*, ,CHOS SMRA BA'I DGE SLONG BLO BZANG CHOS KYI RGYAL MTSAN GYI
SPYOD TSUL GSAL BAR STON PA NOR BU'I PHRENG BA ZHES BYA BA
BZHUGS SO, ,

@001A #, ,NA MO GU RU MANYDZU GHO sh'A YA, BTZO MA'I GSER ZHUN
MDANGS KYIS PHYUG PA'I MKHYEN BRTZE'I 'OD ZER STONG 'BAR

BAS, ,GDUL BYA'I MA RIG MUN PA KUN SEL PHAN BDE'I 'DAB BRGYA
BZHAD PA'I DPAL, ,NYAG PHRAN BDAG PO KUN DA'I GNYEN

BCAS GZI 'JOMS NGO 'DZUM GNAG MDZAD PA, ,THUB PA'I NYI MA CHOS
DANG TSOGS BCAS BDAG SNYING MKHA' DBYINGS RTAG BZHUGS

GSOL, ,SANGS RGYAS KUN GYI YE SHES GCIG BSDUS NAS, ,NGUR SMRIG
ZOL GYIS RGYAL BA'I MDZAD PA RNAMS, ,DENG 'DIR BSGRUB

@002A *, ,MDZAD BSLU MED SKYABS KYI PHUL, ,BKA' DRIN MNYAM MED
BLA MA'I TSOGS LA 'DUD, ,SKYON MANG DUG GI TSER MA'I TSOGS
'KHRIGS KYANG, ,YON TAN

YONGS 'DU'I TSAL BZHIN SGRO BTAGS TE, ,DBYAR SKYES RNGA GSANGS
STONG LTAR CHER SGROGS PA'I, ,RNAM THAR TSUL LA KHO BO YID MA
CHES, ,DAM PA'I SNYING LA 'JIGS PA

SBYIN BYED PA, ,DUG GSUM CHANG GIS RAB TU MYOS PA YIS, ,ZLOS GAR
MNGON PAR BSGYUR KYANG TSUL BSTAN ZHES, ,YOL BA'I PHAG TU 'CHEL
LA'ANG BDAG MI DAD, ,MDO

RGYUD DAM PA'I GZHUNG DANG BSTUN PA NA, ,MNGON MTHO'I 'BRAS
BZANG BSKRUN PA'I SA BON KYANG, ,RNAM PAR MYAGS MOD 'ON KYANG
KUN MKHYEN TU, ,RLOM ZHING GSAL BAR

@002B SGROG LA'ANG BDAG MI MGU, GTI MUG MUN PAS YID BSLAD NGO
TSA BRAL, ,BAG MED SMYON PA'I RNAM 'GYUR SNA TSOGS KYANG, ,THEG
MCHOG GSANG BA'I RNAL 'BYOR SPYOD PA CES, ,GYA GYU'I RNAM THAR
TSUL

LA'ANG BDAG MI MOS, ,CHAGS SDANG BRLANG PO'I THUGS RGYUD ZHO
'THUNG BU'I, ,RUS PAR 'GRAN KYANG GSUNG 'JAM ZHI DUL CAN, ,NGUR
SMRIG GIS MDZES TSER MA DANG GTUMS BZHIN, ,'PHYON MA'I

RNAM THAR TSUL LA'ANG BDAG MI DGA', ,DE PHYIR 'CHING BA KUN LDAN
PA, ,BDAG LTA'I BYIS PA'I SKYE BO LA, ,MKHAS RNAMS YID NI DGA'
BYED PA'I, ,RNAM PAR THAR PA GA LA ZHIG ,KHYAD PAR DU YANG

BDAG GI SKYABS GCIG PU, ,ZLA MED STON PA SH'A-KYA'I GTZO BO DES,
,RANG SKYON MI GSANG YON TAN KUN SBED CES, ,LEGS PAR GSUNGS
PHYIR TSUL 'DIR DGA' MA GYUR, ,DE LTA MOD KYI BSER BUS

DBANG BSGYUR SHING BAL 'DAB MA'ANG PAD DKAR MIG CAN BZHON PAR
'GRAN, ,DBYUG GU'I REG PAS NYE BAR BSNUN PA'I PA TRA HA YANG CHU
'DZIN GLAL BA'I DBYANGS BZHIN SGROG ,DE BZHIN DANG LDAN 'DUN

@003A *, ,PA'I SHUGS KYIS YANG YANG BSKUL TSE BDAG NYID KYI,
,SPYOD TSUL JI BZHIN GSAL BAR STON PA'I RTOGS BRJOD NOR BU'I
'PHRENG BA SPEL, ,TSUR ROL MTHONG BAS SNGON DANG PHYI MTHA' YI,
,

BYUNG DANG 'BYUNG TSUL STON PAR MI SPOBS SHING, ,DA LTA'I RANG
GI THUN MONG DANG TSUL LA, ,BDAG NYID MNGON SUM GYUR PAS CUNG
ZAD BRJOD,, ` DE YANG BDAG CAG GANG DU SKYES PA'I YUL

NI, ,SGRA PA SHES RAB RIN CHEN PA'I RNAM THAR DU, LUNG PA KHA
BYANG BSTAN LA LHAN DANG, LHO BSTAN LA LANG 'GRO BZANG BAR BSHAD
PA LTAR, GTZANG RONG GI MTSAMS LHAN GYI NANG DRUG BRGYA ZHES BYA
BA YIN LA,

RIGS NI PHA MES RIM PA'I KHA BRGYUD DU MTSUNGS MED G-YAG SDE
PAn CHEN GYI BRGYUD PA YIN CES PA TZAM ZHIG GRAGS KYANG, DE NYID
JI LTA BU'I RIGS SUM NGES PAS, KHO BOS KYANG RJE BTZUN BLA MA

MKHAS GRUB SANGS RGYAS YE SHES KYI RNAM THAR DU SPRO BAR MA
SPYOD LA, PHYIS G-YAG SDE PAn CHEN GYI RNAM THAR RGYAS PA
MTHONG BA NA, SBA'I RIGS SU GSAL BAR MCHIS PA, DE LTAR NA 'O
SKOL GANGS RI'I

KHROD NA 'KHOD PA RNAMS KYI JO BO CHOS SKYONG BA'I RGYAL PO KHRI
SRONG LDE'U BTZAN GYI SKU RING LA, MKHAN CHEN BYANG CHUB SEMS
DPA' ZHI BA 'TSO DANG, SLOB DPON PADMA SAM BHA BA GNYIS KYIS
MKHAN SLOB MDZAD

@003B NAS, KHA BA RI PA RNAMS LA RAB TU BYUNG BA RUNG MI RUNG
BRTAG PA'I PHYIR, SAD MI MI BDUN RAB TU BYUNG ZHING BSNYEN PAR
RDZOGS PA'I NANG TSAN, SBA YE SHES DBANG PO LA SOGS PA DAM PA
MANG PO NYE BAR BYON PA'I RIGS BRGYUD DU 'DUG ,DE

YANG RGYAL BA BLO BZANG DON GRUB KYI SKU SKYE'I DBANG DU BGYIS
NA, RJE GRUB PA'I DBANG PHYUG DE NYID NI, SKU TSE MANG PO'I SNGA
ROL NAS MKHAS PA DANG GRUB PA DU MA'I SKYE BA BRGYUD MAR BYON
PA, SKU TSE DE NYID LA'ANG GRUB PA'I GO 'PHANGS MTHON

POR GSHEGS PA'I TSUL BSTAN PAS LUNG RTOGS KYI YON TAN NAM MKHA'I
MDZOD LA MNGA' BRNYES PA'I PHYIR, DE NYID KYI BA SBU'I YON TAN
GYI CHA SHAS TZAM YANG KHO BO CAG LA MA MCHIS SHING MNGON SUM
GYIS DRAN PA'ANG MI SNANG MOD,

'ON KYANG SNGON GYI CHOS RGYAL MES DBON RNAM GSUM SOGS, RIGS
GSUM MGON PO SOGS KYI SPRUL PAR GRAGS SHING DON LA'ANG DE LTAR
GRUB KYANG, GDUL BYA RNAMS JO 'BROM YAB SRAS LA GUS PA LHAG PAR
BSKYED PA'I

PHYIR, DE DUS KYI MKHAN SLOB THAMS CAD JO BO RJE DANG, CHOS
RGYAL THAMS CAD 'PHAGS PA SPYAN RAS GZIGS KHO NA'I SPRUL PAR
GSUNGS PA LTAR, RJE GRUB PA'I DBANG PHYUG NYID KYI MTSAN GYI
BYIN GYIS BRLABS PAS BSTAN PA DANG

'GRO BA LA PHAN PAR 'GYUR BA'I THABS MKHAS LA DGONGS PA 'DRA,
BDAG NYID CHEN PO THA MAL GYI SKU'I BKOD PA BSDU BAR PHYOGS PA'I
DRUNG DU, RJE BTZUN SANGS RGYAS YE SHES NYID KYIS DNGOS SU TSIG
GI LAM NAS ZHU BA NI MA

@004A *, ,SPOBS, YID LA GDUNG BA MI BZAD PA SKYES SHING, SKU'I
SKYE BA MYUR DU 'BYON PAR GSOL BA RTZE GCIG TU BTAB PA'I SEMS
KYI RTOG PA THUGS KYIS MKHYEN NAS, DRUNG RAB 'BYAMS PA DE TZAM
GYI THUGS NGAL

MDZAD MI DGOS, ,NGED KYANG SPEL BA'I DE RU MYUR DU YONG, ZHES
GSUNGS PAS SLAR YANG 'JIGS PA DANG MOS PAS YID CHAD CHOD DU SONG
NAS RGYU MTSAN ZHU BA MA BYUNG, SLAR LHA KHUD SPEL BA ZER BA
'DIR RE BA BCAS TE, DOGS PA

TZAM YANG MA BYUNG, PHYIS DRUG BRGYA PA'I SPE'U MTHON PO DE
LA'ANG DGONGS SAM SNYAMS PA DANG, RMI LAM DU'ANG LUNG BSTAN
MTSAR BA ZHIG BYUNG, 'ON KYANG DA DUNG GDENGS MA BKAL BAR, RJE
GLANG MIG PA CHOS KYI RGYAL MTSAN PA

'DI MNGON MKHYEN THOGS MED DU GSUNG BAR BYED PAS MOL MCHING
ZHIB
TU ZHUS PA NA, DRUG BRGYA'I DE SKYE BA GCIG 'PHAR DGOS BYUNG BA
MA GTOGS THE TSOM DGOS PA MI SDOG ,MING KYANG NGED GNYIS MTSUNGS
PA YOD PAS, CHOS

KYI RGYAL MTSAN ZHES 'DOGS PA MDZOD GSUNG BAS, BLO BZANG ZHES
KHO BOS SBYAR BA YIN CES RJE RIN PO CHE SANGS RGYAS YE SHES
GSUNG NGO, ,DE LTAR RGYAL BA BLO BZANG DON GRUB NYID ZAD BYED
CES PA ME STAG LO ZHING GZHAN DU GSHEGS

NAS RING PO MA YIN PAR, BRJOD MA THAG PA'I RIGS DANG, YUL DER,
PHA PHYI 'CHAR DU 'TSO BYED TSE RINGS DPAL 'BYOR DU GRAGS KYANG,
DON GNAS LA GSO BA RIG PA'I YON TAN PHUL DU BYUNG BA DANG LDAN
ZHING, 'PHAGS PA

@004B BRGYAD STONG PA LA RGYUN DU KHA 'DON BYED PA DGE BA'I
NGANG TSUL CAN MES PO DRUNG 'TSE BA KUN DGA' 'OD ZER ZHES BYA BA
DANG, MA NI RANG BZHIN DRANG ZHING GZHAN LA PHAN SEMS CHE BA
MTSO RGYAL CES BYA BA'I MNGAL TU NYING 'TSAMS

SBYAR TE, RAB BYUNG ZHES PA ME YOS SA GA ZLA BA'I TSES BCO
LNGA'I SNGA GRO KHYE'U ZLA BA LTAR DKAR ZHING SNA'I GZENGS MTHO
BA MDZES SHING BLTA NA SDUG PA ZHIG BTZAS NAS, MTHUN PA'I DNGOS
PO DAG GIS SKYED BSRINGS PAS, RDZING

GI PAD MA BZHIN DU SKYED DRAG CING, KUN GYIS MTHONG NA DGA' BA
ZHIG YOD CES GRAGS SO, ,DE LTAR SKYES NAS LO GCIG LHAG TZAM SONG
BA'I TSE, PHA 'TSO BYED DPAL 'BYOR BAR GRAGS PA DE NYID MYOS
'GYUR LA LHAG PAR DGA'

ZHING GDON GYIS BRLAMS PA'I BYED POS DUNG LHA NANG PA'I DPON PO
RGAN PA DMAR GSOD BYAS 'PHRAL, BYIS PA CHUNG NGU DE LUS GNAD
BSRANGS TE 'DUG PA KHRAG CAN GYI LAG PAS PANG DU BLANG ZHING
'KHYUD PAS, SKAD CIG DE 'PHRAL

JI LTAR PADMO GZHON NU LA BA MO'I REG PAS BSNUN PA BZHIN DU LNGA
PA'I MTHA' LA RTEN NO, ,DE'I TSE MA RGAN MYA NGAN GYI ME 'BAR
BAS KUN TU GDUNGS PA'I RMI LAM DU, DZO KI'I RNAM PA RAS KYI
AANGGA RAG GYON PA ZHIG BYUNG NAS, GRIB DANG MI

GTZANG BA LAM 'JEMS PA SPYOD PA RTZING PO'I BYA BA LA DE LAS 'OS
MED, DA SDUG BSNGAL BYAS PAS CI LA PHAN, 'ON KYANG SLAR YANG
GNAS G-YAR PO 'DRA YONG SHAS 'DUG PA, DE LTAR NA BAG YOD PA
GYIS ZER BA ZHIG RMIS, DE NAS

@005A *, ,RING PO MA LON PAR SLAR NYING 'TSAMS SBYAR TE, RAB
MYOS KYI LO LA BYIS PA LUS CHUNG ZHING MDOG SNGO BA, DNGOS NGAN
CING BA SPU'I DRA BAS KHEBS PA ZHIG BTZAS PAS PHA MA DAG KYANG
RMI LTAS SOGS DANG BSTUN

NA 'DI 'DRA MIN PA CIG YONG THANG PA LA ZHES SGROG CING, DNGOS
CAG GI AA LCE YID 'DZIN NA RE AO LO SNGON MA DE SHIB LAS, 'DI
SKYES PA SDUG PA 'DUG CES SMRAS ZHES KYANG GRAGS, ,'ON KYANG
MTHUN PA'I RKYEN GYIS SKYED BSRINGS CING

RMI LTAS MKHAN PO ZHIG GI LUNG BSTAN LTAR, MING CHOS RGYAL DPAL
LDAN BZANG PO CES BYA BAR BTAGS, DE 'DRA BA'I GNAS SKABS SU
GZHAN DAG GIS SGROL MA DANG, SHES RAB SNYING PO SOGS NGAG 'DON
BYAS PA NA, NGAG NAS

SMRA BAR MI NUS KYANG, SEMS LA TSIG 'BRU GO RIMS DANG BCAS PA
GSAL BAR 'CHAR BA TZAM NI BYUNG LA, DRUNG 'TSO BA ZHAG RE BZHIN
MTSAN BRJOD ZHAL 'DON 'CHAG MED MDZAD PA THOS PAS, MTHAR LO GSUM
PA'I SKABS

MTSAN BRJOD BLO LA GSAL BA NGAG TU'ANG GTZANG SING BA 'DON NUS
PA BYUNG ZHING, LO LNGA LON DUS ZHAG RE BZHIN MTSAN BRJOD TSAR
LNGA RE 'DON PA'ANG LAN MANG DU BYAS, DE DUS DBEN DGON PA DPON
SLOB KYIS DBYAR GNAS DRUG

BRGYAR MDZAD, BYIS PA CHUNG NGU DE PHYI ROL TU THABS CI BYAS
KYANG SDOD MA 'DOD PAR, TSOGS KYI NANG DU ZHUGS TE, BKA' BCU PA
DPAL MGON GYI GONG DER 'DUG BA ZHIG YOD PA'I RGYUS, RDO RJE
'JIGS BYED KYI CHO GA DANG, MGON

@005B PO; CHOS RGYAL, LHA MO, PHYAG BZHI PA, GUR, ZHAL RNAMS KYI
BSKANG GSO RNAMS ZHOR THEGS PA ZHIG BYUNG, DGAG DBYE GROL NAS
GRVA PA RNAMS BSOD SNYOMS LA BYON, MKHAS GRUB SANGS RGYAS YE
SHES ZLA BA GCIG TZAM

BZHUGS PA'I JA'I GRAL DU, ,AO LO 'DI DBYAR GNAS KYI RING TSOGS
DKYIL RANG DU SDOD TSUGS CING, YI DAM DANG, BSKANG GSO'I ZHOR
'DEGS KYANG YONG BA 'DUG GSUNGS PAS, DRUNG 'TSO BA CHEN MO NA
RE, 'DI SHES RAB DGA'

RAB YIN PA 'DRA, BDAG GIS KHA 'DON BYAS PA'I RNA CHAGS KYIS, NA
NING LO GSUM PA'I MJUG TU MTSAN BRJOD SHIN TU BYANG BA BYUNG
NAS, KHA SANG SKABS CIG NYIN RE LA TSAR MANG PO 'DON GYI 'DUG
LAGS, DA LTA SKA

GZHOGS SU RGYUGS PHUL DANG GSUNG, DE 'PHRAL DU YE SHES YON TAN
BZANG PO'I BSTOD PA SNGON DU BTANG, RGYA GAR SKAD DU NAS MNGON
PAR BSTOD DO'I BAR DANG, MJUG TU SHES BYA'I MKHA' DBYINGS LA
SOGS GTZANG

BSING BA ZHIG BSHAR BAS, RJE RIN PO CHE SHIN TU DGYES NAS 'DON
KHYER DAG CING BYANG BA 'DUG ,BTZUN PA ZHIG BYED DGOS PA YIN,
BTZUN PA LEN MI LEN YONG BLTA'O GSUNGS NAS DBU PAn DE PHUNG KHO
BO'I MGO LA G-YOGS

NAS BTZUN PA LEN PO YONG BA 'DUG CES GSUNGS SHING BZHAD GNANG
BAS, PHYIS RAB TU BYUNG ZHING BSNYEN PAR RDZOGS PA'I RTEN 'BREL
BSGRIGS SHING BYIN GYIS BRLABS PAR 'DUG ,RANG LO LNGA LA PHYOGS
PA'I TSE BDE

@006A *, ,GSHEGS BDUN GYI CHO GA BZUNG STE DUS BZANG RNAMS LA
'CHAG MED DU STON, DE NAS RDOR GCOD ZHIG YANG YANG BKLAGS PAS,
KLOG BYANG BA DANG KHONG DU CHUD PA MNYAM DU BYUNG, DUS DE
SKABS
MKHAS

GRUB SANGS RGYAS YE SHES KYANG STON DUS PHAL CHER DRUG RGYAR
BZHUGS PAS, TSE DBANG, MGON PO PHYAG DRUG PA'I BKA' RDZOGS PA,
RTA MGRIN GYI RIM PA MANG PO'I RJES GNANG, RTA SPOD KYI LUNG,
RIGS GSUM MGON PO,

SGROL MA, RNAM RGYAL 'DZOMS, CHOS SKYONG MANG PO'I RJES GNANG
SOGS DBANG LUNG MANG DU THOB CING, SKYED TSAL BA'I DGE BA'I
BSHES GNYEN CHEN PO RIN PO CHE GRANGS CAN PA BYE GLING GI BLA MA
MDZAD, DGE BA'I BSHES GNYEN SKU

YON CHE ZHING BTZUN PAS PHA MA RNAMS KYANG MOS SHING, RIN PO CHE
SKU CHAS SHIN TU BKREN PA NAS DRUG RGYAR YANG YANG GDAN 'DREN
CING, RGYUN RINGS BZHUGS PAS, BRGYAD STONG PA SOGS SHAR PHYOGS
DANG, MDO MANGS

DANG, 'DUL BA LUNG DANG, RGYUD 'GA' ZHIG SOGS LUNG SHIN TU MANG
BA DRUNG 'TSO BA CHEN MO SOGS DANG LHAN CIG ZHUS, MES PO DRUNG
'TSO BA NYID KYI DRUNG DU PHU'O DRUNG 'TSO BA RTA MGRIN BZANG
POS RIGS BRGYUD KYI BSRUNG MA, DRANG

SRONG CHEN PO R'A HU LA'I RIGS GTANG, GDAMS PA YONGS RDZOGS KYI
LUNG, ZHANG BLON GYI RJES GNANG, BSGRUB SKOR DANG RGYUD BZHI'I
LUNG SOGS SMAN DPYAD KYI SKOR GYI DBANG LUNG ZHU YI 'DUG PA
RNAMS KYANG ZHOR LA NYAN, LO

@006B BDUN PA'I DUS SU 'GRAM SO GNYIS GSAR DU SKYES PAS, DE GONG
DU SKYE BO 'GA' ZHIG PHAG 'GRAM SKYES NAS TSE PHYED SONG, ZER BA
THOS SHING, 'DI YANG PHAG 'GRAM YIN 'DUG LA, DE LTAR NA MYUR DU
'CHI BAR 'GYUR BA GDON

MI ZA'O SNYAM DU 'CHI BA RTZOL MED DU DRAN PA YUN RING PA'I BAR
BYUNG, SBYIN PA 'JIG RTEN PHYI MAR NOR BCOL LEN PA DANG 'DRA
SNYAM, BDAG NYID KYI KHA ZAS LA BGO BSHA' BYAS SHING, BZA' BTUNG
SOGS NGOS DANG, LKOG DU BRKUS NAS, SLONG

MO BA DANG, KHYI DANG BYA BYI'U SOGS LA BYIS PA'I BLOS CI LCOGS
BYIN CING, PHYI MA'I RTEN BZANG BA TSUL KHRIMS LA RAG LAS PA'I
RNAM DBYE'ANG CUNG ZAD SHES PAS, GZHAN NI MA SPOBS DUS BZANG
RNAMS LA, MI DGE BCU LA SDOM

SEMS RTEN GOMS YANG YANG BYAS, SPYIR NA BYIS PA CHUNG NGU'I GNAS
SKABS NAS, RAB TU 'BYUNG KHA'I BAR RANG BZHIN GYI KHA NA MA THO
BA GZHAN LTA ZHOG ,BSAMS BZHIN DU SROG CHAGS GROG SBUR PHRA MO
BKUGS PA TZAM YANG

DRAN LAM DU MA MCHIS SO, ,DE DUS KHYIM DU 'DUG PA LA BTZON RA'I
'DU SHES YOD PAS, 'GA' ZHIG GI RTZAD MO DANG, BYAS PA'I ZHEN PA
BSREGS PA'I PHYIR KHYIM DU 'DUG DGOS PA DANG, MCHIL BRANG LEN PA
SOGS KYI

GTAM SMRAS TSE GTING NAS KHROS SHING DU BAR NUS SPYIR RAB TU
BYUNG BA DANG, KHYAD PAR DBEN DGON PA'I DGE SLONG DAG BYUNG BA
NA LHAG PAR DGA' ZHING, RANG DBANG 'DUS NA DE DAG DANG 'GROGS
NAS 'DUG PA LA SKYO BA MI YONG, ,

@007A *, ,BTZUN PA'I BAG CHAGS BZANG BA ZHIG 'DUG PAS NGAL BAR
RTZE BA'I DUS SU, RDUL GZAN SHAM THABS SU BYAS, DRUNG GNAS TSUL
KHRIMS PA'I ZHVA SER BSAMS BZHIN BLANGS NAS GYEN TE BYIS PA MANG
PO'I

DBUS SU, RES 'GA' CHOS 'CHAD NYAN, RES 'GA'I BGRO GLENG, RES
'GA' GLA TSANG 'JUGS PA LTA BU'I RTZED MO 'BA' ZHIG BYED PA NI,
BDAG DANG DUS MNYAM PA'I SKYE BO MANG PO LA MNGON SUM DU GYUR
PA
LAGS SO, ,

DE NAS RIM GYIS SNA TSOGS ZHES PA'I LO MGO NA TSOD RANG LO BCU
GSUM PA'I NGO MTHONG BA'I TSE NYE DU LA SOGS PA'I 'CHING BA MED
PAR MA ZAD, DE DAG GIS MTHUN PA'I RKYEN NYE BAR SBYAR TE CHO
'PHRUL RTA'I ZLA BA'I TSES BCU'I NYIN

KHYIM NAS 'THON TE, DBEN SA CHOS KYI PHO BRANG DU SLEBS, ZLA BA
DE KHA'I TSES BCU GSUM LA RGYAL PHUR 'DZOM PA'I 'GRUB SBYOR THOG
,MKHAS GRUB CHEN PO RJE BTZUN SANGS RGYAS YE SHES KYIS MKHAN
SLOB ZUNG 'BREL DU MDZAD

NAS GRIB TSOD NYI MA'I BRGYAD CHA SHAR BA LA TSIGS SNGA MA DGE
TSUL GYI SDOM PA LEGS PAR THOB CING BLO BZANG CHOS KYI RGYAL
MTSAN ZHES PA'I MING STZAL, RAB TU BYUNG 'PHRAL DU MKHAN SLOB
TSOGS PA DANG BCAS PA RAB STON GYA NOM

PAS MNYES PAR BYAS SO, ,DGONG JA'I THOG TSOGS LA BYIN RLABS NYE
BRGYUD KYI BLA MA'I RNAL 'BYOR LAM GYI GNAD TSANG BA SHIN TU ZAB
CING RGYAS PA ZHIG GNANG, ZLA BA DE'I GSUM MCHOD DANG BSTUN SMAN
THANG PA CHOS KYI RJE

@007B DKON MCHOG LHUN GRUB PAS SNGON NAS GSOL BA BTAB 'DUG PA
LTAR, DPAL GSANG BA 'DUS PA'I DKYIL 'KHOR DU DBANG BZHI YONGS SU
RDZOGS PA THOB, DPYID RJE RIN PO CHE GZHAN DU PHEBS SKABS,, `
RJE BTZUN TZONG KHA

PA'I GSUNG 'BUM GNANG NAS BSTOD CHEN BZHIR GRAGS PA SOGS GZUNG
ZHIG GSUNGS, DE DAG 'DZIN PA LA 'BAD RTZOL CHER MA DGOS PAS,
BKA' GDAMS LHA BZHI DANG, 'JAM DBYANGS RIGS 'GA' ZHIG DANG,
KHYAD PAR

DBANG MA THOB KYANG, 'JIGS BYED DANG, MGON PO PHYAG DRUG PA'I
BSNYEN PA GCIG DRIL DU MA BYUNG KYANG, RGYUN BSNYEN GYI TSUL DU
BYAS, DE'I TSE YI DAM DANG CHOS SKYONG GI GZUNGS MANG TZAM BZLAS
RES KYIS RMI LAM DU, DUR KHROD 'JIGS

SU RUNG BA DANG, KHRO BO DANG, GCAN GZAN SNA TSOGS PA'I RNAM PA
'BYUNG BA DANG, DNGOS SU YANG 'KHRUL SNANG MCHOG DMAN DU MA
'CHAR ZHING, SKYE BO 'GA' ZHIG GI NYES LEGS KYI MTSAN MA CUNG
ZAD NGES PA YANG BYUNG BA LTAR, BYIS PA'I RGYUS

DE DANG MTSUNGS PAR THAR THOR SMRAS PAS DBEN DGON PA'I DGE SLONG
'GA' ZHIG 'DI NI 'BAL LA BA ZHIG KYANG BYED KYI 'DUG CES GLENG
BA BYUNG, DBYAR CHOS LA LAM RIM 'KHRID DANG SBYAR NAS TSOGS CHOS
SU GSUNGS PA BSGRIMS TE NYAN,

DBYAR THOG DE LA DBEN DGON DU 'JIGS BYED KYI SGRUB MCHOD THOG
MAR TSUGS THOG ,TSOGS PA LA RDUL TSON GYI DKYIL 'KHOR DU YI DAM
GYI DBANG BZHI RGYAS PAR GNANG BAS, DBANG DON BRNGA 'PHROD CING
DMIGS RIM SHIN TU GSAL

@008A *, ,BA DANG DBANG BSHAD NYAN STOBS KYIS BLA MED SPYI'I
DBANG GI RNAM GZHAG PHAL CHER CHAGS PA ZHIG BYUNG, DE'I STON
GROGS STOBS KYIS, BKA' GDAMS GLEGS BAM CHA LAG DANG BCAS PA, JO
BO'I LAM YIG

RGYAS BSDUS, SHAR BA'I LAM RIM, RGYAL SRAS BKA' 'BUM, LAM MCHOG
RTZA 'GREL RNAMS KYI LUNG YONGS SU RDZOGS PA THOB, DE NAS DGUN
STOD RJE RIN PO CHE DPON SLOB RI BO DGE 'PHEL DU PHEBS, BDAG CAG
DBEN DGON RANG

DU 'DUG NAS RIS MED PA'I DAM PA MANG PO'I RNAM THAR NYIN MTSAN
KHOR YUG TU BLTAS PAS PHYOGS MED KYI BSTAN PA DANG DAM PA RNAMS
LA CHOS KYI RJES SU 'BRANG BA'I DAD PA THOB CING SEMS 'KHRUL BA
DANG, BDAG NYID KYANG DAM PA

RNAMS KYI RNAM THAR 'DZIN PA'I DAM BCA' BRTAN PO DANG SPRO SHUGS
'PHEL BAR GYUR KYANG, KHA 'DON DANG 'DZIN SHAR SOGS LAS CUNG ZAD
G-YEL TZAM BYUNG BAS, PHYIS DPE 'CHAL BAR CHOD KYI RGYU YIN
GSUNG BKA' BKYON PA

ZHIG BYUNG, DE SKABS ZHI GNAS BKA' BCU PA TSUL KHRIMS PA DANG
SNGA PHYI'I LO RGYUS, DAM PA MANG PO'I MDZAD SPYOD, GZHAN YANG
CHOS DANG MTHUN PA'I 'BREL MCHING MANG DU BYUNG BAS, KHONG KHO
BO LA SHIN TU MOS PAR GYUR TE, KHONG

RANG GI SPYIL BOR BOS, JA GUNG BZANG BA ZHIG DRANGS, ZHA THUL
SER PO LEGS PA GCIG PHUL NAS CHOS 'BREL ZHIG CIS KYANG DGOS
GSUNGS, NAN SHIN TU CHE BAS, BLA MA'I RNAL 'BYOR ZHIG BYAS, DE'I
RKYEN GYIS DGE SLONG GZHAN 'GA'

@008B ZHIG GIS KYANG NAN GYIS CHOS 'BREL DANG BYIN RLABS ZHUS PA
NA, DBEN DGON PA BYING SOS KYANG MGRIN GCIG TU RGYAL BA BLO
BZANG DON GRUB KYI SKU'I SKYE BA YIN PA'I KHUNGS KYIS TSOGS PA
SPYIS BYIN RLABS ZHUS CHOG PA'I DGONGS PA ZHU BAR

'DUG ,KHO BO CAG RANG NGOS NAS NI RJE GRUB PA'I DBANG PHYUG DE
NYID KYI SPRUL PA YIN PA DRAN YUL DU YANG MI SNANG ZHING, YID LA
GSAL BA LTAR GZHAN SU GANG LA YANG RGYU MTSAN CAN CUNG ZAD
SMRAS
PA YANG MED LA, DER MA ZAD TSE 'DI LA BLTAS

PA'I YANG, LTA BA'I GDENGS DANG, BSGOMS PA'I NYAMS, BSLABS PA'I
SHES RGYA GANG YANG MA MCHIS MOD, 'ON KYANG DE SNGA GANG DANG
PHYIS NAS KYANG, 'DI NANG GI 'DOD PA LA ZHEN PA SPANGS NAS, GZHI
TSUL KHRIMS RNAM PAR DAG PA LA

GNAS BCAS, RE SHIG MDO SNGAGS KYI THOS BSAM PHYOGS RER MA SONG
BA ZHIG BYAS, DBUS GTZANG GI LJONGS 'DIR PHYOGS RIS SU MA SONG
BAR SKYES BU DAM PA RNAMS KYI ZHABS LA GTUGS TE, GSUNG GI BDUD
RTZI'I BGO SKAL LA

SPYAD NAS, 'DU 'DZIS DBEN PA'I NAGS KYI SMAN LJONGS RNAMS SU TSE
DANG BSGRUB PA SNYOMS PA ZHIG CIS KYANG BYED SNYAM DU BLO LA
BCOS MIN DU 'CHAR BA ZHIG YOD PA'I YANG GEGS DANG, GTZO BOR
'PHAGS PA MO'U 'GAL GYI BU'I

YAN LAG DANG NYING LAG ,KUN TU RGYU DAG GIS BCOM PA NA, LAS KYI
DBANG GIS RDZU TZAM YANG MA DRAN NA 'PHRUL LTA SMOS KYANG CI
DGOS GSUNGS PA LTAR, DE'I TSE SNGON LAS KYI ZIL GYIS NON PAS,
RJE BLA MA LA SENG BKROL DANG BCAS

@009A *, ,TE DGONGS PA ZHU BAR YANG MA SPOBS, THAM THOM GYI
NGANG NAS NYI MA CES PA CHU LUG ZLA BA GNYIS PA'I TSES GSUM GYI
NYIN, BSLAB GSUM LDAN PA'I DGE SLONG RI KHROD PA 'DUS PA'I TSOGS
KYI DBUS SU MI

'JIGS PA'I KHRI LA BKOD DE RJE'I ZHAL SNGA NAS NYID KYIS SHIS PA
RGYAS PAR BRJOD CING ME TOG GTOR NAS BYIN GYIS RLABS, DE'I TSE
NAM MKHA' SHIN TU DANGS PA LA ME TOG KHA DOG SNA LNGA PA'I CHAR
BABS PA, THOG MAR DGE

BSHES DPAL 'BYOR SOGS MTSAMS PA RNAMS KYIS MTHONG NAS, PHYIS
TSOGS PA THAMS CAD KYIS NGES 'DUG PA, RJE BLA MA NYID KYI THUGS
RJER GO ,DE'I TSES BRGYAD LA DBYANGS CAN DKAR MO'I RJES GNANG
ZHUS, GNANGS NYIN

TSES BCU LA RJE'I ZHAL SNGA NAS DPON SLOB NYANG PHYOGS LA PHEBS
KHAR DPYID 'DI LAM RIM 'BRING PO BZUNG NA LEGS PAS ZUNGS GSUNG
BA LA, SNGON TU DBYANGS CAN MA'I BSNYEN PA ZHIG BYAS, DE RJES
'DZIN PAR ZHUS NAS, THOG

MAR BSNYEN PA ZHAG BDUN BYAS PAS NYAMS DANG RMI LTAS BZANG PO
'GA' ZHIG BYUNG CING, TSE 'DIR DE GONG DU SNYAN DNGAGS SOGS LA
SBYANGS PA MA BYAS NA'ANG, THUN MTSAMS SU LHA MO'I BSTOD PA
RTZOM 'DOD CING BLO LA

'CHAR BA ZHIG BYUNG BAS 'DI LTAR THOGS MED DU BRIS, ` ,,NA MO
SVA RA SVASTI Y'A, SGRA DBYANGS LHA MO DBYANGS CAN MA LA BSTOD
PA LHA'I GLU DBYANGS ZHES BYA BA, BCOM LDAN 'DAS NGAG GI DBANG
PHYUG LA PHYAG

@009B 'TSAL LO, ,DBANG SNGON ZHU BA 'KHYIL 'DRA'I YID BZHIN
MTSO, ,DAL GYI RLABS 'PHRENG DBU BA'I 'DZUM DKAR CAN, ,CHU SKYES
BLA BRES BRGYAN PA'I CHU GTER NGOGS, ,TZA SHA GZHON NU'I KHA DOG
LTAR BKRA BA'I, ,YID 'PHROG

BEEd'UR SNGON PO'I NE'U SING STENG, ,ZLA BA NOR BU'I DO SHAL
BKRAMS PA NI, ,'CHI MED LAM DU SKAR TSOGS GSAL BA BZHIN, ,MARKA
TA YI KHU BA BYUGS 'DRA BA, ,YID 'ONGS RKANG 'THUNG MDZES PA'I
LAG GNYEN NI, ,DAD PA'I

SER BU'I PHO NYAS BSKUL BA NA, ,CHAGS LDAN YID DBANG 'GUGS PA'I
G-YAB MO BZHIN, ,GSAR PA'I LANG TSO RGYAS PA'I PADMO RNAMS,
,LDEM LDEM GAR BSGYUR GE SAR ZE'U 'BRU RGOD, ,ME TOG SBRANG
RTZIS BYUGS PA'I LDING

KHANG DU, ,BUNG BA GZHON NU MGRIN PA'I RGYUD MANG BSGRENG, ,NE'U
TZO'I GSHOG PA LTAR MDZES NAGS TSAL GYI, ,PHUN TSOGS GZHAL MED
KUN DGA' BSKYED PA'I DBUS, ,PAD DKAR LAN TSAR G-YO BA'I LTE BAR
NI, ,BDUD RTZI'I

'OD CAN GZI BYIN RGYAS PA'I STENG, ,'BUM PHRAG NAM MKHA'I NOR
BU'I 'OD STONG GIS, ,RAB MYOS KEE LA SHA YI RDUL BRTZEGS LA,
,'KHU LDAN DUNG GI 'KHRIL SHING MDZES MA 'DI, ,LTA BYED BDUD
RTZI MA LUS SPUNGS PA BZHIN, ,BSIL

'OD BDAG PO'I PHYED PAS THOR TSUGS DANG, ,THOR TSUGS NAM MKHAR
BSGRENG BAS ME TOG 'PHRENG, ,SPEL LEGS ME TOG 'PHRENG BAS GSIL
MA'I SKU, ,KUN KYANG GDUGS DKAR YAN LAG MCHOG GIS MDZES, ,DPAL
LDAN NAM

@010A *, ,MKHA'I LUS CAN KHYED NYID KYIS, ,'DREN BYED YON POR
'KHYOG PA'I SGRO LDAN NI, ,PANYTZA RDZOGS PA CI SMOS GCIG GIS
KYANG, ,DPAL RKANG YID KYI BSTAN PA RDO RJE'I GO ,LAN BRGYAR
'BIGS NA DE LAS GZHAN

PA'I CI, ,MCHU SGOS BYU RU'I SKYED TSAL NYAMS DGA' BAR, ,CHU
SHEL GSAR PA'I SPU LONG PHANG PHUNG LA, ,'GONGS PA'I TSEMS DKAR
'PHRENG BA TSAR DU DNGAR, ,SNYAN TSIG GRE 'GYUR GDANGS KYIS SGRA
'DZIN GYI, ,DBANG PO RNAM PAR

BZHAD PA'I BCUD LEN 'DIS, ,DRI ZA'I NA CHUNG MKHAR NYAL GNAS
BROS SHING, ,GSER MNGAL SKYANGS NAS BSAM GTAN ZOL LA BRTEN, ,RIN
CHEN SOR GDUB MDZES MAS DAM 'KHYUD PA'I, ,PHYAG ZUNG 'JAM MNYAN
KA MA LA YI

STENG, ,'PHANG 'GRO'I RNGA BSANG DBYAR SKYES DBYANGS BZHIN SGROG
,'KHRANG ZHING RAB RGYAS NU MA'I KHUR 'CHANG BA, ,SMIN LEGS NA
CHUNG GTZUG RGYAN KHYOD KYIS NI, ,LUS CAN CHAGS PA'I BSAM GTAN
LA 'GOD NA, ,'DI LAS

GZHAN PA'I YID SRUBS MNGA' DE GANG, ,RING NAS CHAGS DANG BRAL
BA'I DRANG SRONG KYANG, ,YA MTSAN KHYOD SKU'I DPAL 'DIR YID
'KHYOR BAS, ,MANDHA R'A YI DBU BA BRTZEGS 'DRA BA'I, ,MU TIG
'PHRENG TSOGS 'CHA' BAS RGOD PA

BZHIN, ,DBANG SNGON 'DAB BRGYA BZHAD PA LA 'GRAN PA'I, ,SRAB
'JAM LHA RDZAS STOD G-YOGS RNAM PAR G-YO, ,PADMA R'A GA'I
MDANGS KYI MDZES SDUG KYANG, ,PHAM BYED SMAD G-YOGS SHAM THABS
DRA BAS DKRIS, ,YID 'ONG

@010B RNAM 'GYUR STONG GI RNAM ROL CAN, ,'PHO 'GYUR SPANGS PA'I
BRGYAD ZUNG LANG TSO'I DBYINGS, ,MNGON DGYES DUS GSUM RGYAL BA'I
YUM DE LA, ,GTZUG SKYES 'DZIN MAR BKOD PA'I PHYAG BGYID DO,
,SNYING LA KHYOD SKU'I SNANG BA DRAN TZAM

GYIS, ,RAB 'BYAMS SHES BYA'I TSOGS RNAMS MA LUS PA, ,JI BZHIN
RTOGS PA'I RNAM DPYOD 'OD STONG GIS, ,'GRO BA'I RMONGS MUN MA
LUS SEL BAR SHOG ,BSHAD PAS BLO GSAL RNA BA MDZES BYED CING,
,RTZOD PAS LOG SMRA MA

LUS KLAD PA 'GEMS, ,RTZOM PAS MKHAS RNAMS MGRIN PA'I RGYAN
'CHANG BA'I, ,DBYANGS CAN LHA MOS BKRA SHIS DENG 'DIR STZOL,
,CES PA 'DI, BTZUN PA BLO BZANG CHOS KYI RGYAL MTSAN GYIS NA
TSONG LO BCU BZHI PA'I DUS SU

SBYAR BA'O, ,ZHES PA LAG BRIS SU BYAS, ,DE NAS RJE BTZUN BLA
MA'I BKA' BZHIN LAM RIM 'BRING PO BZUNG NAS ZHAG BCU BSKOR SONG
MTSAMS, LAM RIM CHE BA ZHIG BKLAGS PAS BLO SHIN TU 'GRO BA BYUNG
ZHING, DE NUB RMI

LAM DU BDAG CAG GI STON PA'I SKU RI BO LTAR CHE ZHING 'OD ZER
'PHRO BA ZHIG LA BSKOR BA LAN GSUM BYAS PA GSAL BA RMIS NAS, LAM
RIM CHE BA YONGS SU RDZOGS PA BZUNG STE, RJE RIN PO CHER RGYUGS
KYANG PHUL, LO BCU DRUG

LON PA'I DUS SU, MGON PO ZHI BA LHA'I RTOGS BRJOD PADMA DKAR
PO'I 'PHRENG BA ZHES PA SNYAN DANG GAS KYI LAM NAS 'ONGS PA ZHIG
BRTZAMS PAS, SKYE BO BLO'I NOR CAN DAG DGA' BA BSKYED PAR GYUR,
RAB TU BYUNG NAS KHAS BLANGS PA'I

@011A *, ,TSUL KHRIMS MIG 'BRAS LTAR GCES PAR BSRUNG 'DOD KYIS
THAMS CAD MKHYEN PA DGE 'DUN GRUB KYIS MDZAD PA'I GLENG 'BUM
CHEN MO YANG YANG BLTAS PAS DON KHONG DU CHUD CING TSIG KYANG
PHAL CHER BLO LA ZIG

PA BYUNG, DE DUS DKOR GYIS CHER MA SBAGS SHING NA TSONG GSAR PA
RTZA KHAMS SHES PA SOGS KYANG GSAL BAS YIN PA 'DRA, GLEGS BAM
BDAG NYID KYIS BLTAS PA DANG, CHOS BLA MAS GSUNGS PA SOGS LAN RE
LAN GNYIS TZAM GYIS

DON BLO LA 'CHAR BA BYUNG, MDOR NA LO BCU BZHI NAS, BCO BRGYAD
KYI BAR MKHAS GRUB CHEN PO SANGS RGYAS YE SHES KYI ZHAL SNGA
NAS, GDUL BYA'I BSOD NAMS KYI ZHING DU PHYOGS SU GSHEGS PA'I
SKABS MA GTOGS RGYUN TU

ZHABS DRUNG DU 'DUG NAS, BU STON THAMS CAD MKHYEN PA'I GSUNG RAB
'GANGS CHE BA 'GA' ZHIG GI LUNG DANG, BLO SBYONG GI RIM PA MANG
PO'I LUNG DANG, DPE CHOS RIN SPUNGS RTZA 'GREL, BE'U BUM SNGON
PO RTZA 'GREL GYI LUNG ZHUS,

GZHAN YANG LAM RIM CHE BA DANG, 'DUS PA'I 'GREL PA BZHI SBRAG TU
GRAGS PA SOGS CUNG ZAD MA GTOGS, ,RGYAL BA BLO BZANG GRAGS PA,
SRAS KYI THU BO GSUM, RJE DGE 'DUN GRUB, BA SO CHOS RJE SOGS KYI
GSUNG

RAB YONGS SU GRAGS PA PHAL CHER GYI LUNG 'DI MA ZHUS SNYAM PA
MED CING, STON GYI DUS 'GOL BA'I SKABS, SNAR THANG BRGYA RTZA'I
RJES GNANG, JO BO LUGS KYI SGROL MA NYER GCIG GI RJES GNANG,
BKA' GDAMS LHA BZHI'I  

@011B RJES GNANG, DPAL MGON SDE LNGA SO SO'I DBANG RJES GNANG,
BE'U BUM SO SO'I LUNG DANG BCAS PA, RDO RJE 'PHRENG BA DANG, MI
TRA BRGYA RTZA'I DBANG LUNG YONGS SU RDZOGS PA ZHUS SHING, RJE'I
ZHAL SNGA NAS LA THUGS BREL BYUNG BA'I DUS SU, DBANG RJES

GNANG THOB PA'I LHA RNAMS LA BSTEN PA GANG 'GRO YANG BYAS, MI
ZAD ZHES PA ME KHYI'I DGUN GNAS RNYING PA'I GDUNG BRGYUNG CHOS
RJE RVA LO GSUNG CHOS ZHU BAR BYON PA DANG LHAN CIG TU BDE MCHOG
LO AI PA'I LUGS KYI DBANG BZHI RGYAS

PAR THOB, MGON PO'I BKA' BCU GSUM DU GRAGS PA'ANG THOB, DE SKABS
CHOS RJE AA YU BA BGRES PA RIN PO CHE NGAG DBANG GRAGS PA GSHEGS
NAS, MKHAS GRUB SANGS RGYAS YE SHES DPON SLOB SHANGS PHU LA BLO
BUR DU PHEBS,

KHO BO CAG DGE BSHES DPAL 'BYOR DANG LHAN CIG 'DUG NAS GLENG
BSLANG STE, SNGA SOR BYIS PA CHUNG NGU'I DUS NAS, RIG PA NANG
PAR 'CHI YANG SLOB, ,PHYI MAR NOR BCOL LEN DANG 'DRA, ZHES DANG,
MGON PO KLU SGRUB KYIS KYANG, SKRA DKAR

GNYER MA LHAG DUS SU'ANG, ,THOS PA BSAG PAR BYA BA STE, ,GANG DU
THOS MANG 'GRO 'GYUR BA, ,DER NI PHUNG PO 'GRO MI 'GYUR, ,ZHES
GSUNGS PA GLO BA LA GCAGS TE MTSAN NYID KYI SLOB GNYER CIG BYED
PA'I SHES 'DOD CHER

YOD KYANG, RJE ZHAL SNGA NAS KYI THUGS LA YOD SHAS MI KHA BA'I
STENGS SU, SLOB DPON RIN PO CHE GRANGS CAN PAS KHO BO RAB TU
BYUNG BA GSAN PAS DE SHIN TU LEGS 'DUG ,'ON KYANG MTSAN NYID LA
BTANG GZHAN PA DRA MTSAN NYID

@012A *, ,PA'I GRVA PA SNA MANGS KYIS BSLAD NAS LAD 'GRO ZHES
GSUNGS PA DE, RJE RIN PO CHE'I THUGS LA LHAG PAR ZHEN CING, RANG
GI BSAM PA LA'ANG RJE 'DI NYID LA MNGA' BA'I DBANG LUNG GDAMS
NGAG THAMS

CAD BUM PA GANG BYO'I TSUL NGA ZHU THUB PA ZHIG BYED BSAMS PA
YOD PAS RTZOL BA CHER MA BYAS, DE NI DBANG LUNG GDAMS NGAG PHAL
CHER YANG ZHUS ZIN, MDO SNGAGS KYI LAM GYI RIM PA RNAMS LA YANG
GO BA RAGS PA TZAM

CHAGS, LHAG PA'I LHA MANG PO'I BSNYEN BSGRUB SOGS KYANG DGA' RAB
BYUNG, 'ON KYANG, NA NING SMAN BLA CHOS KYI RJE BLO BZANG
BA'ANG, DBUS NAS 'DI LAS SNGA BA SLEBS NA, KHYOD SLOB GNYER LA
GTONG BA'I BSKUL MA BYED DGOS YOD

PAS; MA BYUNG 'DUG CES GSUNGS PA'ANG BDEN PAR 'DUG ,DES NA DGE
BSHES LA RJE RIN PO CHE'ANG THUGS 'JOG PAS DGONGS PA ZHU GROGS
KYIS, SLOB DPON RIN PO CHE GRANGS CAN PAS SLOB GNYER LA BTANG NA
LANG 'GRO

GSUNGS 'DUG KYANG CHAL LA CHOL LE'I SPYOD RTZING MA BYED PA KHO
BO RANG GIS SHES ZHES ZHIB TU MOL, DE NAS MYUR DU RJE RIN PO CHE
DBEN DGON DU PHEBS 'PHRAL DGONGS PA ZHUS, SNGAR DANG GTAN MI
'DRA BA'I DGYES PA'I 'DZUM

MDANGS DANG BCAS TE, KHYED DPON SLOB GNYIS KYIS BKA' BGROS BYAS
PA DE, NGED SHANGS PHU NA YOD PA'I DUS SU RGYU MTSAN DANG BCAS
NAS JI BZHIN DU SHES BYUNG BAS, DA NI BKRA SHIS LHUN POR SLOB
GNYER GYI RTZIS CIS KYANG LEGS

@012B CES BKA' STZAL TE YONGS SU GRAGS PA'I LO DE KHA'I ZLA BA
BCU GCIG PA'I YAR NGO'I TSES GSUM LA CHOS GRVA CHEN PO BKRA SHIS
LHUN POR SLEBS, DE NUB RMI LAM DU BUD MED GZHON NU MA PHO CHAS
SU BYAS PA GCIG NA RE, 'DI SNGAR

KHYOD RANG GIS BZUNG BA'I NYI MA'I DKYIL 'KHOR YIN NO ZER SER
KHOB PA 'OD ZER CHER MED PA MAndAL GYI DBYIBS CAN ZHIG LAG TU
GTAD BYUNG BA LA NYI MA YIN NA 'OD CHEN PO YONG DGOS RGYU LA
BYAS PAS, DE NA RE, 'OD ZER RNAMS PHYIS

NAS GSAL BAR 'GYUR RO, ,ZER BA ZHIG RMIS, DBEN DGON SPYI PA'I
BSGRUB SDE YIN PAR MA ZAD, RJE RIN PO CHE'I DGONGS PA DANG, RANG
NGOS NAS KYANG GRVA TSANG GSUM PO GANG GI'ANG PHYOGS SU MA
LHUNG
BA'I SPYIS YIN YANG YIN LA

DE BZHIN BYED 'DOD YOD NA'ANG, DE LTAR BYAS TSE BLA CHUGS BZUNG
BA'I GAB GOB TU SONG NAS SLOB GNYER RNAM DAG BYED PA'I GEGS SU
'GYUR SNYAM PA DANG, MGON PO KLU SGRUB KYIS KYANG, YON TAN DAG
LA 'BAD BYA YI, ,'GYING TSUL

DGOS PA CI ZHIG YOD, ,BA NI 'O MA MED PA LA, ,DRIL BU BTAGS
KYANG NYO MI 'GYUR, ,CES GSUNGS PA YANG SEMS LA GCAGS, ZOS BDE'I
NGANG NAS BLO GNYER BYAS SO ZHES PA'I MI KHA GCOG PHYIR GYI
GRAGS PA TZAM DON DU GNYER

NA DE BZHIN BYAS PAS 'GAL BAR MI SEMS KYANG, SHES RAB SDONG BUR,
BDE BA 'DOD NA RIG PA DOR, ,RIG PA 'DOD NA BDE BA DOR, ,BDE LDAN
RIG PA GA LA 'GRUB, ,RIG PA DON GNYER GA LA BDE, ZHES GSUNGS PA
LTAR, BLO GNYER

@013A *, ,GSHA' MA CIG BYED NA SNYING THAG PA NAS CHOS GRVA RIG
LUNG DUS LAS MA YOL BA 'GRIM PA SOGS DKA' BA MA SPYAD NA DAM
PA'I SKYE BO MKHAS PA RNAMS DGYES PA BSKYED MI NUS PA'I NYES PA
MTHONG NAS SKYES

DANG BSTUN, THOS BSAM GLING GI CHOS GRVA RGYU BAR BYAS, DE DUS
GROGS KYANG DGE BSHES DPAL 'BYOR GCIG PU LAS MED CING GRVA
RKYANG SNYOMS CHUNG RANG LA SHES 'DOD ZHUGS PAS DE KHA'I BRTUL
ZHUGS 'DZIN PA YIN KYANG BKRA SHIS LHUN

PO'I BLA MA SLOB DPON THAMS CAD KYIS PHYAG DANG BSNYEN BKUR
MTHONG ZOS CHER MDZAD CING, KHYAD PAR KHRI THOG NA PAn CHEN
BSAM
'GRUB DPAL BZANG BZHUGS PA MJAL, DE RJES KHONG LA GRVA PA ZHIG
GIS DE RING RJE DRUNG DBEN SA PA DANG MJAL

'DZOMS MDZAD 'DUG PA ZHES ZHUS PAS, SHIN TU MJAL, NGED GNYIS
PHYAG 'TSAL RES NI MA BYUNG GSUNGS, CI YIN ZHES PAS, KHONG NI
THAMS CAD MKHYEN PA DGE 'DUN GRUB LA 'TSAL GYI 'DUG ,NGAS NI
RGYAL BA BLO BZANG

DON GRUB LA BTZAL, NGED GNYIS PHYAG 'TSAL RES MA BYUNG CES ZHAL
KYAL KYANG GSUNGS SHES ZER, DE'I TSE GZIMS KHANG DANG CHOS
KHRIMS PA SOGS MANG POS, MKHAN SLOB THAMS CAD KYIS KYANG PHYAG
SOGS MDZAD NAS,

TSOGS CHEN MOR KHRI STAN MTHO BA ZHIG CIS KYANG BDAG GIR BYA
DGOS SHES NAN TAN GYIS GSUNG BA YANG YANG BYUNG KYANG, JI SKAD
BRJOD MA THAG PA'I KHE NYEN KHONG DU CHUD CING, RJE BTZUN BLA MA
DAM PA'I DGONGS PA YANG DE KHO

@013B NA YIN PAS DANG DU MA BLANGS, 'O NA BTZUN CHUNG RNAMS DANG
LHAN CIG GRAL 'DZIN GYI DKA' BA MI DGOS SHING, NYES PA GZHAN
GANG YANG MED PAS DRE'U RDOG GIS KHYAD PAR DU BYAS PA'I GRAL
KHUNGS ZHIG CIS KYANG BZUNG DGOS

ZHES PAn CHEN RIN PO CHE'I BKA' LCID CHES PAS, 'DOD PA RANG MA
BYUNG KYANG DANG DU BLANGS, DE NAS THOS BSAM GLING GI SLOB DPON
RIN PO CHE DPAL 'BYOR RGYA MTSO NGED RANG GI SLOB MA YANG YIN
PAS, DE'I DRUNG DU SBYOR BA BRTZI BA'I MGO

'DZIN PAR PHYIN PA'I TSE, SPYIL PO'I SGO NAS 'PHAGS PA'I TSE,
RTEN 'BREL KHYAD PAR CAN ZHIG BYUNG CING, RTZIS SHAG GI MGO
TSUGS MTSAMS, MANG YUL RGYAL PO 'JAM DBYANGS KYIS GSER 'GYED KYI
DUNG BUS PA MGO

MTSUNGS BYUNG BAS LEGS PAR GO ,DE'I SANG GNANG MA 'GYANGS PAR
DGUN CHOS DANG PO'I RIG LUNG CHUGS PA'I 'PHRO DANG, DGUN CHOS
GNYIS PA'I YUN SBYOR BA BRTZIS, DE'I MJUG SPYI BSGYUR GYI SKABS
SNGON NAS THOS PA BSAGS

SHING MKHAS GRUB CHEN PO RJE BTZUN SANGS RGYAS YE SHES CHOS SMRA
BA PO GZHAN LAS KHYAD ZHUGS PA'I GSUNG GI BDUD RTZI DOMS PA MED
PAR 'THUNGS PA'I BKA' DRIN GYIS BSHAD PA DANG 'BREL GTAM SOGS
YANG DAG DANG LTAR

SNANG GI KHYAD PAR JI BZHIN DU NGES PA BYUNG KYANG, NGED RANG
BLO SBYANG LA GSAR DU 'DAM THAG PA'I RGYU MTSAN GYIS, BUM NANG
GI MAR ME LTA BU'I TSUL DU BSDAD, DBYAR GNAS LA GRUB GNAS DAM
PAR SHOG GSUNG, RJE BLA MA'I BKA' BYUNG

@014A *, ,BA LTAR 'GRO BAR BA RTZAMS PA NA, BKRA SHIS LHUN PO'I
DPON SLOB MANG POS BLO GNYER 'PHEL BA'I BAR CHAD YIN PAS BSDAD
NA LEGS TSUL BYUNG KYANG, RJE BLA MA'I BKA' TSUL BZHIN BSGRUB PA
DNGOS GRUB KYI RTZA

BAR BSAMS TE, DBEN DGON DU DBYAR GNAS THOG ,TSOGS PA DANG LHAN
CIG SPYAN SNGA CHOS DRUG GI BSHAD LUNG DANG, CHOS RJE 'BA' RA
BA'I GSUNG 'BUM GYI LUNG SOGS DANG, DGER GYI 'KHRID CHEN BRGYAD
SOGS DANG, RJES

GNANG MA THOB PA DU MA ZHUS, STON RJE BTZUN MING LA'I RNAM MGUR
GYI LUNG SOGS ZHUS SHING, DBEN PA LA YID SPRO BAS, NA MO GU RU
MANYDZU GHO sh'A YA, GANG LA BRTEN NA BSLU BA MED PA'I SKYABS,
,BU RAM SHING PA'I ZHABS

SEN ZLA TSES DKAR, ,BDAG SNYING KUN DA'I ZE'U 'BRUR RTAG GZIMS
PA'I, ,MDZES SDUG NAM YANG NYAMS PA MED GYUR CIG ,LHAR BCAS 'DUN
PA STON PA SANGS RGYAS KYANG, ,DENG DUS THOS PA'I LAM DU GSHEGS
GYUR NA,

MTHON PO'I NOR 'DZIN LAS 'ONGS 'BAB CHU LTAR, ,G-YO BA'I 'JIG
RTEN RTAG PA'I GO SKABS CI, ,DPAG MED TSE GNAS SNGON GYI MI
RNAMS KYANG, ,DING SANG MING GI LHAG MA TZAM ZHIG NA, ,SKAL NGAN
SNYIGS DUS SKYE BO 'DI

DAG GI ,TSE NI BAR SNANG GLOG DANG CIS MI MTSUNGS, ,SKYE RGA NA
'CHI'I DGE TSOGS KUN BCOMS SHING, ,NYON MONGS G-YUL LAS RGYAL
BA'I MKHAS PA'I TSOGS, ,KUN KYANG DUS KYI RIM PAS BYON ZIN NA,
,BDAG LTA MYUR DU

@014B MI 'CHI'I NGES PA GANG, ,TSE NI SER BUS BSKYOD PA'I AUTPAL
GYI, ,'DAB RTZER 'BRENG BA'I CHU THIG LTAR MTHONG ZHING, ,SRID
PA'I PHUN TSOGS GDUG PA'I SBRUL GYI LCE, ,G-YO BA'I ZLOS GAR
'DI LA DGA' BA CI, ,'KHOR BA'I BDE 'BYOR KUN GYI

RTZER GSAN PA, ,TSANGS DANG DBANG PO 'KHOR LAS BSGYUR RGYAL
YANG, ,DBANG MED 'JIGS RUNG MNAR MED MES BSREG NA, ,MKHAS PA SU
ZHES 'DOD LA CHAGS PAR BYED, ,'JIG RTEN PHUN TSOGS STOBS KYI
MYOS CHU YIS, ,MNGON PAR

MYOS PA'I DREGS LDAN 'DI DAG KYANG, ,RING POR MI THOGS RGYA MTSO
'KHRUGS PA'I NANG, ,GRU NGAN JI BZHIN 'GYUR BA'I CHOS CAN NYID,
,MDOR NA MTHON PO'I MTHA' RGUD BSAGS PA MDZAD, ,'DUS PA 'BRAL
ZHING SKYES PA KUN 'CHI ZHES,

BSLU MED BDEN PA GSUNG BAS GANG GSUNGS PA, ,DE DE BZHIN DU 'JIG
RTEN 'DI NA SNANG, ,RGYAL BA'I ZHAL GYI NYIN BYED LAS 'ONGS
PA'I, ,'OD ZER GANG GIS YID LA MA REG PA, ,MI KHOM BRGYAD KYI
MUN PA'I GLING CHUD NA, ,DE TSE DGE

LEGS GO SKABS GA LA YONG, ,SNA TSOGS 'GRO BA'I MTHO DMAN 'GYUR
LDOG DANG, ,SDANG DANG PHRAD DANG GNYEN DANG BRAL BA DANG,
,SKYE
RGA NA 'CHI'I SNANG TSUL MTHONG NAS NI, ,BDAG KYANG DE DANG 'DRA
BAR CIS MI BLTA, ,DBYAR DUS

MKHA' LA SHAR BA'I 'JA' TSON DANG, ,CHU 'DZIN LANG LING G-YO
BA'I 'DU 'GOD LTAR, ,LANG TSO'I RANG BZHIN 'JIG PA'I NGANG TSUL
CAN, ,'DI LA BLO LDAN SU ZHIG YID RAB STON, ,GSER GYI RI LAS
G-YU YIS KHRON 'BAB CING, ,

@015A *, ,MI RNAMS BDAG GI BSHES SU SONG YANG CI, ,'BRAL MED NOR
DU 'PHAGS PA'I NOR BDUN DANG, ,GTAN GYI GROGS POR BLA MED BYANG
CHUB BZANG, ,DE PHYIR 'DI NANG CHOS BRGYAD SMROS PA'I RGYA,
,SHES RAB RAL

GRI RNON POS BRAL BYAS TE, ,THUB PAS BSNGAGS PA DBEN PA'I NAGS
TSAL DER, ,SEMS KHYOD ZHI BA'I BDUD RTZI CIS MI LEN, ,SPANG
LJONGS 'JA' TSON BKRA BA'I LDING KHANG DU, ,ZLA BA NOR BU'I RDO
LEB GCAL DU BKRAM, ,G-YUR

GYIS DUD PA'I 'DAB MA'I GRIB BSIL LA, ,NYIN MO SPYOD PA'I RNAL
'BYOR SKYONG BAR SPRO, ,DE BZHIN ZLA BA'I SGRON ME 'ONG 'BAR
ZHING, ,RGYU SKAR DO SHAL RGOD PA'I MTSAN DUS SU, ,G-YENG MED
RNAL 'BYOR BRTZON PA'I DGA' BDE

'DI'I, ,DPE YANG SRID PA GSUM NA GA LA YOD, ,PADMA'I DRA BAS
KHEBS PA'I NYAL 'GRO'I RGYUN, ,YONGS MDZES CHU BYA'I TSOGS RNAMS
SNYAN SGROG CING, ,RMA BYA GZHON NU DGA' BA'I GAR BYED PA'I,
,GNAS DER DAL 'BYOR DON

LDAN BYAS NA SNYAM, ,ME TOG 'BRAS BUS GANG BA'I LJON SHING GI
,SPU LONG MNGON PAR RGYAS PA'I SA 'DZIN KHROD, ,SNGO LJANG LO
MA'I SPYIL CHUNG NYAMS DGA' BAR, ,TING 'DZIN DGA' BDE'I DPAL LA
SPYOD PAR SPRO, ,GANG DU ZA ZIR

G-YENG BA KUN BOR NAS, ,RI SKYIBS NOR BU'I PHUGS YANGS NYAMS
DGA' BAR, ,'PHAGS PA'I RIGS BZHI LA GNAS DGA' BDE GANG, ,DE 'DRA
RGYAL PO RNAMS LA'ANG YOD RE KAN, ,'CHI MED SKYED TSAL 'DRA BA'I
SMAN

@015B LJONGS SU, ,MI DGE'I SBYONG TSUL PHRA MO'ANG RGYANG
BSRINGS TE, ,SGO GSUM DAM PA'I LAM BZANG SKYON MED PAR, ,MA BCOS
LHAG PAR 'JOG LA SNYING NAS SPRO, ,DER NI THUB GZHUNG BDUD
RTZI'I BCUD LEN GYIS, ,NYON MONGS YID

KYI RNAG KHRAG KUN SBYANGS TE, ,TING 'DZIN SGO BRGYA PHYE NAS
YON TAN GYI, ,NGO MTSAR BGRANG YAS LTAD MO BLTA BAR SMON, ,DE
SKAD SMRA BA DBEN PA'I NAGS TSAL LA, ,MNGON PAR SPRO BA'I DGE
SBYONG GYI NA PA, ,BLO BZANG CHOS KYI RGYAL MTSAN

ZHES BYA BAS, ,SMON PA JI BZHIN TSIG GI LAM DU SPEL, ,ZHES SOGS
DBEN PAR DGA' BA'I GTAM 'GA' ZHIG KYANG BRTZAMS, SLAR DGUN CHOS
DANG PO LA BKRA SHIS LHUN POR 'ONGS TE RIG CHEN LA BSGRIGS, CHOS
GRVA DANG

RIG LUNG CHEN MO'I GRVA THAMS CAD DU BGRO GLENG LA BRTZON PA
SHIN TU CHE BAR BYAS PAS LAG MTHIL LA SGAL PA CHAGS SHING, ,SOR
MO'I MTSAMS RNAMS AUTPAL LTAR GAS PA BYUNG, 'GAL BA CES PA LO DE
KHA'I SA GA ZLA BA'I DUS

CHEN DANG BSTUN, CHOS RJE SMAN BLA BLO BZANG PAS SBYIN BDAG
MDZAD DBEN DGON DU BDE MCHOG BSGRUB MCHOD THOG MAR TSUGS PA'I
RDUL TSON GYI DKYIL 'KHOR DU DBANG GNANG RGYU YIN 'DUG CING, DE
GONG BDE MCHOG RIGS

MANG PO'I DBANG THOB KYING, DA RES DBANG ZHU BAR PHYIN NA LAGS
PA'I MTSAN MA GSAL BA ZHIG BYUNG BAS, GLO BUR DU PHYIN PAS RJE
BLA MA YANG SHIN TU MNYES 'DI PHYI'I LEGS TSOGS LA KHYAD PAR CHE
BA'I RTEN 'BREL 'GRIG ,

@016A *, ,SLAR BKRA SHIS LHUN POR SLEBS, DBYAR SOS GLING SEB
'BRUM NAD KYIS KHYAB KYANG 'DZEM PA SOGS YE MA BYAS, DBYAR GYI
CHOS GRVA RIG LUNG LA BAR CHAD MED PA SHIN TU 'PHEL, MTHAR DGE
SKOS KYIS

BSNGAGS TE DBYAR GYI TSO CHEN RIG CHEN PA'I KHROD DU DAM BCA'
BZHAG PAS BGRO GLENG GTONG MKHAN KYANG RAGS LA MANG BA NAS
RGYUN
RING DU SONG BA NA, LUS NGAL ZHING LHAG PAR THANG CHAD PAR GYUR
KYANG BGRO GLING GTONG MKHAN

RNAMS KYI THUGS KHENGS PA ZHIG MA BYUNG NA 'DZEMS PA 'DRA BAR
GDON MI ZA'O SNYAM DU BZOD BSRAN BSKYED, MJUG TU CHAR GYIS KYANG
LUS GSHER BAR BYAS, DE NUB LAN 'DEBS RGYUN RINGS PAS NGAL LO
SNYAM, BLOS PHAB NAS

NYAL; SANG SNGA BAR MANG JA SNGA JA LA PHYIN NAS KYANG NGAL BA
MA SANGS PAS, BRTAGS PA NA, 'BRUM BU MTHON PAR GZOD SHES NAS,
DGE BSHES KYIS DBEN DGON DU RJE'I ZHABS DRUNG DU 'PHROS PHUL
SONG BAS, NANG PAR DGAG

DBYE'I NYIN RJE'I ZHAL SNGA NAS PHEBS ZHAG GSUM BZHUGS NAS BYIN
RLABS MDZAD DE 'PHRAL DANG YUN DU DGE BA'I BKA' THA MA STZAL NAS
TSES GSUM LA DBEN DGON DU PHEBS, DE'I NYIN MANG JA 'THUNG 'DOD
NAS, GROGS

RNAMS MI 'DOD CING 'JIGS BZHIN DU JA SOGS 'THUNG ZHING KHA GLOD,
MDOR NA NYER BDUN BRGYAD GNYIS NGAL BA TZAM MA GTOGS NA TSA CI
YANG MED PA ZHAG LNGA LA 'BRUM PA BSANGS KYIS GRAG PA ZHIG BYUNG
BA, BLA MA DKON  

@016B MCHOG GI THUGS RJER GO DE YANG DGE BSHES MNGON SUM DU YOD
PA MA GTOGS, 'BRUM RJES LA DPAGS TE GZHAN 'GA' NI BDEN NAM
BRDZUN ZHES THE TSOM GYI SPYANG THAG 'DZIN PA'ANG MCHIS SO, ,DE
NAS SLOB DPON RIN

PO CHES TSAD MA RNAM 'GREL GYI SPYI BSKYUR BYED DGOS TSUL NAN
CHAGS PA LTAR KHAS LEN PHUL, 'BRUM BU'I MJUG NAS MTSAMS BSKYANGS
TE, 'JAM DKAR DANG, 'JIGS BYED KYI BSNYEN PA SPREL NAS ZLA BA
GCIG LHAG

TZAM MTSAMS BYAS RMI LAM NGO MTSAR BA DU MA BYUNG KYANG BRI BAR
MA SPOBS, DE'I SNGON RNAM 'GREL GYI tIKA GZHUNG CHA TSANG BA
ZHIG KHONG DU CHUD CING NGES PAR BYAS, DE NAS RNAM 'GYUR GYI LO
DE'I ZLA BA BCU GCIG PA'I TSES BCU

BZHI LA, RJE THAMS CAD MKHYEN PA MKHAS GRUB CHEN PO SANGS RGYAS
YE SHES GDUL BYA'I DBANG GIS DAG PA'I ZHING DU GSHEGS TE DBEN
DGON DU 'GRO DGOS BYUNG, DGONGS PA YONGS SU RDZOGS PA BYAS PA
SOGS DE NYID KYI RNAM

THAR DU GSAL CING, PHYI RTEN CHOS SKU'I RING BSREL GYI SNYING PO
CAN GYIS TSA KHRI PHRAG DU MA BZHUGS PA'I SKU TSE BYIN RLABS KYI
MCHOD RTEN BZO DBYIBS MDZES SHING BYIN RLABS CHE BA BZHENGS,
DBYAR GNAS LA BKRA SHIS LHUN POR DBU GRVA

LA BSGRIGS, DBU GSAR YIN BSAM THOG MAR BLO ZHUM PA TZAM BYUNG
KYANG 'BREL GTAM RNAM PAR GTAN LA DBAB PA NA LUNG DANG RIG PAS
PHAS RGOL ZIL GYIS GNON NUS PAR GYUR PAS YONGS SU RDZOGS PA'I
DGE BSHES DE DAG GI

@017A *, ,DBUS SU DPA' ZHUM PA DANG BRAL, DE DUS SNGA GONG
BSNYEN RDZOGS RI BO DGE LDAN DU SGRUB PA'I THAG BCAD KYANG,
PHYIS BKRA SHIS LHUN POR YUN RINGS 'DUG DGOS SHING PHAN PA CUNG
ZAD YONG PA'I RTEN 'BREL

YIN PA 'DRA, BLO BUR DU BKRA SHIS LHUN POR BSNYEN RDZOGS BYAS NA
LEGS PA'I MTSAN MA GSAL BA ZHIG BYUNG BAS, LCAGS YOS KYI MAR NGO
SNGON DU 'GRO BA'I GRO ZHUN ZLA BA'I DKAR BA'I TSES GSUM GYI NYI
MA MA NUB TZAM LA GZIMS

KHANG RGYAL MTSAN MTHON BOR DON GYI SLAD DU MTSAN NAS SMOS TE
MKHAN PO RIN PO CHE PAn CHEN DAM CHOS YAR 'PHEL BA'I ZHAL SNGA
NAS DANG, LAS KYI SLOB DPON RIN PO CHE DPAL 'BYOR RGYA MTSO BA
DANG, GSANG STON PAn CHEN

LHA DBANG BLO GROS TE DAD PA'I DGE 'DUN GRANGS TSANG BA'I DBUS
SU BSNYEN PAR RDZOGS PA DGE SLONG GI DNGOS PO YONGS SU RDZOGS
PAR THOB, DE KHA'I STON MJUG DBUS PHYOGS SU PHYIN, JO ZHAL RNAM
GNYIS SOGS KYI DRUNG DU DNGOS

BSHAMS YID SPRUL GYIS MCHOD CING BSTAN PA RGYAS PA SOGS KYI SMON
LAM RNAM PAR DAG PAR TAB PAS BYIN GYIS BRLABS PA'I MTSAN MA
KHYAD PAR CAN YANG BYUNG, DE NAS MTHAR GYIS RI BO DGE LDAN DU
PHYIN, DER DGUN

CHOS KYI MGO RIN PO CHE DAM CHOS DPAL 'BAR BA'I KHRI STON SA
SKYONG MI'I DBANG PO DGA' LDAN PAS BSGRUBS NAS, RI BO DGE LDAN
GYI KHRI GDAN ZUR RGYUD PA SOGS KYI DGE BSHES THAMS CAD 'TSOGS
PA'I GRAL LA

@017B CHOS KYI RJE KHRI PAS, KHO BO LA PHYE GTOR DANG BCAS DAM
BCA' ZHOG CES THOG BABS SU GSUNGS BYUNG BA, DE SNGA DOGS PA TZAM
DANG BSAM BLO CUNG ZAD KYANG GTONG LONG MED PAR, MDO SNGAGS
YONGS RDZOGS KYI DGE BSHES BRGYA

PHRAG MANG PO DANG, SDE PA SKYID SHOD PA KHU DBON SOGS SKYA SER
TSOGS CHE BA'I DBUS SU LUNG RIG GI MNGON THOGS PAR YANG MI 'GYUR
MOD, DE LTA NA YANG GRAL GYI DBUS 'DIR MI NUS PAR GSOL BA'AM MI
SMA BA'I BRTUL ZHUGS BZUNG NA NI DE

BAS KYANG NGO TSA, DES NA SKYES RABS LAS, ZHUM PAS 'PHONGS LAS
THAR LA MI PHAN GYI, ,DE BAS RAB TU BRTAN PA'I SEMS BSKYED NA,
,DON RNAMS THAMS CAD GRUB PA LAG NA YOD, CES GSUNGS PA'I NGON
DRAN TE, DBU TSAD GNYIS

GTZO BOR BYAS, BKA' CHEN GZHAN RNAMS LA YANG SPYAD MA STONG
TZAM
GYI DAM BCA' BZHAG ,DGE BSHES DRAG RIM PHAL CHER GYIS NYIN THOG
THAG BGRO GLENG BTANG KYANG, DKON MCHOG GSUM GYI THUGS RJE'I
BDAG RKYEN GYIS

KHAS BLANGS 'GAL BA DANG DAM BCA' LA GNOD PA GTAN MA BYUNG, 'GA'
ZHIG GIS KHYAB HRUL BCAS NAS BRGYUGS PA SOGS LA'ANG DE KHA'I LAN
LON PAR BYAS PAS PHYOGS LAS RNAM PAR RGYAL BA'I GRAGS PA THOB,
GNAS DER

SLOB DPON RIN PO CHE MKHYEN RAB DBANG PHYUG ,RJE BTZUN NAM
MKHA'I MTSAN CAN GYI DRUNG DU, GTZO BOR DUS KYI 'KHOR LO'I DBANG
YONGS RDZOGS, BSDUS RGYUD, 'GREL CHEN, DBANG MDOR BSTAN SOGS KYI
LUNG YONGS RDZOGS, BDE

@018A *, ,MCHOG DRIL BU PHYI NANG GNYIS KYI DBANG, KYEE RDOR
THOD PA CAN DANG MTSON CHA CAN GNYIS KYI DBANG, 'KHOR CHEN GYI
DBANG, RTA MGRIN YANG GSANG GI DBANG, BDE MCHOG NAG PO PA'I
DBANG, GSHED DMAR LHA

LNGA; BKA' GDAMS THIG LE BCU DRUG GI DBANG, KUN RIG GI DBANG
SOGS RNAL 'BYOR RGYUD KYI DBANG 'GA' DANG, TSE DPAG MED, MI
'KHRUGS PA SOGS BYA SPYOD RNAMS KYI DBANG MANG PO DANG, DMAR PO
SKOR GSUM GYI RJES GNANG

DANG; GSUM KA'I GDAMS PA YONGS SU RDZOGS PA'I LUNG, BDE MCHOG
DKAR PO, PHAG DKAR SHES RAB GSAL BYED, SNA TSOGS YUM, LHA MO
SHRA MA nA, DUR KHROD BDAG PO YAB YUM, LHA MO PHYAG BZHI MA,
RNAM SRAS SER

CHEN GYI RJES GNANG, BKA' GDAMS GZHUNG DRUG ,BKA' GDAMS CHOS
'BYUNG, BU STON CHOS 'BYUNG, DPE CHOS RIN SPUNGS RTZA 'GREL, RJE
RANG NYID KYIS MDZAD PA'I 'JIGS BYED KYI BSKYED RDZOGS, SHES
SPRING, TSIG GSAL

'JUG PA'I RANG 'GREL, LAM RIM CHEN MO RNAMS KYI LUNG ZHUS, SLOB
DPON RDO RJE 'DZIN PA DGE 'DUN RGYAL MTSAN PA'I DRUNG DU, 'DUS
PA'I 'GREL PA BZHI SBRAG GI LUNG BSHAD, RJE DGE 'DUN RGYA MTSO'I
GSUNG 'BUM THOR BU

BAS MTSON, GSUNG RTZOMS THAMS CAD KYI LUNG, TSE DBANG, PHYAG
RDOR AU TZA, RNAM SRAS SER CHEN RNAMS KYI RJES GNANG RNAMS ZHUS,
SLOB DPON RIN PO CHE RNAM RGYAL DPAL BZANG BA'I DRUNG DU, RGYUD
PA RNAMS DANG LHAN CIG

@018B TU GSAL SGRON GYI BSHAD LUNG, BOD DU 'GYUR PA'I 'DUS PA'I
BSHAD RGYUD RNAMS KYI LUNG, TSAL LUGS KYI MGON PO PHYAG BZHI
PA'I DBANG BZHI YONGS RDZOGS RNAMS ZHUS, KHRI THOG PA SEMS DPA'
CHEN PO DAM CHOS DPAL

'BAR BA'I DRUNG DU, KHROS NAG GI DBANG DANG, NAM MKHA' SGO
'BYED, SKAL LDAN SKOR GSUM GYI LUNG SOGS GCOD SKOR YONGS RDZOGS
ZHUS, DE DANG DE DAG GI TSE DON GNYER CAN MANG PO LA CHOS CI
RIGS PA MANG DU BSHAD DGOS

PA'ANG BYUNG, DE DUS YER PA DANG, TSAL GUNG THANG GI GNAS MJAL
KYANG ZHIB TU BYAS, YER PA BZHAG BDUN BSDAD RING DGE SBYOR LA
BRTZON PAR BYAS SHING, DRUNG PA BSAM GTAN PA SOGS DGE SLONG RI
KHROD PA MANG PO LA LAM

RIM DANG BLO SBYONG GI KHRID POG ,PHYIR LAM TSAL YANG DGON GYI
MGON PO DES BYIN GYIS RLOBS PA'I MTSAN MA STON PA DANG, LHAG PAR
GUNG THANG GI MGON PO'I ZHABS LA BZUNG NAS 'PHRIN LAS BCOL BA NA
ZHABS 'GUL BSKYOD

MDZAD PA BYUNG BA PHYIS YA MTSAN PAR NGES, SLAR BDE BAR DBEN
DGON DU 'KHOR, DGA' BA ZHES PA CHU 'BRUG DE'I DBYAR GNAS LA BLA
MA SLOB DPON DANG BKA' BCU RAB 'BYAMS SOGS DGE BA'I BSHES GNYEN
CHOS NYAN PA MANG PO

'DUS PA'I THUGS BZHENG LAM RIM 'BRING PO KHRID DANG SBYAR, MDO
DANG RGYA GZHUNG MANG PO'I LUNG GIS BRGYAN, GZABS BSHAD BYAS PAS
DGE BA'I BSHES GNYEN RNAMS LHAG PAR DGYES, SGO MANGS SLOB DPON
GZHU KHANG RAB

@019A *, ,'BYAMS PA NA RE, NGAS DGE LDAN KHRI GDAN ZUR SOGS DBUS
GTZANG GI BLA MA MANG PO LA CHOS NYAN, MGO BO SHIN TU 'KHREGS PA
CIG YIN KYANG, KHYOD LA GZHAN LAS DAD PA MCHOG TU SKYES ZHES
ZER,

STON MTSAMS BSDAMS NAS DKYIL 'KHOR CHEN PO 'GA' ZHIG GI BSNYEN
PA BYAS HA CANG GNAD DU 'GRO BA RANG YANG MA BYUNG, LNGA MCHOD
CHEN MO GROL, SKU MDUN BLO BZANG PA YANG DBUS NAS BYON TE, RJE
BTZUN BLA MA SANGS RGYAS

YE SHES KYI NANG RTEN RJE NYID KYI SKU 'BAG GSER ZANGS LAS GRUB
PA MI TSAD CHE LA GTOGS PA BZHENGS NAS RNAM 'GYUR ZHES PA'I LO
NANG DU RDZOGS PAR GRUB STE, DPAL 'KHOR LO SDOM PA'I RDUL TSON
GYI DKYIL 'KHOR DU RAB

GNAS RGYAS PAR BYAS SHING BZO BO RNAMS KYANG YON GYIS MNYES PAR
BGYIS SO, ,RTEN BZHENGS GRUB 'PHRAL DU DA NI SKYE BA 'DI LA
BLTOS PA'I RNAM G-YENG DANG 'DRES PA'I BYA BA BYED DGOS KYANG
DE TZAM GYIS MJUG BSDUS, TSE

'DI DON GNYER GYI MI DANG MI 'PHRAD, 'JIG RTEN CHOS BRGYAD KYI
RNAM RTOG DANG MTSAMS PO CHE BCAD NAS, TSE DANG BSGRUB PA
MNYAM
PA ZHIG BYA'O SNYAM DU YID LA BCANGS SHING, SKU MDUN BLO BZANG
BA DANG YANG BGROS TE, KHONG

DPON SLOB DBUS PHYOGS LA BTEG ,DE 'PHRAL MTSAMS YANG DAG PAR
BSNGAMS, THUN MTSAMS SU DPE LTA BA SOGS KYANG MA BYAS PAR ZLA BA
DRUG BDUN GYI BAR DGE SBYOR LA BRTZON PAR BYAS PAS DGE SBYOR LA
BROD PA BRNYED

@019B 'DI KHA'I RGYUN LO GCIG GNYIS SKYONG RGYU BYUNG NA LAM SNA
ZIN PA LA TSEGS MI YONG BA 'DUG SEMS PA'ANG SHAR, 'ON KYANG GEGS
KYIS DE'I BAR DU GCOD PA'I RTAGS SU SNANG BAS, BAR SKABS ZHIG TU
DENG SANG GI SKABS TSUN CHAD

KYI 'BYUNG 'GYUR RMI LAM DU GSAL BA YANG YANG BYUNG BAS JI LTAR
SNYAM DU CUNG ZAD BLO YANG MA BDE, DE LTA MOD KYIS NYING 'KHRUL
LA NGES PA CI YOD, SNGON GYI DAM PA MANG DU THOS PA RGYA MTSO'I
PHA ROL TU SON PA RNAMS LA 'GRAN PAR GA LA

BZOD, GZHAN MA DUS SKABS KYIS MDO RGYUD DBANG LUNG MAN NGAG
SOGS
MANG DU THOS PA BSAGS PA'ANG DE TZAM YIN, SNGAR GYI DAM BCA' LAS
G-YEL BA MED PA ZHIG BYA'O SNYAM DU RGYUN PA'I RNAL 'BYOR NYAMS
SU BLANGS PA'I

THO RANGS RMI LAM DU RJE RIN PO CHE TZONG KHA PA MDUN GYI NAM
MKHAR BYON NAS, RANG DANG GZHAN LA PHAN PA'I PHYIR, ,THOS PAS
NGOMS PAR MI BYA STE, ,SA GSUM BRNYES PA'I SEMS DPA' YANG, ,THOS
PAS NGOM PA MED LA BLTOS, ,

ZHES GSUNGS PA ZHIG GSAL BAR BYUNG, RING POR MA LON PAR PHYI
NANG GI RKYEN GYIS MTSAMS MI 'DOD BZHIN 'GROL DGOS BYUNG, RMI
LAM DANG BSTUN, DA DUNG DBANG LUNG MA THOB PA 'GA' NYAN PAR 'OS
PA BYUNG NA NYAN CING,

GZHUNG CHEN MO'I RTZA 'GREL RNAMS LA'ANG ZHIB TU DPYOD PA'I MDUN
PA BSKYED DE, MNGON RTOGS RGYAN, RGYUD BLA MA, RTZA BA SHES RAB,
RIN CHEN 'PHRENG BA, RIG PA DRUG CU PA, SHES PA'I SBRING YIG
,BZHI BRGYA PA, DBU MA 'JUG

@020A *, ,PA; BSLAB BTUS RTZA BA, BYANG CHUB SEMS DPA'I SPYOD PA
LA 'JUG PA, BYANG CHUB LAM SGRON, BLO SBYONG RTZA BA 'GA', 'DUS
PA'I RTZA RGYUD, BDE MCHOG RTZA RGYUD, RTAG GNYIS, DUS 'KHOR
BSDUS RGYUD BSDUS

PA; MGON PO'I RIM LNGA SOGS GZHUNG CHEN MANG PO LA KHA 'DON RE
MOS SU BYAS, STON SLOB DPON RIN PO CHE BKRA SHIS RIN CHEN PAS
BDE MCHOG GI DBANG 'KHRID YONGS RDZOGS ZHIG DGOS ZHES SNGON NAS
YANG YANG BYUNG BAS,

GNAS SKABS SU GANG BAB ZHIG TU, MI MNGON PA'I TSUL GYIS PHEBS
PA'AM 'ONG BAR BYAS PA LAS, NA TSOD KYI 'JUG PA BDE BAR BSAMS,
DRUNG GNAS DAR RGYAS PA, SGRUB CHEN RGYAN RIN PA, BKA' BCU PA
BSOD NAMS RIN CHEN

GSUM MA GTOGS GROGS DANG, ZHON PA SOGS KYANG MED PAR 'PHUR
SDINGS SU PHYIN, RJE RIN PO CHE BKRAS RIN BA, TSOGS CHEN MKHAN
PO RIN RGYAM PA SOGS DGE BA'I BSHES GNYEN BCU TZAM ZHIG LA BDE
MCHOG LO AI

PA'I DBANG DANG, DMAR 'KHRID, SNAR THANG BRGYA RTZA'I RJES
GNANG, SGROL MA NYER GCIG GI RJES GNANG, BRGYAD STONG PA'I LUNG,
BKA' GDAMS GZHUNG DRUG GI LUNG, LAM RIM GYI 'KHRID SOGS CHOS KYI
RNAM GRANGS

SHIN TU MANG BA PHUL, DAM PA DE NYID KYI DRUNG DU'ANG, N'A RO
MKHA' SPYOD MA'I DBANG, MKHA' SPYOD GZHAN GNYIS KYI RJES GNANG,
'JAM DBYANGS CHOS BSKOR, ZHABS BRGYAD PA'I RJES GNANG, GLENG
'BUM CHEN MO, MDO RTZA

@020B SUM BRGYA PA, MNGON PA KUN LAS BTUS DANG MDZOD RTZA BA
'GREL PA DON GSAL, MDO KUN LAS BTUS, JO BO'I CHOS 'BYUNG BRGYA
RTZA, DBU MA RIGS TSOGS DRUG BYAMS CHOS LNGA 'JIGS BYED KYI
BSKYED RIM CHEN MO MKHAS

GRUB THAMS CAD MKHYEN PA'I GSUNG GI 'PHRO CHOS RJE BLO GROS CHOS
SKYONG BAS MDZAD PA RNAMS KYI LUNG ZHUS, NYIN MTSAN 'KHOR YUG
LTA BUR PHAN TSUN RE MOS SU CHOS KYI 'KHOR LO BSKOR TE, SNGAR
BZHIN MNGON CHUNG BAR DBEN

DGON DU SLEB, DE DUS DBEN PA LA SHES 'DOD CHE ZHING, DA LAM BYA
BRAL GYI BRTUL ZHUGS BLANGS TE PHYIR BZLOG PA MED PA SNGON GYI
GRUB THOB RNAMS DANG MTSUNGS PA ZHIG BYED, DE LTAR BYED PA LA
'DI NANG GI LTO GOS TZAM LA

YANG 'KHRI BA CHOD PA ZHIG MA BYUNG NA BYA BRAL GYI MING BTAGS
PA'I GNYIS MED SENG GER SONG NA MA LEGS SO SNYAM DU YID LA
BRNAGS TE, BCUD LEN GYI RNAM GRANGS DU MA LA GOMS PA NYAMS 'OG
TU CHUD PAR BYAS SHING,

RLUNG SBYOR 'KHRUL 'KHOR SOGS LA GOMS PA DGA' RAB YOD KYANG,
DGUN STOD BRAG RGYAR PHYIN NAS RTZA RLUNG 'KHRUL 'KHOR GTUM MO'I
RNAL 'BYOR SOGS LA'ANG BRTZON PAR BYAS PAS ZHAG BDUN TZAM GYIS
BKA' BRGYUD PA'I LUGS

KYI RE SA PHUD BTANG CHOG PA BYUNG, DER G-YENG BA MED CING LUS
SEMS BDE BAS, MGUR MANG PO 'THEN CING, GROGS 'GA' ZHIG LA DGE
BSKUL GYI PHYIR GANG BDER 'THEN PA TSIG DON 'BREL CHAGS PA ZHIG
BYUNG BA SLAR YI

@021A *, ,GER BKOD PA 'DI LTAR, ,,NA MO GU RU MANYDZU GHO sh'A
YA, BLO GTANG THUB KYI BLA MA DKON MCHOG GSUM, ,RKANG RUS PA'I
KHONG NAS SKYABS BZUNGS TE, ,BKA' MDO RGYUD KYI LAM LAS 'ONGS

PA YI; ;GLU TSIG GSUM GYI SNYING GTAM 'DI SKAD SMRA, ,DUS DA LTA
RANG DBANG YOD PA'I TSE, ,DON 'BRAS MED SBUN PA MA 'PHYAR BAR,
,LAS BYAS PAS 'TSED BA'I RNAM DKAR LA, ,YID RTZE GCIG TU DRIL NA
DON PO YIN, ,TSE

'DI YI MNGAN MA CI BYAS BLA, ,TSE PHYI MA SHUL RING 'JIGS PA
CHE, ,LAM BSHUL RING 'JIGS PA'I BSKYAL BSU DANG, ,BRGYAGS 'DZAD
MED KYI GRABS GSHAMS BYAS NA LEGS, ,SNGAR 'DOD YON ROL JI TZAM
SPYAD, ,DE BSAMS

NA SNYING PO CI 'DRA 'DUG ,DA RANG NYID RANG GIS MA BSLU BAR,
,BLO 'GYOD MED KYI GDANGS DRAD TSAGS SU TSUD, ,RANG MNGAL TU
ZHUGS PA NAS BZUNG STE, ,DGRA 'CHI BDAG DRUNG DU CHAS ZIN CING,
,DUS YUD TZAM SDOD PA'I SKABS

MED PAS, ,SNYING DANG RINGS KYI LONG YONG BDUD KYIS BSLUS,
,DGUNG MKHA' LA SHAR BA'I 'JA' TSON DE, ,GZUGS MDZES KYANG MYUR
DU YAL NAS 'GRO, GZHON SHA KHRAG RGYAS PA'I LANG TSO YANG, ,DUS
SKAD CIG GIS ME RTAG

'GYUR BA'I CHOS, ,DBYAR CHAR SPRIN NANG GI GLOG DMAR BZHIN, ,DUS
SNYIGS MA'I TSE THUNG ZHAG 'GA' 'O, ,MI RGAN GZHON GO RIM MI
'DUG PAS, ,PHYIS G-YENG MED DU BAG ZON DAM PO MDZOD, ,GNYEN
'KHOR G-YOG SPRIN

@021B GYI 'DU 'GOD DANG, ,SROG MI BRTAN CHU YI CHU LBUR DANG,
,NOR LONGS SPYOD RMI LAM DPAL 'DU BAS, ,TSE RTAG 'DZIN GYI MDUN
GRABS BCOM STE ZHOG ,RTEN DAL 'BYOR LDAN PA'I MI YI LUS, ,'DI
RNYED PAR DKA' ZHING 'JIG

PAR SLA, ,DUS DA RES LAN GCIG RNYED PA 'DI, ,DON MDO MED DU
GTANG NA SMYON PA YIN, ,YUL YUL CAN GYI CHOS RNAMS JI SNYED PA,
,BLOS MA BRTAGS MA DPYAD NYAMS DGA' YANG, ,DON DPYAD NA MI DMIGS
STONG PA'I NGANG, ,DBYINGS

DE RU RIG PA GCER BUR ZHOG ,SEMS CHAGS SDANG RJES SU MA 'BRANG
BAR, ,RJE RGYAL BA'I GSUNG GI GCES PA'I MDZOD, ,LAM STONG NYID
SNYING RJE'I SNYING PO CAN, ,'DI 'BRAL MED DU BSGOMS DANG YUN DU
DGE ,PHYI THOS BSAM SGRO 'DOGS

MCHOD KYANG, ,SEMS 'KHOR 'DAS RTZA BAR GSUNGS PA'I PHYIR, ,NANG
SHES RGYUD ZHI ZHING DUL BAR GYIS, ,CHOS ZAB DON GYI SNYING PO
BSDUS PA YIN, ,LUS SNANG STONG TSOGS PA LHA YI SKU, ,NGAG GRAG
STONG BZLAS PA RGYUN MI 'CHAD, ,

YID BDE STONG DBYINGS LAS MA G-YOS PAR, ,PHA BLA MA'I RNAM THAR
RJES SU SKYONGS, ,GTAM 'DI LTAR SMRAS PA'I DGE BA DES, ,KHAMS
GSUM 'KHOR BA'I SEMS CAN RNAMS, ,RGYU KUN 'BYUNG 'BRAS BCAS
YONGS SPANGS TE, ,SKU

GSUM GYI GO 'PHANGS MYUR THOB SHOG ,CES SO, DE LTAR RANG LO SUM
CU LA NYE BA'I TSE DBEN DGON DU CAR MAR 'DUG CING, DE LA BRTEN
NAS CHE GNYAN DANG SDE SNOD 'DZIN PA MANG PO BZHUGS MKHAN YANG
BYUNG BAS TSOGS PA DANG

@022A *, ,PHYOGS GCIG TU, LAM RIM, BLO SBYONG, BKA' GDAMS GLEGS
BAM, DPE CHOS RIN SPUNGS, 'DUL BA'I BSLAB BYA, ,'JIGS BYED DANG,
BDE MCHOG SOGS KYI BSKYED RDZOGS, DMAR 'KHRID, LTA 'KHRID,

GSANG BDE 'JIGS GSUM, GDUGS DKAR SOGS KYI DBANG, ,SNAR THANG
BRGYA RTZA'I RJES GNANG, CHOS SKYONG MANG PO'I RJES GNANG,
BSGRUB SKOR SOGS RGYAS PAR BYED PA SOGS KLOG PA THOS BSAM GYI
'KHOR LO DANG, STON DANG

DGUN GYI DUS DBEN PA DANG, 'TSAMS SU 'DUG NAS LHAG PA'I LHA MANG
PO'I BSNYEN CING BSGRUB PA SOGS BSAM GTAN GYI 'KHOR LO DANG, SOS
DANG DBYAR 'JUG NYANG STOD, SHAB SHANGS THON SOGS CI RIGS SU
PHYIN NAS

CHOS DANG 'THUN PAR SDE DPON RIGS DANG BAN SKYE'I TSOGS MANG
PO'I BZHED PA 'GENGS PA SOGS BYA BA LAS KYI 'KHOR LO LA'ANG
BRTZON PAR BYAS, DE DAG GI SKABS SU'ANG, DAM PA'I 'GRO BA GNYIS
YIN TE, THAMS CAD PHUN SUM

TSOGS PA'AM, ,YANG NA NAGS SU GNAS PA'O, ,ZHES 'BYUNG BA LTAR,
RAB MI GRAL NAS BUD DE, MANG DU THOS PA NAGS KYI NANG DAG TU,
,LANG TSO YOL BA RNAMS KYIS GNAS PA BDE, ,ZHES BKA' STZAL BA
LTAR, GZHAN

GYI DON DU RANG DON GTZO BO LTAR BSGRUB PA'I SGRUB PA CIG BYED,
DE MIN RANG DON GYI 'KHRI BA BCAD DE BSTAN PA DANG SEMS CAN GYI
DON PHUN SUM TSOGS PA GANG RUNG GCIG BSGRUB PAR BYA'I, DE GNYIS
GANG YANG MA YIN PA'I GSON

@022B PA TZAM LAS SHI BA LEGS SO SNYAM DU BLO LA YANG YANG BYUNG
ZHING, DE DANG 'THUN PAR BLA MA DKON MCHOG LA YANG SNYING NAS
RE
DOGS DANG BRAL BA'I GSOL BA 'DEBS PA MANG DU BYAS TE 'DI LTAR,,
,,NA MO A'A RYA MEE

TRI YA, STENG DGA' LDAN LHA BRGYA'I GTZUG RGYAN DU, ,RJE SA
BCU'I DBANG PHYUG MI PHAM MGON, ,DPAL NAM MKHA' DRI MA MED PA
DANG, ,PHA MNYAM MED 'JAM DPAL SNYING PO'I ZHABS, ,SRAS DPAG MED
SEMS DPA'I 'KHOR

DBUS SU, ,CHOS THEG MCHOG DGA' STON 'GYED PA NGER, ,BDAG GDUNG
BA'I SEMS KYIS GSOL 'DEBS NA, ,THUGS BRTZE BA'I LCAGS KYUS
DRANGS SU GSOL, ,DUS DING SANG BSTAN PA'I GZUGS BRNYAN 'DI, ,LAR
YID

LA BRNAGS KYANG PHAN PA MED, ,DON DE PHYIR YID DGA' CHOS 'DZIN
DU, ,DUS MYUR BA NYID DU BGROD PAR SMON, ,TSE 'DI SNANG 'GAGS
PA'I DE MA THAG ,RJE RGYAL TSAB CHOS KYI MDUN SA DER, ,YID DANG
BA'I RLUNG GIS RAB 'PHANGS

NAS; ;CHOS THEG PA CHE LA SPYOD PAR SHOG ,TSE 'DI NANG RANG
GZHAN DON 'GRUB PA'I, ,LAS MTHU DANG LDAN PA MA MCHIS NA, ,PHA
KHYOD LA THUGS RJE TSAD MED PAS, ,DUS DA LTA GNAS DER DRANG DU
GSOL, ,MI KHO BO'I 'DI PHYI'I

BDE LEGS KUN, ,RJE BLA MA KHYED RNAMS MKHYEN LAGS PAS, ,DUS 'DI
NAS BYANG CHUB MA THOB BAR, ,LAM NGAN PA'I G-YANGS LAS SKYABS
SU GSOL, ,CES BYA BA LA SOGS PA YI GER BRIS PA YANG DU MA YOD,
DE KHA'I DUS

@023A *, ,NAS DA LTA'I BAR DBEN DGON RANG DU BSDAD RGYU BYUNG
NA, DENG SANG BSGRUB SDE DBUS GTZANG GI LONGS NA BZANG BA ZHIG
YONG TSOD DU 'DUG ,DE NAS RNAM 'PHYANG ZHES PA'I LO CHOS GRVA
CHEN PO GANGS CAN CHOS 'PHEL

GYI MKHAN POR YONG DGOS TSUL SDE PA LHUN PO RTZE PA DANG MCHOD
YON THAMS CAD KYIS NAN CAN BYUNG, 'PHRAL DU LEGS NYES KYI LTAS
SOGS CI YANG MA BYUNG KYANG, SNGON PAn GRUB GSUM GYI RNAM THAR
YANG YANG MTHONG BAS

RKYEN BYAS KHRO PHU'I BYAMS CHEN DE DNGOS SU YANG MJAL, 'DI NYID
DU 'DUS PA'I TSOGS DANG LHAN CIG BYAMS PA'I BSTAN PA LA BYA BA
BYED PA'I BDEN TSIG DANG, SMON PA RNAM PAR DAG PA BSGRUB PA ZHIG
BYUNG NA'ANG CI MA RUNG

SNYAM DU YID LA SHAR BA DE YANG DRAN NAS, LNGA MCHOD CHEN MO'I
NYIN CHOS GLA CHEN PO GANGS CAN CHOS 'PHEL GYI KHRI THOG TU
SLEBS, TSOGS PA LA LAM RIM ZAB BSHAD DANG, DE'I DUS GANGS CAN
DGE BSHES RAGS

SHING MANG BAS, DKA' BCU RAB 'BYAMS BZHI BCU TZAM GYIS GSOL BA
BTAB NAS, LAM RIM GYI 'KHRID PHOG CING, THAMS CAD KYI NGAG 'DZIN
DANG SHAR BSGOM DU BYAS, DE'I MTHUS DE DUS KYI DGE BSHES DENG
SANG

YANG RI KHROD DU BZHUGS PA DANG, 'KHRID KYI RGYUN SKYONG BA MANG
DU MCHIS, DPYID TSOGS PAR SNAR THANG BRGYA RTZA'I RJES GNANG
DANG, GNAS PA PAn CHEN MKHAR BRAG PA, SHAR BYANG SLOB DPON GNYIS
SOGS DGE BSHES

@023B DRAG RIM NYI SHU SKOR LA DGONG JA GNYIS SBREL GYI RING,
RDO RJE 'CHANG CHEN PO'I LAM GYI RIM PA'I BSHAD LUNG BYAS NAS,
MJUG TU MDO SNGAGS KYI BKA' GNAS KYI 'GREL MCHID DANG RIG LUNG
RGYUN RING NYIN RE BZHIN BYUNG, DE'I TSE

BDAG CAG BKRA SHIS LHUN POR BLO GNYER GYI KHUNGS BYED YUN THUNGS
PAS RE BA MED PA YIN PA 'DRA, SLOB DPON KUN RGYAM PA NA RE, 'DI
LTA BU'I LUNG RIG LA RTZAL BYANG BA'I ZHIB CHA BYED KYI MED BSAM
BYUNG STE LOG RTOG TU SONG 'DUG

CES KYANG GSUNG, DE NAS KHRO PHU'I SMON LAM TSUGS, DE SNGA NYIN
RE MANG JA GNYIS GNYIS LAS MED PA'I THUGS DAM SHIN TU DKA' BA'I
TSOGS PA SKU MNYEL BAR YOD 'DUG PAS, NGED RANG GIS SBYIN BDAG
DAD PA CAN RNAMS

LA BSKUL TE NYIN RE MANG JA GSUM RE TZAM BSKOL BA'I RGYUN DENG
SANG GI BAR DU GNAS PA 'DI BZHIN YIN ,SNGA SOR MKHAN PO RNAMS
BZHUGS SA YANG, GUR CHUNG SLE'U'I LDING CAN YIN PA LAS, DUS DER
SDE PA LHUN RTZE

PAS; KHO SMON LAM THOG YOD TSE GZIMS KHANG CHA 'GRIG ZHIG DGOS
ZHES 'PHRAL DU BSGRUBS, SHES LDAN DAG NA NING NAS SPRANG LDING
'BIGS PA YIN, GANGS CAN PA RNAMS LA BKA' DRIN 'DI GCIG PUS CHOG
PA

'DUG CES KYANG ZER, SNGON SROL MI 'DUG KYANG, SKYE BO STONG
PHRAG 'TSOGS PA LA, BYAMS PA LUNG BSTAN PA'I MDO DANG, SKYES
RABS THUN RE RE'I SPYI CHOS KYI SROL GSAR DU BTZUGS, MDOR NA
SANGS RGYAS KYI BSTAN PA DANG,

@024A *, ,SEMS CAN GYI PHAN BDE RGYAS PA, BDAG NYID MTHONG THOS
DRAN REG TU GYUR PA THAMS CAD RJE BTZUN GYI ZHABS DRUNG DU SKYES
NAS, BYAMS BSTAN LA BYA BA BYED PA'I SMON PA YID CHES PA
BSGRUBS, GANGS

CAN GYI BDAG BZUNG BYED DUS DBYAR CHOS DANG, STON DUS SOGS RGYUN
PAR DBEN DGON RANG DU BSDAD NAS BSHAD SGRUB KYI RGYUN BSKYANGS,
DE NAS GANGS CAN KYANG YUN RINGS 'DZIN MI THUB, GANG BYED RING
PHAN PA ZHIG BYA'O BSAMS

NAS; KA GDUNG GNAS RNYING NAS DRANGS, GTZUG LAG KHANG GSUM GOG
BONG BU'I RNA BA LTAR SONG BA LEGS PAR BCOS TE, KUN LDAN CES PA
LCAGS BYI ZLA BA GSUM PA'I NYER GSUM LA DBU BTZUGS TE, BIR THOGS
RGYAL PO

SMAN BLA CHOS KYI RJE BLO BZANG PA DANG, CHOS KYI RJE DKON MCHOG
LHUN GRUB KHU DBON DPON SLOB BCU GSUM TZAM GYIS SHING RTZI DANG,
SENG G-YABS KYI LOGS BRIS MDZAD, DE'I TSE 'DU KHANG DU TSON
'DUL BA'I BYIS PA DANG NAG MO

'GA' ZHIG YOD PA DANG LHA MO GNYAN PAS YIN PA 'DRA, KHO BO SENG
G-YABS KYI KHRI STENGS NAS PHAL THOG GNYIS LHAG TZAM GYI
G-YANGS LA LHUNG PA'I STENG DU SNGO BSANG KHU BA'I KHRUS GSOL
BAR GYUR KYANG KHRU GANG TZAM GYI G-YANGS

LA LHUNG PA'I NA ZUG KYANG MED PA ZHIG BYUNG, SA KA ZLA BA'I
TSES LNGA LA LEGS PAR GRUB NAS RAB GNAS RGYAS PAR BYAS TE TSES
BDUN GYI NYIN KHRO PHU'I SMON LAM LA BYON, GSER BTUL MA MGUR ZHO
BCO LNGAS, RJE BTZUN DANG,

@024B PAn GRUB GSUM GYIS GDAN DRANGS PA'I SKU GSUM SO GSAL ZHAL
GSER DANG, DAR YUG ZUNG GI SNYAN DAR SOGS DNGOS BSHAM YID SPRUL
GYI MCHOD PAS MCHOD DE PHAN BDE'I RGYUN DU 'GYUR BAR SOGS SPYOD
RGYUD DANG, DAM TSIG GSUM BKOD, RNAM RGYAL 'JOMS,

SRANG RGYUD DU PHYIN NAS, SLOB DPON RIN PO CHE RGYUD CHEN SANGS
RGYAS RGYA MTSO'I DRUNG DU, 'JAM RDOR, GSHIN RJE GSHED DMAR NAG
GNYIS, 'JIGS BYED LUGS GSUM SOGS BLA MED DANG, RDOR DBYINGS,
DPAL RTZE SOGS RNAL

'BYOR RGYUD, RNAM SNANG MNGON BYANG, PHYAG RDOR DBANG BSKUR BA
SOGS SPYOD RGYUD DANG, DAM TSIG GSUM BKOD, RNAM RGYAL 'JOMS,
GDUGS DKAR, 'OD ZER CAN, STON PA LA KHRUS KYI LHA MO BRGYAD KYIS
BSKOR BA DANG, YANG

STON PA LA BKRA SHIS KYI LHA MO BRGYAD KYIS BSKOR BA'I DBANG
SOGS, RGYUD SDE BZHI'I RIGS KYI DBANG SUM CU SO LHAG PA DANG,
'DUS PA, BDE MCHOG ,RNAL 'BYOR MA'I SNGAGS BTU, SGRUB THABS
BRGYA RTZA, SGRUB THABS RGYA MTSO,

LEGS LDAN, STAG ZHON, DUNG SOL MA, TRAKA SHAD RIGS MANG PO, BA
MO, SROG SGRUB MA, DUS MTSAN MA, NAM MKHA'I GOS CAN MA SOGS KYI
RJES GNANG, RNAM SRAS KYI BKA' MI 'DRA BA BCU GSUM, DE'I BI'U
BUM YONGS

RDZOGS KYI LUNG RNAMS DANG, GZHAN YANG ZAB RGYAS KYI GDAMS PA
ZHAL SHES SHIN TU MANG BA ZHUS, SRAD RGYUD NA YOD DUS BKRA SHIS
LHUN PO'I KHRI THOG TU MYUR BAR YONG DGOS PA'I RMI LAM GSAL BA
BYUNG, DANG PO NAS

@025A *, ,THAMS CAD MKHYEN PA BU STON RIN PO CHE LA TSE RABS
SNGA MA RNAMS NAS 'BREL YONG PA 'DRA BA LHAG PAR DAD PA ZHIG YOD
PAS, TSUR LAM ZHA LU RI MTHIL GNYIS KYI GNAS MJAL ZHIB PA BYAS,
RING

PO MA LON PA NYING PHYOGS LA 'GRO BA SHAR, DGE TSA DANG BSTUN
DPAL 'KHOR BDE CHEN DU GRVA TSANG SO SOR 'DOD CHOS KYI CHAR PHAB
CING, SPYI THOG TU BLA MA SLOB DPON MANG PO DGE BSHES RAG BSDUS
RNAMS LA BDE MCHOG LO

AI PA'I DBANG YONGS RDZOGS BYAS, SLAR DBEN DGON DU DBYAR GNAS LA
CHOS KYI THUN DANG JA TSUL NAR MAR BSGRUBS, DE YANG SGRUB SDE
'DI SPYIR GYI RJE GONG MA GNYIS KA'I THUGS KYI GTAD SA YIN PA
DANG, KHYAD PAR RANG

NGOS NAS KYANG RTZA BA'I DGON PA YIN PAS YID LA GCAGS, RJE MKHAS
GRUB SANGS RGYAS YE SHES YAN GYI PHYI NANG GI SPROD RNAMS MA GOD
PA'I STENG, DE DUS LAG TU BYUNG BA'I RTEN GSUM THAMS CAD, RTEN
KHRI YANG THON NAS

GSAR DU DRANGS TE PHON CHE BA TSAR DU DNGAR, THUB DBANG GI GOS
SKU CHE BA DANG, RJE BLA MA'I GOS SKU, 'PHYAR DAR GSUM, GUG
GTING BRE BO CHE GANG LHAG TZAM 'GRO BA BDUN CHA GNYIS KYIS
MTSON PA'I BDUN TSAR MANG PO DANG,

GSER DNGUL GYI TSAGS KYIS MDZES PA'I DGANG GZAR BLUGS RGYA BZO
KHYAD DU THON PA, KHRO ZANGS KHAL PHYED TZAM LAS GSAR DU
BSGRUBS
PA'I MCHOD KONG ZUNG, HOR SLOG GI SBUG CHOL BZANG BA GNYIS KYIS
GTZOS PA'I

@025B SBUG SIL 'GA', RGYA DUNG CHA GCIG ,GTOR STEGS KYI MANYJI
LEGS PA CHE CHUNG, GTZANG KHANG DANG, 'DU KHANG GI KHYAMS STOD
DANG SHAR NUB KHEBS PA'I RTEN KHEBS, BZANG BSGRIGS KYI BLA BRE
DANG, KHYAMS SMAD LA RAS KHRA'I BLA BRE, RJE SANG

RGYAS YE SHES KYI DUS NAS DRIL BU DANG, RTEN KHEBS BCO BRGYAD
TZAM YOD PA'I 'PHRO 'THUD PA DE GNYIS SUM CU SO BDUN RE, GOS
BZANG PO'I PHYE PHUR DANG, 'PHAN DANG, GOS DAR GYI LDA LNGI'I
'PHRENG BA, RNGA 'GA' ZHIG STE, RTEN MCHOD CHA

SOGS PHUN SUM TSOGS PA THAMS CAD KYIS MNGON SUM DU GYUR PA 'DI
LTAR BSGRUBS, KHO BO CAR SDOD KYI PHAN PA MA BYUNG KYANG, DE'I
DOD THUB RGYUN GYI PHAN PA LA BSAMS, ZLA BA GNYIS TZAM MTSAMS LA
ZHUGS PA'I PHOGS KYI THES DANG,

RJE GONG MA GNYIS KYI BKA' DRIN BSAB PA'I PHYIR, GSUM MCHOD
DANG, BCU BZHI MCHOD PA'I DUS CHEN LA NYIN THUB DANG, GZHAN MA
ZLA JA 'CHAG MED KYI THES DANG, GNAS BRTAN BGRES PO RNAMS KYANG
SHING 'DREN LA 'BYON PA 'O RGYAL BA

YOD PAS, GTZO BOR DE LA DMIGS TE, PHYIS BKRA SHIS LHUN PO DANG
NANG 'PHRUL NAS SNUM RI YONGS RDZOGS SPYI'I CHOS GZHIS DANG, DUS
KYI DBANG GI BLA BRANG DU'ANG GZHI RTEN CHER MED NA BLA MA YANG
DKA' BA 'DUG PAS, GOS DAR

SOGS SPYAD DNGOS 'GANGS CHE BAS LHAN GYI SA LA SGANG LHO BYANG
GNYIS KYI YONG SGO DANG, DPON GRONG NYOS NAS BLA GZHIS SU SBYAR
TE LUGS GNYIS KYI SGO NAS PHAN GDAGS SO SNYAM DU SEMS SO, ,DE
KHA'I STON BKRA SHIS LHUN PO NAS

@026A *, ,SPYI SOS KHRI THOG TU YONG DGOS TSUL GYI MI SNA BKA'
BCU PA SANGS RGYAS DPAL BZANG, RAB 'BYAMS PA YON TAN, RAB 'BYAMS
PA LEGS PA, CHOS KHRIMS CHEN MO BKA' BCU PA TSUL KHRIMS RNAMS YI

GE NAN CAN DANG BCAS PA BYUNG, RGYU MTSAN MTHA' YAS PA'I SGO NAS
GSOL BA BTAB CING, SKU MDUN BLO BZANG PAS KYANG, KHYOD BKRA SHIS
LHUN PO'I GRVA PA DES, GANGS CAN GYI GDAN SA BYAS NAS, BKRA SHIS
LHUN PO'I GDAN SA MA

BYAS NA LUGS GANG DANG YANG MI MTHUN CES NAN CHES PAS LO GNYIS
GSUM ZHIG BYED PA'I KHAS LAN PHUL, DE NAS YONGS SU GRAGS PA'I
KUN LDAN GYI LO DE KHA'I ZLA BA BCU GNYIS PA'I TSES GSUM, 'DUL
BA'I LUGS KYI 'PHAG

BA CES PA LCAGS GLANG GI DGUN STOD ZLA BA GNYIS PA'I DKAR PHYOGS
KYI TSES GSUM LA, CHOS GRVA CHEN PO BKRA SHIS LHUN PO'I KHRI
THOG TU SLEBS, SDE DPON RIGS, GRVA RIGS SO SO NAS LEGS JAR DMIGS
PA'I TSOGS CHEN

DU MANG JA ZLA BA 'BREL BA'I DGONGS JA'I THOG SNAR THANG BRGYA
RTZA'I RJES GNANG, SGROL MA NYER GCIG GI RJES GNANG, BKA' GDAMS
CHOS 'BYUNG CHEN MO'I LUNG, RTZA SHES 'JUG ,MNGON RTOGS RGYAN
RNAMS KYI LUNG BYAS,

DPYID GANGS CAN DU PHYIN NAS, DGE SLONG LNGA DRUG TZAM DANG,
'GA' ZHIG GSAR PA DANG, PHAL CHER MKHAN PO LA 'DUN PA'I GONG
'PHEL PHUN TSOGS KYI DGONGS PAS DGE TSUL PHYED DANG SUM BRGYA
TZAM BSGRUBS, BSLAB BYA

@026B GNAM RTZE LDENG MA GLENG GZHI DANG SBYAR NAS RGYAS PAR
BSHAD, MJUG TU RIM BZHIN TSOGS PA LA GSANG BDE 'JIGS GSUM KA'I
DBANG BSKUR, GANGS CAN RANG NA YOD PA'I KA CHA RNAMS KYI STENGS
BSNON PA YANG MANG DU BTAB NAS

KHRO PHU'I SMON LAM STENG DU MANG 'GYED BZANG BA ZHIG BYAS, DE'I
LO DKON PA'I 'DU SHES KYIS SKYA SER MTHA' DAG GI TSOGS DANG,
SMON LAM DANG SPYI SGER GYI CHOS LA DAD 'DUN MCHOG TU CHE BA
LTAR, MTHO RIS DANG THAR PA DANG THAMS CAD

MKHYEN PA'I LAM GSAL BAR BYAS, SPYIR GANGS CAN PA RNAMS DBU
MKHREGS, STANG STOB TU 'DUN SHIN TU DKA' BA ZHIG YIN NA'ANG, KHO
BO LA NI RTZA BA'I DGON PA 'DEBS PA PO PAn CHEN BZANG PO BKRA
SHIS LAS KYANG DAD MOS CHE BA

MDZAD, DE'I RGYUS GDAN SA 'JOG PA YANG DKA' MO RANG YONG BA 'DRA
BSAM PA BYUNG KYANG, KHONG RNAMS KYI THUGS LA SDE PA LHUN RTZE
PA'I DGONGS PA MI KHROL BA GZHIR BYAS, DNGOS SU GLENG BRJOD CI
YANG MA BYUNG BAS, GZHAG BLA

BA'I NGOS SNA TSOGS PA'I TSUL GYIS GSAR SPROD GANG DRAG BYAS
SHING, PHYIS NAS KYANG MGON KHANG DU, SHAB SKOR NA YAGS PA'I HOR
SLOG GI SBUG CHOL CHA GCIG ,HOR SIL SHIN TU BZANG BA, BKRA SHIS
KHA BTAGS LAS GRUB PA

STON PA'I SKUS SPRAS PA'I 'PHAN SKOR GNYIS, CHAB BUM KHA PHYE MA
ZUNG DANG, CHO 'PHRUL GYI TSES BCO LNGA LA MANG JA RE'I GZHI
RTEN, GRVA TSANG GNYIS LA CHOS GRVA JA DU MA'I GZHI RTEN BTZUGS,
DENG SANG GI BAR LO RE BZHIN MANG 'GYED RE

@027A *, ,YANG CI THONG BYAS PA LAGS, DE NAS BKRA SHIS LHUN POR
DBYAR GNAS THOG TSOGS PAR, THAMS CAD MKHYEN PA DGE 'DUN RGYA
MTSO'I GSUNG 'BUM THOR BU BA'I LUNG DANG, 'JUG PA'I tIKA CHEN
DGONGS PA

RAB GSAL GYI LUNG PHUL, DE'I STON GSER KHANG GONG PA DPON SLOB
KYIS GDAN DRANGS, DGON RGYA 'OG DANG BCAS PA LA 'GRO DON 'PHRIN
LAS JI LTAR BSKYANGS TSUL DE KHA'I DUS MKHAN CHEN NOR BZANG RGYA
MTSOS BSKUL NAS DE

'PHRAL TSIG BCAD DU BSDEBS SO, ,DE LTAR GSER KHANG GRVA TSANG
RNAMS KYIS SPYAN DRANGS RJES, SNA TSOGS DBYIG GI LO'I BAR GYI
STON RIM BZHIN DPAL 'KHOR BDE CHEN GYI GRVA TSANG ZHI GNAS PA,
LA GRUB PA, LHA KHANG PA, NOR BU DGE

LDAN PA RNAMS KYIS RIM GYIS RANG RANG GI DGON RGYA 'OG DANG BCAS
PAR GDAN DRANGS TE, RNYED PA DANG BKUR STI BZANG PO 'GRAN PA
BZHIN DU BSGRUBS, SKYA SER GYI SKYE BO STONG PHRAG MANG PO LA
GANG 'TSAM KYI CHOS KYI CHAR PHAB STE NGAN 'GRO'I

SGO GTAN BCAD CING MTHO RIS DANG THAR PA'I LAM LAM PO CHE BZHIN
TU BYAS SO, ,DE NAS BKRA SHIS LHUN POR DGUN CHOS LA 'JAM DBYANGS
CHOS SKOR YONGS SU RDZOGS PA BYAS, DPYID DBEN DGON DU RI KHROD
PA RNAMS LA 'DOD CHOS CI

RIGS STZAL NAS, SGRUB THABS RGYA MTSO DANG BRGYA RTZA'I LHA GTZO
BO RNAMS KYI BSNYEN BSGRUB ZHIG BYAS, MTSAMS GROL NAS, SOS CHOS
KYI RJE DGRA 'DUL BAS NAN CHAGS LA BRTEN NAS SHANGS PHUR PHYIN,
GRAGS CHE BAR 'DUG PAS

@027B ZA PHU'I GTER LUNG BCU GSUM PA TSUN DANG, ZANGS TOG DPAL
RI, MA TSOR SOGS ZHIB PAR MJAL, DE'I TSE NAM MKHA' 'JA' TSON SNA
LNGAS GANG ZHING, MTSO 'GA' ZHIG LAS SNOD BCUD KYI SNANG BA SNA
TSOGS SHAR BA THAMS CAD KYIS MTHONG

BA NI BYUNG, PHYIR LAM COG PO RTZE SOGS MKHAS GRUB KHYUNG PO'I
BSGRUB GNAS MTHA' DAG MJAL NAS LHA BZHI DRIL BSGRUB DANG, BLA MA
MGON PO DBYER MED KYI RNAL 'BYOR MDOR BSDUS PA TZAM NYAMS SU
BLANGS TE GNAS 'BREL BYAS PAS,

GNAS DE DAG NYAMS KYI 'GYUR BA CHE ZHING DMIGS PA GSAL BA BYUNG,
SMON LAM CHEN MO LA BKRA SHIS LHUN POR SLEBS, DE DUS THUG TSUL
GYI KHRO MO CHE KHROL TSAGS LTAR GYUR 'DUG PA, KHRO ZANGS KHAL
DRUG CU RE GSUM GYI MTHIL

GSAR DU BRJES SHING PHYIS NAS KYANG GDAN SA YUN RING BAS KYANG
YIN PA 'DRA KHA RGYER MA GTOGS LAN DRUG BRJES SHING DRUG PA'I
TSE JA KHRO CHEN MO GSAR BZHENGS BYAS PA SNGA SOR TSOGS CHE DUS
JA KHRO GNYIS GSUM TZAM DGOS PA LAS, DENG

SANG TSOGS PA PHYED DANG NYIS STONG TZAM GYI MANG JA YANG CI
BDER THON PAS LAS BYED RNAMS BYA BA SLA ZHING, KHYAMS STOD SMAD
JA BZANG NGAN DANG TSA GRANG MTSUNGS PAS TSOGS PA'I ZHABS TOG TU
GYUR CES SEMS, KHRO LUGS DANG PO GRUB

MTSAMS NYID STONG DU ZANGS LTIR BCO BRGYAD BCOS PA YANG SLEB
BYUNG BAS, MANG JA BZANG BA DANG BCAS TSOGS PA'I SPYAN LAM PHAB
CING PHUL, DBYAR CHOS LA BKA' GDAMS GLEGS BAM YONGS RDZOGS
BSHAD, DE'I STON SKU MDUN

@028A *, ,BLO BZANG PA DANG BCAS THON GZHIS KAR, BDAG CAG GI
STON PA'I GOS SKU MDZAD PA BRGYAD MA DE DANG, DBEN DGON DU PHUL
BA'I STON PA'I GOS SKU GNYIS, PHIR THOGS DBANG PO'I RNAM DPYOD
KYIS MIG GI

BDUD RTZI LTA BU, BYIN RLABS KYI GZI BYIN 'BAR BA GEGS MED DU
GRUB, SDE PA THON PA RANG GI 'PHAGS PA'I GNAS BRTAN BCU DRUG GI
GOS YOL GSAR PA MDZAD PA'I RAB GNAS RGYAS PAR BYAS TE ME TOG
GTOR, DE NAS BKRA SHIS LHUN

PO'I DGUN CHOS DANG BSTUN NAS DGONGS JA'I THOG SKYES RABS THUN
RE GZABS BSHAD BYAS, DE YANG SNYIGS MA LNGA LHAG PAR BDO BA'I
DUS 'DI 'DRA BAR NI YUL RTEN PHUN SUM TSOGS PAR BAN BTZUN SOGS
KYIS SBAGS PA MED

PAR; GZHI TSUL KHRIMS RNAM PAR DAG PA'I DGE 'DUN BRGYA PHRAG
MANG PO DANG LHAN CIG TU CHO 'PHRUL CHEN PO'I DUS BZANG POR DKON
MCHOG GSUM LA SKYABS SU SONG ZHING BYANG CHUB TU SEMS BSKYED,
BSAG SBYANG GI GNAD BSDUS

PA'I YAN LAG BDUN PA SNGON DU BTANG NAS, KUN TU BZANG PO'I SMON
LAM TSUL BZHIN DU BSGRUBS PA NI DUS SKABS KYIS BSTAN PA DANG
SEMS CAN GYI DON BLA NA MED PA DANG, RANG BZHAN GTAM GYI MDUN
MA
'GRUB PA'I RTZA BA YIN NO

SNYAM DU BSAMS NAS THOG MAR MDZES BYED KYI LO RTA BA ZLA BA'I
DKAR TSES GSUM NAS BCU DRUG GI BAR DU SMON LAM CHEN MO LEGS PAR
BTZUGS, DANG PO MANG JA RE RE TZAM YANG 'GRIG PA JI LTAR SNYAM
DU YID 'PHYANG MO NYUG

@028B TU GYUR KYANG, PHYIS NI NYIN RE MANG JA MANG DUS LNGA DRUG
TZAM GTONG DGOS PA YANG BYUNG, DE NAS BZUNG STE RAB BYUNG GI LO
'DI NYID YAN LA LO NYI SHU RTZA LNGA SONG BA'I BAR RTEN GSUM
DANG, MCHOD RDZAS DANG, DGE 'DUN GYI 'DU 'TSOGS RNYED

BKUR DANG BCAS PA DANG, DKON MCHOG GI MCHOD 'BUL SMON PA YANG
DAG PA BSGRUBS PA SOGS PHUN SUM TSOGS SHING GONG 'PHEL DU GYUR
PA YIN, 'DI NI KHO BO'I TSE 'DI LA LTOS PA'I RNAM THAR BZANG BA
ZHIG YIN SNYAM PA YOD DE, DGE BA'I

BSHES GNYEN PO TO BA'I RNAM THAR DU, BOD NA DGE 'DUN STONG PHRAG
DU MA RNAM THAR GCIG LA 'GOD NUS PA'I DGE SLONG YOD CES, DAM PA
'DI NYID RGYA GAR DU'ANG GRAGS ZHES 'BYUNG BA LTAR, DGE 'DUN
STONG RVA CAN BRGAL BA LO GRANGS DE

SNYED DU, THAMS CAD MKHYEN PA BSGRUB PA LA RTZE GCIG TU THUGS
BSTUN NAS 'DUN PA RMAD DU BYUNG BA'I RNAM THAR LA 'GOD PAR BYAS
PA'I PHYIR DANG, JI SKAD DU, GANG GIS PHYOGS BCU'I ZHING RNAMS
JI SNYED PA, ,RIN CHEN BRGYAN TE

RGYAL BA RNAMS LA PHUL, ,LHA DANG MI YI BDE BA'I MCHOG RNAMS NI,
,ZHING GI RDUL RNYED BSKAL PAR PHUL BA BAS, ,GANG GIS BSNGO BA'I
RGYAL PO 'DI THOS NAS, ,BYANG CHUB MCHOG GI RJES SU RAB MOS
SHING, ,LAN GCIG TZAM

YANG DAD PA BSKYED PA NI, ,BSOD NAMS DAM PA'I MCHOG TU 'DI 'GYUR
RO, ,ZHES SOGS RGYAL BA'I BKA' TSAD MAR GYUR PAS ZHAL GYIS BZHES
PA'I BSOD NAMS GZHAL DU MED PA RANG GZHAN GYI RGYUD LA BSKRUN
PAR BYAS PA'I PHYIR

@029A *, ,RO; ;DE LTAR CHO 'PHRUL CHEN PO'I DUS NYIN RE MOS KYI
'GREMS PA, YANG DAG PAR RDZOGS PA'I SANGS RGYAS KYI MDZAD PA
BRGYAD PA'I GOS SKU RMAD DU BYUNG BAS MTSON, BDAG CAG GI STON PA
GTZO BOR BYAS PA'I GOS SKU

LNGA; JO BO RJE, RGYAL BA TZONG KHA PA, RJE DGE 'DUN GRUB RNAMS
GTZO BOR BYAS PA GSUM, RGYAL BA 'OD DPAG MED GTZO BOR BYAS PA
GSUM, RJE BTZUN BYAMS PA SANGS RGYAS TSUL BSTAN PA'I RNAM THAR
RGYAS PAR BKOD PA, BDE BAR GSHEGS PA

SMAN BLA, RGYAL BA SENG GE'I NGA RO, RJE BTZUN 'JAM DBYANGS,
'PHAGS PA SPYAN RAS GZIGS ZHAL BCU GCIG PA, PHYAG BZHI PA, KHA
SAR PA nI, SENG LDENG NAGS SGROL, MI G-YO MGON PO RNAMS GTZO
BOR BYAS PA'I GOS SKU, THAGS GRUB

KYI GNAS BCU DANG, BKRAL BTAGS DANG SI HU'I THANG SKU DU MA
BSGRIGS PA'I GOS SKU GNYIS, DRAS SHING DRUBS PA MA YIN PA'I
KHYAD RAS LA BRIS PA'I SANGS RGYAS LUNG BSTAN MA STE GOS SKU NYI
SHU RTZA GSUM, STON PA'I SKU YIS

MDZES PAR BYAS PA'I BKRA SHIS KHA BTAGS BSGRIGS PA'I 'PHAN SKOR
DANG, YANG GONG PA LA LAM RIM BLA BRGYUD BRIS PA, BKRA SHIS KHA
BTAGS DANG RTEN KHEBS DANG SMAD GSHAM SPEL BA'I 'PHAN SKOR DANG,
YANG BKRAS BTAGS

SOGS SPEL BA'I 'PHAN SKOR GSUM, BKRA SHIS KHA BTAGS NYIN BDE
LEGS 'DOM GSUM MA LA DING PHON KHA BTAGS KYIS BRGYAN PA'I 'PHAN
KHYAD MTSAR BA CHA GCIG GIS MTSON PA'I GOS BZANG PO'I 'PHAN CHA
BCU, PYE PHUR DANG

@029B RGYAL MTSAN NYI SHU RTZA BDUN, MU TIG GI SNAM SBYAR BDUN
GYIS THOG DRANGS KHYAD DU THON PA'I SNAM SBYAR BCU GNYIS, DNGUL
GYI MAndAL, MU TIG GI RTEN KHEBS PHUL DU BYUNG BA ZHIG DANG,
GZHAN MA RTEN KHEBS GCIG ,DNGUL GYI KHRUS

BUM RGYA BZO MA GCIG DANG, GU GU SHEL GYI KHRUS BUM GCIG ,GOS
BZANG PO LA 'DOD YON NYER SPYOD SOGS RI MOR BRIS PA'I YUG CHA
GNYIS DANG, LU HANG GCIG ,KA YUG LA BRIS PA CHA GCIG ,GOS SKU'I
STENG DU DBUS SU DING PHON,

G-YAS G-YON DU BUM GDAN MA BSGRIGS PA'I BLA BRE, DING PHON KHA
GANG PA DANG KHA THI BZANG PO DANG, GOS BZANG PO SNA TSOGS PAS
KUN DGA' RA BA YONGS SU KHEBS PA'I BLA BRE LEGS PAR BSGRUBS,
GTZANG KHANG DBUS MA'I BDAG CAG GI STON

PA'I SKU LA GOS LU HANG BZANG PO'I SNAM SBYAR DANG, RJE BTZUN
BYAMS CHEN LA LUNG GI YUG SUM CU SO BDUN LAS BYAS PA'I CHOS GOS
PHUL, GZHAN YANG ZLA BA LNGA PA'I SMON LAM CHEN MO'I DUS SU
'GREMS PA, THAMS CAD MKHYEN PA DGE

'DUN GRUB PA'I DUS KYI BLA RE PHAL CHER YANG, DUS KYI RNYINGS
SHING RAL BA DANG 'THOR BAR GYUR PA DE DAG KYANG GSAR DU BRJES
SHING LEGS PAR BSOS, DPYID SOS MGON KHANG CHEN MO'I STENG DU LI
MA LHA KHANG KA GNYIS SNGON MED

GSAR DU BSKRUN NAS, STON DUS SHING RTZI'ANG LEGS PAR GRUB, LI MA
LHA KHANG GI THOG MA'I BZO TSUGS NAS MI RING BAR THON LA 'GRO
DGOS PA BYUNG CING, DE SKABS RTZUB CHAGS CHE BA'I RNAM PA SNGA
GONG NAS YOD PA'I GEGS SEL

@030A *, ,PHYIR GSANG THABS SU LHA SAR PHYIN NAS GSER BTUL MA
ZHO BCO BRGYAD KYIS, JO BO RNAM GNYIS KYI SKU YONGS RDZOGS DANG,
GZHAN MA LHA KHANG NANG GI LHA THAMS CAD LA ZHAL GSER RGYAS PA
GSOL, GSOL

BA BTAB CING BYIN RLABS ZHUS PAS 'TSUB 'GYUR ZHI BA'I RTAGS
KHYAD PAR CAN BYUNG, RDO RJE SLOB DPON YIN PAS, RDO RJE 'CHANG
DGE 'DUN RGYAL MTSAN PA'I ZHAL SNGA NAS GSANG THABS SU MJAL TE
ZAB CHOS 'GA' ZHIG ZHUS NAS,

DBEN DGON DU BDE MCHOG SGRUB MCHOD LA SLEBS, DBYAR GNAS BKRA
SHIS LHUN POR BYAS, DGAG DBYE GROL NAS, SRANG RGYUD SLOB DPON
DGE BA'I BSHES GNYEN BYAMS PA RGYAL MTSAN GYIS, SLOB DPON RIN PO
CHE RDO RJE 'DZIN

PA SANGS RGYAS RGYA MTSO'I NANG RTEN RJE YAB SRAS KYI SKU
BZHENGS PA'I RAB GNAS LA YONG DGOS TSUL SNGA MO NAS YANG YANG
BYUNG BA LTAR DGA' LDAN PHO BRANG DU PHYIN NAS, DPAL LDAN 'DUS
PA LA BRTEN PA'I SPYAN DBYE RGYAS PAR BYAS

TE 'PHRAL DU BKRA SHIS LHUN POR 'ONGS, 'TSAMS DAM PAR BCAD NAS
SNGAR MA GRUB PA'I YI DAM 'GA'I BSNYEN BSGRUB BYAS, KHAMS DANGS
SHING, RTAGS DANG MTSA NAM DGE BA DU MA BYUNG BA GSAL BAR BRJOD
MA SPOBS,

MTSAMS GROL 'PHRAL RTA NAG LA PHYIN NAS DANG LDAN GYI SKYE BO
MTHA' YAS PA 'DUN PAR BYAS SHING, RJE MGOS KYI BSGRUB GNAS ZHAL
GZIGS PHUG PA MJAL BAS, GNAS KYI KHYAD PAR GYIS YIN PA 'DRA,
LHAS ME TOG GI

@030B CHAR PHAB CING TSE CHU'I RGYUN BABS, DE'I 'OG MKHA' SPYOD
NA YANG DPAL LDAN LHA MO'I LOGS BRIS BYIN RLABS SHIN TU CHE BA
ZHIG 'DUG PA LA ME TOG DOR BAS 'OD ZER KHA DOG SNA LNGA 'PHRO
ZHING, RNAM 'GYUR SNA TSOGS STON PA MTHONG, STON

DE LA MCHOG GI SPRUL PA'I SKU YON TAN RGYA MTSO YANG BYANG
PHYOGS KYI BRGYUD NAS PHEBS, PHYI NANG GI RKYEN DU MAS BSKUL TE,
BKRA SHIS LHUN PO'I MKHAN SLOB THAMS CAD KYIS MJAL BAR BYON, LAM
BAR DU YANG MIG 'PHRUL LTA BU BYIS PA

YA MTSAN DU BYED PA 'DRA BYUNG DE DUS RANG NGOS KYI BDOG PA'I
DNGOS PO'I PHYAG BRTEN GZABS SHING, 'BRAS SPUNGS SU MANG JA
'GYED DANG BCAS PA BYAS, SLOB DPON PA RNAMS PHYIR THEGS, KHO BO
CAG LA RE ZHIG 'DUG NAS, THAMS CAD

MKHYEN PA'I SPRUL SKU LA CHOS BKA' RNAM GRANGS MANG BA 'BUL DGOS
TSUL NAN CHAGS PA LTAR, DGUN 'BRAS SPUNGS RANG DU BSDAD NAS
DBANG LUNG RJES GNANG SOGS LAM PA KA'I SKU SHA'I GRANGS DANG
MTSUNGS PA 'GRO GANG CHE GTZO BOR

STON PA'I, THUN MTSAMS ZHAR BYUNG DU 'BRAS SPUNGS KYI BKA' BCU
RAB 'BYAMS PHAL CHER 'DUS PA LA BKA' CHEN BZHI'I RTZA BA'I LUNG
YONGS RDZOGS DANG, SLOB DPON PA RNAMS GDAN 'DZOM PA LA DMAR
NAG GNYIS, ZHE DGU MA, RO

LANGS BRGYAD SKOR, DPA' GCIG RNAMS KYI DBANG BYAS, DE LTAR SPRUL
SKU THAMS CAD MKHYEN PA DANG THOG MAR MJAL SKABS, PHYI NANG GI
RTEN 'BREL PHUN SUM TSOGS PA GEGS MED PAR RANG 'GRIG ,BDAG NYID
KYANG MCHOG TU YID

@031A *, ,CHES PA DANG, DAD PA LHAG PAR THOB STE, JI LTAR BZHENG
PA'I CHOS RNAMS LAS, LUNG RGYUN GYI TSOGS RNAMS 'BUL BA'I LONG
CHER MA BYUNG, GZHAN MA SNGA PHYIR DBANG DANG, RJES GNANG DANG,
ZAB KHRID MAN NGAG ZHAL

SHES SOGS PHAL CHER BUM PA GANG BYO'I TSUL DU PHUL, MCHOG GI
SPRUL PA'I SKU RANG NYID KYIS KYANG, SKU TSE MANG PO'I SNGA ROL
NAS, KHO BO CAG LA MNGON PAR DGYES PA'I THUGS KYI BAG CHAGS SAD
PA LTAR MDZAD NAS, CHOS GSAN

PA'I BLA MA MANG PO'I NANG NAS, BDAG CAG RIGS KYI BDAG POR LEGS
PAR BZHES TE, THOG MTHA' BAR GSUM DU SO SKYE'I BLO YUL LAS 'DAS
PA'I RNYED PA DANG BKUR STIS MCHOD PA NI, DGE BSHES STON PA'I
RNAM THAR DRI MA MED PA'I

RGYUN 'PHRUL MED DU NGES SO, ,LHA SA'I SMON LAM GROL NAS DGONGS
PA ZHUS TE, BYANG RA BSGRENG GI GNAS MJAL DU PHYIN, KHONG RNAMS
KYI BSU BA GSER 'PHRENG RGYAS PAR MDZAD CING RTEN 'BREL LEGS
TSOGS PHUN SUM TSOGS PA BYUNG,

NANG PAR TSA BA THON 'PHRAL RAB 'BYAMS PA BZANG RGYAN PA SOGS
GROGS BCU TZAM DANG BCAS, PHYI BSKOR LA PHYIN NAS JO BO CHEN
PO'I SKU RANG BYON GYI THA SNYAD BYED PA'I MDUN DER SER BU PHRA
MO TZAM YANG MED CING NYI MA SHIN TU GSAL BA LA 'PHYING

DKAR BA'I STENG GI MDUN NGOS NA 'JA' SPRIN KHA DOG SNA LNGA ZHIG
KYANG 'DUG ,DE'I TSE 'JA' SPRIN DE LAS BYUNG NGAM, GTZUG LAG
KHANG GI STENG NGOS TZAM NAS BYUNG MA NGES LA, SHAR NGOS KYI BAR
SNANG GI MTHONGS NAS KHA DOG SNGO LJANG LHAB LHUB

@031B G-YO BA ZHIG NE'U TZO 'PHUR BA BZHIN BYUNG BAS, SHING LO
GSAR PA CHE BA ZHIG YIN PA 'DRA SNYAM, DE NA DE NA ZHES BRJOD PA
NA GZHAN RNAMS DBU PHAR RIL TSUR RIL BYED PA'I DANG DER, KHO
BO'I MDUN GYI G-YAS NGOS SU BABS BYUNG BA

BLANGS PAS DAR LJANG SNGON BYANG DAR BZANG PO LAS KYANG CUNG
ZAD
BZANG ZHING, KHYON CHE TZAM ZHIG BZHI BLTAB BYAS NAS BYUNG BAS
KUN NGO MTSAR DU GYUR KYANG, 'DI LTAR ZHES NGES PA ZHIG MA
BYUNG, PHYIS RGYU MTSAN DANG BCAS PA RTOGS

KYANG GZHAN LA MA RJOD PAR, RJE BTZUN SGROL MA'I SKU BRIS TE,
RJE BTZUN BYAMS PA'I LI SKU'I NANG DU BZHUGS SO, ,DER CI TZAM
SNGOD RING BSAGS SBYANGS DANG SMON LAM LA BRTZON PAR BYAS SHING,
RA BSGRENG TSOGS PA LA BKA' GDAMS

GLEGS BAM GYI CHOS THUN RE YANG BSHAD DO, ,SLAR SKYID SHOD DU
SLEB GTZANG DU 'GRO BAR CHAS KYANG, MCHOG GI SPRUL PA'I SKU DPON
SLOB RGYAL DU PHEBS PA'I ZHABS PHYIR DBANG LUNG GI 'PHRO
BSKYANGS DGOS TSUL GYI BKA' BZHIN, THOG MAR

GZHI SA KA BDE CHEN DU PHEBS, SKU MTSAMS ZHAG NYER GCIG TZAM GYI
KHONGS SU THAMS CAD MKHYEN PA LA RJE BTZUN TZONG KHA PA CHEN
PO'I GSUNG RAB DU MA'I DBANG LUNG SOGS PHUL, MI'I DBANG PO
G-YUL RGYAL BA, YANG DGON ZHABS

DRUNG, GUNG RU DBYANGS DPON PA MCHOD YON GSUM LA, BDE MCHOG
DRIL
BU PA'I LUS DKYIL DU DBANG BSKUR NAS DRIL BU RIM LNGA'I 'KHRID
PHOG NYAMS LEN LA BRTZON PAR MDZAD, DE NAS RIM BZHIN LAM BAR GYI
BZHUGS ZHAG DANG,

@032A *, ,BSNYEN BKUR ZHABS TOG GI SA RNAMS SU'ANG, 'JOS BDE BAR
BYAS TE, BSNYEN BKUR GYI 'A 'UR LA MA BLTAS PAR, LO DGON PA SOGS
BKA' GDAMS KYI GNAS RNAMS DANG, RGYAL BA DBEN SA PA'I

BKA' RGYUD 'DI'I ZAB CHOS MANG PO'I RGYUD PA'I RTZA BA YIN PAS,
SPANGS YANG DGON DU, BLA MA RTOGS LDAN 'JAM DPAL RGYA MTSO'I SKU
GDUNG MJAL, RDZING PHYIR JO BO BYAMS PA'I DRUNG DU ZHAL GSER
DANG SNYAN SHAL MDZES BYED

RGYAS PAR PHUL TE, TSANGS SPYOD MA MANG DU STON NAS, GSOL BA
'DEBS PA DANG, SMON PA YANG DAG PAR BSGRUBS, 'OL KA'I GZHIS KAR
ZLA PHYED LHAG TZAM GSUNG CHOS SHIN TU 'PHEL BA'I NGOS, CHUNG
NGU NAS MJAL 'DOD CHEN

PO YOD PA LTAR, RJE THAMS CAD MKHYEN PA'I BSGRUB GNAS RGYA SOG
LHA SDINGS, CHOS LUNG, BYAMS PA GLING SOGS CHED GTAD MJAL BAS,
RJE BTZUN BLA MA DE NYID KYIS SA PHYOGS 'DI DAG TU, BDAG CAG
RNAMS KYI DON DU SPYOD

LAM RNAM BZHI MDZAD PA DANG, MDO RGYUD RGYA MTSO LTA BU'I DKA'
GNAS LA ZHIB TU DPYAD PA DANG, DPYAD PA MTHAR PHYIN NAS, MNGON
PAR RTOGS PA RMAD DU BYUNG BA BRNYES PA'I TSUL BSTAN NO SNYAM DU
DAD PA DANG DGA' BA SKYO BA GSUM KA

'GRAN PA BZHIN DU GYUR TO, ,MTHAR GYIS RGYAL ME TOG THANG DU
PHEBS NAS THAMS CAD MKHYEN PA'I SPRUL PA'I SKU'I DRUNG DU SNGAR
GYI CHOS 'PHRO RNAMS DANG, DPAL LDAN LHA MO'I DBANG BZHI SOGS
PHUL, TSOGS PA SPYI LA CHOS 'BREL

@032B DANG, RI KHROD PA RNAMS LA LHA MO'I RJES GNANG BYAS DER
PHYAG MDZOD SENG GES GSAR DU BZHENGS PA DANG, SPYAN DRANGS PA'I
GSER GYI BKA' 'GYUR TSAR GNYIS, STON PA'I GOS SKU CHEN MO DANG
BCAS PA LA RAB GNAS RGYAS PAR BYAS

DE DUS CHO GA CI 'DRA ZHIG BYED KYANG BYANG 'DREN LA BLTOS PA
MED PAS KHO BO RANG GI RANG DBANG DU BGYID PA YIN, DER MTHIL
DANG, DGA' TSAL GYI RTEN MJAL ZHIB TU BYAS SHING, NAM DUS SOGS
KYIS MTSO ZHAL MA BYE ZHING KHA CHAR LHAG PAR

CHE BAS PHYIN PA MI LEGS ZHES ZER KYANG BRTZON PA BSKYED NAS
DPAL LDAN LHA MO'I BLA MTSO BLTA BAR PHYIN, GDONG GNYAN GNYIS
KYI MTSO YAN CHAD, KHA BAS G-YOGS PAS LAM NYEN CHE ZHING 'GROD
DKAR BA 'DUG KYANG, RKANG THANG DU PHYIN PAS

BDAG NYID THAMS CAD LAS SNGA BAR SLEBS, SLEBS 'PHRAL MTSO
'KHYAGS PAS KHEBS PA DE SNGO MER GYIS ZHU NAS ZHAL KHEBS 'DRA BA
RIM GYIS BSAL PHYAG MTSAN SOGS SNA TSOGS 'PHYAR BA'I SKABS SU,
THON NAS 'BOD MI DON BZANG

YANG YOD PA, GZHAN LAS SNGA BA BYUNG NAS CI 'DRA 'DUG ZER, MTSO
ZHAL LEGS PO YOD PA 'DUG GO MGYOGS PO BYON CIG BYAS, KHONG BYUNG
NAS, G-YA' MTSO 'KHYAGS 'DUG PA ZER BAS RKYEN BYAS NAS SKAD CIG
DE LA 'KHYAGS PAS

DKAR MER GYIS KHEBS SONG, 'ON KYANG DGER BSKANG ZHIG BTANG, DE
NAS DGONGS PA ZHUS TE, SLAR LOG 'OL KHAR DPON SA LA TSE DBANG
DGUNG GRANGS BYAS NAS, PHYIR LAM MKHAR RTAG BRGYUD, ZANGS RIR
SDE PA RGYA RI BA KHRI PA KHU DPON

@033A *, ,PHEBS 'DUG PA LTAR DGONGS PA BZHIN BAR CHOD SEL BYED
KYI DBANG PHUL CING, MI KHROM KYANG SHIN TU CHE BA 'TSOGS 'DUG
PA LA YI GE DRUG PA'I BSGOM BZLAS BYAS, GDAN SA THIL DANG BSAM
YAS KYI LHA

KHANG MTHA' DAG ZHIB CING RGYAS PAR MJAL TE, SKYING SHOD RGYUD
NAS ZLA BA BDUN PA'I TSES GSUM GYI SNGA CHAR BKRA SHIS LHUN PO
BA RNAMS KYIS KYANG MCHOG TU GZABS PA'I BSU BA SER 'PHRENG DANG
BCAS BDE BAR SLEB CING, TSOGS

PA STONG RVA CAN LHAG PA LA MANG JA BZANG PO, BYANG DAR GYI KHA
'GYED, RNAM GZHAG RGYAS PAR BSGRUBS, DE DUS SOS THAN DBYAR GUNG
LA REG STE TSA BA ME LTAR 'BAR BA'I SKABS SU 'DUG PA LA, NGED
RANG SLEBS PA'I NUB RGYAL KHAMS

YONGS SU KHYAB PA'I CHAR CHEN PO BABS PAS, PHYOGS LHUNG DANG
BRAL BA'I SKYE BO MI NAG DAG KYANG, BKRA SHIS LHUN PO'I PAn CHEN
GYIS, BKRA SHIS LHUN PO BA LA DAR DANG, RGYAL KHAMS SPYI LA NAS
KYI SKYES BZANG PO BYAS SONG NGO, ,

ZHES KYAL KA DAG KYANG BYED CES 'DZER TO, ,SPYIR GYI NI DE DUS
KHO NAR MA ZAD, SNGA PHYI MANG POR SOS LHAG PAR THAN PA'I DUS SU
'GRO 'DUG BYAS TSE GANG DANG GANG DU PHYIN PA DER, PHAL CHER
CHAR 'BAB PA DANG, DGUN DUS SU NYI MA DRO BA

'BYUNG ZHING, KHYAD PAR NYANG STOD KYI PHA PHU RNAMS DANG,
'BRING 'TSAMS LHO BYANG, LCE LUNG LA SOGS PAR, DE'I SNGON DU BAR
SKABS ZHIG LO NYES MANG PO SBREL NAS, SA BCUD SHOR BAS DGE MTSAN
DANG BRAL BA'I DUS DER, DAD CAN RNAMS

@033B KYIS SPYAN 'DREN DANG BSTUN NAS SA PHYOGS DANG YUL GRONG
DE DANG DER RKANG PAS BCAGS SHING, KHROM DBANG DANG, RAB TU
GNAS
PA'I ME TOG GTOR BA DER NAD RIMS DKON CING LO LEGS PA BYUNG ZHES
GLENG CING, MCHOG TU LCE LUNG DU MKHA'

SPYOD PA'I MKHAN SLOB CHE BGRES THAMS CAD 'DUS PA'I CHIBS BSU
GZABS MO DANG BCAS YONG DUS, KUN MKHYEN CHOS 'BYOR DPAL BZANG
'KHRUNGS PA'I SA DRIS PAS, RGUR SPE ZER BA 'DI LAGS ZHES, KHO BO
LA NGO SPRAD PA NA SKAD CIG DE

LA SHEL LTAR 'TSER BA'I 'OD KYI PHUNG PO CHEN PO ZHIG SA DER
'DUG PA THAMS CAD KYI MNGON SUM DU GZIGS, DE NAS BZUNG STE SA
BCUD PHEBS SHING BDE SKYID LDAN PA BYUNG ZHES YUL PHYOGS DE DAG
GI SKYE BO MTHA' DAG MTHUN PAR SMRA

MOD KYANG, BDAG CAG LA NI DE 'DRA BA'I BYIN RLABS DANG MTHU NUS
CI LA YOD, 'ON KYANG KHO BO BLA MA DKON MCHOG LA MCHOG TU MI
'GYUR BA'I DAD PA DANG LDAN PAS, DKON MCHOG RIN PO CHE'I THUGS
RJE BSLU BA MED PA'I BYIN RLABS SU

NGES SO, ,DE LTAR KHRO MO ZHES PA'I LO DE'I DGAG DBYE GROL
'PHRAL MTSAMS BCAD, DE YANG SNGA SOR MYOS BYED KYI LO LA THON
RGYAL BYED CHAL DU SDE PA ZHAL NGO DANG, TSOGS PA SPYI LA DUS
KYI 'KHOR LO'I DBANG BSKUR BA'I SNGON DU BSNYEN PA

ZHIG BYAS ZIN NA'ANG, LO PHYI MA SNA TSOGS DBYIG GI SOS SPRUL
SKU THAMS CAD MKHYEN PA LA, BCOM LDAN 'DAS DUS KYI 'KHOR LO'I
DBANG DGOS TSUL BKA' NAN CHAGS PA BYUNG BAS, DUS 'KHOR GYI
BSNYEN PA'I KHA BSO ZHIG BYAS PA'I

@034A *, ,MJUG TU BSDUS RGYUD 'GREL PA DANG BCAS PA LA ZHIB TU
BLTAS, DGUN CHOS DANG RTING SKABS TSOGS CHEN LA SGRUB THABS RGYA
MTSO'I RJES GNANG LUNG DANG BCAS PA PHUL, CHO 'PHRUL SMON LAM
GROL RJES 'BRAS

SPUNGS NAS 'BOD MI DOS BRAG BYUNG BA LTAR, DBUS SU PHYIN NAS
DGA' LDAN PHO BRANG GZIMS CHUNG NYI 'OD DU NAG NYA DANG BSTUN
DPAL DUS KYI 'KHOR LO'I RDUL TSON GYI DKYIL 'KHOR BZHENGS TE,
THAMS CAD MKHYEN PA MCHOG GI SPRUL

PA'I SKU LA DUS KYI 'KHOR LO'I DBANG YONGS SU RDZOGS PA MTHA'
RTEN DANG BCAS PA DANG, GZHAN YANG CHOS BKA' CI RIGS PA PHUL,
DE'I TSE LHO RGYUD PHYOGS NAS SDE DPON DU MAS YONG DGOS TSUL
GRANGS MANG CING NAN CHES PAS

'GRO BAR SHAR, DE DUS MKHAR TOG ,'PHYONG RGYAS, RI BO BDE CHEN,
SPYAN G-YAS, SNE'U GDONG, RTZES THANG, RONG CHA DKAR SOGS SU,
JO GDAN TSOGS CHEN PA'I MKHAN CHEN GYIS MTSON PA'I BLA MA SLOB
DPON DANG, DGE 'DUN MANG

DU BZHUGS PA RNAMS LA, DBANG, 'KHRID, LUNG SOGS KYIS PHAN GDAGS
PA DANG, GANG DU PHYIN PA DE DANG DER SKYE BO'I TSOGS BRGYA
STONG DU MA 'DUS PA LA YIG DRUG GI LUNG DANG, BLA MA'I RNAL
'BYOR SOGS DAM PA'I CHOS

KYI SGRA BSGRAGS PA DANG, SNGON GYI DAM PA MANG PO'I BSTI GNAS
JO BO CHEN PO LHA CIG GI GDUNG KHANG BZHUGS PA, THANG PO CHE,
SPYAN G-YAS, 'OM BU BLA MKHAR, KHRA 'BRUG ,RTZES THANG, BYAMS
PA GLING, SLAR YANG BSAM YAS

@034B SOGS KYI GNAS DANG RTEN MJAL ZHIB TU BYAS, MCHOD 'BUL,
BSAGS SBYANGS, SMON LAM RNAM DAG TSUL BZHIN DU BGYIS PA SOGS NI
RJES SU YI RANG BAR 'OS PA'I RNAM THAR TZAM DU MCHIS, DE MIN
'DI'I DUS DANG, GZHAN YANG

SNGA PHYI DU MAR SDE DPON MANG POS BSU BA DANG, RNYED BKUR RGYA
CHER BSTABS PA SOGS 'JIG RTEN ZANG ZING GI 'AR 'UR BYUNG TSUL
SGRO SKUR DANG BRAL BA BSAM GYIS MI KHYAB PA BRJOD PAR BYAR YOD
KYANG, DE TZAM BDAG NYID KYIS TSE RABS

SNGON MAR SBYIN PA BTANG BA DANG, BLA MA DANG PHA MA DANG NAD
PA
SOGS ZHING BZANG PO RNAMS LA NGA RGYAL SPANGS TE GUS PAR BYAS
PA'I RNAM SMIN TZAM DU NI NGES, GZHAN DU 'DOD KHAMS KYI BDAG PO
BDUD SDIG CAN DANG, TSANGS PA BRGYA BYIN

'KHOR LOS BSGYUR BA'I RGYAL PO SOGS 'JIG RTEN GYI PHUN TSOGS KYI
RTZER SON KYANG, SLAR YANG DMYAL ME 'BAR BAS YANG YANG BSREG
PAS, ZANG ZING GI 'DU 'GOD LA SNYING PO MED PA'I PHYIR DANG,
BDAG NYID KYANG STON PA BU RAM SHING

PA'I RNAM THAR DANG MI MTHUN PA SDE BLA'I MDZAD SPYOD LA SNYING
NAS SPRO BA MED PA DANG, ZANG ZING LHUR BYAS PA'I NGANG TSUL LA
'PHAGS PA RNAMS KYIS SNYING RJER MDZAD CING, CHOS DANG MTHUN
PA'I MKHAS PA RNAMS KYANG DGYES PAR MI

'BYUNG BA'I PHYIR MA BKOD DO, ,DE LTA BU'I TSUL GYIS SLAR SKYID
SHOD NAS MTHAR GYIS BKRA SHIS LHUN POR DBYAR GNAS KYI MGO BSGANG
DU SLEBS NAS, TSOGS CHEN LA MANG 'GYED BZANG PO DANG, GANGS CAN
CHOS 'PHEL DANG, DBEN

@035A *, ,DGON LA YANG DE DANG MTSUNGS SHING, GTZANG GI GRVA SA
CHE CHUNG PHAL CHER LA MANG JA BTANG, DBYAR GNAS KHONGS SU NYI
SHU RTZA LNGA RTZA LNGA GRANGS SU BCAD DE TSOGS CHEN LA GDUGS
DKAR GYI DBANG RGYAS PAR PHUL,

DGAG DBYE THON NAS ZHAG NYER GCIG 'TSAMS LA 'DUG DKON MCHOG RJES
SU DRAN PA GTZO BOR BSGOMS NAS, BSAGS SBYANGS LA BRTZON PAR BYAS
PAS STON PA'I BKA' DRIN DRAN PA'I BLO BCOS MIN SHUGS DRAG SKYES
SHING

ZHAL DKYIL MNGON SUM DU MA MTHONG BAS YID SKYO SHING MYA NGAN
GYIS SEMS BLONG BLONG POR GYUR NAS TSIGS SU BCAD PA 'DI DAG
SMRAS PA YI GER BKOD PA NI,, ,,NA MO GU RU MU NI AINTRA YA, 'JIG
RTEN STOBS

KYIS MNGON RLOM MTHA' DAG GI ,GTZUG RGYAN GZHAL MED NOR BU'I
'PHRENG MDZES LA, ,ZHABS SEN GSAR PA'I ZLA TSES NGAL BSO BA,
,THUB DBANG LHA YI BLA MAS DGE LEGS STZOL, ,GANG SKU GSER GYI SA
'DZIN MTHON PA'I RTZER, ,ZHAL DKYIL NYIN

BYED RGYAS PA'I 'DZUM ZER GYIS, ,PHAN BDE'I 'OD BRGYA'I SNANG
BAS SRID PA GSUM YONGS 'GENGS STON PA DE LA BDAG CAG DANG, ,LAN
DANG RNAM PAR SMIN LA MI RE BAR, ,MGON MED NYAM THAG RNAMS LA
RJES BRTZA BA, ,BCOM LDAN ZHABS ZUNG RTEN PA'I

PADMA LA'ANG, ,BYANG CHUB SNYING PO'I BAR DU BDAG SKYABS MCHI,
,GRANGS MED BSKAL PAR GANG GI MTSAN TZAM KYANG, ,THOS PAR DKA'
ZHING LAN CIG THOS NA YANG, ,'JIGS PA KUN SEL DGE LEGS MCHOG
STZOL BA'I, ,LHAR BCAS 'GRO BA'I BLA MAS

@035B BDAG SKYOBS SHIG ,THUGS RJE CHE MNGA' RGYAL BA GZHAN RNAMS
KYIS, ,GDUL BAR MA NUS DMU RGOD 'DUL DKA' BA, ,BDAG DANG BDAG
'DRA'I SNYIGS DUS 'GRO RNAMS LA, ,KHYOD LAS LHAG PA'I MGON DANG
SKYABS GZHAN CI, ,BDE MED

SDUG BSNGAL RGYAS GANG SRID PA 'DIR, ,GROGS MANG GCIG PUR YANG
YANG 'KHOR BA NA, ,NYAM CHUNG BDAG GI SKYID SDUG LEGS NYES KUN,
,MKHYEN BRTZE'I BDAG NYID THUB CHEN DPA' BO MKHYEN, ,SKYON BRAL
YON TAN KUN GYI GTER GYUR

CING; ;MA BCOL BAR YANG PHAN DANG BDE MDZAD PA'I, ,RNAM THAR
BSAMS NA GANG GI KHONG NAS KYANG, ,YID RAB DAD PAR MI BYED SEMS
LDAN SU, ,THUB DBANG RJES SU RAB TU BYUNG GYUR KYANG, ,MNGON SUM
MA MTHONG SEMS KYI ZUG RDU DE, ,

BSAL PHYIR YID MTSOR RGYAL BA'I SKU BSKRUN KYANG, ,SEL BAR MA
NUS SLAR YANG STON PA DRAN, ,DGRA DANG BSHES MED KUN LA BRTZE
BA'I GNYEN, ,THAMS CAD MKHYEN PA'I NYI MA NUB RI'I PHAG ,THOS
PA'I LAM DU GSHEGS PA'I DUS

MTHA' 'DIR, ,SROG GI LHAG MA GSOD KYANG CI ZHIG RUNG, ,DES NA
DBANG PHYUG BRGYAD LDAN MGON KHYOD KYIS, ,STON DUS DGUNG SNGON
DBUS SU ZLA RGYAS BZHIN, ,BSOD NAMS PHUNG PO'I SKU DANG 'DZUM
PA'I ZHAL, ,DA LTA MNGON SUM

STON LA BDAG DBUGS DBYUNG, ,RNAM DKAR BYE BA LAS GRUB RTZIBS
STONG CAN, ,'KHOR LO'I MTSAN MNGA' DAD PA'I DRA BA LTAR, ,RAB
MDZES NOR BU'I 'OD 'BAR ZHABS SEN BYIS, ,REG PAS BDAG SNYING
ZE'U 'BRU SKAL BZANG

@036A *, ,MDZOD, ,STON PA MCHOG DE DA LTA 'DIR BZHUGS ZHES,
,NGES PA MIN YANG RGYAL BA'I MDZAD PA YIS, ,ROL PA'I ZHING DER
RTZE CIG YID GTAD KYIS, ,BDAG CAG RE BA'I 'BRAS BU MCHIS PAR
MDZOD, ,PHA ROL

BSKYAS CHEN 'DEGS PAR PHYOGS PA'I TSE, ,BSOD NAMS BRGYA PHRAG
LAS 'KHRUNGS GSER SBYANGS KYI, ,GLANG PO'I SNA LTAR MDZES PA'I
PHYAG G-YAS DE, ,BDAG GI SPYI BOR MNGON SUM BZHAG TU GSOL, ,GAL
TE SNGON GYI LAS NGAN

DBANG BTZAN PAS, ,SRID PA NYAM PA'I GNAS SU LHUNG GYUR KYANG,
,YID LA SH'AKYA'I GTZO BO DRAN PA DANG, ,THUB MTSAN RNA BAR THOS
DANG 'BRAL MA GYUR, ,'JIGS DANG SDUG BSNGAL BRGYAS NYEN SDUG
PA'I BU, ,BRTZE BA'I PHA YIS

BSAMS SHING DOR BA LTAR, ,NYAM CHUNG SKAL NGAN BDAG CAG YAL BOR
NAS, ,LHAR BCAS STON PA MCHOG DE GANG DU GSHEGS, ,'ON KYANG THUB
PA'I MKHYEN BRTZE NUS PA LA, ,SGRIB THOGS MI MNGA' 'PHONGS PA'I
GNYEN GCIG CES,,

BDEN PA GSUNG BA'I BKA' YI 'THOR 'THUNG GIS, ,STEN DANG BRAL
BA'I TSA GDUNG CUNG ZAD BSAL, ,DE BZHIN BU RAM SHING PA'I LUGS
BZANG RNAMS, ,BDAG LA DNGOS SU 'DOMS PA'I BLA MA'I TSOGS, ,MGON
DE'I YE SHES SGYU

MA'I RNAM ROL DU, ,BSAMS SHING DRAN PAS YID KYI NGAL BSO THOB,
,ZAS GTZANG SRAS KYI MDZAD PA'I CHA SHAS TZAM, ,RGYUD NAS MTHONG
THOS DRAN PA TZAM GYIS KYANG, ,DAD DANG MOS DGA'I PHUN TSOGS 'DI
'DRA NA, ,MNGON SUM

@036B MTHONG NA AE MA CI 'DRA ZHIG ,BDE BAR GSHEGS PA'I SNANG
TSUL PHRA MO 'GA', ,YID LA SHAR TSE DAD DANG GDUNG BA YIS, ,MYOS
PA'I BLA BRDOL ME TOG 'PHRENG BA 'DI, ,YID KYI GDUNG BA SEL
PHYIR MGON POS BZHES, ,DE LAS 'ONGS

PA'I DGE CHOGS KU MUD TA, ,ZLA SHEL DUNG LTAR DKAR BA CI THOB
PAS, ,THUB DBANG GANG DU BZHUGS PA'I ZHABS DRUNG DU, ,SKYES NAS
'BRAL MED RJES SU 'DZIN GYUR CIG ,CES PA'O, ,DE KHA'I STON
'BRING 'TSAMS DANG LCE LUNG PHYOGS

SU PHYIN NAS SKYA BO BRGYA PHRAG MANG PO BSNYEN GNAS SMYUNG
GNAS, SROG GCOD SPONG BA, GZUNGS SNGAGS SOGS BZLAS BRJOD KYI DAM
BCA' LAN PA SOGS DGE BA LA BKOD CING, KHYAD PAR MKHA' SPYOD DU
TSOGS PA LA DPAL GSANG BA

'DUS PA MI BSKYOD PA'I DBANG BZHI YONGS SU RDZOGS PA DANG, GZHAN
YANG 'DOD CHOS MANG DU BYAS, DE YANG NYANG STOD NAS BZUNG LHA
RTZA KHOG BRGYUD NAS LCI LUNG GI BAR GANG DANG GANG DU PHYIN PA
DE DANG DER, KHROM CHEN

PO BLE BUR DU 'TSOGS CING RING PO MI THOGS PAR 'GYES PA DANG, DE
DAG GI NANG NAS MANG PO ZHIG NI GNYEN BSHES YID DU 'ONG BA DANG
BRAL BAS MCHIM DANG BCAS BZHIN BSNGO BA ZHU BA DANG, 'GA' ZHIG
NI LANG TSOS RGYAGS

SHING 'PHYOR SGEG DANG BCAS PA DANG, LA LA NI RGAS SHING RGAN PO
'CHI KHA MA LA GZIGS SHIG CES SNYING RJE RJE LTAR DU 'DUG PA
DANG, MANG PO NI MA BRTAGS NYAMS DGA' BAS BZHAD BRGAD DANG BCAS
TE 'DUG PA DANG, PHAL CHER

@037A *, ,SER SNAS BSAGS PA'I DNGOS PO BDAG NYID LA RE BA'I SEMS
KYIS 'BUL BA MTHONG BAS 'KHOR BA THOG MA MED PA NAS LTA CI SMOS,
TSE THUNG 'DI CIG PU LA YANG GNYEN BSHES DANG DAR RGUD KHROM GYI
'DU

'TSOGS DANG, GZHON PA'I LANG TSO NAM MKHA'I 'JA' TSON DANG, SER
SNAS BSAGS PA'I NOR RDZAS SBRANG MA'I SBRANG RTZI DANG 'DRA BA
'DI LTAR MNGON SUM DU GSAL BAR STON PA'I SLOB DPON NO SNYAM DU,
SKYO ZHING YID SHIN

TU 'BYUNG BAR GYUR NAS SEMS LA GSAL BAR RDZOGS PA PHYIS DAL
SKABS BRIS PA 'DI LTAR,, ,,NA MO GU RU MANYDZU GHO sh'A YA, DUS
GSUM SANGS RGYAS KYI NGO BO, ,BKA' DRIN GSUM LDAN GYI BLA MA,
,'BRAL

MED SPYI GTZUG TU BZHUGS LAS, ,BYIN RLABS DNGOS GRUB KYI CHAR
PHOB, ,YID 'ONGS SNYING GROGS DANG MDZA' BSHES, ,NGES MED 'DU
'BRAL GYI ROL PA, ,DBYAR DUS DGUNG SNGON LA 'KHRIGS PA'I, ,MI
RTAG LANG LONG GI CHU

'DZIN, ,NGAL BA BRGYA PHRAG GIS BSGRUBS PA, ,SRID PA'I PHUN
TSOGS KYI DGA' STON, ,LHO PHYOGS DRI BZHON GYIS BSKYOD PA'I,
,PADMO'I 'DAB STENG GI ZIL PA, ,CHAGS LDAN BYIS PA YI DGA'
BSKYED, ,YID 'ONG GZUGS

MDZES KYI LANG TSO, ,NGAN SKYUGS BSHANG GCI YIS GANG BA'I,
,DBYIBS LEGS MI GTZANG BA'I BUM PA, ,DING SANG 'DZAM GLING GI MI
TSE, ,RGAN GZHON GO RIMS KYI NGES MED, ,SHUGS DRAG RLUNG DMAR
GYI NANG GI ,MAR ME JI

@037B BZHIN DU 'DUG PA, ,SRID GSUM SGYU MA YI GRONG KHYER, ,BDE
MED SDUG BSNGAL GYI 'BYUNG GNAS, ,THAR MED 'JIGS RUNG GI BTZON
RAR, ,LCAGS KHANG 'BAR BA YI RANG BZHIN, ,STONG GSUM ZAS NOR LA
DBANG YANG, ,SGREN MO LAG

STONG DU 'GRO 'DI, ,MYA NGAM NYAM THAG GI THANG LA, ,GCIG PUR
DGRA BO YIS BCOMS 'DRA, ,NYON MONGS LAS NGAN GYI SHUGS KYIS,
,'DI NANG 'DOD YON LA ZHEN PA, ,MI GTZANG PHUNG PO LA CHAGS
PA'I, ,GDOL PA KHYI PHAG GI RNAM

THAR; ;CI DRAG SANGS RGYAS DANG BYANG SEMS, ,DAM PA'I SKYES BU
RNAMS THEGS BZHUD, ,BLUN PO BDAG NYID KYIS NYES PAS, ,DA DUNG
BTZON RA 'DIR LUS BYUNG, ,MTHA' MED SDUG BSNGAL GYI RGYA MTSOR,
,GROGS MED GCIG PU RU

'GRO TSE, ,SKYABS GNAS BLA MA DANG DKON MCHOG ,PHAN PA DAM CHOS
LAS MED PA'I, ,TSUL 'DI SNYING KHONG NAS MA DRAN, ,BAG MED GU
YANGS KYI SPYOD PAS, ,NYIN MTSAN DON MED DU 'DA' BA, ,SEMS MED
YANG NA NI SMYON PA, ,NAM

ZHIG 'CHI BDAG GIS BZUNG NAS, ,'JIGS SKRAG SDUG BSNGAL GYIS GZIR
CING, ,NGAN SONG 'KHRUL SNANG KUN SHAR BA'I, ,DUS DER 'GYOD PO
CIG 'BYUNG BAS, ,BSAM BLO DA LTA NAS THONG LA, ,SGO GSUM DAM PA
YI LAM BZANG,,  

NYIN MTSAN KHOR YUG TU BSTEN LA, ,THAR PA'I GRONG KHYER DU
BSNYEGS SHIG ,CES PA DANG, RANG NYID KYI SPYOD TSUL LA YANG YID
SKYO NAS 'DI LTAR,, ,,NA MO GU RU MANYDZU GHO sh'A YA, GSUM LDAN
GYI BLA MA RDO RJE 'DZIN, ,BDAG

@038A *, ,SNYING GI PADMO'I DBUS BZHUGS LA, ,BYANG CHUB KYI
SNYING POR MCHIS KYI BAR, ,'BRAL MED DU RJES SU BZUNG DU GSOL,
,THOG MED NAS THA MA DA LTA'I BAR, ,'JIGS RUNG GI 'KHOR BA'I
BTZON KHANG 'DIR, ,LAS

NYON GYI LCAGS SGROG DAM POS BCINGS, ,SDUG BSNGAL GYI GSHED MAS
YANG YANG GTZES, ,NGAN SONG GI GNAS SU GTAN YUL BYAS, ,TSA GRANG
GI SDUG BSNGAL DRAG POS MNAR, ,RANG SHA DANG RNAG KHRAG GRANGS
MED ZOS, ,BRDEG

'TSOG GI MNAR SHING NGAL THAG BCAD, ,LAN 'GA' MTHO RIS KYI RTEN
THOB KYANG, ,SKYID 'DOD KYI SDIG PA'I LAS BYAS PAS, ,NGAN SONG
GI YUL DU YANG YANG LOG ,BDE MED KYI SDUG BSNGAL BRGYA PHRAG
MYONG, ,DA DUNG KYANG NYON

MONGS CHU KLUNG 'DI, ,BZLOG NGES KYI CHU LON MA SGRUBS NA,
,MTHA' MED KYI SRID PA'I RGYA MTSO 'DIR, ,NYAM THAG GI KLONG DU
BYING NYEN GDA', ,BAR SNANG GI GLOG 'DRA'I TSE THUNG 'DI, ,SKYID
PAS KYANG MI 'TSED SDUG MI PHUNG, ,

MNAR MED KYI KHRO CHU KHOL MA'I NANG, ,YUN RING DU BSREGS NA AE
BZOD SOMS, ,DAL 'BYOR DANG LDAN PA'I MI LUS 'DI, ,DON MED KYI
BYA BAS DUS 'DA' BA, ,RIN CHEN GYI GLING NAS LAG STONG DU, ,GCER
BU RU RANG KHYIM LDOG

PA BZHIN, ,TSE THUNG 'DI CI LTAR BYAS KYANG PHYID, ,BYANG CHUB
'DI PHYIS NAS BRNYED PAR DKA', ,SKYID SDUG GI 'DAM KHA DA RES
BYUNG, ,BSAM BLO DE SNYING GI DKYIL NAS THONG, ,DBYAR DGUN SOGS
NAM ZLA'I 'GYUR LDOG DANG, ,SKYA

@038B SER GYI SKYE BO'I 'CHI LUGS SOGS, ,MNGON SUM DU MIG GIS
MTHONG BZHIN DU, ,JI SNYAM YANG MI SEMS RTAG 'DZIN CAN, ,GNYEN
BSHES DANG LONGS SPYOD KUN BOR NAS, ,'CHI BDAG GI GSHIN RJES
DBANG MED KHRID, ,RGYUS MED

DU GCIG PUR 'GRO BA'I TSE, ,PHAN NGES DE DAM CHOS KHO NA RANG,
ZHES SMRAS SO, ,DE'I DUS ZANGS KYI 'BUL BA RGYA CHER BYUNG BAS,
,DGUN CHOS KYI DUS SU, GTZANG KHANG DBUS MA BYANG CHUB CHEN PO'I
DBU THOG TU LCAGS SRANG GI ZANGS KHAL

BRGYA DANG LNGA, MGUR MO'I GSER ZHO LNGA BRGYA LAS GRUB PA'I
GANYDZIR, RTZE BA'I SBOMS SU 'DOM LNGA DANG, DKYUS SU PHAL THOG
GSUM TZAM YOD PA BZO KHYAD PHUL DU BYUNG BA BZHENGS, DE DANG
DUS
MNYAM DU ZANGS RNYING LA LI 'DRES

PA LCAGS SRANG GI KHAL BCO BRGYAD DANG, PAD GDAN LA ZANGS KHAL
GCIG DANG, GSER SRANG GANG DANG, KHRI KHRO KHAL NYI SHU LAS GRUB
PA'I RJE BTZUN BYAMS PA'I SKU DANG, DNGUL SRANG BRGYA LAS GRUB
PA'I BDAG CAG GI STON PA'I

SKU DANG, DE DANG SKU TSAD MTSUNGS PAR JO MO RDZONG PAS SBYIN
BDAG BYAS PA RGYAL BA SENG GE'I NGA RO'I SKU GSUM LEGS PAR
BSGRUBS, KHYAD PAR RJE BTZUN GYI SKU 'DI NI LUGS SU BLUG PA'I
TSE BDAG CAG SKU MDUN SMAN THANG PA

DANG BCAS, MNGON SUM DU BZHUGS PA LAS, LI DANG 'DRES PA'I ZANGS
ZHUN LUGS SU BLUG TZAM NAS TSEG SGRA DANG TOG SGRA RNA BA 'GENG
PA LTA BU DANG BCAS, LUGS KHA NAS ZANGS ZHUN KHOL CING 'THOR BAS
BZO GRA BAR

@039A *, ,MTSAMS MED PAR KHYAB, PAR GYI NANG DU GTAN MA SONG BA
'DRA BAS, BAL PO RNAMS KYANG NGO 'DZUM GNAG CING, BAL SKAD DU
LUGS NYES PA'I CA CO'I SGRA SGROG ,GZHAN RNAMS CI BYA GTOL MED
DU GYUR TE, CANG

MI SMRA BA'I SKABS, KHO BOS CI 'DRA BYUNG YANG MI SHES, PAR
BSHIG LA GZIGS DANG, ZHES BSKUL NAS, GRANGS SU BZHUGS LONG YANG
MED PAR, BSIL BA'I CHAB MANG POS TSA REG BCOM STE, PAR BSHIG PA
NA RJE BTZUN

GYI SKU BKRA LAM MER BYUNG BAS, THAMS CAD KYANG SHIN TU NGO
MTSAR BA DANG MNGON PAR DGA' BAS MYOS NAS AA LA LA ZHES BRJOD
PAR BYED DO, ,MDOR NA DE'I DUS SU ZIL DANG 'JIGS PA'I RNAM 'GYUR
GYI CHO 'PHRUL YA MTSAN

SHIN TU CHE BA DANG BCAS 'PHAGS YUL DBUS KYI LI MA'I 'GRAN ZLA
RANG BYUNG LTA BUR BYON, RGYU MTSAN DE DAG GI PHYIR DANG, SPYAN
DBYE'I YE SHES PA DGUG GZHUG GI DUS SU BLTAS DANG MTSAN MA PHUL
DU BYUNG BA DU MA MNGON DU

GYUR PA'I RTAGS LAS NA RJE BTZUN GYI SKU 'DI NYID MTHONG THOS
DRAN REG GIS 'GRO BA RNAMS SKYOB PAR NUS PA PHAN BDE'I RTZA LAG
TU GYUR PA YIN NO, ,DE LTAR SKU GSUM GANYDZIR DANG BCAS PA LEGS
PAR GRUB STE, DBEN DGON

NAS DGE SLONG RI KHROD PA NYI SHU GDAN DRANGS, CHOS GRVA CHEN
PO'I MKHAN SLOB RNAMS DANG BCAS DPAL RDO RJE 'JIGS BYED KYI RDUL
TSON GYI DKYIL 'KHOR BZHENGS NAS, RAB TU GNAS PA RGYAS PA NYI MA
LNGA'I BAR MDZAD CING GROL

@039B BA'I NYIN TSOGS CHEN LA RAB STON MANG JA 'GYED BCAS GYA
NOM PA, BZO RIGS PA RNAMS LA GSER JI SNYED SONG BA DANG 'THUN PA
SNGON GYI DAM PA'I BKA' BCAD DANG MTSUNGS PA BGYIS PA SOGS ZHIB
PAR DKAR CHAG RGYAS PA LOGS

SU BKOD PA LTAR RO, ,DE DUS SLOB DPON PA RNAMS KYI GSOL BA NAN
GYIS BTAB PA LA BRTEN NAS, TSOGS CHEN LA RDUL TSON GYI DKYIL
'KHOR DE NYID DU DPAL RDO RJE 'JIGS BYED KYI DBANG BZHI RGYAS
PAR PHUL, DBYAR GNAS GROL 'PHRAL

BDUN PHRAG GSUM MTSAMS BYAS BSNYEN BSGRUB SOGS KYI BCAD RGYA'I
NGES PA MED PAR LAM GYI RIM PA'I BSAM SGOM 'DRA BYAS PA'I SKABS
SNGON CHAD BLA MA'I MING BTAGS CHOS BRGYAD DANG 'DRES PA'I RNAM
G-YENG GI GZHAN DBANG DU

SONG; SBYIN PA'I RNAMS KYIS SEN MO DKAR DMAR GYI STENG NAS BCAD
PA'I DAD RDZAS DANG GSHIN RDZAS RNAMS CHUD MA 'DZA' TZAM AE YOD
BSAM LHA KHANG DANG RTEN BZHENGS SOGS BLOS CI LCOGS BGYIS SHING
BSTAN PA DANG GZHAN DON

YIN RGYU'I KHUNGS KYI DBANG BSKUR LUNG 'KHRID SOGS CHOS BSHAD
MANG DU BYAS MOD KYANG, NGES 'BYUNG DANG LTA BA RNAM DAG GI
RTZIS ZIN PA NI SHAS CHER DKA', DE GNYIS CI RIGS PAS MA ZIN PA'I
ZAG BCAS KYI DGE BA RGYA CHER BYAS KYANG, ,

'KHOR BA'I 'KHOR LO BSKOR BA KHO NAR 'DUG ,SRID PA'I PHUN TSOGS
JI TZAM THOB KYANG SKYE RGA NA 'CHI RGUD PA'I SDUG BSNGAL GYI ME
RAB TU 'BAR BAS SKAD CIG TZAM YANG BZOD GLAGS MI 'DUG ,MI BZOD
BZHIN DU 'JIGS PA CHEN PO LNGA

@040A *, ,PO 'DI LAS THAR PA'I THABS LA BRTZON PAR MI BYED PA NI
KYE MA KYE HUD BDAG LA SNYING MED PA'AM SMYON PA DNGOS SO SNYAM
DU, 'KHOR BA'I PHUN TSOGS THAMS CAD KYANG SDUG BSNGAL GYI RANG
BZHIN DU MTHONG BA'I BLO

RANG GI NGANG GIS SKYE BA ZHIG BYUNG CING, DON DE DAG YI GER
YANG BRIS PA NI 'DI LTAR,, ,,NA MO GU RU MA NYDZU GHO sh'A YA,
SKYON BRAL YON TAN KUN GYI MCHOG MNGA' BA'I, ,ZLA MED STON PA
SH'AKYA'I RGYAL PO DANG, ,DBYER MED RJE

BTZUN BLA MA'I ZHABS PAD LA, ,BYANG CHUB SNYING PO'I BAR DU
SKYABS SU MCHI, ,NYON MONGS CHU BO LAS NGAN RBA RLABS CAN,
,SHUGS DRAG DBANG GIS SKYE BA'I RGYA MTSO CHER, ,KYE MA YANG
YANG NYING 'TSAMS SBYAR BA'I TSUL, ,RGYUN DU

LEGS PAR SOMS DANG SHES LDAN DAG ,MDOG STOBS GZI NYAMS MI SDUG
RNYING PA'I LUS, ,YID 'ONGS YUL BRGYA 'TSOGS KYANG SPYOD MI NUS,
,DRAN DBANG BLO NYAMS 'GUMS PAR MNGON PHYOGS PA, ,'JIGS RUNG
RGAS

PA'I TSUL 'DI GROGS DAG LTOS, ,'BYUNG BA 'KHRUGS PA'I ZUG RNGU
RGYAS GTZES PAS, ,NYIN MTSAN MI 'KHYOL 'DOD RNAMS BSTEN DBANG
MED, ,BCOS KYI MI PHAN 'CHI BAR SHES SHING 'GYOD, ,THAR MED NAD
KYIS GDUNGS 'DI

KYI TUNG 'JIGS, ,PHUN TSOGS BDE SKYID 'BYOR BA'I PAD TSAL YANG,
,BSOD NAMS MIN PA'I GLANG POS BCOMS PA NA, ,MYA NGAN ME 'BAR
SHIN TU YA NGA BA, ,KYE MA 'JIG RTEN RGUD PA'I TSUL 'DI LTOS,
,YID 'PHROG GNYEN 'KHOR

@040B LUS DANG LONGS SPYOD SOGS, ,'BYOR PAS DREGS KYANG SGREN MO
LAG STONG DU, ,GROGS MED MYUR DU 'JIG RTEN PHA ROL TU, ,GLO BUR
'CHI BA 'DI KO MKHAS PAS SOMS, ,STOBS DANG DPUNG GIS BZLOG PA'I
SKABS MED CING, ,RDZAS SNGAGS

NOR DANG MDZES MAS BSLUR MED PA'I, ,'JIGS RUNG DUS KYI CHAD PA
RNAM PA LNGA, ,THOG LTAR 'BAB PO MKHAS PAS BAG YOD BSTEN, ,SRID
PA'I RTZE MO NAS BZUNG DMYAL BA'I BAR, ,KUN LA 'DOD DGUR DBANG
BYED RGYAL PO LNGA'I, ,SNANG

TSUL DRAN TSE CUNG ZAD YID SKYO BAS, ,BLO BZANG CHOS KYI RGYAL
MTSAN ZHES BYAS SMRAS ZHES BYA BA YANG BKOD, ,DE YANG SKYID
KYANG MI 'TSENGS SDUG KYANG MI PHUNG BA'I DGUN NYI DANG 'DRA
BA'I TSE THUNG 'DI'I LUS SROG LONGS SPYOD LA GNOD PA

BYED PA'I SKYE BO LA'ANG, DGRA'I GTZO BOR 'DZIN PAR BYED NA
'KHOR BA THOG MA MED PA NAS MGAL ME'I 'KHOR LO LTAR RGYUN MI
'CHAD PAR SKYE RGA NA 'CHI RGUD PA'I SDUG BSNGAL 'BAR BA'I RAL
GRI RNON POS 'DEBS PA'I BYED PA PO NI, RANG

RGYUD KYI NYON MONGS PA DUG GSUM PO YIN PAS, DE NYID PHYI ROL
GYI DGRA BO THAMS CAD KYIS DPER MI PHOD PA, 'JIGS PA DANG YA NGA
BA DANG SDUG BSNGAL THAMS CAD KYI 'BYUNG GNAS, GSHED MA BUR
RDZUS LTA BU'I DGRA BOR BZUNG STE,

'DEM BYA'I GTZO BOR SHES NAS, 'BUR 'JOMS BYAS SHING, DE DANG
MTHUN PAR 'PHAGS PA'I DBYANGS SU BSDEBS PA'ANG 'DI LTAR,, ,,NA
MO GU RU MANYDZU GHO sh'A YA, RGYAL DKA' DUG GSUM G-YUL LAS
RNAM RGYAL BA'I,,

@041A *, ,DRANG SRONG CHEN PO DE LA GUS 'DUD KYI, ,NYON MONGS
'BRAS DANG ZUG RNGU 'CHI BDAG LTAR, ,KUN GYIS MTHONG ZHING RTOGS
PAR BYIN GYIS RLOBS, THOGS MED GOMS PA'I RGYUN GYIS STOBS LDAN
ZHING, ,TSUL

MIN YID BYED BSIR BUS CHER BSKYOD PAS, ,SDIG SDUG GTAM NGAN RBA
KLONG RAB 'KHRUG PA'I, ,NYON MONGS CHU BO'I RGYUN 'DI BCAD PAR
DKA', ,THUB PAS SMAD CING 'PHAGS TSOGS KUN GYIS SPANGS, ,BSTEN
PA TZAM GYIS

'BAD RTZOL MI DGOS PA, ,RANG GI NGANG GIS 'THUR NAS 'THUR 'GRO
BA'I, ,KYE MA BZLOG DKA'I ZAG RGYUN SHUGS RE DRAG ,DGA' MGU'I
ZOL GYIS BDAG YID KHRID KHRID NAS, ,RING POR MI THOGS THAR MED
BTZON KHANG DU, ,

BRGYA PHRAG SDUG BSNGAL DUNG MO'I DKA' THUB DAG ,STER BYED NYON
MONGS LAS GZHAN YOD RE KAN, ,GANG ZHIG REG NA RDO RJE'I RI RAB
KYANG, ,YUD TZAM ZHIG GIS THAL BAR BRLAG 'GYUR BA, ,RAB TSA MNAR
MED 'BAR BA'I ME NANG

DU, ,BSREG PA'I RGYU GANG 'DI LAS GZHAN PA CI, ,MTHA' DANG DBUS
MED 'JIGS RUNG SKYI G-YA' BA'I, ,MI BZAD 'KHOR BA'I 'BROG DGON
NYAM NGA BAR, ,SKYABS MED MGON MED LAN GCIG MA YIN PAR, ,YANG
YANG NYING 'TSAMS

SBYOR BA'ANG NYON MONGS DBANG, ,BSTEN CING GOMS NA DAM PAS KHREL
'GYUR ZHING, ,THAR PA DAM PA'I DPAL DANG GTAN BRAL BYED, ,BDUD
RNAMS DGA' BA'I GNYEN GYUR NYON MONGS TSOGS, ,'DI LA SHES LDAN
SU ZHIG DGRAR M  

@041B BLTA, ,DE BZHIN SDIG TSOGS MTHA' DAG 'BOD PA'I GROGS,
,MTHA' BRAL SRID PA'I RGYA MTSOR 'JUG PA'I RGYUN, ,NGAN SONG
GSUM DU 'GRO BA'I SGO MO CHE, ,'DI KO THABS TSUL STONG GIS 'GEGS
PA'I RIGS, ,TSE 'DI'I LUS SROG

LAN GCIG MA YIN PAR, ,LAN BRGYA STONG DU 'JOMS BYED GANG GIS
KYANG, ,DPER 'OS MIN PA'I NYON MONGS DGRA BO LA, ,YID RAB RTON
PA DE DAG PHYUGS LAS PHYUGS, ,DE PHYIR KHAMS GSUM RGUD PA'I
'CHING BA LAS, ,RNAM GROL

'CHI MED BDUD RTZI'I DPAL THOB STE, ,BDE DGA' RGYA MTSOR 'JUG
'DOD MKHAS PA DAG ,DUG GSUM G-YUL LAS RGYAL BA'I DGRA THABS
BSTEN, ,RIGS TSUL 'BUM PHRAG RNO BA'I NGAR LDAN PA, ,STOBS LDAN
GNYEN PO'I

RAL GRI RAB 'BAR BAS, ,BZLOG DKA'I NYON MONGS DGRA TSOGS SROG
'PHROG PA, ,AE MA HO 'DI DAG MKHAS PA RNAMS KYIS BSNGAGS, ,BDAG
KYANG DENG NAS SKYE BA THAMS CAD DU, ,LHA SOGS 'GRO BA MA LUS
DGRAR LANGS STE, ,SROG DANG

'TSO BA YANG YANG PHRAL GYUR KYANG, ,CUNG ZAD SDANG DANG KHRO
BAS MA GYUR CIG ,DE BZHIN YID 'PHROG PHYI NANG DNGOS PO'I TSOGS,
,DGA' BSKYED YUL BRGYA DAG GIS KUN BSKOR KYANG, ,MI RTAG MI
GTZANG SGYU MA LTAR MTHONG NAS, ,RMI LAM DU

YANG CHAGS PAR MA GYUR CIG ,'JIG RTEN 'JIG RTEN 'DAS PA'I LAM
BZANG LA, ,KUN NAS 'THOMS PA'I MUN NAG MI BZAD PA, ,THOS BSAM
BSGOM PA'I SHES RAB SGRON 'BAR BAS, ,NAM YANG RMONGS PAS GOS PAR
MA GYUR CIG ,CES BYA

@042A *, ,BA BRIS, ,MTSAMS GROL 'PHRAL, THON NAS 'BOD MI BYUNG
BA LTAR NYANG BRGYUD, GNAS RNYING DU 'PHAGS PA 'JIG RTEN DBANG
PHYUG DBYANGS CAN NGAG GI DBANG PO YAB SRAS KYIS GTZO MDZAD
MKHAN SLOB DGE BA'I BSHES

GNYEN GTZO BSDUS LA DPAL GSANG BA 'DUS PA MI BSKYOD PA'I DBANG
GIS MTSON BZHED PA DANG MTHUN PA'I CHOS BKA' MANG DU PHUL, 'PHUR
THANG GIS MTSON PA'I PHYI NANG GI RTEN GSUM GNAS MJAL RNAMS
RGYAS PAR BYAS SHING BSTAN

PA RIN PO CHE RGYAS PA'I SMON LAM YANG DAG BSGRUBS, MTHAR GYIS
THON PHYOGS SU ZHAL NGO RNAMS KYI BZHED PA BSKANGS NAS BDE BAR
'KHOR TE, THAMS CAD MKHYEN PA YON TAN RGYA MTSO SPYAN 'DREN PA'I
GRA BSGRIGS TE, SPRE'U ZHES PA

ME LUG ZLA BA DRUG PA'I YANG TSES LA CHOS GRVA CHEN PO'I MKHAN
SLOB RNAMS KYIS GTZO MDZAD GZABS 'PHYOR GYI RTA PA BRGYA PHRAG
RGAL BA PHEBS BSU LA BYON, CHU SHAR DU DPON SLOB ZHAL MNGON DU
GYUR MTSAMS, LHA'I RNGA BO CHE'I

SGRA LTA BU'I SGRA BSGRAGS SHING LHA RNAMS KYIS ME TOG GI CHAR
CHEN PO LEGS PAR PHAB PA THAMS CAD KYI MNGON SUM DU GYUR, DGE
BDUN SUM STONG LHAG PA'I SER BSGRENG DANG BCAS, DGE MTSAN PHUN
SUM TSOGS PA DANG LDAN,  

PAS CHOS GRVA CHEN POR PHEBS, ZLA BA PHYED GNYIS LHAG TZAM
BZHUGS SU GSOL TE CI 'BYOR PA'I BSNYEN CING BKUR BA DANG, MTHAR
BDAG NYID KYI BZHON PA SOGS BDOG PA'I DNGOS PO YOD 'BUL BYAS
SHING, ZAB CHOS KYI

@042B RIM PA CI RIGS PA'ANG PHUL NAS MNYES PAR BGYIS TE, GANGS
CAN CHOS 'PHEL GYI BAR DU PHEBS SKYEL ZHUS, SLAR BKRA SHIS LHUN
POR YONGS NAS DGAG DBYE GROL 'PHRAL DU MTSAMS BSNGAMS, DE'I TSE
YID LA CHOS LDAN GYI

BYA BA YIN KYANG, ZA ZIR GYI RNAM PAR G-YENG BA SHIN TU CHE BA
'KHRUL PA'I BYA BYED DE DAG THAMS CAD NI SNYING PO MED PA SGYU
MA DANG, RMIG RGYU'I PHUNG PO LTA BU KUN RDZOB KYI GNAS TSUL
RJEN CHER GYIS 'CHAR BA DANG, DE'I MTHUS BDEN STONG GI DON

SPYI BLO LA LAM LAM SHAR BYUNG BA BZHIN 'DI LTAR BRJOD DO,, ,,NA
MO GU RU MANYDZU GHO sh'A YA, SKU MTHONG BAS DON LDAN GZI 'OD
'BAR, ,GSUNG YAN LAG DRUG CU'I DBYANGS SNYAN SGROG ,THUGS SRID
ZHI LAS 'DAS MKHYEN BRTZE'I

GTER, ,RJE RDO RJE 'CHANG ZHABS PADMOR 'DUD, ,GDON DNGOS 'DZIN
'KHRUL PAS YID BSKYOD NAS, ,SGRO PHYIN CI LOG TU BTAGS SHING
ZHEN, ,DE'I MTHU LAS BDAG GZHAN RIGS SU BCAD, ,LAS NYON MONGS
DBANG GIS 'KHOR BAR

'KHYAMS, ,NGA YIN LUGS RTOGS PA'I MTSON RNON GYIS, ,DGRA BDAG
'DZIN SROG DANG MA PHRAL NA, ,GNAS 'JIGS RUNGS SRID PA'I RGYA
MTSO 'DIR, ,YANG SDUG SNGAL 'KHOR LO RGYU MI 'CHAD, ,BLO MA RIG
SGYU MA'I

'KHRUL 'KHOR 'DI'I, ,YUL GDOD NAS SKYE BA MED MTHONG BAS, ,PHYI
GZUNG 'DZIN SPROS PA DBYINGS SU THIM, ,DPE CHAB ROM RGYA MTSO'I
KLONG DU BZHIN, ,CHOS KUN GYI GNAS LUGS GDOD MA'I GSHIS, ,DON
DBYER MED

@043A *, ,SPROS PA KUN DANG BRAL, ,DPES MTSON DU MED PA'I RANG
BZHIN GYI, ,DBYINGS 'DI 'DRA'I RANG ZHAL BLTAS PA'I TSE, ,RJE
SANGS RGYAS CHOS DANG DGE 'DUN GYI, ,MTSAN TZAM YANG DMIGS SU MA
MCHIS

NA, ,SEMS MA RIG DRI MAS SBAGS MTHONG BA'I, ,GNAS 'KHOR BA'I
SDUG BSNGAL GA LA YOD, ,YUL 'OD GSAL DANG DU RIG PA ZHUGS, ,CHOS
KUN GYI NGO BO RJEN PAR MTHONG, ,SLAR BLTAS KYANG MTHONG BA YUL
LAS 'DAS, ,

DPE 'GAG MED NAM MKHA'I PHA MTHA' 'TSOL, ,KHYED 'KHOR BAS SKRAG
PA'I 'GRO KUN KYANG, ,GZHI BDEN STONG YANGS PA'I GZIGS MO MDZOD,
,'DI MTHONG NA SNANG SRING SKYE BO KUN, ,DGRA'I GTZO BOR GYUR
KYANG 'JIGS MI DGOS, ,LAS

DGE SDIG 'BRAS BU MA DMIGS SHING, ,LAM SPANGS GNYEN DGAG BSGRUB
NGANG YANG BRAL, ,YID 'BAD PAS BSGRUBS PA'I 'BRAS BUS DBEN,
,DBYINGS 'DI 'DRA RGYAL BA'I DGONGS PA SNYAM, ,YANG 'KHOR 'DAS
CHOS LA PHAR BLTAS

PAS, ,RKYEN 'DI PA TZAM GYI RGYU DANG 'BRAS, CHOS PHRA ZHING
BSLU BA MED PAR MTHONG, ,DPE 'CHI MED LAM NAS 'JA' TSON BZHIN,
DBYINGS SPROS BRAL GDOD NAS DAG PA DANG, ,LAS RGYU 'BRAS BSLU BA
MED PA YI, ,YUL SNANG STONG RES

'JOG MA YIN PA'I, ,DON ZUNG 'JUG MTHA' BRAL DBU MA'I LAM, ,LAM
'DI 'DRA BRNYED PA BLA MA'I DRIN, ,DRIN CHE'O RGYAL BA GNYIS
PA'I RJE, ,MA DRIN CAN 'GRO BA RNAMS KYIS KYANG, ,DON 'DI 'DRA
RTOGS PAR BYIN GYIS RLOBS, ,ZHES PA

@043B DANG, YANG,, ,,NA MO GU RU MANYDZU GHO sh'A YA, DBYINGS
RIG PA DBYER MED LHA YI LAM, ,ZHING KUN KHYAB MIG 'PHRUL ZLOS
GAR MKHAN, ,PHA BDEN MED RMI LAM LTA BU LA, ,BU SGYU MA'I SKYES
BUS SNYING NAS 'DUS, CHOS CAN KUN BLTAS

PAS SGYU MA TZAM, ,CHOS NYID LA BLTAS KYANG CANG MA MTHONG,
,SGYU MA DANG STONG PA ZUNG 'BREL LAM, ,ZUNG 'JUG 'DI BLA MA'I
DRIN GYIS BRNYED, ,AA LA LA YOD MED KYI MTHA' DANG BRAL, ,MTHA'
BRAL GYI DBYINGS SU MNYAM PAR GZHOG ,CHOS

NYID LA BLTAS PAS CHOS CAN BKRA, ,CHOS CAN LA DPYAD PAS STONG
PAR BROS, ,SNANG STONG GNYIS RES 'JOG MI BYED PA'I, ,ZUNG 'JUG
'DI BLA MA'I DRIN GYIS BRNYED, ,AA LA LA YOD MED KYI MTHA' DANG
BRAL, ,MTHA' BRAL GYI DBYINGS SU

MNYAM PAR GZHOG ,DON DAM GYIS RGYU 'BRAS BSLU MED BSTAN, ,KUN
RDZOB KYI DON DAM RANG ZHAL PHYE, ,BDEN GNYIS KYI RANG BZHIN
DBYER MED PA'I, ,ZUNG 'JUG 'DI BLA MA'I DRIN GYIS BRNYED, ,AA LA
LA YOD MED KYI MTHA' DANG BRAL, ,MTHA' BRAL

KYI DBYINGS SU MNYAM PAR GZHOG ,DON DAM GYI DBYINGS LA BCAD PA'I
TSE, ,RTEN 'BREL GYI MING YANG MED PA DANG, ,STONG PA DANG RTEN
'BREL ZUNG 'JUG 'DI, ,'GAL MED DU BLA MA'I DRIN GYIS SHES, ,ZUNG
'JUG 'DI BLA MA'I DRIN GYIS BRNYED,

AA LA LA YOD MED KYI MTHA' DANG BRAL, ,MTHA' BRAL GYI DBYINGS SU
MNYAM PAR GZHOG ,'KHOR 'DAS KYI CHOS RNAMS MA LUS PA, ,BDEN MED
DU SHES PAS BDEN PA GO ,BDEN BRDZUN GYI RANG BZHIN DBYER MED
PA'I, ,ZUNG 'JUG 'DI BLA

@044A *, ,MA'I DRIN GYIS BRNYED, ,AA LA LA YOD MED KYI MTHA'
DANG BRAL, ,MTHA' BRAL GYI DBYINGS SU MNYAM PAR GZHOG ,MING
RKYANG GI CHOS RNAMS BDEN PAS STONG, ,BDEN STONG KUN RGYU 'BRAS
ROL PAR SHAR, ,STONG PA DANG

RGYU 'BRAS DBYER MED LAM, ,AE MA HO BLA MA'I DRIN GYIS BRNYED,
,AA LA LA RTAG CHAD KYI G-YANGS LAS GROL, ,ZHES BYA BA YI GER
BRIS, DE DUS NGES DON ZAB MO'I NYAMS LEN LA BRTZON PAR BYAS PAS
GZHUNG CHEN MO RNAMS DANG

'THUN PA'I MNYAM GZHAG DANG RJES THOB KYI RNAL 'BYOR GNYIS KA LA
BLO BKOL DU BTUB PA TZAM BYUNG NAS, 'DI KA'I RGYUN SKYONG RGYU
BYUNG NA STONG NYID MNGON SUM DU RTOGS PA LA DKA' BA MI YONG BA
'DUG SNYAM PA SEMS LA SHAR,

SNANG BAS YOD MTHA' DANG, STONG PAS MED MTHA' SEL BA'I THAL
'GYUR BA'I THUN MONG MA YIN PA'I KHYAD CHOS LA NGES SHES KHYAD
PAR CAN THOB NAS 'DI LTAR SMRAS,, ,,NA MO GU RU MANYDZU GHO sh'A
YA, DBYINGS BRJOD BRAL

LHAN SKYES BDE BA CHE, ,DON SPYIR YANG 'CHAR BA'I SGYU 'PHRUL
MKHAN, ,PHA RDO RJE 'CHANG DBANG BLA MA'I ZHABS, ,DGRA SRID PA'I
'JIGS 'PHROG DE LA 'DUD, ,DUS DE RING NYAMS KYI SNANG BA LA,
,SPYIR 'GAL MED 'GAL BA LTAR

SNANG BA'I, ,YID NGO MTSAR RI MO SNA TSOGS SHAR, ,CHA TZAM ZHIG
'PHAGS PA'I DBYANGS SU BSDEBS, ,YUL GANG SHAR NGO LA PHAR BLTAS
PAS, ,KHONG RANG TSUGS MA THUB BRDZUN KHUNG RIG ,DE RIG PAS BDEN
PA'I RANG ZHAL BSTAN, ,

@044B SEMS GCER BU STONG NYID GOS KYIS KLUBS, ,CHOS KUN BYANG
DBYE BA THA DAD RNAMS, ,DBYINGS DON DAM NGANG DU DBYER MED
'DRES, ,LAM DGAG BSGRUB BRAL YANG MDZANGS PA'I BLOS, ,LAS DGE
SDIG BLANG DOR BYA RU BYUNG, ,NGES DANG PO

NGAR 'DZIN DGRAR BLTAS TE, ,LUNG RIGS PA'I MTSON RNON SNYING LA
BSNUN, ,DE DMIGS MED YANGS PA'I ME LONG LA, ,YANG NGA ZHIG BLTAR
MED TSUL DU BLTA, ,CHOS JI SNYED BLTAS PAS GZHI RTZA BRAL, ,YUL
CHOS NYID BLTAS PAS CIR YANG

SNANG, ,DON SNANG STONG ZUNG 'JUG YANGS PA'I LAM, ,LAM 'DI
'DRA'I ZHAGS PAS CHOS KUN BCINGS, ,GCIG THA DAD SPANGS KYANG RO
GCIG LA, ,YANG GCIG KYANG DU MA'I ROL PAR SHAR, ,DPES MTSON
KYANG MTSON PAR MI NUS PA'I, ,NGAG BRJOD

BRAL DON 'DI BRJOD SNYING 'DOD, ,GZHI 'KHOR BA SPANG BYAR MA
DMIGS SHIG ,LAM THAR PA THOB TU MA MCHIS KYANG, ,MA 'GRO BA'I
SDUG BSNGAL MA BZOD PAS, ,MCHOG SKU GSUM MYUR DU THOB PAR SHOG
,CES PA SUG BRIS SU BYAS, DE LTA BU'I TSUL

GYIS 'KHOR 'DAS KYIS BSDUS PA'I CHOS THAMS CAD KYI SNANG TSUL
DANG GNAS TSUL MTHONG ZHING SNANG TSUL LA BLTAS PAS, BDAG 'DZIN
GYI DUG CHUS MYOS PA'I MA GYUR 'GRO BA MTHA' DAG LA SNYING RJE
'BAD RTZOL MED PAR SKYE BA DANG, GNAS TSUL RTOGS

PA'I RJES SU SPRO BA YANG NGANG GI SKYE BA ZHIG BYUNG BAS RKYEN
NAS 'DI SKAD KYANG BRJOD DO,, ,,NA MO GU RU MANYDZU GHO sh'A YA,
'GAG MED DU SNANG BA CHOS KYI DBYINGS, ,BDEN STONG DU 'CHAR BA
SEMS KYI RGYUN, ,DBYER MED DU 'DRES PA'I RO CIG PA,

@045A *, ,SEMS DPA' DE SEMS KYI RDO RJER SONG, ,SRED LDAN GYI MA
RGAN SEMS CAN RNAMS, ,'DOD YON LA SRED PA'I ZHAGS PAS BCINGS,
,THAR MED KYI BTZON KHANG RA BAR BCUG ,SDUG BSNGAL GYI TSOR BA
DRAG POS MNAR, ,BDAG

'DZIN GYI 'GONG PO SNYING ZHUGS PAS, ,LTOS MED KYI BDAG ZHIG
GCES PAR BZUNG, ,DE NYID LA DMIGS NAS RTAG CHAD SOGS, ,LTA NGAN
GYI 'DRE GDON MANG POS GTZES, ,CHAGS SDANG GI TSA GRANG NAD MANG
'KHRUGS, ,LAS NGAN GYI 'KHRU SKYUGS

KHRAG TU 'BAB, ,DGE LEGS KYI TSE SROG YANG YANG 'GAG ,YANG SRID
DU SDUG BSNGAL PHUNG CHEN GRUB, ,SNANG TSUL 'DI MTHONG BAS MCHI
MA SHOR, ,SNYING RE RJE NYAM THAG 'JIGS SHING SKYO, ,GNAS TSUL
'DI MTHONG BAS GAD MO SHOR, ,NYAMS RE

DGA' GTING NAS ZHE BLO BDE, ,MO GSHAM GYI BU MO'I MDZES SDUG LA,
,CHAGS SDANG GIS BSLAD PA'I 'DU BYED KYIS, ,BDE SDUG GI NYEN
PA'I SKYE BO LA, ,SHES LDAN GYI GROGS RNAMS JI LTAR DGONGS,
,RGYUD LDAN GYI RJE LA BLO PHUGS GTAD, ,NGES

DON GYI GZHUNG MANG THOS BSAM BYAS, ,ZAB DON GYI SNYING GI ZE'U
'BRU GTAMS, ,ZEGS MA TZAM TSIG GI LAM DU 'THOR, ,CES KYANG
SMRAS, ,LO DE'I LNGA MCHOD CHEN MO LA BYANG 'GRUL STOBS TZA BA
RI BO DGE LDAN DU SLEBS NAS, DGUN CHOS DUS BKRA SHIS

LHUN POR YANG MANG 'GYED BSAM GYIS MI KHYAB PA BYUNG KYANG, NAG
PHYOGS KYIS YOD BSKYOD PA BDUD KYI GNYEN DU GYUR PA KHA CIG GI
RKYEN GYI GRVA TSANG PHAN TSUN RTZOD GZHI SNA TSOGS PA BYUNG
CING, GZHAN YANG DE DUS RGYU MTSAN CHER MED PA LA BLO BUR DU

@045B 'THAB 'DZINGS CHE CHUNG CI RIGS YANG YANG YONG BA ZHIG
'DUG PA LA'ANG PHAN DU RE BA DANG, DE DAG GI RKYEN 'BYUNG PO'I
RGYU LAM 'DRA BA CIG KYANG BCAD DGOS 'DUG PA LTAR, PHUR BU ZHES
PA SA SPREL NAG ZLA'I TSES BCO LNGA'I NYIN CHOS GRVA CHEN PO'I
GDENGS

CAN PHYOGS KYIS STONG DER DPAL GSANG BA 'DUS PA'I SGO NAS SA'I
CHO GA BYAS NAS, LTO 'PHYE'I THIG GDAB, PIR THOGS RGYAL PO CHOS
KYI RJE DKON MCHOG LHUN GRUB PAS ZHAL BKOD DANG, KHO BO RANG GIS
BYANG DRANGS BSLAB GSUM LDAN PA'I 'DUS

PA RGYA MTSOS BYA BA LAS KYI 'KHOR LO LEGS PAR BSKOR TE 'PHANGS
SU GZHU 'DOM BCO LNGA TZAM YOD PA'I DE BZHIN GSHEGS PA'I RING
BSREL GYI SNYING PO CAN GYI DGE 'DUN DBEN BSDUM GYI MCHOD RTEN
LEGS PAR BSGRUBS, DE YANG 'PHAGS PA

THOGS MED KYI PHYAG DPE, KHA CHE PAn CHEN GYIS DE THOG NAS 'CHAD
NYAN LAN DGU MDZAD PA, KHRO PHU'I RJE BTZUN BYAMS MGON GYI NANG
BZHUGS GTZO BO 'PHAGS PA BRGYAD STONG PA DANG, BRTAG GNYIS KYI
RGYA DPE'I GLEGS BAM LA SOGS PA BYIN RLABS

RTEN 'GANGS CHE BA BSAM GYIS MI KHYAB PAS BYUR BUR GTAMS TE
MDZES SHING LHUN CHAGS PAR GRUB CING, DPAL RDO RJE 'JIGS BYED
KYI DKYIL 'KHOR LA BRTEN NAS RAB TU GNAS PA RGYAS PA DANG, TSOGS
CHEN GYIS KYANG THUGS DAM GYI RTEN DU, BYIN GYIS

BRLABS TE BKRA SHIS PA BRJOD PA'I ME TOG GI CHAR PHAB CING RAB
STON MANG 'GYED BZANG POS MNYES PAR BYAS PA SOGS RGYAS PAR DKAR
CHAG ZUR DU BKOD PA LTAR RO, ,MCHOD RTEN GYI NANG BZHUGS GZUNGS
KYI SNYING PO CAN GYI TSA TSA NYE BAR BSGRUB PA'I

@046A *, ,SKABS, DZO KI ZHIG GIS, SA RDO'I THUM PO ZHIG GTANG
NAS 'DI NA RDO RJE GDAN, BYA RGOD PHUNG PO'I RI, POtA LA, DPAL
LDAN 'BRAS SPUNGS, AO dI YA NA SOGS, GNAS CHEN PHAL CHER GYI SA
SNA RDO SNA YOD DO, ,ZER NAS SONG, DE 'PHRAL

BRTZAD BCAD KYANG 'DIR SONG MA BYUNG, GZHAN DAG CI YIN ZHES THE
TSOM GYI KHYOGS LA BRTEN PAR GYUR, MI DANG MI MIN CI LTAR NA
YANG RTEN 'BREL SHIN TU LEGS PA BYUNG, DE LTA BU'I MCHOD RTEN DE
NI GRUB TZAM NAS YUL PHYOGS SU MI NAD DANG PHYUGS

NAD SAD SER SOGS DKON PA DANG, KHYAD PAR BKRA SHIS LHUN POR DGE
'DUN RNAMS THUGS MTHUN CING, GRVA TSOGS BSHAD SGRUB, LONGS SPYOD
RNAMS 'GRAN PA BZHIN DU 'PHEL BA DANG, SNGON THAMS CAD MKHYEN
PA
DGE 'DUN RGYA MTSO SKU NA

PHRA BA'I DUS RNAL LAM DU BYUNG BA LTAR, DGON PA'I NUB KYI SA
STOD PHAL CHER SBYIL BUS GANG BA SOGS BKRA SHIS DANG DGE MTSAN
PHUN SUM TSOGS PA'I BDAG NYID DU GYUR PA THAMS CAD KYI 'THUN
SNANG DU GRUB PA 'DI LAGS SO, ,DE'I STON THON DU PHYIN

NAS DPON SA YUM GYIS RJE BTZUN BLA MA TZONG KHA PA CHEN PO'I
RNAM THAR THANG SKU GRAS GTZANG GSAR BZHENGS MDZAD PA'I RAB TU
GNAS PA DANG, BAR CHAD SEL BA'I DBANG RJES GNANG SOGS THUGS
BZHED YONGS SU GANG BA BYAS, DE DUS GTZANG SA NAS SDE SRID

RIN PO CHE DANG, SHANGS MDO RI BO DGE 'PHEL BA MCHOD YON RNAMS
KYIS, KUN MKHYEN CHEN PO SHES RAB DPAL BZANG GI GDAN SAR YONG
DGOS TSUL CHE GNYAN DU MA'I NGO BRGYUD DANG BCAS NAN BSKYED LA
BRTEN NAS KHAS BLANGS TE, LNGA MCHOD CHEN MO'I DUS SU

@046B DGE 'PHEL DU PHYIN NAS TSOGS PA LA BDE GSHEGS BDUN GYI
RJES GNANG DANG, MDO CHOG GI LUNG SOGS NYER MKHO'I CHOS KYI CHAR
PHAB, SLAR BKRA SHIS LHUN POR SLEBS NAS, ZHI BA'I LO'I DGUN CHOS
DUS SU, NUB GCIG RMI LAM DU DGE SLONG

SNAM SBYAR DMAR SER GSOL CING, RIGS LNGAS DBU BRGYAN PA, PHYAG
NA PO TIN BZA' LEGS PO DU MA DANG, SKU RAGS MDZES PAR BCINGS PA
BSNAMS PA ZHIG GIS, GLEGS BAM DE KHO BO'I LAG TU GTAD NAS, 'DI
SNGON NAS BRIS ZIN TE, DA BAR RAB TU

GNAS PA MA GRUB PAS, DA LAM KHYOD KYIS ZHAL PHYE LA, RAB GNAS
CIG GYIS GSUNG, BLANGS NAS SKU RAGS BKROL TE BLTAS PA NA, 'DUS
PA'I RTZA RGYUD MTHING SHOG LA GSER GYIS BRIS PA SHIN TU LEGS PA
ZHIG 'DUG PAS, RAB YANGS NAM MKHA' TIL

GYI GONG BU BZHIN, ZHES BDAG NYID KYIS 'DON GYI 'DUG PA NA, 'DI
NAS BYUNG MED PAR NGO SHES PA DANG MI SHES PA'I TSOGS PA CHEN PO
ZHIG 'DUS NAS SA G-YO BA TZAM GYI RAM BTEG STE, 'DUS PA'I SHIS
BRJOD YONGS RDZOGS STON PA ZHIG GSAL BAR BYUNG, DE'I SANG

BKA' BCUR PA 'BYAMS BZHI LNGA TZAM GYIS 'DUS PA'I RTZA RGYUD KYI
'GREL BSHAD RGYAS PA GCIG KHYER NAS 'DI'I STENG NAS CHOS THUN RE
CIS KYANG ZHU ZER BA NA NYID 'KHRUL LA MTHA' GCIG TU NGES PA MED
KYANG, MDANG GI RMI LAM DRAN NAS, tIKKA'I 'DZIN CHOS

DANG; BZHI SBRAG GI BSHAD PA RGYAS PAR BYAS PAS, DE DUS DGE
BSHES DE DAG LA ZLA BA GCIG GNYIS TZAM LA'ANG RDO RJE THEG PA'I
LAM GYI RNAM GZHAG CHAGS PA BYUNG CING, DA LTA'I BAR DU BKA' BCU
RAB 'BYAMS 'BA' ZHIG GI GRVA LA BRTEN PA'I 'CHAD

@047A *, ,NYAN JE 'PHEL DU SONG BA 'DI LTAR YIN CING, SNGAR GYI
RMI LHAS DE YANG RGYUD GRVA 'DI NYID TSUGS PA'I LTAS DANG,
PHYI'I MCHOD RTEN GYI SA CHOG DE YANG BSAM GZHIG MED PAR DPAL
'DUS PA'I SGO NAS BYED PA SHAR SONG BA YANG DE

KHA'I RTEN 'BREL DU 'DUG ,RGYU MTSAN DE DAG GI PHYIR BDAG NYID
KYIS KYANG THOG MTHA' BAR GSUM DU CHOS DANG, CHOS LDAN GYI SGO
NAS SMAN GYI LJON SHING LTAR BSKYANGS PA'I LAG RJES MKHAS PAS
BSNGAGS PAR 'OS PA ZHIG YIN NO SNYAM DU RLOM

PA'ANG MCHIS SO, ,DE'I STOD BDE 'BYOR GRVA TSANG DANG, STOD SHER
LA SOGS PAR SKYE BO'I TSOGS MANG PO BSNYEN GNAS SMYUNG GNAS LA
SOGS PAS MTSON DGE BA'I LAM BZANG PO LA BKOD DO, ,SNGA SOR DBEN
BSDUM MCHOD RTEN DANG DUS MNYAM DU,

GZIMS KHANG GI MDUN NGOS SU GZIMS CHUNG DANG KA DRUG MA MDO
PHUGS SOGS GZABS KHANG GSAR BCOS RNAMS KYI SHING RTZI RGYAS PA
BYAS, THUN MONG ZHES PA'I LO'I DPYID DGRA 'DUL BA CHOS KYI RJE
SH'AKYA MCHOG GRUB PAS SHAR RTZE'I GRVA KHANG GSAR

BZHENGS LOGS BRIS KYI BAR MTHAR PHYIN NAS GSOL BA BTAB PA LTAR
RAB GNAS RGYAS PA 'PHRIN LAS BZHI'I SBYIN BSREG DANG BCAS PA'I
SGO NAS DGE LEGS KYI ME TOG GIS KHYAB PAR BYAS, SOS RAB 'BYAMS
SMRA BA NYI SHU RTZA LNGA DRUG DANG BCAS TE THON DU ZLA

CHOS GNYIS LA NYE BAR GSAL SGRON GZABS BSHAD RTZAR BA CIG SONG
CING SPYI DGOS KYI CHOS SHIN TU 'PHEL BA BYUNG, DE NAS 'GAL BYED
CES PA'I LO'I CHO 'PHRUL SMON LAM GROL 'PHRAL BSAM GRUB DGE LDAN
PA MCHOD YON RNAMS KYIS GDAN 'DREN

@047B NGOS DRAG PA LA BRTEN NAS 'GRO BA SHAR, ,LAM ZHOR DU DNGUL
CHU CHOS RDZOD DU PHYIN, GZIMS PHUG DANG SKU 'DRA RIN PO CHE
MJAL, RGYAL SRAS RIN PO CHE DANG DNGOS SU MJAL SHING BYIN GYIS
BRLABS PA LTA BU'I DAD MOS DANG DGA' BA THOB CING SMON LAM YANG
DAG

PA BTAB, MTHAR GYIS BSAM GRUB DGE LDAN DU SLEBS NAS SPYI SGER
THAMS CAD KYIS BKUR STI RNYED PA BSAM GYIS MI KHYAB PAS MCHOD,
NGED RANG GIS KYANG SER JA 'GYED SPYI 'BUL DANG BCAS PA GZABS
SHING, TSOGS PA LA 'JIGS GSANG GNYIS KYI DBANG

BZHI DANG, CHOS SKYONG MANG PO'I RJES GNANG DANG, BSNYEN RDZOGS
GCIG GNYIS DANG DGE TSUL BDUN CU LHAG TZAM BSGRUBS PHYI ROL DU
KHROM LA TSE DBANG SOGS 'DOD DGU'I CHOS KYIS TSIM PAR BYAS DUS
LHA RNAMS KYIS ME TOG GI CHAR PHAB CES SGROG

PAR SNANG, PHYIR LAM SPANG YUL BDE BA CAN PA RNAMS KYIS BSNYEN
BKUR PHUN SUM TSOGS PA BYUNG ZHING, DER YANG KHROM DBANG BSKUR,
BYANG SEMS BDE BA CAN PA DANG, CHU BZANG PA SOGS KYI BSGRUB GNAS
MJAL TE DAM PA DE DAG GI RNAM THAR SKYONG BA'I RTEN

'BREL BSGRAGS, RIM GYIS BO DONG DANG, BYA RGOD SHOD DANG, SNAR
THANG RNAMS KYI RTEN MJAL ZHIB TU BYAS TE, BKRA SHIS LHUN POR
SLEBS PA NA, 'BRAS SPUNGS NAS 'BOD MI DOS DRAG SLEBS 'DUG PA
LTAR, 'PHRAL DU BSHAD RTZOL BYAS, STOD LUNG KHRI ZAM KHAR

CHIBS BSU DANG SER 'PHRENG RGYAS PA CAN 'DUG ,DE DUS THAMS CAD
MKHYEN PA YON TAN RGYA MTSO DANG, GZIMS KHANG GONG MA SPRUL
PA'I
SKU BSOD NAMS DGE LEGS DPAL BZANG, SER 'BRAS KYI BLA MA SLOB
DPON DGE BSHES DRAG RIM NYI 'OD 'KHYIL DU SHONG

@048A *, ,TZAM LA RDO RJE PHRENG BA'I DBANG YONGS SU RDZOGS PAR
PHUL NAS RTZOL BA CHEN POS GTZANG PHYOGS SU 'ONGS, DE YANG 'GAL
BYED KYI LO DE KHA'I NANG DU DGOS PA'I DBANG GIS GSANG BA'I SLOB
DPON ZHIG LA RNYING LUGS GSHED

DMAR, TSE BDAG ,BKA' BRGYAD GSANG BA YONGS RDZOGS DANG, BDER
'DUS KYI DBANG LUNG SOGS RNYING MI'I CHOS SKOR MANG PO ZHUS
SHING, GSANG BA'I RDO RJE 'DZIN PA LA LHO BRAG GRUB CHEN LAS KYI
RDO RJE LA GSANG BDAG GIS DNGOS SU GNANG BA'I DBANG LUNG

MDOR NA GRUB CHEN GYI BKA' 'BUM YONGS RDZOGS CHA TSANG ZHUS, LO
DE'I DPYID DUS DER, BSAM GRUB DGE LDAN NAS BZUNG 'BRAS SPUNGS
KYI BAR DU LAM MI 'CHAG LTA BUR YONG DGOS BYUNG BA DANG, YANG HA
CANG 'GYANG BA MED PAR BKRA SHIS LHUN POR

SLEBS NAS BSAMS PA NA, GNAS DANG DUS DANG GANG ZAG LA SOGS PA
SKAD CIG KYANG RTAG PA MED PA 'PHRAL 'PHRAL 'GYUR 'GRO BA MNGON
SUM DU GYUR PAS RKYEN BYAS, 'BAD RTZOL GYIS GOMS PA LA MA LTOS
PAR, 'KHOR BA'I PHUN TSOGS THAMS

CAD NI RMI LAM GYI DGA' STON NAM, SGYU MA'I ROL RTZED LTA BU
DANG, 'DUS BYAS KYI NGANG TSUL NI GLOG GI ZLOS GAR RAM, CHU
'DZIN GYI 'DU 'GOD LTA BU DANG, SNYIGS DUS KYI SKYE BO'I TSE NI
CHU YI CHU LBUR 'AM, RTZVA RTZE'I ZIL BA BZHIN DU MTHONG, KHYAD
PAR RANG

NYID KYANG DANG PO MNGAL DU ZHUGS PA NAS 'CHI BDAG GI KHAR CHUD
CING, NYI MA RE RE BZHIN YANG 'CHI RKYEN SHIN TU MANG BAS MI
'CHI BA'I GDENG NI CI YANG MI 'DUG ,SNGON CHAD DUS KYI CHAD PA
MA PHOG PA YANG NGO MTSAR CHE, DA NI BLO BUR NYID DU BSKYAS CHEN

@048B 'DEGS PAR YANG NYE 'AM CI CHA SNYAM DU YID LA BSAMS SHING,
DON DE NYID,, ,,NA MO GU RU MANYDZU GHO sh'A YA, DUS GSUM GYI
SANGS RGYAS MI GZUGS CAN, ,GSUM LDAN GYI BLA MA'I ZHABS PAD LA,
,BYANG CHUB KYI BAR DU SKYABS SU MCHI, ,'BRAL

MED DU BRTZE BAS RJES 'DZIN MDZOD, ,MTHA' MED KYI 'KHOR BA'I
RGYA MTSO 'DIR, ,LAS NYON GYI 'CHING BA DAM POS BCINGS, ,SKYE
RGA DANG NA 'CHI'I RBA KLONG 'KHRUGS, ,GNAS TSUL 'DI BSAMS SHING
GLO SNYING 'DAR, ,TSANGS DBANG DANG KHYAB 'JUG DRAG PO SOGS, ,

'CHI MED KYI BDAG PO'I DPAL THOB KYANG, ,DBANG MED DU MNAR MED
MES BSREG NA, ,MTHO RIS KYI BDE LA YID BRTAN CI, ,DPAG MED KYI
TSE DANG 'BYOR PA CAN, ,GSER DNGUL GYI 'KHOR LOS BSGYUR RGYAL
YANG, ,NGES MED DU 'KHOR BA'I YANG BRAN 'GYUR, ,

AA TZA MA SRID 'DIR SNYING PO GANG, ,TSE SNGON GYI DGRA BO 'DI
NANG GNYEN, ,'DI NANG GI DGRA YANG PHYI MA'I GROGS, ,ZA ZIR GYI
'KHOR BA'I NGANG TSUL 'DI, ,'BREL MED KYI SMYON PA'I ZLOS GAR
RANG, ,SKAD CIG KYANG 'BRAL BAR MI PHOD PA'I, ,YID 'ONG GI
SNYING GROGS

MDZA' BSHES RNAMS, ,DUS TSOD KYI SO SOR 'GRO BA 'DI, ,YID RE
SKYO SEMS LA CUNG MA BAB, ,SDIG SDUG DANG GTAM NGAN KHYAD BSAD
NAS, ,SER SNA YIS BSAGS PA'I ZAS NOR LAS, ,RDUL PHRAN TZAM
'KHYER BA'I DBANG MED PAR, ,LAG STONG DU 'GRO BA

'DI SEMS LA GZAN, ,TSE LHAG GI BSKYEL MA YUD TZAM LA, ,'CHI BDAG
GI BSU MA BANG RE MGYOGS, ,PHA ROL GYI G-YANGS SA 'JIGS PA CHE,
,CI RANG DRAG 'BROS THABS AE 'DUG SOMS, ,SNGAR BYAS KYI RANG GI
LAS LA 'GYOD, ,SDIG LTUNG GI KHUR PO

@049A *, ,RI BAS LCI, ,GROGS MED DU BSKYAS CHEN 'DEGS PA 'DI,
,GTING NAS RANG SKYO ZHING MTSER LA 'JIGS, ,'CHI MAL DU BDAG
NYID CHUD PA'I TSE, ,KHA DRAG GI DPA' BOS MI BZLOG CING, ,STONG
GSUM KUN GANG BA'I ZAS NOR DANG, ,

MDZES SDUG GI LANG TZOS BSLU RU MED, ,'TSO BYED KYI RGYAL PO
GZHON NU DE, ,MNGON SUM DU BYON KYANG CI BYAR YOD, ,RTZE GDUNG
DANG LDAN PA'I GROGS DBUS NAS, ,GCIG PU RU 'GRO BA 'DI SHIN TU
'TSER, ,RGYUS MED KYI BAR DO LAM 'PHRAD DOG ,LAS NGAN GYI

'KHRUL SNANG CHU LTAR 'KHRUGS, ,'JIGS SKRAG GI SDUG BSNGAL YA
NGA BA, ,MNGON SUM DU SHAR TSE CI TZUG BYED, ,'DI NANG GI DGA'
SKYID 'DZOM PO DANG, ,SGYU LUS KYI KHANG STONG SHUL DU BZHAG
,RNAM SHES DE BYA SPU RLUNG KHYER BZHIN, ,DON MED DU 'KHYAM PA

'DI SEMS KYI GCONG, ,LAS NGAN GYIS NYING 'TSAMS SBYAR BA'I TSE,
,LJAN LJIN GYI MI GTZANG DANG 'DRES NAS, ,MUN KHROD KYI MNGA'
NANG DRING BAR, ,'DUG TSUL 'DI BSAM NA SNYING RLUNG LDANG,
,MNGAL GRIB KYI DAM CHOS BAG CHAGS BRJED, ,RAB RMONGS KYI BYIS
PA'I

GNAS SKABS GYUR, ,BLANG DOR GYI GNAS LA LKUG PA 'DRA, ,SPYOD
TSUL DE DRAN PAS SHES PA 'PHYO, ,GZHON NU DANG LANG TSO DAR BA'I
DUS, ,SDIG GROGS DANG DUG GSUM SHUGS DRAG GIS, ,BSLAD NAS KYANG
NGAN 'GRO'I SDUG BSNGAL RGYU, ,BAG MED DU SGRUB NA CI RANG

DRAG ;GTING ZAB KYI 'KHOR BA'I KHRON PA 'DIR, ,LEGS NYES KYI
MTHO DMAN SNA TSOGS PA'I, ,BDE SDUG GI GAN BUB MANG PO ZHIG
,'GAL ME LTAR 'KHOR BA 'DI YID RAB SKYO, ,'KHOR BA NA SKYID SDUG
CI YOD RNAMS, ,THOG MED NAS THA MA DA LTA'I BAR, ,YANG

@049B YANG RANG NYAMS SU MYONG LAGS NA, ,DA KA TZAM TSIM MAM SUN
RE RAN, ,DRED PO KHYOD RANG LA SNYING RJES LTAS, ,SKYID SDUG GI
'DAM KA DA RES BYUNG, ,RANG NYID LA RANG GI GNYER BABS PAS, ,JI
LTAR BA RANG GI SEMS LA DRIS, ,SEMS NYID KYI DNGUL DKAR ME LONG

LA; ;'KHOR BA 'DI'I SNANG TSUL SHAR BA'I TSE, ,BAB COL GYI TSIG
'PHRENG YI GE'I GZUGS, ,'GOD PA PO BLO BZANG CHOS RGYAN YIN,
,ZHES BYA BA LA SOGS PA TSIGS SU BCAD PA 'GA' ZHIG DBYANGS
SU'ANG BSGRAGS PA DANG, RMI LAM MKHAN PO DANG, MI

MA YIN PA'I 'BYUNG PO 'GA' ZHIG GIS KYANG DON DE DANG MTSUNGS
PAR LUNG STON PA THOS PAS, DBUS GTZANG GNYIS KA NAS, BDAG LA
PHAN PAR 'DOD PA'I GROGS PO MANG POS KYANG, DON DE DAG GI GNYEN
PO KHYOD NYID KYIS BSGRUB PAR 'OS SO, ,ZHES

MGRIN CIG TU SGROG PA SGRA 'DZIN GYI BU KHAR SIM PA NI, KHO BO
CAG GI SEMS LA 'DI LTAR SHAR PA GLU DBYANGS SU MTSON PAR BYAS PA
NI, ` ,RJE GSUM LDAN BLA MA RDO RJE 'DZIN, ,MI BDAG SNYING
PADMO'I DBUS BZHUGS LA, ,DGRA CHOS BRGYAD SNANG ZHEN BKRAG PO

CHE; ;'DI RTZAD NAS THON PAR BYIN GYIS RLOBS, ,TSE RING DU GNAS
NA RNAM DKAR GYI, ,LAM BZANG PO SGRUB PO SHI YANG BDE, ,LAS BAG
CHAGS BZANG PO'I NGANG DU 'CHI, ,AA LA LA GSON SHI SEMS LA
SNYOMS, ,TSE SGRUB KUN JI LTAR DGYES DGYES MDZOD, ,DPAL

PHUN TSOGS 'BYOR NA MCHOD SBYIN GYIS, ,TSOGS GSOG GO DBUL POR
GYUR KYANG SLA, ,CHUD ZOS DOGS SER SNA'I SDUG BSNGAL MED, ,AA LA
LA 'BYOR RGUD SEMS LA SNYOMS, ,NOR SGRUB KUN JI LTAR DGYES DGYES
MDZOD, ,YONGS KUN GYIS BSTOD CING SNYAN

@050A *, ,GRAGS NA, ,YID MI BDE MED DO SMAD KYANG BLA, ,SGRA
GRAG STONG SGYU MA'I BSLU BRING YIN, ,AA LA LA BSTOD SMAD SEMS
LA SNYOMS, ,SNYAN GRAGS KUN JI LTAR DGYES DGYES MDZOD, ,NGA LUS
SEMS BDEN DKON MCHOG GI ,DRIN

YIN NO SDUG BSNGAL GYUR KYANG SLA, ,YID NGES 'BYUNG SNYING RJE
NGANG GIS 'PHEL, ,AA LA LA BDE SDUG SEMS LA SNYOMS, ,SKYID 'DOD
KUN JI LTAR DGYES DGYES MDZOD, ,SROG 'TSO 'CHI 'BYOR RGUD BDE
SDUG DANG, ,YANG BSTOD SMAD SNYAN DANG MI SNYAN SOGS

GANG BYUNG KYANG BLA MA'I BYIN RLABS YIN, ,AA LA LA CI BYAS BLO
BA DGA', ,RE DOGS KUN JI LTAR DGYES DGYES MDZOD, ,DPAL ZHI BA
LHA DANG MAR ME MDZAD, ,RJE RGYAL BA GNYIS PA LAS 'ONGS PA, ,DUG
BDUD RTZIR BSGYUR BA'I GDAMS PA YIS, ,AA LA LA

LTAS NGAN G-YANG DU LEN, ,RKYEN NGAN KUN JI LTAR DGYES DGYES
MDZOD, ,CES PA DANG, YANG DON DAM PA'I DBANG DU BGYIS NAS,, ,,NA
MO GU RU MANYDZU GHO sh'A YA, ,PHA RGYA CHEN SPROS PA KUN MKHYEN
KYANG, ,DBYINGS SPROS BRAL NGANG DU RTAG

GZIMS PA, ,RJE RGYAL BA GNYIS PA BLO BZANG GRAGS, ,'BANGS BDAG
CAG DA DUNG THUGS RJES SKYONGS, ,SNGON THOG MA MED NAS DA LTA'I
BAR, ,GDON RANG GI SNYID LA GNAS BCAS NAS, ,YUL BDAG MED CIG LA
BDAG TU BZUNG, ,'PHRAL PHAN PA'I

ZOL GYI BSLUS BYAS TE, ,NGA DMYAL BAR BSREGS PA'ANG BGRANGS LAS
'DAS, ,DUS DE RING BLA MA'I BKA' DRIN GYIS, ,DGRA BDAG 'DZIN
'GONG PO'I MTSANG RIG PAS, ,SEMS SPROS BRAL GNYUG MA'I NGO BO
MTHONG, ,BU RANG BYUNG RIG PA'I GZHON NU DANG, ,

@050B YUL 'OD GSAL CHOS DBYINGS MDZES MA MJAL, ,DBYINGS RIG PA
DBYER MED THABS SHES 'BREL, ,'DI 'DU 'BRAL MED PA'I GROGS SU
BZANG, ,YE GDOD NAS CIR YANG MA GRUB PAS, ,YUL BDAG MED RTOGS
PA'I NGES SHES KYI, ,LAS RGYU 'BRAS

BSLU BA MED PAR RTOGS, ,NGA CHAD PA'I G-YANGS LA NYAM NGA MED,
,YANG RTEN NAS 'BYUNG BA'I CHOS RNAMS KUN, ,SNANG TZAM GYIS SGYU
MA'I ROL PAR MTHONG, ,DE MTHONG BAS AA 'THAS 'CHING BA ZHIG ,DON
DE PHYIR RTAG PA'I MTHA' LAS GROL, ,DA STONG NYID

NAM MKHA'I RNAL 'BYOR PA, ,YUL GANG SHAR BRDZUN PA'I RGYAS THEBS
PAS, ,KHONG BDEN PAR 'DZIN PA'I CHOM SKUN PA, ,GZHI SKYE MED
GDOD MA'I DBYANGS SU BROS, ,LAR 'KHOR 'DAS CHOS RNAMS MA LUS PA,
,MING BTAGS YONG TZAM GYI ROL PA

LAS; ;DBYINGS NGO BO CIR YANG MA MCHIS PAS, ,NGA SKYE 'CHI GNYIS
LA YA NGA MED, ,SNGAR DAL MED 'KHYAMS PA'I NGAL BSO'I GNAS,
,CHOS STONG NYID BDUD RTZI'I SNYING PO BRNYED, ,'DI BSAMS SHING
RJE BTZUN BLA MA'I DRIN, ,DRIN CHE BAR NGES SO BLA MA RJE, ,

NGA BLO BZANG RGYAL BA GNYIS PA'I BU, ,LAM PHYAG RGYA CHEN PO'I
ROL RTZED KYIS, ,CHOS LTA BA'I GLU DBYANGS 'DI BZHIN LEN, ,GROGS
THAR 'DOD KUN KYANG 'DI LTAR MDZOD, ,CES BRIS TE DBUS NGOS NAS
TSE BSGRUB CIS KYANG BYA DGOS GSUNG BA'I