@54A *, ,THEG PA CHEN PO RGYUD BLA MA'I BSTAN BCOS BZHUGS SO,

@54B [DD] *, ,RGYA GAR SKAD DU, MA H'A YA [*Y'A] NA AUTTA RA
TANTRA SH'ASTRA, BOD SKAD DU, ,THEG PA CHEN PO RGYUD BLA MA'I
BSTAN BCOS, ,SANGS RGYAS DANG BYANG CHUB SEMS DPA' THAMS CAD LA
PHYAG 'TSAL LO, ,SANGS [DD]

RGYAS CHOS TSOGS KHAMS DANG BYANG CHUB DANG, ,YON TAN SANGS
RGYAS PHRIN LAS THA MA STE, ,BSTAN BCOS KUN GYI LUS NI MDOR BSDU
NA, ,RDO RJE YI NI GNAS BDUN 'DI DAG GO, ,'DI DAG RANG MTSAN
NYID KYI RJES

'BREL BA, ,GO RIMS JI BZHIN GZUNGS KYI RGYAL PO'I MDOR, ,GLENG
GZHI LAS NI GNAS GSUM RIG BYA STE, ,GZHI NI BLO LDAN RGYAL CHOS
DBYE BA LAS, ,SANGS RGYAS LAS CHOS CHOS LAS 'PHAGS PA'I TSOGS, ,

TSOGS LAS SNYING PO YE SHES KHAMS THOB MTHAR, ,YE SHES DE THOB
BYANG CHUB MCHOG THOB SOGS, ,SEMS CAN KUN DON BYED CHOS RNAMS
DANG LDAN, ,GANG ZHIG THOG MA DBUS MTHA' MED ZHI SANGS RGYAS
NYID RANG

RNAM SANGS RGYAS, ,SANGS RGYAS NAS NI MA RTOGS RTOGS PHYIR 'JIG
MED RTAG PA'I LAM STON PA, ,MKHYEN BRTZE'I RAL GRI RDO RJE MCHOG
BSNAMS SDUG BSNGAL MYU GU GCOD MDZAD CING, ,SNA TSOGS LTA THIBS
KYIS BSKOR THE

@55A *, ,TSOM RTZIG PA 'JIG MDZAD DE LA 'DUD, ,'DUS MA BYAS
SHING LHUN GYIS GRUB, ,GZHAN GYI RKYEN GYIS RTOGS MIN PA,
,MKHYEN DANG BRTZE DANG NUS PAR LDAN, ,DON GNYIS LDAN PA'I SANGS
RGYAS NYID, ,THOG MA DBUS MTHA' MED PA YI, ,RANG BZHIN YIN

PHYIR 'DUS MA BYAS, ,BZHI BA CHOS KYI SKU CAN PHYIR, ,LHUN GYIS
GRUB CES BYA BAR BRJOD, ,SO SO RANG GIS RTOGS BYA'I PHYIR,
,GZHAN GYI RKYEN GYIS RTOGS MIN PA, ,DE LTAR RNAM GSUM RTOGS
PHYIR MKHYEN, ,LAM STON PHYIR NA THUGS BRTZE BA, ,NUS PA YE SHES

THUGS RJE YIS, ,SDUG BSNGAL NYON MONGS SPONG PHYIR RO, ,DANG PO
GSUM GYIS RANG DON TE, ,PHYI MA GSUM GYIS GZHAN DON YIN, ,GANG
ZHIG MED MIN YOD MIN YOD MED MA YIN YOD MED LAS GZHAN DU'ANG,
,BRTAG PAR MI NUS NGES TSIG DANG BRAL SO SO

RANG GIS RIG ZHI BA, ,DRI MED YE SHES 'OD ZER SNANG LDAN DMIGS
PA KUN LA CHAGS PA DANG, ,SDANG DANG RAB RIB RNAM PAR 'JOMS
MDZAD DAM CHOS NYI MA DE LA 'DUD, ,BSAM MED GNYIS MED RTOG MED
PA, ,DAG GSAL GNYEN PO'I PHYOGS NYID KYIS, ,GANG ZHIG

GANG GIS CHAGS BRAL BA, ,BDEN GNYIS MTSAN NYID CAN DE CHOS,
,CHAGS BRAL NYID NI 'GOG PA DANG, ,LAM GYI BDEN PA DAG GIS
BSDUS, ,GO RIMS JI BZHIN DE DAG KYANG, ,YON TAN GSUM GSUM GYIS
RIG BYA, ,BRTAG MIN PHYIR DANG BRJOD MIN

@55B PHYIR; ,'PHAGS PAS MKHYEN PHYIR BSAM MED NYID, ,ZHI NYID
GNYIS MED RTOG MED DE, ,DAG SOGS GSUM NI NYI BZHIN NO, ,SEMS DE
RANG BZHIN 'OD GSAL BAS NA NYON MONGS NGO BO MED GZIGS PAS,
,GANG DAG 'GRO KUN BDAG MED MTHA' ZHI YANG DAG RTOGS NAS THAMS
CAD

LA; ,RDZOGS PA'I SANGS RGYAS RJES ZHUGS GZIGS PA SGRIB PA MED
PA'I BLO MNGA' BA, ,SEMS CAN RNAM DAG MTHA' YAS YUL CAN YE SHES
GZIGS MNGA' DE LA 'DUD, ,JI LTA JI SNYED NANG GI NI, ,YE SHES
GZIGS PA DAG PA'I PHYIR, ,BLO LDAN PHYIR MI LDOG PA'I TSOGS,

BLA MED YON TAN DANG LDAN NYID, ,'GRO BA ZHI BA'I CHOS NYID DU,
,RTOGS PHYIR JI LTA NYID DE YANG, ,RANG BZHIN GYIS NI YONGS DAG
PHYIR, ,NYON MONGS GDOD NAS ZAD PHYIR RO, ,SHES BYA MTHAR THUG
RTOGS PA'I BLOS, ,THAMS CAD MKHYEN PA'I CHOS NYID NI, ,SEMS CAN

THAMS CAD LA YOD PAR, ,MTHONG PHYIR JI SNYED YOD PA NYID, ,DE
LTAR RTOGS PA GANG YIN DE, ,SO SO RANG SHES MTHONG BA NYID, ,DRI
MED DBYINGS LA CHAGS MED DANG, ,THOGS MED PHYIR DE DAG PA YIN,
,YE SHES GZIGS PA DAG PAS NA, ,SANGS RGYAS YE SHES BLA MED
PHYIR,

'PHAGS PA PHYIR MI LDOG PA NI, ,LUS CAN KUN GYI SKYABS YIN NO,
,STON PA BSTAN PA BSLAB DON GYIS, ,THEG PA GSUM DANG BYED GSUM
LA, ,MOS PA RNAMS KYI DBANG BYAS NAS, ,SKYABS GSUM RNAM PAR
BZHAG PA YIN, ,SPANG PHYIR BSLU BA'I CHOS CAN PHYIR, ,MED PHYIR

'JIGS DANG BCAS PA'I PHYIR, ,CHOS RNAMS GNYIS DANG 'PHAGS PA'I
TSOGS, ,GTAN GYI SKYABS MCHOG MA YIN NO, ,DAM PA'I DON DU 'GRO
BA YI, ,SKYABS NI SANGS RGYAS NYAG GCIG YIN, ,THUB PA CHOS KYI
SKU CAN PHYIR, ,TSOGS KYANG DE YI MTHAR THUG PHYIR, ,'BYUNG BA
DKON

PHYIR DRI MED PHYIR, ,MTHU LDAN PHYIR DANG 'JIG RTEN GYI, ,RGYAN
GYUR PHYIR DANG MCHOG NYID PHYIR, ,'GYUR BA MED PHYIR DKON MCHOG
NYID, ,DRI BCAS DE BZHIN NYID DANG DRI MA MED, ,DRI MED SANGS
RGYAS YON TAN RGYAL BA'I MDZAD, ,GANG LAS DKON MCHOG DGE BA GSUM
'BYUNG BA, ,

@56A *, ,DON DAM GZIGS PA RNAMS KYI YUL NYID DO, ,DKON MCHOG
GSUM PO 'DI YI RIGS, ,THAMS CAD GZIGS PA RNAMS KYI YUL, ,DE YANG
RNAM BZHI GO RIMS BZHIN, ,RGYU BZHI YIS NI BSAM MI KHYAB, ,DAG
DANG NYON MONGS DANG LDAN PHYIR, ,KU [*KUN] NAS NYON MONGS MED

DAG PHYIR, ,RNAM PAR DBYE BA MED CHOS PHYIR, ,LHUN GRUB RNAM PAR
MI RTOG PHYIR, ,RTOGS BYA RTOGS PA DE YI NI, ,YAN LAG RTOGS PAR
BYED PHYIR TE, ,GO RIMS JI BZHIN GNAS GCIG DE, ,DAG RGYU GSUM NI
RKYEN YIN NO, ,RDZOGS SANGS SKU NI 'PHRO PHYIR DANG, ,

DE BZHIN NYID DBYER MED PHYIR DANG, ,RIGS YOD PHYIR NA LUS CAN
KUN, ,RTAG TU SANGS RGYAS SNYING PO CAN, ,SANGS RGYAS YE SHES
SEMS CAN TSOGS ZHUGS PHYIR, ,RANG BZHIN DRI MED DE NI GNYIS MED
DE, ,SANGS RGYAS RIGS LA DE 'BRAS NYER BRTAGS PHYIR, ,'GRO KUN

SANGS RGYAS SNYING PO CAN DU GSUNGS, ,NGO BO RGYU 'BRAS LAS LDAN
'JIG PA DANG, ,GNAS SKABS DE BZHIN KUN TU 'GRO BA'I DON, ,RTAG
TU MI 'GYUR YON TAN DBYER MED NI, ,DON DAM DBYINGS KYI DGONGS
DON YIN ZHES BYA, ,RIN CHEN NAM MKHA' CHU DAG BZHIN, ,RTAG TU

RANG BZHIN NYON MONGS MED, ,CHOS MOS LHAG PA'I SHES RAB DANG,
,TING 'DZIN SNYING BRTZE LAS BYUNG BA, ,MTHU DANG GZHAN DU MI
'GYUR DANG, ,BRLAN PA'I NGO BO'I RANG BZHIN PHYIR, ,'DI DAG NOR
BU RIN CHEN MKHA', ,CHU YI YON TAN CHOS MTHUN NYID, ,CHOS LA
KHONG KHRO BDAG

LTA DANG, ,'KHOR BA'I SDUG BSNGAL GYIS 'JIGS DANG, ,SEMS CAN DON
LA LTOS MED NYID, ,'DOD CHEN MU STEGS NYAN THOS DANG, ,RANG
BYUNG RNAMS KYI SGRIB RNAM BZHI, ,DAG RGYU LHAG PAR MOS PA LA,
,SOGS PA'I CHOS NI RNAM BZHI NYID, ,THEG MCHOG LA MOS SA

BON SHES RAB NI, ,SANGS RGYAS CHOS BSKYED MA DANG BSAM GTAN GYI,
,BDE BA'I MNGAL GNAS SNYING RJE'I MA MA CAN, ,GANG YIN DE DAG
THUB PA'I RJES SKYES SRAS, ,GTZANG BDAG BDE DANG RTAG NYID KYI,
,YON TAN PHA ROL PHYIN PA 'BRAS, ,SDUG BSNGAL YID 'BYUNG ZHI
THOB PAR, ,

@56B 'DUN DANG SMON PA'I LAS CAN NO, ,'DI DAG 'BRAS NI MDOR BSDU
NA, ,CHOS KYI SKU LA PHYIN CI LOG, ,RNAM PA BZHI LAS BZLOG PA
YI, ,GNYEN POS RAB TU PHYE BA NYID, ,DE NI RANG BZHIN DAG PHYIR
DANG, ,BAG CHAGS SPANG PHYIR GTZANG BA YIN, ,BDAG DANG BDAG MED
SPROS PA DAG, ,NYE BAR ZHI

BAS DAM PA'I BDAG, ,YID KYI RANG BZHIN PHUNG PO DANG, ,DE RGYU
LOG PHYIR BDE BA NYID, ,'KHOR BA DANG NI MYA NGAN 'DAS, ,MNYAM
PA NYID DU RTOGS PHYIR RTAG, ,BDAG SRED MA LUS SHES RAB KYIS
BCAD DE, ,SEMS CAN SRED PHYIR BRTZE LDAN ZHI THOB MIN, ,DE LTAR
BLO BRTZE BYANG CHUB THABS BRTEN

NAS; ,'PHAGS PA 'KHOR BA'AM MYA NGAN 'DA' MI 'GYUR, ,GAL TE
SANGS RGYAS KHAMS MED NA, ,SDUG LA SKYO BAR MI 'GYUR ZHING, ,MYA
NGAN 'DAS LA 'DOD PA DANG, ,DON GNYER SMON PA'ANG MED PAR 'GYUR,
,SRID DANG MYA NGAN 'DAS LA DE'I, ,SDUG BDE'I SKYON YON MTHONG
BA 'DI, ,

RIGS YOD LAS YIN GANG PHYIR DE, ,RIGS MED DAG LA MED PHYIR RO,
,RGYA MTSO CHE BZHIN DPAG MED PA'I, ,YON TAN RIN CHEN MI ZAD
GNAS, ,DBYER MED YON TAN DANG LDAN PA'I, ,NGO BO NYID PHYIR MAR
ME BZHIN, ,CHOS SKU RGYAL BA'I YE SHES DANG, ,THUGS RJE'I KHAMS
NI BSDUS PA'I

PHYIR; ,SNOD DANG RIN CHEN CHU YIS NI, ,RGYA MTSO DANG NI
MTSUNGS PAR BSTAN, ,DRI MED GNAS LA MNGON SHES DANG, ,YE SHES
DRI MED DE NYID DANG, ,RNAM DBYE MED PHYIR MAR ME YI, ,SNANG
DANG DRO MDOG CHOS MTSUNGS CAN, ,SO SO'I SKYE 'PHAGS RDZOGS
SANGS KYI, ,DE BZHIN NYID DBYE'I

'JUG PA LAS, ,DE NYID GZIGS PAS SEMS CAN LA, ,RGYAL BA'I SNYING
PO 'DI BSTAN TO, ,SO SO SKYE BO PHYIN CI LOG, ,BDEN PA MTHONG BA
BZLOG PA STE, ,DE BZHIN GSHEGS PA JI LTA BZHIN, ,PHYIN CI MA LOG
SPROS MED NYID, ,MA DAG MA DAG DAG PA DANG, ,SHIN TU RNAM DAG GO
RIMS

BZHIN, ,SEMS CAN BYANG CHUB SEMS DPA' DANG, ,DE BZHIN GSHEGS PA
ZHES BRJOD DO, ,NGO BO NYID LA SOGS PA'I DON, ,'DI DRUG GIS NI
BSDUS PA YI, ,KHAMS NI GNAS SKABS GSUM DAG TU, ,MING GSUM GYIS
NI BSTAN PA YIN, ,JI LTAR RTOG MED BDAG NYID CAN, ,NAM MKHA'

@57A *, ,KUN TU RJES SONG LTAR, ,SEMS KYI RANG BZHIN DRI MED
DBYINGS, ,DE BZHIN KUN TU 'GRO BA NYID, ,DE SPYI'I MTSAN NYID
NYES PA DANG, ,YON TAN MTHAR THUG KHYAB PA STE, ,GZUGS KYI RNAM
PA DMAN PA DANG, ,BAR MA MCHOG LA NAM MKHA' BZHIN, ,

NYES PA GLO BUR DANG LDAN DANG, ,YON TAN RANG BZHIN NYID LDAN
PHYIR, ,JI LTAR SNGAR BZHIN PHYIR DE BZHIN, ,'GYUR BA MED PA'I
CHOS NYID DO, ,JI LTAR NAM MKHA' KUN SONG BA, ,PHRA PHYIR NYE
BAR GOS PA MED, ,DE BZHIN SEMS CAN THAMS CAD LA, ,GNAS 'DI NYE
BAR GOS PA

MED; ,JI LTAR 'JIG RTEN THAMS CAD DU, ,NAM MKHA' LA NI SKYE
ZHING 'JIG, ,DE BZHIN 'DUS MA BYAS DBYINGS LA, ,DBANG PO RNAMS
NI SKYE ZHING 'JIG, ,JI LTAR NAM MKHA' ME RNAMS KYIS, ,SNGON
CHAD NAM YANG TSIG PA MED, ,DE BZHIN 'DI NI 'CHI BA DANG, ,NA
DANG

RGA BA'I MES MI 'TSIG, ,SA NI CHU LA CHU RLUNG LA, ,RLUNG NI
MKHA' LA RAB TU GNAS, ,MKHA' NI RLUNG DANG CHU DAG DANG, ,SA YI
KHAMS LA GNAS MA YIN, ,DE BZHIN PHUNG PO KHAMS DBANG RNAMS, ,LAS
DANG NYON MONGS DAG LA GNAS, ,LAS DANG NYON MONGS TSUL BZHIN
MIN, ,YID

LA BYED LA RTAG TU GNAS, ,TSUL BZHIN MA YIN YID BYED NI, ,SEMS
KYI DAG PA LA RAB GNAS, ,SEMS KYI RANG BZHIN CHOS RNAMS NI,
,THAMS CAD LA YANG GNAS PA MED, ,SA DANG 'DRA BA PHUNG PO DANG,
,SKYE MCHED KHAMS RNAMS SHES PAR BYA, ,CHU KHAMS DANG 'DRA LUS

CAN GYI, ,LAS DANG NYON MONGS SHES BYA STE, ,TSUL BZHIN MA YIN
YID BYED NI, ,RLUNG GI KHAMS DANG 'DRA PAR LTA, ,RANG BZHIN NAM
MKHA'I KHAMS BZHIN DU, ,DE BZHIN CAN MIN GNAS PA MED, ,TSUL
BZHIN MA YIN YID BYED NI, ,SEMS KYI RANG BZHIN LA GNAS TE, ,

TSUL BZHIN MA YIN YID BYED KYIS, ,LAS DANG NYON MONGS RAB TU
PHYE, ,LAS DANG NYON MONGS CHU LAS NI, ,PHUNG PO SKYE MCHED
KHAMS RNAMS 'BYUNG, ,DE 'JIG PA DANG CHAGS PA LTAR, ,SKYE DANG
'JIG PAR 'GYUR BA YIN, ,SEMS KYI RANG BZHIN NAM MKHA' YI, ,KHAMS
LTAR RGYU

@57B MED RKYEN MED DE, ,TSOGS PA MED CING SKYE BA DANG, ,'JIG
DANG GNAS LA'ANG YOD MA YIN, ,SEMS KYI RANG BZHIN 'OD GSAL GANG
YIN PA, ,DE NI NAM MKHA' BZHIN DU 'GYUR MED DE, ,YANG DAG MIN
RTOGS LAS BYUNG 'DOD CHAGS SOGS, ,GLO BUR DRI MAS DE NYON MONGS
MI

'GYUR, ,LAS DANG NYON MONGS CHU SOGS KYIS, ,'DI NI MNGON PAR
'GRUB MIN TE, ,'CHI DANG NA DANG RGA BA'I ME, ,MI BZAD PAS KYANG
'TSIG MI 'GYUR, ,DUS MTHA' DMYAL BA THA MAL PA'I, ,ME GSUM 'CHI
DANG NA BA DANG, ,RGA BA'I ME GSUM RIM BZHIN DU, ,DE DAG 'DRA

BAR SHES PAR BYA, ,SKYE 'CHI NA DANG RGA BA LAS GROL BA, ,'DI YI
RANG BZHIN JI BZHIN NYID RTOGS TE, ,SKYE SOGS PHONGS DANG BRAL
YANG DE YI RGYUS, ,BLO LDAN 'GRO LA SNYING RJE BSKYED PHYIR
BSTEN, ,'PHAGS PAS 'CHI DANG NA BA DANG, ,RGA BA'I SDUG BSNGAL
RTZAD NAS SPANGS, ,

LAS DANG NYON MONGS DBANG GIS SKYE, ,DE LA DE MED PHYIS DE MED,
,JI BZHIN YANG DAG MTHONG BA'I PHYIR, ,SKYE SOGS RNAMS LAS 'DAS
GYUR KYANG, ,SNYING RJE'I BDAG NYID SKYE BA DANG, ,'CHI DANG RGA
DANG NA BAR STON, ,RGYAL SRAS 'GYUR MED CHOS NYID 'DI, ,RTOGS
NAS MA RIG

LDONGS RNAMS KYIS, ,SKYE BA LA SOGS DAG TU NI, ,MTHONG BA GANG
YIN DE SMAD DO, ,'PHAGS PA'I SPYOD YUL THOB PA GANG, ,BYIS PA'I
SPYOD YUL DU STON TE, ,DE NYID PHYIR NA 'GRO BA YI, ,GNYEN GYI
THABS DANG SNYING RJE MCHOG, ,DE NI 'JIG RTEN THAMS CAD LAS,
,'DAS KYANG

'JIG RTEN LAS MA G-YOS, ,'JIG RTEN DON DU 'JIG RTEN NA, ,'JIG
RTEN DRI MAS MA GOS SPYOD, ,JI LTAR PAD MA CHU NANG DU, ,SKYES
PA CHU YIS GOS PA MED, ,DE BZHIN 'DI NI 'JIG RTEN DU, ,SKYES
KYANG 'JIG RTEN CHOS MI GOS, ,BYA BA SGRUB LA RTAG TU BLO, ,ME
BZHIN DU

NI 'BAR BA DANG, ,ZHI BA'I BSAM GTAN SNYOMS 'JUG LA, ,RTAG TU
SNYOMS PAR ZHUGS PA YIN, ,SNGON GYI 'PHEN PA'I DBANG DANG NI,
,RNAM RTOG THAMS CAD BRAL BA'I PHYIR, ,DE NI LUS CAN SMIN PA YI,
,DON DU 'BAD PA BYED MA YIN, ,BSTAN DANG GZUGS SKU DAG DANG

@58A *, ,NI; ,SPYOD DANG SPYOD LAM GYIS KYANG RUNG, ,GANG ZHIG
JI LTAR GANG GIS 'DUL, ,DES DE DE LTA NYID DU SHES, ,DE LTAR NAM
MKHA'I MTHA' KLAS KYI, ,'GRO LA RTAG TU LHUN GRUB PAR, ,THOGS
MED BLO LDAN DE YIS NI, ,SEMS CAN DON NI YANG DAG 'JUG

BYANG CHUB SEMS DPA'I TSUL 'DI NI, ,RJES THOB DE BZHIN GSHEGS
RNAMS DANG, ,SEMS CAN YANG DAG SGROL BA LA, ,'JIG RTEN NA NI
MNYAM PA NYID, ,DE LTA MOD KYI SA RDUL DANG, ,RGYA MTSO BA GLANG
RMIG RJES KYI, ,KHYAD PAR GANG YIN SANGS RGYAS DANG, ,BYANG CHUB

SEMS DPA'I KHYAD DE NYID, ,GZHAN 'GYUR MIN BDAG MI ZAD CHOS LDAN
PHYIR, ,'GRO SKYABS PHYI MA'I MTHA' MED MUR THUG PHYIR, ,DE NI
RTAG TU GNYIS MED MI RTOG PHYIR, ,'JIG MED CHOS KYANG MA BYAS
RANG BZHIN PHYIR, ,SKYE BA MED CING 'CHI BA MED, ,GNOD MED RGA
BA

MED PA STE, ,DE NI RTAG DANG BRTAN PHYIR DANG, ,ZHI BA'I PHYIR
DANG G-YUNG DRUNG PHYIR, ,DE NI YID KYI RANG BZHIN GYI, ,LUS
KYI SKYE MED RTAG PA'I PHYIR, ,BSAM MI KHYAB 'GYUR 'CHI 'PHO
YIS, ,DE NI MI 'CHI BRTAN PA'I PHYIR, ,BAG CHAGS PHRA MO'I NAD
RNAMS KYIS, ,GNOD MED

ZHI BA NYID KYI PHYIR, ,ZAG MED MNGON PAR 'DU BYED KYIS,
,G-YUNG DRUNG PHYIR NA RGA BA MED, ,DE LA TSIG GNYIS DE BZHIN
GNYIS, ,GNYIS DANG GNYIS KYIS GO RIMS BZHIN, ,'DUS MA BYAS PA'I
DBYINGS LA NI, ,RTAG PA LA SOGS DON SHES BYA, ,MI ZAD YON TAN
DANG LDAN PHYIR, ,

GZHAN 'GYUR MIN BDAG RTAG PA'I DON, ,MTHA' YI MU DANG MTSUNGS
PA'I PHYIR, ,SKYABS KYI BDAG NYID BRTAN PA'I DON, ,RNAM PAR MI
RTOG RANG BZHIN PHYIR, ,GNYIS MED CHOS NYID ZHI BA'I DON, ,MA
BCOS YON TAN NYID PHYIR NA, ,'JIG MED DON NI G-YUNG DRUNG NYID,
,GANG

PHYIR DE NI CHOS SKU DE NI DE BZHIN GSHEGS, ,DE NI 'PHAGS PA'I
BDEN PA DON DAM MYA NGAN 'DAS, ,DE PHYIR NYI DANG ZER BZHIN YON
TAN DBYER MED PAS, ,SANGS RGYAS NYID LAS MA GTOGS MYA NGAN 'DAS
PA MED, ,MDOR NA ZAG MED DBYINGS LA NI, ,DON GYI RAB TU DBYE BA
BZHIS, ,

@58B CHOS KYI SKU LA SOGS PA YI, ,RNAM GRANGS BZHIR NI RIG PAR
BYA, ,SANGS RGYAS CHOS DBYER MED PA DANG, ,DE RIGS DE BZHIN THOB
PA DANG, ,BRDZUN MED BSLU MED CHOS NYID DANG, ,GDOD NAS RANG
BZHIN ZHI NYID DO, ,RNAM KUN MNGON RDZOGS BYANG CHUB DANG, ,DRI
MA BAG CHAGS BCAS

SPANGS PA, ,SANGS RGYAS MYA NGAN 'DAS PA NI, ,DAM PA'I DON DU
GNYIS MED NYID, ,RNAM PA THAMS CAD GRANGS MED PA, ,BSAM MED DRI
MED YON TAN DANG, ,DBYER MED MTSAN NYID THAR PA STE, ,THAR PA
GANG DE DE BZHIN GSHEGS, ,JI LTAR RI MO 'DRI [*'BRI?] BYED PA,
,GZHAN DANG

GZHAN LA MKHAS PA DAG, ,GANG ZHIG YAN LAG GANG SHES PA, ,DE
GZHAN NGES ZIN MED PAR 'GYUR, ,DE NAS 'DI LA KHYED KUN GYIS,
,NGA YI GZUGS NI GYIS SHIG CES, ,MNGA' BDAG RGYAL POS DE DAG LA,
,BKA' YIS RAS NI BYIN PA DANG, ,DE LAS DE NI THOS GYUR TE, ,

RI MO'I LAS LA RAB SBYOR RO, ,DE LA MNGON PAR SBYOR RNAMS LA,
,GCIG GCIG YUL GZHAN SONG GYUR PA, ,DE NI YUL GZHAN SONG BAS NA,
,DE MA TSANG PHYIR RI MO DE, ,YAN LAG THAMS CAD YONGS RDZOGS
PAR, ,MI 'GYUR BZHIN SHES DPER BYAS SO, ,DE RNAMS 'DRI

BYED GANG YIN PA, ,SBYIN DANG TSUL KHRIMS BZOD LA SOGS, ,RNAM PA
KUN GYI MCHOG LDAN PA'I, ,STONG PA NYID NI GZUGS SU BRJOD, ,SHES
RAB YE SHES RNAM GROL RNAMS, ,GSAL DANG 'PHRO DANG DAG PHYIR
DANG, ,THA DAD MED PHYIR 'OD DANG ZER, ,NYI MA'I DKYIL 'KHOR

RNAMS DANG MTSUNGS, ,DES NA SANGS RGYAS MA THOB PAR, ,MYA NGAN
'DAS PA MI THOB STE, ,'OD DANG 'OD ZER SPANGS NAS NI, ,NYI MA
LTA BAR MI NUS BZHIN, ,DE LTAR RGYAL BA'I SNYING PO NI, ,RNAM
GZHAG RNAM PA BCU ZHES BRJOD, ,NYON MONGS SBUBS NANG GNAS PA DE,
,DPE

DAG GIS NI SHES PAR BYA, ,SANGS RGYAS PAD NGAN SBRANG RTZI
SBRANG MA LA, ,SBUN LA SNYING PO MI GTZANG NANG NA GSER, ,SA LA
GTER DANG SMYUG SOGS 'BRAS CHUNG DANG, ,GOS HRUL NANG NA RGYAL
BA'I SKU DANG NI, ,BUD MED NGAN MA'I LTO NA MI BDAG DANG, ,SA LA
RIN CHEN GZUGS

@59A *, ,YOD JI LTA BAR, ,GLO BUR NYON MONGS DRI MAS BSGRIBS PA
YI, ,SEMS CAN RNAMS LA DE BZHIN KHAMS 'DI GNAS, ,DRI MA PAD MA
SROG CHAGS SBUN PA MI GTZANG SA 'BRAS GOS HRUL DANG, ,SDUG
BSNGAL 'BAR BAS MNGON PAR GDUNGS BA'I BUD MED SA YI

KHAMS DANG MTSUNGS, ,SANGS RGYAS SBRANG RTZI SNYING PO GSER DANG
GTER DANG N+YA GRO RIN CHEN SKU, ,GLING BDAG MCHOG DANG RIN
CHEN GZUGS DANG DRI MED KHAMS MCHOG MTSUNGS PA NYID, ,JI LTAR
MDOG NGAN PAD MA'I KHONG GNAS PA, ,MTSAN STONG GIS 'BAR DE BZHIN
GSHEGS

PA NI, ,DRI MED LHA YI MIG LDAN MIS MTHONG NAS, ,CHU SKYES 'DAB
MA'I SBUBS NAS 'BYIN BYED PA, ,DE BZHIN BDE GSHEGS MNAR MED GNAS
RNAMS LA'ANG, ,SANGS RGYAS SPYAN GYIS RANG CHOS NYID GZIGS TE,
,SGRIB MED PHYI MTHA'I MUR GNAS THUGS RJE YI, ,BDAG CAG SGRIB

PA LAS NI GROL BAR MDZAD, ,JI LTAR MI SDUG PAD MA ZUM LA BDE BAR
GSHEGS PA NI, ,DE YI KHONG GNAS LHA MIG MTHONG NAS 'DAB MA GCOD
BYED LTAR, ,CHAGS SDANG SOGS DRI SBUBS BSGRIBS RDZOGS SANGS
SNYING PO 'GRO GZIGS TE, ,THUGS RJES THUB PA DE BZHIN SGRIB PA
DE NI

'JOMS PAR MDZAD, ,JI LTAR SROG CHAGS TSOGS BSKOR SBRANG RTZI NI,
,SKYES BU MKHAS PAS DE DON GNYER BA YIS, ,MTHONG NAS THABS KYIS
DE DANG SROG CHAGS TSOGS, ,KUN NAS BRAL BAR RAB TU BYED PA
BZHIN, ,DRANG SRONG CHEN POS KUN MKHYEN SPYAN GYIS NI, ,RIG

KHAMS SBRANG RTZI DANG 'DRA DE GZIGS NAS, ,DE YI SGRIB PA SBRANG
MA DANG 'DRA BA, ,GTAN NAS RAB TU SPONG BAR MDZAD PA YIN, ,JI
LTAR SBRANG RTZI SROG CHAGS BYE BA KHRAG KHRIG STONG BSGRIBS
SBRANG RTZI DON GNYER MIS, ,SBRANG MA DE DAG BSAL TE JI LTAR
'DOD PA BZHIN DU SBRANG RTZI'I BYA BYED PA, ,

DE BZHIN LUS CAN LA YOD ZAG PA MED PA'I SHES PA SBRANG MA'I RTZI
DANG 'DRA, ,NYON MONGS SBRANG MA DANG 'DRA DE 'JOMS PA LA MKHAS
PA'I RGYAL BA SKYES BU BZHIN, ,JI LTAR SPUN LDAN 'BRU YI SNYING
PO NI, ,MI RNAMS KYIS NI SPYAD BYAR MI 'GYUR BA, ,ZAS SOGS DON
DU GNYER BA GANG YIN

@59B PA, ,DE DAG GIS NI SBUN NAS DE 'BYIN LTAR, ,DE BZHIN SEMS
CAN LA YOD NYON MONGS KYI, ,DRI MA DANG 'DRES RGYAL BA'ANG JI
SRID DU, ,NYON MONGS DRI MA 'DRES LAS MA GROL BA, ,DE SRID RGYAL
MDZAD SRID GSUM 'DU MI BYED, ,JI LTAR S'A LU BRA BO NAS 'BRU'I
SNYING PO SBUN LAS

MA BYUNG GRA MA CAN, ,LEGS PAR MA BSGRUBS MI RNAMS KYIS NI SPYAD
BYA BZA' BA ZHIM POR MI 'GYUR LTAR, ,DE BZHIN SEMS CAN LA YOD
CHOS KYI DBANG PHYUG NYON MONGS SBUBS LAS MA GROL LUS, ,NYON
MONGS BKRES PAS NYEN PA'I 'GRO LA CHOS KYI DGA' BA'I RO STER
'GYUR BA MIN,

JI LTAR RAB TU RGYU TSE MI YI GSER, ,LJAN LJIN RUL PA'I GNAS SU
LHUNG GYUR PA, ,MI 'JIG CHOS CAN DE NI DER DE BZHIN, ,LO BRGYA
MANG PO DAG TU GNAS PA DE, ,LHA MIG RNAM DAG DANG LDAN LHA YIS
DER, ,MTHONG NAS MI LA 'DI NA YOD PA'I GSER, ,RIN CHEN MCHOG 'DI

SBYANGS TE RIN CHEN GYIS, ,BSGRUB PAR BYA BA GYIS ZHES SMRA BA
LTAR, ,DE BZHIN THUB PAS MI GTZANG DANG 'DRA BA'I, ,NYON MONGS
SU BYING SEMS CAN YON TAN NI, ,GZIGS NAS NYON MONGS 'DAM DE DAG
BYA'I PHYIR, ,SKYE DGU RNAMS LA DAM CHOS CHU CHAR 'BEBS, ,JI
LTAR LJAN LJIN RUL

PA'I GNAS SU LHUNG PA'I GSER NI LHA YIS MTHONG GYUR NAS, ,KUN TU
DAG PAR BYA PHYIR MCHOG TU MDZES PA MI LA NAN GYIS STON PA LTAR,
,DE BZHIN RGYAL BAS NYON MONGS MI GTZANG CHEN POR LHUNG GYUR
RDZOGS SANGS RIN PO CHE, ,SEMS CAN RNAMS LA GZIGS NAS DE DAG BYA
PHYIR LUS

CAN RNAMS LA CHOS STON TO, ,JI LTAR MI DBUL KHYIM NANG SA 'OG
NA, ,MI ZAD PA YI GTER NI YOD GYUR LA, ,MI DES DE MA SHES TE
GTER DE YANG, ,DE LA NGA 'DIR YOD CES MI SMRA LTAR, ,DE BZHIN
YID KYI NANG CHUD RIN CHEN GTER, ,DRI MED GZHAG DANG BSAL MED
CHOS

NYID KYANG, ,MA RTOGS PAS NA DBUL BA'I SDUG BSNGAL NI, ,RNAM
MANG RGYUN DU SKYE DGU 'DIS MYONG NGO, ,JI LTAR DBUL PO'I KHYIM
NANG DU NI RIN CHEN GTER CHUD GYUR PA'I MI LA NI, ,RIN CHEN GTER
BDAG YOD CES RJOD PAR MI BYED DE NI MI YIS SHES MIN LTAR, ,DE
BZHIN CHOS

@60A *, ,GTER YID KYI KHYIM GNAS SEMS CAN RNAMS NI DBUL PO LTA
BU STE, ,DE DAG RNAMS KYIS DE THOB BYA PHYIR 'JIG RTEN DU NI
DRANG SRONG YANG DAG BSTAMS, ,JI LTAR AA MRA LA SOGS SHING 'BRAS
LA, ,YOD PA'I SA BON MYU GU 'JIG MED CHOS, ,SA RMOS CHU

SOGS LDAN PA'I LJON SHING GI, ,RGYAL PO'I DNGOS PO RIM GYIS
'GRUB PA LTAR, ,SEMS CAN RNAMS KYI MA RIG SOGS 'BRAS KYI, ,PAGS
SBUBS NANG CHUD CHOS KHAMS DGE BA YANG, ,DE BZHIN DGE BA DE DE
LA BRTEN NAS, ,RIM GYIS THUB PA'I RGYAL PO'I DNGOS POR 'GYUR, ,

CHU DANG NYI MA'I 'OD DANG RLUNG DANG SA DUS NAM MKHA'I RKYEN
RNAMS KYIS, ,TA LA DANG NI AA MRA'I 'BRAS SPUBS GSEB NAS SHING
SKYE JI LTAR BAR, ,SEMS CAN NYON MONGS 'BRAS LPAGS NANG CHUD
RDZOGS SANGS SA BON MYU GU YANG, ,DE BZHIN DGE RKYEN DE DANG DE
LAS CHOS MTHONG 'PHEL

BAR 'GYUR BA YIN, ,JI LTAR RIN CHEN LAS BYAS RGYAL BA'I GZUGS,
,GOS HRUL DRI NGAN GYIS NI GTUMS GYUR PA, ,LAM GNAS LHA YIS
MTHONG NAS GROL BYA'I PHYIR, ,LAM GNAS DON DE DE LA SMRA BA
LTAR, ,THOGS MED SPYAN MNGA' RNAM PA SNA TSOGS KYI, ,NYON RMONGS
KYIS

GTUMS BDE GSHEGS DNGOS PO NYID, ,DUD 'GRO LA YANG GZIGS NAS DE
BZHIN DE, ,THAR PAR BYA BA'I DON DU THABS STON MDZOD, ,JI LTAR
RIN CHEN RANG BZHIN DE BZHIN GSHEGS SKU DRIN NGAN GOS GTUMS PA,
,LAM GNAS LHA YI MIG GIS MTHONG NAS THAR PHYIR MI LA STON PA
LTAR, ,DE BZHIN NYON

MONGS GOS HRUL GYIS GTUMS 'KHOR BA'I LAM NA GNAS PA'I KHAMS,
,DUD 'GRO LA YANG GZIGS NAS THAR BAR BYA PHYIR RGYAL BA CHOS
STON TO, ,JI LTAR MI MO GZUGS NGAN MGON MED 'GA', ,MGON MED 'DUG
GNAS SU NI 'DUG GYUR LA, ,MNGAL GYIS RGYAL PO'I DPAL

NI 'DZIN BYED PAS, ,RANG LTO NA YOD MI BDAG MI SHES LTAR, ,SRID
PAR SKYE BA MGON MED KHYIM BZHIN TE, ,MA DAG SEMS CAN MNGAL LDAN
BUD MED BZHIN, ,DE LA GANG ZHIG YOD PAS MGON BCAS PA, ,DRI MED
KHAMS NI DE YI MNGAL GNAS BZHIN, ,JI LTAR BUD MED

@60B LUS LA DRI BCAS GOS GYON MI SDUG GZUGS LDAN PA, ,SA BDAG
MNGAL NA GNAS KYANG MGON MED KHANG PAR SDUG BSNGAL MCHOG MYONG
LTAR, ,DE BZHIN BDAG RANG NANG GNAS MGON YOD GYUR KYANG MGON MED
BLO LDAN PA, ,'GRO BA NYON MONGS DBANG GIS YID MA ZHI BAS SDUG

BSNGAL GZHI LA GNAS, ,JI LTAR NANG GI GSER ZHUN GZUGS RGYAS PA,
,ZHI BA PHYI ROL SA YI RANG BZHIN CAN, ,MTHONG NAS DE SHES PA
DAG NANG GI GSER, ,SBYANG PHYIR PHYI ROL SGRIB PA SEL BYED LTAR,
,RANG BZHIN 'OD GSAL DRI MED RNAMS KYANG NI, ,GLO BUR BAR NI
RNAM PAR

GZIGS GYUR NAS, ,RIN CHEN 'BYUNG GNAS LTA BU'I 'GRO BA RNAMS,
,SGRIB PA DAG LAS SBYONG MDZAD BYANG CHUB MCHOG, ,JI LTAR DRI
MED GSER 'BAR LAS BYAS SA YI NANG DU CHUD GYUR GZUGS, ,ZHI DE
RANG BZHIN MKHAS PAS RIG NAS SA DAG SEL PAR BYED PAR LTAR, ,DE

BZHIN KUN MKHYEN DAG PA'I GSER 'DRA ZHI BA'I YID NI MKHYEN GYUR
NAS, ,CHOS 'CHAD TSUL GYIS BRDEG SPYAD SGRUB PAS SGRIB PA DAG NI
SEL BAR MDZAD, ,PAD MA SROG CHAGS BUNG BA DANG, ,SBUN PA DANG NI
MI GTZANG SA, ,'BRAS SHUN GOS HRUL BUD MED KYI, ,MNGAL DANG SA
YI SBUBS

NA YANG, ,SANGS RGYAS SBRANG RTZI SNYING PO BZHIN, ,GSER BZHIN
GTER BZHIN LJON PA BZHIN, ,RIN CHEN SKU DANG 'KHOR LO YIS,
,BSGYUR BA BZHIN DANG GSER GZUGS BZHIN, ,SEMS CAN KHAMS KYI NYON
MONGS SBUBS, ,MA 'BREL THOG MA MED PA NA, ,

SEMS KYI RANG BZHIN DRI MED NI, ,THOG MA MED PA YIN PAR BRJOD,
,CHAGS DANG SDANG DANG RMONGS DANG DE'I, ,KUN LDANG DRAG DANG
BAG CHAGS DANG, ,MTHONG SGOM LAM SPANG MA DAG DANG, ,DAG PA'I SA
LA BRTEN PA YI, ,DRI MA RNAM DGU PAD MA YI, ,SBUBS SOGS

DPE NI RAB BSTAN TE, ,NYE BA'I NYON MONGS SBUBS KYI NI, ,DBYE BA
BYE BA MTHA' LAS 'DAS, ,CHAGS SOGS DRI MA DGU PO 'DI, ,MDOR
BSDUS NAS NI GO RIMS BZHIN, ,PAD MA'I SBUBS LA SOGS PA YI, ,DPE
DGU DAG GIS YANG DAG BSTAN, ,DRI 'DI DAG GIS BYIS

@61A *, ,RNAMS DANG, ,DGRA BCOM SLOB PA BLO LDAN RNAMS, ,RIM
BZHIN BZHI DANG GCIG DANG NI, ,GNYIS DANG GNYIS KYIS MA DAG
NYID, ,JI LTAR PAD MA 'DAM SKYES DE, ,MDUN DU GYUR NA YID DGA'
DANG, ,PHYIS NAS DGA' BA MED 'GYUR PA, ,'DOD

CHAGS DGA' BA DE BZHIN NO, ,JI LTAR SROG CHAGS SBRANG MA NI,
,SHIN TU 'KHRUGS TE MDUNG BRDEG LTAR, ,DE BZHIN ZHE SDANG SKYE
BAS NA, ,SNYING LA SDUG BSNGAL SKYED PAR BYED, ,JI LTA 'BRAS
SOGS SNYING PO NI, ,PHYI ROL SBUN PAS BSGRIBS PA LTAR, ,DE BZHIN
SNYING PO'I

DON MTHONG BA, ,MA RIG SGO NGA'I SBUBS KYIS BSGRIBS, ,JI LTAR MI
GTZANG MI MTHUN PA, ,DE BZHIN CHAGS DANG BCAS RNAMS KYI, ,'DOD
PA BSTEN PA'I RGYU YIN PHYIR, ,KUN NAS LDANG BA MI GTZANG 'DRA,
,JI LTAR NOR NI BSGRIBS PAS NA, ,MI SHES GTER MI THOB PA

LTAR, ,DE BZHIN SKYE LA RANG BYUNG NYID, ,MA RIG BAG CHAGS SA
YIS BSGRIBS, ,JI LTAR MYUG SOGS RIM SKYE BAS, ,SA BON SHUN PA
GCOD PA LTAR, ,DE BZHIN DE NYID MTHONG BA YIS, ,MTHONG SPANG
RNAMS NI BZLOG PAR 'GYUR, ,'PHAGS PA'I LAM DANG 'BREL

PA LAS, ,'JIG TSOGS SNYING PO BCOM RNAMS KYIS, ,BSGOM LAM YE
SHES SPANG BYA RNAMS, ,GOS HRUL DAG DANG MTSUNGS PAR BSTAN, ,SA
BDUN LA BRTEN DRI MA NI, ,MNGAL SBUBS DRI MA DAG DANG MTSUNGS,
,MNGAL SBUBS BRAL 'DRA MI RTOG PA'I, ,YE SHES

RNAM PAR SMIN PA BZHIN, ,SA GSUM RJES 'BREL DRI MA RNAMS, ,SA
'DAM GOS BZHIN SHES BYA STE, ,BDAG NYID CHEN PO RDO RJE LTA'I,
,TING NGE 'DZIN GYIS GZHOM BYA YIN, ,DE LTAR CHAGS SOGS DRI MA
DGU, ,PAD MA LA SOGS DAG DANG MTSUNGS, ,RANG BZHIN

GSUM GYIS BSDUS PHYIR KHAMS, ,SANGS RGYAS SOGS DANG CHOS MTSUNGS
SO, ,'DI YI RANG BZHIN CHOS SKU DANG, ,DE BZHIN NYID DANG RIGS
KYANG STE, ,DE NI DPE GSUM GCIG DANG NI, ,LNGA RNAMS KYIS NI
SHES PAR BYA, ,CHOS SKU RNAM GNYIS SHES BYA STE, ,CHOS
 
@61B DBYINGS SHIN TU DRI MED DANG, ,DE YI RGYU MTHUN ZAB PA
DANG, ,SNA TSOGS TSUL NI STON PA'O, ,'JIG RTEN 'DAS PHYIR 'JIG
RTEN NA, ,'DI LA DPE NI MI DMIGS PAS, ,DE BZHIN GSHEGS PA NYID
DANG KHAMS, ,'DRA BA NYID DU BSTAN PA YIN, ,PHRA MO ZAB MO'I
TSUL

BSTAN NI, ,SBRANG RTZI RO GCIG PA BZHIN TE, ,RNAM PA SNA TSOGS
TSUL BSTAN NI, ,SNA TSOGS SBUBS SNYING BZHIN SHES BYA, ,RANG
BZHIN 'GYUR BA MED PA DANG, ,DGE DANG RNAM PAR DAG PA'I PHYIR,
,DE BZHIN NYID 'DI GSER GYI NI, ,GZUGS DANG MTSUNGS PAR

BRJOD PA YIN, ,GTER DANG 'BRAS BU'I SHING BZHIN DU, ,RIGS DE
RNAM GNYIS SHES BYA STE, ,THOG MED RANG BZHIN GNAS PA DANG,
,YANG DAG BLANG BA MCHOG NYID DO, ,RIGS 'DI GNYIS LAS SANGS
RGYAS KYI, ,SKU GSUM THOB PAR 'DOD PA YIN, ,DANG PO'I SKU NI

DANG PO STE, ,GNYIS PA YIS NI PHYI MA GNYIS, ,NGO BO NYID SKU
MDZES PA NI, ,RIN CHEN SKU 'DRAR SHES BYA STE, ,RANG BZHIN GYIS
NI BYAS MIN DANG, ,YON TAN RIN CHEN GTER YIN PHYIR, ,CHOS CHEN
RGYAL SRID CHE LDAN PHYIR, ,RDZOGS LONGS 'KHOR LOS SGYUR BZHIN
NO, ,

GZUGS BRNYAN GYI NI RANG BZHIN PHYIR, ,SPRUL PA GSER GYI GZUGS
LTA BU, ,RANG BYUNG RNAMS KYI DON DAM DE, ,DAD PA NYID KYIS
RTOGS BYA YIN, ,NYI MA'I DKYIL 'KHOR 'OD 'BAR BA, ,MIG MED PAS
NI MTHONG BA MED, ,'DI LA BSAL BYA CI YANG MED, ,GZHAG PAR BYA
BA

CUNG ZAD MED, ,YANG DAG NYID LA YANG DAG LTA, ,YANG DAG MTHONG
NA RNAM PAR GROL, ,RNAM DBYE BCAS PA'I MTSAN NYID CAN, ,GLO BUR
DAG GIS KHAMS STONG GI, ,RNAM DBYE MED PA'I MTSAN NYID CAN, ,BLA
MED CHOS KYIS STONG MA YIN, ,SPRIN DANG RMI LAM SGYU BZHIN

DE DANG DER, ,SHES BYA THAMS CAD RNAM KUN STONG PA ZHES, ,GSUNGS
NAS YANG 'DIR RGYAL RNAMS SEMS CAN LA, ,SANGS RGYAS SNYING PO
YOD CES CI STE GSUNGS, ,SEMS ZHUM SEMS CAN DMAN LA BRNYAS PA
DANG, ,YANG DAG MIN 'DZIN YANG DAG CHOS LA SKUR, ,BDAG

@62A *, ,CAG LHAG PA'I SKYON LNGA GANG DAG LA, ,YOD PA DE DAG DE
SPANG DON DU GSUNGS, ,YANG DAG MTHA' NI 'DUS BYAS KYIS, ,RNAM PA
THAMS CAD DBEN PA STE, ,NYON MONGS LAS DANG RNAM SMIN DON,
,SPRIN LA SOGS PA BZHIN DU BRJOD, ,NYON

MONGS SPRIN 'DRA BYA BA YIN, ,LAS NI RMI LAM LONGS SPYOD BZHIN,
,NYON MONGS LAS KYI RNAM PAR SMIN, ,PHUNG PO SGYU MA SPRUL PA
BZHIN, ,SNGAR NI DE LTAR RNAM BZHAG NAS, ,SLAR YANG BLA MA'I
RGYUD 'DIR NI, ,NYES PA LNGA DAG SPANG BA'I PHYIR, ,KHAMS YOD
NYID

CES BSTAN PA YIN, ,'DI LTAR DE NI MA THOS PAR, ,BDAG LA BRNYES
PA'I NYES PA YIS, ,SEMS NI ZHUM PA 'GA' ZHIG NAS, ,BYANG CHUB
SEMS NI SKYE MI 'GYUR, ,GANG LA BYANG CHUB SEMS SKYES PAS, ,BDAG
NI MCHOG CES RLOM PA NA, ,BYANG CHUB SEMS MA SKYES

PA LA, ,DMAN PA'I 'DU SHES RAB TU 'JUG, ,DE LTAR SEMS PA DE LA
NI, ,YANG DAG SHES PA MI SKYE BA, ,DES NA YANG DAG MIN 'DZIN
CING, ,YANG DAG DON NI RIG MI 'GYUR, ,BCOS MA GLO BUR BA NYID
PHYIR, ,SEMS CAN SKYON DE YANG DAG MIN, ,YANG DAG NYES

DE BDAG MED PA, ,YON TAN RANG BZHIN DAG PA YIN, ,YANG DAG MIN
PA'I NYES 'DZIN CING, ,YANG DAG YON TAN SKUR 'DEBS PA, ,BLO LDAN
BDAG DANG SEMS CAN LA, ,MTSUNGS MTHONG BYAMS PA THOB MI 'GYUR,
,'DI LTAR DE NI THOS PA LAS, ,SPRO DANG STON PA BZHIN

GUS DANG, ,SHES RAB YE SHES BYAMS CHEN SKYE, ,CHOS LNGA SKYE
PHYIR DE LAS NI, ,KHA NA MA THO MED MTSUNGS LTA, ,SKYON MED YON
TAN LDAN PA DANG, ,BDAG DANG SEMS CAN MTSUNGS BYAMS LAS, ,SANGS
RGYAS NYID NI MYUR DU 'THOB, ,THEG PA CHEN PO RGYUD BLA MA'I
BSTAN BCOS

DKON MCHOG GI RIGS RNAM PAR DBYE BA LAS, ,DE BZHIN GSHEGS PA'I
SNYING PO'I SKABS TE DANG PO'O,, ,,DAG THOB BRAL BA RANG BZHIN
DON, ,DE BRTEN ZAB DANG RGYA CHE DANG, ,BDAG NYID CHEN PO DE
YANG NI, ,JI SRID RUS DANG JI LTA NYID, ,NGO BO RGYU DANG 'BRAS
BU DANG, ,

@62B LAS DANG LDAN LA 'JUG PA DANG, ,DE RTAG BSAM MI KHYAB NYID
KYIS, ,SANGS RGYAS SA NI MNYAM PAR GZHAG, ,RANG BZHIN 'OD GSAL
ZHES BRJOD GANG YIN NYI DANG MKHA' BZHIN GLO BUR GYI, ,NYON
MONGS SHES BYA'I SPRIN TSOGS STUG PO'I SGRIB PA YIS NI BSGRIBS

GYUR PA, ,DRI MED SANGS RGYAS YON TAN KUN LDAN RTAG BRTAN
G-YUNG DRUNG SANGS RGYAS NYID, ,DE NI CHOS LA MI RTOG RNAM
'BYED YE SHES DAG LA BRTEN NAS 'THOB, ,SANGS RGYAS NYID NI DBYER
MED PA, ,DAG PA'I CHOS KYIS RAB PHYE BA, ,NYI MA MKHA' BZHIN YE
SHES DANG, ,

SPANGS PA GNYIS KYI MTSAN NYID DO, ,'OD GSAL BYAS MIN DBYER MED
PAR, ,'JUG CAN GANG G'A'I KLUNG GI NI, ,RDUL LAS 'DAS PHYIR
SANGS RGYAS KYI, ,CHOS RNAMS KUN DANG LDAN PA NYID, ,RANG BZHIN
GYIS NI MA GRUB DANG, ,KHYAB DANG GLO BUR BA NYID KYIS, ,NYON
MONGS

SHES BYA'I SGRIB PA DER, ,SPRIN DANG 'DRA BAR BRJOD PA YIN,
,SGRIB PA GNYIS DANG BRAL BA YI, ,RGYU NI YE SHES GNYIS YIN TE,
,MI RTOG PA DANG DE YI NI, ,RJES THOB DE NI YE SHES 'DOD, ,DRI
MED CHU LDAN RIM RGYAS PAD MAS KHEBS PA'I MTSO BZHIN DANG, ,SGRA
GCAN KHA

NAS THAR BA'I ZLA BA NYA BA LTA BU DANG, ,SPRIN TSOGS NYON MONGS
DAG LAS GROL BA'I NYI MA LTA BUR NI, ,DRI MED YON TAN LDAN PHYIR
'OD ZER SNANG LDAN DE NYID DO, ,THUB PA KHYU MCHOG SBRANG RTZI
SNYING PO DANG, ,RIN CHEN GSER DANG GTER DANG LJON PA BZHIN,
,DRI MED RIN CHEN BDE GSHEGS

SKU DANG NI, ,SA BDAG GSER GYI GZUGS 'DRA RGYAL BA NYID, ,CHU
MTSO SOGS BZHIN 'DOD CHAGS SOGS, ,GLO BUR NYON MONGS DAG PA NI,
,MDOR NA MI RTOG YE SHES KYI, ,'BRAS BU YIN PAR RAB TU BRJOD,
,RNAM PA KUN GYI MCHOG LDAN PA'I, ,SANGS RGYAS SKU NI NGES

THOB PA, ,DE NI RJES LAS THOB PA YI, ,YE SHES 'BRAS BU YIN PAR
STON, ,'DOD CHAGS RDUL NI SPANG PHYIR DANG, ,GDUL BYA YI NI
PADMA LA, ,BSAM GTAN CHU NI 'BAB PHYIR DE, ,CHU DAG RDZING DANG
MTSUNGS PA NYID, ,ZHE SDANG SGRA GCAN LAS GROL BAS, ,SNYING RJE
BYAMS

@63A *, ,CHEN 'OD ZER GYIS, ,'GRO BA KHYAB PA'I PHYIR NA DE,
,DRI MED ZLA BA NYA BA BZHIN, ,GTI MUG SPRIN LAS RNAM GROL BA,
,'GRO BAR YE SHES 'OD ZER GYIS, ,MUN PA SEL PHYIR SANGS RGYAS
NYID, ,DE NI DRI MED NYI MA BZHIN, ,MI MNYAM MNYAM PA'I CHOS
PHYIR DANG, ,

DAM CHOS RO NI SBYIN MDZAD DANG, ,SHUN PA DANG NI BRAL PHYIR DE,
,BDE GSHEGS SBRANG RTZI SNYING PO BZHIN, ,DAG PHYIR YON TAN
RDZAS KYIS NI, ,DBUL BA SEL BAR BYED PHYIR DANG, ,RNAM GROL
'BRAS BU 'BYIN BYED PHYIR, ,GSER DANG GTER DANG LJON PA BZHIN,
,RIN CHEN CHOS KYI

SKU PHYIR DANG, ,RKANG GNYIS BDAG PO'I MCHOG PHYIR DANG, ,RIN
CHEN GZUGS KYI RNAM PA'I PHYIR, ,DE NI RIN CHEN RGYAL GSER
BZHIN, ,ZAG PA MED KHYAB 'JIG MED CHOS CAN TE, ,BRTAN ZHI RTAG
PA 'PHO MED GNAS YIN NO, ,DE BZHIN GSHEGS PA MKHA' BZHIN DAG PA
YI, ,DBANG

PO DRUG DON NYAMS SU MYONG BA'I RGYU, ,'BYUNG MED GZUGS DON BLTA
DANG GTAM BZANG NI, ,GTZANG MA MNYAN DANG BDE GSHEGS TSUL KHRIMS
KYI, ,DRI GTZANG SNOM DANG 'PHAGS CHEN DAM CHOS RO, ,MYANG DANG
TING 'DZIN REG BDE NYAMS MYONG DANG, ,RANG GI NGO BO NYID KYI
ZAB PA'I TSUL, ,

RTOGS PA'I RGYUR GYUR ZHIB MOR BSAMS PA NA, ,DON DAM BDE MDZAD
DE BZHIN GSHEGS PA NI, ,NAM MKHA' BZHIN DU RGYU MTSAN RNAMS DANG
BRAL, ,MDOR NA YE SHES GNYIS PO YI, ,LAS SU 'DI NI SHES BYA STE,
,GROL BA'I SKU NI RDZOGS PA DANG, ,CHOS KYI SKU NI SBYONG BA'O,
,

RNAM GROL CHOS KYI SKU DAG NI, ,RNAM GNYIS RNAM GCIG SHES BYA
STE, ,ZAG PA MED PHYIR KHYAB PA'I PHYIR, ,'DUS MA BYAS PHYIR
GNAS NYID PHYIR, ,NYON MONGS RNAMS NI BAG CHAGS DANG, ,BCAS PA
'GAGS PHYIR ZAG MED DE, ,CHAGS MED THOGS PA MED PA'I PHYIR, ,YE
SHES

KHYAB PA NYID DU 'DOD, ,GTAN DU 'JIG PA MED PA YI, ,RANG BZHIN
YIN PHYIR 'DUS MA BYAS, ,'JIG MED NYID NI BSTAN PA STE, ,BRTAN
SOGS RNAMS KYIS DE BSHAD DO, ,'JIG PA RNAM BZHIR SHES BYA STE,
,BRTAN SOGS DAG LAS BZLOG PHYIR RO, ,MYAGS DANG

@63B RNAM 'GYUR CHAD PA DANG, ,BSAM MI KHYAB 'GYUR 'PHO BA STE,
,DE MED PHYIR NA BRTAN ZHI DANG, ,RTAG DANG 'PHO MED SHES PAR
BYA, ,DRI MED SHES DE DKAR PO YI, ,CHOS KYI RTEN YIN PHYIR NA
GNAS, ,JI LTAR RGYU MIN NAM MKHA' NI, ,GZUGS MTHONG BA DANG SGRA
DANG DRI, ,RO DANG

REG DANG CHOS RNAMS NI, ,THOS LA SOGS PA'I RGYU YIN LTAR, ,DE
BZHIN SKU GNYIS SGRIB MED PA'I, ,SBYOR BAS BSTAN PA'I DBANG DON
LA, ,ZAG PA MED PA'I YON TAN DAG, ,SKYE BA YI NI RGYU YIN NO,
,BSAM MED RTAG BRTAN ZHI BA G-YUNG DRUNG NYID, ,RAB TU ZHI
KHYAB RTOG

BRAL NAM MKHA' BZHIN, ,CHAGS MED KUN TU THOGS MED RTZUB REG
SPANGS, ,LTA GZUNG MED DGE SANGS RGYAS DRI MA MED, ,RNAM GROL
'CHOS KYI SKU DAG GIS, ,RANG DANG GZHAN GYI DON BSTAN TE, ,RANG
GZHAN DON RTEN DE LA NI, ,BSAM MI KHYAB SOGS YON TAN LDAN,

THAMS CAD MKHYEN PA'I YE SHES YUL, ,SANGS RGYAS SHES GSUM YUL
MIN PHYIR, ,YE SHES LUS CAN RNAMS KYIS NI, ,BSAM MI KHYAB PAR
RTOGS PAR BYA, ,PHRA PHYIR THOS PA'I YUL MIN TE, ,DON DAM YIN
PHYIR BSAM BYA'I MIN, ,CHOS NYID ZAB PHYIR 'JIG RTEN PA'I,

BSGOM PA LA SOGS YUL MA YIN, ,GANG PHYIR GZUGS LA DMUS LONG
BZHIN, ,BYIS PAS DE SNGON MTHONG MA MYONG, ,BTZAS PA'I KHYIM NAS
BU CHUNG GIS, ,NYI MA'I GZUGS BZHIN 'PHAGS PAS KYANG, ,SKYE DANG
BRAL PHYIR RTAG PA STE, ,'GAG MED PHYIR NA BRTAN PA YIN, ,

GNYIS MED PHYIR DE ZHI BA STE, ,G-YUNG DRUNG CHOS NYID GNAS
PHYIR RO, ,RAB ZHI 'GOG PA'I BDEN PA'I PHYIR, ,THAMS CAD RTOGS
PHYIR KHYAB PA NYID, ,GNAS PA MED PHYIR RTOG MED DE, ,NYON MONGS
SPANGS PHYIR CHAGS PA MED, ,SHES BYA'I SGRIB KUN DAG PA'I PHYIR,
,THAMS

CAD DU NI THOGS PA MED, ,GNYIS MED LAS SU RUNG BA'I PHYIR,
,RTZUB PA'I REG DANG BRAL BA YIN, ,DE GZUGS MED PHYIR BLTAR MED
DE, ,MTSAN MA MED PHYIR GZUNG DU MED, ,DGE BA RANG BZHIN DAG
PA'I PHYIR, ,DRI MED DRI MA SPANGS PHYIR RO, ,THOG MA DBUS MTHA'

@64A *, ,MED CING RNAM DBYER MED, ,GNYIS MED GSUM BRAL DRI MED
RNAM RTOG MED, ,CHOS DBYINGS RANG BZHIN GANG YIN DE RTOGS PA,
,MNYAM PAR BZHAG PA'I RNAL 'BYOR PA YIS MTHONG, ,GZHAL MED GANG
G'A'I BYE MA LAS 'DAS PA, ,BSAM MED MNYAM

MED YON TAN RNAMS DANG LDAN, ,DE BZHIN GSHEGS PA'I DRI MED
DBYINGS DE NI, ,BAG CHAGS BCAS PA'I NYES PA RNAM SPANGS PA'O,
,SNA TSOGS DAM CHOS 'OD ZER MNGA' BA'I SKUS, ,'GRO BA'I RNAM
GROL DON GRUB LA BRTZON PA, ,MDZAD PA YID BZHIN NOR BU'I RGYAL
BZHIN

TE; ,SNA TSOGS DNGOS KYANG DE YI RANG BZHIN MIN, ,'JIG RTEN ZHI
BA'I LAM LA 'JUG PA DANG, ,RAB TU SMIN DANG LUNG STON RGYU YI
GZUGS, ,GANG YIN DE YANG 'DIR NI RTAG GNAS TE, ,NAM MKHA'I KHAMS
SU GZUGS KYI KHAMS BZHIN NO, ,RANG BYUNG RNAMS KYI

THAMS CAD MKHYEN, ,SANGS RGYAS NYID CES GANG BRJOD PA, ,MCHOG TU
MYA NGAN 'DAS BSAM MED, ,DGRA BCOM SO SO'I BDAG GYUR PA, ,DE
DBYE ZAB DANG RGYA CHE DANG, ,BDAG NYID CHEN PO'I YON TAN GYI,
,CHOS KYIS RAB PHYE RANG BZHIN LA, ,SOGS PA'I SKU GSUM DAG GIS

'JUG ,DE LA SANGS RGYAS RNAMS KYI NI, ,NGO BO NYID SKU MTSAN
NYID LNGA, ,MDOR NA YON TAN LNGA DANG NI, ,LDAN PA NYID DU RIG
PAR BYA, ,'DUS MA BYAS SHING RNAM DBYER MED, ,MTHA' GNYIS DAG NI
RNAM PAR SPANGS, ,NYON MONGS SHES BYA SNYOMS 'JUG GI ,SGRIB GSUM

LAS NI NGES GROL TE, ,DRI MED RNAM PAR RTOG MED DANG, ,RNAL
'BYOR RNAMS KYI YUL YIN PHYIR, ,CHOS DBYINGS NGO BO NYID KYIS
NI, ,DAG PA'I PHYIR NA 'OD GSAL BA, ,GZHAL MED GRANGS MED BSAM
MED PA, ,MNYAM MED DAG PA'I MTHAR THUG PA'I, ,YON TAN RNAMS DANG
YANG

DAG PAR, ,NGO BO NYID KYI SKU LDAN TE, ,RGYA CHE'I PHYIR DANG
GRANGS MED PHYIR, ,RTOG GE'I YUL NI MIN PHYIR DANG, ,'BA' ZHIG
BAG CHAGS BCAS SPANG PHYIR, ,GZHAL MED LA SOGS GO RIMS BZHIN,
,SNA TSOGS CHOS LA RDZOGS LONGS SPYOD, ,RANG BZHIN CHOS NI SNANG
PHYIR

@64B DANG, ,THUGS RJE DAG PA'I RGYU MTHUN PA, ,'GRO DON RGYUN MI
'CHAD PHYIR DANG, ,RNAM PAR RTOG MED LHUN GRUB PAR, ,'DOD PA JI
BZHIN YONGS SKONG PHYIR, ,YID BZHIN NOR BU'I RDZU 'PHRUL GYIS,
,RDZOGS PAR LONGS SPYOD RNAM PAR GNAS, ,BRJOD STON MDZAD RGYUN
MI

'CHAD DANG, ,MNGON PAR 'DU BYED MED PA DANG, ,DE YI NGO BO MIN
STON LA, ,'DIR NI SNA TSOGS RNAM LNGAR STON, ,JI LTAR TSON NI
SNA TSOGS KYIS, ,NOR BU DE DNGOS MIN SNANG LTAR, ,DE BZHIN 'GRO
RKYEN SNA TSOGS PAS, ,KHYAB BDAG DE DNGOS MIN PAR SNANG, ,THUGS
RJE

CHEN POS 'JIG RTEN MKHYEN, ,'JIG RTEN KUN LA GZIGS NAS NI, ,CHOS
KYI SKU LAS MA G-YOS PAR, ,SPRUL PA'I RANG BZHIN SNA TSOGS
KYIS, ,SKYE BA MNGON PAR SKYE BA DANG, ,DGA' LDAN GNAS NAS 'PHO
BA DANG, ,LHUMS SU 'JUG DANG BLTAMS PA DANG, ,BZO YI GNAS LA

MKHAS PA DANG, ,BTZUN MO'I 'KHOR DGYES ROL PA DANG, ,NGES 'BYUNG
DKA' BA SPYOD PA DANG, ,BYANG CHUB SNYING POR GSHEGS PA DANG,
,BDUD SDE 'JOMS DANG RDZOGS PAR NI, ,BYANG CHUB CHOS KYI 'KHOR
LO DANG, ,MYA NGAN 'DAS PAR GSHEGS MDZAD RNAMS, ,YONGS SU

MA DAG ZHING RNAMS SU, ,SRID PA JI SRID GNAS PAR STON, ,MI RTAG
SDUG BSNGAL BDAG MED DANG, ,ZHI BA'I SGRA YIS THABS MKHYEN PAS,
,SEMS CAN SRID GSUM SKYO BSKYED NAS, ,MYA NGAN 'DAS LA RAB 'JUG
MDZAD, ,ZHI BA'I LAM LA RAB ZHUGS PA, ,MYA NGAN 'DAS THOB 'DU

SHES CAN, ,DAM CHOS PAD MA DKAR LA SOGS, ,CHOS KYI DE NYID BSTAN
PA YIS, ,DE DAG LNGAR 'DZIN LAS BZLOG STE, ,THABS DANG SHES RAB
YONGS BZUNG BAS, ,THEG PA MCHOG LA SMIN MDZAD DE, ,BYANG CHUB
MCHOG TU LUNG BSTAN TO, ,ZAB DANG MTHU NI PHUN TSOGS DANG, ,

BYIS PA'I DON MTHUN RAB 'DREN PHYIR, ,'DI DAG GRANGS BZHIN ZAB
PA DANG, ,RGYA CHE BDAG NYID CHE ZHES BYA, ,'DIR NI DANG PO CHOS
SKU STE, ,PHYI MA DAG NI GZUGS KYI SKU, ,NAM MKHA' LA NI GZUGS
GNAS BZHIN, ,DANG PO LA NI THA MA GNAS, ,RGYU MTHA' YAS DANG
SEMS

@65A *, ,CAN ZAD MED DANG, ,BRTZE DANG 'PHRUL DANG MKHYEN DANG
PHUN TSOGS LDAN, ,CHOS KYI DBANG PHYUG 'CHI BA'I BDUD BCOM DANG,
,NGO BO MED PHYIR 'JIG RTEN MGON POS BRTAG ,LUS DANG SROG DANG
LONGS SPYOD RNAMS, ,BTANG NAS DAM CHOS 'DZIN PHYIR DANG, ,

SEMS CAN KUN LA PHAN PA'I PHYIR, ,DANG POR DAM BCAS MTHAR PHYIN
PHYIR, ,SANGS RGYAS NYID NI GTZANG BA DANG, ,DAG PA'I THUGS RJE
RAB 'JUG PHYIR, ,RDZU 'PHRUL RKANG PA STON PAR NI, ,DE YIS GNAS
PAR SPYOD PA'I PHYIR, ,MKHYEN PAS 'KHOR DANG MYA NGAN 'DAS,
,GNYIS

SU 'DZIN LAS GROL BA'I PHYIR, ,RTAG TU BSAM YAS TING 'DZIN GYI,
,BDE BA PHUN SUM TSOGS LDAN PHYIR, ,'JIG RTEN NA NI SPYOD PA NA,
,'JIG RTEN CHOS KYIS GOS MED PHYIR, ,'CHI MED ZHI BA'I GNAS THOB
LA, ,'CHI BDUD RGYU BA MED PA'I PHYIR, ,'DUS MA BYAS PA'I

RANG BZHIN GYI, ,THUB PA GDOD NAS RAB ZHI'I PHYIR, ,RTAG PA
SKYABS MED RNAMS KYI NI, ,SKYABS LA SOGS PAR 'THAD PHYIR RO,
,DANG PO YI NI RGYU BDUN GYIS, ,GZUGS KYI SKU YI RTAG NYID DE,
,PHYI MA GSUM GYIS STON PA NI, ,CHOS KYI SKU YI RTAG PA NYID,
,NGAG YUL MIN

PHYIR DON DAM GYIS BSDUS PHYIR, ,RTOGS GNAS MIN PHYIR DPE LAS
'DAS PA'I PHYIR, ,BLA NA MED PHYIR SRID ZHIS MA BSDUS PHYIR,
,RGYAL YUL 'PHAGS RNAMS KYIS KYANG BSAM MI KHYAB, ,BSAM MED
BRJOD DU MED PHYIR TE, ,BRJOD MED DON DAM YIN PHYIR RO, ,DON DAM

BRTAG BYA MIN PHYIR TE, ,BRTAG MIN RJES DPAG BYA MIN PHYIR,
,DPAG MIN BLA NA MED PA'I PHYIR, ,BLA NA MED PA MA BSDUS PHYIR,
,MA BSDUS GNAS PA MED PHYIR TE, ,YON TAN SKYON RTOG MED PHYIR
RO, ,RGYU LNGA DAG GIS PHRA BA'I PHYIR, ,CHOS SKU BSAM MI KHYAB
PA STE, ,DRUG

PAS DE YI DNGOS MIN PHYIR, ,GZUGS SKU BSAM MI KHYAB PA'O, ,BLA
MED YE SHES THUGS RJE CHES SOGS YON TAN GYIS, ,YON TAN PHA ROL
BYON PA'I RGYAL BA BSAM MI KHYAB, ,DES NA RANG BYUNG RNAMS KYI
THA MA'I TSUL 'DI NI, ,DRANG SRONG CHEN PO DBANG THOB RNAMS KYIS
KYANG RIG MIN, ,

@65B THEG PA CHEN PO RGYUD BLA MA'I BSTAN BCOS DKON MCHOG GI
RIGS RNAM PAR DBYE BA LAS, BYANG CHUB KYI SKABS TE GNYIS PA'O,,
,,RANG DON GZHAN DON DON DAM SKU DANG NI, ,DE LA BRTEN PA KUN
RDZOB SKU NYID DE, ,BRAL DANG RNAM PAR SMIN PA'I 'BRAS BU NI,
,YON TAN

DBYE BA DRUG CU BZHI 'DI DAG ,BDAG NYID KYI NI 'BYOR BA'I GNAS,
,DAM PA'I DON GYI SKU YIN TE, ,DRANG SRONG RNAMS KYI BRDA YI
SKU, ,PHA ROL PHUN SUM TSOGS PA'I GNAS, ,DANG PO'I SKU NI STOBS
LA SOGS, ,BRAL BA'I YON TAN RNAMS DANG LDAN, ,GNYIS PA SKYES BU

CHEN PO'I MTSAN, ,RNAM SMIN YON TAN DAG DANG LDAN, ,STOBS NYID
MA RIG SGRIB LA RDO RJE BZHIN, ,MI 'JIGS NYID NI 'KHOR DU SENG
GI BZHIN, ,DE BZHIN GSHEGS PA MA 'DRES MKHA' BZHIN TE, ,THUB
PA'I BSTAN PA RNAM GNYIS CHU ZLA BZHIN, ,GNAS DANG GNAS

MIN LAS RNAMS KYI, ,RNAM SMIN DANG NI DBANG PO DANG, ,KHAMS
RNAMS DANG NI MOS PA DANG, ,KUN 'GRO'I LAM DANG BSAM GTAN SOGS,
,NYON MONGS DRI MA MED PA DANG, ,GNAS NI RJES SU DRAN PA DANG,
,LHA YI MIG DANG ZHI BA DAG ,MKHYEN PA'I STOBS NI RNAM PA

BCU, ,GNAS DANG GNAS MIN RNAM SMIN KHAMS DANG 'GRO BA'I MOS PA
SNA TSOGS DANG, ,NYON MONGS RNAM BYANG DBANG PO'I TSOGS DANG
SNGON GNAS RJES SU DRAN PA DANG, ,LHA YI MIG DANG ZAG PA ZAD
TSUL MI SHES GO CHA RTZIG BRTAN DANG, ,SHING RNAMS 'BIGS DANG
'JIG DANG GCOD

PHYIR STOBS GANG YIN PA RDO RJE BZHIN, ,CHOS SKU RDZOGS PAR
BYANG CHUB DANG, ,GEGS NI 'GOG PAR BYED PA DANG, ,LAM STON PA
DANG 'GOG STON LA, ,MI 'JIGS PA NI RNAM PA BZHI, ,BDAG GZHAN
SHES BYA'I DNGOS PO RNAM KUN SHES DANG SHES MDZAD PHYIR, SPANG
DNGOS SPANGS DANG

SPONG MDZAD PHYIR DANG BRTEN BYA BSTEN PA'I PHYIR, ,THOB BYA BLA
MED SHIN TU DRI MED THOB DANG THOB MDZAD PHYIR, ,RANG GZHAN DON
LDAN GSUNG PHYIR DRANG SRONG GANG DU'ANG THOGS PA MED, ,RI DGAS
DBANG PO JI LTAR NAGS MTHAR RTAG 'JIG MED, ,RI DGAS RNAMS LA
SKRAG PA MED PAR

@66A *, ,RGYU BA LTAR, ,DE BZHIN TSOGS NANG THUB PA'I DBANG PO
SENG GE YANG, ,LEGS GNAS LTOS MED BRTAN PA'I RTZAL DANG LDAN PAR
GNAS, ,'KHRUL DANG CA CO MI MNGA' STE, ,STON LA DRAN PA NYAMS MI
MNGA', ,MNYAM PAR MA BZHAG THUGS MI MNGA', ,

'DU SHES SNA TSOGS KYANG MI MNGA', ,MA BRTAGS BTANG SNYOMS MI
MNGA' STE, ,'DUN DANG BRTZON 'GRUS DRAN PA DANG, ,SHES RAB RNAM
GROL RNAM GROL GYI, ,YE SHES GZIGS PA NYAMS MI MNGA', ,LAS RNAMS
YE SHES SNGON 'GRO DANG, ,DUS LA YE SHES SGRIB PA MED,,

DE LTAR BCO BRGYAD 'DI DANG GZHAN, ,STON PA'I MA 'DRES YON TAN
YIN, ,'KHRUL DANG CA CO BSNYEL DANG THUGS G-YO THA DAD KYI NI
'DU SHES DANG, ,NGANG GI BTANG SNYOMS DRANG SRONG LA MED 'DUN PA
DANG NI BRTZON 'GRUS DANG, ,DRAN PA RNAM DAG DRI MED SHES RAB
RTAG TU RNAM PAR GROL

BA DANG, ,SHES BYA'I DON KUN GZIGS PA GROL BA'I YE SHES LAS NI
NYAMS MI MNGA', ,GANG GI LAS GSUM THAMS CAD YE SHES SNGON 'GRO'I
RJES SU 'JUG PA DANG, ,DUS GSUM RTAG TU THOGS PA MED PA MKHYEN
PA RGYA CHEN 'JUG PA STE, ,GANG RTOGS 'GRO BAR 'JIGS MED DAM

CHOS 'KHOR LO CHEN PO RAB BSKOR BA, ,THUGS RJE CHEN PO DANG LDAN
RGYAL BA NYID DE SANGS RGYAS RNAMS KYIS BSNYES, ,SA SOGS LA YOD
CHOS GANG YIN PA'I CHOS NYID DE NI NAM MKHA'I MIN, ,NAM MKHA'I
MTSAN NYID SGRIB MED LA SOGS MTSAN NYID GANG DE GZUGS LA MED,
,SA CHU ME RLUNG

NAM MKHA' MTSUNGS PA 'JIG RTEN DAG NA THUN MONG STE, ,MA 'DRES
NYID NI RDUL PHRAN TZAM YANG 'JIG RTEN DAG NA THUN MONG MIN,
,LEGS GNAS 'KHOR LO'I MTSAN PA DANG, ,YANGS SHING ZHABS LONG MI
MNGON DANG, ,SOR MO RING DANG PHYAG ZHABS NI, ,DRA BA YIS NI
'BREL PA DANG, ,

PAGS 'JAM GZHON SHA CAN LEGS NYID, ,SKU NI BDUN DAG MTHO BA
DANG, ,BYIN PA AE NA YA 'DRA GSANG, ,GLANG PO BZHIN DU SBUBS SU
NUB, ,RO STOD SENG GE 'DRA BA DANG, ,THAL GONG BAR MED RGYAS PA
DANG, ,DPUNG MGO LEGS ZLUM PHYAG 'JAM ZHING, ,ZLUM ZHING MTHO

@66B DMAN MED PA DANG, ,PHYAG RING YONGS SU DAG PA'I SKU, ,'OD
KYI DKYIL 'KHOR DANG LDAN DANG, ,MGRIN PA DRI MED DUNG 'DRA
DANG, ,'GRAM PA RI DGAS RGYAL PO 'DRA, ,TSEMS NI BZHI BCU MNYAM
PA DANG, ,RAB DAG TSEMS THAGS BZANG BA DANG, ,RNAM DAG TSEMS
MNYAM

NYID DANG NI, ,MCHE BA RAB MCHOG DKAR BA NYID, ,LJAGS RING MTHA'
MED BSAM MED PA, ,RO BRO BA YI MCHOG NYID DANG, ,RANG BYUNG KA
LA PING KA YI, ,SGRA DANG TSANGS PA'I DBYANGS NYID DANG, ,SPYAN
BZANG AUTPAL KHYU MCHOG RDZI 'DRA DANG, ,ZHAL MDZES DRI MED
MDZOD SPU

DKAR LDAN DANG, ,GTZUG TOR DBU LDAN DAG CING SRAB PA DANG, ,PAGS
PA GSER GYI MDOG 'DRA SEMS CAN MCHOG ,BA SPU LEGS PHRA 'JAM
ZHING RE RE NAS, ,SKU YI GYEN DU G-YAS PHYOGS 'KHYIL BA DANG,
,DBU SKRA DRI MED RIN CHEN MTHON MTHING BZHIN, ,N+YA GRO RDZOGS
PA'I

LJON SHING DKYIL 'KHOR 'DRA, ,KUN TU BZANG PO DPE MED DRANG
SRONG CHE, ,SRED MED BU YI STOBS MNGA' MKHREGS PA'I SKU, ,BSAM
MI KHYAB PAR SUM CU RTZA GNYIS PO, ,'DI DAG STON PAS MI DBANG
MTSAN DU GSUNGS, ,JI LTAR SPRIN MED MKHA' YI ZLA BA'I GZUGS,
,STON

KA'I CHU SNGON MTSOR NI MTHONG BA LTAR, ,DE BZHIN RGYAL SRAS
TSOGS KYI KHYAB BDAG GZUGS, ,RDZOGS SANGS DKYIL 'KHOR NANG DU
MTHONG BAR 'GYUR, ,YON TAN DRUG CU RTZA BZHI PO, ,'DI DAG SO SOR
RGYU BCAS TE, ,GO RIMS JI BZHIN RIN CHEN GYI, ,MDO YI RJES
'BRANG

SHES PAR BYA, ,MI PHYED PA DANG MI ZHAN DANG, ,MTSUNGS PA MED
PHYIR G-YO MED PHYIR, ,RDO RJE SENG GE MKHA' DAG PA'I, ,CHU YI
ZLA BA'I DPES BSTAN TO, ,STOBS SOGS RNAMS LAS STOBS DRUG DANG,
,GSUM DANG GCIG GIS RIM PA BZHIN, ,SHES BYA SNYOMS PAR 'JUG

PA DANG, ,BAG CHAGS BCAS PA KUN BSAL BAS, ,GO CHA RTZIG PA SHING
BZHIN DU, ,PHUG DANG BSHIG DANG BCAD PHYIR RO, ,BRLING DANG
SNYING BRTAN MI PHYED PAS, ,DRANG SRONG STOBS NI RDO RJE 'DRA,
,GANG PHYIR BRLING BA SNYING PO'I PHYIR, ,GANG PHYIR SNYING PO
BRTAN PA'I PHYIR, ,

@67A *, ,GANG PHYIR BRTAN PA MI PHYED PHYIR, ,MI PHYED PHYIR NA
RDO RJE BZHIN, ,'JIGS PA MED PHYIR LTOS MED PHYIR, ,BRTAN PHYIR
RTZAL NI PHUN TSOGS PAS, ,THUB PA SENG GE SENG GE BZHIN, ,'KHOR
GYI TSOGS SU 'JIGS MI MNGA', ,KUN MNGON MKHYEN PAS GANG

LAS KYANG, ,'JIGS MED PAR NI RNAM PAR GNAS, ,DAG PA'I SEMS CAN
DANG YANG BDAG ,MI MNYAM GZIGS PHYIR LTOS PA MED, ,THUGS NI CHOS
RNAMS THAMS CAD LA, ,RTZE GCIG PHYIR NA BRTAN PA NYID, ,MCHOG TU
MA RIG BAG CHAGS KYI, ,SA LAS BRGAL

PHYIR RTZAL LDAN NO, ,'JIG RTEN NYAN THOS MTHA' GCIG TU, ,SPYOD
DANG BLO LDAN RANG BYUNG RNAMS, ,GONG NAS GONG DU BLO DAG NI,
,PHRA PHYIR DPE NI RNAM PA LNGA, ,'JIG RTEN KUN GYI NYER 'TSO'I
PHYIR, ,SA CHU ME RLUNG RNAMS DANG MTSUNGS, ,'JIG RTEN 'JIG RTEN
'DAS PA

YI; ,MTSAN NYID LAS 'DAS NAM MKHA' BZHIN, ,DE DAG YON TAN SUM CU
NI, ,GNYIS 'DI CHOS SKUS RAB PHYE STE, ,NOR BU RIN CHEN 'OD MDOG
DANG, ,DBYIBS BZHIN DBYE BA MED PHYIR RO, ,MTHONG NA TSIM BYED
YON TAN GANG, ,SUM CU RTZA GNYIS ZHES BYA BA, ,SPRUL

PA CHOS LA RDZOGS PAR NI, ,LONGS SPYOD RDZOGS SKU GNYIS LA
BRTEN, ,DAG LAS RING DANG NYE RNAMS LAS, ,'JIG RTEN RGYAL BA'I
DKYIL 'KHOR DU, ,CHU DANG NAM MKHA' ZLA GZUGS BZHIN, ,DE MTHONG
BA NI RNAM PA GNYIS, ,THEG PA CHEN PO RGYUD BLA MA'I BSTAN BCOS

DKON MCHOG GI RIGS RNAM PAR DBYE BA LAS, YON TAN GYI SKABS TE
GSUM BA'O,, ,,GDUL BYA'I KHAMS DANG 'DUL BA'I THABS DANG NI,
,GDUL BYA'I KHAMS KYI GDUL BYA'I BYA BA DANG, ,DE YI YUL DANG
DUS SU GSHEGS PA LA, ,KHYAB BDAG RTAG TU

LHUN GYIS GRUB PAR 'JUG ,YON TAN RIN CHEN MCHOG TSOGS DANG LDAN
YE SHES CHU MTSO BSOD NAMS YE SHES NYI 'OD CAN, ,THEG PA MA LUS
NGES PAR BSGRUBS TE MTHA' DANG DBUS MED RGYA CHEN NAM MKHA' LTAR
KHYAB PA, ,SANGS RGYAS NYID NI YON TAN DRI MA MED GTER SEMS CAN

@67B KUN LA KHYAD MED RNAM GZIGS NAS, ,NYON MONGS SHES BYA'I
SPRIN GYI DRA BA SANGS RGYAS RNAMS KYI THUGS RJE'I RLUNG GIS
RNAM PAR GTOR, ,GANG ZHIG GANG GIS GDUL BA YI, ,BYA GANG GANG DU
GANG GI TSE, ,DE YI RNAM RTOG SKYE MED PHYIR, ,THUB PA RTAG TU
LHUN GYIS GRUB, ,,

GDUL BYA'I KHAMS NI GANG ZHIG GI, ,GDUL BA'I THABS MANG GANG
GANG GIS, ,GDUL BYA'I BYA GANG GANG DU NI, ,GANG TSE YUL DANG
DUS DE DAG ,NGES 'BYIN DE YI STON PA DANG, ,DE 'BRAS DE YI YONGS
'DZIN DANG, ,DE SGRIB DE GCOD RKYEN LA NI, ,RNAM PAR RTOG

PA MED PHYIR RO, ,NGES PAR 'BYIN PA SA BCU STE, ,TSOGS GNYIS DAG
NI DE YI RGYU, ,DE 'BRAS BYANG CHUB MCHOG YIN TE, ,BYANG CHUB
SEMS CAN YONGS SU 'DZIN, ,DE SGRIB MTHA' YAS NYON MONGS DANG,
,NYE BA'I NYON MONGS BAG CHAGS SO, ,DUS KUN DU NI DE

'JOMS PA'I, ,RKYEN NI THUGS RJE CHEN PO YIN, ,GNAS DRUG PO NI
'DI DAG RNAMS, ,GO RIMS JI BZHIN RGYA MTSO DANG, ,NYI MA DANG NI
NAM MKHA'I GTER, ,SPRIN DANG RLUNG BZHIN SHES PAR BYA, ,SHES CHU
YON TAN RIN CHEN DANG, ,LDAN PHYIR SA RNAMS RGYA MTSO BZHIN, ,

SEMS CAN THAMS CAD NYER 'TSO'I PHYIR, ,TSOGS GNYIS DAG NI NYI MA
BZHIN, ,RGYA CHE MTHA' DANG DBUS MED PHYIR, ,BYANG CHUB NAM
MKHA'I KHAMS BZHIN NO, ,YANG DAG RDZOGS SANGS CHOS NYID PHYIR,
,SEMS CAN KHAMS NI GTER DANG 'DRA, ,GLO BUR KHYAB DANG MA GRUB

PHYIR; ,DE YI NYON MONGS SPRIN TSOGS BZHIN, ,DE 'THOR BAR NI
NYER GNAS PHYIR, ,THUGS RJE MI BZAD RLUNG DANG 'DRA, ,GZHAN GYI
DBANG GIS NGES 'BYUNG DANG, ,BDAG DANG SEMS CAN MTSUNGS GZIGS
DANG, ,MDZAD PA YONGS SU MA RDZOGS PHYIR, ,'KHOR BA SRID

DU MDZAD MI 'CHAD, ,BRGYA BYIN RNGA SPRIN TSANGS PA DANG, ,NYI
MA NOR BU RIN CHEN BZHIN, ,DE BZHIN GSHEGS PA SGRA BRNYAN BZHIN,
,NAM MKHA' DANG NI SA BZHIN NO, ,JI LTAR BEE d'UR DAG PA YI,
,RANG BZHIN SA STENG 'DIR 'GYUR TE, ,DAG PHYIR LHA YI DBANG PO
DER, ,

@68A *, ,LHA YI BU MO'I TSOGS DANG BCAS, ,RNAM PAR RGYAL BA'I
KHANG BZANG DANG, ,LHA GNAS DE LAS GZHAN DAG DANG, ,DE YI GZHAL
YAS SNA TSOGS DANG, ,LHA RDZAS RNAM MANG DE MTHONG NGO, ,DE NAS
SKYES PA BUD MED TSOGS, ,SA YI STENG NA GNAS PA

RNAMS, ,SNANG BA DE NI MTHONG GYUR TE, ,NGED KYANG RING POR MI
THOGS PAR, ,LHA DBANG 'DI 'DRAR GYUR CIG CES, ,DE 'DRA'I SMON
LAM 'DEBS BYED CING, ,DE THOB DON DU DGE BA NI, ,YANG DAG BLANGS
TE GNAS PAR GYUR, ,DE DAG DGE BA'I LAS DES NI, ,'DI SNANG TZAM

ZHES DE LTA BUR, ,SHES PA MED KYANG SA STENG NAS, ,'PHOS TE LHA
RU SKYE BAR 'GYUR, ,SNANG BA DE NI SHIN TU YANG, ,RTOG PA MED
CING G-YO BA MED, ,DE LTA MOD KYI SA STENG NA, ,DON CHEN GYIS
NI NYE BAR GNAS, ,DE BZHIN DAD SOGS DRI MED CAN, ,DAD SOGS YON

TAN BSGOM PA YI, ,RANG SEMS LA SNANG RDZOGS SANGS RGYAS, ,MTSAN
DANG DPE BYAD LDAN PA DANG, ,'CHAG PA DANG NI BZHENGS PA DANG,
,BZHUGS PA DANG NI GZIMS PA DANG, ,SPYOD LAM SNA TSOGS MDZAD PA
CAN, ,ZHI BA'I CHOS NI GSUNG BA DANG, ,MI GSUNG MNYAM

PAR BZHAG GYUR PA, ,CHO 'PHRUL RNAM PA SNA TSOGS DAG ,MDZAD PA
GZI MDANGS CHEN PO CAN, ,SEMS CAN RNAMS KYIS MTHONG BAR 'GYUR,
,DE MTHONG NAS KYANG 'DOD LDAN PA, ,SANGS RGYAS NYID CES RAB
SBYOR TE, ,DE RGYU YANG DAG BLANGS NAS NI, ,'DOD PA'I GO 'PHANG
THOB

PAR BYED, ,SNANG BA DE NI SHIN TU YANG, ,RTOG MED G-YO BA MED
PA NYID, ,DE LTA NA YANG 'JIG RTEN NA, ,DON CHEN POS NI NYE BAR
GNAS, ,'DI NI RANG SEMS SNANG BA ZHES, ,SO SO'I SKYE BOS MI SHES
MOD, ,DE LTA NA YANG GZUGS MTHONG STE, ,DE DAG LA NI DON YOD

'GYUR, ,RIM GYIS DE MTHONG LA BRTEN NAS, ,THEG PA 'DI LA GNAS PA
RNAMS, ,NANG GI DAM PA CHOS SKU NI, ,YE SHES MIG GIS MTHONG BAR
'GYUR, ,JI LTAR SA KUN NYAM NGA'I GNAS GZHAN DANG BRAL DRI MED
BEE d'URYA, ,GSAL MDZES NOR BU'I YON TAN DRI BRAL DPAL

@68B LDAN STENG NI MNYAM GYUR TE, ,DAG PHYIR DER NI LHA DAG SNA
TSOGS LHA DBANG LHA YI GZUGS SHAR STE, ,RIM GYIS SA YI YON TAN
BRAL PHYIR DE NI SLAR YANG MI SNANG 'GYUR, ,DE DNGOS THOB PHYIR
BSNYEN GNAS BRTUL ZHUGS NGES PAR SBYIN SOGS LA PHYOGS PA, ,BUD

MED SKYES TSOGS SMON PA'I SEMS KYIS ME TOG LA SOGS 'THOR BA
LTAR, ,DAG PA BEE d'URYA 'DRA'I SEMS LA SNANG BA'I THUB DBANG
THOB BYA'I PHYIR, ,RAB DGA'I SEMS LDAN RGYAL BA'I SRAS RNAMS DE
BZHIN SEMS RAB SKYED PAR BYED, ,JI LTAR BEE d'UR SA GZHI GTZANG
MA LA, ,

LHA DBANG LUS KYI GZUGS BRNYAN SNANG BA LTAR, ,DE BZHIN 'GRO
SEMS SA GZHI GTZANG MA LA, ,THUB PA'I DBANG PO'I SKU YI GZUGS
BRNYAN 'CHAR, ,'GRO BAR GZUGS BRNYAN 'CHAR NUB RNYOG MED DANG,
,RNYOG PA'I RANG SEMS RAB 'JUG DBANG GIS 'JUG ,JI LTAR

'JIG RTEN DAG NA GZUGS SNANG LTAR, ,DE BZHIN YOD DANG ZHIG CES
DE MI LTA, ,JI LTAR LHA NANG LHA RNAMS KYI, ,SNGON GYI DKAR PO'I
MTHU YIS NI, ,'BAD DANG GNAS DANG YID GZUGS DANG, ,RNAM PAR RTOG
PA MED BZHIN TU, ,MI RTAG SDUG BSNGAL BDAG MED DANG, ,

ZHI BA'I SGRA YIS BAG MED PA'I, ,LHA RNAMS THAMS CAD YANG DANG
YANG, ,CHOS KYI RNGAS NI SKUL BYED LTAR, ,DE BZHIN KHYAB BDAG
'BAD SOGS DANG, ,BRAL YANG 'GRO BA MA LUS PA, ,SANGS RGYAS GSUNG
GIS KHYAB MDZAD DE, ,SKAL LDAN RNAMS LA CHOS STON TO, ,JI

LTAR LHA NANG LHA RNAMS KYI, ,RNGA SGRA RANG GI LAS LAS BYUNG,
,DE BZHIN 'JIG RTEN THUB PA'I CHOS, ,GSUNG BA RANG GI LAS LAS
BYUNG, ,'BAD NAS LUS DANG SEMS BRAL BA'I, ,SGRA DE JI LTAR ZHI
SGRUB LTAR, ,DE BZHIN 'BAD SOGS DANG BRAL BA'I, ,CHOS DE ZHI BA
SGRUB

PAR BYED, ,JI LTAR LHA YI GRONG NA RNGA SGRA'I RGYUS BYUNG MI
'JIGS SBYIN PA NI, ,NYON MONGS G-YUL DU 'JUG TSE LHA MIN DPUNG
RGYAL RTZED MO SAL BA LTAR, ,DE BZHIN 'JIG RTEN DAG NA BSAM GTAN
GZUGS MED LA SOGS RGYUS BYUNG BA, ,SEMS CAN NYON MONGS SDUG

@69A *, ,BSNGAL RAB 'JOMS ZHI BA BLA MED LAM TSUL BRJOD, ,GANG
PHYIR SKYE KUN PHA NYID DANG, ,PHAN BDE CHO 'PHRUL GSUM LDAN PA,
,DE PHYIR THUB DBYANGS LHA RDZAS KYI, ,SIL SNYAN RNAMS LAS KHYAD
PAR 'PHAGS, ,LHAR NI RNGA YI SGRA CHEN PO, ,SAR

GNAS RNAMS KYI RNAR MI 'GRO, ,SANGS RGYAS RNGA SGRA 'KHOR BA YI,
,SA 'OG 'JIG RTEN DAG TU 'GRO ,LHAR NI LHA YI SIL SNYAN BYE BA
MANG, ,'DOD ME MNGON PAR 'PHEL BA'I DON DU SGROG ,THUGS RJE'I
BDAG NYID RNAMS KYI DBYANGS GCIG KYANG, ,SDUG BSNGAL

ME RAB ZHI BA'I DON DU 'JUG ,LHAR NI MDZES SHING YID 'ONG SIL
SNYAN SGRA, ,SEMS KYI RGOD PA 'PHEL BAR 'GYUR BA'I RGYU, ,THUGS
RJE'I BDAG NYID DE BZHIN GSHEGS PA'I GSUNG, ,TING 'DZIN SEMS
GTOD BSAM PA SKUL BYED NYID, ,MDOR NA MA

LUS 'JIG RTEN KHAMS SU YANG, ,LHA DANG SA GNAS BDE BA'I RGYU
GANG YIN, ,DE NI MA LUS 'JIG RTEN KHYAB SNANG BA, ,DBYANGS NYID
LA NI RAB TU BRTEN PAR BRJOD, ,JI LTAR RNA BA DANG BRAL BAS,
,PHRA MO'I SGRA NI MI MYONG ZHING, ,THAMS CAD LHA YI RNA BAR
YANG, ,

RNA LAM DU NI MI 'GRO BZHIN, ,DE BZHIN CHOS PHRA MCHOG TU NI,
,ZHIB MO'I YE SHES SPYOD YUL YANG, ,NYON MONGS MED YID 'GA' ZHIG
GI ,RNA BA'I LAM DU 'GYUR BA YIN, ,JI LTAR DBYAR GYI DUS NA
SPRIN, ,LO TOG PHUN SUM TSOGS PA'I RGYU, ,CHU YI PHUNG PO

'BAD MED PAR, ,SA LA RGYUN DU 'BEBS PA LTAR, ,DE BZHIN THUGS
RJE'I SPRIN LAS NI, ,RGYAL BA'I DAM CHOS CHU YI CHAR, ,'GRO BA'I
DGE BA'I LO TOG RGYU, ,RNAM PAR RTOG PA MED PAR 'BEBS, ,JI LTAR
'JIG RTEN DGE BA'I LAM 'JUG NA, ,RLUNG SKYES CHU CHAR SPRIN

GYIS 'BEBS PA LTAR, ,DE BZHIN BRTZE RLUNG 'GRO DGE MNGON 'PHEL
PHYIR, ,SANGS RGYAS SPRIN LAS DAM CHOS CHAR PA 'BEBS, ,SRID LA
MKHYEN DANG BRTZE CHEN 'GYUR BA DANG, ,MI 'GYUR MI GOS NAM
MKHA'I DKYIL GNAS PA, ,TING 'DZIN GZUNGS CHU DRI MED SNYING

@69B PO CAN, ,THUB DBANG SPRIN NI DGE BA'I LE TOG RGYU, ,JI LTAR
BSIL DANG ZHIM DANG 'JAM PA DANG, ,YANG BA'I CHU NI SPRIN DE LAS
THON PA, ,SA LA BA TSVA LA SOGS GNAS 'BREL BAS, ,SHIN TU MANG
PO'I ROR NI 'GYUR BA BZHIN, ,DE BZHIN 'PHAGS PA'I YAN LAG BRGYAD

CHU'I CHAR, ,RAB YANGS BRTZE SPRIN SNYING PO LAS THON PA, ,'GRO
BA'I RGYUD KYI GNAS KYI DBYE BA LAS, ,RNAM PA MANG PO'I RO DANG
LDAN PAR 'GYUR, ,THEG PA MCHOG LA DANG BA DANG, ,BAR MA DANG NI
SDANG BA YI, ,PHUNG PO GSUM NI MI DAG DANG, ,RMA BYA DANG NI YI
DAGS 'DRA, ,

DPYID MTHAR SPRIN MED PA NI MI DANG MKHA' MI RGYU BA'I BYA DAG
DANG, ,DBYAR TSE SA LA CHAR BABS PA NA YI DAGS DAG NI SDUG PA
LTAR, ,SNYING RJE'I SPRIN TSOGS DAG GIS CHOS CHU BYUNG DANG MA
BYUNG BA LAS KYANG, ,CHOS 'DOD PA DANG CHOS LA SDANG BA'I 'JIG
RTEN DAG NA DPE DE NYID, ,

THIGS PA RAGS 'BEBS RDO TSAN DANG NI RDO RJE'I ME NI 'BEBS PA
NA, ,SROG CHAGS PHRA DANG RI SUL SONG BA DAG LA JI LTAR SPRIN
LTOS MED, ,PHRA DANG RGYA CHEN RIGS PA'I TSUL GYIS MKHYEN PA
DANG NI BRTZE BA'I SPRIN, ,NYON MONGS DAG 'GYUR BDAG LTA'I BAG
NYAL DAG LA RNAM

KUN LTOS PA MED, ,'KHOR BA'I SKYE 'CHI THOG MA MED DER 'GRO BA'I
LAM NI RNAM PA LNGA, ,MI GTZANG BA LA DRI ZHIM MED BZHIN 'GRO
LNGA DAG NA BDE BA MED, ,DE YI SDUG BSNGAL RTAG TU MES MTSON
RGYA TSVA LA SOGS REG SKYES BZHIN, ,THUGS RJE'I SPRIN LAS DAM
CHOS CHAR CHEN

DE RAB ZHI BYED RAB TU 'BEBS, ,LHA LA 'CHI 'PHO MI LA YONGS TSOL
SDUG BSNGAL ZHES BYAR RTOGS PA'I PHYIR, ,SHES RAB LDAN PA LHA
MI'I DBANG PHYUG MCHOG LA'ANG MNGON PAR 'DOD MED DE, ,SHES RAB
DANG NI DE BZHIN GSHEGS PA'I GSUNG RAB DAD PA'I RDZAS 'BRANGS
LA, ,

'DI NI SDUG BSNGAL 'DI RGYU 'DI NI 'GOG CES SHES PAS MTHONG
PHYIR RO, ,NAD NI SHES BYA NAD KYI RGYU NI SPANG BYA LA, ,BDE
GNAS THOB BYA SMAN NI BSTEN PAR BYA BA LTAR, ,SDUG BSNGAL RGYU
DANG DE 'GOG PA DANG DE BZHIN LAM, ,SHES BYA SPANG BYA RIG PAR
BYA ZHING BSTEN PAR BYA, ,JI LTAR TSANGS

@70A *, ,PA TSANGS PA YI, ,GNAS NAS 'PHRO BA MED BZHIN DU, ,LHA
YI GNAS NI THAMS CAD DU, ,SNANG BA 'BAD MED STON PA LTAR, ,DE
BZHIN THUB PA CHOS SKU LAS, ,BSKYOD PA MED PAR KHAMS KUN DU,
,SKAL LDAN RNAMS LA 'BAD MED PAR,

SPRUL PA DAG NI STON PAR MDZAD, ,JI LTAR TSANGS RTAG GZHAL YAS
KHANG NA MI G-YO 'DOD KHAMS ZHUGS PA DE, ,LHA RNAMS KYIS MTHONG
DE MTHONG DE YANG YUL LA DGA' BA SPONG BYED LTAR, ,DE BZHIN BDE
GSHEGS CHOS KYI SKU LAS MI BSKYOD 'JIG RTEN KHAMS KUN DU,

SKAL LDAN GYIS MTHONG DE MTHONG DE YANG RTAG TU DRI MA KUN SEL
BYED, ,SNGON GYI RANG NYID SMON LAM DANG, ,LHA RNAMS KYI NI DGE
BA'I MTHUS, ,JI LTAR TSANGS PA 'BAD MED SNANG, ,RANG BYUNG SPRUL
SKU DE BZHIN NO, ,'PHO DANG LHUMS 'JUG BLTAMS DANG YAB KYI KHAB
GSHEGS

DANG; ,DGYES ROL PA DANG DBEN PAR SPYOD DANG BDUD BCOM DANG,
,BYANG CHUB CHE BRNYES ZHI BA'I GONG DU LAM STON DAG ,BSTAN NAS
THUB PA SKAL MED MIG GI LAM MI 'GYUR, ,JI LTAR NYI MAS GDUNGS
PA'I DUS GCIG TSE NYID LA, ,PAD SOGS RGYAS DANG KU MU TA NI RAB
ZUM PA, ,CHU SKYES BYE DANG

ZUM PA'I YON TAN SKYON DAG LA, ,NYI MA RTOG MED 'DIR NI 'PHAGS
PA'I NYI DE BZHIN, ,JI LTAR NYI MA RTOG MED PAR, ,RANG 'OD CIG
CAR SPROS PA YIS, ,PADMA RGYAS PAR BYED PA DANG, ,GZHAN DAG SMIN
PAR BYED PA LTAR, ,DE BZHIN DE BZHIN GSHEGS PA YI, ,NYI MA DAM
CHOS 'OD ZER DAG ,

GDUL BYA'I SKYE BO'I PADMA LA, ,RNAM PAR RTOG PA MED PAR 'JUG
,CHOS DANG GZUGS KYI SKU DAG GIS, ,BYANG CHUB SNYING PO MKHAR
SHAR BA'I, ,KUN MKHYEN NYI MA 'GRO BAR NI, ,YE SHES 'OD ZER SPRO
BAR MDZAD, ,GANG PHYIR GDUL BYA DAG PA YI, ,CHU YI SNOD NI THAMS
CAD LA, ,BDE GSHEGS NYI

MA'I GZUGS BRNYAN NI, ,DPAG TU MED PA CIG CAR 'CHAR, ,RTAG TU
THAMS CAD LA KHYAB PA'I, ,CHOS DBYINGS NAM MKHA'I DKYIL DU NI,
,SANGS RGYAS NYI MA GDUL BYA YI, ,RI LA JI LTAR 'OS PAR 'BAB,
,JI LTAR RGYA CHEN 'OD ZER STONG LDAN NYI SHAR 'DI, ,'JIG RTEN
KUN DU SNANG BAR BYAS NAS

@70B RIM GYIS NI, ,MCHOG DANG BAR MA DMAN PA'I RI LA 'BAB DE
BZHIN, ,RGYAL BA'I NYI MA SEMS CAN TSOGS LA RIM GYIS 'BAB,
,ZHING KUN NAM MKHA'I MTHIL SPRO NYI MA LA MED LA, ,MI SHES MUN
BKAB SHES BYA'I DON STON PA YANG MIN, ,THUGS RJE'I BDAG NYID SNA
TSOGS MDOG

BKYE'I 'OD TSOGS KYIS, ,GSAL BA DAG NI 'GRO LA SHES BYA'I DON
STON MDZAD, ,SANGS RGYAS GRONG DU GSHEGS TSE MIG DANG MI LDAN PA
YI SKYE BO RNAMS, ,MTHONG ZHING DON MED TSOGS BRAL DON DE MTHONG
BA LAS NI MYONG BA DANG, ,GTI MUG GIS LDONGS SRID PA'I MTSOR
LHUNG LTA BA'I

MUN PAS BSGRIBS PA RNAMS, ,SANGS RGYAS NYI MA'I 'OD KYIS BLO
SNANG MA MTHONG BA YI GNAS MTHONG 'GYUR, ,JI LTAR YID BZHIN NOR
BU NI, ,RTOG PA MED KYANG CIG CAR DU, ,SPYOD YUL GNAS PA RNAMS
KYI NI, ,BSAM KUN SO SOR RDZOGS BYED LTAR, ,DE BZHIN SANGS RGYAS
YID BZHIN LA, ,BRTEN

NAS BSAM PA THA DAD RNAMS, ,SNA TSOGS CHOS NI THOS GYUR KYANG,
,DE NI DE LA RNAM MI RTOG, ,JI LTAR NOR BU RIN CHEN RTOG MED
'DOD PA'I NOR, ,'BAD PA MED PAR GZHAN PA DAG LA RAB STER LTAR,
,DE BZHIN THUB PA 'BAD MED JI LTAR 'OS PAR NI, ,GZHAN GYI DON DU
SRID PA JI SRID RTAG TU BZHUGS, ,GANG

PHYIR RGYA MTSO SA 'OG GNAS DE LA 'DOD PAS, ,JI LTAR NOR BU
BZANG PO 'GRO 'DIR RAB RNYED DKA', ,DE BZHIN 'GRO BA SHIN TU
SKAL NGAN NYON MONGS ZIN, ,YID 'DIR BDE GSHEGS MTHONG BA RNYED
DKAR SHES PAR BYA, ,JI LTAR SGRA BRNYAN GYI NI SGRA, ,GZHAN GYI
RNAM RIG LAS BYUNG BA, ,RNAM RTOG MED

CING BZO MED LA, ,PHYI DANG NANG NA MI GNAS LTAR, ,DE BZHIN DE
BZHIN GSHEGS PA'I GSUNG, ,GZHAN GYI RNAM RIG LAS BYUNG BA, ,RNAM
PAR RTOG MED BZO MED CING, ,PHYI DANG NANG NA GNAS MA YIN, ,CUNG
ZAD MED CING SNANG BA MED, ,DMIGS PA MED CING RTEN MED LA, ,MIG
GI LAM LAS RAB 'DAS PA,,

GZUGS MED BSTAN DU MED PA YI, ,MKHA' LA JI LTAR MTHO DANG DMA',
,MTHONG YANG DE NI DE LTA MIN, ,DE BZHIN THAMS CAD SANGS RGYAS
LA, ,MTHONG YANG DE NI DE LTA MIN, ,JI LTAR SA LAS SKYE BA KUN,
,RTOG MED SA LA BRTEN NAS NI, ,'PHEL DANG BRTEN DANG YANGS 'GYUR
LTAR, ,DE BZHIN

@71A *, ,RDZOGS PA'I SANGS RGYAS SA, ,RNAM RTOG MED PA LA BRTEN
NAS, ,'GRO BA'I DGE BA'I RTZA BA RNAMS, ,MA LUS PAR NI 'PHEL BAR
'GYUR, ,'BAD RTZOL MED PAR BYA BA 'GA', ,BYED PA MTHONG MED DE
BAS NA, ,GDUL BYA'I THE TSOM BCAD PA'I PHYIR, ,DPE RNAMS DGU NI
BSTAN

PA YIN, ,GANG DU DPE DGU PO 'DI DAG ,RGYAS PAR RAB TU BSTAN GYUR
PA, ,MDO SDE YI NI MING NYID KYIS, ,DE YI DGOS PA BSTAN PA NYID,
,THOS PA LAS BYUNG SHES PA YI, ,SNANG BA RGYA CHEN 'DIS BRGYAN
PA'I, ,BLO LDAN MYUR DU SANGS RGYAS KYI, ,SPYOD YUL KUN LA 'JUG
PAR 'GYUR, ,DE DON BEE d'UR

BRGYA BYIN GYI, ,GZUGS BRNYAN LA SOGS DPE DAG NI, ,RNAM DGU
BRJOD PA DE LA NI, ,DE YI BSDUS DON NGES PAR BZUNG, ,STON DANG
GSUNG DANG KHYAB PA DANG, ,SPRUL DANG YE SHES SPRO BA DANG,
,THUGS GSUNG SKU YI GSANG BA DANG, ,THUGS RJE'I BDAG NYID THOB
PA NYID, ,'BAD

RTZOL RGYUN KUN RAB ZHI BA, ,RNAM PAR RTOG PA MED PA'I THUGS,
,DI MED BEE d'UR BRGYA BYIN GYI, ,GZUGS BRNYAN SHAR BA LA SOGS
BZHIN, ,'BAD RTZOL ZHI BA DAM BCAS TE, ,RTOG MED THUGS NI GTAN
TSIGS SO, ,RANG BZHIN DON NI GRUB DON DU, ,DPE NI BRGYA BYIN
GZUGS

SOGS YIN, ,'DIR NI SKABS DON 'DI YIN TE, ,STON PA LA SOGS RNAM
DGU NI, ,STON PA SKYE 'CHI DANG BRAL BA, ,'BAD PA MED PAR RAB
'JUG PA'O, ,GANG ZHIG BRGYA BYIN RNGA DANG SPRIN BZHIN DANG,
,TSANGS NYID RIN CHEN YID BZHIN NOR RGYAL BZHIN, ,SGRA BRNYAN
NAM

MKHA' SA BZHIN SRID PA'I BAR, ,'BAD MED GZHAN DON MDZAD DE RNAL
'BYOR RIG, ,RIN CHEN LHA DBANG SNANG ZHING STON PA STE, ,LEGS
PAR 'DOMS MDZAD LHA YI RNGA DANG 'DRA, ,KHYAB BDAG MKHYEN DANG
BRTZE CHEN SPRIN TSOGS NI, ,MTHA' YAS 'GRO BA SRID RTZE'I BAR DU
KHYAB, ,TSANGS

BZHIN ZAG MED GNAS LAS MI BSKYOD PAR, ,SPRUL PA RNAM PA DU MA
RAB TU STON, ,NYI BZHIN YE SHES SNANG BA RAB SPRO GANG, ,RNAM
DAG RIN CHEN YID BZHIN NOR 'DRA'I THUGS, ,RGYAL BA RNAMS KYI
GSUNG DE BRAG CHA BZHIN DU YI GE MED, ,SKU NI NAM MKHA' LTA BUR
KHYAB DANG GZUGS MED

@71B RTAG PA NYID, ,SA GZHI 'GRO BA'I DKAR PO'I CHOS KYI SMAN
RNAMS MA LUS PA'I, ,RNAM PA KUN TU GZHIR GYUR BA NI SANGS RGYAS
SA YIN NO, ,DAG PA BEE d'URYA 'DRA YI, ,SEMS LA SANGS RGYAS
MTHONG BA'I RGYU, ,DE DAG SA NI MI ZLOG PA'I, ,DAD PA'I DBANG PO
BRTAS PA

NYID, ,DGE BA SKYE DANG 'JIG PAS NA, ,SANGS RGYAS GZUGS NI SKYE
DANG 'JIG ,BRGYA BYIN BZHIN DU THUB PA NI, ,CHOS KYI SKU YI SKYE
'JIG MED, ,DE BZHIN DU NI 'BAD MED PAR, ,SKYE MED 'GAG MED CHOS
SKU LAS, ,SRID PA JI SRID GNAS BAR DU, ,STON PA LA

SOGS MDZAD PA 'JUG ,DPE 'DI RNAMS KYIS BSDUS PA YIN, ,DON NI 'DI
YIN RIM PA YANG, ,SNGA MA PHYI MA CHOS MI MTHUN, ,SPANGS PA'I
SGO NAS BRJOD PA YIN, ,SANGS RGYAS GZUGS BRNYAN LTA BU STE,
,DBYANGS DANG MI LDAN DE 'DRA MIN, ,LHA YI RNGA BZHIN THAMS CAD

DU; ,DON BYED MIN PA DE 'DRA MIN, ,SPRIN CHEN DANG MTSUNGS DON
MED PA'I, ,SA BON SPONG MIN DE 'DRA MIN, ,TSANGS CHEN BZHIN TE
GTAN DU NI, ,SMIN PAR BYED MIN DE 'DRA MIN, ,NYI MA'I GZUGS
BZHIN GTAN DU NI, ,MUN PA 'JOMS MIN DE 'DRA MIN, ,YID BZHIN

NOR 'DRA 'BYUNG BA NI, ,RNYED PAR MI DKA' DE 'DRA MIN, ,SGRA
BRNYAN BZHIN TE RKYEN LAS NI, ,BYUNG BA DE DANG 'DRA BA'ANG MIN,
,NAM MKHA' DANG 'DRA DAG PA YI, ,GZHI MIN DE DANG 'DRA BA'ANG
MIN, ,'JIG RTEN 'JIG RTEN LAS 'DAS PA, ,'GRO BA'I PHUN TSOGS MA

LUS PA, ,DE GNAS PA YI RTEN YIN PHYIR, ,SA YI DKYIL 'KHOR DAG
DANG 'DRA, ,SANGS RGYAS BYANG CHUB LA BRTEN NAS, ,'JIG RTEN 'DAS
PA'I LAM 'BYUNG PHYIR, ,DGE BA'I LAS LAM BSAM GTAN DANG, ,TSAD
MED PA DANG GZUGS MED 'BYUNG, ,THEG PA CHEN

PO RGYUD BLA MA'I BSTAN BCOS DKON MCHOG GI RIGS RNAM PAR DBYE BA
LAS, ,DE BZHIN GSHEGS PA'I PHRIN LAS MDZAD PA'I SKABS TE BZHI
PA'O,, ,,SANGS RGYAS KHAMS DANG SANGS RGYAS BYANG CHUB DANG,
,SANGS RGYAS CHOS DANG SANGS RGYAS PHRIN LAS TE, ,DAG PA'I

@72A *, ,SEMS CAN GYIS KYANG BSAM BYA MIN, ,'DI NI 'DREN PA
RNAMS KYI SPYOD YUL YIN, ,BLO LDAN RGYAL BA'I YUM DE LA MOS PA,
,SANGS RGYAS YON TAN TSOGS KYI SNOD 'GYUR TE, ,BSAM MED YON TAN
TSOGS LA MNGON DGA' BAS, ,SEMS CAN KUN GYI

BSOD NAMS ZIL GYIS GNON, ,GANG ZHIG BYANG CHUB DON DU GNYER BAS
GSER ZHING NOR BUS SPRAS PA NI, ,SANGS RGYAS ZHING RDUL MNYAM PA
NYIN RE CHOS RGYAL RNAMS LA RTAG 'BUL NA, ,GZHAN GANG 'DI LAS
TSIG TZAM THOS SHING THOS NAS KYANG NI MOS NA 'DI, ,SBYIN PA LAS
BYUNG DGE

BA DE LAS BSOD NAMS CHES MANG THOB PAR 'GYUR, ,BLO LDAN GANG
ZHIG BLA MED BYANG CHUB 'DOD PAS BSKAL PA DU MAR YANG, ,LUS NGAG
YID KYI 'BAD PA MED PAR TSUL KHRIMS DRI MED SRUNG BYED LA,
,GZHAN GANG 'DI LAS TSIG TZAM THOS SHING THOS NAS KYANG NI MOS
NA 'DI, ,

TSUL KHRIMS LAS BYUNG DGE BA DE LAS BSOD NAMS CHES MANG THOB PAR
'GYUR, ,GANG ZHIG 'DI NA SRID PA GSUM GYI NYON MONGS ME 'JIL
BSAM GTAN NI, ,LHA DANG TSANGS GNAS MTHAR SON RDZOGS PA'I BYANG
CHUB 'PHO MED THABS BSGOMS LA, ,GZHAN GANG 'DI LAS TSIG TZAM

THOS SHING THOS NAS KYANG NI MOS NA 'DI, ,BSAM GTAN LAS BYUNG
DGE BA DE LAS BSOD NAMS CHES MANG THOB PAR 'GYUR, ,GANG PHYIR
SBYIN PAS LONGS SPYOD DAG NI SGRUB BYED CING, ,KHRIMS KYI MTHO
RIS BSGOMS PAS NYON MONGS SPONG BYED LA, ,SHES RAB NYON MONGS
SHES BYA KUN SPONG DE YI

PHYIR; ,'DI MCHOG NYID DE DE YI RGYU NI 'DI THOS YIN, ,GNAS DANG
DE NI GYUR PA DANG, ,DE YI YON TAN DON SGRUB STE, ,RGYAL BA YI
NI MKHYEN PA'I YUL, ,RNAM BZHI JI SKAD BRJOD 'DI LA, ,BLO LDAN
YOD DANG NUS NYID DANG, ,YON TAN LDAN PA MOS PAS NI, ,MYUR

DU DE BZHIN GSHEGS PA NI, ,GO 'PHANG THOB PA'I SKAL LDAN 'GYUR,
,BSAM MI KHYAB PA'I YUL 'DI NI, ,YOD DANG BDAG 'BRAS THOB NUS
DANG, ,THOB PA 'DI 'DRA'I YON TAN DANG, ,LDAN ZHES DAD PAS MOS
PA'I PHYIR, ,'DUN BRTZON DRAN DANG BSAM GTAN DANG, ,SHES RAB LA

@72B SOGS YON TAN SNOD, ,BYANG CHUB SEMS NI DE DAG LA, ,RTAG TU
NYE BAR GNAS PAR 'GYUR, ,DE NI RTAG TU NYER GNAS PAS, ,RGYAL
BA'I SRAS PO PHYIR MI LDOG ,BSOD NAMS PHA ROL PHYIN RDZOGS DANG,
,YONGS SU DAG PA NYID DU 'GYUR, ,BSOD NAMS PHA ROL PHYIN PA
LNGA, ,DE LA RNAM GSUM RTOG

MED PAS, ,DE RDZOGS YONGS SU DAG PA NI, ,DE YI MI MTHUN PHYOGS
SPANG PHYIR, ,SBYIN BYUNG BSOD NAMS SBYIN PA STE, ,TSUL KHRIMS
LAS BYUNG TSUL KHRIMS YIN, ,BZOD DANG BSAM GTAN GNYIS DAG NI,
,SGOM BYUNG BRTZON 'GRUS KUN TU 'GRO, ,'KHOR GSUM RNAM PAR RTOG
PA GANG, ,DE NI SHES

BYA'I SGRIB PAR 'DOD, ,SER SNA LA SOGS RNAM RTOG GANG, ,DE NI
NYON MONGS SGRIB PAR 'DOD, ,SHES RAB LAS GZHAN DE DAG NI, ,SPONG
RGYU GZHAN MED DE YI PHYIR, ,SHES RAB MCHOG YIN DE BZHI NI,
,THOS PAS DE PHYIR THOS PA MCHOG ,DE LTAR YID CHES LUNG DANG
RIGS PA LA, ,BRTEN NAS

BDAG NYID 'BA' ZHIG DAG PHYIR DANG, ,GANG DAG MOS DGE PHUN SUM
TSOGS LDAN BLO, ,DE DAG RJES SU GZUNG PHYIR 'DI BSHAD DO, ,JI
LTAR SGRON GLOG NOR BU NYI ZLA LA, ,BRTEN NAS MIG DANG LDAN PA
LTA BA BZHIN, ,DE BZHIN DON CHEN CHOS SPOBS 'OD MDZAD PA, ,THUB
LA BRTEN NAS 'DI NYID RAB

TU BSHAD, ,GANG ZHIG DON LDAN CHOS DANG NYER 'BREL ZHING, ,KHAMS
GSUM KUN NAS NYON MONGS SPONG BYED GSUNG, ,ZHI BA'I PHAN YON
STON PAR MDZAD PA GANG, ,DE NI DRANG SRONG GSUNG YIN BZLOG PA
GZHAN, ,GANG ZHIG RGYAL BA'I BSTAN PA 'BA' ZHIG GI, ,DBANG BYAS
RNAM G-YENG MED YID CAN GYIS BSHAD

THAR PA THOB PA'I LAM DANG RJES MTHUN PAR, ,DE YANG DRANG SRONG
BKA' BZHIN SPYI BOS BLANG, ,GANG PHYIR RGYAL LAS CHES MKHAS 'GA'
YANG 'JIG RTEN 'DI NA YOD MIN TE, ,MA LUS DE NYID MCHOG NI TSUL
BZHIN KUN MKHYEN GYIS MKHYEN GZHAN MIN PA, ,DE PHYIR DRANG SRONG
RANG NYID KYIS GZHAG MDO SDE GANG YIN

DE MI DKRUG ,THUB TSUL BSHIG PHYIR DE YANG DAM CHOS LA NI GNOD
PA BYED PAR 'GYUR, ,NYON MONGS RMONGS BDAG RNAMS KYIS 'PHAGS LA
SKUR BA DANG, ,DES GSUNGS CHOS LA BRNYAS GANG DE KUN ZHEN LTAS
BYAS, ,DES NA ZHEN LTA'I DRI CAN DE LA BLO MI SBYAR, ,GOS GTZANG
TSON GYIS RNAM 'GYUR SNUM GYIS GOS PA MIN, ,BLO

@73A *, ,DMAN PHYIR DANG DKAR MOS BRAL PHYIR LOG PA'I NGA RGYAL
LA BRTEN PHYIR, ,DAM CHOS PHONGS PAS BSGRIBS PA'I BDAG PHYIR
DANG DON DE NYID NGES 'DZIN PHYIR, ,RNYED LA BRKAM PHYIR LTA
BA'I DBANG PHYIR CHOS SUN 'BYIN PA BRTEN PA'I PHYIR, ,CHOS 'DZIN
BSRINGS PHYIR MOS PA DMAN PHYIR DGRA BCOM RNAMS KYI

CHOS SPONG BYED, ,JI LTAR ZAB MO'I CHOS RNAMS DE BZHIN MKHAS PA
RNAMS KYI ME DANG NI, ,MI BZAD SBRUL GDUG GSHED MA DANG NI THOG
LA'ANG SHIN TU 'JIGS MI BYA, ,ME SBRUL DGRA DANG RDO RJE'I ME NI
SROG DANG BRAL BA TZAM BYED DE, ,DE LAS MNAR MED RNAMS KYI 'GRO
BA SHIN TU 'JIGS PAR 'GRO MI 'GYUR,,

GANG ZHIG YANG YANG SDIG GROGS BSTEN PAS SANGS RGYAS NGAN SEMS
LDAN GYUR DANG, ,PHA MA DGRA BCOM GSOD PAR BYA BA MIN BYED MCHOG
TSOGS 'BYED PA'I MI, ,DE YANG CHOS NYID NGES PAR BSAMS NA MYUR
DU DE LAS THAR 'GYUR GYI, ,GANG ZHIG YID NI CHOS LA SDANG BA DE
LA THAR PA GA LA YOD, ,DKON MCHOG RNAM

PAR BYANG KHAMS DRI MED BYANG CHUB YON TAN PHRIN LAS TE, ,DON
GNAS RNAM BDUN TSUL BZHIN BSHAD LAS BDAG GIS DGE BA GANG THOB
PA, ,DES NI 'GRO 'DI MTHA' YAS 'OD MNGA' DRANG SRONG TSE DPAG
MED MTHONG ZHING, ,MTHONG NAS KYANG NI CHOS MIG DRI MED SKYES TE
BYANG CHUB MCHOG THOB SHOG ,GANG LAS RGYU

MTSAN GANG GI PHYIR, ,JI LTA BUR NI GANG BSHAD DANG, ,RGYU MTHUN
PA NI GANG YIN TE, ,TSIGS SU BCAD PA BZHIS BSTAN TO, ,GNYIS KYI
BDAG NYID DAG PA YI, ,THABS DANG GCIG GIS NYAMS PA'I RGYU, ,DE
NAS TSIGS SU BCAD PA NI, ,GNYIS KYIS 'BRAS BU BSTAN PA YIN,
,'KHOR GYI DKYIL

'KHOR BZOD PA DANG, ,BYANG CHUB THOB PA'I CHOS BRJOD PA'I, ,MDOR
NA 'BRAS BU RNAM GNYIS NI, ,THA MA YIS NI BSTAN PA YIN,, ,,THEG
PA CHEN PO RGYUD BLA MA'I BSTAN BCOS DKON MCHOG GI RIGS RNAM PAR
DBYE BA LAS, PHAN YON GYI SKABS TE LNGA PA'O,, ,,THEG PA CHEN PO
RGYUD BLA MA'I BSTAN BCOS

MGON PO BYAMS PAS MDZAD PA RDZOGS SO,, ,,DPAL GRONG KHYER DPE
MED KYI MKHAS PA CHEN PO BRAM ZE RIN CHEN RDO RJE'I DPON PO
PAndI TA MKHAS PA CHEN PO SAD DZNY'A NA DANG, LO TZTSA BA SH'A
KYA'I DGE SLONG BLO LDAN SHES RAB KYIS GRONG KHYER DPE MED DU
BSGYUR BA'O,, ,,

@73B [BP]