@288B *, ,SPYOD 'JUG GI RNAM PAR BSHAD PA BZHUGS SO,, *, ,THUGS RJE CHEN PO SPYAN RAS GZIGS LA PHYAG 'TSAL LO, ,GANG ZHIG THUGS RJES BYANG CHUB SEMS GNYIS RAB BSKYED NAS, ,BRTZON 'GRUS MTSUNGS PA MED PAS TSOGS GNYIS RDZOGS MDZAD DE, , BDAG DANG GZHAN DON PHUN SUM TSOGS PA BRNYES GYUR KYANG, ,'JAM DPAL DBYANGS KYIS BLO BSKYED 'GYUR LA'ANG PHYAG 'TSAL TE, ,SPYOD LA 'JUG PA'I TSIG GI DON, ,BDAG 'DRA'I SPYOD YUL MA YIN YANG, ,BSLAB PA KUN LAS BTUS PA LAS, ,BRTEN NAS CUNG ZAD BRI BAR BYA, ,DA NI SLOB DPON BDAG NYID KYIS BSTAN BCOS RTZOM PA MTHAR PHYIN PAR BYA BA DANG, NYAN PA PO DANG 'CHAD PA PO RNAMS KYI NYAN PA DANG BSHAD PA MTHAR PHYIN PAR BYA BA DANG, BSTAN BCOS LA 'JUG PA'I YAN LAG TU BYA BA'I PHYIR, GANG GIS RTEN CING 'BREL PAR 'BYUNG, ,ZHES BYA BA LA SOGS PA DANG, SANGS RGYAS RNAMS DANG BYANG CHUB SEMS DPA' DAG ,CES BYA BA LA SOGS PA MCHOD PA RNAM PA GNYIS GSUNGS TE, DE LA DANG PO NI SANGS RGYAS DKON MCHOG LA GZHAN GYI DON PHUN SUM TSOGS PA'I THABS THUN MONG MA YIN PA RTEN CING 'BREL PAR 'BYUNG BA SPROS PA'I MTHA' RNAM PA BRGYAD DANG BRAL BA JI LTA BA BZHIN DU STON PAR MDZAD PA ZHES BYA BA'I SGO NAS MCHOD PA BSTAN TE, DE BZHIN GSHEGS PA KHO NA LAS GZHAN GYI YUL MA YIN PA'I PHYIR RO, ,DE LA GNYIS PA NI DKON MCHOG GSUM CHAR LA YANG GZHAN GYI DON PHUN SUM TSOGS PA'I SGO NAS MCHOD PA BSTAN TE, SANGS RGYAS RNAMS DANG BYANG CHUB SEMS DPA' DAG ,CES BYA BA'I SANGS RGYAS DKON MCHOG DANG, DGE 'DUN DKON MCHOG YIN LA, DE DAG SPYOD DANG ZHES BYA BA NI CHOS DKON MCHOG YIN TE, JI LTA ZHE NA, BSTAN PA'I TSUL GYIS SPYOD PA DANG, SGRUB PA'I TSUL GYIS SPYOD PA DANG, MNGON SUM DU BYED PA'I TSUL GYIS SPYOD PA STE, GO RIMS BZHIN DU BSTAN PA'I CHOS DANG, SGRUB PA'I CHOS DANG, DON DAM PA'I CHOS YIN PA'I PHYIR RO, ,SEMS CAN MA LUS GNOD PA SEL MDZAD CING, ,BDE BA RNAM PA SNA TSOGS BSGRUB MDZAD PA, ,ZHES BYA BA NI 'BRAS BU GZHAN @289A *, ,NI DON PHUN SUM TSOGS PA BSTAN PA'I PHYIR RO, ,DE BAS NA MCHOD PAR BRJOD PA DANG PO'I DBANG DU BYAS NAS PHYAG 'TSAL LO ZHES BYA BA NI MCHOD PA DNGOS BSTAN PA YIN LA, RDZOGS PA'I SANGS RGYAS ZHES BYA BA NI MCHOD PA'I YUL BSTAN PA YIN ZHING, SMRA BA RNAMS KYI DAM PA ZHES BYA BAS NI MCHOD PA'I RGYU MDOR BSTAN PA YIN LA, LHAG MA RNAMS KYIS NI DE NYID RGYAS PAR BSHAD PA YIN NO, ,DE BZHIN DU MCHOD PAR BRJOD PA GNYIS PA'I DBANG DU BYAS NAS, SANGS RGYAS RNAMS DANG BYANG CHUB SEMS DPA' DAG ,CES BYA BA DANG SPYOD DANG ZHES BYA BA NI MCHOD PA'I YUL BSTAN PA YIN LA, GUS PHYAG 'TSAL ZHES BYA BA NI MCHOD PA DNGOS BSTAN PA YIN ZHING, LHAG MA RNAMS KYIS NI MCHOD PA'I RGYU BSTAN PA YIN NO, ,YANG NA MCHOD PAR BRJOD PA DANG PO'I DBANG DU BYAS NAS PHYAG 'TSAL LO ZHES BYA BAS NI PHYAG 'TSAL BA'I SGO NAS MCHOD PA YIN LA, LHAG MA RNAMS KYIS NI BSTOD PA'I SGO NAS MCHOD PA YIN TE, DE YANG RDZOGS PA'I SANGS RGYAS ZHES BYA BA NI, RANG GI DON PHUN SUM TSOGS PA YIN ZHING, LHAG MA RNAMS NI GZHAN GYI DON PHUN SUM TSOGS PA'I THABS YIN NO, JI LTA ZHE NA, NYON MONGS PA DANG SHES BYA'I SGRIB PA DE GNYIS MA LUS PAR SPANGS PA DANG, BAG CHAGS DANG BCAS PA SPANGS PA DANG TING NGE 'DZIN DANG SNYOMS PAR 'JUG PA THAMS CAD KYI SGRIB PA SPANGS PA'I PHYIR RDZOGS PA'I SANGS RGYAS TE, DPER NA SKYES BU GNYID SAD PA LTA BU YIN ZHING, SHES BYA JI SNYED YOD PA DANG JI LTA BA BZHIN DU YOD PA MKHYEN PAS SHES BYA LA BLO RGYAS PA'I PHYIR RDZOGS PAR SANGS RGYAS PA STE, ME TOG KU MU TA KHA BYE BA LTA BU YIN PA'I PHYIR DANG, RTEN CING 'BREL PAR 'BYUNG BA SPROS PA'I MTHA' RNAM PA BRGYAD DANG BRAL BA JI LTA BA BZHIN DU STON PA NI GZHAN GYI DON PHUN SUM TSOGS PA'I THABS YIN TE, DE YANG JI LTA ZHE NA, KUN RDZOB DANG DON DAM PA'I BDEN PA GNYIS KYI DBANG DU BYAS NAS SPROS PA'I MTHA' RNAM PA BRGYAD DANG BRAL BAR STON PAS, GO RIMS BZHIN DU GDUL BYA MTHA' DAG GI LAS RGYU 'BRAS LA RMONGS PA'I MA RIG PA DANG, DE KHO NA'I DON LA RMONGS PA'I MA RIG PA BSAL BAS RIM PA BZHIN DU MNGON PAR MTHO BA DANG, @289B NGES PAR LEGS PA'I 'BRAS BU THOB PAR BYED PA'I PHYIR TE, DE NI RE ZHIG BSDUS PA'I DON YIN NO, ,DA NI YAN LAG GI DON BRJOD PAR BYA STE, GANG GIS ZHES BYA BA NI SPYI'I SGRA YIN YANG, SANGS RGYAS BCOM LDAN 'DAS KHO NA YIN PAR MNGON TE, GZHAN DAG LA JI SKAD SMOS PA'I YON TAN MED PA'I PHYIR RO, ,RTEN CING 'BREL PAR 'BYUNG ZHES BYA BA NI, GZHAN GYI DBANG GI MTSAN NYID DE, DE JI LTAR KUN RDZOB KYI BDEN PA'I DBANG DU BYAS NAS, SPROS PA'I MTHA' RNAM PA BRGYAD DANG BRAL BA YIN ZHE NA, JI LTAR SNANG BA TSOD TZAM DU YANG GZHAN MU STEGS BYED KYIS KHAS BLANGS PA BZHIN DU DBANG PHYUG LA SOGS PAS BSHIG PA'I DGAG PA MED PA DANG, MI MTHUN PA'I RGYU DANG, RGYU MED PA LAS SKYE BA MED PA DANG, GRANGS CAN GYIS KHAS BLANGS PA LTA BU'I RTOG PA DANG, RGYANG 'PHEN PA 'DOD PA LTA BU CHAD PA DANG, RANG GI SDE PA BYE BRAG TU SMRA BA LA SOGS PAS 'DOD PA LTA BU 'DUS BYAS DANG 'DUS MA BYAS KYI MTSAN NYID RNAM PA DE NYID DANG PHAN TSUN THA DAD PA DANG, GRANGS CAN PA 'DOD PA LTA BU DNGOS PO THAMS CAD YON TAN GSUM GYI RANG BZHIN DU GCIG PA DANG, YANG MU STEGS RTAG PAR SMRA BA RNAMS KYI 'DOD PA LTA BU'I SKYE BA'I TSE, TSE SNGA MA'I DNGOS PO DE NYID 'DIR 'ONG BA DANG, SHI BA'I TSE NYID 'DI NYID PHYI MAR 'PHO BA MED PAS GO RIMS BZHIN DU SPROS PA NYE BAR ZHI BA YIN LA, DE NYID JI LTA BA BZHIN DU BSTAN PA'I PHYIR ZHI BAR BYA'O, ,JI LTAR NA DON DAM PA'I BDEN PA'I DBANG DU BYAS NAS SPROS PA'I MTHA' RNAM PA BRGYAD DANG BRAL BA YIN ZHE NA, RE ZHIG KUN RDZOB GONG MA LTA BU'I 'GAGS PA LA SOGS PA MED KYANG, RANG RANG GIS 'GAGS PA DANG, RGYU RKYEN GZHAN LAS SKYE BA DANG, 'BRAS BU 'BYUNG BA'I TSE 'GAGS PA DANG, RGYU YOD PA'I TSE 'BRAS BU 'BYUNG BA DANG, SO SO'I RGYU LAS RANG DANG RJES SU MTHUN PA'I 'BRAS BU SKYE BA DANG, RGYU DANG 'BRAS BU DE DAG NYID KYANG PHAN TSUN LOG PA DANG, TSE SNGA MA'I PHUNG PO LAS BAR MA CHAD PAR 'DIR 'ONG BA DANG, 'DI NAS SHI 'PHOS PA'I DUS SU BAR MA CHAD PAR SKYE BA YIN YANG DON DAM PAR DES KYANG MA GRUB STE, JI LTA ZHE NA, MTSAN GZHI DNGOS PO NYID TSAD MAS DPYAD NA MA GRUB PA'I PHYIR DE'I MTSAN NYID DGAG PA LA @290A *, ,SOGS PA GA LA 'GRUB STE, JI LTAR DE KHO NA NYID LA 'JUG PA LAS, DNGOS PO YOD NA NI DE BRTEN PA'I CHOS DE DAG DANG, DE BSAM GYIS, MO GSHAM BU LA GTONG BA'I NGANG TSUL CAN DU 'GA' MI 'DOGS PA ZHES GSUNGS PA LTA BU STE, DE'I PHYIR TSAD MAS DPYAD NA BDEN PA GNYIS RNAM PAR 'BYED PA LAS, JI SKAD DU, GAL TE RIGS PA'I STOBS KYIS NA, ,KUN RDZOB TU YANG MI SKYE DANG, ,ZHES BRGAL BA'I LEN DE BDEN ZHES BYA BA LA SOGS PA GSUNGS PA'I TSUL GYIS NA KUN RDZOB NYID KYANG MA GRUB NA, DNGOS PO SMRA BAR KHAS BLANGS PA LTA BU'I DNGOS PO DON DAM PAR LTA SMOS KYANG CI DGOS TE, 'PHAGS PA RDO RJE GCOD PA LAS JI SKAD DU DE BZHIN GSHEGS PAS MNGON PAR RDZOGS PAR SANGS RGYAS PA'I CHOS DE LA NI BDEN PA YANG MED BRDZUN PA YANG MED CES GSUNGS PA LTA BU YIN PAS, DE'I PHYIR RIGS PA JI LTA BA BZHIN DU DNGOS PO GANG YANG GRUB PA MED PAS, BDEN PA GNYIS RNAM PAR 'BYED PA LAS KYANG, MA SKYES NGO BO NYID LA NI, ,RTAG DANG CHAD PA GA LA ZHIG ,CHOS KYI BYE BRAG RNAM RTOG PA, ,NGO BO NYID LA RTOG PAR BYED, ,JI LTAR SUS KYANG NAM MKHA' LA, ,YIG SOGS DGOD PAR MI NUS LTAR, ,DNGOS PO RNAMS NI MA SKYES LA, ,CHOS SU RNAM RTOG DE BZHIN NO; ,ZHES GSUNGS PA YIN NO, ,GAL TE DE LTAR TSAD MAS DPYAD NA, KUN RDZOB SKYE 'GAG NYID KYANG MA GRUB PA YIN NA NI, DE'I TSE SNANG BA GSAL BA NYID DU 'GYUR RO ZHE NA, MI 'GYUR TE RIGS PA'I BSAM PA'I DBANG DU BYAS NAS MED PAR KHAS BLANGS PA'I PHYIR, KUN RDZOB DE RIGS PAS BRTAG BZOD PA'I MTSAN NYID DU MED CES BYA BAR 'GYUR GYIS, JI LTAR SNANG BA TZAM DU YANG MED CES BYA BAR MI 'GYUR TE, KUN RDZOB 'JOG PAR BYED PA'I SHES PA RNAMS KYIS BSAM PA'I DBANG DU BYAS NAS KYANG MED CES KHAS BLANGS PA'I PHYIR RO, ,DE BAS NA DON DAM PAR NI 'GAG PA LA SOGS PA SPROS PA MTHA' DAG NYE BAR ZHI BA STE, BDEN PA GNYIS RNAM PAR 'BYED PA LAS KYANG, JI SKAD DU, DE NYID PHYIR NA DE STONG MIN, ,MI STONG MA YIN YOD MED MIN, ,MI SKYE MA YIN SKYE MIN ZHES, ,DE LA SOGS PA BCOM LDAN GSUNGS, ,ZHES 'BYUNG BA YIN NO, ,DE BAS NA DE BZHIN GSHEGS @290B PAS KYANG DON DAM PA'I BDEN PA NI 'PHAGS PA YAB DANG SRAS MJAL BA'I MDO LAS DON DAM PA GANG YIN PA DE NI BRJOD DU MED PA STE, SHES PAR BYA BA MA YIN PA, RNAM PAR SHES PAR BYA BA MA YIN PA ZHES BYA BA LA SOGS PA GSUNGS PA'I PHYIR ZHING BSTAN PA ZHES BYA'O, ,'ON TE DE LTAR DON DAM PA'I BDEN PA BRJOD DU MED PA NYID YIN NO, ,DE'I TSE STONG PA NYID LA SOGS PA'I SGRA DAG GIS JI STE ZHE NA, DE NI DON DAM PA'I BDEN PA DE LA MI STONG PA DE LA SOGS PA'I ZHEN PA DGAG PA'I PHYIR YIN GYI, STONG PA LA SGRA DAG GIS BRJOD PAR BYAR RUNG BA'I PHYIR GSUNGS PA NI MA YIN TE, JI SKAD DU, 'PHAGS PA SANGS RGYAS THAMS CAD KYI YUL LA 'JUG PA YE SHES SNANG BA'I RGYAN LAS, 'JAM DPAL STONG PA ZHES BYA BA NI MA STONG PAR MNGON PAR ZHEN PA DGAG PA'I TSIG BLA DAGS YIN GYI, 'JAM DPAL 'DI DON DAM PAR STONG PA ZHES BYA BA'I CHOS NI 'GA' YANG MI DMIGS SO ZHES GSUNGS PA'I PHYIR TE, SPROS PAS CHOG GO , ,'O NA DE LTAR STON PA PO DE SU YIN ZHE NA, RDZOGS PA'I SANGS RGYAS ZHES BYA BA LA SOGS PA GSUNGS TE, GZHAN DAG GIS STON MI NUS PA'I PHYIR RO, ,'ON TE RAB 'BYOR LA SOGS PAS KYANG STON TO ZHE NA, DE NI STON PAS BYIN GYIS BRLABS PA'I PHYIR TE, JI SKAD DU, RGYAL BA'I NYAN THOS PA DAG JI SKAD CHOS STON DANG, ,'CHAD DANG RIG PA DAG DANG LDAN PA BRJOD PA DANG, ,MCHOG 'PHAGS BDE BA BYED DANG DE YI 'BRAS STON PA, ,DE DAG KUN KYANG DE BZHIN GSHEGS PA SKYES BU'I MTHU, ,ZHES GSUNGS PA'I PHYIR RO, ,DE BAS NA SMRA BA RNAMS KYI DAM PA ZHES BYA'O, ,DA NI MCHOD PA GNYIS PA'I YAN LAG GI DON GYI DBANG DU BYAS NAS, SANGS RGYAS RNAMS DANG ZHES BYA BA LA SOGS PA SMOS TE, 'DIR SEMS CAN MA LUS PA ZHES BYA BA SPYI SGRA 'BYUNG MOD KYI, GDUL BYA MA LUS PA YIN PAR MNGON TE, GNOD PA SEL MDZAD CING ZHES BYA BA LA SOGS PA 'BYUNG BA'I PHYIR RO, ,GDUL BYA DE DAG GI DON JI LTAR MDZAD CE NA, YANG SANGS RGYAS DANG BYANG CHUB SEMS DPA' RNAMS NI SKYE BA RNAM PA LNGA ZHES BYA BA'I SGO NAS PHRIN LAS RNAM PA LNGA'I TSUL GYIS GDUL BYA RIGS RNAM PA LNGAS BSDUS PA RNAMS KYI TSE 'DI DANG PHYI MA'I GNOD PA SPONG ZHING BDE BA @291A *, ,SGRUB PA'I DON MDZAD PA'I PHYIR TE, JI LTA ZHE NA, GNOD PA LAS YONGS SU SKYOB PA'I PHRIN LAS KYIS NI DE DAG LAS DE DANG DER SEMS CAN LONG BA RNAMS NI MIG GIS MTHONG ZHES BYA BAR GYUR TO ZHES BYA BA LA SOGS PA'I TSUL GYIS GDUL BYA RIGS LNGAS BSDUS PA RNAMS KYI TSE 'DI GNOD PA MA LUS PA SEL ZHING BDE BA SGRUB PAR MDZAD PA YIN LA, NGAN SONG LAS YONGS SU SKYOB PA'I PHRIN LAS KYIS GDUL BYA RIGS 'CHAD PA RNAMS KYI TSE PHYI MA'I NGAN SONG GI GNOD PA SEL ZHING MTHO RIS KYI BDE BA SGRUB PAR MDZAD PA YIN ZHING, DE BZHIN 'JIG TSOGS LAS YONGS SU SKYOB PA'I PHRIN LAS KYIS NI GDUL BYA NYAN THOS DANG RANG SANGS RGYAS KYI RIGS CAN DAG GIS 'KHOR BAR SKYE BA'I GNOD PA SEL BAR MDZAD CING, NYAN THOS DANG RANG SANGS RGYAS KYI BDE BA SGRUB PAR MDZAD PA YIN LA, DE BZHIN DU THEG PA DMAN PA LAS YONGS SU SKYOB PA'I PHRIN LAS KYIS NI GDUL BYA RIGS MA NGES PA DAG THEG PA DMAN PAR LTUNG BA'I GNOD PA SEL BAR MDZAD CING, THEG PA CHEN PO'I BDE BA YANG SGRUB PAR MDZAD LA, DE BZHIN DU GDUL BYA THEG PA CHEN PO'I RIGS CAN DAG LA NI THABS MA YIN PA LAS YONGS SU SKYOB PA'I PHRIN LAS KYIS NI THEG PA CHEN PO'I THABS MA YIN PAR 'JUG PA'I GNOD PA SEL CING; YANG DAG PA'I THEG PA CHEN PO'I THABS NYID LA 'GOD PA'I BDE BA SGRUB PAR MDZAD PA'I PHYIR, SEMS CAN MA LUS GNOD PA SEL MDZAD CING, ,BDE BA RNAM MANG SNA TSOGS SGRUB MDZAD PA, ,ZHES 'BYUNG BA YIN NO, ,DA NI BYANG CHUB SEMS DPA'I SPYOD PA'I GZHI'I GZHUNG BSHAD PA'I PHYIR, DE YANG SGRUB PA PO GANG ZAG GI DBANG DU BYAS NAS, DAL 'BYOR 'DI NI ZHES BYA BA LA SOGS PA TSIGS SU BCAD PA GNYIS GSUNGS TE, DE LA TSIGS SU BCAD PA DANG POS NI SPYOD PA SGRUB PA'I LHAN CIG BYED PA'I RKYEN, DAL 'BYOR PHUN SUM TSOGS PA RNYED PAR DKA' BA'I PHYIR, DE THOB PA CHUD MI ZA BAR BSTAN TE, TSIGS SU BCAD PA GNYIS PAS NI SPYOD PA SGRUB PA'I NYE BAR LEN PA'I RGYU THEG PA CHEN PO'I RIGS DANG LDAN PA'I RGYUD LAS, BDAG DANG GZHAN MA NYAM PA NYID DU BYA BA'I DGE BA'I CHOS LA 'DUN PA RNYED PAR DKA' BAS DE CHUD MI ZA BAR BYA BA NYID DU @291B BSTAN TE, DE YANG BSLAB PA KUN LAS BTUS PA LAS, SKYES BU'I DON RNAMS BSGRUB PA'I DAL 'BYOR 'DI ZHES BYA BA LA SOGS PA DANG, DE LTA BU DANG PHRAD PA LA BRTEN NAS SEMS CAN CHEN PO DAG LA 'DI LTA BU'I RNAM PAR RTOG PA 'BYUNG NGO, ,'DI LTAR BDAG DANG GZHAN MNYAM PAR, ,'JIGS DANG SDUG BSNGAL MI 'DOD NA, ,BDAG DANG BYE BRAG CI YOD KYIS, ,GANG DE BSRUNG LA DE MI SRUNG, ,SNYAM STE, ZHES 'BYUNG BA DANG GO RIMS BZHIN DU SBYAR RO, ,YAN LAG GI DON BRJOD PAR BYA STE, DAL 'BYOR ZHES BYA BA NI BDAG GI 'BYOR PA LNGA STE, MIR GYUR PA DANG, DBANG PO TSANG BA DANG, YUL GYI DBUS SU SKYES PA DANG, GNAS LA DAD PAR GYUR PA DANG, LAS KYI MTHA' MA LOG PA DANG, DE BZHIN DU GZHAN GYI 'BYOR PA LNGA STE, SANGS RGYAS 'JIG RTEN DU BYUNG BA DANG, DAM PA'I CHOS STON PA DANG, DAM PA'I CHOS 'JIG RTEN NA GNAS PA DANG, GZHAN DAG KYANG DE'I RJES SU 'JUG PA DANG, GZHAN RJES SU SNYING BRTZE BA STE, BCU PO 'DI DAG NI NYAN THOS KYI SA LAS 'BYUNG BA BZHIN DU RIG PAR BYA'O, ,DE RNYED PAR SHIN TU DKA' BA NI MDO KUN LAS BTUS PA LAS JI SKAD 'BYUNG BA BZHIN NO, ,DE NYID NI SKYES BU'I DON MNGON PAR MTHO BA DANG NGES PAR LEGS PA SGRUB PA'I RTEN YIN TE, DE LTAR CI ZHIG LTAR THOB PAR GYUR PA DANG, GAL TE DE THOB PA'I GNAS GNAS SKABS 'DI LA PHAN PA STE, DGE BA'I LAS MA BSGRUBS NA THOB PA CHUD ZOS PA NYID DU 'GYUR BAS DE THOB PA CHUD MI ZA BAR BYA BA'I PHYIR, DE'I LAS LA 'BAD PAR BYA'O ZHES BYA BAR BSTAN TO, , DE LTAR YIN YANG PHYIS BSGRUB PAR BYA MOD CE NA, PHYIS NI 'GRUB PAR NGES PA MED PA'I PHYIR, ,PHYIS 'DI YANG DAG 'BYOR PAR GA LA 'GYUR, ,ZHES GSUNGS SO, ,DA NI SPYOD PA SGRUB PA'I RTEN NYE BAR LEN PA'I RGYU'I DBANG DU BYAS NAS, JI LTAR MTSAN MO ZHES BYA BA LA SOGS PA SMOS TE, 'JIG RTEN TE THEG PA CHEN PO'I RIGS CAN DAG GI RGYUD LA DAL 'BYOR PHUN SUM TSOGS PA DANG PHRAD PA LA BRTEN NAS BSOD NAMS TE DGE BA'I CHOS BDAG BZHIN DU SEMS CAN THAMS CAD LA YANG SDUG BSNGAL DANG BRAL ZHING, BDE BA BSGRUB PAR BYA'O SNYAM PA'I BYAMS PA DANG SNYING @292A *, ,RJE'I BDAG NYID KYI BLO GROS THANG ? 'GA' ZHIG 'BYUNG GI GTAN DU 'BYUNG BA MA YIN PAS, DE THOB PA CHUD MI ZA BAR BYA'O ZHES BSTAN TO, ,DE NI RTEN KHYAD PAR CAN THOB PA'I GANG ZAG DES NYAMS SU BLANG BA'I RIM PA BYANG CHUB SEMS DPA'I SPYOD PA'I BDAG NYID KYI DBANG DU BYAS NAS, RE ZHIG SPYOD PA BSGRUB PA'I SNGON DU 'GRO BA NI BYANG CHUB TU SEMS BSKYED PA YIN PAS DE'I PHAN YON BSTAN PA DANG, DE LTAR DGE BA NYAM CHUNG ZHES BYA BA LA SOGS PA GSUNGS TE, 'DIR BSDUS PA'I DON TO, ,DGE BA BSGRUB PA'I RTEN NI DAL 'BYOR PHUN SUM TSOGS PA YIN LA 'DI NI SHIN TU RNYED PAR DKA' BAS DE LA BRTEN PA'I DGE BA'I CHOS NI SHIN TU NYAM CHUNG BA'I PHYIR DANG MI DGE BA SGRUB PA'I RTEN MI KHOM PA'I GNAS NI SHIN TU RNYED PAR SLA BAS DE BSTAN PA'I MI DGE BA'I CHOS NI DPAG TU MED PA RGYUD LA GNAS PA YIN LA, DE RNAMS NI BYANG CHUB CHEN POR SEMS BSKYED PA RNAM PA GNYIS KYIS SPONG BAR 'GYUR TE, DE NI RTEN GYI STOBS DANG NYES PA LAS BZLOG PA'I STOBS KHYAD PAR CAN YIN PA'I PHYIR DANG, LHAG MA NYAN THOS LA SOGS PAR SMON PA DANG 'JUG PA'I SEMS BSKYED PA'I DGE BA GZHAN DAG GIS NI DE LTAR MA YIN TE, DE DAG NI RTEN GYI STOBS DANG KHYAD PAR CAN MA YIN PA'I PHYIR RO, ,DE BAS NA DUS DPAG TU MED PAR SEMS CAN GYI DON LA DGONGS PA'I THUB PA'I DBANG PO DNGOS KYIS KYANG NYAN THOS SU SEMS BSKYED PA LA SOGS PA'I NANG NAS THEG PA CHEN POR SEMS BSKYED PA NYID MCHOG TU PHAN PAR GZIGS SO ZHES BYA BA YIN NO, ,PHAN YON GZHAN YANG BYANG CHUB SEMS BSKYED PA 'DIS NI GDUL BYA TSAD MED PA'I SKYE BO'I TSOGS RNAMS KYIS, BDE BA THAMS CAD KYI MCHOG BLA NA MED PA'I SANGS RGYAS KYANG ME LNGA BSTEN PA LA SOGS PA LTA BU'I LUS GDUNG BA'I DKA' THUB DRAG PO BYA MI DGOS PAR GRUB PAR BYED PAS BDE BLAG NYID DU THOB PAR BYED CES BSHAD DO, ,'DI TZAM GYIS SDIG PA SPANG ZHING BDE BA THOB PAR BYED PA'I RGYU NYID DU BSTAN TO, ,PHAN YON BSTAN PA'I SGO NAS BYANG CHUB TU SEMS BSKYED PA DE GZUNG BAR BYA BA NYID DU GDAMS NGAG BSTAN PA, 'JIGS DANG ZHES BYA BA LA SOGS PA SMOS TE, BDAG GI RGYUD LA TSE 'DI DBANG ? @292B PO'I CHAD PA LA SOGS PA'I 'JIGS PA DANG, TSE PHYI MA'I 'KHOR BA'I SDUG BSNGAL BRGYA PHRAG DPAG TU MED PA GZHOM PAR 'DOD CING, DE BZHIN DU SEMS CAN GZHAN GYI RGYUD LA TSE 'DI DANG PHYI MA'I MI BDE BA BSAL BAR 'DOD PA DANG, BDAG DANG GZHAN GYI RGYUD LA TSE 'DI DANG PHYI MA'I BDE BA MANG PO BRGYA PHRAG DPAG TU MED PA SPYOD PAR 'DOD PAS KYANG SMON PA DANG 'JUG PA'I BYANG CHUB KYI SEMS BSKYED PA NYID RTAG TU GTONG BAR MI BYA STE, GDON MI ZA BAR SEMS BSKYED PAR MI BYA'O ZHES BYA BA'I THA TSIG GO , ,GZHAN YANG BYANG CHUB KYI SEMS BSKYED PAR GYUR NA, DE BSKYED PA'I SKAD CIG GIS GANG ZAG DE 'KHOR BA'I BRTZON RAR NYON MONGS PA RNAM PA SNA TSOGS KYIS BSDAMS PA SKYE BA LA SOGS PA'I SDUG BSNGAL GYIS NYAM THAG PA RNAMS KYANG, BDE BAR GSHEGS PA RNAMS KYI SRAS, ,ZHES BRJOD PAR BYA ZHING, DE NYID KYIS NA, 'JIG RTEN LHA MIR BCAS PAS PHYAG BYAR 'GYUR, ,ZHES SMOS TE, MCHOD PA'I GNAS SU 'GYUR RO, ,PHAN YON GZHAN YANG GSER 'GYUR RTZI'I ZHES PA LA SOGS PA SMOS TE, 'PHAGS PA SDONG ? PO BKOD PA'I MDO LAS JI SKAD DU RIGS KYI BU 'DI LTA STE, DPER NA DNGUL CHU'I RIGS GSER DU SNANG BA ZHES BYA BA YOD DE, DE NI SRANG GCIG GIS KYANG LCAGS SRANG STONG GSER DU BSGYUR TE, DNGUL CHU SRANG GCIG PO DE NI LCAGS SRANG STONG PO DES ZAD PAR BYA BA'AM LCAGS SU BSGYUR BAR MI NUS SO, ,DE BZHIN DU THAMS CAD MKHYEN PA NYID DU SEMS BSKYED PA'I KHU BA'I 'BYUNG KHUNGS DGE BA'I RTZA BA YONGS SU BZUNG BA'I LAS DANG NYON MONGS PA'I SGRIB PA'I LCAGS THAMS CAD ZAD PAR BYAS TE, CHOS THAMS CAD THAMS CAD MKHYEN PA NYID KYI KHA DOG TU BYED KYANG THAMS CAD MKHYEN PA NYID DU SEMS BSKYED PA'I KHU BA'I 'BYUNG KHUNGS GCIG PO DE NI LAS DANG 'BRAS BU NYON MONGS PA'I LCAGS THAMS CAD KYIS KYANG KUN NAS NYON MONGS PAR BYA BA'AM ZAD PAR BYA BAR MI NUS SO ZHES GSUNGS PA LTA BU'O, ,DE LTA BAS NA BYANG CHUB TU SEMS BSKYED PA'I PHAN YON NI DPAG TU MED PA DANG LDAN PAR DE BZHIN GSHEGS PA RNAMS KYIS GZIGS PA RTOGS PA DANG LDAN PA GANG ZHIG BDAG DANG GZHAN GYI RGYUD LA SPANGS PA DANG @293A *, ,YE SHES THOB PAR 'DOD PAS YID BZHIN GYI NOR BU RIN PO CHE LTA BUR DKON PA DANG RIN CHE DANG, DGA' BAR BYED PA DANG, PHAN 'DOGS PA DANG, MI MA YIN PA LA SOGS PA'I GNOD PA LAS SKYOB PA STE, DAL 'BYOR PHUN SUM TSOGS PA LA SOGS PA BSTAN PA'I PHYIR DANG GO RIMS BZHIN DU LUS DANG LONGS SPYOD DANG, DGE BA'I RTZA BA BTANG DGOS PA'I PHYIR DANG, 'GYOD PA MED PA'I RIM GYIS BDE BA LA REG PAR BYED PA'I PHYIR DANG, BSOD NAMS DANG YE SHES KYI TSOGS DPAG TU MED PA SKYED PA'I PHYIR DANG, DE NYID KYIS NA GZHAN DAG GI GNOD PAS MI TSUGS PA'I PHYIR TE, DE BAS NA YONGS SU GZUNG BAR BYA DGOS PAS, 'GRO BA'I DED DPON ZHES BYA BA LA SOGS PA SMOS SO, ,GZHAN YANG DGE BA GZHAN KUN ZHES BYA BA LA SOGS PAS NI 'DI SKAD BSTAN TE, JI LTAR CHU SHING 'BRAS BU BSKYED NAS ZAD PAR 'GYUR BA BZHIN DU BYANG CHUB TU SEMS BSKYED PA'I RTEN DAM PA DANG, BYANG CHUB CHEN POR YONGS SU BSNGO BA DAM PAS MA ZIN PA'I DGE BA DE DAG GIS NI RANG RANG GI 'BRAS BU BSKYED NAS, DE'I RJES LA YONGS SU ZAD PAR 'GYUR GYI, BYANG CHUB TU SEMS BSKYED PA RTEN DAM PA DANG, YONGS SU BSNGO BA DAM PAS YONGS SU ZIN PA'I DGE BA'I RTZA BA RNAMS KYIS NI JI SRID DU BYANG CHUB CHEN PO MA THOB KYI BAR DU MNGON PAR MTHO BA'I 'BRAS BU 'BYIN ZHING DE ZAD PAR MI 'GYUR TE, MTHAR BYANG CHUB CHEN PO THOB PAS 'PHEL BAR 'GYUR RO ZHES BYA BA'AM, YANG BYANG CHUB CHEN PO'I 'BRAS BU 'BYIN ZHING 'KHOR BA JI SRID MA STONGS PAR GZUGS KYI SKU RNAM PA GNYIS 'GRO BA'I DON MDZAD PA'I PHYIR RAM, YANG NA BDAG GI DON GYI 'BRAS BU 'BYIN CING, GZHAN GYI DON YANG SGRUB PAR BYED PA'I PHYIR, 'BRAS BU 'BYIN PAS MI ZAD 'PHEL BAR 'GYUR, ,ZHES BSHAD DO, ,'DIS NI BYANG CHUB TU SEMS BSKYED PA 'DI NYID DGE BA'I RTZA BA MI ZAD PAR BSRUNG ZHING LUS LA SOGS PA SPEL BA'I THABS NYID DU YANG STON TO, ,PHAN YON GZHAN YANG, SDIG PA SHIN TU MI ZAD CES BYA BA LA SOGS PAS 'DI SKAD BSTAN TE, GROGS KHYAD PAR CAN LA BRTEN NAS DGRA LA SOGS PA'I 'JIGS PA CHEN PO LAS SKYOB PA BZHIN DU SMON PA'I @293B SEMS BSKYED PA'I BDAG NYID KYI NYES PA LAS BZLOG PA'I STOBS KYIS KYANG SDIG PA LAS GROL BA'I PHYIR, SDIG PA SBYANG BAR 'DOD PA RNAMS KYIS GDON MI ZA BAR BSTEN PAR BYA DGOS TE, DES NA BSKAL BA'I MI BZHIN DU NYES BYAS RNAMS SREG PA'I PHYIR RO SNYAM DU BSAM PA STE, 'DI TZAM GYI PHAN YON RIG PA'I SGO NAS BSTAN TO, ,DA NI LUNG GI SGO NAS BSTAN PA'I PHYIR, DE'I PHAN YON ZHES BYA BA LA SOGS PA STE, 'PHAGS PA SDONG PO BKOD PA'I MDO LAS, RIGS KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON LTA BU'O, ,'GRO BA THAMS CAD KYI CHOS DKAR PO RNAM PAR 'PHEL BAS ZHING LTA BU'O, ,'JIG RTEN THAMS CAD RTEN PAS SA LTA BU'O, ,DBUL BA THAMS CAD YANG DAG PAR GCOD PAS RNAM THOS KYI BU LTA BU'O, ,BYANG CHUB SEMS DPA' THAMS CAD KYIS YONGS SU BSRUNG BAS PHA LTA BU'O, ,DON THAMS CAD YANG DAG PAR 'GRUB PAS YID BZHIN GYI NOR BU'I RGYAL PO LTA BU'O, ,BSAM PA THAMS CAD YONGS SU RDZOGS PAR BYED PAS BUM PA BZANG PO LTA BU'O, ,NYON MONGS PA'I DGRA PHAM PAR BYED PAS MDUNG THUNG LTA BU'O, TSUL BZHIN MA YIN PA YID LA BYED PA 'GEGS PAS GO CHA LTA BU'O, ,NYON MONGS PA'I MGO LTUNG BAR BYED PAS RAL GRI LTA BU'O, ,NYON MONGS PA'I SHING GCOD PAR BYED PAS STA RE LTA BU'O, ,'TSE BA THAMS CAD LAS SKYAB PAS MTSON CHA LTA BU'O, ,'KHOR BA'I CHU'I NANG NA GNAS PA STENG DU 'BYIN PAS MCHIL PA LTA BU'O, ,SGRIB PA THAMS CAD KHEBS PA'I SA THAMS CAD RNAM PAR 'THOR PAS RLUNG GI DKYIL 'KHOR LTA BU'O, ,BYANG CHUB SEMS DPA'I SPYOD PA DANG SMON LAM THAMS CAD BSDUS PA'I PHYIR MDOR BSTAN PA LTA BU'O, ,LHA DANG MI DANG LHA MA YIN DU BCAS PA'I 'JIG RTEN LA MCHOD RTEN LTA BU STE, RIGS KYI BU DE LTAR BYANG CHUB KYI SEMS NI YON TAN DE DAG DANG YON TAN GYI BYE BRAG TSAD MED PA GZHAN DAG DANG LDAN NO ZHES 'BYUNG BA LTA BU'O, ,'O NA YON TAN DE LA BU DANG LDAN YANG BDAG CAG LTA BU SO SO'I SKYE BO LA SKYED RUNG NGAM ZHE NA, SKYED RUNG BA NYID DU RIG PAR BYA STE, BSLAB PA KUN LAS BTUS PA LAS JI SKAD BSHAD PA BZHIN NO, ,DA NI BYANG CHUB KYI SEMS KYI RAB TU DBYE BA @294A *, ,BSTAN PA'I PHYIR, BYANG CHUB SEMS SU MDOR BSDU NA, ,ZHES BYA BA LA SOGS PA SMOS TE, YANG BYANG CHUB TU SEMS BSKYED PA'I RAB TU DBYE BA NI, DE YANG SA GSER ZLA BA ME, ,ZHES BYA BA LA SOGS PA NYI SHU RTZA GNYIS NYID DU 'BYUNG BA LAS 'DI NI SEMS BSKYED PA DANG PO 'DUN PA DANG LDAN PA LTA BU'I DBANG DU BYAS PA YIN LA, YANG SEMS BSKYED PA NI, MOS DANG LHAG BSAM DAG PA DANG, ,RNAM PAR SMIN PA GZHAN DU 'DOD, ,DE BZHIN SGRIB PA SPANGS PA'O, ,ZHES JI SKAD BSHAD PA LTA BUR RNAM PA BZHI NYID DU DBYE BA LAS 'DI NI MOS PA'I SEMS BSKYED PA'I DBANG DU BYAS PA YIN ZHING; YANG KUN RDZOB DANG DON DAM PA'I SEMS BSKYED PA RNAM PA GNYIS LAS 'DI NI KUN RDZOB BYANG CHUB KYI SEMS BSKYED PA'I DBANG DU BYAS PA LAS DE NYID LA YANG DAG PAR BLANGS PA BRDA LAS BYUNG BA DANG CHOS NYID KYIS THOB PA DANG RNAM PA GNYIS LAS, 'DI NI YANG DAG PAR BLANGS BA BRDA LAS BYUNG BA'I DBANG DU BYAS TE, DE LTAR YANG SDONG PO BKOD PA'I MDO LAS GSUNGS PA, RIGS KYI BU SEMS CAN DAG BLA NA MED PA YANG DAG PAR RDZOGS PA'I BYANG CHUB TU SEMS SMON PA DE DAG KYANG DKON NA, DE BAS KYANG GANG DAG BLA NA MED PA YANG DAG PAR RDZOGS PA'I BYANG CHUB TU CHAS PA'I SEMS CAN DE DAG NI SHIN TU DKON NO ZHES 'BYUNG BA LTA BU'O, ,DE LA SMON PA'I SEMS BSKYED PA'I NGO BO NI SEMS CAN THAMS CAD KYI DON DU BDAG BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PAR GYUR CIG SNYAM DU BYANG CHUB DANG SEMS CAN GNYIS LA DMIGS PA'I DON DU GNYER BA'I 'DUN PA DANG, MTSUNGS PAR LDAN PA'I YID KYI RNAM PAR SHES PA DPER NA 'GRO BAR 'DOD PA LTA BU STE, BYANG CHUB SEMS DPA'I SA LAS JI SKAD 'BYUNG BA BZHIN NO, ,DE LA 'JUG PA'I SEMS BSKYED PA'I NGO BO NYID NI SPONG BA'I SEMS PA DANG 'JUG PA'I SEMS MTSUNGS PAR LDAN PA'I YID KYI RNAM PAR SHES PA BAG CHAGS DANG BCAS PA STE, DE SDOM PA'I TSUL KHRIMS NI SPONG BA'I SEMS PA'I NGO BO NYID YIN LA, LHAG MA GNYIS NI 'JUG PA'I SEMS PA'I NGO BO NYID YIN TE, DE NI DPER NA LAM DU ZHUGS TE CHAS PA LTA BU'O, ,'ON TE SMON PA'I SEMS @294B BSKYED PAS CHOG MOD, 'JUG PA'I SEMS BSKYED PAS CI ZHIG BYA ZHE NA MA YIN TE, 'JUG PA'I SEMS BSKYED PA NI SMON PA LAS KYANG 'BRAS BU BSOD NAMS KYI PHUNG PO SHIN TU CHE BA'I PHYIR TE, JI LTAR ZHE NA, BYANG CHUB SMON PA'I SEMS LAS NI, ,ZHES BYA BA LA SOGS PA SMOS TE, SMON PA'I SEMS BSKYED PA LAS 'KHOR BA NA 'KHOR BA'I TSE 'BRAS BU CHEN PO 'BYUNG BAR CI MNGON ZHE NA, 'PHAGS PA BYAMS PA'I RNAM PAR THAR PA LAS GSUNGS PA BZHIN TE, RIGS KYI BU 'DI LTA STE DPER NA, RDO RJE RIN PO CHE NI CHAG KYANG GSER GYI RGYAN KHYAD PAR DU 'PHAGS PA THAMS CAD ZIL GYIS GNON CING RIN PO CHE'I MING YANG MI 'DOR ZHING DBUL BA THAMS CAD KYANG RNAM PAR BZLOG GO, ,RIGS KYI BU DE BZHIN DU THAMS CAD MKHYEN PAR SEMS BSKYED PA'I RDO RJE RIN PO CHE NI NAN TAN DANG BRAL YANG NYAN THOS DANG RANG SANGS RGYAS KYI YON TAN GYI GSER GYI RGYAN THAMS CAD ZIL GYIS GNON CING, 'KHOR BA'I DBUL BA THAMS CAD KYANG RNAM PAR BZLOG GO ZHES 'BYUNG BA DANG, DE BZHIN DU RGYAL PO LA GDAMS PA'I MDO LAS KYANG, RGYAL PO CHEN PO 'DI LTAR KHYOD NI BYA BA MANG BA BYED PA MANG BA STE, THAMS CAD KYI THAMS CAD RNAM PA THAMS CAD KYI THAMS CAD DU SBYIN PA'I PHA ROL TU PHYIN PA LA BSLAB PA NAS, SHES RAB KYI PHA ROL TU PHYIN PA'I BAR LA BSLAB PAR MI NUS KYIS, DE BAS NA RGYAL PO CHEN PO KHYOD YANG DAG PAR RDZOGS PA'I BYANG CHUB LA 'DUN PA DANG DON DU GNYER BA DANG, SMON PA 'GRO YANG RUNG 'GRONG YANG RUNG 'DUG KYANG RUNG SAD KYANG RUNG RTAG PAR RGYUN DU DRAN PAR GYIS LA YID LA ZUNG STE SGOMS SHIG DANG, SANGS RGYAS DANG BYANG CHUB SEMS DPA' DANG 'PHAGS PA NYAN THOS DANG, RANG SANGS RGYAS DANG, SO SO'I SKYE BO THAMS CAD DANG, BDAG NYID KYI 'DAS PA DANG, MA 'ONGS PA DANG, DA LTAR BYUNG BA'I DGE BA'I RTZA BA THAMS CAD BSDUS SHING GZHOL TE RTZIS LA RJES SU YI RANG BA MCHOG DANG NAM MKHA' DANG 'DRA BA DANG, MYA NGAN LAS 'DAS PA DANG MTSUNGS PAR RJES SU YI RANG BAR GYIS SHIG ,RJES SU YI RANG NAS SANGS RGYAS DANG BYANG CHUB SEMS DPA' DANG, 'PHAGS PA NYAN THOS DANG, RANG SANGS RGYAS THAMS CAD LA MCHOD PAR BYA BA BUL CIG ,PHUL NAS SEMS CAN THAMS CAD DANG THUN MONG @295A *, ,DU GYIS SHIG ,DE NAS SEMS CAN THAMS CAD THAMS CAD MKHYEN PA'I BAR DU 'THOB BAR 'GYUR BA DANG, RANG SANGS RGYAS KYI CHOS THAMS CAD YONGS SU RDZOGS PAR 'GYUR BA'I PHYIR NYIN GCIG BZHIN DU DUS GSUM DU BLA NA MED PA YANG DAG PAR RDZOGS PA'I BYANG CHUB TU BSNGOS SHIG ,RGYAL PO CHEN PO KHYOD DE LTAR ZHUGS NA RGYAL PO'I BYA BA YANG NYAMS PAR MI 'GYUR ZHING BYANG CHUB KYI TSOGS KYANG RDZOGS PAR 'GYUR RO ZHES GSUNGS SO, ,MDO SDE DE NYID LAS RNAM PAR SMIN PA YANG GSUNGS TE, RGYAL PO CHEN PO KHYED YANG DAG PAR RDZOGS PA'I BYANG CHUB KYI SEMS KYI DGE BA'I RTZA BA'I RNAM PAR SMIN PAS LAN DU MAR LHA'I NANG DU SKYE, LAN DU MAR MI'I NANG DU SKYE STE LHA DANG MI'I SKYE BAR 'GYUR BA NA DBANG PO BYED PAR 'GYUR KYANG, DA DUNG RGYAL PO CHEN PO KHYOD KYI YANG DAG PAR RDZOGS PA'I BYANG CHUB KYI SEMS KYI DGE BA'I RTZA BA'I LAS LA BRI BA'AM GANG BAR MI MNGON NO, , 'ON KYANG RGYAL PO CHEN PO BLA NA MED PA YANG DAG PAR RDZOGS PA'I BYANG CHUB KYI SEMS GCIG KYANG SEMS CAN THAMS CAD DGA' BAR DMIGS PA DANG, SEMS CAN THAMS CAD DBUGS DBYUNG BAR DMIGS PA DANG, SEMS CAN THAMS CAD YONGS SU MYA NGAN LAS BZLA BAR DMIGS PA'I PHYIR RO, ,DGE BA'I RTZA BA GRANGS MED DPAG TU MED PA LA SOGS PAR 'GYUR NA, GANG DE LTAR MANG DU BYED PA LTA CI SMOS ZHES 'BYUNG NGO, ,JI LTAR 'JUG PA'I SEMS BZHIN DU, ,BSOD NAMS RGYUN CHAGS 'BYUNG BA MIN, ,ZHES BYA BA NI JI LTAR 'JUG PA'I SEMS BSKYED PA BZHIN DU BSOD NAMS KYI PHUNG PO DPAG TU MED PA 'BYUNG BA NI MA YIN NO, ,'O NA 'JUG PA'I SEMS BSKYED PA LAS DUS GANG NAS JI SRID KYI BAR DU GRANGS DU ZHIG RGYA JI SNYED 'BYUNG ZHE NA, GO RIMS BZHIN DU LAN BTAB PA'I PHYIR GANG NAS BZUNG STE ZHES BYA BA LA SOGS PA SMOS TE, DENG NAS BZUNG STE ZHES BYA BA'I BAR GYIS DUS GANG NAS 'BYUNG BA BSTAN TO, ,RGYUN MI 'CHAD PAR ZHES BYA BA'I BAR GYIS DUS JI SRID 'BYUNG BAR BSTAN TO, ,NAM MKHA' MNYAM PAR RAB TU 'BYUNG, ,ZHES BYA BAS NI RGYA JI SNYED CIG 'BYUNG BAR BSTAN TO, ,SEMS CAN KHAMS, MTHA' YAS RAB TU DGROL BA'I PHYIR,, @295B ZHES BYA BAS CHED DU BYA BA DAM PA BSTAN TO, ,MI LDOG PA YI SEMS KYIS SU, ,ZHES BYA BAS NI SROG LA BAB KYANG GTANG BAR MI BYA'O SNYAM PA'I BSAM PA STE, BSAM PA PHUN SUM TSOGS PA BSTAN TO, ,SEMS DE ZHES BYA BAS NI DNGOS PO DAM PA STE, SDOM PA'I NGO BO NYID BSTAN TO; ,YANG DAG CES BYA BAS NI YANG DAG PAR LEN PA'I CHO GA PHUN SUM TSOGS PA BSTAN TO, ,BSOD NAMS DE SNYED CIG 'BYUNG BAR CI MNGON ZHE NA, 'DI NI ZHES PA LA SOGS PA GSUNGS TE, DMAN PA NYAN THOS KYI THEG PA LA MOS PA RNAMS THEG PA CHEN PO LA DRANG BA'I PHYIR, SEMS CAN DPAG TU MED PA'I DON DU YANG DAG PAR BLANGS PA'I PHYIR 'BRAS BU BSOD NAMS KYI PHUNG PO DPAG TU MED PA DANG LDAN PA GSUNGS TE, LAG BZANGS KYI MDO NYID LAS SHES PAR BYA'O, ,'PHAGS PA DPAS BYIN GYIS ZHUS PA LAS KYANG, BYANG CHUB SEMS KYI BSOD NAMS GANG; ,DE LA GANG DE GZUGS MCHIS NA, ,NAM MKHA'I KHAMS NI KUN GANG STE, ,DE NI DE BAS LHAG PAR 'PHEL, ,ZHES BYA BA 'BYUNG BA DANG, DE BZHIN DU 'PHAGS PA PHUNG PO GSUM PA'I MDO LAS KYANG BYANG CHUB TU SEMS BSKYED PA DE, BSKYED MA THAG PA DE BSOD NAMS KYI PHUNG PO NI RAB TU MANG GI ,'JIG RTEN GYI KHAMS KYI SEMS CAN THAMS CAD 'KHOR LOS SGYUR BA DANG, 'JIG RTEN SKYONG BA DANG, BRGYA BYIN DANG, TSANGS BA DANG, NYAN THOS DANG, RANG SANGS RGYAS SU GYUR PA'I BSOD NAMS KYI PHUNG PO NI DE TZAM MA LAGS SO ZHES 'BYUNG BAS, BYANG CHUB TU SEMS BSKYED PA NYID KYIS KYANG NYAN THOS LA SOGS PA'I BSOD NAMS KYI PHUNG PO THAMS CAD DE LTAR ZIL GYIS GNON NA, BLA NA MED PA'I BYANG CHUB LTA CI SMOS TE, DE LTA BAS NA BDAG GIS THEG PA DMAN PA 'DOD PAR MI BYA'I THEG PA CHEN PO 'DOD PAR BYA'O SNYAM DU SEMS BSKYED PAR BYA BA'I PHYIR GSUNGS SO, ,DES NI CHED DU BYA BA DAM PAS ZIN PAR BYA BA'I PHYIR BSOD NAMS KYI PHUNG PO DPAG TU MED PA DANG LDAN PA BSTAN TO, ,DA NI BYED PA'I SGO NAS BSOD NAMS KYI PHUNG PO DPAG TU MED PA DANG LDAN PA BSTAN PA'I PHYIR, PHA'AM YANG NA ZHES BYA BA SMOS TE, 'DIR BSDUS @296A *, ,PA'I DON NI SHIN TU RNYED PAR DKA' BAR GYUR PA SEMS CAN THAMS CAD LA PHAN PA DANG BDE BAR BYA BA'I LHAG PA'I BSAM PAS KUN NAS BSLANG BA'I PHYIR 'JUG PA'I SEMS BSKYED PA 'DIS BDAG DANG GZHAN THAMS CAD LA SDUG BSNGAL DANG YID MI BDE BA THAMS CAD SPONG ZHING, BDE BA DANG YID BDE BA THOB PAR BYED PAS BSOD NAMS KYI PHUNG PO DPAG TU MED PA DANG LDAN NO ZHES BYA BA YIN NO, ,YANG BSOD NAMS ZHES BYA BA NI MCHOD PA LAS 'BYUNG BA YIN LA, MCHOD PA BLA NA MED PA NI BYANG CHUB TU SEMS BSKYED PA 'DI YIN TE, JI SKAD DU 'PHAGS PA BLO GROS MI ZAD PAS BSTAN PA'I MDO LAS, GSUM PO 'DI DAG NI MCHOD PA BLA NA MED PA STE, BYANG CHUB TU SEMS BSKYED PA DANG ZHES 'BYUNG BAS, 'DI NI MCHOD PA BLA NA MED PA YIN PA'I PHYIR, BSOD NAMS KYI PHUNG PO DPAG TU MED PA DANG LDAN PAR BSTAN PA PHAN PAR BSAM PA TZAM GYIS KYANG ZHES BYA BA LA SOGS PA GSUNGS SO, , DA NI BYANG CHUB TU SEMS BSKYED PA 'DI NYID SEMS CAN THAMS CAD LA PHAN PA DANG BDE BA THOB PAR BYED CING SDUG BSNGAL DANG YID MI BDE BA RGYUD DANG BCAS PA SPONG BAR BYED PA'I PHYIR, DGE BA'I RTZA BA THAMS CAD KYI MCHOG YIN PA'I PHYIR DANG, SEMS CAN THAMS CAD LA PHAN PA DANG BDE BAR BYA BA'I LHAG PA'I BSAM PAS KUN NAS BSLANG ZHING, DE DANG MTSUNGS PAR LDAN PAS SEMS CAN THAMS CAD KYI MCHOG YIN PA'I PHYIR BSOD NAMS KYI PHUNG PO DPAG TU MED PA DANG LDAN PA BSTAN PA, SDUG BSNGAL 'DOR 'DOD SEMS YOD KYANG, ,ZHES BYA BA NAS, BSOD NAMS DE 'DRA GA LA YOD, ,CES BYA BA'I BAR DU GSUNGS SO, ,DA NI 'JUG PA'I SEMS BSKYED PA'I GANG ZAG DE YANG THAMS CAD KYI BSNGAGS PA'I GNAS NYID DU BSTAN PA'I PHYIR, PHAN BTAGS LAN LON ZHES BYA BA LA SOGS PA GSUNGS SO, ,DA NI GANG ZAG DE SEMS CAN THAMS CAD LA MTHO RIS DANG THAR PA'I BDE BA SBYIN PAR BYED PA'I YON TAN DANG LDAN PA'I PHYIR, DE LA NGAN SEMS BSKYED PA'I NYES DMIGS BSTAN PA'I SGO NAS DE SPONG DU GZHUG PAR BYA BA'I PHYIR, GANG ZHIG DE 'DRA'I ZHES BYA BA LA SOGS PA SMOS TE, DA NI DE LA SEMS DANG BA'I PHAN YON BSTAN PA'I SGO NAS SEMS DANG BA BSKYED DU GZHUG PAR BYA BA'I PHYIR, @296B 'ON TE GANG ZHIG CES BYA BA LA SOGS PA SMOS SO, ,DE NYID THUN MONG MA YIN PA'I YON TAN DANG LDAN PAS, PHYAG 'TSAL BA'I GNAS YIN PA'I PHYIR DANG, GNOD PA BYAS PAS KYANG BDE BAS PHAN 'DOGS PA'I PHYIR PHYAG 'TSAL ZHING SKYABS SU 'GRO BA'I GNAS YIN PAR BSTAN PA'I PHYIR, GANG LA SEMS KYI DAM PA ZHES BYA BA LA SOGS PA SMOS SO, ,YAN LAG GI DON NI GO SLA BAS RNAM PAR MA PHYE'O, ,BYANG CHUB SEMS DPA'I SPYOD PA LA 'JUG PA LAS ZHES BYA BA LA SOGS PA 'DIS KYANG BYANG CHUB SEMS DPA'I SPYOD PA LA 'JUG PA'I DON STON PA'I PHYIR DE SKAD CES BYA STE, DE LA BYANG CHUB SEMS DPA' NI GANG, SPYOD PA LA 'JUG PA NI GANG, GANG GIS STON CE NA, DE LA BYANG CHUB SEMS DPA' NI BDUN TE, RIGS LA GNAS PA DANG, SEMS BSKYED PA DANG, MOS PA SPYOD PA DANG, SPYOD PA LA ZHUGS PA DANG, PHYIR MI LDOG PA DANG, SKYE BA GCIG GIS THOGS PA DANG, SPONG BA THA MA PA'O, ,DE LA RIGS LA GNAS PA'I SPYOD PA NI, YANG CHUB SEMS PA'I SA LAS PHA ROL TU PHYIN PA DRUG GI RIGS KYI RTAGS JI SKAD 'BYUNG BA BZHIN DU RIG PAR BYA'O, ,SEMS BSKYED PA'I CHOG NI SDOM PA NYI SHU PA'AM, GZHUNG 'DI NYID LAS JI SKAD 'BYUNG BA BZHIN NO, ,MOS PAS SPYOD PA YANG SNGA MA DANG MTHUN PAR RIG PAR BYA'O, , SPYOD PA LA ZHUGS PA'I SPYOD PA NI SA DANG PO NAS SA BDUN PA'I BAR GYI SPYOD PA STE, MDO SDE SA BCU PA LAS JI SKAD 'BYUNG BA BZHIN TE, 'DIR YI GE MANGS KYIS DOGS NAS MA BRIS SO, ,DE LA 'DIR NI SEMS BSKYED PA'I BYANG CHUB SEMS DPA'I SPYOD PA LA 'JUG PA BZUNG STE, GANG GI DON DU 'JUG PA DANG, THABS GANG LA BRTEN TE 'JUG PA DANG, GANG DU 'JUG PA DANG, TSUL JI LTAR 'JUG PA STE, LNGA PO DE RNAMS NI GO RIMS BZHIN DU GANG GIS 'JUG PA STE, DAL 'BYOR ZHES BYA BA LA SOGS PA'I TSIGS SU BCAD PA GNYIS DANG, GANG GI DON DU 'JUG PA STE, LE'U DANG PO LAS, 'JIGS DANG SDUG BSNGAL ZHES BYA BA LA SOGS PA TSIGS SU BCAD PA GCIG DANG, LE'U DRUG PA LAS BDAG DANG GZHAN MNYAM PAR BSTAN PA DANG, LE'U BRGYAD PA LA SOGS PA 'DI DAG THAMS CAD KYANG ZHES BYA BA LA SOGS PA TSIGS SU BCAD PA GCIG DANG, YANG DE NYID LAS, NYON MONGS PA @297A *, ,DANG SHES BYA'I SGRIB CES BYA BA LA SOGS PA TSIGS SU BCAD PA GCIG DANG, THABS GANG LA BRTEN NAS 'JUG PA STE, LE'U BZHI PA LAS, RTAG PAR DGE BA'I BSHES GNYEN NI, ,ZHES BYA BA NAS, DE'I 'OG TU BSTAN PAR BYA STE ZHES BYA BA'I BAR DANG, GANG LA 'JUG PA STE, SEMS BSKYED PA DANG, PHA ROL TU PHYIN PA DRUG GI MTSAN NYID DE'I GZHUNG MTHA' DAG GIS DANG, TSUL JI LTAR 'JUG PA STE, LE'U GNYIS PA NAS BZHI PA'I BAR GYIS BSTAN TO, ,YANG BYANG CHUB KYI SPYOD PA NI SEMS BSKYED PA DANG, PHA ROL TU PHYIN PA DRUG DANG, SDOM PA GSUM DANG, BSLAB PA GSUM LA SOGS PA YIN LA, DE LA 'JUG PA NI DE RJOD PAR BYED PA'I SGO NAS 'JUG PA DANG, SHES PAR BYED PA'I SGO NAS 'JUG PA DANG, NYAMS SU LEN PA'I SGO NAS 'JUG PA DANG, DE LA 'DIR NI RJOD PAR BYED PA'I SGO NAS 'JUG PA GZUNG BA STE, JI LTAR BRJOD PAR BYA ZHE NA, ,LE'U DANG PO NAS LE'U GNYIS PAS NI SEMS BSKYED PA RJOD PAR BYED LA, LE'U GNYIS PA LAS, DE LTAR 'DI DAG KUN BYAS NAS, ,BDAG NI NYER 'TSO'I RGYUR YANG SHOG ,CES BYA BA'I BAR GYIS SBYIN PA'I PHA ROL TU PHYIN PA RJOD PAR BYED CING, JI LTAR SNGON GYI BDE GSHEGS KYIS, ,ZHES BYA BA NAS, LE'U BZHI PA'I BAR GYIS TSUL KHRIMS KYI PHA ROL TU PHYIN PA RJOD PAR BYED LA, LHAG MA LE'U BZHIS NI BZOD PA LA SOGS PA GO RIMS BZHIN DU RJOD BAR BYED DE, DE LA SDOM PA GSUM LAS CHE LONG RNAM PAR GZHAG PA'I DBANG DU BYAS NAS, SDOM PA DANG, DGE BA DANG, SEMS CAN GYI DON BYED PA'I TSUL KHRIMS NI SHES BZHIN BSRUNG BA'I LE'U LAS, BRE MO'I GTAM NI SNA TSOGS DANG, ,ZHES BYA BA NAS, DES NI SHING BZHIN GNAS PAR BYA, ,ZHES BYA BA'I BAR DANG, MI BZOD LE LO'I ZHES BYA BA LA SOGS PA TSIGS SU BCAD PA GNYIS DANG, SHIN TU NGES DANG ZHES BYA BA LA SOGS PA'I TSIGS SU BCAD PA GCIG GIS GO RIMS BZHIN DU BSTAN TO, ,DE LA ZHI BA MO RNAM PAR GZHAG PA'I DBANG DU BYAS NAS, THOG MAR SEMS BSKYED PA LA SOGS PA PHA ROL TU PHYIN PA DRUG PO THAMS CAD KYANG SO SO'I MI MTHUN PA'I PHYIR SDOM PA'I TSUL KHRIMS KYI NGO BO NYID YIN LA, DE BZHIN DU THAMS CAD @297B KYANG BYANG CHUB CHEN PO'I RGYUR BSNGOS PA YIN ZHING, DNGOS BRGYUD NAS SEMS CAN GYI DON DMIGS PA'I PHYIR, DGE BA'I CHOS SDUD PA DANG SEMS CAN GYI DON BYED PA'I TSUL KHRIMS KYI NGO BO NYID YIN TE, DE BAS NA GZHUNG MTHA' DAG SDOM PA'I BSLAB PA GSUM STON PAR RIG PAR BYA'O, ,DE LA BSLAB PA GSUM GYI DBANG DU BYAS NAS, LE'U DANG PO BZHIS NI LHAG PA'I TSUL KHRIMS KYI BSLAB PA BSTAN TE, SBYIN PA NI LHAG PA'I TSUL KHRIMS KYI RGYU YIN TE, LUS LA SOGS PA BTANG NA TSUL LA 'JUG PA'I PHYIR DANG, SDOM PA LEN CING BSRUNG BA NI LHAG PA'I TSUL KHRIMS KYI BSLAB PA'I NGO BO NYID YIN PA'I PHYIR, LE'U LNGA PA DANG BDUN PAS NI LHAG PA'I SEMS KYI BSLAB PA BSTAN TE, SKYE BA BZOD PA THOB PA LA BRTZON 'GRUS RTZOM PAS BSAM GTAN BSGOM PA'I THABS SHES PA'I PHYIR, BZOD PA DANG BRTZON 'GRUS NI LHAG PA'I SEMS KYI BSLAB PA'I RGYU YIN PA'I PHYIR DANG, BSAM GTAN NI DE'I NGO BO NYID YIN PA'I PHYIR RO, ,LE'U BRGYAD PAS NI LHAG PA'I SHES RAB KYI BSLAB PA BSTAN TE, DE LTAR NA BSTAN BCOS 'DI NI BYANG CHUB SEMS DPA'I SPYOD PA BSTAN MA THAG PA DE DAG LA BRJOD PA'I TSUL GYIS 'JUG PA'I PHYIR BYANG CHUB SEMS DPA'I SPYOD PA LA 'JUG PA ZHES BYA'O, ,DE LA SHES PAR BYED PA'I SGO NAS 'JUG PA NI BSTAN BCOS 'DI NYID LA BRTEN LA, NYAN PA POS SHES PA YIN LA, DE'I RJES LA DNGOS PO SEMS BSKYED PA NAS BZUNG STE, SLOB PA'I LAM GYI GNAS SKABS SU CI RIGS PA BSGRUBS PA NI NYAMS SU LEN PA'I TSUL GYIS 'JUG PA ZHES BYA'O, ,BYANG CHUB SEMS KYI PHAN YON BSTAN PA ZHES BYA BA NI NYAN PA POS 'JUG PAR BYA BA'I DON DU GTZO BOR PHAN YON THOG MAR BSTAN PA'I PHYIR RO, ,LE'U DANG PO'I BSHAD PA RDZOGS SO,, ,,DE LTAR PHAN YON THOS PAS SPRO BA SKYES PA LA 'JUG PA 'BYUNG BAS, DE NI BYANG CHUB KYI SEMS YONGS SU GZUNG BA'I THABS BRJOD PAR BYA STE, DE LA SNGON DU BYA BA'I CHO GA'I DBANG DU BYAS NAS, BSOD NAMS KYI TSOGS KYI RGYUN BSTAN PAR BYA DGOS PAS BSOD NAMS KYI TSOGS BSKYED PA'I PHYIR, RIN CHEN SEMS DE ZHES BYA BA LA SOGS PA NAS, BRTUL ZHUGS MCHOG LA PHYAG 'TSAL LO, , @298A *, ,ZHES BYA BA'I BAR GYIS NI, DANG POR MCHOD PA BSTAN TE, DE TSIGS SU BCAD PA DANG POS DGOS PA GANG GI DON DU GANG LA JI LTAR MCHOD PA MDOR BSTAN TO, ,LHAG MA RNAMS KYIS RGYAS PAR BSTAN TO, ,DE LA YO BYED DBUL BA'I MCHOD PA'I DBANG DU BYAS NAS, ME TOG 'BRAS BU ZHES BYA BA NAS, NYID KYI MTHUS BZHES SHIG CES BYA BA'I BAR GYIS NI BDAG BOS YONGS SU MA BZUNG BA'I MCHOD PA BSTAN TO, ,RGYAL DANG DE'I SRAS ZHES BYA BA LA SOGS PA TSIGS SU BCAD PA GNYIS KYIS NI LUS DBUL BA PHAN YON DANG BCAS PA BSTAN TO, ,KHRUS KYI KHANG PA ZHES BYA BA NAS THUB DBANG RNAMS LA DBUL BAR BGYI ZHES BYA BA'I BAR GYIS NI YID KYI MCHOD PA BSTAN TO, ,'DI TZAM GYIS MCHOD PA BSHAD NAS, DA NI DE KUN DU GNAS PAR BYA BA'I PHYIR, DE LAS GZHAN YANG ZHES BYA BA LA SOGS PA'I TSIGS SU BCAD PA GNYIS KYIS GSUNGS SO, ,JI LTAR 'JAM DPAL DBYANGS ZHES BYA BA LA SOGS PA GCIG GIS BLA NA MED PA'I MCHOD PA BSTAN TO, ,YON TAN RGYA MTSO CAN DAG LA, ,ZHING RDUL KUN GYI GRANGS SNYED KYI, ,PHYAG 'TSAL ZHES BYA BAS NI BSTOD PA'I DUS BSTAN TO, ,DBYANGS KYI YAN LAG NI, RGYA MTSO SNYED KYI BSTOD PAS BSTOD, ,CES BYA BAS NI BSTOD PA DNGOS BSTAN TO, ,DUS GSUM ZHES BYA BA LA SOGS PAS NI BSTOD PA DE KUN DU GNAS PAR BYA BA'I PHYIR SMON LAM GDAB PA BSTAN TO, ,BYANG CHUB KYI SEMS KYI ZHES BYA BA LA SOGS PA'I TSIGS SU BCAD PA GCIG GIS PHYAG 'TSAL BA'I MCHOD PA BSTAN TO, ,DE LA MCHOD PA MDOR BSTAN PA'I SKABS NAS LEGS PAR MCHOD CES BYA BA NI DAM PA RNAM PA DRUG GIS ZIN PA STE, BYANG CHUB CHEN PO THOB PAR BYA BA'I BSAM PA DANG, SEMS CAN THAMS CAD KYI CHED DU BYA BA DANG, YID DU 'ONG BA'I DNGOS PO DANG, 'KHOR GSUM YONGS SU DAG PA DANG, MI MTHUN PA'I PHYOGS KYI DRI MA DANG BRAL BA DANG, BYANG CHUB CHEN POR BSNGO BA DANG, GO RIMS BZHIN DU RTEN DANG, CHED DU BYA BA DANG, DNGOS PO DANG THABS LA MKHAS PA DANG, RNAM PAR DAG PA DANG, YONGS SU BSNGO BA DAM PAS ZIN PA NI LEGS PAR RIG PAR BYA'O, ,LHAG MA NI GO SLA'O, ,BYANG CHUB SEMS KYI GZHI RNAMS DANG, ,ZHES BYA BA NI @298B 'PHAGS PA CHOS BCU PA'I MDO LAS GSUNGS PA BZHIN DU BYANG CHUB KYI SEMS SKYE BA'I RGYU BZHI STE, GZHAN DAG GIS BSKUL PA'AM ?, BYANG CHUB KYI SEMS KYI BSNGAGS PA BRJOD PA THOS PA DANG, SEMS CAN RNAMS LA SNYING RJE CHEN PO'I SEMS SKYES PA DANG, DE BZHIN GSHEGS PA'I CHE BA'I YON TAN THOS PA STE, DE LTAR NA BDAG LA SKUL BAR BYED PA DANG, BSNGAGS PA JI LTA BA BZHIN STON PA DANG, GANG ZAG GANG SNYING RJE CHEN PO DANG LDAN PA DANG, THUN MONG MA YIN PA'I YON TAN DANG LDAN PA'I DE BZHIN GSHEGS PA NI BYANG CHUB KYI SEMS SKYE BA'I GZHI ZHES BYA'O, ,DA NI BSOD NAMS SPEL BA'I RGYU GNYIS PA SKYABS SU 'GRO BA'I DBANG DU BYAS NAS, BYANG CHUB SNYING POR MCHIS KYI BAR, ,ZHES BYA BA LA SOGS PA SMOS SO, ,RGYU GSUM PA SDIG PA RNAM PAR SBYANG BA'I DBANG DU BYAS NAS, RNAM PAR SUN 'BYIN PA KUN DU SPYOD PAS SDIG PA RNAM PAR SBYANG BA NI, PHYOGS RNAMS KUN NAS ZHUGS PA YI, ,ZHES BYA BA LA SOGS PA STE, DE LA RTZA BA DANG PO GSUM GYIS BSHAGS PA'I YUL BSTAN TO, ,THAL MO SBYAR TE ZHES BYA BAS NI SPYOD LAM JI LTA BUS BSHAGS PA BSTAN TO, ,LHAG MA RNAMS KYIS NI GANG JI LTAR BSHAGS PA BSTAN TE, DE LA THOG MA MED LDAN ZHES BYA BA LA SOGS PA TSIGS SU BCAD PA GNYIS KYIS NI, LTUNG BA 'BYUNG BA'I RGYU BZHI LAS, MI SHES PA'I RGYU LAS 'BYUNG BA'I LTUNG BA BSHAGS PA BSTAN TO, ,BDAG GIS DKON MCHOG CES BYA BA LA SOGS PA'I TSIGS SU BCAD PA GCIG GIS NYON MONGS PA MANG PO'I RGYU LAS BYUNG BA'I LTUNG BA BSHAGS PA BSTAN TO, ,NYES PA DU MA ZHES BYA BA LA SOGS PA'I TSIGS SU BCAD PA GCIG GIS MA GUS PA DANG, BAG MED PA'I RGYU LAS BYUNG BA'I LTUNG BA BSHAGS PA BSTAN TE, NYES PA DU MA ZHES BYA BA NI MA GUS PA DANG, BAG MED PA STE NYES PA BYED PA'I RGYU YIN PA'I PHYIR RO, ,DA NI RTEN GYI STOBS KYIS SDIG PA RNAM PAR SBYANG BA'I PHYIR MYUR DU SKYABS SU 'GRO BA'I RGYU DANG BCAS PA MDOR BSTAN PA, BDAG NI ZHES BYA BA LA SOGS PA TSIGS SU BCAD PA GCIG GSUNGS TE, DE LA RTZA BA DANG PO GNYIS KYIS NI MYUR DU SKYABS SU 'GRO BA'I RGYU BSTAN TO, ,'OG MA GNYIS KYIS NI MYUR DU SKYABS @299A *, ,SU 'GRO BA DNGOS BSTAN TO, ,DA NI RGYAS PAR BSHAD PA'I PHYIR, YID BRTEN MI RUNG ZHES BYA BA LA SOGS PA NAS, DE TSE BDAG GIS JI LTAR BYA, ,ZHES BYA BA'I BAR GYIS SKYABS SU 'GRO BA'I RGYU RGYAS PAR BSHAD DO, ,DE BAS RGYAL BA 'GRO BA'I MGON, ,ZHES BYA BA NAS, 'JIGS PA MYUR DU BSAL DU GSOL, ,ZHES BYA BA'I BAR GYIS SKYABS SU 'GRO BA DNGOS RGYAS PAR BSHAD DO, ,BDAG GIS MI SHES PA LA SOGS PA'I DBANG GIS THOG MA MED PA NAS SDIG PA DPAG TU MED PA BSAGS PA'I PHYIR DANG, BDAG GI TSE LA NGES PA MED PA'I PHYIR, MYUR DU SKYABS SU MA SONG BA'I SDIG PA DANG BCAS BZHIN DU 'CHI BAR 'GYUR BA'I NYES DMIGS YOD PA'I RGYU DE'I PHYIR, MYUR DU SKYABS SU 'GRO BAR BYA'O ZHES BYA BA NI BSDUS PA'I DON YIN NO, ,DA NI YAN LAG GI DON BRJOD PAR BYA STE, CI'I PHYIR MYUR DU SKYABS SU 'GRO BAR BYA ZHE NA, YID BRTAN MI RUNG BA'I ZHES BYA BA LA SOGS PA SMOS TE, TSE LA NGES PA MED PA'I PHYIR RO ZHES BYA BA'I THA TSIG GO, ,DE LTAR YIN DU ZIN KYANG BDAG MI LDAN PA'I PHYIR MYUR DU SKYABS SU 'GRO BA MA SONG YANG NYES PA MED DO ZHE NA, THAMS CAD BOR TE ZHES BYA BA LA SOGS PA SMOS SO, ,DE LTAR YIN DU ZIN KYANG DE DAG GI DON DU BYAS PA'I SDIG PA NI DE DAG NYID KYIS NYAMS SU MYONG BAR 'GYUR GYI, BDAG LA MI GNOD PA'I PHYIR MYUR DU SKYABS SU 'GRO BAR MI BYA'O ZHE NA, MI MDZA' BA RNAMS KYANG ZHES BYA BA LA SOGS PA GSUNGS TE, DE DAG DANG NI BRAL NAS MED PAR 'GYUR BA'I PHYIR DE DAG GIS NI NYAMS SU MYONG BAR MI 'GYUR TE, DE DAG GI DON DU BYAS PA'I SDIG PA NI 'CHI BA'I DUS SU DRAN PA'I YUL DU 'GYUR RO ZHES BSTAN TO, ,DE LTAR YIN DU ZIN KYANG SDIG PA DANG BRAL BAS MED PAR 'GYUR RO ZHE NA, DE DAG DON DU ZHES BYA BA LA SOGS PA SMOS SO, ,DE LTAR BDAG NI ZHES BYA BA LA SOGS PAS 'JUG SDUD DO, ,DE LTA YIN DU ZIN KYANG BDAG THAMS CAD DU MI 'CHI BA'I PHYIR SKYABS SU 'GRO BAR MI BYED DO ZHE NA, NYIN MTSAN ZHES BYA BA LA SOGS PA SMOS SO, ,DE LTAR YIN DU ZIN KYANG TSUL 'DI LTAR 'CHI BA'I PHYIR DES BDAG MI 'JIGS SO ZHE NA, BDAG NI MAL NA ZHES PA LA SOGS PA SMOS SO, ,'O NA DE'I TSE GANG PHAN @299B ZHE NA, DE'I TSE ZHES BYA BA LA SOGS PA SMOS SO, ,'O NA DE NYID KYIS CHOG MOD CE NA, DE YANG ZHES BYA BA LA SOGS PA SMOS SO, ,DE NI SLOB DPON BDAG NYID KYIS 'DOD PA'I LHA LA SMRA BA'I TSUL GYIS SKYABS SU 'GRO BA BSTAN PA'I MGON PO ZHES PA LA SOGS PA SMOS SO, ,DE LTAR YIN DU ZIN KYANG DE NI THAMS CAD LA 'BYUNG BA'I PHYIR BDAG MI 'JIGS SO ZHE NA, SKYE BO ZHES BYA BA LA SOGS PA SMOS SO, ,DE LTAR YIN DU ZIN NA DE NYID KYI TSE SKYABS BTZAL BAS CHOG MOD KYI ZHE NA, SU ZHIG CES BYA BA LA SOGS PA SMOS TE, DE'I TSE TSOL BAR BYED MOD KYI MI RNYED DO ZHES BYA BA'I THA TSIG GO, ,DE BAS NA DE LTAR NYID NAS SKYABS BTZAL BAR BYA DGOS PAS, DE BAS RGYAL BA ZHES BYA BA LA SOGS PA SMOS SO, ,'ON TE SKYABS SU SONG BAS CHOG MOD, DE'I BKA' MNOD CI DGOS SHE NA, THA MA LA NAD KYIS ZHES BYA BA LA SOGS PA SMOS SO, ,'ON TE NAD DE TZAM DU NYES DMIGS CHE BAS SMAN PA'I NGAG MNOD PAR BYA ZHE NA, DE GCIG GIS KYANG ZHES BYA BA LA SOGS PA SMOS SO, ,SMAN PA GANG GI BKA' NOD PAR BYA ZHE NA, DE DAG GSO BA'I ZHES BYA BA LA SOGS PA SMOS SO, ,DE CI'I PHYIR DE'I BKA' NOD PAR BYA ZHE NA, ZUG RDU THAMS CAD 'BYIN PA YI, ,ZHES BYA BA LA SOGS PA GSUNGS SO, ,'ON TE BKA' NOD PAS CHOG MOD BSGRUB CI DGOS SNYAM NAS, G-YANGS THA MAL PA ZHES BYA BA LA SOGS PA SMOS SO, ,DE LTAR YIN YANG DE LTA NYID NAS BSGRUB MI DGOS SO ZHE NA, DE RING KHO NA ZHES BYA BA LA SOGS PA SMOS SO, ,'ON TE 'DOD PA LA LONGS SPYAD PAR BYA DGOS PAS DA LTA NYID NAS BSGRUB PAR BYAR MED CE NA; SNGON CHAD MYONG STE ZHES BYA BA LA SOGS PA SMOS SO, ,'ON TE GNYEN DGRA LA SOGS PA LA PHAN PA DANG GNOD PA BYAR YOD DO ZHE NA, GSON TSE 'DI ZHES BYA BA LA SOGS PA SMOS SO, ,DE BAS MI DGE BA'I LAS KYI NYES DMIGS SHES PAR BYAS NAS, DE LAS THAR PA NYID GTZO CHER BSTAN GYI; GZHAN BSAM PAR MI RIGS PAS MYUR DU SKYABS SU 'GRO BAR BYA DGOS SO, ,ZHES MJUG SDUD PA'I PHYIR, MI DGE BA LAS ZHES BYA BA'I TSIGS SU BCAD PA GCIG BSHAD DO, ,DA NI BSDUS PA'I TSUL GYIS SDIG PA BSHAGS PA YAN LAG DANG BCAS PA BSTAN PA'I PHYIR, BDAG @300A *, ,NI MI SHES PA LA SOGS PA SMOS SO, ,GANG ZHIG MI DGE BA'I SEMS KYIS KUN NAS BSLANG BAS LUS NGAG YID GSUM GYIS GANG BYAS PA DE NI RANG BZHIN GYI KHA NA MA THO BA YIN LA, MI DGE BA'I SEMS KYIS KUN NAS BSLANG BA YANG MA YIN LA, DE'I RKYEN GYIS GZHAN DAG MI MOS PAR 'GYUR BA'AM, DGOS PA'I LAS SU BYAS PA DE THAMS CAD NI BCAS PA'I KHA NA MA THO BA YIN ZHING, GONG MA DE DAG LAS BZLOG PA NI DGE BA'I LAS YIN PAR RIG PAR BYA'O, ,YANG NAS YANG DU PHYAG 'TSAL TE, ,ZHES BYA BA NI SDIG PA BSHAGS PA'I YAN LAG YIN TE, NYE BA 'KHOR GYIS ZHUS PA LAS PHYAG 'TSAL NAS SDIG PA BSHAGS SO ZHES 'BYUNG BA'I PHYIR, DE LA YUL JI SNYED LA PHYAG 'TSAL BA DANG, LUS JI SNYED DANG, NGAG JI SNYED DANG, DGOS PA GANG GI DON DU DANG, TSUL JI LTAR BSHAGS PA RNAMS NI, ,'PHAGS PA PHUNG PO GSUM PA'I MDO LAS JI SKAD 'BYUNG BA BZHIN DU RIG PAR BYA STE, MDOR NA 'DI YANG DAM PA RNAM PA DRUG GIS ZIN PAR BYA'O, ,'DI NI PHUNG PO GSUM LAS BSHAGS PA STE DANG PO'O, ,'ON TE DE SDIG PA RNAM PAR SBYANG BA'I THABS NI, 'PHAGS PA CHOS BZHI BSTAN PA'I MDO LAS CHOS BZHI NYID DU GSUNGS PA MA YIN NAM, CI'I PHYIR RNAM PAR SUN 'BYIN PA KUN DU SPYOD PA DANG, RTEN GYI STOBS KYIS PHYOGS GCIG SKYABS SU 'GRO BA 'BA' ZHIG BSHAD KYI GZHAN DAG CI'I PHYIR MA BSHAD CE NA, RTEN GYI STOBS KYIS PHYOGS GCIG SMON PA'I SEMS BSKYED PA DANG NYES PA LAS BZLOG PA'I STOBS SDOM PA YANG DAG PAR LEN PA NI DNGOS GZHI'I CHO GA YIN PA'I PHYIR, 'DIR SNGON ROL GYI CHOG RAM BSHAD DO, ,GNYEN PO KUN DU SPYOD PA NI MCHOD PA LA SOGS PA SNGAR YANG BSHAD LA, RJES SU YI RANG BA LA SOGS PA 'OG NAS KYANG STON PAS 'DIR LOGS SHIG TU MA BSHAD DE, DE LTAR YIN NA NI SKYABS SU 'GRO BA YANG GONG DU BSHAD ZIN PA'I PHYIR 'DIR BSHAD PAR MI BYA'O ZHE NA, DE NI MA YIN TE, GONG DU BSHAD PA NI SDOM PA YANG DAG PAR BLANGS PA'I RTEN NYID DU YIN LA, 'DIR MYUR DU SDIG PA RNAM PAR SBYANG BA'I THABS NYID DU BSHAD PA YIN PA'I PHYIR NYES PA MED DO, ,DA NI RGYU BZHI PA RJES SU YI RANG BA BSTAN PA'I DBANG DU BYAS NAS SEMS CAN RNAMS KYI DGE BA'I RTZA BA LA RJES @300B SU YI RANG BA BSTAN PA, SEMS CAN GYI ZHES BYA BA LA SOGS PA SMOS TE, RIGS CHAD PA DANG RIGS DANG LDAN PA'I DGE BA'I RTZA BA LA RJES SU YI RANG BA STE, TSIG RKANG GNYIS DANG GO RIMS BZHIN NO, ,LUS CAN ZHES BYA BA LA SOGS PA'I TSIG RKANG GNYIS KYIS NI, NYAN THOS DANG, RANG SANGS RGYAS KYI DGE BA'I RTZA BA LA RJES SU YI RANG BA BSTAN TO, ,SKYOB PA RNAMS KYI ZHES BYA BA LA SOGS PA'I TSIG RKANG DRUG GIS SANGS RGYAS DANG BYANG CHUB SEMS DPA'I DGE BA'I RTZA BA LA RJES SU YI RANG BA BSTAN TO, DE YANG NYID KYIS DON RNYED PA DANG, GZHAN GYI DON MDZAD PA'I THUGS BSKYED PA'O, , DE YANG DNGOS SU GZHAN GYI DON MDZAD PA'I THUGS BSKYED PA DANG, DNGOS SU GZHAN GYI DON MDZAD PA'I DGE BA'I RTZA BA LA RJES SU YI RANG BA STE, TSIG RKANG GNYIS GNYIS DANG GO RIMS BZHIN DU SBYAR RO, ,BSOD NAMS KYI TSOGS BSKYED PA'I THABS LNGA PA CHOS KYI 'KHOR LO BSKOR BA BSKUL BA'I DBANG DU BYAS NAS, PHYOGS RNAMS KUN GYI ZHES BYA BA LA SOGS PA SMOS TE, SANGS RGYAS NI MTSON PA TZAM DU ZAD KYI NYAN THOS DANG RANG SANGS RGYAS DANG SO SO SKYE BO DAG LA BSKUL BAR SHES PAR BYA STE, 'PHAGS PA PHUNG PO GSUM PA'I MDO NAS JI SKAD 'BYUNG BA BZHIN NO, ,DA NI DRUG PA MYA NGAN LAS MI 'DA' BAR GSOL BA GDAB PA'I DBANG DU BYAS NAS, RGYAL BA ZHES BYA BA LA SOGS PA SMOS TE, DGE BA'I RTZA BA SEMS CAN RNAMS LA GTONG BA ZHES BYA BA 'DI MTSON PA TZAM DU ZAD KYI, DE BZHIN DU NYAN THOS DANG, RANG SANGS RGYAS DANG, SANGS RGYAS DANG BYANG CHUB SEMS DPA' RNAMS LA YANG DBUL ZHING BTANG BA STE, DE YANG 'PHAGS PA PHUNG PO GSUM PA DANG, 'PHAGS PA RDO RJE RGYAL MTSAN GYI YONGS SU BSNGO BA LAS JI LTAR 'BYUNG BA BZHIN NO, ,DE NI DGE BA'I RTZA BA BTANG BA BSHAD NAS, DE CI 'BA' ZHIG BTANG BAR ZAD DAM SNYAM PA BSTZAL BA'I PHYIR, LUS DANG ZHES BYA BA LA SOGS PA SMOS TE, 'DIS NI GANG BTANG BA STE DNGOS PO DAM PA BSTAN TO, ,SEMS CAN KUN GYI DON SGRUB PHYIR, ,PHONGS PA MED PAR GTANG BAR BYA, ,ZHES BYA BAS NI GO RIMS BZHIN DU CHED DU BYA BA DANG, RNAM PAR DAG PA DAM PA BSTAN TO, ,LHAG MA RNAMS KYIS NI RTEN DANG YONGS SU BSNGO BA @301A *, ,DAM PA BSTAN TE, CI'I PHYIR THAMS CAD GTONG ZHE NA, THAMS CAD BTANG BAS MYA NGAN 'DA', ,ZHES BYA STE, THAMS CAD BTANG NA TSUL KHRIMS LA 'JUG CING DES BZOD PA YONGS SU RDZOGS PAR 'GYUR LA, DE MANG DU THOS PA LA SOGS PA BRTZON 'GRUS RTZOM ZHING DE'I DBANG GIS BSAM GTAN LA MNYAM PAR 'JOG PAR 'GYUR LA, DES SHES RAB 'BYUNG BA'I SGO NAS MYA NGAN LAS 'DA' BAR 'GYUR BA'I PHYIR RO, ,THABS LA MKHAS PA DAM PA NI DON GYIS SHES PAR BYA STE, DE DANG MI LDAN NA BYANG CHUB CHEN PO THOB PAR MI 'GYUR BA'I PHYIR RO, ,DE LTAR YIN DU ZIN KYANG CI'I PHYIR THAMS CAD GTONG ZHE NA, BDAG BLO MYA NGAN 'DAS PA BSGRUB, ,CES BYA BA SMOS TE, BDAG NI DE DON DU GNYER BA'I PHYIR RO, ,DE LTA YANG DE MI PHOD DO ZHE NA, THAMS CAD GTONG DU ZHES BYA BA LA SOGS PA SMOS TE, 'CHI BA'I DUS LA SOGS PA NI NGES PAR GTONG BAR 'GYUR BA'I PHYIR RO, ,DE LA DON MED PA YIN LA, GONG DU BSHAD PA BZHIN BTANG NA NI MYA NGAN LAS 'DAS PA'I RGYUR 'GYUR BAS MCHOG YIN PA'I PHYIR, DON MED PAR GTANG BAR MI BYA'O ZHES BYA BA'I THA TSIG GO, ,'O NA LUS LA SOGS PA JI LTAR BTANG ZHE NA, BDAG GI ZHES BYA BA LA SOGS PA SMOS TE, LUS 'DI ZHES BYA BA NI MTSON PA TZAM DU ZAD KYI LONGS SPYOD KYANG GZUNG BAR BYA'O, ,BSAM PA THAG PA'I SGO NAS MI MOS PAR BYED PA'I GANG ZAG LA SOGS PA'I MDUN DU NGAG GIS KYANG BTANG ZHING SPYOD LAM THAMS CAD DU YID KYIS KYANG DE LTAR BTANG GI ,LAS DANG PO PA'I SKABS SU LUS KYIS DE LTAR GTONG BAR MI BYA STE, SROG DANG TSANGS PAR SPYOD PA'I BAR CHAD DU 'GYUR BAS DGE BA'I BAR CHAD DU 'GYUR BA'I PHYIR, 'OG NAS KYANG SNYING RJE'I BSAM PA MA DAG PAR LUS NI GTONG BAR MI BYA STE ZHES GSUNGS PA'I PHYIR RO, ,LUS ZHES BYA BA NI MTSON PA TZAM DU ZAD DE SROG DANG TSANGS PAR SPYOD PA'I RTEN DU GYUR PA'I LONGS SPYOD DAG KYANG GTANG BAR MI BYA STE, BSLAB PA KUN LAS BTUS PA LAS TSE 'DI'I LONGS SPYOD BSRUNG BA'I SKABS SU JI SKAD BSHAD PA DANG, 'PHAGS PA DRAG SHUL CAN GYIS ZHUS PA LAS KYANG, RAB TU BYUNG BAS GSUM RNAM PA THAMS CAD DU SBYIN PAR MI BYA'O ZHES GSUNGS PA'I PHYIR RO, , @301B TSIG GI DON NI GO SLA'O, ,DA NI DNGOS GZHI'I CHO GA'I DBANG DU BYAS NAS, JI LTAR SNGON GYI ZHES BYA BA LA SOGS PA SMOS TE, 'DIS NI GANG ZAG BYAD PAR CAN GYI DBANG DU BYAS NAS, SMON PA DANG 'JUG PA'I SEMS BSKYED GNYIS KA DUS GCIG TU BYED PA'I CHO GA BSHAD DE, BYANG CHUB SEMS NI BSKYED BGYI ZHING; ,ZHES BYA BA DANG, BYANG CHUB SEMS DPA'I BSLAB PA LA, ,ZHES BYA BA NAS GO RIMS BZHIN DU BSTAN PA'I PHYIR RO, ,'O NA RIM PA BZHIN DU ZHES BYA BA'I DON CI ZHE NA, RTEN DANG BRTEN PA'I DBANG DU BYAS PA STE, SMON PA MED PAR 'JUG PA MI 'BYUNG BA'I PHYIR DANG, 'BYUNG YANG BYANG CHUB SEMS DPA'I SDOM PA NYID DU MI 'GYUR BA'I PHYIR DANG, MYA NGAN LAS 'DAS PA'I BSAM PA BRTAN PO MED PAR SDOM PA MI SKYE'O ZHES DAM PA'I CHOS 'DUL BA LAS JI SKAD 'BYUNG BA BZHIN NO, ,DE LTAR RTEN DANG BRTEN PA NYID YIN DU ZIN PA NYID KYI PHYIR DUS GCIG TU SKYER MI RUNG NGO SNYAM NA, 'GAL BA MED DE 'DUL BA LAS CIG CAR RAB TU 'BYUNG BA DANG, BSNYEN PAR RDZOGS PA DUS GCIG TU BYAR RUNG BA BZHIN NO, ,DE NI GANG ZAG KHYAD PAR CAN GYI DBANG DU BYAS PA YIN NO ZHE NA, DE 'DIR YANG MTSUNGS SO, ,'ON TE NYAN THOS KYI SDOM PA MED PAR BYANG CHUB SEMS DPA'I SDOM PA SKYER RUNG NGAM ZHE NA, CI'I PHYIR MI RUNG, BRTEN PA'I PHYIR RO ZHE NA, CI'I PHYIR RTEN MED PA'I PHYIR RO ZHES BRJOD DAM, 'ON TE RTEN SDOM PA ZHIG MED PA'I PHYIR ZHES RJOD PAR BYED, PHYOGS DANG PO'I NI RIGS PA MA YIN TE, SMON PA'I SEMS BSKYED PA NYID RTEN YIN PA'I PHYIR RO, ,PHYOGS GNYIS PA YANG RIGS PA MA YIN TE, YOD NA MI MTHUN PA MED PAR 'GYUR RO, ,'ON TE NYAN THOS KYI SDOM PA ZHIG RTEN DU DGOS NA NI DE'I TSE YONGS SU DAG PA'I 'JIG RTEN GYI KHAMS LA YANG ? NYAN THOS DANG, RANG SANGS RGYAS KYI MING YANG MED PA'I PHYIR, CHOS NYID KYIS THOB PA 'BA' ZHIG LAS BRDA ? BYUNG YANG MED PAR THAL BAR 'GYUR RO, , DE NI 'DOD PA YIN NO ZHE NA, DE SGRUB PA'I TSAD MA MED PA'I PHYIR RO, ,GZHAN YANG SHI 'PHOS PA'I DUS SU RTEN ZHIG PA'I PHYIR BYANG CHUB SEMS DPA'I SDOM PA 'JIG PAR THAL BAR 'GYUR RO, ,'ON TE DE NI THOB PA'I RTEN YIN GYI GNAS PA'I RTEN MA YIN PA'I PHYIR NYES PA MED DO ZHE NA, MA YIN TE DE NYID @302A *, ,LA SGRUB PA'I RIGS PA MED PA'I PHYIR RO, ,'ON TE GNAS PA'I RTEN MA YIN PA'I PHYIR SHI 'PHOS KYANG BYANG CHUB SEMS DPA'I SDOM PA MI 'JOG NA NI, DE'I TSE 'DIR NYAN THOS KYI SDOM PA ZHIG KYANG BYANG CHUB SEMS DPA'I SDOM PA MI 'JIG PAR THAL BAR 'GYUR TE, GNAS PA'I RTEN MA YIN PA'I PHYIR, DPER NA TSE PHYI MA BZHIN NO, ,'ON TE TSE PHYI MA LA NI GNAS PA'I RTEN MA YIN PA'I PHYIR NYES PA MED DO ZHE NA, 'O NA NI TSE 'DI LA YANG GNAS PA'I RTEN MA YIN PA NYID DU MTSUNGS SO, ,'ON TE TSE 'DIR RANG BZHIN DANG BCAS PA'I KHA NA MA THO BA SPONG BA'I PHYIR GNAS PA'I PHYIR RTEN YIN NO ZHE NA, DE NI TSE PHYI MA LA YANG MTSUNGS TE, DE'I TSE RANG BZHIN DANG BCAS PA'I KHA NA MA THO BA SPONG BA'I PHYIR RO, ,'ON TE NYAN THOS KYI SDOM PA MED PAR BYANG CHUB SEMS DPA'I SDOM PA MI SKYE BA'I PHYIR RTEN DU DGOS SO ZHE NA, MI SKYE BA NYID SGRUB PA'I RIGS PA MED PA'I PHYIR RO, ,'ON TE NYAN THOS KYI SDOM PA MED PAR RANG BZHIN DANG BCAS PA'I KHA NA MA THO BA MI SPONG BA'I PHYIR NYAN THOS KYI SDOM PA RTEN DU DGOS SO ZHE NA, DE CI'I PHYIR BYANG CHUB SEMS DPA'I SDOM PA'I TSUL KHRIMS KYI KHA NA MA THO BA RNAM PA GNYIS MI SPONG NGAM CI NYAN THOS KYI SDOM PA ZHIG RTEN DU TSOL BAR BYED, NYAN THOS KYI SDOM PA NI SPONG BA BDUN GYIS BSDUS PA YIN LA, BYANG CHUB SEMS DPA'I SDOM PA'I TSUL KHRIMS NI SPONG BA BCUS BSDUS PA MA YIN NAM, GZHAN YANG NYAN THOS KYI SDOM PA NI BDAG NYID 'BA' ZHIG SPONG BA YIN ZHING, TSE 'DI 'BA' ZHIG TU SPONG BAR BYED PA'I BDAG NYID YIN LA, BYANG CHUB SEMS DPA'I SDOM PA NI GZHAN DAG KYANG SPONG DU 'JUG PAR BYED PA DANG, BYANG CHUB KYI SNYING PO LA THUG GI BAR DU SPONG BA'I BDAG NYID YIN BZHIN DU DE BOR NAS NYAN THOS KYI SDOM PA RTEN DU TSOL BAR BYED PA NI BDAG NYID BLUN POR STON CING MKHAS PA RNAMS KYIS BZHAD GAD DU BYA BAR RIGS SO, ,DE BAS NA SDOM PA'I RTEN NI BYANG CHUB SEMS DPA'I SDOM PA TSUL KHRIMS YIN TE, BYANG CHUB SEMS DPA'I SA LAS DGE BA'I CHOS SDUD PA'I TSUL KHRIMS GANG ZHE NA, SDOM PA'I TSUL KHRIMS YANG DAG PAR BLANGS PA LA BRTEN NAS ZHES 'BYUNG BA DANG, RNAM PAR GTAN LA DBAB PA BSDUS PA LAS KYANG, DE DGE BA'I CHOS @302B THAMS CAD SDUD PAR BYED PA DANG 'BYOR BAR BYED PA'I ZHES 'BYUNG BA DANG, THEG PA CHEN PO BSDUS PA LAS KYANG, MI DGE BA'I LAS BCU SPANG BA'I PHYIR SDOM PA'I TSUL KHRIMS NYID RTEN DU GSUNGS KYI, NYAN THOS KYI SDOM PA NI DE LTAR MA YIN TE, DE LAS GZHAN PA'I DGE BA'I RTZA BA CHOS THAMS CAD SDUD PAR BYED PA DANG 'BYOR BAR BYED PA MA YIN PA'I PHYIR DANG, MI DGE BA BCU'I LAS KYI LAM THAMS CAD DUS THAMS CAD DU BDAG KYANG SPONG ZHING GZHAN DAG KYANG SPONG DU 'JUG PAR BYED PA MA YIN PA'I PHYIR RO, ,JI LTAR NA SDOM PA'I TSUL KHRIMS DE DGE BA'I CHOS THAMS CAD SDUD PAR BYED PA YIN ZHE NA, DGE BA'I CHOS THAMS CAD NI MDOR BSDU NA RANG GI RGYUD LA DGE BA'I CHOS YONGS SU RDZOGS PAR BYED PA DANG, SEMS CAN YONGS SU SMIN PAR BYED PA NYID YIN LA, DE LA RANG GI RGYUD LA DGE BA'I CHOS YONGS SU RDZOGS PAR BYED PA NI PHA ROL TU PHYIN PA DRUG GIS BSDUS PA STE, DE LA SDOM PA'I TSUL KHRIMS LA GNAS PA NI TSUL KHRIMS KYI PHA ROL TU PHYIN PA'I NGO BO NYID YIN PAR MA ZAD KYI, DUS THAMS CAD DU SEMS CAN THAMS CAD KYI SROG GCOD PA LA SOGS PA SPONG BA'AM SPONG DU 'JUG PA'I PHYIR, SEMS CAN THAMS CAD LA MI 'JIGS PA BYIN PA DANG, GZHAN DAG GNOD PAR BYED PA LA MI BZLOGS PA DANG, DE NYID LA GONG NAS GONG DU MNGON PAR SPONG BA DANG, NYAN THOS DANG RANG SANGS RGYAS LA SOGS PA'I SAR SEMS MI SKYED KYI BYANG CHUB CHEN PO NYID YID LA BYA BA DANG MI 'BRAL BA DANG, DE YANG 'KHOR GSUM YONGS SU DAG PA'I MI DMIGS PA'I SHES RAB KYIS YONGS SU ZIN PA'I PHYIR GO RIMS BZHIN SBYIN PA DANG, BZOD PA DANG, BRTZON 'GRUS DANG, BSAM GTAN DANG, SHES RAB KYI NGO BO NYID KYANG YIN PA'I PHYIR DANG, TSUL KHRIMS GANG BSRUNG BA DE YANG DNGOS SAM BRGYUD PAS SEMS CAN THAMS CAD KYI DON DU 'GYUR BA'I PHYIR SEMS CAN GYI DON BYED PA'I TSUL KHRIMS KYI NGO BO NYID KYANG YIN PA'I PHYIR RO, ,JI LTAR NA DE LAS DGE BA'I CHOS THAMS CAD 'BYOR BAR BYED PA YIN ZHE NA, GONG MA LTA BU'I SDOM PA'I TSUL KHRIMS LA GNAS PAS 'GYOD PA MED PA'I SGO NAS SEMS BDE BA LA REG PAR GNAS PA'I PHYIR, DGE BA'I CHOS SDUD PA DANG SEMS CAN GYI DON @303A *, ,BYED PA'I TSUL KHRIMS LA 'JUG PAR 'GYUR BA'I PHYIR RO, ,DE BAS NA SDOM PA'I TSUL KHRIMS NYID RTEN YIN GYI, NYAN THOS KYI SDOM PA NI RTEN MA YIN PAR RTOGS PA DANG LDAN PA RNAMS KYIS GZUNG BAR BYA'O, ,'ON TE DE LTAR SDOM PA'I TSUL KHRIMS RTEN DU BSHAD PA NYID NYAN THOS KYI SDOM PA NYID DU 'GRUB PA YIN TE, BYANG CHUB SEMS DPA'I SA LAS SDOM PA'I TSUL KHRIMS GANG ZHE NA, SO SOR THAR PA'I SDOM PA NI SA BDUN GYIS BSDUS PA STE ZHES 'BYUNG BA'I PHYIR RO ZHE NA, DE NYID NYAN THOS KYI SDOM PA RTEN NYID DU GYUR PA'I KHUNGS SU MI RUNG STE, 'PHAGS PA NYE BA 'KHOR GYIS ZHUS PA LAS NYAN THOS KYI SO SOR THAR PA'I SDOM PA DANG, RANG SANGS RGYAS KYI SO SOR THAR PA DANG, BYANG CHUB SEMS DPA'I SO SOR THAR PA'I SDOM PA DANG ZHES GSUM DU GSUNGS PA'I PHYIR RO, ,DA NI BDEN MOD KYI NYAN THOS KYI SO SOR THAR PA'I SDOM PA ZHES GSUNGS PA, DE NYID BYANG CHUB SEMS DPA'I SO SOR THAR PA'I SDOM PA NYID YIN NO ZHE NA, DE NI MA YIN TE GZHAN RJES SU MI SRUNG BA DANG, MTHAR CHAGS PA DANG RJES SU 'JUG PA DANG, BCOS SU RUNG BA'I SGO NAS KHYAD PHYED PA'I PHYIR MDO LAS JI SKAD 'BYUNG BA BZHIN NO, ,'ON TE MDO LAS BYANG CHUB SEMS DPA'I SO SOR THAR PA'I SDOM PA ZHES GSUNGS PA NI DGE BA'I CHOS SDUD PA DANG, SEMS CAN GYI DON BYED PA'I TSUL KHRIMS KYI DBANG DU BYAS PA YIN GYI, SDOM PA'I TSUL KHRIMS KYI DBANG DU BYAS PA NI MA YIN NO ZHE NA MA YIN TE, DE LA RIGS PA MED PA'I PHYIR DANG, DE LTAR KHYAD PAR PHYE BA NI SDOM PA'I TSUL KHRIMS NYID KYI DBANG DU BYAS NAS GSUNGS PA STE, MDO NYID LAS BCOS SU RUNG BA'I KHYAD PAR STON PA'I SKABS SU MTSAMS MED PA LNGA LA SOGS PA BCOS SU RUNG BA NYID DU BSTAN PA'I PHYIR RO, ,'O NA SLOB DPON SA MU DRA ME GHAS ? TSUL KHRIMS KYI LE'U'I 'GREL BA LAS NYAN THOS KYI SDOM PA NI DGE BA'I CHOS THAMS CAD KYI GZHI YIN NO ZHES BSHAD PA 'DI JI LTAR DRANG ZHE NA, DE NI NYAN THOS KYI SDOM PAS JI LTAR RANG BZHIN DANG BCAS PA'I KHA NA MA THO BA SPONG BZHIN DU SDOM PA'I TSUL KHRIMS KYIS KYANG SPONG BAS, BYANG CHUB SEMS DPA'I SDOM PA'I TSUL KHRIMS NYID LA SPONG BYA THUN MONG BA SPONG BAR 'DRA BA'I PHYIR NYAN THOS KYI SDOM PA ZHES BSTAN TE, ? @303B NA DE BZHIN GSHEGS PA LA MNGA' BA'I BSAM GTAN LA SOGS PA LA 'JIG RTEN PA'I YON TAN ZHES BSHAD PA BZHIN DU YIN GYI, DNGOS SU NYAN THOS KYI SDOM PA RTEN NYID DU BSHAD PA MA YIN TE, GONG DU BSGYUR YANG NYE BAR MI 'GRO ZHES BSHAD PA'I SKABS SU SA BON NAM LDANG BA'I GZHI YANG MA YIN PA'I PHYIR RO ZHES BSHAD PA'I PHYIR RO, ,SA LTA MA YIN NA SNGA PHYI YANG 'GAL BA NYID DU 'GYUR RO, ,'ON TE DA LTAR DE LTAR NYAN THOS KYI SDOM PA DANG BYANG CHUB SEMS DPA'I SDOM PA'I TSUL KHRIMS GNYIS LA MI 'DRA BA'I KHYAD PAR CI LTA BU ZHIG YOD DE SNGA MA RTEN MA YIN LA PHYI MA NI RTEN NYID DU GZHAG CE NA, KHO BOS NI BYANG CHUB SEMS DPA'I SDOM PA DANG NYAN THOS KYI SDOM PA'I KHYAD PAR NI DPAG TU MED PA YOD KYANG, GTZOR NA RTEN YANG DAG PAR LEN PA'I BSAM PA'I SGO NAS MI 'DRA BA NYID DU SHES TE, DPER NA GANG ZAG 'GA' ZHIG LHA'I YUL DU 'GRO BAR BYA SNYAM PA'I BSAM PAS LAM DU ZHUGS PA'I TSE RDZU 'PHRUL LA SOGS PA DANG MI LDAN PA'I DBANG GIS, LHA'I YUL DU PHYIN PAR MI 'GYUR YANG DER LAM DU ZHUGS PA ZHES BYA BA YIN PA DE BZHIN DU, 'DI NA GANG ZAG KHA CIG NYAN THOS THOB PAR BYA BA'I BSAM PA SNGON DU BTANG NAS SROG GCOD PA SPONG BA LA SOGS PA'I SDOM PA YANG DAG PAR BLANGS PA'I TSE, RIGS DANG MI LDAN PA'I DBANG GIS NYAN THOS KYI BYANG CHUB THOB PAR MI 'GYUR YANG NYAN THOS KYI SDOM PA ZHES BYA BA YANG DPER NA RDZU 'PHRUL LA SOGS PA DANG LDAN PA YIN DU ZIN KYANG LHA YUL DU 'GRO BA MA BSAMS KYI GANGS RI'I RTZE MOR 'GRO BA NAS LAM DU ZHUGS PA DE NI GANGS RIR LAM DU ZHUGS PA ZHES BYA'O, ,LHA YUL DU MA ZHUGS PA ZHES BYA BA LA SOGS PA 'DI NI GANG ZAG KHA CIG RIGS DANG MI LDAN YANG BYANG CHUB SEMS DPA'I BSAM PAS SROG GCOD PA LA SOGS PA'I SDOM PA YANG DAG PAR BLANGS PA DE'I TSE BYANG CHUB SEMS DPA'I SDOM PA ZHES BYA BAR 'GYUR GYI, DE NYID NYAN THOS KYI SDOM PAR NI MI 'GYUR TE; BYANG CHUB CHEN PO THOB PA'I BSAM PA YOD PA'I PHYIR DANG, NYAN THOS THOB PAR BYA BA'I BSAM PA MED PA'I PHYIR RO, ,'ON TE THEG PA CHEN PO'I RIGS DANG MI LDAN PA'I DUS DE'I TSE BSAM PA DE LTA BU'I SDOM PA BLANGS KYANG NYE BAR LEN PA'I RGYU MED PAS SDOM PA MI SKYE'O ZHE NA, NYE BAR LAN @304A *, ,PA'I RGYU GANG MED PAR 'DOD, 'ON TE THEG PA CHEN PO'I RIGS MED PA'I PHYIR RO ZHE NA, RIGS ZHES BYA BA NI BSAM PA NYE BAR LEN PA'I RGYU YIN NAM, 'ON TE SDOM PA NYE BAR LEN PA'I RGYU YIN, PHYOGS SNGA MA NI RIGS PA MA YIN TE, 'PHAGS PA SH'A RI'I BU LA SOGS PA RIGS DANG MI LDAN PA YANG DGE BA'I BSHES GNYEN LA SOGS PA DANG PHRAD PA'I DBANG GIS SEMS BSKYED PA 'BYUNG BA'I PHYIR DANG, DE BZHIN DU SEMS CAN MTHA' DAG LA YANG RKYEN GYI DBANG GIS SEMS BSKYED PA MTHONG BA'I PHYIR DANG, SEMS BSKYED PA TZAM GYIS DE DAG THEG PA CHEN PO'I RIGS SU MA NGES PA'I PHYIR DANG; SEMS BSKYED KYANG DE DAG LAS LDOG PAR MTHONG BA'I PHYIR RO, ,PHYOGS GNYIS PA YANG RIGS PA MA YIN TE, DAM PA'I CHOS 'DUL BA LAS KYANG MYA NGAN LAS 'DAS PA'I BSAM PA RTEN NYID DU GSUNGS KYIS SDOM PA NYE BAR LEN PA'I RGYU RTEN NYID DU MA GSUNGS PA'I PHYIR DANG, BYANG CHUB SEMS DPA'I SA LAS KYANG SDOM PA YANG DAG PAR LEN PA'I DUS SU BSAM PA ? RTEN YIN PA'I PHYIR, ,KHYOD BYANG CHUB SEMS DPA' YIN NAM, BYANG CHUB TU SMON LAM BTAB PA MA ZHES 'DRI BA'I TSIG GSUNGS KYI, THEG PA CHEN PO'I RIGS DANG LDAN NAM ZHES 'DRI BA'I TSIG MA GSUNGS PA'I PHYIR DANG, GZHAN YANG GAL TE'I GAS KHO NA SDOM PA 'THOB PA'I RGYU YIN NA NI BDAG CAG SO SO'I SKYE BO RNAMS KYIS RANG GI RIGS JI LTA BU MI RTOGS PA'I PHYIR RO, ,MYA NGAN LAS 'DAS PA'I BSAM PA YANG JI LTA BU BSKYED PAR BYA BA MI SHES LA SDOM PA YANG GANG LEN PAR BYED PA MI SHES SHING, DGE BA'I RTZA BA YANG 'BRAS BU GANG DU YONGS SU BSNGO BA YANG MI SHES PA GCIG TU 'GYUR TE, CI'I PHYIR ZHE NA, GAL TE RIGS DANG MI LDAN NA MYA NGAN LAS 'DAS PA'I BSAM PA DANG LDAN MANG SDOM PA MI SKYE BA'I PHYIR DANG, SDOM PA MA SKYES PA'I GANG BSNGO BAR BYA BA NYID KYANG MED PA'I PHYIR RO, ,DE'I PHYIR SDOM PA THA DAD PA NYID RNAM PAR GZHAG PA NI YANG DAG PAR LEN PA'I BSAM PA'I DBANG GIS YIN GYI RIGS KYI SGO NAS DANG 'BRAS BU'I THOB PAR BYA BA'I SGO NAS GZHAG PA NI MA YIN NO, ,'O NA RIGS DANG MI LDAN PA LA YANG SDOM PA SKYE BA YIN NA, DE'I TSE DE'I NYE BAR LEN PA'I RGYU GANG ZHE NA, DE LTAR RIGS DANG MI LDAN PA LA YANG @304B SDOM PA SKYE BA DE NI RKYEN JI LTA BA BZHIN DU BSAM PA SKYES PA'I SGO NAS SDOM PA LEN PA LA 'JUG PAR BYED PA'I SPROS PA'I BAG CHAGS THOG MA MED PA'I DUS CAN KUN GZHI'I RNAM PAR SHES PA LA YOD PA NYID YIN TE, DPER NA MU STEGS CAN GZHAN RNAMS KYI BDAG LA SOGS BGROL BAR BYA BA'I PHYIR SDOM PA LEN PA LA 'JUG PAR BYED PA NYID BZHIN DU, DE YANG BDAG GROL BA ZHES BYA BA'I 'BRAS BU THOB PAR BYED PA NYID DAM, BDAG CES BYA BA RANG GI RIGS DANG LDAN PA ZHES BYA BA MED KYANG, SPROS PA'I BAG CHAGS KYI SDOM PA LEN PA LA 'JUG PA LTA BU'O, ,GZHAN YANG SDOM PA ZHES BYA BA NI CHOS 'DI NYID LAS KYANG, SPONG BA'I SEMS NI THOB PA LAS, ,TSUL KHRIMS PHA ROL PHYIN PA BSHAD, ,CES GSUNGS PA'I PHYIR, SPONG BA'I SEMS PA BAG CHAGS DANG BCAS PA DANG MTSUNGS PAR LDAN PA'I YID KYIS RNAM PAR BSHAD PA NYID MA YIN NAM, DE LTAR MA YIN NA NI RIGS DANG MI LDAN PA DAG LA YANG DE LTA BU'I SDOM PA NI SKYE BAR MI 'GAL LO SNYAM DU BSAMS PA'O, ,ZHAR LA 'ONGS PAS CHOG GO, ,DA NI YANG DAG PAR BLANGS PA MI NYAMS PAR BSRUNG BA'I TSUL GYIS 'JUG PA RGYAS PAR BYA BA'I PHYIR, MI ZHUM PA'I BRTZON 'GRUS KYI DBANG DU BYAS NAS, DE LTAR BLO DANG LDAN PA YIS, ,ZHES BYA BA LA SOGS PA'I TSIGS SU BCAD PA GNYIS BSTAN TO, ,DA NI JI LTAR YANG DAG PAR BLANG BA'I SDOM PA NYAMS SU BLANG BA LA GO CHA'I BRTZON 'GRUS KYI DBANG DU BYAS NAS, DA NI CI NAS KYANG ZHES BYA BA LA SOGS PA SEMS CAN MGRON CHEN PO TSIM PAR BYED PA ZHES BYA BA'I BAR DU BSTAN TO, ,DE LA TSIGS SU BCAD PA DANG POS BDAG NI RIGS THAMS CAD KYI MCHOG TU SKYES PA'I PHYIR, RIGS SUN 'BYIN PAR MI BYA BA'I DON DU BSLAB PA LA 'BAD PAR BYA BAR SEMS LA GO BA GO BAR BSTAN TO, ,LHAG MAS NI PHAN YON BSTAN PA'I SGO NAS YANG DAG PAR MI NYAMS PAR SEMS LA GO BA GO BA NYID DU BSTAN TE, DE YANG LONG BAS ZHES BYA BA LA SOGS PAS NI YID BZHIN GYI NOR BU RIN PO CHE LTA BUR GYUR PA'I PHYIR DE SNYED KYI DKA' BA LAS RNYED PAR BSTAN TO, ,'GRO BA'I 'CHI BDAG CES BYA BA TSIG RKANG GNYIS KYIS NI RIGS DANG LDAN PA DAG GIS 'CHI BDAG GI BDUD SPONG BAR BYED PA'I GNYEN PO NYID DU BSTAN TO, ,'GRO @305A *, ,BA DBUL BA ZHES BYA BA LA SOGS PA'I TSIG RKANG BZHIS NI RIGS CAN RNAM PA LNGA CHAR GYI RGYUD LA MTHO RIS DANG THAR PA'I BDE BA SBYIN ZHING 'KHOR BA'I SDUG BSNGAL SPONG BAR BYED PA'I RGYU NYID BSTAN TO, ,SRID LAM ZHES BYA BA LA SOGS PA'I TSIG RKANG GNYIS KYIS NYAN THOS DANG RANG SANGS RGYAS KYI BYANG CHUB THOB PAR BYED PA'I RGYU NYID BSTAN TO, ,'GRO BA THAMS CAD CES BYA BA TSIG RKANG GNYIS KYIS RIGS CHAD PA NYID BDE 'GRO LA DGOD PA'I RGYU NYID DU BSTAN TO, ,'GRO BA'I NYON MONGS ZHES BYA BA LA SOGS PA'I TSIG RKANG BZHIS THEG PA CHEN PO'I RIGS CAN DAG GI NYON MONGS PA DANG SHES BYA'I SGRIB PA GNYIS SPONG BA'I RGYU NYID DU BSTAN TO, ,BSDUS PA'I DON NI, BDAG GIS BYANG CHUB TU SEMS BSKYED DE, BSLAB PA LA BSLABS PAS CI RIGS PAR BDAG DANG GZHAN NYID KYI DON 'GRUB PAR BYED PA'I RGYU YIN NO ZHES BYA BA'I THA TSIG GO, ,DAM CHOS 'O MA ZHES BYA BA RKANG PA GNYIS KYIS NI CHOS KYI RDZES ? SU 'BRANG BA'I 'JUG PA'I GANG ZAG NI LAM GYI SNYING PO NYID DU BSTAN TE, JI LTA ZHE NA, GANG ZAG DE DAG GIS CHOS MNYAN PA LA SOGS PAS CHOS KYI MTSAN NYID JI LTAR GNAS PA KHONG DU CHUD PA NI 'O MA BSRUBS PA YIN LA, DE MA GTOGS PA'I SEMS CAN RNAMS LA SNYING RJE CHEN PO SKYE STE, DE DAG GI DON DU BYANG CHUB TU SEMS BSKYED PA NI MAR GYI SNYING PO BYUNG BA LTA BU YIN PA'I PHYIR RO, ,'GRO BA'I MGRON PO ZHES BYA BA LA SOGS PA BZHIS NI, BYANG CHUB SEMS DPA' RNAMS KYI MGRON CHEN PO RIGS LNGAS BSDUS PA'I SEMS CAN THAMS CAD LA MTHO RIS DANG THAR PA'I STON MO STER BA'I THABS DAM PA NYID DU BSTAN TO, ,BDAG GIS DE RING ZHES BYA BA RKANG PA BZHIS NI MGRON DE DAG MI SLU BA'I PHYIR, BYANG CHUB SEMS DPA'I BSLAB PA LA 'BAD PAR BYA'O ZHES GDAMS PA BSTAN TO, ,YAN LAG GI DON NI GO SLA'O, ,BYANG CHUB SEMS DPA'I SPYOD PA LA 'JUG PA ZHES BYA BA'I TSIG GI DON NI LNGA MA BZHIN NO, ,BYANG CHUB KYI SEMS YONGS SU BZUNG BA ZHES BYA BA NI SEMS BSKYED PA'I CHO GA'O, ,LE'U GNYIS PA'I BSHAD PA RDZOGS SO,, ,,DE LTAR SDOM PA YANG DAG PAR BLANGS PA'I LAS NI BSRUNG BA LA 'JUG PA 'BYUNG BAS, DA NI DE'I THABS BSTAN PA'I PHYIR THOG MAR ? @305B MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS KYI NGO BO NYID KYIS BAG YOD PA LA GNAS PAR BYA DGOS PAS, LE'U GSUM PA GSUNGS SO, ,BAG YOD PA LA GNAS NA RANG GI NGANG GIS BYANG CHUB SEMS DPA'I BSLAB PA MI NYAMS PAR 'GYUR RO SNYAM DU DGONGS SO, , 'ON TE DE LTAR SDOM PA MNOS PAS CHOG GAM, 'ON TE BSRUNG DGOS SNYAM PA LA BSRUNG DGOS PA NYID DU BSTAN PA'I PHYIR, RGYAL BA'I SRAS KYIS ZHES BYA BA LA SOGS PA SMOS TE, BSRUNG BAR BYA BA NYID DU DAM BCAS PA'I PHYIR RO SNYAM DU BSAMS PA'O, ,'ON TE DAM BCAS SU ZIN KYANG BRTAGS NAS BSRUNG BAR BYA BA'I PHYIR MA BRTAGS PA MA YIN NO ZHE NA, BAB COL ZHES BYA BA LA SOGS PA SMOS TE, YANG THAMS CAD MA BRTAGS PA'AM, CUNG ZAD BRTAGS KYANG LEGS PAR BRTAGS PA DE NYID GZOD BRTAGS LA SGRUB KYI, 'DIR NI DE MA YIN TE, SANGS RGYAS DANG BYANG CHUB SEMS DPA' RNAMS DANG BDAG NYID KYIS KYANG YANG NAS YANG DU SDOM PA YANG DAG PAR LEN PA'I SNGON ROL DU BRTAGS PA'I PHYIR RO ZHES BYA BA'I DON TO, ,'ON TE MA BSGRUBS NA NYES DMIGS CI YOD SNYAM PA LA, SMON PA'I SEMS BSKYED PA LAS 'DAS PA'I NYES DMIGS KYI DBANG DU BYAS NAS, GAL TE DE LTAR ZHES BYA BA NAS, BDAG GIS GUS PAR BSGRUB PAR BYA, ,ZHES BYA BA'I BAR DU SMOS PAS, 'DI SKAD STON TO, ,GONG DU JI SKAD BSTAN PA'I TSUL GYIS BDAG GIS BYANG CHUB CHEN PO THOB PAR BYAS LA SEMS CAN THAMS CAD KYI DON BYA'O ZHES DAM BCAS NAS DE BZHIN DU MA BSGRUBS TE, YANG BDAG GIS SEMS CAN GYI DON DU BYANG CHUB CHEN PO THOB PAR BYA BAR MI NUS KYI DE BAS NA BDAG GIS NYAN THOS LA SOGS PA THOB PAR 'DOD SNYAM DU SEMS BSKYED NA DE'I TSE DE DAG BSLUS PA YIN PA'I PHYIR, SKYE BA PHYI MA LA BDAG GIS 'GRO BA CI 'DRAR 'GYUR ZHES BYA BA NI SPONG BA STE, BZANG POR 'GRO BA'I THABS MED DO ZHES BYA BA'I DON TO, ,DE CI'I PHYIR ZHE NA, DNGOS PO PHAL PA ZHES BYA BA LA SOGS PA SMOS TE, DNGOS PO THA MAL PA LAS GANG ZAG 'GA' ZHIG LA TSIG TU DAM MA BCAS PAR YOD KYI SBYIN PAR DAM BCAS NAS MA BYIN PAR DE YANG YI DAGS KYI RGYU NYID DU BSHAD NA THA MAL BA'I DNGOS PO MA @306A *, ,YIN TE, BLA NA MED PA'I SANGS RGYAS KYI BDE BA LA YID KYIS BSAM PA LTA BU MA YIN GYIS TSIG TU DAM BCAS NAS SEMS CAN 'GA' ZHIG BSLUS PA MA YIN TE, THAMS CAD BSLUS PAR BYAS PAS GDON MI ZA BAR NGAN SONG DU 'GYUR GYI, BDE 'GROR SKYE BA'I THABS MED DO ZHES BYA BA'I THA TSIG GO, ,'O NA DE THAMS CAD DU THAR PAR MI 'GYUR RAM ZHE NA, MI GANG ZHES BYA BA LA SOGS PA SMOS TE, BSDUS PA'I DON NI SEMS CAN RNAMS KYI LAS KYI RNAM PAR SMIN PA'I TSUL BSAM GYIS MI KHYAB PA YIN PA'I PHYIR, LANG KAR GSHEGS PA LAS, BLO GROS CHEN PO DE BZHIN GSHEGS PA NI SEMS CAN THAMS CAD YONGS SU MA BTANG NGO ZHES GSUNGS PA DE DAG KYANG THAR PAR MDZAD PA NI, DE BZHIN GSHEGS PA YIN PA'I PHYIR DANG, DE BZHIN GSHEGS PA'I YE SHES NI SHES BYA THAMS CAD LA KHYAB PA YIN PA'I PHYIR, DE BZHIN GSHEGS PA NYID KHO NAS MKHYEN GYI, BDAG CAG GIS NI MI SHES SO ZHES BYA BA'I THA TSIG STE, JI SKAD DU, NGAS NI 'DI YI THAR PA YI, ,SA BON SHIN TU PHRA BA YANG, ,SA YI KHONG NA YOD PA'I GSER, ,BAG LA NYAL BA BZHIN DU GZIGS, ,ZHES GSUNGS PA LTA BU'O, ,DE TZAM DU THAR BAR DKA' BA CI'I PHYIR ZHE NA, DE NI ZHES BYA BA LA SOGS PA SMOS TE, SMON PA'I SEMS BSKYED PA DE GTONG BA DE NI PHAS PHAM PAS LTUNG BA LCI BA STE, DE CI'I PHYIR ZHE NA, PHAS PHAM PA'I LTUNG BA NI BYUNG DU ZIN KYANG SEMS BSKYED PA MA BTANG NA LAS BYA BA GTZO BO SEMS CAN GYI DON BYED PA LAS NYAMS PAR MI 'GYUR LA, SEMS BSKYED PA BTANG NA NI NYAMS PAR 'GYUR BA'I PHYIR TE, GSANG CHEN THABS LA MKHAS PA'I MDO LAS KYANG, SEMS BSKYED PA GTONG BA RTZA BA'I LTUNG BA SHIN TU LCI BA NYID DU BSTAN PA'I PHYIR RO, ,'ON TE BDAG NYID KYI SEMS BSKYED PA BTANG BA 'BA' ZHIG LTUNG BA LCI BA YIN NAM ZHE NA MA YIN TE, GZHAN DAG SMON PA'I SEMS BSKYED PAR 'DOD PA'I BAR CHAD BYAS SAM, GZHAN DAG SEMS BSKYED PA LAS BZLOG STE, THEG PA DMAN PAR SEMS BSKYED DU BCUG NA YANG, NAM MKHA'I SNYING PO'I MDO LAS JI SKAD DU GSUNGS PA BZHIN DU RTZA BA'I LTUNG BAR 'GYUR BAS, GANG GZHAN ZHES BYA BA LA SOGS PA SMOS TE, GANG ZAG DE GDUL BAR BYA BA @306B MTHA' DAG GIS BDE BAR NYAMS PAR BYA BA'I PHYIR RO ZHES BYA BA'I THA TSIG GO, ,'ON TE DE LTAR RES 'GA' SEMS BSKYED PA BTANG BA YANG RES 'GA' SEMS BSKYED PA BYAS NA RUNG DAM ZHE NA, RUNG BA MA YIN TE, CI'I PHYIR ZHE NA, DE LTAR ZHES BYA BA LA SOGS PA SMOS TE, STOBS DANG LDAN PA'I LAS GNYIS 'DRA NA MAR SPYAD PA'I PHYIR MTHO RIS DANG NGAN SONG DU RES GYIS NYAMS SU MYONG BAR 'GYUR GYI, DGE BA'I LAS THANG CHOD PAR YONGS SU RDZOGS PAR MA BYAS PA'I PHYIR THAR PA THOB PAR MI 'GYUR RO ZHES BYA BA'I THA TSIG GO, ,DE BAS NA BDAG GIS BYANG CHUB CHEN PO THOB PAR BYA STE, SEMS CAN YONGS SU SMIN PAR BYA'O ZHES DAM BCAS PA DE JI LTAR YANG GTANG BAR MI BYA'O ZHES BSTAN PA'I PHYIR, DE LTAR ZHES BYA BA LA SOGS PA SMOS SO, ,DA NI 'JUG PA'I SEMS BSKYED PA LAS 'DAS PA'I NYES DMIGS BSTAN PA'I PHYIR, DE NAS ZHES BYA BA LA SOGS PA SMOS SO, ,'ON TE BDAG NYID KYIS BRTZON PAR MA BYAS KYANG DE BZHIN GSHEGS PA DPAG TU MED PA 'BYUNG BA'I PHYIR NGAN SONG DU 'GRO BA'I NYES PA MED DO SNYAM NA, BDAG NYID KYIS BRTZON PAR MA BYAS NA, SNGAR GSHEGS PA RNAMS KYIS KYANG MI PHAN PA BZHIN DU PHYIS GSHEGS PA RNAMS KYIS KYANG PHAN PAR MI 'GYUR BAS, BDAG NYID KYIS BRTZON PAR BYA'O ZHES BSTAN PA'I PHYIR RO, ,SEMS CAN THAMS CAD CES BYA BA LA SOGS PA SMOS SO, ,DE LTAR BDEN MOD KYI, PHYIS DAL 'BYOR THOB PA'I DUS SU 'BAD PAR BYA'O SNYAM NA DE NI SHIN TU RNYED PAR DKA' BAS DA LTA NYID DU 'BAD PAR BSTAN PA'I PHYIR DE BZHIN GSHEGS PA ZHES BYA BA LA SOGS PA SMOS SO; ,DE LTA BU YIN DU ZIN KYANG BDAG LA NAD KYANG MED CING, ZAS DANG BCAS LA, DGRA ? LA SOGS PA'I 'TSE BA MED PAS DUS PHYIS BSLAB PA LA BRTZON PAR BYA'O SNYAM NA, DE LTAR YIN DU ZIN KYANG, BDAG NI 'DZAM BU GLING PA'I TSE LA NGES PA MED CING, LUS LA DBANG BYAR MED PAS DA LTA NYID NAS 'BAD PAR BYA'O ZHES BSTAN PA'I PHYIR, NAD MED CES BYA BA LA SOGS PA SMOS SO, ,DE LTAR YIN DU ZIN KYANG NYES PA CI YOD CE NA, BDAG GIS ZHES BYA BA LA SOGS PA SMOS SO, ,MI LUS MA THOB NA NYES DMIGS CI YOD CE NA, MI LUS ZHES BYA BA LA SOGS PA SMOS TE, DE'I TSE DGE BA'I MED @307A *, ,YANG MI GRAG LA, SDIG PA 'BA' ZHIG BYED PAS NGAN SONG LTUNG BAR 'GYUR RO ZHES BYA BA'I DON TO, DE LTAR BDEN MOD KYI NGAN SONG DU SKYES PA'I DUS KYI TSE, DGE BA BSGRUB MOD KYI SNYAM PA YANG GANG TSE ZHES BYA BA LA SOGS PA SMOS SO, ,DE LTAR BDEN MOD KYI DGE BA MA BYAS KYANG NYES PA CI YOD SNYAM ZHE NA, DGE BA DAG KYANG ZHES BYA BA LA SOGS PA SMOS SO, ,DE LTAR YIN PAR CI MNGON ZHE NA, DE NYID PHYIR NA ZHES BYA BA LA SOGS PA SMOS SO, ,DE NYID CI'I PHYIR ZHE NA, YUL KHYAD PAR CAN LA ZHE SDANG BSKYED PA LTA BU'O, ,SKAD CIG GCIG BYAS ZHES BYA BA LA SOGS PA SMOS SO, ,DE BDEN MOD KYI LAS KYI 'BRAS BU NYAMS SU MYONG BA DE LAS THAR PA'I DUS SU 'BAD PAR BYA'O SNYAM NA, DE TZAM ZHES BYA BA LA SOGS PA SMOS SO, ,CI'I PHYIR ZHE NA, 'DI LTAR DE NI ZHES BYA BA LA SOGS PA SMOS SO, ,DE LTA BAS NA DA LTAR GYI DUS SU BRTZON PAR MA BYAS PA'I NYES DMIGS MJUG BSDUS TE BSTAN PA'I PHYIR, 'DI 'DRA'I NGAL BA ZHES BYA BA LA SOGS PA SMOS SO, ,GAL TE BDAG GIS ZHES BYA BA LA SOGS PA SMOS TE, BYANG CHUB SEMS DPA' SPYOD PA DE BYA BA'I PHYIR YIN PAR RTOGS KYANG GTI MUG GI DBANG GIS YANG DAG PAR BLANGS PA'I RJES LA BYA BAR GA LAS NUS SNYAM DU SGYID LUG STE, JI LTAR MNOS PA BZHIN DU MA BSGRUBS PA'I TSE 'DIR YANG 'CHI KA'I DUS SU 'GYOD PA'I ME CHEN POS GDUNG BAR 'GYUR LA, TSE PHYI MAR YANG DMYAL BA'I MES NI LUS GDUNG ZHING TSE SNGA MA'I LAS RJES SU DRAN PA'I SGO NAS 'GYOD PA'I MES NI SEMS GDUNG BAR 'GYUR RO ZHES BYA BA'I DON TO, ,DE BAS NA SHIN TU RNYED PAR DKA' BA'I DAL 'BYOR PHUN SUM TSOGS PA RNYED PA'I DUS SU BDAG NYID KYI BYA BA DANG BYA BA MA YIN PA SHES BZHIN DU, BYA BA'I CHA MA BSGRUBS SHING BYA BA MA YIN PA'I CHA MA SPANGS PA NGAN SONG DU LTUNG BAR 'GYUR PA NI, SNGAGS KYIS RMONGS PAR BYAS PA BZHIN DU BDAG NYID LA GNOD PA BYA BA YIN PAS, DE LTAR BYA BAR MI RIGS SO ZHES BSTAN PA'I PHYIR, SHIN TU RNYED DKA' ZHES BYA BA LA SOGS PA SMOS SO, ,DE LTAR DAM BCAS PA LAS 'DAS PA'I NYAS DMIGS BSTAN PA'I SGO NAS, DAM BCA' BA LAS MI 'DA' BA NYID DU BSTAN NAS, DA NI BAG YOD PA LA GNAS TE @307B BSLAB PA BSGRUB PA'I DBANG DU BYAS TE BSLAB PA LAS 'DAS PAR BYED PA'I RGYU NI NYON MONGS PA YIN PAR BSTAN PA'I PHYIR, CIS RMONGS ZHES BYA BA LA SOGS PA SMOS SO, ,DA NI NYON MONGS PA RNAMS KYI NYES DMIGS BSTAN PA'I SGO NAS, DE SPANG BA'I DBANG DU BYAS NAS, BDAG NYID KYI SEMS LA RTEN CING BDAG NYID LA TSE 'DI DANG PHYI MAR GNAS PA NI BYED NA SHIN TU YANG BZOD PAR BYA BA'I GNAS MA YIN PAS, DE SPANG BAR BYA BA NYID DU BSTAN PA'I PHYIR, BDAG GI SEMS LA ZHES BYA BA LA SOGS PA SMOS SO, ,GAL TE NYON MONGS PA DE DAG BDAG LA JI TZAM DU GNOD PAR BYA ZHE NA, GAL TE LHA DANG ZHES BYA BA LA SOGS PA SMOS SO, ,GAL TE DUS JI SRID DU GNAS SHE NA, BDAG CES BYA BA LA SOGS PA SMOS SO, ,'ON TE THA MAL PA'I DGRA BZHIN DU BSDUMS BYAS PAS PHAN NAM ZHE NA, MTHUN PAR ZHES BYA BA LA SOGS PA SMOS SO, ,DE NI MJUG BSDU BA'I DBANG DU BYAS NAS, DE LTAR YUN RINGS RGYUN CHAGS DGRAR GYUR PA, ,ZHES BYA BA LA SOGS PA TSIGS SU BCAD PA GCIG GIS BSDUS TE, GNOD PA'I TSOGS RAB 'PHEL BA'I RGYU GCIG PU, ,ZHES BYA BAS, GAL TE LHA DANG ZHES BYA BA LA SOGS PA TSIGS SU BCAD PA GNYIS DON BSDUS TE BSTAN TO, ,BDAG GI SNYING LA NGES PAR GNAS 'CHA' NA, ,ZHES BYA BAS NI, BDAG GI SEMS LA ZHES BYA BA TSIGS SU BCAD PA BSDUS PA'I DON BSTAN TO, ,DE BAS NA DE JI SRID MA SPANGS KYI BAR DU, 'KHOR BAR 'JIGS MED DGA' BAR GA LA 'GYUR, ,ZHES BYA BA'O, ,NYES DMIGS GZHAN YANG NYON MONGS PA'I RKYEN GYIS LAS DANG NYON MONGS PAR 'DUS BYAS PAS KHAMS GSUM DU 'CHING BAR BYED PA'I PHYIR, MI DGE BA'I LAS BYAS PAS DMYAL BAR SKYES PA'I DUS SU, BYA LCAGS KYI MCHE BA CAN LA SOGS PA BDAG LA GNOD PAR BYED PA'I PHYIR, 'DI NI 'KHOR BA'I ZHES BYA BA LA SOGS PA SMOS TE, DE BAS NA BSLAB PA KUN LAS BTUS PA LAS, SRID PA'I BTZON SUNG BSRUNG BA NI, ,SEMS CAN DMYAL BA'I KHYI LA SOGS PA'ANG SNGON GYI LAS LAS BYUNG BA YIN NO, ,DE BAS NA NYON MONGS PA 'DI NI JI LTAR SENG GE 'TSOR BA'I LCAGS GZENG DANG MA BRAL NA BDE BAR MI 'GYUR BAS SDOM BRTZON ZHES BYA BA LA @308A *, ,SOGS PA GSUNGS TE, DE BAS NA DE YANG SPONG BAR BYA BA DANG BRTZON PAR BSKYED PA'I PHYIR, JI LTAR JI SRID CES BYA BA LA SOGS PA SMOS SO, ,'ON TE NYON MONGS PA'I SDUG BSNGAL DE SPANG BA LA BDAG GIS BZOD PAR MI NUS PA'I PHYIR, DE SPANG BA LA BRTZON 'GRUS RTZOM PAR MI NUS SO SNYAM PA LA, RE ZHIG GNOD BYED CES BYA BA LA SOGS PA DANG, RANG BZHIN 'CHI BAS ZHES BYA BA LA SOGS PA SMOS TE, 'DI LTAR BSDUS PA'I DON NI THA MAL PA'I DGRA BO YANG ZHE SDANG BSKYED PA'I RGYUS DE LA GLAN PA'I PHYIR, THAN GNYID KYANG MI LOG PAR BRTZON 'GRUS RAB TU RTZOM PAR BYED NA, RTAG TU GNOD PA CHEN PO'I RGYUR GYUR PA'I PHYIR, NYON MONGS PA SPONG BA LA BRTZON 'GRUS DRAG TU CI'I PHYIR MI RTZOM ZHES BYA BA DANG, GZHAN YANG THA MAL BA'I DGRA BO DAG NI BDAG GIS MA BSAD KYANG RANG BZHIN GYIS 'CHI BAR 'GYUR, DE DAG GSAD PA'I PHYIR, DE'I GNAS SKABS KYIS SDUG BSNGAL DE DAG BZOD CING DANG DU LEN PAR BYED NA, NYON MONGS PA'I DGRA BO RNAMS NI BDAG GI GNYEN PO'I RAL GRIS MA BSAD PA'I BAR DU MI 'CHI BAR 'GYUR BA'I PHYIR RANG BZHIN GYIS DGRAR NGES PA DE DAG GZHOM PAR BYA BA'I PHYIR, DE 'JOMS PA'I GNAS SKABS KYI SDUG BSNGAL LA BZOD CING DANG DU BLANG BAR BYA BA LTA SMOS KYANG CI DGOS ZHES BYA BA YIN NO, ,'ON TE SDUG BSNGAL DE NI BDAG LA GNOD PA'I PHYIR BDAG GIS BZOD PAR NUS SO ZHE NA, DON MED PA'I SDUG BSNGAL LA YANG GNOD PA BYED PA NYID MI RTZI STE, PHYIR ZHING 'JIG RTEN DAG NGOMS PAR BYED PA YIN NO, ,NYON MONGS PA SPONG BA'I SKABS KYI SDUG BSNGAL 'DI NI SHIN TU DON CHEN PO DANG LDAN PAR BCAS PA YIN PA'I PHYIR, CI'I PHYIR GNOD PAR BYED PA YIN TE, MA YIN PAS DE LA BZOD PAR BYA BA'I DON TO, ,GZHAN YANG 'JIG RTEN NA DON CHUNG NGU'I PHYIR YANG SDUG BSNGAL CHEN PO DAG LA BZOD PAR BYED PA MTHONG NA, BDAG KYANG GZHAN GYI DON CHEN PO'I PHYIR LTA CI STE MI BZOD DE, SHIN TU YANG BZOD PAR BYA DGOS PAR BYA BA'I PHYIR, NYA PA ZHES BYA BA LA SOGS PA SMOS SO, ,'ON TE RGYU CI'I PHYIR NYON MONGS PA DE SPANG BAR BYA DGOS SNYAM PA LA, DE'I RIGS PA BSTAN PA'I PHYIR, PHYOGS BCU ZHES BYA BA LA SOGS PA SMOS TE, 'DIR BSDUS @308B PA'I DON NI BDAG GIS NI SEMS CAN THAMS CAD KYI NYON MONGS PA SPONG BAR DAM BCAS PA YIN PA'I PHYIR LA, GANG GI TSE RANG NYID GROL BAS NI GZHAN DGROL BAR NUS KYI RANG MA SONG BAR GZHAN BSGRAL BAR MI NUS PA RGYU DE'I PHYIR, RANG GI NYON MONGS PA SPONG BA LA 'BAD PAR BYA'O ZHES BYA BA YIN NO, , 'ON TE NYON MONGS PA DE JI LTAR SPANG ZHE NA, RNAM PA GNYIS KYI SGO NAS TE, DE LA RE ZHIG DANG PO NYON MONGS PA RNAM PA GNYIS RGYUD LA BRTEN PA'I SGO NAS, NYON MONGS PA SPONG BAR BSTAN PA LA, RE ZHIG KHON DU 'DZIN PA RGYUD LA GZHAG PA'I DBANG DU BYAS NAS, NYON MONGS PA SPANG BA LA ZHES BYA BA LA SOGS PA SMOS SO, ,'ON TE KHON DU 'DZIN PA ZHES BYA BA 'DI CI YIN ZHE NA, NYON MONGS PA RNAMS KYI NYES DMIGS JI LTA BA BZHIN DU SHES PA DANG, MA BRJED PA'I MTSAN NYID DE DRAN PA STE, DE NI KHON DU 'DZIN PA DANG 'DRA BA'I PHYIR, ,KHON DU 'DZIN PA'I NYON MONGS PA ZHES BLA DAGS KYI, DNGOS SU NYON MONGS PA NGO BO NYID NI MA YIN NO, ,DA NI NGA RGYAL GYI MTSAN NYID KYI NYON MONGS PA'I RGYU LAS GZHAG PAR BYA BA'I PHYIR BDAG NI BSREGS TE ZHES BYA BA LA SOGS PA SMOS SO, ,NGA RGYAL ZHES BYA BA 'DI CI ZHIG CE NA, DE NI DRAN PA DANG SHES BZHIN LA GNAS TE, SEMS NYID NYON MONGS PA'I DBANG DU MI GTONG ? BA NYID LA, NGA RGYAL DANG 'DRA BA'I NGA RGYAL GYI NYON MONGS ZHES GDAGS KYI, DNGOS SU NYON MONGS PA'I NGO BO NYID NI MA YIN NO, ,'ON TE THABS DE DE DAG GIS NYON MONGS PA SPANGS NAS, DE'I TSE THA MAL PA'I DGRA RNAMS GZHAN DU BDAG LA GNOD PAR MI 'GYUR RAM ZHE NA, MI 'GYUR BAR BSTAN PA'I PHYIR, THA MAL PA'I DGRA BO ZHES BYA BA LA SOGS PA RKANG PA BZHI DANG, BDAG YID LAS BSAL ZHES BYA BA GNYIS SMOS SO, ,'O NA CI'I PHYIR MA SPANGS SHE NA, BLO ZHEN ZHES BYA BA SMOS TE, BRTZON PAR BYED PA'I PHYIR MA SPANGS PAR ZAD KYI, PHYIS NAD KYI 'JIGS PAS NI MA YIN NO ZHES BYA BA'I DON TO, ,DA NI NYON MONGS PA GZHI NAS SPANG BAR BYA BA'I DON DU, NYON MONGS NYON MONGS ZHES BYA BA LA SOGS PA GSUNGS TE, 'DOD CHAGS LA SOGS PA'I NYON MONGS PA'I NYON MONGS PA 'DI DAG NI CHOS THAMS CAD BDAG MED PA NYID DU DMIGS PA'I SHES RAB KYI @309A *, ,MIG GIS SPANG DGOS TE, DES NYON MONGS PA THAMS CAD KYI RTZA BA DNGOS POR MNGON PAR ZHEN PA SPANG BA'I PHYIR RO, ,JI SKAD DU DE KHO NA NYID LA 'JUG PA LAS, DNGOS POR ZHEN PA'I DBANG GIS SKYON, ,CHAGS DANG ZHE SDANG LA SOGS PA, ,DGRA RNAMS RAB 'BYUNG DE LOG NA, ,DE RNAMS 'BYUNG BAR GA LA 'GYUR, ,ZHES 'BYUNG BA DANG, DBU MA RGYAN LAS KYANG, CHOS LA BDAG MED MKHAS PA NI, ,RANG BZHIN MED PAS GOMS BYAS PAS, ,PHYIN CI LOG LAS BYUNG BA YI, ,NYON MONGS SGRIB PA MED PAR SPONG, ,ZHES 'BYUNG BA'I PHYIR RO, ,'O NA SHES RAB KYI MIG JI LTAR BSKYED CE NA, NYON MONGS RNAMS NI ZHES BYA BA LA SOGS PA SMOS TE, DON DAM PAR NYON MONGS PA RNAMS NI YUL LA SOGS PA LA MI GNAS TE, GCIG DANG DU MA DANG BRAL BAS YUL LA SOGS PA NYID MA GRUB PA'I PHYIR, YUL LA SOGS PA GRUB TU ZIN KYANG DE DAG LA MI GNAS TE, RES 'GA' YID DU 'ONG BA LA SOGS PA NYE BAR YIN YANG 'DOD CHAGS LA SOGS PA MI 'BYUNG BA'I PHYIR RO, ,DE BAS NA NYON MONGS PA 'DI DAG GANG NA YANG MI GNAS PA'I PHYIR, NYON MONGS PA NYID DMOD PAR MA GRUB PAR GANG GI 'GRO BA KUN LA GNOD PAR BYED DE MI 'THAD DO, ,DE BAS NA NYON MONGS PA 'DI RNAMS SGYU MA DANG 'DRA BAR RANG BZHIN MED PA'I PHYIR, DON DAM PAR NI NYON MONGS PA RNAMS KYIS 'JIGS PAR YANG MI BYA'O, ,DE BAS NA NYON MONGS PA NYID KYANG RANG BZHIN MED PA NYID DU RTOGS PA'I SHES RAB KYI MIG BSKYED PA'I SGO NAS NYON MONGS PA SPANG BA LA BRTZON 'GRUS BRTZAM PAR BYA'O ZHES GDAMS PA'O, ,DE LTAR MA YIN PAR BDAG NYID DMYAL BA RNAMS SU BSGYUR BAR BYA BA MI RIGS SO ZHE NA, DA NI MJUG BSDU BA'I TSUL GYIS GDAMS PA'I PHYIR, DE LTAR RNAM BSAM ZHES BYA BA LA SOGS PA SMOS SO, ,BYANG CHUB SEMS DPA'I SPYOD PA LA 'JUG PA ZHES BYA BA'I DON SNGA MA BZHIN NO, ,BAG YOD BSTAN PA ZHES BYA BA NI, CHAGS PA DANG, ZHE SDANG DANG, GTI MUG PA LE LO DANG BCAS PA STE, DE'I DBANG DU ME GTONG BA'O, ,LE'U GSUM PA'I BSHAD PA RDZOGS SO,, ,,DA NI BAG YOD PA LA GNAS PAR BYA BA'I PHYIR, BAG MED PA LAS @309B SEMS BSRUNGS PA'I NYES DMIGS MDOR BSTAN PA, BSLAB PA BSRUNG BAR BYA BA'I TSIGS SU BCAD PA GCIG GSUNGS TE, TSE 'DI'I DBANG DU BYAS NAS PHAN YON DANG NYES DMIGS DNGOS SU BSTAN PA LA, TSE PHYI MA'I PHAN YON DANG NYES DMIGS SHUGS LA BSTAN TE, DE LA DANG POR RTZA BA GNYIS KYIS NI YANG DAG PAR BSLAB PA MI NYAMS PAR 'GYUR BA'I PHAN YON BSTAN TO, ,'OG MA GNYIS NI DE LAS BZLOG PA TSE 'DI'I NYES PA BSTAN TO, ,DA NI TSE PHYI MA'I NYES DMIGS RGYAS PAR BSHAD PA'I DBANG DU BYAS NAS, SEMS KYI GLANG PO ZHES PA LA SOGS PA SMOS SO, ,DA NI PHAN YON GYI DBANG DU BYAS NAS, KUN NAS DRAN PA'I ZHES BYA BA LA SOGS PA TSE 'DI'I DANG PHYI MA'I PHAN YON MDOR BSTAN PA'O, ,STAG DANG ZHES BYA BA LA SOGS PA NI TSE 'DI DANG PHYI MI'I 'JIGS PA THAMS CAD MED PAR 'GYUR BA'I PHAN YON RGYAS PAR BSHAD PA'O, ,GAL TE ZHES BYA BA NAS, DE DAG DON MED GYI NAR 'KHYAMS, ,ZHES BYA BA'I BAR GYIS NI, SEMS BSRUNGS PA'I PHAN YON DGE BA THAMS CAD LAG TU 'ONG BA RGYAS PA BSHAD DE, DE LA DGE BA'I CHOS THAMS CAD NI MDOR BSDUS NA PHA ROL TU PHYIN PA DRUG GIS BSDUS PAS DE LA DANG PO SBYIN PA'I PHA ROL TU PHYIN PA'I DBANG DU BYAS NAS; GAL TE 'GRO BA DBUL POR NAS, ZHES BYA BA LA SOGS PAS SO, ,GANG JI LTAR NA SEMS BSRUNG BA LAS BYUNG BA'I DGE BA LAG TU 'ONG BAR 'GYUR ZHE NA, GAL TE SEMS BSRUNG BA TZAM GYIS 'GRUB PA MA YIN NA, 'O NA JI LTAR ZHE NA, 'JIG RTEN GYI 'GRO BA THAMS CAD DBUL BOR TE, PHYUG POR 'GYUR BAS SBYIN PA'I PHA ROL TU PHYIN PA YONGS SU RDZOGS PAR 'GYUR NA NI, DE NI SHIN TU TSOGS CHE BAR YANG 'GYUR LA, DA RUNG 'JIG RTEN NA DBUL PO DPAG TU MED PA YOD PA'I PHYIR RO, ,SNGON GYI SKYOB PA RNAMS KYIS SBYIN PA'I PHA ROL TU PHYIN PA YONGS SU RDZOGS PAR YANG THAL BAR MI 'GYUR BAS DE LTA BU MI BYA'O, ,'O NA CI ZHE NA, SEMS 'DI NYID LUS DANG LONGS SPYOD LA SOGS PA LA LHAG PAR MA CHAGS PAS BSRUNGS TE, GZHAN LA GTONG BA'I SEMS DANG LDAN PA NYID KYIS SBYIN PA'I PHA ROL TU PHYIN PA YONGS SU RDZOGS PAR GSUNGS TE, DE @310A *, ,LTA BAS NA GZHAN DAG PHYUG POR BYA BA TSEGS MED PAR YANG 'GRUB PAS LAG TU 'ONG ZHES BYA STE, DE NI BSDUS PA'I DON YIN NO, ,BDOG PA THAMS CAD CES BYA BA NI LUS DANG LONGS SPYOD YIN LA, 'BRAS BCAS TE ZHES BYA BA NI DE BTANG BA LAS 'BYUNG BA'I 'BRAS BU DGE BA'I RTZA BA YIN TE, DE LTAR NA GSUM PO DE MTHA' DAG GTONG BA YIN PAS, BDOG PA THAMS CAD 'BRAS BCAS TE, ,ZHES BSHAD DO, ,DA NI TSUL KHRIMS KYI DBANG DU BYAS TE, NYA LA SOGS PA ZHES BYA BA LA SOGS PA SMOS TE, SROG GCOD PA SPONG BA ZHES BYA BA NI NYA LA SOGS PA MI 'CHI BAR BYA BA'I DON DU SROG GCOD PAR BYED PA'I NYA BA LA SOGS PA DE DAG SROG GCOD PA LA NI MI BYA STE, DE NI TSIGS CHE BA'I PHYIR DANG, SNGON GYI SKYOB PA RNAMS KYIS DA RUNG SROG GCOD PA SPONG BA'I TSUL KHRIMS YONGS SU MA RDZOGS PAR THAL BAR 'GYUR BA'I PHYIR DANG, DE BAS NA SROG GCOD PA SPONG BA ZHES BYA BA NI; BDAG NYID LA SROG GCOD PA SPONG BA'I SEMS THOB PA TZAM GYIS NYA BA LA SOGS PA SGROD PA'I TSEGS MED PAR MANG SROG GCOD PA SPONG BA YONGS SU RDZOGS PAR 'GYUR BA'I PHYIR DANG, TSUL KHRIMS LAS BYUNG BA'I DGE BA'I RTZA BA YANG DAG PAR LAG TU 'ONG BA ZHES BSHAD DO, ,TSUL KHRIMS LA JI LTA BA BZHIN DU BZOD PA NAS SHES RAB KYI BAR DU YANG BDAG NYID KYIS SEMS BSRUNG BA LAS PHYI ROL DU GNOD PA BYED PA'I DGRA BO DANG, LE LO CAN GYI GANG ZAG RNAM PAR G-YENG BA DANG, SHES RAB 'CHAL BA'I GANG ZAG SPONG BA LA SOGS PA'I TSEGS MED PAR BDAG NYID KYI SEMS GNOD SEMS DANG LE LO DANG, RNAM PAR G-YENG BA DANG, 'CHAL BA'I SHES RAB LAS BSRUNGS PA TZAM GYIS, BZOD PA NAS SHES RAB KYI BAR DU YONGS SU RDZOGS PAR 'GYUR BA'I PHYIR, DGE BA THAMS CAD LAG TU 'ONG BA'I ZHES BSHAD DO, ,DA NI BZOD PA'I DBANG DU BYAS NAS, BZOD PA'I PHA ROL TU PHYIN PA GNOD SEMS BYED PA SPONG BA ZHES BYA BA YANG, GNOD SEMS PA'I DGRA BO LA SOGS PA SPONG BA LA MI BYA STE, TSEGS CHEN LA SOGS PA'I SKYON GONG MA GNYIS PO 'BYUNG BA'I PHYIR RO, ,DE BAS NA BDAG NYID KYI SEMS GNOD PAR BYED PA'I BSAM PA LAS BZLOG PA TZAM GYIS 'GRUB STE, DPER NA @310B RKANG PA LA TSER MAS MI TSUGS PAR BYA BA'I PHYIR, SA STENGS GO BAS G-YONGS PA NI MI 'GRUB KYI, 'O NA CI'I PHYIR ZHE NA, LHAM MTHIL TZAM GYI KO BAS RKANG PA TSUR G-YOGS NA, DE NI TSEGS CHUNG BA'I PHYIR DANG RKANG PA LA YANG TSER MAS MI 'DZUG PA'I DGOS PA YANG 'GRUB PA'I PHYIR, DE NI BSGRUB PAR BYA BA'I GNAS YIN PA DE BZHIN DU 'DIR YANG DE DANG 'DRA'O ZHES BSTAN PA'I PHYIR, SEMS CAN MI SRUN ZHES BYA BA LA SOGS PA SMOS SO, ,DA NI BRTZON 'GRUS KYI DBANG DU BYAS NAS, GANG GI TSE SEMS 'DI NYID LE LO LAS BSRUNGS NA NI, BSAM GTAN DANG PO'I BAR CHAD MED PA'I LAM DANG MTSUNGS PAR LDAN PA BSAM GTAN GYI SDOM PAS BSDUS PA'I SEMS GSAL PO GCIG TZAM BSKYED NA NI, DE'I TSE 'BRAS BU TSANGS PA'I 'JIG RTEN LA SOGS PA THOB PA LTAR GANG GI TSE SEMS DE 'DI NYID LE LO LAS MA BSRUNGS NA NI, DE'I TSE LAS KYI LUS NGAG GNYI GA DANG BCAS KYANG 'BRAS BU KHYAD PAR CAN THOB PA MA YIN PAR BSTAN PA'I PHYIR, SEMS GSAL ZHES BYA BA LA SOGS PA SMOS SO, ,DA NI BSAM GTAN GYI DBANG DU BYAS PA GANG GI TSE BDAG NYID KYI SEMS NYID BSAM GTAN GYI MI MTHUN PA'I PHYOGS RNAM PAR G-YENG BA LAS MA BSRUNGS PA'I TSE, DE'I DGE BA'I RTZA BA JI SNYED CIG DUS JI SRID DU SPYAD KYANG, RTEN DAM PA DANG, CHED DU BYA BA DAM PA DANG, RNAM PAR DAG PA DAM PA DANG, YONGS SU BSNGO BA DAM PAS YONGS SU MA ZIN NA, TSOGS RGYA CHEN PO MI SOG CING, BYANG CHUB CHEN PO THOB PAR MI 'GYUR BAS, DE NYID KYI PHYIR BDAG GI SEMS 'DI NYID RNAM PAR G-YENG BA LAS BSRUNG BAR BYA BAR BSTAN PA'I PHYIR, BZLAS BRJOD DANG NI ZHES BYA BA LA SOGS PA SMOS SO, ,DA NI SHES RAB KYI DBANG DU BYAS NAS BDAG NYID KYI SEMS SHES RAB 'CHAL BA STE, DNGOS PO LA MNGON PAR ZHEN PA'I LAS SRUNG ZHING, CHOS KYI DON GYI MCHOG BDAG MED PA'I DON GYI DE KHO NA NYID KYI SEMS LA NANG DU BCANGS TE BSLAB PAR BYA BA 'DIR MA GTOGS NA, DE'I TSE DGE BA'I RTZA BA CI BYAS PA THAMS CAD KYANG THABS LA MKHAS PA DAM PAS MA ZIN PA'I PHYIR, BYANG CHUB CHEN PO 'THOB PA'I RGYU NYID DU MI 'GYUR RO ZHES BSTAN PA'I PHYIR, GANG GIS CHOS @311A *, ,KYI DON PO MCHOG ,CES BYA BA LA SOGS PA SMOS SO, ,DE NI MJUG BSDU BA'I PHYIR DE LTAR ZHES BYA BA LA SOGS PA SMOS SO, ,BSRUNGS PA'I PHAN YON DANG MA BSRUNGS PA'I NYES DMIGS YOD PA DE LTA BAS NA, BDAG GI SEMS 'DI NYID BAG YOD PA LA LEGS PAR GZUNG ZHING, BAG MED PA LAS LEGS PAR BSRUNG BAR BYA'O, ,CI'I PHYIR ZHE NA, SEMS BSRUNG ZHES BYA BA SMOS TE, SGRIB PA SPONG BA'I GNYEN POR GYUR PA'I PHYIR SEMS BSRUNG BA NYID BRTUL ZHUGS KYI MCHOG YIN PA MA GTOGS PA, SEMS BRTUL ZHUGS LA MI GNAS PA, GZHAN LUS NGAG YID BRTUL ZHUGS MANG POS CI ZHIG BYA STE, NYON MONGS PA'I GNYEN POR GYUR PA MA YIN PA'I PHYIR DON MED CES BYA BA'I THA TSIG GO, ,'ON TE DE'I SBYANGS PA'I YON TAN BCU GNYIS LA SOGS PA YANG DON MED PAR 'GYUR ZHE NA MA YIN TE, YANG NYON MONGS PAR BCAS PA'I PHYIR YIN PAS, GANG GI TSE NYON MONGS PA SPONG BA'I YAN LAG TU MI 'GYUR NA NI DE DAG KYANG DON MED PA NYID YIN NA, PHYI ROL BRTUL ZHUGS DAG LTA SMOS KYANG CI DGOS, 'ON TE TSUL JI LTAR DUS JI SRID KYI BAR DU BSRUNG BAR BYA ZHE NA, MA GRANGS ZHES BYA BA LA SOGS PA SMOS SO, ,'ON TE NYES DMIGS DANG PHAN YON JI LTA BU ZHIG YOD NAS SEMS BSRUNG SNYAM NA, RMA'I ZHES BYA BA LA SOGS PA SMOS PA DANG, SPYOD PA 'DI 'DRA ZHES BYA BA LA SOGS PA SMROS SO, ,'ON TE JI TZAM DU SEMS BSRUNG BAR BYA SNYAM PA LA, BDAG GI RNYED DANG ZHES BYA BA LA SOGS PA SMOS TE, RNYED PA LA SOGS PA RNAMS DANG YANG BSNGOS NAS SEMS BSRUNG BAR BYA BA'I THA TSIG GO, ,'ON TE JI LTAR SEMS BSRUNG BAR BYA SNYAM NA, SEMS BSRUNG 'DOD PA ZHES BYA BA LA SOGS PA SMOS TE SHES BZHIN LA GNAS PA NI BYA BA DANG BYA BA MA YIN PA SHES PAR GYUR PA LA, DRAN PA LA GNAS PAS NA DE NYID LA MA BRJED PA'I PHYIR BYA BA LA 'JUG CING BYA BA MA YIN PA'I CHA SPONG BAR 'GYUR BA'I PHYIR RO, ,MDOR BSTAN PA DE NYID RGYAS PAR BSHAD PA'I DBANG DU BYAS NAS NYES DMIGS JI LTA BU ZHIG YOD NA, DE SPONG BA'I PHYIR DRAN PA DANG SHES BZHIN LA GNAS PAR BYA SNYAM PA'I DOGS PA BSUS NA, DNGOS PO @311B SHES BZHIN LA MI GNAS PA'I NYES DMIGS RNAM PA GSUM BSTAN TE, DE LA DANG PO'I DBANG DU BYAS NAS, NAD KYIS ZHES BYA BA LA SOGS PA SMOS TE, NAD KYIS DKRUGS PA BZHIN DU BYA BA DANG, MA YIN PA SHES PA'I PHYIR DE DAG LA GO RIMS BZHIN DU BSGRUB PA DANG SPONG BA'I MTHU MED PAR 'GYUR RO ZHES BYA BA'I DON TO, ,GNYIS PA'I DBANG DU BYAS NAS, SHES BZHIN MED PA'I ZHES BYA BA LA SOGS PA SMOS TE, MANG DU THOS PA LA SOGS PA JI SNYED BYAS SU ZIN KYANG 'DIR NI BRJOD DU MI RUNG SNYAM PA'I SHES BZHIN MED PA'I PHYIR BRJED NGAS PAR 'GYUR BAS THOS PA NYID KYANG CHUD ZA BAR 'GYUR RO ZHES BYA BA'I THA TSIG GO, ,GSUM PA'I DBANG DU BYAS NAS, THOS PA DANG LDAN PA ZHES BYA BA LA SOGS PA SMOS TE, MANG DU THOS PA LA SOGS PA YIN DU ZIN KYANG, BYA BA DANG BYA BA MA YIN PA MI SHES PA'I PHYIR BYA BA'I CHA LA 'JUG PA DANG, BYA BA MA YIN PA'I CHA LA 'JUG PAS LTUNG BA DANG BCAS PAR 'GYUR RO ZHES BYA BA'I DON TO, ,DA NI DRAN PA LA MI GNAS PA'I NYES DMIGS GNYIS LAS, DANG PO SHES BZHIN MA YIN PA'I NYE BA'I NYON MONGS PA RGYUD LA 'BYUNG BAR BSTAN PA, SHES BZHIN MED PA'I ZHES BYA BA LA SOGS PA SMOS TE, BYA BA DANG BYA BA MA YIN PA MI SHES PA'I MTSAN NYID KYI SHES BZHIN MA YIN PA 'BYUNG LA, DE'I DBANG GIS BYA BA'I CHA LA MI 'JUG PA'I PHYIR, BSOD NAMS PHYI MA DAG KYANG SOGS PAR MI 'GYUR BA LA, BYA BA MA YIN PA BYAS PA'I PHYIR SNGAR BSAGS PA DAG KYANG BRLAG PAR BYAS PAS MTHO RIS DANG THAR PA'I BDE BA LAS NYAMS TE NGAN 'GROR 'GRO BAR 'GYUR RO ZHES BYA BA'I THA TSIG GO, ,DA NI GNYIS PA'I DBANG DU BYAS NAS, NYE BA'I NYON MONGS PA GZHAN DAG RGYUD LA 'BYUNG BAR BSTAN PA, NYON MONGS PA ZHES BYA BA LA SOGS PA SMOS TE, GANG GI TSE BYA BA DANG BYA BA MA YIN PA BRJED PAR GYUR PA DE'I TSE 'DOD CHAGS LA SOGS PA'I NYON MONGS PA GZHAN DAG KYANG 'BYUNG BAR 'GYUR BAS NYES DMIGS 'DAS MA THAG PAR BSTAN PA BZHIN NO, ,DA NI DRAN PA JI LTAR BSRUNG BA'I DBANG DU BYAS NAS DRAN PA BDAG GI YID DANG MI 'BRAL BAR GDAMS PA, DE BAS NA ZHES BYA BA LA SOGS PA SMOS TE, NYES @312A *, ,DMIGS DE LTA BU YOD PA DE BAS NA ZHES BYA BA'I DON TO, ,JI LTAR MI GTONG ZHE NA, SONG NA'ANG SONG ZHES BYA BA LA SOGS PA SMOS TE, GAL TE DRAN PA NYAMS PAR GYUR NA GONG DU BSTAN PA BZHIN GYI NYES DMIGS YOD PAS DRAN PA MI 'TSOR BAR BYA BA'I THA TSIG GO, ,YANG 'DI'I DON 'DI YIN TE, DRAN PA MI GTONG BA DE LTA BU YIN DU ZIN KYANG GAL TE NYAMS TE SA BON JI LTAR BYA SNYAM NA, SONG NA'ANG ZHES BYA BA LA SOGS PA SMOS TE, GAL TE NYAMS PAR GYUR NA YANG SNGAR BSTAN PA'I NYES DMIGS DRAN PAR BYAS NAS SLAR DGUG PAR BYA ZHES BYA BA'I DON TO, ,'ON TE DRAN PA DE RGYU GANG LAS SKYES SHE NA, BLA MA DANG NI ZHES BYA BA LA SOGS PA SMOS TE, 'JIGS PAS ZHES BYA BA LA SOGS PA NI NGO TSA SHES PA DANG, KHREL YOD PA'O, ,GUS BYED LA ZHES BYA BA NI BSLAB PA LA GUS PAR BYED PA STE, JI SKAD DU BSLAB PA KUN LAS BTUS PA LAS, DRAN PA SHIN TU GUS LAS BYUNG; ,ZHES SMOS PA'I PHYIR RO, ,DE LTAR NA SLOB DPON MKHAS PAS BSTAN PA DANG, BDAG NYID KYIS NGO TSA SHES PA DANG, KHREL YOD PA DANG LDAN ZHING BSLAB PA LA GUS PAR BYED PA'I RGYUS BSLAB PA KUN LAS BTUS PA LAS, JI SKAD 'BYUNG BA'I DRAN PA BCU GNYIS DAG SKYE BAR 'GYUR RO ZHES BYA BA'I THA TSIG GO, ,DRAN PA SKYE BA'I RGYU GZHAN YANG, SANGS RGYAS ZHES BYA BA LA SOGS PA SMOS TE, BDAG NI YE SHES DANG LDAN PA DE DAG GI SPYAN SNGA NA RTAG TU GNAS PA YIN PAS, GAL TE BSLAB PA LAS NYAMS PAR GYUR NA, DE DAG GIS THUGS KYIS BAS NA MI RUNG NGO SNYAM DU BSAMS NAS BSLAB PA MI NYAMS PAR BYA BA'I DRAN PA RTAG TU GZHAG GO ZHES BYA BA'I DON TO, ,'ON TE DE LTAR BYAS NA YON TAN CI YOD CE NA, DES NI ZHES BYA BA LA SOGS PA SMOS SO, ,GAL TE DRAN PA BAS NA YON TAN CI YOD SNYAM PA LA, GANG TSE ZHES BYA BA LA SOGS PA SMOS TE, BYA BA DANG BYA BA MA YIN PA BRJED PAR MA GYUR BA NA, DE JI LTA BA BZHIN DU SHES PA'I SHES BZHIN DANG MI 'BRAL BAR 'GYUR ZHING, GANG TSE BYA BA GZHAN DAG RAB TU 'BYED PA'I SHES BZHIN YANG MI LDAN YANG DRAN PA MA NYAMS PA'I RGYUS LAS GZHAN DE DAG DANG PHRAD PA'I TSE, SHES BZHIN DE MNGON DU @312B 'GYUR BA ZHES BYA BA'I THA TSIG GO, ,DA NI BSAMS BZHIN RJES SU GZUNG BA'I THABS BSTAN PA'I DBANG DU BYAS NAS, DE LAS KYANG DANG POR BYA BA THAMS CAD KYI THOG MAR 'GRO BA'I SHES BZHIN GYIS SEMS KYI SPYOD LAM LA BRTAG PAR BYA BA BSTAN PA'I PHYIR, RE ZHIG DANG POR ZHES BYA BA LA SOGS PA SMOS TE, RE ZHIG DANG POR ZHES BYA BA NI LAS DE LA MA ZHUGS PA'I SNGON ROL DU BYA BA THAMS CAD KYI THOG MAR 'GRO BA'I SHES BZHIN GYIS MNYAM PAR MA BZHAG PA'I LAS LA ZHUGS PA'I GONG ROL DU YANG BYING BA DANG RGOD PA DANG LDAN PA'I SEMS NI SKYON DANG BCAS PA YIN LA, BZLOG PA NI SKYON MED PA YIN PA DANG, 'DUG PA DANG NYAL BA'I DUS LA BAB PA NA, 'DUG PA DANG NYAL BA'I BDE BA LA LHAG PAR CHAGS PA NI SKYON DANG BCAS PA YIN ZHING ZHES LUS KYI KHAMS BRTAGS PA STE, DGE BA'I CHOS YONGS SU RDZOGS PAR BYA BA'I BSAM PA NI SKYON MED PAR SHES PAR BYAS NAS, DE'I TSE SKYON DANG BCAS PA'I SEMS LAS BZLOG PA STE, SKYON MED PA'I SEMS LA SHING BZHIN DU ZUNG THUB PAR BYA'O ZHES GNAS PAR BYA BA'I DON TO, ,DE BAS NA 'DI NI SKYON BCAS ZHES BYA BA NI MTSON PA TZAM DU ZAD KYI, DE LAS BZLOG PA'I SKYON MED PA'I SEMS KYANG SHES PAR BYA'O, ,DA NI 'GRO BA'I SPYOD LAM GYI DBANG DU BYAS NAS, BYA BA THAMS CAD KYI THOG MAR 'GRO BA'I SHES BZHIN LA LAM DU MA ZHUGS PA'I GONG ROL DU, JI LTAR 'GRO BAR BYA BA DANG 'GRO BAR MI BYA BA DANG, YUL GANG DU 'GRO BAR BYA BA DANG, 'GRO BAR MI BYA BA LA SOGS PA SHES PAR BYAS NAS LAS LA 'JUG PAR BYA'O ZHES BSTAN PA'I PHYIR, DON MED CES BYA BA LA SOGS PA SMOS SO, ,DA NI NYAL BA DANG, ZA BA DANG, 'DUG PA DANG, SMRA BA LA SOGS PA'I LUS DANG NGAG GI SPYOD LAM GZHAN DAG LA YANG DANG POR BYA BA THAMS CAD THOG MAR 'GRO BA'I SHES BZHIN GYIS BYA BA DANG, BYA BA MA YIN PA SHES PAR BYAS NAS BSGRUB PAR BYA'O ZHES BSTAN PA'I PHYIR, DE LTAR GNAS SKABS ZHES BYA BA LA SOGS PA SMOS SO, ,DE NI LHAN CIG RJES SU SPYOD PA'I SHES BZHIN LA GNAS TE, LUS DANG NGAG DANG YID KYI SPYOD LAM LA BRTAG PAR BYA BA'I PHYIR LUS KYI ZHES BYA BA LA SOGS PA SMOS TE, DBYE @313A *, ,PA THAMS CAD KYI THOG MAR 'GRO BA'I SHES BZHIN GYIS BYA BA DANG BYA BA MA YIN PA SHES PAR BYAS NAS, BAR BAR DU SPYOD LAM 'KHRUGS PA BSRUNG BA'I PHYIR, DA LTAR BDAG GI LUS DANG NGAG DANG YID KYI SPYOD LAM 'DI CI CHOS DANG MTHUN PA'I TSUL DU GNAS ZHES BRTAG PAR BSTAN TE, DE LA TSIGS SU BCAD PA DANG POS NI, DNGOS SU LUS KYI SPYOD LAM BRTAG PAR BSTAN LA, SHUGS KYIS NI DAG GI SPYOD LAM BRTAG PAR BSTAN PA'O, ,LUS KYI SPYOD LAM BRTAG PA YANG, DNGOS SU GNAS PA DANG 'DUG PA'I SPYOD LAM LA BRTAG PAR BSTAN LA, SHUGS KYIS NI ZA BA DANG NYAL BA DANG, 'GRO BA'I SPYOD LAM LA BRTAG PAR BSTAN TO, ,TSIGS SU BCAD PA GNYIS PAS NI YID KYI SPYOD LAM LA BRTAG PAR BSTAN TO, ,DE LA LUS KYIS 'DI LTAR GNAS BYA ZHES BYA BA BSDOGS NAS ZHES BYA BA NI, DUS GANG GI TSE BRTAG PAR BSTAN LA, CI NAS YANG DAG BLANGS PA'I GTZO, ,SKAD CIG GCIG KYANG MI 'TSOR BAR, ,ZHES BYA BAS NI DGOS CHED GANG GI DON DU BRTAG PA BSTAN TE, YANG DAG PAR BLANGS PA MTHA' DAG KYANG MI 'TSOR BAR BYA BA YIN MOD KYI, GTZO BO ZHES SMOS PAS NI RES 'GA' BSLAB PA'I GZHI KHA CIG DUS GCIG TU BSRUNG DU MI BTUB PA'I DUS DE'I TSE, GANG GI TSE GTZO CHE BA DE BSRUNG ZHING GTZO CHUNG BA BTANG SNYOMS SU GZHAG KYANG NGES PA MED PA'I PHYIR RO, ,DE LA LUS KYIS ZHES BYA BA DANG, LUS 'DI ZHES BYA BA DANG, GNAS PA YIN ZHES BYA BA DAG NI MTSON PA TZAM YIN GYI, 'DI LTAR YANG SBYAR BAR BYA STE, LUS KYIS 'DI LTAR 'GRO BYA STE, ,BYA BA BSDOGS NAS DE NAS NI, ,CI NAS YANG DAG BLANGS PA'I GTZO, ,SKAD CIG GCIG KYANG MI 'TSOR BAR, ,SKABS SU LUS 'DI JI LTA BUR, ,GNAS PA YIN ZHES BLTA BAR BYA, ,ZHES BYA BA DANG, DE BZHIN DU ZA BA DANG NYAL BA YANG MI BRJOD PAR BYA'O, ,DE BZHIN DU DAG GI DBANG DU BYAS NAS KYANG, NGAG GIS 'DI LTAR SMRA BYA ZHES, ,BYA BA BSDOGS NAS DE NAS NI, ,CI NAS YANG DAG BLANGS PA'I GTZO, ,SKAD CIG GCIG KYANG MI 'CHONG BAR, ,SKABS SU NGAG 'DI JI LTA BUR, ,SMRA BA YIN ZHES BRJOD PAR BYA, ,DE BZHIN DU, YID KYIS 'DI DAG @313B BSAM BYA ZHES, ,BYA BA BSDOGS NAS DE NAS NI, ,CI NAS YANG DAG BLANGS PA'I GTZO, ,SKAD CIG GCIG KYANG MI 'CHOR BAR, ,BDAG GI YID 'DI GAR SPYOD CES, ,DA LTAR YID LA SO SOR BRTAG ,CES BYA BAR SBYAR RO, ,'DI DANG 'DI LTAR BYA'O ZHES BYA BA BSDOGS PA NA, MTSON PA TZAM DU THAD DE, 'DI DANG 'DI LTAR BYA'O ZHES BYA BA MA YIN PA BSDOGS PAR YANG SHES PAR BYA'O, ,'ON TE DE LTAR BRTAGS NAS JI LTAR BSRUNG BAR BYA SNYAM PA LA, 'JIGS PA LA SOGS PA ZHES BYA BA LA SOGS PA SMOS SO, ,DPER NA SKABS 'GA' ZHIG TU GANG ZAG 'GA' ZHIG LA GSHAD MA LA SOGS PAS BDAS NAS 'BROS PA BDAG NYID KYIS MTHONG BA'I TSE GSHED MA LA SOGS PA LA JI LTAR MTHONG BA BZHIN DU SMRA BA SPONG BA'I TSUL KHRIMS BSRUNG BAR YANG 'GYUR YANG, MI 'JIGS PA'I SBYIN PA BYIN PAR MI 'GYUR LA, GANG YANG GANG GI TSE MI 'JIGS PA'I SBYIN PA BYIN PA'I DON DU, BRDZUN DU SMRAS PAR GYUR NA NI, TSUL KHRIMS BSRUNG BAR MI 'GYUR BAS DE'I TSE GNYIS KA DUS GCIG TU BSRUNG BAR MI NUS PA DE'I TSE, MI 'JIGS PA SBYIN PA GTZO CHE BA YIN PA'I PHYIR, SROG GI SKYABS BYA BA'I DON DU BRDZUN SMRA BA SPONG BA'I TSUL KHRIMS BTANG SNYOMS SU GZHAG STE, JI SKAD DU DAM PA'I CHOS 'DUL BA LAS KYANG, BSAD PA BROS TE DE TSE GSHED MA YIS, ,DRIS PA DE LA DE TSE 'DI SKAD BRJOD, ,TSUR SHOG NAM MKHA' 'AM NI SEN MO MTHONG, ,LUS CAN RNAMS KYIS DE NYID MA MTHONG NGO, ,ZHES 'BYUNG BA DANG, 'PHAGS PA BLO GROS MI ZAD PAS BSTAN PA'I MDO LAS KYANG, SBYIN PA'I DUS SU TSUL KHRIMS BRTUL BA'I BTANG SNYOMS ZHES BYA BA LA SOGS PA RGYA CHER GSUNGS SO, ,DE BAS NA MI NUS NA NI LTUNG BA MED PAR RNAM PAR GZHAG GI ,NUS NA NI GANG MA BYAS PA LTUNG BA NYID DU 'GYUR RO, ,'DI NI MTSON PA TZAM DU ZAD KYI, GANG GI TSE BYANG CHUB SEMS DPA'I BSLAB PA'I GZHI DAG SKABS KHA CIG TU BSRUNG BAR MI NUS PA DE'I TSE, GANG GTZO CHE BA DE BSRUNG ZHING CIG SHOS BTANG SNYOMS SU GZHAG PA'I TSUL GYIS GSANG BAR BYA'O ZHES BSTAN TO, 'O NA GANG GI TSE BSLAB PA'I GZHI 'DRA BAR 'GYUR BA LA DUS GCIG TU BSGRUB MI NUS PA DE'I TSE JI LTAR BSGRUB PAR BYA SNYAM PA LA, GANG THOG MAR @314A *, ,BRTZAMS PA DE BSGRUB PAR BYA ZHING CIG SHOS NI BTANG SNYOMS SU GZHAG KYANG LTUNG BAR MI 'GYUR BA NYID DU BSTAN PA'I PHYIR, GANG ZHIG BSAMS TE ZHES BYA BA LA SOGS PA SMOS TE, DUS DE'I TSE NA NI PHYI MAS BAR DU MA BCAD PA'I PHYIR, SNGA MA YANG LEGS PAR ZIN PA NYID DU 'GYUR LA, SNGA MA'I 'PHRO MA LUS PA PHYI MA YANG THANG CHOD PAR BYAR YOD PA'I PHYIR, GNYI GA LEGS PAR ZIN PA GCIG TU 'GYUR GYI, DE LTA MA YIN NA NI PHYI MAR BAR DU GCOD PA'I PHYIR DANG, SNGA MA'I 'PHRO LUS PA'I PHYIR SNGA PHYI GNYI GA LEGS PAR ZIN PAR MI 'GYUR LA, SNGA MA MA ZIN PAR PHYI MA MI BYA BA NYID DU MI SHES PA'I PHYIR, SHES BZHIN MA YIN PA'I NYE BA'I NYON MONGS PA YANG 'PHEL BAR 'GYUR GYI, DE LTA MA YIN NA NI MI 'GYUR RO, ,DE LTAR SPYIR BSTAN NAS, DA NI BYE BRAG TU SDOM PA GSUM LAS, SDOM PA'I TSUL KHRIMS LA JI LTAR BSLAB PAR BYA BA'I PHYIR, BRE MO'I GTAM ZHES BYA BA LA SOGS PA SMOS SO, ,DE LA TSIGS SU BCAD PA DANG POS NI RANG BZHIN GYI KHA NA MA THO BA SPONG BA'I DBANG DU BYAS PA STE, BRE MO'I GTAM LA SOGS PA NI RANG BZHIN GYI KHA NA MA THO BA YIN PA'I PHYIR RO, ,DE BAS NA DE LA 'JUG PAR SHES BZHIN GYI TSOR BAR GYUR MA THAG TU SPONG BAR BYA'O ZHES PA'I DON TO, DON MED SA RKO ZHES BYA BA LA SOGS PA TSIGS SU BCAD PA GCIG GIS NI BCAS PA'I KHA NA MA THO BA SPONG BA BSTAN TE, SA RKO BA LA SOGS PA BCAS PA'I KHA NA MA THO BA YIN PA'I PHYIR RO, ,'ON TE RANG BZHIN DANG BCAS PA'I KHA NA MA THO BA DAG LAS 'DI DAG KHO NA CI'I PHYIR BSHAD CE NA, SROG GCOD PA DANG, MYOS PAR 'GYUR BA 'THUNG BA LTA BU NI NYAN THOS KYI 'DUL BA KHYIM PA DANG RAB TU BYUNG BA'I GZHI THUN MONG BA NYID DU BSHAD LA, GONG DU BSHAD PA DE DAG GIS RAB TU BYUNG BA LA BSHAD KYI KHYIM PA LA MA BSHAD PA'I PHYIR DANG, 'DIR NI DE DAG BYANG CHUB SEMS DPA' RAB TU BYUNG BAS BSRUNG BAR BYA BA DE BZHIN DU BYANG CHUB SEMS DPA' KHYIM PAS KYANG BSRUNG BAR BYA BA YIN PA'I PHYIR RO, ,BDE GSHEGS BSLAB PA ZHES BYA BA NI, MDO LAS GANG SEMS CAN GYI DON DU MI 'GYUR BA DE SPANG BAR BYA'O ZHES GSUNGS PA'O, ,DE LTAR NYAN THOS DANG THUN MONG BA'I SDOM PA'I TSUL KHRIMS JI LTAR BSRUNG BA'I TSUL @314B BSHAD NAS, DA NI THUN MONG MA YIN PA'I YID KYI MI DGE BA'I LAS SPONG BAR BYED PA'I SDOM PA'I TSUL KHRIMS KYI DBANG DU BYAS NAS, GANG TSE BSKYOD PAR 'DOD GYUR TAM, ,ZHES BYA BA LA SOGS PA TSIGS SU BCAD PA DRUG BSHAD DE, 'ON TE BDAG LA STOD PA DANG, GZHAN LA SMOD PA JI LTAR NA SDOM PA'I TSUL KHRIMS KYI MI MTHUN PA'I PHYOGS YIN ZHE NA, BDAG LA STOD PA NI BDAG GI LUS DANG LONGS SPYOD LA LHAG PAR CHAGS PAS KUN NAS BSLANG BA YIN PA'I PHYIR LA, GZHAN LA SMOD PA NI PHRAG DOG DANG SER SNA'I KUN NAS BSLANG BA'I PHYIR DE DAG YID KYI MI DGE BA'I LAS YIN PA'I PHYIR RO, ,MI DGE BA'I CHOS SDUD PA'I TSUL KHRIMS LA JI LTAR BSLAB PA'I TSUL BSTAN PA'I PHYIR, MI BZOD CES BYA BA LA SOGS PA'I TSIGS SU BCAD PA GNYIS GSUNGS TE, 'DI JI LTAR NA DGE BA'I CHOS SDUD PA'I MI MTHUN PA'I PHYOGS YIN ZHE NA, DGE BA'I CHOS SDUD PA NI PHA ROL TU PHYIN PA DRUG GIS BSDUS PA YIN LA, 'DIR YANG MI BZOD PA NI BZOD PA'I MI MTHUN PA'I PHYOGS YIN ZHING, LE LO NI BRTZON 'GRUS KYI YIN LA, ZAB MO'I DON LA 'JIGS PA NI SHES RAB KYI YIN ZHING, SPYOD PA SPYI BRTOL DANG MU COR SMRA BA NI BSAM GTAN GYI YIN TE, RANG GI LUS DANG LONGS SPYOD DANG, GNYEN 'DAB LA SOGS PA LA LHAG PAR CHAGS PA NI SBYIN PA'I MI MTHUN PA'I PHYOGS YIN NO, ,'O NA TSUL KHRIMS KYI MI MTHUN PA'I PHYOGS GANG YIN ZHE NA, BSHAD PA 'DI DAG NYID YIN GYI 'DI LAS LOG NA MED PA'I PHYIR TE, JI LTAR ZHE NA TSUL KHRIMS NI SDOM PA GSUM GYIS BSDUS PA YIN LA, DE LA BRE MO'I GTAM ZHES BYA BA LA SOGS PAS NI SDOM PA'I TSUL KHRIMS KYI DBANG DU BYAS PA YIN LA, SHIN DU NGES DANG ZHES BYA BA LA SOGS PAS NI, SEMS CAN GYI DON BYED PA'I DBANG DU BYAS PA YIN ZHING, MI BZOD CES BYA BA LA SOGS PA NI DGE BA'I CHOS SDUD PA'I DBANG DU BYAS PA YIN LA, DE LAS MA GTOGS PA'I TSUL KHRIMS ZHES BYA BA MED PA'I PHYIR RO, ,DA NI SEMS CAN GYI DON BYED PA'I DBANG DU BYAS NAS, SHIN TU NGES DANG ZHES BYA BA LA SOGS PA SMOS TE, SHIN TU NGES DANG ZHES BYA BA NI, SEMS CAN GYI DON BYED PA'I 'BRAS BU LA YID CHES PA'I DAD PA'O, ,RAB CES BYA BA NI SEMS CAN GYIS BYAS @315A *, ,PA'I PHAN YON MTHONG BA'I DBANG GIS DANG BA'I DAD PA DANG, BDAG NYID KYANG DE SGRUB PAR 'DOD PA'I DAD PA'O, ,BRTAN PAR ZHES BYA BA NI DE LAS MI LDOG PA'O, ,LUS ZHES BYA BA NI LUS KYI SGO NAS SO, ,ZHES NI NGAG GI SGO NAS SO, ,NGO TSA SHES DANG 'JIGS DANG STE, ,BREL YOD PA NI GROGS KYI SGO NAS SO, ,ZHI ZHING BYA BA NI YID KYI SGO NAS TE, DE LTA BU'I TSUL GYIS GZHAN GYI DON BYED PA LA BRTZON PAR BYA'O, ,YANG NA SHIN TU NGES DANG ZHES BYA BA NI, BDAG GIS SEMS CAN GYI DON BYED PAR NUS SO SNYAM PA STE, MI ZHUM PA'I BRTZON 'GRUS KYIS SO, ,RAB DANG ZHES BYA BA NI BDAG GIS GDON MI ZA BAR SEMS CAN GYI DON BYA'O ZHES SEMS LA GO GON PA STE, GO CHA'I BRTZON 'GRUS KYIS SO, ,BRTAN ZHES BYA BA NI DE LAS MI LDOG PA'I BRTZON 'GRUS KYIS SO, ,BRTZON ZHES BYA BA NI DE LA SBYOR BA STE, SBYOR BA'I BRTZON 'GRUS KYIS SO, ,GZHAN DGA' BYED LA ZHES BYA BA NI GANG LA BRTZON 'GRUS BRTZAM PAR BYA BA'I YUL LO, ,NGO TSA SHES DANG 'JIGS DANG BCAS, ,ZHES BYA BA NI, NGO TSA SHES PA DANG KHREL YOD PA STE BRTZON 'GRUS KYI GROGS KYIS SO, ,GUS DANG ZHE SAR BCAS PA DANG, ZHI ZHING ZHES BYA BA NI SNGA MA BZHIN DU LUS NGAG YID GSUM GYI SGO NAS TE, SEMS CAN GYI DON LA BRTZON 'GRUS JI LTAR RTZOM PA'I TSUL BSTAN PA'O, ,DE LTAR LHAN CIG RJES SU SPYOD PA'I SHES BZHIN LA GNAS TE, SDOM PA GSUM LA JI LTAR BSLAB PA'I TSUL BSTAN NAS, DA NI GTZOR SEMS BSRUNG BA LA BSLAB PA BSTAN PA'I PHYIR, PHAN TSUN MI MTHUN ZHES BYA BA LA SOGS PA SMOS TE; TSIGS SU BCAD PA DANG POS NI SNYING RJE LA GNAS TE SEMS BSRUNG BAR BSTAN TO, ,GNYIS PAS NI NGO TSA SHES PA DANG KHREL YOD PA LA GNAS TE BSRUNG BAR BSTAN TO, ,GSUM PAS NI DAL BA 'BYOR PA RNYED PAR DKA' BAR BSAMS NAS SEMS BSRUNG BAR BSTAN TO, ,DE BAS NA 'JIG RTEN GNAS PA'I SEMS CAN 'DI DAG NI PHAN TSUN MI MTHUN PA'I DBANG GIS 'DOD PA LA LHAG PAR CHAGS PA LA SOGS PA'I SGO NAS SDUG BSNGAL JI SNYED NYAMS SU MYONG YANG DES SKYO BAR MI BYED KYI, PHYIR ZHING 'DOD CHAGS LA SOGS PA'I NYON MONGS PA SKYES PAS MI DGE BA'I LAS MNGON PAR RTZOM ZHING, BSAM @315B PA 'DI 'BYUNG BA'I PHYIR 'DI DAG NI SDUG BSNGAL DANG SDUG BSNGAL GYI RGYU LA GNAS PA YIN PAS DE DAG GI DON DU BDAG GI SEMS NYON MONGS PA'I DBANG DU MI GTANG BAR BYA SNYAM PA DANG, BDAG DANG SEMS CAN GYI DBANG DU BYAS TE, NGO TSA SHES PA DANG KHREL YOD PA LA GNAS NAS BDAG TU MA ZHEN PAR SGYU MA LTA BU'I DBANG GIS DGE BA'I CHOS KYI DMIGS PA YID LA GZUNG BAR BYA BA DANG, DAL BA 'BYOR PA SHIN TU RNYED PAR DKA' BA LAS DE THOB PA'I DUS SU DE THOB PA CHUD MI ZA BAR BYA'O SNYAM NAS SEMS BSRUNG BA STE, YAN LAG GI DON YIN NO, ,DA NI LUS LA LHAG PAR CHAGS PA'I DBANG GIS BSRUNG BAR MI BYA BAR BSTAN PA, BYA RGOD CES BYA BA LA SOGS PA SMOS TE, 'DI SKAD BSTAN TE, LUS LHAG PAR CHAGS PA'I TSUL GYIS MA BSRUNGS NA DE'I TSE, LUS NI MI DGA' BAR 'GYUR SNYAM PA'I DOGS PA BSUS NAS DUR KHROD LA SOGS PAR BYA RGOD LA SOGS PAS GNOD PA JI SNYED BYAS KYANG LUS KHYOD MI DGA' BA MI BYED NA, DA LTA CI'I PHYIR MA BSRUNGS PAS MI DGA' BA BYED CING KHA DA STE KHA ? ZIN BYAS SU RE STE RE BAR MI RIGS SO ZHES BYA BA YIN NO, ,DE LTAR YIN DU ZIN KYANG YID KYIS LUS DE LHAG PAR CHAGS PA'I SGO NAS SRUNG BAR BYED DO ZHE NA, LUS NI ZHES BYA BA LA SOGS PA SMOS SO, ,'ON TE MA BSRUNGS NA YID DAG LA GNOD DO ZHE NA, KHYOD DANG ZHES BYA BA LA SOGS PA SMOS SO, ,'ON TE BDAG LA BRTEN TE DGOS SO ZHE NA, RMONGS PA'I ZHES BYA BA LA SOGS PA SMOS TE, MI GTZANG BA YIN PA'I PHYIR RTEN DU GZUNG RIN MI CHOG SNYAM BSAM PA'O, ,JI LTAR MI GTZANG BA YIN SNYAM PA LA, THOG MAR ZHES BYA BA LA SOGS PA SMOS SO, , 'ON TE BDAG GI LONGS SPYOD DU DGOS SO ZHE NA, KHYOD KYI ZHES BYA BA LA SOGS PA SMOS TE, GCIG TU NA KHYOD KYIS LONGS SPYOD DU MI RUNG BA'I PHYIR BSRUNG BA MI RIGS TE, GNYIS SU NA WA LA SOGS PAS NI LONGS SPYOD DU RUNG BA'I PHYIR BSRUNG BAR RIGS SO ZHES BYA BA'I DON TO, ,'O NA JI LTAR BYA SNYAM PA LA MI 'O COG GI LUS 'DI NI 'PHRAL GYI GOS LA SOGS PA BYIN PA'I SGO NAS DGE BA'I LAS LA BKOL BAR BYA BA NYID DU MA ZAD KYI LONGS SPYOD DU DNGOS SO ZHES BYA BA'I GO NAS BSRUNG BAR BYA BAR NI MI RIGS TE, RTAG TU KHYOD KYIS LONGS SPYOD DU MI RUNG BA'I PHYIR, DPER NA BRAN LA SOGS PA LAS KHYED DU MI @316A *, ,BTUB PA BZHIN NO SNYAM NAS, 'DI LTAR KHYOD KYIS ZHES BYA BA LA SOGS PA SMOS SO, ,DE BAS NA GOS DANG ZAS LA SOGS PA'I YO BYAD BYIN TE, BYANG CHUB SEMS DPAS RANG GI BYA BA SEMS CAN GYI DON DU GZHUG PAR BYA'O, ,DE LTA BU'I DON MED PAR ZHES BYA BA'I SGO NAS SBYIN PAR BYA BA MA YIN PAS, 'DI LA GLA RNGAN ZHES BYA BA LA SOGS PA SMOS SO, ,DE BAS NA DE LTAR CHU BO LAS RGAL BA'I RTEN YIN PAS GRU'I ZAG LHAN LA SOGS PA BYA DGOS PA DE BZHIN DU, BDAG NYID 'KHOR BA LAS RGAL TE SEMS CAN GYI DON BYED PA'I RTEN YIN PA'I PHYIR LUS 'DI LA RTEN YID BZHIN GYI NOR BUR 'GYUR BA'I DE BZHIN GSHEGS PA'I SKU THOB PAR BYA BA'I DON DU BSRUNG BAR BYA DGOS SO ZHES BSTAN PA'I PHYIR 'GRO DANG ZHES BYA BA LA SOGS PA SMOS SO, ,DA NI NYON MONGS PA'I DBANG DU MA SONG BAR LHAN CIG RJES SU SPYOD PA'I SHES BZHIN GYIS RANG NYID LA DBANG YOD PAR BYA STE, CHO GA DANG SPYOD YUL PHUN SUM TSOGS PA LA BSLAB PA'I DBANG DU BYAS NAS, DE LTAR RANG DBANG ZHES BYA BA LA SOGS PA SMOS SO, ,BDAG DANG GZHAN GYI DON GYI RTEN DU 'GYUR BA'I LONGS SPYOD BSRUNG BA'I DBANG DU BYAS NAS, KHRI LA SOGS PA ZHES BYA BA LA SOGS PA SMOS SO, ,ZHI BA DANG DUL BA LA GNAS PA'I DBANG DU BYAS NAS SGO YANG ZHES BYA BA LA SOGS PA SMOS SO, ,DE LA PHAN YON CI ZHIG YONG SNYAM PA LA, CHU SKYAR ZHES BYA BA LA SOGS PA SMOS SO, ,LEGS PAR BSLABS PA'I GDAMS NGAG LA GUS PA SKYED PAR BSLAB PA'I DBANG DU BYAS NAS, GZHAN LA ZHES BYA BA LA SOGS PA SMOS SO, ,GZHAN GYI YANG DAG PA'I YON TAN LA DGA' BA SKYED PA'I DBANG DU BYAS NAS, LEGS PAR SMRAS PA ZHES BYA BA SMOS SO, ,CI GZHAN GYI NGO BO 'BA' ZHIG BSTOD PAR BYA BA'AM ZHE NA MA YIN TE, LKOG NA ZHES BYA BA SMOS SO, ,BDAG 'BA' ZHIG GIS BSTOD PAR BYA BA'AM ZHE NA, GZHAN GYI G-YAM YANG BRJOD PAR BYA BA YIN PAS, YON TAN BRJOD NA ZHES BYA BA LA SOGS PA SMOS SO, ,GAL TE GZHAN GYIS BDAG GI YON TAN BRJOD NA DE'I TSE JI LTAR BYA ZHE NA, RANG GI YON TAN ZHES BYA BA LA SMOS TE, DES NGA RGYAL BSKYED PAR MI BYA'O ZHES BYA BA'I DON TO, ,DE LTAR GZHAN GYI YON TAN LA DGA' BA BSKYED PA DE CI'I PHYIR ZHE NA, RTZOM PA THAMS CAD CES @316B BYA BA LA SOGS PA SMOS SO, ,DE LA PHAN YON CI YOD CE NA, BDAG LA 'DIR GOD CES BYA BA LA SOGS PA SMOS SO, ,SMRA BA DANG BLTA BA'I TSUL BSTAN PA'I DBANG DU BYAS NAS SMRA NA YID PHEBS ZHES BYA BA LA SOGS PA SMOS SO, ,DGE BA'I LAS SGRUB PA'I TSUL GYIS DBANG DU BYAS NAS MKHAS SHING ZHES BYA BA LA SOGS PA SMOS TE, 'PHRAL DU TSEGS DRAG CHUNG ZHING DGE BA'I 'ONGS CHE BAR SHES NA, DE'I TSE MKHAS PA ZHES BYA STE, TSEGS CHUNG BAS NI SNGA MA LA 'GYOD PA MED PAR 'GYUR ZHING, PHYI MA SGYID LUG PAR MI 'GYUR LA, 'ONGS CHE BAS NI MYUR DU TSOGS BSAGS PAR 'GYUR BAS, GANG GI TSE JI LTAR BYAS NA DE LTAR 'GYUR SNYAM PA LA, DGE BA'I RTZA BA CI BYED KYANG DAM PA RNAM PA DRUG GIS ZIN PA'I TSUL DU BYAS NA, DE LTAR 'GYUR TE LAS SU BYA BA CHUNG BAS NI TSEGS CHUNG BA YIN LA, DAM PA DRUG GIS ZIN PAS NI 'ONGS CHE BAR 'GYUR RO SNYAM DU BSAM PA'O, ,DGA' DANG LDAN BYAS NAS ZHES BYA BAS NI SNGAR BYAS PA LA RJES SU YI RANG BA BSKYED CING DA LTAR BYAS PA LA NI PHAN YON MTHONG BA'I SGO NAS DGA' BA SKYED PA MA 'ONGS PA LA NI SNGA MAS CHOG PAR MI 'DZIN TE, KHYED 'DOD PA'I TSUL GYIS DGA' BA DANG LDAN PAR BYAS NAS, BDAG NYID KYIS RTAG TU BYA'I GZHAN LA LTOS PAR MI BYA STE, GZHAN GYIS BYAS PA DE BDAG GI DON DU MI 'GYUR BA'I PHYIR RO, ,'ON TE BDAG NYID KYIS JI LTAR SPYAD CE NA, SBYIN PA'I ZHES BYA BA LA SOGS PA SMOS TE, SBYIN PA 'BA' ZHIG TZAM GYIS CHOG PAR MI GZUNG GI ,DE LAS GONG MAR GYUR PA'I PHYIR TSUL KHRIMS LA SOGS PA YANG SPYAD LA, DE BZHIN DU SBYIN PA NYID LA YANG GTONG BA TZAM GYIS CHOG PAR MI GZUNG GI ,DE LAS KHYAD ZHUGS PAR GTONG BA CHEN PO DANG, SHIN TU GTONG BA LA SOGS PA LA KHYAD ZHUGS PAR SPYAD PAR BYA STE, DE BZHIN DU TSUL KHRIMS LA SOGS PA LA YANG GONG NAS GONG DU 'GRO BA DANG, TSUL KHRIMS LTA BU NYID LA YANG DGE BSNYEN DANG, DGE BSNYEN GYI SDOM PA ZHES BYA BA LA SOGS PA KHYAD ZHUGS PAR BYED PA CI RIGS SU SBYAR RO, ,GAL TE DE LTAR PHA ROL TU PHYIN PA DRUG PO GONG NAS GONG DU SPYAD PAR BYA BA YIN NA, DE'I TSE JI LTAR SBYIN PA'I DUS DAG TU TSUL KHRIMS BTANG SNYOMS GZHAG PAR GSUNGS ZHES BSHAD PA DANG 'GA' LO ZHE NA, CHUNG NGU'I PHYIR NI ZHES BYA BA LA SOGS PA SMOS TE, GONG @317A *, ,'OG GI RIM PA DE LTAR YIN YANG 'DI LTAR RE ZHIG SROG GI SKYABS BYED PA'I SBYIN PA LTA BU 'OG MA YIN YANG CHE LA, DE'I TSE BRDZUN DU SMRA BA SPONG BA'I TSUL KHRIMS DE LTA BU GONG MA YIN DU ZIN KYANG CHUNG BA YIN PA DE'I TSE NI, GONG MA YIN PA TZAM GYIS TSUL KHRIMS CHUNG NGU DANG DU BLANG BA'I PHYIR MCHOG MA YIN ZHES TE, SBYIN PA LAS BYUNG BA'I DGE BA'I RTZA BA CHE BA YIN NA, MI GTONG ZHES BYA BA YAL BAR DOR BAR MI BYA'O ZHES BYA BA'I THA TSIG STE, 'OG MA YIN YANG SBYIN PA LAS BYUNG BA'I DGE BA'I RTZA BA CHE BAR GYUR PA'I DUS SU GONG MA YIN YANG TSUL KHRIMS CHUNG BA DE BTANG SNYOMS SU GZHAG GO ZHES BYA BA'I DON TO, ,DE LTAR CHE CHUNG DU 'GYUR BA MED PA'I TSE NI 'OG MA GTZO CHED DANG DU BLANG BA NYID DU RIG PAR BYA'O, ,'O NA CHE CHUNG GNYIS GANG GI SGO NAS GZHAG CE NA, GTZO CHER ZHES BYA BA LA SOGS PA SMOS SO, ,GZHAN GYI DON DE NI CHE BA YIN PAS GTZO 'DI NYID LA 'BAD PAR BSTAN PAR BYA BA'I PHYIR, DE LTAR RIG BYAS ZHES BYA BA LA SOGS PA SMOS SO, ,DE LTAR GZHAN DON GTZO CHER BYA BA YIN PAS, THUGS RJE MNGA' BA ZHES BYA BA LA SOGS PA SMOS TE, GANG GI TSE SDOM PA'I TSUL KHRIMS LA 'BAD PA'I KHA NA MA THO BA SPONG BA'I DBANG DU BYAS NAS, BCOM LDAN 'DAS KYIS NYAN THOS KYI 'DUL BA LAS DON NYE BA DANG BYA BA NYUNG BA DANG, BYED PA NYUNG BA LA GZIGS TE, CHOS GOS LHAG PA LA SOGS PA RNAMS KYANG BCAD PAR MI BYA'O ZHES BKAG PA RNAMS KYANG, THUGS RJE MNGA' BA'I DE BZHIN GSHEGS PA DON RING PO GZHAN GYI DON DU 'GYUR BA LA GZIGS NAS, GZHAN GYI DON BYED PA'I BYANG CHUB SEMS DPA' DE LA GNANG STE, JI SKAD DU MDO LAS DE NI NOR GYI PHUNG PO RI RAB TZAM ZHIG THOB NA YANG LEN TO ZHES GSUNGS PA LTA BU'O, ,YANG RANG BZHIN GYI KHA NA MA THO BA'I DBANG DU BYAS NAS DON NYE BA TSE 'DI'I DON LAS DGONGS TE, NYAN THOS KYI 'DUL BA LAS BSGRAL BA'I ZHING DU GYUR PA RNAMS KYI SROG GCOD PA BKAG PA YANG DON RING BA TSE PHYI MA LA NGAN SONG GSUM GYI SDUG BSNGAL BSAL BAS BSKYAB PAR GZIGS NAS GZHAN GYI DON GTZO CHER BYED PA'I BYANG CHUB SEMS DPA' DE LA GNANG STE, JI SKAD DU 'PHAGS PA DKON MCHOG SPRIN LAS, MTSAMS MED PA BYED PA'I MI GSANG @317B BAR GNANG BA LTA BU'O, ,DA NI DGE BA'I CHOS SDUD PA DANG SEMS CAN GYI DON BYED PA'I DBANG DU BYAS NAS BSTAN PA'I PHYIR, RTZA BA'I TSIG 'DI GNANG BA RNAMS KYANG DE LA BKAG STE RIM PA BZHIN DU SBYAR TE GANG GI TSE DON NYE BA SLONG BA PO RE RE'I DON LA GZIGS NAS, GOS 'DOD PA LA GOS DANG, BGO BA 'DOD PA LA BGO BA SBYIN PA LA SOGS PA GNANG BA RNAMS DON RING BA GZHAN MANG PO DAG GI DON DU 'GYUR BA LA GZIGS NAS, GZHAN MANG PO DAG GI DON GTZO CHER BYED PA'I BYANG CHUB SEMS DPA' DE LA BKAG STE JI SKAD DU 'PHAGS PA DRAG SHUL CAN GYIS ZHUS PA LAS, BYANG CHUB SEMS DPA' RAB TU BYUNG BAS CHOS GOS GSUM RNAM PA THAMS CAD DU SBYIN PAR MI BYA'O ZHES GSUNGS PA LTA BU'O, ,'O NA DE LTAR SLONG BA PO DAG LA LUS LA SOGS PA GTONG BA RGYU CI'I PHYIR BKAG CE NA, DE NI TSANGS PAR SPYOD PA'I RTEN YIN PA'I PHYIR TE, DE BTANG NA SEMS CAN THAMS CAD KYI DON NYAMS PAR 'GYUR BAS SLONG MO PA 'GA'I DON DU GTANG BAR BYA BA MA YIN PA'I PHYIR, DAM PA'I CHOS NI ZHES BYA BA LA SOGS PA SMOS TE, LUS ZHES BYA BA NI MTSON PA TZAM DU ZAD KYI, CHOS BYED PA'I RTEN DU GYUR PA'I LONGS SPYOD KYANG DE BZHIN DU BLTA BAR BYA STE, DE YANG BSLAB PA KUN LAS BTUS PA LAS, TSE 'DI LA LONGS SPYOD BSRUNG BA'I PHYIR GTONG BA DGAG PA JI SKAD BSHAD PA BZHIN NO, ,GAL TE DE LA PHAN YON CI YOD SNYAM PA LA, DE LTAR BYAS NA ZHES BYA BA LA SOGS PA SMOS TE, DE DAG LA BRTEN NAS TSOGS YONGS SU RDZOGS PA'I RIM GYIS SANGS RGYAS THOB PAR 'GYUR BAS SNYAM DU BSAMS PA'O, ,'O NA THAMS CAD MI GTONG NGAM ZHE NA, SNYING RJE'I BSAM PA ZHES BYA BA LA SOGS PA SMOS TE, JI SRID DU LHAG PA'I BSAM PA DAG PA'I SAR MA CHUD KYI BAR DU ZHES BYA BA'I THA TSIG STE, GTONG BA LA MA GOMS PAS GTONG MI NUS PA'I PHYIR RAM, NUS SU ZIN KYANG TSE SNGA MA'I SDIG PA'I LAS KYI STOBS KYIS NAD LA SOGS PA'I SDUG BSNGAL 'BYUNG BA'I PHYIR 'GYOD PA SKYE ZHING SGYID LUG PAR 'GYUR BA'I PHYIR RAM, CHOS THAMS CAD LA BDE BAR 'GRO BA'I TING NGE 'DZIN MA THOB PAS DUS DE'I TSE BDE BA'I TSOR BA MI 'BYUNG BA'I PHYIR, PHYI MA LA BYED 'DOD PA'I BSAM PA MI 'BYUNG BA'I PHYIR RAM, BDEN PA'I STOBS MA GRUB PAS SROG DANG @318A *, ,TSANGS PAR SPYOD PA'I BAR CHAD DU 'GYUR BA'I PHYIR RO SNYAM DU BSAM PA STE, LHAG PA'I BSAM PA DAG PA'I SAR CHUD PA LA NI, NYES PA GONG MA RNAMS LAS BZLOG PA'I PHYIR DNGOS SU GTONG BAR BYED PA KHO NA'O ZHES BYA BA'I DON TO, ,'ON TE DE LTA YIN NA RNAM PA THAMS CAD DU MI GTONG NGAM, DE LTA YIN NA NI DAM BCAS PA DANG 'GAL BAR 'GYUR RO ZHE NA, CI NAS 'DI DAG CES BYA BA LA SOGS PA SMOS TE, TSE 'DIR DON CHEN PO SEMS CAN GYI DON 'GRUB PA'I RGYUR LUS 'DI NYID SEMS CAN RNAMS LA BRAN GYI TSUL DU BTANG STE, SEMS CAN GYI DON BYED PA'I TSUL KHRIMS RNAM PA BCU GCIG JI SKAD DU BSHAD PA LTA BU'O, ,DE BZHIN DU GZHAN DU STE, TSE PHYI MAR YANG BDAG DANG GZHAN GYI RGYUD LA DGE BA'I RTZA BA CI RTZOM PA THAMS CAD SEMS CAN THAMS CAD KYI DON DU RTZOM PA'I PHYIR, BDAG NYID SEMS CAN THAMS CAD KYI BRAN GYI TSUL DU GTONG BA YIN LA, DE BZHIN DU BDAG NYID BYANG CHUB CHEN PO THOB PAR BYA BA'I PHYIR YANG BDAG NYID SEMS CAN THAMS CAD KYI THAMS CAD DU YID DANG NGAG GTONG STE, LE'U GNYIS PAR JI SKAD BSHAD PA BZHIN NO, ,DA NI GANG LA BSLAB PAR BYA BA'I YUL BSDUS TE BSTAN PAR BYA BA'I PHYIR RANG NGAM GZHAN GYI ZHES BYA BA LA SOGS PA SMOS TE, RANG GI DBANG DU BYAS PA STE; SDOM DANG DGE BA'I CHOS SDUD KYIS BSDUS PA DANG, GZHAN GYI DBANG DU BYAS PA STE, SEMS CAN GYI DON BYED PA'I BSDUS PA'AM, GZHAN YANG SPYOD LAM GYI GNAS SKABS GANG DU LUS NGAG YID GSUM GYIS CI SPYOD KYANG, GANG LA BSLAB PA DANG, JI LTAR BSLAB PAR GSUNGS PA STE JI SKAD DU MDO DAG LAS, BYANG CHUB SEMS DPAS CHOS RAB TU MANG PO LA BSLAB PAR MI BGYI STE, SNYING RJE CHEN PO LA BSLAB PAR BGYI'O ZHES GSUNGS PA DANG, YANG BYANG CHUB SEMS DPAS NI JI NAS KYANG MTHONG MA THAG TU SEMS CAN RNAMS DGA' BAR 'GYUR BA DE LTAR BSGRUB PAR BGYI'O ZHES GSUNGS PA DANG, YANG BYANG CHUB SEMS DPAS NI RANG GI SEMS KHO NA SHIN TU BSRUNG BAR BGYI'O ZHES GSUNGS PA DANG, SPYOD LAM THAMS CAD DU JI LTAR BSLAB PA STE SPYOD YUL YONGS SU DAG PA LAS JI SKAD GSUNGS PA BZHIN DU BSLAB PAR BYA'O, ,'O NA DE'I TSE RIG PA'I GNAS RNAM PA LNGA LAS GANG DANG GANG LA JI LTAR BSLAB @318B CE NA, RIG PA'I GNAS RNAM PA LNGA PO MTHA' DAG LA DAM PA DRUG GIS ZIN PA'I TSUL GYIS BSLAB PAR BYA BA YIN PAS, RGYAL SRAS RNAMS KYIS ZHES BYA BA LA SOGS PA SMOS TE, 'DI SKAD DU MDO SDE RGYAN LAS, RIG PA'I GNAS LNGA DAG LAS BYANG BAR MA BYAS NA, ,'PHAGS MCHOG GIS KYANG THAMS CAD MKHYEN NYID THOB MI 'GYUR, ,DE BAS GZHAN DAG TSAR GCAD RJES SU GZUNG PHYIR DANG, ,BDAG NYID DUL BAR BYA PHYIR DE LA DE BRTZON BYED, ,CES GSUNGS PA LTA BU'O, ,'ON TE DE LA PHAN YON CI YOD CE NA, DE LTAR GNAS PA'I ZHES BYA BA LA SOGS PA SMOS TE, DE LTAR GNAS PA'I ZHES BYA BA NI DAM PA DRUG GIS ZIN PA'I PHYIR DE JI LTA ZHE NA, SEMS CAN THAMS CAD KYI DON DU BYANG CHUB CHEN PO THOB PAR BYA BA'I BSAM PAS RIG PA'I GNAS LNGA PO DE DAG LA 'KHOR GSUM YONGS SU DAG PA'I TSUL GYIS SO SO'I MI MTHUN PA'I PHYOGS KYI DRI MAS MA GOS PAR SLOB CING DGE BA'I RTZA BA DE YANG BYANG CHUB CHEN POR YONGS SU BSNGO BA'I PHYIR TE, DE LTAR GO RIMS BZHIN DU CHED DU BYA BA DANG, RTEN DANG DNGOS PO DANG, THABS LA MKHAS PA DANG, RNAM PAR DAG PA DANG, YONGS SU BSNGO BA DAM PAS YONGS SU RIG PAR BYA'O, ,DE LTA BAS NA BYANG CHUB SEMS DPA'I BYA BA NI MDOR NA SEMS CAN GYI DON YIN PAS DNGOS SAM ZHES BYA BA LA SOGS PA SMOS TE, DE LA DNGOS SU DON DU 'GYUR BA NI SEMS CAN GYI DON BYED PA'I TSUL KHRIMS RNAM PA BCU GCIG JI SKAD BSHAD PA LTA BU'O, ,BRGYUD NAS DON DU 'GYUR BA'I BSAM GTAN DANG SHES RAB KHA CIG LTA BU'O, ,DNGOS DANG BRGYUD PA GNYI GAS DON DU 'GYUR BA NI SBYIN PA BYIN TE, DGE BA'I RTZA BA CI BYAS PA THAMS CAD YONGS SU BSNGO BA DAM PAS ZIN PAR BYA BA'I PHYIR SEMS CAN KHO NA'I ZHES BYA BA LA SOGS PA SMOS SO, ,DE LTAR SHES BZHIN GYIS BRTAGS TE BSLAB PA BSRUNG BA NYID BDAG CAG GIS RGYU GANG LAS SHES PAR BYA SNYAM NA RGYU GNYIS LAS SHES PAR BYA STE, RGYU DANG PO NI RTAG PAR ZHES BYA BA LA SOGS PA BSTAN TE, MKHAS PA DANG BTZUN PA'I YON TAN GNYIS DANG LDAN PA LAS SHES PAR BYA'O, ,DGE BA'I BSHES GNYEN JI LTAR MI GTONG ZHE NA, DPAL 'BYUNG ZHES BYA BA LA SOGS PA SMOS SO, ,RGYU GNYIS PA'I DBANG @319A *, ,DU BYAS NAS BSTAN BCOS 'DIS MDO SDE LAS ZHES BYA BAR BSTAN PA'I PHYIR 'DI DANG ZHES BYA BA LA SOGS PA SMOS SO, ,YANG NA 'DI DANG ZHES BYA BA NI 'DIR BSLAB PA JI LTAR BSTAN PA RNAMS SO, ,GZHAN ZHES BYA BA 'DIR MA BSHAD PA DE BZHIN GSHEGS PAS GSUNGS PA RNAMS SO, , DE DAG THAMS CAD NI MDO SDE LAS SHES PAR BYA STE CI'I PHYIR ZHE NA, MDO SDE ZHES BYA BA LA SOGS PA SMOS SO, ,'ON TE MDO SDE RNAMS LA BKLAG PA'I GO RIMS YOD DAM ZHE NA, THOG MAR RTZA BA'I LTUNG BA RNAMS SHES PAR BYA BA'I PHYIR, NAM MKHA'I SNYING PO ZHES BYA BA LA SOGS PA SMOS SO, ,DE'I RJES LA BSLAB PA PHRA BA GZHAN DAG KYANG SHES PAR BYA BA'I PHYIR 'PHAGS PA ZHES BYA BA LA SOGS PA SMOS SO, ,'ON TE DE'I RJES LA JI LTAR GSUNGS SHE NA GANG LAS ZHES BYA BA LA SOGS PA SMOS TE, MDO SDE GANG LAS 'DI NI LUS NGAG GIS SPYAD PAR MI BYA'O, ,'DI NI SEMS KYIS BSGOM PAR MI BYA'O ZHES MA BKAG PA DE NYID SPYAD KYI, BKAG PA RNAMS NI SPYAD PAR MI BYA'O, ,'ON TE BKAG PA THAMS CAD MI SPYAD DAM ZHE NA, 'JIG RTEN ZHES BYA BA LA SOGS PA SMOS TE, 'DIR NI 'DI LTAR SBYAR TE, 'JIG RTEN SEMS NI BSRUNG BA'I PHYIR, ,BSLAB PA MTHONG NAS YANG MI SPYAD, ,CES BYA BA STE MDO SDE LAS GANG DANG GANG LA CI DANG CI DGOS PA DE SBYIN PAR BYA'O ZHES GNANG DU ZIN KYANG, DE BYIN PAS GZHAN MANG PO DAG GI MI MOS PAR 'GYUR BA LA SOGS PA GTZOR BYA BA'I BSLAB PA'I GZHI MTHONG NAS LONGS SPYAD PAR MI BYA'O ZHES BYA BA'I DON TO, ,DA NI LHAN CIG RJES SU SPYAD PA'I SHES BZHIN BSRUNG BA'I MTSAN NYID MJUG BSDU BA'I PHYIR, LUS DANG ZHES BYA BA LA SOGS PA SMOS SO, ,DA NI NYAMS SU BLANG BA'I GDAMS NGAG BSTAN PA'I PHYIR, LUS KYI ZHES BYA BA LA SOGS PA SMOS SO, ,BSTAN BCOS KYI MING GI DON NI SNGA MA BZHIN NO, ,LE'U'I MING GI DON NI PHYOGS GCIG LAS BSTAN TO, ,LE'U BZHI PA'I BSHAD PA RDZOGS SO,, ,,DE LTAR SEMS BSKYED CING SDOM PAS BSDAMS PA LA BZOD PA 'BYUNG BAS, BSAGS PA'I DGE BA CHUD MI ZA BAR BYA BA DANG, DGE BA'I CHOS LA BRTZON 'GRUS BRTZAM PAR BYA BA'I LE'U LNGA PA GSUNGS TE, DE LA BSKAL @319B PA STONG ZHES BYA BA LA SOGS PA TSIGS SU BCAD PA GNYIS KYIS ZHE SDANG GI NYES DMIGS DANG, BZOD PA'I PHAN YON BSTAN PA'I SGO NAS ZHE SDANG SPANGS TE BZOD PA BSGOM PA MDOR BSTAN TO, ,DA NI RGYAS PAR BSHAD PA'I DBANG DU BYAS NAS ZHE SDANG GI TSE 'DI'I NYES DMIGS BSTAN PA'I PHYIR, ZHE SDANG ZUG RNGU LA SOGS PA SMOS TE ZHI BA NI BTANG SNYOMS KYI TSOR BA'O, ,DGA' BA NI LUS KYI'O, ,BRTEN MED 'GYUR ZHES BYA BA NI LUS KYI SPYOD PA'I THANG THUB MED PA'O, ,NYES DMIGS GZHAN YANG GANG DAG CES BYA BA NI BRAN LA SOGS PA'O, ,DRIN SBYIN ZHES PA NI RJE BOS SO, ,DE LA ZHES BYA BA NI RJE BO LA'O, ,DE DAG CES PA NI BRAN LA SOGS PA'O, ,SDANG LDAN PA ZHES BYA BA NI ZHE SDANG DANG LDAN PA'I DBANG GIS SO, ,DE YIS ZHES BYA BA NI SHIN TU DRIN CHE BA'I RJE BO LA YANG RGOL BAR BYED PA'I RGYUS SO, ,SBYIN PAS SDUD DANG RTEN MI BYED, ,CES BYA BA NI, BRAN GTONG PHOD CHE YANG ZHE SDANG LDAN PA'I DBANG GIS SU YANG DE DANG 'GROGS PAR MI BYED CES BYA BA'I DON TO, ,BDE GNAS PA ZHES BYA BA NI TSE 'DI LA'O, ,DE LA SOGS PA ZHES BYA BA NI, TSE 'DI LA GNOD PAR MA ZAD KYI 'DI DANG PHYI MA GTI GA DANG BDAG LA GNOD PA BYED PAR MA ZAD KYI, GZHAN DANG BDAG DANG GZHAN GNYI GA DANG, DNGOS SU GNOD PA BYED PAR MA ZAD KYI BRGYUD PA DANG DNGOS DANG BRGYUD PA GNYI GA'I SGO NAS GNOD PAR BYED PAS SO, ,'ON TE ZHE SDANG SPANG PA'I PHAN YON GANG ZHE NA, GANG ZHIG CES BYA BA LA SOGS PA SMOS SO, ,DE NI 'DI DANG GZHAN DU BDE, ,ZHES BYA BA NI TSE 'DI DANG, PHYI MA DANG, GNYI GA DANG BDAG DANG GZHAN DANG GNYI GA DANG DNGOS DANG BRGYUD PA DANG GNYI GAR BDE BAS SO, ,'ON TE ZHE SDANG DE JI LTAR SPANG ZHE NA, ZAS SPANGS PA'I SGO NAS ZHE SDANG SPANG BAR BSTAN PA'I PHYIR MI 'DOD CES BYA BA LA SOGS PA SMOS TE, DE LA RTZA BA DANG PO DE GNYIS KYIS ZAS DE'I RGYU BSTAN TO, ,GSUM PAS NI NGO BO NYID BSTAN TO, ,BZHI PAS NI BYED PA BSTAN TO, ,TSIGS SU BCAD PA GNYIS PAS NI ZAS SPANG BA'I SGO NAS SPANG BA'I 'THAD PA BSTAN PA'O, ,TSIGS SU BCAD PA GSUM PA DANG BZHI PAS NI ZAS DE NYID SPANG BAR BYA BA'I RIGS PA BSTAN TO, ,'ON TE ZHE SDANG GI ZAS DE JI LTAR SPANG ZHE NA, BZOD PA RNAM PA GSUM @320A *, ,GYI SGO NAS SPANG BAR BYA BA YIN PAS DANG PO GNOD PAR BYED PA LA JI MI SNYAM PA'I SGO NAS YID MI BDE BA SPANG BAR BSTAN PA'I PHYIR, BDAG GAM ZHES BYA BA LA SOGS PA SMOS TE, DE LA TSIGS SU BCAD PA DANG POS NI SEMS CAN RNAMS KYI 'DOD PA'I BYE BRAG BSTAN TO, ,TSIGS SU BCAD PA GNYIS PA'I PHYED GONG MAS NI 'DOD PA DANG MI MTHUN PAR 'BYUNG BA BSTAN TO, ,PHYED GONG MA'I RTZA BA DANG POS NI DE'I GNYEN PO BSGOM PA BSTAN TO, ,RTZA BA GNYIS PAS NI YID MI BDE BA SPONGS SHIG CES GDAMS PAR BSTAN TO, ,DE LA SEMS CAN RNAMS KYI 'DOD PA'I BYE BRAG NI BZHI STE BDAG DANG BDAG GI GNYEN BSHES LA SOGS PA LA, SDUG BSNGAL BA LA SOGS PA MI 'DOD CING BDE BA LA SOGS PA 'DOD PA YIN LA, DGRA LA NI BDE BA 'BYUNG BAR MI 'DOD CING SDUG BSNGAL 'BYUNG BAR 'DOD PA'I BSAM PA SKYE BAS DE'I TSE BDE BA'I RGYU NI DKON ZHING SDUG BSNGAL GYI RGYU NI SHIN TU MANG BA'I PHYIR BDE BAS NI PHONGS LA, SDUG BSNGAL MANG PO DANG LDAN PA'I DUS SU SDUG BSNGAL MED NA KHAMS GSUM LA SKYO BA MI SKYE ZHING NGES PAR 'BYUNG BA MI TSOL BAS DE'I PHYIR SDUG BSNGAL NI YON TAN CAN NYID DU SHES PAR BYAS PA'I SGO NAS YID MI BDE BA SPANGS TE, THA MAL PA'I NGANG LA BRTAN PAR GNOS SHIG CES BYA BA'I DON TO, ,'ON TE GNOD PA DANG SDUG BSNGAL BZOD PA DE DAG GIS MI PHOD DO ZHE NA, DKA' BZLOG CES BYA BA NI MA HA DE BA DANG LHA MO AUm MA DE BA STE, LHA'I DKA' THUB LAS LAG PA YIN PA'I PHYIR TE, DE NI 'JIG RTEN PA'I LO RGYUS LAS SHES PAR BYA'O, ,DE BAS NA DE LA DAD PA'I MI MU STEGS CAN DAG GIS KYANG, ME LNGA BSTEN PA LA SOGS PA SDUG BSNGAL BZOD NA, BDAG GIS JI STE MI BZOD CES BYA BA'I DON TO, ,'ON TE DE NI SHIN TU DKA'O ZHE NA, GOMS NAS ZHES BYA BA LA SOGS PA SMOS TE, DA NI SDUG BSNGAL DANG DU LEN PA LA BZOD PA'I DBANG DU BYAS NAS, SPRUL DANG ZHES BYA BA LA SOGS PA SMOS TE, 'JIG RTEN NA DON MED PAR YANG SPRUL LA SOGS PA'I GNOD PA BZOD NA, DON CHEN PO DANG BCAS PA'I DAM PA'I CHOS BSGRUB PA'I GNAS SKABS KYI TSA BA LA SOGS PA'I SDUG BSNGAL 'BYUNG BA'I TSE YID MI BDE BA'I BZE RE MI BYA STE, ZHE SDANG SKYE BA'I SKYON YOD PA'I PHYIR RO, ,'O NA JI LTAR @320B BYA SNYAM PA LA, LA LA BDAG GI ZHES BYA BA LA SOGS PA SMOS TE, SDUG BSNGAL BZOD PA'I PHAN YON SHES PAR BYAS LA, DE LA DGA' BA BSKYED PAR BYA BA'I MI SNGA MA RNAMS BZHIN DU YID MI BDE BA BSKYED PAR MI BYA'O ZHES PA'I DON TO, ,DE BAS ZHES BYA BA LA SOGS PAS NI MJUG SDUD DO, ,DE BAS NA THA MAL PA'I DGRA DAG KHO NYID RANG 'CHI BAR 'GYUR BA YIN PAS DE GSOD PA NI DPA' BO MA YIN TE, NYON MONGS PA RNAMS NI GNYEN PO MA BSKYED KYI BAR DU 'BRAL BAR MI 'GYUR BA'I PHYIR, DE SPONG BAR BYED PA NI DPA' BO CHEN PO NYID YIN PAS, DE BAS NA 'THAB MO DANG NI ZHES BYA BA LA SOGS PA SMOS SO, , GZHAN YANG SDUG BSNGAL GYI YON TAN SHES PAR BYA BA'I SGO NAS YID MI BDE BA SPANG BA'I PHYIR, GZHAN YANG ZHES BYA BA LA SOGS PA SMOS TE, SKYO BAS ZHES BYA BA'I TSIG GSUM NI BDAG DANG GZHAN DANG GNYI GA'I RGYUD LA SDUG BSNGAL YOD PA'I YON TAN DE GO RIMS BZHIN DU SBYAR RO, ,DA NI BDAG NYID LA GNOD PA BYED PA RNAMS LA DON DAM PA'I BDEN PA'I DBANG DU BYAS PA'I CHOS KYI MTSAN NYID LA NGES PAR SEMS PA'I BZOD PA BSGOM PA'I DBANG DU BYAS NAS, ,MKHRIS PA LA SOGS PA ZHES BYA BA LA SOGS PA SMOS TE, BDAG LA YOD PA'I MKHRIS PA LA SOGS PA NYID SDUG BSNGAL GYI RGYU YIN PA'I PHYIR; DE LA KHRO BAR RIGS KYI GNOD PA BYED PA RNAMS LA NI KHRO BAR MI RIGS TE DE DAG GNOD PA BYED PA NI RANG BZHIN GYIS GNOD PA BYED PA NI MA YIN GYI, GLO BUR GYI RKYEN LAS BYUNG BAS DON DAM PAR RANG BZHIN MED SNYAM DU BSAMS PA'O, ,JI LTAR NA GLOR BUR GYI RKYEN LAS BYUNG BA YIN ZHE NA, RKYEN LAS BYUNG BA'I MTSAN NYID NI MDOR BSDUS NA RNAM PA G