*, ,'DUL GZHUNG RGYA MTSO'I DGONGS DON SNYING PO BSDUS PA YID BZHIN NOR BU ZHES BYA BA BZHUGS SO, , @01B {DD} #, ,RAB 'BYAMS TSOGS GNYIS CHU GTER LAS 'THON SPANGS RTOGS CHA SHAS KUN NAS RDZOGS, ,DMIGS MED THUGS RJE'I BSIL ZER RAB 'PHRO PHAN DANG BDE BA'I PADMO 'DZUM, ,YONGS DAG YE SHES SNANG BA RAB GSAL SHES BYA'I MKHA' LA BGROD PA CAN, ,THUB DBANG RGYU SKAR RGYAL PO GANG DE LHAR BCAS 'GRO BA'I GTAN GYI SKYABS, ,'DUL GZHUNG RGYA MTSO'I 'JING LA GNAS BCAS SHING, ,DGAG SGRUB DPYOD PA'I PHUD SGRA DRAG TU SGROGS, ,BLA MED GDENGS KA MCHOG GIS MDZES GYUR PA; ;BSHES GNYEN KLU YI DBANG PO RNAMS LA 'DUD, ,RAB YANGS LEGS BSHAD MKHA' LA RAB RGYU ZHING, ,THUB BSTAN PAD TSAL BZHAD PA'I DPAL YON CAN, ,DON BZANG 'OD STONG 'GYED PA'I NYI MA ZHIG ,RNAM DPYOD MGYOGS 'GRO'I SHUGS KYIS 'DREN PAR BYA, ,DE LA 'DIR 'DUL BA'I SDE SNOD KYI DON BSDUS TE 'CHAD PA LA GNYIS, @02A {DD} #, ,SNGON DU 'GRO BA SPYI'I RNAM GZHAG DANG, SKABS SU BABS PA'I GZHUNG DON BSHAD PA'O, ,DANG PO NI, 'O SKOL GYI STON PA SH'AKYA'I RGYAL PO DE NYID KYIS DANG POR BYANG CHUB MCHOG TU SEMS BSKYED, BAR DU BSKAL PA GRANGS MED GSUM DU TSOGS BSAGS, MTHAR MNGON PAR RDZOGS PAR SANGS RGYAS PA ZHES BYA BA YIN TE, SNGON RDZA MKHAN GYI KHYE'U SNANG BYED DU GYUR PA'I TSE SANGS RGYAS SH'AKYA THUB PA CHEN PO'I DRUNG DU BYANG CHUB MCHOG TU SEMS BSKYED, SANGS RGYAS 'OD ZER GYI PHUNG PO CHEN PO NAS RIN CHEN GTZUG TOR CAN GYI BAR SANGS RGYAS BDUN KHRI LNGA STONG LA GRANGS MED DANG PO'I TSOGS BSAGS, SANGS RGYAS DKON MCHOG YAN LAG NAS MAR ME MDZAS KYI BAR SANGS RGYAS BDUN KHRI DRUG STONG LA GRANGS MED GNYIS PA'I TSOGS BSAGS, DE NAS BZUNG STE SANGS RGYAS RNAM GZIGS KYI BAR SANGS RGYAS BDUN KHRI BDUN STONG LA GRANGS MED GSUM PA'I TSOGS BSAGS NAS RDO RJE GDAN DU MNGON PAR RDZOGS {DD} @02B PAR SANGS RGYAS PA'I PHYIR TE, DE SKAD DU YANG MDZOD LAS, RNAM GZIGS MAR ME RIN CHEN GTZUG ,GRANGS MED GSUM GYI THA MAR 'BYUNG, ,DANG PO SH'AKYA THUB PA YIN, ,ZHES GSUNGS PA'I PHYIR, DE NI THEG PA 'OG MA DANG THUN MONG BA'I DBANG DU BYAS PA YIN LA, THEG CHEN THUN MONG MA YIN PA'I LUGS 'DI LTAR YIN TE, SA DANG PO TSUN CHAD DU GRANGS MED DANG PO DANG, SA GNYIS PA NAS BDUN PA'I BAR LA GRANGS MED GNYIS PA DANG, DAG PA SA GSUM GYI GNAS SKABS SU GRANGS MED GSUM PA'I TSOGS RDZOGS PAR MDZAD NAS 'OG MIN DU LONGS SPYOD RDZOGS PA'I SKUR SANGS RGYAS TE, DGA' LDAN DU DAM PA TOG DKAR POR SPRUL NAS 'DZAM BU'I GLING DU MDZAD PA BCU GNYIS KYI TSUL DU BSTAN PA'I PHYIR TE, LANG GSHEGS LAS, 'OG MIN GNAS MCHOG NYAMS DGA' BAR, ,YANG DAG GSHEGS LAS, 'OG MIN GNAS MCHOG NYAMS DGA' BAR, ,YANG DAG RGYA, ,ZHES DANG, RGYUD BLA MA LAS, CHOS KYI SKU LAS MA G-YOS PAR, ,SPRUL PA'I RANG BZHIN SNA TSOGS KYIS, ,ZHES SOGS GSUNGS PA'I PHYIR, SANGS RGYAS PA'I DUS SOGS LA BZHED PA MI MTHUN PA YOD KYANG 'DI LTAR BYA STE, 'O SKOL GYI STON PA DE NYID LCAGS SPREL GYI LO LA SKU BLTAMS NAS LO NYER DGU'I BAR KHAB TU BZHUGS, DE NAS SA BYI LA RAB TU BYUNG STE LO DRUG DKA' BA SPYAD, LO SO LNGA BZHES PA'I SHING RTA LA SANGS RGYAS NAS LO DER BDEN BZHI'I CHOS 'KHOR BSKOR TE, DGUNG LO GYA GCIG PA LCAGS 'BRUG GI LO LA MYA NGAN LAS 'DA' TSUL BSTAN PA NI BEE DKAR LTAR RIGS PA'I PHYIR, DE LTAR MNGON PAR RDZOGS PAR SANGS RGYAS NAS CHOS KYI 'KHOR @03A *, ,LO BRGYAD KHRI BZHI STONG RIM PAR BSKOR ZHING, DE DAG GI NANG NAS BRJOD BYA'I NGOS NAS PHUL DU BYUNG BA NI 'DUL BA'I SDE SNOD RIN PO CHE 'DI NYID YIN TE, 'DIS NGO BO'I SGO NAS BSTAN PA'I GO CHOD PAR MA ZAD, BRJOD DON BSLAB BYA'I GNAS RNAMS GSAL BAR STON PA'I CHA NAS STON PA'I DOD THUB LTA BU YANG YIN PA'I PHYIR TE, DE SKAD DU'ANG, RGYAL BA STON PA DE YI DAM CHOS NI, ,MDO DANG CHOS MNGON YIN GSUNG 'DUL BA NI, ,STON DANG BSTAN PA DNGOS YIN DE YI PHYIR, ,GNYIS GYUR PHYAG BYAS SANGS RGYAS KHYOD GCIG BZHIN, ,ZHES GSUNGS PA'I PHYIR, DE LTA BU'I 'DUL BA'I MDO DE LA GNYIS YOD DE, RTZA BA'I MDO DANG, DE'I BSHAD PA'I MDO GNYIS YOD PA'I PHYIR, DANG PO YOD DE, DGE SLONG PHA'I SO THAR GYI MDO DANG, MA'I SO THAR GYI MDO GNYIS YOD PA'I PHYIR, GNYIS PA GRUB STE, RNAM 'BYED, GZHI, PHRAN TSEGS, GZHUNG DAM PA RNAMS SU YOD PA'I PHYIR, DER THAL, RNAM 'BYED KYIS SO THAR GYI MDO'I DNGOS BSTAN GYI CHA GTZO BOR GTAN LA 'BEBS, LUNG GZHIS DE'I SHUGS BSTAN GYI CHA GTZO BOR GTAN LA 'BEBS, PHRAN TSEGS KYIS DE'I KHA SKONG GI CHA GTZO BOR GTAN LA 'BEBS, GZHUNG DAM PAS DE LA DOGS GCOD KYI CHA GTZO BOR GTAN LA 'BEBS PAR BYED PA'I PHYIR, PHYOGS MTHUN GYI MDO DE LA YANG DU MA YOD DE, DGE SLONG LA RAB TU GCES PA'I MDO, TSUL KHRIMS YANG DAG PAR LDAN PA'I MDO, LTUNG BA SDE LNGA'I DGE MI DGE BSTAN PA'I MDO, TSUL KHRIMS 'CHAL BA'I RNAM SMIN LCI BAR BSTAN PA'I MDO, 'KHAR GSIL GYI MDO SOGS DU MA YOD PA'I PHYIR, DE DAG GI DGONGS 'GREL @03B GYI BSTAN BCOS KYANG MANG DU YOD DE, TSIG 'GREL DANG, DON 'GREL DU MA YOD PA'I PHYIR, DANG PO GRUB STE, RTZA BA'I LUNG GI TSIG 'GREL DANG, BSHAD PA'I LUNG GI TSIG 'GREL GNYIS YOD PA'I PHYIR, DANG PO YOD DE, DRI MED BSHES GNYEN GYIS MDZAD PA'I ? BAM PO LNGA BCU PA, DPA' BOS MDZAD PA'I 'GREL PA BAM PO NYER BDUN PA, KHYAD PAR BSHES GNYEN GYIS MDZAD PA'I SO THAR BSDUS 'GREL RNAMS YOD PA'I PHYIR, GNYIS PA GRUB STE, DUL BA LHAS MDZAD PA'I 'GREL PA, DGE LEGS BSHES GNYEN GYIS MDZAD PA'I 'GREL PA, TSUL KHRIMS BSKYANGS KYIS MDZAD PA'I 'GREL PA RNAMS SU YOD PA'I PHYIR, GNYIS PA DON GYI 'GREL PA DE LA YANG DU MA YOD DE, BYE BRAG BSHAD MDZOD CHEN PO'I NANG TSAN GYI 'DUL BA BYE BRAG TU BSHAD PA, LUNG SDE BZHI'I DGONGS PA GTAN LA 'BEBS PA SLOB DPON YON TAN 'OD KYIS MDZAD PA'I MDO RTZA BA, DES MDZAD PA'I MDO RTZA'I RANG 'GREL, KARMA SHA TAM, SA GA LHAS MDZAD PA'I ME TOG 'PHRENG RGYUD, SH'AKYA 'OD KYIS MDZAD PA'I SUM BRGYA PA, RANG 'GREL 'OD LDAN, CHOS KYI BSHES GNYEN GYIS MDZAD PA'I RGYA CHER 'GREL SOGS MANG DU YOD PA'I PHYIR, 'O NA 'DIR DE RNAMS KYI NANG NAS GANG GI RJES SU 'BRANG ZHE NA, 'DUL BA MDO RTZA BA'I RJES SU 'BRANGS NAS 'CHAD PAR BYED PA YIN TE, 'DI NYID BRJOD BYA'I SGO NAS 'GREL PA GZHAN LAS KHYAD PAR 'PHAGS PA'I PHYIR, GNYIS PA SKABS SU BABS PA'I GZHUNG DON RIM PAR 'CHAD PA LA BZHI YOD DE, MTSAN GYI DON, 'GYUR GYI PHYAG ,GZHUNG GI DON, MJUG GI DON RNAMS SU YOD PA'I PHYIR, DANG PO YOD DE, LEGS SBYAR GYI SKAD DU, BI N'A YA S'U K'A [m:TR'A?] ZHES 'BYUNG LA, DE NYID BOD SKAD DU BSGYUR NA, 'DUL BA'I MDO ZHES BYA BAR 'GYUR BA'I PHYIR, 'DI CHOS CAN, KHYOD LA DE SKAD BRJOD PA'I RGYU MTSAN YOD DE, BRJOD BYA'I DBANG DU BYAS NA SPONG BDUN 'KHOR BCAS KYI TSUL KHRIMS STON CING RJOD BYED KYI DBANG DU @04A *, ,BYAS NA, 'DUL BA LUNG SDE BZHI'I DON TSIG RNAMS MDOR BSDUS NAS STON PAS NA, DE LTAR DU BRJOD PA'I PHYIR, GNYIS PA YOD DE, THAMS CAD MKHYEN PA LA PHYAG 'TSAL LO ZHES 'BYUNG BA'I PHYIR, DE LTAR MCHOD BRJOD MDZAD ? [SW: OK] PA LA CHOS CAN, DGOS PA YOD DE, 'DUL BA'I BCAS 'TSAMS PHRA ZHING PHRA BA RNAMS THAMS CAD MKHYEN PA KHO NA'I MNGON SUM GYI YUL YIN PAS NA DE LA MCHOD BRJOD MDZAD PA'I PHYIR, GSUM PA LA GSUM, DGOS SOGS CHOS KYI KHYAD PAR DANG, GZHUNG DON DNGOS BSHAD PA DANG, 'PHROS DON BSHAD PA'O, ,DANG PO LA DU MA YOD DE, DGOS 'BREL NGAG GI DGOS SOGS CHOS BZHI DANG, BSTAN BCOS LUS KYI DGOS SOGS BZHI YOD PA'I PHYIR, DANG PO YOD DE, BSTAN BCOS LUS KYI DGOS SOGS CHOS BZHI PO DE DGOS 'BREL NGAG GI BRJOD BYA, NGAG DE LA BRTEN NAS BSTAN BCOS 'DIR DGOS SOGS CHOS BZHI YOD PAR RTOGS PA DE'I DGOS PA, DGOS PA DE LA BRTEN NAS BSTAN BCOS 'DI LA THOS SOGS KYIS 'JUG PA DE'I NYING DGOS, NYING DGOS DGOS PA DE BRJOD BYA DE DAG 'DI LA 'BREL PA DE, 'DI'I CHOS BZHI'I NANG TSAN GYI 'BREL PA YIN PA'I PHYIR, GNYIS PA YOD DE, SPONG BDUN 'KHOR BCAS KYIS BSDUS PA'I SO THAR GYI TSUL KHRIMS DE, BSTAN BCOS LUS KYI BRJOD BYA, BSTAN BCOS 'DI LA BRTEN PA'I GDUL BYAS BRJOD BYA DE RTOGS PA DGOS PA, BRJOD BYA SPONG BDUN GYI TSUL KHRIMS NYAMS SU BLANGS PA LA BRTEN NAS LHAG MED MYANG 'DAS THOB PA DANG THOB PA'I MYANG 'DAS DE NYING DGOS, CHOS GSUM PHYI MA SNGA MA LA 'BREL PA DE, DE'I NANG TSAN GYI 'BREL PA YIN PA'I PHYIR, CHOS BZHI PO 'DIR BSTAN TSUL YOD DE, NGES PAR 'BYUNG BA'I TSUL KHRIMS KYI DBANG DU BYAS TE ZHES PA'I TSIG ZUR GYI NGES PAR 'BYUNG BA ZHES PAS NYING DGOS DANG, TSUL KHRIMS ZHES PAS BRJOD BYA GNYIS DNGOS SU BSTAN NAS, DBANG DU @04B BYAS TE ZHES PA'I TSIG GIS DGOS PA DANG 'BREL PA DON GYIS BSTAN PA'I PHYIR, DE SKAD DU YANG RGYA CHER 'GREL LAS, BRJOD PAR BYA BA DANG DGOS PA'I YANG DGOS PA NI TSUL KHRIMS DANG NGES PAR 'BYUNG BA'I TSIG GNYIS KYI GO RIM BZHIN DU DNGOS SU BSTAN LA, DGOS PA DANG 'BREL PA NI SHUGS LA BSTAN TE, ZHES GSUNGS PA'I PHYIR, KHA CIG ,TSUL KHRIMS DE, SKABS 'DIR DNGOS SU BSTAN PA'I TSUL KHRIMS YIN ZER NA, DE NI MI 'THAD DE, 'DI'I DNGOS BSTAN GYI TSUL KHRIMS YIN NA, NGES 'BYUNG GI TSUL KHRIMS YIN DGOS PA'I PHYIR, DER THAL, NGES PAR 'BYUNG BA'I TSUL KHRIMS ZHES GSUNGS PA'I PHYIR, GZHAN YANG DE MI 'THAD DE, TSUL KHRIMS DE LA NGES 'BYUNG GI TSUL KHRIMS, LEGS SMON, 'JIGS SKYOBS KYI TSUL KHRIMS RNAMS SU YOD PA'I PHYIR, KHA CIG ,'DI'I DNGOS BSTAN GYI TSUL KHRIMS YIN NA, SPONG BDUN GYI TSUL KHRIMS YIN PAS KHYAB ZER NA NI MI 'THAD DE, 'DI'I DNGOS BSTAN GYI TSUL KHRIMS YIN NA, SPONG BDUN TSANG BA'I TSUL KHRIMS YIN MI DGOS PA'I PHYIR, DER THAL, DE LA LUS NGAG RE RE BA'I KHA NA MA THO BA SPONG BA'I TSUL KHRIMS YOD PA'I PHYIR, DER THAL, DE LA LUS KYI GSUM DANG, NGAG GI BZHI SO SOR SPONG BA'I TSUL KHRIMS YOD PA'I PHYIR, SNGA MA LA MA KHYAB STE SROG GCOD SOGS RE RE SPONG BA'I TSUL KHRIMS YIN NA, SPANG BYA GZHAN KUN SPONG BA'I TSUL KHRIMS YIN PAS MA KHYAB PA'I PHYIR, DPYAD DO, ,RANG RES 'DI'I DNGOS BSTAN GYI TSUL KHRIMS DE SPONG BDUN 'KHOR BCAS KYI TSUL KHRIMS YIN BYAS PA LA, KHO NA RE, DE MI 'THAD DE, DE LA SPONG BDUN 'KHOR BCAS KYI TSUL KHRIMS MA YIN PA YOD PA'I PHYIR, ZER NA, MA KHYAB; KHA CIG ,LHAG MED MYANG 'DAS DE, 'DI'I NYING DGOS YIN ZER NA, DE YANG MI 'THAD DE, DE BSTAN BCOS 'DI'I TSIG DON LA RAG MA LAS PA'I PHYIR, DER THAL, BSTAN BCOS 'DI MA BRTZAMS PA'I GONG DU'ANG DE YOD PA'I PHYIR ZER, 'O NA, BSTAN @05A *, ,BCOS 'DIS LUS NGAG GI SPONG BDUN 'KHOR DANG BCAS PA'I SO THAR GYI TSUL KHRIMS BRJOD BYAR BYED NA, SO THAR GYI SDOM PA'I RNAM GZHAG JI LTA BU YIN ZHE NA, DE YANG YOD DE, DBYE BA, BSDU BA, MTSAN NYID, RNAM GRANGS, SGRA DON, RGYU, RKYEN, 'BRAS BU, NGO BO, ,GNAS TSUL, BYED LAS DANG BCAS PA BCU GCIG YOD PA'I PHYIR, DANG PO DBYE BA BRGYAD YOD DE, DGE SLONG PHA MA'I SDOM PA GNYIS, DGE SLOB MA'I SDOM PA, DGE TSUL PHA MA'I SDOM PA GNYIS, DGE BSNYEN PHA MA'I SDOM PA GNYIS, BSNYEN GNAS KYI SDOM PA STE BRGYAD YOD PA'I PHYIR, DE SKAD DU'ANG, MDZOD LAS, SO SO THAR CES BYA RNAM BRGYAD, ,CES GSUNGS PA'I PHYIR, 'O NA, DGE BSNYEN SOGS LA PHA MA GNYIS SU PHYE NAS, BSNYEN GNAS LA DE LTAR MI 'BYED PA'I RGYU MTSAN CI YIN ZHE NA, YOD DE, BSNYEN GNAS KYI SDOM PA DE NYIN ZHAG GCIG PA'I MTHA' CAN GYI SDOM PA YIN PAS NA, DE LTAR MA PHYE BA'I PHYIR, KHA CIG ,BSNYEN GNAS KYI SDOM PA DE NYIN ZHAG GCIG LAS MI SDOD PA'I RGYU MTSAN GYIS YIN ZER NA NI MI 'THAD DE, DE NI JI SRID SDOM PA GZHAN GNAS KYI BAR DE SRID DU GNAS PA'I PHYIR, DER THAL, DGE SLONG PHA MA 'BYUNG BA'I DUS SU BSNYEN GNAS PA'ANG 'BYUNG RIGS PA'I PHYIR, KHA CIG ,DGE SLONG GIS BSNYEN GNAS KYI SDOM PA LEN RIGS PAR THAL, DES SMYUNG GNAS KYI SDOM PA LEN RIGS PA'I PHYIR, KHYAB STE, DE GNYIS KYI SPANG BYA'I GTZO BO'I GRANGS MTSUNGS PA'I PHYIR NA MA KHYAB, RTAGS SNGA MA DER THAL, DES DE BLANGS PAS GSO SBYONG GI TSUL DU 'GRO BA'I PHYIR, 'DOD MI NUS TE, DGE SLONG GIS DE BLANGS NA RANG GI SDOM PA GTONG BAR 'GYUR BA'I PHYIR, DER THAL, DGE SLONG GIS KHYIM PAR KHAS BLANGS NA, DGE SLONG GI SDOM PA GTONG BA'I PHYIR, GNYIS PA BSDU BA'I TSUL YOD DE, RDZAS RIGS DANG RTEN GYI SGO NAS BSDU BA GNYIS YOD PA'I @05B PHYIR; DANG PO YOD DE, DGE SLONG PHA MA'I SDOM PA RDZAS RIGS GCIG ,DGE TSUL PHA MA DANG DGE SLOB MA'I SDOM PA RDZAS RIGS GCIG ,DGE BSNYEN PHA MA'I SDOM PA RDZAS RIGS GCIG TU 'DU BA'I PHYIR, RTEN GYI SGO NAS GNYIS SU 'DU STE, RAB BYUNG GI YIN NA, RAB BYUNG GI SDOM PA YIN PAS MA KHYAB STE, TSIG GSUM PHYIR, DER THAL, DGE BSNYEN PHA MA GNYIS DANG BSNYEN GNAS KYI SDOM PA GSUM KHYIM PA'I PHYOGS KYI SDOM PA DANG, GZHAN LNGA RAB BYUNG PHYOGS YI SDOM PA YIN PA'I PHYIR, RAB BYUNG GI RGYUD KYI SDOM PA YIN NA, RAB BYUNG GI SDOM PA YIN PAS MA KHYAB STE, TSIG GSUM RIM GYIS MNOS PA'I DGE SLONG GI RGYUD LA KHYIM PA'I PHYOGS KYI SDOM PA YOD PA'I PHYIR, DER THAL, DE'I RGYUD LA DGE BSNYEN GYI SDOM PA'I PHYOGS YOD PA'I PHYIR, KHO NA RE, DGE SLONG GI RGYUD LA KHYIM PA'I SDOM PA YOD PAR THAL, DE'I RGYUD LA KHYIM PA'I PHYOGS KYI SDOM PA YOD PA'I PHYIR, ZER NA, KHA CIG MA KHYAB GSUNG, RE ZHIG 'DOD BYAS PA LA, DE MI 'THAD PAR THAL, DE KHYIM PA MA YIN PA'I PHYIR ZER NA, MA KHYAB BO SNYAM, GSUM PA MTSAN NYID YOD DE, NGES 'BYUNG GI BSAM PAS ZIN PA'I SGO NAS 'DOD PA'I SAS BSDUS PA'I DGE BA GZUGS CAN PA GANG ZHIG ,'CHAL TSUL GYI GNYEN POR GYUR PA'I SDOM PA DE, SO THAR GYI SDOM PA'I MTSAN NYID YIN PA'I PHYIR, KHO NA RE, DE NI MI 'THAD DE, BCAS LDAN DGE SLONG GI RGYUD KYI SPONG SEMS SA BON DANG BCAS PA SO THAR GYI SDOM PA YIN PA'I PHYIR, DER THAL, 'DUL BA RGYA MTSO'I SNYING PO LAS, SPONG BA'I SEMS PA RGYUN CHAGS PA, ,SA BON DANG BCAS YIN NO ZHES, ,ZHES GSUNGS PA'I PHYIR, ZER NA, SKYON MED DE, DE NI MDO SDE PA YAN CHAD KYIS 'DOD TSUL GYI DBANG DU BYAS PA YIN PA'I PHYIR, BZHI PA RNAM GRANGS YOD DE, MDZOD LAS, TSUL KHRIMS DANG NI LEGS SPYAD DANG, LAS DANG SDOM PA ZHES BYA'O, ,ZHES GSUNGS PA LTAR @06A *, ,MING GI RNAM GRANGS YIN PA'I PHYIR, LNGA PA SGRA DON YOD DE, SO THAR GYI SKAD DOD DU, PRA TI MOKshA ZHES 'BYUNG BA'I PRA TI NI SO SO DANG DANG PO LA 'JUG CING, MOKshA NI THAR PA LA 'JUG PAS, ? [m:ok] DANG PO'I DBANG DU BYAS NA SDOM PA 'DI DAG SRUNG BA PO SO SO NAS 'KHOR BA LAS THAR PAR 'GYUR BA DANG, PHYI MA'I DBANG DU BYAS NA, SDOM MIN LAS DANG POR THAR PA'I RGYU MTSAN GYIS DE LTAR BRJOD PA'I PHYIR, PHYI MA LTAR NA, SO THAR GYI SDOM PA YIN NA, SO THAR YIN PAS MA KHYAB STE; SO THAR GYI SDOM PA SKAD CIG DANG PO NI, SO THAR DANG SO THAR GYI SDOM PA GNYIS KA YIN KYANG, SKAD CIG GNYIS PA PHAN SO THAR MA YIN PA'I PHYIR TE, DE DAG SDIG PA LAS DANG POR THAR BA MA YIN PA'I PHYIR, DE LTAR MDZOD 'GREL LAS, SDOM PA YANG DAG PAR BLANGS PA'I RNAM PAR RIG BYED DANG RNAM PAR RIG BYED MA YIN PA DANG PO DAG NI SO SO THAR PA ZHES BYA STE, DES SDIG PA LAS SO SOR THAR PA'I PHYIR, SKAD CIG GNYIS PA LA SOGS PA NI SO SO THAR PA'I SDOM PA KHO NA YIN GYI, SO SO THAR PA NI MA YIN NO ZHES GSUNGS PA'I PHYIR, DRUG PA RGYU YOD DE, RGYU DRUG GI NANG NAS KUN 'GRO'I RGYU DANG, MTSUNGS LDAN DANG, RNAM SMIN GYI RGYU LAS MI SKYE YANG, LHAN CIG 'BYUNG BA DANG, SKAL MNYAM DANG, BYED RGYU LAS SKYE BA'I PHYIR, PHYI MA DER THAL, LHAN CIG 'BYUNG BA'I RGYU LAS SKYE BA GANG ZHIG ,SKAL MNYAM GYI RGYU LAS KYANG SKYE, BYED RGYU LAS KYANG SKYE BA'I PHYIR, DANG PO GRUB STE, RANG 'DUS BYAS SU MTSON PA'I SKYE 'JIG GNAS GSUM LAS SKYE BA'I PHYIR, GNYIS PA GRUB STE, RANG DANG RIGS GCIG PA'I DGE BA LAS SKYE BA'I PHYIR, GSUM PA GRUB STE, RNAM PAR RIG BYED DANG, 'BYUNG BA DANG, KUN SLONG LAS KYANG SKYE BA'I PHYIR, DANG PO GRUB STE, MKHAN SLOB KYI RNAM PAR RIG BYED LAS SKYE BA'I PHYIR, GNYIS PA GRUB STE, 'BYUNG 'GYUR GYI GZUGS YIN PA'I PHYIR, @06B GSUM PA GRUB STE, RGYU'I KUN SLONG LAS SKYE, DUS KYI KUN SLONG LAS KYANG SKYE BA'I PHYIR, DANG PO GRUB STE, SDOM PA LEN 'DOD, THOB 'DOD, NGES PA LNGA BRAL, NGES 'BYUNG GI BSAM PA LAS KYANG SKYE BA'I PHYIR, PHYI MA DER THAL, NGES 'BYUNG BSAM PAS RGYU BYAS NAS, ,ZHES GSUNGS PA'I PHYIR, NGES PA LNGA BRAL GYI BSAM PA LAS SKYE STE, YAN LAG NGES PA, YUL NGES PA, SEMS CAN NGES PA, DUS NGES PA, TSE NGES PA STE NGES PA LNGA DANG BRAL BA'I BSAM PA LAS SKYE BA'I PHYIR, GNYIS PA GRUB STE, DUS KYI KUN SLONG SDOM PA SKYE KHA MA'I DGE SEMS LAS SKYE BA'I PHYIR, BDUN PA RKYEN YOD DE, SO THAR GYI SDOM PA DE RKYEN BZHI'I NANG NAS DMIGS RKYEN DANG DE MA THAG RKYEN LAS MI SKYE YANG RGYU RKYEN DANG BDAG RKYEN LAS SKYE BA'I PHYIR TE, SKAL MNYAM GYI RGYU DANG BYED RGYU LAS SKYE PA'I PHYIR, BRGYAD PA 'BRAS BU GANG YIN PA YOD DE, DE 'BRAS BU LNGA'I NANG NAS BRAL BA'I 'BRAS BU DANG RNAM SMIN GYI 'BRAS BU MA YIN YANG, BDAG 'BRAS, RGYU MTHUN GYI 'BRAS BU, SKYES BU BYED PA'I 'BRAS BU GSUM KA YIN PA'I PHYIR, BDAG 'BRAS YIN TE, BYED RGYU LAS SKYE BA'I PHYIR, RGYU MTHUN GYI 'BRAS BU YIN TE, SKAL MNYAM GYI RGYU LAS SKYE BA'I PHYIR, SKYES BU BYED PA'I 'BRAS BU YIN TE, LHAN CIG 'BYUNG BA'I RGYU LAS SKYE BA'I PHYIR, DGU PA NGO BO'I KHYAD PAR YOD DE, BYE BRAG SMRA BA'I LUGS 'DIR GZUGS CAN DU 'DOD, MDO SDE PA DANG DBU SEMS GNYIS KAS KYANG SPONG SEMS SA BON DANG BCAS PA LA 'DOD PA'I PHYIR, DANG PO GRUB STE, SO THAR GYI SDOM PA DE RNAM PAR RIG BYED DANG RIG BYED MA YIN PA'I GZUGS GANG RUNG GIS BSDUS PA'I CHA LA 'JOG PA'I PHYIR, DER THAL, MDZOD LAS, 'CHAL BA'I TSUL KHRIMS MI DGE'I GZUGS, ,DE SPONG TSUL KHRIMS RNAM GNYIS SO, ,ZHES DANG, DANG PO'I RNAM RIG RNAM RIG MIN, ,ZHES GSUNGS PA'I PHYIR, DE YANG GTZO BO'I DBANG DU BYAS NA, RNAM PAR RIG BYED MA YIN PA'I GZUGS KYIS @07A *, ,BSDUS PA YIN TE, MDZOD LAS, RNAM RIG MIN RNAM GSUM ZHES BYA, ,SDOM DANG SDOM PA MA YIN GZHAN, ,ZHES GSUNGS PA'I PHYIR, SO THAR GYI SDOM PA DE DGE BAR LUNG DU BSTAN CING THOGS MED KYI GZUGS YIN TE, MDZOD LAS, LUNG BSTAN THOGS PA MED PA'I GZUGS, ,ZHES GSUNGS PA'I PHYIR, KHA CIG MDO SDE PA SOGS KYI LUGS LA SO THAR GYI SDOM PA'I NGO BO 'DI LTAR BZHED DE, MDO SDE PAS SPONG SEMS NYID LA 'DOD, THAL 'GYUR BAS GZUGS CAN DU 'DOD CES BZHED PA'I PHYIR, DER MA ZAD BYE BRAG TU SMRA BA'I LUGS KYI SO THAR GYI SDOM PA LA RNAM PAR RIG BYED KYI GZUGS YOD PAR BZHED PA DANG MI BZHED PA'I TSUL GNYIS YOD DE, BU STON RIN CHEN, DGE 'DUN GRUB SOGS KYIS YOD PAR BZHED, BSOD GRAGS PA SOGS KYIS MED PAR BZHED PA'I PHYIR, BCU PA GNAS TSUL YOD DE, LUS KYI CHA LA TIL LA TIL MAR GYI TSUL DU GNAS PA'I PHYIR, TSIG GSUM RIM GYIS MNOS PA'I DGE SLONG GI RGYUD LA SDOM PA GSUM PO DE NGO BO THA DAD DU GNAS PA YIN TE, MDZOD LAS; THA DAD DE DAG 'GAL BA MED, ,CES GSUNGS PA'I PHYIR, BCU GCIG PA BYED LAS YOD DE, GNAS SKABS LHA MI'I GO 'PHANG DANG, MTHAR BYANG CHUB 'GRUB PA'I BYED LAS DANG LDAN PA'I PHYIR TE, DE LTAR YANG, 'DUL BA RGYA MTSO'I SNYING PO LAS, GNAS SKABS 'BRAS BU LHA MI DANG, ,MTHAR THUG 'BRAS BU BYANG CHUB GSUM, ,'THOB PAR 'GYUR, ZHES GSUNGS PA'I PHYIR, GNYIS PA GZHUNG DON DNGOS LA GSUM YOD DE, SDOM PA MA THOB PA THOB BYED KYI THABS, THOB PA MI NYAMS PAR BSRUNG BA'I THABS, NYAMS NA PHYIR BCOS PA RNAMS YOD PA'I PHYIR, DANG PO LA GNYIS YOD DE, SNGON CHOG DANG, DA LTAR GYI CHO GA GNYIS YOD PA'I PHYIR, DANG PO 'CHAD PA LA, DGE 'DUN THAMS CAD 'DUS PA NA CHA LUGS 'DI BZHIN BYAS, RGAN RIM LA PHYAG @07B BTZAL TE, THAL MO SBYAR, TZOG TZOG PHUR 'DUG CING GSOL BA BTAB PAR GYUR PA GSUM DANG, GSOL BA DANG BZHI'I LAS KYIS CIG CAR RAB TU BYUNG BA DANG BSNYEN PAR RDZOGS PA NYE BAR BSGRUBS PAR GYUR PA LTA BU NI SNGON GYI CHO GA'O, ,ZHES 'BYUNG, MDO 'DIS KHYAD PAR DU MA DANG LDAN PA'I SNGON CHOG BSTAN PA YIN TE, GANG LAS NOD PA, GANG GIS NOD PA, JI LTAR NOD PA, 'BRAS BU'I KHYAD PAR RNAMS DANG LDAN PA'I SNGON CHO GA ZHIG BSTAN PA'I PHYIR, DANG PO YOD DE, MTSAMS NANG GCIG TU GTOGS PA'I DGE 'DUN THAMS CAD 'DUS PA LAS NOD PAR BYA BA'I PHYIR, GNYIS PA YOD DE, BSGRUB BYA CHA LUGS SKRA BREG CHOS GOS GSUM GYON PA'I CHA LUGS SU BYAS TE, DGE 'DUN RGAN RIM NAS PHYAG GSUM GSUM BTZAL NAS, SPYOD LAM TZOG PUR 'DUG CING RANG NYID KYIS GSOL BA LAN GSUM 'DEBS PAR BYED PA'I PHYIR, GSUM PA YOD DE, GSOL BZHI'I LAS KYIS SGRUB PAR BYED PA'I PHYIR, BZHI PA YOD DE, RAB BYUNG DANG BSNYEN RDZOGS GNYIS CIG CAR DU SGRUB PAR BYED PA 'OS PA'I PHYIR, SNGON CHOG LA KHYAD PAR DE LTA BU ZHIG DGOS KYI, GZHAN DU MA YIN NO ZHES 'CHAD PA LA DE LTA BU NI SNGON GYI CHO GA'O ZHES GSUNGS PA YIN TE, 'DI'I RGYA CHER 'GREL LAS, LTA BU ZHES BYA BA'I SGRA NI RNAM PA'I TSIG STE, SNGON GYI CHOG [*CHO GA?] NI RNAM PA DE LTA BUR RIG PAR BYA'I RNAM PA GZHAN MA YIN NO ZHES BYA BA'I THA TSIG GO ,ZHES GSUNGS PA'I PHYIR, 'O NA LUNG LAS SNGON CHOG BCU'I RNAM GZHAG GSUNGS PA MA YIN NAM ZHE NA, MA YIN TE, LUNG LAS, SANGS RGYAS BCOM LDAN 'DAS DANG RANG RGYAL DGRA BCOM PA RANG BYUNG GIS BSNYEN PAR RDZOGS PA DANG, LNGA SDE YE SHES KHONG CHUD DANG, BZANG SDE'I TSOGS SKYABS GSUM KHAS LEN GYIS DANG, SH'A RI'I BU SOGS TSUR SHOG GIS DANG, 'OD SRUNG CHEN PO STON PAR KHAS LEN GYIS DANG, LEGS SBYIN DRI BAS MNYES BAS [PAS] DANG, MCHOD SBYIN MA 'PHRIN GYIS @08A *, ,DANG, SKYE RGU'I BDAG MO SOGS LCI BA'I CHOS KYIS DANG, YUL DBUS SU BCU TSOGS DANG, MTHA' 'KHOB TU LNGA TSOGS KYIS BSNYEN PAR RDZOGS TSUL BCU GSUNGS PA RNAMS PA [*RNAMS] 'DIR BSHAD PA'I SNGON CHOG GI KHYAD PAR DE LTA BU MED PAS SNGON CHOG TU MI 'THAD PA'I PHYIR, GZHAN YANG DE MI 'THAD DE, SKYE RGU'I BDAG MOS MKHAN MO BYAS NAS AUTPA LA'I MDOG 'PHRIN PA BTANG STE MCHOD SBYIN MA DE [*DA] CHOG GI SGO NAS BSNYEN PAR RDZOGS PA'I PHYIR, SNGON CHOG NI, DA LTAR GYI CHO GA'I SNGON DU SGYUR YANG, DE'I SNGA ROL DU BYUNG BA TZAM GYIS SNGON CHOG TU MI 'GYUR TE, TSUR SHOG GI SGO NAS BSNYEN PAR RDZOGS PA SOGS DA CHOG GI SNGA ROL DU BYUNG YANG, DE DAG SNGON CHOG MA YIN PA'I PHYIR, CHO GA GNYIS GNANG BA'I DUS 'TSAMS KYANG YOD DE, SNGON CHOG NI, STON PA SANGS RGYAS PA'I RNAM PA BSTAN NAS LO LNGA'I NANG TSUN CHAD DU BYUNG LA, LO DRUG PA NAS DA LTAR GYI CHO GA GNANG BA'I PHYIR, GNYIS PA DA LTAR GYI CHO GA 'CHAD PA LA, RAB TU BYUNG BA DANG BSNYEN PAR RDZOGS PA DE'I PHYIR, DGE SLONG 'GA' ZHIG LA MKHAN PO NYID DU GNAS PA LA'O ZHES SOGS KYI GZHUNG 'DI BYUNG, 'DIR BSTAN PA'I CHO GA'I NGO BO LA GNYIS YOD DE, TSIG SNGA MA DGE TSUL DU SGRUB PA'I CHO GA DANG, PHYI MA BSNYEN PAR RDZOGS PA'I CHO GA GNYIS YOD PA'I PHYIR, DANG PO LA GSUM YOD DE, SBYOR BAR GYI TU 'BYUNG BA [*SBYOR BA RAB TU 'BYUNG BA] DANG, DNGOS GZHI DANG, 'PHROS DON BLA MA'I RNAM GZHAG SOGS BSTAN PA GSUM YOD PA'I PHYIR, DANG PO RAB BYUNG BSGRUB PA'I SNGON DU DGE BSNYEN GYI SDOM PA LEN DGOS TE, MDOR, DGE BSNYEN NYID DANG, DGE TSUL NYID DANG, DGE SLONG NYID DAG GIS SNGA MA BSNYEN PAR MA RDZOGS PA LA PHYI MA MI BYA'O, ,ZHES GSUNGS PA'I PHYIR, NYES MED PHUN TSOGS KYI DBANG DU BYAS NA DE LTAR YIN KYANG, DGE BSNYEN GYI SDOM PA MA THOB PAR DGE TSUL GYI SDOM PA MI SKYE BA NI MA YIN TE, SKYE LA NYES BYAS SU 'GYUR BA'I PHYIR @08B TE; MDOR, TSIG SNGA MA MED PA LA NI NYES BYAS TZAM DU ZAD DO, ,ZHES GSUNGS PA'I PHYIR, KHA CIG BAR MA RAB BYUNG MA BSGRUBS PAR DGE TSUL GYI SDOM PA SKYE BA MED ZER BA NI MI 'THAD DE, MKHAN PO MED PAR DGE SLONG GI SDOM PA SKYE BA YOD PA'I PHYIR, DER THAL, MDO RTZA BAR, DE DANG LDAN PA'I LTAR MKHAN PO MED PA NYID LA YANG NGO ZHES GSUNGS PA'I PHYIR DANG, SNGON CHOG LA RAB BYUNG BSNYEN RDZOGS CIG CAR DU SGRUB PAR BYED PA'I PHYIR, DGE BSNYEN GYI DE MA THAG DGE TSUL DANG DGE TSUL GYI DE MA THAG BSNYEN PAR RDZOGS PAR BYANG RTZANG NGAM [*BYED RUNG] ZHE NA, DE LTAR RUNG BA YOD DE, KHYIM PA LO NYI SHU LON PA ZHIG GIS DE LTAR DU BLANG RUNG BA'I PHYIR TE, DE LTA BU LA CHOS GOS RNAM GSUM SOGS TSANG NA RAB TU 'BYUNG RUNG BA'I PHYIR TE, DE LTAR YANG, PHRAN TSEGS LAS YO BYAD DRUG TSANG NI [*NA?] RAB TU DBYUNG BAR BYA'O ZHES GSUNGS PA'I PHYIR, DGE TSUL MA DE MA THAG BSNYEN RDZOGS BYAR ? MI RUNG STE, DES BSNYEN PAR RDZOGS PA'I GONG DU DGE SLOB MA'I SDOM PA LEN DGOS PA'I PHYIR, DGE BSNYEN DANG DGE TSUL GYI SDOM PA LEN TSUL YOD DE, RKANG GNYIS RNAMS KYI MCHOG SANGS RGYAS LA SKYABS SU MCHI'O ZHES SOGS KYIS SKYABS 'GRO RTZOM BYED DU BYAS NAS, DGE BSNYEN DANG DGE TSUL NYID DU KHAS LEN PA'I TSIG LAN GSUM BRJOD PA'I SGO NAS BLANG BAR BYA BA'I PHYIR, DE'I 'OG TU BSLAB PA GANG BRJOD PA'I TSUL YOD DE, DGE BSNYEN LA SPANG BYA LNGA SPONG BA'I BSLAB PA DANG, DGE TSUL LA SPANG BYA BCU SPONG BA'I BSLAB PA BRJOD PAR BYA BA YIN PA'I PHYIR, RAB TU BYUNG BA'I PHYIR, DGE BSNYEN DU BSGRUB PA'I SNGA ROL NAS MKHAN POR 'OS PA'I DGE SLONG GIS BSGRUB BYA LA DAR [*BAR] CHAD YOD MED DRIS NAS DGE BA'I TSE KHO BOS KHYED RAB TU DBYUNG NGO ZHES SKABS DBYE BAR BYA STE, BAR CHAD CAN RAB TU BYUNG NA SDOM PA MI SKYE BA'AM, SKYES NA'ANG RING DU MI GNAS PA'I RKYEN YOD PAS NYES PAR 'GYUR BA'I PHYIR, DGE BSNYEN DU BSGRUBS NAS DGE SLONG GZHAN ZHIG LA GTAD PAR RGYA [*BYA] DGOS TE, GTAD PA'I DGE SLONG DES @09A *, ,DGE 'DUN LA ZHUS NAS GNANG BA THOB DGOS PA'I PHYIR, ZHU YUL YOD DE, DGE 'DUN RNAMS LHAN CIG 'DUS PA'AM, GNAS KHANG SO SO NA 'DUG KYANG LEGS PAR ZHU BAR BYA BA YIN PA'I PHYIR, DGE 'DUN DE DAG GIS KYANG GAL TE YONGS SU DAG NA'O ZHES BRJOD DGOS TE, MA BRJOD NA NYES BYAS SU 'GYUR BA'I PHYIR, BSGRUB BYA DES MKHAN POR 'OS PA'I DGE SLONG LA GSOL BA LAN GSUM GDAB DGOS TE, DE MA BTAB NA MKHAN POR MI 'GYUR BA'I PHYIR, DE'I 'OG TU JI LTAR BYA BA YOD DE, SKRA DANG KHA SPU BREG CING, KHRUS BYA BA DANG, CHOS GOS SBYIN PA DANG, MTSAN BRTAG PA RNAMS BSHAD PA BZHIN BYA BA YIN PA'I PHYIR, DE NAS RAB BYUNG DU BSGRUB DGOS TE, BRJE BA RNAM GSUM BYAS PA'I SGO NAS DGONGS GSOL SNGON DU 'GRO BAS SKYABS 'GRO RTZOM BYED DU BYAS NAS BSGRUB PAR BYA BA'I PHYIR, BAR MA RAB BYUNG GI TSUL KHRIMS DE RAB BYUNG GI TSUL KHRIMS YIN KYANG SDOM PA MA YIN TE, DE LA SDOM PAR BTAGS PA TZAM YIN PA'I PHYIR, DER THAL, RAB BYUNG GI SDOM PA LA RTZA BZHI SRUNG BAR KHAS LEN [*MI?] DGOS PA'I PHYIR RO, ,GNYIS PA DNGOS GZHI LA, BSGRUB BYA DE RAB BYUNG BYAS NAS DGE SLONG GZHAN ZHIG LA GTAD PAR BYA DGOS TE, GTAD PA DES DGE TSUL DU BSGRUB DGOS PA'I PHYIR, SPYIR RAB BYUNG GI MKHAN PO DE NYID KYIS BSGRUB BYA DE DGE TSUL DU BSGRUB MI RUNG YANG BSGRUB KYANG SDOM PA MI SKYE BA NI MA YIN TE, SKYE LA NYES BYAS SU 'GYUR PA'I ? PHYIR, GTAD PA'I DGE SLONG DES DER BSGRUB TSUL YOD DE, BAR CHAD DRIS NAS DAG PAR KHAS BLANGS NAS DGE TSUL DU BSGRUB PAR BYA BA'I PHYIR, BSNYEN PAR RDZOGS PAR BYED NA DGE TSUL GYI DE MA THAG BSLAB PAR BRJOD PA DANG GRIB TSOD GZHAL MI DGOS TE, BSNYEN RDZOGS KYI RJES SU THUN MONG DU BYAR RUNG BA'I PHYIR, GSUM PA 'PHROS DON BLA MA'I RNAM GZHAG SOGS LA, 'DIR BLA MA DE LA MANG DU YOD DE, SLOB DPON LNGA DANG, MKHAN @09B PO GNYIS YOD PA'I PHYIR, DANG PO YOD DE, DGE TSUL GYI SLOB DPON, GSANG STE STON PA'I SLOB DPON, LAS BYED PA'I SLOB DPON, GNAS SBYIN PA'I SLOB DPON, KLOG PA'I SLOB DPON RNAMS SU YOD PA'I PHYIR, SLOB DPON DE RNAMS SO SOR GYUR PA'I DUS YOD DE, RANG RANG GI SKABS KYI BYA BA'I GTZO BO ? GRUB PA NA DER 'GYUR BA'I PHYIR, DE DAG GI NANG NAS LAS SLOB TU GYUR PA'I DUS 'TSAMS YOD DE, BSNYEN RDZOGS KYI SDOM PA 'BOG BA'I ? CHO GA LA GSOL BA GCIG DANG BRJOD PA GSUM YOD PA'I BRJOD PA THA MA LA'ANG NGO BO BRJOD PA, BYA BA BRJOD PA, BYED PA BRJOD PA DANG GSUM YOD PA'I NANG TSAN BYA BA BRJOD PA RDZOGS NAS BYED PA BRJOD PA'I DUS DER 'GYUR BA'I PHYIR, GSANG STON DU GYUR PA'I DUS YOD DE, GSANG STON GYI BYA BA PHAL CHER RDZOGS PA NA DER 'GYUR BA'I PHYIR, GNAS KYI SLOB DPON DU 'GYUR BA'I DUS YOD DE, GNAS SU BZUNG BA'I CHO GA BYAS PA'I SGO NAS GNAS PA SLOB MA DE LA GNAS MED KYI NYES PA ZHAG GCIG BKAG PA'I CHA NAS DER 'GYUR BA'I PHYIR, KLOG PA'I SLOB DPON DU GYUR PA'I DUS YOD DE, BKA' 'AM DE'I DGONGS 'GREL TSIGS BCAD GCIG GI TSAD DU LONGS PA'I BCAD LHUG GANG RUNG LAN GSUM BZLAS PA NA DER 'GYUR BA'I PHYIR, SLOB DPON DE DAG TU NGES PA YANG MA YIN TE, DGE BSNYEN GYI SLOB DPON, DGE SLOB MA'I SLOB DPON KYANG YOD PA'I PHYIR, GNYIS PA MKHAN PO LA GNYIS YOD DE, RAB BYUNG GI MKHAN PO DANG, BSNYEN RDZOGS KYI MKHAN PO GNYIS YOD PA'I PHYIR, DER GYUR PA'I DUS KYANG YOD DE, MKHAN POR LAN GSUM GSOL BA BTAB NAS KHAS BLANGS PA NA DER 'GYUR BA'I PHYIR, MKHAN SLOB TU 'OS ? PA YIN NA, DE DAG YIN PAS MA KHYAB STE; MKHAN SLOB KYI STA GON DU GNAS PA'I DGE SLONG RNAM DAG THA SNYAD GSUM DANG LDAN PA SOGS KYI CHOS DRUG TSANG BA DE NYID DE DANG DE DAG TU 'OS PA YIN KYANG, DE DAG DNGOS MA YIN PA'I PHYIR, CHOS DRUG KYANG YOD DE, BSNYEN RDZOGS KYI SDOM PA RNAM DAG DANG LDAN @10A *, ,PA'I STENG DU LTA BA DANG MTSAN MTHUN PA, SMRA SHES DON GO BA, SHES PA RANG BZHIN DU GNAS PA STE THA SNYAD GSUM DANG, SA RANG BZHIN DU GNAS PA, LUS THA MAL DU GNAS PA RNAMS YIN PA'I PHYIR, RANG GI MKHAN SLOB GNYIS LA DON GYI SLAD DU MTSAN NAS SMOS TE ZHES KHYAD PAR DU BYAS PA'I SGO NAS BRJOD DGOS TE, GDZAN [*GZHAN] DU NA NYES PAR 'GYUR BA'I PHYIR, 'O NA DGE BSNYEN SOGS LA DBYE BA JI LTAR YOD CE NA, DGE BSNYEN LA SGRAS BRJOD RIGS KYIS DBYE NA DU MA YOD DE, SKYABS GSUM 'DZIN PA'I DGE BSNYEN, SNA GCIG SPYOD PA'I DGE BSNYEN, SNA 'GA' SPYOD PA'I DE, PHAL CHER SPYOD PA'I DE, YONGS RDZOGS KYI DE, TSANGS SPYOD KYI DE, GONG MA'I DGE BSNYEN RNAMS YOD PA'I PHYIR, DE DAG GI NANG NAS YONGS RDZOGS DANG TSANGS SPYOD KYI DGE BSNYEN GNYIS DGE BSNYEN DNGOS YIN GYI, GZHAN RNAMS NI MA YIN TE, BTAGS PA BA YIN PA'I PHYIR, DGE BSNYEN ZHES BRJOD PA'I RGYU MTSAN YOD DE, THAR PA LA NYE BAR BYED PAS NA DE SKAD BRJOD PA'I PHYIR, DGE TSUL LA PHA MA GNYIS YOD PA LAS GZHAN GYI DBYE BA MED CING, DGE TSUL ZHES BRJOD PA'I RGYU MTSAN YOD DE, BLA MA'I BYA BA BSGRUB PA LA NGAL ZHING DUB PAR BYED PAS DGE TSUL LAM, DGE BA THAR PA'I PHYOGS KYI TSUL SGRUB PAR BYED PAS NA DE LTAR DU BRJOD PA'I PHYIR, DGE SLONG LA SGRAS BRJOD RIGS KYIS PHYE NA DU MA YOD DE, MING GI DGE SLONG, KHAS 'CHE BA'I DE, SLONG BA'I DE, NYON MONGS ZAD PA'I DE, GSOL BZHI'I LAS KYIS BSNYEN PAR RDZOGS PA'I DGE SLONG RNAMS SU YOD PA'I PHYIR, DGE SLONG ZHES BRJOD PA'I RGYU MTSAN YOD DE, DGE BA THAR PA'I CHED DU 'JUG CING, TSUL DANG 'THUN PAS BSOD SNYOMS SLONG BAR BYED PAS SAM, DGE BA SLONG BA STE SGRUB PAR BYED PAS NA DE LTAR BRJOD PA'I PHYIR, DNGOS BTAGS KYI KHYAD PAR YOD DE, PHYI MA DNGOS YIN LA, DANG PO BZHI PHAL CHER BTAGS PA BA YIN PA'I @10B PHYIR RO,, ` GNYIS PA TSIG PHYI MA DA LTAR GYI CHO GA'I SGO NAS BSNYEN PAR RDZOGS TSUL 'CHAD PA NI, MDOR, DGE 'DUN LAS BSNYEN PAR RDZOGS PAR BYA'O, ,ZHES SOGS GSUNGS PA DE'I DON YOD DE, YUL GANG LA NOD PA, RTEN GANG GIS, DNGOS PO GANG, TSUL JI LTAR NOD PA RNAMS SU YOD PA'I PHYIR, DANG PO YOD DE, MKHAN SLOB GSANG STON DANG BCAS PA'I DGE 'DUN LAS NOD PAR BYA DGOS PA'I PHYIR, DGE 'DUN LA YANG CHOS BZHI LDAN DGOS TE, GRANGS TSANG BA, KHA STOB [*SKONG] DU 'OS PA, MI MTHUN PA GNYIS DANG BRAL BA, LAS BYED PA DANG BCAS PA ZHIG DGOS PA'I PHYIR, RTEN GANG GIS NOD PA LA'ANG CHOS BZHI LDAN DGOS TE, LUS, YO BYAD, BSAM PA'I KHYAD PAR GSUM DANG, TSIG SNGA MA SNGON DU SONG BA RNAMS DGOS PA'I PHYIR, DANG PO DGOS TE, LUS KYI KHYAD PAR BAR CHAD KYI CHOS DANG MI LDAN CING, LO NYI SHU LON PA, YO BYAD KYI KHYAD PAR CHOS GOS GSUM SOGS TSANG BA, BSAM PA'I KHYAD PAR SDOM PA LEN 'DOD, THOB SHES, NGES PA LNGA BRAL, NGES 'BYUNG GI BSAM PA SOGS YOD PA RNAMS DGOS PA'I PHYIR, GNYIS PA TSIG SNGA MA SNGON DU 'GRO DGOS TE, NYES MED PHUN TSOGS KYI DBANG DU BYAS NA TSIG GSUM RIM GYIS NOD DGOS PA'I PHYIR, GSUM PA DNGOS PO GANG NOD PA YOD DE, BSNYEN RDZOGS KYI SDOM PA DE NYID NOD PAR BYA BA'I PHYIR, BZHI PA JI LTAR NOD PA'I TSUL YOD DE, SBYOR BA, DNGOS GZHI, MJUG GSUM YOD PA'I PHYIR, DANG PO YOD DE, MKHAN PO'I STA GO NA [*GON] LA GNAS PA DES, LAS BYED PA DANG GSANG STON DU 'GYUR RGYU'I DGE SLONG LA GSOL BA 'DEBS PA DANG, BSGRUB BYAS MKHAN POR GSOL BA 'DEBS PA DANG MKHAN POS KYANG CHOS GOS LHUNG BZED SOGS BYIN GYIS BRLABS NAS DE NYID LA STER BA DANG, GSANG STON BSKO BA DANG, BSKOS PA DES LKOG TU BAR CHAD 'DRI BA DANG NANG DU 'ONGS NAS DGE 'DUN LA ZHU BA DANG, LAS SLOB KYIS BRDA SPRAD NAS BSGRUB BYAS DGE 'DUN LA GSOL BA @11A *, ,'DEBS PA DANG, GSOL BA'I LAS BYAS NAS DGE 'DUN GYI DBUS SU SLAR BAR CHAD DRI BA SOGS YOD PA'I PHYIR, GNYIS PA DNGOS GZHI YOD DE, STON PA MNGON DU GYUR PA SOGS MNGON GYUR BCU TSANG BA'I SGO NAS BSNYEN PAR RDZOGS PAR BYA BA'I PHYIR TE, MNGON GYUR BCU PA GSOL GZHI'I LAS KYIS BSNYEN PAR RDZOGS PAR BYA BA'I PHYIR TE, DGE 'DUN BTZUN PA RNAMS GSAN DU GSOL, ZHES PA NAS, 'DI NI GSOL BA'O, ,ZHES PA'I DAR [*BAR] GSOL BA'I LAS LAN GCIG DANG, YANG DGE 'DUN BTZUN PA RNAMS, ZHES PA NAS, DE DE BZHIN DU 'DZIN TO ZHES PA'I BAR BRJOD PA LAN GSUM BYAS PA'I SGO NAS BSGRUB PA YIN PA'I PHYIR, GSUM PA MJUG LA GNYIS YOD DE, DUS GO BRJOD PA DANG, GDAMS NGAG BRJOD PA GNYIS YOD PA'I PHYIR, DANG PO NI, DE MA THAG TU GRIB TSOD RIGS PAR BYA'O ZHES SOGS KYIS 'CHAD LA, 'DI'I DON LA GNYIS YOD DE, DNGOS DANG, 'PHROS DON GNYIS YOD PA'I PHYIR, DANG PO LA LNGA YOD DE, YUL GANG LA BRJOD PA, RTEN GANG GIS, DUS NAM GYI TSE, DNGOS PO GANG, TSUL JI LTAR BRJOD PA RNAMS SU YOD PA'I PHYIR, DANG PO YOD DE, DGE TSUL DANG BSNYEN RDZOGS KYI SDOM PA THOB MA THAG PA'I GANG ZAG DE DAG LA BRJOD PAR BYA BA YIN PA'I PHYIR, GNYIS PA YOD DE, LAS SLOB DANG DGE TSUL GYI SLOB DPON LAS GZHAN PA'I DGE SLONG ZHIG GIS BRJOD PAR BYA BA'I PHYIR, GSUM PA YOD DE, LAS KYI MJUG SDUD KYI DE MA THAG DANG, THABS LEGS KYI MJUG DE NYID DU BRJOD PAR BYA BA'I PHYIR, BZHI PA DNGOS PO GANG BRJOD PA LA BDUN YOD DE, LO; ;DUS, ZLA BA, ZLA NGO, ,TSES, NYIN MTSAN GYI CHA, GRIB TSOD RNAMS SU YOD PA'I PHYIR, DANG PO YOD DE, BYI BA'I LO SOGS BCU GNYIS YOD PA'I PHYIR, GNYIS PA YOD DE, DGUN, DPYID, DBYAR, DBYAR THUNG NGU, DBYAR RING PO'I DUS RNAMS @11B SU YOD PA'I PHYIR, GSUM PA YOD DE, DGUN, DPYID, DBYAR, STON GYI ZLA BA DE DAG LA RAB 'BRING THA GSUM DU BYAS PA RNAMS SU YOD PA'I PHYIR, BZHI PA YOD DE, ZLA BA DE RNAMS LA YAR NGO DANG MAR NGO GNYIS GNYIS YOD PA'I PHYIR, LNGA PA YOD DE, TSES GCIG NAS BCO LNGA'I BAR RAM, GNAM GANG GI BAR YOD PA'I PHYIR, DRUG PA YOD DE, SNGA DRO, ,GUNG, PHYI DRO, ,MTSAN MO'I THUN DANG PO, ,THUN DANG PO'I PHYED, GUNG THUN, GUNG THUN GYI PHYED, THUN THA MA, THUN THA MA'I PHYED, SKYA RENGS SHAR BA, MA SHAR BA, NYI MA MA SHAR BA, NYI MA SHAR BA, NYI MA BRGYAD CHA SHAR BA, BZHI CHA SHAR BA, GUNG TSIGS MA YOL BA, NYI MA BZHI CHA LUS PA, BRGYAD CHA LUS PA, NYI MA MA NUB PA, NYI MA NUB PA, RGYU SKAR MA SHAR BA, RGYU SKAR SHAR BA STE NYER GNYIS YOD PA'I PHYIR, BDUN PA LA GNYIS YOD DE, SKYES BU DANG, RKANG PA'I THA SNYAD BYAS PA'I GRIB TSOD GNYIS YOD PA'I PHYIR, DE GNYIS KYI KHYAD PAR YOD DE, THUR MA SOR BZHI GRIB MA DANG BCAS PA LA SKYES BU'I THA SNYAD DANG, SOR GNYIS MAN CHAD LA RKANG PA'I THA SNYAD DU BYED PA YIN PA'I PHYIR, SNGA MA LA THA SNYAD DE LTAR BYED PA'I RGYU MTSAN YOD DE, SKYES BU'I SKAD DOD PU BU RU shA [*SKAD DOD DU PU RU shA] ZHES PA NI NUS PA DANG LDAN PA'I DON LA 'JUG PAS, THUR MA SOR BZHI PO DE LA GRIB MA DE BSKYED PA'I NUS PA YOD PA'I CHA NAS RGYU 'BRAS GNYIS KA LA'ANG DE LTAR BRJOD DU RUNG BA'I PHYIR, LNGA PA TSUL JI LTAR BRJOD PA YOD DE, GZHAL BA'I TSE PHRA RIM NAS BYED KYANG, BRJOD PA'I TSE RAGS RIM NAS BRJOD DGOS PA'I PHYIR, PHYI MA YIN TE, BSGRUB BYA'I BLO YUL DU 'CHAR BDE BA'I PHYIR, GNYIS PA 'PHROS DON DUS TSIGS KYI RNAM GZHAG BSDUS TE 'CHAD PA LA GNYIS YOD DE; 'PHROS GZHI DANG, 'PHROS PA'I DON GNYIS YOD PA'I PHYIR, DANG PO YOD DE, MDOR, DE DAG NI LNGA'O, ,DGUN GYI DUS DANG, DPYID KYI DUS DANG, DBYAR GYI DUS DANG, DBYAR THUNG NGU'I DUS DANG, DBYAR RING PO'I DUS SO, ,DANG PO GNYIS NI ZLA BA BZHI BZHI'O, , @12A *, ,DE'I 'OG MA NI ZLA BA GCIG GO ,DE'I 'OG MA NI NYIN ZHAG GCIG GO ,THA MA NI DES ZLA BA GSUM DU MA CHOG PA'O, ,ZHES GSUNGS PA'I PHYIR, GNYIS PA LA DRUG YOD DE, DUS TSIGS KYI THOG MA, DBYE BA, RANG BZHIN, DNGOS BTAGS, DUS BZHI 'KHOR TSUL, ZHAR BYUNG DUS CHEN NGOS BZUNG BA RNAMS SU YOD PA'I PHYIR, DANG PO YOD DE, SPYIR LO 'GO DE LA HOR ZLA DANG PO DANG GSUM PA DRUG PA BRGYAD PA BCU GCIG PA SOGS NAS 'DZIN PA YOD KYANG, 'DIR HOR ZLA BCU PA'I MAR NGO'I TSES GCIG NAS LO 'GO DANG DUS 'GO 'DZIN RIGS PA'I PHYIR TE, DE NYID MGO ZLA BA'I MAR NGO'I TSES GCIG YIN PA GANG ZHIG ,DE'I MAR NGO'I TSES GCIG NAS LO 'GO DANG DUS 'GO 'DZIN RIGS PA'I PHYIR TE, DGUN ZLA RA BA'I MAR NGO'I TSES GCIG LA LO 'GO 'DZIN RIGS PA GANG ZHIG ,MGO ZLA BA DE DGUN ZLA RA BA YIN PA'I PHYIR, DANG PO GRUB STE, TSIG GTER LAS, SMAL PO ZHES BYA LO YI 'GO ,ZHES GSUNGS PA'I PHYIR, PHYI MA GRUB STE, SMIN DRUG ZLA BA NAS STON ZLA THA CHUNG RDZOGS PA'I PHYIR, GNYIS PA DBYE BA YOD DE, MGO RGYAL SOGS NYA LA 'BYUNG BA'I DBANG DU BYAS PA'I MGO ZLA BA SOGS BCU GNYIS YOD PA'I PHYIR, GSUM PA LA GNYIS YOD DE, ZHAG GSUM GYI DBYE BA SPYIR BSTAN PA DANG, DUS TSIGS KYI RANG BZHIN BYE BRAG TU BSHAD PA GNYIS YOD PA'I PHYIR, DANG PO LA GNYIS YOD DE, DNGOS DANG, DGOS PA GNYIS YOD PA'I PHYIR, DANG PO LA GSUM YOD DE, KHYIM ZHAG ,NYIN ZHAG ,TSES ZHAG GSUM YOD PA'I PHYIR, DANG PO LA GNYIS YOD DE, KHYIM GYI DBYE BA DANG, YUN TSAD GNYIS YOD PA'I PHYIR, DANG PO YOD DE, GZHU CHU SRIN BUM PA'I KHYIM GSUM, RTA LUG GLANG GI KHYIM GSUM, 'KHRIG PA KARKA tA SENGGE'I KHYIM GSUM, BU MO SRANG SDIG PA'I KHYIM GSUM STE BCU GNYIS YOD PA'I PHYIR, DE DAG DUS DANG SBYOR TSUL YOD DE, DANG PO GSUM DGU [*DGUN] @12B DUS KYI KHYIM, GNYIS PA GSUM DPYID, GSUM PA GSUM DBYAR, BZHI PA GSUM STON DUS KYI KHYIM YIN PA'I PHYIR, GNYIS PA YOD DE, NYI MAS RGYU SKAR GNYIS DANG BZHI CHA RE LA RANG 'GROS KYI TSUL GYIS G-YON SKOR DU LONGS SPYOD PA'I YUN TSAD RE LA KHYIM RE RER 'JOG PA'I PHYIR TE, NYI MAS RGYU SKAR NYER BDUN LA RANG 'GROS KYIS LONGS SPYOD PA'I YUN TSAD DE LA KHYIM BCU GNYIS SU 'BYED PA YIN PA'I PHYIR TE, DE SKAD DU'ANG, SNUBS SKAR NAS BZUNG CHU SMAD BZHI CHA GZHU, ,ZHES PA NAS, SA GA'I BZHIN [*BZHI CHA] SNON RDZOGS SDIG PA'I KHYIM, ,ZHES PA'I BAR GYI 'BYUNG BA BZHIN YIN PA'I PHYIR, KHYIM LO RE RE LA KHYIM ZHAG CI TZAM RE 'BYUNG BA YOD DE, KHYIM ZHAG SUM BRGYA DRUG CU RE 'BYUNG BA'I PHYIR TE, KHYIM ZLA RE LA KHYIM ZHAG SUM CU RE, KHYIM ZHAG RE LA CHU TSOD DRUG CU DANG CHU SRANG LNGA BCU RE RJES 'BRANG DANG BCAS PA YOD PA'I PHYIR, GNYIS PA NYIN ZHAG 'JOG TSUL YOD DE, 'DZAM GLING 'DI LTA BUR DA NANG [*RANG] SKYA RENGS SHAR BA NAS SENG GE [*SANG GI] SKYA RENGS MA SHAR GYI BAR LA 'JOG PA'I PHYIR, DE LA CHU TSOD CI TZAM 'BYUNG BA YOD DE, DRUG CU RE MNYAM PAR 'BYUNG BA'I PHYIR, NYIN ZHAG GI LO LA NYIN ZHAG CI TZAM 'BYUNG BA YOD DE, SUM BRGYA DRUG CU 'BYUNG RIGS PA'I PHYIR, 'ON KYANG KHYIM LO'I DBANG DU BYAS PA'I TSE LO GCIG LA NYIN ZHAG SUM BRGYA DRUG CU RTZA LNGA 'BYUNG STE, DE LA KHYIM ZHAG SUM BRGYA DRUG CU YOD PA GANG ZHIG ,DE SUM BRGYA DRUG CU LA NYIN ZHAG SUM BRGYA RE LNGA 'BYUNG BA'I PHYIR TE, KHYIM ZHAG SUM BRGYA DRUG CU 'DAS PA'I TSE NYIN ZHAG KYANG DE TZAM ZHIG 'DAS PA'I STENG NAS CHU TSOD SUM BRGYA LHAG PA GANG ZHIG ,CHU TSOD SUM BRGYA LA NYIN ZHAG LNGAR LONGS PA'I PHYIR, DANG PO GRUB STE, KHYIM ZHAG RE RE NI, NYIN ZHAG RE RE LAS CHU SRANG LNGA BCU RES LHAG PA GANG ZHIG ,CHU SRANG LNGA BCU BA [?] TSAN PA SUM BRGYA DRUG CU RJES 'BRANG DANG BCAS PA BSDOMS PA LA CHU TSOD SUM BRGYA 'BYUNG BA'I PHYIR, GSUM PA TSES ZHAG YOD DE, ZLA BA'I @13A *, ,YAR NGO DANG MAR NGO'I 'PHEL 'GRIB BYED PA'I CHA'I YUN TSAD LA 'JOG PA'I PHYIR TE, ZLA BA'I YAR NGO LA 'PHEL CHA BCO LNGA DANG MAR NGO LA 'GRIB CHA BCO LNGA YOD PA'I CHA RE'I YUN TSAD LA TSES ZHAG RE RER 'JOG PA'I PHYIR, DE YANG YIN TE, ZLA BA'I RGYAR DPAG TSAD LNGA BCU YOD CING, DPAG TSAD GSUM DANG SUM CHA GCIG 'PHEL 'GRIB BYED PA'I YUN TSAD RE LA CHU TSOD NGA DGU RE 'BYUNG BA DE LA TSES ZHAG RER 'JOG PA'I PHYIR, TSES LO GCIG LA TSES ZHAG CI TZAM 'BYUNG BA YOD DE, SUM BRGYA DRUG CU RE 'BYUNG RIGS PA'I PHYIR, DE LTAR YIN KYANG KHYIM LO GCIG LA TSES ZHAG SUM BRGYA DON GCIG RJES 'BRANG DANG BCAS PA YOD DE, DE LA NYIN ZHAG SUM BRGYA RE LNGA YOD PA GANG ZHIG ,NYIN ZHAG DE TZAM ZHIG LA TSES ZHAG SUM BRGYA DON GCIG RJES 'BRANG DANG BCAS PA 'BYUNG BA'I PHYIR TE, NYIN ZHAG SUM BRGYA RE LNGA 'DAS PA'I TSE TSES ZHAG KYANG DE LTAR 'DAS PA'I RJES SU CHU TSOD SUM BRGYA DRUG CU RTZA LNGAS LHAG PA GANG ZHIG ,CHU TSOD DE TZAM ZHIG GI TSAD LA TSES ZHAG DRUG 'BYUNG BA'I PHYIR, DANG PO GRUB STE, NYIN ZHAG NI TSES ZHAG RE LAS CHU TSOD RES LHAG PA YIN PA'I PHYIR, DES NA NYIN ZHAG GI LO GCIG LA NI TSES ZHAG SUM BRGYA RE DRUG LHAG TZAM ZHIG 'BYUNG BA YANG THOB BO, ,'O NA, DE DAG LAS GANG DBANG BTZAN ZHE NA, YOD DE; SPYIR ZHAG LA NYIN ZHAG DBANG BTZAN YANG, ZLA BA LA TSES ZLA DANG, LO LA RE ZHIG TU TSES LO DBANG BTZAN PA'I PHYIR TE, GNAM GANG YOD MED DANG, DA LTA'I LOR 'JOG PA YANG DE'I DBANG DU BYED PA YIN PA'I PHYIR, DON LA KHYIM LO DBANG BTZAN PA YIN TE, DE LA BGROD GNYIS MTHAR THUG 'ONG ZHING, ZLA BSHOL 'DOR BA NI DE'I DBANG GIS YIN PA'I PHYIR, GNYIS PA DGOS PA YOD DE, ZHAG GSUM GYI RNAM DBYE SOGS LEGS PAR SHES PA'I CHED YIN PA'I PHYIR, GNYIS PA DUS TSIGS @13B KYI DBYE BA'I RANG BZHIN YOD DE, DUS TSIGS LA GSUM DANG, BZHI DANG, LNGA DANG, DRUG TU DBYE BA RNAMS SU YOD PA'I PHYIR, DANG PO YOD DE, DGUN DPYID DBYAR GYI ZLA BA STE BZHI BZHI YOD PA'I PHYIR, DE DAG GI MTSAN NYID YOD DE, MGO RGYAL CHU DBO'I ? BZHI DANG PO DANG, NAG PA SA GA SNON ? CHU STOD KYI ZLA BA BZHI GNYIS PA DANG, GRO BZHIN KHRUMS THA SKAD SMIN DRUG GI ZLA BA BZHI GSUM PA YIN PA'I PHYIR, GNYIS PA YOD DE, DGUN DPYID DBYAR STON GYI DUS BZHI PO RE RER ZLA BAR [*RAB] 'BRING THA GSUM DU 'BYED PA'I PHYIR, DE DAG GI MTSAN NYID YOD DE, MGO ZLA SOGS GSUM GSUM DU BGOS PAS 'GRUB PA'I PHYIR, GSUM PA YOD DE, DGUN ZLA BZHI, DPYID ZLA BZHI, DBYAR ZLA GSUM, STON RA BA'I MAR NGO'I TSES GCIG ,LHAG MA ZLA BA GSUM DU ZHAG GCIG GIS MA CHOG PA RNAMS SU YOD PA'I PHYIR, ZLA BA DE DAG SO SO'I MTSAN GZHI YOD DE, SNGAR GYI RIGS PAS SHES PA'I PHYIR, BZHI PA YOD DE, DGUN STOD KYI ZLA BA GNYIS, DE BZHIN DU DGUN SMAD, DPYID SO GA ,DBYAR STON DANG BCAS PA LA SBYAR BA RNAMS SU YOD PA'I PHYIR, MTSAN GZHI YOD DE, DUS TSIGS LA GSUM DU PHYE BA'I ZLA BA BCU GNYIS LA NYIN MTSAN DU PHYE BAS DE LTAR 'GYUR BA'I PHYIR, PHYE BA LA DGOS PA YOD DE, GSUM DU PHYE BA NI PHYAG DAR KHROD KYI GOS NGOS ZIN PA'I CHED DANG, BZHIR PHYE BA NI, 'JIG RTEN PA DANG SGO BSTAN [*SGO BSTUN] NAS RA [*RAB] 'BRING THA GSUM DU PHYE BA DANG, LNGAR PHYE BA NI DBYAR PHYI MA KHAS LEN PA'I NYIN ZHAG DE SHES PA'I DGOS PA DANG, DRUG TU PHYE BA NI GSO SBYONG ZHAG MI THUB 'BYUNG BA'I DUS SHES PA'I CHED YIN PA'I PHYIR, BZHI PA DNGOS BTAGS KYI KHYAD PAR LA, KHA CIG ,DUS TSIGS LA BZHIR PHYE BA DE MTSAN NYID PA YIN ZHING, GSUM DU PHYE BA NI BTAGS PA BA YIN TE, DE LTAR MA YIN NA, DGUN ZLA DANG DPYID ZLA'I GZHI 'THUN, DBYAR ZLA DANG STON ZLA'I GZHI 'THUN YOD PAR 'GRUB PA'I PHYIR, DER THAL, DBO ZLA BA DE DUS TSIGS LA @14A *, ,GSUM DU PHYE BA'I DGUN ZLA YIN ZHING, BZHIR PHYE TSE DPYID ZLA RA BA YIN PA'I PHYIR DANG, SMIN DRUG GI ZLA BA DE YANG, DBYAR STON GYI GZHI 'THUN DU 'GYUR BA'I PHYIR, PHYI MA DER THAL, DE GSUM DU PHYE BA'I DBYAR ZLA DANG, BZHIR PHYE BA'I STON ZLA YIN PA'I PHYIR ZER YANG, RANG LUGS DUS TSIGS LA GSUM BZHI LNGA DRUG TU PHYE BA BZHI KA'ANG MTSAN NYID PA YIN NO, 'ON KYANG DGUN ZLA DANG DPYID ZLA MI 'GAL LA, DBYAR STON GNYIS KYANG MI 'GAL TE, SNGAR 'PHANGS PA'I ZLA BA DE GNYIS RIM PA BZHIN DU, DGUN DPYID GNYIS DANG, DBYAR STON GNYIS SU KHAS BLANGS CHOG PA'I PHYIR, BZHI PA DUS BZHI 'KHOR TSUL LA, KHA CIG ,DUS BZHI PO GLING BZHIR CIG CAR DU 'KHOR BA YIN TE, 'DZAM BU'I GLING NA DGUN YOD PA'I DUS SU GLING GZHAN GSUM NA'ANG DGUN YOD, 'DI NA DBYAR YOD PA'I TSE GZHAN GSUM NA'ANG DBYAR KHO NA YOD PA'I PHYIR ZER BA NI, MI 'THAD DE, GLING BZHIR DUS BZHI RIM GYIS 'KHOR YUG TU YOD PA'I PHYIR TE, 'DZAM BU'I GLING DU DBYAR NYI RING BA MTHAR THUG GI DUS SU SHAR NA STON NYIN MTSAN MNYAM, BYANG NA DGUN NYI THUNG BA'I MTHAR THUG ,NUB NA DPYID NYIN MTSAN MNYAM PA'I PHYIR TE, GLING GCIG LA, DBYAR RJES SU STON, STON RJES SU DGUN, DGUN RJES SU DPYOD, [*DPYID] DPYOD [*DPYID] RJES SU DBYAR RNAMS RIM PAR 'BYUNG BA'I PHYIR; NYIN MTSAN RING THUNG GI TSAD YOD DE, RAGS RTZIS SU GANG NA NYIN MTSAN RING BA MTHAR THUG GI TSE YUD TZAM BCO BRGYAD RE YOD RE YOD [*BCO BRGYAD RE YOD] CING, THUNG BA MTHAR THUG GI TSE YUD TZAM BCU GNYIS RE YOD LA, NYIN MTSAN MNYAM PA'I TSE YUD TZAM BCO LNGA RENG [*RER?] MNYAM PA'I PHYIR RO, ,LNGA PA ZHAR BYUNG DUS CHEN GYI KHYAD PAR MANG YANG GTZO BO'I DBANG DU BYAS NA, BZHI YOD DE, SANGS RGYAS PA'I DUS DANG, CHOS 'KHOR BSKOR BA DANG, LHA BABS DANG, CHO 'PHRUL GYI DUS CHEN DANG BZHI YOD PA'I PHYIR TE, DE SKAD DU YANG, @14B MNGON BYANG CHUB DANG CHOS 'KHOR DANG, ,LHA BABS CHO 'PHRUL CHEN PO STE, ,DAD LDAN BSOD NAMS BSOGS PA YI, ,KHYAD PAR CAN GYI DUS YIN NO, ,ZHES GSUNGS PA'I PHYIR, DUS CHEN DE DAG 'BYUNG BA'I DUS LA BZHED TSUL MI 'DRA BA MANG BAS GZHAN DU SHES PAR ? BYA'O, ,GNYIS PA GDAMS NGAG BRJOD TSUL YOD DE, YUL GANG LA, RTEN GANG GIS, DUS NAM GYI TSE, TSUL JI LTAR, DNGOS PO GANG BRJOD PA RNAMS SU YOD PA'I PHYIR, DANG PO YOD DE, BSNYEN PAR RDZOGS MA THAG PA LA BRJOD PAR BYA BA'I PHYIR, GNYIS PA YOD DE, LAS SLOB KYIS BRJOD PAR BYED PA'I PHYIR, GSUM PA YOD DE, DUS GO BRJOD ZIN MA THAG TU BRJOD PAR BYA BA'I PHYIR, BZHI PA YOD DE, SPANG BLANG 'DOMS PA'I TSUL GYIS BRJOD PAR BYA BA'I PHYIR, LNGA PA YOD DE, DGE SLONG BA'I [*PHA'I] DBANG DU BYAS NA GDAMS NGAG BCU GCIG BRJOD PAR BYA BA'I PHYIR TE, TSANGS SPYOD KYI GNAS LA GDAMS PA BZHI, LTUNG BA'I CHOS SPONG BAR GDAMS PA, GNAS BRTAN DANG TSUL KHRIMS MNYAM PA LA NGES PAR SBYAR BA'I GDAMS PA, TSUL DANG 'BREL BA NGES PAR SBYAR BA'I DON DU GDAMS PA DUL BAR GNAS PA LA DE LTAR GDAMS PA, SPONG BA DANG KLOG PA GNYIS KYI DGOS PA BSGRUB PA'I DON DU GDAMS PA RNAMS SU YOD PA'I PHYIR, DANG PO LA BZHI YOD DE, GOS PHYAG DANG KHROD PA, ZAS BSOD SNYOMS PA, GNAS MAL SHING DRUNG PA, SMAN BKUS TE BOR PA BZHI LA GDAMS PA RNAMS SU YOD PA'I PHYIR, BZHI PO DER GDAMS PA LA DGOS PA YOD DE, NGAL ZHING DUB PA'I MTHA' DANG, 'DOD PA BSOD SNYOMS KYI MTHA' SPONG CHED YIN PA'I PHYIR, SPYIR, BSOD SNYOMS PA DANG STAN GCIG PHYIS MI LEN, CHOS GOS GSUM PA PHYING BA PHYAG DAR KHROD, ,DGON PA SHING DRUNG PA DANG BLA GAB MED, ,TZOG PU DUR KHROD PA DANG GZHI GCIG [*GZHI JI] BZHIN, ,ZHES 'BYUNG BA LTAR SBYANGS PA'I YON TAN BCU GNYIS YOD KYANG, 'DIR GSUM PO DE TZAM SMOS PA LA DGOS PA YOD DE, @015A *, ,ZHE SDANG CAN LA DUR KHROD SOGS MA GNANG BA'I PHYIR RO, ,GNYIS PA THOB PA MI NYAMS PAR SRUNG TSUL LA DU MA YOD DE, PHYI RKYEN DGE BA'I BSHES GNYEN LA BRTEN NAS SRUNG BA, NANG RKYEN BSAM PA PHUN TSOGS LA BRTEN NAS SRUNG BA, MI MTHUN PHYOGS NGO SHES PA'I SGO NAS SRUNG BA, BSLAB PA YONGS SU SBYONG BA'I SGO NAS SRUNG BA SOGS YOD PA'I PHYIR, DANG PO GRUB STE, MDO RTZA BAR, GNAS PAS GNAS LA MA ZHUS PAR BYA BA MI BYA'O, ,ZHES 'BYUNG BA'I PHYIR, GNAS PA SLOB MAS GNAS KYI BLA MA BSTEN NAS BYA BA ZHU DGOS TE, MA ZHUS NA NYES PAR 'GYUR BA'I PHYIR, DUS NAM GYI TSE ZHU BA YOD DE, RGYUN DU LHAN CIG YOD TSE NYIN RER LAN GSUM GSUM DANG, GLO BUR BA NI NAM BYUNG BA'I TSE ZHU ZHING, BLA MA DANG RANG GI BAR DU RGYANG GRAGS LNGA SOGS KYIS CHOD NA GSO SBYONG GI TSE LTA BU ZHU BA'I PHYIR, ZHU TSUL YOD DE, BYA BA RANG RANG GI MING NAS SMOS TE ZHU DGOS PA'I PHYIR, ,DMIGS BSAL YOD DE, GNAS KYI BLA MA MED PA'I TSE GZHAN 'OS PA LA ZHU BA DANG, DGE BSKOS LTA BU LA'ANG ZHU BA SOGS YOD PA'I PHYIR DANG, BYA BA ZHU MI RUNG BA DANG, ZHU MI DGOS PA'ANG YOD PA'I PHYIR, PHYI MA GNYIS DER THAL, SROG GCOD LTA BU LA NGO BO'I SGO NAS ZHU MI RUNG ZHING, BSHANG GCI 'DOR BA SOGS LA ZHU MI DGOS PA'I PHYIR, 'O NA, GNAS KYI BLA MA BSTEN DGOS NA, GNAS KYI BLA MA LA YON TAN JI LTA BU ZHIG DGOS ZHE NA, BSNYEN PAR RDZOGS NAS BSNYEN RDZOGS RNAM DAG GI SDOM RGYUN BAR MA CHAD DU LO BCU LON PA ZHIG DGOS SO ZHES STON PA LA, MDOR, BSNYEN PAR RDZOGS NAS LO BCU MA LON PAR MKHAN PO NYID DANG, GNAS NYID DANG MI GNAS PAR 'DUG PAR MI BYA'O, ,ZHES 'BYUNG NGO, ,DE TZAM GYIS CHOG GAM ZHE NA, MI CHOG STE, DE'I YAN LAG TU LNGA PHRUGS NYER GCIG PO GANG RUNG DANG LDAN PA ZHIG KYANG DGOS SO ZHES 'CHAD PA LA, 'OG @15B NAS 'BYUNG BA DAG LAS LHAN CIG SBYAR BA GANG DANG YANG MI LDAN PAS NI MA YIN NO, ,ZHES GSUNGS PA'I PHYIR, 'O NA, LNGA PHRUGS NYER GCIG PO DE GANG ZHE NA, YOD DE, SDOM LAS, LO BCU LON DANG 'DZIN DANG MKHAS, ,RIG DANG GSAL DANG 'DZIN 'JUG DANG, , SLOB DANG SLOB 'JUG RNAM PA GNYIS, ,PHUN SUM TSOGS GNYIS RNAM PA GSUM, ,SLOB DANG MI SLOB BYUNG SHES DANG, ,GNAS 'CHA' 'CHAR 'JUG LTUNG BA SHES, ,LHA YI RI LA RGYU BA YI, ,SDE TSAN YANG DAG BSDU BA YIN, ,ZHES GSUNGS PA RNAMS YIN PA'I PHYIR, DE RNAMS KYI NANG NAS DANG PO LO BCU LON PA'I LNGA PA YOD DE, BSNYEN PAR RDZOGS NAS SDOM RGYUN BAR MA CHAD DU LO BCU LON PA, NAD G-YOG BYED DAM BYED DU 'JUG NUS PA, 'GYOD PA SEL BAR BYED DAM BYED DU 'JUG NUS PA, SDIG LTA SPONG BAR BYED DAM BYED DU 'JUG NUS PA, GNAS MI DGA' BA 'DOR BAR BYED DAM BYED DU 'JUG NUS PA RNAMS SU YOD PA'I PHYIR, LNGA PA 'DIS BLA MA'I YON TAN BSTAN TSUL YOD DE, GNYIS PAS BLA MA DE SNYING RJE DANG LDAN DGOS PAR BSTAN CING, GSUM PAS 'DUL BA LA MKHAS SHING TSUL KHRIMS DAG PA, BZHI PAS MNGON PA'I DON SHES SHING YANG DAG PA'I LTA BA RNYED PA, LNGA PAS SLOB MA'I BSAM PA SHES PA'I YON TAN DE BSTAN PA'I PHYIR, SDE SNOD GSUM 'DZIN PA'I LNGA PA, GSUM MKHAS PA'I LNGA PA, GSUM RIG PA'I LNGA PA, GSUM GSAL BA'I LNGA PA, GSUM 'DZIN 'JUG GI LNGA PA RNAMS YOD DE, SDE SNOD GSUM GYI TSIG DON 'DZIN NUS PA'I STENG DU MANG DU THOS PA DANG TSUL KHRIMS DANG LDAN PA GNYIS BSNAN PA'I LNGA PA DANG PO, ,DE GSUM GYI TSIG DON 'BYED NUS PA'I STENG DU MANG THOS TSUL LDAN GNYIS BSNAN PA GNYIS PA, DE GSUM GYI TSIG DON MA 'DRES PAR PHYE NAS LUNG RIGS DANG SBYOR NUS PA'I STENG DU MANG THOS TSUL LDAN GNYIS BSNAN PA GSUM PA, DE LTAR SBYAR NAS GZHAN LA STON NUS PA'I STENG DU MANG THOS TSUL LDAN GNYIS BSNAN PA BZHI PA, DE GSUM GYI TSIG DON RANG GIS @16A *, ,'DZIN PAR MA ZAD, GZHAN 'DZIN PA LA SBYOR NUS PA'I STENG DU MANG THOS TSUL LDAN GNYIS BSNAN PA LNGA PA YIN PA'I PHYIR, BSLAB PA GSUM LA SLOB PA'I LNGA PA DANG, SLOB TU 'JUG PA'I LNGA PA GNYIS YOD DE, TSUL KHRIMS TING 'DZIN SHES RAB KYI BSLAB PA GSUM LA RANG NYID SLOB PA'I STENG DU MANG THOS TSUL LDAN GNYIS BSNAN PA DANG PO DANG, DE GSUM LA GZHAN SLOB TU 'JUG PA'I STENG DU MANG THOS TSUL LDAN GNYIS BSNAN PA GNYIS PA YIN PA'I PHYIR, LHAG PA'I SPYOD PA SOGS GSUM LA SLOB PA DANG, SLOB TU 'JUG PA'I LNGA PA GNYIS YOD DE, LHAG PA'I SPYOD PA DANG, 'DUL BA DANG, SO THAR GSUM LA SLOB PA'I STENG DU MANG THOS TSUL LDAN GNYIS BSNAN PA DANG PO DANG, DE GSUM LA SLOB TU 'JUG NUS PA'I STENG DU MANG TSUL GNYIS BSNAN PA GNYIS PA YIN PA'I PHYIR, LHAG PA'I SPYOD PA SOGS GSUM YANG YOD DE, 'DUL BA NAS BSHAD PA'I SPYOD LAM BZHI LTA BU DANG PO DANG, 'DUL BA LUNG SDE BZHI LTA BU GNYIS PA, PHA MA'I ? SO THAR GYI MDO LTA BU GSUM PA YIN PA'I PHYIR, PHUN TSOGS DANG PO DANG, GNYIS PA'I LNGA PA GNYIS YOD DE, DAD PA DANG, TSUL KHRIMS DANG, THOS PA DANG, GTONG BA DANG, SHES RAB PHUN SUM TSOGS PA'I LNGA PA DANG PO DANG, TSUL KHRIMS DANG, TING 'DZIN DANG, SHES RAB DANG, RNAM PAR GROL BA DANG, RNAM PAR GROL BA SHES SHING MTHONG BA'I PHUN SUM TSOGS PA'I LNGA PA GNYIS PA YIN PA'I PHYIR, 'DI'I SKABS KYI TSUL KHRIMS SNGA PHYI GNYIS MI 'DRA STE, SNGA MA TSUL KHRIMS DNGOS LA BYED, PHYI MA 'DUL BA SHES PA LA BYED PA'I PHYIR, DRAN PA DANG LDAN PA DANG, NANG DU YANG DAG 'JOG PA DANG, MNYAM PAR GZHAG PA'I LNGA PA GSUM YOD DE, DRAN PA DANG, BRTZON 'GRUS DANG, SHES RAB DANG LDAN PA GSUM GYI STENG DU MANG THOS TSUL LDAN GNYIS BSNAN PA DANG PO DANG, NANG DU YANG @16B DAG 'JOG PA SOGS GSUM GYI STENG DU MANG THOS TSUL LDAN GNYIS BSNAN PA GNYIS PA DANG, MNYAM PAR GZHAG PA SOGS GSUM GYI STENG DU MANG TSUL GNYIS BSNAN PA GSUM PA YIN PA'I PHYIR, MANG DU THOS ZHES GSUNGS PA RNAMS KYI DON YOD ? DE, SDE SNOD GSUM GANG RUNG GI TSIG DON MANG DU THOS PA LA BYED LA, 'GA' ZHIG TU PHYI ROL PA'I BSTAN BCOS MANG DU THOS PA LA BYED PA'ANG YOD PA'I PHYIR, TSUL KHRIMS DANG LDAN PA ZHES 'BYUNG BA SOGS KYI DON YOD DE, PHAM PAS MA GOS SHING, RANG BZHIN GYI KHA NA MA THO BA LA 'DZEMS PA'I TSUL KHRIMS DANG LDAN DGOS PA'I DON YIN PA'I PHYIR, SLOB PA DANG, MI SLOB PA'I LNGA PA GNYIS YOD DE, SLOB PA'I TSUL KHRIMS, TING 'DZIN, SHES RAB, RNAM PAR GROL BA, DE SHES SHING MTHONG BA'I LNGA PA DANG PO DANG, MI SLOB PA'I TSUL KHRIMS SOGS KYI LNGA PA GNYIS PA YIN PA'I PHYIR, BYUNG SHES KYI LNGA PA YOD DE, BYUNG BA MNGON PAR SHES PA, BCAS PA, RJES SU BCAS PA, BKAG PA, GNANG BA MNGON PAR SHES PA RNAMS SU YOD PA'I PHYIR, DANG PO BYUNG BA MNGON PAR SHES PA LA GNYIS YOD DE, GLENG BZHI [*GZHI] BYUNG LA BCAS PA MA MDZAD PA DANG, MDZAD PA'I KHYAD PAR GNYIS YOD PA'I PHYIR, DANG PO YOD DE, SRAS SGRA GCAN 'DZIN GYIS BSAM BZHIN DU BRDZUN SMRAS PA LA BCAS PA MA MDZAD PA LTA BU YIN PA'I PHYIR, GNYIS PA YOD DE, DGE SLONG BZANG SBYIN GYIS MI TSANGS SPYOD BYAS PA LA BRTEN NAS BCAS PA MDZAD PA LTA BU YIN PA'I PHYIR, GNYIS PA BCAS PA MNGON PAR SHES PA LA GSUM YOD DE, SGRUB PA MNGON PAR SHES PA, DGAG PA BCAS PA MNGON PAR SHES PA, GNANG BA MNGON PAR SHES PA RNAMS SU YOD PA'I PHYIR, DE GSUM GYI KHYAD PAR YOD DE, RAB TU BYUNG BAS STOD G-YOGS SMAD G-YOGS TSAD LDAN 'CHANG BA LTA BU DANG PO, ,RTZA BZHI MI RUNG BAR BCAS PA LTA BU GNYIS PA, LJONGS @17A *, ,RGYUR GNANG BA LTA BU GSUM PA YIN PA'I PHYIR, GSUM PA RJES SU BCAS PA MNGON PAR SHES PA LA DGU YOD DE, DGAG PA'I RJES SU DGAG PA BCAS PA MNGON PAR SHES PA, DGAG PA'I RJES SU SGRUB PA, DGAG PA'I RJES SU GNANG BA GSUM, SGRUB PA'I RJES SU SGRUB PA, SGRUB PA'I RJES SU DGAG PA, SGRUB PA'I RJES SU GNANG BA GSUM, GNANG BA'I RJES SU GNANG BA, GNANG BA'I RJES SU DGAG PA, GNANG BA'I RJES SU SGRUB PA BCAS PA MNGON PAR SHES PA GSUM RNAMS SU YOD PA'I PHYIR, DANG PO GSUM GYI KHYAD PAR YOD DE, DGE SLONG BZANG SBYIN LA BRTEN NAS MI TSANGS SPYOD BKAG PA'I RJES SU DGE SLONG DGON PA BA LA BRTEN NAS DE BKAG PA LTA BU DANG PO DANG, RAB BYUNG LA KHEG ? SPOG ? BYED PA BKAG PA'I RJES SU BU LON 'JAL MA NUS NA DE BYED DGOS PAR BCAS PA LTA BU GNYIS PA DANG, RAB BYUNG RNAMS KYIS PHYI DRO'I KHA ZAS ZA BA BKAG PA'I RJES SU NAD PA LA NYES MED DU GNANG BA LTA BU GSUM PA YIN PA'I PHYIR, BAR MA GSUM GYI KHYAD PAR YOD DE, DBYAR SNGA MA KHAS LEN DGOS PAR BCAS PA'I RJES SU PHYI MA YANG KHAS LEN PAR BCAS PA LTA BU DANG PO DANG, GSO SBYONG SOGS BYED DGOS PAR BCAS PA'I RJES SU GNAS KYI BLA MA BSTEN DGOS PA NANG 'DOMS NA, GSO SBYONG SOGS BYED PA BKAG PA LTA BU GNYIS PA DANG, RAB BYUNG RNAMS KYIS DUS BZANG POR CHOS NYAN BSHAD BYED DGOS PAR BCAS PA'I RJES SU NAD PAS DE MA BYAS KYANG NYES MED DU GNANG BA LTA BU GSUM PA YIN PA'I PHYIR, PHYI MA GSUM GYI KHYAD PAR YOD DE, RAB BYUNG LA 'CHI LA [*'CHIL] LHAM GNANG BA'I RJES SU LHAM SPU ? GU CAN GNANG BA LTA BU DANG PO DANG, RAB BYUNG LA LHAM GNANG BA'I RJES SU KHRA BO DANG SGRA KROG KROG ZER BA BKAG PA LTA BU GNYIS PA DANG, SRA BRKYANG 'DING BAR GNANG BA'I @17B RJES SU DE DBYUNG DGOS PAR BCAS PA LTA BU GSUM PA YIN PA'I PHYIR RO, ,BZHI PA BKAG PA MNGON PAR SHES PA YOD DE, SROG GI PHYIR YANG BYAR MI RUNG BAR BCAS PA SHES PA DE YIN PA'I PHYIR, SROG GI PHYIR YANG MA GNANG BA YOD DE, RANG BZHIN GYI NYES PA RNAMS DANG, BCAS RKYANG LAS CHANG 'THUNG BA MA GNANG BA'I PHYIR, LNGA PA GNANG BA MNGON PAR SHES PA YOD DE, RGOL NGAN TSAD [*TSAR] GCOD PA'I CHED DU PHYI ROL PA'I BSTAN BCOS KLOG PAR GNANG BA LTA BU YIN PA'I PHYIR, GNAS 'CHA' BA'I LNGA PA YOD DE, BAR DU GCOD PA MNGON PAR SHES PA DANG, BAR DU GCOD PA MA YIN PA SHES PA DANG, DE GZHAN LA SMRA BA DANG, RJES SU STON PA DANG, GZHAN LA GNAS 'CHA' BAR GZHUG PA RNAMS SU YOD PA'I PHYIR, GNAS 'CHA' BAR 'JUG NUS PA'I LNGA PA YOD DE, BLA ? MA ? BZHI'I STENG DU GNAS 'CHAR 'JUG NUS ZHES SBYOR BA'I PHYIR, 'DI LA GNYIS YOD DE, GTAN DU GNAS 'CHA' BA DANG, RE ZHIG GNAS 'CHA' BA GNYIS YOD PA'I PHYIR, NYER GCIG PA LTUNG SHES KYI LNGA PA YOD DE, LTUNG BA MNGON PAR SHES PA DANG, LTUNG MIN MNGON PAR SHES PA DANG, YANG BA MNGON PAR SHES PA DANG, LCI BA MNGON PAR SHES PA DANG, SO THAR DANG LUNG RGYAS PA GANG RUNG BLO LA THON PA RNAMS SU YOD PA'I PHYIR, LCI BA DE LA LNGA YOD DE, NGO BO NYID KYIS LCI BA, BYED PA'I SGO NAS LCI BA, GZHI'I SGO NAS LCI BA, BSAM PA'I SGO NAS LCI BA, GRANGS KYI SGO NAS LCI BA RNAMS SU YOD PA'I PHYIR, DANG PO YOD DE, PHAM PA BZHI DANG, MTSAMS MED LNGA LTA BU YIN PA'I PHYIR, GNYIS PA YOD DE, MA GUS PAS BYAS PA LTA BU YIN PA'I PHYIR, GSUM PA YOD DE, MI BSAD PA LTA BU YIN PA'I PHYIR, ,BZHI PA YOD DE, ZHE SDANG DRAG POS BSAD PA LTA BU YIN PA'I PHYIR, LNGA PA YOD DE, DE LAN MANG DU BYAS PA RNAMS YIN PA'I PHYIR, RTEN GYI SGO NAS LCI BA YANG YOD DE, SDIG @18A *, ,PA LA 'GYOD CING NYES DMIGS SU BLTA BA'I MKHAS PA LA YANG BDAG [*YANG BA DAG?] KYANG, LAS DE LA SPRO BAR 'JUG PA'I MI MKHAS PA RNAMS LA LCI BAR GSUNGS PA'I PHYIR, DE DAG LAS BZLOG PA NI YANG BAR SHES SO, ,LNGA PHRUGS DE DAG BSDU TSUL YOD DE, KHYAD PAR CAN YIN MIN GNYIS DANG, RTEN SKYE 'PHAGS GNYIS DANG, RANG DBANG YIN MIN GNYIS RNAMS SU 'DU BA'I PHYIR, DANG PO YOD DE, SDE SNOD GSUM SHES KYI YON TAN YAN LAG TU YOD MED GNYIS SU 'DU BA'I PHYIR, GNYIS PA YOD DE, RTEN SO SKYE DANG 'PHAGS PA GANG RUNG GI RGYUD KYIS BSDUS PA'I PHYIR, GSUM PA YOD DE, RANG NYID RGYUD LA LDAN PA LA LNGA PHRUGS GZHAN RGYUD LA LDAN DGOS PA DANG, MI DGOS PA GNYIS SU 'DU BA'I PHYIR TE, LNGA PHRUGS 'CHA' BA'I GZHI BYED CING LNGA PA'I YAN LAG MA TSANG BA GZHAN GYI KHA SKONG DU 'GRO MI DGOS PA DANG, DE LAS LDOG PA GNYIS SU 'DU BA'I PHYIR, GANG ZAG LA YANG RANG DBANG CAN YIN MIN GNYIS ? YOD DE, BSNYEN PAR RDZOGS NAS BSNYEN RDZOGS RNAM DAG GI SDOM RGYUN BAR MA CHAD DU LO BCU LON CING, LNGA PHRUG NYER GCIG PO GANG RUNG DANG LDAN PA'I GANG ZAG DE, GANG ZAG RANG DBANG CAN YIN LA, DE LAS GZHAN DU NA RANG DBANG CAN MA YIN PA'I PHYIR, DANG PO GRUB STE, GANG ZAG DES GZHAN GYI MKHAN PO DANG GNAS KYI SLOB DPON BYAR RUNG ZHING, RANG NYID GNAS KYI SLOB DPON GZHAN LA MA BRTEN PAR LJONGS RGYUR RUNG BA'I PHYIR, GNYIS PA GRUB STE, SNGA MA LAS LDOG PA'I PHYIR ?, , ? LNGA PHRUGS NYER GCIG DANG LDAN PA'I GANG ZAG YIN PA MED DE, SLOB PA DANG MI SLOB PA'I LNGA PA GNYIS RGYUD LDAN GYI GANG ZAG YIN PA MED PA'I PHYIR, LO BCU LON PA BRTAN PA'I YON TAN DANG LNGA PHRUG NYER GCIG PO GANG RUNG SHES PA MKHAS PA'I YON TAN TE, BRTAN MKHAS KYI @18B YON TAN GNYIS GANG RUNG DANG MI LDAN NA NI DGRA BCOM PA YIN KYANG GNAS MA BCAS PAR LJONGS RGYUR MI RUNG STE, RGYU BAR BYAS NA LTUNG BA BSKYED PA'I PHYIR, LJONGS RGYUR RUNG BA LA BRTAN MKHAS GANG RUNG GIS GO CHOD PA YOD DE, BSNYEN PAR RDZOGS NAS LO LNGA TZAM LON YANG, LNGA PHRUGS THA MA LTUNG SHES DANG LDAN NA LJONGS RGYUR RUNG BA'I PHYIR, DE NI MTSON PA TZAM YIN GYI, NGES PA NI MA YIN TE, LO LNGA'AM DRUG LON CING, SDE SNOD GSUM SHES PA'I LNGA PA DANG LDAN NA'ANG LJONGS RGYUR RUNG BA'I PHYIR, SNGAR BSHAD PA'I LNGA PHRUGS LHAG MA RNAMS RIM PAR 'CHAD PA'I GZHUNG YOD DE, MDO RTZAR, NAD G-YOG DANG, 'GYOD PA BSAL BA DANG, SDIG PA CAN GYI LTA BA'I RNAM PA SPANGS PA DANG, GNAS MNGON PAR MI DGA' BA DAG LA 'DOR BA BYED DAM BYED DU 'JUG NUS PA'O, ,ZHES PA NAS, LTUNG BA DANG, LTUNG BA MA YIN PA DANG, YANG BA DANG, LCI BA NYID MNGON PAR SHES PA NYID DANG, SO SO THAR PA DANG RGYAS PA THON PA NYID DO ZHES PA'I BAR GYIS BSTAN PA'I PHYIR RO, ,MKHAN PO DANG GNAS KYI SLOB DPON DU 'OS PA LA YON TAN DE DAG DGOS PAR MA ZAD, BSGRUB BYA'I NGOS NAS KYANG SDOM PA SKYE BA LA 'GAL RKYEN CHER MED PA ZHIG DGOS TE, BAR GCOD DANG LDAN PA LA SDOM PA MI SKYE BA'AM, SKYES KYANG RING DU MI GNAS PA'I DGAG BYA YOD PA'I PHYIR, 'O NA, DGAG BYA BAR CHAD DE LA DU YOD CE NA, BZHI YOD DE, SKYE BA'I BAR CHAD, GNAS PA'I BAR CHAD, MDZES PA'I BAR CHAD, KHYAD PAR DU 'GYUR BA'I BAR CHAD RNAMS SU YOD PA'I PHYIR, DANG PO LA BZHI YOD DE, RTEN, LAS SGRIB, GNAS SKABS, BSAM PA'I DBANG GIS MI SKYE BA RNAMS SU YOD PA'I PHYIR, DANG PO LA BCU YOD DE, SPRUL PA DANG, MA NING PHO MO DANG, MTSAN LAN GSUM DU GYUR PA DANG, MTSAN GNYIS CIG CAR BYUNG BA DANG, MTSAN MED ? @19A *, ,DANG; ZA MA DANG, DUD 'GRO DANG, MI MA YIN PA'I 'GRO BA DANG, BYANG SGRA MI SNYAN PA RNAMS KYI RTEN LA SO THAR GYI SDOM PA MI SKYE BA'I PHYIR, GNYIS PA LA DRUG YOD DE, RKU THABS SU GNAS PA SOGS YOD PA'I PHYIR, GSUM PA LA BZHI YOD DE, SDOM PA LEN DU RUNG BA'I LO MA LON PA SOGS YOD PA'I PHYIR, BZHI PA YANG BZHI YOD DE, MU STEGS KYI LTA BA LEN PA [?] SOGS YOD PA'I PHYIR, GNYIS PA GNAS PA LA BAR DU GCOD PA YOD DE, PHA MAS MA GNANG BA SOGS DU MA YOD PA'I PHYIR, GSUM PA MDZES PA'I BAR GCOD YOD DE, LAG RDUM, SKRA SER SOGS YOD PA'I PHYIR, BZHI PA KHYAD PAR DU 'GYUR BA'I BAR GCOD YOD DE, NAD PA SOGS YOD PA'I PHYIR, DE DAG BSDU NA GNYIS SU 'DU STE, GTZO BO DANG GTZO BO MA YIN PA GNYIS SU 'DU BA'I PHYIR, MTSAN GZHI YOD DE, SDOM PA SKYE BA'I BAR CHAD RNAMS DANG PO DANG, SKYE LA NYES BYAS SU 'GYUR BA RNAMS GNYIS PA YIN PA'I PHYIR, MA NING ZHES PA DE ? JI LTA BU YIN ZHE NA, DE LA DBYE NA DU MA YOD DE, SKYES NAS MA NING, ZLA PHYED MA NING, 'KHYUD LDANG MA NING, PHRAG DOG MA NING, NYAMS PA MA NING RNAMS SU YOD PA'I PHYIR, DANG PO YOD DE, SKYES TZAM NYID NAS MTSAN GNYIS GANG RUNG MED PA ZHIG YIN PA'I PHYIR, GNYIS PA YOD DE, ZLA PHYED DU PHO'I 'DOD PA BSTEN LA, ZLA PHYED DU MO'I 'DOD PA BSTEN PA ZHIG LA 'JOG PA'I PHYIR, GSUM PA YOD DE, GZHAN LA 'KHYUD PA'I TSE DBANG PO LAS SU RUNG LA, DUS GZHAN DU MI RUNG BA ZHIG YIN PA'I PHYIR, BZHI PA YOD DE, PHO MO NYAL PO BYED PA'I KHYAD PAR MTHONG BA NA DBANG PO LAS SU RUNG LA, GZHAN GYI TSE MI RUNG BA ZHIG YIN PA'I PHYIR, LNGA PA YOD DE, PHO DBANG MTSON SOGS KYIS BCAD PA ZHIG LA 'JOG PA'I PHYIR, ZA MA YANG MA NING YIN KYANG KHYAD PAR YOD @19B DE; TSIG LOR [*LE'UR], GANG ZHIG GRONG PA'I CHOS MED PA, ,DE NI ZA MA ZHES SU BRJOD, ,ZHES PA LTAR YIN PA'I PHYIR RO, ,RKU THABS SU GNAS PA YOD DE, BSNYEN RDZOGS MA BYAS PA'AM, BYAS KYANG MA CHAGS PA SHES BZHIN DU LAN GNYIS SU DGE 'DUN DANG LDAN [*LHAN] CIG 'DUL BA'I LAS BRGYA RTZA GANG RUNG NYAMS SU MYONG BA ZHIG LA 'JOG PA'I PHYIR, MU STEGS CAN ZHUGS PA YOD DE, MU STEGS CAN GYI RTAGS BLANGS NAS CHOS 'DI PA'I BRTUL ZHUGS BOR BA ZHIG LA 'JOG PA'I PHYIR, 'DI LA SNGAR RAB TU BYUNG BA ZHIG DGOS TE, GZHAN DU NA DER MI 'GYUR BA'I PHYIR, DE RNAMS 'DIR BSTAN TSUL YOD DE, RAB TU BYUNG BA'I PHYIR NYE BAR 'ONGS PA LA, ZHES PA NAS, NYE BAR BZHAG PAR MI BYA'O ZHES PA'I BAR GYIS BSTAN PA'I PHYIR, DER MA ZAD LHUNG BZED MED PAR RAB TU BYUNG BA DANG BSNYEN PAR RDZOGS PAR BYAR MI RUNG STE, DE LTAR BYAS NAS NYES PAR 'GYUR BA'I PHYIR TE, MDOR, LHUNG BZED MED PAR RAB TU BYUNG BA DANG BSNYEN PAR RDZOGS PAR MI BYA'O ZHES GSUNGS PA'I PHYIR, 'O NA LHUNG BZED LA RGYU SOGS JI LTA BU ZHIG DGOS ZHE NA, ,YOD DE, RGYU'I KHYAD PAR, DBYE BA, KHA DOG ,DBYIBS TSAD KYI KHYAD PAR RNAMS SU YOD PA'I PHYIR, DANG PO YOD DE, RGYU NI SHING DANG ZANGS DANG GSER SOGS MA YIN PAR SA DANG LCAGS GANG RUNG LAS BYAS PA ZHIG DGOS PA'I PHYIR TE, SA GA LHAS, SA DANG LCAGS LAS BYAS RANG BZHIN, ,ZHES GSUNGS PA'I PHYIR, DBYE NA GNYIS YOD DE, CHUNG 'BRING CHEN PO GSUM MAM, CHE CHUNG GNYIS SU YOD PA'I PHYIR, PHYI MA GRUB STE, SA GA LHAS, LHUNG BZED RNAM PA GNYIS SU BRJOD, , CES GSUNGS PA'I PHYIR, KHA DOG GI KHYAD PAR YOD DE, DKAR PO SOGS MA YIN PAR BYA ROG GI MIG 'BRAS LTAR NAG PA ZHIG DGOS PA'I PHYIR, DBYIBS KYI KHYAD PAR YOD DE, GRU BZHI SOGS MA YIN PAR SGONG [*OR SGO NGA] PHYED PA LTA BU ZLUM PA ZHIG DGOS @20A *, ,PA'I PHYIR, LHUNG BZED KYI TSAD 'DI LA SNGON GYI MKHAS PA DAG BZHED PA MI 'DRA BA MANG DU SNANG YANG, SNYING PO BSDU NA LHUNG BZED CHUNG 'BRING CHEN PO'I TSAD YOD DE, DRUG PHUL PHYI ? PHUL DGU SHONG BA CHUNG TSAB [*TSAD], ? PHUL BCO BRGYAD SHONG BA CHE TSAD, DE'I BAR 'BRING TSAD DU 'JOG PA'I PHYIR, DE YANG BOD YUL DBUS KYI BRE CHUNG GI DBANG DU BYAS PA YIN TE, YA KHYOR NYER GCIG LA BOD BRE DE'I GANG TSAD DU BYED PA'I PHYIR, DE NI DGE SLONG PHA'I DBANG DU BYAS KYI, MA'I LHUNG BZED KYI CHE TSAD YOD DE, DGE SLONG PHA'I LHUNG BZED KYI CHUNG TSAD DE, DE'I LHUNG BZED KYI CHE TSAD YIN PA'I PHYIR, LHUNG BZED KYI KHYAD PAR 'CHAD PA LA, 'DIR, KHA CHA'I MTHA' KHO NA NAS MTHE BO'I LTO GANG GI LHAG PAR 'BRAS THUG PO CHE MA GA TA'I [*DHA'I] BRE CHUNG GANG BTZOS PA SRAN TSOD DANG BCAS TSOD MA DANG BCAS PA LHAG PA NAS DO'I BAR SHONG BA DE'I RIGS YIN NO, ,ZHES GSUNGS TE, DE'I DON RGYAS PAR NI GZHAN DU SHES PAR BYA DGOS PA'I PHYIR, 'O NA, DGE SLONG MA'I SDOM PA'I CHO GA 'DIR DNGOS SU MA BSHAD PAS JI LTAR ZHE NA, YOD DE, DGE SLONG 'GA' ZHIG LA MKHAN PO NYID DU GNAS PA LA'O ZHES PA NAS, MKHAN MO NYID DU ZHES BSGYUR BA'I TSUL GYIS BSTAN PA'I PHYIR, DGE SLONG MA'I SDOM PA DE YUL GANG LAS NOD PA SOGS PHAL CHER SNGAR BSHAD PA DANG 'DRA YANG, KHYAD PAR YOD DE, MKHAN MO'I DBANG DU BYAS NA BSNYEN PAR RDZOGS NAS SDOM RGYUN PAR [*BAR] MA CHAD DU LO NYI SHU LON ZHING, PHAM PA BRGYAD KYIS MA GOS PA DANG, LAS SLONG [*SLOB] LA PHA MA GNYIS KA DGOS PA DANG, DGE 'DUN YUL DBUS SU DGE SLONG PHA BCU, MA BCU GNYIS TSOGS DGOS PA DANG, RTEN KYANG KHYIM SO BZUNG NA LO BCU GNYIS DANG, MI BZUNG NA NYI SHU LON PA DANG, YO BYAD CHOS GOS GSUM GYI STENG DU RDUL GZAN DANG, SHING DE DBANG [*DPUNG] PHYED [?] @20B DANG, LHUNG BZED SOGS DGOS PA'I PHYIR, KHYAD PAR GZHAN YANG YOD DE, GNYIS KA'I DGE 'DUN LA GSOL BA 'DEBS PA DANG, LCI BA'I CHOS BRGYAD BRJOD DGOS PAR MA ZAD, THUN MONG MA YIN PA'I PHAM PA BZHI YANG BRJOD DGOS PA DANG, DGE SLONG PHA GSAR BU LA'ANG PHYAG BYA DGOS PA SOGS MANG DU YOD PA'I PHYIR, LCI BA'I CHOS BRGYAD YOD DE, DGE SLONG GI DGE 'DUN LA ZLA BA PHYED PHYED NAS GDAMS PA NOD PA SOGS BRGYAD YOD PA'I PHYIR, THUN MONG MA YIN PA'I PHAM PA BZHI YOD DE, 'CHAB PA'I PHAM PA, REG PA'I PHAM PA, LUS BKAN ? PA'I PHAM PA, LDOG PA'I PHAM PA RNAMS SU YOD PA'I PHYIR, DGE SLONG MA'I SDOM PA LEN PA'I GONG DU DGE SLOB MA'I SDOM PA LO GNYIS KYI BAR DU LEN DGOS TE, YUL DBUS SU DGE SLONG MA BCU GNYIS DANG, MTHA' 'KHOB TU DRUG GI GRANGS TSANG BA DANG, RTZA BA'I CHOS DRUG DANG, RJES 'THUN GYI CHOS DRUG SPONG BAR KHAS LEN PA'I TSUL GYIS 'JUG PA'I PHYIR, KHYAD PAR GZHAN YANG YOD DE, NA TSOD KHYIM SO BZUNG NA LO BCU DANG, MA BZUNG NA BCU GNYIS LON PA DANG, SNAM SBYAR MA GTOGS PA'I CHOS GOS GNYIS SOGS LHUNG BZED BCAS SNGAR BZHIN DANG, DGE TSUL GYI SDOM PA LA GNAS PA DANG, DNGOS GZHI'I TSE GSAL [*GSOL] GNYIS KYI LAS KYIS BSGRUB PAR BYA BA RNAMS SU YOD PA'I PHYIR, GDAMS NGAG KYANG RTZA BA DANG RJES 'THUN GYI CHOS DRUG TSAN GNYIS BRJOD PAR BYA DGOS TE, DE YANG JI SKAD DU, GCIG PUR LAM DU 'GRO MI BYA, ,SOGS RTZA BA'I CHOS DRUG DANG, GSER LA BZUNG BAR MI BYA ZHING, , SOGS RJES 'THUN GYI CHOS DRUG BSHAD PA LTAR BRJOD PAR BYA BA'I PHYIR, DGE SLOB MA'I DE MA THAG DGE SLONG GI [*MA'I] SDOM PA SBYIN DU MI RUNG STE, DE'I BAR DU TSANGS SPYOD NYER GNAS KYI SDOM PA SBYIN DGOS PA'I PHYIR, KHA CIG ,DGE SLONG BZHI TSOGS @21A *, ,TZAM LA BRTEN NAS DGE SLONG PHA MA'I SDOM PA SKYE BA YOD PAR THAL, DE TZAM LA BRTEN NAS DGE SLONG MA'I SDOM PA SKYE BA YOD PA'I PHYIR, ZER NA, MA KHYAB, 'DOD MI NUS TE, DE TZAM LA BRTEN NAS DGE SLONG MA'I [*PHA'I] SDOM PA SKYE BA MED PA'I PHYIR, KHA CIG ,DGE SLONG BZHI TSOGS TZAM LA BRTEN NAS NYES MED PHUN TSOGS KYI DGE SLONG GI SDOM PA SKYE BA MED KYANG, SKYE BA NI SRID PA YIN TE, ME TOG PHRENG RGYUD LAS, GAL TE BZHI NI LAS BRJOD MKHAS, ,TSUL KHRIMS LDAN PAR GYUR PA NA, ,BSNYEN RDZOGS MA SMAD GYUR PA STE, ,LHA YIS KYANG NI PHYAG BYAR 'OS, ,ZHES GSUNGS PA'I PHYIR ZER, KHA CIG ,DE MI 'THAD DE, ME TOG PHRENG RGYUD KYI DON NI, LAS BYED PA PO BSNAN PA'I LNGA LA DGONGS PA'I PHYIR ZER, KHO NA RE, DE MI 'THAD DE, DMIGS BSAL GYI DBANG DU BYAS NA, MKHAN PO DANG, GSANG STON PA MED KYANG DGE SLONG GI SDOM PA SKYE BA YOD PA'I PHYIR TE, MKHAN PO MED PA NYID LA YANG NGO, ,ZHES GSUNGS PA'I PHYIR GSUNG, 'DI LA BZHED PA MI MTHUN PA MANG DU YOD KYANG, RANG LUGS NI NYES MED PHUN TSOGS KYI DBANG DU BYAS NA DA LTAR GYI CHO GA LA MKHAN SLOB GNYIS DANG, GZHAN DGE SLONG BZHI TSOGS DGOS LA, DMIGS BSAL MKHAN SLOB GNYIS PO GCIG GIS BYED PA DANG MKHAN PO DANG, GSANG STON MED KYANG BSNYEN RDZOGS KYI SDOM PA SKYE BA YOD DE, MKHAN PO'I MING BRJOD PA CHAD NA DGE SLONG GI SDOM PA MI SKYE BA SOGS BSHAD PA NI, SPYIR BTANG YIN LA, PHYI MA 'DI DMIGS BSAL YIN PA'I PHYIR ZHES BYA'O, , GNYIS PA NANG RKYEN BSAM PA PHUN TSOGS LA BRTEN NAS BSRUNG TSUL YOD DE, NGO TSA KHREL YOD KYI BSAM PA BSTEN PA'I SGO NAS BSRUNG BAR BYA DGOS PA'I PHYIR, GSUM PA MI MTHUN PHYOGS NGO SHES PA'I SGO NAS BSRUNG TSUL YOD DE, LTUNG BA SDE @21B LNGA NGO SHES PA'I SGO NAS BSRUNG DGOS PA'I PHYIR, LTUNG BA SDE LNGA'I DNGOS GZHI BSKYED PA LA, SDOM PA'I GTONG RGYU DAG GIS MA BTANG BA ZHIG DGOS TE, GTONG RGYU BYUNG NA, LTUNG BA SDE LNGA'I DNGOS GZHI BSKYED PA'I DON MED PA'I PHYIR, GTONG RGYU SPYI DANG BYE BRAG YOD DE, BSLAB PA PHUL DANG SHI 'PHOS DANG, ,MTSAN GNYIS BYUNG DANG LAN GSUM 'GYUR, ,DGE RTZA CHAD RNAMS THUN MONG STE, ,NYI SHU MA LON DER SHES DANG, ,BSTEN PHYIR KHAS BLANGS NYIN ZHAG 'DAS, ,ZHES GSUNGS PA LTAR YIN PA'I PHYIR, BSLAB PA PHUL BAS GTONG STE, SDOM PA GNAS BYED KYI MI MTHUN PHYOGS KHAS BLANGS PA'I PHYIR, 'DI LA YANG, YUL GANG LA 'BUL BA, RTEN GANG GIS, DNGOS PO GANG, TSUL JI LTAR, PHUL BA'I DGOS PA RNAMS SU YOD PA'I PHYIR, DANG PO YOD DE, MI YIN PA, SMRA SHES PA, DON GO BA, BSAM PA RANG BZHIN DU GNAS PA, MA NING DANG MTSAN GNYIS PA MA YIN PA SOGS THA SNYAD LNGA DANG, LUS THA MAL DU GNAS PA GZHAN ZHIG LA 'BUL BAR BYA BA'I PHYIR, GNYIS PA YOD DE, BSAM PA RANG BZHIN DU GNAS SHING, 'BUL 'DOD PA ZHIG GIS 'BUL BA YIN PA'I PHYIR, GSUM PA YOD DE, RANG NYID GANG 'BUL 'DOD PA'I RANG RGYUD KYI BSLAB PA DE 'BUL BA YIN PA'I PHYIR, BZHI PA YOD DE, 'DI 'BUL BAR BGYI'O ZHES PA'I TSIG BSAM PA THAG PAS BRJOD PA'I DON PHA ROL POS GO BAR BYA BA YIN PA'I PHYIR, 'BUL BA'I YUL LA GANG ZAG TU MA NGES TE, DKON MCHOG GI RTEN LA PHUL BAS KYANG 'BUL BAR 'GYUR BA'I PHYIR, DGE SLONG GIS BDAG DGE BSNYEN DU BZUNG DU GSOL ZHES BYAS NA DGE BSNYEN DU 'GYUR LA, BDAG KHYIM PAR BZUNG DU GSOL ZHES SPYIR PHUL NA, SDOM PA THAMS CAD GTONG BAR 'GYUR TE, BSAM PA'I DBANG GIS DER 'GYUR BA'I PHYIR, LNGA PA DGOS PA YOD DE, BSRUNG MA @22A *, ,NUS PAR PHUL NA, PHYIS BLANGS PA'I TSE LEGS PAR SKYE BA SOGS KYI DGOS PA YOD PA'I PHYIR, SHI 'PHOS PAS GTONG STE, SDOM PA'I RTEN POR [*BOR] ZHING, KHAS BLANGS PA'I DUS LAS 'DAS PA'I PHYIR, MTSAN GNYIS CIG CAR DU BYUNG BAS GTONG STE, SDOM PA'I RTEN NYAMS PA'I PHYIR, DGE RTZA CHAD PAS GTONG STE, SDOM PA'I RTEN GZHI MED PA'I PHYIR, BSNYEN GNAS KYI SDOM PA MTSAN MO'I MTHA'I SKAD CIG MA 'DAS PAS GTONG STE, BSRUNG BAR KHAS BLANGS PA'I DUS LAS 'DAS PA'I PHYIR, MDO SDE PA NA RE, RTZA LTUNG 'CHAB BCAS BYUNG BAS KYANG GTONG STE, RGYUD NGO TSA DANG KHREL MED SHAS CHEN POS GANG BAR BYAS PA'I PHYIR ZER, DGE SLONG GI SDOM PA BLANGS PA'I DUS DE LO NYI SHU MA LON PA'I DUS YIN PAR PHYIS SHES NA GTONG STE, 'DU SHES KYI DBANG LAS DER 'GYUR BA'I PHYIR, LO NYI SHU MA LON PA'I DGE SLONG RNAM DAG MED PA MA YIN TE, 'DU SHES 'KHRUL NAS LO NYI SHU MA LON PA LA LON PAR 'DU SHES NAS BSNYEN PAR RDZOGS PA'I DGE SLONG YOD PAR MA ZAD, BCAS PA MA MDZAD PA'I DUS KYI LO NYI SHU MA LON PA'I DGE SLONG RNAM DAG YOD PA'I PHYIR TE, LAS DANG PO PA'I DGE SLONG YOD PA'I PHYIR, KHA CHE BA RNAMS NA RE, RTZA LTUNG 'CHAB BCAS BYUNG BA'I DGE SLONG DE TSUL KHRIMS DANG LDAN PA DANG TSUL KHRIMS 'CHAL BA GNYIS KA YIN TE, MI 'GA' ZHIG LA BU LON YANG YOD LA, NOR DANG YANG LDAN PA BZHIN YIN PA'I PHYIR TE, MDZOD LAS, KHA CHE RNAMS NI BYUNG BA LA, ,BU LON NOR BZHIN GNYIS SU 'DOD, ,CES GSUNGS PA'I PHYIR, 'O NA, BCUG REG NYAMS SU MYONG NA'O, ,ZHES SOGS KYI SKABS SU BSTAN PA'I LTUNG BA SDE LNGA'I RNAM GZHAG JI LTAR ZHE NA, 'DI LA GNYIS, SO SOR BSHAD PA DANG, SPYIR BSTAN GYI TSUL DU BSHAD PA'O, ,DANG PO LA SPYI DANG BYE BRAG @22B GNYIS KYI, DANG PO LA BCU YOD DE, DBYE BA, BSDU BA, MTSAN NYID, GRANGS NGES, GO RIMS, SGRA BSHAD, 'DAS NA CIR 'GYUR, RTEN, PHAN YON, NYES DMIGS RNAMS SU YOD PA'I PHYIR, DANG PO YOD DE, DGE SLONG PHA'I SPANG BYA'I LTUNG BA NYIS BRGYA LNGA BCU RTZA GSUM DANG, MA'I SUM BRGYA DANG DRUG CU RTZA BZHI YOD PA'I PHYIR, DANG PO GRUB STE, PHAM PA BZHI, LHAG MA BCU GSUM, SPANG LTUNG SUM CU, LTUNG BYED 'BA' ZHIG PA DGU BCU, SOR BSHAGS BZHI, NYES BYAS BRGYA DANG BCU GNYIS RNAMS SU YOD PA'I PHYIR, GNYIS PA GRUB STE, PHAM PA BRGYAD, LHAG MA NYI SHU, SPANG LTUNG SUM CU RTZA GSUM, LTUNG BYED 'BA' ZHIG PA BRGYA DANG BRGYAD CU, SOR BSHAGS BCU GCIG ,NYES BYAS BRGYA DANG BCU GNYIS RNAMS SU YOD PA'I PHYIR, GNYIS PA BSDU BA YOD DE, DNGOS PO DANG BSAM PA'I SGO NAS BSDU BA, BYED LAS KYI SGO NAS BSDU BA, NGO BO'I SGO NAS BSDU BA, SDE TSAN GYI SGO NAS BSDU BA RNAMS SU YOD PA'I PHYIR, DANG PO GRUB STE, DNGOS PO GTZO CHE BA DANG, 'DU SHES GTZO CHE BA'I LTUNG BA GNYIS YOD PA'I PHYIR TE, PHAM PA DANG, LHAG MA DANG PO GNYIS DNGOS PO GTZO CHE, GZHAN RNAMS 'DU SHES GTZO CHE BA'I PHYIR, GNYIS PA BYED LAS KYI SGO NAS GNYIS SU 'DU STE, SDOM PA GSO RUNG GI LHAG MA MED PA DANG, LHAG MA DANG BCAS PA'I LTUNG BA GNYIS SU 'DU BA'I PHYIR TE, THUN MONG BA'I PHAM PA 'CHAB BCAS KYIS LHAG MA GSOR MI RUNG BAR BYAS PA DANG, MA BYAS PA GNYIS SU 'DU BA'I PHYIR, GSUM PA NGO BO'I SGO NAS BSDU BA LA GNYIS SU YOD DE, RANG BZHIN GYI KHA NA MA THO BA'I LTUNG BA DANG, BCAS PA'I KHA NA MA THO BA'I LTUNG BA GNYIS SU 'DU BA'I PHYIR, BZHI PA SDE TSAN GYI SGO NAS LNGAR YANG 'DU STE, PHAM LHAG SOGS LNGAR 'DU BA'I PHYIR, KHO NA RE, @23A *, ,MI 'THAD DE, SBOM PO RNAMS DE DAG TU MA 'DUS PA'I PHYIR, ZHE NA, SKYON MED DE, PHAM PA'I SBYOR BA'I SBOM PO SOGS GSUM PHAM PA'I SDER GTOGS LA, LHAG MA'I SBYOR SBOM SOGS GSUM LHAG MA'I SDER 'DUS PA'I PHYIR, MA NGES PA GNYIS GANG DU 'DU BA'I TSUL YOD DE, GSUM DU MA NGES PA PHAM LHAG LTUNG BYED GSUM PO GANG RUNG GIS BSDUS LA, GNYIS SU MA NGES PA LHAG MA DANG LTUNG BYED GNYIS KYIS BSDUS PA'I PHYIR, BCAS RANG GI KHYAD PAR LA, KHA CIG ,RANG BZHIN GYI KHA NA MA THO BA'I LTUNG BA YIN NA, MI DGE BA YIN PAS KHYAB, BCAS PA'I DE YIN NA, LUNG MA BSTAN YIN PAS KHYAB ZER NA, DE MI 'THAD DE, BCAS PA'I KHA NA MA THO BA'I LTUNG BA LA MI DGE BA DANG, LUNG MA BSTAN GYI CHA GNYIS YOD PA'I PHYIR TE, RAB BYUNG GIS MI DGE BAS KUN NAS BLANGS TE CHANG 'THUNG BA'I LTUNG BA LTA BU DANG PO DANG, DGRA BCOM PA'I RGYUD KYI LTUNG BA LTA BU GNYIS PA YIN PA'I PHYIR, KHA CIG ,BCAS RANG GNYIS 'GAL LO ZER BA YANG MI 'THAD DE, DGE SLONG GI RGYUD KYI SROG GCOD KYI LTUNG BA DE, DE GNYIS KA YIN PA'I PHYIR, DER THAL, DANG PO GANG ZHIG ,PHYI MA YIN PA'I PHYIR, DANG PO DER THAL, GTZO BOR BCOM LDAN 'DAS KYI BCAS PA DANG 'GAL BAR ZHUGS PA'I LTUNG BA YIN PA'I PHYIR, PHYI MA DER THAL, MI DGE BA'I NGO BOR GYUR PA'I LTUNG BA YIN PA'I PHYIR, KHA CIG ,BCAS RANG GANG RUNG GI KHA NA MA THO BA YIN NA, LTUNG BA YIN PAS KHYAB ZER BA NI MI 'THAD DE; SDOM PA DANG MI LDAN PA'I GANG ZAG GI RGYUD KYI RANG BZHIN GYI KHA NA MA THO BA DE, LTUNG BA MA YIN PA'I PHYIR TE, GANG ZAG DE SDOM PA DANG MI LDAN PA'I PHYIR, KHA CIG ,BCAS PA'I KHA NA MA THO BA YIN NA, GNANG BA'I SKABS YOD PAS @23B KHYAB ZER BA NI MI 'THAD DE, CHANG GI LTUNG BA DO [*DE], BCAS PA'I KHA NA MA THO BA GANG ZHIG ,DE RAB BYUNG LA GNANG BA'I SKABS MED PA'I PHYIR, DANG PO GRUB STE, MDZOD LAS, BCAS PA'I KHA NA MA THO BA, ,MYOS 'GYUR LAS GZHAN BSRUNG PHYIR RO, ,ZHES GSUNGS PA'I PHYIR, PHYI MA GRUB STE, MDO LAS, NGA STON PAR SMRA BA RNAMS KYIS CHANG NI RTZVA'I MCHOG MAS KYANG BTUNG BAR MI BYA'O ZHES GSUNGS PA'I PHYIR, RANG LUGS LA DE GNYIS KYI NGO BO'I KHYAD PAR YOD DE, KHYIM PA DANG RAB BYUNG GNYIS KA'I RTEN LA SDIG TU 'GYUR BA'I SGO NAS BZHAG PA'I KHA NA MA THO BA DE, RANG BZHIN GYI KHA NA MA THO BA'I NGO BO DANG, GTZO BOR STON PA'I BCAS PA DANG 'GAL BAR ZHUGS SHING SDOM LDAN GYI DBANG DU BYAS NAS BZHAG PA'I KHA NA MA THO BA DE, BCAS PA'I KHA NA MA THO BA'I NGO BO YIN PA'I PHYIR, 'ON KYANG DE GNYIS NGO BO THA DAD MA YIN TE, GNYIS KA MI 'GAL BA'I PHYIR, RGYU'I KHYAD PAR YANG YOD DE, GTZO BOR MI DGE BAS KUN NAS BLANGS MA BSLANGS KYI KHYAD PAR YOD PA'I PHYIR, KHA CIG ,RANG BZHIN GYI KHA NA MA THO BA YIN NA; SEMS CAN KUN LA SDIG TU 'GYUR BAS KHYAB PAR THAL, SDOM GSUM RAB DBYE LAS, RANG BZHIN KHA NA MA THO BA, ,SEMS CAN KUN LA SDIG TU 'GYUR, ,ZHES GSUNGS PA'I PHYIR, ZER NA, MA KHYAB STE, GANG ZAG BYE BRAG PA DGE SLONG LTA BU'I RGYUD KYI RANG BZHIN GYI KHA NA MA THO BA DE, SEMS CAN KUN LA SDIG TU MI 'GYUR BA'I PHYIR, DER THAL, LAS MA BYAS PA DANG 'PHRAD PA MED PA'I PHYIR, KHA CIG ,KHYIM PA'I RGYUD KYI KHA NA MA THO BA YIN NA, RANG BZHIN GYI KHA NA MA THO BA KHO NA YIN PAS KHYAB PAR THAL, DE GTZO BOR KHYIM PA'I RTEN LA YOD PAR BZHAG PA'I PHYIR, ZER NA MA KHYAB STE, DGE BSNYEN GYI RGYUD LA BCAS PA'I KHA NA MA THO BA YOD PA'I PHYIR, DER THAL, DE'I RGYUD LA BCAS PA DANG 'GAL BAR ZHUGS PA'I NYES PA YOD PA'I PHYIR, @24A *, ,KHA CIG ,SDOM PA DANG MI LDAN PA'I GANG ZAG GI RGYUD LA LTUNG BA YOD PAR THAL, DE'I RGYUD LA NGAN 'GROR LTUNG BAR BYED PA'I NYES PA YOD PA'I PHYIR, ZER NA, RE ZHIG MA KHYAB, KHA CIG ,'DOD DE, SDOM PA BTANG BA'I GANG ZAG GI RGYUD LA LTUNG BA YOD PA'I PHYIR, DER THAL, PHAM PA BYUNG BA'I GANG ZAG GI RGYUD LA LTUNG BA YOD PA'I PHYIR, ZER RO, ,KHA CIG ,BCAS PA'I KHA NA MA THO BA YIN NA, BCAS RKYANG GI KHA NA MA THO BA YIN PAS KHYAB PAR THAL, BCAS PA'I KHA NA MA THO BA DE, GTZO BOR BCAS RKYANG GI DBANG DU BYAS PA'I PHYIR, ZER NA, MA KHYAB, 'DOD NA, MI 'THAD DE, SROG GCOD KYI PHAM PAR GYUR PA'I BCAS RANG GI KHA NA MA THO BA'I GZHI 'THUN YOD PA'I PHYIR, 'ON KYANG, DE GNYIS 'GAL BAR 'DOD PA'ANG YOD DO, ,KHA CIG ,SDIG LTUNG GNYIS 'GAL BAR THAL, SDIG PA STOBS BZHI'I SGO NAS BSHAGS PAS 'DAGS, LTUNG BA MING RIGS KYI SGO NAS 'DAGS DGOS PA'I PHYIR, ZER NA, MA KHYAB STE, LTUNG BA YANG STOBS BZHI'I SGO NAS 'DAGS PA YOD PA'I PHYIR, DER THAL, LTUNG BA PHYIR BCOS BSHAD TSOD BZHIN MA BYAS KYANG, STOBS BZHI'I BSHAGS PA LA 'BAD PAS DE 'DAGS PA YOD PA'I PHYIR, DER THAL, DE YOD KYANG, DE LAS KYI KHA SKONG DU MI 'OS PA'I RGYU MTSAN NI, LTUNG BA DE LAS LDANG ZHES PA'I MING GI THA SNYAD MA THOB PA'I PHYIR, DE'I RGYU MTSAN YOD DE, DE SANGS RGYAS KYI BCAS PA DBANG BTZAN PA'I STOBS KYIS YIN PA'I PHYIR, GSUM PA MTSAN NYID LA GNYIS YOD DE, SPYI DANG BYE BRAG GNYIS YOD PA'I PHYIR, DANG PO'I DBANG DU BYAS NA, BCOM LDAN 'DAS KYI BCAS PA DANG 'GAL BAR ZHUGS PA'I KHA NA MA THO BA DE, LTUNG BA'I MTSAN NYID, DE LA DBYE NA, RANG BZHIN GYI LTUNG BA DANG, BCAS PA'I LTUNG BA GNYIS, SDOM LDAN DANG SDOM LDAN @24B MA YIN PA'I GANG ZAG GNYIS KA LA'ANG KHA NA MA THO BAR 'GYUR BA'I RIGS GNAS KYI LTUNG BA, RANG BZHIN GYI LTUNG BA'I MTSAN NYID, GTZO BOR STON PA'I BCAS PA DANG 'GAL BAR ZHUGS PA'I RIGS GNAS KYI LTUNG BA DE, BCAS LTUNG GI MTSAN NYID, 'DI LA'ANG BCAS RANG THUN MONG BA DANG, BCAS RKYANG GNYIS YOD, LTUNG BA SDE LNGA'I NANG TSAN GANG ZHIG ,RANG GI NGO BO'I CHA NAS LHAG MA MAN CHAD LAS LCI RUNG DU GNAS PA'I DNGOS GZHI YONGS SU RDZOGS PA'I LTUNG BA, PHAM PA'I MTSAN NYID, DE GANG ZHIG ,NGO BO'I CHA NAS LHAG MA'I MING RIGS KYI SGO NAS PHYIR BCOS KYIS 'DAGS SU RUNG BA, LHAG MA'I MTSAN NYID, DE GANG ZHIG ,LTUNG BYED KYI MING RIGS DANG, DE GANG ZHIG ,SOR BSHAGS KYI MING RIGS DANG, DE GANG ZHIG ,NYES BYAS KYI MING RIGS KYI SGO NAS 'DAGS SU RUNG BA RNAMS, RIM PA BZHIN DU, LTUNG BYED, SOR BSHAGS, NYES BYAS KYI MTSAN NYID DO, ,BZHI PA GRANGS NGES YOD DE, LTUNG BA SDE LNGAR NGES PA'I PHYIR, LNGA PA GO RIM YOD DE, LCI RIM GYI DBANG DU BYAS PA YIN PA'I PHYIR, DRUG PA SGRA BSHAD YOD DE, MI MTHUN PHYOGS RGYAL ZHING GNYEN PO'I PHYOGS PHAM PAS NA PHAM PA, SDOM PA GSOR RUNG GI LHAG MA LUS PAS NA LHAG MA, BSHAGS PA'I TSE GANG LA LTUNG BA BYUNG BA'I DNGOS PO DE SPANG DGOS PAS NA, SPANG KYANG NGAN 'GROR LTUNG BAR BYED PAS NA LTUNG BYED, BSHAGS PA SO SOR BYED DGOS PAS NA SOR BSHAGS, NYES PA BYAS PAS NA NYES BYAS ZHES BRJOD PA'I PHYIR, DE DANG DE'I SGRA 'JUG TU YOD NA, DE'I SGRA BSHAD DU YOD PAS MA KHYAB STE, DGRA BCOM PA'I RGYUD KYI LTUNG BYED LA, DE'I SGRA 'JUG TU YOD KYANG BSHAD DU MED PA'I PHYIR, SGRA BSHAD DU YOD NA, 'JUG TU YOD PAS MA KHYAB STE, PHAM PA RNAMS LA NYES BYAS KYI SGRA BSHAD DU YOD KYANG, 'JUG TU MED PA'I PHYIR, BDUN PA 'DAS NA CIR 'GYUR BA YOD DE, @25A *, ,DE RNAMS LA SO SOR SPYAD PA NA, RANG RANG GI DNGOS GZHI DE DANG DE RDZOGS PAR BSKYED PA'I PHYIR, BRGYAD PA SDE LNGA BSKYED PA'I RTEN YOD DE, SDOM PA MA BLANGS PA'I GANG ZAG NYES SPYOD LA ZHUGS NA NYES PA BSKYED KYANG LTUNG BA MI BSKYED CING, SDOM PA NYAMS PA DANG MA CHAGS PA LA YANG DE LTAR 'GYUR LA, RTEN, DGE BSNYEN, DGE TSUL, DGE SLONG RNAMS LA RANG RANG GI SKABS KYI LTUNG BA DE DAG BSKYED PAR 'DOD PA YIN PA'I PHYIR, DGE BSNYEN DANG DGE TSUL GNYIS KYI RTEN LA LTUNG BA SDE LNGA'I NANG TSAN GYI PHAM PA BSKYED PA MED KYANG, RTZA LTUNG BZHI 'BYUNG BA YOD DE, RTZA BA BZHI BSRUNG BAR KHAS BLANGS PA 'DRA BA'I PHYIR, DE YANG DGE TSUL GYI LTUNG BA GANG YIN NYES BYAS YIN TE, RTZA BA BZHI LAS 'DAS NA PHAM 'DRA'I NYES BYAS, DNGOS SU KHAS BLANGS PA GZHAN LAS 'DAS NA BSHAGS BYA'I NYES BYAS, PHYOGS MTHUN LAS 'DAS NA BSHAGS BYA'I NYES BYAS SU 'GYUR BA'I PHYIR, DES NA LTUNG BA SDE LNGA'I DNGOS GZHI RDZOGS PAR BSKYED PA'I RTEN LA DGE SLONG ZHIG DGOS TE, DE LAS GZHAN PA DAG GIS BYAS PA'I LTUNG BA RNAMS NI NYES BYAS KYI RIGS YIN PA'I PHYIR, DGE TSUL LA RTZA LTUNG BYUNG NA SDOM PA NYAMS PAR 'GYUR BA DGE SLONG DANG 'DRA STE, SUM BRGYA PA LAS, MI GSOD LA SOGS BZHI RNAMS KYIS, ,DGE TSUL LAS NI NYAMS 'GYUR ZHING, ,DGE SLONG BZHIN DU DGE TSUL LA'ANG, ,PHYIS NAS SDOM SKYE'I SKAL BA MED, ,CES GSUNGS PA'I PHYIR, BSLAB RGYUN DANG BSLAB TSIG KYANG GCIG PA ZHIG DGOS TE, BSLAB RGYUN MI GCIG NA LTUNG BA NA SMAD DANG, BSLAB TSIG MI GCIG PA DGE TSUL GYI RTEN LA RIN THANG TSANG BA BRKU BA'I SBYOR BA BYAS, DGE SLONG GI RTEN LA MTHAR THUG GRUB NA'ANG, LTUNG BA NA SMAD TZAM @25B ZHIG BSKYED PA'I PHYIR, BSAM PA RANG BZHIN DU GNAS PA ZHIG KYANG DGOS TE, SMYO BA DANG SEMS 'KHRUGS PA DANG TSOR BAS GZIR BA RNAMS LA'ANG DNGOS GZHI MI BSKYED PA'I PHYIR, PHAL CHER LA LUS THA MAL DU GNAS PA ZHIG DGOS KYANG MA NGES TE, SROG GCOD RNAMS DANG, PHAM LHAG DANG PO GNYIS DANG, MA BYIN PAR LEN PA RNAMS LA DE YAN LAG TU MI DGOS PA'I PHYIR, DGU PA PHAN YON YOD DE, MDO LAS, TSUL KHRIMS LDAN PA SANGS RGYAS 'BYUNG DANG 'PHRAD, , TSUL KHRIMS LDAN PA RGYAN RNAMS KUN GYI MCHOG ,TSUL KHRIMS LDAN PA DRI DANG BYUG PA YIN, ,ZHES PA NAS, JI LTAR BUM PA BZANG PO RIN CHEN SNOD, ,DE BZHIN TSUL KHRIMS CHOS RNAMS BSKYED PA'I GZHI, ,ZHES PA'I BAR DANG, BSHES SPRINGS LAS, KHRIMS NI RGYU DANG MI RGYU'I SA BZHIN DU, ,YON TAN KUN GYI GZHI RTEN LEGS PAR GSUNG, ,ZHES PA DANG, GZHAN YANG MANG BA'I PHYIR, BCU PA NYES DMIGS YOD DE, MA BSRUNG NA JI SKAD DU, LUNG LAS, GANG ZHIG BSLAB PA MI BSRUNG BA; ;DE NI SANGS RGYAS KUN GYIS SMAD, ,LHA RNAMS 'DI NI CHOM RKUN ZHES, ,SMOD CING RANG GI GROGS KYIS GSHE, ,BDAG NYID KYIS KYANG SMOD PAR 'GYUR, ,CHOS NYID KYIS KYANG SMAD PAR 'OS, ,ZHES SOGS NYES DMIGS MANG DU BSHAD CING, DE'I LDOG PHYOGS PHAN YON LA SBYAR BAR YANG GSUNGS PA'I PHYIR, GNYIS PA BYE BRAG TU SDE LNGA SO SOR BSHAD PA LA LNGA'I DANG PO PHAM PA'I SDE TSAN LA BZHI YOD DE, SDOM LAS, MI TSANGS SPYOD DANG RKU BA DANG, ,MI LA BSAD PAR MI BYA BA, ,BRDZUN DU SMRA DANG BCAS PA YI, ,CHOS BZHI 'DI RU GSUNGS PA YIN, ,ZHES 'BYUNG ZHING, 'DIR BZHI PO DE'I NANG NAS DANG PO 'CHAD PA LA, BCUG REG NYAMS SU MYONG BAR BYAS NA'O, ,ZAG BYED DO, ,DER RO, ,MA NYAMS PAR RO, ,KHA'AM BSHANG @26A *, ,LAM DU'O, ,ZHES GSUNGS PA'I PHYIR, 'DI LA CUNG ZAD RGYAS PAR BSHAD NA GSUM YOD DE, LTUNG BA, LTUNG MED, BSLAB BYA RNAMS SU YOD PA'I PHYIR, DANG PO LA GNYIS YOD DE, YAN LAG GI MTSAN NYID DANG, SEL BA GNYIS YOD PA'I PHYIR, DANG PO LA BZHI YOD DE, GZHI, BSAM PA, SBYOR BA, MTHAR THUG RNAMS SU YOD PA'I PHYIR, DANG PO YOD DE, GANG ZAG PHO MO MA NING GANG YIN KYANG RUNG GSON PO DANG SHI BA'I LUS PHYED DU LONGS PA'ANG RUNG STE, DE DAG GI KHA BSHANG LAM ZAG BYED GSUM PO GANG RUNG DU NOR BU BCUG STE REG PA'I BDE BA LUS SHES KYIS MYONG ZHING, YID KYIS BDAG GIR BYAS PA NA, MI TSANGS SPYOD KYI PHAM PAR 'GYUR BA'I PHYIR, GNYIS PA BSAM PA YOD DE, 'DU SHES 'KHRUL MA 'KHRUL KHYAD PAR MED CING, KUN SLONG GNYIS KYIS SPRAD PA'I BDE BA MYONG 'DOD RGYUN MI 'CHAD PA ZHIG DGOS PA'I PHYIR, GSUM PA SBYOR BA YOD DE, DANG POR BCUG ,BAR DU 'GUL BSKYOD SOGS BYAS PA ZHIG DGOS PA'I PHYIR, BZHI PA MTHAR THUG GI DUS YOD DE, KHA'I SO PHAN, ZAG BYED KYI LPAGS RIM PHAN, BSHANG LAM GYI SBU GU'I KHA SHUN PHAN CHAD 'DAS NAS LUS DANG YID KYIS BDE BA RDZOGS PAR MYONG BA BDAG GIR BYAS PA NA, DE LA 'GYUR BA'I PHYIR, DE YANG GNYIS KA BCAS LDAN YIN NA, DE'I TSE GNYIS KA NYAMS PAR 'GYUR LA, GANG GIS BDE BA MYONG BA BDAG GIR MA BYAS NA DE NYAMS PAR MI 'GYUR TE, BDE BA RDZOGS PAR MYONG ZHING BDAG GIR BYAS PA YAN LAG TU DGOS PA'I PHYIR TE, DGE SLONG DGRA BCOM MA LA SPYAD KYANG DE SRID PA DANG BRAL BAS NYAMS PAR MI 'GYUR BA'I PHYIR, GNYIS PA SEL BA LA BZHI YOD DE, GZHI'I SEL BA NOR BU NYAMS PA'AM, LAM GSUM NYAMS PA'I SKYON YOD NA, SBOM @26B PO'AM, NYES BYAS GANG RUNG DU 'GYUR ZHING, BSAM PA'I SEL BA CHAGS SEMS MED PA SOGS LA SBOM PO, ,SBYOR BA'I SEL BA YID KYIS BSAMS TE KHU BA DBYUNG TZAM DANG REG PA MED PA SOGS LA YANG SBOM PO, ,MTHAR THUG GI SEL BA BDE BA RDZOGS PAR MA MYONG BA SOGS LA'ANG SBOM PO TZAM ZHIG BSKYED PA'I PHYIR, GNYIS PA LTUNG MED YOD DE, BUD MED KYI STENG DU 'GYEL BA DANG, CHUS KHYER BA 'DZIN PA SOGS LA LTUNG BA MED PA'I PHYIR, GSUM PA BSLAB BYA YOD DE, CHAGS SEMS SKYE BA'I GZHI DANG RGYUN DU MI 'BREL ZHING, 'KHRIG GTAM SMRA BA SOGS BSRUNG BA LA BSLAB DGOS PA'I PHYIR, GNYIS PA MA BYIN LEN GYI PHAM PA NI, RKU'AM BRKUR BCUG PA DAG GIS SO, ,MNGAGS PAS KYANG NGO, ,MA BYIN PA'O, ,MA SHA KA LNGA LA SOGS PA'O, ,RKU SEMS KYIS SO, ,MI'I RGYUD KYIS YONGS SU BZUNG BA'O, ,DER 'DU SHES PA'O, ,ZHES SOGS KYIS 'CHAD LA, DON KYANG YOD DE, BCAS LDAN DGE SLONG GIS, MI GZHAN GYIS BZUNG BA'I RDZAS RIN THANG TSANG BA, 'DU SHES MA 'KHRUL ZHING, RANG DON DU KUN SLONG DU 'PHROG BYED 'DOD RGYUN MI CHAD PA, SBYOR BA RANG NGAM BSKOS PA GANG RUNG GIS BRKU 'PHROG BYED PAR BRTZAMS SHING, MTHAR THUG THOB BLO SKYES PA NA, DER 'GYUR BA'I PHYIR, RDZAS BDAG NI, MI GZHAN YIN PA DANG, DER BDAG TU BZUNG BA ZHIG DGOS TE, RANG GI RDZAS BRKUS NA LTUNG BA NA SMAD TZAM DANG, MI MA YIN GYI RDZAS BRKUS NA'ANG DE TZAM BSKYED LA, BDAG TU MA BZUNG BA DGRA BCOM PA DANG SGRA MI SNYAN PA SOGS KYI RDZAS BRKUS NA, SBOM POR 'GYUR BA'I PHYIR, SPYIR RDZAS BDAG LA BZHI YOD DE, BSAM SBYOR DANG, YUL CHOS DANG, RIGS RGYUD DANG, SANGS RGYAS KYI BKAS BDAG POR GYUR PA RNAMS SU YOD PA'I PHYIR, DANG PO YOD DE, SHI BA'I YO BYAD DE NYID KYIS GZHAN LA BSNGOS NAS BZHAG PA LTA BU YIN PA'I PHYIR, @27A *, ,GNYIS PA YOD DE, SHO GAM GZHAL DGOS KYI RDZAS RNAMS DE LEN PA POR DBANG BA LTA BU YIN PA'I PHYIR, GSUM PA YOD DE, PHA NOR BU LA DBANG BA LTA BU YIN PA'I PHYIR, BZHI PA YOD DE, SANGS RGYAS DANG CHOS MYANG 'DAS LA PHUL BA NI DE DAG DBANG GI ,GZHAN GYIS SPYOD DU MI RUNG LA, LUNG RTOGS LA PHUL BA NI DE DAG 'DZIN PA'I DGE 'DUN LA DBANG, DGE 'DUN LA PHUL BA NI DE NYID LA DBANG BA YIN PA'I PHYIR, GANG BRKU BA'I RDZAS DE YANG RIN THANG TSANG BA ZHIG DGOS TE, MA TSANG NA SBOM PO'AM NYES BYAS TZAM ZHIG BSKYED PA'I PHYIR, RIN THANG BRTZI BA'I TSUL YOD DE, STON PAS BSLAB PA 'CHA' BA'I DUS SU KAR SHA PAn [*PA nA] BZHI CHA'I TSAD LA RIN THANG DU BRTZI YANG, YUL DUS KYI DBANG GIS MA NGES PA'I PHYIR, YUL NYE RING GI DBANG DU BYAS NAS BRTZI TSUL YOD DE, NOR BDAG DANG RKUS MKHAN GNYIS YUL THAG NYE RING MNYAM NA RKUN MA'I YUL GYIS BRTZI, MI MNYAM NA NYE BA BRTZI DGOS PA'I PHYIR, 'JOG RDZAS DANG BGO RDZAS KYI DBANG DU BYAS NA YOD DE, RDZAS BDAG BCU'I 'JOG RDZAS DGE SLONG GCIG KHO NAS BRKUS NA RIN THANG TSANG BA GCIG GIS CHOG LA, BCU'I BGO RDZAS YIN NA, BDAG PO SO SO LA LTOS PA'I RIN THANG TSANG BA RE RE THOB DGOS, RKUN PO BCUS 'JOG RDZAS DANG DGOD RDZAS KYI PHYIR BRKUS PA LA'ANG DE BZHIN DU SBYAR BAR BYA BA'I PHYIR, DES NA BRKU BYA'I DNGOS PO DE, BDAG PO RNAMS BGO RDZAS YIN NA, DNGUL SRANG BRGYA PHRAG BRKUS PAS KYANG PHAM PAR MI 'GYUR BA'I SKABS YOD DE, RDZAS BDAG STONG GI DGOD RDZAS KYI DNGOS PO BRKUS PA'I TSE, RE RE LA LTOS PA'I RIN THANG TSANG BA RE THOB DGOS PA GANG ZHIG ,RDZAS BDAG STONG GIS DNGUL SRANG BRGYA PHRAG GCIG BGOS PA'I TSE, SO SO'I SKAL BAR DNGUL ZHO RE THOB PAR 'GYUR BA'I PHYIR, KHYAB STE, DNGUL ZHO @27B RE BRKUS PA TZAM GYIS PHAM PAR MI 'GYUR BA'I PHYIR RO, ,RKU MKHAN DANG POS, DGOD RDZAS KYI PHYIR DU BRKUS PA NA RANG RANG LA LTOS PA'I RIN THANG TSANG BA RE THOB DGOS TE, SUM BRGYA PAR, SKYE BO MANG POS RDZAS BRKUS GANG GI TSE, ,RE RE'I SKAL BAS RIN THANG TSANG NA BRLAG ,SKYE BO MANG PO GTZO CHO [*CHE] BRKU BYED NA, ,DE TSE RANG SKAL RIN GYIS RNAM PAR BZHAG ,CES GSUNGS PA'I PHYIR, SBYOR BA RGYUN GCIG PA ZHIG DGOS TE, RIN THANG MA TSANG BA ZHIG BRKUS NAS DE MI BRKU'O SNYAM DU BSAMS SHING, SLAR DE LTAR BRKUS NAS RIN THANG TSANG YANG PHAM PA MI BSKYED PA'I PHYIR, 'DIR RIN THANG TSANG LA YUL DUS KYI DBANG GIS BZHED PA MI 'DRA BA MANG DU BYUNG STE, KHA CIG ,NAS BRE CHE BA'I BZHI TZAM DANG, LA LA GSER ZHO PHYED TZAM DANG, GZHAN DAG GSER SE BA GNYIS TZAM DANG, YANG GSER ZHO PHYED TZAM DANG, DNGUL ZHO GSUM TZAM BRKUS NA PHAM PAR 'GYUR RO ZHES SOGS BZHED PA MANG DU 'BYUNG BA'I PHYIR, RANG LUGS, MGRON BU BZHI BRGYA'I TSANG [*TSAD] DANG MNYAM PA'I DNGOS PO BRKUS NA PHAM PAR 'GYUR TE, MA SHA KA RE RE LA MGRON BU BRGYAD CU RE'I RIN THANG GI TSAD DANG, MA SHA KA LNGA LA KARSHA PA nA'I BZHI CHAR BSHAD PA'I PHYIR, DES NA SPYIR RAGS BRTZIS SU DNGUL ZHO GSUM YAN DANG, DMIGS BSAL NGES PA MED DE, DKON MI DKON GYI KHYAD PAR YOD PA'I PHYIR, NAS KYI RIN TSAD DU BYAS TSE, MU GE MED PA'I TSE BOD KYI NAS KHAL BZHI TZAM DANG, MU GE SHIN TU CHE BA'I DUS SU NAS KHAL PHYED TZAM GYIS KYANG CHOG PAR BSHAD DE, DUS KYI DBANG LAS YIN PA'I PHYIR, PHAM PA BSKYED PA'I YAN LAG MA TSANG NA CIR 'GYUR BA YOD DE, SEL BA ZHES BYA BA'I LTUNG BA NA SMAD DU 'GYUR BA'I PHYIR, DE YANG YOD DE, RIN THANG LTA BU YAN LAG GCIG MA TSANG NA YANG DER 'GYUR BA'I PHYIR, SO SOR PHYE NA 'DI LTAR YIN TE, PHAM @28A *, ,LHAG GI NA SMAD SBOM PO, ,SBOM PO LTUNG BYED SOR BSHAGS GSUM GYI NA SMAD NYES BYAS, NYES BYAS KYI NA SMAD NYES BYAS PHRA MOR 'GYUR BA'I PHYIR, GZHAN YANG SEL BA LA GSUM DU 'GYUR BA YOD DE, TSES [*CHES] NA SMAD DU 'GYUR BA, LTUNG BA GZHAN DU 'GYUR BA, LTUNG MED LA SPYOD PA RNAMS SU YOD PA'I PHYIR, DANG PO YOD DE, PHAM LHAG GI CHES NA SMAD NI NYES BYAS, SBOM PO GSUM GYI NA SMAD NI NYES BYAS PHRA MO, ,NYES BYAS KYI CHES NA SMAD NI NYES BYAS PHRA MO'I PHRA MOR 'GYUR BA'I PHYIR, GNYIS PA YOD DE, MI'I RDZAS BRKUS PA LTA BU YIN PA'I PHYIR, GSUM PA YOD DE, LTUNG BA'I DNGOS GZHI MED PA LA LTUNG MED DU GSUNGS PA SOGS NI 'OG TU 'CHAD PAR 'GYUR BA'I PHYIR, GSUM PA SROG GCOD KYI PHAM PA NI, SROG GCAD NA'O, ,DER SEMS PAS SO, ,MIR GYUR PA'I'O, ,DER 'DU SHES PAS SO, ,GANG YANG RUNG BAS SO ZHES PA'I GZHUNG GIS 'CHAD LA, DON KYANG YOD DE, BCAS LDAN DGE SLONG GIS RANG LAS GZHAN GYI MI'AM MIR CHAGS PA GANG RUNG KUN SLONG GSOD SEMS DANG LDAN LA SBYOR BA RANG NGAM BSKOS PA GANG RUNG GIS GSOD PAR RTZOM ZHING, MTHAR THUG BSAD PA NA PHAM PA DE NYID DU 'GYUR BA'I PHYIR, GSAD BYA DE LA MI YIN PA'AM MIR CHAGS PA ZHIG DGOS TE, MI MA YIN BSAD NA SBOM PO DANG, DUD 'GRO BSAD NA LTUNG BYED DU 'GYUR BA'I PHYIR, RANG LAS GZHAN DGOS PA NI SHES SLA LA, 'DU SHES MA 'KHRUL BA ZHIG DGOS TE, NGES BZUNG GIS GANG ZAG 'DI KHO NA GSAD PAR BYA'O SNYAM NAS, NOR TE GZHAN BSAD PA NA PHAM PAR MI 'GYUR BA'I PHYIR, NGES BZUNG MED PAR GANG BYUNG YANG GSAD PAR BYA'O SNYAM PA'I KUN SLONG SPYI LA ZHUGS PA YOD NA 'KHRUL YANG DNGOS @28B GZHI BSKYED DE, GSOD 'DOD MTSUNGS PAR YOD PA'I PHYIR, SBYOR BA LUS NGAG GANG RUNG DU THON PA ZHIG DGOS TE, MA THON NA BSDAM BYA TZAM DU 'GYUR BA'I PHYIR, GSOD THABS LA MANG STE, MTSON, DUG ,MTHU SOGS YOD PA'I PHYIR, GSAD BYA MI KHO NAR MA NGES TE, MIR CHAGS PA MER MER SOGS MED PAR BYAS PA NA'ANG DER 'GYUR BA'I PHYIR, GSAD BYA RANG GI SNGAR SHI BA ZHIG DGOS TE, RANG DANG DUS MNYAM MAM, RANG GI PHYIS SHI NA, PHAM PA BSKYED PA'I RTEN MED PA'I PHYIR TE, MDZOD LAS, SNGA DANG MNYAM DU SHI BA LA, ,DNGOS MED LUS GZHAN SKYES PHYIR RO, ,ZHES GSUNGS PA'I PHYIR, GROS GCIG PA'I DMAG SOGS MANG POS MI GCIG KHO NA BSAD NA NI RE RE LA PHAM PA'AM, SDOM LDAN MIN NA'ANG, SROG GCOD KYI DNGOS GZHI RDZOGS PAR BSKYED PA LA KHYAD PAR MED DE, MDZOD LAS, DMAG LA SOGS PA DON GCIG PHYIR, ,THAMS CAD BYED PA PO BZHIN LDAN, ,ZHES GSUNGS PA'I PHYIR, 'ON KYANG GROS MI GCIG PA DANG, BLO MI MTHUN PA MANG POS GCIG KHO NA BSAD NA DNGOS GZHI BSKYED MI BSKYED KYI KHYAD PAR YOD DE, GROS BYAS PA MED NA NI RE RES KYANG MI DE LA 'CHI NUS KYI MTSON BSNUN PA SOGS GANG RUNG ZHIG DGOS LA, GROS BYA BA'I GZHIR DBANG MED KYIS YOD KHUL DU BYAS KYANG, RANG NYID KYI NGOS SNYING THAG PA NAS GSOD SEMS MED NA NI DNGOS GZHI MI SKYED PA'I PHYIR, BZHI PA BRDZUN DU SMRA BA'I PHAM PA NI, 'DU SHES BSGYUR TE, BDAG NYID KYI MI CHOS BLA MA DANG LDAN PA NYID DU SMRAS NA'O ZHES SOGS KYIS 'CHAD LA, DON YANG YOD DE, ,BCAS LDAN DGE SLONG GIS, RANG LAS RGYUD GZHAN PA LUS THA MAL DU GNAS SHING THA SNYAD LNGA LDAN ZHIG LA, 'DU SHES MA 'KHRUL BA'I SGO NAS KUN SLONG MI CHOS BLA MA DE NYID DANG RANG MI LDAN PAR SHES BZHIN BRDZUN SMRA 'DOD KYIS SBYOR @29A *, ,PA NGAG MTSAN NYID LNGA LDAN ZHIG DES THOS PAR SMRAS PA'I TSE DON PHA ROL POS GO BA NA DER 'GYUR BA'I PHYIR, SMRA YUL MI YIN PA ZHIG DGOS TE, MI MIN LA SBOM PO DANG, DUD 'GRO LA SMRAS TSE NYES BYAS SU 'GYUR BA'I PHYIR, LUS THA MAL DU GNAS PA ZHIG DGOS TE, LUS GZHAN DU BSGYUR BA LA SMRAS NA NA SMAD TZAM ZHIG BSKYED PA'I PHYIR, SMRA SHES DON GO BA SHES PA RANG BZHIN DU GNAS PA MA NING MTSAN GNYIS SOGS MA YIN PA ZHIG DGOS TE, DE DAG LAS LDOG NA GZHAN LA SGROG PA DANG, DGOS PA MI 'GRUB PA DANG, YID MI CHES PA SOGS SU 'GYUR BA'I PHYIR, 'DU SHES MA 'KHRUL BA ZHIG DGOS TE, SMYON TSIG GIS SMRAS PA LTA BU LA DER YID MI CHES PA'I PHYIR DANG, RGYUN ZHUGS THOB CES SMRA 'DOD PA LAS PHYIR 'ONG SOGS THOB CES SMRAS PA LA'ANG DNGOS GZHI MI 'BYUNG BA'I PHYIR, RANG DON DU SMRAS PA ZHIG DGOS TE, GZHAN DON DU SMRAS TSE NA SMAD TZAM ZHIG BSKYED PA'I PHYIR, MI CHOS BLA MA DE DANG MI LDAN PA ZHIG DGOS TE, LDAN NA BDEN SMRA'I LTUNG BYED DU 'GYUR BA'AM NYES MED DU 'BYUNG BA'I PHYIR, 'DU SHES BSGYUR NAS SMRAS PA ZHIG DGOS TE, YON TAN DE DANG MI LDAN YANG LDAN PAR RLOM NAS SMRAS TSE NA SMAD DU 'GYUR BA'I PHYIR, DE LA NGAG YIN PA; RANG GI YIN PA, GSAL POR SMRAS PA SOGS MTSAN NYID LNGA LDAN ZHIG DGOS TE, GZHOGS SMOS DANG SPRINGS YIG LTA BU LA DNGOS GZHI MI SKYED PA'I PHYIR, GANG SMRA RGYU'I MI CHOS BLA MA DE LA GNYIS YOD DE, 'BRAS BU'I SGO NAS DANG, RGYU'I SGO NAS BZHAG PA GNYIS YOD PA'I PHYIR, DE YANG YIN TE, THOB BYA 'BRAS BU'I SGO NAS, THOB BYED LAM GYI SGO NAS BZHAG PA GNYIS YOD PA'I PHYIR TE, DPER NA, BSAM GTAN GYI NYER BSDOGS DANG, BSAM GTAN GYI @29B DNGOS GZHI LTA BU 'AM BAR CHAD MED LAM DANG RNAM GROL LAM LTA BU YIN PA'I PHYIR, YANG NA GNYIS YOD DE, SKYE 'PHAGS KYI YON TAN GNYIS YOD PA'I PHYIR, SMRA TSUL LA'ANG GNYIS YOD DE, 'BRAS BU'I SGO NAS DANG, NGO BO'I SGO NAS SMRA BA GNYIS YOD PA'I PHYIR, DANG PO YOD DE, LHA KLU GNOD SBYIN NAM MKHA' LDING DRI ZA MI'AM CI SOGS KYI SGRA THOS, DNGOS SU MTHONG, LHAN CIG TU GTAM SMRAS TE PHAN TSUN DGA' BAR BYAS ZHES SOGS BRJOD PA LTA BU YIN PA'I PHYIR TE, SA GA'I LHAS, LHA KLU GNOD SBYIN DRI ZA SOGS, ,MTHONG NGO BDAG GIS GTAM YANG BYAS, ,DE DAG KYANG NI BDAG LA SMRA, ,ZHES SMRAS DGE SLONG MTHAR 'GYUR RO, ,ZHES GSUNGS PA'I PHYIR, GNYIS PA YOD DE, BSAM GTAN GZUGS MED KYI SNYOMS 'JUG GAM SPYAN LNGA MNGON SHES DANG, ZHUGS GNAS BRGYAD SOGS KYI GO 'PHANG MA THOB PAR THOB BO ZHES SMRA BA LTA BU YIN PA'I PHYIR, MTHAR THUG SMRAS PA'I DON GO BA ZHIG DGOS TE, MA GO NA LTUNG BA NA SMAD TZAM ZHIG BSKYED PA'I PHYIR, PHAM PA BZHI GANG YIN YANG LAS DANG PO BA MA YIN PA ZHIG DGOS TE, BCAS PA BYED DUS KYI DGE SLONG BZANG SBYIN DANG NOR CAN SOGS LA PHAM PA MA BYUNG BA'I PHYIR, PHAM PA BZHI PO LA, PHAM PA DE DANG DE'I SBYOR BA, SBYOR BA'I SBYOR PA [*BA], SBYOR BA'I SBYOR BA'I YANG SBYOR BA ZHES 'BYED RIGS PAR MA ZAD, LHAG MA RNAMS LA'ANG DE DANG DE'I SBYOR BA, SBYOR BA'I SBYOR BA SOGS SU 'BYED RIGS TE, PHAM LHAG DE DAG LCI BA'I RIGS YIN PAR MTSUNGS PA'I PHYIR, DE YANG PHAM LHAG GANG RUNG GI SBYOR BA YIN NA; SBOM PO YIN PAS KHYAB, DE'I SBYOR BA'I SBYOR BA YIN NA, NYES BYAS RAGS PA YIN PAS KHYAB, DE'I SBYOR BA'I SBYOR BA'I SBYOR BA YIN NA, NYES BYAS PHRA BA YIN PAS KHYAB STE, DE DAG LCI YANG GIS RIM PAR BZHAG PA'I PHYIR, SBOM PO @30A *, ,DE LA SGRAS BRJOD KYIS DBYE NA GNYIS YOD DE, MING DU CHAGS PA'I SBOM PO DANG, YON TAN SGRA'I SBOM PO GNYIS YOD PA'I PHYIR TE, DE GNYIS KYI DANG PO NI PHAM LHAG GI SBOM POS BSDUS PA YIN LA, PHYI MA NI LTUNG BA SDE LNGA LA'ANG DE'I MING GIS BTAGS PA TZAM YIN PA'I PHYIR, YANG SBYOR BA'I RNAM GRANGS LA GNYIS SU YOD DE, PHAM LHAG GI DNGOS GZHI BSKYED PAR NGES PA'I SBYOR BA DANG, DE GANG RUNG GI DNGOS GZHI SKYED PAR MA NGES PA'I SBYOR BA GNYIS SU YOD PA'I PHYIR, DANG PO YOD DE, PHAM LHAG GI SBYOR BA'I SBOM PO RNAMS DER 'JOG PA'I PHYIR, GNYIS PA YOD DE, PHAM LHAG GI SBYOR BA'I RNAM PA'I SBOM PO RNAMS DER 'JOG PA'I PHYIR, MI GSOD PAR 'DOD NAS 'DU SHES 'KHRUL TE, DUD 'GRO LA MTSON BSNUN NAS GSOD PA'I TSE, SBYOR BA'I RNAM PA DANG, BSAD PA'I TSE DNGOS GZHI'I RNAM PA LTA BU ZHIG 'BYUNG STE, DE'I TSE MI MA BSAD PAR DUD 'GRO BSAD PA'I PHYIR, DE'I TSE DNGOS GZHIR MI 'GYUR TE, MI BSAD PAR RLOM YANG MA BSAD PAR GZHAN BSAD PA'I PHYIR, KHA CIG ,DE LA DNGOS GZHI'I RNAM PA ZHES MI BYA STE, DNGOS GZHI'I RNAM PA NI GZHAN DON DU RDZAS RIN THANG TSAD PA BRKUS PA LTA BU DNGOS GZHI MA TSANG BA TZAM LA BYED PA'I PHYIR GSUNG NGO, ,SPYIR LTUNG MED DU 'GYUR BA LA BZHI YOD DE, LTUNG BA'I DNGOS GZHI DE MED PA LA LTUNG MED DU GSUNGS PA DANG, SKABS DER GTOGS KYI LTUNG BA MED PA LA LTUNG MED DU BYAS PA DANG, LTUNG BA RNAM GZHAG GI LTUNG MED LA DER BYAS PA DANG, LTUNG BA GTAN NAS MED PA LA DER BYAS PA RNAMS SU YOD PA'I PHYIR, DANG PO YOD DE, SBYOR BA RGYUN BCAD CING BCAD CING NYUNG DU NYUNG DU MANG DU BRKUS PA LA LTUNG MED DU GSUNGS PA LTA BU DE YIN PA'I PHYIR, GNYIS @30B PA YOD DE, LHUNG BZED DO GSUM LAS LHAG LEN DU MI RUNG BAR GSUNGS PA'I SKABS SU 'BRU RJEN YIN NA, DE LAS LHAG BLANGS PA LA LTUNG MED DU GSUNGS PA LTA BU YIN PA'I PHYIR, GSUM PA YOD DE, GSOD SEMS MED PAR BSAD PA 'GA' ZHIG LA LTUNG MED DU GSUNGS PA LTA BU YIN PA'I PHYIR, BZHI PA GNYIS YOD DE, BCAS RANG GNYIS KA DANG, THUN MONG BA'I LTUNG MED GNYIS YOD PA'I PHYIR, DANG PO YOD DE, SHES PA RANG BZHIN DU MI GNAS PA LTA BU LA LTUNG BA MI 'BYUNG BA'I PHYIR, GNYIS PA LA BZHI YOD DE, DGAG BYA MED PA'I LTUNG MED DANG, BAG YANGS DANG 'BREL BA'I LTUNG MED DANG, BAR CHAD DANG LDAN PA'I LTUNG MED DANG, BSGRUB PAR MI NUS PA'I LTUNG MED RNAMS SU YOD PA'I PHYIR, DANG PO YOD DE, BYE MA 'BA' ZHIG BRKO BA LA LTUNG MED DU GSUNGS PA LTA BU YIN PA'I PHYIR, GNYIS PA YOD DE, SRA BRKYANG BTING BA'I TSE 'CHANG 'BRAL 'JOG GSUM GYI LTUNG BA MED PAR GSUNGS PA LTA BU YIN PA'I PHYIR, GSUM PA YOD DE, SROG GI BAR CHAD DU 'GYUR BA'I TSE CHANG MA GTOGS BCAS RKYANG MA BSRUNG NA LTUNG MED DU GSUNGS PA LTA BU YIN PA'I PHYIR, BZHI PA YOD DE, DGE SLONG NAD PAS PHYI DRO'I KHA ZAS ZA BA LA LTUNG MED DU GSUNGS PA LTA BU YIN PA'I PHYIR, GZHAN YANG LTUNG MED DU GSUNGS PA YOD DE, MA BYIN LEN SPONG BA'I CHED DU NYO TSONG DRANG POR BYAS NA LTUNG MED DU GSUNGS PA DANG, DBEN PA'I GNAS SU RTOGS PA GONG DU 'PHEL NA BYIN LEN MA BYAS PA SOGS LA LTUNG BA MED PA DANG, DGOS PA KHYAD PAR CAN YOD NA RIN PO CHE DANG ME SOGS LA REG PA DANG DBYANGS KYI NGA RO BYAS PA LA LTUNG MED DU GSUNGS PA LTA BU RNAMS SU YOD PA'I PHYIR, 'O NA BCAS RANG GNYIS NANG 'DOMS NA JI LTAR BYA ZHE NA, YOD DE, DE GNYIS NANG 'DOMS NA CHANG MA GTOGS @31A *, ,BCAS RKYANG 'DOR DGOS LA, BCAS RKYANG NANG 'DOMS NA, DGAG BYA DANG DGOS PA'I KHYAD PAR DANG, CHE BA'I NGOR CHUNG BA GNANG BA DANG, CHUNG BA'I NGOR CHE BA GNANG BA'ANG YOD PA'I PHYIR, DGAG BYA CHE CHUNG DANG BCAS PA CHE CHUNG 'BREL BAR MA NGES TE, DGAG BYA CHE YANG BCAS PA CHUNG BA DANG, BCAS PA CHE YANG DGAG BYA CHUNG BA YOD PA'I PHYIR, DANG PO GRUB STE, DE BZHIN GSHEGS PA LA NGAN SEMS KYIS KHRAG PHYUNG BA'I MTSAMS MED DGAG BYA CHE YANG, BCAS PA PHAM PA LAS GZHAN LTUNG BA NA SMAD BSKYED PAR GSUNGS PA'I PHYIR, PHYI MA GRUB STE, DGE SLONG NAD PAS KYANG CHANG 'THUNG NA LTUNG BYED BSKYED PAR BCAS KYANG, NAD LA PHAN NGES ? YIN NA, CUNG ZAD 'THUNG TZAM LA DGAG BYA CHUNG BA'I PHYIR RO, ,GNYIS PA LHAG MA'I SDOM LAS, KHU BA 'DZIN DANG 'KHRI TSIG BSNYEN BKUR SMYON, ? ,KHANG PA KHANG CHEN DANG NI GZHI MED DANG, ,BAG TZAM DGE 'DUN DBYEN DANG DE RJES PHYOGS, ,KHYIM SUN 'BYIN DANG BKA' BLO MI BDE BA'O, ,ZHES 'BYUNG BA LTAR BCU GSUM YOD PA LAS, DANG PO KHU BA 'BYIN PA'I LHAG MA YOD DE, BCAS LDAN DGE SLONG GIS BSAM PA RANG BZHIN DU GNAS PAS RANG GZHAN GYI RMA'I SGO GSUM PO GANG RUNG LAS GZHAN PA'I LUS KYI CHA LA BRTEN NAS BSAM BZHIN DU KHU BA PHYUNG BA NA DER 'GYUR BA'I PHYIR, GNYIS PA REG PA DGE 'DUN GYI LHAG MA YOD DE, DGE SLONG GIS BSAM BZHIN DU CHAGS SEMS KYIS KUN NAS BLANGS TE BUD MED KYI LUS DNGOS SAM DE DANG 'BREL BA'I SKRA DANG GOS SOGS LA REG CING REG PA'I BDE BA BDAG GIR BYAS PA NA DER 'GYUR BA'I PHYIR, GSUM PA 'KHRIG TSIG SMRA BA'I LHAG MA YOD DE, DGE SLONG GIS CHAGS SEMS KYIS BUD MED LA 'KHRIG TSIG SOGS BTZOG , @31B GTAM SMRAS PA PHA ROL POS GO BA NA DER 'GYUR BA'I PHYIR, BZHI PA BSNYEN BKUR BSNGAGS PA'I LHAG MA YOD DE, CHAGS SEMS KYIS BUD MED LA KHYED KYIS BDAG LA 'KHRIG PAS BSNYEN BKUR NA LEGS SO ZHES BRJOD PA'I DON DES GO BA NA DER 'GYUR BA'I PHYIR, LNGA PA SMYAN BYED PA'I LHAG MA YOD DE, PHO MO SNGAR MA 'BREL BA GNYIS MTHUN PA'I PHYIR DU 'PHRIN BSKYAL BA'I SGO NAS DE GNYIS KYIS 'KHRIG PA SPYAD PA NI [*NA] DER 'GYUR BA'I PHYIR, DRUG PA KHANG PA'I LHAG MA YOD DE, RANG DON DU GZHI MA DAG PA DANG RTZOD PA DANG BCAS PA'I SRID DU KHRU BCO BRGYAD DANG ZHENG DU KHRU PHYED DANG BCU GCIG GI TSAD LAS LHAG PA'I KHANG PA BRTZIG PA NA DER 'GYUR BA'I PHYIR, BDUN PA KHANG CHEN GYI LHAG MA YOD DE, GZHI DANG DNGOS PO SOGS MA DAG BZHIN DU DKON MCHOG GSUM MAM DGE SLONG BZHI YIN [*YAN] GYI CHED DU KHANG PA BRTZIGS PA NA DER 'GYUR BA'I PHYIR, BRGYAD PA GZHI MED KYI LHAG MA YOD DE, DGE SLONG GZHAN LA PHAM PA'I MTHONG THOS DOGS GSUM GANG RUNG MED BZHIN DU ? 'DIS 'DI 'DI LTAR BYAS SO ZHES BYA BYED SBYAR BA'I SGO NAS SGRO BTAGS TE SNYING NAS SKUR PA BTAB PA NA DER 'GYUR BA'I PHYIR, DGU PA BAG TZAM GYI LHAG MA YOD DE, DE LA DE LTAR MED BZHIN BYA BYED MA SBYAR BAS SAM, SKUR 'DEBS KYI GZHI BAG ? TZAM ZHIG YOD PA LA BRTEN NAS SKUR PA BTAB PA NA DER 'GYUR BA'I PHYIR, BCU PA DBYEN GYI LHAG MA YOD DE, MI MTHUN PA'I BSAM PAS PHAN TSUN BZHI TSAN DU LONGS PA'I DGE 'DUN GYI BAR DU CHOS MA YIN PAS DBYEN BYED PAR ZHUGS PA LA, DGE 'DUN GYIS GZHAMS BSGO DANG GSOL BZHI'I LAS KYIS BZLOG PAR BYAS KYANG MTHAR MA BTANG BA'I TSE DER 'GYUR BA'I PHYIR, BCU GCIG PA DBYEN GYI RJES SU PHYOGS PA'I LHAG MA YOD DE, SNGAR LTAR DBYEN BYED PA'I GROGS SU ZHUGS PA LA @32A *, ,GZHAMS BSGO SOGS KYIS BZLOG KYANG MTHAR MA BTANG BA'I TSE DER 'GYUR BA'I PHYIR, BCU GNYIS PA KHYIM SUN 'BYIN PA'I LHAG MA YOD DE, SPYOD PA NGAN PAS KHYIM BDAG DAG DGE 'DUN LA MI DAD PA'I RKYEN BYAS PA NA DE'I NYES PAS RANG NYID GNAS NAS BSKRAD PA'I TSE SKROD PA PO'I DGE 'DUN LA SKUR PA 'DEBS PAR BYED PA GZHAN GYIS BZLOG PA LNGAS BZLOG KYANG MI NYAN NA DER 'GYUR BA'I PHYIR, BCU GSUM PA BKA' BLO MI BDE BA'I LHAG MA YOD DE; RANG NYID LA LTUNG BA BYUNG BA'I TSE DGE SLONG GZHAN GYIS TSUL BZHIN DU GLENG BA DANG DU MI LEN CING PHYIR SGYUR BAR BYED PA SNGAR BZHIN BZLOG KYANG MI NYAN NA DER 'GYUR BA'I PHYIR, DE DAG GI GANG [*GLENG] GZHI SOGS KHYAD PAR RGYAS PAR NI GZHEN [*GZHAN] DU SHES PAR BYA'O, ,'DIR MA NGES PA'I LTUNG BA GNYIS YOD DE, PHAM LHAG LTUNG BYED GSUM DU MA NGES PA DANG, LHAG MA DANG LTUNG BYED GNYIS SU MA NGES PA GNYIS YOD PA'I PHYIR, DANG PO YOD DE, BUD MED DANG LHAN CIG 'DOM GANG GI NANG DU GNAS PA'I TSE DER 'GYUR BA'I PHYIR, GNYIS PA YOD DE, BUD MED DANG LHAN CIG 'DOM GANG GI PHYI ROL DU GNAS PA LAS DER 'GYUR BA'I PHYIR, GSUM PA LTUNG BYED LA GNYIS YOD DE, SPANG LTUNG DANG, LTUNG BYED 'BA' ZHIG PA GNYIS YOD PA'I PHYIR, DANG PO LA BCU TSAN GSUM YOD PA'I DANG PO NI, SDOM LAS, 'CHANG BA 'BRAL BA 'JOG PA DANG, ,'KHRUR 'JUG PA DANG LEN PA DANG, ,SLONG DANG STOD G-YOGS SMAD G-YOGS BCAS, ,RIN THANG SO SOR BSKUR BA'O, , ZHES 'BYUNG BA LTAR BCU LAS, DANG PO GOS ZHAG BCU 'CHANG SPANG GI LTUNG BA YOD DE, DGE SLONG GIS CHOS GOS KYI RGYUR MA BSNGOS SHING KHRU GANG GI TSAD DU LONGS PA GNAS SKABS RANG NYID DBANG BYAR YOD PA'I GOS BYIN GYIS MA BRLABS PA'AM BRLABS @32B KYANG SHAN ZHUGS PA RANG DON DU ZHAG BCU MA RDZOGS KYI BAR DU BZHAG PA'I TSE DER 'GYUR BA'I PHYIR, DE YANG ZHAG BCU PA'I MTHA' 'DAS PA LA LTOS TE, BCU GCIG PA'I SKYA RENGS SHAR BA'I TSE SPANG LTUNG DE BSKYED PA'I PHYIR TE, DE'I SKYA RENGS DANG PO SHAR BA'I TSE DE BSKYED PA'I PHYIR, SKYA RENGS LA GSUM YOD DE, DANG BAR THA GSUM YOD PA'I PHYIR, DANG PO SHAR BA'I TSAD YOD DE, NAM RING BA'I TSE LNGA CHA DANG, THUNG BA'I TSE SUM CHA LUS PA NA DE 'CHAR BA'I PHYIR, PHYI MA DER THAL, SPYIR NAM LA SROD DANG SUNG [*GUNG] DANG THO RANGS GSUM DU PHYE NAS DE RE RE LA'ANG GSUM GSUM DU PHYE BA'I THA MA'I DANG PO'I PHYED NAS SKYA RENGS DANG PO 'CHAR BA'I PHYIR TE, DGE SLONG MA'I RNAM 'BYED LAS, THUN THA MA'I DANG PO'I PHYED RNGA BRDUNG DU NYE BA NA SKYA RENGS DANG PO 'CHAR, ZHES GSUNGS PA'I PHYIR, RTAGS KYI SGO NAS SKYA RENGS 'CHAR TSUL YOD DE, JI SKAD DU, SKAR MA'I BSTAN BCOS LAS, SKYA RENGS DANG PO SHAR BA NI, ,SHAR PHYOGS SU NI SNGOR SNANG ZHING, ,SKAR MA'I GDONG GI 'OD NYAMS LA, ,NAM MKHA' SNGO SKYAR GYUR PA YIN, ,SKYA RENGS BAR PA SHAR BA NA, ,DES NI SHAR PHYOGS SKYA ZHING DMAR, ,RGYU SKAR 'OD NI CHUNG BA DANG, ,NAM MKHA' SER SKYAR GYUR PA YIN, ,SKYA RENGS THA MA SHAR BA NA, ,RGYU SKAR 'OD NI MED PA DANG, ,SKYA RENGS THA MA 'OD GZIR 'GYUR, ,'OD ZER NYI MA SHAR BAR DU, ,ZHES GSUNGS PA LTAR YANG RUNG BA'I PHYIR, 'DIR SHAN GYI DBYE BA YOD DE, KHYAD PAR CAN DANG KHYAD PAR CAN MA YIN PA GNYIS YOD PA'I PHYIR, PHYI MA LA'ANG GNYIS YOD DE, GOS DANG LHUNG BZED KYI ZHAG SHAN KHYAD PAR CAN MA YIN PA GNYIS YOD PA'I PHYIR, GOS DANG LHUNG BA MED [*LHUNG BZED] GANG RUNG GI SHAN RDEG BYED YIN NA, RANG GI SHAN BRDEG BYA LAS PHYIS RNYED MA YIN PAS KHYAB KYANG, SNGAR RNYED YIN PAS NI MA KHYAB STE, DUS MNYAM DU RNYED PA LA @33A *, ,YANG BRDEG BYA RDEG BYED GNYIS YOD PA'I PHYIR TE, GOS GNYIS MNYAM DU RNYED PA'I TSE GCIG BYIN GYIS BRLABS LA, CIG SHOS BYIN GYIS MA BRLABS PAR ZHAG BCU'I MTHA' 'DAS PA NA, SNGA MAS SHAN STOBS DANG, PHYI MAS RANG STOBS KYI SPANG LTUNG BSKYED PA'I PHYIR, DE BZHIN DU DE GNYIS GANG RUNG GI SHAN BRDEG BYA YIN NA, RANG GI RDEG BYED KYI SNGAR RNYED MA YIN PAS KHYAB STE, RIGS PA MTSUNGS PA'I PHYIR, SMAN LA MI 'DRA BA'I KHYAD PAR YOD DE, ZHAG BDUN PA'I SMAN GYI ZHAG SHAN RDEG BYED YIN NA, RANG GI BRDEG BYA LAS SNGAR RNYED PAS KHYAB STE, RDEG BYED KYIS, RANG GI PHYIS BYUNG BA LA SHAN RDEG PAR BYED PA'I PHYIR, GOS LHUNG GI ZHAG SHAN KHYAD PAR CAN YIN MIN GYI DBYE BA YOD DE, KHYAD PAR CAN NI, RDEG BYED BYIN GYIS MA BRLABS PAS BRDEG BYA BYIN GYIS BRLABS PA BRDEG PA'I SGO NAS BZHAG ,KHYAD PAR CAN MA YIN PA NI, BYIN GYIS MA BRLABS PAS MA BRLABS PA LA SHAN BRDEG PA'I SGO NAS BZHAG PA'I PHYIR, SMAN LA ZHAG SHAN KHYAD PAR CAN YIN MIN GNYIS YOD [*MED?] DE, DE NI RDEG BYED BYIN BRLABS CAN GYIS BRDEG BYA YANG BYIN GYIS BRLABS PA LA BRDEG PA KHO NAR 'JOG PA'I PHYIR, SMAN THAMS CAD LA SHAN GYI KHYAD PAR 'BYED DAM ZHE NA, MA YIN TE, DUS RUNG GI SMAN GYIS RANG LA SHAN BRDEG PA MED PA'I PHYIR, SPANG SHAN LA'ANG KHYAD PAR CAN YIN MIN GNYIS YOD DE, GANG ZAG KHYAD PAR CAN YIN MIN GYIS DE LTAR YOD PA'I PHYIR TE, SPANG LTUNG PHYIR BCOS BYED PA'I TSE GANG LAS SPANG LTUNG BYUNG BA'I DNGOS PO DE MA SPANGS PAR LTUNG BA DE DGE SLONG GZHAN GCIG GI DRUNG DU BSHAGS CHOG PA DANG, DE'I TSE DNGOS PO DE SPANGS DGOS PA'I KHYAD PAR GYIS DE LTAR YOD PA'I PHYIR TE, DRAN SHES BAG YOD SOGS SHUGS DRAG DANG LDAN PA'I DGE SLONG DANG, DE SHUGS CHUNG @33B BA'I DGE SLONG GNYIS KYI DBYE BAS DE LTAR YOD PA'I PHYIR, DNGOS PO DE SPONG TSUL GNYIS YOD DE, RE ZHIG SPONG BA DANG, GTAN DU SPONG BA GNYIS YOD PA'I PHYIR TE, CHOS GOS GSUM LTA BU RE ZHIG DANG, BYIN 'PHROG LTA BU GTAN DU SPONG DGOS PA'I PHYIR, GANG LA SPONG BA YOD DE, GNAS THA DAD PAR DGE SLONG ZHIG LA SPANG BAR BYA BA'I PHYIR, GNYIS PA 'BRAL SPANG YOD DE, DGE SLONG GIS 'TSO BA'I YO BYAD DU BYIN GYIS BRLABS PA'I CHOS GOS GSUM GANG RUNG YOD PA'I GNAS DANG MTSAMS THA DAD DU GNAS NAS ZHAG PHYI MA'I SKYA RENGS SHAR BA NA DER 'GYUR BA'I PHYIR, MTSAMS THA DAD MI THA DAD KYI KHYAD PAR YOD DE, KHYIM PA NOR GCIG PA'I KHANG PA PHAN TSUN RTZIG PA SOGS KYIS 'DREL ZHING MTSAMS GZHAN MA ZHUGS NA GNAS GCIG TU CHOS GOS BZHAG CING, CIG SHOS SU DGE SLONG DE BSDAD NAS SKYA RENGS SHAR YANG LTUNG BA MI BSKYED LA, NOR THA DAD PA'I KHANG PA SO SOR BSDAD PA TZAM GYIS SKYA RENGS SHAR BA NA LTUNG BA BSKYED PA'I PHYIR, BSLAB PA DANG MTSAN DANG LTA BA 'THUN PA'I RAB BYUNG GI GNAS YIN NA, RTZIG PA SOG DANG 'BREL ZHING BAR DU MTSAMS GZHAN MA ZHUGS NA CHOS GOS GSUM PO GANG RUNG LAS RGYANG GRAGS GCIG TSUN CHAD KYI GNAS GANG YANG RUNG BAR BSNGAD ? NAS PHYI MA'I SKYA RENGS SHAR BA'I TSE 'BRAL SPANG MI BSKYED DE, RAB BYUNG LA NI LTA BA MTHUN PA GTZO BA'I PHYIR RO, ,GSUM PA ZLA 'JOG GI SPANG BA YOD DE, DGE SLONG GIS KHA BSKANG DGOS PA'I RE BA DANG BCAS PA'I GOS KHRU GANG GI TSAD DU LONGS SHING PUS MO GNYIS DANG LTE BA'I 'KHOR GSUM KHEBS PA'I TSAD DU MA LONGS PAR BYIN GYIS MA BRLABS PAR ZLA BA GCIG 'DAS KYI BAR BZHAG PA NA DER 'GYUR BA'I PHYIR, 'DIR RIGS BZLOG LA SHAN MI 'BYUNG BA DANG, SHAN 'BYUNG LA RIGS MI BZLOG PA, RIGS KYANG BZLOG @34A *, ,LA SHAN 'BYUNG BA, RIGS MI BZLOG CING SHAN KYANG MI 'BYUNG BA STE BZHI YOD DE, DANG PO NI TSES GCIG KHA GANG SOGS KYI GOS RNYED, TSES DRUG LTA BU KHA SKONG GI GOS RNYED PA, TSES BDUN LTA BU LA MIS [*MES] TSIG PA SOGS KYIS DGOS MED DU GYUR PA'AM, MA RNYED KYANG KHA SKONG GI RE BA CHAD PA NA ZLA 'JOG GI RIGS LAS BZLOG NAS ZHAG BCU 'CHANG SPANG SKYED, GNYIS PA NI, TSES GCIG LA KHA SOGS KYI GOS RNYED PA TSES DRUG LTA BU LA KHA SKONG GI GOS RNYED KYANG TSANG DU MCHOG [*TSANG DU MA CHOG?] PAR BYIN GYIS MA BRLABS PAR RE BA DANG BCAS TE ZHAG SUM CU 'DAS PA NA SPANG LTUNG BSKYED, GSUM PA NI, TSES GCIG LTA BU KHA SOGS KYI GOS RNYED PA TSES BDUN LTA BU LA KHA SKONG GI GOS TSANG BA RNYED KYANG BYIN GYIS MA BRLABS PAR ZLA BAR BZHAG PA NA ZLA 'JOG GI RIGS LAS BZLOG NAS ZHAG BCU 'CHANG SPANG BSKYED, BZHI PA NI, DE LAS BZLOG PA BYIN GYIS BRLABS NAS BZHAG PA LTA BU YIN PA'I PHYIR, DANG PO GRUB STE, ZLA 'JOG GI RIGS LAS BZLOG CING, SHAN RDEG BYED MED PA'I PHYIR, GNYIS PA GRUB STE, SHAN RDEG BYED DANG BCAS SHING ZLA 'JOG GI SPANG LTUNG BSKYED PA'I PHYIR, GSUM PA GRUB STE, ZLA 'JOG GI RIGS LAS BZLOG KYANG SHAN 'BYUNG BA'I PHYIR TE, SNGA MAS ? RANG STOBS DANG PHYI MA LAS SHAN STOBS KYIS ZHAG BCU 'CHANG SPANG BSKYED PA'I PHYIR, DES NA ZHAG SUM CU YAN LAG TU DGOS PA'I LTUNG BA YIN NA, ZLA 'JOG GI SPANG LTUNG YIN PAS MA KHYAB STE, RGYU MTSAN BSHAD ZIN PA DE'I PHYIR, ZLA 'JOG GI SPANG BA BSKYED PA'I GOS YIN NA'ANG ZLA BA GCIG TSANG BA'I BAR 'JOG DGOS PAS MA KHYAB STE, SHAN STOBS KYIS ZLA 'JOG GI SPANG LTUNG BSKYED PA YOD PAR YANG BRJOD ZIN PA'I PHYIR RO, ,BZHI PA 'KHRUR 'JUG GI SPANG PA @34B YOD DE, DGE SLONG GIS RANG GI NYE DU MA YIN PA'I DGE SLONG MAR RANG GI 'TSO BA'I YO BYAD KYI CHOS GOS BYIN RLABS CAN 'KHRUR BCUG STE BYA BA RDZOGS PA'I TSE DER 'GYUR BA'I PHYIR, LNGA PA LEN PA'I SPANG BA YOD DE, RANG LA CHOS GOS DE YOD BZHIN DU BRJE TSONG SOGS KYI CHED MA YIN PAR DGE SLONG MA NYE DU MA YIN PA NOR MI GCIG PA LAS RANG DON DU BSLANGS NA DER 'GYUR BA'I PHYIR, DRUG PA SLONG BA'I SPANG BA YOD DE, RANG DANG NOR MI GCIG PA'I KHYIM PA NYE DU MA YIN PA LAS GOS RUNG BA TSAD LDAN BSLANGS PA NA DER 'GYUR BA'I PHYIR, BDUN PA SLONG BA RIGS PA'I SPANG BA YOD DE, CHOS GOS GSUM PO SOGS GANG RUNG ZHIG MED PA'I DGE SLONG GIS KHYIM PA NYE DU MA YIN PA GCIG KHO NA LAS CHOS GOS ZUNG GCIG LAS LHAG BSLENGS [*BSLANGS] PA NA DER 'GYUR BA'I PHYIR, BRGYAD PA DPAGS PA SLONG BA'I SPANG BA YOD DE, KHYIM PA NYE DU MA YIN PA GZHAN GYIS BLOS GANG DPOGS BYIN PA LAS LHAG BLANGS BA NA DER 'GYUR BA'I PHYIR, DGU PA SO SO NAS DPAGS PA BLONG BA'I SPANG BA YOD DE, KHYIM GCIG NAS PHO MO GNYIS SO SO LAS ZHES PA MA GTOGS SNGA MA DANG 'DRA BA'I PHYIR, BCU PA BSKUR BA'I SPANG BA YOD DE, RANG GI GOS KYI RIN DU RIN PO CHE ZHAL TA BA LA GTAD PA LAS DER LAN GSUM BSKUL ZHING LAN GSUM GYI BAR DU MTHONG SAR BSDAD PAS KYANG MA THOB PA SLAR BSKUL NAS THOB PA'I TSE DER 'GYUR BA'I PHYIR, BCU TSAN GNYIS PA NI, SDOM LAS, SRIN BAL 'BA' ZHIG CHA GNYIS DANG, ,DRUG DANG MTHO GANG LAM DANG NI, ,'KHRU BA DANG NI GSER DNGUL LEN, , MNGON TSAN CAN DANG NYO TSONG NGO, ,ZHES 'BYUNG BA LTAR BCU LAS, DANG PO SRIN BAL GYI SPANG BA YOD DE, SRIN BAL KHO NAS GRUB PA'I GDAN 'KHOR GSUM KHEBS PA'I MTHA'I TSAD DU LONGS PAR BYAS PA NA DER 'GYUR BA'I PHYIR, GNYIS PA BAL NAG @35A *, ,'BA' ZHIG GI SPANG BA YOD DE, BAL NAG 'BA' ZHIG GI GDAN GRUB PAR BYAS PA NA DER 'GYUR BA'I PHYIR, GSUM PA CHA GNYIS BSRES PA'I SPANG BA YOD DE, GDAN LA BZHI CHAR BGOS PA'I CHA GNYIS LAS LHAG BAL NAG LAS GRUB PAR BYAS PA NA DER 'GYUR BA'I PHYIR, BZHI PA LO DRUG GI SPANG BA YOD DE, LO DRUG GI BAR DU STAN SPYOD RGYU RANG LA YOD BZHIN DU GDAN GSAR PA BYAS PA NA DER 'GYUR BA'I PHYIR, LNGA PA MTHO GANG MA GLAN PA'I SPANG BA YOD DE, GDING BA GSAR PA BYAS PA'I TSE RNYING PA NAS BDE BAR GSHEGS PA'I MTHO GANG GI TSAD DE LA MA GLAN PA NA DER 'GYUR BA'I PHYIR, DRUG PA BAL THOG GI SPANG BA YOD DE, CHAGS SEMS KYIS KUN NAS BLANGS TE BAL KHUR CHEN PO KHYER NAS RGYANGS GRAGS 'DAS PA NA DER 'GYUR BA'I PHYIR, BDUN PA 'KHRUR 'JUG GI SPANG BA YOD DE, NYE DU MA YIN PA'I DGE SLONG MA LA BAL RMEL BA DANG 'TSED PA DANG 'KHRUR BCUG PA NA DER 'GYUR BA'I PHYIR, BRGYAD PA GSER DNGUL LEN PA'I SPANG BA YOD DE, CHUD ZA BA SOGS KYI RKYEN MED PAR DGOS MED DU GSER DNGUL LA SOGS RIN PO CHE LA REG GAM REG TU BCUG PA NA DER 'GYUR BA'I PHYIR, DGU PA MNGON TSAN CAN GYI SPANG BA YOD DE, CHAGS SEMS KYIS KHYIM PA NYE DU MA YIN PA LA RANG DON DU GSER SOGS RIN PO CHE LA KHE SPOG BYED DU BCUG NAS BSKYED THOB PA NA DER 'GYUR BA'I PHYIR, BCU PA NYO TSONG GI SPANG BA YOD DE, RIN PO CHE LAS GZHAN PA'I DNGOS PO LA KHE SPOG BYED BCUG PA NA DER 'GYUR BA'I PHYIR, BCU TSAN GSUM PA NI, SDOM LAS, LHUNG BZED GNYIS DANG THA GA GNYIS, ,BYIN 'PHROG STON ZLA THA CHUNG DANG, ,DGON PA BA DANG RAS CHEN DANG, ,BSNGOS PA DANG NI GSOG 'JOG GO ,ZHES 'BYUNG BA LTAR BCU LAS, DANG PO LHUNG @35B BZED 'CHANG BA'I SPANG BA YOD DE, DGE SLONG RANG LA YOD PA'I LHUNG BZED RUNG BA BYIN GYIS MA BRLABS PAR RANG STOBS DANG SHAN STOBS GANG RUNG GIS ZHAG BCU 'DAS PAR BCINGS [*BCANGS] PA NA DER 'GYUR BA'I PHYIR, GNYIS PA LHUNG BZED LHAG PO 'TSOL BA'I SPANG BA YOD DE, LHUNG BZED TSAD LDAN RANG LA YOD BZHIN DU KHYIM PA NYE DU MA YIN PA LAS BSLANGS PA NA DER 'GYUR BA'I PHYIR, GSUM PA 'THAG TU 'JUG PA'I SPANG BA YOD DE, NYE DU MA YIN PA'I KHYIM PA LA GLA RNGAN MA BYIN PAR 'THAG 'THAG TU BCUG PA NA DER 'GYUR BA'I PHYIR, BZHI PA 'THAG PA BSKYED PA'I SPANG BA YOD DE, KHYIM PA NYE DU MA YIN PAS 'THAG BTAGS NAS RANG LA STER BAR KHAS BLANGS PA NA 'THAG MKHAN LA LKOG TU GLA RNGAN BYIN NAS STER MKHAN GYI BLO DANG MI 'TSAM BA'I BZANG CHEN 'THAG TU BCUG PA NA DER 'GYUR BA'I PHYIR, LNGA PA BYIN 'PHROG GI SPANG BA YOD DE, RANG GI YO BYAD DGE SLONG GZHAN LA BYIN ZIN PA SLAR 'PHROG PA NA DER 'GYUR BA'I PHYIR, DRUG PA BRTAD PA LAS BYUNG BA'I SPANG BA YOD DE, DBYAR GYI RNYED PA BGO SNGA BA DANG BZHAG PHYIS PA SOGS LAS DER 'GYUR BA'I PHYIR, BDUN PA DGON PA'I 'BRAL SPANG YOD DE, 'JIGS PA DANG BCAS PA'I SAR DGE SLONG DGON PA BA LA RNAM SBYAR SOGS ZHAG DRUG GI BAR 'BRAL BAR GNANG BA LAS LHAG ZHAG BDUN SONG BA NA DER 'GYUR BA'I PHYIR, BRGYAD PA RAS CHEN BCANG BA'I SPANG BA YOD DE, DBYAR GYI RAS CHEN DBYAR KHAS LEN GYI SNGA ROL ZLA GCIG PHAN NAS 'TSOL BA DANG, DGAG DBYE GROL NAS PHAN CHAD 'DAS PAR 'JOG PA NA DER 'GYUR BA'I PHYIR, DGU PA BSNGOS BSGYUR GYI SPANG BA YOD DE, SBYIN BDAG GIS DGE 'DUN SPYI LA PHUL BA'I DNGOS PO RANG NYID KHO NA LA BSGYUR BA NA DER 'GYUR BA'I PHYIR, BCU PA GSOG 'JOG GI SPANG BA ? @36A *, ,YOD DE, SMAN BZHI PO GANG RUNG BYIN LEN BYAS PA MA BSHIG PAR RANG DUS LAS 'DAS PAR 'JOG PA NA DER 'GYUR BA'I PHYIR, KHYAD PAR YOD DE, SNGA DRO BYIN LEN BYAS PA GUNG DANG, PHYI DRO BYIN LEN BYAS BA SROD THUN GYI MTHA' DANG, ZHAG BDUN PA'I SMAN BDUN PA'I MTHA' DANG, JI SRID 'TSO BCANG GI SMAN NAM NAD SOS KYI MTHA' LAS 'DAS BA NA DE DANG DER 'GYUR BA'I PHYIR RO, ,GNYIS PA LTUNG BYED 'BA' ZHIG PA LA BCU TSAN DGU YOD PA'I BCU TSAN DANG PO NI, SDOM LAS, RDZUN SKYON DGE SLONG PHRA MA DANG, ,SKYO NGOGS BYED DANG STON PA DANG, ,'DON DANG GNAS NGAN LEN DANG CHOS, ,BSHES NGOR BYED DANG KHYAD DU GSOD, ,CES 'BYUNG BA LTAR BCU LAS, DANG PO RDZUN SMRA'I LTUNG BYED YOD DE, DGE SLONG GI 'DU SHES BSGYUR TE PHAM LHAG SBOM PO NYES BYAS KYI RDZUN BZHI PO GANG RUNG LAS GZHAN PA'I RDZUN SHES BZHIN DU SMRAS PA PHA ROL POS GO BA NA DER 'GYUR BA'I PHYIR, GNYIS PA SKYON SMRA BA'I LTUNG BYED YOD DE, BDEN NAM BRDZUN YANG RUNG NGAN SEMS KYIS DGE SLONG GZHAN GYI RIGS RUS DBANG PO SOGS KYI SKYON DE NYID KYI MNGON SUM DU BRJOD PA NA DER 'GYUR BA'I PHYIR, GSUM PA PHRA MA BYED PA'I LTUNG BYED YOD DE, BSAM BZHIN DU MTHUN PA'I DGE SLONG NANG PHAN TSUN GYI BAR DU PHRA MA BYAS TE PHYE BA NA DER 'GYUR BA'I PHYIR, BZHI PA SKYON 'DOGS PA'I LTUNG BYED DAM SKYO NGOGS KYI LTUNG BYED YOD DE, DGE SLONG GNYIS PHAN TSUN GYI RTZOD NA DGE BDUN GYIS CHOS BZHIN DU ZHI BAR BYAS PA LA, SLAR SKYON BTAGS NAS RTZOD PA BSLANGS PA NA DER 'GYUR BA'I PHYIR, LNGA PA BUD MED LA CHOS STON PA'I LTUNG BYED YOD DE, SKYES PA MED PA'I SAR BUD MED LA CHOS TSIG DRUG LAS LHAG BSTAN PA NA DER 'GYUR BA'I PHYIR, DRUG PA BSNYEN @36B PAR MA RDZOGS PA DANG LHAN CIG 'DON PA'I LTUNG BYED YOD DE, DUS DRAN MED PAR BSNYEN PAR MA RDZOGS PA DANG LHAN CIG TU SHO LO KA GCIG GI TSAD DU LONGS PA'I CHOS 'DON PAR BYAS PA NA DER 'GYUR BA'I PHYIR, BDUN PA GNAS NGAN LEN BRJOD PA'I LTUNG BYED YOD DE, RANG NYID KYIS DGE SLONG DE'I PHAM LHAG GI LTUNG BA GLENG MI 'OS BZHIN DU BSNYEN PAR MA RDZOGS PA LA BRJOD PA NA DER 'GYUR BA'I PHYIR, BRGYAD PA MI CHOS BLA MA BDEN PAR SMRA BA'I LTUNG BYED YOD DE, DGOS PA MED PAR RANG GIS THOB PA'I GONG MA'I YON TAN KHYAD PAR CAN BSNYEN PAR MA RDZOGS PA LA BRJOD PA NA DER 'GYUR BA'I PHYIR, DGU PA BSHES NGOR BYED PA'I LTUNG BYED YOD DE, DGE 'DUN SPYI'I LAS BYED PA'I DGE SLONG GIS SPYI RDZAS KYI STENG NAS STER 'OS PA GZHAN LA BYIN PA LA BSHES NGOR BYIN NO ZHES SKYON BRJOD PA NA DER 'GYUR BA'I PHYIR, BCU PA KHYAD GSOD KYI LTUNG BYED YOD DE, GSO SBYONG SOGS KYI TSE BSLAB PA'I GZHI PHRA MO 'DIS CI BYED CES KHYAD GSOD KYIS SKUR BA'I TSIG BRJOD PA NA DER 'GYUR BA'I PHYIR, BCU TSAN GNYIS PA NI, SDOM LAS, SA BON 'PHYA BA BSGO BA DANG, ,KHRI DANG GDING DANG SKROD PA DANG, ,PHYIS GNON 'BYUNG BA 'DEBS PA DANG, ,RIM PA GNYIS SU BRTZIGS PA'O, ,ZHES 'BYUNG BA LTAR, DANG PO SA BON 'JIG PA'I LTUNG BYED YOD DE; SA BON MA NYAMS PA'I RIGS SPYI DANG GRO NAS SOGS KYI SA BON BRDUNG GCOD SOGS KYI SGO NAS NYAMS PAR BYAS PA NA DER 'GYUR BA'I PHYIR, GNYIS PA 'PHYA BA'I LTUNG BYED YOD DE, DGE 'DUN GYI GNAS MAL SKYOBS PA PO'I DGE SLONG GIS TSUL BZHIN BYAS KYANG 'PHYA BA NA DER 'GYUR BA'I PHYIR, GSUM PA BSGO BA RNAR GZON GYI LTUNG BYED YOD DE, DGE SLONG GZHAN DAG GIS PHYIR BCOS LA LEGS PAR 'GOD PA'I CHED DU TSUL KHRIMS KYI SGO NAS TSUL BZHIN GLENG BA G-YO THABS KYIS GZHAN @37A *, ,DU BSGYUR BAR BYED PA NA DER 'GYUR BA'I PHYIR, BZHI PA GNAS MAL LAS GYUR PA'I LTUNG BA YOD DE, DGE 'DUN GYI GNAS MAL LA LONGS SPYAD DE CHUD ZA BA YOD NA MA BSDUS PAR NYI MA DER 'DOM ZHE DGU'I GNAS SU PHYIN PA NA DER 'GYUR BA'I PHYIR, LNGA PA GDING BA LAS GYUR PA'I LTUNG BA YOD DE, GTZUG LAG KHANG DU RANG GI GDING BA'I 'OG TU RTZVA SOGS BTING BA YOD NA RJES SU MA BSDUS PAR BZHAG PA NA DER 'GYUR BA'I PHYIR, DRUG PA SKROD PA'I LTUNG BYED YOD DE, GNOD SEMS TZAM GYIS DGE SLONG GZHAN GNAS NAS PHYIR SKROD PA NA DER 'GYUR BA'I PHYIR, BDUN PA PHYIS GNON GYI LTUNG BYED YOD DE, GNOD SEMS KYIS KUN NAS BSLANGS TE LUS NGAG GANG RUNG GIS DGE SLONG GZHAN ZIL GYIS GNON PA'I MTHO BTZAMS BYAS PA NA DER 'GYUR BA'I PHYIR, BRGYAD PA RTZA BA 'BYUNG BA LA 'DUG PA'I LTUNG BYED YOD DE, GNOD SEMS KYIS DGE SLONG GZHAN GYI GNAS KHANG THOG TU KHRI RKANG PA CAN LTA BU RANG LUS KYIS MNAN NAS GNOD PAR GYUR PA NA DER 'GYUR BA'I PHYIR, DGU PA 'DEBS PA'I LTUNG BYED YOD DE, SHES BZHIN DU SROG CHAGS DANG BCAS PA'I RTZVA CHU SHING SOGS LA LONGS SPYAD PA NA DER 'GYUR BA'I PHYIR, BCU PA RIM PA LHAG PAR BRTZIGS PA'I LTUNG BYED YOD DE, DKON MCHOG GI CHED DU GTZUG LAG KHANG BRTZIGS PA'I TSE CHAR CHU SOGS KYI GNOD PA MA BSRUNG BAR NYIN GCIG RIM PA GSUM LAS LHAG BRTZIGS PA NA DER 'GYUR BA'I PHYIR, BCU TSAN GSUM PA NI, SDOM LAS, MA BSKOS NYI MA NUB PA DANG, ,ZAS DANG CHOS GOS GNYIS DAG DANG, ,DON 'THUN GRU DANG DBEN PA GNYIS, ,DGE SLONG MA YIS SBYOR BCUG PA'O, ,ZHES 'BYUNG BA LTAR BCU LAS, DANG PO MA BSKOS PAR CHOS STON PA'I LTUNG BYED YOD DE, @37B DGE SLONG MA'I STON PAR MA BSKOS BZHIN DU DE LA CHOS STON PA NA DER 'GYUR BA'I PHYIR, GNYIS PA NYI MA NUB KYI BAR DU CHOS STON PA'I LTUNG BYED YOD DE, DGE SLONG MA'I STON PA YIN YANG DE LA NYI MA NUB KYI BAR DU CHOS STON PA NA DER 'GYUR BA'I PHYIR, GSUM PA ZAS KYI PHYIR DU CHOS STON TO ZER BA'I LTUNG BYED YOD DE, DGE SLONG MA'I STON PAR BSKOS PA'I DGE SLONG LA PHRAG DOG GIS ZAS KYI CHED DU CHOS STON NO ZHES ZER BA NA DER 'GYUR BA'I PHYIR, BZHI PA GOS BYIN PA'I LTUNG BYED YOD DE, BSHES NGO TZAM GYI PHYIR DGE SLONG MA NYE DU MA YIN PA LA RANG GI GOS BYIN PA NA DER 'GYUR BA'I PHYIR, LNGA PA GOS BYED PA'I LTUNG BYED YOD DE, DE LTA BU'I DGE SLONG MA'I GOS BCOMS [*BTZOMS?] [*BTZEMS?] PA NA DER 'GYUR BA'I PHYIR, DRUG PA LAM DU 'GRO BA'I LTUNG BYED YOD DE, DGE SLONG MA DANG LHAN CIG LAM DU RGYANGS GRAGS 'DAS PAR PHYIN PA NA DER 'GYUR BA'I PHYIR, BDUN PA GRUR 'JUG GI LTUNG BYED YOD DE, DGE SLONG MA DANG LHAN CIG GRUR ZHUGS NAS CHU'I RGYUN PHYOGS SU RGYANGS GRANGS 'DAS KYI BAR DU PHYIN PA NA DER 'GYUR BA'I PHYIR, BRGYAD PA SKYABS YOD NA 'DUG PA'I LTUNG BYED YOD DE, BUD MED DANG LHAN CIG GROGS SKYES PA MED PAR THOG MTHA' GANG RUNG GI SKYABS YOD DU 'DUG PA NA DER 'GYUR BA'I PHYIR, DGU PA DBEN PA DER 'GRENG BA'I LTUNG BYED YOD DE, 'GRENG BA'I KHYAD PAR MA GTOGS SNGA MA DANG 'DRA BA'I PHYIR, BCU PA ZAS SBYOR DU BCUG PA'I LTUNG BYED YOD DE, DGE SLONG MAR RANG NYID KYI YANG DAG PA'I YON TAN YOD PA MIN PA'ANG YOD PAR BRJOD DU BCUG NAS DES KHYIM BDAG GI ZAS RANG LA SBYOR BAR BYAS PA NA DER 'GYUR BA'I PHYIR, BCU TSAN BZHI PA NI, SDOM LAS, YANG YANG DANG NI 'DUG GNAS GCIG ,PHYE DANG BCA' DANG STOBS PA DANG, ,DUS DANG DUS MIN GSOG 'JOG DANG, ,KHA NAS MID DANG BSOD PA NYID, ,CES 'BYUNG BA LTAR BCU LAS, DANG PO YANG @38A *, ,YANG ZA BA'I LTUNG BYED YOD DE, DGOS PA KHYAD PAR CAN MED PAR NYE DU MA YIN PA'I KHYIM NAS NYIN GCIG KHO NAR DUS RUNG GI ZAS LAN GNYIS GSUM ZOS PA NA DER 'GYUR BA'I PHYIR, GNYIS PA 'DUG GNAS GCIG TU ZA BA'I LTUNG BYED YOD DE, MU STEGS KHO NA'I SBYIN GNAS BYED PA'I KHYIM PA'I NANG DU MU STEGS DANG LHAN CIG NYIN ZHAG GCIG LAS LHAG GNAS TE ZAS ZOS PA NA DER 'GYUR BA'I PHYIR, GSUM PA LHAG PA LEN PA'I LTUNG BYED YOD DE, NYE DU MA YIN PA'I KHYIM NAS DUS GCIG KHA ZAS LHUNG BZED GSUM LAS LHAG BSLANGS PA NA DER 'GYUR BA'I PHYIR, BZHI PA SPANGS PA ZA BA'I LTUNG BYED YOD DE, BYIN LEN BYAS PA'I DUS RUNG GI ZAS LUS NGAG BSAM SBYOR GYIS SPANGS PA LAS SLAR DUS RUNG GI ZAS LHAG POR [*BOR] MA BYAS PAR ZOS PA NA DER 'GYUR BA'I PHYIR, LNGA PA SPANGS PA STOBS PA'I LTUNG BYED YOD DE, DUS RUNG GI ZAS NYIN ZHAG DE LA ZA BA SPANGS PA NA SLAR ZA BA NA LHAG POR [*LHAG BOR] MA BYAS PAR SHES BZHIN DU NYIN ZHAG DE NYID LA STOBS PAR BYAS PA NA DER 'GYUR BA'I PHYIR, DRUG PA 'DUS SHING ZA BA'I LTUNG BYED YOD DE, MTSAMS NANG DER DGE 'DUN DANG LHAN CIG ZA DGOS PA'I ZAS MI MTHUN PA'I BSAM PAS LOGS SU 'DUS NAS ZOS PA NA DER 'GYUR BA'I PHYIR, BDUN PA DUS MIN DU ZA BA'I LTUNG BYED YOD DE, DUS RUNG GI RANG GNAS PA'I GLING DE'I NYI MA PHYED YOL NAS ZOS PA NA DER 'GYUR BA'I PHYIR, BRGYAD PA GSOG 'JOG GI LTUNG BYED YOD DE, SMAN BZHI PO GANG YANG RUNG BA BYIN LEN BYAS PA MA ZHIG PA'I LHAG MA GSOG 'JOG BYAS NAS ZOS PA NA DER 'GYUR BA'I PHYIR, 'DI'I CHA LA BRTEN PA'I NYES BYAS LA BZHI YOD DE, LAG NYA DANG MTSAMS BTZOS DANG ZHAG LON DANG RJEN BTZOS TE BZHI YOD PA'I PHYIR, DE DAG GI KHYAD PAR NI BSLAB BYA CHEN MO SOGS LAS SHES PAR BYA STE, @38B 'DIR MANG DU DOGS PA'I PHYIR RO, ,DGU PA BYIN LEN MA BYAS PAR ZA BA'I LTUNG BYED YOD DE, SMAN BZHI PO GANG RUNG BYIN LEN 'OS PA BYIN LEN MA BYAS PAR ZOS PA NA DER 'GYUR BA'I PHYIR, 'DI LA DRUG GIS BSHAD DU YOD DE, GANG GIS STOBS PA; GANG LA STOBS PA, GANG STOBS PA, GNAS GANG NAS STER BA, TSUL JI LTAR LEN PA, BYIN LEN 'JIG PA'I RGYU RNAMS SU YOD PA'I PHYIR, DE DAG LAS PHYI MA DE LA NI BRGYAD YOD DE, JI SKAD DU, PHROG DANG SHOR DANG 'GRIL POR DANG, ,BDUS DANG SHI DANG GZHAN REG DANG, ,DNGOS PO 'GYUR DANG SKYE BA 'GYUR, ,GZHAN LA BSNGOS PA NYID KYANG NGO, ,ZHES 'BYUNG BA LTAR YIN PA'I PHYIR, BCU PA BSOD PA SLONG BA'I LTUNG BYED YOD DE, NYE DU MA YIN PA LAS ZAS BSOD PA BSLANGS PA NA DER 'GYUR BA'I PHYIR, BCU TSAN LNGA PA NI, SDOM LAS, SROG CHAGS DANG BCAS NYAL SAR 'DUG ,'GRENG DANG GCER BU DMAG DANG NI, ,ZHAG GNYIS BSHAMS DKRUGS 'GRO BA DANG, ,BRDEG DANG GZAS DANG GNAS NGAN LEN, ,ZHES 'BYUNG BA LTAR BCU LAS, DANG PO SROG CHAGS DANG BCAS PA'I CHU LA LONGS SPYOD PA'I LTUNG BYED YOD DE, RANG DON DU CHU SOGS LA SEMS CAN YOD MED MA BRTAGS PAR LTOS MED KYI BSAM PAS LONGS SPYOD PA NA SEMS CAN SHI BA'I TSE DER 'GYUR BA'I PHYIR, GNYIS PA NYAL PO BYED PA'I KHYIM NA 'DUG PA'I LTUNG BYED YOD DE, KHYIM PA PHO MO NYAL PO BYED PA SHES BZHIN DU DER 'DUG STE BAR DU GCOD PA NA DER 'GYUR BA'I PHYIR, GSUM PA 'GRENG BA'I LTUNG BYED YOD DE, DE'I KHYAD PAR MA GTOGS SNGA MA DANG 'DRA BA'I PHYIR, BZHI PA GCER BU PA LA ZAS BYIN PA'I LTUNG BYED YOD DE, KHYAD PAR CAN GYI DGOS PA MED PAR MU STEGS KYI BUD MED LA ZAS GOS STER BA NA DER 'GYUR BA'I PHYIR, LNGA PA DMAG LA LTA BA'I LTUNG BYED YOD DE, MTSAMS KYI PHYI ROL DU RANG DGAR 'DAS NAS SKYES PA BRGYAD YIN [*YAN] GYI DMAG LA LTA BA NA DER 'GYUR @39A *, ,BA'I PHYIR, DRUG PA DMAG NANG DU GNAS PA'I LTUNG BYED YOD DE, DGOS PA KHYAD PAR CAN MED BZHIN DU DMAG GI NANG DU ZHAG GCIG 'DAS PAR GNAS PA NA DER 'GYUR BA'I PHYIR, BDUN PA G-YUL DKRUGS PA'I LTUNG BYED YOD DE, DON MED PAR DMAG GI G-YUL GYI GO RIM DKRUGS PA NA DER 'GYUR BA'I PHYIR, BRGYAD PA BRDEG PA'I LTUNG BYED YOD DE, DGE SLONG GZHAN LA RDEG GAM BRDEG TU BCUG PA NA DER 'GYUR BA'I PHYIR, DGU PA BRDEG PAR GZAS PA'I LTUNG BYED YOD DE, DER BRDEG PAR GZAS PA'I KHYAD PAR TZAM YIN PA'I PHYIR, BCU PA GNAS NGAN LEN 'CHAB PA'I LTUNG BYED YOD DE, DGE SLONG GZHAN LA PHAM LHAG GI LTUNG BA BYUNG BA DGOS MED DU BCABS PA NA DER 'GYUR BA'I PHYIR, BCU TSAN DRUG PA NI, SDOM LAS, BDE DANG ME DANG 'DUN PA DANG, ,BSNYEN PAR MA RDZOGS CHOS DANG SMRA, ,DGE TSUL KHA DOG BSGYUR BA DANG, ,RIN PO CHE DANG TSA BA'I DUS, ,ZHES 'BYUNG BA LTAR BCU LAS, DANG PO ZAN GCOD PA'I LTUNG BYED YOD DE, GNOD SEMS KYIS GROGS DGE SLONG LA GZHAN GYIS DUS RUNG GI ZAS SBYOR BA BKAG PA NA DER 'GYUR BA'I PHYIR, GNYIS PA ME LA REG PA'I LTUNG BYED YOD DE, DUS DRAN MA BYAS PAR RANG DGAR ME LA REG GAM REG TU BCUG PA NA DER 'GYUR BA'I PHYIR, GSUM PA 'DUN PA PHYIR BSGYUR BA'I LTUNG BYED YOD DE, SNGAR DGE 'DUN LA 'DUN PA PHUL BA MI MTHUN PA'I BSAM PAS PHYIS BSGYUR BA NA DER 'GYUR BA'I PHYIR, BZHI PA NUB LHAG NYAL GYI LTUNG BYED YOD DE, BSNYEN PAR MA RDZOGS PA DANG LHAN CIG NUB GNYIS LAS LHAG NYAL BA NA DER 'GYUR BA'I PHYIR, LNGA PA SDIG LTA MI GTONG BA'I LTUNG BYED YOD DE, STON PA'I GSUNG LA YID MI CHES PA'I LOG LTA SKYES PA GZHAN GYIS BZLOG KYANG MI GTONG BA NA DER 'GYUR BA'I PHYIR, DRUG PA SPANGS PA'I RJES SU PHYOGS PA'I LTUNG BYED @39B YOD DE, DGE 'DUN GYIS GNAS NAS PHYUNG BA'I DGE SLONG DE DANG LHAN CIG SPYOD LAM MTHUN PAR BYAS PA NA DER 'GYUR BA'I PHYIR, BDUN PA DGE TSUL LA BSNYIL BA BSDUD PA'I LTUNG BYED YOD DE, DGE TSUL GYI KHYAD PAR MA GTOGS SNGA MA DANG 'DRA BA'I PHYIR, BRGYAD PA MA BSGYUR BA'I GOS GYON PA'I LTUNG BYED YOD DE, RUNG BA'I TSON GYIS KHA MA BSGYUR BA'I GOS GZHAN GYIS STENG G-YOGS MED PAR GYON PA NA DER 'GYUR BA'I PHYIR, DGU PA RIN PO CHE LA REG PA'I LTUNG BYED YOD DE, DGOS PA KHYAD PAR CAN MED PAR CHAGS SEMS KYIS RIN PO CHE'I RIGS LA REG GAM REG TU BCUG PA NA DER 'GYUR BA'I PHYIR, BCU PA KHRUS BYED PA'I LTUNG BYED YOD DE, TSA BA DANG NAD KYI DUS MIN PAR LTE BAR SLEB PA'I CHU NANG DU ZHUGS NAS KHRUS BYED PA NA DER 'GYUR BA'I PHYIR, BCU TSAN BDUN PA NI, SDOM LAS, DUS 'GRO 'GYOD BA SOR MO DANG, ,RTZE DANG LHAN CIG SDANGS BYED DANG, ,SBED DANG GDENG DANG GZHI MED DANG, ,SKYES PA MED PAR LAM 'GRO BA'O, ,ZHES 'BYUNG BA LTAR BCU LAS, DANG PO DUD 'GRO GSOD PA'I LTUNG BYED YOD DE, GZHAN GYI ZHOR LA MA YIN PAR BSAM BZHIN DU DUD 'GRO GSOD DAM GSOD DU BCUG NAS BSAD PA NA DER 'GYUR BA'I PHYIR, GNYIS PA 'GYOD PA BSKYED PA'I LTUNG BYED YOD DE, DGE SLONG GZHAN DAG LA SDOM PA MA SKYES SO ZHES BRJOD NAS YID MI BDE BAR BYAS PA NA DER 'GYUR BA'I PHYIR, GSUM PA GA GA TSIL BYED KYI LTUNG BYED YOD DE, SKYI G-YA' BAR 'DOD PA'I BSAM PAS DGE SLONG GZHAN GYI LUS KYI CHAR SOR MO SOGS KYIS REG PA NA DER 'GYUR BA'I PHYIR, BZHI PA CHU LA RTZE BA'I LTUNG BYED YOD DE, RGOD BAG GI BSAM PAS CHUR RTZE BAR BYAS PA NA DER 'GYUR BA'I PHYIR, LNGA PA BUD MED DANG LHAN CIG NYAL BA'I LTUNG BYED YOD DE, MTSAMS NANG GCIG TU BUD MED DANG LHAN CIG NYAL BA'I SPYOD LAM GYIS MTSAN MO 'DAS PA NA DER 'GYUR BA'I PHYIR, DRUG PA SDANGS PAR BYED PA'I @40A *, ,LTUNG BYED YOD DE, GNOD SEMS KYIS DGE SLONG GZHAN LA 'JIGS PAR BYED PA'I TSUL STON PA NA DER 'GYUR BA'I PHYIR, BDUN PA SBED PA'I LTUNG BYED YOD DE, RKU SEMS KYIS MA YIN PAR DGE SLONG GZHAN GYI YO BYAD RANG DGAR SBED PA NA DER 'GYUR BA'I PHYIR, BRGYAD PA GDENG MED DU LONGS SPYOD PA'I LTUNG BYED YOD DE, DGE SLONG GZHAN LA RANG GIS BYIN PA'I GOS GDENGS MED PAR LONGS SPYOD PA NA DER 'GYUR BA'I PHYIR, DGU PA SKUR BDEBS KYI LTUNG BYED YOD DE, BSAM BZHIN DU NGAN SEMS KYIS DGE SLONG GZHAN LA LHAG MA'I LTUNG BA BYUNG ZHES BRJOD PA NA DER 'GYUR BA'I PHYIR, BCU PA BUD MED DANG LHAN CIG 'GRO BA'I LTUNG BYED YOD DE, NYE DU MA YIN PA'I BUD MED DANG LHAN CIG LAM DU RGYANGS GRAGS 'DAS PAR PHYIN PA NA DER 'GYUR BA'I PHYIR, BCU TSAN BRGYAD PA NI, SDOM LAS, RKU DANG NYI SHU MA LON DANG, ,RKO DANG MGRON DANG BSLAB PA DANG, ,NYAN DANG MI SMRA 'GRO BA DANG, ,MA GUS CHANG 'THUNG RUS MIN PA'O, ,ZHES 'BYUNG BA LTAR LAS, DANG PO RKUN PO DANG LHAN CIG 'GRO BA'I LTUNG BYED YOD DE, DE DANG LHAN CIG TU SNGAR BZHIN SONG BA NA DER 'GYUR BA'I PHYIR, GNYIS PA NYI SHU MA LON PAR BSNYEN PAR RDZOGS PA'I LTUNG BYED YOD DE, BSGRUB BYA LO NYI SHU MA LON PA SHES BZHIN DU BSNYEN PAR RDZOGS PA NA DER 'GYUR BA'I PHYIR, GSUM PA SA RKO BA'I LTUNG BYED YOD DE, DGOS PA KHYAD PAR CAN MED BZHIN DU SA BRKOS PA NA DER 'GYUR BA'I PHYIR, BZHI PA MGRON GNYER RING 'JUG GI LTUNG BYED YOD DE, SBYIN BDAG GIS BOS PA'I DUS TSOD BCAD PA LAS LHAG 'DAS PA'AM ZHAG GRANGS MED KYANG ZLA BA BZHI LAS LHAG DE'I BSNYEN BKUR LA LONGS SPYOD PA NA DER 'GYUR BA'I PHYIR, LNGA PA BSLAB PA NYER 'JOG GI LTUNG BYED YOD DE, 'DUL BA SHES PAS BSLAB PA LA SLOB DGOS PA'I TSUL BRJOD @40B PA MI NYAN BAR [*PAR] THABS KYIS SPONG BA NA DER 'GYUR BA'I PHYIR, DRUG PA NYAN RNA BYED PA'I LTUNG BYED YOD DE, RTZOD ZLA DE GZHAN DANG GROS BYED PA LA MI MTHUN PA'I BSAM PAS LKOG NYAN BYED PA NA DER 'GYUR BA'I PHYIR, BDUN PA MI SMRA BAR 'GRO BA'I LTUNG BYED YOD DE, LAS GRAL DU 'KHOD ZIN NAS 'DUN PA MA PHUL BAR RANG DGAR 'GRO BA NA DER 'GYUR BA'I PHYIR, BRGYAD PA MA GUS PA'I LTUNG BYED YOD DE, DGE 'DUN GYI CHOS LDAN GYI BYA BA BYED PA LA MA GUS PA'I TSUL