#, ,RGYA GAR SKAD DU, BO DHI SA TVA SAMBA RA BI DHI,
BOD

SKAD DU, BYANG CHUB SEMS DPA'I SDOM PA'I CHOG ,SANGS RGYAS
DANG BYANG CHUB SEMS DPA' THAMS CAD LA PHYAG 'TSAL LO, ,GANG
'DI RNAMS NI BYANG CHUB SEMS DPA' RNAMS KYI TSUL KHRIMS GYI
PHUNG PO RNAMS SU BRJOD PA STE, SDOM PA'I TSUL KHRIMS DANG,
DGE BA CHOS SDUD PA'I TSUL KHRIMS

DANG, SEMS CAN DON BYED PA'I TSUL KHRIMS SO, ,DE RNAMS LA SLOB
PAR 'DOD PA'I KHYIM PA'AM RAB TU BYUNG BA, ,BLA NA MED PA YANG
DAG PAR RDZOGS PA'I BYANG CHUB TU SMON LAM BTAB PAS LHAN CIG
TU CHOS MTHUN PA'I BYANG CHUB SEMS DPA' GANG MKHAS PA NUS PA,
NGAG GI RNAM PAR RIG

BYED KYIS DON MDZAD PA DANG, GO BAR NUS PA'I ZHABS DAG LA
PHYAG 'TSAL NAS GSOL BA GDAB PAR BYA STE, BDAG RIGS KYI BU
KHYOD DAM, TSE DANG LDAN PA'AM, BTZUN PA GANG NYE BAS BYANG
CHUB SEMS DPA'I TSUL KHRIMS KYI SDOM PA YANG DAG PAR LEN PAR
'TSAL BAS DE STZAL BA LA RUNG ZHING DKA' BA MA MCHIS NA,

@239B THAD CIG BDAG LA RJES SU BRTZE BAS STZAL CING GSON CIG
CES BYA'O, ,'DI LTAR LAN GSUM DU GSOL BA BTAB NAS BLA GOS
PHRAG PA GCIG TU GZAR TE, PHYOGS BCU'I 'JIG RTEN RNAMS NA 'DAS
PA DANG MA BYON PA DANG DA LTAR BYUNG BA'I SANGS RGYAS BCOM
LDAN 'DAS RNAMS DANG, SA CHEN POR CHUD PA'I BYANG CHUB SEMS
DPA'

RNAMS LA BTUD NAS, DE RNAMS KYI YON TAN RNAMS MNGON SUM DU
BYAS NAS SEMS CHEN PO BSKYED NAS, PUS MO BTZUGS PA'AM SA LA
TZOG TZOG POR 'DUG PAS, DE BZHIN GSHEGS PA'I SKU MNGON DU
BZHUGS SU GSOL NAS MCHOD DE, MNGON SUM DU BYAS NAS TSIG 'DI
SKAD CES BRJOD DO, ,

RIGS KYI BU'AM TSE DANG LDAN PA'AM BTZUN PA GANG NYE BAS BYANG
CHUB SEMS DPA' TSUL KHRIMS KYI SDOM PA YANG DAG PAR BLANG BA
BDAG LA RJES SU STZAL DU GSOL ZHES SO, ,DE NAS RTZE GCIG TU
NYE BAR GZHAG NAS SEMS DANG BRJES SU BSKYED DE, BDAG NI RING
POR MI THOGS PAR ZAD PA MED CING DPAG

TU MED PA BLA NA MED PA'I BSOD NAMS KYI GTER THOB PAR 'GYUR RO
ZHES DON 'DI NYID BSAM ZHING CANG MI SMRA BAR BYA'O, ,SLAR
YANG BYANG CHUB SEMS DPA' MKHAS PA NGES, DE LTAR GNAS PA'I
BYANG CHUB SEMS DPA' DE LA SEMS MA YENGS PAR 'DUG PA'AM 'GRENG
BAS 'DI SKAD BRJOD DE, KHYOD MING 'DI SKAD

CES BYA BAS BYANG CHUB SEMS DPA'I BSLAB PA'I GNAS THAMS CAD
DANG, BYANG CHUB SEMS DPA'I TSUL KHRIMS THAMS CAD DE, 'DAS PA'I
BYANG CHUB SEMS DPA' RNAMS KYI TSUL KHRIMS DANG BSLAB PA'I GNAS
RNAMS DANG, TSUL KHRIMS GONG MA 'ONGS PA'I BYANG CHUB SEMS
DPA' RNAMS KYIR ?

'GYUR BA DANG, GANG BSLAB PA'I GNAS RNAMS DANG, TSUL KHRIMS
GANG DA LTAR PHYOGS BCU NA DA LTAR BYUNG BA'I BYANG CHUB SEMS
DPA' RNAMS KYI TSUL KHRIMS DANG BSLAB PA'I GZHI GANG YIN PA
RNAMS TE, BSLAB PA'I GNAS RNAMS DANG TSUL KHRIMS GANG RNAMS LA
'DAS PA'I BYANG CHUB

SEMS DPA' THAMS CAD KYIS BSLABS PA DANG LDAN PA DANG, MA 'ONGS
PA'I BYANG CHUB SEMS DPA' RNAMS KYIS SLOB PAR 'GYUR BA DANG,
DA LTAR BYUNG BA'I BYANG CHUB SEMS DPA' RNAMS DA LTAR SLOB PA
RNAMS NOD DAM, DES KYANG NOD LAGS SO ZHES DAM BCA'O, ,LAN GSUM
DU'O, ,

@240A *, ,PHYOGS BCU'I 'JIG RTEN GYI KHAMS NA BZHUGS PA'I
SANGS RGYAS BCOM LDAN 'DAS RNAMS DANG BYANG CHUB SEMS DPA'
RNAMS BDAG LA DGONGS SU GSOL, SLOB DPON BDAG LA DGONGS SU
GSOL, BDAG MING 'DI ZHES BGYI BAS, GANG CUNG ZAD LUS DANG NGAG
DANG YID

RNAMS KYIS SANGS RGYAS DANG BYANG CHUB SEMS DPA' RNAMS DANG,
MA DANG PHA DANG, DE LAS GZHAN PA'I SEMS CAN RNAMS LA BRTEN
NAS BSKYED PA'I 'DI DANG SRID PA GZHAN RNAMS SU BDAG GIS SDIG
PA BGYIS PA DANG BGYID DU STZAL PA DANG, RJES SU YI RANG BA
YANG RUNG STE, DE DAG THAMS CAD

GCIG TU BSDUS SHING BZLUMS TE BSDOMS NAS, SANGS RGYAS DANG
BYANG CHUB SEMS DPA' RNAMS DANG, SLOB DPON GYI SPYAN SNGAR
MCHOG DANG GTZO BO'I BSHAGS PAR BGYI'O, ,SHES SHING DRAN PAS
RAB TU MI 'CHAB PO, ,'DI LTAR LAN GSUM DU'O, ,BDAG MING 'DI
SKAD CES BGYI BAS 'DI

LTAR SDIG PA BSHAGS NAS DUS 'DI NAS NYE BAR BZUNG STE BYANG
CHUB KYI SNYING PO LA NYE BAR MCHIS KYI BAR DU SANGS RGYAS
BCOM LDAN 'DAS THUGS RJE CHEN PO CAN, THAMS CAD MKHYEN PA,
THAMS CAD GZIGS PA, DGRA'I 'JIGS PA THAMS CAD LAS 'DAS PA
SKYES BU CHEN PO MI PHYED PA'I SKU, BLA NA

MED PA'I SKU, CHOS KYI SKU, RKANG GNYIS RNAMS KYI MCHOG LA
SKYABS SU MCHI'O, ,BDAG MING 'DI SKAD CES BGYI BAS 'DI LTAR
SDIG PA BSHAGS NAS, DUS 'DI NAS NYE BAR BZUNG STE, BYANG CHUB
KYI SNYING PO LA MCHOS KYI BAR DU ZHI BA 'DOD CHAGS DANG BRAL
BA'I MCHOG CHOS LA SKYABS SU MCHI'O, ,

BDAG MING 'DI SKAD CES BGYI BAS 'DI LTAR SDIG PA BSHAGS NAS,
DUS 'DI NAS BZUNG STE, BYANG CHUB KYI SNYING PO LA MCHIS KYI
BAR DU PHYIR MI LDOG PA'I BYANG CHUB SEMS DPA'I DGE 'DUN TSOGS
RNAMS KYI MCHOG LA SKYABS SU MCHI'O, ,'DI LTAR LAN GSUM DU'O,
,BDAG MING 'DI SKAD CES BGYI BAS

'DI LTAR SDIG PA BSHAGS NAS, GSUM LA SKYABS SU MCHIS TE, MTHA'
YAS PA'I SEMS CAN GYI KHAMS BSGRAL BA'I PHYIR DANG, 'BYUNG
BA'I PHYIR DANG, 'KHOR BA'I SDUG BSNGAL LAS YONGS SU BSKYAB
PA'I PHYIR DANG, THAMS CAD MKHYEN PA'I YE SHES BLA NA MED PA
LA GZHAG PA'I

@240B PHYIR, 'DI LTAR 'DAS PA DANG MA 'ONGS PA DANG DA LTAR
BYUNG BA'I BYANG CHUB SEMS DPA' DE RNAMS KYIS BYANG CHUB TU
SEMS BSKYED NAS, SANGS RGYAS NYID RTOGS PA DANG LDAN PA DANG,
RTOGS PAR GYUR PA DANG, RTOGS PAR 'GYUR BA DANG, JI LTAR SANGS
RGYAS THAMS CAD SGRIB PA DANG BRAL BA DANG,

SANGS RGYAS KYI YE SHES DANG, SANGS RGYAS KYI SPYAN GYIS
MKHYEN CING GZIGS PA RNAMS DANG, JI LTAR CHOS RNAMS KYI CHOS
NYID MKHYEN PA'I CHOG DES, BDAG MING 'DI SKAD CES BGYI BSLOB
DPON DANG NYE BAS SANGS RGYAS DANG BYANG CHUB SEMS DPA' RNAMS
KYI SPYAN SNGAR BLA NA MED PA YANG

DAG PAR RDZOGS PA'I BYANG CHUB TU SEMS BSKYED PAR BGYI'O, ,'DI
LTAR LAN GSUM MO, ,BDAG GIS SDIG PA BSHAGS PA 'DI DANG, GSUM
LA SKYABS SU 'GRO BA DANG, BYANG CHUB TU SEMS BSKYED PA LAS
BYUNG BA'I DGE BA'I RTZA BA BLA NA MED PA YANG DAG PAR RDZOGS
PA'I BYANG CHUB

TU YONGS SU BSNGO BAR BGYI'O, ,SKYABS MED PA DANG, SKYOB PA
MED PA DANG, GNAS MED PA DANG, DPUNG GNYEN MED PA DANG, GLING
MED PA'I 'JIG RTEN LA SKYABS DANG, SKYOB PA DANG, GNAS DANG
DPUNG GNYEN DANG, GLING DU GYUR CIG ,SEMS CAN THAMS CAD KYANG
'KHOR BA'I RGYA MTSO LAS

MA BSGRAL BA LAS SGROL BAR GYUR CIG ,SGRIB PA LAS YONGS SU MA
'DAS PA CHOS KYI DBYINGS KYI MYA NGAN LAS 'DAS PAS YONGS SU
MYA NGAN LAS BZLA BAR GYUR CIG ,DBUGS MA PHYIN PA RNAMS DBUGS
'BYIN PAR GYUR CIG ,'DI LTAR LAN GSUM MO, ,BDAG MING 'DI ZHES
BGYI BAS 'DI

LTAR BYANG CHUB TU SEMS BSKYED PAS, SEMS CAN GYI KHAMS MTHA'
MED PA LA JI LTAR MA DANG PHA DANG SRING MO DANG SPUN DANG,
,BU DANG BU MO DANG, GZHAN GNYEN DANG SNAG GI GNYEN MTSAMS SU
GYUR PA RNAMS 'DI LTAR SO SOR GZUNG BAR BGYI'O, ,BZUNG NAS
KYANG NUS PA JI LTAR BA DANG,

STOBS JI LTA BA DANG, BRTEN PA JI LTA BAS DGE BA'I RTZA BA
YANG DAG PAR BSKYED PAR BGYI'O, ,'DI NAS BZUNG STE, CUNG ZAD
SBYIN PA GTANG BAR BGYI'O, ,TSUL KHRIMS BSRUNG BAR BGYI'O,
,BZOD PA BSKYED PAR BGYI'O, ,BRTZON 'GRUS BRTZAM PAR BGYI'O,
,BSAM GTAN LA SNYOMS 

 @241A *, ,PAR 'JUG GO, ,SHES RAB BRTEN PAR BGYI'O, ,DGE BA'I
RTZA BA THAMS CAD LA YANG SLOB PO, ,DE DAG THAMS CAD SEMS CAN
THAMS CAD KYI DON DANG, PHAN PA DANG, BDE BA DANG, BLA NA MED PA
YANG DAG PAR RDZOGS PA'I BYANG CHUB LAS BRTZAMS TE, SA CHEN POR
CHUD

PA'I BYANG CHUB SEMS DPA' THUGS RJE CHEN PO CAN DE RNAMS KYI
THEG PA CHEN PO'I 'JUG PA'I RJES SU MCHI'O, ,'DI LTAR SLOB PA'I
BYANG CHUB SEMS DPA' BDAG BYANG CHUB SEMS DPAR DUS 'DI NAS BZUNG
STE, BDAG SLOB DPON GYIS GZUNG DU GSOL, 'DI LTAR LAN GSUM MO,
,DE NAS SLOB DPON NGES SKU DE'I SPYAN SNGAR

PHYOGS BCU'I SANGS RGYAS DANG BYANG CHUB SEMS DPA' BZHUGS SHING
'TSO ZHING 'DZIN PA DANG, GZHES PA RNAMS LA ZHABS GNYIS LA PHYAG
'TSAL NAS BTUD DE GSOL BAR BYA'O, ,MING 'DI SKAD CES BGYI BA'I
BYANG CHUB SEMS DPA' BDAG MING 'DI SKAD CES BGYI BA'I BYANG CHUB

SEMS DPA' DANG NYE BA LAS JI SRID DU LAN GSUM DU, YANG BYANG
CHUB SEMS DPA'I TSUL KHRIMS KYI SDOM PA YANG DAG PAR BLANGS PA
LA, BDAG MING 'DI SKAD CES BGYI BA'I BYANG CHUB SEMS DPA' MING
'DI SKAD CES BGYI BA'I BYANG CHUB SEMS DPA'I BDAG NYID DPANG DU
GYUR PAR YANG

DAG PAR SHES TE, PHYOGS BCU'I 'JIG RTEN GYI KHAMS MTHA' MED PA
RNAMS SU 'PHAGS PA'I MCHOG LKOG TU GYUR KYANG, SEMS CAN GYI DON
LA LKOG TU MA GYUR PA RNAMS LA, 'DI BYANG CHUB SEMS DPA'I TSUL
KHRIMS KYI SDOM PA YANG DAG PAR BLANGS PA LA MKHYEN PAR GSOL

LO; ,'DI LTAR LEN GSUM MO, ,'DI LTAR YANG TSUL KHRIMS KYI SDOM
PA YANG DAG PAR BLANGS PA'I LAS GYI RJES LA, 'DI NI NGES PAR
CHOS NYID YIN TE, PHYOGS BCU'I 'JIG RTEN GYI KHAMS MTHA' YAS PA
LA GTUGS PA NA, DE BZHIN GSHEGS PA RNAMS BZHUGS SHING 'DZIN PA
RNAMS

GZHES PA RNAMS DANG, SA CHEN POR CHUD PA'I BYANG CHUB SEMS DPA'
RNAMS LA 'DI LTA BU'I RANG BZHIN GYI LTAS 'BYUNG BAR 'GYUR RO,
GANG GIS DE RNAMS LA 'DI LTA BUR 'GYUR BA STE, MING 'DI SKAD CES
BYA BA'I BYANG CHUB SEMS DPA' DANG NYE BAS MING 'DI SKAD CES BYA
BA'I BYANG CHUB SEMS DPA'

@241B DANG NYE BA LAS BYANG CHUB SEMS DPA'I TSUL KHRIMS KYI SDOM
PA YANG DAG PAR BLANG BA BLANGS SO ZHES SO, ,'DI LTAR RE ZHIG
GZHAN YANG BLANG BA'I CHOG BRJOD PA, GAL TE YON TAN DANG LDAN PA
GANG ZAG DE DANG NYE BAR MA GYUR NA, DE NAS BYANG CHUB SEMS DPA'
DES DE BZHIN GSHEGS PA'I SKU'I

MDUN DU RANG NYID KYIS BYANG CHUB SEMS DPA'I TSUL KHRIMS KYI
SDOM PA BLANG BAR BYA'O, ,'DI LTAR BYA STE BLA GOS PHRAG PA GCIG
TU GZAR NAS, PHYOGS BCU'I 'JIG RTEN GYI KHAMS NA 'DAS PA DANG MA
BYON PA DANG DA LTAR BYUNG BA'I SANGS RGYAS BCOM LDAN 'DAS RNAMS
DANG, SA CHEN

POR BZHUGS PA'I BYANG CHUB SEMS DPA' RNAMS LA BTUD PAR BYA STE,
PUS MO G-YAS PA'I LHA NGA SA LA BTZUGS PA'AM, TZOG TZOG POS
TSIG 'DI SKAD CES BRJOD PAR BYA STE, BDAG MING 'DI SKAD CES BGYI
BAS PHYOGS BCU'I 'JIG RTEN GYI KHAMS NA DE BZHIN GSHEGS PA

THAMS CAD DANG, SA CHEN POR CHUD PA'I BYANG CHUB SEMS DPA' RNAMS
LA GSOL BAR BGYI'O, ,DE RNAMS KYI YANG SPYAN SNGAR BYANG CHUB
SEMS DPA'I BSLAB PA THAMS CAD DANG, BYANG CHUB SEMS DPA'I TSUL
KHRIMS KYI SDOM PA THAMS CAD BLANG BA LA, TSUL KHRIMS GANG ZHES
BYA BA

LA SOGS PA SNGAR BZHIN NO, ,JI SRID DU BYANG CHUB SEMS DPA' BDAG
BYANG CHUB SEMS DPAR 'DI NAS BZUNG STE, SANGS RGYAS DANG BYANG
CHUB SEMS DPAS KYANG BDAG GZUNG DU GSOL ZHES PA NI LAS SO,
,BYANG CHUB SEMS DPA'I SDOM PA'I CHO GA SLOB DPON MKHAS PA CHEN
PO BYANG CHUB

BZANG PO'I ZHAL SNGA NAS MDZAD PA RDZOGS SO,, ,,RGYA GAR GYI
MKHAN PO CHEN PO BLA MA SU N'A YA SHR'I ? MI TRA DANG, ZHU CHEN
GYI LO TZ'A BA DGE SLONG DAR MA GRAGS KYIS BSGYUR CING ZHUS TE
GTAN LA PHAB PA'O,,