[#THE FOLLOWING TEXT HAS INCOMPLETE SECTIONS, WHICH ARE ON ORDER] [THE INITIAL PART OF THIS TEXT WAS INPUT BY THE SERA MEY LIBRARY IN TIBETAN FONT AND NEEDS TO BE REDONE BY DOUBLE INPUT] @081A *, ,YIN PAS KHYAB ZER NA, DON DAM SEMS BSKYED CHOS CAN, DER THAL, DE'I PHYIR, DER THAL, THEG CHEN GYI RTOGS RIGS SU GNAS PA'I DON DAM SEMS BSKYED YIN PA'I PHYIR, DER THAL, DON DAM SEMS BSKYED DANG KUN RDZOB SEMS BSKYED GNYIS KA THEG CHEN GYI RTOGS RIGS SU GNAS PA'I YID KYI RNAM RIG YIN PA'I PHYIR, 'DOD NA, KUN RDZOB SEMS BSKYED YIN PAR THAL, 'DOD PA'I PHYIR, KHYAB STE; DON DAM SEMS BSKYED DE 'DIR BSTAN THEG CHEN SEMS BSKYED KYI MTSAN NYID MA RDZOGS PA'I PHYIR, KHA CIG ,STONG NYID MNGON SUM DU RTOGS PA'I THEG CHEN GTZO BO'I RNAM RIG KHYAD PAR CAN, DON DAM SEMS BSKYED KYI MTSAN NYID ZER NA, SANGS RGYAS 'PHAGS PA'I MIG GI RNAM PAR SHES PA CHOS CAN, MTSON BYA DER THAL, MTSAN NYID DE'I PHYIR, DER THAL, SANGS RGYAS 'PHAGS PA'I MIG GI RNAM PAR SHES PA YIN PA'I PHYIR, 'DOD NA, YID SHES YIN PAR THAL, 'DOD PA'I PHYIR, 'DOD MI NUS TE, DBANG SHES YIN PA'I PHYIR, KHA CIG ,DE 'DRA'I THEG CHEN GTZO BO'I YID KYI RNAM RIG KHYAD PAR CAN, DON DAM SEMS BSKYED KYI MTSAN NYID ZER NA, SANGS RGYAS 'PHAGS PA'I RGYUD KYI KUN RDZOB SEMS BSKYED CHOS CAN, MTSON BYA DER THAL, MTSAN NYID DE'I PHYIR, 'DOD NA SLA, KHA CIG ,BYANG SEMS KYI RGYUD KYI STONG NYID MNGON SUM DU RTOGS PA'I YID KYI RNAM RIG YIN NA, DON DAM SEMS BSKYED YIN PAS KHYAB ZER NA, BYANG SEMS SBYOR LAM PA'I RGYUD KYI STONG NYID MNGON SUM DU RTOGS PA'I YID KYI RNAM SHES CHOS CAN, DER THAL, DE'I PHYIR, 'DOD NA, SA DANG PO THOB PA'I SEMS YIN PAR THAL, DON DAM SEMS BSKYED YIN PA'I PHYIR, KHYAB STE, @081B MDO SDE RGYAN LAS, MCHOG LA SEMS MNYAM RNYED PA'I PHYIR, ,DE YI RAB DGA' KHYAD PAR 'PHAGS, ,ZHES DANG, DBU MA 'JUG PA LAS, DE NAS BZUNG STE DE NI THOB PAR GYUR PA YIS, ,BYANG CHUB SEMS DPA' ZHES BYA'I SGRA NYID KYIS BSNYAD DO, , ZHES GSUNGS PA'I PHYIR, SMON 'JUG GI KHYAD PAR LA, KHA CIG ,SPYOD PA NYAMS LEN GYI BYA BAS MA ZIN PA'I SEMS BSKYED, SMON PA SEMS BSKYED KYI MTSAN NYID, SPYOD PA NYAMS LEN GYI BYA BAS ZIN PA'I SEMS BSKYED, 'JUG PA SEMS BSKYED KYI MTSAN NYID ZER NA, BYANG SEMS DANG PO PA'I RGYUD KYI SMON PA SEMS BSKYED CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, SA DANG PO PA'I RGYUD KYI SMON PA SEMS BSKYED YIN PA'I PHYIR, DE DER THAL, DE'I RGYUD LA SMON PA SEMS BSKYED YOD PA'I PHYIR, DER THAL, RNAM BSHAD LAS, DES NA SMON SEMS NI TSOGS LAM NAS BZUNG STE SA THOB NAS KYANG KHAS BLANGS PA LA NYES PA MED PAR MNGON TE, ZHES GSUNGS PA'I PHYIR, 'DOD NA, SPYOD PA NYAMS LAN GYI BYA BAS MA YIN PAR THAL, 'DOD PA'I PHYIR, 'DOD MI NUS TE, RNAM BSHAD DGONGS PA RAB GSAL LAS, SA THOB NAS SEMS BSKYED SPYOD PA DANG BRAL BA MI SRID PA'I PHYIR, ZHES GSUNGS PA'I PHYIR, PHYI MA LA YANG, DE CHOS CAN, MTSON BYA PHYI MA DER THAL, MTSAN NYID PHYI MA DE'I PHYIR, DER THAL, BYANG SEMS 'PHAGS PA'I RGYUD KYI SEMS BSKYED YIN PA'I PHYIR, KHYAB STE, SA THOB PA'I SEMS BSKYED YIN NA, SPYOD PA NYAMS LEN GYI BYA BAS ZIN PAS KHYAB PA'I PHYIR, 'DOD NA SLA'O, ,KHA CIG ,CHO GAS MA BLANGS PA'I SEMS BSKYED, SMON PA SEMS BSKYED KYI MTSAN NYID, CHO GAS BLANGS PA'I SEMS BSKYED, 'JUG PA SEMS BSKYED KYI MTSAN NYID ZER NA, DE MI 'THAD PAR THAL, CHO GAS @082A *, ,BLANGS PA'I SMON PA SEMS BSKYED YOD PA'I PHYIR, DER THAL, SANGS RGYAS CHOS DANG TSOGS KYI MCHOG RNAMS LA, ,ZHES SOGS LA BRTEN NAS SMON SEMS CHO GAS LEN PA YOD PA'I PHYIR, KHA CIG ,SA MA THOB PA'I SEMS BSKYED, SMON PA SEMS BSKYED KYI MTSAN NYID, SA THOB PA'I SEMS BSKYED, 'JUG PA SEMS BSKYED KYI MTSAN NYID ZER NA, DANG PO DE MI 'THAD PAR THAL, SA MA THOB PA'I GANG ZAG GI RGYUD LA 'JUG PA SEMS BSKYED YOD PA'I PHYIR, DER THAL, 'JUG PA SEMS BSKYED NI TSOGS LAM NAS SANGS RGYAS KYI SA'I BAR DU YOD PA'I PHYIR, DER THAL, RNAM BSHAD LAS, 'JUG SEMS NI TSOGS LAM NAS SANGS RGYAS KYI SA'I BAR RO, , ZHES GSUNGS PA'I PHYIR, PHYI MA DE YANG MI 'THAD PAR THAL, SA THOB PA'I GANG ZAG GI RGYUD LA SMON PA SEMS BSKYED YOD PA'I PHYIR, DER THAL, SA THOB PA'I GANG ZAG GI RGYUD LA SPYOD PA NYAMS LEN GYI BYA BAS MA ZIN PA'I SEMS BSKYED MED KYANG DES DNGOS SU MA ZIN PA'I SEMS BSKYED YOD PA'I PHYIR, DER THAL, SA THOB PA'I GANG ZAG GI RGYUD LA STONG NYID MTHONG SUM DU RTOGS PA'I SHES RAB KYIS MA ZIN PA'I THEG CHEN SEMS BSKYED MED KYANG DES DNGOS SU MA ZIN PA'I SEMS BSKYED YOD PA'I PHYIR, KHA CIG MA KHYAB ZER, RTAGS DER THAL, RNAM BSHAD LAS, SA THOB NAS STONG PA NYID KYI DON MNGON SUM DU RTOGS KYANG, DES DNGOS SU MA ZIN PA'I SEMS BSKYED SKABS DU MAR 'BYUNG BA'I PHYIR, ZHES GSUNGS PA'I PHYIR, KHA CIG ,'JUG SDOM MA THOB PA'I SEMS BSKYED SMON PA SEMS BSKYED KYI MTSAN NYID, 'JUG SDOM THOB PA'I SEMS BSKYED, 'JUG PA SEMS BSKYED KYI MTSAN NYID ZER NA, DE GNYIS @082B KA MI 'THAD PAR THAL, 'JUG SDOM THOB PA'I SMON PA SEMS BSKYED YOD PA'I PHYIR, DER THAL, BYANG 'PHAGS KYI RGYUD LA SMON PA SEMS BSKYED YOD PA'I PHYIR, KHA CIG ,RDZOGS PA'I BYANG CHUB TU SMON PA'I SEMS BSKYED, SMON PA SEMS BSKYED KYI MTSAN NYID, RDZOGS PA'I BYANG CHUB TU 'JUG PAR BYED PA'I SEMS BSKYED, 'JUG PA SEMS BSKYED KYI MTSAN NYID ZER NA, BYANG CHUB SEMS DPA' RDZOGS PA'I BYANG CHUB TU 'JUG SEMS CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, DE'I RGYUD LA RDZOGS PA'I BYANG CHUB TU SMON CING 'DUN PAR BYED PA'I 'JUG SEMS YOD PA'I PHYIR, DER THAL, DE'I RGYUD LA RDZOGS PA'I BYANG CHUB DON DU GNYER BAR BYED PA'I 'JUG SEMS YOD PA'I PHYIR, DE DER THAL, RDZOGS PA'I BYANG CHUB DON DU GNYER BAR BYED PA'I BYANG SEMS YOD PA'I PHYIR, GZHAN YANG, SMON PA SEMS BSKYED CHOS CAN, MTSON BYA GNYIS PA DER THAL, MTSAN NYID GNYIS PA DE'I PHYIR, DER THAL, BYANG SEMS KYI SEMS BSKYED YIN PA'I PHYIR, KHYAB STE, BYANG SEMS YIN NA, RDZOGS PA'I BYANG CHUB TU 'JUG PAR BYED PA'I BYANG SEMS YIN DGOS PA'I PHYIR, DER THAL, DE YIN NA, SANGS RGYAS KYI SAR SGROD PAR BYED PA'I BYANG SEMS YIN DGOS PA'I PHYIR, DER THAL, DE YIN NA, RDZOGS PA'I SANGS RGYAS THOB BYA'I GTZO BOR BYAS NAS DON DU GNYER BAR BYED PA'I BYANG SEMS YIN DGOS PA'I PHYIR, 'DOD NA SLA'O, ,GNYIS PA RANG LUGS LA BZHI, SEMS BSKYED SKYE BA'I RTEN GYI KHYAD PAR, BRTEN PA SEMS BSKYED KYI NGO BO SOGS DANG, BZHED TSUL MI 'DRA BA'I KHYAD PAR, PHAN @083A *, ,YON GYI KHYAD PAR RO, ,DANG PO LA GSUM, LUS RTEN, SEMS RTEN, SBYONG TSUL GYI KHYAD PAR BSTAN PA'O, ,DANG PO NI, THEG CHEN SEMS BSKYED GSAR DU SKYE BA'I LUS RTEN GYI KHYAD PAR YOD DE, ZA MA, MA NING, SGRA MI SNYAN, TSE DE LA MTSAMS MED DANG CHOS SPONG GI LAS STOBS CHEN BSAGS PA MA SBYANGS PA MA GTOGS, ,GZHAN 'GRO BA RIGS DRUG GI RTEN LA GSAR DU SKYE BA YOD PA'I PHYIR, DANG PO DE LTAR YIN TE, 'GREL CHEN LAS, SKYES PA DANG BUD MED DAG NYE BAR BZUNG BA NI MA NING DANG 'CHIG LA SOGS PA RNAMS RTOGS PA'I RTEN MA YIN NO, ,ZHES GSUNGS PA'I PHYIR, PHYI MA DE LTAR YOD DE, RNAM BSHAD LAS, SMON SEMS SKYE BA'I RTEN NI, THEG CHEN LA MOS SHING SANGS RGYAS THOB PAR 'DOD PA'I LHA KLU LA SOGS PA LA YANG SKYE'O, ,ZHES PA'I SOGS SGRAS LHA MIN MI SOGS 'GRO BA GZHAN GYI RTEN LA SKYE BA YOD PAR BSTAN PA'I PHYIR, GNYIS PA SEMS RTEN GYI KHYAD PAR YOD DE, GTZO BO'I DBANG DU BYAS NA, SEMS CAN LA DMIGS PA'I SNYING RJE, SANGS RGYAS THOB 'DOD KYI DAD PA, BYANG SEMS KYI SPYOD PA LA MOS PA'I BSAM PA LA BRTEN NAS SKYE BA YOD LA, RGYU RKYEN MTHA' CHOD PA'I DBANG DU BYAS NA RGYU BZHI RKYEN BZHI STOBS BZHI LA BRTEN NAS SKYE BA YOD PA'I PHYIR, RGYU BZHI LA BRTEN NAS SKYE BA YOD DE, RGYU THEG CHEN GYI RIGS SAD PA, THEG CHEN DGE BA'I BSHES GNYEN GYIS ZIN PA, GZHAN LA DMIGS PA'I SNYING RJE, BYANG SEMS KYI SPYOD PA LA DAD PA'I MTHU LAS SKYE BA YOD PA'I PHYIR, RKYEN BZHI LAS SKYE BA YOD DE, SANGS RGYAS BYANG SEMS KYI CHO 'PHRUL MTHONG ZHING THOS PA, THEG CHEN GYI SDE SNOD MANG DU THOS PA, DAM CHOS NUB PAR MI BZOD PA, SEMS BSKYED SNYED PAR DKA' BAR MTHONG BA @083B LA BRTEN NAS SKYE BA YOD PA'I PHYIR, STOBS BZHI LA BRTEN NAS SKYE BA YOD DE, RANG GI STONGS DANG, GZHAN GYI BSKUL STOBS DANG, DGE RTZA BSAGS PA'I STOS DANG, BSHES GNYEN BSTEN NAS DAM CHOS THOS PA'I STOBS LA BRTEN NAS SKYE BA YOD PA'I PHYIR, DE LTAR YIN KYANG, THEG CHEN SEMS BSKYED KYI RGYUR SNYING RJE CHEN PO NGES PAR DGOS TE, RNAM BSHAD LAS, RGYU BZHI DANG RKYEN BZHI DANG STOBS BZHI LAS SKYE BAR BSHAD PA RNAMS NI, RGYU RKYEN MTHA' CHOD PA'I YAN LAG TU YIN LA, ZHES PA NAS, SNYING RJES KUN NAS BSLANG BA NGES PAR DGOS PA YIN NO, ,ZHES PA'I BAR GSUNGS PA'I PHYIR, GSUM PA BSAM PA SBYONG TSUL GYI DBANG DU BYAS NA GNYIS YOD DE, RGYU 'BRAS MAN NGAG BDUN DANG, BDAG GZHAN MNYAM BRJE'I SGO NAS SPYOD TSUL GNYIS YOD PA'I PHYIR, DANG PO YOD DE, SKYE SHI'I THOG MTHA' MED PA NAS BRGYUD DE SEMS CAN THAMS CAD RANG LA DRIN CHE BA'I MA BYED MYONG SHA STAG YIN PAS, DANG POR SEMS CAN THAMS CAD MAR 'DU SHES PA'I BSAM PA SBYANGS, DE LAS DRIN DRAN PA, DE LAS DRIN GZO BA, DE LAS BYAMS PA; DE LAS SNYING RJE CHEN PO, DE LAS LHAG BSAM RNAM DAG STE RGYU DRUG DANG, DE LAS 'BRAS BU BYANG CHUB KYI SEMS 'BYUNG BA'I RGYU 'BRAS MAN NGAG BDUN GYI SGO NAS SBYONG BA'I TSUL YOD PA'I PHYIR, GNYIS PA YOD DE, MAR GYUR PA'I SEMS CAN DE THAMS CAD KYIS NI SDUG BSNGAL MI 'DOD CING BDE BA 'DOD PA KHO NAR 'DUG KYANG, SDUG BSNGAL GSUM GYIS MI 'DOD BZHIN DU MNAR BAS DES NA, SEMS CAN THAMS CAD KYI SDUG BSNGAL BDAG LA TSUR LEN PA'I DMIGS PAS SNYING RJE DANG, BDAG GI BDE DGE THAMS CAD GZHAN LA PHAR GTONG BA'I DMIGS PAS BYAMS PA BSGOMS TE BDAG GZHAN MNYAM BRJE'I SGO NAS SBYONG TSUL LA BRTEN NAS SKYE BA YOD PA'I PHYIR, GNYIS PA BRTEN PA SEMS BSKYED NI, GZHAN DON DU YANG DAG PAR RDZOGS PA'I BYANG CHUB LA DMIGS SHING, RANG @084A *, ,GI GROGS RDZOGS BYANG DON GNYER GYI 'DUN PA DANG MTSUNGS LDAN DU GYUR PA'I THEG CHEN LAM GYI 'JUG SGO'I RIGS SU GNAS SHING SPYOD PA'I CHAR GTOGS PA'I THEG CHEN GTZO BO'I YID KYI RNAM RIG KHYAD PAR CAN DE, THEG CHEN SEMS BSKYED KYI MTSAN NYID, DE LA SGRAS BRJOD RIGS KYI SGO NAS DBYE NA, KUN RDZOB SEMS BSKYED DANG, DON DAM SEMS BSKYED GNYIS YOD LA, NGO BO'I SGO NAS DBYE NA, SMON PA SEMS BSKYED DANG, 'JUG PA SEMS BSKYED GNYIS YOD, SPYOD PA NYAMS LEN GYI BYA BAS DNGOS SU ZIN PA LA LTOS MI DGOS PA'I RIGS SU GNAS PA'I SEMS BSKYED DE, SMON PA SEMS BSKYED KYI MTSAN NYID, 'JUG SDOM THOB CING SPYOD PA NYAMS LEN GYI BYA BAS DNGOS SU ZIN PA LA LTOS DGOS PA'I RIGS SU GNAS PAS RAB TU PHYE BA'I SEMS BSKYED DE, 'JUG PA SEMS BSKYED KYI MTSAN NYID, SPYOD PA NYAMS LEN GYI BYA BAS DNGOS SU ZIN MA ZIN GYI DON YOD DE, SBYIN PA LTA BU LA MTSON NA, BYANG SEMS KYIS CHOS DANG ZANG ZING GI SBYIN PA GTONG BA'I CHO THUGS RGYUD LA THEG CHEN SEMS BSKYED KYI GROGS RNAM MKHYEN DON GNYER GYI DRAN PA DANG 'DUN PA DUNG DE BZHIG DNGOS SU YOD PA DANG MED PA'I KHYAD PAR GYIS, DE'I SEMS BSKYED SBYIN PA NYAMS LON GYI BYA BAS DNGOS SU ZIN PA DANG MA ZIN PA'I DON DU 'JOG PA SOGS GZHAN LA YANG MTSUNGS PA'I PHYIR, DON DAM BDEN PA LA GNYIS SNANG NUB PA'I SGO NAS LTA SPYOD GNYIS SU PHYE BA'I LTA BA'I CHAR GTOGS SHING MI GNAS PA'I MYANG 'DAS SGRUB BYED KYI BSAM PA PHUN TSOGS KYI RIGS SU GNAS PA'I THEG CHEN 'PHAGS PA'I GTZO BO'I YID KYI RNAM RIG KHYAD PAR CAN DE, DON DAM SEMS BSKYED KYI MTSAN NYID, DE YANG DAM PA GSUM DANG LDAN PA YIN TE, RGYU DAM PA BSGRUB PA DANG, LUNG DAM PA MNOS PA DANG, KHONG DU CHUD PA @084B DAM PA GSUM DANG LDAN PA'I PHYIR, SA MTSAMS KYI KHYAD PAR YOD DE, SMON SEMS LA SA MTSAMS MI 'DRA BA 'JOG TSUL 'OG TU 'CHAD LA, MKHAS GRUB LTAR NA TSOGS LAM NAS SA BDUN PA'I BAR DANG, 'JUG SEMS NI TSOGS LAM NAS SANGS RGYAS KYI SA'I BAR YOD PA'I PHYIR, DON DAM SEMS BSKYED NI, THEG CHEN GYI MTHONG LAM NAS SANGS RGYAS KYI SA'I BAR RO, ,SPYIR KUN RDZOB SEMS BSKYED DANG THEG CHEN SEMS BSKYED DON GCIG ,DE LA BSAM PA'I SGO NAS DBYE NA, TSOGS SBYOR BA'I RGYUD KYI MOS PAS SPYOD PA'I SEMS BSKYED, MA DAG SA BDUN GYI LHAG BSAM DAG PA'I SEMS BSKYED, DAG PA SA GSUM GYI RNAM PAR SMIN PA'I SEMS BSKYED, SANGS RGYAS KYI SA'I SGRIB PA SPANG PA'I SEMS BSKYED RNAMS SU YOD LA, SEMS BSKYED TSUL GYI SGO NAS GNYAN PA LTA BU'I SEMS BSKYED, RDZI BO LTA BU'I SEMS BSKYED, RGYAL PO LTA BU'I SEMS BSKYED DANG GSUM, DPE GROGS CHOS MTHUN GYI SGO NAS SA LTA BU'I SEMS BSKYED NAS SPRIN LTA BU'I SEMS BSKYED KYI BAR NYER GNYIS YOD DO, ,GSUM PA BZHED TSUL MI 'DRA BA'I KHYAD PAR YOD DE, RTZA BAR, YANG DAG RDZOGS PA'I BYANG CHUB 'DOD, ,CES 'DOD PA'I SGRAS BSTAN PA LA BRTEN BUDDHA SHRI SHANTI PA SOGS 'GA' ZHIG GIS SEMS BSKYED 'DUN PAR 'DOD, GSE MA ? PHRENG LTAR NA THOGS MED SKU MCHED GNYIS KYIS SEMS BSKYED 'DUN PAR BZHED PAR BSHAD KYANG, 'DIR DBYIG GNYEN GYIS BZHED MI BZHED GANG BYAS KYID ? RUNG BAR SNANG LA, 'PHAGS PA THOGS MED KYIS 'DUN PAR MI BZHED DE, DES 'DUN PAR BZHED NA DE 'DUN PA YIN DGOS PA'I PHYIR, DE LTAR YIN TE, 'PHAGS PA THOGS MED DE LTA BU'I GNAS LA 'KHRUL PA MI SRID PA'I PHYIR, 'PHAGS PA GROL SDE DANG SLOB DPON GYIS NI, THEG CHEN SEMS BSKYED LA 'DOD PA'I SGRAS @085A *, ,BSTAN PA TZAM MA GTOGS 'DOD PA'AM 'DUN PAR MI BZHED DE, DE GNYIS RJES 'BRANG DANG BCAS PA MANG POS SEMS BSKYED GTZO SEMS SU BZHED PA'I PHYIR, RTZA BAR THEG CHEN SEMS BSKYED LA 'DOD PA'I SGRAS BSTAN PA LA DGOS PA YOD DE, DGOS PA RNAM PA GNYIS YOD PA'I PHYIR, GZHAN DON 'DOD PA'I MING GIS 'DOGS PA'I RGYU MTSAN YOD DE, THEG CHEN SEMS BSKYED SKYE BA LA RGYU GZHAN DON DON GNYER GYI 'DUN PA SNGON DU 'GRO DGOS PAS RGYU MING 'BAS LA BTAGS NAS BSAN PA'I PHYIR, BYANG CHUB DON GNYER GYI 'DOD PA'I MING GIS 'DOGS PA'I RGYU MTSAN YOD DE, THEG CHEN SEMS BSKYED DE GROGS RDZOGS PA'I BYANG CHUB DON GNYER GYI 'DUN PA DANG BCAS PAS GROGS MING GROGS CAN LA BTAGS PA YIN PA'I PHYIR, DE DAG RGYAS PAR NI RNAM BSHAD SOGS LAS SHES PAR BYA'O, ,SMON 'JUG GI KHYAD PAR SDONG PO BKOD PA'I MDO LAS BSHAD PA LTAR, SPYOD 'JUG LAS, 'GRO BAR 'DOD DANG 'GRO BA YI, ,BYE BRAG RIM BZHIN SHES PA LTAR, ,DE BZHIN MKHAS PAS 'DI GNYIS KYI, ,BYE BRAG RIM BZHIN SHES PAR BYA, ,ZHES GSUNGS SHING, SANGS RGYAS YE SHES ZHABS KYIS, SMON SEMS THEG CHEN GYI TSOGS SBYOR KHO NA DANG, 'JUG SEMS SA DANG PO NAS SANGS RGYAS KYI SA'I BAR DANG, YANG KHA CIG ,PHYIR MI LDOG PA'I LAM THOB MA THOB DANG, GSER PHRENG LTAR NA, SMON SEMS NI DANG PO'I SEMS KHO NA'O, ,ZHES THEG CHEN GYI TSOGS LAM KHO NA DANG, 'JUG SEMS TSOGS LAM SKAD CIG GNYIS PA PHAN CHAD NA YOD PAR BZHED PA SOGS MANG DU SNANG LA, RANG RES LAM RIM DANG RNAM BSHAD LAS GSUNGS PA LTAR 'JUG SDOM MA THOB PA'I SEMS BSKYED THAMS CAD SMON SEMS YIN @085B KYANG, 'JUG SEMS SU 'GYUR BA YANG 'JUG SDOM THOB PA TZAM GYI MI CHOG PAR SPYOD PA NYAMS LEN GYI BYA BAS ZIN PA LA LTOS DGOS SHING, 'JUG SDOM BLANGS PA TZAM GYIS 'JUG SEMS SU MI 'JOG GO ,SPYOD 'JUG GI LUNG DE'I DON BSHAD PA LA MI 'DRA BA DU MA SNANG LA, RNAM BSHAD LTAR NA, GRONG KHYER DU 'GRO BAR BYA'O SNYAM PA GZHIR BYAS PA'I STENG DU GOMS PA 'DOR BA'I BYA BAS DNGOS SU ZIN MA ZIN GNYIS SU YOD PA LTAR, SEMS BSKYED TZAM LA KHYAD PAR MED KYANG, SPYOD PA NYAMS LEN GYI BYA BAS DNGOS SU ZIN MA ZIN GYI DON YIN LA, DE YANG SGOM RIM DANG PO LAS BSHAD PA LTAR BZHED DO, ,BZHI PA PHAN YON NI, PHAL CHEN GYI SDONG PO BKOD PA LAS, BYANG CHUB TU SEMS BSKYED PA NI SHING TU RNYED PAR BKA'O, ,BYANG CHUB KYI SEMS NI SANGS RGYAS KYI CHOS RNAMS KYI SA BON LTA BU'O, ,ZHES SOGS KYIS BSNGAGS PA RGYA CHER GSUNGS LA, MA SKYES DGRA'I MDO LAS, SEMS BSKYENG MA THAG TU NYAN THOS DANG RANG SANGS RGYAS THAMS CAD ZIL GYIS MNAN TE, ZHES SOGS DANG, DE BZHIN GSHEGS PA'I GSANG BA'I MDO LAS KYANG, BYANG CHUB SEMS KYI BSOD NAMS GANG, ,DE LA GAL TE GZUGS MCHIS NA, ,NAM MKHA'I KHAMS NI KUN GANG STE; ;DE NI DE LAS LHAG PAR 'GYUR, ,ZHES SOGS MDO MANG PO DANG, SEMS 'GREL LAS, BYANG CHUB SEMS NI MA BSKYED PAR, ,SANGS RGYAS NAM YANG MI THOB CING, ,'KHOR BAR GZHAN DON BSGRUB PA YI, ,THABS GZHAN YOD PA MA YIN NO, ,ZHES PA DANG, SPYOD 'JUG LAS, GSER 'GYUR RTZI YI RNAM PA MCHOG LTA BU, ,MI GTZANG LUS 'DI BLANGS NAS RGYAL BA'I SKU, ,RIN CHEN RIN THANG MED PAR BSGYUR BAS NA, ,BYANG CHUB SEMS ZHES BYA BA RAB BRTAN BZUNG, , @086A *, ,BYANG CHUB SEMS SKYES GYUR NAS SKAD CIG GIS, ,'KHOR BA'I BTZON RAR BSDAMS PA'I NYAM THAG RNAMS, ,BDE GSHEGS RNAMS KYI SRAS ZHES BRJOD BYA ZHING, ,'JIG RTEN LHA MIR BCAS PA'I PHYAG BYAR 'GYUR, ,ZHES SOGS MDO BSTAN BCOS DU MA LAS PHAN YON DPAG TU MED PAR BSHAD DO, ,DES NA THAR PA 'DOD PA DAG GIS NI, NGES 'BYUNG BYANG CHUB KYI SEMS LTA BA RNAM DAG GSUM LA 'DOD DGOS TE, NGES 'BYUNG MED NA; DGE BA CI TZAM BYAS KYANG 'KHOR BA'I RGYUR 'GRO BAR RJE BLA MAS GSUNGS SHING, LTA BA RNAM DAG MED NA, LAM CI TZAM BSGOMS KYANG SANGS RGYAS LTA ZHOG THAR PA THOB MI NUS PA DANG, BYANG CHUB KYI SEMS MED NA, YON TAN BRGYA PHRAG YOD KYANG BYANG CHUB SEMS DPA'I LAM DU MI CHUD NA SANGS RGYAS THOB PA LTA SMOS KYANG CI DGOS PA'I PHYIR, THEG CHEN LAM DU TSUD MA TSUD KYANG, THEG CHEN TSOGS LAM DU ZHUGS MA ZHUGS KYI SGO NAS 'JOG PAS, THEG CHEN TSOGS LAM NI, THEG CHEN LAM GYI 'JUG SGO YIN KYANG, THEG CHEN SEMS BSKYED 'DI NYID THEG CHEN LAM GYI 'JUG SGOR RJE YAB SRAS KYIS LAN GCIG MA YIN PAR GSUNGS PAS, NGAG NAS THEG CHEN SEMS BSKYED CES MANG DU BRJOD NAS THEG CHEN SEMS BSKYED LA PHAR LTA BA'I PHYIR BLTAS PA KHO NA MI BYA BAR NANG DU RANG GI SEMS KYI THOG TU BKAL NAS DNGOS SAM GZUGS BRNYAN TZAM LAS MA BYUNG KYANG 'BAD PAR BYA STE, RJE BLA MAS, 'ON KYANG GZUGS BRNYAN TZAM LAS MA BYUNG YANG DGE RTZA SGRUB PA THAMS CAD LA 'DIS RGYAS BTAB CING SMON LAM GYIS KHA BSGYUR NA PHAN YON DPAG TU MED PA 'BYUNG BAS 'DI LA NGES SHES 'DRONGS PAR MDZOD, CES GSUNGS PA'I PHYIR, GSUM PA RTZOD PA SPONG BA @086B LA; KHA CIG ,BSDUS DANG RGYAS PA'I SGO NAS BRJOD, ,CES PA'I DON MNGON RTOGS RGYAN GYIS THEG CHEN SEMS BSKYED KYI DMIGS YUL MDOR BSTAN RGYAS BSHAD GNYIS KYIS BSTAN PA LA BYED RIGS PAR THAL, DES SEMS BSKYED MDOR BSTAN RGYAS BSHAD GNYIS KYI SGO NAS BSTAN PA'I PHYIR, ZER NA, MA KHYAB, KHA CIG ,DE DANG DE NI ZHES PA GZHAN DON DANG BYANG CHUB GNYIS RIM PAR BSTAN PA'I DON DU 'CHAD RIGS PAR THAL, SEMS BSKYED PA NI GZHAN DON PHYIR,, ZHES PA'I RKANG PA GNYIS KYIS GZHAN DON DANG BYANG CHUB GNYIS RIM PAR BSTAN PA'I PHYIR, ZER NA, MA KHYAB, 'DOD MI NUS TE, DE NI SNGA MA BYANG CHUB DANG PHYI MA GZHAN DON LA 'CHAD RIGS PA'I PHYIR, KHA CIG ,BYANG CHUB KYI SEMS GSAR DU SKYE BA'I TSE GZHAN DON DON GNYER GYI BLO DANG BYANG CHUB DON GNYER GYI BLO GNYIS KYI NANG NAS BYANG CHUB DON GNYER GYI BLO SNGON DU SKYE DGOS PAR THAL, DE DANG DE NI ZHES PA'I DON 'CHAD PA'I TSE, 'DOD DO, ,GANG 'DOD NA BLA NA MED PA'I BYANG CHUB BO, ,GANG GI DON DU NA, GZHAN GYI DON DU'O ZHES BYANG CHUB SNGON LA 'CHAD RIGS PA'I PHYIR ZER NA, MA KHYAB, 'DOD MI NUS TE, DE GNYIS KYI NANG NAS GZHAN DON 'DOD PA SEMS BSKYED KYI RGYUR DGOS LA, BYANG CHUB 'DOD PA SEMS BSKYED KYI GROGS SU DGOS PA'I PHYIR, DER THAL, SEMS BSKYED PA NI ZHES SOGS KYI RKANG PA GNYIS KYIS DE LTAR DON GYIS BSTAN PA'I PHYIR, KHA CIG ,DMYAL BA'I RTEN LA THEG CHEN SEMS BSKYED GSAR DU SKYE BA MED PAR THAL, BYANG CHUB SEMS DPA' NGAN SONG DU SKYE BA LEN PA YOD PA'I RGYU MTSAN TZAM GYIS NI, DMYAL BAR SKYE BA LEN PA SGRUB MI NUS SHING, GAL TE DMYAL BAR SKYE BA LEN PA YOD NA YANG DE TZAM GYIS DMYAL BA'I RTEN LA THEG CHEN SEMS BSKYED @087A *, ,GSAR DU SKYE BAR YOD PAR YANG SGRUB MI NUS PA'I PHYIR ZER NA, MA KHYAB STE, DUD 'GRO'I RTEN LA THEG CHEN SEMS BSKYED GSAR DU SKYE BA YOD PAR RJE YAB SRAS KYIS DNGOS SU GSUNGS SHING, DMYAL BA'I RTEN LA SKYE BA YOD PAR MKHAS GRUB SOGS 'GA' ZHIG GIS GSAL BAR BSHAD PA DANG, YI DVAGS KYI RTEN LA GSAR DU SKYE BA YOD PAR MKHAS PA GZHAN GYIS KYANG BSHAD CING RIGS PAS YANG 'GRUB PA'I PHYIR, DE LTAR YIN KYANG, GZUGS MED DU BYANG SEMS SKYE BA LEN PA YOD PAS, DE'I RGYUD LA THEG CHEN SEMS BSKYED YOD MOD DE'I RTEN LA THEG CHEN SEMS BSKYED GSAR DU MI SKYE BA GONG DU BSGRUBS ZIN PA'I PHYIR, KHA CIG ,NGAN SONG GSUM GYI RTEN LA THEG CHEN SEMS BSKYED GSAR DU SKYE BA MED PAR THAL, DE'I RTEN LA TSOGS LAM GSAR DU SKYE BA MED PA'I PHYIR, DER THAL, DE'I RTEN LA THAR LAM GSAR DU SKYE BA MED PA'I PHYIR, DER THAL, DE DAG LAM GSAR DU SGRUB PA'I RTEN DU MI KHOM PAR BSHAD PA'I RGYU MTSAN YOD PA'I PHYIR ZER NA, MA KHYAB STE, DE NI GTZO CHE BA LA DGONGS PA'I PHYIR, 'DOD NA, DE YOD PAR THAL, SANGS RGYAS BYANG SEMS KYI SPRUL PA NGAN SONG GI GNAS SU BYON NAS SEMS CAN MANG PO BDE BA LA BKOD DE, CHOS BSTAN PA'I STOBS KYIS DAD PA DANG NGES 'BYUNG SKYE BA YOD PAR MDO SDE DU MA LAS GSUNGS PA SOGS KYI SGO NAS DE'I RTEN LA THEG CHEN SEMS BSKYED SKYE BA YOD PAR 'GRUB PA'I PHYIR, KHA CIG ,SGRA MI SNYAN PA SOGS DE DAG GI RGYUD LA THEG CHEN SEMS BSKYED GSAR DU SKYE BA MED PAR THAL, DE DAG GI RTEN LA THEG CHEN SEMS BSKYED GSAR DU SKYE BA MED PA'I PHYIR, ZER NA, MA KHYAB, @087B 'DOD MI NUS TE, DE DAG GI RGYUD LA RNAM MKHYEN GSAR DU SKYE BA YOD PA'I PHYIR, KHYAB STE, DE'I RGYUD LA THEG CHEN SEMS BSKYED DANG RNAM MKHYEN GNYIS SKYE DGOS SU MTSUNGS PA'I PHYIR, KHA CIG ,BYANG CHUB KYI SEMS RGYUD LA SKYES PA'I LAM MA ZHUGS MED PAR THAL, BYANG CHUB KYI SEMS DE THEG CHEN PA'I RGYUD KYI CHOS YIN PA'I PHYIR, 'DOD NA, DE YOD PAR THAL, LAM MA ZHUGS NA THEG CHEN SEMS BSKYED YOD PA'I PHYIR, DER THAL, DE NA SEMS BSKYED YOD PA'I PHYIR, KHA CIG MA KHYAB ZER, RTAGS DER THAL, DE NA SANGS RGYAS DON GNYER GYI SEMS BSKYED YOD PA'I PHYIR, DER THAL, RNAM BSHAD LAS, GZHAN GSUM YANG SANGS RGYAS DON GNYER GYI SEMS BSKYED TZAM ZHIG YIN MOD, CES GSUNGS PA'I PHYIR, GZHAN YANG, LAM MA ZHUGS NA BYANG CHUB KYI SEMS YOD PAR THAL, DE NA BUR SHUN GYI RO LTA BU'I BYANG CHUB KYI SEMS YOD PA'I PHYIR ZER NA, MA KHYAB, GZHAN YANG, DE NA THEG CHEN SEMS BSKYED MED KYANG SEMS BSKYED YOD PAR THAL, LAM RIM CHEN MO LAS, DE GNYIS RE RE YANG SEMS BSKYED PA TZAM GYI GRANGS SU BGRANG DGOS LA, ZHES GSUNGS PA'I PHYIR, ZER NA, 'DI'I SGRAS ZIN LTAR NA DE LTAR DU 'BYED CING, DE YANG SGRA YANGS PA'I DBANG DU BYAS PA YIN LA, 'JUG PA BDE BAR BYAS NA, SEMS BSKYED YIN NA, KUN RDZOB SEMS BSKYED DANG THEG CHEN SEMS BSKYED YIN PAS KHYAB PAR KHAS BLANGS NA'ANG MI 'GAL LO, ,KHA CIG ,THEG CHEN SEMS BSKYED YIN NA, KUN RDZOB SEMS BSKYED YIN PAS MA KHYAB PAR THAL, DON DAM SEMS BSKYED THEG CHEN SEMS BSKYED YIN PA'I PHYIR, DER THAL, SGOM RIM LAS, SEMS BSKYED PA NI RNAM PA GNYIS TE, KUN RDZOB DANG DON DAM PA'I BYANG CHUB KYI SEMS SO, ,ZHES GSUNGS PA'I PHYIR ZER NA, SKYON MED DE, DE @088A *, ,NI DNGOS BTAGS MA PHYE BAR DBYE BA BSTAN PA YIN PA'I PHYIR, 'DOD MI NUS TE, THEG CHEN SEMS BSKYED DANG KUN RDZOB SEMS BSKYED GNYIS DON GCIG TU BYED DGOS PA'I PHYIR, DER THAL, DON DAM SEMS BSKYED DE THEG CHEN SEMS BSKYED DU 'DOD MI RIGS PA'I PHYIR, DER THAL, SPYOD 'JUG DAR tI KA LAS, DON DAM SEMS BSKYED 'DI GANG DU'ANG SEMS BSKYED DU BSHAD PA MED CES GSUNGS PA'I PHYIR, KHA CIG ,MTHONG LAM BAR CHAD MED PA'I RGYUD LA THEG CHEN SEMS BSKYED YOD PAR THAL, DE'I RGYUD LA SEMS CAN GYI DON DU SANGS RGYAS THOB PAR BYA'O SNYAM PA'I THEG CHEN SEMS BSKYED MNGON 'GYUR BA ZHIG MED KYANG, THEG CHEN SEMS BSKYED BAG LA NYAL BA'I TSUL GYIS YOD PA'I PHYIR, DER THAL, RNAM BSHAD LAS, STONG NYID LA MNYAM PAR BZHAG BZHIN PA'I DUS NA GANG ZAG DE'I RGYUD LA THEG CHEN SEMS BSKYED YOD MOD KYI, SEMS CAN GYI DON DU SANGS RGYAS THOB PAR BYA'O SNYAM PA'I BLO MNGON 'GYUR DU GA LA DGOS, ZHES GSUNGS PA'I PHYIR, 'DI LA MKHAS PA KHA CIG DON GZHAN DU 'CHAD KYANG, RNAM BSHAD KYI DGONGS PA NI TSIG ZIN GYI DON LTAR MKHAS PA DU MAS DE'I RGYUD LA THEG CHEN SEMS BSKYED YOD PAR BZHED DO, ,KHA CIG ,THEG CHEN MTHONG LAM BAR CHAD MED PA'I RGYUD LA THEG CHEN SEMS BSKYED MNGON GYUR DU YOD PAR THAL, DE'I RGYUD KYI THEG CHEN SEMS BSKYED DE BLO MNGON GYUR PA YIN PA'I PHYIR, DER THAL, DE DMIGS RNAM 'DZIN PA'I BLO YIN PA'I PHYIR, ZHES GSUNGS PA NI CUNG ZAD TSIG LA SONG BAR GSAL LO, ,'DOD MI NUS SO, ,KHA CIG ,THEG CHEN MTHONG LAM BAR CHAD MED PA'I RGYUD LA THEG CHEN SEMS BSKYED MED PAR THAL, DE'I RGYUD KYI SHES @088B PA YIN NA STONG NYID RTOGS PA'I SHES PA YIN DGOS PA'I PHYIR, DER THAL, DE'I RGYUD KYI TSAD MA YIN NA DE LTAR YIN DGOS PA'I PHYIR, DER THAL, DE'I RGYUD KYI MNGON SUM GYI TSAD MA YIN NA DE LTAR YIN DGOS PA'I PHYIR, DER THAL, DE'I RGYUD KYI RNAL 'BYOR MNGON SUM GYI TSAD MA YIN NA DE LTAR YIN DGOS PA'I PHYIR, ZER NA, MA KHYAB, KHA CIG ,STONG NYID MNGON SUM DU RTOGS PA'I SLOB PA'I RGYUD KYI TSAD MA YIN NA, STONG NYID RTOGS PA'I YE SHES YIN DGOS PAR THAL, STONG NYID RTOGS PA'I SLOB PA'I TSAD MA YIN NA, STONG NYID RTOGS PA'I YE SHES YIN DGOS PA'I PHYIR, ZER NA, RE ZHIG MA KHYAB BYAS PA LA KHO NA RE, THEG CHEN MTHONG LAM BAR CHAD MED LAM PA'I RGYUD KYI RANG RIG CHOS CAN, STONG NYID RTOGS PA'I YE SHES YIN PAR THAL, STONG NYID RTOGS PA'I SLOB PA'I TSAD MA YIN PA'I PHYIR, DER THAL, STONG NYID RTOGS PA'I THEG CHEN MTHONG LAM BAR CHAD MED PA'I TSAD MA YIN PA'I PHYIR, DER THAL, THEG CHEN MTHONG LAM BAR CHAD MED PA'I TSAD MA YIN PA'I PHYIR, DER THAL, DE'I RGYUD KYI TSAD MA YIN PA'I PHYIR, GZHAN YANG, DE CHOS CAN, STONG NYID RTOGS PA'I YE SHES YIN PAR THAL, STONG NYID MNGON SUM DU RTOGS PA'I SLOB PA'I RGYUD KYI TSAD MA YIN PA'I PHYIR, DER THAL, THEG CHEN MTHONG LAM BAR CHAD MED PA'I RGYUD KYI TSAD MA YIN PA'I PHYIR, KHYAB STE, DE STONG NYID MNGON SUM DU RTOGS PA'I SLOB PA YIN PA'I PHYIR, ZER NA, ZHIB CHA BYA'O, ,'DOD MI NUS TE, RANG RIG YIN PA'I PHYIR, DES NA, RNAM BSHAD KYI LUGS LTAR BYED NA STONG NYID MNGON SUM DU RTOGS PA'I SLOB PA'I RGYUD LA, THEG CHEN SEMS BSKYED YOD KYANG, DES STONG NYID RTOGS PA MIN ZHES KHAS BLANGS NA LEGS PAR SEMS LA, YANG NA MKHAS PA 'GA' ZHIG GIS STONG NYID MNGON @089A *, ,SUM DU RTOGS PA'I SLOB PA'I RGYUD LA THEG CHEN SEMS BSKYED MED KYANG, STONG NYID DON SPYI'I TSUL GYIS RTOGS PA'I SLOB PA'I RGYUD LA THEG CHEN SEMS BSKYED YOD PAR 'DOD PA LTAR BYA'O, ,'ON KYANG 'DIR BZHED PA MI 'DRA BA MANG NGO, ,KHA CIG ,'JUG SDOM RGYUD LA LDAN PA'I SEMS CAN YIN NA, BYANG SEMS YIN DGOS PAR THAL, 'JUG PA SEMS BSKYED RGYUD LDAN GYI SEMS CAN YIN NA, BYANG SEMS YIN DGOS PA'I PHYIR, ZER NA, MA KHYAB, RTAGS DER THAL, THEG CHEN SEMS BSKYED RGYUD LDAN GYI SEMS CAN YIN NA, BYANG SEMS YIN DGOS PA'I PHYIR, 'DOD NA, DE MI 'THAD PAR THAL, 'JUG SDOM RGYUD LDAN GYI LAM MA ZHUGS YOD PAR LAM RIM SOGS NAS BSHAD PA'I PHYIR, KHA CIG ,SMON PA SEMS BSKYED DE TSOGS LAM NAS RGYUN MTHA'I BAR DU YOD PAR THAL, BYANG SEMS RGYUN MTHA' BA'I RGYUD KYI SEMS BSKYED DE SMON PA SEMS BSKYED YIN PA'I PHYIR, DER THAL, BYANG SEMS DE'I RGYUD LA SMON PA SEMS BSKYED YOD PA'I PHYIR, DER THAL, DE'I RGYUD LA SEMS BSKYED YOD PA'I PHYIR, ZER NA, RNAM BSHAD LTAR NA MA KHYAB SNYAM, 'DOD NA, MI 'THAD PAR THAL, SA BRGYAD PA NAS BDEN 'DZIN MNGON GYUR PA SPANGS PAS DAG SA'I SEMS BSKYED YIN NA, 'JUG PA SEMS BSKYED YIN DGOS PA'I PHYIR, ZHES PA MKHAS GRUB KYIS GSUNG, KHA CIG ,SANGS RGYAS 'PHAGS PA'I RGYUD KYI SEMS BSKYED DANG BYANG SEMS KYI RGYUD KYI SEMS BSKYED GNYIS CHOS CAN, RANG LUGS KYI MTSAN NYID DER THAL, THEG CHEN SEMS BSKYED YIN PA'I PHYIR, DE GNYIS PO YANG DE GNYIS KYI RGYUD LA YOD PAR THAL LO, ,ZHES 'PHEN PA NI HA CANG TSIG DON DU GNYER BA'O, ,KHA CIG ,SANGS RGYAS 'PHAGS PA'I RGYUD KYI THEG CHEN @089B SEMS BSKYED CHOS CAN, RANG LUGS KYI THEG CHEN SEMS BSKYED KYI MTSAN NYID DER THAL, THEG CHEN SEMS BSKYED YIN PA'I PHYIR, 'DOD NA, DE'I RGYUD LA RDZOGS BYANG DON GNYER GYI 'DUN PA YOD PAR THAL, 'DOD PA'I PHYIR, 'DOD NA, DE RDZOGS BYANG DON DU GNYER BA'I GANG ZAG YIN PAR THAL, 'DOD PA'I PHYIR, 'DOD MI NUS TE, DES RDZOGS BYANG THOB ZIN PA'I PHYIR, GSUNG BA MANG YANG, RE ZHIG ,SANGS RGYAS 'PHAGS PA'I RGYUD LA RDZOGS BYANG DON GNYER GYI BLO YOD PAR THAL, DE'I RGYUD LA RANG DON CHOS SKU DON DU GNYER BA'I BLO YOD PA'I PHYIR, GZHAN YANG, DE'I RGYUD LA RANG DON DON GNYER GYI BLO YOD PAR THAL, RANG DON RDZOGS PAR BYAS ZIN PA'I GANG ZAG YIN NA, DE'I RGYUD LA RANG DON DON GNYER GYI BLO MED PAS MA KHYAB PA'I PHYIR, DER THAL, GZHAN DON RDZOGS PAR BYAS ZIN PA'I GANG ZAG YIN NA, DE'I RGYUD LA GZHAN DON DON GNYER GYI BLO MED PAS MA KHYAB PA'I PHYIR, DER THAL, MCHOG GI SPRUL SKUS GZHAN DON YONGS SU RDZOGS KYANG, DE'I RGYUD LA GZHAN DON DON GNYER GYI BLO YOD PA'I PHYIR, DANG PO DER THAL, MCHOG GI SPRUL SKU YIN PA'I PHYIR, MA KHYAB NA, DON GNYIS RDZOGS PA'I GANG ZAG MED PAR THAL, MA KHYAB PA DE'I PHYIR, 'DOD NA DON GNYIS MTHAR PHYIN PA'I SANGS RGYAS MED PAR THAL LO, ,KHA CIG ,GZHAN DON YIN NA, MYANG 'DAS YIN DGOS PAR THAL, RNAM BSHAD LAS, GZHAN DON NI 'DIR GZHAN RGYUD KYI MYANG 'DAS YIN LA, ZHES GSUNGS PA'I PHYIR, ZER NA, MA KHYAB STE, DE NI SEMS BSKYED PA NI GZHAN DON PHYIR ZHES PA DANG, DE DANG DE NI ZHES PA'I PHYI MA'I DNGOS BSTAN GYIS GZHAN DON GYI MTSAN GZHI BZUNG BA TZAM YIN PA'I PHYIR, 'DOD NA SLA'O, ,KHA CIG ,SA LTA BU'I SEMS BSKYED SOGS SEMS BSKYED @090A *, ,DANG PO GSUM PO GANG RUNG YIN NA, BYANG SEMS TSOGS LAM PA'I RGYUD KYI SEMS BSKYED YIN DGOS PA DANG, ME LTA BU'I SEMS BSKYED YIN NA, SBYOR LAM PA'I RGYUD KYI SEMS BSKYED YIN DGOS PA DANG, GTER LTA BU'I SEMS BSKYED NAS SGRA DBYANGS LTA BU'I BAR GYI SEMS BSKYED GANG RUNG YIN NA, SA DANG PO NAS BCU PA'I BAR GYI SEMS BSKYED GANG RUNG ZHIG YIN DGOS PA DANG, RGYAL PO LTA BU'I SEMS BSKYED SOGS LNGA PO GANG RUNG YIN NA, DAG SA'I SEMS BSKYED YIN DGOS PA DANG, SGRA SNYAN LTA BU'I SEMS BSKYED SOGS GSUM PO GANG RUNG YIN NA, SANGS RGYAS KYI SA'I SEMS BSKYED YIN DGOS PAR THAL, 'GREL PA LAS, DE LA DANG PO GSUM NI CHUNG NGU DANG 'BRING DANG CHEN PO NYID KYIS LAS DANG PO PA'I SAS BSDUS SO, ,ZHES SOGS DANG, RNAM BSHAD LAS KYANG, TSOGS LAM CHUNG NGU DANG 'BRING DANG CHEN PO NYID KYIS RIM PA BZHIN DU BSDUS PA'I PHYIR, ZHES PA NAS, SANGS RGYAS KYI SA'I SBYOR BA DANG DNGOS DANG MJUG GI SGO NAS RIM PA BZHIN DU BSDUS PA'I PHYIR, ZHES PA'I BAR GSUNGS PA'I PHYIR, ZER NA, MA KHYAB STE, DE NI GZHUNG DE DAG GI DNGOS BSTAN LA DE LTAR BSDUS PA YOD PAR BSTAN PA YIN GYI, SPYIR DE LTAR KHAS MI LEN TE, SEMS BSKYED YIN NA, SA LTA BU'I SEMS BSKYED YIN PAS KHYAB PAR 'DOD DGOS PA DANG, GZHAN LA YANG CI RIGS SU MA NGES PA'I PHYIR, 'DOD MI NUS TE, BKAG ZIN PA'I PHYIR DANG SANGS RGYAS KYI SA'I SBYOR BAS BSDUS PA'I SEMS BSKYED DE SANGS RGYAS KYI SA'I SEMS BSKYED MA YIN PA'I PHYIR, KHA CIG ,LAM DU MA ZHUGS PA'I GANG ZAG CHOS CAN, BYANG SEMS LAM DU MI TSUD PAR THAL, KHYOD KYI RGYUD LA BYANG CHUB KYI SEMS MED PA'I PHYIR, KHYAB STE, BYANG CHUB KYI SEMS @090B MED NA BYANG SEMS LAM DU MI TSUD PA'I PHYIR, ZER NA, BYANG SEMS MTHONG LAM PA CHOS CAN, SANGS RGYAS THOB MI NUS PAR THAL, SA BCU MA THOB PA'I PHYIR, KHYAB STE, SA BCU MA THOB NA, SANGS RGYAS THOB PAR MI NUS PA'I PHYIR, 'KHOR GSUM, 'DOD MI NUS TE, BYANG 'PHAGS YIN PA'I PHYIR, KHA CIG ,THEG CHEN MTHONG LAM BAR CHAD MED LAM PA CHOS CAN, KHYOD KYI RGYUD LA THEG CHEN SEMS BSKYES SKYED PAR THAL, KHYOD THEG CHEN LAM DU CHUD PA'I GANG ZAG YIN PA'I PHYIR, KHYAB STE; THEG CHEN PA YIN MIN THEG CHEN SEMS BSKYED RGYUD LA SKYES MA SKYES KYI SGO NAS 'JOG PAR RNAM BSHAD SOGS NAS GSUNGS PA'I PHYIR, 'DOD NA, DE'I RGYUD LA THEG CHEN SEMS BSKYED YOD PAR THAL, DE'I RGYUD LA THEG CHEN SEMS BSKYED SKYES PA'I PHYIR ZER NA, MKHAS GRUB KYI LUGS 'DZIN NA 'DIR MA KHYAB, KHA CIG GANG ZAG CHOS CAN, KHYOD THEG CHEN LAM DU TSUD PAR THAL, KHYOD KYI RGYUD LA THEG CHEN SEMS BSKYED SKYES PA'I PHYIR, KHYAB STE, KHYOD KYIS LAM RIM DU THEG CHEN PA YIN MIN SEMS 'DI YOD MED KYI RJES SU 'GRO LDOG BYED DO ZHES BSHAD PA LTAR KHAS LEN 'DOD PA'I PHYIR ZER NA, YANG MA KHYAB BO, ,'DOD NA, THEG CHEN LAM DU ZHUGS PAR THAL, 'DOD PA'I PHYIR, 'DOD NA, LAM ZHUGS YIN PAR THAL, 'DOD PA'I PHYIR, 'DOD NA, KHYOD DU GYUR PA'I LAM MA ZHUGS KYI GANG ZAG MED PAR THAL, KHYOD LAM ZHUGS KYI GANG ZAG YIN PA'I PHYIR, RTAGS KHAS, KHO NA RE, GANG ZAG DANG THEG CHEN LAM DU MI TSUD PAR THAL LO ZER NA, MA KHYAB BO, GDAMS NGAG, GNYIS PA GDAMS NGAG 'CHAD PA NI, SGRUB DANG BDEN PA RNAMS DANG NI, ,ZHES PA NAS, BCU YI BDAG NYID SHES PAR BYA, ,ZHES PA'I BAR GSUNG, 'DI LA GNYIS, TSIG DON DANG, MTHA' DPYAD PA'O, ,DANG PO NI, THEG CHEN GYI @091A *, ,GDAMS NGAG NI CHOS CAN, KHYOD LA DBYE NA BCU YI BDAG NYID DU SHES PAR BYA STE, SGRUB PA RANG GI NGO BO KUN RDZOB DANG DON DAM PA'I BDEN PA LA 'DOMS PA'I GDAMS NGAG DANG, DE BZHIN DU THAMS CAD LA 'DOMS PA'I GDAMS NGAG ZHES SBYAR TE SGRUB PA'I DMIGS PA BDEN PA BZHI RNAMS DANG, SGRUB PA'I RTEN SANGS RGYAS LA SOGS TE CHOS DANG DGE 'DUN BCAS DKON MCHOG GSUM DANG, SGRUB PA BRTAN PA'I RGYU SGO GSUM GYI BYA BA NGAN PA LA MA ZHEN PA'I BRTZON 'GRUS DANG, SGRUB PA 'PHEL BA'I RGYU YONGS SU MI NGAL BA'I BRTZON 'GRUS DANG, SGRUB PA MI NYAMS PA'I RGYU THEG CHEN GYI LAM NI YONGS SU 'DZIN PA DANG, SGRUB PA LA RANG DBANG DU 'JUG PA'I RGYU SPYAN LNGA DANG, SGRUB PA'I 'BRAS BU MYUR DU RDZOGS PA'I RGYU MNGON SHES KYI YON TAN DRUG DANG, MTHONG SPANG GI SA BON SPONG BAR BYED PA'I MTHONG LAM DANG, SGOM SPANG GI SA BON SPONG BAR BYED PA'I SGOM ZHES BYA BA'I LAM LA 'DOMS PA'I GDAMS NGAG DANG BCAS PA BCU YOD PA'I PHYIR, DE'I DON 'GREL PAR 'CHAD PA LA, BYANG CHUB KYI SEMS KYI RAB TU DBYE BA, ZHES PA NAS, GDAMS NGAG NI RNAM PA BCU'O ZHES PA'I BAR GSUNG, ` ,GNYIS PA MTHA' DPYAD PA LA GNYIS, GDAMS NGAG GI RNAM GZHAG SPYIR BSTAN PA DANG, BYE BRAG TU BSHAD PA'O, ,DANG PO LA DGAG GZHAG SPONG GSUM LAS, DANG PO LA KHA CIG ,THEG CHEN SEMS BSKYED KYI CHED DU GNYER BYA THOB PA'I THABS STON PA'I SANGS RGYAS KYI GSUNG, THEG CHEN GDAMS NGAG GI MTSAN NYID ZER NA, 'GREL PA DON GSAL CHOS CAN, MTSAN NYID DER THAL, MTSON BYA DE'I PHYIR, DER THAL, MKHYEN GSUM LEGS PAR STON PA'I THEG CHEN GYI BSTAN BCOS YIN PA'I PHYIR, DER THAL, RGYAS @091B 'BRING BSDUS GSUM DANG MNGON RTOGS RGYAN GYI DGONGS PA RDZOGS PAR STON PA'I THEG CHEN GYI BSTAN BCOS YIN PA'I PHYIR, 'DOD NA, SANGS RGYAS KYI BKA' YIN PAR THAL, SANGS RGYAS KYI GSUNG YIN PA'I PHYIR, 'DOD MI NUS SO, ,KHA CIG ,THEG CHEN SEMS BSKYED KYI CHED DU GNYER BYA THOB PA'I THABS MTHA' DAG RDZOGS PAR STON PA'I SANGS RGYAS KYI GSUNG, SANGS RGYAS KYI BKAR GYUR PA'I THEG CHEN GYI GDAMS NGAG GI MTSAN NYID ZER NA, DNGOS PO BDEN GRUB TU STON PA'I SEMS TZAM PA'I THUN MONG MA YIN PA'I MDO CHOS CAN, MTSAN NYID DER THAL, MTSON BYA DE'I PHYIR, DER THAL, SEMS TZAM PA'I MDO YIN PA'I PHYIR, 'DOD NA, RNAM MKHYEN THOB PA'I THABS MTHA' DAG RDZOGS PAR BSTAN PAR THAL, 'DOD PA'I PHYIR, 'DOD NA, DE DNGOS PO BDEN MED DU STON PA'I GZHUNG YIN PAR THAL, DE THAR PA THOB BYED KYI THABS KYI GTZO BO DNGOS PO BDEN MED DU RTOGS PA'I SHES RAB STON PA'I GZHUNG YIN PA'I PHYIR, DER THAL, THAR PA THOB BYED KYI THABS MTHA' DAG STON PA'I GZHUNG YIN PA'I PHYIR, DER THAL, SANGS RGYAS THOB BYED KYI THABS MTHA' DAG STON PA'I GZHUNG YIN PA'I PHYIR, DER THAL, RNAM MKHYEN THOB BYED KYI THABS MTHA' DAG STON PA'I GZHUNG YIN PA'I PHYIR, RTAGS KHAS, GONG DU 'DOD NA, MI 'THAD PAR THAL, DNGOS PO BDEN GRUB TU STON PA'I GZHUNG YIN PA'I PHYIR, DER THAL, CHOS CAN DE YIN PA'I PHYIR, DER THAL, DE YOD PA'I PHYIR, DER THAL, SEMS TZAM PAS DNGOS PO BDEN GRUB TU KHAS LEN PA'I PHYIR, DER THAL, DES GZHAN DBANG BDEN GRUB TU KHAS LEN PA'I PHYIR, KHA CIG ,THEG CHEN GYI GDAMS NGAG YIN NA, SANGS RGYAS THOB BYED KYI THABS YANG DAG PAR STON PAS KHYAB ZER NA, MTHAR THUG THEG PA GSUM DU GRUB CING GZHAN DBANG BDEN GRUB @092A *, ,STON PA'I SEMS TZAM PA'I MDO CHOS CAN, DER THAL, DE'I PHYIR, 'DOD NA, MTHAR THUG THEG PA GSUM DU GRUB PA DANG, GZHAN DBANG BDEN PAR GRUB PAR THAL, DE STON PA'I GZHUNG DES SANGS RGYAS THOB BYED KYI THABS JI LTA BA BZHIN BSTAN PA'I PHYIR, DER THAL, DE LTAR STON PA'I MDO DES SANGS RGYAS THOB BYED KYI THABS YANG DAG PAR JI LTA BA BZHIN DU BSTAN PA'I PHYIR, DER THAL, DE 'DRA BA'I SEMS TZAM PA'I MDOS DE LTAR BSTAN PAR KHAS LEN RIGS PA'I PHYIR, RTAGS KHAS, 'DOD NA SLA'O, ,KHA CIG ,MCHOG GI SPRUL SKU LA GDAMS NGAG DNGOS SU NYAN NUS PA'I GANG ZAG YIN NA, CHOS RGYUN GYI TING NGE 'DZIN THOB PAS KHYAB ZER NA, DE MI 'THAD PAR THAL, LAM MA ZHUGS NA MCHOG GI SPRUL SKU LA GDAMS NGAG DNGOS SU NYAN NUS PA'I GANG ZAG YOD PA'I PHYIR, DER THAL, STON PA SH'AKYA THUB PA LA DE LTAR NYAN NUS PA'I LAM MA ZHUGS YOD PA'I PHYIR, DER THAL, STON PA'I 'KHOR DU GYUR PA'I LAM MA ZHUGS YOD PA'I PHYIR, KHA CIG ,BRJOD BYA DON GYI GDAMS NGAG YIN NA, GDAMS NGAG YIN PAS KHYAB ZER NA, BDEN PA GNYIS CHOS CAN, DER THAL, DE'I PHYIR, SGRUB DANG ZHES PAS BRJOD BYA DON GYI GDAMS NGAG YUL BDEN PA GNYIS PO DE YUL CAN THABS SHES ZUNG 'BREL GYIS NYAMS SU LEN DGOS PAR BSTAN PA'I PHYIR, DER THAL, YUM GYI MDO LAS, BYANG CHUB SEMS DPA' NYID YOD BZHIN DU BYANG CHUB SEMS DPA' YANG DAG PAR RJES SU MA MTHONG NGO, ,ZHES SOGS KYIS DE LTAR BSTAN PA'I PHYIR, 'DOD NA, NGAG YIN PAR THAL, 'DOD PA'I PHYIR, 'DOD MI NUS SO, ,KHA CIG ,GDAMS NGAG NYAN PA'I GANG ZAG YIN NA, SEMS CAN YIN PAS KHYAB ZER NA, STON PA SH'AKYA THUB PA CHOS CAN, DER THAL @092B DE'I PHYIR, DER THAL, DE'I RGYUD LA GDAMS NGAG NYAN PA'I NYAN SHES YOD PA'I PHYIR, DER THAL, DE'I RGYUD LA GDAMS NGAG THOS PA'I SNYAN GYI NYAN SHES YOD PA'I PHYIR, ,GNYIS PA RANG LUGS LA, MTSAN NYID, DBYE BA, SA MTSAMS SO, ,THEG CHEN SEMS BSKYED KYI CHED DU GNYER BYA THOB BYED KYI THABS STON PA'I SANGS RGYAS KYI GSUNG, SANGS RGYAS KYI BKA' GYUR PA'I THEG CHEN GYI GDAMS NGAG GI MTSAN NYID, DE LA NGO BO'I SGO NAS DBYE NA, DER GYUR PA'I 'DOMS PA'I GDAMS NGAG DANG, RJES BSTAN GYI GDAMS NGAG GNYIS, YUL GYI SGO NAS DBYE NA BCU YOD DE, RANG GI CHED DU BYA BA'I GDUL BYAS SNGAR MA THOB PA'I YON TAN THOB PHYIR DU 'DOMS PA'I GDAMS NGAG ,RJES BSTAN GYI GDAMS NGAG GI MTSAN NYID, RANG GI CHED DU BYA BA'I GDUL BYAS THOB PA'I YON TAN MI NYAMS PA'I PHYIR DU 'DOMS PA'I GDAMS NGAG ,'DOMS PA'I GDAMS NGAG GI MTSAN NYID, DE GNYIS MI 'GAL LO, ,SA MTSAMS NI SPYIR LAM MA ZHUGS NAS SANGS RGYAS KYI SA'I BAR DU YOD, SANGS RGYAS GRANGS MED PA RNAMS LA GDAMS NGAG NYAN PA LA, CHOS RGYUN GYI TING NGE 'DZIN THOB DGOS PAR MA NGES KYANG ? CHOS RGYUN GYI TING NGE 'DZIN THOB NAS SANGS RGYAS GRANGS MED PA LA GDAMS NGAG NYAN NUS PA YIN TE, MDO SDE RGYAN LAS, DE TSE CHOS KYI RGYUN LAS NI, ,SANGS RGYAS RNAMS LA ZHI GNAS DANG, ,YE SHES YANGS PA THOB BYA'I PHYIR, ,GDAMS NGAG RGYA CHEN NOD PAR 'GYUR, ,ZHES GSUNGS PA'I PHYIR, ,GSUM PA RTZOD PA SPONG BA LA, KHA CIG ,GDAMS NGAG YIN NA, SANGS RGYAS KYI BKA' YIN @093A *, ,PAS KHYAB PAR THAL, SKABS 'DIR DNGOS SU BSTAN PA'I GDAMS NGAG YIN NA, SANGS RGYAS KYI BKA' YIN DGOS PA'I PHYIR ZER NA, MA KHYAB, 'DOD MI NUS TE, GDAMS NGAG LA BKA' DANG BSTAN BCOS GNYIS YOD PA'I PHYIR, KHA CIG ,THEG CHEN GYI MDO DANG THEG DMAN GYI MDO GNYIS MI 'GAL BAR THAL, THEG CHEN GYI GDAMS NGAG DANG THEG DMAN GYI GDAMS NGAG MI 'GAL BA'I PHYIR, DER THAL, THEG CHEN GYI NGAG DANG THEG DMAN GYI NGAG MI 'GAL BA'I PHYIR, MA GRUB NA, THEG DMAN GYI MDO CHOS CAN, THEG CHEN GYI NGAG MA YIN PAR THAL, THEG DMAN GYI NGAG YIN PA'I PHYIR, DER THAL, THEG DMAN GYI MDO YIN PA'I PHYIR, KHA CIG ,MA KHYAB ZER, 'DOD NA, DE CHOS CAN, THEG CHEN GYI NGAG YIN PAR THAL, THEG CHEN PA'I NGAG YIN PA'I PHYIR ZER NA, YANG NA 'DIR MA KHYAB, MA GRUB NA, DER THAL, SANGS RGYAS 'PHAGS PA'I NGAG YIN PA'I PHYIR, DER THAL, SANGS RGYAS KYI BKA' YIN PA'I PHYIR, KHA CIG ,MA KHYAB STE, GSER 'OD DAM PA'I MDO'I NANG TSAN DU GYUR PA'I LHA'I RNGA BO CHE LAS BYUNG BA'I TSIGS SU BCAD PA DE RNAMS SANGS RGYAS KYI BKA' YIN KYANG, DE SANGS RGYAS KYI NGAG MA YIN PA'I PHYIR, DE LTAR MIN NA, SGRA GRAGS PA THAMS CAD KYANG NGAG YIN PAR THAL LO GSUNG BA NI DPYAD PA'I GZHIR SNANG YANG, RE ZHIG MKHAS GRUB BSTAN DAR BA SOGS MANG POS NI SANGS RGYAS KYI BKA' LA NGAG GIS KHYAB PAR BZHED PA LTAR 'DOD PAR BYA'O, ,GONG DU 'DOD MI NUS @093B TE; GDUL BYA THEG CHEN GYI RIGS CAN DANG THEG DMAN GYI RIGS CAN GNYIS 'GAL BA'I PHYIR, KHA CIG ,GDAMS NGAG YIN NA, NGAG YIN PAS MA KHYAB PAR THAL, SGRA MED KYANG GDAMS NGAG STON PA YOD PA'I PHYIR, DER THAL, SGRA MED KYANG CHOS STON PA YOD PA'I PHYIR ZER NA MA KHYAB, RTAGS DER THAL, SGRA MED KYANG DE DA LTAR SNANG, ,ZHES GSUNGS PA'I PHYIR, 'DOD NA, DE KHYAB PAR THAL, DON BSDUS LAS, GDAMS NGAG RNAM PA BCU YIN TE; ;NGO BO NGAG GI 'KHOR LO YIN, ,ZHES GSUNGS PA'I PHYIR, KHA CIG ,BYANG SEMS MTHONG LAM PAS SNGAR MA THOB PA'I YON TAN YOD PAR THAL, DES SNGAR MA THOB PA'I YON TAN THOB PHYIR DU 'DOMS PA'I GDAMS NGAG YOD PA'I PHYIR, DER THAL, MNGON RTOGS RGYAN GYI CHED DU BYA BA'I GDUL BYAS SNGAR MA THOB PA'I YON TAN THOB PHYIR DU 'DOMS PA'I GDAMS NGAG YOD PA'I PHYIR, 'DOD NA, DER SNGAR YON TAN MA THOB PAR THAL, 'DOD PA'I PHYIR ZER NA, MA KHYAB, 'DOD MI NUS TE, SNGAR TSOGS LAM THOB PA'I PHYIR ZER NA, DES SNGAR MA THOB PA'I YON TAN YOD PAR THAL, DES SNGAR MA THOB PA'I SANGS RGYAS YOD PA'I PHYIR, KHA CIG ,SANGS RGYAS GRANGS MED PA LA GDAMS NGAG NYAN PA LA CHOS RGYUN GYI TING NGE 'DZIN THOB DGOS PAR THAL, DE LA GDAMS NGAG RANG STOBS KYIS DNGOS SU NYAN PA LA CHOS RGYUN GYI TING NGE 'DZIN THOB DGOS PA'I PHYIR ZER NA, MA KHYAB, DER THAL, DE LTAR NYAN PA THEG CHEN GYI TSOGS LAM CHEN PO NAS CHOS RGYUN GYI TING NGE 'DZIN THOB PA LA RAG LAS PA'I PHYIR, 'DOD NA, DE MI 'THAD PAR THAL, SANGS RGYAS KYI MTHUS SANGS RGYAS ZHING KHAMS GZHAN DU BGROD NAS GDAMS NGAG NYAN PA'I THEG DMAN PA YOD PA'I PHYIR, KHA @094A *, ,CIG ,STON PA SH'AKYA THUB PAS GDAMS NGAG MI NYAN PAR THAL, DES GDAMS NGAG NYAN PA LA DGOS BA MED PA'I PHYIR, DER THAL, DES CHOS THAMS CAD MNGON SUM DU RTOGS PAS SLOB DPON GYIS GDAMS NGAG BSTAN PA LA MA LTOS PA'I PHYIR ZER NA, MA KHYAB, RTAGS DER THAL, MDO LAS, DES NA NGA LA SLOB DPON MED, ,CES PA DANG, SA STENG 'DI NA NGA NI MCHOG , ,CES GSUNGS PA'I PHYIR, 'DOD MI NUS TE, STON PAS GZHAN DON DU DGONGS NAS DE NYAN PA YOD PA'I PHYIR, DER THAL, THEG DMAN GYI MDO LAS, STON PAS SKU STOD BSNYUNGS PA'I TSUL BSTAN NAS 'PHAGS PA SH'A RI'I BU LA KHYOD KYIS NGA LA 'PHAGS PA'I CHOS STON CIG GSUNGS NAS NYAN PA YOD PA'I PHYIR, BDEN GNYIS, GNYIS PA LA GDAMS NGAG GI KHYAD PAR BYE BRAG TU BSHAD PA LA LNGA, SGRUB PA RANG GI NGO BO LA 'DOMS PA'I GDAMS NGAG ,SGRUB PA'I DMIGS PA BDEN PA BZHI DANG, SGRUB PA'I RTEN DKON MCHOG GSUM DANG, SGRUB PA LA RANG DBANG DU 'JUG PA'I RGYU SPYAN LNGA DANG, SGRUB PA MYUR DU RDZOGS PA'I RGYU MNGON SHES DRUG LA 'DOMS PA'I GDAMS NGAG BSHAD PA'O, ,DANG PO NI, YUM GYI MDO LAS, SH'A RI'I BU, BYANG CHUB SEMS DPA' SHES RAB KYI PHA ROL TU PHYIN PA LA SPYOD PA'I TSE, BYANG CHUB SEMS DPA' NYID YOD BZHIN DU BYANG CHUB SEMS DPA' YANG DAG PAR RJES SU MI MTHONG, BYANG SEMS KYI MING YANG YANG DAG PAR RJES SU MI MTHONG, ZHES SOGS KYI MDO CHOS CAN, KHYOD SGRUB PA RANG GI NGO BO LA 'DOMS PA'I GDAMS NGAG YIN TE, YUL BDEN GNYIS KYI RIM PA LAS MI 'DA' BAR YUL CAN THABS SHES ZUNG 'BREL DU @094B NYAMS SU LONGS SHIG CES 'DOMS PA'I GDAMS NGAG YIN PA'I PHYIR, DE RTZA BAR 'CHAD PA LA, SGRUB DANG ZHES GSUNGS SHING, 'GREL PAR, KUN RDZOB DANG DON DAM PA'I BDEN PA LAS MI 'DA' BAS ZHES SOGS GSUNGS, ` 'DI'I SKABS SU MTHA' DPYAD PA LA GSUM LAS, DANG PO LA, KHA CIG ,SHES BYA BDEN GNYIS KYI DBYE GZHI MIN ZER NA, DE YIN PAR THAL, SHES BYA LA BDEN GNYIS KYI DBYE BA 'THAD PA'I PHYIR, DER THAL, YAB SRAS MJAL BA'I MDO LAS, SHES PAR BYA BA YANG KUN RDZOB DANG DON DAM PA'I BDEN PA 'DIR ZAD, CES PA'I TSIG ZUR GYI SHES PAR BYA BA YANG ZHES PAS SHES BYA BDEN GNYIS KYI DBYE GZHI DANG, KUN RDZOB DANG DON DAM PA'I BDEN PA 'DIR ZAD CES PAS BDEN GNYIS DE'I DBYE BA'I YA GYAL DU BSTAN PA'I PHYIR, KHA CIG ,BDEN PA BDEN GNYIS KYI DBYE GZHI YIN ZER NA, DE MI 'THAD PAR THAL, KUN RDZOB BDEN PA BDEN PA MA YIN PA'I PHYIR, DER THAL, DE BRDZUN PA YIN PA'I PHYIR, DER THAL, KUN RDZOB YIN PA'I PHYIR, KHA CIG ,STONG PA NYID GZUGS SO, ,GZUGS LAS KYANG STONG PA NYID GZHAN MA YIN ZHES GSUNGS PAS, BDEN GNYIS GCIG YIN ZER NA, DE MI 'THAD PAR THAL, DE GNYIS GCIG PA LA GNOD BYED 'JUG PA'I PHYIR, DER THAL, DE LA GZUGS MNGON SUM DU MTHONG BA'I 'JIG RTEN RANG KHA BA THAMS CAD KYIS KYANG GZUGS KYI CHOS NYID MNGON SUM DU RTOGS PAR THAL BA SOGS RIGS PA BZHIS GNOD PA'I PHYIR, KHA CIG ,BDEN GNYIS NGO BO THA DAD YIN ZER NA, DE YANG MI 'THAD PAR THAL, DE LA RIGS PA BZHIS GNOD PA'I PHYIR, DER THAL, DE GNYIS NGO BO THA DAD YIN NA, @095A *, ,'BREL MED KYI THA DAD YIN DGOS, DE YIN NA, GZUGS KYI CHOS NYID MNGON SUM DU RTOGS KYANG GZUGS BDEN PAR 'DZIN PA'I BDEN 'DZIN SPONG BA LA PHAN PAR MI 'GYUR BA'I SKYON 'JUG PA SOGS RIGS PA BZHIS GNOD PA'I PHYIR, KHA CIG ,MTHAR THUG DPYOD PA'I RIG SHES TSAD MA'I RNYED DON, DON DAM PA'I MTSAN NYID, THA SNYAD DPYOD PA'I RIG SHES TSAD MA'I RNYED DON, KUN RDZOB BDEN PA'I MTSAN NYID ZER NA; KUN RDZOB BDEN PA CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, MTHAR THUG DPYOD PA'I RNAM MKHYEN GYI RNYED DON YIN PA'I PHYIR, KHA CIG MA KHYAB ZER, RTAGS DER THAL, JI LTA BA RTOGS PA'I RNAM MKHYEN GYI RNYED DON YIN PA'I PHYIR, DER THAL, GZHI GRUB PA'I PHYIR, 'DOD NA SLA'O, ,DON DAM BDEN PA CHOS CAN, MTSON BYA PHYI MA DER THAL, MTSAN NYID PHYI MA DE'I PHYIR, DER THAL, THA SNYAD DPYOD PA'I RNAM MKHYEN GYI RNYED DON YIN PA'I PHYIR, DER THAL, JI SNYED PA RTOGS PA'I RNAM MKHYEN GYI RNYED DON YIN PA'I PHYIR, DER THAL, GZHI GRUB PA'I PHYIR, 'DOD MI NUS SO, ,DE LA KHO NA RE, SANGS RGYAS 'PHAGS PA'I MIG SHES KYI GZUNG BYA YIN NA, MIG SHES KYI GZUNG BYA YIN DGOS PAR THAL, JI LTA BA RTOGS PA'I RNAM MKHYEN GYI RNYED DON YIN NA, MTHAR THUG DPYOD PA'I RIG SHES KYI RNYED DON YIN DGOS PA'I PHYIR ZER NA, MA KHYAB, 'DOD NA, STONG NYID CHOS CAN, DER THAL, DE'I PHYIR, 'DOD MI NUS TE, 'DUS MA BYAS YIN PA'I PHYIR, 'ON KYANG MKHAS GRUB LTAR NA, SKYON DE GNYIS KA MI 'JUG PAR BZHED DO, @095B KHA CIG ,RANG MNGON SUM DU RTOGS PA'I MNGON SUM TSAD MAS GNYIS NANG NUB PA'I TSUL GYIS RTOGS PAR BYA BA GANG ZHIG ,SGRUB PA'I RNAM PAR RTOGS BYA MA YIN PA, DON DAM BDEN PA'I MTSAN NYID, DE LA GNYIS SNANG DANG BCAS PA'I TSUL GYIS RTOGS PAR BYA BA'I RIGS SU GNAS PA KUN RDZOB BDEN PA'I MTSAN NYID YIN GSUNG BA LA, KHA CIG NA RE, BUM PA'I CHOS NYID CHOS CAN, MTSAN NYID DANG PO DER THAL, MTSON BYA DANG PO DE'I PHYIR, 'DOD NA, BUM PA'I CHOS NYID MNGON SUM DU RTOGS PA'I MNGON SUM CHOS CAN, KHYOD TSAD MAS GNYIS SNANG NUB PA'I TSUL GYIS RTOGS PAR BYA BA MA YIN PAR THAL, KHYOD TSAD MA DANG THA DAD PA'I CHOS YIN PA'I PHYIR, GSUNG BA NI, TSIG LA SONG BAR SNANG NGO, ,RANG RES RNAM BSHAD LTAR NA DE LTAR 'JOG LA, 'ON KYANG CUNG ZAD MI 'DRA BA ZHIG NI 'OG TU 'CHAD DO, ,KHA CIG DON DAM BDEN PA'I NGO BO YIN NA, DON DAM BDEN PA YIN PAS KHYAB, KUN RDZOB BDEN PA LA DE LTAR KHYAB ZER NA, DON DAM BDEN PA THA SNYAD DU GRUB PA CHOS CAN, DON DAM BDEN PA YIN PAR THAL, DON DAM BDEN PA'I NGO BO YIN PA'I PHYIR, DER THAL, DON DAM BDEN PA'I KUN RDZOB PA'I NGO BO YIN PA'I PHYIR, MA KHYAB NA KHYAB PAR THAL, GZHI GRUB NA RANG GI NGO BO LA KUN RDZOB PA'I NGO BO DANG DON DAM BDEN PA'I NGO BO GNYIS GNYIS YOD DGOS PA'I PHYIR, DER THAL, DBU MA 'JUG PA LAS, DNGOS RNYED NGO BO GNYIS NI 'DZIN PAR 'GYUR, ,ZHES GSUNGS PA'I PHYIR, 'DOD MI NUS TE, KUN RDZOB BDEN PA YIN PA'I PHYIR, GZHAN YANG, KUN RDZOB BDEN @096A *, ,PA BDEN PAR MED PA CHOS CAN, KUN RDZOB BDEN PA YIN PAR THAL, KUN RDZOB BDEN PA'I NGO BO YIN PA'I PHYIR, DER THAL, DE'I DON DAM PA'I BDEN PA'I NGO BO YIN PA'I PHYIR, RTAGS SLA'O, ,'DOD MI NUS TE, DON DAM BDEN PA YIN PA'I PHYIR, KHA CIG ,YUL CAN DON DAM BDEN PA YIN NA, DON DAM BDEN PA YIN PAS KHYAB ZER NA, STONG NYID MNGON SUM DU RTOGS PA'I SLOB PA 'PHAGS PA'I MNYAM GZHAG YE SHES CHOS CAN, DER THAL, DE'I PHYIR, DER THAL CHOS CAN DE YIN PA'I PHYIR, 'DOD MI NUS TE, KUN RDZOB BDEN PA YIN PA'I PHYIR, DER THAL, 'DUS BYAS YIN PA'I PHYIR, KHA CIG , KUN RDZOB BDEN PA DBYE GZHIR BYAS NAS, DE LA YANG DAG DANG, LOG PA GNYIS SU DBYE BA YIN ZER NA, 'O NA, YANG DAG KUN RDZOB YIN NA, YANG DAG YIN DGOS PAR THAL, DAM BCA' 'THAD PA'I PHYIR, 'DOD NA, SHES PA CHOS CAN, DER THAL, DE'I PHYIR, DER THAL, SHES PA YIN PA'I PHYIR, 'DOD NA, BDEN PA YIN PAR THAL, 'DOD PA'I PHYIR, 'DOD MI NUS TE, RDZUN PA YIN PA'I PHYIR, DER THAL, 'DUS BYAS YIN PA'I PHYIR, KHYAB STE, RTZA BA SHES RAB LAS, 'DUS BYAS THAMS CAD SLU BA'I CHOS, ,DES NA DE DAG BRDZUN PA YIN, ,ZHES GSUNGS PA'I PHYIR, GZHAN YANG, LOG PAR LTA BA'I SHES PA CHOS CAN, DER THAL, DE'I PHYIR, RTAGS SLA'O, ,KHA CIG ,RANG SNANG YUL DU BYED PA'I BLO LA SNANG BA SNANG BA LTAR DU DON BYED NUS PA'I KUN RDZOB, YANG DAG KUN RDZOB KYI MTSAN NYID, RANG SNANG YUL DU BYED PA'I BLO LA SNANG BA SNANG BA LTAR DU DON BYED MI NUS PA'I KUN RDZOB, LOG PA'I KUN RDZOB KYI MTSAN NYID ZER NA, GANG ZAG GI BDAG MED CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, RANG SNANG YUL DU BYED PA'I BLO LA SNANG BA LTAR GRUB @096B PA'I KUN RDZOB BDEN PA YIN PA'I PHYIR, 'DOD NA, DE CHOS CAN, DON BYED NUS PA'I KUN RDZOB YIN PAR THAL, 'DOD PA'I PHYIR, 'DOD NA, DON BYED NUS PAR THAL LO, ,GZHAN YANG, SHES BYA CHOS CAN, MTSAN NYID DANG PO DER THAL, MTSON BYA DANG PO DE'I PHYIR, RTAGS GSAL SLA'O, ,PHYI MA LA, DNGOS PO BDEN PAR GRUB PA CHOS CAN, MTSAN NYID DER THAL, MTSON BYA DE'I PHYIR, MA GRUB NA, DNGOS PO CHOS CAN, KHYOD BDEN PAR GRUB PA LOG PA'I KUN RDZOB YIN PAR THAL, KHYOD YOD PA'I PHYIR, 'DOD NA, KUN RDZOB YIN PAR THAL, 'DOD PA'I PHYIR, 'DOD NA, KUN RDZOB BDEN PA YIN PAR THAL, 'DOD PA'I PHYIR, 'DOD NA, YOD PAR THAL LO, ,KHA CIG , DNGOS POR GYUR PA'I KUN RDZOB BDEN PA, YANG DAG KUN RDZOB KYI MTSAN NYID, RTAG PAR GYUR PA'I KUN RDZOB BDEN PA, LOG PA'I KUN RDZOB KYI MTSAN NYID ZER NA, MTSAN NYID DANG PO MI 'THAD PAR THAL, YANG DAG KUN RDZOB YIN NA, DNGOS PO YIN MI DGOS PA'I PHYIR, PHYI MA YANG MI 'THAD PAR THAL, DNGOS POR GYUR PA'I LOG PA'I KUN RDZOB YOD PA'I PHYIR, DER THAL, SMIG RGYU'I CHU DE DE LTAR YIN PA'I PHYIR, DER THAL, CHU DE YANG DAG KUN RDZOB DANG SMIG RGYU'I CHU LOG PA'I KUN RDZOB YIN PA'I PHYIR, DER THAL, BDEN GNYIS RANG 'GREL LAS, CHU LA SOGS PA DANG SMIG RGYU LA SOGS PA YANG DAG PA DANG YANG DAG PA MA YIN PAR RTOGS SO, ,ZHES GSUNGS PA'I PHYIR, KHA CIG ,KUN RDZOB BDEN PA TSAD MAS NGES NA, KUN RDZOB BDEN PA KUN RDZOB BDEN PAR TSAD MAS NGES PAS KHYAB ZER NA, STONG NYID RTOGS MA MYONG BA'I SO SO SKYE BO CHOS CAN, DER THAL, DE'I PHYIR, DER THAL, DE'I RGYUD LA KUN RDZOB BDEN PA NGES PA'I BLO YOD PA'I PHYIR, DER THAL, DE'I RGYUD LA YANG DAG KUN RDZOB DANG LOG PA'I KUN RDZOB NGES PA'I BLO YOD PA'I PHYIR, DE'I RGYUD LA DNGOS PO DANG BYAD BZHIN GYI GZUGS BRNYAN NGES PA'I BLO YOD PA'I PHYIR, DER THAL, 'JUG PA LAS, DNGOS PO STONG PA GZUGS BRNYAN LA @097A *, ,SOGS PA, ,TSOGS LA LTOS RNAMS MA GRAGS PAR YANG MIN, ,ZHES GSUNGS PA'I PHYIR, 'DOD NA, DES KUN RDZOB BDEN PA RDZUN PAR RTOGS PAR THAL, 'DOD PA'I PHYIR, 'DOD NA, DES BDEN MED NGES MYONG BAR THAL, 'DOD PA'I PHYIR, 'DOD MI NUS SO, ,KHA CIG ,BRDZUN PA YIN NA, BRDZUN PAS KHYAB, BDEN NA BDEN PAS KHYAB ZER NA, KHA CIG NA RE, LAS 'BRAS CHOS CAN, BRDZUN PAR THAL, BRDZUN PA YIN PA'I PHYIR, DER THAL, 'DUS BYAS YIN PA'I PHYIR, 'DOD MI NUS TE, BDEN PA'I PHYIR, DER THAL, RGYU DGE BA BYAS PA LAS 'BRAS BU BDE BA DANG, RGYU MI DGE BA BYAS PA LAS 'BRAS BU SDUG BSNGAL 'BYUNG BA BDEN PA'I PHYIR, DER THAL, RTEN 'BREL BSLU BA MED PA'I BDEN PA DANG, ,ZHES GSUNGS PA'I PHYIR, DE LA KHO NA RE, 'O NA DNGOS PO THAMS CAD KYANG BDEN PAR THAL, DE RNAMS KYI 'BRAS BU BSKYED PA YANG BDEN, DE RNAMS YOD PAR YANG BDEN PA'I PHYIR ZER NA, MA KHYAB SNYAM, 'DOD MI NUS SO, ,KHA CIG ,DON DAM LA GNYIS SNANG NUB PA'I CHOS YIN NA, GNYIS SNANG NUB PA'I CHOS YIN PAS KHYAB, RANG NYID BDEN PAR 'DZIN PA'I BDEN 'DZIN GYI NGOR GNYIS SNANG DANG BCAS PA'I CHOS YIN NA, GNYIS SNANG DANG BCAS PA'I CHOS YIN PAS KHYAB ZER NA, DANG PO LA, RNAM MKHYEN CHOS CAN, DER THAL, DE'I PHYIR, DER THAL, STONG NYID MNGON SUM DU RTOGS PA'I YE SHES YIN PA'I PHYIR, DER THAL, RNAM MKHYEN YIN PA'I PHYIR, 'DOD MI NUS TE, GNYIS SNANG DANG BCAS PA'I CHOS YIN PA'I PHYIR, DER THAL, KUN RDZOB SNANG YUL DU BYED PA'I YE SHES YIN PA'I PHYIR, KHYAB PA YANG SONG, DER THAL, RNAM MKHYEN YIN PA'I PHYIR, PHYI MA LA, STONG NYID CHOS CAN, DER THAL, DE'I PHYIR, DER THAL, RANG NYID BDEN PAR 'DZIN PA'I BDEN 'DZIN GYI NGOR BDEN PAR GRUB PA'I SNANG BA DANG BCAS PA'I CHOS YIN PA'I PHYIR, DER THAL, RANG NYID BDEN PAR 'DZIN PA'I @097B BDEN 'DZIN GYI NGO BOR BDEN PAR SNANG YANG DON LA BDEN PAR MA GRUB PA'I CHOS YIN PA'I PHYIR, DER THAL, GZHI GRUB PA'I PHYIR, 'DOD MI NUS TE, GNYIS SNANG NUB PA'I CHOS YIN PA'I PHYIR, DER THAL, RNAM MKHYEN GYIS GNYIS SNANG NUB PA'I SGO NAS RTOGS PAR BYA BA'I CHOS YIN PA'I PHYIR, DER THAL, DON DAM BDEN PA YIN PA'I PHYIR, KHA CIG ,JI LTA BA RTOGS PA'I RNAM MKHYEN GYI GZIGS NGOR JI SNYED PA'I CHOS MED PAS, RNAM MKHYEN DES GZIGS NGO DER JI SNYED PA MA RTOGS ZER NA, DE MI 'THAD PAR THAL, JI LTA BA RTOGS PA'I RNAM MKHYEN GYI GZIGS NGOR JI SNYED PA YOD PA'I PHYIR, DER THAL, DES JI SNYED PA GZIGS PA'I PHYIR, KHA CIG ,JI LTA BA RTOGS PA'I RNAM MKHYEN GYIS JI LTA BA GZIGS PA'I GZIGS NGOR JI SNYED PA GZIGS ZER NA, DE MI 'THAD PAR THAL, DES JI LTA BA GZIGS PA LTAR DU JI SNYED PA'I CHOS MA GZIGS PA'I PHYIR, DER THAL, RTZA BAR, GZUGS LA SOGS PA MI SHES PHYIR, ,ZHES GSUNGS PA'I PHYIR, KHA CIG ,RNAM MKHYEN GYIS RANG LAS THA DAD PA'I JI SNYED PA'I CHOS THAMS CAD GNYIS SNANG DANG BCAS PA'I SGO NAS RTOGS, RNAM MKHYEN GYIS RNAM MKHYEN GNYIS SNANG NUB PA'I SGO NAS RTOGS ZER, KHA CIG ,RNAM MKHYEN GYIS RNAM MKHYEN GNYIS SNANG DANG BCAS PA'I SGO NAS RTOGS TE, DES DE KUN RDZOB KYI SNANG BA DANG BCAS PA'I SGO NAS RTOGS ZER, KHA CIG ,RNAM MKHYEN GYIS RNAM MKHYEN SHUGS LA RTOGS GSUNG, KHA CIG ,SANGS RGYAS LA SHUGS RTOGS MI RUNG GSUNG BA RNAMS 'OG NAS DPYAD PAR BYA'O, ` ,GNYIS PA RANG LUGS LA, MTSAN NYID, DBYE BA, SGRA BSHAD PA, GRANGS NGES, 'DOD TSUL MI 'DRA BA, BDEN GNYIS GZIGS TSUL BYE BRAG TU BSHAD PA'O, ,DANG PO NI, RANG NYID RNYED PA'I TSAD MA RANG LA MTHAR THUG DPYOD BYED KYI TSAD MAR SONG BA'I SGO NAS BZHAG PAS RAB TU PHYE BDE, DON DAM PA'I MTSAN NYID, RANG NYID RNYED PA'I TSAD MA @098A *, ,RANG LA THA SNYAD DPYOD BYED KYI TSAD MAR SONG BA'I SGO NAS BZHAG PAS RAB TU PHYE BA DE, KUN RDZOB BDEN PA'I MTSAN NYID, DON DAM BDEN PA LA, NGO BO'I SGO NAS DBYE NA, STONG NYID BCU DRUG ,BCO BRGYAD, NYI SHU RNAMS SU YOD, SGRAS BRJOD RIGS KYI SGO NAS DBYE NA, YUL DON DAM BDEN PA DANG, YUL CAN DON DAM BDEN PA GNYIS, DANG PO DANG, STONG NYID, CHOS NYID, DE BZHIN NYID, CHOS DBYINGS, YANG DAG MTHA' RNAMS DON GCIG ,PHYI MA LA RNAM GRANGS DANG RNAM GRANGS MA YIN PA'I YUL CAN DON DAM GNYIS YOD, KUN RDZOB BDEN PA LA, YANG DAG KUN RDZOB DANG, LOG PA'I KUN RDZOB GNYIS YOD, RANG NYID GTZO BOR SNANG YUL DU BYED PA'I BLO LA SNANG BA DE SNANG BA LTAR DU GRUB PA'I KUN RDZOB, YANG DAG KUN RDZOB KYI MTSAN NYID, RANG NYID GTZO BOR SNANG YUL DU BYED PA'I BLO LA SNANG BA DE SNANG BA LTAR DU MA GRUB PA, LOG PA'I KUN RDZOB KYI MTSAN NYID, DANG PO NI, GANG ZAG GI BDAG MED, SHES BYA, DNGOS PO, BUM PA, KHA DOG ,SHES PA RNAMS SO, ,PHYI MA NI, SMIG RGYU'I CHU, BYAD BZHIN GYI GZUGS BRNYAN LTA BU DANG, YANG MYU GU BDEN GRUB DANG, DE GANG ZAG GI BDAG TU GRUB PA DANG, DE RANG RKYA THUB PA'I RTAG PAR GRUB PA LTA BU'ANG LOG PA'I KUN RDZOB YIN, MYU GU BDEN STONG DE LA, DON DAM PA ZHES BRJOD PA'I RGYU MTSAN YOD DE, DE BLO DON DAM PA STONG NYID MNGON SUM DU RTOGS PA'I MNYAM GZHAG YE SHES KYI GZIGS NGOR SNANG TSUL DANG GNAS TSUL MTHUN PAR BDEN PAS NA, DON DAM BDEN PA ZHES BRJOD PA'I PHYIR, MYU GU LA KUN RDZOB BDEN PA ZHES BRJOD PA'I RGYU MTSAN YOD DE, BLO KUN RDZOB PA RANG NYID BDEN PAR 'DZIN PA'I BDEN 'DZIN GYI NGO BOR BDEN PAR GRUB PAR SNANG YANG DON LA BDEN PAR MA GRUB PA'I RGYU MTSAN GYIS DE LTAR BRJOD PA'I PHYIR, SHES BYA LA BDEN PA GNYIS SU GRANGS NGES PA YIN TE, MDO LAS, GANG ZHIG KUN RDZOB DE BZHIN DON DAM STE, @098B BDEN PA GSUM PA 'GA' YANG MA MCHIS SO, ,ZHES GSUNGS PAS, DE GNYIS GANG RUNG MA YIN PA'I CHOS MED PA'I PHYIR TE, DBU MA SNANG BA LAS, GNYIS KA MA YIN PA'I PHYOGS SU GTOGS BA NI RIGS PA MA YIN NO, ,ZHES GSUNGS PA'I PHYIR, BDEN GNYIS 'JOG TSUL LA MI 'DRA BA'I KHYAD PAR YOD DE, DBU MA THAL 'GYUR BAS NI, CHOS THAMS CAD RANG BZHIN MED PA DON DAM PAR BZHED LA, KUN RDZOB LA YANG LOG GI DBYE BA MI MDZAD CING, 'JIG RTEN SHES NGO LA LTOS NAS YANG LOG GI THA SNYAD BYED, SEMS TZAM PA NI RANG RGYUD PA DANG 'DRA TZAM YIN LA, 'ON KYANG DON DAM BDEN PA BDEN GRUB TU 'DOD PAS MI 'DRA BA YOD DO, ,MDO SDE PAS NI, DON BYED NUS PA'I DNGOS PO LA DON DAM BDEN PA DANG, DON BYED MI NUS PA'I DNGOS MED KYI CHOS LA KUN RDZOB BDEN PAR 'DOD DE, RNAM 'GREL LAS, DON DAM DON BYED NUS PA GANG, ,ZHES SOGS GSUNG PA'I PHYIR, BYE BRAG SMRA BAS, BCOM GZHIG GANG RUNG GIS RANG 'DZIN GYI BLO DON MTHUN GYI DOR RUNG MI RUNG GI KHYAD PAR GYI GZUGS LTA BU DON DAM DANG, BUM PA DANG BUM NANG GI CHU LTA BU KUN RDZOB TU 'DOD DE, MDZOD LAS, GANG LA BCOM DANG BLO YIS GZHAN, ,ZHES SOGS GSUNGS PA'I PHYIR, DE LAS DBU SEMS RNAM GNYIS BDEN PA SO SO'I MTSAN NYID 'DRA BA YIN LA, MTSAN GZHI LA DBU MA PA GNYIS DANG SEMS TZAM PA MI 'DRA BA'I KHYAD PAR YOD PAR SHES DGOS SHING, MI 'DRA BA DE DAG KYANG 'JIG RTEN RANG KHA BA'I 'DOD PA MI 'DRA BA LTA BU MA YIN PAR RANG RANG GI KHYAD CHOS ZAB PA RE YOD PAR KHONG DU CHUD PAR BYA'O, ,BDEN GNYIS GZIGS TSUL BYE BRAG TU BSHAD PA LA, SPYIR BSTAN PA DANG, BZHED PA MI 'DRA BA'I TSUL BKOD PA'O, ,DANG PO NI, RNAM MKHYEN GYIS BDEN GNYIS JI LTAR GZIGS PA'I TSUL YOD DE, DON DAM BDEN PA THAMS CAD GNYIS SNANG NUB PA'I SGO NAS @099A *, ,MNGON SUM DU GZIGS, KUN RDZOB PA'I SHES BYA THAMS CAD GNYIS SNANG DANG BCAS PA'I SGO NAS MNGON SUM DU GZIGS PA'I PHYIR, DES BDEN GNYIS GCIG TU MA GZIGS KYANG, NGO BO GCIG TU GZIGS PA YIN TE, BUM PA DANG BUM PA BDEN STONG GNYIS LTA BU NGO BO GCIG LA LDOG PA THA DAD TZAM DU GZIGS PA'I PHYIR, DE LTAR GZIGS PA YIN TE, BUM PA BDEN STONG DU GRUB PA DE, BUM PA'I STENG NAS 'JOG DGOS PA DANG, BUM PA DE NYID BDEN PAR MA GRUB PA'I NGO BOR 'JOG PA YIN PAS, DE GNYIS GZHI GCIG GI STENG DU 'DU BA'I TSUL GYIS GZIGS PA'I PHYIR, LDOG PA THA DAD YIN PAS THA DAD KYI GO CHOD DE, THA DAD LA NGO BO THA DAD DANG, LDOG PA THA DAD GNYIS SU PHYE BA'I NGO BO THA DAD NI MTSAN NYID MI MTHUN PA SNGO SER LTA BU DANG, PHYI MA NI BDEN GNYIS LTA BU DANG, BYAS MI RTAG LTA BU, BDEN GNYIS GCIG TU MI RUNG STE, DE GNYIS THA DAD GTAN MED KYI GCIG YIN PA DANG, 'BREL MED KYI THA DAD GNYIS LA MDO SDE DGONGS 'GREL NAS GSUNGS PA'I RIGS PA BZHIS GNOD PA'I PHYIR, DE LTAR GNOD BYED, DE GNYIS GCIG YIN PA LA, SO SKYES STONG NYID MNGON SUM DU RTOGS PAR THAL BA DANG, STONG NYID SGOM PAS NYON MONGS SPONG MI NUS PAR THAL BA DANG, STONG NYID RTOGS PA'I PHYIR DU 'BAD MI DGOS PAR THAL BA DANG, KUN RDZOB LA RIGS SNA TSOGS PA'I DBYE BA MED PAR THAL BA'I RIGS PA BZHIS GNOD LA, DE GNYIS 'BREL MED KYI THA DAD PA, DON DAM RTOGS PAS BDEN 'DZIN SPONG MI NUS PAR 'GYUR BA DANG, KUN RDZOB PA'I SDOD LUGS MED PAR 'GYUR BA DANG, BDEN GRUB BKAG TZAM GNAS LUGS MA YIN PAR 'GYUR BA DANG, SANGS RGYAS LA'ANG NYON MONGS YOD PAR 'GYUR BA'I RIGS LA BZHIS GNOD PA'I GNOD TSUL RGYAS @099B PAR GZHAN DU SHES PAR BYA DGOS PA'I PHYIR, BDEN GNYIS GZIGS TSUL LA BZHED PA MI 'DRA BA'I KHYAD PAR YOD DE, SANGS RGYAS KYIS NA JI SNYED PA RTOGS PA'I YE SHES MED PAR 'DOD PA SOGS MI 'DRA BA YOD KYANG, RJE BLA MAS, MI SNANG YANG RTOGS PA'I SHUGS RTOGS SANGS RGYAS LA BZHAG TU MI RUNG BA'I PHYIR, SNANG NAS MKHYEN DGOS PAS, JI SNYED PA MKHYEN PA'I YE SHES DE DE'I NGO BOR YUL DANG YUL CAN GNYIS SU SNANG BA'I TSUL GYIS MKHYEN PA'O, ,ZHES GSUNGS PA LA, RGYAL TSAB RIN PO CHES NI, RNAM MKHYEN GYIS JI LTA BA'I CHOS RNAMS GNYIS SNANG NUB PA'I SGO NAS GZIGS, RANG LAS THA DAD PA'I KUN RDZOB PA'I CHOS RNAMS GNYIS SNANG DANG BCAS PA'I SGO NAS GZIGS KYANG, RNAM MKHYEN GYIS RNAM MKHYEN GNYIS SNANG BCAS NUB GANG RUNG GI SGO NAS MA GZIGS SHING, RANG NYID RANG NYID LA MI SNANG LA, DES DE SHUGS LA RTOGS PA LTA BUR BZHED DO, ,RJE'I LUNG DANG MI 'GAL TE, DE NI SANGS RGYAS LA SEMS CAN LTAR SHUGS RTOGS MED PA'I DON YIN PA'I PHYIR TE, GSUNG BA DANG 'DRA'O, ,MKHAS GRUB RIN PO CHES NI, RNAM MKHYEN GYIS RANG NYID GNYIS SNANG NUB PA'I SGO NAS GZIGS KYANG, DE LTAR NA'ANG DON DAM BDEN PA YIN MI DGOS TE, RNAM MKHYEN GYIS RANG NYID RANG NYID DANG THA DAD PA'I GNYIS SNANG NUB PA'I SGO NAS GZIGS PAS, RANG NYID DANG GCIG TU GZIGS LA, DE'I PHYIR DON DAM BDEN PA MA YIN PAR GZIGS PA'I PHYIR, ZHES BZHED PA 'DRA YANG, DE DAG NI RTOGS DKA' BA'I DON DE, GZHAN LA ZHIB TU DPYOD DGOS PAR BSTAN PA'I DON DU'O, ,RANG RES NI, DES DON DAM PA'I SHES BYA THAMS CAD GNYIS SNANG NUB PA'I SGO NAS GZIGS PA DANG, KUN RDZOB PA'I SHES BYA THAMS CAD GNYIS SNANG DANG BCAS PA'I SGO NAS GZIGS PA YIN TE, 'JUG 'GREL LAS, DNGOS PO BYAS PA CAN LA MA REG PAR RANG BZHIN 'BA' ZHIG @100A *, ,MNGON DU MDZAD PAS, ZHES PA DANG, MDO LAS, MA MTHONG BA NI MTHONG BA DAM PA'O, ,ZHES RNAM MKHYEN GYIS DON DAM GZIGS PA'I GZIGS NGOR GNYIS SNANG NUB PA DANG, MDO LAS, GZUGS NI GNYIS SU SNANG BA'O, ,ZHES SOGS DANG, RJE BLA MAS, YUL DANG YUL CAN GNYIS SU PHYE BA'I TSUL GYI MKHYEN PA'O ZHES PAS RNAM MKHYEN GYI KUN RDZOB PA'I CHOS THAMS CAD GNYIS SNANG DANG BCAS PA'I SGO NAS MNGON SUM DU GZIGS PAR BSHAD PA'I PHYIR, GNYIS SNANG BCAS NUB KYI DON YANG, KHA CIG ,SO SOR THA DAD DU SNANG MI SNANG DANG, LA LA BDEN GRUB KYI SNANG BA 'GAG MA 'GAG DANG, KHA CIG KUN RDZOB PA'I SNANG BA DANG BCAS MA BCAS LA BYED PA SOGS YOD KYANG, 'DIR MKHAS GRUB KYI BZHED PA LTAR PHYI MA YIN LA, DE LTAR NA'ANG, RNAM MKHYEN GYIS DON DAM GZIGS PA'I TSE KUN RDZOB PA'I CHOS MA GZIGS PA MA YIN TE, DES BDEN GNYIS DUS CIG CAR DU GZIGS PA'I PHYIR, RGYAS PAR NI GZHAN DU SHES PAR BYA'O, , GSUM PA RTZOD PA SPONG BA LA, KHA CIG ,SHES BYA BDEN GNYIS KYI DBYE GZHI MA YIN PAR THAL, DON DAM BDEN PA SHES BYA MA YIN PA'I PHYIR, DER THAL, MDO LAS, DON DAM PA GANG YIN PA DE NI BRJOD DU MED PA SHES PAR BYA BA MA YIN PA ZHES PA DANG, SPYOD 'JUG LAS, DON DAM BLO YI SPYOD YUL MIN, ,ZHES GSUNGS PA'I PHYIR ZER NA, MA KHYAB STE, DE NI DON DAM DE, KUN RDZOB LTAR GNYIS SNANG DANG BCAS PA'I SGO NAS MA GZIGS PAR GNYIS SNANG NUB PA'I SGO NAS GZIGS PA'I DON YIN PA'I PHYIR, KHA CIG NA RE, BDEN GNYIS GCIG YIN PAR THAL, BYANG CHUB SEMS 'GREL LAS, KUN RDZOB LAS NI THA DAD BAR, ,DE NYID DMIGS PA MA YIN TE, ,KUN RDZOB STONG PA NYID DU BSHAD, ,STONG NYID KHO NA KUN RDZOB STE, ,ZHES SOGS DANG, @100B GZUGS STONG PA'O ZHES SOGS GSUNGS PA'I PHYIR, ZER NA, MA KHYAB STE, DE GNYIS NGO BO GCIG YIN ZHES PA'I DON YIN PA'I PHYIR, KHA CIG ,RIGS PAS DPYAD BZOD PA'I CHOS YOD PAR THAL, RIGS PAS DPYAD BA'I TSE RNYID DON GRUB PA'I CHOS YOD PA'I PHYIR, DER THAL, THA SNYAD DPYOD BYED KYI RIGS PAS BTAGS DON BTZAL BA'I TSE RNYED PA'I CHOS YOD PA'I PHYIR, 'DOD NA, MTHAR THUG DPYOD PA'I RIGS PAS DPYAD BZOD PA'I CHOS YOD PAR THAL, 'DOD PA'I PHYIR, ZER NA, KHA CIG MA KHYAB ZER, 'DOD NA, MI 'THAD PAR THAL, DON DAM BDEN PA MTHAR THUG DPYOD BYED KYI RIG SHES KYI DPYAD BZOD DU GRUB MA GRUB DPYAD PA'I TSE DPYAD MI BZOD PA'I PHYIR ZER NA, MA KHYAB, RTAGS DER THAL, BDEN PAR MA GRUB PA'I PHYIR ZER NA, MTHAR THUG DPYOD PA'I RIGS PAS DPYAD BZOD PA'I CHOS YOD PAR THAL, MTHAR THUG DPYOD PA'I RNAM MKHYEN GYIS DPYAD BZOD PA'I CHOS YOD PA'I PHYIR, DER THAL, RANG GI MTSAN NYID KYIS GRUB PA'I CHOS YOD PA'I PHYIR, 'ON KYANG THAL 'GYUR BAS DE LTAR MI BZHED DO, ,KHA CIG ,MTHAR THUG DPYOD PA'I RIG SHES TSAD MA'I RNYED DON YIN NA, DON DAM BDEN PA YIN DGOS PAR THAL, MTHAR THUG DPYOD PA'I RIG SHES TSAD MA'I RNYED DON MTHAR THUG YIN NA, DON DAM BDEN PA YIN DGOS PA'I PHYIR ZER NA, MA KHYAB, RTAGS DER THAL RNAM DAG LAM GYI DMIGS PA MTHAR THUG YIN NA, DON DAM BDEN PA YIN DGOS PA'I PHYIR, DER THAL, DE YIN NA, YONGS GRUB YIN DGOS PA'I PHYIR, 'DOD NA, KHA CIG DE MI DGOS PAR THAL, MTHAR THUG DPYOD PA'I RIG SHES TSAD MA'I RNYED DON YIN NA, YOD MI DGOS PA'I PHYIR, MA GRUB NA, GANG ZAG GI BDAG CHOS CAN, DER THAL, DE'I PHYIR, MA GRUB NA, DE CHOS CAN, MTHAR THUG DPYOD PA'I RIG SHES TSAD MA'I RNYED DON YIN PAR THAL, MTHAR THUG DPYOD PA'I RIG @101A *, ,SHES TSAD MA YOD PA'I PHYIR, DER THAL, MTHAR THUG DPYOD PA'I RIG SHES YOD PA'I PHYIR ZER BA NI, TSIG LA 'KHRIS PA'O, ,RANG RES, MTHAR THUG DPYOD PA'I RIG SHES TSAD MA'I RNYED DON YIN NA, YOD DGOS KYANG DON DAM YIN DGOS MI DGOS KYI LUGS GNYIS SU BYAS KYANG CHOG GO ,KHA CIG ,JI LTA BA RTOGS PA'I RNAM MKHYEN CHOS CAN, DON DAM BDEN PA YIN PAR THAL, RANG NYID RNYED PA'I TSAD MA RANG LA MTHAR THUG DPYOD BYED KYI TSAD MAR SONG BA'I SGO NAS BZHAG PA YIN PA'I PHYIR, DER THAL, RANG NYID RNYED PA'I TSAD MA GNYIS SNANG NUB PA'I SGO NAS BZHAG PA YIN PA'I PHYIR, DER THAL, RANG NYID RTOGS PA'I RANG RIG RANG LA GNYIS SNANG NUB PA'I SGO NAS 'JOG PA'I PHYIR ZER NA, MA KHYAB, RTAGS DER THAL, RANG NYID NYAMS SU MYONG BA'I RANG RIG MNGON SUM GYIS RANG NYID GNYIS SNANG NUB PA'I TSUL GYIS RTOGS PA'I PHYIR, DER THAL, YE SHES YIN PA'I PHYIR, 'DOD MI NUS SO, ,KHA CIG ,KUN RDZOB BDEN PA RNYED PA'I TSAD MA DE THA SNYAD DPYOD BYED KYI TSAD MA YIN PAR THAL, DE KUN RDZOB BDEN PA LA THA SNYAD DPYOD BYED KYI TSAD MAR SONG BA'I PHYIR, 'DOD NA, DE DANG MTHAR THUG DPYOD BYED KYI TSAD MA'I GZHI MTHUN MED PAR THAL, 'DOD PA'I PHYIR ZER NA, MA KHYAB, 'DOD MI NUS TE, RNAM MKHYEN DE DE GNYIS KA YIN PA'I PHYIR, KHA CIG ,BUM PA BDEN STONG CHOS CAN, KUN RDZOB BDEN PA YIN PAR THAL, RANG NYID RNYED PA'I TSAD MA RANG LA THA SNYAD DPYOD BYED KYI TSAD MAR SONG BA'I PHYIR, DER THAL, RANG NYID RNYED PA'I THA SNYAD DPYOD BYED KYI TSAD MA YOD PA'I PHYIR, ZER NA MA KHYAB, MA GRUB NA, DER THAL, DE 'DRA BA'I THA SNYAD DPYOD BYED RNAM MKHYEN YOD PA'I PHYIR, KHA CIG ,DON DAM BDEN PAR GRUB PA'I CHOS MED PAR THAL, GZHI GRUB @101B NA KUN RDZOB BDEN PAR GRUB DGOS PA'I PHYIR, DER THAL, GZHI GRUB NA KUN RDZOB TU GRUB DGOS PA'I PHYIR, ZER NA, MA KHYAB STE, KUN RDZOB BDEN PA ZHES PA'I TSIG ZUR GYI KUN RDZOB CES PA BDEN 'DZIN LA BYED, KUN RDZOB TU GRUB CES PA'I TSIG ZUR GYI KUN RDZOB CES PA THA SNYAD DU YOD PA'I DON LA BYED PA'I PHYIR, DER THAL, KUN RDZOB BDEN PA ZHES PA'I DON BLO KUN RDZOB PA BDEN 'DZIN GYI NGOR BDEN PAS KUN RDZOB BDEN PA DANG, THA SNYAD DU GRUB CING DON DAM PAR MA GRUB PAR KUN RDZOB TU GRUB PAR 'JOG PA'I PHYIR, 'DOD NA, BKAG ZIN, KHA CIG ,DON DAM PAR GRUB PA'I CHOS YOD PAR THAL, DON DAM BDEN PAR GRUB PA'I CHOS YOD PA'I PHYIR, ZER NA, MA KHYAB, 'O NA, BDEN PAR GRUB PA'I CHOS YOD PAR THAL, BDEN PA YIN PAR GRUB PA'I CHOS YOD PA'I PHYIR, KHYAB PA KHAS, DER THAL, BDEN PA YIN PA'I CHOS YOD PA'I PHYIR, KHA CIG ,YUL CAN DON DAM YIN NA, DON DAM YIN DGOS PAR THAL, YUL DON DAM YIN NA, DON DAM YIN DGOS PA'I PHYIR, ZER NA, MA KHYAB, KHA CIG 'DOD GSUNG NA, MI 'THAD PAR THAL, DON DAM YIN NA, STONG NYID YIN DGOS, YUL CAN DON DAM YIN NA, SHES PA YIN DGOS PA'I PHYIR, KHA CIG ,DON DAM YIN NA, STONG NYID YIN MI DGOS PAR THAL, STONG NYID MNGON SUM DU RTOGS PA'I SLOB PA'I MNYAM GZHAG YE SHES DE DON DAM YIN PA'I PHYIR, DER THAL, DE RNAM GRANGS MA YIN PA'I YUL CAN DON DAM YIN PA'I PHYIR, ZER NA, MA KHYAB, RTAGS DER THAL, DE RNAM GRANGS MA YIN PA'I YUL CAN DON DAM DNGOS DANG STONG NYID RTOGS PA'I RIG SHES RJES DPAG DE YUL CAN DON DAM RJES MTHUN PA YIN PA'I PHYIR, DER THAL, DBUS MTHA' LAS, DON DAM DE DANG RJES MTHUN PHYIR, ,DON DAM YIN PAR KHO BOS 'DOD, ,CES GSUNGS PA'I @102A *, ,PHYIR, KHA CIG ,KUN RDZOB LA YANG DAG KUN RDZOB MED PAR THAL, RANG SNANG YUL DU BYED PA'I BLO LA SNANG BA SNANG BA LTAR DU GRUB PA'I KUN RDZOB MED PA'I PHYIR, DER THAL, BUM PA LTA BU RANG NYID SNANG YUL DU BYED PA'I DBANG SHES LA PHYI ROL DON DU SNANG YANG DER MA GRUB, RANG NYID BDEN PAR 'DZIN PA'I RTOG PA LA BDEN GRUB TU SNANG YANG DER MA GRUB PA'I PHYIR ZER NA, MA KHYAB, KHA CIG ,KUN RDZOB LA YANG DAG DANG LOG PA GNYIS KYI DBYE BA 'THAD PA DANG YANG DAG KUN RDZOB YIN NA, DON BYED NUS PA YIN DGOS PAR THAL, BDEN GNYIS LAS, SNANG DU 'DRA YANG DON BYED DAG ,NUS PA'I PHYIR DANG MI NUS PHYIR, ,YANG DAG YANG DAG MA YIN PA, ,KUN RDZOB KYI NI DBYE BA BYAS, ,ZHES GSUNGS PA'I PHYIR, ZER NA, MA KHYAB STE, DE NI MTSAN 'DZIN NGOS BZUNG BA YIN PA'I PHYIR, KHA CIG ,SHES BYA LA BDEN PA GNYIS SU GRANGS MA NGES PAR THAL, BDEN GNYIS GANG RUNG MA YIN PA'I PHUNG GSUM PA YOD PA'I PHYIR, DER THAL, BDEN PA GSUM PA ZHIG YOD PA'I PHYIR, DER THAL, BDEN PA BZHI YOD PA'I PHYIR, ZER NA, MA KHYAB SNYAM, KHA CIG ,STONG NYID MNGON SUM DU RTOGS PA'I SLOB PA'I YE SHES KYI DNGOS KYI GZHAL BYAR GYUR PA'I KUN RDZOB BDEN PA YOD PAR THAL, DE'I GZHAL BYAR GYUR PA'I KUN RDZOB YOD PA'I PHYIR, DER THAL, THEG CHEN MTHONG LAM BAR CHAD MED LAM GYI GZHAL BYAR GYUR PA'I KUN RDZOB YOD PA'I PHYIR, DER THAL, DE'I YUL DU GYUR PA'I KUN RDZOB YOD PA'I PHYIR, DER THAL, DE'I DMIGS YUL DU GYUR PA'I KUN RDZOB YOD PA'I PHYIR, RANG RES 'DIR MA KHYAB, KHA CIG KHYAB PAR 'DOD DO, , RTAGS DER THAL, CHOS THAMS CAD DE'I DMIGS YUL YIN PA'I PHYIR, DER THAL, DES DMIGS PA CHOS THAMS CAD LA DMIGS NAS RNAM PA BDEN MED DU RTOGS PA'I PHYIR, 'DOD MI NUS TE, DE'I DNGOS KYI GZHAL BYA YIN NA, STONG NYID YIN DGOS PA'I @102B PHYIR, DER THAL, DES STONG NYID LAS GZHAN PA'I CHOS MNGON SUM DU MA RTOGS PA'I PHYIR, KHA CIG ,RNAM MKHYEN GYIS JI SNYED PA MA GZIGS PAR JI LTA BA GZIGS PAR THAL, DES JI SNYED PA MA GZIGS PA'I TSUL GYIS JI LTA BA GZIGS PA'I PHYIR, ZER NA, MA KHYAB MA GRUB NA, DER THAL, DES KUN RDZOB PA'I GNYIS SNANG GI SPROS PA DANG BRAL BA'I TSUL GYIS JI LTA BA GZIGS PA'I PHYIR, DER THAL, 'JUG 'GREL LAS, DNGOS PO BYAS PA CAN LA MA REG PAR, ZHES GSUNGS PA'I DON YOD PA'I PHYIR, 'DOD NA, DE MI 'THAD PAR THAL, RNAM MKHYEN GYIS BDEN GNYIS DUS CIG CAR DU GZIGS PA'I PHYIR, KHO NA RE, RNAM MKHYEN GYIS DUS GSUM CIG CAR DU GZIGS PAR THAL, DES BDEN GNYIS CIG CAR DU GZIGS PA'I PHYIR, 'DOD NA, DUS GSUM CIG CAR DU GRUB PAR THAL, 'DOD PA'I PHYIR, ZER NA, MA KHYAB STE, DE MKHYEN PA'I DUS DANG, DE GRUB PA'I DUS ZHES PA'I DUS KYI MING 'DRA YANG DON MI 'DRA BA'I PHYIR, 'DOD MI NUS TE, SNGON DANG PHYI MA'I DUS CIG CAR DU MA GRUB PA'I PHYIR, KHA CIG ,GNYIS SNANG DANG BCAS NUB KYI DON KUN RDZOB KYI SNANG BA DANG BCAS MA BCAS KYI DON LA MI BYED PAR THAL, RNAM MKHYEN GYIS DON DAM GZIGS PA'I TSE KUN RDZOB KYI SNANG BA MA NUB PA'I PHYIR, ZER NA, MA KHYAB STE, STONG NYID MNGON SUM DU RTOGS PA'I SLOB PA'I YE SHES KYI GZIGS NGOR KUN RDZOB KYI SNANG BA NUB PAS, RNAM MKHYEN DE DE 'DRA BA'I RIGS SU GNAS PA DANG, SLOB LAM DU BDEN SNANG GI DRI MAS KUN RDZOB RNAMS YUL YUL CAN GNYIS 'BREL MED RGYANG CHAD KYI TSUL DU SNANG BA DE 'BYUNG LA, RNAM MKHYEN LA DE LTAR MI 'BYUNG ZHING, BDEN STONG SGYU MA LTA BUR GZIGS PA'I PHYIR, SHES BYA CHOS CAN, BDEN GNYIS KYI RNAM GZHAG GTAN LA PHAB PA LA DGOS PA YOD DE, JI SKAD DU, BDEN GNYIS LAS, BDEN GNYIS RNAM DBYE SHES PA DAG ,THUB PA'I BKA' LA MI RMONGS TE, ,DE NYID MA LUS @103A *, ,TSOGS BSAGS NAS, ,PHUN TSOGS PHA ROL 'GRO BAR 'GYUR, ,ZHES GSUNGS PA LTAR THUB PA'I GSUNG RAB KYI DON LA MKHAS PA DANG, TSOGS GNYIS RDZOGS NAS SANGS RGYAS KYI YON TAN PHUN TSOGS THOB PA'I DGOS PA YOD PA'I PHYIR, BDEN BZHI, *, ,GNYIS PA SGRUB PA'I DMIGS PA BDEN PA BZHI LA 'DOMS PA NI, SH'A RI'I BU 'DI LA BYANG CHUB SEMS DPA' SEMS DPA' CHEN PO GZUGS STONG PA NYID LA BRTZON NA BRTZON ZHES BYA'O ZHES SOGS DANG, GZUGS LA SOGS PA SNGON GYI MTHA' LA SBYOR BA MI BYED CES SOGS KYI YUM BAR MA'I MDO TSIG CHOS CAN, KHYOD SGRUB PA'I DMIGS PA BDEN PA BZHI LA 'DOMS PA'I GDAMS NGAG YIN TE, BDEN PA BZHI PO DE DON DAM PAR GROL BA DON GNYER GYI BLANG DOR GYI GNAS MA YIN ZHING, THA SNYAD DU 'GOG LAM GNYIS PO GROL BA DON GNYER GYI SKYES BU'I BLANG BYA'I GNAS DANG SDUG KUN GNYIS PO DOR BYA'I GNAS YIN NO ZHES 'DOMS PAR BYED PA'I YUM BAR MA'I MDO TSIG YIN PA'I PHYIR, DE 'CHAD PA LA, RTZA BAR, BDEN PA RNAMS DANG NI, ,ZHES PA DANG, 'GREL PA LAS, SDUG BSNGAL LA GZUGS LA SOGS PA 'BRAS BUR GYUR PA'I STONG PA NYID DANG, ZHES SOGS GSUNGS, 'DI'I SKABS SU MTHA' DPYAD PA LA GSUM LAS, KHA CIG ,BLANG DOR GANG RUNG YIN NA, BDEN BZHI GANG RUNG YIN PAS KHYAB ZER NA, STON PA SH'AKYA THUB PA CHOS CAN, DER THAL, DE'I PHYIR, DER THAL, BLANG BYA YIN PA'I PHYIR, DER THAL, THOB BYA YIN PA'I PHYIR, DER THAL, THOB BYA MTHAR THUG YIN PA'I PHYIR, DER THAL, SANGS RGYAS YIN PA'I PHYIR, RTZA BAR 'DOD NA, 'GOG LAM GANG RUNG YIN PAR THAL, BDEN BZHI GANG RUNG GANG ZHIG ,SDUG KUN GNYIS GANG RUNG MA YIN PA'I PHYIR, DANG PO KHAS, PHYI MA DER THAL, @103B SANGS RGYAS YIN PA'I PHYIR, 'DOD NA, LAM BDEN YIN PAR THAL, 'DOD PA GANG ZHIG ,'GOG BDEN MA YIN PA'I PHYIR, 'DOD NA, SHES PA YIN PAR THAL LO, ,'DOD MI NUS TE, GZUGS DANG LDAN PA'I PHYIR, KHA CIG ,RANG RGYU KUN 'BYUNG BDEN PA'I RNAM SMIN GYI 'BRAS BUR GYUR PA'I ZAG BCAS, SDUG BSNGAL BDEN PA'I MTSAN NYID, RANG 'BRAS SDUG BSNGAL BDEN PA'I RNAM SMIN GYI RGYUR GYUR PA'I ZAG BCAS, KUN 'BYUNG BDEN PA'I MTSAN NYID ZER NA, MA DAG PA'I SNOD KYI 'JIG RTEN CHOS CAN, MTSAN NYID DANG PO DER THAL, MTSON BYA DANG PO DE'I PHYIR, DER THAL, MA DAG PA'I SNOD KYI 'JIG RTEN YIN PA'I PHYIR, KHYAB STE, KUN LAS BTUS LAS, SDUG BSNGAL GYI BDEN PA GANG ZHE NA, DE NI SEMS CAN SKYE BA DANG, SKYE BA'I GNAS KYIS KYANG RIGS PAR BYA'O ZHES GSUNGS PA'I PHYIR, RTZA BAR 'DOD NA, DE CHOS CAN, RNAM SMIN GYI 'BRAS BU YIN PAR THAL, 'DOD PA'I PHYIR, 'DOD NA, GANG ZAG GI RGYUD KYI BSDUS PAR THAL, 'DOD PA'I PHYIR, 'DOD MI NUS SO, ,GZHAN YANG, MI DGE BA'I LAS CHOS CAN, MTSAN NYID GNYIS KA DER THAL, MTSON BYA GNYIS PO DE'I PHYIR, DER THAL, RANG RGYU NYON MONGS PA'I DBANG GIS BYUNG BA'I MI DGE BA'I LAS YIN PA'I PHYIR, KHYAB STE, KUN BTUS LAS, KUN 'BYUNG BDEN PA GANG ZHE NA, NYON MONGS PA DANG, NYON MONGS PA'I DBANG GIS BYUNG BA'I LAS SO, ,LAS DANG NYON MONGS PAS BSKYED PA DANG, LAS DANG NYON MONGS PA'I DBANG GIS BYUNG BA 'DI MTHA' DAG SDUG BSNGAL GYI BDEN PA YIN PAR RIG PAR BYA'O, ,ZHES GSUNGS PA'I PHYIR, RTZA BAR 'DOD NA, RNAM SMIN GYI RGYU 'BRAS GNYIS KA YIN PAR THAL, 'DOD PA'I PHYIR, 'DOD NA, RNAM SMIN GYI 'BRAS BU YIN PAR THAL, 'DOD PA'I PHYIR, 'DOD NA, LUNG MA BSTAN YIN PAR THAL, 'DOD PA'I PHYIR, KHYAB STE, MDZOD LAS, RNAM SMIN LUNG @104A *, ,DU MA BSTAN CHOS, ,ZHES GSUNGS PA'I PHYIR, 'DOD MI NUS TE, MI DGE BA YIN PA'I PHYIR, KHA CIG ,SNOD BCUD GANG RUNG GIS BSDUS PA'I ZAG BCAS, SDUG BSNGAL BDEN PA'I MTSAN NYID, LAS NYON GANG RUNG GIS BSDUS PA'I ZAG BCAS, KUN 'BYUNG BDEN PA'I MTSAN NYID ZER NA, BYANG SEMS 'PHAGS PA'I RGYUD KYI GANG ZAG GI BDAG 'DZIN CHOS CAN, MTSON BYA DANG PO DER THAL, MTSAN NYID DANG PO DE'I PHYIR, DER THAL, BCUD KYIS BSDUS PA'I ZAG BCAS YIN PA'I PHYIR, DER THAL, NYON MONGS YIN PA'I PHYIR, DER THAL, GANG ZAG GI BDAG 'DZIN YIN PA'I PHYIR, 'DOD NA, BYANG SEMS 'PHAGS PA'I RGYUD LA SDUG BSNGAL BDEN PA YOD PAR THAL, 'DOD PA'I PHYIR, 'DOD NA, DE'I RGYUD LA SKYE RGA NA 'CHI'I SDUG BSNGAL YOD PAR THAL, 'DOD PA'I PHYIR, 'DOD MI NUS TE, RGYUD BLA MA LAS, 'PHAGS PAS NA DANG RGA BA DANG, ,'CHI BA'I SDUG BSNGAL RTZAD NAS SPANGS, ,ZHES GSUNGS PA'I PHYIR, GZHAN YANG, DE CHOS CAN, KUN 'BYUNG BDEN PA YIN PAR THAL, LAS NYON GANG RUNG GIS BSDUS PA'I ZAG BCAS YIN PA'I PHYIR, DER THAL, NYON MONGS PAS BSDUS PA'I ZAG BCAS YIN PA'I PHYIR, DER THAL, NYON MONGS YIN PA'I PA'I, 'DOD NA, DE'I RGYUD LA SDUG BDEN YOD PAR THAL, 'DOD NA, BKAG ZIN, KHA CIG ,MI RTAG SDUG BSNGAL STONG PA BDAG MED BZHI TSOGS PA'I TSOGS DON, SDUG BSNGAL BDEN PA'I MTSAN NYID, RGYU KUN 'BYUNG RAB SKYE RKYEN GYI RNAM PA BZHI TSOGS BA'I TSOGS DON, KUN 'BYUNG BDEN PA'I MTSAN NYID ZER NA, DANG PO DE MI 'THAD PAR THAL, DE 'DRA BA'I TSOGS DON GNYIS 'DUS BYAS MA YIN PA'I PHYIR, DER THAL, STONG PA BDAG MED GNYIS TSOGS PA'I TSOGS DON 'DUS BYAS @104B MA YIN PA'I PHYIR, DER THAL, DE 'DUS MA BYAS YIN PA'I PHYIR, DER THAL, DE GNYIS TSOGS PA'I TSOGS PA 'DUS MA BYAS YIN PA'I PHYIR, DER THAL, DE GNYIS 'DUS MA BYAS YIN PA'I PHYIR, GZHAN YANG, RGYU'I RNAM PA DANG RKYEN GYI RNAM PA KUN 'BYUNG BDEN PA YIN PAR THAL, DAM BCA' 'THAD PA'I PHYIR, 'DOD NA, DE MI 'THAD PAR THAL, SANGS RGYAS KYI SA NA RGYU RKYEN GYI RNAM PA YOD PA'I PHYIR, DER THAL, DE NA RGYU RKYEN YOD PA'I PHYIR, DER THAL, DE NA 'DUS BYAS YOD PA'I PHYIR, KHA CIG ,SDUG KUN GANG RUNG YIN NA, SPANG BYA YIN PAS KHYAB ZER NA, NGES PA'I RGYUN ZHUGS SRID PA LAN BDUN PA CHOS CAN, DER THAL, DE'I PHYIR, DER THAL, SDUG BSNGAL BDEN PA YIN PA'I PHYIR, DER THAL, DE LAS NYON GYI DBANG GIS RANG DBANG MED PAR SKYE BA BLANGS PA'I GANG ZAG YIN PA'I PHYIR, KHYAB STE, KUN BTUS LAS, SEMS CAN GYI 'JIG RTEN GANG YIN PA DANG, SNOD KYI 'JIG RTEN GANG YIN PA LAS DANG NYON MONGS PAS BSKYED PA, LAS DANG NYON MONGS PA'I DBANG GIS BYUNG BA 'DI MTHA' DAG SDUG BSNGAL GYI BDEN PA YIN PAR RIG PAR BYA'O, ,ZHES GSUNGS PA'I PHYIR, 'DOD MI NUS TE, DGE 'DUN DKON MCHOG YIN PA'I PHYIR, GZHAN YANG, LHA DANG MIR SKYE BA LEN PA'I THABS SU GYUR PA'I SO SKYE'I RGYUD KYI ZAG BCAS KYI DGE BA'I LAS CHOS CAN, DER THAL, DE'I PHYIR, DER THAL, KUN 'BYUNG BDEN PA YIN PA'I PHYIR, DER THAL, LAS KYI KUN 'BYUNG YIN PA'I PHYIR, 'DO NA, LHA MIR SKYE BA LEN PA'I THABS SU GYUR PA'I ZAG BCAS KYI DGE BA'I LAS SPANG BYA YIN PAR THAL, 'DOD PA'I PHYIR, 'DOD NA, LHA MIR SKYE BA'I THABS SGRUB PA SPANG BYA YIN PAR THAL, 'DOD PA'I PHYIR, KHYAB STE, SO SO SKYE BO'I RGYUD LA ZAG MED KYI LAS MED PAS ZAG BCAS KYI DGE BA'I LAS KYIS LHA MI'I GO 'PHANG SGRUB DGOS PA'I PHYIR, @105A *, ,KHA CIG ,ZAG BCAS KYI GZUGS PHUNG YIN NA, SDUG BSNGAL BDEN PA YIN PAS KHYAB, ZAG BCAS KYI LAS NYON GANG RUNG YIN NA, KUN 'BYUNG BDEN PA YIN PAS KHYAB ZER NA, DANG PO LA, BDE BA CAN GYI RTEN CAN GYI SO SKYE'I GZUGS PHUNG CHOS CAN, DER THAL, DE'I PHYIR, DER THAL, SO SKYE'I GZUGS PHUNG YIN PA'I PHYIR, 'DOD NA, DE MI 'THAD PAR THAL, BDE BA CHAN GYI RTEN CAN GYI SDUG BSNGAL BDEN PA MED PA'I PHYIR, DER THAL, BDE BA CAN DE SDUG BSNGAL BDEN PA MA YIN PAR GSUNGS PA'I PHYIR, DER THAL, KUN LAS BTUS LAS, YONGS SU DAG PA'I 'JIG RTEN GYI KHAMS DE DAG NI SDUG BSNGAL GYI BDEN PA MA YIN PAR BLTA STE, ZHES GSUNGS PA'I PHYIR, 'ON KYANG BDE BA CAN GYI SO SKYE'I RGYUD LA ZAG BCAS KYI DGE BA'I LAS YOD DAM SNYAM YANG DPYAD PAR BYA'O, ,PHYI MA DE MI 'THAD PAR THAL, BYANG 'PHAGS KYI RGYUD LA NYON MONGS YOD KYANG SDUG KUN MED PA'I PHYIR, KHA CIG ,SDUG BSNGAL YIN NA, SDUG BSNGAL BDEN PA YIN PAS KHYAB, LAS YIN NA, KUN 'BYUNG BDEN PA YIN PAS KHYAB ZER NA, DANG PO LA, BYANG 'PHAGS KYI RGYUD KYI YID 'BYUNG CHOS CAN, DER THAL, DE'I PHYIR, DER THAL, YID 'BYUNG YIN PA'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, BYANG SEMS KYIS 'KHOR BAR YID 'BYUNG BA'I SGO NAS NGES 'BYUNG LA BLO SBYONG BA YOD PA'I PHYIR, GONG DU 'DOD NA SLA'O, ,GZHAN YANG, ZAG MED KYI LAS CHOS CAN, PHYI MA DER THAL, DE'I PHYIR, DER THAL, CHOS CAN DE'I PHYIR, 'DOD NA, ZAG BCAS KYIS BSDUS PAR THAL LO, ,MKHAS PA MANG POS SDUG BSNGAL YIN NA, SHES PA YIN PAS KHYAB, SDUG KUN GNYIS KYANG 'GAL LO GSUNG, RE ZHIG DANG PO DE MI'THAD PAR THAL, SDUG BSNGAL DU 'GYUR BA'I SHES PA MA YIN PA YOD @105B PA'I PHYIR, DER THAL, SDUG BSNGAL DANG SDUG BSNGAL MYONG BA'I SHES PA THAD DAD DU 'JOG PA LA DGOS PA YOD PA'I PHYIR, PHYI MA DE MI 'THAD PAR THAL, DE GNYIS KYI GZHI MTHUN PA YOD PA'I PHYIR, DER THAL, RANG GI 'BRAS BU SDUG BDEN GYI GTZO BOR BYED PA'I ZAG BCAS KYI PHUNG PO DANG, RANG RGYU LAS NYON GYI DBANG GIS BYUNG BA'I ZAG BCAS KYI PHUNG PO'I GZHI MTHUN YOD PA'I PHYIR, DER THAL, LAM MA ZHUGS KYI GANG ZAG GI RGYUD KYI MA RIG PA DANG SRED PA RNAMS DE LTAR YIN PA'I PHYIR, KHA CIG ,SKYAR RGA NA 'CHI GANG RUNG YIN NA, SDUG BSNGAL BDEN PA YIN PAS KHYAB ZER NA, SANGS RGYAS 'PHAGS PA'I RGYUD LA SKYE BA'I CHOS MED PAR THAL, DAM BCA' 'THAD PA'I PHYIR, 'DOD NA, DE'I RGYUD LA SKYE ZIN PA DANG SKYE BA'I CHOS GNYIS KA MED PAR THAL, 'DOD PA'I PHYIR, 'DOD MI NUS TE, DE'I RGYUD LA SKYES ZIN PA DANG SKYE BA'I 'DUS BYAS KYIS BSDUS PA'I YON TAN YOD PA'I PHYIR, DER THAL, DE'I RGYUD LA 'DUS BYAS KYI YON TAN YOD PA'I PHYIR, KHYAB STE, 'DUS BYAS YIN NA, KHYOD KYI SKYE GNAS 'JIG GSUM KA YOD DGOS PA'I PHYIR, KHA CIG ,MI MTHUN PHYOGS LAS GROL BA'I RNAM BYANG BDEN PA, 'GOG BDEN GYI MTSAN NYID, DE LAS GROL BYED KYI RNAM BYANG BDEN PA, LAM BDEN GYI MTSAN NYID ZER NA, DANG PO LA, RNAM MKHYEN CHOS CAN, 'GOG BDEN YIN PAR THAL, MTSAN NYID DE'I PHYIR, DER THAL, SGRIB PA MTHA' DAG LAS GROL BA'I RNAM BYANG BDEN PA YIN PA'I PHYIR, DER THAL, RNAM MKHYEN YIN PA'I PHYIR, 'DOD NA, 'DUS MA BYAS SU THAL LO, ,PHYI MA LA LAM BDEN YIN NA, MI MTHUN PHYOGS LAS MA BRAL BAS KHYAB PAR THAL, DAM BCA' 'THAD PA'I PHYIR, 'DOD NA, RNAM MKHYEN CHOS CAN, DER THAL, DE'I PHYIR, DER THAL, 'PHAGS PA'I RGYUD KYI MKHYEN PA YIN PA'I PHYIR, 'DOD MI NUS SO, ,KHA CIG NA RE, LAM BDEN GYI BRAL 'BRAS SU GYUR PA'I RNAM BYANG BDEN PA, @106A *, ,'GOG BDEN GYI MTSAN NYID, 'GOG BDEN GYI BRAL RGYUR GYUR PA'I RNAM BYANG BDEN PA, LAM BDEN GYI MTSAN NYID ZER NA, LAM BDEN DANG DUS MNYAM DU GRUB PA'I 'GOG BDEN CHOS CAN, MTSAN NYID DANG PO DER THAL, MTSON BYA DANG PO DE'I PHYIR, 'DOD NA, MI 'THAD PAR THAL, DE DANG DUS MNYAM YIN PA'I PHYIR, GZHAN YANG, MTSAN NYID PHYI MA DE MI 'THAD PAR THAL, LAM BDEN YIN NA, 'GOG BDEN GYI BRAL RGYU YIN MI DGOS PA'I PHYIR, DER THAL, 'GOG BDEN THOB ZIN PA'I LAM BDEN YOD PA'I PHYIR, KHA CIG NA RE, 'GOG PA ZHI BA GYA NOM PA NGES 'BYUNG GI RNAM PA GANG RUNG YIN NA, 'GOG BDEN YIN PAS KHYAB, LAM SGRUB PA RIG PA NGES 'BYIN GYI RNAM PA GANG RUNG YIN NA, LAM BDEN YIN PAS KHYAB ZER NA, DANG PO LA, NYAN THOS MTHONG LAM PA'I RGYUD KYI SO SOR BRTAGS MIN GYI 'GOG PA CHOS CAN, DER THAL, DE'I PHYIR, DER THAL, 'GOG PA YIN PA'I PHYIR TE, CHOS CAN DE YIN PA'I PHYIR, KHYAB STE, 'GOG PA DE LA SO SOR BRTAGS 'GOG DANG SO SOR BRTAGS MIN GYI 'GOG PA GNYIS KYI DBYE BA 'THAD PA'I PHYIR, 'DOD NA, SO SOR BRTAGS 'GOG YIN PAR THAL, 'DOD PA'I PHYIR, 'DOD MI NUS SO, ,PHYI MA LA, NYAN THOS KYI TSOGS LAM CHOS CAN, DER THAL, DE'I PHYIR, DER THAL, LAM YIN PA'I PHYIR, DER THAL, TSOGS LAM YIN PA'I PHYIR, 'DOD NA, 'PHAGS RGYUD KYI MKHYEN PAR THAL, 'DOD PA'I PHYIR, 'DOD MI NUS TE, SO SKYE'I RGYUD KYI CHOS YIN PA'I PHYIR, DER THAL, NYAN THOS KYI TSOGS LAM PA'I RGYUD KYI LAM YIN PA'I PHYIR, KHYAB STE, NYAN THOS TSOGS LAM PA YIN NA, SO SKYE YIN DGOS PA'I PHYIR, KHA CIG ,'GOG BDEN YIN NA, DON DAM BDEN PA YIN PAS KHYAB ZER NA, NYAN THOS MTHONG LAM RNAM @106B GROL LAM PA BA'I RGYUD KYI NYON SGRIB KUN BTAGS SPANGS PA'I SPANGS CHA CHOS CAN, DER THAL, DE'I PHYIR, DER THAL, SPANGS PA YIN PA'I PHYIR, DER THAL, CHOS CAN DE DANG GCIG YIN PA'I PHYIR, 'DOD MI NUS TE, KUN RDZOB BDEN PA YIN PA'I PHYIR, GZHAN YANG, DE MI 'THAD PAR THAL, GANG ZAG GI BDAG MED PHRA MOR GYUR PA'I 'GOG BDEN YOD PA'I PHYIR, DER THAL, NYAN THOS MTHONG LAM RNAM GROL LAM GYI GZHAL BYAR GYUR PA'I GANG ZAG GI BDAG MED PHRA MO YOD PA'I PHYIR, KHA CIG ,'GOG BDEN YIN NA, KUN RDZOB BDEN PA YIN PAS KHYAB ZER NA, DE MI 'THAD PAR THAL, 'GOG BDEN DANG DON DAM BDEN PA'I GZHI MTHUN YOD PA'I PHYIR, DER THAL, 'GOG BDEN DANG DE BZHIN NYID KYI GZHI MTHUN YOD PA'I PHYIR, DER THAL, 'GREL PA LAS, RGYU LA MA LTOS PA'I DE BZHIN NYID 'GOG PA'I BDEN PA DANG, ZHES GSUNGS PA'I PHYIR, KHA CIG ,SDUG BSNGAL BDEN PA DANG LAM BDEN GNYIS MI 'GAL ZER NA, DE GNYIS 'GAL BAR THAL, LAM BDEN YIN NA, ZAG MED YIN DGOS PA GANG ZHIG ,SDUG BDEN YIN NA, ZAG BCAS YIN DGOS PA'I PHYIR, DANG PO DER THAL, MDZOD LAS, ZAG MED LAM GYI BDEN PA DANG, ,ZHES GSUNGS PA'I PHYIR, PHYI MA DER THAL, SDUG BDEN YIN NA, ZAG BCAS 'BRAS BSDUS KYI CHAR GYUR PA YIN DGOS PA'I PHYIR, KHA CIG , BYANG SEMS KYI RGYUD KYI 'GOG BDEN YIN NA, BYANG SEMS KYI 'GOG BDEN YIN PAS KHYAB, BYANG SEMS KYI RGYUD KYI LAM BDEN YIN NA, BYANG SEMS KYI LAM BDEN YIN PAS KHYAB ZER NA, DANG PO LA, THEG DMAN DGRA BCOM PA'I RTOGS PA SNGON DU SONG BA'I BYANG SEMS TSOGS LAM PA'I RGYUD KYI 'GOG BDEN CHOS CAN, DER THAL, DE'I PHYIR, DER THAL, BYANG SEMS TSOGS LAM PA'I RGYUD KYI 'GOG BDEN YIN PA'I PHYIR, RTAGS SLA, 'DOD NA, RANG THOB BYED KYI THABS SU GYUR PA'I BYANG SEMS KYI LAM BDEN GYI STOBS @107A *, ,KYIS THOB PAR THAL, 'DOD PA'I PHYIR, 'DOD NA, THEG CHEN 'PHAGS PA'I RGYUD KYI YON TAN YIN PAR THAL, 'DOD PA'I PHYIR, 'DOD MI NUS TE, BYANG SEMS SO SKYE'I RGYUD KYI YON TAN YIN PA'I PHYIR, PHYI MA LA, DE 'DRA BA'I BYANG SEMS TSOGS LAM PA'I RGYUD KYI LAM BDEN CHOS CAN, DER THAL, DE'I PHYIR, RTAGS GSAL SLA'O, ,GNYIS PA RANG LUGS LA, ZAG BCAS 'BRAS BSDUS KYI CHAR GYUR PA'I KUN NAS NYON MONGS PHYOGS KYI BDEN PA, SDUG BSNGAL BDEN PA'I MTSAN NYID, DE LA NGO BO'I SGO NAS DBYE NA, SDUG BSNGAL GYI SDUG BSNGAL, 'GYUR BA'I SDUG BSNGAL, KHYAB PA 'DU BYED KYI SDUG BSNGAL DANG GSUM, LUS KYI TSOR BA SDUG BSNGAL RAGS PA LTA BU DANG PO DANG, ZAS KYI RO MYONG BA'I TSOR BA BDE BA LTA BU GNYIS PA DANG, NYER LEN GYI PHUNG PO'I STENG GI MI RTAG PA LTA BU GSUM PA'O, ,MYONG TSUL GYIS DBYE NA BRGYAD KYANG YOD DE, DER GYUR PA'I SKYE BA'I SDUG BSNGAL, RGA BA'I SDUG BSNGAL, NA BA'I SDUG BSNGAL, 'CHI BA'I SDUG BSNGAL, MI SDUG PA DANG PHRAD PA'I SDUG BSNGAL, SDUG PA DANG BRAL BA'I SDUG BSNGAL, 'DOD PA BTZAL KYANG MA RNYED PA'I SDUG BSNGAL, GNAS NGAN LEN GYI SDUG BSNGAL DANG BRGYAD YOD PA'I PHYIR, ZAG BCAS RGYU BSDUS KYI CHAR GYUR BA'I KUN NAS NYON MONGS PHYOGS KYI BDEN PA, KUN 'BYUNG BDEN PA'I MTSAN NYID, DE LA NGO BO'I SGO NAS DBYE NA, LAS KYI KUN 'BYUNG DANG, NYON MONGS PA'I KUN 'BYUNG GNYIS YOD, LAS KYI KUN 'BYUNG LA DER GYUR PA'I DGE MI DGE LUNG MA BSTAN GYI LAS GSUM YOD, NYON MONGS PA'I KUN 'BYUNG LA DER GYUR PA'I RTZA NYON DRUG NYE NYON NYI SHU, RANG THOB BYED KYI THABS SU GYUR PA'I LAM BDEN GYI BRAL 'BRAS SU GYUR PA'I RNAM BYANG BDEN PA, 'GOG BDEN GYI MTSAN NYID, DE LA THEG PA GSUM GYI 'PHAGS RGYUD KYI 'GOG BDEN GSUM YOD, RANG GI @107B BRAL 'BRAS SU GYUR PA'I 'GOG BDEN GYI BRAL RGYU'I RIGS SU GNAS PA'I 'PHAGS RGYUD KYI MKHYEN PA, LAM BDEN GYI MTSAN NYID, DE LA DER GYUR PA'I TSOGS LAM SBYOR LAM MTHONG LAM SGOM LAM MI SLOB LAM DANG LNGA YOD, 'O NA, BDEN PA BZHI'I GO RIM JI LTAR YIN ZHE NA, YOD DE, DANG POR SDUG BDEN, DE RJES KUN 'BYUNG, DE RJES 'GOG BDEN, DE RJES LAM BDEN BSTAN PA DE YUL CAN MNGON RTOGS KYI RIM PA SGOM TSUL DANG MTHUN PAR BSTAN PA YIN LA, DANG POR KUN 'BYUNG, DE NAS LAM BDEN, DE NAS SDUG BDEN, DE NAS 'GOG BDEN BSTAN PA DE RGYU 'BRAS DON GYI RIM PA'I DBANG DU BYAS PA YIN PA'I PHYIR, DANG PO DE LTAR YIN TE, 'KHOR BA'I SDUG BSNGAL 'DI MTHA' DAG SPONG 'DOD NAS DE GANG LAS BYUNG SNYAM PA NA, DE DAG RANG RGYU KUN 'BYUNG BDEN PA LAS BYUNG BAR SHES PA DANG, DE NAS KUN 'BYUNG SDUG BDEN DANG BCAS PA SPONG NUS SU SHES TE SPANGS PA'I SPANGS PA THOB 'DOD SKYE ZHING SPANGS PA DE THOB PA LA LAM BDEN BSGOM DGOS PAR SHES PA'I PHYIR DU DE LTAR BSTAN PA'I PHYIR, DPER NA, SKYES BU 'GA' ZHIG NAD KYIS GDUNGS PA NA, NAD DE GANG LAS 'BYUNG BA'I RGYU SPONG 'DOD DANG, NAD DANG BRAL BA'I BDE BA THOB 'DOD DANG, BDE BA THOB BYED KYI SMAN 'DOD PA'I BLO SKYE BA BZHIN YIN PA'I PHYIR, DE LTAR YANG, RGYUD BLA MA LAS, NAD NI SHES BYA NAD KYI RGYU NI SPANG BYA LA, ,BDE GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU DANG DE 'GOG PA DANG DE BZHIN LAM, ,SHES BYA SPANG BYA RIG PAR BYA ZHING BSTON PAR BYA, ,ZHES GSUNGS PA'I PHYIR, PHYI MA DE LTAR YIN TE, RGYU KUN 'BYUNG BDEN PA LAS 'BRAS BU SDUG BDEN 'BYUNG ZHING, RGYU LAM BDEN LA BRTEN NAS BRAL 'BRAS 'GOG BDEN THOB DGOS PA'I RIM PA'I DBANG DU BYAS PA YIN PA'I PHYIR, BDEN BZHI'I RNAM BZHAG SHES PA SHIN TU GAL CHE BA YIN TE, 'KHOR BA RGYU DANG BCAS PA SPONG BA DANG, THAR PA THABS DANG @108A *, ,BCAS PA RANG RGYUD LA BSTEN PA LA DE SHES DGOS PA DANG, KHYAD PAR DU STON PA MYA NGAN LAS 'DA' BA'I TSUL STON PAR NYE BA NA, STON PAS KUN DGA' BO, DKON MCHOG GSUM DANG BDEN PA BZHI LA THE TSOM YOD NA BRIS SHIG MED NA RE ZHIG CANG MA SMRA SHIG ,CES BDEN BZHI'I GNAS TSUL SHES DGOS PAR GAL CHE BAR BSTAN PA'I PHYIR, GSUM PA RTZOD PA SPONG BA LA, KHA CIG ,ZAG BCAS KYI TSOR BA BDE BA CHOS CAN, SDUG BSNGAL YIN PAR THAL, 'GYUR BA'I SDUG BSNGAL YIN PA'I PHYIR ZER NA, ,KHA CIG MA KHYAB GSUNG, MA GRUB NA, DER THAL, 'GYUR BA'I SDUG BSNGAL GYI MTSAN GZHI GCIG YOD PA'I PHYIR, GONG DU 'DOD NA, DE CHOS CAN, SDUG BSNGAL MA YIN PAR THAL, BDE BA YIN PA'I PHYIR, DER THAL, TSOR BA BDE BA YIN PA'I PHYIR, KHA CIG GIS 'DIR MA KHYAB ZER, YANG KHA CIG ,DE CHOS CAN, SDUG BSNGAL BDEN PA MA YIN PAR THAL, SDUG BSNGAL BRDZUN PA YIN PA'I PHYIR ZER BA DANG, DE CHOS CAN, 'GYUR BA'I SDUG BSNGAL MA YIN PAR THAL, 'GYUR BA'I BDE BA YIN PA'I PHYIR ZER NA, SNGA PHYI GNYIS LA MA KHYAB BO, ,KHA CIG ,SO SKYE'I RGYUD LA BDE SDUG GNYIS MYONG BA MED PAR THAL, DE'I RGYUD LA BDE BA MED PA'I PHYIR, DER THAL 'KHOR BA PA'I RGYUD LA BDE BA MED PA'I PHYIR, DER THAL, DRAN PA NYER GZHAG LAS, 'KHOR BA KHAB KYI RTZE TZAM NA, ,BDE BA NAM YANG YOD MA YIN, ,ZHES GSUNGS PA'I PHYIR, ZER NA, KHO BO LTAR NA, DE NI SDUG BSNGAL DANG MA 'DRES PA'I BDE BA KHYAD PAR CAN LA DGONGS PA 'DRA STE, 'KHOR BA PA'I RGYUD LA BDE BA NAM YANG MED NA, BDE SDUG MYONG BA MI 'THAD PA'I PHYIR RO, ,'ON KYANG 'DIR MI 'DRA BAR SNANG NGO, ,RTZA BAR 'DOD NA, DE MI 'THAD PAR THAL, DE LA BDE BA MYONG BA YANG YOD, SDUG BSNGAL MYONG BA YANG YOD PA'I PHYIR, DANG PO DER THAL, DE LA LHA MI'I BDE BA MYONG BA YOD PA'I @108B PHYIR, MA KHYAB NA, BDE BA YIN NA GTAN GYI BDE BA YIN DGOS PAR THAL, 'DOD PA'I PHYIR, 'DOD MI NUS SO, ,GZHAN YANG, 'KHOR BA'I SEMS CAN GYI RGYUD LA BDE BA YOD PAR THAL, DE'I RGYUD LA RGYU DGE BA BYAS PA LA BRTEN NAS 'BRAS BU BDE BA 'BYUNG BA YOD PA'I PHYIR, DER THAL, RIN CHEN 'PHRENG BA LAS, DGE BAS BDE 'GRO THAMS CAD DANG, ,SKYE BA KUN TU BDE BA DAG ,CES GSUNGS PA'I PHYIR, KHA CIG ,SDUG BDEN YIN NA, SDUG BSNGAL YIN DGOS PAR THAL, DE LTAR BZHED PA'I MKHAS GRUB 'GA' ZHIG YOD PA'I PHYIR, ZER NA, MA KHYAB, 'DOD NA, MI 'THAD PAR THAL, ZAS BZANG PO'I RO NYAMS SU MYONG BA'I ZAG BCAS KYI TSOR BA BDE BA DE SDUG BDEN YIN KYANG SDUG BSNGAL MA YIN PAR SGRUB ZIN PA'I PHYIR, KHA CIG ,KHAMS GONG MA GNYIS NA SDUG BSNGAL GSUM PO YOD PAR THAL, 'DOD KHAMS NA SDUG BSNGAL GSUM PO YOD PA'I PHYIR, ZER NA, MA KHYAB, MA GRUB NA, DER THAL, DE NA SDUG BSNGAL GYI SDUG BSNGAL YOD PA GANG ZHIG ,DE YOD NA GZHAN GNYIS KYANG YOD PA LAS MA 'DAS PA'I PHYIR, DANG PO DER THAL, DE NA NGAN SONG GSUM GYI SDUG BSNGAL YOD PA'I PHYIR, GONG DU 'DOD NA, MI 'THAD PAR THAL, GONG MA GNYIS NA SDUG BSNGAL GYI SDUG BSNGAL MED PA'I PHYIR, DER THAL, GZUGS MED KHAMS NA DE MED PA GANG ZHIG ,GZUGS KHAMS NA YANG MED PA'I PHYIR, DANG PO DER THAL, DE NA TSOR BA SDUG BSNGAL MNGON 'GYUR BA MED PA'I PHYIR, DER THAL, DE NA GZUGS MED PA'I STOBS KYIS SDUG BSNGAL GYI 'DU SHES RAGS PA RGYU BA MED PA'I PHYIR, GNYIS PA DER THAL, DE NA DE MED PAR TSAD LDAN GYIS GSUNGS PA MTHONG ZHING, BDEN BZHI'I MTHA' GCOD LAS KYANG, SDUG BSNGAL DANG PO 'DOD KHAMS KHO NA DANG, ZHES GSUNGS PA'I PHYIR, KHA CIG ,KHYAB PA 'DU BYED KYI SDUG BSNGAL YIN NA, KHAMS GSUM NA YOD DGOS PAR THAL, DE KHAMS GSUM LA KHYAB PA'I @109A *, ,RGYU MTSAN GYIS KHYAB PA ZHES MING GIS BSTAN PA'I PHYIR, ZER NA, MA KHYAB, 'DOD NA, DE MI 'THAD PAR THAL, MDUN GYI SKYES BU'I PHUNG PO'I STENG GI MI RTAG PA KHYAB PA 'DU BYED KYI SDUG BSNGAL YIN PA'I PHYIR, KHA CIG NA RE, KHYAB PA 'DU BYED KYI SDUG BSNGAL YIN NA, KHYOD MNGON SUM DU RTOGS PA'I SO SKYE MED DGOS PAR THAL, DE MNGON SUM DU RTOGS PA'I SO SKYE MED PA'I PHYIR, DER THAL, DE MTHA' DAG SDUG BSNGAL GYI RANG BZHIN DU MNGON SUM DU MTHONG BA'I SO SKYE MED PA'I PHYIR, ZER NA, MA KHYAB, RTAGS DER THAL, MDO LAS, BYIS PA LAG MTHIL LTA BU YIS, ,'DU BYED SDUG BSNGAL SPU MI RIGS, ,'PHAGS PA MIG DANG 'DRA BA YIS, ,DE YI YID KYANG SHIN TU 'BYUNG, ,ZHES GSUNGS PA'I PHYIR, 'DOD NA, ZAG BCAS NYER LEN GYI PHUNG PO CHOS CAN, DER THAL, DE'I PHYIR, DER THAL, RNAM BSHAD LAS, ZAG BCAS KYI PHUNG PO GANG YIN THAMS CAD 'DU BYED KYI SDUG BSNGAL TE, ZHES GSUNGS PA'I PHYIR, 'DOD NA, ZAG BCAS KYI GZUGS PHUNG MNGON SUM DU RTOGS PA'I SO SKYE MED PAR THAL LO, ,'DOD PA'I PHYIR, 'DOD MI NUS SO, ,KHA CIG NA RE, NYON MONGS YIN NA, KUN 'BYUNG BDEN PA YIN DGOS PAR THAL, KUN BTUS LAS, KUN 'BYUNG BA'I BDEN PA GANG ZHE NA, NYON MONGS DANG DE'I DBANG GIS BYUNG BA'I LAS SO, ,ZHES GSUNGS PA'I PHYIR, ZER NA, MA KHYAB STE, DE NI MA DAG PA'I ZHING GI SO SKYE'I RGYUD KYI LAS NYON LA DGONGS PA'I PHYIR, KHA CIG ,MI RTAG SDUG BSNGAL STONG PA BDAG MED BZHI SDUG BSNGAL BDEN PA YIN PAR THAL, KUN BTUS LAS, SDUG BSNGAL SPYI'I MTSAN NYID GANG ZHE NA, MI RTAG PA'I MTSAN NYID DANG SDUG BSNGAL BA'I MTSAN NYID DANG STONG PA'I MTSAN NYID DANG BDAG MED PA'I MTSAN NYID DO, ,ZHES GSUNGS PA'I PHYIR, ZER NA, MA KHYAB STE, DE NI SDUG BSNGAL BDEN @109B PA DE 'DRA BA'I RANG BZHIN CAN YIN PA LA DGONGS PA'I PHYIR, 'DOD MI NUS TE, STONG BDAG MED GNYIS SDUG BDEN MA YIN PA'I PHYIR, DER THAL, DE GNYIS 'DUS MA BYAS YIN PA'I PHYIR, KHA CIG NA RE, RGYU KUN 'BYUNG RAB SKYE RKYEN GYI RNAM PA BZHI KUN 'BYUNG BDEN PA YIN PAR THAL, KUN BTUS LAS, KUN 'BYUNG BDEN PA'I MTSAN NYID RNAM PA BZHIR RIG PAR BYA STE, RGYU'I MTSAN NYID, KUN 'BYUNG BA'I MTSAN NYID, RAB TU SKYE BA'I MTSAN NYID, RKYEN GYI MTSAN NYID DO, , ZHES GSUNGS PA'I PHYIR, NA MA KHYAB STE, SNGAR LTAR KUN 'BYUNG BDEN PA LA RNAM PA BZHI YOD CES PA'I DON YIN PA'I PHYIR, 'DOD MI NUS TE, 'DUS BYAS YIN NA, RGYU DANG RKYEN GNYIS KA YIN DGOS PA'I PHYIR, KHA CIG ,NYON MONGS PA'I KUN 'BYUNG YIN NA, NYON MONGS YIN DGOS PAR THAL, LAS KYI KUN 'BYUNG YIN NA, LAS YIN DGOS PA'I PHYIR, MKHAS GRUB LTAR NA, 'DOD DGOS KYANG RE ZHIG MA KHYAB, 'DOD NA, LAM MA ZHUGS KYI GANG ZAG GI RGYUD KYI MA RIG PA DANG MTSUNGS LDAN DU GYUR PA'I GTZO SEMS CHOS CAN, DER THAL, DE'I PHYIR, DER THAL, DE'I RGYUD KYI MA RIG PA DE NYON MONGS PA'I KUN 'BYUNG GANG ZHIG ,DE LTAR NA DE 'DRA BA'I GTZO SEMS DE YANG DE YIN DGOS PA'I PHYIR, PHYI MA DER THAL, DE NYON MONGS PA'I KUN 'BYUNG MIN NA LAS NYON GYI KUN 'BYUNG GNYIS GANG RUNG LAS GZHAN PA'I KUN 'BYUNG ZUR PA ZHIG GSUNG DGOS PA LAS DNGOS SU MA GSUNGS PA LA RGYU MTSAN YANG DAG YOD PA'I PHYIR, KHA CIG ,NYON MONGS PHYOGS KYI CHOS YIN NA, KUN NAS NYON MONGS PA'I BDEN PA YIN DGOS PA DANG, RNAM BYANG PHYOGS KYI CHOS YIN NA, RNAM BYANG BDEN PA YIN DGOS PAR THAL, KUN NAS NYON MONGS PA'I BDEN PA YIN NA, NYON MONGS PHYOGS KYI CHOS YIN PAS KHYAB, RNAM BYANG BDEN PA YIN NA, RNAM BYANG PHYOGS KYI CHOS @110A *, ,YIN PAS KHYAB PA'I PHYIR, ZER NA, MA KHYAB, 'DOD NA, BYANG SEMS 'PHAGS PA'I RGYUD KYI GANG ZAG GI BDAG 'DZIN CHOS CAN, DANG PO DER THAL, DE'I PHYIR, DER THAL, NYON MONGS YIN PA'I PHYIR, 'DOD NA, NYON MONGS PA'I KUN 'BYUNG YIN PAR THAL, 'DOD PA'I PHYIR, KHA CIG MA KHYAB ZER RO, ,GZHAN YANG, NYAN THOS KYI TSOGS LAM CHOS CAN, PHYI MA DER THAL, DE'I PHYIR, DER THAL, LAM YIN PA'I PHYIR, 'DOD NA, 'PHAGS RGYUD KYI YON TAN YIN PAR THAL LO, ,'DOD NA, BKAG ZIN, KHA CIG NA RE, 'GOG BDEN GYI BRAL RGYU YIN NA, RGYU YIN MI DGOS PAR THAL, LAM BDEN GYI BRAL 'BRAS YIN NA, 'BRAS BU YIN MI DGOS PA'I PHYIR, ZER NA, MA KHYAB, MA GRUB NA, DE MI DGOS PAR THAL, BRAL 'BRAS YIN NA, 'BRAS BU MIN DGOS PA'I PHYIR, DER THAL, DE YIN NA, 'DUS BYAS MIN DGOS PA'I PHYIR, GONG DU 'DOD MI NUS TE, LAM BDEN YIN NA, RGYU YIN DGOS PA'I PHYIR, DER THAL, DE YIN NA 'DUS BYAS YIN DGOS PA'I PHYIR, KHA CIG NA RE, 'GOG LAM GNYIS KYI GZHI MTHUN PA YOD PAR THAL, SDUG KUN GNYIS KYI GZHI MTHUN PA YOD PA'I PHYIR, ZER NA, MKHAS GRUB LTAR NA, DE GNYIS MI 'GAL BAR MA ZAD YIN KHYAB MNYAM DU BZHED LA, MANG POS DE GNYIS 'GAL BAR 'DOD KYANG, KHO BOS NI DE GNYIS KA MI 'DOD DE, LHAG MED MYANG 'DAS THOB KHA MA'I DGRA BCOM PA'I RGYUD LA SDUG BDEN YOD KYANG KUN 'BYUNG MED PA'I PHYIR, DER THAL, KUN 'BYUNG ZHES PA'I DON RANG 'BRAS THUN MONG MA YIN PA'I SDUG BDEN BSKYED PA LA 'JOG PA GANG ZHIG ,LHAG MED MYANG 'DAS LA GNAS PA'I GANG ZAG GI RGYUD LA SDUG BDEN MED PA'I PHYIR, KHA CIG NA RE, 'PHAGS PA'I BDEN PA BZHI YOD PAR THAL, BDEN BZHI SO SO'I SGRA BSHAD GCIG YOD PA'I PHYIR, 'DOD NA, 'PHAGS PA'I SDUG BSNGAL @110B BDEN PA YOD PAR THAL, 'DOD PA'I PHYIR, 'DOD NA THEG CHEN 'PHAGS PA'I SDUG BSNGAL BDEN PA YOD PAR THAL, 'DOD PA'I PHYIR ZER NA MA KHYAB SNYAM STE, SANGS RGYAS 'PHAGS PA'I SDUG BSNGAL BDEN PA MED PA'I PHYIR, DER THAL, DE'I SDUG BSNGAL MED PA'I PHYIR ZER BA NI TSIG LA SONG NGO, ,KHA CIG NA RE, 'GOG LAM GANG RUNG GI RNAM PA YIN NA, 'GOG LAM GANG RUNG YIN MI DGOS PAR THAL, SDUG KUN GANG RUNG GI RNAM PA YIN NA, DE GANG RUNG YIN MI DGOS PA'I PHYIR, ZER NA, MA KHYAB, RTAGS GSAL SLA'O,, SKYABS GSUM ,,GNYIS PA SGRUB PA'I RTEN DKON MCHOG GSUM LA 'DOMS PA LA, BYANG SEMS SHES RAB KYI PHA ROL TU PHYIN PA LA SBYONG BA'I TSE, GZUGS LA RNAM PA THAMS CAD MKHYEN PA NYID SBYOR BAR MI BYED DE, 'DI LTAR GZUGS NYID YANG DAG PAR RJES SU MI MTHONG NGO ZHES SOGS DANG, GZUGS DNGOS PO YOD CES BYA BAR MI SBYOR, DNGOS PO MED CES BYA BAR MI SBYOR ZHES SOGS KYI YUM BAR MA'I MDO TSIG CHOS CAN, KHYOD DKON MCHOG GSUM LA 'DOMS PA'I GDAMS NGAG YIN TE, DKON MCHOG GSUM PO DE DON DAM PAR GROL BA DON GNYER GYI SKYES BU'I SKYABS GNAS MA YIN PAS, DE LA DON DAM PAR ZHEN PAR MI BYED CES 'DOMS PAR BYAS PA DE GDAMS NGAG YIN PA'I PHYIR, DE 'CHAD PAR BYED PA LA, SANGS RGYAS LA SOGS DKON MCHOG GSUM, ,ZHES PA DANG, 'GREL BA LAS, SANGS RGYAS DANG BYANG CHUB DAG CES SOGS DANG, DGE 'DUN LA SANGS RGYAS DKON MCHOG GI KHONGS SU GTOGS PA NYID KYIS DGRA BCOM PA MA GTOGS PA ZHES SOGS GSUNGS, 'DI'I SKABS SU MTHA' DPYAD PA LA GSUM LAS, DANG PO LA, KHA CIG NA RE, NYAN THOS SDE PAS STON PA SH'AKYA THUB PA SANGS RGYAS SU KHAS MI LEN ZER NA, DES DE SANGS RGYAS SU KHAS LEN PAR THAL, DES DE RDO RJE GDAN DU SANGS RGYAS PAR 'DOD PA'I PHYIR, DER THAL, DES STON PAS MDZAD PA BCU GNYIS KYI TSUL MDZAD PA DE SGRA JI BZHIN PAR 'DOD PA'I PHYIR, DER THAL, DE LTAR @111A *, ,'DOD PA'I GANG ZAG GCIG YOD PA'I PHYIR, GZHAN YANG, DES DE SANGS RGYAS SU KHAS LEN PAR THAL, DES STON PA SANGS RGYAS RANG RGYUD KYI RNAM MKHYEN DE, RANG NYID SANGS RGYAS SU MTSON PAR BYED PA'I BYED CHOS SU 'DOD PA'I PHYIR DER THAL, MDZOD LAS, SANGS RGYAS DGE 'DUN BYED PA'I CHOS, ,ZHES GSUNGS PA'I PHYIR, KHA CIG NA RE, NYAN THOS MDO SDE PAS STON PA SH'AKYA THUB PA SANGS RGYAS DKON MCHOG TU 'DOD DO ZER NA, DE MI 'THAD PAR THAL, DOS DE SDUG BSNGAL BDEN PAR 'DOD PA'I PHYIR DER THAL, DES LHAS SBYIN GYIS STON PA LA SGYOGS 'PHANGS PA'I GNOD PA SGRA JI BZHIN PAR KHAS LEN PA'I PHYIR, KHA CIG ,DES SANGS RGYAS DKON MCHOG YOD PAR MI 'DOD ZER NA, DE 'DOD PAR THAL, DES RNAM MKHYEN DE SANGS RGYAS DKON MCHOG TU 'DOD PA'I PHYIR, DER THAL, DES RNAM MKHYEN DE RANG RGYUD LA LDAN PA'I GANG ZAG SANGS RGYAS SU BYED PA'I BYED CHOS SU 'DOD CING, DGE 'DUN DKON MCHOG TU YANG 'DOD PA'I PHYIR, PHYI MA DER THAL, DES LAM BDEN RNAMS DGE 'DUN DKON MCHOG TU 'DOD PA'I PHYIR, DER THAL, DES SLOB PA 'PHAGS PA RNAMS DGE 'DUN DU 'DOD KYANG DGE 'DUN DKON MCHOG TU MI 'DOD PA DANG, LAM BDEN RNAMS DGE 'DUN DKON MCHOG DANG, 'GOG BDEN CHOS DKON MCHOG TU 'DOD PAR TSAD LDAN GYI GZHUNG LAS BSHAD PA'I PHYIR, KHA CIG ,NYAN RANG GI RIGS CAN GYIS SANGS RGYAS DON DU MI GNYER BAS SANGS RGYAS LA SKYABS SU MI 'GRO'O ZER NA, DE MI 'THAD PAR THAL, NYAN RANG GNYIS KYIS SANGS RGYAS LA SKYABS SU 'GRO BA'I PHYIR, DER THAL, DE GNYIS KYIS SANGS RGYAS BCOM LDAN 'DAS LA SKYABS SU 'GRO BA'I PHYIR, DER THAL, DES BCOM LDAN 'DAS LA SKYABS STON PA'I STON PA, DAM PA'I CHOS LA SKYABS DNGOS, DGE 'DUN LA SKYABS SGRUB PA'I ZLA GROGS SU DAM BCA' BA'I PHYIR, DER THAL, DE NANG BA @111B SANGS RGYAS PA YIN PA'I PHYIR, KHA CIG ,SANGS RGYAS DE SKYABS STON PA'I STON PA DANG, CHOS SKYABS DNGOS YIN NO ZER NA, SANGS RGYAS CHOS CAN, STON PA YIN PAR THAL, SKYABS STON PAR MDZAD PA'I STON PA YIN PA'I PHYIR, RTAGS KHAS, 'DOD NA, GANG ZAG TU THAL LO, ,'DOD MI NUS TE, 'DUS BYAS MA YIN PA'I PHYIR, DER THAL, 'DUS MA BYAS YIN PA'I PHYIR, GZHAN YANG, CHOS SKYABS DNGOS MA YIN PAR THAL, DE LTAR YIN NA, SHES BYA DE YANG SKYABS DNGOS GNAS YIN PAR 'GYUR BA'I PHYIR, DER THAL, DE DANG CHOS LA KHYAB CHE CHUNG MED PA'I PHYIR, KHA CIG ,SANGS RGYAS LA SANGS RGYAS DKON MCHOG GIS KHYAB PA DANG, DAM PA'I CHOS LA CHOS DKON MCHOG GIS KHYAB PA DANG, DGE 'DUN LA DGE 'DUN DKON MCHOG GIS KHYAB BO ZHE NA, NYAN THOS KYI TSOGS LAM CHOS CAN, CHOS DKON MCHOG YIN PAR THAL, DAM PA'I CHOS YIN PA'I PHYIR, DER THAL, LAM YIN PA'I PHYIR, 'DOD NA, 'PHAGS RGYUD KYI YON TAN YIN PAR THAL, 'DOD PA'I PHYIR, 'DOD MI NUS SO, ,GZHAN YANG, NYAN THOS TSOGS LAM PA CHOS CAN, DGE 'DUN DKON MCHOG YIN PAR THAL, DGE 'DUN YIN PA'I PHYIR, DER THAL, LAM ZHUGS KYI GANG ZAG YIN PA'I PHYIR, 'DOD NA, 'PHAGS PA YIN PAR THAL, 'DOD PA'I PHYIR, 'DOD MI NUS TE, SO SKYE YIN PA'I PHYIR, KHA CIG ,DON DAM PA'I SKYABS YIN NA, DON DAM PA YIN PAS KHYAB, KUN RDZOB PA'I SKYABS YIN NA, KUN RDZOB PA'I CHOS YIN PAS KHYAB ZER NA, SANGS RGYAS 'PHAGS PA CHOS CAN, DANG PO DER THAL, DE'I PHYIR, DER THAL, LAM GYI 'GROD PA MTHAR PHYIN PA'I SKYABS MTHAR THUG YIN PA'I PHYIR, 'DOD NA SLA'O, ,GZHAN YANG, SLOB PA'I RGYUD KYI 'GOG BDEN DU GYUR PA'I STONG NYID CHOS CAN, PHYI MA DER THAL, DE'I PHYIR, DER THAL, SLOB PA'I RGYUD KYI @112A *, ,CHOS DKON MCHOG YIN PA'I PHYIR, 'DOD NA, KUN RDZOB BDEN PA YIN PAR THAL LO, ,'DOD MI NUS SO, ,KHA CIG NA RE, KUN RDZOB PA'I SKU YIN NA, KUN RDZOB PA'I SKYABS YIN PAS KHYAB ZER NA, STON PA SH'AKYA THUB PA CHOS CAN, DER THAL, DE'I PHYIR, DER THAL, GZUGS SKU YIN PA'I PHYIR, DER THAL, SPRUL SKU YIN PA'I PHYIR, 'DOD MI NUS TE, DON DAM PA'I SKYABS YIN PA'I PHYIR, DER THAL, SANGS RGYAS YIN PA'I PHYIR, KHA CIG NA RE, LUNG GI CHOS DKON MCHOG YIN NA, DON DAM PA'I SKYABS MA YIN PAS KHYAB ZER NA, SANGS RGYAS 'PHAGS PA'I RGYUD KYI LUNG GI CHOS DKON MCHOG CHOS CAN, DER THAL, DE'I PHYIR, 'DOD NA, DE YIN PAR THAL, SKYABS GNAS MTHAR THUG YIN PA'I PHYIR, DER THAL, SANGS RGYAS 'PHAGS PA'I RGYUD KYI YON TAN YIN PA'I PHYIR, MKHAS PA MANG PO NA RE, 'DUS MA BYAS SOGS YON TAN BRGYAD DANG LDAN PA'I SKYABS GNAS MTHAR THUG ,SANGS RGYAS DKON MCHOG GI MTSAN NYID ZER NA, RANG BZHIN RNAM DAG GI CHAR GYUR PA'I NGO BO NYID SKU CHOS CAN, MTSAN NYID DER THAL, MTSON BYA DE'I PHYIR, DER THAL, NGO BO NYID SKU YIN PA'I PHYIR, 'DOD NA, MKHYEN BRTZE NUS GSUM GYI YON TAN DANG LDAN PAR THAL, 'DOD PA'I PHYIR, 'DOD NA, BRTZE BA'I YON TAN DANG LDAN PAR THAL, 'DOD PA'I PHYIR, 'DOD MI NUS TE, BRTZE BA DANG MA BCAS PA'I PHYIR, DER THAL, SHES PA DANG MA BCAS PA'I PHYIR, DER THAL, 'DUS BYAS DANG MA BCAS PA'I PHYIR, DER THAL, DE 'DUS MA BYAS YIN PA'I PHYIR, KHA CIG MA KHYAB GSUNGS SHING, DE LA KHA CIG STONG NYID YIN PA'I PHYIR ZER YANG 'DRA BAR SNANG NGO, ,KHA CIG NA RE, BSAM DU MED PA SOGS YON TAN BRGYAD DANG LDAN PA'I RNAM BYANG BDEN PA, CHOS DKON MCHOG @112B GI MTSAN NYID GSUNG NA, NYAN THOS MTHONG LAM BAR CHAD MED LAM CHOS CAN, MTSAN NYID DER THAL, MTSON BYA DE'I PHYIR, DER THAL, 'PHAGS LAM YIN PA'I PHYIR, 'DOD NA, 'DOD BDEN THOB PAR THAL, 'DOD PA'I PHYIR RO, 'DOD MI NUS TE, CHOS CAN DE YIN PA'I PHYIR, KHA CIG NA RE, RIG GROL GYI YON TAN BRGYAD DANG LDAN PA'I 'PHAGS PA, DGE 'DUN DKON MCHOG GI MTSAN NYID ZER NA, NYAN THOS MTHONG LAM BAR CHAD MED LAM PA CHOS CAN, MTSAN NYID DER THAL, MTSON BYA DE'I PHYIR, DER THAL, 'PHAGS PA YIN PA'I PHYIR, 'DOD NA, 'GOG BDEN GYI YON TAN GSUM DANG LDAN PAR THAL, 'DOD PA'I PHYIR, 'DOD NA SLA, KHA CIG ,DE 'DRA BA DE THEG CHEN GYI DGE 'DUN DKON MCHOG GI MTSAN NYID ZER NA, DE MI 'THAD PAR THAL, DMAN LAM SNGON DU MA SONG BA'I THEG CHEN MTHONG LAM BAR CHAD MED LAM PA DES 'GOG BDEN MA THOB PA'I PHYIR, DER THAL, DES THEG CHEN MTHONG LAM RNAM GROL LAM THOB PA DANG, 'GOG BDEN THOB PA DUS MNYAM PA'I PHYIR, KHA CIG ,THEG CHEN GYI DGE 'DUN DKON MCHOG YIN NA, BYANG SEMS 'PHAGS PA YIN PAS KHYAB ZER NA, SANGS RGYAS 'PHAGS PA CHOS CAN, DER THAL, DE'I PHYIR, DER THAL, THEG CHEN 'PHAGS PA YIN PA'I PHYIR, DER THAL, SANGS RGYAS 'PHAGS PA YIN PA'I PHYIR, GZHAN YANG, DE MI 'THAD PAR THAL, RGYUD BLA RTZA 'GREL LAS, SANGS RGYAS KYI SA NA DKON MCHOG GSUM YOD PAR BSHAD PA'I PHYIR, KHA CIG NA RE, CHOS DKON MCHOG YIN NA, DGE 'DUN DKON MCHOG MA YIN PAS KHYAB ZER NA, SANGS RGYAS 'PHAGS PA'I YID KYI RNAM PAR SHES PA CHOS CAN, DER THAL, DE'I PHYIR, DER THAL, RNAM MKHYEN YIN PA'I PHYIR, 'DOD NA, DE DGE 'DUN DKON MCHOG YIN PAR THAL, DE 'PHAGS PA YIN PA'I PHYIR, DER THAL, RDZAS YOD PAR GYUR PA'I 'PHAGS @113A *, ,PA YIN PA'I PHYIR, DER THAL, SKABS 'DIR GANG ZAG RDZAS YOD PA 'DOD RIGS PA'I PHYIR, DER THAL, GANG ZAG THA SNYAD BTAGS PA'I BTAGS DON BTZAL BA'I TSE RNYED PA'I PHYIR, KHA CIG ,DKON MCHOG LA SKYABS GNAS YANG DAG TU RE LTOS 'CHA' BA'I SEMS PA, SKYABS 'GRO'I MTSAN NYID ZER NA, 'JIG RTEN PA'I LHA PHAL PA TZAM LA SKYABS SU 'GRO BA'I SKYABS 'GRO CHOS CAN, MTSAN NYID DER THAL, MTSON BYA DE'I PHYIR, DER THAL, CHOS CAN DE YIN PA'I PHYIR; DER THAL, DE YOD PA'I PHYIR, DER THAL, TSANGS PA DANG, KHYAB 'JUG ,DBANG PHYUG SOGS 'JIG RTEN PA'I LHA TZAM LA SKYABS SU SONG BA'I GANG ZAG YOD PA'I PHYIR, DER THAL, DE 'DRA BA'I PHYI ROL PA YOD PA'I PHYIR, 'DOD NA SLA'O, , KHA CIG NA RE, SKYABS 'GRO PHAL PA YIN NA, SKYABS 'GRO MIN DGOS ZER NA, SKYABS PHAL PA YIN NA, SKYABS MIN DGOS PAR THAL, DAM BCA' 'THAD PA'I PHYIR, 'DOD NA, SKYABS YIN NA, DKON MCHOG GSUM PO GANG RUNG YIN DGOS PAR THAL, 'DOD PA'I PHYIR, 'DOD NA, NYAN THOS TSOGS LAM PA CHOS CAN, DER THAL, DE'I PHYIR, RTAGS GSAL SLA, GZHAN YANG, MI PHAL PA MI MA YIN PAR THAL, DAM BCA' 'THAD PA'I PHYIR, 'DOD MI NUS SO, ,'ON KYANG, MKHAS DBANG MANG POS PHYI ROL PA'I RGYUD LA SKYABS 'GRO MED DO GSUNG NA, DE MI 'THAD PAR THAL, SKYABS 'GRO DE LA SKYABS 'GRO RNAM DAG YIN MIN GNYIS YOD PA'I PHYIR, DER THAL, BSTAN BCOS DE LA BSTAN BCOS RNAM DAG YIN MIN GNYIS YOD PA'I PHYIR, SKABS 'DIR LUGS GNYIS LAS RE ZHIG DE LTAR RO, ,KHA CIG NA RE, RJOD BYED TSIG GI SKYABS 'GRO RNAMS SKYABS 'GRO YIN NO ZER NA, DE MI 'THAD PAR THAL, SKYABS 'GRO YIN NA, BLO YIN DGOS PA'I PHYIR, DER THAL, DE YIN NA, SEMS BYUNG @113B YIN DGOS PA'I PHYIR, DER THAL, DE YIN NA, SEMS PA YIN DGOS PA'I PHYIR, ,GNYIS PA RANG LUGS LA, DON GNYIS MTHAR PHYIN PA'I SKYABS GNAS MTHAR THUG ,SANGS RGYAS DKON MCHOG GI MTSAN NYID, DE LA DBYE NA, KUN RDZOB PA'I SANGS RGYAS DKON MCHOG DANG, DON DAM PA'I SANGS RGYAS DKON MCHOG DANG GNYIS, SANGS RGYAS DKON MCHOG DE YON TAN BRGYAD DANG LDAN PA YIN TE, DBYE GZHI RANG DON GYI YON TAN DANG, GZHAN DON GYI YON TAN GNYIS DANG, DE RE RE LA PHYE BA'I GSUM GSUM YOD PA'I PHYIR, DE LTAR YIN TE, RANG DON GYI YON TAN LA RGYU RKYEN GZHAN GYIS 'DUS MA BYAS PA'I YON TAN, 'BAD RTZOL BRAL BA'I LHUN GYIS GRUB PA'I YON TAN, SGRA RTOG TZAM GYIS RDZOGS PAR RTOGS MI NUS PA'I YON TAN GSUM DANG, GZHAN DON LA, SHES BYA THAMS CAD GZIGS PA MKHYEN PA'I YON TAN, KUN LA BRTZE BA BRTZE BA'I YON TAN, DON KUN SGRUB NUS PA NUS PA'I YON TAN GSUM DANG LDAN PA'I PHYIR TE, RGYUD BLA MA LAS, 'DUS MA BYAS SHING LHUN GYIS GRUB, ,GZHAN GYI RKYEN GYIS RTOGS MIN PA, ,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS RGYAS NYID, ,CES GSUNGS PA'I PHYIR, DE YANG DBYE GZHI TZAM GYI DON MA YIN TE, RANG DON GYI YON TAN BSAM GYIS MI KHYAB KYANG, DE GSUM RANG DON GYI GTZO BO LA DGONGS PA DANG, DE GSUM GYIS BSDUS PA'I RANG DON GYI YON TAN GZHAN YOD PAR SHES PA'I CHED YIN PAS DE BZHIN DU GZHAN DON LA YANG RIGS 'GRE BA'I PHYIR, 'GOG BDEN DANG LAM BDEN GANG RUNG GIS BSDUS PA'I 'PHAGS PA'I RGYUD KYI RNAM BYANG BDEN PA, CHOS DKON MCHOG GI MTSAN NYID, DE LA SGRAS BRJOD RIGS KYI SGO NAS DBYE NA, KUN RDZOB PA'I CHOS DKON MCHOG DANG, DON DAM PA'I CHOS DKON MCHOG GNYIS, DANG PO NI, RGYAS 'BRING @114A *, ,BSDUS GSUM SOGS LUNG GI CHOS DKON MCHOG RNAMS YIN, GNYIS PA NI, 'GOG BDEN DANG LAM BDEN RNAMS SO, ,CHOS DKON MCHOG DE YON TAN BRGYAD DANG LDAN TE, 'GOG BDEN GYI YON TAN GSUM, LAM BDEN GYI YON TAN GSUM DANG, DANG PO GSUM SDUD BYED KYI 'GOG BDEN GYI YON TAN DANG, PHYI MA GSUM SDUD BYED KYI LAM BDEN GYI YON TAN DANG BCAS PA BRGYAD DANG LDAN PA'I PHYIR TE, RGYUD BLA MA LAS, BSAM MED GNYIS MED RTOGS MED PA, ,DAG GSAL GNYEN PO'I PHYOGS DAG GI ,GANG ZHIG GANG GI CHAGS BRAL BA, ,BDEN GNYIS MTSAN NYID CAN TE CHOS, ,ZHES GSUNGS PA'I PHYIR, DE YANG RIM PA BZHIN RTOG GE'I BLOS MU BZHIR JI LTA BA BZHIN BSAM PAR MI NUS PA DANG, LAS NYON GNYIS CI RIGS PA MED PA DANG, TSUL MIN YID BYED KYI RNAM RTOG DANG BRAL BA'I YON TAN GSUM DANG, RANG GI 'DZIN STANGS LA NYON MONGS KYI BSLAD PA MA ZHUGS PAS DAG PA'I YON TAN, GNAS LUGS RTOGS PAS GSAL BA'I YON TAN, MI MTHUN PHYOGS 'JOMS PAS GNYEN PO'I YON TAN DANG LDAN PA'I DON NO, ,RIG GROL GYI YON TAN BRGYAD PO GANG RUNG DANG LDAN PA'I 'PHAGS PA, DGE 'DUN DKON MCHOG GI MTSAN NYID, DE LA SGRAS BRJOD RIGS KYI SGO NAS DBYE NA, KUN RDZOB PA'I DGE 'DUN DKON MCHOG DANG, DON DAM PA'I DGE 'DUN DKON MCHOG DANG GNYIS, LAM ZHUGS KYI SO SKYE RNAMS DANG PO DANG, 'PHAGS PA'I GANG ZAG THAMS CAD GNYIS PA'O, ,SPYIR DGE 'DUN DKON MCHOG DE YON TAN BRGYAD DANG LDAN PA YIN TE, JI LTA BA RIG PA, JI SNYED PA RIG PA, SO SO RANG RIG PA'I YON TAN GSUM DANG, THOGS SGRIB, CHAGS SGRIB, DMAN SGRIB CI RIGS LAS GROL BA'I YON TAN GSUM DANG, DE @114B DUG ? SDUNG BYED KYI RIG PA'I YON TAN DANG, GROL BA'I YON TAN GNYIS TE BRGYAD DANG LDAN PA'I PHYIR TE, RGYUD BLA MAR, JI LTA JI SNYED NANG GI NI, ,YE SHES GZIGS PA DAG PA'I PHYIR, ,SLOB PA PHYIR MI LDOG PA'I TSOGS, ,BLA MED YON TAN DAG LDAN NYID, ,CES GSUNGS PA'I PHYIR, DE YANG SLOB PA 'PHAGS PA RIG GROL GYI YON TAN BRGYAD DANG LDAN PAR BYED MI BYED MI MTHUN KYANG, SLOB PA'I DGE 'DUN DKON MCHOG DE RIG GROL GYI YON TAN BRGYAD DANG LDAN PAR 'DOD NA, THOGS SGRIB CI RIGS ZHES SBYAR BAR BYA'O, ,'GA' ZHIG DGE 'DUN DKON MCHOG DE YON TAN BRGYAD LDAN DU DNGOS SU BSHAD PA MED GSUNGS PA NI, DPYAD GZHIR SNANG NGO, ,LAM GYI BGROD PA MTHAR PHYIN PA'I SKYABS, DON DAM PA'I SKYABS KYI MTSAN NYID, DE DANG SANGS RGYAS DKON MCHOG GNYIS DON GCIG YIN TE, RGYUD BLA MA LAS, DAM PA'I DON DU 'GRO BA YI, ,SKYABS NI SANGS RGYAS NYAG GCIG YIN, ,ZHES GSUNGS PA'I PHYIR, LAM GYI BGROD PA MTHAR MA PHYIN PA'I SKYABS, KUN RDZOB PA'I SKYABS KYI MTSAN NYID, DE DANG GNAS SKABS KYI SKYABS GNYIS DON GCIG ,MKHAS GRUB LTAR NA, YUL GZHAN LA RANG STOBS KYIS DPUNG GNYEN DU RE BA 'CHA' BA'I SEMS PA, SKYABS 'GRO'I MTSAN NYID, DE LA SGRAS BRJOD RIGS KYI SGO NAS DBYE NA, RJOD BYED TSIG GI SKYABS 'GRO DANG, LTOS PA BLO'I SKYABS 'GRO DANG GNYIS, DANG PO NI, SKYABS 'GRO'I TSIG BRJOD PA LTA BU YIN, PHYI MA LA, SKYABS 'GRO PHAL PA DANG, KHYAD PAR CAN GNYIS YOD, SKYABS 'GRO PHAL PA'I MTSAN NYID LA, YUL PHAL BA LA RANG STOBS KYIS DPUNG GNYEN DU RE BA 'CHA' BA'I SEMS PA 'JOG PAR SNANG YANG, SKYABS KHYAD PAR CAN DANG PHAL PA GNYIS KA LA THUN MONG DU 'GRO BA'I SKYABS 'GRO YOD PAR SNANG BAS CUNG ZAD @115A *, ,MI BDE LA, RAB TU PHYE BA'I SEMS PA ZHES SBYAR BAR BYA ZHING ZHIB CHA LEGS PAR 'DON DGOS SO, ,DKON MCHOG LA RANG STOBS KYI DPUNG GNYEN DU RE BA 'CHA' BA'I SEMS PA, DKON MCHOG LA SKYABS SU 'GRO BA'I SKYABS 'GRO'I MTSAN NYID, DE YANG YUL KHYAD PAR CAN YIN KYANG DKON MCHOG GSUM GANG RUNG MA YIN PA LAM ZHUGS KYI SO SKYE LTA BU ZHIG KHO NA LA SKYABS SU 'GRO BA YOD PA'I DBANG DU BYAS SO, ,DE LA YANG SKYES BU CHUNG NGU DANG THUN MONG BA'I SKYABS 'GRO SOGS GSUM DANG, RGYU'I SKYABS 'GRO DANG, 'BRAS BU'I SKYABS 'GRO DANG LNGA YOD, RANG NYID NGAN SONG GI SDUG BSNGAL GYIS 'JIGS NAS DKON MCHOG LA RANG STOBS KYI DBUNG GNYEN DU RE BA 'CHA' BA'I RIGS SU GNAS PA'I SEMS PA, SKYES BU CHUNG NGU DANG THUN MONG PA'I SKYABS 'GRO'I MTSAN NYID DANG, GZHAN LA DES RIGS 'GRE, GZHAN RGYUD LA GRUB ZIN PA'I DKON MCHOG LA RANG STOBS KYI DPUNG GNYEN DU RE BA 'CHA' BA'I SEMS PA, RGYU'I SKYABS 'GRO'I MTSAN NYID, RANG RGYUD LA 'BYUNG 'GYUR GYI DKON MCHOG LA DE LTAR RE BA 'CHA' BA'I SEMS PA, 'BRAS BU'I SKYABS 'GRO'I MTSAN NYID DO, ,GSUM PA RTZOD PA SPONG BA LA, KHA CIG ,RANG BZHIN RNAM DAG GI CHAR GYUR PA'I NGO BO NYID SKU CHOS CAN, DON DAM PA'I SKYABS MA YIN PAR THAL, MED DGAG YIN PA'I PHYIR ZER NA, MA KHYAB, KHO NA RE, KHYAB STE, RGYUD BLA MA LAS MED PHYIR ZHES PA NAS, GTAN GYI SKYABS MCHOG MA YIN NO, ,ZHES GSUNGS PA'I PHYIR, ZER NA, YANG MA KHYAB, KHA CIG ,DE 'DRA BA'I NGO BO NYID SKU DE, JI LTA JI SNYED MKHYEN PA'I YON TAN DANG LDAN PAR THAL, DE ZAG MED YE SHES SDE TSAN NYER GCIG GI YON TAN DANG LDAN PA'I PHYIR, DER THAL, DE ZAG MED YE SHES SDE TSAN NYER GCIG @115B GI CHOS CAN DU LDAN PA'I PHYIR, ZER NA, RE ZHIG MA KHYAB STE, DE 'DRA BA'I NGO BO NYID SKU DE SKYE 'JIG GNYIS DANG BRAL BA'I PHYIR, KHA CIG ,'DUS MA BYAS YIN NA, 'DUS BYAS KYI YON TAN DANG MI LDAN PAS KHYAB PAR THAL, DE YIN NA, MKHYEN BRTZE SOGS 'DUS BYAS KYI YON TAN DANG MI LDAN PAS KHYAB PA'I PHYIR, DER THAL, NGO BO NYID SKU DE DE LTAR MI LDAN PA LA RGYU MTSAN YANG DAG YOD PA'I PHYIR, 'DOD NA, SANGS RGYAS CHOS CAN, DER THAL, DE'I PHYIR, 'DOD NA, SANGS RGYAS LA MKHYEN BRTZE NUS GSUM GYI YON TAN MED PAR THAL LO ZER NA, RTZOD GZHI LA LTOS PA'I DMIGS BSAL YIN NO, ,KHA CIG ,NYAN THOS MTHONG LAM RNAM GROL LAM CHOS CAN, CHAGS SGRIB CI RIGS LAS GROL BAR THAL, GROL BA'I YON TAN DANG LDAN PA'I PHYIR, DER THAL, NYON SGRIB KUN BTAGS SPANGS PA'I YE SHES YIN PA'I PHYIR, 'DOD NA, MI 'THAD PAR THAL, CHAGS SGRIB CI RIGS DANG BCAS PA'I PHYIR, DER THAL, NYON SGRIB DANG BCAS PA'I PHYIR ZER NA, TSIG LA 'KHRIS PAR GSAL LO, ,KHA CIG ,SANGS RGYAS 'PHAGS PA CHOS CAN, DON DAM PA'I SKYABS MA YIN PAR THAL, KUN RDZOB PA'I SKYABS YIN PA'I PHYIR, DER THAL, KUN RDZOB GANG ZHIG ,SKYABS YIN PA'I PHYIR ZER NA, RNAM MKHYEN CHOS CAN, RGYU LAM SHES YIN PAR THAL, RGYU GANG ZHIG ,LAM SHES YIN PA'I PHYIR, 'KHOR GSUM, KHA CIG ,LONGS SKU CHOS CAN, DON DAM PA'I CHOS YIN PAR THAL, DON DAM PA'I SKYABS YIN PA'I PHYIR, KHYAB STE; SKYABS YIN NA, CHOS YIN DGOS PA'I PHYIR ZER NA, MA KHYAB, 'DOD MI NUS TE, KUN RDZOB PA'I CHOS YIN PA'I PHYIR, DER THAL, KUN RDZOB BDEN PA YIN PA'I PHYIR, KHA CIG ,THEG CHEN MTHONG LAM RNAM GROL LAM GYI CHOS NYID CHOS CAN, [#DATA INCOMPLETE HERE] 116A *, ,KUN RDZOB PA'I SKYABS YIN PAR THAL, LAM GYI BSGROD PA MTHAR MA PHYIN PA'I SKYABS YIN PA'I PHYIR, 'DOD NA, KUN RDZOB PA'I YON TAN YIN PAR THAL, 'DOD PA'I PHYIR ZER NA, MA KHYAB, KHA CIG ,THEG CHEN MTHONG LAM RNAM GROL LAM CHOS CAN, DON DAM PA'I SKYABS YIN PAR THAL, DON DAM PA'I CHOS DKON MCHOG YIN PA'I PHYIR, ZER BA DANG, THEG CHEN MTHONG LAM RNAM GROL LAM PA BA CHOS CAN, DON DAM PA'I SKYABS YIN PAR THAL, DON DAM PA'I BYANG CHUB SEMS DPA' YIN PA'I PHYIR, ZER NA, SNGA PHYIR MA KHYAB, 'O NA, TSAD MA CHOS CAN, MI BSLU BA'I CHOS YIN PAR THAL, MI BSLU BA'I RIG PA YIN PA'I PHYIR, YUM BAR MA CHOS CAN, NGES DON YIN PAR THAL, NGES DON GYI MDO YIN PA'I PHYIR, KHYAB PA 'GRIGS, KHA CIG ,RGYU SKYABS DANG 'BRAS SKYABS 'GAL BAR THAL, RGYU'I SKYABS 'GRO DANG 'BRAS BU'I SKYABS 'GRO 'GAL BA'I PHYIR, DER THAL, DE GNYIS YIN KHYAB MNYAM DU 'DOD MI RIGS PA'I PHYIR, ZER NA, MA KHYAB, GONG DU 'DOD NA, SANGS RGYAS 'PHAGS PA CHOS CAN, 'BRAS SKYABS MA YIN PAR THAL, RGYU SKYABS YIN PA'I PHYIR, DER THAL, RANG DANG RGYUD THA DAD DU GYUR PA'I SEMS CAN GYI RGYU SKYABS YIN PA'I PHYIR, DER THAL, RANG DANG RGYUD THA DAD PA'I SEMS CAN YOD PA'I PHYIR, DER THAL, SANGS RGYAS 'PHAGS PA DE RANG DANG RGYUD GCIG PA'I BYANG SEMS KYIS NYER LEN DANG, RANG DANG RGYUD THA DAD PA'I BYANG SEMS KYIS LHAN CIG BYED RKYEN BYAS PA LAS 'KHRUNGS PA'I PHYIR, 'DOD NA, DE CHOS CAN, 'BRAS SKYABS YIN PAR THAL, RANG DANG RGYUD GCIG TU GYUR PA'I BYANG SEMS KYI 'BRAS SKYABS YIN PA'I PHYIR, DER THAL, SANGS RGYAS 'PHAGS PA YIN PA'I PHYIR, KHA CIG , @116B SANGS RGYAS 'PHAGS PA DANG RGYUD THA DAD DU GYUR PA'I SEMS CAN MED PAR THAL, SEMS CAN YIN NA, SANGS RGYAS 'PHAGS PA'I GO 'PHANG MNGON DU BYED NGES YIN DGOS PA'I PHYIR, ZER NA, MA KHYAB, 'DOD NA, BKAG ZIN CING, KHA CIG 'DOD GSUNG YANG, DE MI 'THAD PAR THAL, DMAN LAM SNGON DU MA SONG BA'I BYANG SEMS DANG RGYUD GCIG TU GYUR PA'I GANG ZAG YIN NA, DMAN LAM SNGON DU MA SONG BA'I GANG ZAG YIN DGOS PA'I PHYIR, MA KHYAB ZER NA, SANGS RGYAS 'PHAGS PA CHOS CAN, DER THAL, DE'I PHYIR, DER THAL, DMAN LAM SNGON DU MA SONG BA'I BYANG SEMS DE KHYOD DANG RGYUD GCIG YIN PA'I PHYIR, DER THAL, DE KHYOD DANG RGYUD GCIG DANG THA DAD GANG RUNG GANG ZHIG ,DE KHYOD DANG RGYU THA DAD MA YIN PA'I PHYIR, RTAGS PHYI MA KHAS; 'DOD NA KHYOD DANG RGYUD GCIG TU GYUR PA'I DMAN LAM SNGON DU SONG BA'I GANG ZAG MED PAR THAL LO, ,GZHAN YANG, SANGS RGYAS 'PHAGS PA DE DMAN LAM SNGON DU SONG BA'I BYANG [#DATA INCOMPLETE HERE] SEMS DANG RGYUD GCIG YIN PAR THAL, DAM BCA' 'THAD PA'I PHYIR, 'DOD NA; DE DMAN LAM SNGON SONG GI GANG ZAG YIN PAR THAL, 'DOD PA'I PHYIR, 'DOD NA SLA'O, ,KHA CIG ,PHYI ROL PA'I RGYUD LA SKYABS 'GRO YOD PAR THAL, SKYABS 'GRO PHAL PA YIN NA, SKYABS 'GRO MIN MI DGOS PA'I PHYIR, 'DOD NA, SKYABS 'GRO RGYUD LA LDAN PA'I PHYIR ROL PA YOD PAR THAL, 'DOD PA'I PHYIR, 'DOD NA, DE 'DRA BA'I PHYIR ROL PA CHOS CAN, NANG PA SANGS RGYAS PA YIN PAR THAL, SKYABS 'GRO RGYUD LA LDAN PA'I GANG ZAG YIN PA'I PHYIR, KHYAB STE, PHYI NANG GI KHYAD PAR SKYABS 'GROS 'BYED PAR BSHAD PA'I PHYIR, ZER NA, SKYON MED DE, DE NI DKON MCHOG LA SKYABS SU SONG BA'I SKYABS 'GRO LA DGONGS PA'I PHYIR, KHA CIG ,TSANGS PA DANG, DBANG PHYUG ,KHYAB 'JUG GSUM PO SKYABS YIN PAR THAL, DE LA SKYABS SU SONG BA'I SKYABS 'GRO SKYABS 'GRO @117A *, ,YIN PA'I PHYIR, 'DOD NA, KHYOD KYI SKYABS MED PAR THAL, KHYOD SKYABS YIN PA'I PHYIR, KHYAB STE, RGYUD BLA MAR, SKYABS NI SKYABS LA BRTEN MA YIN, ,ZHES GSUNGS PA'I PHYIR, ZER NA, MA KHYAB, 'DOD NA, DE GSUM CHOS CAN, KHYOD KYI SKYABS YOD PAR THAL, KHYOD SEMS CAN YIN PA'I PHYIR, DE LA KHO NA RE, MGON SKYABS MED PA'I SEMS CAN MI SRID PAR THAL, SKYABS MED PA'I SEMS CAN MED PA'I PHYIR, DER THAL, SEMS CAN YIN NA, KHYOD KYI 'BRAS SKYABS YOD DGOS PA'I PHYIR, 'DOD NA, DE YOD PAR THAL, 'GRO BA MGON MED RNAMS DANG NI, ,ZHES GSUNGS PA'I PHYIR, ZER NA, MA KHYAB, KHA CIG, KHYOD LA SKYABS SU SONG BA'I GANG ZAG YOD NA, KHYOD SKYABS YIN DGOS PAR THAL, TSANGS PA SKYABS YIN PA LA RGYU MTSAN YANG DAG YOD PA'I PHYIR ZER NA, MA KHYAB, 'DOD NA, LJON SHING CHOS CAN, DER THAL, DE'I PHYIR, DER THAL, LJON SHING DAG LA SKYABS 'GRO STE, ,ZHES GSUNGS PA'I PHYIR, 'DOD NA, 'DUS BYAS THAMS CAD SKYABS SU THAL LO, ,KHA CIG ,DKON MCHOG GSUM LA SKYABS SU SONG BA'I PHYI ROL PA YOD PAR THAL, DE LA SKYABS SU 'GRO BA'I PHYI ROL PA YOD PA'I PHYIR, DER THAL, PHYI ROL PA DKON MCHOG LA SKYABS SU 'GRO BA YOD PA'I PHYIR, ZER NA, MA KHYAB, RTAGS DER THAL, PHYI ROL PA 'TSANG RGYA BA YOD PA'I PHYIR, KHA CIG ,PHYI ROL PA DANG RGYUD GCIG TU GYUR PA'I SANGS RGYAS 'PHAGS PA YOD PAR THAL, PHYI ROL PA'I 'BRAS SKYABS SU GYUR PA'I SANGS RGYAS 'PHAGS PA YOD PA'I PHYIR, 'DOD NA, DE DANG RGYUD GCIG TU GYUR PA'I SANGS RGYAS 'PHAGS PA CHOS CAN, PHYI ROL PA BYAS PAR THAL, DE BYED MYONG BA'I PHYIR ZER NA, MA KHYAB, RTAGS DER THAL, DE DANG RGYUD GCIG TU GYUR PA'I SANGS RGYAS YIN PA'I PHYIR, DER THAL, DE YOD @117B PA'I PHYIR, 'DOD NA, DES MI DGE BA YANG BYAS PAR THAL LO, ,KHA CIG ,STON PA SH'AKYA THUB PA RANG DANG RGYUD GCIG TU [#DATA INCOMPLETE HERE] GYUR PA'I BYANG SEMS KYI DUS SU BYANG SEMS YIN PAR THAL, DE DANG RGYUD GCIG TU GYUR PA'I BYANG SEMS YOD PA'I PHYIR, 'DOD NA, STON PA SH'AKYA THUB PA RANG DANG RGYUD GCIG TU GYUR PA'I BYANG SEMS KYI DUS SU YOD PAR THAL, 'DOD PA'I PHYIR ZER NA, MA KHYAB, KHA CIG ,STON PA SH'AKYA THUB PA DANG RGYUD GCIG TU GYUR PA'I BYANG SEMS YIN NA, STON PA SH'AKYA THUB PA'I DUS SU MED DGOS PAR THAL, STON PA SH'AKYA THUB PA SANGS RGYAS PA'I TSE, DE DANG RGYUD GCIG TU GYUR PA'I BYANG SEMS THAMS CAD SANGS RGYAS PA'I PHYIR, DER THAL, DE SANGS RGYAS PA'I TSE DE DANG RGYUD GCIG PA'I SEMS CAN THAMS CAD SANGS RGYAS PA'I PHYIR, 'DOD NA, DE YIN NA, STON PA SH'AKYA THUB PA'I DUS SU STON PA SH'AKYA THUB PA YIN DGOS PAR THAL, DE YIN NA, DE'I DUS SU MED DGOS PA'I RGYU MTSAN YOD PA'I PHYIR, ZER NA, RE ZHIG MA KHYAB, KHO NA RE, STON PA SH'AKYA THUB PA'I YID KYI RNAM PAR SHES PA STON PA DE NYID DANG RGYUD GCIG YIN PAR THAL, RNAM SHES DE DANG RGYUD GCIG PA'I SANGS RGYAS 'PHAGS PA YOD PA'I PHYIR, DER THAL, DE SANGS RGYAS 'PHAGS PA YIN PA'I PHYIR, DER THAL, KHONGS SKU'I YID KYI RNAM PAR SHES PA SANGS RGYAS 'PHAGS PA YIN PA'I PHYIR, DER THAL, DE LTAR MIN NA, GANG ZAG RDZAS YOD PA MED PAR 'GYUR BA'I PHYIR, GONG DU 'DOD NA, STON PA SH'AKYA THUB PA DANG RGYUD GCIG PA'I BYANG SEMS KYI YID KYI RNAM PAR SHES PA DE, STON PA SH'AKYA THUB PA DANG RGYUD GCIG YIN PAR THAL, DAM BCA' 'THAD PA GANG ZHIG ,DE 'DRA BA'I BYANG SEMS DE STON PA SH'AKYA THUB PA DANG RGYUD GCIG YIN PA'I PHYIR, 'DOD NA, DE 'DRA BA'I BYANG SEMS KYI YID KYI RNAM PAR SHES PA CHOS CAN, @118A *, ,STON PA SH'AKYA THUB PAR 'GYUR SRID PAR THAL, KHYOD DE DANG RGYUD GCIG TU GYUR PA'I BYANG SEMS YIN PA'I PHYIR, DER THAL, STON PA SH'AKYA THUB PA DANG RGYUD GCIG TU GYUR PA'I BYANG SEMS KYI RGYUD KYI GANG ZAG YIN PA'I PHYIR, DER THAL, DE STON PA SH'AKYA THUB PA DANG RGYUD GCIG YIN PA'I PHYIR, RTAGS KHAS, 'DOD NA, DE CHOS CAN, KHYOD DER 'GYUR MI SRID PAR THAL, KHYOD SHES PA YIN PA'I PHYIR, ZER BA RNAMS LA DPYAD PAR BYA'O,, SPYAN LNGA ` ,BZHI PA SGRUB PA LA RANG DBANG DU 'JUG PA'I RGYU SPYAN LNGA LA 'DOMS PA NI, SH'A RI'I BU BYANG CHUB SEMS DPA' SEMS DPA' CHEN PO'I SHA'I MIG GIS DPAG TSAD BRGYA MTHONG BA YOD DO, ,ZHES SOGS KYI YUM BAR MA'I MDO TSIG CHOS CAN, KHYOD SPYAN LNGA LA 'DOMS PA'I GDAMS NGAG YIN TE, KHYOD KYIS SPYAN LNGA'I YUL YUL CAN RNAMS DON DAM PAR MA GRUB CING, THA SNYAD DU RGYUD LA [#DATA INCOMPLETE HERE] BSTEN PAR BYA'O ZHES 'DOMS PAR BYED PA'I YUM GYI MDO TSIG YIN PA'I PHYIR, DE 'CHAD PA LA, RTZA BAR, SPYAN LNGA DANG NI ZHES DANG, 'GREL PAR, SHA'I DANG RNAM PAR SMIN PA LAS BYUNG BA'I LHA'I DANG SHES RAB DANG CHOS DANG SANGS RGYAS KYI SPYAN GRANGS JI LTA BA BZHIN DU DNGOS PO SO SOR NGES PA DANG, ZHES PA NAS, BSGRUB BO ZHES SLOB PA SPYAN LNGA LA 'DOMS PA DANG, ZHES PA'I BAR GSUNGS, 'DI'I SKABS SU MTHA' DPYAD PA LA GSUM LAS, DANG PO LA, KHA CIG ,SHA'I SPYAN DE MIG DBANG GZUGS CAN PA YIN ZER NA, DE MI 'THAD PAR THAL, MIG DBANG GIS GZUGS MI MTHONG BA'I PHYIR, DER THAL, GZUGS MTHONG BA LA MIG SHES DGOS PA'I DON YOD PA'I PHYIR, MA GRUB NA, DER THAL, MIG SHES MED @118B PAR MIG GIS GZUGS MTHONG BAR MI NUS PA'I PHYIR, GZHAN YANG, SHA'I SPYAN DE MIG DBANG MA YIN PAR THAL, DE SHES PA YIN PA'I PHYIR, DER THAL, 'BUM GYI GNOD 'JOMS LAS, GZUGS 'DI LA 'JUG PA'I SHES PA NI SHA'I MIG GO ,ZHES GSUNGS PA'I PHYIR, GZHAN YANG, DE MI 'THAD PAR THAL, SHA'I SPYAN DANG LHA'I SPYAN GNYIS KA YID SHES SU 'DOD PA YOD MOD YID SHES DANG DBANG SHES GANG DU 'DOD KYANG SHES PAR 'DOD DGOS PA'I PHYIR, KHA CIG ,SHA'I SPYAN YIN NA, DPAG TSAD BRGYA'I GZUGS PHRA RAG THAMS CAD MTHONG BAS KHYAB ZER NA, RE ZHIG MI 'THAD PAR THAL, SHA'I SPYAN DANG LDAN PA 'GA' ZHIG GIS RANG GI MDUN GYI DE BZHIN BSHEGS PA'I RGYUD KYIS BSDUS PA'I GZUGS PHRA MO MTHA' DAG MNGON SUM DU MA MTHONG BA'I PHYIR, DER THAL, DE BZHIN GSHEGS PA'I RGYUD KYIS BSDUS PA'I GZUGS PHRA MO MTHA' DAG MNGON SUM DU RTOGS PA'I SEMS CAN MED PA'I PHYIR, DER THAL, DE YOD NA, LAS 'BRAS KYI 'BREL PA PHRA ZHING PHRA BA THAMS CAD MNGON SUM DU RTOGS PA'I SEMS CAN YOD PAR KHAS BLANGS PA LA YANG GNOD BYED MI 'JUG PAR 'GYUR BA'I PHYIR, KHA CIG ,SHA'I SPYAN YIN NA, STONG GSUM GYI GZUGS PHRA RAG THAMS CAD MNGON SUM DU MI MTHONG BAS KHYAB ZER NA, SANGS RGYAS 'PHAGS PA'I SHA'I SPYAN CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, MDO LAS, DE BZHIN GSHEGS PA LA SHA'I SPYAN MNGA' SNYAM MAM, RAB 'BYOR GYIS GSOL PA, BCOM LDAN 'DAS MNGA' LAGS SO, ,ZHES GSUNGS PA'I PHYIR, KHA CIG NA RE, DPAG TSAD BRGYA NAS STONG GSUM TSUN CHAD KYI GZUGS PHRA RAGS THAMS CAD MNGON SUM DU MTHONG BA'I SHES PA, SHA'I SPYAN GYI MTSAN NYID ZER NA, @119A *, ,RNAM MKHYEN CHOS CAN, MTSON BYA DER THAL, MTSAN NYID [#DATA INCOMPLETE HERE] DE'I PHYIR, 'DOD NA, DBANG SHES YIN PAR THAL, 'DOD PA'I PHYIR, 'DOD MI NUS TE, YID SHES YIN PA'I PHYIR, GZHAN YANG, DE MI 'THAD PAR THAL, DE BZHIN GSHEGS PA'I DBU'I GTZUG TOR GYI STENG GI RDUL PHRA RAGS MNGON SUM DU MTHONG BA'I SEMS CAN MED PAR GSUNGS PA'I PHYIR, DER THAL, MDO LAS, DBU'I GTZUG TOR LTAR MI MNGON PA, ZHES GSUNGS PA'I PHYIR, KHA CIG ,DE 'DRA BA'I DBANG SHES DE, SHA'I SPYAN GYI MTSAN NYID ZER NA, SANGS RGYAS 'PHAGS PA'I SNYAN GYI DBANG PO'I NYAN SHES CHOS CAN, MTSON BYA DER THAL, MTSAN NYID DE'I PHYIR, 'DOD NA, MIG SHES YIN PAR THAL, 'DOD PA'I PHYIR, 'DOD MI NUS TE, NYAN SHES YIN PA'I PHYIR, KHA CIG ,LHA'I SPYAN YIN NA, LHA'I RGYUD KYI SPYAN YIN PAS KHYAB ZER NA, STON PA SH'AKYA THUB PA'I LHA'I SPYAN CHOS CAN, DER THAL, DE'I PHYIR, DER THAL, CHOS CAN DE'I PHYIR, DER THAL, DE YOD PA'I PHYIR, DER THAL, MDO LAS, DE BZHIN GSHEGS PA LA LHA'I SPYAN MNGA' SNYAM MAM, RAB 'BYOR GYIS GSOL BA, DE BZHIN GSHEGS PA LA LHA'I SPYAN MNGA'O, ,ZHES GSUNGS PA'I PHYIR, 'DOD MI NUS TE, MI'I RGYUD KYI SPYAN YIN PA'I PHYIR, KHA CIG ,LHA'I RGYUD KYI SPYAN YIN NA, LHA'I SPYAN YIN PAS KHYAB ZER NA, LHA'I RGYUD KYI CHOS KYI SPYAN CHOS CAN, DER THAL, DE'I PHYIR, DER THAL, DE YOD PA'I PHYIR, DER THAL, LONGS SKU'I RGYUD LA CHOS KYI SPYAN YOD PA'I PHYIR, DER THAL, DE'I RGYUD LA SPYAN LNGA PO YOD PA'I PHYIR, 'DOD MI NUS TE, CHOS KYI SPYAN YIN PA'I PHYIR, KHA CIG ,LHA'I MIG DE LHA'I SPYAN YIN ZER NA, RE ZHIG 'DOD NA, 'DOD @119B GZUGS KYI LHA THAMS CAD KYIS LHA'I SPYAN THOB PAR THAL, DAM BCA' 'THAD PA GANG ZHIG ,DE DAG LHA'I MIG DANG LDAN PA'I PHYIR, PHYI MA DER THAL, LHA'I MIG CES PA NI, LHA DE DAG GI MIG RNA BA SNA SOGS DBANG PO DRUG PO GANG RUNG LA BYED DGOS PA GANG ZHIG ,'DOD GZUGS KYI LHA DE DAG MIG SNA DANG MI LDAN PAR 'DOD MI RIGS PA'I PHYIR, DANG PO DER THAL, MI'I MIG NI, MI'I MIG DBANG LA BYED PA'I PHYIR, KHA CIG MA KHYAB ZER, GONG DU 'DOR NA, MI 'THAD PAR THAL, LHA'I SPYAN MA THOB PA'I LHA YOD PAR TSAD LDAN GYIS BSHAD PA'I PHYIR, GZHAN YANG, DE MI 'THAD PAR THAL, LHA'I MIG SNA GANG RUNG YIN NA, GZUGS CAN YIN DGOS PA GANG ZHIG ,LHA'I SPYAN YIN NA, SHES PA YIN DGOS PA'I PHYIR, DANG PO DPYAD DO, ,KHA CIG ,SEMS CAN THAMS CAD LAS DANG NYON MONGS PA'I DBANG GIS SKYE BA LEN PA DANG 'CHI 'PHO BA MNGON SUM DU MTHONG BA'I RIG PA, LHA'I SPYAN GYI MTSAN NYID ZER NA, DE MI 'THAD PAR THAL, SEMS CAN THAMS CAD LAS NYON GYIS DBANG GIS SKYE BA YANG MI LEN, 'CHI 'PHO BA YANG MA YIN PA'I PHYIR, RTAGS GNYIS PO DER THAL, BYANG SEMS [#DATA INCOMPLETE HERE] 'PHAGS PA THAMS CAD DANG DGRA BCOM PA RNAMS LAS NYON GYIS SKYE BA DANG 'CHI BA MA YIN PA'I PHYIR, RTAGS SLA, KHA CIG ,STONG NYID RTOGS PA'I YE SHES YIN NA, SHES RAB KYI SPYAN YIN PAS KHYAB ZER NA, STONG NYID DON SPYI'I TSUL GYIS RTOGS PA'I YE SHES CHOS CAN, DER THAL, DE'I PHYIR, 'DOD NA, MNGON SUM YIN PAR THAL, 'DOD PA'I PHYIR, 'DOD MI NUS TE, RTOG PA YIN PA'I PHYIR, KHA CIG ,SHES RAB KYI SPYAN YIN NA, SHES RAB YIN PAS KHYAB ZER NA, DON DAM SEMS BSKYED CHOS CAN, DER THAL, DE'I THAL, DE'I PHYIR, DER THAL, SHES RAB KYI SPYAN YIN PA'I PHYIR, 'DOD NA, SEMS BYUNG @120A *, ,YIN PAR THAL, 'DOD PA'I PHYIR, 'DOD MI NUS TE, GTZO SEMS YIN PA'I PHYIR, KHA CIG ,RANG GI GZHAL BYAR GYUR PA'I BDAG MED PHRA RAGS GANG RUNG MNGON SUM DU RTOGS PA'I RIG PA, SHES RAB KYI SPYAN GYI MTSAN NYID ZER NA, SANGS RGYAS 'PHAGS PA'I RGYUD KYI SHA'I SPYAN CHOS CAN, MTSON BYA DER THAL, MTSAN NYID DE'I PHYIR, DER THAL, SANGS RGYAS 'PHAGS PA'I RGYUD KYI SHES PA YIN PA'I PHYIR, 'DOD NA, YE SHES YIN PAR THAL, 'DOD PA'I PHYIR, 'DOD MI NUS SO, ,KHA CIG ,GANG ZAG THAMS CAD DBANG PO RNO RTUL GYI RIM PA MNGON SUM DU MTHONG BA'I YE SHES, CHOS KYI SPYAN GYI MTSAN NYID ZER NA, DE MI 'THAD PAR THAL, GANG ZAG THAMS CAD LA DBANG PO RNO RTUL GYI RIM PA MI 'THAD PA'I PHYIR, DER THAL, 'PHAGS PA'I GANG ZAG THAMS CAD LA DE MED PA'I PHYIR, DER THAL, SANGS RGYAS 'PHAGS PA THAMS CAD LA DE MED PA'I PHYIR, DER THAL, DE THAMS CAD LA DBANG RTUL MED PA'I PHYIR, RE ZHIG SONG, GZHAN YANG, DE MI 'THAD PAR THAL, SEMS CAN GYIS SANGS RGYAS 'PHAGS PA'I RGYUD KYI DBANG PO'I RIM PA MTHA' DAG MNGON SUM DU MA RTOGS PA'I PHYIR, KHA CIG ,CHOS THAMS CAD MNGON SUM DU RTOGS PA'I RIG PA, SANGS RGYAS KYI SPYAN GYI MTSAN NYID ZER NA, SANGS RGYAS 'PHAGS PA'I MIG SHES CHOS CAN, DER THAL, DE'I PHYIR, 'DOD NA, YE SHES YIN PAR THAL LO, ,'DOD NA SLA'O, ,KHA CIG ,SPYAN LNGA GANG RUNG RGYUD LA LDAN PA'I THEG DMAN PA MED ZER NA, DE YOD PAR THAL, DGRA BCOM PA MA 'GAG PA LHA'I SPYAN DANG LDAN PA'I MCHOG TU BSNGAGS PA'I PHYIR GNYIS PA RANG LUGS BZHAG PA LA, SPYAN LNGA'I NANG TSAN GANG ZHIG ,DPAG TSAD BRGYA SOGS KYI GZUGS PHRA RAGS GANG RUNG MNGON SUM DU MTHONG BA'I SGO NAS SPYAN DU BZHAG PAS RAB TU PHYE BA DE, SHA'I SPYAN GYI MTSAN NYID, SPYAN LNGA'I NANG TSAN GANG ZHIG @120B RANG GI GZHAL BYAR GYUR PA'I SEMS CAN SKYE PA LEN PA DANG 'CHI BA GANG RUNG MNGON SUM DU MTHONG BA'I SGO NAS SPYAN DU BZHAG PAS RAB TU PHYE BA DE, LHA'I SPYAN GYI MTSAN NYID, [#DATA INCOMPLETE HERE] SPYAN LNGA'I NANG TSAN GANG ZHIG ,RANG GI GZHAL BYAR GYUR PA'I BDAG MED PHRA RAGS CI RIGS