#, ,RGYA GAR SKAD DU, BO DHI SA TVA SAMBA RA GRi HnA BI DHI, BOD
SKAD DU, BYANG CHUB SEMS DPA'I SDOM PA GZUNG BA'I CHO GA ,SANGS
RGYAS LA PHYAG 'TSAL LO, ,BLA MED BSAM GYIS MI KHYAB 'BRAS BU
SKYE BA YI, ,RDZOGS PA'I SANGS RGYAS DPAG BSAM SHING LJON SA BON
NI, ,SDOM PA DAM PA

BSKYED CING SPEL BAR BYED PA STE, ,'BRAS BU MCHOG DES SEMS CAN
TSOGS RNAMS TSIM PAR BYED, ,'DIR NGES PAR SDOM PA GZUNG BA NI
SDOM PA 'BOGS PA'I CHO GA LA MKHAS SHING, LEN 'DOD KYI SDOM PA
DANG LDAN PA'I BLA MAS GSUNGS PA'I RJES SU BRJOD PAR BYA STE,
DKON MCHOG GSUM

DANG BLA MA'I MAndAL SNGON DU 'GRO BAS SAM MAndAL MED KYANG RUNG
STE, SLOB DPON DGONGS SU GSOL, BDAG MING 'DI ZHES BGYI BA DUS
'DI NAS BZUNG STE JI SRID 'TSO'I BAR DU RKANG GNYIS RNAMS KYI
MCHOG SANGS RGYAS LA SKYABS SU MCHI'O, ,JI SRID 'TSO'I BAR DU
ZHI BA 'DOD CHAGS

DANG BRAL BA RNAMS KYI MCHOG CHOS LA SKYABS SU MCHI'O, ,JI SRID
'TSO'I BAR DU TSOGS RNAMS KYI MCHOG DGE 'DUN LA SKYABS SU
MCHI'O, ,DE LTAR GSUM MO, ,SKYABS GSUM YONGS SU 'DZIN PA'I DGE
BSNYEN DU BDAG GZUNG DU GSOL, DE'I RJES SU BDAG MING 'DI ZHES
BGYI

BA DUS 'DI NAS BZUNG STE, JI SRID 'TSO'I BAR DU SROG GCOD PA
SPONG NGO, ,SROG GCOD PA LAS RAB TU LDOG PAR BGYI'O, ,DE BZHIN
DU MA BYIN PAR LEN PA DANG, 'DOD PA LAS LOG PAR G-YEM PA DANG,
BRDZUN DU SMRA BA DANG, 'BRU'I CHAD DANG, BCOS PA'I CHANG MYOS
PAR GYUR

@249A *, ,PA PAG MED PA'I GNAS LAS RAB TU LDOG PAR BGYI'O, ,DE
LTAR GSUM MO, ,DENG NAS BZUNG NAS, BDAG MCHOG GI DGE BSNYEN DU
GZUNG DU GSOL ZHES PA'O, ,DE LTAR 'DIS YAN LAG GSUM YONGS SU
RDZOGS PA DANG, YAN LAG LNGA YONGS SU RDZOGS

PA'I DGE BSNYEN DU 'GYUR RO, ,BSNYEN GNAS KYI SDOM PA NYIN ZHAG
GCIG PA NI RTAG TU MI 'DOGS PA'I RGYAN BZHAG STE, NYI MA SHAR BA
NAS SNGAR BZHIN DU BZUNG STE, SLOB DPON DGONGS SU GSOL, BDAG
MING 'DI ZHES BGYI PA DUS 'DI NAS BZUNG NAS JI SRID SANG GI NYI
MA MA SHAR GYI BAR DU

SROG GCOD PA SPONG NGO, ,SROG GCOD PA LAS SLAR LDOG PAR BGYI'O,
,DE BZHIN DU MA BYIN PAR LEN PA DANG, MI TSANGS PAR SPYOD PA
DANG, BRDZUN DU SMRA BA DANG, 'BRU'I CHANG DANG, BCOS PA'I CHANG
MYOS PAR 'GYUR PA BAG MED PA'I GNAS DANG, KHRI STAN MTHON PO
DANG, MA LA STAN

CHEN PO DANG, DRI DANG, PHRED PA DANG, BYUG PA DANG, KHA DOG
'CHANG BA DANG, GAR DANG, GLU DANG, ROL MO'I SGRA DANG, LTAD MO
BLTA BA DANG, DUS MA YIN PA'I KHA ZAS LAS RAB TU LDOG PAR
BGYI'O, ,DGRA BCOM PA YON TAN BRGYAD KYIS BRGYAN NAS BZHUGS PA
BZHIN DU BGYI'O, ,

BDAG GIS GSO SBYONG GI TSUL KHRIMS KYI SDOM PA YANG DAG PAR
BLANGS PA 'DI YANG SEMS KYI RGYAN DANG, SEMS KYI YO BYAD DANG,
RNAL 'BYOR GYI TSOGS DANG, MTHOB PA'I DON GYI MCHOG SANGS RGYAS
NYID THOB PA'I RGYUR GYUR CIG ,DE LTAR GSUM MO, ,DE LTAR 'DI NI
BSNYEN GNAS YAN

LAG BRGYAD PA'I SDOM PA STE 'PHAGS PA RNAMS DANG NYE BAR GNAS
PAR 'GYUR RO, ,NYIN PAR TZAM YANG DAG PAR LEN PA LA DUS 'DI NAS
BZUNG STE JI SRID NYI MA NUB KYI BAR DU ZHES BRJOD PAR BYA'O,
,MTSAN MA TZAM LA NI DUS 'DI NAS BZUNG NAS JI SRID SANG NYI MA
MA SHAR GYI BAR DU ZHES BRJOD PAR

BYA'O, ,GSO SBYONG GI SDOM PA KHO NA JI SRID 'TSO'I BAR DU LEN
PA NI GO MI'I SDOM PA STE, DE BLANG BA NI DUS 'DI NAS BZUNG NAS
JI SRID 'TSO'I BAR DU ZHES BRJOD PAR BYA'O, ,BYANG CHUB SEMS
DPA'I SDOM PA DON DU GNYER BAS DE BZHIN GSHEGS PA'I SKU GZUGS
MDUN DU BYAS NAS MCHOD PA BYAS TE,

@249B DE'I MDUN DU DKON MCHOG GSUM DANG BLA MA'I {MAndALA} BYAS
NAS NYE BAR SPYOD PA LNGAS YANG DAG PAR MCHOD DE, PHYOGS BCU'I
SANGS RGYAS DANG BYANG CHUB SEMS DPA' RNAMS LA RAB TU DANG BA
YANG DAG PAR BSKYED NAS PHYAG BYAS TE, PUS MO GNYIS SA LA BTZUGS
PA'AM TZOG TZOG POR YANG RUNG BAS THAL MO

SBYAR TE MDUN DU 'DUG NAS BLA MA LA GSOL BA GDAB PAR BYA STE,
RIGS KYI BU BDAG KHYOD LAS BYANG CHUB SEMS DPA'I TSUL KHRIMS KYI
SDOM PA YANG DAG PAR LEN PA DE LA SPRO YIS, BYANG CHUB SEMS
DPA'I TSUL KHRIMS KYI SDOM PA THUGS BRTZE BA'I SLAD DU STZAL DU
GSOL ZHES DE LTAR GSUM MO, ,BLA MA DES

'DI LTAR BRJOD DE, KHYOD KYIS BYANG CHUB TU SMON LAM BTAB BAM,
BDAG LAS BYANG CHUB SEMS DPA'I TSUL KHRIMS KYI BSLAB PA 'DZIN
PAR 'DOD DAM ZHES PA YANG GSUM MO, ,DES KYANG 'DZIN PAR 'TSAL LO
ZHES DAM BCA' BAR BYA'O, ,BLA MA LAS 'DI SKAD DU BRJOD PAR BYA
STE, PHYOGS BCU'I 'JIG RTEN

GYI KHAMS NA BZHUGS PA'I SANGS RGYAS BCOM LDAN 'DAS DANG BYANG
CHUB SEMS DPA' THAMS CAD BDAG LA DGONGS SU GSOL, ,SLOB DPON
DGONGS SU GSOL, BDAG MING 'DI ZHES BGYI PAS LUS DANG NGAG DANG
YID KYIS SANGS RGYAS DANG BYANG CHUB SEMS DPA' RNAMS DANG, MA
DANG PHA DANG

SEMS CAN GZHAN LA BRTEN NAS SKYE BA 'DI DANG GZHAN RNAMS SU SDIG
PA'I LAS GANG CUNG ZHIG BGYIS PAR GYUR PA DANG BGYID DU STZAL BA
DANG RJES SU YI RANG BA DE DAG THAMS CAD BSHAGS PAR BGYI'O,
,SHES SHING DRAN PAS MI 'CHAB BO ZHES LAN GSUM MO, ,BDAG MING
'DI ZHES BGYI BA DUS

'DI NAS BZUNG STE, SNYING PO BYANG CHUB LA MCHIS KYI BAR DU,
RKANG GNYIS RNAMS KYI MCHOG SANGS RGYAS BCOM LDAN 'DAS THUGS RJE
CHEN PO DANG LDAN PA MKHYEN PA THAMS CAD STON PA 'JIGS PA THAMS
CAD LAS 'DAS PA SKYES BU CHEN PO MI PHYED PA'I SKU BLA NA MED
PA'I SKU LA SKYABS SU MCHI'O, ,

'DOD CHAGS DANG BRAL BA RNAMS KYI MCHOG ZHI BA'I CHOS LA SKYABS
SU MCHI'O, ,TSOGS RNAMS KYI MCHOG PHYIR MI LDOG PA'I BYANG CHUB
SEMS DPA'I DGE 'DUN RNAMS LA SKYABS SU MCHI'O ZHES LAN GSUM MO,
,BDAG MING 'DI ZHES BGYI PAS MTHA' YAS PA'I SEMS CAN GYI KHAMS
'KHOR BA'I

@250A *, ,SDUG BSNGAL LAS BSGRAL BAR BYA BA'I PHYIR DANG, GDON
PAR BYA BA'I PHYIR DANG, YONGS SU BSKYAB PAR BYA BA'I PHYIR
DANG, THAMS CAD MKHYEN PA'I YE SHES BLA NA MED PA LA RAB TU DGOD
PAR BYA BA'I PHYIR, JI LTAR 'DAS PA DANG DA LTAR DANG MA BYON
PA'I BYANG CHUB SEMS DPAS BYANG CHUB TU SEMS BSKYED

DE SANGS RGYAS PA DANG 'TSANG RGYA BA DANG 'TSANG RGYA BAR 'GYUR
BA JI LTA BA BZHIN DU SANGS RGYAS THAMS CAD KYI SGRIB PA MED
PA'I SANGS RGYAS KYI YE SHES DANG SANGS RGYAS KYI SPYAN GYIS
MKHYEN CING GZIGS PA DANG, JI LTA BA BZHIN DU CHOS RNAMS KYI
CHOS NYID MKHYEN CING RJES SU MKHYEN PA'I CHO GA DES, BDAG

MING 'DI ZHES BGYI BAS SLOB DPON MING 'DI ZHES BGYI BA LAS SANGS
RGYAS DANG BYANG CHUB SEMS DPA' THAMS CAD KYI MDUN DU, BLA NA
MED PA YANG DAG PAR RDZOGS PA'I BYANG CHUB TU SEMS BSKYED PAR
BGYI'O ZHES LAN GSUM MO, ,BDAG GIS SDIG PA BSHAGS PA DANG, GSUM
LA SKYABS SU 'GRO BA DANG, BYANG

CHUB TU SEMS BSKYED PA LAS BYUNG BA'I DGE BA'I RTZA BA 'DI YANG
BLA NA MED PA YANG DAG PAR RDZOGS PA'I BYANG CHUB TU YONGS SU
BSNGO BAR BGYI'O, ,'JIG RTEN NA SKYOB PA MED PA DANG, SKYABS MED
PA DANG, GNAS MED PA DANG, DPUNG GNYEN MED PA DANG, GLING MED PA
RNAMS KYI SKYOB

PA DANG, SKYABS DANG GNAS DANG, DPUNG GNYEN DANG, GLING DU 'GYUR
BAR BGYI ZHING, SEMS CAN THAMS CAD SRID PA'I RGYA MTSO LAS MA
BRGAL BA RNAMS BSGRAL BA DANG, YONGS SU MI LDOG PA'I SGRIB PA
MED PA'I CHOS KYI DBYINGS SU YONGS SU MYA NGAN LAS MA 'DAS PA
YONGS SU MYA NGAN

LAS 'DA' BAR BGYI BA DANG, DBUGS MA PHYUNG BA DBUGS DBYUNG BAR
BGYI'O ZHES LAN GSUM MO, ,BDAG MING 'DI ZHES BGYI BAS DE LTAR
BYANG CHUB TU SEMS BSKYED NAS MTHA' YAS PA'I SEMS CAN GYI KHAMS
LA JI LTAR MA DANG PHA DANG SRID MO DANG SPUN ZLA DANG BU DANG
BU MO DANG, GZHAN YANG

NYE DU DANG SNAG GI GNYEN MTSAMS SU GNAS PA DE LTAR RAB TU GZUNG
NGO, ,RAB TU BZUNG NAS KYANG NUS PA JI LTA BA DANG, STOBS JI LTA
BA DANG, SNOD JI LTA BA BZHIN DU DGE BA'I RTZA BA YANG DAG PAR
BSKYED PAR BGYI'O, ,'DI NAS BZUNG NAS GANG CUNG ZHIG SBYIN PA
GTONG BAR 'GYUR BA DANG, TSUL

@250B KHRIMS SRUNG BAR 'GYUR BA DANG, BZOD PA SGOM PAR 'GYUR PA
DANG, BRTZON 'GRUS RTZOM PAR 'GYUR BA DANG, BSAM GTAN LA SEMS
MNYAM PAR 'JOG PAR 'GYUR BA DANG, SHES RAB RNAM PAR DPYOD PAR
'GYUR BA DANG, THABS MKHAS PA LA SLOB PAR 'GYUR BA DE DAG THAMS
CAD KYANG SEMS

CAN THAMS CAD LA PHAN PA DANG BDE BA'I DON DU'O, ,BLA NA MED PA
YANG DAG PAR RDZOGS PA'I BYANG CHUB LAS BRTZAMS TE SA CHEN PO LA
RAB TU BZHUGS PA'I THUGS RJE CHEN PO DANG LDAN PA DE RNAMS THEG
PA CHEN PO LA YANG DAG PAR 'JUG PAR BYED PA DES BYANG CHUB SEMS
DPA'

BDAG SLOB PAS 'DI NAS BZUNG NAS BYANG CHUB SEMS DPAR SLOB DPON
GYIS GZUNG DU GSOL ZHES LAN GSUM MO, ,'DI DAG THAMS CAD BYAS NAS
DE BZHIN GSHEGS PA'I SKU GZUGS DE NYID KYI MDUN DU SANGS RGYAS
DANG BYANG CHUB SEMS DPA' RNAMS LA PHYAG BYAS NAS BDAG

MING 'DI ZHES BGYI BA LAS MING 'DI SKAD CES BGYI BA 'DIS BYANG
CHUB SEMS DPA' TSUL KHRIMS GYI SDOM PA YANG DAG PAR BLANGS SO
ZHES BYA'O, ,DE 'DRA BA'I BLA MA YANG MED NA RANG GIS YANG DAG
PAR BLANG BAR BYA STE, SLOB DPON DGONGS SU GSOL ZHES BYA BA
DANG, SLOB DPON MING

'DI ZHES BGYI BA BZHAG NAS, 'DI NAS BZUNG NAS BDAG BYANG CHUB
SEMS DPAR SANGS RGYAS BCOM LDAN 'DAS DANG, BYANG CHUB SEMS DPAS
GZUNG DU GSOL ZHES BYA BA'I BAR DU BRJOD PAR BYA'O, ,DE LTAR
MKHYEN PAR GSOL BA'I MTHAR SANGS RGYAS DANG BYANG CHUB SEMS DPAS

BSNGAGS PA DANG, RTAG TU 'DI'I DGE BA MNGON PAR 'PHEL BAR BYA
BA'I PHYIR DGONGS PAR 'GYUR RO, ,BYANG CHUB SEMS DPA'I SDE SNOD
LAS GSUNGS PA'I CHO GA BSDUS PA'O, ,GZHUNG 'DI'I BSOD NAMS BDUD
RTZI YIS, ,SEMS CAN YONGS SU TSIM BYAS TE, ,MKHAS PA 'JIGS

PA MED PA NI, ,KUN RIG DPAG BSAM GO 'PHANG SHOG ,SLOB DPON MKHAS
PA CHEN PO 'JIGS MED 'BYUNG GNAS SBAS PAS BSDUS PA'I SDOM PA
BZUNG PA'I CHO GA RDZOGS STO,, ,,KHA CHE'I {PAndI TA} CHEN PO
SH'A KYA SHR'I BHA DRA DANG,} CHAG LO TZ'A BA DGE SLONG DGRA
BCOM GYIS BSGYUR PA'O, ,