#, ,RGYA GAR SKAD DU, BO DH'I TZ'A RAB T'A RA T'A TA PA RYA PA NYDZI KA BI SHE shA BYA TA NI N'A MA, BOD SKAD DU, BYANG CHUB KYI SPYOD PA LA 'JUG PA'I DGONGS PA'I 'GREL PA KHYAD PAR GSAL BYED CES BYA BA, BLA MA DANG SANGS RGYAS BYANG CHUB SEMS DPA' RNAMS LA PHYAG 'TSAL LO, ,THOG MAR RGYAL PO 'JAM DPAL GO CHA'I SRAS GYUR PAR DU GANG, ,BHAm GE'I NAGS SU 'JAM DBYANGS @193A *, ,BSGRUBS PA BLA MA'I GDAMS PA THOB, ,GZHUG TU NAM MKHAR 'JAM DBYANGS KYIS NI DNGOS SU BYIN GYIS BRLABS, ,THEG CHEN LAM MCHOG ZHI BA'I LHA LA GUS PAS PHYAG 'TSAL LO, ,RGYAL BA'I BSTAN LA BDAG NYID CHE, ,SKYES BU MANG PO BYON MOD KYI, ,ZHI BA'I LHA YIS MDZAD DANG 'DRA, ,NYAMS DANG DGONGS PA CAN MI RNYED, ,BDAG MED GNYIS RTOGS THUGS RJE CAN, ,'PHAGS PAS MDZAD BA'I 'GREL PA LA, ,BCINGS PA MA LUS DANG LDAN PA, ,DAD PA'I RJES 'BRANG BDAG MI 'OS, ,'ON KYANG DE LAM THOB 'DOD PAS, ,SPYOD 'JUG BSHAD PAR RTZOM PA 'DI, , BLA MAS GNANG BA RDZOGS SANGS RGYAS, ,LAM GYI RIN CHEN THOB PA'I DRIN, ,'GREL PA MDZAD PA RNAMS KYIS KYANG, ,'PHAGS PA'I DGONGS PA GSAL MA BYAS, ,DE'I PHYIR DGONGS PA'I 'GREL PA 'DI, ,RNAL 'BYOR ZLA BAS CUNG ZAD BRIS, ,'DI SKAD BRGYUD PA LAS THOS TE, ,LHO'I PHYOGS SU DPAL LDAN NA GA RA LA MI'I RGYAL BA 'JAM DPAL GO CHA'I BU RU SKYES, SNGON GYI SANGS RGYAS LA BYA BA BYAS PA, THAR BA'I CHA MTHUN GYI DGE BA'I RTZA BA THOB PA, THEG PA CHEN PO'I RIGS YANG DAG PA SGYU RTZAL THAMS CAD LA MKHAS PA, ,RGYAL TSAB TU DBANG BSKUR PA'I DUS SU RDO RJE RNAL 'BYOR MA'I SBRUL BA, RGYAL PO'I BTZUN MO CHEN MO YUM GYIS CHU DRON POS KHRUS BYED DU BCUG PAS, DE'I DROD MI BZOD BA MTHONG NAS YUM GYIS 'DI SKAD DU SMRAS TE, SNYIGS MA'I DUS SU RGYAL PO BYAS NA NYON MONGS PA'I DBANG GIS SEMS CAN SDUG TU BCUG LA, SHI NAS DMYAL BAR 'DI BAS KYANG DRAG PA'I SDUG BSNGAL MYONG BAR 'GYUR BAS RGYAL SRID KYIS DGOS PA MED KYI BU KHYOD {BHAm} GA LA'I YUL DU SONG, DER KHYOD LA 'JAM PA'I DBYANGS KYIS BYIN GYIS RLOB PAR 'GYUR ZHES SO, ,DE NAS YUM GYI BKA' DE SPYI BOR BZHAG NAS, THUGS DRANG PO RTA MCHOG LJANG GU LA ZHON TE GSHEGS SO, ,DE YANG ZHAG DU MA NYIN MTSAN MED PAR 'GRO STE, BZA' BTUNG LA SOGS PA YID LA MI BYED PAR DE'I BKA' GCIG BU LA RTZE GCIG PAR 'GRO BA LA, {BHAm} GA LA'I YUL GYI MTHA' MAR NAGS TSAL GYI NANG NA BU MO RIN PO CHE CIG MTHONG NGO, ,BU MO DES RTA BZUNG NAS DE RTA LAS BABS SO, ,DE NI SHIN TU SKOM PAS MDUN DU CHU MTHONG NAS BTUNG BAR BRTZAMS SO, ,BU MOS @193B 'DI NI DUG GI CHU YIN PAS MA 'THUNG CIG CES SMRAS NAS DE LAS BZLOG STE BDUD RTZI'I CHU 'THUNG DU BCUG PA DANG, SHA BSREGS NAS ZA RU BCUG PAS TSIM PAR GYUR LA BU MO LA SMRAS TE KHYED GANG NAS 'ONGS ZHES SO, ,DES SMRAS PA, NAGS TSAL CHEN PO 'DI'I DBUS SU YON TAN DAM PA'I TSOGS KYIS BRGYAN PA, THUGS RJE CAN DPAL 'JAM PA'I RDO RJE'I TING NGE 'DZIN SGRUB PA BDAG GI BLA MA BZHUGS TE, DE NAS 'ONGS ZHES SO, ,DE THOS PA TZAM GYIS BKREN PAS RIN PO CHE THOB PA LTAR DGA' BDE CHEN BOS DBUGS PHYUNG NAS SMRAS TE, KYE DE BDAG LA STON CIG ,BU MOS DE 'BOD PA RTA BZUNG STE GSHEGS PAR GYUR TO, ,DER PHYIN PAS SHIN TU ZAB PA'I THUGS DANG LDAN ZHING, LUS NGAG ZHI BA GSER GYI RI LTA BU BLA MA'I MCHOG MTHONG NAS, BDAG NYID DANG RTA MCHOG PHUL NAS GUS PAS BLA MA DE LA PHYAG BYAS TE, 'JAM PA'I DBYANGS KYI TING NGE 'DZIN GYI GDAMS PAS BDAG RJES SU 'DZIN PAR 'TSAL LO ZHES GSOL TO, ,BLA MAS KYANG DE YONGS SU SMIN PAR MDZAD PA'I RIM PAS GDAMS PAR MDZAD DO, ,DE NAS LO BCU GNYIS DER BZHUGS LA TING NGE 'DZIN GYIS 'JAM PA'I DBYANGS MNGON SUM DU MDZAD CING, DE RJES BLA MAS YUL DBUS SU 'GRO BAR BKA' STZAL PAS SONG STE; MA GA DHA'A'I RGYAL PO BRTEN CING SHING GI RAL GRI SHUBS DANG BCAS PA BZUNG BAS RTA PA'I TSUL MI G-YO BA'I SDE ZHES PA'I MING CAN RGYAL POS BKUR BA SPYOD PA DE NYID KYIS CHOS KHO NA YID LA BYED CING BZHUGS SO, ,DUS GZHAN ZHIG NA RTA PA GZHAN RNAMS KYIS DE'I PHUN SUM TSOGS PA MI BZOD PAS RGYAL PO LA SMRAS TE MI G-YO BA'I SDE 'DI NI SHING GI RAL GRIS KHYED BSTEN PAS 'KHRUGS PA'I DUS SU DGRA LA JI LTAR RDEG PAR 'GYUR, DE BAS NA DE'I RAL GRI BLTA BAR 'TSAL, DE LTAR YIN YANG DRANG POR SMRA MI NUS PAS RTA PA THAMS CAD KYIS RAL GRI BLTA BAR BYA'O ZHES RGYAL POS BKA' STZAL PAS KHA CIG GIS RAL GRI BLTAS NAS, MI G-YO BA'I SDE LA YANG RAL GRI BLTA'O ZHES BKA' STZAL TO, ,DES GSUNGS PA, BDAG GI RAL GRI KHYED KYIS LTA BAR MI 'OS ZHES SO, ,RGYAL POS NAN TAN GYIS YANG DANG YANG DU ZHUS PAS MI G-YO BA NA RE, CIS KYANG MTHONG BAR 'DOD NA @194A *, ,PHYOGS DBEN PAR KHYED RANG KHO NA LAG PAS MIG GCIG BKAB STE BLTA BAR GYIS SHIG ,DES BLTAS PAS RAL GRI'I GZI BRJID KYIS RGYAL PO'I MIG MA BKAB PA NGOS SA LA LHUNG NGO, ,NUS PA DE MTHONG NAS RGYAL PO SHIN TU MOS PAR 'GYUR BAR DGONGS LA MIG GI BU GAR MIG BCUG STE, ZUG RNGU MED PAR BYAS LA GTZUG LAG KHANG CHEN PO NA LEN DRAR GSHEGS LA, MI G-YO BA'I SDE RAB TU BYUNG STE, ZHI BA DANG LDAN PAS ZHI BA'I LHA ZHES MING BTAGS, DER NI SDE SNOD GSUM MNYAN PA'I RJES LA, ZA RUNG NYAL RUNG 'CHAG RUNG RGYUN DU 'OD GSAL BSGOMS PAS BHU SU KU ZHES TING DE 'DZIN LA GNAS PA'I PHYIR BHU SU KU ZHES MING YONGS SU GRAGS SO, ,DE NAS DUS GZHAN ZHIG NA DGE 'DUN GYI NANG DU MA RUNGS PA 'GA' ZHIG GIS, 'DIS NI DGE 'DUN GYI NANG DU BYA BA GANG YANG MA BYAS PAR SGOM PA LTAR GNAS TE, CI SHES BRTAG DGOS ZHES BGROS LA, ,DANG PO CHO 'PHRUL GYI DUS SU LO RE RE ZHING CHOS 'DON PA YOD PAS, 'DI LA 'TSOL DGOS ZHES BSAMS NAS DE LA ZHUS SO, ,DES GSUNGS PA BDAG GIS CI YANG MI SHES SO, ,YANG NAS YANG DU BKAG KYANG DE DAG GIS ZHUS SHING GTZUG LAG KHANG GI PHYI ROL DBANG LDAN GYI MTSAMS SU SA PHYOGS YANGS PA LA MCHOD PA'I RNAM PA DU MA BSHAMS TE, SKYE BO MA LUS PA BOS NAS SENG GE'I KHRI SHIN TU MTHON PO BSHAMS TE SPYAN DRANGS SO, ,DES DER BZHUGS SHING BSAMS TE, MDO SDE KUN LAS BTUS PA DANG, ,BSLAB PA KUN LAS BTUS PA DANG, ,BYANG CHUB SPYOD PA LA 'JUG PA ZHES GZHUNG GSUM BDAG GIS BYAS YOD DO; ,DE LA SPYOD PA LA 'JUG PA GDON PAR 'OS BSAMS NAS GSUNGS TE DRANG SRONG GIS GSUNGS PA'AM, DE'I RJES LAS BYUNG BA GANG GDON DON DAM RTOGS PA NI DRANG SRONG NGO, ,DES MDZAD PA GSUNG RAB PO, ,DE LA BRTEN NAS GZHAN GYIS BYAS PA DE RJES LAS BYUNG BA'O, ,'PHAGS PA BYAMS PAS DE GSUNGS PA, GANG NI DON CAN CHOS KYI TSIG DANG LDAN, ,KHAMS GSUM NYON MONGS DAG PAR BYED PA'I TSIG ,ZHI BA'I PHAN YON STON PAR BYED PA DE, ,DRANG SRONG LAS BYUNG DE LAS BZLOG PA GZHAN, ,ZHES SO, ,DES GANG 'CHAD PAR 'GYUR BA LE'U BCU PA NAS, ,BDAG KYANG 'JAM DBYANGS @194B BKA' DRIN GYIS, ,SA RAB DGA' BA THOB BAR DU, ,RTAG TU TSE RABS TU TSE RABS DRAN PA DANG, ,RAB TU 'BYUNG BA 'ANG THOB PAR SHOG ,CES PA DE YANG RIGS PAR 'GYUR RO, ,DE DAG GIS NGO MTSAR SKYES NAS SMRAS TE, GZHAN PA 'DON PAR ZHU 'TSAL ZHES BRJOD PA DANG, DES KYANG SPYOD PA LA 'JUG PA 'DON PAR BRTZAMS SO, ,DE LA, GANG TSE DNGOS DANG DNGOS MIN DAG ,BLO YI MDUN DU MI GNAS 'GYUR, ,DE TSE RNAM PA GZHAN MED PAR, ,DMIGS PA MED PAR RAB TU ZHI, ,ZHES BYA BA 'DON PA'I SKABS SU DE LA MTHONG LAM MNGON DU GYUR PA DANG 'PHAGS PA 'JAM DPAL MDUN GYI NAM MKHA' LA SNANG, DE'I RJES LA DE DANG BCAS PA SKYE BO RNAMS LA MI SNANG BAR GYUR, DE NAS DE MA MTHONG BAS 'GYOD PAR GYUR PA'I SKYE BO RNAMS KYIS DE'I BRANG KHANG DU BLTAS PAS, MDO SDE KUN LAS BTUS PA LA SOGS PA GSUM BLANGS TE, MKHAS PA RNAMS KYI SGO NAS 'JIG RTEN DU GRAGS PAR BYAS SO, ,DE LA BDE GSHEGS SRAS BCAS CHOS KYI SKU DANG BCAS, ,PHYAG 'OS KUN LA'ANG GUS PAS PHYAG 'TSAL TE, ,ZHES BYA BA LA SOGS PA'I MCHOD BRJOD DU PHYAG 'TSAL BA DANG, DAD PA GTZO BOR GYUR PA DANG, BRJOD PAR BYA BA DANG, DGOS PA DANG, 'BREL PA DANG, RANG DGA' SPONG BA DANG, DGOS MED KYI SKYON SPONG BA STE, DON BDUN 'CHAD DO, ,DE LA KLAN KA 'DI YIN TE, ,THOG MAR BYANG CHUB SPYOD 'JUG TU, ,DKON MCHOG GSUM LA PHYAG BYED NA, ,BLO LDAN NUS NA RIM MED CING, ,DGE 'DUN MOS NA TSOGS BCAS 'OS, ,CHOS 'DOD CHOS SKU SMOS PA CI, ,DE NI SANGS RGYAS DNGOS YIN NO, ,DE TSE DKON MCHOG GSUM MA CHANG, ,SANGS RGYAS CHOS DANG DGE 'DUN ZHES, ,BYAMS PAS KYANG NI RIM PAS GSUNGS, ,DUS GSUM LA GNAS SANGS RGYAS KUN, ,CHOS DANG DGE 'DUN MCHOG DANG BCAS, ,'DIS KYANG 'OG TU 'CHAD PAR 'GYUR, ,DES NI MI SLU'I GDAMS PA CAN, ,BLA MA MKHAS PA BTZAL BAR BYA, ,BDE GSHEGS SRAS KYI SDOM LA 'JUG PA RNAMS BRJOD BAR BYA ZHES 'BREL TE, LEGS PAR GSHEGS PAS BDE BAR GSHEGS PA STE, ,DPER NA BU MO LEGS BZHIN NO, ,SRID PA'I RTZE MOR PHYIN GYUR KYANG, ,KHYOD KYI CHOS LAS LOG PA'I MI, ,LAS LAS BYUNG BA'I SRID PA RNAMS, ,MA RIG LDONGS PAS @195A *, ,SOGS PAR BYED, ,CES GSUNGS PAS MU STEGS KYI LAM GYIS 'KHOR BAR 'KHOR BA KHO NA YIN GYI BDAG TU 'DZIN PA MA BTANG BAS THAR PA THOB BA MED DO, ,YANG NA PHYIR MI LDOG PAR GSHEGS PAS BDE BAR GSHEGS PA STE, TSAD PA SHIN TU SANGS PA BZHIN NO, ,SRID PAR LAN BDUN 'KHOR BA LA SOGS PA NI YANG DANG YANG DU 'KHOR RO, ,YANG NA BGROD PAR BYA BA JI SNYED PAR GSHEGS BAS BDE PAR GSHEGS PA STE, TSOGS MA LUS PA BSAGS PA'I PHYIR TE, BUM PA SHIN TU GANG BA BZHIN NO, ,'GRO BA'I DON THAMS CAD NI SHES PA'I DON TO, ,DGRA BCOM PA RNAMS LA NI NYON MONGS PA CAN MA YIN PA'I MA RIG PA YOD DE, THAR BA'I SA BON SHIN TU PHRA, ,DE LA YOD PA'ANG BDAG GIS MTHONG, ,RDO BA'I KHAMS KYI NANG DU NI, ,GSER NI MI GSAL YOD BZHIN NO, ,ZHES GSUNGS PA'I PHYIR RO, ,BDE BA'I DON GSUM BSHAD DE, LEGS PAR MA SONG MU STEGS RNAMS; ,SLOB PA RNAMS NI YANG YANG 'KHOR, ,MI SLOB BGROD BYA KUN BGROD MIN, ,BDE GSHEGS GSUM LAS KHYAD PAR 'PHAGS, ,ZHES GSUNGS PA'I PHYIR RO, ,BDE BAR GSHEGS PA'I BDAG NYID NI RANG BZHIN TE CHOS KYI SKU'O, ,DE LAS BYUNG BAS NA SRAS TE CHOS NYID MNGON SUM DU BYAS PAS 'PHAGS PAR 'GYUR BA'I PHYIR RO, ,GANG GI PHYIR BYAMS PAS GSUNGS PA, 'DI THAMS CAD NI GNYIS TE, CHOS DANG CHOS NYID KYIS BSDUS PA'I PHYIR RO, ,CHOS LAS BYUNG BA 'KHOR BA YIN LA, CHOS NYID LAS BYUNG BA NI THEG PA GSUM GYIS MYA NGAN LAS 'DAS PA'O ZHES SO, ,DE DAG GI SDOM PA NI RDZOGS PA'I BYANG CHUB TU SEMS BSKYED PA STE, BSDUS NA SMON PA DANG 'JUG PA RNAM PA GNYIS SO, ,DE YANG LO THOG RNAMS KYI SA BON BZHIN DU BYANG CHUB KYI MCHOG GI RGYU THUN MONG MA YIN PA'I RGYU'O, ,DE'I BSLAB PA GNYIS TE, DE LA BZLOG PA'I TSUL KHRIMS NI NYES SPYOD THAMS CAD LAS LOG PA'O; ,'JUG PA'I TSUL KHRIMS NI PHA ROL TU PHYIN PA DRUG GOMS PA'O, ,DE'I CHOG NI BYANG CHUB SEMS DPA'I SDE SNOD KYI RGYA MTSO LAS MANG DU BSHAD DO, ,'BAB STEGS BZHIN DU GANG GIS DER 'JUG PA, ,DE NI BDE GSHEGS SRAS KYI SDOM LA 'JUG PA STE, ,DE YANG DAL 'BYOR RNYED PAR DKA' BA DANG,, @195B RNYED KYANG MI RTAG PA DANG, DER YANG SANGS RGYAS KYI BYIN GYI RLABS KYIS, BSOD NAMS LA 'JUG PA DKA' BA DANG, SDIG PA LA 'JUG PA NI RANG GIS NGANG GIS TE, THOG MA MED NAS GOMS PA'I PHYIR RO, ,DE BAS SDIG BA STOBS DANG LDAN PA DE'I GNYEN PO BYANG CHUB MCHOG TU SEMS BSKYED PA KHO NA YIN PA DANG; 'BRAS BU MTHONG NAS 'JUG PAS DE'I PHAN YON DANG, LUS LA SOGS PA DAG PAR BYA BA'I PHYIR SDIG PA BSHAGS PA DANG, DKON MCHOG GSUM LA MCHOD PA DANG, PHYAG 'TSAL BA DANG, BSOD NAMS LA RJES SU YI RANG BA DANG, CHOS KYI 'KHOR LO BSKOR BAR BSKUL BA DANG, MYA NGAN LAS MI 'DA' BAR GSOL BA GDAB PA'I BAR BYANG CHUB MCHOG TU SEMS BSKYED PA'I SBYOR BA BYAS LA DKON MCHOG GSUM LA SKYABS SU 'GRO BA DANG, SMON PA'I SEMS BSKYED SNGON DU 'GRO BA 'JUG PA'I SEMS BSKYED NAS, DE'I RJES GSO BA'I PHYIR SEMS SPRO DGA' BSKYED PA DANG, SBYIN PA DANG, TSUL KHRIMS DANG; BZOD PA DANG, BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA LA SPYOD PA DANG, DE DAG YONGS SU BSNGO BA'I BAR TE, DE RNAMS KYIS NI BRJOD BYA BSTAN TO, ,BSHAD PAR BYA ZHES PAS NI RANG DANG GZHAN GYI RGYUD LA DE'I DON GYI RTOGS PA BSKYED PA STE, DGOS PA BSTAN TO; ,CI BYAS NAS 'CHAD CE NA PHYAG 'TSAL TE, PHYAG BYAS PAS BSOD NAMS 'BYUNG, DES SDIG PA'I RANG BZHIN GYI BGEGS BZLOG NAS GZHUNG LA SOGS PA BAR CHAD MED PAR TSAR BA'O, ,GANG LA PHYAG 'TSAL ZHE NA, BDE GSHEGS LA STE KHYAB 'JUG DANG DBANG PHYUG CHEN PO LA SOGS PA'I CHOS DANG THUN MONG MA YIN PA, THEG PA CHEN PO DANG PO NYID DU STON PAS BCOM LDAN 'DAS BLA MA YIN TE, DANG PO NYID DU PHYAG BYAS SO, ,DE JI LTA BU ZHE NA, SRAS DANG BCAS PA YIN PAS SRAS BCAS SO, ,SRAS NI 'DIR 'PHAGS PA 'JAM DPAL TE, DES YI DAM BSGRUBS PA'I PHYIR RO, ,YANG JI LTA BU ZHE NA, CHOS KYI SKU DANG BCAS PA YIN PAS, CHOS KYI SKU DANG BCAS PA STE, CHOS NYID NI KHYAB BYED YIN PAS SKU YIN TE, DE MNGON SUM DU RTOGS PAS SRID PA'I SDUG BSNGAL ZAD DE, MNGON SUM DU BYA BA YIN PAS DE LA PHYAG BYAS SO, ,YANG CI BYAS NA ZHE NA YANG NI 'DUS PA'I DON TO, ,KUN @196A *, ,NI MA LUS PA STE, PHYAG 'OS NI PHYIR MI LDOG PA'I DGE 'DUN LA SOGS PA'O, ,SEMS DANG BO BSKYED PA NAS BRTZAMS TE DGE 'DUN GYI BSLAB BA DANG MTHUN PA LA SPYOD PA YIN PAS, DGE BA'I BSHES GNYEN TE DE LA PHYAG BYAS SO, ,DANG PO NYID DU RIGS LDAN RNAMS 'JUG PA NI DAD PA STE, RTOGS PAS MA YIN PAR GSUNGS TE GUS PAS SO, ,DAD MED PA YI MI RNAMS LA, ,DKAR PO'I CHOS NI MI 'BYUNG STE, ,SA BON ME YIS TSIG BA LA, ,MYU GU SNGON PO MI 'BYUNG BZHIN, ,BYAMS PAS GSUNGS PA, RANG BYUNG RNAMS KYI DON DAM PA, ,'DIR NI DAD BA NYID KYIS 'GRO, ,LONG BAS BRJID DANG LDAN PA YI, ,NYI MA'I DKYIL 'KHOR MI MTHONG NGO, ,ZHES SO, ,DAD PA YANG GSUM STE, YOD LA YID CHES RNAM PA CAN, ,YOD BZHIN YON TAN LDAN PA DANG, ,YON TAN LDAN YOD SGRUB NUS LA, ,'DOD PA'I DAD DE RNAM GSUM MO, ,LAS 'BRAS LA SOGS MI SLU BAR YOD PA LA YID CHES PA DANG, YOD PA YON TAN DANG LDAN PAS SANGS RGYAS LA SOGS PA LA DANG BA'I DAD BA DANG, YOD PA NAN TAN DANG LDAN PA BSGRUB PAR NUS PA BYANG CHUB LA 'DOD PA'I DAD PA'O, ,'BREL PA NI, BSTAN BCOS DANG NI DGOS BA'I DON, ,'BREL PA'I GZHI NI GNYIS LA GNAS, ,DES BSTAN 'DUS PA DE YI PHYIR, ,DGOS LAS LOGS SHIG MA BSTAN TO, ,BSTAN BCOS NI SPYOD 'JUG STE, DGOS PA NI DE'I DON LA MKHAS PA'O, ,DE GNYIS KYI 'BREL PA NI THABS DANG THABS LAS BYUNG BA'I MTSAN NYID CAN, BRDA'I STOBS KYIS TSIG LAS DON RTOGS PA'I PHYIR RO, ,BYANG CHUB MCHOG TU SEMS BSKYED PA LA SOGS PA'I SPYOD PAS SANGS RGYAS PA NI THA MAL PA'I SPYOD YUL DU MA GYUR PAS, MI MKHAS GDAMS PA DON GNYER NA, ,SLU BA'I DOGS PA DANG LDAN PAS, ,'GA' ZHIG YI SHES LDAN 'DOD DE, ,DES GSUNGS RAB TU BSGRUB PHYIR RO, ,DES GSUNGS BA'I PHYIR SANGS RGYAS KYI GSUNG RAB KHO NA GZUNG BYA YIN PAS LUNG BZHIN ZHES GSUNGS TE, SKYON MTHA' DANG BRAL BA'I SKYES BU NI TSAD MA STE, DES GSUNG BA NI LUNG STE DE DANG MI 'GAL BAS SO, ,JI LTAR SA SOGS GZUNG BYA MIN, ,LHA YI SKU NI DES BYAS NA, ,DAM PA RNAMS KYIS MCHOD 'OS @196B LTAR; ,LUNG BRTEN BDAG GIS BLANG BAR RIGS, ,SHES PAS RANG DGA' SPANG BA'O, ,DE LTAR NA LUNG NYID LA 'JUG PAR BYA BA'I BSTAN BCOS LA ZHUGS PA DON MED CE NA, 'DIR GSUNGS PA MDOR BSDUS NAS TE GDUL BYA'I DBANG GIS DE DANG DER GZHUNG DU MA LAS RGYAS PAR BSHAD PA'I DON RNAMS; 'DIR GZHUNG NYUNG BAS BSDUS TE GO SLA BAR BSHAD NAS, DGOS PA MED PA'I LOG RTOGS SEL TO, ,TSIGS BCAD GNYIS KYIS KHENGS BSKYUD PA STE, SNGON CHAD MA BYUNG ZHES PA LA SOGS PA'O, ,BCOM LDAN 'DAS KYI GSUNG RAB PAS LHAG PA'I DON BDAG GIS BRJOD MI NUS LA, SNYAN DNGAGS KYI BYE BRAG GIS GZHUNG GI SDEB SBYOR LA YANG MI MKHAS SO, ,DE BAS NA GZHAN GYI DON DU KHO BOS MA BRTZAMS SO, ,DE BAS RANG GI YID LA BSGOM PA'I PHYIR BLA MA'I GDAMS PA MI BRJED PA'I SLAD DU BSTAN BCOS 'DI BRIS SO, ,DES DON NI THAR PA'I LAM LA BCOM LDAN 'DAS KYIS GSUNGS PA LAS LHAG PA BCUG NA LAM GOL TE, 'DI LA BSAL BYA CI YANG MED, ,GZHAG PAR BYA BA 'ANG CUNG ZAD MED, ,YANG DAG NYID LA YANG DAG LTA, ,YANG DAG MTHONG NAS RNAM PAR GROL, ,ZHES GSUNGS BA'I PHYIR RO, ,'DI'I DON NI 'JIG RTEN LAS 'DAS PA YIN PAS RTOGS PAR DKA' BA LA SNYAN DNGAGS KYI TSOGS KYIS GO BA DKA' BAR GYUR NA BGROD PAR BYA BA MA YIN PAR 'GYUR BAS SDE BA SBYOR MA BYAS SO, ,THE TSOM GYIS NI SEMS GYO NA, ,GSANG SNGAGS DAM PA LOG PAR 'GYUR, ,ZHES GSUNGS PAS RANG GI NGES PA BSHAD DE, GZHAN NI 'JIG RTEN LAS 'DAS PA'I PHA ROL GYI DON LA BDAG LA THE TSOM MED DO, ,DE BAS NA RANG GI SHES RAB DANG BLA MA DANG LUNG LAS NGES PA'I DON 'BYUNG LA THAR PA THOB PAR 'DOD PA RNAMS KYIS RANG GI YID LA BSGOM PA'I PHYIR BDAG GIS 'DI BYAS SO, ,GOMS PA'I MTHAR PHYIN PA DON GSAL BAR 'GYUR BA'I PHYIR RO, ,'DIS NI DON GYIS GZHAN 'JUG PA'I YAN LAG GSUNGS SO, ,RANG GI SEMS LA YOD PA'I KHYAD PAR GYIS YID LA GOMS PAR BYED PA LA YENG BA'I RGYU GZHUNG RTZOM PAS CI BYED CE NA, SMRAS PA, DGE BA ZHES BYA BA LA SOGS PA'O, ,THOS PA TZAM GYIS NYON MONGS PA 'JOMS PA MA YIN @197A *, ,MED; ,NAN TAN MA BYAS NA THOS PA YANG BRJED PAR 'GYUR RO, ,RE ZHIG NI RIM PA STE 'DIR BSHAD PA'I BYANG CHUB SEMS KYI PHAN YON LA SOGS PA YANG DANG YANG DU MNGON DU PHYOGS PAR BYAS PAS DGE BA NI BYANG CHUB MCHOG TU SEMS BSKYED PA LA SOGS PA BSGOM PA'I PHYIR, DANG BA'I DAD PA'I SHUGS NI KHYAD PAR DU 'PHAGS PA STE, GANG LAS CHOS NYID RTOGS PAR 'GYUR RO, ,DE 'PHEL BA NI KHYAD PAR DU 'PHAGS SO, ,GAL TE BDAG DANG MNYAM PA'I SKAL BA DANG LDAN PA STE, BLO DMAN PA'O, ,YANG NA BDAG DANG 'DRA BA THEG PA CHEN PO'I RIGS LDAN NO, ,GANG GI PHYIR BYAMS PAS GSUNGS PA, THEG MCHOG LA MOS GANG LA YOD, ,MA NI SHES RAB SANGS RGYAS CHOS BSKYED PHYIR, ,MA MA SNYING RJE MA MA LA NI BSAM GTAN BDE, ,GANG YIN DE NI THUB PA'I RJES SKYES SRAS, ,ZHES SO, ,GANG GI PHYIR, YON TAN MKHAS LA YON TAN YON TAN 'GYUR, , YON TAN MED LA DE NYID SKYON DU 'GYUR, ,YAN LAG BRGYAD PA'I CHU NI CHU BOR RGYU, ,DE NYID RGYA MTSOR BTUNG DU MI RUNG 'GYUR, ,ZHES SO, ,BDAG LAS GZHAN YANG GZHUNG 'DI MTHONG NA DE'I TSE GZHAN DON BYED PAS DON CAN DU 'GYUR RO, ,'DI YANG SLOB MA LA SLOB PA STE GANG GI PHYIR, ,MI SHES SKYE BOS CI STE 'DI MI BSTEN, ,ZHES 'CHAD PAR 'GYUR RO, ,CHOS KYI GRAGS PAS KYANG GSUNGS PA, SKYE BO PHAL CHER PHAL LA CHAGS SHING SHES RAB RTZAL MED PAS NA LEGS BSHAD RNAMS, ,DON DU MI GNYER KHO NAR MA ZAD PHRAG DOG DRI MA DAG GIS SDANG BAR YANG, ,DES NA BDAG LA 'DI NI GZHAN LA PHAN PA YIN ZHES BYA BA'I BSAM PA 'ANG MED, ,SEMS NI YUN RINGS LEGS BSHAD GOMS PA LHUR LEN BSKYED PHYIR 'DI LA DGA' BA SKYES, ,'DI'I DON NI SKYE BO RNAMS GNAS MA YIN PA LA MNGON PAR ZHEN PA DANG, SHES RAB 'CHAL BA DANG, LEGS BSHAD LA DON DU MI GNYER BA DANG, PHRAG DOG GI DRI MA DANG LDAN ZHING LEGS BSHAD LA SDANG BAS GZHAN DON 'ONG BA'I BSAM PA MED MOD KYI, 'ON KYANG LEGS BSHAD LA GOMS PAS GZHUNG 'DI BYAS SO, ,DES DON DU SLOB PAR 'DOD NA SKYON BZHI PO DE DAG SPANGS NAS BSLAB PAR BYA'O ZHES GZHAN LA STON PA'I DON KHO NA YIN NO, ,GANG GI @197B PHYIR CHOS 'DI SENG GE'I 'O MA DANG 'DRA STE, DE NI GSER GYI SNOD MA YIN PAR BLUGS NA, SNOD KYANG 'CHAG LA DE YANG CHUD GSAN PAR 'GYUR RO, ,SRID PA LA SKYON DANG MYA NGAN LAS 'DAS PA LA YON TAN DU MTHONG NAS BYANG CHUB NI BRTZON 'GRUS LAS 'BYUNG BAS DE BSKYED PA BSHAD DE, DAL 'BYOR ZHES BYA BA LA SOGS PA'O, ,GRANG BA DANG TSA BA'I DMYAL BAR SHIN TU GRANG BA DANG TSA BA DAG GIS DANG, YI DGAS SU BKRES BA DANG SKOM PA DAG GIS DANG, DUD 'GROR PHAN TSUN ZA BA DANG, GZHAN GYIS RDEG PA DANG GTI MUG CHE BA LA SOGS PA DANG, KLA KLOR BLANG BYA DANG SPANG BYA MI SHES PA DANG, LHA TSE RING PO LA TING NGE 'DZIN GYIS BRGYAL BA DANG, THA MAR LOG LTAS DGE BA'I RTZA BA GCOD PA DANG, SANGS RGYAS KYIS STONGS PA LA 'JIG RTEN LAS 'DAS PA'I GDAMS NGAG MED PA DANG, GLEN LKUGS 'ON PA LA SOGS PA LA GDAMS PA 'DZIN PA LA SOGS PA'I NUS PA MED PA DANG, 'PHAGS PA'I LAM MNGON DU BYED PA LA MI 'OS PA'I PHYIR, DMYAL BA YI DGAS DUD 'GRO DANG, ,KLA KLO TSE RINGS LHA DANG NI, ,LOG LTA SANGS RGYAS KYIS STONGS PA, ,LKUGS PA 'DIR NI MI KHOM BRGYAD, ,MI KHOM BRGYAD BRAL DAL BA DANG, ,DBUS SU MI LUS DBANG PO TSANG, ,MTSAMS MED LNGA BRAL GNAS LA GUS, ,BDE GSHEGS CHOS GSUNGS BSTAN PA GNAS, ,BSHES GNYEN ZAS GOS LUS LAS RUNG, ,'BYOR PA RNYED DKA'I DPE LA YANG, ,CHU RGYAS 'DOM BDUN STE DAG G-YO, ,RLUNG BSKYOD GTING ZAB RGYA MTSO LA, ,CHU GNAS SHING SKAM GNYA' SHING GI, ,BU GA CHUNG ZHING GCIG PU'I NANG, ,LO BRGYAR LAN CIG STENG 'GRO LA, ,MI MKHAS MIG GCIG 'GRO BA BUL, ,'OG NAS KHOG NANG GNAS PA YI, ,MGUL PA CHUD LTAR MTHONG BAS NI, ,SKYES BU'I DON CHEN RNYED PAR DKA', ,GAL TE LA SOGS PA NI DA NI SHES RAB THABS LA GZHOL BA'I BLO MED NA, 'DI 'DRA'I DAL 'BYOR RNYED PA GAL SRID, ,DES BSHAD PA, RGYA MTSO CHER G-YENGS GNYA' SHING GI, ,BU GAR RUS SBAL MGRIN CHUNG LTAR, ,ZHES SO, ,DAL 'BYOR RNYED PAR DKA' BA YIN KYANG THOB PAS CHOG CE NA, SMRAS PA JI LTAR LA SOGS PA'O, ,DBANG PHYUG @198A *, ,CHEN PO LA SOGS PA'I CHOS BSTEN NAS BSOD NAMS LA 'JUG PA YOD DU ZIN KYANG, DBYAR GYI MTSAN MOR SPRIN GYIS RUM PA'I MUN PA LA GLOG GIS YUD TZAM GSAL BAR BYED PA LTAR RGYAL BA'I SO SOR RTOG PA'I SHES KYI MTHUS THEG PA CHEN PO NAS BSHAD PA'I BSOD NAMS LA 'JIG RTEN PA'I BLO 'JUG PA 'GA' ZHIG KHO NAR RO, ,SEMS CAN DE DAG NYID LA'ANG SNGON, ,RANG GI DON DU'ANG 'DI 'DRA'I SEMS, ,RMI LAM DU YANG MA RMIS NA, ,GZHAN GYI DON DU GA LA SKYE, ,ZHES BYA BA LA SOGS PA DANG, SANGS RGYAS BYON PA AU DUM B'A RA'I ME TOG LTA BU YIN PA'I PHYIR RO; ,DE LTAS NI 'CHAD PA'I RIGS PAS 'JIG RTEN GYI DGE BA DMIGS BCAS NYAM CHUNG BA NYID DE, SDIG PA'I STOBS CHE STE RANG GI NGANG GIS RTAG TU 'JUG PA'I PHYIR RO, ,MI BZAD PA NI DMYAL BA LA SOGS PAR SDUG BSNGAL 'BYIN PA'I PHYIR RO, ,SDIG PA DE BYANG CHUB KYI SEMS MA YIN PA GANG GIS ZIL GYIS GNON DGOS PA NI 'DI LTA STE, THOG MA MED PAR 'KHOR BA LA BDAG DANG BDAG GI BAR BZUNG NAS SEMS CAN RNAMS LA GNOD PA DPAG TU MED PA BYAS, DE DAG NI SANGS RGYAS KYI SNYING PO CAN YIN PAS SEMS CAN GZHAL DU MED PA SGROL BA'I SMON LAM KHO NAS DER NUS SO GSUNGS PA YANG, SNYING RJE SPANGS TE SPYOD PAS SKYON GANG 'BYUNG, ,DE SPONG SNYING RJE NYID DE GZHAN MA YIN, ,ZHES SO, ,BYANG CHUB MCHOG TU SEMS BSKYED PA'I CHO GA NI 'CHAD PAR 'GYUR TE, JI LTAR SNGON GYI BDE GSHEGS KYIS, ,ZHES BYA BA LA SOGS PA TSIG LE'UR BYAS PA GNYIS KYIS SO, , BYANG CHUB SEMS DPA'I BRTUL ZHUGS LA GNAS PA MKHAS PA 'OS PA'I BLA MA LAS SAM DE MED NA RANG NYID MKHAS PAS NYIN MOR KHRUS BYAS TE GOS GTZANG MA GYON NAS SANGS RGYAS DANG BYANG CHUB SEMS DPA'I SKU GZUGS YANG DAG PAR MCHOD LA YAN LAG BDUN PA BYAS TE, NUS PA BZHIN DU BLA MA MCHOD LA, DKON MCHOG GSUM LA SKYABS SU 'GRO BA DANG, 'GRO LA PHAN PHYIR BDAG SANGS RGYAS, ,ZHES SMON PA'I SEMS BSKYED NAS, ZHABS GNYIS LA BTUD DE BLA MA LA LAN GSUM GSOL BA BTAB NAS, DUS GSUM GYI DE BZHIN GSHEGS PA RNAMS DANG, 'PHAGS PA BYANG @198B CHUB SEMS DPA' RNAMS LA GSOL BA GDAB, DE DAG GI YON TAN MNGON SUM DU PHYOGS LA SEMS SHIN TU DANG BAR BYAS TE, PUS MO SA LA BTZUGS TE TZOG PUR 'DUG LA, THAL MO SBYAR TE BLA MA'I RJES ZLOS BYA ZHING BLANG BAR BYA'O, ,SDOM PA JI LTA BU ZHE NA, BRJOD DE, THAL MO SBYAR BA NI LUS KYI RIG BYED, BLA MA'I RJES ZLOS NI DAG GI RIG BYED DE, DE GNYIS KYI BLA MA LA GUS PAR RIG PAR BYAS PA'I PHYIR RO, ,LUS NGAG GI RIG BYED GNYIS NI 'BYUNG BA BZHI'I RANG BZHIN TE, 'DOD NA DBANG PO MED PA DANG, ,SGRA MED PHRA RAB RDUL RDZAS BRGYAD, ,LUS DBANG LDAN LA RDZAS DGU STE, ,DBANG PO GZHAN LA RDZAS BCU PA'O, ,ZHES BSHAD PA'I PHYIR SA LA SOGS PA RGYUR BYAS TE RIG BYED KYI RANG BZHIN SEMS KYI CHOS SDOM PA NI CHO GA'I THA MAR SKYE'O, ,SKYES NAS NYAMS PA'I RGYU MED NA BYANG CHUB KYI BAR DU RJES SU 'BRANG NGO, ,DE LTAR SHAN PA LA SOGS PA LA SDOM PA MA YIN PA GSOD PA'I SBYOR BA NAS BRTZAMS TE SKYE'O, ,MNGON PA MDZOD LAS DE BSHAD PA, ,GNYID LOG G-YENG BA CAN NA YANG, ,DGE BA DANG NI MI DGE'I RGYUN, ,'BYUNG BA CHEN PO RGYUR BYAS NA, ,RNAM PAR RIG BYED MIN PAR BRJOD, ,CES SO, ,SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, , SKYABS 'GRO LAS BYUNG GZHAL DU MED, ,SKAD CIG SEMS LA BSOD NAMS GANG, ,GAL TE GZUGS CAN DE YIN NA, ,NAM MKHA' BAS KYANG KHYAD PAR 'PHAGS, ,SEMS BSKYED DUS MNYAM BLO LDAN GYIS, ,NYES SPYOD MTHA' DAG LAS SEMS LOG ,BDE DANG SDUG PAS RTAG TU DBYES, ? ,THUGS RJE DGE LDAN GNYIS 'PHEL ZHING, ,'DIR YANG, 'DI NI BYANG CHUB SEMS STOBS KYIS, ,SNGON GYI SDIG PA ZAD BYED CING, ,BSOD NAMS RGYA MTSO SDUD BYED PHYIR, ,NYAN THOS RNAM PAS MCHOG TU BSHAD, ,CES GSUNGS PA'I PHYIR RO, ,'BRAS BU MTHONG NAS SKYE BO 'JUG PAS BYANG CHUB SEMS KYI PHAN YON 'CHAD DE, BSKAL PA ZHES BYA BA LA SOGS PA'O, ,BSKAL PA GRANGS MED PA GSUM DU, ,SDUG BSNGAL BYUNG YANG 'GYOD MI BYED, ,BDE BA LA YANG 'DOD PA MED, ,CHAGS DANG 'JIGS PA KHRO BA MED, ,BLO BRTAN GYUR PA THUB PAR BRJOD, ,DE NYAN THOS LA SOGS PA'O, ,DE DAG GI DBANG PO @199A *, ,NI DE BZHIN GSHEGS PA RNAMS SO, ,DE DAG GI BYANG CHUB KYI SEMS 'DI KHO NA PHAN PA GZIGS PA, GANG DAG LA DUS GSUM DANG 'JIG RTEN GSUM LA MI MKHYEN PA MED DO, ,BYANG CHUB KYI SEMS GANG LAS BDE BA NYID KYIS NI BDE BA DANG LDAN PA'I SEMS TING NGE 'DZIN DANG LDAN PA JI LTA BA MKHYEN PAS GROL ZHES GSUNGS PA'I PHYIR RO, ,BDE BA NI ZAG PA MED PA STE, RAB TU DGA' BA'I SA LA SOGS PAR BYAD PAR 'PHEL BAS TSAD MED PA'I SKYE BO'I TSOGS RNAMS THOB PAR BYED PA NI GROL BAR BYED PA'O, ,YANG NA DGA' BA LA SOGS PAS 'OD GSAL RAB TU 'PHEL BAS SKYE BO RNAMS BDE BAS TSIM PAR BYED DE, 'GRO BA MA LUS 'OD GSAL BAS, ,BDE CHEN RDOL BA LA NUB PO, ,ZHES GSUNGS PA'I PHYIR RO, ,DES SKRA 'BAL BA LA SOGS PA NI LAM MA YIN PAR GSAL TO, ,'TSANG RGYA BAR MI 'DOD NA MNGON PAR MTHO BA RNAMS KYIS KYANG BYANG CHUB KYI SEMS BRTAN PAR BYA DGOS PAS SMRAS PA, SRID PA LA SOGS PA'O, ,SDUG BSNGAL NI SKYE BA DANG, NA BA DANG, RGAS PA DANG, 'CHI BA DANG, 'DOD PA DANG BRAL BA DANG, MI 'DOD PA DANG PHRAD PA LA SOGS PA BRGYA PHRAG MANG PO NYE BAR MTSON PA'O, ,RANG GI 'KHOR BA'I SDUG BSNGAL LAS GROL BAR 'DOD PA RNAMS KYANG, SBYIN PA DANG SNYAN PAR SMRA BA DANG, DON SPYOD PA DANG, DON MTHUN PAS SEMS CAN GZHAN RNAMS KYANG BCING BA DANG, RDEG PA DANG, BSDIGS PA DANG, MI MGU BA LA SOGS PA'I SDUG BSNGAL GZHOM PAR 'DOD PA RNAMS DANG, LHA DANG MI'I BDE BA DPAG TU MED PA MYONG BAR 'DOD PA RNAMS KYIS KYANG NAM YANG BYANG CHUB KYI SEMS SPANG BAR MI BYA'O, ,MDO SDE LAS KYANG DGE SLONG RNAMS SROG GI PHYIR YANG BYANG CHUB KYI SEMS GTANG BAR MI BYA'O ZHES GSUNGS SO, ,'DI LTAR 'PHAGS PA SH'A RI'I BU LA BDUD KYIS LAG PA G-YAS PA BSLANG BAR BYAS PA'I TSE, DES LAG PA G-YAS PA BCAD NAS G-YON PAS BYIN PA NA G-YON PAS BYIN PA MI LEN NO ZHES SMRAS PAS, SH'A RI'I BU BYANG CHUB KYI SEMS GTONG BAR 'DOD PA NAS SANGS RGYAS KYIS BKAG GO, ,KHAMS BDUN PA YANG GTANG BAR MI BYA'O, ,SKYON MED CING PHAN YON DPAG TU MED PA GTONG BAR MI RIGS SO, ,GO 'PHANG MCHOG DANG BKUR STI LA SOGS PA 'DOD PAS KYANG DE GZUNG BAR BYA BA YIN ZHES SMRAS PA, BYANG CHUB SEMS ZHES BYA BA LA SOGS PA'O, ,SRID PA KHO NA BTZON KHANG STE 'DOD CHAGS LA SOGS PAS BCINGS PAS SO, ,DER BCINGS PA GANG YIN ZHING NYAM THAG PA DE, SANGS RGYAS KYI SRAS SU BRJOD DE, DON DAM @199B PA'I SEMS SKYES PA'I SKAD CIG GIS 'DOD CHAGS LA SOGS PA THAMS CAD KYI RANG BZHIN RTOGS PAS SO, ,YANG NA SHES RAB YE SHES SKYES PA'I SKAD CIG GIS TE, ,DBANG BSKUR MCHOG NI THOB PA YIS, ,RDO RJE YI NI SLOB DPON LA, ,PHYOGS BCU'I 'JIG RTEN KHAMS BZHUGS PA'I, ,BDE GSHEGS RNAMS KYIS DUS GSUM 'DUD, ,CES BYA BA GSUNGS PA'I PHYIR RO, ,LHA MI DANG BCAS PA GANG YIN PA DE NI LHA MA YIN DANG KLU LA SOGS PA STE, DE DAG GI PHYAG GI 'OS SU SEMS BSKYED PA DANG DUS MNYAM DU 'GYUR RO, ,GSER 'GYUR RTZI LTAR BYANG CHUB KYI SEMS DNGOS POR 'GYUR NUS PA'I TSUL DU BSHAD DE, MI GTZANG ZHES BYA BA LA SOGS PA'O, ,PHA MA'I SA BON DANG KHRAG LAS BYUNG BA, MA'I MNGAL DU MI GTZANG BA'I KHU BAS GSOS PA, MI GTZANG BA'I RANG BZHIN SNYING PO MED PA'I LUS BYANG CHUB KYI SEMS DES 'GYUR NUS PA'I RTZI 'BIGS PAS 'JU BA DANG, GSOD PA DANG BSKRED PA LA SOGS PAS SAM 'OD GSAL DU 'JUG PAS NA RGYAL PO RIN PO CHE'I SKUR 'GYUR BAR BYED DO, ,DE LA RIN GYI TSAD MED PAS RIN THANG MED PA'O, ,DNGOS PO 'BIGS BAS KUN TU KHYAB BYED DO, ,MDO SDE LAS GSUNGS PA JI LTAR GSER GYI GSAL BYED CES BYA BA'I RTZI SRANG GCIG GIS LCAGS SRANG STONG PHRAG GCIG GSER DU 'GYUR LA ZAD PAR MI 'GYUR RO, ,BIR WA BAS KYANG GSUNGS PA, MU ZI'I LUS LA RTZI BSGRUBS ZOS, ,RTZI YI RGYAL PO BIR WAS SMRAS, ,SKRA DKAR GNYER MA RGA SHI MED, ,'CHI BDAG GIS NI CI ZHIG NUS, ,ZHES SO, ,DE BAS NA BYANG CHUB KYI SEMS ZHES BYA BA'I RTZI'I KHYAD PAR 'DI LTAR BRTAN PAR GZUNG BAR BYA'O, ,SKYE BA PHYI MA'I RGYAGS KYI DON DU RIGS DRUG GI SDUG BSNGAL GYIS SDUG PA'I SKYE BOS RIN PO CHE 'DI GZUNG BAR 'OS ZHES SMRAS TE, 'GRO BA'I ZHES BYA BA LA SOGS PA'O, ,DMYAL BA LA SOGS PA'I RIGS KHO NA GRONG KHYER TE, DNGOS POR 'GYUR BA'I GNAS YIN TE, LAS KYI 'BRAS BU MYONG BA'I PHYIR RO, ,DE LA NYON MONGS PA DANG LAS KYI DBANG GIS SNA TSOGS PA BGROD PA'I RANG BZHIN KUN SKYE ZHES 'BOD NA, GZUNG BAR BYA'O ZHES SLOB PA'O, ,'DI LA RIN PO CHE NGAN @200A *, ,PA'I DOGS PA MI BYA'O, ,GANG GI PHYIR, BLO GROS GZHAL DU MED PA RNAMS KYIS SHIN TU BRTAGS PA YIN NO, ,YANG JI LTA BU ZHE NA, 'GRO BA DAG GI DED DPON GCIG PUR GYUR PA GANG YIN PA DES SO, ,JI LTAR RIN PO CHE'I YUL DANG DUS LA MKHAS LA YID CHES PA'I DED DPON TSONG PA KUN GYIS BSTEN PA LTAR, RGYAL BA THUGS RJE CAN LA YID CHES DGOS SO, ,MDO SDER GSUNGS PA, JI LTAR DBANG GI RGYAL PO ZHES BYA BA'I RIN PO CHE JI SRID ZLA BA DANG NYI MAS GLING BZHI SNANG BAR BYED PA DE'I NANG DU RIN PO CHE DANG, NOR BU DANG, MU TIG DANG, BYI RU DANG, DUNG RDO LA SOGS PA JI SNYED PA'I RIN THANG LAS KHYAD PAR DU 'PHAGS PA DE BZHIN DU 'JIG RTEN GYI KHAMS JI SNYED SANGS RGYAS KYI YE SHES KYIS SNANG BAR BYED PA DE LA, RANG SANGS RGYAS DANG, NYAN THOS DANG, LHA DANG MI LA SOGS PA'I DGE BA'I RTZA BA JI SNYED PA DE THAMS CAD BYANG CHUB KYI SEMS RIN PO CHE'I RIN THANG GIS ZIL GYIS GNON ZHES PA'O, ,GANG GI PHYIR RANG SANGS RGYAS KYIS GANG ZAG GI BDAG MED KHO NA RTOGS LA LHA LA SOGS PAS DE YANG MA RTOGS BYANG CHUB KYI SEMS KYIS NI BDAG MED GNYIS RTOGS SO, ,DON DAM PA'I SEMS BSKYED LA 'DZAD PA MED PAR BSHAD DE, DAG BA ZHES BYA BA LA SOGS PA'O, ,'DI LAS GZHAN YANG 'JIG RTEN GYI DGE BA DMIGS BCAS 'KHOR GSUM MI DMIGS PA MED PA NI 'BRAS BU 'BYIN TE ZAD LA SRID PA'I RGYU YIN GYI BYANG CHUB KYI RGYU MA YIN NO, ,JI LTAR CHU SHING 'BRAS BU SMIN PA DANG ZAD PA 'DI NI DPAG BSAM GYI SHING LAS KHYAD PAR DU 'PHAGS PA BYANG CHUB SEMS KYI LJON SHING RGYUN DU 'JIG RTEN GYI 'KHOR LOS SGYUR BA'I RGYAL SRID LA SOGS PA, BYANG CHUB LA SPYOD PA'I DUS SU YANG STER TE, 'JIG RTEN LAS 'DAS PA'I SANGS RGYAS KYI YON TAN RNAMS KYANG STER LA 'BRAS BU CHUNG YANG MI 'DZAD DE, NAM MKHA' BZHIN DNGOS PO MA YIN PA'I PHYIR RO, ,DES MI ZAD BYANG CHUB SEMS KYI RGYUN RIM GYIS KHYAD PAR DU 'PHAGS PA NYI SHU RTZA GNYIS PA'I BAR 'PHEL ZHING SKYED PAR BYED DE, ,DE YANG SA GSER ZLA BA ME, ,GTER DANG RIN CHEN 'BYUNG GNAS MTSO, ,RDO RJE RI SMAN BSHES @200B GNYEN DANG, ,YID BZHIN NOR BU NYI MA GLU, ,RGYAL PO MDZOD DANG LAM PO CHE, ,BZHON PA BKOD MA'I CHU DANG NI, ,SGRA SNYAN CHU BO SPRIN RNAMS KYIS, ,DPER BYAS PA RNAM PA NYI SHU RTZA GNYIS SO, ,SEMS BSKYED DE RNAMS NI SANGS RGYAS PA'I MTHAR THUG GI BAR RO, ,SBYOR BA NI 'KHRUL PA GANG YIN PA DE NI YUN RINGS MI GNAS TE, SGYU MA MKHAN GYIS SPRUL PA'I GLANG PO LA SOGS PA BZHIN DMIGS PA DANG BCAS PA'I DGE BA YANG 'KHRUL TE, ZHES RANG GI MTSAN NYID RANG BZHIN GYI GTAN TSIGS SO, ,DE NI RANG BZHIN GYIS STONG PA YIN LA DNGOS PO NYID DU GZUNG BAS CI STE MI 'KHRUL, DES NI MA GRUB PA'I SKYON SPANGS SO, ,'GAL BA YANG MA YIN TE MTHUN PHYOGS LA YOD PAS SO, ,GANG DU YUN RINGS MI GNAS PA'I TSUL MED PA DE MA 'KHRUL TE, DPER NA NAM MKHA'O, ,'DI NI STONG PA YIN PAS YUN RINGS GNAS TE, YUN RINGS MI GNAS PA DANG 'GAL BAS MA NGES PA MA YIN NO, ,'O NA STONG PA LA 'BRAS BU JI LTAR 'BYUNG ZHE NA, BSKAL PA 'JIG PA'I RJES SU STONG PA KHO NA LAS DNGOS PO'I BAG CHAGS KYIS BSKUL BAS, DNGOS PO MTHA' DAG SKYES LA, YE SHES KYIS BSKUL BAS SANGS RGYAS KYI CHOS RNAMS SKYE'O, ,BLO GROS MI ZAD PA'I MDO LAS GSUNGS PA, JI LTAR CHU'I THIGS PA RGYA MTSO CHEN PO LA LHUNG BA BSKAL PA'I MTHA'I BAR DU MI ZAD PA DE BZHIN DU BYANG CHUB TU BSNGOS PA'I DGE BA'I RTZA BA BYANG CHUB MA THOB KYI BAR DU MI 'DZAD DO ZHES SO, ,SDIG PA 'DZAD PA'I RGYU YIN PA'I TSUL GYIS SEMS CAN GROL BA'I NUS PA YANG BSHAD DE, SDIG PA ZHES BYA BA LA SOGS PA TSIGS BCAD PHYED DANG GNYIS SO, ,SEMS BSKYED PA'I SNGON DU DMYAL BA LA SOGS PA'I SDUG BSNGAL STER BAS MI BZAD PA'I SDIG PA BYAS NAS KYANG BYANG CHUB KYI SEMS GANG BSTEN PAS SKAD CIG GIS SGROL ZHES PA NI BRTEN PA'I STOBS BSHAD DO, ,JI LTAR DPA' BO BSTEN PAS DGRA'I 'JIGS PA LAS THAR BA YIN NO, ,DE NYID DU GSUNGS PA RIGS KYI BU JI LTAR DPA' BO LA BRTEN PA'I SKYES BU DGRA MTHA' DAG LA MI 'JIGS PA DE BZHIN DU, BYANG CHUB KYI SEMS KYI DPA' BO LA BRTEN @201A *, ,PA DE NYES SPYOD KYI DGRA THAMS CAD LA MI 'JIGS SO ZHES SO, ,CI STE NI MA RANGS PA'I DON TO, ,'BAD RTZOL MED PAR BSGRUB TU RUNG ZHING PHAN YON CHE BA MI MKHAS PA RNAMS KYIS MI STEN PA SDIG GO, ,SDIG PA'I BUD SHING SRAG PAR BSHAD DE, DES ZHES BYA BA LA SOGS PA'O, ,BSKAL PA BZHI'I MTHAR NYI MA BDUN 'CHAR BAS MES NI JI LTAR 'DOD PA'I KHAMS THAMS CAD BSAM GTAN DANG PO DANG BCAS PA MA LUS PA SREG PAR BYED, GANG LA RI RAB LA SOGS PA'I THAL BA YANG BRLAG PAR MI 'GYUR BA LTAR, BYANG CHUB KYI SEMS KYI MES DU 'BOD LA SOGS PA'I SDUG BSNGAL STER BA'I SDIG PA CHEN PO SREG PAR BYED DE, DE RNAMS SKAD CIG GIS 'JOMS PA'I PHYIR RO, ,DE NYID DU GSUNGS PA, BSKAL PAR BSREG PA'I ME LTA BU STE NYES SPYOD THAMS CAD SREG PA'I PHYIR RO, ,SA 'OG LTA BU STE MI DGE BA THAMS CAD 'JOMS PAR BYED PA'I PHYIR RO ZHES SO, ,SA 'OG GIS RGOD MA'I KHA NAS CHU THAMS CAD SREG PAR BYED PA BZHIN NO, ,BDAG MED GNYIS MTHONG BA'I DUS SU GNYEN PO'I STOBS KYIS LAS NGAN THAMS CAD NYAMS SHING JI LTAR 'BRAS BU PHYUNG NAS NYAMS PA BZHIN TE, SBYANG BYA DANG SBYONG BYED MI DMIGS PA'I PHYIR RO, ,SBYONG BA NI GANG LA RGYUR GYUR PA'I NUS PA 'JOMS BYED YOD PA DES 'BRAS BU MI SKYED DE, SA BON LA ME BZHIN NO, ,SDIG PA'I RGYUR GYUR PA'I NUS PA 'JOMS BYED BYANG CHUB KYI SEMS TE, RANG BZHIN GYI GTAN TSIGS SO, ,SEMS CAN BSAD LA BDAG GIS GSOD, ,CES NGA RGYAL SKYES NA LAS NGAN 'PHEL LO, ,DE NI 'KHOR GSUM RANG BZHIN MED PAR RTOGS NA 'JOMS PAS GTAN TSIGS MA GRUB PA MA YIN NO, ,'GAL BA YANG MA YIN TE MTHUN PHYOGS LA YOD PAS SO, ,RGYUR GYUR PA'I NUS PA 'JOMS MKHAN YOD KYANG SKYED PAR BYED NA SA BON TSIG PAS KYANG MYU GU SKYED PAR 'GYUR RO, ,DE NI MED DE MA NGES PA YANG MA YIN NO, ,MGON PO BYAMS PAS MDO SDE SDONG PO BKOD PA LAS, BYANG CHUB SEMS DPA' NOR BZANGS LA GANG BYANG CHUB SEMS KYI PHAN YON NI YON TAN DE DPAG TU MED PA GSUNGS TE, RIGS @201B KYI BU BYANG CHUB KYI SEMS NI SANGS RGYAS KYI CHOS THAMS CAD KYI SA BON YIN NO ZHES BYA BA LA SOGS PA'O, ,DE'I DON BSDUS TE SMRAS PA, SA BON SANGS RGYAS CHOS KUN GYI, ,DGE BA KUN SKYED ZHING DE YIN, ,SA GZHI 'JIG RTEN RTEN YIN PAS, ,BLO LDAN SKYOB PAS PHA YIN NO, ,NOR SPYIN BKREN PA ZHI BYED PAS, ,BSAMS BZHIN BSGRUBS PAS YID BZHIN NO, ,BUM BZANGS BSAMS BZHIN KHENGS PA STE, ,NUS PA NYON MONGS DGRA 'JOMS PA'O, ,ZHES SO, ,PHAN YON BSHAD NAS DBYE BA BSHAD DE, BYANG CHUB CES BYA BA LA SOGS PA'O, ,BYANG CHUB SEMS DE MDOR BSDU NA GNYIS TE, 'GRO LA PHAN PHYIR SANGS RGYAS BYA, ,ZHES SMON PA'I SEMS GCIG SBYIN PA LA SOGS PA DANG BRAL BA 'DOD PA'I RNAM PA CAN NO, ,'JUG PA NI 'GRO BA LA SEMS GNYIS PA SMON LAM SNGON DU 'GRO BA NYID GANG SDOM PA 'BYUNG LA TSOGS LA RAB TU 'JUG GO, ,'PHAGS PA SDONG PO BKOD PA LAS BSHAD PA, BLA NA MED PA'I BYANG CHUB TU SMON PA'I SEMS BSKYED PA'I SEMS CAN GANG YIN PA DE NI RNYED PAR DKA'O, ,DE BAS KYANG RNYED PAR DKA' STE GANG ZHIG BYANG CHUB TU 'JUG PA'O ZHES SO, ,MDOR BSDUS TE SHES PAR BYA RGYAS PAR BSHAD NA NYI SHU RTZA GNYIS YIN PAS SO, ,DPE BRJOD PAS DE GSAL BAR BYAS SHING BSHAD DE, 'GRO BA ZHES BYA BA LA SOGS PA'O, ,JI LTAR 'GA' ZHIG 'DOD PA'I GNAS SU 'GRO BAS SAM, 'GRO BAR 'DOD DE 'GRO BA MA YIN ZHES SMON PA'I DPE'O, ,GZHAN NI DE THOB PA'I SLAD DU RAB TU 'JUG CING 'GRO BA BZHIN NO, ,DE DANG 'DRA BAR SMON PA DANG 'JUG PA GNYIS KYI DBYE BA GO RIMS BZHIN DU MKHAS PAS SHES PAR BYA'O, ,SMON PA'I SEMS KYANG STON PA'I 'BRAS BU CHEN POR BSHAD CES SMRAS TE, BYANG CHUB CES BYA BA LA SOGS PA'O, ,BYANG CHUB KYI RGYU YIN PA NI LTA ZHOG , 'KHOR BA LA YANG LHA DANG MI'I BDE BA CHEN PO DE'I 'BRAS BUR GSUNGS SO, ,BYAMS PA'I RNAM PAR THAR PA LAS KYANG GSUNGS PA, RDO RJE RIN PO CHE CHAG KYANG THAMS CAD LAS KHYAD PAR DU 'PHAGS PA'I GSER GYI RGYAN ZIL GYIS GNON LA, RDO RJE RIN PO CHE'I MING YANG MI SPONG STE, BKREN @202A *, ,PA LAS KYANG ZLOG PAR BYED DO, ,DE LTAR RIGS KYI BU BYANG CHUB KYI SEMS RIN PO CHE BSGRUB PA MED KYANG NYAN THOS DANG RANG SANGS RGYAS THAMS CAD KYI YON TAN ZIL GYIS GNON LA BYANG CHUB KYI SEMS KYI MING YANG MI SPONG STE, 'KHOR BA'I BKREN PA LA YANG ZLOG PAR BYED DO ZHES SO, ,RGYAL PO LA GDAMS PA'I MDO LAS KYANG GSUNGS PA, SBYIN PA LA SOGS PA MA NUS PAS RTAG TU SMON PA'I SEMS BSKYED PAR BYA'O ZHES SO, ,'DI LA BSOD NAMS RGYUN MI CHAD PAR 'BYUNG BA MA YIN TE, JI LTAR 'JUG PA'I SEMS LA RTAG TU 'PHEL BA LA SOGS PA'O, ,TSIGS SU BCAD PA GNYIS KYIS BSOD NAMS RGYUN MI 'CHAD PAR BSHAD DE, GANG NAS ZHES BYA BA LA SOGS PA'O, ,DUS GANG NAS BZUNG STE NAM MKHA' MTHA' DAG KHYAB CING GNAS PA'I SEMS CAN MTHA' MED PA DGROL BA'I CHED DANG, SDUG BSNGAL MTHA' DAG ZHI BA'I PHYIR, ,PHYIR MI LDOG PA'I SEMS BRTAN PAS 'JUG PA'I SEMS YANG DAG PAR BZUNG BA, DUS DE NAS BRTZAMS TE, GNYID DU SONG BA DANG, BAG MED PA DANG, KYANG GI SGRAS 'GRO BA DANG 'DUG PA LA SOGS PA LA SKAD CIG RE RER RNAM PA DU MA RGYUN MI 'CHAD PAR BSOD NAMS KYI RGYUN NAM MKHA' DANG MNYAM PAR RAB TU 'JUG GO, ,'PHAGS PA TING NGE 'DZIN GYI RGYAL PO LAS GSUNGS PA, GZHON NU YANG DAG PAR RDZOGS PA'I BYANG CHUB NI SGRUB PA GTZO BOR BYED PA LA RNYED PAR DKA' BA MA YIN NO, ,SANGS RGYAS KYIS GSUNGS PA'I SDOM PA 'DI MU STEGS KYI BSTAN PA GANG LA YANG MED DO, ,RGYUN MI 'CHAD PA'I BSOD NAMS 'DIR GAR BSHAD CE NA, SMRAS PA 'DI NI LA SOGS PA STE LAG BZANGS KYIS ZHUS PA'I MDO LAS TE RIGS PA DANG BCAS PA SANGS RGYAS KYIS MOS PA DMAN PA'I SEMS CAN GYI DON DU NYAN THOS DANG RANG SANGS RGYAS KYI THEG PAR GSUNGS SO, ,DE'I RIGS PA TSIG LE'UR BYAS PA GNYIS KYIS BSHAD DE, SEMS CAN ZHES BYA BA LA SOGS PA'O, ,GSANG SNGAGS SAM SMAN GYIS SEMS CAN RNAMS KYI MGO GZER ZHI BAR BYA'O ZHES YID LA BYED PAS GZHAL DU MED PA'I BSOD NAMS DANG @202B LDAN PAR 'GYUR TE, SEMS CAN LA PHAN SEMS DANG LDAN PA'I PHYIR RO, ,'GRO BA'I SEMS CAN RE RE LA SRID PA'I SDUG BSNGAL MTHA' YAS PA BSAL BAR 'DOD PA DANG, DE BSAL NAS SEMS CAN RE RE GZHAL DU MED PA'I YON TAN DANG LDAN PAR BYED PAR 'DOD PA'I BSOD NAMS LTA CI SMOS, DGOS PA NI 'DI LTA STE, 'DIR TSOGS MANG DU BSAG DGOS PA LTAR PHAN YON YANG DPAG TU MED PAS, 'JIGS PA'I GNAS MA YIN PA LAS 'JIGS SHING LDOG PAR MI BYA'O, ,GANG 'DI LTA BUR GYUR PA DE NI LHA LA SOGS PA LAS KYANG KHYAD PAR 'PHAGS ZHES 'CHAD DE, PHA'AM ZHES BYA BA LA SOGS PA'O, ,BYANG CHUB SEMS DPA' LA PHAN SEMS SKYE BA LTAR ZLA BA DANG CHU BDAG LA SOGS PA'I LHA RNAMS SAM, DRANG SRONG SER SKYA LA SOGS PA RNAMS SAM TSANGS PA RNAMS KYI MA'AM PHA'I PHAN PA BYED PA'I BLO 'DI LTA BU GANG LAS 'BYUNG BAR 'GYUR, BYUNG BA DANG DA LTAR 'BYUNG BA LTA ZHOG PHYIS KYANG 'BYUNG BAR MI 'GYUR RO, ,KHYAD PAR BSHAD DE SEMS CAN ZHES BYA BA LA SOGS PA'O, ,PHA LA SOGS PA DE DAG GI YANG RANG GI DON DU YANG 'DI LTA BU SNGAR BSHAD PA'I SEMS RMI LAM DU YANG SNGAR MA SKYES PAS SPYOD YUL DU MA GYUR PA'I PHYIR RO, ,GZHAN GYI DON DU GA LA SRID, ,DE BSDUS SHING BSHAD DE, GZHAN DAG CES BYA BA LA SOGS PA'O, ,SEMS CAN KHO NA RIN PO CHE'I KHYAD PAR TE, RIN CHEN SKYE BA RNYED DKA' DANG, ,RNYOG PA MED PA MTHU DANG LDAN, ,'JIG RTEN RGYAN DU 'GYUR PA DANG, ,'GYUR BA MED PA MCHOG YIN PHYIR, ,ZHES BYAMS PAS GSUNGS SO, ,SNGAR MYONG BA MA YIN PA BYANG CHUB KYI SEMS MA YIN PA GZHAN LAS GAL TE MI SKYE'O, ,GANG GI GZHAN DON GYI BSAM PA DAG GZHAN LA RANG DON DU YANG MI SKYE, SHIN TU BRTZE PA'I GNAS BDAG YIN PA'I PHYIR RO, ,SEMS CAN LA BSNGAGS PA BRJOD DE, 'GRO BA ZHES BYA BA LA SOGS PA'O; ,SEMS RIN PO CHE JI LTA BU LHA LA SOGS PA'I PHUN SUM TSOGS PA SKYED PA NAS 'GRO BA KUN GYI DGA' PA'I RGYU SKYE BA LA SOGS PA'I SDUG BSNGAL NAD KYI SMAN GYI BSOD NAMS GANG YIN PA DE NI JI LTAR GZHAL ZHE NA GZUGS CAN MA YIN PAS GZHAL MI NUS SO, ,DPAS BYIN GYIS ZHUS PA LAS @203A *, ,GSUNGS PA, BYANG CHUB SEMS KYI BSOD NAMS GANG, ,DE NI GZUGS CAN YIN GYUR NA, ,NAM MKHA'I KHAMS KUN GANG BYAS NAS, ,SLAR YANG LHAG PAR 'GYUR PA'O, ,ZHES SO, ,GANG GI PHYIR PHYOGS BCU NA 'JIG RTEN GYI KHAMS DPAG TU MED, DE DAG NA RIGS DRUG GI SEMS CAN DPAG TU MED, DE DAG NI SANGS RGYAS KYI SNYING PO CAN TE, DE BAS NA SH'AKYA THUB PA LA MYA NGAN MED PAS ZAN DU BSAMS NAS BYE MA'I BSOD SNYOMS PHUL BAS STOBS KYI 'KHOR LOS SGYUR BA'I RGYAL SRID THOB, DE BAS SEMS CAN MA LUS PA DGROL BA'I BSAM PA'I 'BRAS BU BSAM GYIS MI KHYAB, DES NA DE MNGON PAR MTHO BA DANG NGES PAR LEGS PA'I RGYU YIN PAR GSUNGS SO, ,GANG GI PHYIR 'DI LTAR ZHE NA PHAN PA ZHES BYA BA LA SOGS PA'O, ,'GRO BA BSKYAB PA'I SLAD DU 'TSANG RGYA BAR BYA ZHES SMON PA TZAM GYIS BSOD NAMS GANG BYUNG BA DE SANGS RGYAS MCHOD PA LAS KYANG KHYAD PAR DU 'PHAGS SO, ,DE NYID DU GSUNGS PA, GANG G'A'I BYE MA'I GRANGS DANG MNYAM, ,SANGS RGYAS ZHING KHAMS MI GANG GIS, ,RIN CHEN DAM PAS BKANG BYAS NAS, ,'JIG RTEN MGON PO RNAMS LA PHUL, ,GZHAN ZHIG THAL MO SBYAR BYAS NAS, ,SEMS NI BYANG CHUB MCHOG BSKYED PA'I, ,MCHOD PA 'DI NI KHYAD PAR 'PHAGS, ,GANG LA MTHA' NI MED PA NYID, ,CES SO, ,SEMS CAN SDUG BSNGAL THAMS CAD DANG BRAL BAR BYAS LA BDE BA MA LUS PA THOB PAR BYA BA'I PHYIR 'JUG PA'I SEMS KYIS BRTZON PAS LTA CI SMOS, RANG LA PHAN PA DANG GNOD PA SEMS CAN GYIS RANG GIS SHES PAR 'GYUR GYI BYANG CHUB SEMS DPAS CI ZHIG BYA ZHE NA, SMRAS PA, SDUG BSNGAL ZHES BYA BA LA SOGS PA TSIGS BCAD GSUM GYIS LAN 'CHAD DO, ,SDUG BSNGAL LAS GROL BAR 'DOD PAS SROG GCOD PA LA SOGS PAS LTOGS PA'I SDUG BSNGAL GSOB PAR 'DOD CING DMYAL BA LA SOGS PA'I SDUG BSNGAL NYID LA RGYUG STE, PHYE MA LEB MAR ME'I RTZE LA RGYUG PA BZHIN NO, ,BDE BA 'PHEL BAR 'DOD PA NYID KYIS CHAGS PA CAN KUN GTI MUG GIS PHAN PA DANG GNOD PA MI SHES PA BZHIN DU DGRA LTAR RANG GI BDE BA YANG @203B 'JOMS PAR BYED DO, ,LHA'I DBANG PO YANG 'DI LTAR YIN NA GZHAN LTA CI SMOS, GANG GI PHYIR DE LTA YIN PA DE PAS BDE BA LA CHAGS PAS 'KHRUL PA DE DAG SDUG BSNGAL BRGYA PHRAG DU MAS GZIR BA RNAMS LA BDE BA MTHA' DAG GIS DE DANG DE'I GDAMS PA'I SGO NAS TSIM PAR MDZAD PA GANG YIN PA DANG, GAL TE 'DOD CHAGS DANG LDAN PA'I, ,SKYE BO 'DUN PA CAN GYI NI, ,'DOD PA DE DAG MA GRUB NA, ,SHING TSAL ZUG BZHIN SDUG PA'O, ,ZHES BYA BA LTA BU'I SDUG BSNGAL GCOD PAR BYED PA GANG YIN PA DANG, DE LTAR KUN DU RMONGS PA'I GTI MUG SEL BAR BYED PA GANG YIN PA DE DANG MNYAM PA'I LEGS PA GA LA YOD DE MED DO, ,DGE BA'I BSHES GNYEN KYANG DE DANG 'DRA BA MI 'BYUNG STE, BYAMS PAS GSUNGS PA, JI LTAR THUB SRAS PHAN SEMS KYIS, ,'GRO BA MA LUS SMIN MDZAD BZHUGS, ,DE LTAR PHA MA NYE DU RNAMS, ,BU DANG NYE DU LA YANG MIN, ,DE LTAR MDZAD PA'I BSOD NAMS GANG YIN PA DE DANG 'DRA BA GZHAN MI SRID DO, ,CI'I PHYIR 'DI LTAR BRJOD CE NA SMRAS PA, PHAN BTAGS ZHES BYA BA LA SOGS PA'O, ,SNGAR PHAN BTAGS PA LA GANG ZHIG PHAN LAN LDON PAR BYED PA DE 'ANG LEGS SO ZHES BSNGAGS PA NA GZHAN NI MA BCOL BZHIN PHAN 'DOGS PA'I BYANG CHUB SEMS DPA' DE JI LTAR SMOS, DE LA BSTOD PAR MI NUS PA NYID DO, ,'JIG RTEN DU MTHONG BA LTOS PA'I BDAG NYID CHEN PO SMOS TE, 'GRO BA ZHES BYA BA LA SOGS PA'O, ,SEMS CAN KHA CIG LA 'TSO BA SBYIN PA PO YANG DGE BA MDZAD PAS SKYE BO RNAMS KYIS MCHOD DE, 'TSO BA DE YANG NYIN PHYED KYANG MIN, 'ON KYANG SKAD CIG TU BZANG PO MA YIN ZHING TSOD MA LA SOGS PA MED PA BRNYAS PA BYAS PA NYID NI BTZAN THABS SU NANG DU ZHUGS PAS RDEG PA LA SOGS PA BYAS PAS SO, ,ZHUGS KYANG NYIN PHYED 'GRANGS PA BYIN PAS SO, ,BYANG CHUB SEMS DPA'I SBYIN PA BSHAD DE, SEMS CAN ZHES BYA BA LA SOGS PA'O, ,'DI TZAM LA STER ZHES 'BUM MAM SA YA LA SOGS PA'I GRANGS KHUNGS MED LA, BSKAL PA STONG LA SOGS PAR BYIN NAS DE'I RJES MI STER ZHES DUS KYI NGES PA YANG MED DE, NAM MKHA' DANG MNYAM PA'I SKYE BO RNAMS MA ZAD KYI BAR @204A *, ,SBYIN PA GANG YIN PA DE NI 'DZAD PA MED DO, ,SEMS CAN GTAN NAS ZAD MI SRID PA'I PHYIR RO, ,'GRO BA MTHA' DAG SANGS RGYAS PAR GSUNGS PA DANG 'GAL ZHE NA MA YIN TE DRANG DON YIN PA'I PHYIR RO, ,DE DBUGS MA PHYIN PAS CHOS LA BRTZON PA MI BYED PA'I PHYIR RO, ,GANG GI PHYIR GSUNGS PA, PHYOGS BCU'I ZHING KHAMS RNAMS LA RDUL PHRA RAB JI SNYED PA DE'I GRANGS DANG MNYAM PA'I SEMS CAN NGAN SONG DU SKYE LA, SEN MO MED PAS MTHE BO DANG SDIGS MDZUB KYI RTZE MOS BLANGS PA'I RDUL PHRA RAB KYI GRANGS DANG MNYAM PA'I SEMS CAN NI BDE 'GROR SKYE STE, DE BAS KYANG NYUNG BA SMON PA'I SEMS BSKYED, DE BAS KYANG SHIN TU NYUNG BA PHYIR MI LDOG PAR 'GYUR ZHES JI LTAR SANGS RGYAS PAR 'GYUR RO, ,SBYIN PA'I DNGOS PO DE YANG TSAD DANG LDAN PA MA YIN TE, 'ON KYANG SEMS CAN THAMS CAD KYIS GANG LA GANG 'DOD PA'I DNGOS POS YI RANGS SHING SHIN TU BKUR TE, SBYIN MKHAN BYANG CHUB SEMS DPA' DE LA MCHOD PA GANG ZHIG MI 'OS SO, ,NA RA YA NAS ZHUS PA LAS GSUNGS PA, DNGOS PO GANG LA GTONG BA'I BSAM PA MI SKYE BA DE NI GZUNG BAR MI BYA'O, ,BDAG NYID KYANG BTANG ZIN PA'I PHYIR RO ZHES BYA BA LA SOGS PA'O, ,DE LTAR GZHAN LA PHAN PA DANG BDE BA BYED PA'I BRTUL ZHUGS CAN LA MA DAD PAR MI BYA'O ZHES SMRAS PA, GANG ZHIG CES PA LA SOGS PA'O, ,DUS THAMS CAD DU BDE BA THAMS CAD SEMS CAN LA STER MKHAN RGYAL BA'I SRAS LA NGAN SEMS BSKYED PA'I SEMS CAN DE DMYAL BAR GNAS PAR 'GYUR RO ZHES MGON PO SANGS RGYAS KYIS GSUNGS SO, ,DUS JI SRID DU ZHE NA, NGAN SEMS KYI GRANGS JI TZAM BYAS PA DE TZAM BSKAL PAR RO, ,RAB TU ZHI BA RNAM PAR NGES PA LAS GSUNGS PA, BYANG CHUB SEMS DPA' LA SDANG SEMS JI TZAM BSKYED PAR BYAS PA DE TZAM DES BSKAL PAR GO BGOS PA DANG; DMYAL BA CHEN POR GNAS PAR BYA'O, ,'O NA DE BZHIN GSHEGS PA LA NGAN SEMS KYIS KHRAG PHYUNG BAS KYANG BSKAL PA GCIG DMYAL BAR GNAS PAR BSHAD PA DANG 'GAL ZHE NA MA YIN TE, GDUL BYA'I DBANG GIS DE DRANG DON YIN GYI SGRIB PA MA LUS PA DANG BRAL BA'I PHYIR RO, ,YID DANG @204B BA LA JI LTAR ZHE NA, SMRAS PA, 'ON TE LA SOGS PA'O, ,GANG ZHIG DE LA YI RANG BAR BYED PA DE'I YI RANGS PA'I GRANGS JI SNYED PA GRANGS DE BAS LHAG PA'I BSKAL PAR BDE BA MYONG BAR 'GYUR RO, ,NGES PA DANG MA NGES PA LA 'JUG PA'I PHYAG RGYA'I MDO LAS GSUNGS PA, PHYOGS BCU'I 'JIG RTEN GYI KHAMS NA GNAS PA'I SEMS CAN LONG BA THAMS CAD LA MIG SBYIN PA GANG YIN PA DE BAS KYANG GRANGS MED PA'I BSOD NAMS THOB, GANG ZHIG THEG PA CHEN PO LA MOS PA'I BYANG CHUB SEMS DPA' YI RANG BAR LTA'O ZHES BYA BA LA SOGS PA'O, ,'ON KYANG RDZU 'PHRUL CHEN PO DANG LDAN PA DE LA BYAMS PA BSGOMS PA LA SOGS PA'I MTHUS GZHAN GYI GNOD PAS MI TSUGS PAS SDIG SEMS LA DO GAL CHEN PO DGOS TE MI SRID DO, ,'JAM DPAL GYI RNAM PAR THAR PA LAS GSUNGS PA, RIN PO CHE'I RGYAL PO YID BZHIN NOR BU CAN DANG, ,GTZUG TOR DANG LDAN PA'I BYANG CHUB SEMS DPA' CHEN PO RNAMS LA NGAN SONG DANG, PHA ROL GYI GNOD PA'I 'JIGS PA MED DO ZHES SO, ,DGE BA NGANG GIS 'PHEL ZHES PA NI RTAG TU THAMS CAD KYIS 'DOD PA MA GRUB PAR BYAS PAS DE DAG LA DGA' BA DANG YI RANG BA LA SOGS PA 'BAD PA MED PAR 'BYUNG NGO, ,SHIN TU DANG BA STON PAR BYED DE; GANG LA ZHES BYA BA LA SOGS PA'O, ,DE LTAR YON TAN DPAG TU MED PA DANG LDAN PA BYANG CHUB KYI SEMS GANG LA SKYES PA DE DAG GI LUS LA PHYAG 'TSAL LO, ,KHYAD PAR BSHAD DE SEMS CAN GYI BDE BA LA BRTZON PA GANG LA GNOD PA YANG BDE BAR 'BREL PA, JI LTAR BYAMS PA'I STOBS KYI SKYES RABS LAS LNGA SDE'I DBANG DU BYAS TE GSUNGS PA'O, ,BYANG ,CHUB SEMS DPA'I SMON LAM LAS KYANG, GANG DAG NGA LA KHA ZER RAM ZHES BYA BA LA SOGS PA'O, ,YANG NA GZHAN GYIS GNOD PA BYAS PA YANG BU GCES PAS BYAS PA BZHIN DU BDE BA'I 'BREL PA CAN YIN NO, ,DE LTAR BDE BA THAMS CAD KYI RGYU YIN PAS BRTEN PAR 'CHAD DE, 'JIG RTEN DANG 'JIG RTEN LAS 'DAS PA'I BDE BA'I 'BYUNG GNAS DE LA SKYABS SU MCHI, BYANG CHUB NI GNYIS DANG BRAL BA'I SEMS SO, ,DE'I SLAD DU SEMS NI SANGS RGYA BAR 'DOD PA STE, DE'I PHAN YON NI 'BRAS BU BSDAGS PA STE DE BSHAD @205A *, ,PA'I GZHUNG LA YANG DER BRJOD DE NYE BAR GCOD PAS SO, ,BYANG CHUB SPYOD PA LA 'JUG PA'I BYANG CHUB SEMS KYI PHAN YON GYI LE'U'I DGONGS PA'I 'GREL PA KHYAD PAR GSAL BYED CES BYA BA LAS LE'U DANG PO'O,, ,,DAL 'BYOR RNYED PAR DKA' BA DANG MI RTAG PAR SHES NAS BYANG CHUB SEMS KYI YON TAN THAMS CAD THOS TE, BYANG CHUB TU SEMS BSKYED PA'I PHYIR DE'I YAN LAG TU GYUR PA SANGS RGYAS LA SOGS PA LA STON PA GZHAN GYIS 'CHAD MI NUS PAS BLA NA MED PA YAN LAG BDUN PA'I MCHOD PA 'KHOR GSUM DU RANG BZHIN MED PA DANG, BYANG CHUB TU BSDOS ? PAS BSOD NAMS KYI TSOGS BSHAD DE, RIN CHEN SEMS ZHES BYA BA LA SOGS PA'O, ,'CHAD PA'I PHAN YON DANG LDAN PA'I BYANG CHUB KYI SEMS RIN PO CHE BSKYED PA'I PHYIR, DE BZHIN NYID DU GSHEGS PAS DE BZHIN GSHEGS PA RNAMS LA BDAG GIS MCHOD PAR BGYI'O, , DAM PA YANG YIN LA CHOS KYANG YIN PAS DAM PA'I CHOS, YANG NA DAM PA RNAMS KYI CHOS YIN PA STE, DE YID BZHIN GYI NOR BU LTA BU SGRIB PA DANG BRAL BAS DRI MA MED PA DANG, MA RIG PA MTSAN MO'I GNYID LAS SANGS PAS SANGS PA STE 'DIS SPANGS PA PHUN SUM TSOGS PA BSHAD DO, ,YANG NA BLO RGYAS PA STE PADMA RGYAS PA BZHIN THAMS CAD MKHYEN PAS, YE SHES PHUN SUM TSOGS PA BSHAD DO, ,DE'I SRAS NI 'PHAGS PA SPYAN RAS GZIGS DANG, 'JAM DPAL LA SOGS PA STE, DE DAG CES PAS PHYIR MI LDOG PA'I DGE 'DUN BSTAN TO, ,DANG GI SGRA NI 'DUS PA'I DON TO, ,LEGS PA NI 'KHOR GSUM DU RANG BZHIN MED PA STE, MCHOD PA 'AM GZUNG BA'I BYE BRAG GO, ,DE DAG JI LTA BU ZHE NA, DGONGS PAS NI YON TAN TE, DE DAG GI RGYA MTSO NI YON TAN RIN PO CHE'I 'BYUNG GNAS TE, DE DAG RNAMS LA'O, ,DA YID KYI MCHOD PA BSHAD DE, PHYOGS BCU'I 'JIG RTEN DU BDAG GIR MA BYAS PA ME TOG RNAMS JI SNYED PA, DZA' TI DANG, TZAM PA KA DANG, MYA NGAN MED PA LA SOGS PA DANG, DPAL 'BRAS LA SOGS PA'I SHING THOG DANG, SMAN GYI BYE BRAG DANG, NOR BU DANG, MU TIG DANG, BYI RU LA SOGS PA'I RIN PO CHE DANG, YAN LAG BRGYAD PA'I CHU DANG, YID DU 'ONG PA NI @205B KUN DANG SBYOR RO, ,NAM MKHA' RAB 'BYAM KHAMS KYI MTHAS GTUGS PA, ,YONGS SU GZUNG BA MED PA DE DAG KUN, ,BLO YIS BLANGS NAS THUB PA SKYES KYI MCHOG, ,SRAS DANG BCAS PA RNAMS LA LEGS 'BUL LO, ,ZHES KUN DANG SBYAR RO, ,RIN PO CHE'I RANG BZHIN RI DANG DE BZHIN NI 'DUS BA'I DON TO, ,BSHAD PA LAS GZHAN NAGS TSAL GYI PHYOGS NYAMS DGA' BA DANG DBEN PAR RUNG BA STE RJES SU MTHUN PA'O, ,MDZES PA'I ME TOG KHO NA RGYAN TE, DES SPRAS PA'I LCUG MA RNAMS DANG, KHA DOG DANG DRI DANG RO PHUN SUM TSOGS PA'I 'BRAS BU RNAMS KYIS 'DUD PAS LA NYE BAR GYUR PA'I YAL GA GANG GI YIN PA DE LTA BU'I LJON SHING DANG, LHA NI SUM CU RTZA GSUM PA LA SOGS PA STE, SOGS PA'I SGRAS KLU'I 'JIG RTEN LA SOGS PA STE, DER DRI NI GLA RTZI LA SOGS PA DANG, SPOS NI AA KA RU LA SOGS PA DANG, DPAG BSAM GYI SHING NI BA RI DZNYA DA LA SOGS PA DANG, RIN PO CHES SPRAS PA'I LJON SHING DANG; CHU LAS SKYES PAS NA CHU SKYES PADMA STE, DE NYID RGYAN GANG YIN PA DE DANG, NGANG PA RNAMS KYIS SKAD KYIS YID DU 'ONG BA'I RDZING BU DANG, THONG PAS MA RMOS PA DANG SA BON MA BTAB PAR SKYES PA'I LO THOG NI 'BRAS LA SOGS PA DANG, GZHAN NI MA BSHAD PA STE MCHOD PAR BYA BA'I RGYAN NI NAM MKHA'I MTHAS GTUGS PA DE DAG THAMS CAD SUS KYANG BDAG GIR MA BYAS PA, YID KYIS GZUNG STE THUB PA SKYES KYI MTSOG DANG, BYANG CHUB SEMS DPA' RNAMS LA 'BUL LO, ,'DI DAG THAMS CAD YON GNAS DAM PA DANG, BKREN ZHING SDUG BSNGAL BA DAG LA SHIN TU THUGS RJE CAN BDAG RJES SU 'DZIN PA'I PHYIR BZHES PAR ZHU, 'O NA 'DI DAG BRTAGS PA TZAM YIN PAS YANG DAG PA'I MCHOD PAR JI LTAR 'GYUR ZHE NA, 'O NA GNOD SEMS BRNAB SEMS LOG LTA RNAMS RTOG PA MA YIN NAM DE SHIN TU NYES SPYOD DU BSHAD PA CI, RANG GI NOR CI STE MI 'BUR ZHE NA, SMRAS PA, BDAG NI ZHES PA LA SOGS PA'O, ,SNGAR BSOD NAMS MA BSAGS PAS BKREN PA CHEN POR GYUR, PHUN SUM TSOGS PA NI BSOD NAMS KHO NA LAS 'BYUNG NA YID KYI MCHOD PA LAS GZHAN BDAG LA CUNG ZAD KYANG MA MCHIS SO, ,DE BAS BDAG GI BSOD NAMS 'PHEL BAR BYA BA'I PHYIR, GZHAN LA @206A *, ,PHAN PA'I THUGS DANG LDAN PA'I MGON PO RNAMS KYIS 'DI DAG RANG GI MTHUS BZHES SU GSOL, ,RANG GI DBANG DU GYUR PA BDAG NYID YOD PA NI 'BUL LO, ,THAMS CAD KYI SGO NAS LTOS PA MED PAR 'KHOR GSUM DU RANG BZHIN MED BZHIN DU NYON MONGS PA LAS RGYAL BAS RGYAL BA RNAMS DANG DE SRAS RNAMS LA'O, ,KYE SEMS DPA' MCHOG RNAMS BDAG NI YONGS BZHES SHIG, ,KHYED KYI 'BANGS SU MCHI BAR BGYI, GUS PAS TE 'TSO BA'I PHYIR RO, ,DA BYAS PA'I YON TAN BSHAD DE, KHYED KYIS GZUNG BAS BDAG NYID CHEN PO BRTEN PAS 'JIGS PA MED CING 'KHOR BAR SEMS CAN RNAMS LA PHAN PAR BYA'I, YANG GI SGRA NI 'DUS PA'I DON TO, ,SNGAR BYAS PA'I SDIG PA RNAMS 'GYOD PA LA SOGS PAS DAG PAR BYED PA DANG, PHYIN CHAD SDOM PA'I TSUL DU SLAR MI BYED PAR DAM 'CHA'O, ,DA NI RIM BZHIN MCHOD PA'I KHYAD PAR BSHAD DE, KHRUS ZHES BYA BA LA SOGS PA'O, , RANG RANG GI GNAS NAS YID KYIS SPYAN DRANGS PA RNAMS LA NGAL BA GSO BA'I PHYIR LTA BUR RIN PO CHE 'BAR BA'I KA BA YID DU 'ONG BA DANG, STENG DU MU TIG GI DRA BA DANG DRA BA BYED PA'I BLA RE BRES PA DANG, DRI MA MED PA'I 'OD DANG LDAN PA'I GSER GYIS BZHI DANG, DRI ZHIM PA'I KHRUS KYI PHYIR BYAS PA'I KHANG BZANGS LA YID DU 'ONG BA'I DRI'I CHU DANG, ME TOG GIS GANG BA'I BUM PA RIN PO CHE LAS BYAS PA STONG PHRAG DU MAS DE BZHIN GSHEGS PA RNAMS DANG, BYANG CHUB SEMS DPA' RNAMS LA KHRUS BYA STE GLU DANG ROL MO SNGON DU 'GRO BAS SO, ,DE RJES KHRUS CHU PHYI BA BSHAD DE, DRI MA THAMS CAD BKRUS TE, AA KA RU LA SOGS PAS BDUGS TE REG BYA 'JAM PAR BYA BA'I PHYIR RAS BAL DANG BCAS PA'I NA BZAS RGYAL BA LA SOGS PA'I SKU PHYI BAR BYA'O, ,DE RJES SHIN TU MNGAR BA'I BDUG SPOS KYIS BDUG PA'I NA BZA' DE DAG LA 'BUL LO, ,LHA'I YUL NAS BYUNG BA SRAB CING 'JAM PA KHA DOG SNA TSOGS PAS MDZES PA'I NA BZA' DANG, DE DANG DE'I RGYAN GYI MCHOG MGUL RGYAN DANG, DBU RGYAN DANG, DPUNG RGYAN DANG, PHYAG GDUB DANG, ZHABS GDUB LA SOGS PAS KUN DU BZANG PO DANG, BYAMS PA DANG, 'JAM DPAL DANG, 'JIG RTEN DBANG PHYUG LA SOGS PA RGYAL SRAS RNAMS LA BRGYAN PAR BYA'O, ,DE RJES SRU LA @206B BYUG PA BSHAD DE, STONG GSUM ZHES BYA BA LA SOGS PA'O, ,GLING BZHI PA DANG NYI ZLA DANG, ,RI RAB DANG NI 'DOD LHA DANG, ,TSANGS PA'I 'JIG RTEN STONG LA NI, ,STONG NI SPYI PHUD YIN PAR 'DOD, ,DE STONG LA NI STONG GNYIS YIN, ,DE STONG LA NI STONG GSUM STE, ,GLING BZHI PA SA YA BRGYA PHRAG GCIG TU 'GYUR RO, ,DE DAG BRO BAS KHYAB PA'I DRI MA CIG GNOD SBYIN GYI 'DAM DANG, HA RI TZANDAN LA SOGS PAS DE DAG BYUG PAR BYA'O, ,DE DAG JI LTA BU ZHE NA, SBYANGS PA NI NANG GI DRI MA MES DAG PAR BYAS PA DANG, RO SA NI'I NOR BUS BDAR BA DANG, TSA DANG SKUR MO LA SOGS PAS PHYI ROL GYI DRI MA LEGS PAR BKRUS PA'I GSER GYI 'OD ZER BAS GSAL BA THUB DBANG GI SKU RNAMS LA'O, ,DE RJES MAN DA RA BA DANG, MA H'A MAN DA RA BA DPAG BSAM SHING GI ME TOG DANG, AUTPALA SNGON PO DANG, DBYAR GYI MA LI LA SOGS PA DRI BZANGS KYI ME TOG SNYING LA SDUG PAS MCHOD GNAS MCHOG THUB DBANG RNAMS LA MCHOD PAR BGYI, BKOD PA'I KHYAD PAR GYIS YID DU 'ONG BA'I PHRENG BAS KYANG DO, ,ME TOG GI RJES SU SPOS BSHAD DE, DRI'I NGAD KYIS PHYOGS KHYAB CING YID DU 'ONG BA'I DRI GANG GI YIN PA DE LTA BU'I BDUG SPOS SPRIN LTA BU STE NAM MKHA' KHYAB PA'I PHYIR RO, ,DES DE DAG LA BDUG PAR BYA'O, ,BDUG SPOS KYI RJES LA ZHAL ZAS BSHAD DE, ZHAL ZAS ZAN LA SOGS PA DANG, BZA' BA NI SOS GCAD PAR BYA BA DANG, BTUNG BA NI BU RAM GYI CHU LA SOGS PA STE, LHA BSHOS SNA TSOGS PA DE DAG LA 'BUL LO, ,LHA BSHOS KYI RJES SU MAR ME BSHAD DE, GSER LAS BYAS PA'I PADMA'I PHRENG BA'I STENG DU RIN PO CHE'I RANG BZHIN SNANG GSAL RNAMS DE DAG LA 'BUL LO, ,DE RJES ME TOG SIL MA DGRAM PAR BSHAD DE, TZANDAN DANG GUR GUM LA SOGS PA'I DRIS BYUGS PA'I SA GZHI BSTAR BA LA, YID DU 'ONG BA'I ME TOG SIL MA DGRAM PAR BYA'I, YANG DAG PAR MCHOD PA RNAMS LA RANG RANG GI GNAS SU GSHEGS PA'I PHYIR BZHIN DU GZHAL YAS KHANG YANG BSTOD PAR BSHAD DE, NOR BU DANG MU TIG GI PHRENG BA 'PHYANG BAS MDZES PA GANG YIN PA DE LTA BU'I GZHAL YAS KHANG KHO NA SPRIN TE MANG BA'I PHYIR RO, ,DE JI LTA BU ZHE NA, GZI BRJOD CAN PHYOGS RNAMS KYI RGYAN DU GYUR PA BSTOD PA'I RANG BZHIN GYI GLU GANG @207A *, ,YIN PA YID DU 'ONG BA SEMS CAN THAMS CAD LA BYAMS PA'I BDAG NYID CAN LA DBUL BAR BGYI'O, ,DE RJES STENG BSIL BAR BYA BA'I PHYIR GDUGS BSHAD DE, RIN PO CHE LAS BYAS PA NYI MA'I DROD LAS SKYOB PAS GDUGS SHIN TU MDZES PA MU TIG GI PHRENG BA DRA BA DANG DRA BA PHYED PA MTHA' MAR 'PHYANG BA; GSER GYI YU BA YID DU 'ONG BA 'GRENG BA DE BZHIN GSHEGS PA RNAMS LA GZUNG BAR BYA'I, MCHOD PA RNAM PA MANG PO MDZAD PAS GNAS LA DAD PA 'PHEL BAR BYA BA'I PHYIR TE, GNAS MA YIN PA KHYAB 'JUG LA, BHA LA ZHES BYA BA LHA MA YIN GYI RGYAL POS SA GZHI THAMS CAD PHUL NAS SA 'OG RI RAB KYI KHONG GSENG DU BTZON THOB PO, ,BHA LA SBYIN BDAG MCHOD GNAS KHYAB 'JUG STE, ,SBYIN RGYU SA GZHI RTA YI SBYIN SREG DUS, ,RI RAB KHONG DU BTZON NI 'BRAS BU STE, ,RGYAL BA MU STEGS KHYAD PAR STOS SHIG AANG, ,LAM DU GSHEGS PA NA DE RJES LHA LA SOGS PAS BYAS PA'I MCHOD PA'I SPRIN RNAMS RJES SU 'GRO BAR 'GYUR, DE JI LTA BU GLU DANG ROL MO DANG GAR GYI SPRIN YID DU 'ONG BA SEMS CAN THAMS CAD SPRO BA SKYED CING DE LTAR RGYAL BA MTHONG NAS DANG BA BSKYED PA'O, ,GSHEGS PAR BZHED PA RNAMS GSHEGS PAR BYAS NAS GNAS PA RNAMS KYIS MCHOD PA BSHAD DE, GSUNG RAB BCU GNYIS CHOS RIN PO CHE DANG, RGYAL BA'I MCHOD RTEN RNAMS DANG, SANGS RGYAS DANG BYANG CHUB SEMS DPA'I SKU GZUGS RNAMS LA ME TOG SNA TSOGS PA DANG, RIN PO CHE SNA BDUN GYI PHYE MA'I CHAR DANG, SOGS PA'I SGRAS TZANDAN PHYE MA DANG, NA BZA' LA SOGS PA'I CHAR RGYUN MI CHAD PAR GYUR CIG, ,MCHOD PAR BYA BA LA SOGS PA DMIGS NAS MCHOD PA NI MA DAG PAS JI LTAR BLA NA MED PAR 'GYUR BA'I THABS BSHAD DE, 'JAM DPAL LA SOGS PAS CHOS NYID RTOGS TE SHES BZHIN PA'I DANG BAS RGYAL BA RNAMS LA MCHOD PA LTAR, BDAG GIS DE BZHIN GSHEGS PA DANG DE SRAS RNAMS LA MCHOD PAR BYA'O, ,BSTOD PA BSHAD DE DBYANGS NI, NIsh'A DA LA SOGS PA BDUN TE, DE DAG GI DBYE BA NI KA MO DA LA SOGS PA, DE MANG BAS RGYA MTSO STE DE DAG GI YON TAN MI ZAD PA LA BSTOD PAR BYA'O, ,BSTOD PA'I DBYANGS KYI SPRIN JI LTA BA BZHIN DU NGES PAR 'BYUNG BAR GYUR CIG , @207B BSTOD PA'I CHO GA 'DI YANG DAM TSIG GSUM BKOD PA'I RGYAL PO LAS SHES PAR BYA'O, ,BSTOD PA RDZOGS NAS PHYAG BSHAD DE, PHYOGS BCUR GNAS PA'I ZHING KHAMS KYI RDUL PHRA RAB KYI GRANGS DANG MNYAM PA'I PHYAG GIS PHYOGS BCUR 'DAS PA DANG, DA LTAR BA DANG, MA 'ONGS PA'I SANGS RGYAS DANG CHOS DANG DGE 'DUN LA PHYAG 'TSAL LO, ,BCOM LDAN 'DAS MYA NGAN LAS 'DAS PA'I PUR SBYANGS PA'I THAB LAS BYUNG BAS MCHOD RTEN DANG POR BZHENGS, PHYIS GZHAN DU YANG 'BYUNG NGO, ,DE DAG KUN NI STENG DANG 'OG DANG PHYOGS MTSAMS SU GNAS PA RNAMS DANG, BYANG CHUB SEMS DPA'I GZHI NI SKYES RABS LA SOGS PAR BSHAD PA'I SKYE BA'I GNAS RNAMS DANG, MKHAN PO DANG BRTUL ZHUGS RNAMS LA PHYAG 'TSAL LO, ,PHYAG BYAS NAS SEMS BSKYED PA'I THUN MONG MA YIN PA'I RGYU SKYABS SU 'GRO BA BSHAD DE, SANGS RGYAS DANG CHOS DANG BYANG CHUB SEMS DPA'I DGE 'DUN LA SKYABS SU MCHI ZHES TE; SKYABS SU 'GRO BA NI SDOM PA'I SGOR GYUR PA STE, 'JIGS PA MED PA'I LAM BSTAN PAS, SANGS RGYAS LA STON PAR KHAS LEN STON PAR KHAS MA BLANGS NA DE'I BKA' LA DAD PAR MI 'GYUR RO, ,SDUG BSNGAL THAMS CAD SHIN TU ZHI BAR MDZAD PA'I DON DAM PA'I CHOS MNGON SUM DU BYA BAR KHAS LEN; DE RJES GRUB PA LA 'JUG PA'I PHYIR RO, ,PHYIR MI LDOG PA'I BYANG CHUB SEMS DPA'I DGE 'DUN 'JIGS PA MED PA'I GNAS SU 'DREN PA PO BRTEN PAR BYA BAR KHAS LEN, DE LTA MIN NA DE DAG GI RJES SU JI LTAR SLOB, BYAMS PAS GSUNGS PA, SANGS RGYAS NYID NI SKYOB PA STE, ,NYON MONGS PA YI TSOGS KUN DANG, ,NYES SPYOD KUN DANG RGA SHI LAS, ,THABS MIN NGAN SONG GNOD KUN DANG, ,THEG PA DMAN DANG 'KHOR BA LAS, ,DE PHYIR SKYABS NI BLA NA MED, ,CES SO, ,SNYING PO NI GTZO CHER GYUR PA'I DON TE, DENG NAS BRTZAMS TE BYANG CHUB MA THOB KYI BAR DU 'KHOR GSUM RANG BZHIN MED PAR BSKYAB PAR BYA'O, ,SKYABS SU SONG BA'I RJES SU SDIG PA BSHAGS PA BSHAD DE, SANGS RGYAS RNAMS NI MNGON SUM SPYAN, ,BSTAN PA DAG KYANG BSRUNG BAR MDZAD, ,THAMS CAD DE YI MNGON GYUR TE, ,BDAG NI DE DAG MDUN NA GNAS, ,ZHES BSAMS NAS THAL MO SBYAR BA NI LUS KYI RNAM PAR RIG BYED, @208A *, ,GSAL BA NI NGAG GI RIG BYED, DE GNYIS KYIS SANGS RGYAS LA SOGS PA LA SHIN TU GUS PAR BSTAN TO, ,CI GSOL ZHE NA, SMRAS PA, GANG LA THOG MA MED PA DE NI THOG MA MED DE 'KHOR BA DANG SKYE BA 'DI NYID DU BYA BA DANG BYA BA MA YIN PA MI SHES SHING PHYUGS LTA BU BDAG GIS ZHES PAS RANG SUN 'BYIN PA'O, ,BYAS PA NI RANG GIS TE BYED DU BCUG PA NI GZHAN NO, ,GZHAN GYIS BYAS PA LA LEGS PAR BYAS SO ZHES RJES SU YI RANG BA NI RANG NYID RANG GSOD PA'I PHYIR TE, DE'I 'BRAS BU RANG LA SMIN PA'I PHYIR RO, ,GTI MUG GI 'KHRUL PAS NI NYON MONGS PA KUN TU 'GRO BAS SO, ,'DOD CHAGS LA SOGS PA'I DBANG GIS LUS NGAG YID KYI SGO NAS RIGS PA LAS 'DA' BAR BYAS PAS SDIG PA STE, DE MTHOL BAR BYA BA'I MGO LA GZHAG PA'I RAS LA ME 'BAR BA NA, DE MYUR DU SGYUR BA LTAR 'GYOD PAS GDUNG ZHING MTHOL BAR BYA'O, ,BYE BRAG BSHAD DE, DKON MCHOG GSUM BLA NA MED PA'I YON TAN GYI ZHING DANG, PHAM PHAN 'DOGS PA'I ZHING DANG, BLA MA YON TAN CAN DANG, BSHAD PA LAS GZHAN RNAMS LA LUS LA SOGS PAS, GNOD PA BYAS PA DE BSHAGS PAR BYA'O DANG SBYAR RO, ,SEMS SGYUR BAR BYED PAS NA NYES PA STE 'DOD CHAGS LA SOGS PA'O, ,DE DAG GIS SKYON CHAGS PA SDIG CAN BDAG GIS SHIN TU MI BZAD MNAR MED DMYAL BA'I RGYU 'DREN PAS SO, ,ZHES BOS NAS BSHAGS PAR BYA'O, ,'GYOD CING SMRAS TE, JI LTAR THABS GANG GIS DE LAS THAR BAR MYUR DU BSKYAB TU GSOL, CIS MYUR BAR 'DOD CE NA, SDIG PA MA ZAD PAR 'CHI RU DOGS PA'O, ,GZHAN DU NA NGAN 'GROR LTUNG BA'I PHYIR RO, ,GANG GI PHYIR 'CHI BDAG NI 'DIS BYAS 'DIS MA BYAS ZHES RTOG PAR MI BYED CING YID BRTAN 'JOMS PA PO MIN BA NI BDAG DAR LA BAB PA 'AM NAD MED DAM STOBS DANG LDAN PAS DANG, NAD PAS NI DE LAS LOG PAS YID GCUGS PAR MI RUNG NGO, ,GANG GI PHYIR 'DI LAS BYUNG ZHES MA RIG CING THOG 'BAB PA BZHIN NO, ,'O NA CI STE BYAS SHE NA, SMRAS PA, MDZA' BA NI BDAG DANG BDAG GI BA'O, ,MI MDZA' BA NI DE LA GNOD PA'O, ,MDZA' BA LA PHAN PA DANG BDE BA, MI MDZA' BA LA DE LAS BZLOG PA'O, ,DE'I PHYIR GSOD PA LA SOGS PA LAN DU MAR BYAS SO, ,MI RTAG PA BDAG GI @208B MDZA' BO LA SOGS PA THAMS CAD SPANGS TE, 'CHI BAR 'TSAL ZHES RMONGS PAS MA RIG GO, MI MDZA' BA RNAMS DANG MDZA' BA RNAMS DANG BDAG DANG DE PHYIR BSAGS PA THAMS CAD RANG GI NGANG GIS 'JIGS PAR 'GYUR BAS, DE'I SLAD ? DU SDIG PA MI RIGS ZHES MI SHES PAS SO, ,JI LTAR RMI LAM DU MTHONG BA NYAMS TE PHYIS BLTA RU MED, DE LA DRAN PA TZAM 'BYUNG STE, DE LTAR GZHAN YANG DNGOS PO DE DANG DE GANG MYONG BA DE SKYE BA 'DI NYID DU MI BRTAN PAS DRAN PAR BYA BA TZAM STE, DE'I CHED DU BDAG GI BAR BRTAGS NAS SDIG PAS CI ZHIG BYA, TSE 'DI NYID DU BDAG YOD BZHIN DU MDZA' BA DANG MI MDZA' BA DU MAS SO, ,DE DAG GI CHED DU BDAG GIS BYAS PA'I SDIG PA DMYAL BA'I RGYU MI BZAD PA BDAG GI MDUN DU GNAS TE DE DAG DANG 'GROGS TE MI 'GRO'O, ,'O NA KHYOD JI LTAR RMONGS SHE NA, SMRAS PA, BDAG SU'I YANG NYE DU MA YIN ZHING BDAG GI NYE DU YANG GANG YANG MA YIN PAS GLO BUR BA YIN ZHES MA DPYAD PAS, BDAG GI BA LA RJES SU CHAGS PA DANG, DE LAS BZLOG PA LA SDANG BAS SDIG PA DU MA BYAS SO, ,MA 'JIGS SHIG KHYOD TSE RING BA YIN ZHE NA, SMRAS PA, NYIN MTSAN DU TSE RTAG LA NANG DU ZHUGS PA MED PAS BDAG CI STE 'CHI BAR MI 'GYUR, SKYE BA PHYI MA NI LTA ZHOG ,SKYE BA 'DI NYID DU NAD KYIS GZIR BAS NYAL BA GNYEN BSHES KYIS MTHA' MA BSKOR BA DAG GCIG PU KHO NAS SROG GCOD PA'I SDUG BSNGAL DANG, SOGS PA'I SGRAS GDUNG BA DANG SKOM PA LA SOGS PA BZOD PAR BYA'I, NYE DU LA SOGS PAS CUNG ZAD KYANG MI MYONG NGO, , 'O NA CI STE GZHAN GYI DON DU 'JUG CE NA, MA YIN TE 'DIR GTI MUG SDIG PA'I RGYU YIN PAS DE BSAL BAR BYA BA'I RIGS PA 'DI DAG YIN GYI, 'DOD CHAGS DANG ZHE SDANG DANG GTI MUG PAS NI GZHAN DON DU 'JUG PA'O, ,SKYE BA PHYI MA LA NYE DU LA SOGS PA'I PHAN PA NAM YANG MED PAR BSHAD DE, 'CHI BDAG GI PHO NYAS ZIN PA, ZHAGS PAS MGUL PA BCINGS PA THO BAS PHYIS BRDUNG BA TSER MA DANG RDO GSHAG MAS ZUG PA LAS KYIS GZHI RU KHRID PA GCIG PU LA GNYEN DANG BSHES KYIS CI PHAN, DE TSE BSOD NAMS GCIG PUS SKYO BA PA YIN TE, DE NI BDAG GIS MA BSAGS SO, ,GZHAN GYI @209A *, ,RKYEN BSHAD NAS RANG GI RKYEN 'CHAD DE, MI RTAG PA NYAMS PA'I RANG BZHIN SROG LA CHAGS PAS MA 'ONGS PA'I DMYAL BA LA SOGS PA'I 'JIGS PA MI SHES BZHIN DU LANG TSO DANG NONG DANG DBANG LA SOGS PA'I NGA RGYAL GYIS BAG MED PA BDAG GIS, KYE MGON PO RNAMS SDIG PA MANG DU BSAGS SO, ,DE LTAR 'GYOD PA CIS SHEN SMRAS PA, DMYAL BA'I SDUG BSNGAL BAS KYANG RKANG PA DANG LAG PA GCOD PA'I SDUG BSNGAL SHIN TU CHUNG STE, DE'I SLAD DU KHRID KYANG LUS BSKAM PA DANG, KHA SKOM PA DANG MIG RTZA NGAN PAS 'GRO BA BZLOG PA MTHONG, 'JIGS SU RUNG BA'I GZUGS CAN DE DAG GSHIN RJE'I PHO NYA DAG GIS ZIN PA 'JIGS PA CHEN PO LAS BYUNG BA'I NAD KYIS GZIR BA BRED CING BSHAD BA 'DOR BAS LUS PO 'KHYIG PA'O, ,'ON SDIG PA BSHAGS PA DE'I RGYU MTSAN LA SOGS PA SMOS PAS CI BYED CE NA, MA YIN TE MA SPYAD PAS SDIG PA 'BYUNG GI SPYOD PA PO LA MI 'BYUNG; CHOS RNAM PAR 'BYED PA MED PAR GANG GI PHYIR, NYON MONGS PA RNAMS ZHI BAR MI 'GYUR BAS SO, ,BRED PAS MIG BGRAD NAS PHYOGS BZHIR SKYABS TSOL TE SU ZHIG SNYING RJE CAN 'JIGS PA CHEN PO 'DI LAS BDAG GI SKYABS SU 'GYUR ZHES BYAS NAS SO, ,SHIN TU TSA BA LA SOGS PA DMYAL BA'I GNAS DER PHYOGS RNAMS SKYABS MED PAR MTHONG NAS YI MUG PA'I TSE, BDAG GIS JI LTAR BYA STE BZLOG PA'I THABS MED PAS SO, ,DE BAS NA DA LTA KHO NA DE LA PHAN PA BYA DGOS ZHES SMRAS PA, KUN TU DBUGS 'BYIN PA BLO BDE BA'I GNAS KUN NAS THOGS PA MED PA'I NUS PA CAN, SEMS CAN SKYOB PA'I DON DU BYON PA, SDUG BSNGAL THAMS CAD ZHI BAR BYED PA, RGYAL BA RNAMS LA DE RING NYID DU SKYABS SU 'GRO BAR BYA ZHES RTEN GYI STOBS BSHAD DO, ,CHOS DANG DGE 'DUN BSTAN PAR BSHAD DE SANGS RGYAS KYIS RTOGS PA'I CHOS SRID PA'I 'JIGS PA LAS SKYOB PA DANG, PHYIR MI LDOG PA'I BYANG CHUB SEMS DPA'I DGE 'DUN LA DE RING NYID DU SKYABS SU MCHI'O ZHES SKYABS KYI STOBS DANG, PHYIN CHAD MI BYED PA'I STOBS DANG, GNYEN PO'I STOBS DANG, RANG LA SMOD PA BZHIS SDIG PA ZAD PAR 'GYUR BAS, SKYABS SU 'GRO BA ZLOS PA'I SKYON MED DO, ,GTZO CHE BA'I @209B RIM PAS BRTAN PA BSHAD DE, LUS LA SOGS PA DAG PAR BYA BA'I PHYIR BDAG NI 'JIGS PAS SKRA GNAS KUN DU BZANG BO DANG, 'JAM DPAL LA BDAG 'BUL LO, ,BLTAS PA TZAM GYIS RGUD PA SEL BAS NA SPYAN RAS GZIGS THUGS RJE'I SPYOD PA MA 'KHRUL BA LA NYAM THAG NGA ROS 'O DOD 'BOD, KHYED KYIS SDIG LDAN BDAG LA SKYAB TU GSOL, SDIG PA LAS RING DU SONG BA NI 'PHAGS PA STE, STONG PA NYID KYI TING NGE 'DZIN LA GNAS PAS NAM MKHA'I SNYING PO, ,SA'I KHAMS KYI DAG PA YIN PAS SA'I SNYING PO, ,GZHAN YANG SA BCU LA RNAMS LA SKYABS TSOL BAS SNYING NAS 'O DOD 'BOD, GSHIN RJE'I PHO NYA DANG GNOD SBYIN DANG SRIN PO LA SOGS PA GZHAN SDUG PAS DGA' BA GANG MTHONG BA TZAM GYIS SKRAG CING 'BROS PA PHYAG NA RDO RJE DE LA PHYAG 'TSAL LO, ,SNGAR MI SHES PAS KHYED KYI BKA' LAS 'DAS TE SDIG PA BYAS, DA NI CHOS SHES PAS DE'I 'BRAS BU DMYAL BA'I 'JIGS PA MTHONG NAS, KHYED LA SKYABS SU MCHI LAGS KYI, ,'JIGS PA MYUR DU BSAL DU GSOL, ,CHOS BZHI BSTAN PA LAS GSUNGS PA, ,STOBS DANG LDAN PA LA BRTEN PAS, ,SDIG PAS ZIL GYIS GNON PA MI NUS SO ZHES SO, ,SANGS RGYAS KYI GSUNG LA 'DA' BAR RIGS PA MA YIN PAR BSHAD DE, THUN MONG RAG LA KHAD PA'I NAD LA 'JIGS PAS KYANG SMAN PA'I TSIG LA 'DA' BAR MI BYED DE, NAD 'PHEL BA'I DOGS PAS SO, ,BZHI DANG BZHI BRGYA'I NAD KYIS ZIN, ,'DA' BAR MI BYED LTA CI SMOS, ,DUS MA YIN PA'I 'CHI BA BRGYA PHRAG GCIG STE, DUS KYI 'CHI BA GCIG DANG BCAS PA BRGYA RTZA GCIG STE, DE YANG SO SOR RLUNG DANG, MKHRIS PA DANG, BAD KAN DANG, DE DAG 'DUS PA LAS BYUNG BAS BZHI DANG BCAS PA BRGYA PHRAG BZHI'O, ,DE LTA YIN KYANG CI ZHE NA, SMRAS PA, GANG LAS NAD GCIG 'KHRUGS PAS KYANG 'DZAM BU'I GLING NA GNAS PA'I MI RNAMS 'CHI STE, NAD GANG GI GSO BA'I SMAN MCHOG GANG NAS KYANG MI RNYED DO, ,'DIR BHA NA SHR'I'I RGYAL PO PADMA'I SKYE RABS DPE STE, BCOM LDAN 'DAS 'DI NYID 'DAS PA'I DUS SU PADMA ZHES KA SHI'I RGYAL POR SKYES TE, DE'I DUS SU 'DZAM BU'I GLING GI MI THAMS CAD NAD DANG @210A *, ,BCAS PAS 'CHI STE, DE DAG KUN GYIS BYANG CHUB SEMS DPA' LA GSOL TE, KYE RGYAL PO CHEN PO SEMS CAN THAMS CAD LA PHAN PAR BYED KYANG, BDAG GI GNAS SKABS 'DI LTA BUR GYUR, RGYAL PO DUS DE NYID DU SMAN PA RNAMS LA BKA' STZAL PA, DE DAG GI GSO BA'I BSTAN BCOS KUN BLTAS LA, DE'I NYIN MO SKYES PA'I RO HI TA'I NYA'I SHA LAS GZHAN MA MTHONG BAR RGYAL PO LA GSOL TO, ,DE NI DE'I NYIN PAR GYES PA CHU CHEN PO GCOD PA LAM MA RNYED PA RNYED PAR DKA'O, ,DE BZHIN DU MTHA' YAS PA 'DOD CHAGS LA SOGS PA NAD GCIG GIS KYANG SEMS CAN THAMS CAD CHUD GSAN TE, GANG LA SMAN PA THAMS CAD MKHYEN PA LAS GZHAN GYIS MI RNYED DO, DE LA LA LUS DANG YID KYI ZUG RDU RNAMS SEL NUS PA, THAMS CAD MKHYEN PA SMAN PA'I GSUNG LAS 'DA' BAR BYED PAS BDAG SHIN TU GTI MUG SMAD PA'I GNAS SHES BZHIN DU BKA' LAS 'DA' BAR BYED NA BDAG LAS GZHAN RMONGS PA SU ZHIG YOD CES BDAG LA SMOD PA'O, ,DE BAS NA BAG YOD PAR 'TSAL ZHES SMRAS TE, RI LA SOGS PA'I GYANG SA CHUNG BA, GANG LA RUS PA 'CHAG PA'AM 'CHI BA TZAM 'BYUNG BA DER YANG BAG YOD PAR SPYOD NA, DPAG TSAD STONG PHRAG GI TSAD MNAR MED PA LA SOGS PA'I GYANG SA RING BAR BAR GYI BSKAL PA'I TSE DANG LDAN PA LA BAG YOD PAR BYED PA LTA CI SMOS, DER SDUG BSNGAL YOD KYANG 'DIR YUN RINGS BDE BA MYONG BAS CHOG CE NA, SMRAS PA, DE RI KHO NA MI 'CHI BYAS NAS BDE BA LA RE BA MI RIGS TE, GANG GI PHYIR BDAG 'CHI BA'I TSE GANG YIN PA DE NI MI RTAG PAS NGES PAR 'BYUNG BAR 'GYUR, DBUGS 'BYIN PA YANG MED PAR BSHAD DE, 'JIGS PAR MA BYED CES MI 'JIGS PA SUS BDAG LA BYIN, DMYAL BA'I 'JIGS PA LAS THAR BA'I THABS KYANG MED DE, GSON PA NI 'CHI BA'I MTHA' MA CAN ZHES GSUNGS PAS, NGES PAR 'CHI BAR 'GYUR NA BDE BAR 'DUG PA MI RIGS SO, ,BDE BA LA RE BA 'DI BAS KYANG MI RIGS PAR BSHAD DE, PHRENG BA DANG TZAN DAN LA SOGS PA SNGAR NYO BA GANG YIN PA DE DA LTA MED PAS DE'I SNYING PO DA LTA CI ZHIG YOD CE NA, DE'I BDE BA YANG DUS DE NYID @210B DU NYAMS SO, ,BDE BA'I RGYU GANG LAS MNGON PAR ZHEN NAS BDAG GIS BLA MA'I BKA' LAS 'DAS PAR BYAS, DE BAS NA BDAG GIS 'DI KHO NA BSAM PAR BYA'I, MI LA SOGS PA'I 'JIG RTEN 'DI SPANGS NAS, NYE DU RNAMS KYANG GCIG BU KHO NA LAS KYI 'PHEN BAS MI SHES PA'I GSHED DU 'GRO BAR 'GYUR BAS, DA NYE DU LA SOGS PAS BDAG LA CI DE TSE PHAN PA MED PAS SO, ,MI DGE BA LAS SDUG BSNGAL NGES PAR 'BYUNG ZHES BSAMS NAS PHYIN CHAD SDOM PAR 'GYUR, DE NAS SNGAR BYAS PA LAS NGES PAR JI LTAR THAR ZHES BSAMS PAS BSHAGS PA LA SOGS PA 'BYUNG, DE BAS NYIN MTSAN MED PAR BDAG GIS 'DI NYID BSAM PAR RIGS SO, ,BSAM PA'I 'BRAS BU BSHAD DE, BYIS BA MI SHES PA GTI MUG GIS LDONGS PA BDAG GIS LUS LA SOGS PAS GANG BYAS PA RANG BZHIN GYI KHA NA MA THO BA MI DGE BA BCU DANG, BRTUL ZHUGS CAN LA BCAS PA'I KHA NA MA THO BA DUS MA YIN PA'I KHA ZAS LA SOGS PA, DE DAG THAMS CAD BSHAGS PAR BYA, ,SANGS RGYAS DANG BYANG CHUB SEMS DPA' RNAMS KYI MDUN DU THAL MO SBYAR LA, 'BYUNG BAR 'GYUR BA'I SDUG BSNGAL LA 'JIGS SHING YANG DANG YANG DU PHYAG BYAS NAS SO; ,SDIG PA 'DI NI BDAG GIS BYAS, ,ZHES KHAS BLANGS NAS BSHAGS PAR BYA'O, ,GZUNG DU GSOL ZHES PA NI BDAG GIS 'CHAB SEMS MED PAR BSHAGS PAR BYAS PA DGONGS SU GSOL, PHYIN CHAD SDOM PA BSHAD DE, RNAM PAR SMIN PA MI BZAD PAS BZANG PO MA YIN, DUS 'DI NAS BRTZAMS TE SLAR MI BYA'O, ,BLA MA LA SOGS PA LA BSHAGS PA BYED NA BSHAGS PA BYAS PA'I RJES SU DES DRIS TE DE LTUNG BAR MTHONG NGAM, DES MTHONG LAGS ZHES BRJOD PAR BYA'O, ,YANG BLA MAS PHYIN CHAD SDOM MA MA DRIS PAS DES SDOM LAGS ZHES BRJOD PAR BYA'O, ,BSHAGS PA MANG DU GSUNGS PAS DE'I LE'U GNYIS PA'I DGONGS PA'I 'GREL PA KHYAD PAR GSAL BYED CES BYA BA LE'U GNYIS PA'O,, ,,RJES SU YI RANG BA BSHAD DE, RIGS DRUG LA 'KHOR BA'I SO SO SKYE BOS BYAS PA'I DGE BAS RJES SU YI RANG NGAN SONG SDUG BSNGAL NGAL SO BA NI 'BRAS BU PHYUNG @211A *, ,NAS DGE BA ZAD PA YIN PAS DUS 'GA' ZHIG NGAN SONG DU MI LTUNG BAS SO, ,'JIG RTEN GYI DGE BA NI SRID PA'I 'BRAS BU CAN KHO NA'O, ,'JIG RTEN LAS 'DAS PA NI 'DZAD PA MED PA'O, ,'JIG RTEN CHOS RNAMS DANG NI RGYANG RING NGO, ,ZHES GSUNGS PAS SO, ,RJES SU YI RANG BA NI GSUM STE, SEMS DANG BAS YID KYI DANG, BA SPU LDANG BA DANG MCHI MA 'BYUNG BA LA SOGS PAS LUS KYI DANG, LEGS PAR BYAS SO ZHES PA LA SOGS PAS NGAG GI'O, ,DGE BA BYAS PA DE DAG MI SHES PAS SDUG BSNGAL BA RNAMS BDE BAR GYUR CIG CES SMON LAM MO, ,'JIG RTEN LAS 'DAS PA'I DGE BA LA RJES SU YI RANG STE, SDUG BSNGAL LAS THAR BA NI BDAG NYID KYIS GZIGS PA'I LAM STON PAS SKYOB PA STE SANGS RGYAS SO, ,DE'I RGYU'I GNAS SKABS BYANG CHUB SEMS DPA' NYID DANG, 'BRAS BU'I GNAS SKABS SANGS RGYAS TE DE LA RJES SU YI RANG NGO, ,BYANG CHUB SEMS DPA'I DGE BA LA RJES SU YI RANG BA BSHAD DE, NYON MONGS PA 'CHOS PA RNAMS KYIS SEMS BSKYED MANG BAS RGYA MTSO SEMS CAN THAMS CAD LA PHAN PA DANG BDE BA MDZAD PA LA RJES SU YI RANG NGO, ,CHOS BSTAN PA'I PHYIR GSOL BA BSHAD DE, PHYOGS BCU DUS GSUM GYI DE BZHIN GSHEGS PA RNAMS LA GSOL BA GDAB STE THAL MO SBYAR ZHING MI SHES PA'I MUN PAS BSGRIBS PAS SDUG BSNGAL GYIS GDUNGS PA RNAMS LA CHOS KYI SGRON GSAL MDZAD DU GSOL ZHES SO, ,MYA NGAN LAS MI 'DA' BAR GSOL BA BSHAD DE, BYA BA BYAS PA'I PHYIR MYA NGAN LAS 'DA' BAR BZHED PA'I RGYAL BA RNAMS LA BSKAL PA MTHA' YAS PAR BZHUGS PAR GSOL TE, 'GRO BA 'DI DAG BLANG BYA DANG SPANG BYA MI SHES PAR MA GYUR CIG, ,STON PA PO MED PA'I PHYIR RO, ,BSNGO BA BSHAD DE, DE LTAR MCHOD PA DANG PHYAG DANG GSUM LA SKYABS SU 'GRO BA DANG SDIG PA BSHAGS PA DANG RJES SU YI RANG BA DANG GSOL BA GDAB PA STE, YAN LAG BDUN PA BLA NA MED PA'I MCHOD PA BYAS LA, DGE BA BDAG GIS GANG THOB PA DES SEMS CAN THAMS CAD KYI SDUG BSNGAL ZHI BAR BYED NUS PAR BDAG GYUR CIG ,THUN MONG DU BSHAD CING BYE BRAG BSHAD DE, DES KYI SGRA NI KUN DANG SBYAR RO, ,NAD PA RNAMS KYI SMAN DU @211B BDAG GYUR CIG ,JI LTAR DGE BSNYEN MA BYANG CHUB SEMS MAS, RANG GI SHA DRON GCOD CING DGE SLONG CIG NAD GSOR MI RUNG BA LA DRANGS PAS DE LAS GROL BAR BYAS PA'O, ,NAD G-YOG KYANG BDAG GYUR CIG ,DUS JI SRID KYI NAD DE SLAR MI LDOG PA DE SRID DU'O, ,BKRES PA DANG SKOM PA'I NAD LA BZA' BA DANG BTUNG BA BYIN NAS BDAG GIS SEL NUS PAR GYUR CIG ,BSKRAL PA MTSON DANG NAD DANG NI, ,MU GE DAG GIS MTHAR 'JIG GO, ,GANG LA 'JIG RTEN TSE LO BCU PA'I DUS DER BZA' BTUNG MED PAS, SHA DANG RUS PA PHAN TSUN DU ZA BA'I DUS DER BDAG BZA' BA DANG BTUNG BAR GYUR CIG , NOR MED PAS BKREN PA RNAMS LA 'DZAD PA MED PA'I GTER DU BDAG GYUR CIG ,DE DAG GI MDUN DU GNAS SHING RNAM PA SNA TSOGS PA MAL DANG, BZA' BA DANG GOS DANG GDAN LA SOGS PA 'BUL ZHING NYE BAR GNAS PA'O, ,RDO RJE RGYAL MTSAN GYI MDO LAS GSUNGS PA, DGE BA'I RTZA BA 'DIS BDAG SEMS CAN THAMS CAD KYI SKYOB PAR GYUR CIG CES BYA BA LA SOGS PA MANG PA'O, ,SEMS BSKYED PA'I CHOG LA NUS PA JI LTA BA BZHIN DU SBYIN PAR BYED PA BSHAD PAS, BSOD NAMS KYI TSOGS THUN MONG MA YIN PA'I YAN LAG YIN PAS BSHAD DE, DUS 'DI NAS BRTZAMS TE BYANG CHUB KYI BAR DU 'GRO BA'I RIS KUN DU BDAG GI LUS RNAMS DANG, DE BZHIN DU RIS KUN DU LONGS SPYOD PA'I RDZAS RNAMS RTA DANG GLANG PO SHING RTA LA SOGS PA DANG, 'JIG RTEN DANG 'JIG RTEN LAS 'DAS PA'I DGE BA 'DAS PA DANG MA 'ONGS PA DANG DA LTAR BA DE'I 'BRAS BU LA LTOS PA MED PAR SEMS CAN THAMS CAD KYI DON BSGRUB BA'I PHYIR GTANG BAR BYA'O, ,BLO GROS MI ZAD PA'I MDO LAS GSUNGS PA, DGE BA RJES SU DRAN PA DE NAS BYANG CHUB TU BSNGO BA 'DI NI 'DAS PA LA MKHAS PA'O ZHES BYA BA LA SOGS PA MANG BA'O, ,YONGS SU BZUNG BA'I RTZA BA CAN SRID PA'I SDUG BSNGAL LAS GROL BAS GROL ZHES BRJOD DE SER SNA SEL BA'I PHYIR BSHAD PA ZAG PA DANG BCAS PA BDAG NYID LA SOGS PA THAMS CAD BTANG BAS MYA NGAN LAS 'DAS PA STE, BDAG GI SEMS KYANG MYA NGAN LAS 'DA' BAR 'DOD DE, MYA NGAN LAS 'DA' BA'I DUS SU GAL TE LUS LA SOGS PA CIS KYANG GTONG NA DE'I TSE SEMS CAN RNAMS LA BTANG BA @212A *, ,MCHOG YIN NO, ,DE BAS NA SEMS CAN THAMS CAD KYI DON DU JI LTAR 'DOD PA LTAR BSGRUB PA'I PHYIR BDAG NYID BTANG BAS JI LTAR 'DOD PA BZHIN DU DBYUG PA LA SOGS PAS RDEG PA DANG, TSIG NGAN GYIS SMOD PA DANG, SA RDUL GYIS G-YOGS PA DANG, 'DOD PA BZHIN DU BYED DU 'JUG, ,BYIS PA YIN PAS BDAG GI LUS KYIS RTZE BA DANG, ROL PA DANG, CO 'DRI BA DANG, GA ZHA DANG BDAG GIS KUN NAS LUS 'BUL BAS, DE DAG GI MNYAM PA DANG MI MNYAM PA'I BSAM PAS BDAG LA DGOS PA CI, LAS THAMS CAD KYANG 'DI BYED DU CHUG MI 'OS PA YIN TE, 'ON KYANG GANG DE DAG LA BDE BA'I RGYU NYES SPYOD MA YIN PA'O, ,GANG GI PHYIR BDAG LA BRTEN NAS SU LA YANG MI 'DOD PA NAM YANG 'BYUNG BAR MA GYUR CIG ,GANG DAG LA BDAG DMIGS NAS BLO KHROS PA'AM MA DAD PAR 'GYUR BA DE DAG GI 'DOD PA'I DON THAMS CAD GRUB PA'I BLO DE NYID RGYUR GYUR CIG ,BYANG CHUB SEMS DPA'I BZOD PA MTHONG NAS DAD PA SKYE BAS SO, ,MED PA'I SKYON BRTAGS NAS GANG DAG BDAG LA KHA ZER BA DANG, GNOD PA BYED PA DANG, PHYAR KHA GTONG BA DE DAG BSHAD PA'I RIGS PA THAMS CAD BYANG CHUB PAR GYUR CIG ,GZHAN YANG MGON MED PA RNAMS KYI MGON DANG, LAM DU ZHUGS PA RNAMS KYI DED DPON DANG, CHU BO LA SOGS PA BRGAL BAR 'DOD PA'I GRU DANG, RAGS SAM ZAM PAR BDAG GYUR CIG ,MUN PAR MAR ME 'DOD PA RNAMS KYI MAR ME DANG, GNAS MAL 'DOD PA LA GNAS MAL DANG, BRAN 'DOD PA'I BRAN DU GYUR CIG ,'DOD PA'I DON BSGRUB PA'I YID BZHIN NOR BU DANG, LAG PA NANG DU BCUG PAS CI 'DOD 'ONG BA'I BUM PA BZANG PO DANG, LHA MO'I GSANG SNGAGS BSGRUB PA LAS THAMS CAD BYED PAS GRUB PA'I RIG SNGAGS DANG, GCIG PU NAD THAMS CAD ZHI BAR BYED PA'I SMAN CHEN DANG, BRTAGS PA'I DON KUN SGRUB PAS DPAG BSAM GYI SHING DANG, 'DOD PA'I DON 'JOBS 'DOD 'JO'I BAR GYUR CIG ,SA DANG CHU DANG ME DANG RLUNG 'BYUNG BA CHEN PO BZHI JI LTAR DMYAL BA DANG 'DOD PA DANG LOG RTOG DANG SMAN DANG SHING LA SOGS PA'I RTEN DU GYUR PA DANG, BTUNG BA DANG KHRUS LA SOGS PA DANG, 'TSED PA DANG SROG PA LA SOGS PA DANG, BRKYANG BA DANG @212B BSKUM PA LA SOGS PAS, NAM MKHA' DANG MNYAM PA'I SEMS CAN RNAMS KYI LONGS SPYOD SNA TSOGS PAR GYUR CIG ,DE LTAR NAM MKHA' DANG MNYAM PA'I SEMS CAN GYI BDAG LONGS SPYOD DU GYUR CIG ,SEMS CAN THAMS CAD JI SRID MYA NGAN LAS 'DAS KYI BAR ZHES BLO GROS MI ZAD PA'I MDO LAS GSUNGS SO, ,DE SEMS RIN CHEN ZHES PA NAS BRTZAMS TE, DE DAG THAMS CAD BYANG CHUB MCHOG TU SEMS BSKYED PA'I SBYOR BA STE, SANGS RGYAS LA SOGS PA LA NUS PA BZHIN DU MCHOD PA BYAS TE, LUS PHUL LA BYANG CHUB SEMS KYI PHAN YON SHES NAS SKYABS SU 'GRO BA BYAS TE, DAL 'BYOR RNYED PAR DKA' BA GO NAS SDUG BSNGAL BA'I SEMS CAN RNAMS LA SNYING RJE BSKYED DE, GANG TSE BDAG DANG GZHAN GNYIS KA ,SDUG BSNGAL MI 'DOD MTSUNGS PA LA, ,BDAG DANG KHYAD PAR CI YOD NA, ,GANG PHYIR GZHAN MIN BDAG SRUNG BYED, ,CES BDAG GZHAN LA KHYAD PAR MED PAR RTOGS TE RANG GZHAN GYI, SDUG BSNGAL THAR BAR BYED 'DOD CING, ,BDE BA'I MTHAR NI 'GRO 'DOD PAS, ,DAD PA'I RTZA BA BRTAN BYA ZHING, ,BYANG CHUB LA YANG BLO BRTAN BYA, ,ZHES GSUNGS PAS BYANG CHUB SEMS DPA'I SDOM PA TSIGS BCAD GNYIS 'DON CING LEN PA'O; ,DE JI LTAR LA SOGS PA STE, BYANG CHUB NI BAG CHAGS DANG BCAS PA'I SGRIB PA RNAMS SPANGS NAS CHOS THAMS CAD MI DMIGS PAR RTOGS PA STE, SHES RAB KYI LE 'US BRJOD PAR BYA'O, ,DE LA SEMS NI DE RTOGS PA'I PHYIR 'JUG PA'O, ,DE MED NA RANG DANG GZHAN GYI SDUG BSNGAL ZHI BAR MI 'GYUR RO, ,DE SNGON GYI SANGS RGYAS KYIS JI LTAR BSKYED PA LTAR, SEMS BSKYED NAS BSLAB PA BSRUNG BA LTAR RIM PA BZHIN NI LAS DANG PO PAS NUS PA'I RIM PAS SO, ,DE LTAR BDAG GIS BSKYED PAR BYA, ,DE DAG NYID KYIS BSKYED PA BZHIN NO, ,JI LTAR 'PHAGS PA 'JAM DPAL GYI SANGS RGYAS KYI ZHING GI YON TAN BKOD PA'I MDO LAS SKYE RABS SNGA MAL SBYOD PA DANG LDAN PA'I SEMS BSKYED PA DANG, MTHA' DANG BRAL BA 'KHOR BA YI, ,MU NI DANG PO JI SRID DU, ,DE SRID 'GRO LA PHAN DON DU, ,SPYOD PA GZHAL MED SPYOD PAR BYA, ,MGON PO'I MDUN DU YANG DAG PA'I,, @213A *, ,BYANG CHUB TU NI SEMS BSKYED BYA, ,BKREN PA LAS NI GROL BYA'I PHYIR, ,'GRO BA DAG LA SNYAN GSAN 'BEBS, ,DENG NAS BRTZAMS TE BYANG CHUB BAR, ,SER SNA DANG NI NGA RGYAL DANG, ,ZHES SNANG DANG NI PHRAG DOG DAG ,BDAG GIS BYED PAR MI 'GYUR RO, ,'DOD PA SDIG CAN SPANGS NAS SU; ,TSANGS PAR SPYOD PA SPYAD PAR BYA, ,SANGS RGYAS RNAMS KYI TSUL KHRIMS DANG, ,BRTUL ZHUGS LA YANG BSLAB PAR BYA, ,SDOM PA 'DI BUD MED LA YANG NYON MONGS PA CHUNG ZHING 'GRO BA LA PHAN PA'I PHYIR BYANG CHUB 'DOD PAS SKYE'O, ,GZHAN GO SLA'O, ,SBYOR BA DANG DNGOS GZHI DANG RJES THOB KYIS LAS TSANG BAR 'GYUR TE, GNYIS BSHAD ZIN RJES GSO BA'I PHYIR SEMS GZENGS BSTOD PA BSHAD PA'I RIM PAS BSKYED LA, BYANG CHUB SEMS DANG BAS 'DI LTAR NI 'OG TU 'CHAD PA'I RIGS PAS SO, ,'KHOR BA THOG MA MED PA NAS 'DI LTA BU'I RNYED PA MED KYI JI LTAR DE RING GZUNG BA LEGS PAR THOB PA NI SO SOR THAR PA'I SDOM PA 'DI NI MI KHO NA LA SKYE'O, ,BSAM GTAN GYI SDOM PA NI LHA RNAMS LA YANG NGO, ,ZAG PA MED PA'I SDOM PA NI BYANG CHUB SEMS DPA' RNAMS LA'O, ,SKYE ZHES BYA BA NI SEMS SKYES PAS SO, ,RGYAL SRAS NI NGA RGYAL KHYAD PAR CAN YIN NO, ,SANGS RGYAS KYI RGYUN DANG RJES SU MTHUN PAR BYED PA BDAG GIS DE LTAR BYA'I, JI LTAR SKYON MED PA NI THOG MA DANG BAR DANG THA MAR DAG PAR GYUR PA LA BDAG GI NYES SPYOD KYIS RNYOG PAR MI 'GYUR BA'O, ,JI LTAR MIG MED PAR LAM GYI PHYAG DAR PHUNG PO LAS RIN PO CHE RNYED PA DE BZHIN DU SNGAR GYI LEGS SPYAD LAS, SANGS RGYAS KYIS BYIN GYIS BRLABS PA'I PHYIR PHYAG DAR PHUNG PO LTA BU 'KHOR BA LAS LONG BA LTA BU BDAG LA RIN PO CHE THOB PA LTAR, BYANG CHUB KYI SEMS NI DE KHO NA NYID RTOGS PA'O, ,'GRO BA'I 'CHI BDAG GZHOM PAR BYA BA'I PHYIR, BDUD RTZI NI RGAS PA DANG 'CHI BA BZLOG PA LTA BU DANG, 'GRO BA'I DBUL BA SEL BAR BYED PA GTER 'DZAD PA MED PA LTA BU'O, ,NAD ZHI BAR BYED PA GRUB PA'I SMAN LTA BU DANG, RIS LNGAR 'KHOR BAS DUB BA'I 'GRO BA NGAL GSO BA'I GNAS LJON SHING LTA BU'O, ,NGAN SONG GSUM GYI 'DAM LAS SGROL BAR BYED PA'I RIGS THAMS CAD KYI THUN MONG BA LTA BU DANG, RIGS DANG GZUGS LA @213B SOGS PA MA BRTAGS PA'I PHYIR RO, ,NYON MONGS PA'I GDUNG BA SEL BA'I PHYIR SHAR BA BYANG CHUB SEMS KYI ZLA BA GDUNG BA MTHA' DAG SEL BA LTA BU'O, ,MI SHES PA KHO NA RAB RIB STE, DE KHO NA NYID RTOGS PA LA SGRIB PAS SO, ,DE DPYIS 'BYIN NYI MA CHEN PO STE NANG GI RAB RIB SEL BAS SO, ,GSUNG RAB YAN LAG BCU GNYIS KHO NA 'O MA STE, THOS PA LA SOGS PA LAS BYUNG BA'I SHES RAB SRUB SBYOR GYIS BSRUBS BA LAS BYUNG BA MAR GYI SNYING PO LTA BU'O, ,BDE BA LA LONGS SPYOD PAR 'DOD PAS RIS GCIG NAS GCIG TU RGYU BA'I BDE BA'I NYE GNAS LTA BU MI GNAS PA SEMS CAN THAMS CAD TSIM PAR BYED PA'O; ,SANGS RGYAS KYI BYA BA BYANG CHUB KYI SEMS LA BTAGS TE, RGYU'I TSOGS PA THAMS CAD TSANG BAS 'BRAS BU BSGRUBS PAR BTAGS NAS SO, ,BYANG CHUB THOB PAR NGES PAS 'GRO BA LA SNYAN GSAN 'BEBS PAR BSHAD DE, KHYED KUN BDAG GIS 'TSANG RGYA BAR BYED PA DANG, 'TSANG MA RGYAS KYI GONG DU LHA DANG MI'I BDE BA LA LONGS SPYOD DU BCUG PA YIN ZHES 'GRO BA LA BDAG GIS DE RING SNYAN GSAN 'BEBS, SANGS RGYAS THAMS CAD KYI MDUN DU LHAG PA'I BSAM PA 'DI LA, LHA DANG LHA MA YIN LA SOGS PA RJES SU YI RANG BAR MDZOD CIG ,BYANG CHUB SEMS KYI CHO GA GANG GIS YONGS SU GZUNG BA STE, 'CHAD PAR BYED PA'I GZHUNG LA YANG DER BRJOD PAS BYANG CHUB KYI SEMS YONGS SU GZUNG BA'I LE'U DGONGS PA'I 'GREL PA KHYAD PAR GSAL BYED CES BYA BA LAS LE'U GSUM PA'I BSHAD PA'O, ,,SGRUB PA GTZO CHER BYED PA LA BYANG CHUB 'BYUNG BAS DE BSGRUB PA BSHAD DE, DE LTAR DE MA THAG PAR BSHAD PA'I BYANG CHUB KYI SEMS BRTAN PAR BZUNG NAS DE'I BSLAB PA LAS MI 'DA' BA'I PHYIR, 'BAD PAR BYAS TE LE LO MED PA'I BYANG CHUB SEMS DPAS SO, ,'PHAGS PA GA YA MGO RI BSTAN PA LAS SGRUB PA GTZO CHE BAR BSHAD DO, ,BSLAB PA NI THABS DANG SHES RAB KYI RANG BZHIN TE, DE LA SHES RAB BZHAG NAS, SBYIN PA'I PHA ROL TU PHYIN PA LA SOGS PA LNGA DANG, BSDU BA'I DNGOS PO BZHI DANG, LHAG PAR ZHING SBYANG BA DANG, LONGS SPYOD CHE BA DANG, G-YOG 'KHOR PHUN SUM TSOGS PA DANG, SEMS CAN SMIN PAR BYED PA DANG, SPRUL @214A *, ,PA LA SOGS PA MNGON PAR MTHO BA'I RGYU NI THABS YIN NO, ,SHES RAB NI DE DAG GI RANG BZHIN RTOGS PA'I RGYU YIN NO, ,DE LA DANG PO TSOGS LAM LA SPYOD DE, DE'I MTSAN NYID NI, SO SOR THAR PA'I SDOM PA DANG, ,DBANG PO YUL LA BSRUNG BA DANG, ,ZAS KYI TSOD SHES MTSAN MO YI; ,SNGA PHYIR DGE SBYOR SHES BZHIN DU, ,SPYOD LAM THOS BSAM LA SOGS LA, ,TSOGS ZHES 'JIG RTEN LAM YIN NO, ,SEMS BSKYED NAS SPYAD PAR BYA BA BSHAD DE, BAB COL NI NYAMS DGA' BA STE, DES GANG BRTZAMS PA LEGS PAR MA DPYAD PA DE BRTZAMS KYANG BYA'AM MI BYA ZHES THE TSOM RIGS SO, ,'DI NI DE LTA MA YIN TE MDO SDE SNA TSOGS PA LAS SANGS RGYAS DANG BYANG CHUB SEMS DPA' RNAMS, BYAMS PA LA SOGS PA SHES RAB CHEN PO CAN GYIS, SDONG PO BKOD PA LAS, RGYAL PO 'AM BLON PO NUS PA JI LTA BA BZHIN DU BDAG GIS KYANG GANG LEGS PAR DPYAD PA DE LA BSHOL DU MED DO, ,GAL TE DE LTAR MA GROL BA RNAMS DGROL BA'I SLAD DU DBUGS PHYUNG NAS DAM BCA' LAS KYIS MA BSGRUBS NA, DE'I TSE DE DAG THAMS CAD BSLU BAR BYAS LA, DMYAL BA LA SOGS PA LAS GZHAN BDAG GI 'GRO BA GANG ZHIG STE MED DO, ,BLO GROS RGYA MTSOS ZHUS PA'I MDO LAS, JI LTAR RGYAL PO 'AM BLON PO CHEN POS GRONG RDAL GYI MI RNAMS LA NANG PAR STON MO'I SNYAN GSAN 'BEBS TE, DE'I GRABS MA BYAS PAR DE DAG SLU BAR BYED PA DE BZHIN DU, BYANG CHUB SEMS DPA' SEMS CAN THAMS CAD DBUGS PHYUNG NAS MANG DU THOS PA DANG BYANG CHUB KYI PHYOGS LA MNGON PAR MI BRTZON NA LHA DANG BCAS PA'I 'JIG RTEN SLU BAR BYED CES BYA BA LA SOGS PA'O, ,DNGOS PO CUNG ZAD KYANG SBYIN PAR BYA ZHES BSAMS NAS, GANG GIS MI STER BA DE SKYE BA PHYI MA LA YI DAGS SU 'GYUR ZHES LUNG LAS GSUNGS SO, ,BLA NA MED PA SANGS RGYAS KYI BDE BA SBYIN PAR 'GYUR ZHES SANGS RGYAS LA SOGS PA'I MDUN DU DAD PA CHEN POS SGRA BO CHES BSGRAGS NAS, DE MA GRUB NA 'GRO BA MTHA' DAG THO 'TSAMS NAS BDE 'GROR CIG 'GRO 'GYUR RAM, DAM PA'I CHOS DRAN PA NYE BAR GZHAG PA'I MDO LAS KYANG 'DI BSHAD PA'O, ,CHOS BKA' @214B 'DU BA'I MDO LAS KYANG BYANG CHUB SEMS DPA' BDEN PA LA GTZOR BYED CES BYA BA LA SOGS PA'O, ,SEMS BSKYED PA'I THUN MONG MA YIN PA'I NUS PA BSHAD DE, DNGOS PO THAMS CAD RNAM PA THAMS CAD DU MKHYEN PA BCOM LDAN 'DAS KHO NAS LAS KYI TSUL BSAM GYIS MI KHYAB PA MKHYEN GYI GANG SANGS RGYAS RNAMS KYI MDUN DU, BYANG CHUB TU SEMS BSKYED PA DE YONGS SU SPANGS NAS KYANG SNGAR DAM BCAS PA'I YUL DU BYAS PA'I SEMS CAN RNAMS 'KHOR BA'I SDUG BSNGAL LAS GROL BAR BYED PA KHO NA'O, ,'O NA 'DI 'GAL ZHE NA, GANG GI PHYIR BYANG CHUB KYI SEMS NI BYANG CHUB KYI RGYUR BSHAD, SA BON MED NA BYANG CHUB KYI LJON SHING YANG MI SKYE BAS DE'I 'BRAS BU SEMS CAN GROL BA GA LA SRID, DE LA BRJOD PA GANG GI PHYIR BYANG CHUB KYI SEMS RNAM PA GNYIS TE, KUN RDZOB PA DANG DON DAM PA'O, DE LA, SEMS BSKYED PA NI GZHAN DON PHYIR, ,YANG DAG RDZOGS PA'I BYANG CHUB 'DOD, , CES 'PHAGS PA BYAMS PAS KUN RDZOB PA GANG GSUNGS PA DE KHO NA SPONG BA SRID DE, SEMS CAN GYI NGAN SPYOD MTHONG NAS LDOG PA'I PHYIR RO, ,DPER NA SH'A RI'I BU LA BDUD KYIS PHYAG G-YAS PA BSLANG BAR BYAS PA LA DE BCAD DE G-YON PAS BYIN PA NA, G-YON PA MI GTZANG BAS BYIN PA NGA MI LEN ZHES MA BLANGS PAS MI RIGS PA MTHONG NA, SEMS CAN MGU BAR BYED PA NI MI NUS PA NYID DO ZHES BSAMS NA BYANG CHUB SPONG BA NYID DO, ,BYANG CHUB KYI SEMS GANG NI DON DAM PA MTHONG NAS BDAG MED GNYIS RTOGS PA'I RANG BZHIN, RIM PA LNGA'I LE'U BZHI PA MNGON PAR BYANG CHUB PA LAS BSHAD PA, SKAL LDAN SLOB MAS LEGS GDAMS THOB, ,BYANG CHUB TU NI DON DAM SEMS, ,SLAR YANG BLA MA LAS BSKYED NAS, ,THAL SBYAR ME TOG GZUNG BYAS TE, ,DNGOS PO MTHA' DAG DANG BRAL BA PHUNG PO DANG, KHAMS DANG, SKYE MCHED DANG, GZUNG BA DANG, 'DZIN PAS STONG PA, CHOS KYI BDAG MED DANG MTSUNGS PAS RANG GI SEMS THOG MAR MA SKYES PA STONG PA NYID KYI RANG BZHIN ZHES BYA'O, ,DE RJES YANG GSUNGS PA, SLOB DPON BKA' DRIN THOB PA DRI MED BLO BRTAN DNGOS PO RNAMS KYI NGO, ,DANG ZHING DAG BRAL ZHI BA'I RANG BZHIN SANGS RGYAS @215A *, ,SPRUL PA'I KHAMS, ,GNYIS MED RTOG BRAL RTAG TU BDE LDAN DE NYID RNAL 'BYOR GYIS SGOM BYA, ,BSOD NAMS DE MIN LAS GROL BCOM LDAN RDO RJE SEMS DPA' DNGOS SKYER 'GYUR, ,ZHES BSHAD PA'I MTSAN NYID CAN 'PHAGS PA KLU SGRUB KYIS GSUNGS PA SPONG MI NUS SO; ,DNGOS PO MA YIN PA NAM MKHA' LTA BU RTOGS PA TZAM YIN PAS SO, ,PHAN YON LAS, DES NA DGE BA NYAM CHUNG NYID LA RTAG ,CES NI KUN RDZOB PA'O, ,SDIG PA'I STOBS MI BZAD PA GANG GIS PHAM PAR BYED PA DE NI DON DAM PA'O, ,'KHOR BA'I BTZON RA LA SOGS PA'I PHAN YON NI 'DI NYID KYI'O, ,DGE BA GZHAN KUN CHU SHING BZHIN DU NI 'JIG RTEN GYI DGE BA'O, ,'DI NYID DGONGS NAS, SEMS CAN KUN GYI NGAN SONG GI ,SDUG BSNGAL NGAL SO'I DGE BA DANG, ,ZHES GSUNGS SO, ,BYANG CHUB SEMS KYI LJON SHING RTAG PAR YANG, ,'BRAS BU 'BYIN PAS MI ZAD 'PHEL BAR 'GYUR, ,ZHES DON DAM PA'I 'O, ,BSOD NAMS BSAGS PA BLA MA'I GDAMS PA THOB PA RNAMS KYIS, LAM 'DI NYID GZUNG BAR BYA'O, ,DON DAM PA'I SEMS BSKYED LA DGONGS NAS YANG GSUNGS PA, RI DBANG RTZE NAS GANG RUNG LHUNG GYUR NA, ,BAR DU LTUNG MI 'DOD KYANG LTUNG BA NYID, ,BLA MA'I DRIN GYIS PHAN PA'I GDAMS THOB NAS, ,GROL MI 'DOD KYANG GROL BA NYID DU 'GYUR, ,ZHES SO, ,SEMS CAN GYI SKYON MTHONG BAR RE ZHIG SEMS LOG KYANG RTOGS PA MI LDOG PAS PHYIS GROL BAR BYED PA NYID DO, ,GNAS SKABS BSHAD DE GANG GI PHYIR 'DIS SEMS CAN THAMS CAD SGROL BAR DAM BCAS TE, DES 'DI LA LTUNG BA CHUNG YANG SHIN TU LCI BAR 'GYUR TE, GANG GI PHYIR 'DI GCIG PU LA LTUNG BA BYUNG NA SEMS CAN THAMS CAD KYI DON MI 'GRUB PA'O, ,GANG GI PHYIR 'PHAGS PA BYAMS PAS GSUNGS PA, SEMS CAN KHUR LCI MGOR GZHAG NAS, ,BYANG SEMS 'GRO BA BUL MI MDZES, ,RANG GZHAN TSOGS RNAMS 'CHING BAS BCINGS, ,BRTZON 'GRUS BRGYA 'GYUR BYED PAR 'OS, ,ZHES SO, ,DE LTAR BRTZON 'GRUS DANG LDAN PA LA, GANG ZHIG GZHAN SKAD CIG TZAM YANG GEGS BYED NA DE'I NGAN 'GRO'I GRANGS MI NUS TE, SEMS @215B CAN GYI DON 'BYONGS PA'I PHYIR RO, ,NGAN 'GRO MANG BA'I RIGS PA BSHAD DE, MI CIG BSAD NA GSOD MKHAN DE SKYE BA LNGA BRGYAR GZHAN GYIS BSAD NAS 'CHI'O, ,NAM MKHA' DANG MNYAM PA'I SEMS CAN GYI PHAN PA 'BYONGS NA LTA CI SMOS, RAB TU ZHI BA RNAM PAR NGES PA'I MDO LAS GSUNGS PA, GANG GCIG PU 'DZAM BU'I GLING GI SEMS CAN THAMS CAD BSAD LA NOR CI YOD 'PHROG ,GZHAN NI BYANG CHUB SEMS DPA'I DGE BA'I SEMS GCIG LA BAR CHAD BYED NA, DE LA DE BAS KYANG SDIG PA MANG POR 'GYUR ZHES BYA BA LA SOGS PA'O, ,DE LTAR BSHAD PA'I RIGS PAS GAL TE DE RANG NYID LTUNG BA DANG LDAN PAR GYUR NA DE'I TSE, DE'I STOBS DANG BRTAN PAR 'BYUNG BA BYANG CHUB SEMS KYI STOBS KYI RIM PAS NGAN SONG DANG RAB TU DGA' BA'I SA LA 'DREN PAS MI GNYIS KYIS 'DZIN PA'I 'DO LI LTAR, BAR DU 'KHOR BAR GNAS SHING SA THOB PA LA YUN RINGS STUG PAR 'GYUR RO, ,GANG GI PHYIR DE LTA MA YIN PA DE BAS NA, JI LTAR DAM BCAS PA BZHIN DU GUS PAS BDAG GIS BSGRUB PAR BYA'O, ,DAL 'BYOR THOB PA DA LTAR GAL TE 'BAD PA MA BYAS NA, NGAN SONG GCIG NAS GCIG TU 'GRO BA'I TSE LAM GA LA YOD, SANGS RGYAS BYON KYANG LAM MI 'THOB STE, NGAN SONG DU GNAS PA MI 'OS PA'I PHYIR BSHAD DE, 'KHOR BA THOG MA MED PA YIN PAS SEMS CAN THAMS CAD LA PHAN PA MDZAD PA'I SANGS RGYAS GRANGS MED BYON CING GSHEGS KYANG DE DAG GI GSO BA'I SPYOD YUL DU MA GYUR TE RANG GI NYES PAS SO, ,BDAG SNGON DU JI LTAR YIN PA GAL TE DA LTA YANG BSLAB PA LA LHOD PA DE LTAR RANG BYED NA DE'I TSE, YANG NAS YANG DU NGAN SONG DU NAD DANG 'CHI BA DANG, RKANG LAG GCOD PA DANG, MDUNG DANG MDAS PHUG PA DANG, SOGS PA'I SGRAS 'CHING BA DANG, RDEG PA LA SOGS PA MYONG BAR 'GYUR RO, ,TSOGS PA RNYED DKAR BSHAD DE, AU DUM B'A RA'I ME TOG LTA BUR SANGS RGYAS BYON PA DANG, DKON MCHOG GSUM GNAS LA DAD PA DANG, YUL DBUS SU DBANG PO TSANG BA'I MI LUS THOB PA DANG, LUS DANG SEMS LAS SU @216A *, ,RUNG BA NAM ZHIG THOB PAR 'GYUR TE RNYED PAR DKA' BAS SO, ,NAD DANG BRAL BA'I DUS DANG ZAS DANG GOS RNYED PA SLA BA DANG, RGYAL PO DANG CHOM RKUN LA SOGS PA'I GNOD PA MED PA NI NAM THOB PAR 'GYUR ZHES BYA BA DANG SBYAR RO, ,THOB NAS KYANG LHOD PAR MI BYA ZHES BSHAD DE, TSE NI SKAD CIG GIS SLU BA STE, JI LTAR GZHAN GYI NOR BRNYAS PA YUN RINGS MI GNAS PA LTAR LUS PO STE MI RTAG PAS GZUNG BA'I PHYIR RO, ,DE BAS DA LTA 'BAD PA MA BYAS NA SLAR MI LUS DGE BA LA SPYOD PA 'DI LTA BU MI THOB PA NYID DO, ,GZHAN YANG DE MA THOB NA SDIG PA KHO NA 'BYUNG STE, LHA RNAMS LA YANG LHA MIN DANG RTZOD PAS SO, ,GZHAN YANG GANG GI TSE NUS PA YOD KYANG DGE BA MI BYED PA PHYIS NGAN SONG GSUM GYI SDUG BSNGAL GYIS GZIR BA CI BYED PAR 'GYUR, DGE BA MA BYAS PAR SDIG PA BSAGS NA RANG BZHIN GYI KHA NA MA THO BA MI DGE BA BCU NI RIS DRUG LA YOD PA'I PHYIR BDE 'GRO'I SKAD KYANG MED DE, BSKAL PA SA YA BRGYA PHRAG LA YANG 'BYUNG BAR MI 'GYUR RO, ,DE BAS RGYAL BAS GSUNGS TE, MI KHOM PA DANG BRAL BA'I MI LUS RNYED PAR DKA'O, ,DPE BSHAD DE, RGYA MTSO CHEN PO LA KHRU BZHI PA GNYA' SHING GI BU GA GCIG PU LA, RUS SBAL MIG GCIG PA'I MGUL PA CHUD PA BZHIN NO, ,MDO LAS GSUNGS PA, 'DZAM BU'I GLING THAMS CAD RGYA MTSO CHEN PO GCIG TU GYUR LA, DER GNYA' SHING BU GA GCIG YOD PA NA, SHAR GYI RLUNG GIS NUB KYI MTHAR DANG, NUB KYI RLUNG GIS SHAR GYI 'GRAM DU BDAS TE, ,DE BZHIN DU LHO'I RLUNG GIS BYANG DANG, BYANG GI RLUNG GIS LHOR BDAS, 'DI LTA BU'I RGYA MTSO LA RUS SBAL MIG GCIG PA GTING NAS LO BRGYA 'DAS TE MGUL BA STENG DU BYUNG NAS LTA'O, ,DE LA 'GA' ZHIG TU GNYA' SHING DE MIG MED PA'I PHYOGS SU SONG BA NA DE MI MTHONG BAR DE'I MGUL PA BU GA DER CHUD DE, DE NYID 'DIR DPE'O, CIS DE LTA ZHE NA, SMRAS PA, DNGOS GZHI'I SKAD CIG GCIG LA BYAS PA'I SDIG PA DE BZHIN GSHEGS PA LA NGAN SEMS KYIS KHRAG BYUNG BA'I MTSAMS MED BYAS LA LHA SBYIN LTAR MNAR MED DU BAR @216B BSKAL GCIG GNAS PAR GYUR NA, DUS THOG MA MED PA NAS BSAGS PA'I SDIG PA LAS BDE 'GROR SKYE BA'I BDAM KHA GA LA YOD, ,LAS KYI RNAM PAR SMIN PA PHYUNG NAS ZAD KYANG MYONG BA'I LAS DANG 'BRAS BU TZAM MYONG NAS BYED PA PO DE LAS BYUNG BA'I SDUG BSNGAL DE LAS MI GROL TE, DE CI'I PHYIR ZHE NA; GANG GI PHYIR DE MYONG ZHING SDIG PA GZHAN SOG BAR 'GYUR RO, ,'GYOD CING SMRAS TE 'DI LAS GZHAN RANG SLU BAR BYED PA MED DE, MA RIG PA YANG 'DI LAS GZHAN CI YOD 'DI LTA BU'I DAL 'BYOR THOB NAS KYANG, GANG DGE BA LA GOMS PA STE, DGE BA ZHES BYA BA'I NOR LAG TU BYUNG BA LTA BU GZHAN GYIS 'PHROG PA'O, ,DAL 'BYOR RNYED PAR DKA' BA 'DI LTA BU DANG, SDIG PA'I STOBS RTOGS NAS KYANG RMONGS PA'I MTHUS SGYID LUG NAS NI LE LO CAN DU GYUR NA DE'I TSE DMYAL BA LA SOGS PAR YUN RING DU MYA NGAN THOB PAR 'GYUR RO, ,JI LTAR SNGON DU GSHIN RJE'I PHO NYA RNAMS KYIS CI STE KHYOD KYIS 'DI LTAR BYAS PA ZHES BRJOD CING BSDIGS PA DANG RDEG PA LA SOGS PAS SO, ,GZHAN YANG DMYAL BA'I MES BDAG YUN RING DU SREG CING THAL BAR 'GYUR, DE SHIN TU BZOD PAR DKA' BA CI STE, JI LTAR ZHES 'GYOD PA ME LTA BUS MA BSLABS PA'I SEMS GDUNG BAR 'GYUR RO, ,LAS NGAN ZAD PAS PHAN PA DE'I SA RNYED PA DKA' BA CI ZHIG LTAR DGE BA'I BSHES GNYEN DANG MJAL BAS RNYED PAR GYUR NA YANG, SHES KYANG DMYAL BA DE DANG DER KHRID DE, SNGON DU GOMS PAS SLAR YANG DE LTA'I LAS BSAGS PAS SO, ,SRID PA LA 'GYOD PAR BYED PA'I SDUG BSNGAL BDEN PA BSHAD NAS KUN 'BYUNG BSHAD DE, DON 'DI LA BDAG LA SEMS MED DU ZAD SNGAGS KYIS RMONGS PA LTAR SUS BDAG RMUGS PA MI SHES BDAG GI NANG NA SU ZHIG YOD, NYON MONGS PA YOD CE NA SMRAS PA, LAG BA DANG RKANG PA DANG MGO DANG MGUL BA MED PA SRID PA NAS LANG ? SRID PA LA MNGON PAR DGA' BA CHAGS PA DANG BCAS ZHE SDANG LA SOGS PA'I SGRAS NGA RGYAL LA SOGS PA BAG LA NYAL BCU PHYE BAS, BRGYA PHRAG GCIG DANG NYI SHU DPA' BO YANG MIN LA SHES RAB CAN YANG MA YIN DE DAG GIS CI STE BDAG BRAN BZHIN BYAS, 'DI DAG GI GNYEN PO LAM @217A *, ,BSGOM PA'I DON DU SNGON DU 'GRO BA 'DI YIN NO, ,YANG 'DI NI NGO MTSAR CHE STE BDAG RANG GI SEMS RTEN LA BDAG LA 'JIGS PA'I DOGS PA YANG MED BZHIN DU, GNOD PAR BYED PA DE DAG DE LTA BU MI RIGS PA BYED PA RNAMS LA YANG BDAG MI KHRO BA 'DI NI GNAS MA YIN PA LA DAD PA SMAD, LHA DANG LHA MIN RNAMS DGRAR GYUR KYANG GSOD NUS KYI MNAR MED DMYAL BA'I ME NANG DU KHRID PAR MI NUS SO, ,ME JI LTA BU ZHE NA SMRAS PA, GZHAN LTA ZHOG LHA'I BZHUGS GNAS RI RAB KYI 'ANG ME GANG DANG PHRAD PAS THAL BA YANG MI DMIGS PAR 'GYUR TE SHIN TU MI BZAD PAS SO; ,ME DE LA NYON MONGS STOBS CAN DGRA MTSAMS MED LAS KYI RGYUS SKAD CIG TU 'DOR RO, ,'DI DAG KHO NA LTA CI STE KHROS PA ZHE NA, SMRAS PA, LHA LA SOGS PA DGRA BO GZHAN LA TSE 'DI LTA BU'I RING BA 'KHOR BA LTAR THOG MTHA' MED DE, JI LTAR BDAG GI NYON MONGS PA'I DGRA BO RNAMS LAS SO; ,LHA LA SOGS PA THAMS CAD DE'I 'DOD PA BZHIN DU MNYES PAR BYAS NA PHAN PAR BYED PAR 'GYUR GYI, NYON MONGS PA NI BSTAN PAR BYAS NA SHIN TU SDUG BSNGAL BAR BYED DO, ,DUG SBRUL KHO BO MA BYIN PAS DUG 'PHEL BA BZHIN NO, ,'DI LTAR BAR MED PA RGYUN DU SDUG BSNGAL GYI TSOGS BSKYED PA'I RGYU YUN RINGS KYI DGRA BO RNAMS BDAG GI SEMS LA 'JIGS PA MED CING LDOG PA MED PAR GNAS PA NA BDAG LA SEMS LA SEMS YOD NA 'KHOR BA LA DGA' BAR MI RIGS SO, ,SLAR YANG SMAD PAR 'OS PA NYID BSHAD DE, SRID PA KHO NA BTZON KHANG STE DE'I SRUNGS NI THAR DU MI STER BA STE, DMYAL BA LA SOGS PAR YANG GSOD BYA GSOD MKHAN GSHIN RJE'I PHO NYA 'DI DAG NYID BDAG GI YID KYI KHANG PA NA GANG CHAGS PA'I RANG BZHIN DRA BA DER GAL TE GNAS NA DGRA BO STOBS LDAN BTZAN PO STEN PA DE TSE BDAG LA BDE BA GA LA YOD, GANG GI PHYIR DE LTA YIN PA DE BAS JI SRID DU DGRA BO DE DAG MNGON SUM NYID DU BSAD PAR MA GYUR PA DE SRID DU BDAG BRTZON PA MI 'DOR RO, ,GANG GI PHYIR NYES PA CHUNG NGU'I DGRA LA YANG KHRO BA BRTAN PA NGA RGYAL BDO BA RNAMS DGRA DE MA BCOM PAR GNYID DU MI 'GRO'O, ,GZHAN YANG RANG GI NGANG GIS 'CHI BA 'CHI BA'I @217B CHOS CAN SDUG BSNGAL BA'I SKYE BO G-YUL DU BTZAN THABS SU BSAD PA'I PHYIR SNGAR 'TSE BA DE JI LTA BU ZHE NA, G-YUL GYI MTSON CHA RNAMS KYIS PHOG PA'I SDUG BSNGAL KHYAD DU BSAD NAS, BSGRUB BYA'I DON MA GRUB PAR PHYIR PHYOGS PAR MI BYED DO, ,BSHAD PA RNAMS LAS KHYAD PAR BSHAD DE, RTAG TU SDUG BSNGAL MA LUS BYED PA NYES PA MED PAR DGRA BO GSOD PAR BRTZON PA BDAG LA SGYID LUG NI MI NUS PAS LE LO DANG, YI CHAD SEMS RMUGS PA NI SDUG BSNGAL BRGYA PHRAG BYUNG BAR GYUR KYANG, RGYU GANG GIS TE LE LO MI RIGS PA KHO NA'O ZHES BYA BA'I DON TO, ,LAM GYI BDEN PA BSGOM PA'I DON DU BSHAD DE; GANG GI PHYIR SKYE BA PHYI MA DAG LA SOGS PA'I DGOS PA MED KYANG DGRA BO'I SNYING LA SOGS PAR PHOG PA'I MTSON RGYAN BZHIN DU DGA' BA'I SEMS KYIS 'CHANG BAR BYED PA NA 'GRO BA MTHA' DAG SANGS RGYAS PAR BYED PA LA GO BGOS PA BDAG LA SDUG BSNGAL RNAMS CI STE GNOD BYED YIN, 'DI LTA BU'I SDUG BSNGAL LA DANG BA KHO NAR RIGS TE, 'OG TU 'CHAD PA YANG, 'GRO BA'I SDUG BSNGAL 'JOMS BYED PA'I, ,SDUG BSNGAL NYID LA DGA' BAR RIGS, ,ZHES SO, ,DE NYID BSHAD DE, NYA BA RNAMS KYIS 'TSO BA TZAM GYI DON DU, NYA BSAD PA'I PHYIR GRANG DUS SU CHU GRANG BA LA 'JUG PA DANG, GDOL PA RNAMS GZHAN GYI NOR RKU BA'I PHYIR MTSAN MO TSER MA CAN GYI LAM LA CHAR DANG RLUNG DANG DUG SBRUL LA SOGS PA'I 'JIGS PA LA MA LTOS PAR GSOD PAR DOGS PA YANG RAB TU 'JUG PA DANG, ZHING PA YANG TSA GRANG GI SDUG BSNGAL DANG LDAN PA DANG, SOGS PA'I SGRAS RNGON PA DANG, 'DOD PA LOG PAR G-YEM PAR TSOL BA DANG, TSONG PA DANG BRAN LA SOGS PA LAS DMAN PA BYED PA RNAMS SDUG BSNGAL BZOD PA NA SKYES BU'I DON GRUB PAR 'DOD PA BDAG GIS CI STE MI BZOD, GZHAN YANG PHYOGS BCUR NAM MKHA' KHYAB PA'I 'GRO BA RNAMS NYON MONGS PA LAS SGROL BA'I DON DU DAM BCAS NAS, GANG GI TSE GZHAN LTA ZHOG BDAG KYANG SRED PA LA SOGS PA LAS GROL BAR MA BYAS, DE'I TSE RABS KYI NUS PA MA BLTAS PAR 'GRO BA RNAMS 'TSANG RGYA BAR BYA'O ZHES BRJOD MKHAN SMYON PAR 'GYUR TE, DE BAS NYON MONGS PA 'JOMS PA LA PHYIR MI LDOG PAR DAM BCA' @218A *, ,BRTAN PAR BYA STE, SNGON DU RANG NYID MA GROL BAR, ,GZHAN DAG DGROL BAR GA LA NUS, ,ZHES BYA BA'I RIGS PAS RANG GI NYON MONGS PA 'JOMS PA NI DANG POR BRTZAM MO, ,DE BAS NA SDUG BSNGAL THAMS CAD KHYAD DU BSAD DE, NYON MONGS PA 'JOMS PA LA BRTZON PA BRTAN PAS MI MTHUN KHON DU BZUNG NAS RTAG TU G-YUL SPRAD PAR BYA'I, 'O NA NYON MONGS PA RNAM PA KUN NAS 'JOMS PAR 'DOD NA DE'I TSE, 'JOMS PA LA MNGON PAR ZHEN PA YANG GZHOM DGOS PAS NYON MONGS PA MED PAR MI 'GYUR ZHE NA, SMRAS PA RNAM PA LA SOGS PA STE, NYON MONGS PA GANG NYON MONGS PA 'JOMS PA'I RGYUR GYUR PA SEMS CAN RNAMS LA RJES SU CHAGS PA LA SOGS PA DE NI TSOGS SOG PA'I RGYU YIN PAS RANG GI DBANG DU BYAS NAS GZHAG PAR BYA'O, ,'DI NI BYED PA DKA' ZHE NA, SMRAS PA RGYU MA RNAMS DUM BU DUM BUR GTUBS KYANG MGO BCAD CING SHA DANG KHRAG ZAD KYANG, NYON MONGS PA'I DGRA BO RNAMS KYI DBANG DU MI 'GRO'O, ,GAL TE RANG GI YUL NAS PHYUNG BA RNAMS STOBS LDAN GZHAN LA BRTEN TE SLAR 'ONG BAR GYUR NA CI BYA ZHE NA, SMRAS PA, DGRA BO GZHAN PHYUNG BA NA YUL GZHAN DU GNAS TE, GANG LA NUS PA THOB NAS SLAR DGRA BO GZHOM PA'I PHYIR 'ONG BAR 'GYUR, NYON MONGS DGRA'I LUGS NI, DE LTA MA YIN PAS SLAR 'ONG BA MI SRID DO, ,NYON MONGS PA BAG LA NYAL GZHOM PA'I PHYIR BSHAD DE, BDAG GI SEMS LAS PHYUNG BA NA GAR SONG STE GZHOM PAR 'GYUR GANG DU GNAS TE BDAG 'JOMS PA'I PHYIR BRTZON 'GRUS RTZOM, GNAS MED PA'I PHYIR RTZA BA NAS BTON PA SLAR LDANG MI NUS SO, ,'ON KYANG BLO MI GSAL BA BDAG LA BRTZON 'GRUS MED, NYON MONGS PA 'DI RNAMS DE KHO NA NYID MTHONG BA'I SHES RAB TZAM GYIS GZHOM PAR BYA BA YIN NO, ,KUN SLONG BSHAD DE, YID DU 'ONG BA'I YUL LAS KYANG DBANG PO DUL BA RNAMS LA NYON MONGS PA MI SKYE BA'I PHYIR RDUL PHRA RAB TU BCAD KYANG MI MTHONG BAS NYON MONGS PA YUL LA MED, DBANG PO'I TSOGS RNAMS LA YANG MED, CHOS RNAM PAR 'BYED PA'I DUS SU SNGAR BZHIN DU'O, ,MI DMIGS @218B PA'I PHYIR DE GNYIS KYI BAR NA YANG MED DO, ,'DI DAG LAS GZHAN DU YANG MED DE, 'GRO BA KUN GNOD BYED CES PAS SNANG RUNG DU BRTAGS PA MI DMIGS PA'I PHYIR RO, ,DE BAS NA RTZA BA MED PA'I PHYIR GLO BUR BA KHO NA YIN TE, TSUL BZHIN MA YIN PA YID LA BYED PA LAS BYUNG BA'I PHYIR RO, ,DE LTA YIN KYANG 'GRO BA MA LUS PA LA GNOD PA BYED DO, ,'O NA BDAG GI SEMS LA GNAS ZHES PA DANG 'GAL ZHE NA, MA YIN TE DE NI BAG LA NYAL LA LTOS TE BSHAD, 'DIR NI KUN SLONG GI RANG BZHIN BSHAD DE, MED PAS SGYU MA KHO NA YIN NO, ,JI LTAR GLANG PO CHE MED KYANG SNGAGS DANG SMAN GYI MTHUS GLANG PO'I RNAM PA CAN SGYU MA SNANG, DE LTAR NYON MONGS PA YANG RTEN CING 'BREL BAR 'BYUNG BAS SO, ,YID 'ONG LA SOGS BRTAGS NAS SU, ,DNGOS PO LA NI 'KHRUL GYUR PA, ,'DOD CHAGS LA SOGS RTOG PA 'BYUNG, ,DE YANG YID MI 'ONG RTOGS NAS, ,ZHES BSHAD PAS NYON MONGS PA DAG LAS SNYING LA 'JIGS PA SPONG, SHES RAB KYI DON DU NI DE KHO NA NYID RTOGS PA'I PHYIR BRTZON 'GRUS BRTZAM PAR GYIS, DGOS PA MED PAR DMYAL BAR BDAG NYID SDUG TU BCUG NA CI BYA, DE LTAR LE'U 'DIS BSTAN PA'I DON NGES PAR BYAS LA 'BAD DE JI LTAR GSUNGS PA'I BSLAB PA BSGRUB PA'I DON DU'O, ,'DIR GANG BSDUS TE BSTAN PA MDO SDE NAS MANG DU BSTAN PA'I BSLAB PA DE DAG LA BSLAB PA'I PHYIR BSLAB PA KUN LAS BTUS PA LAS GSUNGS PA BZHIN TE, BDAG NYID DANG NI LONGS SPYOD RNAMS, ,DUS GSUM GYI NI DGE BA DAG ,SEMS CAN KUN LA GTONG PA DANG, ,BSRUNG BA DAG PA SPEL BA'O, ,JI LTAR SMAN PAS GDAMS PA LTAR MI BYED NA SMAN GYI REG PA'I NAD PA LA SOGS PA GA LA YOD, DE BZHIN DU THAMS CAD MKHYEN PA SMAN PA CHEN POS GDAMS PA'I BSLAB PA LA MI SLOB NA, SKYE BA LA SOGS PA'I SDUG BSNGAL GYI NAD LAS GROL BAR GA LA 'GYUR, BAG YOD PA NI BSKYED PA'I SEMS BSRUNG BA LA NAN TAN TE, DE'I DON STON PA'I GZHUNG LA YANG DE SKAD BSHAD, BAG YOD PAR BSTAN PA'I LE'U'I DGONGS PA'I 'GREL PA KHYAD PAR GSAL BYED CES BYA BA BZHI PA'O,, ,,BYANG CHUB SEMS DPAS BTANG BA'I @219A *, ,LUS LA YANG BSRUNG BA DANG, DAG PA DANG SPEL BAR 'TSAL LO, ,GANG GI PHYIR, SEMS CAN RNAMS LA LONGS SPYOD PHYIR, ,BDAG NYID LA SOGS SBYIN PAS NA, ,MA BSRUNGS NA NI LONGS SPYOD MED, ,LONGS MA SPYAD NA SBYIN PA CI, ,DE BAS NA, SEMS CAN KUN GYI LONGS SPYOD PHYIR, ,BDAG NYID LA SOGS BSRUNG BAR BYA, ,DGE BA'I BSHES GNYEN BSTEN PA DANG, ,MDO RNAMS RTAG TU BLTA BA'O, ,DE LA BSLAB PAR 'DOD PAS BSHAD PA'I NYON MONGS PA'I SGYU MA LAS SEMS BSRUNG BAR BYA'O, ,BSLAB PA YANG SNANG BAR BYED PA DANG, BKAG PA MI BYED PA'O; ,'O NA BSLAB PA KHO NA BSRUNG BAR BYA'I ZHE NA, SMRAS PA, G-YO BA NYON MONGS PAS MYOS SU BCUG PA'I SEMS DBANG DU MA GYUR PA MA BSRUNGS NA BSLAB PA BSRUNG BAR MI NUS SO, ,GANG GI PHYIR GLANG PO CHE MYOS PA MA THUL BAS KYANG DE LTA BU'I GNOD PA MI BYED KYI, GANG MA BSRUNGS BA'I SEMS KYIS DMYAL BAR BYED PA'O, ,'DI LTAR MYOS PA LAS 'CHI BA KHO NA 'BYUNG GI ,SEMS LAS NI SKYE BA PHYI MA LA YANG SDUG BSNGAL CHEN PO 'BYUNG ZHES KHYAD PAR RO, ,YON TAN BSHAD DE DE BZHIN GSHEGS PA'I GSUNG GI LCAGS KYUS DBANG DU BYAS NAS 'CHAD PAR 'GYUR BA'I DRAN PA'I THAG PAS MI MTHUN PA'I PHYOGS KUN LA SPYOD PA BKAG PAS, GAL TE SEMS KYI GLANG PO CHE BCINGS NA DE'I TSE NYON MONGS PA LAS 'JIGS PA THAMS CAD NUB LA, MNGON PAR MTHO BA LA SOGS PA DGE BA RNAMS RIM GYIS THOB PAR 'GYUR RO, ,'O NA SEMS ZIN KYANG STAG LA SOGS PA MA BCINGS PAS 'JIGS PA THAMS CAD JI LTAR NUB CE NA, BSHAD DE STAG LA SOGS PA TSIGS BCAD GNYIS GO SLA'O, ,'DI RIGS PA GANG ZHE NA, SMRAS PA, GANG GI PHYIR SNGAR BYAS PA'I LAS NGAN GYIS 'PHAGS PA 'JIGS PA LA SOGS PA YIN GYI, GZHAN DU NA JI LTAR MI CIG LA THOG BABS PA LA SOGS PA 'BYUNG BA LTAR, SEMS CAN THAMS CAD LA 'BYUNG ZHING YANG NA KUN LA MI 'BYUNG STE RGYU MED PA'I PHYIR RO, ,LAS KYANG SEMS KHO NA STE LUS KYI LAS LA SOGS PA BSKYED PA'I PHYIR RO, ,MDZOD LAS, 'JIG RTEN SNA TSOGS LAS @219B LAS SKYES, ,LAS DE SEMS PA DANG NGES BYAS, ,SEMS PA YID KYI LAS YIN TE, ,DES BSKYED LUS DANG NGAG GI LAS, ,ZHES GSUNGS PA'I PHYIR RO, ,GANG GI PHYIR GSUNGS PA, SDIG PA'I SEMS NI LOG PA DANG, ,'GRO LA DGRA YI 'JIGS PA MED, ,SEMS NI GANG GI DBANG DU GNAS; ,DE LA BDE BA MED MI 'GYUR, ,SEMS DUL BA NI LEGS PA STE, ,SEMS NI ZHIB BA DE BA'I RGYU, ,ZHES SO, ,YANG DAG GSUNG BA NI THAMS CAD MKHYEN PA THUGS RJE CAN TE, RANG LA PHAN PAR 'DOD PA DE LA YID CHES BYA'O, ,GZHAN DU NA RAL GRI LO MA'I NAGS TSAL LA SOGS PAR MTSON CHA RNAMS DANG, LCAGS BSREGS PA'I SA GZHI DANG, SHAL MA LI'I NAGS KYI SDONG PO LA 'DOD LOG GI YUL BUD MED SUS BYAS SO, ,'DI DAG SEMS KYIS BYAS PAR BSHAD DE, DE DAG THAMS CAD SDIG PA'I SEMS LAS BYUNG BAR THUB PAS GSUNGS, DE BAS NA SEMS BSRUNG BAR BYA'O, ,RIN PO CHE'I SPRIN LAS GANG GI PHYIR GSUNGS PA, CHOS THAMS CAD SEMS SNGON DU 'GRO BA STE SEMS SHES NA DE DAG KYANG SHES PAR 'GYUR ZHES BYA BA LA SOGS PA MANG PO'O, ,DGE BA'I TSOGS KYANG SEMS KHO NAR BSHAD DE, DBUL BA NI NOR MED PA STE 'GRO BA DAG GI DE BSAL NAS, GAL TE SBYIN PA'I PHA ROL TU PHYIN PA RDZOGS NA DE'I TSE SNGON GYI RGYAL BA RNAMS LA DE JI LTAR 'BYUNG, GANG GI PHYIR 'GRO BA DA LTAR YANG DBUL BAS SO, ,'O NA JI LTAR DE 'BYUNG ZHE NA, SMRAS PA, PHYI DANG NANG GI DNGOS PO THAMS CAD DANG, DE'I SBYIN PA'I 'BRAS BU DANG, SEMS CAN THAMS CAD LA GTONG BAS GOMS PA'I KHYAD PAR GYIS SER SNA LA SOGS PA DANG BRAL ZHING SEMS CHAGS PA MED PAR GYUR PA'I TSE, SBYIN PA'I PHA ROL TU PHYIN PA RDZOGS PAS DE YANG SEMS YIN NO, ,'O NA JI LTAR DE 'BYUNG ZHE NA, SMRAS PA, PHYI DANG NANG GI DNGOS PO THAMS CAD DANG NYA LA SOGS PA'O, ,GSOD PA LA SOGS PA'I YUL DNGOS PO MED PAS SROG GCOD PA LA SOGS PA MED DE, GAL TE TSUL KHRIMS 'DOD NA DE'I TSE NYA LA SOGS PA DANG, GZHAN GYI NOR DANG, BUD MED DANG CHANG LA SOGS PA GAR BSKRAD, GANG DU DE DAG @220A *, ,MI MTHONG BAR 'GYUR, MI MTHONG BAS BDAG GIS DE DAG GSOD PAR MI 'GYUR RO, ,DE LTA MIN TE DE BAS NA DE DAG YOD KYANG DE LAS BZLOG PA'I SEMS THOB NA TSUL KHRIMS KYI PHA ROL TU PHYIN PAR 'DOD DE, DE BAS DE SEMS KHO NA'O, ,BZOD PA YIN NAM BRJOD PA YANG SEMS SU BSHAD DE SEMS CAN LA SOGS PA'O, ,GAL TE DGRA BO THAMS CAD 'JOMS PAS KHRO SEMS MED PA'I PHYIR GNOD BYED GANG YANG MED PAS BZOD PA YIN NA DE'I TSE MI NUS PA KHO NAR 'GYUR TE, SKYE BO MA RUNGS PA LA NAM MKHA' BZHIN DU MDZAD PA MED PAS SO, ,DE BAS NA KHRO BA LA SOGS PA LAS BZLOG PA'I SEMS KHO NA GZHAN GYI GNOD PA BZOD PA'O, ,DGRA BOS BYED PAR BYA BA ZHE SDANG 'PHEL BA STE, DE MED NA DE'I TSE DE DAG BCOM PA LTAR MED PA LTA BU'O, ,'DI MI NUS PA'I DON YIN KYANG DPES THABS LA MKHAS NA NUS PAR BSHAD DE, SA ZHES BYA BA LA SOGS PA'O, ,TSER MA LA SOGS PA'I GNOD PA BSKYAB PA'I DON DU, SA GZHI DAG PAR 'OS TE DE NI MI NUS TE KO BA DE TZAM MED PA'I PHYIR RO, ,THABS KYIS NUS TE LHAM MTHIL TZAM GYI KO BAS SA GZHI THAMS CAD BKAB PAR 'GYUR RO, ,DE BZHIN DU PHYI ROL GYI DGRA LA SOGS PA BZLOG PAR MI NUS KYI, DE BAS RANG GI SEMS KHO NA BZLOG PAR BYA'I, GZHAN BZLOG PAR MI NUS PA DANG, DGOS PA MED PAS SO, ,DGE BA LA SPRO BA'I RANG BZHIN BRTZON 'GRUS KYANG SEMS SU BSHAD DE, SEMS GSAL ZHES BYA BA LA SOGS PA'O, , DGE BA'I PHYOGS LA SPYOD PA DMAN PA'I SEMS LA LUS NGAG DANG BCAS PA YIN KYANG 'BRAS BU DE LTA BU MI 'BYUNG, JI LTAR SEMS GCIG PU YIN PA LA YANG BSAM GTAN LA SOGS PA LA GSAL BAR 'GYUR BAS 'BRAS BU 'BYUNG BA TSANGS PA NYID LA SOGS PA'O, ,DE BAS DE YANG SEMS NYID DO, ,BSAM GTAN NI SEMS RTZE GCIG PA'I MTSAN NYID CAN, SEMS NYID DU BSHAD DE, BZLAS BRJOD CES PA LA SOGS PA'O, ,BZLAS PA NI SNGAGS DANG RIG PA LA SOGS PA BSKYAR PA'O, ,DKA' THUB NI DBANG PO RNAMS BSDAMS PA'O, ,DE DAG @220B YUN RINGS SU GOMS KYANG SEMS G-YENGS PA 'AM, GNYID LA SOGS PAS RMUGS PAS DON MED DU 'GYUR TE BSGRUB BYA MI 'GRUB PAS SO, ,ZHES THAMS CAD MKHYEN PA BCOM LDAN 'DAS KYIS GSUNGS SO, ,SHES RAB NI BRJOD MED SEMS YIN ZHES BSHAD DE, SDUG BSNGAL ZHES BYA BA LA SOGS PA'O, ,RIS DRUG GI SDUG BSNGAL 'JOMS PA DANG, MYA NGAN LAS 'DAS PA'I BDE BA MYONG BA'I PHYIR DON MED 'KHOR TE, KA SHI'I ME TOG NAM MKHAR 'KHOR BA BZHIN, ,ME LNGA BSTEN PA DANG SKRA 'BYID PA LA SOGS PA DON MED DE, GANG DAG GI CHOS KYI DON GYI MCHOG 'JIG RTEN DANG 'JIG RTEN LAS 'DAS PA'I CHOS MCHOG GI GTER SEMS NYID GSANG BA STE, THA MAL GYI SPYOD YUL MA YIN PA DE KHO NA NYID SEMS PAS CHOS KYI SKU'I RANG BZHIN MA GOMS PA'O, ,SDONG PO BKOD PA LAS GSUNGS PA, RANG SEMS KHO NA CHOS KYI SPRIN GYIS RLAN PAR BYED PA'O, ,SGRIB PA RNAMS LAS SBYANG BAR BYA'O, ,BRTZON 'GRUS KYIS BRTEN PAR BYA'O ZHES BYA BA LA SOGS PA'O, ,GANG GI PHYIR SEMS CAN SEMS KYI RANG BZHIN YIN PA DE BAS BRTAN PAR GZUNG BA NI DRAN PAS SO, ,LEGS PAR BSRUNG BA NI SHES BZHIN GYIS SO, ,BRTUL ZHUGS GTZO BOR GYUR PA 'DI MA YIN PA BRTUL ZHUGS GZHAN MANG POS CI ZHIG BYA, BKA' BSDU BA'I MDO LAS GSUNGS PA, RANG GI SEMS BYIN GYIS BRLAB CING SHIN TU BRTAN PAR GZUNG BAR BYA'O, ,GANG GI PHYIR GANG NA SEMS PA DER YON TAN DANG SKYON RNAMS SO, ,DE LA BYANG CHUB SEMS DPA' SKYON RNAMS LAS SEMS LOG STE, YON TAN RNAMS LA RAB TU BCUG GO ZHES BYA BA LA SOGS PA'O, ,DPE BSHAD DE, JI LTAR BYIS BA RTZA BKROL RNAMS KYI NANG DU GANG RUNG GI RMA BSRUNG BAR 'DOD PAS GNOD PA'I DOGS PAS SEMS RTZE GCIG PAR RMA BSRUNGS PA DE BZHIN DU, BSLAB PA BSRUNG BAR 'DOD PAS SEMS NI SDUG BSNGAL GYI RGYU YIN PAS RMA LTA BU'O, ,ZHE SDANG LA SOGS PA SKYE BO MA RUNGS PA'I NANG DU DUS THAMS CAD DU BSRUNG BAR BYA'O, ,RMAS BSKYED PA'I SDUG BSNGAL CHUNG STE, DE LA 'JIGS SHING RMA NAN TAN GYIS BSRUNG NA, BSDUS 'JOMS KYI RIS 'JOMS PA LAS @221A *, ,YUN RING PO SDUG BSNGAL CHEN PO LAS YUN RING 'JIGS SHING SEMS CAN GYI RMA CI STE MI BSRUNG, BSDUS 'JOMS KYI RIS LUS 'JOMS PA YIN KYANG DE'I SDUG BSNGAL SEMS KHO NA LA'O, ,DE LTAR BYAS NA YON TAN CI ZHE NA, SMRAS PA, SPYOD PA ZHES BYA BA LA SOGS PA'O, ,MI RIGS PA BYED PA'I SKYE BO RNAMS LA SDANG BAR MI BYA'O, ,LANG TSO RNAMS KYI NANG DU YANG MI CHAGS SHING BAG YOD PAR BYA'O, ,DE BSTAN PAR BYA ZHING BSHAD DE, SNAM SBYAR LA SOGS PA RNYING PA DANG, GDAN GDING BA DANG PHYAG LA SOGS PA'I BKUR STI DANG, LUS DANG TSE DANG DGE BA GZHAN DAG GANG BDAG GI DON DU GYUR PA DE DAG THAMS CAD NYAMS KYANG BLA'I SEMS NI NAM YANG NYAMS PAR MI BYA'O, ,'DIR DAD PA SKYED PA'I PHYIR BSHAD DE, SEMS BSRUNG BA LA SOGS PA'O, ,GTZUG NA RIN PO CHES ZHUS PA LAS DRAN PA BSHAD DE, DRAN PA GANG GIS NYON MONGS PA RNAMS DANG; BDUD KYI LAS RNAMS LA SKABS MI 'BYED PA DANG, LAM MA YIN PAR MI LTUNG BA DANG, MI DGE BA RNAMS LA SKABS MI 'BYED PA ZHES BYA BA LA SOGS PA STE, DMIGS PA'I YUL LA MA RMUGS PAS SO, ,SHES BZHIN NI RGYAL BA'I YUM LAS GSUNGS TE, SPYOD PA NA BDAG SPYOD DO ZHES GNAS PA NA BDAG GNAS SO ZHES RAB TU SHES ZHES BYA BA LA SOGS PA'O, ,SHES BZHIN NI LUS DANG SEMS SO SOR BRTAGS PA'O, ,'DI GNYIS MA BSRUNGS NA SKYON DU BSHAD DE, NAD KYIS GZIR BA'I MI LAS THAMS CAD MI NUS PA LTAR, DRAN PA DANG SHES BZHIN MED PA'I SEMS KYIS THOS PA DANG, BSAM PA LA SOGS PA MI NUS SO, ,GNYIS KYI SKYON SO SO BSHAD DE, JI LTAR BUM PA BU GA CAN LA KHA NAS BLUGS PA'I CHU 'DZAG PA LTAR, SHES BZHIN MED PA'I SEMS DANG LDAN PA LA THOS PA LA SOGS PA DRAN PA MI GNAS SO, ,SKYON GZHAN BSHAD DE, MANG DU THOS PA DAD PA DANG LDAN PA BSLAB PA BSRUNG BA LA BRTZON PA MANG PO RNAMS KYANG LUS DANG SEMS SHES BZHIN MED PAS GDUNG BAR 'GYUR RO, ,DGE BA 'PHROG PAS NA CHOM RKUN PAS DRAN PA NYAMS PA LA BRTEN NAS 'PHROG PAS BSOD NAMS BSAGS KYANG NGAN 'GROR 'GRO , @221B NYON MONGS PA RNAMS DANG CHOM RKUN RNAMS GLAGS SKABS TSOL BAR BYED, 'JUG PA'I LAM THOB NA DGE BA 'PHROG GO, ,DE BAS BDE 'GRO KHO NA SROG STE DE 'JOMS DGE BA 'PHROG PAS SO, ,GANG GI PHYIR DE LTA YIN PA DE BAS NA YID KYI KHANG PAR 'JUG PA'I SGO KHAR CHOM RKUN BSRUNG BA'I PHYIR DRAN PA BZHAG PAR BYA'O, ,GAL TE SONG NA YANG NYE BAR GZHAG PAR BYA STE, DMYAL BA LA SOGS PA'I SDUG BSNGAL DRAN NAS SO, ,DRAN PA YANG MKHAN PO'I GDAMS PA DANG, DE LAS 'JIGS PA DANG, DAD PA CHE BA DANG, LEGS SPYAD KYI DBANG DANG BLA MA DANG LHAN CIG 'GROGS PAS DKA' SLA MED PA SKYE'O, ,GZHAN YANG SANGS RGYAS DANG BYANG CHUB SEMS DPA' RNAM PA THAMS CAD MKHYEN PA NYID YIN PAS KHAMS GSUM GYI DNGOS PO DE DAG GI MDUN NA YOD DE, BDAG KYANG DE DAG GI MDUN DU GNAS SO, ,DE LTAR BSAMS SHING RTAG TU MI RIGS PA LA NGO TSA BA DANG, BSLAB PA LA GUS PA DANG, DE LAS MI 'DA' BA'I 'JIGS PA DE DAG DANG LDAN ZHING, DE LTAR BSAMS SHING RTAG TU GNAS PAR BYA'O, ,YANG NA SANGS RGYAS LA SOGS PA LA NGO TSA BA LA SOGS PA'O, ,DE LTAR GZHAN YANG YON TAN 'BYUNG STE, SKAD CIG RE RER DE LTAR SPYAD NA 'BAD PA MED PAR SANGS RGYAS RJES SU DRAN PA YANG DE LAS SKYE'O, ,SHES BZHIN SKYE BA DANG DE BRTAN PA'I RGYU NI DRAN PA NYID BSHAD DE, GANG TSE RNAL 'BYOR GYI YID KYI SGOR LUS DANG SEMS BSRUNG BA'I PHYIR DRAN PA GNAS PA DE'I TSE SHES BZHIN 'BYUNG STE, 'BYUNG BA YANG PHYIR MI LDOG GO, ,DGOS PA MED LA SPROS PA SPANG BAR BSHAD DE, DANG POR RE ZHIG SEMS RTAG TU BSHAD PA'I RIM PA DANG LDAN PA NYE BAR GZHAG PAR BYA'O ZHES NANG DU SEMS PA'O, ,MI DGOS PA LA SPROS PA SPANG BA'I PHYIR DBANG PO RNAMS MED PA LTAR DGOS PA MED PAR GZUGS LA SOGS PA SBYIN PA LAS LOG PAR SHING BZHIN DU GNAS PAR BYA'O, ,DE NYID GSAL BAR BYED CING BSHAD DE, MIG CUNG ZAD PHYE BA 'OG TU LTA BA G-YENG BA SPANG BA'I PHYIR TE, DES BSAM GTAN GYI LTA BA BSTAN TE, G-YO BA MED PA DE KHO NA NYID BSGOM PA'O, ,LAS @222A *, ,DANG PO PA MI NUS NA NGAL BSO BA'I PHYIR BSHAD DE, LTA BA ZHES BYA BA LA SOGS PA'O, ,MIG DANG SEMS NGAL BA SPANG BA'I PHYIR, RES 'GA' PHYOGS SU BLTA BAR BYA STE, GAL TE GANG RUNG DE NYE BAR 'ONG NA DE'I TSE DE'I GRIB MA TZAM SHES NAS, LEGS PAR BYON NAM SMRA ZHING BLTA STE DE DAD PA MI LDOG PA'I PHYIR RO, ,LAM DU YANG DE LTAR BLTA ZHING 'GRO NA 'JIGS PA BRTAG PAR BSHAD DE, 'JIGS PA'I RGYU NI CHOM RKUN PA LA SOGS PA STE, DE SHES PAR BYA BA'I PHYIR PHYOGS BZHI RIM PAS YUD TZAM BLTA STE RANG BSRUNG BA'I PHYIR RO, , PHYOGS THAMS CAD BLTA NA BSDAD DE BLTA BAR BYA'O, ,RGYAB BLTA NA LOG STE BLTA'O, ,MDUN DU 'GRO BA DANG RGYAB TU BLTA BA STE, DE LTAR SPYOD LAM THAMS CAD DU GANG TSE GANG RIGS DE SHES BZHIN BYED PA'O, ,LUS SHES BZHIN BSLAB PA BSHAD DE, SPYOD LAM GANG RUNG LA LUS 'DI LTAR GNAS PAR 'TSAL ZHES KLOG PA LA SOGS PA BRTZAMS NAS, BAR DU YANG LUS JI LTAR GNAS ZHES BRTAG PAR BYA'O, ,SEMS SHES BZHIN BSHAD DE, RANG DANG GZHAN LA PHAN PA'I CHOS SEMS PA KHO NA DKA' BA CHEN PO STE, DE LA BCINGS BAS RANG DBANG DU 'GYUR BA'I PHYIR RO, , DE LA BCINGS KYANG BRTAG PAR BSHAD DE, RANG GI DMIGS YUL LAM GZHAN DU YOD PA BRTAG STE, GZHAN LAS LOG STE DE NYID LA SBYAR BAR BYA'O, ,RANG GI NGANG GIS DER RGYUN BTANG SNYOMS SU GZHAG GO, ,JI LTAR BRTZAMS PA'I BSAM GTAN SKAD CIG KYANG MI GTONG BA DE LTAR GZUNG BAR BYA'O; ,GANG GI PHYIR TSUL KHRIMS NI TING NGE 'DZIN GYIS DAG PAR BYA BA YIN NO, ,ZLA BA SGRON MAS ZHUS PA LAS, TING NGE 'DZIN THOB NA TSUL KHRIMS MYUR DU DAG PAR 'GYUR RO ZHES BYA BA LA SOGS PA'O, ,SHES BZHIN GTONG BAR BSHAD DE, ME LA SOGS PA'I 'JIGS PA DANG DKON MCHOG GSUM GYI MCHOD PA LA SOGS PA'I DGA' STON YOD PAS, TING NGE 'DZIN MI NUS NA DUS DE SRID DU CI BDER SPYAD PAR BYA'O, ,DE LTAR CIS SHE NA, SBYIN PA BAS TSUL KHRIMS GYA NOM PAS DE MI NUS PA'I TSE DUS DE SRID DU BTANG SNYOMS BYAS KYANG LTUNG BA MED DO, ,BLO GROS MI ZAD PA'I MDO @222B LAS; THAG RING PO NAS CHOS NYAN DU 'ONGS PA RNAMS KYI DON DU BSAM GTAN LAS LANGS TE, CHOS KYI SBYIN PA KHO NA BSNGAGS PA ZHES BYA BA LA SOGS PA'O, ,DE LTAR YIN KYANG BSLAB PA LA LHOD PA MI RIGS PAR BSHAD DE, GANG ZHIG BSAMS NAS BYED PAR BRTZAMS PA RE ZHIG BSAM GTAN LA SOGS PA DE NYID RDZOGS PAR BYA'I, ,DE LA SEMS RTZE GCIG PA STE, DE SPANGS NAS GZHAN MA YIN NO, ,DE LTAR BYAS NAS CI ZHE NA SMRAS PA, DE LTAR BSGRUB PAR BYAS NA THAMS CAD LEGS, BZLOG PA NA GNYIS KA MI LEGS TE, SNGAR BRTZAMS PA DANG PHYIS KHAS BLANGS PA'O; ,DE LTAR NA SHES BZHIN MA YIN PAR RAB TU 'JUG PA DANG, DE ZHUGS PA 'PHEL BAR 'GYUR RO, ,GZHAN YANG RGYAL PO'I GTAM LA SOGS PA RNAM PA SNA TSOGS PA DANG, GAR LA SOGS PA NGO MTSAR CHE BA LA 'DOD PA BYUNG NA DE GZHOM PAR BYA'O, ,GZHAN YANG DGOS PA MED PAR 'JIM PA 'DRIL BA DANG, SEN MO LA SOGS PAS RTZVA GCOD PA DANG, RKANG PAS SA LA RI MO 'BRI BA DANG, SOGS PA'I SGRAS ZHAL BA DANG, BZO BYED PA LA SOGS PA BKAG PA MTHONG NAS, DE'I RNAM PAR SMIN PA LA 'JIGS SHING, SKAD CIG DE NYID LA SPANG BAR BYA'O, , TSIGS BCAD BDUN GYIS SHES BZHIN BYED PAR BSHAD DE, GANG TSE LA SOGS PA'O, ,DANG PO RANG SEMS BRTAGS TE RIGS PA GANG YIN PA DE BRTAN PAR BYA'O, ,GANG GI TSE RANG SEMS CHAGS PA 'AM SDANG BA DE'I TSE, LUS KYIS BYA BA MI BYA ZHING DAG TU MI BRJOD DE, DE GNYIS NYON MONGS PAR RTOGS NAS SO, ,DBANG PO'I 'PHRO BA DANG RNAM RTOG BSDUS TE GNAS PAR BYA'O, ,DGONGS PA 'DI STE, 'DOD CHAGS LA SOGS PA KUN SLONG GANG YIN PA DE RANG GI NGANG GIS YAL 'GRO STE, SKAD CIG MA YIN PA'I PHYIR RO, ,GANG GI TSE RGOD PA NI G-YENG BA DANG, GZHAN NGAG GIS CO 'DRI BA DANG, NGA RGYAL NI SEMS KHENGS PA DANG, RGYAGS PA DANG, MTSANG 'BRU BA NI LUS KYIS THO 'TSAMS PA DANG, 'DI DAG GIS SKYOR BA KYOG PO SLU BAR 'DOD PA NA, GANG GI TSE BDAG LA STOD PA NI RANG GI YON TAN GSAL BAR BYED PA DANG, GZHAN LA SMOD PA NI MI MGU BA DANG, GSHE @223A *, ,BCAS NI KHRO BAS RTZOD PA DANG, NOR GYI RNYED PA DANG, BKUR STI DANG, GRAGS PA 'DOD PA DANG, G-YOG 'KHOR DANG, RIM GRO 'DOD PA DANG, GZHAN DON YAL BAR 'DOR BA DANG, RANG DON DON DU GNYER BA DANG, 'KHOR NI SLOB MA LA SOGS PA DANG, MI RIGS PA SMRA BAR 'DOD PA NA MI BZOD PA DANG, LO LO DANG, 'JIGS PA DANG, SPYI BRTOL DANG, MU COR DANG, RANG GI PHYOGS LA ZHEN PA'I SEMS BYUNG NA, DE'I TSE BYA BA MI BYED PAR SHING BZHIN GNAS PAR BYA'O, ,DE'I GNYEN PO BSHAD DE, DE LTAR KUN NAS NYON MONGS PA'I SEMS MTHONG NAS YANG NA DON MED PA'I BYA BA RTZOM PA DE'I TSE, BAG YOD PA'I DPA' BOS GNYEN PO SHES BZHIN BYED PAS BRTAN PAR GZUNG BAR BYA, AU GRAS ZHUS PA'I MDO LAS GSUNGS PA, RGOD PA MED PAR DRAN PA NYE BAR GZHAG PA SHES BZHIN DANG LDAN PA'O, ,BSLAB PA KUN LAS BTUS PA LAS KYANG, DE LA BDAG NYID BSRUNG BA NI, ,GANG ZHIG DON MIN SPONG BAS SO, ,DE DAG GANG GIS 'THOB CE NA, ,DON MED SPROS PA SPANGS PAS SO, ,DE DAG RTAG TU DRAN PAS 'GRUB, ,DRAN PA SHIN TU DAD LAS 'BYUNG, ,DAD NI ZHI BA'I BDAG NYID CHE, ,SHES TE BSTAN PAS SKYE BAR 'GYUR, , ZHES SO, ,TSIGS BCAD GSUM GYI GNYEN PO KHO NA BSHAD DE, SHIN TU NGES PA NI DAM BCA' BRTAN PA STE, RAB TU DAD PA NI YON TAN CAN LA DANG BA'O, ,BRTAN PA NI MI 'JIGS PA'O, ,GUS PAS BKUR STI'O, ,ZHES NI LUS LA SOGS PAS BYED PA'O, ,BCOM LDAN 'DAS LA NGO TSA BA DANG 'JIGS PA DANG BCAS, ZHI ZHING NI DBANG PO RNAMS BSDAMS PA'O, ,SBYIN PA LA SOGS PAS GZHAN DGA' BAR BYED PA'O, ,GCIG LA 'DOD PA GANG YIN PA DE GZHAN LA MI 'DOD PAS, PHAN TSUN DU 'GAL BA BYIS PA'I 'DOD PAS MI SKYO BA'O, ,NYON MONGS PA'I DBANG GIS 'DI DAG LA DE LTAR 'BYUNG ZHES BYAS NAS SNYING RJE DANG LDAN PA'O, ,RANG BZHIN DANG BCAS PA'I KHA NA MA THO BA MA YIN PA RNAMS LA RTAG TU RANG BZHIN GYI DBANG DU GYUR BA, SPRUL PA BZHIN DU NGA RGYAL MED PAR SEMS BDAG GIS GZUNG BAR BYA'O ZHES BSAM PAR BYA'O, ,YUN RING MO ZHIG NAS DAL 'BYOR THOB @223B PA ZHES SKAD CIG RE RE ZHING BSAM PAR BYA ZHING, 'DOD CHAGS LA SOGS PA'I RTOG PAS MI G-YO BAR RI RAB BZHIN DU SEMS BRTAN PAR BYA'O, ,SEMS SBYONG BA KHO NA BYANG CHUB SEMS DPA'I BSLAB PA ZHES DES BSGRUBS SO, ,LUS KYI SHES BZHIN BSHAD DE, LUS BEMS PO YIN PAS RANG GZHAN GYI DON MI 'GRUB STE, GZHAN DU SEMS DANG BRAL BA'I LUS SHA LA CHAGS PA'I BYA RGOD RNAMS KYIS PHAN TSUN DU KHRID PA NA CI STE DGAG PAR MI BYED DO, ,SEMS KYIS ZHEN PA SPANGS PA'I PHYIR BSHAD DE, KYE YID BDAG MED PA KHO NAS BDAG TU GZUNG NAS SHA DANG RUS PA'I PHUNG PO CI STE BSRUNG ZHE NA, KHYOD LAS LUS 'DI THA DAD YIN TZA NA DE NYAMS KYANG KHYOD LA CI GNOD, THA DAD PA PHAN GNOD MI SHES PA BDAG GIR BYED NA, SHING GI GZUGS SHIN TU GTZANG MA CI STE MI BZUNG, 'DI NI MI GTZANG BA'I SPRUL PA NYAMS PA'I CHOS YIN NO, ,SNYING PO MED PAR BSHAD DE, SHES RAB KYIS RANG GI LUS LAS PAGS PA THA DAD DU RTOGS PA DANG, DE NAS RUS PA'I DRA BA LAS SHA NI THA DAD PAR RTOGS SHING, RUS PA RNAMS KYANG SHES RAB KYIS BCAG STE, DE'I NANG DU RKANG MAR LA BLTA STE, MKHAS PAS BSNGAGS PAR 'OS PA'I SNYING PO 'DIR CI YOD CES BRTAG PAR BYA'O, ,DE LTAR 'BAD PAS BTZAL KYANG SNYING PO MA MTHONG NA, DE DUS SMROS SHIG ,CI STE LUS BSRUNG NGO, ,DGOS PAS BSRUNG BAR BSHAD DE, KHYOD KYIS LA SOGS PA GO SLA'O, ,DGOS PA GNYIS KYIS 'DI BSRUNG BAR 'OS PA BSHAD DE BSOD NAMS BSAG PA'I YAN LAG YIN PA DANG, BYA RGOD LA SOGS PA'I KHA ZAS YIN PAS SO, ,GANG GI PHYIR BSHAD PA, GANG LA CUNG ZAD KYANG ZHE NA BSKYE BA'I DNGOS PO DE NYE BAR BLANG BAR MI BYA'O, ,GANG GI PHYIR BYANG CHUB SEMS DPA' LUS DANG SROG BTANG BAS LTOS PA MI RUNG NGO, ,DE LTAR SHES KYANG BSOD NAMS LA 'JUG PAR MI BYED NA, 'DI LTAR KHYOD KYIS ZHES BYA BA LA SOGS PA GO SLA'O, ,'DIR GNAS PAR MI 'GYUR ZHES BYAS NAS, G-YOG LA GOS LA SOGS PA MI STOR BA BZHIN DU, LUS KYANG MI RTAG PAR 'GRO BAR 'GYUR @224A *, ,BAS DE ZAR BCUG PA CI, 'O NA JI LTAR RIGS SHE NA, KYE YID LUS LA GLA TZAM BYIN TE RANG GI DON LA 'JUG PAR BYA'O, ,GANG GI PHYIR GLA BAS BTAB PA'I LO TOG RNAMS, DE LA KUN STER BA MA YIN NO, ,DE BAS LUS LA GRU'I BLO BSKYED DE, BSOD NAMS LA 'JUG PA DANG, BSOD NAMS MA YIN PA LAS BZLOG PA'I RTEN YIN PA'I PHYIR RO, ,SEMS CAN GYI DON BSGRUB PA'I PHYIR 'DOD PA JI BZHIN DU BYED DU GZHUG GO, ,DE LTAR LUS SHES BZHIN GYIS DE'I RANG BZHIN DANG DGOS PA RNAM PAR DPYAD NAS BSDUS SHING BSHAD DE; DE LTAR BSHAD PA'I RIGS PAS SEMS DANG, LUS KYI MTSAN NYID CAN, BDAG DBANG DU BYAS TE RTAG TU BZHIN 'DZUM PA, KHRO GNYER GZHAN DAD PA ZLOG PAR BYED PA SPANGS NAS BYUNG BA RNAMS KYIS GSONG POR SMRA BA'I GONG DU LEGS PAR 'ONGS SAM ZHES BYA BA LA SOGS PAS GSONG POR SMRA BA'O, ,'GRO BA LA GNYEN BSHES LTAR BYA'O, ,BSAM GTAN GYI G-YENG BA DGAG PA BSHAD DE, KHRI LA SOGS PA STE GO SLA'O, ,DE LTAR BYAS PAS YON TAN BSHAD DE, CHU SKYAR LA SOGS PA STE DE BAS NA RTAG TU SGRA MED PAR BAG YOD PAR BYA'O, , GZHAN YANG GZHAN LA BSKUL BA NI NYES BYAS BSHAGS PA LA BSKUL BA STE, DE LA BRTZON PA NI GDAMS NGAG SBYIN NUS PA STE, MA BCOL BAR PHAN PA BYED PA RNAMS TE, DE DAG GI NGAG SPYI BOS BLANG BAR BYA STE, DE BAS THAMS CAD KYI SLOB MA NGA RGYAL MED PAR THAMS CAD LAS SLOB STE, BLA MA LTAR BYED DO, ,PHRAG DOG MI BYA BAR BSHAD DE, LEGS PAR SMRAS PA NI NYON MONGS PA'I GNYEN PO GZHAN GYIS SMRAS PA NA'O, ,BSTOD PAS LEGS PAR BYAS SO ZHES BYA BA LA SOGS PA'O, ,GZHAN GYI YON TAN DE'I LKOG TU SMRA STE, GZHAN GYIS DE'I MDUN DU DE'I YON TAN BRJOD PA NA RJES SU SLOB STE, DGA' BA BZHIN DU'O, ,GZHAN DU NA 'DIS MI 'DOD KYIS KO, ,RANG GI YON TAN GZHAN GYIS BRJOD PA NA NGA RGYAL MI BYED DO, ,DE YANG KHO GZHAN GYI YON TAN LA DGA' BAR ZHES YID LA BYA'O, ,GZHAN GYI YON TAN LA PHRAG DOG SPANG BAR BSHAD DE, DMAN @224B PA BAR MA MCHOG RNAMS KYI GANG RUNG BRTZAMS PA DE SDUG BSNGAL GYI PHYIR MA YIN TE, 'ON KYANG DGA' BA'I PHYIR TE, DGA' BA DE NOR RDZAS BTANG YANG RNYED PAR DKA', 'DIR NI 'BAD PA MED PAR BSGRUBS PAS CI STE SPONG, DE BAS DGA' BA'I BDE BA SPYAD PAR BYA, PHRAG DOG GI YUL GZHAN GYIS 'BAD DE BSGRUBS PA'I YON TAN RNAMS KYIS SO, ,'DIR KHYAD PAR BSHAD DE 'DIR GZHAN GYI YON TAN LA DGA' BAS SKYE BA 'DI LA GOD MED DE CI YANG MA BRLAG ,SKYE BA PHYI MA LA BDE BA CHE STE GZHAN GYI YON TAN LA BSTOD PAS SO, ,GZHAN GYI YON TAN LA MI BZOD NA 'JIG RTEN GNYI GA LA SKYON TE, 'DIR MI DGA' BAS SDUG BSNGAL ZHING PHA ROL DU YANG ZHE SDANG GIS SDUG BSNGAL CHE'O, ,BYED PAR RIGS PA YANG BSLAB PAR BYA BAR BSHAD DE, YID CHES PA'I TSIG DANG, PHAN TSUN 'BREL PA DANG, DON LA THE TSOM MI 'BYUNG BA DANG, YID DU 'ONG BA DANG, RNAR SNYAN PA DANG; SNYING RJE'I RGYU MTHUN PA DANG, 'JAM PA DANG, RAN PA'I TSIG GIS BRJOD PAR BYA'O, ,JI LTAR BLTA ZHE NA, SMRAS PA, DRANG BA DANG NI KYOG PO MA YIN PA DGA' BAS GZHOL BA'I MIG GIS, SKOM PAS CHU LTAR BTUNG ZHING SEMS CAN LA BLTA BAR BYA'O, ,CHAGS PA DANG, SDANG BA DANG GTI MUG GIS MA YIN GYI, 'ON KYANG 'DI DAG NYID LA SOGS PA GO SLA BA'O, ,BSLAB BTUS LAS, KUN DU RTZA BKROL MED PAR 'JAM, ,NYUNG BA YID DU 'ONG SMRAS PA'I, ,SKYE BO SKAL LDAN GZHOL BAR BYED, ,TSANG MAR SMRA BA 'BYUNG BAR 'GYUR, ,ZHES SO, ,BKA' BSDU BA LAS, JI LTAR MTHONG BA TZAM GYIS 'GRO BA RNAMS DANG BAR 'GYUR BA DE LTAR BYA'O, ,GANG GI PHYIR SEMS CAN YONGS SU SMIN PAR BYED PA LAS BYA BA GZHAN 'DI LA MED DO ZHES SO, ,DE LTAR MA BYAS NA, BSLAB BTUS LAS, RGYAL BA'I MYU GU YID GCUGS PAR, ,MA GYUR PA LA SMAD BYAS NAS, ,THAL BAS BKAB PA'I ME BZHIN DU, ,DMYAL LA SOGS PAR 'JIG RTEN BSREG , ,'DIR YANG BYA BAR 'OS PAR BSHAD DE, YI DAM DU BYAS PA'I SBYIN PA LA SOGS PA DANG, MNGON PAR ZHEN PA LAS BYUNG BA SHIN TU DANG BAS BYAS PA DANG, GNYEN PO LAS BYUNG BA NYON MONGS PA'I GNYEN PO STONG PA NYID @225A *, ,BSGOM PA LA SOGS PA DANG, YON TAN GYI ZHING SANGS RGYAS LA SOGS PA DANG, PHAN PA'I ZHING PHA MA LA SOGS PA DAD, SDUG BSNGAL BNAD PA LA SOGS PA LA PHAN PAR BYAS PAS 'BRAS BU GZHAL DU MED PA'O, ,RTAG TU BYA BAR BSHAD DE, BRTZON PA NI LE LO MED CING SDANG BA YANG RANG GZHAN GYI DON MA BSKUL BAR NGANG GIS BYED PA BZHIN DU LAS THAMS CAD LA GZHAN LA GO SKABS MI 'BYED PA'O, ,RIM PAS BYED PAR BSHAD DE, GONG NAS GONG DU SBYIN PA LAS TSUL KHRIMS DANG, DE LAS BZOD PA MCHOG CES BYA BA LA SOGS PA'O, ,DE BAS DMAN PA'I CHED DU MCHOG GTANG BAR MI BYA'O, ,'O NA SBYIN PA'I DUS SU TSUL KHRIMS LA GANG GI PHYIR BTANG SNYOMS BSHAD PA'O ZHES PA DANG, 'GAL ZHE NA, LEGS SPYAD NI BSLAB PA GONG MA STE, DE NYID DGE BA'I CHU BSRUNG BAS RAGS YIN TE, DE MA GTOGS PAS GONG MA GTANG BAR MI BYA'O, ,JI LTAR BSAM GTAN GZHAG STE 'ONG BAR 'DOD PA'I SKYE BO RNAMS LA CHOS KYI SBYIN PA BLA NA MED PA BYED DO, ,BSAM GTAN TSUL KHRIMS KYI YAN LAG YIN PA'I PHYIR RO, ,'DOD PA RNAMS TSIM PAR MA BYAS NA LTUNG BA'O, ,DE LTAR BSHAD PA'I DON RTOGS NAS GZHAN DON DU RTAG PAR BRTZON 'GRUS DANG LDAN PAR BYA'O, ,'O NA MA LAS 'DA' BA JI LTAR ZHE NA, SMRAS PA, THUGS RJE CAN GZHAN DON GZIGS PA LA BKAG PA YANG GNANG NGO, ,GZHAN YANG SEMS CAN GYI DON GZIGS NAS, MI TSANGS PAR SPYOD PA DANG, MI GSOD PA YANG BSHAD DO, ,DGE SLONG GIS 'BRAS GSOL BA NA, LOG PAR LTUNG BA NI RKANG LAG LA SOGS PA BCAD PA DANG, MGON MED PA NI SKYOB PAS STONG PA DANG, BRTUL ZHUGS LA GNAS NI SDOM PA DANG LDAN PA STE, DE DAG LA SKAL BA BYIN NAS, TSAD BAR MAR GSOL BAR BYA'O, ,JI LTAR LUS DANG SEMS LAS SU RUNG BA'O, ,SNAM SBYAR DANG BLA ? GOS DANG MTHANG ? GOS TE CHOS GOS GSUM MA GTOGS PA GZHAN LHAG PA GTANG BAR BYA'O, ,'O NA DE YANG CI STE MI GTONG ZHE NA, SMRAS PA, DAM PA RNAMS KYI CHOS SAM, YANG NA DAM PA YANG YIN CHOS KYANG YIN, YANG NA DE SBYIN BYED PA'I LUS GZHAN SBYIN @225B BA'I DON DU GNOD PAR MI BYA, DE LTAR LUS LA GNOD PAR MI BYA ZHING LHAG MGO SLA'O, ,GANG GI PHYIR DE LTA YIN PA DE'I PHYIR, MA DAG PA GNYEN DANG GNYEN MA YIN PA LA MI MNYAM PA'I SNYING RJE'I BSAM PA YOD KYI BAR SROG GTANG BAR MI BYA'O, ,THAMS CAD LAS SEMS MNYAM PAR GYUR BA'I TSE DE GTANG BAR MI BYA'O, ,GANG GI PHYIR DE LTAR BYAS NA 'GYOD PA LA SOGS PA MED PAS NYAMS PAR MI 'GYUR RO, ,MTHONG LAM THOB NAS ZHES BYA BA'I DON TO, ,CHOS BSTAN PA NI GDOD BSHAD DE, CHOS NI GSUNG RAB YAN LAG DGU'O, ,LEGS PAR MI GNAS ZHES KUN DANG SBYAR RO; ,LHA DANG KLU LA SOGS PAS DAM PA'I CHOS MCHOD PAR 'OS PA YIN PAS, DE LA MA BSTAN NA DE DAG GIS SMOD PAR 'GYUR BA DANG, CHOS STON PA PO LA YANG LTUNG BA 'BYUNG STE, BKAG PA BYED PA'I PHYIR RO, ,MGO G-YOGS PA DANG MGO DKRIS PA LA SOGS PA LA CHOS BSHAD PAR MI BYA'O, ,ZAB NI BLO DMAN PAS RAB MI RTOGS PA'I PHYIR RO, ,RGYA CHE BA NI RDZU 'PHRUL LA SOGS PA BLOR MI SHONG BA'I PHYIR RO, ,DMAN PA NI MOS PA DMAN PA'O, ,MI BSHAD CES GONG MA DANG SBYAR RO, ,BUD MED MIN NI DBEN PAR SKYES BA MED PAR RO, ,DMAN PA NI NYAN THOS DANG RANG RGYAL GYI THEG PA DANG, MCHOG NI THEG PA CHEN PO STE, GNYI GA NYON MONGS PA'I GNYEN PO YIN PAS SO, ,THEG PA CHEN PO'I CHOS KYI SDOD NI NYAN THOS KYI CHOS LA MI SBYAR RO, ,SPYOD PA NI BSLAB PA SDOM PA STE, DE SPANGS LA MDO SDE DANG SNGAGS ZLOS PA KHO NAS THAR PA THOB PO ZHES 'DOD PA BSKYED PAR MI BYA'O; ,SO SHING DANG MCHIL MA 'DOR BA NI BKAG PA'I PHYOGS SU YIN GYI, CHU DANG LONGS SPYOD PA'I PHYOGS SU MA YIN, GCIG BA LA SOGS PA YANG MI DOR TE BKAG PAS SO, ,KHA BKANG BA DANG, SU SU DANG PHU PHU'I SGRA DANG BCAS PA DANG, KHA GDANGS NAS BZA' BAR MI BYA'O, ,RKANG PA BRKYANG STE SHING STAN LA SOGS PAR 'DUG PAR MI BYA'O, ,DUS MNYAM DU LAG PA GNYIS MNYE BAR MI BYA'O, ,GZHAN GYI BUD MED GCIG PU DANG BCAS PAR 'GRO BA DANG KHA CIG TU NYAL BA DANG GDAN GCIG LA 'DUG PAR MI BYA STE KUN TU CHAGS PA MED KYANG MA DAD PA'I RGYU YIN PAS SO, ,'JIG RTEN @226A *, ,PA MA DANG PAR BYED PA KUN BSTAN BCOS LA MTHONG PA DANG, YUL CHOS DRIS TE SPANG BAR BYA'O, ,BSLAB BTUS LAS, DES NA BSDUS TE SDOM PA NI, ,RIN CHEN SPRIN LAS RGYAL BAS GSUNGS, ,GANG GIS SEMS CAN MA DANG PA, ,DE NI 'BAD BAS ? SPANG BAR BYA, ,ZHES SO, , SDIGS MDZUB LA SOGS PA SOR MO GCIG GIS GANG YANG MI LA BSTAN PAR MI BYA'O, ,LAG PA G-YON PAS KYANG MA YIN TE MA DAD PAS SO, ,LAG PA G-YAS PA THAMS CAD KYIS DAD PA DANG LDAN ZHING LAM YANG BSTAN PAR BYA'O, ,LAG PA BRKYANG NAS DON CHUNG BA LA GANG YANG 'PHOD PAR MI BYA'O, ,BRANG KHANG NA GNAS PA GO BAR BYA BA'I PHYIR SE GOL LA SOGS PA'I SGRA BYA STE, GZHAN DU NAM BSDAMS PA SRID DO, ,'DOD PA'I PHYOGS SU MGO BZHAG NAS GZHOGS G-YAS 'OG TU BCUG ,RKANG PA'I STENG DU RKANG PA GZHAG STE, LAG PA G-YAS PA SNGAS SU BCUG STE RKANG PA'I STENG DU LAG PA G-YON PA BRKYANG STE; SNAM SBYAR GYIS LUS G-YOGS NAS SHES BZHIN DU THOG MAR NYAL BA'I DUS SU NGES PAR MYUR DU LDANG BAR BYA'O ZHES GLOS 'DI LTAR NYAL BAR BYA'O, ,SPYOD PA NI BSLAB PA STE, GZHAL DU MED PA NI GRANGS MI NUS PA'O, ,SBYONG BA NI DRI MA SPONG BA STE, 'DI NI GDON MI ZA BAR BYA'O, ,DE'I DON DU BSHAD DE, NYIN DANG LA SOGS PA'O, ,LTUNG BA BSHAGS PA DANG, BSOD NAMS LA RJES SU YI RANG BA DANG, BYANG CHUB TU YONGS SU BSNGO BA DANG, PHUNG PO GSUM PA MTSAN MO LAN GSUM NYIN MO LAN GSUM DU GDON PAR BYA'O, ,LTUNG BA LHAG MA NI PHA MA PA LAS GZHAN TE DES ZHI BAR 'GYUR RO, PHAM PA RNAMS NI SLAR ? DKON MCHOG GSUM LA SKYABS SU 'GRO BA DANG, BYANG CHUB MCHOG TU SEMS BSKYED PAS SO, ,GNAS SKABS SU GANG PA BAR BYA BA'I SPYOD PA LA SOGS PA STE, RANG NYID KYI 'AM GZHAN DON GYI DBANG DU GYUR PAS SPYOD NA DE LA 'BAD DE BSLAB PAR BYA'O, ,NYES PA MED PAR CI STE SPYOD CE NA; SMRAS PA, RGYAL BA'I SRAS KYIS GANG BSLAB PAR BYA BA MA YIN PA DE NI MED DO, ,BDAG DANG BDAG GI BAR MI BZUNG ZHING BDEN PA GNYIS RTOGS NAS GZHAN DON LA 'BAD PA DE LTAR SPYOD PA NA GANG BSOD NAMS MA YIN PA DE NI MED DO, ,RANG DON RDZOGS PA NA GZHAN DON BYED PA ZHES BRGYUD PA @226B DANG; DNGOS NI NUS PAR GYUR PAS THOG MA NAS GZHAN DON LAS GZHAN MI BYED DO, ,DE LTAR BYAS PA LAS BYUNG BA'I BSOD NAMS SEMS CAN RNAMS KYI DON DU BYANG CHUB TU BSNGO'O, ,BLA MA DAM PA DGE BA'I BSHES GNYEN BYANG CHUB SEMS DPA'I BRTUL ZHUGS 'DZIN PA, THEG PA CHEN PO'I DON LA MKHAS PA SROG GI PHYIR YANG RTAG TU GTANG BAR MI BYA'O, ,SDONG PO BKOD PA'I LE'U DPAL 'BYUNG GI RNAM THAR LAS GSUNGS PA, BLA MA BSTEN PA'I RIM PA LA BSLAB PAR BYA'O, ,'DI NI 'DIR BSHAD PA STE GZHAN NI 'DIR MA BSHAD PA RNAMS SO, ,GANG GI PHYIR MDO SDE ZHES BYA BA LA SOGS PA'O, ,RTZA BA'I LTUNG BA NI SDOM PA 'JIG PAR BYED PA STE, NAM MKHA'I SNYING PO'I MDO SDE LA BLTA BAR BYA'O, ,BSLAB PA KUN LAS BTUS