[THE FOLLOWING TEXT HAS INCOMPLETE SECTIONS, WHICH ARE ON ORDER] @00 ? *, ,RNAM THAR DKAR CHAG ,, @01A *, ,THAMS CAD MKHYEN PA DHARMA BHA DRA DPAL BZANG PO'I RNAM THAR ZHVA SER BSTAN PA'I MDZES RGYAN GYI, 181 ? GLENG BSLANG BA'I SARGA, 9SA1 ? SKU 'PHRENG GONG MA 'GA' ZHIG NGOS ZIN PA'I SARGA, 14NA5 SKU BLTAMS PA'I SARGA, 21NA2 BYIS PA'I ROL GAR CHOS SU RTZEN PA'I SARGA, 127BA6 BKRA SHIS DGE 'PHEL DU PHEBS NAS DGE TSUL GYI SDOM BZHES MDZAD PA'I SARGA, 48NA2 DBEN GNAS SU PHEBS NAS BSNYEN RDZOGS KYI SDOM BZHES DANG THOS BSAM GTZO BOR MDZAD PA'I SARGA, 88PA1 RNYENG BKUR RTZVA BZHIN DOR NAS SGRUB PA GTZO BOR MDZAD PA'I SARGA, 117NA2 BSHAD SGRUB ZUNG 'BREL GYI SGO NAS BSTAN 'GRO'I DON MDZAD PA'I SARGA, 151NA7 RNAM THAR GYI DON BSDUS PA'I SARGA, 179NA6 THA MA'I MDZAD PA BSTAN PA'I SARGA, 178NANYA DGONGS RDZOGS JI LTAR BSGRUBS PA'I SARGA, KHYON SARGA BCU GCIG DANG SHOG GRANGS NYIS BRGYA BCO LNGA BZHUGS, @00 *, ,[LS] (*, ,TRI K'A LA SARBA DZA YA SYAS M'A NYA R'U PA PRA S'AD TRA Y'I BHA ttA RAG GU GU shA RBA DZNY'A DHARMA BHA DRA SU SHRI YO BI MO KshA tO TYU M'A SH'A SAN SYA SVA LAm N'A MA BI HA RA TI SMA ,,) (*, ,DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAMS CAD MKHYEN PA DHARMA BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA BZHUGS SO, ,, [DD] 001 [LS] 001 [LS] *, ,TR Y'I BHA ttAR KA GU RU shA RBA DZNY'A RM BH DR SU SHRI YO BI MO Ksh tO TYU M' SH' SNA SYA LAm NA'M, DZNY'AD YASH KTA RJE BTZUN BLA MA THABS CAS MKHYEN PA DHARM BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA, MKHYEN BRTZE NUS [DD] @01 *, ,[LS] (@01 *, ,[LS]) *, ,NA MO GU RU MANYDZU GHO sh'A YA, TRI K'A LA SARBA DZA YA SYAS M'A NYA R'U PA PRA S'A DA *, ,BLA MA 'JAM PA'I DBYANGS LA PHYAG 'TSAL LO, ,DUS GSUM RGYAL BA KUN GYI SPYI GZUGS BKA' DRIN GSUM LDAN, @00 *, ,[LS] (@00 *, ,[LS]) YO AANTA RA BADZRA DHA RA TZA NI RBH'A GA SYA SHR'I M'A DGU RU SHA TA SE PA SYA P'A DAm PRA nA MA SHAR nAm GTZTSA MI, K'A LA TZA SARBA PRA STE BAm MA H'A K'A RU nI KA NA MA MU DDHA RA, PA'I BDAG NYID RDO RJE 'CHANG DANG DBYER MA MCHIS PA'I DPAL LDAN BLA MA DAM PA DE NYID KYI ZHABS LA PHYAG 'TSAL ZHING SKYABS SU MCHI'O, ,DUS DANG GNAS SKABS THA DU THUGS RJE CHEN POS RJES SU GZUNG DU GSOL, @03 *, ,[LS] (@03 *, ,[LS]) *, ,SHRE YO DZNYE YA SYA M'A TZAm DZA LA MI SHA DZA YA NAm DZNY'A NA SAm BINGS MU DRA, GA RDZO AU RKA RTHA T'A RTHA N'A YA Ri DHI YA MA KAm DRO HA RI RDHA RMA G'A B'A *, ,DGE LEGS SHES BYA'I TSAD DU 'KHYIL BA RGYAL DBANGo MKHYEN PA'I YE SHES MTSO, ,BSRUBS SKYES LUNG RTOGS GZI BYIN GYIS PHYUGo YANG DAG CHOSo KYI SNANG BA YIS, , @03B [LS] [/] SAm STH'A BHA DR'A THA W'A NYSH'A SA NA SHA TA DAM THAm PADMA RAm SH'A KTI SIDDHA: AINDRE n'A HA SKA RO BHA ttA RA KA GU RUS SA MRi DDHA SHSHI BAm DV'A RA BHINDA ,, DGE LDAN LUGS BZANG BSTAN PA'I PADMO PHYOGS BRGYAR 'BYED LA MTHU GRUB PA, ,RJE BTZUN BLA MA NYIN BYED DBANG POS PHUN TSOGS SHIS PA'I SGO 'PHAR PHYE, , @04A #, ,SHES BYA'I RANG BZHIN PHA MTHA' MED GZUGS YE SHES ME LONG GCIG NYID DU, ,SONG BA'I KHYAD PAR MI ZAD RGYAN GYI 'KHOR LOR GROL BAS RGYAL BA KUN, ,BSKYED KYANG MTSAN DPE'I RGYAN GYIS SPA BA'I RGYAL SRAS GZHON NU'I RNAM ROL MKHAN, ,'JAM PA'I DBYANGS KYI ? BDAG SNYING BZHUGS LA MI ZAD BLO YI MCHOG SBYIN MDZOD, ,GZUNG BRJOD SPROS BRAL CHOS KYI DBYINGS ZAB SHES RAB PHA ROL PHYIN RANG BZHIN, ,MDZES SDUG LANG TSO'I SNYING POR SMIN LAS ZAB MO STONG PA NYID KYI GLU, ,RIN CHEN RGYUD MANG GDANGS SU 'GUGS MKHAS CHOS KYI DPA' MO MIG YANGS MA, ,DBYANGS CAN LHA MO BDAG MGRIN LA 'KHYUD NGAG GI @04B 'DOD PA 'JO BAR MDZOD, ,BSKAL BZANG 'DI LA RLABS CHEN THUGS BSKYED GNYIS MED GSUNG PA'I CHU SKYES 'PHRENG, ,TSAR DU DNGAR DBUS LHAG PA'I SNYING STOBS ZLA BA NOR BU'I DPAL YON LA, ,DGYES PA'I BSNGAGS BRJOD PAD DKAR DRIL CHEN SRID ZHI'I KHAMS SU SNYAN PA CAN, ,ZLA MED STON PA ZAS GTZANG SRAS PO'I ZHABS SEN SPYI BOR MDZES GYUR CIG ,BDE GSHEGS RNAMS KYI GSANG GSUM BKOD PA RGYAN GYI 'KHOR LOS BSGYUR BA LAS, ,MI BZANG MTHU STOBS NUS PA'I RANG GZUGS RNGAM BRJID KHRO BO'I SKUR BZHENGS NAS, ,DRAG PO'I ME LCE PHYOGS BRGYAR GA-YO BA'I GNAM LCAGS RDO RJE MKHAR GDENGS PA, ,GSANG BA'I MDZOD 'DZIN LAG NA RDO RJES BLA MED THEG PA'I SGO BRGYA PHYE, ,'DI NA THUB BSTAN KU MUD DOG PA KHYAB PAR BRDAL BAS GANGS CAN GYI, ,KUN BZANG KHYON YANGS BLTAR MI MNGON PA GSAL BYED BSTAN 'DZIN RGYU SKAR DBUS, ,RMAD BYUNG MKHYEN BRTZE NUS PA'I CHA RDZOGS LEGS BSHAD BSAL BA'I KHYAD PAR TZAM, ,KUN MKHYEN BLA MA TZONG KHA PA DENG BKA' DRIN DRAN PAS PHYAG BGYID DO, ,THOS DANG BSAM SGOM RGYA MTSO'I MANG LA NANG TSOGS ZUNG DROD KYIS SMIN PA'I SNYING, ,MKHAS BTZUN BZANG POR GRUB PA'I YON TAN RIN CHEN KHAMS LAS RANG BYUNG BAR, ,'CHAD RTZOD RTZOM PA'I @05A *, ,LANG TSO'I 'PHEL BA DANG BAR LANGS PA'I RI YI DBANG, ,MKHAS GRUB DAM PA NGAG DBANG RDO RJE'I DGE LEGS ZHABS SEN SPYI BOR MCHOD, ,CHOS KUN DBANG BSGYUR RANG BZHIN STONG PA'I REG BYA, DANG 'GROGS BDE CHEN 'OD GSAL CHOS KYI SKU, ,MTHA' YAS 'GRO BA'I SKAD KYIS RAB PHYUG YAN LAG DRUG CU'I CHOS KYI DBYANGS LDAN LONGS SPYOD RDZOGS, ,GCIG NYID LAGS KYANG SKAL BZANG MOS MTSOR ZLA BA'I GZUGS BZHIN CIR YANG 'CHAR BA SPRUL PA'I SKU, ,GSANG GSUM DBYER MED CHOS KYI RGYAL PO'I ZHABS SKYES RDUL 'PHRENG BDAG SNYING PADMO'I DBUS SU ROL, ,LUNG DANG RTOGS PA'I YON TAN PHUNG PO'I CHA SHAS YONGS SU RDZOGS PA'I ZLA, ,BSHAD SGRUB BSTAN PA'I CHU GTER SPEL DANG THAR 'DOD BLO YI RMONGS PA'I MUN, ,SEL BA'I LEGS BSHAD 'PHRIN LAS SNANG BA SRID ZHI'I KHAMS SU RING BA CAN, ,RIGS BRGYA'I KHYAB BDAG DHARMA BHA DRA SA GSUM BLA NA RGYAL GYUR CIG ,DRI MED MKHYEN PA'I ME LONG GTZANG MAR SHES BYA MTHA' DAG BKRA, ,RMAD BYUNG BRTZE BA'I NYIN BYED SNANG BA RIS BRAL 'GRO LA SNYOM, ,MTHU STOBS NUS PA'I MTSON CHA 'BAR BA BDUD BGEGS GSHED DU DPA', ,RIGS GSUM NGO BO RJE BTZUN BLA MAS BDAG RGYUD BYIN GYIS RLOBS, ,AE MA SNGON GOMS THUGS BSKYED GRU CHAR @05B SNYING RJE'I RLAN, ,RGYAL SRAS SPYOD PA'I RGYA MTSOR 'KHYIL BA'I SNYING PO SKYES, ,YON TAN LHUN PO LHAR BCAS GLING BZHI'I LTE BA NA, ,BRJID PA'I GTAM 'DI 'GRO LA THOG MTHA' BAR DU DGE ,DE LTA'I GSANG GSUM NGO MTSAR BKOD PA NI, ,RTAG TU GZHAN DON 'BA' ZHIG LA GZHOL BA'I, ,MDZAD PA 'PHRIN LAS PHA MTHA' MA DMIGS PA, ,MKHA' DANG SEMS CAN KHAMS KYI TSAD DU YANGS, ,'DI NA BUNG BA'I GSHOG RLABS RTZAL GYIS KUN GSAL PHA MTHA' 'TSOL BA DANG, ,CHU GTER RGYA SHUG TSIGS BCUS TE ZAD PAR RE BA'I BYIS PA BZHIN, ,SAR GNAS DPA' BO'I BLO GROS LAS 'GONGS BLA MA'I YON TAN LHUN PO NI, ,RMONGS PA'I RGYAR CHUD BDAG 'DRA'I BLO GROS KHAB KYI MIG BUR JI LTAR TSUD, ,'ON KYANG RGYA MTSO CHE LAS CHA SHAS TZAM, ,SBYANG PA YIS KYANG SKOM PA'I GDUNG SEL LTAR, ,DGE BA'I BSHES KYI YON TAN CHA SHAS TZAM, ,BRJOD PA'I BSOD NAMS PHUNG PO PHA MTHA' YAS, ,RNAM PA THAMS CAD MKHYEN PA'I GRONG KHYER DU, ,BGROD PA'I 'KHRUL MED LAM CHEN 'DI NA ZHES, ,GSAL BAR STON PA'I SA MKHAN RMAD BYUNG BA'ANG, ,SNGON BYON DAM PA'I RNAM PAR THAR PA DANG, ,DE PHYIR RGYAL SRAS SLOB MAR BCAS PA DANG, ,RGYA BOD BSTAN 'DZIN DU MA'I RNAM THAR GYI, ,RGYU SKAR DO SHAL TSAR DU DNGAR BA YI, ,THUB BSTAN RIN CHEN LHUN PO MDZES PAR BYAS, ,DE LTA NA YANG BSNGAGS @06A *, ,'OS YON TAN GYI, ,NGO BRAL TSIG GI TSOGS PA RGYA CHE BAS, ,RANG RIGS RMONGS PAS BSUNG BA'I NGA RO CHE, ,MKHAS PA'I RNA BAR MI MDZES MGRIN BZANG SKAD, ,'DI NA RGYAL BA GNYIS PA'I LEGS BSHAD KYI, ,RIN CHEN BSHAD SGRUB SRAD BUR BSTAR BA LAS, ,BRTZAMS PA'I RNAM THAR RIN CHEN 'PHRENG BA 'DI, ,ZHVA SER BSTAN PA'I MCHOD SDONG MDZES PA'I RGYAN, , DAD PA'I SKYA RENGS KYIS DRANGS BDAG BLO'I MKHAR, ,BLA MA'I YON TAN NYIN BYED SHAR BA NA, ,MKHAS RLOM RNAM THAR MTSAN MO'I MGON PO LA, ,RE ZHING MTSAR BA'I BSAM PA RING DU SONG, ,DE PHYIR SKYE BA KUN TU BDAG YID MTSO GANG GI YON TAN NOR BUS BGRUNGS PA'I NGOGS, ,DAD GUS CHU SKYES 'PHRENG BAS MDZES PA YI, ,DGE MTSAN NAM YANG NYAMS PA MED PA DANG, ,RMAD BYUNG NGO MTSAR GTAM GYI SLANG BA YIS, ,SKAL BZANG NGANG PA'I PADMO BZHAD PA'I PHYIR, ,TSANGS SRAS PHAR 'GRO'I RGYUD LAS SKYES PA'I GLU, ,SNYAN PA'I NYAMS 'GYUR RDZOGS PA'I NGAG TU GROL, ,KHU BYUG BU MO SNGO LJANG LJON PA'I RTZER, ,MGRIN PA'I RDZA RNGA DAL GYIS RDUNG PA NA, ,DPYID DPAL LANG TSO DAR BA'I NE'U GSING, ,ME TOG SO 'PHRENG GSAL NAS DGOD PA BZHIN, ,DAM PA'I MDZAD BZANG MA BCOS GSONG PO'I GTAM, ,SNYAN 'GYUR DAG GIS DAL BUR GLANG BA LA, ,GZUR GNAS BLO GROS @06B NOR GYIS PHYUG PA RNAMS, ,DGA' BA'I BZHIN MDANGS GSAL TE MNYAN PAR RIGS, ,DE LA 'DIR BDAG CAG GI RNAM PAR 'DREN PA CHEN PO LUNG DANG RTOGS PA'I YON TAN GYI SGO NAS 'GRO BA LHA DANG BCAS PA'I BLA MAR GYUR PA DON GYI SLAD DU MTSAN NAS SMOS TE 7RJE BTZUN BLA MA THAMS CAD MKHYEN PA DHARMA BHA DRA DPAL BZANG PO 'DI NYID NI, RING MO ZHIG NAS GOMS PA'I THUGS BSKYED RLABS PO CHE'I SA BON DUS SU SMIN PA'I STOBS LAS, ~PHYI ? SO SO THAR PA'I BCAS PA'I GNAS SHIN TU PHRA BA RNAMS LA'ANG NYES PA'I DRI MAS MA GOS PA'I GNAS BRTAN 'DUL BA 'DZIN PA CHEN PO, NANG BDAG PAS GZHAN GCES PAR 'DZIN PA'I BYANG CHUB KYI SEMS BCOS MIN THUGS RGYUD LA MNGA' BA'I STOBS KYIS SEMS CAN GYI DON DU BYA DKA' BA'I RGYAL SRAS KYI SPYOD PA MTHA' YAS PAR SLOB PA LA ZHUM PA DANG BAG TSA BA CUNG ZAD KYANG MI MNGA' BA'I SEMS DPA' CHEN PO, GSANG BA KUN RDZOB BYANG CHUB KYI SEMS LA DBANG BZHI'I SA BON BTAB STE, DAM TSIG DANG SDOM PA RNAM PAR DAG PA'I DROD KYIS YANG DAG PAR SMIN PAR BYAS PAS RIM GNYIS KYI YAL 'DAB PHYOGS SU RGYAS PA LA MCHOG MTHUN DNGOS GRUB KYI 'BRAS BU GA-YUR DU ZA BA'I RNAL 'BYOR GYI DBANG PHYUG CHEN PO, RANG GZHAN GYI GRUB PA'I MTHA' RGYA MTSO LTA BU'I PHA ROL TU SON TE SHES BYA RIG PA'I GNAS MTHA' DAG 'CHAD PA DANG, RTZOD PA DANG, RTZOM PA LA 'GRAN @07A *, ,PA'I ZLA THAMS CAD DANG BRAL BA'I SMRA BA'I KHYU MCHOG CHEN PO, RJE RGYAL BA GNYIS PA'I SNYAN BRGYUD MAN NGAG GI CHOS SRID LA LEGS BSHAD GSER GYI 'KHOR LOS 'DOD RGUR DBANG BSGYUR BA'I CHOS KYI RGYAL PO CHEN PO, 'GRO BA GZHAN GYI YON TAN CHUNG DU TZAM LA YANG CHES NGO MTSAR DU 'DZIN CING 'JIG RTEN NA CHE BA'I MI'I RJE BOR GYUR PA RNAMS KYI GTZUG GI NOR BUS ZHABS GDAN GYI PADMA MNGON PAR MCHOD KYANG RANG NYID LA KHENGS PA'I DRI MA MED PAR SKYE BO MCHOG DMAN YONGS LA GUS PA'I RNAM 'GYUR KHO NA LHUR BZHES PA'I SKYES BU DAM PA, MDOR NA SKYON GYI RIGS MTHA' DAG ZAD CING YON TAN MTHA' DAG RDZOGS KYANG THA MAL PA'I TSUL GYIS 'GRO BA'I DON MDZAD CING BSTAN PA YONGS RDZOGS KYI MNGA' BDAG TU GYUR PA NI, GZUR GNAS BLO GROS KYI NOR DANG LDAN PA RNAMS LA LKOG TU MA GYUR MOD, DE LTA NA'ANG, BKA' GDAMS GLEGS BAM LAS, BDAG GI YON TAN SBA BYA ZHING, ,GZHAN GYI YON TAN BSGRIG PAR BYA, ,ZHES GSUNGS PA LTAR, RJE BLA MA 'DI NYID YONGS 'DZIN CHOS KYI RGYAL PO PAndI TA CHEN PO LTAR BKA' GDAMS PA'I RNAM THAR GTZANG MA BDAG GIS BZHES TE, RANG NYID SO SKYE THA MAL PA'I TSUL LAS TING NGE 'DZIN DANG MNGON SHES SOGS GONG MA'I YON TAN GANG YANG YOD PA'I TSUL GTAN NAS MI MDZAD PA, GSUNG GI ZHAR BYUNG TZAM DU NI NAD PA 'TSO @07B 'CHI, DON 'GRUB MI 'GRUB, BYA BA GANG DANG GANG BRTZAM NA LEGS MI LEGS DANG MTHAR PHYIN MI PHYIN SOGS THOG BABS SU GANG BKA' GNANG BA THAMS CAD NAM YANG BSLU BA MED PAR BRTEN, ZHAL SLOB DANG SBYIN BDAG RGYAS YOD RNAMS RE DOGS KYI THE TSOM MA CHOD TSE SKYABS MGON BLA MA RIN PO CHE NAS BKA' JI LTAR PHEBS 'ONG NGAM ZHES RANG NYID SKU GAM DU BCAR BA'AM ZHABS ZHU BRGYUD GSUNG ZUR BSGUGS NAS DE RING LA TSAD MAR BYED PA LTAR DON LA'ANG 'PHYUG MED 'BYUNG MOD, 'ON KYANG NAD PA 'TSO 'CHI SOGS CHED GNYER GYIS ZHUS NA SHIN TU MA DGYES PA'I TSUL GYIS NGA RANG DUS JI TZAM LA 'CHI YANG MI SHES PAR KHYED TSO'I NAD PA 'TSO 'CHI CI LA SHES, MI SHES PAR SHES MDOG BYAS NA KHYED TSO LA PHAN MI THOGS PAR MA ZAD, NGA DGE SLONG RGAD PO DA LTA'I BAR DU STON PA THUGS RJE CAN GYI BCAS PA 'DI TSO LA RIM RIM BYAS NAS, DA RGAS KA 'CHI GAR TSIG SKAM PO ZHIG GI CHED DU SDOM PA BSKYAL NA DE LAS THA CHAD PA CI YOD, DE BAS KHYED RANG RNAMS DGE SLONG RGAD PO 'DI RDZUN MI LAB PA YAG PO RED BSAM PA GYIS ZHES BKA' BKYON PA'I TSUL MDZAD, DE BZHIN DU THUGS KYI SRAS MCHOG MANG POS SKU GSUNG THUGS KYI RNAM THAR JI LTAR 'TSAMS PA ZHIG BSTAN 'GRO'I DON DU MDZAD DGOS TSUL LAN GRANGS DU MA'I BAR DU NAN TAN GYIS GSOL BA BTAB NA YANG, YONGS @08A *, ,'DZIN PAndI TA CHEN POS JI LTAR GSUNGS PA LTAR BDAG SO SO SKYE BO 'CHING BA KUN LDAN LA BSTAN 'GRO'I DON DU 'GYUR BA'I RNAM THAR CUNG ZAD KYANG ZHU RGYU MED, SPYOD PA NGAN PA'I SKYON TSANG BSGRAGS NA KHYED RANG TSO LA DA LTA DAD PA PHRAN BU YOD PA DE YANG MED PA ZHIG ZOS 'GRO, DE BAS MI RGAN SOS NGAL DU BZHAG PA 'THAD CES ZHAL BZHES GTAN NAS MI MDZAD, DE LTA NA YANG, SLOB DPON DPA' BOS, GRAGS PA'I MTSAN PAR GYUR BA BZANG PO 'DI RNAMS KYIS, ,BDE BAR GSHEGS GYUR LAM RNAMS GANG YIN BSTAN PAR 'GYUR, ,YID LA DAD PA MED PA RNAMS KYANG DAD PAR 'GYUR, ,CHOS DANG LDAN PA'I GTAM GYIS RAB TU DGA' BAR 'GYUR, ZHES GSUNGS PA LTAR, DAM PA'I RNAM PAR THAR PA LA BRTEN NAS SKAL PA DANG LDAN PA'I GDUL BYA RNAM DPYOD KYI MIG DANG LDAN PA RNAMS KYIS SKYES BU DAM PA DE RNAMS GRUB PA'I GO 'PHANG MTHON POR LAM GANG NAS GSHEGS JI LTA BA BZHIN DU MTHONG NAS DER 'JUG PA DANG, LEGS TSOGS THAMS CAD KYI RTZA BA DAD PA SNGAR MA SKYES PA SKYE ZHING SKYES ZIN MI NYAMS GONG 'PHEL DU 'GYUR BA DANG, CHOS DANG MTHUN PA'I GTAM GYIS YID RANG DBANG MED PAR GA-YOS TE DE DAG GI MDZAD PA LA RJES SU YI RANG BA'I BSAM PAS BSOD NAMS KYI TSOGS RGYA CHEN PO GLO BUR DU SDUD PA SOGS @08B DGOS PA KHYAD PAR CAN DU MA 'GRUB MOD, 'ON KYANG RJE BTZUN BLA MA MCHOG GI SKU GSUNG THUGS KYI RNAM PAR THAR PA NI RGYA MTSO LTAR GTING ZAB CING NAM MKHA' LTAR MTHA' YAS GSHIS, SA LA GNAS PA'I RGYAL SRAS BDAG NYID CHEN PO RNAMS KYI YANG THUGS KYI RA BA LAS BRGAL NA, BDAG CAG TSUR MTHONG GI BYIS PA NYES BRGYA'I 'CHING BAS YA NGA BA'I GNAS SU RANG DBANG MED PAR BCINGS PAS JI BZHIN DU BRJOD PAR RDO MI THOGS KYANG, JI LTAR MYA NGAm GYI THANG CHEN POR SKOM PA'I GDUNG BAS GZIR BA'I SKYE BOS CHU KLUNG SHIN TU CHE BA RNYING PA NA, RDZOGS PAR 'THUNG MI NUS KYANG CHA SHAS TZAM ZHIG LONGS SPYAD PAS SKOM PA'I GDUNG BA SEL BA LTAR, RANG CAG RNAMS DANG SKAL BA MNYAM PAR BSTAN PA'I MDZAD PA'I CHA SHAS 'GA' ZHIG THUGS SRAS BLA MA RIN PO CHE NGAG DBANG SNYAN GRAGS MCHOG NAS THUGS NGES JI YOD ZIN BRIS SU GNANG BA LA GZHI BYAS, RANG NYID KYI BLO YUL DU BCAGS SHING GSUNG LAS THOS PA RNAMS KYIS ZUR BRGYAN TE RANG GZHAN GYI DAD PA'I GSOS SU MDO TZAM DGOD PA'I BYA BA LA ZHUGS SO, ,MGON KHYOD RING NAS GOMS PA'I THUGS BSKYED KYI, ,SA BON DUS SU SMIN PA'I MTHU DPAL LAS, ,MDO RGYUD MAN NGAG KUN GYI MDZOD 'DZIN PA'I, ,BSTAN DANG 'GRO BA'I NYER 'TSO GCIG TU GRUB, ,RMAD BYUNG RTOGS PA'I YON TAN RIN @09A *, ,CHEN GYIS, ,GANG THUGS CHU GTER YONGS SU GTAMS GYUR KYANG, ,'CHAD RTZOD RTZOM PA'I LUNG GI RLABS 'PHRENG TZAM, ,THAR 'DOD MIG GI SPYOD YUL NYID DU MDZAD, ,GZHAN DU MKHAS BTZUN BZANG PO'I NYIN BYED KYIS, ,RING BTANGS DUS NGAN MTSAN MOS BOS PA'I MGRON, ,ZOG RDZUN 'BYUNG PO'I BYA TSOGS LTAS NGAN GYI, ,THAN SKAD BSTAN 'GRO'I PHAN BDE'I GSHED DU SGROG ,GA-YO SGYU'I RJES SU BSNYEGS PA SRIN BU'I RJES, ,STABS LEGS YI GER GRUB PA SRID MTHA' LAS, ,PHAL CHER MI 'GRIG RDZUN GYI RI MO NI, ,GYA GYU'I GZUGS KYIS GANGS CAN 'DZIN MA GA-YOGS, ,KYE MA RTOG DPYOD MIG DANG BRAL BA RNAMS, , CHER RLOM REG BYA 'JAM PAS YID DRANGS TE, ,RDZUN TSIG MI GTZANG MNGON SHES RTZI BCUD DU, ,BSAMS NAS SPRO BAS LONGS LA SPYOD PAR BYED, ,'DI NA GTZUG LAG BDUD RTZI'I RGYA MTSO CHE, ,LONGS LA SPYOD PA'I 'KHOR LO MGRIN PA'I GRONG, ,DBYANGS CAN RIG PA'I RGYAL MO SNYAN NGAG GI ,GTER BRGYA GCIG TU GROL BA'I NGO ? RA NAS, ,LEGS BYAS 'DZUM 'PHRENG KHONGS NAS BZHAD PA'I GTAM, ,DAM PA'I SPYOD TSUL GSAL BA'I DON CAN TSIG ,NYAMS BRGYAD GLU RU LEN MKHAS DBYANGSo CAN LHA, ,GRUBo PA'Io RDOo RJEo KHO BO SKAL BA BZANG, ,ZHES DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAmS @09B CAD MKHYEN PA ^DHARMA BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA LAS, THOG MAR DGOS 'BREL DANG BCAS PA'I GLENG BSLANG BA'I SARGA STE DANG PO'O,, ` ,,DE LTAR YANG JI SKAD DU, RGYUD BLA MA LAS, CHOS KYI SKU LAS MA GA-YOS PAR, ,SPRUL PA'I RANG BZHIN SNA TSOGS KYIS, ,SKYE BA MNGON PAR SKYE BA DANG, ,ZHES PA NAS, YONGS SU MA DAG ZHING RNAMS SU, ,SRID PA JI SRID GNAS PAR STON, ZHES GSUNGS PA LTAR, GANG DAG LAS DANG NYON MONGS PA'I RBA KLONG DRAG POS BDAS TE 'KHOR BA'I RGYA MTSO CHEN POR BYINGS SHING SDUG BSNGAL GSUM GYI CHU SRIN GYI GNOD PAS GTZES PA'I NYAM THAG PA'I 'GRO BA RNAMS GTAN GYI BDE BA LA DGOD PA'I SLAD DU, BYAMS PA DANG SNYING RJE'I RTZA BA CAN GYI BYANG CHUB KYI SEMS NI YANG DAG PAR BSKYED, BDEN PA GNYIS LA DMIGS PA'I TSOGS GNYIS RGYA CHEN PO NI NYE BAR BSAGS, THUGS SGRIB GNYIS BAG CHAGS DANG BCAS PA'I DRI MAS DAG PA'I CHOS SKU'I NGO BOR NI SON, GZUG SKU RNAM PA GNYIS KYIS SEMS CAN GYI DON RGYUN CHAD MED PAR MDZAD PA'I 'PHRIN LAS BSAM GYIS MI KHYAB PA DANG LDAN PA'I SANGS RGYAS BCOM LDAN 'DAS RNAMS NI, CHOS KYI SKU LAS NAM YANG MA GA-YOS PA'I NGANG NAS JI LTAR NAM MKHA'I ZLA GZUGS GCIG NYID SA STENG GI CHU SNOD MTHA' YAS PAR 'CHAR BA JI LTA BA BZHIN DU ZHING @010A *, ,KHAMS BSAM GYIS MI KHYAB PAR GANG DANG GANG GIS 'DUL BA DE DANG DE'I TSUL BZUNGS NAS GDUL BYA RNAMS SMIN GROL GYI LAM LA 'GOD PAR GSUNGS PA DANG, GZHAN YANG RDO RJE GUR LAS, MA 'ONGS THA MA'I DUS SU NI, ,DE NYID SLOB DPON GZUGS SU GNAS, ,NGA YIN SNYAM DU YID BYOS LA, ,DE TSE NGA LA GUS PA SKYED, ,CES GSUNGS PA LTAR, RTZOD DUS KYI THA MA 'DIR RDO RJE 'CHANG RANG NYID THA MAL PA'I RDO RJE SLOB DPON GYI GZUGS SU BYON NAS SEMS CAN GYI DON MDZAD PAR GSUNGS LA, DES NA MDO RGYUD THAMS CAD RGYAL BA'I DGONGS PA JI LTA BA BZHIN DU BSTAN NAS GDUL BYA RNAMS YANG DAG PA'I LAM BZANG PO LA DKRI BAR MDZAD PA'I RJE BTZUN BLA MA 'DI NYID RDO RJE 'CHANG DBANG THA MAL BA'I GZUGS SU BYON PA ZHIG YIN PA NI RMONGS ZHEN TZAM MA YIN PAR MNGON SUM GYIS GRUB PA DANG, KHYAD PAR DU YANG, SPEL KHANG PAndI TA CHEN PO RJE DRUNG BLO BZANG DGE 'DUN SOGS MKHAS GRUB TSAD LDAN DU MAS, RJE 'DI NYID, RGYAL BA KUN GYI GSANG BA'I MDZOD 'DZIN LAG NA RDO RJE MI'I SRID PA BZUNG BA YIN PAR DUS GSUM THAMS CAD SGRIB MED DU GZIGS PA MANG PO'I LUNG GIS GSAL BAR BSTAN PAR GSUNGS TE, DE YANG RIG 'DZIN CHEN PO PADMA 'BYUNG GNAS KYI LUNG BSTAN GSANG BA'I LDE MIG LE'U NYI SHU RTZA LNGA PA LAS, 'JAD DANG PO @010B DONG ZHES BYAR NI: ZHIG PO DHARMA'I MING CAN 'BYUNG: PHYAG NA RDO RJE'I SPRUL PA STE: GSANG SNGAGS CHOS 'KHOR BSKOR BAR 'GYUR= 'DI DANG 'BREL PA GANG YOD PA= DE'I SKYE BA BDUN NAS NI= PHYIR MI LDOG PA'I SA LA GNAS: GTZANG GI PHYOGS SU SKU 'KHRUNGS PA'I= RIGS LDAN DE N CHOS KYI MTSAN: GANG TSE SEMS CAN 'CHI KHA MAS: ZHIG PO DE'I MTSAN THOS PAS: TSE 'DI'I SNANG BA NUB MA THAG: RAB TU DGA' BA'I SA THOB 'GYUR: ZHES DANG, AE DAR MTSAMS SU PHYAG RDOR SPRUL PA 'BYUNG: PHYAG RDOR SPRUL PA MING CHEN DHARMA ZHU: ZHES SNGA MAS MTSAN DANG, MDZAD PA, 'KHRUNGS YUL SOGS DANG, PHYI MAS BZHUGS YUL BO DONG AE BANG 'JAD DAR SDINGS GNYIS KYI MTSAMS DNGUL CHUR MDZAD PA SOGS GSAL BAR BSTAN PA DANG, GRUB PA'I DBANG PHYUG THANG STONG RGYAL POR SLOB DPON CHEN POS GSANG BA'I LUNG GI SKABS DBYE BA LAS KYANG, BYANG CHUB SEMS DPA' STAG GI SLOG PA CAN: ZHES SOGS PAn CHEN BSTAN PA'I NYI MA MDZAD PA DANG BCAS PA LUNG BSTAN PA'I MJUG TU, BYANG SEMS RANG GROL STOD SMAD 'GRO DON SKYONG: BYANG BZHAD DHARMA BHA DRA SANGS RGYAS DNGOS: DE GNYIS KLU BDUD NAG PO'I KHA GNON YIN: DE GNYIS 'DAS NA KLU YI KHENGS LOG 'BYUNG: ZHES SOGS MTSAN ZUR DANG MDZAD PA LA BRTAGS TSE ZHABS DKA' BLA MA YIN NAM SNYAM PA ZHIG DANG @011A *, ,MNYAM DU, GTZANG STOD GA-YAS RU BYANG RGYUD BZHAD KYI YUL DU MTSAN DHARMA BHA DRAR GRAGS PA ZHIG 'BYUNG BA NI SANGS RGYAS DNGOS YIN NO ZHES SKU THOG ,SPYI DANG BYE BRAG GI YUL MING, MTSAN DNGOS BCAS GSAL RJEN DU BSTAN LA, DE DANG MTHUN PAR SPRUL SKU GRAGS PA RGYAL MTSAN GYI LUNG BSTAN LAS KYANG, LHO NUB PHYOGS NAS GSER GYI RI DBANG GIS, ,ZAB RGYAS CHOS KYI 'O MTSO LAN CIG BSRUBS, , BKA' GDAMS BSTAN PA'I MAR GYI NYING KHU 'DON, ,DE YANG SNANG BA MTHA' YAS SPRUL PA'O, ,DE TSE RIN CHEN DO SHAL SPEL GYUR KYANG, ,RGYAN DU LEN PA'I SKAL BZANG SHIN TU DKON, ,'PHRENG RDOG 'GA' ZHIG 'DZIN PA PHYAG RDOR GYI, ,SPRUL PA'I DGE SLONG GCIG TZAM 'BYUNG BAR 'GYUR, ,KHAMS GSUM CHOS KYI RGYAL PO TZONG KHA PA'I, ,MDO SNGAGS DAM CHOS SPRIN BAR NYI 'DRA BA, ,SKAL LDAN PADMO'I TSAL SMIN 'GYUR BA LA, ,SKABS DE'I NYI MA'I GNYEN NI KHO BO TZAM, ,ZHES LHO NUB SKYID GRONG GI PHYOGS NAS GSER MDOG COD PAN 'CHANG BA YONGS 'DZIN CHOS KYI RGYAL PO PAndI TA CHEN PO GSER GYI RI DBANG DANG 'DRA BAS DAM PA'I CHOS KYI 'O MTSO LAN CIG BSRUBS NAS BKA' GDAMS BSTAN PA'I MAR GYI SNYING PO 'DON PAR BYED PA DE NI SNANG BA MTHA' YAS KYI SPRUL PA DANG, DE TSE BKA' GDAMS KYI BSTAN PA RIN PO CHE'I DO SHAL DANG 'DRA BA SPEL BAR GYUR NA @011B YANG, RGYAN DU LEN PAR BYED PA'I SKYES BU BGO SKAL BZANG PO DANG LDAN PA NI SHIN TU DKON MOD, 'ON KYANG RIN CHEN DO SHAL DE LAS 'PHRENG RDOG 'GA' ZHIG 'DZIN PA'I PHYAG NA RDO RJE'I SPRUL PA'I DGE SLONG GCIG TZAM 'BYUNG BAR 'GYUR ZHES DUS DANG, MDZAD PA SOGS GSAL BAR BSTAN PAR GSUNGS PA NI LUNG BSTAN THAMS CAD PHYOGS MTHA' DAG NAS SGO MTHUN PA'I PHYIR YANG DAG PA'I KLAN KA DANG BRAL BA YIN NO, ,GZHAN YANG BDAG CAG GI DPAL LDAN BLA MA DAM PA 'DI NYID RGYAL SRAS PHYAG RDOR NOR BUR SKU'I SKYE 'PHRENG YANG YIN TE, DE'I RGYU MTSAN CI ZHE NA, BZHAD RI BO GRU 'DZIN GYI DGON PA 'DI PHA LO CHEN RATNA BHA DRAS BTAB, DE'I SPRUL SKU 'PHRIN LAS DBANG PHYUG GI SRAS SU SNGAGS 'CHANG YOL MO SPRUL SKU BSTAN 'DZIN NOR BU DANG RGYAL SRAS PHYAG RDOR NOR BU GNYIS BYUNG BAR BRTEN, GRU 'DZIN 'DI SRAS GNYIS KA'I RTZA BA'I GDAN SA MDZAD PAS DAR RGYAS CHE BA BYUNG, PHYIS BSTAN PA'I 'PHEL 'GRIB KYIS KUN SBYONG SOGS JE ZHAN KHAR 'BYUNG PO MA RUNGS PAS RGYUD BRLAMS PA'I DGE SLONG 'GA' ZHIG GIS RGYUN PHOGS GANG GTZANG MA BYUNG BA LA BSNYAD MCHOD GZHIS SHAR RTZE'I GNYER PA RGYUG BRDUNGS KYIS RKYEN LAM DU BTANG, DE LA BLA BRANG CHEN PO NAS ZHIB GCOD KYIS BYED LTE GAM RDZONG DANG BYINGS GNAS DBYUNG MDZAD, DE SKABS BZHAD SDE'I GNYER PA RJE 'DI NYID KYI SKU GAM DU BCAR BA NAS @012A *, ,GRU 'DZIN GYI DPE CHA PHAL CHER 'DZINGS POR SONG GSHIS GTZANG TSAB TU GDAN 'DREN BYA RTZIS YIN TSUL ZHUS PA LA, DE LTAR YIN NA DE TSO BDAG LA GNANG MI YONG NGAM GSUNGS PAR, BSKYUR MA GRUB NA NGES PAR YONG TSUL ZHUS DON LTAR TSANG MA SRUNG MO BRGYUD NAS 'BUL BAR MDZAD, DE RJES MDUD LANGS PA'I RAB BRTAN ZER BA SKU GAM DU BCAR BA NAS SRUNG MO BA SOGS PHYI MI PHAL CHER NAS, GRU 'DZIN GYI CHOS BDAG GRA GA-YAG PA 'DI SHIN TU TSUB GSHIS DNGOS PO PHRAN BU RE'I RJES SU YANG GNOD TSABS CHE NA, PHYAG DPE TSANG MA 'DI KHAR BZHES PA GTAN NAS MI LEGS TSUL ZER BAR MA ZAD, 'DI GA'I DGE SLONG DPON TSANG LAGS SU YANG GRU 'DZIN NAS MDO MANG ZHIG BYUNG BAR TSUB LHONGS MNGON SUM DU BYUNG BAR BRTEN GRU 'DZIN RANG GI 'BUM PAR SPYAN 'DREN ZHU DGOS BYUNG 'DUG PAS NGES PAR PHYIR SLOG MDZAD NA LEGS TSUL ZHUS PAR, HE HE GRU 'DZIN GYI DPE CHA 'DI TSO'I BDAG PO NGA RANG RED, NOR BDAG PO DANG 'PHRAD NA MI BDAG PA KHA SKYENGS ZER BA LTAR, NGA RANG GI DPE CHA RANG GIS LEN PA LA CHOS BDAG GRA GA-YAG PAS GANG YANG BYED DOGS MED, CES GSUNGS, DE NI PHA LO CHEN YAB SRAS GANG RUNG GI SKU 'PHRENG DU ZHAL GYIS BZHES PA'I RDO RJE'I GSUNG MI 'KHRUL BA YIN LA, GRU 'DZIN 'DIR YANG SNANG MTHA'I MGON PO'I 'PHRIN LAS DANG RJE 'DI NYID @012B KYI THUGS BSKYED ZUNG 'BREL LA BRTEN DGE LUGS KYI RI KHROD RNAM PAR DAG PA GSAR DU TSUGS, 'ON KYANG BZHAD KYI PHO DGON 'GA' ZHIG NAS PHRAG DOG GI RNAM PA DU MA BYUNG YANG RJE 'DI NYID KYIS LO CHEN YAB SRAS NAS GNYER DU GTAD PA'I SGOS KYI CHOS SKYONG KHYUNG LUNG MAR, KHYAD PAR GNAS 'DIR DRI MED RGYAL BA'I BSTAN, ,ZHVA SER RING LUGS NYIN BYED 'OD PO CHE, ,SHAR BAS LOG RTOG MTSAN MUN MTHAR BSKRAD DE, ,LUS CAN PHAN BDE'I PAD TSAL BZHAD PAR MDZOD, ,CES SOGS KYI BSKANG 'PHRIN LJAGS RTZOM GYIS 'PHRIN 'CHOL GNYER GTAD MDZAD PAS LOG RTOG TSANG MA RANG ZHIR SONG ZHING, PHYIS LAN GSUM GYI BAR DU ZHABS KYIS BCAGS NAS ZAB PA DANG RGYA CHE BA'I CHOS KYI 'KHOR LO MTHA' YAS PA BSKOR, GZHAN YANG MDOG SMAN SDINGS ZHES PA 'DI YANG RGYAL SRAS PHYAG RDOR NOR BUS, RANG NYID KYI YAB KYI GDAN SA YIN PA DANG, KHYAD PAR GCEN YOL MO BA CHEN POS, SMAN SDINGS NA GSER DNGUL GYI NYI ZLA LA, ,BKRA SHIS KHA BTAGS KYI DAR 'PHAN BTAGS PA YOD, RGAD PO NAM MKHA' LA LDING NA SMAN SDINGS SU SDONG BYI, ZHES LUNG BSTAN PA LTAR, ZHIG GSO MDZAD CING BKA' 'GYUR BRIS MA POD LNGA BCU TZAM DANG, GSER ZANGS LAS GRUB PA'I RDO RJE PHAG MO'I SNANG BRNYAN THOG TSAD MA SOGS RTEN GSUM DE MTSAR CAN DU MA BZHENGS TE SKU TSE'I MJUG PHAL CHE BA'I BZHUGS GNAS MDZAD @013A *, ,DE'I RTEN 'BREL GYIS RJE 'DIS KYANG ZHABS KYIS BCAGS SHING DE SKABS NGO MTSAR BA'I LTAS MANG PO DANG, KHYAD PAR RNAL 'BYOR MA'I CHOS SKOR ZHU DGOS PAR N'A RO PA CHEN POS BSKUL, RGYU MTSAN DE BAS NA YAB SRAS GSUM GYI NANG NAS KYANG RGYAL SRAS PHYAG RDOR NOR BU'I SKU'I SKYE 'PHRENG YIN PA RTOGS NUS PAR MA ZAD, RGYAL SRAS 'DI NYID 'KHRUNGS MA THAG ,YAB SPYAN RAS GZIGS NYID DUS GSUM SGRIB MED DU GZIGS PA YIN KYANG, SKABS DER DAM CAN MGAR BA NAG PO MI LA BRLAMS NAS 'BYUNG 'GYUR 'KHRUL MED DU STON PA ZHIG YOD PA CHED GNYER GYIS SKU PHEBS ZHUS TE SRAS KYI TSUL DRI RMED MDZAD PAS, DVAGS PO'I PHYOGS NAS PHYAG RDOR SPRUL PA NI, ,SHAR PHYOGS KONG PO'I YUL DU 'KHRUNGS PA 'DI, ,SUM CU LA NI MYA NGAN 'DAS DOGS 'DUG ,'ON KYANG DPAL LDAN LHA MO BSGRUB GYUR NA, ,BAR CHAD GA-YUL LAS RGYAL BAR THE TSOM MED, ,PHUNG PO 'JA' LUS LA NI NGES PAR 'GRO, ,CES PA 'DI SHAR PHYOGS KONG PO'I TSAL DU MGAR BA NAG PO'I LUNG BSTAN DGE ,ZHES PAR MTSAL THAM 'BYAR BA PHUL BA YAB RANG GI MNAL LTAS DANG YANG 'GRIG PAS, MTSAN PHYAG RDOR NOR BU ZHES 'DOGS PAR MDZAD, PHYIS RANG NYID KYI GCEN PO SNGAGS 'CHANG YOL MO SPRUL SKUR LUNG BSTAN ZHUS DON RANG RNAM GYI THOG MAR 'GOD PAR MDZAD PA'I SNYING POR YANG @13B DANG POR RGYA GAR 'PHAGS PA'I YUL DU SBAS TSUL GYI RNAL 'BYOR PA GSANG BA'I BDAG PO DNGOS SU 'GRUB PA ZHIG TU 'KHRUNGS PA NAS SKU 'PHRENG DGU TZAM SONG BA'I RJES SU RGYAL SRAS PHYAG RDOR NOR BUR 'KHRUNGS SHING, DE NAS RE ZHIG SHAR PHYOGS MNGON PAR DGA' BA'I ZHING DU PHEBS PAR GSUNGS PA NI, GONG DU PHYAG RDOR GYI SPRUL PAR GSUNGS PA RNAMS DANG SGO MTHUN PAS NGES PAR RGYAL SRAS GSANG BA'I BDAG PO NYID, SHAR PHYOGS MNGON PAR DGA' BA'I ZHING NAS BSTAN 'GRO'I DON DU BSAM BZHIN PHEBS PA NI GDON MI ZA BA YIN NA, ,RGYAL RNAMS SPANG RTOGS YON TAN MTHAR PHYIN KYANG, ,THUGS RJE'I DBANG GIS ZHING KHAMS MTHA' YAS PAR, ,SPRUL PA'I BKOD PA RGYU MA'I ROL PA BZHIN, ,SRID MTHA' BAR DU STON PA DNGOS PO'I GSHIS, ,KHYAD PAR RTZOD DUS RGUD PA'I GLANG PO YIS, ,BSTAN 'GRO'I PAD TSAL 'JOM LA MNGON PHYOGS TSE, ,RDO RJE 'CHANG DBANG RDO RJE SLOB DPON GYI, , TSUL DU BYON NAS PHAN BDE SPEL BAR GSUNGS, ,DE PHYIR DBANG PHYUG BRGYAD LDAN TZONG KHA PA'I, ,MDO SNGAGS CHOS KYI NYI MA 'OD PO CHE, ,SKAL BZANG GDUL BYA'I YID MKHAR 'DREN MKHAS PA, ,THAMS CAD MKHYEN DNGOS RJE BTZUN BLA MA GANG, ,'OG MIN ZHING DU SGRIB GNYIS DGRA TSOGS LAS, ,RGYAL BA'I CHOS SKU'I SRID LA DBANG SGYUR YANG, ,DUS 'DIR SKAL BZANG GDUL BYA'I DGA' STON DU, ,THA MAL TSUL GYIS BYON PAR GDON MI ZA, @14A *, ,KHYAD PAR GSANG BDAG PHYAG NA RDO RJE DANG, ,DE YI SGYU 'PHRUL PHYAG RDOR NOR BU YI, ,MA SMAD SKYE 'PHRENG YIN ZHES DRI MED KYI, ,LUNG DANG RNAM DAG RIGS PAS GSAL BAR 'GRUB, ,'ON KYANG KA LANTA KA'I GSHOG RLABS KYIS, ,KUN GSAL YANGS PA'I PHA MTHA' 'JAL BA BZHIN, ,'CHING BA KUN LDAN BLO CHUNG BDAG 'DRA YIS, ,TSUL DE SMRA BAR RTZOM PA BZHAD GAD GNAS, ,DE LTA NA YANG GZHAN RJES BLOS PA'I TSIG ,'GA' ZHIG BUS PA CHUNG DUS SMRA BA BZHIN, ,LUNG RIGS TSAD MA'I LDE MIG LA BRTEN NAS, ,SMRA BA'I SGO 'PHAR PHYE BA'I SKABS RNYED DO, ,ZHES DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAMS CAD MKHYEN PA DHA RMA BHA DRA DPAL BZANG PO'I RNAM PAR THAR PA ZHVA SER BSTAN PA'I MJES RGYAN ZHES BYA BA LAS, TSAD MA'I LUNG RIGS LA BRTEN NAS SKU 'PHRENG GONG MA 'GA' ZHIG NGOS ZIN PA'I SARGA STE, GNYIS PA'O,, ` ,,DA NI SKU TSE 'DI NYID KYI RNAM PAR THAR PA DNGOS BRJOD PAR BYA STE, DE YANG BDAG CAG GI RJE BTZUN BLA MA DAM PA 'DI NYID GANG DU SKU 'KHRUNGS PA'I YUL NI, SPYIR GYI STONG GSUM MI MJED KYI ZHING KHAMS 'DI LA DPAG TSAD GRANGS MED GCIG GI RGYA KHYON DANG LDAN PA'I MGYOGS 'GRO'I DKYIL 'KHOR GCIG GI STENG DU CHU SA'I DKYIL 'KHOR DANG, GLING BZHI RI RAB LA SOGS PA BYE BA PHRAG @14B PA BRGYA'AM THER 'BUM GCIG YOD PA'I DBUS MA'I NANG GSES SU GYUR PA'I GLING BZHI PA'I 'JIG RTEN GYI KHAMS 'DI LAS, {DZMBU PRiSH'I} SHING GIS MTSAN ZHING DE'I 'BRAS BU CHUR LTUNG BA'I SGRA LAS MING CHAGS PA 'DZAM GLING CHUNG NGUR GRAGS PA 'DI NYID LA 'PHAGS YUL DANG, BOD DANG, LI DANG, RGYA NAG DANG, SHAMBHA LA DANG, GANGS LDAN TE YUL CHEN PO DRUG YOD PA LAS, SNOD BCUD KYI KHYAD PAR DU MAS DGE MTSAN DU BYAS PA'I PUR RGYAL BOD KYI YUL 'DI NYID LA'ANG, MNGA' RIS SKOR GSUM MAN CHAD NAS, ,SOG LA SER PO YAN CHAD LA, ,DBUS GTZANG CHOS KYI CHOL KHA ZER, ,SOGS LA SER PO MAN CHAD NAS, ,RMA CHU KHUG PA YAN CHAD LA, ,MDO STOD RTA YI CHOL KHA ZER, ,RMA CHU KHUG PA MAN CHAD NAS, ,RGYA YI MCHOD RTEN DKAR PO YAN, ,MDO SMAD MI YI CHOL KHA ZER, ,ZHES CHOL KHA'AM, BOD SKAD KYI DBANG DU BYAS NA 'BYUNG KHUNGS GSUM YOD CING, DANG PO LA YANG, DBUS LA DBU RU GA-YO RU GNYIS, ,GTZANG LA GA-YAS RU RU LAG GNYIS, ,ZHES DBUS GTZANG RU BZHI YOD PA LAS, RU BZHI'I GA-YAS RU NA GTZANG 'GRAM GYI LHA KHANG YOD, ,YUL KHYAD PAR CAN SHANGS KYI LUNG PA YOD, ,MKHAR MING CHEN DE MTSO NYA'I MGO GRONG YOD, ,MI MING CHEN DE MGOS KHRI ZANGS YAB YOD, ,'BROG KHYAD PAR CAN SMA BAR KHYUNG GSUM YOD, ,DKOR MDZOD 'DZAD PA MED BYANG GI TSVA KHA YIN @15A *, ,GTER KHA DGOS 'DOD 'BYUNG DVAGS SA RA'I GSER KHA YIN, ,ZHES 'BYUNG BA LTAR GYI GTZANG STOD GA-YAS RU'I CHA SHAS, AU RGYAN GYI SLOB DPON CHEN PO DPAL MTSO SKYES RDO RJE'I THUGS KYI ME LONG DRI MA MED PA'I NANG DU YUL 'DIR THOG MTHA' BAR GSUM DU DGE ZHING SHIS PA'I MTSAN MA KHYAD PAR CAN DU MA SHAR TE, LAN GSUM GYI BAR DU 'DZUM ZHAL LHUG PAR GROL BA'I RGYU MTSAN GYIS BZHAD CES RJES GRUB TU BRDA CHAGS SHING, SNANG BA MTHA' YAS BLO BZANG YE SHES DPAL BZANG POS, DE LTAR DANG BAS LEGS BYAS BSOD NAMS MTHUS, ,'DZAM GLING SPYI DANG DGE BCU TSANG BA'I GNAS, ,YUL PHYOGS 'DI YI SKYA SER BOD 'BROG LA, , NAD YAMS MU GE GA-YUL 'KHRUG ZHI BAR SHOG ,CES DANG, DBYANGS CAN NGAG GI ROL MTSO LAS KYANG, DPYID KYI LUS PHRA LANG TSO'I DPAL NGOMS TSE, ,BCU GSUM DGE BA'I YON TAN KUN TSANG BAR, ,GRUB PA'I DBANG PHYUG PADMA SAm BHA WAS, ,LUNG BSTAN JI BZHIN BZHAD PA'I YUL GYI GRU, ,ZHES BSNGAGS BRJOD KYI ME TOG 'THOR BAR MDZAD PA LTAR, LHA SDE MI SDE TSANG BA YUL GYI DGE ,SKYE SHING BTZUGS SHING 'DZOM PA YUL GYI DGE GTZANG CHU YUR DU 'DRONGS PA YUL GYI DGE ,NAGS RI SPANG GSUM 'DZOM PA YUL GYI DGE ,BZO RIGS SPRUL SKU 'JOMS PA YUL GYI DGE, PHU 'BROG MDA' SKYE 'DZOM PA YUL GYI DGE ,ZHING SA KHANG SA NYAN PA YUL @15B GYI DGE ,'BRU SNA SHING SNA 'DZOM PA YUL GYI DGE ,SGO KHYI LAM KHYE 'DZOM PA YUL GYI DGE ,LHO ZOG BYANG ZOG 'DZOM PA YUL GYI DGE ,CHU THAG SER GSUM 'DZOM PA YUL GYI DGE ,PHU CHUS CHU SKOR 'KHOR BA YUL GYI DGE SA BKRA GNAM BKRA BZANG BA YUL GYI DGE ,YUL GYI DGE BCUR YONGS GRAGS KYANG, ,MKHAS PAS BLTAS TSE DGE BCU GSUM, ,ZHES GSUNGS PA LTAR GYI BCU GSUM DGE BA'I LANG TSO MCHOG TU BRTAS SHING LA NYE'I RDZAS BCU GSUM TSANG BA, RDOG A'ARYA DE BA, RTZI 'DUL BA CHEN PO, MKHAS GRUB DAM PA NGAG DBANG RDO RJE SOGS DAM PA DU MA 'KHRUNGS SHING, RGYAL SRAS THOG MED BZANG PO, PAn CHEN DGE 'DUN GRUB, PAn CHEN BLO BZANG CHOS KYI RGYAL MTSAN SOGS DU MAS CHOS KYI 'KHOR LO BSKOR BA, KHYAD PAR DU YANG RGYAL PO DUR 'GRO'I MING CAN GYIS BSTAN PA'I SNYING PO NYAMS DAMS PAR BYAS PA DE'I TSE, BSTAN PA'I ME PO SMAD NAS GOS PA NI, DPER NA, RTA BDUN BDAG PO NUB PHYOGS CHU LHA MO'I MGRIN DU GSHEGS NAS KUN GSAL BU MO RGYU SKAR GYI RGYAN MTHA' YAS PAS SPRAS TE MDZES SDUG DNGOM PA'I RNAM PA CI 'DRA BA DE 'DRA BAS NA BZHAD @16A *, ,GZHUNG GNAM GYI SKAR MA ZHES DANG, PHYI DBYIBS RDO RJE BTZUN MO'I YE SHES RANG SNANG LAS GRUB PA'I GZHAL MED KHANG CHEN CHOS 'BYUNG GI RNAM PAR YOD PAS NA BZHAD AOR MO GRU GSUM DU GRAGS PA, DE'I DBUS SU JO MO NAGS RGYAL DANG, JO BO SMYAG SGRON GNYIS MA 'CHAMS PA BSDUM PA'I PHYIR RGYA GAR NAS BYON BAR GRAGS SHING, PHYI DBYIS RJE BTZUN MA GANG GI THUGS KYI SA BON BAm YIG GI RNAMS CAN GYI DNGUL CHU'I JO BO SHEL RTZE DKAR PO ZHES PA BKA' GDAMS BSTAN PA'I SGOS KYI SRUNG MA JO BO NE SER BA DANG THUGS RGYUD GCIG PAS YONGS SU BRJID PA NI, GLING DANG GLING PHRAN GYI DBUS SU LHUN PO'I DBANG PO MNGON PAR BRJID PA LTA BU, DE'I PHYOGS DANG PHYOGS MTSAMS RNGAMS SU YA MTSAN CHE BA'I YUL BRGYAD, 'DOD YON GYI GTER LNGA, LTA NA SDUG PA'I RI BZHI, MYANG NA ZHIM PA'I CHU LNGA, REG NA BDE BA'I THANG LNGA, GNAS NA SKYID PA'I SDE BRGYAD, KHYAD PAR 'PHAGS PA'I RDZAS NGA LA SOGS PA SNOD KYI DAG MTSAN BSAM GYI KHYAB PAS BYUR BUR GTAMS PAS MTHO RIS KYI GRONG KHYER SA LA 'PHOS PA LTA BU'I YUL MCHOG 'DI LA YANG, BOD DANG 'BROG GNYIS, 'BROG LA'ANG GAM 'BROG DANG RGYANG 'BROG GNYIS YOD PA LAS GAM 'BROG GI NANG TSAN, RONG LA RI CHEN SPUN BDUN YOD, NA LA BKRA SHIS RTAGS BRGYAD YANG, ,SHING @16B LA PADMA 'DAB BRGYAD YOD, ,CHU LA GA-YANG ZHAG MGO DGU YOD, ,MA BTAB SGOG RA GRU BZHI YOD, ,DBYAR YANG MI ZHU'I 'KHYAG PA YOD, ,DGUN YANG MI SKAM LJON SHING YOD, ,CES SOGS MNA' GTAM DU GRAGS PA LTAR, BZO BO MKHAS PAS SOR MO'I BYED PAS NYE BAR BSKRUN PA LTA BU'I RGYAL SRID SNA BDUN DANG, BKRA SHIS RTAGS BRGYAD DANG PADMA 'DAB BRGYAD KYI GZUGS BRNYAN SHING TU GSAL BA'I RI DANG, NA MA DANG, SPEN MA DANG, MA BTAB DANG 'KHRUNGS KYI SGROG PA'I MYU GUS YONGS SU GANG BA'I RDO BA'I GZHONG PA GRUB ZHI PA PHO 'DOM GYI TSAD LAS BRGAL BAS MDZES SHING ,GDENGS CAN DBANG PO GNAS NGES PA'I CHA GTER DU MA LAS DAL 'GRO'I RGYUN BZANG, DPER NA, SEMS CAN GYI NANG KHROL ZHAG GI DBYIBS LTAR GA-YAS GA-YON DU KHUG PA DGUR SKYOGS NAS 'BAB PA, DPYAD DANG DBYAR GYI DUS SU NYI MA'I KHYE'U RGYAGS PA'I KHA RLANGS KYIS YONGS SU GDUNG STE SKYES BU'I LUS LAS RDUL CHU'I CHAR RGYUN 'BAB PA DE'I CHA YANG ZHU ZHANG NYAMS PAR MI NUS PA'I 'KHYAG PA DANG, DGUN GYI GRANG BAS NAGS TSAL DANG LJON SHING LA SOGS PA RNAMS KYI LO MA DANG, ME TOG DANG, 'BRAS BU RNAMS LHAG MED DU BCOMS TE THAMS CAD HRENG HRENG PO, DPER NA, SKYES BU'I SOR MO GYIN DU BSLANGS PA LTAR GYUR PA DE'I TSE YANG BSKAM PAR MI NUS PA'I LHA SHUG GI SDONG PO DU MA DANG LDAN @17A *, ,PA SOGS DGE MTSAN GYI GZI 'OD 'BAR ZHING, SHANGS PA BKA' BRGYUD KYI SHING RTA'I SROL 'BYED MKHAS GRUB KHYUNG PO RNAL 'BYOR DU GRAGS PA DE NYID LA BOD GANGS CAN GYI LJONGS 'DIR SLOB MA'I GTZO BO BKA' BABS GSUM BYUNG STE, NE GU CHOS DRUG GI BKA' BABS RMOG LCOG PA RIN CHEN BRTZON 'GRUS, YE SHES MGON PO'I BKA' BABS LA STOD PA DKON MCHOG MKHAR, NYAMS DANG RTOGS PA'I BKA' BABS KHYUNG PO BYAS BRTEN ZHES GRAGS PA'I NANG TSAN, BLA MA KHYUNG PO RNAL 'BYOR BZHUGS PA'I GNAS SHANGS GZHONGS GZHONGS DANG BZHAD GNYIS KYI BAR DU PHAR 'PHUR TSUR 'PHUR MDZAD PA SOGS GRUB PA'I GO 'PHANG MTHON POR PHEBS PA'I RDZU 'PHRUL DANG LDAN PA KHYUNG PO BYAS BRTEN DU GRAGS PA DE NYID RI CHEN SPUN BDUN GYI NANG TSAN KHYUNG RI ZHES PA 'DIR LO DU MA'I BAR DU SGRUB PA LA BZHUGS NAS CHOS KYI 'KHOR LO MTHA' YAS PA BSKOR ZHING, DE'I SLOB MA MKHAS GRUB MKHYEN RAB TU GRAGS PAS BTABS PA'I DGON PA'I SHUL YOD PA, GTZANG ZHING DBEN LA YID DU 'ONG BA, SHUG PA DANG, SPA MA DANG, BA LU DANG ,SU LU DANG, KHAN PA DKAR NAG LA SOGS PA DRI NGAD BZANG PO RGYUN DU 'THUL BA'I NAGS TSAL DANG LJON SHING GIS BAR MTSAMS MED PAR GTAMS PAS 'CHI MED GZHON NU'I @17B DAG 'TSAL LA CO 'DRI BA, 'JOL MO LA SOGS PA MDZES SHING YID DU 'ONG BA'I BYA DANG BYI'U DU MA RNA BA'I BCUD LEN DU 'GYUR PA'I SKAD KYI BYE BRAG MTHA' YAS PA SNYAN PAR SGROG PA, GLA BA DANG DGE BA LA SOGS PA RI DVAGS KYI RIGS DU MA'I RTZED 'JO'I RNAM 'GYUR SKAD CIG MA LTA BUS MIG GI DBANG POR SNGON MED KYI BDE CHEN 'DREN PA STE, DE LTA BU'I PHUN SUM TSOGS PA'I GNAS RONG ZHES PA'I STOD KYI CHA KHYUG MO ZHES PA YIN LA, GDUNG RUS NI, SPYIR GYI PUR RGYAL BOD KYI YUL 'DIR MI'I 'GRO BA BYUNG TSUL LA BSHAD TSUL MANG DU YOD NA YANG, GTZO BOR GYUR PA NI, RANG CAG KHA BA RI PA RNAMS KYI LHAG PA'I LHA SKAL 'PHAGS PA 'JIG RTEN DBANG PHYUG GI SGYU 'PHRUL SPRE'U BYANG CHUB SEMS DPA'I RIGS LAS MCHED PA YIN CING, DE LA YANG, BSE DANG, SMU DANG, LDONG DANG, STONG ZHES PA'I RUS CHEN BZHIR BYAS PA'I YA GYAL LDONG GI RIGS DE NYID KYANG RUS CHEN BCO BRGYAD SOGS MTHA' YAS PAR GYES PA'I NANG TSAN NU RU ZHES PA YIN LA, DE YANG SNGON GYI DUS NA BZHED KYI 'BROG RIGS LA KHAMS DOL SGER GSUM DANG, SGOR DU LA'ANG LHO MTSO CHEN BZHI DANG, BYANG MTSO CHEN BZHI STE SGER DU TSO CHEN BRGYAD YOD PA'I DPON PO DPAL LDAN BU BRGYAD DU GRAGS PA DNGOS YIN KYANG, BAR SKABS SHIG SRAS MO LHA CIG SGROL MA ZHES PA ZHIG LAS RE ZHIG GI BAR @18A *, ,SRAS GZHAN MA BYUNG BAS RE BZAD PA LTAR GYUR TE, SRAS MO DE DA LTA'I MI DPON GYA BRGYUD PA 'DI TSOR NOR SKAL GYI GTZO BOR JI SRID BAR SGER DU TSO CHEN BRGYAD KYI DPON PO BYAS CHOG PA'I BKA' THAM MANG PO YOD PA DANG BCAS BYIN NAS KHOD PA RANG DE'I BLON PO'I GO SAR BZHUGS, PHYIS SRAS RIM GYIS BYUNG NAS MNGA' 'BANGS PHAL MO CHES BRGYUD PA DNGOS GYIS DPON BYA 'OS PAR GLENG YANG, YAB MES JO BZANG GIS THUGS THAM GNANG ZIN NAS BYA THABS MED KHAR, KHONG PA YANG DBU BDE BAS DBUS GTZANG SDE GZAR SKABS MI DBANG CHOS RGYAL MNGA' RIGS PHYOGS SU DMAG BSKUL LA PHEBS PA'I GDONG BSUS TE BSNYEN BKUR RGYA CHEN ZHUS, DE RJES MI DBANG BOD KYI SPYI DPON DU GYUR SKABS RGYAB GNON GYI PHYAG THAM BTZAN DMIGS CHE BA ZHUS STZAL LA BRTEN THAMS CAD LAB PA'I LCE THUNG BAR GYUR TE BLON PO'I GO SA KHO NAR GNAS DGOS PA BYUNG BAS, DE NAS BZUNGS SAR PA DANG, PHYUG PO BA DANG, NANG KHU BA DANG, NU RU BA STE BZHI PO DER BLON CHEN RA PHYUG NAR NUR BZHI ZHES PAR GRAGS SO, ,DE LTA BU'I BRGYUD PA MA NYAMS PA LAS NU RU BSTAN 'DZIN DANG, NU RU BKRA SHIS DPAL 'BYOR DANG, NU RU PHYAG RDOR STE MCHED GSUM BYUNG BA'I DANG PO NI, RJE 'DI'I JO JO BKRA @18B SHIS DGE 'PHEL DU DANG POR DBU MDZAD KYI LAS TSAN DPE PHER BA MDZAD CING, PHYIS GNAS DER TSE DANG SGRUB PA MNYAM PAS LUNG RTOGS KYI YON TAN KHYAD PAR CAN BRNYES TE 'GRO BA'I 'DREN PA CHEN POR GYUR PA BLA MA DBU MDZAD YE SHES DBANG RGYAL ZHES PA DE'I YAB DANG, BAR PA BKRA SHIS DPAL 'BYOR ZHES PA NI, SGYU RTZAL DANG RTZED 'JO'I RIGS LA MKHAS SHING SNYING STOBS CHE BA, GA-YO DANG SGYU MED CING RANG BZHIN DRANG BA, SDIG LA 'DZEM ZHING KHREL GZHUNG DANG LDAN PA SOGS MDOR NA BSNGAGS PAR 'OS PA'I YON TAN GYI RGYAN DANG LDAN ZHING, PHYIS RJE 'DI NYID KYIS BSKUL TE MKHAS GRUB NGAG DBANG RDO RJE'I ZHABS DRUNG NAS YONGS RDZOGS DGE BSNYEN GYI SDOM PA NOS TE BSLAB GZHI LNGA YAN LAG DANG BCAS PA NYAMS MED DU SRUNG BA'I KHYIM PA KHYAD PAR DU 'PHAGS PA ZHIG STE DE NI BDAG NYID CHEN PO 'DI'I YAB YIN LA, YUM NI MKHA' 'GRO DPAL SKYED CES BYA BA, NGO TSA KHREL YOD KYI GOS DANG LDAN ZHING DAD PA DANG GTONG BA'I RGYAN GYIS MDZES PA, SNYING RJE CHE ZHING CHOS LA DKAR BA SOGS BUD MED PHAL PA'I SPYOD TSUL LAS 'DAS SHING d'A KI'I MTSAN DANG LDAN PA ZHIG STE, DE YANG BKA' LAS, NGA'I AA MA DE BUD MED RANG BA ZHIN PA ZHIG MIN PA 'DRA, NYE SKOR DU DUD 'GRO BSAD PA DANG, NGO SHES PA'I @19A *, ,MI SHI BA THOS TSE SNYING RJE CHEN POS MCHIM 'KHRUG BZHIN DU MTSAN THOG THAG MA nI 'DREN CING NYIN SHA'I DRI MA TZAM LA YANG SHIN TU 'DZEM PA DANG, RANG GI BU RNAMS LA'ANG TSES DANG MTHUN PA'I BSLAB BYA SGO DU MA NAS BYED CING, NYI MA RE RE BZHIN JA DANG ZHO DANG 'O MA SOGS KYI PHUD NAS BLA MA DKON MCHOG LA MCHOD DE NGA'I BU 'DI TSO TSE RING BA, NAD DKON PA, CHOS DANG MJAL BA, CHOS 'GO GANGS LAS DKAR BA, CHOS GZHUG CHU LAS RING BA, SDUG GE SDUG GE MI ZER BAR, MI'I KHO MA'I KHO ZER DU CHUG CES SOGS KYI SMON LAM SHUGS DRAG 'DEBS PA ZHIG YOD, CES GSUNGS DE LTA BU'I YUM DE KHAB TU BZHES PA DE'I TSE YANG, 'BROG RIGS KYI LUGS SROL DU GNYA' BO ZHES PA RIGS RUS DANG LDAN ZHING SKABS DE'I BYA GZHAG LA MKHAS PA ZHIG GIS SPRA KHYIM DU MA TSUD GONG MDA' DAR LAG TU THOGS NAS BSHAD BSHAD MANG PO BYA SROL YOD PA BZHIN, SKABS DER YANG DE LTA'I MYONG BYAR DANG LDAN PA PHYUG PO LHA BTZAN ZER BA ZHIG GNYA' BOR MNGAGS KYANG, KHA BA RDAR BA DGOS KA LA ZAD PA'I DPE LTAR BSHAD PA BYA RGYU'I SKED PA TZAM LA TSIG 'GAG RGYAB STE MA THON PAR MDA' DAR YUM GYI DBUR BZHAG STE, SANGS RGYAS THAMS CAD 'DUS 'DUS, ZHES LAN GSUM BRJOD @19B NAS DA AA CHE LONGS, ZHES BRJOD TSUL PHYUG PO LHA BTZAN RANG GI TSA BO DGE SLONG PHUN TSOGS ZHES PA ZHIG LAS THOS PA BDEN MIN RJE NYID LA ZHUS PAR, 'U RANG GI GRONG DE STONG BA'I LTAS YIN NAM DE SKAD BYAS THAG CHOD RED, CES PHEBS, DE NI SANGS RGYAS THAMS CAD KYI MKHYEN BRTZE NUS GSUM GCIG TU 'DUS PA'I BDAG NYID RJE BTZUN BLA MA 'DI NYID KYIS YUM MCHOG 'DI'I MNGAL MDZES PAR BYED PA'I LTAS YIN PA GDON MI ZA LA, DE LTA BU'I YAB YUM 'DI GNYIS LA SRAS CHE BA RTA MGRIN DBANG RGYAL, DE'I 'OG MA DAM PA 'DI NYID, DE'I 'OG MA BDAG CAG GI PHA BKRA SHIS, DE'I 'OG MA KHU BO YE SHES CHOS RGYAL, DE'I 'OG MA KHU BO YE SHES DON GRUB STE SRAS LNGA BYUNG ZHING, DE LAS DAM PA 'DI NYID NI LHUMS SU ZHUGS TZAM NYID NAS YUM ZO MDOG BZANG ZHING THUGS BDE DGAS KHYAB PA SOGS DGE MTSAN DU MA DANG LDAN BZHIN DU, RAB BYUNG 'DOD PA'I NANG GSES DGA' BA ZHES PA CHU 'BRUG LO'I ZLA BA DGU PA'I TSES DGU, RAS GZA' ZLA BA, ZLA SKAR CHU SMAD LA BABS PA'I NYI SHAR LNGA CHA GSUM PA'I DUS SU KHYE'U PADMA'I RTZA BA LTAR DKAR ZHING DBU GDUGS LTAR ZLUM PA, DPRAL BA'I DBYES PHYE ZHING SNYAN SHAL RING DU 'PHYANG BA, SHANGS KYI GZENGS MTHO ZHING RTZE MO RNO BA SOGS @20A *, ,DGE MTSAN GYIS SPRAS PA BLTA BAS CHOG MI SHES PA ZHIG 'KHRUNGS SO, ,MKHYEN PA'I DKYIL 'KHOR RDZOGS PA'I DO RA CHER, ,LJONGS 'DI'I DGE MTSAN GONG DU RTZE BA LA, ,DGYES PA MIN NAM RIG 'DZIN SAMBHA WA'I, ,MDZES ZHAL LAN GSUM BAR DU BZHAD PA'I GNAS, ,BCU GSUM DGE BA'I DPAL LDAN MAntAL, ,LHA SDE MI SDE'I TSOM BUS MDZES PA NI, ,MTSAN DUS KUN GSAL BU MO RGYU SKAR GYI, ,DO SHAL 'PHRENG BAS SGEG PA LTA BU YOD, ,DE LAS MTHING 'OD NAGS KYI ZUR PHUD RTZER, ,ME TOG GTZUG RGYAN GA-YO BA'I NANG 'DZIN MA, ,MRGAD SPANG LJONGS GOS KYIS RAB KLUBS NAS, , PHUN TSOGS MDZES SDUG NGOM PA LTA BU'I GZHIR, ,RI CHEN SPUN BDUN MGRIN PA GZENGS BSTOD NAS, ,BKRA SHIS GLU DBYANGS SGROG PA'I 'GYUR BA DANG, ,SPOS KYI LJON PA DGA' BA'I BSER BU YIS, ,BSKYOD PA'I GAR NI LHAN CIG RTZE BA BZHIN, ,MA BRKOS RDO BA'I GZHONG PAR KE 'U'I TSOGS, ,MA BTAB YONGS SMIN NA DANG SPEN MA'I NGOS, ,MA BRIS RTAGS BRGYAD PAD 'DAB BRGYAD BKRA BA, ,MES POS MCHOD PA'I RDZAS SU BYAS PA BZHIN, ,GDENGS CAN BDAG PO'I BSTI GNAS CHU GTER LAS, ,NYER BABS DBU BA MU TIG 'DZUM 'OD CAN, ,LAN DGUR SKYOGS NAS BKRAMS PA SRID ZHI YI, ,DGE LEGS @20B GA-YANG DU 'CHING BA'I THAG RGYA BZHIN, ,SPU SDUG 'DAB MA'I GOS LDAN YID 'ONG BYA, ,MGRIN PA'I ROL MO LAN BRGYAR 'KHROL BA DANG, ,NYER ZLOS RI SKYES BU RNAMS RTZED 'JO'I GAR, ,SNA TSOGS BSGYUR BAS SA GZHI YID 'ONG BYED, ,DE LTA'I SA YI THIG LER NI, ,RIGS DUS LANG TSO DAR BA'I LUS, ,YON TAN RIN CHEN GYIS MDZES PA'I, ,YAB YUM THABS SHES 'BRAL BA LAS, ,YON TAN 'BYUNG GNAS YON TAN GTER, , YID BZHIN RE SKONG YID BZHIN NOR, ,GZUGS MED SEMS DPA' GZUGS 'DZIN PHYIR, ,YUM GYI MNGAL NI MDZES PAR BYAS, ,NAM ZHIG RGYAL YUM SHAR RI'I PHRAG PA LAS, ,RGYAL SRAS NYI MA GZHON NU SHAR BA NA, ,'JIG RTEN RGUD PA'I MUN PA SANGS SO ZHES, ,SKAL BZANG BUNG BA'I GLU DBYANGS DAR DIR SGROG ,AA MA SGRO BTAGS PIR GYIS BRIS MIN YANG, ,LHAN SKYES NGO MTSAR RGYA CHE'I MDANGS BKRA BA, , GDUNG SEL SMAN GYI MYU GU GSAR PA ZHIG ,BSTAN DANG 'GRO BA'I SROG GI GSOS SU 'KHRUNGS, ,ZHES DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAMS CAD MKHYEN PA DHA RMA BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA LAS, YUL DUS DANG RIGS RUS PHUN SUM TSOGS PAR SKU BLTAMS PA'I SRGA STE GSUM PA'O,, , @21A *, ,DE LTAR MTHA' YAS PA'I 'GRO BA RNAMS KYI LEGS BYAS PADMA'I 'DAB RGYA MCHOG GSUM THUGS RJE'I SNANG BA MCHOG GIS YONGS SU PHYE BA LAS, MDZES SKU'I ZE'U 'BRU MNGON PAR GSAL BAR GYUR PA DANG, RUS RGYUD LA 'GO BA'I LHA CHEN RDO RJE LEGS PA SOGS LA GTANG RAG GI GSANG GSOL DANG, BTZAS STON BCAS LUGS SROL DANG MTHUN PA BYAS TE MTSAN DPAL BZANG RDO RJE ZHES PAR GSOL, DE'I SKOR LA 'PHYIS KYI BKA' LAS, NYI MA SHAR BA DANG MNYAM DU AA MA LA NGA BTZAS, DE SKABS GA-YOG MO CHOG PA ZHES PA GLEN MA ZHIG YOD PAS THAB LAS KYI SKOR RNAMS BYAS PAS JA KHRU BCAG STE BZHOGS RNGA YANG 'GYANGS TZAM BYUNG 'DUG ,DES NA NYI MA SHAR BA DANG MNYAM DU SKYE LUGS LA DPAGS NA DRAG PA ZHIG MIN NAM BSAMS KYANG, JA KHRU CHAG LUGS KYIS SDUG PA ZHIG YIN SHAG RED, CES PHEBS, DE LA DANG PO'I SKOR NI RJE 'DIS RGYAL BSTAN SPYI DANG BYE BRAG ZHVA SER SNYAN BRGYUD KYI BSTAN PA NYI MO LTAR GSAL BAR MDZAD PA'I SNGA LTAS YIN PA GDON MI ZA LA, GNYIS PA'I SKOR NI BKA' GDAMS KYI SKYES BU DAM PA RNAMS KYI RNAM THAR BZHIN RANG GI YON TAN SBED PA'I BKA' TZAM LAS, DON DU PAn CHEN DGE 'DUN GRUB PA SOGS SKYES BU DAM PA MANG PO @21B SKU BLTAMS PA'I TSE YANG BZANG NGAN GYI THE TSOM CHOD DKA' BA'I MTSAN MA DE 'DVRA DANG DE DAG LAS KYANG LHAG PA DU MA BYUNG TSUL 'DUG KYANG, BDAG CAG TSUR MTHONG GI BYIS PAS MTHA' GCIG TU NGES GZUNG BYA DKA' MOD, 'ON KYANG DE DAG NI DAM PA DE RNAMS SRID 'BYOR GYI BDE BA LA MI CHAGS SHING, DE LTA BU'I BZA' BTUNG SOGS LA LTOS MI DGOS PA'I LTAS YIN NAM SNYAM, GZHAN YANG BKA' LAS, NGA SKYES PA'I SANG NYIN AA KHU PHYAG RDOR DE BOD TSONG NAS 'BYOR TE, KHA RTZANG RES GZA' ZLA BA YIN PAS BU'I MING LA ZLA BA DON GRUB 'DOGS RGYU YIN TSUL BYAS KYANG, PHA MA GNYIS NAS BTAGS PA KHO NAR GNAS NAS RDO RJE'I SGRA MA 'GYUR BA DES NGA TSE RING DU GNAS PA'I RTEN 'BREL 'GRIG PA YIN, CES KYANG PHEBS, GZHAN YANG RJE 'DI NYID LHUMS SU ZHUGS PA NAS YAB YUM GNYIS KA DANG KHYAD PAR YUM LA MNAL LTAS KHYAD PAR CAN DU MA DANG, BLTAMS PA'I TSE YANG NYI MA'I DKYIL 'KHOR 'JA' 'OD KYI GUR KHYIM DU GNAS SHING, KHA DOG LNGA LDAN GYI SPRIN GYI GSEB NAS ME TOG GI CHAR ZIM BUR 'BAB PA SOGS NGO MTSAR BA'I LTAS MTHA' YAS PA BYUNG TSUL BDAG CAG GI PHA DANG KHU BO RNAMS LAS THOS KYANG, DA LTA NI JI BZHIN BRJOD PAR RDO MI THOGS LA, RJE NYID KYI @22A *, ,BKA' LAS, AA MA DES, BU THAMS CAD SMRA BA SHIN TU SNGA ZHING, KHYAD PAR NGA SKYES NAS LO GCIG LHAG TZAM 'GRO BA NAS THOGS MED SMRA BA ZHIG YOD PAS, DE NI SMRA BA SNGA BA DPON GYI RGYU ZHES RTEN 'BREL BZANG BA YIN TSUL ZER YANG, SMRA BA SNGA BA DE SHES RAB CHE BA'I RTAGS NI YIN TSOD 'DUG ,CES PHEBS PA LTAR, 'KHRUNGS NAS LO GCIG LHAG TZAM 'GRO BA NA, NGA LUNG PA 'DI'I MDA' NAS CHU GZHUNG BRGYUD GNAS TSANG ZHIG 'TSOL BAR YONG GIN YOD PA LA, RMO LA SHING BU 'THU BAR YONG PA DANG PHRAD NAS MNYAM POR NANG DU YOD, SHING BU AA MAS BLANGS PA DANG AA MA'I PANG DU SLEBS BYUNG ZHES SOGS SNGON GNAS RJES DRAN GYI GSUNG NGO MTSAR BA MANG PO ZHIG KYANG PHEBS, SKU BLTAMS NAS SMRA MI SHES PA'I GNAS SKABS SU YANG, SKYES RABS LAS, DGE DANG MI DGE'I LAS RNAMS GOMS BYAS PAS, ,MI RNAMS LA NI 'DRIS PA NYID DU 'GYUR, ,DE LTA BU DAG CHED DU MA BSGRIMS KYANG, ,SKYE BA GZHAN DU RMI LAM LTA BUR SPYOD, ,CES GSUNGS PA LTAR, SNGON GYI DUS NAS GOMS PA'I MI RTAG PA DANG, LAS 'BRAS DANG, NGES 'BYUNG DANG, BYANG CHUB KYI SEMS DANG, STONG NYID SOGS BUM NANG GI MAR ME LTAR MI GSAL BA'I TSUL DU GNAS MOD, CUNG ZAD SMRA @22B SHES PA NAS BZUNG BYIS PA GZHAN LA CHOS 'CHAD PA'I RNAM PA DANG, KHA 'DON DANG CHOS KLOG PA'I RNAM PA DANG, 'BU SRIN SOGS LA THUGS BRTZE BAS RANG GNAS 'BAD PAS BTZAL NAS DER SKYEL BA DANG, SPYAN NAM MKHA'I DBYINGS GCIG KHO NAR YUN RING DU GZIGS PA DANG, BYIS PA GZHAN GYIS SROG CHAGS GSOD PAR BRTZAM TSE SNYING RJE CHEN POS DE DAG LA GAB NAS BSHUMS PA SOGS LAS, BYIS PA GZHAN LTAR DON MED DU BSHUMS PA SOGS SPYOD NGAN GTAN NAS MI MDZAD, LAN GCIG BUD MED RIGS NGAN ZHIG GIS PANG DU BLANGS PA'I RKYEN GYIS SPYAN GNYIS KAR SHA 'DZER RGYAS NAS YUN RING BSHUMS PA ZHIG BYUNG SKABS, DGON BYANG GI GRVA PA SNGAGS SHIN TU BZANG ZHING KHYIM DER YANG YANG 'BYON PA ZHIG YOD PA BYON THOG ,YUM GYIS BYIS PA 'DI RGYUN DU DU MI SHES PA LTA BU YIN KYANG, DANG SKABS MIG NA NAS SHIN TU MI NYAN PA 'DUG PAS 'DI LA GZIGS NAS LJAGS SNGAGS SHIG GNANG ROGS ZHUS, KHONG GIS KYANG GZIGS NAS, KHYED TSO'I BU RGAN PA 'DI YANG NYAN PO 'DUG ,SDUG GE 'DI NYID SNGAR 'BAN DUG RANG YIN TE DA KHO MIG LA SHA 'DZER 'DI 'DRA RGYAS NAS DU BA BDEN RANG BDEN 'DUG ,CES ZER NAS SHA DMAR PO ZHIG LA SNGAGS BTAB STE SPYAN PHYIS NAS SHA 'DZER THAMS CAD LHAG MED DU BLANGS @23A *, ,DUS RGYUN DU BTZUN PA'I RIGS LA DGYES TSUL SHIN TU CHE BAS RGYANG RING POR YOD PA GZIGS KYANG DE MA THAG MGYOGS PAR BYON NAS BSU BA DANG, RGYAB KHUR YOD NA THEG PA'I RE BA MED RUNG NGAS 'KHUR BAS NGA LA SKUR GSUNG PA DANG, KHYIM MTSES GZHAN DU 'GRO MI YIN KYANG RANG NANG DU 'BOD SHAG MDZAD NAS KHYI 'GOG PA DANG, PHAR LOG SKABS KYANG RGYANG RING POR SKYEL DU 'BYON PA SOGS MDOR NA BYIS PA THA MAL BA'I NGANG TSUL LAS 'DAS PA'I MDZAD PAS DUS 'DA' ZHING PHAN SEMS DANG SNYING RJE'I GTER DU GYUR PA ZHIG YOD DE, BKA' LAS, NGA DA LTA 'JIG RTEN GYI BYA BYED CI YANG MI SHES PA'I GLEN PO 'DI YONG BA'I LTAS YIN NAM SMRA MI SHES PA'I SKABS SU YANG, MIG NAM MKHA'I GNAS GCIG KHO NA RA SRE 'DZI RE LTA BA ZHIG YOD TSUL 'DUG CING, SMRA SHES PA SOGS NAS KYANG NA BA SOGS RKYEN BYUNG NA MA GTOGS DON MED DUS PA GTAN NAS MI DRAN, AA JO DE DANG BYIS PA GZHAN BSDEBS NAS BYEL PHRUG GI MIG LA GZHU RU BTZUGS NAS GSOD PAR YANG DE DAG LA GAB NAS DU BA SOGS BYED, BTZUN PA BYAS NAS BKRAS DGE'I SPYI KHANG LHO'I STENG DU SKYOR BYANG BYED SKABS GONG PA NAS SHIG GCIG RNYED PA MTHEB MDZUB KYI BAR DU BZUNG BA SKYOR BYANG LA@023B SEMS YENGS NAS SHI 'DUG ,GZHAN MA BSAM BZHIN DU SROG BCAD PA MI DRAN, RANG LAS CHUNG BA'I BYIS PA RNAMS KYANG BRTZE BAS SKYONG BA LAS NGAN SUD BYAD MA MYONG, LHAG PAR DGE SLONG RANG GI PHA DE LA BZA' BTUNG STER BA DANG RGYAB TU KHYER BA SOGS KYIS GCES PAR BSKYANGS PAS RJES SU NGA LA AA MA ZER GYIN YOD, RGYUN DU YANG CHOS 'CHAD PA DANG, KHA 'DON BYED PA DANG, CHOS GROG PA'I RNAM PA BYED PA SOGS BAG CHAGS BZANG ZHING, KHYAD PAR BLA MA DBU MDZAD LAGS DE NYID RANG RE'I KHYIM DU BYON NAS ZHAG KHA SHAS BZHUGS KYIN YOD PA LA LAN CIG KHONG LUS DRANG POR BSRANGS, PHYAG MNYAM GZHAG MDZAD, SPYAN PHYED 'DZUM MDZAD NAS BZHUGS 'DUG PAR, NGAS SKU GAM DU SONG NAS DE 'DRA MDZAD PAS CI YONG ZHUS PAS SEMS MTHONG YONG GSUNGS, SEMS JI 'DRA YOD ? ZHUS PAS 'DI 'DRA YOD ? ZHES BYIS PA 'DRID PA'I PHYIR SA STENG DU RI MO ZLUM PO ZHIG 'DRI BA GNANG SONG, DE NAS BZUNGS MI MED SA'I KHUGS RER NGA RANG GCIG PUR BSDAD NAS LUS DRANG POR BSRANGS, LAG PA MNYAM GZHAG BYAS, MIG PHYED 'DZUM BYAS NAS SEMS AE MTHONG BLTAS PAS SNGAR GYI SA STENG GI RI MO'I BAG CHAGS KYIS ZLUM PO ZHIG MTHONG BA'I BZO 'DUG ,GZHAN YANG SGRA SNYAN NGAG RTZIS SOGS @024A *, ,RIG GNAS KYI SKAD CHA THOS NA SMRA MI SHES PA'I DGA' BA DANG, DE 'DRA BAS KYANG SHES NA CI MI RUNG SNYAM DU YUN RING BSAM PA ZHIG YONG, LAN CIG BOD NAS YONG PA'I 'BROG PA GCIG GIS PHA DER SKAD CHA SHOD TSUL LA, SNGAR MO RENG MA BSANG DANG PHYAGS MA BTZONGS NAS LTO 'TSOL BA ZHIG LA BU ZHIG YOD PA RGYA NAG PHYOGS SU SONG BAR, MOS MO MA SHIN TU MKHAS PA ZHIG LA MO BTAB PAS, MO MA NA RE, KHYOD KYI BU DE RANG BZHIN PA ZHIG MIN PA 'DRA, LUNG PA PHU DUNG TZAM NAS SKAD 'BRUG STONG TZAM RGYAG ZER BA BYUNG ZHING NYES NGO YANG MI 'DUG BYAS PA RED, DE DENG SKABS BKRAS LHUN DU SLEBS NAS SGRA SNYAN NGAG SHES NAS RGYAL MTSAN MTHON PO'I KHA LO BSGYUR BA YIN TSUL ZER BA THOS PAS DE LTA BU'I MI DE DANG NGA 'PHRAD NA CI MA RUNG, SGRA SNYAN NGAG DE NGAS KYANG SHES NA CI MA RUNG SNYAM DU DRAN PA GZHAN THAMS CAD 'GAGS NAS YUN RING HANG DE LUS PA BYUNG, RJES SU BYAS NA MI DE BLA BRANG ZHABS PAD DPAL SDINGS PA YIN 'DUG CING, KHONG GIS RGYA NAG GI SKAD SHES PA LA SGRA SNYAN NGAG SHES PA ZHES BYAS PAR 'DUG ,BTZUN PA BYAS NAS KYANG MTSAN NYID KYI KI THAL SOGS THOS TSE SEMS LA DGA' BA SHIN TU CHE BAS SKRA DANG BA SPU THAMS CAD GZING BYED PA ZHIG YOD, DE DAG LA BRTAGS NA @024B SKYE BA SNGON MA RNAMS SU YANG RIG GNAS LA BAG CHAGS YOD PA ZHIG YIN TSOD 'DUG ,CES PHEBS, DE LTA BU'I MDZAD PA DE DAG NI MKHAS SHING GRUB PA'I SKYE BA RIM PAR BRGYUD PA'I BAG CHAGS BCOS MA MA YIN PA LHUR MDZAD PA DANG, SPYAN NAM MKHAR GZIGS PA DE'I TSE YANG LHA DANG BLA MA MANG POS BYIN GYIS RLOB PA'I GZIGS SNANG KHYAD PAR CAN YOD PA GDON MI ZA LA, KHYAD PAR DE SKABS GSUNG RAB LA SBYANGS PA GTAN NAS MA MDZAD PA'I SKABS YIN KYANG, RGYAL SRAS BDAG NYID CHEN PO'I NGANG TSUL BDAG GIR MDZAD DE GZHAN GYIS SROG CHAGS GSONG PA LA MI BZOD PA'I THUGS RJE SHUGS DRAG POS SPYAN CHAB LHUG PAR 'BYIN PA NI NGO MTSAR BA'I RNAM PAR THAR PA ZHIG STE, LAR RANG CAG PHAL MO CHE RNAMS NI MI TSE HRIL POR THOS PA BYAS KYANG CHOS NYON MONG PA'I GROGS SU SONG NAS NGA RGYAL DANG ZHE SDANG JI CHER GYUR TE, SEMS CAN SDUG BSNGAL GYIS JI TZAM MNAR YANG BA SPU 'GUL BA TZAM YANG 'BYUNG DKA' BA'I PHYIR RO, ,GZHAN YANG BKA' LAS, DA LO BZHI BA'I DUS SU AA MA DE THAGS 'THAG SAR SONG NAS BRGYAD PA BRGYAD LA JI TZAM YONG DRIS PAS, KHYOD RANG NAS RTZIS SHIG ZER MO LDING GI STENG DU RDE'U MANG PO SPUNGS NAS BZHAG BYUNG BAR RTZIS PAS DRUG CU RE GSUM YOD @025A *, ,PA 'DRA ZHIG BYUNG, DE NAS BZUNG DGU MTHA' MA MTHONG BAR DE DANG YIN SHAG BYAS KYANG DON DU GCIG NOR 'KHRUL BYUNG 'DUG ,GANG LTAR NGA RANG LO TSOD LA DPAGS NAS SHES 'DOD CHE BAR AA MA DES KYANG THABS MKHAS BYAS PAS GRANGS KYI BRTZI PHYOGS JI BZHIN SHES PA'ANG SDUG PO MIN 'DUG ,CES GSUNGS, LO TSOD DE TZAM GYI BYIS PAR 'BAD RTZOL GYIS BSLABS KYANG DE 'DRA'I BRTZI PHYOGS LTA CI, GCIG NAS BRGYA'I BAR GYI GRANGS 'DREN TZAM YANG SHES DKA' BAS, DE NI SNGON SBYANGS KYI SKYES BU KHYAD PAR CAN YIN PA'I RANG RTAGS RMAD DU BYUNG BA ZHIG GO ,DGUNG LO BCU GCIG PA'I SKABS DBYAR STOD BZHAD SDE PA RTZID 'DREG TU PHEBS PA PHYIR THON GRUB 'PHRAL RGAN GZHON MANG PO DBU GUR GYI NANG SOGS NAS GNANG CHUNG CI RNYED LTA SKABS, RJE 'DIR DBU GUR GYI NANG NAS SHOG PU'I MTHA' DRES CHE GTOGS SHIG RNYED PAR, RGYUN GTAN 'BROG PAR SHOG PU DKON GSHIS SHOG PU CHEN PO 'DIR 'DRA RNYED DGONGS NAS GZIGS MO DANG MNYES TSER CHE ZHING, 'DI LA KA KHA ZHIG 'DRI MKHAN 'BYOR 'PHRAL 'DRI DGONGS NAS YAB LA GZIGS 'BEB MDZAD PAS, YAB NAS KYANG KHYOD RANG LA KA KHA @025B 'DRI BYED LONG BA 'DUG PAS NGAS CHUNG ZOS MED PA BYED GSUNGS NAS LEGS PAR BLTABS TE PHOR SHUBS SU BCUG ,SLAR RANG NANG DU BYON 'PHRAL SPONG GI SRUB TU BZHAG ,DE'I ZHAG KHA SHAS NAS BZHAD DGON BYANG GI GRA GRAS DGE RGAN BLO GROS ZER BA ZHIG NYI MA DGONG PHYOGS TZAM LA BYON, DE 'PHRAL YAB NAS SHOG PU ZHUS TE KHONG LA KA KHA 'DRI ROGS MDZOD CES PHUL BAS, KHONG GIS KYANG BYIS PA'I DON GNYER LA NGO MTSAR NAS 'BAD RTZOL MDZAD DE BRIS KYANG SANG NYIN SNGA CHAR THON DGOS STABS KA NAS CHOS ZHES PA'I BAR LAS MA GRUB, GANG GRUB PA LHAG CHAD MED PAR BRIS TE PHUL, DE NI CHOS THAMS CAD KYI BDAG POR 'GYUR BA'I RTEN 'BREL GYI SGO THOG MA NYID NAS 'GRIG PA YIN 'DUG CES RGYUS YOD KYI DAM PA DU MAS GSUNGS, DE NAS ZLA BA DRUG PA'I NANG RJE NYID KYI SKU ZHANG RGAN PO LHA BU BYUNG BAR KA KHA SLOB ROGS GSUNGS PAS, KHONG GIS RJE NYID SKU PANG DU BZUNGS NAS DBUGS THANG GCIG BSLABS PAS, YIG GZUGS PHAL MO CHE 'DZOL MED THUGS SU 'JAGS SHING, THAR THOR THUGS THOG TU NGES BCAR RA 'PHROD PA MED NA'ANG ZHAL NAS THOGS RNGUGS ? MED PAR THON PA BYUNG STE, BKA' LAS, NGA LA AA ZHANG @026A *, ,NGES ? KA KHA DBUGS THANG GCIG BSLABS PAS YIG GZUGS LA LA JI BZHIN BLO NGES MED KYANG KHA NAS THOGS MED BSKYAR BAS, PHA DE RANG GIS KA KHA KHA LOB TU SHOR NAS MA SHES PAR BRTEN KHYOD KYANG DE LTAR YOD TSUL ZER BAS SEMS KHRAL SHIN TU CHE BA BYUNG, ZHES PHEBS, DE NI SKU'I NA TSOD SHIN TU PHRA BA DE LTA BU'I TSE YANG CHOS KHO NA LAS DGONGS RGYU MED PA'I RNAM THAR NGO MTSAR BA ZHIG YIN LA, DE NAS KYANG ZHUM PA DANG LE LO'I DBANG DU MA BTANG BAR, RGYUN 'THUD NAS NAN TAN GYIS GZIGS RTOG MDZAD PAS YIG GZUGS THAMS CAD JI BZHIN MKHYEN PAR MA ZAD, KA NAS CHA'I BAR TSANG MAR GI GU SOGS 'DUG PA LTAR, JA MAN CHAD LA YANG JI SOGS RIM BZHIN YONG RGYU YIN 'DUG KYANG, KOR KHOMS ZHES SOGS NA RO CAN GYI MTHAR YI GE MI 'DRA BA RE 'DUG PAS JA NA RO'I MTHAR YI GE JI 'DRA ZHIG DGOS RGYU YIN NAM DGONGS TE THUGS BSAM MANG DU BTANG RUNG THUGS DOGS MA CHOD, DE DON YAB LA DRIB MDZAD PAS, YAB KYIS KA KHA'I 'GO MJUG TSANG MA ZHAL NAS GSUNG RGYU GTAN NAS MA BSNYEL BA BZHIN GSUNGS PAS, THAMS CAD 'DI LTAR YONG RGYU YIN 'DUG DGONGS TE DON DANG MTHUN PA THUGS SU KHRA LAM MER @026B SHAR BAS THUGS BLO BDE BAR GYUR, SKABS SHIG 'BRONG PHU'I GRVA GRAS SMAN LUNG NANG PA'I RJE DRUNG ZER BA BYON PAR KA KHA 'DRI GROGS GSUNGS PA LA, DBU CHUNG GI KA KHA CHA TSANG BA ZHIG BRIS NAS PHUL, DE DANG SNGON GYI DBU CHEN GYI KA KHA GNYIS GUNG BSGRIGS NAS GZIGS PAS, STOD CHA RNAMS TSEGS MED DU MKHYEN PAR MA ZAD, SMAD CHA RNAMS KYANG GZHAN DRING MI 'JOG PA'I RNAM DPYOD KYIS YANG YANG BRTAGS SHING DPYAD PAS GZHAN LA 'DRI MA DGOS PAR YIG RIGS GNYIS KA'I KA KHA CHABS CIG TU MKHYEN PA BYUNG, DE LA THUGS SRAS BLA MA RIN PO CHE NGAG DBANG SNYAN GRAGS MCHOG NAS, BLA MA RIN PO CHES SNGA PHYIR KA KHA MKHYEN TSUL 'DI GCIG PU'ANG BDAG CAG RNAMS KYI BLO YUL DU GTAN NAS MI BSHANG BAR 'DU GA ZHUS PAR, DE SKABS SLOB MKHAS DKON DRAGS PA MIN PA ZUR TZAM RE SLOB MKHAN 'BYOR NA SHES PA LA DKA' LAS MED PA ZHIG YOD, CES PHEBS, GZHAN YANG BKA' LAS, DE DAG GI TSE YI GE SHES MI GZHAN LTA CI, 'BYOR PA CHEN PO MED STABS BU LON 'DED MKHAN MANG PO YONG GIN YOD PAR, DE 'DRA BYUNG NA AA MA LA DKA' LAS BYUNG 'GRO BSAM DNGANGS SKRAG SHIN TU CHE BA YONG GIN YOD KYANG, BU LON 'DED @027A *, ,MKHAN YI GE SHES PA ZHIG YOD TSUL THOS NA DGA' TSOR SHIN TU CHE ZHING, DE NAM 'ONG NA SNYAM DU ZHAG DU MAR GNYID DKON ZHING SGUG YUN MI KHYONGS PA YONG GIN YOD CES KYANG PHEBS, DGUNG LO BCU GNYIS PA TZAM NAS BZUNG RA LUG GI RDZI BO KHO NAR PHEBS DGOS BYUNG ZHING, DE'I TSE YANG KA KHA GNYIS KAR CHUD ZOS PHRA MO TZAM YANG MED PAR GCES SPRAS CHEN POS THUGS TSAGS MDZAD DE 'KHYUG PA DANG, RDO DANG SA GZHI NGOS SNYOMS SA JI YOD LA 'DRI BAR MDZAD PAS YIG RIGS GNYIS KA RANG STOBS KHO NAS 'DRI MKHYEN PA BYUNG STE RJE NYID DANG 'KHRUNGS YUL GCIG PA DGE SLONG PHUN TSOGS LAGS NAS KYANG, DE SKABS DPAL BZANG RDO RJES BRIS PA RED ZER NAS RONG GI SA GZHI DANG 'KHYAG STENG THAMS CAD YI GE RANG GIS SRE SLOG GE BA YOD, KHONG SANGS RGYAS 'DI 'DRA YONG BA'I RTAGS RED, CES GSUNGS SHING, RJE NYID KYI BKA' LAS KYANG, NGA RDZI BOR 'GRO SKABS DGUN PO YIN NA 'KHYAG PA NGO LEGS SAR, SPANG DUM PANG DU THEG TZAM RE SHED CHEN POS BRDABS NAS DE'I STENG DANG, RGYUN DU SA GZHI 'JAM SA NGOS SNYOMS PA'I STENG DANG RDO LEB CHEN PO'I STENG SOGS SU YI @027B GE DBU CHEN DBU CHUNG GNYIS KA MDZUB MO KHO NAS BRIS PAS DE'I RTZE MO YANG LAN DU MAR RDOL ZHING, YIG RIGS GNYIS KA CHAB TZAM 'DRI SHES PA BYUNG, DE SKABS MTHONG GZHIS KYI BSKUL YIG RNAMS TSUGS MA SHA STAG 'DI SROL 'DUG PAS DE DAG LA BRTAGS NAS, DGONG MO PHA MA SOGS PHYUGS CHAS LA SONG SKABS THAB 'GRAM DU THAL BA BRDAL TE, LUNG PA 'DI'I MING 'DRI NA 'DI 'DRA RED, MI 'DI'I MING 'DRI NA 'DI 'DRA RED BSAMS NAS BRIS NA THAMS CAD YIG THOG TU 'KHYOL BA'I BZO 'DUG ,RJES SU BRTAGS NA DE TZAM GYIS GAR YANG MI PHYIN ZHING YIG GZUGS KYANG RI KHROD DU SLEBS NAS DBU CHUNG SBYONG SHING LA PHRAN BU BRIS PA YIN, ZHES GSUNGS SHING BSKUL YIG GI TSIG RNAMS BGRES POR PHEBS NAS KYANG DE RING KHA SANG ZIN PA LTAR SKYONG BAR MDZAD, DE LTAR PHYAG BRIS KHO NAR DBU 'KHOR YANG, RA LUG LA BYA SPYANG SOGS KYIS GNOD PA MED PAS MDZAD SGO THAMS CAD GO CHOD THUS TSANG SHA STAG LAS KHA CHAG SNA RAL 'ONG SROL MED CING, THAG RING BA DANG BGROD DKA' BA SOGS LA MA 'DZEM PAR RTZVA CHU GANG BZANG KHO NAR PHEBS, LAN CIG RA LUG 'DI TSOS RTZVA ZA CHU 'THUNG DGA' MO BYAS AE 'GRO DGONGS NAS RTOG 'JUG MDZAD @028A *, ,PA LA, RE'U LA LAS NYIN SPREL NAS CHU MI 'THUNG BA GZIGS PAS, 'DI DAG GIS CHU MA RNYED PA RED, DA SKOM THAG CHOD PA YOD DGONGS NAS GNOD MED DU BZUNGS TE CHU LA KHA SPROD PA SOGS MDZAD, MDOR NA RANG GZHAN MI NOR THAMS CAD LA PHAN 'GYUR KHO NA CI LCOGS MDZAD PA SOGS KHYAD PAR 'PHAGS PA'I MDZAD PAS DUS 'DA' BA DANG, PHAM RGAN RABS LA SHIN TU GUS PAS DE RNAMS KYIS KYANG MCHED ZLA GZHAN RNAMS LAS MCHOG TU BRTZE ZHING GCES PAR BYED, PHYI MI RGYUS YOD KUN NAS KYANG BU 'DI THA MAL BA CI LA YIN SNGON SBYANGS SHIG YIN TSOD 'DUG ,CES BSNGAGS BRJOD KYI ROL MO 'KHROL BA DA LTA'I BAR DU YANG PHYOGS 'DI'I SKYE BO'I RNA BAR YONGS SU GRAGS PA 'DI'O, ,DE DAG NI BSAM GYIS MI KHYAB BRJOD KYIS MI LANG BA'I RNAM PAR THAR PA, BDAG CAG THA MAL BA RNAMS KYI BLO'I RA BA LAS YONGS SU BRGAL BA ZHIG STE, GZHAN DU NA GANG ZAG THA MAL BA RNAMS LTA CI, SPANG RTOGS KYI YON TAN RTZER SON PA'I SKYES CHEN DAM PA'I SKU'I SKYE SRID DU KHAS 'CHE BA 'GA' LA YANG, DBU CHEN GYI KA KHA 'GO 'BUS TZAM ZHIG DBUGS THENG GCIG BSLABS PAS YIG RIGS GNYIS KA'I 'DRI KLOG BDE BLAG TU SHES @28B PA LTA ZHOG ,GZHAN GYIS BSKUL BA LA GTAN NAS MA BLTOS PAR RANG GIS NGANG GIS 'DRI KLOG GI RIM PA LA 'JUG PA TZAM YANG CHES DKA' BA YIN NO, ,DE LTAR BLTAMS MA THAG PA NAS BAG MED PA'I SPYOD PA NGAN PA'I 'DAM RDZAB KYI DRI MAS NI YONGS SU DAG ,DAD PA DANG SNYING RJE'I DRI BSUNG MNGAR PO NI RGYUN DU 'THUL, CHOS DON RNAM PAR 'BYED PA'I BLO GROS KYI ME TOG NI RNAM PAR BZHAD YON TAN KUN GYI GZHI RTEN 'DRI KLOG GI 'BRAS BU NI 'BAD MED DU SMIN PA DE NYID, MTHUN PA'I DNGOS PO DU MAS BSKYED BSRINGS PA LAS, LANG TSO'I YAL 'DAB NI NYIN RE NYIN RER MNGON PAR 'PHEL TE MTHA' YAS PA'I LUS CAN RNAMS 'KHOR BA SPYI DANG BYE BRAG GI GDUNG BA LAS SKYOB PA'I GRIB BSIL BLA NA MED PAR GYUR TO, ,GANG GI MKHYEN PA'I CHA RER RGYAL KUN GYI, ,GSANG MDZOD RI MO KUN RDZOGS LHA MCHOG LA, ,GSANG BA'I BDAG PO ZHES GRAGS DE NYID NI, ,YID 'PHROG BYIS PA'I ZOL GYIS BZHAD LJONGS BYON, ,DGE MTSAN BRGYA YIS PHYE BA'I DO RA RU, ,SNANG SRID KHRIL GNON PADMA KA RA YI, ,'DZUM ZER SA BON LHUG PAR GROL BA'I 'BRAS, ,DUS SU SMIN PA'I GTAM GYIS NGO MTSAR BYIN, ,DE TSE KHA DOG LNGA LDAN 'JA' 'OD KYI, ,YOL BA ZLUM POR BRIS PA'I @29A *, ,GUR KHYIM NAS, ,GZHON NU MIG GI BDUD RTZI'I DGE MTSAN LA, ,SRID PA'I MIG CHEN BGRAD NAS LTA BA BZHIN, ,'CHI MED BU MO'I GNYEN LCUG LAG SOR GYI, ,'KHRI SHING DGA' BA'I BSER BUS BSKYOD PA LAS, ,BYUNG BA'I LHA RDZAS ME TOG GSAL MA YIS, ,NOR 'DZIN BU MO'I BZHIN RAS MDZES PAR BYAS, ,SRID DANG ZHI BA'I DPAL DANG SKAL BA BZANG, MA LUS BSTI BA'I MTSAN DPA'I ZA MA TOG ,RDO RJE'I DNGOS POR GRUB PA'I MTSAN SNYAN PO, ,'GYUR MED LHAN CIG SKYOS PA'I DBYANGS SU 'JEBS, ,PHRA MO'I NA TSOD SGO NGA'I SBUBS LAS KYANG RMAD BYUNG MDZAD PA'I DBYANGS SNYAN BSGRAGS PA NA, ,'DI NI RGYAL SRAS KA LA PINGGA ZHES, ,SNYAN PA'I ROL MO SRID ZHI'I KHAMS SU 'KHROL, ,KHYAD PAR YON TAN KUN GYI GZHI DANG RTEN, ,YI GE 'DRI DANG KLOG PA'I RIM PA KUN, ,MA BSLABS THUGS KYI YOL GOR 'KHYIL BA NA, ,SNGON SBYANGS LAS KYI BAG CHAGS GSAL BAR BYAS, ,MANG MANG 'GRO BA 'DI KUN THOG MED NAS, ,YANG YANG DRIN GYIS BSKYANGS PA'I MA RGAN ZHES, ,BYAMS BYAMS THUGS KYIS RA LUG SOGS KYI 'GRO, ,DUNG DUNG BRTZE BA CHEN POS SKYONG BAR MDZAD, ,GZHAN DU MA BSLABS MKHYEN PA'I SNANG @29B BA YIS, ,YON TAN GZUGS BRNYAN GSAL BA LTA ZHOG GI ,'BAD PA DU MAS BSLABS PA'I TSIG 'GA' YANG, ,NA TSOD SMIN PA'I RKANG PA'I 'DEGS 'JOG BZHIN, ,AE MA PHRA MO'I NA TSOD NI, ,ZLA BA TSES PA'I RJES 'GRO YANG, ,YON TAN RI DVAGS MTSAN MA DANG, ,MDZA' BA'I RTZE DGA' GTONG BA MIN, ,DE LTAR 'GRO MANG SRID PA'I MTSO CHEN LAS, ,SGROL BA'I BLA MED DED DPON 'DI NA ZHES, ,DKAR PO'I PHYOGS LA GCIG TU DANG PA YI, ,LHA RNAMS DGA' BA'I CA CO DAL GYIS SGROG ,CES DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAMS CAD MKHYEN PA 7DHARMA BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA LAS, BYIS PA'I ROL GAR CHOS SU RTZEN PA'I TSUL GYI SARGA STE BZHI PA'O, , ` ,,DE LTAR YAB YUM GNYIS KA DANG KHYAD PAR YUM NYID RGYUN GYI THUGS SMON LTAR, SRAS SPYI DANG BYE BRAG RJE 'DI NYID SHES RAB DANG BZANG PO'I MDZAD SPYOD GANG LA BRTAGS RUNG CHOS DANG MJAL BA ZHIG BYUNG NA SNYAM PA'I THUGS BSAM RGYUN MAR YOD CING, RJE 'DI NYID KYANG SNGON GYI DUS RING MO ZHIG NAS GOMS PA'I BAG CHAGS BZANG PO'I MTHU YONGS SU @30A *, ,BRTAS PA LAS, BSAM MNO CUNG ZAD RNYED PA NAS BZUNG KHYIM GYI GNAS RDZAB DRI CHING NGE BA, KHRAL DANG 'U LAG GIS RGYUN DU GTZER BA, PHYUGS KYI 'TSO SKYONG SOGS SNYING PO MED PA'I BYA BYED KYIS BREL NAS BDE BAR DBUGS 'BYIN PA'I SKABS TZAM YANG MED PA 'DI LAS THAR NAS CHOS SHIG BYUNG NA 'DI PHYI GNYIS KAR 'TSENGS PAS CHOS DANG MJAL BA ZHIG NAM 'ONG NA SNYAM PA'I THUGS BSAM NYIN MTSAN KHOR MAR YOD CING, KHYAD PAR RJE NYID KYI BKA' LAS, NGA LA KHYI 'BRUG SKAD KYI BDUN ZUR LA GEGS CHA CHE TZAM RTAG PAR YONG GI YOD PA NGES YIN NAM, GANG LTAR LO BDUN LON PA'I DUS SU CHOS BYA LONG MED PAR DA LTA RANG SHI MI YONG NGAM, CHOS MED DU SHI NA NGAN SONG DU SKYE BA LAS 'OS MED SNYAM DU SDUG BSNGAL DANG 'JIGS SKRAG SHIN TU CHE BAS, NYIN ZAS MI DRAN, MTSAN GNYID MI KHUGS, PHA MA GNYIS NAS ZAS DANG GOS CUNG ZAD LEGS PAR BYIN KYANG ZHIM PA DANG DGA' BA'I SNANG BA MI 'CHAR, MI MED SA'I KHUGS DANG MTSAN MO NYAL SA SOGS SU MCHIM 'DON BZHIN DU MA nI MANG PO 'DREN, RES 'GA' MTSAN GUNG LANGS NAS AA @30B MA DE'I SDUS 'GOR SONG STE NGA DO NUB SHI MI YONG NGAM ZHES DRIS NAS, MI YONG BYAS NA CUNG ZAD BLO BDE RU 'GRO, MDOR NA NYIN MTSAN THAMS CAD DU 'CHI BA KHO NAS 'JIGS TE BDE BA'I SKABS MED PA LTA BU YOD, DE'I RGYUN BSRING THUB NA YAG PO YONG RGYU YIN 'DUG KYANG, LO BRGYAD LON PA NAS CUNG ZAD SHAS CHUNG DU SONG ZHING, BTZUN PA BYAS PA NAS DE RANG GIS GO CHOD PA LTAR SONG NAS PHAL CHER NYAMS SONG, ZHES PHEBS PA LTAR, MI RTAG PA DANG, LAS 'BRAS DANG, KHYIM GYI NYES PA DANG, TSANGS PAR SPYOD PA'I YON TAN RNAMS, RJE BDAG NYID CHEN POS, SNYING RJE'I CHU YIS YID KYI BZHIN RAS KYI, ZHE SDANG DRI MA DAG PAR MA BYAS NA, ,GSER GYI BUM PAR BLUG PA'I DRIS BSGOS CHUS, ,GDONG GI DRI MA DAG LA DGOS PA CI, ,BLO DANG LDAN PA RNAMS KYI NGO TSA'I GOS, ,TSUL KHRIMS YIN GYI D'U KU LA YIS MIN, ,MGRIN RGYAN LEGS BSHAD YIN GYI DO SHAL MIN, ,GTZUG RGYAN BLA MA YIN GYI NOR BUS MIN, ,'TSO BA'I SROG NI SPRIN LTAR MI GA-YO ZHING, ,'BYOR TSOGS RGUD PA'I NYES PAS MI RDZI LA, ,DBANG PHYUG MKHA' BZHIN RTAG TU MI 'GYUR NA, ,'DOD PA SPYOD LA DGA' BAR SU MI 'GYUR, ,DE LTA NA YANG SRID PA'I @31A *, ,DPAL, ,GLOG 'PHRENG GZHON NU'I BRO GAR BZHIN, ,GA-YO BAR MTHONG NAS DE YI YID, ,'DOD LA CHAGS DANG BRAL BAR GYUR, ,CES GSUNGS PA'I DON BZHIN THUGS LA RANG 'KHRUNGS SU GYUR TE CHOS DANG MJAL BA KHO NA DON DU GNYER BA, DPER NA, SKOM PA CHU DON DU GNYER BA LTAR GYUR MOD, 'ON KYANG JO JO GCIG TZAM MA GTOGS SKU MCHED GZHAN THAMS CAD NA TSOD SHIN TU PHRA BA'I BYIS PA, BYA BA GZHAN LTA CI RANG GI ZAS ZA BA DANG MI GTZANG BA 'DOR BA RNAMS KYANG GZHAN LA RAG LAS PAS NYAM SHIN TU CHUNG BA NA BUN GYI BU MO LTAR GYUR CING, GA-YOG GZHAN BSTEN PA'I CHAS DNGOS KYI SPOBS PA MED PA DANG, RJE 'DI NYID YAB YUM GYI SRI ZHU DANG, RA LUG GI RDZI BO SOGS BYA BA GANG DANG GANG LA MNGAGS PA THAMS CAD GO CHOD PA SHA STAG YOD GSHIS RE ZHIG GI BAR KHYIM DU GNAS DGOS PA BYUNG YANG, 'JAM DBYANGS SA PAn GYIS, BSOD NAMS SHUGS KYIS DON SGRUB PA, ,NYI MA'I 'OD BZHIN BLTOS PA MED, 'BAD PA'I SHUGS KYIS DON SGRUB PA, ,MAR ME'I 'OD BZHIN KUN LA BLTOS, ,ZHES GSUNGS PA LTAR, DUS RGYUN DU'ANG KHYIM DER GRVA RIGS PHEBS PA THAMS CAD RJE NYID KYI DGONGS PA'I @31B BZHES PHYOGS, MDZAD SPYOD, THUGS RAB, KHYAD PAR 'DRI KLOG THAMS CAD RANG BLO'I STOBS KHO NAS MKHYEN PA LA HA LAS TE, 'DI THA MAL PA CI LA YIN NGES PAR CHOS SHIG LA SBYOR NA LEGS TSUL KHO NA GSUNGS SHING, KHYAD PAR DGUNG LO BCU GSUM BZHES PA'I LO BKRAS DGE'I GRVA RIGS MANG POS BU 'DI LO TSOD DANG BCAS PHYI LO MA 'GYANGS PAR CHOS BYAS NA LEGS SHING, DE YANG BKRAS DGE RANG DU BYAS NA LEGS TSUL GSUNGS PAR BRTEN, YAB YUM GNYIS NAS KYANG DE LTAR BYED PAR THUGS THAG BCAD, DE YANG SNGON DU JI LTAR GLENG BA LTAR YUL BZHAD BZHUNG GI PHYOGS 'DIR SA DGE RNYING 'BRUG DVAGS SHANGS ZHI BYED BON SOGS KYI GRUB PA'I MTHA' SHIN TU MANG YANG, RGYAL MA CHOG BSKAL BZANG RGYA MTSOS, SKU BZHI'I RO MNGAR GA-YUR ZA BLO BZANG GI ,RING LUGS SA H'A KA RA 'DI MTHONG TSE, ,THOS BSAM TZ'U TA'I 'KHRI SHING STOBS PHRA YANG, ,BRTZON PAS 'KHRIL TE GZHAN LA DGA' BLO BTANGS, ,ZHES GSUNGS PA LTAR, RGYAL MTSAN GYI TOG GI YANG BZHIN GYI NOR BU RIN PO CHE LTAR, GRUB MTHA' 'DZIN PA THAMS CAD KYI NANG NAS CHES KHYAD PAR DU 'PHAGS PA BLO BZANG RGYAL BA GNYIS PA'I RING LUGS DRI @32A *, ,MA MED PA 'DZIN CING, BZHAD BYA TSANG CHOS SDINGS SU SKU 'KHRUNGS PA'I RTZI 'DUL BA CHEN PO SKU GZHON NU'I SKABS, GAD DMAR GYI MDUN DA LTA'I DGON PA YONG SA 'DIR ME TOG AUTPALA MANG PO 'KHRUNGS PA'I GZIGS SNANG BYUNG BA, MA 'ONGS PA NA GNAS DER PHYI 'DUL BA'I KUN SPYOD RNAM PAR DAG CING, NANG GSANG SNGAGS ZAB MO'I NYAMS RTOGS DANG LDAN PA'I BKA' GDAMS KYI RNAM THAR SKYONG BA'I DGE 'DUN GYI SDE KHYAD PAR CAN 'BYUNG BA'I LTAS SU LUNG BSTAN PA LTAR, THOG MAR STOD 'BRUG GI RING LUGS 'DZIN CING RTOGS PA'I YON TAN KHYAD PAR CAN BRNYES PA'I GRUB THOB CHEN PO KUN 'PHEL BA ZHES PAS SGRUB PA MA'I SDE ZHIG BTAB STE MTSAN RANG NYID KYI MTSAN ZUR CAN BKRA SHIS DGE 'PHEL DU BTAGS, DE RJES BYANG BDAG POS DPAL SDINGS PA'I ZHAL NGO NAM MKHA' DBANG RGYAL BZHAD MTHONG SMON GYI GNYER PAR BSKOS SKABS, DES SBYIN BDAG GI GTZO BO MDZAD DE RJE SHES RAB SENGGE'I DNGOS SLOB ZHAL SNGA NAS SHES RAB MGON PO 'AM, RJE MGON PO DPAL DU GRAGS PA DES DGON PA 'DI NYID KYI CHOS LUGS MNYAM MED RI BO DGE LDAN PA'I RING LUGS SU @32B BSGYUR TE, MDO PHYOGS NAS BYANG CHUB LAM GYI RIM PA DANG, SNGAGS PHYOGS NAS GSANG 'DUS MI BSKYOD PA LHA SO GNYIS MA DANG, 'JIGS BYED RANG ? LUGS LHA BCU GSUM MA GNYIS LA NYAMS LEN GYI GTZO BO MDZAD, PHYIS ZHAL SNGA NAS SHES RAB DPAL 'BYOR GYIS BLA MA MDZAD SKABS 7PAn CHEN RIN PO CHE BLO BZANG CHOS KYI RGYAL MTSAN DPAL BZANG PO SPYAN DRANGS TE ZAB RGYAS KYI CHOS DU MA ? STZAL BA NAS BZUNG CHO GA PHYAG LEN TSANG MA GSANG SNGAGS RGYUD PA GRVA TSANG JI LTA BA BZHIN DU BSGYUR TE, PHYAG LEN MI NYAMS PA'I PHYIR RGYUD PA GRVA TSANG GI MDO SNGAGS ZUNG 'BREL GYI DGE BSHES MU TIG BSTAR LA BRGYUS PA BZHIN ZAM MA CHAD PAR PHEBS TE 'DZIN SKYONG SPEL GSUM MDZAD PAS, CHOS SRID KYI DPAL 'BYOR MTHA' DAG DBYAR GYI CHU GTER BZHIN DU BLA NAS BLAR 'PHEL TE, MDO SNGAGS KYI CHO GA PHYAG LEN, CHOS LDAN GYI YO BYAD, BKA' BTZAN STOBS 'BYOR SOGS GANG DANG GANG GI THAD DU YANG GZHAN DAG GIS CHA TZAM YANG 'GRAN NUS MED PAR BRTEN, PHYOGS 'DI'I STOBS 'BYOR DBANG SHUGS KYIS 'GYING BA PHAL MO CHE YANG LAG PA'I PADMA SNYING GAR YANG DAG PAR ZUM PA DANG BCAS GUS PAS 'DUD PA @33A *, ,'BA' ZHIG LHUR LEN CING, MKHAS GRUB DAM PA NGAG DBANG RDO RJE SOGS MKHAS PA DANG GRUB PA'I SKYES BU DAM PA DU MA'I 'BYUNG GNAS SU GYUR PA'I CHOS SDE CHEN PO BKRA SHIS DGE 'PHEL DU, RJE NYID DGUNG GRANGS BCU BZHIR PHEBS PA 'PHAGS PA'I YUL DU SNA TSOGS DBYIG CES GRAGS PA SHING MO SPRUL GYI LO'I MCHU ZLA BA'I DKAR PHYOGS DGA' BA DANG PO'I NYIN YAB DANG BCAS PHEBS PAS, SGER RU SPYI KHANG BYANG GI BYANG SGO 'DZUL BA DANG DGONG JA DANG PO'I TSOGS DUNG 'BUD PA DUS MNYAM DU BYUNG BAS RTEN 'BREL KHYAD PAR CAN 'GRIG ,DE NAS SGER RU SPYI KHANG LHOR DGE SLONG SBYIN PA ZHU BA ZHIG LA DGE RGAN GTAD DE BZHUGS, DE'I SANG NYIN TSES GNYIS DANG RES GZA' LHA'I BLA MA SHAR BA'I SNGA DRO'I CHAR DE SKABS KYI SLOB DPON 'CHAMS DPON BLO BZANG RGYAL MTSAN ZHU BA ZHIG LA DBU PHUD PHUL BAS MTSAN BLO BZANG TSE RING DU GSOL, DE NAS NGUR SMRIG GI RGYAL MTSAN LEGS PAR BZHES TE GUNG JA'I THOG TSOGS LA PHEBS, DE NYIN SPYI SA RNYING PA NAS GSOL TSIGS BZHES SPRO DANG BCAS PA'I BSNYEN BKUR NYIN KHYONGS ZAB RGYAS THOG ,SPYI 'JOG GI DNGOS @33B PO DANG, DNGUL DANG 'BRU'I PHYAG 'GYED STOBS CHE BA YOD PA DANG 'GRIG ,DE NI RJE 'DI NYID 'GRO BA LHA DANG BCAS PA'I YON GNAS DAM PAR 'GYUR BA DANG, CHOS MTHUN GYI YO BYAD KYIS MI PHONGS SHING PHYAG MCHOD BSNYEN BKUR RGYA CHEN MDZAD PA'I RTEN 'BREL DU MNGON, DGE RGAN 'DI NYID SKU YON CHE BA MED RUNG THUGS RGYUD 'GANGS SHIN TU CHE BA ZHIG STE, BKA' LAS, NGA'I DGE RGAN DE LA LUNG GI YON TAN GYI NGOS NAS 'DON CHOS KHA TSANG BA TZAM YANG MED RUNG TSUL KHRIMS GTZANG ZHING PHAN SEMS CHE BAS 'GANGS CHE BA ZHIG YIN, KHONG GSHEGS PA'I TSE YANG 'BRUm NAD SHIN TU LCI BAS DGE 'DUN MANG PO THUGS SEMS MAN LA DU MI GNAS BZHIN DU GRONG, GRONG MA THAG SKU PUR RUL 'GRO BA ZHIG YOD RUNG, KHONG LA 'BRUM PA BYUNG NAS NA BZA' GZHAN THAMS CAD BZHAG STE CHOS GOS GCIG PU GSOL, ZHABS SKYIL KRUNG DANG PHYAG MNYAM GZHAG MDZAD, LUS DRANG POR BSRANGS BZHIN DU GRONG PAS THAMS CAD NGO MTSAR BA'I TSAD DU BYED PA BYUNG, NGA YANG SPRANG PO'I PHRU GU LTA BUR SONG GSHIS ZAS GOS GANG GI THAD NAS KYANG CHA TSANG BA MED RUNG, LTO MA LTOGS TZAM DANG, RGYAB MA GRANG TZAM KHONG GI THUGS RJES GNANG @34A *, ,BA YIN, RGYU MTSAN DE'I PHYIR DA LTA YANG KHONG GI BKA' DRIN MA BRJED PA BYED KYIN YOD, CES PHEBS, TSOGS PA'I NYIN DGUR MNYAM GYI BTZUN CHUNG KHYI SHIG PE ZHES PA ZHIG DANG GRAL MTSES BYUNG BAR DRI RMED MDZAD PAS, BTZUN PA BYAS NAS LO GCIG LHAG TZAM 'GRO TSUL DANG 'DON CHOS LE TSAN DRUG BDUN ZIN TSUL BYUNG BAR 'DI'I RJES 'PHRAL DU ZIN PA BYED DGONGS NAS, DGE RGAN LA SKU YON MED STABS KHYIM MTSES PA DBU MDZAD SHES RAB ZHU BA 'GANGS SHIN TU CHE BA ZHIG YOD PAR 'DON CHOS JI 'DRA ZIN NA LEGS TSUL SOGS BKA' 'DRI MDZAD NAS ZIN PAS DE'I RJES ZLA BA GCIG NAS ZIN, DE SKABS DGON PA'I GLING STOD DU GZUGS MED PA'I RDO RDEG MKHAN NYIN MTSAN CI RIGS SU BYUNG BAR, TSOGS SPYI NAS LO CHEN RIN PO CHER BRTAG ZHU MDZAD PAR DOL RGYAL GYI GNOD PA YIN PAS TSOGS 'DON DU DGA' LDAN LHA BRGYA MA BTZUGS NA LEGS TSUL PHEBS PAR BRTEN, DBU MDZAD SHES RAB LEGS NAS DGA' LDAN LHA BRGYA MA'I DPE SHOG GCIG MA MKHAS GRUB NGAG DBANG RDO RJE'I PHYAG BRIS YIN PA ZHIG GNANG NAS KHYOD RANG GIS YI GE SHES PAS THUS SHIG GSUNG BA BZHIN @34B DE 'PHRAL PHYAG BRIS MDZAD PAS SHU GRUB PA DANG THUGS BLOR 'DZIN GRUB PA BYUNG, SNGAR DBU PHUD 'BUL SA'I SLOB DPON DE LA RTOGS PA'I YON TAN JI YOD NI CHA MA 'TSAL MOD, LUNG GI YON TAN LA MKHYEN PA RGYAS PO MED CING, MKHAS GRUB CHEN PO NGAG DBANG RDO RJE DE NYID LUNG DANG RTOGS PA'I YON TAN GYI MDZOD LTA BU YIN KYANG, RJE MI LAS, ZOG PO RIN CHEN GSER BAS DRIN, ,CHOS PA LAM KHA'I RDO BZHIN SKYUR, ,ZHES GSUNGS PA LTAR, 'DRE MTHONG MTHONG DANG, MNGON SHES SHOD SHOD MA MDZAD PAR, SANGS RGYAS KYIS MI CHOS BLA MA'I RDZUN SMRA MI RUNG BAR GSUNGS PA'I BCAS PA DAM DU BSRUNGS PA'I NYES PA DANG SNYIGS MA'I RANG RTAGS DGAG TU MED PAR BRTEN, SKABS DER BOD 'BROG GNYIS KAR SNYAN GRAGS DANG 'PHRIN LAS SLOB DPON NYID CHE MOD, 'ON KYANG RJE 'DI NYID SKU'I NA TSOD PHRA RUNG RNAM PAR DPYOD PA'I LANG TSO MCHOG TU DAR BAS BLANG DOR GYI GNAS LA 'KHRUL PA 'BYUNG MI SRID PA DANG, KHYAD PAR SNGON NAS LAS KYI 'BREL PA YOD MED STABS SLOB DPON DER THUGS DAD TSE BA MA BYUNG ZHING, MKHAS GRUB CHEN PO NYID KYI PHYAG BRIS NGO MA MJAL BA TZAM GYIS THUGS DANG 'KHRUNGS TE SKU GAM DU BCAR CHOG PA'I SNYAN ZHU @35A *, ,DBU MDZAD SHES RAB NYID BRGYUD NAS MDZAD PAR, SANG NYIN SHOG GSUNG GI 'DUG PAS 'GRO KHAR NGA'I GAM DU SHOG GSUNG PA BZHIN, TSA RTING MA GROL 'PHRAL DBU MDZAD NYID KYI SKU GAM DU PHEBS PAS THOG MA'I CHOS 'BREL DGA' LDAN LHA BRGYA MA'I LJAGS LUNG ZHUS NA LEGS TSUL GYI BKA' SLOB DANG BCAS PHYAG RTEN DU GSOL JA JA 'PHING CHUNG DU GANG DANG, DAR BRGYAD CHUNG KHA GSAR ZHIG GNANG BA BSNAMS TE GZIM PHUG TU PHEBS, MKHAS GRUB CHEN PO NYID DANG SKU TSE SNGA MA MANG PO NAS BLA SLOB KYI 'BREL BA YOD PA'I RANG RTAGS LTA PHUR, ZHAL MJAL BA TZAM GYIS SNANG BA THAMS CAD BUN LONG DU 'GRO BA'I THUGS DANG 'KHRUNGS TE SPYAN CHAB LHUG PAR SHOR, MKHAS GRUB NYID NAS KYANG SKYES BU KHYAD PAR CAN YIN PAR DGONGS NAS KLOG YIG SOGS LA BKA' 'DRI ZHIB TU PHEBS PAR LAN DRANG POR PHUL BAS, DE 'DRA GZHAN DANG MI 'DRA BA RED, DE YANG 'DON CHOS 'DZIN SKYONG SOGS GANG CIR HUR THAG BYED DGOS, RES 'GA' NGA'I GAM DU YONG 'DOD NA DE BZHIN BYAS THUS ZHES SOGS 'PHRAL PHUGS SU DGE BA'I BKA' SLOB SNYING PO CAN MANG PO MDZAD CING, @35B DGA' LDAN LHA BRGYA MA'I LJAGS LUNG GI CHOS 'BREL YANG STZAL, 'DI NAS BZUNG ZHING MA GSHEGS KYI BAR RJES SU BZUNGS TE SPYAN GYI 'BRAS BU BZHIN DU SKYONG BAR MDZAD CING, RJE 'DI NYID NAS KYANG NGA CHOS TSUL TSUL YONG BA 'DI BLA MA RIN PO CHE KHONG GI BKA' DRIN YIN, 'BROG PA'I SLONG PHRUG THAM THOM DU YONG PA ZHIG DE 'DRA'I BLA MA DANG MA BSGRIGS LHUN GRUB TU MJAL BA NI NGO MTSAR DANG NGO MTSAR MI 'DRA BA RED AANG , ZHES GSUNGS SHING YONGS SU 'DZIN PA THAMS CAD KYI NANG NAS CHES MCHOG TU 'DZIN PAR MDZAD, SNGAR NAS GOMS PA'I DBANG GIS SNGA JA TSA RTING MA DANG ,DGONG JA DANG RTING GI TSOGS SENG PHRAN BUR YANGS STENG DU PHYAG MDZUB KYIS PHYAG BRIS MDZAD PAS, KHYIM MTSES DGE SLONG ZHIG LA MTHONG SMON PA ZHIG GI BU YIG PHRUG TU 'DUG PAR, KHO RE LTOS SHIG ,'BROG PHRUG BTZUN PA BYAS 'PHRAL MA GIS YI GE 'DI 'DRA SHES PA RED, KHYOD YI GE BSLABS NAS LO DE TZAM SONG RUNG MDOG SKYA 'DI RED CES 'BAR BA'ANG BYUNG, DE NAS LO DE KHA'I SA GA ZLA BA'I YAR NGO'I GRAL TSES BCO LNGA'I PHYI DRO'I DUS KYI TSE, MKHAS BTZUN BZANG GSUM GYI YON TAN RIN PO CHE DU MAS THUGS KYI BANG MDZOD BYUR BUR GTAMS @36A *, ,SHING, BRTAN MKHAS KYI YON TAN ZUNG DANG LDAN PA'I GNAS BRTAN 'DUL BA 'DZIN PA CHEN PO, YUL GTZANG STOD KYI 'PHAGS PA NYE BAR 'KHOR, MKHAS GRUB DAM PA NGAG DBANG RDO RJE DPAL BZANG PO'I ZHAL SNGA NAS LAS MKHAN PO, CHOS KYI RJE DBU MDZAD NGAG DBANG SBYIN PAS LAS KYI SLOB DPON, 'DUL BA 'DZIN PA 'CHAMS DPON YE SHES CHOS RGYAL GYIS GRIB TSOD PA, YONGS KYI DGE BA'I BSHES GNYEN DBU MDZAD YE SHES SHES RAB LA SOGS PA DGE 'DUN LNGA TSOGS KYI DBUS SU BSTAN PA'I RTZA BA SO SO THAR PA'I DGE BSNYEN GYI SDOM PA DANG, BAR MA RAB BYUNG GI TSUL KHRIMS SNGON DU 'GRO BAS TSIGS SNGA MA DGE TSUL GYI SDOM PA RNAM PAR DAG PA BZHES TE, MTSAN DBANG PHYUG CHOS BZANG DU BSGYUR BAR MDZAD, DE LTAR SDOM PA THOB NAS KYANG GZHAN GYI GA-YAM LA RGYUG DANG KHAS LEN PA LA DPA' BA TZAM MA YIN PAR, 'DI LTAR RGYAL BA'I BSTAN PA RIN PO CHE'I SGOR ZHUGS PA RNAMS KYIS GANG LAS SU BYA BA'I RIM PA NI, KHAS BLANGS PA'I BSLAB KHRIMS RNAM PAR DAG PA'I SGO NAS MTHUN MONG DANG MTHUN MONG MA YIN PA'I RIG PA'I GNAS MTHA' DAG PAR THOS PA RGYA CHEN PO BYED PA DANG, GANG THOS PA'I DON LA YANG DAG PAR BSAM PA DANG, RTZE GCIG TU SGOm @36B PA GSUM GYI SGO NAS RJE RGYAL BA GNYIS PA'I MDO SNGAGS KYI BSTAN PA DRI MA MED PA LAS BGO SKAL MA PHAM PAR LEN PA'O DGONGS NAS, DGE TSUL GYI GNAM RTZE LDANG MA SOGS LA ZHIB TU GZIGS SHING, 'CHAMS DPON YE SHES CHOS RGYAL SOGS LA DRI BA MDZAD NAS DON KHONGS SU CHUD PAR MDZAD DE, DGE TSUL RNAMS KYIS BSLAB PAR BYA BA'I GNAS BLANG 'DAS SO DRUG GIS MTSON RTZA BA, YAN LAG ,PHYOGS MTHUN GYIS BSDUS PA'I BSRUNG BYA RNAMS PHYAG LEN LA 'DEBS PAR MDZAD, GZHAN YANG 'DON CHOS 'DZIN SKYOR GYI RIM PA LA YANG THUGS BRTZON CHE BAR MDZAD CING, DE YANG THUGS BLOR 'DZIN GRUB PA TZAM LA CHOG SHES MA MDZAD PAR DE DAG GI TSIG DON DANG, YID LA BYA BA'I TSUL RNAMS LA YANG BRTAGS SHING DRI RMED MDZAD NAS KHONGS SU CHUD PAR MDZAD DE, BKA' LAS, DE 'DRA'I YA MTSAN ZHIG 'DUG PA, GRVA SA'I DGE BSHES SNGAGS GRVAR PHEBS NAS YUN RING SONG BA BZHAD PA DKA' CHEN 'BUM CHUNG ZHU BA ZHIG YOD PA DANG 'JIGS BYED BDAG BSKYED KYI SKOR LA GSUNG GROS BYUNG BAR, YUM GYI MNGAL NANG DU RTEN BRTEN PA'I DKYIL 'KHOR BSKYED TSUL DANG, DE NAS MNGAL 'BYIN BYED TSUL ZHUS PAS, PHA PHA DE 'DRA'I YA MTSAN, @37A *, ,DE 'DRA YIN PA DA LTA'I BAR MA SHES GSUNGS, NGAS NI DE TSO BTZUN CHUNG GI SKABS BDAG BSKYED 'DZIN PA'I TSE NA SHES BYUNG, ZHES PHEBS, DE NAS DBYAR GNAS MA TSUGS GONG ZLA PHYED SKOR ZHIG YUM GYI BZHED PA LTAR RANG GZHIS SU PHEBS, DE'I TSE YANG SNYOM LAS DANG BAG MED PA'I SPYOD PA'I DBANG DU MA BTANG BAR SNGA DGONG 'DZIN SKYONG DANG, NYIN GYI CHAR CHOS MDO MANG ZHIG YOD PA SGRA DAG CING TSIG GSAL BAR BKLAGS PAS NYIN DRUG LA GRUB PA BYUNG, YUM YANG SHIN TU MNYES NAS NGA'I BU 'DI SHES RAB DANG SNYING RUS GANG LA BRTAGS RUNG 'DI 'DRA ZHIG YONG DU RES PA YANG YIN TE BYUNG YANG BYUNG, BTZUN CHUNG BYAS MA THAG DGE 'DUN BGRES PO RNAMS DANG KHYAD MED PAR MDO MANG POD CHEN PO 'DI TZAM KLOG NUS PA ZHES GSUNGS, DE NAS DBYAR GNAS TSUGS KHAR DGON PAR PHEBS, SNGAR MDO MANG GSUNG SGROGS MDZAD SKABS SNGAGS KYI KLOG TSUL LA THUGS BLO KHENGS PA MA BYUNG BAR BRTEN, 'CHAMS DPON YE SHES CHOS RGYAL NAS MKHAS GRUB NGAG DBANG RDO RJES MDZAD PA'I SNGAGS KLOG GI 'KHRID BAS NA, DE'I TSE TSIG DON CHE PHRA 'CHAMS DPON NYID LAS KYANG LHAG PA @37B MKHYEN MOD, 'ON KYANG KHENGS PA'I DRI MA RGYANG DU BSRINGS TE DE TZAM MA MKHYEN PA'I TSUL MDZAD PAS, 'CHAMS DPON NYID NAS MKHAS GRUB CHEN POR BTZUN CHUNG CHOS BZANG 'DI PA GZHAN SNGON SBYANGS KYI SKYES BU HA LAS PA LTA BU YIN 'DUG KYANG, BDAG NAS SNGAGS KLOG 'KHRID PA YIN PAS DE HA CANG BYUNG MA SONG ZHES ZHUS, DE'I PHYI LO RJE RANG NYID KYI DPE CHA'I SLOB DPON DBU MDZAD SHES RAB LAGS KYI DGONGS BZHED LTAR SNGAGS KLOG GI 'KHRID PHUL BAR, KHONG PA RANG BZHIN BZANG ZHING TSUL KHRIMS GTZANG BA, 'DON CHOS THANG ZHING CHOS LA DON GNYER TSE BA SOGS YOD KYANG MKHYEN RAB CHEN PO MED PAS SNGAGS KLOG GI DON THUGS BLOR NGES DKA' ZHING, GAL TE NGES KYANG RANG STOBS KYIS DPER BRJOD 'GONG MI MKHYEN PAR BRTEN, RJE NYID LA DE 'DRA ZHIG RTZOM DGOS TSUL ZHUS DON LTAR, MKHAS GRUB CHEN POS MDZAD PA'I SNGAGS KLOG GI 'GREL PA DPER BRJOD DANG BCAS PA TSIG DON PHUN SUM TSOGS PA SHOG GRANGS DGU TZAM YOD PA ZHIG BKA' RTZOM GNANG NAS PHUL, DBU MDZAD NYID KYIS MKHAS GRUB CHEN POR NOR 'KHRUL YOD MED GZIGS RTOG PHUL BAR, LEGS PAR GZIGS MTHAR PHYAG THUGS KAR THAL MO SBYAR NAS, PHA PHA, @38A *, ,RJE BTZUN 'JAM PA'I DBYANGS DNGOS SU PHEBS PA LTA BU'I SKYES BU KHYAD PAR CAN 'DI 'DRA YONG BA SKYABS SU MCHI, DGE SLONG CHOS RGYAL KHO CI ZER, BTZUN CHUNG CHOS BZANG SNGAGS KLOG YAG PO BYUNG MA SONG ZER, RTZOM DU BCUG NA KHO RANG GIS KYANG 'DI 'DRA SHES DKA' BA YIN, ZHES GSUNGS, DE YANG RJE NYID KYI BKA' LAS, NGA BTZUN PA BYAS PA'I PHYI LO SNGAGS KLOG GI 'GREL PA 'DI BRTZAMS PA BLA MA RIN PO CHES GZIGS NAS SKU GAM DU 'BOD MI GNANG BYUNG, PHYIN PAS KHYOD KYIS BRTZAMS PA'I SNGAGS KLOG GI 'GREL PA 'DIS BCAD 'PHRAL LUGS TSIG DON 'GREL LUGS, DPER BRJOD 'GOD TSUL SOGS THAMS CAD YAG PO BYUNG 'DUG ,'ON KYANG 'DIR SNYING MA NON 'DUG GO GSUNGS NAS, SA BCAD NOR BA ZHIG MIG STON MDZAD NAS SNA MDZUB CIG GNANG BYUNG, DE NAS RANG NANG DU SLEBS NAS BSAM BLO LA, NGA 'BROG PA'I SLONG PHRUG ZAS GOS GANG GI THAD NAS KYANG NYAM SHIN TU THAG PA, GNON MKHAN GYI GONG PA DANG, 'DEGS MKHAN GYI CHA GA CI YANG MED PA 'DI 'DRA YIN RUNG, BLA MA RIN PO CHE KHONG GI THUGS RJES MA BOR BAR PHA MAS BYED PA LTAR GYI BKA' SLOB DE LTAR GNANG, KHONG GI BKA' DRIN @38B LA KHYER THABS MED SNYAM DU DAD GUS JE CHER SONG NAS MCHI MA MANG PO SHOR BA BYUNG, BLA MA RIN PO CHE DE NYID RGYUN DU YANG DRAG ZHAN SU THAD LA NGO SRUNG GTAN NAS MI MDZAD PAR CHOS DANG MI MTHUN PA SOGS BYUNG NA DE 'PHRAL BKA' BKYON GNANG BA ZHIG YONG, 'ON KYANG RANG NGOS NAS YON TAN DU RE BA TI LA CHA TZAM MED RUNG GZHAN LAS DGYES TSUL CHE BA MDZAD, RI KHROD DU SLEBS NAS DGE SLONG SHES RAB ZHU BA ZHIG DANG MNYAM POR SKU GAM DU BCAR NAS YOD SKABS, GZIM SGO NAS RTOGS LDAN ZHIG GIS SKYE BA KUN TU MA'I BSNGO BA 'DAR PHAD DE BA ZHIG BRGYABS BYUNG BAR DGE SLONG KHONG BZHAD SHOR, DE'I RKYEN GYIS NGA YANG GAD MO 'TSOR CHED PAR, PHYAG THAL MO SBYAR NAS NGA NI BSNGO BA ZHIG LA SKYE BA KUN TU MA 'DI 'DRA LAS TSIG DON 'GANGS CHE BA MA MTHONG, DGE SLONG CHOS BZANG LONGS LA GSOL ZHIB GANG DRAG PHUL CIG GSUNGS, NGAS KYANG GSOL ZHIB PHUL NAS SKU GAM DU SLEBS 'PHRAL, SDUG GE DGE SLONG CHOS BZANG KHYOD KYIS NI MED NA MA GTOGS MA BYIN PA'I DOGS MI 'DUG ,DGE SLONG SHES RAB SGO RTZAM YAG PO STER GYI YOD DAM, 'BYOR PA LA DPAGS NAS MCHOD SBYIN GANG YONG YONG BYED DGOS, DE LTAR MA BYAS PAR SDIG SDUG @39A *, ,GTAM NGAN GANG LA YANG MA 'DZEMS PAR SDUG ZOG MANG PO ZHIG BSAGS, DE RNAMS MCHOD SBYIN GANG DU YANG GTONG MA NUS PA'I MU NAS SHI, SDIG SDUG TZO RANG GIS KHUR, NOR RNAMS MIS DGOS NAS SDUG SHI DMYAL 'GYEL LA SONG BA ZER MKHAN DE YONG, ZHES BKA' BKYON PA'I TSUL MDZAD, NGA YANG LO SUM CU MA ZIN TZAM GYI TSE SKU GAM DU BCAR BA'I SKABS SHIG ,DGE SLONG CHOS BZANG KHYOD LUS DANG ZAB KYI DKYIL DU KHA MAR KHUS BKANGS TE SHI BA DANG, 'BAN DUG GI KHROD DU RLUNG LA SHOR NAS SHI BA GNYIS GANG 'DAM, DA NI PHYI MA 'DAM PA YIN GSUNG PAR, GZHAN MA CHOS DANG MI MTHUN PA'I GNOD 'GYOD MED RUNG, DE SKABS BZHAD SDE PA ZHABS DRUNG BAG THUG LAGS NAS DGYES TSUL CHE BAR BRTEN, MTHONG GZHIS SOGS SU YANG YANG 'GRO DGOS BYUNG BAS, DA CHA MI CHEN DANG 'GROGS 'DRIS CHES BA LA MA DGYES PAR 'DUG BSAM NAS, LAGS LAGS TZAM LAS ZHU MA SPOBS, 'ON KYANG DE DAG LA MA DAD PA MA SKYES PAR MA ZAD, ZHAL TA DE LTAR GNANG NAS NGA'I BLA MA'I BKA' DRIN LA 'KHOR THABS MED SNYAM PA DA LTA'I BAR DU YANG SNYING THAG PA NAS YOD, GZHAN @39B MA YONGS 'DZIN PAndI TA CHEN PO JI LTAR GSUNG PA LTAR, BLA MAS SLOB MA'I NGO 'DZIN DGOS PA'I DUS NGAN DU SONG GSHIS, KHO RANG TSO'I BLO DANG MTHUN PA'I GSUNG 'DRA GNANG, KHA 'JO NGO 'JO 'DRA MDZAD NA SANGS RGYAS DNGOS SU MTHONG BA LTA BU'I DAD GUS CHE MDOG BYED, SHA TSA'I KHA LA GTAM SNYAN MED PA'I DPE LTAR KHO RANG TSO THUGS BLOS MA THONGS PAR ZHAL TA MDZAD NA, TSIG PA ZHE THAG PA NAS BZOS TE MIG GI SNGON LA LTAG PA'I ZUR YANG MI STON PA 'GA' ZHIG BYUNG SONG, DE DAG LA BSAM NA NGA RANG GI BSAM BLO'I GTONG PHYOGS MA PHYUGS PA YIN 'DUG ,CES GSUNGS, DE NAS DGUNG GRANGS BCU DRUG TU PHEBS PA SPRE'U ZHES PA ME LUG LO'I STON DUS DGE RGAN NYID NAS JA NYAG PHYED, MAR NYAG DO, RTZAM PA BRE BCO LNGA TZAM, TSVA BUL PHRAN BU, RDZA CHAS SNE GA GSUM, GDAN CHUNG GCIG BCAS GNANG STE SGER DU 'BOGS PAR MDZAD, DE'I TSE SKU CHAS SHIN TU NGAN RUNG 'DON CHOS 'DZIN SKYOR DANG, DE'I ZHAR BYUNG DU GRVA RKYANG GI DPE KHROD DANG TSA KHANG SOGS NA YOD PA'I DPE 'THOR TSUN CHAD THUGS TSAGS KYIS GZIGS RTOG MDZAD PAS, MNGON BRJOD DANG DAG BYED SOGS MANG PO ZHIG RANG @40A *, ,STOBS KHO NAS MKHYEN KYANG, RNAM DBYE GSUM PA DANG DRUG PA'I SKOR LA YUL SKAD KYI DBANG GIS THUGS DOGS MA CHOD PAR BRTEN, MKHAS GRUB CHEN POR BKA' 'DRI ZHUS PAS KYANG, NGAS YI GE 'DRI BA'I TSE MA 'KHRUL BAR 'DRI SHES RUNG SUM RTAGS LA SBYONG MA MYONG BA'I BABS KYIS RGYU MTSAN 'DI DANG 'DI ZHES SLOB SHES PA ZHIG MI 'DUG , KHYOD RANG NAS BSAM BLO BTANG NA RIM GYIS SHES YONG ZHES PHEBS DON BZHIN, MTHONG GZHIS NAS MANG JA BYUNG NA GRVA SHAR RE TSVA GZIGS 'BUL BAR 'BYON DGOS KYI SKOR RES RJE 'DIR BABS TE PHEBS MUR YANG RNAM DBYE'I THUGS BSAM GTONG BZHIN DU BYON PAR, DE SKABS SER SKYA TSANG MA BAL PO DANG BOD PA'I DMAG GTAM GYIS DUS 'DA' BA'I SKABS YIN STABS DE SKOR LAS 'PHROS TE, BAL POS DMAG BSAD NA SU BSAD, BAL PO'I DMAG BSAD NA SU BSAD DGONGS NAS LEGS PAR DPYAD PAS, BAL POS DMAG BSAD ZER NA BOD PA BSAD PA DANG, BAL PO'I DMAG BSAD ZER NA BAL PO BSAD PAR GO DGOS RGYU YIN 'DUG DGONGS PA MAR LAM SDE NAS KYI THAD TZAM DU PHEBS SKABS 'KHRUNGS, DA DUNG BDE BA CAN MA SOGS @40B CHOS SPYOD 'GA' ZHIG LJAGS SKYOR MDZAD NAS 'DI LA 'DI DANG 'DI YONG RGYU YIN 'DUG DGONGS NAS GZIM SHAG TU MGYOGS PAR PHEBS TE PHYAG DPER GZIGS PAS THAMS CAD 'PHYUG MED DU 'GRIG ,DE 'PHRAL MKHAS GRUB CHEN PO'I SKU GAM DU BCAR NAS ZHUS PAS, 'O NGAS KA BSAM BLO BTANG NA SHES YONG BYAS PA ZHES MNYES MNYES DANG, RGYUN DU YANG PHYAG DPE GANG RNYED GZIGS 'BEB MDZAD PAR, NGAS 'BAD RTZOL GYIS YUN RING PO'I BAR BTZAL KYANG MA RNYED PA RNAMS KHYOD LA 'BAD MED DU RNYED PA 'DI GANG GI MTHU YIN ZHES DGYES TSUL CHE BAR MDZAD, GZHAN YANG CHOS KYI TSIG DON DANG DMIGS RNAM YID LA BYED TSUL, SANGS RGYAS BYANG SEMS DANG BLA MA GONG MA'I NGO MTSAR BA'I MDZAD PA RNAM THAR SOGS SNYAN ZHING 'JEBS PA'I GSUNG GIS GANG ZAG GZHAN LA BSHAD PA NA, BLA MA BZANG POS CHOS BSHAD PA LTAR MI MANG POS GUS PAS NYAN CING RANG BZHIN GYIS BLO SNA 'GYUR THUB PA'ANG BYUNG, DE DAG GI DON GANG RTOGS PA RNAMS KHA PHYIR BLTAR MA SONG BAR THUGS RGYUD LA PHAN PA'I THABS KHO NAR BSGYUR BAS LUNG RTOGS KYI YON TAN THAMS CAD DKAR PHYOGS KYI ZLA BA LTAR NYI MA RE RE BZHIN GONG 'PHEL DU 'GYUR MOD KYANG, GZHAN DAG NAS NYAM THAG CING 'KHOS KA NGAN @41A *, ,PA'I TSAD DU BYED PA ZHIG YOD DE, RJE NYID KYI BKA' LAS, NGA DGE RGAN GYIS SGER DU BZHAG SKABS DPE CHA KHO NA LA MGO 'KHOR NAS MI GA-YOG BYED PA DANG, GOS LA LHAN PA 'DEBS PA SOGS CI YANG MA BYUNG BAR BRTEN KHA LA 'DZUD RGYU LCE LAS MED CING, NANG ZAS NGAN PAS KHA MDOG SKYA LA, PHYI GOS NGAN PAS 'BAN DUG NYIL BA, RANG LA CUNG ZAD THUGS HE BA RNAMS YANG ZHING SNYING RJE BA'I GNAS SU GYUR PA ZHIG YOD CING, NGA RANG GI THOG MNYAM DANG YUL MI YIN PA AOG PO DANG GRO LHUG PA ZER BA SOGS RTAG PAR MI GA-YOG KHO NA BYAS TE ZAS NOR GONG 'PHEL DU 'GRO BA KHA SHAS YOD PAR BRTEN, PHA MES KYI DKAR MI DGE SLONG PHUN TSOGS LAGS NAS, KHO RE DBANG PHYUG CHOS BZANG AOG PO DANG GRO LHUG PA ZER BA 'DI TSO LA LTOS DANG, LTO GOS GNYIS KA SNUM TOG GE BA MI 'DUG GAM, DPE CHA YANG YAG PO YIN 'GRO STE, DE GCIG PUS MI TSE CI LA 'GRO, LAS TSAN GYI DKA' LAS DANG PHA MA'I MDOG SKYA NI 'DI RED, DE BAS ZHABS PHYI 'DRA YANG ZHUS, GOS DE TSO LA LHAN PA 'DRA YANG RGYOBS, ZHES BKA' BKYON MDZAD, GZHAN YANG KHYOD KYI MI TSE JI 'DRA BYAS NAS SONG 'GRO GSUNG MKHAN MANG @41B PO BYUNG STE, SKABS DER YANG SKYID PA'I SNANG BA LAS MA BYUNG ZHING RJES SU YANG STON PA THUGS RJE CAN GYI THUGS RJES, SNYING THAG PA NAS CHOS BSHA' MA RANG MA BYUNG RUNG, GZHON SO DKAR NAS RGAN SKRA DKAR LA THUG GI BAR DU CHOS KHO NA LA BLO GTAD NAS BSDAD PAS 'JIG RTEN PHYOGS NAS KYANG KHONG PA LAS LHAG TZAM GYI MI TSE SONG, CHOS TSUL TSUL TZAM BYAS PA LA NUS PA 'DI 'DRA NA SNYING THAG PA NAS CHOS BYUNG NA JI 'DRA YOD DAM SNYAM NAS DAM PA'I CHOS KYI PHAN YON LA SNYING THAG PA NAS NGES SHES SKYE BAR 'DUG ,CES GSUNGS, DE DAG NI RJES PAn GYIS, BLO LDAN TSE 'DI SGRUB NA YANG, ,CHOS KYIS BSGRUB NA BDE BAR 'GRUB, ,DAM PA RNAMS DANG CHOM RKUN GYI, ,PHUN SUM TSOGS PA'I KHYAD PAR LTOS, ,ZHES GSUNGS PA'I SGRUB BYED DU MNGON, DE NAS MI RING BAR DGE SLONG ZHIG GRONG BA'I DNGOS PO BTZONG THOG NAS DGE 'DUN RER PHYAG 'GYED DNGUL ZHO RE PHUL ZHING, DNGOS PO MA ZIN PA RNAMS RDO GCAL DU BTON PA'I KHROD NA DPE KA LI DPE CHA DANG BCAS PA ZHIG 'DUG PAR DNGUL ZHO GANG PO PHUL NAS BLU BAR MDZAD PAS, DE'I NANG DU GSANG 'DUS KYI BSKYED RIM DANG KA R'I KA LNGA BCU PA SOGS LE TSAN BDUN BRGYAD TZAM BYUNG @42A *, ,DE LTAR THOG MA KHO NAR TSAM TSOM DU BLU BAR MDZAD PA'I DPE KHROD NA GSANG 'DUS BSKYED RIM DANG 'DUL BA KA R'I KE YOD PA NI, 'DUL BA NAS BZUNG DPAL LDAN 'DUS PA'I BAR, ZHES 'BYUNG BA LTAR, RJE 'DI NYID MDO RGYUD THAMS CAD KYI BSTAN PA'I BDAG PO 'GRAN ZLA MED PAR 'GYUR BA'I RTEN 'BREL DU MNGON ZHING, RANG NYID KYI PHYAG NA 'TSAL BA'I DNGOS PO RNAMS KYI MCHOG DANG SNYING POR GYUR PA, ZAS GOS GANG LA PHAN PA MDZAD RUNG DNGUL ZHO GANG BA ZHIG YOD PA YANG 'JUNGS PA MED PAR CHOS KYI BLU YON DU 'BUL BAR MDZAD PA NI RGYAL SRAS BDAG NYID CHEN PO KHO NA'I RNAM THAR BDAG CAG RNAMS KYIS RJE SU YI RANG BA TZAM YANG BYA DKA' BA ZHIG STE, GZHAN DU NA GSER DNGUL GYI MDZOD CHEN PO DANG LDAN PA RNAMS KYANG DNGOS PO'I CHA SHAS RE TZAM MCHOD SBYIN DU BYED PA LA YANG RANG GI SHA NAS BCAD PA LTA BU'I PHANGS SEMS BYED PAS SO, ,DE NAS SKABS SHIG MKHRIS PA PHO LHUNGS KYIS SKU KHAMS YUN RING NYOG PAR, BLA MA SKU SKYE LAGS ZHU BA SMAN DPYAD LA MKHAS SHING ZHI DUL CHE BA, PHYIS RJE 'DI'I ZHABS DRUNG NAS DGU MTHA'I RI MO SOGS BSAN PA ZHIG YOD PA LA GZIGS 'BAB MDZAD, KHONG GIS KYANG RJE 'DI NYID KYI MKHYEN @42B RAB DANG MDZAD SPYOD LA YI RANG ZHING 'PHRAL GYI SKU CHAS NGAN PA LA YANG STE SMAN DPYAD SPYI DANG KHYAD PAR KO tA'I TSIG ? BSHAL GYI SGO NAS SNYUN GZHI THAMS CAD LHAG MED DU DAG PAR MDZAD, RJE NYID NAS KYANG SMAN PA'I BKA' DRIN RJES SU DRAN TE NOR GYI SNYING PO LTA BUR YAB GZHIS NAS BYUNG BA'I LCUG 'GAG CIG YOD PA PHUL BAS, NGA LA 'DI MI DGOS DE BAS KHYOD RANG DA LTA'I MU BZHIN DPE CHA REM LA GYIS ZHES GSUNGS NAS MA BZHES, DE SKABS RGYUN DU GSOL ZAS NGAN KHAR SBYONG 'BEB MDZAD PAR BRTEN, SKU GSANG LA PHEBS PA'I LAM BAR DU YUG CIG SKU RLUNG GIS DRAN MED DU GYUR LA'ANG BYUNG, DE SNGA 'DON CHOS BYINGS LJAGS 'DZIN GRUB KYANG TSE CHOG MA GRUB PAR BRTEN, SANG NYIN TSE CHOG SGRUB MCHOD TSUGS RGYU'I SNGA DRO ZHIG DBU MDZAD SHES RAB LAGS NAS PHYAG DPE GA-YAR TE LJAGS 'DZIN MDZAD PAS, MKHYEN RAB CHE BA DANG SNYUN GZHI SING DVANGS KYI MJUG GI THUGS RIG DVANG BZUNG 'BREL LA BRTEN JA SUN GCIG LA 'DZIN GRUB STE, DBU MDZAD SHES RAB LAGS SU SANG NYIN TSOGS LA PHEBS RGYU YIN TSUL ZHUS PAS, KHYOD CI ZER, TSE CHOG SKYOR RGYU NI MED, NAD MJUG MA PHAN PAR TSOGS LA SONG NAS CI BYED GSUNG PAR, 'DZIN GRUB TSUL ZHUS PAS, DE 'DRA SRID DOGS MED 'O NA SKYOR DANG GSUNG @43A *, ,PAR, DAL BREL GYI CHA GNYIS SU MA LHUNG BAR, DPER NA, 'BAB CHU'I RGYUN LHUNG LHUNG DU 'BAB PA LTAR THOG MTHA' BAR GSUM THAMS CAD GTZANG SING BA ZHIG RGYUGS 'BUL MDZAD PAS, DBU MDZAD NYID HA LAS TE, PHA PHA, DE 'DRA'I DVA 'U'I SHES RAB, DA KHYOD RANG SANG NYIN TSOGS LA RGYUG RANG RGYUG CIG GSUNGS NAS GSOL ZHIB KHUG GANG PHUL, GZHAN YANG RAB TU BYUNG BA NAS BZUNG NYAMS DANG BRJOD DON PHUN SUM TSOGS PA'I GSUNG MGUR, BSLAB BYA, 'JIG RTEN DANG 'JIG RTEN LAS 'DAS PA'I LHA SRUNG GI GSANG GSOL SOGS MANG PO ZHIG BKA' RTZOM GNANG YOD 'DUG KYANG, DA LTA NI GONG 'KHOD SNGAGS KLOG GI 'GREL BA DANG DGUNG LO BCO BRGYAD PAR DGE TSUL YE SHES BRTZON 'GRUS KYIS ZHUS NGOR BKRAS DGE'I CHOS BDAG ZANGS PHUR BA'I GSANG MCHOD MDZAD PA ZHIG LAS SNGA RTZOM GYI ZIN BRIS MA RNYED DO, ,DE NAS DGUNG LO BCO BRGYAD PAR PHEBS PA'I SA GA ZLA BA'I TSES BCO LNGA'I NYIN MKHAS GRUB CHEN PO'I ZHABS DRUNG NAS 'OD DPAG MED KYI 'PHO BA BKA' RGYA MA BSAN TE GNAD SMIN SBYONG BAR MDZAD PAS RTAGS CHEN PO THON, DE'I STON DUS RJE NYID KYI GCEN PO RTA MGRIN DBANG RGYAL ZHES PA DGUNG LO NYI @043B SHU'I THOG PHEBS PA GSHEGS, DE'I GSHIN CHOG TU DBU MDZAD SHES RAB LAGS PHEBS PA'I ZHABS PHYIR RJE NYID KYANG PHEBS, DE SKABS RGYUN DU SKU MCHED THUGS BRTZE CHE GSHIS RJE NYID LA'ANG THUGS NGAL TSAD MED PA BYUNG ZHING, KHYAD PAR YAB YUM GNYIS NI GRONG PA KHYER 'KHOS NGAN KHAR MIG LA BLTA RGYU'I RDZI MA LTA BU'I SRAS KYI BGRES 'GO DE ME TOG LA DBYAR SKAM BYUNG BAS THUGS KYI NGAL BA TSANG LAS 'DAS PA GZUGS CAN BZHIN DU GYUR, 'ON KYANG DBU MDZAD NYID NAS SNGA DGONG SMAN BLA BLA MCHOD, SMON LAM YONGS RDZOGS SOGS CHOS SPYOD DANG, NYIN GYI CHAR KUN RIG RNAM PAR SNANG MDZAD KYI DKYIL 'KHOR SGRUB MCHOD DANG 'BREL BA'I LHO SGO'I CHO GA BCAS MDZAD PAR, RJE NYID NAS KYANG NGAG GSAL SNYAN GSUM GYI SGO NAS DBU MDZAD NYID NAS GANG MDZAD PA DE JI LTA BA BZHIN DU MDZAD PAS, YAB YUM GNYIS KA DANG KHYAD PAR YUM NYID, BU 'DI BTZUN CHUNG BYAS 'PHRAL LTA BU YIN RUNG BKRA SHIS DGE 'PHEL DGON CHEN 'DI LTA BU'I DBU MDZAD SKU YON CHE SHOS KYIS ZHAL 'DON GANG GNANG THAMS CAD MNYAM POR SKYOR NUS PA GZHAN DANG MI 'DRA BA YIN 'DUG KYANG, BDAG CAG RNAMS BSOD NAMS DMAN PAS 'DI LA YANG TSE THUNG ZHIG MI YONG @044A *, ,NGAM ZHES DGA' BA DANG SKYO BA ZUNG DU 'BREL TE SPYAN CHAB MANG DU BSIL, DE'I PHYI LO RJE NYID DGUNG GRANGS BCU DGUR PHEBS PA MTHUN MONG ZHES PA LCAGS KHYI ZLA BA DANG PO'I NANG, BDUN ZUR GYI SKU GEGS LTA BUR YAB GZHIS SU RGYUG ZER GYI RIMS NAD BYUNG STE, ZHAL RGYUN DU RMOL GSUNG BA LAS DON DU SRU MO YIN PA DANG YUM GNYIS KA GSHEGS TSUL DANG BCAS YAB PHEBS, DE'I TSE YAB SRAS GNYIS GCIG LA GCIG 'CHANG STE SPYAN CHAB DRAG TU BSIL, KHYAD PAR YUM SRAS PHAN TSUN THUGS BRTZE SHIN TU CHE GSHIS RJE 'DI THUGS NGAL TSAD MED PAS DRAN MED DU 'GRO TSAD PA'ANG BYUNG, DE NAS SPYAN CHAB BSIL BZHIN DU MKHAS GRUB CHEN PO'I SKU GAM DU BCAR TE BSNGO RTEN PHRAN BU YOD PA PHUL NAS SPYAN CHAB DRAG TU BSIL BZHIN DU PHYAG 'TSAL MDZAD DE, BDAG GI MA LO BZHI BCU ZHE GNYIS TZAM LAS MA LON PA DANG SRU MO GNYIS KA RGYU RIMS BYUNG NAS 'DAS, RANG GI BZA' BTUNG TZAM YANG MI NUS PA'I PHRU GU SRE LONG MANG POS BSKOR NAS PHA RGAD PO GCIG PUR LUS, 'GO NAD DU SONG BAS KHYIM MTSES DANG DKAR MI NYE RIGS NI GCIG KYANG 'KHOR MKHAN MED, RGYU MTSAN DE'I PHYIR BDAG CAG PHA BU LAS SDUG @044B PA DANG NYAM THAG PA NI CI LA YOD, NGES NA BLA MA RIN PO CHE KHYED KYI THUGS RJES DGONGS TE BDAG GI MA DANG SRU MO GNYIS NGAN SONG DU MI 'GRO BA ZHIG MKHYEN ZHES NGU NGAG GIS ZHUS PAS, MKHAS GRUB CHEN PO YANG YUG CIG SPYAN CE RE GZIGS NAS, SDUG GE KHYOD DA LAM BDEN RANG BDEN 'DUG ,DA YIN KYANG 'JIG RTEN MI NAG PA RNAMS KYI RJES SU 'BRANGS TE SEMS NGAL DANG MCHI MA GTONG BA SOGS BYAS KYANG SHI GSON THAMS CAD LA MA PHAN PAR MA ZAD CHOS SGRUB PA'I RANG GI LUS RTEN YANG CHUD ZOS SU 'GRO, LAR RANG CAG RNAMS GNAS PA'I 'KHOR BA 'DI'I SKYO TSUL DANG SNANG TSUL NI DE 'DRA ZHIG RED, NGA YANG 'KHOR BA'I SNANG TSUL SKYUG DRO PO 'DI MTHONG NAS PHO LO SUM CU TZAM NAS MI RGAN 'DI LA SONG SONG YA MGAL GYI 'OG TU MA MGAL BTZUD DE SGRUB PA KHO NA LA BSDAD PA YIN, DE KHYOD RANG YANG DE DAG LA BSAMS NAS 'KHOR BA 'DI LAS THAR BA'I CHOS GSHA' MA RANG ZHIG SNYING LA RUS PA BCUG NAS BYED DGOS, DE LTAR BYAS NA PHA MA LA YANG DE LAS PHAN THOGS CHE BA MED, KHYOD RANG YANG 'DI PHYI GNYIS KAR SKYID PO'I 'GO TSUGS PA YIN, NGAS KYANG DKON MCHOG THUGS RJE CAN GYI THUGS RJE DRAG TU BSKUL TE KHYOD RANG GI SEMS SNYING RJE PO 'DI MI NYAMS GONG 'PHEL DU 'GYUR BA ZHIG DANG, MA DANG SRU MO GNYIS NGAN SONG DU MI 'GRO BA ZHIG AE YONG LTA BA YIN, ZHES SOGS DON GYI SNYING PO CAN GYI BKA' SLOB @045A *, ,MNYAN PAR 'OS PA MANG PO GNANG, PHYIS KYANG CHOS MI NUS PAR SKYAG LANG DU 'GRO TSAD PA BYUNG NA DE SKABS KYI GSUNG DE LA SOGS PA BLA MA RIN PO CHE DE NYID KYI GSUNG GI CHA SHAS RE TZAM DRAN PAS KYANG CHOS LA BSKUL BA'I LCAG 'DEBS GZHAN DANG MI 'DRA BA YONG GIN 'DUG ,CES GSUNGS, GZHAN YANG DE SKABS MI LA YONG NA DUS KYI DPE LTAR MI ZAD NOR ZAD LTA BUR SONG NAS 'O BRGYAL DANG THUGS NGAL TSAD MANG PA BYUNG STE, RJE NYID KYI BKA' LAS, NGA LO BCO BRGYAD LON PA'I STON DUS PHRU GU SRE LONG GI KHROD NAS CUNG ZAD MIG RTZA 'THAS PA AA JO GCIG YOD PA 'DAS, DE'I LO DUS TZAM YANG MA SONG BAR RGYU RIMS BYUNG NAS MA DANG SRU MO GNYIS KA 'DAS, 'GO NAD DU SONG BAS 'KHOR MI NI GCIG KYANG MA BYUNG, RUS PA GNYIS KYANG SNA BA LA BKAL NAS PHA DE RANG GIS SKYEL DGOS PA BYUNG, RANG THAG CHOD PA'I DUD 'GRO MED RUNG DGA' LDAN BDE GLING PA'I GNYER PA YIN PAS DE'I DUD 'GRO BZHI BCU SKOR YOD PAR LHOG LING BYUNG STE PHAL CHER SMYO NAS RI KLUNG SNA TSOGS SU SHI BAS SHA KO TZAM YANG MA LON, DE'I GNAS TSUL DGA' LDAN BDE GLING PAS THOS TE GNYER LA TSA LEN BYAS NAS LHAG LUS KYI DUD 'GRO DANG NANG CHAS PHRAN @045B BU YOD PA RTZIS BLANGS, GUR TZOG RAL PO ZHIG GI NANG DU PHA RGAD PO DE PHRU GU SRE LONG GIS BSKOR NAS LUS, RANG LA DE DAG MGO 'DON PA'I STOBS DANG NUS PA NI MED, MA DANG SRU MO GNYIS CI 'DRA BA DE BZHIN DU BDAG KYANG DE LTA BU'I CHOS CAN DE LTA BU'I RANG BZHIN LAS MA 'DAS SO SNYAM DU NYIN MTSAN THAMS CAD DU 'KHOR BA'I NGANG TSUL DANG SDUG BSNGAL SEMS PA 'BA' ZHIG GI DBANG DU SONG NAS, RANG NANG DU YANG SDOD MI 'DOD PAR SKYID SBUG GI GROG SRUBS 'DI TSOR BSDAD NAS RES 'GA' NI MCHI MA DRAG TU GTONG, RES 'GA' Ni BDAG GI MA NGAN SONG DU MI 'GRO BA MKHYEN ZHES MCHI MA 'DON BZHIN DU SKAD CHEN POS DKON MCHOG LA GSOL BA 'DEBS, RES 'GA' NI NGAN SONG SBYONG BA'I GZUNGS SDE LNGA DANG SMON LAM SOGS KHA 'DON BYED, DE'I TSE SROG RLUNG GI SKYON YIN NAM TSOGS LA 'DUG PA'I TSE YANG THAD GANG GI MI'I NGO LA BLTA MI BZOD PA LTA BU BYUNG, DE'I GNAS TSUL BLA MA RIN PO CHES BSAN NAS SKU MDUN DU 'BOD GNANG GIS BKA' BSGO DANG ZHAL TA BSAM GYIS MI KHYAB PA GNANG BAS CUNG ZAD SHAS CHUNG DU SONG, ZHES GSUNGS SHING, PHYIS KYANG NYE RIGS 'DAS NAS SDUG BSNGAL BYED PA SKU GAM DU BYUNG NA, SPYIR GYI DE TSO 'KHOR BA @046A *, ,SDUG BSNGAL GYI RGYA MTSO CHEN PO 'DI'I CHOS NYID RED, KHYAD PAR NGA'I RTZIS BYAS NA SDUG PO MA RED, NGA LA SDUG BSNGAL 'DI DANG 'DI LTA BU BYUNG ZHES SNYAN ZHING 'JEBS PA'I SGO NAS GSUNGS PAS SDUG BSNGAL GYI SMYO BA LA PHYOGS PA 'GA' YANG SDUG BSNGAL ZHI NAS BLO CHOS PHYOGS SU KHUGS PA BYUNG SONG, LO DE'I SA GA ZLA BAR YUM GYI TSAD DU DBU MDZAD SHES RAB LAGS NAS THEG CHEN GSO SBYONG GI SDOM PA ZHUS TE SMYUNG GNAS DKAR PO PHYOGS BRGYAD GTONG BAR MDZAD, DE'I TSE RTAGS KHYAD PAR CAN ZHIG KYANG BYUNG BAR MNGON TE, BDAG GI PHA 'DAS PA'I CHED DU SMYUNG GNAS DKAR PHYOGS BTANG TSUL ZHUS PAS, 'O DE YAG PO BYUNG 'DUG ,NGAS KYANG AA MA DE 'DAS SKABS DKAR PO PHYOGS BRGYAD BTANG BAS MA DER CUNG ZAD PHAN THOGS PA'I LTAS ZHIG KYANG BYUNG, ZHES KYANG GSUNGS SO, ,DE LTAR BZHAD KYI LHA SDE THAMS CAD KYI NANG NAS TSES MCHOG TU GYUR CING MKHAS PA DANG GRUB PA'I SKYES BU DU MA'I 'BYUNG KHUNGS CHOS SDE CHEN PO BKRA SHIS DGE 'PHEL GYI GRVA GRAS SU NI ZHUGS, KHYIM GYI NYES PA DANG RAB TU BYUNG BA'I PHAN YON GYIS YANG DAG PAR BSKUL TE KHYIM NAS KHYIM MANG @046B PAR RAB TU BYUNG BA ZHIG BYUNG NA CI MA RUNG SNYAM PA'I THUGS KYI RE BA NI YONGS SU RDZOGS, MKHAS BTZUN BZANG GSUM GYI NOR BAS THUGS KYI BANG MDZOD BYUR BUR GANG BA'I BSHES GNYEN DAM PAS RJES SU BZUNGS TE SPYAN GYI 'BRAS BU BZHIN DU NI SKYONG BAR MDZAD, SKYES SBYANGS KYI CHA SHAS YONGS SU GANG BA'I RNAM DPYOD ZLA BA'I SNANG BAS LUNG RTOGS YON TAN GYI RGYA MTSO NYIN RE BZHIN DU 'PHEL TE 'PHRIN LAS RLABS KYI 'PHRENG BA MKHA' LA 'PHYUR BA'I STA GON LA NI MNGON DU PHYOGS, RING MO ZHIG NAS GOMS PA'I BAG CHAGS BZANG PO'I SA BON NYE BAR LEN PA'I RKYEN DU MA'I DROD GSHER GYIS YANG DAG PAR SMIN PAR BYAS PA LAS, THAR PA DANG THAMS CAD MKHYEN PA'I RGYU MED DU MI RUNG BA NGES 'BYUNG DANG BYANG CHUB KYI SEMS KYI MYU GU NI YANG DAG PAR 'KHRUNGS TE RNAM PA THAMS CAD MKHYEN PA'I 'BRAS BU GRUB PA LA MI RING BA'I TSUL DU GYUR TO, ,RING PO'I DUS NAS GOMS PAR BKOD PA YI, ,BZANG PO'I BAG CHAGS RI MO MA NYAMS PAR, ,GZHON NU'I THUGS KYI ME LONG YANGS PA'I GZHI, ,TSANGS SPYOD DON DU GNYER BA'I CHO GAS RDZOGS, ,BKRA SHIS DGE LEGS DU MAR 'PHEL BA'I RDUL, ,MI ZAD PHUNG POR BRTZEGS PA'I KEE LA SHA, ,'DOD RGU'I BSIL BA STER BA'I CHU @047A *, ,RGYUN CAN, ,BZHAD LJONGS NOR 'DZIN SGEG MO'I PHANG PAR BRJID, ,NAM ZHIG CHUNG NGU NA YANG RNAM DPYOD RTZAL, ,SNYING LA RAB RDZOGS SKYES MCHOG GDONG LNGA PA, ,DAM PA'I SPYOD TSUL RAL PA NGOMS BZHIN DU, ,DGE 'PHEL GANGS RI MDZES PA'I RGYAN DU GSHEGS, ,DENG NI TSANGS SPYOD RTUL ZHUGS 'DAB 'PHRENG PHYOGS SU GA-YO BA CHU LAS SKYES, ,LTAR SNANG TZAM GYI GRUB PA'I SPYOD TSUL 'DAM GYI DRI MAS GOS MIN PAR, ,NGAG GI DBANG PHYUG GE SAR RDZOGS PA'I LEGS BSHAD DRI BSUNG PHO NYA YIS, ,THAR 'DOD BUNG BA MGRON DU GNYER MKHAS RDO RJE 'CHANG DNGOS BLA MA BZHUGS, ,BLU BRID GA-YO SGYU'I SBYOR BA YIS, ,'TSO BA'I SKYE BO GZHAN BTANGS NAS, ,SKYES MCHOG DE YI ZHAL DKYIL 'KHOR, ,MJAL BA'I SKAL BZANG DON DU GNYER, ,DE TSE SKYE BA GZHAN DU YANG, ,MNYES BZHIN RJES SU BZUNG BA YI, ,BAG CHAGS ZLA BA'I GZUGS BRNYAN NI, ,YID MTSOR 'GOG PA MED PAR GYUR, ,DAD PA'I SHUGS LAS BYUNG BA YI, ,SPYAN CHAB MU TIG DOG PA NI, ,MNYAN 'OS LEGS BSHAD 'PHRENG BA DANG, ,MNYAM DU GZHON NU'I MGUL PAR 'KHYUD, ,MI PHYED DAD PA'I ME TOG DANG, ,LDAN PA'I SKAL BZANG LJON PA LA, ,YON TAN 'BRAS BU'I @047B DOG PA NI, ,GA-YUR DU ZA BA CHOS NYID DE, ,RNAM DAG NGES 'BYUNG KHAMS LAS GRUB, ,'DOD SRED 'CHING BA GCOD LA DPA', ,TSUL KHRIMS RAL GRI RAB 'BAR BA, ,GZHON NU DE YI PHYAG CHAR THOB, DBANG PHYUG BRGYAD LDAN TZONG KHA PA'I, ,MDO SNGAGS CHOS TSUL BZANG PO'I BSTAN, ,'DZIN PA'I SKYES CHEN 'DI NA ZHES, ,SNYAN PA'I MTSAN GYIS LUNG DU BSTAN, ,LI KHRI'I GOS KYIS 'KHYUD PA'I SKU GZI BRJID LHAM MER 'BAR BA LA, ,'GRAN PHYIR 'JIG RTEN SNANG BA'I GTER, ,'CHI MED LAM DU LHAGS PA SNYAM, ,SGO GSUM BAG MED SPYOD PA LAS, ,YANG DAG SDOM PAS BSNGAMS ? PA NA, ,NYAN THOS CHEN PO AU PA LI, ,GZHON NU'I GZUGS KYIS BYON PAR DOGS, ,DE TSE DPAG MED YON TAN RIN CHEN GYIS, ,THUGS KYI BANG BA NYIN BZHIN KHENGS GYUR KYANG, ,SNYING POS STONGS PA SGYU MA'I NOR RDZAS KYIS, ,SGYU MA'I BANG BA YONGS SU KHENGS MA GYUR, ,DE LTA NA YANG BYAS PA ZANG ZING GIS, ,MGU MOD DAM PA'I SKYE BO DE LTA MIN, ,MI GTZANG DRI DANG RO LA SHA SBRANG LAS, ,'DAB CHAGS DANG PA'I RGYAL PO 'KHOR RAM CI, ,SRID PA SGYU MA'I RGYAL MO'I 'KHRUL 'KHOR GYIS, ,'DUS BYAS MI RTAG ZAG BCAS SDUG BSNGAL BA'I, ,SNANG TSUL GZIGS MOR BSTAR BAS SKYES MCHOG DE'I, ,YID NI DBEN @048A *, ,PA'I PHYOGS SU BSKUL BAR GYUR, ,CES DUS GSUM RGYAL BA KUN GYI SPYI GZUGS BKA' DRIN GSUM LDAN RJE BTZUN BLA MA THAMS CAD MKHYEN PA 7DHARMA BHA DRA DPAL BZANG PO'I RNAM PAR THAR PA ZHVA SER BSTAN PA'I MDZES RGYAN ZHES BYA BA LAS, CHOS SDE CHEN PO BKRA SHIS DGE 'PHEL DU ZHABS KYI PADMA NYE BAR BKOD CING, BSHES GNYEN DAM PAS MNYES BZHIN RJES SU BZUNGS TE DGE TSUL GYI SDOM BZHES MDZAD PA SOGS KYI SARGA STE LNGA PA'O,, ` ,,DE LTAR GZHON NU NYID NAS NGES 'BYUNG GI BSAM PA BCOS MIN THUGS RGYUD LA MNGA' BA'I KHAR MDO DRAN PA NYER BZHAG LAS, 'KHOR BA KHAB KYI RTZE MO LA'ANG, ,BDE BA NAM YANG YOD MA YIN, ,ZHES DANG, BSHES SPRINGS LAS, DES PA 'DOD PAS PHONGS DANG 'CHI BA DANG, ,NA DANG RGA SOGS SDUG BSNGAL DU MA YI, ,'BYUNG GNAS 'KHOR BA LA NI SKYO MDZAD CING, ,ZHES DANG, RJE BDAG NYID CHEN POS, SRID PA'I 'BYOR PAS MI SLU MED, ,GCIG TU PHAN PA DAM PA'I CHOS, ,BSTAN DANG MJAL BA LAN RE TZAM, ,DE PHYIR DE YI DON LA DGONGS, ,ZHES GSUNGS PA LTAR, GCEN DANG, YUM DANG, SRU MO RNAMS GSHEGS PA SOGS KYIS RKYEN BYAS @049B TE, KYE MA, KHAMS GSUM 'KHOR BA 'DI GANG DU GNAS KYANG BZOD PAR DKA' BA'I SDUG BSNGAL KHO NA'I 'BYUNG GNAS DANG RANG BZHIN SHA STAG TU 'DUG PAS, 'DI LAS THAR BA'I CHOS SHIG SNYING LA RUS PA BCUG NAS BYED DGOS, DE YANG BLA MA DANG GROGS DGE BA'I BSHES GNYEN RNAMS LA BSAM TSE DGON GNAS 'DI NYID BLOS MI THAD PA LTA BU 'DUG RUNG, RANG DANG GZHIS KYI KHYER 'KHOS GANG NAS BYAS KYANG LAS TSAN BAB LCI KHAG MANG KHYER BA'I RE BA MED PAR MA ZAD, DE LA BRTEN NAS CHOS DANG 'CHI BA YID LA MI DRAN PAR GRONG CHOG DANG TSOD BUN SKYED KHO NAS DUS 'DA' BA ZHIG TU SONG NA, NAM ZHIG GLO BUR DU 'CHI BA DE'I TSE DE DAG GI CHED DU BSAGS PA'I SDIG PA'I PHUNG PO RI LAS LCI BA TSO KHYER, 'BAD PAS BSAGS SHING BSRUNGS PA'I GNAS LUS LONGS SPYOD THAMS CAD MI 'DOD BZHIN DU BZHAG ,RNAM PAR SHES PA GCIG PU TSE 'DI LA 'PHRAD BZHIN DU NGAN SONG MU MTHA' MED PAR 'KHYAM DGOS PA LAS 'OS MED, DES NA SPYOD 'JUG LAS, DE BAS SHIN TU MDANGS DGA' BA'I, , NAGS TSAL TSEGS CHUNG BDE SKYED CING, ,GA-YENG BA THAMS CAD ZHI BYED PAR, ,BDAG NYID GCIG PU GNAS PAR BYA, ,BSAM PA GZHAN NI KUN BTANG STE, ,BDAG LA SEMS PA GCIG PU YIS, , @49A *, ,SEMS NI MNYAM PAR BZHAG PHYIR DANG, ,DU LA BAR BYA PHYIR BRTZON PAR BYA, ,ZHES GSUNGS PA LTAR, TSE 'DI'I BYA BA THAMS CAD BSHOL NAS BLA MA DANG NYE RING 'TSAMS PA'I RI KHROD DBEN PA ZHIG TU SONG LA THOS BSAM SGOM GSUM GSHA' MA RANG ZHIG BYAS TE 'KHOR BA 'DI LAS THAR BA ZHIG AE YONG BLTA, DE YANG 'DI PHYI'I SKYID SDUG GI BLANG DOR ZHU YUL BLA MA KHO NA YIN PAS ZHAL TA ZHIG ZHU DGONGS NAS MKHAS GRUB CHEN PO'I ZHABS DRUNG DU PHEBS TE RGYU MTSAN RNAMS ZHIB PAR ZHUS PAS, MKHAS GRUB CHEN PO ZHAL 'DZUM NAG PA DANG BCAS YUG CIG CANG MI GSUNG BAR BZHUGS, DE NAS AA GE MI GZHAN MA TSO JI 'DRA BSAM GYI YOD RUNG, NGA NI KHYOD 'DI NAS SONG NA DGON PA 'DI'I SNYING THON PA 'DRA BA'I SNANG BA 'CHAR, 'ON KYANG LAS TSAN KHYER DKA' BA SOGS KHYOD RANG NAS LAB PA LTAR YIN 'DUG PAR MA ZAD, SNGON GYI LAS DANG SMON LAM GYI SHUGS CHEN PO BZLOG TU MED PAS DE LTAR BYED PA LAS 'OS MED, DE YANG DANG POR DPON SLOB SKU ZHABS SU DGONGS PA ZHU DGOS, DE BYUNG NA NGAS KYANG LO SHAS BSDAD PA'I DNGUL CHU RI KHROD 'DI NYID NGA DANG NYE 'GYANGS 'TSAMS SHING SKYES BU DAM PA MANG POS BYIN GYIS BRLABS PA'I GNAS @049B YIN PAS 'DI'I THON SKABS SHIG BSGUGS NA LEGS TSUL SOGS BKA' SLOB ZHIB RGYAS STZAL, DE DON DPON SLOB SKU ZHABS SU BCAR NAS RGYU MTSAN DANG BCAS DGONGS ZHU MDZAD PAS, DE LTAR YIN TSE DGONGS PA YOD, 'ON KYANG LAS TSAN SPYI DOD LO GSUM GYI KHONGS SU SBYOR THUB PA GYIS, DE LTAR BYAS NA KHYED RANG YANG TSE MJUG SKYID PA YONG ZHES GSUNG BAR, RJE NYID LA THUGS NYE BA RNAMS RI KHROD LA SONG NAS SPYI DOD SBYOR DGOS PA ZHES MA RANGS PA'I RNAM PA MDZAD, RJE NYID KYANG SPYI DOD LA NI tAm SRANG NYI SHU SKOR DGOS PA 'DUG, DE LA PHAN PA'I DNGUL NI KHA GANG MED, DA JI LTAR BYED DGONGS NAS THUGS GA-YENG CHE BAR BYUNG STE MKHAS GRUB CHEN PO'I SKU GAM DU PHEBS NAS RGYU MTSAN ZHUS PAR, DPON SLOB SKU ZHABS KYI GSUNG DE CUNG ZAD MI 'OS PA LTA BU 'DUG RUNG, NGAS KYANG BLA MA DKON MCHOG LA GSOL BA GANG YONG 'DEBS PA YIN, KHYOD RANG YANG DKON MCHOG KHO NA LA BLO GTAD NAS GSOL BA RGYUN DU THOB, DE LTAR BYAS NA DKON MCHOG THUGS RJE CAN GYI THUGS RJE'I NUS PAS SPYI DOD 'BAD MED BDE BLAG TU SBYOR THUB PA ZHIG YONG BAS SEMS NGAL BYED MI DGOS ZHES DGYES NYAMS DANG BCAS GSUNG BAR, RJE NYID KYANG BLA MA DKON MCHOG GIS BSLU BA MI SRID @050A *, ,DGONGS NAS THUGS NGAL THAMS CAD GTAN MED DU SONG, SKABS DER DNGUL CHU RI KHROD DU THON SKABS DNGOS GZHI MED RUNG SA CHU 'PHROD MIN GYIS GZHAN DU SPO 'DUN YOD PA'I DGE SLONG ZHIG NAS 'DZA' KHYAD SRANG NGO BYUNG NA BRJE 'PHRUL BYAS THUS ZER BA'I DNGUL DANG, DE GONG BLA BRANG CHEN POR RI KHROD ZHU RTEN tAm SRANG GSUM DANG DAR PHYI MDZOD BCAS DGOS PA BYUNG BA RNAMS GZHAN NAS SNGA 'PHRUL GYIS 'BUL SGRUB ZHUS TE, RJE NYID DGUNG GRANGS NYI SHUR PHEBS PA 'GAL BYED CES PA LCAGS PHAG LO'I THA SKAR ZLA BA'I RGYAL BA LHA LAS BABS PA'I DUS CHEN GYI NYIN GDING JA ZHUS TE DNGUL CHU RI KHROD DGA' LDAN RTZE'I DGE SLONG GI GRAS SU ZHUGS, DE NYIN RI KHROD DU SBYIN BDAG ZHIG NAS MANG JA'I BSNYEN BKUR NYIN GANG THOG BLA MA MCHOD PA LA BRTEN PA'I TSOGS 'KHOR, MCHOD PA, PHYAG 'GYED BCAS YOD PA DANG 'GRIG PAS RTEN 'BREL SHIN TU LEGS ZHES DGE SLONG TSANG MAS GSUNGS, DE NYIN MKHAS GRUB CHEN PO NAS SKU GAM DU BCAR BA RNAMS LA, DE RING BKRA SHIS DGE 'PHEL GYI NOR BU GCIG PU DE PHYIR THON SONG ZHES THUGS SKYO BA'I RNAM PA MDZAD, DE NI MTHA' YAS PA'I 'GRO BA RNAMS KYI GNAS SKABS DANG MTHAR THUG GI PHAN BDE THAMS CAD RJE @050B 'DIS RGYAS PAR MDZAD PA MNGON SUM DU MKHYEN PA'I GSUNG DU MNGON, DE NAS GZHAN GYI GA-YAM LA RGYUG DANG, LEGS SMON DANG, 'JIG SKYOB TZAM MA YIN PAR NGES 'BYUNG GI BSAM PA RNAM PAR DAG PA RGYUN RING LA SHUGS DRAG PA DE LTA BU'I CHEN GYIS PHUL TE, SDUG BSNGAL KHO NA'I 'BYUNG GNAS 'KHOR BA 'DIR 'CHING BYED KYI RTZA BA MTHAR THUG PA MA RIG PA NGAR 'DZIN 'JIG LTA YIN PA DANG, NGE SA BON DANG BCAS PA RTZA BA NAS SPONG BAR BYED PA LA DE DANG 'DZIN STANGS DNGOS SU 'GAL BA'I SHES RAB KYI BSLAB PA RGYUD LA SKYE DGOS PA DANG, DE LA TING NGE 'DZIN DANG, DE LA TSUL KHRIMS KYI BSLAB PA RGYUD LA SKYE DGOS PA DANG, TSUL KHRIMS KYI BSLAB PA'I NANG NAS KYANG BSLAB BYA YONGS SU RDZOGS PA DGE SLONG GI SDOM PA NYID MCHOG TU GYUR PAR GZIGS NAS LO DE KHA'I SMIN DRUG ZLA BA'I MAR NGO'I GRAL TSES BCU'I PHYI DRO'I GRIB MA SKYES BU GNYIS DANG RKANG PA GCIG GI DUS SU CHOS SDE CHEN PO BKRA SHIS DGE 'PHEL GYI GZIM CHUNG DU, SKABS DE'I DGE 'PHEL RANG GI BLA MA SPYIR MDO SNGAGS THAMS CAD LA MKHYEN PA RGYAS SHING, KHYAD PAR PAn CHEN DPAL LDAN YE SHES DBANG PHYOGS SU GSER ZHAL BSGYUR SKABS RAB BYUNG BSNYEN RDZOGS KYI LAS SLOB LAN DU MA MDZAD PAS 'DUL @051A *, ,BA'I LAS KYI CHO GA DANG PHYAG LEN LA MKHAS PA SOGS YONGS RDZOGS BSTAN PA'I MNGA' BDAG CHEN POR GYUR PA DPON SLOB YE SHES DPAL GRUB DPAL BZANG PO'I ZHAL SNGA NAS LAS MKHAN SLOB ZUNG 'BREL ZHUS SHING, GSANG STE STON PA'I SLOB DPON 'DUL BA 'DZIN PA BLO BZANG 'JIGS MED DANG, GRIB TSOD PA DBU MDZAD YE SHES SKAL BZANG SOGS KHA SKONG GI CHOS BCU GSUM DANG LDAN PA'I DGE 'DUN LNGA'I TSOGS KYI DBUS SU RGYAL BA'I BSTAN PA LA ZHUGS LA YONGS SU RDZOGS PA BSNYEN RDZOGS KYI SDOM PA BZHES TE BSLAB PA'I GNAS CHE BA RNAMS LTA SMOS, THA NA CHAB LEN LHAM 'BUD, YO BYAD 'CHANG LUGS, BYIN LEN BYA TSUL SOGS BCAS MTSAMS PHRA MO RNAMS KYANG MA NYAMS PAR PHYAG LEN DU BTAB PAS, BSTAN PA'I RTZA BA LHAG PA TSUL KHRIMS KYI PHUNG PO YONGS SU RDZOGS PA'I GNAS BRTAN NYE BAR 'KHOR SLAR YANG BYON PA LTA BUR GYUR, DE SKABS DMAG DUS KYI MJUG TU SONG GSHIS RI KHROD KYI RGYUN BOGS KYANG KHA TSANG MA BYUNG BA'I KHAR, YAB KYI GSOL ZAS NA BZA' THAMS CAD RJE NYID NAS GRA SGRIG MDZAD DGOS YOD RUNG, MKHAS GRUB CHEN PO NAS JI LTAR LUNG BSTAN @051B PA LTAR RI KHROD ZHU RTEN DU SNGA PHYI ZHUS PA'I DNGUL DANG, SPYI DOD KYI DNGUL PHON CHEN DGOS PA RNAMS RING POR MA THOGS PAR 'BAD MED DU BSGRUBS GRUB PA BYUNG STE, PHYIS KYANG BKA' LAS, NGA LA DPON SLOB SKU ZHABS NAS SPYI DOD SBYAR NA PHUGS SKYID PA YONG GSUNG PA DE SKABS DER BLO 'KHRID TZAM DU 'DUG SNYAM PA BYUNG YANG, DA BYAS NA KHONG GIS JI LTAR GSUNG PA LTAR TSE MJUG SKYID PA RANG BYUNG, DE DUS 'BAD MED DU DE 'DRA'I DNGUL JI 'DRA BYAS NAS BYUNG, BLA MA DKON MCHOG GI THUGS RJE DANG NUS PA 'DI RDZU 'PHRUL LTA BUR 'DUG CES KYANG GSUNG NGO, ,DE NAS THOS PA'I TSOMS LAS, THOS PAS CHOS RNAMS SHES PAR 'GYUR, ,THOS PAS SDIG LAS LDOG PAR BYED, ,THOS PAS DON MA YIN PA SPONG, ,THOS PAS MYA NGAN 'DAS PA 'THOB, ,CES DANG, SKYES RAB LAS KYANG THOS PA GTI MUG MUN SEL SGRON ME YIN, ,RKUN PO LA SOGS MI 'KHYER NOR GYI MCHOG ,KUN TU RMONGS PA'I DGRA 'JOMS MTSON CHA YIN, ,THABS TSUL MAN NGAG STON PA'I GROGS KYI MCHOG , PHONGS PAR GYUR KYANG MI 'GYUR MDZA' BO YIN, ,GNOD PA MED PA MYA NGAN NAD KYI SMAN, ,NYES PA CHEN PO'I DPUNG 'JOMS DPUNG GI MCHOG ,GRAGS DANG DPAL DANG GTER GYI MCHOG KYANG @052A *, ,YIN, ,YA RABS RNAMS DANG PHRAD NA SKYES KYI MCHOG ,TSOGS KYI NANG NA MKHAS PA MGU BAR 'GYUR, ,ZHES DANG, RJE BDAG NYID CHEN POS KYANG, NAN TAN NI, BSHES GNYEN GYI GDAMS PA'I BLANG DOR GYI GNAS RNAMS LA LAG LEN DU BYED PA STE, DE YANG BYED PA LA SHES DGOS SHING, DE LA THOS DGOS PA DANG, THOS NAS SHES PAR BYAS PA'I DGOS PA YANG BYED PA YIN PAS, THOS PA'I DON LA NUS PA DANG BSTAN PA'I LAG LEN RE GNAD DU CHE'O, ,ZHES GSUNGS PA SOGS THOS PA'I PHAN YON RNAMS LA THUGS NGES CHEN PO 'KHRUNGS TE, MKHAS GRUB CHEN PO NYID KYIS MDZAD PA'I BDE LAM GSAL BYED CES PA DANG DUS KYI SHOG GRANGS TSAD LDAN DRUG CU SKOR YOD PA LJAGS 'DZIN MDZAD DE RJE NYID DGUNG GRANGS NYER GCIG TU PHEBS PA YONGS 'DZIN ZHES PA CHU BYI ZLA BA BZHI PA'I NANG MKHAS GRUB CHEN PO'I ZHABS DRUNG NAS DE'I BSHAD LUNG ZAB RGYAS SU STZAL BA BSAN, DE'I TSE JO BO RJE DPAL LDAN AA TI SHA DANG KHAMS GSUM 'GRO BA'I BLA MA TZONG KHA PA CHEN PO'I THUGS DAM GYI MTHIL, BSTAN PA THAMS CAD 'GAL MED GRU BZHI LAM GYIS KHYER SHES PA SOGS CHE BA BZHI DANG LDAN PA'I CHOS LUGS RMAD DU BYUNG BA 'DI NYID RJE BDAG NYID CHEN PO @052B DNGOS SU PHEBS KYANG DE PHAN CHAD GSUNG DU MED PA LTA BU YONGS 'DZIN DAM PA'I ZHAL LAS THOS PA NI BDAG SKAL BA MCHOG TU BZANG, GZHAN RIGS PA LTAR SNANG RE LA MGO GAS GAS SU RTZOD PA BYAS KYANG BDAG LTA BU LA CHOS SU 'GRO BA SHIN TU DKA', DES NA RJE BDAG NYID CHEN PO'I TSANG LA MA NOR BA'I MDO SNGAGS KYI GDAMS PA RNAMS BLA MA DAM PA'I ZHAL LAS MNYAN TE DE DAG KHO NAR TSE DANG SGRUB PA SNYOMS PA ZHIG BYED DGONGS PA THUGS LA 'KHRUNGS TE, SKYABS 'GRO SEMS BSKYED PHYAG DANG MAndAL RNAMS KYANG LAM RIM KHO NA LA BRTEN NAS 'BUM PHRAG GI BAR DU GSOG PAR MDZAD, DE DAG GI THUN MTSAMS RNAMS SU LAM RIM CHE CHUNG SOGS LA GZIGS RTOG MDZAD PAS DGONGS DON PHYIN CI MA LOG PA THUGS SU CHUD PA BYUNG, DE'I PHYI LO GRUB PA'I DBANG PHYUG BLO BZANG BSKAL BZANG CHOS RGYAL DPAL BZANG PO'I ZHABS PAD BSNYEN TE BLA MA MCHOD PA'I BSHAD LUNG SOGS BSAN, DE NAS BZUNGS ZHING MA GSHEGS KYI BAR RIGS KYI COD PAN DU BZHES TE CHOS BKA' MTHA' YAS PA BSAN CING BKA' RTZOM MDZAD PA 'GA' ZHIG GI PHYAG BRIS KYANG RJE 'DIS MDZAD, DE'I TSE YI GE PA NI MANG DU THOS PA'I GNAS BRTAN CHEN PO DHARMA BHA DRA'O, ,ZHES LJAGS DPOR MDZAD NAS GNAS BRTAN GYI BKA' @053A *, ,RTZOM 'GA' ZHIG GI SBYAR BYANG DU DGE SLONG SU DHARME SHVA RA GSUNG PA 'DUG KYANG, DA PHYIN CHAD 'JUG PA BDE ZHING DGOS PA CHE BAS DHA RMA BHA DRA GSUNG NA LEGS TSUL GSUNGS, GZHAN YANG GRUB DBANG 'DI NYID ZHING GSHEGS NYER BZHAD MTHONG GZHIS SU SPYAN 'DREN ZHUS, DE'I TSE GNYER PA 'GYUR MED SOGS LA DNGUL CHU RI KHROD KYI DGE SLONG CHOS BZANG 'DI'I SKU YON GZHAN LTA CI 'DUL BA'I KUN SPYOD RNAM PAR DAG PA 'DI GCIG PUR 'GRAN ZLA MED, KHONG LUNG ZIN GYI SKYES BU 'BREL TSAD DON DANG LDAN PA ZHIG YIN 'DUG PAS KHYED RANG RNAMS KYANG 'DI'I ZHABS LA GTUGS NA LEGS ZHES DANG, LAR RANG CAG RNAMS KYANG YANG YANG AE 'PHRAD MI SHES PAS DO NUB PHRAD PA'I DGA' STON DU DAD KYIS MGUR MA ZHIG 'THEN PA YIN GSUNGS NAS, RJE 'DI'I MTSAN DHA RMA BHA DRA ZHES PA RGYAL BA GONG MAS DGONGS SHING BYIN GYIS BRLABS PA YIN TSUL SNGON DU 'GRO BAS, GZUGS PHUNG 'DI RUS PA'I RGYAN DRUG GIS BRGYAN NAS, ,DUR KHROD KYI GNAS DER 'GRO RE RAN, , ZHES SOGS ZHING KHAMS GZHAN DU GSHEGS PA'I GSUNG SHA STAG PHEBS, DE NAS LAM SANG MDOG SPANG YUL DU PHEBS NAS SKU MTSAL RGYAS TSUL GYIS ZHING GSHEGS, SKU GDUNG @53B ZHUGS LA SBYONG BA SOGS DGONGS RDZOGS SGRUB PA'I CHOS PHYOGS KYI THUGS 'GAN RJE 'DIS GTZO BOR BZHES, BZHAD SDE GNYER RNAMS RJE 'DI LA SNGAR NAS ZHABS GUS CHE KHAR GRUB PA'I DBANG PHYUG DE NYID KYIS 'BYUNG 'GYUR 'KHRUL MED DU GSUNGS PA DE NAS BZUNGS 'DI PHYI'I SKYABS MGON ZLA MED DU BZUNGS, LUNG ZIN GYI SKYES BU GSUNG PA YANG SNGON DU DRANGS PA'I LUNG BSTAN DE DAG LA DGONGS PAR MNGON, GRUB DBANG 'DI NYID KYI DNGUL GDUNG BLA BRANG CHEN PO NAS 'GAN BZHES KYIS BZHENGS TE BZHAD STENG DGA' DGON DU PHEBS 'PHRAL RJE 'DIS MCHOD SPRIN SNYAN SHAL BCAS PHUL SKABS NGO MTSAR BA'I LTAS BSAM GYIS MI KHYAB PA BYUNG BA SPEL KHANG SDE PA TSE RING DON GRUB LAGS KYIS TSIGS BCAD DU BSDEBS PA ZHIG SNGA MO MTHONG YANG DA LTA LAG SON MA BYUNG BAS 'DRI MA SPOBS, MDOR NA BLA MA 'DIS KYANG ZHING MA GSHEGS KYI BAR RJES SU BZUNGS NAS SPYAN GYI 'BRAS BU BZHIN DU SKYONG BAR MDZAD DO, ,DE NAS DGUNG GRANGS NYER GNYIS SU PHEBS PA BAG YOD CES PA CHU GLANG ZLA BA LNGA PA'I NANG BKRA SHIS LHUN POR PHEBS TE SNGAGS CHEN ZHAL SNGA NAS 'BRONG RTZE BA BLO BZANG TSUL KHRIMS DPAL BZANG PO'I ZHABS DRUNG NAS DGA' LDAN LHA RGYA MA'I 'KHRID, BDE LAM DANG GTOR MA BRGYA RTZA'I BSHAD LUNG @54A *, ,SOGS CHOS BKA' MTHA' YAS PA BSAN, KHYAD PAR BZHAD NAS PHABS KAR MKHAS GRUB CHEN PO'I SKU GAM DU BCAR BAS, DA KHYOD RANG CHOS THOB THOB MANG POS DGOS PA MED, 'ON KYANG CHOS RNAM PAR DAG PA BYED PA LA THOG MAR BAR CHAD ZHI BA'I PHYIR KHYAD CHOS CHEN PO LNGA DANG LDAN PA'I YI DAM RDO RJE 'JIGS BYED KYI BSNYEN PA THONG PA CHA LHING BA ZHIG BYED DGOS, DE LA DANG POR DE'I DBANG DANG SNGAGS BTU'I RJES GNANG ZHIG MA THOB MTHU MED YIN PAS AE THOB REM LA LTOS, DE'I RJES SU BSKYED RDZOGS KYI 'KHRID CIG NGES PAR DGOS PA NGA RANG GIS BYED PA YIN, ZHES BKA' SLOB BYUNG BA BZHIN SNGAGS CHEN 'DI NYID KYI SKU ZHABS SU BCAR BAS, SNGAR NAS ZHAL SLOB TU GYUR CING THUGS 'DRIS YOD PA'I RI KHROD GZHAN GYI BLA MA DGE SLONG GNYIS DANG MNYAM DU BYUNG, RJE 'DIS SKU GZAN SER PO 'BAN DUG NYIL BA ZHIG YOD PA MNAB NAS SKYONG GDAN ZHIG 'DUG PA'I MAS SNAR SNYOM CHUNG GIS BZHUGS PAS, SNGAGS CHEN ZHAL 'DZUM BAG DANG BCAS TE, 'O, PHYI 'BAN DUG NYIL KYANG NANG GI YON TAN SU LAS SU DRED PA YOD MI SHES DE 'DRA'I SNYOM CHUNG BYED MI DGOS YAR GYIS GSUNG PA SOGS THUGS RJE GTING NAS GA-YOS PA'I BKA' 'DRI MANG PO PHEBS PAS @54B DGE SLONG GZHON PA KHONG CUNG ZAD ZHAL SKYENGS PA'I ZOL GYIS BZHENGS TSANG PA MDZAD, DE NAS GRAL 'GO'I DGE SLONG GCIG GIS BLA MCHOD KYI 'KHRID DANG, GCIG GIS LUNG KHA SHAS GSOL 'DEBS ZHUS KYANG ZHAL BZHES MA THOB, RJE 'DIS RANG GIS SBYIN BDAG MDZAD NAS ZHU BA'I SPOBS PA MED RUNG GZHAN GYI THUGS ZHOR 'DRA MED DAM DGONGS NAS PHYAG 'TSAL DANG BCAS 'JIGS BYED BCU GSUM MA'I DBANG CHEN GYI THUGS ZHOR 'DRA BYUNG NA BDAG LA'ANG THUGS RJES GZIGS 'TSAL ZHUS PAS, CHOS SNYING THAG PA NAS BYED MKHAN TSO LA RANG CAG MNYAM MED RI BO DGE LUGS PA'I MTHUN MONG MA YIN PA'I YI DAM RDO RJE 'JIGS BYED KYI DBANG LUNG MAN NGAG RNAMS THOB PA ZHIG DANG BSNYEN PA TSAD DU KHYOL BA ZHIG NGES PAR DGOS, SNGAR DBANG MA THOB BAM GSUNG BAR, DA PHAN DBANG GI RIGS GTAN NAS MA THOB TSUL DANG, BZHAD BKRA SHIS DGE 'PHEL DU TSE MTSAMS PA BGRES PO ZHIG YOD PA NAS KYANG 'DI NAS BKA' JI LTAR PHEBS PA LTAR ZHAL TE BYUNG TSUL ZHUS PAS BZHAD MO DANG BCAS, 'O DE RGYA BOD THAMS CAD SKAD RIGS MI GCIG KYANG PHO RABS THAMS CAD SNYING KHONGS GCIG ZER BA DE YIN, DENG SKABS DBANG CHEN GYI ZHOR MED RUNG GRVA RKYANG SNYING THAG PA NAS CHOS @55A *, ,BYED MKHAN LA DBANG BSKUR RGYU BYUNG NA NGA RANG YANG SKAL BA BZANG BA YIN PAS DBANG CHEN CHED GNYER GYIS BYAS CHOG CES PHEBS PAR, SLAR YANG PHYAG 'TSAL MDZAD DE ZHU HAM CHE RUNG DE'I MUR SNGAGS BTU'I RJES GNANG ZHIG KYANG THUGS RJES GZIGS 'TSAL ZHUS PAS, DE TSO CHOS KYI GNAD SHES PA'I RTAGS YIN NGES PAR YONG ZHES PHEBS PA LTAR RING POR MA THOGS PA STZAL, DE NAS BZUNGS BLA MA 'DI YANG YONGS SU 'DZIN PAR BZHES TE CHOS BKA' MTHA' YAS PA BSAN, PHYIS KYANG BKA' LAS, NGA GRVA RKYANG SHIN TU NYAM THAG PA'I SKABS SU THUGS RJE CHEN POS 'DOD CHOS GANG ZHUS STZAL BAS BLA MA 'DI'I BKA' DRIN LA 'KHOR THABS MED GSUNGS NAS ZHING MA GSHEGS KYI BAR SKU CHAS SNE GANG RING NAS SKYABS ZHU YANG TSAN CHE BAR MDZAD, BLA MA 'DIS KYANG RJE 'DI BSTAN 'DZIN GYI SKYES BU KHYAD PAR DU 'PHAGS PA DANG PO NYID NAS MNGON SUM DU DGONGS TE KHAS DRAG ZHAN, THUGS 'DRIS YOD MED, 'BYOR RGUD SOGS LA MA GZIGS PAR THUGS RJE CHEN POS ZHING MA GSHEGS KYI BAR DGYES BZHIN DU RJES SU BZUNG BA YIN TE, DE DAG NI BLA MA DANG SLOB MA GNYIS KA'I RNAM PAR THAR PA NGO MTSAR BA ZHIG GO , @55B DE NAS ZLA BA DRUG PA'I 'GOR BZHAD DU PHEBS TE MKHAS GRUB CHEN PO'I SKU GAM DU BCAR, 'DOD DON GRUB LUGS DANG BCAS ZHAL BZHES YOD PA'I 'DOD CHOS RNAMS LA GSOL 'DEBS MDZAD PAS DGYES BZHIN DU ZHAL GYIS BZHES TE ZLA BA DE KHA'I NANG 'JIGS BYED BSKYED RDZOGS DANG, PHYAG CHEN BCAS KYI ZAB KHRID SHIN TU RGYAS PA, PAn CHEN BLO BZANG CHOS KYI RGYAL MTSAN GYI GSUNG BKA' RGYA MA SOGS KYI LJAGS LUNG RNAMS STZAL, SLAR RI KHROD DU PHEBS TE 'JIGS BYED BSKYED RDZOGS DANG PHYAG CHEN SOGS LTA BA'I SKOR, KHYAD PAR DU YANG RJE BTZUN 'JAM PA'I DBYANGS KYIS CHOS KYI RGYAL PO TZONG KHA PA CHEN PO LA DNGOS SU STZAL BA'I GDAMS PA LAM GYI GTZO BO RNAM PA GSUM GYI SKOR CHES MANG BAR THUGS ZHIB MDZAD PAS DE DAG GI YANG DAG DANG LTAR SNANG GI RNAM DBYE PHRA MO TSUN CHAD DPYIS PHYIN PAR THUGS SU CHUD DE, LAM GYI GTZO BO GSUM GYI TSIG DON RAB TU GSAL BAR BYED PA'I SGRON ME ZHES BYA BA BKA' RTZOM DANG, DGUN GYI DUS RDOR SEMS MTHUN MONG MA YIN PA'I RNAL 'BYOR GYI SGO NAS YIG BRGYA 'BUM PHRAG GI BAR DU GSOG PAR MDZAD DO, ,DE NAS DGUNG GRANGS NYER GSUM DU PHEBS PA KUN DGA' ZHES PA SHING STAG ZLA BA GSUM PA'I NANG MTHU STOBS DANG @56A *, ,BYIN RLABS KYI GTER CHEN PO 'JAM DPAL GSHIN RJE GSHED KYI BSNYEN PA, RTOG BDUN GYI RTOG PA GSUM PA NAS BSHAD PA'I STENG DU BOD KYI BLA MA GONG MA'I PHYAG BZHES SU YOD PA'I AA RA PA TZA 'BUM PHRAG BDUN DANG BCAS PA DENG SANG BSNYEN CHEN DU GRAGS PA RDZAS LA BRTEN PA'I KHA SKONG ZHI BA'I SBYIN SREG DANG BCAS PA MDZAD, DE YANG BZLAS GRANGS SONG BA TZAM LA CHOG SHES MA MDZAD PAR DANG POR 'DI'I RGYUD RGYAL BA RDO RJE 'CHANG GIS GNAS GANG DU GDUL BYA SU'I NGOR TSUL JI LTAR DU GSUNGS PA NAS MNGON RTOGS KYI TSIG DON PHRA MO TSUN CHAD KYI YANG DAG DANG LTAR SNANG GI RNAM DBYE MTHA' DAG THUGS SU CHUD PAR MDZAD NAS, MA DAG PA'I SNANG BA DANG ZHEN PA'I GNYEN POR DAG PA'I GSAL SNANG DANG NGA RGYAL BSKYED NAS THA MAL GYI SKYE SHI BAR DO GSUM RGYAL BA'I SKU GSUM DU YID NGOR SGYUR BAR BYED PA'I BSKYED RIM PHRA RAGS DANG, THA MAL GYI SKYE SHI BAR DO GSUM RGYAL BA'I SKU GSUM DU DNGOS GNAS LA SGYUR BAR BYED PA'I RDZOGS PA'I RIM PA GNYIS LA GTZO BO DANG, DE'I ZHAR BYUNG TZAM DU BZLAS GRANGS 'GRO BAR MDZAD PAS ZLA BA BZHI LHAG TZAM 'GOR BAS, MKHAS GRUB CHEN PO NAS RI KHROD PHYOGS KYI MI SKU GAM DU BCAR TSAD DANG, KHYAD PAR ZLA BA PHYED BZHI TZAM 'GRO BA'I TSE RI KHROD KYI DGE SLONG ZHIG BCAR BAR @56B DGE SLONG CHOS BZANG MTSAMS GROL MA SONG NGAM GSUNG BAR, DA DUNG ZHAG SHAS MI GROL TSUL ZHUS PAS, SKU GAM DU DGE SLONG BLA DVAGS KYI MTSAN LA KAMBU KI MA ZHU BA ZHIG 'DUG PAR SPYAN GZIGS NAS 'O DE YIN, DGE SLONG KHA SING BSNYEN PA BYED PA YIN ZER NAS NYIN GCIG BREL TSUB TSUB BYED 'DUG PA AA KHU'I BSNYEN PA GRUL BTUB YANG BA MED BYUNG NGAM GSUNG BAR, KHONG YANG DAD PA DANG ZHI DUL CHE BA ZHIG YIN 'DUG PAS MA BYUNG LAGS ZHES ZHUS PAS, MI'I DGE SLONG CHOS BZANG KHO NI LAM RIM PA GNYIS KYI TING NGE 'DZIN LA GTZO 'DON BYED PAR 'DUG, KHO LUNG RTOGS GNYIS KA'I BDAG PO ZHIG YONG RGYU YIN PA 'DRA, ZHES GSUNGS 'DUG PA LTAR, BSKYED RDZOGS GNYIS KA LA NYAMS RTOGS RMAD DU BYUNG BA THUGS RGYUD LA 'KHRUNGS NAS DE DON SKABS DER GSUNG MGUR DU MDZAD PA NI, ` NA MO GU RU MNYDZU GHO sh'A YA, RJE BLA MA YI DAM SANGS RGYAS CHOS, ,TSOGS BYANG SEMS NYAN RANG DPA' BO DANG, ,MA MKHA' 'GRO CHOS SRUNG RGYA MTSO'I TSOGS, ,YONGS KUN 'DUS NOR BU BLA MAR 'DUD, ,MGON BKA' DRIN CAN DE'I ZHAL GDAMS LA, ,DON NYAMS LEN SNYING POR MA THUB KYANG, ,TSIG MA BRJED YID KYI ME LONG NGOS, ,BKRA LAM ME SHAR 'DI GLU RU LEN, ,RTEN DAL 'BYOR MI LUS RIN CHEN THOB, ,DPAL RGYAL BA GNYIS PA'I BSTAN @57A *, ,DANG MJAL, ,RJE MTSAN LDAN BLA MAS RJES SU BZUNGS, ,LAM MDO SNGAGS NYAMS LEN SHES DUS 'DIR, ,RANG GCIG PU'I BDE LA MCHAGS PAR, ,MA 'GRO KUN DON CHEN BSGRUB PA'I PHYIR, ,CHOS RDO RJE THEG PA'I SGOR ZHUGS NAS, ,RGYUD SDOM GSUM BCAS MTSAMS DAG BYAS TE, ,LHA DKON MCHOG GSUM LA SKYABS 'GRO DANG, ,BYAMS SNYING RJE BYANG CHUB SEMS MCHOG BSKYED, , SNGON THOG MED NAS BSAGS NYES LTUNG DRI, ,DPAL RDOR SEMS THUGS RJE'I BDUD RTZIS BKRUS, ,LAM GCIG CHOG BLA MA'I RNAL 'BYOR BSGOMS, ,TSOGS RLABS CHEN RDZOGS BYED MAndAL PHUL, BLO SHUGS DRAG GSOL MANG BTAB PA'I MTHAR, ,DBYINGS BDE CHEN NGANG DU RO GCIG BSRES, ,GZHI MA DAG SKYE SHI BAR DO'I LCAGS, ,LAM SKU GSUM GSER 'GYUR RTZIS SBYANGS NAS, ,LHA ZHI KHRO'I NGA RGYAL GSAL SNANG NYIS, ,RGYUD THA LAM SNANG ZHEN MUN PA SANGS, ,LUS RTZA RLUNG THIG LE'I BKOD PA DANG, ,SEMS PHRA RAGS RNAM RTOG SKYE TSUL SOGS, ,NANG RDO RJE'I LUS SEMS GNAS TSUL KUN, , LUNG MAN NGAG RIGS PAS GTAN LA PHAB, ,RANG GSANG CHEN 'JIGS BYED YAB YUM NI, ,GNANG KHYAD PAR BZHI LDAN LEGS BSGOMS PA'I, ,RTZA DBU RKYANG RO GSUM 'KHOR LO DRUG ,MDOG DKAR @57B DMAR RLUNG SEMS THIG LES SBYANGS, ,SLAR YE SHES d'A KI'I PHO BRANG DU, ,LHA YE SHES TING 'DZIN SEMS DPA' LA, ,YID RTZE GCIG CHAGS PA'I RANG 'OD KYIS, ,KHONG BRTAN GA-YO'I SGEG MO DBANG DU BSDUS, SNYING CHOS KYI 'KHOR LO RTZIB BRGYAD DBUS, ,SNGAGS ZAB MO'I THIG LE H'Um YIG LA, ,LUS STOD SMAD DRI BZHON YONGS BSTIMS NAS, ,RLUNG BUM CAN RNAL 'BYOR TSAD DU BSKYAL, ,YANG SROG THUR 'JUG GNAS LDANG BA'I SGRA, ,BLOS MA BCOS RDO RJE RNAM GSUM DU, ,DUS YANG YANG DBU MA'I NANG BSGRAGS PAS, ,RTZAS BCINGS PA'I MA RIG MDUD PA 'GROL, ,PHYI MTSAR SDUG PHYAG RGYA'I BDE DROD DANG, ,NANG BSAM GTAN ZAB MO'I THABS MKHAS KYIS, ,RLUNG PHRA RAGS MA LUS DHU T'I'I NANG, ,YONGS BSDUS MTHAR DPE YI 'OD GSAL 'CHAR, ,SLAR 'OD GSAL BZHON PA'I RLUNG SEMS LAS, ,SNYING CHU SKYES ZE'U 'BRU RGYAS PA'I DBUS, ,DPE DBANG PO'I GRANGS KYIS NYER MTSON PA'I, ,DBYIBS SGYU MA'I LHA SKU DNGOS SU 'GRUB, ,SKU DE NYID PHYI NANG THABS MKHAS KYIS, ,STENG KUN GSAL DBYINGS SU CHU KHUR LTAR, ,DON DAM PA'I 'OD GSAL LA SBYANGS PAS, ,DGRA BDEN 'DZIN SA BON DRUNG NAS 'BYIN, ,SLAR CHU MTHONG 'GRAM PAR DBANG GZHU BZHIN, ,GRANGS BCU PHRAG BCU DANG BCU GNYIS KYI, ,RGYAN RAB KLUBS RDO RJE'I SKU MCHOG DANG, , @58A *, ,THUGS 'OD GSAL SPANG RTOGS ZUNG 'JUG 'THOB, ,DE THOB NAS GSAR SLOB MI DGOS KYANG, ,SNGON THOB ZIN GOMS PA RGYAN BSRINGS PAS, ,DPAL KHA SBYOR YAN LAG BDUN LDAN PA'I, ,RJE RGYAL BA'I GO 'PHANG THOB PAR GSUNGS, ,LAM 'DI 'DRA SGOM PA'I MTHU DMAN YANG, ,PHA BLA MA'I ZHAL GDAMS BDUD RTZI'I BCUD, ,YID SMON PA'I YUL DU BYA BA'I PHYIR, ,BAN COL CHUNG PADMA RDO RJES BRAS, ,MANGGA LAm, ZHES SO, ,GZHAN YANG ZHI BA'I LJAGS BZLAS MDZAD PA'I SKABS KYI THO RANGS SHIG STENG GI NAM MKHA' NAS DH'I: YIG DMAR SER RING CHA TSIG DRAG DANG BCAS PA 'OD ZER 'BAR BA DPAG TU MED PA'I CHAR RJE NYID KYI GNAS GSUM DU 'BAB TSAD PA LA, DBU GTZUG DANG THUGS KAR RE GNYIS LAS PHAL CHER MGRIN PA KHO NAR THIMS PA'I GZIGS SNANG BYUNG, DE LA BKA' LAS, DE DUS DE 'DRA BYUNG BA DE SEMS LA NYAMS RTOGS 'CHAR RGYU GTAN NAS MED PAR KHA KHO NA LA RGYAS 'GRO BA 'DI'I RTAGS SU 'DUG GSUNG YANG, DON DU SKU TSE 'DIR RI KHROD PA GRVA RKYANG KHO NA'I TSUL LAS SKU BLA CHEN GYI GO SA MTHON POR MI PHEBS PA DANG, SDOM PA GSUM GYI BCAS MTSAMS RNAM PAR DAG PA'I SGO NAS JO BO BKA' GDAMS PA'I RNAM THAR GTZANG MA BSRE SLAD MED PAR SKYONG BA LAS THUGS LA @58B