,RGYAL BA'I DAM CHOS MA LUS KUN 'DZIN PAR, ,RGYAL BA NYID KYIS LUNG BSTAN BRNYES GYUR PA, ,RGYAL SRAS THOGS MED SKU MCHED RJES 'BRANG BCAS, ,RGYAL BA'I GDUNG 'TSOB DGE BA'I {DD} @02A *, ,BSHES SU NGES, ,BRTAN PA'I 'KHOR LO RJE BTZUN TZONG KHA PA, ,PAD DKAR 'DZIN PA BLO BZANG RGYA MTSO'I SDE, ,YONGS 'DZIN MKHAS PA NGAG {DD} DBANG BRTZON 'GRUS SOGS, ,DNGOS BRGYUD BLA MA RNAMS LA PHYAG 'TSAL LO, ,CHOS MNGON RGYA MTSOR RANG DBANG 'JUG DKA' YANG, ,BSHES GNYEN MKHAS PA'I DED DPON LA BRTEN NAS, ,DGONGS DON SNYING PO BSDUS PA'I YID BZHIN NOR, ,LEGS BSHAD RGYAL MTSAN RTZE MOR MCHOD PAR BYA, ,DE LA 'DIR MKHAS MCHOG DBYIG GNYEN ZHABS KYIS MDZAD PA'I MNGON PA MDZOD KYI DGONGS DON 'CHAD PA LA 'JUG PAR BYA STE, DE YANG RTZA BA'I TSIG DON LA NGES PA RNYED PA'I CHED DU RANG RANG GI SKABS KYI RTZA TSIG BKOD NAS DE'I DON RNAMS RIM PA BZHIN DU 'CHAD PAR BYA'O, ,'DI LA GSUM, KLAD KYI DON DANG, GZHUNG GI DON DANG, MJUG GI DON BSHAD PA'O, ,DANG PO LA, MTSAN GYI DON DANG, 'GYUR GYI @02B PHYAG BSHAD PA GNYIS, DANG PO LA, BSTAN BCOS 'DI'I RGYA SKAD KYI MTSAN DANG, DE BOD KYI SKAD DU BSGYUR BA GNYIS, DANG PO NI, RGYA GAR SKAD DU, AA BHI DHARMA KO shA K'A RI K'A ZHES BYA LA, GNYIS PA NI, SHES BYA CHOS CAN, BSTAN BCOS 'DI'I MTSAN BOD KYI SKAD DU BSGYUR TSUL YOD DE, AA BHI NI MNGON PA, DHARMA NI CHOS, KO shA NI MDZOD, K'A RI K'A NI TSIG LE'UR BYAS PA ZHES BYA BAR 'GYUR BA'I PHYIR, SKAD SHAN SBYAR BA LA DGOS PA YOD DE, BSTAN BCOS 'DI 'PHAGS YUL GYI MKHAS PA'I GSUNG YIN PAR SHES PA DANG, LEGS SBYAR GYI SKAD LA BAG CHAGS 'JOG PA'I CHED YIN PA'I PHYIR RO, ,GNYIS PA 'GYUR GYI PHYAG LA, GZHUNG DGOD PA DANG, DON BSHAD PA GNYIS, DANG PO NI, 'JAM DPAL GZHON NUR GYUR PA LA PHYAG 'TSAL LO ZHES BYUNG, GNYIS PA NI, SHES BYA CHOS CAN, YUL GANG LA PHYAG 'TSAL BA LA DGOS PA YOD DE, SGRIB GNYIS KYI RTZUB REG DANG BRAL BAS NA 'JAM, TSOGS GNYIS KYI DPAL DANG LDAN PAS NA DPAL, NA TSOD LO BCU DRUG LON PA'I NYAMS CAN YIN PAS NA GZHON NUR GYUR PA STE, DE LA PHYAG 'TSAL BA YIN PA'I PHYIR, DE LTAR PHYAG 'TSAL BA LA DGOS PA YOD DE, BSTAN BCOS 'DI SNGON GYI BKAS BCAD LTAR MNGON PA'I SDE SNOD KYI KHONGS SU GTOGS PAR SHES PA'I CHED YIN PA'I PHYIR, GNYIS PA LA, BSTAN BCOS LA 'JUG PA'I YAN LAG DANG, GZHUNG GI DON DNGOS DANG, BSHAD PA MTHAR PHYIN PA'I TSUL GSUM, DANG PO LA, MCHOD PAR BRJOD PA, @03A *, ,BRTZAM PAR DAM BCA' BA, MNGON PA'I MTSAN DON, BRTZAMS PA'I DGOS PA BSHAD PA BZHI, DANG PO LA GZHUNG DGOD PA DANG, DE'I DON BSHAD PA GNYIS, DANG PO NI, GANG ZHIG KUN LA MUN PA GTAN BCOM ZHING, ,'KHOR BA'I 'DAM LAS 'GRO BA DRANGS MDZAD PA, ,DON BZHIN STON PA DE LA PHYAG 'TSAL ZHES BYUNG, GNYIS PA LA TSIG DON DANG, MTHA' DPYAD PA GNYIS, DANG PO NI, SLOB DPON DBYIG GNYEN CHOS CAN, KHYOD KYIS BSTAN BCOS 'DI RTZOM PA'I THOG MAR STON PA SANGS RGYAS GANG ZHIG LA PHYAG 'TSAL BA'I RGYU MTSAN YOD DE, RANG NYID DAM PA'I SPYOD PA DANG MTHUN PA DANG, BSOD NAMS 'PHEL BA DANG, BSTAN BCOS RTZOM PA'I BAR CHAD ZHI BA SOGS KYI CHED YIN PA'I PHYIR, SANGS RGYAS DE CHOS CAN, PHUN SUM TSOGS PA GSUM MNGA' STE, SHES BYA KUN LA RMONGS PA'I NYON MONGS DANG NYON MONGS CAN MA YIN PA'I SGRIB PA'I MUN PA SA BON DANG BCAS PA GTAN NAS BCOM ZHING SPANGS PA'I SPANGS PA PHUN TSOGS DANG, DE'I SHUGS KYIS 'PHANGS PA'I SHES BYA THAMS CAD RTOGS PA'I RTOGS PA PHUN TSOGS GNYIS DANG LDAN ZHING, BRTZE BA'I THUGS KYIS 'GRO BA RNAMS LA PHAN PA'I DON SKAL BA JI LTA BA BZHIN DU CHOS STON PA'I SGO NAS BRGAL BAR DKA' BA'I 'KHOR BA'I 'DAM LAS DRANG BAR MDZAD PA'I 'PHRIN LAS PHUN SUM TSOGS PA GSUM DANG LDAN PA'I PHYIR, GNYIS PA MTHA' DPYAD PA LA, KHA CIG ,NYON MONGS CAN DANG NYON MONGS @03B CAN MA YIN PA'I MUN PA SPANGS PA'I SPANGS PA YIN NA, 'DI'I DNGOS BSTAN GYI SPANGS PA YIN PAS KHYAB ZER NA, NYAN RANG DGRA BCOM PA'I RGYUD KYI SPANGS PA CHOS CAN, DER THAL, DE'I PHYIR, DER THAL, NYAN RANG DGRA BCOM PAS DE GNYIS SPANGS PA'I PHYIR, DER THAL, DES NYON MONGS CAN GYI MUN PA SPANGS PA GANG ZHIG ,DE MA YIN PA'I MUN PA SPANGS PA'I PHYIR, DANG PO DER THAL, DGRA BCOM PA YIN PA'I PHYIR, GNYIS PA DER THAL, DES DE 'DUN PA LA 'DOD CHAGS DANG BRAL BA'I TSUL GYIS SPANGS YANG, GTAN NAS BCOM PA MA YIN PA'I KHYAD PAR 'THAD PA'I PHYIR, DER THAL, RANG 'GREL LAS, KUN LA MUN PA BCOM PAR NI 'DOD MOD KYI, GTAN NAS NI MA YIN TE, ZHES GSUNGS PA'I PHYIR, RTZA BAR 'DOD NA, MI 'THAD PAR THAL, DE SPANGS PA PHUN TSOGS MA YIN PA'I PHYIR, DER THAL, DE SANGS RGYAS KYI RGYUD KYI SPANGS PA MA YIN PA'I PHYIR, KHYAB STE, 'DI'I DNGOS BSTAN GYI SPANGS PA DE LA, SKYE MCHED BCU GNYIS KYI CHOS KUN LA SGRIB PA'I MUN PA GTAN NAS BCOM PA ZHIG DGOS PA'I PHYIR, DER THAL, KUN LA MUN PA GTAN BCOM ZHING, ,ZHES GSUNGS PA'I PHYIR, KHA CIG ,'DI'I DNGOS BSTAN GYI MUN PA YIN NA, MUN PA YIN PAS KHYAB ZER NA, DE MI 'THAD PAR THAL, DE YIN NA, MUN PA MA YIN PAS KHYAB PA'I PHYIR, DE YIN NA, SGRIB PA YIN DGOS PA'I PHYIR, KHYAB STE, SPYIR MUN PA LA, PHYI'I GZUGS KYIS KHYAB PA'I PHYIR, GZHAN YANG, DE MI 'THAD PAR THAL, 'DIR SGRIB PA GNYIS PO DE LA MUN PA DANG CHOS MTHUN YOD PA'I SGO NAS DE'I MING GIS BTAGS PA TZAM YIN PA'I PHYIR, DER THAL, MUN PA DES PHYI'I GZUGS GSAL BAR MTHONG BA LA SGRIB PAR BYED PA BZHIN DU, SGRIB PA GNYIS PO @04A *, ,DES NANG CHOS RNAMS KYI RANG SPYI'I MTSAN NYID MNGON SUM DU MTHONG BA LA SGRIB PAR BYED PAS NA DE LTAR BTAGS PA'I PHYIR, GZHAN YANG, SKABS 'DIR DE GNYIS GANG RUNG SPANGS NA, GTAN NAS SPANGS MI DGOS TE, DE GANG RUNG SPANGS NA SLAR MI SKYE BA'I CHOS CAN DU BYAS NAS SPANGS MI DGOS PA'I PHYIR, DER THAL, NYAMS PA'I CHOS CAN GYI DGRA BCOM PA YOD PA'I PHYIR, DER THAL, DGRA BCOM PA RANG GI 'BRAS BU LAS NYAMS PA YOD PA'I PHYIR, DER THAL, DGRA BCOM DGU LAS NYAMS PA'I CHOS CAN SOGS LNGA RANG GI 'BRAS BU LAS NYAMS PAR 'GYUR BA DANG, DGRA BCOM PAR PA BZHI NI RANG GI RIGS LAS NYAMS PAR 'GYUR BA YOD CING, DANG PO RGYUN ZHUGS RANG GI 'BRAS BU LAS MI NYAMS PA'I KHYAD PAR 'THAD PA'I PHYIR, DER THAL, RTZA BAR, BZHI NI RIGS LAS LNGA 'BRAS LAS, ,NYAMS 'GYUR DANG PO LAS MA YIN, ,ZHES GSUNGS PA'I PHYIR, KHA CIG ,SKABS 'DIR SHES SGRIB SPANGS PA'I SPANGS PA DE, SPANGS PA PHUN TSOGS SU 'DOD PAR THAL, 'DIR SHES BYA'I GNAS TSUL LEGS PAR MTHONG BA LA SGRIB PA'I SGRIB PA KHAS LEN PA'I PHYIR, ZER NA MA KHYAB, 'DOD MI NUS TE, DES SGRIB PA LA SHES SGRIB KYI THA SNYAD MI BYED PA'I PHYIR, KHA CIG ,YON TAN DE LAS NYAMS PAR 'GYUR NA, DE THOB PA LAS NYAMS PAS KHYAB ZER NA, DE MI 'THAD PAR THAL, 'DIR NYAMS TSUL LA, YON TAN DE THOB PA DANG, MA THOB PA DANG, THOB KYANG MNGON DU MI BYED PA'I NYER SPYAD LAS NYAMS PA GSUM YOD PA'I PHYIR, DER THAL, GNAS DRUG PA LAS, THOB DANG MA THOB NYER SPYAD LAS, ,YONGS NYAMS RNAM PA GSUM ZHES BYA, ,ZHES GSUNGS PA'I PHYIR, GSUM GYI KHYAD PAR @04B YOD DE, DE GSUM GYI DANG PO SNGAR LTAR YIN LA, YON TAN DE MA THOB NA MA THOB PA LAS NYAMS PA DANG, THOB KYANG MNGON DU MI BYED NA NYER SPYAD LAS NYAMS PAR 'JOG PA'I PHYIR, PHYI MA DER THAL, STON PA LA 'GOG SNYOMS THOB KYANG DE MNGON DU MA BYAS PA'I PHYIR, DER THAL, DE SGO LNGA'I DBANG SHES DANG TSOR 'DU RAGS PA RGYUD LDAN GYI GANG ZAG YIN PA'I PHYIR, 'ON KYANG YON TAN DE MA THOB NA, DE LAS NYAMS PAR MA NGES TE, THOB MA THOB BRTZI BA'I GZHI THOB MKHAN NI GANG ZAG GZHIR BYED PA YIN PA'I PHYIR RO, ,KHA CIG ,MI SHES PA'I CHOS BZHI PO SGRIB PA YIN PAR THAL, RGYU BZHIS YUL BZHI MTHONG BA LA SGRIB PAR BYED PA'I PHYIR ZER NA MA KHYAB, MA GRUB NA DER THAL, YUL RING BA'I KHAMS DANG 'GRO BA DANG, SKYE GNAS DANG RTOGS DKA' BA LA SGRIB PAR BYED CING, DE BZHIN DU 'JIG RTEN GYI KHAMS 'BUM SOGS KYIS BAR DU CHOD PA LTA BU'I YUL DANG, BSKAL PA BRGYA STONG SOGS KYIS BAR DU CHOD PA'I DUS RING BA DANG, SHES BYA'I DBYE BA MTHONG BA LA SGRIB PAR BYED PA'I PHYIR, RTZA BAR 'DOD MI NUS TE, SANGS RGYAS KYI ZAG MED KYI PHUNG PO LNGA'I KHYAD PAR PHRA MO RNAMS SGRIB PA MA YIN PA'I PHYIR, KHA CIG ,'DI'I DNGOS BSTAN GYI DRANG 'OS KYI GDUL BYA LA LAM MA ZHUGS YOD PAR THAL, SKAL LDAN GYI LAM MA ZHUGS YOD PA'I PHYIR, ZER NA MA KHYAB, RTAGS DER THAL, LAM DU 'JUG KHA MA YIN NA, SKAL LDAN YIN DGOS PA'I PHYIR, 'DOD NA, MI 'THAD PAR THAL, 'DI'I DNGOS BSTAN GYI SKAL LDAN LA THAR PA CHA MTHUN RGYUD LA SKYES PA CIG DGOS PA'I PHYIR, DER THAL, GANGS SPEL LAS, SKAL PA DANG LDAN PA GANG ZHIG CE NA, THAR PA'I CHA DANG MTHUN PA'I DGE BA'I RTZA BA YONGS SU SMIN PA'O, ,ZHES GSUNGS PA'I PHYIR, KHA CIG ,SANGS RGYAS KYI RDZU 'PHRUL GYIS GDUL BYA 'KHOR BA DANG NGAN SONG LAS DRANGS BA MED PAR THAL, @05A *, ,DES DE DAG LAS CHOS BSTAN NAS 'DREN DGOS PA'I PHYIR, DER THAL, THUB RNAMS SDIG PA CHU YIS MI 'KHRU ZHING, ,ZHES PA NAS, CHOS NYID BDEN PA BSTAN PAS GROL BAR 'GYUR, ,ZHES GSUNGS PA'I PHYIR NA SNGA MAR MA KHYAB, 'DOD NA, MI 'THAD PAR THAL, DES RDZU 'PHRUL BSTAN NAS DANG DE NGAN SONG LAS THAR BAR BYAS RJES 'KHOR BA LAS GROL BA YOD PA'I PHYIR, DER THAL, DES RDZU 'PHRUL LA BRTEN NAS 'KHOR BA DANG NGAN SONG LAS THAR BAR MDZAD NA, DE TZAM GYI DBANG GIS GROL BAR 'DOD MI DGOS PA'I PHYIR, DER THAL, RANG RGYAL GYIS SGRA MED LUS KYI RNAM 'GYUR GYI SGO NAS GDUL BYA SMIN PAR BYED NA, SANGS RGYAS KYIS LTA SMOS KYANG CI DGOS PA'I PHYIR, DER THAL, SGRA MED KYANG DE DE LTAR SNANG, ,ZHES GSUNGS PA'I PHYIR, DES NA CHOS STON NA NGAG GIS STON PAS MA KHYAB BO, ,KHA CIG ,'DI'I DNGOS BSTAN GYI GDUL BYA SKAL LDAN YIN NA, 'KHOR BA LAS THAR ZIN PAS KHYAB PAR THAL, DE YIN NA, 'KHOR BA LAS DRANGS ZIN PAS KHYAB PA'I PHYIR, DER THAL, DE YIN NA, DE LAS DRANGS PAS KHYAB PA'I PHYIR, DER THAL, RANG 'GREL LAS, SKAL BA JI LTA BA BZHIN DU DRANGS SO, ,ZHES GSUNGS PA'I PHYIR ZER NA, MA KHYAB STE, DE NI 'KHOR BA'I RGUD PA CI RIGS LAS DRANGS PA'I DON YIN PA'I PHYIR, DER THAL, JI SKAD DU, KHYOD KYIS GANG LAS 'GRO BA DAG ,MA DRANGS RGUD PA GANG MA MCHIS, ,ZHES GSUNGS PA LTA BU YIN PA'I PHYIR, ,KHA CIG ,'DI'I DNGOS BSTAN GYI DE YIN NA, 'KHOR BA LAS DRANGS PAS KHYAB PAR THAL, RTZA BAR, 'KHOR BA'I 'DAM LAS 'GRO BA DRANGS MDZAD PA, ,ZHES GSUNGS PA'I PHYIR NA, RE ZHIG 'DOD KYANG RUNG STE, 'DIR DRANG ZHES PA DRANGS ZIN KHO NA'I DON MA YIN PA'I PHYIR, DER THAL, DE NI BYA BYED GNYIS KA LA SBYOR @05B RIGS PA'I PHYIR, DER THAL, BYED PA LA SBYAR BA'I TSE DRANG BAR MDZAD PA STE 'DREN PA'I SKABS LA SBYOR RUNG ZHING, BYA BA LA SBYOR BA'I TSE DRANGS ZIN PA LA SBYOR RIGS PA'I PHYIR, KHA CIG ,STON PAS SKAL PA DANG MI LDAN PA'I GDUL BYA MI 'DREN PAR THAL, NYI MA SHAR BA'I TSE YONGS SU SMIN PA'I PADMO KHA 'BYED NUS SHING, MA SMIN PA'I PADMO KHA MI 'BYED PA LTAR, SANGS RGYAS 'JIG RTEN DU BYON YANG GDUL BYA SMIN MA SMIN PA'I DON BYED MI BYED DE DANG 'DRA BA'I PHYIR, DER THAL, JI SKAD DU; JI LTAR NYI MA SHAR BA NA, ,YONGS SMIN PADMA KHA 'BYED LTAR, ,ZHES SOGS GSUNGS PA'I PHYIR NA, MA KHYAB, 'DOD MI NUS TE, SANGS RGYAS KYIS DON MI BYED PAR YAL BAR DOR BA'I SEMS CAN MED PA'I PHYIR, 'ON KYANG SKAL BA DANG LDAN PA'I GDUL BYA 'DREN PAR DNGOS SU BSTAN PA'I SHUGS LA, SKAL BA DANG MI LDAN PA RNAMS DNGOS SU SMIN PAR MI MDZAD PAR BSTAN TE, JI SKAD DU, SANGS RGYAS RNAMS NI BYUNG GYUR KYANG, ,SKAL BA MED PAS BZANG MI MYONG, ,ZHES PA LTA BU YIN PA'I PHYIR, GNYIS PA NI, NAS, ,CHOS MNGON MDZOD KYI BSTAN BCOS RAB BSHAD BYA, ,ZHES BYUNG, SLOB DPON CHOS CAN, KHYOD KYIS STON PA LA MCHOD BRJOD MDZAD NAS, BYA BA GANG LA 'JUG PA YOD DE, CHOS MNGON PA SDE BDUN GYI BRJOD BYA'I DON THAMS CAD 'DUS PA'I RGYAL PO'I BANG MDZOD LTA BU'I BSTAN BCOS 'DI RAB TU BSHAD PAR BYA BAR BZHED PA'I PHYIR, GSUM PA LA, DON DAM PA'I CHOS MNGON PA'I DON DANG, BRDAR BTAGS PA'I CHOS MNGON PA'I DON DANG, MDZOD KYI MTSAN DON BSHAD PA GSUM, DANG PO NI, CHOS MNGON SHES RAB DRI MED RJES 'BRANG BCAS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, MTHONG SGOM MI SLOB LAM DRI MED RJES 'BRANG DANG BCAS PA CHOS CAN, DON DAM PA'I CHOS MNGON PA YIN TE, @06A *, ,DON DAM PA YIN PA'AM, DE LAS BYUNG ZHING CHOS 'GOG LAM LA MNGON DU PHYOGS PA'AM MNGON SUM DU RTOGS PAS NA DON DAM PA DANG MNGON PA ZHES BRJOD PA'I PHYIR, DON DAM PA'I CHOS MNGON PA CHOS CAN, PHUNG PO LNGA PA CAN YIN TE, ZAG MED KYI SHES RAB RJES 'BRANG STE 'KHOR DU BYAS PA'I TSOR BA 'DU SHES 'DU BYED RNAM SHES DANG BCAS PA'I LNGA PA CAN YIN PA'I PHYIR, GNYIS PA MTHA' DPYAD PA LA, KHA CIG ,ZAG MED KYI CHOS YIN NA, DON DAM PA'I CHOS MNGON PA YIN PAS KHYAB ZER NA, NAM MKHA' CHOS CAN, DER THAL, DE'I PHYIR, DER THAL, 'DUS MA BYAS GSUM PO GANG RUNG YIN PA'I PHYIR, DER THAL, CHOS CAN DE YIN PA'I PHYIR, 'DOD MI NUS TE, LAM BDEN MA YIN PA'I PHYIR, KHA CIG ,'DIR CHOS MNGON PA LA SHES RAB GTZO BOR GYUR PA MI 'THAD PAR THAL, RNAM SHES GTZO BO DANG SHES RAB DE'I 'KHOR DU 'BYUNG BA'I PHYIR ZER NA, MA KHYAB, KHA CIG ,CHOS MNGON PA YIN NA, SHES PA YIN PAS KHYAB ZER NA, 'PHAGS RGYUD KYI ZAG MED KYI SDOM PA CHOS CAN, DER THAL, DE'I PHYIR, DER THAL, ZAG MED KYI PHUNG PO LNGA PO GANG RUNG YIN PA'I PHYIR, DER THAL, CHOS CAN DE YIN PA'I PHYIR, 'DOD NA, MI 'THAD PAR THAL, GZUGS PHUR YIN PA'I PHYIR, KHA CIG , GZUGS MED KHAMS NA ZAG MED KYI SDOM PA MED ZER NA, RE ZHIG DE MI 'THAD PAR THAL, GNAS BZHI PA LAS, ZAG MED NI, ,BSAM GTAN KHYAD PAR 'DU SHES MED, ,SEMS CAN MA GTOGS GZUGS MED NA'ANG, ,ZHES KHYAD PAR PHYE NAS BSHAD PA'I PHYIR DANG, RANG 'GREL LAS KYANG, ZAG PA MED PA'I SDOM PA NI ZHES PA NAS GZUGS MED PA'I KHAMS SU SKYES PA RNAMS LA YANG YOD DO, ,ZHES GSUNGS PA'I PHYIR, KHA CIG ZAG MED KYI SDOM PA YIN NA, GZUGS CAN MA YIN @06B PAS KHYAB PAR THAL, GZUGS MED KHAMS NA DE YOD PA'I PHYIR, DER THAL, GZUGS MED KHAMS PA'I 'PHAGS PA LA DE YOD PA'I PHYIR, KHA CIG MA KHYAB ZER, RTAGS DER THAL, ZAG MED 'PHAGS PA'I SEMS CAN RNAMS, ,ZHES GSUNGS PA'I PHYIR, KHA CIG ,GZUGS MED KYI SAS BSDUS KYI ZAG MED KYI SDOM PA YOD PAR THAL, GZUGS MED NA DE YOD PA'I PHYIR NA MA KHYAB, KHYAB STE, ZAG MED GANG DU SKYES PA'I YIN, ,ZHES GSUNGS PA'I PHYIR NA YANG MA KHYAB STE, SPYIR BSTAN PA TZAM YIN PA'I PHYIR, YANG NA GZUGS MED KHAMS PA'I RGYUD LA ZAG MED KYI SDOM PA MED PAR THAL, GZUGS MED KHAMS NA GZUGS CAN GYI SDOM PA MED PA'I PHYIR, DER THAL, DE NA GZUGS MED PA'I PHYIR NA SNGA MA LA MA KHYAB PA'AM GANG BDE'O, ,KHA CIG ,SO THAR DANG ZAG MED KYI SDOM PA'I GZHI MTHUN YOD PAR THAL, SPONG SDOM DANG DE'I GZHI MTHUN YOD PA'I PHYIR NA MA KHYAB, 'DOD MI NUS TE, BSAM GTAN DANG ZAG MED KYI SDOM BA GNYIS SEMS KYI RJES 'BRANG ZHES BYA LA, SO THAR NI LUS NGAG GI RJES 'BRANG GTZO CHE BA'I PHYIR, GNYIS PA BRDAR BTAGS PA'I CHOS MNGON PA NI, DE THOB BYA PHYIR GANG DANG BSTAN BCOS GANG, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BRDAN BTAGS PA'I CHOS MNGON PA CHOS CAN, KHYOD KYI NGO BO'I KHYAD PAR YOD DE, 'BRAS BU'I MNGON PA DE THOB PAR BYA BA'I PHYIR DU ZHUGS PA'I LAM GANG YIN PA DANG, DE DAG BRJOD BYAR BYED PA'I BSTAN BCOS TE GZHUNG MNGON PA GANG YIN PA GNYIS SU YOD PA'I PHYIR, DE GNYIS KYI KHYAD PAR YOD DE, THOS BSAM SGOM GSUM GANG RUNG GIS BSDUS PA'I ZAG BCAS KYI MNGON PA DE LAM MNGON PA DANG, GZHUNG MNGON PA NI BSHAD PA LTAR BKA' BSTAN BCOS GANG RUNG @07A *, ,GIS BSDUS PA ZHIG LA BYED PA'I PHYIR, GNYIS PA LA, KHA CIG ,DON DAM PA'I CHOS MNGON PA THOB BYED KYI LAM YIN NA, BRDAR BTAGS PA'I CHOS MNGON PA YIN PAS KHYAB ZER NA, DE MI 'THAD PAR THAL, NYAN THOS 'PHAGS PA'I RGYUD KYI THOS BSAM SGOM GSUM GANG RUNG GIS BSDUS PA'I DON DAM PA'I CHOS MNGON PA THOB BYED KYI THABS SU GYUR PA'I LAM YOD CING, DE BRDAR BTAGS PA'I CHOS MNGON PA MA YIN PA'I PHYIR, DER THAL, DON DAM PA'I CHOS MNGON PA YIN PA'I PHYIR, KHA CIG ,TSOGS SBYOR GANG RUNG YIN NA, BRDAR BTAGS PA'I CHOS MNGON PA YIN PAS KHYAB PAR THAL, DAM BCA' 'THAD PA'I PHYIR, 'DOD NA, MA YIN PAR THAL, NYAN THOS DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA YOD PA'I PHYIR, DER THAL, NYAN THOS 'PHAGS PA'I RTOGS PA SNGON DU SONG BA'I DE YOD PA'I PHYIR, DER THAL, NYAN THOS SBYOR LAM NAS RIGS BZLOG NAS BYANG SEMS LAM DU 'JUG PA YOD PA'I PHYIR NA MA KHYAB, DER THAL, GNYIS SLOB RIGS LAS LOG NAS NI, ,SANGS RGYAS SU 'GYUR ZHES NYAN THOS KYI SBYOR LAM DROD RTZE NAS DE LTAR DU 'GYUR BA YOD PA'I PHYIR, KHA CIG ,'DOD KHAMS SU LAM MNGON PAR GYUR PA'I BSGOMS BYUNG MED PAR THAL, 'DOD PA'I SAS BSDUS KYI BSGOMS BYUNG MED PA'I PHYIR NA MA KHYAB, MA GRUB NA DER THAL, 'DOD PA'I SAS BSDUS KYI THOS BSAM GYI SHES RAB YOD KYANG BSGOMS BYUNG GI SHES RAB MED, GZUGS MED NA THOS BYUNG DANG BSAM BYUNG MED LA BSGOMS BYUNG YOD, GZUGS KHAMS KYI SAS BSDUS PA'I THOS BSAM GNYIS MED KYANG BSGOMS BYUNG GI SHES RAB YOD PA'I PHYIR DANG, GZUGS NA THOS BSAM YOD KYANG GO @07B SAS BSDUS SU MI 'JOG PA'I PHYIR, RTZA BAR 'DOD MI NUS TE, 'DOD KHAMS NA SBYOR LAM YOD PA'I PHYIR, KHA CIG ,GZHUNG MNGON PA CHOS MNGON PA YIN PAR THAL, LAM 'BRAS KYI MNGON PA CHOS MNGON PA YIN PA'I PHYIR NA MA KHYAB, KHA CIG ,LUNG MNGON PA CHOS MNGON PA YIN PAR THAL, LUNG GI CHOS MNGON PA MER BSREG PAS CHOS MNGON PA BSREGS PA'I CHOS SPONG GI LAS 'BYUNG BA'I PHYIR NA MA KHYAB BO, ,GSUM PA NI, 'DIR DE DON DU YANG DAG CHUD PHYIR RAM, ,'DI YI GNAS DE YIN PAS CHOS MNGON MDZOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BSTAN BCOS 'DI CHOS CAN, KHYOD LA CHOS MNGON PA'I MDZOD CES BYA STE, MNGON PA SDE BDUN GYI BRJOD BYA MNGON PA GSUM PO DE 'DIR BRJOD BYA'I DON DU YANG DAG PAR CHUD PA'I PHYIR RAM, BSTAN BCOS 'DI YI 'BYUNG BA'I GNAS KYANG SDE BDUN PO DE YIN PA'I RGYU MTSAN GYIS DE LTAR BRJOD PA'I PHYIR, GNYIS PA MTHA' DPYAD PA LA, KHA CIG ,BSTAN BCOS 'DIR SDE BDUN GYI TSIG THAMS CAD CHUD PAR THAL, SDE BDUN GYI TSIG DON GCES PA RNAMS CHUD PA'I PHYIR NA MA KHYAB, 'DOD NA, MI 'THAD PAR THAL, SDE BDUN GYI TSIG TSOGS KYI SPROS PA RNAMS 'DIR MA 'DUS PA'I PHYIR, DER THAL, RGYAL SRAS MA LAS, TSIG GI SGO NAS MA YIN TE, DE NI DON GYI SGO NAS CHUD KYI THAMS CAD NI MA YIN NO, ,ZHES GSUNGS PA'I PHYIR, KHA CIG ,'DI'I DNGOS BSTAN GYI MNGON PA MDZOD YIN NA, SLOB DPON GYI BSTAN BCOS 'DI YIN PAS KHYAB ZER NA, MI 'THAD PAR THAL, 'DI'I DNGOS BSTAN GYI DE LA BSTAN BCOS 'DI GANG LAS 'BYUNG BA'I GNAS KYI MDZOD YOD PA'I PHYIR, DER THAL, MDZOD KYI DON LA SNGAR BSHAD PA LTAR GNYIS YOD PA'I PHYIR, DER THAL, DPER NA, NOR @08A *, ,BU 'JOG PA'I GNAS LA MDZOD CES BTAGS PA LTAR MDZOD CES BRJOD PA DANG, NOR BU GANG NAS 'BYUNG BA'I GNAS LA MDZOD CES BRJOD PA LTA BU GNYIS YOD PA'I PHYIR, BZHI PA MNGON PA GSUNGS PA'I DGOS PA NI, CHOS RNAMS RAB TU RNAM 'BYED MED PAR NYON MONGS RNAMS, ,GANG PHYIR NYE BAR ZHI BAR BYA BA'I THABS MED LA, ,NYON MONGS PAS KYANG 'JIG RTEN SRID MTSO 'DIR 'KHYAMS TE, ,DE BAS DE PHYIR 'DI NI STON PAS GSUNGS SO LO, , ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, SLOB DPON CHOS CAN, MNGON PA'I BSTAN BCOS 'DI RTZOM PAR SPRO BA'I RGYU MTSAN YOD DE, RGYU MTSAN GANG GI PHYIR NA, CHOS RNAMS RAB TU RNAM PAR 'BYED PA'I SHES RAB MED PAR NYON MONGS PA RNAMS NYE BAR ZHI BAR BYED PA'I THABS KYI GTZO BO MED LA, NYON MONGS PA'I DBANG GIS KYANG 'JIG RTEN TE SKYE RGU RNAMS SRID PA'I RGYA MTSO CHEN PO 'DIR RAB TU 'KHYAMS TE THAR PA THOB PAR MI 'GYUR BA'I RGYU MTSAN DE'I PHYIR, DE BAS NA STON PAS DANG POR MNGON PA'I TSIG DON THOR BUR GSUNGS PA PHYOGS GCIG TU MNGON PA SDE BDUN PO 'DIR, DGRA BCOM PA BDUN GYIS BSDUS PAR BYE BRAG SMRA BA LA GRAGS SO, ,KHO BO ZHES SMOS PA'I RGYU MTSAN YOD DE, SLOB DPON GYIS SDE BDUN PO 'DI DGRA BCOM PA'I MING CAN BDUN GYIS BRTZAMS PAR BZHED PAS, BYE BRAG SMRA BAS SDE BDUN BKA' YIN YANG DGRA BCOM PA BDUN GYIS BSDUS PAR 'DOD PA LA MA RANGS PA'I DGAG TSIG STON PA'I PHYIR, DGRA BCOM DE DAG GIS BSDUS PA'I BSTAN BCOS BDUN YOD DE, JI SKAD DU SDOM LAS, YE SHES LA 'JUG KA TYA'I BUS, ,RAB TU BYED PA DBYIG BSHES KYIS, ,RNAM SHES TSOGS NI LHA SKYID KYIS, ,CHOS KYI PHUNG PO SH'A RI'I BUS, ,GDAGS PA'I BSTAN @08B BCOS MO'U 'GAL BUS, ,'GRO BA'I RNAM GRANGS GSUM PO CHES, ,KHAMS KYI TSOGS NI GANG POS BYAS, ,ZHES 'BYUNG BA LTAR YIN PA'I PHYIR, GNYIS PA MTHA' DPYAD PA LA, KHA CIG ,SLOB DPON GYIS MNGON PA SDE BDUN GYI TSIG DON LA MA RANGS PA'I DGAG PA MDZAD PAR THAL, LO ZHES GSUNGS PA NI MA RANGS PA'I DGAG TSIG YIN PA'I PHYIR NA MA KHYAB STE, DE NI BYE BRAG SMRA BAS SDE BDUN BKAR 'DOD PA LA MA RANGS PA'I DGAG PA YIN GYI, SDE BDUN GYI TSIG DON LA MA RANGS PA MA YIN PA'I PHYIR, 'DOD MI NUS TE, SLOB DPON GYIS SDE BDUN GYI DGONGS PA 'GREL BA LA 'JUG PA'I PHYIR, KHA CIG ,SKABS 'DIR SLOB DPON NYID MDO SDE PA YIN PAR THAL, RGYAL SAS MA LAS, MDO SDE PA KHO BO CAG GI, ZHES GSUNGS PA'I PHYIR NA MA KHYAB STE, DE NI SDE BDUN BKA' MA YIN PAR 'DOD PA LA MDO SDE PA NANG MTSUNGS ZHES PA'I DON YIN GYI, SLOB DPON NYID MDO SDE PA YIN ZHES PA'I DON MA YIN PA'I PHYIR, DER THAL, BYE BRAG SMRA'I LUGS GZHIR BYED PA'I TSE SLOB DPON BYE BRAG TU SMRA BAR 'DOD DGOS PA'I PHYIR, DER THAL, DE GZHIR 'JOG PA'I TSE STON PA NYID KYANG BYE BRAG TU SMRA BAR 'DOD DGOS PA'I PHYIR, KHA CIG ,LO ZHES PA MA RANGS PA'I TSIG MA YIN PAR THAL, DE BSHAD PA'I RGYAN YIN PA'I PHYIR, DER THAL, LO GRAGS ZER GSUM BSHAD PA'I RGYAN YIN PA'I PHYIR, DER THAL, SLOB DPON RANG GI BLA MA KHA CHE 'DUN BZAS DE LTAR BZHED PA'I PHYIR NA MA KHYAB, KHA CIG ,SLOB DPON GYIS SDE BDUN GYI TSIG DON THAMS CAD 'KHRUL MED BZHED PAR THAL, DES SDE BDUN GYI DGONGS PA THAMS CAD 'KHRUL MED DU 'GREL BA'I PHYIR NA MA KHYAB, 'DOD NA, MI 'THAD PAR THAL, SDE BDUN GYI GZHUNG LA LAS 'DUS MA BYAS RDZAS GRUB TU STON PAS DE RDZAS GRUB TU SLOB DPON MI BZHED PA'I PHYIR, @09A *, ,KHA CIG ,SLOB DPON GYIS SDE BDUN SDUD PA PO RNAMS DGRA BCOM PA MA YIN PAR BZHED PAR THAL, MDO SDE PAS DE LTAR 'DOD PA'I PHYIR NA, RE ZHIG MA KHYAB, RTAGS DER THAL, DES DE RNAMS 'PHAGS PA MIN PAR 'DOD PA'I PHYIR, DER THAL, THUB BSTAN BYI DOR LAS, DE'I PHYIR MDO SDE PAS KYANG MNGON PA SDE BDUN LA SOGS PA RTZOM PA PO RNAMS 'PHAGS PA MIN PAR SMRA'O, ,ZHES GSUNGS PA'I PHYIR, GNYIS PA GZHUNG DON DNGOS LA; LUS KYI SGO NAS MDOR BSTAN PA DANG, YAN LAG GI SGO NAS RGYAS PAR BSHAD PA GNYIS, DANG PO LA GNYIS, BRJOD BYA'I DON BSDUS TE BSTAN PA DANG, CUNG ZAD PHYE STE BSHAD PA GNYIS, DANG PO NI, ZAG BCAS ZAG PA MED CHOS RNAMS, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, BSTAN BCOS 'DI CHOS CAN, KHYOD KYI BRJOD BYA YOD DE, ZAG BCAS DANG ZAG PA MED PA'I CHOS RNAMS NI KHYOD KYI BRJOD BYA YIN PA'I PHYIR, DGOS PA YOD DE, CHOS THAMS CAD DE GNYIS SU BSDUS NAS STON PAR BZHED PA'I CHED YIN PA'I PHYIR, ZAG BCAS DANG POR 'BYUNG BA'I RGYU MTSAN YOD DE, KUN NAS NYON MONGS PA SNGON DANG RNAM PAR BYANG BA RJES SU BZUNG BA'I GO RIM DANG MTHUN PAR BRJOD PA YIN PA'I PHYIR, BSTAN BCOS 'DI CHOS CAN, KHYOD KYI DGOS SOGS CHOS BZHI'I KHYAD PAR YOD DE, ZAG BCAS ZAG MED KYI CHOS RNAMS KHYOD KYI BRJOD BYA, KHYOD LA BRTEN NAS DE RNAMS LEGS PAR RTOGS PA DE KHYOD KYI DGOS PA; RTOGS NAS NYAMS SU BLANGS NAS THOB PAR 'GYUR BA'I MYANG 'DAS GNYIS NYID DGOS, CHOS GSUM PHYI MA SNGA MA LA 'BREL BA DE 'BREL BA YIN PA'I PHYIR, GNYIS PA MTHA' DPYAD PA LA, KHA CIG ,ZAG BCAS YIN NA, DMIGS PA @09B DANG MTSUNGS LDAN GNYIS KYI SGO NAS ZAG PA RGYAS RUNG YIN PAS KHYAB ZER NA, NYAN THOS DGRA BCOM PA'I MIG DBANG CHOS CAN, DER THAL, DE'I PHYIR, DER THAL, LAM BDEN DU MA GTOGS PA'I 'DUS BYAS YIN PA'I PHYIR, KHYAB STE, RTZA BAR LAM MA GTOGS PA'I 'DUS BYAS RNAMS, ,ZAG BCAS ZHES GSUNGS PA'I PHYIR, 'DOD NA, MI 'THAD PAR THAL, MTSUNGS LDAN GYI SGO NAS ZAG PA RGYAS RUNG MA YIN PA'I PHYIR, DER THAL, DE DGRA BCOM PA'I DBANG PO YIN PA'I PHYIR, DER THAL, CHOS CAN DE YIN PA'I PHYIR, GZHAN YANG, DE MI 'THAD PAR THAL, DE DANG MTSUNGS LDAN MED PA'I PHYIR, DER THAL, DE GZUGS CAN YIN PA'I PHYIR, KHA CIG NYAN THOS DGRA BCOM PA'I MIG DBANG DE ZAG BCAS YIN KYANG SGOM SPANG MA YIN ZER NA, DE CHOS CAN, SGOM SPANG YIN PAR THAL, GZUGS CAN GYI KHAMS BCU PO GANG RUNG YIN PA'I PHYIR, KHYAB STE, DE BCU DANG MIG SOGS KYI RNAM SHES KYI KHAMS LNGA LA SGOM SPANG GIS KHYAB PA'I PHYIR, DER THAL, RTZA BAR, BCU NI SGOM PA'I SPANG BYA YIN, ,LNGA YANG, ZHES GSUNGS PA'I PHYIR, KHA CIG ,DE SPANG BYA YIN PAR THAL, SGOM SPANG YIN PA'I PHYIR NA MA KHYAB BO, ,KHA CIG ,'DIR GANG LA DMIGS NAS ZAG PA SKYE RUNG DE ZAG BCAS KYI DON YIN ZER NA, 'GOG LAM GNYIS CHOS CAN, ZAG BCAS YIN PAR THAL, KHYOD LA DMIGS NAS ZAG PA SKYE RUNG BA'I PHYIR, DER THAL, 'GOG PA LA DMIGS PA DANG LAM LA DMIGS PA'I 'GOG PA DANG LAM MTHONG SPANG YOD PA'I PHYIR, DER THAL, RTZA BAR 'GOG DANG LAM MTHONG SPANG BYA BA, ,ZHES SOGS GSUNGS PA'I PHYIR, 'DOD NA, DE GNYIS CHOS CAN, KHYOD LA DMIGS NAS ZAG PA RGYAS PAR 'GYUR BAR THAL, ZAG BCAS YIN PA'I PHYIR, 'DOD MI NUS TE, RANG 'GREL LAS, DE GNYIS LA RGYAS @10A *, ,PAR MI 'GYUR BAS DE GNYIS ZAG PA DANG BCAS PA NYID DU THAL BA MED DO, ,ZHES GSUNGS PA'I PHYIR, RANG LUGS NI, DMIGS PA DANG MTSUNGS LDAN GANG RUNG GI SGO NAS ZAG PA'AM NYON MONGS RGYAS 'GYUR DE ZAG BCAS KYI DON YIN TE, 'DIR, ZAG BCAS GANG PHYIR DE DAG LA, ,ZAG RNAMS KUN TU RGYAS 'GYUR PHYIR, ,ZHES GSUNGS PA'I PHYIR, DMIGS PA DANG MTSUNGS LDAN GYI SGO NAS BZHAG PA'I MTSAN GZHI YOD DE, GZUGS CAN BCU LTA BU DANG PO DANG, PHRA RGYAS RNAMS GNYIS PA YIN PA'I PHYIR, DMIGS MTSUNGS GANG RUNG GI SGO NAS ZAG PA RGYAS PAR MI 'GYUR BA'I CHOS DE ZAG MED KYI DON YIN LA, MTSAN GZHI YOD DE, LAM BDEN DANG 'DUS MA BYAS GSUM LTA BU YIN PA'I PHYIR, GNYIS PA NI, LAM MA GTOGS PA'I 'DUS BYAS RNAMS, ,ZAG BCAS GANG PHYIR DE DAG LA, ,ZAG RNAMS KUN TU RGYAS PAR 'GYUR, ,ZAG MED LAM GYI BDEN PA DANG, ,'DUS MA BYAS RNAMS GSUM YANG STE, ,NAM MKHA' DANG NI 'GOG PA GNYIS, ,DE LA NAM MKHA' MI SGRIB PA'O, ,SO SOR BRTAGS PAS 'GOG PA GANG, ,BRAL BA'O SO SO SO SO YIN, ,SKYE LA GTAN DU GEGS BYED PA, ,'GOG GZHAN SO SOR BRTAGS MIN PAS, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, LAM BDEN DU MA GTOGS PA'I 'DUS BYAS RNAMS CHOS CAN, ZAG BCAS YIN TE, RGYU MTSAN GANG GI PHYIR NA DE DAG LA DMIGS PA DANG MTSUNGS LDAN GANG RUNG GI SGO NAS ZAG PA RNAMS KUN TU RGYAS PAR 'GYUR BA'I PHYIR, LAM GYI BDEN PA DANG, 'DUS MA BYAS RNAM PA GSUM YANG CHOS CAN, ZAG MED YIN TE, SNGAR LTAR ZAG PA RGYAS PAR MI 'GYUR BA'I PHYIR, NAM MKHA' DANG NI 'GOG PA RNAM PA GNYIS CHOS CAN, ZAG MED YIN @10B TE; RTAGS DE'I PHYIR, DE LA 'DUS MA BYAS KYI NAM MKHA' CHOS CAN, MA SGRIB PA'I RANG BZHIN CAN YIN TE, GZUGS CAN GZHAN LA PHAR MI SGRIB CING TSUR YANG MI SGRIB PA ZHIG LA BYED PA'I PHYIR, DGRA BCOM PA'I RGYUD KYI 'GOG PA GANG CHOS CAN, SO SOR BRTAGS PAS 'GOG PA DANG BRAL BA ZHES BYA STE, BDEN BZHI LA SO SOR BRTAGS PA'I BAR CHAD MED LAM GYI STOBS KYIS THOB PA'I 'GOG BDEN YIN PA'I PHYIR, SDUG BSNGAL MTHONG SPANG SOGS BZHI SPANGS PA'I SO SOR BRTAGS 'GOG CHOS CAN, RDZAS SO SO PA YIN TE, LDAN BYED KYI RDZAS SO SO BA YIN PA'I PHYIR, 'GOG PA GZHAN SO SOR BRTAGS 'GOG MIN PA CHOS CAN, NGO BO YOD DE, RANG GI DGAG BYA'I CHOS MA 'ONGS PA SKYE BA LA GEGS BYED PA'I BRAL BA LAS GZHAN PA'I BRAL BA YIN PA'I PHYIR, DER THAL, BAR CHAD MED LAM GYI STOBS KYIS THOB PA MA YIN PAR RANG GI SPANG BYA RE ZHIG RKYEN MA TSANG BAS MA SKYES PA'I 'GOG PA YIN PA'I PHYIR, GNYIS PA MTHA' DPYAD PA LA, KHA CIG ,'DUS MA BYAS RNAMS GSUM YANG STE ZHES PA'I YANG SGRA DON MED PAR THAL, DES BSDU RGYU MED PA'I PHYIR NA MA GRUB STE, GNAS MA BU PA DANG, BYE BRAG PA SOGS KYIS 'DOD PA'I NAM MKHA' DGAG PA'I CHED DANG, ZAG MED LAM BDEN DU MA ZAD PAR BSTAN PA'I CHED YIN PA'I PHYIR, KHA CIG ,RKYEN MA TSANG BA'I 'GOG PA YIN NA, SO SOR BRTAGS MIN GYI 'GOG PA YIN PAS KHYAB ZER NA, DE MI 'THAD PAR THAL, MI RTAG PA'I 'GOG PA DANG SNYOMS 'JUG GI 'GOG PA DANG SKYE BA'I BSAM GTAN GYI 'GOG PA LTA BU 'GOG PA GNYIS PO GANG RUNG MA YIN PA'I PHYIR, GNYIS PA YAN LAG GI SGO NAS RGYAS PAR BSHAD PA LA, GANG LA MKHAS PAR BYA DGOS PA'I GNAS NGOS BZUNG BA DANG, DE LTAR MKHAS PAR BYAS PA'I YON TAN BSTAN PA GNYIS, DANG PO LA, MKHAS @11A *, ,BYA'I GNAS DANG, DE NYID NGES PAR BYED PA'I TSUL GNYIS, DANG PO LA, YUL PHUNG KHAMS SKYE MCHED KYI RNAM GZHAG DANG, YUL CAN DBANG PO'I RAB DBYE BSHAD PA GNYIS, DANG PO LA, 'DUS BYAS SPYI'I MTSAN NYID DANG, CHOS GSUM GYI RNAM GZHAG DANG, KHAMS KYI RNAM PA RAB DBYE DANG GSUM, DANG PO LA, MTSAN NYID KYI SGO NAS DBYE BA DANG, RNAM GRANGS KYI DBYE BA GNYIS, DANG PO NI, 'DUS BYAS CHOS RNAMS DE DAG KYANG, ,GZUGS LA SOGS PA'I PHUNG PO LNGA, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, 'DUS BYAS KYI CHOS RNAMS DE DAG KYANG CHOS CAN, DBYE BA YANG LAS 'DIR BSDU NA LNGA YIN TE, GZUGS LA SOGS PA STE GZUGS KYI PHUNG PO, TSOR BA'I PHUNG PO, 'DU SHES KYI PHUNG PO, 'DU BYED KYI PHUNG PO, RNAM SHES KYI PHUNG PO DANG LNGA PO SNGAR 'DUS BYAS RNAMS ZHES BSHAD PA LTAR YOD PA'I PHYIR, DE LNGA CHOS CAN, 'DUS BYAS YIN TE, RANG GI RGYU RKYEN LAS SKYES PAS RAB TU PHYE BA DE YIN PA'I PHYIR, DE LNGA'I NGO BO YOD DE, GZUGS CAN YIN PA GZUGS KYI PHUNG PO, GTZO SEMS RNAMS RNAM SHES KYI PHUNG PO, SIM GDUNG BAR MA MYONG BA'I SEMS BYUNG RNAMS TSOR BA'I PHUNG PO, MTHONG THOS SOGS BYE BRAG 'BYED PA'I SEMS BYUNG RNAMS 'DU SHES KYI PHUNG PO, DE LAS GZHAN PA'I SEMS BYUNG DANG LDAN MIN 'DU BYED RNAMS 'DU BYED KYI PHUNG PO YIN PA'I PHYIR, GNYIS PA MTHA' DPYAD PA LA, KHA CIG , GZUGS CAN GYI KHAMS YIN NA, GZUGS KYI KHAMS YIN PAS KHYAB ZER NA, SGRA'I KHAMS CHOS CAN, DER THAL, DE'I PHYIR, DER THAL, GZUGS PHUNG YIN PA'I PHYIR, DER THAL, DBANG PO LNGA DANG, DON LNGA PO GANG RUNG YIN PA'I PHYIR, DER THAL, GZUGS CAN GYI @11B KHAMS BCU YOD PA'I PHYIR, 'DOD MI NUS TE, BSTAN YOD KYI GZUGS MA YIN PA'I PHYIR TE, CHOS CAN DE YIN PA'I PHYIR, KHYAB STE, GZUGS CAN BCU'I DANG PO GZUGS KHAMS GCIG PO BSTAN YOD KYI GZUGS YIN ZHING, GZHAN DGU PO BSTAN MED YIN PA'I PHYIR, DER THAL, RTZA BAR, BSTAN YOD 'DIR NI GZUGS GCIG PU, ,ZHES GSUNGS PA'I PHYIR, KHA CIG ,GZUGS CAN GYI KHAMS YIN NA, GZUGS CAN GYI KHAMS BCU PO GANG RUNG YIN PAS KHYAB ZER NA, RNAM PAR RIG BYED MA YIN PA'I GZUGS CHOS CAN, DER THAL, DE'I PHYIR, DER THAL, GZUGS CAN YIN PA'I PHYIR, 'DOD NA, DBANG PO LNGA DANG DON LNGA PO GANG RUNG YIN PAR THAL, 'DOD PA'I PHYIR, KHYAB STE, RTZA BAR, DBANG DON DE DAG KHO NA LA; ;SKYE MCHED DANG NI KHAMS BCUR 'DOD, ,CES GSUNGS PA'I PHYIR, 'DOD MI NUS TE, CHOS CAN DE YIN PA'I PHYIR, KHA CIG ,YID DANG RNAM SHES KYI PHUNG PO 'GAL BAR THAL, KHAMS BCO BRGYAD PO NANG PHAN TSUN 'GAL BA'I PHYIR NA, MA KHYAB, 'DOD NA, MI 'THAD PAR THAL, RNAM SHES KYI KHAMS DRUG PO GANG RUNG LA YID KHAMS KYIS KHYAB PA'I PHYIR, KHA CIG ,BAR DO BA'I RGYUD LA MI GSOGS DBANG PO LNGA YOD PAR THAL, LHA MI'I BAR DO BA RNAMS DBANG PO KUN TSANG BA'I PHYIR, 'DOD NA, 'DOD GZUGS KYI LHA'I BAR DO BA'I RGYUD LA DE LNGA YOD PAR THAL, 'DOD PA'I PHYIR, 'DOD NA, DE GNYIS KYI BAR DO BA LA MIG GI RNAM SHES SOGS LNGA PO YOD PAR THAL, 'DOD PA'I PHYIR NA MA KHYAB, 'DOD NA, MI 'THAD PAR THAL, GZUGS KHAMS PA'I BAR SRID PA LA SNA LCE'I RNAM SHES GNYIS DANG DRI RO GNYIS TE BZHI MI LDAN PA'I PHYIR, DER THAL, 'DOD PA'I SAS BSDUS PA'I KHAMS BCO BRGYAD DANG, GZUGS KYI SAS BSDUS PA'I DE BZHI MED CING LHAG MA BCU BZHI YOD @12A *, ,PA'I PHYIR, DER THAL, RTZA BAR, 'DOD KHAMS GTOGS PA THAMS CAD DO, ,GZUGS KYI KHAMS NA BCU BZHI'O, ,DRI DANG RO DANG SNA DANG NI, ,LCE YI RNAM SHES KHAMS MA GTOGS, ,ZHES GSUNGS PA'I PHYIR, KHA CIG ,GZUGS MED KHAMS NA GZUGS CAN GYI KHAMS YOD ZER NA, DE MED PAR THAL, DE NA GZUGS MED PAS DE DAG MED CING, YID DANG CHOS DANG RNAM SHES KYI KHAMS RNAMS LAS MED PA'I PHYIR, DER THAL, RTZA BAR, GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,ZHES GSUNGS PA'I PHYIR, KHA CIG ,ZIN PA'I 'BYUNG BA LAS GYUR PA'I KHAMS YIN NA, ZIN PA'I KHAMS YIN PAS KHYAB ZER NA, LAG PA BRDAB PA'I SGRA CHOS CAN, DER THAL, DE'I PHYIR, DER THAL, CHOS CAN DE YIN PA'I PHYIR, 'DOD MI NUS TE, SGRA YIN NA, MA ZIN PA'I KHAMS YIN DGOS PA'I PHYIR, DER THAL, 'DI'I SKABS KYI ZIN MA ZIN GYI DON DBANG POS ZIN MA ZIN LA BYED PA'I RGYU MTSAN GYIS, SEMS KYI KHAMS BDUN MA ZAD, CHOS KHAMS KYI PHYED KYANG SEMS BYUNG DANG BRGYAD, SGRA DANG DGU PO DE MA ZIN PAR 'JOG ,GZUGS CAN GZHAN DGU LA ZIN MA ZIN GYI CHA GNYIS YOD PA'I PHYIR, DER THAL, RTZA BAR, MA ZIN DGU, ,BRGYAD PO DE DAG RNAMS DANG SGRA, ,DGU PO GZHAN NI RNAM PA GNYIS, ,ZHES GSUNGS PA'I PHYIR, KHA CIG ,GZUGS YIN NA, CHOS KHAMS MA YIN PAS KHYAB ZER NA, MI 'THAD PAR THAL, RNAM PAR RIG BYED MA YIN PA'I GZUGS LA CHOS KHAMS KYIS KHYAB PA'I PHYIR, KHA CIG ,SO THAR GYI SDOM PA LA, RNAM PAR RIG BYED MA YIN PA'I GZUGS KYIS KHYAB ZER NA, MI 'THAD PAR THAL, DER RNAM PAR RIG BYED YIN MIN GNYIS YOD PA'I PHYIR, DER THAL, RTZA BAR, DANG PO'I RNAM RIG RNAM RIG MIN, ,ZHES GSUNGS @12B PA'I PHYIR, KHA CIG ,RNAM RIG MA YIN PA'I GZUGS LA SDOM PAS KHYAB ZER NA, DE YANG MI 'THAD PAR THAL, DER SDOM PA SDOM MIN PAR MA GSUM YOD PA'I PHYIR, DER THAL, RTZA BAR, RNAM RIG MIN RNAM GSUM SHES BYA, ,SDOM DANG SDOM PA MIN DANG GZHAN, ,ZHES GSUNGS PA'I PHYIR, KHA CIG, SO THAR GYI SDOM PA DE RNAM PAR RIG BYED MA YIN PA'I GZUGS YIN ZER NA, DE MI 'THAD PAR THAL, DE NI RDZAS SPYI MA CHOD PA'I SKYON DU 'GYUR BA'I PHYIR, DER THAL, DE LA RIG BYED YIN MIN GNYIS YOD PA'I PHYIR, KHA CIG ,CHOS DANG KHAMS KYI GZHI MTHUN YIN NA, CHOS KHAMS YIN PAS KHYAB ZER NA, GZUGS KYI KHAMS CHOS CAN, DER THAL, DE'I PHYIR, DER THAL, CHOS GANG ZHIG , KHAMS YIN PA'I PHYIR, DANG PO DER THAL, GZHI GRUB PA'I PHYIR, 'DOD MI NUS TE, PHUNG PO DANG PO NYID CHOS KHAMS MA YIN ZHING, PHUNG PO BAR PA GSUM DANG, RNAM PAR RIG BYED MA YIN PA'I GZUGS, 'DUS MA BYAS KYI CHOS GSUM NI CHOS KYI SKYE MCHED DANG CHOS KYI KHAMS SU 'JOG PA'I PHYIR, DER THAL, RTZA BAR, DE GSUM RNAM RIG BYED MIN DANG, ,'DUS MA BYAS RNAMS BCAS PA NI, ,CHOS KYI SKYE MCHED KHAMS ZHES BYA, ,ZHES GSUNGS PA'I PHYIR, GNYIS PA LA, 'DUS BYAS SPYI'I MING GI RNAM GRANGS DANG, ZAG BCAS KYI MING GI RNAM GRANGS GNYIS, DANG PO NI, DE DAG NYID DUS GTAM GZHI DANG, ,NGES PAR 'BYUNG BCAS GZHI DANG BCAS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI; 'DUS BYAS DE DAG NYID CHOS CAN, KHYOD LA DUS ZHES BYA STE, DUS GSUM DU 'JOG PA'I GZHI YIN PA'I PHYIR, DE CHOS CAN, GTAM GYI GZHI ZHES BYA STE, RJOD BYED KYI GTAM NI NGAG TSIG TU MI 'DUS PA YIN ZHING, DE 'BYUNG BA'I @13A *, ,GZHI YIN PA'I PHYIR, DE CHOS CAN, NGES PAR 'BYUNG BCAS ZHES BYA STE, LHAG MED MYANG 'DAS LA BLTOS NAS LAM BDEN DANG BCAS PA'I 'DUS BYAS RNAMS KYANG MYA NGAN YIN LA, MYANG 'DAS DE MNGON DU BYED PA'I TSE 'DUS BYAS RNAMS DOR NAS GDON MI ZA BAR NGES PAR 'BYUNG BAR BYED DGOS PA'I PHYIR, DE CHOS CAN, GZHI DANG BCAS PA ZHES BYA STE, GZHI SKYED BYED KYI RGYU DU MA DANG BCAS PA'I PHYIR, GNYIS PA LA, KHA CIG , GTAM GYI GZHI YIN NA, 'DUS BYAS YIN PAS KHYAB ZER NA, NAM MKHA' CHOS CAN, DER THAL, DE'I PHYIR, DER THAL, 'JIG RTEN NA NAM MKHA' ZHES GTAM SNA TSOGS KYIS BRJOD PA'I PHYIR, KHA CIG ,NAM MKHA' GTAM GYI GZHIR MI RUNG BAR THAL, 'DUS MA BYAS RNAMS GTAM GYI GZHI MA YIN PA'I PHYIR, DER THAL, RGYAL SRAS MA LAS, 'DUS MA BYAS NI GTAM RGYU DANG RKYEN MIN PAS GTAM GYI GZHI MA YIN NO, ,ZHES GSUNGS PA'I PHYIR NA, SKYON MED DE, 'DI'I DNGOS BSTAN LA DGONGS PA'I PHYIR, KHA CIG , LAM BDEN 'DOR BYAR BYED RUNG BAR THAL, LHAG MED MYANG 'DAS MNGON DU BYED PA'I SKABS LA LTOS NAS 'DOR BYAR RUNG BA'I PHYIR NA MA KHYAB, MA GRUB NA DER THAL, LHAG MED MYANG 'DAS KYI TSE 'DUS BYAS KYI RGYU BA LDOG DGOS PAS LAM BDEN NA YANG 'DOR BA'I PHYIR, DER THAL, RGYAL SRAS MA LAS, CHOS KYI RNAM GRANGS 'DI GZINGS LTA BUR SHES PA RNAMS KYIS CHOS RNAMS KYANG SPANG BAR BYA NA ZHES PA'I KHUNGS DRANGS NAS BSGRUBS PA'I PHYIR, GNYIS PA NI, GANG DAG ZAG BCAS NYER LEN PA'I, ,PHUNG PO'ANG DE DAG 'THAB BCAS KYANG, ,SDUG BSNGAL KUN 'BYUNG 'JIG RTEN DANG, ,LTA GNAS SRID PA'ANG DE DAG YIN, ,ZHES GSUNG, 'DI LA TSIG @13B DON DANG, MTHA' DPYAD PA GNYIS, DANG PO NI, ZAG BCAS KYI PHUNG PO LNGA PO GANG DAG BSHAD PA DE DAG CHOS CAN, NYE BAR LEN PA'I PHUNG PO ZHES BYA STE, 'DIR NYER LEN NI NYON MONGS YIN LA, DE LAS KHYOD BYUNG ZHING KHYOD LAS DE RNAMS 'BYUNG BA'I PHYIR TE, DPER NA, RTZA LAS BYUNG BA'I ME LA RTZVA'I ME ZHES PA LTAR RGYU'I SGO NAS DANG, RGYAL PO LA RAG LAS PA'I MI BZHIN RAG LAS KYI SGO NAS DANG, ME TOG GI SHING BZHIN 'BRAS BU'I SGO NAS BTAGS PA'I PHYIR, ZAG BCAS KYI PHUNG PO DE DAG CHOS CAN, 'THAB BCAS ZHES KYANG BRJOD DE, NYON MONGS NI RANG GZHAN LA GNOD PAS 'THAB PA YIN LA, KHYOD DE DANG BCAS SHING, KHYOD LA BRTEN NAS LUS NGAG GI 'THAB MO SKYED PA'I PHYIR, DE CHOS CAN, SDUG BSNGAL ZHES BYA STE, SDUG BSNGAL GSUM PO GANG RUNG DANG BCAS PA'I PHYIR, DE CHOS CAN, KUN 'BYUNG ZHES BYA STE, KHYOD LAS SDUG BSNGAL KUN 'BYUNG BA'I PHYIR, DE CHOS CAN, 'JIG RTEN ZHES BYA STE, SKAD CIG RE RE NAS SKYE 'JIG BYED PA'I PHYIR, ,DE CHOS CAN, LTA GNAS ZHES BYA STE, KHYOD LA BRTEN NAS LTA BA NGAN PA RNAMS SKYE BA'I PHYIR, DE CHOS CAN, SRID PA ZHES BYA STE, SDUG KUN GNYIS BRGYUD MAR 'BYUNG BA'I SRID PA 'GRUB PA'I RGYU YIN PA'I PHYIR, GNYIS PA LA, KHA CIG , NYER LEN DANG PHUNG PO'I GZHI MTHUN YIN NA, NYER LEN GYI PHUNG PO YIN PAS KHYAB ZER NA, DGRA BCOM PA'I RNAM SHES KYI PHUNG PO CHOS CAN, DER THAL, DE'I PHYIR, DER THAL, NYER LEN GANG ZHIG ,PHUNG PO YIN PA'I PHYIR, DANG PO DER THAL, RANG GI NYER 'BRAS SKYED BYED YIN PA'I PHYIR, 'DOD MI NUS SO, ,KHA CIG ,RANG RGYU NYON MONGS LAS BYUNG BA'I PHUNG PO YIN NA, NYER LEN GYI PHUNG PO YIN DGOS PAR THAL, RGYU MTSAN 'THAD PA'I PHYIR NA MA KHYAB, 'DOD NA, RANG RGYU MA RIG PA LAS BYUNG BA'I DGRA BCOM PA'I PHUNG PO YIN PA'I @14A *, ,PHYIR, DER THAL, SO SKYE'I RTEN LA DGRA BCOM PA'I GO 'PHANG MNGON DU BYED PA YOD PA'I PHYIR, ,GNYIS PA CHOS GSUM GYI RNAM GZHAG LA, CHOS GSUM SO SO'I RANG BZHIN, CHOS GSUM GYI KHYAD CHOS, CHOS GSUM GYIS CHOS GZHAN BSDUS TSUL GSUM, DANG PO LA, GZUGS KYIS BSDUS PA'I CHOS GSUM, GZUGS SEMS LAS GZHAN PAS BSDUS PA'I CHOS GSUM, SEMS KYIS BSDUS PA'I CHOS GSUM DANG GSUM, DANG PO LA; GZUGS PHUNG GI RANG BZHIN DANG, DE LAS PHUNG STE PHUNG KHAMS SKYE MCHED 'JOG TSUL GNYIS, DANG PO LA, MDOR BSTAN PA DANG, RGYAS PAR BSHAD PA GNYIS, DANG PO NI, GZUGS NI DBANG PO LNGA DANG DON, ,LNGA DANG RNAM RIG BYED MIN NYID, ,CES GSUNG, 'DI LA TSIG DON DANG, MTHA' DPYAD PA GNYIS, DANG PO NI, MIG RNA BA SNA LCE LUS KYI DBANG PO STE LNGA DANG, GZUGS SGRA DRI RO REG BYA STE DON LNGA DANG, RNAM PAR RIG BYED MA YIN PA'I GZUGS DANG BCU GCIG PO CHOS CAN, GZUGS KYI PHUNG PO YIN TE, BLO'I YUL DU DU MA SPUNGS PA LTAR SNANG BA'I GZUGS YIN PA'I PHYIR, DES NA GZUGS SU RUNG BA DE GZUGS PHUNG GI MTSAN NYID YIN TE, MDO LAS, DGE SLONG DAG GZUGS SU YOD CING, GZUGS SU RUNG BAS NI DE'I PHYIR GZUGS NYE BAR LEN PA'I PHUNG PO ZHES BYA'O, ,ZHES GSUNGS PA'I PHYIR, GNYIS PA LA, KHA CIG, GZUGS RUNG GZUGS PHUNG GI MTSAN NYID MA YIN PAR THAL, DE GZUGS KYI MTSAN NYID DU GRAGS PA'I PHYIR NA, SKYON MED DE, GANG BYAS KYANG MI 'GAL BA'I PHYIR, KHA CIG ,DE MI 'THAD PAR THAL, PHUNG PO'I DON NI SPUNGS PA'I DON YIN PAS GZUGS SU RUNG BA TZAM LA NI PHUNG PO'I DON MA @14B TSANG BA'I PHYIR ZER NA MA KHYAB, KHA CIG, DE GZUGS KYI MTSAN NYID DU MI 'THAD PAR THAL, GZUGS SU RUNG BAR NGES NA GZUGS KYANG NGES DGOS PA'I PHYIR ZER RO, ,GNYIS PA LA, DBANG PO LNGA, DON LNGA, RNAM RIG MA YIN PA'I GZUGS BSHAD PA GSUM, DANG PO NI, DE DAG RNAMS KYI RNAM SHES RTEN, ,MIG LA SOGS GZUGS DANG BA RNAMS, ,ZHES 'BYUNG, 'DI LA TSIG DON DANG, MTHA' DPYAD PA GNYIS, DANG PO NI, MIG LA SOGS PA DE DAG RNAMS KYI RNAM PAR SHES PA'I RTEN CHOS CAN, KHYOD 'JOG TSUL YOD DE, MIG DBANG LA SOGS PA RANG RANG GI 'BRAS BU RNAM SHES SO SO'I THUN MONG MIN PA'I BDAG RKYEN BYED PA'I RIGS SU GNAS PA'I NANG GI GZUGS CAN DANG BA RNAMS RANG DBANG PO GZUGS CAN PA YIN PA'I NGO BO'AM MTSAN NYID YIN PA'I PHYIR TE, MDO LAS, DGE SLONG DAG MIG NI NANG GI SKYE MCHED 'BYUNG BA CHEN PO BZHI RGYUR BYAS PA GZUGS DANG BA'O, ,ZHES GSUNGS PA'I PHYIR, RIGS GNAS SMOS PA'I RGYU MTSAN YOD DE, DE MTSUNGS KYI DBANG PO SDUD PA'I CHED YIN PA'I PHYIR, LA SOGS SMOS PA LA DGOS PA YOD DE, RNA BA SNA LCE LUS KYI DBANG PO BZHI SDUD PA'I CHED YIN PA'I PHYIR, MDOR BSDUS PA'I MTSAN NYID YOD DE, MIG GI RNAM SHES KYI RTEN NANG GI GZUGS CAN DANG BA DE, MIG DBANG GI MTSAN NYID YIN PA NAS LUS KYI RNAM SHES KYI RTEN NANG GI GZUGS CAN DANG BA DE, LUS KYI DBANG PO'I MTSAN NYID DU RIGS PA'I PHYIR, DBYE NA GNYIS YOD DE, DE MTSUNGS DANG RTEN BCAS KYI DBANG PO GNYIS GNYIS YOD PA'I PHYIR, DE GNYIS SO SO'I KHYAD PAR YOD DE, DANG PO NI, GNYID DUS KYI DBANG PO LTA BU DANG, GNYIS PA NI, GZUGS SOGS LA LTA BA'I SKABS KYI DBANG PO LA BYED PA'I PHYIR @15A *, ,GNYIS PA LA, KHA CIG , MIG DBANG SOGS BSTAN MED KYI GZUGS MA YIN PAR THAL, BSTAN YOD KYI GZUGS YIN PA'I PHYIR, DER THAL, MIG GI DBANG PO NI ZAR MA'I ME TOG LTA BU, RNA BA'I DBANG PO NI GRO GA GCUS NAS BCAD PA LTA BU, SNA'I DBANG PO NI RGYA KHAB GSHIBS PA LTA BU, LCE'I DBANG PO NI ZLA BA PHYED PA LTA BU, LUS KYI DBANG PO NI LUS KYI CHA LA KHYAB PA'I KHYAD PAR ZHIG LA BYED PA GANG ZHIG ,DE LTAR NA BSTAN YOD DU RIGS PA'I PHYIR, DANG PO DER THAL, BYE BRAG SMRA BAS DE LTAR 'DOD PA'I PHYIR, KHA CIG MA KHYAB ZER, PHYI MA DER THAL, MIG GI DBUS NA MTHONG BYED ZAR MA'I ME TOG LTA BU YOD PA DE MIG GI YUL DU BSTAN DU YOD PA'I PHYIR, KHA CIG MA KHYAB GSUNGS TE DPYAD PAR BYA'O, ,RTZA BAR 'DOD MI NUS TE, SLOB DPON SKU MCHED KYI GZHUNG DU DBANG PO LNGA NANG GI GZUGS CAN DANG BA BSTAN MED DU BSHAD PA'I PHYIR, GNYIS PA NI, GZUGS RNAM GNYIS DANG RNAM NYI SHU, ,SGRA NI RNAM PA BRGYAD YOD DE, ,RO NI RNAM DRUG DRI RNAM BZHI, ,REG BYA BCU GCIG BDAG NYID DO, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, GZUGS KYI SKYE MCHED CHOS CAN, KHYOD KYI MTSAN NYID YOD DE, MIG SHES KYI GZUNG BYA DE DE YIN PA'I PHYIR, GZUGS KYI SKYE MCHED DE CHOS CAN, KHYOD LA RTZA BA'I SGO NAS DBYE NA RNAM PA GNYIS SU YOD DE, RANG YIN PA'I KHA DOG DANG DBYIBS GZUGS GNYIS YOD PA'I PHYIR, DE CHOS CAN, KHYOD LA YAN LAG GI SGO NAS DBYE NA RNAM PA NYI SHU YOD DE, KHA DOG BCU GNYIS DANG, DBYIBS GZUGS BRGYAD YOD PA'I PHYIR, DANG PO GRUB STE, RTZA BA'I KHA DOG BZHI DANG, YAN LAG GI KHA DOG BRGYAD YOD PA'I PHYIR, DANG PO GRUB STE, SNGO @15B SER DKAR DMAR BZHI YOD PA'I PHYIR, GNYIS PA GRUB STE, SPRIN DANG DU BA DANG RDUL DANG KHUG SNA DANG GRIB MA DANG NYI 'OD DANG SNANG BA DANG MUN PA RNAMS SU YOD PA'I PHYIR, RTZA RTAGS GNYIS PA GRUB STE, RING PO THUNG DU LHAM PA ZLUM PO MTHO BA DMA' BA PHYAL LE BA PHYAL LE BA MA YIN PA RNAMS SU YOD PA'I PHYIR, SNANG BA'I KHYAD PAR YOD DE, ZLA BA DANG DKAR MA DANG ME 'OD LTA BU LA BYED PA'I PHYIR, LHAM PA YOD DE, GRU BZHI LA BYED PA'I PHYIR, ZLUM PO YOD DE, RIL RIL LTA BU LA BYED PA'I PHYIR, GZHAN SLA ZHING PHYAL LE BA YIN MIN GYI KHYAD PAR YOD DE, MNYAM MI MNYAM DANG LEB LEB YIN MIN LTA BU LA BYED PA'I PHYIR, KHA DOG DANG DBYIBS YIN MIN LA MU BZHI YOD DE, SNGO SER DKAR DMAR BZHI GRIB MA NYI 'OD MUN PA RNAMS GZUGS KYI SKYE MCHED DANG KHA DOG TU YOD KYANG DBYIBS SU MED, RING PO DANG THUNG NGU DANG LHAM PA DANG ZLUM PA DANG MTHO DMA' DANG PHYAL LE YIN MIN RNAMS NI DBYIBS SU YOD CING KHA DOG TU MED, SPRIN DANG DU BA DANG KHUG SNA RNAMS NI DBYIBS DANG KHA DOG GNYIS KAR YOD PAR RANG 'GREL SOGS LAS BSHAD PA'I PHYIR, SGRA'I SKYE MCHED CHOS CAN, KHYOD KYI MTSAN NYID YOD DE, RNA SHES KYI GZUNG BYA DE DE YIN PA'I PHYIR, SGRA CHOS CAN, KHYOD LA RTZA BA'I SGO NAS GNYIS YOD DE, ZIN MA ZIN GYI SGRA GNYIS YOD PA'I PHYIR, YAN LAG GI SGO NAS RNAM PA BRGYAD YOD DE, DE GNYIS RE RE LA'ANG BZHI BZHI YOD PA'I PHYIR, ZIN MA ZIN GYI DON YOD DE, DBANG POS ZIN MA ZIN LA BYED PA'I PHYIR, DE YANG YIN TE, LAG PA BRDAB PA'I SGRA LTA BU ZIN PA DANG, NAGS TSAL CHU SGRA LTA BU MA ZIN PA'I SGRA YIN PA'I PHYIR, ZIN MA ZIN GYI SGRA LA BZHI BZHIR 'BYED TSUL YOD DE, SEMS CAN DU STON PA GNYIS DANG MI STON PA GNYIS DER 'BYED PA'I PHYIR, SEMS CAN DU @16A *, ,STON MI STON GYI KHYAD PAR YOD DE, 'DIR SEMS CAN DU STON PA'I SGRA NI RNAM PAR RIG BYED DANG, MI STON PA NI RIG BYED MA YIN PA'I SGRAR 'JOG PA'I PHYIR, DE YANG YIN TE, RANG 'GREL LAS, SEMS CAN DU STON PA NI NGAG GI RNAM PAR RIG BYED KYI SGRA'O, ,GZHAN NI SEMS CAN DU STON PA MIN PA'O, ,ZHES GSUNGS PA'I PHYIR, SEMS CAN DU STON MI STON LA DBYE NA BRGYAD YOD DE, ZIN PA SEMS CAN DU STON PA SNYAN MI SNYAN GNYIS DANG, ZIN PA SEMS CAN DU MI STON PA SNYAN MI SNYAN GNYIS TE BZHI DANG, MA ZIN PA SEMS CAN DU STON PA SNYAN MI SNYAN GNYIS DANG, DE SEMS CAN DU MI STON PA SNYAN MI SNYAN GNYIS TE BZHI YOD PA'I PHYIR, DANG PO GRUB STE, SKYES BUS GLU LEN PA DANG DES TSIG RTZUB SMRA BA LTA BU DANG, SKYES BUS GLING BU 'BUD PA DANG DES KHU TSUR RDEG PA'I SGRA LTA BU LA BYED PA'I PHYIR, GNYIS PA GRUB STE, SPRUL PAS CHOS BSTAN PA DANG DES TSIG RTZUB SMRA BA DANG, RNGA SGRA DANG CHU SGRA DRAG PO LTA BU LA BYED PA'I PHYIR, DRI'I SKYE MCHED KYI MTSAN NYID YOD DE, SNA SHES KYI GZUNG BYA DE DE YIN PA'I PHYIR, DRI CHOS CAN, RTZA BA'I SGO NAS GNYIS YOD DE, DRI ZHIM MI ZHIM GNYIS YOD PA'I PHYIR, YAN LAG GI SGO NAS RNAM PA BZHI YOD DE, ZHIM PA LA MNYAM MI MNYAM GNYIS DANG, MI ZHIM PA LA'ANG DE GNYIS YOD PA'I PHYIR, MNYAM MI MNYAM PA'I DON YOD DE, SHAS MI CHE BA NI MNYAM PA DANG, SHAS CHE BA'I DRI NI MI MNYAM PA YIN PA'I PHYIR, DE YANG DRI GANG LA SBYOR BA YOD DE, GTZO BOR SBYAR BA'I DRI'I DBANG DU MDZAD PA'I PHYIR, SKYE MCHED KYI MTSAN NYID YOD DE, LCE SHES KYI GZUNG BYA DE DE YIN PA'I PHYIR, RO CHOS CAN, KHYOD LA RTZA BA'I SGO NAS DBYE NA RNAM PA DRUG YOD DE, MNGAR BA, SKYUR BA, KHA BA, SKA BA, TSVA BA, LAN TSVA BA DANG DRUG YOD PA'I PHYIR, DE CHOS CAN, KHYOD LA @16B YAN LAG GI SGO NAS MANG STE, MNGAR BA'I MNGAR BA SOGS DRUG TU PHYE BA'I SO DRUG DANG, DE RE RE LA LCE SHES LA PHAN 'DOGS PA, LUS SHES LA PHAN 'DOGS PA, LUS SEMS LA PHAN 'DOGS PA'I RO BRGYA DANG BRGYAD YOD PA'I PHYIR, REG BYA'I SKYE MCHED KYI MTSAN NYID YOD DE, LUS SHES KYI GZUNG BYA DE DE YIN PA'I PHYIR, DBANG PO LNGA'I GZUNG BYA DANG DE'I GZUNG DON GNYIS DON GCIG STE, ,KUN BTUS LAS, MIG GI DBANG PO'I SPYOD YUL GYI DON GANG YIN PA STE, ZHES PA NAS, LUS KYIS GZUNG BA'I DON GANG YIN PA STE, ZHES GSUNGS PA'I PHYIR, REG BYA CHOS CAN, KHYOD LA DBYE NA BCU GCIG YOD DE, 'BYUNG BA CHEN PO BZHI DANG 'BYUNG 'GYUR GYI REG BYA BDUN TE BCU GCIG GI BDAG NYID DU YOD PA'I PHYIR, 'BYUNG 'GYUR LA BDUN YOD DE, 'JAM RTZUB, LCI YANG, BKRES SKOM, GRANG BA'I REG BYA DANG BDUN YOD PA'I PHYIR, LCI YANG GI DON YOD DE, ZHO SRANG SOGS LA GZHAL RGYU YOD PA LCI BA DANG, DE MED PA MANG BAR 'JOG PA'I PHYIR, GNYIS PA MTHA' DPYAD PA LA, KHA CIG ,KHA DOG YIN NA, GZUGS YIN DGOS PAR THAL, DAM BCA' 'THAD PA'I PHYIR, 'DOD NA, RTA DKAR PO CHOS CAN, DER THAL, DE'I PHYIR, DER THAL, DKAR PO YIN PA'I PHYIR, DER THAL, RTA DKAR PO YIN PA'I PHYIR NA MA KHYAB, KHA CIG ,SA DKAR PO CHOS CAN, KHA DOG YIN PAR THAL, DKAR PO YIN PA'I PHYIR, DER THAL, SA DKAR PO YIN PA'I PHYIR NA MA KHYAB, 'DOD NA, GZUGS KYI SKYE MCHED YIN PAR THAL, 'DOD PA'I PHYIR, 'DOD MI NUS TE, DE REG BYA'I SKYE MCHED YIN PA'I PHYIR, KHA CIG ,DBYIBS LA GZUGS KYIS KHYAB PAR THAL, GZUGS LA DBYE NA KHA DOG DANG DBYIBS GNYIS KYI DBYE BA 'THAD PA'I PHYIR, 'DOD NA, MI BONG TSOD RING NGO CHOS CAN, DER THAL, DE'I PHYIR, DER THAL, @17A *, ,RING THUNG GANG RUNG YIN PA'I PHYIR, DER THAL, RING PO YIN PA'I PHYIR, DE DER THAL, MI RING PO YIN PA'I PHYIR NA MA KHYAB, KHA CIG ,SA GRU BZHI CHOS CAN, DBYIBS GZUGS SU THAL, GRU BZHI YIN PA'I PHYIR, DE DER THAL, SA GRU BZHI YIN PA'I PHYIR NA MA KHYAB, 'DOD MI NUS TE, GZUGS KYI SKYE MCHED MA YIN PA'I PHYIR, DER THAL, REG BYA'I SKYE MCHED YIN PA'I PHYIR, DER THAL, 'BYUNG BZHI GANG RUNG YIN PA'I PHYIR, KHA CIG ,SPRIN DKAR PO'I KHA DOG CHOS CAN, YAN LAG GI KHA DOG YIN PAR THAL, SPRIN GYI KHA DOG YIN PA'I PHYIR, 'DOD MI NUS TE, RTZA BA'I KHA DOG YIN PA'I PHYIR, DER THAL, DKAR PO YIN PA'I PHYIR ZER TE DPYAD DO, ,KHA CIG ,NYI MA KHA DOG YIN PAR THAL, DE YAN LAG GI KHA DOG YIN PA'I PHYIR, DER THAL, RGYA GZHUNG DU MAR NYI MA'I 'OD KYI THA SNYAD MED PAR NYI MA YAN LAG GI KHA DOG TU DRANGS PA'I PHYIR NA, SKYON MED DE, DON NI DE'I 'OD KYI KHA DOG LA DGONGS KYI NYI MA KHA DOG TU 'DOD NA RIGS PA DANG 'GAL BA'I PHYIR, KHA CIG ,RING THUNG GNYIS MI 'GAL BAR THAL, KHRU GANG NI MTHO GANG LAS RING, 'DOM GANG LAS THUNG BA'I PHYIR ZER BA DANG, YANG CHE CHUNG GNYIS KYANG MI 'GAL BAR THAL, NAS KYI TSAD TZAM DE NYUNGS SOGS LAS CHE, SRAN MA SOGS LAS CHUNG BA'I PHYIR ZER BA DANG, MTHO DMAN GNYIS KYANG MI 'GAL BAR THAL, RI PHRAN RNAMS RI RAB LAS DMA', GZHAN DU MA LAS MTHO BA'I PHYIR ZER NA, 'DI LTA BU NI BLTOS NAS 'JOG DGOS PAS MTHA' GCIG TU MA NGES SO, ,GSUM PA RNAM PAR RIG BYED MA YIN PA'I GZUGS LA DNGOS DANG, ZHAR BYUNG GNYIS, DANG PO NI, G-YENGS DANG SEMS MED PA YI YANG, ,DGE DANG MI DGE RJES 'BREL GANG, , @17B 'BYUNG BA CHE RNAMS RGYUR BYAS PA, ,DE NI RNAM RIG BYED MIN BRJOD, ,CES GSUNG, 'DI LA TSIG DON DANG, MTHA' DPYAD PA GNYIS, DANG PO NI, RNAM PAR RIG BYED MIN PA'I GZUGS DE NI CHOS CAN, KHYOD 'JOG TSUL YOD DE, KHYAD CHOS BZHI LDAN GYI BSTAN MED THOGS MED KYI GZUGS ZHIG LA BRJOD PA'I PHYIR, DE CHOS CAN, KHYAD CHOS BZHI DANG LDAN PAR BRJOD DE, GNAS SKABS NGO BO RGYUN RGYU BZHI DANG LDAN PA'I PHYIR, DANG PO GRUB STE, SEMS MA G-YENGS PA'I SKABS SU MA ZAD, SEMS G-YENGS PA DANG SEMS MNGON GYUR PA MED PA'I SKABS SU 'BYUNG BA'I PHYIR, GNYIS PA GRUB STE, DGE DANG MI DGE GANG RUNG GIS BSDUS PA ZHIG YIN PA'I PHYIR, GSUM PA GRUB STE, SNGA MA LAS PHYI MA RJES SU 'BREL BA'I RGYUN GANG YIN PA DANG BCAS PA'I PHYIR, BZHI PA GRUB STE, SA LA SOGS PA'I 'BYUNG BA CHEN PO RNAMS RGYUR BYAS PA LAS BYUNG BA'I 'BRAS GZUGS YIN PA'I PHYIR, GNYIS PA LA, KHA CIG ,GRUB MTHA' SMRA BA BZHI POS RNAM PAR RIG BYED MA YIN PA'I GZUGS DE GZUGS MTSAN NYID PAR BZHED PAR THAL, BYE SMRA DANG THAL 'GYUR BA RNAM PA GNYIS KYIS DE GZUGS MTSAN NYID PAR BZHED PA'I PHYIR NA MA KHYAB, 'DOD NA, MI 'THAD PAR THAL, MDO SEMS RANG RGYUD PA GSUM GYIS DE GZUGS DNGOS MIN PAR 'DOD PA'I PHYIR, DER THAL, DE GSUM GYIS DE KUN BTAGS KYI GZUGS TZAM DU 'DOD PAR BSHAD PA'I PHYIR, KHA CIG ,RNAM PAR RIG BYED MA YIN PA'I GZUGS DE SEMS MED KYI SKABS SU MI 'JUG PAR THAL, RNAM PAR RIG BYED KYI GZUGS DE'I SKABS SU MI 'JUG PA'I PHYIR NA MA KHYAB, RTAGS DER THAL, DE SEMS BCAS KHO NA'I GNAS SKABS SU 'JUG PA'I PHYIR, SKABS 'DIR 'DUN BZANG GIS SKYON BRJOD TSUL MANG YANG MA SPROS SO, ,RNAM PAR RIG BYED MIN PA ZHES BRJOD PA'I @18A *, ,RGYU MTSAN YOD DE, RANG KUN NAS SLONG BA'I SEMS GZHAN GYIS RIG PAR MI BYED PAS DE LTAR DU BRJOD PA'I PHYIR RO, ,GNYIS PA ZHAR BYUNG LA, 'BYUNG BA'I DBYE BA, BYED LAS, NGO BO, 'PHROS DON DANG BZHI, DANG PO NI, 'BYUNG BA DAG NI SA KHAMS DANG, ,CHU DANG ME DANG RLUNG KHAMS RNAMS, ,ZHES BYUNG, 'BYUNG BA DAG NI CHOS CAN, KHYOD LA DBYE NA BZHI YOD DE, SA KHAMS DANG, CHU DANG, ME DANG, RLUNG GI KHAMS RNAMS SU YOD PA'I PHYIR, 'BYUNG BA ZHES BRJOD PA'I RGYU MTSAN YOD DE, GZUGS SNA TSOGS 'GRUB PA NI 'BYUNG BA DE DAG GI RNAM PAR 'BYUNG BAS NA DE LTAR BRJOD PA'I PHYIR, GNYIS PA NI, 'DZIN PA LA SOGS LAS SU GRUB, ,CES BYUNG, DE BZHI CHOS CAN, BYED LAS YOD DE, SAS 'DZIN PA DANG LA SOGS TE CHUS SDUD, MES SMIN, RLUNG GIS RGYAS PAR BYED PA'I LAS RNAMS SU GRUB PA'I PHYIR, GSUM PA NI, SRA GSHER DRO NYID G-YO BA RNAMS, ,ZHES BYUNG, 'BYUNG BZHI SO SO'I MTSAN NYID YOD DE, SRA BA'I 'BYUNG BA DE SA DANG, GSHER BA'I 'BYUNG BA DE CHU DANG, DRO BA'I 'BYUNG BA DE ME DANG, G-YO BA'I 'BYUNG BA DE RLUNG GI MTSAN NYID YIN PA'I PHYIR, KHAMS ZHES BRJOD PA'I RGYU MTSAN YOD DE, RANG GI MTSAN NYID 'DZIN PAS NA DE SKAD DU BRJOD PA'I PHYIR, BZHI PA NI, 'JIG RTEN GYI NI THA SNYAD DU, ,KHA DOG DBYIBS LA SA ZHES BRJOD, ,CHU ME YANG NGO RLUNG KHAMS RNAMS, ,NYID YIN DE DANG 'DRA BA'ANG YIN, ,ZHES 'BYUNG, 'DI LA GNYIS, TSIG DON DANG, MTHA' DPYAD PA GNYIS, DANG PO NI, SA SOGS DANG DE'I KHA DOG GI KHYAD PAR YOD DE, 'JIG RTEN GYI THA SNYAD DU 'BYUNG BZHI'I KHA DOG DANG DBYIBS LA SA ZHES SOGS KYI THA SNYAD BRJOD PA'I PHYIR TE, SA SER PO DANG GRU BZHI, CHU @18B DKAR PO DANG ZLUM PO, ME DMAR PO DANG GRU GSUM ZHES BRJOD CING, RLUNG GI TSOGS JI SNYED PA NI RLUNG GI KHAMS RNAMS NYID YIN YANG THA SNYAD NI SNGA MA DE DANG 'DRA BAR SNGON PO DANG ZLA GAM ZHES SU'ANG BRJOD PA YIN PA'I PHYIR, 'BYUNG BZHI'I KHA DOG SOGS 'BYUNG BZHI DE DAG MIN KYANG DE MTHONG BAS SA SOGS MTHONG BAR 'JOG PA MI 'GAL TE, MI'I GZUGS MI MA YIN YANG DE MTHONG BAS MI MTHONG BAR 'JOG PA MI 'GAL BA LTA BU YIN PA'I PHYIR, GNYIS PA LA, KHA CIG ,SA SER PO SA MA YIN PAR THAL, SA'I KHA DOG SA MA YIN PA'I PHYIR NA MA KHYAB, 'DOD NA, DE DE YIN PAR THAL, RTA DKAR PO RTA YIN PA'I PHYIR, KHA CIG ,SA'I SKYE MCHED MIG SHES KYI GZUNG BYA YIN PAR THAL, SA SER PO DE'I GZUNG BYA YIN PA'I PHYIR, DER THAL, SA'I SER PO DE'I GZUNG BYA YIN PA'I PHYIR NA MA KHYAB, RTAGS DER THAL, SA'I KHA DOG DE'I GZUNG BYA YIN PA'I PHYIR, DER THAL, 'JIG RTEN PAS SA'I KHA DOG DANG DBYIBS MTHONG BAS SA ZHES THA SNYAD BYED PA'I PHYIR, GONG DU 'DOD NA MI 'THAD PAR THAL, 'BYUNG BA'I SA YIN NA, REG BYA'I SKYE MCHED YIN DGOS PA'I PHYIR, KHA CIG ,SHING DANG RDO LCAGS SOGS KYI SRA BA SA'I KHAMS YIN PAR THAL, DAM BCA' 'THAD PA'I PHYIR, 'DOD NA, SHING DANG RDO LCAGS KYANG SA'I KHAMS YIN PAR THAL, 'DOD PA'I PHYIR, 'DOD NA, DE DAG SA YIN PAR THAL, 'DOD PA'I PHYIR NA DPYAD DO, ,GNYIS PA DE LAS PHYUNG STE KHAMS DANG SKYE MCHED DU 'JOG PA NI, DBANG DON DE DAG KHO NA LA, ,SKYE MCHED DANG NI KHAMS BCUR 'DOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, DBANG PO LNGA DANG DON LNGA STE BCU PO DE DAG KHO NA CHOS CAN, KHYOD LA SKYE MCHED DU 'JOG TSUL YOD DE, GZUGS CAN GYI SKYE MCHED BCUR 'JOG PA'I PHYIR TE, MIG GI SKYE MCHED SOGS LNGA DANG DE DAG GI YUL GYI SKYE @19A *, ,MCHED LNGA STE BCUR 'JOG PA'I PHYIR, KHAMS BCUR 'JOG TSUL YOD DE, MIG GI KHAMS SOGS LNGA DANG GZUNG DON YUL GYI KHAMS LNGA STE BCUR 'JOG PAR 'DOD PA'I PHYIR, GNYIS PA NI, KHA CIG ,'DIR MIG DANG MIG GI KHAMS GNYIS DON GCIG TU 'DOD ZER NA, DGRA BCOM PA'I MIG THA MA CHOS CAN, MIG GI KHAMS YIN PAR THAL, MIG YIN PA'I PHYIR, 'DOD NA, KHYOD KYI RIGS 'DRA'I PHYI RGYUN YOD PAR THAL, 'DOD PA'I PHYIR, KHA CIG MA KHYAB ZER, 'DOD MI NUS TE, RGYUN CHAD KHA MA YIN PA'I PHYIR, DER THAL, CHOS CAN DE YIN PA'I PHYIR, GZHAN YANG DE DE MA YIN PAR THAL, KUN BTUS LAS, MIG YIN LA MIG GI KHAMS MA YIN PA YANG YOD DE, DGRA BCOM PA'I THA MA'I MIG GO, ZHES GSUNGS PA'I PHYIR, GZHAN YANG, SGO NGA'I NANG GI MIG GI KHAMS CHOS CAN, MIG YIN PAR THAL, MIG GI KHAMS YIN PA'I PHYIR, DE DER THAL, DE YOD PA'I PHYIR, 'DOD NA, MA YIN PAR THAL, KUN BTUS LAS, MIG GI KHAMS YIN LA MIG MA YIN PA YANG YOD DE, SGO NGA'I NANG NA 'DUG PA DANG, ,ZHES SOGS GSUNGS SHING, RNA BA SOGS LA'ANG DE BZHIN DU SBYOR BAR BSHAD PA'I PHYIR RO, ,GNYIS PA GZUGS SEMS GNYIS LAS GZHAN PA'I CHOS LA; NGO BO DANG, DE LAS KHAMS DANG SKYE MCHED 'JOG TSUL GNYIS, DANG PO NI, TSOR BA MYONG BA'O 'DU SHES NI, ,MTSAN MAR 'DZIN PA'I BDAG NYID DO, ,'DU BYED PHUNG PO BZHI LAS GZHAN, ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SPYIR SIM GDUNG BAR MA GSUM CI RIGS NYAMS SU MYONG BA'I SGO NAS BZHAG PA'I SEMS BYUNG DE TSOR BA'I MTSAN NYID YIN PAS, 'DIR TSOR BA CHOS CAN, KHYOD KYI MTSAN NYID YOD DE ZHES SOGS 'GOD PA'AM, @19B TSOR BA'I PHUNG PO'I MTSAN NYID YOD DE, SIM GDUNG BAR MA CI RIGS NYAMS SU MYONG BA'I SEMS BYUNG GI PHUNG PO DE DE YIN PA'I PHYIR, TSOR BA CHOS CAN, KHYOD LA NGO BO'I SGO NAS GSUM YOD DE, YUL BDE SDUG BTANG SNYOMS KYI DBYE BAS GSUM YOD PA'I PHYIR, BDAG RKYEN GYI SGO NAS DRUG YOD DE, MIG GI 'DUS TE REG PA LAS BYUNG BA'I TSOR BA NAS YID KYI 'DUS TE REG PA LAS BYUNG BA'I TSOR BA'I BAR DRUG YOD PA'I PHYIR, DRUG PO RE RE LA GSUM GSUM DU PHYE BAS BCO BRGYAD YOD DE, RTZA BAR, RNAM PA DAG NI YANG BCO BRGYAD, ,CES GSUNGS PA'I PHYIR, BSDU NA LUS TSOR DANG SEMS TSOR GNYIS SU 'DU STE, RTZA BAR, LNGA NI LUS KYI'O SEMS KYI GZHAN, ,ZHES GSUNGS PA'I PHYIR, DBANG SHES SU GYUR PA'I TSOR BA DANG LUS TSOR DON GCIG ,YID SHES SU GYUR PA'I TSOR BA DANG SEMS TSOR GCIG STE, MING GI RNAM GRANGS KYIS PHYE BA TZAM YIN PA'I PHYIR, MYONG BA'I DON LA GSUM YOD DE, GANG MYONG BA DANG, GANG GIS MYONG BA DANG, JI LTAR MYONG BA GSUM YOD PA'I PHYIR TE, DANG PO NI MYONG BYA DANG, GNYIS PA NI MYONG BYED DANG, GSUM PA NI MYONG TSUL YIN PA'I PHYIR, NYAMS SU ZHES PA'I DON YOD DE, REG PAS BCAD PA LTAR MYONG BA DE'I DON YIN PA'I PHYIR, 'DIR, KHA CIG , MYONG BA'I DON LA GSUM DU PHYE BA MI 'THAD DE, MYONG BA NI JI LTAR MYONG BA'I TSUL GCIG TU NGES PA'I PHYIR, DER THAL, MYONG BA NI BDE SDUG BAR MA GSUM PO GANG RUNG ZHIG TU NGES PA'I PHYIR NA MA KHYAB, YANG NA, MA NGES TE, DE GSUM PO GANG RUNG MA YIN PA'I TSOR BA YOD PA'I PHYIR, DER THAL, TSOR BA SPYI DANG TSOR BA GSUM PO DE DE LTAR YIN PA'I PHYIR, 'DU SHES KYI MTSAN NYID YOD DE, RANG YUL GYI THUN MONG MA YIN PA'I MTSAN MA'AM SPU RIS MA 'DRES PAR 'DZIN @20A *, ,PA'I BDAG NYID KYI SEMS BYUNG DE DE YIN PA'I PHYIR, DBYE BA YOD DE, MIG GI 'DUS TE REG PA LAS BYUNG BA'I 'DU SHES SOGS DRUG DANG, NGO BO'I SGO NAS RTOG MED DANG RTOG BCAS KYI 'DU SHES GNYIS YOD PA'I PHYIR, PHYI MA GNYIS KYI KHYAD PAR YOD DE, SGO LNGA'I DBANG PO'I 'DU SHES DANG PO DANG, YID KYI 'DU SHES GNYIS PA YIN PA'I PHYIR, 'DU BYED KYI MTSAN NYID YOD DE, GZUGS TSOR 'DU SHES RNAM SHES KYI PHUNG PO BZHI PO GANG RUNG LAS DON GZHAN PA'I 'DUS BYAS DE DE YIN PA'I PHYIR, DBYE NA, GNYIS YOD DE, MTSUNGS LDAN 'DU BYED DANG, LDAN MIN 'DU BYED GNYIS YOD PA'I PHYIR, DE GNYIS KYI KHYAD PAR YOD DE, DANG PO NI, SHES PA YIN PA'I 'DU BYED DANG, GNYIS PA NI SHES PA MA YIN PA'I 'DU BYED YIN PA'I PHYIR, DANG PO LA DU MA YOD DE, TSOR 'DU GNYIS MA YIN PA'I SEMS BYUNG ZHE DGU YOD PA'I PHYIR, GNYIS PA LA DU MA YOD DE, KUN BTUS LTAR NA NYER GNYIS DANG, 'DI LTAR NA 'CHAD PA LTAR BCU BZHI YOD PA'I PHYIR RO, ,GNYIS PA MTHA' DPYAD PA LA, KHA CIG ,YAN LAG GNYIS PA 'DU BYED KYI LAS BSHAD PA MI 'THAD PAR THAL, LAS 'DU BYED DU KHYOD KYIS MA BSHAD PA'I PHYIR ZER NA, MA GRUB STE, MTSUNGS LDAN 'DU BYED KYI NANG DU BSDUS NAS BSTAN PA'I PHYIR, DER THAL, NANG GI 'DU BYED LA LAS GTZO CHE BA'I PHYIR, DER THAL, SEMS BYUNG LAS NI MTSUNGS LDAN 'DU BYED KYI GTZO BO YIN PA'I PHYIR, KHA CIG ,TSOR 'DU GNYIS LAS 'DU BYED KYI MTSAN GZHI MANG BAR THAL, SEMS BYUNG LHAG MA ZHE DGU PO THAMS CAD 'DU BYED DU 'JOG PA'I PHYIR, 'DOD NA, MI 'THAD PAR THAL, GANG ZAG GCIG LA'ANG TSOR BA DANG 'DU SHES KYI RNAM RTOG GRANGS KYIS MI CHOD PA LTA BU SKYE BA'I PHYIR NA MA KHYAB BO, ,GNYIS PA NI, DE @20B GSUM RNAM RIG BYED MIN DANG, ,'DUS MA BYAS RNAMS BCAS PA NI, ,CHOS KYI SKYE MCHED KHAMS ZHES BYA, ,ZHES BYUNG, TSOR 'DU 'DU BYED KYI PHUNG PO DE GSUM DANG RNAM PAR RIG BYED MA YIN PA'I GZUGS DANG BZHI 'DUS MA BYAS GSUM RNAMS DANG BCAS PA BDUN PO 'DI NI CHOS CAN, KHAMS DANG SKYE MCHED GANG DU 'JOG TSUL YOD DE, CHOS KYI SKYE MCHED DANG CHOS KYI KHAMS ZHES BYA BAR 'JOG PA'I PHYIR RO, ,GSUM PA SEMS KYIS BSDUS PA'I CHOS GSUM LA, CHOS GSUM GYI RANG BZHIN, CHOS GSUM GYI GTZO BO NGOS BZUNG BA, ZHAR LA KHAMS KYI GRANGS NGES LA RTZOD PA SPANG BA GSUM, DANG PO NI, RNAM SHES SO SO RNAM RIG PA, ,YID KYI SKYE MCHED KYANG DE YIN, ,KHAMS BDUN DAG DU'ANG 'DOD PA STE, ,RNAM PAR SHES PA DRUG DANG YID, , DRUG PO 'DAS MA THAG PA YI, ,RNAM SHES GANG YIN DE YID DO, ,DRUG PA'I RTEN NI RAB BSGRUB PHYIR, ,KHAMS NI BCO BRGYAD DAG TU 'DOD, ,CES BYUNG, 'DI LA TSIG DON DANG, MTHA' DPYAD PA GNYIS, DANG PO NI, RNAM PAR SHES PA'I TSOGS DRUG CHOS CAN, RNAM SHES KYI PHUNG PO ZHES BYA STE, BLO'I YUL DU DU MA SPUNGS PA LTAR SNANG ZHING RANG STOBS KYIS YUL GYI NGO BO SO SOR RNAM PAR RIG PA'I GTZO SEMS YIN PA'I PHYIR, YIN TE, MIG GI RNAM SHES KYIS GZUGS RANG STOBS KYIS RIG PA NAS YID KYI RNAM SHES KYIS CHOS RANG STOBS KYIS RIG PA'I PHYIR, YID KYI SKYE MCHED KYANG CHOS CAN, BZHAG TU YOD DE, RNAM SHES DRUG PO DE NYID LA BYED PA YIN PA'I PHYIR, KHAMS DRUG TU MA ZAD, BDUN DAG DU'ANG 'DOD PA STE RNAM PAR SHES PA'I KHAMS DRUG SO SO DANG YID KYI KHAMS TE BDUN DU 'DOD PA'I PHYIR, RNAM SHES TSOGS DRUG TU MA 'DUS PA'I RNAM SHES MED KYANG RNAM SHES KYI KHAMS BDUN DU 'JOG PA MI 'GAL TE, RNAM SHES TSOGS DRUG PO GANG GI @21A *, ,SNGON DU 'DAS MA THAG PA STE 'GAGS MA THAG PA'I RNAM SHES DRUG PO GANG YIN PA DE NI YID KYI KHAMS SU 'ANG 'JOG PA'I PHYIR, DGOS PA YOD DE, RNAM SHES DANG PO LNGA LA RTEN MIG NAS LUS KYI BAR YOD LA, DRUG PA YID KYI RNAM PAR SHES PA'I RTEN LA GNAS MED PAS SNGA ROL DE MA THAG 'GAGS PA'I RNAM SHES DRUG PO GANG RUNG GIS DE'I RTEN BYED PAR BSGRUB PA'I CHED YIN PA'I PHYIR, KHAMS CHOS CAN, KHYOD LA RGYAS PAR PHYE NA BCO BRGYAD DAG TU 'DOD PA YIN TE, RTEN DBANG PO'I KHAMS DRUG ,BRTEN PA RNAM SHES KYI KHAMS DRUG ,DMIGS PA YUL GYI KHAMS DRUG STE BCO BRGYAD YOD PA'I PHYIR TE, MIG SOGS DBANG PO DRUG DANG, MIG GI RNAM SHES SOGS DRUG DANG, GZUGS SOGS YUL DRUG STE BCO BRGYAD YOD PA'I PHYIR, GNYIS PA LA, KHA CIG ,RNAM SHES TSOGS DRUG TZAM DU MI RIGS PAR THAL, KUN GZHI'I RNAM SHES YOD PA'I PHYIR, DER THAL, RNAM SHES PHYI MA DRUG GI GZHI BYED PA'I RNAM SHES CIG YOD PA'I PHYIR NA MA KHYAB, KHA CIG ,RNAM SHES CHOS CAN, DU MAR SPUNGS PAR THAL, BLO'I YUL DU DU MAR SPUNGS PA'I PHYIR, DER THAL, BLO'I YUL DU DU MA SPUNGS PA LTAR SNANG BA'I PHYIR NA MA KHYAB, KHA CIG ,RNAM SHES SNGA MA DRUG 'GAG MA THAG PA DE RNAM SHES YIN PAR THAL, DE DRUG 'GAG MA THAG PA'I RNAM SHES DE RNAM SHES KYI KHAMS YIN PA'I PHYIR NA RE ZHIG MA KHYAB, RTAGS DER THAL, RNAM SHES PHYI MA DRUG SKYE PA'I TSE SNGA MA DRUG 'GAGS LA, 'GAG KHA MA'I RNAM SHES DRUG PO DE RNAM SHES KYI KHAMS YIN PA'I PHYIR NA MA KHYAB, GONG DU 'DOD NA, MI 'THAD PAR THAL, 'DUS MA BYAS YIN PA'I PHYIR, DER THAL, DE 'GAGS PA 'DUS MA BYAS YIN PA'I PHYIR RO, ,GNYIS PA CHOS GSUM GYI GTZO BO NGOS BZUNG BA NI, PHUNG PO DANG NI SKYE MCHED DANG, , @21B KHAMS GCIG GIS NI THAMS CAD BSDUS, ,RANG GI NGO BO NYID KYIS TE, ,GZHAN GYI DNGOS DANG MI LDAN PHYIR, ,ZHES BYUNG, GZUGS KYI PHUNG PO DANG YID KYI SKYE MCHED DANG CHOS KHAMS GCIG PU STE GSUM PO CHOS CAN, CHOS GSUM GYI GTZO BO BSDU BYA MANG BA CAN YIN TE, CHOS THAMS CAD BSDUS PA'I PHYIR TE, GZUGS KYIS RANG DU GTOGS PA THAMS CAD DANG, YID KYIS YID KHAMS BDUN DANG, TSOR 'DU 'DU BYED 'DUS MA BYAS RNAMS DANG RNAM RIG MIN BA NI CHOS KHAMS KYIS BSDUS PA'I PHYIR, BSDUS TSUL DE CHOS CAN, BSDU TSUL GZHAN GYI DBANG DU BYAS PA YIN TE, RANG GI NGO BO NYID YIN PA'I BSDU TSUL YIN PA'I PHYIR TE, 'DIR BSDU BYA SDUD BYED NI RANG MA YIN PA GZHAN GYI DNGOS PO DANG MI LDAN PA'I PHYIR RO, ,GSUM PA KHAMS KYI GRANGS NGES LA RTZOD PA SPANG BA NI, MIG LA SOGS PA GNYIS MOD KYI, ,RIGS DANG SPYOD YUL RNAM PAR SHES, ,'DRA BA'I PHYIR NA KHAMS GCIG NYID, ,MDZES BYA'I PHYIR NA GNYIS BYUNG NGO, ,ZHES BYUNG, 'DIR KHO NA RE, KHAMS BCO BRGYAD DU GRANGS MA NGES PAR THAL, MIG SOGS GNYIS GNYIS YOD PA'I PHYIR ZER NA, SHES BYA CHOS CAN, MIG RNA LA SOGS PA G-YAS G-YON GNYIS GNYIS YOD MOD KYI, DES KHAMS KYI GRANGS NGES 'JIG PA'I SKYON MED PAR THAL, MIG G-YAS G-YON LTA BU MIG TU RIGS GCIG PA DANG, SPYOD YUL GZUGS LA DMIGS PAR MTSUNGS PA DANG, 'BRAS BU MIG GI RNAM PAR SHES PA SKYED PA 'DRA BAS KHAMS GCIG TU BZHAG PA'I PHYIR, RNA BA LA'ANG DE LTAR RO, MIG RE RE DANG GSUM SOGS KYIS KYANG BYA BA BYED NUS KYANG GNYIS GNYIS BYUNG BA'I RGYU MTSAN YOD DE, RTEN MDZOS PAR BYA BA'I CHED DU YIN PA'I PHYIR RO, ,SNA'I GONG BU GCIG YIN KYANG SNA GNYIS SU BZHED PA'ANG MI 'GAL TE, SNA BUG GNYIS RE YOD CING SO SO NAS DRI TSOR BA'I PHYIR RO, ,GNYIS @22A *, ,PA CHOS GSUM GYI KHYAD CHOS LA, CHOS GSUM GYI SGRA DON, CHOS GSUM GSUNGS PA'I DGOS PA, CHOS GSUM GYI GO RIM GSUM, DANG PO NI, SPUNGS DANG SKYES RIGS KYI DON, ,PHUNG PO SKYE MCHED KHAMS RNAMS YIN, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, PHUNG PO LNGA CHOS CAN, KHYOD LA PHUNG PO ZHES BRDZOD PA'I RGYU MTSAN YOD DE, RGYU RKYEN DU MA SPUNGS PA'AM ? MTSOGS PAS NA DE LTAR BRJOD PA'I PHYIR TE, RANG 'GREL LAS, SPUNGS PA'I DON NI PHUNG PO'I DON TO, ,ZHES GSUNGS PA'I PHYIR, SKYE MCHED BCU GNYIS CHOS CAN, SKYE MCHED CES BRJOD PA'I SGRA DON YOD DE, SEMS SEMS BYUNG RNAMS SKYE ZHING MCHOD PA STE RGYAS PA'I SGOR GYUR PAS NA DE LTAR BRJOD PA'I PHYIR RO, ,GZUGS SGRA DRI RO SOGS KHAMS BCO BRGYAD CHOS CAN, KHAMS ZHES BYA STE, 'BRAS BU 'BYUNG BA'I RGYU'AM RIGS TE SA BON LTA BU YIN PAS NA DE SKAD BRJOD PA'I PHYIR TE, RANG 'GREL LAS, RIGS KYI DON NI KHAMS KYI DON TE, ZHES GSUNGS PA'I PHYIR, GNYIS PA LA, KHA CIG ,GZUGS YIN NA, GZUGS KYI PHUNG PO YIN PAS KHYAB PAR THAL, PHYI'I GZUGS LA DE'I PHYIR NA MA KHYAB, RTAGS DER THAL, 'DIR RDUL PHRA RAB KYANG GZUGS KYI PHUNG PO YIN PA'I PHYIR, DER THAL, DE RGYU RKYEN DU MA 'DUS PA YIN PA'I PHYIR, MA GRUB NA, RGYU RKYEN GYIS MA SKYED PAR THAL, MA GRUB PA DE'I PHYIR, 'DOD NA, 'DUS BYAS MA YIN PAR THAL LO, ,GONG DU 'DOD NA, RNAM RIG MIN PA'I GZUGS CHOS CAN, DER THAL, DE'I PHYIR, 'DOD NA, DE DE MA YIN PAR THAL, DE CHOS KYI KHAMS DANG, DE'I SKYE MCHED YIN PA'I PHYIR, GZHAN YANG, BYE SMRA'I LUGS 'DIR RDUL PHRA RAB LA PHUNG PO'I DON TSANG BAR THAL, GANGS SPEL LAS, RDUL PHRA RAB @22B GCIG PU YANG PHUNG POR BRJOD DE, ZHES GSUNGS PA'I PHYIR, GZHAN YANG, DE DE YIN PAR THAL, BYE SMRAS DE PHUNG PO'I DON TSANG BAR 'DOD PA LA, MDO SDE PAS DE LA SPUNGS PA'I DON MA TSANG BA'I SKYON BRJOD PA'I PHYIR, KHA CIG ,PHUNG PO RDZAS YOD YIN PAR THAL, PHUNG PO RE RE NAS RDZAS YOD YIN PA'I PHYIR, DER THAL, PHUNG PO RE RE NAS RDZAS YOD DU SLOB DPON YANG BZHED PA'I PHYIR, 'DOD NA, MA YIN PAR THAL, BTAGS YOD YIN PA'I PHYIR, DER THAL, BYE SMRAS RDZAS YOD DANG, SLOB DPON DANG MDO SDE PAS PHUNG PO SPYI TZAM PA DE BTAGS YOD DU BZHED PA'I PHYIR, GNYIS PA LA, CHOS GSUM BSTAN PA'I DGOS PA DANG, DOGS GCOD GNYIS, DANG PO NI, RMONGS DBANG 'DOD RNAMS GSUM GYI PHYIR, ,PHUNG PO LA SOGS GSUM BSTAN TO, ,ZHES BYUNG, PHUNG PO LA SOGS TE SKYE MCHED DANG KHAMS TE CHOS GSUM BSTAN PA LA CHOS CAN, DGOS PA YOD DE, RMONGS PA GSUM BZLOG PA DANG, DAD SOGS KYI DBANG PO RNO 'BRING RTUL GSUM RJES SU 'DZIN PA DANG, TSIG GI SPROS PA RGYAS 'BRING BSDUS GSUM 'DOD PA RNAM PA GSUM GYI CHED DU YIN PA'I PHYIR, DANG PO GRUB STE, SEMS BYUNG RNAMS LA RIL PO'AM GCIG TU 'DZIN PA'I RMONGS PA BZLOG PA'I CHED DU PHUNG PO LNGA BSTAN, GZUGS LA RIL 'DZIN GYI RMONGS PA BZLOG PA'I CHED DU SKYE MCHED BCU GNYIS BSTAN, GZUGS SEMS GNYIS KA LA RIL 'DZIN GYI RMONGS PA BZLOG PA'I CHED DU KHAMS BCO BRGYAD BSTAN PA'I PHYIR, DE LTAR BSTAN PAS RMONGS PA GSUM BZLOG NUS TE, PHUNG PO LNGA'I SKABS SU SEMS BYUNG GI PHUNG PO GSUM DU PHYE, SKYE MCHED BCU GNYIS KYI SKABS SU GZUGS CAN BCUR PHYE, KHAMS BCO BRGYAD KYI SKABS SU GZUGS CAN BCU DANG RNAM SHES KYI KHAMS BDUN DU BSHAD PAS RMONGS PA DE RNAMS BZLOG NUS PA'I PHYIR, RTZA RTAGS PHYI @23A *, ,MA GNYIS GRUB STE, DBANG RNON 'GO SMOS PAS GO BA LA TSIG BSDUS TE PHUNG PO LNGA BSTAN, CUNG ZAD SPROS NAS GO BA DBANG 'BRING LA TSIG RGYAS BSDUS 'TSAM PAS SKYE MCHED BCU GNYIS BSTAN, DBANG RTUL TSIG DON GNYIS KA RGYAS PAR 'DOD PA LA KHAMS BCO BRGYAD BSTAN NAS 'DOD PA RNAM PA GSUM DANG LDAN PA'I GDUL BYA RJES SU 'DZIN PA'I CHED YIN PA'I PHYIR, GNYIS PA NI, RTZOD PA'I RTZA BAR GYUR PA DANG, ,'KHOR BA'I RGYU DANG RIM RGYU'I PHYIR, ,SEMS BYUNG RNAMS LAS TSOR BA DANG, ,'DU SHES LOGS SHIG PHUNG POR BZHAG ,PHUNG PO DAG DU 'DUS MA BYAS, ,DON DU MI RUNG PHYIR MA BSHAD, ,CES BYUNG, SHES BYA CHOS CAN, SEMS BYUNG RNAMS LAS TSOR BA DANG 'DU SHES LOGS SHIG TU PHUNG POR BZHAG PA'I RGYU MTSAN YOD DE, ZAG BCAS KYI TSOR 'DU GNYIS RTZOD PA'I RTZA BAR GYUR PA DANG, 'KHOR BAR 'KHOR BYED KYI RGYU DANG, NYON MONGS GZHAN LAS RAGS SHING DE RNAMS KYI GO RIM GYI RGYU BYED PA'I PHYIR, 'DUS MA BYAS CHOS CAN, PHUNG PO DAG TU MA BSHAD DE, RGYU RKYEN DU MA SPUNGS PA'I DON DU MI RUNG BA'I PHYIR, MA BSHAD CES PA NI STON PAS MA BSHAD CES PA YIN GYI, SLOB DPON RANG NYID KYIS MA BSHAD CES PA TZAM GYI DON MIN TE, 'DIR SANGS RGYAS KYIS GSUNGS PA'I MNGON PA'I GZHUNG GIS BSTAN TSUL DANG, DGOS PA SOGS 'CHAD PAR MDZAD PA'I PHYIR RO, ,GSUM PA GO RIM LA, PHUNG PO'I GO RIM, KHAMS DANG SKYE MCHED KYI GO RIM, ZHAR BYUNG DANG GSUM, DANG PO NI, RIM NI RAGS DANG KUN NYON MONGS, ,SNOD SOGS DON KHAMS JI BZHIN NO, ,ZHES BYUNG, SHES BYA CHOS CAN, PHUNG PO LNGA'I GO RIM NI RAGS PA DANG POR BSTAN NAS PHRA BA @23B RJES SU BSTAN PA YIN TE, GZUGS SOGS LNGA SNGA MA SNGA MA RAGS SHING, PHYI MA PHYI MA PHRA BA'I PHYIR, DE 'DRA BA'I GO RIM BYAS PA LA CHOS CAN, RGYU MTSAN YOD DE, DANG POR GZUGS MTHONG STE NYON MONGS SKYE, DE NAS TSOR BA SKYE ZHING BDE BA 'DOD, DE NAS 'DU SHES PHYIN CI LOG SKYE, DE LAS 'DU BYED KYI LAS GSOG ,DE'I DBANG GIS RNAM PAR SHES PA KUN NAS NYON MONGS CAN DU 'GYUR BA'I GO RIM LTAR YIN PA'I PHYIR, DGOS PA YOD DE, GZUGS SNOD LTA BU, TSOR BA ZAS LTA BU, 'DU SHES BYA NA LTA BU, 'DU BYED BYA NA PHO LTA BU, RNAM SHES LONGS SPYOD PA PO LTA BUR SHES PA'I DGOS PA YOD PA'I PHYIR, DE YANG YIN TE, PHYI'I SNOD LA SOGS PA'I DPES NANG GI DON KHAMS JI LTA BA BZHIN DU NGES PA'I PHYIR, DER THAL, SNOD KYIS ZAS BRTEN PA LTAR GZUGS KYIS TSOR BA'I RTEN BYED, ZAS LONGS SPYAD BYA YIN PA LTAR TSOR BA RNAM SHES KYIS SPYAD BYA, BYAN STE TSOD MAS ZAS ZHIM PAR BYED PA LTAR 'DU SHES KYIS BDE SDUG GI THA SNYAD SHES, BYAN PO LAG BDES ZAS 'DREN PA LTAR 'DU BYED KYIS RNAM SHES LA BDE SDUG SKYED PAR BYED, SKYES BUS ZAS LA LONGS SPYAD PA LTAR RNAM SHES KYIS BDE SDUG LA LONGS SPYOD PAR BYED PA'I PHYIR, DGOS PA GZHAN YOD DE, 'DOD KHAMS NI, GZUGS CAN GYI 'DOD YON LNGA LA LONGS SPYOD PAS PHYE, BSAM GTAN BZHI TSOR BA LA LONGS SPYOD PAS GZUGS KHAMS TSOR BAS PHYE, GZUGS MED DANG PO GSUM 'DU SHES KYIS PHYE, SRID RTZE 'DU BYED KYIS PHYE, RNAM SHES NI KUN LA KHYAB PAS DE DAG DANG 'DRA PAR SHES PA'I DGOS PA YOD PA'I PHYIR, GNYIS PA NI, DA LTA'I DON PHYIR DBANG PO LNGA, ,'BYUNG BA LAS GYUR DON PHYIR BZHI, ,GZHAN NI CHES RING MYUR 'JUG PHYIR, ,YANG NA JI LTAR GNAS RIM BZHIN, ,ZHES BYUNG, DBANG PO LNGA DANG POR BSTAN NAS YID RJES SU @24A *, ,BSHAD PA LA DGOS PA YOD DE, DANG PO DBANG PO LNGA YUL DA LTA BA KHO NA'I DON GYI PHYIR 'JUG ,YID NI DUS GSUM GA LA 'JUG PAR 'GYUR BA'I PHYIR, DBANG PO LNGA'I NANG NAS LUS DBANG RJES SU BSHAD PA LA DGOS PA YOD DE, DBANG PO SNGA MA BZHI NI 'BYUNG BA LAS GYUR PA'I DON KHO NA'I YUL CAN YIN PA'I PHYIR DANG, LUS DBANG NI 'BYUNG BA DANG 'BYUNG 'GYUR GNYIS KA'I YUL LA 'JUG PA'I PHYIR, MIG RNA GNYIS LAS MIG DANG POR BSHAD PA'I RGYU MTSAN YOD DE, MIG DBANG GZHAN NI CHES RING BA'I YUL LA MYUR DU 'JUG LA, RNA BAS DE TZAM GYI SGRA MI THOS PA'I PHYIR, SNA LCE GNYIS LAS SNA DANG POR BSHAD PA'I RGYU MTSAN YOD DE, LCES RO MA MYONG GONG DU SNA YUL DRI LA MYUR DU 'JUG PA'I PHYIR, GO RIM DER MA ZAD RGYU MTSAN NAM DGOS PA GZHAN YOD DE, YANG NA DBANG RTEN LUS LA JI LTAR GNAS PA BZHIN GYI RIM PA YANG YIN PA'I PHYIR, GSUM PA NI, BYE BRAG DON DANG GTZO BO'I PHYIR, , CHOS MANG BA DANG MCHOG BSDUS PHYIR, ,GCIG NI GZUGS KYI SKYE MCHED DANG, ,GCIG NI CHOS ZHES BYA BAR BRJOD, ,CES BYUNG, MIG GI YUL DU GZUGS KYI SKYE MCHED SGOS SU BZHAG PA'I RGYU MTSAN CI ZHE NA, SKYE MCHED DANG PO GCIG NI GZUGS KYI SKYE MCHED DU BZHAG PA'I RGYU MTSAN YOD DE, SPYIR GZUGS CAN BCU GZUGS YIN YANG 'DIR SPYI MING BYE BRAG LA BTAGS PA'I DON YIN PA'I PHYIR, DE LTAR BTAGS PA LA CHOS CAN, DGOS PA YOD DE, DE GZUGS KYI SKYE MCHED KYI GTZO BO YIN PA'I PHYIR, YID SHES KYI YUL GYI SKYE MCHED GCIG PO NI CHOS CAN, CHOS KYI KHAMS ZHES BYA BAR BRJOD DE, SPYIR SKYE MCHED THAMS CAD CHOS YIN YANG CHOS KYI SKYE MCHED KYIS CHOS MANG PO DANG CHOS KYI MCHOG MYANG @24B 'DAS BSDUS KYI, GZHAN DAG GIS MA BSDUS PA'I PHYIR RO, ,GSUM PA CHOS GSUM GYIS GZHAN BSDUS TSUL LA, CHOS PHUNG GIS BSDUS TSUL DANG, PHUNG KHAMS GZHAN BSDUS TSUL GNYIS, DANG PO LA, DNGOS DANG, ZHAR BYUNG GNYIS, DANG PO NI, CHOS KYI PHUNG PO BRGYAD KHRI DAG ,GANG RNAMS THUB PAS GSUNGS DE DAG ,TSIG GAM MING YIN DE DAG NI, ,GZUGS DANG 'DU BYED DAG TU 'DUS, ,ZHES BYUNG, CHOS PHUNG GANG RNAMS THUB PA'I DBANG POS DUG GSUM RE RE DANG CHA MNYAM PA'I GNYEN POR NYI KHRI RE GSUNGS PA'I CHOS KYI PHUNG PO BRGYAD KHRI PO DE DAG CHOS CAN, 'DIR BSHAD PA'I PHUNG POR 'DUS PA YIN TE, MDO SDE PA LTAR NA TSIG GI RANG BZHIN YIN PAS GZUGS PHUNG GIS BSDUS LA, BYE BRAG SMRA BA LTAR NA MING TSIG TSOGS PA'I RANG BZHIN YIN PAS LDAN MIN 'DU BYED DAG TU 'DUS PAR 'DOD PA'I PHYIR, GNYIS PA NI, KHA CIG BSTAN BCOS TSAD CES ZER, ,PHUNG PO LA SOGS GTAM RE YIN, ,SPYOD PA RNAMS KYI GNYEN POR NI, ,CHOS KYI PHUNG PO MTHUN PAR GSUNGS, ,ZHES BYUNG, SHES BYA CHOS CAN, CHOS PHUNG GI TSAD LA 'DOD TSUL MI 'DRA BA YOD DE, KHA CIG SH'A RI'I BUS MDZAD PA'I CHOS KYI PHUNG PO ZHES PA'I BSTAN BCOS DER SHO LO KA DRUG STONG YOD PA DE'I TSAD ZER LA, GZHAN DAG PHUNG PO LA SOGS TE KHAMS DANG SKYE MCHED RNAMS KYI DON TSAN RE RE RDZOGS PAR STON PA'I GTAM RE YIN ZHES 'DOD PA SOGS YOD PA'I PHYIR, SLOB DPON RANG GI BZHED PA YOD DE, NYON MONGS PA SNA RE'I GNYEN PO RDZOGS PAR STON PA'I GSUNG RAB RE LA BYED PA'I PHYIR, DER THAL, NYON MONGS PA BRGYAD KHRI LA SPYOD PA RNAMS KYI GNYEN POR NI CHOS KYI PHUNG PO BRGYAD KHRI'I GRANGS MTHUN PAR GSUNGS PA'I PHYIR, GAL TE CHOS KYI PHUNG PO BRGYAD KHRI BZHI STONG ZHES BRJOD PA MA YIN NAM ZHEN @25A *, ,SKYON MED DE, 'DI BYE BRAG SMRA BA'I LUGS GTZO BOR MDZAD PA YIN PA'I PHYIR, GNYIS PA KHAMS DANG SKYE MCHED GZHAN GYIS BSDUS TSUL NI, DE BZHIN GZHAN YANG CI RIGS PAR, ,PHUNG PO SKYE MCHED KHAMS RNAMS NI, ,RANG GI MTSAN NYID LEGS DPYAD DE, ,JI SKAD BSHAD PAR BSDU BAR BYA, ,BU GNAM MKHA'I KHAMS ZHES BYA, ,SNANG DANG MUN PA DAG YIN LO, ,ZAG DANG BCAS PA'I RNAM SHES NI, ,RNAM SHES ? YIN SKYE BA'I RTEN, ,ZHES BYUNG, SHES BYA CHOS CAN, CHOS PHUNG CHOS GSUM GYIS BSDUS PA DE BZHIN DU GZHAN YANG MDO LAS CI RIGS PAR GSUNGS PA'I PHUNG PO DANG SKYE MCHED KHAMS RNAMS NI, RANG GI MTSAN NYID JI LTAR YIN PA LA LEGS PAR DPYAD DE 'DIR JI SKAD BSHAD PA'I CHOS GSUM DU BSDU PAR BYA STE, ZAG MED KYI TSUL KHRIMS TING NGE 'DZIN SHES RAB RNAM PAR GROL BA DE'I YE SHES GZIGS PA'I PHUNG PO RNAMS LAS DANG PO GZUGS KYI PHUNG PO DANG, LHAG MA RNAMS 'DU BYED KYI PHUNG POR BSDU ZHING, DE LTA BU GZHAN DAG KYANG BSDU TSUL SHES PAR BYA BA YIN PA'I PHYIR, SNANG DANG SKAR KHUNG LA SOGS PA'I BU GA NI NAM MKHA' DNGOS MIN KYANG BU GA NAM MKHA'I KHAMS ZHES BYA STE, DER NYIN MO ? SNANG BA DANG MTSAN MO MUN PA'I RANG BZHIN DAG YIN PA'I PHYIR, LO ZHES SMOS PA'I RGYU MTSAN YOD DE, SNANG MUN DE GNYIS NAM MKHA' DNGOS GNAS PAR 'DOD PA'I LUGS DGAG PA'I CHED YIN PA'I PHYIR, ZAG PA DANG BCAS PA'I RNAM SHES CHOS CAN, KHAMS DRUG TU PHYE BA'I RNAM SHES KYI KHAMS YIN TE, YANG SRID DU SKYE BA'I RTEN BYED PA'I RNAM SHES YIN PA'I PHYIR, KHYAB STE, ZAG MED KYI RNAM SHES KYIS DE'I RTEN MI BYED PA'I PHYIR, ` GSUM PA KHAMS KYI RNAM PAR BA DBYE BA SHAD PA LA, @25B MTSAN NYID KYI SGO NAS BSHAD PA, GSUM TSAN GYI SGO NAS, BCAS MA BCAS KYI SGO NAS, GRUB PA SOGS KYI SGO NAS, BYUNG SOGS KYI SGO NAS, LTA SOGS KYI DBYE BA DRUG ,DANG PO NI, BSTAN YOD 'DIR NI GZUGS GCIG PU, ,THOGS DANG BCAS PA GZUGS CAN BCU, ,ZHES BYUNG, GZUGS KYI SKYE MCHED GCIG PU CHOS CAN, 'DIR NI BSTAN YOD YIN TE, MIG GI DBANG PO'I YUL DU BSTAN DU YOD PA'I GZUGS YIN PA'I PHYIR, DBANG PO LNGA DON LNGA STE GZUGS CAN BCU PO CHOS CAN, THOGS DANG BCAS PA ZHES BYA STE, GZUGS CAN GZHAN RANG LA THOGS PA DANG, RANG GZUGS CAN GZHAN LA PHAR THOGS PA GANG RUNG YIN PA'I PHYIR, DANG PO GRUB STE, GZUGS KYI SKYE MCHED YIN PA'I PHYIR, GNYIS PA GRUB STE, SNANG BA DE DE YIN PA'I PHYIR, DER THAL, RTZIG PA LA THOGS PA'I PHYIR, THOGS TSUL DE LA GSUM YOD DE, YUL DANG DMIGS PA DANG SGRIB PA GSUM LA THOGS PA'I PHYIR, DANG PO GRUB STE, YUL CAN YUL LA THOGS PA'I PHYIR, DER THAL, GZUGS CAN GYI THOGS PA NI PHAN TSUN GO SA 'GOG PA'I THOGS PA YIN LA, MIG DBANG SOGS YUL CAN RNAMS YUL LA THOGS PA NI RANG RANG GI YUL DANG 'PHRAD NAS DE 'DZIN GYI, GANG NI MI 'DZIN PA'I DON YIN PA'I PHYIR, MIG DBANG YUL LA THOGS MI THOGS KYI KHYAD PAR DU MA YOD DE, CHU LA THOGS SHING SKAM LA MI THOGS PA, DE LAS BZLOG PA, CHU DANG SKAM GNYIS KAR THOGS PA, GNYIS KAR MI THOGS PA, NYIN MO THOGS SHING, MTSAN MO MI THOGS PA, DE LAS BZLOG PA, GNYIS KAR THOGS PA, GNYIS KAR MI THOGS PA'I MU BRGYAD YOD PA'I PHYIR, DANG PO GRUB STE, NYA'I MIG RNAMS DE YIN PA'I PHYIR, DER THAL, DES CHUR MTHONG ZHING SKAMS RA MI MTHONG BA'I PHYIR, GNYIS PA GRUB STE, MI PHAL CHER GYIS SKAM SANG MTHONG LA CHUR MI @26A *, ,MTHONG BA'I PHYIR, GSUM PA GRUB STE, SBAL PA SOGS KYIS GNYIS KAR MTHONG BA'I PHYIR, BZHI PA GRUB STE, GNYID DUS DANG MNGAL GYI MIG LTA BU YIN PA'I PHYIR, LNGA PA GRUB STE, MI PHAL CHER GYI MIG DE DE YIN PA'I PHYIR, DRUG PA GRUB STE, 'UG PA'I MIG GIS MTSAN MO MTHONG ZHING NYIN MO MI MTHONG BA'I PHYIR, BDUN PA GRUB STE, GUNG KHYI'I MIG GIS NYIN MTSAN GNYIS KAR MTHONG BA'I PHYIR, BRGYAD PA GRUB STE, 'GOG PA LA SNYOMS PAR ZHUGS PA'I MIG LTA BU DE YIN PA'I PHYIR, GNYIS PA DMIGS PA LA THOGS PA YOD DE, ZLA BA GNYIS SNANG GI DBANG SHES LTA BU DE YIN PA'I PHYIR, GSUM PA YOD DE, GZUGS CAN PHAN TSUN GCIG YOD PA'I GO SAR GZHAN 'BYUNG BA 'GOG CING SGRIB PAR BYED PA'I PHYIR RO, ,GNYIS PA LA, DGE SOGS GSUM DU DBYE BA, KHAMS GSUM GYI SGO NAS DBYE BA GNYIS, DANG PO NI, LUNG MA BSTAN BRGYAD DE DAG NYID, ,GZUGS SGRA MA GTOGS GZHAN RNAM GSUM, ,ZHES BYUNG, GZUGS CAN BCU LAS GZUGS SGRA MA GTOGS PA'I GZUGS CAN BRGYAD PO DE DAG NYID CHOS CAN, MTHA' GCIG TU LUNG MA BSTAN YIN TE, DGE MI DGE GNYIS KHYOD LA BZHAG TU MI RUNG BA'I PHYIR, DE DAG LAS GZHAN GZUGS SGRA GNYIS DANG RNAM SHES KYI KHAMS BDUN DANG CHOS KYI KHAMS DANG BCU CHOS CAN, KHYOD LA DGE SOGS RNAM PA GSUM YOD DE, KHYOD LA SDOM PA LTA BU DGE BA'I GZUGS DANG, RDZUN LTA BU MI DGE BA'I SGRA DANG, DE LAS GZHAN PA RNAMS SU YOD PA'I PHYIR, PHYI MA DER THAL, KHA DOG DANG DBYIBS LTA BU GZUGS LUNG MA BSTAN, CHU SGRA LTA BU SGRA LUNG MA BSTAN, RNAM SHES KYI KHAMS BDUN DANG, CHOS KHAMS LA DGE MI DGE LUNG MA BSTAN GSUM SKABS STOBS KYIS 'BYUNG BA'I PHYIR, PHYI MA DER THAL, MIG SOGS @26B KYIS GZUGS SGRA SOGS LA LTA BA'I TSE DE GSUM SKYE BA YOD PA'I PHYIR, DER THAL, SANGS RGYAS KYI GZUGS LTA BU DANG DE'I GSUNG LTA BU MTHONG THOS KYI TSE DGE BA'I DBANG SHES SAM YID SHES SKYE LA, BUD MED LTA BU'I GZUGS DANG DE'I GLU LTA BU MTHONG THOS KYI TSE MI DGE BA'I DBANG SHES DANG YID SHES SKYE BA YOD CING, BAR MA'I GZUGS SGRA SOGS MTHONG THOS SOGS KYI TSE LUNG MA BSTAN DU 'GYUR BA'I PHYIR, CHOS KHAMS KYI NANG TSAN SEMS BYUNG LA DGE SOGS GSUM KA YOD DE, MA RIG PA LTA BU LUNG MA BSTAN YIN CING, SEMS BYUNG LA DGE MI DGE GNYIS YOD PA'I PHYIR TE, SEMS BYUNG LA MI DGE BA DANG DGE BA BCU GCIG SOGS DBYER YOD PA'I PHYIR, GNYIS PA NI, 'DOD PAR GTOGS PA THAMS CAD DO, , GZUGS KYI KHAMS NA BCU BZHI'O, ,DRI DANG RO DANG SNA DANG NI, ,LCE YI RNAM SHES KHAMS MA GTOGS, ,GZUGS MED GTOGS PA YID DANG NI, ,CHOS DANG YID KYI RNAM SHES KHAMS, ,ZHES BYUNG, SHES BYA CHOS CAN, KHAMS GSUM GYI SAR GTOGS MI GTOGS 'BYED TSUL YOD DE, 'DOD PA'I SAR GTOGS PA LA NI KHAMS BCO BRGYAD PO THAMS CAD YOD PA'I PHYIR, GZUGS KYI KHAMS NA KHAMS BCU BZHI YOD DE, DER DRI DANG RO DANG SNA'I RNAM SHES DANG, LCE'I RNAM SHES KYI KHAMS MA GTOGS GZHAN THAMS CAD YOD PA'I PHYIR, GZUGS MED KYI SAR GTOGS PA'I KHAMS GSUM YOD DE, YID DANG CHOS DANG YID KYI RNAM PAR SHES PA'I KHAMS GSUM YOD PA'I PHYIR, GSUM PA LA, ZAG PA DANG BCAS MA BCAS, RTOG PA DANG BCAS MA BCAS, DMIGS PA DANG BCAS MA BCAS GSUM, DANG PO NI, DE GSUM ZAG BCAS ZAG PA MED, ,LHAG MA RNAMS NI ZAG BCAS SO, ,ZHES BYUNG, YID CHOS YID KYI RNAM SHES DE GSUM CHOS CAN, KHYOD LA ZAG @27A *, ,BCAS ZAG MED GNYIS YOD DE, DE GSUM DU GTOGS PA'I LAM BDEN MA YIN PA'I 'DUS BYAS RNAMS ZAG BCAS DANG, LAM BDEN DANG 'DUS MA BYAS KYI CHOS RNAMS ZAG MED YIN PA'I PHYIR, KHAMS LHAG MA BCO LNGA PO RNAMS CHOS CAN, ZAG BCAS YIN TE, SGOM SPANG YIN PA'I PHYIR, GNYIS PA LA DNGOS DANG, RTZOD SPONG GNYIS, DANG PO NI, RTOG DANG DPYOD DANG BCAS PA NI, ,RNAM PAR SHES PA'I KHAMS LNGA YIN, ,THA MA GSUM NI RNAM GSUM MO, ,LHAG MA RNAMS NI GNYIS KA SPANGS, ,ZHES BYUNG, MIG SOGS DBANG PO LNGA'I RNAM PAR SHES PA'I KHAMS LNGA PO CHOS CAN, RGYUN LDAN GYI DBANG DU BYAS NA RTOG PA DANG BCAS PA DANG DPYOD PA DANG BCAS PA YIN TE, GZHAN 'GYUR GYI NANG TSAN GYI RTOG DPYOD GNYIS KA YANG KHYOD KYI 'KHOR DU 'BYUNG BA'I PHYIR, KHAMS THA MA YID DANG CHOS DANG YID KYI RNAM SHES KYI KHAMS GSUM CHOS CAN, KHYOD LA RTOG DPYOD GNYIS DANG BCAS PA DANG, RTOG PA MED CING DPYOD PA YOD PA DANG, GNYIS KA SPANGS PA DANG RNAM PA GSUM YOD DE, 'DOD PA DANG BSAM GTAN DANG PO'I DNGOS GZHI TZAM PO BA'I KHAMS DE GSUM NI DANG PO DANG, BSAM GTAN DANG PO'I DNGOS GZHI KHYAD PAR CAN GYI KHAMS DE NI GNYIS PA DANG, BSAM GTAN GNYIS PA YIN GYI KHAMS DE GSUM DANG, GZUGS SOGS KHAMS LHAG MA BCO LNGA RNAMS NI RTOG DPYOD GNYIS KA SPANGS PA YIN PA'I PHYIR, GNYIS PA NI, NGES PAR RTOGS DANG RJES DRAN PA'I, ,RNAM PAR RTOG PAS RNAM MI RTOG ,DE DAG YID KYI SHES RAB G-YENG, ,YID KYI DRAN PA THAMS CAD NYID, ,CES BYUNG, KHO NA RE, KHYOD KYI SGO LNGA'I DBANG SHES RTOG BCAS SU BSHAD PA MI 'THAD PAR THAL, MDO LAS, DGE SLONG DAG ,MIG GI RNAM PAR SHES @27B PAS SNGON PO SHES KYI, SNGON PO'I SNYAM DU NI MA YIN NO ZHES DBANG SHES RTOG BRAL DU BSHAD PA DANG 'GAL BA'I PHYIR, ZHE NA, SKYON MED DE, SPYIR DBANG SHES RTOG MED DU GRAGS KYANG, 'DI'I RTOG DPYOD KYI RTOG BCAS NI GZHAN 'GYUR LNGA'I NANG TSAN GYI RTOG BCAS KYI DBANG DU BYAS LA, MDO LAS DBANG SHES LNGA RTOG BRAL DU GSUNGS PA NI, NGES PAR RTOG PA DANG RJES DRAN GYI RTOG PAS RNAM PAR MI RTOG PA CI RIGS LA DGONGS PA'I PHYIR, DE DAG GI 'JOG TSUL YOD DE, NGES RTOG NI YID SHES DANG MTSUNGS LDAN G-YENG BA RJES THOB KYI SKABS SU 'BYUNG BA, NGO BO YUL DON SPYI'I SGO NAS 'DZIN PA'I SHES RAB CIG LA BYED, RJES DRAN GYI RTOG PA NI YID KYI RNAM SHES DANG MTSUNGS LDAN, MNYAM RJES THAMS CAD NYID DU 'BYUNG BA, NGO BO DRAN PA ZHIG LA BYED PA'I PHYIR, GSUM PA NI, DMIGS BCAS SEMS KYI KHAMS BDUN NO, ,CHOS KYI PHYED KYANG, ZHES BYUNG, SEMS KYI KHAMS BDUN NI CHOS CAN, DMIGS PA DANG BCAS PA YIN TE, RANG GI DMIGS YUL DMIGS PA'I SHES PA YIN PA'I PHYIR, CHOS KHAMS KYI PHYED SEMS BYUNG KYANG CHOS CAN, DMIGS PA DANG BCAS TE, RTAGS DE'I PHYIR, BZHI PA LA, ZIN MA ZIN GYI SGO NAS DBYE BA, 'BYUNG BA DANG 'BYUNG GYUR GYI SGO NAS DBYE BA, BSAGS MA BSAGS KYI SGO NAS DBYE BA, GCAD BYA BCOD BYED KYI SGO NAS DBYE BA BZHI, DANG PO NI, MA ZIN DGU, ,BRGYAD PO DE DAG RNAMS DANG SGRA, ,DGU PO GZHAN NI RNAM PA GNYIS, ,ZHES BYUNG, RNAM SHES KYI KHAMS BDUN DANG SEMS BYUNG BCAS BRGYAD PO DE DAG RNAMS DANG SGRA DANG DGU PO CHOS CAN, 'DIR MA ZIN PA ZHES BYA STE, ZIN MA ZIN NI GZUGS CAN DANG, PHAN TSUN PHRAD PA LAS TSOR BA BDE SDUG SKYED MI SKYED LA 'JOG PA GANG ZHIG ,KHYOD RNAMS KYIS DE LTAR SKYED MI NUS PA'I PHYIR, SGRA MA YIN PA'I GZUGS CAN GZHAN @28A *, ,DGU PO NI CHOS CAN, ZIN MA ZIN RNAM PA GNYIS YOD DE, PHAN TSUN PHRAD PA LAS BDE SDUG SKYED NUS MI NUS GNYIS KYI CHA YOD PA'I PHYIR, GNYIS PA NI, REG BYA RNAM PA GNYIS YIN TE, ,LHAG MA GZUGS CAN DGU PO NI, ,'BYUNG GYUR CHOS KHAMS PHYOGS GCIG KYANG, ,ZHES BYUNG, REG BYA'I KHAMS CHOS CAN, KHYOD LA 'BYUNG BA DANG 'BYUNG GYUR RNAM PA GNYIS YOD PA YIN TE, KHYOD LA SA SOGS 'BYUNG BA BZHI DANG, 'JAM RTZUB LCI YANG SOGS 'BYUNG GYUR BDUN YOD PA'I PHYIR, KHAMS BCO BRGYAD CHOS CAN, KHYOD LAS 'BYUNG GYUR KHO NA YIN PA YOD DE, REG BYA'I LHAG MA GZUGS CAN DGU DANG, DER MA ZAD CHOS KHAMS KYI PHYOGS GCIG KYANG RNAM PAR RIG BYED MA YIN PA'I GZUGS NI 'BYUNG GYUR KHO NA YIN PA'I PHYIR, GSUM PA NI, GZUGS CAN BCU NI BSAGS PA'O, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, DBANG DON GYI GZUGS CAN BCU CHOS CAN, BSAGS PA ZHES BYA STE, RDUL PHRA RAB 'DUS PA'I GZUGS YIN PA'I PHYIR, GNYIS PA LA, KHA CIG ,BSAGS RDUL YIN NA, RDZAS RDUL LAS CHE BAS KHYAB ZER NA, DE MI 'THAD PAR THAL, BSAGS RDUL PHRA RAB YOD PA'I PHYIR, DER THAL, RANG 'GREL LAS, THAMS CAD PAS PHRA BA'I GZUGS NI BSAGS PA'I RDUL PHRA RAB CES BYA STE, DE LAS CHUNG BA NI MI MNGON NO, ,ZHES GSUNGS PA'I PHYIR, KHA CIG ,RDZAS RDUL BRGYAD 'DUS PA'I GONG BU DE BSAGS RDUL YIN PAR THAL, RDZAS RDUL GNYIS 'DUS PA'I GONG BU DE BSAGS RDUL GANG ZHIG ,BSAGS RDUL DE RDZAS RDUL BRGYAD DANG LHAN CIG SKYES PA'I PHYIR NA MA KHYAB, 'DOD NA, MA YIN PAR THAL, DE RDUL RAGS PA YIN PA'I PHYIR, DER THAL, @28B RDZAS RDUL BDUN 'DUS PA'I GONG BU DE RDUL RAGS PA YIN PA'I PHYIR, KHA CIG ,RDUL PHRA RAB YIN NA, RDUL RAGS PA DANG MA BCAS PAS KHYAB ZER NA, BUM PA'I CHA SHAS SU GYUR PA'I RDUL PHRA RAB CHOS CAN, DER THAL, DE'I PHYIR, DER THAL, BUM PA DE RDUL PHRA RAB BSAGS PA'I GONG BU YIN PA'I PHYIR, 'DOD NA, MI 'THAD PAR THAL, BUM PA'I CHA SHAS YIN PA'I PHYIR, KHA CIG ,DU MA BSAGS PA'I RDUL YIN NA, BSAGS RDUL YIN PAS KHYAB ZER NA, RDUL PHRA RAB DRUG MAN BSAGS PA CHOS CAN, DER THAL, DE'I PHYIR, DER THAL, RDUL PHRA RAB DRUG BSAGS PA'I DE YIN PA'I PHYIR, 'DOD MI NUS SO, ,BZHI PA NI, GCOD BYED GCAD PAR BYA BA NYID, ,PHYI ROL GYI NI KHAMS BZHI YIN, ,DE BZHIN BSREG BYA 'JAL BYA DANG, ,SREG DANG GZHAL LA MI MTHUN SMRA, ,ZHES BYUNG, KHAMS BCO BRGYAD PO DE DAG CHOS CAN, KHYOD LAS GCOD BYED DANG GCAD PAR BYA BA NYID KYI KHYAD PAR YOD DE, STA RE DANG GRI ZOR LTA BU DANG PO DANG, SHING DANG RTZVA LTA BU GNYIS PAR GRAGS PA'I GCOD BYED NI DBANG PO LNGA DANG SGRA LTA BU DANG, GCAD BYA NI PHYI ROL GYI GZUGS DRI RO REG BYA'I KHAMS BZHI LA 'JOG PA'I PHYIR, DE BZHIN DU BSREG BYA SREG BYED DANG 'JAL BYA 'JAL BYED KYI KHYAD PAR YOD DE, DPE BSREG BYA SHING DANG SREG BYED ME DANG 'JAL BYA DNGOS PO DANG 'JAL BYED SRANG LTA BU YANG DON SNGA MA LTAR KHAMS RNAMS KYI DE'I STENG NAS 'JOG PA'I PHYIR, SREG DANG GZHAL BA LA MI MTHUN PAR SMRA BA'I TSUL YOD DE, KHA CIG ,KHAMS BZHI PO NYID SREG BYED DANG GZHAL BYA GNYIS KAR 'DOD CING, LA LA ME KHO NA SREG BYED DANG LCI BA KHO NA GZHAL BYAR SMRA BA'I PHYIR, LNGA PA LA BYUNG MA BYUNG GI SGO NAS DBYE BA, PHYI NANG GI SGO NAS, RTEN BCAS DE MTSUNGS KYI SGO NAS, SPANG BYA YIN MIN @29A *, ,GYI SGO NAS DBYE BA BZHI, DANG PO LA, BYUNG BA SPYIR BSTAN PA, MA BYUNG BA DMIGS KYIS BSAL BA, DBANG PO DANG RNAM SHES KYIS MTSUNGS GSUM, DANG PO LA, RNAM SMIN GYI RGYU, RGYAS BYUNG GI RGYU, RGYU MTHUN GYI RGYU GSUM, DANG PO NI, RNAM PAR SMIN LAS BYUNG BA DANG, ,ZHES BYUNG, BDE 'GRO NGAN 'GRO'I NANG GI DBANG PO LNGA CHOS CAN, RNAM PAR SMIN PA'I RGYU LAS BYUNG BA YIN TE, BDE 'GRO'I DBANG PO LNGA NI DGE BA ZAG BCAS DANG, NGAN 'GRO'I DBANG PO LNGA NI MI DGE BA LAS BYUNG BA'I PHYIR, GNYIS PA NI, RGYAS LAS BYUNG BA NANG GI LNGA, ,SGRA NI RNAM SMIN LAS SKYES MIN, ,ZHES BYUNG, NANG GI DBANG PO LNGA CHOS CAN, RGYAS PA LAS BYUNG BA YOD DE, KHAM ZAS ZOS PA DANG, GNYID LOG PA DANG, LEGS SPYAD SOGS KYIS DBANG RTEN KHOG PA SOGS RGYAS PAS DBANG PO LNGA YANG RGYAS PAR BYED PA'I PHYIR, SGRA CHOS CAN, RNAM SMIN GYI RGYU LAS SKYES PA MA YIN TE, SMRA BA PO'I 'DOD PA BZHIN DU BYAS CHOG PA'I PHYIR, GSUM PA NI, RGYU MTHUN LAS BYUNG RNAM SMIN SKYES, ,THOGS PA MED BRGYAD GZHAN RNAM GSUM, ,ZHES BYUNG, THOGS MED KYI KHAMS RNAM SHES BDUN DANG SEMS BYUNG DANG BRGYAD CHOS CAN, RGYU MTHUN LAS BYUNG BA DANG RNAM SMIN LAS SKYES PA GNYIS KA YOD DE, SKAL MNYAM DANG KUN 'GRO'I RGYU LAS BYUNG BA RNAMS NI RGYU MTHUN LAS BYUNG BA YIN LA, ZAG BCAS KYI DGE MI DGE LAS BYUNG BA NI RNAM SMIN LAS BYUNG BA YIN PA'I PHYIR, GZHAN SGRA MA GTOGS PA'I GZUGS DRI RO REG BZHI CHOS CAN, RGYAS PA DANG RNAM SMIN DANG RGYU MTHUN RNAM PA GSUM GA LAS SKYES PA YOD DE, RGYU MTSAN GONG DU BSHAD CING 'CHAD PAR 'GYUR BA'I PHYIR, GNYIS PA NI, RDZAS DANG LDAN GCIG THA MA GSUM, ,SKAD CIG MA STE, ZHES BYUNG, BYE @29B SMRA'I SKABS 'DIR RTAG PA'I RDZAS DANG LDAN PA'I CHOS KHAMS GCIG PO CHOS CAN, RGYU GSUM GANG RUNG LAS MA BYUNG STE, 'DUS MA BYAS YIN PA'I PHYIR, SDUG BSNGAL CHOS BZOD SKAD CIG MA DANG PO'I NGO BOR BYUNG BA'I KHAMS THA MA YID RNAM SHES CHOS GSUM CHOS CAN, RGYU MTHUN LAS BYUNG BA MIN TE, RANG DANG RIGS 'DRA BA'I ZAG MED KYI KHAMS SNGON DU MA SONG BA'I PHYIR TE, ZAG MED DANG PO YIN PA'I PHYIR, GSUM PA NI, MIG DANG NI, ,RNAM SHES KHAMS DAG SO SO DANG, ,LHAN CIG TU NI 'THOB PA'ANG YOD, ,CES BYUNG, SHES BYA CHOS CAN, MIG DBANG DANG MIG GI RNAM SHES KYI KHAMS DAG 'THOB TSUL YOD DE, GNYIS KA SO SOR 'THOB PA DANG LHAN CIG TU NI 'THOB PA'ANG YOD PA'I PHYIR, DER THAL, SAS BSDUS KYI MIG DBANG GSAR DU 'THOB LA, RNAM SHES GSAR DU MA THOB PA DANG, DE LAS BZLOG PA, GNYIS KA THOB PA, GNYIS KA MA THOB PA DANG BZHI YOD PA'I PHYIR, RTAGS RNAMS DER THAL, GZUGS MED NAS BSAM GTAN BZHI PAR SKYE BA'I TSE, GZUGS MED NA DE GNYIS KA MED CING, BSAM GTAN BZHI PA'I SAS BSDUS KYI MIG YOD KYANG MIG SHES MED, BZHI PA NAS DANG POR SKYE BA'I TSE BSAM GTAN DANG PO'I SAS BSDUS KYI GNYIS KA YOD, GZUGS MED NAS DANG POR SKYE BA'I TSE YANG GNYIS KA YOD, BSAM GTAN DANG PO NAS GZUGS MED DU SKYE BA'I TSE GZUGS MED NA GNYIS KA MED PA'I PHYIR RO, ,DER MA ZAD, MIG DBANG DANG DE'I SHES PA GNYIS KYIS GZUGS LA LTA BA'I CHOS MTSUNGS YANG MI 'DRA STE, 'DOD PA'I RTEN CAN GYIS BSAM GTAN DANG PO'I MIG LA BRTEN NAS GZUGS LA LTA BA'I TSE, RTEN DBANG PO RNAM SHES RNAMS SAS BSDUS MI MTSUNGS PA'I PHYIR, DER THAL, DE'I TSE RTEN 'DOD PA'I SAS BSDUS, GZHAN GNYIS BSAM GTAN DANG PO'I SAS BSDUS PA'I @30A *, ,PHYIR RO, ,GNYIS PA NI, NANG GI BCU GNYIS GZUGS LA SOGS, ,MA GTOGS, ZHES BYUNG, NANG GI KHAMS CHOS CAN, KHYOD LA BCU GNYIS YOD DE, PHYI'I GZUGS LA SOGS PA YUL GYI KHAMS DRUG MA GTOGS PA DBANG PO DRUG DANG RNAM SHES DRUG PO RNAMS DE YIN PA'I PHYIR, GSUM PA NI, CHOS ZHES BYA BA STE, ,RTEN PA DANG BCAS LHAG MA NI, ,DE DANG MTSUNGS PA DAG KYANG YIN, ,GANG ZHIG RANG GI LAS MI BYED, ,CES BYUNG, CHOS ZHES BYA BA'I KHAMS NI CHOS CAN, MTHA' GCIG TU RTEN DANG BCAS PA YIN TE, RNAM SHES KYI YUL DU MI 'GYUR MI SRID PA'I PHYIR, LHAG MA RNAMS NI CHOS CAN, RTEN BCAS DANG DE DANG MTSUNGS PA DAG KYANG YOD DE, KHAMS GANG ZHIG RANG GI LAS BYED BZHIN PA RTEN BCAS DANG, LAS MI BYED PA NI DE MTSUNGS YIN PA'I PHYIR, DPER NA, MIG GIS GZUGS LA LTA BA DANG MI LTA BA'I SKABS KYI KHAMS BZHIN NO, ,BZHI PA NI, BCU NI SGOM PAS SPANG BYA YIN, ,LNGA YANG THA MA GSUM RNAM GSUM, ,NYON MONGS CAN MIN MTHONG SPANG MIN, ,GZUGS MIN DRUG PA MIN SKYES MIN, ,ZHES BYUNG, GZUGS CAN BCU NI CHOS CAN, SGOM PAS SPANG BAR BYA BA YIN TE, MTHONG SPANG MIN PA'I SPANG BYA YIN PA'I PHYIR, ZAG BCAS KYI RNAM PAR SHES PA'I KHAMS LNGA YANG CHOS CAN, SGOM SPANG YIN TE, RTAGS DE'I PHYIR, KHAMS THA MA YID CHOS YID KYI RNAM SHES KYI KHAMS GSUM CHOS CAN, KHYOD LA RNAM PA GSUM YOD DE, MTHONG SPANG SGOM SPANG SPANG BYA MIN PA GSUM YOD PA'I PHYIR, DER THAL, NYON MONGS CAN 'GA' ZHIG MTHONG SPANG, DE MIN PA SNGAR BSHAD PA LTA BU SGOM SPANG, ZAG MED KYI YID RNAMS DE GANG RUNG MA YIN PA'I PHYIR, SO SO'I SKYE BO CHOS @30B CAN, MTHONG SPANG MIN TE, NYON MONGS CAN MA YIN PA'I PHYIR, GZUGS CAN BCU CHOS CAN, MTHONG SPANG MA YIN TE, GZUGS YIN PA'I PHYIR, DRUG PA YID SHES MIN PA DBANG PO GZUGS CAN PA LAS SKYES PA'I SGO LNGA'I DBANG SHES CHOS CAN, MTHONG SPANG MIN TE, YUL BDEN PA LA PHYIN CI LOG TU SGRO 'DOGS BYED MA YIN PA'I PHYIR, KHYAB STE, 'DIR MTHONG SPANG NI YUL BDEN BZHI'I RNAM PA CI RIGS LA PHYIN CI LOG TU SGRO 'DOGS PA'I NYON MONGS CAN ZHIG LA BYED PA'I PHYIR, DRUG PA LA, LTA BA YIN MIN GYI SGO NAS DBYE BA, YUL DU 'GYUR TSUL GYI SGO NAS, RTAG MI RTAG GI SGO NAS, DBANG PO YIN MIN GYI SGO NAS DBYE BA BZHI, DANG PO LA, SPYIR BSTAN PA DANG, MIG LTA BAR SGRUB PA, DBANG PO'I KHYAD CHOS GSUM, DANG PO NI, MIG DANG CHOS KYI KHAMS PHYOGS NI, ,LTA BA YIN TE RNAM PA BRGYAD, ,RNAM SHES LNGA DANG MTSUNGS SKYES BLO, ,NGES RTOG MED PHYIR LTA MA YIN, ,ZHES BYUNG, SHES BYA CHOS CAN, LTA BA DANG LTA MIN GYI KHYAD PAR YOD DE, MIG DANG CHOS KHAMS KYI PHYOGS GCIG LTA BA LNGA DANG 'JIG RTEN PA'I YANG DAG PA'I LTA BA DANG SLOB MI SLOB KYI GNYIS TE RNAM PA BRGYAD PO LTA BA YIN LA, LHAG MA PHYED DANG BCU BDUN LTA BA MA YIN PA'I PHYIR, SGO LNGA'I RNAM SHES LNGA DANG MTSUNGS LDAN DU SKYES PA'I BLO SHES RAB NYON MONGS CAN CHOS CAN, YANG DAG PA'I LTA BA MA YIN TE, NGES RTOG MING DON 'DZIN PA'I YANG DAG PA'I RTOG PA'I NGO BOR MED PA'I PHYIR, DER THAL, DBANG SHES YIN PA'I PHYIR, GNYIS PA NI, MIG GIS GZUGS RNAMS MTHONG RTEN BCAS, ,DE LA BRTEN PA'I RNAM SHES MIN, ,GANG PHYIR BAR DU CHOD PA YI, ,GZUGS NI MTHONG BA MIN PHYIR LO, ,MIG NI GNYIS KA DAG GIS KYANG, ,MTHONG STE GSAL BAR MTHONG PHYIR RO, ,ZHES BYUNG, MIG CHOS CAN, LTA BA YIN TE, GZUGS @31A *, ,RNAMS MTHONG BYED YIN PA'I PHYIR, MIG GIS GZUGS MTHONG BA NI RTEN DBANG PO DANG BCAS SHING DE LA RAG LAS PA YIN GYI, DE LA BRTEN PA'I RNAM SHES KHO NAS MTHONG BA MIN TE, RGYU MTSAN GANG GI PHYIR DE KHO NAS MTHONG NA BAR DU CHOD PA'I GZUGS RNAMS KYANG MTHONG DGOS PA LAS, DE NI MTHONG BA MIN PA'I PHYIR, LO ZHES SMOS PA LA CHOS CAN, DGOS PA YOD DE, MIG DBANG TZAM GYIS GZUGS MTHONG BA DGAG PA'I CHED DU YIN PA'I PHYIR, GZUGS CHOS CAN, MIG GCIG GIS MTHONG YANG KHYAD PAR YOD DE, MIG NI GNYIS KA DAG GIS KYANG GSAL BAR MTHONG BAR 'GYUR BA'I PHYIR, GSUM PA LA, DBANG POS YUL 'DZIN TSUL, DBANG PO RTEN DU 'GYUR TSUL, SA GANG DU GTOGS PA DANG GSUM, DANG PO NI, MIG DANG YID DANG RNA BA NI, ,YUL DANG MA PHRAD GSUM GZHAN DU, ,SNA LA SOGS PA GSUM GYIS NI, ,YUL NI MNYAM PAR 'DZIN PAR 'DOD, ,CES BYUNG, MIG DANG YID DANG RNA BA GSUM NI CHOS CAN, RANG GI YUL DANG MA PHRAD PAR 'DZIN PA YIN TE, MIG GIS RGYANG RING PO'I GZUGS MTHONG, RNA BAS RGYANG RING PO'I SGRA THOS, YID KYIS DUS GSUM GA YUL DU BYED PAS 'PHRAD MI DGOS PA'I PHYIR, SNA LA SOGS PA GSUM NI CHOS CAN, MA PHRAD PA LAS GZHAN DU 'PHRAD NAS 'DZIN PA YIN TE; KHYOD GSUM GYIS NI RANG DANG MNYAM PA'I YUL 'DZIN PAR 'DOD PA'I PHYIR, DER THAL, LCES RANG DANG PHRAD PA'I RO'I RDUL 'DZIN GYI, MA PHRAD PAR MI 'DZIN, DE BZHIN DU SNA DANG LUS KYIS KYANG PHRAD PA'I YUL 'DZIN GYI, MA PHRAD PA MI 'DZIN PA'I PHYIR, GNYIS PA NI, THA MA'I RTEN 'DAS LNGA RNAMS KYI, ,DE DAG LHAN CIG SKYED PA'ANG YIN, ,DE DAG GYUR BAS 'GYUR NYID PHYIR, ,RTEN NI MIG LA SOGS PA YIN, ,DE PHYIR THUN MONG MA YIN PHYIR, ,DE DAG GIS NI RNAM SHES BSTAN, ,ZHES BYUNG, @31B KHAMS THA MA YID KYI RNAM SHES CHOS CAN, KHYOD KYI RTEN DU DUS GSUM GA MED DE, RANG DUS NA 'DAS PA'I YID KYI BDAG RKYEN KHO NA LA BRTEN NAS SKYES PA'I PHYIR, DBANG PO'I RNAM SHES LNGA RNAMS CHOS CAN, KHYOD KYI BDAG RKYEN LA GNYIS YOD DE, RANG DUS SU 'DAS PA DANG DA LTA BA GNYIS YOD PA'I PHYIR, DER THAL, DBANG PO DE DAG RANG DANG LHAN CIG TU SKYES PA'ANG YIN PA'I PHYIR, MIG LA SOGS PA DBANG PO LNGA PO DE DAG CHOS CAN, RANG GI RNAM SHES KYI RTEN YIN TE, DBANG PO DE DAG GSAL MI GSAL DU GYUR BA LAS RNAM SHES DAG KYANG GSAL MI GSAL DU 'GYUR BA NYID KYI PHYIR, RTEN DBANG PO LNGA PO DE DAG GI MING GIS NI BRTEN PA RANG RANG GI RNAM SHES KYANG BSTAN PA YIN TE, MIG SOGS DBANG PO LNGA PO DE RANG RANG GI RNAM SHES SO SOR THUN MONG MA YIN PA'I BDAG RKYEN YIN PA'I PHYIR, DER THAL, MIG RNA BA SNA LCE LUS KYI RNAM SHES ZHES PA'I THA SNYAD NI RANG RANG GI BDAG RKYEN THUN MONG MA YIN PA DBANG PO'I SGO NAS BRJOD KYI, THUN MONG BA'I BDAG RKYEN GZUGS SGRA DRI RO REG BYA'I SGO NAS MA YIN PA'I PHYIR, GSUM PA NI, LUS LA 'OG MA'I MIG MA YIN, ,MIG GIS GONG MA'I GZUGS MA YIN, ,RNAM PAR SHES PA'ANG DE YI GZUGS, ,LUS KYI'ANG GNYIS KA THAMS CAD DU, ,RNA BA'ANG DE BZHIN GSUM DAG NI, ,THAMS CAD RANG GIS PA NYID, ,LUS KYI RNAM SHES 'OG DANG NI, ,RANG GI SA YI MA NGES TE, ,ZHES BYUNG, SHES BYA CHOS CAN, SA GONG MA'I LUS LA SA 'OG MA'I MIG SKYE BA MA YIN TE, GONG MA'I LUS KYIS 'OG MA'I MIG LAS MCHOG TU GYUR PA RANG SA'I MIG GI RTEN BYED PA'I PHYIR, SA 'OG MA'I MIG GIS GONG MA'I GZUGS MTHONG BA MIN TE, 'OG MA'I MIG DMAN CING, GONG MA'I GZUGS MCHOG YIN PAS YUL DU BYED MI NUS PA'I PHYIR DANG, 'OG MA'I MIG GIS GONG MA'I RNAM PAR SHES PA'I RTEN MI BYED PA'ANG DE DANG 'DRA BA'I PHYIR, RNAM SHES DE YI @32A *, ,YUL LA SA GSUM GA'I GZUGS NI YOD DE, BSAM GTAN DANG PO BAS BZHI PA'I MIG THOB PA'I TSE RNAM SHES KYIS RANG SA DANG PO, 'OG SA 'DOD PA, GONGS BZHI PA'I GZUGS YUL DU BYED PA'I PHYIR, LUS KYI'ANG RNAM SHES DANG YUL GNYIS KA SA GSUM DU GTOGS PA YOD DE, SNGA MA DANG 'DRA ZHING, RNA BA'ANG DE BZHIN DU SBYOR RIGS PA'I PHYIR, SNA LCE LUS KYI RNAM PAR SHES PA GSUM PO DAG NI CHOS CAN, DBANG RTEN YUL DANG BCAS PA THAMS CAD RANG GI SA PAR SPYIR MTSUNGS PA NYID YIN LA 'ON KYANG MA NGES TE, LUS KYI RNAM SHES NI 'OG SAR GTOGS PA YOD CING, RANG GI SAR GTOGS PA NI 'DOD PA DANG BSAM GTAN DANG PO NA YOD PA'I PHYIR, YID KYI RNAM SHES CHOS CAN, RANG YUL DANG SA MTSUNGS PAR MA NGES TE, SA GONG 'OG THAMS CAD KYI GZUGS YUL DU BYED PA'I PHYIR, GNYIS PA NI, GNYIS KYI RNAM SHES PHYI YI LNGA, ,ZHES BYUNG, PHYI'I GZUGS SOGS SKYE MCHED LNGA CHOS CAN, RNAM SHES GNYIS GNYIS KYI YUL DU 'GYUR BA YOD DE; MIG GI RNAM SHES SOGS LNGA DANG YID SHES KYI YUL DU'ANG 'GYUR BA'I PHYIR, GSUM PA NI, 'DUS MA BYAS CHOS RTAG PA'O, ,ZHES BYUNG, 'DUS MA BYAS KYI CHOS CHOS CAN, RTAG PA YIN TE, MI 'JIG PA'I CHOS YIN PA'I PHYIR, BZHI PA NI; CHOS KYI PHYED DANG GANG DAG NI, ,BCU GNYIS NANG GIR BSHAD DBANG PO, ,ZHES BYUNG, SHES BYA CHOS CAN, DBANG PO YIN MIN GYI KHYAD PAR YOD DE, CHOS KYI PHYED TSOR BA BDE BA SOGS LNGA DANG, DAD PA'I DBANG PO SOGS LNGA DANG, RNAM BYANG GI DBANG PO GSUM STE BCU GSUM DANG, KHAMS GANG DAG MIG SOGS NANG GI KHAMS SU BSHAD PA BCU GNYIS NI DBANG PO YIN LA, DE LAS GZHAN PA RNAMS DBANG POR MA BSHAD PA'I PHYIR, SHES BYA CHOS CAN, CHOS MNGON PA MDZOD KYI TSIG @32B LE'UR BYAS PA LAS KHAMS BSTAN PA ZHES BYA BA STE GNAS DANG PO LEGS PAR BSHAD PA YIN TE, TSIG DON GYI SGO NAS LEGS PAR BSHAD PA'I PHYIR RO,, ,, ` (MDZOD KYI GNAS GNYIS PA'I t'IKKA BZHUGS SO,,) GNYIS PA YUL CAN DBANG PO'I RAB DBYE BSHAD PA LA, DBANG PO NYER GNYIS KYI RANG BZHIN, 'DUS BYAS KYI CHOS RNAMS KYI SKYE TSUL, RGYU RKYEN 'BRAS BU'I 'BYUNG TSUL GYI SGO NAS BSHAD PA DANG GSUM, DANG PO LA, DBANG POR 'JOG PA'I RGYU MTSAN, DBANG PO'I GRANGS NGES, NGO BO, RAB DBYE DANG BZHI, DANG PO LA, BYE BRAG TU SMRA BA'I LUGS DANG, MDO SDE PA'I LUGS GNYIS, DANG PO NI, LNGA PO RNAMS NI DON BZHI LA, ,DBANG BYED BZHI RNAMS GNYIS LA LO, ,LNGA DANG BRGYAD PO DE RNAMS NI, ,KUN NAS NYON MONGS RNAM BYANG LA, , ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, MIG SOGS DBANG PO LNGA PO RNAMS NI CHOS CAN, DON BZHI BZHI LA DBANG BYED PA YIN TE, LUS BSRUNG BA, LUS MDZES PA, YUL LA DMIGS PA, RANG 'BRAS RNAM SHES SKYED PA STE BZHI BZHIR DBANG BYED PAS NA DBANG PO ZHES BRJOD PA'I PHYIR, DANG PO GRUB STE, MIG GIS GNOD BYED MTHONG NAS LUS SRUNG, RNA BAS DE'I SGRA THOS NAS SRUNG, SNA LCE LUS GSUM GYIS KHAM ZAS LA LONGS SPYOD PA'I SGO NAS LUS RGYAS PAR BYAS PA'I SGO NAS SRUNG BAR BYED PA'I PHYIR, GNYIS PA GRUB STE, DBANG PO DE DAG LUS LA LDAN NA MDZES SHING MI LDAN NA MI MDZES PA'I PHYIR, GSUM PA GRUB STE, DBANG PO LNGA PO DE DAG GIS RANG RANG GI YUL GZUGS SGRA SOGS LA DMIGS PA'I PHYIR, BZHI PA GRUB STE, LNGA PO DES RANG RANG GI RNAM SHES KYI BDAG RKYEN BYED PA LA DBANG BYED PA'I PHYIR, PHO MO'I DBANG PO GNYIS DANG SROG YID GNYIS TE BZHI RNAMS CHOS CAN, DON GNYIS GNYIS LA DBANG BYED PA YIN @33A *, ,TE; DANG POS RANG GANG LA LDAN PA'I RTEN GYI GANG ZAG DE NYID PHOR MTSON ZHING, SKAD GZENGS MTHO BA SOGS LA DBANG BYED, GNYIS PAS MOR MTSON ZHING SKAD PHRA BA SOGS LA DBANG BYED, GSUM PAS DBANG PO'I RIGS 'DRA SNGA MA LAS PHYI MA 'BYUNG BA DANG, BYUNG BA GNAS PAR BYED, BZHI PAS SNGA MA NAS 'DI DANG 'DI NAS PHYI MAR NYID MTSAMS SBYOR BA SOGS LA DBANG BYED PA'I PHYIR, LO ZHES SMROS PA LA CHOS CAN, DGOS PA YOD DE, BYE SMRA'I 'DOD PA LA MA RANGS BA'I DGAG PA 'PHEN PA'I PHYIR TE, DBANG PO DE DAG GI DON BSHAD TSUL BYE SMRA'I DER MA 'DUS PA'I PHYIR, TSOR BA BDE SDUG GNYIS DANG YID BDE MI BDE GNYIS DANG BTANG SNYOMS KYI DBANG PO LNGA CHOS CAN, DBANG PO ZHES BYA STE, KUN NAS NYON MONGS PA LA DBANG BYED PA'I PHYIR, DER THAL, BDE BA LA CHAGS, SDUG BSNGAL LA KHRO, BTANG SNYOMS LAS NI MA RIG PA SKYED PA'I PHYIR, DAD PA BRTZON 'GRUS DRAN PA TING NGE 'DZIN SHES RAB KYI DBANG PO LNGA DANG, MI SHES PA KUN SHES PAR BYED PA'I DBANG PO SOGS GSUM STE BRGYAD PO DE RNAMS NI CHOS CAN, DBANG PO ZHES BYA BA STE, RNAM BYANG PHYOGS LA DBANG BYED PA'I PHYIR, DER THAL, RANG GI MI MTHUN PHYOGS MGO GNON CING, RTOGS PA GONG 'PHEL DU BYED PA LA DBANG BYED PA'I PHYIR, GNYIS PA MTHA' DPYAD PA LA, KHA CIG ,PHO THAMS CAD PHO DBANG GIS PHOR MTSON ZER NA, DE MI 'THAD PAR THAL, GZUGS KHAMS PA'I GANG ZAG LA PHO MO'I DBYE BA YOD KYANG, PHO MO'I DBANG PO DE MED PA'I PHYIR, DER THAL, DE'I PHO MO NI SKAD GDANGS MTHO MI MTHO DANG, NU MA'I KHYAD PAR GYIS 'JOG PA'I PHYIR, KHA CIG ,PHO'I DBANG PO LDAN PA'I GANG ZAG YIN NA, PHO YIN PAS KHYAB ZER NA, MTSAN GNYIS PA CHOS CAN, DER THAL, DE'I PHYIR, DER THAL, PHO MO @33B GNYIS KA'I DBANG PO DANG LDAN PA'I GANG ZAG YIN PA'I PHYIR, DER THAL, CHOS CAN DE YIN PA'I PHYIR, 'DOD NA, MO YIN PAR THAL, MO DBANG DANG LDAN PA'I GANG ZAG YIN PA'I PHYIR, KHYAB PA DON GYIS SONG, 'DOD NA, PHO MO GNYIS KA YIN PAR THAL LO, ,GNYIS PA NI, RANG GI DON DANG THAMS CAD LA, ,DMIGS PAR DBANG BYED PHYIR DBANG DRUG ,MO NI PHO NYID LA DBANG PHYIR, ,LUS LAS MO DANG PHO DBANG DAG ,RIG GNAS KUN NAS NYON MONGS DANG, ,RNAM PAR BYANG LA DBANG BYED PHYIR, ,SROG DANG TSOR BA RNAMS DANG NI, ,DAD SOGS DBANG PO LNGAR 'DOD DO, ,MYA NGAN 'DAS SOGS GONG NAS GONG, ,'THOB PA LA NI DBANG BYED PHYIR, ,KUN SHES BYED DANG KUN SHES DANG, ,DE BZHIN KUN SHES LDAN DBANG PO, ,ZHES BYUNG, MIG SOGS DBANG PO RNAMS CHOS CAN, KHYOD LA DBANG PO ZHES BYA STE, KHYOD DRUG GI DANG PO LNGAS RANG GI GZUNG DON GZUGS SOGS LNGA DANG, DRUG PA YID KYIS CHOS THAMS CAD LA DMIGS PAR BYED PA LA DBANG BYED PAS NA DE LTAR DU BRJOD PA'I PHYIR, PHO MO'I DBANG PO GNYIS CHOS CAN, RANG GI RANG BZHIN LA DBANG BYED PAS DBANG PO ZHES BYA STE, MO'I RANG BZHIN NGA RO ZHEN PA DANG SPYOD PA PHO LA SEMS PA NYID DANG, PHO'I RANG BZHIN DE LAS LDOG PA NYID LA DBANG BYED PAS NA DE LTAR BRJOD PA'I PHYIR, DE GNYIS CHOS CAN, LUS DBANG GI CHA SHAS YIN TE, LUS KYI CHA SHAS LAS GRUB PA'I MO DANG PHO'I DBANG PO DAG YIN PA'I PHYIR, SROG GI DBANG PO CHOS CAN, DBANG PO ZHES BYA STE, SEMS CAN GYI PHUNG PO'I RIGS 'DRA GNAS PA LA DBANG BYED PA'I PHYIR, TSOR BA'I DBANG PO RNAMS DANG DAD SOGS KYI DBANG PO LNGA CHOS CAN, DBANG PO ZHES BYA STE, RIM BZHIN KUN NAS NYON MONGS PA DANG RNAM PAR BYANG BA LA DBANG BYED PAR 'DOD PA'I PHYIR, MI SHES PA KUN SHES PAR BYED PA'I DBANG PO DANG, KUN SHES PA'I DBANG PO DANG, DE BZHIN DU @34A *, ,KUN SHES LDAN PA'I DBANG PO RNAMS CHOS CAN, DBANG PO ZHES BYA STE, SNGA MAS PHYI MA DANG LHAG MED MYANG 'DAS KYI BAR GONG NAS GONG DU 'THOB PA LA DBANG BYED CING, SOGS TE MTHONG SGOM GYI SPANG BYA RIGS GYIS SPONG BA DANG SPANGS BA LA'ANG DBANG BYED PA'I PHYIR, GNYIS PA GRANGS NGES LA, BYE BRAG SMRA BA DANG, MDO SDE PA'I LUGS GNYIS, DANG PO NI, SEMS KYI RTEN DANG DE'I BYE BRAG ,GNAS DANG KUN NAS NYON MONGS NYID, ,TSOGS DANG RNAM BYANG JI SNYED PA, ,DBANG PO DAG KYANG DE SNYED DU, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, GRANGS CAN SOGS NA RE, DBANG PO NYER GNYIS SU GRANGS MA NGES PAR THAL, NGAG DANG RKANG LAG DANG 'DOMS DANG 'PHONGS KYI DBANG PO YANG YOD PA'I PHYIR, ZHE NA, SKYON DE MI 'JUG PAR THAL, SEMS CAN GYI LUS SEMS KYI KHYAD PAR GYI RTEN BYED PA'I CHA NAS RGYU JI SNYED YOD PA DE DAG DANG MTHUN PAR DBANG PO'I GRANGS DAG KYANG DE SNYED DU BZHAG PA'I PHYIR DER THAL, SEMS RNAM SHES KYI RTEN NAM GZHI BYED PA'I CHA NAS MIG SOGS DBANG PO DRUG BZHAG ,SEMS CAN DE'I PHO MO'I BYE BRAG 'BYED PA'I CHA NAS PHO MO'I DBANG PO GNYIS BZHAG ,SEMS CAN GYI PHUNG PO'I RIGS RGYUN GNAS PAR BYED PA'I CHA NAS SROG GI DBANG PO BZHAG ,SEMS CAN KUN NAS NYON MONGS PA LA SPYOD CING DBANG BYED PA'I CHA NAS TSOR BA'I DBANG PO LNGA STE NYON MONGS PHYOGS KYI DBANG PO BCU BZHI BZHAG LA, RNAM BYANG GI RGYU TSOGS PA'I DBANG DU BYAS NAS DAD SOGS DBANG PO LNGA DANG, RNAM PAR BYANG BA'I NGO BOR SKYES SHING DBANG BYED PA DANG LDAN PA'I CHA NAS DRI MED KYI DBANG PO GSUM BZHAG CING, 'KHOR BA'I 'JUG RIM GYI DBANG GIS BCU BZHI DANG, LDOG RIM GYI DBANG GIS BRGYAD BZHAG PA'I PHYIR, GNYIS @34B PA MTHA' DPYAD PA LA, KHA CIG , DBANG PO NYER GNYIS SU GRANGS MA NGES PAR THAL, NGAG GI DBANG PO SOGS KYIS DBANG PO'I BYA BA BYED NUS PA'I PHYIR, DER THAL, NGAG GIS GTAM SMRA, LAG PAS LEN 'JOG , RKANG PAS 'GRO 'DUG ,'DOMS KYIS DGA' DGUR, 'PHONGS KYIS RTUG PA 'BYIN PA LA DBANG BYED PA'I PHYIR ZER NA, DE MI 'THAD PAR THAL, RE RE NAS MA NGES PA'I PHYIR, DER THAL, TSIG SMRA BA SLOB PA DANG KUN SLONG LTA BU LA LTOS, SROG CHAGS 'GA'I KHA DANG RKANG PAS KYANG 'DEGS 'JOG BYED, SBRUL DANG NYA SOGS LA RKANG LAG MED KYANG 'GRO 'ONG BYED, PHA WANG GI KHA NAS KYANG RTUG PA 'BYIN PA'I PHYIR, KHA CIG ,NYAN THOS KYI TSOGS SBYOR NA DRI MED KYI DBANG PO GSUM GA YOD ZER NA, DE MI 'THAD PAR THAL, DRI MED DBANG PO DANG PO KUN SHES BYED PA'I DBANG PO LA MTHONG LAM GYIS KHYAB, GNYIS PA KUN SHES PA'I DBANG PO LA SGOM LAM GYIS KHYAB, GSUM PA KUN SHES LDAN PA'I DBANG PO LA MI SLOB LAM GYIS KHYAB PA'I PHYIR, GNYIS PA MDO SDE PA'I LUGS NI, YANG NA 'JUG PA'I RTEN DANG NI, ,SKYE DANG GNAS DANG NYER SPYOD LAS, ,BCU BZHI DE BZHIN LDOG PA LA, ,DBANG PO RNAMS NI GZHAN YIN NO, ,ZHES BYUNG, YANG NA DBANG PO NYER GNYIS SU GRANGS NGES PA YIN TE, 'KHOR BAR 'JUG PA'I RTEN GYI DBANG DU BYAS NAS MIG SOGS DBANG PO DRUG DANG, 'KHOR BAR SKYE BA'I RGYU BYED PA'I CHA NAS PHO MO'I DBANG PO GNYIS DANG, RIS MTHUN GNAS PA'I DBANG DU BYAS NAS SROG GI DBANG PO DANG, YUL NYE BAR LONGS SPYOD PA'I CHA NAS TSOR BA'I DBANG PO LNGA STE BCU BZHI BZHAG ,DE BZHIN DU DE LAS LDOG PA'I DBANG DU BYAS NAS DBANG PO GZHAN PHYI MA BRGYAD RNAMS BZHAG PA'I PHYIR RO, ,GSUM PA NGO BO LA, TSOR BA'I DBANG PO LNGA BSHAD PA DANG, DRI MED KYI DBANG PO GSUM BSHAD PA GNYIS @35A *, ,DANG PO NI, LUS TSOR SEMS PA MA YIN GANG, ,SDUG BSNGAL DBANG PO'I SIM PA NI, ,BDE BA'O BSAM GTAN GSUM PA NA, ,SEMS KYI DE NI BDE DBANG PO, ,GZHAN NI DE YID BDE BA YIN, ,SEMS KYI SIM PA MA YIN PA, ,YID MI BDE BA'O BTANG SNYOMS NI, ,BAR MA'O GNYIS KA'I MI GTOGS PHYIR, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, TSOR BA LA LNGAR PHYE BA'I TSOR BA SDUG BSNGAL GYI DBANG PO'I MTSAN NYID YOD DE, SIM PA STE BDE BA MA YIN PAR GDUNG BAR NYAMS SU MYONG BA'I LUS TSOR DE DE YIN PA'I PHYIR, TSOR BA BDE BA'I DBANG PO'I MTSAN NYID YOD DE, SIM PAR NYAMS SU MYONG BA'I LUS TSOR DANG BSAM GTAN GSUM PA NA YOD PA'I SEMS KYI TSOR BA BDE BA GANG RUNG GIS BSDUS PA'I SIM PA'I TSOR BA DE NI DE YIN PA'I PHYIR, TSOR BA YID BDE BA'I MTSAN NYID YOD DE, BSAM GTAN GSUM PA LAS GZHAN PA'I SIM PAR MYONG BA'I SEMS TSOR DE DE YIN PA'I PHYIR, TSOR BA YID MI BDE BA'I MTSAN NYID YOD DE, SIM PA MA YIN PAR GDUNG BAR NYAMS SU MYONG BA'I SEMS KYI TSOR BA DE DE YIN PA'I PHYIR, TSOR BA BTANG SNYOMS KYI MTSAN NYID YOD DE, SIM GDUNG BAR MAR NYAMS SU MYONG BA'I TSOR BA DE DE YIN PA'I PHYIR TE, DE NI BDE SDUG GNYIS KAR MI GTOGS PAR MYONG BA'I YUL CAN YIN PA'I PHYIR, GNYIS PA LA, KHA CIG ,TSOR BA SDUG BSNGAL GYI DBANG PO YIN NA, TSOR BA LA LNGAR PHYE BA'I SDUG BSNGAL GYI DBANG PO YIN PAS KHYAB ZER NA, TSOR BA YID MI BDE BA'I DBANG PO CHOS CAN DER THAL, DE'I PHYIR, DER THAL, CHOS CAN DE YIN PA'I PHYIR, 'DOD NA, LUS TSOR YIN PAR THAL, 'DOD PA'I PHYIR, 'DOD NA, PHYI TSOR YIN PAR THAL, 'DOD PA'I PHYIR, KHYAB STE, LUS TSOR PHYI TSOR DBANG SHES SU GYUR BA'I TSOR BA @35B RNAMS DON GCIG YIN PA'I PHYIR, 'DOD NA MI 'THAD PAR THAL, NANG GI TSOR BA YIN PA'I PHYIR, DER THAL, YID KYI TSOR BA YIN PA'I PHYIR, KHYAB STE, YID KYI TSOR BA, NANG GI TSOR BA, YID SHES SU GYUR PA'I TSOR BA RNAMS DON GCIG PA'I PHYIR, KHA CIG ,TSOR BA BDE BA'I DBANG PO YIN NA, TSOR BA LA LNGAR PHYE BA'I BDE BA'I DBANG PO YIN PAS KHYAB ZER NA, TSOR BA YID BDE BA'I DBANG PO CHOS CAN, DER THAL, DE'I PHYIR, DER THAL, TSOR BA LA GSUM DU PHYE BA'I TSOR BA BDE BA YIN PA'I PHYIR 'DOD NA MI 'THAD PAR THAL, CHOS CAN DE YIN PA'I PHYIR, KHYAB STE, DE LNGAR PHYE BA'I TSOR BA BDE BA GTZO BOR LUS TSOR LA 'JOG PA'I PHYIR, KHA CIG ,DAD SOGS DBANG PO LNGA PO GANG RUNG LA LAM GYIS KHYAB ZER NA, LAM MA ZHUGS KYI GANG ZAG GI RGYUD KYI DANG BA'I DBANG PO CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, DER DKON MCHOG DANG LAS 'BRAS DANG BDEN BZHI'I BLANG DOR LA DAD CING 'JUG PA YOD PA'I PHYIR, 'DOD NA SLA'O, ,GNYIS PA DRI MED KYI DBANG PO NI; MTHONG SGOM MI SLOB LAM LA DGU, ,GSUM YIN, ZHES BYUNG, THEG PA GSUM GA'I MTHONG LAM CHOS CAN, MI SHES PA KUN SHES PAR BYED PA'I DBANG PO YIN TE, BDEN PA MNGON RTOGS YIN PA'I PHYIR, MTHONG LAM CHOS CAN, KHYOD LA DBYE NA DGU YOD DE, RANG GI NGO BOR GYUR PA'I DAD SOGS DBANG PO LNGA DANG, YID DANG TSOR BA BDE BA DANG YID BDE BTANG SNYOMS DANG DGU YOD PA'I PHYIR, SGOM LAM RNAMS CHOS CAN, KUN SHES PA'I DBANG PO YIN TE, ZAG MED KYI RJES LA MNGON RTOGS YIN PA'I PHYIR, DBYE NA DGU YOD DE, SNGAR LTAR DGU YOD PA'I PHYIR, MI SLOB LAM RNAMS CHOS CAN, KUN SHES LDAN PA'I DBANG PO YIN TE, ZAD MI SKYE SHES PA'I YE SHES KYI NGO BOR LDAN PA'I ZAG MED KYI SHES PA YIN PA'I PHYIR, DBYE NA DGU @36A *, ,YOD DE, SNGAR LTAR YOD PA'I PHYIR, BZHI PA DBANG PO'I DBYE BA LA, DBANG PO'I DBYE BA DNGOS, DE RNYED GTONG GI TSUL, DGE SBYONG TSUL GYI 'BRAS BU DBANG PO DUS 'THOB TSUL, DBANG PO LDAN TSUL BZHI, DANG PO LA; GNYIS TSAN DANG, GSUM TSAN GYI DBYE BA GNYIS, DANG PO LA, ZAG PA DANG BCAS MA BCAS KYI SGO NAS DBYE BA, RNAM SMIN YIN MIN GYI SGO NAS, RNAM SMIN DANG BCAS MA BCAS KYI SGO NAS DBYE BA GSUM, DANG PO NI, GSUM NI DRI MA MED, , GZUGS CAN SROG DANG SDUG BSNGAL DAG ,ZAG DANG BCAS PA DGU RNAM GNYIS, ,ZHES BYUNG, BSHAD MA THAG PA'I KUN SHES KYI DBANG PO GSUM CHOS CAN, ZAG MED KHO NA YIN TE, DRI MED KYI DBANG PO YIN PA'I PHYIR, DBANG PO GZUGS CAN BDUN DANG SROG DANG SDUG BSNGAL DANG YID MI BDE BA DANG DGU PO DAG CHOS CAN, ZAG PA DANG BCAS PA KHO NA YIN TE, LAM BDEN DU MA GTOGS PA'I 'DUS BYAS YIN PA'I PHYIR, DAD SOGS DBANG PO LNGA, TSOR BA BDE BA, YID BDE, BTANG SNYOMS, YID DBANG DANG DGU CHOS CAN, ZAG BCAS YIN MIN GYI CHA RNAM PA GNYIS YOD DE, LAM BDEN GYIS BSDUS MA BSDUS GNYIS YOD PA'I PHYIR, GNYIS PA NI, SROG NI RNAM SMIN BCU GNYIS GNYIS, ,THA MA BRGYAD DANG YID MI BDE, ,MA GTOGS PA STE, ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, DBANG PO NYER GNYIS LA RNAM SMIN YIN MIN GYI KHYAD PAR YOD DE, SROG NI RNAM SMIN KHO NA YIN LA, DAD SOGS LNGA DANG DRI MED GSUM STE THA MA BRGYAD DANG YID MI BDE BA RNAMS RNAM SMIN MA YIN PA KHO NA YIN ZHING, DE RNAMS MA GTOGS PA DBANG PO GZUGS CAN BDUN, TSOR BA GZHAN BZHI DANG YID DBANG DANG BCU GNYIS LA RNAM SMIN YIN @36B MIN GNYIS KA YOD PA'I PHYIR, SROG NI RNAM SMIN KHO NA YIN TE, BDE 'GRO DANG NGAN 'GRO'I SROG NI DGE MI DGE'I RNAM SMIN NYID YIN PA'I PHYIR, DAD SOGS BRGYAD CHOS CAN, RNAM SMIN MA YIN TE, DGE BA YIN PA'I PHYIR, YID MI BDE BA CHOS CAN, RNAM SMIN MA YIN TE, KHYOD LA DGE MI DGE GNYIS 'BYUNG BA'I PHYIR TE, SDIG PAS YID MI BDE BA DGE BA DANG, ZHE SDANG GIS YID MI BDE BA MI DGE BA YIN PA'I PHYIR, MIG RNA BA SNA LCE LUS PHO MO'I DBANG PO BDUN LA RNAM SMIN YIN MIN GNYIS YOD DE, DE BDUN LAS KYIS BYUNG BA NI RNAM SMIN DANG, RGYAS BYUNG RNAMS NI RNAM SMIN MA YIN PA'I PHYIR, TSOR BA YID BDE BA LAS GZHAN BZHI DANG YID DBANG DANG LNGA LA RNAM SMIN YIN MIN GNYIS KA YOD DE, DE RNAMS KYI DGE BA DANG NYON MONGS CAN SOGS RNAM SMIN MA YIN LA, LAS SKYES 'GA' ZHIG NI RNAM SMIN YIN PA'I PHYIR, DER THAL, RNAM SMIN NI LUNG MA BSTAN YIN YANG 'BAD RTZOL LA MI BLTOS SHING, DGE MI DGE DANG 'BAD PAS BSGRUB DGOS PA'I LUNG MA BSTAN RNAMS RNAM SMIN MA YIN PA'I PHYIR, GNYIS PA MTHA' DPYAD PA LA, KHA CIG ,SROG LA RNAM SMIN GYIS MA KHYAB PAR THAL, 'BYUNG BA RGYAS PA LAS BYUNG BA'I SROG NI RNAM SMIN MA YIN PAR 'DOD PA SOGS DU MA YOD PA'I PHYIR NA MA KHYAB, RTAGS DER THAL, BTZUN PA DBYANGS SGROGS RJES 'BRANG DANG BCAS PAS DE LTAR 'DOD PA'I PHYIR, KHA CIG ,TSE 'DI'I PHUNG PO LNGA RNAM SMIN YIN PAR THAL, TSE 'DI'I SKYE BA BLANGS PA'I CHA DANG LUS GRUB PA'ANG RNAM SMIN YIN PA'I PHYIR, 'DOD NA, DE GANG RUNG YIN NA, RNAM SMIN YIN DGOS PAR THAL, 'DOD PA'I PHYIR NA MA KHYAB STE, DE LA RNAM SMIN GYI 'GYUR BA YIN LA, RNAM SMIN MA YIN PA YOD PA'I PHYIR, DER THAL, DE LAS PHYIS RGYAS BYUNG DU GYUR PA YOD PA'I PHYIR, GSUM PA NI, DE @37A *, ,GCIG NI, ,RNAM PAR SMIN BCAS BCU RNAM GNYIS, ,YID DANG TSOR GZHAN DAD LA SOGS, ,ZHES BYUNG, SHES BYA CHOS CAN, DBANG PO NYER GNYIS LA RNAM PAR SMIN PA BCAS MA BCAS YIN MIN GNYIS YOD DE, YID MI BDE BA DE GCIG PU NI 'BRAS BU RNAM SMIN DANG BCAS LA, YID DBANG DANG TSOR BA GZHAN BZHI DAD PA LA SOGS PA'I DBANG PO LNGA STE BCU LA RNAM SMIN DANG BCAS MA BCAS RNAM PA GNYIS YOD PA'I PHYIR, PHYI MA DER THAL, DAD SOGS ZAG BCAS RNAM SMIN DANG BCAS SHING, ZAG MED RNAMS RNAM SMIN DANG MA BCAS LA, YID DANG TSOR BA GZHAN BZHI DGE MI DGE NI RNAM SMIN DANG BCAS SHING, DE LAS GZHAN RNAM SMIN DANG MA BCAS PA'I PHYIR, LHAG MA RNAMS LA RNAM SMIN MED DE, SROG GI DBANG PO DANG GZUGS CAN BDUN NI LUNG MA BSTAN YIN PAS RNAM SMIN MED LA, DRI MED GSUM NI ZAG MED YIN PAS RNAM SMIN MED PA'I PHYIR, GNYIS PA LA, DGE SOGS GSUM DANG, KHAMS GSUM DANG, MTHONG SPANG SOGS GSUM GYI SGO NAS DBYE BA GSUM, DANG PO NI, DGE BA BRGYAD YID MI BDE BA, ,RNAM GNYIS YID DANG TSOR GZHAN NI, ,RNAM GSUM GZHAN NI RNAM PA GCIG ,CES BYUNG, SHES BYA CHOS CAN, DBANG PO DE LAS GCIG TU DGE BA YIN PA YOD DE, RNAM BYANG GI DBANG PO BRGYAD PO DE DE YIN PA'I PHYIR, YID MI BDE BA CHOS CAN, DGE MI DGE RNAM PA GNYIS YOD DE, DGE BA BYAS PA LA YID MI BDE BA MI DGE BA DANG, MI DGE BA BYAS PA LA YID MI BDE BA DGE BA YIN PA'I PHYIR, YID DANG TSOR BA GZHAN BZHI CHOS CAN, DGE MI DGE LUNG MA BSTAN RNAM PA GSUM YOD DE, DGE SOGS GSUM GYI SEMS DANG MTSUNGS LDAN GSUM YOD PA'I PHYIR, GZHAN DBANG PO GZUGS CAN BDUN DANG SROG DBANG DANG BRGYAD CHOS CAN, RNAM PA GCIG TU LUNG MA BSTAN YIN TE, DGE MI DGE @37B GANG RUNG GIS BSDUS PA MA YIN PA'I CHOS YIN PA'I PHYIR, GNYIS PA NI, DRI MED MA GTOGS 'DOD PAR GTOGS, ,PHO MO'I DBANG DANG SDUG BSNGAL DAG ,MA GTOGS GZUGS GTOGS GZUGS CAN DANG, ,BDE BA'ANG MA GTOGS GZUGS MED GTOGS, ,ZHES BYUNG, SHES BYA CHOS CAN, 'DOD KHAMS KYI SAR GTOGS BCU DGU YOD DE, DRI MED KYI DBANG PO GSUM PO MA GTOGS GZHAN BCU DGU PO RNAMS DE LTAR YIN PA'I PHYIR, DBANG PO NYER GNYIS PO CHOS CAN, KHYOD LAS GZUGS KYI SAR GTOGS PA BCO LNGA YOD DE, SNGAR GYI BCU DGU LAS PHO MO'I DBANG PO DANG, TSOR BA SDUG BSNGAL DANG, YID MI BDE BA DAG STE BZHI MA GTOGS PA'I BCO LNGA PO DE DE YIN PA'I PHYIR, GZUGS MED KYI SAR GTOGS BRGYAD YOD DE, DBANG PO GZUGS CAN BDUN DANG BDE MI BDE SOGS BZHI DANG DRI MED GSUM MA GTOGS, SROG YID BTANG SNYOMS GSUM DANG DAD SOGS LNGA STE BRGYAD YOD PA'I PHYIR, GSUM PA NI, YID DANG TSOR BA GSUM RNAM GSUM, ,GNYIS KYIS SPANG BYA YID MI BDE, , DGU NI SGOM PAS LNGA PO NI, ,SPAR BAR BYA MIN YANG GSUM MIN, ,ZHES BYUNG, YID DANG TSOR BA BDE BA YID BDE BTANG SNYOMS GSUM PO CHOS CAN, KHYOD LA MTHONG SPANG SGOM SPANG SPANG BYA MIN PA RNAM PA GSUM GA'I CHA YOD DE, MTHONG SPANG DANG MTSUNGS LDAN RNAMS MTHONG SPANG YIN LA, DE LAS GZHAN PA'I ZAG BCAS RNAMS SGOM SPANG DANG, ZAG MED RNAMS SPANG BYA MA YIN PA'I PHYIR, TSOR BA YID MI BDE BA CHOS CAN, KHYOD LA MTHONG SGOM GNYIS KYIS SPANG BAR BYA BA'I CHA GNYIS YOD DE, MTHONG SPANG DANG MTSUNGS LDAN YIN MIN GNYIS YOD PA'I PHYIR, DBANG PO GZUGS CAN BDUN DANG SROG DANG TSOR BA SDUG BSNGAL GYI DBANG PO DGU CHOS CAN, SGOM PAS SPANG BAR BYA BA YIN TE, MTHONG SPANG MA YIN PA'I ZAG BCAS YIN PA'I PHYIR, DAD SOGS @38A *, ,LNGA PO CHOS CAN, SGOM PAS SPANG BAR BYA BA MA YIN PA YANG YOD LA DE'I SPANG BYA YIN PA YANG YOD DE, ZAG MED SPANG BYA MIN YANG ZAG BCAS SGOM SPANG YIN PA'I PHYIR, DRI MED KYI DBANG PO GSUM CHOS CAN, SPANG BYA MIN PAR NGES TE, ZAG MED YIN PA'I PHYIR RO, ,GNYIS PA RNYED GTONG GI TSUL LA, RNYED PA'I TSUL DANG, GTONG BA'I TSUL GNYIS, DANG PO LA, 'DOD PA DANG, GONG MA'I DBANG DU BYAS PA GNYIS, DANG PO LA, MNGAL SKYES DANG, RDZUS SKYES KYI DBANG DU BYAS PA GNYIS TE, 'DOD PAR DANG POR RNAM SMIN GNYIS, ,RNYED DE RDZUS TE SKYE BAS MIN, ,DE LAS DRUG GAM BDUN NAM BRGYAD, ,CES BYUNG, SHES BYA CHOS CAN, 'DOD PAR MNGAL SKYES SOGS GSUM SKYE BA'I TSE DANG POR RNAM SMIN GYI DBANG PO DU ZHIG RNYED TSUL YOD DE, LUS SROG GI DBANG PO GSAR DU RNYED LA, DE'I TSE DAD SOGS DANG YID DANG BTANG SNYOMS SOGS 'GA' ZHIG RNYED KYANG DE RNAMS NI RNAM SMIN MA YIN PA'I PHYIR, 'ON KYANG 'DOD PAR RDZUS TE SKYE BAS NI RNAM SMIN SROG LUS GNYIS KHO NA RNYED PA MA YIN TE, BSKAL PA DANG PO'I MI LTAR MTSAN GNYIS KA MED NA RNAM SMIN DU GYUR PA'I MIG SOGS LNGA DANG SROG DANG DRUG ,'DOD LHA LTA BUS DE LAS MIG SOGS DRUG DANG PHO MO'I DBANG PO GANG RUNG DANG BDUN, NGAN 'GRO LTA BUS MIG SOGS DRUG DANG MTSAN GNYIS BSNAN NAS BRGYAD RNYED PA'I PHYIR, GNYIS PA NI, GZUGS NA DRUG GO GONG MAR GCIG ,CES BYUNG, SHES BYA CHOS CAN, GZUGS SU NYID MTSAMS SBYOR BA'I DANG POR DBANG PO DRUG RNYED DE, MIG SOGS LNGA DANG SROG DANG DRUG RNYED PA'I PHYIR, DE'I GONG MA GZUGS MED DU MANG PO CIG CAR DU RNYED PA MA YIN TE, RNAM SMIN SROG SKYES GCIG PU RNYED PA'I PHYIR, DER THAL, GZUGS MED KHAMS NA GZUGS CAN GYI @38B DBANG PO RNAMS MED PA'I PHYIR, GNYIS PA LA, NYON MONGS CAN LUNG MA BSTAN GYI GTONG TSUL DANG, DGE SEMS CAN GYI GTONG TSUL GNYIS, DANG PO LA, KHAMS GONG MA DANG, 'DOD KHAMS KYI GTONG TSUL GNYIS, DANG PO NI, GZUGS MED DAG TU 'CHI BA NI, ,SROG DANG YID DANG BTANG SNYOMS NYID, ,'GAG PAR 'GYUR RO GZUGS NA BRGYAD, ,CES BYUNG, SHES BYA CHOS CAN, GZUGS MED DAG TU 'CHI BA'I TSE NA DBANG PO DU ZHIG CIG CAR DU GTONG TSUL YOD DE, SROG DANG YID DANG BTANG SNYOMS GSUM NYID CIG CAR DU 'GAG PAR 'GYUR BA'I PHYIR, GZUGS KHAMS SU GTONG TSUL YOD DE, SNGA MA GSUM DANG MIG SOGS LNGA STE BRGYAD CIG CAR 'GAG PAR 'GYUR BA'I PHYIR, DER THAL, RDZUS SKYES LA DBANG PO LNGA TSANG BAR 'GYUR BA'I PHYIR, GNYIS PA NI, 'DOD PAR BCU 'AM DGU'AM BRGYAD, ,RIM GYIS 'CHI BA DAG LA BZHI, ,ZHES BYUNG, SHES BYA CHOS CAN, 'DOD PAR MTSAN GNYIS PA CIG CAR 'CHI BA'I TSE DBANG PO DU ZHIG 'GAG TSUL YOD DE, MIG SOGS LNGA DANG SROG YID BTANG SNYOMS GSUM PHO MO'I DBANG PO GNYIS TE BCU CIG CAR GTONG BA'I PHYIR, MTSAN GCIG PA CHOS CAN, KHYOD KYIS DBANG PO GTONG TSUL YOD DE, SNGA MA BRGYAD KYI STENG PHO MO'I DBANG PO GANG RUNG ZHIG DANG BCAS PA DGU CIG CAR GTONG BA'I PHYIR, 'DOD KHAMS PA RIM GYIS 'CHI BA DAG LA CHOS CAN, GTONG TSUL YOD DE, LUS SROG YID BTANG SNYOMS BZHI CIG CAR GTONG BA'I PHYIR, DER THAL, DE DAG SO SOR PHRAL NAS MI 'CHI BA'I PHYIR, GNYIS PA NI, DGE LA THAMS CAD DAG TU LNGA, ,ZHES BYUNG, DGE SEMS CAN CHOS CAN, KHYOD 'CHI BA'I TSE SNGA MA LAS MANG STE, GONG DU BSHAD PA LTAR 'GAG PA'I GNAS SKABS THAMS CAD DU DE DAG DANG DAD SOGS DBANG PO LNGA CIG CAR 'GAG DGOS PA'I @39A *, ,PHYIR, GSUM PA NI, 'BRAS BU THA MA GNYIS DGUS 'THOB, ,GNYIS NI BDUN DANG BRGYAD DANG DGUS, ,BCU GCIG DAG GIS DGRA BCOM NYID, ,'GA' ZHIG SRID PHYIR BSHAD PA YIN, ,ZHES BYUNG, 'BRAS BU THA MA SNGA PHYI GNYIS LAS RGYUN ZHUGS KYI 'BRAS BU CHOS CAN, ZAG MED KYI DBANG PO DGUS 'THOB STE, LAM RJES SHES KYI NGO BOR GYUR PA'I DAD SOGS DBANG PO LNGA, YID DBANG, BTANG SNYOMS, MI SHES PA KUN SHES PAR BYED PA'I DBANG PO STE BRGYAD DANG, LAM RJES SHES KYI NGO BOR GYUR PA'I KUN SHES PA'I DBANG PO DANG DGUS THOB PA'I PHYIR, PHYI MA DGRA BCOM PA'I 'BRAS BU CHOS CAN, DBANG PO DGUS THOB STE, SGOM LAM RDO RJE LTA BU'I NGO BOR GYUR PA'I DAD SOGS LNGA DANG TSOR BA BDE BA YID DBANG YID BDE BTANG SNYOMS GSUM GANG RUNG, KUN SHES PA'I DBANG PO STE BRGYAD DANG, MI SLOB LAM GYI NGO BOR GYUR PA'I KUN SHES LDAN PA'I DBANG PO DANG DGUS THOB PA'I PHYIR, 'BRAS BU BAR PA GNYIS NI CHOS CAN, THOB TSUL YOD DE, DBANG PO BDUN DANG BRGYAD DANG DGUS THOB PA GSUM YOD PA'I PHYIR, DER THAL, ZHI RAGS KYI RNAM PA CAN GYIS THOB PAR BYED NA DAD SOGS LNGA DANG MI LCOGS MED PA'I NGO BOR GYUR PA'I YID DANG BTANG SNYOMS BDUN GYIS THOB, MTHAR GYIS PA LHAG MTHONG LA SHAS CHER SPYAD PA YIN NA, DAD SOGS DANG MI LCOGS MED PA'I YID DANG TSOR BA BTANG SNYOMS TE BDUN DANG KUN SHES PA'I DBANG PO DANG BRGYAD KYIS THOB, CHAGS BRAL GYI 'BRAS BU NI RGYUN ZHUGS LTAR MTHONG LAM GYI NGO BOR GYUR PA'I DBANG PO BRGYAD DANG LAM RJES SHES DANG DGUS THOB PA'I PHYIR, RAB TU BYED PAR DGRA BCOM PA'I 'BRAS BU DBANG PO BCU GCIG DAG GIS THOB PAR BSHAD PA DANG MI 'GAL TE, DES DGRA BCOM PA'I @39B 'BRAS BU NYID 'GA' ZHIG THOB SRID PA LA DGONGS NAS BSHAD PA'I PHYIR, BZHI PA LDAN TSUL LA, NGES LDAN DANG, SRID LDAN GNYIS, DANG PO LA, PHAN TSUN NGES LDAN DANG, DBANG PO GZHAN NGES LDAN GYI TSUL GNYIS, DANG PO NI, BTANG SNYOMS DANG NI SROG DANG NI, ,YID DANG LDAN LA NGES LDAN GSUM, ,ZHES BYUNG, BTANG SNYOMS DANG NI SROG DANG YID DBANG GSUM CHOS CAN, NGES LDAN YIN TE, PHAN TSUN NGES LDAN YIN PA'I PHYIR, DER THAL, GANG RUNG GCIG DANG LDAN NA GZHAN GNYIS KYANG LDAN PAR NGES PA'I PHYIR, DE CHOS CAN, KHYAB PA'I NGES LDAN YIN TE, KHAMS GSUM GYI 'GRO BA THAMS CAD LA KHYAB PA'I PHYIR, DER THAL, DE GSUM DANG MI LDAN PA'I GANG ZAG MI SRID PA'I PHYIR, GNYIS PA NI, BDE LUS LDAN LA BZHI DAG DANG, ,MIG SOGS LDAN LA LNGA DANG LDAN, ,YID BDE LDAN YANG SDUG BSNGAL LDAN, ,BDUN DANG MO YI DBANG SOGS LDAN, ,BRGYAD DANG KUN SHES LDAN PA YI, ,DBANG PO LDAN LA BCU GCIG LDAN, ,KUN SHES BYED PA'I DBANG LDAN LA, ,BCU GSUM DAG DANG LDAN PA YIN, ,ZHES BYUNG, BDE BA CHOS CAN, KHYOD DANG LDAN NA DBANG PO BZHI DAG DANG LDAN PAS KHYAB STE, NGES LDAN GSUM GYI STENG DU BDE BA DANG BZHI LDAN PA'I PHYIR, LUS DBANG CHOS CAN, KHYOD DANG LDAN NA BZHI DAG DANG LDAN TE, NGES LDAN GSUM DANG KHYOD DANG BCAS BZHI LDAN PA'I PHYIR, MIG SOGS DBANG PO LNGA CHOS CAN, KHYOD SO SO DANG LDAN NA LNGA DANG LDAN TE, NGES LDAN GSUM DANG LUS DANG BZHI'I STENG DU KHYOD GANG RUNG GCIG STE LNGA DANG LDAN PA'I PHYIR, YID BDE CHOS CAN, KHYOD DANG LDAN NA YANG LNGA DANG LDAN TE, BDE BA DANG YID BDE BA STE LNGA DANG LDAN PA'I PHYIR, SDUG BSNGAL GYI DBANG PO CHOS CAN, KHYOD DANG LDAN NA DBANG PO BDUN DANG LDAN TE, NGES LDAN GSUM, SDUG BSNGAL BDE BA YID BDE BA BTANG SNYOMS BCAS LDAN PA'I PHYIR, MO YI @40A *, ,DBANG PO DANG SOGS TE PHO'I DBANG PO YID MI BDE DANG DAD SOGS GANG RUNG STE BZHI DANG LDAN NA BRGYAD DANG LDAN TE, SNGA MA BDUN DANG PHO MO'I DBANG PO GANG RUNG STE BRGYAD DANG LDAN PA DANG, YID MI BDE DANG, DAD SOGS GANG RUNG DANG LDAN NA SNGAR LTAR BDUN DANG BCAS BRGYAD DANG LDAN PAS KHYAB PA'I PHYIR, KUN SHES DANG DE LDAN PA'I DBANG PO CHOS CAN, KHYOD DANG LDAN NA BCU GCIG DANG LDAN TE, BDE BA YID BDE BTANG SNYOMS SROG YID DANG DAD SOGS LNGA KUN SHES PA'I DBANG PO'AM DE LDAN PA'I DBANG PO DANG BCU GCIG LDAN PA'I PHYIR, KUN SHES BYED PA'I DBANG PO CHOS CAN, KHYOD DANG LDAN NA BCU GSUM DAG DANG LDAN PAS KHYAB STE, YID SROG LUS GSUM DANG TSOR BA'I DBANG PO GNYIS, DAD SOGS LNGA DANG, YID BDE BTANG SNYOMS GNYIS, KHYOD RANG BCAS BCU GSUM LDAN PA'I PHYIR, GNYIS PA SRID LDAN LA, NYUNG LDAN DANG, MANG LDAN GNYIS, DANG PO NI, DGE MED NANG NA NYUNG LDAN PA, ,LUS TSOR SROG YID BRGYAD DANG LDAN, ,GZUGS MED BYIS PA'ANG DE BZHIN TE, ,BTANG SNYOMS SROG YID DGE RNAMS DANG, ,ZHES BYUNG, DGE RTZA CHAD NAS MED PA'I GANG ZAG GI NANG NAS DBANG PO NYUNG NGU DANG LDAN NA BRGYAD DANG LDAN TE, LUS TSOR BA LNGA DANG SROG YID BRGYAD DANG LDAN PA'I PHYIR, GZUGS MED KYI BYIS PA'ANG CHOS CAN, DBANG PO BRGYAD DANG LDAN TE, SNGA MA DE BZHIN DU BTANG SNYOMS SROG YID DANG DAD SOGS DGE BA LNGA STE BRGYAD RNAMS DANG LDAN PA'I PHYIR, GNYIS PA NI, MANG POR LDAN LA BCU DGU STE, ,DRI MA MED RNAMS MA GTOGS SO, ,ZHES BYUNG, MTSAN GNYIS DANG LDAN PA'I 'DOD PA'I SO SKYE CHOS CAN, DBANG PO MANG PO DANG LDAN TE, DRI MED KYI DBANG PO RNAMS MA GTOGS BCU DGU DANG LDAN PA'I PHYIR, RGYUN ZHUGS DANG PHYIR 'ONG LTA BU'I 'PHAGS PA CHAGS BCAS CHOS CAN, DBANG PO BCU DGU DANG LDAN TE, @40B SNGAR GYI STENG NAS PHO MO'I MTSAN MA GANG RUNG GCIG MA GTONGS BCO BRGYAD DANG, DRI MED PHYI MA GNYIS MA GTOGS PA LHAG MA RNAMS DANG LDAN PA'I PHYIR RO, ` ,GNYIS PA 'DUS BYAS SKYE TSUL LA, GZUGS CAN SKYE TSUL DANG, DE MIN PA'I SKYE TSUL GNYIS, DANG PO NI, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,LUS DBANG LDAN LA RDZAS DGU'O, ,DBANG PO GZHAN LDAN RDZAS BCU'O, ,ZHES BYUNG, 'DI LA TSIG DON DANG, MTHA' DPYAD PA GNYIS, DANG PO NI, SHES BYA CHOS CAN, 'DOD PA NA DBANG POS ZIN PA MED PA'I RDUL PHRA RAB GCIG SKYE BA'I TSE RDUL RDZAS BRGYAD CIG CAR DU SKYE STE, DE SKYE BA'I TSE 'BYUNG BZHI'I RDUL DANG SGRA MED PA STE MA GTOGS PA'I GZUGS DRI RO REG BYA'I RDUL PHRA RAB BCAS BRGYAD CIG CAR DU SKYE BA'I PHYIR, 'DOD PAR LUS DBANG DANG LDAN PA LA RDZAS DGU CIG CAR SKYE STE, SNGA MA BRGYAD LUS DBANG DANG DGU SKYE BA'I PHYIR, DBANG PO GZHAN MIG RNA BA SNA LCE DANG LDAN PA LA RDZAS BCU DUS CIG CAR SKYE STE, SNGA MA DGU DANG MIG SOGS GANG RUNG BCAS BCU SKYE BA'I PHYIR, GNYIS PA LA, KHA CIG ,RDZAS RDUL PHRA RAB MED PAR THAL, BSAGS RDUL PHRA RAB LAS CHUNG BA'I RDUL MED PA'I PHYIR NA MA KHYAB, RTAGS DER THAL, RANG 'GREL LAS, DE LAS CHUNG BA NI MI MNGON NO, ,ZHES GSUNGS PA'I PHYIR, 'DOD NA, DE YOD PAR THAL, GANGS SPEL LAS, RDUL PHRA RAB NI RNAM PA GNYIS TE, RDZAS KYI RDUL PHRA RAB DANG BSAGS PA'I RDUL PHRA RAB BO, ,ZHES GSUNGS PA'I PHYIR, KHA CIG ,SLOB DPON GYIS RDZAS RDUL PHRA RAB BZHED PAR THAL, BYE SMRA'I LUGS 'DIR DE YOD PAR 'DOD PA'I PHYIR NA MA KHYAB, 'DOD NA, MI 'THAD PAR THAL, SLOB DPON DANG MDO SDE PAS DE KHAS MI LEN PAR BSHAD PA'I PHYIR, KHA CIG ,'DOD PA'I RDUL RDZAS BRGYAD 'DUS KYI GONG BU PHRA RAB GCIG LA, RDUL PHRA RAB BRGYAD YOD @41A *, ,PAR THAL, DE RDUL RDZAS BRGYAD 'DUS KYI GONG BU YIN PA'I PHYIR, DER THAL, DE LTA BU'I GONG BU PHRA RAB GCIG YOD PA'I PHYIR NA SNGA MAR MA KHYAB, 'DOD NA, DE MI 'THAD PAR THAL, RDUL RDZAS BRGYAD 'DREN PA'I TSE SA CHU ME RLUNG BZHI DANG, GZUGS DRI RO REG BYA BZHI STE BRGYAD KYI RDZAS 'DREN PA GANG ZHIG ,DE LTAR NA RDUL RDZAS BRGYAD 'DUS PAR RDUL PHRA RAB GCIG TU KHAS LEN DGOS PA'I SKYON YOD PA'I PHYIR, GZHAN YANG, DE MI 'THAD PAR THAL, RDUL RDZAS BRGYAD 'DUS ZHES PA NI RDZAS SA MA NUS PA 'DUS PA YIN GYI, RDZAS RIL RIL BRGYAD TSANG BA'I DON MA YIN PA'I PHYIR, KHA CIG ,RDO SRA BA LTA BU ZHIG LAS KHAMS YOD KYANG GZHAN GSUM MED PAR THAL, DE LA RLUNG RDZAS MED PA'I PHYIR, DER THAL, DE LA G-YO BA MED PA'I PHYIR, DER THAL, DE G-YO BA'I KHAMS MA YIN PA'I PHYIR NA MA KHYAB, 'DOD NA, GZHAN GSUM YOD PAR THAL, DE LA SAS SDUD PA DANG ME KHAMS DRO BA DANG CHU RDZAS GSHER BA DANG RLUNG KHAMS G-YO BA RNAMS YOD PA'I PHYIR, DER THAL, DE LA SA KHAMS SHAS CHE YANG GZHAN GSUM NUS PA'I TSUL GYIS YOD PA'I PHYIR, KHA CIG ,BSAGS RDUL PHRA RAB GCIG LA RDUL RDZAS BRGYAD NGO BO THA DAD DU DMIGS PAR THAL, DE LA RDUL RDZAS BRGYAD TSANG BA'I PHYIR NA MA KHYAB, 'DOD NA, MI 'THAD PAR THAL, DE LA DE BRGYAD KYI NGO BO SO SOR BZUNG BAR MI NUS PA'I PHYIR, GNYIS PA LA, MTSUNGS LDAN 'DU BYED DANG, LDAN MIN 'DU BYED GNYIS, DANG PO LA, MDOR BSTAN PA DANG, RGYAS PAR BSHAD PA GNYIS, DANG PO NI, SEMS DANG SEMS BYUNG NGES LHAN CIG ,THAMS CAD 'DUS BYAS MTSAN NYID DANG, ,THOB PA'AM, ZHES BYUNG, SHES BYA CHOS CAN, GTZO SEMS GCIG SKYE BA'I TSE 'KHOR SEMS BYUNG DANG LHAN CIG NGES PAR SKYE BAS KHYAB STE, SEMS SEMS BYUNG GNYIS PA NA TSUN @41B GCIG MED PAR CIG SHOS MI SKYE BA'I PHYIR, DER THAL, RANG 'GREL LAS, 'DI DAG NI PHAN TSUN MED NA 'BYUNG BAR MI NUS SO, ,ZHES GSUNGS PA'I PHYIR, 'DUS BYAS THAMS CAD CHOS CAN, SKYE BA'I TSE RANG GI MTSAN NYID SKYE 'GAG GNAS GSUM MI RTAG PA DANG BZHI LHAN CIG SKYE BAS KHYAB STE, DE RNAMS DANG 'BRAL MED DU LDAN PAS KHYAB PA'I PHYIR, GANG ZAG GI RGYUD KYIS BSDUS PA'I 'DUS BYAS CHOS CAN, KHYOD YIN NA SNGA MA'I STENG DU RANG GI THOB PA DANG LHAN CIG SKYE BAS KYANG KHYAB STE, KHYOD YIN NA GANG ZAG DE NYID KYI RGYUD LA LDAN PAR BYED PA'I RDZAS ZHIG YOD PAS KHYAB PA'I PHYIR, LAM ZHES SMOS PA LA DGOS PA YOD DE, RGYUD DU GTOGS MI GTOGS LA THOB PA YOD MED KYI KHYAD PAR BSTAN PA'I CHED YIN PA'I PHYIR, GNYIS PA LA, SEMS BYUNG SPYI'I RNAM GZHAG ,GTZO SEMS GANG GI 'KHOR DU SEMS BYUNG DU 'GRO BA, ZHAR LA SEMS BYUNG 'GA' ZHIG GI KHYAD PAR BSHAD PA GSUM, DANG PO LA, NGES PA'I MTSUNGS LDAN 'DU BYED DANG, MA NGES PA'I MTSUNGS LDAN 'DU BYED GNYIS, DANG PO LA; MDOR BSTAN PA DANG, RGYAS PAR BSHAD PA GNYIS, DANG PO NI, SEMS BYUNG RNAM LNGA STE, ,SA MANG LA SOGS THA DAD PHYIR, ,ZHES BYUNG, NGES PA'I MTSUNGS LDAN GYI SEMS BYUNG CHOS CAN, KHYOD LA SKYE TSUL RNAM PA LNGA YOD DE, SEMS GYIS MANG PO LA SOGS TE DGE BA'I SA PA, NYON MONGS CHEN PO'I SA PA, MI DGE BA'I SA PA, NYON MONGS CHUNG NGU'I SA PA STE THA DAD PA LNGA YOD PA'I PHYIR, GNYIS PA LA LNGA'I DANG PO NI, TSOR DANG SEMS PA 'DU SHES DANG, ,'DUN DANG REG DANG BLO GROS DRAN, ,YID LA BYED DANG MOS PA DANG, ,TING NGE 'DZIN SEMS THAMS CAD LA, ,ZHES BYUNG, SHES BYA CHOS CAN, 'DI BA'I LUGS KYIS MANG PO PA BCU YOD DE, YUL MYONG BA'I TSOR ? BA DANG, 'DU BYED PA'I SEMS PA DANG, YUL DANG 'DUS SHES PA'I 'DU @42A *, ,SHES DANG, DON DU GNYER BA'I 'DUN PA DANG, YUL DBANG RNAM SHES GSUM DANG PHRAD NAS SKYES PA'I REG PA DANG, CHOS RNAM PAR 'BYED PA'I BLO GROS SHES RAB DANG, MI BRJED PA'I DRAN PA DANG, SEMS KYI 'JUG PA YID LA BYED PA DANG, YUL DE 'DOD PA'I MOS PA DANG, RTZE GCIG PA'I TING NGE 'DZIN DANG BCU YOD PA'I PHYIR, DE BCU CHOS CAN, SEMS KYIS MANG ZHES BRJOD PA'I RGYU MTSAN YOD DE, SEMS KYI SKAD CIG THAMS CAD DANG SA THAMS CAD LA 'BYUNG BA'I PHYIR, LNGA'I GNYIS PA NI, DAD DANG BAG YOD SHIN TU SBYANGS, ,BTANG SNYOMS NGO TSA SHES KHREL YOD, ,RTZA BA GNYIS RNAM MI 'TSE DANG, ,BRTZON 'GRUS RTAG TU DGE LA 'BYUNG, ,ZHES BYUNG, SEMS DANG BA'I DAD PA DANG, YON TAN LA GCIS SPRAS BYED PA'I BAG fYOD DANG, SEMS LAS RUNG GI SHIN TU SBYANGS PA DANG, SEMS MNYAM PA NYID KYI 'DU BYED BTANG SNYOMS DANG, NGO TSA SHES PA DANG, KHREL YOD PA DANG, CHAGS MED DANG ZHE SDANG MED PA'I RTZA BA GNYIS DANG, GZHAN LA MI 'TSE BA DANG, DGE BA'I BRTZON 'GRUS DANG BCU CHOS CAN, DGE BA'I SA MANG ZHES BYA STE, DGE BA'I SEMS KUN GYI 'KHOR DU 'GRO BA'I PHYIR, GSUM PA NI, RMONGS DANG BAG MED LE LO DANG, ,MA DAD PA DANG RMUGS DANG RGOD, ,NYON MONGS CAN LA RTAG TU 'BYUNG, ,ZHES BYUNG, RMONGS PA STE MA RIG PA DANG, BAG MED DANG, LE LO DANG, MA DAD PA DANG, RMUGS SEMS DANG, MA ZHI BA'I RGOD PA DANG DRUG CHOS CAN, NYON MONGS CHEN PO'I SA PA YIN TE, RTAG TU NYON MONGS CAN GYI SEMS THAMS CAD KYI 'KHOR DU 'BYUNG BA'I PHYIR, BZHI PA NI, MI DGE LA NI KHREL MED DANG, ,NGO TSA MED PA'O, ZHES BYUNG, KHREL MED DANG NGO TSA MED PA GNYIS CHOS CAN, MI DGE BA'I SA MANG YIN TE, MI DGE BA'I SA MANG PO THAMS CAD KYI 'KHOR KHO NAR 'BYUNG BA'I PHYIR, LNGA PA NI, KHRO BA DANG, ,KHON DU @42B 'DZIN DANG G-YO DANG NI, ,PHRAG DOG 'TSIG 'CHAB SER SNA DANG, ,SGYU DANG RGYAGS DANG RNAM 'TSE NI, ,NYON MONGS CHUNG NGU'I SA PA RNAMS, ,ZHES BYUNG, MNAR SEMS KYIS KHRO BA DANG, SHA GNYER BA'I KHON DU 'DZIN PA DANG, SEMS SGYUR BA'I G-YO DANG, GZHAN GYI PHUN TSOGS LA PHRAG DOG DANG, SDIG LA ZHEN PA'I 'TSIG PA DANG, NYES PA SBED PA'I 'CHAB SEMS DA