@158B #, ,RGYA GAR SKAD DU, BUDDHA P'A LI TA M'U LA MA DHYA MA KA PRiTTI, BOD SKAD DU, DBU MA RTZA BA'I 'GREL PA BUDDHA P'A LI TA, BAM PO DANG PO, DKON MCHOG GSUM LA PHYAG 'TSAL LO, ,'JAM DPAL GZHON NUR GYUR PA LA PHYAG 'TSAL LO, ,SLOB DPON 'PHAGS PA KLU SGRUB LA PHYAG 'TSAL LO, ,SLOB DPON BTZUN PA BUD DHA P'A LI TA LA PHYAG 'TSAL LO, ,'DI LTAR SLOB DPON RTEN CING 'BREL PAR 'BYUNG BA RJES SU STON PAR BZHED PAS, RTEN CING 'BREL PAR 'BYUNG BA'I ZAB MO NYID YANG DAG PA JI LTA BA BZHIN DU GZIGS PAS NGO MTSAR DU GYUR PA'I THUGS DANG LDAN PA, DAD PA LAS BYUNG BA'I MCHI MA DKRUG CES MDZAD PA'I SPYAN MNGA' BA, SKU'I SPU ZING ZHES MDZAD PA DANG LDAN PAS THAL MO SBYAR BA DBUR BZHAG STE, DE BZHIN GSHEGS PA RNAMS NI CHOS KYI SKU'O ZHES DON DAM PA STON PA'I TSIGS SU BCAD PA 'DI BRJOD PAS MDUN DU 'DUG PA DANG 'DRA BAR BZHAG NAS, DE BZHIN GSHEGS PA BLA MA DAM PA LA, GANG GIS RTEN CING 'BREL PAR 'BYUNG, ,'GAG PA MED PA SKYE MED PA, ,CHAD PA MED PA RTAG MED PA, ,'ONG BA MED PA 'GRO MED PA, ,THA DAD DON MIN DON GCIG MIN, ,SPROS PA NYER ZHI ZHI BSTAN PA, ,RDZOGS PA'I SANGS RGYAS SMRA RNAMS KYI, ,DAM PA DE LA PHYAG 'TSAL LO, ,ZHES RGYU SNGA NA YOD PA'I PHYAG BZHES PA MDZAD DE, GANG GIS DBANG PHYUG DANG DUS DANG RDUL PHRAN DANG RANG BZHIN DANG NGO BO NYID LA SOGS PAR SMRA BA SPROS PA THIBS POR 'KHYAMS PA'I 'JIG RTEN LA, RTEN CING 'BREL BAR 'BYUNG BA ZHES BYA BA DON DAM PA'I BDEN PA MCHOG TU ZAB PA, 'GAG PA MED PA SKYE BA MED PA, CHAD PA MED PA RTAG PA MED PA, 'ONG BA MED PA 'GRO BA MED PA DON THA DAD MA YIN PA, DON GCIG MA YIN PA, SPROS PA THAMS CAD NYE BAR ZHI BA MYA NGAN LAS 'DAS PA'I GRONG KHYER DU 'GRO BA, ZHI BA LAM DRANG PO 'DI BSTAN PA, YANG DAG PAR RDZOGS PA'I SANGS RGYAS SMRA BA RNAMS KYI DAM PA DE LA PHYAG 'TSAL LO, ,ZHES BYA BA YIN NO, ,BCOM LDAN 'DAS KYIS PHYI ROL PA PHAS KYI RGOL BA THAMS CAD BYIS BA BLA BA 'DRA BAR THUGS SU CHUD NAS 'GRO BA LONG BA LAG NOM BYED PA LTA BU @159A *, ,LA RTEN CING 'BREL PAR 'BYUNG BA BSTAN PAR SLOB DPON GYIS YANG DAG PAR GZIGS PAS SMRA BA RNAMS KYI DAM PA ZHES GSUNGS SO, ,'GAG PA MED PA ZHES BYA BA NI 'DI LA 'GAG PA YOD PA MA YIN PA'O, ,TSIG LHAG MA RNAMS LA YANG DE BZHIN DU SBYAR BAR BYA'O, ,TSIGS SU BCAD PA DE NI MDO LTA BU STE, BSTAN BCOS LHAG MAS DE RNAM PAR BSHAD PA BYED PAR 'GYUR RO, ,DE YANG BRJOD PA LA MNGON PAR ZHEN PA'I DBANG GIS SGO DE DANG DES BYED PAR 'GYUR GYI GO RIMS JI LTA BA BZHIN DU NI MI BYED DO, ,CI STE RTEN CING 'BREL PAR 'BYUNG BA RJES SU BSTAN PA LA DGOS PA CI YOD CE NA, BSHAD PA, SLOB DPON THUGS RJE'I BDAG NYID CAN GYIS SEMS CAN RNAMS SDUG BSNGAL SNA TSOGS KYIS NYEN PAR GZIGS NAS DE DAG RNAM PAR GROL BAR BYA BA'I PHYIR DNGOS PO RNAMS KYI YANG DAG PA JI LTA BA NYID RAB TU BSTAN PAR BZHED PAS RTEN CING 'BREL PAR 'BYUNG BA RJES SU BSTAN PA BRTZAMS TE, ,YANG DAG MA YIN MTHONG BA 'CHING, ,YANG DAG MTHONG BA RNAM PAR GROL, ,ZHES GSUNGS PA'I PHYIR RO, ,DNGOS PO RNAMS KYI YANG DAG PA JI LTA BA BZHIN NYID GANG YIN, BSHAD PA, NGO BO NYID MED PA NYID DE, MI MKHAS PA GTI MUG GI MUN PAS BLO GROS KYI MIG BSGRIBS PA NI DNGOS PO RNAMS LA NGO BO NYID DU RNAM PAR RTOG NA DE DAG LA 'DOD CHAGS DANG ZHE SDANG DAG SKYED PAR BYED DO, ,GANG GI TSE RTEN CING 'BREL PAR 'BYUNG BA SHES PA'I SNANG BAS GTI MUG GI MUN PA BSAL CING, SHES RAB KYI MIG GIS DNGOS PO RNAMS KYI NGO BO NYID MED PA NYID MTHONG BA DE'I TSE NA GNAS MED PA LA DE'I 'DOD CHAGS DANG ZHE SDANG DAG MI SKYE'O, ,'DI LTA STE DPER NA LA LA ZHIG GZUGS BRNYAN GYI BUD MED LA BUD MED DO SNYAM PA'I BLO GROS SKYES NAS KUN TU 'DOD CHAGS SKYED DE DE DANG 'BREL BA'I YID KYIS DE LA RNAM PAR RTOG PAR BYED DO, ,GANG GI TSE YANG DAG PA JI LTA BA BZHIN DU RTOGS PA DE'I TSE NA BUD MED KYI BLO GROS MED PAR GYUR CING 'DOD CHAGS DANG BRAL NAS SHIN TU NGO TSA BA SKYES TE, RANG BZHIN GYI SEMS GNAS MED PA LA 'DOD CHAGS SKYE BA LA 'PHYA BA DE DANG 'DRA STE DE LTAR BCOM LDAN 'DAS KYIS KYANG DGE SLONG DAG BUD MED LA NANG GI BUD MED KYI DBANG PO YANG DAG PAR @159B RJES SU MI MTHONG STE, DGE SLONG DAG GAL TE BUD MED YIN NA NANG GI BUD MED KYI DBANG PO YANG DAG PAR RJES SU MI MTHONG NGO, ,ZHES RGYA CHER BKA' STZAL TO, ,DE'I PHYIR SLOB DPON 'PHAGS PA LHAS KYANG, SRID PA'I SA BON RNAM SHES TE, ,YUL RNAMS DE YI SPYOD YUL LO, ,YUL LA BDAG MED MTHONG NA NI, ,SRID PA'I SA BON 'GAG PAR 'GYUR, ,ZHES GSUNGS SO, ,DE LTA BAS NA SLOB DPON GYIS DNGOS PO RNAMS KYI NGO BO NYID MED PA NYID RAB TU BSTAN PA'I PHYIR 'DI BRTZAM MO, ,'DIR SMRAS PA, GANG GI TSE DE BZHIN GSHEGS PA THAMS CAD MKHYEN PA THAMS CAD GZIGS PA THUGS RJE CHEN PO MNGA' BA NYID KYIS RTEN CING 'BREL PAR 'BYUNG BA DE DANG DER DE LTA DE LTAR BSHAD CING RAB TU BSTAN ZIN NA, YANG DE RJES SU RAB TU BSTAN PA LA DGOS PA CI YOD, BSHAD PA, DE BZHIN GSHEGS PA NYID KYIS RTEN CING 'BREL PAR 'BYUNG BA BSHAD CING RAB TU BSTAN PA BDEN MOD KYI, 'ON KYANG 'JIG RTEN GYI THA SNYAD KYI DBANG GIS SKYE BA LA SOGS PA'I BRJOD PA DAG GIS BSHAD CING RAB TU BSTAN PAS, DE LA DA LTAR NYID KYANG BRJOD PA TZAM LA MNGON PAR ZHEN PA'I BLO CAN KHA CIG RTEN CING 'BREL PAR 'BYUNG BA MCHOG TU ZAB PA MA RTOGS PA NA, DNGOS PO RNAMS NI YOD PA KHO NA YIN TE, GANG GI PHYIR DE DAG GI SKYE BA DANG 'GAG PA DANG 'GRO BA DANG 'ONG BA DAG BRJOD PA'I PHYIR RO, ,GANG ZHIG YOD PA LAS RTAG PA DANG CHAD PA DANG DE NYID DANG GZHAN NYID DU SEMS PA DAG BYED KYI, RI BONG GI RVA LA SOGS PA MED PA DAG LA DE DAG MI 'BYUNG NGO SNYAM DU SEMS PA DE DAG LA RTEN CING 'BREL PAR 'BYUNG BA'I NGO BO NYID RAB TU BSTAN PA'I PHYIR SLOB DPON GYIS RIGS PA DANG LUNG SNGON DU BTANG BA 'DI BRTZAMS SO, ,GZHAN YANG GANG KHO NA'I PHYIR DE BZHIN GSHEGS PAS RTEN CING 'BREL PAR 'BYUNG BA BSHAD CING RAB TU BSTAN PA DE KHO NA'I PHYIR SLOB DPON GYIS RJES SU RAB TU BSTAN PAR 'THAD KYI, MA BSHAD CING RAB TU MA BSTAN PAR RJES SU RAB TU STON PAR 'OS PA DE GANG ZHIG YIN, 'DI LTAR 'JIG RTEN PA'I BSTAN BCOS DAG KYANG SNGON GYI SLOB DPON RNAMS KYIS BSHAD CING RAB TU BSTAN PAS DA LTAR NYID KYANG DE RNAMS KYI SLOB MA DAG RJES SU SMRA BAR BYED DO, ,DE'I PHYIR SLOB DPON GYIS @160A *, ,RJES SU RAB TU BSTAN PAR RIGS SO, ,'DIR SMRAS PA, CI'I PHYIR 'GAG PA LA SOGS PA BRGYAD PO DE DAG 'GOG PAR BYED, 'GAG PA MED PA SKYE MED PA, ,CHAD PA MED PA RTAG MED PA, ,ZHES BYA BA DE TZAM ZHIG BYAS PAS MI CHOG GAM, BSHAD PA, DNGOS PO'I NGO BO NYID SMRA BA DAG PHAL CHER THA SNYAD KYI DBANG GIS BSTAN PA 'GAG PA LA SOGS PA BRJOD PA BRGYAD PO DE DAG GIS DNGOS PO YOD PA NYID DU STON PAR BYED PAS DE'I PHYIR 'GAG PA LA SOGS PA BRGYAD PO DE DAG NYID DGAG PA MDZAD DO, ,DE BZHIN DU DE KHO NA SEMS PAR BYED PA'AM, 'GYED PA RTZOM PAR BYED PA GANG DAG CI YANG RUNG BA DE DAG KYANG 'GAG PA LA SOGS PA'I DON DE DAG LA BRTEN NAS SEMS PA DANG RTZOM PAR BYED DE, 'DI LTA STE, RE ZHIG KHA CIG NA RE DNGOS PO THAMS CAD NI SKYE BA DANG 'GAG PA'I CHOS CAN SKAD CIG MA STE RGYUN GYIS RGYUN DU 'BYUNG NGO, ,ZHES ZER RO, ,GZHAN DAG NA RE SA LA SOGS PA RDZAS DGU PO DAG RTAG CES ZER RO, ,YANG GZHAN DAG NI CHOS DANG CHOS MA YIN PA DANG, GANG ZAG NAM MKHA' DANG, DUS DANG GANG ZAG DANG SROG CES BYA BA RDZAS DRUG PO DAG RTAG CES BRJOD DO, ,DE BZHIN DU PHAL CHER SROG DANG LUS GNYIS, ME DANG BUD SHING GNYIS, RGYU DANG 'BRAS BU GNYIS, YON TAN DANG YON CAN GNYIS, YAN LAG DANG YAN LAG CAN GNYIS NI DE NYID DANG GZHAN NYID CES BYA BA 'GYED PAR BYED DO, ,DE BZHIN DU KHA CIG NA RE YON TAN BYA BA DANG LDAN PA RNAMS DANG RTAG 'KHOR LO ZHES ZER RO, ,GZHAN DAG NA RE RDUL PHRAN DANG YID GNYIS NI MI 'GRO'O ZHES ZER RO, , GZHAN DAG NI SROG DANG GANG ZAG GNYIS 'GRO BA DANG LDAN ZHES BRJOD DO, ,GRUB NAS GANG DU 'GRO BAR YANG 'DOD DO, ,DE'I PHYIR DE KHO NA SEMS PA DANG 'GYED PA RTZOM PA'I DBANG GIS 'GAG PA LA SOGS PA BRGYAD PO DGAG PAR MDZAD DO, ,'DIR SMRAS PA, 'O NA CI'I PHYIR 'GAG PA SNGAR BKAG PA, SKYE BA PHYIS BKAG ,SKYE BA MED PA SNGAR BRJOD PAR BYA BA'I RIGS SNYAM NA, ,BSHAD PA, DE NI KLAN KAR MI RUNG STE, ,CI'I PHYIR ZHE NA, YI GE LA MKHAS PA RNAMS NI BSDU BA LA SBYOR BA LTAG 'OG NGES PA YOD KYI, GZHAN LA NI NGES PA MED PA'I PHYIR RO, ,'DIR SMRAS PA, DE LTA NA YANG @160B SKYE BA YOD NA 'GAG PAR 'GYUR GYI MED NA MI 'GYUR BA GO RIMS BZHIN DU SNGAR SKYE BA MED PA ZHES BRJOD PAR BYA BA KHO NAR 'GYUR RO, ,BSHAD PA, GROGS PO 'DI LTAR SKYE BA SNGA LA 'GAG PA 'PHYI'O, ,ZHES BYA BAR GANG GIS KHO BO CAG YID CHES PAR 'GYUR BA'I DPE 'GA' ZHIG JE GYIS SHIG SMRAS PA THAMS CAD KYANG DPE YIN TE, JI LTAR ZHE NA, RE ZHIG SKYE 'DI DON MED GANG PHYIR SKYE BA YOD NA RGA SHI DANG, ,NAD DANG SDUG BSNGAL BSANG DANG BCINGS LA SOGS PA'I DGRA DAG YOD, ,CES BYA BA BZHIN NO, ,BSHAD PA, GANG LA 'CHI BA YOD PA'I SKYE BA GANG YIN PA DE LA YANG 'CHI BA SNGON DU 'GRO BA KHO NA YIN PA SNYAM, GAL TE DE 'CHI BA SNGON DU 'GRO BA MA YIN NA NI 'KHOR BA LA THOG MA YOD PAR THAL BAR 'GYUR BAS, DE YANG MI 'DOD DE, DE'I PHYIR 'KHOR BA LA THOG MA DANG THA MA MED PA'I PHYIR SKYE BA SNGA LA 'CHI BA 'PHYI BA 'AM 'CHI BA SNGA LA SKYE BA 'PHYI'O ZHES BYA BAR BRJOD PAR MI NUS SO, ,'OG NAS KYANG, ,GAL TE SKYE BA SNGA GYUR LA, ,RGA SHI 'PHYI BA YIN NA NI, ,RGA SHI MED PAR SKYE BA DANG, ,MA SHI BAR YANG SKYE BAR 'GYUR, ,ZHES 'BYUNG NGO, ,SMRAS PA 'O NA, GAL TE 'JIG MED SKYE BA MED NA DON MED DE MI 'BYUNG, ,SHING SKYES MED NA NAGS MED RLUNG GIS SGREL BAR MI 'GYUR BZHIN, ,ZHES BYA BA 'DIS NI DPE GZHAN YIN NA, ,BSHAD PA, 'DI LA KHYAD PAR CI YOD, SMRAS PA, KHYAD PAR NI 'DI YIN TE, GANG GI PHYIR 'DI LA 'GAG PA SNGON DU 'GRO BA'I SKYE BA MED DO, ,'DI LTAR SHING LON PA GZHAN DU 'GAGS LA 'DIR SKYES PA MED PA'I PHYIR RO,, BSHAD PA, ,'DI LA YANG SA BON 'GAG PA SNGON DU 'GRO BA LAS SKYE BAS DE YANG 'GAG PA SNGON DU 'GRO BA KHO NA LAS SKYE BA YIN NO, ,'DIR SMRAS PA, DE NI MI 'DRA STE, CI'I PHYIR ZHE NA, GZHAN KHO NA 'GAGS LA GZHAN KHO NA SKYE BA'I PHYIR TE, 'DI LTAR 'DI LA SA BON 'GAGS LA MYU GU SKYE'I MYU GU NYID 'GAGS LA MYU GU NYID MI SKYE BAS DE'I PHYIR DE NI MI 'DRA'O, ,BSHAD PA, DE NI 'DRA BA KHO NA STE, CI'I PHYIR ZHE NA, 'DI LTAR SKYE BA DANG 'CHI BA GNYIS KYANG GANG KHO NA SHI BA DE NYID SKYE BA MA YIN PA'I PHYIR TE, GAL TE GANG KHO NA 'CHI BA DE NYID SKYE BAR 'GYUR NA NI DE LTA NA RTAG PA'I SKYON DU THAL BAR @161A *, ,'GYUR TE, LHA GANG YIN PA DE YANG LHA KHO NAR 'GYUR LA, DUD 'GRO GANG YIN PA DE YANG DUD 'GRO KHO NAR 'GYUR RO, ,DE LTA YIN NA LAS DANG NYON MONGS PAS BYAS PA'I SKYE BA DANG 'GRO BA 'KHRUL PA MED PAR 'GYUR BAS DE YANG MI 'DOD DE, DE NAS GANG KHO NA 'CHI BA DE NYID SKYE BAR 'GYUR RO, ,ZHES BYA BA DE BRJOD PAR MI NUS PAS DE'I PHYIR DE'I 'DRA BA KHO NA'O, ,'DI LA GZHAN KHO NA 'GAG , GZHAN KHO NA SKYE'O ZHES PA GANG YIN PA DE YANG MI RIGS TE, GAL TE SA BON DANG MYU GU GNYIS GZHAN NYID YIN PAR GYUR NA DE GNYIS LA RGYU DANG 'BRAS BU'I THA SNYAD KYANG MED PAR 'GYUR BA ZHIG NA THA SNYAD YOD PAS DE'I PHYIR DE GNYIS GZHAN NYID MA YIN NO, ,GZHAN YANG 'DI NA SMRA BA PO DAG SA BON BTAB NAS BDAG GIS SHING LJON PA 'DI BTZUGS, BDAG GIS BU 'DI BSKYED DE, SHING LJON PA 'DI NI BDAG GI'O, ,BU 'DI NI BDAG GI'O ZHES ZER RO, ,DE LA GAL TE SA BON DANG SHING LJON PA DANG BU DAG GZHAN NYID YIN PAR GYUR NA 'JIG RTEN GYI THA SNYAD DE DAG MI SRID PAR 'GYUR BA ZHIG NA SRID PAS DE'I PHYIR SA BON DANG MYU GU GNYIS GZHAN NYID DU BRJOD PAR MI NUS TE, 'OG NAS KYANG, GZHAN NI GZHAN LAS BRTEN TE GZHAN, ,GZHAN MED GZHAN LAS GZHAN MI 'GYUR, , GANG LAS BRTEN TE GANG YIN PA, ,DE NI DE LAS GZHAN MI 'THAD, ,CIS 'BYUNG NGO, ,'DIR SMRAS PA, DE LTA NA YANG SA BON YOD PA NYID YIN NA 'GAG PAR 'GYUR GYIS MED NA MI 'GYUR BAS 'DI YANG SKYE BA SNGA LA 'GAG PA 'PHYI BAR 'GYUR RO, ,BSHAD PA, 'DI LTAR SA BON DE LA YANG SA BON 'GAG PA SNGON DU 'GRO BA NYID YOD DE, CI'I PHYIR ZHE NA, 'DI LTAR MYU GU LAS KYANG SHING LJON PA GZHAN MA YIN LA SHING LJON PA LAS KYANG SA BON GZHAN MA YIN PA'I PHYIR SA BON 'GAG PA SNGON DU 'GRO BA LAS MYU GU SKYE LA, SA BON YANG SA BON 'GAG PA SNGON DU 'GRO BA LAS SKYE STE; DE LTAR SLOB DPON 'PHAGS PA LHAS KYANG, ,SA BON DPE NI JI LTA BAR, ,DE LA THOG MA YOD MA YIN, ,DE LTAR RGYU DANG MI LDAN LAS, ,SKYE BA'ANG SRID PAR MI 'GYUR RO, ,ZHES GSUNGS SO, ,DE'I PHYIR SKYE BA DANG 'GAG PA GNYIS LA SNGA PHYI'I RNAM PAR BZHAG PA MED PAS CI'I PHYIR @161B 'GAG PA SNGAR BKAG LA SKYE BA PHYIS BKAG CES BYA BA DE KLAN KAR MI RUNG NGO, ,DE GNYIS LA SNGA PHYI'I RNAM PAR BZHAG PA MED PA DE NYID RAB TU BSTAN PA'I PHYIR SLOB DPON GYIS 'DIR 'GAG PA SNGAR GZUNG BA MDZAD LA SKYE BA PHYIS BRTAGS SO, ,'DIR SMRAS PA, RE ZHIG JI LTAR SKYE BAR BRJOD PA THA SNYAD TZAM YIN PA DE LTAR RAB TU STON CIG , BSHAD PA TE POR BSTAN PAR BYA'O, ,BDAG LAS MA YIN GZHAN LAS MIN, ,GNYIS LAS MA YIN RGYU MED MIN, ,DNGOS PO GANG DAG GANG NA YANG, ,SKYE BA NAM YANG YOD MA YIN, ,'DI LA GAL TE DNGOS PO 'GA' ZHIG SKYE BAR GYUR NA, DNGOS PO DE'I SKYE BA DE BDAG LAS SAM, GZHAN LAS SAM, BDAG DANG GZHAN GNYIS LAS SAM, RGYU MED PA LAS 'GYUR GRANG NA, BRTAGS NAS RNAM PA THAMS CAD LAS MI 'THAD DO, ,JI LTAR ZHE NA, BDAG LAS ZHES BYA BA NI BDAG NYID LAS ZHES BYA BA'I THA TSIG GO , ,DE LA RE ZHIG DNGOS PO RNAMS BDAG GI BDAG NYID LAS SKYE BA MED DE, DE DAG GI SKYE BA DON MED PA NYID DU 'GYUR BA'I PHYIR DANG, SKYE BA THUG PA MED PAR 'GYUR BA'I PHYIR RO, ,'DI LTAR DNGOS PO BDAG GI BDAG NYID DU YOD PA RNAMS LA YANG SKYE BA DGOS PA MED DO, ,GAL TE YOD KYANG YANG SKYE NA NAM YANG MI SKYE BAR MI 'GYUR BAS DE YANG MI 'DOD DE, DE'I PHYIR RE ZHIG DNGOS PO RNAMS BDAG LAS SKYE BA MED DO, ,GZHAN LAS KYANG SKYE BA MED DE, CI'I PHYIR ZHE NA, THAMS CAD LAS THAMS CAD SKYE BAR THAL BAR 'GYUR BA'I PHYIR RO, ,BDAG DANG GZHAN GNYIS LAS KYANG SKYE BA MED DE; GNYI GA'I SKYON DU THAL BAR 'GYUR BA'I PHYIR RO, ,RGYU MED PA LAS KYANG SKYE BA MED DE, RTAG TU THAMS CAD LAS THAMS CAD SKYE BAR THAL BAR 'GYUR BA'I PHYIR DANG, RTZOM PA THAMS CAD DON MED PA NYID KYI SKYON DU 'GYUR BA'I PHYIR RO, ,DE LTAR GANG GI PHYIR DNGOS PO SKYE BA RNAM PA THAMS CAD DU MI 'THAD PAS DE'I PHYIR SKYE BA MED PAS SKYE BAR BRJOD PA NI THA SNYAD TZAM YIN NO, ,SMRAS PA, DNGOS PO RNAMS BDAG LAS SKYE BA MED DE, 'DI LTAR MYU GU DE NYIS LAS JI LTAR SKYE ZHES BSHAD PA GANG YIN PA DANG, BDAG LAS SKYE BA MED NA BDAG DANG GZHAN GNYIS LAS SKYE BA DE YANG MI RIGS TE, @162A *, ,PHYOGS GCIG NYAMS PA'I PHYIR RO ZHES BYA BA DANG, 'DI LTAR RGYU MED PA LAS SKYE'O ZHES BYA BA'I PHYOGS DE NI THA CHAD YIN PAS DE DAG NI RE ZHIG KHAS MI LEN TO, ,DNGOS PO RNAMS GZHAN LAS SKYE BA MED PA KHO NA'O, ,ZHES BYA BA DE NGES PAR GZUNG STE BSHAD PA GANG YIN PA DE LA SMRA BAR BYA STE, RKYEN RNAMS BZHI STE RGYU DANG NI, ,DMIGS PA DANG NI DE MA THAG ,BDAG PO YANG NI DE BZHIN TE, ,RKYEN LNGA PA NI YOD MA YIN, ,LNGA PA YOD PA MA YIN ZHES BYA BAS NI SLOB DPON KHA CIG GIS RKYEN BZHI PO 'DI LAS GZHAN GANG DAG THA SNYAD DU BRJOD PA DE DAG THAMS CAD KYANG RKYEN BZHI PO 'DI DAG TU 'DUS SO, ,ZHES NGES PAR 'DZIN PAR BYED DO, ,DE RAB TU BSTAN PA'I PHYIR RGYU LA SOGS PA RKYEN BZHI PO DE DAG DNGOS PO RNAMS SKYED PA'I RKYEN DU BSTAN TE, RKYEN BZHI PO DE DAG LAS DNGOS PO RNAMS SKYE BAR 'GYUR RO, ,GANG GI PHYIR RKYEN BZHI PO GZHAN DU GYUR PA DE DAG LAS DNGOS PO RNAMS SKYE BAR 'GYUR BA DE'I PHYIR DNGOS PO RNAMS GZHAN LAS SKYE BA MED PA KHO NA'O, ,ZHES BYA BA DE BZANG PO MA YIN NO, ,BSHAD PA, GAL TE KHYOD KYIS RGYU LA SOGS PA RKYEN BZHI PO GANG DAG GZHAN YIN PAR THA SNYAD BTAGS PA DE DAG DNGOS PO RNAMS LAS GZHAN YIN PAR GYUR NA NI DNGOS PO RNAMS GZHAN LAS SKYE BAR YANG 'GYUR BA ZHIG NA, DE DAG NI GZHAN YIN PAR MI 'THAD DO, ,JI LTAR ZHE NA, DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,BDAG GI DNGOS PO YOD MIN NA, ,GZHAN GYI DNGOS PO YOD MA YIN, 'DI LA DNGOS PO YOD PA RNAMS GCIG LA GCIG LTOS NAS GZHAN NYID DU 'GYUR BA NI DPER NA TZEE TRA LAS GUB TA GZHAN DU 'GYUR LA, GUB TA LAS KYANG TZEE TRA GZHAN DU 'GYUR BA LTA BU YIN NA, GNAS SKABS GANG NA SA BON LA SOGS RKYEN RNAMS YOD PA'I GNAS SKABS DE NA MYU GU LA SOGS PA DNGOS PO RNAMS YOD PA MA YIN TE, DE'I PHYIR RGYU LA SOGS PA RKYEN RNAMS YOD PA NA MYU GU LA SOGS PA DNGOS PO RNAMS KYI RANG BZHIN YOD PA MA YIN NO, ,DE RNAMS KYI BDAG GI DNGOS PO YOD PA MA YIN NA RGYU LA SOGS PA DAG JI LTAR GZHAN DU 'GYUR, DE LTA BAS NA RGYU LA SOGS @162B PA RKYEN RNAMS MYU GU LA SOGS PA DNGOS PO RNAMS LAS GZHAN NYID YIN PAR MI 'THAD DO, ,DE'I PHYIR GZHAN GYI DNGOS PO MED PA KHO NA'I PHYIR DNGOS PO RNAMS GZHAN LAS SKYE'O, ,ZHES BYA BA DE 'THAD PA MA YIN NO, ,RKYEN LA SOGS LA, ZHES BYA BA LA SOGS PA SMOS PA NI GZHAN GYI GZHUNG LUGS KYANG NGES PAR GZUNG BA'I PHYIR TE, DES NA GZHAN GYI GZHUNG LUGS DAG LA YANG DNGOS PO RNAMS SKYE BA MI 'THAD PAR RAB TU BSTAN PA YIN NO, ,'DIR SMRAS PA, GZUGS LA SOGS PA RKYEN RNAMS YOD NA RNAM PAR SHES PA SKYE BA MA YIN NAM BSHAD PA, MA YIN TE DNGOS PO RNAMS KYI SKYE BA 'DI BRTAG PAR BYA'O, ,KHYOD RNAM PAR SHES PA MA SKYES PA RKYEN GZHAN DU GYUR PA DAG LAS SKYE BAR 'DOD NA, RNAM PAR SHES PA MA SKYES PA LA BDAG GI DNGOS PO GA LA YOD, BDAG GI DNGOS PO MED NA GZHAN GYI DNGOS PO YANG GA LA YOD, GZHAN GYI DNGOS PO MED NA DE MYU GU LA SOGS PA DANG MTSUNGS PA YIN NO, ,YANG NA 'DI NI DON GZHAN YIN TE, DNGOS PO RNAMS KYI RANG BZHIN NI RKYEN RNAMS LA YANG YOD PA MA YIN, RKYEN RNAMS LAS GZHAN PA LA YOD PA MA YIN, GNYI GA LA YANG YOD PA MA YIN NO, ,CI'I PHYIR ZHE NA, SKYE BA'I RKYEN DU BRTAG PA DON MED PA NYID KYI SKYON DU 'GYUR BA'I PHYIR TE, 'DI LTAR GAL TE DNGOS PO RNAMS KYI RANG BZHIN RKYEN RNAMS LA 'AM RKYEN RNAMS LAS GZHAN PA LA 'AM, GNYI GA LA YOD PAR GYUR NA, YOD PA LA SKYE BA CI ZHIG BYA STE, DNGOS PO RANG BZHIN GYIS YOD PA RNAMS LA YANG SKYE BAR BRTAG PA DON MED PA NYID DU 'GYUR RO, ,YOD PA LA RKYEN RNAMS KYIS KYANG CI ZHIG BYA STE, RKYEN DU BRTAG PA YANG DON MED PA NYID DU 'GYUR RO, ,DE LTA BAS NA, ,DNGOS PO RNAMS KYI RANG BZHIN NI, ,RKYEN LA SOGS LA YOD MA YIN, ,GANG RKYEN LA SOGS PA LA YOD PA MA YIN PA DE NI BDAG GI DNGOS PO YOD PA MA YIN PA STE, DE DAG LAS GZHAN DU YONGS SU BRTAG TU MED PA'I PHYIR RO, ,BDAG GI DNGOS PO YOD MIN NA, ,GZHAN GYI DNGOS PO YOD MA YIN, ,GZHAN GYI DNGOS PO MED NA SU ZHIG DNGOS PO RNAMS GZHAN LAS SKYE BA'O ZHES SMRA BAR RIGS, 'DIR SMRAS PA, DNGOS PO RNAMS @163A *, ,BDAG DANG GZHAN LA SOGS PA LAS SKYE'O ZHES BYA BA 'DIS KHO BO CAG LA CI BYA STE, 'DI LTAR MIG LA SOGS PA NI RNAM PAR SHES PA SKYE BAR BYA BA'I RKYEN YIN NO, ,DE YANG JI LTAR ZHE NA, 'DI LA SKYE BA'I BYA BA NI SKYED PA DANG SKYE BA DANG 'BYUNG BA STE GTZO CHER RNAM PAR SHES PA LA 'JUG GO , ,RNAM PAR SHES PA NI SKYE BA YIN NO, ,'DI LTAR MIG LA SOGS PA NI RNAM PAR SHES PA SKYE BA'I BYA BA DE SGRUB PAR BYED PA YIN TE, SGRUB PAR BYED PA YIN PA'I PHYIR RKYEN YIN NO, ,DPER NA BTZO BA'I BYA BA NI 'TSED PA DANG BTZED PA STE GTZO CHER 'BRAS CHAN LA 'JUG CING; 'BRAS CHAN NI BTZO BA YIN LA, MI DANG SNOD DANG CHU DANG ME DANG THAB LA SOGS PA RANG RANG GI BYA BA BYED PA DAG NI BTZO BA'I BYA BA DE SGRUB PAR BYED PA'I RKYEN DAG YIN PAR MTHONG BA BZHIN NO, ,'DIR BSHAD PA, BYA BA RKYEN DANG LDAN MA YIN, 'DI LA KHYED NA RE MIG LA SOGS PA NI RNAM PAR SHES PA SKYE BA'I BYA BA SGRUB PAR BYED PA YIN PA'I PHYIR RNAM PAR SHES PA'I RKYEN YIN LA, DE NYID KYANG RNAM PAR SHES PA LA 'JUG GO ZHES ZER BA NI BYA BA BRTAGS NA MI 'THAD PAS MIG LA SOGS PA DAG DE SGRUB PAR BYED PA YIN PAR GA LA 'GYUR, GAL TE JI LTAR ZHE NA, DE'I PHYIR BSHAD PA 'DI LA SKYE BA'I BYA BA NI RNAM PAR SHES PA MA SKYES PA 'AM SKYES PA LA 'JUG PAR 'GYUR GRONG NA, DE LA RE ZHIG MA SKYES PA LA NI MI 'JUG STE, GNAS PA MED PA'I PHYIR RO, ,'DI LTAR SKYE BA'I BYA BA NI RNAM PAR SHES PA'I GNAS LA 'JUG GI ,GNAS MED PA LA MI 'JUG PAS RNAM PAR SHES PA MA SKYES PA DE YANG MED PA YIN LA, DE MED NA SKYE BA'I BYA BA DE LA GNAS PA YOD PAR GA LA 'GYUR, RNAM PAR SHES PA SKYES PA LA YANG SKYE BA'I BYA BA MI 'JUG STE, CI'I PHYIR ZHE NA, RNAM PAR SHES PA SKYES ZIN PA'I PHYIR TE, 'DI LTAR SKYES ZIN PA LA NI YANG SKYE BA MED DO, ,DE LA 'DI SNYAM DU RNAM PAR SHES PA SKYE BZHIN PA LA SKYE BA'I BYA BA YOD PAR SEMS NA, DE YANG MI RUNG STE, CI'I PHYIR ZHE NA, SKYES PA DANG MA SKYES PA MA GTOGS PAR SKYE BZHIN PA MED PA'I PHYIR RO, ,SKYE BA DANG MA SKYES PA GNYIS LA SKYE BA'I BYA BA MI 'JUG PAR NI BSTAN @163B ZIN PAS DE'I PHYIR SKYE BA'I BYA BA MED DO, ,'DIS BTZO BA'I BYA BA YANG BSAL TE, DE LTA BAS NA BYA BA RKYEN DANG LDAN PA MI 'THAD DO, ,DE LA 'DI SNYAM DU RKYEN DANG MI LDAN PA'I BYA BA YOD PAR SEMS NA, BSHAD PA, RKYEN DANG MI LDAN BYA BA MED, ,'DI LTAR RKYEN DANG MI LDAN PA'I BYA BA MED DO, ,GAL TE YOD PAR GYUR NA RTAG TU THAMS CAD LAS THAMS CAD SKYE BAR 'GYUR RO, ,DE LTA YIN NA RTZOM PA THAMS CAD DON MED PA NYID DU 'GYUR BAS DE YANG MI 'DOD DE, DE'I PHYIR RKYEN DANG MI LDAN PA'I BYA BA YANG MI 'THAD DO, ,'DIR SMRAS PA, RE ZHIG RKYEN RNAMS NI YOD DO, ,DE DAG YOD PAS DNGOS PO 'GRUB BO, ,DE GRUB PAS SKYE BA 'GRUB BO, ,BSHAD PA, BYA BA MI LDAN RKYEN MA YIN, ,GANG DAG LA BYA BA MED PA DE DAG NI RKYEN MA YIN NO, ,JI LTAR ZHE NA, MIG LA SOGS PA NI SKYE BA'I BYA BA SGRUB PAR BYED PAS RNAM PAR SHES PA'I RKYEN DU 'GYUR NA, SKYE BA'I BYA BA DE MI 'THAD PAR NI SNGAR RAB TU BSTAN ZIN TO, ,DE MED PA'I PHYIR DE SGRUB PAR BYED PA YOD PAR GAL 'GYUR, DE SGRUB PAR BYED PA MED PA'I PHYIR MIG LA SOGS PA SKYE BAR BYA BA'I RKYEN MA YIN NO, ,SKYE BAR BYA BA'I RKYEN MA YIN NA JI LTAR RKYEN DU 'GYUR, CI STE 'GYUR NA NI THAMS CAD KYANG THAMS CAD KYI RKYEN DU 'GYUR RO, ,DE LTA YIN NA THAMS CAD LAS THAMS CAD SKYE BAR 'GYUR BA ZHIG NA, DE LTAR YANG MI 'GYUR TE, DE'I PHYIR BYA BA DANG MI LDAN PA RNAMS RKYEN MA YIN NO, ,SMRAS PA, CI KHO BO RKYEN RNAMS BYA BA DANG MI LDAN NO ZHES SMRA 'AM, 'DI LTAR RKYEN RNAMS NI BYA BA DANG LDAN PA KHO NA YIN NO, ,BSHAD PA, BYA BA LDAN NAM 'ON TE NAM YIN ZHES BYA BA'I SKABS DE DANG SBYAR TE RKYEN RNAMS BYA BA DANG LDAN PA MA YIN NO, ,BYA BA RKYEN DANG LDAN PA MA YIN PA DANG RKYEN DANG MI LDAN PA MED PA DE NI SNGAR RAB TU BSTAN PA KHO NA YIN NO, ,BYA BA MED NA JI LTAR RKYEN RNAMS BYA BA DANG LDAN PAR 'GYUR, DE LTAR NA GANG GI PHYIR BYA BA DANG MI LDAN PA'I RKYEN KYANG MI 'THAD LA, BYA BA DANG LDAN PA YANG MED PAS DE'I PHYIR RKYEN DU RNAM PAR BRTAG PA NI DON MED PA NYID DO, ,'DIR SMRAS PA, CI'I RKYEN RNAMS BYA BA DANG MI LDAN NO ZHE 'AM, BYA BA DANG @164A *, ,LDAN NO ZHES BYA BA MI DGOS PA BSAM PA 'DIS CI BYA, GANG GI PHYIR RNAM PA THAMS CAD DU RGYU LA SOGS PA'I RKYEN BZHI PO DE DAG LA BRTEN NAS DNGOS PO RNAMS SKYE BAS DE'I PHYIR DE DAG DNGOS PO'I RKYEN YIN NO, ,BSHAD PA, CI KHYOD NAM MKHA' LA KHU TSUR DAG GIS BRDEG GAM, GANG GI TSE SKYE BA'I BYA BA MED PA KHO NA STE DE MED PA'I PHYIR RKYEN RNAMS MI 'THAD DO ZHES SNGAR BSTAN PA'I TSE DE DAG LA BRTEN NAS DNGOS PO RNAMS SKYE BA ZHES BYA BA DE JI LTAR SMRA BAR 'THAD, YANG GZHAN YANG, 'DI DAG LA BRTEN SKYE BAS NA, ,DE PHYIR 'DI DAG RKYEN ZHES GRAGS, , JI SRID MI SKYE DE SRID DU, ,'DI DAG RKYEN MIN JI LTAR MIN, ,GAL TE 'DI DAG LA BRTEN NAS SKYE BAS RKYEN YIN NO ZHES DE LTAR RTOG NA, JI SRID DU MI SKYE BA DE SRID DU RKYEN MA YIN NO ZHES BYA BAR YANG CI'I PHYIR MI BRTAG ,CI STE SNGAR RKYEN DU MA GYUR PA PHYIS RKYEN DU 'GYUR BAR SEMS NA, DE YANG MI 'THAD DE, CI'I PHYIR ZHE NA, THAMS CAD KYI RKYEN DU THAL BAR 'GYUR BA'I PHYIR DE YANG MI 'DOD DO, ,CI STE RKYEN MA YIN PA DAG KYANG GZHAN 'GA' ZHIG LA LTOS NAS RKYEN DU 'GYUR TE, DES NA THAMS CAD KYI RKYEN DU THAMS CAD THAL BAR MI 'GYUR BAR SEMS NA, DE LA YANG DE NYID DO; ,GANG YANG RUNG BA LA LTOS NAS RKYEN MA YIN PA YANG RKYEN NYID DU 'GYUR NA, RKYEN NYID DE LA YANG RKYEN YOD PAR 'GYUR ZHING, DE LA YANG DE LTAR BSAM DGOS SO, ,THUG PA MED PA'I SKYON DU YANG 'GYUR TO, GAL TE GZHAN YANG GZHAN 'GA' ZHIG LA LTOS NAS RKYEN NYID DU 'GYUR NA; DE YANG GZHAN LA LTOS LA DE YANG GZHAN LA LTOS PAS THUG PA MED PAR THAL BAR 'GYUR BAS DE YANG MI 'DOD DO, ,DE'I PHYIR RKYEN RNAMS MI 'THAD PA KHO NA'O, ,YANG GZHAN YANG, MED DAM YOD PA'I DON LA YANG, ,RKYEN NI RUNG BA MA YIN NO, ,MED NA GANG GI RKYEN DU 'GYUR, , YOD NA RKYEN GYIS CI ZHIG BYA, ,'DI LA BRTEN NAS 'DI SKYE'O ZHES PA'I 'BREL PA 'DI SA DON 'DI'I RKYEN 'DI'O ZHES ZER NA, 'DI'O 'DI'O ZHES BYA BA'I 'BREL PA DE YANG DON MED PA'AM YOD PA'I RKYEN NYID DU BRTAG GRANG NA, DON MED PA DANG YOD PA'I RKYEN 'DI'O ZHES BYA BAR MI RUNG NGO, , @164B JI LTAR ZHE NA, MED NA GANG GI RKYEN DU 'GYUR, ,YOD NA RKYEN GYIS CI ZHIG BYA, ,DNGOS PO MED PA'I RKYEN DU BRTAGS NA RKYEN 'DI GANG GI ZHES ZER BA LA JI SKAD BRJOD PAR BYA, 'DI LTAR SNAM BU MED PA'I RKYEN RGYU SPUN DAG YIN NO ZHES BSTAN PAR MI RIGS SO, ,SMRAS PA, RGYU SPUN DAG LAS SNAM BU 'BYUNG BAS PHYIS 'BYUNG BA'I TSUL GYIS RGYU SPUN DAG SNAM BU'I RKYEN YIN PAR BSTAN DU RUNG NGO, ,BSHAD PA, CI KHYOD BUM 'BYUNG BA'I NOR GYIS BU'I MA KHA DRANGS PAR 'DOD DAM, DNGOS PO MED PA'I RKYEN MI 'THAD DO ZHES SMRAS TE, RKYEN MI 'THAD PAS DNGOS PO SKYE BA BKAG BZHIN DU KHYOD MA 'ONGS PA'I DNGOS PO SKYE BAS RKYEN NYID BSGRUB PAR 'DOD DO, ,GANG GI TSE GANG DU DUS LA LAR YANG, DNGOS PO SKYE BA MED PA LA, ,MED NA GANG GI RKYEN DU 'GYUR, ,ZHES BYA BA 'DI NYE BAR GNAS PA DE'I TSE DNGOS PO PHYIS SKYE BAR 'GYUR BA DE LA LTOS NAS KHYED KYI RKYEN 'GRUB PAR 'GYUR BA GANG LA YOD, DE LTA BAS NA DE NI GYI NA'O, ,DE LA 'DI SNYAM DU YOD PA'I RKYEN DU 'GYUR SEMS NA, BSHAD PA, YOD NA RKYEN GYIS CI ZHIG BYA, ,DNGOS PO YOD PA LA RKYEN MI 'THAD DO, ,'DI LTAR YOD PA LA YANG RKYEN GYIS CI ZHIG BYA STE, SNAM BU GRUB CING YOD PA'I RKYEN RGYU SPUN DAG YIN NO, ,ZHES BSTAN PAR MI RIGS SO, ,SMRAS PA, KHO BO SKYES PA LA YANG RKYEN GYI BYA BA YOD DO ZHES MI SMRA STE 'ON KYANG SNAM BU YOD PA'I RKYEN RGYU SPUN YIN PAR THA SNYAD 'DOGS PAR BYED PAS SNAM BU DE'I RKYEN RGYU SPUN DAG YIN NO, ,BSHAD PA, CI KHYOD RANG GI CHUNG MA MA BLANGS PAR BU'I CHUNG MA GLANG BAR SEMS SAM, DNGOS PO YOD PA SKYE BA'I RKYEN MI 'THAD PAS DNGOS PO SKYE BA BKAG BZHIN DU KHYOD SNAM BU SKYES PA'I RKYEN STON PAR BYED 'DOD GO ,'O NA NI DNGOS PO SKYE BA SGRUB PA'I PHYIR JE SGRIMS SHIG DANG DE'I 'OG TU 'DI'I RKYEN 'DI'O, ,ZHES BYA BA DE 'THAD PAR 'GYUR RO, ,DE LTA BAS NA DE YANG GYI NA'O, ,'DIR SMRAS PA, 'DI LA DNGOS PO RNAMS NI MTSAN NYID LA 'GRUB LA, RGYU NI SGRUB PAR BYED PA'O, ,ZHES RGYU'I MTSAN NYID KYANG BSTAN PAS DE LTAR MTSAN NYID YOD PA'I RGYU YOD DE, BSHAD PA, GANG TSE CHOS NI YOD PA DANG, @165A *, ,MED DANG YOD MED MI 'GRUB PAS, ,JI LTAR SGRUB BYED RGYU ZHES BYA, ,DE LTAR YIN NA MI RIGS SO, ,'DI LA CHOS GANG RGYUS SGRUB PAR GYUR NA DE YOD PA'AM MED PA'AM YOD MED CIG SGRUB PAR 'GYUR GRANG NA, RNAM PA THAMS CAD MI 'THAD DO, ,DE LA RE ZHIG YOD PA NI SGRUB PAR MI BYED DE, SKYES ZIN PA'I PHYIR RO, ,'DI LTAR SKYES PA LA YANG SKYE BAS CI BYA STE, CI STE YOD KYANG YANG SKYE BA NI NAM YANG MI SKYE BAR MI 'GYUR BAS DE YANG MI 'DOD DO, ,RGYUR BSTAN DU YANG MI 'THAD DE, 'DI LTAR YOD PA LA RGYUS CI BYA, 'DI LTAR RE ZHIG YOD PA NI SGRUB PAR MI BYED DO, ,DA NI MED PA YANG SGRUB PAR MI BYED DE MED PA'I PHYIR RO, ,CI STE MED KYANG SKYE NA NI RI BONG GI RVA YANG SKYE BAR 'GYUR RO, ,GAL TE DNGOS PO NI RGYU LAS SKYE'O ZHE NA, MI RUNG STE, RGYU MI 'THAD PA'I PHYIR RO, ,'DI LTAR DNGOS PO MED NA GANG GI RGYUR CI 'GYUR, YANG NA CI ZHIG BYAS NA RGYU'I RGYU NYID DU 'GYUR, 'DI LTAR THAMS CAD DU DNGOS PO MED, DE LA 'DI NI RGYU'O, ,'DI NI MA YIN NO ZHES BYE BRAG BSTAN PA DE YOD PAR GA LA 'GYUR, DE LTA BAS NA MED PA YANG SGRUB PAR MI BYED DO, ,DA NI YOD MED KYANG SGRUB PAR MI BYED DE, YOD PA DANG MED PA GNYIS LHAN CIG 'BYUNG BA 'GAL BA'I PHYIR DANG, SKYON SNGA MAR THAL BAR 'GYUR BA'I PHYIR RO, ,DE LTAR NA YOD MED KYANG SGRUB PAR MI BYED DO, ,DE'I PHYIR DE LTAR BRTAGS NA GANG GI TSE DNGOS PO GRUB PA JI LTAR YANG MI 'THAD PA DE'I TSE, JI LTAR SGRUB BYED RGYU ZHES BYA, ,DE LTAR YIN NA MI RIGS SO, ,DE LTAR YIN NA SGRUB PAR BYED RGYU ZHES BYA BA DE MI RIGS SO, ,'DIR SMRAS PA, DMIGS PA NI YOD DE, RNAM PAR SHES PA LA SOGS PA'I GNAS SU GYUR PA'I PHYIR RO, ,BSHAD PA, YIN PA'I CHOS NI DMIGS PA NI, MED PA KHO NAR NYE BAR BSTAN, ,'DI LA DMIGS PA DANG BCAS PAR ZHES BYA BA'I TSIG GI LHAG MA'O, ,YIN PA'I CHOS 'DI DMIGS PA KHO NA LAS DMIGS PA DANG BCAS PAR NYE BAR BSTAN TO, ,YIN PA'I CHOS 'DI DMIGS PA MED PA KHO NA LAS KHYOD KYIS RANG GI BLO DMIGS PA DANG BCAS PA ZHES BRJOD DO, ,JI LTA ZHE @165B NA 'DI LA DMIGS PA DANG BCAS PA ZHES BYA BA NI DMIGS PA YOD PA ZHES BYA BA'I THA TSIG GO, ,CHOS YOD PA NI DMIGS PA DANG BCAS PAR 'GYUR GYI MED PA NI MI 'GYUR RO, ,DMIGS PA DANG BCAS PA'I SNGON ROL NA DMIGS PA MED PAS DE NI DMIGS PA MED PA YIN NO, ,'DI LTA STE, DPER NA NOR YOD PA NI NOR DANG BCAS PA STE NOR CAN ZHES BYA'O, ,'GA' ZHIG YOD NA NOR DANG BCAS PAR 'GYUR GYI, MED NA MI 'GYUR RO, ,NOR DANG BCAS PA'I SNGON ROL NA NOR MED PAS DE NI NOR MED PA YIN PA BZHIN NO, ,DE'I PHYIR DMIGS PA MED PA KHO NA YIN PA'I CHOS 'DI LA KHYED RANG GI RNAM PAR RTOG PAS DMIGS PA DANG BCAS PAR RTOG PAR BYED DO, ,DE LA KHO BOS BSHAD PAR BYA STE, DE LTAR CHOS NI DMIGS MED NA, ,DMIGS PA YOD PAR GA LA 'GYUR, ,DE LTAR ZHES BYA BA'I SGRA NI DRI BA'O, ,GA LA 'GYUR ZHES BYA BA GTAN TSIGS BSTAN PA STE, DE LTAR CHOS DMIGS PA MED PAR GRUB NA CI'I PHYIR DON MED PA'I DMIGS PA LA RTOG PAR BYED, SMRAS PA, KHYOD NYID GZHUNG LUGS KHONG DU MA CHUD PA KHO NAS LOG PAR RTOG GI ,KHO BO NI DMIGS PA YOD PA NI DMIGS PA DANG BCAS PA STE NOR DANG BCAS PA BZHIN NO ZHES MI SMRA'O, ,DE'I DON NI 'DI YIN TE CHOS GRUB PA NI GZHI GANG GIS SGRUB PAR BYED PA DE NI DE'I DMIGS PA YIN TE, DES NA DE DMIGS PA DANG BCAS PA ZHES NYE BAR STON TE, ,BSHAD PA, DE MI 'THAD DE, DE LA YANG BSHAD PAR BYA'O, ,DE LTAR CHOS NI DMIGS MED NA, ,DMIGS PA YOD PAR GA LA 'GYUR, , DE LTAR CHOS DMIGS PA MED DE YOD PA MA YIN ZHING MNGON PAR MA GRUB NA DMIGS PA YOD PAR 'THAD PAR GA LA 'GYUR, CHOS KYI DMIGS PA ZHES BYA BA DE YANG MNGON PAR MA GRUB PA KHO NA'O, ,MNGON PAR MA GRUB CING MED PA DE LA DMIGS PA YOD PAR GA LA 'GYUR, DMIGS PA MED NA JI LTAR DMIGS PAS CHOS SGRUB PAR BYED, DE'I PHYIR DMIGS PA YANG YOD PA MA YIN LA, CHOS KYANG DMIGS PA DANG BCAS PA MA YIN PA KHO NA'O, ,'DIR SMRAS PA, DNGOS PO GZHAN 'GAGS MA THAG PA NI DNGOS PO GZHAN SKYE BA'I RKYEN YIN NO, ,DE NI DE MA THAG PA ZHES BYA BA @166A *, ,STE DE YOD DO, ,BSHAD PA, CHOS RNAMS SKYES PA MA YIN NA, ,'GAG PA 'THAD PAR MI 'GYUR RO, ,DE PHYIR DE MA THAG MI RIGS, ,'GAGS NA RKYEN YANG GANG ZHIG YIN, ,DE LA RTZA BA 'OG MA GNYIS, ,'GAGS NA RKYEN YANG GANG ZHIG YIN, ,DE PHYIR DE MA THAG MI RIGS, ,ZHES SA SNOR BAR BLTA BAR BYA'O, ,ZHES BYA BA'I SGRA NI 'DIR MA SKYES PA LA LTOS PAR BLTA BAR BYA'O, ,DE YANG MA SKYES PA'I SGRA LA LTOS NAS, 'GAGS NA RKYEN YANG GANG ZHIG YIN, ,MA SKYES PA'I RKYEN GANG ZHIG YIN, ,ZHES BYA BAR SBYAR RO, ,DE GNYIS NI TSIGS SU BCAD PA SBYAR BA'I PHYIR GO RIMS BZHIN MA BYAS SO, ,DNGOS PO GZHAN 'GAG MA THAG PA NI DNGOS PO GZHAN SKYE BA'I RKYEN YIN NO ZHES SMRAS PA GANG YIN PA DE MI 'THAD DO, ,CI'I PHYIR ZHE NA, 'DI LTAR, CHOS RNAMS SKYES PA MA YIN NA, ,'GAG PA 'THAD PAR MI 'GYUR RO, ,'GAGS NA RKYEN YANG GANG ZHIG YIN, ,'GAG PA ZHES BYA BA NI MED PA STE, DE LA GAL TE MYU GU SKYE BA'I SNGON ROL DU SA BON 'GAG PAR 'GYUR NA NI SA BON 'GAGS TE MED NA MYU GU SKYE BAR 'GYUR BA GANG YIN PA DE'I RKYEN YANG GANG ZHIG YIN, YANG NA SA BON 'GAG PA'I RKYEN YANG GANG ZHIG YIN, SA BON 'GAGS TE MED PA YANG JI LTAR MYU GU SKYE BA'I RKYEN DU 'GYUR, MYU GU MA SKYES PA'I RKYEN DU SA BON 'GAG PA JI LTAR 'GYUR, DE LTA BAS NA SA BON 'GAGS NAS MYU GU SKYE BAR RTOG NA DE GNYI GA RGYU MED PAR THAL BAR 'GYUR TE, RGYU MED PAR NI MI 'DOD DO, ,SMRAS PA, GAL TE MYU GU SKYES MA THAG TU SA BON 'GAG PAR 'GYUR NA, DE LTA NA YANG DE MA THAG 'GRUB STE, 'DI LTAR MYU GU SKYES MA THAG TU SA BON 'GAG PA'I RKYEN DU 'GYUR BA'I PHYIR RO, ,BSHAD PA, DE YANG MI 'THAD DE, CI'I PHYIR ZHE NA, SKYES NA'ANG RKYEN DU JI LTAR 'GYUR TE, GAL TE MYU GU SKYE ZHING MYU GU SKYE BA'I BYA BA MTHAR THUG PA'I TSE SA BON 'GAG PAR 'GYUR NA 'GAG PA DE'I RKYEN YANG GANG ZHIG YIN PAR 'GYUR, MYU GU SKYE BA'I RKYEN YANG GANG ZHIG YIN PAR 'GYUR TE, DE'I PHYIR DE LTA NA YANG DE GNYI GA SNGA MA BZHIN DU RGYU MED PAR THAL BAR 'GYUR RO, ,CI STE SA BON 'GAG BZHIN PA NA MYU GU SKYE BAS DES NA CHU MED @166B PA'I RKYEN DU MI 'GYUR BAR SEMS NA, DE YANG MI RIGS TE, CI'I PHYIR ZHE NA, GANG 'GAG PA DANG GANG SKYE BA DE GNYI GA YANG YOD PA MA YIN TE, MA 'GAG PA'I PHYIR DANG, SKYES ZIN PA'I PHYIR RO, ,DNGOS PO GNYIS YOD NA, DE MA THAG PA'I RKYEN NYID DU JI LTAR 'GYUR, SKYE BA DANG 'GAG PA GNYIS DUS GCIG TU RTOG NA YANG DE MA THAG PA MI 'THAD DE, DUS MNYAM PA'I PHYIR RO, ,DE'I PHYIR DE MA THAG MI RIGS, DE LTAR GANG GI PHYIR RNAM PA THAMS CAD DU BRTAGS NA DE MA THAG PA MI 'THAD DE, DE'I PHYIR DE MA THAG PA'I RKYEN YOD DO ZHES SMRAS PA GANG YIN PA DE MI 'THAD DO, , YANG NA 'DI NI DON GZHAN YIN TE, 'DI LA DNGOS PO RNAMS MA SKYES PA ZHES BYA BA DE NI SNGAR BSGRUBS ZIN TE, DE'I PHYIR DNGOS PO RNAMS SKYE BA MED PA DE GRUB PAR BYAS NAS, ,BSHAD PA, CHOS RNAMS SKYES PA MA YIN NA, ,'GAG PA 'THAD PAR MI 'GYUR RO, ,DNGOS PO RNAMS SKYES PA MA YIN ZHING MED NA 'GAG PA 'THAD PAR MI 'GYUR TE, MED PA LA CI ZHIG 'GAG PAR 'GYUR, DE PHYIR DE MA THAG MI RIGS, ,DE LTAR GANG GI PHYIR DNGOS PO 'GAG PA NYID MI 'THAD PA DE'I PHYIR DE MA THAG PA MI RIGS SO, ,DE NI 'GAG PAR RTOG NA YANG DE MA THAG PA MI RIGS TE, JI LTAR ZHE NA, 'GAGS NA RKYEN YANG GANG ZHIG YIN, SKYES NA'ANG RKYEN DU JI LTAR 'GYUR TE, DE'I DON NI SNGAR RNAM PAR BSHAD ZIN TO, ,'DIR SMRAS PA, BDAG PO NYID NI YOD DO, ,BDAG PO'I DNGOS PO NI BDAG PO NYID DE, DE YANG MDOR BSDU NA GANG YOD NA GANG 'BYUNG BA DANG, GANG MED NA GANG MI 'BYUNG BA DE NI DE'I BDAG PO NYID DO, ,BSHAD PA, DNGOS PO RANG BZHIN MED RNAMS KYI, ,YOD PA GANG PHYIR YOD MI MAN, ,'DI YOD PAS NA 'DI 'BYUNG ZHES, ,BYA BA DE NI 'THAD MA YIN, 'DI LA DNGOS PO RNAMS KYI RANG BZHIN MED PA NYID NI SNGAR YANG KUN TU BSTAN CING PHYIS KYANG RGYA CHER STON DTO; ,DE'I PHYIR DE RAB TU GRUB PAR BYAS NAS DNGOS PO RANG BZHIN MED PA RNAMS KYIS ZHES BYA BA GSUNGS SO, ,JI LTAR GANG GI PHYIR DNGOS PO RANG BZHIN MED PA RNAMS KYIS YOD PA ZHES BYA BA YOD PA'I DNGOS PO MI 'THAD PA DE'I PHYIR GANG YOD NA 'DI YOD PAS ZHES BRJOD PAR NUS PA'I DNGOS @167A *, ,PO DE NYID MED DO, ,'DI YOD PAS ZHES BYA BA 'DI LA MED NA 'DI 'BYUNG ZHES BYA BA DE 'THAD PAR GA LA 'GYUR, 'DI YOD PAS 'DI 'BYUNG ZHES BYA BA 'DI LA MI 'THAD NA GANG GI BDAG PO NYID DU JI ZHIG 'GYUR, DE'I PHYIR BDAG PO NYID KYANG MI 'THAD DO, ,'DIR SMRAS PA, RKYEN GYI DNGOS PO RNAMS 'DI LTAR GRUB PAR BYED DO ZHES BYA BA DE SMRA BAR MI NUS MOD KYI, 'ON KYANG RKYEN RNAMS NI YOD PA KHO NA YIN NO, ,CI'I PHYIR ZHE NA, DE DAG LAS 'BRAS BU SKYE BA'I PHYIR TE, 'DI NA SA BON LA SOGS PA RKYEN RNAMS LAS MYU GU LA SOGS PA 'BRAS BU SKYE BAR MTHONG STE, DE'I PHYIR DE DAG LAS 'BRAS BU SKYE BAR MTHONG NAS 'BRAS BU'I RKYEN NI 'DI DAG GO ZHES BYA BAR SHES SO, ,BSHAD PA, RKYEN RNAMS SO SO 'DUS PA LAS, ,'BRAS BU DE NI MED PA NYID, ,RKYEN RNAMS LA NI GANG MED PA, ,DE NI RKYEN LAS JI LTAR SKYE, ,NYID CES BYA BA'I SGRA NI KHO NA ZHES BYA BA'I DON TO, ,SO SO BDAG LA YANG MED PA KHO NA YIN LA, 'DUS PA DAG LA YANG MED PA KHO NA'O ZHES BYA'O, ,KHYOD KYIS RKYEN RAB TU BSGRUB PA'I PHYIR 'BRAS BU SKYE BAR BSTAN PA GANG YIN PA DE NYID MI 'THAD NA, RKYEN 'GRUB PAR GA LA 'GYUR JI LTAR ZHE NA, GANG GI PHYIR RKYEN RNAMS SO SO BA DANG 'DUS PA LA 'BRAS BU DE MED PA NYID YIN PA'I PHYIR TE, RKYEN RNAMS SO SO BA DANG 'DUS PA LA MED PA NYID GANG YIN PA DE JI LTAR DE DAG LAS SKYE BAR 'GYUR, 'BRAS BU SKYE BA MED NA KHYOD KYIS RKYEN 'GRUB PAR GA LA 'GYUR, DE LA 'DI SNYAM DU RKYEN RNAMS LAS 'BRAS BU YOD PA KHO NAR SEMS NA, DE LTA NA YANG RKYEN 'THAD PA MA YIN TE, 'DI LTAR YOD PA LA RKYEN GYIS BYA BA MED DE SKYES ZIN PA YANG SKYED MI DGOS PA'I PHYIR RO, ,YANG GZHAN YANG GAL TE RKYEN RNAMS LA 'BRAS BU DE YOD PAR GYUR NA, RKYEN DU MA'I 'BRAS BU GANG YIN PA DE RKYEN RE RE LA YONGS SU RDZOGS PAR YOD PA'AM, CHA SHAS CIG YOD PAR 'GYUR GRANG NA, DE LA RE ZHIG GAL TE RE RE LA YONGS SU RDZOGS PA YOD PAR BRTAGS NA NI RKYEN DU MAR MI 'GYUR TE, RE RE LA YANG YOD PA'I PHYIR MI LTOS PAR RE RE LAS KYANG 'BRAS BU SKYE BAR THAL BAR 'GYUR RO, ,CI STE RKYEN RNAMS LA @167B 'BRAS BU'I CHA SHAS YOD PAR BRTAGS NA NI, DE LTA NA YANG MI LTOS PAR RE RE LAS 'BRAS BU'I CHA SHAS SKYE BAR THAL BAR 'GYUR BAS DE YANG MI 'DOD DE, DE'I PHYIR RKYEN RNAMS SO SO BA DANG 'DUS PA LA 'BRAS BU DE YOD PAR MI 'THAD DO, ,CI STE RKYEN RNAMS LA 'BRAS BU MED KYANG RKYEN RNAMS LAS SKYE STE, 'BRAS BU SKYE BA LA LTOS NAS KHO BO'I RKYEN RAB TU 'GRUB BO SNYAM DU SEMS NA, DE LA BSHAD PAR BYA STE, CI STE DE NI MED PAR YANG, ,RKYEN DE DAG LAS SKYE 'GYUR NA, ,RKYEN MIN LAS KYANG 'BRAS BU NI, ,CI'I PHYIR ZHE NA SKYE MI 'GYUR, ,'DI LA 'BRAS BU YOD PA LAS RKYEN DANG RKYEN MA YIN PA'I BYE BRAG TU 'GYUR NA, 'BRAS BU DE YANG RKYEN DANG RKYEN MA YIN PA DAG LA MED DO, ,DE DAG LA MED BZHIN DU GAL TE RKYEN RNAMS LAS 'BRAS BU SKYE NA NI RKYEN MA YIN PA RNAMS LAS KYANG CI'I PHYIR MI SKYE STE, 'DI LTAR RKYEN DANG RKYEN MA YIN PA RNAMS LA 'BRAS BU MED PAR MTSUNGS PA LAS, RKYEN RNAMS LAS NI 'BRAS BU SKYE LA RKYEN MA YIN PA RNAMS LAS NI MI SKYE BA ZHES BYA BA DE NI YID LA BSAMS PA TZAM DU ZAD DO, ,DE'I PHYIR 'BRAS BU SKYE BA MI 'THAD DE, 'BRAS BU SKYE BA MED NA RKYEN 'GRUB PAR GA LA 'GYUR, 'DIR SMRAS PA, RKYEN RNAMS LA 'BRAS BU YOD PA DANG MED PA'I RKYEN RNAMS LAS SKYE'O, ,ZHES NI MI SMRA'O, ,'BRAS BU NI RKYEN RNAMS LAS GYUR PA'I RKYEN GYI BDAG NYID RKYEN LAS BYUNG BA YIN NO, ,ZHES SMRA'O, ,DE LTA YIN NI SNAM BU NI RGYU SPUN GYI BDAG NYID LAS BYUNG BA YIN PAS, RGYU SPUN DAG NI SNAM BU'I RKYEN YIN NO, , BSHAD PA, 'BRAS BU RKYEN LAS BYUNG YIN NO, ,RKYEN RNAMS RANG LAS BYUNG MA YIN, ,RANG BYUNG MIN LAS 'BRAS BU GANG, ,DE NI JI LTAR RKYEN LAS BYUNG, ,'BRAS BU RKYEN LAS GYUR PA RKYEN GYI BDAG NYID LAS BYUNG BA MA YIN PAR BRTAGS NA, RKYEN DE RNAMS NI RANG LAS GYUR PA MA YIN, RANG NYID RAB TU GRUB PA MA YIN, RANG NYID BDAG NYID MA YIN, RANG LAS BYUNG BA MA YIN TE NGO BO NYID MED PA YIN NO, ,RKYEN RANG LAS GYUR PA MA YIN PA, RANG NYID RAB TU GRUB PA MA YIN PA, RANG GI BDAG NYID MA YIN PA, RANG LAS BYUNG BA MA YIN PA NGO BO NYID MED PA DE DAG @168A *, ,LAS 'BRAS BU BYUNG BAR RTOG NA JI LTAR RKYEN LAS BYUNG BAR NYE BAR BRTAGS NA, 'DI LTAR GAL TE RGYU SPUN DAG RANG NYID RAB TU GRUB NA NI RANG LAS BYUNG BAR YANG 'GYUR BAS, DES NA SNAM BU RGYU SPUN DAG LAS BYUNG BA ZHES BYA BA DE YANG 'THAD PAR 'GYUR BA ZHIG NA, GANG GI TSE RGYU DAG RANG NYID RAB TU MA GRUB PA RANG LAS BYUNG BA MA YIN PA NGO BO NYID MED PA STE, RGYU DAG LAS GYUR PA RGYU DAG GI BDAG NYID RGYU LAS BYUNG BA YIN PA DE'I TSE, SNAM BU RGYU SPUN DAG LAS BYUNG NGO, ,ZHES BYA BA DE JI LTAR 'THAD PAR 'GYUR, SLOB DPON 'PHAGS PA LHAS KYANG, ,SNAM BU RGYU LAS GRUB YIN NA, ,RGYU YANG GZHAN LAS GRUB PA YIN, ,GANG LA RANG LAS GRUB MED PA, ,DE YIS GZHAN NI JI LTAR BSKYED, ,CES GSUNGS SO, ,DE LTAR GANG GI PHYIR RKYEN RNAMS RANG NYID RAB TU MA GRUB RANG LAS BYUNG BA MA YIN ZHING NGO BO NYID MED PA, DE'I PHYIR RKYEN BYUNG MA YIN, 'BRAS BU RKYEN LAS BYUNG BA MA YIN NO, ,DE LA 'DI SNYAM DU 'BRAS BU RKYEN MA YIN PA LAS BYUNG BAR SEMS NA, BSHAD PA, RKYEN MIN LAS BYUNG 'BRAS BU NI, ,YOD MIN, GANG GI TSE SNAM BU RGYU SPUN LAS BYUNG BAR MI 'THAD PA DE'I TSE SNAM BU RTZI RKYANG LAS BYUNG NGO, ,ZHES BYA BA 'JIG RTEN DANG 'GAL BA 'DI JI LTAR 'THAD PAR 'GYUR, DE'I PHYIR 'BRAS BU RKYEN MA YIN PA LAS BYUNG BA YANG MED DO, ,SMRAS PA, RKYEN RNAMS NI YOD PA KHO NA YIN TE, CI'I PHYIR ZHE NA, RKYEN DANG RKYEN MA YIN PA NGES PA'I PHYIR RO, ,'DI NA RKYEN DANG RKYEN MA YIN PA NGES PA MTHONG STE, 'BRU DAG LAS 'BRU MAR KHO NA 'BYUNG GI MAR MI 'BYUNG NGO, ,ZHO LAS NI MAR KHO NA 'BYUNG GI 'BRU MAR MI 'BYUNG NGO, ,BYE MA DAG LAS NI DE GNYI GA MI 'BYUNG NGO, ,'DI LTAR GANG GI PHYIR 'DI DAG NI 'DI'I RKYEN YIN NO, ,'DI DAG NI 'DI'I RKYEN MA YIN NO ZHES BYA BA DE YOD PAS DE'I PHYIR RKYEN 'GRUB PO; ,BSHAD PA, 'BRAS BU MED PAS NA, ,RKYAN MIN RKYEN DU GA LA 'GYUR, ,'DI LA KHYOD KYIS 'BRU MA RAL SOGS PA 'BRAS BU 'BYUNG BA DANG, MI 'BYUNG BA RKYEN DANG RKYEN MA YIN PAR NGES PA'I RGYUR SMRAS PA NI 'BRAS BU SKYE BA MI 'THAD DO ZHES SNGAR BSTAN ZIN TE, 'BRAS BU DE MED NA @168B 'DI DAG NI 'DI'I RKYEN MA YIN NO, ,'DI DAG NI 'DI'I RKYEN YIN NO, ,ZHES BYA BA DE 'THAD PAR GAL 'GYUR, 'BRAS BU LA LTOS NAS DE GNYIS SU 'GYUR NA 'BRAS BU DE YANG MED DO, ,'BRAS BU MED PAS NA RKYEN MA YIN PA DANG RKYEN DU GA LA 'GYUR, DE LTAR BAS NA 'BRAS BU YANG MI 'THAD LA RKYEN DANG RKYEN MA YIN PA DAG KYANG MED DO, ,'BRAS BU DANG RKYEN DANG RKYEN MA YIN PA DAG MED PAS SKYE BAR BRJOD PA NI THA SNYAD TZAM DU GRUB PO, ,RKYEN BRTAG PA ZHES BYA BA STE RAB TU BYED PA DANG PO'O,, ,,SMRAS PA, KHYED KYIS SKYE BA MED PA'I RIGS PA 'DI RJES SU RAB TU BSTAN PAS KHO BO'I YID STONG PA NYID NYAN PA LA NGO MTSAR SNYING PO CAN DU BYAS KYIS, JI LTAR 'JIG RTEN GYIS MNGON SUM GYI 'GRO BA DANG 'ONG BA MI 'THAD PA DE JE SMROS SHIG ,BSHAD PA, RE ZHIG SONG LA 'GRO MED DE, ,MA SONG BA LA'ANG 'GRO BA MED, ,'DI LA GAL TE 'GRO BA ZHIG YOD PHAR GYUR NA, DE SONG BA LA 'AM, MA SONG PA LA YOD PAR 'GYUR GRANG NA, DE LA RE ZHIG SONG BA LA NI 'GRO BA MED DO, ,'GRO BA'I BYA BA 'DAS ZIN PA'I PHYIR RO, ,MA SONG BA LA YANG 'GRO BA MED DE, 'GRO BA'I BYA BA MA BRTZAMS PA'I PHYIR RO, ,SMRAS PA, DE NI DE BZHIN TE, SONG BA DANG MA SONG BA LA 'GRO BA MED MOD KYI, 'ON KYANG BGOM PA LA 'GRO BA YOD DO, ,BSHAD PA, ,SONG DANG MA SONG MA GTOGS PAR, ,BGOM PA SHES PAR MI 'GYUR RO, SONG BA DANG MA SONG BA MA GTOGS PAR BGOM PA CI ZHIG YOD DO, ,SHES PAR MI 'GYUR RO, ,JI LTAR ZHE NA, 'DI LTAR, SHES PAR MI 'GYUR RO, ,ZHES BYA BA NI, GZUNG DU MED PAS TE MI 'THAD DO ZHES BYA BA'I THA TSIG GO , ,DE LTAR GANG GI PHYIR SONG BA DANG MA SONG BA MA GTOGS PAR BSGOM GZUNG DU MED PA KHO NA STE MI 'THAD PA DE'I PHYIR MED PA KHO NA YIN PAS 'GRO BA MED DO, ,SMRAS PA, BGOM PA KHO NA YIN TE, DE LA 'GRO BA YOD DO, ,JI LTAR ZHE NA, GANG NA G-YO BA NGE ? NA 'GRO, ,DE YANG GANG GI BGOM PA LA, ,G-YO BA SONG MIN MA SONG MIN, ,DE PHYIR BGOM LA 'GRO BA YOD, 'DI LA KHYOD KYI 'GRO BA MED PA'I GTAN TSIGS SU 'GRO BA'I BYA BA 'DAS ZIN PA DANG MA BRTZAMS PA BSTAN PA DE'I PHYIR, ,GANG @169A *, ,NA G-YO BA DE NA 'GRO, ,ZHES BYA BA 'DI 'BYUNG BAR 'GYUR TE, DE YANG GANG GI BGOM PA LA G-YO BA DE DMIGS PA NA'O, ,GANG GI ZHES BYA BA NI 'GRO BA PO'I ZHES BYA BA'I THA TSIG GO, ,DE LTAR GANG GI PHYIR G-YO BA NI SONG BA LA MED, MA SONG BA LA YANG MED KYI BGOM PA LA YOD PA DE'I PHYIR GANG NA G-YO BA YOD PA DE NA 'GRO BA YOD DO, ,DE LTAR 'GRO BA YOD PAS BGOM PA LA 'GRO BA YOD DO, ,BSHAD PA, BGOM LA 'GRO BA YOD PAR NI, ,JI LTA BUR NA 'THAD PAR 'GYUR, GANG TSE 'GRO BA MED PA YI, BGOM PA 'THAD PA MED PHYIR RO, ,'DI LA KHYOD 'GRO BA DANG LDAN PAS BGOM PAR 'DOD LA DE LA 'GRO BA YOD DO ZHES ZER NA 'DI LA 'GRO BA'I BYA BA NI GCIG TU ZAD LA, DE NI BGOM PA ZHES BYA BA DE LA NYE BAR SBYAR BAS DE'I PHYIR 'GRO BA ZHES BYA BA DE NI 'GRO BA'I BYA BA DANG BRAL BAS 'GRO BA MED PAR THAL BAR 'GYUR RO, ,DE YANG MI 'THAD DE, 'DI LTAR 'GRO BA MED PAR JI LTAR 'GRO BAR 'GYUR, DE LA GANG GI TSE 'GRO BA ZHES BYA BA DE 'GRO BA'I BYA BA DANG BRAL BAS MI 'THAD PAS DE'I TSE BGOM PA LA 'GRO BA YOD PAR JI LTAR 'THAD PAR 'GYUR, YANG GZHAN YANG, BSHAD PA, GANG GI BGOM LA 'GRO YOD PA, ,DE YI BGOM LA 'GRO MED PAR, ,THAL BAR 'GYUR TE GANG GI PHYIR, ,BGOM PA KHONG DU CHUD PHYIR RO, ,GANG GI BLO LA SKYON DER GYUR NA MI RUNG NGO SNYAM PAS 'GRO BA ZHES BYA BA DE 'GRO BA DANG LDAN PAS 'GRO BAR SEMS PA DE'I YANG 'GRO BA 'GRO BA ZHES BYA BA DE LA NYE BAR SBYAR BA BYAS PAS BGOM PA NI 'GRO BA MED PA 'GRO BA DANG BRAL BA GRONG DANG GRONG KHYER LTA BUR THAL BAR 'GYUR TE, DPER NA GRONG 'GRO ZHES BYA BA DE BZHIN DU BGOM PA YANG THAL BAR 'GYUR BAS DE YANG MI 'DOD DE, DE'I PHYIR BGOM PA LA 'GRO BA YOD DO, ,ZHES BYA BA DE JI LTAR YANG MI 'THAD DO, ,CI STE SKYON DER GYUR NA MI RUNG NGO SNYAM PAS 'GRO ZHES BYA BA DE DANG BGOM PA ZHES BYA BA DE GNYIS KA YANG 'GRO BA DANG LDAN PAR SEMS NA, DE LA SKYON 'DI YOD DE, BSHAD PA, ,BGOM LA 'GRO BA YOD NA NI, ,'GRO BA GNYIS SU THAL 'GYUR TE, ,GANG GIS BGOM PA DE DANG NI, ,DE LA 'GRO BA GANG YIN PA'O, ,BGOM PA 'GRO BA DANG LDAN @169B PA LA 'GRO BAR BRTAGS NA, 'GRO BA GNYIS SU THAL BAR 'GYUR TE, 'GRO BA DANG LDAN PAS BGOM PA ZHES BYA BAR 'GYUR BA DANG, DE LA 'GRO BA ZHES BYA BA'I 'GRO BA GNYIS PAR BRTAG PA'O, ,'GRO BA GNYIS SU NI MI 'DOD PAS DE'I PHYIR DE YANG MI 'THAD DO, ,DE LA SKYON GZHAN 'DI YANG YOD DO, ,BSHAD PA, ,'GRO BA GNYIS SU THAL 'GYUR NA, ,'GRO BA PO YANG GNYIS SU 'GYUR, ,GANG PHYIR 'GRO PO MED PAR NI, ,'GRO BA 'THAD PAR MI 'GYUR PHYIR, ,'GRO BA GNYIS SU THAL BAR 'GYUR NA 'GRO BA PO YANG GNYIS SU THAL BAR 'GYUR TE, CI'I PHYIR ZHE NA, GANG PHYIR 'GRO PO MED PAR NI, ,'GRO BA 'THAD PAR MI 'GYUR PHYIR, ,GANG GI PHYIR 'GRO BA PO YOD NA 'GRO BA YANG YOD KYI, 'GRO BA PO SPANGS NA 'GRO BA MED PA DE'I PHYIR 'GRO BA GNYIS SU THAL BAR 'GYUR NA 'GRO BA PO YANG GNYIS SU THAL BAR 'GYUR BAS DE YANG MI 'DOD DE, DE'I PHYIR DE LTAR SKYON DU MA YOD PAS BGOM PA LA 'GRO BA MED PA NYID DO, ,GANG GI PHYIR SONG BA DANG MA SONG BA DANG BGOM PA LA 'GRO BA MI 'THAD PA DE'I PHYIR 'GRO BA MED PA KHO NA'O, ,'DIR SMRAS PA, SONG BA DANG MA SONG BA DANG BGOM PA LA 'GRO BA MI 'THAD DU ZIN KYANG, 'GRO BA PO LA BRTEN PA'I 'GRO BA YOD PA NYID DE, 'DI LTAR 'GRO BA PO LA 'GRO BA DMIGS PA'I PHYIR RO, ,BSHAD PA, GAL TE 'GRO PO MED GYUR NA, ,'GRO BA 'THAD PAR MI 'GYUR TE, ,'GRO PO MED PAR GYUR NA 'GRO BA 'THAD PAR MI 'GYUR BAR NI SNGAR BSTAN ZIN TO, ,GAL TE 'GRO BA PO MED PAR GYUR NA 'GRO BA 'THAD PAR MI 'GYUR NA GANG 'GRO BA PO LA BRTEN CING 'GRO BA PO LA 'JUG PA'I 'GRO BA DE GANG YIN, SMRAS PA, GANG 'GRO BA PO LA 'JUG PA'I 'GRO BA GZHAN 'GRO BA PO LAS THA DAD DU GYUR PA YOD DO ZHES NI MI SMRA'O, ,'DI LTAR 'GRO BA GANG DANG LDAN PAS 'GRO BA PO ZHES BYA BAR 'GYUR BA DE YOD DO ZHES SMRA'O, ,'DIR BSHAD PA, ,'GRO BA MED NA 'GRO BA PO, ,YOD PA NYID DU GA LA 'GYUR, GAL TE RTEN CUNG ZAD KYANG MED PA'I 'GRO BA ZHIG RAB TU GRUB PAR GYUR NA NI DE DANG 'GRO BA PO'AM, 'GRO BA PO MA YIN PA LDAN PAR YANG 'GYUR GRANG NA, THA DAD PAR GYUR BA RTEN MED PA'I @170A *, ,'GRO BA NI 'GA' YANG MED DE, DES NA THA DAD PAR GRUB PA'I 'GRO BA MED PAR KHYOD KYIS 'GRO BA LDAN PAS 'GRO BA POR 'GYUR BA YOD PA NYID DU GA LA 'GYUR 'GRO BA PO MED NA YANG SU YI 'GRO BAR 'GYUR TE, DE BAS NA 'GRO BA MED DO, ,SMRAS PA, SPROS PA 'DIS CI BYA, GANG LA LTOS NAS 'GRO'O, ,ZHES BYA BA DE 'GRO BA YIN NO, ,'DIR BSHAD PA, GAL TE 'GRO PO ZHES BYA BA DE NYID RAB TU GRUB PAR GYUR NA NI DES NA 'GRO BA YANG RAB TU 'GRUB PAR 'GYUR GRANG NA, DE RAB TU MI 'GRUB PAS 'GRO BA RAB TU 'GRUB PAR GA LA 'GYUR, JI LTAR ZHE NA, 'DI LA 'GRO BA ZHIG YOD NA 'GRO BA PO 'AM, 'GRO BA PO MA YIN PA 'GRO GRANG NA, 'DIR BSHAD PA, RE ZHIG 'GRO PO MI 'GRO STE, ,'GRO BA PO MIN 'GRO PO MIN, ,'GRO PO 'GRO PO MIN LAS GZHAN, ,GSUM PA GANG ZHIG 'GRO BAR 'GYUR, ,DE BAS NA 'GRO'O ZHES BYA BA NYID MI 'GRUB PO, ,CI'I PHYIR ZHE NA, MI 'THAD PA'I PHYIR RO, ,JI LTAR ZHE NA; RE ZHIG 'GRO PO 'GRO'O ZHES, ,JI LTAR 'THAD PA NYID DU 'GYUR, ,'GRO BA MED NA 'GRO BA PO, ,NAM YANG 'THAD PAR MI 'GYUR RO, ,'DI LA 'GRO BA PO 'GRO'O, ,ZHES BYA BA LA, 'GRO BA'I BYA BA GCIG PU ZHIG YOD PA DE NI 'GRO ZHES BYA BA DE LA NYE BAR SBYAR BAS DES NA 'GRO BA PO NI 'GRO BA DANG BRAL TE, GUB TA DANG TZEE TRA BZHIN DU MING TZAM DU GYUR PAR THAL BAR 'GYUR BAS DE YANG MI 'DOD DO, ,DE'I TSE GANG GI TSE 'GRO BA MED NA 'GRO BA PO NAM YANG 'THAD PAR MI 'GYUR BA DE'I TSE 'GRO BA PO 'GRO'I ZHES BYA BA DE JI LTAR 'THAD PA NYID DU 'GYUR, YANG GZHAN YANG BSHAD PA, GANG GI PHYOGS LA 'GRO BA PO, ,'GRO BA DE LA 'GRO MED PA'I, ,'GRO PO YIN PAR THAL 'GYUR TE, ,'GRO PO 'GRO BAR 'DOD PHYIR RO, ,GANG GI PHYOGS LA SKYON DER GYUR NA MI RUNG NGO SNYAM PAS 'GRO BA PO 'GRO BA DANG LDAN PAS 'GRO PO SNYAM PA DE LA YANG 'GRO BA PO ZHES BYA BA DE 'GRO BA'I BYA BA NYE BAR SBYAR BA BYAS PAS 'GRO BA MED PA'I 'GRO BA PO YIN PAR THAL BAR 'GYUR BA STE, 'GRO BA PO 'GRO BAR 'DOD PA'I PHYIR 'GRO BA MED PAR 'GRO'O ZHES BYA BA DER THAL BAR 'GYUR RO, ,ZHES BYA BA'I THA TSIG GO, ,DE NI MI 'THAD DE, 'GRO'O ZHES BYA BA DE, 'GRO BA MED PAR JI LTAR 'GYUR RO, ,CI STE @170B SKYON DER GYUR NA MI RUNG NGO SNYAM PAS 'GRO BA PO ZHES BYA BA DANG, 'GRO BA PO ZHES BYA BA DE GNYI GA YANG 'GRO BA DANG LDAN NO ZHE NA, DE LA YANG SKYON 'DI YOD DE, BSHAD PA, GAL TE 'GRO PO 'GRO 'GYUR NA, ,'GRO BA GNYIS SU THAL 'GYUR TE, ,GANG GIS 'GRO POR MNGON PA DANG, ,'GRO POR GYUR NAS GANG 'GRO BA'O, ,'GRO BA PO 'GRO BA DANG LDAN PA LA 'GRO BAR BRTAGS NA 'GRO BA GNYIS SU THAL BAR 'GYUR TE, 'GRO BA GANG DAG LDAN PAS 'GRO BA PO ZHES BYA BAR MNGON PA DANG, DE 'GRO BA GANG LA LTOS NAS 'GRO'O ZHES BYA BAR 'GYUR BA'O, ,'GRO BA GNYIS SU NI MI 'THAD DE, 'GRO BA GNYIS SU THAL BAR GYUR NA SNGA MA BZHIN DU 'GRO BA PO YANG GNYIS SU THAL BAR 'GYUR BAS DE YANG MI 'DOD DE DE LTA BAS 'GRO BA PO 'GRO'O ZHES BYA BA DE MI 'THAD DO, ,DA NI 'GRO BA PO MA YIN PA YANG MI 'GRO STE, GANG GI TSE 'GRO BA PO 'GRO PO ZHES BYA BA DE MI 'THAD PA DE TSE 'GRO BA PO MA YIN PA 'GRO BA DANG BRAL BA'ANG 'GRO BA'O, ,ZHES BYA BA DE JI LTAR 'THAD PA NYID DU 'GYUR, DE LTA BAS NA 'GRO BA PO MA YIN PA YANG MI 'GRO'O, ,DE LA 'DI SNYAM DU 'GRO BA PO YIN PA DANG 'GRO BA PO MA YIN PA 'GRO BAR SEMS NA, BSHAD PA, 'GRO PO 'GRO PO MIN LAS GZHAN, ,GSUM PO GANG ZHIG 'GRO BAR 'GYUR, ,'GRO BA PO DANG 'GRO BA PO MA YIN PA LAS GZHAN PA GSUM PA, 'GRO BA PO YIN PA DANG 'GRO BA PO MA YIN PA GANG 'GRO'O ZHES BYA BAR 'THAD PA ZHIG GANG ZHIG YIN, DE LTA BAS NA MED PA'I KHO NA'I PHYIR 'GRO BA PO MA YIN PA DANG 'GRO BA PO MA YIN PA YANG MI 'GRO'O, ,DE LTAR GANG GI PHYIR 'GRO BA PO DANG, 'GRO BA PO MA YIN PA DANG, 'GRO BA PO YIN PA DANG, 'GRO BA PO MA YIN PA 'GRO'O, ,ZHES BYA BA DE MI 'THAD PA DE'I PHYIR, 'GRO'O ZHES BYA BA DE RAB TU MI 'GRUB BO, ,'GRO'O ZHES BYA BA DE MED NA 'GRO BA RAB TU 'GRUB PAR GA LA 'GYUR, 'DIR SMRAS PA, 'GRO BA PO DANG; 'GRO BA PO YIN PA DANG, 'GRO BA PO MA YIN PA 'GRO'O, ,ZHES BYA BA MI 'THAD DU ZIN KYANG, GUB TA 'GRO'O, ,TZEE TRA 'GRO'O ZHES BYA BA DE LA 'GRO'O ZHES BYA BA 'THAD DO, ,BSHAD PA, DES NI CI YANG SMRAS PA MA YIN TE, GUB TA LA BRTEN NA CI GUB TA 'GRO BA POR GYUR NAS 'GRO'AM, @171A *, ,'ON TE 'GRO BA PO MA YIN 'GRO'AM, 'ON TE 'GRO BA PO YIN PA DANG, 'GRO BA PO MA YIN PA ZHIG 'GRO ZHES BYA BA 'DI GSAL BA MA BYAS SAM, DE LTA BAS NA 'DI NI GYI NA'O, ,'DIR SMRAS PA, 'GRO BA NI YOD PA KHO NA'O, ,CI'I PHYIR ZHE NA, 'GRO BA'I BYA BA RTZOM PA YOD PA'I PHYIR RO, ,'DI LA SONG BA DANG MA SONG BA DANG BGOM PA LA 'GRO BA YOD DO, ,ZHES BYA BA DE BRJOD PAR MI NUS SU ZIN KYANG, GANG GI TSE SDOD PA LAS 'GRO BA DE'I TSE NA SDOD PA'I BYAS PA 'DAS MA THAG TU 'GRO BA'I BYA BA 'JUG PAR 'GYUR BAS DE LTA BAS NA BYA BA RTZOM PA YOD PAS 'GRO BA YOD PA KHO NA'O, ,BSHAD PA, CI KHYOD MING GZHAN DU BSGYUR BAS SEMS RMONGS NAS RANG GI BU NGO MI SHES SAM, KHYOD DON DE NYID LA BLO PHYI MAS BRJOD PA GZHAN GYIS BRJOD KO 'GRO BA'I BYA BA RTZOM PA YOD PAR YONGS SU BRTAG PA GANG YIN PA DE YANG SONG BA 'AM MA SONG BA 'AM, BGOM PA LA YOD GRANG NA, DE LA GTAN TSIGS SNGAR BSTAN PA DAG NYID KYIS BSHAD PA, SONG LA 'GRO BA'I RTZOM MED DE, ,CI'I PHYIR ZHE NA, 'GRO BA'I BYA BA 'DAS ZIN PA'I PHYIR RO, ,MA SONG BA LA'ANG 'GRO RTZOM MED, ,CI'I PHYIR ZHE NA, 'GRO BA'I BYA BA MA BRTZAMS PA'I PHYIR RO, ,BGOM LA RTZOM PA YOD MIN NA, ,CI'I PHYIR ZHE NA, BGOM PA MED PA'I PHYIR DANG, 'GRO BA GNYIS SU THAL BAR 'GYUR BA'I PHYIR DANG, 'GRO BA PO GNYIS SU THAL BAR 'GYUR BA'I PHYIR RO, ,GANG DU 'GRO BA RTZOM PAR BYED, ,CES BYA BA'I LAN DE PA SMROS SHIG ,DE LTA BAS NA 'GRO BA'I RTZOM PA MED DO, ,RTZOM PA MED NA 'GRO BA YOD PAR GA LA 'GYUR, 'DIR SMRAS PA, 'GRO BA NI YOD PA KHO NA'O, ,CI'I PHYIR ZHE NA, BGOM PA DANG SONG BA DANG MA SONG BA YOD PA'I PHYIR TE, GANG GI PHYIR 'GRO BA DANG LDAN PA'I PHYIR BGOM PA ZHES BYA BA YIN LA, 'GRO BA MTHAR PHYIN PA NI SONG BA ZHES BYA BA YIN, 'GRO BA'I BYA BA MA SONG BA LA LTOS NAS MA SONG BA ZHES BYA BA YIN PAS NA DE LTA BAS NA BGOM PA DANG SONG BA DANG, MA SONG BA YOD PA'I PHYIR 'GRO BA YOD DO, ,BSHAD PA, CI KHYED NAM MKHA' 'DI LA LDANG BAR BSKYOD DAM, GANG GI TSE, ,'GRO BA RTZOM PA'I SNGA ROL NA, ,GANG DU 'GRO BA RTZOM 'GYUR BA, , @171B BGOM PA MED CING SONG BA MED, ,'DI LA 'GRO BA RTZOM PA'I SNGA ROL SDOD PAR GYUR PA NA GANG DU 'GRO BA RTZOM PAR 'GYUR BA'I BGOM PA YANG MED CING, SONG BA YANG MED DO, ,'GRO BA RTZOM PA MED NA BGOM PA 'GRO BA DANG LDAN PAR GA LA 'GYUR, 'GRO BA DANG LDAN PA MED NA 'GRO BA MTHAR PHYIN PA YOD PAR YANG GA LA 'GYUR, 'DIR SMRAS PA, MA SONG BA NI YOD DE, DER 'GRO BA RTZOM PAR 'GYUR RO, ,BSHAD PA, MA SONG 'GRO BA GA LA YOD, ,'DI LA SDOD CING MI BSKYOD PA GANG YIN PA DE NI MA SONG BA STE, DE LA NI RTZOM PA MED DO, ,GANG GI TSE SKYOD PAR BYED PA DE'I TSE NA NI GO SKABS GANG DU SKYOD PAR BYED PA DE MA SONG BA MA YIN NO, ,DE'I TSE MA SONG BA'I GO SKABS GANG YIN PA DE LA NI BSKYOD PA MED DO, ,DE LTA BAS NA MA SONG BA LA 'GRO BA'I RTZOM PA GANG LA YOD, ,DE LTAR BRTAGS NA, 'GRO RTZOM RNAM PA THAMS CAD DU, ,SNANG BA MED PA NYID YIN NA, ,SONG BA CI ZHIG BGOM PA NI; ,MA SONG CI ZHES RNAM PAR BRTAG ,GANG GI TSE DE LTAR RNAM PA THAMS CAD KYIS RNAM PAR BRTAG PA NA 'GRO BA'I RTZOM PA SNANG BA MED PA NYID YIN PA DE'I TSE KHYOD KYI SONG BA YANG CI, BGOM PA YANG CI, MA SONG BA DE YANG CI, ZHES RNAM PAR BRTAG ,SMRAS PA, RE ZHIG MA SONG BA NI YOD DO, , BSHAD PA, CI KHYOD BU MA BTZAS PAR 'CHI BA'I MYA NGAN BYED DAM, KHYOD SRONG BA MED PAR MA SONG BA LA RTOG GO, ,'DI LTAR SONG BA'I GNYEN PO NI MA SONG BA YIN NA, DE LA GAL TE SONG BA NYID MED NA KHYOD KYI MA SONG BA YOD PAR GA LA 'GYUR, SMRAS PA, GAL TE GNYEN PO MED PAS SONG BA MED NA 'O NA, 'GRO BA 'GRUB PO, ,CI'I PHYIR ZHE NA, MI MTHUN PA'I YOD PA'I PHYIR TE, 'DI LTAR 'GRO BA'I MI MTHUN PA SDOD PA YOD DE, DE BAS NA MI MTHUN PA YOD PA'I PHYIR 'GRO BA YOD PA KHO NA'O, ,BSHAD PA, GAL TE SDOD PA YOD NA NI 'GRO BA YANG YOD PAR 'GYUR GRANG NA, SDOD PA MI 'THAD PAS 'GRO BA YOD PAR GA LA 'GYUR, JI LTAR ZHE NA, 'DI LA GAL TE SDOD PA YOD PAR GYUR NA, 'GRO BA PO'I 'AM, 'GRO BA PO MA YIN PA'I YIN GRANG NA, DE LA, RE ZHIG 'GRO PO MI SDOD DE, ,'GRO BA PO MIN SDOD PA MIN, ,'GRO PO 'GRO PO MIN LAS GZHAN, ,GSUM PA GANG @172A *, ,ZHIG SDOD PAR 'GYUR, DE LTA BAS NA SDOD PA NI MED PA KHO NA'O, ,CI'I PHYIR ZHE NA, MI 'THAD PA'I PHYIR RO, ,JI LTAR ZHE NA, BSHAD PA, RE ZHIG 'GRO PO SDOD DO ZHES, ,JI LTAR 'THAD PA NYID DU 'GYUR, ,'GRO BA MED NA 'GRO BA PO, ,NAM YANG 'THAD PAR MI 'GYUR RO, , 'DI LA 'GRO BA DANG LDAN PAS 'GRO BA POR 'GYUR BAS 'GRO BA MED NA, 'GRO BA POR MI 'THAD PA NYID DO, ,'GRO BA LOG PA NI SDOD PA ZHES BYA BA NA 'GRO BA DANG SDOD PA MI MTHUN PA DE GNYIS GCIG NA LHAN CIG 'DUG PA MED DO, ,DE'I PHYIR DE LTAR RE ZHIG 'GRO BA PO SDOD DO ZHES BYA BA DE JI LTAR 'THAD PA NYID DU 'GYUR, DE NI 'GRO BA PO MA YIN PA YANG MI SDOD DE, CI'I PHYIR ZHE NA, 'GRO BA MED PA'I PHYIR RO, ,'DI LA 'GRO BA LOG PA NI SDOD PA ZHES BYA BA NA 'GRO BA PO MA YIN PA NI 'GRO BA DANG BRAL BA'I PHYIR SDOD PA NYID YIN PAS DE LA YANG SDOD PAS CI ZHIG BYA, SDOD PA DE LA YANG SDOD PAR BRTAG NA, SDO PA GNYIS SU THAL BAR 'GYUR BA DANG, SDOD PA PO YANG GNYIS SU THAL BAR 'GYUR BAS DE'I PHYIR 'GRO BA PO MA YIN PA YANG MI SDOD DO, ,DE LA 'DI SNYAM DU 'GRO BA PO YIN PA DANG, 'GRO BA PO MA YIN PA SDOD PAR SEMS NA, BSHAD PA, 'GRO PO 'GRO PO MIN LAS GZHAN, ,GSUM PA GANG ZHIG SDOD PAR 'GYUR, 'GRO BO DANG 'GRO BA PO MA YIN PA LAS GZHAN PA GSUM PA 'GRO BA PO YIN PA DANG, 'GRO BA PO MA YIN PA GANG SDOD DO ZHES BYA BAR BRTAGS PA DE GANG ZHIG YIN, DE LTA BAS NA MED PA KHO NA'I PHYIR 'GRO BA PO YIN PA DANG, 'GRO BA PO MA YIN PA YANG MI SDOD DO, ,YANG GZHAN YANG, 'GRO BA LOG PA NI SDOD PA ZHES BYA BA, LDOG PA DE YANG BGOM PA LAS SAM, SONG BA LAS SAM MA SONG BA LAS LDOG PAR 'GYUR GRANG NA, DE LA, BGOM LAS LDOG PAR MI 'GYUR TE, SONG DANG MA SONG LAS KYANG MIN, BGOM PA LAS SDOD PA MI 'GYUR TE, CI'I PHYIR ZHE NA, 'DI LTAR 'GRO BA DANG LDAN PA'I PHYIR BGOM PA YIN LA, 'GRO BA LOG PA NI SDOD PA YIN PAS SDOD PA DANG 'GRO BA MI MTHUN PA DE GNYIS CIG NA MI SRID PAS DE'I PHYIR RE ZHIG BGOM PA LAS LDOG PAR MI 'GYUR TE, DE NI SONG BA DANG MA SONG BA LAS KYANG SDOD PAR MI 'GYUR TE, CI'I PHYIR ZHE NA, 'GRO BA MED PA'I PHYIR @172B RO; ,'DI LTAR 'GRO BA LOG PA NI SDOD PA YIN NA, 'GRO BA NI SONG BA DANG MA SONG BA LA MED DE, 'GRO BA MED NA 'GRO BA LDOG PA GA LA YOD, 'GRO BA LDOG PA MED NA SDOD PA GA LA YOD, DE LTA BAS NA SONG BA DANG MA SONG BA LAS KYANG LDOG PAR MI 'GYUR RO, ,'GRO BA DANG NI 'JUG PA DANG, LDOG PA YANG NI 'GRO DANG MTSUNGS, JI LTAR 'GRO BA PO MI SDOD DE, SDOD PA DANG, 'GRO BA GNYIS MI MTHUN PA'I PHYIR RO, ,ZHES BSHAD PA DE BZHIN DU SDOD PA PO YANG MI 'GRO STE, SDOD PA DANG 'GRO BA GNYIS MI MTHUN PA'I PHYIR RO, ,JI LTAR 'GRO BA PO MA YIN PA MI SDOD DE, SDOD PA GNYIS SU THAL BAR 'GYUR BA'I PHYIR RO ZHES BSHAD PA DE BZHIN DU SDOD PA PO MA YIN PA YANG MI 'GRO STE, 'GRO BA GNYIS SU THAL BAR 'GYUR BA'I PHYIR RO, ,JI LTAR 'GRO BA PO YIN PA DANG, JI LTAR 'GRO BA PO MA YIN PA MI SDOD DE, MI SRID PA'I PHYIR RO ZHES BSHAD PA DE BZHIN DU SDOD PA PO YIN PA DANG; SDOD PA PO MA YIN PA YANG MI 'GRO STE, MI SRID PA'I PHYIR RO, ,DE LTAR RE ZHIG 'GRO BA PO'I SDOD PA DANG, SDOD PA PO'I 'GRO BA MTSUNGS PA YIN NO, ,DA NI JI LTAR 'GRO BA'I RTZOM PA SONG BA DANG, MA SONG BA DANG, BGOM PA LA MI 'THAD DO ZHES BSHAD PA DE BZHIN DU SDOD PA'I 'JUG PA YANG BSDAD PA DANG MA BSDAD PA DANG, SDOD PA LA MI 'THAD DE, DE LTAR NA 'GRO BA'I RTZOM PA DANG SDOD PA'I 'JUG PA MTSUNGS PA YIN NO, ,DA NI JI LTAR 'GRO BA'I LDOG PA SONG BA DANG, MA SONG BA DANG, BGOM PA LAS LDOG PAR MI 'GYUR ZHES BSHAD PA DE BZHIN DU SDOD PA'I LDOG PA YANG GANG DU BSDAD PA DE NAS MI 'GRO STE, 'GRO BA MED PA'I PHYIR RO, ,GANG DU MA BSDAD PA DE NAS KYANG MI 'GRO STE, 'GRO BA MED PA'I PHYIR RO, ,GANG DU BSDAD PA DE NAS KYANG MI 'GRO STE, SDOD PA DANG 'GRO BA GNYIS MI MTHUN PA'I PHYIR RO, ,DE LTAR NA 'GRO BA'I LDOG PA DANG, SDOD PA'I LDOG PA MTSUNGS PA YIN NO; ,'DIR SMRAS PA, 'GRO BA DANG 'JUG PA DANG, LDOG PA SONG BA DANG MA SONG BA DANG, BGOM PA LA YOD DO ZHE'AM 'GRO BA PO DANG, 'GRO BA PO MA YIN PA DANG, DE LAS GZHAN PA LA YOD DO ZHES BYA BA DE LA BRJOD PAR MI NUS SU ZIN KYANG, TZEE TRA'I GOM PA 'DOR BA MTHONG NAS, TZEE TRA'I 'GRO @173A *, ,BA PO ZHES BYA BAR 'GYUR BAS DE'I PHYIR 'GRO BA PO DANG 'GRO BA YOD DO, ,BSHAD PA, RE ZHIG BRJOD PAR MI NUS SU ZIN KYANG ZHES BYA BA DE NI PHONGS PA'I TSIG YIN NO, ,'ON KYANG GANG MTHONG NAS TZEE TRA 'GRO BA PO ZHES BYA BAR SEMS PA TZEE TRA'I GOM PA 'DOR BA GANG YIN PA 'DOR, GOM PA 'DOR BA DE DANG TZEE TRA GCIG PA NYID DAM GZHAN PA NYID DU 'GYUR GRANG NA, DE LA, 'GRO BA DE DANG 'GRO BA PO, ,DE NYID CES KYANG BYAR MI RUNG, ,'GRO BA DANG NI 'GRO BA PO, ,GZHAN NYID CES KYANG BYAR MI RUNG, ,JI LTAR ZHE NA, GAL TE 'GRO BA GANG YIN PA, ,DE NYID 'GRO PO YIN GYUR NA, ,BYED PA PO DANG LAS NYID KYANG; GCIG PA NYID DU THAL BAR 'GYUR, ,GAL TE 'GRO BA GANG YIN PA DE NYID 'GRO BA PO YIN PAR GYUR NA, DE LTA NA BYED PA PO DANG BYA BA YANG GCIG PA NYID DU THAL BAR 'GYUR RO, ,DE NI MI 'THAD DO, BYED PA PO GANG YIN PA DE NYID BYA BA YIN PAR JI LTAR 'GYUR, CI STE SKYON DER GYUR NA MI RUNG NGO; ,SNYAM PAS BYED PA PO DANG BYA BA GNYIS GZHAN PA NYID YIN NO ZHE NA, DE LA BSHAD PAR BYA STE, GAL TE 'GRO DANG 'GRO BA PO, ,GZHAN PA NYID DU RNAM BRTAGS NA, ,'GRO PO MED PA'I 'GRO BA DANG, ,'GRO BA MED PA'I 'GRO POR 'GYUR, ,GAL TE BYED PA PO DANG, BYA BA GNYIS GCIG PA NYID KYI SKYON MTHONG BAS 'GRO BA PO DANG, ,'GRO BA GZHAN PA NYID DU RNAM PAR BRTAGS NA, DE LTA NA 'GRO BA PO LAS THA DAD PAR GYUR PA'I 'GRO BA GZHI MED PA RANG LAS RAB TU GRUB PAR 'GYUR BA DANG, 'GRO BA GZHI MED PA RANG LAS RAB TU GRUB PAR GYUR NA 'GRO BA PO YANG 'GRO BA DANG BRAL BA MI LTOS PA RANG LAS RAB TU GRUB PAR 'GYUR BA ZHIG NA, DE GNYIS GANG YANG MI 'THAD DE 'GRO BA PO MED PAR 'GRO BA DANG, 'GRO BA MED PAR 'GRO BA POR JI LTAR 'GYUR, 'DIR SMRAS PA, CI KHYED GSOD PA PO NYID LA DPAR 'DZUGS SAM, KHO BO NI BYED PA PO DANG BYA BA GNYIS THA DAD PAR 'GYUR GRUB PA MED PA'I PHYIR, GZHAN PA NYID DU YANG MI 'DOD LA, BYED PA PO THA DAD PA'I PHYIR GCIG PA NYID DU YANG MI 'DOD PAS DE'I PHYIR DE GNYI GA MED PAR YANG DE GNYIS GRUB PO, ,BSHAD PA, KHO BO NI GSOD PA PO NYID LA DBANG MI 'DZUGS KYI, KHYOD NYID LAG PA BRKYANG STE TSIGS @173B CHEN POR G-YOB CING KHONG PA DBUGS KYIS BRDZANGS BZHIN DU SMIG RGYU'I CHU LA RKYAL BAR BYED DAM, KHYOD DE NYID DANG GZHAN MA GTOGS PA MED PA'I PHYOGS LA YOD PA'I BLOS GNAS PAR BYED KO, ,GANG DAG DNGOS PO GCIG PA DANG, ,DNGOS PO GZHAN PA NYID DU NI, ,GRUB PAR GYUR BA MED MIN NA,, DE GNYIS GRUB PA JI LTAR YOD, ,GAL TE BYED PA PO DANG BYA BA GNYIS GCIG PA NYID DANG GZHAN PA NYID DU GRUB PA MED DE GNYIS MA GTOGS PAR RNAM PA GZHAN GANG GIS DE GNYIS GRUB PA YOD PA DE JE SMROS SHIG ,DE LTA BAS NA DE NI BRTAGS PA TZAM DU ZAD DO, ,'DIR SMRAS PA, 'JIG RTEN MNGON SUM GYI DON 'DI GAB GAB KYIS GNON PAR JI LTAR NUS, YONG NI GANG MED PAS 'GRO BA PO MA YIN NO, ,ZHES BYA BA DANG, GANG LA LTOS NAS 'DI 'GRO BA PO YIN NO ZHES BYA BA DE NI 'GRO BA YIN LA, DE YANG 'GRO BA PO ZHES BYA'O, ,BSHAD PA, CI KHYOD BU 'DOD LA MA NING LA SPYOD DAM, KHYOD 'GRO BA PO MED PA LA 'GRO BA POR RTOG GO, ,'DI LTAR BGROD PAR BYA BA ZHIG YOD NA NI 'GRO BA POR BRTAG TU YANG RUNG GRANG NA, GANG GI TSE 'GRO BA POR BRTAGS KYANG BGROD PAR BYA BA MI 'THAD PA DE'I TSE CI YANG MI PHAN PA YONGS SU BRTAGS PA 'DIS CI ZHIG BYA, BGROD PAR BYA BA JI LTAR MI 'THAD CE NA, DE NI SONG BA YANG MA YIN MA SONG BA YANG MA YIN LA, BGOM PA NI SHES PAR MI 'GYUR RO ZHES BSTAN ZIN TE, ,DE DAG TZAM DU DE 'GRO BAS 'GRO BA PO YIN GRANG NA, DE NI MI 'GRO BAS DE'I PHYIR 'GRO BA POR BRTAGS PA NI DON MED PA YIN NO, ,'DIR SMRAS PA, 'GRO BA PO YIN PAS 'GRO BA NYID 'GRO STE, DPER NA SMRA PO DAG NA RE TSIG SMRA'O, ,BYA BA BYED DO ZHES ZER BA BZHIN NO, ,BSHAD PA, 'GRO BA PO'I 'GRO BA LA BRTAG NA YANG 'GRO BA GANG GIS DE'I 'GRO BA POR MNGON PA'I 'GRO BA DE NYID DAM, DE LAS GZHAN BZHIG 'GRO GRANG NA, GNYI GA YANG MI MTHONG NGO, ,JI LTAR ZHE NA, 'GRO BA GANG GI 'GRO POR MNGON, ,'GRO BA DE NI DE 'GRO MIN, 'GRO BA GANG DANG LDAN NA, TZEE TRA 'GRO BA PO ZHES BYA BAR MNGON PA'I 'GRO BA DE NI 'GRO BA PO DE 'GRO BAR BYED PA MA YIN NO, ,CI'I PHYIR ZHE NA, GANG PHYIR 'GRO BA'I SNGA ROL MED, ,GANG ZHIG GANG DU 'GRO BAR 'GYUR, ,GANG GI PHYIR 'GRO BA @174A *, ,GANG GIS 'GRO BA PO ZHES BYA BAR MNGON PA'I 'GRO BA 'DI SNGA ROL NI 'GRO BA'I SNGA ROL TE DE'I SNGA ROL NA 'GRO BA PO MED DO, ,DE DANG LDAN PA KHO NA'I PHYIR 'GRO BA PO ZHES BRJOD PA YIN TE, GANG ZHIG GANG DU DPER NA GRANG DANG GRONG KHYER LTA BU THA DAD PAR GYUR PAS 'GRO BAR 'GYUR BA YIN NA 'GRO BA POR GYUR NAS GANG 'GRO BAR 'GYUR BA'I 'GRO BA DE NI 'GRO BA PO LAS GRONG DANG GRONG KHYER LTA BUR THA DAD PAR GYUR PA MED DO, ,DE LTAR RE ZHIG 'GRO BA GANG GIS 'GRO BA PO ZHES BYA BAR MNGON PA'I 'GRO BA DE NI 'GRO BA PO 'GRO BAR BYED PA MA YIN NO, ,DE LA 'DI SNYAM DU DE LAS GZHAN PA ZHIG 'GRO BAR SEMS NA, BSHAD PA, 'GRO BA GANG GIS 'GRO POR MNGON, ,DE LAS GZHAN PA DE 'GRO MIN, ,'GRO BA GANG DANG LDAN NA TZEE TRA 'GRO BA PO ZHES BYA BAR MNGON PA DE LAS GZHAN PA'I 'GRO BA YANG 'GRO BA PO DE 'GRO BAR BYED PA MA YIN NO, ,CI'I PHYIR ZHE NA, GANG PHYIR 'GRO PO GCIG PU LA, ,'GRO BA GNYIS SU MI 'THAD DO, ,GANG GI PHYIR 'GRO BA PO GCIG PU LA GANG GI 'GRO BA PO ZHES BYA BAR MNGON PA DANG 'GRO POR GYUR NAS GANG 'GRO BAR 'GYUR BA'I 'GRO BA GNYIS MI 'THAD PA DE'I PHYIR DE LAS GZHAN PA'I 'GRO BA YANG 'GRO BA PO 'GRO BAR BYED PA MA YIN NO,, DES NA TSIG SMRA'O, ,BYA BA BYED DO ZHES BYA BA YANG LAN BTAB PA YIN NO, ,'DIR SMRAS PA, 'GRO BA PO'I BGROD PAR BYA BA GRONG DANG GRONG KHYER LA SOGS PA YOD PA MA YIN NAM, BSHAD PA, DE LA NI LAN BTAB ZIN TE, GRONG DANG GRONG KHYER LA BRTEN NAS, CI DE GRONG DU SONG BA LA 'GRO BA YOD DAM MA SONG BA LA 'GRO BA YOD DAM BGOM PA LA 'GRO BA YOD CES BSAMS ZIN PAS DE'I PHYIR DE NI GYI NA'O, ,YANG GZHAN YANG, 'GRO PO YIN PAR GYUR PA NI, ,'GRO RNAM GSUM DU 'GRO MI BYED, ,MA YIN PAR NI GYUR DE YANG, ,'GRO RNAM GSUM DU 'GRO MI BYED, ,YIN DANG MA YIN GYUR PA YANG, ,'GRO RNAM GSUM DU 'GRO MI BYED, ,DE PHYIR 'GRO DANG 'GRO PO DANG, ,BGROD PAR BYA BA'ANG YOD MA YIN, ,'GRO BA PO YIN PAR GYUR BA ZHES BYA BA NI 'GRO BA PO GANG 'GRO BA DANG LDAN PA'O, ,DE MA YIN PAR GYUR PA YANG ZHES BYA BA NI 'GRO BA PO GANG 'GRO BA DANG BRAL BA'O, ,YIN PA @174B DANG MA YIN PAR GYUR PA YANG ZHES BYA BA NI 'GRO BA PO GANG 'GRO BA DANG LDAN PA YANG YIN LA 'GRO BA DANG BRAL BA YANG YIN PA'O, ,'GRO ZHES BYA BA NI BGROD PAR BYA BA'I THA TSIG GO, ,RNAM GSUM DU ZHES BYA BA NI SONG BA DANG MA SONG BA DANG BGOM PAR RO, ,DE'I PHYIR DE LTAR YANG DAG PA'I RJE SU 'BRANG BA'I BLOS YONGS SU BRTAGS NA, 'GRO BA PO YIN PAR GYUR PA NI BGROD PAR BYA BA RNAM PA GSUM DU 'GRO BAR MI BYED LA, 'GRO BA PO MA YIN PAR GYUR PA YANG BGROD PAR BYA BA RNAM PA GSUM DU 'GRO BAR MI BYED CING, 'GRO BA PO YIN PA DANG MA YIN PAR GYUR BA YANG BGROD PAR BYA BA RNAM PA GSUM DU 'GRO BAR MI BYED PA DE'I PHYIR 'GRO BA DANG 'GRO BA PO DANG BGROD PAR BYA BA MED DO, ,BYA BA RNAMS KYI NANG NA 'GRO BA'I BYA BA GTZO BO YIN PAS, 'GRO BA'I BYA BA YONGS SU BRTAGS TE, JI LTAR 'GRO BA MI 'THAD PAR RAB TU SGRUB PA DE BZHIN DU BYA BA THAMS CAD KYANG MI 'THAD PAR GRUB BO, ,SONG BA DANG MA SONG BA DANG BGOM PA BRTAG PA ZHES BYA BA STE RAB TU BYED PA GNYIS PA'O,, ,,DBU MA RTZA BA'I 'GREL PA BUD DHA P'A LI TA, BAM PO GNYIS PA, 'DIR SMRAS PA, KHYED KYIS 'GRO BA MI 'THAD PA DE RJES SU RAB TU BSTAN PAS KHO BO'I YID STONG PA NYID NYAN PA LA SPRO BAR BYAS KYIS, DE'I PHYIR DA NI RANG GI GZHUNG LUGS LA BRTEN PA CHUNG ZHIG RJES SU RAB TU BSTAN PA'I RIGS SO, ,BSHAD PA, DE LTAR BYA'O, ,SMRAS PA, LTA DANG NYAN DANG SNOM PA DANG, ,MYONG BAR BYED DANG REG BYED YID, ,DBANG PO DRUG PO DE DAG GI, ,SPYOD YUL BLTA BAR BYA LA SOGS, ,LTA BA LA SOGS PA DE DAG NI DBANG PO DRUG TU BSTAN LA, DE DAG GI SPYOD YUL NI GZUGS LA SOGS PA DRUG PO DAG NYID YIN PAR BSTAN TO, ,DE LA GZUGS LA LTA BAR BYED PAS LTA BAR BSTAN LA, LHAG MA RNAMS KYANG RANG RANG GI YUL 'DZIN PAR BYED PAS BSTAN TO, ,DNGOS PO MED NA GZUGS LA LTA BAR BYED PAS LTA BA ZHES BRJOD PAR MI 'THAD DO, ,'DI LTAR MED PAS JI LTAR LTA BAR 'GYUR, CI STE LTA NA NI RI BONG GI RVAS KYANG RUS SPAL GYI SPU SOGS PAR 'GYUR BA ZHIG NA DE NI MI 'THAD PAS DE'I PHYIR SKYE MCHED RNAMS YOD DO, ,BSHAD PA, GAL TE GZUGS LA @175A *, ,LTA BAR BYED PAS LTA'O ZHES BYA BA DE 'THAD NA NI, SKYE MCHED RNAMS YOD PA 'GYUR BA ZHIG NA DE NI 'THAD DO, ,CI'I PHYIR ZHE NA, 'DI LTAR, LTA DE RANG GI BDAG NYID NA, ,DE NI DE LA MI LTA NYID, ,GANG ZHIG BDAG LA MI LTA BA, ,DE GZHAN DAG LA JI LTAR LTA, ,'DI LA DNGOS PO RNAMS KYI NGO BO NYID NI RANG GI BDAG NYID LA MTHONG NA DE DANG LDAN PAS GZHAN GYI BDAG NYID LA YANG DMIGS PAR 'GYUR TE, DPER NA CHU LA RLAN MTHONG NA DE DANG LDAN PAS, SA LA YANG DMIGS PA DANG, ME LA TSA BA MTHONG NA DE DANG LDAN PAS CHU LA YANG DMIGS PA DANG, SNA MA'I ME TOG LA DRI ZHIM PA NYID MTHONG NA DE DANG LDAN PAS GOS LA YANG DMIGS PA LTA BU YIN NA DNGOS PO GANG RANG GI BDAG NYID LA MI SNANG BA DE GZHAN GYI BDAG NYID LA JI LTAR DMIGS PAR 'GYUR TE, 'DI LTAR SNA MA'I ME TOG LA DRI NGA BA NYID MA MTHONG NA GOS LA YANG DMIGS PAR MI 'GYUR BA LTA BU'O, , DE'I PHYIR GAL TE LTA BA RANG GI BDAG NYID LA LTA BAR BYED NA NI DES NA GZUGS LA LTA BAR BYED PAS LTA BA'O ZHES BYA BA DE 'THAD PAR 'GYUR BA ZHIG NA LTA BA NI RANG GI BDAG NYID LA LTA BAR MI BYED DO, ,DE GANG RANG GI BDAG NYID LA LTA BAR MI BYED PA DE GZHAN DAG LA JI LTAR LTA BAR BYED DE, DES NA GZUGS LA LTA BAR BYED PAS LTA BA'O, ,ZHES BYA BA DE MI 'THAD DO, ,SLOB DPON 'PHAGS PA LHAS KYANG, ,DNGOS PO KUN GYI RANG BZHIN NO, ,THOG MAR BDAG LA SNANG GYUR NA, ,MIG NYID LA YANG MIG GIS NI, ,CI YI PHYIR NA 'DZIN MI 'GYUR, ,ZHES GSUNGS SO, ,SMRAS PA, ME BZHIN DU LTA BA LA SOGS PA 'GRUB STE, DPER NA ME NI SREG PAR BYED PA YIN YANG GZHAN DAG SREG PAR BYED PA YIN GYI, RANG GI BDAG NYID SREG PAR BYED PA NI MA YIN NO, ,DE BZHIN DU LTA BA YANG LTA BAR BYED PA YIN YANG GZHAN DAG LA LTA BAR BYED PA NYID YIN GYI RANG GI BDAG NYID LA LTA BAR BYED PA NI MA YIN NO, ,BSHAD PA, LTA BA RAB TU BSGRUB PA'I PHYIR, ,MI YI DPE NI NUS MA YIN, ,NUS MA YIN ZHES BYA BA NI MI CHOG PA DANG, MI NUS SO ZHES BYA BA'I THA TSIG STE, KHYOD KYIS LTA BA RAB TU BSGRUB PA'I PHYIR ME'I DPE BYAS PA GANG YIN PA DES NI LTA BA RAB TU BSGRUB @175B PAR MI NUS SO, ,CI'I PHYIR ZHE NA, 'DI LA BUD SHING BSREG GO ZHES BYA MOD KYI, BUD SHING LAS ME GUD NA MED PA'I PHYIR TE, DE BAS NA ME NI RANG GI BDAG NYID SRAG PAR BYED PA NYID YIN GYI GZHAN DAG SREG PAR BYED PA NI MA YIN NO, ,CI STE GZHAN PA NYID MA YIN DU ZIN KYANG BUD SHING NI BSREG PAR BYA BA'O, ,ME NI SREG PAR BYED PA'O ZHES RTOG NA, KHO BOS KYANG BUD SHING NI SREG PAR BYED PA'O, ,ME NI BSREG PAR BYA BA'O, ,ZHES SMRA LA RAG GO, ,YANG NA KHYAD PAR GYI GTAN TSIGS BSTAN PA BRJOD DGOS SO, ,SLOB DPON 'PHAGS PA LHAS KYANG, MES NI TSA BA NYID BSREG STE, ,TSA BA LA YIN JI LTAR BSREG ,DES NA BUD SHING ZHES BYA MED, ,DE MA GTOGS PAR ME YANG MED, ,CES GSUNGS SO, ,DE LTA BAS NA ME'I DPES NUS PA MA YIN NO, ,'DI LA KHA CIG ME NI RANG GZHAN GYI BDAG NYID DAG SNANG BAR BYED DO SNYAM DU SEMS PA DES KYANG NUS PA MA YIN TE, ME NI JI LTAR RANG DANG GZHAN GYI BDAG NYID DAG SNANG BAR BYED PA DE BZHIN DU RANG GZHAN GYI BDAG NYID DAG SREG PAR YANG BYED PA'I RIGS SO, ,'ON KYANG GZHAN DAG SREG PAR BYED PA NYID YIN GYI RANG GI BDAG NYID SREG PAR BYED PA NI MA YIN NO ZHE NA, DE LTAR NA YANG MES JI LTAR GZHAN DAG SEG PAR BYED KYI, RANG GI BDAG NYID SREG PAR MI BYED PA DE BZHIN DU LTA BA YANG GZHAN DAG LA LTA BAR BYED KYI, RANG GI BDAG NYID LA LTA BAR MI BYED DO ZHES BYA BA DE JI LTAR RUNG STE, MI JI LTAR RANG DANG GZHAN GYI BDAG NYID DAG SNANG BAR BYED PA DE BZHIN DU LTA BA YANG NI GAL TE LTA BA YIN NA, RANG DANG GZHAN GYI BDAG NYID DAG LA LTA BAR BYED DO, ,ZHES BYA BA DE LTA BUR YANG CI'I PHYIR MI 'GYUR, BDAG NYID BDAG NYID LA LTA'O ZHES KYANG ZER LA, DE BZHIN DU 'JIG RTEN NA SMRA BA PO DAG BDAG NYID KYIS BDAG NYID 'DZIN TO ZHES KYANG ZER BAS, DE'I PHYIR RANG GI BDAG NYID LA 'JUG PA'I TSIG GIS NA, LTA BA RAB TU BSGRUB PA'I PHYIR ME'I DPES NUS PA MA YIN NO, ,YANG GZHAN YANG, SONG DANG MA SONG BGOM PA YIS, ,DE NI LTAR BCAS LAN BTAB PO, ,LTAR BCAS ZHES BYA BA NI LTA BA DANG BCAS PA'O, ,GANG ZHE NA, ME'I @176A *, ,DPE STE, DPE DANG LTA BA DE GNYI GA MTSUNGS PAR LAN BTAB ZIN TO ZHES BYA BA'I THA TSIG GO, ,GANG GIS LAN BTAB CE NA, SONG BA DANG, MA SONG BA DANG, BGOM PA DAG GIS TE, JI LTAR SONG BA DANG, BGOM PA BRTAG PAR SONG BA LA YANG 'GRO BA MED, MA SONG BA LA YANG MED, BGOM PA LA YANG 'GRO BA MED DO, ,ZHES BSHAD PA DE BZHIN DU MES KYANG BSREGS PA YANG SREG PAR MI BYED, MA BSREGS PA YANG SREG PAR MI BYED, LTA BA YANG BLTAS PA LA YANG LTA BAR MI BYED, MA BLTAS PA LA YANG LTA BAR MI BYED, LTA BA LA YANG LTA FBAR MI BYED DO, ,DE LTAR ME YANG SREG PAR MI BYED LA, LTA BA YANG LTA BAR MI BYED NA CI ZHIG GANG GI DPER 'GYUR, DE'I PHYIR YANG LTA BA RAB TU BSGRUB PA'I PHYIR ME'I DPES NUS PA MA YIN NO, ,YANG GZHAN YANG, GANG TSE CUNG ZAD MI LTA BA, ,LTA BAR BYED PA MA YIN NO, ,LTA BAS LTA BAR BYED CES BYAR, ,DE NI JI LTAR RIGS PAR 'GYUR, ,'DI LTAR KHYOD KYIS GZUGS LA LTA BAR BYED PAS LTA BA'O ZHES SMRAS PA NI BYED PA PO LA BYA BA'I RKYEN BRJOD NAS LTA BAR BYED PAS LTA BA YIN NO, ,DE'I PHYIR LTA BA NYID NA LTA BA YIN GYI MI LTA BA NI MA YIN NO, ,DE'I PHYIR GANG GI CHE NA LTA BA NYID NA LTA BA YIN GYI MI LTA BA NA MA YIN PA DE'I TSE LTA BAR BYED PAS LTA BA'O ZHES BYA BA DE SMRA BA JI LTAR RIGS PAR 'GYUR TE, 'DI LA GANG GIS LTA BAR BYED DO, ,ZHES BYA BA DE RIGS PAR 'GYUR BA LTA BA'I BYA BA GNYIS PA DE GA LA YOD, CI STE 'DI LA LTA BA'I BYA BA GNYIS PA MED BZHIN DU YANG RAB TU RTOG NA, DE LTA BAS NA YANG LTA BA GNYIS SU THAL BA DANG, LTA BA PO YANG GNYIS SU THAL BAR 'GYUR BAS DE NI MI 'DOD DO, ,DE LTA BAS NA GZUGS LA LTA BAR BYED PAS LTA BA'O, ,ZHES BYA BA DE MI 'THAD DO, ,CI STE THAL BA'I BYA BA GNYIS SU THAL BAR 'GYUR BA'I SKYON DER GYUR NA MI RUNG NGO, ,SNYAM NAS LTA BA NYID LTA BA'I BYA BA DANG LDAN PA'I PHYIR LTA BAR BYED PAS LTA BA'O ZHE NA, DE LA BSHAD PA, LTA BA LTA NYID MA YIN TE, ,LTA BA LTA BAR BYED PA NYID DO, ,ZHES DE LTAR RTOG NA DE YANG MI RIGS PA MA YIN TE LTA BAR BYED DO, ,ZHES BYA BA DE LA @176B LTA BA'I BYA BA MED PA'I PHYIR RO, ,DE DE LA 'DI SNYAM DU SKYON DER GYUR NA MI RUNG BAS LTA BAR BYED DO, ,ZHES BYA BA DE NYID LTA BA'I BYA BA DANG LDAN PAR SEMS NA, DE LTA BSHAD PA, LTA BA MIN PA MI LTA NYID, ,DE LTA NA YANG LTA BA'I BYA BA DANG BRAL BA'I LTA BA NI LTA BA MA YIN PAR 'GYUR RO, ,DE LA LTA BA MA YIN PA JI LTAR LTA BAR BYED DO, ,ZHES BYAR NI MI RUNG STE, 'DI LTAR LTA BA MA YIN PA JI LTAR LTA BAR 'GYUR, CI STE LTA NA NI SOR MO'I RTZE MO YANG LTA BAR 'GYUR BA ZHIG NA MI LTA STE, DE LTA BAS NA LTA BA MA YIN PA LTA BAR BYED DO ZHES BYA BA DE YANG MI RUNG NGO, ,SMRAS PA, BYA BA'I RKYEN 'DI NI BYED PA LA BRJOD PA YIN GYI BYED PA PO LA MA YIN PAS, 'DIS LTA BAR BYED PAS LTA BA STE, GANG ZHIG LTA BAR BYED CE NA, LTA BA PO'O, ,BSHAD PA, LTA BA NYID KYIS LTA BA PO'ANG, ,RNAM PAR BSHAD PAR SHES PAR BYA, ,'DI LA, LTA BA RANG GI BDAG NYID NI, ,DE NI DE LA MI LTA NYID, ,GANG ZHIG BDAG LA MI LTA BAR, ,DE GZHAN DAG LA JI LTAR LTA, ,ZHES BYA BA LA SOGS PA DAG GIS LTA BAS LTA BAR BYED DO ZHES BYA BA DE BSAL ZIN TE, LTA BAS BSAL BA DE NYID KYIS LTA BA PO YANG BSAL BA NYID DU SHES PAR BYA'O, ,CI'I PHYIR ZHE NA, 'DIR DON GZHAN CUNG ZAD MA SMRAS PA STE, MIG LTA BA PO NYID YIN NO ZHES BYA BA BTANG STE BDAG LTA BA PO YIN NO ZHES SMRAS PA 'BA' ZHIG TU ZAD PA'I PHYIR RO, ,DE LA LTA BA LA LTA BA POR RTOG GAM BDAG LA LTA BA POR RTOG KYANG RUNG STE BSAL BA'I GTAN TSIGS DAG NI MTSUNGS SO, ,'DIR SKYON GZHAN 'DI YANG YOD DE, LTA BA POS LTA BAS LTA BAR BYED NA LTA BA GSUM DU THAL BAR 'GYUR RO, ,SMRAS PA, LTA BAS LTA BAR BYED ZHE 'AM LTA BA POS LTA BAR BYED DO ZHES BYA BA 'DIS KHO BO LA CI BYA, YONG NI BLTA BAR BYA BA BUM PA DANG SNAM BU LA SOGS PA DAG YOD PA LA GANG GIS LTA BAR BYED PA'I LTA BA DE NI YOD DO, BSHAD PA, CI KHYOD SA MKHAN MED PAR 'BROG DGON PAR 'THOM MAM, KHYOD LTA BA PO MED PAR BLTA BAR BYA BA DANG LTA BA YOD PAR 'DOD KO, ,MA SPANGS LTA BO YOD MIN TE, ,LTA BA SPANGS PAR GYUR KYANG NGO, ,LTA BO MED NA BLTA BYA DANG, ,LTA BA DE DAG @177A *, ,GA LA YOD, ,'DI LA LTA BA NYID NA LTA BA PO YIN GYI MI LTA NA MA YIN NO, ,ZHES SNGAR BSTAN PA DES NA LTA BA DANG LDAN PA'I PHYIR LTA BA PO YIN PAS LTA BA PO LTA BAR BYED DO, ,ZHES BYA BA DE MI 'THAD DO, ,LTA BA'I BYA BA GNYIS LA MED PA'I PHYIR RO, ,DE LTAR RE ZHIG LTA BA MA SPANGS NA LTA BA PO MA YIN PAS LTA BA PO MED DO, ,DA NI LTA BA PO MA YIN PA YANG LTA BAR MI BYED PA NYID DE, LTA BA'I BYA BA DANG BRAL BA'I PHYIR RO ZHES BSTAN PA DE BZHIN DU LTA BA SPANGS PAR GYUR NA YANG LTA BA PO MED DO, ,DE LA LTA BA SPANGS KYANG RUNG MA SPANGS KYANG RUNG STE LTA BA PO MED NA KHYOD KYI BLTA BAR BYA BA DANG LTA BA YOD PAR GA LA 'GYUR, 'DI LTAR GANG GIS LTA BAR BYED PAS BLTA BAR BYA BA YIN NA GANG GIS LTA BAR BYED PAS DE NI MED DO, ,DE MED NA GANG GIS LTA BAR 'GYUR, MI LTA NA BLTA BAR BYA BAR JI LTAR 'GYUR, 'GA' ZHIG GIS GANG GIS LTA BAR BYED PA DE NI DE'I LTA BA YIN NA GANG GIS LTA BAR BYED PA DE NI MED DO, ,DE MED NA GANG GIS LTA BAR 'GYUR TE, DE LTA BAS NA LTA BA PO MED NA BLTA BAR BYA BA DANG LTA BA MI 'THAD PA NYID DO, ,DE'I PHYIR SKYE MCHED RNAMS YOD PA MA YIN NO, ,SMRAS PA, SKYE MCHED RNAMS NI YOD PA NYID YIN TE, CI'I PHYIR ZHE NA, RNAM PAR SHES PA YOD PA'I PHYIR RO, ,'DI LTAR RNAM PAR SHES PA DNGOS PO RNAMS DMIGS PAR BYED PA NI YOD DO, ,DE YOD PA'I PHYIR SKYE MCHED RNAMS KYANG YOD DO, ,BSHAD PA, BLTA BYA LTA BA MED PA'I PHYIR, ,RNAM PAR SHES LA SOGS PA BZHI, ,YOD MIN NYE BAR LEN LA SOGS, , JI LTA BUR NA YOD PAR 'GYUR, ,GANG GI TSE LTA BA PO MED NA BLTA BAR BYA BA DANG LTA BA MI 'THAD DO, ,ZHES BSHAD PA DE'I TSE GNAS MED PAR RNAM PAR SHES PA JI LTAR YOD PAR 'GYUR TE, 'DI LTAR BLTA BAR BYA BA LAS GZHAN CI ZHIG RNAM PAR SHES PAR 'GYUR, LTA BA MED NA RNAM PAR SHES PA LTOS PA MED PAR JI LTAR YOD PAR 'GYUR, CI STE 'GYUR NA NI LONG BA LA YOD PAR 'GYUR BA ZHIG NA MI 'GYUR RO, ,DE LTA BAS NA BLTA BAR BYA BA DANG LTA BA MED NA GNAS MED PAR RNAM PAR SHES PA YOD PAR MI 'THAD DO, ,RNAM PAR SHES PA MED NA REG PA GA LA YOD, ,REG PA MED NA TSOR @177B BA GA LA YOD, ,TSOR BA MED NA SRED PA GA LA YOD, ,DE BZHIN DU NYE BAR LEN PA DANG SRID PA DANG, SKYE BA DANG RGA SHI DAG KYANG YOD PAR GA LA 'GYUR TE, DE BAS NA SKYE MCHED RNAMS NI YOD PA NYID MA YIN NO, ,DE SKAD DU, BCOM LDAN 'DAS KYIS KYANG, DE LA 'PHAGS PA NYAN THOS NI MIG GI RNAM PAR SHES PAR BYA BA'I GZUGS GANG DAG 'DAS PA DANG, MA 'ONGS PA DANG DA LTAR BYUNG BA 'DI DAG LA RTAG PA NYID DAM BRTAN PA NYID DAM, DE BZHIN NYID DAM GZHAN MA YIN PA DE BZHIN NYID DAM, MA NOR BA DE BZHIN NYID NI 'GA' YANG MED KYI SGYU MA DE NI YOD DO, ,SGYU MAR BYAS PA DE NI YOD DO, ,SEMS RMONGS PAR BYED PA DE NI YOD DE, DE NI GYI NA ZHIG YOD DO, ,SNYAM DU DE LTAR SO SOR RTOG PAR BYED DO, ,ZHES GSUNGS SO, ,SMRAS PA, KHYOD KYIS RE ZHIG LTA BA NI BKAG NA NYAN PA LA SOGS PA NI MA BKAG PAS DES NA NYAN PA LA SOGS PA YOD PA'I PHYIR DNGOS PO RNAMS YOD DO, ,BSHAD PA, LTA BAS NYAN DANG SNOM PA DANG, ,MYONG BAR BYED DANG REG BYED YID, ,NYAN PA PO DANG MNYAN LA SOGS, ,RNAM PAR BSHAD PAR SHES PAR BYA, ,NYAN PA LA SOGS PA DE DAG NI RNAM PAR BSHAD PA NYID DU SHES PAR BYA'O, ,GANG GIS RNAM PAR BSHAD CE NA, LTA BA NYID KYIS TE, JI LTAR LTA BA RNAM PA THAMS CAD DU BRTAGS NA MI 'THAD PA DE BZHIN DU NYAN PA LA SOGS PA DAG KYANG SHES PAR BYA'O, ,JI LTAR LTA BA PO MI 'THAD PA DE BZHIN DU NYAN PA PO LA SOGS PA DAG KYANG SHES PAR BYA'O, ,JI LTAR BLTA BAR BYA BA BSAL BA DE BZHIN DU MNYAN PAR BYA BA LA SOGS PA DAG KYANG SHES PAR BYA'O, ,DE LTA BYAS NA SKYE MCHED RNAMS KYANG STONG PA NYID DU GRUB PAR SHES PAR BYA'O, ,SKYE MCHED BRTAG PA ZHES BYA BA STE RAB TU BYED PA GSUM PA'O,, ,,'DIR SMRAS PA, 'DI LA GZUGS LA SOGS PA PHUNG PO LNGA PO DAG BSTAN TO, ,DE DAG SDUG BSNGAL LO ZHES GSUNGS TE, ,SDUG BSNGAL 'PHAGS PA'I BDEN PAR GSUNGS SO, ,'PHAGS PA'I BDEN PA GANG YIN PA DE NI MED PAR JI LTAR 'GYUR TE, DE BAS NA PHUNG PO RNAMS NI YOD DO, ,BSHAD PA, GZUGS KYI RGYU NI MA GTOGS PAR, ,GZUGS NI DMIGS PAR MI 'GYUR @178A *, ,RO, ,'DI LA 'BYUNG BA CHEN PO BZHI PO DAG NI GZUGS KYI RGYUR BSTAN, GZUGS NI DE DAG GI 'BRAS BUR BSTAN NA, 'BYUNG BA CHEN PO BZHI PO DAG MA GTOGS PAR 'BYUNG BA CHEN PO BZHI PO DE DAG LAS DON GZHAN DU GYUR PA GZUGS ZHES BYA BAR 'BRAS BU NI CI YANG MED DE, DE LTA BAS NA GZUGS NI MI 'THAD DO, ,SMRAS PA, RE ZHIG 'BYUNG BA DAG NI YOD DE, DE LA RGYU YOD PA'I PHYIR 'BRAS BU YANG YOD PAS GZUGS KYANG RAB TU GRUB PA NYID DO, ,BSHAD PA, GZUGS ZHES BYA BA MA GTOGS PAR, ,GZUGS KYI RGYU YANG MI SNANG NGO, ,GZUGS MA GTOGS PAR YANG 'DI NI GZUGS KYI RGYU'O, ,ZHES BYA BA MI SNANG BA NYID DO, ,GZUGS NI MI 'THAD PAR SMRAS ZIN TE, DE LTAR GZUGS MI 'THAD PA'I PHYIR GZUGS KYI RGYU YANG MI 'THAD DO, ,SMRAS PA, ,'DI LA KHYOD RGYU LA BRTEN NAS 'BRAS BU SEL BAR BYED CING, 'BRAS BU LA BRTEN NAS RGYU SEL BAR BYED PAS DE LA GANG LA BRTEN NAS GZHAN ZHIG SEL BAR BYED PA DE NI RE ZHIG YOD DO, ,DE YOD NA GZHAN YANG RAB TU 'GRUB PAR 'GYUR RO, ,BSHAD PA, GZHAN YOD PA NYID DO, ,ZHES BRJOD PAR MI NUS SO, ,CI'I PHYIR ZHE NA, 'DI LTAR, GZUGS KYI RGYU NI MA GTOGS PAR, ,GZUGS NA GZUGS NI RGYU MED PAR, ,THAL BAR 'GYUR TE DON GANG YANG, ,RGYU MED PA NI GANG NA'ANG MED, GAL TE RGYU BAS KYANG 'BRAS BU YOD NA NI DE'I TSE RGYU MED PA CAN DU 'GYUR TE, DON GANG YANG RGYU MED PA CAN NI, MA MTHONG ZHING GANG DU YANG MA BSTAN TE, RTAG TU THAMS CAD LAS THAMS CAD 'BYUNG BAR THAL BAR 'GYUR BA'I PHYIR DANG, RTZOM PA THAMS CAD DON MED PA NYID KYI SKYON DU 'GYUR BA'I PHYIR RO, ,DE BZHIN DU, GAL TE GZUGS NI MA GTOGS PAR, ,GZUGS KYI RGYU ZHIG YOD NA NI, ,'BRAS BU MED PA'I RGYUR 'GYUR TE, ,'BRAS BU MED PA'I RGYU MED DO, ,GAL TE 'BRAS BU BSAL KYANG RGYU YOD NA NI RGYU DE 'BRAS BU MED PA CAN DU THAL BAR 'GYUR RO, ,'BRAS BU MED PA CAN GYI RGYU NI MED DE, 'DI NI 'DI'I 'O ZHES BYA BA'I THA SNYAD KYANG MI 'THAD PA'I PHYIR DANG, THAMS CAD KYI RGYU THAMS CAD YIN PAR THAL BAR 'GYUR BA'I PHYIR TE, DE LTA BAS @178B NA GZUGS KYI RGYU DAG KYANG MI 'THAD PA NYID YIN LA, GZUGS KYANG 'BRAS BUR MI 'THAD DO, ,YANG GZHAN YANG, GZUGS YOD NA YANG GZUGS KYI NI, ,RGYU YANG 'THAD PAR MI 'GYUR NYID, ,GZUGS MED NA YANG GZUGS KYI NI, ,RGYU YANG 'THAD PAR MI 'GYUR NYID, ,'DI LA GZUGS KYI RGYU CI ZHIG BRTAGS NA GZUGS YOD PA LA BRTAG GAM, 'ON TE GZUGS MED PA LA BRTAG GRANG NA, GZUGS YOD PA LA NI GZUGS KYI RGYU MI 'THAD DE, MED PA LA YANG MI 'THAD DO, ,DE LA RE ZHIG YOD PA NI MI 'THAD DE, 'DI LTAR YOD PA LA RGYUS CI ZHIG BYA, CI STE YOD PA LA YANG RGYU'I BYA BA YOD PAR 'GYUR NA NI NAM YANG MI BYA BAR MI 'GYUR RO, ,DE YANG MI 'DOD DE, DE LTA BAS NA GZUGS YOD PA LA GZUGS KYI RGYU MI 'THAD DO, ,GZUGS MED PA LA YANG GZUGS KYI RGYU MI 'THAD DE, 'DI LTAR GZUGS MED NA DE GANG GI RGYUR 'GYUR, DE LTA BAS NA GZUGS MED PA LA YANG GZUGS KYI RGYU MI 'THAD DO, ,DE NI RKYEN DGAG PAR YANG MED DAM, YOD PA'I DON LA YANG, RKYEN NI RUNG BA MA YIN TE, ,ZHES RAB TU BSTAN ZIN MOD KYI, YANG 'DI YANG SKABS SU BAB PAS BSTAN TO, ,RGYU MED PA YI GZUGS DAG NI, ,'THAD PAR MI RUNG RUNG MIN NYID, ,RGYU MA BSTAN PA GLO BUR GYI GZUGS NI 'THAD PAR MI RUNG BA NYID DE RUNG BA MA YIN PA NYID DO, ,CI'I PHYIR ZHE NA, RTAG TU THAMS CAD 'BYUNG BAR THAL BAR 'GYUR BA'I PHYIR DANG, RTZOM PA THAMS CAD DON MED PA NYID KYI SKYON DU 'GYUR BA'I PHYIR RO, ,DE BAS NA RGYU MED PA CAN GYI PHYOGS NI THAMS CAD KHO NA YIN PA'I PHYIR 'THAD PAR MI RUNG BA NYID DE RUNG BA MA YIN PA NYID DO, ,ZHES YANG DANG YANG DU NGES PAR BZUNG STE BSHAD DO, ,DE PHYIR GZUGS KYI RNAM PAR RTOG ,'GA' YANG RNAM PAR BRTAG MI BYA, ,GANG GI PHYIR GZUGS KYI RGYU MA GTOGS PAR GZUGS DMIGS PAR MI 'GYUR BA DANG, GZUGS YOD PA DANG MED PA LA YANG GZUGS KYI RGYU MI 'THAD PA DANG, RGYU MED PA'I GZUGS NI 'THAD PAR MI RUNG BA NYID DE RUNG BA MA YIN PA NYID YIN PA DE'I PHYIR KHYOD LTA BU MKHAS PA'I RANG BZHIN CAN DE KHO NA RTOGS PAR 'DOD PAS GZUGS KYI RNAM PAR RTOG PA 'GA' YANG RNAM PAR BRTOG PAR MI BYA BAR RIGS @179A *, ,TE, 'DI LTAR GNAS MED PA LA BSAM PA JI LTAR RIGS PAR 'GYUR, YANG GZHAN YANG, 'BRAS BU RGYU DANG 'DRA BA ZHIS BYA BA 'THAD PA MA YIN TE, 'BRAS BU RGYU DANG MI 'DRA ZHES, ,BYA BA'ANG 'THAD PA MA YIN NO, ,'BRAS BU DANG RGYUR BRTAGS NA, ,'BRAS BU RGYU DANG 'DRA BA'AM, MI 'DRA BAR BRTAG GRANG NA, DE LA 'BRAS BU RGYU DANG 'DRA BA ZHES BYA BA NI PHYOGS DE LA NI GZUGS 'BYUNG BA RNAMS KYI 'BRAS BUR MI 'THAD PA NYID DO, ,'BRAS BU RGYU DANG MI 'DRA BA ZHES BYA BA'I PHYOGS DE LA YANG GZUGS 'BYUNG BA RNAMS KYI 'BRAS BUR MI 'THAD PA NYID DO, ,JI LTAR ZHE NA, 'DI LA 'BYUNG BA RNAMS NI SRA BA DANG, GSHER BA DANG, TSA BA DANG G-YO BA'I NGO BO NYID DU BSTAN NA 'BYUNG BA'I YON TAN DE DAG NI GZUGS LA DMIGS SU MED DE, 'DI LTAR SA NI SRA BA NYID, CHU NI GSHER BA NYID, ME NI TSA BA NYID, RLUNG NI G-YO BA NYID DU DMIGS PAS DE'I PHYIR DE LTAR 'BRAS BU RGYU DANG 'DRA BA YANG MED LA, RGYU DANG MI 'DRA BA YANG MED PA DE'I PHYIR GZUGS 'BRAS BU'O, ,ZHES BYA BAR MI 'THAD PA NYID DO, ,TSOR BA 'DU SHES 'DU BYED DANG, ,SEMS DANG DNGOS PO THAMS CAD KYANG, ,RNAM PA DAG NI THAMS CAD DU, ,GZUGS NYID KYIS NI RIM PA MTSUNGS, ,TSOR BA DANG, 'DU SHES DANG, 'DU BYED DANG, RNAM PAR SHES PA DE DAG KYANG GZUGS MI 'THAD PA NYID KYIS MI 'THAD PAR RIM PA MTSUNGS TE, JI LTAR 'BYUNG BA MA GTOGS PAR GZUGS MED PA DE BZHIN DU REG PA MA GTOGS PAR TSOR BA MED LA, JI LTAR GZUGS MA GTOGS PAR GZUGS KYI RGYU MED PA DE BZHIN DU TSOR BA MA GTOGS PAR YANG REG PA MED DE, DE LTAR BCOM LDAN 'DAS KYIS KYANG, BDE BA MYONG BAR 'GYUR BA'I REG PA LA BRTEN NAS BDE BA'I TSOR BA SKYE'O ZHES GSUNGS SO, ,LHAG MA RNAMS LA YANG DE BZHIN DU SBYAR BAR BYA STE DE LTA BAS NA PHUNG PO RNAMS YOD DO ZHES BYA BA DE MI 'THAD PA NYID DO, ,BCOM LDAN 'DAS KYIS KYANG SGYU MA 'DI NI BYIS PA 'DRID PA'O, ,ZHES GSUNGS SO, ,DE LTAR YANG, GZUGS NI DBU BRJOS PA 'DRA, ,TSOR BA CHU BUR DAG DANG MTSUNGS, ,'DU SHES SMIG RGYU 'DRA BA STE, ,'DU @179B BYED RNAMS NI CHU SHING BZHIN, ,RNAM SHES SGYU MA LTA BU ZHES, ,NYI MA'I GNYEN GYIS BKA' STZAL TO, ,ZHES KYANG GSUNGS SO, ,PHUNG PO RNAMS NYI TSE GZUGS MI 'THAD PA NYID KYIS MI 'THAD PAR RIM PA MTSUNGS PAR MA ZAD KYI, CHOS THAMS CAD KYANG GZUGS MI 'THAD PA NYID KYIS MI 'THAD PAR RIM PA MTSUNGS SO, ,DE LTAR GANG GI PHYIR CHOS THAMS CAD GZUGS MI 'THAD PA NYID KYIS MI 'THAD PAR RIM PA MTSUNGS PA DE'I PHYIR, STONG PA NYID KYIS BRTZAD BYAS TSE, ,GANG ZHIG LAN 'DEBS SMRA BYED PA, ,DE YIS THAMS CAD LAN BTAB MIN, , BSGRUB PAR BYA DANG MTSUNGS PAR 'GYUR, ,STONG PA NYID KYIS BRTZAD CING 'GYED PA BRTZAMS TE YONGS SU GLENG BA'I TSE GANG ZHIG STONG PA NYID MA YIN PAS LAN 'DEBS SHING SMRA BAR BYED PA DE'I TSE DE DAG THAMS CAD NI LAN BTAB PA MA YIN NO, ,CI'I PHYIR ZHE NA, BSGRUB PAR BYA BA DANG MTSUNGS PAR 'GYUR BA'I PHYIR DANG, 'DI LTA STE DPER NA DNGOS PO THAMS CAD NGO BO NYID STONG PA'O, ,ZHES DAM BCAS NA DPE BSTAN PA'I PHYIR SNAM BU NGO BO NYID STONG PAR SGRUB PAR BYED PA'I TSE GANG ZHIG RE ZHIG RE ZHIG RGYU SPUN DAG NI YOD DO ZHES ZER BA'I DE NI BSGRUB PAR BYA BA DANG MTSUNGS PA YIN TE, GTAN TSIGS GANG DAG NYID KYIS SNAM BU NGO BO NYID STONG PAR BSTAN PA DE DAG NYID RGYU SPUN DAG STONG PA NYID DU RAB TU SGRUB PAR BYED PA YANG YIN PAS DE'I PHYIR RGYUR SPUN DAG STONG PA NYID MA YIN PAR STON PA NI BSGRUB PAR BYA BA SNAM BU DANG MTSUNGS PA YIN NO, ,DE BZHIN DU SKYE BO CHOS KYI GNAS SKABS SHES PA DAG DGE BA'I CHOS RNAMS KYI NGO BO NYID NI DGE BA'O SNYAM PA DANG, LHAG MA RNAMS KYANG DE BZHIN DU RNAM PAR NGES SO SNYAM DU SEMS SHING DE DAG LA SOGS PA SMRA NA DGE BA'I CHOS RNAMS KYANG RTEN CING 'BREL BAR 'BYUNG BA YIN PA'I PHYIR NGO BO NYID RTZED ? PAS NA DE YANG BSGRUB PAR BYA BA DANG MTSUNGS PA YIN TE, BSGRUB PAR BYA BA DANG MTSUNGS PA'I PHYIR LAN BTAB PA MA YIN NO, ,SLOB DPON 'PHAGS PA LTAS KYANG, ,DNGOS PO GCIG LA GANG LTA BA, ,DE NI KUN LA'ANG LTA BAR 'DOD, ,GCIG GI STONG NYID GANG YIN PA, ,DE NYID @180A *, ,KUN GYI STONG PA NYID, ,CES GSUNGS SO, ,STONG PA NYID KYIS BSHAD BYAS TSE, ,GANG ZHIG SKYON 'DOGS SMRA BYED PA, ,DE YIS THAMS CAD SKYON BTAGS MIN, ,BSGRUB PAR BYA DANG MTSUNGS PAR 'GYUR, ,STONG PA NYID KYI DNGOS PO NGO BO NYID MED PA NYID DU RNAM PAR BSHAD PA'I TSE GANG ZHIG STONG PA NYID MA YIN PAS SKYON 'DOGS SHING SMRA BAR BYED PA DE'I DE DAG THAMS CAD KYANG SNGA MA KHO NA BZHIN DU BSGRUB PAR BYA BA DANG MTSUNGS PA'I PHYIR SKYON BTAGS PA MA YIN TE, DE NI DON GCIG PA KHO NA YIN MOD KYI, GNAS SKABS GZHAN GYI BYE BRAG GIS YANG BSTAN TO, ,TSIGS SU BCAD PA 'DI GNYIS NI RAB TU BYED PA THAMS CAD KYI KHONGS SU GTOGS PAR BLTA BAR BYA STE, THAMS CAD DU GRUB PA'I PHYIR RO, ,PHUNG PO BRTAG PA ZHES BYA STE RAB TU BYED PA BZHI PA'O,, ,,'DIR SMRAS PA, 'DI LA SOGS PA KHAMS DRUG PO DAG KYANG BSTAN, DE DAG GI SO SO'I MTSAN NYID KYANG BSTAN TO, ,DE LA NAM MKHA'I MTSAN NYID NI MI SGRIB PA'O, ,ZHES BSTAN TE, DNGOS PO MED NA NI MTSAN NYID BSTAN PAR MI RIGS PAS DE LTA BAS NA MTSAN NYID YOD PA'I PHYIR NAM MKHA' YOD DO, ,JI LTAR NAM MKHA' YOD PA DE BZHIN DU KHAMS LHAG MA RNAMS KYANG RANG GI MTSAN NYID YOD PA'I PHYIR YOD DO, ,BSHAD PA, NAM MKHA'I MTSAN NYID NI MI 'THAD DO, ,CI'I PHYIR ZHE NA, 'DI LTAR, NAM MKHA'I MTSAN NYID SNGA ROL NA, ,NAM MKHA' CUNG ZAD YOD MA YIN, ,GAL TE NAM MKHA'I MTSAN NYID KYI SNGA ROL NA NAM MKHA' ZHES BYA BA CUNG ZAD CIG YOD NA NI DE LA NAM MKHA' 'DI'I MTSAN NYID NI 'DI YIN NO ZHES MTSAN NYID BSTAN PA YANG RIGS PA ZHIG NA NAM MKHA'I MTSAN NYID KYI SNGA ROL NA NAM MKHA' MED DO, ,NAM MKHA' MED NA NAM MKHA'I MTSAN NYID CES BYA BA DE JI LTAR 'THAD PAR 'GYUR, CI STE NAM MKHA'I MTSAN NYID KYI SNGA ROL NA NAM MKHA' YOD DO ZHES DE LTAR RTOG NA, DE LTA NA, GAL TE MTSAN LAS SNGA GYUR NA, MTSAN NYID MED PAR THAL BAR 'GYUR, 'DIR SMRAS PA, @180B MTSAN NYID MED PA YOD DO, ,ZHES BSHAD PA, MTSAN NYID MED PA'I DNGOS PO NI, ,'GA' YANG GANG NA YOD MA YIN, ,YANG ZHES BYA BA'I SGRA NI NYID CES BYA BA'I DON TE, MTSAN NYID MED PA'I DNGOS PO NI 'GA' YANG YOD PA MA YIN PA NYID DE, GZHUNG LUGS GANG DU YANG MA BSTAN TO, ,'O NA DE, MTSAN NYID MED PA'I DNGOS MED NA, ,MTSAN NYID GANG DU 'JUG PAR 'GYUR, ,DE BSTAN PAR RIGS SO, ,'DI LTAR, MTSAN NYID MED LA MTSAN NYID NI, ,MI 'JUG DE LTAR GANG GI PHYIR MTSAN NYID MED PA'I DNGOS PO 'GA' YANG YOD PA MA YIN PA DE'I PHYIR MTSAN NYID MED PA'I DNGOS PO MED NA DE GZHI MED PA LA MTSAN NYID 'JUG PAR MI 'THAD DO, ,'O NA MTSAN NYID DANG BCAS PA'I DNGOS PO LA MTSAN NYID 'JUG PAR 'GYUR RO SNYAM NA, BSHAD PA, MTSAN NYID BCAS LA MIN, MTSAN NYID DANG BCAS PA'I DNGOS PO LA YANG MTSAN NYID 'JUG PAR MI 'THAD DE, DGOS PA MED PA'I PHYIR RO, ,DNGOS PO RANG GI MTSAN NYID DANG BCAS PAR RAB TU GRUB PA LA YANG MTSAN NYID KYIS CI ZHIG BYA, DE LTA NA THUG PA MED PAR THAL BAR 'GYUR TE, DE NAM YANG MTSAN NYID DANG BCAS PA MA YIN PAR MI 'GYUR ZHING, RTAG TU MTSAN NYID 'JUG PAR THAL BAR 'GYUR RO, ,DE YANG MI 'DOD DE, ,DE LTA BAS NA MTSAN NYID DANG BCAS PA'I DNGOS PO LA YANG MTSAN NYID 'JUG PAR MI 'THAD DO, ,DE LA 'DI SNYAM DU MTSAN NYID DANG BCAS PA DANG MTSAN NYID MED PA DAG LAS GZHAN PA LA 'JUG PAR SEMS NA, BSHAD PA, MTSAN BCAS MTSAN NYID MED PA LAS, ,GZHAN LA'ANG 'JUG PAR MI 'GYUR RO, ,CI'I PHYIR ZHE NA, MI SRID PA'I PHYIR TE, GAL TE MTSAN NYID DANG BCAS NA NI MTSAN NYID MED PA MA YIN LA, CI STE MTSAN NYID MED NA NI MTSAN NYID DANG BCAS PA MA YIN PAS DE'I PHYIR MTSAN NYID DANG BCAS PA DANG MTSAN NYID MED PA ZHES BYA BA DE NI DGAG PAR MI MTHUN PA YIN TE, DE LTA BAS NA MI SRID PA KHO NA'I PHYIR MTSAN NYID DANG BCAS PA DANG MTSAN NYID MED PA GZHAN LA YANG MTSAN NYID 'JUG @181A *, ,PAR MI 'THAD DO, ,MTSAN NYID 'JUG PA MA YIN NA, ,MTSAN GZHI 'THAD PAR MI 'GYUR RO, ,MTSAN NYID 'JUG PA MA YIN NA MTSAN NYID KYI GZHI YANG 'THAD PAR MI 'GYUR TE, 'DI LTAR KHYOD KYIS MTSAN NYID DANG LDAN PA LAS KHAMS RAB TU 'GRUB PAR BSTAN NA MTSAN NYID DANG LDAN PA DE YANG MTSAN NYID MI 'JUG PA'I PHYIR MI 'THAD DO, ,DE MED NA KHYOD KYI MTSAN NYID KYI GZHI GANG GIS 'GRUB PAR 'THAD, SMRAS PA, DE RE ZHIG MTSAN NYID NI YOD DE, MTSAN NYID YOD PAS MTSAN NYID KYI GZHI YANG RAB TU 'GRUB PAR 'GYUR RO, ,BSHAD PA, MTSAN GZHI 'THAD PA MA YIN NA, ,MTSAN NYID KYANG NI YOD MA YIN, ,'DI LA MTSAN NYID KYI GZHI LA BRTEN NAS MTSAN NYID DU 'GYUR NA MTSAN NYID KYI GZHI DE YANG MI 'THAD DO, ,MTSAN NYID KYI GZHI MED NA GZHI MED PA'I MTSAN NYID JI LTAR 'THAD, DE LTA BAS NA MTSAN NYID KYANG YOD PA MA YIN PA NYID DO, ,DE PHYIR MTSAN GZHI YOD MIN TE, ,MTSAN NYID YOD PA NYID MA YIN, ,DE LTAR GANG GI PHYIR RNAM PA THAMS CAD DU BRTAGS NA MTSAN NYID 'JUG PAR MI 'THAD PA DE'I PHYIR MTSAN NYID KYI GZHI YOD PA MA YIN NO, , GANG GI PHYIR MTSAN NYID KYI GZHI YOD PA MA YIN PA DE'I PHYIR GANG ZHIG MED PA'I MTSAN NYID KYANG YOD PA NYID MA YIN NO, ,SMRAS PA, 'DI NI MTSAN NYID KYI GZHI'O, ,'DI NI MTSAN NYID DO, ,ZHES BYA BA DE BRJOD PAR MI NUS MOD KYI, 'ON KYANG RE ZHIG DNGOS PO NI YOD DO, ,BSHAD PA, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,GAL TE DNGOS PO 'GA' ZHIG YOD PAR 'GYUR NA MTSAN NYID KYI GZHI 'AM MTSAN NYID GCIG TU 'GYUR GRANG NA, GANG MTSAN NYID KYI GZHI YANG MA YIN LA MTSAN NYID KYANG MA YIN PA DE NI YOD PA NYID MA YIN PA DE'I PHYIR MTSAN NYID KYI GZHI DANG MTSAN NYID MA GTOGS PA'I DNGOS PO 'GA' YANG YOD PA NYID MA YIN NO, ,SMRAS PA, DNGOS PO NI YOD PA NYID DE, CI'I PHYIR ZHE NA, DNGOS PO MED PA YOD PA'I PHYIR RO, ,'DI LA KHYOD NA RE MTSAN NYID KYI GZHI @181B DANG MTSAN NYID DAG MED DO ZHES ZER BA DE NI DNGOS PO LA LTOS PA YIN TE, DE'I PHYIR GANG GI DNGOS PO MED DO ZHES BRJOD PA'I DNGOS PO DE NI 'GA' ZHIG YOD PAS DE LTA BAS NA DNGOS PO MED PA YOD PA'I PHYIR DNGOS PO YOD PA NYID DO, ,BSHAD PA LEGS PAR BRJOD DO, ,GAL TE DNGOS PO MED PA YOD NA NI DNGOS PO YANG YOD PAR 'GYUR BA ZHIG NA, DNGOS PO MED PA YOD PA MA YIN PAS DNGOS PO YOD PAR GA LA 'GYUR, JI LTAR ZHE NA, DNGOS PO YOD PA MA YIN NA, ,DNGOS MED GANG GI YIN PAR 'GYUR, ,SNGAR, MTSAN GZHI MTSAN NYID MA GTOGS PA'I, ,DNGOS PO YANG NI YOD MA YIN, ,ZHES BSTAN PAS DNGOS PO DE YOD PA MA YIN NA KHYOD KYI DNGOS PO MED PA DE GANG GI YIN PAR BRTAG ,'DI LTAR DNGOS PO'I DNGOS PO MED PAR 'GYUR GRANG NA, DNGOS PO DE YANG YOD PA MA YIN NA DNGOS PO MED PA DE GANG GI YIN PAR 'GYUR, DE LTA BAS NA DNGOS PO MED PA'I PHYIR DNGOS PO MED PA YANG MED DO, ,SMRAS PA, GANG GI DNGOS PO DANG DNGOS PO MED PA DE DAG SHES PAR BYED CING DNGOS PO DANG DNGOS PO MED PA DAG RTOG PAR BYED PA DE NI RE ZHIG YOD DO, ,DE YOD PAS DNGOS PO DANG DNGOS PO MED PA DAG KYANG RAB TU 'GRUB PA NYID DO, ,BSHAD PA, DNGOS DANG DNGOS MED MI MTHUN CHOS, ,GANG GIS DNGOS DANG DNGOS MED SHES, ,MI MTHUN PA'I CHOS NI DE DAG MI BZLOG PA'I CHOS TE, DNGOS PO DANG DNGOS PO MED PA DAG GI MI MTHUN PA'I CHOS NI DNGOS PO DANG DNGOS PO MED PA MI MTHUN PA'I CHOS SO, ,DNGOS PO DANG DNGOS PO MED PA DAG GI MI MTHUN PA'I CHOS GANG YIN ZHE NA, DNGOS PO YANG MA YIN LA DNGOS PO MED PA YANG MA YIN PA'O, ,DE LA GAL TE 'GA' ZHIG YOD PAR 'GYUR NA DNGOS PO'I CHOS SAM, DNGOS PO MED PA'I CHOS SHIN TU 'GYUR GRANG NA, GANG DNGOS PO'I CHOS KYANG MA YIN LA DNGOS PO MED PA'I CHOS KYANG MA YIN PA DE NI YOD PA NYID MA YIN NO, ,DNGOS PO DANG DNGOS PO MED PA DAG DANG MI MTHUN PA'I CHOS DE MED NA GANG GIS DNGOS PO DANG DNGOS PO MED PA DE DAG SHES PAR BRTAG ,DE LTA @182A *, ,BAS NA DNGOS PO DANG DNGOS PO MED PAR SHES PA YANG MED DO, ,DE PHYIR NAM MKHA' DNGOS PO MIN, ,DNGOS MED MA YIN MTSAN GZHI MIN, ,MTSAN NYID MA YIN, ,DE LTAR GANG GI PHYIR BRTAGS NA MTSAN NYID KYI GZHI DANG MTSAN NYID DAG MED CING, MTSAN NYID KYI GZHI DANG MTSAN NYID DAG MA GTOGS PA'I DNGOS PO GZHAN YANG MED DO, ,DNGOS PO MED NA DNGOS PO MED PA YANG MED PA DE'I PHYIR NAM MKHA' NI DNGOS PO YANG MA YIN DNGOS PO MED PA YANG MA YIN, MTSAN NYID KYI GZHI YANG MA YIN MTSAN NYID KYANG MA YIN NO,, 'DI LTAR GAL TE NAM MKHA' ZHES BYA BA CUNG ZHIG YOD PAR GYUR NA DE BZHI PO DE DAG LAS GANG YANG RUNG BA ZHIG TU 'GYUR GRANG NA, BZHI PO DE DAG KYANG MED PAS DE'I PHYIR NAM MKHA' YOD PA MA YIN NO, ,KHAMS LNGA PO, ,GZHAN GANG DAG KYANG NAM MKHA' MTSUNGS, ,NAM MKHA' MTSUNGS ZHES BYA BA NI, ,NAM MKHA' DANG MTSUNGS PA STE, JI LTAR NAM MKHA' BRTAGS NA DNGOS PO YANG MA YIN, DNGOS PO MED PA YANG MA YIN, MTSAN NYID KYI GZHI YANG MA YIN MTSAN NYID KYANG MA YIN TE, NAM MKHA' ZHES BYA BA NI CI YANG MA YIN PA DE BZHIN DU SA LA SOGS PA KHAMS LNGA PO GZHAN DAG GANG YIN PA DE DAG KYANG DNGOS PO YANG MA YIN, DNGOS PO MED PA YANG MA YIN, MTSAN NYID KYI GZHI YANG MA YIN, MTSAN NYID KYANG MA YIN TE, DNGOS PO 'GA' YANG YOD PA MA YIN PAS DE'I PHYIR KHAMS RNAMS KYANG YOD PA MA YIN NO, ,SMRAS PA, ,'DI LA SANGS RGYAS BCOM LDAN 'DAS RNAMS KYIS CHOS BSTAN PA DAG NI PHAL CHER PHUNG PO DANG KHAMS DANG SKYE MCHED DAG LA BRTEN PA YIN NA DE LA GAL TE PHUNG PO DANG KHAMS DANG SKYE MCHED DAG MED PA NYID YIN PA DE DAG DON MED PA NYID DU MI 'GYUR RAM DE DAG DON MED PA NYID DU MI RIGS NA DE CI LTA BU ZHIG ,BSHAD PA, KHO BOS PHUNG PO DANG KHAMS DANG SKYE MCHED DAG MED PA NYID DU MI SMRA'I, DE DAG YOD PA NYID DU SMRA BA SEL BAR BYED DO, ,DE GNYI GA YANG SKYON DU CHE STE, 'DI LTAR 'OG NAS KYANG, YOD CES BYA @182B BRTAG PAR 'DZIN, ,MED CES BYA BA CHAD PAR LTA, ,DE PHYIR YOD DANG MED PA LA, ,MKHAS PAS GNAS PAR MI BYA'O, ,ZHES 'BYUNG NGO, ,BCOM LDAN 'DAS KYIS KYANG KA T+YA NA 'JIG RTEN 'DI NI GNYIS LA GNAS TE, PHAL CHER YOD PA NYID DANG, MED PA NYID LA GNAS SO ZHES BKA' STZAL TO, ,DE'I PHYIR KHO BO NI RTEN CING 'BREL PAR 'BYUNG BAS YOD PA NYID DANG MED PA NYID KYI SKYON DANG BRAL BA CHAD PA MA YIN RTAG PA MA YIN PA RJES SU RAB TU STON PA MED PA NYID DU MI SMRA'O, ,DE LTA BAS NA KHO BO CAG LA PHUNG PO DANG, KHAMS DANG SKYE MCHED DAG LA BRTEN PA'I CHOS STON PA DAG DON MED PA NYID DU MI 'GYUR RO, ,BLO CHUNG GANG DAG DNGOS RNAMS LA, ,YOD PA NYID DANG MED NYID DU, ,LTA BA DE NI BLTA BYA BA, ,NYE BAR ZHI BA ZHI MI MTHONG, ,BLO CHUNG NGU GANG DAG RTEN CING 'BREL PAR 'BYUNG BA MCHOG TU ZAB PA MA RTOGS PA NA DNGOS PO RNAMS LA YOD PA NYID DANG, MED PA NYID DU RJES SU LTA BA CHAD PA DANG RTAG PAR LTA BAS BLO GROS KYI MIG BSGRIBS PA DE DAG GIS NI MYA NGAN LAS 'DAS PA LTA BAR BYA BA NYE BAR ZHI ZHING ZHI BA MI MTHONG NGO, ,DE'I PHYIR YANG DAG PA JI LTA BA BZHIN DU MA MTHONG BA SPROS PA LA MNGON PAR DGA' BA'I YID DANG LDAN PA DE DAG GI PHUNG PO DANG KHAMS DANG SKYE MCHED DAG LA BRTEN PA'I CHOS STON PA DAG NI DON MED PA NYID DU 'GYUR RO, ,DE LTA BAS NA 'DI NI DON DAM PA YIN GYIS MI 'JIGS SHIG ,SMRAS PA, CI'I PHYIR NAM MKHA'I KHAMS GANG YIN PA DE DANG POR BRTAGS, KHAMS BSTAN PA LA DANG POR SA'I KHAMS BSTAN PAS SA'I KHAMS NYID DANG PO BRTAG PAR BYA BA'I RIGS SO, ,BSHAD PA, GRAGS PA'I DON GYIS MA GRAGS PA'I DON RAB TU BSGRUB PAR BYA STE, 'JIG RTEN NI PHAL CHER NAM MKHA' LA CI YANG MA YIN PAR MOS TE, 'DI LTAR SMRA BA PO DAG NA RE SPROS PA DE DAG THAMS CAD NI NAM MKHA'O, ,ZHES ZER BAS DE DAG THAMS CAD NI CI YANG MA YIN NO, ZHES BYA BAR BSAM MO, ,DE'I PHYIR KHAMS LHAG MA LNGA PO DAG KYANG NAM MKHA' DANG MTSUNGS PAR BRJOD PAR BYA'O ZHES BYA BA'I DPE BSTAN @183A *, ,PA'I PHYIR NAM MKHA' STONG PA NYID DU GRUB PA DANG POR BSTAN TO, ,KHAMS BRTAG PA ZHES BYA BA STE RAB TU BYED PA LNGA PA'O,, ,,'DIR SMRAS PA, KHYOD KYIS PHUNG PO DANG KHAMS DANG SKYE MCHED DAG GI STONG PA NYID RJES SU RAB TU BSTAN PAS KHO BO STONG PA NYID NYAN 'DOD PAR GYUR GYIS, DE'I PHYIR DE NI 'DOD CHAGS DANG CHAGS PA BRTAG PAR BYA BA'I RIGS SO, ,BSHAD PA DE LTAR BYA'O, ,SMRAS PA, 'DI LA DE DANG DER 'DOD CHAGS DANG CHAGS PA SPANGS PA BSTAN, 'DOD CHAGS NYE BAR ZHI BAR BYA BA'I PHYIR RIGS PA YANG BSTAN TO, , MED NA NI NYE BAR ZHI BAR BYA BA'I RIGS PA YANG BSTAN PA'I MI RIGS TE, 'DI LTAR SBRUL GYIS MA ZIN NA GSANG SNGAGS DANG SMAN GYI BYA BA MED DO, ,DE LTA BAS NA 'DOD CHAGS DANG CHAGS PA DAG NI YOD DO, ,BSHAD PA, 'DOD CHAGS DANG CHAGS PA DAG NI MI SRID DO, ,JI LTAR ZHE NA, ,GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,DE LA BRTEN NAS 'DOD CHAGS YOD, ,CHAGS YOD 'DOD CHAGS YOD PAR 'GYUR, ,GAL TE 'DOD CHAGS KYI SNGA ROL NA CHAGS PA 'DOD CHAGS MED PA 'DOD CHAGS LAS GZHAN DU GYUR PA 'GA' ZHIG YOD NA NI DE LA BRTEN NAS 'DOD CHAGS YOD PAR 'GYUR RO, ,CI'I PHYIR ZHE NA, CHAGS YOD 'DOD CHAGS YOD PAR 'GYUR, ,'DI LTAR CHAGS PA YOD NA 'DOD CHAGS KYANG 'DI 'O ZHES 'THAD PAR 'GYUR RO, ,CHAGS PA MED NA DE SU'I 'DOD CHAGS SU 'GYUR TE, 'DI LTAR GZHI MED PA LA 'DOD CHAGS MI 'THAD PAS DE'I PHYIR CHAGS PA MED NA 'DOD CHAGS MI 'THAD DO, ,SMRAS PA, CHAGS PA YOD NA 'DOD CHAGS YOD DO, ,'DIR BSHAD PA, CHAGS PA YOD PAR GYUR NA YANG, ,'DOD CHAGS YOD PAR GA LA 'GYUR,, KHYOD KYI CHAGS PA YOD PAR GYUR NA YANG, 'DOD CHAGS YOD PA NYID DU GA LA 'GYUR TE, 'DI LTAR CHAGS PA LA 'DOD CHAGS KYI BYA BA CI YANG MED DO, ,CHAGS PAR MI BYED NA NI JI LTAR 'DOD CHAGS YIN PAR 'GYUR, CI STE 'GYUR NA NI GANG YANG 'DOD CHAGS MA YIN PA NYID @183B DU MI 'GYUR BAS DE NI MI 'DOD DE, DE'I PHYIR CHAGS PA YOD PAR GYUR NA YANG 'DOD CHAGS MI 'THAD DO, ,SMRAS PA, RE ZHIG CHAGS PA NI YOD DE, DE YANG 'DOD CHAGS MED NA MI 'BYUNG BAS 'DOD CHAGS KYANG RAB TU GRUB PA NYID DO, ,BSHAD PA, CHAGS PA LA YANG 'DOD CHAGS NI, ,YOD DAM MED KYANG RIM PA MTSUNGS, ,CHAGS PA YOD PAR YONGS BRTAGS NA, ,'DOD CHAGS YOD DAM MED KYANG RUNG STE CHAGS PA LA YANG 'DOD CHAGS MI 'THAD PA DE NYID DANG RIM PA MTSUNGS SO, ,JI LTAR ZHE NA, GAL TE CHAGS PA'I SNGA ROL NA, , CHAGS MED 'DOD CHAGS YOD NA NI, ,DE LA BRTEN NAS CHAGS PA YOD, ,'DOD CHAGS YOD NA CHAGS YOD 'GYUR, ,GAL TE CHAGS PA'I SNGA ROL NA 'DOD CHAGS CHAGS PA MED PA CHAGS PA LAS GZHAN DU 'GYUR BA 'GA' ZHIG YOD NA NI, DE LA BRTEN NAS CHAGS PA YOD PAR 'GYUR RO, ,CI'I PHYIR ZHE NA, 'DOD CHAGS YOD NA CHAGS YOD 'GYUR, ,'DI LTAR 'DOD CHAGS YOD NA CHAGS PA YANG 'DIS 'DI CHAGS SO ZHES 'THAD PAR 'GYUR RO, ,'DOD CHAGS MED NA GANG GIS DE CHAGS PAR 'GYUR, MA CHAGS PA NA NI JI LTAR CHAGS PAR 'GYUR, CI STE 'GYUR NA NI GANG YANG CHAGS PA MA YIN PA NYID DU MI 'GYUR BAS DE NI MI 'DOD DE, DE'I PHYIR 'DOD CHAGS MED NA CHAGS PA MI 'THAD DO, ,DE LA 'DI SNYAM DU 'DOD CHAGS YOD NA CHAGS PA YOD PAR SEMS NA, BSHAD PA, 'DOD CHAGS YOD PAR GYUR NA YANG, ,CHAGS PA YOD PAR GA LA 'GYUR, ,KHYOD KYI 'DOD CHAGS YOD PAR GYUR NA YANG CHAGS PA MED PA NYID DU GA LA 'GYUR TE, 'DI LTAR GAL TE 'DOD CHAGS YOD NA CHAGS PAR 'GYUR NA, CHAGS PA MED DE 'DOD CHAGS DES CHAGS PAR GYUR PA MA YIN NO, ,CHAGS PA MA YIN NA NI JI LTAR CHAGS PAR 'GYUR, CI STE 'GYUR NA NI NAM YANG CHAGS PA MA YIN PA NYID DU MI 'GYUR BAS DE NI MI 'DOD DE, ,'DOD CHAGS LA YANG CHAGS PA NI, ,YOD DAM MED KYANG RIM PA MTSUNGS, ,DE'I PHYIR 'DOD CHAGS YOD PAR GYUR NA YANG @184A *, ,CHAGS PA MI 'THAD DO, ,SMRAS PA, 'DOD CHAGS DANG CHAGS PA GNYIS LA SNGA PHYI MED DE, 'DI LTAR DE GNYIS NI LHAN CIG NYID DU SKYE BA YIN NO, ,BSHAD PA, 'DOD CHAGS DANG NI CHAGS PA DAG ,LHAN CIG NYID DU SKYE MI RIGS, ,'DOD CHAGS DANG CHAGS PA DAG LHAN CIG NYID DU SKYE BAR MI 'THAD DO, ,CI'I PHYIR ZHE NA, 'DI LTAR 'DOD CHAGS CHAGS PA DAG ,PHAN TSUN LTOS PA MED PAR 'GYUR, ,'DI LTAR GAL TE, 'DOD CHAGS DANG CHAGS PA DAG LHAN CIG NYID DU SKYE BAR GYUR NA 'DOD CHAGS DANG CHAGS PA DAG PHAN TSUN LTOS PA MED PAR 'GYUR RO, ,DE LTAR GYUR NA 'DI'I 'DOD CHAGS NI 'DI 'O, ,'DIS NI 'DI CHAGS SO ZHES BYA BA DE DAG MI 'THAD DO, ,DE DAG MED NA 'DOD CHAGS MI 'THAD PA NYID LA CHAGS PA YANG MI 'THAD PA NYID DE, 'DI LTAR 'DOD CHAGS NI CHAGS PAR BYED PA YIN LA CHAGS PA NI CHAGS PAR BYA BA YIN NA LHAN CIG NYID DU SKYES PA PHAN TSUN LTOS MED PA DAG LA DE DAG MI 'THAD PAS DE'I PHYIR 'DOD CHAGS DANG CHAGS PA DAG LHAN CIG NYID DU SKYE BAR YANG MI RIGS SO, ,YANG GZHAN YANG, KHYOD NA RE GANG DAG LHAN CIG NYID DO ZHES ZER BA'I 'DOD CHAGS DANG, CHAGS PA DE DAG GCIG PA NYID DAM THA DAD PA NYID DU 'GYUR GRANG NA, DE LA, GCIG NYID LHAN CIG NYID MED DE, ,RE ZHIG GCIG PA NYID YIN NA LHAN CIG NYID MI 'THAD DO, ,CI'I PHYIR ZHE NA, DE NYID DE DANG LHAN CIG MIN, ,'DI NA BA LANG GCIG PU ZHES PA NI GCIG PA NYID DE BA LANG GCIG LA SNYEGS SO, ,DE LA BA LANG GCIG PU DE NYID BA LANG GCIG PU DE NYID DANG, JI LTAR LHAN CIG TU 'GYUR TE, DE'I PHYIR GCIG PU NYID YIN NA LHAN CIG NYID MI 'THAD DO, ,SMRAS PA, 'O NA THA DAD PA NYID YIN NA LHAN CIG NYID DU 'GYUR RO, ,BSHAD PA, CI STE THA DAD NYID YIN NA, ,LHAN CIG NYID DU JI LTAR 'GYUR, ,GAL TE GCIG PA NYID YIN NA YANG LHAN CIG NYID DU MI 'THAD NA THA DAD PA NYID YIN NA LHAN CIG NYID DU JI LTAR 'GYUR, 'DI LTAR THA DAD PA NYID KYI MI MTHUN PA'I PHYOGS NI LHAN @184B CIG NYID YIN NA MI MTHUN PA DE GNYIS GCIG NA JI LTAR LHAN CIG GNAS PAR 'GYUR TE, DE'I PHYIR THA DAD PA NYID YIN NA YANG LHAN CIG NYID MI 'THAD DO, ,CI STE MI 'THAD PA BZHIN DU YANG 'DOD CHAGS DANG CHAGS PA DAG LA LHAN CIG NYID YOD DO, ,ZHES RTOG NA, DE LA YANG BSHAD PAR BYA STE, GAL TE GCIG PU LHAN CIG NA, ,GROGS MED PAR YANG DER 'GYUR RO, ,GAL TE THA DAD LHAN CIG NA, ,GROGS MED PAR YANG DER 'GYUR RO, ,GAL TE RE ZHIG 'DOD CHAGS DANG CHAGS PA DAG GCIG PA NYID YIN YANG LHAN CIG NYID DU 'GYUR NA NI DE LTA NA GROGS MED PAR YANG LHAN CIG NYID DU 'GYUR RO, ,JI LTAR ZHE NA, 'DI LA GCIG NI GCIG PU LA SNYEGS TE, DE NA BA LANG GCIG DANG RTA GCIG CES BYA BA'I GCIG NYID NI BA LANG LA YANG SNYEGS RTA LA YANG SNYEGS PAS GANG DANG GANG NA GCIG PA NYID YOD PA DE DANG DE NA LHAN CIG NYID YOD CING, BA LANG GCIG PU NYID DANG, RTA GCIG PU NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTA NA LHAN CIG NYID DU BRTAG PA DON MED PAR 'GYUR RO, ,CI STE YANG THA DAD PA NYID YIN YANG, LHAN CIG NYID DU 'GYUR NA NI DE LTA NA YANG GROGS MED PAR YANG LHAN CIG NYID DU 'GYUR RO, ,JI LTAR ZHE NA, 'DI LA BA LANG LAS KYANG RTA THA DAD LA, RTA LAS KYANG BA LANG THA DAD PAS GANG DANG GANG NA THA DAD PA NYID YOD PA DE DANG DE NA LHAN CIG NYID YOD CING, BA LANG THA DAD PA NYID DANG, RTA THA DAD PA NYID LA GROGS MED PAR YANG LHAN CIG NYID YOD PAR THAL BAR 'GYUR TE, DE LTA NA YANG LHAN CIG NYID DU BRTAG PA DON MED PAR 'GYUR RO, ,SMRAS PA, THA DAD PA NYID NI BA LANG LA YOD PA YANG MA YIN LA, RTA LA YOD PA YANG MA YIN GYI, DE GNYI GA LHAN CIG BYUNG BA LA YOD PAS DE NI GNYI GA SPYI'I 'BRAS BU YIN TE PHRAD PA BZHIN NO, ,GAL TE THA DAD PA NYID SO SO BA YOD PAR GYUR NA NI THA DAD PA NYID GNYIS SU 'GYUR BA DANG, DNGOS PO PHAN TSUN MI LTOS PAR RE RE LA YANG YOD PAR 'GYUR BAS DON MI 'DOD DE, DE'I PHYIR THA DAD PA NYID NI GNYI GA LHAN CIG BYUNG BA @185A *, ,LA YOD DO, ,BSHAD PA, GAL TE THA DAD LHAN CIG NA, ,'DOD CHAGS CHAGS PA CI ZHIG YIN, ,THA DAD NYID DU GRUB GYUR NA, ,DES NA DE GNYIS LHAN CIG 'GYUR, ,THA DAD PA NYID GNYI GA LA YOD PAR NI 'DOD LA RAG GO, ,GAL TE THA DAD PA NYID GNYI GA LA YOD PA LA LHAN CIG NYID DU RTOG NA DE LTAR NA 'DOD CHAGS DANG CHAGS PA DAG LA CI ZHIG RAB TU BSGRUB PA YIN, GANG GI TSE DE LTAR YANG RTOG NA DE GNYIS THA DAD PA NYID DU GRUB PA KHO NAR 'GYUR RO, ,DES NA THA DAD PA NYID DU RAB TU GRUB PA'I PHYIR DE GNYIS LHAN CIG NYID DU RTOG PAR 'GYUR RO, ,GAL TE 'DOD CHAGS CHAGS PA DAG ,THA DAD NYID DU GRUB 'GYUR NA, ,DE GNYIS LHAN CIG NYID DU NI, ,CI YI PHYIR NA YONGS SU RTOG ,NYID DU ZHES BYA BA'I SGRA NI KHO NAR ZHES BYA BA'I DON TO, ,GAL TE 'DI SNYAM DU 'DOD CHAGS DANG CHAGS PA DAG THA DAD PA'I DNGOS POR GRUB PA NYID DU SEMS NA, DE GNYIS LA LHAN CIG GI DNGOS PO THA DAD PA'I DNGOS PO DANG MI MTHUN PA DE NI MED PAR CI'I PHYIR YONGS SU RTOG PAR BYED GANG GI TSE THA DAD PA'I DNGOS POR GRUB NA LHAN CIG GI DNGOS POR BRTAGS SU ZIN KYANG, 'DOD CHAGS DANG CHAGS PA DAG LDOG PAR 'GYUR BA'AM, 'JUG PAR 'GYUR BA CUNG ZAD TZAM YANG MED DO, ,'DI LTAR CHAGS PA LA 'DOD CHAGS KYIS YANG CI ZHIG BYAR YOD DE, DE LTA BAS NA LHAN CIG GI DNGOS POR BRTAGS SU ZIN KYANG THA DAD PA NYID KYI SKYON CHAGS PA KHO NA'I PHYIR LHAN CIG GI DNGOS POR BRTAG PA DON MED PAR 'GYUR TE, TSIG ZIN PA LA CHUS 'DEBS PA BZHIN NO, ,THA DAD GRUB PAR MA GYUR PAS, ,DE PHYIR LHAN CIG 'DOD BYED DAM, ,LHAN CIG RAB TU BSGRUB PA'I PHYIR, ,THA DAD NYID DU YANG 'DOD DAM, ,'DOD CHAGS DANG CHAGS PA DAG THA DAD PA NYID DU NI DGOS PA MED PA'I PHYIR GRUB PAR MA GYUR PAS DE RAB TU BSGRUB PA'I PHYIR LHAN CIG NYID DU 'DOD PAR BYED LA, LHAN CIG NYID DU YANG GCIG PA NYID KYI SKYON CHAGS PA'I PHYIR MA GRUB PAS DE RAB TU BSGRUB PA'I PHYIR YANG THA DAD PA NYID DU YANG 'DOD PAR BYED PA KHYOD NI GOS NGAN PA LHAGS PA CHEN POS NYEN PA BSKUMS @185B NAS BSKUMS PA YANG BRNAGS MI BZOD PAS YANG SKYONG BAR BYED PA DANG 'DRA BA'O, ,THA DAD DNGOS PO MA GRUB PAS, ,LHAN CIG DNGOS PO 'GRUB MI 'GYUR, ,THA DAD DNGOS PO GANG ZHIG LA, ,LHAN CIG DNGOS POR 'DOD PAR BYED, ,'DI LA SO SO LA THA DAD PA'I DNGOS PO YOD DAM DE GNYIS LHAN CIG 'BYUNG BA LA YOD GRANG NA, 'DOD CHAGS DANG CHAGS PA THA DAD DU GYUR PA DAG LA NI 'DI NI 'DOD CHAGS SO, ,'DI NI 'DIS CHAGS SO ZHES BYA BA DE LTA BU RNAM PA THAMS CAD DU MI SRID DO, ,THA DAD PA'I DNGOS POR RAB TU GRUB PA MED NA LHAN CIG GI DNGOS PO 'GRUB PAR MI 'GYUR RO, ,'DI LTAR KHYOD NI THA DAD PA'I DNGOS PO YOD NA DE GNYIS KYI LHAN CIG GI DNGOS PO YOD PAR 'DOD NA, THA DAD PA'I DNGOS PO DE YANG RNAM PA THAMS CAD DU MI 'GRUB PO, ,THA DAD PA'I DNGOS PO MED NA KHYOD KYI LHAN CIG GI DNGOS PO YOD PAR GA LA 'GYUR, 'O NA THA DAD PA'I DNGOS PO GANG ZHIG YOD NA 'DOD CHAGS DANG CHAGS PA DAG LHAN CIG GI DNGOS POR 'DOD PA CI RE RE LA YOD DAM, 'ON TE GNYI GA LHAN CIG BYUNG BA LA YOD DAM 'ON TE KHYOD KYIS RANG DGAR THA DAD PA'I DNGOS PO GZHAN ZHIG BRTAGS KYANG RUNG STE, THA DAD PA GANG YOD NA 'DOD CHAGS DANG CHAGS PA DAG LHAN CIG GI DNGOS POR 'DOD PA DE SMROS SHIG ,DE LTAR 'DOD CHAGS CHAGS PA DAG ,LHAN CIG LHAN CIG MIN MI 'GRUB, ,'DOD CHAGS BZHIN DU CHOS RNAMS KUN, ,LHAN CIG LHAN CIG MIN MI 'GRUB, ,GAL TE 'DOD CHAGS SNGA ROL NA, ,'DOD CHAGS MED PA'I CHAGS YOD NA, ,DE LA BRTEN NAS 'DOD CHAGS YOD, ,CHAGS YOD 'DOD CHAGS YOD PAR 'GYUR, ,ZHES BYA BA LA SOGS PA GANG DAG SNGAR 'DAS PA'I RNAMS PA DE DAG GIS DE LTAR 'DOD CHAGS RNAMS CHAGS PA DANG LHAN CIG GAM CHAGS PA MED PAR YANG 'GRUB PA MED DO, ,JI LTAR 'DOD CHAGS CHAGS PA DANG LHAN CIG GAM CHAGS PA MED PA YANG 'GRUB PA MED PA DE BZHIN DU CHOS THAMS CAD KYANG 'GA' ZHIG DANG LHAN CIG GAM 'GA' YANG MED PAR YANG 'GRUB PA MED DO, ,'DOD @186A *, ,CHAGS DANG CHAGS PA BRTAG PA ZHES BYA STE RAB TU BYED PA DRUG PA'O,, ,,'DIR SMRAS PA, KHYOD KYIS 'DOD CHAGS DANG CHAGS PA BRTAG PA DBYAS PAS KHO BO'I YID STONG PA NYID NYAN PA LA SPRO BAR BYAS KYI, DE'I PHYIR DE NI 'DUS BYAS KYI MTSAN NYID BRTAG PAR BYA BA'I RIGS SO, ,BSHAD PA, DE LTAR BYA'O, ,'DIR SMRAS PA, 'DI LA SKYE BA DANG, GNAS PA DANG 'JIG PA DAG 'DUS BYAS KYI SPYI'I MTSAN NYID DU BSTAN TE, MED PA LA NI MTSAN NYID BSTAN PAR MI RIGS PAS MTSAN NYID YOD PA'I PHYIR 'DUS BYAS YOD DO, ,BSHAD PA, 'DUS BYAS KYI MTSAN NYID MI 'THAD PAS DE YOD PA'I PHYIR 'DUS BYAS YOD PAR GA LA 'GYUR, GAL TE JI LTAR ZHE NA, SNGAR, MTSAN NYID MED LA MTSAN NYID NI, ,MI 'JUG MTSAN NYID BCAS LA MIN, ,ZHES BSTAN PAS BKAG ZIN PA'I PHYIR RO, ,YANG GZHAN YANG, GAL TE SKYE BA 'DUS BYAS NA, ,DE LA MTSAN NYID GSUM LDAN 'GYUR, ,CI STE SKYE BA 'DUS MA BYAS, ,JI LTAR 'DUS BYAS MTSAN NYID YIN, ,ZHES BYA BA 'DI NI, GAL TE SKYE BA 'DUS BYAS NA, ,JI LTAR 'DUS BYAS MTSAN NYID YIN, ,ZHES PHYOGS GONG MA DANG YANG SBYAR RO, ,SKYE BA 'DUS BYAS KYI MTSAN NYID BSTAN PA GANG YIN PA DE YANG 'DUS BYAS SAM 'DUS MA BYAS SHIN TU BRTAG GRANG NA, DE LA RE ZHIG 'DUS BYAS SU YONGS SU RTOG NA, SKYE BA DE YANG SKYE BA DANG GNAS PA DANG 'JIG PA'I MTSAN NYID KYIS MTSAN NYID GSUM DANG LDAN PAR 'GYUR TE, 'DUS BYAS YIN PA'I PHYIR RO, MTSAN NYID GSUM DANG LDAN PAR 'GYUR BA NI, MTSAN NYID GSUM PO DAG TSOGS PAR 'GYUR BA'O, ,SMRAS PA, DE YANG MTSAN NYID GSUM DANG LDAN NO, ,JI LTAR 'DUS BYAS MTSAN NYID YIN, GAL TE SKYE BA YANG SKYE BA DANG GNAS PA DANG 'JIG PA'I MTSAN NYID DANG LDAN, GNAS PA YANG SKYE BA DANG GNAS PA DANG 'JIG PA'I MTSAN NYID DANG LDAN, 'JIG PA YANG SKYE BA DANG GNAS PA DANG 'JIG PA'I MTSAN NYID DANG LDAN NA MTSAN NYID MTSUNGS PA'I PHYIR MTSAN NYID RNAMS LA KHYAD PAR YOD PAR 'GYUR RO, , @186B KHYAD PAR MED NA 'DI NI SKYE BA'O, ,'DI NI GNAS PA'O, ,'DI NI 'JIG PA'O, ,ZHES BYA BA DE DAG YOD PAR GA LA 'GYUR, SMRAS PA, DE NI NYES PAR MI 'GYUR TE, JI LTAR SPYIR 'DUS BYAS KYI MTSAN NYID YIN DU ZIN KYANG KHYAD PAR GYI MTSAN NYID LA LTOS NAS 'DI NI BUM PA'O, , 'DI NI SNAM BU'O, ,ZHES BYA BA DE DAG YOD PA DE BZHIN DU 'DIR YANG KHYAD PAR GYI MTSAN NYID LA LTOS NAS SKYE BA DANG GNAS PA DANG 'JIG PA DAG RAB TU 'GRUB PAR 'GYUR RO, ,KHYAD PAR DE GANG ZHE NA, SKYED PAR BYED PA DANG, GNAS PAR BYED PA DANG, 'JIG PAR BYED PA DAG GO, , BSHAD PA, DE NI MI 'THAD DO, CI'I PHYIR ZHE NA, 'DI LTAR BUM PA SKYED PAR BYED PA DANG, MNGON PAR 'GRUB PAR BYED PA GANG YIN PA DES NI GZHAN CI YANG SKYED PAR MI BYED LA, BUM PA GNAS PAR BYED PAS KYANG GZHAN CI YANG GNAS PAR MI BYED CING, BUM PA 'JIG PAR BYED PAS KYANG GZHAN CI YANG 'JIG PAR MI BYED PA'I PHYIR RO, ,SMRAS PA, DE DAG GIS BUM PA NYID SKYE BA DANG GNAS PA DANG, 'JIG PAR BYED PAS NYES PA MED DO, ,BSHAD PA, 'O NA NI DE DAG BUM PA'I MTSAN NYID MA YIN TE, BYED PA PO YIN PA'I PHYIR RO, ,'DI LTA BU SKYED PAR BYED PA'I PHA BU'I MTSAN NYID MA YIN LA GZHI DANG THO BA YANG BUM PA'I MTSAN NYID MA YIN PA'I PHYIR TE, DE LTA BAS NA SKYE BA LA SOGS PA DAG 'DUS BYAS YIN NA 'DUS BYAS KYI MTSAN NYID DU MI 'THAD DO, ,CI STE SKYE BA 'DUS MA BYAS SU YONGS SU RTOG NA DE LA YANG BSHAD PAR BYA STE, 'DI LTAR 'DUS BYAS MTSAN NYID YIN, ,'DUS MA BYAS YIN NA JI LTAR 'DUS BYAS KYI MTSAN NYID DU 'GYUR TE, 'DIS MTSON PAR BYED PAS MTSAN NYID YIN NA GANG SKYE BA DANG GNAS PA DANG 'JIG PA DANG BRAL BA DES NI RANG NYID LA YANG MTSAN PAR MI BYED DO, ,GANG RANG NYID LA MTSAN PAR MI BYED PA DES GZHAN JI LTAR MTSON PAR BYED, CI STE BYED NA NI MYA NGAN LAS 'DAS PA 'DUS MA BYAS KYANG 'DUS BYAS KYI MTSAN NYID YIN PAR THAL BAR 'GYUR BAS DE NI MI 'DOD DE, DE LTA BAS NA SKYE BA DANG GNAS PA DANG 'JIG PA DAG 'DUS MA BYAS YIN NA YANG 'DUS BYAS KYI MTSAN NYID DU MI 'THAD @187A *, ,DE; ,MTSAN NYID DU BRTAGS NA YANG SKYE BA DANG, GNAS PA DANG, 'JIG PA DAG SO SO BA'AM, 'DUS PA ZHIG 'DUS BYAS KYI MTSAN NYID DU 'GYUR GRANG NA, DE LA, SKYE SOGS GSUM PO SO SO YIS, ,'DUS BYAS MTSAN 'DRA BAR NI, ,NUS MIN 'DUS PA YIN NA YANG, ,GCIG LA DUS GCIG JI LTAR RUNG, ,SKYE BA DANG GNAS PA DANG, ,SKYE BA DANG GNAS PA DANG, 'JIG PA DAG RE RE LA YANG 'DUS BYAS KYI MTSAN NYID BYA BAR MI NUS TE, NUS MIN ZHES BYA BA NI MI CHOG PA DANG, MI NUS SO ZHES BYA BA'I THA TSIG GO, ,JI LTAR ZHE NA, 'DI LA RE ZHIG DNGOS PO MNGON PAR MI NUS CING, MED PA LA NI SKYE BA DANG GNAS PA DANG 'JIG PA DAG MI 'THAD DO, ,'DI LTAR SKYE BA DANG GNAS PA DANG 'JIG PA DAG NI DNGOS PO LA BRTEN PA YIN TE, BUM PA'I SKYE BA DANG, BUM PA'I GNAS PA DANG BUM PA'I 'JIG PA ZHES BYA BA YIN NA BUM PA DE MNGON PAR MA GRUB NA, SKYE BA DANG GNAS PA DANG 'JIG PA DAG GANG GI MTSAN NYID DU 'GYUR, DE NI 'JIG PA ZHES BYA BA NI ZHIG PA DANG MED PA STE, DE GANG LA YOD PA DE NI MED PA NYID DO, ,DE MED NA SKYE BA DANG GNAS PA DANG 'JIG PA DAG GANG GI MTSAN NYID DU 'GYUR TE, DE LTAR RE ZHIG SKYE BA DANG GNAS PA DANG 'JIG PA DAG SO SO'AM, 'DUS PA YANG DNGOS PO MNGON PAR MA GRUB PA DANG, ZHIG PA'I MTSAN NYID MA YIN NO, ,DE LA 'DI SNYAM DU DE DAG DNGOS PO MNGON PAR GRUB PA DANG MA ZHIG PA'I MTSAN NYID YIN PAR SEMS NA, DE YANG MI 'THAD DE, JI LTAR ZHE NA, 'DI LA BUM PA ZHES BYA BA'I DNGOS PO YOD PA LA NI SKYE BA MED DE, 'DI LTAR YOD PA LA YANG SKYE BA'I BYA BA MED DO, ,CI STE YOD KYANG SKYE BAR GYUR NA NI NAM YANG MI SKYE BAR MI 'GYUR BAS DE NI MI 'DOD DO, ,DE LTAR BAS NA YOD PA LA SKYE BA MED DE, ,MED PA GANG YIN PA DE JI LTAR MTSAN NYID DU 'GYUR, SMRAS PA, RE ZHIG GNAS PA NI YOD DO, ,BSHAD PA, GNAS PA YANG MI 'THAD DE, CI'I PHYIR ZHE NA, 'JIG PA DANG RJES SU 'BREL PA'I PHYIR RO, ,'DI LTAR 'DUS BYAS NI MI RTOG PA DANG KHOR ZUG TU RJES SU 'BREL PAS KHOR ZUG TU MI RTAG NA JI LTAR GNAS PAR 'GYUR TE, GNAS PA DANG 'JIG PA GNYIS @187B 'GAL BA'I PHYIR RO, ,'DI LTAR 'OG NAS KYANG, DNGOS PO 'GAG PAR 'GYUR NA NI, ,GNAS PAR 'THAD PA MA YIN NO, ,GANG YANG 'GAG PAR MI 'GYUR BA, ,DE NI DNGOS PO MI 'THAD DO, ,ZHES 'BYUNG NGO, ,SLOB DPON 'PHAGS PA LHAS KYANG, GNAS MED DNGOS PO GA LA YOD, , MI RTAG PAS NA GANG LA GNAS, ,GAL TE DANG PO GNAS GYUR NA, ,THA MAR RNYINGS PAR MI 'GYUR RO, ,GAL TE KHOR ZUG MI RTAG YOD, ,KHOR ZUG GNAS PAR MI 'GYUR RO, ,YANG NA RTAG PAR GYUR PA LAS, ,PHYIS NA MI RTAG PAR YANG 'GYUR, ,GAL TE DNGOS PO MI RTAG DANG, ,LHAN CIG GNAS PA YOD GYUR NA, ,MI RTAG LOG PAR 'GYUR BA'AM, ,YANG NA GNAS PA BRDZUN PAR 'GYUR, ,ZHES GSUNGS SO, ,DE LTA BAS NA GNAS PA YANG MED DE, MED NA GANG YIN PA JI LTAR 'DUS BYAS KYI MTSAN NYID DU 'GYUR, SMRAS PA, 'O NA 'JIG PA YOD DO, ,BSHAD PA, GNAS PA MED PAR 'JIG PA GA LA YOD DE, 'DI LTAR DNGOS PO GNAS PA YOD NA 'JIG PAR 'GYUR GYI GNAS PA MED NA 'JIG PAR GA LA 'GYUR, DE YANG 'JIG PA ZHES BYA BA NI ZHIG PA DANG MED PA STE DE GANG LA YOD PA DE NI MED PA NYID DO, ,DE MED NA SKYE BA DANG GNAS PA DANG 'JIG PA DAG GANG GI MTSAN NYID DU 'GYUR ZHES BSTAN ZIN PAS DE'I PHYIR 'JIG PA YANG 'DUS BYAS KYI MTSAN NYID DU MI 'THAD DO, ,DE'I PHYIR DE LTAR SKYE BA DANG GNAS PA DANG, 'JIG PA DAG SO SO BA YANG 'DUS BYAS MNGON PAR GRUB PA'I MTSAN NYID DU MI 'THAD DO, ,LHAN CIG TU SKYE'O ZHES GSUNGS PA'I PHYIR CHOS KYI GNAS SKABS SHES PA DAG SKYE BA DANG GNAS PA DANG 'JIG PA DAG LHAN CIG TU SKYE'O ZHES BRJOD PAS DE'I PHYIR YANG SO SO BA DAG MTSAN NYID DU MI 'THAD DO, ,SMRAS PA, 'DUS PA DAG NI MTSAN NYID YIN NO, ,BSHAD PA, 'DUS PA YIN NA YANG, GCIG LA DUS GCIG JI LTAR RUNG, SO SO BA GANG DAG MTSAN NYID MA YIN PA DE DAG 'DUS PA PHAN TSUN 'GAL BA DAG 'DUS BYAS KYI DNGOS PO GCIG LA DUS GCIG TU JI LTAR RUNG, 'DI LTAR GANG GI TSE NA SKYE BA DE'I TSE NA GNAS PA DANG 'JIG PA MED LA, GANG GI TSE GNAS PA DE'I TSE NA SKYE BA DANG 'JIG @188A *, ,PA MED CING, GANG GI TSE 'JIG PA DE'I TSE NA YANG SKYE BA DANG GNAS PA MED PA DE'I PHYIR SKYE BA DANG GNAS PA DANG 'JIG PA SO SO BA DANG 'DUS PA DAG KYANG 'DUS BYAS KYI MTSAN NYID DU MI 'THAD DO, ,MTSAN NYID MI 'THAD PA'I PHYIR 'DUS BYAS YOD PA MA YIN NO, ,SMRAS PA; LTAG CHOD DE LTA BU 'BA' ZHIG GIS CI BYA, YOD NI GANG GI SKYE BA DANG, GNAS PA DANG, 'JIG PA DE 'DUS BYAS YIN NO, ,BSHAD PA, KHO BO LTAG CHOD KYI PHYIR MI RTZOM GYIS KHO BO NI DE KHO NA SHES PAR BYA BA'I PHYIR RTZOM MO, ,SKYE BA ZHES BYA BA DE GANG YIN PA SMROS SHIG , SMRAS PA, BUM PA SKYE'O, ,BSHAD PA, RE ZHIG GNAS SKABS GANG LA BUM PA ZHES BYA BAR 'GYUR BA LEGS PAR SOMS LA SMROS SHIG ,DE LA GANG GI TSE MA SKYES PA LA NI BUM PA ZHES BYAR YANG MI RUNG STE, SKYES PA NYID LA BUM PA ZHES BYA BAR 'GYUR ZHING BUM PA YANG 'DUS BYAS YI PA'I PHYIR MTSAN NYID GSUM DANG LDAN PA NYID YIN PA DE'I TSE SKYE BA BUM PA'I MTSAN NYID YIN NO, ,ZHES BYA BA DE JI LTAR 'THAD, ,JI LTAR YOD PA LA YANG SKYE BAS CI BYA, MTSAN NYID DANG LDAN PA LA YANG MTSAN NYID KYIS CI BYA, CI STE BUM PA MA YIN PA SKYE ZHING SKYES ZIN NAS BUM PAR 'GYUR RO SNYAM NA, DE YANG RIGS PA MA YIN TE, BUM PA MA YIN PA SKYE ZHING ZHES BYA BA DE RE LDE'AM, SNAM BU'AM, 'ON TE BUM PA MA YIN PA ZHES BYA BA CI YANG MED PA ZHIG GAM CI YIN, DE LA RE ZHIG GAL TE RE LDE'AM, SNAM BU ZHIG SKYE NA NI DE SKYES ZIN NAS JI LTAR BUM PAR 'GYUR, CI STE BUM PA MA YIN PA ZHES BYA BA CI'ANG MED PA ZHIG YIN NA NI CI YANG MED PA GANG YIN PA DE JI LTAR SKYE CI STE SKYE NA NI RI BONG GI RVA YANG CI'I PHYIR MI SKYE, DE'I PHYIR SKYE BA ZHES BYA BA DE MI 'THAD DO, ,SKYE BA ZHES BYA BA DE 'DI LA MED NA GANG SKYE BA DE 'DUS BYAS YIN NO, ,ZHES BYA BA DE JI LTAR 'THAD PAR 'GYUR, GANG SKYE BA MED PA JI LTAR GNAS PA DANG 'JIG PAR 'GYUR, DE LTA NA SKYE BA DANG GNAS PA DANG 'JIG PA ZHES BYA BA DAG NI, 'JIG RTEN GYI THA SNYAD KHO NAR ZAD DO, ,YANG GZHAN YANG, SKYE DANG GNAS DANG 'JIG RNAMS LA, ,'DUS BYAS MTSAN NYID GZHAN ZHIG NI, ,GAL TE YOD NA THUG PA MED, ,MED NA DE @188B DAG 'DUS BYAS MIN, ,SKYE BA DANG, GNAS PA DANG, 'JIG PA GANG DAG 'DUS BYAS KYI MTSAN NYID DU BSTAN PA DE DAG LA 'DUS BYAS KYI MTSAN NYID GZHAN ZHIG YOD DAM 'ON TE MED, DE LA RE ZHIG GAL TE DE DAG LAS 'DUS BYAS KYI MTSAN NYID GZHAN ZHIG YOD NA NI DE LTA NA THUG PA MED PAR THAL BAR 'GYUR TE, SKYE BA LA YANG SKYE BA YOD LA DE LA YANG GZHAN ZHIG YOD CING DE LA YANG GZHAN YOD DE, MTHA' MED PAR 'GYUR BAS DE NI MI 'DOD DO, ,CI STE THUG PA MED PAR GYUR NA MI RUNG NGO SNYAM PA DE DAG LA 'DUS BYAS KYI MTSAN NYID GZHAN MED PAR SEMS NA, DE LTA NA YANG DE DAG 'DUS BYAS MA YIN PAR 'GYUR TE, 'DUS BYAS MA YIN NA JI LTAR 'DUS BYAS KYI MTSAN NYID DU 'GYUR ZHE NA, SNGAR BSTAN ZIN TO,, ,,DBU MA RTZA BA'I 'GREL PA BUD DHA P'A LI TA, BAM PO GSUM PA, SMRAS PA, SKYE BA DANG GNAS PA DANG 'JIG PA DAG 'DUS BYAS KYANG YIN LA, THUG PA MED PAR YANG THAL BAR MI 'GYUR TE, JI LTAR ZHE NA, SKYE BA'I SKYE BAS RTZA BA YI, ,SKYE BA 'BA' ZHIG SKYED PAR BYED, ,RTZA BA'I SKYE BAS SKYE BA YI, ,SKYE BA'ANG SKYED PAR BYED PA YIN, ,'DI LA RNAM PAR SHES PA LA SOGS PA CHOS RNAMS LAS CHOS GANG YANG RUNG BA ZHIG SKYE BA NA DE BDAG NYID DANG BCO LNGA STE, CHOS DE DANG, CHOS DE'I SKYE BA DANG, CHOS DE'I GNAS PA DANG, CHOS DE'I 'JIG PA DANG, CHOS DE'I LDAN PA DANG, CHOS DE'I RGA BA DANG, 'DIR GAL TE CHOS DE DKAR PO YIN NA CHOS DE YANG DAG PA'I RNAM PAR GROL BA'AM, CI STE CHOS DE NAG PO YIN NA CHOS DE'I LOG PA'I RNAM PAR GROL BA DANG, DE BZHIN DU GAL TE CHOS DE NGES PAR 'BYUNG BA YIN NA CHOS DE'I NGES PAR 'BYUNG BA NYID DAM, CI STE CHOS DE NGES PAR 'BYUNG BA MA YIN NA CHOS DE'I NGES PAR 'BYUNG BA MA YIN PA NYID SKYE STE, DE DAG NI RE ZHIG 'KHOR CES BYA'O, ,DE NI SKYE BA'I SKYE BA DANG, GNAS PA'I GNAS PA DANG, 'JIG PA'I 'JIG PA DANG, LDAN PA'I LDAN PA DANG, RGA BA'I RGA BA DANG, YANG DAG PA'I RNAM PAR GROL BA'I YANG DAG PA'I RNAM PAR GROL BA'AM, LOG PA'I RNAM PAR GROL BA'I LOG PA'I RNAM PAR GROL BA DANG, NGES PAR 'BYUNG @189A *, ,PA NYID KYI NGES PAR 'BYUNG BA NYID DAM, NGES PAR 'BYUNG BA MA YIN PA NYID KYI NGES PAR 'BYUNG BA MA YIN PA NYID KYANG SKYE STE, DE DAG NI 'KHOR GYI 'KHOR CES BYA STE, DE LTAR CHOS SKYE BA BDAG NYID DANG BCO LNGA SKYE'O, ,DE LA RTZA BA'I SKYE BA GANG YIN PA DES NI BDAG NYID MA GTOGS PAR CHOS DE'I BDAG NYID DANG BCU BZHI PO JI SKAD BSTAN PA DAG SKYED PAR BYED DO, ,SKYE BA'I SKYE BAS NI RTZA BA'I SKYE BA DE 'BA' ZHIG SKYED PAR BYED DE, DE LTAR GCIG GIS GCIG SKYED PAR BYED PAS THUG PA MED PAR MI 'GYUR RO, ,DE BZHIN DU RTZA BA'I GNAS PAS KYANG GNAS PA'I GNAS PA GNAS PAR BYED LA, GNAS PA'I GNAS PAS KYANG RTZA BA'I GNAS PA GNAS PAR BYED DO, ,RTZA BA'I 'JIG PAS KYANG 'JIG PA'I 'JIG PA 'JIG PAR BYED LA, 'JIG PA'I 'JIG PAS KYANG RTZA BA'I 'JIG PA 'JIG PAR BYED PAS DE LTAR NA 'DI LA YANG THUG PA MED PAR THAL PAR MI 'GYUR RO, ,BSHAD PA, GAL TE KHYOD KYI SKYE BA'I SKYES, ,RTZA BA'I SKYE BA SKYED BYED NA, ,KHYOD KYI BU BAS MA SKYED DES, ,DE NI JI LTAR SKYED PAR BYED, ,GAL TE KHYOD KYI SKYE BA'I SKYE BAS RTZA BA'I SKYE BA SKYED PAR BYED NA KHYOD KYI RTZA BA'I SKYED PAS MA SKYES PA'I SKYE BA DES RTZA BA'I SKYE BA DE JI LTAR SKYED PAR BYED DE, RANG NYID MA SKYES PA'I PHYIR RO, ,SMRAS PA, RTZA BA'I SKYE BAS BSKYED PA KHO NA'I SKYE BA SKYE BAS RTZA BA'I SKYE BA SKYED PAR BYED KYI MA SKYED PAS MI BYED DO, ,BSHAD PA, GAL TE KHYOD KYI RTZA BA YIS, ,BSKYED PA DE YIS RTZA SKYED NA, ,DES MA SKYED PA'I RTZA BA DES, ,DE NI JI LTAR SKYED PAR BYED, ,GAL TE KHYOD KYI RTZA BA'I SKYE BAS BSKYED PA'I SKYE BA'I SKYE BA DES RTZA BA'I SKYE BA DE SKYED BAR BYED NA SKYE BA'I SKYE BA DES MA SKYED PA'I RTZA BA'I SKYE BA DES SKYE BA'I SKYE BA DE JI LTAR SKYED PAR BYED, DE LTAR NA DE NI GCIG LA GCIG BRTEN PA YIN TE, GCIG LA GCIG BRTEN PA DAG NI RAB TU RTAG TU MI RUNG NGO, ,SMRAS PA, SKYE BA NYID SKYE BZHIN PAS SKYE BA'I SKYE BA SKYED PAR BYED KYI MA SKYES PAS NI MI BYED DO, ,BSHAD PA, ,KHYOD KYI DE NI SKYE BZHIN PA, ,MA SKYES DE YIS GAL TE NI, ,DE NI SKYES PAR BYED NUS NA, ,DE SKYED PAR NI 'DOD LA RAG ,KHYOD KYI RTZA BA'I SKYE BA DE SKYE BZHIN PA RANG NYID MA SKYES PA DES GAL TE SKYE @189B BA'I SKYE BA GZHAN DE SKYED PAR BYED NUS NA NI SKYE BA'I SKYE BA DE SKYED PAR 'DOD LA RAG GO, ,YANG NA KHYOD KYI SKYE BA'I SKYE BA DE SKYE BZHIN PA RANG NYID MA SKYES PA DES GAL TE RTZA BA'I SKYE BA GZHAN DE SKYED PAR BYED NUS NA NI RTZA BA'I SKYE BA DE SKYED PAR BYAD LA RAG NA MI NUS TE, 'DI LTAR RANG NYID MA SKYES SHING MED PAS GZHAN JI LTAR SKYED PAR BYED DE, DE'I PHYIR DE NI RTOG PA TZAM DU ZAD DO, ,SMRAS PA, SKYE BA GZHAN GYIS SKYED PAR MI BYED KYANG SKYE BA NYID KYIS RANG DANG GZHAN DAG BSKYED BAR BYA'O, ,JI LTAR ZHE NA, JI LTAR MAR MI RANG DANG GZHAN, ,SNANG BAR BYED PA DE BZHIN DU, ,SKYE BA'ANG RANG DANG GZHAN GYI DNGOS, ,GNYI GA SKYED PAR BYED PA YIN, ,JI LTAR MAR MES RANG GI BDAG NYID KYANG SNANG BAR BYED LA BUM PA DANG, SNAM BU LA SOGS PA DNGOS PO GZHAN DAG KYANG SNANG BAR BYED PA DE BZHIN DU SKYE BAS KYANG RANG GI BDAG NYID KYANG SKYED PAR BYED LA BUM PA DANG SNAM BU LA SOGS PA DNGOS PO GZHAN DAG KYANG SKYED PAR BYED DO, ,BSHAD PA, GAL TE MAR MES RANG DANG GZHAN GYI BDAG NYID DAG SNANG BAR BYED NA NI SKYE BAS KYANG MAR ME BZHIN DU RANG DANG GZHAN GYI BDAG NYID DAG SKYED PAR BYED LA RAG NA, MAR MES NI RANG DANG GZHAN GYI BDAG NYID DAG SNANG BAR MI BYED DO, ,CI'I PHYIR ZHE NA, 'DI LTAR, MAR ME DANG NI GANG DAG NA, ,DE 'DUG PA NA MUN PA MED, ,'DI NA GANG MI SNANG BA DE SNANG BAR BYA BA YIN LA, MUN PAS BSGRIBS PAS MI SNANG BA NYID YIN NA MAR ME LA NI MUN PAS DE'I PHYIR MAR ME LA MI SNANG BA MED DO, ,GZHAN DAG SNANG BAR BYED DO ZHES GANG SMRAS PA DE YANG RIGS PA MA YIN TE, MAR ME GZHAN BDAG NYID DAG LA 'JUG PA DE YANG MUN PA MED DE, MUN PA MED PA'I PHYIR DE DAG LA YANG MI SNANG BA MED DO, ,'O NA RANG DANG GZHAN GYI BDAG NYID DAG LA MI SNANG BA MED NA, MAR MES CI ZHIG SNANG BAR BYED, DE SMROS SHIG ,SMRAS PA, MUN PA SEL BAS SNANG BYED YIN, 'DI NA MAR ME SKYE BZHIN PAS MUN PA SEL CING SNANG BAR BYED PAS SNANG BAR BYED PA YIN TE, DE LA MUN PA SEL BAR BYED BA GANG YIN MA DE MAR ME RANG DANG GZHAN GYI BDAG NYID DAG SNANG BAR BYED LA YIN NO ZHES SMRAS PA DE'I PHYIR, MAR ME DANG NI GANG DAG NA, ,'DU BYE PA NA MUN PA MED, ,CES KYANG BSHAD PAS MAR @190A *, ,ME SKYE BZHIN PAS MUN PA SEL BA'I PHYIR DES NA MAR ME RANG DANG GZHAN GYI BDAG NYID DAG LA MUN PA MED DO, ,MUN PA MED PA'I PHYIR SNANG BAR BYED PA NYID YIN NO, ,DE LTAR MUN PA SEL BAR BYED PA'I PHYIR MAR MES NI RANG DANG GZHAN GYI BDAG NYID DAG SNANG BAR BYED DO, , MAR ME JI LTA BA DE BZHIN DU SKYE BAS KYANG RANG DANG GZHAN GYI BDAG NYID DE DAG SKYED PAR BYED DO ZHES BYA BA DE RIGS PA YIN NO, ,BSHAD PA, MAR ME SKYE BZHIN PAS MUN PA SEL BAR BYED DO, ,ZHES ZER BA DE SMROS SHIG ,JI LTAR MAR ME SKYE BZHIN PAS, ,MUN PA SEL PAR BYED PA YIN, ,GANG TSE MAR ME SKYE BZHIN PA, ,MUN PA DANG NI PHRAD PA MED, ,GANG TSE MAR ME DANG MUN PA DAG GCIG NI MI SRID PA'I PHYIR MAR ME SKYE BZHIN PA MUN PA DANG PHRAD PA MED PA DE'I PHYIR JI LTAR MAR ME SKYE BZHIN PA MUN PA DANG MA PHRAD PA DES MUN PA SEL BAR BYED, ,MAR ME PHRAD PA MED PAR YANG, ,GAL TE MUN P SEL BYED NA, ,'JIG RTEN KUN NA GNAS PA'I MUN, ,'DI NA 'DUG PA NGES SEL 'GYUR, ,CI STE MAR ME PHRAD PA NYID DU YANG MUN PA SEL BAR BYED NA NI DE LTAR NA 'JIG RTEN KUN NA GNAS PA'I MUN PA DAG KYANG MAR ME 'DI NA 'DUG PA DES BSAL BAR 'GYUR TE, MA PHRAD PA 'DRA BA LAS LA LA NI SEL BAR BYED LA, LA LA NI SEL BAR MI BYED PA DE LA KHYAD PAR CI YOD, ,YANG GZHAN YANG, MAR ME RANG DANG GZHAN GYI DNGOS, ,GAL TE SNANG BAR BYED GYUR NA, ,MUN PA'ANG RANG DANG GZHAN GYI DNGOS, ,SGRIB PAR 'GYUR BAR THE TSOM MED, ,'DI NA MAR ME NI MUN PA'I GNYEN POR GNAS PA YIN PAS DES NA GAL TE MAR MES RANG DANG GZHAN GYI DNGOS PO DAG SNANG PAR BYED PAR GYUR NA, MUN PAS KYANG RANG DANG GZHAN GYI DNGOS PO DAG SGRIB PAR THAL BAR 'GYUR PA 'DI LA THE TSOM MED PA ZHIG NA MUN PAS NI RANG DANG GZHAN GYI DNGOS PO DAG SGRIB PAR MI BYED DO, ,GAL TE SGRIB PAR BYED NA NI GZHAN BZHIN DU MUN PA NYID KYANG MI DMIGS PAR 'GYUR RO, ,MUN PA MI DMIGS NA NI DNGOS PO RNAMS RTAG TU SNANG BAR 'GYUR BA ZHIG NA, DNGOS PO RNAMS RTAG TU MI SNANG BAS DE'I PHYIR MUN PAS NI RANG DANG GZHAN GYI DNGOS PO DAG SGRIB PAR MI BYED DO, ,DE LTA YIN NA MUN PA'I GNYEN POR MAR MES KYANG RANG DANG GZHAN GYI DNGOS PO DAG SNANG @190B BAR MI BYED PAS DE LA MAR ME BZHIN DU SKYE BAS KYANG RANG DANG GZHAN GYI BDAG NYID DAG KYANG SKYED PAR BYED DO, ,ZHES GANG SMRAS PA DE RIGS PAS MA YIN NO, ,YANG GZHAN YANG, GAL TE SKYE BAS RANG GI BDAG NYID SKYED PAR BYED NA SKYES PAS SAM, MA SKYES PA ZHIG GIS SKYED PAR SKYED GRANG NA, GNYI GAS KYANG MI 'THAD DO, ,JI LTAR ZHE NA, SKYE BA 'DI NI MA SKYES PAS, ,RANG GI BDAG NYID JI LTAR SKYED, ,SKYE BA 'DI MA SKYES SHING MED PAS RANG GI BDAG NYID JI LTAR SKYED PAR BYED, YANG NA 'DI MA SKYES SHING MED PA'I BDAG NYID SU ZHIG GIS SKYED PAR BYED, CI STE MED PAS KYANG BDAG NYID MED PA SKYES NA NI RI BONG GI RVAS KYANG BDAG NYID SKYED PAR BYED PA ZHIG NA SKYED PAR MI BYED DO, DE LTA BAS NA SKYE BA MA SKYES PAS BDAG NYID SKYED PAR MI BYED DO, ,DE LA 'DI SNYAM DU SKYE BA SKYES PAS BDAG NYID SKYED PAR SEMS NA, DE LA BSHAD PAR BYA STE, CI STE SKYES PAS SKYED BYED NA, ,SKYES NA CI ZHIG BSKYED DU YOD, ,GAL TE SKYE BA SKYES PA NYID YIN NA SKYE BA SKYES PAS BDAG NYID SKYED PAR BYED DO, ,ZHES BYA BA 'THAD PA'I DON MED PA 'DI CI'I PHYIR BYED DE, SKYES ZIN PA LA YANG SKYE BAS CI BYA, DE LTAR NA RE ZHIG SKYES PAS BDAG NYID SKYED PAR MI BYED DO, ,SKYE BAS GZHAN SKYED PAR BYED DO, ,ZHES GANG SMRAS PA DE YANG MI 'THAD DE, 'DI LTAR GAL TE SKYE BAS GZHAN SKYED PAR BYED NA SKYE BAS BSKYED PAR BYA BA GZHAN DE SKYES PA'AM MA SKYES PA'AM, SKYE BZHIN PA ZHIG SKYED PAR BYED GRANG NA, DE LA, SKYES DANG MA SKYES SKYE BZHIN PA, ,JI LTA BUR YANG SKYED MI BYED, ,SKYE BA NI JI LTAR YANG SKYED PAR MI 'THAD DO; ,MA SKYES PA YANG SKYED PAR MI BYED LA, SKYE BZHIN PA YANG SKYED PAR MI BYED DO, ,JI LTAR ZHE NA, BSHAD PA, SONG DANG MA SONG BGOM PA YIS, ,DE DAG RNAM PAR BSHAD PA YIN, ,JI LTAR SONG BA LA 'GRO BA MED DE, 'GRO BA'I BYA BA 'DAS ZIN PA'I PHYIR RO, ,ZHES BYA BA DE BZHIN DU SKYES PA YANG SKYED PAR MI BYED DE SKYE BA'I BYA BA 'DAS ZIN PA'I PHYIR RO, ,SKYES PA LA YANG SKYE BA'I BYA BA MED DE, CI STE YANG SKYES PAR 'GYUR NA NI NAM YANG MI SKYED PAR MI 'GYUR BAS DE NI MI 'DOD DE, DE'I PHYIR SKYES BA SKYED PAR MI BYED DO, ,MA SKYES PA YANG SKYED PAR MI BYED DE, CI'I PHYIR ZHE NA, ,MED @191A *, ,PA'I PHYIR RO, ,MA SKYES PA LA GANG SKYED PAR 'GYUR BA CI ZHIG YOD, CI STE MED KYANG SKYED PAR 'GYUR NA NI RI BONG GI RVA YANG SKYED PAR 'GYUR BA ZHIG NA SKYED PAR MI 'GYUR TE, DE LTA BAS NA SKYES PA YANG SKYED PAR MI BYED DO, ,DE NI SKYE BZHIN PA YANG SKYED PAR MI BYED DE, SKYES PA DANG MA SKYES PA MA GTOGS PAR SKYE BZHIN PA MED PA'I PHYIR DANG, SKYE BA GNYIS SU THAL BAR 'GYUR BA'I PHYIR TE, GANG DANG LDAN PAS SKYE BZHIN PA ZHES BYA BAR 'GYUR BA DANG, GANG DANG LDAN PAS SKYED PAR BYED DO, ,ZHES BRJOD PAR, YANG GZHAN YANG, 'DI LA SKYE BZHIN PA ZHES BYA BA NI GANG GI CUNG ZAD NI SKYES CUNG ZAD NI MA SKYES PA'AM, YANG NA DE LAS GZHAN PA SKYES PA'AM, MA SKYES PA ZHIG YIN GANG NA, DE LA GAL TE SKYES PA DANG MA SKYES PA DE SKYE BAS SKYED PAR BYED NA RE ZHIG DE'I GANG CUNG ZAD SKYED PA DE NI SKYE BA DES BSKYED PA MA YIN LA, SKYES PA DE SKYE BZHIN PA MA YIN TE, CI'I PHYIR ZHE NA, DE SKYES NA SKYE BZHIN PA MA YIN ZHING SKYE BZHIN PA SKYED PAR BYED DO, ,ZHES KYANG BRJOD PA'I PHYIR RO, ,GAL TE CUNG ZAD SKYES PA DE SKYE BA MED PA KHO NAR SKYES NA NI, DE'I LHAG MA YANG DE BZHIN DU SKYE BA MED PA KHO NAR SKYE BAR 'GYUR BAR NGES SO, ,YANG NA DE'I GANG CUNG ZAD NI SKYE BA MED PA KHO NAR SKYES LA CUNG ZAD NI SKYE BAS SKYED PAR BYED PA LA KHYAD PAR CI YOD PA BRJOD DGOS SO, ,CI STE DE'I GANG CUNG ZAD SKYES PA DE YANG SKYE BA KHO NAS BSKYED NA NI DE LTA NA MA SKYES PA SKYE BAS SKYED PAR BYED KYI, SKYE BZHIN PA SKYED PAR BYED PA MA YIN NO, ,YANG GZHAN YANG, DE'I GANG CUNG ZAD SKYES PA DE NI SKYE BAS SKYED PAR MI BYED DE, SKYES ZIN PA'I PHYIR RO, ,DES NA DE'I LHAG MA MA SKYES PA GANG ZHIG YIN PA DE SKYE BAS SKYED PAR BYED DO, ,ZHES BYA BAR 'GYUR TE, DE LA SKYE BZHIN PA SKYED PAR BYED DO ZHES GANG SMRAS PA DE NYAMS PAR GYUR TO, ,CI STE DE'I CUNG ZAD SKYES PA DE YANG SKYED PAR BYED NA NI DE LA SKYE BA GNYIS KYIS BYAS PA'I KHYAD PAR CAN DU 'GYUR BA ZHIG NA MI 'GYUR TE, SKYES ZIN PA DE LA NI YANG SKYED PA'I PHYIR BYA BA 'GA' YANG RTZOM PAR MI BYED PAS DE'I PHYIR DE NI YANG SKYED PAR MI BYED DO, ,DE LTA BAS NA SKYE BZHIN PA SKYED PAR BYED DO, ,ZHES BYA BA DE NI SNYING PO MED PA LA BLOS SNYING POR @191B BZUNG PAR ZAD DE GYI NA'O, ,SMRAS PA, BUM PA LA SOGS PA SKYE BA DAG KYANG DMIGS SHING, BUM PA LA SOGS PA'I DON DU BYA BA DAG LA 'JUG PA YANG SNANG BAS DE'I PHYIR SKYE BA YOD NA SKYE BA LA BRTEN CING SKYE BA LA LTOS NAS SKYE BZHIN PA SKYED DO ZHES BRJOD PAR BYA'O, ,BSHAD PA, GANG TSE SKYE BA YOD PAS NI, ,SKYE BZHIN 'DI 'BYUNG MED PA'I TSE, ,JI LTAR SKYE LA BRTEN NAS NI, ,SKYE BZHIN ZHES NI B