(,,*, ,SHES RAB LE'U'I DKA' 'GREL BZHUGS,,) *, ,BDE BAR GSHEGS PA LA
PHYAG 'TSAL LO, ,CHOS DANG LONGS SPYOD SPRUL PA YI, ,SKU GSUM
BDAG NYID RGYAL BA LA, ,RAB TU BTUD NAS SHES RAB KYI, ,LE'U'I
DKA' 'GREL BDAG

GIS BYA; ,BSOD NAMS KYI TSOGS KYI RGYU SBYIN PA LA SOGS PA DANG,
YE SHES KYI TSOGS KYI RGYU ZHI GNAS PHAN TSUN TSOGS PA'I MTSAN
NYID BSAM GTAN BRJOD NAS, DE'I RJES LA LHAG MTHONG BSTAN PA'I
PHYIR, YAN LAG 'DI DAG CES BYA BA LA SOGS PA GSUNGS SO, ,YAN LAG
CES

BA NI 'KHOR TE BYANG CHUB KYI GROGS YIN PA'I PHYIR RO, ,THAMS
CAD CES BYA BA NI SBYIN PA LA SOGS PA'O, ,THUB PAS ZHES BYA BA
NI CHAD PA DANG RTAG PA'I MTHA' GNYIS DANG BRAL BA BRJOD DU MED
PA MI GSUNG BAS THUB PA'O, ,SHES RAB DON DU ZHES BYA BA LA, YANG
DAG PA'I SHES PA NYID NI

SHES RAB YIN PAS DE BSKYED PA'I DON DU'O, ,NI ZHES BYA BA NI
GANG GI PHYIR YAN LAG 'DI DAG THAMS CAD GSUNGS PA STE BRJOD PA
DE'I PHYIR SHES RAB BSKYED DO ZHES BYA STE, RGYU DANG 'BRAS BU
KHYAD PAR MED PA'I PHYIR BYANG CHUB KYI RGYU LAM DU GYUR PA YIN
NO, ,CI'I DON DU ZHE NA, SDUG

BSNGAL DAG CES BYA BA LA SOGS PA GSUNGS SO, ,RANG DANG GZHAN GYI
PHUNG PO LNGA NYE BAR ZHI BAR 'DOD PAS SHES BYA STE, PHUNG PO
LHAG MA DANG BCAS PA DANG LHAG MA MED PA THOB PA'I DON DU ZHES
BYA BA'I THA TSIG GO, ,GAL TE YAN LAG 'DI KUN SHES RAB KYI DON
DU YIN NA, DE'I TSE DE NYID DON

@159B DAM PAR 'GYUR BA'I PHYIR RO, ,SBYIN PA LA SOGS PA JI LTAR
ZHE NA KUN RDZOB DANG NI ZHES GSUNGS SO, ,'DI DE KHO NA SGRIB
PAS NA KUN RDZOB YIN LA, BYIS PAS DE LTA DE LTAR MNGON PAR ZHEN
PA'I PHYIR NA BDE BA YIN NO, ,BCOS BU MA YIN PAS DON YANG YIN
LA, DAM PA YANG

YIN PAS NI DON JI LTA BA NYID DU BDEN PA YIN NO, ,'DOD PA'I
SANGS RGYAS RNAMS BZHED PA'O, ,GANG GI PHYIR, SANGS RGYAS RNAMS
KYIS CHOS BSTAN PA, ,BDEN PA GNYIS LA YANG DAG BRTEN, ,ZHES
GSUNGS PA DE'I PHYIR, SHES RAB KYI PHA ROL TU PHYIN PA DON DAM
PA'I RANG

BZHIN BDEN PA YIN YANG, DON GYI TSOGS KYI RGYU KUN RDZOB TU YOD
PA'I SBYIN PA LA SOGS PA YANG YOD PA YIN TE, DE MED PAR NI DE
RNAMS PHA ROL TU PHYIN PA'I MING MI THOB PA'I PHYIR RO, ,GAL TE
DE LTAR SHES RAB YOD PA YIN NA, 'O NA DE NYID KYIS BYANG CHUB
RTOGS PA'I PHYIR, GZHAN

GYIS CI ZHIG BYA ZHE NA, DON DAM DU ZHES BYA BA NI, SANGS RGYAS
NYID CES BYA BA BSGRUB PAR BYA'O, ,DE SKAD DU YANG, SPYOD YUL
MIN PAS GANG MI 'JUG CES BYA BA LA SOGS PA GSUNGS PA YIN NO, ,'O
NA SHES PA NYID YOD DO SNYAM NA, BLO NI ZHES GSUNGS SO, ,DE SKAD
DU YANG, GSAL

BA'AM NI MI GSAL BA LA SOGS PAS 'CHAD PAR 'GYUR RO, ,DA NI KUN
RDZOB DON DAM PA NYID STOBS CHE CHUNG BSTAN PA'I PHYIR GZHI
'DING BA NI, DE YANG 'JIG RTEN ZHES GSUNGS PA'O, ,PHAL ZHES BYA
BA NI MA RIG PA YIN LA, DE LA GNAS PA NI PHAL PA YIN PAS DE NYID
SMAD PA'I PHYIR,

PHAL PA ZHES BRJOD DO, ,DE LA ZHES BYA BA NI DE GNYIS KYI NANG
GNAS SO, ,PHAL PA ZHES BYA BA KUN RDZOB KYI RNAM PA STON TE,
RTAG TU DON DAM PA LA MNYAM PAR 'JOG PA DANG LDAN PAS RNAL 'BYOR
PA YIN LA, DE NYID NI 'JIG RTEN YANG YIN TE, PHUNG PO LNGA'I
BDAG NYID YIN PA'I PHYIR RO, ,

'DIS NI DON DAM PA'I RNAM PA BSTAN TO, ,BLO'I KHYAD PAR CAN RNAL
'BYOR PA'I 'JIG RTEN DES GNOD CING ZHES BYA BAR RANG GI NGO BO
BSTAN PAS 'KHRUL PA NYID DO ZHES BYA BAR BSGRUB PO, ,DE BZHIN DU
RNAL 'BYOR PA YANG ZHES BYA BA TSU ROL MTHONG BA'I RNAL 'BYOR PA
YANG GO 'PHANG GONG NAS GONG DU

@160A *, ,'PHAGS PA'I RNAL 'BYOR PA RNAMS KYIS GNOD DE, DPER NA
SA DANG PO LA YANG SA GNYIS PA LA SOGS PAS GNOD PA BZHIN NO, ,JI
LTAR GNOD SNYAM NA, GNYI GA YANG NI ZHES BYA BA LA SOGS PA STE,
SGYU MA DANG SMIG RGYU DANG DRI ZA'I GRONG KHYER DANG,

CHU ZLA LA SOGS PA RGOL BA DANG PHYIR RGOL BA GNYI GA YANG NI
'DOD PA STE, MNGON PAR 'DOD PA'I DPES SO, ,GAL TE THA SNYAD PA'I
STOBS KYIS YIN NA, DE'I TSE SBYIN PA LA SOGS PA LA 'JUG PA YANG
DON DAM PAR 'GYUR RO ZHES BYA BA'AM, YANG NA GANG LA DE THAMS
CAD SGYU MA LTA BU

YIN NA; JI LTAR SBYIN PA LA SOGS PA LA 'JUG SNYAM NA, 'BRAS BU'I
DON DU MA DPYAD PHYIR, ,ZHES GSUNGS TE, SBYIN PA LA SOGS PA 'JUG
GO ZHES BYA BA LA SOGS PA NI LHAG MA'O, ,'BRAS BU'I DON NI DGOS
PA'I CHED DU STE, SANGS RGYAS NYID KYI DON DU ZHES BYA BA'I DON
DU'O, ,MA

DPYAD PHYIR NI ZHES BYA BA NI CHOS THAMS CAD GCIG DANG DU MA
DANG BRAL BA ZHES BYA BA LA SOGS PA RNAM PAR MA DPYAD PAR GRAGS
PA TZAM GYIS RAB TU GRUB PAR RNAM PAR MA DPYAD PAR 'DI SBYIN PA
LA SOGS PA LA 'JUG PA'I PHYIR RO, ,'JUG PA NYID KYANG MA BRTAGS
NA, ,NYAMS DGA' BA TZAM

YIN PAS CHAD PA 'GA' YANG MED DO, ,'JIG RTEN PA YANG 'DIR LOG
PAR RTOG PA CI YOD SNYAM NA, 'JIG RTEN PA YIS ZHES BYA BA LA
SOGS PA'O, ,GANG GI PHYIR DNGOS PO 'DI DAG 'BYUNG ZHING SKYE BA
CAN YIN PA DE'I PHYIR DON DAM PA NYID YIN GYI SGYU MA'I RANG
BZHIN NI MA YIN NO ZHES 'JIG RTEN

PA DANG RNAL 'BYOR PA RTZOD PA CHEN PO YOD DO, ,GAL TE DE LTAR
GZUGS LA SOGS PA 'DI DAG NI BA LANG RDZI LA SOGS PA'I BAR LA
TSAD MAS GRUB PAS BDEN PA MA YIN NAM, JI LTAR NA SGYU MA NYID DU
'GYUR SNYAM NA, GZUGS LA SOGS PA ZHES BYA BA LA SOGS PA GSUNGS
SO, ,GRAGS

PAS ZHES BYA BAS NI DE'I RANG BZHIN MA YIN PA LA DE'I RANG BZHIN
DU LHAG PAR ZHEN PA'I 'KHRUL PAS GZUGS LA SOGS PA MNGON SUM NYID
DO ZHES DGOS PA YIN GYI, CHA 'DI LA TSAD MA NI YOD PA MA YIN TE,
RANG RIG PA NYID KYANG BSGRUB PAR DKA' BA'I PHYIR RO SNYAM DU
DGONGS PA'O, ,CI DANG 'DRA

@160B BAR SNYAM NA, DE NI MI GTZANG LA ZHES BYA BA LA SOGS PA'O,
,'DIS NI 'KHRUL PA NYID BSAL BAR BYAS SO, ,GANG GI PHYIR DE LTAR
YIN PA DE'I PHYIR GZUGS LA SOGS PAR RTOG PA NI BRDZUN YIN NO,
,GAL TE DE LTAR YIN NA, 'O NA CI'I PHYIR BCOM LDAN 'DAS KYIS
PHUNG PO

DANG KHAMS DANG SKYE MCHED RNAMS DANG, SKAD CIG MA DANG BDAG
MED
PA LA SOGS PA DAG BSTAN ZHE NA, 'JIG RTEN ZHES BYA BA LA SOGS PA
GSUNGS SO, ,'JIG RTEN RNAMS DON DAM PA LA GZHUG PA'I DON DU
PHUNG PO LA SOGS PA'I DNGOS PO DANG SKAD CIG MA LA SOGS

PA DAG ,MGON PO BCOM LDAN 'DAS KYIS BSTAN PAR ZAD KYI DNGOS PO'I
GNAS PAR NI SKAD CIG MA NYID YOD PA MA YIN NO, ,GAL TE DON DAM
PAR MED DU CHUG MOD, KUN RDZOB TU NI YOD PAR 'GYUR RO SNYAM NAS,
GAL TE KUN RDZOB TU NA ZHES SMRAS PA LAS, SLOB DPON GYI LAN DU
'GAL

ZHES GSUNGS SO, ,'JIG RTEN GYI DNGOS PO RNAMS SKAD CIG MAR RTOGS
SO ZHES BYA BA NI 'GAL TE DE DAG NI RTAG TU GNAS PA NYID LA
MNGON PAR ZHEN PA'I PHYIR RO, ,'O NA SA DANG PO LA SOGS PA THOB
PA RNAMS LA YANG JI LTAR SKAD CIG MA LA SOGS PAR SNANG ZHE NA,
RNAL 'BYOR KUN RDZOB CES BYA BA

LA SOGS PA GSUNGS SO, ,DNGOS PO RNAMS SKAD CIG MA NYID DU RNAL
'BYOR PA'I KUN RDZOB TU SNANG GI RNAL 'BYOR PA'I DON DAM PAR NI
MA YIN NO ZHES BYA BA YIN NO, ,'O NA JI LTAR SA THOB PA RNAMS LA
RNAL 'BYOR PA'I KUN RDZOB TU DE SNANG BA BZHIN DU 'JIG RTEN
GZHAN LA YANG SNANG LA RAG MOD SNYAM NA,

'JIG RTEN LA LTOS ZHES BYA BA LA SOGS PA GSUNGS SO, ,GANG GI
PHYIR SA DANG PO LA SOGS PA THOB PA'I RNAL 'BYOR PA DE DAG 'JIG
RTEN LA LTOS NAS CUNG ZAD DE KHO NA MTHONG BA YIN PA DE'I PHYIR
SKAD CIG MA LA SOGS PA DE DAG DE KHO NA MTHONG BA YIN NO ZHES
BYA'O, ,GZHAN DU ZHES BYA BA GAL TE DE

DAG 'JIG RTEN LA LTOS NAS DE NYID MTHONG BAR MI 'DOD NA, DE'I
TSE 'DOD PA LA RO MYAGS SU MANG DU BSGOM PA'I RNAL 'BYOR PA MI
GTZANG BAR BSGOM PA STOBS DANG LDAN PA RNAMS KYIS RNAM PAR DPYOD
PA'I STOBS KYIS NGES PAR RTOGS PA LA 'JIG RTEN PAS GNOD PAR
'GYUR BA'I PHYIR 'JIG RTEN RGYAL BAR

@161A *, ,'GYUR GYI RNAL 'BYOR PA NI MA YIN NO SNYAM DU DGONGS
SO, ,'DIR GZHAN GYIS SGYU 'DRA'I RGYAL LAS ZHES SMRAS SO, ,GAL
TE THAMS CAD SGYU MA LTA BU YIN NA DE'I TSE RGYAL BA YANG SGYU
MA DANG 'DRA BA YIN PAS DES NA MCHOD PA LA SOGS PA DE LAS BSOD
NAMS JI LTAR THOB

SNYAM NA; DNGOS PO YOD LA JI BZHIN ZHES BYA BAS GRUB PA'I MTHA'
GSUNGS SO, ,GAL TE RGYAL BA DON DAM PA NYID YIN YANG DE LAS JI
LTAR BSOD NAMS SU 'GYUR, DPER NA RNAM PA GANG GIS BDEN PA NYID
YIN PA LA BSOD NAMS SU 'GYUR BA'I RNAM PA DE KHO NAS BRDZUN PA
LAS 'GYUR

BA'I PHYIR GNYI GA YANG MTSUNGS TE, 'KHRUL PA LAS 'KHRUL PA SKYE
BA NI MI 'GAL BA'I PHYIR RO, ,GAL TE ZHES BYA BA LA SOGS PA NI
GZHAN GYI'O, ,GAL TE SEMS CAN SGYU MA DANG 'DRA BA YIN NA, DE'I
TSE DE ZHIG NA SLAR JI LTAR SKYE STE, DES NA SHI NAS JI LTAR
SKYE, ,MI SKYE BAR 'GYUR RO ZHES

BYA'O; ,JI SRID RKYEN RNAMS ZHES BYA BA LA SOGS PA NI GRUB PA'I
MTHA'O, ,JI SRID DU 'KHOR BA'I RGYU MA RIG PA'I RKYEN TSANG BA
DE SRID DU RGYU MA TSANG BA MED PA'I SGYU MA YANG SKYE BA'I
PHYIR DE NAM YANG RGYUN MI 'CHAD DO SNYAM DU DGONGS PA'O, ,GAL
TE DE LTAR YIN NA SKYE BA DANG 'CHI BA BRGYUD PA

GZHAN DANG GZHAN GYI MTSAN NYID KYI RGYU DON DAM PAR YOD PA DES
RGYUN MA CHAD DO SNYAM NA, RGYUN RING TZAM GYIS ZHES BYA BA LA
SOGS PA GSUNGS SO, ,RING BA ZHES BYA BA NI THOG MA MED PA'O, ,DE
YANG YIN LA RGYUN KYANG YIN PA DE TZAM GYIS NI SEMS CAN BDEN PA
NYID DU MI 'THAD DE,

BRDZUN PA NYID DU YANG MI 'GAL BA'I PHYIR RO, ,'DI SNYAM DU 'GAL
TE, 'DI MTHA' DAG SGYU MA YIN NA DE'I TSE SGYU MA'I SKYES BU
BZHIN DU BDEN PA'I SKYES BU BSAD PA LA SOGS PA LA YANG BSOD NAMS
MA YIN PAR MI 'GYUR RO ZHES DGONGS NA SGYU MA'I ZHES BYA BA LA
SOGS PA GSUNGS SO, ,DPE MI

MTHUN TE 'DI LTAR GAL TE SGYU MA'I SKYES BU LA SEMS YOD PA NYID
YIN NA NI DE'I TSE DE BSAD PAS SDIG PAR 'GYUR BA KHO NA STE,
GZHAN DU MA YIN PA ZHIG NA GANG GI TSE SGYU MA'I SKYES BU'I SEMS
DANG LDAN PA STE, SEMS NYID SGYU MA YIN PA DE DANG LDAN PA ZHES
BYA BA DE DANG BCAS PA SKYES BU CIG SHOS

@161B LA SROG BCAD PA LA SOGS PA BYAS PA DE'I TSE BSOD NAMS DANG
SDIG PA JI LTAR MI 'BYUNG STE, BSOD NAMS LA SOGS PA NI SEMS LA
RAG LAS PA'I PHYIR RO, ,DE SKAD DU, GANG PHYIR BSAMS PA'I RTZA
BA LAS, ,SDIG DANG BSOD NAMS RNAM PAR GNAS, ,ZHES GSUNGS SO,
,GANG YANG

SPRUL PA'I DE BZHIN GSHEGS PA LAS BSTAN PA'I SGO NAS 'BRAS BU
THOB PA DE NI DER DE BZHIN GSHEGS PA NYID SKYES BU'I BYED PA YIN
PA'I PHYIR SKYON MED DO, ,'ON TE SGYU MA'I SKYES BU LA YANG CI
STE SEMS MI SKYE ZHE NA, SNGAGS LA SOGS GSUNGS SO, ,NOR BU DANG
SNGAGS LA SOGS PA GANG DAG GIS SGYU MA

MKHAN GLANG PO CHE LA SOGS PA SPRUL PA BYED PA'I SNGAGS LA SOGS
PA DE DAG LA NI SGYU MA'I SKYES BU'I SEMS SPRUL PA NUS PA MED PA
DES NA DER SGYU MA'I SEMS CAN MA BYUNG BA YIN NO, ,'ON TE DE
DANG 'DRA BAR SPRUL PA MKHAN NYID LA YANG SGYU MA'I SEMS 'BYUNG
BAR MI 'GYUR ZHE NA, SNA TSOGS BYA BA LA

SOGS PA'O, ,GAL TE SGYU MA RNAM PA GCIG TU ZAD NA DE'I TSE DE
SKAD BRJOD PAR RIG PAR BYA ZHE NA, 'ON KYANG RNAM PA NI DU MA
YIN LA, DE LA RKYEN SNA TSOGS KYIS SKYE BA YIN TE, DES NA 'GAR
NI SGYU MA'I SEMS YOD LA, 'GAR NI MA YIN TE, 'BRAS BU'I KHYAD
PAR RNAMS NI RGYU'I NUS PA SNA

TSOGS PAS BSKYED PA ZHES BYA BA LAS CHAD PA CI YANG YOD PA MA
YIN NO, ,'ON TE GCIG NA YOD PA'I RKYEN GYIS TSOGS PA DE THAMS
CAD DU CI STE MI 'BYUNG ZHE NA, ,RKYEN GCIG GIS NI ZHES BYA BA
LA SOGS PA GSUNGS SO, ,'BRAS BU GCIG 'BA' ZHIG LA RKYEN GCIG NUS
PA YOD PA TZAM GYIS

THAMS CAD LA NUS PA ZHES BRJOD PAR MI RIGS SO, ,GAL TE ZHES BYA
BA LA SOGS PA NI GZHAN GYI'O, ,GAL TE DON DAM PAR CHOS KYI
DBYINGS KYI RANG BZHIN YIN PA'I PHYIR MYA NGAN LAS 'DAS ZHES BYA
BA GDOD MA NAS ZHI BA NYID KYI RANG BZHIN GYIS MYA NGAN LAS 'DAS
PA YIN YANG, KUN RDZOB TU SEMS

CAN 'KHOR BA YIN NA DE'I TSE, DE LTAR NA ZHES BYA BA GDOD MA NAS
ZHI BAS RANG BZHIN GYIS MYA NGAN LAS 'DAS PA YIN YANG KUN RDZOB
TU DE BZHIN GSHEGS PA YANG JI LTAR MI 'KHOR, GAL TE DE LTAR
'KHOR MOD CI SKYON SNYAM NA DE BSHAD PA DE BAS NA, BYANG CHUB
SPYOD PAS CI ZHIG BYA, ,ZHES BYA BA YIN NO, ,

@162A *, ,DE'I TSE RDZOGS PA'I BYANG CHUB KYI CHED DU MGO DANG
LAG PA DANG RKANG PA LA SOGS PA THAMS CAD GTONG BA DANG, TSANGS
PAR SPYOD PA LA SOGS PA'I TSUL KHRIMS DANG BZOD PA DANG, BYANG
CHUB KYI PHYOGS KYI CHOS GOMS PAR BYED PA LA SOGS PA'I DKA' BA
SPYOD PA GANG YIN PA DE

LAS DGOS PA CI YOD DE, SPYIR YANG 'KHOR BAR SKYE BA'I PHYIR ZHE
NA, 'DI LA BRJOD PA NI, RKYEN RNAMS ZHES BYA BA LA SOGS PA YIN
NO, ,DE LA, JI SRID RKYEN RNAMS TSOGS GYUR PA, ,ZHES BYA BA LA
SOGS PAS BSHAD PA ZIN MOD KYI, DE LTAR NA YANG BRJOD PAR BYA
STE, SANGS RGYAS NI

'KHOR BA MA YIN TE, 'ON KYANG SEMS CAN RNAMS KHO NA YIN NO, ,'DI
LTAR GAL TE SEMS CAN RNAMS DE KHO NAR GZOD MA NAS ZHI BA YIN PA
DE LTAR NA YANG THOG MA MED PA CAN PHYIN CI LOG GI RNAM PAR RTOG
PA GOMS PA'I BAG CHAGS KYI CHO 'PHRUL GYIS DE LA DE LTAR YANG
SHES PA NI

MA YIN NO, ,DE LTAR MA RIG PA'I RKYEN YANG RGYUN MA CHAD PA'I
PHYIR RGYU MA TSANG BA MED PA'I 'KHOR BA'I RGYUN MI 'CHAD PA DES
NA, DE DAG NI 'KHOR BAR 'GYUR RO, ,SANGS RGYAS LA NI MA RIG PA
LA SOGS PA RNAMS BAG CHAGS DANG BCAS PA RGYUN CHAD PA SKYES TE,
RANG BZHIN GYIS CHOS KYI

DBYINGS KYI MTHAR THUG PA'I PHYIR RO, ,DE NAS DE NI KUN RDZOB TU
YANG 'KHOR BAR SKYE BA MA YIN NO, ,YANG GANG GI TSE SEMS CAN DE
DAG KYANG MA RIG PA LA SOGS PA'I RKYEN RGYUN CHAD PAR 'GYUR BA
DE'I TSE NI DE DAG KYANG KUN RDZOB TU YANG MI 'KHOR BAS 'DI NI
MI MTSUNGS PA KHO NA'O, ,

MDO SDE PA DGAG PA'O, ,DA NI RNAL 'BYOR SPYOD PA DAG LA, GAL TE
ZHES BYA BA LA SOGS PA RAB TU SMRA BAR BYED DO, ,GANG GI TSE
RNAM PAR SHES PA YANG MED PA DE'I TSE 'KHRUL PA DANG MA 'KHRUL
PA'I RNAM PAR DBYE BA MED PA'I PHYIR NA SGYU MA 'DI 'DZIN PAR
BYED PA'I SHES PA GANG GIS

DMIGS SHE NA, SLOB DPON GYIS, GANG GI TSE ZHES BYA BA LA SOGS PA
GSUNGS SO, ,GANG ZHIG RNAM PAR SHES PA LAS PHYI ROL GYI GZUNG BA
LA SOGS PA MED PA DE'I TSE CI ZHIG DMIGS PAR BYA BA YIN, GZHAN
GYIS GAL TE RNAM PA DE SEMS NYID NA YANG, DE NYID DU GZHAN YOD
CES

@162B SMRAS TE; GAL TE YANG RNAM PA DE NI RNAM PAR SHES PA NYID
DANG THA MI DAD PA YIN TE DE KHO NA RNAM PAR SHES PA GNYIS MED
PA NYID YIN PA DE LTA NA YANG THOG MA MED PA CAN GYI PHYIN CI
LOG PA PHYI ROL GYI BAG CHAGS KYI GDON GYIS YID GZUNG BA'I 'JIG
RTEN GYI PHYI ROL SNANG BAR RNAM PAR 'KHRUL PA'I PHYIR

NA; DE NYID DU NA GZUNG BA RNAM PAR CHAD PA GZHAN YIN PAR NGES
SO, ,YIN NO ZHE NA GRUB PA'I MTHA' LAS GANG TSE SEMS NYID CES
BYA BA LA SOGS PA GSUNGS SO, ,'JIG RTEN GYI NI MGON POS KYANG,
,ZHES BYA BA LA SOGS PAS NI DE NYID SGRUB PA'O, ,CI DANG 'DRA
BAR ZHE NA, RAL GRI'I SO NI ?

ZHES BYA BA LA SOGS PA GSUNGS SO, ,JI SKAD DU 'PHAGS PA LANG KAR
GSHEGS PA LAS, RAL GRI YI NI SO DE NYID, ,DE NYID KYIS NI MI
GCOD DANG, ,SOR MO'I RTZE MO DE NYID LA, ,DE NYID KYIS NI MI REG
BZHIN, ,ZHES BYA BA LA SOGS PA GSUNGS PA YIN NO, ,DA NI JI LTAR
MAR ME ZHES BYA BA LA

SOGS PAS RANG RIG PA'I TSAD MA GRUB PA'I DON DU PHA ROL PO PHYIR
'JIL BAR BYED DO, ,'DIR NI DE GRUB PA'I DON DU GSAL BZHIN PA NI
DE'I BDAG NYID YIN PA'I PHYIR RO ZHES BYA BA LA SOGS PA'I TSAD
MAS BSAM PAR BYA BA YIN NO ZHES SO, ,'DIR MAR ME ZHES BYA BA LA
SOGS PA NI GRUB PA'I MTHA'O, ,GAL

TE GSAL BA ZHES BYA BA LA GSAL BA'I DON 'THAD NA MAR ME RANG GI
BDAG NYID GSAL BAR BYED PA NYID NA GZHAN GSAL BAR BYED PAR 'GYUR
BA ZHIG NA GANG GI PHYIR CI ZHIG GSAL BAR BYED CES 'DRI NA, 'DI
LA JI SKAD BRJOD PAR BYA STE, 'DI LTAR MUN PA 'JOMS PA NYID KYIS
MAR ME BDAG NYID MAR MES GSAL

BAR 'GYUR BA YIN NA DE NI MI 'THAD DE, MAR ME GANG GSAL BA'I DON
'THAD NA MAR ME RANG GI BDAG NYID GSAL BAR BYED PA NYID NA GZHAN
GSAL BAR BYED PAR 'GYUR BA ZHIG NA, GANG PHYIR CI ZHIG GSAL BAR
BYED, ,CES DRI NA 'DI LA JI SKAD BRJOD PAR BYA, 'DI LTAR MUN PA
'JOMS PA NYID KYIS MAR

ME BDAG NYID MAR MES GSAL BAR 'GYUR BA YIN NA DE NI MI 'THAD DE,
MAR ME NI GANG GI PHYIR MUN GYIS BSGRIBS PA MED PA'I PHYIR RO,
,MAR ME LA NI MUN PA MED PA'I PHYIR RO ZHES BYA BA LA SOGS PA LA
SLOB DPON NYID KYIS RGYA CHER BKAG ZIN PA DES NA 'DIR RGYA MI
SKYED DO, ,DE'I PHYIR DPE MA GRUB NA DON DAM

@163A *, ,PAR SHES PA RANG GI RIG PA YANG MI 'GRUB PA'I PHYIR
NA, KYE LAM 'DI YANG BSHIG PA YIN NO, ,'DIR RNAL 'BYOR SPYOD PA
SLAR SMRA BA NI, SHEL BZHIN ZHES BYA BA LA SOGS PA'O, ,DPER NA
SHEL GYI RDO BA BDAG NYID SNGON PO DANG DMAR PO'I RNAM PAR BYA
BA LA SOGS PA'I NYE

BAR GZHAG PA LA LTOS PA DE BZHIN DU, RANG BZHIN GYI SNGON PO'I
DNGOS PO YI NI RANG GI BDAG NYID SNGON PO NYID DU BYA BA LA NYE
BAR GZHAG PA LA MI LTOS TE, DES NA NGO BO NYID KHO NAS GZHAN LA
MI LTOS PA YIN NO, ,DE BZHIN DU MAR ME YANG DE YIN TE, DE'I
PHYIR DE LTAR RANG GI RGYU NGES PAR BYAS PA'I

RNAM PA DES BUM PA LA SOGS PA 'GA' ZHIG NI GZHAN LA LTOS PA YIN
TE, RANG GSAL BA LA MAR ME LA LTOS PA GANG YIN PA'O, ,'GA' ZHIG
NI MI LTOS PA YIN TE, MAR ME'O, ,DES NA DPE GRUB PO ZHE NA, DA
NI 'DI YANG MI 'THAD DO, ,ZHES BRJOD PA NI, SNGO NYID MIN LA
ZHES

BYA BA LA SOGS PA'O, ,KHO BO CAG RANG NYID DNGOS PO MA YIN PAR
GRUB PAR 'GYUR BA NA SNGON PO'I DNGOS PO GZHAN LA LTOS PA DE
NYID DU BDAG NYID KYI DNGOS PO NYID DU BYED DO ZHES NI MI
SMRA'O, ,'O NA CI ZHE NA, DE RANG GI RGYU NYID LAS DE LTAR SNGON
PO NYID SKYES PA'I PHYIR, ,GZHAN LA LTOS PA YIN NO ZHES BRJOD

DO; ,DE BZHIN DU SGRON MA YANG GAL TE RANG GSAL BA'I RANG BZHIN
DU SKYE BA LA RGYU LA MI LTOS NA NI, DE'I TSE RGYU MED PA CAN
NYID DU GYUR PAS, 'DI GZHAN LA LTOS PAR 'GRUB PA, DE LTA NA LTOS
PA MED PA NYID MA YIN NO, ,DE STE BDAG GI DNGOS PO NYID RGYU LA
LTOS KYI GSAL BA NI MA YIN NA DE NI MA YIN

TE; 'DI GSAL BA LAS THA DAD PA MED PA'I PHYIR RO, ,'ON TE GSAL
BA NYID DU SKYES ZIN PA YANG GZHAN LA LTOS PA MA YIN NO ZHE NA,
DE NI MI RIG PA ? TE, SNAM BUR SKYES ZIN BZHIN DU YANG SNAM BU
NYID DU 'GYUR BA GZHAN LA LTOS SO ZHES DE SKAD DU ZER BA SU YOD,
DES NA 'DI NI GYI NA'O, ,

GZHAN YANG MAR ME GSAL BAR BYED DO ZHES GANG BRJOD PA DE NI RE
ZHIG 'DZIN PAR BYED PA SHES PAS SHES TE, BRJOD PAR BYED PA YIN
NA BLO GSAL BAR BYED DO ZHES BRJOD PAS GANG YIN PA DE NI GO GANG
GIS SHES PA YIN ZHES MI SHES SO, ,'DI LTAR DE NI GZUNG BAR BYA
BA MA YIN LA DES 'DZIN PAR

@163B BYED PA YANG MA YIN TE, SHES PAS SHES PA GZHAN 'DZIN PAR
BYED PAS KYANG STONG PA YIN NO ZHES BYA BA LA SOGS PA LUGS YIN
PA'I PHYIR RO ZHES DGONGS PA'O, ,GANG TSE ZHES BYA BA LA SOGS PA
NI MJUG BSDU BA'O, ,MO GSHAM BU YI 'GYING BAG BZHIN, ,ZHES BYA
BA 'DIS CI ZHIG

BSTAN ZHE NA, GZOD MA NAS MA SKYES PAS NA BLO NI GDOD MA NAS ZHI
BA YIN NO ZHES BSTAN PA'O, ,GAL TE ZHES BYA BA LA SOGS PA NI
GZHAN GYI STE, MYONG BA LA DRAN PA SKYES PA'I PHYIR ZHES BYA
BA'I LUGS YIN PA'I PHYIR RO ZHE NA, 'DI LA BRJOD PA NI, GZHAN
MYONG BA NA ZHES BYA BA LA SOGS PA'O, ,

SNGAR NYAMS SU MYONG BA'I DON GYI RNAM PA CAN GYIS SHES PA DANG
'BREL PAS DON GYI RNAM PA CAN GYI RNAM PAR SHES PA PHYI MA PHYI
MA KHYAD PAR GYI RIM PA THA DAD PA CAN GZHAN DANG GZHAN SKYE BA
YIN TE, GANG GIS RANG RIG PA MED KYANG RTOGS PA TZAM NUS PA SNA
TSOGS DANG LDAN PA'I PHYIR, DE JI LTAR NYAMS

SU MYONG BA KHO NA LTAR DRAN PA SKYE BA ZHES BYA BA 'DI LA 'GAL
BA CI YOD, CI STE DE LTAR MTHONG BA YOD DAM ZHE NA, BYI BA'I DUG
BZHIN NO ZHES GSUNGS TE, DPER NA BYI BA'I DUG DUS GCIG GI TSE
'GA' ZHIG TU ZHUGS KYANG DUS BZHIN DU NUS PA SAD LA, DE LA RANG
RIG PA NI CUNG ZAD KYANG MED PA BZHIN NO, ,

RKYEN GZHAN DAG DANG LDAN PA'I PHYIR, ,ZHES BYA BA LA SOGS PA
SMOS TE GZHAN GYI'O, ,'DI SNYAM DU LTAS MKHAS PA LA SOGS PAS
KYANG GZHAN GYI SEMS SHES PA YIN TE, DES NA GZHAN GYI SEMS SHES
PAR RIG PA LA SOGS PA'I LHAN CIG BYED PA'I RKYEN GZHAN DANG LDAN
PA DE GZHAN GYI SEMS SHES PA SKYE BA

MTHONG BA'I PHYIR, RANG NYID CES BYA BA RANG RIG PA RAB TU GSAL
LO ZHES SMRA'O ZHE NA GRUB PA'I MTHA' GSUNGS PA NI, GRUB PA'I
MIG SMAN ZHES BYA BA LA SOGS PA'O, ,GAL TE GZHAN GSAL BA'I SGO
NAS RANG RAB TU GSAL BA YIN PA DE'I TSE GRUB PA'I MIG SMAN SBYOR
BA LAS TE, GRUB PA'I MIG SMAN RJES SU

SBYAR BA LAS BUM PA DMIGS PA'I PHYIR NA MIG SMAN YANG BUM PAR
'GYUR TE, DE'I STOBS KYIS DE LTA BU NYID DU RTOGS PA'I PHYIR NA,
DE LTAR HA CANG THAL BA YIN NO, ,'DIR BSAMS PA NI 'DI YIN TE,
GAL TE YUL GSAL BA'I STOBS KYIS DE'I CHOS SHES BA LA SBYOR NA
DE'I TSE MIG SMAN GANG ZHIG GTER GYI BUM PA

@164A *, ,GSAL BAR BYED PA DMIGS PA DER YANG YUL BUM PA NYID
GANG YIN PA DE MIG SMAN LA YANG SBYOR BAR 'GYUR TE, DES NA MIG
SMAN YANG BUM PAR 'GYUR TE, BUM PA'I THA SNYAD LA BRTEN PAR
'GYUR RO, ,GZHAN YANG MI SLU BAR LHAG PAR ZHEN PA'I STOBS KYIS
ME LONG GIS BZHIN RIG

PA LTAR 'KHRUL PA'I THA DAD DU 'GYUR BAS 'DI NI GYI NA'O, ,GAL
TE DE LTAR NA YANG SHES PA RIG PA MED NA DE JI LTAR MTHONG NGO
'DI THOS SO 'DI SHES SO ZHES BYA BA'I THA SNYAD DU 'GYUR RO ZHE
NA, JI LTAR ZHES BYA BA LA SOGS PA GSUNGS SO, ,MTHONG BA LA SOGS
PA'I THA SNYAD DAG 'JIG RTEN 'DIR DGAG PAR BYA BA

MA YIN PA DE KHO NA'O, ,'ON KYANG 'DIR NI 'KHOR BA'I SDUG BSNGAL
MA LUS PA'I RGYUR 'GYUR BA'I DNGOS POR KUN RTOG PA NI GDON CHEN
POS BDEN PA NYID DU SGRO BTAGS PA BYAS PA GANG YIN PA DE DGAG
PAR BYA BA YIN PAS SKYON MED DO, ,GZHAN YANG KHYOD KYIS JI SKAD
DU, GAL TE 'KHRUL PA YANG MED NA, ,

ZHES BYA BA LA SOGS PA BRJOD PA DE LA YANG BRJOD PAR BYA STE,
GANG GI TSE KHYOD KYIS RNAM PAR SHES PA LAS THA DAD PAR SGYU MA
LA SOGS PA MED PA'I PHYIR, RNAM PAR SHES PA LA SGYU MA LA SOGS
PA'I THA DAD YOD PA MA YIN LA, THA MI DAD PA YANG YOD PA MA YIN
NO ZHES BRJOD PA DE'I TSE NI RTZOD PA'I

GO SKABS NYID KYANG MED DO, ,'ON TE GZHAN GYIS KHAS BLANGS PA LA
LTOS NAS RTZOD PA 'DIR 'GYUR RO ZHE NA MA YIN TE, CHOS THAMS CAD
NGO BO NYID MED PA NYID KYANG KHAS BLANG BAR BYA BAR 'GYUR BA
DES NA PHYOGS 'DI YANG YANG DAG PA NYID MA YIN NO, ,'ON TE SGYU
MA DNGOS PO NYID YIN NA DE'I

TSE SGYU MA DE DNGOS NA JI LTAR SEMS LAS GZHAN MIN TE, GZHAN MIN
PA KHO NA'O, ,'ON TE GZHAN MIN ZHE NA STE, SGYU MA SEMS LAS THA
DAD PA MA YIN NO ZHE NA, YANG DE'I TSE DE GNYIS GCIG YIN PAS
SEMS DNGOS PO MED PAR 'GYUR RO, ,DES NA DNGOS POR GNAS PAR SGYU
MA YANG MED PAS NA 'DI

MUN KHUNG GI GAR NYID DU 'GYUR RO, ,'ON TE DE KHO NAR GZUNG BA'I
RNAM PAR MI BDEN PA YOD PA MA YIN YANG 'JIG RTEN GYIS SGYU MA
YANG MTHONG BA YIN NO ZHES RTOG NA, DE'I TSE 'DZIN PAR BYED PA'I
SEMS KYANG MED PA NYID DU BRTAG PAR BYA BA'I PHYIR MTSUNGS PAR
THAL BAR 'GYUR RO, ,GAL TE 'KHOR BA DNGOS

@164B RTEN CAN ZHES BYA BA NI 'DI SNYAM DU 'KHOR BA NI SEMS LA
BRTEN NAS 'JUG PA DES NA SEMS YOD PA YIN NO, ,DES NA 'DI LA SEMS
KYI MTSAN NYID KYI RTEN TE, GZHI YOD PAS NA DNGOS PO RTEN CAN
ZHES TSIG RNAM PAR SBYAR RO, ,DE NI GZHAN DU ZHES BYA BA LA SOGS
PA NI GRUB PA'I MTHA' GSUNG BA YIN NO, ,

'DIR BSAM PA NI 'DI YIN TE, GAL TE SEMS KHO NAR YOD PA YIN NO,
,DE LTAR 'KHOR BA'I RTEN DU GYUR PA ZHIG NA, GANG GI TSE SEMS
NYID MED PAS 'KHOR BA RTEN MED PA KHO NAR 'GYUR BAS NAM MKHA'
BZHIN DU DE YANG MED PA'I PHYIR NA RTEN DANG BRTEN PA YOD PA MA
YIN PAR BYAS PA YIN NO, ,

GAL TE DE LTAR DNGOS PO BDAG NYID KYI 'KHOR BA MED MOD 'DI LA
NYES PA CI YOD SNYAM NA, DNGOS MED DNGOS LA BRTEN PAS NA, ,ZHES
GSUNGS TE, GANG LA NGO BO YOD PA MA YIN PA'I 'KHOR BA DNGOS PO
MED PA GANG YIN PA DE SEMS KYI DNGOS PO LA BRTEN PAS NA DON BYED
PA DANG LDAN PAR JI LTAR

DE GA LA 'GYUR, DE LTAR 'GYUR NA YANG, KHYOD KYI SEMS NI GROGS
MED PAR, ,ZHES BYA BA 'KHOR BA YAN LAG DANG BCAS PA'I GROGS PO
DANG BRAL BA SRID PA DANG MI LDAN PA SEMS 'DI GCIG PU ZHIG NYID
DU 'DUG PAR 'GYUR BA YIN NO, ,DE LTAR YIN NA 'DIR RNAM PA THAMS
CAD DU

THAMS CAD KYI TSE THAMS CAD GZUNG BA DANG 'DZIN PA MTHA' DAG
DANG BRAL BA'I SEMS 'BA' ZHIG TU GNAS PAR 'GYUR BAS NA SEMS CAN
MTHA' DAG THOG MA MED PA NAS SANGS RGYAS NYID THOB PA DES NA DA
LTAR NYID NAS GROL BA GANG GIS BZLOG  ,DON DAM PA NI DE KHO NA
LTAR YIN NO ZHE NA, DE LTA NA

YANG ZHES BYA BA LA SOGS PA GSUNGS SO, ,DA LTAR NYID GZUNG BA
DANG 'DZIN PA'I RNAM PA DANG BRAL BA'I SEMS YOD PA YIN PAS YANG
KUN NAS LDANG BA'I NYON MONGS PA MA LUS PA DANG LDAN PA'I PHYIR
NA YON TAN LHAG PA CI ZHIG YOD DE DES NA SEMS KUN TU RTOG PA'I
NGAL BA 'BA' ZHIG 'BRAS BUR

'GYUR RO, ,YANG GZHAN GYI SGYU MA ZHES BYA BA LA SOGS PA'O,
,CHOS THAMS CAD SGYU MA LTAR SHES NAS YANG JI LTAR NYON MONGS PA
LDOG PAR 'GYUR TE, 'DI LTAR GANG GI TSE SGYU MA BYED PA RANG
NYID KYIS SMAN DANG SNGAGS LA SOGS PA RNAMS KYIS SGYU MA'I BUD
MED SPRUL PA DE'I TSE DE BYED PA NYID KYANG DE LA

@165A *, ,CHAGS PA SKYE BA DES NA KHYED LA YANG 'KHOR BA JI LTAR
LDOG CE NA, 'DI LA BRJOD PA NI, DE BYED PA NI ZHES BYA BA LA
SOGS PA YIN NO, ,DE BYED PA NI SGYU MA'I BUD MED BYED PA'O,
,GANG GI PHYIR DA DUNG DU YANG SHES BYA'I DKYIL 'KHOR LA DMIGS
PA CAN 'DOD CHAGS LA SOGS PA

KUN NAS NYON MONGS PA'I BAG CHAGS MA SPANGS PA DES NA DE'I
MTHONG DUS NA ZHES BYA BA BUD MED KYI LUS LA SOGS PA'I SHES BYA
NYAMS SU MYONG BA'I DUS NA STONG PA NYID KYI BAG CHAGS NYAM
CHUNG BA'I PHYIR NA 'DOD CHAGS LA SOGS PA 'BYUNG BA YIN NO,
,YANG GANG GI TSE STONG PA NYID GOMS PA'I STOBS KYIS

DE BAG CHAGS BSKYED PA DE'I TSE NI DNGOS PO'I BAG CHAGS SPONG
BAR 'GYUR LA, GANG GI TSE NA GOMS PA GSAL BAR GYUR PA CI YANG
MED DO ZHES GOMS PA DE'I TSE NI STONG PA NYID DE'I BAG CHAGS
KYANG SPANG BAR 'GYUR TE, CHOS KYI RNAM GRANGS NI GZINGS LTA BU
YIN PA'I PHYIR RO, ,DE SKAD DU, RTOG PA

THAMS CAD SPANGS PA'I PHYIR, ,ZHES BYA BA LA SOGS PA GSUNGS PA
YIN NO, ,GAL TE DE LTAR MED DO ZHES BYA BA'I GOMS PAR BYAS PA'I
DNGOS PO MED PA DE NYID DON DAM PAR 'GYUR RO ZHE NA GANG GI TSE
GANG ZHIG CES BYA BA LA SOGS PA GSUNGS TE, GANG GI TSE KHYOD KYI
DNGOS PO GANG ZHIG MED DO ZHES

BRTAG PAR BYA BA DE GAL TE KHO NA MI DMIGS PA DE'I TSE DNGOS PO
MED PA RTEN DANG BRAL BA RNAM PAR DPYOD PA'I BLO'I MDUN DU JI
LTAR GNAS PAR 'GYUR, DE SKAD DU YANG, DNGOS PO GZHAN DU GYUR PA
NI, ,DNGOS PO MED CES SKYE BO SMRA, ,ZHES GSUNGS SO, ,DES NA
GANG TSE DNGOS DANG ZHES BYA BA LA

SOGS PA NI MJUG BSDU BA'O, ,DMIGS PA MED PA ZHES BYA BA NI GDOD
MA NAS MA SKYES PA'I PHYIR RO, ,DE SKAD DU, 'GRO BA'I CHOS KUN
RNAM SHES KYI, ,ME YI BUD SHING YIN PAR 'DOD, ,DE DAG JI BZHIN
RNAM 'BYED PA'I, ,ME YIS BSREGS NAS NYER ZHIR 'GYUR, ,ZHES

GSUNGS SO, ,DE BZHIN GSHEGS PA YANG GDOD MA NAS ZHI PA MA YIN
NAM, DE JI LTAR SKYE BA DANG BYANG CHUB LA SOGS PA'I BYA BA
MDZAD SNYAM NA, YID BZHIN GYI NOR BU ZHES BYA BA LA SOGS PA
GSUNGS SO, ,RNAM PAR RTOG PA MI MNGA' YANG GDUL BYA'I SKYE BO
RNAMS KYI BSOD NAMS KYI DBANG DANG,

@165B RANG GI SMON LAM GYI STOBS LHUN GYIS GRUB PAR 'GYUR BA YIN
NO, ,DE ZHES BYA BA NI MCHOD SDONG SGRUB MKHAN NO, ,TSOGS YONGS
SU RDZOGS PA'I DON DU BYANG CHUB KYI CHED DU SPYOD PA SBYIN PA
LA SOGS PA STE, STONG PA NYID DANG SNYING RJE GOMS PA'I 'BRAS BU
RNAM PAR RTOG PA MTHA' DAG

'GAGS PA DANG, BAG CHAGS KYI MTSAMS SBYOR BA CAN GYI BYANG CHUB
SEMS DPA' LA YOD PA'I BSAM PA KHYAD PAR NYI MA LTAR SKYE DGU
SMIN PAR BYED PA'I BYANG CHUB KYI BSAM PA GANG YIN PA DE DANG
RJES SU MTHUN PAS DE'I CHOS THAMS CAD SKYE BA MED PA LA BRTEN PA
CAN RNAM PAR RTOG PA MA LUS PA

'GAG PA DANG RJES SU MTHUN PAS ZHES BYA BA'I DON TO, ,'DIS NI
NYAN THOS DANG RANG SANGS RGYAS LAS KHYAD PAR DU 'PHAGS PA BRJOD
PA YIN NO, ,'DI GZHAN GYI SEMS MED PA ZHES BYA BA LA SOGS PA
SMOS TE, RGYAL BA NYID MCHOD SDONG DANG 'DRA BAS RGYAL BA'I
MCHOD SDONG NGO, ,SLOB DPON

'DI YI THUGS DGONGS NI, MTHU BSAM GYIS MI KHYAB PA DANG LDAN
PA'I PHYIR NA SEMS DANG SEMS LAS BYUNG BA'I RGYU MTHA' DAG MI
MNGA' YANG, SKU BYIN GYIS BRLABS PAS CHOS KYI 'KHOR LO BSKOR BA
LA SOGS PA MDZAD PA YIN NO ZHES BYA BA YIN NO, ,'DIR GZHAN GYI
SEMS MED PA ZHES BYA

BA LA SOGS PA SMRAS TE, SBYIN PA LA SOGS PA NI YID SNGON DU 'GRO
BA CAN YIN PA'I PHYIR RO ZHE NA, GRUB PA'I MTHA' GANG GI PHYIR
ZHES BYA BA LA SOGS PA'O, ,GANG GI PHYIR MCHOD PA GNYIS 'BRAS BU
DANG LDAN PAR MTSUNGS PAR LUNG LAS GSUNGS PA'I PHYIR RO, ,'DIS
NI LUNG TSAD MA NYID DU

BSTAN PA YIN NO, ,GAL TE SANGS RGYAS NYID DANG SBYIN PA LA SOGS
PA'I 'BRAS BU LUNG GI DBANG LAS YIN NA, DE'I TSE KUN RDZOB TU
'AM DON DAM PAR YIN YANG SLA STE, KHYAD PAR CI YOD CES STON PA
NI, KUN RDZOB BAM NI ZHES BYA BA LA SOGS PA'O, ,'DI LA GTAN
TSIGS GZHAN YANG BSAGS PA'I

DON DU DPER NA ZHES BYA BA LA SOGS PA GSUNGS SO, ,JI LTAR ZHES
BYA BA NI CI LTA BA BZHIN DU'O, ,DA NI BYE BRAG TU SMRA BA DAG
GIS BDEN PA MTHONG BAS ZHES BYA BA LA SOGS PA SMRAS SO, ,GAL TE
SANGS RGYAS PA NYID NI DE'I TSE 'PHAGS PA'I BDEN PA BZHI MTHONG
BAS YIN GYI, STONG PA NYID KYIS NI MA YIN

@166A *, ,PA MA YIN NAM ZHE NA, LAN DU GANG GI PHYIR ZHES BYA BA
LA SOGS PA GSUNGS SO, ,LAM 'DI NI ZHES BYA BA NI STONG PA NYID
MTHONG BA'O, ,GAL TE ZHES BYA BA NI GZHAN GYI'O, ,LAN NI KHYOD
KYIS ZHES BYA BA'O, ,GANG GI PHYIR ZHES BYA BA NI GZHAN GYI'O,
,GNYI GA LA ZHES

BYA BA RGOL BA DANG PHYIR RGOL BA GNYI GA LA GRUB PA'O, ,DANG PO
KHYOD LA 'DI MA GRUB, ,CES BYA BA NI KHAS MA BLANGS PA'I SNGON
ROL DU MA GRUB PA STE, DBU MA PA'I DGAG PA'O, ,DES NGED KYI LUNG
NI BLA MA BRGYUD PA LAS 'ONGS PA YIN NO SNYAM NA, RKYEN GANG GIS
NI ZHES GSUNGS SO, ,GANG

LA BLA MA BRGYUD PA LAS BYUNG BA'I RKYEN YOD PA'O, ,DE NI KHYED
KYI LUNG LA'O, ,YID CHES PA NI RE BA 'CHA' BA'O, ,DE NI ZHES BYA
BA NI YID CHES PA'O, ,'ON TE NGED KYI LUNG NI KHYED DANG NGA MA
GTOGS PA'I RGOL BA GZHAN DANG PHYIR RGOL BA GZHAN GNYIS 'DOD PAS
BDEN PA YIN NO ZHE NA, DE'I TSE

THUG PA MED DO ZHES GSUNGS PA NI, GZHAN GNYIS ZHES BYA BA LA
SOGS PA GSUNGS PA YIN NO, ,THEG CHEN ZHES BYA BAS GZHAN GYI'O,
,LUNG LA ZHES BYA BA LA SOGS PA NI LAN TE, KHYOD KYI LUNG LA MU
STEGS PA'I SKYE BO RNAMS DANG LHAN CIG RTZOD PA DANG BCAS PA'I
PHYIR RANG GI LUNG YANG DOR BYAR

'GYUR LA, DE BZHIN DU LUNG GZHAN LA YANG ZHES BYA BA BCOM LDAN
'DAS KYIS LUNG GI KHYAD PAR THAMS CAD LA YANG ZHES BYA BA RANG
GI SDE PA RNAMS DANG PHAN TSUN NAM, GZHAN DANG ZHES BYA BA GZHAN
GYI SDE PA RNAMS LA RTZOD PA DANG BCAS PA ZHES BYA BA RTZOD PA
YOD PAS NA DOR BYAR 'GYUR, GZHAN YANG

BKA'I RANG BZHIN BSTAN PA'I RTZA BA DGE SLONG YIN PAR 'DOD DO
ZHES GRAGS PA YIN NA, GZHAN YANG RTZOD PA YOD PAS DGE SLONG NYID
KYANG DKA' BAR GNAS PA'I PHYIR DOR BYAR 'GYUR RO, ,GZHAN YANG
SEMS NI DMIGS PA DANG BCAS PA RNAMS KYI BDEN PA BZHI BSGOMS PAS
DGE SLONG NYID

KYANG DKA' BAR GNAS LA MYA NGAN LAS 'DAS TE, SANGS RGYAS NYID
KYANG DKA' BAR GNAS SO, ,'DI LTAR DGE SLONG NI NYON MONGS PA
BCOM PA YIN LA, NYON MONGS PA RNAMS SPONG YANG STONG PA NYID
BSGOMS PA YIN PA'I PHYIR SNYAM DU DGONGS PA'O, ,NYON MONGS PA
SPANG PA YANG ZHES BYA BA NI

@166B GZHAN GYI'O, ,DE'I DE MA THAG TU ZHES BYA BA LA SOGS PA NI
LAN TE, BDEN PA MTHONG BA'I DE MA THAG TU ZHES BYA BA'I DON TO,
,'ON TE 'PHAGS PA MOOD GAL GYI BU CHEN PO LA SOGS PA RNAMS BDEN
PA BSGOMS PAS NYON MONGS PA BRAL BA'I PHYIR GROL BA YIN NO ZHE
NA, NYON MONGS PA MED KYANG

ZHES BYA BA LA SOGS PA GSUNGS SO, ,NYON MONGS PA MED PA YIN YANG
'PHAGS PA RNAMS KYI LUS KYI TSOR BA LA SOGS PA'I LAS NYAMS SU
MYONG BA MTHONG BA'I PHYIR DE DAG GRO LA BAR JI LTAR 'GYUR, NYON
MONGS MED CES BYA BA NI, ,NYON MONGS PA CAN MA YIN BZHIN DU YANG
NGO, ,DE DAG

LA ZHES BYA BA NI 'PHAGS PA RNAMS LA'O, ,'DI SNYAM DU SKYE BA'I
RGYU NI SRED PA YIN LA, DE DAG LA NI DE MED DO ZHES DOGS NA,
GRUB PA'I MTHA' SRED 'DI ZHES GSUNGS SO, ,KUN RMONGS BZHIN DU
ZHES PA NI DPER NA NYON MONGS PA CAN MA YIN PA'I MA RIG PA YOD
PA DE BZHIN DU DE DAG LA

NYON MONGS PA CAN MA YIN PA'I SRED PA YANG CI STE MED, TSOR BA'I
RKYEN GYIS ZHES BYA BA LA SOGS PAS NI 'DI NYID LA GTAN TSIGS
GZHAN BRJOD PA'O, ,DE'I PHYIR THAR PA GA LA YOD CES DGONGS PA'O,
,DE'I PHYIR GAL TE BDEN PA BSGOMS PAS YONGS SU ZIN PA'I SEMS
DMIGS PA DANG BCAS

PA YIN NA DE'I TSE SEMS DE BSGOM PAR BYA BA'I DON GANG YANG RUNG
BA 'GA' ZHIG LA GNAS PAR 'GYUR ZHES BYA BA CHAGS PAR 'GYUR BA'I
PHYIR CHAGS PA DANG BRAL BA'I BSGOM PA SRID PA MA YIN NO, ,GZHAN
YANG NYON MONGS PA'I ZHAGS PA DANG BRAL BAS YANG DAG PAR BSDAMS
SHING 'GAG PA'I

SEMS KYANG STONG PA NYID BSGOM PA DANG 'DRA NA 'KHOR BAR SLAR
YANG SKYE BAR 'GYUR TE, DMIGS PA'I ZHAGS PAS BCINGS PA'I PHYIR
TE, DPER NA DE LTA BU 'DU SHES MED PA'I SNYOMS PAR 'JUG PA LA
SNYOMS PAR ZHUGS PA SLAR SKYE BA BZHIN NO, ,DES NA THAR PA MED
DO, ,NGAG GANG ZHES BYA BA

LA SOGS PA NI GZHAN GYI'O, ,NGED KYI LUNG KHO NA MDO SDE LA 'JUG
GYI, ,THEG PA CHEN PO NI MA YIN NO ZHES BSAMS PA'O, ,THEG CHEN
PHA ROL ZHES BYA BA NI LAN TE, 'DI MANG POS CI ZHIG BYA STE,
THEG PA CHEN PO YANG PHAL CHER KHYED KYI MDO SDE DANG MTSUNGS PA
DMIGS TE, 'DI STONG PA

@167A *, ,NYID BRJOD PA'I TSIG MTHONG BA'I PHYIR RO, ,PHAL CHER
SMOS PAS NI DE NYID DU ZHES STON PAR ? BYED DO, ,'ON TE STONG PA
NYID STON PA'I TSIG DANG BRAL BA NGED KYI MDO SDE GANG YANG RUNG
BA 'GA' ZHIG DANG MI MTSUNGS PA'I PHYIR THEG PA CHEN PO 'DI LA
NYES PA CHAGS PA YIN NO, ,BRJOD

PA NI GAL TE ZHES BYA BA LA SOGS PA'O, ,MA GTOGS GCIG GIS NI
ZHES BYA BAS NI STONG PA NYID STON PA MA YIN PA'I MDO SDE STE,
DE DANG MI MTSUNGS PAS ZHES BYA BA NI LHAG MA'O, ,GRUB PA'I MDO
MTSUNGS GCIG GIS ZHES GSUNGS TE, STONG PA NYID RJOD PAR BYED
PA'I KHYOD KYIS MDO

GANG YANG RUNG BA DANG STONG PA NYID BRJOD PA MED PA NYID DU
MTSUNGS PA GCIG GIS NA ZHES BYA BA'I DON TO, ,'ON TE 'PHAGS PA
'OD SRUNGS CHEN PO LA SOGS PA RNAMS KYIS STONG PA NYID BCOM LDAN
'DAS KYIS GSUNGS SU ZIN KYANG BSKAL PA GRANGS MED PAR MI RTOGS
PAR 'DI NI DON DAM PA MA

YIN PA NYID KYIS KHO BOS KYANG MA RTOGS PAR ZAD DO SNYAM NA,
NGAG GANG ZHES BYA BA LA SOGS PA STE, DE DAG NI SKAL BA DANG MI
LDAN PA'I PHYIR RO, ,SU ZHIG BYED CES BYA BA NI, SU YANG MI BYED
DO ZHES BYA BA'I DON TO, ,DA NI SU'I GNAS SKABS SU YANG STONG PA
NYID KYI 'BRAS BU GSUNGS PA

DE; RMONGS PAS ZHES BYA BA LA SOGS PA'O, ,STONG PA NYID MTHONG
BA'I 'BRAS BU GZHAN 'DI NI BYANG CHUB SEMS DPA'I GNAS SKABS SU
MTHONG STE, 'DI LTAR MCHOG TU THUGS RJE'I ROS BRLAN TE, SDUG
BSNGAL CAN GYI SKYE BO MTHA' DAG PA'I SDUG BSNGAL BAR 'GYUR BA'I
BYANG CHUB SEMS DPA'

DE; DE DAG GI DON NYID DU 'KHOR BA JI SRID PAR RTAG PA DANG CHAD
PA'I MTHA' GNYIS LAS RNAM PAR GROL BA'I SEMS DANG LDAN PAS
BZHUGS PAS ZHES BYA BAS DE LTA BU'I 'BRAS BU 'DI NI STONG PA
NYID RTOGS PAS 'GRUB KYI GZHAN DU NI MA YIN NO ZHES BYA BA'I
BSDUS PA'I DON TO, ,YAN

LAG GI DON BRJOD PAR BYA STE, RMONGS PA STE RMONGS PA'I DBANG
GIS SDUG BSNGAL BA DANG LDAN PA RNAMS KYI DON DU CHAGS PA STE,
RTAG PA'I MTHA' 'DZIN PAS ZHEN PA DANG, CHAD PA'I MTHA' 'DZIN
PAS CHOS THAMS CAD NGO BO NYID MED PAS SKAL BA DANG MI LDAN PAS
'JIG PA'O, ,CHAGS PA

@167B DANG 'JIG PA DE DAG NYID NI MTHA' YIN LA, DE DAG LAS GROL
BA NI MTHA' GNYIS LA CHAGS PA DANG BRAL BA'I PHYIR RO, ,DE LTAR
ZHES BYA BA LA SOGS PA NI MJUG SDUD PA'O, ,NYON MONGS SHES BYA'I
SGRIB PA YI, ,MUN PA'I GNYEN PO ZHES BYA BA LA SOGS PAS NA
RDZOGS PA'I BYANG CHUB

KYI THUN MONG PA MA YIN PA'I RGYU STON PA'O, ,'ON TE 'DI LAS
SDUG BSNGAL BA SKYE'O SNYAM NA, DE NI MI RIGS SO ZHES GSUNGS PA
NI, DNGOS GANG ZHES BYA BA LA SOGS PA'O, ,'DI NI SDUG BSNGAL
SKYED PAR BYED PA MA YIN ZHES, 'ON KYANG SDUG BSNGAL GYI PHUNG
PO ZHI BAR BYED PA

YIN NO; ,DA NI MU STEGS PA LA GRUB PA'I BDAG DGAG PA'I PHYIR,
GAL TE ZHES BYA BA LA SOGS PA GSUNGS SO, ,'DI LTAR, SO DANG SKRA
SEN BDAG MA YIN, ,ZHES BYA BA LA SOGS PAS DE RNAM PAR DPYAD
PA'O, ,CHU SER NI ZA BA PHRUGS PA LAS BYUNG BA'I KHU BA RUL

BA'O; ,ZHAG NI NANG NA GNAS PA'I KHU BA RUL BA'O, ,DA NI, GAL TE
SGRA YI SHES RTAG NA, ,ZHES BYA BA LA SOGS PAS GRANGS CAN LA RAB
TU GRAGS PA'I BDAG 'GOG PA LA GSUNGS PA'O, ,DE NI 'DI SKAD STON
PAS SGRA DANG GZUGS LA SOGS PA'I YUL LNGA PO BLO'I ME LONG LAS
THOS

PA'I PHYIR NA BDAG GIS MYONG BAR BYED DO ZHES ZER RO, ,BLOS ZHEN
PAR BYA BA'I DON NI SKYES BUS SEMS PA BYED DO ZHES BYA BAR LUGS
YIN PA'I PHYIR RO, ,DES NA BDAG NI RTAG TU SGRA'I SHES PA LA
SOGS PA'I RANG BZHIN CAN YIN NO ZHES BYA BAR 'DOD DO, ,'DI SLOB
DPON GYIS GAL TE

ZHES BYA BA LA SOGS PA GSUNGS PA YIN NO, ,RTAG PA NYID KYIS NAM
YANG BYA BA BYED PA DANG LDAN PAR MI 'GYUR RO ZHES DGONGS PA'O,
,'ON TE SGRA NYE BA MED PA'I PHYIR DE SEMS CAN THAMS CAD KYI TSE
'DI LTAR MI 'GYUR RO SNYAM NA, SHES BYA MED NA ZHES BYA BA LA
SOGS PA'O, ,SGRA

MED NA 'DI MED PA DES NA GANG GI SHES PA ZHES BYA BAR BRJOD PA
SGRA LA SOGS PA'I SHES BYA MED NA 'DIS CI ZHIG SHES PAR BYED PA
YIN, GAL TE SHES MED SHES YIN NA, ,ZHES BYA BA LA SOGS PAS NI
'DI NYID GZHUNG 'DZUGS PA'O, ,SHES BYA NYE BAR GNAS PA MED PAR
ZHES BYA BA NI,

@168A *, ,GANG LA SHES BYA NYE BAR GNAS PA YOD PA MA YIN PA'O,
,'ON TE BDAG 'DI'I YUL 'DZIN PA'I RANG BZHIN YIN PA'I PHYIR NA
SGRA NYE BA MED KYANG DE'I TSE NYE BAR GNAS PA'I GZUGS LA SOGS
PA GANG YIN PA DE NYID SHES PAR BYED PA YIN GYI SGRA NI MA YIN
TE, GANG GI

PHYIR SEMS PA'I RANG GI NGO BO NI RTOGS PA YIN NO ZHES BYA BA
LUGS YIN PA'I PHYIR RO DES NA NYES PA 'DI MED DO ZHE NA, DE NI
MA YIN NO, ,DE TSE ZHES BYA BA LA SOGS PA GSUNGS TE, GAL TE 'DI
YUL 'DZIN PA'I RANG BZHIN MIN PA'I PHYIR SHES PA DE NYID KYI
GZUGS 'DZIN PA YIN NA DE'I TSE DE NYID KYI

DUS NA SGRA THOS PA YANG CI STE MED, DES NA MTSUNGS PAR 'DZIN PA
KHO NAR THAL LO, ,GAL TE ZHES BYA BA NI GZHAN GYI'O, ,DE NAS
ZHES BYA BA NI LAN NO, ,DE'I PHYIR BDAG LA SGRA YONGS SU GCOD
PA'I SHES PA DE YANG MED PAS NA DE YANG BDAG YIN PAR MA GRUB
PA'O, ,DES NA GCIG PA DANG

RTAG PA'I YUL GYI TSOGS MA LUS PAR 'DZIN PA'I RANG BZHIN DU 'DOD
PAR BYA BA YIN LA, DE LTA NA YANG, SGRA 'DZIN RANG BZHIN GANG
YIN PA, ,DE GZUGS 'DZIN PAR RANG BZHIN DU, ,JI LTAR 'GYUR ZHES
BYA BAR 'GYUR BA 'GAL BA YIN NO, ,'ON TE YANG LTOS PA'I DBANG
GIS SROG

CHAGS GCIG KHO NA LA PHA DANG BU YANG 'DOD PA DE BZHIN DU SHES
PA 'DI YANG RNAM GRANGS KYI SGRAS 'DZIN PA'I RANG BZHIN YANG YIN
LA GZUGS 'DZIN PA'I RANG BZHIN YANG YIN MOD CE NA, GCIG NI ZHES
GSUNGS SO, ,BRTAGS YIN ZHES BYA BA'I THA SNYAD 'DI BRTAGS PA LAS
'GYUR BA KHO NA'O

ZHES BYA'O, ,GZHAN YANG 'GRO BA NI SNYING STOBS DANG RDUL DANG
MUN PA YIN NO ZHES YON TAN GSUM GYI RANG BZHIN DU 'DOD DE, DES
NA 'GRO BA YON TAN GSUM GYI BDAG NYID CAN YIN PAS NA PHA 'AM BU
ZHES BYA BA THA DAD PAR YANG JI LTAR 'GYUR TE RNAM PAR 'GYUR BA
THA DAD NA YOD DU CHUG KYANG DE NI SNGA

PHYI KHYAD PAR MED PAR RTAG PA 'BA' ZHIG YIN PAR ZAD DO, ,DE'I
PHYIR 'DI LTAR ZHES GSUNGS SO, ,DE'I PHYIR DE NI ZHES BYA BA LA
SOGS PA NI MJUG BSDU BA'O, ,GAL TE 'DI GAR MKHAN BZHIN DU RANG
BZHIN DU MA CAN YIN PA'I YUL YONGS SU GCOD DO ZHE NA, DE NI SGRA
'DZIN ZHES BYA BA LA

@168B SOGS PA GSUNGS SO, ,BDAG CES BRJOD PA'I SHES PA DE NYID
KYIS TSUL GZHAN DANG GZHAN GYI SGO NAS GZUGS LA SOGS PA 'DZIN
PAR 'DOD NA, DE YANG MI RIGS TE 'DI LTAR 'O NA NI BDAG DE GAR
MKHAN BZHIN DU DU MAR GYUR PA'I PHYIR MI RTAG PAR 'GYUR RO, ,GAL
TE

TSUL GZHAN DE NYID NA ZHES BYA BA NI GZHAN GYI'O, ,GCIG NYID DE
NI SNGON MED CIG CES BYA BA NI GRUB PA'I MTHA' STE, GAL TE DE
GNYIS GCIG YIN NA DE'I TSE JI LTAR RANG BZHIN GZHAN YIN TE 'DI
NI 'GAL BA'I CHOS GNAS PA YIN NO, ,GAL TE ZHES BYA BA NI GZHAN
GYI'O, ,'DI LTAR GZUGS

LA SOGS PA 'DZIN PAR BYED PA RANG BZHIN GZHAN ZHES BYA BA GANG
YIN PA DE NI 'DI'I KHYAD PAR LHAG MA MA YIN PA'I PHYIR BDEN PA
MA YIN TE, BRDZUN PA YIN LA 'DI'I RANG BZHIN NI DE KHO NA NYIN
PA DES NA BDAG GCIG PUR 'GYUR BAS MI 'GAL LO ZHE NA, GRUB PA'I
MTHA' GSUNGS PA NI 'O NA 'DI'I

RANG BZHIN CI YIN TE, GAL TE KHYOD DE YOD PAR SMRA BA YIN NA DE
SMROS SHIG ,GZHAN GYIS BRJOD PA 'DI LA SMRAR CI YOD, DE SHES PA
TZAM DU ZAD DO ZHE NA, DE LTAR NA ZHES BYA BA NI LAN 'DEBS PA'O,
,RANG NYID NI SHES PA'I RANG BZHIN TZAM DU THAMS CAD LA KHYAD
PAR MED PA'I PHYIR SKYES BU KUN GCIG

TU THAL LO, ,GZHAN YANG SEMS DANG SEMS MED PA SKYES BU DANG RANG
BZHIN DE DAG KYANG GCIG TU THAL BAR 'GYUR TE, GANG GI PHYIR DE
DAG KYANG YOD NYID CES BYA BA DNGOS PO TZAM NYID DU MTSUNGS TE,
KHYAD PAR MED PA'I PHYIR RO, ,GZHAN YANG GANG GI TSE BYE BRAG
CES BYA BA GZUGS LA

SOGS PA 'DZIN PA 'DI'I KHYAD PAR GANG YIN PA STE, GAL TE MI BDEN
PAS PHYIN CI LOG TU BRJOD NA DE'I TSE 'DRA BA'I LHA RTEN NYID
MED PAR 'GYUR TE, BA LANG DANG BA MED DAG GI 'DRA BA NYID BZHIN
DU KHYAD PAR GZUNG BA MED NA MED PA'I PHYIR RO, ,KHRA BO DANG
SER SKYA DAG KYANG KHAD

PAR DANG LDAN PA NI MA YIN TE, DE DAG KHO NA BA LANG GI SGRAS
BRJOD PAR BYA BA YIN PA'I PHYIR RO, ,DA NI RIGS PA CAN GYI BDAG
'GOG PAR RTZOM MO, ,DE NI 'DI SKAD CES, BDAG NI SEMS PA'I RANG
BZHIN MA YIN TE, ,SEMS DANG LDAN PAR SEMS PA CAN YIN NO, ,ZHES
ZER RO,

@169A *, ,DE LA BRJOD PA NI, SEMS MED PA YANG ZHES BYA BA LA
SOGS PA'O, ,DE SEMS PA MA YIN NA DE'I TSE BDAG CES BRJOD PAR MI
BZOD DO, ,DE CI'I PHYIR ZHE NA, SEMS NYID MED PHYIR BUM SOGS
BZHIN, ,'DI LTAR GANG SEMS PA MA YIN PA DE'I BDAG

YIN PAR 'OS PA MA YIN TE, DPER NA BUM PA BZHIN NO, ,ZHON TE ZHES
BYA BA NI PHA ROL GYI'O, ,MI SHES RIG PAR THAL ZHES BYA BA NI
LAN NO, ,'DI LTAR GAL TE SEMS PA DANG LDAN PAS DUS PHYIS 'DI
SHES PAR BYED PA NYID DU 'GYUR NA, DE'I TSE SNGAR GYI MI SHES
PA'I RANG BZHIN GANG

YIN PA DE 'JIG PAR THAL BA'I PHYIR NA BDAG GCIG PA DANG RTAG PA
NYID DU MI 'GYUR RO, ,CI STE ZHES BYA BA NI GZHAN GYI'O, ,'GYUR
MOD CES BYA BA NI, RANG BZHIN GCIG NYID DO, ,SLOB DPON GYI SEMS
PA NI ZHES GSUNGS TE, SEMS PA DANG LDAN PA DE LA PHYIS SNGA NA
MED PA'I RANG

BZHIN GCIG NYID CI ZHIG SKYE STE, CI YANG MA SKYES SO, ,SEMS PA
DANG LDAN PA NYID KYANG MI 'THAD DE, 'GYUR BA MED PAS BOGS
DBYUNG DU MED PA'I PHYIR RO, ,DE'I PHYIR DE KHO NA SHES PA MA
YIN PAR 'GYUR BA MED PAS BYA BA DANG BRAL BA NAM MKHA' DANG 'DRA
BA 'DI LA BDAG TU MING

TZAM BTAGS PAR 'GYUR RO, ,GAL TE ZHES BYA BA LA SOGS PA NI GZHAN
GYI'O, ,BYA BA 'BRAS GZHI ZHES BYA BA LA SOGS PAS NI GRUB PA'I
MTHA'O, ,'DI LTAR TSE 'DI'I PHUNG PO LNGAS BYAS PA'I SBYIN PA LA
SOGS PA'I LAS GANG YIN PA DE'I 'BRAS BU NI GZHAN DU 'BYUNG BA
MED

PAS BYA BA DANG BRAL BA NAM MKHA' DANG 'DRA BA'I PHUNG PO LNGAS
DPYAD PA YIN NO ZHES BYA BA 'DI LA NI, RE ZHIG 'U BU CAG BRTZAD
PA MED DO, ,DES NA BYA BA 'BRAS GZHI ZHES BYA BA LAS RNAM PAR
SMIN PA DAG RTEN THA DAD PAR 'GRUB PA KHO NA'O, ,'ON KYANG LAS
DANG 'BRAS BU DE DAG CUNG

ZAD KYANG MI BYED PA'I PHYIR BYED PA NYID CES KYANG BRJOD DO,
,DE LTAR YIN PAS YANG BDAG YOD DO ZHES BRJOD PA NI GNAS MA YIN
PAR ZHEN PA YIN NA DON MED MA YIN NAM ZHES BYA BA'I THA TSIG GO,
,GAL TE DE LTAR NA TSE 'DI NYID LA BDE BA LA SOGS PA'I LONGS
SPYOD PA'I RGYU SBYIN PA LA SOGS PA'I

@169B TSOGS DANG LDAN PAR MTHONG BA'I SEMS CAN GANG YIN PA DE
NYID SBYIN PA LA SOGS PA'I 'BRAS BU PHYUG PO LA SOGS PA'I CHOS
DANG LDAN PA MTHONG BA'I PHYIR, GZHAN GYIS BYAS PA GZHAN GYIS
LONGS SPYOD PAR JI LTAR 'GYUR RO ZHE NA, DE YANG MI BDEN TE,
GANG GI PHYIR GANG ZHIG RGYU DANG

LDAN PA DE NYID 'BRAS BU DANG BCAS PA YIN NO, ,ZHES BYA BA 'DI
NI MTHONG BA NI MI SRID DE, MNGON PAR ZHEN PA TZAM YIN PA'I
PHYIR RO, ,THAMS CAD TSE 'DI NYID DU BSOD NAMS BYAS PAS 'KHOR
LOS SGYUR BA LA SOGS PAR 'GYUR BAR THAL BAS SKYE BA BRGYUD PAR
TSANGS PAR SPYAD PA SPYOD PA  

DON MED PA KHO NA'O, ,'O NA LHA SBYIN LA SOGS PA LAS BYED PA
GANG YIN PA DE NI 'BRAS BU LA SPYOD PA YIN NO ZHES THA SNYAD 'DI
CI LTAR 'GYUR ZHE NA, RGYUN GCIG LA NI ZHES BYA BA LA SOGS PA
GSUNGS SO, ,RTEN ZHES BYA BA LA SOGS PA NI LUNG NAS SO, ,DA NI
SPYOD PA PA LA SOGS PA'I BDAG DGAG

PA'I TSUL GYIS GNAS MA BU LA SOGS PA'I GANG ZAG DGAG PAR GSUNGS
PA NI, 'DAS PA DANG ? ZHES BYA BA LA SOGS PA'O, ,BDAG MIN ZHES
BYA BA LA SOGS PA NI MA YIN PA'O, ,GANG GI PHYIR 'DAS PA DANG MA
'ONGS PA'I SEMS DE NI MED PA'I PHYIR TE, 'GAGS PA DANG MA THOB
PAS DNGOS PO

MED PA'I PHYIR RO, ,'ON TE SKYES ZHES BYA BA NI, 'O NA NI YOD
PA'I PHYIR DA LTAR BA'I SEMS BDAG YIN PAR 'GYUR RO SNYAM NA DE
NI MA YIN TE, DE ZHIG NA YANG ZHES BYA BA DA LTAR 'BYUNG BA'I
SEMS DE SKAD CIG MA NYID KYIS ZHIG PAR 'GYUR BA NA BDAG MED DE,
BDAG YIN PAR MI 'OS ZHES BYA BA'I DON TO,,

GZHAN YANG RE ZHIG BDAG LUS SAM 'ON TE GZHAN YIN ZHES DPYAD DE,
,DE LA DPER NA YAN LAG SO SOR CHAR RNAM PAR PHYE NA DE KHO NAR
CHU SHING GI SDONG PO ZHES BYA BA YANG YOD PA MA YIN NA DE BZHIN
DU BDAG KYANG YIN TE, BDAG KYANG RNAM PAR DPYOD PAS BTZAL NA,
DON DAM PAR MI SRID PA'I

PHYIR RO; ,GAL TE ZHES BYA BA LA SOGS PA NI GZHAN GYI'O, ,GAL TE
SEMS CAN DANG BDAG KYANG MED NA GANG LA GANG GIS SNYING RJE BYA
ZHE NA, GRUB PA'I MTHA' 'BRAS BU'I DON DU ZHES BYA BA LA SOGS
PA'O, ,'BRAS BU'I DON ZHES BYA BA LA, 'BRAS BU YANG SANGS RGYAS
NYID KYI DON DU KHAS BLANGS TE

@170A *, ,GROGS MED PA'I BDAG GCIG PU KHO NAS SEMS CAN THAMS CAD
GDON PAR BYA BA'O ZHES SEMS CAN GYI DON BYA BAR 'DOD PA'I RMONGS
PA'O, ,BRTAGS ZHES BYA BA NI BDAG GIS GDON PAR BYA'O ZHES RTOGS
PAS YUL DU BYAS PA DE LA SNYING RJE BYA BA YIN NO DES NA BDAG
GIS MED

KYANG PHUNG PO LNGA TZAM GYI SEMS CAN LA DMIGS PA'I SNYING RJE
BSKYED DO ZHES GRUB PA YIN NO, ,GZHAN GYIS BRJOD PA, GAL TE BDAG
TU GYUR PA'I SEMS CAN MED NA 'BRAS BU STE, GRUB PAR BYAS PA
SANGS RGYAS NYID DU YIN ZHE NA, LAN DU BDEN TE ZHES BYA BA LA
SOGS PA'O, ,'BRAS BU'I RMONGS

PA ZHES BYA BA NI 'BRAS BU BSGRUB PAR BYA BA, RE ZHIG SDUG
BSNGAL BA CAN RNAMS LA DRANG BAR 'DOD PA'I RMONGS PA LA NI YOD
PA YIN LA, DES NI 'BRAS BU BSGRUB CING DE LAS KYANG 'BRAS BU
GRUB PA YIN PA'I PHYIR, BDAG MED PAR YANG 'BRAS BU GRUB PA ZHES
BYA BA LA 'THAD PA CI YOD, GAL TE 'BRAS

BU'I RMONGS PA NYID KYANG MI 'THAD DO ZHE NA, SDUG BSNGAL ZHES
BYA BA LA SOGS PA GSUNGS SO, ,'BRAS BU'I RMONGS PA ZHES BYA BA
NI 'BRAS BU BSGRUB PAR BYA BA SANGS RGYAS NYID KYI YUL LA RMONGS
PA'I ZHES BYA BA'I DON DE JI SKAD DU, ,GZHAN PHAN MKHAS LA RANG
GI NI, ,RANG BZHIN LA GNAS MA 'KHRUL BA,,

'DI NI MA 'DRES CHOS YIN TE, ,DAM PA RNAMS LA RTAG TU GNAS,
,ZHES GSUNGS PA YIN NO, ,DE NI KUN RDZOB KYI BDEN PA'O, ,GAL TE
DE LTA YIN NA CI LTAR 'BRAS BU'I RMONGS PA KHAS LEN PAR BYED PA
DE BZHIN DU BDAG TU RMONGS PA YANG KHAS BLANG BAR BYA DGOS SO
ZHE NA, SDUG BSNGAL RGYU'I

ZHES BYA BA LA SOGS PA'O, ,BDAG TU RMONGS PA NI SDUG BSNGAL NYE
BAR ZHI BA'I DON YIN NA NI ZHES BYA BA KHO NA'O, ,DE LAS KYANG
ZHES BYA BA NI SDUG BSNGAL GYI RGYU'I NGA RGYAL DE BDAG RMONGS
PA LAS KYANG BZLOG PA MED NA DE'I TSE DE NI BDAG MED PA BSGOM PA
KHO NA MCHOG YIN NO ZHES BYA BA'O, ,'O NA NI LUS

NYID BDAG YIN PAR 'GYUR RO ZHE NA, LUS RKANG PA ZHES BYA BA LA
SOGS PA GSUNGS SO, ,PHRAG PA LUS MA YIN ZHES BYA BA LA NI PHRAG
GONG LUS MA YIN PA'O, ,YANG LUS 'DI LA LAG PA LA SOGS PA LA
PHYOGS KYIS GNAS SAM BDAG NYID THAMS CAD KYIS GNAS ZHES BRJOD PA
NI, GAL TE ZHES BYA

@170B BA LA SOGS PA'O, ,THAMS CAD LA ZHES BYA BA NI LAG PA LA
SOGS PA'I YAN LAG GO, ,CHA RNAMS ZHES BYA BA NI LUS KYI PHYOGS
RNAMS SO, ,CHA LA ZHES BYA BA NI LAG PA LA SOGS PA'O, ,GZHAN
YANG DE'I PHYOGS RNAMS LA YANG 'DI PHYOGS GCIG GAM 'ON TE BDAG
NYID THAMS CAD GNAS ZHES MTSUNGS

PAR THAL BAR 'GYUR RO, ,PHYOGS GNYIS PA LA BRJOD PA NI, GAL TE
BDAG NYID KUN GYIS ZHES BYA BA LA SOGS PA'O, ,PHYI DANG NANG
ZHES BYA BA LA SOGS PA NI MJUG BSDU BA'O, ,RMONGS PA YIS NI ZHES
BYA BA NI MA RIG PA'I DBANG GIS SO, ,GAL TE THO YOR LA NI DUS
CUNG ZAD KYIS SKYES BU'I BLOR 'GYUR

BA MA YIN NAM, LAG PA LA SOGS PA LA NI LUS KYI THA SNYAD DU YUN
RING POR YANG YOD PA MA YIN NO ZHE NA, JI SRID CES BYA BA LA
SOGS PA GSUNGS SO, ,RKYEN TSOGS ZHES BYA BA NI MYA NGAN DANG NYI
MA'I 'OD ZER GYIS NYAMS PA'I MIG LA SOGS PA TSANG BA'O, ,THO YOR
ZHES BYA BA SDONG PO'I DUM BU LA SOGS

PA'O; ,SKYES BU LTAR SNANG BA NI DBYIBS KYI KHYAD PAR DE DANG,
SKYES BU'I THA SNYAD LA BRTEN PA'O, ,JI SRID BYA BA 'DIS NI
TSOGS PA 'GA' ZHIG NI DUS DE SRID TZAM YIN, 'GA' ZHIG NI DUS
RING DU STE, DE LTAR NA YANG KHYAD PAR CI YOD CES BYA BA 'DI
BSTAN PA'O, ,DE ZHES BYA BA NI RKYEN SNA TSOGS

PA'O; ,DER ZHES BYA BA NI LAG PA LA SOGS PA'O, ,LUS SU SNANG
ZHES BYA BA NI DBYIBS KYI KHYAD PAR DE DANG DE LTA BU'I DBANG
GIS LUS SU THA SNYAD BYED PA'O, ,DE BZHIN ZHES BYA BA LA SOGS
PAS NI RKANG PA LA SOGS PA'I SPYOD PA STON TO, ,DE YANG ZHES BYA
BA NI SOR MO LA SOGS PA DE YANG DE BZHIN RANG

GI YAN LAG GI TSOGS TZAM YIN PA'I PHYIR, GANG ZHIG YIN PAR
'GYUR, DE BZHIN DU RANG GI CHA PHYE BAS DPYAD NA TSIGS KYANG
GANG ZHIG YIN PAR 'GYUR ZHES 'BREL TO, ,DE BZHIN DU RANG GI CHA
YANG GANG ZHIG YIN PAR 'GYUR ZHING, DE BZHIN DU RDUL PHRA RAB
KYANG GANG ZHIG YIN PAR 'GYUR, DE BZHIN

DU PHYOGS CHA'I DBYE BA YANG SO SOR CHA DANG BRAL BA'I PHYIR NA
'DI THAMS CAD NAM MKHA' LTA BU YIN TE, DES NA RDUL PHRA RAB TZAM
YANG MED PA YIN NO, ,GAL TE DE LTAR YIN DU ZAD MOD, DES NA YANG
NYES PA CI ZHIG YOD SNYAM NA, DE LTAR ZHES BYA BA LA SOGS PA
GSUNGS SO, ,GZUGS LA ZHES BYA BA NI

@171A *, ,GANG GIS BDAG TU MNGON PAR ZHEN NAS NGAR 'DZIN PAR
'GYUR BA PHUNG PO LNGA'I RANG BZHIN LA'O, ,DE LTAR NA LUS DRAN
PA NYE BAR GZHAG PA BSTAN PA YIN NO, ,DA NI TSOR BA DRAN PA NYE
BAR GZHAG PA BSTAN PA'I PHYIR, SDUG BSNGAL ZHES BYA BA LA SOGS
PA GSUNGS SO, ,TSOR BA'I RNAM PA

GSUM STE, BDE BA DANG SDUG BSNGAL BA DANG, BDE BA YANG MA YIN
SDUG BSNGAL BA YANG MA YIN PA'O, ,DE LA GAL TE SDUG BSNGAL ZHES
BYA BA SDUG BSNGAL GYI TSOR BA DE NYID DU ZHES BYA BA DON DAM
PAR YOD NA, SRID PA YIN NA DE'I TSE RTAG PAR 'GYUR BA'I PHYIR
DE'I TSOR BAS RAB TU DGA' BA'I SKYE BO LA CI

STE RAB TU MI GNOD DE, DES NA DE'I TSE RGYUD GCIG LA BDE BA'I
TSOR BA 'GAL BAR 'GYUR RO, ,DE BZHIN DU SDUG BSNGAL GYI TSOR BA
DE KHO NAR YOD PA LA YANG BRJOD PAR BYA'O, ,BDE BA DANG SDUG
BSNGAL 'DI DAG NI RGYUD GCIG LA YOD PA MA YIN, DES NA RTOG PAS
SGRO BTAGS PA YIN NO, ,'ON TE

BDE BAR MYONG BAR 'GYUR BA LA SOGS PA'I DNGOS PO DE DAG GIS BDE
BA LA SOGS PA YIN PAR BRJOD DO ZHE NA, DE'I TSE DE LA YANG 'DI
MTSUNGS PA 'DI BSTAN PA'I PHYIR, ZHIM SOGS BDE NA MYA NGAN SOGS,
,GDUNGS PA DGA' BAR MED DAM CI, ,ZHES GSUNGS SO, ,'DI LTAR GA
BUR LA

SOGS ZHIM PO DAG KYANG DE KHO NAR BDE BA YIN PAR BRJOD NA, DE'I
MYA NGAN LA SOGS PA'I SDUG BSNGAL DES DGA' BA MED PAR 'GYUR DGOS
TE, BDE BA NYID STOBS DANG LDAN PA'I PHYIR RO, ,DE LA NI SDUG
BSNGAL LA DGA' BA YOD PA MA YIN TE, DES NA BDE BA SGRUB PAR BYED
PA YANG BRDZUN PA

NYID DO; ,STOBS DANG LDAN PAS ZHES BYA BA NI GZHAN GYI'O, ,BDE
BA'AM SDUG BSNGAL STOBS DANG LDAN PA GCIG GIS GNYIS PA ZIL GYIS
GNON PA'I PHYIR, ZIL GYIS MNAN PA DE MYONG BA MA YIN NO ZHE NA,
GAL TE BDE BA LA SOGS PA NYAMS SU MYONG BA'I RANG BZHIN MA YIN
NA, DE'I TSE

DE TSOR BA NYID YIN PAR JI LTAR 'GYUR ZHES BYA BA 'DI NI MTHA'
GCIG TU NGES PA YIN NO, ,'ON TE BDE BA GZHAN GYIS ZIL GYIS GNON
PA DE LTA NA YANG DE LTA BU'I SDUG BSNGAL PHRA MO'I RANG BZHIN
NYID NI YOD DO ZHE NA, DE'I TSE SDUG BSNGAL 'DI'I MYONG BA RAGS
PA NYID BSAL BAR GYUR NA, DE LTA NA YANG

@171B MA YIN TE, 'JIG RTEN LA DUS GCIG TU GNYIS NYAMS SU MYONG
BAR MNGON PAR RLOM PA YOD PA'I PHYIR RO, ,'DI SNYAM DU DE NI DE
LAS ZHES BYA BA BDE BA RAGS PA NYID NYAMS SU MYONG BA LAS GZHAN
DGA' BA TZAM ZHES BYA BA DMAN PA'I RANG BZHIN DU MYONG BA YIN
TE, DUS PHYIS KYANG RAGS PA NI YOD

PA MA YIN TE, GZHAN GYIS ZIL GYIS GNON PA'I PHYIR RO ZHE NA 'O
NA NI DE'I PHRA MO NYID KYANG YOD PA MA YIN TE, SDUG BSNGAL DE'I
PHRA MO DE NYID YANG BSAL BA YIN TE, DES NA YOD PA MA YIN NO,
,DES NA GCIG LA GCIG GI TSE 'AM RIGS KYIS RAGS PA DANG PHRA BA
MED PA'I PHYIR NA MI BDEN PA NYID DO, ,'ON TE

SDUG BSNGAL GYI RGYU DANG 'GAL BA BDEN PA'I RGYU SKYES PAS NA
BDE BA SKYES PAS SDUG BSNGAL MA SKYES PA YIN NA NI, DE'I TSE
TSOR BA RTOG PAS SGRO BTAGS PA ZHES BYA BAR GRUB PA YIN NO, ,DE
NYID KYI PHYIR NA ZHES BYA BA LA SOGS PA LA 'DI'I ZHES BYA BA NI
TSOR BA SDUG BSNGAL GYI'O, ,CI'I PHYIR ZHE NA,

RNAM BRTAGS ZHES BYA BA LA SOGS PA GSUNGS SO, ,'DI LTAR DANG PO
KHO NAR NI RE ZHIG RNAL 'BYOR PA RNAM PAR BRTAG PAR BYA BA'I LAM
LA MNGON DU PHYOGS PAR BYED DE, DES NA RNAM PAR BRTAGS PA NYID
BSAM GTAN GYI SA BON GYI ZHING YIN NO, ,DES NA RNAM BRTAGS ZHING
LAS BYUNG BA'I BSAM GTAN DE

NYID KYI ZAS GANG LA YOD PA'O, ,'DIS NI DON DAM PAR MA YIN PA'I
RNAM PAR RTOG PA THA SNYAD DU BYAS PA'I TSOR BA LA SOGS PA DAG
DON DAM PA NYID MA YIN NO ZHES BSTAN PA YIN NO, ,GAL TE DBANG
DON ZHES BYA BA LA SOGS PA NI PHA ROL PO RNAMS KYI'O, ,BSAM PA
NI 'DI YIN TE, YUL DANG DBANG PO DANG

RNAM PAR SHES PA GSUM 'DUS PA NI REG PA YIN LA, DE YANG DON DAM
PA YIN LA DES NA DE'I RGYU RKYEN GYIS BYUNG BA'I TSOR BA YANG
DON DAM PA YIN TE, DES NA DE LTA BA YIN ZHES BYA BA'O, ,'DIR NI
'DI RNAM PAR DPYAD DE, CI YUL DANG DBANG PO 'DI DAG MTHA' GCIG
TU THA DAD PAS NA BAR DANG BCAS PAR

'DOD DAM, 'ON TE MTHA' GCIG TU THA DAD PAS NA BAR MED PAR 'DOD
CES RNAM PAR RTOG PA GNYIS SO, ,DES NA 'DI GNYIS 'DUS PA'I DON
CI YIN, DE LA GAL TE DBANG PO DANG DON BAR DANG BCAS PA YIN NO,
,DE'I TSE 'DI DAG GANG DU PHRAD PAR 'GYUR TE 'DU BA JI LTAR
'GYUR, 'ON TE BAR MED NA YANG

@172A *, ,DE LTA NA YANG GCIG NYID YIN PA'I PHYIR GANG ZHIG GANG
DANG LHAN CIG PHRAD PAR DE 'DU BAR 'GYUR RO, ,'ON TE YANG RAGS
PA RNAMS NI 'DU BA MA YIN GYI, 'ON KYANG RDUL PHRAN RNAMS YIN
ZHE NA RDUL PHRAN ZHES PA LA SOGS PA GSUNGS SO, ,SKABS MED CES
BYA BA NI BU GA

MED PA STE, GZHAN GYI GO SKABS MED PA'O, ,MNYAM PA ZHES BYA BA
NI CHA MED PA'O, ,GANG GI PHYIR MA ZHUGS PA LA 'DRI MED CING
ZHES BYA BA NI SNGA MA NYID KYI MJUG SDUD DO, ,'DI NYID LA GTAN
TSIGS GZHAN YANG BSAGS PA BRJOD PA NI, CHA MED PA LA ZHES BYA BA
LA SOGS PA'O, ,YANG NA LUS

CAN RNAMS LA PHRAD PA YOD DU CHUG MOD, LUS CAN MA YIN PA RNAMS
LA GO JI LTAR YOD CES GSUNGS PA NI, RNAM SHES ZHES BYA BA LA
SOGS PA'O, ,GAL TE LUS CAN DANG LUS CAN MA YIN PA RNAMS DE LTAR
YIN MOD, 'ON KYANG YAN LAG GI MTSAN NYID TSOGS PA 'BA' ZHIG YOD
PA DE LA PHRAD

PA YOD PA MA YIN NO ZHE NA, TSOGS PA LA YANG ZHES BYA BA LA SOGS
PA GSUNGS SO, ,DE LTAR ZHES BYA BA LA SOGS PA NI MJUG BSDU BA'O,
,REG PA YOD MIN NA STE REG PA MED PAR 'GYUR NA REG PA'I RKYEN
LAS BYUNG BA'I TSOR BA YANG YOD PA MA YIN PAS NA SDUG BSNGAL LA
SOGS PAS 'JIG RTEN

LA MI GNOD PA'I PHYIR NA, 'JIG RTEN GYI SDUG BSNGAL DANG MYA
NGAN LA SOGS PA SPONG BA'I NGAL BA 'DI CI'I DON DU YIN ZHES MI
SHES SO, ,GAL TE TSOR BAR BYA BA DANG TSOR BAR BYED PA YOD PA MA
YIN NAM, DES NA TSOR BA YANG YOD DO ZHE NA, GANG TSE ZHES BYA BA
LA SOGS PA GSUNGS SO, ,GNAS

SKABS 'DI ZHES BYA BA NI CHOS THAMS CAD GDOD MNAS ZHI BA NYID
KYIS TSOR BYA DANG TSOR BA PO LA SOGS PA DANG BRAL BA'I GNAS
SKABS SO, ,DE SKAD DU, TSOR BYA MED NA TSOR BA NI, ,YOD MIN DES
NA BDAG MED PA, ,ZHES BYA BA LA SOGS PA GSUNGS SO, ,GAL TE
MTHONG BA GANG YIN PA DE NYID LA REG GO

ZHES BYA BA NI THA SNYAD LAS RIG PA YOD PA YIN NO ZHE NA MA YIN
NO, ,DE CI'I PHYIR ZHE NA, MTHONG BA 'AM NI ZHES BYA BA LA SOGS
PA GSUNGS SO, ,LHAN CIG SKYES PA'I PHYIR ZHES BYA BA NI SGYU MA
LTA BU'I SEMS NI TSOGS PA GCIG LA RAG LAS PAS NA, MTHONG BA DANG
REG PA'I DNGOS PO DANG LHAN CIG SKYES PA'I PHYIR

@172B RO; ,'ON TE LHAN CIG SKYES PA'I PHYIR ZHES BYA JI LTAR
BRJOD DE, GANG GI PHYIR TSUL 'DI'I RGYU DANG 'BRAS BU THOG MA
MED PA CAN PHAN TSUN 'BREL PAS 'JUG PA YIN TE, DES NA REG PA LAS
TSOR BA NYAMS SU MYONG BA'I PHYIR RO ZHE NA, DE YANG YANG DAG PA
MA YIN TE GANG GI PHYIR SNGAR DANG

ZHES BYA BA LA SOGS PA GSUNGS SO, ,GANG ZHIG SNGAR GYI RGYU LAS
SKYES PA DE NI NYAMS SU MYONG BA'I RANG BZHIN DU 'GYUR BAR 'OS
PA MA YIN GYI 'ON KYANG RNAM PAR RTOG PA BZHIN DU DES PHYIS
SKYES PA'I RANG BZHIN GYIS NA DRAN PA'I RANG BZHIN YIN NO, ,DES
NA PHYIS REG PA LAS SKYES PA'I SNGAR GYI

REG PA ZHES BYA BA DRAN PAR ZAD KYI MYONG BA NI MA YIN PA'I
PHYIR TSOR BA NYAMS SU MYONG BA GA LA YOD, GZHAN YANG SEMS KYIS
SEMS MI MTHONG, ,ZHES BSHAD ZIN MOD KYI, 'ON KYANG BRJOD PA NI
RANG GIS ZHES BYA BA LA SOGS PA'O, ,TSOR BA PO 'GA' YANG ZHES
BYA BA LA SOGS PA NI MJUG SDUD DO,,

'DI ZHES BYA BA NI TSOR BAS SO, ,DA NI SEMS DRAN PA NYE BAR
GZHAG PA GSUNGS PA ZHES BYA BA LA SOGS PAS GSUNGS TE GO SLA'O,
,DE'I TSE SHES PA GANG LAS ZHES BYA BA LA SOGS PA NI GDONG MA
NAS MA SKYES PA'I PHYIR, DE SKAD DU, SHES BYA YONGS SU MA NGES
PAR, ,ZHES BYA BA LA SOGS

PA GSUNGS PA YIN NO, ,DA NI CHOS DRAN PA NYE BAR GZHAG PA DE
LTAR ZHES BYA BA LA SOGS PA GSUNGS SO, ,'DI SNYAM DU GAL TE DE
LTAR CHOS THAMS CAD GZOD MA NAS MA SKYES PA YIN NA, DE'I TSE DON
DAM PA'I BDEN PA 'BA' ZHIG YIN PAS JI LTAR KUN RDZOB KYI BDEN
PAR 'GYUR, DES NA BDEN

PA GNYIS RNAM PAR GNAS PA MED PAR 'GYUR RO ZHES BSAMS NAS GZHAN
GYI BRJOD PA NI GAL TE DE LTAR ZHES BYA BA LA SOGS PA'O, ,DE'ANG
ZHES BYA BA LA SOGS PA NI PHA ROL NYID KYI DOGS PA BSU BA'O,
,GANG KUN RDZOB YIN PA DE NI KUN RDZOB GZHAN GYIS RTOGS PA YIN
TE, DPER NA SMIG RGYU LA

CHU'I RNAM PAR RTOG PA NI, SMIG RGYU LA CHUR SNANG BA'I KUN
RDZOB KYI BLO GZHAN GYIS RTOGS PA BZHIN NO, ,DE BZHIN DU MYA
NGAN LAS 'DAS PA'I SANGS RGYAS LA YANG BYANG CHUB SEMS DPA' LA
SOGS PA LA GZHAN GYIS DMIGS PA YIN NO, ,DES NA SANGS RGYAS KYANG
DON DAM PAR MYA NGAN LAS 'DAS PAR

@173A *, ,'GYUR RO ZHE NA, SLOB DPON GYIS 'DIS NI GZHAN SEMS
ZHES BYA BA LA SOGS PA GSUNGS TE, BDAG GIS SANGS RGYAS KYI SHES
PA MTHONG NGO SNYAM PA 'DI NI GZHAN RANG NYID KYI DE LTA DE LTAR
SNANG BA'I RNAM PAR RTOG PA YIN LA GZHAN GYIS GZHAN DRAN PA TZAM
GYIS KYANG KUN RDZOB TU

YOD PAR 'GYUR BA MA YIN NO, ,DE STE SANGS RGYAS NYID KYI RANG GI
KUN RDZOB KYI RANG GI SHES PA NYAMS SU MYONG BA'I PHYIR KUN
RDZOB TU YOD PA YIN NO, ,DE LTAR NI MA YIN TE, DE NI RANG GI KUN
RDZOB MIN, ,GAL TE SANGS RGYAS LA KUN RDZOB 'DOD NA, DE'I TSE
KUN RDZOB PA'I SHES PA YOD PA'I PHYIR NA DON DAM

PAR DE NYID KYANG MA THOB PAR 'GYUR RO, ,'O NA KUN RDZOB JI LTAR
GNAS SNYAM NA, PHYIS DE ZHES BYA BA LA SOGS PA GSUNGS SO, ,GANG
ZHIG RGYU'I PHYIR NGES PAR BYA BA GDON MI ZA BAR 'BYUNG BA YIN
PA DE NI, DE'I 'BRAS BU YIN LA CIG SHOS NI RGYU YIN NO ZHES BYA
BA NI THA SNYAD RKYEN NYID 'DI BA TZAM GYI MTSAN NYID

YOD NA NI DE'I TSE KUN RDZOB YOD DO ZHES BRJOD LA 'ON TE DE MED
NA NI DE'I TSE KUN RDZOB BA MED PA NYID DO ZHES BRJOD DO, ,'ON
TE YANG 'DI SNYAM DU GAL TE SHES PA DANG SHES BYA DE KHO NA MA
YIN PA DE'I TSE DE'I RTOGS PA MA YIN, 'DI NI BRTAGS PAS YIN NO
ZHES BYA BA'I THA SNYAD 'DI CI LTAR ZHE NA, RTOG DANG ZHES BYA
BA LA

SOGS PA GSUNGS SO, ,PHAN TSUN RTEN PA ZHES BYA BA NI THA SNYAD
'DI NI BTAGS PA YIN NO ZHES BYA BA'I DON TO, ,GAL TE DE LTA YIN
NA RNAM PAR DPYOD PA GANG GIS KHYOD RNAM PAR DPYOD PA DE GAL TE
DNGOS POR YOD NA DE'I TSE GZHAN YANG DE BZHIN DU 'GYUR RO ZHE
NA, CI LTAR ZHES GSUNGS TE, JI

LTAR GRAGS PA NI JI LTAR SGRO BTAGS PA LOG PA'I THA SNYAD LA
BRTEN NAS SO, ,DES NA RNAM PAR DPYOD PA DE YANG DON DAM PA NYID
MA YIN NO ZHES GRUB PA'O, ,GZHAN DU GAL TE DE LTAR MI 'DOD NA
DE'I THUG PA MED PAR 'GYUR RO ZHES BRJOD PA NI, GANG GI TSE ZHES
BYA BA LA SOGS PA'O, ,DPYAD BYA

DPYOD PAR BYED NA ZHES KHONG NAS DBYUNG NGO, ,'O NA RNAM PAR
DPYAD PAR BYA BA KHO NA NYID RNAM PAR DPYOD PA LA THUG PA MED
PAR CI YANG CI 'GYUR ZHE NA, DPYAD BYA RNAM PAR DPYAD NA ZHES
BYA BA LA SOGS PA GSUNGS SO, ,GANG GI TSE DE KHO NA RNAM PAR
DPYAD PA DE'I TSE NI DPYAD BYA TZAM RNAM PAR DPYOD PAR

@173B 'GYUR NA RNAM PAR DPYAD PAR BYA BA NYID MED PA'I PHYIR DE
LA BRTEN PA'I RNAM PAR DPYOD PA YANG DE KHO NAR MED PA ZHES BYA
BA DE LTAR 'GYUR BA YIN NO, ,DE YANG MYA NGAN 'DAS PAR BRJOD,
,CES BYA BA NI GDOD MA NAS ZHI BA NYID DE YANG, RGOL BA GANG GI
LTAR NA RNAM PAR DPYAD PAR BYA BA DANG

DPYOD PAR BYED PA DE KHO NA YIN PAR DE'I LTAR NA MTHA' GNYIS SU
'DZIN PA'I PHYIR DE NYID DKA' BAR GNAS SO ZHES BYA BA LAS SNGAR
YOD SHES YOD NA ZHES BYA BA LA SOGS PA BRJOD ZIN PA DE NYID LA,
GAL TE SHES DBANG LAS DON YOD BYAS ZHES PAS GTAN TSIGS KYI RNAM
PA GZHAN STON PA YIN TE,

GNYI GA YANG NI MED PAR 'GYUR ZHES BYA BA 'DI NYID GSAL BAR BYED
PA NI, GAL TE BUD MED CES BYA BA LA SOGS PA'O, ,GAL TE SHES PA
DANG SHES BYA DAG MED NA DE'I TSE SHES BYA CI LTAR SHES ZHES
BRJOD PA NI SA BON ZHES BYA BA LA SOGS PA'O, ,RTOGS PA NI NGES
PA'O, ,SHES BYA LAS SKYES

PA'I SHES PAS SHES PAR BYA BA RTOGS PAR BYA BA'I DON NGES PAR
BYAS PA GANG YIN NA SHES PA MED PAS GO JI LTAR SHES, GZHAN YANG
MYU GU YOD PA TZAM GYIS NI SA BON RTOGS PAR MI BYED DE, 'ON
KYANG DE SHES PA YIN NA, SHES PA LA NI SHES PA GZHAN MED PA'I
PHYIR JI LTAR DES SHES PAR

BYED DE, DES NA 'DI NI LONG BA DANG, LKUGS PA'I MDUN SAR GSAL
LO, ,DA NI NGO BO NYID DU SMRA BA RNAMS SEL BAR BYED DO, ,DE NI
'DI SKAD CES PADMA'I SDONG BU LA SOGS PA'I RGYU GANG ZHIG RTOGS
TE, DES NA SHES BYA DANG SHES BYA LA SOGS PA 'DI MTHA' DAG NI
NGO BO NYID KYIS GRUB PA YIN NO

ZHES ZER RO, ,DE LA GRUB PA'I MTHA' SMRA BA BRJOD PA NI, RE ZHIG
CES BYA BA LA SOGS PA STE GO SLA'O, ,'BRAS SHES SKYES BUS ZHES
BYA BA NI KHYAD PAR CAN GYI 'BRAS BU MED PA'O, ,DA NI DBANG
PHYUG TU SMRA BA'I LUGS SUN 'BYIN PAS DBANG PHYUG CES BYA BA LA
SOGS PA GSUNGS SO, ,'DI GZHAN

GYIS RNAM PAR DPYAD NA GZHAN MED PA'I PHYIR SA LA SOGS PA'I
'BYUNG BA NYID DBANG PHYUG YIN NO ZHES BRJOD PA NI 'BYUNG RNAMS
ZHES BYA'O, ,DE LTA MOD CES BYA BA LA SOGS PA NI YIN NO, ,'ON TE
GZHAN 'GA' ZHIG DBANG PHYUG YIN PAR 'GYUR RO ZHE NA, 'ON KYANG
ZHES BYA BA LA SOGS PA'O, ,RE

@174A *, ,ZHIG SNAM BU LA SOGS PA GANG YIN PA DE DAG KYANG NI DU
MA DANG MI RTAG PA DANG, G-YO BA DANG BCAS PAR MTHONG LA, DE
DAG NI RE ZHIG LHA YANG MA YIN TE, DES NA DE DAG NI DBANG PHYUG
GI SGRA BRJOD PAR MI BYA STE, DBANG PHYUG NI DE DANG MTSAN NYID
MI MTHUN PAR 'DOD

BA'I PHYIR RO, ,DE BZHIN DU GZHAN BSGOM PAR BYA BA 'DAM LA SOGS
PA DANG, DE BZHIN DU GZHAN MI GTZANG BA LA SOGS PA DANG, SA LA
SOGS PA GANG YIN PA DE DAG KYANG DBANG PHYUG MA YIN NA KHYOD KYI
DBANG PHYUG DE GANG YIN PA SMROS SHIG ,DE BZHIN DU GZHAN DAG
DBANG PHYUG TU MI RIGS

SO ZHES BRJOD PA NI, DBANG PHYUG MKHA' MIN ZHES BYA BA LA SOGS
PA'O, ,'ON TE BSAM DU MED PA 'GA' ZHIG DBANG PHYUG YIN PAR 'GYUR
RO ZHE NA, BSAM MIN PA'I ZHES GSUNGS SO, ,BRJOD PA CI ZHIG BYA
BA NI RNAM PAR RTOG PA THAMS CAD LAS 'DAS PA'I PHYIR RO ZHES
DGONGS PA'O, ,

GZHAN YANG DE'I 'BRAS BU YANG CUNG ZAD MA MTHONG BAS NA DBANG
PHYUG DES SPRUL BAR 'DOD PA YANG GANG ZHIG YIN PAR MI SHES SO
ZHES BRJOD PA NI, DES BSKYED 'DOD PA'ANG ZHES BYA BA'O, ,'ON TE
THAMS CAD BDAG GIS SPRUL PAS NA DE NYID DBANG PHYUG YIN NO ZHE
NA, DE DANG ZHES BYA BA NI GRUB PA'I MTHA'

STE; DE NI GCIG PU DANG RTAG PA YIN PA'I PHYIR THAMS CAD DUS
GCIG KHO NAR SPRUL PAR 'GYUR RO, ,SA LA SOGS PA'I RANG BZHIN
DBANG PHYUG YIN DU CHUG MOD, DE LTA NA YANG SHES PA SHES BYA LAS
MA YIN, SHES BYA SNGA NAS THOG MA MED PA NAS GRUB PA'I PHYIR
GANG ZHIG GANG GIS

BSKYED, 'ON TE BDE BA DANG SDUG BSNGAL BYED NA DE YANG MI RIGS
TE, BDE BA 'AM SDUG BSNGAL BA DE DAG NI LAS LAS SKYES PA, DES NA
GANG ZHIG GANG GIS SPRUL, ,GZHAN YANG RGYU DBANG PHYUG LA THOG
MA YOD PA MA YIN NA 'BRAS BU LA YANG THOG MA GA LA YOD DE, DES
NA THAMS CAD THOG MA MED

PA CAN DU 'GYUR RO, ,RTAG TU CI'I PHYIR ZHES BYA BA LA SOGS PA
NI SUN 'BYIN PA LA GZHAN YIN NO, ,GZHAN LA ZHES BYA BA NI LHAN
CIG BYED PA'I RGYU PA'O, ,GZHAN YANG LHAN CIG BYED PA'I RKYEN
NYID KYANG 'DIS BYAS PA DES NA DES BYAS PA MA YIN PA 'GA' YANG
MED PA GNYIS LA, DES NA 'DI

@174B GA LA LTOS PAR 'GYUR, 'ON TE 'DI TSOGS PA LA LTOS NA DE'I
TSE DE NYID RGYU YIN PAR 'GYUR GYI DBANG PHYUG NI MA YIN NO,
,'ON TE GZHAN DAG BRGYA LAM ZHIG NA 'DI SKAD CES DBANG PHYUG
'DIS NI TSOGS PA NYID KYANG MI SKYE BA'I DBANG MED DE, DES NA DE
YANG 'DI NYID KYIS BYED PA YIN NO ZHES ZER

PA'I DOGS PA BSU BA NI, TSOGS PA MI SKYED DBANG MED NA, ,ZHES
BYA STE MI SKYED PA'I MTHU MED PA'O, ,'DI LA BRJOD PA NI SKYED
PA MA YIN TE, MED PHYIR ZHES BYA BA NI GANG GI PHYIR 'DI NI
TSOGS PA YANG BSKYED PA'I NUS PA MA YIN TE, CI'I PHYIR ZHE NA,
DE MED PHYIR TE RIM DANG CIG CAR GYIS DON

BYED NUS PA DE MED PA'I PHYIR, DES NA 'DI NI DE LA YANG NUS PA
YANG YOD PA YIN NO, ,GZHAN YANG 'DI 'DOD PA LA RAG LAS BYED DAM,
'ON TE DE LA RAG MA LAS BAR BYED GRANG, DE LA GAL TE 'DI MI 'DOD
BZHIN DU GNAS KYIS BSKYED NAS BYED NA DE'I TSE 'DI GZHAN GYI
DBANG DU 'GYUR PA'I PHYIR DBANG

PHYUG MA YIN NO, ,'ON TE 'DOD PAS BYED NA, DE LTA NA NAM YANG DE
DBANG PHYUG MA YIN TE, 'DOD PA'I GZHAN GYI DBANG DU GYUR PA'I
PHYIR RO, ,GANG GI PHYIR DE LTA YIN PA'I PHYIR NA BYED PA LA DON
BYED PA MED PA'I PHYIR NA DBANG PHYUG LA DBANG PHYUG GI MTSAN
NYID GA LA YOD, 'ON TE RDUL PHRA

RAB RTAG PA 'GRO BA'I BYED PA PO YIN NO, ,DE YANG RIGS PA MA YIN
NO ZHES BRJOD PA NI, GANG DAG CES BYA BA LA SOGS PA'O, ,GAL TE
DE LTA NA RE ZHIG GRANGS CAN PAS 'DOD PA'I DE 'GRO BA BYED PA PO
YIN NO SNYAM NA, GTZO BO RTAG PA ZHES BYA BA LA SOGS PA'O,
,MNYAM GNAS ZHES BYA BA

LA SOGS PA NI YON TAN GSUM GNAS SKABS MNYAM PAR GNAS PA'O, ,GANG
GI TSE YON TAN RNAMS KYI GNAS SKABS KYI MI MNYAM BAR GNAS PA
DE'I TSE 'GRO BA ZHES BYA BA SKYE BA DANG 'JIG PA DANG GNAS PA
DANG LDAN PA YIN NO, ,DE SKAD DU, RDUL GYIS SKYES BU SKYED BYED
CING, ,SNYING STOBS

KYIS NI 'GRO BA GNAS, ,MUN PAS SKYE DGU 'JIG PA YIN, ,ZHES BRJOD
PA YIN NO, ,GRUB PA'I MTHA' BRJOD PA NI, GCIG LA ZHES BYA BA LA
SOGS PA STE, GTZO BO GCIG LA'O, ,DE YANG ZHES PA NI SNYING STOBS
LA SOGS PA'I YON TAN YANG NGO, ,YON TAN MED NA ZHES BYA BA NI
SNYING STOBS

@175A *, ,LA SOGS PA MED NA'O, ,GZHAN YANG 'GRO BA YON TAN GSUM
GYI BDAG NYID YIN PAS GOS LA SOGS PA YANG BDE BA LA SOGS PA SKYE
BAR 'GYUR NA, DE NI RIGS PA MA YIN TE, DE NI SEMS PA MA YIN
PHYIR RGYU DANG 'BRAS BU DAG MI 'DRA BAR 'GYUR RO, ,'ON TE YANG
DNGOS PO

RNAMS BDE BA LA SOGS PA'I RGYU'I DNGOS PO YIN PAS JI LTAR BDE BA
LA SOGS PA MI SKYE SNYAM NA, DNGOS PO RNAMS DPYAD ZIN MIN NAM
ZHES SMOS TE, YAN LAG CAN DANG RDUL PHRA RAB KYI DNGOS PO DPYAD
ZIN TO, ,GZHAN YANG GRANGS CAN LA KHYOD KYI RGYU YANG BDE SOGS
TE, BDE BA LA SOGS

PA'I RANG BZHIN 'GRO BA'I RGYUR 'DOD PA YIN NA, DE LAS NI SNAM
BU LA SOGS PA 'BYUNG BAR RIGS PA MA YIN TE, RGYU DANG 'BRAS BU
DAG MI 'DRA BA'I PHYIR RO, ,DE LTAR 'GYUR MOD SKYON CI YOD SNYAM
NA, SNAM SOGS LAS NI ZHES GSUNGS TE, DNGOS PO'I RANG BZHIN DU NI
SNAM BU LA SOGS PA

LAS 'GRO BA'I BDE BA LA SOGS PA SKYE BAR DMIGS TE, SNAM BU LA
SOGS PA MED NA BDE BA LA SOGS PA MED PA'I PHYIR RO, ,GZHAN YANG
SNYING STOBS RDUL DANG MUN PA 'DI DAG THAMS CAD DE KHO NAR RTAG
PA'AM MI RTAG PA ZHIG YIN, DE LA RE ZHIG RTAG PA YIN NA, DE MI
'THAD DO ZHES BRJOD PA

NI, BDE SOGS RTAG PA NYID DU YANG ZHES BYA BA LA SOGS PA'O, ,DE
STE BDE BA'I GSAL BRTAG PA NYID YIN NA DE'I TSE BDE BAR RIG PA
CI STE NYAMS SU MA MYONG, BDE SOGS GSAL BA ZHES BYA BA 'DIS NI,
SLOB DPON 'BRAS BU'I TSOGS NYID GSAL BA'I SGRAR BRJOD PAR BYA BA
GRANGS CAN 'DOD PA YIN

NO ZHES BSTAN PAR DGONGS PA'O, ,GAL TE DE LTAR BDE BAR GSAL BA
YIN YANG PHRA MOR 'GYUR BA NYID KYIS MI 'DZIN NO SNYAM NA, DE
NYID CES BYA BA LA SOGS PA GSUNGS SO, ,GAL TE BDE BA RAGS PAR
'GYUR BA NYID PHRA MO NYID DU 'GRO NA DE'I TSE RAGS PA DANG PHRA
BA YANG 'GYUR NA, DE YANG CI LTAR 'THAD, 'ON TE

BDE BAR DE NYID BDE BA DOR BAS PHRA MOR 'GYUR NA DE'I TSE RAGS
PA DANG PHRA BA GNYIS KA MI RTAG PAR 'GYUR TE, RANG BZHIN GZHAN
DANG GZHAN DAG SKYES PA DANG ZHIG PA'I PHYIR RO, ,DE BZHIN DU
DNGOS PO THAMS CAD NI ZHES BYA BA NI SNGA MA'I MJUG BSDU PA'O,
,'ON TE BDE BA LA SOGS PA RTAG PAR RAGS PA LA SOGS

@175B PA'I GNAS SKABS SU 'GYUR BA YIN NO ZHE NA, RAGS PA BDE BA
LAS ZHES BYA BA LA SOGS PA'O, ,CI RAGS PA DE BDE BA LA GNAS
GZHAN NAM, 'ON TE GZHAN MA YIN, GZHAN MA YIN NA NI, BDE BA NYID
MI RTAG PAR 'GYUR RO, ,'DI SNYAM DU RKYEN NYID 'DI PA TZAM DU
SMRA BA'I LTAR NA MED PA SKYE

ZHES BYA BA GRUB PA'I MTHA' YIN NA, DE YANG RIGS PA MA YIN NO
ZHES BRJOD PA NI, GAL TE MED PA ZHES BYA BA LA SOGS PA'O, ,GSAL
BA ZHES BYA BA LA SOGS PA NI GRUB PA'I MTHA'O, ,GSAL BA GANG YIN
PA NI SNGAR GYI GNAS SKABS NA GZHAN DU 'GYUR BA KHO NA YIN TE,
DE LTA MA YIN NA DBUS KYI GNAS

SKABS SU YANG DMIGS PAR 'GYUR RO, ,DES NA GSAL BA MED PA NYID
SKYE BAR NI GRANGS CAN KHYOD MI 'DOD KYANG KHAS BLANG BAR BYA BA
YIN NO, ,GZHAN YANG GAL TE 'BRAS BU YOD PA YIN NA, DE'I TSE
RGYU'I GNAS SKABS NA YANG DE YOD PA DES NA RGYU DANG 'BRAS BU
GNYIS THA MI DAD PAS NA, KHYOD LA 'JIG GIS

GNOD DO ZHES BRJOD PA NI, GAL TE RGYU LA ZHES BYA BA LA SOGS
PA'O, ,RAS KYI RIN GYIS ZHES BYA BA NI RAS KYI RIN TSAD KYIS SO,
,BGO BAR BGYIS ZHES BYA BA NI LUS KYIS GYON CIG PA'O, ,'JIG RTEN
RMONGS PAS ZHES BYA BA NI GZHAN GYI STE, RMONGS PA'I DBANG GIS
'JIG RTEN PAS RGYU LA 'BRAS

BU YOD PA MA MTHONG DU ZAD DO ZHE NA, LAN DU DE NYID SHES LA'ANG
DE GNAS NYID, ,CES SMOS TE, GRANGS CAN KHYED KYI LTAR NA RMONGS
PA DE NI DE KHO NA SHES PA LA YANG GNAS PA STE, YOD PA'I PHYIR
'BRAS BU YOD PA SKYE BA NI NGO MTSAR BA KHO NA'O, ,YANG NA RGYU
LA 'BRAS BU YOD PAR RTOGS PA'I SHES PA DE 'JIG

RTEN LA YANG YOD PA DES NA CI STE MTHONG, ,'ON TE 'JIG RTEN GYI
MTHONG BA TSAD MA MA YIN NO ZHE NA, 'JIG RTEN ZHES GSUNGS SO,
,GSAL BA MTHONG BA'ANG ZHES BYA BA NI KHYOD KYI CHEN PO NYID LA
SOGS PA 'BRAS BU'I TSOGS MTHONG BA 'ANG TSAR MA YIN PA'I PHYIR
RO, ,GTZO BO LA SOGS PA MTHA' DAG TSAD MA  

CAN MA YIN PAR 'GYUR RO, ,DES NA MED PA KHO NA'O, ,'DI SNYAM DU
GAL TE GTZO BO LA SOGS PA'I TSAD MA DAG TSAD MA MA YIN PA KHO NA
YIN NA, DE'I TSE TSAD MA DES GZHAL BA'I DNGOS PO YANG BRDZUN PAS
NA KHYOD KYIS STONG PA NYID LA YANG YID BRTAN CI YOD CES GZHAN
GYIS BRJOD PA NA, GAL TE TSAD MA

@176A *, ,ZHES BYA BA LA SOGS PA'O, ,'DI LA LAN NI BTAGS PA'I
DNGOS LA ZHES BYA BA LA SOGS PA'O, ,DNGOS PO DANG DNGOS PO MED
PA DAG GIS BKAG PA NI, STONG PA NYID YIN NO ZHES MI BRJOD DE,
DON DAM PAR NA DE DAG GIS DGAG PA NI DUS GSUM DU YANG BSGRUB PA
DAG

DGAG PA'I NGO BOR BYA BAR MI NUS PA'I PHYIR RO, ,'O NA CI ZHE NA
NGO BO NYID DU SGRO BTAGS PA STE, DGOS PAR BYA BA LA DGOS PAR
BYED PA YIN NO, ,DE LTAR BTAGS PA'I DNGOS PO LA ZHES BYA BA LA
RTOG PAS SGRO BTAGS PA'I DNGOS PO LA MA RIG ? PAR DE GZUNG BAR
DE'I DNGOS PO MED PA STE, DGAG PA GZUNG

BAR MI NUS PA'I PHYIR RO, ,DE'I PHYIR ZHES BYA BA LA SOGS PA NI
MJUG SDUD PA STE, 'DIR MJUG BSDUS PA'I SGO NAS DPE STON PA NI
DES NA ZHES BYA BA LA SOGS PA'O, ,DE YOD RNAM PAR RTOG PA'I ZHES
BYA BA NI, RMI LAM DU DMIGS PA'I MTSAN NYID KYI BU DE YOD PA'I
ZHES BYA BA YOD DO

ZHES BYA BAR RTOGS PA DE'I SKYE BA'I GEGS BYED PA STE, 'DI MED
SNYAM PA'I RNAM PAR RTOG PA BYED PA POR GYUR PAS 'GOG PAR BYED
PA YIN NO, ,'O NA RNAM PAR RTOG PA NYID DE KHO NAR YOD PAR 'GYUR
RO SNYAM NA, DE YANG BRDZUN ZHES GSUNGS SO, ,DES NA ZHES BYA BA
LA SOGS PA NI MJUG

SDUD PA'O, ,RGYU MED CES BYA BA NI DNGOS PO 'DI DAG RGYU MED
BZHIN DU RANG GI NGO BO KHO NAS SKYES PA YIN NO ZHES BYA BA DE
NI MI SRID DO ZHES RGYU MED PAR SMRA BA 'GOG PA'O, ,SO SOR ZHES
BYA BA NI DBANG PHYUG TU SMRA BA 'DOD PA 'GOG PA'O, ,'DUS PA'I
ZHES BYA BA NI RGOL BA GZHAN GYI 'DOD PA 'GOG

PA'O, ,RKYEN RNAMS LA ZHES BYA BA NI DBANG PHYUG LA SOGS PA'I
RKYEN DU GYUR PA RNAMS LA YANG 'BRAS BU RNAM PA 'GA' MED DE, DES
NA DBANG PHYUG LA SOGS PA NI 'GA' YANG YOD PA MA YIN NO ZHES
GNAS SO, ,DA NI GZHAN NAS ZHES BYA BA LA SOGS PA DUS SU 'PHO BA
ZLA BA'I LUGS 'GOG PAR

BYED DO; ,'DI NYID LA RGYU GZHAN YANG BSAGS PA'I PHYIR RMONGS
PAS BDE BAR ZHES BYA BA LA SOGS PA GSUNGS TE, 'DI NYID KYANG GO
SLA'O, ,GAL TE DE LTAR NA 'GRIB PA 'DI LA YOD PA'I RGYU'I RJES
SU 'GRO BA DANG, LDOG PA'I RJES SU BYED PA GANG YIN PA DE NI
SGYU MA LAS KHYAD PAR DU 'GYUR BA YIN NO

@176B SNYAM NA; SGYU MA LAS ZHES BYA BA LA SOGS PA GSUNGS SO,
,'DI NI GZUGS BRNYAN LA YANG MTSUNGS SO ZHES GSUNGS PA NI, GZUGS
BRNYAN LA YANG MTSUNGS SO, ,GZHAN YANG 'BRAS BU YOD PA 'AM MED
PA GANG ZHIG RJES SU DPAG CES STON PA NI, DNGOS PO YOD PAR GYUR
BA LA ZHES

BYA BA LA SOGS PA STE, RTOGS PAR SLA'O, ,'ON TE SNGAR MED PA
GANG YIN PA DE NYID SKYE BA'O SNYAM NA, BYE BA PHRAG BRGYA ZHES
BYA BA LA SOGS PA'O, ,BSGYUR DU MED PA NI BSKYOD DU MED PA'O,
,'ON TE DNGOS PO MED PA'I GNAS SKABS NYID PHYIS DNGOS POR 'GYUR
RO ZHE NA, MA YIN TE, GNAS SKABS DE

NYID DNGOS POR JI LTAR 'GYUR TE MI 'GYUR RO, ,'ON TE GZHAN ZHIG
DNGOS POR 'GYUR MOD SNYAM NA, DNGOS 'GYUR GZHAN YANG ZHES GSUNGS
SO, ,'DI LTAR DNGOS PO MED PA GANG YIN PA DE NI RE ZHIG DNGOS
POR 'GYUR BAR MI 'OS SO, ,DNGOS PO YANG DNGOS PO NYID DU GRUB
ZIN PAS DE LA YANG DNGOS POR

CI BYA DE GNYIS LAS GZHAN RNAM PA GSUM PA YANG YOD PA MA YIN TE,
DES NA 'GA' ZHIG DNGOS POR 'GYUR BA NI MI SHES SO, ,'ON TE DNGOS
PO MED PA'I DUS NYID NA DNGOS PO YOD DO ZHES NI MI BRJOD DO,
,'ON KYANG DNGOS PO MED PA NYID SRID PA DE'I TSE DNGOS PO YOD DO
ZHES BRJOD DO, ,'ON TE DNGOS

PO MED PA'I DUS NYID NA DNGOS PO YOD DO, ,'ON KYANG DNGOS PO MED
PA NYID SRID PA DE'I TSE DNGOS PO MED DO ZHES GZHAN GYIS SMRAS
PA NI, MED TSE ZHES BYA BA LA SOGS PA'O, ,DNGOS PO YOD PAR ZHES
BYA BA LA SOGS PA NI LAN 'DEBS PA STE, SNGAR GYI DNGOS PO MED PA
NI RTAG TU NYE BAR GNAS PA'I

PHYIR RO SNYAM DU DGONGS PA'O, ,'ON TE DNGOS PO SKYES PA'I DUS
NA DNGOS PO MED PA 'JIG GO SNYAM NA, DNGOS PO SKYES PAR ZHES
GSUNGS SO, ,'DI SNYAM DU DNGOS PO SKYES PA KHO NAS DNGOS PO MED
PAR BYED DO ZHE NA, DNGOS MED DANG NI MA BRAL NA, ,ZHES BYA BA
LA SOGS PA'O, ,'ON TE DNGOS

PO MED PA GANG YIN PA DE NYID KYANG DNGOS POR 'GYUR RO SNYAM NA,
DNGOS PO LA YANG ZHES BYA BA LA SOGS PA'O, ,RIGS PA'I TSOGS DE
MTHA' DAG GIS SKYE BA BKAG NAS, DE NI DE LTAR ZHES BYA BA LA
SOGS PAS 'JIG PA YANG 'GOG PAR BYED DO, ,DNGOS PO DANG DNGOS PO
MED PA DAG YOD PA DANG, ME

@177A *, ,PA NYID KYIS DGAG PA MI SRID PA'I PHYIR NA, DON DAM
PAR 'GAG PA YANG MED DO, ,DE'I PHYIR ZHES BYA BA LA SOGS PA NI
SNGA MA'I MJUG SDUD DO, ,DE SKAD DU, 'GAG PA MED PA SKYE MED PA,
,ZHES BYA BA LA SOGS PA GSUNGS PA YIN NO, ,GAL TE CHOS 'DI DAG
THAMS CAD

SKYE BA DANG 'GAG PA MED PA YIN NA, DE'I TSE 'GRO BA DRUG PO JI
LTAR YIN SNYAM NA, 'GRO BA RMI LAM ZHES BYA BA LA SOGS PA GSUNGS
SO, ,GAL TE DE LTA YIN NA GROL BA DANG MA GROL BA'I THA SNYAD JI
LTAR SNYAM NA, MYA NGAN 'DAS DANG MA 'DAS PA, ,ZHES GSUNGS SO,
,DE LTAR STONG PA'I ZHES BYA BA LA SOGS PAS

NI YON TAN SKYON KHYAD PAR MED PAS BSTAN PA'O, ,DA NI BYIS PA MA
RIG PAS LDONGS PA RNAMS KYI RIM PA'I SPYOD PA STON PAS, BDAG
NYID CES BYA BA LA SOGS PA GSUNGS SO, ,TSEGS CHEN ZHES BYA BA NI
'BAD PA CHEN POS SO, ,'TSO ZHES BYA BA NI GNAS PA'O, ,BDE 'GROR
YANG DANG YANG 'ONGS TE, ,

YANG NGAN SONG RNAMS SU LTUNG ZHES 'BREL TO, ,GANG GI PHYIR DE
LTAR SRID PA NA 'DI DAG NI BZOD DKA' BA'I SDUG BSNGAL GYI KHUR
MANG PO'I TSOGS GANG YIN PA DANG, DER NI DE NYID MIN ZHES BYA BA
MI SHES PA 'BA' ZHIG DANG, 'DI 'DRA ZHES BYA BA SDUG BSNGAL SNA
TSOGS KYI RGYU SDUG BSNGAL GYI 'BYUNG GNAS

SU GYUR PA DANG LDAN PA YIN NO, ,'ON TE 'KHOR BA'I SDUG BSNGAL
BSKYED PA LA YANG DAG PA'I SHES PA NYID RGYU CI STE MI 'DOD CE
NA, DER YANG ZHES BYA BA LA SOGS PA GSUNGS TE, GANG DU SHIN TU
MI BZOD PA'I TSOR BAS GNOD PA 'KHOR BA'I PHAN TSUN 'GAL BA'I
NGAL BA CHEN PO 'DI 'DRA BA YOD PA

DER YANG DAG PA'I SHES PA 'DI LTA BU SRID PA'I RGYUR 'THAD PA MA
YIN NO ZHES BYA BA NI GCIG TU NGES PA'O, ,DER YANG ZHES BYA BA
LA SOGS PA DE KHO NA MED PA NYID GSAL BAR BYED DO, ,DER YANG
ZHES BYA BA NI SRID PAR RO, ,STOBS CHUNG ZHING ZHES BYA BA NI
GZI BRJID CHUNG BA'O, ,GSON DANG NAD MED

KYI BYED DANG, ,ZHES BYA BA NI, GSON DU RE BA DANG, NAD MED PAR
RE BA DANG, GZHAN LA STON PA LA SOGS PA BYED PAS SO, ,TSE 'DI
MYUR 'DA' ZHES BYA BA NI TSE MYUR DU 'GRO BA'O, ,SKYON GZHAN
YANG STON PA NI DER YANG ZHES BYA'O, ,RNAM G-YENGS GOMS PA ZHES
BYA BA NI LUS KYI GNAS NGAN LEN LA SOGS

@177B PA'I MTSAN NYID DE DAG BZLOG PA'I THABS GA LA YOD DE MTHU
MED DO ZHES BYA BA'I DON TO, ,LOG PA'I LAM ZHES BYA BA NI LOG
PA'I LTA BAR LTUNG BA'O, ,THE TSOM LAS KYANG ZHES BYA BA NI LAM
LA YID GNYIS ZA BA LAS SO, ,RGAL BA ZHES BYA BA NI BZLOG PAR
DKA'O, ,DA LA BRNYED DKA' ZHES BYA

BAS NI MI KHOM PA BRGYAD SPANG BAR BRJOD DO, ,STONG PA NYID KYI
CHA BSTAN NAS, DA NI SNYING RJE'I CHA STON PA LA 'JUG PA NI, DE
LTAR SHIN TU ZHES BYA BA LA SOGS PA'O, ,DPER NA 'GA' ZHIG CES
BYA BA LA SOGS PA NI, SRID PA'I SDUG BSNGAL GYI RANG BZHIN YIN
YANG BDE BAR MNGON PAR RLOM PAR ZAD DO ZHES STON PA'O,,

DE LTAR DGA' DANG ZHES BYA BA LA SOGS PAS NI, MANG DU SMRA BAS
CI BYA STE, 'DI THAMS CAD NI MA RIG PA'I RNAM PAR 'GYUR BA YIN
NO ZHES STON PA'O, ,DE LTAR ZHES BYA BA LA SOGS PA SMOS PAS NI,
SMON LAM 'BRAS BU DANG BCAS PAR BYED PA'O, ,NAM ZHIG CES BYA BA
LA SOGS PAS NI, BYANG CHUB KYI

SEMS 'BRAS BU DANG BCAS PAR BYED PA'O, ,GAL TE DON DAM PAR BSTAN
PA YANG MED MOD KYI, 'ON KYANG KUN RDZOB TU YOD PA YIN NO, ,DE
LTA MOD KYI DE DAG LA BDAG NAM ZHIG STONG PA NYID STON PAR 'GYUR
ZHIG GU ZHES BYA DE LTAR 'KHOR GSUM MI DMIGS PA'I TSUL GYIS
SBYIN PA LA SOGS PA'I SGO NAS

BSOD NAMS KYI TSOGS SU JI LTAR 'GYUR BA DE LTAR YANG GUS PAR
RJES SU BSGRUBS NAS NAM ZHIG GZHAN LA STON PAR 'GYUR ZHIG GU
ZHES DE LTAR BSOD NAMS DANG YE SHES KYI TSOGS KYI RNAM PAR BSTAN
TO, ,NAM ZHIG DMIGS PA MED TSUL DU, ,KUN RDZOB TU NI BSOD NAMS
KYI TSOGS LA GUS PAS DMIGS

PA DANG BCAS PAR LTA BA LA, STONG NYID STON PAR 'GYUR ZHES KHA
CIG LAS 'DOD DO, ,DE'I TSE NI 'KHOR GSUM MI DMIGS PA'I TSUL DU
KUN RDZOB TU SBYIN PA LA SOGS PA'I SGO NAS BSOD NAMS DANG YE
SHES KYI TSOGS LA GUS PAR TE, 'BAD PAS DMIGS PA'I LTA BA CAN DAG
SDUG BSNGAL DANG LDAN PAR GYUR PA

'DI RNAMS LA BDAG STONG PA NYID NYON MONGS PA DANG SHES BYA'I
SGRIB PA 'JOMS PAR BYED PA STON PAR NAM ZHIG 'GYUR ZHES BYA BA
YIN NO, ,SDUG BSNGAL MA LUS SPONG BYED SHES RAB KYI, ,LE'U NUS
PA JI BZHIN RNAM BKROL LAS, ,BSOD NAMS SBRANG MA'I RDUL TZAM
GANG THOB DES, ,'GRO BA MYUR DU ZHI BA'I

@178A *, ,LHAR GYUR CIG, ,SHES RAB LE'U'I DKA' 'GREL RDZOGS SO,,
,,PAndI TA MI MNYAM KHOL PO DANG, LO TZ'A BA DGE SLONG BLO LDAN
SHES RAB KYIS BSGYUR BA, LI STON RDO RJE RGYAL MTSAN MOS PA'I
DBANG GIS 'GREL PA 'DI LEGS PAR BSGYUR, ,