@239B RGYA GAR SKAD DU, PANYTZA SKAN DHA PRA KA RA nA, BOD SKAD DU, PHUNG PO LNGA'I RAB TU BYED PA, SANGS RGYAS LA PHYAG 'TSAL LO, ,'PHAGS PA 'JAM DPAL GZHON NUR GYUR PA LA PHYAG 'TSAL LO, ,BLO GROS SBYANGS PA MED RNAMS KYI, ,BLO YI KHA NI DBYE BA'I PHYIR; ,PHUNG PO SKYE MCHED KHAMS RNAMS KYI, ,MDOR BSDUS YANG DAG MTSAN NYID BRJOD, ,DE LA PHUNG PO LNGA NI GZUGS KYI PHUNG PO DANG, ,TSOR BA'I PHUNG PO DANG, 'DU SHES KYI PHUNG PO DANG, 'DU BYED KYI PHUNG PO DANG, RNAM PAR SHES PA'I PHUNG PO'O, ,SKYE MCHED BCU GNYIS NI, 'DI LTA STE, MIG GI SKYE MCHED DANG, RNA BA'I SKYE MCHED DANG, SNA'I SKYE MCHED DANG, LCE'I SKYE MCHED DANG, LUS KYI SKYE MCHED DANG, YID KYI SKYE MCHED DANG, GZUGS KYI SKYE MCHED DANG, SGRA'I SKYE MCHED DANG, DRI'I SKYE MCHED DANG, RO'I SKYE MCHED DANG, REG BYA'I SKYE MCHED DANG, CHOS KYI SKYE MCHED CES BYA'O, ,KHAMS BCO BRGYAD DAG NI, 'DI LTA STE, MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, RNA BA'I KHAMS DANG, SGRA'I KHAMS DANG, RNA BA'I RNAM PAR SHES PA'I KHAMS DANG, SNA'I KHAMS DANG, DRI'I KHAMS DANG, SNA'I RNAM PAR SHES PA'I KHAMS DANG, LCE'I KHAMS DANG, RO'I KHAMS DANG, LCE'I RNAM PAR SHES PA'I KHAMS DANG, LUS KYI KHAMS DANG, REG BYA'I KHAMS DANG, LUS KYI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS ZHES BYA'O, ,DE LA GZUGS KYI PHUNG PO'I DBANG DU BYAS NAS BRJOD PA, DE NI MIG DANG, RNA BA DANG, SNA DANG, LCE DANG, LUS TE DBANG PO LNGA DANG, GZUGS DANG, SGRA DANG, DRI DANG, RO DANG, REG BYA STE YUL LNGA DANG, RNAM PAR RIG BYED MA YIN PA ZHES BYA BA STE RDZAS BCU GCIG GI BDAG NYID NI GZUGS KYI PHUNG PO'O, ,DE YANG RNAM PA GNYIS SU 'GYUR TE, 'BYUNG BA DANG, 'BYUNG BA LAS GYUR PA'O, ,DE LA 'BYUNG BA NI CHEN PO @240A *, ,BZHI STE, SA'I KHAMS DANG CHU'I KHAMS DANG ME'I KHAMS DANG, RLUNG GI KHAMS ZHES BYA BA'O, ,NYE BAR BZUNG BA'I GZUGS THAMS CAD 'DZIN PA'AM, RANG GI MTSAN NYID 'DZIN PAS NI KHAMS TE, DE DAG NI REG BYA'I SKYE MCHED KYI KHONGS SU 'DUS SO; ,REG BYA'I SKYE MCHED LHAG MA NI 'JAM PA NYID LA SOGS PA'O, ,MIG LA SOGS PA BCU PO RNAMS NI 'BYUNG BA LAS GYUR PA STE, 'BYUNG BA LAS BYUNG BA'I PHYIR RO, ,JI LTAR RTZIG PA LA BRTEN NAS RI MO DANG, RTZVA DANG SHING LA BRTEN NAS KHYIM DANG, ME LONG LA BRTEN NAS GZUGS BRNYAN DANG, SHING MAG LA LA BRTEN NAS ME LTAR 'BYUNG BA CHEN PO LA BRTEN NAS MIG LA SOGS PA KUN DU 'BYUNG BA'I PHYIR NYE BAR GZUNG BA'I GZUGS ZHES BRJOD DO, ,SA'I KHAMS NI 'THAS PA NYID DANG, MKHRANG BA NYID DANG, SRA BA NYID DE DE'I LAS NI 'DZIN PA'O, , CHU'I KHAMS NI GSHER BA NYID DANG, SNUM PA NYID DANG, ZHU BA NYID DE, DE'I LAS NI SDUD PA'O, ,ME'I KHAMS NI DRO BA NYID DE, DE'I LAS NI CHOS PA DANG SKEMS PA'O, ,RLUNG GI KHAMS NI YANG ZHING G-YO BA STE, DE'I LAS NI BSKYED PA DANG 'PHEL BA'O, ,DE LAS SKYED PA NI RANG GI YUL DANG MNGON PAR 'BREL PA LHAG PAR DE'I STENG DU 'BYUNG BAR BYED PA'O, ,'PHEL BA NI YUL GZHAN DU BAR MA CHAD PAR 'BYUNG BAS YUL GZHAN 'THOB PAR BYED PA'O, ,'PHEL BAR BYED PA 'DI NYID LA RGYAS PA ZHES GSUNGS SO, ,'BYUNG BA CHEN PO 'DI RNAMS NI GANG NA GCIG YOD PA NA LHAG MA YANG YOD LA, GANG NA LHAG MA YOD PA NA GCIG KYANG YOD DE PHAN TSUN DBYER MED DO, ,DE LTA BAS NA DE DAG NI PHAN TSUN MA LTOS PAR MED PAS RANG GI NGO BOR GRUB PA MED DO, ,DE DAG LAS GZUGS KHA CIG NI DNGOS SU YOD PA NYID DU RANG GI DBANG PO'I RNAM PAR SHES PAS RTOGS SO, ,KHA CIG NI 'BRAS BU MTHONG BA RJES SU DPAG GO, ,DE DAG NI 'BYUNG BA YANG YIN PAS 'BYUNG BA CHEN PO STE, RGYA CHE BA'I NAM MKHA' KHYAB PAR GNAS PA NA 'DI DAG NYID CHEN PO'O, ,THUN MONG DANG THUN MONG MA YIN PA DE LAS KYI KHYAD PAR LAS 'BYUNG BA NYID @240B KYIS 'BYUNG BA'O, ,DE LTA BAS NA NAM MKHA' NI GZUGS THAMS CAD 'BYUNG BA'I SKABS 'BYED PAS CHEN PO YIN YANG 'BYUNG BA NI MA YIN TE, 'DUS MA BYAS PA NYID KYI PHYIR RO, ,DE BAS NA NAM MKHA' NI 'BYUNG BA CHEN PO MA YIN NO, ,DE LTAR 'BYUNG BA CHEN PO RNAMS BSHAD ZIN TO, ,YANG JI LTAR 'BYUNG BA CHEN PO 'DI DAG REG BYA'I SKYE MCHED KYIS BSDUS PA NYID KYIS 'JIG RTEN PA'I DBANG PO DANG DBANG POS SO SOR RTOGS PAS MNGON SUM NYID YIN PA LTAR MIG LA SOGS PA NI MA YIN TE, DBANG PO'I YUL LAS 'DAS PA NYID KYIS NA RANG GI 'BRAS BU RNAM PAR SHES PA LAS RJES SU DPAG PAR BYA BA YIN PA'I PHYIR RJES SU DPAG PAS RTOGS SO, ,'DI LTAR MA DANG PHA LA BRTEN NAS BU 'BYUNG BAR 'GYUR BA DE BZHIN DU MIG DANG GZUGS LA BRTEN NAS MIG GI RNAM PAR SHES PA 'BYUNG BA NA DE'I MA RIG GNAS LTA BU NI MIG STE, DE'I YONGS SU GYUR PA LAS RNAM PAR SHES PA'I 'GYUR BA 'BYUNG BAR 'GYUR TE, PHAN BTAGS PA DANG GNOD PA BYAS PA DAG GIS GSAL BA DANG MI GSAL BA DAG TU RJES SU SGRUB PAS SO, ,DE LTA BAS NA MIG GI DBANG PO NI 'DI'I RTEN DU 'GYUR BAS NA MIG GI RNAM PAR SHES PA ZHES DE YIR BSTAN TO, ,MIG GI DBANG PO 'DI NI MIG GI RTEN GYI MIG GI 'BRAS BU'I NANG NA RGUN 'BRU'I 'BRAS BU'I TSAD TZAM ZI RA'I ME TOG LTA BU LTAR MED PA PAGS PA DANG BAS G-YOGS PA DANG BAR GNAS PA RANG GI 'BRAS BU RNAM PAR SHES PA LAS RTOGS PA STE, DE YANG 'DI LTAR CE RE LONG RNAMS KYI MIG GI RTEN 'DRA BAR GNAS KYANG RNAM PAR SHES PA MI 'BYUNG BAS DBANG PO MED PAR RAB TU SHES SO, ,MIG GI BRTEN PA'I RNAM PAR SHES PA YANG MIG DANG, GZUGS DANG, SNANG BA DANG, YID LA BYED PA'I RKYEN RAB TU RNYED NAS 'BYUNG BAR 'GYUR MOD KYI, ,THUN MONG MA YIN PA'I RGYUS NYE BAR BRTEN TE JI LTAR RNGA BO CHE'I SGRA DANG, NAS KYI MYU GU ZHES BYA BA BZHIN DU RTEN DE'I RNAM PAR SHES PA ZHES BSTAN TO, ,RAB TU BYED PA'I GZHUNG DANG YANG RJES SU MTHUN PAR 'GYUR TE, MIG GI DBANG PO GANG ZHE NA, MIG GI RNAM PAR SHES PA'I RTEN GZUGS @241A *, ,DANG PO'I ZHES 'BYUNG NGO, ,MIG GI RNAM PAR SHES PA 'DI'I RTEN NI RNAM PA GNYIS TE, LHAN CIG SKYES PA'I MIG DANG 'DAS PA'I YID DO, ,DE LA MIG LA MIG GI RNAM PAR SHES PA'I RTEN DU BRJOD NA YID KYIS KYANG MI GCES BYA BA 'THOB PAR 'GYUR BAS, DE BAS NA GZUGS DANG BA ZHES SMOS SO, ,DE BZHIN DU RNA BA LA SOGS PA LA YANG SHES PAR BYA'O, ,KHYAD PAR NI 'DI YIN TE, RNA BA'I DBANG PO'I RDUL PHRA RAB NI GRO BA'I MDUD PA LTA BUR GNAS SO, ,SNA'I DBANG PO'I RDUL PHRA RAB NI MTSUL PA'I NANG LTAG KHUNG GI THAD KA NA MIG SMAN GYI THUR MA GSHIBS PA LTAR GNAS TE, DBANG PO DANG PO GSUM NI PHRENG BA LTAR GNAS SO, ,LCE'I DBANG PO'I RDUL PHRA RAB NI ZLA BA KHAM PA LTAR GNAS SO, ,LUS KYI DBANG PO'I RDUL PHRA RAB NI LUS BZHIN DU GNAS SO, ,LUS KYI DBANG PO'I KHYAD PAR NYID MO DANG PHO'I DBANG PO'O; ,DE LA MO'I DBANG PO'I RDUL PHRA RAB NI RNGA BO CHE MA G-YOS PA'I SBUBS LTAR GNAS SO, ,PHO'I DBANG PO'I RDUL PHRA RAB NI MTHE BO'I RNAM PA LTA BUR GNAS SO, ,MIG LA SOGS PA LNGA PO 'DI RNAMS NI RANG GI YUL LA NYE BAR DMIGS PA'I BDAG PO YIN PAS DBANG PO ZHES BYA'O, , DE LTA BAS NA MIG NI GZUGS LA NYE BAR DMIGS PA LA LHAG PAR DBANG BYED KYI GZUGS NI MA YIN NO, ,DE BZHIN DU RNA BA LA SOGS PA RNAMS LA YANG RIG PAR BYA'O, ,MO NYID DANG PHO NYID LA DBANG BYED PAS MO DANG PO'I DBANG PO STE, DE LA MO'I NGO BO NI MO'I RANG BZHIN DANG SKAD DANG BYED PA DANG BSAM PA'O, ,PHO'I NGO BO NI PHO'I RANG BZHIN DANG SKAD DANG BYED PA DANG BSAM PA STE, DE DAG LA DBANG BYED PAS MO DANG PHO'I DBANG PO'O, ,DE LTAR DBANG PO RNAMS BSTAN NAS, DA NI DON RNAMS BSHAD PAR BYA STE, DE LA MIG GI RNAM PAR SHES PAS RNAM PAR SHES PAR BYA BA NYID NI GZUGS KYI SKYE MCHED KYI RANG BZHIN GYI RANG GI MTSAN NYID DO, ,DE BZHIN DU SGRA LA SOGS PA NI RANG RANG GI DBANG PO'I RNAM PAR SHES PAS SHES PAR BYED PA NYID NI SGRA LA SOGS PA'I SKYE MCHED KYI RANG GI MTSAN NYID DO, ,SO SO'I DBYE BAS PHYE BA NA GZUGS KYI SKYE MCHED NI RNAM PA GNYIS SU @241B 'GYUR TE, KHA DOG DANG DBYIBS SO, ,DE LA KHA DOG NI BZHI STE, SNGON PO LA SOGS PA'O, ,GZHAN NI DE'I BYE BRAG GO, ,DBYIBS NI RNAM PA BRGYAD DE, RING PO LA SOGS PA NAS MI MNYAM PA'I BAR DU'O, ,GZUGS KYI SKYE MCHED DE NYID YANG RNAM PA NYI SHUR BRJOD PAR BYA STE, 'DI LTA STE SNGON PO DANG, SER PO DANG, DMAR PO DANG, DKAR PO DANG, RING PO DANG, THUNG DU DANG, ZLUM PO DANG, LHAM PA DANG, MTHO BA DANG, DMA' BA DANG, MNYAM PA DANG, MI MNYAM PA DANG, SPRIN DANG, DU BA DANG, RDUL DANG, KHUG RNA DANG, GRIB MA DANG, NYI MA DANG, SNANG BA DANG, MUN PA ZHES BYA BA'O, ,DE LA MNYAM PA NI MI MNYAM PA MED PA'O, ,MI MNYAM PA NI MTHON DMAN DU GNAS PA'O, ,KHUG RNA NI LHO BUR RO, ,NYI MA NI NYI MA'I 'OD DO, ,SNANG BA NI ZLA BA DANG, SKAR MA DANG, ME DANG, SMAN DANG, NOR BU RNAMS KYI 'OD DO,, GRIB MA NI GANG NA GZUGS RNAMS SNANG BA'O, ,BZLOG PA NI MUN PA'O, ,LHAG MA NI GO SLA'O, ,GZUGS KYI SKYE MCHED BSHAD ZIN TO, ,SGRA NI RNAM PA BRGYAD DE, ZIN PA DANG MA ZIN PA'I 'BYUNG BA CHEN PO RGYU LAS BYUNG BA DAG SO SOR SEMS CAN DANG SEMS CAN MA YIN PAR STON PAS RNAM PA BZHI'O, ,YANG DE NYID RE RE ZHING YID DU 'ONG BA DANG, YID DU MI 'ONG BA'I BYE BRAG GIS RNAM PA BRGYAD DO, ,DE LA SEMS DANG SEMS LAS BYUNG BA SKYE BA'I RTEN NYID DU BZUNG BAS ZIN PA'O, ,DE NI SEMS DANG BCAS PA ZHES BYA BA'I DON TE, DBANG PO LAS THA DAD DU GYUR BA MA YIN PA'O, GANG LA RGYU ZIN PA'I 'BYUNG BA CHEN PO YOD PA DE NI ZIN PA'I 'BYUNG BA CHEN PO'I RGYU CAN TE LAG PA DANG NGAG GI SGRA LTA BU'O, ,GZHAN NI MA ZIN PA'I 'BYUNG BA CHEN PO'I RGYU CAN TE, JI LTAR RLUNG DANG NAGS TSAL DANG CHU KLUNG GI SGRA LTA BU'O, ,SEMS CAN DU STON PA'I SGRA NI SEMS CAN DU NGES PAR BYED PA'I SGRA STE, SGRA GANG GIS SEMS CAN TE SROG CHAGS SO ZHES NGES PAR 'GYUR BA DE NI SEMS CAN DU STON PA'O, ,BZLOG PA NI SEMS CAN MA YIN PAR STON PA'O, ,DE LA ZIN PA'I 'BYUNG BA CHEN PO'I RGYU CAN SEMS CAN DU STON PA'I SGRA NI NGAG @242A *, ,GI SGRA'O, ,SEMS CAN DU STON PA MA YIN PA NI DE LAS GZHAN PA'O, ,MA ZIN PA'I 'BYUNG BA CHEN PO'I RGYU CAN DU SEMS CAN DU STON PA NI SPRUL PA'I DAG GI SGRA'O, ,SEMS CAN DU STON PA MA YIN PA NI RLUNG DANG NAGS TSAL DANG CHU KLUNG GI SGRA'O, ,YID DU 'ONG BA NI YID DGA' BAR BYED PA'O, ,YID DU MI 'ONG BA NI DE LAS BZLOG PA'O, ,GZHAN DAG NA RE ZIN PA DANG MA ZIN PA'I 'BYUNG BA CHEN PO'I RGYU CAN GYI SGRA YANG YOD DO, ,'DI LTA STE, LAG PA DANG RNGA'I SBYOR BA LAS BYUNG BA LTA BU'O ZHES ZER RO, ,DE NI MI RUNG STE, KHA DOG GI RDUL PHRA RAB GCIG LA 'BYUNG BA CHEN PO BZHI MTSAN GNYIS KYIS BSKYED PAR MI 'DOD PA DE BZHIN DU 'DI YANG MI 'DOD DO, ,DRI NI RNAM PA BZHI STE, DRI ZHIM PA DANG, MI ZHIM PA DANG, MNYAM PA DANG, MI MNYAM PA NYID DO, ,BSTAN BCOS LAS NI DRI ZHIM PA DANG, DRI MI ZHIM PA DANG, DRI MNYAM PA ZHES RNAM PA GSUM 'BYUNG NGO, ,RO NI DRUG STE, MNGAR BA DANG, SGYUR BA DANG, LAN TSVA DANG, TSA BA DANG, KHA BA DANG, BSKA BA'I BYE BRAG GIS SO, ,RTZA BA'I RO 'DI RNAMS KYIS YANG DAG PAR SBYOR BA LAS RO'I BYE BRAG MTHA' YAS PAR 'GYUR RO, ,REG BYA NI BCU GCIG GI BDAG NYID DE 'BYUNG BA CHEN PO BZHI DANG, 'JAM PA NYID DANG, RTZUB PA NYID DANG, LCI BA NYID DANG, YANG BA NYID DANG, GRANG BA NYID DANG, BKRES PA DANG, SKOM PA ZHES BYA BA'O, ,DE LA 'BYUNG BA CHEN PO NI BSHAD ZIN TO, ,'JAM PA NI REG PA NA BDE BA'O, ,RTZUB PA NYID NI REG PAR MI 'DOD PA'O, ,LCI BA NYID NI GANG GIS DNGOS PO RNAMS 'JAL BAR BYED PA'O, ,YANG BA NYID NI DE LAS BZLOG PA'O, ,GRANG BA NI DRO BA 'DOD PAR BYED PA'O, ,BKRES PA NI ZAS 'DOD PAR BYED PA'O, ,SKOM PA NI BTUNG BA 'DOD PAR BYED PA STE, RGYU LA 'BRAS BU NYE BAR BTAGS PA'O, ,DE YANG 'DI LTAR, SANGS RGYAS 'BYUNG BA BDE BA STE, ,CHOS BSTAN PA YANG BDE BA YIN, ,DGE 'DUN MTHUN PA BDE BA STE, ,MTHUN PA RNAMS KYI DKA' THUB BDE, ,ZHES BYA BA LTA BU'O, ,DNGOS PO GANG LA 'BYUNG BA ME DANG CHU'I KHAMS SHAS CHE BA DE NI 'JAM PA NYID DO, ,SA DANG RLUNG SHAS CHE BA DE NI RTZUB PA NYID DO, , @242B SA DANG CHU SHAS CHE PA DE NI LCI BA NYID DO, ,ME DANG RLUNG SHAS CHE BA DE NI YANG BA NYID DO, ,CHU DANG RLUNG SHAS CHE BA DE NI GRANG BA'O, ,RLUNG SHAS CHE BA DE NI BKRES PA'O, ,ME DANG RLUNG SHAS CHE BA DE NI SKOM PA'O, ,DBANG PO LNGA DANG DON LNGA NI BSHAD ZIN TO, ,DE LA MIG LA SOGS PA DBANG PO LNGA NI RANG RANG GI 'BRAS BU LAS RJES SU DPAG PAR BYA BA NYID KYIS YID KYI RNAM PAR SHES PA 'BA' ZHIG GIS SHES PAR BYA BA'O, ,GZUGS LA SOGS PA LNGA NI SO SOR RNAM PAR SHES PA GNYIS KYIS RNAM PAR SHES PAR BYA STE, DE LA GZUGS KYI SKYE MCHED NI MIG GI RNAM PAR SHES PAS NYAMS SU MYONG NAS YID KYI RNAM PAR SHES PAS RNAM PAR SHES SO, ,DE BZHIN DU REG BYA'I SKYE MCHED KYI BAR DU RANG RANG GI RNAM PAR SHES PA DANG, YID KYI RNAM PAR SHES PA DAG GIS RNAM PAR SHES SO ZHES SBYAR RO, ,RNAM PAR RIG BYED MA YIN PA GANG ZHE NA, GZUGS GANG CHOS KYI SKYE MCHED DU GYUR PA BSTAN DU MED CING THOGS PA MED PA YID KYI RNAM PAR SHES PA TZAM GYIS SHES PAR BYA BA STE, ,SDOM PA DANG, SDOM PA MA YIN PA DANG, BAR MA BSDUS PA DGE BA DANG MI DGE BA'I RGYUN GYI NGO BO GANG YIN PA DE NI RNAM PAR RIG BYED MA YIN PA'O, ,DE LA KHA CIG NI SEMS KYI RJES SU 'JUG PA STE, 'DI LTA STE, BSAM GTAN GYI SDOM PA DANG, ZAG PA MED PA'I SDOM PA'I NGO PO'O, ,KHA CIG NI YANG DAG PAR BLANGS PA LAS BYUNG BA STE, SEMS G-YENGS PA DANG SEMS MA G-YENGS PA DANG, SEMS MED PA'I GNAS SKABS GSUM CHAR NA'ANG CHU PO'I RGYUN BZHIN DU 'JUG PA DANG, NYIN DANG MTSAN DU JI SRID 'PHAGS PAR RJES SU 'JUG PA JI SRID 'TSO'I BAR RAM, NYIN ZHAG GCIG PA NI 'DI LTA STE, SO SOR THAR PA'I SDOM PA'I NGO BO'O, ,KHA CIG G-YENGS BA DANG MA G-YENGS PA'I GNAS SKABS NI RJES SU 'JUG PA NI 'DI LTA STE, SDOM PA MA YIN PA'I NGO BO'O, ,SDOM PA YANG MA YIN SDOM PA MA YIN PA YANG MA YIN PA'I NGO BO NI KHA CIG 'GA' ZHIG LA ZHING KHYAD PAR CAN GYIS SBYIN PA'I DNGOS PO LONGS SPYAD PA LAS BYUNG BA STE RDZAS LAS BYUNG BA'I BSOD NAMS BYA BA'I DNGOS PO LTA BU'O, ,KHA CIG @243A *, ,NI SANGS RGYAS LA MCHOD PA DANG, DKYIL 'KHOR LA SOGS PA YI DAM DU BLANGS NAS BYED PA'O, ,KHA CIG NI GUS PA DANG BCAS PAS MCHOD RTEN LA PHYAG 'TSAL BA LA SOGS PA'I BYA BA BYED PA'O, ,MI DGE BA NI LHA MO DU RGA LA SOGS PA'I RTEN BYED CING LONGS SPYOD PA DANG, NYON MONGS PA'I SHUGS DRAG POS BYA BA RTZOM PA LA SOGS PAR SBYAR RO, ,DE LA ZAG PA DANG BCAS PA'I BSAM GTAN GYI SEMS THOB PA LAS NI BSAM GTAN GYI SDOM PA 'THOB BO, ,ZAG PA MED PA'I BSAM GTAN GYI SEMS THOB PA LAS NI ZAG PA MED PA'I SDOM PA 'THOB PA, ,DE DAG BTANG BAS NI DE DAG GTONG NGO, ,SO SOR THAR PA'I SDOM PA NI GZHAN LA GSOL BA 'DEBS PA'I RNAM PAR RIG BYED LA SOGS PA LAS 'THOB STE, YANG DAG PAR BLANGS PA BTANG BA DANG, SHI BA DANG, MTSAN GNYIS BYUNG BA DANG, NYIN ZHAG 'DAS PAS GTONG BAR 'GYUR RO, ,DE LA DGE SLONG DANG, DGE SLONG MA DANG, DGE TSUL DANG, DGE TSUL MA DANG, DGE SLOB MA DANG, DGE BA SNYEN DANG, DGE BSNYEN MA'I SDOM PA RNAMS NI NYIN ZHAG ZAD PA LAS GZHAN PAS GTONG BA'O, ,DGE SLONG DANG DGE SLONG MA'I SDOM PA DAG NI PAS PHAM PA'I LTUNG BAS KYANG NGO, ,BSNYEN GNAS KYI SDOM PA NI NYIN MTSAN ZAD PAS KYANG NGO, ,SDOM PA MA YIN PA NI NYA PA LA SOGS PA'I STE, DE RNAMS KYIS RGYU DANG MTSON CHA LA SOGS PA'I SBYOR BAS SDOM PA MA YIN PA 'THOB LA, DE LAS GZHAN PA'I RIGS KYIS NI DE DAG GI LAS YANG DAG PAR BLANGS PAS 'THOB PO, ,GTONG BA NI SHI BA DANG, MTSAN GNYIS BYUNG BA DANG, SDOM PA THOB PA LAS GTONG NGO, ,SDOM PA YANG MA YIN SDOM PA MA YIN PA YANG MA YIN PA'I NGO BO NI NYON MONGS PA DRAG PO DANG, RAB TU DANG BA'I THUGS DANG, YANG DAG BAR BLANGS PA CHAD PAS 'CHAD DO, ,DE LA DMIGS PA'I SEMS KYIS BSKYED PA'I LUS KYI DE DANG DE LTA BU'I DBYIBS KYI KHYAD PAR NI LUS KYI RNAM PAR RIG BYED DO, ,NGAG GI RNAM PAR RIG BYED NI DE LA DMIGS PA'I SEMS KYIS BSKYED PA'I ? @243B BRJOD PAR BYA BA BRJOD PA'I TSIG STE, DE LTA BU DE GNYIS NI KUN NAS SLONG BA'I SEMS RNAM PAR RIG PAR BYED PAS NA RNAM PAR RIG BYED DO, ,RNAM PAR RIG BYED DANG 'DRA BA'I CHOS GANG 'PHEN PA YANG DAG PAR 'DZIN PA'I 'BYUNG BA CHEN PO LA BRTEN PA DANG GNAS PA NI RNAM PAR RIG BYED DANG 'DRA BAR GZHAN LA RNAM PAR RIG BYED PA MA YIN PAS RNAM PAR RIG BYED MA YIN PA STE, MAN NGAG 'BA' ZHIG TZAM GYIS SHES PAR BYA ZHING DGE SLONG LA SOGS PAR 'JOG PA'I RGYU'O, ,DE DANG 'DRA BA LAS DGAG PA'I RKYEN GYIS TE, BRAM ZE MA YIN PA LTA BU'O, ,GZUGS KYI PHUNG PO NI BSHAD ZIN TO, ,TSOR BA'I PHUNG PO'I DBANG DU BYAS NAS BRJOD PA DE LA SIM PA DANG, GDUNG BA DANG, DE GNYI GA LAS GROL BA'I YUL GYI NGO BO MNGON DU BYED PA GANG YUL NYAMS SU MYONG BA'I NGO BO RNAM PAR SHES PA'I MYONG BA DE NI TSOR BA ZHES BRJOD DO, ,DE LA GTZO BO SEMS NI SEMS LAS BYUNG BA MA YIN NO, ,DER NI GTZO PO SEMS SEMS LAS BYUNG BA MA YIN PAR JI LTAR SHES, GANG SEMS KYI BYA BA'I NGO BO LOGS SHIG TU RANG RGYUD DU GRUB PAR SEMS PA YID KYI LAS DANG, DANG BA SEMS KYI DANG BA DANG, RTOG PA NI SEMS RTZING ? BZHES BYA BA LA SOGS PAR BRJOD PAS SEMS LAS BYUNG BA'I SEMS KYI GNAS SKABS NI MA YIN NO, ,JI LTA ZHE NA, DON THA DAD DU GYUR PAS SO, ,DE LA KHA CIG SEMS KYI BYA BA'I NGO BO NYID DU BSTAN PAS SEMS KYI GNAS SKABS KYI BYE BRAG NI SEMS LAS BYUNG BA'O ZHES 'DOD DO DE NI RIGS PA MA YIN TE, LHAN CIG 'BYUNG BA ZHES BYA BA'I NGES PA NYAMS PAR 'GYUR RO, ,DES NA 'DIR NI RNAM PAR SHES PA'I YUL NYE BAR SPYAD PAR BYA BA NYAMS SU MYONG BAS NYAMS SU MYONG BA DE NI TSOR BA ZHES BRJOD DE RIG PA NI TSOR BA ZHES BYA BAS SO, ,YANG NA MYONG BAR BYED PAS MYONG BA GANG YIN PA DE TSOR BAS NYAMS SU MYONG BAR BYED PA NYID DO, ,DE NI YANG NA SEMS SU SHES PAR BYA'O, ,TSOR BA NYID NI RNAM PAR SHES PAS MYONG BAR BYA ZHING, NYAMS SU MYONG BAR BYA BAS NYAMS SU MYONG BA'I PHYIR TE, BZA' BA DANG BTUNG BA LA SOGS PA DANG 'DRA BAR NYE BAR SPYAD PAR BYA BA NYID DO, ,DES NA 'DI LTAR 'DI @244A *, ,NI SEMS KYI ZAS SO ZHES RNAM PAR GZHAG GO, ,YANG DE LTA BU'I TSOR BA DE NI RNAM PA GNYIS SU 'GYUR TE, LUS KYI DANG SEMS KYI'O, ,DE LA DBANG PO'I GZUGS CAN LNGA NI RDUL PHRA RAB 'DUS PA'I NGO BO NYID KYIS LUS KYI SKAR ? BRJOD LA, DE LA BRTEN NAS BYUNG BA'I TSOR BA NI LUS LAS BYUNG BAS LUS KYI ZHES BRJOD DO, ,YID KYI DBANG PO LA BRTEN PA'I TSOR BA NI SEMS KYI ZHES BRJOD DO, ,YANG TSOR BA DE NYID RNAM PA GSUM DU 'GYUR TE, BDE BA DANG, SDUG BSNGAL DANG, BDE BA YANG MA YIN SDUG BSNGAL BA YANG MA YIN PA'O, ,DE LA TSOR BA BDE BA NI GANG YONGS SU BZUNG BAS DBANG PO'I 'BYUNG BA CHEN PO 'PHEL BAR BYED CING GANG BZUNG BA DE DANG 'BRAL BAR MI 'DOD PA DE NI BDE BA ZHES BRJOD DO, ,SDUG BSNGAL NI DE LAS BZLOG PA STE, NYE BAR GNOD PAS 'BRAL BAR 'DOD PA DE SDUG BSNGAL ZHES BRJOD DO, ,GANG PHRAD PA DANG BRAL BA'I SRID PA'I RTEN DU MA GYUR PA YONGS SU 'DZIN PA YANG MA YIN, RJES SU GTONG BA YANG MA YIN PA STE, DE LA BRTEN NAS GTI MUG 'BYUNG BA NI BTANG SNYOMS TE, BDE BA YANG MA YIN, SDUG BSNGAL BA YANG MA YIN PA NI TSOR BA ZHES BRJOD DO, ,YANG TSOR BA DE NYID RNAM PA LNGAR 'GYUR TE, BDE BA'I DBANG PO DANG, SDUG BSNGAL GYI DBANG PO DANG, YID BDE BA'I DBANG PO DANG, YID MI BDE BA'I DBANG PO DANG, BTANG SNYOMS KYI DBANG PO'O, ,DE LA DBANG PO GZUGS CAN LA BRTEN PA'I RNAM PAR SHES PA DANG MTSUNGS PAR LDAN PA TSOR BA BDE BA DANG, BSAM GTAN GSUM PA'I SEMS KYI TSOR BA BDE BA STE, DE GNYIS KA YANG BDE BA'I DBANG PO ZHES BRJOD DO, ,DBANG PO GZUGS CAN LA BRTEN PA'I RNAM PAR SHES PA DANG MTSUNGS PAR LDAN PA'I TSOR BA BDE BA MA YIN PA NI SDUG BSNGAL GYI DBANG PO'O, ,YID KYI RNAM PAR SHES PA DANG MTSUNGS PAR LDAN PA'I TSOR BA BDE BA NI YID BDE BA'I DBANG PO'O, ,YID KYI DE NYID MI BDE BA NI YID MI BDE BA'I DBANG PO'O, ,DE DAG THAMS CAD KYI BDE BA YANG MA YIN SDUG BSNGAL YANG MA YIN PA NI BTANG SNYOMS KYI DBANG PO'O, ,RGYU CIS SHE NA, GANG GI PHYIR @244B SEMS KYI BDE BA DANG SDUG BSNGAL PHAL CHER RNAM PAR RTOG PA LAS 'BYUNG GI LUS KYI NI MA YIN NO, ,LUS KYI DBANG GIS DGRA BCOM PA RNAMS LA YANG 'BYUNG NGO, ,GZHAN YANG LUS KYI BDE BA DANG SDUG BSNGAL BZUNG BA DANG GTONG BAR BYA BA NI MI BRTAN PAR 'BYUNG LA, GZHAN PA SEMS KYI NI BRTAN PAR 'BYUNG NGO, ,BTANG SNYOMS KYI NI RNAM PAR GZHAG PA DE DAG MED DE, MDOR BSDUS NAS RNAM PAR SHES PA DRUG GI RIS NI BTANG SNYOMS ZHES BRJOD DO, ,TSOR BA DE NYID YANG RTEN DRUG GI BYE BRAG GIS DRUG TU 'GYUR TE, MIG GI 'DUS TE REG PA LAS BYUNG BA DANG, RNA PA DANG, SNA DANG, LCE DANG, LUS DANG, YID KYI 'DUS TE REG PA LAS BYUNG BA'O, ,TSOR BA'I PHUNG PO BSHAD ZIN TO, ,'DU SHES KYI PHUNG PO'I DBANG DU BYAS NAS BRJOD PA, 'DI LA BUM PA DANG, RAS YUG DANG, SHING RTA'I NGO BO LA SOGS PA'I GZUGS RNAMS 'DUS PA NYID DU MTSUNGS NA YANG SO SOR NGES PA'I RGYU DANG RKYEN GYI BYE BRAG YOD PAR RGYU DANG RKYEN GYI BYE BRAG LA LTOS NAS YANGS PA LA SOGS PA'I BYE BRAG YOD DO, ,BYE BRAG DE NYID RGYU MTSAN ZHES BRJOD DE, DES DON RNAMS KYI KHYAD PAR 'JAL BAR BYED PA'I PHYIR RO, , BUM PA DANG, RAS YUG LA SOGS PA'I MTSAN MA DE SEMS LAS BYUNG BA'I CHOS GANG GIS 'DZIN PA DE 'DU SHES TE YONGS SU GCOD PAR BYED PA DANG MTSAN MAR 'DZIN PA'I BDAG NYID NI 'DU SHES ZHES BRJOD DO, ,'DU SHES DON GYI MTSAN MA LA 'JUG PA YIN LA, RNAM PAR SHES PA NI DON TZAM GYI 'DZIN PAR ZHUGS PA STE, DON GYI KHYAD PAR 'DZIN PA'I BDAG NYID CAN GYI TSOS SEMS LAS BYUNG BA DANG MTSUNGS PAR LDAN PAS NI DON GYI KHYAD PAR 'DZIN PA'I NUS PA DANG LDAN PAR YANG 'GYUR RO, ,DE BAS NA RNAM PAR SHES PA DANG MTSUNGS PAR LDAN PA'I SEMS LAS BYUNG BA'I CHOS GANG GIS BUM PA DANG RAS YUG DANG, SHING RTA LA SOGS PA'I NGO BO'I DON GYI KHYAD PAR YONGS SU GCOD PAR 'GYUR BA NI 'DU SHES ZHES BRJOD DO, ,DE LTA BU'I 'DU SHES NI MI LDAN PA'I MING DANG DON GCIG LA 'JUG STE, MING GIS NI DON @245A *, ,GSAL BAR BYED LA, 'DU SHES KYIS NI YANG DAG PAR SHES PAR BYED DE, DES NA MING DANG DON GYI MTSAN MA'I BRDA SHES PA NI GSAL BA STE, DE NI TSIG MING LA 'JUG LA MING NI DON LA STE, DE'I PHYIR NGAG MING LA 'JUG LA, MING GIS NI DON RJOD PAR BYED CES BYA'O, ,THA SNYAD LA MA BYANG BA'I 'DU SHES NI MI GSAL BA'I PHYIR MING GIS DON LA MI 'JUG STE, MING GIS DON SGRUB PAR YANG MI NUS SO, ,DE NYID NI MING DON DANG BCAS PA LA 'DZIN PAS 'DU SHES SO, ,RTEN GYI BYE BRAG GIS NI DRUG TU 'GYUR TE, MIG GI RNAM PAR SHES PA DANG MTSUNGS PAR LDAN PA NAS YID KYI RNAM PAR SHES PA DANG MTSUNGS PAR LDAN PA'I BAR DU'O, ,YANG RNAM PA GSUM DU 'GYUR TE, CHUNG NGU DANG, CHEN POR GYUR PA DANG, TSAD MED PA'O, ,'DU SHES KYI PHUNG PO BSHAD ZIN TO, ,'DU BYED KYI PHUNG PO'I DBANG DU BYAS NAS BRJOD PA, 'DU BYED KYI PHUNG PO NI RNAM PA GNYIS TE, SEMS DANG MTSUNGS PAR LDAN PA DANG, SEMS DANG MI LDAN PA'O, ,DE LA RTEN DANG, DMIGS PA DANG, RNAM PA DANG, DUS DANG RDZAS MTSUNGS PAS SEMS DANG MNYAM DU RAB TU 'JUG PAS SEMS DANG MTSUNGS PAR LDAN PA STE, SEMS PA LA SOGS PA NAS THA MA BZOD PA'I BAR DU'O, ,DE DAG GI NANG NAS RTZOD PA'I BAR GYUR PA DANG, 'KHOR BA'I RGYUR GYUR MAS TSOR BA DANG, 'DU SHES PHYUNG NAS LOGS SHIG TU PHUNG POR GZHAG GO, ,DE LAS GZHAN PA'I SEMS LAS BYUNG BA SEMS PA LA SOGS PA DANG, THOB PA LA SOGS PA SEMS DANG MI LDAN PA'I 'DU BYED 'DI DAG NYID 'DU BYED KYI PHUNG PO'O, ,DE LA SEMS DANG MTSUNGS PAR LDAN PAS NI SEMS PA DANG REG PA DANG YID LA BYED PA DANG, 'DUN PA DANG, MOS PA DANG, DAD PA DANG, BRTZON 'GRUS DANG, DRAN PA DANG, TING NGE 'DZIN DANG, SHES RAB DANG, RNAM PAR RTOG PA DANG, ,DPYOD PA DANG, BAG MED PA DANG, BAG YOD PA DANG, SKYO BA DANG, RAB TU DGA' BA DANG, SHIN TU SBYANGS PA DANG, SHIN TU MA SBYANGS PA DANG, RNAM PAR 'TSE BA DANG, RNAM PAR MI 'TSE BA DANG, NGO TSA SHES PA DANG, KHREL YOD @245B PA DANG, BTANG SNYOMS DANG, RNAM PAR GROL BA DANG, DGE BA'I RTZA BA DANG, MI DGE BA'I RTZA BA DANG, LUNG DU MA BSTAN PA'I RTZA BA DANG, KUN TU SBYOR BA DANG, NGES PAR 'CHING BA DANG, PHRA RGYAS DANG, NYE BA'I NYON MONGS PA DANG, KUN NAS DKRIS PA DANG, ZAG PA DANG, CHU BO DANG, SBYOR BA DANG, NYE BAR LEN PA DANG, MDUD PA DANG, SGRIB PA DANG, SHES PA DANG, BZOD PA ZHES BYA BA'O, ,SEMS DANG MTSUNGS PAR LDAN PA'I MING BSTAN ZIN TO, ,YANG 'DU BYED KYI CHOS GZHAN GANG DAG GZUGS CAN MA YIN PA NYID DU MTSUNGS PAS SEMS DANG RIGS GCIG PA DE DAG NI SEMS DANG MI LDAN PA'I 'DU BYED DE, 'DI LTA STE, THOB PA DANG, MA THOB PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA DANG, 'DU SHES MED PA DANG, SROG GI DBANG PO DANG, SKAL PA MNYAM PA DANG, GNAS SO SOR THOB PA DANG, DNGOS PO SO SOR THOB PA DANG, SKYE MCHED SO SOR THOB PA DANG, SKYE BA DANG, RGA BA DANG, GNAS PA DANG, MI RTAG PA DANG, MING GI TSOGS DANG, TSIG GI TSOGS DANG, YI GE'I TSOGS DANG, RKYEN TSOGS PA MED PA DANG, RKYEN TSOGS PA STE, 'DI RNAMS NI SEMS DANG MI LDAN PA'I 'DU BYED DO, ,DE LA SEMS PA NI SEMS MNGON PAR 'DU BYED PA YID KYI LAS TE, JI LTAR RGYAL PO RNAMS BLON POS BYA BA DE DANG, DE LA 'JUG PAR BYED PA DE BZHIN DU SEMS KYANG SEMS PAS BYA BA DANG BCAS PA'I NGO BOR DE DANG DER STON PAR BYED DO; ,DE NI 'DU BYED RNAMS 'BYUNG BA LA SA BON GYI NGO BOR GNAS TE, 'GRO BA SNA TSOGS LAS LAS SKYES LA DE NI LAS KYI NGO BO NYID KYI PHYIR RO, ,YANG DE NI RNAM PA GSUM STE, DGE BA DANG, MI DGE BA DANG, LUNG DU MA BSTAN PA'O, ,YANG DBYE NA SEMS PA'I TSOGS DRUG TU 'GYUR TE; MIG GI RNAM PAR SHES PA DANG MTSUNGS PAR LDAN PA NAS YID KYI RNAM PAR SHES PA DANG MTSUNGS PAR LDAN PA'I BAR DU'O, ,DE LA REG PA GANG ZHE NA, JI LTAR CHU LA CHAR BAB PAR GYUR PA LAS, CHU'I CHU BUR 'BYUNG BAR 'GYUR BA DE BZHIN DU DBANG PO RNAMS RANG RANG GI YUL @246A *, ,LA 'JUG PA LAS MIG LA SOGS PA JI LTA BA BZHIN DU GZUGS MTHONG BA LA SOGS PA'I RANG RANG GI RNAM PAR SHES PA NYE BAR 'BYUNG BA'AM YANG NA PHA DANG MA LA BRTEN NAS BU LA SOGS PA 'BYUNG BA DE BZHIN DU DBANG PO DANG YUL LA BRTEN NAS RNAM PAR SHES PA 'BYUNG BA NA DE LA BU'I GNAS LTA BU'AM, CHU'I CHU BUR GYI GNAS LTA BU'I RNAM PAR SHES PA DANG, YUL DANG DBANG PO GSUM NYE BAR 'DUS PA LAS SKYES PA NI REG PA'O, ,YANG NA REG PA'I RGYUR DBANG PO DANG YUL DANG RNAM PAR SHES PA RNAMS NYE BAR 'DUS PA NA STE, NYE BAR 'DUS PA ZHES BYA BA NI GSUM PO RGYU DANG 'BRAS BU'I NGO BOR GNAS PA RNAMS KYI GANG PHAN TSUN LTOS PA'O, ,YANG DE NI RNAM PA GSUM STE, BDE BA MYONG BAR 'GYUR BA DANG, SDUG BSNGAL MYONG BAR 'GYUR BA DANG, BDE BA YANG MA YIN SDUG BSNGAL BA YANG MA YIN PA MYONG BAR 'GYUR BA'O, ,YANG RNAM PA DRUG STE, MIG GI RNAM PAR SHES PA'I 'DUS TE REG PA NAS YID KYI RNAM PAR SHES PA'I 'DUS TE REG PA'I BAR DU'O, ,YID LA BYED PA NI SEMS YUL LA 'JUG PA STE YUL LA GTOD PO ZHES BYA BA'I DON TO, ,SEMS NI RANG BZHIN GYIS G-YO BA STE SPRE'U LTA BU YIN PAS DE NI CHOS GZHAN DANG MA 'BREL BAR YUL LA MI GNAS PA NYID DE, YUL GZHAN GYI BYA BA LA MI 'JUG PAR YUL LA GNAS PAR NI CHOS GZHAN DANG 'BREL BA MED PAR MI SRID DE, DE BAS NA GANG DANG LDAN PAS RNAM PAR SHES PA MNGON PAR 'DOD PA'I YUL LA GTOD PA DANG BCAS PAR 'GYUR BA NI SEMS 'JUG PA ZHES BYA BA STE, SEMS KYI BYA BA'I NGO BOR NYE BAR MTSON PA'I SEMS LAS BYUNG BA'I CHOS LA YID LA BYED PA ZHES BYA BAR BRJOD DO, ,YID LA BYED BAS NA YID LA BYED PA STE, YUL 'GA' ZHIG LA SEMS GNAS PAR BYED PA ZHES BYA BA'I DON NAM, YUL YID LA BYED PA NA YID LA BYED PA STE, GANG GI STOBS KYIS RNAM PAR SHES PA YUL YID LA BYED PA'I NGO BO NYID DO, ,TING NGE 'DZIN NA RNAM PAR G-YENG BA'I GNYEN PO'I CHOS TE, SEMS KYI RGYUN DMIGS PA GCIG PA'I RGYU'O, ,YID LA BYED PA NI YUL LA SEMS DE'I DUS SU MI GTONG BA'O, ,YANG DE NI RNAM PA GSUM DU 'GYUR TE, @246B SLOB PA DANG, MI SLOB PA DANG, SLOB PA YANG MA YIN MI SLOB PA YANG MA YIN NO, ,DE LA GANG ZAG BDUN NI SLOB PA STE, NYON MONGS PA LHAG MA SPANG BAR BYA BA NI PHYIR BSLAB PAR BYA BA YOD PAS SO, ,BDUN PO GANG DAG YIN ZHE NA, RGYUN DU ZHUGS PA'I 'BRAS BU MNGON DU BYA BA'I PHYIR ZHUGS PA DANG, RGYUN DU ZHUGS PA DANG, LAN CIG PHYIR 'ONG BA'I 'BRAS BU MNGON DU BYA BA'I PHYIR ZHUGS PA DANG, LAN CIG PHYIR 'ONG BA DANG, PHYIR MI 'ONG BA'I 'BRAS BU MNGON DU BYA BA'I PHYIR ZHUGS PA DANG, PHYIR MI 'ONG BA DANG, DGRA BCOM PA'I 'BRAS BU MNGON DU BYA BA'I PHYIR ZHUGS PA ZHES BYA BA 'DI RNAMS SO, ,GANG ZAG BDUN PO RNAMS KYI RGYUD LA ZAG PA MED PA'I TING NGE 'DZIN DANG MTSUNGS PAR LDAN PA DE NI SLOB PA'I YID LA BYED PA'O, ,DGRA BCOM PA NI MI SLOB PA STE, DE'I ZAG PA MED PA'I TING NGE 'DZIN DANG MTSUNGS PAR LDAN PA NI MI SLOB PA'I YID LA BYED PA'O, ,ZAG PA DANG BCAS PA'I SEMS DANG MTSUNGS PAR LDAN PA'I SLOB PA YANG MA YIN MI SLOB PA YANG MA YIN PA ZHES BYA STE, DE LTAR YID LA BYED PA RNAM PA GSUM MO, ,'DUN PA NI RNAM PAR SHES PA'I BYED PA 'DOD PA NYID DE; SEMS LAS BYUNG BA'I CHOS GANG DANG 'BREL PAS BZA' BA DANG, 'GRO BA DANG, GTZO BO DANG, BUM PA DANG, SNAM BU DANG, DGE BA DANG, MI DGE BA LA BDAG GIS 'DI BYA'O SNYAM DU BYED 'DOD PA'I MTSAN NYID KYI SEMS LAS BYUNG BA'I CHOS NI 'DUN PA ZHES BRJOD DO, ,YID LA BYED 'DOD PA YOD PAS BYED 'DOD PA STE DE'I NGO BO NI BYED 'DOD PA NYID DO, ,DE'I NGO BO GANG YIN ZHE NA, DE NI 'DUN PA NYID DO GANG GIS DE BYED 'DOD PAR 'GYUR RO, ,DE LA JI LTAR ZA MA TOG GI NANG DU BCUG NAS KHA BCAD PA'I SBRUL NI 'BYUNG ZHING 'GRO BA'I BYA BA LA RTZOL BA GLOD DE GNAS LA; SBRUL 'DZIN BYED PAS BSKUL ZHING BSLANG BA NA NI 'BYUNG BA'I BYA BA LA RTZIL BA DANG BCAS PAR 'GYUR RO, ,DE BZHIN DU SEMS KYANG SEMS LAS BYUNG BA DANG MTSUNGS PAR LDAN PAS NYE BAR GYUR BA'I YUL LA RTZOL BA MED PA BOR NAS RTZOL BA DANG BCAS PA 'BYUNG NGO ZHES BYA BA'O, ,DE LTA BU NI @247A *, ,SEMS LAS BYUNG BA'I LAS SO, ,JI LTAR YUL GANG LA BYA BA DANG BCAS PA'I SBRUL DE NYID YUL DE LA GTOD PA DANG BCAS PAS GTOD PAR GYUR PA DE BZHIN DU YUL GANG LA SEMS LAS BYUNG BA GANG DANG MTSUNGS PAR LDAN PA SEMS BYA BA DANG BCAS PAR 'GYUR BA'I YUL DE NYID LA YID LA BYED PAS NI GTOD PA DANG BCAS PAR 'GYUR BAS 'DI NI YID LA BYED PA'I LAS KYI KHYAD PAR RO, ,DE LTAR BRJOD PA'I CHOS SEMS PA DANG YID LA BYED PA'I SNGON DU 'DUN PA 'GRO BA STE, GANG DU 'DUN PA ZHUGS PA DER SEMS PA DANG YID LA BYED PA DAG 'BYUNG BA NA YANG RTA'I BYA BA'I KHYAD PAR LTAR SNGON DU NYE BAR MTSON TE SEMS PA DANG YID LA BYED PA DAG RANG GI YUL LA 'JUG PA NA SKUL BAR BYED PA NYID GYIS SO, ,GAL TE BYED PAR 'DOD PA'I MTSAN NYID CAN GYI 'DUN PA KHA CIG TU 'BYUNG BAR MA GYUR NA NI YUL NGES PAR MA MTHONG BAS RANG BZHIN GYIS BEMS BO LTAR GANG YANG 'JUG PAR MI 'GYUR BAS, DE BAS NA 'DI LTAR NYE BAR LEN PA'I PHUNG PO LNGA PO 'DI NI 'DUN PA'I RTZA BA CAN, 'DUN PA'I RGYU CAN, 'DUN PA LAS KUN DU 'BYUNG ZHING 'DUN PA'I MTHUS 'BYUNG BAR 'GYUR ZHES BYA'O, ,'DI DANG SRED PA LA KHYAD PAR CI YOD CE NA, JI LTAR LA CAS SHING TSA BA GNYIS 'BYAR BAR BYED PA LTAR SRED PA NI SEMS YUL LA MNGON PAR ZHEN CING CHAGS PA'I RGYU YIN LA, 'DUN PA NI DE LTA MA YIN TE, DE NI BYA BA'I BSAM PA TZAM NYID KYIS 'JUG PAS SRED PA LAS 'DUN PA DE LTAR THA DAD DO; ,DE YANG 'DI LTAR 'DI NA GNAS PA'I GANG ZAG 'GA' KHAMS GONG MA 'DOD PAS GSOL BA 'DEBS TE, AE MA'O BSAM GTAN NAM GZUGS MED PA BDAG GIS JI LTAR 'THOB CES BYA BA DANG, DE BZHIN DU JI LTAR BDAG GIS ZAG PA ZAD PA MNGON DU BYA BA DANG, LAM RTOGS PAR 'GYUR ZHES BYA BA LTA BU STE, DE LTAR SMON PA DE NI SRED PA ZHES BRJOD PAR MI BYA'O 'ON KYANG DE NI DGE BA'I CHOS LA 'DUN PA YIN TE, SRED PA DANG 'GAL BA'I YUL LA SKYES PAS SO, ,SEMS YUL LA LHAG PAR 'DOD PA NI MOS PA STE, LHAG PA'I SGRA NI DBANG DU BYA BA @247B STE; RANG GI YUL LA MOS PA'I SHES PA'I RANG GI NGO BO GANG ME LA PHYE MA LEB LTAR LHAG PAR MOS PA NI MOS PA'O, ,SEMS LAS BYUNG BA'I CHOS GANG DANG LDAN PAS RNAM PAR SHES PA YUL LA SO SO MA YIN PAR BSDUS PAR GYUR PA DE NI SEMS LAS BYUNG BA'I CHOS MOS PA'O, ,YID LA BYED PA DANG KHYAD PAR NI YUL YID LA BYED PA NI YID LA LHAG PAR BYED PA'I NGO BO'O, ,'DI NI YUL LA LHAG PAR BYED PA'I NGO BO ZHES BYA BA NI KHYAD PAR RO, ,DAD PA NI BDEN PA DANG, DKON MCHOG DANG, LAS DANG 'BRAS BU LA MNGON PAR YID CHES PA'O, ,DE LA BDEN PA NI BZHI STE, SDUG BSNGAL DANG, KUN 'BYUNG DANG, 'GOG PA DANG, LAM ZHES BYA BA'O, ,YANG NA RNAM PA GNYIS TE, KUN RDZOB DANG DON DAM PA ZHES BYA BA'O, ,DKON MCHOG NI GSUM STE, SANGS RGYAS DANG, CHOS DANG, DGE 'DUN NO, ,LAS NI BSOD NAMS DANG, BSOD NAMS MA YIN PA DANG, MI G-YO BA'O, ,'BRAS BU NI RNAM PAR SMIN PA DANG BRAL BA ZHES BYA BA'O, ,DE DAG NYID LA SKUR PA 'DEBS PA NI LOG PAR LTA BA STE, MED PA'I RNAM PAR ZHUGS PA'O, ,'JIG RTEN PA'I YANG DAG PA'I LTA BA NI YOD PA'I RNAM PAR ZHUGS PA STE, DE LTA BU'I YANG DAG PA'I LTA BAS RTOGS PA'I YOD PA LA MNGON PAR YID CHES PA'I RNAM PA NI DAD PA'O, ,DAD PA'I STOBS KYIS YOD PA DE DAG NGES PAR 'DZIN PA DE NI MA DAD PA'I GNYEN POR GYUR PA'O, ,DE YANG JI LTAR RNYOG PA DANG BCAS PA'I CHU LA NOR BU CHU'I DANG BYED KYIS CHU'I RNYOG PA RNAMS BAS LA NAS CHU RAB TU DANG BAR BYED PA DE BZHIN DU DAD PA'I NOR BU YANG SEMS KYI RDZING BUNG BYUNG NAS MA DANG PA'I RNYOG PA BSAL TE YID DANG BAR BYED DO, ,YID DANG BAR BYAS PAS JI LTAR YONGS SU DAG PA'I ME LONG LA GZUGS BRNYAN GYI TSUL GYIS BDEN PA DANG DKON MCHOG LA SOGS PA SNANG BAR 'GYUR RO, ,BRTZON 'GRUS NI DGE BA'I CHOS LA SPRO BA STE, SEMS LAS BYUNG BA'I CHOS GANG DANG LDAN PAS SEMS DGE BA'I CHOS BSDU BA LA SPRO BAR 'GYUR BA LE LO'I GNYEN POR GYUR BA'I CHOS NI BRTZON 'GRUS SO, ,GANG BYAS PA DANG BYED PA'I @248A *, ,LAS LA SEMS KYI BRJED PA MED PA STE, SEMS KYI MNGON PAR BRJOD PA NI DRAN PA'O, ,TING NGE 'DZIN NI SEMS RTZE GCIG PA STE, RTZE NI DMIGS PA'O, ,SEMS LAS BYUNG BA'I CHOS GANG DANG LDAN PAS SEMS KYI RGYUN DMIGS PA GCIG LA NGES PAR GNAS PA STE, DE NI SEMS LAS BYUNG BA'I CHOS TING NGE 'DZIN ZHES BYA'O, ,SHES RAB NI CHOS RAB TU RNAM PAR 'BYED PA'O, ,RNAM PAR 'BYED PA NI DNGOS PO'I NGO BO MANG PO RIL PO GCIG LTA BUR GYUR PA'I DON LA 'DIS SO SOR RTOGS PAS RNAM PAR 'BYED PA'O, ,KHYAD PAR CAN DU RNAM PAR 'BYED PA NI RAB TU RNAM PAR 'BYED PA STE, BLO YID DNGOS PO'I CHA RNAM PAR PHYE NAS 'DI'I RANG GI NGO BO CI ZHES TE, NYE BAR DMIGS PA'I DON LA NGES PAR SNYING PO CI ZHIG YOD CES DE LTA BU'I RNAM PAR ZHUGS PA'O, ,DPER NA CHU SHING GI SDONG PO LA SNYING PO 'DOD PAS RNAM PAR PHYE BA LTA BU STE, JI LTAR 'GA' ZHIG SNYING PO 'DOD PAS CHU SHING GI SDONG PO SHUN PA DANG SHUN PA THA DAD DU LEGS BAR RNAM PAR PHYE NAS BTZAL BA NA SNYING PO CUNG ZAD KYANG MI RNYED PA LTAR BLO GROS DANG LDAN PAS GANG ZAG DANG CHOS RNAMS KYI RANG GI NGO BO YONGS SU BTZAL BA NA SNYING PO CUNG ZAD KYANG MI DMIGS SO, , DE LA GANG ZAG CES BYA BA NI BDAG DANG, SEMS CAN DANG, SROG DANG, GSO BA'O, ,DE YANG 'DI LTAR KHYIM DANG, PHRENG BA DANG, SHING RTA DANG, NAGS TSAL LA SOGS PA LTAR NYE BAR BRTEN NAS RNAM PAR GDAGS TE, JI LTAR KHYIM NI {RTZVA} DANG 'OD MA DANG SA LA SOGS PA'I RGYU LA NYE BAR BRTEN NAS SGRUB STE, DE YONGS SU RDZOGS PAR GYUR BA DANG, CHAR DANG, RLUNG DANG, NYI MA YONGS SU SKYONG BA LA MKHO BAR GYUR NA YANG RANG GI NGO BOR GRUB PA YOD PA NI MA YIN NO, ,GAL TE DE'I NGO BOR YOD NA {RTZVA} LA SOGS PA LA MA LTOS PAR YANG GZUNG BAR 'GYUR TE, 'DI DAG NI RGYUR GYUR PA {RTZVA} LA SOGS PA'O, ,'DI NI DE'I 'BRAS BUR GYUR PA KHYIM MO ZHES BYA BAR GYUR NA, DE LTAR NA NI MI 'DZIN TE, DE BAS NA 'DI RANG GI NGO BOR NI MED DO, ,GAL TE 'DI RANG GI NGO BOR YOD NA NI DES NA GZHAN LA BRTEN PAR MI 'GYUR TE, RANG GI NGO BOR @248B GRUB PA'I PHYIR RO, ,GANG RANG GI NGO BOR GRUB PA NI GZHAN LA LTOS PA MA YIN TE, GZHAN LA LTOS PA MA YIN PA NI MA BYAS PA'O, ,GANG LA BYAS PA NI RTAG PA YIN LA, RTAG PA NI RGYU MED PA YIN PAS RGYU DANG RKYEN LA MI LTOS PA'I RTAG PA NI MO GSHAM GYI BU LTAR YOD PA MA YIN NA YANG 'JIG RTEN NA KHYIM ZHES BYA BA YANG YOD DE, DES NA DE RANG GI NGO BOR GRUB PA NI MED LA, RANG GI NGO BOR GRUB PA MED PAS MED PA NYID DU LTUNG BAR 'GYUR BA'ANG MA YIN NO, ,GAL TE MO GSHAM GYI BU LTAR GYUR NA {RTZVA} LA SOGS PA LA NYE BAR BRTEN NAS, RNAM PAR GDAGS PAR YANG MI 'GYUR LA, CHAR DANG NYI MA LA SOGS PA SKYOB PAR YANG MI 'GYUR RO, ,DE LTA BAS NA RANG GI NGO BOR MED PAS NI DE MED LA, RTEN CING 'BREL BAR 'BYUNG BAS BYAS PA'I YOD PA NYID KYIS DE MED PA YANG MA YIN NO, ,RDZAS SU YOD PAR GYUR PA BDEN PAR YOD PA NYID KYIS ZHEN PAR YANG 'GYUR NA, RDZAS SU MED DE GZUGS BRNYAN LTA BU'O, ,ZHEN PA LAS NI 'KHOR BA NA 'GYUR RO, ,DNGOS PO MED PAS YE MED PA NYID CES BYA BAR YANG MI 'GYUR TE, RTEN CING 'BREL BAR 'BYUNG BA LA NYE BAR BRTEN PA'I RNAM PAR GZHAG PA NYAMS PAR THAL BAR 'GYUR BA'I PHYIR RO, ,DES NA 'DI LTAR RJES SU MED PA'I DNGOS PO'I DON RNAM PAR GNAS PA NI KUN RDZOB TZAM DU GNAS PA NGO BO NYID KYIS STONG PA 'PHAGS PA RNAMS KYIS MNGON PAR ZHEN PAR BYA BA'I GNAS SU MA GYUR PA GANG LA BDE BA'I DON DU SGRO BTAGS PAS NI PHYIN CI LOG NYID DE, GZHAN DAG TU GNAS LA GZHAN DAG TU BZUNG BA NYID KYIS THAG PA BSDOGS PA LA SBRUL DU BZUNG BA LTA BU'O, ,KHYIM GYI BSHAD PA 'DI NYID KYIS PHRENG BA DANG, NAGS TSAL DANG, SHING RTA'I BSHAD PA YANG RIG PAR BYA'O, ,JI SKAD BSHAD PA'I KHYIM LA SOGS PA LTAR BDAG DANG CHOS KYANG BSHAD PAR BYA'O, ,JI LTAR BYAS NAS SHE NA, DE LA {RTZVA} LA SOGS PA LA NYE BAR BRTEN NAS KHYIM RNAM PAR GZHAG PA DE BZHIN DU GZUGS DANG, TSOR BA DANG, 'DU SHES DANG, 'DU BYED RNAMS DANG, RNAM PAR SHES PA ZHES BYA BA NYE BAR LEN PA'I PHUNG PO LNGA LA RJES SU BRTEN NAS BDAG CES NYE BAR 'DOGS PA'AM, @249A *, ,KHAMS DRUG POS DANG, CHU DANG, ME DANG, RLUNG DANG, NAM MKHA' DANG, RNAM PAR SHES PA ZHES BYA BA'AM, REG PA'I SKYE MCHED DRUG PO MIG DANG, RNA BA DANG, SNA DANG, LCE DANG, LUS DANG, YID CES BYA BA LA NYE BAR BRTEN NAS 'DOGS SO, ,DE LTA BU'I BDAG NI BDAG TU RNAM PAR 'JOG PA'I RGYU LA MA LTOS PAR GRUB PA MED PA NYID DE KHYIM LA SOGS PA RANG GI NGO BOR MED PA LTA BU'O, ,GAL TE YOD NA NI RANG GI RGYU LA MA LTOS PAR NYE BAR DMIGS PAR 'GYUR BA ZHIG NA DE LTAR DMIGS PA YANG MED DO, ,DES NA RANG GI NGO BOR NI MED PA NYID DO, , GAL TE RANG GI NGO BOR YOD NA NI RANG GI NGO BOR DE LTAR GNAS PA NYID KYIS GZHAN LA LTOS PAR MI 'GYUR LA, GZHAN LA MI LTOS PA NI BYAS PA MA YIN PAS RTAG PAR 'GYUR RO, ,RTAG PA NI RGYU MED PA YIN LA, RGYU MED PA NYID NI BONG BU'I RVA BZHIN DU DMIGS PAR MI 'GYUR NA, BDAG 'DI NI RANG GI RGYU'I TSOGS PA LA NYE BAR BRTEN NAS DMIGS TE KHYIM BZHIN NO, ,DE LTA BAS NA RTAG PA MA YIN NO, ,GANG GI MI RTAG PA NYID NI DNGOS PO MED PA'O, ,GANG DNGOS PO MED PA NI YOD PA YANG MA YIN MED PA YANG MA YIN TE, RANG GI RGYU RKYEN LAS BYUNG BA NYID DANG, RANG GI NGO BOR MA GRUB PA NYID KYIS TE, RANG GI NYE BAR LEN PA LA BRTEN NAS GZHAG PA'I PHYIR DANG, DE LA 'PHAGS PA RNAMS KYIS ZHEN PA'I GNAS SU MA GYUR PAS GZUGS BRNYAN LA THA SNYAD BYED PA LTAR RNAM PAR GNAS SO, ,PHYIN CI LOG TU ZHUGS PAS JI LTAR GNAS PA'I RANG GI NGO BO LA RMONGS PA'I DBANG GIS 'DI LTAR RANG GI NGO BOR SGRO BTAGS NAS BDAG NI YOD DO ZHES 'DOD DE, DE NI NGES PAR RTAG PA'I MTHAR LTUNG NGO, ,GANG YANG BDAG NI MED DO ZHES 'DOD PA DE YANG CHAD PA'I MTHAR LTUNG STE, SNGAR KHAS BLANGS PA'I DNGOS PO DE MED PAR DMIGS PA'I PHYIR RO,, DE YANG BCOM LDAN 'DAS KYIS KUN DGA' PO BDAG YOD DO ZHES 'DOD NA DE NI RTAG PAR LTA BA'O, ,KUN DGA' BO BDAG MED DO ZHES 'DOD NA CHAD PAR LTA BA'O ZHES GSUNGS PAS THAMS CAD DU YANG BDAG RDZAS SU MED PA LA BDEN PAR RDZAS SU SGRO BTAGS TE, YOD PA NYID DAM @249B MED PA NYID DU BRTAGS PA NI RTAG PA DANG CHAD PA'I MTHA' GNYIS SU LTUNG BAR ZHUGS PAR 'GYUR RO, ,GANG GIS NYE BAR LEN PA LAS RNAM PAR GNAS PA PHYIN CI MA LOG PA LA JI LTA BA BZHIN DU MTHONG BA DE NI RTAG PA DANG CHAD PA'I MTHA' GNYIS SU LTUNG BAR MI 'GYUR TE, DE'I RTEN DU GYUR PA'I DNGOS PO NYE BAR MI DMIGS PA'I PHYIR RO, ,DE YANG RDZAS RJES SU MA DMIGS PAS NI RTAG PAR LTA BAR MI LTUNG LA, NYE BAR LEN PA LAS RNAM PAR GZHAG PA TZAM GYIS BDAG KHAS BLANGS PAS NI CHAD PAR LTA BAR MI LTUNG NGO, ,DE LTA BU'I MTHA' GNYI GA SPANGS NAS DBU MA PA'I SGRUB PAS BRTEN NAS 'BYUNG BAR NYE BAR LEN PA LAS RNAM PAR GNAS PA'I BDAG 'PHAGS PAS JI LTA BA BZHIN DU RTOGS PAS BDAG TU 'DZIN PA RNAM PA THAMS CAD DU SPANGS TE 'KHOR BA LAS RNAM PAR GROL LO, ,DE LTAR RE ZHIG 'DI NI GANG ZAG LA BDAG MED PA'O, ,CHOS LA BDAG MED PA NI CHOS RNAMS KYI NGO BO NYID NI MED PA'O, ,DE LA MDOR BSDU NA CHOS NI RNAM PA GNYIS TE, GZUGS CAN DANG, GZUGS CAN MA YIN PA'O, ,DE LA GZUGS CAN LA YANG RNAM PA GNYIS TE, 'BYUNG BA DANG 'BYUNG BA LAS GYUR PA'O, ,GANG GZUGS CAN MA YIN PA LA YANG RNAM PA GNYIS TE 'DUS BYAS DANG, 'DUS MA BYAS PA'O, ,DE LA GZUGS CAN MA YIN PA 'DUS BYAS LA YANG RNAM PA GSUM STE, SEMS DANG SEMS LAS BYUNG BA DANG SEMS DANG MI LDAN PA'O, ,GANG YANG GZUGS CAN MA YIN PA 'DUS MA BYAS LA NI RNAM PA BZHI STE, NAM MKHA' DANG; SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, CHOS RNAMS KYI CHOS NYID DO, ,DE LA RE ZHIG 'DUS MA BYAS RNAMS NI RTEN CING 'BREL BAR 'BYUNG BA MA YIN PA NYID KYIS KYANG RANG GI NGO BOR MED LA, BYAS PA MA YIN PAS KYANG RANG GI NGO BOR MED DE, 'DUS MA BYAS NI TSIG TZAM YIN PAS RNAM PAR DPYAD PA GZHUG PAR MI BYA'O, ,GANG 'BYUNG BA DANG 'BYUNG BA LAS GYUR PA'I BYE BRAG GIS GZUGS RNAM PA DE LNGA PO DE LA 'BYUNG BA CHEN PO BZHI NI PHAN TSUN MI 'DOR BAS PHAN TSUN GYI STOBS KYIS 'BYUNG STE, 'BYUNG @250A *, ,BA CHEN PO GSUM LA BRTEN NAS SA'I KHAMS 'GRUB PAR 'GYUR LA, SA'I KHAMS LA BRTEN NAS KYANG 'BYUNG BA CHEN PO GSUM 'GRUB PO, ,DE BZHIN DU LHAG MA RNAMS LA YANG SBYAR RO, ,DE BAS NA 'DI DAG NI PHAN TSUN DU BRTEN NAS 'GRUB PAR GNAS TE, SA LA MA LTOS PAR YANG 'BYUNG BA GSUM PO SA LA BRTEN PA'I NGO BO 'THOB PAR GA LA 'GYUR, GANG DU 'BYUNG BA GSUM PO MED PA DER YANG SAS 'BYUNG BA GSUM LA BRTEN PA'I NGO BO GANG LAS 'THOB PAR 'GYUR, DE BZHIN DU LHAG MA RNAMS LA YANG RANG GI NGO BO MA GRUB PAR SBYAR RO, ,GAL TE 'DI DAG RANG GI NGO BOR GRUB PAR GYUR NA DE DAG RANG GI NGO BOR GRUB PA NYID KYIS PHAN TSUN LTOS PAR MI 'GYUR RO, ,'DI SNYAM DU SEMS TE, GANG SKYE BA'I SNGON ROL DU 'BYUNG BA'I RANG GI NGO BO MA GRUB PA DE LTA NA YANG PHAN TSUN LTOS NAS GRUB PA YOD PAS RANG GI NGO BOR 'GYUR RO SNYAM NA, DE NI MA YIN TE, MA SKYES PA'I SNGON ROL NAS DE DAG GI RANG GI NGO BOR MED PAS DE LA NI RE ZHIG LTOS PA YOD PA MA YIN PAS GRUB PA MED DO, ,GRUB PA MED PAR GYUR PAS RANG GI NGO BOR GRUB PA GANG LAS 'BYUNG BAR 'GYUR, GANG DU DE DAG GI RANG GI NGO BOR GRUB PA MED PA DER BDAG DANG NAGS TSAL LA SOGS PA LTAR SA LA SOGS PA RNAMS KYI NGO BO NYID MA GRUB PA'O ZHES BYA BA 'DI GNAS SO, ,YANG NGO BO NYID DU MA GRUB PAS SA LA SOGS PA BTAGS PA TZAM DU MED DO ZHES NI BRJOD PAR MI BYA STE, 'DI LTAR LUS KYI DBANG POS DMIGS PAS SO, , DE BAS NA 'DI DAG NYE BAR DMIGS PA NYID KYIS MO GSHAM GYI BU LA SOGS PA LTAR MED PA NI MA YIN PA NYID DE RNAM PAR BRTAGS NA NI RANG GI NGO BO MA GRUB PA NYID KYIS RANG GI NGO BOR GRUB PA NI MED DE, DE LTA BAS NA NGES PA KHO NAR BRTEN NAS YANG DAG PAR 'BYUNG BA 'DI RNAMS NI GZUGS BRNYAN BZHIN DU NGO BO NYID MED PAR RTOGS PAR BYA'O, ,DE LTAR BYAS NA 'JIG RTEN PA DANG YANG 'GAL BAR MI 'GYUR TE, RTEN CING 'BREL PAR 'BYUNG BA LA NYE BAR BRTEN PA'I RNAM PAR GZHAG PA KHAS BLANGS PAS SO, ,DE KHO NA NYID DANG YANG 'GAL BAR MI 'GYUR TE, MED PA'I NGO BO NYID KYIS SGRO @250B MA BTAGS PAS MNGON BAR ZHEN PA YANG BZLOG PAR GYUR PA NYID DE, RTEN CING 'BREL PAR 'BYUNG BA BRDZUN PA SLU BA'I CHOS CAN NYID DU RAB TU RTOGS PAS SO, ,MNGON BAR ZHEN PA MED PAR GYUR NA MNGON BAR ZHEN PA'I RGYU CAN GYI 'KHOR BA LAS LDOG PA YANG BDE BAR 'GRUB BO, ,DE LTAR GZUGS BRNYAN BZHIN DU 'BYUNG BA CHEN PO RNAMS DNGOS PO MED PA DES NA DE'I RGYU CAN GYI 'BYUNG BA LAS GYUR PA MIG LA SOGS PA NGO BO NYID MED PA NYID NI RTOGS PAR SLA'O, ,GZHAN YANG THAMS CAD LAS PHRA BA'I GZUGS KYI NGO BO NI RDUL PHRA RAB CES BRJOD DO, ,DE 'DOD PA'I KHAMS NA DBANG PO LAS PHYI ROL DU GYUR PA NI RDZAS BRGYAD DANG LDAN PAR 'BYUNG STE, DE LA RDZAS BRGYAD NI 'DI LTA STE, 'BYUNG BA CHEN PO BZHI DANG, GZUGS DANG, DRI DANG, RO DANG, REG BYA'O, ,NANG GI BDAG NYID CAN LUS KYI DBANG PO DANG LDAN PA NI RDZAS DGU 'O, ,DE LAS GZHAN PA'I MIG LA SOGS PA'I DBANG PO DANG LDAN PA NI RDZAS BCU 'O, ,YANG DE DAG GI RDUL PHRA RAB RNAMS SGRA DANG LDAN PA LA NI RDZAS DGU DANG, BCU DANG, BCU GCIG DANG LDAN PAR 'BYUNG NGO, ,DE LA RDZAS BRGYAD DANG LDAN PA'I RDUL PHRA RAB KYI RDZAS BRGYAD NI SE'U 'BRU'I 'BRAS BU LTAR RANG GI NGO BO SO SOR GNAS PA NI MED KYI 'ON KYANG SMAN GYI TSOD MA LA KO LA'I 'BRAS BU DANG SRAN MA LA SOGS PA DANG BTUNG BA LA BU RAM DANG TIN DI LI'I 'BRAS BU LA SOGS PA'I RO LTAR 'DRES PAR GYUR NAS GNAS SO, ,DE LA YANG RDUL PHRA RAB KYI RDZAS BDUN BDUN LA LTOS PA MED PAR RE RE MI 'GRUB PA NYID KYIS RANG GI NGO BOR GRUB PA NI MED DO, ,GAL TE YOD NA NI RE RE ZHING RDZAS BDUN BDUN LA LTOS PA NYAMS PAR 'GYUR LA, DES NA RGYU MED PA YIN NO, ,RGYU MED PAR NI LA LAR 'GA' YANG GRUB PA MED DO, ,RDZAS BDUN BDUN LA LTOS PA DANG BCAS PAR DMIGS PAS SA LA SOGS PA DANG, KHYIM LA SOGS PA LTAR RANG GI NGO BOR NI MI DMIGS SO; ,THAMS CAD DU MED PA YANG MA YIN TE, RE RE ZHING RDZAS BDUN BDUN LA BRTEN NAS NYE BAR BTAGS PA DMIGS PA'I PHYIR RO, ,GANG RDZAS BRGYAD DANG LDAN PA'I RDUL PHRA RAB KYI RIGS PA DE NYID RDZAS DGU DANG, BCU DANG BCU GCIG DANG LDAN PA'I RDUL PHRA RAB LA YANG SBYANG BAR BYA'O, ,DES @251A *, ,NA 'DI LTAR MIG LA SOGS PA DBANG PO LNGA GZUGS LA SOGS PA DON LNGA DANG BCAS PA NI GZUGS BRNYAN LTA BU NYID DO, ,GANG YANG SEMS DANG SEMS LAS BYUNG BA GANG DAG MIG LA SOGS PA LA BRTEN CING, GZUGS LA SOGS PA LA DMIGS NAS NYE BAR 'BYUNG BA DE DAG KYANG GZUGS BRNYAN LTA BU NYID LAS MI 'DA' BA NYID DE, GZUGS BRNYAN LTA BU'I RTEN DANG DMIGS PA LAS BYUNG BA'I PHYIR RO, ,GZHAN YANG JI LTAR 'BYUNG BA CHEN PO RNAMS PHAN TSUN LTOS NAS 'BYUNG BA NYID KYIS RANG GI NGO BOR GRUB PA NI MED PA DE BZHIN DU SEMS LAS BYUNG BA RNAMS KYANG PHAN TSUN GYI STOBS LA BRTEN NAS GRUB PA NYID KYIS RANG GI NGO BOR GRUB PA MED PA NYID DE GZUGS BRNYAN LTA BU NYID LAS MI 'DA'O, ,DE BZHIN DU DE DAG GI MTSAN NYID RNAMS LA YANG SBYAR BAR BYA'O, ,DE LTA BAS NA CHOS THAMS CAD DNGOS PO MED PA YIN LA, GANG GIS DNGOS PO BDEN PAR SGRO 'DOGS PA DE NI PHYIN CI LOG YIN TE DNGOS PO NI GZHAN DU GNAS LA, CHOS NI GZHAN DU GZUNG BA NYID KYIS SMIG RGYU LA CHUR 'DZIN PA LTA BU'O, ,GANG GIS MI RTAG PA NYID DU KHAS BLANGS NAS YANG DNGOS PO BDEN PAR 'DOD PA DES NI DNGOS PO'I NGO BO JI LTA BA BZHIN DU MA SHES TE, PHYIN CI LOG LA YANG DAG PAR 'DU SHES PAS RE ZHIG DANG POR BDAG NYID BSLUS PA YIN LA, DE NAS NI GZHAN DAG YIN NO, ,DE DAG NI DE'I GRUB PA'I MTHA' LA ZHEN PA YIN TE, DE DAG GIS RDZAS SU BDEN PA'I NGO BO NYID DU RAB TU SGRUB PA NA LUNG GIS SAM, RIGS PAS SGRUB PAR BYED DO, ,DE LA RE ZHIG LUNG NI 'DI YIN TE, DE LTA BAS NA KUN DGA' BO GANG NA GANG MED PA DE NI DES STONG PA NYID YIN LA, LHAG MA GANG YIN PA DE NI YOD PA NYID DO ZHES SHES PA NI YANG DAG PA JI LTA BA BZHIN DU SHES PA'O, ,ZHES DE SKAD BRJOD PA NI PHYIN CI MA LOG PAR STONG PA NYID RTOGS PA'O ZHES BYA BA DANG, DE BZHIN DU DGE SBYONG DANG BRAM ZE KHA CIG GANG STONG PA DE YANG MI 'DOD LA, GANG GIS STONG PA DE YANG MI 'DOD PA DE LTA BU'I RNAM PA NI STONG PA NYID NYES PAR BZUNG BA YIN NO, ,DE CI'I PHYIR ZHE NA, GANG GIS STONG PA DE NI MED PA NYID YIN LA, @251B GANG STONG PA DE NI YOD PA NYID YIN PAS STONG PA NYID CES RIGS SO, ,THAMS CAD MED NA GANG GANG GIS STONG PAR 'GYUR, DE NYID DES STONG PAR NI RIGS PA MA YIN NO, ,DE LTA BAS NA NYES PAR GZUNG BAR 'GYUR RO, ,JI LTAR NA STONG PA NYID LEGS PAR BZUNG BA YIN ZHE NA, GANG NA GANG MED PA DE NI DES STONG PA NYID DO ZHES YANG DAG PAR MTHONG LA, LHAG MA NI YOD PA NYID DO ZHES YANG DAG PA JI LTA BA BZHIN DU RTOGS PA'O ZHES DE LTAR BRJOD PA NI STONG PA NYID YANG DAG PA JI LTA BA BZHIN RTOGS PA'O ZHES GSUNGS PA DANG, DE BZHIN DU, RTAG PA'I DNGOS PO MED PA STE, ,GZHAN GYI DBANG NI YOD PA NYID, ,SGRO 'DOGS PA DANG SKUR 'DEBS PA'I, ,MTHAR RTOGS PA NI BRLAG PAR 'GYUR, ,ZHES KYANG GSUNGS SO ZHES BYA'O, ,DE DAG GI RIGS PA YANG RDZAS TZAM YANG MED NA GDAGS PA'I MTSAN MA MED PAS BTAGS PA YANG YOD PAR 'GYUR LA, DE MED NA LAS KYI 'BRAS BU LA SOGS PA YANG NYAMS PAR 'GYUR RO ZHES BRJOD DO, ,DE LA KHYED KYIS DNGOS PO YOD PAR BSGRUBS NA NI DE SKAD BRJOD PAR RIGS NA, BSGRUBS PA YANG MA YIN TE, 'JIGS PAS DAL BUS SMRAS PA LTA BUR SHES SO, ,JI SKAD SMRAS PA'I RIGS PAS DNGOS PO BDEN PAR YOD PA GSAL BAS DNGOS PO MED PA'I DON LA YANG DNGOS PO'I DON DU MTSON NAS LAS DANG 'BRAS BU LA SOGS PA THAMS CAD RIGS PAR RTOGS SO, ,LUNG DANG 'GAL BA'I DON YANG SNGAR NYE BAR BRJOD DO, ,DE LTA MOD KYI LUNG GIS NI MNGON BAR 'DOD PA'I DNGOS PO'I NGO BO YOD PAR SGRUB PAR MI NUS SO, ,YOD PA NYID TZAM NYE BAR BRJOD PAS NI BDEN PAR YOD PA NYID DU MI 'GRUB STE, BTAGS PA TZAM LA YANG YOD DO ZHES NYE BAR BRJOD DO, ,DE YANG BCOM LDAN 'DAS KYIS DGE SLONG DAG LNGA PO 'DI RNAMS NI 'DU SHES TZAM DANG, DAM BCA' BA TZAM DANG, KUN RDZOB TZAM DANG, THA SNYAD TZAM STE, 'DI LTA STE 'DAS PA'I DUS DANG, MA 'ONGS PA'I DUS DANG, NAM MKHA' DANG, MYA NGAN LAS 'DAS PA DANG, GANG ZAG CES BYA BA'O ZHES DE LTAR 'DU SHES TZAM DU MNGON BAR BSGRUBS NAS YANG BCOM LDAN 'DAS KYIS DGE SLONG DAG 'DAS @252A *, ,PA'I GZUGS BYUNG BAR MA GYUR NA THOS PA DANG LDAN PA'I 'PHAGS PA NYAN THOS DAG 'DAS PA'I GZUGS LA MI LTA BAR MI 'GYUR BA ZHIG NA GANG GI PHYIR 'DAS PA'I GZUGS YOD PAS DE'I PHYIR THOS PA DANG LDAN PA'I 'PHAGS PA NYAN THOS 'DAS PA'I GZUGS LA MI LTA'O; ,DGE SLONG DAG GAL TE MA 'ONGS PA'I GZUGS 'BYUNG BAR MI 'GYUR NA THOS PA DANG LDAN PA'I 'PHAGS PA NYAN THOS MA 'ONGS PA'I GZUGS LA MNGON BAR MI DGA' BAR MI 'GYUR BA ZHIG NA, GANG GI PHYIR MA 'ONGS PA'I GZUGS 'BYUNG BAR 'GYUR BA YOD PAS DE'I PHYIR THOS PA DANG LDAN PA'I 'PHAGS PA NYAN THOS MA 'ONGS PA'I GZUGS LA MNGON PAR MI DGA'O ZHES GSUNGS SO, ,DE LTA BAS NA BTAGS PAR YOD PA LA YANG YOD PAR NYE BAR BRJOD PAS YOD PAR NYE BAR GSUNGS PA TZAM GYIS BDEN PA NYID KYI DNGOS PO 'GRUB PAR MI NUS SO, ,DE LTA BAS NA RTEN CING 'BREL PAR 'BYUNG BA'I NGO BO NYID NI DNGOS PO MED PA'O, ,DNGOS PO MED PA YIN NA RTEN CING 'BREL PAR 'BYUNG BA NYID DANG NI MI 'GAL TE, GANG GI PHYIR BYAS PA CAN GYI DNGOS PO RTEN CING 'BREL BAR 'BYUNG BA BRDZUN PA SLU BA'I CHOS CAN 'DI NI 'DIR NGO BO DANG, RDZAS DANG, DNGOS POR MED DO, ,DE LTA NA YANG BYAS PA CAN GYI DNGOS PO BCOS MA'I RANG BZHIN DU NI YOD DE, NGO BO NYID DU MED PA NYID KYIS STONG PA'O, ,DE LTA BAS NA BCOM LDAN 'DAS KYIS KYANG, 'DI LTAR MTHONG BA'I RGYUN 'DI YANG, ,SGYU MA LTA BUR BYIS PA 'DRID, ,GNOD PAR BYED DANG ZUG RDU STE, 'DI LA SNYING PO YOD MA YIN, ,JI LTAR GANG LA RNAM DPYAD PAS, ,GSOG DANG GSOB TU BZOD PA NI, ,DE LA TSUL BZHIN RTOG PA STE, ,DE YIS SNYING PO MED PAR MTHONG, ,GZUGS NI DBU BA'I GONG BU 'DRA, ,TSOR BA CHU BUR LTA BU STE, ,'DU SHES SMIG RGYU LTA BU YIN, , 'DU BYED RNAMS NI CHU SHING 'DRA, ,RNAM SHES SGYU MA LTA BU ZHES, ,NYI MA'I GNYEN GYIS GSUNGS PA YIN, ,DE LTAR PHUNG PO LA RTOG PAS, ,NYID MO DANG NI MTSAN RNAMS SU, ,BRTZON 'GRUS BRTZAMS PA'I DGE SLONG GIS, ,SHES BZHIN SO SOR DRAN PA YIS, ,'DU BYED NYER @252B ZHI ZHI BA YI, ,ZHI BA'I GO 'PHANG RAB TU 'THOB, ,BDE BA BLA MED DANG LDAN PA'I, ,MYA NGAN 'DAS PA 'GRO BAR 'GYUR, ,ZHES BYA BA DANG, YANG 'DI LTAR MDO SDE LAS, RIGS KYI BU JI LTAR NA BYANG CHUB SEMS DPA' CHOS LA BDAG MED PA SHES PA DANG LDAN PAR 'GYUR ZHE NA, 'DI LA BYANG CHUB SEMS DPAS CHOS LA SGRO BTAGS PA DANG, CHOS LA SKUR PA BTAB PA YANG DAG PA JI LTA BA BZHIN DU RAB TU SHES SO, ,DES NA 'DI LTAR 'GYUR TE, CHOS RNAMS GLO BUR BA KUN DU BRTAGS PA ZHES BYA BA RAB TU GNAS KYI CHOS DE DE'I NGO BOR YOD PA NI MA YIN LA, YI GE DE'I NGO BO YANG YOD PA MA YIN NO, ,'ON KYANG 'DI DAG NI MING TZAM PA 'DI DAG NI THA SNYAD TZAM PA ZHES BYAS NAS DE LA MNGON BAR ZHEN PAR NI MI BYED DO, ,GLO BUR BA'I CHOS DE THAMS CAD KYI THAMS CAD DU MED PA YANG MA YIN TE, CHOS RNAMS RKYEN GZHAN DANG GZHAN LA LTOS PA'I PHYIR RKYEN GZHAN DANG GZHAN LA LTOS NA NI YOD DO, ,RKYEN DANG BRAL NA NI 'GAG STE, 'DI LTAR DE THAMS CAD BYANG CHUB SEMS DPAS YANG DAG PA JI LTA BA BZHIN DU RAB TU SHES SO ZHES GSUNGS SO, ,DES NA 'DIR RTEN CING 'BREL PAR 'BYUNG BA'I NGO BO YANG DAG PA MA YIN PA GLO BUR BA NYID KYIS DES BYAS PAS DNGOS POR NI MED KYI THAMS CAD KYI THAMS CAD DU MED PA NI MA YIN NO, ,GAL TE DE'I NGO BO YOD NA NI DE RTAG PA NYID YIN PA'I PHYIR MI BDEN PA'I NGO BO MA YIN PAS RANG BZHIN DU GNAS PA NYID DU 'GYUR NA DE YANG MED DE, DE LTA BAS NA GLO BUR BA NYID YIN GYI RANG BZHIN DU GNAS PA NI MA YIN NO, ,DES NA 'DI LTAR CHOS DE DE'I NGO BOR NI YOD PA MA YIN LA, YI GE'I NGO BOR YANG YOD PA MA YIN NO ZHES GSUNGS SO, ,GZHAN LAS KYANG, PHUNG PO LNGA PO DNGOS MED PA, ,DES NA MI BDEN PA LAS BYUNG, ,SKYE BA PO YANG YOD MA YIN, ,GANG ZHIG SKYE BA'I PHUNG PO'ANG MED, ,CES GSUNGS SO, ,GAL TE 'DI DAG RDZAS BDEN PA NYID DU YOD PAR GYUR NA, DE LTA NA RDZAS SU YOD PA NI RTAG TU GNAS PA NYID KYIS MI BDEN PA'I DNGOS PO NYAMS PAR 'GYUR RO, ,DE BAS NA 'DI LTAR, MI ZAD PA YI CHOS BZHI NI, ,'JIG RTEN MGON GYIS BSTAN PA STE, ,SEMS @253A *, ,CAN NAM MKHA' BYANG CHUB SEMS, ,SANGS RGYAS CHOS KYANG DE BZHIN NO, ,GAL TE DE DAG RDZAS GYUR NA, ,ZAD PA NYID DU 'GYUR BA YIN, ,MED PA DE NI MI ZAD DE, ,DE LTA BAS NA MI ZAD BSTAN, ,ZHES GSUNGS PA DANG, DE BZHIN DU, SRID PA GSUM NI BTAGS PA TZAM, ,DNGOS PO'I NGO BO NYID DU MED, ,BTAGS PA YIS NI DNGOS PO RNAMS, ,RTOG GE NGAN PAS KUN TU BRTAGS, ,ZHES BYA BA DANG, DE BZHIN DU RIGS KYI BU BYANG CHUB SEMS DPA' CHOS BCU DANG LDAN NA RTEN CING 'BREL PAR 'BYUNG BA LA MKHAS PA YIN TE, BCU GANG ZHE NA, 'DI LTA STE, CHOS RNAMS GSOG NYID DU RAB TU SHES PA DANG, GSOB NYID DANG, SNYING PO MED PA NYID DANG, MIG YOR LTA BU NYID DANG, GZUGS BRNYAN LTA BU NYID DANG, SGRA BRNYAN LTA BU NYID DANG, SGYU MA LTA BU NYID DANG, MI GNAS PA NYID DANG, G-YO BA NYID DANG, RTEN CING 'BREL PAR 'BYUNG BA NYID DU DE LTAR DE DAG GIS RAB TU SHES PAR 'GYUR TE, 'DI LTAR CHOS 'DI DAG NI 'DI LTAR GSOG NYID DANG, 'DI LTAR GSOB DANG 'DI LTAR SNYING PO MED PA NAS 'DI LTAR RTEN CING 'BREL PAR 'BYUNG BA'I BAR DU'O, ,DE LTA MOD KYI YANG 'DI LTAR SKYE'O ZHES BYA BAR YANG RAB TU SHES LA GNAS SO ZHES BYA BA DANG 'JIG GO ZHES BYA BAR YANG RAB TU SHES SO, ,DE DAG 'DI SNYAM DU YANG 'GYUR TE, CHOS 'DI DAG NI MA RIG PA'I RKYEN GYIS BYUNG BA, MA RIG PA SNGON DU 'GRO BA, MA RIG PAS RAB TU BYUNG BA STE, MA RIG PA LA KUN TU BRTEN NAS 'DU BYED RNAMS RAB TU 'BYUNG BAR 'GYUR RO, ,'DU BYED RNAMS LA KUN TU BRTEN NAS RNAM PAR SHES PA RAB TU SKYE'O, ,RNAM PAR SHES PA LAS NI MING DANG GZUGS SU GDAGS PAR 'GYUR RO, ,MING DANG GZUGS SU BTAGS PA LAS NI SKYE MCHED DRUG TU GDAGS PA 'BYUNG BAR 'GYUR RO, ,SKYE MCHED DRUG LAS NI REG PA 'BYUNG NGO, ,REG PA LAS NI TSOR BA 'BYUNG NGO, ,TSOR BA'I RGYU LAS NI BYIS PA RNAMS SRED PAS GNOD PAR 'GYUR RO, ,SRED PAS NI NYE BAR LEN PA RNAMS NYE BAR LEN TE, NYE BAR LEN PA NYE BAR BLANGS PAS NI SRID PA'I RGYUN 'BYUNG NGO, ,SRID PA LAS NI SKYE BA @253B 'BYUNG NGO, ,SKYE BA LAS NI RGAS PA 'BYUNG NGO, ,RGAS PA'I CHOS LAS NI SKYES BU GANG ZAG 'CHI BAR 'GYUR LA, 'CHI BA LA BRTEN NAS MYA NGAN DANG, SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA RNAMS 'BYUNG BAR 'GYUR TE, DE LTAR NA SDUG BSNGAL GYI PHUNG PO CHEN PO 'DI 'BA' ZHIG KUN TU 'BYUNG BAR 'GYUR RO, ,DE LTA BAS NA, SKYES BU MKHAS PA RTOGS PA DANG LDAN PAS MA RIG PA SPANG BA LA 'BAD PAR BYA'O, ,MA RIG PA RNAM PAR BSAL BA'I PHYIR DANG, MA RIG PA RTZA BA NAS DBYUNG BA'I PHYIR DANG, MA RIG PA 'GOG PA'I PHYIR 'BAD PAR BYA'O, ,MA RIG PA 'GAGS NA MI SHES PA LA BRTEN PA'I CHOS 'DI DAG KYANG 'GAG PAR 'GYUR TE, 'DI LTA STE, RIGS KYI BU DPER NA SROG GI DBANG PO 'GAGS NA DBANG PO LHAG MA RNAMS KYANG 'GAG PAR 'GYUR RO, ,DE BZHIN DU MA RIG PA 'GAGS PAS MI SHES PA LA BRTEN PA'I CHOS 'DI RNAMS 'GAG PAR 'GYUR RO, ,MI SHES PA MED NA NYON MONGS PA KUN TU MI SPYOD DO, ,NYON MONGS PA KUN TU MI SPYOD NA 'KHOR BAR 'JUG PAR MI 'GYUR LA, 'KHOR BA'I RGYU YANG 'GAG PAR 'GYUR ZHING, MYA NGAN LAS 'DAS PA LA NYE BAR YANG 'GYUR RO, ,RIGS KYI BU CHOS BCU PO 'DI DAG DANG LDAN PA'I BYANG CHUB SEMS DPAS NI RTEN CING 'BREL PAR 'BYUNG BA LA MKHAS PAR 'GYUR RO ZHES GSUNGS PAS 'DI LTA BU NI PHYIN CI MA LOG PA'I STONG PA NYID KYI DON TE, 'DI LTA STE, DNGOS PO MED PA'I DON 'DI YIN GYI THAMS CAD DU MED PA'I DON NI MA YIN NO, ,DE YANG BCOM LDAN 'DAS KYIS, GANG ZHIG RKYEN LAS SKYES PA DE MA SKYES, ,DE LA SKYE BA'I RANG BZHIN YOD MA YIN, ,RKYEN LA RAG LAS GANG DE STONG PAR BSHAD, ,GANG ZHIG STONG NYID SHES DE BAG YOD YIN, ,ZHES GSUNGS SO; ,SLOB DPON GYI ZHAL SNGA NAS KYIS KYANG, BRNYEN TE 'BYUNG BA'I NGO BO GANG, ,DE NYID STONG PA NYID DU BRJOD, ,DNGOS PO RTEN CING 'BYUNG BAS NA, ,DE PHYIR DNGOS PO MED PA NYID, ,CES GSUNGS SO, ,GANG DE LTA BU NI DNGOS PO MED PA'I DON YIN TE, DE LTA BU NI BDAG @254A *, ,MED PA'I DON YIN LA, DNGOS PO NI BDAG GO, ,GAL TE DE DNGOS POR YOD NA NI BDAG DANG BCAS PAR 'GYUR RO, ,BDAG DANG BCAS PAR GYUR NA RANG DBANG CAN DU 'GYUR LA RANG DBANG CAN DU GYUR NA NI RTAG PAR 'GYUR LA, DNGOS PO RTAG PA NI MED DE 'DU BYED THAMS CAD MI RTAG PA ZHES GSUNGS SO, ,DES NA SLOB DPON GYI ZHAL SNGA NAS KYIS KYANG, RTEN CING 'BREL PAR 'BYUNG BA GANG, ,DE NYID KHYOD NI STONG PAR BZHED, ,DNGOS PO RANG DBANG CAN MED CES, ,MNYAM MED KHYOD KYI SENG GE'I SGRA, ,ZHES GSUNGS SO, ,'PHAGS PA LHA'I ZHAL SNGA NAS KYIS KYANG, RTEN CING 'BREL PAR 'BYUNG BA GANG, ,RANG DBANG CAN DU DE MA SKYES, ,'DI DAG THAMS CAD RANG DBANG MED, ,DES NA BDAG NI YOD MA YIN, ,ZHES BSHAD DO, ,SLOB DPON MA TI TZI TRAS KYANG, ,RANG DBANG YOD NA BYED POR 'GYUR, ,BYED PO 'GA' YANG MI RIGS PAS, ,CHOS KUN BYED PA MED PA YI, ,TSUL DU KHYOD KYIS GSUNGS PA YIN, ,CHOS KYI RNGA CHEN BRDUNGS PA YI, ,STONG NYID SENG GE'I SGRA 'DI YIS, ,LHA DANG BCAS PA'I 'JIG RTEN LAS, ,SA MTSAMS BCAD PAR RNAM PAR GNAS, ,ZHES BSHAD DO, ,'DI NI RE ZHIG CHOS DANG GANG ZAG DAG RAB TU 'BYED PA'I 'JIG RTEN LAS 'DAS PA'O, ,'JIG RTEN PA'I NI MTHA' MED PAS DE NI GZHUNG MANG BA NYID KYIS 'DIR BRJOD PAR MI NUS PAS GZHAG GO, ,DE LTAR SHES RAB BSHAD ZIN TO, ,SEMS LAS BYUNG BA'I CHOS GANG DANG MTSUNGS PAR LDAN NA RNAM PAR SHES PA 'BAD PA CHUNG NGUR DMIGS PA YONGS SU GCOD PA NYID DE, DMIGS PAR GTOGS PA LA BRTAGS PA PHRA MO MI BYED PA DE NI KUN DU RTOG PA ZHES BYA BA STE RNAM PAR RTOG PA ZHES BRJOD DO, ,'DI LTA STE, 'GA' ZHIG GIS THAG RING PO NAS 'DI LTAR BUM PA DANG KHAM PHOR LA SOGS PA MTHONG BA NYID NA, DER GTOGS PA LA DPYAD PA MA BYAS PAR BZUNG BA TZAM DU DPYOD PAS DES 'DI LTAR RNAM PAR SHES PA DMIGS PA LA YONGS SU DPYAD PA RTZING BAR 'JUG GO, ,DE DANG MTSUNGS PAR MI LDAN NA NI DE LTAR 'JUG PA MED DO, ,DE LTA BAS NA SEMS @254B RTZING BA'I MTSAN NYID NI RNAM PAR RTOG PA ZHES BRJOD KYI, RNAM PAR SHES PA NI GZUGS CAN MA YIN PA NYID KYIS BDAG NYID NI RTZING BA'I RNAM PAR 'GYUR BA MA YIN NO, ,CHOS MNGON PA LAS NI, RNAM PAR RTOG PA GSUM 'BYUNG STE, NGO BO NYID KYI RNAM PAR RTOG PA DANG, KUN TU NGES PA'I RNAM PAR RTOG PA DANG, RJES SU DRAN PA'I RNAM PAR RTOG PA'O, ,DE LA RNAM PAR RTOG PA DE RNAMS LAS GANG NGO BO NYID KYI RNAM PAR RTOG PA NI BSHAD PA DE NYID DO, ,MNYAM PAR MA BZHAG PA'I YID KYI SHES RAB NI KUN DU NGES PAR RTOG PA'I RNAM PAR RTOG PA'O, ,MNYAM PAR BZHAG PA DANG MA BZHAG PA'I YID KYI DRAN PA THAMS CAD NI RJES SU DRAN PA'I RNAM PAR RTOG PA'O, ,DE YANG JI SKAD DU, SKYES BU MIG GI RNAM PAR SHES PA DANG LDAN PAS SNGON PO SHES KYI SNGON PO'O SNYAM DU NI MA YIN NO ZHES GSUNGS PA LA RNAM PAR RTOG PA DANG RNAM PAR DPYOD PA ZHES BYA BA DAG DANG MTSUNGS PAR LDAN PAS RTEN CING 'BREL PAR 'BYUNG BA'I BYE BRAG BRJOD PA'I KHYAD PAR YONGS SU GCOD PA NA DE'I RNAM PAR BYUNG BA NI SNGON PO SHES PA ZHES BYA'O, ,DE NYID LA YANG KUN DU NGES PAR RTOG PA GSAL BA DANG, MI GSAL BA ZHES BYA BA DAG GIS YID KYI RNAM PAR SHES PAS YONGS SU GCOD PA NI SNGON PO'O ZHES SHES PA'O, ,SEMS LAS BYUNG BA'I CHOS GANG DANG MTSUNGS PAR LDAN NA RNAM PAR SHES PAS DMIGS PA LA ZHIB PAR YONGS SU DPYOD PA DE NI SEMS LAS BYUNG BA'I CHOS DPYOD PA ZHES BYA STE, ,SEMS PHRA BA'I MTSAN NYID DE, ,'DI LTA STE BUM PA DANG, KHAM POR LA SOGS PA DE DAG NYID LAGS PA DANG, MA GAS PA YONGS SU DPYOD CING YONGS SU DPYAD NAS 'DI NI GAS PA'O, ,'DI NI SRA BA'O ZHES DE LTA BU'I RNAM PA LA DMIGS SHING PHRA BAR DPYOD PA LA 'JUG PA NI SEMS LAS BYUNG BA'I CHOS DPYOD PA ZHES BRJOD DO, ,GANG RNAM PAR DPYOD PA DANG, GANG YANG BSHAD MA THAG PA'I RNAM PAR RTOG PA GNYIS KYIS NI NGAG 'DU BYED PAR BRJOD DE, NGAG KUN NAS SLONG BAR BYED PA'I PHYIR RO, ,BCOM LDAN 'DAS KYIS KYANG, RNAM PAR BRTAGS RNAM PAR DPYAD NAS TSIG TU BRJOD KYI MA @255A *, ,BRTAGS MA DPYAD PAR NI MA YIN NO ZHES GSUNGS PA'I PHYIR RO, ,BAG MED PA NI DGE BA'I CHOS RNAMS MI SGOM ZHING GCES SU MI 'DZIN PA STE, 'CHAD PAR 'GYUR BA'I BAG YOD PA LAS BZLOG STE SBYAR RO, ,BAG YOD PA NI DGE BA'I CHOS RNAMS SGOM PA LA GCES SU BYED PA DANG BCAS PA NYID DE, SEMS KYI RGYUN DGE BA'I CHOS LA GZHOL BAR BYED CES BYA BA'I DON TO, ,DE LA DGE BA'I DON NI BDE BA'I DON TE, 'TSE BA THAMS CAD LOG PA NYID KYIS MYA NGAN LAS 'DAS PA NI THAMS CAD DU BDE BA STE NAD MED PA LTA BU'O, , LAM GYI BDEN PA YANG DE THOB PAR BYED PA'I RGYU NYID KYIS BDE BAS SO, ,DE LAS GZHAN PA'I DGE BA ZAG PA DANG BCAS PA NI RANG DANG RJES SU MTHUN PA'I RNAM PAR SMIN PA'I DNGOS PO 'DOD PA THOB PAR BYED PAS SO, ,DE LA DGE BA'I RTZA BA GSUM DANG, NGO TSA SHES PA DANG KHREL YOD PA ZHES BYA BA 'DI DAG NI NGO BO NYID KYIS DGE BA STE, GZHAN DANG LDAN PA DANG KUN NAS SLONG BA LA MI LTOS PA'I PHYIR PHAN PA'I SMAN LTA BU'O, ,DGE BA'I RTZA BA GSUM DANG, NGO TSA SHES PA DANG, KHREL YOD PA'I CHOS DE DAG DANG MTSUNGS PAR LDAN NAS MTSUNGS PAR LDAN PAS DGE BA'O, , SMAN DANG SBYAR BA'I BTUNG BA LTA BU STE, DE DAG DANG MTSUNGS PAR MI LDAN PA RNAMS NI DGE BA MA YIN PA'I PHYIR RO, ,LUS DANG NGAG GI LAS DANG, SEMS DANG LDAN PA MA YIN PA'I 'DU BYED THOB PA DANG, SKYE BA LA SOGS PA DGE BA'I RTZA BA LA SOGS PA'I CHOS DE DAG DANG MTSUNGS PAR LDAN PAS KUN NAS BSLANG BA NI KUN NAS BSLANG BAS DGE BA STE, SMAN DANG SBYAR BA'I CHU LAS BYUNG BA'I 'O MA LTA BU'O, ,KUN NAS SLONG BAR BYED PAS NI KUN NAS SLONG BA'O, ,DE YANG RNAM PA GNYIS TE, RGYU'I KUN NAS SLONG BA DANG, DE'I DUS KYI KUN NAS SLONG BA'O, ,DE LA LUS DANG NGAG GI LAS 'GOGS PA KUN DU 'BYUNG BA'I DUS SU GANG GIS KUN NAS SLONG BA DE NI DE'I DUS KYI KUN NAS SLONG BA'O, ,RGYU'I KUN NAS SLONG BA NI DE LA SBYOR BA'I DUS KYI STE, DE LAS 'DIR BSGOM PAS SPANG BAR BYA BA'I YID KYI RNAM PAR SHES PA RAB TU 'JUG PAR BYED PA'I DBANG GIS DGE BA DANG MI DGE @255B BA DANG, LUNG DU MA BSTAN PAR RJOD PAR BYED KYI DE'I DUS KYI KUN NAS SLONG BA LTA BU NI MA YIN NO, ,SEMS LAS BYUNG BA'I CHOS GANG DANG MTSUNGS PAR LDAN PAS 'KHOR BA'I SKYON MTHONG BA NYID KYIS SEMS 'KHOR BA LAS SKYO BA NYID DE, DE NI NYON MONGS PA SPONG BA LA RJES SU MTHUN PAS NGES PAR SKYO BA ZHES BRJOD DO, ,SEMS KYI RAB TU DGA' BA NI SEMS KYI MGU BA STE, YID BDE BA LAS THA DAD DU GYUR PA NI RAB TU DGA' BA'O, ,SHIN TU SBYANGS PA NI LUS DANG SEMS DAG LAS SU RUNG BA NYID DO, ,SHIN TU MA SBYANGS PA'I LUS DANG SEMS LCI BA NYID DE, LCI NA NI MI GSAL BA'I PHYIR DE NI BYING BA DANG RMUGS PA'I BDAG NYID DO, ,SEMS LAS BYUNG BA'I CHOS GANG DE DANG BRAL BA TING NGE 'DZIN 'BYUNG BAR BYED PA DE NI SHIN TU SBYANGS PA'O, ,JI LTAR LUS SHIN TU SBYANGS PAS BDE BAR 'GYUR LA, BDE BA LAS NI SEMS RTZE GCIG PAR 'GYUR RO ZHES GSUNGS PA LTA BU'O; ,SEMS LAS BYUNG BA'I CHOS GANG DANG MTSUNGS PAR LDAN NA KHRO BA'I RKYEN GYIS KHU TSUR DANG THAL LCAG LA SOGS PAS GZHAN LA RNAM PAR THO 'TSAMS PAR BYED PA DE NI RNAM PAR 'TSE BA'O, ,DE DANG 'GAL BA'I CHOS NI RNAM PAR MI 'TSE BA STE, GANG GI DBANG GIS GZHAN LA RNAM PAR THO MI 'TSAMS PA'O, ,BDAG NYID KYI RIGS DAM PA LAS SKYES PA DANG, THOS PA DANG TSUL KHRIMS LA SOGS PA'I CHOS SDIG PA LA ZHUGS PAR GYUR NA NYAMS PAR 'GYUR BAR DMIGS TE, 'DI DAG NI RIGS PA MA YIN NO SNYAM NAS GANG GI DBANG GIS BDAG GAM CHOS KYI DBANG DU BYAS NAS SDIG PA LA MI 'JUG PA DE NI NGO TSA DANG LDAN PAS SDIG PA LAS LDOG PA'I RGYU'I CHOS 'DZEM PA ZHES BSHAD PA STE, NGO TSA SHES PA ZHES BRJOD DO, ,GZHAN LA LTOS NAS NYES PA LA 'DZEM PA DE NI KHREL YOD PA'O, ,DES NA 'DI LTAR BCOM LDAN 'DAS KYIS KYANG CHOS GNYIS NI 'JIG RTEN SKYONG BA YIN TE, NGO TSA SHES PA DANG KHREL YOD PA'O ZHES GSUNGS SO, ,YANG SEMS LAS BYUNG BA'I CHOS GANG DANG LDAN PAS SEMS DMIGS PA'I YUL LA 'BAD PA MED PAR MNYAM DU 'JUG PA DE NI SEMS MNYAM PA NYID DE BTANG @256A *, ,SNYOMS ZHES BRJOD DO, ,DE NI 'DI LTAR YUL LA RJES SU CHAGS PA YANG MA YIN, KHONG KHRO BA YANG MA YIN NO, ,DE YANG DE NI RNAM PA GNYIS TE, SO SOR BRTAGS PA'I BTANG SNYOMS DANG, SO SOR MA BRTAGS PA'I BTANG SNYOMS SO, ,DGRA BCOM PA'I SHES PAR GTOGS PA NI SO SOR BRTAGS PA'I BTANG SNYOMS SO, ,SO SO'I SKYE BO'I MI SHES PA'I RJES SU SONG BA NI SO SOR MA BRTAGS PA'I BTANG SNYOMS SO, ,RNAM PAR GROL BA NI SEMS KYI DRI MA DANG BRAL BA STE, NYON MONGS PA RAB TU SPANGS PAS RNAM PAR GROL BA ZHES BYA BA'I SEMS LAS BYUNG BA'I CHOS 'BYUNG BA GANG GIS SEMS DRI MA DANG BRAL BAR GYUR PA DE RNAM PAR GROL BA'O, ,DGE BA'I RTZA BA NI GSUM STE, MA CHAGS PA DANG, ZHE SDANG MED PA DANG, GTI MUG MED PA'O, ,DE LA MA CHAGS PA NI SRED PA'I GNYEN POR GYUR BA'I CHOS DNGOS PO'I DON LA ZHEN PA'I MTSAN NYID DO; ,ZHE SDANG MED PA NI KHONG KHRO BA'I GNYEN PO'I CHOS SEMS CAN RNAMS LA SEMS RTZUB PA MED PA'I MTSAN NYID DO, ,GTI MUG MED PA NI MA RIG PA'I GNYEN PO'I CHOS SHES RAB KYI NGO BO'O, ,'DI DAG NI RANG GI BDAG NYID KYANG DGE BA YIN LA, DGE BA GZHAN RNAMS KYI YANG RTZA BAR GYUR PAR DGE BA'I RTZA BA STE, 'DI LTAR SHING RNAMS KYI RTZA BA 'DAB MA LA SOGS PA SKYE BA DANG GNAS PA DANG 'PHEL BA'I RGYUR GYUR PA LTAR, DE BZHIN DU DGE BA'I CHOS THAMS CAD KYI RTZA BAR DGE BA'I RTZA BA GSUM PO 'DI DAG NYID SHES PAR BYA'O, ,DGE BA'I RTZA BA GSUM PO 'DI DAG LAS BZLOG PA GSUM NI MI DGE BA'I RTZA BA STE, CHAGS PA DANG, ZHE SDANG DANG, GTI MUG GO, ,DE LA 'DOD PAR GTOGS PA'I 'DOD CHAGS THAMS CAD NI CHAGS PA MI DGE BA'I RTZA BA STE, DE NI GCIG TU MI DGE BA'I RTZA BA NYID KYI PHYIR RO, ,ZHE SDANG THAMS CAD NI ZHE SDANG STE MI DGE BA'I RTZA BA'O, ,'JIG TSOGS LA LTA BA DANG, MTHAR 'DZIN PAR LTA BA DANG, MTSUNGS PAR LDAN PA'I GTI MUG MA GTOGS PA 'DOD PA NA SPYOD PA'I MA RIG PA THAMS CAD NI GTI MUG STE MI DGE BA'I RTZA BA'O, ,LUNG DU MA BSTAN PA'I RTZA BA NI GSUM STE, SRED PA DANG, MA RIG PA DANG, BLO @256B GROS SO, ,DE LA 'DOD PA NA SPYOD PA'I 'JIG TSOGS LA LTA BA DANG, MTHAR 'DZIN PAR LTA BA DANG, LTA BA DE DAG DANG MTSUNGS PAR LDAN PA'I GTI MUG MA GTOGS PA'I NYON MONGS PA DANG, NYE BA'I NYON MONGS PA THAMS CAD NI MI DGE BA STE, RNAM PAR SMIN PA MI 'DOD PA NYID GYIS SO, ,GZUGS DANG GZUGS MED PA NA SPYOD PA'I NYON MONGS PA DANG, NYE BA'I NYON MONGS PA THAMS CAD DANG, 'DOD PA'I KHAMS KYI 'JIG TSOGS DANG, MTHAR 'DZIN PAR LTA BA LA SOGS PA GSUM PO STE, DE DAG THAMS CAD NI LUNG DU MA BSTAN PA'O, ,DE LA LA LA NI SRED PA LUNG DU MA BSTAN PA LAS, LA LA NI MA RIG PA LUNG DU MA BSTAN PA LAS, LA LA NI SHES RAB LUNG DU MA BSTAN PA LAS TE, DES NA THAMS CAD LUNG DU MA BSTAN PA'I RTZA BA ZHES BRJOD DE, RANG NYID KYANG LUNG DU MA BSTAN PA NYID YIN LA, DE LAS GZHAN PA'I LUNG DU MA BSTAN PA'I YANG RTZA BAR GYUR BA'I PHYIR RO, ,GZHAN DAG NI MI BSTAN PA NYID DANG, MTHON POR 'JUG PA'I PHYIR RTZA BA DANG CHOS MI MTHUN PAS LUNG DU MA BSTAN PA'I RTZA BA MA YIN NO, ,KUN DU SBYOR BA NI KUN DU SBYOR BA DGU STE, 'DI LTA STE, RJES SU CHAGS PA'I KUN DU SBYOR BA DANG, KHONG KHRO BA'I KUN DU SBYOR BA DANG, NGA RGYAL GYI KUN DU SBYOR BA DANG, MA RIG PA'I KUN DU SBYOR BA DANG, LTA BA'I KUN DU SBYOR BA DANG, MCHOG TU 'DZIN PA'I KUN DU SBYOR BA DANG, THE TSOM GYI KUN DU SBYOR BA DANG, PHRAG DOG GI KUN DU SBYOR BA DANG, SER SNA'I KUN DU SBYOR BA ZHES BYA BA'O, ,DE LA RJES SU CHAGS PA NI SRED PA DANG, KUN DU ZHEN PA DANG, CHAGS PA DANG, 'DOD CHAGS TE, DE DAG GNYIS KYIS SRID PA'I SDUG BSNGAL LA RAB TU SBYOR BAS NA KUN DU SBYOR BAS NA KUN DU SBYOR BA ZHES BRJOD DO, ,KHONG KHRO NI GNOD SEMS DANG ZHE SDANG STE, SEMS CAN GYI YUL LA MNAR SEMS PA NI KHONG KHRO PA'I KUN DU SBYOR BA'O, ,NGA RGYAL BDUN NI NGA RGYAL GYI KUN DU SBYOR BAR BRJOD DO, ,'DI LTA STE NGA RGYAL DANG, LHAG PA'I NGA RGYAL DANG, NGA RGYAL LAS KYANG NGA RGYAL DANG, NGA'O SNYAM PA'I NGA RGYAL DANG, MNGON PA'I NGA RGYAL DANG, LOG PA'I NGA RGYAL DANG, CUNG ZAD SNYAM PA'I @257A *, ,NGA RGYAL LO, ,DE NI BDAG NYID GZHAN DAG PAS BDEN PA MI BDEN PA'I RNAM PA'I KHYAD PAR 'GA' ZHIG YONGS SU BRTAGS NAS KHENGS PAR BYED PA STE, SEMS KYI RANG BZHIN 'GYUR BA 'BYUNG BA'I RGYU SEMS LAS BYUNG BA'I CHOS NYON MONGS PA CAN TE, 'DI NI RE ZHIG NGA RGYAL SPYI'O, ,DE NI 'JUG PA'I BYE BRAG GIS RNAM PA BDUN NO, ,DE LA 'JIG RTEN NI DMAN PA DANG, BAR MA DANG, MCHOG GI BYE BRAG TU PHAN TSUN LTOS NAS RNAM PAR GNAS SO, ,DE LA GANG DMAN PA LA LTOS NAS RNAM PA GSUM DU RTOG PA DE LA THOS PA DANG, TSUL KHRIMS DANG, RIGS DANG; GZUGS DANG, DBANG PHYUG LA SOGS PAS DMAN PA LAS BDAG NYID DMAN NO SNYAM DU KHENGS PA GANG SEMS KYI RANG BZHIN 'GYUR BAR BYED PA'I MTSAN NYID CAN DE YANG RE ZHIG NGA RGYAL ZHES BSTAN TO, ,GANG YANG DMAN PA DANG BDAG MTSUNGS PAR DMIGS PAS JI LTAR YONGS SU BRTAGS PA'I KHYAD PAR SKYED PAR BYED PA 'DI YANG NGA RGYAL ZHES BYA'O, ,GANG YANG DMAN PA LAS BDAG LHAG PAR NYE BAR DMIGS NAS KUN DU RTOG PA'I KHYAD PAR 'BYUNG BA DE YANG NGA RGYAL LO, ,GANG YANG MTSUNGS PA DANG BDAG NYID MTSUNGS PAR NYE BAR DMIGS PA'I YONGS SU RTOG PA'I KHYAD PAR 'BYUNG BA DE YANG NGA RGYAL TE, SRID PA'I DBANG DU BYAS NAS MU BZHIR RNAM PAR GZHAG GO, ,GANG DAG SHIN TU DMAN PAR YIN PA LAS 'DI DANG BDAG MTSUNGS SO SNYAM NAS LHAG PAR NGA RGYAL BYED PA DE NI LHAG PA'I NGA RGYAL TE, NGA RGYAL GYI MTSAN NYID LAS SHIN TU 'DAS NAS 'JUG PAS LHAG PA'I NGA RGYAL LO, ,GANG KHYAD PAR DU 'PHAGS PA LAS KYANG, BDAG KHYAD PAR CAN DU RNAM PAR BRTAGS NAS KHENGS PAR BYED PA DE NI NGA RGYAL LAS KYANG NGA RGYAL TE, NGA RGYAL LAS KYANG NGA RGYAL GYI SGRA 'JUG PA'I RGYU NI SNGAR GYI DE DAG LAS KYANG SDIG PA LA 'JUG PA NYID DU SHES PA'I PHYIR RO, ,NYE BAR LEN PA'I PHUNG PO LNGA PO STONG PA NYID LA GANG BDAG GO ZHES YONGS SU RTOG PA NI NGA'I SNYAM PA'I NGA RGYAL TE BDAG TU NGA RGYAL BYED CES BYA BA'I THA TSIG GO, ,BDAG TU RNAM PAR BRTAG PA'I RGYUR GYUR PAS ZAG PA DANG BCAS PA'I PHUNG PO NI NYE BAR @257B LEN PA'I PHUNG PO'O, ,YANG NA NYE BAR LEN PA STE, NYON MONGS PA DAG LAS RAB TU BYUNG BA'I PHYIR NYE BAR LEN PA'I PHUNG PO STE RTZVA DANG PHUB MA'I ME ZHES BYA BA BZHIN NO, ,NYE BAR LEN PA LA RAG LUS PA NYID KYIS KYANG NYE BAR LEN PA'I PHUNG PO STE RGYAL PO'I SKYES BU BZHIN NO, ,NYE BAR LEN PA RNAMS DE DAG LAS BYUNG BA NYID KYIS KYANG NYE BAR LEN PA'I PHUNG PO STE ME TOG DANG 'BRAS BU'I SHING BZHIN NO, ,DE NI STONG PA STE NYE BAR BRTEN NAS BTAGS PAS, BDAG GI RDZAS DANG BRAL BA NYID KYIS NGO BO MED PA NYID DE, DE DAG DE LTA BU'I TSUL LA RMONGS PAS BDAG GO ZHES 'DZIN PA NI NGA'O SNYAM PA'I NGA RGYAL LO, ,GONG MA'I KHYAD PAR RTOGS PAR BYA BA MA THOB PAR DE BDAG GIS THOB BO SNYAM DU GANG LA MNGON DU PHYOGS NAS KHENGS PAR BYED PA DE NI MNGON PA'I NGA RGYAL LO, ,DE LA GONG MA'I KHYAD PAR RTOGS PAR BYA BA NI MI'I CHOS THA MAL PA 'DOD PA'I 'DOD CHAGS LA SOGS PA LAS SHIN TU 'DAS NAS GANG RNAM PAR GNAS PA STE, 'DI LTA STE BSAM GTAN DANG, BSAM GTAN GYI 'BRAS BU DANG, TING NGE 'DZIN DANG, TING NGE 'DZIN GYI 'BRAS BU LA SOGS PA SHES PA'O, ,LOG PA'I LAS LA ZHUGS PAS GANG LOG PA'I LAS MI 'DOD PA'I 'BRAS BU CAN GYI CHOS GSOD PA LA SOGS PA'I LAS BYED PA LA NGA RGYAL TE, GANG SPRO BAR BYED CING 'JUG PA'I NGA RGYAL NI LOG PA'I NGA RGYAL ZHES BRJOD DO, ,BYA BA THAMS CAD SGRUB PA LA BDAG LA NUS PA MED DO ZHES BTAGS TE BDAG LA DMIGS NAS BRNYAS PA STE, GANG BDAG LA DAM PA MA YIN PAR YONGS SU RTOG PA DE NI CUNG ZAD SNYAM PA'I NGA RGYAL LO, ,NGA RGYAL BDUN BSHAD ZIN TO, ,MA RIG PA'I KUN DU SBYOR BA GANG ZHE NA, SEMS LAS BYUNG BA'I CHOS GANG DANG LDAN PAS DE LOG PA'I YID KYIS BDEN PA'I DON MI MTHONG BA DANG, DNGOS PO'I NGO BO NYID DU SGRO 'DOGS PA DE NI MA RIG PA ZHES BRJOD DO, ,DE MA RIG PA NI CHOS KYI NGO BO NYID KYI YUL LA ZAG PA MED PA'I SHES PA'O, ,DE'I MI MTHUN PA'I PHYOGS KYI NGO BOR GNAS PA DKON MCHOG GSUM DANG BDEN PA LA SOGS PA MI SHES PA TZAM MO, ,LTA BA'I KUN DU SBYOR BA GANG ZHE NA, LTA BA GSUM PO DAG LA LTA BA'I KUN DU SBYOR BA ZHES @258A *, ,BRJOD DO, ,'DI LTA STE, 'JIG TSOGS LA LTA BA DANG, MTHAR 'DZIN PAR LTA BA DANG, LOG PAR LTA BA'O, ,DE LA 'JIG TSOGS LA LTA BA NI GZUGS DANG, TSOR BA DANG, 'DU SHES DANG, 'DU BYED DANG, RNAM PAR SHES PA ZHES BYA BA NYE BAR LEN PA'I PHUNG PO LNGA PO LA GANG ZAG LA SOGS PA'I NGO BO NYID MED PA LA PHYIN CI LOG TU SGRO BTAGS TE BDEN PA'I NGO BO NYID DU ZHEN CING RNAM PA NYI SHUR 'JUG PA STE, 'DI LTA STE, GZUGS BDAG YIN PAR LTA BA DANG, BDAG GZUGS DANG LDAN PA DANG, GZUGS BDAG GI YIN PA DANG, GZUGS LA BDAG GNAS PAR LTA BA STE, 'DI LTAR 'DI DAG NI GZUGS KYI PHUNG PO GTZOR BZUNG NAS 'JIG TSOGS LA LTA BA'I CHA BZHI'O, ,DE BZHIN DU RNAM PAR SHES PA'I BAR DU GTZOR BZUNG NAS 'JIG TSOGS LA LTA BA'I CHA BZHI BZHI 'BYUNG BAR 'GYUR RO, ,RNAM PAR NYAMS PAR 'GYUR BAS NA 'JIG PA STE, KHYAD PAR DU 'JIG CING NYAMS PAR 'GYUR ZHES BYA BA'I DON TO, ,RTZING NGA NI BSTZAGS PA STE BSTZAGS PAR YOD PA DANG, GNAS DANG, TSOGS PA DANG, LUS DANG, NYE BAR ZHI BAR BYED PA RNAMS LA 'JUG PA LAS 'DIR K'A YA ZHES BYA BA BSTZAGS PA LA BYA STE, MANG PO DANG TSOGS PA ZHES BYA BA'I DON TO, ,'JIG PA YANG YIN LA TSOGS KYANG YIN PAS 'JIG TSOGS TE, 'JIG PA'I BDAG NYID CAN TSOGS PA NI 'JIG TSOGS ZHES BRJOD DO, ,DE LTA BU LA BDAG DANG BDAG GIR 'DZIN PAR ZHUGS PA'I SHES RAB NYON MONGS PA CAN 'JIG TSOGS LA LTA BA ZHES BRJOD DO, ,MTHA' GNYIS SU 'DZIN PA NI MTHAR 'DZIN PA STE, 'DZIN PA NI MNGON PAR ZHEN PA'O, ,'DI LTA BU'I MTHAR LTA BA NI, MTHAR 'DZIN PAR LTA BA STE, 'JIG TSOGS LA LTA BAS NYE BAR LEN PA'I PHUNG PO LNGA LA BDAG GI NGO BO NYID DU YOD PAR SGRO BTAGS NAS BDAG NYID DU BZUNG BA DANG, GANG BDAG DANG 'JIG RTEN RTAG GO ZHES BYA BA'AM, GANG BDAG DANG 'JIG RTEN CHAD DO ZHES BYA BA'AM, DE BZHIN DU YOD PA DANG MED PA ZHES BYA BA LA SOGS PA'I MTHA' GNYIS SU BRTAGS NAS 'JUG PA'I SHES RAB NYON MONGS PA CAN NI MTHAR 'DZIN PA'I LTA @258B BA'O; ,RGYU DANG, 'BRAS BU DANG, BDEN PA DANG, DKON MCHOG GSUM DANG, RTEN CING 'BREL PAR 'BYUNG BA LA SOGS PA LA SKUR PA 'DEBS SHING MED PA'I RNAM PAR ZHUGS PA'I SHES RAB NYON MONGS PA CAN NI LOG PAR LTA BA ZHES BYA STE, DE LTA BU'I LTA BA GSUM PO DAG NI LTA BA'I KUN DU SBYOR BA ZHES BRJOD DO, ,MCHOG TU 'DZIN PA'I KUN DU SBYOR BA DU ZHE NA, MCHOG TU 'DZIN PA RNAM PA GNYIS NI MCHOG TU 'DZIN PA'I KUN DU SBYOR BA ZHES BSTAN TE, 'DI LTA STE, LTA BA MCHOG TU 'DZIN PA DANG, TSUL KHRIMS DANG BRTUL ZHUGS MCHOG TU 'DZIN PA'O, ,DE LA DMAN PA LA DAM PAR 'DZIN PA'I LTA BA NI MCHOG TU 'DZIN PA'O, ,DMAN PA DE GANG YIN ZHE NA, ZAG PA DANG BCAS PA'I DNGOS PO THAMS CAD DE, 'PHAGS PAS SPANGS PA'I PHYIR RO, ,DE LA MCHOG TU 'DZIN PA NI GZHAN DE MA YIN PA'I DON LA 'DI DAG NI DAM PA'O ZHES DE LTAR GANG MNGON PAR ZHEN PA NI LTA BA MCHOG TU 'DZIN PA'O, ,ZAG PA DANG BCAS PA'I DNGOS PO THAMS CAD LA DAM PA NYID MCHOG TU 'DZIN PAS NA ZAG PA DANG BCAS PA MCHOG TU 'DZIN PA ZHES BRJOD PAR BYA BA YIN NA CI'I PHYIR LTA BA MCHOG TU 'DZIN PA ZHES BRJOD, DE LTA BA KHO NA LA MCHOG TU 'DZIN PA NI MA YIN NO ZHE NA, DES NA 'DIR SOGS PA'I SGRA PHYIS PAR BLTA BAR BYA STE, LTA BA LA SOGS PA RNAMS LA MCHOG TU 'DZIN PA NI LTA BA MCHOG TU 'DZIN PA ZHES BYA'O, ,RGYU MA YIN PA LA RGYUR LTA BA DANG, LAM MA YIN PA LA LAM DU LTA BA NI TSUL KHRIMS DANG BRTUL ZHUGS MCHOG TU 'DZIN PA'O, ,'DIR YANG SOGS PA'I SGRAS PHYIS PAR BLTA'O, ,DE LTA BAS NA DMAN PA'I TSUL KHRIMS DANG BRTUL ZHUGS TZAM LA MCHOG TU 'DZIN PA MA YIN GYI ZAG PA DANG BCAS PA'I DNGOS PO THAMS CAD LA DAG PA DANG, GROL BA DANG, NGES PAR 'BYIN PA'I BDAG NYID KYI LAM GYI NGO BO NYID DU 'DZIN PA YIN NO, ,MCHOG TU 'DZIN PA 'DI GNYIS NI MCHOG TU 'DZIN PA KUN DU SBYOR BA ZHES BRJOD DO, ,BDEN PA DANG DKON MCHOG GSUM LA SOGS PA LA YOD PA DANG MED PA'I RNAM PA GNYIS SU RAB TU ZHUGS PA'I SHES RAB NYON MONGS PA CAN GYIS KUN DU SBYOR BA'I BDAG NYID NI THE TSOM STE, @259A *, ,DE NI THE TSOM GYI KUN DU SBYOR BA ZHES BYA'O, ,PHRAG DOG NI GZHAN GYI YON TAN GYIS GDUNG BA STE CHOS GANG DANG LDAN NA GANG DANG GANG DU PHA ROL DU THOS PA DANG, TSUL KHRIMS DANG, GTONG BA DANG, GZUGS LA SOGS PA'I YON TAN TSOGS PA NYE BAR DMIGS PA DE DANG DER GANG ZAG DE LA NANG DU SHIN TU GDUNG BA 'BYUNG STE, CHOS DE NI PHRAG DOG CES BYA BAR BRJOD DE, CHOS DE NI PHRAG DOG GI KUN DU SBYOR BA'O, ,CHOS DANG MKHAS PA'I BDAG NYID LA SOGS PA SBYIN PA DANG RAB TU 'GAL BA SEMS KYIS KUN TU 'DZIN PA NI SER SNA STE, DE NI SER SNA'I KUN DU SBYOR BA ZHES BYA'O, ,KUN DU SBYOR BA DGU BSHAD ZIN TO, ,NGES PAR 'CHING BA ZHES BYA BA LAS NGES PAR 'CHING BA NI RNAM PA GSUM STE, 'DOD CHAGS KYI NGES PAR 'CHING BA DANG, ZHE SDANG GI NGES PAR 'CHING BA DANG, GTI MUG GI NGES PAR 'CHING BA'O, ,'CHING BA 'DI DAG GIS KHAMS GSUM PO RNAMS RAB TU BCINGS PAS NA 'DI DAG NI NGES PAR 'CHING BAS PHRA RGYAS ZHES BYA BA LA 'DIR DRUG NI PHRA RGYAS KYI RTZA BA STE, 'DOD CHAGS KYI PHRA RGYAS DANG, KHONG KHRO'I PHRA RGYAS DANG, NGA RGYAL GYI PHRA RGYAS DANG, MA RIG PA'I PHRA RGYAS DANG, LTA BA'I PHRA RGYAS DANG, THE TSOM GYI PHRA RGYAS ZHES BYA BA STE, PHRA RGYAS DRUG PO 'DI DAG LAS 'DOD PA'I 'DOD CHAGS DANG, SRID PA'I 'DOD CHAGS ZHES BYA BAS 'DOD CHAGS RNAM PA GNYIS SU DBYE BAS YANG RNAM PA BDUN DU 'GYUR RO, ,PHRA RGYAS DRUG PO 'DI DAG LAS YANG LTA BA'I PHRA RGYAS LA 'JIG TSOGS LA LTA BA LA SOGS PA RNAM PA LNGA'I DBYE BAS PHRA RGYAS BCUR 'GYUR TE, PHRA RGYAS BCU PO 'DI DAG RANG GI NGO BO YANG KHAMS KYI DBYE BA DANG, BYE BRAG GI DBYE BAS DGU BCU RTZA BRGYAD DU 'GYUR RO, ,DE LA KHAMS NI GSUM STE, 'DOD PA'I KHAMS DANG, GZUGS KYI KHAMS DANG, GZUGS MED PA'I KHAMS SO, ,DE LA 'DOD PA'I KHAMS NI GNAS NYI SHU 'DI LTA STE, DMYAL BA CHEN PO BRGYAD LA YANG SOS DANG, THIG NAG DANG, BSDUS 'JOMS DANG, NGU 'BOD DANG, NGU 'BOD CHEN PO DANG, CHA BA DANG, RAB TU TSA BA DANG, MNAR MED PA ZHES BYA BA'O, , @259B BYOL SONG DANG, YI DAGS GNYIS DANG, GLING BZHI LA 'DZAM BU'I GLING DANG, SHAR GYI LUS 'PHAGS DANG, NUB KYI BA LANG SPYOD DANG, BYANG GI SGRA MI SNYAN ZHES BYA BA'O, ,'DOD PA NA SPYOD PA'I LHA RIS DRUG NI 'DI LTA STE, RGYAL CHEN BZHI'I RIS DANG, SUM CU RTZA GSUM DANG, 'THAB BRAL DANG, DGA' LDAN DANG, 'PHRUL DGA' DANG, GZHAN 'PHRUL DBANG BYED CES BYA BA NI 'DOD PA'I KHAMS SO, ,GZUGS KYI KHAMS KYI SKYE BA'I BSAM GTAN BZHI LA SPYIR NI GNAS GZHAN BCU BDUN TE, TSANGS RIS DANG, TSANGS PA MDUN NA 'DON DANG, TSANGS PA CHEN PO STE BSAM GTAN DANG POR SKYE BA'I GNAS GZHAN GSUM MO, ,'OD CHUNG DANG, TSAD MED 'OD DANG, 'OD GSAL ZHES BYA BA NI BSAM GTAN GNYIS PA'I SKYE BA'I GNAS GZHAN GSUM MO, ,DGE CHUNG DANG, TSAD MED DGE DANG, DGE RGYAS ZHES BYA BA 'DI NI BSAM GTAN GSUM PAR SKYE BA'I GNAS GZHAN GSUM MO, ,SPRIN MED DANG, BSOD NAMS SKYES DANG, 'BRAS BU CHE ZHES BYA BA NI SKYE BA'I GNAS GZHAN 'DI GSUM DANG, MI CHE BA DANG, MI GDUNG BA DANG, SHIN TU MTHONG BA DANG, GYA NOM SNANG DANG, 'OG MIN ZHES BYA BA GNAS GTZANG MA'I NGES GNAS LNGA DANG BRGYAD PO 'DI DAG NI BSAM GTAN BZHI BA STE, 'DI DAG NI GZUGS KYI KHAMS SO, ,GZUGS MED PA'I KHAMS NI GZUGS CAN MA YIN PAS GNAS MED DO, ,DE NI SKYE BA LAS RNAM PA BZHI STE, 'DI LTA STE, NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED DANG, CUNG ZAD MED PA'I SKYE MCHED DANG, 'DU SHES MED 'DU SHES MED MIN SKYE MCHED CES BYA BA STE, 'DI DAG NI GZUGS MED PA'I KHAMS SO, ,'DI DAG NI RE ZHIG KHAMS KYI DBYE BA'O, ,BYE BRAG GI DBYE BA NI KHAMS GSUM PO DE RNAMS LA RE RE ZHING LNGA LNGA STE, SDUG BSNGAL MTHONG BAS SPANG BAR BYA BA'I RIS DANG, KUN 'BYUNG DANG 'GOG PA DANG, LAM MTHONG BAS SPANG BAR BYA BA DAG DANG, BSGOM PAS SPANG BAR BYA BA ZHES BYA'O, ,DE LA SDUG BSNGAL GYI BDEN PA NI NYE BAR LEN PA'I PHUNG PO LNGA PO 'BRAS BUR GYUR PA'O, , @260A *, ,DE DAG GI RGYUR GYUR PA NI KUN 'BYUNG BA'I BDEN PA'O, ,SRED PA DANG LAS YONGS SU ZAD PAS SDUG BSNGAL GYI BDEN PA SHIN TU MA SKYES PA SNUM DANG SNYING PO YONGS SU ZAD PA'I MAR ME LTA BU'I MYA NGAN LAS 'DAS PA NI 'GOG PA'I BDEN PA'O, ,DE 'THOB PA'I THABS 'PHAGS PA'I LAM YAN LAG BRGYAD PA NI LAM GYI BDEN PA'O, ,DE LA 'DOD PA NA SPYOD PA'I SDUG BSNGAL GYI BDEN PA LA MI RTAG PA NYID DANG, SDUG BSNGAL BA NYID DANG, STONG PA NYID DANG, BDAG MED PA NYID DU YID LA BYED PA NA SDUG BSNGAL LA CHOS SHES PA'I BZOD PA DANG, CHOS SHES PA ZHES BYA BA STE, DE DAG GIS 'DOD PA NA SPYOD PA'I NYON MONGS PA BCU PO 'DI RNAMS RAB TU SPONG NGO, ,GZUGS DANG GZUGS MED PA NA SPYOD PA'I SDUG BSNGAL GYI BDEN PA YANG DE BZHIN DU YID LA BYA BAS SDUG BSNGAL LA RJES SU SHES PA'I BZOD PA DANG, SDUG BSNGAL LA RJES SU SHES PA SKYE'O, ,DE DAG GIS KHONG KHRO MA GTOGS PA'I GZUGS NA SPYOD PA'I NYON MONGS PA DGU DANG, GZUGS MED PA NA SPYOD PA'I NYON MONGS PA DGU STE , DE LTAR BCO BRGYAD SPONG STE, DE LTAR KHAMS GSUM PA'I SDUG BSNGAL GYI BDEN PA MNGON PAR RTOGS PA CHOS DANG RJES SU SHES PA'I BZOD PA DANG, SHES PA'I RNAM PA'I SKAD CIG MA BZHIS SDUG BSNGAL MTHONG BAS SPANG BAR BYA BA'I PHRA RGYAS NYI SHU RTZA BRGYAD RAB TU SPONG NGO, ,PHRA RGYAS NYI SHU RTZA BRGYAD PO DE RNAMS LAS 'JIG TSOGS LA LTA BA DANG, MTHAR 'DZIN PAR LTA BA DANG, TSUL KHRIMS DANG BRTUL ZHUGS MCHOG TU 'DZIN PA MA GTOGS PAR PHRA RGYAS GZHAN BDUN PO NI 'DOD PA'I KHAMS KYI 'DOD PA NA SPYOD PA'I KUN 'BYUNG GI BDEN PA LA RGYU NYID DANG, KUN 'BYUNG BA NYID DANG, RAB TU SKYE BA NYID DANG, RKYEN NYID CES BYA BAR YID LA BYED PA NA DE LTAR KUN 'BYUNG LA CHOS SHES PA'I BZOD PA DANG, CHOS SHES PA SKYE STE, DE DAG GIS SPONG NGO, ,DE DAG NYID LAS KHONG KHRO BOR BA KHAMS GNYIS PO DANG, GZUGS MED PA NI SPYOD PA'I PHRA RGYAS BCU GNYIS KUN 'BYUNG BA'I BDEN PA MTHONG BA KUN 'BYUNG LA RJES SU SHES PA'I BZOD PA DANG, SHES PA DAG GIS RAB @260B TU SPONG STE, DE LTAR PHRA RGYAS BCU DGU NI KUN 'BYUNG MTHONG BAS SPONG NGO, ,DE BZHIN DU 'DOD PA NA SPYOD PA NI SDUG BSNGAL 'GOG PA'I BDEN PA'I 'GOG PA DANG, ZHI BA DANG, GYA NOM PA DANG, NGES PAR 'BYUNG BA'I RNAM PA BZHI YID LA BYED PAS KUN 'BYUNG LA BSTAN PA'I PHRA RGYAS BDUN PO DE DAG 'GOG PA LA CHOS SHES PA'I BZOD PA DANG, 'GOG PA LA CHOS SHES PA DAG GIS RAB TU SPONG NGO, ,'GOG PA LA RJES SU SHES PA'I BZOD PA DANG, SHES PA DAG GIS GZUGS DANG GZUGS MED PA NA SPYOD PA'I PHRA RGYAS BCU GNYIS RAB TU SPONG STE, DE LTAR NA PHRA RGYAS BCU DGU NI KHAMS GSUM PO'O SDUG BSNGAL 'GOG PA'I BDEN PA MTHONG BAS RAB TU SPONG NGO, ,DE BZHIN DU 'DOD PA NA SPYOD PA'I SDUG BSNGAL 'GOG PAR 'GRO BA'I LAM GYI BDEN PA LA LAM DANG, RIGS PA DANG, SGRUB PA DANG, NGES PAR 'BYIN PA'I RNAM PA BZHI YID LA BYED PA LAM LA CHOS SHES PA'I BZOD PA DANG, CHOS SHES PA DAG GIS SNGAR BSTAN PA'I BDUN PO LA TSUL KHRIMS DANG BRTUL ZHUGS MCHOG TU 'DZIN PA SNGA MA LA MED PA BSNAN PA'I BRGYAD NI LAM GYI BDEN PA MTHONG BAS SPONG NGO, ,LAM LA RJES SU SHES PA'I BZOD PA DANG RJES SU SHES PA DAG GIS NI GZUGS DANG GZUGS MED PA NA SPYOD PA'I PHRA RGYAS BCU BZHI LAM GYI BDEN PA MTHONG BAS RAB TU SPONG BAR BYED DO, ,DE LTAR NA PHRA RGYAS NYI SHU RTZA GNYIS NI LAM MTHONG BAS SPANG BAR BYA BA'O, ,SDUG BSNGAL LA SOGS PA'I BDEN PA BSGOMS PAS JI LTAR MTHONG BA'I RJES LA SPANG BAR BYA BA GANG YIN PA DE NI BSGOM PAS SPANG BAR BYA BA'O, ,DE LA 'DOD CHAGS DANG, KHONG KHRO BA DANG, NGA RGYAL DANG, MA RIG PA RNAMS 'DOD PA'I KHAMS KYI BSGOM PAS SPANG BAR BYA'O, ,KHONG KHRO MA GTOGS PA RNAMS NI GZUGS DANG GZUGS MED PA'I KHAMS NA BSGOM PAS SPANG BAR BYA BA STE, KUN BSDOMS NA PHRA RGYAS DGU BCU RTZA BRGYAD DO, ,DE RNAMS LAS 'DOD PA NA SPYOD PA NI SUM CU RTZA DRUG GO, ,GZUGS NA SPYOD PA NI SUM CU RTZA GCIG ,GZUGS MED PA NA SPYOD PA YANG SUM CU RTZA GCIG GO, ,DE DAG LAS MTHONG BAS SPANG BAR BYA BA NI BRGYAD CU RTZA BRGYAD @261A *, ,DO; ,'DIR JI SKAD BSHAD PA'I PHRA RGYAS SPONG BA'I YE SHES DANG LDAN PAS 'PHAGS PA'I GANG ZAG BRGYAD DU 'GYUR RO, ,JI LTAR BYAS NAS SHE NA, DE BRJOD PAR BYA STE, GO RIMS BZHIN DU 'JUG PA LA, ,MTHONG LAM SKAD CIG BCU DRUG GIS, ,GANG ZHIG SPANGS PA'I 'BRAS BU DE, ,RGYUN DU ZHUGS PA ZHES BRJOD DO, ,'DOD NA CHAGS SDANG NGA RGYAL RMONGS, ,GONG MA'I SA BRGYAD SO SO LA, ,ZHE SDANG MA GTOGS BSGOM SPANG BYA, ,BSDUS NAS CHE SOGS RNAM GSUM LA, ,CHEN PO'I CHE SOGS BYE BRAG GIS, ,RNAM PA YANG NI GSUM DU 'DOD, ,NYON MONGS PA NI RNAM DGU LA, ,GNYEN PO'I PHYOGS NI BZLOG PAS SO, ,'DOD PA'I RNAM PA DRUG PA DANG, ,DGU PA DAG NI ZAD PA LAS, ,LAN CIG PHYIR NI 'ONG BA DANG, ,PHYIR MI 'ONG BA'I GANG ZAG 'GYUR, ,DGRA BCOM SRID RTZE'I MTHA' ZAD PAS, ,LAM LA GNAS PA BZHI PO DAG ,DE LA SBYOR BAR ZHUGS PA'I PHYIR, ,DE DAG ZHUGS PA ZHES BRJOD DO, ,DGRA BCOM MI SLOB SLOB PA NI, ,ZAD PHYIR SLOB PAS GZHAN BDUN NO, ,SKYES BU GANG ZAG BRGYAD PO 'DI, ,DGE 'DUN ZHES NI BYA BAR BRJOD, ,BDUD RNAMS KUN GYIS MI PHYED PAS; ,'DI LTAR DGE 'DUN ZHES BRJOD DO, ,MI PHYED DAD PAS RIGS PAR NI, ,SANGS RGYAS BDEN PAR RTOGS PHYIR SPANG, ,GNAS PA DANG RJES SU MTHUN PA'I DNGOS PO JI LTAR 'BYUNG BA'I DMIGS PA LA RAB TU SBYOR BA DANG, RJES SU SBYOR BAS PHRA RGYAS ZHES BYA BA'AM, PHRA BA'AM BDAG GI RGYUD KYI RJES SU 'BREL PAS PHRA RGYAS SO, ,PHRA RGYAS BSHAD ZIN TO, ,'BYUNG BA'I RIM PA NI YANG 'DI DAG LAS DNGOS PO JI LTAR GNAS PA GZHAN DU MI RTOGS PA DANG, MI BDEN PA'I NGO BOR SGRO 'DOGS PAS THOG MAR NI MA RIG PA'O, ,DE LAS NI YANG DAG PA DANG YANG DAG PA MA YIN PA'I PHYOGS GNYIS THOS NAS 'DI BDEN NAM MI BDEN ZHES THE TSOM 'BYUNG NGO, ,DE NAS NI MI BDEN PA'I PHYOGS LA GOMS PAS BDEN PA'I DNGOS POR YOD PA NYID DU SGRO BTAGS TE, PHYIN CI LOG TU LTA BA NI LOG PAR ZHUGS PA'I LTA BA STE, GANG LOG PA NYID DU NGES PAR 'BYED PA DE LTA @261B BU'I BDAG NYID CAN NI LOG PAR LTA BA ZHES BYA BAR GZUNG GI RGYU DANG 'BRAS BU LA SKUR BA 'DEBS PA'I BDAG NYID CAN NI MA YIN NO, ,LOG PAR LTA BA DE LAS NI 'JIG TSOGS LA LTA BA 'BYUNG STE, DES NI NYE BAR LEN PA'I PHUNG PO LA BDAG GI NGO BO NYID DU SGRO BTAGS NAS MNGON PAR ZHEN TO, , DE LAS NI MTHAR 'DZIN PAR LTA BA 'BYUNG STE, DE LAS RTAG PA DANG CHAD PA'I MTHAR RTOG PA NYID KYIS SO, ,MTHAR 'DZIN PAR LTA BA LAS NI TSUL KHRIMS DANG BRTUL ZHUGS MCHOG TU 'DZIN PA'I LTA BA STE, DE LTAR MTHAR GZUNG BA GANG YIN PA DE NYID KYIS DAG PA DANG GROL BAR RTOGS PAS SO; ,TSUL KHRIMS DANG BRTUL ZHUGS MCHOG TU 'DZIN PA LAS LTA BA MCHOG TU 'DZIN PA STE, GANG GIS DAG PAR 'DZIN PA DE NYID LA DAM PA 'DZIN PAS SO, ,DE LAS NI 'DOD CHAGS TE, RANG GI LTA BA LA'O, ,DE LAS NI LTA BA LA NGA RGYAL LO, ,GZHAN GYI LA NI ZHE SDANG STE, GO RIMS NI 'DI LTAR RO, ,DE RE RE YANG RGYU GSUM GSUM GYIS 'BYUNG STE, PHRA RGYAS SPANGS PAR MA GYUR PA DANG, TSUL BZHIN MA YIN PA YID LA BYED PAR GYUR PA DANG, YUL NYE BAR GNAS PAR GYUR PA STE, RGYU DANG, YUL DANG, SBYOR BA'I STOBS TE 'DI DAG LAS 'BYUNG NGO, , NYE BA'I NYON MONGS PA'I DBANG DU BYAS NAS BRJOD PA DE LA PHRA RGYAS DRUG TU BRJOD PA DE DAG NYID DU LUS DANG NGAG DANG YID KYI RGYUR NYON MONGS PAR BYED PAS 'DI DAG LA NYON MONGS PA ZHES BYA'O, ,DE LA RE ZHIG NYON MONGS PA CAN GANG YIN PA DE DAG NI NYE BA'I NYON MONGS PA CAN YIN NO, , GZHAN GANG SEMS LAS BYUNG BA'I CHOS NYON MONGS PA CAN 'DU BYED KYI PHUNG POS BSDUS PA NI NYE BA'I NYON MONGS PA NYID DE, DE DAG GIS SEMS NYE BAR NYON MONGS PAR BYED PA'I PHYIR RO, ,DE DAG KYANG GANG ZHE NA, SGYU DANG, RGYAGS PA DANG, RNAM PAR 'TSE BA DANG, 'TSIG PA DANG, KHO NA DU 'DZIN PA DANG, G-YO LA SOGS PA RNAM PA DU MA CHOS MNGON PA LAS BYUNG NGO, ,DE LA SGYU NI GZHAN SLU BA STE, JI LTAR SGYU NI RANG GI NGO BO SBAS NAS BRDZUN PA'I RNAM PA'I BDAG NYID DU ZHUGS TE 'JIG RTEN SGRUB BAR BYED PA DE BZHIN DU SEMS LAS BYUNG BA'I CHOS @262A *, ,GANG DANG LDAN PAS RANG LA JI LTAR GNAS PA'I CHOS SBAS NAS MI BDEN PA'I BDAG NYID DU ZHUGS TE, GZHAN LA SLU BA'I CHOS DE NI SGYU ZHES BRJOD DO, ,RGYAGS PA'I KHENGS PA STE DREGS PA'O, ,GANG GI STOBS KYIS GZHAN LA BRNYAS PA DANG BCAS PA'I LUS DANG SEMS KYI RGYUN BYUNG BA'O, ,KHRO BA'I RKYEN GYIS KHU TSUR DANG THAL LCAG LA SOGS RAB TU BRDEG PA'I RGYU'I CHOS NI RNAM PAR 'TSE BAS NA RNAM PAR 'TSE BA'O, ,'TSIG PA NI SDIG PA LA RAB TU ZHEN PA'O, ,CHOS GANG DANG LDAN PAS SDIG PA LAS MI ZLOGS PA STE, MCHE BA'AM SEN MOS BZUNG BA LTAR SDIG PA RAB TU BZUNG NAS GNAS PA NI 'TSIG PA'O, ,KHO NA DU 'DZIN PA NI KHO NA DU 'DZIN PA STE KHROS PAR GYUR PAR KHROS PA'I DNGOS PO LA SO SOR RTOG PA MA YIN PA MANG BAR YANG DANG YANG DU 'JUG PAS GANG KHO NA DU 'DZIN PA NI KHO NA DU 'DZIN PA STE KHROS PA'I YUL SEMS LA MANG DU BYED CES BYA BA'I DON TO, ,G-YO NI SEMS KYI MI DRAN PA STE, G-YO'I NGO NI G-YO NYID DO, ,DE LA G-YO ZHES BYA BA NI CHOS GANG DANG LDAN BAS SEMS KYI RGYUN GYA GYU BA STE, JI LTAR GNAS PA'I TSUL DANG TSUL MA YIN PA MI STON PA MI DRAN ZHING MI GSAL BAR ZHUGS PA NI G-YO ZHES BYA'O, , DE DAG LAS SGYU DANG, RGYAGS PA NI 'DOD CHAGS KYI RGYU MTHUN PA'I DRI MA'O, ,KHO NA DU 'DZIN PA DANG, RNAM PAR 'TSE BA NI KHONG KHRO'I RGYU MTHUN PA'I 'O, ,LTA BA MCHOG TU 'DZIN PA'I RGYU MTHUN PA'I NI 'TSIG PA'O, ,G-YO NI LOG PAR LTA BA'I RGYU MTHUN PA'O, ,KUN NAS DKRIS PA NI KUN NAS DKRIS PA BCU STE, RMUGS PA DANG, GNYID DANG, RGOD PA DANG, 'GYOD PA DANG, PHRAG DOG DANG, SER SNA DANG, NGO TSA MED PA DANG, KHREL MED PA DANG, KHRO BA DANG, 'CHAB PA'O, ,RMUGS PA NI LUS DANG SEMS MI GSAL BAS LCI PA NYID DU GYUR PA'I PHYIR LAS SU MI RUNG BAR SBYOR BA DE NI RMUGS PA'O, ,GNYID NI GANG RNAM PAR SHES PA'I TSOGS LNGA 'JUG PA DANG 'GAL BA'I CHOS YID KYI RNAM PAR SHES PA SDUD PAR BYED PA'I RGYU DE NI GNYID CES BRJOD DO, ,RGOD PA NI LUS DANG SEMS RAB TU MA ZHI BA NYID DANG, JI LTAR RLUNG DANG 'BREL PAS CHU @262B STENG DU BSKYOD NA CHU KLUNG GI CHU'I CHA STENG DU 'BYUNG BA NI RGOD PA'O, ,DE BZHIN DU SEMS LAS BYUNG BA GANG LUS DANG SEMS MA ZHI BAR 'JUG PA'I RGYU MTSAN NI RGOD PA'O, ,'GYOD PA NI NGAN PAR BYAS PA'I DNGOS PO LA PHYIS GDUNG ZHING MYA NGAN BYED PA STE, PHYI NAS GDUNG BA LAS BYUNG BA'I YID LA GCAGS PA NI 'GYOD PA'O, ,PHRAG DOG DANG, SER SNA NI KUN DU SBYOR BAR BSHAD ZIN TO, ,NGO TSA MED PA NI CHOS GANG DANG LDAN PAS BDAG GI YON TAN NYAMS PAR BYED CING BDAG NYID LA LTOS NAS SDIG PA LA 'JUG PA LA MI 'DZEM PA STE, NYES PA MI SDOM PA'I RGYU RANG BZHIN GYIS SMAD PA'I CHOS GANG YIN PA DE LA NGO TSA MED PA ZHES BRJOD DO, ,KHREL MED PA ZHES BYA BA 'DI YANG 'DZEM PA MED PA NYID DO, ,'ON KYANG KHYAD PAR NI 'DI YIN TE, 'DI NI GZHAN LA LTOS NAS NYES PA RNAMS LA MI 'DZEM PA'O, ,KHRO BA NI SEMS RAB TU 'KHRUG PA'O, ,DE LA GNOD SEMS NI SEMS KYI YUL LA KUN NAS MNAR SEMS PA YIN LA, KHRO BA NI SEMS CAN DANG SEMS CAN MA YIN PA'I YUL LA YANG KUN NAS MNAR SEMS PA TZAM MO, ,RNAM PAR 'TSE BA NI KHROS PAR GYUR PAS SO SOR MA BRTAGS PAR GZHAN DAG LA KHU TSUR DANG THAL LCAG LA SOGS PAS RAB TU RDEG PAR BYED PA'I RGYU YIN NO, ,DES NA GNOD SEMS DANG RNAM PAR 'TSE BA MA YIN PA'I SEMS RNAM PAR 'KHRUG PA TZAM NI KHRO BA'O, ,'CHAB PA NI KHA NA MA THO BA RAB TU MA KHYUD PA STE, 'PHAGS PA RNAMS KYIS SMAD PA NI KHA NA MA THO BA'O, ,DE RAB TU MKHYUD PA NI GZHAN LA RAB TU MI STON PA'O, ,DE NI 'CHAB PA STE, GANG GIS GANG ZAG DE KHA NA MA THO BAS BDAG NYID SHIN TU SPAGS SHING MI GTZANG BAR BYED PA'O, ,KUN NAS 'KHRI ZHING SEMS LA THAMS CAD DU DKRIS NAS GNAS PAS KUN NAS DKRIS PA STE, DGE BA'I PHYOGS LA 'JUG PA'I BAR CHAD BYED PA NYID DO, ,'DI DAG LAS RMUGS PA DANG GNYID DANG KHREL MED PA NI MA RIG PA'I RGYU MTHUN PA'O, ,'GYOD PA NI THE TSOM GYI RGYU MTHUN PA'O, ,NGO TSA MED PA DANG RGOD PA DANG SER SNA NI 'DOD CHAGS KYI RGYU MTHUN PA'O, ,KHRO BA DANG PHRAG DOG NI KHONG KHROS KUN NAS BSLANG BA'O, , @263A *, ,'CHAB PA NI 'DOD CHAGS DANG MA RIG PA'I RGYU MTHUN PA STE, DRI MA RNAMS DANG BCU PO 'DI DAG NI NYE BA'I NYON MONGS PA ZHES BYA'O, ,ZAG PA NI 'DI LTAR ZAG PA GSUM STE, 'DOD PA'I ZAG PA DANG, SRID PA'I ZAG PA DANG, MA RIG PA'I ZAG PA'O, ,DE LA MA RIG PA MA GTOGS PA 'DOD PA NA SPYOD PA'I NYON MONGS PA GZHAN KUN NAS DKRIS PA BCU DANG BCAS PA NI 'DOD PA'I ZAG PAR RIG PAR BYA STE RDZAS BZHI BCU RTZA GCIG GO, ,GZUGS DANG GZUGS MED PA NA SPYOD PA'I PHRA RGYAS MA RIG PA MA GTOGS PA RDZAS LNGA BCU RTZA GNYIS NI SRID PA'I ZAG PA'O, , YANG RGYU GANG GIS GZUGS MED PA NA SPYOD PA'I PHRA RGYAS RNAMS BSDOMS NAS SRID PA'I ZAG PAR BYAS SHE NA, DE GNYI GA YANG LUNG DU MA BSTAN PA DANG, KHA NANG DU BLTAS PA DANG, MNYAM PAR GZHAG PA'I SA PA YIN PA'I PHYIR CHOS MTSUNGS PA NYID GSUM GYIS GCIG TU BYAS SO, ,KHAMS GSUM PA'I MA RIG PA BCO LNGA NI MA RIG PA'I ZAG PA'O, ,RGYU GANG GIS 'DI LOGS SHIG TU GZHAG CE NA 'DI LTAR DE NYON MONGS PA THAMS CAD KYI RTZA BAR GYUR PA DES NA ZAG PA NYID DU LOGS SHIG TU GZHAG GO, ,CHU BO ZHES BYA BA LA, CHU BO NI BZHI STE, 'DOD PA'I CHU BO DANG, SRID PA'I CHU BO DANG, LTA BA'I CHU BO DANG, MA RIG PA'I CHU BO ZHES BYA BA'O, ,DE LA LTA BA LAS GZHAN PA'I 'DOD PA'I ZAG PA NYID NI 'DOD PA'I CHU BO STE RDZAS NYI SHU RTZA DGU'O, ,LTA BA BOR BA'I SRID PA'I ZAG PA NYID SRID PA'I CHU BO STE, RDZAS NYI SHU RTZA BRGYAD DO, ,KHAMS GSUM PA'I LTA BA NI LTA BA'I CHU BO STE, RDZAS SUM CU RTZA DRUG GO, ,MA RIG PA'I ZAG PA NYID NI MA RIG PA'I CHU BO STE RDZAS BCO LNGA'O, ,BZHI PO 'DI DAG NYID SBYOR BA BZHIR RIG PAR BYA'O, ,NYE BAR LEN PA NI NYE BAR LEN PA BZHI STE, 'DOD PA NYE BAR LEN PA DANG, LTA BA NYE BAR LEN PA DANG, TSUL KHRIMS DANG BRTUL ZHUGS NYE BAR LEN PA DANG, BDAG TU SMRA BA NYE BAR LEN PA'O, ,DE LA 'DOD PA'I SBYOR BA MA RIG PA DANG BCAS PA NI 'DOD PA NYE BAR LEN PA STE RDZAS SUM CU RTZA BZHI'O, ,LTA BA'I SBYOR BA NYID LA TSUL KHRIMS DANG BRTUL ZHUGS MCHOG TU 'DZIN PA MA @263B GTOGS PA NI LTA BA NYE BAR LEN PA STE RDZAS SUM CU'O, ,TSUL KHRIMS DANG BRTUL ZHUGS NYE BAR LEN PA NI RDZAS DRUG GO, ,SRID PA'I SBYOR BA NYID LA MA RIG PAS BSNAN PA NI BDAG TU SMRA BA NYE BAR LEN PA STE, MUGS PA DANG, RGOD PA DANG BCAS PA LA RDZAS BZHI BCU'O, ,CI'I PHYIR TSUL KHRIMS DANG BRTUL ZHUGS NYE BAR LEN PA LTA BA LAS LOGS SHIG TU GZHAG CE NA, LAM GYI DGRAR GYUR PA DANG, PHYOGS GNYI GA SLU BAR BYED PA'I PHYIR TE, 'DIS KHYIM PA YANG ZAS MI ZA BAR MTHO RIS SU SKYE BAR 'DU SHES PAS RAB TU BSLUS LA, RAB TU BYUNG BA RNAMS KYANG 'DOD PA'I YUL YONGS SU SPANGS PA NYID KYIS 'DAG PAR LTA BAS RAB TU BSLUS SO, ,YANG RGYU GANG GIS NYE BAR LEN PA'I SKABS SU MA RIG PA BSRES NAS BRJOD KYI LOGS SHIG TU NI MA YIN ZHE NA, GANG GI PHYIR SRID PA 'DZIN PAS NYE BAR LEN PA ZHES BYA BA NA, MA RIG PA NI MI GSAL BA'I NGO BO NYID KYIS 'DZIN PAR BYED PA MA YIN PA'I PHYIR RO, ,ZAG PA DANG, CHU BO DANG, SBYOR BA DANG, NYE BAR LEN PA RNAMS NI BSHAD ZIN TO, ,DE LA ZAG PA NI 'KHOR BAR ZAG PA NYID DE, SRID PA'I RTZE MO NAS MNAR MED PA'I BAR DU SKYE MCHED DRUG GI RMA NAS 'DZAG PA'I PHYIR RAM, RGYU YUL RNAMS LAS 'DZAG PAR BYED PAS ZAG PA'O, ,KHYER PAR BYED PAS NA CHU BO STE, DE'I RJES SU MTHUN PAR BYED PA'I PHYIR DE DAG GIS DE DANG LDAN PAR KHYER BAR 'GYUR RO, ,SDUG BSNGAL SNA TSOGS LA KUN DU SBYOR BA'I PHYIR RAM, YANG DANG YANG DU RJES SU 'BREL BAR 'JUG PAR BYED PA'I PHYIR RAM, YUL LA SBYOR BA'I PHYIR SBYOR BA'O, ,'DOD PA LA SOGS PA NYE BAR LEN PAR BYED, 'DZIN PAR BYED PA'I PHYIR NYE BAR LEN PA'O, ,MDUD PA ZHES BYA BA LA MDUD PA NI BZHI STE, BRNAB SEMS LUS KYI MDUD PA DANG, GNOD SEMS LUS KYI MDUD PA DANG, TSUL KHRIMS DANG, BRTUL ZHUGS MCHOG TU 'DZIN PA LUS KYI MDUD PA DANG, 'DI BDEN PA'O ZHES MNGON PAR ZHEN PA LUS KYI MDUD PA'O, ,DE LA BRNAB SEMS LUS KYI MDUD PA NI 'DOD PAR GTOGS PA'I RNAM PA SNA TSOGS LA @264A *, ,RGYUN MI 'CHAD PAR 'JUG PA NYID DO, ,DE BZHIN DU LHAG MA RNAMS LA YANG SBYAR RO, ,DE LA SDUG BSNGAL LA SOGS PA MTHONG BA DANG BSGOM PAS SPANG BAR BYA BA'I MA RIG PA 'DOD PAR GTOGS PA NI DANG PO'O, ,KHONG KHRO BA LNGA NI GNYIS PA'O, ,TSUL KHRIMS DANG BRTUL ZHUGS MCHOG TU 'DZIN PA DRUG NI GSUM PA'O, ,LTA BA MCHOG TU 'DZIN PA BCU GNYIS NI BZHI PA'O, ,SGRIB PA ZHES BYA BA LA SGRIB PA LNGA STE, 'DOD PA LA 'DUN PA DANG, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM MO; ,SGRIB PA NI 'DOD PAR GTOGS PA NYID KYIS SHIN TU MI DGE BA NYID KYI PHYIR DGE BA'I PHYOGS LA SGRIB PAS BSGRIBS PA'O, ,SHES PA NI SHES PA BCU STE, CHOS SHES PA DANG, RJES SU SHES PA DANG, GZHAN GYI SEMS SHES PA DANG, KUN RDZOB SHES PA DANG, SDUG BSNGAL SHES PA DANG, KUN 'BYUNG BA SHES PA DANG, 'GOG PA SHES PA DANG, LAM SHES PA DANG, ZAD PA SHES PA DANG, MI SKYE BA SHES PA'O, ,CHOS SHES PA GANG ZHE NA, 'DOD PA DANG LDAN PA'I 'DU BYED RNAMS LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED RNAMS KYI RGYU LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED RNAMS KYI 'GOG PA LA GANG DMIGS PA'I ZAG PA MED PA'I SHES PA DANG, 'DOD PA DANG LDAN PA'I 'DU BYED SPONG BAR BYED PA'I LAM LA GANG DMIGS PA'I ZAG PA MED PA'I SHES PA'O, ,YANG CHOS SHES PA DANG CHOS SHES PA'I ZAG PA MED PA'I SHES PA GANG YIN PA DE NI CHOS SHES PA'O, ,RJES SU SHES PA GANG ZHE NA, GZUGS DANG GZUGS MED PA DANG LDAN PA'I 'DU BYED RNAMS LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED PA DANG LDAN PA'I 'DU BYED RNAMS KYI RGYU LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED PA DANG LDAN PA'I 'DU BYED RNAMS KYI 'GOG PA LA GANG DMIGS PA'I ZAG PA MED PA'I SHES PA DANG, GZUGS DANG GZUGS MED @264B PA DANG LDAN PA'I 'DU BYED SPONG BAR BYED PA'I LAM LA GANG DMIGS PA'I ZAG PA MED PA'I SHES PA GANG YIN PA'O, ,YANG RJES SU SHES PA DANG RJES SU SHES PA'I ZAG PA MED PA'I SHES PA GANG YIN PA DE NI RJES SU SHES PA ZHES BRJOD DO, ,GZHAN GYI SEMS SHES PA GANG ZHE NA, SHES PA GANG BSGOMS PA'I 'BRAS BU BSGOMS PAS RTOGS PA 'THOB LA MA BRAL BA'I SHES PA GANG GIS 'DOD PA NA SPYOD PA DANG, GZUGS NA SPYOD PA'I GZHAN GYI SEMS DANG SEMS LAS BYUNG BA'I CHOS LA GTAD DA MNYAM PAR GZHAG PAS MNGON SUM DU SHES PA DANG, GZHAN YANG ZAG PA MED PA'I SEMS DANG SEMS LAS SHES PA'I CHOS SHES PA LA PHA ROL GYI SEMS SHES PA ZHES BRJOD DO, ,KUN RDZOB SHES PA GANG ZHE NA, ZAG PA DANG BCAS PA'I SHES RAB PO, ,SDUG BSNGAL SHES PA GANG ZHE NA, NYE BAR LEN PA'I PHUNG PO RNAMS LA MI RTAG PA NYID DANG; SDUG BSNGAL BA NYID DANG, STONG PA NYID DANG, BDAG MED PA NYID DU YID LA BYED PA'I ZAG PA MED PA'I SHES PA GANG YIN PA DE NI 'DI LTAR SDUG BSNGAL SHES PA ZHES BRJOD DO, ,KUN 'BYUNG BA SHES PA GANG ZHE NA, ZAG PA DANG BCAS PA'I RGYU LA RGYU NYID DANG, KUN 'BYUNG BA NYID DANG, RAB TU SKYE BA NYID DANG, RKYEN NYID DU YID LA BYED PA'I GANG ZAG PA MED PA'I SHES PA GANG YIN LA DE NI KUN 'BYUNG BA SHES PA ZHES BRJOD DO, ,'GOG PA SHES PA GANG ZHE NA, 'GOG PA LA 'GOG PA NYID DANG, ZHI BA NYID DANG, GYA NOM PA NYID DANG, NGES PAR 'BYUNG BA NYID DU YID LA BYED PA'I ZAG PA MED PA'I SHES PA GANG YIN PA DE NI 'GOG PA SHES PA ZHES BRJOD DO, ,LAM SHES PA GANG ZHE NA, LAM LA LAM NYID DANG, RIGS PA NYID DANG, SGRUB PA NYID DANG, NGES PAR 'BYIN PA NYID DU YID LA BYED PA'I ZAG PA MED PA'I SHES PA GANG YIN PA DE NI LAM SHES PA ZHES BRJOD DO, ,ZAD PA SHES PA GANG ZHE NA, BDAG GI SDUG BSNGAL NI YONGS SU SHES SO, ,KUN 'BYUNG BA NI SPANGS SO, ,'GOG PA NI MNGON DU BYAS SO, ,LAM NI BSGOMS SO, ,ZHES RAB TU SHES PA LA, NYE BAR BRTEN PA'I SHES PA DANG, MTHONG BA @265A *, ,DANG, RIGS PA DANG, BLO DANG, RTOG PA DANG, SHES RAB DANG, SNANG BA DANG, MNGON PAR RTOGS PA GANG YIN PA DE NI ZAD PA SHES PA ZHES BRJOD DO, ,MI SKYE BA SHES PA GANG ZHE NA, BDAG GIS SDUG BSNGAL YONGS SU SHES TE YANG YONGS SU SHES PAR BYAR MED DO ZHES BYA BA DANG, KUN 'BYUNG BA RAB TU SPANGS TE YANG SPANG BAR BYAR MED DO ZHES BYA BA DANG, 'GOG PA MNGON DU BYAS TE YANG MNGON DU BYAR MED DO ZHES BYA BA DANG, LAM BSGOMS TE YANG BSGOM PAR BYAR MED DO ZHES BYA BAR SHES PA LA BRTEN PA'I SHES PA DANG, MTHONG BA DANG, RIGS PA DANG; BLO DANG, RTOG PA DANG, SHES RAB DANG, SNANG BA DANG, MNGON PAR RTOGS PA GANG YIN PA DE NI MI SKYE BA SHES PA ZHES BRJOD DO, ,BZOD PA GANG ZHE NA, MNGON PAR RTOGS PA'I BZOD PA BRGYAD DE, SDUG BSNGAL LA CHOS SHES PA'I BZOD PA DANG, SDUG BSNGAL LA RJES SU SHES PA'I BZOD PA DANG, KUN 'BYUNG LA CHOS SHES PA'I BZOD PA DANG, KUN 'BYUNG LA RJES SU SHES PA'I BZOD PA DANG, 'GOG PA LA CHOS SHES PA'I BZOD PA DANG, 'GOG PA LA RJES SU SHES PA'I BZOD PA DANG, LAM LA CHOS SHES PA'I BZOD PA DANG, LAM LA RJES SU SHES PA'I BZOD PA'O, ,MTSUNGS PAR LDAN PA RNAMS BSHAD ZIN TO, ,SEMS DANG LDAN PA MA YIN PA RNAMS BSHAD PAR BYA STE, DE LA THOB PA GANG ZHE NA, RNYED PA DANG LDAN PA GNYIS TE, MA THOB PA DANG, RNAM PAR NYAMS PA LAS SO SOR RNYED PA DANG, THOB NAS KUN TU LDAN PA'O,, DE YANG RNAM PA GSUM DU 'GYUR TE, GRIB MA LTAR RJES SU 'BRANG BA DANG, KHYU MCHOG LTAR RJES SU 'BRANG BA DANG, BE'U LTAR RJES SU 'BRANG BA'O, ,DE LA DANG PO NI 'DI LTA STE LUNG DU MA BSTAN PA'I LTA BA'O, ,GNYIS PA NI 'DI LTA STE GONG MA NAS SHI 'PHOS NAS 'DOD PA'I KHAMS SU SKYE BA'I NYID MTSAMS SBYOR BA'I DUS KYI DGE BA DANG, MI DGE BA'I LAS KYI LTA BU'O, ,GSUM PA NI 'DI LTA STE LHAN CIG SKYES PA MA YIN PA THOS PA DANG, BSAMS PA DANG, BSGOMS PA LAS BYUNG BA'I LTA BU'O, ,MA THOB PA NI DE LAS BZLOG PA'O, ,THOB PA DANG MA THOB PA @265B 'DI DAG NI RANG GI RGYUD DU GTOGS PA RNAMS DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA MA YIN NO, ,'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL BA GONG MA'I MA YIN PA NGES PAR 'BYUNG BA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS 'GOG PA GANG YIN PA'O, ,'GOG PA'I SNYOMS PAR 'JUG PA GANG ZHE NA, CI YANG MED PA'I SKYE MCHED LAS 'DOD CHAGS DANG BRAL BA GNAS PA'I 'DU SHES SNGON DU BTANG BA'I YID LA BYED PAS SEMS DANG SEMS LAS BYUNG BA'I CHOS 'GOG PA GANG YIN PA'O, ,'DU SHES MED PA GANG ZHE NA, 'DU SHES MED PA'I SEMS CAN LHA RNAMS KYI NANG DU SKYES PA'I SEMS DANG SEMS LAS BYUNG BA'I CHOS RNAMS 'GOG PA GANG YIN PA'O, ,SROG GI DBANG PO GANG ZHE NA, KHAMS GSUM PA'I TSE'O, ,SKAL PA MNYAM PA GANG ZHE NA, SEMS CAN RNAMS MTSUNGS PA'O, ,DE NI SEMS CAN RNAMS KYI 'DRA BA STE, SEMS CAN RNAMS LA GCIG TU 'DOD PA'I RGYU'O, ,GNAS SO SOR THOB PA GANG ZHE NA, YUL SO SOR THOB PA'O, ,DNGOS PO SO SOR THOB PA GANG ZHE NA, PHUNG PO SO SOR THOB PA'O, ,SKYE MCHED SO SOR THOB PA GANG ZHE NA, NANG DANG PHYI'I BDAG NYID CAN GYI SKYE MCHED SO SOR RNYED PA'O, ,SKYE BA GANG ZHE NA, PHUNG PO MNGON PAR 'GRUB PA'O, ,RGA BA GANG ZHE NA, PHUNG PO YONGS SU SMIN PA'O, GNAS PA GANG ZHE NA, SKYES PA'I CHOS RNAMS RNAM PAR MI NYAMS PA'O, ,MI RTAG PA GANG ZHE NA, 'DUS BYAS SKYES PA RNAMS RNAM PAR 'JIG PA'O, ,MING GI TSOGS GANG ZHE NA, MING 'DOGS PA NYID NI MING NGO, ,TSIG GI TSOGS GANG ZHE NA, DON DAG GI YI GE YONGS SU RDZOGS PA'O, ,YI GE'I TSOGS GANG ZHE NA, YI GE RNAMS NYID YI GE'I TSOGS ZHES BRJOD DO, ,RKYEN MA TSOGS PA GANG ZHE NA, RGYU DANG RKYEN MA TSANG BA'O, ,RKYEN TSOGS PA GANG ZHE NA, RGYU DANG RKYEN RNAMS MA TSANG BA NYID MED DO, ,SEMS DANG MI LDAN PA RNAMS BSHAD ZIN TO, ,RNAM PAR SHES PA GANG ZHE NA, 'DI LTAR DON @266A *, ,YONGS SU 'DZIN PA DANG, DON YONGS SU GCOD PA DANG, DON RNAM PAR SHES PA DANG, DON KUN DU RTOGS PA STE, JI LTAR NOR BU NYE BAR GYUR PA'I TSON GYI RNAM PA BRTEN PAR 'GYUR BA DE BZHIN DU RNAM PAR SHES PA YANG YUL GYI RNAM PA YONGS SU GCOD PA STE, YUL NYE BA'I RNAM PAR BYUNG BAS YUL NYE BAR GCOD PA YIN GYI, YUL GYI RNAM PA TZAM NYID NI RNAM PAR SHES PA MA YIN TE, YUL DE YANG RNAM PAR SHES PA YIN PAR THAL BAR 'GYUR BA'I PHYIR RO, ,RNAM PAR SHES PA LAS DON GYI RNAM PA GZHAN PA YANG MA YIN TE, RNAM PAR SHES PA DON GYI RNAM PAS STONG PAR THAL BAR 'GYUR BA'I PHYIR RO, ,DE LTAR NA RNAM PAR SHES PA LA YOD PA'I RNAM PAS PHYI ROL GYI DON DU RNAM PAR GZHAG LA, PHYI ROL GYI DON GYI RNAM PAR SHES PAR GZHAG STE, 'DI LTAR PHAN TSUN LTOS NAS RNAM PAR SHES PA DANG RNAM PAR SHES PAR BYA BAR 'GRUB BO, ,YANG RNAM PAR SHES PA DE DBYE NA RNAM PAR SHES PA'I TSOGS DRUG STE, MIG GI RNAM PAR SHES PA DANG, RNA BA'I RNAM PAR SHES PA DANG, SNA'I RNAM PAR SHES PA DANG, LCE'I RNAM PAR SHES PA DANG, LUS KYI RNAM PAR SHES PA DANG, YID KYI RNAM PAR SHES PA ZHES BYA'O, ,MIG GI RNAM PAR SHES PA GANG ZHE NA, MIG GI DBANG PO LA BRTEN NAS GZUGS SO SOR RNAM PAR RIG PA'O, ,RNA BA'I RNAM PAR SHES PA GANG ZHE NA, RNA BA'I DBANG PO LA BRTEN NAS SGRA SO SOR RNAM PAR RIG PA'O, ,SNA'I RNAM PAR SHES PA GANG ZHE NA, SNA'I DBANG PO LA BRTEN NAS DRI SO SOR RNAM PAR RIG PA'O, ,LCE'I RNAM PAR SHES PA GANG ZHE NA, LCE'I DBANG PO LA BRTEN NAS RO SO SOR RNAM PAR RIG PA'O, ,LUS KYI RNAM PAR SHES PA GANG ZHE NA, LUS KYI DBANG PO LA BRTEN NAS REG BYA SO SOR RNAM PAR RIG PA'O, ,YID KYI RNAM PAR SHES PA GANG ZHE NA, YID KYI DBANG PO LA BRTEN NAS CHOS SO SOR RNAM PAR RIG PA'O, ,PHUNG PO LNGA PO NI BSHAD ZIN TO, ,SKYE MCHED BCU GNYIS BRJOD PAR BYA STE, DE LA KHAMS BCU DANG, SKYE MCHED BCU NI BSHAD ZIN TO, ,YID KYI SKYE @266B MCHED DANG, CHOS KYI SKYE MCHED BSHAD PAR BYA STE, RNAM PAR SHES PA'I TSOGS DE DAG GI NANG NAS RNAM PAR SHES PA GANG DANG GANG 'GAG MA THAG PA DE DANG DE NI 'DRA BA'I 'BRAS BU RNAM PAR SHES PA PHYI MA MNGON PAR 'GRUB PA'I RTEN GYI NGO BOR GNAS PAS YID CES SO,, TSOR BA'I PHUNG PO DANG, 'DU SHES KYI PHUNG PO DANG, RNAM PAR RIG BYED MA YIN PA DANG, NAM MKHA' DANG, SO SOR BRTAGS PA'I 'GOG PA DANG, SO SOR BRTAGS PA MA YIN PA'I 'GOG PA DANG, BDUN PO 'DI DAG NI CHOS KYI SKYE MCHED CES BRJOD DO, ,DE LA TSOR BA LA SOGS PA GSUM DANG, RNAM PAR RIG BYED MA YIN PA NI BSHAD ZIN TO, ,'DUS MA BYAS GSUM BSHAD PAR BYA STE, DE LA NAM MKHA' GANG ZHE NA, GANG GZUGS RNAMS KYI GO 'BYED CING GZUGS MED PA NI NAM MKHA'O, ,SO SOR MA BRTAGS PA'I 'GOG PA GANG ZHE NA, GANG 'GOG PA LA 'BRAL BA MA YIN PA'O, ,SO SOR BRTAGS PA'I 'GOG PA GANG ZHE NA, GANG 'GOG PA DE NI 'BRAL BA'O, ,SKYE MCHED BCU GNYIS NI BSHAD ZIN TO, ,MIG LA SOGS PA'I SKYE MCHED DE DAG NYID RTEN LA SOGS PA'I BYE BRAG GIS DBYE NA KHAMS BCO BRGYAD DU 'GYUR TE, RTEN DRUG DANG, DMIGS PA DRUG DANG, RNAM PAR SHES PA DRUG GI DBYE BAS SO, ,PHUNG PO DANG, SKYE MCHED DANG, KHAMS RNAMS GYI MDOR BSDUS PA NI BSHAD ZIN TO, ,RGYAS PAR DBYE BA NI CHOS MNGON PA DANG BSRES PA LAS SHES BAR BYA'O, ,PHUNG PO LNGA YI YANG DAG DON; ,MDOR BSDUS RAB BSHAD BSTAN BCOS 'DI, ,'BAD PA MED PA'I 'JIG RTAN 'DI'I, ,DON DU ZLA BA'I GRAGS PAS BYAS, ,PHUNG PO LNGA PA ZHES BYA BA'I RAB TU BYED PA SLOB DPON ZLA BA GRAGS PAS MDZAD PA RDZOGS SO,, ,,DPAL LHA BTZUN PA PO DHI R'A DZA'I BKA' LUNG DANG, DGE 'DUN GYI BKA' STZAL GYI SA TSANGS PA'I 'BYUNG GNAS GTZUG LAG KHANG DU RGYA GAR GYI MKHAN PO D'I BAm KA RA SHR'I DZNY'A NA DANG, ZHU CHEN GYI LO TZ'A BA DGE SLONG TSUL KHRIMS RGYAL BAS PHAG GI LO LA BSGYUR CING ZHUS TE GTAN LA PHAB PA,, ,,