@00 [LS]

*, ,SU KTA GA RBHA S+YA PRA Y'A GA N'A MA NE YA TZA NI TA S+Y'A
RTHA BI BHA DZYA RU TZI KA RA SU KTAm GARBHA S+Y'A RTHA N+YA
KshA BI BHA GA S+YA SH'A STI BI HA RA, ,

*, ,DRANG BA DANG NGES PA'I DON RNAM PAR PHYE BA GSAL BAR BYED
PA LEGS BSHAD SNYING PO'I DON MTHA' DAG RNAM PAR 'BYED PA'I
BSTAN BCOS LEGS BSHAD SNYING PO'I 'JUG NGOGS ZHES BYA BA BZHUGS
SO, ,

@001 [DD]

[LS]

[LS]

@001A *, ,GARBI TA SKA T'U RA PU shBOO DZA SSA TZ'U d'A H'I DZ'A
LAm KRA MA nAm HA S+YAm TA LAm,

*, ,DREGS PA'I GTZUG GI ME TOG MDANGS LDAN PA, ,ZHABS MTHIL GA
PUR 'DZUM PA'I DRA BA LA, ,

[DD]

@002A [DD]

[LS]

[LS]

@002A *, ,BH'A NTI NI MN'Am KA RA DE B'A N'A DZA NAm P'U DZA N'A
GU TZTSA MU N'I NDR'A MRi RDZA YA:,

*, ,BTUD PAS ZAB DON SBRANG RTZI'I 'BYUNG GNAS SU, ,SGRUB MKHAS
THUB DBANG LHA MA'I MCHOD SDONG RGYAL, ,

@002B CHE BA'I BLO CAN GANG GIS MKHYEN RAB MTHA', ,MI RNYED KUN
BZANG SPYOD PA'I 'OD STONG CAN, ,LAM 'DI JI BZHIN RTOGS NAS
'DOMS PA LA, ,ZLA BRAL DPAL

LDAN BLA MAS DUS KUN SKYONGS, ,SHES BYA'I DKYIL 'KHOR AUTPAL
SNGO BA'I MDANGS, ,RNAM 'BYED ME LONG DVANGS PA'I GDONG PA LA,
,RGYAN DU 'CHAR BA'I DNGOS GRUB

STZOL BA'I LHA, ,'JAM DPAL SANGS RGYAS KUN GYI BLA MAR GUS,
,RGYA CHEN SPYOD PA'I GTAM GYI KU MU DA, ,THUGS BSKYED ZUR PHUD
NGOS LA RAB RTZEN PAS, ,KUN

MKHYEN SH'AKYA SENG GE'I CHOS KYI KHRIR, ,DBANG BSGYUR MI PHAM
BLA MA'I ZHABS LA 'DUD, ,DPAL STUG LAM BZANG YONGS KYI RTZER SON
PA, ,ZAB MO'I RTEN 'BYUNG

@003A *, ,RIG PA'I RGYAL RNGA YIS, ,MTHAR 'DZIN GDUG PA'I 'KHRUL
'KHOR 'JIG BYED PA, ,KLU SGRUB SANGS RGYAS GNYIS BA RGYAL GYUR
CIG ,DGA' LDAN ZHING GI ME TOG MA RNYINGS PA, ,RANG GI GTZUG TOR
RTZE LA

MNGON DRANGS PAS, ,SNGON MED LEGS BSHAD GTAM GYI MCHOD SBYIN
MKHAN, ,RNAM RIG SHING RTA'I SROL 'BYED THOGS MED MCHOD, ,KLU
SGRUB SROL LA DBANG BSGYUR 'PHAGS PA LHA, ,DPAL LDAN DPA' BO
GRUB BRNYES

SANGS RGYAS BSKYANGS, ,LEGS LDAN ZHI BA 'TSO SOGS MU TIG GI ,DO
SHAL SA LA GROL BA'I MCHED POR DAD, ,KHYAD PAR MTHA' BRAL GNAS
LUGS 'KHUL MANG DU, ,'TSOL BA'I SKAL BA BZANG POR BKA' DRIN GYI,
,

COD PAN RIN THANG MED PA'I KHUR SBYIN PA, ,ZLA GRAGS SRID PA'I
GDUNG SEL GTZUG TU BKUR, ,THOGS MED LAM SROL AU DUMBA RA'I
'DZUM, ,SKYONG MKHAS DBYIG GNYEN BLO GROS BRTAN PA'I ZHABS,
,PHYOGS GLANG CHOS

GRAGS LA SOGS 'PHAGS YUL NA, ,RIGS PA SKYONG BA'I PAn CHEN RIM
BYON BSNGAGS, ,ZAB GSANG LEGS BSHAD GTAM GYI SNYING PO SENG CHEN
RTZEN PA'I SGRA DBYANGS KYIS, ,NOR GYI BLO GROS YANGS PA'I MTHA'
LA RGYAL

DBANG BDEN PAR SMRA BA YI, ,MDZAD BZANG ZLA BA 'BUM GYI BZHIN
RAS JI BZHIN STON PA'I GRAGS PA CAN, ,GANGS LJONGS TSAD MA'I
STON PA GANG LA TSUL 'DI RTOGS PA'I DNGOS GRUB ZHU, ,DE YI BSTAN
LA GANG GI SOR RTOG

@003B GI ,YE SHES 'DZAM GLING RGYAN GYI PAn CHEN DU, ,YONGS SHAR
GSER ZHUN COD PAN 'CHANG BA YI, ,STON PA GNYIS PA DGE LEGS DPAL
BZANG RGYAL, ,MDO SMAD NOR BU 'DZIN PA'I BYAD YANGS POR, ,SGRUB
BSTAN BDUD LAS

RGYAL BA'I BA DAN DKAR, ,SGRENG MKHAS RONG STON SKAL LDAN RGYA
MTSO YI, ,SKU 'PHRENG ZHING 'DI'I STON PA NYID PHYIR MCHOD,
,'JAM DPAL DBYANGS DANG MNYAM PA'I MKHYEN RAB 'PHRUL, ,'PHAGS
BOD GZHUNG LUGS CHE LA

BKOD TZAM GYIS, ,GTZUG LAG MTHA' DAG RANG TSUGS MI BZOD PA,
,BDAG GI MES PO BZHAD PA'I RDO RJES SKYONGS, ,BDAG LA DGE MTSAN
GSER GYI GAR BU NI, ,MOS 'DUN BZHIN DU GANG LAS 'BYUNG BA'I
ZHING, ,DUS

'DIR THUB BSTAN 'DZIN PA'I DKYIL 'KHOR GTZO, ,GANG ZHIG RGYAL BA
RGYA MTSO'I BO BOR BSTEN, ,MI PHAM ZAB GSANG GDAMS PA'I RGYA
MTSO GANG GI THUGS LA DGA' LDAN PA'I, ,SNYING PO LAS BYUNG SNGON
MED GTAM GYIS KUN TU

RMONGS PA'I KHOL PO BDAG ,MKHAS MANG PADMA DKAR PO'I LCUG PHRAN
RNAM PAR BZHAD PA'I GRAL RING BOR, ,CI YANG 'DREN PA'I BYED PO
GCIG PUR DAD GUS LANG TSO NGOM PAS GUS, ,RGYAL BA PHYOGS KYI KUN
DGA' CHES, ,ZAB

DON AUTPAL GZHON NU YIS, ,SKAL BZANG MIG DKYUS RING BO CAN, ,YID
LA SOS KYI DUS STON GYIS, ,GANG TSE BLO BZANG SHING RTABS,
,MKHYEN GTER GSUNG GI PADMO'I BCUD, ,BZHES PA'I GSUNG GSANG KE
TA KAS, ,

@004A *, ,RNYOG PA BKRUNGS PA'I CHU GTER SPEL, ,DE LAS LEGS PAR
BSHAD PA YI, ,SNYING PO GCIG TU BSDUS PA'I BCUD, ,GANG ZHIG RGOL
BA DAN PA LA, ,'JIGS PA SBYIN PA'I 'PHRUL 'KHOR NYID, ,THAR PA
MYA

NGAN MED PA'I GRONG, ,JI BZHIN MTSON 'DOD RE BA'I MIG ,MTHO BAR
'DI GSAL YANG DAG GNAD, ,GSAL BA'I SGRON ME GCIG PUR GYUR, ,GANG
ZHIG DON LA MA RMONGS PA'I, ,BLO GROS NAM MKHA'I MTHONGS PHYE
STE, ,RJOD

PA DAG PA'I 'OD TSOGS KYIS, ,DGE LEGS SBYIN PA ZAD MA GYUR,
,'JAM MGON 'JAM DPAL SNYING PO YI, ,LCAGS MDA' LCAGS KYI GZHU BO
ZHES, ,'GUGS 'DOD 'GUGS DKA'I GTAM TZAM GYIS, ,ZHUM ZHING ZHUM

PAR GYUR PA'ANG MANG, ,GANG TSE BDAG GI COD PAN GYIS, ,RGYAL BA
KUN GYI ZUR PHUD PA, ,ZHABS SEN 'OD RIS RNAM BKRA BA, ,LI KHRI'I
SNYE MA'I BCUD LA BZHES, ,THAR 'DOD SLU BA'I CHOM PO NI, ,'DI
ZHES 'JIG LTAR

GSOD SDIGS KYIS, ,LEGS BSHAD 'PHRUL GYI GZHU MO LA, ,MAN NGAG
NYAG PHRAN SBYAR TE 'PHANGS, ,'KHOR BA CHU YI SRIN PO'I GRONG,
,BGROD PA'I ZAM STEGS BTZUGS PA LAS, ,RANG BLO GSER GYI YOL GO
DANG, ,

'TSAM PA'I BDUD RTZI SHAS GCIG THOB, ,NAGS KYI DPAL MO'I SGRA
TSOGS 'DZUM PAR ME TOG SNYE MA'I 'PHYANG 'PHRUL LA, ,RKANG BAS
SNUN PA'I RDZU 'PHRUL DANG LDAN MGRIN PA'I ZA ZI SBRENG BA
BZHIN, ,KHYAB BDAG CHOS KYI

@004B PADMA MCHOG GI GSUNG GSANG BCUD KYIS MYOS PA LAS, ,SNGON
MED LEGS PAR BSHAD PA'I SGRA DBYANGS THAR 'DOD YID KYI DUS STON
BYA, ,RGYAL BA'I GSUNG RAB KYI DRANG BA DANG NGES PA'I DON MA
LUS PA RNAM PAR 'BYED PA,

SHING RTA CHEN PO MTHA' DAG GI BZHED PA MA 'DRES PAR GSAL BAR
PHYE BA, MDO SNGAGS KYI BSTAN PA JI SNYED PA'I SNYING PO YUL
DANG YUL CAN GYI DE KHO NA NYID LEGS PAR GSAL BA, DUS GSUM GYI
'PHAGS PA MA LUS PA'I BGROD PA

GCIG PA'I GZHUNG LAM NYE BAR MTSON PA, TSAD MAR GYUR BA'I PAn
GRUB MTHA' DAG GI LEGS BSHAD KYIS RNAM PAR BRGYAN PA, RJE BTZUN
'JAM PA'I DBYANGS KYI MAN NGAG GI GSANG BAS NYE BAR 'KHYUD PA,
PHAS KYI RGOL BA MTHA'

DAG SPA BKONG NAS SKAL BA BZANG PO RNAMS YANG DAG PA'I LAM LA
'DREN PA, BSTAN PA LA LOG PAR RTOG PA'I DRI MA PHRA MO NAS BSAL
TE 'KHRUL BA MED PA'I LAM SROL BRTAN POR 'DZUGS PA, SNGON MED
PA'I LEGS BSHAD KYI

PHUNG PO 'JIGS PA MED PA'I SENG GE'I SGRA RNAM PAR BSGRAGS PA,
BDAG CAG GI RNAM 'DREN BLA MA CHOS KYI RGYAL PO TZONG KHA BA
CHEN PO BSTAN PA 'DI LA BSTAN PA'I BDAG PO LAS KYANG LHAG PA'I
MDZAD PA DANG BKA' DRIN GYI KHUR LCI BA

GANG GIS MDZAD PA'I DRANG NGES KYI BSTAN BCOS LEGS BSHAD SNYING
PO ZHES BYA BA'I SNGON MED PA'I CHOS KYI GTAM CHEN PO DE NYID
KYI DON 'CHAD PA LA GNYIS, BSTAN BCOS 'DI MDZAD TSUL SOGS BSHAD
PA'I GLENG BSLANG BA DANG, ,

@005A *, ,SKABS SU BAB PA'I BSTAN BCOS KYI DON DNGOS BSHAD PA'O,
,DANG PO NI, STON PA YANG DAG PAR RDZOGS PA'I SANGS RGYAS KYIS
DANG POR THUGS BSKYED PA DANG, BAR DU TSOGS BSAGS PA DANG,

MTHAR MNGON PAR RDZOGS PAR SANGS RGYAS PA THAMS CAD 'GRO BA
RNAMS 'KHOR BA PHRA RAGS KYI RGYA MTSO LAS BSGRAL NAS THAR PA
DANG THAMS CAD MKHYEN PA'I GO 'PHANG LA 'GOD PA'I PHYIR CHOS KYI
SGRA DBYANGS SPYIR SGROGS

PA DANG, KHYAD PAR DU SHES RAB KYI PHA ROL TU PHYIN PA'I MDO LA
SOGS PA'I SKABS SU ZAB MO DE KHO NA NYID KYI CHOS KYI RNGA CHEN
PO 'JIGS PA MED PAR RDUNG BA'I CHED DU MDZAD PA YIN LA, SHER
PHYIN YONGS GTAD KYI SKABS SU SHES

RAB KYI PHA ROL TU PHYIN PA'I MDO SDE RIN PO CHE KUN DGA' BO LA
JI LTAR GTAD PA DANG TSUL MTSUNGS PAR ZAB MO'I LAM GYI RIM PA
MTHA' DAG RJE BTZUN 'JAM PA'I DBYANGS LA GTAD NAS NYAMS PA MED
PAR SKYONG BA'I KHUR PHOG PA

LTAR RJE BTZUN MKHYEN PA'I GTER GYIS KYANG SROL DE NYID ZHING
'DIR TSUL BZHIN DU BSKYANGS PA'I SGO NAS ZAB MO'I LAM GYI KHUR
THAMS CAD BZHES PAR MDZAD CING, 'PHAGS BOD KYI YUL DU BSTAN
'DZIN GYI SKYES BU BYON PA

PHAL MO CHES BSTAN PA'I SNYING PO YANG DAG PA'I LTA BA 'DI LA
THOS BSAM SGOM GSUM DANG 'CHAD RTZOD RTZOM GSUM GYI BYA BA
RGYA
CHER MDZAD DO, ,DE YANG 'JAM MGON CHOS KYI RGYAL PO TZONG KHA BA
CHEN PO DE NYID BSTAN PA'I SROL GA

@005B THAMS CAD GZHI NAS NYAMS PA'I DUS SU ZHING 'DIR BYON TE
DANG POR THOS BSAM, BAR DU SGOM SGRUB, THA MAR 'CHAD RTZOD RTZOM
PA GANG MDZAD KYANG, MKHAS GRUB THAMS CAD MKHYEN PAS, RGYAL BA'I
GSUNG RAB MTHA' DAG GI

DON TSIG SPYI TZAM LA MA LUS PAR, DA LTA LAS DANG PO BA NYID NAS
RANG GI RGYUD LA BSKOR NAS NYAMS SU BLANGS PAS CHOG PA'I TSUL,
LAM GYI NGO BO, GRANGS NGES, GO RIM SOGS THAMS CAD SHING RTA
CHEN PO RNAMS KYI LAM SROL

DANG MTHUN PA ZHIG MED DU MI RUNG BAR GZIGS NAS BLA MA YI DAM LA
GSOL BA DRAG TU BTAB CING, GSUNG RAB DGONGS 'GREL DANG BCAS PA
MTHA' DAG LA ZHIB TU DPYOD PA RGYUN MI 'CHAD DU MDZAD PAS, THOG
MAR BSHES GNYEN

BSTEN PA NAS 'GO BRTZAMS TE, MTHAR ZHI GNAS DANG LHAG MTHONG LA
BSLAB TSUL GYI BAR THEG PA CHE CHUNG THUN MONG DANG, THEG CHEN
THUN MONG MA YIN PA'I LAM SPYI DANG, DE'I STENG DU SNGAGS KYI
THABS MKHAS KYI KHYAD PAR THUN MONG

MA YIN PA RNAMS SNON PA BTAB NAS NYAMS SU LEN TSUL GYI LAM GYI
NGO BO DANG GO RIM DANG GRANGS NGES LA PHYIN CI MA LOG PA'I NGES
PA 'KHYUNGS NAS GSUNG RAB DGONGS 'GREL DANG BCAS PA GANG LA'ANG
KHOL BTON RE TZAM MA YIN

PAR THAMS CAD GANG ZAG GCIG 'TSANG RGYA BA'I CHA RKYEN DU SBYAR
NAS NYAMS LEN GYI PHYOGS SU 'KHYER SHES PA, DE YANG BSHAD PA
TZAM MA YIN PAR DA LTA BLO MTHO DMAN DBANG PO RAB 'BRING THA MA
GANG YIN GYIS RGYUD LA BSKOR 

@006A *, ,NAS DMIGS RNAM GYI RIM PAR NYAMS SU LEN PA'I LAG LEN
DU 'KHYER BDE ZHING 'TSUN CHEL, SEMS 'DUL BA'I RIM PA 'BA' ZHIG
LHUR MDZAD PA'I SGO NAS GDUL BYA MCHOG DMAN THAMS CAD JI LTAR
BKRI

BA'I RIM PA LA MNGA' BRNYES, ZHES GSUNGS PA LTAR RGYAL BA'I
BSTAN PA YONGS SU RDZOGS PA'I LUS DANG MTHUN PA 'BA' ZHIG MDZAD
CING, KHYAD PAR DU RGYAL BA DBANG PO'I TOG GI SPYAN SNGAR SNYIGS
MA'I DUS SU DBU SNGAGS

ZUNG 'BREL DU SPEL BA'I THUGS BSKYED KYI GO CHA THUN MONG MA YIN
PAR BZHES PA DANG MTHUN PAR TSOGS GNYIS KYI SPYOD PA BYA DKA' LA
GRANGS MANG ZHING NGO MTSAR BA MTHA' DAG SKU NYAMS SU BZHES TE
ZHING 'DIR SPRUL PA'I ZLOS

GAR MNGON DU MDZAD PA'I DUS SU, ZAB MO'I LAM GYI GNAD MA LUS PA
DANG POR 'TSOL BA NA'ANG THUGS STOBS GZHAN 'GRAN MED PAS BLA MA
RED MDA' BA LA SOGS PA'I MI'I DGE BA'I BSHES GNYEN DANG, RJE
BTZUN 'JAM

PA'I DBYANGS SOGS LHA'I DGE BA'I BSHES GNYEN MANG PO'I GSUNG GI
BDUD RTZI BZHES PA'I SGO NAS 'PHAGS BOD KYI DBU MA'I BSTAN BCOS
CHE BA RNAMS LA PHYOGS RE BA DANG RAGS PAR MA SONG BA'I GSAN
SBYONG MTHAR PHYIN PA MDZAD

DE DGUNG LO ZHE GCIG GI DUS SU BUDDHA P'A LI TAR BRTEN NAS ZAB
MO'I DE KHO NA NYID KYI DON JI BZHIN RTOGS PA'I YE SHES KLONG DU
BRDOL BA'I TSUL BSTAN CING, 'CHAD RTZOD RTZOM GSUM GYIS DBU MA'I
LUGS BZANG 'DI NYID RMANG NAS NYAMS

@006B PA SLAR BSOS TE 'PHAGS PA YAB SRAS KYI GZHUNG GI SGER
'GREL DU RTZA 'JUG GI RNAM BSHAD, BOD KYI LTA BA'I 'DOD TSUL GYI
'KHRUL SEL DU LHAG MTHONG CHEN MO, RANG LUGS KYI LTA PA'I SNYING
PO MA NOR BAR SKYONG BA'I DON DU LHAG

MTHONG CHUNG DU, DBU SEMS KYI LTA BA'I PHRA RAGS DANG DRANG NGES
KYI DON GSAL PAR BYED PA'I CHED DU LEGS BSHAD SNYING PO STE LTA
BA'I LEGS BSHAD CHEN PO LNGA MDZAD PHAL BRTEN NAS BSTAN BA'I
SNYING PO DRI MA MED PA 'DI NYID DA LTA'I

BAR DU 'JIG RTEN NA NYI ZLA BZHIN DU GSAL BAR MDZAD DO, ,SKABS
SU BAB PA DRANG NGES RNAM 'BYED CHEN MO 'DI NYID JI LTAR MDZAD
PA'I TSUL NI, SKYID SHOD DGA' BA GDONG DU RJE BTZUN 'JAM PA'I
DBYANGS LA LTA BA'I ZAB GNAD

MANG DU ZHUS PA'I TSE RJE BTZUN GYIS, THAL RANG GI KHYAD PAR,
LHAN SKYES DANG KUN BTAGS KYIS JI LTAR BZUNG BA LTAR GYI BDAG
RTAGS KYI DGAG BYA'I PHRA RAGS, LTA BA RNYED PA'I TSAD, THAL
'GYUR BA'I LTA BA 'KHRUL MED KYI DON,

LUGS DE'I KUN RDZOB 'JOG TSUL RNAMS GSUNGS PA LA, JI BZHIN MA
DGONGS PA'I TSUL GYIS MI GO BAR 'DUG LAGS ZHUS PAS, 'DI RNAMS MA
BRJED PAR GYIS LA ZIN RIS SU BRIS, BLA MA DANG YID MA THA MI DAD
DU BYAS PA LA GSOL

PA 'DEBS SHING BSNYEN SGRUB BYED PA DANG, BSAGS SBYANGS GNYIS LA
LEGS PAR 'BAD PA DANG, GZHUNG LUGS KYI DON LA RIGS PAS RNAM PAR
DBYED CING ZHIB TU SEMS PA RNAMS SUM SGRIL DU NYAMS SU LONGS LA
TSIM MA SLA

@007A *, ,BAR RGYUN BSRINGS TE LEGS PAR DPYOD CIG DANG, SKABS SU
BAB NA NGAS DA LTA SA BON BTAB PA 'DI RNAMS KYIS KYANG RKYEN
BYAS NAS LEGS PAR GO BA ZHIG MYUR DU 'ONG BAR 'DUG CES GSUNGS PA
LTAR GANG

GSUNGS RNAMS LA ZIN BRIS KYI SA BON RE MDZAD CING, PHYIS DGUNG
LONG GCIG PA'I DUS SER CHOS SDINGS SU DBU MA'I RIGS PA PHRA MO
'GA' ZHIG LA DOGS BA CUNG ZAD DPYAD DKA' BA BYUNG NAS BLA MA
DANG RJE BTZUN 'JAM

DBYANGS LA GSOL 'DEBS DRAG TU MDZAD PA NA, SHER MDO'I STONG NYID
NYI SHU'I 'GRES RKANG RNAMS GSER BTZO MA'I YI GER BKOD PA'I RNAM
PAS BAR SNANG KHRIG GIS GANG BAR GZIGS PA LA BRTEN NAS DOGS PA
LHAG MED DU

CHOD DE SNGAR GYI ZIN BRIS KYI SA BON LA GZHI BYAS NAS LEGS
BSHAD SNYING PO DANG RTZA SHE'I RNAM BSHAD CHEN MO MDZAD PA YIN
NO, ,SE RA RJE BTZUN PA'I MKHAS GRUB RNAM THAR SOGS SU MKHAN PO
G-YAG YU'I SLOB MA G-YAG PHRUG SANGS

RGYAS DPAL BA'AM G-YAG MI PHAM CHOS KYI BLA MA ZHES PA SA
SKYA'I MKHAS PA G-YAG GZHON GNYIS KYI NANG TSAN DES RJE THAMS
CAD MKHYEN PA LA DRANG NGES LAS BRTZAMS PA'I DRI BA MANG DU ZHUS
PA'I LAN DU DRANG NGES RNAM 'BYED MDZAD PAR

BSHAD TSUL YANG YOD DO, ,GANG LTAR 'JAM MGON BLA MAS BSTAN BCOS
'DI MDZAD NAS GZAB BSHAD SNGA PHYIR GNANG BA RGYAL TSAB MKHAS
GRUB 'JAM DBYANGS CHOS RJE GSUM GA LAS BRGYUD TSUL BYUNG ZHING,
DGE LDAN PA'I MKHAS

@007B GRUB RIM BYON DAG GIS TSUL 'DI LA 'CHAD RTZOD RTZOM PA'I
BYA BA RGYA CHER MDZAD DO, ,DE YANG RJE BTZUN 'JAM PA'I DBYANGS
KYI ZHABS KYI PADMO'I ZE'U 'BRU GTZUG GI RGYAN DU BZHES PA'I
CHOS KYI SRAS PO, ZAB MO DE KHO NA NYID KYI DON JI BZHIN GZIGS

NAS RGYA BOD KYI LEGS BSHAD GUNG BSGRIGS TE 'CHAD PA LA 'JAM
MGON RGYAL BA'I RANG 'DRA GNYIS PA, RTZOD DUS PAn CHEN KUN
MKHYEN CHOS KYI RGYAL PO BLO BZANG DPAL BA LA KHO BO CAG GIS
BKA' DRIN DU ZHUS SKABS GSUNG

GI BDUD RTZI LAS RANG BLO DANG 'TSAMS PA'I CHA SHAS SHIG YANG
DAG PA'I DON LA GOMS 'DRIS BGYID PA'I PHYIR 'GOD PAR 'DOD DO,
,GNYIS PA LA GSUM, BSTAN BCOS RTZOM PA LA 'JUG PA'I YAN LAG
MCHOD PAR BRJOD

CING RTZOM PAR DAM BCAS TE SNOD LDAN NYAN BAR BSKUL BA, BRTZAMS
PA'I BSTAN BCOS KYI LUS DNGOS BSHAD PA, BSTAN BCOS JI LTAR
BRTZAMS PA'I TSUL DGE BSNGO SBYAR BYANG DANG BCAS PA'O, ,DANG PO
LA GSUM, MCHOD

PAR BRJOD PA, RTZOM PAR DAM BCA' BA, SNOD LDAN NYAN PAR BSKUL
BA'O, ,DANG PO LA GSUM, DRANG NGES KYI GNAD GANG LA BRTEN NAS
RNYED PA'I BLA MA RJE BTZUN 'JAM DBYANGS LA MCHOD PAR BRJOD PA,
BSTAN PA'I BDAG PO STON

PA YANG DAG PAR RDZOGS PA'I SANGS RGYAS LA MCHOD PAR BRJOD PA,
BSTAN 'DZIN GYI SKYES BU BYAMS 'JAM DBYANGS DANG SHING RTA CHEN
PO GNYIS SOGS LA MCHOD PAR BRJOD PA'O, ,DANG PO NI, NA MO GU RU
MANYDZU GHO sh'A YA, ZHES BYUNG,

@008A *, ,'DUD PA'I BYINGS nA MA'I nA NAR BSGYUR TE RKYEN AA SUN
BYIN, AU DANG NA PHYIS NAS MTSAMS SBYAR BA LA RNAM DBYE DANG
PO'I SI BYIN TE AI PHYIS SHING SRA RNAM BCAD BYAS PAS NA MA:
GRUB STE PHYAG 'TSAL BA'AM 'DUD PA'O, ,

NGES PAR GNON PA'I BYI BAS KR'i LA RKYEN KU BYIN TE KA PHYIS
NAS, KR'i'I R'i AUR DANG KA GAR BYES TE DRANGS SHING RNAM DBYE
DANG PO'I SI BYIN AI PHYIS SA RNAM BCAD BYAS PAS GU RU: GRUB STE
BLA MA'AM GONG MA'O, ,MTSAR SDUG GI BYINGS MANYDZU'I

RJES 'BREL PHYIS, AU RKYEN DANG NGA SI BYIN AI DANG AA DANG DRA
RNAMS PHYIS TE DRANGS SA RNAM BCAD BYAS PAS MANYDZU: GRUB STE
'JAM PA'O, ,SGROGS PA'I BYINGS GHU sh'I RU LA, RKYEN AA TZA
BYIN, tI DANG RJES 'BREL PHYIS TE YON TAN BYAS RNAM DBYE DANG

PO'I SI BYIN AI PHYIS SHING SA RNAM BCAD BYAS PAS GHO shA: GRUB
STE DBYANGS SAM SKAD DO, ,DE LA NA MA'I RNAM BCAD AU DANG DE AOR
BYAS, RNAM BCAD GZHAN RNAMS PHYIS TE, MTHAR RNAM DBYE BZHI BA'I
GCIG TSIG DE BYIN, DE LA AA KRA

AA GA MA BYIN NAS AE AA YA DANG 'DRA 'DUS BYAS BAS, NA MO GU RU
MANYDZU GHO sh'A YA, ZHES PA GRUB STE, BLA MA 'JAM PA'I DBYANGS
LA PHYAG 'TSAL LO ZHES PA'O, ,DE YANG YON TAN DANG SLOB MA RJES
SU 'DZIN PA'I SGO NAS SKYE DGU'I

GONG MAR GYUR PA DANG, RGYUD LUNG RTOGS KYI YON TAN GYIS LCI BA
DANG, RKYEN NGAN PAS RDZI MI NUS SHING SLOB MAS BSTEN NA RKYEN
DBANG DU MI 'GRO BA'I BKAN CHA DANG LDAN PAS NA BLA MA DANG,
'JAM ZHES PAS SGRIB GNYIS BAG CHAGS

@008B DANG BCAS PA'I RTZUB REG DANG BRAL BA'I NGO BO NYID SKU
DANG, DBYANGS ZHES PAS GSUNG GI BDAG RKYEN YE SHES CHOS SKU DANG
LDAN PAS 'JAM DBYANGS SAM, SGRIB GNYIS KYI RTZUB REG DANG BRAL
BA'I SKU GNYIS DANG, GSUNG DBYANGS

YAN LAG DRUG CU MNGA' BAS 'JAM DBYANGS SAM, SNYAN PA YID DU 'ONG
BA'I GSUNG DBYANGS DANG LDAN PAS NA 'JAM DBYANGS TE, SGRON GSAL
LAS, 'JAM PA NI RNAM PAR MI 'JIG PA'O, ,DPAL NI 'OD GSAL BA'O, ,

ZHES KYANG 'BYUNG NGO, ,DE LTA BU'I BLA MA LHAG PA'I LHAR RJE
THAMS CAD MKHYEN PAS SGO GSUM GUS PAS BTUD DE PHYAG MDZAD PA'I
DGOS PA NI, SDE SNOD GSUM GYI 'GYUR PHYAG GI SKABS MNGON PA'I
SDE SNOD LA BRJOD BYA LHAG PA

SHES RAB KYI YUL RANG SPYI'I MTSAN NYID JI BZHIN SHES PA 'JAM
DBYANGS LA RAG LAS PAS DE LA 'GYUR PHYAG BYED PA DANG MTHUN PAR,
BSTAN BCOS 'DI DON DAM PA'I MNGON PA'I SDE SNOD DU GO BA DANG,
MDZAD PA POS DBU SEMS

KYI LTA BA DANG DRANG NGES KYI GNAD GANG LAS RNYED PA'I YUL THUN
MONG MIN PA YIN PA DANG, RJES 'JUG LTA BA 'TSOL BA RNAMS KYIS
ZAB MO'I DON KHONG DU CHUD PA DE LA NGES PAR LTOS PAR STON PA'I
PHYIR YIN NO, ,GNYIS PA NI, BDE

'BYUNG SPRIN LA ZHES SOGS BYUNG, MCHOG TU DGA' BA'I GZUGS 'CHANG
BAS BDE 'BYUNG STE DBANG PHYUG DANG, SPRIN GYI PHUNG PO DANG
MTSUNGS PA'I BLANG PO CHE LA ZHON PAS SPRIN LA ZHON PA STE BRGYA
BYIN DANG, GSER GYI KHA DOG CAN

@009A *, ,GYI SGO NGA DANG 'DRA BA'I PADMA LAS SKYES PAS GSER
GYI MNGAL TE TSANGS PA DANG, DBANG PHYUG DKA' THUB LA GNAS PA
BDUD KYIS MDA' LNGAS NYAMS PAR BYAS PA LA, DBANG PHYUG GI ME'I
MIG LAS ME SBAR BAS

LUS BSREGS TE MED PAR BYAS PAS LUS MED DE BDUD KYANG YIN LA BDUD
KYI BDAG PO YANG YIN PA'AM, LUS NI MED KYANG SEMS CAN GYI SNYING
LA GNAS TE SRID PA'I KUN SBYOR SNA TSOGS RTZOM PAS 'DOD CHAGS LA
YID LA NYAL

DANG LUS MED CES BYA ZHING, DE GZHAN LA SKYED PA'I BDAG POR GYUR
PA'AM DE LA DBANG BSGYUR BAS NA LUS MED BDAG PO STE BDUD SDIG
CAN DANG, THA GU'AM ME TOG LTO BA LA BCINGS PAS NA THA GU'I LTO
'AM ME TOG LTO STE KHYAB

'JUG DANG, SOGS KYIS BSDUS PA TSOGS BDAG DANG, GDONG DRUG DANG,
NYI MA DANG, ZLA BA DANG, PHUR BU RNAMS SRID PA GSUM NA BLO GROS
DANG MTHU STOBS DANG RDZU 'PHRUL 'GRAN ZLA MED PAR DREGS PA STE
KHENGS PA'I NGA RO

CHES CHER SGROGS PA'I RLOM PA'AM NGA RGYAL GYIS 'GYING BA RNAMS
KYIS THUB DBANG GANG GI MDZES PA'I SKU MTHONG BA'I MOD LA NYIMS
SRIN BU ME KHYER ZIL GYIS GNON PA BZHIN DU DE THAMS CAD ZIL GYIS
GNON PAR MDZAD PAR  

GYUR PA'I TSE LHA DE DAG GI MDZES PA'I COD PAN GYIS THUB DBANG
GANG GI ZHABS PAD LA GUS PAS STEN PAR BYED PA THUB PA'I DBANG PO
LHA RNAMS KYI YANG LHAR GYUR PA LA PHYAG 'TSAL LO, ,ZHES PA STE,
KYANG ZHES PA NI CHEN PO

@009B RNAMS KYIS 'DUD NA DMAN PA RNAMS KYIS LTA CI SMOS PA'O,
,DES NA DBANG PHYUG NI ZHIB BA DANG, TSANGS PA NI TSANGS PA BA
DANG, KHYAB 'JUG NI KHYAB 'JUG PA STE MU STEGS KYI GRUB MTHA'
CHE BA GSUM GYI STON PA DANG, BRGYA BYIN

NI SGRA'I KHUNGS GTUGS DANG, BDUD NI BYED PA SNA TSOGS KYIS SKYE
BO RNAMS BSTAN PA LA RGYAB KYIS PHYOGS PAR BYED PA YIN PAS DE
DAG TSIG LA THON PAR MDZAD NAS, DREGS PA'I LHA GZHAN 'JIG RTEN
NA DREGS PAS RLOM PA TZAM

YIN PAS TSIG ZIN LA THON PAR MA MDZAD DE, DE DAG GIS RGYAL BA
PHYI NANG GI CHOS SMRA BA THAMS CAD KYIS BKUR BA'I ZHING DU STON
PA YIN ZHING, TSUL 'DI LHA LAS PHUL DU BYUNG BA'I YON TAN BRJOD
PA'I BSTOD PA YIN PAS LHA LAS

PHUL BYUNG GI BSTOD PA'I BRJOD DON THAMS CAD 'DIR SBYAR NAS
BSHAD NA MKHAS PA DGYES PA'I LEGS BSHAD DU 'GYUR RO, ` ,DOGS
DPYOD SPRO NA, YANG SNYING DU BDE 'BYUNG ZHES PA DBANG PHYUG LAS
GZHAN RGYUD LA BDE BA

'BYUNG TSUL BSHAD PA MA GTOGS, DBANG PHYUG RANG LA BDE BA 'BYUNG
TSUL BSHAD PA MI 'THAD CES GSUNGS KYANG, DBANG PHYUG DGRA STA'I
RGYUD LAS, DBANG PHYUG AU MA MNYAM SBYOR BAS, ,RMAD DU BYUNG
BA'I BDE BA SKYES, ,

ZHES DANG, DBANG PHYUG 'KHRIG PA SPYAD PA LAS, ,DBU MA'I YE SHES
SKYE BAR 'DOD, ,CES SOGS DANG BSTUN TE, GNYAL STON GYIS GSUNGS PA
LTAR LHA MO AU MA LA BRTEN NAS DBANG PHYUG LA SNYOMS 'JUG GI
BDE BA 'BYUNG

@010A *, ,BA DANG, MNGON BRJOD 'GREL BA 'DOD 'JO'I BA MO DANG,
DKA' 'GREL LTAR MCHOG TU DGA' BA'I GZUGS 'CHANG BA DANG, RAB
'BYOR ZLA BAS GSUNGS PA LTAR DGE BA'AM THAR BA DANG BDE BA'AM

DGA' BA 'BYUNG BA LA BSHAD PA GANG LTAR BYAS KYANG RUNG STE, BDE
'BYUNG ZHES PA RANG LAS GZHAN LA BDE BA 'BYUNG TSUL KHO NA LAS,
GZHAN LAS RANG LA BDE BA 'BYUNG TSUL LA BSHAD NA 'BREL MED DU
'GYUR DON MED PA'I PHYIR

ZER NA BRTAG LA, SDUG BDEN LA KUN 'BYUNG GI SGRA BSHAD PA 'BREL
MED DU MI 'GYUR TSUL DRANG NGES DOGS DPYOD LEGS BSHAD KUN BTUS
SU 'BYUNG BAS DER BLTA'O, ,RAB 'BYOR ZLA BA'I BSHAD TSUL 'DI
DBANG PHYUG GI YON

TAN BRGYAD KYI THA MA DGA' MGUR GNAS PA'I DON YANG YIN PAR YANG
SNYING DU GSUNGS PA LA, DPYOD LDAN YID KYI MUN SEL DU, DBANG
PHYUG LA BRTEN NAS GZHAN GYIS THAR PA'AM GNAS SKABS KYI BDE BA
THOB PA DBANG PHYUG RANG

NYID DGA' MGUR GNAS PA'I DON DU GZHAG DKA' BA 'DRA, ZHES DPYAD
GZHIR MDZAD DO, ,DE LA SPYAN RAS GZIGS BRTUL ZHUGS KYIS, THAR
PA'AM YANG NA LHA YI LUS, ,GANG DU BDAG NYID 'DOD BDAG ,THAMS
CAD

'DOD PA THOB 'GYUR BAS, ,DES NA DGA' MGUR GNAS ZHES BYA, ,ZHES
DBANG PHYUG GI GZHUNG DRANGS NAS GSUNGS PA DANG MTHUN PAR, RIM
LNGA GSAL SGRON DANG LE'U BCO LNGA BA'I SGRON GSAL MTSAN GNYIS
KAR, GANG

@010B THOB PAR 'DOD PA'I DON DE LTAR THOB NUS PA NI DGA' MGUR
GNAS PA, ZHES GSUNGS PA'I DON GRUB MTSAN LAS, RANG NYID ZHI BA
THOB CING GZHAN LA MTHO RIS DANG THAR BA GANG 'DOD STER BA NI
DE'I DGA' MGUR GNAS PA'I YON

TAN YIN TE, ZHES 'BYUNG BA DON GNAS YIN TSE SNGA MA LTAR RO,
,YON TAN GYI DBANG PHYUG BRGYAD NI MCHOG GI DNGOS GRUB YIN PAS
'BRAS BU'I SKABS KHO NAR YOD PAR RIM LNGA GSAL SGRON DANG SGRON
GSAL MTSAN DU GSUNGS

PA LTAR LA, DBANG PHYUG GI YON TAN BRGYAD NI, SPYOD BSDUS CHAG
'GYUR LAS, GZUGS PHRA BA DANG REG PA YANG, ,KHYAB PA YANG DAG
THOB PA NYID, ,RAB TU GSAL BA NYID BRTAN PA, ,DBANG PHYUG NYID
DANG 'DOD DGUR

'GYUR, ,ZHES DANG, SPYAN RAS GZIGS BRTUL ZHUGS LAS, PHRA BA
DANG, YANG BA DANG, MCHOD PAR BYA BA DANG, BDAG POR GYUR PA
DANG, DBANG DU GYUR PA DANG, GAR YANG PHYIN PA DANG, 'DOD DGUR
LDAN PA DANG,

DGA' MGUR GNAS PA'O, ,ZHES GSUNGS PA LTAR TE, SO SO'I NGO BO
RGYAS PAR RIM LNGA GSAL SGRON DANG SGRON GSAL LE'U BCO LNGA BA'I
MCHAN DANG GRUB MTHA' CHEN MO MCHAN DANG BCAS PA LAS SHES PAR
BYA'O, ,BRGYA BYIN GYI

BZHON PA'I GLANG PO SPRIN DANG 'DRA MTSUNGS SBYOR TSUL LA GNYAL
STON DANG SBYIN PA DAR RGYAS SOGS KYIS SPRIN GYI SHUGS 'CHANG
BA'I GLANG BO ZHES MGYOGS KHYAD LA SBYAR BA DANG, 'DOD 'JO'I BA
MO LAS SPRIN CHEN PO GLANG PO 

@011A *, ,CHE'I GZUGS 'DZIN PAR BSHAD PA'I DON, YANG SNYING DU
SHIN TU CHE ZHING DAL GYIS G-YO BAS BRJID PA'I NYAMS DANG SBYAR
BA GLANG PO'I SKYES RABS LAS, STON KA'I SPRIN NAM NA BUN GYI
TSOGS RLUNG GIS

BSKYOD PA BZHIN DU TSUR 'ONGS PA MTHONG NGO, ,ZHES GSUNGS PA
DANG MTHUN PAR BSHAD PA DANG, KUN MKHYEN 'JIGS MED DBANG POS
GLANG PO THAL MDOG YIN PAS SPRIN DANG 'DRA BAR GSUNGS KYANG CHE
BA DANG BRJID PA'I

DPER SPRIN BLANGS PA 'DOD 'JO'I BA MO DANG GLANG PO'I SKYES RABS
GNYIS KAR MI GSAL LO, ,YE SHES SNYING PO KUN BTUS KYI 'GREL BAR
TSANGS PA ME DKYIL GYI DBUS SU GSER GYI SGO NGA SMIN PA LAS
BYUNG BAR BSHAD PA DANG,

DRAN PA'I GZHUNG LAS SGONG DE CHU LAS BYUNG BAR BSHAD PA NI,
YANG SNYING LAS, GNYIG RIG BYED LA GRAGS PA'I GTAM RGYUD BKOD PA
TZAM YIN GYI DON DNGOS GNAS MA YIN PA'I PHYIR, ZHES GSUNGS PA
LTAR RO, ,GZHAN

YANG RIG BYED LAS TSANGS PA DBANG PHYUG GI SA BON LAS SPRUL PA
DANG, KHYAB 'JUG GI LTO BA'I PADMA LAS SKYES PA DANG, DES 'JIG
RTEN THAMS CAD BYAS PA DANG, DE SGONG SKYES, KHYAB 'JUG MANG LA
SKYES, DBANG PHYUG BDAG

SKYES SU BSHAD PA SOGS DNGOS GNAS SU KHAS BLANG MI RUNG ZHING,
ZA MA TOG BKOD PAR TSANGS PA SPYAN RAS GZIGS KYI PHRAG PA G-YAS
NAS BYUNG BAR GSUNGS SO, ,TSANGS PA RDZUS SKYES YIN GYI SGONG
MTSAN NYID PA LAS SKYES  

@011B PA MA YIN PAS SNGAR LTAR BSHAD DGOS SHING, SPYIR SGONG
SKYES NI MNGAL LAS SKYES PA YIN YANG MNGAL SKYES MA YIN TE,
MNGAL DU LUS KYI MTSAN NYID RNAMS RDZOGS NAS SKYES PA MNGAL
SKYES DANG, DER DE MA RDZOGS PAR SGO

NGA LAS RDZOGS PA LA SGONG SKYES SU BSHAD PA'I PHYIR, LUS MED
KYI BDAG PO BYAS NA'ANG DRUG SGRA DE GZHI MTHUN SDUD PA'I 'BREL
SGRAR BYAS CHOG PAS, LUS MED BDAG PO ZHES PA DANG, LUS MED KYI
BDAG PO ZHES PA GNYIS KYI

TSIG NUS LA KHYAD MED PAR SNANG NGO, ,DES NA KHAS LEN GYI RGYUN
LA, LUS MED BA DAG PO BYAS NA LUS MED DANG BDAG PO DON GCIG TU
'GRO YANG, LUS MED KYI BDAG PO BYAS NA LUS MED 'DOD CHAGS DANG
BDAG PO DGA' RAB DBANG

PHYUG LA GO DGOS, ZHES ZER RGYUN 'DUG MONG, YANG SNYING DU LUS
MED DANG LUS MED KYI BDAG PO SO SOR 'JOG NA'ANG DGA' RAB DBANG
PHYUG LA LUS MED BDAG PO DANG LUS MED CES PA'I THA SNYAD GNYIS
KA SBYAR CHOG PAR

BZHED PAR MNGON NO, ,MCHAN DU 'DOD PA BA RNAMS KHAMS GONG MA
LA
LTOS TA LUS CHUNG BAS LUS MED PA DANG 'DRA ZHING, BDUD DE'I BDAG
PO YIN PAS LUS MED BDAG POR GSUNGS KYANG, YANG SNYING DU DE BKAG
GO ,BDUD KYI

MDA' LNGA NI SGRON GSAL LAS, DREGS PA DANG, RMONGS PA DANG, KUN
TU RMONGS PA DANG, BRGYAL BA DANG, SEMS MED PAR BYED PA LNGA
DANG, GZHAN YANG RGYAL BA'I LHA SOGS KYIS BSHAD PA RNAMS MING MI
'DRA BA MA GTOGS

@012A *, ,DON PHAL CHER 'DRA BAR SNANG ZHING MDA' LNGA SO SO'I
DON LE'U BCU DRUG PA'I SGRON GSAL MCHAN LAS BYUNG BA LTAR LA,
BDUD NI DBANG PHYUG GI MIG GSUM GA LAS ME BYUNG BAS BSREGS PA
DANG, MIG DBUS

MA'I MES BSREGS PAR BSHAD PA GNYIS SNANG YANG PHYI MA'I PHYOGS
LTAR MDZAD PA MANG NGO, ,DRAN PA'I GZHUNG LAS, THA GU'I LTO NI
BYIS PA'I TSE, ,THA GU'I SKE RAGS BCINGS PA'O, ,ZHES PA DANG
MTHUN PAR TSIG GTER

'GREL BAR YANG BSHAD PA DANG, 'DOD 'JO 'GYUR GSAR DU GRAGS PA
DANG SNYING RJE DANG ROL BA DANG SEL BA'I DON GYIS ME TOG GI
CHUN PO RNAMS 'DI'I LTO BA LA LDAN PAS NA ME TOG LTO BAR BSHAD
PA DANG, 'DOD

'JO SHONG 'GYUR DU KHYAB 'JUG GI CHUNG MA LHA MO GRAGS MAS KHYAB
'JUG GI MGO LA ME TOG 'JOG PAR 'DOD PA LA MA SLEBS PAR LTO BA LA
BZHAG PAS ME TOG LTO BAR BSHAD PA'I LUGS GSUM SNANG ZHING, YANG
SNYING LAS,

D'A MOD RA: NI, SNGA MA RNAMS THA GU'I LTO BAR BSGYUR BA LTAR
BYAS PA YIN LA, ZHES KHYAB 'JUG LA THA GU'I LTO BAR BYAS PA NI
'GYUR MA LEGS PA'I RJES SU 'BRANGS PA LTA BU ZHIG GSUNGS SO,
,RIG BYED LAS, NYA DANG

RUS SBAL PHAG PA DANG, ,MI YI SENG GE MI'U THUNG DANG, ,D'A MA
GNYIS DANG NAG PA DANG, ,SANGS RGYAS KIRTI RTZE DANG BCU, ,ZHES
'BYUNG BA LTAR GYI KHYAB 'JUG GI 'JUG PA BCU GRUB MTHA' CHEN MO
SOGS LAS RTOGS PAR BYA'O, ,

@012B SOGS KHONG NAS 'DON RGYU DKA' 'GREL DU NYI ZLA TSOGS BDAG
GDONG DRUG BZHI DANG, YANG SNYING DU DE'I STENG PHUNG BU BCAS
LNGA DANG, BYANG RTZE SBYIN PA DAR RGYAS KYIS TSIG LA THON PA
LNGA DANG MA THON PA BZHI LAS NYI ZLA GCIG TU BGRANGS

NAS BRGYAD DU BYED PAR BSHAD PA DANG, RJE 'JIGS MED DBANG POS
'GA' ZHIG GIS LHA 'DI DAG LA DREGS PA'I LHA BRGYAD ZER YANG DGU
YOD PAR GSUNGS PA SOGS 'DRA MIN MANG YANG, YONGS GRAGS KYI DREGS
PA'I LHA BRGYAD

NI TSIG TU THON PA LNGA LAS BDUD DOR NAS SOGS SGRAS BSDUS PA
BZHI BCAS BRGYAD LA BYED DO, ,GNOD SBYIN SH'AKYA 'PHEL GYIS
PHYAG BYAS PAS DANG, BLO GROS YANGS PA KHYOD LA 'DI DANG NI,
,KUN SPYAN ZHABS LA LAN GSUM PHYAG BGYIS

TE; ,BLTAMS PA'I TSE NA SA NI G-YOS PA DANG, ,'DZAM BU'I GRIB
MA SKU LAS MA 'DAS PA'O, ,ZHES PA LTAR YAB KYIS LAN GSUM DU
PHYAG PHUL BAS LHA'I LTAR MTSAN GSOL TSUL SOGS YOD KYANG SKABS
'DIR DREGS PA'I LHA RNAMS

KYI 'ANG LHAR GYUR PAS NA LHA'I LHA ZHES BSHAD NA SKABS DON DANG
'GRIG PAR MNGON NO, ,'DIR STON PAR LHA CHEN RNAMS KYIS BTUD TSUL
GYI SGO NAS BSTOD PA'I RGYU MTSAN NI YANG SNYING DU, 'DREN PA
MNYAM MED STON PA BCOM LDAN 'DAS,,

ZHES PAS RGYA CHE BA'I YON TAN SGOS BSTOD PA BZHIN DU, LHA DANG
MI RNAMS KYI STON PA, ZHES DANG, SKABS GSUM PA DANG DBANG PO'I
DGRA, ,ZHES SOGS KYIS SGRUB PHYOGS NAS 'GRO RNAMS SRID ZHI'I
'JIGS PA LAS SKYOB PA'I

@013A *, ,SKYABS SU GYUR TSUL SGOS BSTOD PA DANG MI 'DRA BAR,
SMRA BA ZLA MED 'DREN MCHOG SH'AKYA'I TOG ,CES PAS ZAB MO'I YON
TAN SGOS BSTOD PA BZHIN DU, LHA CHEN DE DAG GIS LAM LTAR SNANG
BSTAN PA RNAMS RGYAL

PA'I GSUNG GI 'OD ZER GYIS RMEG MED DU BCOM STE SMRA BA ZLA MED
DU GYUR PA'I SGOS BSTOD PA YIN GSUNGS PA GZHAN DANG MI 'DRA BA'I
LEGS BSHAD YIN PA GZHIR BYAS KYANG, LHA DANG MI RNAMS KYI STON
PA, ZHES PAS STON PA PHUN

TSOGS DANG, SKABS GSUM PA DANG ZHES SOGS KYIS 'GRO BA'I GTZUG
RGYAN DU GYUR TSUL GYI YON TAN BSTAN PA TZAM LAS ZAB RGYAS KYI
YON TAN GANG LA SBYAR MI GSAL ZHING, SBYOR NA STON PA ZHES PA'I
TSIG NUS KYIS LHA DANG MI

RNAMS KYI STON PA, ZHES PA NI ZAB MO'I YON TAN LA SBYAR NA
'GRIGS PA DANG, 'DREN PA MNYAM MED STON PA BCOM LDAN 'DAS, ,ZHES
PAS KYANG RGYA CHE BA'I YON TAN GYI SGO NAS BSTOD PA'ANG MI GSAL
BA DANG, 'DIR, RLOM

PAS 'GYING RNAMS KYIS KYANG GANG GI GSUNG, ,THOS PA'I MOD LA NYI
MAS ME KHYER BZHIN, ,ZHES YOD TSE SMRA BA ZLA MED DANG SBYOR
RUNG TZAM SNANG MOD DE LTAR MA GSUNGS PAS SHES BYED DKA' ZHING,
SKABS GSUM PA DANG ZHES

SOGS KYIS SMRA BA ZLA MED DANG, 'DIS RGYA CHE BA'I YON TAN BRJOD
DE BSTOD CES BZLOG STE KHAS BLANGS NA'ANG GNOD BYED DKA' BAR
DOGS SO, ,BRJOD BYA LUS DANG MTHUN PA'I MCHOD BRJOD MDZAD PA LA
DGONGS NA'ANG BRTAG

@013B DGOS TE, BSTAN BCOS YIN TSAD KYI MCHOD BRJOD BRJOD BYA'I
LUS DANG MTHUN PA'I MCHOD BRJOD DU SGRUB DKA' ZHING, DKA' 'GREL
SOGS SU 'DI LA BSTAN BCOS LUS KYI MCHOD BRJOD CES PA LAS BSTAN
BCOS LUS

DANG MTHUN PA'I MCHOD BRJOD CES GSUNGS PA MI SNANG BA'I PHYIR
RO, ,GSUM PA LA GSUM, BSTAN 'DZIN MTHA' DAG GI MES PO BYAMS 'JAM
DBYANGS LA MCHOD PAR BRJOD PA, SHING RTA'I SROL 'BYED KYI SLOB
DPON KLU

SGRUB DANG THOGS MED LA MCHOD PAR BRJOD PA, SHING RTA'I SROL
'DZIN GYI BSHES GNYEN 'PHAGS PA LHA DANG DBYIG GNYEN SOGS LA
MCHOD PAR BRJOD PA'O, ,DANG PO NI, MKHYEN BRTZE'I GTING MTHA'
ZHES SOGS BYUNG, RGYA

MTSO LA GTING MTHA' DPAG DKA' BA DANG, RLABS PHRENG CHAL CHIL
G-YO BA DANG, RIN PO CHE'I 'BYUNG GNAS SU GYUR PA'I KHYAD CHOS
GSUM YOD PA BZHIN DU BYAMS 'JAM DBYANGS GNYIS ZAB DON 'BYED PA'I
MKHYEN RAB ZAB

PAS GTING DANG, GZHAN PHAN GYI BRTZE BRGYA CHE BAS MTHA' DPAG
PAR DKA' BA DANG LDAN PA KHYAD CHOS DANG PO DANG, BYANG CHUB
KYI
SPYOD PA STE PHYIN DRUG SPYI DANG, KHYAD PAR MDZAD PA BCU GNYIS
SOGS RGYAL BA'I MDZAD PA THAMS CAD

KHUR DU 'KHYER BA'I RLABS CHEN CHAL CHIL G-YO BA KHYAD CHOS
GNYIS PA DANG, ZAB RGYAS KYI LEGS BSHAD RIN PO CHE'I GTER DU
GYUR PA KHYAD CHOS GSUM PA STE KHYAD PAR DE GSUM DANG LDAN PA'I
'JAM PA'I DBYANGS DANG RGYAL TSAB BYAMS

@014A *, ,MGON GNYIS LA GUS PAS PHYAG 'TSAL BA STE, YONGS 'DZIN
YE SHES RGYAL MTSAN GYIS 'DI DANG MCHOD BRJOD GONG MA GNYIS
BSDOMS PAS THEG CHEN GYI LAM 'BRAS CHA TSANG BSTAN PAR GSUNGS
SO, ` ,SPRO

NA; KHA CIG ,DPE RGYA MTSO'I CHOS GSUM DANG SBYOR RGYU'I DON NI,
'JAM DBYANGS LA MKHYEN PA DANG, ZAB MO GTZO BOR GYUR PA'I SPYOD
PA DANG, DE GTZO BOR GYUR PA'I LEGS BSHAD GSUM DANG, BYAMS PA LA
DE'I ZLAS DRANGS

PA'I BRTZE BA SOGS GSUM LA BSHAD PA DANG, KHA CIG SNGAR LTAR
GNYIS KA LA GNYIS KA SBYOR BAR BSHAD PA GANG BYAS KYANG 'DRA LA,
GTING MTHA' DPAG DKA' PA GNYIS KA MKHYEN BRTZE GNYIS KAR SBYAR
NAS, BRTZE BA'I GTING

DPAG DKA' BA NI DE 'DZAD PA MED PA DANG, DE'I MTHA' DPAG DKA' BA
NI BRTZE YUL GYI SEMS CAN MTHA' MED PA LA SHING BZA' PAntI TAS
GSUNGS SO, ,RJE BTZUN BYAMS PA LA SANGS RGYAS BYANG SEMS GNYIS
YOD PAS

SPYIR DE SANGS 'PHAGS YIN MI ZER YANG 'DIR MCHOD PAR BRJOD YUL
GYI RGYAL TSAB BYAMS PA SKYE BA GCIG THOGS PA'I BYANG SEMS RNAM
CAN DU KHAS LEN DGOS SHING, DGA' LDAN RTEN CAN GYI BYAMS PA
SANGS RGYAS STONG GI LNGA

BAR 'DOD PA DANG, RGYAN RTZOM PA PO BYANG SEMS SU 'DOD PA MI
'THAD PAR PHAR PHYIN MTHA' DPYOD DU GSUNGS PA LTAR RO, ,'DIR
SNANG TSOD KYI DBANG DU BYAS NAS BYANG SEMS LUGS SU MCHOD BRJOD
MDZAD CING, THUN MONG

@014B MIN PA LTAR NA RGYAL TSAB BYAMS PA SANGS RGYAS DANG DE'I
MDZAD PA SANGS RGYAS KYI MDZAD PA DNGOS GNAS PA DANG BYANG
SEMS
KYI MDZAD PA'I TSUL BSTAN PA DANG, THUN MONG BA LTAR NA BYANG
SEMS SA BCU PA BA YIN PAR 'DOD DGOS SO, ,

'DI'I THUN MONG BA MNGON RTOGS RGYAN DANG DE MIN PA RGYUD BLA'I
LUGS SU BYED PA DANG, THUN MONG BA DRANG DON DANG DE MIN PA
NGES
DON DU BYED PA DANG, SGO THUN MONG BA PHAR PHYIN THEG PA DANG
DE
MIN PA SNGAGS KYI THEG PA LA BYED PA YOD KYANG,

SNANG TSOD LTAR MIN PA'I GNAS TSOD CIG KHAS LEN PA'I NGOR BZHAG
PA THUN MONG MIN PA DANG, SNANG TSOD DANG GNAS TSOD MTHUN PAR
KHAS LEN PA'I NGOR BZHAG PA THUN MONG BA LA BYED PA LEGS SAM
SNYAM MO, ,RGYAN RTZOM PA PO'I

BYAMS PA DANG, BSKAL BZANG RNAM 'DREN LNGA BA'I MDZAD PA STON
DGOS KYI DE DANG, DGA' LDAN RTEN CAN GYI DE DANG, SANGS RGYAS
STONG GI NANG TSAN GYI DE RNAMS SANGS 'PHAGS DANG, DGE SLONG
RNAM DAG DANG, MCHOG GI

SPRUL SKUR KUN MKHYEN BLA MAS GSUNGS PA NI DNGOS PO'I GNAS TSOD
KYI DBANG DU MDZAD PA YIN ZHING, RJE 'JIGS MED DBANG POS, RGYAN
RTZOM PA PO DGA' LDAN GNAS SU BZHUGS TSE RANG LAS GZHAN SANGS
'PHAGS KYI RNAM CAN

DU MED PAS RANG MCHOG SPRUL RNAM CAN DANG, GLING 'DIR STON PA'I
'KHOR DU BYON TSE RANG LAS GZHAN MCHOG SPRUL RNAM CAN GYI 'KHOR
GYI RNAM PA 'DZIN DGOS STABS, DGA' LDAN GNAS LA LTOS TE SANGS
'PHAGS DANG, GLING

@015A *, ,'DI LA LTOS TE BYANG 'PHAGS RNAM CAN DU KHAS LEN PAR
GSUNGS TE, MCHOG SPRUL RNAM CAN ZHIG MCHOG SPRUL RNAM CAN
GZHAN
ZHIG GI 'KHOR DU BYUNG BA NA BYANG 'PHAGS RNAM CAN DU 'GYUR BA
NGO

MTSAR CHE'O ZHES GZHAN DAG ZER RO, ,GNYIS PA NI, BDER GSHEGS
GSUNG RAB CES SOGS BYUNG, SHER MDO GTZO BOR GYUR PA'I BDE BAR
GSHEGS PA'I GSUNG RAB SPYI LA, RNAM BSHAD RIGS PA LAS, TSUL GYI
SGRA NI

BDEN PA DANG, ,LAM DANG 'BREL 'BYUNG RIG PA DANG, ,ZHES DANG,
SMRA SGO LAS, TSUL NI 'DRA DANG SMAD PA DANG, ,SGO DANG SDOM PA
MTSAN NYID DANG, ,THABS DANG RIG PA DON DANG 'DOD, ,LEGS PA DAG
LA 'JUG PA LAS,

ZHES PA LTAR TSUL DON DU MAR 'JUG PA LAS, 'DIR DRANG NGES SU
'JOG PA'I LAM SROL MI 'DRA BA'I SHING RTA'I SROL CHEN PO GNYIS
PHYE BA STE, KLU SGRUB KYIS CHOS THAMS CAD THA SNYAD DU YOD CING
DON DAM PAR MED PA'I SROL DANG,

THOGS MED KYIS GZHAN DBANG YONGS GRUB BDEN PAR GRUB PA DANG
KUN
BTAGS KYI CHOS RNAMS BDEN PAR MED PA'I SROL PHYE BA'O, ,DE LTA
BU'I SROL GNYIS LEGS PAR PHYE BA LA BRTEN NAS RGYAL BA'I BSTAN
PA SPYI DANG, KHYAD PAR

DU THEG CHEN GYI BSTAN PA GSAL BAR MDZAD PAS BSTAN PA MCHOG CES
GSUNGS PA YIN TE, YANG SNYING LAS, RGYAL BA'I BSTAN PA MCHOG CES
PA'ANG MCHOG GI SGRA NYE TSIG TU BYAS TE BSTAN PA SPYI LA SBYAR
KYANG RUNG LA, 'ON KYANG

@015B ZHIB TU BRTAGS NA DPAL MGON KLU SGRUB NI ZAB MO'I LAM GYI
BKA' BAB DANG, 'PHAGS PA THOGS MED RGYA CHE BA'I LAM GYI BKA'
BAB YIN PAS, GNYIG BSDOMS TE ZAB RGYAS ZUNG DU 'JUG PA'I THEG PA
MCHOG GI LAM BZANG

GSAL BAR MDZAD PA'I DON DU BYAS NA LEGS PAS, BSTAN PA MCHOG CES
PA'ANG THABS SHES YA BRAL DU MA SONG BA'I THEG CHEN GYI BSTAN PA
LA BYA'O, ,ZHES GSUNGS PA'I PHYIR, THEG CHEN GYI BSTAN PA DE
YANG SA GSUM GYI 'GRO BA

RNAMS KYI NANG NA NYI MA LTAR GSAL BAR MDZAD PA PO NI KLU SGRUB
DANG THOGS MED GNYIS YIN PAS DE GNYIS KA'I ZHABS LA SPYI BOS
'DUD PAR MDZAD DO, ` ,SKABS 'DIR MKHO BA'I SPYI'I DON NI, RGYAL
BAS LUNG BSTAN PA LTAR MI'I

SHA TSUGS CAN GYI 'GREL BYED GZHAN LA MA BRTEN PAR NGES DON GYI
GSUNG RAB KYI DON GZHAN DU 'GREL BA LA GNOD BYED DANG GZHAN DU
DRANG DU MI RUNG BAR DON DER NGES PA'I SGRUB BYED BSTAN PA'I SGO
NAS GSUNG RAB LA SHING RTA'I LAM SROL

LTA BU'I DRANG NGES KYI DON LEGS PAR PHYE BA'I GANG ZAG DE,
SHING RTA'I SROL 'BYED KYI MTSAN NYID YIN TE, GZHUNG LAS, GSUNG
RAB KYI DRANG NGES 'BYED PAR LUNG BSTAN PA'I SHING RTA CHEN PO
DAG GIS DRANG NGES KYI DGONGS PA BKRAL CING,

DE YANG NGES DON GYI GSUNG RAB KYI DON GZHAN DU 'DREN PA LA GNOD
BYED DANG, GZHAN DU DRANG DU MI RUNG BAR DON DER NGES PA'I SGRUB
BYED KYI RIGS PAS LEGS PAR GTAN LA PHAB, CES DANG, GSER PHRENG
LAS, DE LTAR GRAGS 

@016A *, ,KYANG BRGYAD STONG DON BSDUS KYI BRJOD BYA'I GTZO BO
STONG NYID BCU DRUG RNAM G-YENG GI RTOG PA BCU'I GNYEN POR
SGRUB PA LA GDAMS PA'I MDO'I 'GREL TSUL DANG, NAS, DBUS MTHA'
DANG THEG PA CHEN

PO BSDUS PA JI LTA BA BZHIN DU SNANG BAS, BYAMS CHOS LAS LOGS SU
SROL BTOD PA MIN ZHING, GZHUNG 'GREL NI STONG NYID BCU DRUG DANG
SKYE 'GAG KUN BYANG MED PA'I SKABS SU RTZA SHE'I LUNG DRANGS NAS
KLU SGRUB ZHABS KYI RIGS PA

JI LTA BA BZHIN DU 'CHAD 'DOD PAR 'DUG PAS, KLU SGRUB KYI RIGS
TSOGS LAS BSHAD SROL ZUR DU BYED PA MA YIN NO, ,ZHES GSUNGS PA'I
PHYIR RO, ,LUNG SNGA MA 'DI'I SHES BYED DU SBYAR BA'I DON DOGS
DPYOD DU 'CHAD LA, PHYI

MA NI DE LA MI'I SHA TSUGS CAN GYI 'GREL BYED GZHAN LAM BRTEN
PAR PHYE BA ZHIG DGOS PA'I SHES BYED DU DRANGS SO, ,SHING RTA
CHEN PO GNYIS RGYAL BAS LUNG BSTAN PA'I TSUL NI, LANG GSHEGS
LAS, LHO PHYOGS BEE DA'I YUL DU NI,,

DGE SLONG DPAL LDAN CHER GRAGS PA, ,DE MING KLU ZHES 'BOD PA
STE, ,YOD DANG MED PA'I PHYOGS 'JIG PA, ,DA YI THEG PA 'JIG RTEN
DU, ,BLA MED THEG CHEN RAB BSHAD NAS, ,RAB TU DGA' BA'I SA
BSGRUBS TE, ,BDE BA CAN

DU DE 'GRO'O, ,ZHES MTHA' GNYIS 'JIG PA'I DBU MA'I DRANG NGES
'BYED PAR GSUNGS PA DANG, 'JAM DPAL RTZA RGYUD LAS, DE BZHIN
GSHEGS PA NGA 'DAS NAS, ,LO NI BZHI BRGYA LON PA NA, ,DGE SLONG
KLU ZHES DE 'BOD

@016B 'BYUNG, ,BSTAN PA LA NI DAD CING PHAN, ,RAB TU DGA' BA'I
SA THOB PA, ,LO NI DRUG BRGYA DAG TU 'TSO, ,RIG PA RMA BYA CHEN
MO NI, ,BDAG NYID CHEN PO DES KYANG 'GRUB, ,BSTAN BCOS SNA TSOGS
DON DANG NI, ,DNGOS PO MED

PA'I DON DE RIG ,CES SNA TSOGS PA'I DON TE DRANG DON DANG, DNGOS
PO MED PA'I DON TE NGES DON GSAL BAR BYED PAR GSUNGS PAS KLU
SGRUB DANG, DE NYID LAS, THOGS MED CES BYA'I DGE SLONG NI,
,BSTAN BCOS DE NI DON LA

MKHAS, ,MDO SDE NGES DON DRANG BA'I DON, ,RNAM PA MANG PO RAB TU
'BYED, ,CES RNAM RIG PA DANG MTHUN PA'I DRANG NGES GSAL BAR
'BYED PAR GSUNGS PAS THOGS MED LUNG BSTAN PA YIN NO, ,DBYE NA,
DBU MA BA DANG, RNAM RIG

PA'I SHING RTA'I SROL 'BYED GNYIS TE, DANG PO DANG RIGS TSOGS
MDZAD PA PO'I KLU SGRUB DON GCIG GNYIS PA DANG SA SDE MDZAD PA
PO'I THOGS MED DON GCIG GO ,DE LTAR DU GZHUNG LAS, RGYU RKYEN LA
RAG LAS PA NYID KYIS RANG GI MTSAN

NYID KYIS GRUB PA MED PA YIN PA LA RANG GI MTSAN NYID KYIS MA
GRUB NA BCINGS GROL DANG BLANG DOR DANG RGYU 'BRAS SOGS MED PAR
'GYUR RO, ,ZHES SMRA BA NI, RANG GI MTSAN NYID KYIS GRUB PA'I
RANG BZHIN GYIS STONG PA'I SGRUB BYED MTHAR THUG

PA LA GNOD BYED MTHAR THUG PAR 'DZIN PA YIN NO ZHES 'CHAD PA 'DI
NI MGON PO KLU SGRUB KYIS YUM GYI MDO DANG DE DANG RJES SU MTHUN
PA'I GSUNG RAB RNAMS KYI DON GZHAN DU DRANG DU MI RUNG BAR DON
DER NGES PA'I NGES DON DU SGRUB PA'I SGRUB

@017A *, ,BYED KYI RIGS PA DANG, DE DAG DANG MI MTHUN PAR STON
PA'I MDO RNAMS KYI SGRA JI BZHIN PA LA RIGS PA'I GNOD PA STON
PA'I SHING RTA'I SROL PHYE BA YIN NO, ,ZHES DANG, STONG THUN
LAS, DE BAS NA 'PHAGS PA'I GZHUNG

'DI DAG GIS DGAG SGRUB LA SOGS PA'I BYA BYED THAMS CAD KUN RDZOB
MING DU BTAGS PA TZAM LA 'JOG GI RANG GI MTSAN NYID KYIS GRUB PA
LA BZHAG TU MI RUNG BA DANG, CHOS GANG LA YANG RANG BZHIN CUNG
ZAD KYANG MED PA'I DE KHO NA

NYID KYI DON DAM PA'I BDEN PA GNYIS RGYAS PAR GTAN LA PHAB CING,
TSUL DE LTAR RTOGS PA NI SANGS RGYAS THOB PA LTA CI SMOS, 'KHOR
BA LAS GROL PA LA YANG MED DU MI RUNG NGO ZHES LUNG DANG RIGS PA
MTHA' YAS PA'I SGO NAS BSTAN PAS,

BDAG NYID CHEN PO 'DIS SKAL BA DANG LDAN PA RNAMS LA THAR PA
DANG THAMS CAD MKHYEN PA'I LAM RGYAL BA'I DGONGS PA BZHIN DU
GSAL BAR MDZAD PA'I SHING RTA'I SROL LEGS PAR PHYE BA YIN NO,
,ZHES KLU SGRUB DBU MA PA'I SHING RTA'I SROL

'BYED DU GSUNGS SHING, GZHUNG LAS, BDAG NYID CHEN PO THOGS MED
KYIS RNAM SAR RIG PA TZAM GYI TSUL GYI SHING RTA CHEN PO'I SROL
PHYE, ZHES THOGS MED RNAM RIG PA'I SHING RTA'I SROL 'BYED DU
GSUNGS SO, ,DE LTAR SHING RTA'I SROL

'BYED LA GNYIS SU GRANGS NGES PA YIN TE, GZHUNG LAS, BDER GSHEGS
GSUNG RAB TSUL GNYIS SHING RTA'I SROL, ,NAS, KLU SGRUB THOGS MED
CES DANG, SHING RTA CHEN PO'I SROL GNYIS LEGS BZUNG NAS, ,ZHES

@017B DANG, GSUNG RAB KYI DRANG NGES PHYE NAS DE KHO NA NYID
GTAN LA 'BEBS PA'I SHING RTA'I SROL GNYIS, ZHES DANG, SMRA BA'I
KHYU MCHOG KLU SGRUB THOGS MED KYIS, ,JI BZHIN BKRAL BA'I TSUL
GNYIS SHING RTA'I SROL, ,ZHES DANG,

MGON PO KLU SGRUB KYIS NGO BO NYID MED PA'I TSUL DANG, BDAG NYID
CHEN PO THOGS MED KYIS RNAM PAR RIG PA TZAM GYI TSUL GYI SHING
RTA CHEN PO'I SROL GNYIS PHYE, ZHES DANG, LAM RIM CHEN MOR,
SHING RTA CHEN PO GNYIS LAS LEGS

BRGYUD PA'I, ,ZHES DANG, LAM RIM CHE CHUNG GNYIS KA'I THOG MTHA'
GNYIS KAR, SHING RTA CHEN PO KLU SGRUB DANG THOGS MED GNYIS KA'I
LAM SROL, ZHES SOGS RJE'I LEGS BSHAD MANG PO DANG, STONG THUN
LAS, GSUNG RAB KYI

DRANG NGES 'BYED PA'I TSUL LA THEG PA CHEN PO'I SHING RTA'I SROL
NI GNYIS TE, ZHES DANG, RGYUD BLA DAR t'I KA DANG, PHAR PHYIN
RNAM BSHAD SOGS SRAS KYI THU BO RNAMS KYI GSUNG LAS KYANG SHING
RTA CHEN PO GNYIS SU GSUNGS PA'I PHYIR RO,,

MI'I 'GREL BYED GZHAN LAM BRTEN PAR RGYA CHE BA'I RNAM GZHAG
SHING RTA'I LAM SROL LTA BU'I SROL CHEN PO PHYE BA'I GANG ZAG
DE, RGYA CHE BA'I SHING RTA'I SROL 'BYED KYI MTSAN NYID, DE DANG
RGYAN RTZOM PA PO DON GCIG ,DES ZAB MO'I SHING RTA'I SROL

'BYED KYI MTSAN NYID DANG RNAM GRANGS KYANG SHES NUS SO, ,DE
SKAD DU GSER PHRENG LAS, DNGOS BSTAN STONG NYID KYI DON RIGS
TSOGS DANG, SHUGS BSTAN STONG NYID BSHAD PA NA GDUL BYA'I RGYUD
LA MNGON RTOGS SKYE BA'I RIM PA

@018A *, ,RNAMS RGYAN GYIS BKRAL BAS, RJE BTZUN DANG KLU SGRUB
ZHABS GNYIS KYI SHER PHYIN 'GREL TSUL GNYIS SU BYUNG NGO, ,ZHES
BYA BAR YANG GNAS SO, ,ZHES GSUNGS SO, ,RNAM RIG TZAM GYI GZHI
LAM 'BRAS GSUM

GYI SHING RTA'I LAM SROL LTA BU'I SROL CHEN PO GSAR DU PHYE BA'I
CHA NAS BZHAG PA'I GANG ZAG DE, RNAM RIG PA'I SHING RTA'I SROL
'BYED KYI MTSAN NYID, DES THAL 'GYUR BA DANG RANG RGYUD PA SPYI
BYE BRAG GI SHING RTA'I SROL 'BYED KYI MTSAN NYID

KYANG RIGS BSGRE'O, ,THAL 'GYUR BA'I SHING RTA'I SROL 'BYED LA
ZLA BA GRAGS PA 'JOG DGOS TE, GZHUNG LAS, RANG SDE'I GZHUNG
'GYUR BA RNAMS LAS THAL RANG GANG 'DOD BRTAGS NAS RANG RGYUD MI
'THAD THAL 'GYUR 'THAD

CES PA NI ZLA BA'I GZHUNG RJES 'BRANG DANG BCAS PA MIN PA NAS
DNGOS SU MA BYUNG NGO, ,ZHES DANG, BYUNG TSUL NI, SANGS RGYAS
BSKYANGS KYIS, BDAG LAS MA YIN GZHAN LAS MIN, ,ZHES SOGS KYI
TSIGS BCAD KYI DON BKRAL BA

LA LEGS LDAN GYIS SKYON BZUNG BA MI 'JUG PAR STON PA'I SKABS SU
TSIG GSAL LAS SANGS RGYAS BSKYANGS RANG RGYUD MI BZHED PA DANG
DBU MA PAS RANG RGYUD BYA MI RIGS PA'I SGRUB BYED DANG LDOG
PHYOGS LA GNOD BYED MANG DU BSTAN NAS

SHING RTA'I SROL PHYE LA, ZHES GSUNGS PA'I PHYIR RO, ,LEGS LDAN
GYIS RANG RGYUD PA'I SHING RTA'I SROL PHYE BA NI, STONG THUN
LAS, SLOB DPON LEGS LDAN 'BYED KYIS RTZA SHE'I 'GREL BA MDZAD
NAS, SANGS RGYAS BSKYANGS KYIS THAL

@018B 'GYUR DU BKRAL BA LA DGAG PA MANG DU MDZAD DE, RANG RGYUD
KYI SROL THOG MAR PHYE BA YIN LA, ZHES GSUNGS TE, THAL BZLOG GI
DGAG GZHAG BYED LUGS KYIS KYANG SHES NUS SO, ,SLOB DPON 'DI MDO
SDE SPYOD PA'I DBU MA

RANG RGYUD PA'I SHING RTA'I SROL 'BYED KYANG YIN TE, GZHUNG LAS,
DGONGS 'GREL LAS MTSAN NYID GSUM GSUNGS PA'I DON RNAL 'BYOR
SPYOD PA BDAG GIS JI LTAR BKRAL BA MDO'I DON MIN PAR DBU MA'I
DON DU 'GREL BA'I LAM

SROL 'DI NI LEGS LDAN 'BYED KYIS PHYE BA ZHIB TU NI DBU MA SNANG
BA LAS BSHAD, CES GSUNGS PA'I PHYIR, RNAL 'BYOR SPYOD PA'I DBU
MA RANG RGYUD PA'I SHING RTA'I SROL 'BYED ZHI BA 'TSO YIN PA NI,
GZHUNG LAS, GZHUNG RGYAS

PAR BRTZAMS NAS THA SNYAD DU PHYI ROL MED PA'I TSUL GYI DBU MA'I
GRUB MTHA' NI SLOB DPON ZHI BA 'TSOS SROL PHYE BAR SLOB DPON YE
SHES SDES BZHED PA LTAR LEGS SO, ,ZHES DANG, STONG THUN LAS,
SLOB DPON ZHI BA 'TSOS THA

SNYAD DU PHYI DON MED CING RANG RIG YOD PA DANG SHES PA BDEN PAR
MA GRUB PA'I DBU MA'I LUGS KYI SROL THOG MAR PHYE NAS DBU MA
RGYAN MDZAD, CES GSUNGS PA LTAR RO, ` ,SPRO NA, DGONGS 'GREL
DANG, BLO GROS MI ZAD PAS

BSTAN PA GNYIS DRANG NGES 'BYED BYED DANG, SHER MDO GTZO BOR
GYUR PA'I GSUNG RAB THAMS CAD DRANG NGES 'BYED GZHIR 'JOG DGOS
PAS, KHA CIG ,BDER GSHEGS GSUNG RAB TSUL GNYIS SHING RTA'I SROL,
,ZHES PA'I

@019A *, ,GSUNG RAB LA DE GNYIS TZAM 'JOG PA MI 'THAD PA DANG,
YANG SNYING LAS, DGONGS 'GREL DANG, BLO GROS MI ZAD PAS BSHAD
TSUL LTAR GYI SHING RTA'I SROL GNYIS PHYE BAR BSTAN ZER BA MI
'THAD, CES PA'I

SGRAS ZIN LA MUN SEL DU, KLU SGRUB THOGS MED GNYIS KYIS DBU SEMS
KYI SHING RTA'I SROL PHYE BA DE BLO GROS MI ZAD PA DANG DGONGS
'GREL LAS BSHAD TSUL LTAR PHYE BA MIN PAR THAL BA BKOD PA DANG,
'OD SNGA MAS SHING RTA'I SROL

'BYED BZHIR BYED PA GSER PHRENG DU BKAG PA LTAR DANG, GSUNG RAB
KYI DGONGS PA RANG DBANG DU 'GREL BA'I GANG ZAG SHING RTA'I SROL
'BYED DU 'JOG NA RAB 'BYOR DANG THOGS MED KYIS MA NGES PAR PHAR
PHYIN MTHA' DPYOD DU

GSUNGS SO, ,SNGAR SHING RTA'I SROL 'BYED KYI 'JOG BYED DU DRANGS
PA'I GZHUNG GI LUNG SHING RTA'I SROL 'BYED SPYI LA SBYOR DGOS PA
TSIG ZIN LA MI GSAL YANG, LCANG SKYA'I GRUB MTHAR SBYAR BA DON
LA GNAS TE, SPYIR SHING RTA'I SROL PHYE

BA'I DON THEG CHEN GYI GRUB MTHA'I DBANG DU BYAS PA DANG, DE
YANG DBU SEMS KYI DRANG NGES KYI SHING RTA'I SROL PHYE BA LA BYA
DGOS PA 'CHAD PAR 'GYUR ZHING, GZHUNG DU'ANG SHING RTA CHEN PO
DANG DRANG NGES PHYE BA'I SHING RTA CHEN PO LA KHYAD MA PHYE BAR

GSUNGS PA'I PHYIR RO, ,KHO NA RE, KLU SGRUB THAL 'GYUR BA'I
SHING RTA'I SROL 'BYED YIN PAR THAL, DES CHOS THAMS CAD RANG
MTSAN GYIS MA GRUB PA DANG, MING RKYANG BTAGS YOD TZAM LA BYA
BYED 'THAD PA'I TSUL GYI SHING RTA'I SROL

@019B PHYE BA SNGAR DRANGS PA'I LUNG GNYIS SU GSAL BA GANG, TSUL
DE THAL 'GYUR BA'I THUN MONG MA YIN PA'I LAM SROL CHEN PO YIN
LA, DE PHYE BA LAS LHAG PA'I THAL 'GYUR BA'I SHING RTA'I SROL
'BYED TSUL MED PA'I PHYIR NA, MA KHYAB

STE, DE NI DBU MA'I SPYI BSHAD SKABS YIN PAS, DON DAM PAR MED PA
DANG RANG BZHIN GYIS MED PA LA KHYAD MA PHYE BAR CHOS THAMS CAD
BDEN PAR MED PA'I SROL PHYE BA'I DON YIN PA'I PHYIR, GSER PHRENG
LAS, RJE BTZUN DANG KLU

SGRUB ZHABS GNYIS KYIS SHER PHYIN 'GREL TSUL GNYIS BYUNG BAR
GSUNGS PA LA BRTEN NAS RJE BTZUN BYAMS PA SHING RTA'I SROL 'BYED
DU BZHED PA DANG, DE RGYA CHE BA'I SHING RTA'I SROL 'BYED YIN
YANG SHING RTA'I SROL 'BYED MA YIN PAR

'DOD PA'I LUGS GNYIS LAS PHYI MAS, GSER PHRENG LAS GSUNGS PA RJE
BTZUN BYAMS PA RGYA CHE BA'I SHING RTA'I SROL 'BYED YIN PA'I
SHES BYED DU RUNG GI SPYIR SHING RTA'I SROL 'BYED YIN PA'I SHES
BYED DU MI RUNG STE, RGYA CHE BA'I SHING RTA'I

SROL 'BYED YIN NA SHING RTA'I SROL 'BYED YIN MI DGOS PA'I PHYIR
TE, THAL 'GYUR BA'I SHING RTA'I SROL 'BYED YIN NA SHING RTA'I
SROL 'BYED YIN MI DGOS PA'I PHYIR ZER BA LA, SNGA MAS MA KHYAB
STE, SPYIR SHING RTA'I SROL 'BYED YIN

MIN MI'I SHA TSUGS CAN GYI 'GREL BYED GZHAN LA MA BRTEN PAR
RGYAL BA'I GSUNG RAB KYI DGONGS PA RANG DBANG DU 'GREL MI 'GREL
GYI STENG NAS 'JOG PA GANG, RJE BTZUN BYAMS PAS DE LTAR 'GREL
GYI ZLA BA GRAGS PAS DE LTAR MI

@020A *, ,'GREL BA'I PHYIR ZER, GZHAN YANG SNGA MAS SPYIR SHING
RTA'I SROL 'BYED LA GSUM YOD KYANG DRANG NGES 'BYED PA'I SHING
RTA'I SROL 'BYED LA GNYIS SU GRANGS NGES PAR BSHAD PA LA, PHYI
MA'I PHYOGS 'DZIN DAG

SPYIR SHING RTA'I SROL 'BYED YIN MIN DRANG NGES 'BYED PA'I SHING
RTA'I SROL 'BYED YIN MIN GYI SGO NAS 'JOG DGOS TE, SPYIR SHING
RTA'I SROL 'BYED THEG CHEN GYI GRUB MTHA' SMRA BA'I DBANG DU
BYAS LA, DER DBU SEMS KYI SROL GNYIS

LAS PHUNG GSUM PA MED CING, DE GNYIS KYI KHYAD PAR RGYA CHE BA'I
SHING RTA'I SROL PHYE BAS MI 'BYED PA'I PHYIR, KHYAB STE, DE
LTAR NA SROL 'BYED GZHI NI LUGS DE GNYIS KYI ZAB MO LTA BA'I
GNAD LAS MA 'DAS PAS SHING RTA'I SROL 'BYED

NI DRANG NGES LA SHING RTA'I SROL 'BYED YIN MIN GYIS 'JOG PAR
GRUB PA'I PHYIR, MA KHYAB MTSAMS KYI RTAGS GRUB STE, GRUB MTHA'
RTZA BAR, PHAL CHER RGYA CHE'I LAM MTHUN ZAB LA MIN, ,ZHES DANG,
LCANG SKYA'I GRUB MTHAR, DBU

SEMS KYI SHING RTA'I SROL CHEN PO 'DI GNYIS LA BDEN PA BZHI DANG
RTEN 'BREL BCU GNYIS LA SOGS PA THEG PA DMAN PA'I LAM GYI RIM
PA'I NYAMS LEN DANG, THEG PA CHEN PO'I LAM GYI RIM PA LA YANG
SPYOD PA'I RTEN SEMS

BSKYED PA DANG, NAS, PHAL CHER MTSUNGS, ZHES GSUNGS PA'I PHYIR,
GZHAN DUN GRUB MTHA' SMRA BA GANG RUNG ZHIG GI SHING RTA'I SROL
'BYED YIN NA SHING RTA'I SROL 'BYED YIN DGOS PAS SHING RTA'I
SROL 'BYED LA

@020B MANG PO YOD KYANG DRANG NGES 'BYED PA'I DE LA GNYIS SU
GRANGS NGES PAR KHAS BLANGS KYANG GNOD BYED MI RNYED PA'I PHYIR,
DES NA DBU SEMS GANG RUNG GI SHING RTA'I SROL 'BYED YIN NA SHING
RTA'I SROL 'BYED YIN PAS KHYAB LA, THAL

RANG SOGS LA DE LTAR MA KHYAB PA'ANG GNAD 'DI LA THUG PA YIN NO
ZHES ZER BA LA, SNGA MAS DE 'DRA'I SKYON MED DE, GRUB MTHA' SMRA
BA GANG YANG RUNG BA ZHIG GI SHING RTA'I SROL 'BYED YIN NA MI'I
SHA TSUGS CAN GYI 'GREL BYED GZHAN

LA MA BRTEN PAS KHYAB PA MED PA'I PHYIR ZHES SKYON SPONG BYED
DO, ,PHAR PHYIN MTHA' DPYOD DU DBU MA BA'I SBAS DON MNGON RTOGS
DNGOS PO BRGYAD DU 'GREL BA'I SHING RTA'I SROL 'BYED LA RGYAN
RTZOM PA PO BZHAG PAR, GZHAN DAG NA RE, DE

CHOS CAN, KHYOD SEMS TZAM PA'I SHING RTA'I SROL 'BYED KYANG YIN
PAR THAL, KHYOD KYIS SBAS DON MNGON RTOGS KYI SROL PHYE BA GANG,
DBU SEMS KYI RGYA CHE BA'I LAM GYI LUS RAGS PA LA KHYAD PAR MED
PA'I PHYIR ZER NA BRTAG GO ,KHO

NA RE, RGYAN RTZOM PA PO RGYA CHE BA'I SHING RTA'I SROL 'BYED MA
YIN PAR THAL, THOGS MED DE YIN PA'I PHYIR TE, RJE THAMS CAD
MKHYEN PAS, SHING RTA CHEN PO GNYIS LAS LEGS BRGYUD PA'I, ,ZAB
MO LTA BRGYA CHEN SPYOD PA'I LAM, ,ZHES

GSUNGS PA'I PHYIR NA MA KHYAB STE, DE'I DON NI SPYIR DE GNYIS
SHING RTA CHEN PO YIN PA DANG ZAB RGYAS GNYIS DE DAG LAS BRGYUD
PA'I DBANG DU BYAS PA LAS, DE GNYIS SHING RTA CHEN POR 'JOG BYED
ZAB RGYAS KYI SHING RTA'I SROL GNYIS 

@021A *, ,PHYE BA LA BYED PA'I DON MA YIN PA'I PHYIR RO, ,LCANG
SKYA'I GRUB MTHAR, 'JAM DBYANGS BZHAD PAS PHAR PHYIN DU SHING
RTA'I SROL 'BYED LA GSUM DU GSUNGS PA SNGON GYI MKHAS PA'I KHAS
LEN GYI RTING MNAN PA TZAM LAS

RANG GI BZHED PA DNGOS NI SHING RTA'I SROL 'BYED GNYIS SU NGES
PA GRUB MTHA'I BSHAD LUGS KYIS SHES PAR GSUNGS KYANG, GRUB MTHA'
LAS, DES NA SLOB DPON KLU SGRUB DANG THOGS MED 'DI GNYIS KYIS
GTZO BOR DBU SEMS KYI

SHING RTA'I SROL PHYE ZHING, ZHAR LA THEG DMAN GYI MDO'I DGONGS
PA'ANG DBU SEMS KYI LUGS SU BKRAL BA YIN, ZHES GSUNGS PA LTAR DE
GNYIS KYIS DBU SEMS KYI SHING RTA'I SROL PHYE BAR GSUNGS PA LAS
SHING RTA'I SROL 'BYED LA

GNYIS SU GRANGS NGES PAR BZHED PA'I BSHAD LUGS MI SNANG NGO,
,STONG THUN LAS, SANGS RGYAS BSKYANGS KYIS RTZA SHE'I 'GREL BA
MDZAD NAS 'PHAGS PA YAB SRAS KYI DGONGS PA THAL 'GYUR DU BKRAL,
CES GSUNGS PA LA

BRTEN NAS, YAB RJE SKAL LDAN RGYA MTSOS, THAL 'GYUR SHING RTA'I
SROL 'BYED SANGS RGYAS BSKYANGS, ,ZHES GSUNGS SHING, RGYAL RONG
BSTAN DAR, KUN MKHYEN BLA MA, BYANG RTZE SBYIN PA DAR RGYAS SOGS
KYIS KYANG DE LTAR

BZHED DO, ,DE LA KHA CIG ,DE MI 'THAD DE, STONG THUN GYI LUNG
DON, SANGS RGYAS BSKYANGS KYIS THAL 'GYUR BA'I SROL KLU SGRUB
LAS GSAL TZAM PHYE BA MA GTOGS, DE THAL 'GYUR BA'I SHING RTA'I
SROL 'BYED DU BZHED PA

@021B MIN ZHING, THAL 'GYUR BA'I SHING RTA'I SROL 'BYED LA ZLA
GRAGS 'JOG PA GZHUNG 'DI SHIN TU GSAL BA DANG, SROL PHYE BA TZAM
LA BYED NA, BYAMS MGON SEMS TZAM DANG, KLU SGRUB THAL 'GYUR BA'I
SHING RTA'I SROL 'BYED DU HA CANG

THAL BA'I PHYIR ZHES ZER RO, ,SBYIN PA DAR RGYAS KYIS, SANGS
RGYAS BSKYANGS DANG ZLA BA GNYIS KA THAL 'GYUR BA'I SHING RTA'I
SROL 'BYED DU BSHAD PA LA, KHA CIG ,SANGS RGYAS BSKYANGS KYIS
PHYE ZIN NA ZLA BAS SLAR 'BYED DGOS DON MED LA,

MA PHYEN DE THAL 'GYUR BA'I SHING RTA'I SROL 'BYED DU 'DOD PA
NYAMS PA'I PHYIR, GZHAN YANG, KHO RANG LA, DE BA SHARMA DANG
LEGS LDAN GNYIS KA RANG RGYUD PA'I SHING RTA'I SROL 'BYED YIN
PAR THAL, DE GNYIS KAS RANG RGYUD PA'I SROL PHYE BAR

KHYOD KYIS KYANG BSHAD PA'I PHYIR, KHYAB STE, SANGS RGYAS
BSKYANGS KYIS THAL 'GYUR BA'I SROL PHYE BAS DE DE'I SHING RTA'I
SROL 'BYED DU BZHAG PA'I PHYIR, 'KHOR GSUM ZER NA BRTAG GO ,PHAR
PHYIN MTHA' DPYOD DU SANGS RGYAS BSKYANGS

THAL 'GYUR BA'I SHING RTA'I SROL 'BYED DU BZHAG NAS, ZLA GRAGS
SHING RTA'I SROL 'BYED DU BSHAD PA'I GZHUNG SNGAR DRANGS PA'I
DON 'GREL BA NA, DE LA KHO NA RE, 'DI'I DBU MA PAS RANG RGYUD
BYA MI RIGS PA'I SGRUB BYED DANG, LDOG PHYOGS

RANG RGYUD LA GNOD BYED MANG DU STON MKHAN SANGS RGYAS
BSKYANGS
YIN PAR THAL, SHING RTA'I SROL PHYE LA ZHES PA'I SHING RTA'I
SROL 'BYED MKHAN SANGS RGYAS BSKYANGS YIN PA'I PHYIR NA, MA
KHYAB STE, SGRUB BYED DANG GNOD BYED STON MKHAN ZLA

@022A *, ,GRAGS YIN YANG SANGS RGYAS BSKYANGS KYIS THAL 'GYUR
BA'I SHING RTA'I SROL PHYE BA'I PHYIR, ZHES LUNG GI STOD SMAD
DUM BUR BCAD NAS SGRUB BYED DANG GNOD BYED STON MKHAN DANG
SHING
RTA'I SROL 'BYED MKHAN LA GANG ZAG SO

SOR GNYIS BZHAG PA NI 'BREL MED DU MKHAS PA MANG PO ZHAL 'CHAM
MO, ,LCANG SKYA'I GRUB MTHAR, KUN MKHYEN BLA MAS SANGS RGYAS
BSKYANGS THAL 'GYUR BA'I SHING RTA'I SROL 'BYED DU BZHAG PA'ANG
SNGA MA'I GSUNG DANG BSTUN PA LAS RANG

LUGS LA ZLA GRAGS THAL 'GYUR BA'I SHING RTA'I SROL 'BYED DU
BZHED PA, GRUB MTHA' RTZA BAR, ZLA BAS LEGS BKAG THUN MONG MIN
PAR BSGRUBS, ,ZHES PA RTZA 'GREL GYIS SHES PAR GSUNGS KYANG, DER
NI, RTZA BA SANGS RGYAS BSKYANGS

KYIS THAL 'GYUR BKRAL, ,CES PA RTZA 'GREL GYIS SANGS RGYAS
BSKYANGS KYIS THAL 'GYUR BA'I SHING RTA'I SROL PHYE BA DANG, ZLA
BAS LEGS BKAG THUN MONG MIN PAR BSGRUBS, ,ZHES PA RTZA 'GREL
GYIS ZLA BAS RANG PHYOGS LA SGRUB BYED DANG,

LDOG PHYOGS LA GNOD BYED BSTAN PAR BZHED SNANG BAS PHAR PHYIN
MTHA' DPYOD KYI BSHAD TSUL LAS BSHAD TSUL GNYIS PA ZHIG MIN NAM
SNYAM MO, ,THEG DMAN GYI SHING RTA'I SROL 'BYED YOD MED DANG,
YOD NA GANG LA NGOS 'DZIN PA DANG, RNAM

BDEN RDZUN GYI SHING RTA'I SROL 'BYED DANG, BOD KYI GRUB MTHA'
SO SO'I SHING RTA'I SROL 'BYED SOGS DPYAD BYA HA CANG MANG YANG
MA SPROS SO, ,GSUM PA NI, SHING RTA CHEN PO'I ZHES SOGS BYUNG,
SHING RTA CHEN PO'I LAM SROL GNYIS LEGS

@022B PAR BZUNG BA'I SGO NAS, 'DZAM GLING 'DIR DBU SEMS SO SO'I
BLO GSAL BYE BA STE GRANGS MED PA'I RGYUD LA GSUNG RAB KYI DON
SHING RTA CHEN PO GNYIS KYIS SO SOR BKRAL BLTAR RTOGS PA'I SHES
RAB KYI MIG 'BYED PAR BYED PA'I SHING RTA'I

SROL 'DZIN GYI PAntITA 'PHAGS PA LHA SOGS KLU SGRUB KYI RJES
'BRANG DANG, DBYIG GNYEN SOGS THOGS MED KYI RJES 'BRANG MTSAN
DNGOS SU THON PA DANG, MTHON PA ZHI BA LHAS MTSON PA'I DBU MA
DANG, SH'ANTI BAS MTSON PA'I RNAM

RIG PA'I SROL 'DZIN 'DZAM GLING MDZES PA'I RGYAN DU GYUR CING
THUB BSTAN RIN PO CHE BSHAD SGRUB GNYIS KYI SGO NAS MI NUB PA'I
RGYAL MTSAN 'DZIN PA'I MCHOG TU GYUR PA'I MKHAS PA'I DBANG PO
RNAMS LA GUS PA CHEN POS 'DUD PA'O, ,DE YANG

'PHAGS PA LHA NI GZHUNG PHYI MO'I DBU MA PA STE DES YE SHES
SNYING PO KUN BTUS, 'KHRUL BZLOG PA'I GTAN TSIGS SGRUB PA, DBU
MA LAG PA'I TSAD SOGS DANG, BRJOD BYA YONGS SU RDZOGS PA RNAL
'BYOR SPYOD PA BZHI BRGYA BA MDZAD NAS KLU

SGRUB KYI SROL BZUNG BA DANG, DPA' BOS SKYES RABS DANG, BSTOD
TSOGS SOGS MANG PO DANG, DBU MA'I GZHUNG YANG PHAR PHYIN BSDUS
PA SOGS DU MA MDZAD NA'ANG, DBU MA'I GZHUNG CHE BA RNAMS BOD LA
MA PHEBS PAR RJES GSUNGS SO,,

SANGS RGYAS BSKYANGS KYIS MDZAD PA'I BSTAN BCOS PHAL CHER BOD DU
MA PHEBS KYANG, GTZO BO 'GREL BA BUDDH'A P'A LI TA MDZAD NAS
THAL 'GYUR BA'I SROL PHYE ZHING, LEGS LDAN GYIS DBU MA'I LTA
SGOM SPYOD PA'I GNAD RGYAS PAR STON PA

@023A *, ,DBU MA SNYING PO DANG DE'I 'GREL BA RTOG GE 'BAR BA,
RTZA SHE'I 'GREL BA SHES RAB SGRON ME RNAMS MDZAD NAS RANG RGYUD
PA'I SHING RTA'I SROL PHYE BA YIN NO, ,ZLA BA GRAGS PAS RTZA
SHE'I SGOS 'GREL DU TSIG GSAL DANG,

RTZA SHER ZAB RGYAS GNYIS TSOGS KYI SGO NAS 'JUG PA DBU MA 'JUG
PA RTZA 'GREL MDZAD DE THAL 'GYUR BA'I SHING RTA'I SROL PHYE NAS
'PHAGS PA'I DGONGS PA MTHAR THUG PHYIN CI MA LOG PAR GSAL BAR
MDZAD PA STE DE DAG NI SHING RTA

CHEN PO KLU SGRUB KYI SROL 'DZIN SKYONG SPEL BA'I MKHAS GRUB
CHEN PO DAG GO ,DBYIG GNYEN GYIS THEG PA CHE CHUNG GI GZHUNG
MANG DU MDZAD PA LAS, PRA KA RA nA SDE BRGYAD DANG, MDO 'GREL
SKOR GSUM SOGS KYI SKABS DANG, BLO

GROS BRTAN PAS MDO SDE RGYAN DANG DBUS MTHA' GNYIS KYI 'GREL
BSHAD, PHUNG PO LNGA'I RAB BYED DANG SUM CU BA GNYIS KYI 'GREL
BA SOGS DANG, PHYOGS GLANG GIS BRGYAD STONG DON BSDUS DANG
TSANG
MA KUN BTUS SOGS DANG,

CHOS GRAGS KYIS TSAD MA SDE BDUN SOGS MDZAD NAS THOGS MED KYIS
PHYE BA'I LAM SROL BSKYANGS PA STE DE DAG NI SHING RTA CHEN PO
THOGS MED KYI SROL 'DZIN SKYONG SPEL BA'I MKHAS GRUB DAG GO
,'DIR 'PHAGS PA LHA RDZUS SKYES

YIN MIN DANG, ZLA BAS KLU SGRUB KYI ZHABS ZIN MA ZIN DANG, DE
BYON DUS SOGS DPYAD BYA MANG YANG MA SPROS SO, ,GNYIS PA RTZOM
PAR DAM BCA' BA NI, GZHUNG LUGS MANG THOS ZHES SOGS BYUNG, DE LA
RKANG BA DANG PO BZHIS

@023B GSUNG RAB LA DRANG NGES 'BYED TSUL RTOGS DKA' BAS BOD SNGA
MA RNAMS KYIS JI BZHIN MA RTOGS PAR BSTAN NAS, RKANG BA THA MA
GNYIS KYIS RJES 'JAM DBYANGS KYI MAN NGAG LA BRTEN NAS JI BZHIN
RTOGS TE BRTZE BA CHEN POS 'CHAD

PAR DAM BCA' BA STE, DE YANGS RDOG BU SOGS GZHUNG LUGS MANG DU
THOS PA DANG, SENG CHEN BRGYAD SOGS MANG DU THOS PAR MA ZAD RIGS
PA'I LAM DU YANG NGAL BA MANG PO BSTEN PA DANG, DOL BO BA SOGS
MNGON PAR RTOGS

PA'I YON TAN GYI TSOGS KYIS MI DMAN PA ZHES BRAG SGO PHUN TSOGS
RGYA MTSO SOGS KYIS SBYAR BA LTAR RAM, GZHAN PHAL CHER GYI
GSUNGS TSUL LTAR NA, MDO SNGAGS RIG GNAS SOGS MANG DU THOS PA
DANG, RIGS PA'I LAM LA

SBYANGS PA MANG DU MDZAD PA DANG, SPYOD PHYOGS KYI RTOGS PA'I
YON TAN GYIS MI DMAN PA DU MAS KYANG RTZOL BA MANG DU BSTEN NA
YANG RTOGS PAR MA GYUR PA'I ZAB MO'I GNAS DE NI 'JAM MGON BLA MA
STE 'JAM PA'I DBYANGS BSHES GNYEN

DU BZUNG ZHING GSUNG GI BDUD RTZI NGOMS MED DU BZHES PA'I DRIN
GYIS LEGS PAR TE PHYIN CI MA LOG PAR GZIGS NAS, RJES 'JUG RNAMS
LA THUGS SHIN TU BRTZE BA'I BSAM PAS BDAG GIS BSHAD PAR BYA'O
ZHES DAM BCA' MDZAD

PA STE, 'JAM MGON BLA MA'I BKA' DRIN GYIS LEGS PAR MTHONG BA'I
TSUL NI, MKHAS GRUB THAMS CAD MKHYEN PAS, 'JAM PA'I DBYANGS KYIS
KHYOD LA MNGON SUM DU, ,NYIN RE BZHIN YANG LEGS BSHAD BDUD
RTZI'I RGYUN, ,DUS

@024A *, ,GSUM RGYAL BA'I THUGS KYI BCUD BSDUS PA, ,RGYUN MI
'CHAD PAR 'DOMS ZHES DANG, GSANG RNAM TSIGS BCAD MAR, RAB MDZES
'OD ZER LNGA YI DRA BA CAN, ,SHIN TU ZLUM PA'I DBUS SU 'JAM PA'I
DBYANGS,,

MNGON SUM GZIGS PA RGYAL SRAS CHOS KYI RJE, ,ZHES DANG, DE NAS
BRTZAMS TE RJE BTZUN MKHYEN PA'I GTER, ,NAM 'DOD GZIGS SHING
DPAL LDAN 'DUS PA DANG, ,SHES RAB PHA ROL PHYIN GZHUNG ZAB MO'I
DON, ,RGYUN DU GSAN PA

RGYAL SRAS CHOS KYI RJE, ,ZHES GSUNGS PA LTAR TE, GZHUNG 'DI
MDZAD PA NA'ANG, RNAM THAR ZUR RGYAN LAS, 'JAM PA'I DBYANGS KYIS
DBU SEMS KYI GRUB MTHA'I GNAD RNAMS GSUNGS NAS, DA NI 'DI RNAMS
KYI DON BSDUS PA

ZHIG YI GER GYIS GSUNGS PA LA BRTEN NAS DRANG NGES RNAM 'BYED
BRTZAMS PA YIN, ZHES DANG, GZHUNG 'DI'I MJUG RTZOM DU YANG GSAL
BA LTAR LA, SMAN LUNG RGYA SOG PHUR 'JAM DBYANGS LA SANGS RGYAS
BYANG SEMS DANG PAn

GRUB MANG POS BSKOR BA GZIGS PA, DE DAG GI GZHUNG LA BRTEN NAS
PHAN THOGS RGYA CHEN 'BYUNG BA'I RTEN 'BREL DU GSUNGS PA'I NANG
TSAN DBU SEMS KYI DRANG NGES KYI SROL 'BYED DANG SROL 'DZIN MANG
PO'I GZHUNG LA BRTEN NAS PHAN

PA RGYA CHEN 'BYUNG BA NI GZHUNG 'DI LA BRTEN NAS YIN PAR DAM PA
DAG GSUNGS PA LTAR RO, ,MCHOD BRJOD KYIS BSTAN BCOS RTZOM PA'I
RGYU TSOGS SLOB DPON SNGA MA'I MAN NGAG DANG LDAN TSUL DANG,
RTZOM PAR DAM BCAS NANG GI

@024B DON RTOGS PA'I SHES RAB DANG LDAN TSUL GNYIS TSANG BAR
BSTAN PA DANG, YANG RTZOM PAR DAM BCAS GSUNG RAB KYI DGONGS PA
MA NOR BAR GZIGS PA'I MKHYEN RAB PHUN TSOGS DANG, GDUL BYA LA
RJES SU BRTZE BA'I BRTZE BA

PHUN TSOGS GNYIS TSANG BAR BSTAN PA YIN NO, ,GSUM PA SNOD LDAN
NYAN PAR BSKUL BA NI, BSTAN PA'I DE NYID CES SOGS BYUNG, MDO
SNGAGS KYI LAM GANG GIS BLA MED BYANG CHUB SGRUB KYANG GANG
GTAN
LA PHAB NAS NYAMS

SU LEN PA LAS 'DAR MI RUNG BA NI BSTAN PA'I DE KHO NA NYID RTOGS
PA'I RNAM DPYOD DE DE RGYUD LA BSKYED NAS 'BRAS BU SMRA BA ZLA
MED KYI GO 'PHANG 'DOD PA'I SKAL BZANG RNAMS GUS PA CHEN POS
NYON CES BSKUL BA STE, SNGA PHYI

BSDOMS PAS DGOS SOGS CHOS BZHI BSTAN TSUL NI, GNAS DE NI ZHES PA
YAN GYIS BRJOD BYA ZAB MO'I DE KHO NA NYID DE 'DI'I BRJOD BYA
DANG, BSTAN PA'I DE NYID RTOGS PA'I RNAM DPYOD CES PAS 'DI LA
BRTEN NAS ZAB DON

RTOGS PA'I SHES RAB SKYED PA GNAS SKABS KYI DGOS PA DANG, SMRA
BA ZLA MED CES PAS 'DI LA BRTEN NAS ZAB MO'I LAM NYID RGYA CHE
BA'I LAM DANG SBREL NAS NYAMS SU BLANGS PA'I 'BRAS BU SANGS
RGYAS KYI GO 'PHANG NYING DGOS

DANG, NYING DGOS DE NYING STONG PA NYID RTOGS PA'I LAM DANG
'BREL BA DANG, LAM NYID BRJOD BYA DE KHO NA NYID STON PA DANG
'BREL BA NI 'BREL BA'I TSUL TE SHUGS LA THON PA YIN NO, ,'BREL
BA LA GZHAN SDES SNA TSOGS SMRA

@025A *, ,YANG RANG LUGS LA BDAG GCIG 'BREL DANG RTEN BYUNG
'BREL GNYIS SU GRANGS NGES SHING 'DI'I 'BREL BA NI PHYI MA YIN
LA, DE YANG 'DI'I CHED DU BYA BA'I GDUL BYA'I THOB BYA STONG
NYID RTOGS PA'I MTHAR THUG GI

YE SHES DE NYID RANG RGYU STONG NYID RTOGS PA'I LAM LA BRTEN NAS
BYUNG, LAM DE NYID 'DI'I BRJOD BYA'I STONG PA NYID BSTAN BCOS
KYIS DRANG NGES PHYE NAS BSHAD PA LA BRTEN NAS BYUNG BA YIN NO,
,BDEN TSIG KUN LA CHOS BZHI BRTZIR

RUNG ZHING, DGOS 'BREL GYI DBANG DU BYAS NA, BSTAN BCOS LUS KYI
CHOS BZHI BRJOD BYA, NGAG LAS RTOG LDAN LA GO BA'AM THE TSOM
SKYE BA DGOS PA, DE LAS BSTAN BCOS LA 'JUG PA NYID DGOS, DE DAG
SNGA MA MED NA PHYI MA

MI 'BYUNG BA 'BREL BA YIN ZHING, RTOG LDAN BSTAN BCOS LA 'JUG
PA'I GEGS BZHI SEL TSUL DANG, DE'I YAN LAG LA CHOS BZHI LAS MANG
MI DGOS SHING NYUNG MI RUNG BA'I TSUL SOGS GSER PHRENG LAS SHES
PAR BYA'O, ` ,SPRON,

DE LA KHO NA RE, 'DI'I DGOS PA DANG BRJOD BYA GNYIS RTEN BYUNG
'BREL MA YIN PAR THAL, 'DI'I BRJOD BYA LA STONG NYID DANG, NYING
DGOS LA MI GNAS PA'I MYANG 'DAS KYANG YOD PA GANG ZHIG ,MYANG
'DAS DE DE KHO NA NYID RTOGS PA DANG,

DE STONG NYID DANG RTEN BYUNG 'BREL DU 'GYUR TSUL MED PA'I PHYIR
NA MA KHYAB CING, 'DI'I NYING DGOS LA NYING DGOS MTHAR THUG GIS
MA KHYAB PA DANG, SPYIR RNAM MKHYEN DANG NGO BO NYID SKU SOGS
'DI'I NYING DGOS LA MI 'JOG PA DANG

@025B BSTAN BCOS KYI 'BREL BA LA DGOS SOGS BZHI'I NANG GI 'BREL
BAS KHYAB MA KHYAB DANG, DE LA RTEN BYUNG 'BREL YIN DGOS MI DGOS
DANG, 'DI'I CHED DU BYA BA'I GDUL BYAS THOB PA'I RNAM MKHYEN KHO
KHO RANG YIN MIN SOGS

LA'ANG SPRO BYA MANG NGO, ,DGOS 'BREL NGAG KLAD DU BKOD PA'I
DGOS PA LA, KU M'A RI LA LA SOGS PAS DGOS 'BREL NGAG LA BRTEN
NAS CHOS BZHI YOD PA TSAD MAS NGES NAS BSTAN BCOS LA 'JUG PA
DANG, ZHI 'TSO'I BDEN

GNYIS DKA' 'GREL DU BSTAN BCOS RTZOM PA'I SKABS 'GOG PA ZLOG PA
DANG, BRAM ZE BDE BYED DGA' BA DANG G-YAG PHRUG PAS GZHUNG GI
YI GE MDZES PA DANG, CHOS MCHOG GIS DON MI 'GYUR GYI DOGS PA
BZHI BSAL NAS

DON 'GYUR GYI THE TSOM BZHI SKYED PA BSHAD PA RNAMS 'THAD MI
'THAD KYI KHYAD PAR GSER PHRENG LAS SHES PAR BYA LA, PHAR PHYIN
MTHA' DPYOD DU BU STON GYIS LUGS DANG PO LTAR BZHED PAR GSUNGS
KYANG LUNG SNYER DE BKAG

GO ,RANG LUGS NI GSER PHRENG LAS, NGAG 'DIS JI LTAR DAM BCAS PA
LTAR BSTAN BCOS LA ZHUGS TE YOD MED BRTAGS LA YOD NA NI 'JUG
CING MED NA NI LDOG PAR BYA'O SNYAM DU BSAMS NAS 'JUG PAR 'GYUR,
ZHES

GSUNGS PA LTAR GDUL BYA 'JUG PA'I YAN LAG TU DGOS 'BREL NGAG
THOG MAR BKOD PA YIN NO, ,DE LA 'DI'I DGOS PA DANG NYING DGOS
GNYIS 'DI LA BRTEN NAS 'ONG DGOS PAS CHOS BZHI BSTAN BCOS LA
'JUG PA'I 

@026A *, ,YAN LAG TU MI 'THAD CING, 'DI'I BRJOD BYA RTOGS PA LA
STONG NYID RTOGS DGOS SHING DE 'DI LA ZHUGS 'BRAS SU 'BYUNG DGOS
PAS CHOS BZHI RTOGS PA'ANG DER MI RUNG LA, DGOS 'BREL GYI NGAG

THOS PA TZAM GYIS DBANG RNON BSTAN BCOS LA MI 'JUG PAS DGOS
'BREL GYI DAG THOS PA'ANG DER MI RUNG NGO, ,DES NA CHOS BZHI LA
GO BA YANG DAG GAM DON 'GYUR GYI THE TSOM NI BSTAN BCOS LA 'JUG
PA'I YAN LAG YIN

TE, DE'I SGO NAS GDUL BYA BSTAN BCOS LA 'JUG PAR BYED PA'I
PHYIR, TSAD MA BRTAG PA LAS, GANG PHYIR DON GNYER 'JIG RTEN 'DI,
,THE TSOM LAS KYANG 'JUG PHYIR RO, ,ZHES DANG, BE'U BUM SNGON PO
LAS, DON

'GYUR DON MI 'GYUR BDAG LA, ,THE TSOM ZA NA'ANG 'JUG LDOG RGYUR
GSUNGS, ,ZHES DANG, GSER PHRENG LAS, DE BZHI PHAL CHER YOD LAS
TSE SNYAM PA'I DON 'GYUR GYI THE TSOM BZHI BSKYED DE RTOG LDAN
BSTAN BCOS LA 'JUG

CES GSUNGS PA'I PHYIR, LUNG DANG PO 'DI GSER PHRENG DU KHUNGS
GSAL BAR MA MDZAD LA LUNG SNYER DBYIG GNYEN GYI GSUNG DANG,
PHAR
PHYIN MTHA' DPYOD SOGS SU 'THAD LDAN GYI YIN PAR BYAS KYANG
GZHUNG MANG POR

TSAD MA BRTAG PA'I YIN PAR GSUNGS PA LTAR GZHUNG DER SNANG NGO,
,PHAR PHYIN MTHA' DPYOD DU GDUL BYA DBANG RNON THE TSOM LAS
RGYAN LA 'JUG PA'I SHES BYED DU DRANGS PA LTAR NA DES DBANG RNON
GYI 'JUG TSUL DANG,

@026B DBU MA RGYAN ZIN DU RANG SDE DBANG RTUL SHIN LKOG LA 'JUG
PA NA LUNG TZAM SGRUB BYED DU BYAS NAS 'JUG PA'I SHES BYED DU
DRANGS PA LTAR NA DES DBANG RTUL GYI 'JUG TSUL BSTAN PAR SNANG
BA DANG, TSAD MA BRTAG PA'I LUNG 'DI DANG

RGYUD BLA DAR t'I KA LA BRTEN NAS DBANG RNON THE TSOM DANG RGYU
MTSAN YANG DAG MTHONG BA GANG GI SGO NAS BSTAN BCOS LA 'JUG
DPYAD TSUL SOGS DRANG NGES DOGS DPYOD DU 'BYUNG ZHING, DER, GRUB
MTHA' RTZA BAR, YUL MCHOG

BSTAN KYANG YUL CAN MCHOG SBAS BZHIN, ,ZHES SOGS LA BRTEN NAS
GZHUNG 'DIR SNGAGS LAM YONGS RDZOGS BSTAN MA BSTAN GYI DOGS PA
BKOD KYANG, GRUB MTHA' RTZA BAS MDO PHYOGS SU SNGAGS LAM SBAS PA
MA GTOGS

SBAS TE BSTAN PAR GSUNGS PA MIN PAR MNGON NO, ,THE TSOM BSTAN
BCOS LA 'JUG PA'I YAN LAG TU 'GYUR TSUL NI, DGOS 'BREL NGAG GIS
BSTAN BCOS LUS LA CHOS BZHI YOD PAR DAM BCAS PA NA RTOG LDAN LA
DER DE YOD

MED THE TSOM SKYE ZHING DE LAS CHOS BZHI YOD MED LTA LA YOD NA
'JUG PAR BYA'O SNYAM DU BSTAN BCOS LA 'JUG PAR GSER PHRENG LAS
GSUNGS SO, ,DE LTA NA'ANG DGOS 'BREL MCHOD BRJOD KYI SNGON DU MA
BKOD PA NI DE'I SNGON DU BKOD

NA TSUL DANG MI MTHUN PA DANG, MCHOD BRJOD KYIS DANG BA SKYED
LA, DES BSTAN BCOS LA 'JUG PAR PHYOGS PA NA CHOS BZHI LA RTOG
PAS MCHOD BRJOD KYI 'OG TU DGOS 'BREL NGAG BKOD PAR CHOS BSHES
'CHAD PA LTAR RJES

@027A *, ,KYANG BZHED DO, ,GNYIS PA BRTZAMS PA'I BSTAN BCOS KYI
LUS DNGOS BSHAD PA LA GSUM, GSUNG RAB KYI DRANG NGES 'BYED PA
GAL CHE BAR BSTAN PA, RGYAL BA'I GSUNG RAB LA DRANG NGES RGYAS
PAR PHYE BA, RANG

NYID GANG GI RJES SU 'BRANG BSTAN CING MJUG BSDU BA'O, ,DANG PO
LA GSUM, THAR PA THOB PA LA YUL RNAM THAR SGO GSUM GYIS BSDUS
PA'I STONG NYID RTOGS DGOS PA DANG, DE LTA BU'I STONG NYID RTOGS
PA LA RGYAL BA'I GSUNG RAB KYI DRANG

NGES 'BYED DGOS PA DANG, DE NYID KYI SHES BYED MDO DANG SBYAR
BA'O, ,DANG PO NI, JI SKAD DU, ZHES SOGS BYUNG, DKON BRTZEGS KYI
YUL 'KHOR SKYONG ZHUS SU MYU GU LTA BU RANG GI NGO BO BDEN PAS
STONG PA NI STONG BA NYID DANG,

DE'I RGYU BDEN PAS STONG PA'AM DE DON DAM PAR RGYU LAS SKYES PAS
STONG PA NI ZHI BA STE MTSAN MA MED PA DANG, DE'I 'BRAS BU BDEN
PAS STONG PA'AM DES DON DAM PAR RANG 'BRAS SKYED PAS STONG PA NI
SKYE BA MED PA STE SMON PA MED PA'I

RNAM THAR GSUM GYI TSUL MI SHES PAS BDAG 'DZIN GNYIS KYI ZHEN
YUL SUN 'BYIN MI NUS LA, DE MA NUS PAS BDAG 'DZIN GYI DBANG DU
SONG STE LAS SNA TSOGS BSAGS NAS 'KHOR BAR 'KHYAM PAR 'GYUR BA
GZIGS NAS,

'GRO BA DE DAG STON PA THUGS RJE MNGA' BAS MDZAD PA BCU GNYIS
SPYI DANG KHYAD PAR CHOS DANG YANG SGOS RAGS PA'I BDAG MED STON
PA SOGS STONG NYID LAS BRTZAMS PA'I CHOS SGO MANG PO STON PA'I
THABS TSUL DANG, RTEN

@027B 'BREL SOGS DRI MA MED PA'I RIGS PA BRGYA DAG STE DPAG TU
MED PA'I SGO NAS YUL RNAM THAR SGO GSUM KHONG DU CHUD PA LA
'DZUD PAR MDZAD DO, ,ZHES PA STE PHYI 'GREL DON DES RTOGS NUS
SO, ` ,'DIR, RNAM THAR SGO GSUM

LA; NYAN THOS SDE BA'I GZHUNG MDZOD DU BDEN BZHI'I RNAM PAS
BZHAG PA DANG, RNAM RIG PA'I GZHUNG MDO SDE RGYAN LE'U BCO LNGA
BAR MTHONG LAM GYI DMIGS PA DAG PAS DANG, DE DANG PHYOGS MTHUN
PAR LE'U BCU DGU BAR BDAG

MED GZHAN DBANG MYANG 'DAS GSUM GYIS DANG, CHOS KYI SDOM BZHIS
BZHAG PA DANG, DBUS MTHAR GNYEN PO GSUM GYIS BZHAG PA DANG, SA'I
DNGOS GZHIR STONG NYID BZHI SOGS YUL GYIS BZHAG PA DANG, BYANG
SAR BDAG

MED GZHAN DBANG MYANG 'DAS GSUM GYIS BZHAG PA DANG, NYAN SAR
'KHOR BA MYANG 'DAS BDAG MED GSUM GYIS BZHAG PA DANG, KUN BTUS
SU BDEN BZHI'I RNAM PAS BZHAG PA DANG, BSDU BAR MTSAN NYID GSUM
GYIS DANG,

GNYEN PO GSUM GYIS DANG, RGYU MTSAN SOGS CHOS LNGAS DANG, BDEN
PA GSUM GYI RNAM PAS DANG, BDEN BZHI'I RNAM PAS BZHAG PA DANG,
DBU MA'I GZHUNG MDO PHYOGS SU YUL 'KHOR SKYONG ZHUS, TING NGE
'DZIN RGYAL PO, 'OD

SRUNGS KYI LE'U RNAMS LAS RGYU 'BRAS NGO BO GSUM GYIS BZHAG PA
DANG, YANG TING NGE 'DZIN RGYAL POR BYA BYED LAS GSUM GYIS BZHAG
PA DANG, SHER MDOR NGO BO MTSAN MA SRED PA GSUM GYIS DANG, BDEN
BZHI'I RNAM PAS DANG,

@028A *, ,YUL LA BDEN ZHEN 'GOG TSUL GYIS BZHAG PA DANG, 'JUG
PAR MTSAN NYID MI 'DRA BA GSUM GYIS BZHAG PA DANG, SNGAGS PHYOGS
SU 'DUS PA'I RTZA RGYUD DU BYA BYED LAS GSUM DANG, DE DANG MNGON

BYANG DANG SGRUB THABS KUN BZANG LAS RGYU 'BRAS NGO BO GSUM
GYIS
BZHAG PA RNAMS SO, ,DE PA MDZOD LAS, MTSAN MED ZHI BA'I RNAM PA
DANG, ,STONG NYID BDAG MED STONG NYID DU, ,'JUG PA'O SMON PA MED
PA NI, ,DE LAS GZHAN

BDEN RNAM PA CAN, ,ZHES ZHI BA 'GOG BDEN GYI KHYAD CHOS BZHI
RTOGS PA'I MTSAN MED DANG, STONG BDAG MED GNYIS RTOGS PA'I STONG
NYID DANG, MI RTAG SDUG BSNGAL GNYIS DANG KUN LAM GYI BZHI RE
STE BCU RTOGS PA'I SMON

MED KYI RNAM THAR GSUNGS SO, ,MDO SDE RGYAN LAS, MED PA'I STONG
PA NYID SHES SHING, ,DE BZHIN YOD PA'I STONG NYID DANG, ,RANG
BZHIN STONG PA NYID SHES PAS, ,STONG PA SHES PA ZHES BRJOD DO,
,MTSAN MED GZHI NI RNAM RTOG

RNAMS, ,YANG DAG ZAD PA YIN ZHES BYA, ,SMON PA MED PAR GYUR PA'I
DE, ,YANG DAG MA YIN KUN RTOG GO ,ZHES DGAG BYA'I DBANG DU BYAS
NAS KUN BTAGS PA LTAR MED PA'I STONG PA NYID DANG, STONG GZHI'I
DBANG DU BYAS

NAS GZHAN DBANG SGYU MA LTAR YOD PA'I STENG GI STONG PA NYID
DANG, NGO BO'I DBANG DU BYAS NAS DGAG BYA RANG BZHIN GYIS STONG
PA NYID YONGS GRUB KYI CHOS NYID LA DMIGS PA'I STONG NYID DANG,
RNAM RTOG ZAD PA'I 'GOG BDEN

@028B LA DMIGS PA'I MTSAN MED DANG, YANG DAG MA YIN KUN RTOG LA
MI SMON PA'I SMON MED KYI TING 'DZIN GSUNGS PA DANG, TING 'DZIN
GSUM GYI SPYOD YUL NI, ,BDAG MED RNAM PA GNYIS PO DANG, ,BDAG TU
'DZIN PA'I RTEN

DANG NI, ,DE RTAG NYER ZHI YIN ZHES BYA, ,ZHES BDAG MED GNYIS
RTOGS PA'I STONG NYID DANG, BDAG 'DZIN GYI RTEN GZHAN DBANG GI
NGO BO NYID RTOGS PA'I SMON MED DANG, SDUG BSNGAL GYI MTSAN MA
RTAG TU ZHI BA'I MYANG 'DAS RTOGS

PA'I MTSAN MED KYI TING 'DZIN GSUNGS PA DANG, TING NGE 'DZIN GYI
RGYU NYID DU, ,CHOS KYI SDOM NI RNAM PA BZHI, ,ZHES MI RTAG SDUG
BSNGAL GNYIS RTOGS PA'I SMON MED DANG, BDAG MED RTOGS PA'I STONG
NYID DANG, MYANG 'DAS

RTOGS PA'I MTSAN MED KYI TING 'DZIN GSUNGS SO, ,DBUS MTHA' LAS,
THA DAD PA DANG GCIG MTHA' DANG, ,ZHES SOGS KYIS DBU MA'I LAM
BCO LNGA GSUNGS PA'I BRGYAD PA'I SKABS NYON MONGS KYI GNYEN PO'I
CHA NAS STONG

NYID DANG, SRID SRED KYI GNYEN PO'I CHA NAS SMON MED DANG, MTSAN
MA MNGON PAR 'DU BYED PA'I GNYEN PO'I CHA NAS MTSAN MED KYI RNAM
THAR GSUNGS SO, ,SA'I DNGOS GZHI LAS, STONG PA NYID KYI TING NGE
'DZIN GANG ZHE NA,

NAS, DE LA STONG PA NYID RNAM PA BZHI STE, ZHES SOGS DANG, SMON
PA MED PA'I SEMS KYI TING NGE 'DZIN GANG ZHE NA, NYE BAR LEN
PA'I PHUNG PO LNGA BO LA MI RTAG PA'AM SDUG BSNGAL BAR YID LA
BYED CING SEMS KYI GNAS PA RTZE

@029A *, ,GCIG PA GANG YIN PA'O, ,MTSAN MA MED PA'I TING NGE
'DZIN GANG ZHE NA, NAS, MTSAN MA THAMS CAD YID LA MI BYED PA
DANG, MTSAN MA MED PA'I DBYINGS YID LA BYED PA DANG RNAM PA
GNYIS KYIS MTSAN

MA MED PA LA SNYOMS PAR 'JUG GO ,ZHES RTAG PA DANG 'BRAS BU DANG
NANG DANG PHYI STONG PA NYID BZHI RTOGS PA'I STONG NYID DANG,
NYER LEN GYI PHUNG PO LNGA'I NYES DMIGS RTOGS PA'I SMON MED
DANG, MTSAN MA YID LA MI

BYED PA DANG MTSAN MED KYI DBYINGS RTOGS PA'I MTSAN MED KYI TING
'DZIN GSUNGS SO, ,BYANGS LAS, DE LA BYANG CHUB SEMS DPA'I STONG
PA NYID KYI TING NGE 'DZIN GANG ZHE NA, 'DI LA BYANG CHUB SEMS
DPA'I BRJOD PA

THAMS CAD KYI BDAG NYID KYI NGO BO NYID DANG BRAL BA BRJOD DU
MED PA'I NGO BO NYID KYI DNGOS PO MTHONG NAS SEMS GNAS PA GANG
YIN PA DE NI DE'I STONG PA NYID KYI TING NGE 'DZIN CES BYA'O,
,SMON PA MED PA'I TING NGE 'DZIN GANG ZHE NA,

'DI LA BYANG CHUB SEMS DPA'I BRJOD DU MED PA'I NGO BO NYID KYI
DNGOS PO DE NYID LA LOG PAR RNAM PAR BRTAGS PA LAS BYUNG BA'I
NYON MONGS PA DANG, SDUG BSNGAL GYIS YONGS SU ZIN PA'I PHYIR
NYES PA DU MA'I SKYON CHAGS PAR YANG

DAG PAR MTHONG NAS PHYIS DE LA MI SMON PA SNGON DU 'GRO BA'I
SEMS GNAS PA GANG YIN PA DE NI DE'I SMON PA MED PA'I TING NGE
'DZIN CES BYA'O, ,MTSAN MA MED PA'I TING NGE 'DZIN GANG ZHE NA,
'DI LA BYANG CHUB SEMS DPA'I BRJOD DU

@029B MED PA'I NGO BO NYID KYI DNGOS PO DE NYID KYI RNAM PAR
RTOG PA DANG, SPROS PA'I MTSAN MA THAMS CAD BSAL NAS YANG DAG PA
JI LTA BA BZHIN DU ZHI BAR YID LA BYED PAS SEMS GNAS PA GANG YIN
PA DE NI DE'I MTSAN MA MED PA'I TING

NGE 'DZIN CES BYA'O, ,ZHES CHOS KUN THA SNYAD KYI GZHIR RANG
MTSAN GYIS MED PA STE STONG BDAG MED RTOGS PA'I STONG NYID DANG,
MA DAG GZHAN DBANG THA SNYAD KYI GZHIR RANG MTSAN GYIS GRUB PAR
ZHEN PA LAS BYUNG BA'I NYON MONGS

DANG SDUG BSNGAL GYIS ZIN PAS NA NYES PA'I GZHIR RTOGS NAS PHYIS
DE LA MI SMON PAS SMON MED DANG, THA SNYAD KYI GZHIR RANG MTSAN
GYIS GRUB PAR 'DZIN PA'I RTOG PA KUN ZHI BA'I MYANG 'DAS LA ZHI
BAR RTOGS PA'I MTSAN MED KYI TING

'DZIN GSUNGS SO, ,NYAN SA LAS, RNAM PAR THAR BA'I SGO GSUM PO DE
DAG GI RNAM PAR BZHAG PA JI LTA BU YIN ZHE NA, SMRAS PA, 'DI NI
GNYIS YIN TE, 'DUS BYAS DANG 'DUS MA BYAS SO, ,DE LA 'DUS BYAS
NI KHAMS GSUM

DANG LDAN PA'I PHUNG PO LNGA'O, ,'DUS MA BYAS NI MYA NGAN LAS
'DAS PA'O, ,'DUS BYAS GANG YIN PA DANG, 'DUS MA BYAS GANG YIN PA
DE GNYIS NI YOD PA ZHES BYA'O, ,BDAG DANG, SEMS CAN DANG, SROG
DANG, SKYE BA PO ZHES

BYA BA GANG YIN PA DE NI MED PA ZHES BYA'O, ,DE LA 'DUS BYAS LA
SKYON DU MTHONG BA DANG NYES DMIGS SU MTHONG BA'I PHYIR SMON
PAR
MI BYED DO, ,MI SMON PA'I PHYIR RNAM PAR THAR BA'I SGO SMON PA
MED PA RNAM PAR BZHAG GO ,MYA NGAN LAS

@030A *, ,'DAS PA DE LA SMON PA DANG LDAN PAS, ZHI BAR LTA, GYA
NOM PAR LTA, NGES PAR 'BYUNG BAR LTA ZHING SMON PAR BYED DE, DE
LA NGES PAR 'BYUNG BAR LTA BA'I PHYIR RNAM PAR THAR PA'I SGO
MTSAN MA MED PA RNAM PAR

BZHAG GO ,MED CING YOD PA MA YIN PA DE LA SMON PA YANG MED, SMON
PA MED PA YANG MED DO ZHES JI LTA BU KHO NAR MED PA DE LTA BU
KHO NAR MED PA YIN NO ZHES SHES SHING MTHONG BA'I SGO NAS RNAM
PAR THAR PA'I SGO STONG PA NYID RNAM PAR

BZHAG STE, DE NI RNAM PAR THAR PA'I SGO GSUM PO DE DAG GI RNAM
PAR BZHAG PA YIN NO, ,ZHES KHAMS GSUM LA SKYON DANG NYES DMIGS
RTOGS NAS MI SMON PA'I SMON MED DANG, MYANG 'DAS NI ZHI SOGS
GSUM DU RTOGS NAS

DE LA SMON PA'I MTSAN MED DANG, STONG BDAG MED JI LTAR GNAS PA
DE LTAR RTOGS PA'I STONG NYID KYI RNAM THAR GSUNGS SO, ,KUN BTUS
LAS, RNAM PA BCU DRUG GI NANG NAS STONG PA NYID KYI RNAM PA DU
ZHE NA, GNYIS SO, ,

SMON PA MED PA'I RNAM PA DU ZHE NA, DRUG GO ,MTSAN MA MED PA'I
RNAM PA DU ZHE NA, BRGYAD DO, ,ZHES STONG BDAG MED RTOGS PA'I
STONG NYID DANG, 'GOG LAM GYI BRGYAD RTOGS PA'I MTSAN MED DANG,
MI RTAG SDUG BSNGAL DANG

KUN 'BYUNG GI BZHI STE DRUG RTOGS PA'I SMON MED KYI RNAM THAR
GSUNGS SO, ,BSDU BA LAS, RNAM PAR THAR PA'I SGO GSUM PO 'DI DAG
NI NGO BO NYID GSUM LA BRTEN NAS RNAM PAR BZHAG STE, KUN BTAGS
PA'I NGO BO NYID LA

@030B BRTEN NAS NI RNAM PAR THAR PA'I SGO STONG PA NYID RNAM PAR
BZHAG GO ,GZHAN GYI DBANG GI NGO BO NYID LA BRTEN NAS NI RNAM
PAR THAR PA'I SGO SMON PA MED PA RNAM PAR BZHAG GO ,YONGS SU
GRUB PA'I NGO BO NYID LA BRTEN NAS NI RNAM

PAR THAR PA'I SGO MTSAN MA MED PA RNAM PAR BZHAG GO ,ZHES DGAG
BYA'I KUN BTAGS KYI NGO BO STONG PAR RTOGS PA'I STONG NYID DANG,
MA DAG GZHAN DBANG GI NGO BO NYES DMIGS CAN DU RTOGS PA'I SMON
MED DANG, MYANG 'DAS

SU GYUR PA'I YONGS GRUB KYI NGO BO RTOGS PA'I MTSAN MED KYI RNAM
THAR GSUNGS PA DANG, STONG PA NYID NI NYON MONGS PA'I GNYEN
PO'O, ,SMON PA MED PA NI SRID PAR SMON PA'I 'O, ,MTSAN MA MED PA
NI MTSAN MA RNAMS KYI STE,

DE DAG THAMS CAD KYANG MNGON PAR 'DU BYED PA MED PA ZHES BYA'O,
,ZHES DBUS MTHA' DANG MTHUN PAR GSUNGS PA DANG, DU ZHIG STONG PA
NYID DANG, STONG PA NYID KYI SPYOD YUL DAG YIN, DU ZHIG SMON PA
MED PA DANG MTSAN MA

MED PA DANG, SMON PA MED PA DANG MTSAN MA MED PA'I SPYOD YUL DAG
YIN ZHE NA, SMRAS PA, RGYU MTSAN NI RNAM PA SUM CHAR YIN LA RNAM
PA SUM CHAR GYI SPYOD YUL YANG YIN, MING NI RNAM PA SUM CHAR MA
YIN LA RNAM PA GNYIS KYI

SPYOD YUL YIN NO, ,RNAM PAR RTOG PA NI RNAM PA SUM CHAR YIN LA
RNAM PA GNYIS KYI SPYOD YUL YIN NO, ,DE BZHIN NYID NI RNAM PA
SUM CHAR YANG MA YIN LA STONG PA NYID KYI SPYOD YUL DANG MTSAN
MA MED PA'I SPYOD YUL YIN NO, ,YANG 

@031A *, ,DAG PA'I SHES PA NI RNAM PA SUM CHAR YIN LA STONG PA
NYID KYI SPYOD YUL YIN NO, ,ZHES 'DIR RGYU MTSAN LA DNGOS PO
DANG DNGOS MED GNYIS KA YOD PAS TING 'DZIN GSUM GA DANG DE DAG
GI YUL GSUM G-YOD

PA DANG, MING NI SGRA YIN PAS DE LA TING 'DZIN GSUM GA MED CING
STONG NYID DANG SMON MED GNYIS KA'I YUL YOD PA DANG, 'DI'I RNAM
RTOG DANG GZHAN DBANG DON GCIG PAS DE LA TING 'DZIN GSUM GA YOD
CING STONG SMON

GNYIS KYI YUL YOD PA DANG, DE BZHIN NYID DANG CHOS NYID DON GCIG
PAS DE LA TING 'DZIN GSUM GA MED LA STONG MTSAN GNYIS KYI YUL
YOD PA DANG, YANG DAG PA'I SHES PA LA DON DAM RNAM CAN DANG, KUN
RDZOB RNAM CAN

GNYIS KA YOD PAS, DE LA TING 'DZIN GSUM G-YOD CING, DE STONG
NYID KYI TING 'DZIN GYI YUL YANG YAN PAR GSUNGS TE, DE YANG
STONG NYID KYI TING 'DZIN GYI YUL LA CHOS LNGA GA DANG, SMON MED
KYI TING 'DZIN GYI YUL LA CHOS

GSUM GSUNGS PA NI DMIGS YUL DANG 'DZIN STANGS KYI YUL CI RIGS
PA'I DBANG DU BYAS PA DANG, MTSAN MED KYI TING 'DZIN GYI YUL LA
CHOS GSUM MA GSUNGS PA NI DE'I YUL GNYIS PO GANG LA YANG CHOS DE
GSUM MI 'BYUNG

BA'I GNAD KYIS YIN NO, ,MDOR NA, RGYU MTSAN DANG, MING DANG,
RNAM RTOG DANG, DE BZHIN NYID DANG, YANG DAG PA'I SHES PA LNGA
LAS, RGYU MTSAN DANG DE BZHIN NYID GNYIS KA'ANG YIN ZHING LNGA
PO'I CI RIGS KHYAD

@031B GZHIR LDAN PA'I STONG BDAG MED RTOGS PA'I STONG NYID DANG,
MA DAG PAS BSDUS PA'I RGYU MTSAN DANG MING DANG RNAM RTOG LA
NYES DMIGS SU LTA BA'I SMON MED DANG, RGYU MTSAN DANG DE BZHIN
NYID GNYIS KA YIN PA'I MYANG

'DAS LA ZHI BAR LTA BA'I MTSAN MED KYI TING 'DZIN GSUNGS PA
DANG, RNAM PA BCU DRUG PO GANG DAG YIN PA DE DAG LAS DU ZHIG
STONG BA'I RNAM PA YIN ZHE NA, SMRAS PA, GNYIS TE SDUG BSNGAL
GYI BDEN PA LAS THA MA GNYIS SO, ,DU ZHIG SMON

PA MED PA'I RNAM PA YIN ZHE NA, SMRAS PA, DRUG STE SDUG BSNGAL
GYI BDEN PA LAS DANG PO GNYIS DANG, KUN 'BYUNG BA'I BDEN PA LAS
THAMS CAD DO, ,DU ZHIG MTSAN MA MED PA'I RNAM PA YIN ZHE NA,
SMRAS PA, 'GOG PA'I BDEN PA LAS

THAMS CAD DO, ,DU ZHIG NI RNAM PAR DAG PA'I RGYU NYE BAR MTSON
PA'I RNAM PA YIN ZHE NA, SMRAS PA, LAM GYI BDEN PA LAS THAMS CAD
DO, ,ZHES STONG BDAG MED GNYIS RTOGS PA'I STONG NYID DANG, MI
RTAG SDUG BSNGAL GNYIS DANG KUN

'BYUNG GI BZHI STE DRUG RTOGS PA'I SMON MED DANG, 'GOG BDEN GYI
BZHI RTOGS PA'I MTSAN MED KYI RNAM THAR GSUNGS TE, LAM BDEN GYI
BZHI DE GSUM GANG DANG YANG MA SBYAR RO, ,RNAM PA BCU GCIG PO DE
DAG LAS STONG PA NYID KYI

RNAM PA DANG, BDAG MED PA GNYIS KYI RNAM PA GNYIS NI STONG PA
NYID KYI RNAM PA YIN NO, ,LHAG MA BRGYAD NI SMON PA MED PA'I
RNAM PA YIN NO, ,'GOG PA'I BDEN PA LA BRAL BA'I RNAM PA GANG YIN
PA GCIG PU NI MTSAN MA MED PA'I RNAM PA

@032A *, ,YIN NO, ,ZHES NAD DANG, 'BRAS DANG, ZUG RNGU DANG,
SDIG PA DANG, MI RTAG PA DANG, SDUG BSNGAL PA DANG, STONG PA
DANG, BDAG MED PA DANG, KUN TU SBYOR BAR BYED PA DANG, BRAL BA
DANG, 'BRAL BAR BYED

PAR LTA BA STE BCU GCIG LAS STONG BDAG MED GNYIS RTOGS PA'I
STONG NYID DANG, STONG BDAG MED BRAL BA GSUM DOR BA'I LHAG MA
BRGYAD RTOGS PA'I SMON MED DANG, BRAL BA RTOGS PA'I MTSAN MED
KYI RNAM THAR GSUNGS TE,

BCU GCIG PO DE DAG GI DON NI, MUN SEL LAS, BCU GCIG LAS DANG PO
BZHI NI NYON MONGS PA'I KUN DKRIS DANG LDAN PA DANG, BGAL NYAL
DANG LDAN PA DANG, RO MYANG BA DANG LDAN PA DANG, NYES DMIGS
DANG LDAN PA RNAMS LA

NAD SOGS SU LTA PA BZHI'O, ,RGYU KUN 'BYUNG RAB SKYE RKYEN DU
LTA BA BZHI NI KUN TU SBYOR BAR BYED PAR LTA BA, 'GOG PA ZHI BA
SOGS BZHIR LTA BA BRAL BAR LTA BA, LAM RIG PA SOGS BZHIR LTA BA
'BRAL BAR BYED PAR LTA

BAR GSUNGS, ZHES 'BYUNG BA LTAR TE MDZOD KYI BSHAD TSUL DANG
MTHUN NO, ,YUL 'KHOR SKYONG ZHUS KYI DON SNGAR BKRAL ZIN LA,
TING NGE 'DZIN RGYAL PO LAS, 'ONG BA MED CING 'DI NAS 'GRO BA
MED, ,RGYU RNAMS RTAG

TU STONG ZHING MTSAN MA MED, ,CES CHOS RNAMS DON DAM PAR SNGA
MA
NAS 'DIR 'ONG BA MED PA RTOGS PA'I MTSAN MED DANG, DE LTAR 'DI
NAS PHYI MAR 'GRO BA MED PA RTOGS PA'I SMON MED DANG, DE LTAR
RGYUN RTAG TU

@032B STONG PA RTOGS PA'I STONG NYID KYI RNAM THAR GSUNGS SO,
,'OD SRUNGS LE'U LAS, GANG STONG PA NYID KYIS CHOS RNAMS STONG
BAR MI BYED DE, CHOS RNAMS NYID STONG PA DANG, GANG MTSAN MA
MED
PAS CHOS RNAMS MTSAN MA MED PAR

MI BYED DE, CHOS RNAMS NYID MTSAN MA MED PA DANG, GANG SMON PA
MED PAS CHOS RNAMS SMON PA MED PAR MI BYED DE, CHOS RNAMS NYID
SMON PA MED PA DANG, ZHES SOGS KYIS CHOS DE'I NGO BO BDEN PAR
GRUB PAS STONG BA

RTOGS PA'I STONG NYID DANG, RGYU LAS NYON GYI MTSAN MA DAG DANG
BRAL BA'I MYANG 'DAS KYI PHAN YON RTOGS PA'I MTSAN MED DANG,
'BRAS BU NYER LEN GYI PHUNG PO'I NYES DMIGS RTOGS PA'I SMON MED
KYI RNAM THAR BSTAN PAR DBU

MA'I LAM BSHAD LAS 'BYUNG ZHING, MDO'I TSIG DON NI, CHOS RNAMS
BDEN GRUB KYIS STONG PA STONG PA NYID DU RUNG GI CHOS GZHAN ZHIG
BDEN PAR GRUB PAS CHOS DE STONG PA NYID DU MI RUNG STE, CHOS
RNAMS RANG NYID BDEN

PAS STONG PA CHOS RNAMS BDEN PAR GRUB PAS STONG PA'I DON YIN
PA'I PHYIR, ZHES PA'AM, BDEN GRUB KYIS STONG PA'I CHOS RNAMS
STONG PAR MI BYED DE, CHOS RNAMS BDEN PAS STONG PA'I PHYIR, ZHES
PA STE, DES LHAG

MA'I DON YANG SHES PAR BYA LA, SEMS TZAM PAS 'DI LAS GZHAN DU
'GREL TSUL YANG YOD DO, ,TING NGE 'DZIN RGYAL PO LAS, SEMS DMYAL
'JIGS PA NGA YIS BSTAN BYAS TE, ,SEMS CAN STONG PHRAG DU MA SKYO
PHYAS

@033A *, ,KYANG, ,GANG DAG SHI 'PHOS NGAN SONG RTAG 'GRO BA'I,
,'GRO BA DE DAG NAM YANG YOD MA YIN, ,ZHES SEMS CAN SHI NAS
SKYES NGAN SONG STE, LAS DON DAM PAR MED PAR RTOGS PA'I MTSAN
MED DANG,

DER SKYE BA STE BYA BA DON DAM PAR MED PAR RTOGS PA'I STONG NYID
DANG, DER SKYE BA BO STE BYED PA DON DAM PAR MED PAR RTOGS PA'I
SMON MED KYI RNAM THAR GSUNGS SO, ,SHER PHYIN GYI MDOR RNAM THAR
SGO GSUM SKABS GSUM

DU GSUNGS PA LAS SA BDUN PA'I YONGS SBYONG GI RGYAN LAS, RNAM
THAR SGO GSUM SHES PA DANG, ,ZHES PA'I THAD KYI MDOR, DE LA JI
LTAR NA BYANG CHUB SEMS DPA' SEMS DPA' CHEN POS STONG PA NYID
YONGS SU RDZOGS

PAR BYA BA YIN ZHE NA, RANG GI MTSAN NYID STONG BA NYID NYE BAR
BZUNG NAS YONGS SU RDZOGS PA NI BYANG CHUB SEMS DPA' SEMS DPA'
CHEN PO'I STONG BA NYID YONGS SU RDZOGS PA STE, DE NI BYANG CHUB
SEMS DPA' SEMS DPA'

CHEN PO'I STONG BA NYID YONGS SU RDZOGS PAR BYA BA'O, ,DE LA JI
LTAR NA BYANG CHUB SEMS DPA' SEMS DPA' CHEN POS MTSAN MA MED PA
MNGON DU BYA BA YIN ZHE NA, 'DI LTA STE, MTSAN MA THAMS CAD YID
LA MI BYED PA'I PHYIR

TE; DE NI BYANG CHUB SEMS DPA' SEMS DPA' CHEN PO'I MTSAN MA MED
PA MNGON DU BYA BA'O, ,DE LA JI LTAR NA BYANG CHUB SEMS DPA'
SEMS DPA' CHEN PO'I SMON PA MED PA SHES PA YIN ZHE NA, DE NI
KHAMS GSUM THAMS

@033B CAD DU SEMS MI GNAS PA STE, DE NI BYANG CHUB SEMS DPA'
SEMS DPA' CHEN PO'I SMON PA MED PA SHES PA'O, ,ZHES CHOS THAMS
CAD RANG GI NGO BOS STONG PAR RTOGS PA'I STONG NYID DANG, CHOS
RNAMS KYI MTSAN MA GANG YANG

YID LA MI BYED PA'I MTSAN MED DANG, KHAMS GSUM LA SRED PA'I SGO
NAS SEMS MI GNAS PA'I SMON MED KYI RNAM THAR GSUNGS PA DANG,
SKABS BZHI BA'I RNAM PA'I THAD DU, SHES RAB KYI PHA ROL TU PHYIN
PA 'DI NI STONG PA NYID KYI

PHA ROL TU PHYIN PA'O, ,ZHES DANG, DE'I THAD KYI 'GREL CHUNG
LAS, STONG PA DANG BDAG MED PA'I RNAM PA'I NGO BO NYID NI RNAM
PAR THAR BA'I SGO DANG BO'O, ,'GOG PA DANG LAM GYI BDEN PA'I
RNAM PA'I NGO BO NYID NI GNYIS PA'O, ,MI

RTAG PA DANG SDUG BSNGAL BA DANG KUN 'BYUNG BA'I BDEN PA'I RNAM
PA'I NGO BO NYID NI GSUM PA STE, ZHES KUN BTUS KYI BSHAD TSUL
DANG MTHUN PAR GSUNGS PA DANG, THABS MKHAS SBYOR BA'I THAD DU,
SEMS CAN 'DI DAG NI

YUN RING PO NAS PHYIN CI LOG BZHI LA SPYOD SPYOD PA RTAG PAR 'DU
SHES PA DANG BDE BAR 'DU SHES PA DANG BDAG TU 'DU SHES PA DANG
SDUG PAR 'DU SHES PA LA SPYOD SPYOD PA YIN GYI DE DAG GI PHYIR
BYANG CHUB TU SPYAD PAR BYA'O, ,ZHES

SEMS CAN GYI BDAG DANG CHOS SU DMIGS PA SPONG BA'I STONG NYID
DANG, SEMS CAN 'DI DAG NI YUN RING PO NAS MTSAN MA LA SPYOD
SPYOD PA STE, NAS, SEMS CAN RNAMS KYI NYES PA DE DAG MED PAR
BYA'O SNYAM STE, ZHES

@034A *, ,SEMS CAN GYI GZUGS NAS RNAM MKHYEN GYI BAR LA MTSAN
MAR 'DZIN PA SPONG BA'I MTSAN MED DANG, SEMS CAN 'DI DAG NI YUN
RING PO NAS SMON LAM LA SPYOD SPYOD PA STE, 'DI LTAR BRGYA BYIN
DANG,

TSANGS PA DANG, 'JIG RTEN SKYONG BA DANG, 'KHOR LOS SGYUR BA LA
MNGON PAR DGA' 'O, ,NAS, CI NAS KYANG SEMS CAN THAMS CAD KYI
SMON LAM GYI NYES PA DE DAG MED PAR 'GYUR BA DE LTAR CHOS BSTAN
PAR BYA'O SNYAM

STE; ZHES SEMS CAN GYI DE DAG LA SRED PA'I DGA' BA SPONG BA'I
SMON MED KYI RNAM THAR GSUNGS SO, ,'JUG PA LAS, STONG PA NYID
KYI MTSAN NYID NI, ,DMIGS PA MED PA'I RNAM BDEN NYID, ,MTSAN MA
MED PA ZHI NYID DE,,

GSUM PA'I MTSAN NYID SDUG BSNGAL DANG, ,GTI MUG MED CES BDEN
'DZIN GYI DMIGS GTAD KYI RTOG PA'I DRI MAS MAS MA SBAGS PAS RNAM
PAR DBEN PA'I MTSAN NYID CAN GYI STONG NYID DANG, MTSAN MA MA
DMIGS PA'I SGOS ZHI

PA'I MTSAN NYID CAN GYI MTSAN MED DANG, 'DU BYED SDUG BSNGAL GYI
BDAG NYID CAN RNAMS LA SDUG BSNGAL DU LTA BA DANG, DE KHO NA
NYID RTOGS PA'I SHES RAB KYIS 'DU BYED KYI YIN LUGS LA LTA BA NA
SRID PA'I PHUN TSOGS LA

MI SMON ZHING, 'JIG RTEN LAS 'DAS PA'I GO 'PHANG LA YANG, BDEN
PAR 'DZIN PA'I SGOS SMON PA MED PAS SDUG BSNGAL DANG GTI MUG MED
PA'I MTSAN NYID CAN GYI SMON MED KYI RNAM THAR GSUNGS SO, ,'DUS
PA'I RTZA

@034B RGYUD LE'U GNYIS PA LAS, DNGOS PO MED PAS SGOM PA MED,
,BSGOM PAR BYA BA BSGOM PA MIN, ,DE LTAR DNGOS PO DNGOS MED PAS,
,SGOM PA DMIGS SU MED PA'O, ,ZHES PA LA TSUL BZHI'I YIG DON GYI
BSHAD PA'I SKABS

SU BSGOM PA'I BYA BA DON DAM PAR MI DMIGS PAR RTOGS PA'I STONG
NYID DANG, BSGOM PAR BYA BA'I LAS DON DAM PAR MI DMIGS PAR RTOGS
PA'I MTSAN MED DANG, SGOM PA PO DON DAM PAR MI DMIGS PAR RTOGS
PA'I

SMON MED GSUNGS TE, RNAL 'BYOR DAG RIM LAS, SNOD BCUD KYI CHOS
THAMS CAD DON DAM PAR NGO BO NYID MED PAS BSGOM PA DANG BSGOM
PAR BYA BA DANG SGOM PA PO GSUM MI DMIGS PA'I STONG BA NYID DANG
MTSAN MA MED PA

DANG SMON PA MED PA'I RANG BZHIN DU BSAMS LA, ZHES GSUNGS PA
LTAR RO, ,SPYI DON GYI SKABS SU RGYU 'BRAS NGO BO GSUM GYI SGO
NAS GSUNGS PA YUL 'KHOR SKYONG ZHUS KYI DON BSHAD ZIN DANG
MTHUN
ZHING, RGYAS PAR

SGRON GSAL MCHAN DANG BCAS PA LA BLTA BAR BYA'O, ,MNGON BYANG GI
RGYUD LAS, SEMS NI RANG DNGOS MED PHYIR DANG, ,RGYU DANG 'BRAS
BU SPANGS PA'I PHYIR, ,ZHES DANG, SBRU BA THABS KUN BZANG LAS,
NGO BO NYID DANG

BRAL PHYIR STONG BA STE, ,DE BZHIN RGYU DANG BRAL BAS MTSAN MA
MED, ,RTOG PA RNAMS DANG BRAL PHYIR DNGOS PO NI, ,MA LUS SMON PA
LAS NI NGES PAR GROL, ,ZHES RGYU 'BRAS NGO BO GSUM GYIS RNAM
THAR SGO GSUM 'JOG

@035A *, ,TSUL GSUNGS SO, ,DUS 'KHOR DU, DNGOS PO MED PAS SGOM
PA MED, ,CES SOGS KYI RKANG PA DANG POS STONG NYID DANG, GNYIS
PAS SMON MED DANG, GSUM PAS MTSAN MED DANG, BZHI PAS

MNGON PAR 'DU MI BYED PA'I RNAM THAR BSTAN PA DANG, BSDUS RGYUD
DU, STONG BA DNGOS PO'I NGO BO'I RANG BZHIN 'GRO BA MTHA' DAG
'DI NI DNGOS PO DAG GIS RNAM PAR DMAN, ,DE LAS SANGS RGYAS BYANG
CHUB MED CING

GZHAN PHAN SNYING RJE DAG DANG MTSAN MA'I DAM BCA' MED PA STE,
,ZHES RNAM THAR SGO BZHI'I MTSAN NYID GSUNGS PA GNYIS DON 'DRA
BAR 'CHAD DO, ,DE YANG DRANGS MA THAG PA'I RKANG BA DANG POS
STONG BA NYID KYI RNAM THAR TE, 'GRO

BA ZHES PA CHOS TE DE THAMS CAD RANG BZHIN GYIS GRUB PAS STONG
BA RTOGS PA'I YE SHES BSTAN TO, ,RANG BZHIN DAG GIS RNAM PAR
DMAN, ,ZHES BSGYUR DGOS RGYU LA S'ABH'A WA DER MA BSGYUR BAR
DNGOS POR BSGYUR BA MI LEGS

PAR MKHAS GRUB YAB SRAS GSUNGS SO, ,DE LAS SANGS RGYAS BYANG
CHUB MED CING ZHES BAS SMON MED KYI RNAM THAR TE, SANGS RGYAS
KYI BYANG CHUB KYIS MTSON PA'I 'BRAS BU DON DAM PAR THOB BYAR
MED PAR RTOGS PA'I YE SHES BSTAN

TO; ,GZHAN PHAN SNYING RJE DAG DANG ZHES PAS MTSAN MED KYI RNAM
THAR TE, SNYING RJES GZHAN PHAN SGRUB PAS MTSON PA'I RGYU'I
MTSAN MA RNAMS DON DAM PAR MA GRUB PAR RTOGS PA'I YE SHES BSTAN
TE, RVA 'GYUR DU SNYING RJES GZHAN LA

@035B PHAN PA ZHES 'DON PA LTAR BSHAD DO, ,MTSAN MA'I DAM BCA'
MED PA STE, ZHES BAS MNGON PAR 'DU MI BYED PA'I RNAM THAR TE
KHAMS DKAR DMAR GYI DBUS SU RNAM SHES NYING MTSAMS SBYOR BA'I
BYA BAS MTSON PA'I RGYUS 'BRAS BU MNGON

PAR BDU BYED PA'I BYA BYED THAMS CAD RANG BZHIN GYIS GRUB PAS
STONG BAR RTOGS PA'I YE SHES BSTAN PAR MKHAS GRUB THAMS CAD
MKHYEN PAS GSUNGS SO, ,DE DAG LAS MDZOD DU GSUNGS PA DANG BSDU
BA'I BSHAD TSUL LNGA BA

NYAN THOS SDE BA DANG, KUN BTUS DANG SKABS BZHI BA'I RNAM PA'I
MDO 'GREL BA DANG BCAS PAS GSUNGS PA THEG PA THUN MONG DANG,
MDO
SDE RGYAN NAS NYAN SA'I BAR DANG BSDU BA'I BSHAD TSUL GZHAN
RNAMS SEMS TZAM

PA DANG, YUL 'KHOR SKYONG ZHUS SOGS DBU MA BA'I THUN MONG MIN
PA'I BSHAD TSUL DU BZHED PA'I LUGS LTAR SO SO'I MTSAN NYID GZHAG
NA, DANG PO LTAR NA, STONG BDAG MED GNYIS CI RIGS RTOGS PA'I CHA
NAS BZHAG PA'I

RNAM THAR GYI SGO DE, STONG NYID DANG, 'GOG BDEN GYI KHYAD CHOS
BZHI CI RIGS RTOGS PA'I CHA NAS BZHAG PA'I DE, MTSAN MED DANG,
MI RTAG SDUG BSNGAL GNYIS DANG KUN LAM GYI KHYAD CHOS BZHI BZHI
STE BCU PO CI RIGS RTOGS

PA'I CHA NAS BZHAG PA'I DE, SMON MED KYI RNAM THAR GYI MTSAN
NYID DO, ,GNYIS PA LTAR NA, DANG PO'I MTSAN NYID 'DRA ZHING,
'GOG LAM GYI RNAM PA BRGYAD CI RIGS RTOGS PA'I CHA NAS BZHAG
PA'I DE, MTSAN MED DANG, MI 

@036A *, ,RTAG SDUG BSNGAL DANG KUN 'BYUNG GI BZHI STE DRUG CI
RIGS RTOGS PA'I CHA NAS BZHAG PA'I DE, SMON MED KYI RNAM THAR
GYI MTSAN NYID DO, ,GSUM PA LTAR NA, BDAG MED PHRA MO GNYIS GANG
RUNG DU GYUR PA'I

GNAS LUGS MTHONG BA'I CHA NAS BZHAG PA'I DE, STONG NYID DANG,
YONGS GRUB MYANG 'DAS KYI PHAN YON DU MTHONG BA'I CHA NAS BZHAG
PA'I DE, MTSAN MED DANG, MA DAG GZHAN DBANG GI NYES DMIGS
MTHONG
BA'I CHA NAS

BZHAG PA'I DE, SMON MED KYI RNAM THAR GYI MTSAN NYID DO, ,BZHI
BA LTAR NA, SKABS DER LTOS PA'I NGO BO DANG BYA BA CI RIGS BDEN
STONG DU RTOGS PA'I CHA NAS BZHAG PA'I DE, STONG NYID DANG,
SKABS DER LTOS PA'I RGYU

DANG LAS CI RIGS BDEN STONG DU RTOGS PA'I CHA NAS BZHAG PA'I DE,
MTSAN MED DANG, SKABS DER LTOS PA'I 'BRAS BU DANG BYED PA CI
RIGS BDEN STONG DU RTOGS PA'I CHA NAS BZHAG PA'I DE, SMON MED
KYI RNAM THAR

GYI MTSAN NYID DO, ,THAL 'GYUR BA THUN MONG MIN PA LTAR NA,
SKABS DER LTOS PA'I NGO BO DANG BYA BA CI RIGS RANG MTSAN GYIS
GRUB PAS STONG PA RTOGS PA'I CHA NAS BZHAG PA'I DE, STONG NYID
KYI RNAM THAR GYI MTSAN NYID,

DES GZHAN GNYIS LA'ANG RIGS 'DRA, SA MTSAMS DE DANG DE RGYUD LA
SKYES PA NAS SANGS RGYAS SA'I BAR YOD DO, ` ,SPRO NA, KHO NA RE,
MDZOD KYI DE NYAN THOS SDE PA'I LUGS SU BSHAD PA MI 'THAD PAR
THAL, DE GONG  

@036B MAS KYANG KHAS LEN PA'I PHYIR TE, BSDU BA'I BSHAD TSUL
LNGA BA DE DANG MTHUN PA'I PHYIR NA MA KHYAB STE, BSDU BA'I DE
NYAN THOS SDE PA'I BSHAD YAM BKOD PA TZAM YIN PA'I PHYIR, DER
THAL, GSER PHRENG DU MDZOD KYI BSHAD

TSUL BKOD NAS, NYAN THOS KYI LAM GYI DBANG DU BYAS PAS, ZHES
GSUNGS PA'I PHYIR, KHYAB STE, 'DI'I NYAN THOS NI NYAN THOS GRUB
MTHA' SMRA BA YIN PA'I PHYIR TE, GZHAN DU NA SHES BYED MI RNYED
PA'I PHYIR ZER BA DANG,

MUN SEL DU GONG MAS KYANG DE LTAR 'DOD PAR BZHED PA GNYIS SNANG
ZHING, KUN BTUS DANG SKABS BZHI BA'I RNAM PAR BSHAD PA THEG PA
THUN MONG GI LUGS YIN NAM SNYAM MO, ,GUNG THANG RNAM THAR SGO
GSUM DU SEMS TZAM PAS

KYANG STONG NYID GCIG PU LA RNAM THAR SGO GSUM 'BYED TSUL ZHIG
'DOD PA'I SHES BYED DU BYANGS LAS, MED PA KHO NA'I DNGOS PO GANG
YIN PA DE LA NI, BYANG CHUB SEMS DPA' SMON PA'AM MI SMON PAR MI
BYA BAR DE MED PA KHO NAR

YANG DAG PAR JI LTA BA BZHIN DU BLTA BAR BYA STE, ZHES PA DRANGS
MOD, RNAM THAR SGO GSUM DOGS DPYOD DU, LUNG DE DE'I SHES BYED DU
MI 'GRO STE, LUNG DE'I, MED PA KHO NA'I DNGOS PO GANG YIN PA,
ZHES PA'I MED PA NI BDAG LA

BYED CING, DE RNAM THAR GZHAN GNYIS LA MA SBYAR BA'I PHYIR DANG,
LUNG DE'I GONG DE MA THAG TU, DE LA BYANG CHUB SEMS DPA'I STONG
PA NYID KYI TING NGE 'DZIN GANG ZHE NA, ZHES SOGS DRANGS ZIN DE
BYANG ZHING, DE DANG,

@037A *, ,NYAN SAR, DE LA 'DUS BYAS LA SKYON DU MTHONG BA, ZHES
SOGS SNGAR DRANGS PA GNYIS GNAD GCIG PA'I PHYIR, ZHES DPYAD PAS
RNAM RIG PA LTAR NA RNAM THAR SGO GSUM GANG RUNG LA DON DAM
RNAM CAN GYIS

MA KHYAB PAR KHAS BLANGS NA BDE BAR MNGON NO, ,SKABS BZHI BA'I
RNAM PA'I SKABS NYI SNANG, DON GSAL, GSER PHRENG SOGS SU KUN
BTUS LTAR GSUNGS PA NI THUN MONG BA'I LUGS MDZAD TZAM LAS, RANG
RGYUD PA'I LUGS LA

YONGS SBYONG DANG THABS MKHAS SBYOR BA'I SKABS LTAR RNAM THAR
SGO GSUM GANG DON DAM RNAM CAN DGOS SO, ,KHA CIG STONG BZHI PA
SOGS KYI TSIGS BCAD NI DBU MA SNANG BA SOGS SU DRANGS PA MA
GTOGS BKA' 'GYUR DU MED

ZER BA MI 'THAD DE, MDO CHUNG ZUR NA BZHUGS PA DER MED KYANG
DKON BRTZEGS CHOS KYI RNAM GRANGS BCO BRGYAD PA YUL 'KHOR SKYONG
ZHUS LAS RKANG PA PHYI MA GNYIS LA, THUGS RJES THABS TSUL RIGS
PA BRGYA DAG GIS, ,DE DAG

RNAMS NI 'DZUD PAR MDZAD PA LAGS, ,ZHES 'BYUNG BA 'GYUR KHYAD
TZAM LAS 'DIR DRANGS PA DANG GCIG PA'I PHYIR RO, ,KHA CIG NA RE,
LUNG DE'I ZHI BA ZHES PAS MTSAN MED DANG, SKYE BA MED PA ZHES
PAS SMON MED BSTAN PA MA

YIN PAR THAL, SKYE MED KYIS MTSAN MED DANG, ZHI BAS SMON MED
BSTAN PA'I PHYIR TE, 'DUS BYAS KYI CHOS RNAMS DON DAM PAR RGYU
LAS SKYE BA MED PA YUL MTSAN MED DANG, DON DAM PAR 'BRAS BU MI
SKYED PA YUL SMON MED

@037B LA BYED PA'I PHYIR NA MA KHYAB, YANG RTZA RTAGS DER THAL,
SHER MDOR SKYE BA MA MCHIS PA ZHES PA MTSAN MED DANG, 'GAGS PA
MA MCHIS PA ZHES PA SMON MED STON BYED DU YANG SNYING SOGS LAS
SBYAR BA'I PHYIR ZER NA, DE LA SHES BYED

'CHOL DGOS SHING, KHYAB PA YANG MED DE, MA SKYES PA'AM SKYE BA
MA MCHIS PA NI MTSAN MED DANG SMON MED LA SBYOR BA'I SKABS GNYIS
YOD CHOG PA'I PHYIR RO, ,YANG RTZA RTAGS DER THAL, RTZA SHE'I,
'GAG PA MED PA SKYE MED PA, ,

ZHES DANG, SKYE BA NAM YANG YOD MA YIN, ,ZHES PA'I SKYE MED NI
'DUS BYAS RNAMS DON DAM PAR RGYU LAS SKYE BA MED PA LA BYED PA
DANG, SPROS PA NYER ZHI ZHES PA'I ZHI BA'I DON NYER 'TSE KUN
DANG BRAL BA LA BYED PAR DE'I t'IKA CHEN LAS

GSUNGS PA'I PHYIR NA MA KHYAB STE, ZHI BA MTSAN MED LA SBYAR
BA'I GZHUNG TSAD LDAN YOD PA GANG, DE MTSAN MED LA SBYAR NA DE'I
ZLA'I SKYE MED SMON MED LA SBYOR RIGS PA'I PHYIR, DANG PO GRUB
STE, 'JUG PA LAS, MTSAN MA MED PA

ZHI NYID DE, ,ZHES GSUNGS PA'I PHYIR, DES NA GNYAL STON, SER RJE
BTZUN PA, PRA STI, GUNG THANG 'JAM PA'I DBYANGS SOGS KYIS 'DI'I
SKYE MED SMON MED DANG, ZHI BA MTSAN MED LA SBYAR BA LTAR KHAS
BLANG LA, SPYIR YUL

'KHOR SKYONG ZHUS KYI MDO TSIG 'DIS RNAM THAR SGO GSUM BSTAN PAR
MKHAS PA PHYIR BA SA PA RNAMS ZHAL 'CHAM YANG LUNG GONG MA DANG
RIGS PA STOBS CHEN GANG YIN DANG, DE YANG RGYU 'BRAS NGO BO GSUM
DANG SBYAR BA'I RNAM THAR SGO

@038A *, ,GSUM BSTAN PA'I RGYU MTSAN YANG BSAM RIGS SO, ,YANG
SNYING DU NGO BO NYID MA MCHIS PA SOGS KYI MDO NI, RNAM THAR SGO
GSUM SHES PA DANG, ,ZHES PA'I BSHAD BYA'I MDOR GSUNGS KYANG DER
LUNG DE MED CING,

BSGOM BYA BDEN STONG MTSAN MED LA 'JOG PA'I SGRUB BYED DU, GSER
PHRENG LAS, RNAM PAR THAR PA'I SGO MTSAN MA MED PA RDZOGS PAR
BSGOMS PA NYID KYIS GZUGS NAS RNAM MKHYEN GYI BAR LA, ZHES SOGS
DRANGS PA YANG MTSAN

MED SKABS GZUGS NAS RNAM MKHYEN GYI BAR ZHES YUL LA BDEN ZHEN
BKAG PA'I LDOG CHA NAS GSUNGS PA LA DGONGS SNANG YANG, SMON MED
SKABS KYANG DE LTAR SBYAR BAS SHES BYED DU 'GRO LUGS DPYAD DGOS
SHING, SHER

MDO'I RNAM THAR SGO GSUM STON PA'I SKABS GSUM GAR RGYU 'BRAS NGO
BO GSUM LA SBYAR BA'I GSUNG RGYUN SNANG MOD DE GSUM GAR DE LTAR
SBYAR BA MI GSAL LO, ,KHO NA RE, DNGOS PO MED PAS SGOM PA MED,
,CES SOGS KYI YIG

DON SKABS BYA BYED LAS GSUM BDEN MED DANG, SPYI DON SKABS RGYU
'BRAS NGO BO GSUM BDEN MED BSTAN TSUL SGRON GSAL MCHAN DANG BCAS
PAR GSAL YANG SNGA MA RNAM THAR SGO GSUM DANG SBYAR BA MI 'THAD
DE, DE LTAR

SGRON GSAL MTSAN DANG BCAS PAR MI GSAL ZHING, GSANG 'DUS BSKYED
RIM CHEN MO LAS, SPYI DON DU BSHAD PA NA RNAM THAR SGO GSUM LA
SGRON GSAL GYIS BSHAD CING, ZHES SPYI DON DMIGS KYIS BKAR BA'I
PHYIR ZER NA

@038B MA KHYAB STE, SGRON GSAL MCHAN BCAS SU MI GSAL YANG RNAL
'BYOR DAG RIM SNGAR DRANGS PAR GSAL ZHING, DE YIG DON LAS 'OS
MED PA'I PHYIR, DES NA RJE'I GSUNG ZIN GSANG 'DUS BSKYED RIM DU
'DI SPYI DON LA

SBYAR BA'ANG BRTAG PAR BYA'O, ,KHO NA RE, DE'I YIG DON BYA BYED
LAS GSUM BDEN MED DU STON PA LA SBYOR BA MI 'THAD PAR THAL, DE
RGYU 'BRAS NGO BO GSUM BDEN MED DU STON PA LA SBYOR DGOS PA'I
PHYIR TE, BSKYED RIM CHEN

MO LAS, YIG DON DU BSHAD PA NA CHOS RNAMS KYI NGO BO RGYU 'BRAS
GSUM RANG GI MTSAN NYID KYIS GRUB PAS STONG BA DANG, ZHES GSUNGS
PA'I PHYIR NA MA KHYAB STE, DE NI YI GE NOR BA YIN PA'I PHYIR
TE, 'OG TU RGYAS PAR 'CHAD

PA NA YIG DON BYA BYED LAS GSUM BDEN MED DU STON PA LA SBYAR NAS
GSUNGS PA'I PHYIR, RTZA BAR 'DOD MI NUS TE, SGRON GSAL MCHAN
SGRAGS LAS, DE BAS NA GANG BA SGOM PAR BYA BA DANG, GANG GIS
SGOM PA PO DANG,

JI LTAR BSGOM PA GSUM RANG BZHIN GYIS GRUB PA DMIGS SU MED PA
STE, RKANG PA BZHI PO'I DNGOS KYI DON TSIG GI NUS BAS GANG THON
PA BSHAD PA'I YI GE'I DON TO, ,ZHES GSUNGS PA'I PHYIR, YANG
SNYING DU RNAM 'GREL t'IKA CHEN

GYI LUNG DRANGS NAS TSAD 'BRAS GZHAL GSUM DANG BYA BYED LAS GSUM
SBYAR TE GSUNGS PA LA, RNAM THAR SGO GSUM DOGS DPYOD DU, DE YANG
DPYAD DGOS TE, DE LTAR NA STONG NYID LAS DANG, DE RTOGS PA'I
MTHONG LAM

@039A *, ,BYA BA DANG, DE RTOGS PA'I BDEN PA MNGON RTOGS BYED
PAR THAL BAR 'GYUR LA, GZHUNG RNAMS SU TSAD MA DANG GSAR DU MI
BSLU BA'I RIG PA GNYIS MTSON BYA MTSON BYED YIN PA LA DGONGS NAS
BYA BYED

DU BTAGS PA TZAM YIN GYI DNGOS MA YIN PA'I PHYIR TE, GZHAN DU NA
DON BYED NUS PA DNGOS PO'I BYED POR THAL BA'I PHYIR ZHES BRTAGS
PAR MDZAD DO, ,GUNG THANG RIN PO CHES, BYA BA STONG NYID, LAS
MTSAN MED,

BYED PA PO SMON MED LA SBYAR BA, RNAL 'BYOR DAG RIM DRANGS ZIN
PA DANG, BSKYED RIM BLO GSAL DUNG BA'I RE SKONG SOGS KYI BSHAD
PA'I GO RIM DANG BSTUN NA DE LTAR GNAS KYANG, RNAM GZHAG RIM
PA'I RNAM BSHAD

LAS, SGOM PA PO DANG BSGOM PAR BYA BA DANG BSGOM PA LA RANG
BZHIN MED PA'I 'KHOR GSUM MI DMIGS PA STONG PA NYID DANG MTSAN
MA MED PA DANG SMON PA MED PA'I SGO GSUM LA GSUNGS PA'I PHYIR
RO, ,ZHES GSUNGS PA

LTAR RJE'I GSUNG ZIN BSKYED RIM LAS KYANG 'BYUNG BA DANG, BSKYED
RIM CHEN MO LAS KYANG, BSGOM PAR BYA BA DANG, BSGOM PA DANG,
SGOM PA PO MI DMIGS PA'I STONG PA NYID DANG, MTSAN MA MED PA
DANG, SMON PA

ME DANG, ZHES BYUNG BAS DPYAD PAR BYA'O, ,GUNG THANG RIN PO
CHES, 'KHOR GSUM MI DMIGS PAR BSHAD TSAD KYIS BYA BYED LAS GSUM
LA SBYAR BA'I RNAM THAR SGO GSUM BSHAD PAR GSUNGS PA LA, KHA CIG
DE

@039B MA YIN TE, SA BDUN PA'I YONGS SBYONG DU, RNAM THAR SGO
GSUM SHES PA DANG, ,'KHOR GSUM RNAM PAR DAG NYID DANG, ,ZHES DE
GNYIS SO SOR BSHAD PA'I PHYIR DANG, GSER PHRENG LAS, RNAM THAR
SGO GSUM SHES PA NI, NAS,

RNAM PAR THAR PA'I SGO STONG PA NYID DANG MTSAN MA MED PA DANG
SMON PA MED PA YANG DAG PAR SHES PA STE, ZHES DANG, 'KHOR GSUM
RNAM DAG NI, NAS, DGE BA BCU'I LAS LAM LA 'JUG PA STE, ZHES
GSUNGS PA'I PHYIR ZER BA DANG,

KHA CIG ,'KHOR GSUM MI DMIGS PA DANG, RNAM THAR SGO GSUM SBYAR
NAS BSHAD RUNG STE, RNAM GZHAG RIM PA'I RNAM BSHAD DRANGS MA
THAG PA DANG, RJE'I GSUNG ZIN GSANG 'DUS BSKYED RIM LAS KYANG,
SGOM PA PO DANG BSGOM

PAR BYA BA DANG BSGOM PA LA RANG BZHIN MED PA'I 'KHOR GSUM MI
DMIGS PA DANG STONG PA NYID DANG MTSAN MA MED PA DANG SMON PA
MED PA LA GSUNGS SO, ,ZHES GSUNGS PA'I PHYIR ZER PA LA, KHA CIG
,DE SNGAGS LUGS SU RUNG YANG MDO

PHYOGS SU BYA BYED LAS GSUM MA MA 'KHOR GSUM MI DMIGS PA DANG
RNAM THAR SGO GSUM SBYAR NAS GSUNGS PA MED PA'I PHYIR ZER NA
BRTAG GO ,KHA CIG ,'DI'I MTSAN MA NI RGYU RKYANG BAR 'DOD PA MI
RIGS TE, GSER PHRENGS BDUN

PA'I YONGS SBYONG LAS, CHOS RNAMS KYI MTSAN MA, ZHES DE LA CHOS
THAMS CAD KYI MTSAN MA YOD PAR GSUNGS PA DANG, 'DI SKYES PA'O
'DI BUD MED DO ZHES SOGS SEMS CAN GYI MTSAN MA DANG, ZHES GZHAN
DANG MI NOR BA'I KHYAD

@040A *, ,'BYED BYED LA'ANG 'DI'I MTSAN MAR GSUNGS PA'I PHYIR
RO, ,DES NA 'DI'I MTSAN MA LA RGYU DANG, KHYAD 'BYED BYED KYI
MTSAN MA GNYIS SHES DGOS SO, ,DRANG NGES ZUR RGYAN DU RGYU 'BRAS
NGO BO GSUM DANG SBYAR BA'I RNAM

THAR SGO GSUM CHOS THAMS CAD KYI STENG DU GZHAG MI RUNG BAR
BSHAD KYANG, RTAG PA RNAMS LA RANG 'DOGS BYED KYI RTOG PA DANG
CHA SHAS SOGS RANG GI RGYU LTA BU YIN PAS DE BDEN STONG MTSAN
MED DANG, BTAGS CHOS RANG NYID

'BRAS BU LTA BU YIN PAS DE BDEN STONG SMON MED DANG, 'DOGS BYED
KYI RTOG PAS CHOS DE BTAGS PA'I BYA BA BDEN STONG STONG NYID DU
SBYAR NAS BSHAD CHOG GAM BRTAG GO ,RJE BTZUN PAS, CHOS RNAMS KYI
RGYU 'BRAS NGO BO GSUM

BDEN PAS STONG PA LA RIM BZHIN RNAM THAR SGO GSUM DU 'JOG RIGS
PAR, MNGON RTOGS RGYAN LAS, RNAM THAR SGO GSUM SHES PA DANG,
,ZHES DANG, DBUS MTHA' LAS, MTSAN MA MED DANG DON DAM DANG,
,ZHES SOGS KYIS

SBRUB PA LA, KHA CIG ,DE NI BRTAG PAR BYA STE, YUL RNAM THAR GYI
SGO RNAM THAR GYI SGOM YIN PA'I PHYIR TE, LHAG MTHONG CHEN MO
LAS, RNAM PAR THAR BA'I SGO GSUM BSHAD PA DANG, RANG BZHIN GYIS
STONG PAR LTA BA'I LTA BA NYAG GCIG

THAR BA'I SGOR BSHAD PA'I 'GAL BA SPANGS NAS LUNG DANG RIGS PAS
DE NYID THAR PA'I SGOR BSGRUBS SO, ,ZHES LTA BA NYAG GCIG GSUNGS
PA'I DON YOD PA'I PHYIR DANG, GZHAN DU NA SEMS CAN THAMS CAD
RNAM THAR GYI SGO

@040B LA GNAS PAR THAL BA DANG, YUL LTA BA LTA BA YIN PAR THAL
BA DANG, DE 'DOD NA, PHYI ROL BA'I RGYUD NA YANG DAG PA'I LTA BA
YOD PAR THAL BAR 'GYUR BA'I PHYIR RO, ,DES NA YUL RNAM THAR SGO
GSUM CHOS CAN, KHYOD RNAM THAR GYI SGO

YIN PAR THAL, KHYOD LA SKABS DU MAR RNAM THAR GYI SGO ZHES BYUNG
BA'I PHYIR NA MA KHYAB, RTAGS GRUB STE, RGYAN GYI LUNG DRANGS PA
DE'I PHYIR ZER NA DPYAD, GZHAN YANG, THEG CHEN MTHONG LAM BAR
CHAD MED LAM RNAM THAR SGO

GSUM GYI GZHI MTHUN YIN PAS DE GSUM 'GAL BA YANG MA YIN LA, GZHI
GCIG LA LTOS TE DON GCIG KYANG MA YIN NO, ,GUNG THANG RIN PO
CHES, BSGOM PA'I BYA BA NI BSGOM BYA SGOM BYED NYIS TSOGS KYI
STENG NAS 'JOG DGOS PAS

BSGOM PA'I BYA BA BDEN STONG GI NANG DU BDEN STONG GZHAN GNYIS
PA DU BAR GSUNGS KYANG DE LTAR 'JOG DKA' 'AM BRTAG GO ,'ON KYANG
RNAM THAR GZHAN GNYIS STONG NYID KYI RNAM THAR DU 'DU BA NI, KLU
SGRUB KYI BYANG CHUB KYI TSOGS LAS,

RANG BZHIN MED PAS STONG LA STONG PA NI, ,YIN DANG MTSAN MAS CI
ZHIG BYED PAR 'GYUR, ,MTSAN MA THAMS CAD LOG PAR 'GYUR BA'I
PHYIR, ,MKHAS PAS CI STE SMON LAM 'DEBS PAR 'GYUR, ,ZHES DANG,
SMAN ZHABS KYIS

KYANG; DON DAM PAR NGO BOS STONG PA KHO NAR GZHAN GNYIS 'DU PAR
GSUNGS SHING, SNGAGS RIM LAS KYANG, GSUM BSHAD KYANG STONG NYID
KYI RNAM THAR NYID DU GZHAN GNYIS PA DUS SO, ,ZHES GSAL BAR
GSUNGS PA DANG, BZHI 

@041A *, ,BRGYA BA'I 'GREL BA LAS, RNAM PAR THAR PA'I SGO GSUM
YOD MOD KYI, DE LTA NA'ANG BDAG MED PAR LTA BA KHO NA GTZO BO
YIN TE, NAS, DE'I PHYIR BDAG MED PA 'DI NI ZHI BA'I SGO GNYIS PA
MED PA KHO NA YIN NO, ,

ZHES PA GNYIS GNAD GCIG PA LTAR RO, ,GUNG THANG RIN PO CHES, BUM
PA RANG STENG GI STONG NYID STONG PA NYID DANG, DE'I RGYU'I
STENG GI STONG NYID MTSAN MED DANG, DE'I 'BRAS BU'I STENG GI
STONG NYID SMON MED KYI RNAM THAR LA SBYOR YANG,

BUM PA DON DAM PAR MA GRUB PA STONG NYID DANG, DE DON DAM PAR
RGYU LAS MA SKYES PA MTSAN MED DANG, DES DON DAM PAR 'BRAS BU MI
SKYED PA SMON MED LA SBYAR NA BUM PA'I DE GSUM BUM PA RANG STENG
DU 'JOG NUS PAR GSUNGS SO, ,KHA

CIG ,DE MI 'THAD DE, BUM PA DON DAM PAR RGYU LAS MA SKYES PA
YANG BUM PA'I STENG GI STONG NYID MA YIN PA'I PHYIR TE, BUM PA
GZHAN SKYE MED PA BUM PA'I STONG NYID MA YIN PA'I PHYIR, DBU
MA'I MTHA' DPYOD LAS, MYU GU GZHAN SKYE

MED PA STONG NYID MA YIN PAR THAL, MYU GU'I STONG NYID MA YIN
PA'I PHYIR NAM KHYAB, MYU GU SKYE BA'I STONG NYID YIN YANG MYU
GU'I STONG NYID MA YIN PA'I PHYIR, ZHES GSUNGS PA'I PHYIR ZER BA
LA, RJE DES MA KHYAB STE, GZHAN SKYE 'JOG TSUL

NI SKYE BA BTAGS YOD TZAM GYIS MA TSIM PAR BDAG GZHAN GANG LAS
YIN ZHES DPYAD NAS RGYU RANG MTSAN GYIS GRUB PA ZHIG LAS 'BRAS
BU RANG MTSAN GYIS GRUB PA ZHIG SKYE BA GZHAN SKYE'I DON DU 'DOD
PA YIN LA, DE LTAR SKYE BA'I BTAGS

@041B DON BTZAL MTHAR DPYAD BZOD DU MA GRUB PA SKYE BA'I STENG
GI STONG NYID YIN PA NI DBU MA'I MTHA' DPYOD KYI DON YIN PA'I
PHYIR, ZHES RTZOD SPONG MDZAD KYANG DPYAD DGOS TE, DE LTA NA BUM
PA SKYE BA BTAGS YOD TZAM GYIS MTSIM BAR

BUM PA DON DAM PAR RGYU LAS SKYES MA SKYES DPYAD NA BUM PA DON
DAM PAR RGYU LAS MA SKYES PA YANG BUM PA'I STONG NYID MA YIN PAR
'GYUR BA'I PHYIR RO, ,YANG RJE DES, GANG ZAG DON DAM PAR GRUB PA
CUNG ZAD KYANG MED PAR MTHONG NAS

DON DAM PAR SKYES MA SKYES THE TSOM ZA BA ZHIG YOD PAR THAL,
BDAG MED GNYIS KYI RTOGS RIM 'THAD PA'I PHYIR, ZHES GSUNGS PA
LA, MUN SEL LAS, KHYAB PA MED DE, GANG ZAG RANG BZHIN MED PA
RTOGS RJES PHUNG PO RANG BZHIN

YOD MED LA BLO KHA PHYOGS PA TZAM GYIS RANG BZHIN MED PAR RTOGS
KYI, DE LA THE TSOM ZAB MED PAS SO, ,ZHES GSUNGS SO, ,MCHIMS
MDZOD LAS, THOS BSAMS LAS BYUNG BA DANG, 'JIG RTEN PA'I BSGOMS
BYUNG DANG, 'JIG

RTEN LAS 'DAS PA'I BSGOMS BYUNG GI TING NGE 'DZIN GSUM RIM PA
LTAR STONG PA NYID LA SOGS PA DANG, STONG PA NYID KYI TING NGE
'DZIN LA SOGS PA DANG, RNAM PAR THAR PA'I SGO STONG PA NYID LA
SOGS PA YIN NO, ,ZHES GSUNGS

PA'I DON LA, SKABS BZHI BA'I SDOM LAS, MCHIMS MDZOD DANG POR
SGOM DANG GNYIS PA LA, ,BSGOMS BYUNG 'DAS LAM MA BZHAG 'THAD PAR
DKA', ,ZHES PA LTAR DRANG NGES MTSAN DANG RNAM THAR SGO GSUM
DU'ANG BKAG

@042A *, ,KYANG; BSDU BA LAS, GANG DU STONG PA NYID DANG, SMON
PA MED PA DANG, MTSAN MA MED PA BYE BRAG MED PAR GSUNGS PA DER
NI DE DAG THOS PA DANG, BSAMS PA DANG, BSGOMS PA LAS BYUNG BA
NYID YIN PAR

BLTA BAR BYA'O, ,GANG DU DE DAG TING NGE 'DZIN GYI SGRA KHO NAR
GSUNGS PA DER NI DE DAG BSGOMS PA LAS BYUNG BA 'JIG RTEN PA DANG
'JIG RTEN LAS 'DAS PA YIN PAR BLTA BAR BYA'O, ,GANG DU DE DAG
RNAM PAR THAR PA'I SGO'I SGRA KHO

NAR GSUNGS PA DER NI DE DAG 'JIG RTEN LAS 'DAS PA NYID YIN PAR
BLTA BAR BYA'O, ,ZHES GSUNGS PA LTAR, MCHIMS MDZOD LAS KYANG
THOS BSAM LAS BYUNG BA LA STONG NYID SOGS DANG, 'JIG RTEN PA'I
BSGOMS BYUNG LA

STONG NYID KYI TING 'DZIN SOGS DANG, 'JIG RTEN LAS 'DAS PA'I
BSPOMS BYUNG LA RNAM THAR GYI SGO'I STONG NYID SOGS KYI SGRAS
BSTAN PAR GSUNGS PA LAS STONG NYID SOGS KYI SGRAS BSTAN PA LA
THOS BSAM SOGS KYIS KHYAB

PAR MA GSUNGS SHING, STONG NYID SOGS KYIS GRAS BSTAN PA GSUM LA
THOS BSAMS LAS BYUNG BA DANG, 'JIG RTEN PA'I BSGOMS BYUNG DANG,
'JIG RTEN LAS 'DAS PA'I BSGOMS BYUNG GSUM GA DANG, STONG NYID
KYI NYID

'DZIN SOGS KYI SGRAS BSTAN PA GSUM LA PHYI MA GNYIS DANG, RNAM
THAR GYI SGO'I STONG NYID SOGS KYI SBRAS BSTAN PA GSUM LA 'JIG
RTEN LAS 'DAS PA'I BSGOMS BYUNG KHO NA 'JOG PA DRANGS MA THAG
PA'I BSDU BA HA CANG GSAL

@042B BAS MCHIMS t'IKA KYANG DE DANG MTHUN PAR 'GREL DGOS SAM
SNYAM MO, ,DUS 'KHOR BSDUS RGYUD KYIS RNAM THAR SGO BZHI BSTAN
TSUL SNGAR BKOD PA NI MKHAS GRUB DANG G-YAG SDE'I GSUNG LA
BSTUN PA STE, ZHANG ZHUNG BAS, DE LAS

SANGS RGYAS BYANG CHUB MED CING GZHAN PHAN SNYING RJE DAG DANG
ZHES PAS SMON MED DANG, DE MAN GYIS MTSAN MED DANG, RKANG BA
GNYIGS MNGON PAR 'DU MI BYED PA'I RNAM THAR GYI SGO BSTAN PAR
BYAS SAM SNYAM MOD GZHUNG

BRLING BAS ZHIB TU DPYAD DGOS SO, ,G-YAG SDES THAD 'DIR RANG GI
BLA MA'I BZHED PA DANG MTHUN PAR BSHAD GSUNGS KYANG MNGON PAR
'DU MI BYED PA'I RNAM THAR LA, 'GRO BA RNAMS LA PHAN PA'I PHYIR
BDAG NYID SANGS

RGYAS SU BYA'O ZHES SMON PA'I MTSAN MA'I DAM BCA' DAG KYANG DON
DAM PAR MED PA, ZHES GSUNGS PA NI MKHAS GRUB KYI GSUNG DANG
SGRAS ZIN MI MTHUN ZHING, BOD SNGA MA DAG GIS TSUL 'DI LA SNA
TSOGS SMRAS PA RNAMS 'THAD

MI 'THAD ZHANG ZHUNG BA'I SGRUB LE'I 'GREL BSHAD DU BLTA'O,
,SPYOD 'JUG DAR t'IKA LAS, NYAN THOS SDE BA KHA CIG SANGS RGYAS
'THOB PAR BYED PA LA YANG STONG NYID RTOGS MI DGOS PAR MA ZAD
CHOS KYI BDAG MED KYI MING TZAM

YANG KHAS MI LEN, CES GSUNGS PA LA BRTEN NAS, KHA CIG ,BYE SMRAS
STONG NYID KHAS MI LEN PAS RNAM THAR SGO GSUM MI 'DOD ZER BA MI
'THAD DE, LUNG DE'I DON NI NYAN THOS SDE PA RANG GIS 'DOD PA'I
BDEN BZHI KHYAD CHOS

@043A *, ,BCU DRUG DANG BCAS PAR MA 'DUS PA'I STONG NYID CIG
BSGOM RGYU MED PA'I DON DU GUNG THANG RIN PO CHES GSUNGS PA LTAR
YIN PA'I PHYIR TE, BYE SMRAS STONG BDAG MED GNYIS 'DOD PA'I
PHYIR RO, ,SEMS TZAM

PAS KYANG BDEN BZHI'I KHYAD CHOS BCU DRUG RTOGS PA RNAM THAR SGO
GSUM DU BSDUS NAS 'CHAD TSUL SNGAR BSHAD PA LTAR YIN PAS, DE
THAMS CAD RNAM THAR GYI SGOR 'DOD DGOS PAS ZHI SGO BCU DRUG KHAS
LEN KYANG, 'KHOR RTZA BCU

DRUG KHAS LEN MI DGOS TE, KHYOD 'KHOR RTZA YIN NA RANG DANG
'DZIN STANGS DNGOS 'GAL DU ZHUGS PA'I YE SHES DE ZHI SGO YIN PAS
KHYAB KYANG, KHYOD ZHI SGO YIN NA RANG DANG 'DZIN STANGS DNGOS
'GAL DU ZHUGS PA'I LOG ZHUGS DE 'KHOR

RTZA YIN PAS MA KHYAB PA'I PHYIR, RNAL 'BYOR SPYOD PA'I RANG
RGYUD PA'I LUGS LA THEG GSUM GYI RTOGS RIGS MI 'DRA BAR BZHED
PAS ZHI SGO YANG GSUM BZHED PAR GSUNGS PA LTAR YIN PAS, RNAM PAR
MI RTOG PAR BSTOD PA LAS,

SANGS RGYAS RANG SANGS RGYAS RNAMS DANG, ,NYAN THOS RNAMS KYIS
NGES BSTEN PA'I, ,THAR PA'I LAM NI GCIG NYID DE, GZHAN DAG MED
CES BYA BAR NGES, ,ZHES DANG, BZHI BRGYA BAR, ZHI SGO GNYIS PA
MED PA DANG, ,ZHES

PA'I DON SPYIR BDAG MED RTOGS PA'I YE SHES ZHI SGOR BZHAG NAS DE
MA YIN PA'I ZHI SGO MED PA'I DON DU 'GREL DGOS SHING, MDO SDE
SPYOD PA'I RANG RGYUD PAS KYANG THEG PA CHE CHUNG LA RTOGS RIGS
MI 'DRA BA GNYIS BZHED PAS ZHI SGO

@043B YANG MI 'DRA BA GNYIS 'DOD DGOS LA, DE BAS NA ZHI SGO
GNYIS PA MED PAR BZHID PA NI THAL 'GYUR BA KHO NAR NGES SO, ,DE
LA KHO NA RE, THAL 'GYUR BA'I LUGS LA'ANG ZHI SGO GNYIS PA YOD
PAR THAL, DES RNAM THAR SGO GSUM

BZHED PA'I PHYIR DANG, 'JUG PAR GANG ZAG GI BDAG 'DZIN DANG, RIN
CHEN PHRENG BA SOGS SU CHOS KYI BDAG 'DZIN 'KHOR RTZAR GSUNGS
PAS BDAG MED GNYIS RTOGS PA'I YE SHES GNYIS THAR PA'I SGOR 'JOG

PA'I PHYIR ZER NA, MA KHYAB STE, ZHI SGO GNYIS PA YOD NA 'DZIN
STANGS MI MTHUN PA'I DE GNYIS YOD DGOS PA LA DE MED PA'I PHYIR
DANG, BZHI BRGYA BA'I 'GREL BA LAS, GAL TE YANG STONG PA NYID
DANG, MTSAN MA MED PA DANG,

SMON PA MED PA ZHES BYA BA RNAM PAR THAR PA'I SGO GSUM YOD MOD
KYI, DE LTA NA'ANG BDAG MED PAR LTA BA KHO NA GTZO BO YIN TE,
CHOS MA LUS PA BDAG MED PAR RIG CING DNGOS PO THAMS CAD LA CHAGS
PA MA LUS PAR ZAD PA LA

'GAR YANG 'GA' ZHIG GI DON DU GNYER BA'AM MTSAN MAR DMIGS PA GA
LA YOD, DE'I PHYIR BDAG MED PA 'DI NI ZHI BA'I SGO GNYIS PA MED
PA KHO NA YIN NO, ,ZHES DANG, LAM RIM LAS, RNAM PAR THAR PA'I
SGO GSUM BSHAD

PA DANG, RANG BZHIN GYIS STONG PAR LTA BA'I LTA BA NYAG GCIG
THAR PA'I SGOR BSHAD PA'I 'GAL BA SPANGS NAS LUNG DANG RIGS PAS
DE NYID THAR PA'I SGOR BSGRUBS SO, ,ZHES DANG, DE'I THAD KYI PRA
STI'I MTSAN YANG SHIN TU

@044A *, ,GSAL BA'I PHYIR RO, ,GSER PHRENG LAS, RANG SA'I KUN
DKRIS LAS THAR CING DE DANG MI 'DRE BA'I CHA NAS RNAM THAR TU
'JOG GO ,ZHES GSUNGS PA RNAM THAR BRGYAD CES PA'I RNAM THAR GYI
SGRA BSHAD YIN  

LA; 'DI'I RNAM THAR GYI SGRA BSHAD NI MDZOD 'GREL LAS, THAR PA'I
SGO YIN PA'I PHYIR RNAM PAR THAR PA'I SGO, ZHES BSHAD PA LTAR
GANG ZAG GANG DANG GANG THAR PAR BGROD NA 'ANG GANG DU ZHUGS
NAS
BGROD PA'I SGO YIN PAS

NA RNAM THAR GYI SGO ZHES BRJOD PA YIN BYAS PA LA, KHO NA RE,
THEG CHEN MTHONG LAM BAR CHAD MED LAM CHOS CAN, RNAM THAR GYI
SGOM YIN PAR THAL, GANG ZAG GANG DANG GANG THAR PAR BGROD
NA'ANG
GANG DU ZHUGS NAS

BGROD PA'I SGOM YIN PA'I PHYIR NA MA KHYAB STE, MIG SHES 'KHOR
GYI TSOR BA SEMS KUN GYI 'KHOR DU MI 'GRO YANG KUN 'GRO MA YIN
PAR MI 'GYUR BA BZHIN YIN PA'I PHYIR, DES NA THEG CHEN MTHONG
LAM BAR CHAD MED LAM THAR

SGOR 'GYUR TSUL DANG, SPRIN LTA BU'I SEMS BSKYED THEG CHEN LAM
GYI 'JUG SGOR 'GYUR TSUL NI, SPYIR STONG PA NYID RTOGS PA'I YE
SHES THAR SGO DANG, SEMS BSKYED THEG CHEN LAM GYI 'JUG SGO YIN
PAS DE DAG GI BYE BRAG

RNAMS KYANG SGO DE DANG DER 'JOG PA'I DBANG GIS YIN NO, ,RGYA
CHER SPRON 'GRO BA 'KHYAMS ZHES PA'I STENG NAS 'KHOR BA DANG
'KHOR BAR 'KHYAMS TSUL, THUGS RJE MNGA' BA ZHES PA'I STENG NAS
THUGS RJE CHEN PO SO GNYIS DANG

@044B BCU DRUG THUGS RJE DANG SNYING RJE'I KHYAD SPRO TSUL SOGS
SHES PAR BYA'O, ,THABS TSUL DANG, ZHES PAS THABS DANG, RIGS PA
BRGYAD GCES PAS SHES RAB PHUN TSOGS BSTAN ZER BA YOD KYANG,
SNGAR BSHAD PA LTAR GUNG THANG RIN

PO CHE SOGS MKHAS PA MANG POS GSUNGS SO, ,GNYIS PA NI, DE'I
PHYIR RNAM DPYOD, CES SOGS BYUNG, DE LA, DE'I PHYIR, NAS, RAG
LAS SHING, ZHES PA'I BAR GYIS STONG NYID RTOGS PA LA GSUNG RAB
KYI DRANG NGES 'BYED

DGOS PA DANG, DE GNYIS, NAS, MI NUS PA'I PHYIR RO, ,ZHES PA'I
BAR GYIS LUNG TZAM GYIS GSUNG RAB KYI DRANG NGES 'BYED MI NUS PA
DANG, DE'I PHYIR, NAS, LDAN PA'I PHYIR RO, ,ZHES PA'I BAR GYIS
SHING RTA CHEN PO'I RJES

SU 'BRANGS NAS RIGS PAS DRANG NGES 'BYED DGOS PA STE, THAR PA
DON GNYER GYI DPYOD LDAN CHOS CAN, KHYOD KYIS RGYAL BA'I GSUNG
RAB KYI DRANG NGES 'BYED DGOS TE, KHYOD KYIS STONG NYID RTOGS
PA'I THABS LA 'BAD DGOS

PA'I PHYIR TE, DE MA RTOGS NA 'KHOR BA LAS MI GROL BAR SNGAR
BSHAD ZIN PA DE'I PHYIR, RTZA BAR KHYAB STE, STONG NYID RTOGS PA
GSUNG RAB KYI DRANG NGES PHYED PA LA RAG LAS PA'I PHYIR, GSUNG
RAB KYI DRANG NGES 'BYED PA CHOS CAN,

'DI NI DRANG DON NO 'DI NI NGES DON NO ZHES PA'I LUNG TZAM GYIS
NUS PA MA YIN TE, LUNG TZAM GYIS DRANG NGES 'BYED NUS NA SHING
RTA CHEN PO DAG GIS DRANG NGES 'BYED PA'I DGONGS 'GREL BRTZAMS
PA DON MED PAR 'GYUR BA'I PHYIR

@045A *, ,DANG, GSUNG RAB LAS DRANG NGES KYI 'JOG TSUL MI MTHUN
PA DU MA GSUNGS PA'I PHYIR DANG, LUNG LAS DRANG NGES SU GSUNGS
PA TZAM GYIS DRANG NGES KYI KHYAD PAR 'JOG MI NUS PA'I PHYIR,
DANG PO SLA, GNYIS

PA GRUB STE, DBU MA'I SKABS SU 'DREN PAR 'GYUR BA LTAR BLO GROS
MI ZAD PAS BSTAN PAR DRANG NGES MI 'DRA BA BRGYAD DANG, RGYA NAG
'GREL CHEN LAS, BYANG CHUB SEMS DPA'I SDE SNOD CHEN PO'I MDO LAS
NI PHAN TSUN LTOS PA  

RNAM PA DGUS NGES PA DANG NGES PA MA YIN PA'I DON STON PAR MDZAD
DE, ZHES GSUNGS PA LTAR TSIG RGYAS PA DRANG DON DANG, DON RGYAS
PA NGES DON GYI MDOR GSUNGS PA DANG POR BYAS TE SNGA MA BRGYAD
BCAS DGU DANG, YANG DE LAS

'DUS PA CHEN PO'I MDO LAS KYANG PHAN TSUN LTOS PA RNAM PA BDUN
GYIS STON PAR MDZAD PA, ZHES GSUNGS PA LTAR DGU PO DE LAS GNYIS
PA DANG GSUM PA DOR NAS DRANG NGES KYI TSUL BDUN SOGS GSUNGS PA
YOD PA'I PHYIR,

GSUM PA GRUB STE, DON 'DI NI 'DI'O ZHES GSUNGS PA TZAM GYI LUNG
GIS DON DE DE LTAR GZHAG MI NUS PA'I PHYIR, KHYAB STE, SPYI LA
DE LTAR MI NUS NA BYE BRAG DRANG NGES LA'ANG 'DRA BA'I PHYIR, MA
KHYAB MTSAMS KYI RTAGS DER

THAL; LUNG LAS DRANG DON GYI MDOR GSUNGS NA DRANG DON GYI MDO
YIN PAS MA KHYAB CING, DE LAS NGES DON GYI MDOR GSUNGS NA NGES
DON GYI MDO YIN PAS MA KHYAB PA'I PHYIR TE, DGONGS 'GREL DU 'BUM
SOGS DRANG DON GYI

@045B MDOR GSUNGS KYANG DE NGES DON GYI MDO YIN LA, 'KHOR LO THA
MA NGES DON GYI MDOR GSUNGS KYANG DE DRANG DON GYI MDO YIN PA'I
PHYIR, YANG GSUNG RAB KYI DRANG NGES 'BYED PAR LUNG BSTAN PA'I
SHING RTA CHEN PO DAG GIS NGES DON GYI

MDO'I DON GZHAN DU 'DREN PA LA GNOD BYED DANG, DON DER NGES PA'I
SGRUB BYED KYI RIGS PAS DRANG NGES KYI DGONGS PA BKRAL BA ZHIG
GI RJES SU 'BRANGS NAS DGONGS PA 'TSOL DGOS TE, GZHAN DU GSUNG
RAB KYI DRANG NGES 'BYED

MI NUS PAR BSHAD MA THAG PA DE'I PHYIR, DE YANG SGRUB BYED MTHAR
GTUGS NA DRI MA MED PA'I RIGS PA KHO NAS 'BYED DGOS TE, RIGS PA
DANG 'GAL BA'I GRUB MTHA' KHAS LEN NA DE 'DRA'I GRUB MTHA' SMRA
BA BO DE TSAD MA'I SKYES PUR MI

RUNG BA'I PHYIR DANG, CHOS RNAMS KYI KUN RDZOB DANG DON DAM PA'I
DNGOS PO'I DE KHO NA NYID KYANG 'THAD SGRUB KYI RIGS PA'I SGRUB
BYED DANG LDAN PA'I PHYIR RO, ,DE 'DRA'I RIGS PA NI, RNAM RIG PA
LTAR NA, 'DIR BSTAN 'KHOR LO DANG PO

GNYIS KYI SGRA JI BZHIN PA LA GNOD BYED DANG, 'DIR BSTAN 'KHOR
LO THA MA'I DON DENG NGES PA'I SGRUB BYED GNYIS KA RGYA CHER
BSTAN PA DE DAG DANG, DBU MA BA LTAR NA, BDEN GRUB STON PA'I
MDO'I SGRAS ZIN LA GNOD BYED DANG,

BDEN MED GTZO BOR STON PA'I MDO'I DON DER NGES PA'I SGRUB BYED
GNYIS KA RGYA CHER BSTAN PA THAMS CAD DE YIN ZHING, DE LA BRTEN
NAS RGYAL BA'I GSUNG RAB LA DRANG NGES PHYE BA'I TSAD NI RIGS PA
DE DAG LA BRTEN NAS DRANG DON NGES 

@046A *, ,DON GYI GSUNG RAB SO SOR TSAD MAS NGES PA LA BYA'O, `
,SPRO NA, GUNG THANG RIN PO CHES, GSUNG RAB LA DRANG NGES 'BYED
CES PA'I DON NI GSUNG RAB KYI DON LA DRANG NGES 'BYED PA STE
BRJOD BYA DON GYI DRANG

NGES 'BYED PA'I DON YIN ZHING, DE NI GSUNG RAB DPYAD GZHIR BYAS
TE DE'I STENG NAS BDEN GNYIS KYI RNAM GZHAG GTAN LA 'BEBS PA YIN
PAS BDEN GNYIS LA TSAD MA'I STOBS KYIS DRANG NGES 'BYED DGOS PA
DANG, GSUNG

RAB KYI DRANG NGES 'BYED CES PA'I DON NI GSUNG RAB KYI TSIG LA
DRANG NGES 'BYED PA STE RJOD BYED TSIG GI DRANG NGES 'BYED PA'I
DON YIN ZHING, DE NI GSUNG RAB KYI NANG NAS DRANG DON GYI GSUNG
RAB DANG NGES DON GYI GSUNG RAB GANG YIN

SO SOR NGOS BZUNG BA LA BYED PA YIN PAS GSUNG RAB KYI NANG GSES
KYI DBYE BA 'BYED TSUL LAS DON LA DRANG NGES 'BYED MI DGOS PA
DANG, SHING GCOD PA LA ZOR BAS MI CHOG KYANG RTZVA RNGA BA LA
DES CHOG PA LTAR, DON LA DRANG NGES

'BYED PA NI TSAD MA'I STOBS KYIS 'BYED DGOS KYANG TSIG GI DRANG
NGES 'BYED PA LA YID DPYOD KYIS CHOG PAR BZHED DE, DGONGS ZAB
SNANG BA'I SGRON MER, RJOD BYED TSIG GI DRANG NGES 'BYED PA'I
DON GSUNG RAB KYI BRJOD

BYA'I BDEN GNYIS LA SGRA SPYI'I GO BA CHAGS PA'I SGO NAS RJOD
BYED DRANG NGES KYI GSUNG RAB SO SOR NGOS BZUNG BA LA BYED PA
DANG, BSTAN BYA LA GO BA MA CHAGS PAR DE STON BYED KYI MDO LA GO
BA CHAGS PA ZHIG 'JOG DKA' BAS

@046B RJOD BYED TSIG GI DRANG NGES PHYE BA'I TSE BRJOD BYA DON
GYI DRANG NGES LA'ANG YID DPYOD KYIS GO BA CHAGS PAR KHAS LEN
DGOS PA DANG, SHER MDO NGES DON GYI GSUNG RAB TU TSAD MAS RTOGS
PA LA DE'I BRJOD BYA NGES DON YANG RTOGS DGOS

PA DANG, GUNG THANG RIN PO CHES BZHED PA LTAR DON GYI DRANG NGES
'BYED PA LA YID DPYOD KYIS MI CHOG KYANG TSIG GI DRANG NGES
'BYED PA LA DES CHOG PA DANG, DON GYI DRANG NGES YID DPYOD KYIS
NGES PA MED PA DANG TSIG GI DRANG NGES LA TSAD

MAS SGRO 'DOGS CHOD PA MED PA LTA BU'I DON DU MI GO BAR DON DANG
GSUNG RAB GANG LA'ANG DANG POR SGRA SPYI'I GO BA DANG PHYIN SA
BSAMS BYUNG GI TSAD MAS RTOGS DGOS PAR 'DRA YANG, MKHAS PA'I THA
SNYAD DANG BSTUN NA DON GYI DRANG NGES

'BYED PA LA BDEN GNYIS TSAD MAS RTOGS DGOS PAR GSUNGS NAS GUNG
THANG RIN PO CHE'I GSUNG LA ZUR 'DOGS PAR MDZAD CING, MUN SEL
DU, GSUNG RAB LA DRANG NGES 'BYED DGOS NA GSUNG RAB KYI DON LA
DRANG NGES 'BYED DGOS

PAS MA KHYAB PAR GSUNGS SO, ,TSE BRTAN LHA RAMS PAS, GZHUNG LAS
GSUNG RAB KYI DRANG NGES LUNG TZAM GYIS 'BYED MI NUS PA DANG DRI
MA MED PA'I RIGS PAS 'BYED DGOS PAR DNGOS SU GSUNGS SHING, GSUNG
RAB LA DRANG NGES

'BYED TSUL DE LAS LHAG MA GSUNGS PAS GSUNG RAB KYI DRANG NGES
'BYED PA DANG GSUNG RAB LA DRANG NGES 'BYED PA GNYIS KHYAD MED
PA DANG, GSUNG RAB KYI DRANG NGES ZHES PA TSIG TZAM GYI DRANG
NGES KHO NAR BYED DGOS NA MTHAR GTUGS

@047A *, ,NA DRI MA MED PA'I RIGS PAS 'BYED DGOS PAR GSUNGS PA
MI 'THAD PAR 'GYUR BA DANG, DES NA GYI DANG LA'I SGRA LA KHYAD
MED PAR TSIG GI DRANG NGES 'BYED PA LA YID DPYOD TZAM GYIS CHOG
PA DANG, DON GYI

DRANG NGES 'BYED PA LA TSAD MA DGOS PAR BSHAD DO, ,DE LA KHA CIG
GSUNG RAB KYI DRANG NGES PHYE BA DANG GSUNG RAB LA DRANG NGES
PHYE BA KHYAD 'BYED DKA' STE, GSUNG RAB KYI KHYAD PHYE BA DANG
GSUNG RAB LA KHYAD PHYE BA GNYIS KA RJOD

BYED DANG, DON GYI KHYAD PHYE BA DANG DON LA KHYAD PHYE BA
GNYIS
KA BRJOD BYA'I KHYAD PAR NGOS ZIN PA LA BYED DGOS PAR 'DRA BA'I
PHYIR RO, ,DES NA TSIG GI DRANG NGES DANG DON GYI DRANG NGES
GNYIS RIM BZHIN GSUNG RAB DANG BDEN GNYIS LA

BYED DGOS PA NI, GZHUNG LAS, 'DI'I DON GZHAN DU DRANG DGOS MI
DGOS KYI DBANG DU BYAS NAS DRANG NGES 'JOG PA NA GSUNG RAB NYID
DRANG NGES KYI MTSAN GZHIR BZUNG LA, GZHAN DU DRANG DGOS MI
DGOS
KYI DON LA DRANG

NGES SU 'JOG PA NA KUN RDZOB DANG DON DAM LA DRANG NGES SU BYA
STE, ZHES PAS GSAL BAR BSTAN LA, DE KHO NA NYID RTOGS PA'I SNGON
DU DRANG NGES PHYED DGOS ZHES PA TSIG GI DRANG NGES PHYED DGOS
ZHES PA YIN TE, DRANG DON KUN

RDZOB DANG NGES DON DON DAM STON PA'I GSUNG RAB KYI KHYAD PAR
SHES NAS PHYI MA NGOS BZUNG STE DE LA THOS SOGS KYIS ZHUGS PA
LAS DE KHO NA NYID RTOGS DGOS PA'I PHYIR DANG, SPYIR YANG LUNG
RTOGS KYI BSTAN PA RGYU 'BRAS SU

@047B 'GRO TSUL LAM RIM LTAR YIN PA'I PHYIR RO, ,YANG TSIG GI
DRANG NGES SAM GSUNG RAB KYI DRANG NGES DE YANG YID DPYOD DANG
LUNG TZAM GYIS PHYE BAS PHYE BA'I GO MI CHOD PAS TSAD MAS PHYED
DGOS TE, NGES DON GYI GSUNG RAB DON GZHAN DU

'DREN PA LA GNOD BYED KYI RIGS PA DANG DON DER NGES PA'I SGRUB
BYED KYI RIGS PA DRI MA MED PA'I STOBS KYIS 'BYED DGOS PA'I
PHYIR RO, ,KHO NA RE, NGES DON GYI GSUNG RAB NGOS ZIN PA LA NGES
DON DON DAM RTOGS DGOS PAR

THAL, GSUNG RAB DE'I BRJOD BYA MA RTOGS PAR GSUNG RAB DE DE STON
PA'I RJOD BYED YIN PA NGOS MI ZIN PA'I PHYIR ZER NA, MA GRUB
STE, SHING RTA CHEN POS MDO DES NGES DON BSTAN PAR SGRUB PA'I
RIGS PA'I PHYOGS NGES PA DANG,

MDO DE'I RJOD TSUL GYI PHYOGS DANG BRJOD BYAR GSAL NGES NA NGES
DON MA RTOGS KYANG DE DE STON PA'I GSUNG RAB YIN PAR NGES THUB
PA'I PHYIR TE, SHIN LKOG STON PA'I MDO'I DON MA NGES KYANG DE
SHIN LKOG STON PA'I MDO YIN PAR

NGES NAS BSTAN DON LA MI SLU BA YIN MIN GZOD NGES PA BZHIN YIN
PA'I PHYIR DANG, SRID GSUM MI RTAG STON KA'I SPRIN DANG 'DRA,
,ZHES PA'I MDO'I BSTAN DON SPRIN STENG GI RGYUN GYI MI RTAG PA
NGES NAS SRID GSUM MI RTAG PA PHRA MO

MA NGES KYANG DE SRID GSUM MI RTAG PAR STON PA'I MDOR NGES THUB
PA BZHIN YIN PA'I PHYIR DANG, THAR LAM GSAL BYED DU BYANG GROL
GYI LAM MI SHES KYANG DE MKHYEN PA'I YON TAN DANG LDAN PA'I
BSHES GNYEN NGOS ZIN NAS THOG MAR

@048A *, ,BSTEN PAR GSUNGS PA DANG MGO MTSUNGS PA YIN PA'I PHYIR
ZER NA BRTAG GO ,'DUS PA'I RTZA RGYUD LAS, RIN CHEN CHEN PO KHA
DOG LNGA, ,ZHES SOGS KYIS BSKYED RIM GYI PHYAG MTSAN BSGOM PAR
BSTAN

PA DRANG DON DANG, RDZOGS RIM PA'I RLUNG RDOR BZLAS BSTAN PA
NGES DON DU BSHAD PA'I DRANG NGES KYI 'JOG LUGS SOGS NI DBU MA
PA'I LUGS LA RNAM GRANGS PA'I DRANG NGES KYI 'JOG TSUL TZAM LAS,
DRANG NGES KYI 'JOG

TSUL DNGOS NI BDEN GNYIS KYI STENG NAS BYED PA LA MDO SNGAGS MI
'DRA BA MED DO, ,YANG SNYING DU, 'DUS PA'I MTHA' DRUG GI NANG GI
DRANG NGES KYI 'JOG TSUL DBU MA RANG LUGS KYI DRANG NGES 'JOG
TSUL DU KHAS BLANGS NAS,

MDO LUGS THAL 'GYUR BAS DRANG NGES KYI GSUNG RAB KYI GZHI MTHUN
MI 'DONG LA, SNGAGS LUGS THAL 'GYUR BAS DE GNYIS KYI GZHI MTHUN
'DOD DE, MTHA' DRUG GI NANG GI DRANG NGES TSIG GCIG LA DON GNYIS
PHYE STE 'JOG

DGOS PA SGRON GSAL MCHAN DANG BCAS PA DANG, YE SHES RDO RJE KUN
BTUS KYI RNAM BSHAD SOGS SU GSUNGS PA'I PHYIR ZHES BZHED PA LA,
SNGAGS LUGS THAL 'GYUR BA NI KLU SGRUB DANG ZLA BA LTA BU LAS
'OS MED PAS, DE

DAG GI LUGS LA DRANG NGES KYI GSUNG RAB KYI GZHI MTHUN YOD MED
DPYAD NAS ZHIB CHA PHYED DGOS SO, ,BLO GROS MI ZAD PA'I MDO LAS,
MDO SDE GANG DAG LAM LA 'JUG PA'I PHYIR BSTAN PA DE DAG NI DRANG
BA'I DON ZHES BYA'O, ,

@048B MDO SDE GANG DAG 'BRAS BU LA 'JUG PA'I PHYIR BSTAN PA DE
DAG NI NGES PA'I DON ZHES BYA'O, ,ZHES PA'I SKABS KYI DRANG NGES
'JOG TSUL LA, YANG SNYING DU, LAM LA BRTEN NAS 'BRAS BUR DRANG
DGOS PAS DRANG DON DANG, 'BRAS

BU MTHAR THUG GRUB NAS DE LAS GONG MAR DRANG DU MED PAS NGES
DON
DU GSUNGS TE, MTHA' DRUG GI DRANG NGES DANG 'GROS MTHUN PAR
BSHAD DO, ,DE LA, DKA' GNAD BRGYAD KYI ZIN BRIS SU, DE GDUL
BYA'I DBANG DU BYAS

PA'I DBYE BA YIN TSUL DANG, DE'I DON LAM RANG BZHIN MED RTOGS
KYI SHES RAB LA 'JUG PA'I THABS MI RTAG SDUG BSNGAL SOGS STON PA
DRANG DON DANG, 'BRAS BU MYANG 'DAS LA DNGOS SU 'JUG PA'I THABS
RANG BZHIN

MED RTOGS KYI SHES RAB BSKYED PHYIR DON DAM STON PA NGES DON DU
'JOG PAR GSUNGS PAS, BLO GROS MI ZAD PA'I DON, DGONGS ZAB SNANG
BA'I SGRON ME LAS, BRJOD BYA'I DBANG DU BYAS PA'I 'JOG TSUL DANG
DON GCIG PA

'DRA'O, ,ZHES GSUNGS PA LTAR RO, ,BSHAD TSUL DE MTHA' DRUG GI
DRANG NGES DANG 'GROS MTHUN MIN YANG BRTAG PAR BYA STE, MTHA'
DRUG GI DRANG NGES KYI DON NI, SGRON GSAL MCHAN LAS, DBANG PO
DMAN PA TZANDAN LTA

BU LA SOGS PA RNAMS LA GSANG BAR BYA BA'I NGES DON TSIG DE'I DON
LA YOD KYANG DNGOS SU MI STON PAR SBAS TE RGYAL BA YIS BSHAD PA
NI DA DUNG DNGOS ZIN DE MIN PA'I DON GNYIS PA ZHIG DRANG DU YOD
PAS DRANG BA'I DON NO, ,ZHES

@049A *, ,DANG; DRANG DON DU BSHAD PA'I GZHUNG DE NYID KYIS YANG
DAG PA'I DON RDZOGS RIM YAN LAG DANG BCAS PA RAB TU STON PA'I
PHYIR DRANG DON GSUNGS PAR MA ZAD NGES PA'I DON YANG GSUNGS PA
YIN NO, ,ZHES

DANG; YE SHES RDO RJE KUN BTUS KYI 'GREL PA LAS, GZHUNG DE'I
DNGOS ZIN GYI DON DE LAS DA DUNG YANG DAG PA'I DON GZHAN DRANG
DU YOD PAS DRANG DON ZHES BYA LA, DON GZHAN DRANGS PA DE LAS
SLAR YANG DON GZHAN DRANG DU MED

CING DER NGES PAS NGES PA'I DON NO, ,ZHES GSUNGS PA DANG, BLO
GROS MI ZAD PAS BSHAD PA GNYIS 'GROS MTHUN TSUL DKA' BA'I PHYIR
RO, ,YANG SNYING DU, GZHUNG LA SBYAR NA GZHUNG DES DRANG NGES
'BYED TSUL LA BSHAD PA

LAS LHAG MED CING, GANG ZAG LA SBYAR NA GANG ZAG DES DRANG NGES
PHYE MA PHYE TSAD MA'I STOBS KYIS PHYE MA PHYE LA 'JOG DGOS PAS,
PHYI MA LA DBU MA RANG LUGS KYI DRANG NGES 'BYED PA DGOS KYANG,
SNGA MA LA DE LTAR MI DGOS

PAR GSUNGS PA LA, TSE BRTAN LHA RAMS PAS DPYAD TSUL DANG, MUN
SEL DU DE GNYIS KAR DPYAD PA MDZAD TSUL, GZHUNG GI SMRA BA PO
TSAD MA'I SKYES BUR MI RUNG BA'I PHYIR ZHES PA'I TSAD MA'I SKYES
BU'I DON RNAMS KYANG

SHES PAR BYA'O, ,GSUM PA NI, DON GYI DBANG, ZHES SOGS BYUNG, DE
LA TSIGS BCAD 'DI DRI MED 'OD DU DRANGS PA MA GTOGS, LUNG KHUNGS
RTZAR MI CHOD PAS MA GSUNGS PA YIN NAM BRTAG LA, BU STON DPAL
'DZIN

@049B MKHAS GRUB RJE SOGS KYIS RGYAN STUG LAS DRANGS PAR GSUNGS
KYANG RGYAN STUG GI MDO ZHES BOD DU 'GYUR BA 'DIR MI SNANG NGO,
,'DIR DRANGS PA NI RVA 'GYUR LTAR DANG, 'BRO 'GYUR LAS, BSREGS
BCAD BRDAR BA'I GSER

BZHIN DU, ,MKHAS PA RNAMS KYIS YONGS BRTAGS NAS, ,BDAG GSUNG
BLANG BYA DGE SLONG DAG ,GUS PA'I PHYIR NI MA YIN NO, ,ZHES
DANG, 'GYUR GZHAN ZHIG TU, BSREGS BCAD BRDAR BA'I GSER BZHIN DU,
,LEGS

PAR BRTAGS LA NGA YI BKA', ,MKHAS PA DAG GIS BLANG BYA YI, ,DGE
SLONG DAG GIS GUS PHYIR MIN, ,ZHES 'BYUNG NGO, ,LUNG TZAM GYIS
DRANG NGES 'BYED MI NUS SHING RIGS PAS 'BYED DGOS PA'I DON GYI
DBANG 'DI GZIGS

NAS BCOM LDAN 'DAS KYIS CHOS KYI RJES SU 'BRANGS PA'I DGE SLONG
DGAG MA DE LAS GZHAN PA'I MKHAS PA RNAMS KYIS GSUNG RAB LA DPYOD
SKABS, DPER NA GSER RTOG PA'I TSE DANG POR BSREGS PA DANG, DE
NAS BCAD

PA DANG, DE NAS BRDAR BAS GSER DU NGES PA NA NOR GYI MCHOG TU
'DZIN PA BZHIN DU GSUNG RAB GANG DANG GANG LA GZHAL BYA MNGON
GYUR STON PA RNAMS LA MNGON SUM TSAD MA DANG, GZHAL BYA LKOG
GYUR STON PA RNAMS LA DNGOS

STOBS RJES DPAG DANG, GZHAL BYA SHIN LKOG STON PA RNAMS LA YID
CHES RJES DPAG GIS GNOD PA YOD MED LEGS PAR BRTAGS LA GNOD PA
MED PAR MTHONG BA NA, RGYAL BA NGA'I BKA' LAS JI LTAR BSHAD PA
BZHIN NYAMS SU

@050A *, ,BLANG BAR BYA YI, RANG GI STON PA YIN PAS GUS PA TZAM
LA BRTEN NAS GSUNG RAB LAS BSHAD TSAD SGRA JI BZHIN PA DANG NGES
DON DU GZUNG BAR MI BYA'O, ,BSREGS BCAD BRDAR GSUM TSAD MA GSUM
DANG CHOS

MTHUN SBYOR TSUL NI, KA SH'I'I RIGS THIGS KYI PHYOGS SNGA MDOR
BSDUS PA LAS, MNGON SUM GYI DPE NI BSREGS PA DANG CHOS MTHUN PAR
BSTAN PA'I PHYIR RO, ,RJES SU DPAG PA NI BRDAR BA DANG CHOS
MTHUN PAR BSTAN

PA'I PHYIR RO, ,PHAN TSUN MI 'GAL BA NI BCAD PA DANG CHOS MTHUN
PAR YONGS SU BRTAG PAR GSUNGS TE DE YANG RJES SU DPAG PA KHO NA
YIN NO, ,ZHES GSUNGS PA LTAR RO, ,NGA ZHES PA DANG, GUS PHYIR
MIN, ,ZHES PA

BSDOMS PAS, BCOM LDAN 'DAS LA GUS PA TZAM RGYU MTSAN DU MI BYED
PAR GSUNGS PAS GANG ZAG LA MI RTON PA DANG, NGA YI BKA', ,BLANG
BAR BYA ZHES BKA' TSAD MAR BYAS TE NYAMS SU BLANG BAR GSUNGS PAS
CHOS LA RTON

PA DANG, NGA YI BKA', ,ZHES DANG, GUS PHYIR MIN, ,ZHES PA BSDOMS
PAS BKA' LAS GSUNGS PA RGYU MTSAN DU BYAS TE DE LAS BSHAD TSAD
SGRAS ZIN LTAR MI GZUNG BAR GSUNGS PAS TSIG LA MI RTON PA DANG,
BSREGS

BCAD BRDAR BA'I GSER BZHIN DU, ,LEGS PAR BRTAGS ZHES GSER LA
RTOG PA BZHIN GSUNG RAB KYI DGONGS DON LA LEGS PAR BRTAG GSUNGS
PAS DON LA RTON PA DANG, DE DAG GI SHUGS LA DRANG DON LA MI RTON
PA DANG,

@050B NGES DON LA RTON PA DANG, RNAM SHES LA MI RTON PA DANG, YE
SHES LA RTON PA BZHI BSTAN PAS RTON PA BZHI DANG MI RTON PA BZHI
BSTAN TO, ,YANG SNYING DU, BRTAGS LA BLANG BAR BYA, ,ZHES PAS
DON LA RTON PA DANG, BSREGS BCAD

BRDAR BA'I GSER BZHIN DU, ,LEGS PAR BRTAGS ZHES PAS PHYI MA BZHI
BSTAN PAR BSHAD DO, ` ,'DIR, GRUB MTHA' RTZA BA LAS, DRANG NGES
RTON RIGS DGONGS LDEM BZHI BZHIS 'BYED, ,CES PA LTAR GSUNG RAB
LA DRANG

NGES 'BYED PA LA, RTON PA BZHI DANG, RIGS PA BZHI DANG, DGONGS
PA BZHI DANG, LDEM DGONGS BZHI RNAMS GAL CHE BA LAS, RTON PA
BZHI NI, BLO GROS MI ZAD PA'I MDO LAS, BYANG CHUB SEMS DPA'
RNAMS KYI RTON PA

BZHI YANG MI ZAD PA STE, BZHI GANG ZHE NA, 'DI LTA STE, DON LA
RTON GYI TSIG 'BRU LA MI RTON PA DANG, YE SHES LA RTON GYI RNAM
PAR SHES PA LA MI RTON PA DANG, NGES PA'I DON GYI MDO SDE LA
RTON GYI DRANG BA'I DON GYI MDO SDE LA MI RTON

PA DANG, CHOS NYID LA RTON GYI GANG ZAG LA MI RTON PA'O, ,ZHES
GSUNGS PA RNAMS YIN ZHING, MDO SDE RGYAN LAS, GTZUG LAG BRTAN
PA'I CHOS DANG NI, ,DE'I DON DGONGS PA CAN DANG NI, ,NGES DON
TSAD MAR LDAN PA DANG, ,

DE YI BRJOD MED THOB PA'O, ,ZHES RTON PA BZHI DANG, SDONG DANG
JI SKAD BSHAD PA DANG, ,'GOG PAR YANG DAG SHES PA DANG, ,BRJOD
DANG BCAS PAR THOB PA DAG ,'DIR NI DGAG PAR BSTAN PA YIN, ,ZHES
RTON BZHI'I DGAG 

@051A *, ,BYA'AM MI RTON PA BZHI GSUNGS SO, ,DE LA, SA SDE LTAR
GRUB MTHA' CHEN MO RJES 'BRANG DANG BCAS PAR, TSUL 'CHOS CAN LTA
BU CHOS LA MI RTON GANG ZAG LA RTON PA MA YIN PAR CHOS LA RTON
GYI GANG ZAG LA

MI RTON PA DANG, RGYANG PAN LTA BU DON LA MI RTON TSIG LA RTON
PA MA YIN PAR DON LA RTON GYI TSIG LA MI RTON PA DANG, RANG LTA
MCHOG 'DZIN CAN LTA BU NGES DON LA MI RTON DRANG DON LA RTON PA
MA YIN PAR NGES DON LA RTON GYI DRANG DON LA MI RTON

PA DANG, THOS PA LHUR LEN PA'I GANG ZAG LTA BU YE SHES LA MI
RTON RNAM SHES LA RTON PA MA YIN PAR YE SHES LA RTON GYI RNAM
SHES LA MI RTON PA NI GANG ZAG GI SGO NAS DANG, THOS PA'I DUS SU
THOS PA CHUD MI ZA BA DANG, THOS DON

MI BRJED PAR 'DZIN PA'I DUS SU DON MI BRJED PAR BZUNG PA CHUD MI
ZA BA DANG, BSAMS BYUNG GI TSE BSAMS BYUNG GI NGES PA CHUD MI ZA
BA DANG, SGRUB PA'I DUS SU RTOGS PA CHUD MI ZA BA'I PHYIR DE
BZHI RIM PAR BZHAG PA NI DUS

KYI SGO NAS DANG, RIGS PA TSAD MA NI CHOS LA RTON PA DANG, DON
TSAD MA NI DON LA RTON PA DANG, STON PA TSAD MA NI NGES DON LA
RTON PA DANG, YE SHES TSAD MA NI YE SHES LA RTON PA DANG GO DON
GCIG TU BSTAN PA NI TSAD MA'I SGO

NAS DANG, 'CHAD 'GYUR LTAR GANG LA RTON PA BZHI'I SGO NAS DANG,
GANG LA MI RTON PA BZHI'I SGO NAS NGOS 'DZIN PA STE RTON BZHI
NGOS 'DZIN TSUL LNGA GSUNGS PA DANG, YANG SNYING DU, THOS PA
BYED PA LA THOG MAR TSUL 'CHOS

@051B CAN LTA BU MIN PAR CHOS BZHIN SPYOD CING CHOS KYI TSUL
LEGS PAR STON NUS PA'I BSHES GNYEN ZHIG LA BRTEN PA DANG, CHOS
NYAN PA'I TSE RGYANG PAN PA LTA BU MIN PAR BLANG DOR GYI 'JUG
LDOG GI GNAD GTZO BOR BYAS TE NYAN PA DANG,

NYAN BYA'I CHOS TAN THOS SDE GNYIS LTA BU MIN PAR RANG GIS KHONG
DU MA CHUD PA RNAMS NGES DON RTOGS PA GZHAN LAS NYAN ZHING THOS
PAR BYED PA DANG, NYAN PA'I DGOS PA THOS PA LHUR LEN PA'I GANG
ZAG LTA BU MIN PAR THOS PA BYED PA

NA KUN SPONG RNAM DAG GI SGO NAS NYAN PA DGOS PAS DANG PO THOS
PA BYED TSUL YANG RTON BZHIR 'DU BA DANG, BSAM PA'I TSE ZHEN
PHYOGS TZAM MIN PAR TSAD MAR GYUR PA'I STON PA'I GSUNG GI RJES
SU SLOB PA DANG, SLOB TSUL TSIG BZUNG

BA TZAM MIN PAR LUNG DON RIGS PAS DPYAD PA DANG, GTAN LA DBAB
BYA GANG BYUNG GIS MI CHOG PAR NGES DON ZAB MO'I GNAD GTAN LA
DBAB PA DANG, RTOGS PA'I BLO BLOS BYAS KYI STONG PA RTOGS PA
TZAM MIN PAR YANG DAG PA'I

STONG PA RTOGS PA ZHIG DGOS PAS BSA