@73B #, ,RGYA GAR SKAD DU, MU NI MA TA AA LAm K'A RA, BOD SKAD DU, THUB PA'I DGONGS PA'I RGYAN, SANGS RGYAS DANG BYANG CHUB SEMS DPA' THAMS CAD LA PHYAG 'TSAL LO, ,THUB DBANG LA 'DUD SGROL MA THUGS BRTZER MDZOD, ,KVA YE 'JAM DBYANGS YANG DAG DGONGS SU GSOL, ,MA MA 'OD ZER CAN MA YID KYI NI, ,RANG BZHIN BKRA SHIS GNAS RNAMS RGYAS PAR MDZOD, ,SHES RAB PHA ROL PHYIN DANG SNYING RJE BDUD RTZI'I RANG BZHIN AE MA THUB PA RNAMS KYI SKU, ,SEMS BSKYED MCHOG NAS MCHOG TU YONGS SU GYUR PA RAB TU MTHON POR CI YANG SON GYUR PA, ,GANG ZHIG BAR MED KHAMS GSUM DAG TU SA YI DBANG PHYUG RNAMS KYIS KYANG NI RGYUN DU BSTEN, ,THEG PA GANG ZHIG CHE BA'I GDENG LDAN MCHOG TU 'OD 'BAR YON TAN PHRENG BA RNAMS KYIS ROL, ,THUB CHEN RNAMS KYI DGONGS PA MCHOG 'DI YI, ,RANG BZHIN 'PHAGS MCHOG RNAMS KYIS GSAL MDZAD PA, ,'JIG RTEN MUN PAS DKRUGS LAS MI SHES PAS, ,DE PHYIR DE YI SNANG BA BRGYUD PA 'DI, ,LAM BRAL RNAMS DANG LOG PA'I LAM CAN DANG, ,SHES RAB LDAN DANG DAD DANG LDAN RNAMS KYI, ,SEMS KYI BDAG NYID DAG PA'I CHED DU 'DI, ,BYA BA BDAG BLO'I DGA' STON RANG NYID SPRO, ,YON TAN RIN CHEN RANG BZHIN RGYAN, ,'DI LAS THUB PA'I DGONGS PA NI, ,SNANG BA BYAS PAS YANG DAG PA'I, ,LTA BA CI YANG STON PAR BYED, ,DAM PA KU SHA'I RTZE 'DRA'I BLO, ,YON TAN RIN CHEN TSONG 'DUS TE, ,DE DANG RIN CHEN MI LEN DANG, , THE TSOM ZA BA'ANG BSLUS PA YIN, ,'DIR NGES PAR SEMS CAN THAMS CAD SGRIB PA GNYIS SPONG BA'I SKAL BA LAS MA 'DAS PA KHO NAR YOD DE, DE RNAMS KYANG DGE BA'I BSHES GNYEN LA SOGS PA DANG BRAL BAS RANG BZHIN MED PA'I DNGOS PO RNAMS LA PHYIN CI LOG TU MNGON PAR ZHEN PA LAS; MA RIG PA LA SOGS PA'I NYON MONGS PA DANG LAS DANG SKYE BA'I KUN NAS NYON MONGS PA GSUM LA YANG SNGON DANG PHYI MA DANG BAR MA'I RIM PA MA RTOGS PA RNAMS SRID PA'I RTZE MO NAS MNAR MED PA'I MTHAR THUG PA'I 'KHOR BA'I KHRON PA CHEN PO DMA' BAR RANG GI NGANG NYID KYIS 'OG TU @74A *, ,'GRO BAR ZHUGS PA RNAMS RTZOL BA LAS JI LTAR YANG LDANG BAR BYA BA SDUG BSNGAL GYI SDUG BSNGAL NYID DANG, YONGS SU 'GYUR BA'I SDUG BSNGAL NYID DAG GIS NYIN DANG NYIN DU YONGS SU SKYO BAR 'GYUR BA RNAMS SO, ,DE RNAMS LAS DANG NYON MONGS PA'I GZUGS BRNYAN BZHIN NGES PAR 'JUG CING RAB TU G-YO BA'I CHU'I NANG GI ZLA BA'I GZUGS BRNYAN LTAR RTEN GYI YUL DANG LHAN CIG SKAD CIG SO SOR MI RTAG PA NYID KYIS PHONGS PAR NGES PAR LTUNG BA DANG, RANG BZHIN GYIS STONG PAR RTOGS PA'I BYANG CHUB SEMS DPA' SNYING RJE'I GZHAN GYI DBANG NYID KYIS, DE RNAMS KYI MI RTAG PA NYID KYI PHONGS PA'I PHONGS PA LTA BU DAM PA'I CHOS BDUD RTZI'I BCUD PHUL DU BYUNG BA 'BYUNG BA'I RGYU PHYIN CI LOG GI RNAM PAR RTOG PA MTHA' DAG GI GNYEN PO'I MTSAN NYID CAN 'GRO BA MA LUS PA'I GNYEN GYI RANG BZHIN SANGS RGYAS NYID THOB PAR 'DOD DO, ,DES BSKUL BAR GYUR PA BDAG NYID LA LTOS PA MED PA DE NI MTHA' GCIG TU PHA ROL LA PHAN PA DON DU GNYER BA NYID KYIS SHIN TU DKA' BA BYED CING DUS RING POR YANG TSOGS SOGS PA'I YONGS SU NGAL BA LA 'JUG GO, ,DKA' BA RNAMS LA RAB TU ZHUGS PAS KYANG YUN RING PO NYID KYIS TSOGS YONGS SU RDZOGS NAS NGES PAR THAMS CAD MKHYEN PA'I GO 'PHANG THOB PAR BYED DO ZHES PA DE'I PHYIR SANGS RGYAS KYI CHOS RNAMS KYI RTZA BA SNYING RJE NYID DANG, SNYING RJE CHEN PO YONGS SU 'DZIN PA NYID LAS SANGS RGYAS BCOM LDAN 'DAS RNAMS THAMS CAD MKHYEN PA'I GO 'PHANG BRNYES NAS 'GRO BA MA LUS PA'I DON MDZAD CING BZHUGS ZHES PAS BCOM LDAN 'DAS RNAMS MYA NGAN LAS 'DAS PA LA MI GNAS PA'I YANG RGYU SNYING RJE CHEN PO DE KHO NA'O, ,DE GSUNGS PA, BRTZE NYID SA BON 'PHEL LA CHU BZHIN DANG, ,YUN RING LONGS SPYOD GNAS LA SMIN PA BZHIN, ,ZHES PA DANG, RNAM 'GREL DU'ANG, GANG RNAMS BRTZE BA CHEN PO PA; ,GZHAN GYI NGOR NI BZHUGS PA NYID, ,CES SO, ,DE YANG KHAMS GSUM NA SPYOD PA'I SEMS CAN MA LUS PA RNAMS LA MANG DU GOMS PAR BYAS PA LAS 'PHEL BAR 'GYUR RO, ,DE LTAR DE SNYING RJE GOMS PA'I STOBS LAS SEMS CAN THAMS CAD 'DON PAR DAM BCA' BAS BYANG CHUB TU @74B SEMS SKYED PAR BYED DO, ,GANG GI PHYIR SNYING RJE CHEN PO DANG LDAN PA YANG DAG PAR RDZOGS PA'I BYANG CHUB KYI RIGS CAN GYI BYANG CHUB SEMS DPA' NI PHA ROL GYI SDUG BSNGAL GYIS SDUG BSNGAL BA NYID KYIS KYE KUN DGA' BO SU ZHIG SANGS RGYAS DANG CHOS DANG DGE 'DUN LA SKYABS SU 'GRO BA DANG, BSLAB PA'I GZHI LNGA RNAMS YANG DAG PAR BZUNG NAS YONGS SU SKYONG BAR BYED NA DGE BA'I RTZA BA DE'I BSOD NAMS GZHAL DU MED PA DANG GRANGS MED PAR NGA SMRA'O, ,NYAN THOS DANG RANG SANGS RGYAS THAMS CAD KYIS MYA NGAN LAS 'DAS PA'I MTHAR THUG PA JI SRID PAR GANG GIS TSAD GZUNG BAR MI NUS PAR SMRA'O ZHES PA LA SOGS PA'I PHAN YON THOS PAS YANG DAG PAR DGA' BA SKYES PA, SANGS RGYAS CHOS DANG TSOGS MCHOG LA, ,BYANG CHUB BAR DU SKYABS SU MCHI, ,ZHES PAS GZUGS KYI SKU DANG CHOS KYI SKU DANG, PHYIR MI LDOG PA'I BYANG CHUB SEMS DPA'I DGE 'DUN GYI SKYABS LA BRTEN NAS, BDAG NYID YANG DAG PAR RDZOGS PA'I SANGS RGYAS SU GYUR TE, 'JIG RTEN 'DI THAMS CAD SDUG BSNGAL LAS BTON NAS YANG DAG PAR RDZOGS PA'I SANGS RGYAS NYID LA SBYAR BAR BYA'O ZHES DBANG PO RAB KYIS RAB MDOR BSDUS PAS BYANG CHUB KYI SEMS SDOM PA'I RANG BZHIN SKYED PAR BYED DO, ,SDOM PA 'DI YANG BLA MA SDOM PA LA GNAS PA YANG DAG PAR BLANG BA'I CHO GA SHES PA NYID GSAR BU DANG KHYIM PA'I CHA LUGS 'DZIN PA LAS KYANG BLANG BAR BYA'O, ,DE MED NA SANGS RGYAS DANG BYANG CHUB SEMS DPA' RNAMS MDUN NA GNAS PAR YID LA BYAS NAS BLANG BAR BYA'O, ,DE RGYAS PAR NI DE BZHIN GSHEGS PA'I SKU GZUGS MDUN DU BYAS TE, KUN DGA' BO GANG SU ZHIG SEMS RAB TU DANG BAS DE BZHIN GSHEGS PA'I CHED DU GRU BZHI'AM ZLA BA PHYED PA'I RNAM PA'AM ZLUM PO'AM SHING RTA'I RNAM PAR MAndAL BYED PA DE GRANGS JI LTA BA BZHIN, BYANG SGRA MI SNYAN DANG, SHAR LUS 'PHAGS PO DANG, NUB BA LANG SPYOD DANG, 'DZAM BU'I GLING GI DBANG PHYUG GI BDAG POR 'GYUR BAR SMRA'O, ,LUS ZHIG NAS NI GRANGS JI LTA BAR SUM CU RTZA GSUM DANG 'THAB BRAL DANG DGA' LDAN DANG 'PHRUL DGA' RNAMS SU SKYE BAR RO ZHES PA KHANG BU @75A *, ,BRTZEGS PA'I MDO LA SOGS PA'I RJES SU 'BRANGS PAS, MAndAL BYUGS TE MCHOD PA LNGAS YANG DAG PAR MCHOD NAS, KUN DGA' BO GANG SU ZHIG THAL MO SBYAR BA BYAS TE, BCOM LDAN 'DAS DE BZHIN GSHEGS PA DE LA PHYAG 'TSAL LO ZHES PHYAG BYED PAR 'GYUR BA'I SEMS CAN DE RNAMS NGAS YONGS SU GZUNG BA'O ZHES PA LA SOGS PA'I PHAN YON BSTAN PAS, PHYOGS BCU'I SANGS RGYAS DANG BYANG CHUB SEMS DPA' RNAMS LA RAB TU DANG BA YANG DAG PAR SKYED CING PHYAG 'TSAL NAS BLA MA'I MDUN DU MAndAL LA SOGS PA BYAS SHING PUS MO BTZUGS PA'AM TZOG PUR THAL MO SBYAR BAS DMA' BAR 'DUG NAS LAN GSUM DU GSOL BA GDAB PAR BYA'O, ,RIGS KYI BU KHYOD KYI MDUN DU BDAG BYANG CHUB SEMS DPA'I SDOM PA LEN PAR 'DOD PAS, DE BLANG BAR 'OS NA BDAG LA THUGS BRTZE BAS BDAG LA BYANG CHUB SEMS DPA'I TSUL KHRIMS KYI SDOM PA STZAL DU GSOL ZHES SO, ,DE LA BLA MAS 'DI SKAD LAN GSUM BRJOD PAR BYA STE, KHYOD BYANG CHUB TU SMON PA BYAS SAM ZHES PA DANG, BDAG GI MDUN DU BYANG CHUB SEMS DPA'I TSUL KHRIMS KYI BSLAB PA'I GZHI RNAMS LAN NAM ZHES PA'O, ,DES 'DZIN NO ZHES DAM BCA' BAR BYA'O, ,BLA MA YIS NI DE 'DI SKAD BRJOD DU GZHUG PAR BYA STE, PHYOGS BCU'I 'JIG RTEN GYI KHAMS NAS 'DUS PA'I SANGS RGYAS BCOM LDAN 'DAS RNAMS DANG BYANG CHUB SEMS DPA' RNAMS BDAG LA DGONGS SU GSOL, SLOB DPON DGONGS SU GSOL, BDAG MING 'DI ZHES BGYI BAS LUS DANG NGAG DANG YID KYIS SANGS RGYAS DANG BYANG CHUB SEMS DPA' RNAMS DANG PHA DANG MA'AM DE LAS GZHAN PA'I SEMS CAN RNAMS LA BSGRUBS NAS SKYE BA 'DI'AM SRID PA GZHAN RNAMS SU SDIG PA GANG CUNG ZAD BGYIS PA DANG BGYID DU STZAL BA DANG RJES SU YI RANG BA DE DAG THAMS CAD BSHAGS SO, , SHES BZHIN DRAN PA MI 'CHAB PO, ,DE LTAR LAN GSUM MO, ,BDAG MING 'DI ZHES BGYI BA NYI MA 'DI NAS BZUNG NAS SNYING PO BYANG CHUB LA MCHIS KYI BAR DU RKANG GNYIS RNAMS KYI MCHOG SANGS RGYAS BCOM LDAN 'DAS THUGS RJE CHEN PO CAN THAMS CAD MKHYEN PA THAMS CAD STON PA DGRA DANG 'JIGS @75B PA THAMS CAD LAS 'DAS PA SKYES BU CHEN PO MI PHYED PA'I SKU CAN BLA NA MED PA'I SKU CAN LA SKYABS SU MCHI'O, ,'DOD CHAGS DANG BRAL BA RNAMS KYI MCHOG ZHI BA'I CHOS LA SKYABS SU MCHI'O, ,TSOGS RNAMS KYI MCHOG PHYIR MI LDOG PA'I BYANG CHUB SEMS DPA'I DGE 'DUN LA SKYABS SU MCHI'O 'DI LTAR LAN GSUM MO, ,BDAG MING 'DI ZHES BGYI BA SEMS CAN GYI KHAMS MTHA' YAS PA RNAMS 'KHOR BA'I SDUG BSNGAL LAS BSGRAL BA'I CHED DANG, GDON PA'I CHED DANG YONGS SU BSKYAB PA'I CHED DANG THAMS CAD MKHYEN PA'I YE SHES BLA NA MED PA LA RAB TU DGOD PA'I CHED DU JI LTAR 'DAS PA DANG DA LTAR BYUNG BA DANG MA BYON PA'I BYANG CHUB SEMS DPA' DE RNAMS BYANG CHUB TU THUGS BSKYED DE, SANGS RGYAS NYID DU GSHEGS PA DANG GSHEGS PAR BYED PA DANG, GSHEGS PAR 'GYUR BA DANG JI LTAR SANGS RGYAS THAMS CAD KYI SGRIB PA MED PA'I SANGS RGYAS KYI YE SHES DANG SANGS RGYAS KYI SPYAN GYIS MKHYEN ZHING GZIGS PA DANG JI LTAR CHOS RNAMS KYI CHOS NYID MKHYEN NAS RJES SU MKHYEN BZHIN DU CHO GA DES BDAG MING 'DI ZHES BGYI BA SLOB DPON MING 'DI ZHES BGYI BA'I MDUN DANG, SANGS RGYAS DANG BYANG CHUB SEMS DPA' THAMS CAD KYI MDUN DU BLA NA MED PA YANG DAG PAR RDZOGS PA'I BYANG CHUB TU SEMS BSKYED PAR BGYI'O, ,DE LTAR LAN GSUM MO, ,BDAG GIS SDIG PA BSHAGS PA DANG GSUM LA SKYABS SU 'GRO BA DANG BYANG CHUB TU SEMS BSKYED PA LAS SKYES PA'I DGE BA'I RTZA BA 'DI YANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGO STE, SKYOB PA MED PA SKYABS MED PA GNAS MED PA DPUNG GNYEN MED PA GLING MED PA'I 'JIG RTEN DU, SKYOB PA DANG SKYABS DANG GNAS DANG DPUNG GNYEN DANG GLING DU 'GYUR BAR BGYI'O, ,SEMS CAN SRID PA'I RGYA MTSO LAS MA RGAL BA RNAMS THAMS CAD BSGRAL BAR BGYI'O, ,SGRIB PA MED PA'I CHOS KYI DBYINGS SU MYA NGAN LAS 'DA' BAS YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BAR BGYI'O, ,DBUGS MA PHYIN PA RNAMS DBUGS DBYUNG BAR BGYI'O, ,'DI LTAR LAN GSUM MO, ,BDAG MING 'DI ZHES BGYI BA DE LTAR BYANG CHUB TU SEMS @076A *, ,BSKYED PAS MTHA' YAS PA'I SEMS CAN GYI KHAMS LA JI LTAR MA DANG PHA DANG SRING MO DANG SPUN DANG BU DANG BU MO DANG GNYEN DANG SNAG GI GNYEN MTSAMS GANG YANG RUNG BAR GNAS PA DE LTAR SO SOR 'DZIN NO, ,SO SOR BZUNG NAS KYANG NUS PA JI LTA BA DANG, STOBS JI LTA BA DANG, SNOD JI LTA BA'I TSAD DU DGE BA'I RTZA BA BSKRUN DU GZHUG GO, ,'DI NAS BZUNG NAS GANG CUNG ZAD SBYIN PA STER BAR 'GYUR BA DANG TSUL KHRIMS BSRUNG BAR 'GYUR BA DANG BZOD PA PHUN SUM TSOGS PAR BYED PAR 'GYUR BA DANG, BRTZON 'GRUS RTZOM PAR 'GYUR BA DANG BSAM GTAN LA SNYOMS PAR 'JUG PAR 'GYUR BA DANG, SHES RAB KYIS RNAM PAR DPYOD PAR 'GYUR BA DANG, THABS LA MKHAS PA LA'ANG SLOB PAR 'GYUR BA DE THAMS CAD SEMS CAN THAMS CAD KYI DON DANG PHAN PA DANG BDE BA'I CHED DU'O, ,BLA NA MED PA YANG DAG PAR RDZOGS PA'I BYANG CHUB LAS BRTZAMS TE, SA CHEN PO LA RAB TU BZHUGS PA THUGS RJE CHEN PO DANG LDAN PA DE RNAMS KYI THEG PA CHEN PO DANG MTHUN PAR RJES SU 'JUG GO, ,DE NYID KYI PHYIR BDAG BYANG CHUB SEMS DPA' SLOB PA'O, ,'DI NAS BZUNG NAS BDAG BYANG CHUB SEMS DPA' ZHES PAR SLOB DPON GYIS GZUNG DU GSOL, DE LTAR LAN GSUM MO, , DE LTAR BSOD NAMS YONGS SU BSNGO BA SNGON MA TZAN 'GRO BA YONGS SU 'DZIN PA DANG, DE BSKYAB PA'I CHED DU TSOGS SOGS PA DANG, THEG PA CHEN PO DANG MTHUN PAR RJES SU 'BRANG BAR BYED DU BCUG LA, DE BZHIN GSHEGS PA'I SKU GZUGS DE NYID KYI MDUN DU SANGS RGYAS DANG BYANG CHUB SEMS DPA' THAMS CAD LA PHYAG 'TSAL NAS MKHYEN PAR GSOL BAR BYA STE, BDAG GI MDUN DU, 'DIS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA GZUNG NGO ZHES PA'O, ,BLA MA DE 'DRA BA MED PAR RANG GIS LEN NA, SLOB DPON DGONGS SU GSOL ZHES PA DANG, SLOB DPON MING 'DI LTA BU'I MDUN LAS SHES PA BZHAG NAS JI SRID DU 'DI NAS BZUNG NAS BDAG BYANG CHUB SEMS DPA' ZHES PAR SANGS RGYAS BCOM LDAN 'DAS RNAMS DANG BYANG CHUB SEMS DPA' RNAMS KYIS GZUNG DU GSOL ZHES PA'I BAR DU'O, ,GSOL BA'I DE MA THAG TU SANGS RGYAS DANG BYANG CHUB @076B SEMS DPA' RNAMS KYIS BSNGAGS SHING, DGE BA MNGON PAR 'PHEL BA'I CHED DU 'DI LA RTAG TU DGONGS PAR 'GYUR RO, ,DE LTAR BYANG CHUB SEMS DPA'I SDE SNOD LA SOGS PAR GSUNGS PA'I CHO GAS DBANG PO RNON POS SDOM PA BLANG BAR BYA'O, ,DBANG PO 'BRING PO YANG KHA CIG DGE BA'I BSHES GNYEN LA SOGS PA DANG PHRAD PA'I DBANG LAS DE BZHIN DU KHA CIG JI SRID 'TSO'I DGE BSNYEN GYI SDOM PA LA SOGS PA GANG YANG RUNG BA SNGON MA CAN BYANG CHUB SEMS DPA'I SDOM PA LEN PAR BYED DO, ,DBANG PO RTUL PO NI JI SRID 'TSO'I DGE BSNYEN GYI SDOM PA LA SOGS PA GANG YANG RUNG BA SNGON MA CAN KHO NAS SO, ,'DI DAG GI YANG BYANG CHUB SEMS DPA'I SDOM PA JI SRID 'TSO'I DGE BSNYEN GYI SDOM PA LA SOGS PA GANG YANG RUNG BA MED PAR YANG SKYE STE, 'ON KYANG DBANG PO'I BYE BRAG LAS DE 'DZIN PA'I CHO GA'I DBYE BA RTOGS PA'I PHYIR RO, ,JI LTAR LDOG PA'I TSUL KHRIMS NYID NYES PAR SPYOD PA SPONG BA YANG DAG PAR LEN PA NI DGE BSNYEN GYI SDOM PA DANG, DGE TSUL GYI SDOM PA DANG DGE SLONG GI SDOM PA DANG, BSNYEN GNAS KYI SDOM PA ZHES PA RNAM PA BZHI GANG ZAG GI BYE BRAG NYE BAR BLANGS NAS YIN PA BZHIN NO, ,DE LTAR NI GANG ZAG GANG LUS DANG NGAG DANG YID KYI NYES PAR SPYOD PA RNAM PA GSUM NYID LA DGA' BA DANG BRAL BA 'DOD PA LA LHAG PAR CHAGS PA KHYIM GYI NANG NA GNAS PAS KYANG DKON MCHOG GSUM LA SKYABS SU SONG BA LA BRTEN NAS DANG PO RE ZHIG JI SRID 'TSO'I BAR DU SPANG BYA LNGA SPONG BA'I BYA BA YANG DAG PAR LEN PA'I NGES PA BYA STE; BYANG CHUB KYI BAR DU DKON MCHOG GSUM LA SKYABS SU 'GRO BA'I DGE BSNYEN GYI SDOM PA DANG, BYANG CHUB KYI SEMS LAS GZHAN YANG DAG PAR BLANGS PA NI JI SRID 'TSO BA YIN PA'I PHYIR PHYIS MED DE RTEN ZHIG PA'I PHYIR DANG RTEN GZHAN GYI GZHAN DU SBYOR BA MI RIGS PA'I PHYIR DANG DRAN PA MI SRID PA'I YANG PHYIR RO, ,DE LTAR 'DI GOMS PA RIM GYIS 'DOD PA LAS SEMS DBEN PAR 'GYUR BA NI SPANG BYA THAMS CAD DANG MI TSANGS PAR SPYOD PA LAS KYANG LDOG PAR SPRO BAS DANG POR LNGA KHO NA SPONG BA GZUNG BAR BYA'O, ,GANG 'DOD PA LAS DBEN PAR SPYOD PA DE NI KHYIM NAS BYUNG STE MI TSANGS @077A *, ,PAR SPYOD PA'ANG SPANGS SHING RAB TU BYUNG BA BYA'O, ,DE LA RAB TU BYUNG BA DANG BSNYEN PAR RDZOGS PAR GDAGS TE, JI SKAD DU BCOM LDAN 'DAS KYIS GSUNGS PA, SKRA DANG KHA SPU BREGS NAS GOS NGUR SMRIG GON TE YANG DAG PA NYID DU DAD PAS KHYIM NAS KHYIM MED PAR RAB TU 'BYUNG ZHES SO, ,'DIS DGE SLONG GI PHUN SUM TSOGS PA RNAM PA BZHI YONGS SU GZUNG NGO, ,'ON TE ZHES PA'I BAR GYIS CHA LUGS PHUN SUM TSOGS PA STE, CHA LUGS 'DI NYON MONGS PA DANG NYE BA'I NYON MONGS PA DANG MI MTHUN PA'I PHYIR KHYIM PA'I CHA LUGS LAS PHUN SUM TSOGS PA'O,, YANG DAG PA NYID DU ZHES PA NI LAS PHUN SUM TSOGS PA STE, GSOL BA'I LAS LA SOGS PAS YANG DAG PAR RAB TU BYUNG GI BSNYEN PAR MA RDZOGS PA'AM RANG GIS RTAGS GZUNG BA MA YIN NO, ,DAD PAS SHES PAS BSAM PA PHUN SUM TSOGS PA STE, BU LON GYIS MNAR BAS MA YIN, 'JIGS PAS MNAR BAS MA YIN RGYAL PO'I CHAD PA'I CHED DU MA YIN NO, ,KHYIM NAS ZHES PA LA SOGS PA NI GNAS PHUN SUM TSOGS PA STE KHYIM PA'I GNAS NI KHYIM MO, ,DOG PO DE LAS GNAS 'DI PHUN SUM TSOGS PA STE KHYIM MED PAR SHING DRUNG LA SOGS PA'O, ,RAB TU BYUNG BA YANG RNAM PA GSUM STE GSOL BA'I LAS LA SOGS PAS YANG DAG PAR BLANGS PAS THOB PA DANG RTOGS PA YOD NA CHOS NYID KYIS THOB PA DANG SPRUL PAS NGES PAR BSTAN PA CAN RNAMS SO, ,BSNYEN PAR RDZOGS PA NI RNAM PA BCU'O ZHES 'DUL BAR BYE BRAG SMRA BA'I 'DOD PA STE 'CHAD PAR 'GYUR RO, ,GANG NYES PAR SPYOD PA DANG 'DOD PA LAS DBEN PA DANG BRAL BA DE NI NYIN ZHAG TZAM DU YANG NYES PAR SPYOD PA DANG, 'DOD PA LAS DBEN PA'I NGO BO BSNYEN GNAS YANG DAG PAR LEN PA LA SBYAR ? BAR BYA'O, ,DE BZHIN DU 'GA' ZHIG NYIN BAR TZAM DU 'AM MTSAN MO TZAM DU STE, GZHAN GYI BUD MED LA RTZE BA DANG SHAN PA RNAMS MTSAN MO DANG NYIN PAR SPONG BAR SPRO BA MED PA'I PHYIR RO, ,RNAM PA 'DI LTA BU'I GANG ZAG RNAMS NYID RJES SU GZUNG BA'I CHED DU ZHI BA DANG RGYAS PA LA SOGS PA DE DANG DE LA BSNYEN GNAS LA GNAS PAR BYA'O ZHES RTOG PA'I CHO GAR GSUNGS PA 'ANG BDAG NYID KYIS 'DI RNAMS MA YIN TE MTHONG BA'I 'BRAS @077B BU 'DOD PAS KYANG TSUL KHRIMS KYI SDOM PA LA 'JUG GO ZHES PA'O, ,DE NYID KYI PHYIR DGE BSNYEN YANG 'DOD PA LAS DBEN PA GOMS PA'I DON DU TSIGS MTSAMS RNAMS DANG CHO 'PHRUL GYI DUS SU 'ANG RES 'GA' BSNYEN GNAS KYI SDOM PA YANG DAG PAR LEN DU GZHUG GO, ,SPRO BA DANG LDAN PAS NI ZLA PHYED DANG ZLA BA LA SOGS PA STE RIM GYIS GOMS PAS JI SRID 'TSO BA'I BAR DU 'ANG ZHES PA'O, ,MA NING LA SOGS PA'I GANG ZAG RNAMS LA NI RANG BZHIN NYID KYIS SDOM PA SKYE BA MA YIN LA SDOM PA MA YIN PA YANG MA YIN TE TSVA SGO CAN GYI ZHING RNAMS LA 'BRU DANG RTZVA BZHIN NO, ,GANG MO'I DBANG PO DANG LDAN PA DE'ANG SKAL BA CAN NYID DO, ,DON DAM PAR PHO DANG MO 'DI DAG GI SDOM PA LA KHYAD PAR CUNG ZAD MED MOD GZHAN DU RTAGS DANG RTEN DANG MING THA DAD PA LAS SO, ,SPONG BA YANG DAG PAR LEN PA 'DI'ANG BLA MA SDOM PA LEN PA'I CHO GA LA MKHAS PA YANG DAG PAR LEN PAR 'DOD PA'I SDOM PA CAN LAS BYA STE SO SOR THAR PA'I SDOM PA NI PHA ROL GYI RNAM PAR RIG BYED LAS 'DOD PA'I PHYIR RO, ,RKYEN YOD NA'ANG PHA ROL LA LTOS PAS MI 'DA' BA'I DON DU'O, ,'DI LTAR BLA MAS GSUNGS PA'I RJES SU BRJOD PAR BYA STE, BDAG MING 'DI LTA BU DUS 'DI NAS BZUNG STE JI SRID 'TSO'I BAR DU SANGS RGYAS LA SKYABS SU MCHI'O, ,BDAG MING 'DI LTA BU DUS 'DI NAS BZUNG STE JI SRID 'TSO'I BAR DU CHOS LA SKYABS SU MCHI'O, ,BDAG MING 'DI LTA BU DUS 'DI NAS BZUNG STE JI SRID 'TSO'I BAR DU DGE 'DUN LA SKYABS SU MCHI'O, ,'DI LTAR LAN GSUM YANG NGO, , SKYABS GSUM YONGS SU 'DZIN PA'I DGE BSNYEN DU GZUNG DU GSOL ZHES PA'O, ,DE'I RJES SU BDAG MING 'DI LTA BU DUS 'DI NAS BZUNG STE JI SRID 'TSO'I BAR DU SROG GCOD PA SPONG STE SROG GCOD PA LAS SLAR LDOG GO, ,DE BZHIN DU MA BYIN PAR LEN PA DANG 'DOD PA LAS LOG PAR G-YEM PA DANG BRDZUN DU SMRA BA DANG 'BRU'I CHANG DANG SBYAR BA'I CHANG MYOS PAR 'GYUR BA BAG MED PA'I GNAS LAS SLAR LDOG GO, ,'DI LTAR LAN GSUM YANG STE, DENG NAS BZUNG NAS DGE BSNYEN DU GZUNG DU GSOL ZHES PA'O, ,DE LTAR 'DI YAN LAG GSUM YONGS SU RDZOGS PA DANG, YAN LAG @078A *, ,LNGA YONGS SU RDZOGS PA'I DGE BSNYEN DU 'GYUR TE, SKYABS GSUM YONGS SU 'DZIN PA'I DGE BSNYEN DU BDAG SLOB DPON GYIS GZUNG DU GSOL ZHES PA DANG, DE BZHIN DU GSUM LA SKYABS SU SONG BA BSLAB PA'I GZHI LNGA YONGS SU 'DZIN PA'I DGE BSNYEN DU BDAG SLOB DPON GYIS GZUNG DU GSOL ZHES PA RNAM PA GNYIS 'DUL BAR GSUNGS PA'I PHYIR RO, ,RGYU BZHIS SKYABS SU 'GRO BAR RIG PAR BYA STE YON TAN SHES PA DANG KHYAD PAR SHES PA DANG KHAS BLANGS PA DANG STON PA GZHAN BSTAN PA MA YIN PAS SO, ,DE RNAMS KYIS SNGA MA SNGA MA PHYI MA PHYI MA'I RGYU STE GANG GI PHYIR YON TAN DANG KHYAD PAR SHES PA DAG LAS SROG GIS KYANG DAM PA'I CHOS KHAS LEN PA LA SANGS RGYAS LA SKYABS SU 'GRO'O, ,BSNYEN GNAS KYI SDOM PA NYIN ZHAG PA NI RGYUN DU BA MA YIN PA'I RGYAN SPANGS TE NYI MA SHAR BA NA SNGAR BZHIN DU GZUNG BAR BYA'O, ,BDAG MING 'DI LTA BU DUS 'DI NAS BZUNG NAS SANG NYI MA MA SHAR GYI BAR DU SROG GCOD PA SPONG STE, SROG GCOD PA LAS SLAR LDOG GO, ,DE BZHIN DU MA BYIN PAR LEN PA DANG, MI TSANGS PAR SPYOD PA DANG BRDZUN DU SMRA BA DANG 'BRU'I CHANG DANG SBYAR BA'I CHANG MYOS PAR 'GYUR BA BAG MED PA'I GNAS DANG KHRI STAN MTHON PO DANG KHRI STAN CHEN PO DANG, DRI DANG, PHRENG BA DANG, BYUG PA DANG KHA DOG 'CHANG BA DANG, GAR DANG GLU DANG ROL MO DANG RTZE 'JO DANG DUS MA YIN PA'I KHA ZAS LAS SLAR LDOG GO, ,DGRA BCOM PA RNAMS KYI TSUL KHRIMS YON TAN BRGYAD KYIS BRGYAN PAR BDAG BGYID DO ZHES PA'O, ,'DI LTAR LAN GSUM YANG NGO; ,DE LTAR 'DI BSNYEN GNAS KYI SDOM PA YAN LAG BRGYAD PAR 'GYUR RO, ,'DI YIS 'PHAGS PA RNAMS DANG NYE BAR GNAS SO ZHES PAS BSNYEN GNAS SU BRJOD PAR BYA'O, ,GSO SBYONG ZHES KYANG STE, DGE BA'I SA BON GSO BA 'DZIN PAR BYED CES BYAS NAS SO, ,GANG GSO BA'I DON NI MDO LAS NYIN ZHAG PA'I GSO SBYONG GI SDOM PAS 'DOD PA NA SPYOD PA'I LHA DRUG GANG 'DOD PA DER SKYE'O ZHES SO, ,NYIN PAR TZAM YANG DAG PAR LEN NA NI DUS 'DI NAS BZUNG STE JI SRID NYI MA NUB KYI BAR DU ZHES DUS YONGS SU BCAD PAR BYA'O, ,'DI NYID LA DGONGS NAS DUS 'DI @078B NAS BZUNG NAS MTSAN MO BYUNG GI BAR DANG JI SRID SANG NYI MA SHAR GYI BAR DU ZHES GSUNGS SO, ,GSO SBYONG GI SDOM PA KHO NA JI SRID 'TSO BA PA NI GO MI'I SDOM PA'O ZHES PA GDAMS NGAG GO, ,'DI NYID GANG MI BYA BAR NGES PA'I MTSAN NYID CAN DE SO SOR THAR PA'I SDOM PA'O, ,'DI LTAR GANG 'DI YANG DAG PAR LEN PA PO G-YENGS PA DANG SEMS MED PA LA'ANG 'PHANGS PA'I DUS JI SRID PAR DGE BA RJES SU 'GRO BA'I RGYUN YONGS SU GYUR PA'I KHYAD PAR SKYE STE, GANG LAS 'DI MI BYED PAR DAM BCA' BA YANG DAG PAR DRAN NAS BKAG PA'I LAS LAS NGO TSAS LUS NGAG DAG YANG DAG PAR SDOM MO; ,GANG YONGS SU SMIN PA THOB PA LAS PHYIS PHUN SUM TSOGS PA RNAMS SKYE BA'O, ,RNAM PAR RIG BYED MA YIN PA ZHES DNGOS POR GYUR PA'I CHOS GZHAN 'GA' YANG MED DE, RNAM PAR RIG BYED MA YIN PA NI KHAS BLANGS NAS MI BYED PA TZAM YIN PA NYID KYI PHYIR RO, ,MI BYED PA YANG BYA BA 'GEG PA STE 'DI YANG CUNG ZAD KYANG MA YIN NO, ,'DAS PA'I 'BYUNG BA CHEN PO RNAMS RGYUR BYAS NAS 'DOGS NA'ANG DE RNAMS KYANG MED PA NYID KYI PHYIR DNGOS POR 'GYUR BA MED DO, ,BYE BRAG TU SMRA BA RNAMS NI GZUGS GANG CHOS KYI SKYE MCHED KYIS YANG DAG PAR BSDUS PA BSTAN DU MED LA THOGS PA MED PA YID KYI RNAM PAR SHES PA TZAM GYIS RNAM PAR SHES PAR BYA BA SDOM PA DANG SDOM PA MA YIN PA DANG BAR MAR GNAS PA RNAMS KYI DGE BA DANG MI DGE BA DANG GNYIS KA'I RGYUN GYIS NGO BO DE RNAM PAR RIG BYED MA YIN PA'O, ,DE LA GZUGS 'GA' ZHIG SEMS KYI RJES SU 'BRANG BA STE; DPER NA BSAM GTAN DANG ZAG PA MED PA'I SDOM PA'I RANG BZHIN ZAG PA DANG BCAS PA DANG ZAG PA MED PA'I BSAM GTAN GYI SEMS THOB PA LAS THOB LA DE'I SEMS GTONG BAS GTONG BA BZHIN NO, ,'GA' ZHIG GZHAN GYI RIG BYED LA SOGS PAS YANG DAG PAR BYUNG BA STE, DPER NA SO SOR THAR PA SDOM PA'I GZUGS LTA BU'O, ,DE LA LUS KYI RNAM PAR RIG BYED NI DE LAS DMIGS PA'I SEMS PAS BSKYED PA'I LUS KYI DBYIBS KYI KHYAD PAR DE LTA DE LTA'O, ,NGAG GI RNAM PAR RIG BYED KYANG DE LA DMIGS PA'I SEMS PAS BSKYED PA TSIG GSAL POR 'DON PA'O, , @079A *, ,DE DANG 'DI GNYIS KA KUN NAS SLONG BA'I SEMS RNAM PAR SHES PAR BYED PA'I PHYIR RNAM PAR RIG BYED DO, ,RNAM PAR RIG BYED DANG 'DRA BA NI CHOS GANG 'PHEN PAR BYED PA DANG MTSAMS SBYOR BAR BYED PA'I 'BYUNG BA CHEN PO RNAMS RGYUR BYAS NAS RAB TU 'JUG PA STE, RNAM PAR RIG BYED LTAR PHA ROL LA RNAM PAR RIG PAR BYED PA MA YIN PA MAN NGAG TZAM LAS RTOGS PAR BYA BA 'BA' ZHIG BA DGE SLONG LA SOGS PAR RNAM PAR GZHAG PA'I RGYU 'DI NI RNAM PAR RIG BYED MA YIN PA RDZAS SU YOD PA GZUGS KYI PHUNG POS YANG DAG PAR BSDUS PA STE DE DANG 'DRA BA DGAG PA BYAS PA'I PHYIR BRAM ZE MA YIN PA BZHIN NO ZHES ZER RO, ,DE MI RIGS SO ZHES GZHAN DU DPYAD ZIN TO, ,LUNG GI DON NI KHO BO CAG GIS RNAM PA GZHAN DU YANG NUS PA'I PHYIR SPROS PAS CHOG GO, ,'O NA SEMS CAN DANG YAN LAG DANG YUL DANG DUS NGES PA DANG BCAS PAS YANG DAG PAR BLANGS PA SEMS CAN 'DI LAS SPANG NGO, ,YAN LAG 'DI DANG YUL 'DI DANG ZLA PHYED DANG ZLA BA'AM YUL LA SOGS PA'I DUS LAS GZHAN DU'O ZHES PA DE CIR 'GYUR ZHE NA, LEGS PAR SPYAD PA TZAM DU 'GYUR TE RNAM PA THAMS CAD DU SDIG PA SPONG BA MA YIN PA'I PHYIR RO, ,DE BZHIN DU SDOM PA MA YIN PA CAN RNAMS KYI DE'I RIGS CAN RNAMS BYA BA LA RAB TU SBYOR BA DANG, GZHAN RNAMS DE'I LAS DE KHAS BLANGS PA LAS MI DGE BA RJES SU 'GRO BA'I RGYUN YONGS SU GYUR PA'I KHYAD PAR BYA BAR NGAS PA'I MTSAN NYID CAN SDOM PA MA YIN PA SKYE LA, GANG ZHIG 'DI RNAMS LA RTAG TU 'JUG PA STE GANG LAS THOB PA YONGS SU SMIN PA LAS PHYIS PHUN SUM TSOGS PA MIN PA RNAMS SKYE BA'O, ,'DI LA DUS YONGS SU BCAD PA CI YANG MED DE YANG DAG PAR BLANGS PA MED PA'I PHYIR RO, ,SDOM PA MA YIN PA YANG DAG PAR LEN PA NI 'GA' YANG MED LA BSAM PA NGAN PA CAN NI BYA BA DE DANG MNGON PAR 'BREL PA LAS SDOM PA MA YIN PA SO SOR THOB PO, ,GAL TE 'GA' ZHIG YANG DAG PAR BLANGS PAR GYUR PA NYID NA DE'I TSE SDOM PA LTAR DUS NGES PA'O ZHES PA'O, ,SDOM PA MA YIN PA NYES PAR SPYOD PA DE 'DI RNAMS LA YOD PAS SDOM PA MA YIN PA CAN RNAMS SO, ,DE RNAMS KYANG SHAN PA DANG @079B BYA GAG PA DANG PHAG PA DANG NYA PA DANG BYA DANG RI DAGS RNGON PA DANG, RKUN PO DANG GSHED MA DANG BTZON SRUNG BA DANG SPRUL 'CHING BA DANG GLANG PO CHE 'DUL BA DANG KHYI 'TSOR ? BA RNAMS DANG RGYAS 'TSOR BA RNAMS DANG RGYAL PO'I CHAD PA BA DANG SHAGS ZAN PA RNAMS NI DON GYI SDOM PA MA YIN PA CAN NO, ,DE LAS GZHAN PA RNAMS SDOM PA CAN MA YIN LA SDOM PA MA YIN PA CAN MA YIN TE, 'DI RNAMS KYI DGE BA DANG MI DGE BA'I LAS NI SDOM PA MA YIN LA SDOM PA MA YIN PA'ANG MA YIN NO, ,DE YANG ZHING DANG BSAM PA DANG BYA BA NGES PA DANG DNGOS PO YONGS SU 'DZIN PA DANG 'BAD PAS 'JUG PA LAS SKYE STE, 'DI RNAMS SPANGS PA LAS LDOG GO, ,DE LA ZHING LAS NI DPER NA DKON MCHOG GSUM GYI CHED DU GTZUG LAG KHANG BZHENGS PA LA SOGS PA RDZAS BYUNG BA'I BSOD NAMS BYA BA'I DNGOS PO RNAMS LAS BSOD NAMS KYI PHUNG PO JI SRID DU 'DI RNAMS RGYUN MI 'CHAD PA'I BAR DU NYE BAR SKYE LA NYE BAR SKYES PA YANG MI ZAD PA LTA BU STE, JI SKAD DU KHANG BU BRTZEGS PA'I MDOR GSUNGS PA, KUN DGA' BO SANGS RGYAS LA BSKRUN PA'I DGE BA'I RTZA BA 'KHOR BAR MI ZAD DE MYA NGAN LAS 'DAS PA'ANG THOB PAR BYED DO, ,DE BZHIN DU CHOS LA BSKRUN PA DANG DGE 'DUN LA BSKRUN PA YANG NGO ZHES SO, ,DE BZHIN DU CHOM RKUN PA'I DON DU SKYED TSAL LA SOGS PA RNAMS BYED PA LAS BSOD NAMS MA YIN PA'I PHUNG PO JI SRID DE RNAMS RGYUN MI 'CHAD KYI BAR DU STE GANG GI PHYIR CHOM RKUN PA RNAMS NI DE LA BRTEN NAS GRONG GI SEMS CAN LA SOGS PA 'PHROG PAR BYED PAS SO; ,DE BZHIN DU RDZONG GI KHANG PA BYED PA LA SOGS PA RIG PAR BYA'O, ,BSAM PA LAS DE BZHIN GSHEGS PA LA SOGS PA'I BSOD NAMS DKON MCHOG GSUM LA SKYABS SU 'GRO BA LAS JI SRID DU BSOD NAMS RGYUN MI 'CHAD LA, BZLOG PAS BSOD NAMS MA YIN PA LTA BU'O; ,BYA BA NGES PA LAS NI DPER NA DAM PA'I CHOS MA BKLAGS PAR BZA' BAR MI BYA ZHES BYA BA LA SOGS PA'I BSOD NAMS TE BYA BA RNAM PAR CHAD PA LAS KYANG LDOG PA DANG SROG GCOD PA LA SOGS PA LA NI BYA BA NGES PA LAS BSOD NAMS MA YIN PA STE NGES PA BTANG BA DANG BYA BA CHAD PA LAS @080A *, ,KYANG LDOG PA LTA BU'O, ,DNGOS PO YONGS SU 'DZIN PA LAS NI DPER NA 'GA' ZHIG MCHOD PA'I CHED DU MCHOD RTEN LA SOGS PA YONGS SU 'DZIN PA DANG, CIG SHOS PHA ROL LA GNOD PA'I CHED DU RGYU ? DANG 'KHRUL 'KHOR LA SOGS PA LTA BU STE DE DAG GIS BSOD NAMS DANG BSOD NAMS MA YIN PA DAG DE YONGS SU BTANG BA LAS LDOG GO, ,'BAD PAS 'JUG PA LA NI, DPER NA 'GA' ZHIG DAD PA'I SHUGS SAM NYON MONGS PA'I SHUGS LAS DGE BA DANG MI DGE BA'I LAS 'BAD PAS BYED DE DE JI SRID SHUGS RJES SU 'JUG PA DE SRID DU BSOD NAMS DANG BSOD NAMS MA YIN PA YANG NGO ZHES PA LTA BU'O, ,DE LTAR SDOM PA CAN DANG SDOM PA MA YIN PA CAN DAG GIS BSOD NAMS DANG BSOD NAMS MA YIN PA RJES SU 'GRO BAR RIG PAR BYA'O, ,DE LTAR NA SDOM PA DANG SDOM PA MA YIN PA DAG 'PHANGS PA'I DUS LAS TSU ROL DU GTONG BA MED DAM ZHE NA, YOD DE SDOM PA DE SRID DU YANG DAG PAR BLANGS PA DANG 'GAL BA'I RNAM PAR RIG BYED SKYES NA STE, MTSAN NYID JI LTA BAR BSLAB PA PHUL BA DANG TSUL KHRIMS DANG MI MTHUN PA MI GSOD PA DANG RDZAS YONGS SU RDZOGS PA RKU BA DANG GZHAN GYI BUD MED LA BGROD PA DANG, RANG GIS RTOGS PA'I BRDZUN 'PHAGS PA'I RTOGS PA DANG LDAN PAR GO BAR BYED PA'I BDAG NYID LTUNG BAR 'GYUR BA'I CHOS SPYOD PA LAS DANG, MTSAN GNYIS BYUNG BA LAS TE RTEN RNAM PAR 'KHRUGS PAS DBANG PO MA YIN PA THOB PA'O, ,BSNYEN GNAS KYI SDOM PA NI RTEN CHAD PAS SHI BA LAS GTONG BAR 'GYUR RO, ,SDOM PA MA YIN PA NI SDOM PA YANG DAG PAR BLANGS PA DANG RTEN RNAM PAR 'KHRUGS PA LAS SO, ,SDOM PA YAN LAG GSUM PA ZHES PA LA SOGS PA GANG GSUNGS PA DE LA GANG GI YAN LAG 'DI RNAMS YIN PA SDOM PA GZHAN 'GA' ZHIG NI MED DO 'O NA CI ZHE NA, 'DI'I YAN LAG GSUM RNAMS YIN PAS YAN LAG GSUM TSOGS PA SDOM PA STE DE TSOGS PA'I CHA SHAS RNAMS NI YAN LAG RNAMS TE DPER NA DPUNG GI TSOGS YAN LAG BZHI PA ZHES PA LTA BU'O, ,DE BZHIN DU SDOM PA YAN LAG LNGA PA LA SOGS PA LA YANG NGO, ,YAN LAG LNGA NI @080B SROG GCOD PA ZHES PA LA SOGS PA RNAMS SU'ANG RIG PAR BYA'O, ,'DIR GANG DGE BSNYEN GYI SDOM PA YAN LAG LNGA PA YANG DAG PAR BLANGS PA DE MI DGE BA BCU'I LAS KYI LAM RNAMS KYANG SPANGS PAR 'GYUR TE, BRDZUN DU SMRA BA SPANGS PAS NI PHRA MA DANG TSIG RTZUB PA DANG NGAG 'KHYAL PA RNAMS SPANG BAR BYA BA YIN TE, 'DI LTAR 'DI DAG GI LEGS PAR SPYOD PA DANG LDAN PAR 'GYUR RO, ,'O NA BRDZUN DU SMRAS PA KHO NA LAS LDOG PAR BRJOD KYI, LUS KYI NYES PAR SPYOD PA THAMS CAD SO SO BA LAS BZHIN DU NGAG GI NYES PAR SPYOD PA THAMS CAD LAS MA YIN PA CI LTAR ZHE NA, LUS KYI NYES PAR SPYOD PA GSUM NI SO SOR 'JIG RTEN NA MTHA' GCIG TU SMAD PA YIN LA NGAG GI NYES PAR SPYOD PA RNAMS NI DE LTA MA YIN NO, ,'DI RNAMS LAS BRDZUN DU SMRA BA NYID SHIN TU SMAD PA DANG CHES RAGS PA YIN LA DE LAS LOG PA NGAG GI NYES PAR SPYOD PA'I LAS LAM LAS BRGAL BA NI RANG NYID GZHAN RNAMS LAS LDOG PAR SPRO LA MNGON PAR 'DOD PA YANG NYES PAR SPYOD PA THAMS CAD LAS LDOG GO, ,JI SKAD DU GSUNGS PA, 'DIR RIGS KYI BU'AM RIGS KYI BU MO SROG GCOD PA DANG MA BYIN PAR LEN PA DANG 'DOD PAS LOG PAR SPYOD PA DANG, BRDZUN DU SMRA BA DANG PHRA MA DANG TSIG RTZUB PO DANG NGAG 'KHYAL PA DANG BRNAB SEMS DANG GNOD SEMS DANG LOG PAR LTA BA'ANG SO SOR SPANGS PAR 'GYUR RO ZHES SO, ,LUS DANG NGAG GI NYES PAR SPYOD PA SPONG BA 'DI YANG 'DOD CHAGS MED PA DANG ZHE SDANG MED PA DANG GTI MUG MED PA RNAMS KYIS KUN NAS BSLANG BA'O, ,DE LAS BRNAB SEMS LA SOGS PA YID KYI NYES PAR SPYOD PA LAS LDOG PAR GRUB BO, ,BRNAB SEMS DANG GNOD SEMS DANG LOG PAR LTA BA RNAMS 'DOD CHAGS DANG ZHE SDANG DANG GTI MUG GI RANG BZHIN YIN PA NYID KYI PHYIR 'DOD CHAGS MED PA LA SOGS PA RNAMS YOD NA BRNAB SEMS MED PA LA SOGS PA RNAMS GRUB PO ZHES PA BCOM LDAN 'DAS KYI DGONGS PA'O, ,DE LTAR NA DGE BA BCU PO 'DI YANG LAS LAM GYIS BSDUS PAR 'GYUR TE, DE LA BRNAB SEMS MED PA LA SOGS PA GSUM NI LAS KYI LAM YIN PA'I PHYIR LAS LAM STE, BRNAB SEMS MED PA LA SOGS PA RNAMS LAS @81A *, ,KYI RANG BZHIN MA YIN PA'I PHYIR RO, ,DE DANG MTSUNGS PAR LDAN PA CAN GYI SEMS PA DE RNAMS RGYU BAS RGYU LA DE RNAMS 'GRO BAS 'GRO STE, DE'I DBANG GIS DE LTAR 'DU BYED PA'I PHYIR RO, ,SROG GCOD PA SPONG BA LA SOGS PA BDUN NI LAS KYANG YIN LA LAS KYI LAM YANG YIN PAS LAS LAM STE DE KUN NAS SLONG BA'I SEMS PA NI DE RNAMS LA BRTEN NAS 'JUG PA'I PHYIR RO, ,LAS KYI LAM YIN PA DANG LAS DANG LAS KYI LAM YANG YIN PAS NA LAS LAM RNAMS TE RANG BZHIN 'DRA BAS MA YIN PA RNAMS KYANG GCIG LHAG TU BSTAN PA'I PHYIR RO, ,GANG RNAMS BRNAB SEMS MED PA LA SOGS PA RNAMS KYANG SEMS PAS BSKYED PA'I PHYIR LAS KYI RANG BZHIN TE LUS NGAG GI LAS DANG 'DRA BA DE RNAMS KYI NI DE RNAMS LAS KYANG YIN TE LUS NGAG DANG YID KYI LAS YIN PA NYID KYI PHYIR LAS KYANG YIN LA LAM YANG YIN PAS LAS LAM STE RANG BZHIN 'DRA BA NYID KYI GCIG LHAG GO, ,'DI RNAMS LAS GZHAN BCU NI MI DGE BA'I LAS KYI LAM STE RANG BZHIN GYI KHA NA MA THO BA DANG BCAS PA'O, ,MYOS PAR 'GYUR BA 'THUNG BA NI BCAS PA'I KHA NA MA THO BA DANG BCAS PA STE MYOS 'GYUR 'THUNGS PA LAS KUN DU RMONGS PA LAS DANG DRAN PA NYAMS PA LAS GZHAN RNAMS KYANG MI SRUNG BAR 'GYUR BAS GZHAN SRUNG BA'I DON DU BCAS PA'I KHA NA MA THO BA CHANG GCIG PU NYID LAS LDOG PAR GSUNGS SO, ,MYOS 'GYUR 'THUNG BA BCAS PA'I KHA NA MA THO BA ZHES PA 'DI CI LAS SHE NA, RANG BZHIN GYI KHA NA MA THO BA'I MTSAN NYID MED PA'I PHYIR RO, , RANG BZHIN GYI KHA NA MA THO BA DE NI SEMS NYON MONGS PA DANG LDAN PA KHO NAS LHAG PAR SPYAD PAR BYA BA YIN LA GANG RANG NYID LAS MI 'DOD PA'I RNAM PAR SMIN PAR 'GYUR GYI DER GZHAN LA LTOS PA CI YANG MED DE GSOD PA LA SOGS PA BZHIN NO, ,CHANG NI DE LTA MA YIN TE BKRES SKOM LA SOGS PA BSAL BA'I BSAM PA KHO NAS 'DI BZA' BTUNG LA SOGS PA BZHIN NYE BAR SBYOR BA'I PHYIR RO, ,DE NYID KYI PHYIR BTZUN PA LEGS 'ONGS DGRA BCOM PAS KYANG RANG GIS CHANG 'THUNGS TE 'DI NYID LAS BRTZAMS NAS CHANG 'THUNG BA SPONG BA'I BSLAB PA'I GZHI BCAS SO, ,CHANG 'THUNG BA NI @81B RANG NYID LAS MI 'DOD PA'I RNAM PAR SMIN PA'I CHED DU RNAM PAR BRTAG PA YANG MA YIN GYI JI SRID DU 'DI DE LAS DRAN PA NYAMS PAS NYES PAR SPYAD PA LA SPYOD PA DANG NYES PAR SPYOD PA LA LHAG PAR SPYOD PA'I RGYU MTSAN DU 'GYUR RO, ,DE NYID KYI PHYIR THAL CHES PA YONGS SU SPONG BA'I DON DU KU SHA'I RTZE MOS KYANG 'THUNG BA SPANG BAR BYA'O, ,GZHAN YANG RANG BZHIN GYI KHA NA MA THO BA MI DGE BA BCU'I LAS KYI LAM STON PA NA LUS KYI NYES PAR SPYOD PA RNAMS SU CHANG 'THUNG BA MI STON PA CI LTAR YIN ZHING DGE BA LDOG PA'I BSLAB PA'I GZHI RNAMS SU'ANG PHYI NAS LOGS SU SPONG BA STON PA CI LTAR YIN; GANG GI PHYIR 'DI LUS KYI NYES PAR SPYOD PA RAGS PA'I PHYIR DANG, RANG BZHIN GYI KHA NA MA THO BA NYID KYI PHYIR YANG DGE BA DANG MI DGE BA STON PA NA LUS KYI NYES PAR SPYOD PA DANG SPONG BA 'CHAD PA DAG NYID LA BSTAN PAR RIGS SHING LAS LAM BCU GCIG TU BSTAN PAR YANG STE DE LTAR NI MED DO, ,DE'I PHYIR CHANG 'THUNG BA NI BCAS PA'I KHA NA MA THO BA KHO NA'O, ,MI DGE BA BCU PO 'DI RNAMS KYI YANG MTSAN NYID LA SOGS PA TSUL KHRIMS KYI PHA ROL TU PHYIN PAR 'CHAD PAR 'GYUR RO, ,'DI'I YANG NYES PAR BYAS PA'I BDAG NYID KHO NA NI LTUNG BA'I RIGS SO, ,DE YANG RNAM PA GSUM STE LTUNG BAR 'GYUR BA NI GANG GIS 'DI SDOM PA NYAMS PAR 'GYUR BA'O, ,BSHAGS PAR BYA BA NI GANG GIS PHA ROL LA BSHAGS PAS 'DI LAS LDANG BA'O, ,BSDAM BYA NI GANG RANG NYID KYIS BSDAMS PAS LDANG BA'O, ,DE LA LTUNG BAR 'GYUR BA LAS GZHAN SROG GCOD PA LA SOGS PA CHANG 'THUNG BA'I BAR DANG YAN LAG MA TSANG BA'I LTUNG BAR 'GYUR BA'I CHOS RNAMS KYANG SO SOR BSHAGS PAR BYA BA STE, RIGS KYI BU DGONGS SU GSOL BDAG MING 'DI LTA BU LA JI LTAR YONGS SU GRAGS PA'I LTUNG BA BYUNG BAS DE BSHAGS PAR BGYI'O ZHES PA MI 'CHAB PO; ,SLAN CHAD KYANG SDOM PAR BGYI'O, ,'DI LTAR GSUM ZHES SO, ,LTUNG BAR 'GYUR BA'I CHOS RNAMS KYANG SDIG PA DAG PA'I DON NYID DU BSHAGS PAR BYA STE PHUNG PO GSUM PA LA SOGS RAB TU GDON PAR BYA'O, ,GZHAN GANG RNAMS YAN LAG MA TSANG BA'I SROG GCOD PA LA @82A *, ,SOGS PA DANG PHRA MA LA SOGS PA RNAMS DANG, CHOS GANG 'DOD PAS LOG PAR SPYOD PA RNAMS LA THAL CHES PA YONGS SU SPANG BA'I DON DU GSUNGS PA, DE RNAMS LA LHAG PAR SPYAD PA NI SPANG BA'I CHOS TE DE 'DI'I RANG NYID KYIS BSDAM PAR BYA BA KHO NA STE DE SLAR BDAG MI BYED DO ZHES MI BYED PAR SEMS BSKYED PA NYID KYIS LDANG BA'O, ,DE LTAR LTUNG BA SO SOR BSHAGS PA DANG BSDAMS NAS KYANG SNGAR BZHIN DU SDOM PA YANG DAG PAR BLANG BAR BYA STE, SLAR YANG 'DI YANG DAG PAR LEN PA LA SKAL BA CAN YIN NO, DE LTAR DGE BSNYEN GYI SDOM PA YANG DAG PAR LEN PA'I CHO GA DANG SPYOD PA BRJOD ZIN TO, ,DGE TSUL DANG DGE SLONG GI SDOM PA YANG DAG PAR LEN PA'I CHO GA DANG SPYOD PA NI KHO BOS GSAL BA'I 'GREL BSHAD DANG 'DUL BA SNANG BAR GSAL BAR BRJOD PA'I PHYIR 'DIR MA BSTAN TO, ,GANG ZHIG DGE BSNYEN DANG DGE BSNYEN MA DANG DGE TSUL DANG DGE TSUL MA DANG, DGE SLONG MA DANG, DGE SLONG DANG, DGE SLONG MA'I DBYE BAS JI SRID 'TSO BA PA'I SO SO THAR PA'I SDOM PA BDUN PA RNAMS LAS GANG YANG RUNG BA'I SO SO THAR PA'I SDOM PA LA GNAS PA NYID KYIS BYANG CHUB SEMS DPA'I SDOM PA BLANG BAR BYA'I GZHAN GYIS MA YIN TE, GZHAN LA BYANG CHUB SEMS DPA'I SDOM PA MI SKYE BA'I PHYIR RO ZHES ZER BA DE NI THEG PA CHEN PO LA YONGS SU NGAL BA MANG PO MA BYAS PA STE, GAL TE SO SO THAR PA'I SDOM PA MED PAR BYANG CHUB SEMS DPA'I SDOM PA MI SKYE NA NI, DE'I TSE BYANG CHUB SEMS DPA'I SDE SNOD LA SOGS PA DANG DE'I RJES SU 'BRANG BA'I GZHUNG DU 'DI DE'I RTZA BAR BSHAD PAR 'GYUR RO, ,DGOS PA NI GDON MI ZA BAR BRJOD PAR BYA BA YIN TE DPER NA THEG PA CHEN POR BYANG CHUB KYI BAR DU GSUM LA SKYABS SU 'GRO BA LTA BU'O, ,'PHAGS PA KLU SGRUB ZHABS KYI DGONGS PA'I RJES SU 'BRANG BA'I ZLA BA GRAGS PAS KYANG SKYABS GSUM BDUN CU PAR, DGE BSNYEN GSUM LA SKYABS 'GRO BA, ,DE NI SDOM BRGYAD RTZA BA YIN, ,RDZOGS SANGS RGYAS CHOS DGE 'DUN NI, ,GROL BAR 'DOD PA RNAMS KYI SKYABS, ,THUB PA'I DBANG PO'I SKU GNYIS DANG, , @82B MYA NGAN 'DAS DANG GANG ZAG BRGYAD, ,DE LA GUS PAS SKYABS 'GRO GANG, ,GSUM LA SKYABS SU SONG BA YIN, ,SHAR RI'I LUNG LAS DGRA BCOM KYIS, ,BYANG CHUB SEMS DPA' PHYAG BYA STE, ,DKON MCHOG GSUM LAS PHYI ROL MIN, ,SANGS RGYAS NANG DU 'DUS PAR DGONGS, , 'BRAS BU LA GNAS ZHUGS PA YI, ,SLOB PA BDUN PO RNAMS KYIS, ,'PHAGS PA'I LAM LAS RAB BYUNG RNAMS, ,CHOS MNGON PA RU BRJOD JI BZHIN, ,DE LTAR RGYAS PA'I SDE SNOD DU'ANG, ,SA BCU RNAMS SU GSUNGS PA YIS, ,'PHAGS PA'I LAM GYI BDAG NYID CAN; ,DE KUN 'PHAGS MIN JI LTAR 'GYUR, ,RE RE'I YON TAN MTHAR THUG PA, ,NAM MKHA'I TSAD KYI YON TAN MCHOG ,BYANG CHUB SEMS DPA' RTAG PHYAG 'OS, ,BLO LDAN RNAMS KYIS SKYABS KYANG NGO, ,ZHES SO, ,SKYABS KYI DON DANG YONGS SU SKYOB PA'I DON CI ZHE NA, RTAG TU NYON MONGS TSOGS KUN DANG, ,NYES PAR SPYOD PA THAMS CAD DANG, ,RGA DANG 'CHI BA DAG LAS KYANG, ,SANGS RGYAS NYID NI YONGS SU SKYOB, ,'TSO BA RNAMS NI THAMS CAD DANG, ,NGAN SONG DANG NI THABS MIN DANG, ,'JIG TSOGS THEG PA DMAN LAS KYANG, ,DE PHYIR SKYABS KYI DAM PA'O; ,'TSE BA THAMS CAD LAS YONGS SU SKYOB PA NYID NI SANGS RGYAS KYI MTHUS LONG BA RNAMS KYIS MIG THOB PO, ,'ON PA RNAMS KYIS RNA BA'O, ,SEMS RNAM PAR G-YENGS PA RNAMS KYIS RANG BZHIN DU GNAS PA'I SAMS SO, ,YAMS NAD RNAMS ZHI'O ZHES PA 'DI LTA BU LA SOGS PA'O, ,NGAN SONG LAS YONGS SU SKYOB PA NYID NI SANGS RGYAS KYI 'OD ZER GYIS DER SONG BA RNAMS THAR BAR BYED PA'I PHYIR DANG DER MI 'GRO BA LA SO SOR GNAS PAR BYED PA'I PHYIR RO, ,THABS MA YIN PA LAS NI MU STEGS KYI LTA BA LAS SLONG BA'I PHYIR RO, ,'JIG TSOGS LAS NI THEG PA GNYIS KYIS YONGS SU MYA NGAN LAS BZLA BA'I PHYIR RO, ,THEG PA DMAN PA LAS NI THEG PA CHEN PO LA BGROD PA GCIG TU BYED PA'I PHYIR RO, ,SANGS RGYAS NYID KYANG RNAM PA THAMS CAD MKHYEN PA NYID DO, ,DE NYID SANGS RGYAS SO DE NI BYANG CHUB NYID DE, DE NYID BYANG CHUB KYI LAM GYI 'BRAS @83A *, ,BU'O; ,GZUGS KYI SKU DAG KYANG SANGS RGYAS NYID DO, ,LAM 'KHOR LO DANG BCAS PA CHOS DKON MCHOG GO, ,DE'I RTEN GZUGS KYI SKU'I NGO BO PHYIR MI LDOG PA'I BYANG CHUB SEMS DPA'I TSOGS NI DGE 'DUN DKON MCHOG GO, ,GANG DU CHOS THAMS CAD LAS KHYAD PAR DU 'PHAGS PA NYID KYI PHYIR BLA NA MED PA'I BYANG CHUB NI CHOS DKON MCHOG TU RNAM PAR GZHAG PA DER NI GZUGS KYI SKU DAG KHO NA SANGS RGYAS DKON MCHOG STE DE'I TSE LAM YANG DGE 'DUN DKON MCHOG GO, ,SANGS RGYAS KYI MYU GU BYANG CHUB SEMS DPA' STE DNGOS SU NA DE LAS GZHAN PA MED DO, ,'GA' ZHIG TU BYANG CHUB KYI RANG BZHIN MED PA'I CHA NI CHOS DKON MCHOG GO, ,RTOGS PA'I CHA DANG GZUGS KYI SKU DAG NI SANGS RGYAS DKON MCHOG GO, ,RDO RJE LTA BU LA SOGS PA SNGON GYI GNAS SKABS KYI LAM NI DGE 'DUN DKON MCHOG GO ZHES RNAM PAR GZHAG GO, ,DON DAM PAR NI DKON MCHOG GSUM RNAMS LA THA DAD CI YANG MED DO, ,PHYIN CI MA LOG PA TZAM LA LTOS PA DANG BDAG MED PA NYID KYIS KYANG ZHES PA'O, ,'DIR SANGS RGYAS RNAM PA GNYIS TE, DON DAM PA BA NI SKU GSUM GYIS YANG DAG PAR BSDUS PA'O; ,THA SNYAD PA NI SKU GDUNG GI MCHOD RTEN DANG SKU GZUGS DANG MCHOD RTEN DANG, BYANG CHUB SEMS DPA'I GZUGS TE 'DI RNAMS LA MCHOD NA SANGS RGYAS BCOM LDAN 'DAS RNAMS MCHOD PA'O ZHES GSUNGS PA'I PHYIR RO, ,MNYAM PAR SEMS RAB TU DANG BAS RNAM PAR SMIN PA MNYAM PAR GSUNGS SO, ,CHOS KYANG RNAM PA GNYIS TE DON DAM PA BA NI MYA NGAN LAS 'DAS PA'O, ,THA SNYAD PA NI LAM DANG SANGS RGYAS KYI GSUNG RAB DANG GLEGS BAM RNAMS TE 'DI RNAMS LA MCHOD NA CHOS LA MCHOD PAR ZHAL GYIS 'CHES PA'I PHYIR RO, ,DGE 'DUN YANG RNAM PA GNYIS TE; DON DAM PA PA NI BYANG CHUB SEMS DPA' SA LA RAB TU ZHUGS PA RNAMS DANG GANG ZAG BRGYAD RNAMS SO, ,THA SNYAD DU NI SO SO'I SKYE BO RNAMS KYANG STE SDE PA BZHI LA SOGS PA DANG DGE SLONG DANG DGE SLONG MA RNAMS SO, ,BYANG CHUB SEMS DPA' RNAMS NI 'DI LTAR DGE 'DUN @83B GYIS BSDUS PA YANG STE, DE RNAMS NI SANGS RGYAS KYI MYU GU DANG THA SNYAD PA'I SANGS RGYAS TE RGYU DANG 'BRAS BU'I DNGOS PO RGYUN GCIG PA'I PHYIR, ,N+YA GRO DHA'I MYU GU DANG N+YA GRO DHA'I LJON SHING GI RGYUN BZHIN NO, ,NGA NYID RGYAL PO BYAMS PA'I STOBS ZHES BYA BA DER GYUR TO ZHES PA LA SOGS PAS SKYES RABS RNAMS SU GZHAN NYID KYI MING BKAG PA'I PHYIR RO, ,DE NYID KYI PHYIR BCOM LDAN 'DAS BYANG CHUB SEMS DPA' BSNYEN PAR MA RDZOGS PA DANG KHYIM PA'I CHA LUGS 'DZIN PA RNAMS KYANG STON PAR 'DU SHES PAS DGE SLONG DANG DGRA BCOM PA RNAMS KYIS KYANG PHYAG BYA'O, , 'DI NYID LA DGONGS NAS 'DUL BAR GSUNGS PA, PHYAG GI 'OS NI GNYIS TE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS DANG DGE SLONG RGAN PO'O ZHES SO, ,GZHAN DU NA NI DE BZHIN GSHEGS PA BZUNG BA DON MED PAR 'GYUR TE, DGE SLONG RGAN PO BZUNG BAS DE GRUB PA'I PHYIR RO, ,MDOR GSUNGS PA'ANG, RGYU MTSAN DE LA LCAGS MGAR GYI BU TZUN DA 'GYOD PAR GYUR PA MI RUNG BA KHO NA'O, ,KUN DGA' BO DE KHYOD KYIS BSAL BAR BYA'O, ,DE LA 'DI SKAD KYANG BRJOD PAR BYA STE, BSOD SNYOMS GANG YONGS SU GSOL NAS DE BZHIN GSHEGS PA BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR SANGS RGYAS PA DANG, BSOD SNYOMS GANG YONGS SU GSOL NAS PHUNG PO LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS 'DAS PA'I BSOD SNYOMS DE NYID GNYIS KA YANG 'BRAS BU MNYAM PA MED PA'O ZHES SO, ,'DIS NI BYANG CHUB SEMS DPA' RNAMS DANG SANGS RGYAS RNAMS YON GNAS MCHOG TU KHYAD PAR MED PAR BSTAN TO, ,BU MO 'OD BZANG GIS THEG PA CHEN PO'I MDOR YANG, 'PHAGS PA MOD GAL GYI BU CHEN POS GSOL PA, BCOM LDAN 'DAS BDAG 'DI SEMS DANG PO BSKYED PA'I BYANG CHUB SEMS DPA' NAS BRTZAMS TE BYANG CHUB SEMS DPA' THAMS CAD LA PHYAG BGYID DO ZHES GSUNGS SO, ,SDE PA'I GZHUNG DU'ANG GSUNGS TE, JI SKAD DU, DGRA BCOM PA BRGYA PHRAG PHYED DANG BCU @84A *, ,GSUM GYIS GSOL PA, BCOM LDAN 'DAS RGYAL TSAB TU DBANG BSKUR BA DANG BYANG CHUB SEMS DPA' THAMS CAD LA PHYAG 'TSAL LO ZHES DGE 'DUN PHAL CHEN PA'I RIG PA 'DZIN PA'I SDE SNOD DU GSUNGS SO, ,BCOM LDAN 'DAS KYIS BKA' STZAL PA, GANG BYANG CHUB SEMS DPA' CHOS THAMS CAD MNYAM PA NYID SPROS PA MED PA'I TING NGE 'DZIN THOB PA DE THAMS CAD KUN DU SPYOD PA BRGYAD KHRI BZHI STONG RNAMS LA JI LTAR 'DRI BA BZHIN BDAG NYID CHOS STON TO, ,DE NAS YANG GNAS BRTAN RAB 'BYOR GYIS BCOM LDAN 'DAS LA 'DI SKAD CES GSOL TO; ,BCOM LDAN 'DAS BYANG CHUB SEMS DPA' RNAMS KYI RDZU 'PHRUL JI LTA BA DE LTA YANG NYAN THOS DANG RANG SANGS RGYAS RNAMS KYI YUL YANG MA LAGS PAS BYANG CHUB SEMS DPA' LA PHYAG 'TSAL LO ZHES SHAR GYI RI LA GNAS PA'I BYANG CHUB SEMS DPA'I SDE SNOD DU'O, ,BCOM LDAN 'DAS LA TSE DANG LDAN PA KUN DGA' BOS 'DI SKAD CES GSOL PA DANG, BCOM LDAN 'DAS BDAG 'PHAGS PA SPYAN RAS GZIGS DBANG PHYUG THUB PA CHEN PO DE LA PHYAG 'TSAL LO ZHES GANGS RIR GNAS PA RNAMS KYIS SKYES PA RABS KYI SDE SNOD DU'O, ,GNAS BRTAN PA RNAMS DANG BRTAGS PA PA DANG MANG DU THOS PA RNAMS KYIS CHO 'PHRUL CHEN PO'I MDOR YANG, DE NAS YANG TSE DANG LDAN PA SH'A RI'I BUS BCOM LDAN 'DAS LA TSIGS SU BCAD PAS MNGON PAR BSTOD DE BYANG CHUB KYI SEMS NYE BAR BLANGS NAS DE NI SHIN TU CHEN PO YIN PAS BDAG PHYAG 'TSAL LO, , BYANG CHUB KYI SEMS SU GYUR PA LA PHYAG 'TSAL LO, BSIL BAR GYUR PA LA PHYAG 'TSAL LO ZHES GSUNGS SO, ,DE NAS YANG TSE DANG LDAN PA GANG POS BCOM LDAN 'DAS LA 'DI SKAD CES GSOL PA, BYANG CHUB SEMS DPA' MGON POR GYUR PA DE LA PHYAG 'TSAL LO ZHES RGYAL BYED TSAL PA RNAMS KYIS CHO 'PHRUL CHEN PA'I MDOR RO, ,KUN GYIS BKUR BA KU RU KU LLA RUS SGROGS RIGS SU GNAS PA RNAMS KYIS, TSA DANG LDAN PA KUN DGA' BOS GSOL PA, GANG 'DI DGA' LDAN NAS SKU GZI BRJID DANG LDAN PA DANG KHA DOG DANG MDZES PAS GSHEGS PA'I BYANG CHUB SEMS @84B DPA' SH'A KYA THUB PA DE LA PHYAG 'TSAL LO ZHES GSUNGS SO, ,TSE DANG LDAN PA K'A LO D'A YIS KYANG GSOL PA, SEMS CAN KUN LA PHAN DON DU, ,GANG TSE KHYOD KYI SPYI GTZUG NI, ,GTZUG NOR DANG LDAN SNGON BYIN PA, ,DE TSE'ANG PHYAG 'OS PHYAG 'TSAL LO ,ZHES RNAM PAR PHYE STE SMRA BA RNAMS KYIS SANGS RGYAS BSHAD PAR RO, ,TSE DANG LDAN PA KUN DGA' BOS GSOL PA, GANG 'DI DGA' LDAN NAS YUM GYI LHUMS SU NYE BAR ZHUGS PA DE DANG MNGAL NA GNAS PA LA PHYAG 'TSAL LO ZHES THAMS CAD YOD PAR SMRA BA RNAMS KYIS CHOS RMAD DU BYUNG BAR GSUNGS SO, ,DE LTAR DU SDE PA BZHI RNAMS LA YANG SO SOR DAD PA'I PHYAG GI GZHUNG YOD DE MANGS PAS 'JIGS PA'I PHYIR 'DIR MA BRIS SO, ,'O NA CI GANG LA LA BYANG CHUB TU SEMS BSKYED PA DE RNAMS LA'ANG DGE SLONG RNAMS KYIS PHYAG BYA 'AM ZHE NA, DE NGES PAR SANGS RGYAS SU 'GYUR RO ZHES SHES PAR BYED PA MED DE, GANG SA LA RAB TU ZHUGS PA LUNG BSTAN PA THOB PA THOS PA DE RNAMS KHO NA LA PHYAG BYA'O, ,BYANG CHUB SEMS DPA' RNAMS KYIS NI SANGS RGYAS BCOM LDAN 'DAS RNAMS DANG BYANG CHUB SEMS DPA'I CHOS RGAN PA RNAMS LA PHYAG BYA'I GZHAN SU LA 'ANG MA YIN NO; ,'JIG RTEN GZHUG PA LAS NI SEMS CAN GDUL BA'I DON DU GNAS SKABS KYI KHYAD PAR DANG RJES SU MTHUN PAR BYA STE, JI SRED MA DANG PHA LA SOGS PA'I BAR RNAMS LA'ANG PHYAG BYA BAR BSTAN LA, DGE SLONG RNAMS LA'ANG BTZUN PA SMRA BAS BRJOD DO, ,'DIR BYANG CHUB SEMS DPA'I SROG GCOD PA LA SOGS PA SPONG BA RNAMS THA DAD PAR MA BRJOD PA NYID JI LTAR ZHE NA TSUL KHRIMS KYI PHA ROL TU PHYIN PAR RO ZHES PA THAL CHES PAS CHOG GO, ,'O NA GANG ZAG GCIG PU GANG LA JI SRID 'TSO'I BAR GYI YAN LAG GSUM PA DANG YAN LAG LNGA PA'I DGE BSNYEN GYI SDOM PA DAG DANG DE'I BYANG CHUB KYI BAR DU SKYABS SU 'GRO BA LAS GZHAN DGE BSNYEN GYI SDOM PA GSUM DU 'GYUR RO ZHE NA, 'DI LA 'CHAD PAR 'GYUR RO, ,DE LTAR BYANG CHUB KYI SPYOD PA DANG BRAL BA'ANG MTHA' YAS PA'I 'KHOR BA'I BDE BA BSKYED LA SGRUB PA DANG BCAS PA NI @85A *, ,'JIG RTEN LAS 'DAS PA'I BDE BA YANG NGO ZHES RTOGS NAS, CUNG ZAD TZAM BSAMS NAS MI STER BA LAS YI DAGS SU 'GRO LA DAM BCAS NAS MI STER BA LAS KYANG DMYAL BAR 'GRO NA 'GRO BA MA LUS PA LA BLA NA MED PA'I DON DAM BCAS NAS SGRUB PAR MI BYED BA NI LTA CI SMOS ZHES DAM PA'I CHOS DRAN PA NYE BAR GZHAG PA'I MDOR GSUNGS PAS, 'GRO BA MTHA' DAG YONGS SU BSKYAB PA'I CHED DU SNYING RJES DAM BCA' BA BYAS PA'I BYANG CHUB SEMS DPA'I SDOM PA CAN GYIS BDAG NYID DAM GZHAN RNAMS LA, GZHAN RNAMS SAM NI BDAG LA YANG, ,PHAN PA DANG NI BDE BAR BYA, ,SDUG BSNGAL YIN YANG GANG PHAN NYID, ,BDE YANG MI PHAN NYID MA YIN, ,PHAN PA NI PHYIS RNAM PAR SMIN PA BDE BA STE, NYON MONGS PA CAN MA YIN PA'I PHYIR DANG KHA NA MA THO BA MED PA'I PHYIR YANG NGO, ,BDE BA NI RJES SU 'DZIN PA'I TSOR BA'O, ,'DIS 'DI GNYIS BDAG DANG GZHAN RNAMS LA 'ANG BYA STE 'DI DAG GIS RANG DANG GZHAN GYI DON THAMS CAD YANG DAG PAR BSDUS PA'I PHYIR RO, ,SDUG BSNGAL NI NYE BAR 'JOMS PA'I TSOR BA STE, GANG 'DI'I PHAN PA PHYIS BDE BAR 'GYUR BA 'PHROD PA'I ZAS LTAR MI PHAN PA MA YIN PA'O, ,BDE YANG MI BYA BA NYID NI GANG MI PHAN PA PHYIS RNAM PAR SMIN PA SDUG BSNGAL BAR 'GYUR BA MI 'PHROD PA LTA BU STE, NYON MONGS PA CAN NYID DANG KHA NA MA THO BA DANG BCAS PA'I PHYIR PHAN PA MA YIN PA'O ZHES PA 'DI RE ZHIG 'DI'I BYA BA MDOR BSDUS PA'O, ,YANG 'DI'I LTUNG BA NI CI YIN, RNAM PA DU ZHE NA, LTUNG BA NI SHIN TU 'DA' BA'O, ,LTUNG BA'I SDE NI GNYIS KHO NA STE, PHAS PHAM PAR 'GYUR BA'I CHOS RNAM PA BZHI PO GANG LHAG PAR SPYAD PA LAS 'DI SDOM PA DANG 'BRAL ZHING BYANG CHUB SEMS DPA' MA YIN PAR 'GYUR BA DANG, LTUNG BAS YANG DAG PAR BSDUS PA'I NYES BYAS GANG GIS LTUNG BA DANG BCAS PAR 'GYUR BA'O, ,'DIR YANG LTUNG BA 'GA' ZHIG GZHAN LAS BSHAGS PAR BYA BA STE, KHA CIG RANG GIS BSDAM PAR BYA BA'O, ,LTUNG BA DE RNAMS KYANG BYANG CHUB SEMS DPA'I SDE SNOD LA SOGS PAR JI LTAR 'DA' BA @85B BZHIN RGYU DANG LDAN PAR BCAS PA'O, ,'O NA BSLAB PA KUN LAS BTUS PAR RIGS KYI BU RGYAL PO RGYAL RIGS SPYI BO NAS DBANG BSKUR BA'I RTZA BA'I LTUNG BA LNGA STE GANG GIS DE SNGAR BYAS PA'I DGE BA'I RTZA BA THAMS CAD BSKAMS PAR BYED PA PHAS PHAM PA'I DNGOS PO LHA DANG MI'I BDE BA THAMS CAD LTUNG BAR BYED PA NGAN SONG DU NGES PAR 'GRO BAR BYED PAR 'GYUR BA'O ZHES PA LA SOGS PA DANG, LAS DANG PO PA THEG PA CHEN PO LA YANG DAG PAR GNAS PA'I RIGS KYI BU DANG RIGS KYI BU MO RNAMS KYI RTZA BA'I LTUNG BA NI BRGYAD RNAMS TE, GANG GIS 'KHRUL PA RNAMS SNGAR BSKRUN PA'I DGE BA'I RTZA BA RNAMS BSKAMS PAR BYED PA PHAS PHAM PA LHA DANG MI DANG THEG PA CHEN PO'I BDE BA LAS LTUNG BAR BYED PA'I DNGOS PO NGAN SONG DU 'GRO BAR BYED PAR 'GYUR BA RNAMS SO ZHES PA LA SOGS PA DANG, THABS LA MKHAS PA'I MDOR YANG RTZA BA'I LTUNG BA GSUNGS PA GANG YANG RIGS KYI BU BYANG CHUB SEMS DPA' ZHES BYA BA LA SOGS PA RGYAS PAR GSUNGS NAS BSDUS PA NI, DKON MCHOG GSUM GYI DKOR 'PHROGS PA, ,PHAS PHAM PA YI LTUNG BAR 'DOD, ,DAM CHOS SPONG BAR BYED PA NI, ,GNYIS PA YIN PAR THUB PAS GSUNGS, ,DGE SLONG TSUL KHRIMS 'CHAL PA'I 'ANG, ,NGUR SMRIG 'PHROG DANG BRDEG PA DANG, ,BTZON RAR 'JUG PAR BYED PA DANG, ,RAB TU BYUNG BA 'BEBS PAS KYANG, ,MTSAMS MED LNGA PO BYED PA LAS, ,LOG PAR LTA BA 'DZIN PAS KYANG, ,GRANGS LA SOGS PA 'JIG PAS KYANG, , RTZA BA'I LTUNG BAR RGYAL BAS GSUNGS, ,BLO MA SPYANGS PA'I SEMS CAN LA, ,STONG PA NYID NI BRJOD PA LAS, ,SANGS RGYAS NYID LA ZHUGS PA RNAMS, ,RDZOGS PA'I BYANG CHUB LAS BZLOG LAS, ,SO SOR THAR PA SPONG BCUG STE, ,THEG PA CHE LA SBYOR BA LAS, ,SLOB MA'I THEG PA CHAGS LA SOGS, ,SPANG PHYIR MIN ZHES 'DZIN PA DANG, ,GZHAN RNAMS 'DZIN DU 'JUG LAS KYANG, ,BDAG GI YON TAN BRJOD PA DANG, ,GZHAN RNAMS SMOD PAR BYED LAS NI, ,BSNYEN DANG BKUR STI GRAGS PA'I RGYUS, ,BDAG NI ZAB MO LA BZOD @086A *, ,CES; ,BRDZUN NYID DU NI SMRA BA LAS, ,DGE SBYONG CHAD PAS GCOD 'JUG DANG, ,SKYABS GSUM PO YI STER BA DANG, ,STER BA LEN PAR BYED PA LAS, ,ZHI GNAS GTONG DU 'JUG PA DANG, ,YANG DAG 'JOG GI LONGS SPYOD RNAMS, ,KHA TON BYED LA STER LAS SO, ,BYANG CHUB SEMS NI YONGS GTONG DANG, ,CHAGS DANG SER SNA MI BZAD PAS, ,SLONG LA STER BAR MI BYED LAS, ,'BAD PAS DGA' BAR BYED PA YI, ,SEMS CAN LA NI MI BZOD PAR, ,KHROS PAS SEMS CAN LA BRDEG LAS, ,NYON MONGS PAS GZHAN RJES ZHUGS TE, ,DAM CHOS 'DRAR SNANG STON LAS SO, ,ZHES PA DANG, BYANG CHUB SEMS DPA'I SDE SNOD DU NI RTZA BA'I LTUNG BA BZHI KHO NA STE, DE LTAR YANG DE BSDUS PA'I BYANG CHUB SEMS DPA'I SDOM PA NYI SHU PAR GSUNGS PAS, NYON MONGS DRAG POS KUN BSLANG BA, , SDOM PA 'JIG PAR BYED PA GANG, ,'DI YIS LTUNG BA BZHI PO RNAMS, ,PHAM PA 'DRA BAR DGONGS PA YIN, ,RNYED DANG BKUR STI CHAGS PA YIS, ,BDAG BSTOD GZHAN LA SMOD PA DANG, ,SDUG BSNGAL CAN MGON MED RNAMS LA, ,SER SNAS CHOS NOR MI STER DANG, ,GZHAN GYIS BSHAGS PA MI LEN PAR, ,KHROS PAS GZHAN LA RDEG PA DANG, ,THEG PA CHEN PO SPONG BYED CING, ,DAM CHOS 'DRAR SNANG STON PA'O, ,ZHES GSUNGS PA DE CI LTAR 'GAL BA MA YIN ZHE NA, MA YIN TE GANG ZAG 'BRING DANG CHUNG NGU DANG CHEN PO'I BYE BRAG GIS LNGA DANG BRGYAD DANG BZHI'O ZHES LTUNG BA'I RAB TU DBYE BA BSTAN LA, GANG ZAG GCIG GI LTUNG BA GANG YIN PA DE RNAMS GZHAN DAG GI YANG NGO, ,DE NYID DU JI SKAD DU GSUNGS PA, GAL TE RGYAL RIGS LA SOGS PA BYANG CHUB SEMS DPA' YIN NA DE RNAMS KYI LTUNG BA DES SHING GZHAN RNAMS KYI LHAG PA CI LTAR YIN, CI STE DE RNAMS SDOM PA CAN MA YIN NA NI 'DI RNAMS KYI LTUNG BA RNAM PAR GZHAG PA CI LTAR YIN, CI LTAR SDOM PA CAN RNAMS KYANG NYES PA DES ZIN PAR 'GYUR ZHE NA, SKYON 'DI NI MED DE, GANG RNAMS GANG LA MANG DU 'BYUNG BA DE RNAMS DE LA BSNAN PA STE RANG GI MING GIS BZUNG NAS BSTAN PA @086B LAS 'JIGS PA BSKYED PA'I DON DU STE, THAMS CAD KYIS PHAN TSUN DU LTUNG BA THAMS CAD YONGS SU SPANG BAR BYA'O, ,RANG BZHIN GYI KHA NA MA THO BA CHEN PO GANG GIS YANG DAG PAR MA BLANGS PA RNAMS KYANG SKAL PA MED PAR 'GYUR BA DES SDOM PA CAN RNAMS CHES SHIN TU 'O ZHES SO, ,GAL TE DE LTAR NA RE RE LA LTUNG BA BCU BDUN BCU BDUN RNAMS SU THAL BAR 'GYUR RO ZHE NA DE LTA MA YIN TE, SDE SNOD DU GSUNGS PA'I BZHI PO RNAMS NYID DU GZHAN RNAMS 'DUS PA'I PHYIR RO, ,DE LTAR NI LNGA PO RNAMS KYI GNYIS PA NI THEG PA CHEN PO SPONG BAS BSDUS TE, THEG PA CHEN POR NI NYAN THOS DANG RANG SANGS RGYAS KYI THEG PA DAG KYANG STON TE DE SPANGS PA LAS DE DAG KYANG SPANGS PA'O, ,GSUM PA DANG BZHI PA DAG BRDEG PAS SO, ,LOG PAR LTA BA 'DZIN PA NI, ,DAM CHOS 'DRAR SNANG STON PA STE, ,RGYU MED PAR SMRA BA NI 'JIG RTEN PHA ROL SPONG BA STE MI DGE BA BCU YANG DAG PAR BLANGS NAS 'JUG CING SEMS CAN GZHAN RNAMS KYANG MI DGE BA BCU YANG DAG PAR 'DZIN DU 'JUG GO ZHES GSUNGS SO, ,GRONG LA SOGS PA 'JIG PA NI BRDEG PAS SO, ,BRGYAD PO RNAMS KYI DANG PO NI THEG PA CHEN PO SPANG BAS TE, BLO MA SBYANGS PA NI STONG PA NYID SPONG BAR BYED DE, JI SKAD DU GSUNGS PA, GZHAN YANG SHES PA NGAN PA'I PHYIR, ,RMONGS PA MKHAS PA'I NGA RGYAL CAN, ,'DI SPONG BDAG NYID PHUNG BYAS PA, ,'OG TU KHA PHYOGS MNAR MED 'GRO, ,ZHES SO, ,DE SPONG BA'I RGYU NYID KYIS NA STON PA POS KYANG SPONG BAR BYED PA'O, ,GNYIS PA NI; ,DAM CHOS 'DRAR SNANG STON PAS TE, PHA ROL TU PHYIN PA DRUG PO RNAMS LA SPYOD PA LAS NI NYAN THOS DANG RANG SANGS RGYAS KYI THEG PA DAM PA'I CHOS LTAR SNANG BA'O, ,GSUM PA DANG BZHI PA DANG LNGA PA DANG DRUG PA RNAMS BDAG BSTOD GZHAN LA SMOD PAS TE THEG PA CHEN PO NI BYANG CHUB SEMS DPA' RANG GI'O, ,DKON MCHOG GSUM GYI DKOR 'PHROG PA DANG NGUR SMIG 'PHROG PA DANG DGE 'DUN GYI DBYEN DANG BDUN PA NI SER SNA DANG CHAGS PA DAG GIS NOR MI STER BAS TE, DE LTAR NI SHIN TU DRAG PO'I SER SNA DANG CHAGS PA DAG NI GANG LAS PHA ROL RDZAS DE LA LONGS @087A *, ,SPYOD PA'I DON CAN YANG MI BZOD DE, TSUR 'PHROG PAR BYED, 'BYED PAR BYED, STER DU 'JUG PA DANG, BYIN PA LEN PA YANG NGO, ,ZHI GNAS GTONG DU 'JUG PA NI RTOGS PA'I CHOS LA SER SNA DRAG POS RANG YANG MI STON LA PHA ROL YANG SO SOR GTONG DU 'JUG GO; ,BSAM GTAN PA RNAMS LA SBYIN PAR BYA BA KLOG PA PA RNAMS LA STER DU 'JUG PA NI NOR LA SER SNAS TE 'GA' ZHIG NI GANG ZAG 'GA' ZHIG NYID LA SER SNAR 'GYUR BA'I PHYIR RO, ,BYANG CHUB KYI SEMS GTONG BA NI THEG PA CHEN PO SPONG BAS TE BYANG CHUB KYI SEMS NYID THEG PA CHEN PO DANG DE GTONG BA YANG SPONG BA YIN PA'I PHYIR RO, ,LTUNG BA BZHI PO 'DI RNAMS NI BDAG LA BSTOD PA DANG GZHAN LA SMOD PA ZHES PA LA SOGS PAS SO SOR GNYIS NYID DAG STE BRGYAD RNAMS SO, ,RAB TU DBYE BA 'DI NI JI LTAR RIGS PAR SNGAR BRJOD ZIN TO, ,DE'I RAB TU DBYE BA LAS MANG PO YOD DE RANG GIS RTOGS PAR BYA'O, ,GZHAN RNAMS NI, 'O NA NAM MKHA'I SNYING PO'I MDO SDER PHAS PHAM PA'I LTUNG BA GZHAN MANG PO GSUNGS PA JI LTAR ZHE NA, GSUNGS PA NI BDEN MOD, DE RNAMS SDOM PA YANG DAG PAR BLANGS PA'I SDOM PA 'JIG PA'I RGYU MA YIN NO, ,'O NA CI ZHE NA, SDOM PA YANG DAG PAR BLANGS PA MA YIN PA'I SNGAR BSKRUN PA'I DGE BA'I RTZA BA DANG LHA DANG MI'I BDE BA PHUN SUM TSOGS PA YANG DAG PAR GCOD PA'I RGYU YIN PAS MI 'GAL ZHES ZER RO, ,DE LA BYANG CHUB SEMS DPA' RNYED PA DANG BKUR STI RNAMS LA CHES LHAG PAR CHAGS PAS BDAG LA BSTOD PA DANG GZHAN LA SMOD PA PHAS PHAM PA'I LTUNG BA 'BYUNG STE, MU STEGS PA RNAMS ZIL GYIS MNAN PAR 'DOD PA DANG, BSTAN PA GNAS PAR 'DOD PA DANG THABS DES 'DUL BAR 'DOD PA DANG, MI DGE BA'I GNAS LAS BSLANG NAS DGE BA'I GNAS LA DGOD PAR 'DOD PA DANG; MA DANG PHA RNAMS DANG BA'I CHED DANG DANG BA RNAMS PHYIR ZHING 'BYUNG BAR BYA BA'I PHYIR DU LTUNG BA MED DO, ,DE LTAR YANG LTUNG BA MED PA'I RNAM PA 'DI GNYIS LA DGONGS NAS GSUNGS PA, SNYING BRTZE LDAN DANG BYAMS NYID LAS, ,SEMS DGE BA LA LTUNG BA MED, ,CES SO, , @087B SBYIN PAR BYA BA'I DNGOS PO RNAMS DANG CHOS GTAN LA PHAB PA YOD NA'ANG DON DU GNYER BA YANG DAG PAR LHAGS PA RNAMS LA SER SNA DRAG POS ZIL GYIS NON TE NOR RAM CHOS MI STER NA PHAS PHAM PA'I LTUNG BA 'BYUNG STE, LONGS SPYOD MED NAS MI STER BA DANG DGE 'DUN GYI BYA BA BYED PA LA 'JUG PAR 'DOD NAS MI STER BA DANG THABS DES 'DUL BAR 'DOD PA DANG, MI DGE BA'I GNAS LAS BSLANG NAS DGE BA'I GNAS LA GZHAG PAR 'DOD PA DANG, MI 'PHROD PA DANG RUNG BA MA YIN PA SLONG BA DANG DE RGYAL PO LA GNOD PAR GYUR NA LTUNG BA MED DO, ,MU STEGS PA GLAGS LTA BAR GYUR PA'AM MA GUS PA DANG ZHE SA MED PA DANG SPYOD LAM NGAN PAS CHOS NOD PA DANG DBANG PO RTUL POR GYUR TE CHOS RGYA CHEN POR BSTAN PAS 'DI SKRAG CING LOG PAR LTA BA DANG LOG PAR MNGON PAR ZHEN PAR 'GYUR BA DANG, BCOS MA DE LA SON PA'I CHOS GZHAN SNOD MA YIN PA RNAMS 'PHO BAR 'GYUR BA SRID PA DANG, RANG MCHOG TU NA BAR GYUR PA NUS PA MED PA DANG DE'ANG CHOS MA YIN PAS 'JUG PA DANG THABS DES 'DUL BAR 'DOD NA LTUNG BA MED DO, ,KHRO BA DRAG POS ZIL GYIS NON PAS GZHAN LA BRDEG CING SHAD KYIS SBYANGS KYANG DANG DU MI LEN LA BZOD PAR MI BYED NA, PHAS PHAM PA'I LTUNG BA 'BYUNG STE LTUNG BA MED PA NI THABS DES 'DUL BAR 'DOD NA ZHES PA LA SOGS PA SNGA MA BZHIN NO, ,LTA BA CHEN POS KUN NAS DKRIS PAS THEG PA CHEN PO LA SMOD PA DANG SPONG BAR BYED DE'I GZUGS BRNYAN GYIS CHOS STON PAR BYED NA PHAS PHAM PA'I LTUNG BA 'BYUNG NGO ZHES PA KUN NAS DKRIS PA CHEN PO LAS BYUNG BA RNAMS NYID KYIS, BYANG CHUB SEMS DPA' SDOM PA YANG DAG PAR BLANGS PA KHO NA PHAS PHAM PA CAN DU 'GYUR LA, KUN NAS DKRIS PA GZHAN LAS BYUNG BA RNAMS KYIS DE GTONG BA MA YIN NO, ,YANG SDOM PA BLANGS PA MA YIN PA DANG SDOM PA PHUL BA DE BYANG CHUB SEMS DPA' MA YIN PAS DE LA RNAM PA 'DI MED DO, ,PHUL BA NI RANG BZHIN DU GNAS PAS SDOM PA YONGS SU GTONG BA'I BSAM PAS SEMS CAN PHA ROL PO GO BA YOD PA LA BSLAB PA 'BUL LO, ,SANGS RGYAS DANG CHOS DANG @088A *, ,DGE 'DUN DANG BYANG CHUB SEMS KYANG NGO ZHES PA LA SOGS PA'I TSIG RNAMS KYIS SO, ,SEMS CAN RNAMS MED NA SANGS RGYAS DANG BYANG CHUB SEMS DPA' RNAMS MNGON DU BYAS PA LA'O ZHES KHA CIG GO, ,GANG BYANG CHUB KYI SEMS MA BTANG BA PHAS PHAM PA'I GNAS KYI CHOS LHAG PAR SPYAD PA MED PA DRAN PA NYAMS PAR GYUR PA MED PA DE NI SDOM PA YONGS SU MA BTANG ZHING NYAMS PA MED PAS DRAN PA LAS SKYE BA BRJES KYANG SDOM PA DE NYID RJES SU 'BRANG BAR RIG PAR BYA'O, ,DE NYID KYI PHYIR LA JI SRID 'TSO'I BAR DU ZHES PA'I DUS YONGS SU BCAD PAR MI BYA'O, , DRAN PA NYAMS PA NI SNGON GYI 'PHEN PA'I DBANG NGAM DGE BA'I BSHES GNYEN DANG PHRAD PA'AM BYANG CHUB SEMS DPA'I YON TAN THOS PA LAS MNGON PAR 'DOD PA YANG DAG PAR SKYE STE, YANG DAG PAR MA BLANGS BA MED PAR RANG BZHIN DU GNAS PA MED DO, ,GZHAN NI YANG DAG PAR LEN PA LA MNGON DU PHYOGS PAR 'GYUR BA'AM MIN YANG RUNG NGO, ,GANG BSLAB PA'I RGYU RNAMS BYE BRAG TU MA RTOGS PA'AM MA DRAN PA'AM PHYIN CI LOG GIS SAM MA GUS PA'AM NYON MONGS PAS ZIL GYIS MNAN PAS GANG YANG RUNG BA'I PHAS PHAM PA'I GNAS KYI CHOS LA LHAG PAR SPYAD NAS BYANG CHUB SEMS DPA'AM YIN PAR 'GYUR RO, ,DE YANG GAL TE GANG YANG YANG DAG PAR LAN PAR 'DOD NA DES MTHONG BA'I CHOS NYID LA SLAR YANG SDOM PA YANG DAG PAR BLANG BAR BYA STE, 'DI DGE SLONG GI SDOM PA LTAR DE YANG DAG PAR BLANG BA'I SKAL PA MED PA NI MA YIN NO, ,GAL TE GANG RNAMS KYIS 'DI SDOM PA 'DOR BAR BYED PA'I CHOS DE RNAMS KUN NAS DKRIS PA 'BRING LAS SKYES PAR GYUR NA DE'I TSE ZAG PA 'BRING GI NYES BYAS KYI LTUNG BA RNAMS TE GANG ZAG GSUM RNAMS KYI MDUN DU BSHAGS PAS LDANG BAR 'GYUR RO, ,JI LTA BA BZHIN DU TSE DANG LDAN PA RNAMS DGONGS SU GSOL; BDAG MING 'DI LTA BU LA LTUNG BA 'DI BYUNG BA DE BSHAGS PAR BGYI'O, ,PHYIS SDOM PAR 'TSAL LO ZHES PA GSUM DU'O, ,KUN NAS DKRIS PA CHUNG NGUS BSLANG BA RNAMS ZAG PA CHUNG NGU STE GCIG GI'ANG MDUN DU BSHAGS PAR BYA BA NYID DO, ,NYON MONGS PA CAN DANG NYON @088B MONGS PA CAN MA YIN PA RNAMS NI BSHAGS PAR BYA BA RNAMS KYANG RANG GI SEMS KYIS BSDAMS PAS KYANG LDANG BAR 'GYUR RO, ,CHOS DANG LDAN PA'I GANG ZAG MED NA NYON MONGS PA CAN DANG NYON MONGS PA CAN MA YIN PA'I CHOS BYUNG BA'I BSAM PAS SLAR MI BYED PAR SEMS BSKYED PAR BYA ZHING PHYIS KYANG BSDAM PAR BYA STE SLAR BDAG GIS 'DI LTAR MI BYA'O ZHES PA'O, ,DE LA 'DOD CHAGS DANG KUN NAS MNAR SEMS DANG PHRAG DOG DANG NGA RGYAL DANG MA DAD PA DANG MA GUS PA LA SOGS PA NYON MONGS PA CAN GYI SEMS PAS KUN NAS BSLANG BA'I LTUNG BA NI NYON MONGS PA CAN NO, ,LE LO DANG SNYOM LAS DANG BAG MED PA DANG BRJED NGAS PA LA SOGS PAS BSKYED PA NI NYON MONGS PA CAN MA YIN PA STE, DKON MCHOG GSUM MCHOD PA LAS GZHAN DU'O, ,'DIR SNYOM LAS DANG LE LO LA SOGS PA'ANG NYON MONGS PA CAN DU 'DOD DO, ,'DIR KUN NAS MNAR SEMS NI 'KHRUG PA STE KHONG KHRO DANG ZHE SDANG NGO, ,LE LO NI DGE BA LA MI SPRO BA'O, ,SNYOM LAS NI LUS DANG SEMS GUS PAR BYED MI 'DOD PA'O, ,LTUNG BA DE RNAMS DANG TSUL 'CHOS DANG KHA GSAG DANG GZHOGS SLONG DANG THOB KYIS 'JAL BA DANG RNYED PAS RNYED PA TSOL BA DANG CHANG DANG MTSON DANG DUG DANG SROG CHAGS DANG RGYA SKYEGS DANG TIL MAR LA SOGS PA 'TSONG BA DANG TIL DANG YUNGS KAR MA BRTAGS PAR 'TSIR BA STE SMAD PAS 'TSO BA'I RGYU NYID KYIS NA LOG PAR 'TSO BA'O ZHES PA LA SOGS PA MTHAR THUG PA MED PA RNAMS SPANGS PAR BSLAB BO, ,DE'I MI MTHUN PA MTHAR THUG PA MED PA RNAMS KYANG BSLANG BAR BSLAB BO, ,DE'I PHYIR BSLAB PA MTHA' YAS PA RNAMS MDO SDE LA SOGS PA RNAMS SU GSUNGS TE, BYANG CHUB SEMS DPA' RNAMS KYI SPYOD PA TSAD MED PA NYID KYI PHYIR RO, ,DE GSUNGS PA, BYANG CHUB SEMS DPA'I SPYOD PA NI, ,TSAD MED PAR NI GSUNGS PA STE, ,SEMS SBYONG BA YI SPYOD PA NI, ,NGES PAR RE ZHIG SPYAD PAR BYA, ,ZHES SO, ,'DI TZAM 'DI YANG BYANG CHUB SEMS DPA'I BSLAB PA STE 'DI LTAR SEMS YONGS SU SBYANG BA'O, ,'DI NI SEMS CAN GYI DON THAMS CAD KYI RTZA BA YIN PA'I PHYIR RO, ,DE SKAD DU YANG, @89A *, ,DKON MCHOG SPRIN DU GSUNGS PA, CHOS THAMS CAD NI SEMS SNGON DU 'GRO BA STE SEMS YONGS SU SHES NA YONGS SU SHES PA NYID DU 'GYUR RO, ,'JIG RTEN SEMS KYIS KHRID PA STE, ,SEMS KYIS SEMS NI MI MTHONG NGO, ,DGE BA'AM 'ON TE MI DGE BA'I; ,LAS NI SEMS KYIS SOGS PA'O, ,ZHES SO, ,BYANG CHUB SEMS DPA'I LTUNG BA MED PA NI GANG CUNG ZAD BYA BA GSUNGS PA STE SGRUB PA'I SGO NAS SAM DGAG PA'I SGO NAS DE LAS MI 'DA' BA'O ZHES PA 'DI NI DRANG PO LTUNG BA MED PA'I RNAM PA'O, ,LTUNG BA NI 'DA' BA'I RANG BZHIN NYID KYI PHYIR RO, ,DE LTA MOD KYI SNYING RJE DANG LDAN PA 'DA' BA NI LTUNG BA MED PA'O ZHES PA STE NGA RGYAS PAR TSUL KHRIMS KYI PHA ROL TU PHYIN PAR BSHAD PAR BYA'O, ,DE LTAR BYANG CHUB SEMS DPA'I SDOM PA YANG DAG PAR LEN PA'I CHO GA SPYOD PA CUNG ZAD DANG BCAS PA BRJOD ZIN TO, ,BLA NA MED PA RDO RJE SMES DPA'I SDOM PA YANG DAG PAR LEN PA'I CHO GA DANG SPYOD PA NI KHO BOS MAN NGAG GI SNYE MA DANG 'JIGS PA MED PA'I GZHING 'GREL DU GSAL BAR BRJOD DO, ,'O NA GANG GI TSE GANG ZAG GCIG 'GA' ZHIG NYID JI SRID 'TSO BA PA'I YAN LAG GSUM DANG YAN LAG LNGA PA DANG BYANG CHUB KYI BAR DU DKON MCHOG GSUM LA SKYABS SU 'GRO BA LAS YAN LAG GSUM PA STE, DGE BSNYEN GYI SDOM PA GSUM DANG, DGE TSUL GYI SDOM PA DANG, DGE SLONG GI SDOM PA DANG, BYANG CHUB SEMS DPA'I SDOM PA DANG, RDO RJE SEMS DPA'I SDOM PA RIM PAS YANG DAG PAR LEN PA DE'I TSE, CI 'DI ME DANG PHRAD PA NA GRANG BA LTAR SDOM PA PHYI MA DANG PHRAD PA NA SDOM PA SNGA MA LDOG GAM, YANG NA SPONG BA 'PHEL BA DANG LDAN PA LAS PHYI MA SNGA MA DANG LHAN CIG GYUR NAS DE'I MING THOB STE JI LTAR BSLAB PA'I GZHI LNGA DANG LHAN CIG 'DRES PAR 'GYUR TE GSUM KHO NA BRGYAD NYID DU 'GYUR BA DANG GNYIS PO'ANG BRGYAD DANG LHAN CIG BCU YIN NAM, YANG NA DE RNAMS GZHAN NYID SKYE ZHING THA DAD NYID DU GNAS PA RTEN GCIG LA RNAM PA SNA TSOGS PA'I RGYAN LTAR YIN ZHE NA BRJOD PAR BYA'O, ,DE LA PHYOGS DANG PO MA YIN TE, SDOM PA NYAMS PA'I RGYU MTSAN MA YIN PA'I PHYIR DANG 'GAL BA @89B MED PA'I PHYIR TE GRANG BA'I KHYAD PAR GZHAN SKYES PA NA GRANG BA SNGA MA MI LDOG STE 'GAL BA MED PA'I PHYIR RO, ,BSAGS PA 'DI KHO NA LA THA SNYAD 'JUG PA 'BA' ZHIG STE SNGA MA MA YIN LA GNYIS PA MA YIN NO, ,SDOM PA GONG MA GONG MA MTHA' DAG NYID SO SOR YANG DAG PAR BLANGS PA LAS SKYE BA DANG GNAS PA'I PHYIR RO, ,GAL TE DE LTA NA DE'I TSE SROG GCOD PA LA SOGS PA SPONG BA MANG PO RNAMS LA KHYAD PAR RAM NYE BAR MKHO BA CI YOD CE NA, SROG GCOD PA LA SOGS PA SPONG BA NYID KYIS NA KHYAD PAR CUNG ZAD KYANG MED DE RIGS MTSUNGS PA'I PHYIR RIGS MTHUN PA'I GSER GYI RGYAN DU MA BZHIN NO; ,'O NA CI LTAR THA DAD CE NA, RANG GI MTSAN NYID DANG DANG PO'I RGYU THA DAD PA LAS TE, PHYI ROL GYI LHAN CIG BYED PA'I KHYAD PAR DANG NANG GI LHAG PA'I BSAM PA PHUL DU BYUNG BA BSAGS PA DANG SEMS PA'I KHYAD PAR LAS GONG MA'I SPONG BA RNAMS SKYES PA'I PHYIR BZO BO MKHAS PAS BYAS PA'I RIGS MTSUNGS PA'I RGYAN BZHIN NO, ,DE LTA NA SDOM PA SO SO GZHAN YANG DAG PAR LEN PA NA SKYABS SU 'GRO BA RNAMS SO SOR BYA STE, 'DI RNAMS SDOM PA GZHAN YANG DAG PAR LEN PA'I SGOR GYUR PA'I PHYIR RO ZHE NA BYA STE DGAG PA BYED PA SU'ANG MED DO, ,GZHAN NI SKYABS SU KHAS LEN PA TZAM DON DU GNYER BA YIN PA NYID KYI PHYIR DE'ANG BYANG CHUB KYI BAR NYID DU KHYAD PAR MED NA LEN CIG KHAS BLANGS PAS GRUB PA'I PHYIR NA SDOM PA YANG DAG PAR LEN PA RNAMS LA 'JUG PA'I DANG POR GYUR PA DANG DE'I TSE KHAS BLANGS PA LA KHYAD PAR MED PA'I PHYIR 'DI TZAM NYID KYIS SDOM PA SO SO YANG DAG PAR LEN PA'I SGO'I DNGOS POR GRUB PA'I PHYIR SLAR YANG SKYABS SU 'GRO BA NI CI YANG MA YIN NO, ,SKYABS SU 'GRO BA DE NYID NI DON GYIS SO SO BZHIN DU THA SNYAD DU BYA LA, GANG GIS SDOM PA PHYI MA YONGS SU GTANG BA NA'ANG SDOM PA SNGA MA MI LDOG STE SKYABS SU 'GRO BA YOD PA'I PHYIR DANG SDOM PA RNAMS THA DAD PA'I PHYIR RO, ,GZHAN DU NA SDOM PA PHYI MA GTANG BA NYID LAS SDOM PA THAMS CAD GTANG BAR 'GYUR RO ZHES PA STE 'DI NI SPONG BA MANG PO RNAMS KYI NYE BAR MKHO BA'O, ,DE LTAR BRJOD PA'I RIM PAS BYANG CHUB SEMS DPA' @90A *, ,BYANG CHUB SEMS BSKYED PA LDOG PA'I TSUL KHRIMS KYI RANG BZHIN SDOM PA'I TSUL KHRIMS LA BRTAN POR BYAS NAS 'JUG PA'I TSUL KHRIMS DGE BA'I CHOS SDUD KYI TSUL KHRIMS DANG SEMS CAN DON BYED KYI TSUL KHRIMS DANG THOS PA DANG BSAM PA LA SOGS PA DANG SBYIN PA LA SOGS PA'I PHA ROL TU PHYIN PA RNAMS YANG DAG PAR SGRUB PA LA'ANG TSOGS GNYIS BSAGS PA'I CHED DU STOBS JI LTA BAS TSOGS KYI SAR MI DMIGS PAR GOMS PAR BYA'O, ,DE LA DGE BA NI NGO BO NYID DANG 'BREL BA DANG RJES SU 'BREL PA DANG SLONG BA DANG SKYE BAS THOB PA DANG NOR DAM PA DANG; SBYOR BA DANG PHAN 'DOGS PA DANG YONGS SU 'DZIN PA DANG MDUN DU BYED PA DANG GNYEN PO DANG NYE BAR ZHI BA DANG RGYU MTHUN PA LAS SO, ,DE LA NGO BO NYID LAS NI DAD PA DANG, BRTZON 'GRUS DANG DRAN PA DANG TING NGE 'DZIN DANG SHES RAB DANG NGO TSA DANG KHREL YOD PA DANG 'DOD CHAGS MED PA DANG ZHE SDANG MED PA DANG DGU STE, GTI MUG MED PA NI SHES RAB NYID KYI PHYIR LA, BAG YOD DANG SHIN TU SBYANGS PA DANG BTANG SNYOMS DANG RNAM PAR 'TSE BA SE SEMS LAS BYUNG BA'I CHOS RNAMS SO, ,BTANG SNYOMS NI SEMS LHUN GYIS GRUB PA NYID DO, ,'BREL PA LAS DE DANG MTSUNGS PAR LDAN PA RNAMS SO; ,RJES SU 'BREL PA LAS DE RNAMS NYID KYI BAG CHAGS GANG YIN PA'O, ,SLONG BA LA DES KUN NAS BSLANG BA'I LUS DANG NGAG GI LAS SO, ,SKYE BAS THOB PA LAS NI DGE BA'I CHOS 'DI RNAMS NYID SNGON GOMS PAR BYAS PA LA BRTEN NAS DE'I NGO BO RNAM PAR SMIN PAR 'GRUB STE GANG GIS DE RNAMS KHO NA LA SO SOR MA BRTAGS PAR 'DOD PA KUN DU GNAS PA'O, ,DON DAM PA LAS DE BZHIN NYID DO, ,SBYOR BA LAS NI SKYES BU DAM PA LA BRTEN NAS DAM PA'I CHOS NYAN PA DANG TSUL BZHIN YID LA BYED PA DANG CHOS DANG RJES SU MTHUN PA'I CHOS SGRUB PA'O, ,PHAN 'DOGS PA LAS NI BSDU BA'I DNGOS PO BZHI RNAMS KYIS SEMS CAN RJES SU 'DZIN PA'I DGE BA GANG YIN PA'O, ,YONGS SU 'DZIN PA LAS NI SBYIN PA LAS BYUNG BA'I BSOD NAMS BYA BA'I DNGOS POS SAM TSUL KHRIMS LAS BYUNG BAS SAM, BSGOMS PA LAS BYUNG BA'I PHYUG PO DANG RIGS MTHON POR SKYE BA YONGS SU @90B 'DZIN PA'AM, MTHO RIS SU SKYE BA YONGS SU 'DZIN PA'AM RNAM PAR BYANG BA'I RJES SU MTHUN PA YONGS SU 'DZIN PA'O, ,MDUN DU BYED PA NI DE BZHIN GSHEGS PA'AM MCHOD RTEN NAM SKU GZUGS MDUN DU BYAS PA'AM CHOS SAM CHOS KYI GZHI GANG ZAG GAM GLEGS BAM MDUN DU BYAS TE MCHOD PA BYED PA LAS SO, ,GNYEN PO LAS NI GANG RNAM PAR SUN 'BYIN PA GNYEN PO DANG RNAM PAR GNON PA GNYEN PO DANG THAG BSRING BA GNYEN PO DANG NYON MONGS PA'I SGRIB PA'I GNYEN PO DANG SHES BYA'I SGRIB PA'I GNYEN PO'O, ,NYE BAR ZHI BA LAS NI GANG DE LA BRTEN NAS CHAGS PA SPONG BA'O, , RGYU MTHUN PA LAS NI DE'I DBANG GIS 'JIG RTEN DANG 'JIG RTEN LAS 'DAS PA'I THUN MONG DANG THUN MONG MA YIN PAR SHES PA LA SOGS PA'O, ,'DIR SBYIN PA LAS BYUNG BA'I BSOD NAMS BYA BA'I DNGOS POS SAM ZHES PA LA SOGS PA GSUNGS PA DE LA, RGYU LA MA YAt STE, SBYIN PA'I RGYU CAN SBYIN PA LAS BYUNG BA DANG DE BZHIN DU TSUL KHRIMS DANG BSGOM PA'I RGYU CAN KHRIMS LAS BYUNG BA DANG BSGOM PA LAS BYUNG BA STE, ZAS LAS BYUNG BA SROG CHAGS RNAMS RTZVA LAS BYUNG BA BA LANG RNAMS ZHES PA LA BU'O, ,YANG NA RANG BZHIN LA MA YAt STE, SBYIN PA'I RANG GI NGO BO'I BSOD NAMS NI SBYIN PA'I RANG BZHIN DANG DE BZHIN DU TSUL KHRIMS KYI RANG BZHIN DANG BSGOM PA'I RANG BZHIN TE, 'JIM PA'I RANG BZHIN GYI SNOD CES PA LTA BU'O, ,BSOD NAMS ZHES PA'I DON CI ZHE NA, YANG DANG YANG DGE LEGS KYI CHED DU 'GYUR PA'I BSOD NAMS SO, , YANG NA SKYES BU DAG TU 'JUG PAR BYED DAG PAR BYED PA'I PHYIR BSOD NAMS SO, ,DE YANG LUS LA SOGS PA DANG YANG DAG PAR LDAN PA'I DGE BA'O, ,SBYIN PA 'DI CI ZHE NA, GANG GIS STER BAR BYED PA DE SBYIN PA'O, ,'GRAN PA DANG GRAGS PA 'DOD PA DANG 'JIGS PA DANG RE BA DANG BSTEN PA'I DON DU GANG STER BA DE NI SBYIN PA MA YIN NO, ,'O NA CI ZHE NA MCHOD PA DANG PHAN GDAGS PA'I DON DU STE YONGS SU MYA NGAN LAS 'DAS PA LA SOGS PA RNAMS LA MCHOD PA'I BSAM PAS STER BA DANG DE LAS GZHAN PA RNAMS LA NI DBANG PO'I 'BYUNG BA CHEN PO LA PHAN GDAGS @91A *, ,PAR BYA 'DOD PAS TE GANG GI DON DU STER BAR BSHAD DO, ,YANG CIS STER BAR BYED CE NA SEMS LA SOGS PA TSOGS PAS KUN NAS BSLANG BA'I LUS DANG NGAG GI LAS KYI STE 'DI NI SBYIN PA'I MTSAN NYID DO, ,DE SKAD DU GSUNGS PA, GANG TSE SKYES BU RANG NYID RDZAS, , DGE BA'I YID KYIS SBYIN BYED PA, ,SKAD CIG DE LA DGE BA YI, ,PHUNG PO SBYIN PA ZHES BRJOD BYA, ,ZHES SO, ,GTZO BO LAS NI SEMS NYID SBYIN PA STE, ,GANG GSUNGS PA, RANG GI RDZAS NYID YONGS SU BTANG NAS GZHAN GYI RDZAS SU BYED PA'I SEMS NI SBYIN PA'O ZHES SO, ,SBYIN PA LAS BYUNG BA'I BSOD NAMS KYI 'BRAS BU CI ZHE NA, SEMS CAN THAMS CAD MYA NGAN LAS 'DA' BAR BSNGOS PAS THAR PA'I 'BRAS BU DANG 'BRAS BUS LONGS SPYOD CHEN PO'O, ,'BRAS BU LONGS SPYOD CHEN PO NYID NI RGYA CHE BA DANG GYA NOM PA RGYUN MI 'CHAD PA'I 'BRAS BU CAN NYID KYI PHYIR RO, ,DE NYID KYI PHYIR DON DANG MTHUN PA'I MING STE, STER BA PO DANG LEN PA PO DAG GI DBUL BA'I GDUNG BA SEL BAR BYED PA'I PHYIR SBYIN PA'O, ,KHYAD PAR MED PAR SBYIN PA'I 'BRAS BU LONGS SPYOD CHEN PO YIN LA DE'I KHYAD PAR YANG RGYU BRGYAD RNAMS KYIS TE ZHING LAS DANG DNGOS PO DANG YID LA BYED PA DANG BSAM PA DANG; DE LAS GZHAN YONGS SU 'DZIN PA DANG RTEN DANG MANG DU BYED PA DANG SKYE BO MANG PO LAS KYANG NGO, ,DE LA ZHING NI 'GRO BA DANG SDUG BSNGAL DANG PHAN GDAGS PA NYID DANG YON TAN RNAMS KYI KHYAD PAR DU 'PHAGS PA'O, ,'GRO BA'I KHYAD PAR BCOM LDAN 'DAS KYIS JI SKAD DU GSUNGS PA, DUD 'GRO'I SKYES GNAS SU SONG BA LA SBYIN PA BYIN NAS RNAM PAR SMIN PA BRGYA 'GYUR DU RE BAR BYA'O, ,TSUL KHRIMS 'CHAL PA MIR GYUR PA STONG 'GYUR DU'O ZHES SO, ,SDUG BSNGAL GYI KHYAD PAR NI DPER NA 'GA' ZHIG GIS DKON MCHOG GSUM GYI CHED DU'AM, PHYOGS BZHI'I DGE SLONG GI DGE 'DUN GYI CHED DU SKYED MOS TSAL BYED PA DANG SKYED MOS TSAL DER YANG GTZUG LAG KHANG BZHENGS PA DANG, GTZUG LAG KHANG DER MAL CHA DANG STAN DBUL BA DANG, DE BZHIN DU STON MO NGES PA 'CHA' BA DANG, DE BZHIN DU DER 'ONGS PA DANG 'GRO BA RNAMS LA STER BA DANG, DE BZHIN DU NAD PA DANG NAD G-YOG @91B PA RNAMS LA STER BA DANG, DE BZHIN DU GRANG BA DANG YUL 'KHRIGS PA DANG RLUNG DANG CHAR GYIS NYEN PA RNAMS SU ZAN NAM SKYO MA'AM THUG PA DANG BTUNG BA RNAMS MNGON PAR BSGRUBS NAS DGE 'DUN LA PHUL BA 'DIS 'PHAGS PA RNAMS LUS MA BRLAN PA DANG, CHOS GOS MA BNGAS ? PAR YONGS SU GSOL NAS BDE BA LA REG PAR GYUR CIG CES PA'O, ,DE RNAMS KYANG GZHI DES DON NYUNG BA BYA BA NYUNG BAR THOS PA LA SBYOR BAR BYED BSAM PA DANG BSGOM PA RNAMS LA YANG STE, RDZAS LAS BYUNG BA'I BSOD NAMS BYA BA'I DNGOS PO BDUN PO 'DI RNAMS DANG YANG DAG PAR LDAN PA'I RIGS KYI BU'AM RIGS KYI BU MO NI RGYU YANG RUNG 'DUG KYANG RUNG GNYID KYANG RUNG MI GNYID KYANG RUNG RTAG PAR RGYUN DU BSOD NAMS MNGON PAR 'PHEL BA KHO NA'O ZHES PA LTA BU'O, ,SBYIN PA BYIN NAS ZHES PA DANG SBYIN PAR BYA ZHES PAS SBYIN PA DANG SBYIN BYA RIG PAR BYA'O, ,'DIR NI RKYEN GYI KHYAD PAR LAS SDUG BSNGAL GYI KHYAD PAR TE LEN PA PO'I SDUG BSNGAL GYI KHYAD PAR 'JOMS PA LAS STER BA PO'I 'BRAS BU KHYAD PAR DU 'GYUR RO, ,'DI NI RDZAS LAS BYUNG BA LAS DPER BRJOD PA STE KHA CIG TU YON TAN LDAN PA'I ZHING LAS KYANG DPER BRJOD LA, DE BZHIN DU SEMS KYI KHYAD PAR LAS DPER BRJOD DE 'DIR YANG SNGON MA'O, , PHAN 'DOGS PA NYID KYI KHYAD PAR LAS NI JI LTAR MA DANG PHA DAG PHAN 'DOGS PA GZHAN RNAMS LA YANG NGO, ,YON TAN GYI KHYAD PAR LAS NI TSUL KHRIMS DANG LDAN PA LA BYIN PA NI RNAM PAR SMIN PA 'BUM 'GYUR RO ZHES PA LA SOGS PA LTA BU STE, GAL TE YON TAN DANG LDAN PA'I YON GNAS ZHING DU 'GYUR BA DE LA SBYIN PA 'BRAS BU CHEN POR 'GYUR RO, ,YON TAN DANG LDAN PA'I ZHING DE'ANG SANGS RGYAS DANG CHOS DANG DGE 'DUN RNAMS SAM, GANG ZAG KHYAD PAR CAN NO, ,ZHING MNYAM PO LA GNYIS DAG GI SU'I STOBS DANG LDAN PA'I LAS SU RIG PAR BYA ZHE NA, DNGOS PO LAS TE GANG NI NOR BU DANG DNGUL DANG GSER LA SOGS PA'I DNGOS PO GYA NOM PA DANG MANG BAR GYUR PA DE'I DNGOS PO'I KHYAD PAR YONGS SU 'DZIN PA LAS STOBS DANG LDAN PA'I LAS BYUNG STE CIG SHOS KYIS MA YIN NO, ,DNGOS PO'I KHYAD PAR LAS 'BRAS BU'I KHYAD PAR NI JI LTAR KHA DOG PHUN SUM TSOGS PA BYIN @92A *, ,NA GZUGS BA ZANG BAR 'GYUR BA DANG DRI PHUN SUM TSOGS PA BYIN NA DRI LTAR GRAGS PA PHYOGS RNAMS SU RGYAS PA'I PHYIR GRAGS PA DANG LDAN PA DANG, RO PHUN SUM TSOGS PA BYIN NA RO ZHIM PO LTAR DGA' BAR 'GYUR BA DANG REG BYA PHUN SUM TSOGS PA BYIN NA SHIN TU GZHON SHA CAN DU 'GYUR ZHING BUD MED RIN PO CHE'I JI LTA BA BZHIN YAN LAG RNAMS SU DUS SU REG NA BDE BAR 'GYUR BA LTA BU'O, ,DNGOS PO DANG ZHING MNYAM PO LA GNYIS PO DAG GIS SU'I LAS STOBS DANG LDAN ZHE NA, YID LA BYED PA LAS TE RNYED GANG DANG BA DRAG PO DANG BCAS PA'I YID LA BYED PAS STER BA DE'I 'O, ,DAD PAS SBYIN PA BYIN PA LAS YO BYAD THAMS CAD PHUN SUM TSOGS PA'O, ,GUS PAR BYIN PA LAS BKUR STI DANG RNYED PA PHUN SUM TSOGS PA'O, ,RANG GI LAG GIS BYIN PA LAS RNYED PA RGYA CHEN PO RNAMS LA MOS PA PHUN SUM TSOGS PA'O, ,DUS SU BYIN PA LAS LONGS SPYOD PHUN SUM TSOGS PA DUS SU THOB PA'O, ,GNOD PA MED PAR BYIN PA LAS LONGS SPYOD BAR CHAD MED PAR RNYED PA PHUN SUM TSOGS PA'O, ,GNYIS DAG GI 'DI RNAMS MNYAM PA LA YANG SU'I LAS STOBS DANG LDAN ZHE NA, BSAM PA LAS TE GANG MYA NGAN LAS 'DA' PA'I BSAM PA DANG SEMS CAN THAMS CAD LA YONGS SU BSNGO BA BYAS NAS RAB TU STER BA DE'I BSAM PA YONGS SU 'DZIN PA LAS STOBS DANG LDAN PA'I LAS SU RIG PAR BYA LA, CIG SHOS KYIS MA YIN TE, GANG MTHO RIS KYI RGYU MTSAN DU'AM LONGS SPYOD KYI RGYU MTSAN DU RAB TU STER BA NI 'BRAS BU'I RGYU MTSAN DU STER BAS TSONG BZHIN DU SMAD PA STE, LEN PA'I BSAM PA'I PHYIR RO ZHES GSUNGS SO, ,'O NA 'DI YANG MYA NGAN LAS 'DAS PA'I BSAM PAS RAB TU STER LA, 'DI YANG SEMS CAN THAMS CAD LA YONGS SU BSNGO BA BYAS NAS TE, SNGAR BRJOD PA'I RNAM PA RNAMS MNYAM PA GNYIS DAG GIS SU'I LAS STOBS DANG LDAN PAR RIG PAR BYA ZHE NA, DE LAS GZHAN YONGS SU 'DZIN PA LAS DE GZHAN PA STE, SBYIN PA LAS GZHAN NI TSUL KHRIMS YIN LA, GANG GI SBYIN PA DE TSUL KHRIMS KYIS YONGS SU GZUNG BAR 'GYUR BA DE'I 'O, ,'O NA GZHAN GYI 'ANG SBYIN PA TSUL @92B KHRIMS KYIS YONGS SU BZUNG ZHING 'DI'I YANG SBYIN PA TSUL KHRIMS KYIS YONGS SU BA ZUNG BA 'DI DAG KYANG DE MA THAG TU BRJOD PA RNAM PA RNAMS MNYAM NA GNYIS DAG GI SU'I LAS STOBS DANG LDAN ZHE NA, RTEN LAS TE GAL TE BSOD NAMS RNAMS BYED PA PO 'JIG RTEN PA'I LAM GYIS 'DOD CHAGS DANG BRAL BAR GYUR BA DE'I BSGOM PA LAS BYUNG BA'I DGE BA YONGS SU BSGOS PA NYID KYI PHYIR RTEN LAS STOBS DANG LDAN PA'I PHUN SUM TSOGS PA'O, ,'O NA GNYIS KA DAG KYANG 'DOD PA'I KHAMS LAS 'DOD CHAGS DANG BRAL LA DE MA THAG TU BRJOD PA'I RNAM PA RNAMS KYANG MNYAM NA SU'I LAS STOBS DANG LDAN ZHE NA, MANG DU BYED PA LAS TE GAL TE YANG DAG YANG DU GOMS PAR GYUR PA'AM YANG DANG YANG DU RJES SU RNAM PAR BRTAG PA DE'I 'O, ,CIG SHOS KYIS MA YIN TE LAN CIG KUN DU SPYOD PA'I PHYIR RO, ,'O NA GNYIS DAG GI ZHING DANG DNGOS PO DANG YID LA BYED PA DANG BSAM PA DANG DE LAS GZHAN DU YONGS SU 'DZIN PA DANG RTEN DANG MANG DU BYED PA RNAMS MNYAM NA SU'I LAS STOBS DANG LDAN ZHE NA, SKYE BO MANG PO LAS TE GANG GIS RANG GIS KYANG BYAS LA GZHAN RNAMS KYANG BYED DU BCUG PA DE'I STE RGYUD DU MA LA BSOD NAMS BSKYED PA'I PHYIR, ,STOBS DANG LDAN PA'I LAS SU RIG PAR BYA'O ZHES PA NI SBYIN PA'I KHYAD PAR TE, SBYIN PA LAS BYUNG BA'I BSOD NAMS BRJOD ZIN TO, ,DE NAS TSUL KHRIMS LAS BYUNG BA BRJOD PAR BYA STE RANG BZHIN DANG BCAS PA'I KHA NA MA THO BA LAS LDOG PA NI TSUL KHRIMS SU BRJOD DO, ,DE'I 'BRAS BU MTHO RIS THOB LA BRGYA BYIN NYID DANG TSANGS PA NYID LA SOGS PA BDAG GI DNGOS PO PHUN SUM TSOGS PA STE 'GRUB PAR BYED PA'I RGYU NYID KYI PHYIR RO, ,SBYIN PA 'ANG MTHO RIS KYI CHED DU PHUN SUM TSOGS PAR BYED DE GTZO BO NI TSUL KHRIMS SO, ,TSUL KHRIMS KYANG LONGS SPYOD CHEN PO'I CHED DU STE GTZO BO STE SBYIN PA'O, ,TSUL KHRIMS KYANG THOB BYED KYI RGYU NYID LAS BRAL BA'I CHED DU STE GTZO BO NI SGOM PA'O, ,CI LTAR TSUL KHRIMS KYI 'BRAS BU BYANG GROL YIN ZHE NA, TSUL KHRIMS DANG LDAN PAS SMON LAM 'GRUB STE, DE'ANG TSUL KHRIMS RNAM PAR DAG PA NYID LAS SO ZHES GSUNGS PA'I PHYIR RO, ,YANG @93A *, ,PAR DAG PA NI THAR PA THOB PAR BYED PA'I TSOGS KYI TSUL KHRIMS SO, ,'DI LTA STE RNAM PAR RTOG PAS NYE BAR 'JOMS PA'I GNYEN POR DBANG PO'I SGO BZUNG BA'O, ,RTEN LAS SU MI RUNG BAS NYE BAR 'JOMS PA'I GNYEN POR ZAS KYI TSOD SHES PA'O, ,TSOD 'DZIN PA NI DMA' BA DANG LHAG PA'I ZAS YONGS SU SPONG BA'I DON TO, ,CHUNG BA'I ZAS KYIS RTEN NYAM CHUNG BA NYID KYIS MNGON PAR MI SPRO BA'O, ,ZAS HA CANG CHES NA GNYID LA SOGS PA SKYON LNGA KUN DU SPYOD PA LAS RTEN LAS SU MI RUNG BA NYID DO, ,DE LTAR GNYIS KAS RTEN LAS SU MI RUNG BA NYID DE DE MED NA DGE BA'I PHYOGS DANG MTHUN PA'O, ,MI BRTZON PAS NYE BAR 'JOMS PA'I GNYEN POR NAM GYI CHA STOD DANG NAM GYI CHA SMAD LA MI GNYID PAR RNAL 'BYOR LA RJES SU SBYOR BA'O, ,'GYOD PAS NYE BAR 'JOMS PA'I GNYEN POR SHES BZHIN LA GNAS PA NYID CES PA'O, ,BSGOM PA LAS BYUNG BA YANG MNYAM PAR GZHAG PA'I DGE BA STE GANG MNYAM PAR GZHAG PA'I RANG BZHIN DANG DE DANG LHAN CIG GYUR PA'I BSOD NAMS DE BSGOM PA ZHES BRJOD DO, ,CI'I PHYIR ZHE NA SEMS LA BSGO BA'I PHYIR TE DE LTAR NI MNYAM PAR GZHAG PA'I DGE BAS ME TOG RNAMS KYIS TIL LTAR YON TAN RNAMS KYI SEMS LA RTAG TU SHIN TU BSGO BAR BYED CING DE'I RANG BZHIN DU BYED PA'I PHYIR RO, ,BSGOM PA LAS BYUNG BA YANG MDOR BSDU NA 'JIG RTEN PA DANG 'JIG RTEN LAS 'DAS PA'I LAM MO, ,DE LA 'JIG RTEN PA'I LAM NI BSAM GTAN RNAMS DANG GZUGS MED PA RNAMS SO, ,DE RNAMS DANG 'DI RNAMS KUN NAS NYON MONGS PA DANG RNAM PAR BYANG BA DANG RNAM PAR GZHAG PA DANG RNAM PAR DAG PA RNAMS KYIS RIG PAR BYA'O, ,KUN NAS NYON MONGS PAS JI LTA BU ZHE NA LUNG DU MA BSTAN PA'I RTZA BA BZHI STE, SRED PA DANG LTA BA DANG NGA RGYAL DANG MA RIG PA'O, ,SRED PAS NI BDE BA'I RO MYONG BAS KUN NAS NYON MONGS TE SHIN TU SBYONG BA'I BDE BA LA RO MYONG BA'I PHYIR RO, ,LTA BAS NI LTA BA SHAS CHE BA'I BSAM GTAN NYID KYIS KUN NAS NYON MONGS TE BSAM GTAN LA BRTEN NAS SNGON GYI MTHAR RTOG PA LA SOGS PA'I LTA BA KUN NAS SLONG BA'I PHYIR RO, ,NGA RGYAL GYIS @93B NGA RGYAL SHAS CHE BA'I BSAM GTAN PA NYID KYIS KUN NAS NYON MONGS TE DE'I KHYAD PAR RTOGS PAS KHENGS PAR 'GYUR BA'I PHYIR RO, ,MA RIG PA NI THE TSOM SHAS CHE BA'I BSAM GTAN PA NYID KYIS KUN NAS NYON MONGS PA STE DE KHO NA NYID MA RTOGS PA THAR PA 'DOD PA KHYAD PAR TE RTOGS PA LA THAR PA'AM THAR PA MIN PA ZHES THE TSOM SKYE BA'I PHYIR RO, ,RNAM PAR BYANG BAS CI LTA BU ZHE NA, DAG PA'I BSAM GTAN LA SOGS PA 'JIG RTEN PA RNAMS KYANG DGE BA'I PHYIR KUN NAS DKRIS PA'I DRI MA DANG BRAL BAS RNAM PAR BYANG BA ZHES BRJOD DO, ,RNAM PAR GZHAG PA JI LTA BU ZHE NA BSAM GTAN DANG PO YAN LAG LNGA PA ZHES PA LA SOGS PA RNAM PAR GZHAG PAS SO, ,RNAM PAR DAG PAS CI LTA BU ZHE NA, RAB KYI MTHA' YAS PA'I BSAM GTAN DANG PO NAS 'DU SHES MED 'DU SHES MED MIN SKYE MCHED KYI BAR RNAM PAR DAG PA ZHES PA'O, ,'JIG RTEN LAS 'DAS PA'I LAM NI MTHONG BA'I LAM DANG BSGOM PA'I LAM MO, ,LAM GNYIS DANG MTSUNGS PAR LDAN PA'I TING NGE 'DZIN YANG STE BSAM GTAN DANG PO NAS CI YANG MED PA'I SKYE MCHED KYI BAR RO, ,'DU SHES MED 'DU SHES MED MIN GYI SKYE MCHED NI 'JIG RTEN NYID DE, YONGS SU GSAL BA'I 'DU SHES RAB TU RGYU BA MED PA NYID KYI PHYIR RO, ,DE NYID KYI PHYIR BCOM LDAN 'DAS KYIS GSUNGS PA, JI SRID DU 'DU SHES KYI SNYOMS PAR 'JUG PA DE SRID DU KUN SHES PA RTOGS SO ZHES SO, ,'O NA BSOD NAMS BYA BA'I DNGOS PO ZHES PA'I DON CI ZHE NA GSUM PA 'DI NI JI LTAR RIGS PAR BSOD NAMS KYANG YIN DNGOS PO'ANG YIN PAS BSOD NAMS BYA BA'I DNGOS PO STE, RE ZHIG SBYIN PA LAS BYUNG BA'I BSOD NAMS BYA BA'I DNGOS PO LA LUS NGAG GI LAS NI 'DI RNAM PA GSUM CHAR DU 'GYUR TE BSOD NAMS KYANG YIN BYA BA'ANG YIN BSOD NAMS BYA BA'I DNGOS PO'ANG YIN ZHES PA'O, ,DE KUN NAS SLONG BAR BYED PA'I SEMS PA NI BSOD NAMS KYANG YIN BYA BA'ANG YIN NO, ,DE DANG LHAN CIG 'BYUNG BA'I CHOS RNAMS NI BSOD NAMS KHO NA'O, ,LUS NGAG GI LAS NI KHO NA DNGOS PO'O, ,TSUL KHRIMS LAS BYUNG BA NI LUS NGAG GI LAS KHO NA YIN PAS RNAM PA GSUM DU 'GYUR RO, ,BSGOM PA LAS @94A *, ,BYUNG BA LA BYAMS PA DANG SNYING RJE DAG NI BSOD NAMS KYANG YIN LA BYA BA'I DNGOS PO'ANG STE, BYAMS PA DANG SNYING RJE'I SGO NAS DE DANG MTSUNGS PAR LDAN PA'I SEMS PA MNGON PAR 'DU BYED PA'I PHYIR RO, ,YANG NA BSOD NAMS BYED PA NI BSOD NAMS BYA BA STE BSOD NAMS LA SBYOR BA'O, ,'DI RNAMS NI DE'I DNGOS PO STE 'DI RNAMS SGRUB PA'I DON DU BSOD NAMS LA RAB TU SBYOR BA RTZOM PA'I PHYIR RO ZHES PA'O, ,DE LTAR DGE BA LA SOGS PA RAM PAR GZHAG PA 'DI NI PHAL CHER GANG ZAG GZHAN DANG THUN MONG DU BSTAN PA'O, ,BYANG CHUB SEMS DPA' RNAMS KYI NI KHYAD PAR DU'ANG RGYAS PAR BYA'O, ,DE LA SBYIN PA NI ZANG ZING DANG MI 'JIGS PA DANG CHOS KYI DBYE BA LAS RAM PA GSUM MO, ,DE LA ZANG ZING GI SBYIN PA NI BDAG NYID KYI BAR DU YONGS SU GTONG BA'O, ,CHANG DANG DUG DANG MTSON LA SOGS PA RUNG BA MA YIN PA'I DNGOS PO STER BA NI BKAG PA'O, ,GANG DRAG SHUL CAN GYIS ZHUS PAR GSUNGS PA, GAL TE 'DI RNAMS LA CHANG GI LTUNG BA STER NA, DE RNAMS DRAN PA DANG SHES BZHIN YANG DAG PAR 'DZIN DU GZHUG GO ZHES PA NI DER CHANG SBYIN PA'ANG DGAG PA BYAS NA BYANG CHUB SEMS DPA' LA KHONG KHRO BA SHIN TU LCI BA DANG SEMS CAN YANG DAG PAR BSDU BA NYAMS PA STE DE LAS GZHAN RAB TU DANG BA'I THABS MI SRID NA CHANG SBYIN PAR BYA'O ZHES PA DGONGS PA'O, ,MI 'JIGS PA'I SBYIN PA NI TSUL KHRIMS DANG BZOD PA'I PHA ROL TU PHYIN PA DAG STE, GNOD PA MA SKYES PA DANG SKYES PA LA PHA ROL RNAMS GDUNG BA MI BYED PA'I PHYIR RO, ,CHOS KYI SBYIN PA NI BRTZON 'GRUS DANG, BSAM GTAN DANG, SHES RAB KYI PHA ROL TU PHYIN PA RNAMS TE, MI SKYO BAR BSAM GTAN RNAMS BSKYED NAS PHA ROL PO RNAMS KYI BSAM PA SHES TE SHES RAB KYIS YANG DAG PA'I DON JI LTA BA STON PA'I PHYIR RO, ,DE LTAR NI LAN CIG LA CHOS THAMS CAD RANG BZHIN MED PAR RTOGS PA'I NUS PA MED PA LA DANG POR BDAG LA SOGS PA BSAL BAS PHYI ROL GYI DON LA BKOD NAS DE'I RJES SU KHAMS GSUM PA SEMS TZAM DU RTOGS PA LA SBYAR BA BYAS TE, DE'I RJES SU YANG DAG PA'I DON LA BYA BA RNAMS RUNG BA DANG MI RUNG BA @94B YANG DAG PA DANG YANG DAG PA MA YIN PA'I BYE BRAG GIS KUN RDZOB GNYIS PO MA BRTAGS NA GCIG TU NYAMS DGA' BA RANG GI RGYU SNGA MA SNGA MA LA RAG LAS PAR BSTAN NAS YANG DAG PA'I KUN RDZAB LA GNAS TE JI LTAR MTHONG BA LTAR SGYUR MA'I SKYES BU LTA BUS SBYIN PA LA SOGS PA LA SPYAD PAR BYA'O, ,DON DAM PAR SKYE BA MED PA GZHAN GYIS BSTAN BYA MA YIN PA STONG PA NYID DANG SNYING RJE DBYER MED PA DON DAM PA'I BYANG CHUB KYI SEMS BSGOM PAR BYA'O ZHES PA 'DI LTA BU'I RIM PAS SHES RAB KYI PHA ROL TU PHYIN PA LA 'JUG PAR BYED DO ZHES KHYAD PAR DANG BCAS PA 'CHAD PAR 'GYUR RO, ,DE'I PHYIR PA ROL TU PHYIN PA DRUG KYANG SBYIN PA'O ZHES BRJOD PAR BYA'O, ,GANG 'PHAGS PA THOGS MED KYIS GSUNGS PA, PHAR PHYIN DRUG KYANG SBYIN PA YI, ,ZANG ZING MI 'JIGS CHOS LAS TE, ,GCIG DANG GNYIS DANG GSUM GYIS NI, ,BSGRUB BYA DE LA GNAS MI BYA, ,ZHES SO, ,TSUL KHRIMS RNAM PA GSUM NI BRJOD ZIN ZHING 'CHAD PAR 'GYUR RO, ,BZOD PA NI CHOS LA NGES PAR SEMS PA DANG SDUG BSNGAL DANG DU LEN PA DANG PHA ROL GNOD PA BYED PA LA JI SNYAM PA'I BDAG NYID DE RNAM PA GSUM MO, ,BRTZON 'GRUS KYANG GO CHA DANG DGE BA DANG SEMS CAN GYI DON LA SBYOR BA'I DBYE BA LAS DE LTAR NYID DO, ,BSAM GTAN NI YON TAN DANG SEMS CAN GYI DON DANG NYON MONGS PA'I GNYEN PO DANG BDE BA MNGON PAR SGRUB PA STE SNGA MA BZHIN NO, ,YON TAN NI MNGON PAR SHES PA DANG 'PHAGS PA DANG LHA DANG TSANGS PA'I GNAS LA SOGS PA RNAMS SO, ,JI SKAD DU GSUNGS PA, CHOS THAMS CAD NI TING NGE 'DZIN GYI SGO CAN ZHES SO, ,'PHAGS PA'I GNAS PA NI NYON MONGS PA LAS RNAM PAR GROL BA'I MTSAN NYID CAN TE DES RANG DBANG NYID DO, ,LHA'I GNAS PA NI BSAM GTAN LA SOGS PA LA GNAS PA STE DES SEMS DBANG DU GYUR PA NYID DO, ,BDE BA NI BSAM GTAN GYI 'BRAS BU GNOD PA MED PA DANG BDE BA NYE BAR SKYE PA'I PHYIR RO, ,SHES RAB NI KUN RDZOB DANG DON DAM PA'I BDEN PA DANG SEMS CAN GYI DON MTHA' DAG LA DMIGS PA'I DBYE BA LAS RAM PA GSUM MO, ,BYANG CHUB KYI SEMS LA BRTEN PA NYID LAS RTEN DAM PA NYID DO, ,DNGOS PO MTHA' @95A *, ,DAG LA KUN DU SPYOD PA LAS DNGOS PO DAM PA NYID DANG, SEMS CAN THAMS CAD LA PHAN PA DANG BDE BA'I DBANG DU BYAS PA NYID LAS CHED DU BYA BA DAM PA NYID DANG RNAM PAR MI RTOG PA'I YE SHES KYIS YONGS SU BZUNG BA LAS THABS LA MKHAS PA DAM PA NYID DANG BLA NA MED PA YANG DAG PAR RDZOGS PA'I BYANG CHUB TU YONGS SU BSNGOS PA NYID LAS YONGS SU BSNGO BA DAM PA NYID DANG, NYON MONGS PA DANG SHES BYA'I SGRIB PAS BSGRIBS PA MED PA YANG DAG PAR 'GRUB PA LAS RNAM PAR DAG PA DAM PA NYID DE SBYIN PA LA SOGS PA PHA ROL TU PHYIN PA SO SO RNAMS KYI MTSAN NYID DO ZHES 'PHAGS PA THOGS MED DO, ,DE LTAR BYANG CHUB SEMS DPA' SBYIN PAS LONGS SPYOD LA MNGON PAR DGA' BA MED DE LTOS PA MED PA'I PHYIR RO, ,SBYIN PA PO 'DI SPYOD LA LTA BA DANG BRAL YANG SBYIN PAS LONGS SPYOD MCHOG TU MANG PO DANG BZANG PO NYE BAR GNAS PAR BYED CING 'DI NI CHOS NYID YIN TE SEMS RGYA CHE BA NYID KYI PHYIR RO, ,JI SKAD DU GSUNGS PA, BDAG GI LUS KYANG JI LTAR 'DOD PAR LONGS, ,'DI LA GZHAN GYI BLOR YANG MA BYED CIG ,GANG PHYIR 'DI KUN MKHYEN RNAMS RANG NYID KYI'O, ,BDAG LA 'DIR BDAG MNGON RLOM CI YANG MED, ,CAS PA DE LTAR BYANG CHUB SEMS DPA' GTONG BA CHEN PO LA RAB TU 'JUG GO, ,DE PHYIR THAMS CAD NAS NI SKYON KUN BTANG BYAS NAS, ,BYANG CHUB DON GNYER THAMS CAD TSE NA KUN STER 'GYUR, 'JIG RTEN BSKYAB LA GCIG TU PAD MIN SEMS GAL, ,BYA BAS SKYE LAS SPUNGS MED 'DI 'ANG GA LA NYID; ,CES SO, ,RGYAL PO'I RIN PO CHE'I PHRENG PAR JI SKAD DU GSUNGS PA, GOM PA BDUN PA'I DUS SU YANG, ,BDOG PA KUN GTONG SEMS 'CHANG BA'I, ,BYANG CHUB SEMS DPA' MKHA' LTA BUR, ,DPAG MED BSOD NAMS CHU BO BSKYED, ,CES SO, ,TSUL KHRIMS NI YANG DAG PAR BLANGS PAS BSLAB PA RNAMS LA SHIN DU GUS PA NYID DO, ,BZOD PA DANG BRTZON 'GRUS KYI RIM PA BZHIN SEMS CAN DANG SEMS CAN MA YIN PAS BYAS PA'I SDUG BSNGAL DANG DGE BA LA SBYOR BA GNYIS LA MI SKYO BA'O, ,BSAM GTAN DANG SHES RAB DAG GIS RNAM PAR MI RTOG PA'I RNAL @95B 'BYOR ZHI GNAS DANG LHAG MTHONG YANG DAG PAR BSDUS SO, ,'DI TZAM YANG THEG PA CHEN PO MTHA' DAG GO, ,DE LAS PHA ROL TU PHYIN PA DANG PO GSUM NI LHAG PA TSUL KHRIMS KYI BSLAB PA'O, ,BSAM GTAN LHAG PA'I SEMS SO, ,SHES RAB KYI PHA ROL TU PHYIN PA LHAG PA'I SHES RAB BO; ,BRTZON 'GRUS NA BSLAB PA GSUM RNAMS SU YANG STE BRTZON 'GRUS THAMS CAD KYI GROGS YIN PA NYID KYI PHYIR RO, ,RGYU GSUM GYIS SBYIN PA LA SOGS PA DE RNAMS KYI GO RIMS BSTAN TO, ,SNGA MA LA BRTEN NAS PHYI MA SKYE BA'I PHYIR TE GANG GI PHYIR LONGS SPYOD LA LTOS PA MED PA NI TSUL KHRIMS YANG DAG PAR LEN NO, ,TSUL KHRIMS DANG LDAN PA NI BZOD DO, ,BZOD PA DANG LDAN PA NI BRTZON 'GRUS RTZOM MO, ,BRTZON 'GRUS BRTZAMS PA NI TING NGE 'DZIN SKYED PAR BYED DO, ,SEMS MNYAM PAR GZHAG PA NI YANG DAG PA JI LTA BA BZHIN DU SHES PAR BYED DO, ,SNGA MA DMAN PA NYID KYI PHYIR DANG PHYI MA MCHOG NYID KYI PHYIR YANG STE SBYIN PA DMAN LA TSUL KHRIMS MCHOG NAS BSAM GTAN DMAN LA SHES RAB MCHOG GI BAR GYI PHYIR RO, ,SNGON MA RAGS LA PHYI MA PHRA BA NYID KYI PHYIR YANG STE, SBYIN PA NI RAGS TE 'JUG SLA BA'I PHYIR DANG BYA BLA BA'I PHYIR LA TSUL KHRIMS NI PHRA BA STE BZLOG PA'I PHYIR RO, ,DE BZHIN DU SHES RAB KYI BAR DU'O, ,'DI RNAMS KYANG RIM PA BZHIN, CHOS SBYIN TSUL KHRIMS RNAM DAG DANG, ,MI SKYE BA LA BZOD NYID DANG, ,THEG PA CHE LA BRTZON 'GRUS RTZOM, ,MTHA' LA SNYING RJE LDAN GNAS DANG, ,SHES RAB PHA ROL PHYIN ZHES PA; ,BLO LDAN RNAMS KYI GTZO BOR 'DOD, ,MTHA' NI BSAM GTAN BZHI PA'O, ,DE LTAR YANG BCOM LDAN 'DAS MA RDO RJE GCOD PAR GSUNGS PA, RAB 'BYOR GANG GA'I KLUNG GI BYE MA JI SNYED PA DE SNYED KYI GANG GA'I KLUNG RNAMS SU GYUR LA, GANG GA'I KLUNG DE RNAMS KYI BYE MA JI SNYED PA DE SNYED KYI 'JIG RTEN GYI KHAMS RNAMS SKYES PA'AM BUD MED LA LA ZHIG KHO NAS RIN PO CHE SNA BDUN GYIS YONGS SU GANG BAR BYAS TE DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS LA PHUL LA, GANG YANG THEG PA CHEN PO'I CHOS KYI RNAM GRANGS 'DI LAS THA NA @96A *, ,TSIG BZHI PA'I TSIGS SU BCAD PA TZAM YANG BZUNG NAS GZHAN RNAMS LA STON PAR BYED NA 'DI NYID DE BAS CHES BSOD NAMS MANG DU 'PHEL LA TSAD MED CING GRANGS MED DO, ,GZHAN YANG GANG DU 'DI LAS TSIG BZHI PA'I TSIGS SU BCAD PA TZAM YANG STON PA'I SA PHYOGS DE LHA DANG MI DANG, LHA MA YIN DU BCAS PA'I 'JIG RTEN MCHOD RTEN DU GYUR PA YIN NA GZUNG BA LA SOGS PA RNAMS LA LTA CI SMOS SO ZHES SO, ,DPER BRJOD PA GZHAN YANG MDO JI BZHIN NO, ,GRANGS DRUG CES RNAM PAR GZHAG PA NI MI 'PHAGS PA'I RGYU LONGS SPYOD DANG KHYIM LA ZHEN PA'I GNYEN POR GO RIMS BZHIN DU SBYIN PA DANG TSUL KHRIMS KYI PHA ROL TU PHYIN PA DANG, LDOG PA'I RGYU 'KHOR BA'I SEMS CAN GYI LOG SGRUB LAS SKYES PA'I SDUG BSNGAL DANG DUS RING POR DKAR PO'I PHYOGS LA RAB TU SBYOR BAS YONGS SU SKYO BA'I GNYEN POR GRANGS JI LTA BAR BZOD PA DANG BRTZON 'GRUS KYI PHA ROL TU PHYIN PA DANG MNYAM PA'I RGYU RNAM PAR G-YENG BA DANG SHES RAB 'CHAL PA'I GNYEN POR DE BZHIN DU BSAM GTAN DANG SHES RAB KYI PHA ROL TU PHYIN PA DAG GO ZHES PA DE LTAR MI MTHUN PA'I PHYOGS DANG GNYEN PO'I PHYOGS RNAM PAR GZHAG PA LAS SO,, PHA ROL TU PHYIN PA GZHAN GYI MI MTHUN PA'I PHYOGS RTZA BA DANG BCAS PA SPONG BA SHES RAB KYI PHA ROL TU PHYIN PA KHO NA STE, SHES RAB NI DE BZHIN NYID KYI YUL CAN NYID KYIS THAMS CAD DU GNYEN PO NYID YIN PA'I PHYIR RO, ,SBYIN PA LA SOGS PA RNAMS 'KHOR GSUM MI DMIGS PA MED PA NI SER SNA LA SOGS PA BSKYED PA'I RGYU RTOG PA SEL BAR NUS PA MA YIN NO, ,DE NYID KYI PHYIR SHES RAB KYI MTHU NYID KYIS YONGS SU BSNGO BA'I KHYAD PAR RNAMS KYIS PHA ROL TU 'GRO BA LA SBYAR BA GNAS SU BCUG PA NYID KYI PHYIR SBYIN PA LA SOGS PA RNAMS PHA ROL TU PHYIN PAR BSTAN PA THOB KYIS CIG SHOS LTAR NA MA YIN NO, ,SBYIN PA LA SOGS PA RNAMS GSUM DU DMIGS PA YOD NA NI 'JIG RTEN PA'I PHA ROL TU PHYIN PA RNAMS ZHES NYE BAR BSTAN TO, ,DE BZHIN DU RNAM PAR MI G-YENG BA'I RGYU PHA ROL TU PHYIN PA BZHI RNAMS KYIS RNAM PAR MI G-YENG BA'I PHA ROL TU PHYIN PA GCIG @96B 'GRUB LA, RNAM PAR MI G-YENG BA GANG LA BRTEN NAS CHOS KYI DE KHO NA NYID JI LTA BA RTOGS PA LAS SANGS RGYAS KYI CHOS RNAMS YANG DAG PAR 'BYUNG NGO ZHES DE LTAR SANGS RGYAS KYI CHOS THAMS CAD 'BYUNG BA'I GZHI'I GNAS KYI PHYIR GRANGS RNAM PAR GZHAG GO, ,DE BZHIN DU SBYIN PA DANG TSUL KHRIMS KYI PHA ROL TU PHYIN PA DAG GI PHA ROL GYI 'BRAS BU GONG DU BRJOD LA BZOD PA'I PHA ROL TU PHYIN PA NI PHYOGS CHEN PO DANG 'KHOR CHEN PO NYID DO, ,BRTZON 'GRUS KYI PHA ROL TU PHYIN PA'I LONGS SPYOD LA SOGS PA MI CHOD PA NYID DO, ,BSAM GTAN GYI PHA ROL TU PHYIN PA'I GNOD PA MED PA'I LUS SKYE BA STE 'BRAS BU GZHAN YANG GSUNGS SO, ,SHES RAB KYI PHA ROL TU PHYIN PA'I DBANG PO RNO BA NYID DANG BDE BA DANG YID BDE BA MANG PO NYID DO, ,SKYE BO'I TSOGS CHEN PO DBANG DU 'GYUR BA YANG NGO, ,MTHONG BA'I CHOS KYIS NI 'DI RNAMS THAMS CAD KYI GZHI RAB TU DANG BA DANG MTHONG BA'I CHOS LA MYA NGAN LAS 'DA' BA'O ZHES 'BRAS BU LAS RNAM PAR GZHAG GO, ,DE BZHIN DU SBYIN PA'I PHA ROL TU PHYIN PAS SEMS CAN RJES SU 'DZIN PA'I PHYIR DANG, TSUL KHRIMS KYI PHA ROL TU PHYIN PAS GNOD PA MI BYED PA'I PHYIR DANG, BZOD PA'I PHA ROL TU PHYIN PAS GNOD PA BZOD PA'I PHYIR DANG, BRTZON 'GRUS KYI PHA ROL TU PHYIN PAS BYA BA MCHOG TU 'GRUB PAR BYED PA'I SEMS CAN RNAMS YONGS SU SMIN PAR RUNG BAR BYAS NAS SEMS RNAM PAR G-YENG BA RNAMS MNYAM PAR GZHAG PA'I CHED DU BSAM GTAN GYI PHA ROL TU PHYIN PA DANG, SEMS MNYAM PAR GZHAG PA RNAMS RNAM PAR GROL BA'I CHED DU SHES RAB KYI PHA ROL TU PHYIN PAS 'DOMS PA'I PHYIR YONGS SU SMIN PAR BYED PAS DE LTAR SEMS CAN YONGS SU SMIN PA DANG RJES SU MTHUN PA'I PHYIR YANG GRANGS RNAM PAR GZHAG GO, ,SNYING RNGES GDUNGS PAR GYUR PAS THABS SU GYUR PA SBYIN PA LA SOGS PA PHA ROL TU PHYIN PA DRUG RNAMS KYIS RJES SU BZUNG NAS SBYIN PA'I PHA ROL TU PHYIN PAS DE'I TSE NYID BDE BA NYE BAR SDUD PA DANG, TSUL KHRIMS KYI PHA ROL TU PHYIN PAS PHYI MAR BDE BA NYE BAR SDUD PA DANG, SRAN TSUGS PA DANG SPRO BA DANG SEMS RTZE GCIG PA'I MTHA' GCIG TU 'BRAS BU THOB PA NYE BAR BLANGS NAS BZOD PA DANG, BRTZON 'GRUS @97A *, ,DANG BSAM GTAN GYI PHA ROL TU PHYIN PA RNAMS KYIS MTHA' GCIG TU BDE BA NYE BAR SDUD PA DANG, SHES RAB KYI PHA ROL TU PHYIN PAS GTAN DU BDE BA NYE BAR SDUD PAS BDAG NYID PHA ROL TU PHYIN PA DRUG LA GNAS PA DANG LDAN PAS DE LA YANG DAG PAR LEN DU 'JUG PA DANG, 'DZUD PA DANG RAB TU DGOD PA RNAMS KYIS TSOGS GNYIS YONGS SU RDZOGS PAR BYED DO, ,DE LA SBYIN PA DANG TSUL KHRIMS DANG BZOD PA STE PHA ROL TU PHYIN PA GSUM DANG, BRTZON 'GRUS DANG BSAM GTAN GYI PHA ROL TU PHYIN PA DAG GI CHA SHAS NI BSOD NAMS KYI TSOGS TE GZUGS KYI SKU'I RGYU'O, , YE SHES KYI TSOGS NI SHES RAB KYI PHA ROL TU PHYIN PA DANG, BRTZON 'GRUS DANG BSAM GTAN GYI PHA ROL TU PHYIN PA'I CHA SHAS TE CHOS KYI SKU'I RGYU'O, ,MDOR BSDUN SNYING RJES LAS THAMS CAD SEMS CAN GYI DON NYID LAS BSOD NAMS KYI TSOGS SO, ,SHES RAB KYIS BYANG CHUB KYI DON NYID KYI PHYIR YE SHES KYI TSOGS SO, ,SBYIN PA LA SOGS PA'I PHA ROL TU PHYIN PA 'DI RNAMS RE RE LA SPYOD PAS KYANG, PHA ROL TU PHYIN PA DRUG NYID SGOM PA YONGS SU RDZOGS PA SGRUB PAR BYED DO ZHES PA DE LTAR KHONG DU CHUD PAR BYA'O, ,DE LTAR YANG STONG PHRAG NYI SHU LNGA PAR GSUNGS PA, RAB 'BYOR 'DI LA BYANG CHUB SEMS DPA' SBYIN PA SBYIN ZHING SEMS CAN RNAMS LA BYAMS PA'I LUS DANG NGAG DANG YID KYI LAS NYE BAR GNAS PAR 'GYUR TE 'DI LTA BU NI TSUL KHRIMS KYI PHA ROL TU PHYIN PA'O, ,DE NYID KYI LEN PA PO RNAMS GSHE BA DANG SMOD PA LA SOGS PA BZOD PAS BZOD PA'I PHA ROL TU PHYIN PA'O, DE NYID KYI SLONG BA PO KHRO BA DANG MTSANG 'BRU BA LA SOGS PA RNAMS KYIS SBYIN PA LA SPRO BA YONGS SU MI 'DOR BA LAS BRTZON 'GRUS KYI PHA ROL TU PHYIN PA'O, ,DE NYID KYI SBYIN PA DE RNAM PA THAMS CAD MKHYEN PA NYID DU YONGS SU BSNGO BAS NYAN THOS DANG RANG SANGS RGYAS KYI SA'I RNAM PAR G-YENG BA'I SEMS MED PAS BSAM GTAN GYI PHA ROL TU PHYIN PA'O, ,DE NYID KYI SGYU MA'I BLOS NYE BAR GNAS PAS SBYIN PA BYIN PA LAS SU LA YANG PHAN 'DOGS PA DANG GNOD PA MI MTHONG BA LAS SHES RAB KYI PHA ROL TU PHYIN PA'O ZHES SO, ,'PHAGS PA BLO GROS RGYA MTSO'I MDOR YANG GSUNGS PA, BLO GROS RGYA MTSO 'DI LTAR CHOS @97B BGRANG BA LA ZHUGS PA'I BYANG CHUB SEMS DPA' SEMS CAN THAMS CAD KYIS GDUNGS PA BZOD DO, ,DE BZHIN DU SBYAR TE GANG LUS YONGS SU 'DOR BA DANG LUS YONGS SU GTONG BA DANG LUS LA LTOS PA MED PA 'DI NI 'DI'I SBYIN PA'I PHA ROL TU PHYIN PA'O, ,GANG LUS GCOD PA NA SEMS CAN THAMS CAD LA BYAMS PAS KHYAB PAR BYED PA DANG TSOR BA RNAMS KYIS MI 'PHROGS PA 'DI NI 'DI'I TSUL KHRIMS KYI PHA ROL TU PHYIN PA'O, ,GANG 'DI'I LUS GCOD PAR BYED PA DE RNAMS NYID KYI THAR PA'I DON DU BZOD PAR BYED CING SEMS KYIS RMA MI 'BYIN PA 'DI NI 'DI'I BZOD PA'I PHA ROL TU PHYIN PA'O, ,BRTZON 'GRUS GANG GIS THAMS CAD MKHYEN PA NYID LA 'DUN PA DE MI GTONG ZHING SEMS KYIS STOBS BSKYED PA'ANG RAB TU 'DZIN LA 'KHOR BA'I RJES SU 'BREL PAR BYED DGE BA'I RTZA BA BRTZAMS PA NYID KYANG RTZOM PA 'DI NI 'DI'I BRTZON 'GRUS KYI PHA ROL TU PHYIN PA'O, ,GANG LUS 'THOR BA NA THAMS CAD MKHYEN PA NYID DU SEMS BSKYED PA RIN PO CHE MI GTONG ZHING BYANG CHUB NYID LA LTA BAR BYED ZHI BA RAB TU ZHI BA NYID DU SO SOR RTOG PA 'DI NI BSAM GTAN GYI PHA ROL TU PHYIN PA'O, ,GANG LUS GCOD PA NA LUS SGYU MA'I CHOS NYID DU 'JUG PA 'DI NI 'DI'I SHES RAB KYI PHA ROL TU PHYIN PA'O ZHES SO, ,'DI BZHIN DU TSUL KHRIMS BSRUNG BA DANG, SHES RAB BSGOM PA JI SRID PA SO SOR PHA ROL TU PHYIN PA DRUG YONGS SU RDZOGS PAS YANG DAG PAR BSDUS PAR RIG PAR BYA'O, ,'DI NYID KYANG RNAM PA THAMS CAD MKHYEN PA NYID LA GO CHA'I SGRUB PA STE RTZE MO'I MNGON PAR RTOGS PAR SKAD CIG GCIG PA MTHONG BA'I LAM MO, ,DE LA RDZAS SU PHA ROL TU PHYIN PA DRUG PO MING GIS BCUR 'GYUR TE SHES RAB KYI PHA ROL TU PHYIN PA KHO NA KHYAD PAR GYI RNAM PAR ZHUGS PA RNAMS THABS DANG SMON LAM DANG STOBS DANG YE SHES KYI PHA ROL TU PHYIN PAR MNGON PAR BRJOD PAR SHES PAR BYA'O, ,DE LTAR NI PHA ROL TU PHYIN PA DRUG GES BSAGS PA'I DGE BA'I RTZA BA BLA NA MED PA YANG DAG PAR RDZOGS PA'I BYANG CHUB TU YANG DAG PAR YONGS SU BSNGO BA THABS KYI PHA ROL TU PHYIN PA STE THABS DES DE MI ZAD PAR BYED PA'I PHYIR RO, ,SMON LAM GYI PHA ROL TU PHYIN PA NI SMON LAM CHEN PO BCU LA SOGS PA GRANGS MED PA STE, @98A *, ,GANG GIS SKYE BA SO SOR PHA ROL TU PHYIN PA DRUG LA SPYOD PA'O, ,STOBS KYI PHA ROL TU PHYIN PA NI SGOM PA'I STOBS DANG SO SOR RTOG PA'I STOBS TE, GANG GIS NYI MA SO SO 'AM SKAD CIG SO SOR DE RNAMS LA SPYOD PA'O, ,YE SHES KYI PHA ROL TU PHYIN PA NI THEG PA CHEN PO DGONGS PA JI LTA BA DANG SGRA JI LTA BAR YONGS SU SHES PA'O, ,SENG GE BZANG PO YE SHES KYI PHA ROL TU PHYIN PA RNAM PAR MI RTOG PA MA YIN ZHES BRJOD PA NI SHIN TU BAB CHOL TE, SHES RAB KYI PHA ROL TU PHYIN PA'I BDAG NYID BCU BZHI PA LA SOGS PA SEMS BSKYED PA BDUN GYI NGO BO NI YE SHES KYI PHA ROL TU PHYIN PA STE, RNAM PAR RTOG PA NI BYANG CHUB SEMS DPA' RNAMS KYI NYON MONGS PA KHO NA YIN PAS DER THAMS CAD DU RNAM PAR RTOG PA RNAMS KUN DU SPYOD PA CUNG ZAD KYANG MI SRID LA, MTHAR BAG CHAGS KYANG MA LUS PAR NUB PA NYID KYI PHYIR RO, ,DE'I PHYIR 'JIG RTEN LAS 'DAS PA'I YE SHES KYI RJES LA THOB PA DAG PA NI 'JIG RTEN PA'I RNAM PAR RTOG PA'I SHES PA GA LA YIN, DAG PA NYID KYANG CI ZHE NA GZUNG BA DANG 'DZIN PAR MNGON PAR ZHEN PA MED PA YIN LA, RNAM PAR RTOG PA NI DE LTA MA YI NA TE 'DI NI RANG NYID MA RIG PA'I NGO BO NYID DU GYUR PA DANG GANG LAS RANG GI RNAM PA LA PHYI ROL GYI NGO BOR SGRO BTAGS NAS 'JUG PA YIN NO, ,SGRO 'DOGS PA MA YIN NA'ANG CI LTAR 'DI RNAM PAR RTAG PA YIN ZHES SHING RTA CHEN PO RNAMS KYIS NGES PAR DPYAD DO, ,GAL TE RNAM PAR MI RTOG PA LA RANG BZHIN PA'I BYA BA DANG 'BRAS BU LA RNAM PAR RTOG PA MED PA'I PHYIR RO; ,DE TSE BYA BA LA 'JUG PA MED DE DE NI RNAM PAR RTOG PA DANG 'BREL BA NYID KYI PHYIR RO ZHE NA, SKYON MED DE SHING GI RANG BZHIN GYI SKYES PA DANG BUD MED KYI 'KHRUL 'KHOR BZHIN DU YOD PA TZAM LAS DER RAB TU 'JUG PA'I PHYIR RO, ,DER NI 'KHRUL 'KHOR MKHAN GYI RNAM PAR RTOG PA RGYU YIN LA 'DIR NI DE LTA MA YIN ZHES PAR YANG DOGS PA MI BYA STE, DER YANG SNGON GYI SMON LAM GYIS 'PHEN PA YOD PA NYID KYI PHYIR RO, ,RNAM PAR RTOG PA NI RANG YOD PA TZAM LAS THA DAD PA'I BYA BA GZHAN MED PA KHO NA YIN LA DE CIG SHOS LA YANG KHYAD PAR MED DO, ,RNAM PAR RTOG PA'I SHES PA RGYU NUB PA @98B GOMS PA DANG LDAN PA RNAMS RANG NYID KLOG PA LA SOGS PA'I BYA BA LA 'JUG PA YANG MTHONG NGO ZHES SO, ,RNAM PAR RTOG PA MED PA LA SPYOD PA 'DI'I PHAN YON YANG GSUNGS PA, GAL TE 'JIG RTEN GYI KHAMS THAMS CAD NA GNAS PA'I SEMS CAN RNAMS BDUD DU GYUR LA BDUD RE RES KYANG BA SPU'I BU GA RE RE NAS BYUNG BA'I BDUD KYI LUS TSAD DE SNYED MNGON PAR SPRUL MOD, ,DE LTA NA YANG RNAM PAR RTOG PA MED PA SPYOD PA'I BYANG CHUB SEMS DPA' LA BAR CHAD BYA BAR MI NUS SO ZHES SO, ,'PHAGS PA SA BCU PAR YANG KHAMS GSUM PA'I BDUD THAMS CAD KYI STOBS RAB TU 'JOMS PAR BYED PA'I STOBS STONG PA NYID KYI DON GYI RDO RJE CHEN POS 'JOMS PAR BYED PA RNAMS 'DUL LO ZHES PA DANG STONG PA NYID KYI RDO RJES KYANG DE RNAMS RAB TU GZHOL BAR BYA'O ZHES GSUNGS SO, ,BDUD DANG MU STEGS BYED LA SOGS PA'I STOBS STONG PA NYID KYIS SNANG BA MED PAR BYED PA NI RAB TU 'DZEMS PA'O, ,RIGS PA DRUG CU PAR YANG, JI SRID YID NI RNAM G-YO BA, ,DE SRID BDUD KYI SPYOD YUL YIN, ,ZHES SO, ,BDUD KYID ? RNAM PA BZHI'O, ,DE LA PHUNG PO'I BDUD NI RTEN GYI BDUD DE GANG LAS DE RNAMS SU 'CHI BA'O, ,NYON MONGS PA'I BDUD NI BYED PA'I BDUD DE GANG GI PHYIR DE RNAMS KYIS 'CHI BA'O, ,'CHI BDAG GI BDUD NI RANG BZHIN GYI BDUD DE DNGOS PO LA GHA NYA'O, ,LHA'I BU'I BDUD DE BDUD RNAM PA GSUM RAB TU SPONG BA LA SBYOR BA RNAMS KYI BAR DU GCOD PAR BYED PA'I PHYIR RO ZHES SO, ,DE LA SBYIN PA'I MTSAN NYID BRJOD ZIN TE RNAM PA GSUM YANG NGO, TSUL KHRIMS NI BDAG DANG GZHAN LA PHAN 'DOGS PAR RAB TU 'JUG PA'I PHYIR NA 'GYOD PA MED CING RAB TU DGA' BA'I SBYOR BAS NYON MONGS PA DANG DU MI LAS SDIG PA MI 'JUG PAS SAM SEMS LA 'GYOD PA'I MI NYE BAR ZHI BAS SEMS BSIL BAR BYED PA'O, ,YANG NA BDE BA'I RGYU NYID KYIS DAM PA RNAMS KYIS BSTEN PAR BYA BA NYID KYI PHYIR TSUL KHRIMS SO, ,DE RNAM PA GSUM STE SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS SO ZHES SO, ,DE LA SDOM PA'I TSUL KHRIMS GANG YIN PA DE NI LDOG PA'I TSUL KHRIMS KYANG NGO, @99A *, ,DE YANG SPONG BA RNAM PA BDUN GYI MTSAN NYID CAN DE 'DOD CHAGS MED PA DANG, ZHE SDANG MED PA DANG, YANG DAG PA'I LTA BA RNAMS TE CHOS GSUM NI DE RNAMS KUN NAS SLONG BAR BYED PA'O ZHES PA DANG, KUN NAS SLONG BAR BYED PA DANG BCAS PA'I TSUL KHRIMS KYI DBANG DU BYAS NA DGE BA BCU'I LAS KYI LAM RNAMS SU 'GYUR RO ZHES PA STE DE RGYAS PAR BRJOD ZIN TO, ,MA BRJOD PA GANG RNAMS LAS LDOG PA SROG GCOD PA LA SOGS PA DE RNAMS KYI MTSAN NYID LA SOGS PA NI BRJOD PAR BYA'O, ,DE LA SROG CHAGS PHA ROL PO BSAD PA NI SROG GCOD PA'I DNGOS GZHI'I LAS KYI LAM YIN LA YAN LAG LNGA NI SROG CHAGS DANG SROG CHAGS SU 'DU SHES PA DANG GSOD PAR 'DOD PA DANG SBYOR BA BYAS PA DANG SHI BA'O, ,GAL TE 'DI BSAD DO SNYAM DU 'DU SHES PAS PHA ROL GSOD NA'O, ,GANG BSAD PAR 'DOD PA DE NYID BSAD NA STE GZHAN MA YIN NO; ,DE YANG SBYOR BA DES DE MA THAG GAM PHYIS SHI NA'O, ,'O NA GANG DU DMAG GIS GDAB PA DANG RI DAGS KYI LINGS LA SOGS PA RNAMS SU PHA ROL PO RNAMS GSOD PA'I CHED DU TSOGS PA MANG PO 'DUS PA DER GCIG GIS SROG CHAGS GSOD PAR BYED NA CI DE NYID GCIG PU KHA NA MA THO BA DE DANG LDAN PAR 'GYUR RAM 'O NA TE THAMS CAD 'GYUR ZHE NA, THAMS CAD DE RNAMS BYA BA GCIG PA'I PHYIR RO, ,'DOD PA MED PA LAS GZHAN LA STE GANG ZHIG NAN GYIS KHRID PA YANG SROG CHAGS MI BSAD DO ZHES PA DE LTAR NGES PAR BYAS TE 'GRO BA DE LA BYA BA GCIG PA NYID MED PA'I PHYIR RO, ,'DI BZHIN DU MA BYIN PAR LEN PA LA YANG RIG PAR BYA'O, ,'O NA GANG THE TSOM GYIS GSOD PAR BYED PA CI 'DI SROG CHAGS SAM 'ON TE MA YIN DE NYID 'DI 'AM 'ON TE GZHAN ZHES PA DE'I 'DI CI LTAR LAS KYI LAM DU 'GYUR TE NGES PA MED PA'I PHYIR RO ZHE NA, 'GYUR TE GAL TE GANG SU YIN YANG RUNG DE YIN YANG RUNG SNYAM DU BYAS NAS BSNUN ZHING DE YANG DE LAS SHI NA'O, ,DE MA YIN PA LA DER 'DU SHES PA NI 'GYUR TE, DE LA BSAD PA'I BSAM PA MED PA'I PHYIR DANG SBYOR BA MA YIN PA'I PHYIR RO, ,'GA' ZHIG BLO SNGON DU MED KYANG BSAD PA LAS BYED PA PO LA CHOS MA YIN @99B PA YOD PA MA YIN NAM DPER NA ME DANG REG PA LAS SREG PA BZHIN, DE'I PHYIR 'DIR GSOD SEMS NI CI DGOS ZHES ZER RO, ,DE NI YANG DAG PA MA YIN TE, GAL TE GSOD PA'I BSAM PA DANG SDUG BSNGAL BSKYED PA'I BSAM PA LA MED PA LA'ANG BYA BA DANG 'BREL PA TZAM LAS BYED PA PO LA CHOS MA YIN PA SKYE BAR 'DOD NA, DE'I TSE 'DIR SUS KYANG SU LA YANG CI YANG MI BYA STE, ZA BA PO GSUD DE SHI BA NA ZAR 'JUG PA PO SROG RJES SU GZUNG BAR 'DOD PA LA YANG CHOS MA YIN PAR THAL BA'I PHYIR DANG, SMAN PA NAD PA RNAMS LA RJES SU MTHUN PA'I BYA BA RNAMS NAD MED PA DANG BDE BA BSKYED PAR 'DOD PAS SREG PA DANG BCAS PA LA SOGS PA BYED PA RNAMS KYI 'ANG CHOS MA YIN PAR THAL BA'I PHYIR SUS KYANG BZAR GZHUG PAR MI BYA LA SMAN DPYAD LA SOGS PA'ANG MI BYA'O, ,DE'I PHYIR CI ZHIG LTAR SHI BAR GYUR PA LA'ANG MES RANG GI RTEN SREG PA BZHIN BDAG NYID LA'ANG CHOS MA YIN PAR THAL BA'I PHYIR RO, ,DE'I BSAM PA CAN BYED DU BCUG PA LAS MI 'GYUR TE PHA ROL PO ME LA REG TU BCUG PA LAS TSA BA NYAMS SU MYONG BCUNG ZAD KYANG MED DO ZHES PAS 'DI NI GANG CI YANG MA YIN NO, ,'O NA PHA ROL PO BYED DU BCUG PA LA CI LTAR LAS KYI LAM DU 'GYUR TE SBYOR BA MED PA'I PHYIR RO ZHE NA, DE NI MA YIN TE BKA' BSGOS PA'I PHYIR RO, ,DE NYID 'DI'I SBYOR BA STE GANG 'DI PHA ROL PO GSOD PA LA SBYOR BA BKA' BSGOS PA YANG SBYOR BA'I PHYIR DANG, GANG DES BKA' BSGOS PA 'DI RAB TU SBYOR LA DE NYID SBYOR BA PO'I SBYOR BA STE DE'I BKA' YIS 'DI RAB TU 'JUG PA'I PHYIR RO; ,DE NYID KYI PHYIR 'DI LAS KYI LAM DU GRUB PO, ,BRNAB SEMS LA SOGS PA LAS GZHAN TE PHA ROL POS SBYOR BA MI SRID PA'I PHYIR RO, ,'DOD PAS LOG PAR G-YEM PA LAS KYANG STE PHA ROL PO BYED DU BCUG PA LAS 'DI LA DE 'DRA BA'I DGA' BA YOD PA MA YIN NO, ,DE'I PHYIR 'DI LA RANG NYID RAB TU SBYOR RO, ,DE BZHIN DU RJES SU YI RANG BZHIN PA LA YANG LAS KYI LAM BCU PO RNAMS KYANG 'GYUR RO, ,DGE BA'I LAM GYI LAM YANG BYAS PA DANG BYED DU BCUG PA DANG RJES SU YI RANG PA LA 'DI BZHIN KHO NAR RNAM PAR GZHAG GO, ,LUNG NI CHOS RNAMS YID SNGON DU 'GRO PA'I @100A *, ,ZHES PA'O, ,BLA NA MED PA'I SA BRNYES PA RNAMS KYI RANG GI NGANG GIS 'BYUNG BA RNAM PAR RTOG PA MED PAR DGE BA LA 'JUG PA LA'ANG SNGON GYI YID KYI BAG CHAGS SMIN PA DAM PA YOD PA'I PHYIR YID SNGON MA CAN YOD PA NYID DO, ,MA BYIN PAR LEN PA NI RDZAS KYI BDAG PO'I MNGON SUM DU YOD PA DE LA BRNYAS PA BYAS NAS STOBS KYIS SAM DE'I MNGON SUM DU MED PA 'NGAB ? BUS KYANG PHA ROL GYI RDZAS LEN PA STE PHA ROL GYI RDZAS DANG, PHA ROL GYI RDZAS SU 'DU SHES PA DANG RKU BAR 'DOD PA DANG, SBYOR BA BYAS PA DANG BRKUS PA ZHES PA YAN LAG LNGA'O, ,GAL TE PHA ROL GYI RDZAS 'DI RKU 'O ZHES 'DU SHES PAS RKU BA DANG, GANG RKU BAR 'DOD PA DE NYID BRKUS NA STE GZHAN NI MA YIN NO, ,GAL TE NOR 'DI PHA ROL PO BDAG PO 'AM BSRUNG BA PA DE NYID LAS RJES SU 'BREL PAR MI BYED NA STE, DE'I TSE JI SRID 'DI BTANG BA'I BSAM PAS LDOG PAR BYED PA'AM, BRKUS NAS 'DI THOB PAR DBUGS PHYUNG STE GNAS NA'O, ,GANG GI TSE BYANG CHUB SEMS DPA' SEMS CAN THAMS CAD LA RDZAS THAMS CAD BTAD BA DE'I TSE'ANG SEMS CAN BDAG POR GYUR PA'I LONGS SPYOD RNAMS KYIS SEMS CAN RJE DPON DU GYUR PA KHO NA'I BDAG NYID KYI DNGOS PO YANG DAG PAR BSRUNG BA'O ZHES PA NYES PA MED DE, RTAG TU RJE PO'I LAS BYED PA'I BRAN LA RANG GI RDZAS YOD PA MA YIN PAS GANG GIS 'TSO BAR BYED, MTHA' GCIG TU RJE BO'I DON MCHOG TU BYED PA'I BRAN LA NI RJE BO NA BA LA SOGS PAS BLO RNAM PAR G-YENGS PAS MA GNANG BAR LONGS SPYOD PA LA 'ANG NYES PA CUNG ZAD KYANG MED DO, ,'DOD PAS LOG PAR SPYOD PA NI BGROD PAR BYA BA MA YIN PA DANG, YAN LAG MA YIN PA DANG, YUL MA YIN PA DANG, DUS MA YIN PAR BGROD PA STE, YAN LAG LNGA NI GZHAN DANG GZHAN GYIR 'DU SHES PA DANG MNGON PAR BGROD PAR 'DOD PA DANG, SBYOR BA BYAS PA DANG MNGON PAR BGROD PA'O, ,DE LA BGROD PAR BYA BA MA YIN BA LA BGROD PA NI BGROD MIN BGROD PA'O, ,'DIR BGROD PAR BYA BA RANG GI CHUNG MA KHO NA STE DE'I DON DU NGES PAR GZUNG BA'I PHYIR CHUNG MA'ANG RUNG, BSDUS PA'AM SMAD 'TSONG MA YANG RJES SU MYOS PA PHA ROL POS BGROD @100B BYA MA YIN PA'O, ,GZHAN NI BGROD BYA MIN PA STE DE DANG 'DRA BA NYID LA DGAG SGRA STE MI 'DRA BA YANG DAG PAR RTOGS PA'I PHYIR RO, ,BGROD PAR BYA BA MA YIN PA DE YANG RNAM PA GNYIS TE, RANG BZHIN GYIS DANG YANG DAG PAR 'BREL PAS SO, ,DE LA RANG BZHIN GYIS NI MA DANG SRING MO DANG BU MO DANG MA DANG PHA'I 'BREL PA YANG RUNG STE NGO TSA BA'I 'OS NYID KYIS 'DI RNAMS YONGS SU SPANG BAR BYA BA'I PHYIR RO, ,RAB TU BYUNG NGAM YANG STE 'DI 'JIG RTEN GYI CHOS LAS 'DAS PA NYID KYI PHYIR RO, ,'DI LAS GZHAN NI YANG DAG PAR 'BREL PAS BGROD PAR BYA BA MA YIN PA STE PHA ROL GYIS YONGS SU BZUNG BAS DE DANG YANG DAG PAR 'BREL PA'I PHYIR RO, ,'DI NI 'DOD PAS LOG PAR SPYOD PA'I GZHI'O, ,DUD 'GRO'I 'GRO BA RNAMS DANG RIGS KYIS BSRUNGS PA RNAMS KYANG RANG BZHIN GYIS DMAN PA NYID KYI PHYIR DANG SPYAD PAR BYA BA MA YIN PA NYID KYI PHYIR BGROD PAR BYA BA MA YIN PA TZAM DU THAL CHES PA YONGS SU SPANG BA'I PHYIR GSUNGS PA'O, ,GAL TE PHA ROL PO'I LAM BGROD PAR BYA BA MA YIN PA GZHAN 'DI LA BGROD PAR BYA'O ZHES, 'DU SHES PAS MNGON PAR BGROD PA DANG RANG GIR 'DU SHES PAS DE NYID LA BGROD PA MA YIN PA DANG, GANG RNAMS GANG LA BGROD PAR 'DOD PA LA STE, GZHAN BGROD PAR BYA BA MA YIN PA LA YANG MA YIN PA, DE'I TSE 'DOD PAS LOG PAR SPYOD PA'I LAS KYI LAM DU 'GYUR RO, ,YAN LAG MA YIN PA BGROD PA NI YAN LAG MIN BGROD DE YAN LAG NI MO'I DBANG PO STE 'DI'I 'KHRIG PA NI DBANG PO GNYIS SNYOMS PAR 'JUG PA'I RANG BZHIN YIN PA NYID KYI PHYIR RO, ,YAN LAG MA YIN PA NI YAN LAG MIN PA KHA DANG BSHANG BA'I LAM DE DANG 'DRA BA LAS 'DOD PAS LOG PAR SPYOD PA'I GZHI'O, ,RANG GI LAG PA LA SOGS PA RNAMS NI THAL CHES PA SPANG BA'I DON NYID DU GSUNGS PA'O, ,RANG GI CHUNG MA LA YANG YUL MA YIN PA GTZUG LAG KHANG NGAM MCHOD RTEN NAM SNANG BA LA BGROD PA NI YUL MA YIN PAR BGROD PAR 'DOD PAS LOG PAR SPYOD PA'O, ,DUS MA YIN PA NI MI RUNG BA'I GNAS SKABS MNGAL LCI BAS NON PA DANG YUN MI RING BA NA BTZAS PA DANG 'KHRIG PA SPONG BA STE 'DI NI 'DOD PAS LOG PAR SPYOD PA'I GZHI'O, ,MI 'DOD PA DANG SDUG BSNGAL BA DANG YID MI @101A *, ,BDE BA'I GNAS SKABS DANG ZLA MTSAN 'DZAG PA'I GNAS SKABS KYANG DUS MA YIN PA TZAM STE, RJES SU 'JUG BYA MA YIN PA NYID KYI PHYIR DANG SMAD PAR BYA BA NYID KYI PHYIR 'DI RNAMS THAL CHES BA SPANG BA'I DON NYID DU GSUNGS PA'O, ,RANG GI CHUNG MA LA YANG DUS MA YIN PA MNGAL DANG LDAN PA DANG NU ZHO 'THUNG BA DANG NGES PA DANG BCAS PA LA BGROD PAR BYED NA DUS MA YIN PAR BGROD LA 'DOD PAS LOG PAR SPYOD PAR 'GYUR RO ZHES PA LUS KYI LAS KYI LAM GSUM MO, ,BRDZUN DU SMRA BA NI GZHAN LAS RNAM PA GZHAN DU 'DU SHES PAS NGAG GAM LUS KYIS BRJOD PAR 'DOD PA'I DON RTOGS PAR BYED PA STE YAN LAG LNGA NI DNGOS PO DANG RNAM PA GZHAN DU 'DU SHES PA DANG GZHAN DU BRJOD PAR 'DOD PA DANG SBYOR BA BYAS PA DANG GSAL POR BRJOD PA'O, ,DE LA RNAM PA GZHAN DU BRJOD PAR 'DOD PA NI SLU BA'I BSAM PA'O, ,SBYOR BA NI SMRA BAR 'DOD PA'O, ,GAL TE DON GANG RJOD PAR BYED PA DE LA SLU BA'I BSAM PAR 'GYUR BA DANG, GANG GI DBANG DU BYAS NAS SMRAS PA NGES DON DE DAG DE LAS GO NA'O, ,'DI LTA BU 'DI NI BRDZUN DU SMRA BA'O, ,GZHAN DUN TSIG 'KHYAL PA NYID DU 'GYUR RO NYON MONGS PA CAN NYID KYI PHYIR RO, ,KHA CIG NA RE BRJOD PA MED PAR DON RNAM PA GZHAN DU RTOGS PAR BYED PA DE BRDZUN GYI DON RTOGS PAR BYED PAR 'GYUR GYI BRDZUN DU SMRA BA NI MA YIN TE, BRJOD PA MED PA'I PHYIR RO ZHES ZER RO, ,DE NI MA YIN PA NYID DE, SMRA BA'I SGRAS RTOGS PAR BYED PA NYE BAR MTSON PA STE DE NI LUS KYIS KYANG NGO, ,DE LTA MA YIN NA LUS KYI RNAM PAR RIG BYED CI LTAR LAS KYI LAM 'DI'I NANG DU BSDU BAR BYA, SO SOR THAR PA'I MDO 'DON PA NA'ANG LTUNG BA DANG BCAS BZHIN DU CANG MI SMRA BAR GYUR NA BRDZUN DU SMRA BAR GSUNGS PA DE CI LTAR DRANG BAR BYA, 'DI'I NGAG GI DON GO BA NYID NI NGAG GI LAS DANG CHOS MTHUN PA'I PHYIR RO, ,DE LTAR NI BCOM LDAN 'DAS MAR RMI LAM NI BRDZUN DU SMRA BA STE ZHES PA 'DI SANGS RGYAS YE SHES ZHABS KYIS RNAM PAR BSHAD PA NI, YANG DAG PA'I DON CAN MA YIN PA NYID KYIS DE DANG 'DRA BA'O ZHES SO, ,PHRA MA NI PHA ROL 'GROGS PA RNAMS SAM 'KHON SKYES PA RNAMS DBYE BA'I DON NAM MI 'DUM PA'I DON DU NYON MONGS PA CAN GYI @101B SEMS KYIS 'DI DAG DBYE BA'AM MI 'DUM PAR BYA'O ZHES MI MTHUN PAR BYAS PA'I TSIG STE, YAN LAG LNGA NI DBYE BA DANG DER 'DU SHES PA DANG DBYE BAR 'DOD PA DANG SBYOR BA BYAS PA DANG 'BYED PAR SMRAS PA'O, ,GAL TE GANG GI DBANG DU BYAS NAS SMRAS PA DES DON DE GO NA'O, ,GZHAN DUN TSIG 'KHYAL PA NYID DE NYON MONGS PA CAN NYID KYI PHYIR RO, ,PHAN PA'I BSAM PA CAN GYIS GROGS NGAN PA DANG DBYE BA'I BSAM PAS NI PHRA MAR MI 'DOD DE NYON MONGS PA CAN GYI BSAM PA MED PA'I PHYIR RO, ,TSIG RTZUB PO NI NYON MONGS PA CAN GYI SEMS KYIS PHA ROL PO RNAMS LA MI SNYAN PAR SMRA BA DANG MTSANG 'DRU BA'AM SKYON 'BYIN PA STE, YAN LAG LNGA NI ZHER GDAB PAR BYA BA DANG DER 'DU SHES PA NGANG SEMS KHROS PA NYID DANG SBYOR BA BYAS PA DANG MI SNYAN PAR SMRAS PA'O DE GAL TE GO NA'O, ,GZHAN DU NA TSIG 'KHYAL PA NYID DE NYON MONGS PA CAN NYID KYI PHYIR RO, ,TSIG 'KHYAL PA NI BRDZUN DU SMRA BA LA SOGS PA'I LAS RNAM PA GSUM LAS GZHAN PA GANG NYON MONGS PA CAN GYI TSIG STE, 'DOD PA DANG BCAS PA'AM CHOS MA YIN PA DANG BCAS PA'AM DON MA YIN PA DANG BCAS PA'AM BYIS PA'I GTAM DANG TSOGS KYI DANG MYA NGAN GYI DANG GRONG PA'I NYAMS DANG BCAS PA'I GLU RNAMS DANG, RJES SU CHAGS PA'I DANG GAR LA SOGS PA'I BRJOD PA DANG BSTAN BCOS NGAN PA RNAMS KYANG STE, NGAG GI LAS 'DI THAMS CAD DO, ,YAN LAG LNGA NI DON MED PA LA SOGS PA DANG BCAS PA'I DON DANG DER 'DU SHES PA DANG NYON MONGS PA CAN GYI SEMS NYID DANG, SBYOR BA BYAS PA DANG 'BREL PA MED PAR BRJOD PA'O, , LAS KYI LAM GSUM PO 'DI RNAMS KYANG LUS KYIS KYANG BYED DE BRDZUN DU SMRA BA BZHIN NO ZHES SLOB DPON ZLA BA GRAGS PA'O, ,DE LTAR NGAG GI LAS KYI LAM BZHI RNAMS SO, ,BRNAB SEMS NI KYE MA MA LA PHA ROL PO RNAMS KYI GANG YIN PA DE DAG GIR GYUR NA ZHES PHA ROL GYI RDZAS DANG LONGS SPYOD RNAMS SAM BUD MED RNAMS LA CHAGS PA 'DZIN PA'I NGES PA STE, YAN LAG LNGA NI PHA ROL GYI RDZAS DANG DER 'DU SHES PA DANG DER RTOG PA DANG 'DZIN PA RAB TU 'JUG PA DANG 'DZIN PAR NGES PA'O, ,GNOD SEMS NI SEMS CAN PHA ROL PO RNAMS LA ZHE SDANG BA SEMS CAN 'DI RNAMS LA 'TSE BAR BYA'O ZHES @102A *, ,GNOD PA'I RNAM PAR ZHUGS PA STE YAN LAG LNGA NI SDANG BYA DANG DER 'DU SHES PA DANG SEMS 'KHRUGS PA DANG ZHE SDANG RAB TU 'DZIN PA DANG ZHE SDANG BA'O, ,LOG PAR LTA BA NA RGYU DANG 'BRAS BU DANG BYA BA DANG YOD PA'I DNGOS PO LA SKUR PA 'DEBS PA'I LTA BA STE, YAN LAG LNGA NI SKUR BA GDAB BYA DANG DER 'DU SHES PA DANG SKUR PA 'DEBS PAR 'DOD PA DANG SKUR PA 'DEBS PAR YANG DAG PAR 'DZIN PA DANG, SKUR PA 'DEBS PAR BYED PA'O, ,LTA BA NI 'DIR NYON MONGS PA CAN GYI SHES RAB STE GANG GIS DGE BA'I RTZA BA RNAMS YANG DAG PAR GCOD CING MI DGE BA LA 'JUG LA DGE BA RNAMS LA MA YIN PA'O, , GANG DE LAS GZHAN PA LOG PAR LTA BA THEG PA GZHAN LA SOGS PAR LTA BA'I MTSAN NYID CAN DE THAMS CAD NI LOG PAR KUN DU RTOG PA STE, DES DGE BA'I RTZA BA GCOD PAR 'GYUR BA NI MA YIN NO ZHES PA YID KYI LAS KYI LAM GSUM MO, ,KHA CIG GSUM PO 'DI RNAMS BSAM PA KHO NA'I KHYAD PAR LAS RIG PAR BYA LA GNOD SEMS NI DMIGS PA'I KHYAD PAR LAS KYANG 'DOD DO ZHES ZER RO, ,MI DGE BCU PO 'DI RNAMS LA SO SOR 'DOD CHAGS DANG ZHE SDANG DANG GTI MUG GIS RAB TU SBYOR RO, ,GANG GI PHYIR SROG GCOD PA GTI MUG LAS SKYES PA YOD DE CHOS KYI BLOS MCHOD SBYIN BYED PA RNAMS PHYUGS GSOD PA DANG RGYAL PO RNAMS MA RUNGS PA GSOD PA DANG SOG PO PAR SIG PA RNAMS MA DANG PHA GSOD PA DANG, DE BZHIN DU ZAS MED PAR 'JOG PA DANG, DGE SLONG GSOD PA DANG, 'GA' ZHIG SBRUL LA SOGS PA DANG RI DAG SA LA SOGS PA GSOD PA STE, SBUL DANG SDIG PA DANG TAM PA KA LA SOGS PA MI RNAMS LA NYE BAR 'TSE BAR BYED PA RNAMS GSOD PAR BYA'O, ,RI DAGS DANG PHYUGS DANG BYA DANG NYA LA SOGS PA RNAMS LONGS SPYOD KYI DON DU'O ZHES LOG PAR LTA BAS 'JUG PA THAMS CAD GTI MUG LAS SKYES PA'I SBYOR BA'O, ,DE BZHIN DU MA BYIN PAR LEN PA LA STE 'DIR GTI MUG LAS SKYES PA'I SBYOR BA NI CHOS KYI BLOS RGYAL PO RNAMS MA RUNG SA PA TSAR GCAD PA'I DON DU DANG, BRAM ZE RNAMS KYANG 'DI THAMS CAD TSANGS PA BRAM ZE RNAMS LA BYIN PA LA DMANGS RNAMS STO BAS KYIS YONGS SU LONGS SPYOD DE, DE'I PHYIR BRAM ZE LEN PA NI RANG GI LEN PA'O ZHES SMRA BA RNAMS KYI STE 'DI RNAMS LA 'DIR PHA @102B ROL DANG RANG GI 'DU SHES SU MI 'GYUR BA YANG MED DO, ,DE BZHIN DU 'DOD PAS LOG PAR SPYOD PA'I SBYOR BA GSUM LAS SKYES PA STE, GTI MUG LAS SKYES PA NI CHOS KYI BLOS SOG PO PAR SIG PA RNAMS MA LA BGROD PA DANG BRAM ZE RNAMS KYI BA LANG BYIN GYI MCHOD SBYIN LA GANG 'DI SKAD SMRA BA STE, BRAM ZES BA LANG BYIN GYI MCHOD SBYIN BYAS NAS LO GCIG GIS BA LANG GI BRTUL ZHUGS SU 'GYUR RO, ,CHO GA CAN GYIS CHU BTUNG NGO RTZVA RNAMS GCOD DO, ,MA DANG NYE BAR 'GRO'O, ,SRING MO DANG NYE BA DANG RIGS GCIG PA DANG NYE BAR 'GRO STE, DE LTAR GLANG BU 'DI 'JIG RTEN LAS RGYAL BAR 'GYUR RO ZHES SMRA BA DANG 'JIG RTAN RGYANG 'PHEN PA RNAMS KYANG MA LA BGROD PA NI, GTUN DANG ME TOG DANG 'BRAS BU DANG ZAS TSOS PA DANG 'JUG DOGS DANG LAM DANG 'DRA'O ZHES TE, 'DIR CHOS MA YIN PA CUNG ZAD KYANG MED DO ZHES 'JUG PA'O, ,DE BZHIN DU BRDZUN DU SMRA BA'I SBYOR BA STE, GTI MUG LAS SKYES PA NI SKYON MA MTHONG BA LAS TE, DE BZHIN BRAM ZE RNAMS BUD MED RNAMS LA DANG BAG MA LEN PA'I DUS DANG SROG DANG NOR SRUNG BA'I DON DU BRDZUN DU SMRA BA NI LTUNG BA MED DO ZHES SMRA BA LTA BU'O, ,DE BZHIN DU DNGOS GZHI DANG 'JUG KYANG 'DOD CHAGS DANG ZHE SDANG DANG GTI MUG RNAMS KYIS SO, ,DE BZHIN DU GZHAN RNAMS LA YANG 'DOD CHAGS DANG ZHE SDANG DANG GTI MUG SNGON DU SONG BAS SBYOR BAR SHES PAR BYA'O, ,PHRA MA'I SBYOR BA GTI MUG LAS SKYES PA NI PHRA MA BYAS PA LA NYES BA CI YANG MED DO ZHES PA'O, ,DE LA BYED PAR 'DOD PA'I RJES SU DE LA BYA BA GANG YANG RUNG BA CUNG ZAD DE NI SBYOR BA'I GNAS SKABS SO, ,SBYOR BA DES DE'I TSE'AM DUS GZHAN DU LAS DE YONGS SU RDZOGS PA NI MTHAR THUG PAR BYED PA'I BDAG NYID DNGOS GZHI'I LAS KYI LAM MO, ,DE'I RJES SU GANG RJES SU SGROGS PA DANG GANG YANG DAG PAR DGA' BA DANG GANG YANG GZHAN DE DANG MTHUN PA'I BYA BA DE NI RJES SO, ,'O NA YID KYI BRNAB SEMS LA SOGS PA RNAMS LA BSAM PA NI CI SBYOR BA NI CI STE BYE BRAG MED PA'I PHYIR RO ZHE NA, DE'I GZHI LA DE LTAR 'DU SHES PA DANG DE LTAR 'DOD PA NI BSAM PA'O, ,DE'I BYA BA YANG DAG PAR 'DZIN PA NI SBYOR BA'O, ,DE LTA NYID DU NGES PA NI MTHAR THUGS PAR BYED PA'I LAS KYI LAM MO ZHES PA BYE BRAG YOD @103A *, ,DO; ,MI DGE BCU'I LAS KYI LAM 'DI RNAMS KYANG BYANG CHUB SEMS DPA'I LTUNG BA STE LTUNG BA NI 'DA' BA'I NGO BO NYID YIN PA'I PHYIR RO, ,DE LTA MOD KYI DGE BA'I BSAM PA CAN GYI DGE BA'I RKYEN GYI DBANG 'BA' ZHIG LAS RJES SU MTHUN PA'I RKYEN DE DANG DE LAS, DE DANG DER JI LTAR NYE BAR BSTAN PA LAS 'DA' BA DANG, SNYING RJE CAN SEMS CAN RNAMS LA BYAMS PA LAS PHAN PAR 'DOD PA DANG, RNAM PAR DRANG BAR 'DOD PA DANG 'DUL BAR 'DOD PA NYID KYIS 'DA' BA NI LTUNG BA MED DO, ,LAS NI RNAM PA GNYIS TE KUN NAS BSLANG BAR BYA BA DANG KUN NAS SLONG BA PO'I BYE BRAG GIS SO, , DE LA LUS DANG NGAG GI LAS THAMS CAD KUN NAS BSLANG BAR BYA BA STE YID KYI NI KUN NAS SLONG BA PO'O, ,DE YANG RNAM PA GNYIS TE 'DOD CHAGS MED PA LA SOGS PA'I NGO BO DANG DE LAS CIG SHOS SO, ,DE LA 'DOD CHAGS LA SOGS PAS KUN NAS BSLANG BA'I LUS DANG NGAG GI LAS THAMS CAD MI DGE BA'O, ,'DOD CHAGS MED PA LA SOGS PAS KUN NAS BSLANG BA THAMS CAD NI DGE BA KHO NA'O, ,JI SKAD DU BZHI BRGYA PAR GSUNGS PA, BYANG CHUB SEMS DPA' KUN RTOG LAS, ,DGE BA'AM YANG NA MI DGE BA'O, ,GANG PHYIR DE'I YID DBANG GYUR NA, ,THAMS CAD DGE BA NYID DU 'GRO, ,ZHES SO, , DE BZHIN DU SLOB DPON TZANDRA GO MIS KYANG, SEMS DGE BA DANG BYAMS NYID LAS, ,SNYING BRTZE LDAN LA LTUNG BA MED, ,CES PA DANG, SNYING BRTZER BCAS NA MI DGE MED, ,CES GSUNGS SO, ,BYANG CHUB KYI SPYOD PA LA 'JUG PAR YANG, ,SNYING RJE LDAN DANG DON MTHONG LA, ,BKAG PA YANG NI RJES SU GNANG, ,ZHES SO, ,GZHAN YANG, DGE SLONG GIS NI RANG GI PHA, ,RGAN POR MYUR BAR 'DOD DO ZHES, ,PHUL BAS BUB STE SHI NA YANG, ,'DI LA MTSAMS MED 'BYUNG MI 'GYUR, ,DGRA BCOM NANG PA RANG NYID KYIS, ,RANG GI MGRIN PA NYES MTHONG BA, ,DE NI SHI NA G-YOG BYED PA'I, , DGE SLONG DE NI SKYON BRTEN MIN, ,GZHAN LA GZHAN GYI 'DU SHES KYIS, ,BSAD PAR GYUR KYANG SKYON YOD MIN, ,ZHES PA 'DUL BAR GSAL BAR GSUNGS SO, ,GDUG SEMS MED LA SKYON MA YIN, ,GANG PHYIR GSO BA'I BLO YIS NI, ,MTSAMS MED PA LA NYE BYED PA, ,MCHOD RTEN RKO BA SKYON MA YIN, , @103B BSOD NAMS PHUNG PO 'BA' ZHIG 'GYUR, ,DGE BA'I BSAM PAS THUB DBU LA, ,MCHIL LHAM ZUNG NI BZHAG PA DANG, ,DE BZHIN GZHAN GYIS BSAL BA DAG ,RGYAL SRID 'BRAS BU THOB PAR 'GYUR, ,DE PHYIR BSAM PA'I RTZA BAS NI, ,SDIG DANG BSOD NAMS RNAM PAR GZHAG ,CES PA LUNG DU GSUNGS GANG PHYI, ,SEMS DGE BA LA LTUNG BA MED, ,DE PHYIR BRTZE BA'I BDAG RNAMS KYIS, ,GZHAN LA PHAN GANG THAMS CAD BYED, ,LAS DE THAMS CAD DGE BA RU, ,RDZOGS SANGS RGYAS KYIS YONGS SU BSGRAGS, ,DE LTAR YUL GYI BYE BRAG GIS, ,GANG TSE LAS KYI LAM LA GNAS, ,DE TSE GANG DU'ANG MKHAS RNAMS LA, ,'GAL BA CUNG ZAD SNANG MIN NYID, ,DE LTAR NI BYANG CHUB SEMS DPA' CHOM RKUN PA SROG CHAGS DU MA RNAMS DANG BDAG NYID CHEN PO NYAN THOS DANG RANG SANGS RGYAS DANG BYANG CHUB SEMS DPA' RNAMS ZANG ZING CUNG ZAD TZAM GYI RGYUR GSOD PA LA 'BAD PA MTSAMS MED PA MANG PO'I BYA BA LA RAB TU ZHEN PA GZIGS TE, GZIGS NAS KYANG YANG 'DI LTAR SEMS MNGON PAR 'DU BYED DE, GAL TE YANG BDAG GIS 'DI 'TSO BA DANG BRAL NAS DMYAL BA RNAMS SU SKYE BAR 'GYUR MOD BDAG DMYAL BA RNAMS SU SKYE BA NI GDONG BLA'I, SEMS CAN 'DI MI MANG PO BSAD CING MTSAMS MED PA'I LAS BYAS NAS DMYAL BAR 'GRO BAR 'GYUR NA MI RUNG NGO ZHES PA'I BSAM PAS SNYING RJE DANG LDAN PAS 'DZEM BZHIN DU 'TSO BA DANG PHRAL NA LTUNG BAR MI 'GYUR LA BSOD NAMS MANG PO YANG RAB TU SKYE'O, ,GANG YANG CHOM RKUN PA GZHAN GYI RDZAS 'PHROG PA RNAMS KYIS DGE 'DUN GYI'AM MCHOD RTEN GYI RDZAS 'PHROGS TE LONGS SPYOD PAR 'DOD PA DE RNAMS KYI MDUN NAS BYANG CHUB SEMS DPAS RDZAS DE MA BLANGS NA NGES PAR 'DI RDZAS YONGS SU LONGS SPYOD PAS DE RNAMS YUN RING POR DON MA YIN PA DANG MI PHAN PA DANG MI BDE BAR MA GYUR CIG CES PAS BLANGS NAS DGE 'DUN GYI DGE 'DUN LA MCHOD RTEN GYI MCHOD RTEN LA PHUL NA, 'DI LTAR MA BYIN PAR BLANGS PA NI LTUNG BAR MI 'GYUR LA BSOD NAMS MANG PO YANG RAB TU SKYE'O, ,DE BZHIN DU RGYAL PO'AM RGYAL PO'I BLON PO MA RUNGS PA CHEN PO GZHAN LA 'KHU BA LA RAB TU CHAGS PA DGE 'DUN DANG MCHOD RTEN DAG LA GNOD @104A *, ,PA BYED PA'AM KUN DGA' RA BA PA DGE 'DUN DANG MCHOD RTEN GYI DKOR 'PHROG PA RNAMS KYI RGYAL SRID DANG DBANG PHYUG GI BDAG PO NYID NYAMS PAR BYAS PA LA RIG PAR BYA'O, ,BYANG CHUB SEMS DPA' LA GZHAN GYI BUD MED CHAGS PAS BCINGS PA'I SEMS KYIS 'KHRIG PA SHIN TU DON DU GNYER TE, 'JI SKAD DU BDAG JI LTAR 'DOD PA LTAR BYED PA NYID NA KHYOD KYIS GDUL BAR 'GYUR LA GZHAN DU NA NGES PAR BDAG SROG KYANG YONGS SU GTONG NGO ZHES PA LA, 'DI LTAR BDAG LA 'DI NGES PAR BRNAB SEMS SKYES TE BSOD NAMS MA YIN PA 'PHEL BAR GYUR PA MI RUNG LA 'DOD PA THOB PA NI JI LTAR 'DOD PAR DGE BA LA YANG DAG PAR SBYOR BA DANG MI DGE BA SPONG DU 'JUG PA LA DBANG DU 'GYUR RO ZHES THUGS BRTZE BZHIN PAS DE LA LOG PAR SPYOD PA SPYAD PA'ANG LTUNG BAR YANG MI 'GYUR LA BSOD NAMS SHIN TU MANG PO YANG RAB TU SKYE'O, ,'DI NYID LA DGONGS NAS BCOM LDAN 'DAS KYIS GSUNGS PA, GANG YANG BYANG CHUB SEMS DPAS ZHE SDANG GIS KUN NAS BSLANG BA'I LTUNG BA SPANG BAR BYA'I 'DOD CHAGS KYIS KUN NAS BSLANG BA MA YIN NO ZHES PA DANG, DE BZHIN DU 'DOD CHAGS LAS SKYES PA'I LTUNG BA NI LTUNG BA MA YIN PAR RIG PAR BYA'O ZHES SO, ,'DOD CHAGS KYI SGRA NI 'DIR BYAMS PA BRJOD PAR BYED PA STE, DE YANG BYAMS PA RING DU RJES SU 'JUG PA STE, GANG 'DI MTHA' GCIG TU SEMS CAN RNAMS LA PHAN PA'I CHED NYID DU 'JUG PA'O, ,DE BZHIN DU NYE BA 'KHOR GYIS ZHUS PAR YANG GSUNGS PA NYE BA 'KHOR, ZHE SDANG NI SEMS CAN YONGS SU GTONG BA LA 'JUG GO, , 'DOD CHAGS NI SEMS CAN YANG DAG PAR SDUD PA LA'O, ,DE'I PHYIR NYE BA 'KHOR 'DOD CHAGS DANG MTSUNGS PAR LDAN PA'I LTUNG BA GANG CI YIN PA DE RNAMS THAMS CAD LTUNG BA MED PA ZHES PA YONG NGO ZHES SO, ,'DIR SEMS CAN YANG DAG PAR SDUD PA LA ZHES PAS KHYAD PAR DU BYAS PA NYID KYI PHYIR LHAG PA'I BSAM PA DANG SNYING RJE DANG LDAN PA LA 'DI NYE BAR BSTAN PA'O ZHES PA DGONGS PA'O, ,GANG GI PHYIR DE MA THAG TU GSUNGS PA, NYE BA 'KHOR DE LA GANG THABS LA MI MKHAS PA'I BYANG CHUB SEMS DPA' DE RNAMS 'DOD CHAGS DANG MTSUNGS PAR LDAN PA'I LTUNG BA RNAMS LAS 'JIGS SO, ,THABS @104B LA MKHAS PA RNAMS NI ZHE SDANG DANG MTSUNGS PAR LDAN PA RNAMS LAS 'JIGS KYI 'DOD CHAGS DANG MTSUNGS PAR LDAN PA RNAMS LAS MA YIN NO ZHES SO, ,THABS LA MKHAS PA RNAMS KYANG SU ZHE NA, GANG SHES RAB DANG SNYING RJE PHAN TSUN MTSUNGS PAR LDAN PA DAG GIS SEMS CAN GTONG BA LAS ZLOG PAR BYED PA RNAMS SO, ,GNYIS KA LTAR NA SEMS CAN GTONG BAR 'GYUR BA'I PHYIR TE SHES RAB 'BA' ZHIG PAS SDUG BSNGAL STONG PA NYID DU RTOGS PA LAS DANG SNYING RJE 'BA' ZHIG PAS KYANG NYON MONGS PA'I STOBS LAS RING PO MA LON PAR SNYING RJE NYAMS PAR 'GYUR BAS SO, ,THABS LA MKHAS PA'I MDOR GSUNGS PA, BYANG CHUB SEMS DPA' THABS LA MKHAS PA 'DOD PA'I YON TAN LNGA RNAMS KYIS MNGON PAR DGA' BAR BYED CING DE RNAMS KYIS KUN DU 'DRE BAR GNAS LA, GANG GI TSE 'DOD PAR GYUR BA DE'I TSE SHES RAB KYI STOBS BSKYED PA DANG THAMS CAD MKHYEN PA NYID KYI SEMS GCIG GIS 'DOD PA'I YON TAN THAMS CAD LA LONGS SPYAD DE SHI 'PHOS NAS TSANGS PA'I 'JIG RTEN DU SKYE'O ZHES SO, ,ZHE SDANG LA YANG 'DI LTAR MI 'DOD PA CI ZHE NA, RANG BZHIN GYI KHA NA MA THO BA CHEN PO DANG BCAS PA'I PHYIR DANG SNYING RJE DANG BRAL BA LA THABS NYID MI SRID PA'I PHYIR RO, ,CI STE GANG GZHAN GYI DON GRUB PA NI RANG GI DON LAS CHAS LHAG PAR MOS PA, PHA ROL LA KHRO BA 'JUG PAS KYANG PHA ROL LA RJES SU BSTAN TE RJES SU GDUNG BA SNGON DU SONG BAS DE MA THAG PAR PHYIS SDOM PAR BYED PA, DE'I MI PHAN PA LAS ZLOG PAR BYED PA NA KHRO BA SKYON CI YOD CE NA, SKABS PHYE BAS DE'I BAG CHAGS KYI NYES PA LAS SNYING RJE NYAMS PA'I SKYON DU 'GYUR TE, DE CHAD NA'ANG RTZA BA CHAD PA'O, ,GAL TE YANG SEMS CAN DE LA PHAN NO ZHE NA, DE LTA MOD KYI BYANG CHUB SEMS DPA'I SNYING RJE NYAMS PAS, SEMS CAN GYI PHUNG PO CHEN PO'I DON RGYUN NYAMS PAR 'GYUR RO, ,'PHAGS PA BDEN PA GCIG PA'I LE'UR YANG, BU'I DPE NI SNYING RJE LA GNAS PA NYID YIN PAR RIG PAR BYA'O, ,GANG YANG DER HA CANG SNYING RJE BKAG PA DE 'JIG RTEN GYI DON KHO NA THUN MONG GI BDAG PO'I DBANG DU BYAS TE GSUNGS SO, ,BZLOG PAR BYA BA YANG GAL TE NA PHAN PAR 'DOD PA'I BYANG CHUB SEMS DPA' LA KHONG KHRO BAR GYUR NA, DE YANG BYANG CHUB SEMS @105A *, ,DPA' MA YIN PA DANG DER GNYIS KA'I DON MA YIN PAR 'GYUR RO, ,DE LTAR NA 'DOD CHAGS LA YANG SKYON MANG PO GSUNGS TE, RANG GI BDE BA LA CHAGS PAS PHA ROL GYI SDUG BSNGAL LA BTANG SNYOMS PA MTHONG NGO ZHE NA, MTHONG BA BDEN TE GANG GIS GZHAN GYI SDUG BSNGAL NYID DU GOMS PA MED PA'O, ,DE LTA NA RAB TU SBAS TE BDAG PO DANG BCAS PA'AM BDAG PO MED PA RNAMS DANG RIGS DANG CHOS KYI RGYAL MTSAN GYIS BSRUNG BA RNAMS LA 'DOD PAS LOG PAR SPYOD PAR MI 'GYUR RAM ZHE NA, SEMS CAN GYI DON YOD PA DANG SEMS CAN LA NYE BAR GNOD PA MED NA RJES SU 'BREL PA NGES PAR BRTAGS TE SKYON MED DO, ,YANG DAG PAR TSANGS PAR SPYOD PA RNAMS LA NI, DON BYAS PA NYID LAS RING DU SPANG BA DANG MCHOD PAR 'OS PA YIN TE MA DANG SRING MO SOGS PA BZHIN NO, ,DE LTA NA DGE SLONG GIS KYANG DE BZHIN DU SGRUB PE ZHE NA, MA YIN TE DE RNAM PA GZHAN TSANGS PAR SPYOD PAS SEMS CAN GYI DON SGRUB PAR BYED PA'I PHYIR RO, ,CI STE DE LAS KYANG LHAG PA'I SEMS CAN GYI DON MTHONG NA BSLAB PA PHUL BAS DE LA SKYON MI SRID DO, ,GZHAN YANG 'JIG RTEN NA PHA MAS BU GSAL SHING LA BSKYON PA MTHONG BA DAG KYANG RANG DANG RJES SU MTHUN PA'I SNYING RJE'I DBANG LAS RANG GI BDE BA LA MI CHAGS PA MTHONG NA MI NYUNG BA'I BSKAL PAR GOMS PA DE'I BDAG NYID DU GYUR PA'I SNYING RJE CHEN PO DANG THABS DANG SHES RAB LA SOGS PA DGE BA'I RTZA BA YONGS SU RDZOGS PA'I BYANG CHUB DPA' RNAMS LA 'DOD CHAGS KYIS BAR CHAD BYED PA NI LTA CI SMOS TE 'DI NI MI SRID DO, ,'DI LTAR SEMS CAN GYI DON LA THABS GZHAN MED NA 'DOD CHAGS LAS SKYES PA'I LTUNG BA NI LTUNG BA MED PAR GSUNGS SO, ,THABS LA MKHAS PAR YANG, SMAD 'TSONG MA BZHIN DU DON BYAS PA'I BYANG CHUB SEMS DPA' LTOS PA MED PA NI SEMS CAN DE GTONG NGO, ,SA MA THOB PAS KYANG PHA ROL TU PHYIN PA DRUG LEGS PAR SPYOD PA DANG LDAN PA 'DI BSAM PAR BYA STE, CIG SHOS KYI MA YIN NO ZHES PA ZHAR LA 'ONGS PA DE TZAM STE GZHAG GO, ,DE'I PHYIR ZHE SDANG GI SKABS SBYIN PAR MI BYA'O, ,NYE BA 'KHOR GYIS ZHUS PAR GSUNGS PA, SH'A RI'I BU BYANG CHUB SEMS DPA' RNAMS KYI KHA NA MA THOB @105B CHEN PO DANG BCAS PA'I LTUNG BA NI GNYIS TE, GANG DAG CE NA ZHE SDANG DANG LDAN PA DANG GTI MUG DANG LDAN PA'O ZHES SO, ,GANG YANG BYANG CHUB SEMS DPA' RANG GI SROG GI PHYIR YANG SHES BZHIN DU BRDZUN DU MI SMRA BA DE PHA ROL PO RNAMS GSOD PA DANG 'CHING BA LA SOGS PA GROL BA'I DON DU ZANG ZING LA MI LTA BA THUGS BRTZE BA NYID KYIS BRDZUN DU SMRA BA NI LTUNG BA MED PAR 'GYUR TE BSOD NAMS MANG PO YANG RAB TU SKYE'O, ,SDIG PA'I GROGS PO DANG 'BREL PA'I SEMS CAN RNAMS DE DAG DBYE BA'I CHED DU PHRA MO SPYAD PA YANG LTUNG BA MED DE BSOD NAMS MANG PO YANG RAB TU SKYE'O, ,LAM LOG PA LA SPYOD PA RNAMS DE LAS BZLOG PA'I CHED DU YANG YANG TSIG RTZUB PO SMRA BA YANG LTUNG BA MED DE BSOD NAMS MANG PO YANG RAB TU SKYE'O, GAR DANG GLU DANG ROL MO DANG SMAD 'TSONG MA DANG BZA' BA DANG BTUNG BA DANG RGYAL PO DANG CHOM RKUN PA LA SOGS PA'I GTAM LA MOS PA RNAMS DE RNAMS KYI GTAM GYIS DRANGS NAS DGE BA LA RAB TU ZHUGS PA'I DON DU RNAM PA SNA TSOGS PA'I 'BREL PA MED PA'I GTAM BYAS KYANG LTUNG BAR MI 'GYUR LA BSOD NAMS MANG PO YANG RAB TU SKYE'O, ,DE LTAR RANG BZHIN GYI KHA NA MA THO BA'I LAS RNAMS BYAS KYANG BYANG CHUB SEMS DPA' LA MI DGE BA MED CING BSOD NAMS MANG PO YANG RAB TU SKYE NA BCAS PA'I KHA NA MA THO BA RNAMS LTA CI SMOS, ,DE LTA MOD KYI BYANG CHUB SEMS DPA' RNAMS KYIS BYIS PA RNAMS RJES SU BSRUNG BA'I DON DU 'DI LTA BU KUN DU SPYAD PAR MI BYA STE, GANG GI PHYIR BYIS PA RANG GIS DE SRID DU BAG LA NYAL MA SPANGS PA RNAMS PHA ROL SNYING RJE BAS 'JUG PA LA LTUNG BA MED CING BSOD NAMS MANG PO YANG RAB TU SKYE'O ZHES BRTAG PA PHRA MO TZAM BZUNG NAS DE DANG DE SPYOD PA RGYUN DU 'BYUNG BA RNAMS NGAN 'GROR 'GRO BAR 'GYUR ZHING, BSTAN PA 'DI LA YANG MI GUS PAR 'GYUR RO ZHES PA'O, ,DE LTAR NI MI DGE BA BCU'I LAS KYI LAM RNAMS BDAG GI DNGOS PO DANG LONGS SPYOD DANG PHYI ROL GYI DNGOS PO RGUD PA'I RGYU STE, JI SKAD DU GSUNGS PA, RIGS KYI BU RNAMS MI DGE BA'I LAS KYI LAM BCU RNAMS CHEN POR SNANG BAS DMYAL BA RNAMS SU SKYE'O, ,'BRING GIS DUD 'GRO'I SKYE GNAS RNAMS SU'O, ,CHUNG NGUS YI DAGS RNAMS SU STE, DE NI 'DI @106A *, ,RNAMS KYI RNAM PAR SMIN PA'I 'BRAS BU'O, ,DE GAL TE MI RNAMS DANG SKAL BA MNYAM PA NYID DU 'ONGS NA GO RIMS JI LTA BAR BCU PO RNAMS KYIS TSE THUNG BA DANG LONGS SPYOD KYIS PHONGS PA DANG 'GRAN ZLA DANG BCAS PA'I CHUNG MA DANG SKUR PA MANG BA DANG 'DI'I GROGS PO DBYE BAR 'GYUR BA DANG YID DU MI 'ONG BA'I SGRA THOS PA DANG NGAG GZUNG BAR MI 'OS PA DANG 'DOD CHAGS DRAG PA DANG ZHE SDANG DRAG PA DANG GTI MUG DRAG PA'O ZHES PA 'DI NI 'DI RNAMS KYI RGYU MTHUN PA'I 'BRAS BU'O, ,PHYI ROL GYI DNGOS PO RNAMS MDANGS CHUNG BAR 'GYUR BA DANG LO DGRA MANG BA DANG RDUL GYIS GANG BA DANG DRI NGA BA DANG MTHON DMAN CAN DANG, TSVA SGO CAN DANG DGON DUNG CAN DANG THA BA CAN DANG SDIG PA CAN GYI SA DANG DUS TSIGS 'GYUR BA MI MNYAM PA DANG, 'BRAS BU PHRA BA DANG 'BRAS BU MI ZHIM PA DANG 'BRAS BU NYUNG BA'O ZHES PA 'DI NI 'DI RNAMS KYI BDAG PO'I 'BRAS BU'O, ,DE BZHIN DU DGE BA BCU'I LAS KYI LAM RNAMS BSTAN PAS LHA RNAMS SU SKYE'O ZHES PA 'DI NI 'DI RNAMS KYI RNAM PAR SMIN PA'I 'BRAS BU'O, ,DE GAL TE MI RNAMS DANG SKAL BA MNYAM PAR 'ONGS NA BCU PO RNAMS KYI GO RIMS BZHIN TSE THUNG BA LA SOGS PA LAS BZLOG PA BCUR 'GYUR BA 'DI NI 'DI RNAMS KYI RGYU MTHUN PA'I 'BRAS BU'O, ,GZI MDANGS CHUNG BA LA SOGS PA LAS BZLOG PA BCUR YANG 'GYUR BA 'DI NI 'DI RNAMS KYI BDAG PO'I 'BRAS BU'O, ,RNAM PAR GROL BA GSUM GYI RGYU YANG 'DI RNAMS TE, JI SKAD DU GSUNGS PA, LAG 'GRO'I BDAG PO DGE BA BCU'I LAS KYI LAM 'DI RNAMS NI LHA DANG MIR SKYE BA'I RTEN NO; ,SLOB PA DANG MI SLOB PA THOB PA DANG RANG BYANG CHUB DANG, BYANG CHUB SEMS DPA'I SPYOD PA THAMS CAD DANG JI SRID SANGS RGYAS THAMS CAD KYI CHOS RNAMS KYI BAR GYI RTEN NO ZHES SO, ,'O NA CHOS THAMS CAD RANG GI MTSAN NYID KYIS STONG PA RMI LAM DANG SGYU MA LA SOGS PA LTA BU YIN NA, DE'I PHYIR LAS DANG DE'I 'BRAS BU YOD DO ZHES RNAM PAR GZHAG PA GA LA 'THAD CE NA, DE LTAR MA YIN TE SEMS CAN RNAMS KYIS CHOS RNAMS RANG BZHIN STONG PAR MA SHES LA MI SHES PA GANG ZAG DANG CHOS SU RTOG PAR BYED PA RNAMS LEGS PAR SPYOD PA'AM NYES PAR SPYOD PA'I LAS MNGON PAR 'DU BYED CING, @106B NYES PAR SPYOD PAS NGAN SONG GSUM DU LTUNG LA LEGS PAR SPYOD PA RNAMS KYIS LHA DANG MI RNAMS SU SKYE'O, ,YANG 'GA' ZHIG GANG ZAG GI BDAG MED PA NYID DU YONGS SU SHES NAS BDE 'GRO DANG NGAN 'GRO SPANGS TE MYA NGAN LAS 'DAS PA THOB PAR BYED DO, ,BYANG CHUB SEMS DPA' RNAMS NI PHA ROL TU PHYIN PA LA SOGS PA'I DGE BA'I CHOS RNAMS YONGS SU RDZOGS PAR BYED PAS RIM GYIS SA BCU BGROD DE SKAD CIG GCIG DANG LDAN PA'I SHES RAB KYIS CHOS THAMS CAD MNGON PAR BYANG CHUB NAS SANGS RGYAS BCOM LDAN 'DAS SU 'GYUR RO, ,DE LTA MOD KYI CHOS THAMS CAD RMI LAM DANG 'DRA BA NYID