[#THE FOLLOWING TEXT HAS INCOMPLETE SECTIONS, WHICH ARE ON ORDER] [#DATA INCOMPLETE HERE] @41A *, ,LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE YANG SOS ZHES BYA'O, ,DE LA SEMS CAN DMYAL BA CHEN PO THIG NAG NA NI GNOD PA'I SDUG BSNGAL 'DI LTA BU CHER NYAMS SU MYONG BAR 'GYUR TE, DE NAS SEMS CAN DE DAG DER GTOGS PA'I MI GNOD PAR BYED PA DAG GIS THIG NAG POS BCAL TE, ZUR BZHI 'AM, ZUR BRGYAD DAM, CHAR GSE BA RNAM PA SNA TSOGS DU MAR GZHAL BAR BYED DO, , GZHAL NAS KYANG DE LTA DE LTA BUR GSHEGS SHING 'JOG LA KUN TU RAB TU 'JOG GO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE THIG NAG CES BYA'O, ,DE LA SEMS CAN DMYAL BA CHEN PO BSDUS GZHOM NA NI, GNOD PA'I SDUG BSNGAL 'DI LTA BU SHAS CHER NYAMS SU MYONG BAR 'GYUR TE, DE NA SEMS CAN DE DAG GANG GI TSE PHAN TSUN NAS GCIG TU 'DUS SHING TSOGS PAR GYUR PA DE'I TSE, DER GTOGS PA'I MI GNOD PAR BYED PA RNAMS KYIS RA'I GDONG LTA BU'I LCAGS KYI RI CHEN PA GNYIS KYI BAR DU 'TSANG BAR BYED DE, BTZANGS MA THAG TU RI DE GNYIS KYIS BTZIR RO, ,DE DAG BTZIR NAS SGO THAMS CAD DU KHRAG GI KLUNG 'BAB CING RAB TU 'BAB PO, ,RA'I GDONG LTA BU GNYIS JI LTA BA BZHIN DU, LUG GI GDONG LTA BU GNYIS DANG, RTA'I GDONG LTA BU GNYIS DANG, GLANG PO CHE'I GDONG LTA BU GNYIS DANG, SENG GE'I GDONG LTA BU GNYIS DANG, SENG GE'I GDONG LTA BU GNYIS KYANG DE DANG 'DRA'O, ,YANG 'DUS PAR GYUR NAS LCAGS KYI 'KHRUL 'KHOR CHEN PO'I NANG DU BCUG NAS, DPER NA BU RAM SHING BRDUNGS PA LA BYA BA BZHIN DU BTZIR BAR BYED DO, ,DE DAG DER BTZIR BA NA KHRAG GI KLUNG 'BAB CING RAB TU 'BAB BO, ,YANG 'DUS PAR GYUR NAS, STENG NAS LCAGS KYI PHA 'ONG CHEN PO LTUNG BAR 'GYUR TE, DES SEMS CAN DE DAG LCAGS KYIS GZHI LA KUN TU GCOD CING, KUN TU 'BYED LA, KUN TU BRDUNG ZHING KUN TU DMYAL BAR @41B BYED DO, ,DE DAG DER KUN TU GCOD CING KUN TU 'BYED LA, KUN TU BRDUNG ZHING KUN TU DMYAL BA NA, KHRAG GI KLUNG 'BAB CING RAB TU 'BAB BO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE BSDUS GZHOM ZHES BYA'O, ,DE LA SEMS CAN DMYAL BA CHEN PO DU 'BOD NA NI, GNOD PA'I SDUG BSNGAL 'DI LTA BU SHAS CHER NYAMS SU MYONG BAR 'GYUR TE, DE NI SEMS CAN DE DAG GNAS TSOL ZHING LCAGS KYI KHANG PA'I NANG DU 'JUG PAR BYED DO, ,DE DAG DER ZHUGS NAS ME BTANG STE, DES DE DAG KUN TU 'BAR ZHING RAB TU 'BAR LA, KUN TU RAB TU MCHED NAS BSREG PAR 'GYUR RO, ,DE DAG DE NA NGU ZHING NYAM THAG PA'I SKAD 'BYIN TO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA CHEN PO DU 'BOD CES BYA'O, ,DE LA SEMS CAN DMYAL BA CHEN PO DU 'BOD CHEN PO NA NI BYE BRAG TU DU 'BOD KYI SKABS SU KHANG PA BSTAN PA GANG YIN PA DE, DE NA YANG KHANG PA NYID YOD PA LAS KHANG PA SBRUM DU 'JUG PAR RIG PAR BYA STE, DE BAS NA SEMS CAN DMYAL BA DE NGU 'BOD CHEN PO ZHES BYA'O, ,DE LA SEMS CAN DMYAL BA CHEN PO TSA BA NA NI, GNOD PA'I SDUG BSNGAL 'DI LTA BU SHAS CHER NYAMS SU MYONG BAR 'GYUR TE, SEMS CAN DE DAG DER GTOGS PA'I MI GNOD PAR BYED PA RNAMS KYIS LCAGS ZANGS DPAG TSAD DU MA YOD PA, TSA ZHING KUN TU TSA LA KUN TU RAB TU MCHED CING 'BAR BA'I NANG DU BCUG NAS BSKOL ZHING YONGS SU BSKOL TE, 'DI LTA STE, DPER NA NYA BZHIN DU SREG CING RAB TU SREG GO, ,GZHAN YANG LCAGS KYI GSAL SHING KUN TU 'BAR ZHING, RAB TU 'BAR LA MAS YAR PHUG STE, GSAL SHING DE YANG KUN TU ZHUGS NAS SPYI BOR 'BYUNG NGO, ,SEMS CAN DE DAG GI KHA DANG, MIG GI 'BRAS BU GNYIS DANG, SNA'I BU GU GNYIS DANG, RNA BA'I BU GU GNYIS DANG, @42A *, ,SPU'I KHUNG BU THAMS CAD NAS KYANG, ME LCE 'BAR ZHING RAB TU 'BAR BA 'BYUNG BAR 'GYUR RO, ,YANG LCAGS KYIS GZHI TSA ZHING RAB TU TSA LA KUN TU RAB TU MCHED CING 'BAR BA LA, GAN RKYAL LAM KHA BUB TU GZHAG STE, 'DI LTA STE, DPER NA SHA'I SNAG BU LA BYA BA BZHIN DU, LCAGS KYI THO BA TSA ZHING KUN TU RAB TU 'BAR BDAG GIS BRDUNG ZHING KUN TU BRDUNG LA DMYAL ZHING KUN TU DMYAL LO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE TSA BA ZHES BYA'O, ,DE LA SEMS CAN DMYAL BA CHEN PO RAB TU TSA BA NA NI, BYE BRAG TU LCAGS KYI GSAL SHING RTZE GSUM PA RKUB TU BCUG NAS, DE'I RTZE MO GCIG NI PHRAG PA YA GCIG NAS 'BYUNG NGO, ,CIG SHOS KYANG PHRAG PA YA GCIG NAS 'BYUNG NGO, ,DBUS MA NI SPYI BOR 'BYUNG STE, GZHI DE LAS DE DAG GI KHA NAS KYANG ME LCE 'BAR BA 'BYUNG LA, MIG GI 'BRAS BU GNYIS DANG, SNA'I BU GU GNYIS DANG, RNA BA'I BU GU GNYIS DANG, SPU'I KHUNG BU THAMS CAD NAS KYANG ME LCE 'BAR BA 'BYUNG NGO, ,LCAGS GLEGS PA TSA ZHING RAB TU TSAL, KUN TU RAB TU MCHED CING 'BAR BA DAG GIS KYANG LUS KUN NAS YONGS SU DKRI BAR BYED DO, ,YANG LCAGS ZANGS CHEN PO 'GYUR BYED BSKOL BAS GANG BA KUN TU 'BAR ZHING RAB TU 'BAR LA, KUN TU RAB TU MCHED CING 'BAR BA'I NANG DU SEMS CAN DE DAG SPYI'U TSUGS SU 'JUG GO, ,BCUG NAS KYANG KUN BSKOL ZHING RAB TU BSKOL TE, STENG DU YANG 'GRO ZHING 'OG TU YANG 'GRO LA THAD KAR YANG 'GRO STE, GANG GI TSE PAGS PA DANG, SHA DANG, KHRAG RNAMS KUN ZHIG NAS, KENG RUS 'BA' ZHIG LUS PAR GYUR PA DE'I TSE, YANG PHYIR PHYUNG ZHING PHYUNG ZHING LCAGS KYI SA GZHI LA 'GREMS SO, ,DE NAS PAGS PA DANG, SHA DANG KHRAG PHYIR SKYES NAS YANG NANG DU BCUG GO, ,LHAG MA GZHAN NI TSA BA'I SKABS BZHIN NO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS @42B THAMS CAD KYI THAMS CAD DU YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE RAB TU TSA BA ZHES BYA'O, ,DE LA SEMS CAN DMYAL BA CHEN PO MNAR MED PA NA NI, GNOD PA'I SDUG BSNGAL 'DI LTA BU DAG NYAMS SU MYONG BAR 'GYUR TE, SEMS CAN DE DAG LA SHAR PHYOGS NA SA GZHI DPAG TSAD BRGYA PHRAG DU MA YOD PA KUN TU 'BAR ZHING RAB TU 'BAR LA, KUN TU RAB TU MCHED CING 'BAR BA LAS, ME 'BAR BA'I SHUGS 'ONG BAR 'GYUR TE, DES SEMS CAN DE DAG GI PAGS PA YANG BSHIG, SHA YANG BSHIG, RGYUS PA YANG BSHIG, RUS PA YANG BSHIG NAS, RUS PA DANG RKANG LA THUG PAR BYED DO, ,DPER NA MAR ME'I SNYING PO BZHIN DU, LUS THAMS CAD ME LCE 'BAR BAS KHYAB PAR 'GYUR RO, ,SHAR PHYOGS JI LTA BA BZHIN DU LHO DANG, NUB DANG, BYANG PHYOGS KYANG DE DANG 'DRA STE, SEMS CAN DE DAG KYANG DE'I RGYUS ME NYID KYI PHUNG PO LTA BUR SNANG STE, ME'I PHUNG PO PHYOGS BZHI NAS 'ONGS PA DER 'DRES PAR GYUR PAS, DE DAG DE NA SDUG BSNGAL MYONG BA LA BAR SKABS MED DO, ,NYAM THAG PA'I SKAD 'BYIN PAS SEMS CAN YIN PAR MNGON PAR ZAD DO, ,YANG LCAGS KYI ZHIB MA'I NANG DU LCAGS KYI ME MDAG ME KUN TU 'BAR ZHING RAB TU 'BAR LA, KUN TU RAB TU MCHED CING 'BAR BA DAG 'KHRAB CING RAB TU 'KHRAB TU 'JUG GO, ,YANG LCAGS KYIS GZHI LA LCAGS KYI RI CHEN PO DAG LA 'DZEG TU 'JUG CING, PHYIR YANG 'BAB TU 'JUG GO, ,YANG KHA NAS LCE PHYUNG STE, LCAGS KYI PHUR PA BRGYAS BRGYANGS NAS, DPER NA GLANG GI KO BA LA BYA BA BZHIN DU DE THANG BCAD DE, GNYER MA RANGS SHING KHAM KHUM MED PAR BYED DO, ,YANG LCAGS KYI SA GZHI DE NYID LA GAN RKYAL DU BZHAG NAS, LCAGS KYI 'BYED SPYAD KYIS KHA PHYE NAS, LCAGS KYI THU LUM KUN TU 'BAR ZHING RAB TU 'BAR LA, KUN TU RAB TU MCHED CING 'BAR BA BCUG STE, DES DE DAG GI KHA YANG TSIG PAR BYED CING, LKOG MA DANG, RGYU MA YANG TSIG NAS PHYIR RO SMAD NAS 'BYUNG BAR 'GYUR RO, ,YANG DE BZHIN DU ZANGS BSKOL BA KHAR BLUGS NAS, DES KYANG KHA YANG TSIG PAR BYED CING LKOG MA DANG RGYU MA YANG TSIG @43A *, ,NAS RO SMAD NAS 'BAB PAR 'GYUR RO, ,LHAG MA GZHAN RNAMS NI RAB TU TSA BA'I SKABS BZHIN NO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SDIG PA MI DGE BA'I LAS THAMS CAD YONGS SU MA ZAD CING MA BYANG GI BAR DU STE, DE BAS NA SEMS CAN DMYAL BA DE MNAR MED PA ZHES BYA STE, DER NI PHAL CHER SEMS CAN MTSAMS MED PA BYED BYED PA RNAMS SKYE BAR 'GYUR RO, ,DE LA 'DI DAG NI GNOD PA CHE LONG CHE LONG RNAMS SMOS PAR ZAD KYI, SEMS CAN DMYAL BA DE DAG NA DE LAS GZHAN PA'I GNOD PA'I RNAM PA MANG PO SNA TSOGS RNAMS MED PA NI MA YIN NO, ,NYE 'KHOR GYI SEMS CAN DMYAL BA DAG NA NI GNOD PA'I SDUG BSNGAL 'DI LTA BU DAG SEMS CAN RNAMS KYIS NYAMS SU MYONG BAR 'GYUR TE, SEMS CAN DMYAL BA CHEN PO DE DAG THAMS CAD KYI PHYOGS BZHI NA, RTZIG NGOS BZHI DANG SGO BZHI YOD LA, LCAGS KYI RA BA DAG GIS BSKOR TE, PHYOGS BZHI DE DAG NA YANG SGO BZHI PO DAG GI PHYI ROL SGO RE RE NA, SEMS CAN DMYAL BA LHAG PA BZHI YOD DE, 'DI LTA STE, ME MA MUR PUS NUB TZAM YOD LA, SEMS CAN DE DAG GNAS TSOL DU 'GRO BA NA DE DAG GIS DER RKANG PA BZHAG NA NI PAGS PA DANG, SHA DANG KHRAG KUN 'JIG PAR 'GYUR RO, ,RKANG PA BTEG NA NI PAGS PA DANG, SHA DANG KHRAG PHYIR SKYE BAR 'GYUR RO, ,ME MUR PUS NUB TZAM PO DE DANG, 'DAB CHAGS DRUNG NYID NA PHYI SA'I 'DAM RO LTAR MNAM PA YOD DE, SEMS CAN GNAS TSOL BA DE DAG GIS 'BOGS PA DANG, DE DAG DER SGYEL NAS MGO DANG RKANG PA BCAS PAR BYING STE 'DUG GO, ,PHYI SA'I 'DAM RO LTAR MNAM PA DE NA, SROG CHAGS 'BU MCHU RNON ZHES BYA BA YOD DE, DE DAG GIS SEMS CAN DE DAG GI PAGS PA YANG 'BIGS LA, SHA DANG RGYUS PA DANG RUS PA DAG KYANG 'JIG PAR BYED DE, DE NAS RUS PA DANG RKANG LA THUG NAS 'BRU BAR BYED DO, ,PHYI SA'I 'DAM RO LTAR MNAM PA DE DANG 'DAB CHAGS DRUNG NYID NA, SPU GRI'I SOS GTAMS PA'I LAM YOD DE, SEMS CAN GNAS TSOL BA DE DAG SONG BA DANG, DER DE DAG GI RKANG PA BZHAG NA NI PAGS PA DANG, @43B SHA DANG KHRAG KUN GCOD BAR BYED DO, ,RKANG PA BTEG NA NI PAGS PA DANG, SHA DANG KHRAG PHYIR SKYE BAR 'GYUR RO, ,SPU GRI'I SOS GTAMS PA'I LAM DE DANG 'DAB CHAGS DRUNG NYID NA, NAGS TSAL RAL GRI'I LO MA CAN YOD DE, DER SEMS CAN GNAS TSOL BA DE DAG SONG BA DANG, DE'I GRIB MA LA BRTEN CING DE DAG GI DRUNG DU 'KHOD NAS SHING LAS RAL GRI LHAGS TE, DE DAG GIS SEMS CAN DE DAG GI YAN LAG DANG NYING LAG RNAMS 'BIGS SHING, RNAM PAR GSHEGS TE, DE DAG DER 'GYEL NAS KHYI SRE BO DAG LHAGS TE, RGYAB KYI BSHUL 'THOG CING ZA'O,, NAGS TSAL RAL GRI'I LO MA CAN DE DANG 'DAB CHAGS DRUNG NYID NA, LCAGS KYI SHING SHAL MA LI'I TSAL YOD DE, SEMS CAN GNAS TSOL BA DE DAG SONG BA DANG, 'DZEG TU 'JUG STE, DE DAG DE LA 'DZEG PA'I TSE NI, TSER MA RNAMS KYI KHA THUR DU LTA BAR 'GYUR RO, ,'BAB PA'I TSE NI TSER MA RNAMS KYI KHA GYEN DU LTA BAR 'GYUR RO, ,DE DAG GIS DE DAG GI YAN LAG DANG NYING LAG RNAMS 'BIGS SHING, RNAM PAR GSHEGS PAR BYED DO, ,DE NA KHVA LCAGS KYI MCHU CAN ZHES BYA BA DAG KYANG YOD DE, DE DAG SEMS CAN DE DAG GI PHRAG PA 'AM MGO BO LA 'KHOD NAS MIG GI 'BRAS BU DAG 'THOG CING ZA'O, ,LCAGS KYI SHING SHAL MA LI DE DANG 'DAB CHAGS DRUNG NYID NA, CHU KLUNG RAB MED CES BYA BA 'GYUR BYED KYI CHU BSKOL BAS GANG BA YOD DE, SEMS CAN GNAS TSOL BA DE DAG DER LHUNG NAS, DE DAG STENG DU YANG 'GRO STE BSKOL ZHING 'TSED DO, ,'OG TU YANG 'GRO STE BSKOL ZHING 'TSED PA NI DPER NA ZANGS CHUS BKANG LA ME CHEN PO SHIN TU SBAR BA'I NANG DU MON SRAN SDE'U DANG, MON SRAN GRE'U DANG, RGYA SHUG GI 'BRAS BU DANG, RGYA SRAN BLUGS PA BZHIN NO, ,CHU KLUNG DE'I NGOS GNYIS NA, SEMS CAN LAG NA DBYUG PA THOGS PA DANG, LAG NA MCHIL BA THOGS PA DANG, LAG NA RGYA THOGS PA DAG 'KHOD DE, DE DAG GIS SEMS CAN DE DAG NI PHYIR 'BYUNG DU YANG MI STER LA 'BYIN PA'I MCHIL PA 'AM, 'BYIN PA'I RGYAS PHYIR PHYUNG NAS SA GZHI ME CHEN PO KUN TU RAB TU 'BAR BA LA GAN RKYAL DU BZHAG STE, KYE SEMS CAN DAG CI 'DOD CES 'DRI'O, ,DE DAG GIS SMRAS @44A *, ,PA; BDAG CAG GIS KYANG MI SHES SO, ,BDAG CAG GIS KYANG MI MTHONG STE, 'ON KYANG BDAG CAG NI BKRES SO, ,DE NAS SEMS CAN DE DAG GIS LCAGS KYI 'BYED SPYAD KYIS SEMS CAN DE DAG GI KHA PHYE NAS, LCAGS KYI THU LUM ME CHEN PO SHIN TU RAB TU 'BAR BA KHAR 'JUG PA YANG SNGA MA BZHIN NO, ,GAL TE BDAG CAG NI SKOM MO ZHES ZER NA NI, DE DAG GIS DE BZHIN DU ZANGS BSKOL BA KHAR LDUGS SO, ,GZHI DE LAS YUN RING POR SDUG BSNGAL NYAMS SU MYONG BAR 'GYUR TE, JI SRID DU SEMS CAN DMYAL BA MYONG BAR 'GYUR BA, SDIG PA MI DGE BA'I LAS THAMS CAD KYI THAMS CAD DU YONGS SU MA ZAD CING MA BYANG GI BAR DU'O, ,DE LA SPU GRI'I SOS GTAMS PA'I LAM GANG YIN PA DANG, NAGS TSAL RAL GRI'I LO MA CAN GANG YIN PA DANG, LCAGS KYI SHING SHAL MA LI'I TSAL GANG YIN PA DE LHAG PA GCIG TU BSDUS PAS NA LHAG PA BZHIR 'GYUR RO, ,DE LA GRANG BA'I SEMS CAN DMYAL BAR SKYES PA'I SEMS CAN RNAMS KYI NI, GRANG BA'I SDUG BSNGAL 'DI LTA BU DAG NYAMS SU MYONG BAR 'GYUR TE, CHU BUR CAN DU SKYES PA'I SEMS CAN RNAMS NI, SA DE NA YOD PA'I LHAGS PA CHEN POS BTAB NAS, LUS THAMS CAD CHU BUR BYUNG BA BZHIN DU 'KHUMS PAR 'GYUR TE, DE BAS NA SEMS CAN DMYAL BA DE CHU BUR CAN ZHES BYA'O, ,DE LA CHU BUR RDOL BA CAN GYI BYE BRAG NI 'DI YIN TE, CHU BUR RDOL BA BZHIN DU 'KHUMS PAR 'GYUR TE, DE BAS NA SEMS CAN DMYAL BA DE CHU BUR RDOL BA CAN ZHES BYA'O, , DE LA SO THAMS THAMS DANG, KYI HUD ZER DANG, AA CU ZER BA NI TSIG TU BRJOD PA LAS SEMS CAN DE DAG GI MING DU BTAGS PA'O, ,GRANG BA'I SEMS CAN DMYAL BA AUTPAL LTAR GAS PA DAG NA NI, SA DE NA YOD PA'I LHAGS PA CHEN POS BTAB NAS, PAGS PA RNAM PAR SNGO ZHING KHA LNGA 'AM, DRUG TU GAS PAR 'GYUR TE, DE BAS NA SEMS CAN DMYAL BA DE AUTPAL LTAR GAS PA ZHES BYA'O, ,DE LA PADMA LTAR GAS PA'I BYE BRAG NI 'DI YIN TE, PAGS PA SNGON POR GYUR BA LAS 'DAS NAS RNAM PAR DMAR ZHING KHA BCU 'AM, DE LAS LHAG PAR YANG GAS PAR 'GYUR TE, @44B DE BAS NA SEMS CAN DMYAL BA DE PADMA LTAR GAS PA ZHES BYA'O, ,PADMA LTAR GAS PA CHEN PO'I BYE BRAG NI 'DI YIN TE, PAGS PA SHIN TU RNAM PAR DMAR BA KHO NAR GYUR NAS KHA BRGYA'AM DE LAS LHAG PAR YANG GAS PAR 'GYUR TE, DE BAS NA SEMS CAN DMYAL BA DE PADMA LTAR GAS PA CHEN PO ZHES BYA'O, ,NYI TSE BA'I SEMS CAN DMYAL BA DAG TU SKYES PA'I SEMS CAN RNAMS KYIS NI RANG RANG GI LUS LAS RANG RANG GI LAS LAS BYUNG BA'I SDUG BSNGAL 'DI LTA BU DAG NYAMS SU MYONG BAR 'GYUR TE, 'DI LTA STE, MDO LAS DPAL LDAN GYIS DRIS PA NI, MOONG GAL GYI BUS RGYAS PAR BRJOD PA BZHIN TE, DE BAS NA SEMS CAN DMYAL BA DE LA, NYI TSE BA'I SEMS CAN DMYAL BA ZHES BYA'O, ,DE LA DUD 'GRO NI GCIG LA GCIG GSOD PAR BYED DE, GANG MTHU CHUNG BA GSOD PAR BYED DO, ,GZHI DES SDUG BSNGAL MYONG BAR 'GYUR RO, ,RANG DBANG MED PAR YANG GSOD PA DANG, BRDEG PA DANG, GNOD PA BYED PA LA LHA DANG MI RNAMS KYI YO BYAD DU GYUR PA YANG YIN TE, GZHI DES NA SDUG BSNGAL RNAM PA SNA TSOGS MYONG BAR 'GYUR RO, ,YI DAGS RNAMS NI MDOR BSDU NA RNAM PA GSUM STE, ZAS DANG SKOM LA PHYI ROL GYI SGRIB PA YOD PA DANG, ZAS DANG SKOM LA NANG GI SGRIB PA YOD PA DANG, ZAS DANG SKOM LA SGRIB PA YOD PA'O, ,ZAS DANG SKOM LA PHYI ROL GYI SGRIB PA YOD PA GANG ZHE NA, SEMS CAN GANG DAG SER SNA SHAS CHER BSTEN PA'I PHYIR YI DAGS KYI GNAS SU SKYES LA, DE DAG KYANG BKRES SHING SKOM PA DANG LDAN PAS, PAGS PA DANG, SHA DANG KHRAG KUN SKAMS NAS, SDONG DUM TSIG PA LTA BUR 'DUG LA GDONG SKRAS KHEBS PA DANG, BKRES SHING SKOM PA DANG LDAN PA'I BZHIN DANG, KHA SHIN TU SKAMS SHING LCES LDAG PA DANG, BZHIN 'GYUR BAS, CHU MIG DANG, MTSO DANG, MTSE'U RNAMS SU DE DANG DER KUN TU RGYU BAR BYED DE, DE DAG TU YANG SEMS CAN LAG NA RAL GRI THOGS PA DANG, LAG NA MDUNG THOGS PA DANG, LAG NA MDUNG THUNG THOGS PA GZHAN DAG GIS CHU MIG DANG, MTSO DANG, MTSE'U DE DAG LAS PHYIR 'GOG PAR BYED LA, CHU DE YANG RNAG DANG KHRAG TU MTHONG STE, DES NA DE DAG BDAG NYID KYANG 'THUNG MI 'DOD PAR 'DUG @45A *, ,STE; DE LTA BU DE DAG NI ZAS DANG SKOM LA PHYI ROL GYI SGRIB PA YOD PA'I YI DAGS RNAMS SO, ,ZAS DANG SKOM LA NANG GI SGRIB PA YOD PA GANG ZHE NA, 'DI LTA STE, KHA KHAB TZAM LA, KHA 'BAR BA CAN DANG, LBA BA CAN DANG, GSUS PO CHE STE, 'DI LTAR DE DAG GZHAN DAG GIS BGEGS MA BYAS PAR BDAG NYID KYIS ZAS DANG SKOM NYID DU ZIN KYANG, BZA' BA DANG BTUNG BAR MI NUS PA DE LTA BU DE DAG NI ZAS DANG SKOM LA NANG GI SGRIB PA YOD PA'I YI DAGS RNAMS SO, ,ZAS DANG SKOM LA SGRIB PA YOD PA RNAMS GANG ZHE NA, YI DAGS ME LCE'I PHRENG BA CAN ZHES BYA BA YOD DE, DE DAG GIS ZOS SO COG DANG 'THUNGS SO COG THAMS CAD TSIG PAR 'GYUR TE, DES NA DE DAG GI BKRES SHING SKOM PA'I SDUG BSNGAL BA RNAMS KYANG MED PAR MI 'GYUR RO, ,YI DAGS LJAN LJIN ZA BA ZHES BYA BA DAG KYANG YOD DE, DE DAG KHA CIG NI PHYI SA ZA ZHING GCIN 'THUNG STE, GANG MI GTZANG ZHING MNAM LA DRI NGA BA DANG, BKRES SHING SKOM PAS PHONGS PA'I SDUG BSNGAL DANG, 'DOD PAS NUS SO, ,YANG KHA CIG NI RANG GI SHA RNAMS KYANG GCAD DE ZA LA, GTZANG BA 'AM BSOD PA GANG YIN PA DE NI BZA' BA DANG BTUNG BAR MI NUS TE, DE LTA BU DE DAG NI, ZAS DANG SKOM LA SGRIB PA YOD PA'I YI DAGS RNAMS SO, ,DE LA MIR SKYES PA'I SEMS CAN RNAMS NI PHONGS PA'I SDUG BSNGAL 'DI LTA BU MYONG BAR 'GYUR TE, LHAN CIG SKYES PA'I BKRES SHING SKOM PAS PHONGS PA'I SDUG BSNGAL DANG, 'DOD PAS PHONGS PA, KHA ZAS NGAN PAS PHONGS PA'I SDUG BSNGAL DANG, 'GRO BA LAS BYUNG BA DANG, TSOL KHRO DANG, NGAL BA LA SOGS PAS PHONGS PA'I SDUG BSNGAL DANG, DUS TSIGS 'GYUR BA'I GRANG BA DANG, TSA BAS GNOD PAR 'GYUR BA'I SDUG BSNGAL DANG, 'DZAG GNOD BYED LAS BYUNG BA DANG, KHANG PA LA SOGS PAS MA BSKYABS PA LAS GYUR PA'I GNOD PA'I SDUG BSNGAL DANG, MUN PA LA SOGS PAS BSGRIBS PAS THA SNYAD CHAD PA LAS BYUNG BA'I GNOD PA'I SDUG BSNGAL DANG, DE BZHIN DU YONGS SU 'GYUR BA, RGA BA'I SDUG BSNGAL DANG, NA BA'I SDUG BSNGAL DANG, 'CHI BA'I SDUG @45B BSNGAL LA'O, ,'DI LTAR SEMS CAN DMYAL BA DAG NA NI, 'CHI BA NYID LA BDE BAR 'DZIN TE, DE BAS NA DE LA NI SDUG BSNGAL DU RNAM PAR MI GZHAG GO, ,LHA RNAMS LA NI GNAD 'CHAD PA NI MED LA 'CHI 'PHO BA DANG, LTUNG BA'I SDUG BSNGAL NI YOD DE, JI SKAD DU LHA'I BU 'CHI 'PHO BA NA SNGA LTAS RNAM PA LNGA 'BYUNG STE, GOS DRI MA MED PA LA DRI MA CAN DU 'GYUR BA DANG, ME TOG GI PHRENG BA SNGON MA RNYINGS PA RNYINGS PAR 'GYUR BA DANG, MCHAN KHUNG GNYIS NAS RDUL 'BYUNG BAR 'GYUR BA DANG, LUS LAS DRI MI ZHIM PA 'BYUNG BA DANG, LHA DANG LHA'I BU YANG RUNG BDAG NYID KYI STAN LA MI DGA' BAR 'GYUR BA STE, DE'I TSE 'KHOR GYI NANG DU 'DUS PA NA LHA'I BU MO DE DAG DE LAS GZHAN PA'I LHA'I BU DAG DANG LHAN CIG TU DGA' MGUR SPYOD PA DE DAG DES MTHONG NAS, GZHI DE LAS SDUG BSNGAL BA DANG, YID MI BDE BA CHEN PO MYONG BAR 'GYUR RO ZHES GSUNGS PA LTA BU'O, ,DE BZHIN DU SBA GONG BAR GYUR PA'I SDUG BSNGAL YANG MYONG BAR 'GYUR RO, ,DE CI'I PHYIR ZHE NA, 'DI LTAR DE LA BSOD NAMS KYI PHUNG PO CHES RGYA CHE BA DANG LDAN PA GANG YIN PA DE'I LHA'I 'DOD PA LNGA'I YON TAN CHES CHE BAR 'BYUNG BAR 'GYUR TE, DER DE LAS GZHAN PA'I LHA'I BU BSOD NAMS CHES CHUNG BA RNAMS KYIS MTHONG NA SPA GONG BAR 'GYUR TE, GZHI DE LAS KYANG SDUG BSNGAL BA DANG, YID MI BDE BA CHEN PO MYONG BAR 'GYUR BA'I PHYIR RO, ,DE BZHIN DU GCAD PA DANG, DRAL BA DANG, SPYUGS PA DANG, GSAD PA'I SDUG BSNGAL YANG MYONG BAR 'GYUR RO, ,DE CI'I PHYIR ZHE NA, 'DI LTAR LHA RNAMS DANG, LHA MA YIN RNAMS G-YUL SPROD PA NA, LHA RNAMS DANG, LHA MA YIN RNAMS DANG, PHAN TSUN DU 'GRAS PAR 'GYUR BAS GSER DANG DNGUL DANG SHEL DANG, BEE d'URYA'I MTSON CHA SNA BZHI PO DAG BLANGS NAS G-YUL 'GYED DE, DE YANG LHA RNAMS DANG, LHA MA YIN RNAMS KYI YAN LAG DANG, NYID LAG 'CHAD PA YANG YOD, LUS 'DRAL BA YANG YOD, GSOD PA YANG MYOD DO, ,DE DAG GI YAN LAG DANG NYING LAG CHAD PA RNAMS KYANG PHYIR SKYE BAR 'GYUR LA, LUS DRAL BA YANG PHYIR 'TSO BAR 'GYUR RO, ,GANG GI TSE MGO GCAD PAR GYUR PA DE'I TSE NI 'CHI BAR 'GYUR RO, ,DE LA CHED @46A *, ,'GA' NI LHA RNAMS PHAM PAR 'GYUR, CHED 'GA' NI LHA MA YIN RNAMS PHAM PAR 'GYUR TE, LHA RNAMS MTHU CHE BA'I PHYIR LAN MANG DU LHA RNAMS RGYAL BAR 'GYUR RO, ,DE GNYIS LAS GANG DAG PHAM PAR GYUR PA DE DAG NI, RANG GI GRONG KHYER DU ZHUGS NAS BDE BAR 'GYUR TE, DAR ZHUGS NAS DE DAG GCIG LA GCIG GIS MI TSUGS SO, ,DE LA LHA RNAMS NI LHA MA YIN GYI BU MO DAG GI PHYIR LHA MA YIN RNAMS DANG 'GRAS PAR 'GYUR RO, ,LHA MA YIN RNAMS NI BDUD RTZI RNAM PA BZHI'I PHYIR LHA RNAMS DANG 'GRAS PAR 'GYUR RO, ,LHA MA YIN RNAMS KYANG LHA'I 'GRO BAS BSDUS PA KHO NAR BLTA BAR BYA'O, ,'ON KYANG DE DAG NI SGYU CAN 'DRID PA'I BSAM PA DANG LDAN PA SGYU DANG G-YO'I SHAS CHE BA YIN TE, DE BAS NA 'DI LTA STE, LHA RNAMS BZHIN DU DKAR PO'I CHOS RNAMS KYI SNOD DU GYUR PA MA YIN TE, DE'I PHYIR CHED 'GA' MDO GZHAN DAG LAS 'GRO BA THA DAD PA'I BSTAN PAS BSTAN TO, ,DE DAG NI LHA NYID YIN NA, LHA'I CHOS YANG DAG PAR BLANGS TE GNAS PA MA YIN PAS, DE'I PHYIR LHA MA YIN RNAMS ZHES BYA'O, ,LHA'I BU CHES MTHU DANG LDAN PA CHES 'KHRUGS PAR GYUR NA, LHA'I BU CHES MTHU CHUNG BAR RANG GI GNAS NA SPONG ZHING SKROD PAR BYED DE, DE BAS NA LHA RNAMS KYI SDUG BSNGAL GSUM PO 'CHI 'PHO BA DANG, LTUNG BA'I SDUG BSNGAL DANG, SPA GONG BA'I SDUG BSNGAL DANG, GCAD PA DANG, DRAL BA DANG, GSAD PA DANG, SPYUGS PA'I SDUG BSNGAL MYONG BAR 'GYUR RO, ,GZUGS DANG GZUGS MED PA NA SPYOD PA'I SEMS CAN RNAMS LA NI SDUG BSNGAL DE DAG RNAM PA THAMS CAD DU MED DO, ,'DI LTAR SEMS CAN DE DAG NI SDUG BSNGAL GYI TSOR BA'I SNOD DU GYUR PA MA YIN PA'I PHYIR RO, ,'ON KYANG NYON MONGS PA DANG LDAN ZHING SGRIB PA DANG BCAS LA, 'CHI 'PHO BA DANG, GNAS PA LA RANG DBANG MED PA'I PHYIR DE DAG KYANG GNAS NGAN LEN GYI SDUG BSNGAL GYIS NI SDUG BSNGAL LO, ,ZAG PA MED PA'I KHAMS NA NI GNAS NGAN LEN GYI SDUG BSNGAL THAMS CAD YANG DAG PAR CHAD PA YIN TE, DE BAS NA DE KHO NA YANG DAG PAR BDE BA YIN GYI, GZHAN THAMS CAD NI SDUG @46B BSNGAL BA YIN PAR RIG PAR BYA'O, ,DE LA SEMS CAN DMYAL BA RNAM PA BZHI CHAR NA YANG BDE BA MYONG BA MED DE, SEMS CAN DMYAL BA RNAMS JI LTA BA BZHIN DU YI DAGS RNAMS KYANG DE DANG 'DRA'O, ,YI DAGS RDZU 'PHRUL CHEN PO RNAMS DANG, DUD 'GRO RNAMS DANG, MI RNAMS LA NI PHYI ROL DU BLTAS PA LAS BYUNG BA'I YO BYAD KYI BDE BA DANG, SDUG BSNGAL BA 'DRES PAS 'DREN MAR SNANG NGO, ,DE LA MI RNAMS KYI NANG NA 'KHOR LOS SGYUR BA'I BDE BA NI MCHOG DANG, GTZO BO DANG GYA NOM PA'I YIN NO, ,'KHOR LOS SGYUR BA 'JIG RTEN DU 'BYUNG BA NA RIN PO CHE SNA BDUN DANG LDAN PAR 'BYUNG STE, DE'I RIN PO CHE SNA BDUN PO DE DAG NI 'DI LTA BU YIN TE, 'DI LTA STE, 'KHOR LO RIN PO CHE DANG, GLANG PO RIN PO CHE DANG, RTA RIN PO CHE DANG, NOR BU RIN PO CHE DANG, BUD MED RIN PO CHE DANG, KHYIM BDAG RIN PO CHE DANG, BDUN PA BLON PO RIN PO CHE'O, ,DE'I TSE DE'I 'KHOR LO RIN PO CHE JI LTA BU ZHIG 'BYUNG BAR 'GYUR ZHE NA, RIN PO CHE SNA BDUN PO DAG 'BYUNG BA NI MDO 'DI NYID LAS JI SKAD 'BYUNG BA BZHIN DU BRJOD PAR BYA'O, ,DE LA GLING BZHI PA LA NI KHAMS KYI RGYAL PO RNAMS RANG PHYAG 'TSAL BAR 'GYUR TE, 'DI DAG NI LHA'I 'BANGS LAGS KYI LHAS 'DI DAG LA LEGS PAR RJES SU BSTAN DU GSOL, BDAG CAG NI LHA'I RJES SU MCHI BA LAGS SO ZHES ZER RO, ,'KHOR LOS SGYUR BA'I RGYAL POS, DE DAG LA BSGO BA GTZO BO DAG DE'I PHYIR KHYED BDAG CAG GIS RANG RANG GI RIS SU GTOGS PA RNAMS CHOS KYIS LEGS PAR RJES SU STON CIG ,CHOS MA YIN PAS NI MA BYED CIG ,KHYED KYIS CHOS MA YIN PA SPYOD PA DANG, LOG PAR SPYOD PA RNAMS KYANG YUL 'KHOR DU 'DUG TU MA GZHUG SHIG CES BSGO BAR BYED DO, ,GLING GSUM PA LA NI PO NYA BTANG BAS PHYAG 'TSAL BAR 'GYUR RO, ,GLING GNYIS PA LA NI RANG RENG BYED DE BRTZAL BAS PHYAG 'TSAL BAR 'GYUR RO, ,GLING GCIG PA LA NI, MTSON CHA KUN TU 'KHRUG PA'I BAR DU BYAS PAS PHYAG 'TSAL BAR 'GYUR RO, ,LHA RNAMS NI MTHO RIS KYI RNAM PAR 'BYOR PA CHEN PO MYONG BAR 'GYUR TE, KHA DOG DANG LDAN ZHING DGA' BA'I SHAS CHE LA, RANG RANG GI GZHAL MED KHANG DAG NA YUN RING POR GNAS SO, ,DE DAG NI LUS KYI PHYI NANG GTZANG ZHING, DRI NGA @47A *, ,BA MED DO, ,DE DAG LA NI 'DI LTA STE, MI RNAMS KYI MI GTZANG BA'I RDZAS 'DI LTA STE, RNGUL DANG, DRI MA DANG, RUS PA DANG, RGYUS PA DANG, RTZA DANG, MKHAL MA DANG, SNYING LA SOGS PA GANG YIN PA DE DAG MED DO, ,DE DAG GI GZHAL MED KHANG YANG GSER LAS GRUB PA DANG, DNGUL LAS GRUB PA DANG, SHEL LAS GRUB PA DANG, BEE d'URYA LAS GRUB PA RNAM PA BZHI YOD DO, ,THA DAD PAR PHYE ZHING RNAM PAR BKRA BA'I KHANG PA BRTZEGS PA NYAMS DGA' BA DAG DANG, BA GAM NYAMS DGA' BA DANG, BSIL KHANG NYAMS DGA' BA DAG DANG, STEGS BU NYAMS DGA' BA DAG DANG, SKAR KHUNG DRA BA CAN NYAMS DGA' BA DAG DANG, NOR BU'I TSOGS KYIS SPRAS SHING SNANG BA KUN TU 'GYED PA KUN NAS MDZES PA DAG YOD DO, ,DE BZHIN DU BZA' BA 'BYUNG BA'I SHING LJON PA DAG YOD DO, ,DE DAG LAS BDUD RTZI'I KHA ZAS RNAM PA BZHI PO SNGON PO DANG, SER PO DANG, DMAR PO DANG, DKAR PO DAG 'BYUNG BAR 'GYUR RO, ,DE BZHIN DU BTUNG BA 'BYUNG BA'I SHING LJON PA DAG YOD DE, DE DAG LAS SBRANG RTZI DANG, SBRANG CHANG DAG 'BYUNG BAR 'GYUR RO, ,BZHON PA 'BYUNG BA'I SHING LJON PA DAG YOD DE, DE DAG LAS BZHON PA RNAM PA SNA TSOGS SHING RTA DANG, KHYOGS DANG KHYOGS G-YOGS PA LA SOGS PA 'BYUNG NGO, ,GOS 'BYUNG BA'I SHING LJON PA DAG YOD DE, DE DAG LAS GOS RNAM PA SNA TSOGS PHRA BDAR CHE ZHING, SHIN TU DKAR BA DANG, KHA DOG RNAM PA SNA TSOGS DANG, GSER GYIS SPRAS PA RNAM PAR BKRA BA DAG 'BYUNG BAR 'GYUR RO, ,RGYAN 'BYUNG BA'I SHING LJON PA DAG YOD DO, DE DAG LAS NOR BU DANG, DPUNG RGYAN DANG, RNA CHA GDUB 'KHOR DANG, MGUL GDUB DANG, GDU BU DANG, LAG PA'I RGYAN DANG, RKANG PA'I RGYAN RNAMS DANG, DE LTA BU DANG MTHUN PA'I RGYAN NOR BU SNA TSOGS KYIS SPRAS PA DAG 'BYUNG NGO, ,SPOS DANG, BDUG PA DANG, ME TOG PHRENG 'BYUNG BA'I SHING LJON PA DAG YOD DE, DE DAG LAS SPOS RNAM PA SNA TSOGS DANG, BDUG PA RNAM PA SNA TSOGS PA DANG, ME TOG PHRENG BA RNAM PA SNA TSOGS PA 'BYUNG NGO, ,DE DAG GI NANG NA SHING YONGS 'DU SA BRTOL ZHES BYA BA MCHOG DANG, GTZO BO DANG, @47B RAB DANG, GYA NOM PA ZHIG YOD DE, DE'I RTZA BA NI DPAG TSAD LNGA BCU THUR DU ZUG GO, ,'PHANG DU NI DPAG TSAD BRGYA YOD DE, YAL GA DANG, LO MA DANG, LO MA GZHON NU NI DPAG TSAD BRGYAD CUR KHYAB PAR 'DUG GO, ,DE'I ME TOG THAMS CAD YONGS SU RGYAS PA'I DRI YANG RDZI PHYOGS SU NI DPAG TSAD BRGYAR NGAD LDANG NGO, ,LDOG NA NI DPAG TSAD LNGA BCUR NGAD LDANG STE, DE'I DRUNG DU SUM CU RTZA GSUM PA'I LHA RNAMS DANG, DBYAR ZLA BA BZHI 'DOD PA'I YON TAN LNGA PO DE DAG GIS RTZE ZHING DGA' BAR BYED DO, ,DE BZHIN DU BZHAD GAD DANG, GAR DANG, GLU DANG, ROL MO'I SGRA 'BYUNG BA'I SHING LJON PA DAG YOD DE, DE DAG LAS BZHAD GAD DANG, GAR DANG, GLU DANG, ROL MO'I SGRA RNAMS KYI CHA BYAD RNAM PA SNA TSOGS 'BYUNG NGO, ,DE BZHIN DU SNOD SPYAD KYI YO BYAD 'BYUNG BA'I SHING LJON PA DAG YOD DE, DE DAG LAS SNOD SPYAD KYI YO BYAD RNAM PA SNA TSOGS PA 'DI LTA STE, KHA ZAS KYI SNOD SPYAD KYI YO BYAD DANG, SKOM GYI SNOD SPYAD KYI YO BYAD DANG, MAL CHA DANG, STAN GYI YO BYAD DANG, DE LTA BU DANG MTHUN PA'I SNOD SPYAD KYI YO BYAD RNAMS 'BYUNG BAR 'GYUR TE, DE DAG CI 'DOD PA DANG, LAS JI LTA BA BZHIN DU LONGS SPYOD PAR 'DOD PA RNAMS KYI LAG TU YO BYAD DE DAG 'ONG BAR 'GYUR RO, ,LHA MA YIN RNAMS KYI GZHAL MED KHANG DANG, RNAM PAR 'BYOR BA DANG, BDE BA DANG, LONGS SPYOD PA RNAMS KYANG DE DANG 'DRA BAR RIG PAR BYA'O, ,BYANG GI SGRA MI SNYAN DAG NA NI SHING LJON PA DE LTA BU DAG LA DPAG BSAM SHING RNAMS ZHES BYA STE, DE DAG SHING DE LAS RANG GIS LEN GYI BSAMS PAS LAG TU 'ONG BA NI MA YIN NO, ,DE NA MA RMOS MA BTAB PA'I 'BRAS S'A LU YANG YOD DE, SEMS CAN DE DAG NI BDAG GIR 'DZIN PA YANG MED CING, YONGS SU 'DZIN PA YANG MED LA, KHYAD PAR DU 'GRO BAR NGES PA YIN NO, ,DE LA LHA RNAMS KYI DBANG PO BRGYA BYIN GYI KHAD BZANGS RNAM PAR RGYAL BYED CES BYA BA, THAMS CAD KYI MCHOG TU GYUR PA ZHIG YOD DE, DE LA BA GAM BRGYA RTZA GCIG YOD DO, ,BA GAM RE RE LA YANG KHANG PA BRTZEGS PA BRGYA BRGYA YOD DO, ,KHANG BA BRTZEGS PA RE RE LA YANG KHANG MIG BDUN BDUN YOD DO, ,KHANG MIG RE RE LA YANG LHA'I BU MO BDUN BDUN @48A *, ,YOD DO, ,LHA'I BU MO RE RE LA YANG G-YOG MO BDUN BDUN YOD DO, ,LHA RNAMS KYI SA GZHI THAMS CAD KYANG LAG MTHIL BZHIN DU MNYAM LA MTHON DMAN MED CING REG NA BDE BA STE, RKANG PA BZHAG NA NI NE MA ZHES BYED, RKANG PA BTEG NA NI PAR ZHES BYED LA, RTAG TU ME TOG MAN D'A RA BAS PUS MO NUB PA TZAM DU KHEBS PAR 'DUG STE, DER ME TOG RNYID BA RNAMS NI RLUNG GIS BSAL, ME TOG SAR PA RNAMS NI 'GREMS PAR BYED DO, ,LHA'I GRONG KHYER DE'I PHYOGS BZHIN, SRANG BZANG ZHING BLTA NA SDUG LA MDZES PAR BYAS PA DAG YOD DE, PHYOGS BZHIN SGO BZHI BZANG ZHING SDUG LA MDZES PAR BYAS PA DAG YOD DE, GNOD SBYIN MANG PO GZUGS BZANG BA RNAM PA SNA TSOGS BKOD PA DAG YOD DE, PHYOGS BZHIN SKYED MOS TSAL BZHI LA 'DI LTA STE SHING RTA SNA TSOGS CAN DANG, RTZUB 'GYUR DANG, 'DRES PA DANG, DGA' BA'I TSAL YOD DO, ,DE DAG GI PHA ROL NA SA GZHI BZANG PO BZANG ZHING BLTA NA SDUG LA MDZES PA BZHI YOD DO, ,LHA'I GRONG KHYER GYI BYANG SHAR GYI MTSAMS NA, LHA'I MDUN SA CHOS BZANGS ZHES BYA BA YOD DE, LHA RNAMS DER ZHUGS NAS DON SEMS SHING MJAL LA NYE BAR RTOG PAR BYED DO, ,DE'I 'DAB NA LA BA DKAR PO LTA BU'I RDO LEB DKAR PO BZANG ZHING BLTA NA SDUG LA MDZES PA ZHIG YOD DO, ,LHA DE DAG KYANG RANG RANG LAS 'OD 'BYUNG LA, DE DAG LA MTSAN MO'I RTAGS 'DI LTA STE, LE LOR 'GYUR BA DANG, 'DOD PA'I YON TAN LNGA PO DAG GIS RTZE BAR MI 'DOD PA DANG, RMUGS PA DANG, GNYID 'BYUNG BA DANG, BYA RNAMS SKAD 'BYIN PAR MI BYED PA DANG, DE LTA BU DANG MTHUN PA'I RTAGS RNAMS 'BYUNG STE, DE LAS DE DAG 'DI SNYAM DU SEMS TE, MTSAN MO NI 'ONGS SO, ,NYIN MO NI 'DAS SO SNYAM MO, ,DE DAG NYIN MTSAN DU GCIG TU NGES PAR BDE BA DANG YID BDE BA DANG LDAN ZHING LHA'I 'DOD PA'I YON TAN LNGA PO DAG GIS DGA' LA, GCIG TU NGES PAR BAG MED PA'I DBANG DU GYUR TE, GAR GYI SGRA RNAMS DANG, GLU'I SGRA RNAMS DANG, ROL MO'I SGRA RNAMS DANG, BRO GAR DANG GAR MKHAN DANG, BZHAD GAD DANG, 'JO SGEG LA SOGS PA'I SGRA RNAMS DANG, GCIG TU NGES PAR YID DU 'ONG @48B BA'I GZUGS RNAM PA SNA TSOGS LA BLTA BA DANG, GCIG TU NGES PAR DRI ZHIM PO'I SPOS RNAM PA SNA TSOGS DANG, GCIG TU NGES PAR RO ZHIM PA'I RO RNAM PA SNA TSOGS DANG, GCIG TU NGES PAR REG NA BDE BA'I LHA'I BU MO'I MCHOG GI REG BYA RNAM PA SNA TSOGS DAG GIS YID 'PHROG PAS DUS 'DA' BAR BYED DE, LHA RNAMS KYIS DE LTA BU'I BDE BA MYONG LA DE DAG LA 'DI LTA STE, MI RNAMS KYI SKABS SU SNGAR BSTAN PA LTA BU'I NAD KYANG MED, YONGS SU 'GYUR BA RGA BA YANG MED, LHAN CIG SKYES PA'I SDUG BSNGAL ZAS DANG SKOM GYIS PHONGS PA LAS GYUR PA YANG MED, DE LAS GZHAN PA'I PHONGS PA'I SDUG BSNGAL RNAMS KYANG MED DO, ,GZUGS NA SPYOD PA'I LHA BSAM GTAN DANG PO'I SA PA RNAMS NI DBEN PA LAS SKYES PA'I DGA' BA DANG, BDE BA CAN MYONG NGO, ,BSAM GTAN GNYIS PA'I SA PA RNAMS NI TING NGE 'DZIN LAS SKYES PA'I DGA' BA DANG BDE BA CAN MYONG NGO,, BSAM GTAN GSUM PA'I SA PA RNAMS NI DGA' BA MED PA'I BDE BA SNYING PO CAN MYONG NGO, ,BSAM GTAN BZHI BA'I SA PA RNAMS NI BTANG SNYOMS DANG DRAN PA YONGS SU DAG PA DANG, ZHI BA'I BDE BA CAN MI G-YO BA MYONG NGO, ,GZUGS MED PAR SKYES PA RNAMS NI ZHI BA DANG RNAM PAR THAR PA'I BDE BA CAN MYONG NGO, ,YANG BYE BRAG RNAM PA DRUG PO TSAD KYI BYE BRAG DANG, SHIN TU GZHON SHA CAN GYI BYE BRAG DANG, RKYEN GYI BYE BRAG DANG, DUS KYI BYE BRAG DANG, SEMS KYI BYE BRAG DANG, LUS KYI BYE BRAG GIS SDUG BSNGAL GYI BYE BRAG DANG, BDE BA'I BYE BRAG TU 'GYUR BAR RIG PAR BYA STE, JI LTA JI LTAR LUS SHIN TU CHE BAR GYUR PA DE LTA DE LTAR SDUG BSNGAL GYI BYE BRAG TU 'GYUR RO, ,JI LTA JI LTAR LUS SHIN TU GZHON SHA CAN DU GYUR PA DE LTA DE LTAR SDUG BSNGAL GYI BYE BRAG TU 'GYUR RO, ,JI LTA JI LTAR RKYEN SHIN TU DRAG PA DANG, SHIN TU MAD PA DANG, SHIN TU SNA TSOGS SU GYUR PA DE LTA DE LTAR SDUG BSNGAL GYI BYE BRAG TU 'GYUR RO, ,JI LTA JI LTAR DUS SHIN TU RING BA DANG, SHIN TU RGYUN MI 'CHAD PA DE LTA DE LTAR SDUG BSNGAL GYI BYE BRAG TU 'GYUR RO, ,JI LTA JI LTAR SO SOR MA BRTAGS PA SHIN TU STOBS CHE BA'I SEMS DANG LDAN PAR GYUR PA DE LTA DE LTAR SDUG BSNGAL GYI BYE BRAG TU @49A *, ,'GYUR RO, ,JI LTA JI LTAR LUS SDUG BSNGAL GYI SNOD DU SHIN TU GYUR PA DE LTA DE LTAR SDUG BSNGAL GYI BYE BRAG TU 'GYUR TE, SDUG BSNGAL GYI BYE BRAG GI LTA BA BZHIN DU, BDE BA'I BYE BRAG KYANG DE DANG 'DRA BAR RGYAS PAR CI RIGS PAR RIG PAR BYA'O, ,YANG BDE BA NI RNAM PA GNYIS TE, 'PHAGS PA MA YIN PA'I NOR LAS BYUNG BA DANG, 'PHAGS PA'I NOR LAS BYUNG BA'O, ,DE LA 'PHAGS PA MA YIN PA'I NOR LAS BYUNG BA'I BDE BA NI, YO BYAD RNAM PA BZHI PO DGA' BA'I YO BYAD DANG, LTA BA'I YO BYAD DANG, DAG PA'I YO BYAD DANG, GNAS PA'I YO BYAD LA BRTEN NAS BYUNG BA'O, ,DE LA DGA' BA'I YO BYAD NI, 'DI LTA STE, BZHON PA DANG, GOS DANG, RGYAN DANG, BZHAD GAD DANG, GAR DANG, GLU DANG, ROL MO'I SGRA DANG, SPOS DANG, ME TOG PHRENG DANG, BYUG PA DANG, 'TSOG CHAS BZANG PO RNAM PA SNA TSOGS DANG, SNAD BA DANG SKYES PA DANG, BUD MED DGA' DGUR SPYOD PA DANG, NOR BSAGS PA'O, ,DE LA LTA BA'I YO BYAD NI 'DI LTA STE, DGANG BA LA RTZOL BA DANG, RDO PAD TSAD DANG, 'KHOR LO LA RTZOL BA DANG, DBYUG THO LA RTZOL BA DANG, DE LTA BU DANG MTHUN PA RNAMS SO, ,DE LA DAG PA'I YO BYAD NI 'DI LTA STE, RTZVA D'UR WA DANG, DUNG DANG, BIL BA DANG, BUM PA GANG BA DANG, DE LTA BU DANG MTHUN PA RNAMS SO, ,DE LA GNAS PA'I YO BYAD NI ZAS DANG SKOM MO,, ,,BAM PO LNGA PA, DE LA 'PHAGS PA'I NOR LAS BYUNG BA'I BDE BA NI, 'PHAGS PA'I NOR BDUN PO DAG PA'I NOR DANG, TSUL KHRIMS KYI NOR DANG, NGO TSA SHES PA'I NOR DANG, KHREL YOD PA'I NOR DANG, THOS PA'I NOR DANG, GTONG BA'I NOR DANG, SHES RAB KYI NOR LA BRTEN NAS BYUNG BA'O, ,DE LA 'PHAGS PA'I NOR LAS BYUNG BA'I BDE BA NI, 'PHAGS PA MA YIN PA'I NOR LAS BYUNG BA'I BDE BA LAS RNAM PA BCO LNGAS KHYAD PAR DU 'PHAGS TE, BCO LNGA PO GANG ZHE NA, 'PHAGS PA MA YIN PA'I NOR LAS BYUNG BA'I BDE BA NI NYES PAR SPYOD PA KUN NAS SLONG BA YIN LA, 'PHAGS PA'I NOR LAS BYUNG BA NI, LEGS PAR SPYOD PA KUN NAS SLONG BA YIN NO, ,GZHAN YANG 'PHAGS PA MA YIN PA'I NOR LAS BYUNG @49B BA'I BDE BA NI KHA NA MA THO BA DANG BCAS PA LA DGA' BA DANG LDAN PA YIN LA, 'PHAGS PA'I NOR LAS BYUNG BA NI KHA NA MA THO BA MED PA LA DGA' BA DANG LDAN PA YIN NO, ,GZHAN YANG 'PHAGS PA MA YIN PA'I NOR LAS BYUNG BA'I BDE BA NI LUS MTHA' DAG LA KHYAB PA MA YIN PA'I PHYIR CHUNG BA YIN LA, 'PHAGS PA'I NOR LAS BYUNG BA NI LUS MTHA' DAG LA KHYAB PA'I PHYIR CHE BA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, PHYI ROL GYI RKYEN LA RAG LAS PA'I PHYIR DUS THAMS CAD PA MA YIN LA, 'PHAGS PA'I NOR LAS BYUNG BA NI, NANG GI RKYEN LA RAG LAS PA'I PHYIR DUS THAMS CAD PA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, 'DOD PA NA SPYOD PA NYID YIN PA'I PHYIR, SA THAMS CAD PA MA YIN LA, 'PHAGS PA'I NOR LAS BYUNG BA NI KHAMS GSUM NA SPYOD LA, LDAN PA MA YIN PA'I PHYIR SA THAMS CAD PA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, PHYIS 'PHAGS PA DANG 'PHAGS PA MA YIN PA'I NOR THOB PAR BYED PA MA YIN LA, 'PHAGS PA'I NOR LAS BYUNG BA NI PHYIS 'PHAGS PA'I NOR THOB PAR BYED PA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, LONGS SPYOD NA YONGS SU ZAD CING MTHAR THUG PAR 'GYUR LA, 'PHAGS PA'I NOR LAS BYUNG BA NI BSTEN NA RGYA CHE BA DANG, 'PHEL BA DANG, YANGS PAR 'GYUR RO, ,GZHAN YANG 'PHAGS PA MA YIN PA'I NOR LAS BYUNG BA NI, RGYAL PO RNAMS SAM, TSOM RKUN RNAMS SAM, DGRA RNAMS SAM, ME 'AM, CHU 'AM GZHAN DAG GIS GCAD DU RUNG LA, 'PHAGS PA'I NOR LAS BYUNG BA NI GCAD DU MED PA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, 'DI NAS BLANGS NAS 'GRO BAR 'GYUR BA MA YIN LA, 'PHAGS PA'I NOR LAS BYUNG BA NI, 'DI NAS BLANGS NAS 'GRO BAR 'GYUR BA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI BSTEN NA CHOG MI SHES PA YIN LA, 'PHAGS PA'I NOR LAS BYUNG BA NI BSTEN NA MTHAR PHYIN NAS CHOG SHES PA YIN NO, ,GZHAN YANG 'PHAGS PA MA YIN PA'I NOR LAS BYUNG BA NI, 'JIGS PA DANG BCAS PA DANG, KHON DANG BCAS PA DANG, @50A *, ,GNOD PA DANG BCAS PA DANG, YONGS SU GDUNG BA DANG BCAS PA DANG, PHYIS KYANG SDUG BSNGAL SPONG BAR 'GYUR BA MA YIN PA STE, DE LA 'JIGS PA DANG BCAS PA NI MA 'ONGS PA'I SDUG BSNGAL SKYER DOGS PA'I GZHI'I GNAS SU GYUR PA'I PHYIR RO, ,DE LA KHO NA DANG BCAS PA NI 'THAB PA DANG, MTSANG 'BRU BA DANG, 'GYED PA DANG, RTZOD PA'I GZHI'I GNAS SU GYUR PA'I PHYIR RO, ,DE LA GNOD PA DANG BCAS PA NI NA BA DANG, RGA BA DANG, 'CHI BA'I GZHI'I GNAS SU GYUR PA'I PHYIR RO, ,DE LA YONGS SU GDUNG BA DANG BCAS PA NI, MDZE NAD PHRUGS PA BZHIN DU BDE BA YONGS SU RDZOGS PA MA YIN ZHING, PHYIN CI LOG GI GZHI'I GNAS SU GYUR PA'I PHYIR DANG, MYA NGAN DANG SMRE SNGAGS 'DON PA DANG, SDUG BSNGAL BA DANG, YID MI BDE BA DANG, 'KHRUG PA'I GZHI'I GNAS SU GYUR PA'I PHYIR RO, ,DE LA PHYIS KYANG SDUG BSNGAL SPONG BAR 'GYUR BA MA YIN PA NI 'DOD CHAGS LA SOGS PA'I NYON MONGS PA DANG NYE BA'I NYON MONGS PA'I GZHI'I GNAS SU GYUR PA'I PHYIR RO, ,'PHAGS PA'I NOR LAS BYUNG BA NI 'JIGS PA MED PA DANG, KHO NA MED PA DANG GNOD PA MED PA DANG, YONGS SU GDUNG BA MED PA DANG, PHYIS KYANG SDUG BSNGAL SPONG BAR 'GYUR BA YIN TE, DE LAS BZLOG PA'I TSUL GYIS CI RIGS PAR RIG PAR BYA'O, ,YANG 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI PHYI ROL GYI 'DOD PA CAN RNAMS KYI 'DOD PA'I LONGS SPYOD LAS RNAM PA LNGAS KHYAD PAR DU 'PHAGS TE, DES NA 'PHAGS PA SHES RAB KYIS 'TSE BA RNAMS LA BLA NA MED PA'I SHES RAB KYIS 'TSO BAS 'TSO BA ZHES BYA STE, CHOS KYI LONGS SPYOD KUN NAS NYON MONGS PA MA YIN PA DANG, CHOS KYI LONGS SPYOD GTAN DU NGES PA DANG, CHOS KYI LONGS SPYOD GCIG TU NGES PA DANG, CHOS KYI LONGS SPYOD SHES RAB KYIS 'TSO BA DANG, DE LAS GZHAN PA'I SHES RAB KYIS 'TSO BA RNAMS DANG, THUN MONG MA YIN PA DANG, CHOS KYI LONGS SPYOD BDE BA YONGS SU RDZOGS PA BDUD DANG PHYIR RGOL BA NGES PAR BCOM PA'I PHYIR RO, ,DE LA 'DOD PA CAN RNAMS KYI 'DOD PA'I BDE BA YID BDE BA'I GNAS LTA BU NI RJES SU CHAGS PA DANG LDAN, YID @50B MI BDE BA'I GNAS LTA BU NI KHONG KHRO BA DANG LDAN, BTANG SNYOMS KYI GNAS LTA BU NI SO SOR BRTAGS PA MA YIN PA'I BTANG SNYOMS DANG LDAN LA, 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI DE LTA MA YIN NO, ,GZHAN YANG 'DOD PA CAN RNAMS KYI 'DOD PA'I LONGS SPYOD NI SNGON GYI MTHAR MI MNGON TE, MI RTAG PAS 'DOD PA GZHAN DAG 'DOD CING, 'DOD PA GZHAN DAG 'THOB LA, RES 'GA' NI 'THOB PAR MI 'GYUR TE, 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI DE LTA MA YIN NO, ,GZHAN YANG 'DOD PA CAN 'DOD PA'I LONGS SPYOD LA GNAS PA RNAMS LAS, KHA CIG NI DNGOS PO DE NYID YID BDE BA'I GNAS LTA BUR 'GYUR, KHA CIG GI NI DE NYID YID MI BDE BA'I GNAS LTA BUR 'GYUR BA DANG, DE DAG LA YANG DUS LA LAR NI YID BDE BA'I GNAS LTA BUR 'GYUR, DUS LA LAR NI YID MI BDE BA'I GNAS LTA BUR 'GYUR LA, 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI DE LTA MA YIN NO, ,GZHAN YANG 'DI LAS PHYI ROL PA'I SHES RAB KYIS 'TSO BA 'DOD PA KUN NAS SPANGS PA RNAMS NI, LTA BAR GYUR PA RANG GI RTOG PAS KUN NAS BSLANG BA LOG PAR MOS PA'I GZHI DE DANG DE DAG LA NAN TAN GYIS MCHOG TU BZUNG NAS, SEMS MNGON PAR ZHEN PA RNAMS KYI 'DOD PA'I KUN NAS NYON MONGS PA DE YANG RJES SU 'BREL PA NYID YIN PA DANG, 'DOD CHAGS DANG BRAL PAR GYUR PA RNAMS KYANG YANG PHYIR LDOG PAR 'GYUR LA, 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI DE LTA MA YIN NO,, GZHAN YANG 'DOD PA LA LONGS SPYOD PA RNAMS DANG, DE'I 'DOD CHAGS DANG BRAL BA 'JIG RTEN PA RNAS KYI 'DOD PA'I BDE BA DANG, DBEN PA'I BDE BA NI YONGS SU RDZOGS PA MA YIN LA, BDUD DANG PHYIR RGOL BA DANG LDAN PA YIN TE, SGYU MA LTA BU DANG, BRAG CA LTA BU DANG, GZUGS BRNYAN LTA BU DANG, SMIG RGYU LTA BU DANG, RMI LAM LTA BU DANG, SGYU MAR BYAS PA'I RGYAN LTA BU GANG YIN PA DE LA BYIS PA 'DOD PA LA LONGS SPYOD PA RNAMS DANG, 'JIG RTEN PA'I 'DOD CHAGS DANG BRAL BA, SMYON PA LTA BU, RA RO BA LA SOGS PA LTA BU, BDUD KYI G-YUL LAS MA RGYAL BA RNAMS RAB TU BSTEN @51A *, ,CING LONGS SPYOD PAR BYED DE, DE BAS NA DE YONGS SU MA RDZOGS PA DANG, BDUD DANG PHYI RGOL BA NGES PAR BCOM PA YIN LA, 'PHAGS PA SHES RAB KYIS 'TSO BA RNAMS KYI CHOS KYI LONGS SPYOD NI DE LTA MA YIN NO, ,YANG KHAMS GSUM NA SPYOD PA'I SEMS CAN RNAMS KYI LUS NI 'DI LTA STE, GNAS NGAN LEN DANG LDAN PA'I PHYIR PHOL MIG KUN NAS TSA BA LTA BUR BLTA'O, ,LUS DE LA BDE BA'I TSOR BA 'BYUNG BA JI LTAR BLTA ZHE NA, DPER NA PHOL MIG KUN NAS TSA BA LA BSIL BA'I REG PA BAB PA LTA BU'O, ,LUS DE LA SDUG BSNGAL GYI TSOR BA 'BYUNG BA JI LTAR BLTA ZHE NA, DPER NA PHOL MIG KUN NAS TSA BA LA SMAN 'GYUR BYED BAB PA LTA BU'O, ,LUS DE LA SDUG BSNGAL YANG MA YIN BDE BA YANG MA YIN PA'I TSOR BA 'BYUNG BA JI LTAR BLTA ZHE NA, DPER NA PHOL MIG KUN NAS TSA BA DE NYID LA BSIL BA DANG, SMAN 'GYUR BYED KYI REG PA MA YIN PA, RANG BZHIN GYI KUN NAS TSA BA LTA BU'O, ,DE BAS NA BCOM LDAN 'DAS KYIS BDE BA'I TSOR BA NI 'GYUR BA'I SDUG BSNGAL GYIS SDUG BSNGAL BA ZHES GSUNGS LA, SDUG BSNGAL BA NI, SDUG BSNGAL GYI SDUG BSNGAL GYIS SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'I TSOR BA NI 'DU BYED KYI SDUG BSNGAL GYIS SDUG BSNGAL BA'O ZHES GSUNGS SO, ,YANG ZANG ZING DANG BCAS PA'I DGA' BA YANG YOD, ZANG ZING MED PA'I DGA' BA YANG YOD, ZANG ZING MED PA BAS KYANG CHES ZANG ZING MED PA'I DGA' BA YANG YOD DO ZHES BYA BA LA SOGS PA GSUNGS PA GANG YIN PA DE YANG MDO NYID LAS JI SKAD RGYAS PAR 'BYUNG BA BZHIN DU RIG PAR BYA'O, ,BCOM LDAN 'DAS KYIS KHAMS GNYIS NA YOD PA'I 'DU SHES DANG, TSOR BA 'GOG PA'I BDE BA NI, BDE BA RNAMS KYI MCHOG TU RNAM PAR GZHAG PA GANG YIN PA DE YANG, GNAS PA'I BDE BA LAS DGONGS PA YIN GYI, TSOR BA'I BDE BA NI MA YIN NO, ,BDE BA GSUM PO 'DOD CHAGS DANG BRAL BA DANG, ZHE SDANG DANG BRAL BA DANG, GTI MUG DANG BRAL BA ZHES GSUNGS PA'I BDE BA GSUM PO DE DAG NI ZAG PA MED PA'I DBYINGS NYID LA YOD DE, DE BAS NA ZAG PA MED PA'I DBYINGS NI BDE BA GSUM PO DE DAG GIS DUS THAMS CAD DU @51B BDE BA KHO NA YIN NO, ,DE LA ZAS KYI LONGS SPYOD NI 'DI YIN TE, 'DI LTA STE, KHAMS GSUM NA SPYOD PA'I SEMS CAN SKYES SHING BYUNG BA RNAMS NI, ZAS RNAM PA BZHI PO RNAMS KYIS TSE'I TSAD JI TZAM PA'I BAR DU GNAS SHING 'TSO BA'O, ,DE LA REG PA DANG YID LA SEMS PA DANG RNAM PAR SHES PA'I ZAS RNAM PA GSUM GYIS NI KHAMS GSUM NA SPYOD PA'I SEMS CAN RNAMS GNAS SHING 'TSO'O, ,KHAM GYI ZAS KYIS NI 'DOD PA NA SPYOD PA KHO NA'I SEMS CAN RNAMS GNAS SHING 'TSO'O, ,DE LA SEMS CAN DMYAL BAR SKYES PA'I SEMS CAN RNAMS KYI KHONG NA NI, RLUNG RGYU BA'I KHAM GYI ZAS CHA PHRA BA YOD DO, ,DES DE DAG GNAS SHING 'TSO'O, ,DUD 'GRO RNAMS DANG, YI DAGS RNAMS DANG, MI RNAMS KYI NI KHAM GYI ZAS RAGS PA YIN TE, DE DAG GIS KHAM GYIS GCOD CING ZA'O, ,DE YANG MER MER POR 'DUG PA LA SOGS PA'I SEMS CAN RNAMS DANG, 'DOD PA NA SPYOD PA'I LHA RNAMS KYI NI CHA PHRA STE, 'DI LTAR DE DAG GI NI KHAM GYI ZAS ZOS PA'I MOD LA, LUS KYI YAN LAG THAMS CAD DU SONG NAS ZHU PAR 'GYUR TE, DE DAG LA PHYIS DANG GCIN DU 'GYUR BA MED DO, ,DE LA 'KHRIG PA'I LONGS SPYOD NI 'DI YIN TE, SEMS CAN DMYAL BA'I SEMS CAN RNAMS LA NI, THAMS CAD KYI THAMS CAD DU MED DE, 'DI LTAR DE DAG SDUG BSNGAL DRAG PO DANG, RNAM PA SNA TSOGS DANG, YUN RING BA DANG, RGYUN MI 'CHAD PA NYAMS SU MYONG BA'I PHYIR TE, DE BAS NA DE DAG NI SKYES PA RNAMS KYANG BUD MED RNAMS LA BUD MED KYI 'DUN PA YANG MI SKYE LA, BUD MED RNAMS KYANG SKYES PA RNAMS LA SKYES PA'I 'DUN PA YANG MI SKYE NA PHAN TSUN GNYIS KYIS GNYIS SBYOR BA LTA GA LA YOD, DUD 'GRO RNAMS DANG, YI DAGS RNAMS DANG, MI RNAMS LA NI LUS KYI BDE BA 'AM, SDUG BSNGAL 'DRES PAR YOD PAS 'KHRIG PA'I SBYOR BA YOD DE, SKYES PA DANG BUD MED DE RNAMS PHAN TSUN GNYIS KYIS GNYIS SPROD PAR BYED DE KHU BA YANG 'BYUNG NGO, ,'DOD PA NA SPYOD PA'I LHA RNAMS LA YANG 'KHRIG PA'I SBYOR BA NI YOD LA, KHU BA 'BYUNG BA NI MED DE, DE DAG NI 'BYUNG BA'I TSE MTSAN GYI SGO NAS RLUNG NYI TSE 'BYUNG NGO, ,DE LA RGYAL CHEN BZHI'I RIS KYI NI GNYIS KYIS GNYIS @52A *, ,SPRAD PAS GDUNG BA MED PAR 'GYUR RO, ,RGYAL CHEN BZHI'I RIS KYIS JI LTA BA BZHIN DU, SUM CU RTZA GSUM PA RNAMS KYANG DE DANG 'DRA'O, ,'THAB BRAL BA RNAMS NI GCIG LA GCIG 'KHYUD PA TZAM GYIS GDUNG BA MED PAR 'GYUR RO, ,DGA' LDAN PA RNAMS NI GCIG LA GCIG LAG PA NAS 'DZIN PA TZAM GYIS GDUNG BA MED PAR 'GYUR RO, ,'PHRUL DGA' BA RNAMS NI GCIG LA GCIG BGAD PA TZAM GYIS GDUNG BA MED PAR 'GYUR RO, ,GZHAN 'PHRUL DBANG BYED PA RNAMS KYI NI PHAN TSUN MIG GIS MIG TSUGS SU BLTAS PA TZAM GYIS GDUNG BA MED PAR 'GYUR RO, , DE LA 'DZAM BU'I GLING DANG SHAR GYI LUS 'PHAGS DANG, NUB KYI BA LANG SPYOD KYI GLING GSUM NA NI, CHUNG MA 'CHANG BA DANG, BAG MA GTONG BA DANG, BAG MA LEN PA YOD DO, ,BYANG GI SGRA MI SNYAN DAG NA NI BDAG GIR 'DZIN PA MED CING, YONGS SU 'DZIN PA MED PAS, SEMS CAN DE DAG LA NI CHUNG MA 'CHANG BA DANG, BAG MA GTONG BA DANG, BAG MA LEN PA MED DO, ,GLING GSUM PO JI LTA BA BZHIN DU, YI DAGS RDZU 'PHRUL CHE BA DANG, 'DOD PA NA SPYOD PA'I LHA RNAMS LA 'PHRUL DGA' BA DANG, GZHAN 'PHRUL DBANG BYED KYI LHA RNAMS MA GTOGS PA DAG KYANG DE DANG 'DRA'O, , 'DOD PA NA SPYOD PA'I LHA'I RIS THAMS CAD NI LHA'I BU MO RNAMS LA MNGAL GYI GNAS MED DO, ,RGYAL CHEN BZHI'I RIS KYI NI PHA DANG MA'I PHRAG PA 'AM, PANG PAR BYIS PA LO LNGA LON PA LTA BU RDZUS TE 'BYUNG BAR 'GYUR RO, ,SUM CU RTZA GSUM PA RNAMS KYI NI LO DRUG LON PA LTA BU'O, , 'THAB BRAL PA RNAMS KYI NI LO BDUN LON PA LTA BU'O, ,DGA' LDAN PA RNAMS KYI NI LO BRGYAD LON PA LTA BU'O, ,'PHRUL DGA' BA RNAMS KYI NI LO DGU LON PA LTA BU'O, ,GZHAN 'PHRUL DBANG BYED PA RNAMS KYI NI BYIS PA LO BCU LON PA LTA BU PHRAG PA 'AM PANG BAR RDZUS TE 'BYUNG BAR 'GYUR RO, , DE LA SKYE BAR 'DOGS PA RNAM PAR GZHAG PA NI 'DI YIN TE, 'DI LTA STE, 'DOD PA SKYE BA RNAM PA GSUM PO RNAMS TE, SEMS CAN GANG DAG 'DOD PA NYE BAR GNAS PAR GYUR LA, 'DOD PA NYE BAR GNAS PAR GYUR PA DAG GIS, DBANG PHYUG LA DBANG BYED PA DAG KYANG YOD DO, ,DE DAG KYANG GANG @52B ZHE NA, 'DI LTA STE, MI THAMS CAD DANG, RGYAL CHEN BZHI'I RIS KYI LHA RNAMS NAS BZUNG STE, DGA' LDAN LA THUG PA DE NI 'DOD PA SKYE BA DANG PO'O, ,SEMS CAN 'DOD PA SPRUL LA SPRUL PA DE DAG SPRUL ZHING DBANG PHYUG LA DBANG BYED PA DAG KYANG YOD DE, DE DAG KYANG GANG ZHE NA, 'DI LTA STE, 'PHRUL DGA'I LHA RNAMS SO, ,'PHRUL DGA'I LHA DE DAG GI YANG BDAG GI PHYIR 'DOD PA SPRUL PA 'GRUB KYI, GZHAN GYI PHYIR NI MA YIN NO, ,DE BAS NA DE DAG NI BDAG NYID KYIS 'DOD PA SPRUL PA RNAMS KHO NAS DBANG PHYUG LA DBANG BYED DE, DE NI 'DOD PA SKYE BA GNYIS PA'O, , SEMS CAN 'DOD PA GZHAN GYIS SPRUL LA, 'DOD PA GZHAN GYIS SPRUL PA DE DAG GIS KYANG, DBANG PHYUG LA DBANG BYED PA DAG KYANG YOD DE, 'DI LTA STE, GZHAN 'PHRUL DBANG BYED KYI LHA RNAMS TE, 'DI LTAR LHA DE DAG NI BDAG NYID KYI PHYIR DANG, GZHAN GYI PHYIR YANG SPRUL PA 'GRUB STE, DE BAS NA DE DAG NI BDAG NYID KYI SPRUL PA LA, SNYING LAS CHUNG NGUR GNAS PA'I PHYIR, GZHAN GYIS 'DOD PA SPRUL PA DAG GIS DBANG PHYUG LA DBANG BYED DE, DES NA DE DAG LA GZHAN 'PHRUL DBANG BYED CES BYA'I, DE DAG GZHAN GYIS 'DOD PA SPRUL PA KHO NA LA BRTEN PA NI MA YIN TE, BDAG NYID KYI SPRUL PA LA YANG BRTEN PA DE NI, 'DOD PA SKYE BA GSUM PA'O, ,BDE BA SKYE BA NI RNAM PA GSUM PO 'DI DAG YIN TE, SEMS CAN GANG DAG DBEN PA LAS SKYES PA'I DGA' BA DANG BDE BAS LUS BRLAN PA DAG KYANG YOD DE, 'DI LTA STE, BSAM GTAN DANG PO'I SA PA'I LHA RNAMS SO, , DE NI BDE BA SKYE BA DANG PO'O, ,SEMS CAN GANG DAG TING NGE 'DZIN LAS SKYES PA'I DGA' BA DANG, BDE BAS LUS BRLAN PA DAG YOD DE, 'DI LTA STE, BSAM GTAN GNYIS PA'I SA PA'I LHA RNAMS TE, DE NI BDE BA SKYE BA GNYIS PA'O, ,SEMS CAN GANG DAG DGA' BA MED PA'I BDE BAS LUS BRLAN PA DAG KYANG YOD DE, 'DI LTA STE, BSAM GTAN GSUM PA'I SA PA'I LHA RNAMS TE, DE NI BDE BA SKYE BA GSUM PA'O, ,CI'I PHYIR 'DOD PA SKYE BA GSUM PA DANG, BDE BA SKYE BA GSUM DU RNAM PAR GZHAG CE NA, SMRAS PA GSUM PO 'DI DAG NI TSOL BA YIN TE, 'DOD PA TSOL BA DANG, SRID PA TSOL @53A *, ,BA DANG, TSANGS PAR SPYOD PA TSOL BA'O, ,DE LA DGE SBYONG NGAM BRAM ZE 'DOD PA TSOL BA LA 'JUG PA GANG SU YANG RUNG BA DE DAG THAMS CAD NI 'DOD PA SKYE BA GSUM PO DAG GI PHYIR TE, DE LAS MI LHAG ,DE LAS MI MANG NGO, ,DGE SBYONG NGAM BRAM ZE BDE BA'I RGYUR SRID PA TSOL BA GANG SU YANG RUNG BA DE DAG THAMS CAD NI, SHAS CHER BDE BA 'DOD PAS, BDE BA SKYE BA RNAM PA GSUM GYI PHYIR RO, ,GANG DAG SDUG BSNGAL YANG MA YIN BDE BA YANG MA YIN PA ZHI BA'I SKYE BA'I DON DU TSOL BA LA 'JUG PA DE DAG NI, 'JIG RTEN NA NYUNG BA BAS KYANG CHES NYUNG NGO, ,DE BAS NA DE'I GONG DU SKYE BA RNAM PAR MI GZHAG GO, ,DGE SBYONG NGAM BRAM ZE TSANGS PAR SPYOD PA TSOL BA LA 'JUG PA GANG SU YANG RUNG BA DE DAG THAMS CAD NI ZAG PA MED PA'I DBYINGS KYI PHYIR RO, ,YANG KHA CIG NI LOG PA'I RNAM PAR THAR PA YONGS SU BRTAGS PA, MI G-YO BA'I DON DANG, NAM MKHA' MTHA' YAS SKYE MCHED DANG, 'DU SHES MED 'DU SHES MED MIN SKYE MCHED KYI DON DU LOG PA'I TSANGS PAR SPYOD PA TSOL BA LA 'JUG STE, DE NI TSANGS PAR SPYOD PA TSOL BA BLA NA YOD PA YIN PAR RIG PAR BYA'O, ,BLA NA MED PA NI ZAG PA MED PA'I DBYINGS KYI PHYIR RO, ,DE LA LUS RNAM PAR GZHAG PA NI, 'DI LTA STE, KHAMS GSUM NA SEMS CAN RNAMS KYI LUS THOB PA RNAM PA BZHI YOD DE, LUS THOB PA GANG BDAG NYID KYI SEMS KYIS 'PHO BAR 'GYUR LA, GZHAN GYI SEMS KYIS MA YIN PA YANG YOD DE, 'DI LTA STE, 'DOD PA'I KHAMS NA LHA RTZED MOS MYOS PA ZHES BYA BA DAG YOD DE, DE DAG GANG GI TSE HA CANG RTZE BA DANG, DGA' BA DANG, BRGYAN PA'I GNAS KYI SBYOR BA DANG LDAN PAR GNAS PA NA, DE DAG DE LTAR GNAS PAS DRAN PA BRJED PAR 'GYUR RO, ,DRAN PA BRJED PAR GYUR PAS SEMS CAN DE DAG GNAS DE NAS 'CHI 'PHO BAR 'GYUR RO, ,DE BZHIN DU, LHA'I YID 'KHRUG PAR BYED PA ZHES BYA BA DAG YOD DE, DE DAG GANG GI TSE GCIG LA GCIG MIG TSUGS SU RTOG PAR BYED DE, DE DAG DE LTAR RTOG PA NA, GCIG LA GCIG YID 'KHRUG PAR BYED DE, YID 'KHRUG PAS SEMS CAN DE DAG GNAS DE NAS 'CHI 'PHO BAR 'GYUR RO, ,LUS @53B 'THOB PA GANG GZHAN GYI SEMS KYIS 'PHO BAR 'GYUR LA, BDAG GI SEMS KYIS MA YIN PA'I DAG KYANG YOD DE, 'DI LTA STE, SEMS CAN MA'I MNGAL NA GNAS PA MER MER POR GYUR PA RNAMS DANG, NUR NUR POR GYUR PA RNAMS DANG, MKHRANG GYUR PA RNAMS DANG, LTAR LTAR POR GYUR PA RNAMS SO, ,LUS THOB PA GANG BDAG NYID KYI SEMS KYIS KYANG 'PHO BAR 'GYUR LA, GZHAN GYI SEMS KYIS KYANG 'PHO BAR 'GYUR BA'ANG YOD DE, 'DI LTA STE, DE DAG NYID SKYES PA DANG, DBANG PO YONGS SU RDZOGS PA DANG, DBANG PO YONGS SU SMIN PA RNAMS SO, ,LUS 'THOB PA GANG BDAG NYID KYI SEMS KYIS KYANG 'PHO BAR MI 'GYUR LA, GZHAN GYI SEMS KYIS KYANG 'PHO BAR MI 'GYUR BA DAG KYANG YOD DE, 'DI LTA STE, GZUGS DANG GZUGS MED PA NA SPYOD PA'I LHA RNAMS DANG, SEMS CAN DMYAL BA THAMS CAD DANG, SEMS CAN DMYAL BAR SKYES PA RNAMS JI LTA BA BZHIN DU, YI DAGS RNAMS KYANG DE DANG 'DRA BA DANG, DE BZHIN GSHEGS PA'I PHO NYA DANG, SRID PA THA MA DANG, BYAMS PA LA SNYOMS PAR ZHUGS PA DANG, 'GOG PA LA SNYOMS PAR ZHUGS PA DANG, NYON MONGS PA MED PA LA SNYOMS PAR ZHUGS PA DANG, BAR MA DO'I SRID PA PA DANG, DE LTA BU DANG MTHUN PA'I SEMS CAN RNAMS SO, ,DE LA RGYU DANG RKYEN DANG 'BRAS BU RNAM PAR GZHAG PA NI RNAM PA BZHIR RIG PAR BYA STE, MTSAN NYID DANG, GNAS DANG, RAB TU DBYE BA DANG, RNAM PAR GZHAG PA'O, ,DE LA RGYU'I MTSAN NYID GANG ZHE NA, SNGA NA YOD PA GANG YIN PA GANG LA BRTEN NAS, GANG DANG PHRAD NA, CHOS GANG SKYE BA 'AM, 'THOB PA 'AM GRUB PAR 'GYUR PA 'AM, 'GRUB PA 'AM, GNAS PA'AM, BYED PAR 'GYUR BA DE NI DE'I RGYU ZHES BYA STE, SNGA NA YOD PA CI ZHIG CI LA BRTEN NAS CI DANG PHRAD NA, CHOS CI ZHIG SKYE BAR 'GYUR ZHE NA, RANG GI SA BON NI SNGA NA YOD PA STE, SA BON GYI GNAS MA GTOGS PA, DE LAS GZHAN PA'I GNAS GZUGS CAN NAM, GZUGS CAN MA YIN PA LA YANG BRTEN LA, LAS LA YANG BRTEN NAS, GROGS DANG, DMIGS PA DANG YANG PHRAD NA, 'DOD PA DANG LDAN PA RNAMS DANG, GZUGS DANG LDAN @54A *, ,PA RNAMS DANG, GZUGS MED PA DANG LDAN PA RNAMS DANG LDAN PA MA YIN PA RNAMS 'BYUNG BAR 'GYUR TE, DE YANG CI RIGS PAR SBYAR RO, ,SNGA NA YOD PA CI ZHIG CI LA BRTEN NAS, CI DANG PHRAD NA CHOS CI ZHIG 'THOB PAR 'GYUR ZHE NA, NYAN THOS DANG RANG SANGS RGYAS DANG, DE BZHIN GSHEGS PA'I RIGS NI SNGA NA YOD PA STE, NANG GI YAN LAG GI STOBS LA BRTEN NAS PHYI ROL GYI YAN LAG GI STOBS DANG PHRAD NA, NYON MONGS PA DANG BRAL BA MYA NGAN LAS 'DAS PA THOB PAR 'GYUR RO, ,DE LA NANG GI YAN LAG GI STOBS NI 'DI YIN TE, 'DI LTA STE, TSUL BZHIN YID LA BYED PA DANG, 'DOD PA CHUNG BA LA SOGS PA NANG GI DGE BA'I CHOS RNAMS DANG, DE BZHIN DU MIR 'GYUR BA DANG, 'PHAGS PA'I GNAS SU SKYE BA DANG, DBANG PO RNAMS MA NYAMS PA DANG, LAS KYI MTHA' MA LOG PA DANG, GNAS LA DAR BAR GYUR PA DE LTA BU DANG MTHUN PA'I CHOS RNAMS NI NANG GI YAN LAG GI STOBS ZHES BYA'O, ,DE LA PHYI ROL GYI YAN LAG GI STOBS NI 'DI YIN TE, 'DI LTA STE, SANGS RGYAS 'BYUNG BA DANG, DAM PA'I CHOS BSTAN PA DANG, CHOS BSTAN PA RNAMS GNAS PAR BYA BA DANG, GNAS PAR GYUR PA RNAMS KYI RJES SU 'JUG PAR BYAS PA DANG, GZHAN DAG SNYING BRTZE BA DANG, DE LTA BU DANG MTHUN PA'I CHOS RNAMS NI PHYI ROL GYI YAN LAG GI STOBS ZHES BYA'O, ,DE LA SNGA NA YOD PA CI ZHIG CI LA BRTEN NAS, CI DANG PHRAD NA, CHOS CI ZHIG GRUB PAR 'GYUR ZHE NA, SHES BYA LA MOS SHING 'DOD PA NI SNGA NA YOD PA DE DAM BCAS PA DANG GTAN TSIGS DANG, DPE RNAMS LA BRTEN NAS, PHYIR RGOL BA DANG, MI MTHUN PA MED PA'I 'KHOR DANG PHRAD NA BSGRUB PAR BYA BA'I DON GRUB PAR 'GYUR RO, ,SNGA NA YOD PA CI ZHIG CI LA BRTEN NAS, CI DANG PHRAD NA CHOS CI ZHIG 'GRUB CE NA, BZO SHES PA NI SNGA NA YOD PA STE, DE DANG MTHUN PA'I BRTZON PA LA BRTEN NAS, BZO'I LAS KYI GNAS LTA BU'I CHA SPYAD YO BYAD DANG PHRAD NA, BZO'I LAS KYI GNAS DE DANG DE DAG 'GRUB PAR 'GYUR RO, ,SNGA NA YOD PA CI ZHIG CI LA BRTEN NAS, CI DANG PHRAD NA CHOS CI ZHIG GNAS PAR 'GYUR ZHE NA, SRED PA NI SNGA NA YOD PA STE, ZAS LA BRTEN PA'I @54B LUS LA BRTEN NAS, ZAS RNAM PA BZHI DANG PHRAD NA, SEMS CAN BYUNG BA RNAMS GNAS SHING, 'TSOL BA RTAS PAR 'GYUR RO, ,SNGA NA YOD PA CI ZHIG LA BRTEN NAS, CI DANG PHRAD NA CHOS CI ZHIG BYED PAR 'GYUR ZHE NA, RANG GI SA BON NI SNGA NA YOD PA STE, SKYE BA LA BRTEN NAS SKYE BA'I RKYEN DANG PHRAD NA, RANG RANG GI CHOS KYI RANG GI BYED PA YOD CING, RANG GI LAS BYED DE, 'DI LTA STE, MIG GI LAS NI LTA BA'O, ,DE BZHIN DU DBANG PO LHAG MA RNAMS KYANG RANG RANG GI LAS BYED PAR RIG PAR BYA'O, ,DE BZHIN DUS NI RTON PAR BYED CHU NI RLAN PAR BYED, ME NI SREG PAR BYED, RLUNG NI SKEMS PAR BYED, DE LTA BU DANG MTHUN PA'I PHYI ROL GYI DNGOS PO RNAMS KYANG RANG RANG LAS BYED PAR RIG PAR BYA'O, ,RGYU DANG RKYEN DANG 'BRAS BU'I GNAS GANG ZHE NA, BCO LNGA PO 'DI DAG NI RGYU'I GNAS YIN TE, 'DI LTA STE TSIG DANG MYONG BA DANG, BAG CHAGS DANG RLAN DANG BCAS PA'I SA BON DANG PHRAD NAS 'GAG PA DANG, YUL DANG, DBANG PO DANG, BYED PA DANG, SKYES BU'I BYED PA DANG, DE KHO NA LA LTA BA DANG, MTHUN PA DANG, MTHU SNA TSOGS DANG, TSOGS PA DANG BAR DU GCOD PA DANG, BAR DU GCOD PA MA YIN PA'O, ,RGYU DANG RKYEN DANG 'BRAS BU'I RAB TU DBYE BA GANG ZHE NA, RGYU BCU DANG, RKYEN BZHI DANG, 'BRAS BU LNGA'O, ,RGYU BCU PO DAG GANG ZHE NA, RJES SU THA SNYAD 'DOGS PA'I RGYU DANG, LTOS PA'I RGYU DANG, 'PHEN PA'I RGYU DANG, MNGON PAR 'GRUB PA'I RGYU DANG, YONGS SU 'DZIN PA'I RGYU DANG, 'DREN PA'I RGYU DANG, SO SOR NGES PA'I RGYU DANG, LHAN CIG BYED PA'I RGYU DANG, MI MTHUN PA'I RGYU DANG, MI MTHUN PA MED PA'I RGYU'O, ,RKYEN BZHI PO DAG GANG ZHE NA, RGYU'I RKYEN DANG, MTSUNGS PA DE MA THAG PA'I RKYEN DANG, DMIGS PA'I RKYEN DANG, BDAG PO'I RKYEN TO, ,'BRAS BU LNGA PO DAG GANG ZHE NA, RNAM PAR SMIN PA'I 'BRAS BU DANG, RGYU MTHUN PA'I 'BRAS BU DANG, BRAL BA'I 'BRAS BU DANG, SKYES BU BYED PA'I 'BRAS BU DANG, BDAG PO'I 'BRAS BU'O, ,RGYU DANG RKYEN DANG 'BRAS BU RNAM PAR GZHAG PA GANG YIN ZHE NA, DE LA RGYU'I GNAS TSIG LA BRTEN NAS, RJES SU THA SNYAD 'DOGS PA'I RGYU 'DOGS PAR BYED DE, @55A *, ,DE CI'I PHYIR ZHE NA, 'DI LTAR 'DOD PA DANG LDAN PA'I CHOS RNAMS DANG, GZUGS DANG LDAN PA RNAMS DANG, GZUGS MED PA DANG LDAN PA RNAMS DANG LDAN PA MA YIN PA'I CHOS RNAMS LA MING RNAM PAR GZHAG PA SNGAR BYUNG NAS, 'DU SHES 'JUG GO, , 'DU SHES SNGAR BYUNG NAS TSIG 'BYUNG NGO, ,TSIG GIS JI LTAR MTHONG BA DANG, JI LTAR THOS PA DANG, JI LTAR BYE BRAG PHYED PA DANG, JI LTAR RNAM PAR SHES PA BZHIN DU RJES SU THA SNYAD 'DOGS PA'I PHYIR TE, DE LTA BAS NA TSIG LA BRTEN NAS RJES SU THA SNYAD 'DOGS PA'I RGYU 'DOGS SO, ,DE LA RGYU'I GNAS MYONG BA LA BRTEN NAS, LTOS PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I BDE BA 'DOD PA GANG YIN PA DE NI, DE LA LTOS NAS 'DOD PA RNAMS RNYED PA 'AM, KUN SOGS PA'AM, SO SOR BRTEN PA YONGS SU TSOL BA DANG, GZUGS DANG GZUGS MED PA DANG LDAN PA'I BDE BA 'DOD PA GANG YIN PA DE NI, DE LA LTOS NAS DE'I RKYEN RNYED PA 'AM, SO SOR BRTEN PA YONGS SU TSOL BA DANG, LDAN PA MA YIN PA'I BDE BA 'DOD PA GANG YIN PA DE NI, DE LA LTOS NAS DE'I RKYEN RNYED PA 'AM, SO SOR BRTEN PA YONGS SU TSOL BA DANG, SDUG BSNGAL MI 'DOD PA GANG YIN PA DE NI, DE LA LTOS NAS DE'I RKYEN RNAMS SAM, DE SPONG BA'I RKYEN RNAMS SPONG BA 'AM, RNYED PA 'AM, SO SOR BRTEN PA YONGS SU TSOL BA'I PHYIR TE, DE BAS NA MYONG BA LA BRTEN NAS LTOS PA'I RGYU 'DOGS SO, ,DE LA RGYU'I GNAS BAG CHAGS LA BRTEN NAS, PHAN PA'I RGYU 'DOGS PAR BYED DE, DE CI'I PHYIR ZHE NA, 'DI LTAR DGE BA DANG MI DGE BA'I LAS KYIS YONGS SU BSGOS PA'I 'DU BYED RNAMS KYIS KHAMS GSUM DU SDUG PA DANG, MI SDUG PA'I 'GRO BA RNAMS SU, SDUG PA DANG MI SDUG PA'I LUS RNAMS 'PHEN PAR BYED PA DANG, DE NYID KYI DBANG GIS PHYI ROL GYI DNGOS PO RNAMS KYANG, PHUN SUM TSOGS PA DANG, RGUD PAR 'GYUR BA'I PHYIR TE, DE BAS NA 'DU BYED RNAMS KYI DGE BA DANG MI DGE BA'I LAS KYI BAG CHAGS LA BRTEN NAS 'PHEN PA'I RGYU 'DOGS SO, ,DE LA RGYU'I GNAS RLAN DANG BCAS PA'I SA BON LA @55B BRTEN NAS MNGON PAR 'GRUB PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I CHOS RNAMS DANG, GZUGS DANG GZUGS MED PA DANG LDAN PA'I CHOS RNAMS, RANG RANG GI SA BON LAS 'BYUNG BAR 'GYUR BA DANG, SRED PA NI SA BON GYI RLAN CES BYA STE, DE BAS NA DES SA BON BRLAN NAS LUS 'PHAGS PA RNAMS MNGON PAR 'GRUB PAR 'GYUR BA'I PHYIR TE, SKYE BA'I RGYU NI LAS YIN LA, ,MNGON PAR 'GRUB PA'I RGYU NI SRED PA YIN NO ZHES JI SKAD GSUNGS PA LTA BU STE, DE BAS NA RLAN DANG BCAS PA'I SA BON LA BRTEN NAS MNGON PAR 'GRUB PA'I RGYU 'DOGS SO, ,DE LA RGYU'I GNAS PHRAD NAS 'GAGS PA LA YANG BRTEN LA, DE BZHIN DU RGYU'I GNAS YUL DANG, DBANG PO DANG, BYED PA DANG, SKYES BU'I BYED PA DANG, DE KHO NA LA YANG LTA BA LA BRTEN NAS YONGS SU 'DZIN PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I CHOS RNAMS KYI NANG NAS 'DU BYED RNAMS KYI 'JUG PA, DE MA THAG TU 'GAGS PAS YONGS SU ZIN PA DANG, YUL GYIS YONGS SU ZIN PA DANG, DBANG POS YONGS SU ZIN PA DANG, BYED PAS YONGS SU ZIN PA DANG, SKYES BU'I BYED PAS YONGS SU ZIN PA 'BYUNG BA'I PHYIR RO, ,'DOD PA DANG LDAN PA RNAMS JI LTA BA BZHIN DU GZUGS DANG LDAN PA RNAMS DANG, GZUGS MED PA DANG LDAN PA RNAMS KYANG DE DANG 'DRA'O, ,DE KHO NA LA LTA BAS YONGS SU ZIN PA'I CHOS DE LAS GZHAN PA LDAN PA MA YIN PA RNAMS KYANG 'JUG PAR 'GYUR TE, DE BAS NA PHRAD NAS 'GAGS PA DANG, YUL DANG DBANG PO DANG BYED PA DANG, SKYES BU'I BYED PA DANG, DE KHO NA LA LTA BA LA BRTEN NAS, YONGS SU 'DZIN PA'I RGYU 'DOGS SO, ,DE LA RGYU'I GNAS MTHUN PA LA BRTEN NAS, 'DREN PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I DGE BA'I CHOS RNAMS NI 'DOD PA DANG LDAN PA'I DGE BA'I CHOS KHYAD PAR CAN RNAMS 'DREN TO, ,DE BZHIN DU 'DOD PA DANG LDAN PA'I DGE BA'I CHOS RNAMS NI GZUGS DANG LDAN PA DANG, GZUGS MED PA DANG LDAN PA DANG, LDAN PA MA YIN PA'I DGE BA'I CHOS RNAMS KYANG @56A *, ,'DREN TE, DE DANG MTHUN PA'I PHYIR RO, ,'DOD PA DANG LDAN PA RNAMS JI LTA BA DE BZHIN DU, GZUGS DANG LDAN PA RNAMS KYANG, GZUGS DANG LDAN PA'I DGE BA'I CHOS KHYAD PAR CAN RNAMS DANG, GZUGS MED PA DANG LDAN PA DANG, LDAN PA MA YIN PA'I DGE BA'I CHOS RNAMS 'DREN TO, ,GZUGS DANG LDAN PA RNAMS JI LTA BA DE BZHIN DU, GZUGS MED PA DANG LDAN PA RNAMS KYANG, GZUGS MED PA DANG LDAN PA'I DGE BA'I CHOS KHYAD PAR CAN RNAMS DANG LDAN PA MA YIN PA'I RNAMS 'DREN TO, ,GZUGS MED PA DANG LDAN PA'I RNAMS JI LTA BA DE BZHIN DU LDAN PA MA YIN PA RNAMS KYANG LDAN PA MA YIN PA'I DGE BA'I CHOS KHYAD PAR CAN RNAMS 'DREN TO, ,'DUS MA BYAS PA MNGON SUM DU BYAS PA YANG 'DREN TO, ,DE BZHIN DU MI DGE BA'I CHOS RNAMS KYANG MI DGE BA'I CHOS KHYAD PAR CAN RNAMS 'DREN TE, 'DI LTA STE, 'DOD PA'I 'DOD CHAGS NI ZHE SDANG DANG, GTI MUG DANG, NGA RGYAL DANG, LTA BA DANG, THE TSOM DANG, LUS KYI NYES PAR SPYOD PA DANG, NGAG GI NYES PAR SPYOD PA DANG, YID KYI NYES PAR SPYOD PA 'DREN TO, 'DOD PA'I 'DOD CHAGS JI LTA BA BZHIN DU, ZHE SDANG DANG, GTI MUG DANG, NGA RGYAL DANG, LTA BA DANG, THE TSOM RNAMS KYANG CI RIGS PAR 'DREN PAR RIG PAR BYA'O, ,DE BZHIN DU LUNG DU MA BSTAN PA'I CHOS RNAMS KYANG DGE BA DANG MI DGE BA DANG, LUNG DU MA BSTAN PA'I CHOS RNAMS 'DREN TO, ,'DI LTA STE, DGE BA DANG MI DGE BA DANG, LUNG DU MA BSTAN PA'I SA BON CAN KUN GZHI RNAM PAR SHES PAS 'DREN TO, ,DE BZHIN DU LUNG DU MA BSTAN PA'I CHOS RNAMS NI, LUNG DU MA BSTAN PA'I CHOS KHYAD PAR CAN RNAMS KYANG 'DREN TE, 'DI LTA STE, KHAM GYI ZAS NI SEMS CAN BYUNG BA RNAMS GNAS PA DANG, 'TSO BAR BYED PA YIN TE, DE DANG MTHUN PA'I PHYIR MDANGS DANG, STOBS DANG LTA BA 'DREN TE, DE BAS NA MTHUN PA LA BRTEN NAS, 'DREN PA'I RGYU 'DOGS SO, ,DE LA RGYU'I GNAS DANG MTHU SNA TSOGS LA BRTEN NAS, SO SOR NGES PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I CHOS @56B NGO BO NYID RNAM PA SNA TSOGS PA RNAMS NI, NGO BO NYID KYI KHYAD PAR RNAM PA SNA TSOGS, MTHU RNAM PA SNA TSOGS CAN LAS BYUNG BA'I PHYIR RO, ,'DOD PA DANG LDAN PA RNAMS JI LTA BA BZHIN DU, GZUGS DANG LDAN PA RNAMS DANG, GZUGS MED PA DANG LDAN PA RNAMS DANG LDAN PA MA YIN PA'I RNAMS KYANG DE DANG 'DRA STE, DE BAS NA MTHU SNA TSOGS LA BRTEN NAS, SO SOR NGES PA'I RGYU 'DOGS SO, ,DE LA RGYU'I GNAS SNA TSOGS PA LA BRTEN NAS, LHAN CIG BYED PA'I RGYU 'DOD PAR BYED DE, DE CI'I PHYIR ZHE NA, 'DI LTAR RANG SKYE BA'I TSOGS DANG PHRAD NAS 'DOD PA DANG LDAN PA'I CHOS RNAMS SKYE BA'I PHYIR RO, ,'DOD PA DANG LDAN PA RNAMS JI LTA BA BZHIN DU, GZUGS DANG LDAN PA RNAMS DANG, GZUGS MED PA DANG LDAN PA RNAMS DANG, LDAN PA MA YIN PA RNAMS KYANG DE DANG 'DRA'O, ,SKYE BA'I TSOGS PA JI LTA BA BZHIN DU THOB PA'I TSOGS PA DANG, GRUB PAR 'GYUR BA'I TSOGS PA DANG, 'GRUB PA'I TSOGS PA DANG, GNAS PA'I TSOGS PA DANG, BYED PA'I TSOGS PA RNAMS KYANG DE DANG 'DRA STE, DE BAS NA TSOGS PA LA BRTEN NAS LHAN CIG BYED PA'I RGYU 'DOGS SO, ,DE LA RGYU'I GNAS BAR DU GCOD PA LA BRTEN NAS, MI MTHUN PA'I RGYU 'DOGS PAR BYED DE, DA CI'I PHYIR ZHE NA, 'DI LTAR 'DOD PA DANG LDAN PA'I CHOS RNAMS SKYE BA LA, GAL TE BAR DU GCOD PA NYE BAR GNAS PAR GYUR NA SKYE BAR MI 'GYUR BA'I PHYIR RO, ,'DOD PA DANG LDAN PA RNAMS JI LTA BA BZHIN DU, GZUGS DANG LDAN PA RNAMS DANG, GZUGS MED PA DANG LDAN PA RNAMS DANG, LDAN PA MA YIN PA RNAMS KYANG DE DANG 'DRA'O, SKYE BA JI LTA BA BZHIN DU, THOB PA DANG, GRUB PAR 'GYUR PA DANG, 'GRUB PA DANG, GNAS PA DANG, BYED PA LA YANG DE DANG 'DRA STE, DE BAS NA BAR DU GCOD PA LA BRTEN NAS MI MTHUN PA'I RGYU 'DOGS SO, , DE LA RGYU'I GNAS PAR DU GCOD PA MA YIN PA LA BRTEN NAS, MI MTHUN PA MED PA'I RGYU 'DOGS PAR BYED DE, DE CI'I PHYIR ZHE NA, 'DI LTAR 'DOD PA DANG LDAN PA'I CHOS RNAMS SKYE BA LA, GAL TE BAR DU GCOD PA MA YIN PA NYE BAR GNAS PAR GYUR NA, DE DAG SKYE BAR 'GYUR BA'I PHYIR RO, ,'DOD @57A *, ,PA DANG LDAN PA RNAMS JI LTA BA BZHIN DU, GZUGS DANG LDAN PA RNAMS DANG, GZUGS MED PA DANG LDAN PA RNAMS DANG, LDAN PA MA YIN PA RNAMS KYANG DE DANG 'DRA'O, ,SKYE BA JI LTA BA BZHIN DU THOB PA DANG, GRUB PAR 'GYUR BA DANG, 'GRUB PA DANG, GNAS PA DANG, BYED PA YANG DE DANG 'DRA STE, DE BAS NA BAR DU GCOD PA MA YIN PA LA BRTEN NAS, MI MTHUN PA MED PA'I RGYU 'DOGS SO, ,DE LA RKYEN GYI GNAS SA BON LA BRTEN NAS, RGYU'I RKYEN 'DOGS SO, ,RKYEN GYI GNAS PHRAD NAS 'GAG PA LA BRTEN NAS DE MA THAG PA'I RKYEN 'DOGS SO, ,DE LA RKYEN GYI GNAS YUL LA BRTEN NAS, DMIGS PA'I RKYEN 'DOGS SO, ,RKYEN GYI GNAS DE LAS GZHAN PA RNAMS LA BRTEN NAS, BDAG PO'I RKYEN 'DOGS SO, ,DE LA RGYU'I GNAS DANG, RKYEN GYI GNAS BAG CHAGS DANG, MTHUN PA LA BRTEN NAS, RNAM PAR SMIN PA'I 'BRAS BU DANG, RGYU MTHUN PA'I 'BRAS BU 'DOGS SO, ,RGYU'I GNAS DANG, RKYEN GYI GNAS DE KHO NA LA LTA BA LA BRTEN NAS BRAL BA'I 'BRAS BU 'DOGS SO, ,RGYU'I GNAS DANG RKYEN GYI GNAS SKYES BU'I BYED PA LA BRTEN NAS, SKYES BU BYED PA'I 'BRAS BU 'DOGS SO, ,RGYU'I GNAS DANG, RKYEN GYI GNAS LHAG MA RNAMS LA BRTEN NAS, BDAG PO'I 'BRAS BU 'DOGS SO, ,DE LA RGYU NI PHAN PA'I DON TO, ,RKYEN NI GNAS PAR BYED PA'I DON TO, ,'BRAS BU NI GRUB PA'I DON TO, YANG RGYU NI RNAM PA LNGAR GZHAG PA YIN TE, 'DI LTA STE, SKYED PA'I RGYU DANG, THABS KYI RGYU DANG, LHAN CIG BYUNG BA'I RGYU DANG, 'GAGS MA THAG PA DANG, 'GAGS NAS RING DU LON PA'O, ,DE LA SKYED PA NI MNGON PAR 'GRUB PA'I RGYU'O, ,THABS KYI RGYU NI LHAG MA RNAMS SO, ,LHAN CIG 'BYUNG BA'I RGYU NI 'DI LTA STE, YONGS SU 'DZIN PA'I RGYU LAS GCIG STE, 'DI LTA STE, MIG NI MIG GI RNAM PAR SHES PA'I 'O, ,DE BZHIN DU RNA BA LA SOGS PA'I NI DE LAS GZHAN PA'I RNAM PAR SHES PA RNAMS KYI'O, ,'GAGS MA THAG PA NI 'DI LTA STE, MNGON PAR 'GRUB PA'I RGYU'O, ,'GAGS NAS RING DU LON PA NI 'DI LTA STE, 'PHEN PA'I RGYU'O, ,GZHAN YANG @57B RGYU NI RNAM PA LNGAR GZHAG PA YIN TE, 'DI LTA STE, SDUG PA'I RGYU DANG, MI SDUG PA'I RGYU DANG, LTA BA'I RGYU DANG, 'JUG PA'I RGYU DANG, LDOG PA'I RGYU'O, ,GZHAN YANG RGYU NI RNAM PA BDUN DU GZHAG PA YIN TE, 'DI LTA STE, MI RTAG PA NI RGYU YIN TE, RTAG PA'I CHOS NI SKYE BA'I RGYU 'AM, THOB PA'I RGYU 'AM, GRUB PAR 'GYUR BA'I RGYU 'AM, 'GRUB PA'I RGYU 'AM, GNAS PA'I RGYU 'AM, BYED PA'I RGYU 'AM, GANG GI RGYUR YANG MI 'GYUR RO, ,MI RTAG PA'I CHOS MI RTAG PA'I RGYUR 'GYUR BA YANG, DNGOS PO GZHAN DANG, RANG GI NGO BO PHYI MA'I RGYUR 'GYUR GYI, SKAD CIG DE NYID KYI NI MA YIN NO, ,GZHAN DANG RANG GI NGO BO NYID PHYI MA'I RGYU BYED DU ZIN KYANG SKYES LA, 'GAGS PAS BYED KYI MA SKYES PA DANG MA 'GAGS PAS NI MA YIN NO, ,SKYES LA 'GAGS SU ZIN KYANG RKYEN GZHAN DANG PHRAD NA BYED KYI MA PHRAD NA MI BYED DO, ,RKYEN GZHAN DANG PHRAD DU ZIN KYANG, SNGA MA LAS GYUR NA BYED KYI MA GYUR PAR MI BYED DO, ,SNGA MA LAS GYUR DU ZIN KYANG MTHU DANG LDAN PA LAS 'BYUNG GI ,MTHU MED PA LAS MA YIN NO, ,MTHU DANG LDAN DU ZIN KYANG DE DANG MTHUN ZHING 'PHROD PA LAS 'BYUNG GI ,MI MTHUN MI 'PHROD PA LAS NI MA YIN TE, DE LTAR NA RNAM PA BDUN PO 'DI DAG GIS RGYU RNAMS CI RIGS PAR RNAM PAR GZHAG PAR RIG PAR BYA'O, ,DE LA MTSAN NYID GDAGS PA RNAM PAR GZHAG PA GANG ZHE NA, DE NI RNAM PA BDUN DU RIG PAR BYA STE, LUS DANG DMIGS PA DANG, RNAM PA DANG, KUN NAS SLONG BA DANG, RAB TU DBYE BA DANG, RNAM PAR NGES PA DANG, 'JUG PA'O, ,DE LA SDOM NI, MTSAN NYID KYI NI MDOR BSDU BA, ,LUS DANG DMIGS PA RNAM PA DANG, ,KUN NAS SLONG DANG RAB DBYE DANG, ,RNAM PAR NGES DANG 'JUG PA YIN, ,RTOG PA DANG DPYOD PA RNAMS KYI LUS GANG ZHE NA, RTOG PA DANG DPYOD PA RNAMS DMIGS PA LA MNGON PAR MI RTOG BA NI SEMS PA'I LUS YIN LA, RTOG PA DANG DPYOD PA RNAMS DMIGS PA LA MNGON PAR RTOG PA NI SHES PA'I LUS YIN PAR RIG PAR BYA'O, ,DE LA RTOG PA DANG DPYOD PA RNAMS KYI DMIGS PA GANG ZHE NA, MING GI TSOGS DANG, TSIG GI TSOGS DANG, YI GE'I TSOGS LA BRTEN PA'I @58A *, ,DON NI DMIGS PA YIN NO, ,RTOG PA DANG DPYOD PA RNAMS KYI RNAM PA GANG ZHE NA, RTOG PA'I RNAM PA NI, DMIGS PA DE NYID LA GTOD CING BYE BRAG TU GTOD PA'O, ,DPYOD PA'I RNAM PA NI DE NYID LA SO SOR RTOG PA'O, ,RTOG PA DANG DPYOD PA RNAMS KYIS CI ZHIG KUN NAS SLONG ZHE NA, DAG KUN NAS SLONG NGO, ,RTOG PA DANG DPYOD PA RNAMS KYI RAB TU DBYE BA GANG ZHE NA, RAB TU DBYE BA RNAM PA BDUN TE, MTSAN MA CAN DANG, MTSAN MA CAN MA YIN PA NAS, NYON MONGS PA CAN MA YIN PA'I BAR DU SNGA MA BZHIN NO, ,RTOG PA DANG DPYOD PA RNAMS KYI RNAM PAR NGES PA GANG ZHE NA, RTOG PA DANG DPYOD PA GANG YIN PA DE NI RNAM PAR RTOG PA YANG YIN NO, ,RNAM PAR RTOG PA GANG YIN PA DE NI RTOG PA DANG DPYOD PA YANG YIN LA, RNAM PAR RTOG PA GANG YIN PA DE NI RTOG PA DANG DPYOD PA YIN NO, DE LTAR RTOG PA DANG DPYOD PA GANG YIN PA DE RNAM PAR RTOG PA YANG YIN MOD KYI, RNAM PAR RTOG PA YIN LA, RTOG PA DANG DPYOD PA MA YIN PA YANG YOD DE, 'JIG RTEN LAS 'DAS PA'I YE SHES MA GTOGS PA DE LAS GZHAN PA'I KHAMS GSUM NA SPYOD PA'I SEMS DANG SEMS LAS BYUNG BA'I CHOS THAMS CAD NI RNAM PAR RTOG PA YIN LA RTOG PA DANG DPYOD PA MA YIN NO, ,RTOG PA DANG DPYOD PA RNAMS KYI 'JUG PA GANG ZHE NA, SEMS CAN DMYAL BA PA RNAMS KYI RTOG PA DANG DPYOD PA RNAMS KYI RNAM PA NI CI, 'DUS TE REG PA NI JI LTA BU, CI ZHIG GIS NI SPYOD, CI DANG NI LDAN, CI ZHIG NI 'DOD, LAS NI CI ZHIG BYED CING 'JUG ,SEMS CAN DMYAL BA PA RNAMS JI LTA BA DE BZHIN DU, DUD 'GRO RNAMS DANG, YI DAGS RNAMS DANG, MI RNAMS DANG, 'DOD PA NA SPYOD PA'I LHA RNAMS DANG, BSAM GTAN DANG PO'I SA PA'I LHA RNAMS KYI RTOG PA DANG DPYOD PA RNAMS KYI RNAM PA NI CI, 'DUS TE REG PA NI JI LTA BU CI ZHIG ZER CI ZHIG GIS NI BSKYOD, CI DANG NI LDAN, CI ZHIG NI 'DOD, LAS NI CI ZHIG BYED CING 'JUG CE NA, DE LA SEMS CAN DMYAL BA PA RNAMS KYI RTOG PA DANG DPYOD PA RNAMS NI GCIG TU NGES PAR ZHUM PA'I RNAM PA DANG, MI SDUG PA'I YUL GYI 'DUS TE REG @58B PA DANG, SDUG BSNGAL GYIS BSKYOD PA DANG, YID MI BDE BA DANG LDAN PA DANG, SDUG BSNGAL LAS THAR BAR 'DOD PA DANG, SEMS KUN NAS 'KHRUGS PA'I LAS BYED CING 'JUG GO, ,SEMS CAN DMYAL BA PA RNAMS JI LTA BA BZHIN DU, YI DAGS SDUG BSNGAL BAR GYUR PA RNAMS KYANG DE DANG 'DRA'O, ,DUD 'GRO RNAMS DANG, MI RNAMS DANG, YI DAGS RDZU 'PHRUL CHE BA RNAMS KYI RTOG PA DANG DPYOD PA RNAMS NI ZHUM PA'I RNAM PA SHAS CHE LA, KUN TU DGA' BA'I RNAM PA SHAS CHUNG BA DANG, MI SDUG PA'I YUL GYI 'DUS TE REG PA SHAS CHE LA, SDUG PA'I YUL GYI 'DUS TE REG PA SHAS CHUNG BA DANG, SDUG BSNGAL GYIS BSKYOD PA'I SHAS CHE LA, BDE BAS BSKYOD PA'I SHAS CHUNG BA DANG, YID MI BDE BA DANG LDAN PA'I SHAS CHE LA, YID BDE BA DANG LDAN PA'I SHAS CHUNG BA DANG, SDUG BSNGAL LAS THAR PAR 'DOD PA'I SHAS CHE LA, BDE BA DANG 'GROGS PAR 'DOD PA'I SHAS CHUNG BA DANG, SEMS KUN NAS 'KHRUGS PA'I LAS BYED CING 'JUG GO , ,'DOD PA NA SPYOD PA'I LHA RNAMS KYI RTOG PA DANG, DPYOD PA RNAMS KYI KUN TU DGA' BA'I RNAM PA SHAS CHE LA, ZHUM PA'I RNAM PA SHAS CHUNG BA DANG, SDUG PA'I YUL GYI 'DUS TE REG PA SHAS CHE LA, MI SDUG PA'I YUL GYI 'DUS TE REG PA SHAS CHUNG BA DANG, BDE BAS BSKYOD PA'I SHAS CHE LA SDUG BSNGAL GYIS BSKYOD PA'I SHAS CHUNG BA DANG, YID BDE BA DANG LDAN PA'I SHAS CHE LA, YID MI BDE BA DANG LDAN PA'I SHAS CHUNG BA DANG, BDE BA DANG 'GROGS PAR 'DOD PA'I SHAS CHE LA, SDUG BSNGAL LAS THAR PAR 'DOD PA'I SHAS CHUNG BA DANG, SEMS KUN DU 'KHRUGS PA'I LAS BYED CING 'JUG GO, ,BSAM GTAN DANG PO'I SA PA'I LHA RNAMS KYI RTOG PA DANG DPYOD PA RNAMS NI, GCIG TU NGES PAR KUN TU DGA' BA'I RNAM PA DANG, GCIG TU NGES PAR NANG GI SDUG PA'I YUL GYI 'DUS TE REG PA DANG, GCIG TU NGES PAR BDE BAS BSKYOD PA DANG, GCIG TU NGES PAR YID BDE BA DANG LDAN PA DANG, GCIG TU NGES PAR BDE BA DANG MI 'BRAL BAR 'DOD PA DANG, SEMS KUN TU MI 'KHRUGS PA'I LAS BYED PA YIN NO, ,DE LA TSUL BZHIN YID LA BYED PA @59A *, ,GDAGS PA RNAM PAR GZHAG PA GANG ZHE NA, DE NI RNAM PA BRGYAD DU RIG PAR BYA STE, GNAS DANG DNGOS PO DANG, TSOL BA DANG, LONGS SPYOD PA DANG, YANG DAG PAR 'GRUB PA DANG, NYAN THOS KYI THEG PA'I TSOGS LA SBYOR BA DANG, RANG SANGS RGYAS KYI THEG PA'I TSOGS LA SBYOR BA DANG, PHA ROL TU PHYIN PA BSGRUB PA LA SBYOR BA'O, ,DE LA SDOM NI, GNAS DANG DE BZHIN DNGOS PO DANG, ,TSOL BA DANG NI LONGS SPYOD DANG, ,BSGRUB PA DANG NI BYANG CHUB GNYIS, ,DE BZHIN PHA ROL PHYIN PA'O, ,TSUL BZHIN YID LA BYED PA DANG LDAN PA'I RTOG PA DANG DPYOD PA RNAMS KYI GNAS GANG ZHE NA, GNAS RNAM PA DRUG STE, 'DI LTA STE, NGES PA'I DUS DANG, LDOG PA'I DUS DANG, LAS KYI DUS DANG, 'JIG RTEN PA'I 'DOD CHAGS DANG BRAL BA'I DUS DANG, 'JIG RTEN LAS 'DAS PA'I 'DOD CHAGS DANG BRAL BA'I DUS DANG, SEMS CAN LA PHAN 'DOGS PA'I DUS SO, ,TSUL BZHIN YID LA BYED PA DANG LDAN PA'I RTOG PA DANG DPYOD PA RNAMS KYI DNGOS PO GANG ZHE NA, DNGOS PO BRGYAD DE, SBYIN PA LAS BYUNG BA'I BSOD NAMS BYA BA'I DNGOS PO DANG, TSUL KHRIMS LAS BYUNG BA DANG, BSGOMS PA PA LAS BYUNG BA DANG, THOS PA LAS BYUNG BA DANG, BSAMS PA LAS BYUNG BA DANG, DE LAS GZHAN PA'I BSGOMS PA LAS BYUNG BA DANG, SO SOR BRTAGS PA LAS BYUNG BA DANG, SEMS CAN LA PHAN 'DOGS PA LAS BYUNG BA'O, ,TSUL BZHIN YID LA BYED PA DANG LDAN PA'I RTOG PA DANG DPYOD PA RNAMS KYI TSOL BA GANG ZHE NA, 'DI LTAR 'DI NA KHA CIG ,CHOS KYI BAB CHOL MA YIN PAR LONGS SPYOD TSOL GYI, CHOS MA YIN PAS BAB CHOL DU MA YIN NO, ,LONGS SPYOD GANG ZHE NA, 'DI LTAR LONGS SPYOD DE NYID DE LTAR BTZAL NAS CHAGS PA MED PAR LONGS SPYOD CING, ZHEN PA MED PA DANG, CHUMS PA MED PA DANG, MDUD PA BOR BA MED PA DANG, BRGYAL BA MED PA DANG, LHAG PAR CHAGS PA MED PA DANG, LHAG PAR CHAGS PAR GYUR PA MED PA DANG, NYES DMIGS SU LTA BA DANG, NGES PAR 'BYUNG BA SHES BZHIN DU LONGS SPYOD PAR BYED PA'O, ,YANG @59B DAG PAR BSGRUB PA GANG ZHE NA, 'DI LTAR 'DI NA KHA CIG MAR 'DZIN PA DANG, PHAR 'DZIN PA DANG, DGE SBYONG DU 'DZIN PA DANG, BRAM ZER 'DZIN PA DANG, RIGS KYI GTZO BO LA RIM GRO BYED PA DANG, DON BYED PA DANG, BYA BA BYED PA DANG, 'JIG RTEN 'DI DANG, 'JIG RTEN PHA ROL TU KHA NA MA THO BA RNAMS LA 'JIGS PAR LTA BA DANG, SBYIN PA DAG SBYIN ZHING BSOD NAMS DAG BYED PA DANG, DUS KHRIMS LA GNAS PA DANG, TSUL KHRIMS YANG DAG PAR BLANGS TE GNAS PA'O, ,NYAN THOS KYI TSOGS LA SBYOR BA NI NYAN THOS KYI SA LAS RGYAS PAR BSHAD PAR BYA'O, ,RANG SANGS RGYAS KYI TSOGS LA SBYOR BA NI, RANG SANGS RGYAS KYIS LAS RGYAS BAR BSHAD PAR BYA'O, ,PHA ROL TU PHYIN PA BSGRUB PA LA SBYOR BA NI, BYANG CHUB SEMS DPA'I SA LAS RGYAS PAR BSHAD PAR BYA'O, ,YANG SBYIN PA DAG GI MTSAN NYID NI RNAM PA BZHI STE, 'DOD BA DANG, PHOGS MI 'DZIN PA DANG, PHONGS PA SEL BA DANG, YANG DAG PAR SHES PA'O, ,TSUL KHRIMS DANG LDAN PA'I MTSAN NYID NI, RNAM PA BZHI STE, 'DOD PA DANG CHU LON GYIS GLON PA DANG, KUN TU MI SPYOD PA DANG, YANG DAG PAR SHES PA'O, ,SGOM PA PO'I MTSAN NYID NI RNAM PA BZHI STE, BSAM PA RNAM PAR DAG PA DANG, NYE BAR SBYOR BA RNAM PAR DAG PA DANG, MOS PAS SNYOMS PAR 'JUG PA RNAM PAR DAG PA DANG, SHES PA RNAM PAR DAG PA'O, ,ZAS SBYIN PA NI RNAM PA DRUG STE, YI DAM CAN LA SBYIN PA DANG, KUN TU 'TSOL ZAS SBYIN PA DANG, GNOD PA LA ZAS SBYIN PA DANG, RANG BZHIN GYIS PHONGS PA LA ZAS SBYIN PA DANG, YUL DANG BRAL BAR GNAS PA LA ZAS SBYIN PA DANG, YONGS SU ZHEN PA LA ZAS SBYIN PA'O, ,GNOD PA NI RNAM PA BRGYAD DE, BKRES PAS GNOD PA DANG, SKOM PAS GNOD PA DANG, KHA ZAS NGAN PA ZA BAS GNOD PA DANG, YONGS SU NGAL BAS GNOD PA DANG, GRANG BAS GNOD PA DANG, TSA BAS GNOD PA DANG, SKYABS MED PAS GNOD PA DANG, BSGRIBS PAS GNOD PA'O, ,YANG GNOD PA NI RNAM PA DRUG STE, LHAN CIG SKYES PA DANG, 'DOD PAS PHONGS PA LAS BYUNG BA DANG, @60A *, ,'GRO BA LAS BYUNG BA DANG, DUS TSIGS 'GYUR BA LAS BYUNG BA DANG, 'DZAG GNOD BYED PA LAS BYUNG BA DANG, THA SNYAD CHAD PA LAS BYUNG BA'O, ,PHAN GDAGS PA NI RNAM PA DRUG STE, NYE BAR RTON PAS PHAN GDAGS PA DANG, 'GRO BAS GNOD PA LA PHAN GDAGS PA DANG, G-YOGS PAS PHAN GDAGS PA DANG, SPOS DANG ME TOG PHRENG DANG BYUG PAS PHAN GDAGS PA DANG, GNAS KYIS PHAN GDAGS PA DANG, 'GROGS PA LA PHAN GDAGS PA'O, ,MI MDZA' BA'I MTSAN NYID NI BZHI STE, 'KHRUG PA'I BSAM PA MI GTONG BA DANG, SDUG PA LA RNAM PAR BGEGS BYED PA'I GNAS DANG, MI SDUG PA BSGRUB PA DANG, PHAN PA MA YIN PA BSGRUB PA'O, ,DE DAG NYID LAS BZLOG PA NI MDZA' BO'I MTSAN NYID RNAM PA BZHIR RIG PAR BYA'O, ,BSGRUB PA NI RNAM PA GSUM STE, YO BYAD KYI BDE BA BSGRUB PA DANG, DGA' BA DANG BCAS PA'I BDE BA BSGRUB PA DANG, ,DGA' BA MED PA'I BDE BA BSGRUB PA'O, ,BZHI PO 'DI DAG NI MKHAS PAS BSTAN PA YIN ZHES BYA BA MDO 'DI'I RNAM PAR BSHAD PA NI, YANG MTHUN PAR 'JUG PAR KHAS BLANG BA NI BZHI PO 'DI DAG YIN TE, 'DI LTA STE, 'GRON LA MTHUN PAR 'JUG PAR KHAS BLANG BA DANG, SKYE BO YONGS LA MTHUN PAR 'JUG PAR KHAS BLANG BA DANG, BLA MA RNAMS DANG MTHUN PAR 'JUG PAR KHAS BLANG BA DANG, TSOGS PAR 'DU 'OS LA MTHUN PAR 'JUG PAR KHAS BLANG BA STE, MTHUN PAR 'JUG PAR KHAS BLANG BA BZHI PO 'DI DAG LA, GNAS BZHI BSTEN NAS 'BRAS BU LNGAR 'GYUR BAR RIG PAR BYA STE, 'DI LTA STE PHAN GDAGS PA DANG, RNAM PAR THO MI 'TSAMS PA DANG, MCHOD PA DANG, SKAL BA MNYAM PA DANG, MTHUN PAR 'JUG PAR GNAS BZHI PO 'DI DAG BSTEN NAS, LONGS SPYOD CHE BA DANG, PHYOGS DANG PHYOGS MTSAMS SU GRAGS PA DANG, YONGS SU NYON MONGS PA MED PA DANG, MYA NGAN LAS 'DAS PA 'THOB PA DANG, BDE 'GROR 'GRO BA STE, 'BRAS BU LNGA PO 'DI DAG 'GRUB PAR 'GYUR RO, ,MKHAS PA RNAMS KYI MKHAS PA'I MTSAN NYID NI, GSUM PO @60B 'DI DAG YIN TE, DGE BA YANG DAG PAR LEN PA DANG, DGE BA LA GCIG TU NGES PA DANG, DGE BA LA BRTEN PA'O, ,GZHAN YANG GSUM STE, LHAG PA'I TSUL KHRIMS YANG DAG PAR LEN PA DANG, LHAG PA'I SEMS YANG DAG PAR LEN PA DANG, LHAG PA'I SHES RAB YANG DAG PAR LEN PA'O,, ,,BAM PO DRUG PA, DE LA TSUL BZHIN MA YIN PA YID LA BYED PA GDAGS PA RNAM PAR GZHAG PA GANG ZHE NA, DE LA SDOM NI, RGYU LA 'BRAS BU MNGON GSAL DANG, ,'DAS DANG MA 'ONGS YOD PA DANG, ,BDAG DANG RTAG DANG LAS RNAMS DANG, , DBANG PHYUG LA SOGS RNAMS 'TSE DANG, ,MTHA' DANG MTHA' MED SPONG BA DANG, ,RGYU MED CHAD DANG MED PA DANG, ,MCHOG DANG DAG PA BKRA SHIS PA, ,PHA ROL SMRA BA BCU DRUG YIN, ,PHA ROL SMRA BA NI BCU DRUG PO 'DI DAG YIN TE, 'DI LTA STE, RGYU LA 'BRAS BU YOD PAR SMRA BA DANG, MNGON PAR GSAL BAR SMRA BA DANG, 'DAS PA DANG MA 'ONGS PA RDZAS SU YOD PAR SMRA BA DANG, BDAG TU SMRA BA DANG, RTAG PAR SMRA BA DANG, SNGON BYAS PA RGYUR SMRA BA DANG, DBANG PHYUG LA SOGS PA BYED PA POR SMRA BA DANG, RNAM PAR 'TSE BA'I CHOS SU SMRA BA DANG, MTHA' DANG MTHA' MED PAR SMRA BA DANG, MTHA' MI SPONG BAR SMRA BA DANG, RGYU MED PAR SMRA BA DANG, CHAD PAR SMRA BA DANG, MED PAR SMRA BA DANG, MCHOG TU SMRA BA DANG, DAG PAR SMRA BA DANG, DGE MTSAN DANG BKRA SHIS SU SMRA BA'O, ,RGYU LA 'BRAS BU YOD PAR SMRA BA GANG ZHE NA, 'DI LTAR 'DI NA DGE SPYOD NGAM BRAM ZE KHA CIG ,RTAG PA RTAG PA'I DUS DANG, THER ZUG THER ZUG GI DUS SU, RGYU LA 'BRAS BU YOD PA KHO NA ZHES DE LTAR LTA ZHING, DE SKAD SMRA BA DAG YOD DE, 'DI LTA STE, KHYU MCHOG PA'I TSOGS LTA BU'O, ,DE DAG KYANG CI'I PHYIR RGYU LA 'BRAS BU YOD PAR LTA ZHING RNAM PAR 'JOG LA, YONGS SU STON PAR BYED CE NA, 'DI LTAR LUNG DANG RIGS PAS BYED DE, LUNG GANG ZHE NA, RGYU LA 'BRAS BU YOD PA KHO NA'O ZHES DE DANG LDAN PA THOS PA GCIG NAS GCIG TU BRGYUD PA DANG, SDE SNOD BYIN PA'I TSUL GYIS DE DAG LA 'ONGS PA YIN NO, ,RIGS PA @61A *, ,GANG ZHE NA, 'DI LTAR DGE SBYONG DANG, BRAM ZE RTOG GE PA DPYOD PA CAN DE NYID, RTOG GER RTOGS PA'I SA, RANG GI SBOBS PA LAS BYUNG BA, SO SO'I SKYE BO LA DPYOD PA'I RJES SU DPYOD PA LA GNAS PA, DE 'DI SNYAM DU SEMS TE, DNGOS PO GANG DAG LAS DNGOS PO GANG DAG 'BYUNG BA DE DAG NI DE DAG GI RGYU NYID DU GRAGS SHING 'DOGS KYI DE LAS GZHAN PA DAG LA MA YIN NO, ,'BRAS BU 'DOD PA RNAMS KYIS KYANG 'BRAS BU DE'I DON DU 'DZIN PAR BYED KYI, DE LAS GZHAN PA DAG NI MA YIN NO, ,BYA BA DE DANG DE DAG TU YANG DE DAG NYID SBYOR BAR BYED KYI, DE LAS GZHAN PA DAG NI MA YIN NO, ,'BRAS BU DE YANG DE DAG LAS 'BYUNG GI DE LAS GZHAN PA RNAMS LAS MA YIN TE, DE BAS NA 'BRAS BU DE DE LAS YOD DO, ,DE LTA MA YIN DU ZIN NA THAMS CAD KYANG THAMS CAD KYI RGYUR RNAM PAR GZHAG PAR 'GYUR BA DANG, THAMS CAD KYANG GZUNG BA DANG, BYA BA LA YANG THAMS CAD DU SBYAR DU RUNG BA DANG, THAMS CAD LAS KYANG THAMS CAD SKYE BAR 'GYUR RO SNYAM NAS, DE 'DOGS PA DANG, 'DZIN PA DANG, BYA BA LA SBYOR PA DANG, SKYE BA LA RTAG TU RGYU LA 'BRAS BU YOD PAR LTA'O, ,DE LA 'DI SKAD CES BRJOD PAR BYA STE, CI'I RGYU'I MTSAN NYID DANG 'BRAS BU'I MTSAN NYID DANG, RGYU LA 'BRAS BU'I MTSAN NYID THA DAD PA MA YIN PA'I MTSAN NYID DAM, 'ON TE THA DAD PA'I MTSAN NYID DU 'DOD, GAL TE THA DAD PA MA YIN PA'I MTSAN NYID CIG YIN NA NI, DES NA RGYU DANG 'BRAS BU GNYIS LA BYE BRAG MED PA'I PHYIR, RGYUR NGES PA DANG 'BRAS BUR NGES PA MED PAS, RGYU LA 'BRAS BU YOD CES BYAR MI RUNG NGO, ,GAL TE MTSAN NYID THA DAD PA ZHIG YIN NA NI, DES NA CI MA SKYES PA'I MTSAN NYID DAM, 'ON TE SKYES PA'I MTSAN NYID DU 'DOD, GAL TE MA SKYES PA'I MTSAN NYID CIG YIN NA NI, DES NA RGYU LA 'BRAS BU MA SKYES PA ZHIG YOD DO ZHES BYA BA YANG MI RUNG NGO, ,GAL TE SKYES ZIN PA'I MTSAN NYID CIG YIN NA NI, DES NA RGYU LA 'BRAS BU SKYES ZIN PA ZHIG SKYE'O ZHES BYAR MI RUNG NGO, ,DE BAS NA RGYU LA NI 'BRAS BU MED KYI, RGYU YOD NA RKYEN LA LTOS TE @61B SKYE BAR 'GYUR RO, ,DE LA MTSAN NYID RNAM PA LNGAS NI MTSAN NYID YOD PA'I CHOS LA MTSAN NYID YOD PA'I CHOS YOD PAR RIG PAR BYA STE, DE'I PHYOGS NA DMIGS PA 'DI LTA STE, BUM PA'I NANG NA CHU 'DUG PA LTA BU DANG, DE'I RTEN LA DMIGS PA 'DI LTA STE, MIG LA MIG GI RNAM PAR SHES PA LTA BU DANG, DE NYID BZHIN DU RANG GI MTSAN NYID DU DMIGS PA 'DI LTA STE, RGYU NI RJES SU DPAG PAR BYA BA MA YIN ZHING, RANG GI LAS BYED PA LTA BU DANG, RGYU 'GYUR BA'AM, YANG NA 'GYUR BA'I RKYEN RNAMS KYIS 'GYUR BAR 'ONG BA'O, ,DE'I PHYIR YANG RTAG PA'I DUS DANG, THER ZUG GI DUS SU RGYU LA 'BRAS BU YOD PA KHO NAR MI RUNG STE, RNAM GRANGS DES NA YANG 'DI NI SMRA BAR RIGS PA MA YIN PAS BSKYED PA KHO NA'O, ,DE LTAR NA BYE BRAG MED PA'I MTSAN NYID DANG, BYE BRAG YOD PA'I MTSAN NYID DANG, MA SKYES PA'I MTSAN NYID DANG, SKYES PA'I MTSAN NYID KYIS KYANG MI RUNG NGO, ,MNGON PAR GSAL BAR SMRA BA GANG ZHE NA, 'DI LTAR 'DI NA DGE SBYONG NGAM BRAM ZE KHA CIG ,DNGOS PO YOD PA NYID MNGON PAR GSAL BAR BYED PAR ZAD KYI, SKYE BA NI MA YIN NO ZHES DE LTAR LTA ZHING DE SKAD SMRA BA DAG YOD DO, ,'DI LTA STE, RGYU LA 'BRAS BU YOD PAR SMRA BA DE NYID DANG, SGRA'I MTSAN NYID SMRA BA LTA BU'O, ,RGYU LA 'BRAS BU YOD PAR SMRA BA RNAMS, CI'I PHYIR RGYU LA 'BRAS BU YOD PA LA MNGON PAR GSAL BAR LTA BAR BYED CE NA, LUNG DANG RIGS PAS BYED DE, LUNG NI SNGA MA BZHIN DU BA LTA BAR BYA'O, ,RIGS PA GANG ZHE NA, 'DI LTAR 'DI NA KHA CIG BDAG NYID RTOG GE BA DPYOD PA CAN ZHES BYA BA NAS SNGA MA KHO NA BZHIN DU RGYAS PAR BYA'O, ,DE DAG 'DI SNYAM DU SEMS TE, RGYU LA 'BRAS BU MED NA SKYE BAR MI RUNG LA, 'BRAS BU BSGRUB PA'I PHYIR 'BAD PAR MI BYED PA YANG MA YIN NO, ,DE YANG CI'I PHYIR BYED CE NA, MNGON PAR GSAL BA NYID DU BYA BA'I PHYIR RO SNYAM STE, DE DE LTAR YONGS SU BRTAGS NAS, MNGON PAR GSAL BAR SMRA BAR GYUR TO, ,RGYU LA 'BRAS BU MNGON PAR SMRA BA DE LA 'DI SKAD CES BRJOD PAR BYA STE, CI SGRIB PA'I RGYU MED PA 'AM SGRIB PA YOD PAR 'DOD, GAL @62A *, ,TE MED DU ZIN NA NI SGRIB PA'I RGYU MED PA ZHIG GIS BSGRIBS SO ZHES BYA BAR YANG MI RUNG NGO, ,GAL TE YOD NA NI YOD PAR YANG 'DRA NA, 'BRAS BU DANG 'BREL BA'I RGYU LA YANG CI'I PHYIR SGRIB PAR MI BYED DE MI RUNG NGO, ,DPER NA MUN PAS RDZA MA'I NANG GI CHU BSGRIBS PA NA, RDZA MA LA YANG SGRIB PAR BYED PA BZHIN NO, ,GAL TE RGYU YANG SGRIB PA'I RGYUS BSGRIBS NA NI, DES NA RGYU LA 'BRAS BU YOD PA MNGON PAR GSAL BAR BYED KYI, RGYU GSAL BAR MI BYED CES BYAR NI MI RUNG NGO, ,DE LA 'DI SKAD CES KYANG BRJOD PAR BYA STE, CI YOD PA NYID SGRIB PA'I RGYU YIN NAM, 'ON TE 'BRAS BU NYID SGRIB PA'I RGYU YIN, GAL TE YOD PA NYID SGRIB PA'I RGYU YIN NA NI, NGES NI RGYU YANG YOD PA YIN TE, YOD PA NI DUS THAMS CAD DU MNGON PAR GSAL BA MA YIN PAR 'GYUR BAS MI RUNG NGO, ,GAL TE 'BRAS BU NYID SGRIB PA'I RGYU YIN NA NI, DES NA LA LA'I RGYU YANG DE NYID YIN LA, 'BRAS BU YANG DE NYID YIN TE, DPER NA MYU GU NI SA BON GYI 'BRAS BU YIN LA, SDONG BU LA SOGS PA'I NI RGYU YIN TE, DE BAS NA MNGON PAR GSAL BA YANG DE NYID YIN LA, MNGON PAR GSAL BA MA YIN PA YANG DE NYID YIN ZHES BYAR MI RUNG NGO, ,DE LA 'DI SKAD CES KYANG BRJOD PAR BYA STE, CI CHOS DE LAS MNGON PAR GSAL BA THA DAD PA MA YIN PA 'AM, 'ON TE THA DAD PAR 'DOD, GAL TE THA DAD PA MA YIN NA NI, RTAG TU MNGON PAR GSAL BA'I CHOS YIN PAS, MNGON PAR GSAL BA MNGON PAR GSAL BAR BYED DO ZHES BYAR MI RUNG NGO,, GAL TE THA DAD NA NI DES NA DE RGYU MED PA ZHIG GAM, RGYU YOD PA ZHIG YIN, GAL TE RGYU MED PA ZHIG YIN NA NI DES NA, RGYU MED PA MNGON PAR GSAL BAR MI RUNG NGO, ,GAL TE RGYU YOD PA ZHIG YIN NA NI, DES NA MNGON PAR GSAL BAR MA GYUR PA'I PHYIR, 'BRAS BUR GYUR PA MNGON PAR GSAL BAS MNGON PAR GSAL BAR BYAR YANG MI RUNG NGO, DES NA SGRIB PA'I RGYU MED PA DANG, SGRIB PA'I RGYU YOD PA DANG, YOD PA'I MTSAN NYID DANG, 'BRAS BU'I MTSAN NYID DANG, MNGON PAR GSAL BA THA DAD PA MA YIN PA DANG, MNGON PAR GSAL BA THA DAD PA LAS KYANG @62B MI RUNG NGO, ,DE BAS NA DNGOS PO MED PA GANG YIN PA DE'I MTSAN NYID DE NI MED PA NYID DO, ,DNGOS PO YOD PA GANG YIN PA DE'I MTSAN NYID DE NI YOD PA NYID DO, ,MED PA'I MED PA NYID NI MNGON PAR GSAL BA MED PA YIN NO, ,YOD PA'I YOD PA NYID NI MNGON PAR GSAL BA NYID YIN NO, , YOD PA JI LTAR 'DZIN PAR MI 'GYUR BA DE'I MTSAN NYID BSHAD PAR BYA STE, YOD PA YANG THAG RING BAS MI 'DZIN LA, SGRIB PA'I RGYU RNAM PA BZHI PO, SGRIB G-YOGS DANG, MI SNANG BAR BYED PA DANG, ZIL GYIS GNON PA DANG, MIG SLU BAR BYED PAS BSGRIBS PA DANG, CHUNG BA DANG, SEMS RNAM PAR G-YENGS PA DANG, DBANG PO MED PAR GYUR CING NYAMS PA DANG, DE DANG LDAN PA'I SHES PA MA BYUNG BAS KYANG 'DZIN PAR MI 'GYUR RO, ,RGYU LA 'BRAS BU MNGON PAR GSAL BAR SMRA BA JI LTA BA DE BZHIN DU, SGRAR SMRA BA YANG RIGS PA MA YIN PAR BLTA BAR BYA'O, , DE LA SGRAR SMRA BA'I BYE BRAG NI 'DI YIN TE, SGRA'I MTSAN NYID NI JI SKAD 'DOGS PA KHO NA BZHIN DU RNAM PAR GNAS PAR LTA LA, RNAM PAR GNAS PA DE YANG DANG YANG DU BRJOD PA'I TSUL GYIS SMRA BA LAS, MNGON PAR GSAL BAR 'GYUR BAR LTA STE, DES NA DE 'DI SNYAM DU SEMS TE, SGRA NI RTAG GO SNYAM MO, ,DE BAS NA MNGON PAR GSAL BAR SMRA BA YANG RIGS PA MA YIN PAS BSKYED PA YIN NO, ,'DAS PA DANG, MA 'ONGS PA RDZAS SU YOD PAR SMRA BA GANG ZHE NA, 'DI LTAR 'DI NA DGE SBYONG NGAM BRAM ZE 'AM, CHOS 'DI LA KHA CIG KYANG 'DAS PA YANG YOD, MA 'ONGS PA YANG YOD DE, DA LTAR BYUNG BA BZHIN DU, MTSAN NYID KYIS YONGS SU GRUB PA YIN TE, RDZAS SU YOD PA YIN GYI, BRTAGS PA'I YOD PA NI MA YIN NO ZHES TSUL BZHIN MA YIN PAS DE LTAR LTA ZHING DE SKAD SMRA BA DAG KYANG YOD DO, ,CI'I PHYIR DE LTAR LTA ZHING DE SKAD SMRA BAR BYED CE NA, LUNG DANG RIGS PAS BYED DE, LUNG GANG ZHE NA, DE NI SNGA MA BZHIN DU BLTA BAR BYA'O, ,CHOS 'DI PA YANG MDO SDE LA TSUL BZHIN MA YIN PAR RTOG STE, 'DI LTA STE, SKYE MCHED BCU GNYIS PO THAMS CAD YOD DE SKYE MCHED BCU GNYIS PO RNAMS NI MTSAN NYID KYIS YOD DO, ,BCOM LDAN 'DAS @63A *, ,KYIS 'DI LTA STE, 'DAS PA'I LAS NI YOD DO, ,'DI LTA STE, 'DAS PA'I GZUGS NI YOD DO ZHES BYA BA NAS, MA 'ONGS PA'I RNAM PAR SHES PA'I BAR DU YOD DO ZHES GSUNGS PA LA, TSUL BZHIN MA YIN PAR RTOG GO, ,RIGS PA GANG ZHE NA, 'DI LTAR 'DI NA KHA CIG RTOG GE PA DPYOD PA CAN ZHES BYA BA NAS, SNGA MA BZHIN NO, ,DE 'DI SNYAM DU SEMS TE, CHOS GANG RANG GI MTSAN NYID GANG GIS RNAM PAR GNAS PA DE NI, DES YONGS SU GRUB PA YIN NO, ,GAL TE MA 'ONGS PA DE MED DU ZIN NA NI, DES NA DE'I TSE, RANG GI MTSAN NYID MA ZIN PAR 'GYUR RO, ,GAL TE 'DAS PA MED DU ZIN NA NI, DES NA DE'I TSE RANG GI MTSAN NYID DANG BRAL BAR 'GYUR RO, ,DE LTAR GYUR NA RANG GI MTSAN NYID YONGS SU MA GRUB PAR 'GYUR TE, DE BAS NA RANG GI MTSAN NYID NI YONGS SU MA GRUB CES BYA BAR MI RUNG NGO SNYAM STE, DES NA DE 'DAS PA YANG YOD, MA 'ONGS PA YANG YOD CES DE LTAR LTA ZHING DE SKAD SMRA'O, ,DE LA 'DI SKAD CES BRJOD PAR BYA STE, CI 'DAS PA DANG, MA 'ONGS PA'I MTSAN NYID DA LTAR GYI MTSAN NYID DANG, THA DAD PA MA YIN PA'I MTSAN NYID DAM, 'ON TE THA DAD PA'I MTSAN NYID DU 'DOD, GAL TE THA DAD PA MA YIN PA'I MTSAN NYID YIN NA NI, MTSAN NYID DUS GSUM DU RNAM PAR GZHAG TU MI RUNG NGO, ,GAL TE THA DAD PA'I MTSAN NYID YIN NA NI, YONGS SU GRUB PA'I MTSAN NYID CES BYAR MI RUNG NGO, ,DE LA 'DI SKAD CES KYANG BRJOD PAR BYA STE, CI DUS SU GTOGS PA'I CHOS RTAG PA'I MTSAN NYID DAM, 'ON TE MI RTAG PA'I MTSAN NYID DU 'DOD, GAL TE RTAG PA'I MTSAN NYID YIN NA NI, DUS GSUM DU GTOGS PA ZHES BYAR MI RUNG NGO, ,GAL TE MI RTAG PA'I MTSAN NYID YIN NA NI, DES NA DUS GSUM DU DE KHO NA BZHIN DU YOD DO ZHES BYA BAR MI RUNG NGO, ,DE LA 'DI SKAD CES KYANG BRJOD PAR BYA STE, CI MA 'ONGS PA DA LTAR GYI DUS SU 'ONG BAR MTHONG NGAM, 'PHOS NAS SKYE 'AM, MA 'ONGS PA'I DE KHO NA BZHIN DU 'DUG LA, DE LA BRTEN TE DA LTAR SKYE 'AM, LAS MI BYED PA ZHIG LAS, LAS BYED PAR 'GYUR RAM, MTSAN NYID MA RDZOGS PA ZHIG LAS MTSAN NYID RDZOGS PAR @63B 'GYUR RAM, MTSAN NYID MI 'DRA BA LAS MTSAN NYID MI 'DRA PA MA YIN PAR 'GYUR RAM, MA 'ONGS PAR 'GYUR BA ZHIG DA LTAR GYI DNGOS POR 'GYUR GAL TE 'ONG BA ZHIG YIN NA NI, DES NA YUL NA GNAS PAR YANG 'GYUR LA, DA LTAR DANG YANG BYE BRAG MED DA, THER ZUG PAR 'GYUR BAS MI RUNG NGO, ,GAL TE 'PHOS NAS SKYE BAR 'GYUR NA NI, DES NA MA 'ONGS PA YANG MA SKYES PAR 'GYUR LA, SNGON MA BYUNG BA YANG SKYES PAR 'GYUR BA DANG, MA SKYES PA YANG 'PHO BAR 'GYUR BAS DE YANG MI RUNG NGO, ,GAL TE DE KHO NA BZHIN DU 'DUG LA, DE LA BRTEN TE SKYE BAR 'GYUR NA YANG, DES NA THER ZUG PAR YANG 'GYUR LA, SNGON MA BYUNG BA YANG SKYES PAR 'GYUR BA DANG, MA 'ONGS PA YANG MA SKYES PA'I PHYIR MI RUNG NGO, ,GAL TE LAS MI BYED PA YIN PA LAS, LAS BYED PAR 'GYUR NA NI, DES NA MA BYUNG BAR 'GYUR TE, SKYON SNGA MA RNAMS JI LTA BA BZHIN DU 'GYUR BAS DE YANG MI RUNG NGO, ,LAS DE YANG CI DE DANG THA DAD PA'I MTSAN NYID DAM, THA DAD PA MA YIN PA'I MTSAN NYID DU 'DOD, GAL TE THA DAD PA'I MTSAN NYID YIN NA NI, DE'I MA 'ONGS PA'I MTSAN NYID MED PAS MI RUNG NGO, ,GAL TE THA DAD PA MA YIN PA'I MTSAN NYID YIN NA NI, DES NA LAS MI BYED PA YIN PA LAS, LAS BYED PAR 'GYUR RO ZHES BYAR MI RUNG NGO, ,LAS MI BYED PA JI LTA BA BZHIN DU, MTSAN NYID MA RDZOGS PA DANG, MTSAN NYID MI 'DRA BA DANG, MA 'ONGS PA'I DNGOS PO'I MTSAN NYID KYANG DE DANG 'DRA BAR RIG PAR BYA'O, ,DE LA BYE BRAG NI 'DI YIN TE RANG BZHIN 'DRES PA'I SKYON YOD PA'I PHYIR MI RUNG NGO, ,MA 'ONGS PA DANG DA LTAR JI LTA BA BZHIN DU, DA LTAR DANG 'DAS PA LA YANG GTAN TSIGS 'DI DAG NYID DANG, LAN GYI LAM 'DI NYID KYIS, CI RIGS PAR SKYON DANG LDAN PAR BLTA BAR BYA STE, DE LTAR NA RANG GI MTSAN NYID DANG, SPYI'I MTSAN NYID DANG, 'ONGS PA DANG, 'PHOS PA DANG, BRTEN TE SKYE BA DANG, LAS DANG MTSAN NYID MA RDZOGS PA DANG, MTSAN NYID MI 'DRA BA DANG, MA 'ONGS PA'I DNGOS POS KYANG 'DAS PA DANG, MA 'ONGS PA RDZAS SU YOD PAR SMRA BA MI RUNG NGO, ,DE SKAD DU LAN BTAB KYANG @64A *, ,YANG 'DI SKAD CES ZER TE, GAL TE 'DAS PA DANG, MA 'ONGS PA MED DU ZIN NA, DMIGS PA MED PA LA JI LTAR BLO 'JUG PAR 'GYUR, GAL TE 'JUG NA YANG SKYE MCHED BCU GNYIS PO THAMS CAD YOD DO ZHES BYA BA'I BAR DU GSUNGS PA'I LUNG DANG JI LTAR 'GAL BAR MI 'GYUR ZHES ZER BA DE LA, 'DI SKAD CES BRJOD PAR BYA STE, CI 'JIG RTEN NA MED DO ZHES 'DZIN PA'I BLO MI 'JUG GAM, 'ON TE 'JUG PAR 'DOD, GAL TE MI 'JUG NA NI DES NA BDAG MED PAR 'DZIN PA DANG, RVI BONG GI RA DANG, MO GSHAM GYI BU LA SOGS PAR 'DZIN PA BLO GANG YIN PA DE YANG MED PA KHO NA'O ZHES BYAR MI RUNG NGO, ,BCOM LDAN 'DAS KYIS NYAN THOS G-YO MED PA NI NGAS GDAMS NGAG BYIN TE, YANG DAG PAR SGRUB NA, YOD PA LA YANG YOD PAR SHES, MED PA LA YANG MED PAR SHES SO ZHES GSUNGS PA GANG YIN PA DE YANG MI RUNG BAR 'GYUR RO, ,GAL TE 'JUG NA NI DE LTA NA CI BLO DE YOD DO NYAM PA DE LTA BU'I RNAM PA 'AM, MED DO SNYAM PA DE LTA BU'I RNAM PAR 'DOD, GAL TE YOD DO SNYAM PA DE LTA BU'I RNAM PA YIN NA NI, DES NA MED PAR 'DZIN PA'I BLO YOD DO SNYAM PA DE LTA BU'I RNAM PAR 'GYUR DU MI RUNG NGO, ,GAL TE MED DO SNYAM PA DE LTA BU'I RNAM PA YIN NA NI, DES NA MED PA'I RNAM PA'I BLO DE, CI DNGOS PO YOD PA LA 'JUG GAM, MED PA LA 'JUG PAR 'DOD, GAL TE YOD PA LA 'JUG NA NI, DES NA MED DO SNYAM PA DE LTA BU'I RNAM PA'I BLO DNGOS PO YOD PA LA 'JUG PA'I PHYIR MI RUNG NGO, ,GAL TE TE DNGOS PO MED PA LA 'JUG NA NI, DES NA DMIGS PA MED PA LA BLO 'JUG PA MED DO ZHES BYAR MI RUNG NGO, ,SKYE MCHED BCU NYID KYI CHOS RNAMS KYANG, YOD PA'I MTSAN NYID 'DZIN LA, MED PA DE YANG, YOD PA LA YOD PA'I MTSAN NYID YOD PA DANG MED PA LA MED PA'I MTSAN NYID YOD PA LA DGONGS NAS GSUNGS PA YIN TE, 'DI LTAR YOD PA'I MTSAN NYID KYI CHOS RNAMS KYANG, YOD PA'I MTSAN NYID 'DZIN LA, MED PA'I MTSAN NYID KYI CHOS RNAMS KYANG MED PA'I MTSAN NYID 'DZIN TE, DE BAS NA CHOS RNAMS ZHES BYA'O, ,DE LTA MA YIN DU ZIN NA YOD PA MI SHES @64B PA DANG, MED PA MI SHES PAS RNAL 'BYOR PAS SHES BYA'I CHOS LA RGYUN CHAGS SU RTOG PAR MI 'GYUR BAS MI RUNG NGO, ,'DI LTAR SEMS CAN RNAMS GNOD PA DANG BCAS PA DANG, GNOD PA MED PA'I TSOR BA MYONG BAR BYED PAS, 'DAS PA'I LAS YOD DO ZHES GSUNGS PA GANG YIN PA DE LA YANG, BAG CHAGS DE LA DE YOD PA'I 'DOGS PA LAS DGONGS NAS GSUNGS PA YIN TE, 'DU BYED GANG DAG LA DGE BA DANG MI DGE BA'I LAS SKYES NAS 'GAGS PA YOD LA, RGYU DE DANG RKYEN DES 'DU BYED BYE BRAG CAN GYI RGYUD 'JUG PA DE LA NI BAG CHAGS ZHES BYA STE, DE RGYUN DU GNAS PA LAS SDUG PA DANG MI SDUG PA'I 'BRAS BU GRUB PAR 'GYUR BA'I PHYIR MI RUNG STE, DE'I PHYIR NA NYES PA MED DO, ,'DAS PA'I GZUGS YOD DO, ,MA 'ONGS PA YOD DO, ,DA LTAR BYUNG BA YOD DO, ,DE BZHIN DU RNAM PAR SHES PA'I BAR DU YOD DO ZHES GSUNGS PA GANG YIN PA DE LA YANG 'DU BYED KYI MTSAN NYID RNAM PA GSUM MO, ,RGYU'I MTSAN NYID DANG, RANG GI MTSAN NYID DANG, 'BRAS BU'I MTSAN NYID LAS DGONGS NAS GSUNGS PA YIN TE, RGYU'I MTSAN NYID LAS DGONGS NAS MA 'ONGS PA'I YOD DO ZHES GSUNGS SO, ,RANG GI MTSAN NYID YOD PA 'DI LAS DGONGS NAS DA LTAR BYUNG BA YOD DO ZHES GSUNGS SO, ,'BRAS BU'I MTSAN NYID LAS DGONGS NAS 'DAS PA YOD DO ZHES GSUNGS TE, DE'I PHYIR NA YANG NYES PA MED DO, ,GZHAN YANG 'DAS PA DANG, MA 'ONGS PA'I MTSAN NYID DE LTAR RDZAS SU NI MI RUNG GI ,MA 'ONGS PA'I MTSAN NYID RNAM PA BCU GNYIS YOD PAR RIG PAR BYA STE, RGYUR RAB TU PHYE BA DANG, LUS MA SKYES PA DANG, RKYEN LA LTOS PA DANG, SKYES PA DANG 'DRA BA DANG, SKYE BA'I CHOS CAN DANG, MI SKYE BA'I CHOS CAN DANG, KUN NAS NYON MONGS PA MA SKYES PA DANG, RNAM PAR BYANG BA MA SKYES PA DANG, 'DOD PAR BYA BA DANG, 'DOD PAR BYA BA MA YIN PA DANG, BRTAG TU RUNG BA DANG BRTAG TU RUNG BA MA YIN PA'O, ,DA LTAR BYUNG BA LA YANG MTSAN NYID RNAM PA BCU GNYIS YOD DE, 'BRAS BU RAB TU PHYE BA DANG, LUS SKYES PA DANG, RKYEN DANG LDAN PA DANG, SKYES PA DANG 'DRA BA DANG, SKAD CIG PA DANG, MI SKYE @65A *, ,BA'I CHOS CAN DANG, KUN NAS NYON MONGS PA DANG LDAN PA DANG, RNAM PAR BYANG BA DANG LDAN PA DANG, YID DU 'ONG BA DANG, YID DU MI 'ONG BA DANG, BRTAG TU RUNG BA DANG, BRTAG TU RUNG BA MA YIN PA'O, ,'DAS PA LA YANG MTSAN NYID RNAM PA BCU GNYIS YOD PAR RIG PAR BYA STE, RGYU 'DAS PA DANG, RKYEN 'DAS PA DANG, 'BRAS BU 'DAS PA DANG, LUS ZHIG PA DANG, 'GAGS PA'I RANG BZHIN CAN DANG, MI SKYE BA'I CHOS CAN DANG, KUN NAS NYON MONGS PA RNAM PAR ZHI BA DANG, RNAM PAR BYANG BA RNAM PAR ZHI BA DANG, LTAS PA'I GNAS LTA BU DANG, LTOS PA MA YIN PA'I GNAS LTA BU DANG, BRTAG TU RUNG BA DANG, BRTAG TU RUNG BA MA YIN PA'O, ,BDAG TU SMRA BA GANG ZHE NA, 'DI LTAR 'DI NA DGE SBYONG NGAM, BRAM ZE KHA CIG 'DI LTA STE, 'DI LAS PHYI ROL PA'I MU STEGS CAN, BDAG GAM SEMS CAN NAM, SROG GAM, SKYE BA PO 'AM, GSO BA 'AM, SKYES BU 'AM, GANG ZAG GAM, DE LA SOGS PA BDEN PAR GNAS PAR YOD DO ZHES DE LTAR LTA ZHING DE SKAD SMRA BA DAG YOD DE, CI'I PHYIR DE LTAR LTA ZHING DE SKAD SMRA BAR BYED CE NA, LUNG DANG RIGS PAS BYED DE, DE LA LUNG NI SNGA MA KHO NA BZHIN NO, ,RIGS PA GANG ZHE NA, 'DI LTAR 'DI NA KHA CIG RTOG GE PA DPYOD PA CAN ZHES BYA BA NAS SNGA MA BZHIN TE, BLO SNGON DU BTANG BA MA YIN PAS, YOD PA LA SEMS CAN GYI BLO 'JUG PA DMIGS PA DANG, BLO SNGON DU BTANG NAS SPYOD PA DMIGS PA DANG, RNAM PA GNYIS KYIS DE 'DI SNYAM DU SEMS TE, GAL TE BDAG MED DU ZIN NA, DNGOS PO RNAM PA LNGA MA THONG BA NA, RNAM PA LNGAS BDAG TU BLO 'JUG PAR 'GYUR BA'I MI RIGS TE, GZUGS KYI DBYIBS MTHONG NA GZUGS KYI BLO KHO NA 'JUG PA'I RIGS KYI, SEMS CAN GYI BLO 'JUG PA'I MI RIGS SO, ,BDE BA DANG SDUG BSNGAL GYIS G-YEN SPYO BA'I 'DU BYED MTHONG NA, TSOR BA LA SOGS PA'I BLO KHO NA 'JUG PA'I RIGS KYI, SEMS CAN LA DMAS PA DANG MTHOS PA'I BLO 'JUG PA'I MI RIGS SO, ,MING DANG LDAN PA MING DANG 'BREL BA'I 'DU BYED MTHONG NA, 'DU SHES KYI BLO KHO NA 'JUG PA'I RIGS @65B KYI, RGYAL RIGS SAM, BRAM ZE 'AM, RJE'U RIGS SAM, DMANGS RIGS SAM, SANGS RGYAS BYIN NAM, YON TAN BSHES GNYEN ZHES SEMS CAN GYI BLO 'JUG PA'I MI RIGS SO, ,DGE BA DANG MI DGE BA'I SPYOD PA DANG 'BREL BA'I 'DU BYED MTHONG NA, 'DU BYED KYI BLO KHO NA 'JUG PA'I RIGS KYI, BYIS PA DANG MKHAS PA ZHES SEMS CAN GYI BLO 'JUG PA'I MI RIGS SO, ,YUL LA RNAM PAR SHES PA 'JUG PA MTHONG NA, SEMS CAN GYI BLO KHO NA 'JUG PA'I RIGS KYI, NGAS MTHONG NGO ZHES BYA BA LA SOGS PAR SEMS CAN GYI BLO 'JUG PA'I MI RIGS SO SNYAM MO, ,DE LTAR BLO SNGON DU MA BTANG BAR DNGOS PO LNGA PO RNAMS LA, RNAM PA LNGAR SEMS CAN GYI BLO KHO NA 'JUG PAR 'GYUR GYI 'DU BYED KYI BLO 'JUG PAR MI 'GYUR TE, DE BAS NA BLO SNGON DU MA BTANG BAR DES SEMS CAN GYI BLO 'JUG PA'I DMIGS PA MTHONG NAS, 'DI SNYAM DU SEMS TE, BDAG YOD DO SNYAM MO, ,DE 'DI SNYAM DU SEMS TE, GAL TE BDAG MED DU ZIN NA, BDAG GI MIG GIS GZUGS RNAMS MTHONG BAR 'GYUR RO, ,MTHONG NGO, ,MTHONG ZIN NO, ,YANG NA MTHONG BAR MI 'GYUR RO ZHES DE LTA BU'I MNGON PAR 'DU BYED PA SNGON DU BTANG STE, 'DU BYED RNAMS LA BLO SNGON DU 'GRO BA'I SPYOD PA DMIGS PA'I MI RIGS SO, ,LTA BA LA JI LTA BA BZHIN DU, RNA BA DANG, SNA DANG, LCE DANG, LUS DANG, YID LA YANG DE DANG 'DRA BAR RIG PAR BYA'O, ,DE BZHIN DU DGE BA'I LAS MNGON PAR 'DU BYED PA LAS DGE BA'I LAS GRUB PA DANG, MI DGE BA'I LAS MNGON PAR 'DU BYED PA LAS MI DGE BA'I LAS 'GRUB PA LA SOGS PA LA BLO SNGON DU BTANG NAS SPYOD PA DMIGS PA MI RIGS TE, DE YANG 'DU BYED TZAM 'BA' ZHIG GIS NI MI RUNG NGO SNYAM MO, ,DES NA DE 'DI SNYAM DU SEMS TE, BDAG YOD DO SNYAM MO, ,DE LA 'DI SKAD CES BRJOD PAR BYA STE, CI GANG MTHONG BA DE NYID LA SEMS CAN GYI BLO 'BYUNG GAM, 'ON TE GZHAN MTHONG BA LA GZHAN LA SEMS CAN GYI BLO 'BYUNG BAR 'DOD, GAL TE DE NYID LA 'DOD NA NI, DES NA GZUGS LA SOGS PA LA SEMS CAN DU PHYIN CI LOG TU GYUR PAS BDAG YOD CES BYAR MI RUNG NGO, ,GAL TE @066A *, ,GZHAN LA 'DOD NA NI, DES NA DBYIBS DANG LDAN PA LA BDAG CES BYAR MI RUNG NGO, ,DMAS PA DANG, MTHOS PA DANG, RGYAL RIGS LA SOGS PA DANG, BYIS PA DANG, MKHAS PA DANG, GZUGS LA SOGS PA'I YUL 'DZIN PA LA YANG BDAG CES BYAR MI RUNG NGO, ,CI CHOS KYI RANG GI NGO BO NYID LAS SEMS CAN GYI BLO 'BYUNG BA 'AM 'ON TE GZHAN GYI NGO BO NYID LAS BYUNG BAR 'DOD, GAL TE RANG GI NGO BO NYID LAS 'DOD NA NI, DES NA GANG MTHONG BA DE NYID LA BLO PHYIN CI LOG TU 'GYUR BA'I PHYIR BDAG GI BLO MI RUNG NGO, ,GAL TE GZHAN LAS 'DOD NA YANG, DES NA YUL THAMS CAD KYANG YUL THAMS CAD KYI BLO'I RGYUR 'GYUR BAS MI RUNG NGO, ,CI SEMS CAN DU BGRANG BAS MA YIN PA LA SEMS CAN DU BGRANG BA'I BLO 'AM, SEMS CAN DU BGRANG BA LA SEMS CAN DU BGRANG BA MA YIN PA'I BLO 'AM, DE LAS GZHAN PA'I SEMS CAN DU BGRANG BA LA DE LAS GZHAN PA'I SEMS CAN DU BGRANG BA'I BLO 'BYUNG BAR 'DOD DAM MI 'DOD, GAL TE BLO 'BYUNG NA NI, DES NA SEMS CAN MA YIN PA YANG SEMS CAN DU 'GYUR LA, SEMS CAN YANG SEMS CAN MA YIN PAR 'GYUR ZHING DE LAS GZHAN PA'I SEMS CAN YANG DE LAS GZHAN PA'I SEMS CAN DU 'GYUR BAS MI RUNG NGO, ,GAL TE MI 'BYUNG NA NI, DES NA MNGON SUM GYI TSAD MA LA YANG SKUR BA BTAB PAR GYUR PAS MI RUNG NGO, ,CI SEMS CAN GYI BLO GANG YIN PA DE MNGON SUM GYI DON 'DZIN PA 'AM, 'ON TE RJES SU DPAG PA'I DON 'DZIN PAR 'DOD, GAL TE MNGON SUM GYI DON 'DZIN NA NI, DES NA GZUGS LA SOGS PA'I PHUNG PO RNAMS NYID, MNGON SUM DU 'GYUR GYI, SEMS CAN MNGON SUM DU MI 'GYUR BAS MI RUNG NGO, ,GAL TE RJES SU DPAG PA'I DON 'DZIN NA NI, DES NA BYIS PA CHUNG NGU RNAMS KYANG MA BRTAGS PAR 'PHRAL LA 'JUG PAR 'GYUR BAS MI RUNG NGO, ,DE LA 'DI SKAD CES KYANG BRJOD PAR BYA STE, CI SPYOD PA BLO'I RGYU LAS BYUNG BA 'AM, 'ON TE SEMS CAN GYI RGYU LAS BYUNG BAR 'DOD, GAL TE BLO'I RGYU LAS BYUNG NA NI, BDAG GI SPYOD PA ZHES BYAR MI RUNG NGO, ,GAL TE BDAG GI RGYU LAS BYUNG NA NI, BLO @066B SNGON DU 'GRO BA'I SPYOD PA ZHES BYAR MI RUNG NGO, ,CI SPYOD PA'I RGYU MI RTAG PA 'AM, 'ON TE RTAG PAR 'DOD, GAL TE MI RTAG NA NI 'GYUR BA YOD PAS BDAG GI SPYOD PA ZHES BYAR MI RUNG NGO, ,GAL TE RTAG CING 'GYUR BA MED NA NI, DES NA 'GYUR BA MED PAS SPYOD PA ZHES BYAR MI RUNG NGO, , CI SEMS CAN RTZOL BA'I BDAG NYID CAN ZHIG SPYOD PAR 'GYUR BA 'AM, 'ON TE MI RTZOL BA'I BDAG NYID CAN ZHIG SPYOD PAR 'DOD, GAL TE RTZOL BA'I BDAG NYID CAN ZHIG YIN NA NI, DES NA RTAG TU SPYOD PA DANG LDAN PAS YANG SPYOD DO ZHES BYAR MI RUNG NGO, ,GAL TE MI RTZOL BA'I BDAG NYID CAN ZHIG YIN NA NI, DES NA MI RTZOL BA'I BDAG NYID CAN SPYOD DO ZHES BYAR MI RUNG NGO, ,CI RGYU YOD PAS SEMS CAN SPYOD PA'AM, 'ON TE RGYU MED PAR SPYOD PAR 'DOD, GAL TE RGYU YOD NA NI SEMS CAN GYI SPYOD PA LA YANG, BYED DU 'JUG PA GZHAN ZHIG YOD PAR 'GYUR BAS MI RUNG NGO, , GAL TE RGYU MED PA YIN NA NI, RTAG TU DUS THAMS CAD DU THAMS CAD SPYOD PAR 'GYUR BAS MI RUNG NGAM CI SEMS CAN RANG DBANG GIS SPYOD PA'AM, 'ON TE GZHAN GYI DBANG GIS SPYOD PAR 'DOD, GAL TE RANG DBANG YOD NA NI, BDAG NYID NA PA DANG, RGA BA DANG, 'CHI BA DANG, SDUG BSNGAL BA DANG, KUN NAS NYON MONGS PA'I SPYOD PA'I MI RIGS SO, ,GAL TE GZHAN GYI DBANG GIS SPYOD NA NI, BDAG SPYOD DO ZHES BYAR MI RUNG NGO, ,DE LA 'DI SKAD CES KYANG BRJOD PAR BYA STE, CI PHUNG PO TZAM SEMS CAN DU 'DOGS PA 'AM, 'ON TE PHUNG PO LA YOD PA 'AM, PHUNG PO RNAMS DANG THA DAD PA 'AM, PHUNG PO MED PA ZHIG TU 'DOD, GAL TE PHUNG PO TZAM DU ZAD PAR 'DOD NA NI, DES NA PHUNG PO RNAMS DANG THA DAD PA MED PAS BDAG BDEN PAR GNAS PAR YOD DO ZHES BYAR MI RUNG NGO, ,GAL TE PHUNG PO RNAMS LA YOD NA NI, DE RTAG PA 'AM MI RTAG PA ZHIG YIN GRANG STE, GAL TE RTAG NA NI RTAG PA LA BDE BA DANG SDUG BSNGAL GYIS PHAN PA DANG, GNOD PAR 'GYUR BA'I MI RIGS SO, ,PHAN PA DANG GNOD PAR 'GYUR BA YANG MED NA NI, CHOS DANG CHOS MA YIN PA LA 'JUG PA'I MI RIGS SO, ,CHOS DANG CHOS MA YIN PA LA 'JUG PA MED NA NI, @067A *, ,LUS GTAN SKYE BAR MI 'GYUR TE, 'BAD MI DGOS PAR BDAG RTAG TU GROL BAR 'GYUR BAS MI RUNG NGO, ,GAL TE MI RTAG NA NI, 'DU BYED RNAMS LAS LOGS SHIG DANG, 'JIG PA DANG SKYE BA RGYUN GYIS 'JUG PA YANG MI DMIGS PAS MI RUNG LA, 'DIR ZHIG PAR GYUR PA GZHAN DU MA BYAS PAR THOB PA'I SKYON DU YANG 'GYUR BAS MI RUNG NGO, ,GAL TE PHUNG PO RNAMS DANG THA DAD NA NI, DES NA SEMS CAN 'DU MA BYAS ZHES BYAR MI RUNG NGO, ,GAL TE PHUNG PO MED PA ZHIG YIN NA NI, DES NA LUS DANG 'BREL PA MED PA'I PHYIR RTAG TU KUN NAS NYON MONGS PA CAN MA YIN PAR 'GYUR BAS BDAG CES BYAR MI RUNG NGO, ,CI LTA BA PO LA SOGS PA'I MTSAN NYID GCIG YIN NAM, 'ON TE DE DANG THA DAD PA'I MTSAN NYID GCIG YIN PAR 'DOD, GAL TE LTA BA PO LA SOGS PA'I MTSAN NYID GCIG YIN NA NI, DES NA CI LTA BA LA SOGS PA LA LTA BA LA SOGS PAR BTAGS NAS LTA BA PO'I MTSAN NYID CES BYA BA'AM, 'ON TE DE DAG DANG THA DAD PA ZHIG YIN, GAL TE LTA BA LA SOGS PA LA GDAGS NA NI, DES NA LTA BA LA SOGS PA RNAMS NYID LTA BA POR GYUR GYI, BDAG NI LTA BA LA SOGS PA DANG BYE BRAG MED PAS LTA BA POR MI RUNG NGO, ,GAL TE DE DAG DANG THA DAD NA NI, DES NA LTA BA LA SOGS PA DE DAG BDAG GI LAS SAM BYED PA ZHIG TU 'GYUR GRANG NA, GAL TE LAS YIN NA NI, DE YANG SA BON DANG 'DRA BAS DES NI MI RTAG PAR 'GYUR TE MI RUNG NGO, ,GAL TE RDZA MKHAN LA SOGS PA THA SNYAD DU GDAGS PA'I MI LTA BU ZHIG YIN NA NI, DES NA MI RTAG PA DANG, KUN RDZOB TU GYUR PAS MI RUNG NGO, ,GAL TE RDZU 'PHRUL DANG LDAN PA'I THA SNYAD DU GDAGS PA'I MI LTA BU ZHIG YIN NA NI, DES NA MI RTAG PA DANG, KUN RDZOB TU YANG 'GYUR LA, DE DON THAMS CAD LA 'DOD DGUR BYED PAR 'GYUR BAS MI RUNG NGO, ,GAL TE SA LTA BU ZHIG YIN NA NI, DES NA MI RTAG PAR YANG 'GYUR LA, SA LTAR LAS GSAL BA YANG MA YIN PAS MI RUNG NGO, ,'DI LTAR SA'I LAS NI GSAL BAR DMIGS TE, DE'I DBANG GIS THUR DU MI LTUNG BA YIN NO, ,GAL TE NAM MKHA' LTA BU @067B ZHIG YIN NA NI, DES NI GZUGS MED PA TZAM LA NAM MKHAR GDAGS PAR ZAD PAS MI RUNG NGO, ,GDAGS PAS YOD PA'I TSUL GYIS YOD PA ZHIG YIN YANG, DE'I LAS NI GSAL BAR DMIGS LA, BDAG GI NI DE LTA MA YIN PAS MI RUNG STE, ,'DI LTAR NAM MKHA' LAS NI GSAL BAR DMIGS TE, DE'I DBANG GIS 'ONG BA DANG 'GRO BA DANG, BSKUM PA DANG, BRKYANG BA LA SOGS PA'I LAS 'JUG STE, DE BAS NA LAS YIN ZHES BYAR MI RUNG NGO, ,GAL TE BYED PA YIN NA NI, DES NA GAL TE ZOR BA LA SOGS PA DANG 'DRA NA, DES NA JI LTAR ZOR BA LA SOGS PAS GZHAN GCAD PA LA SOGS PA'I BYA BA BYED PA DE BZHIN DU, LTA BA LA SOGS PA LAS, LTA BA LA SOGS PA THA DAD PA GZHAN MI DMIGS PAS MI RUNG NGO, ,GAL TE ME LTA BU ZHIG YIN NA NI, DES NA BDAG TU RTOG PA DON MED PAR 'GYUR BAS MI RUNG STE, 'DI LTAR ME NI SREG PA PO MED PAR YANG, BDAG NYID KYIS SREG PAR BYED DO, ,GAL TE LTA BA PO LA SOGS PA'I MTSAN NYID LAS GZHAN ZHIG YIN NA NI, DES NA TSAD MA THAMS CAD MED PA'I MTSAN NYID LA BDAG CES BYAR MI RUNG NGO, ,DE LA 'DI SKAD CES KYANG BRJOD PAR BYA STE, CI GANG KUN NAS NYON MONGS PA DANG, RNAM PAR BYANG BA'I MTSAN NYID DANG LDAN PA DE, KUN NAS NYON MONGS PA 'AM, RNAM PAR BYANG BAR 'GYUR RAM, 'ON TE DE'I MTSAN NYID DANG MI LDAN PA DE LTAR 'GYUR BAR 'DOD, GAL TE GANG KUN NAS NYON MONGS PA DANG, RNAM PAR BYANG BA'I MTSAN NYID DANG LDAN PA DE KUN NAS NYON MONGS PA'AM, RNAM PAR BYANG BAR 'GYUR NA NI, DES NA 'DU BYED GANG YIN PA RNAMS LA, YAMS KYI NAD DANG, GNOD PA DANG, 'GO BA'I NAD RNAMS DANG, DE ZHI BAR 'GYUR BA DANG, PHAN 'DOGS PA DAG DMIGS TE, 'DU BYED DE DAG KUN NAS NYON MONGS PA DANG, RNAM PAR BYANG BA'I MTSAN NYID DANG LDAN PA YIN NO, ,DE BAS NA BDAG MED PAR YANG 'DI LTA STE, PHYI ROL GYI DNGOS PO RNAMS DANG, NANG GI LUS DE DAG KUN NAS NYON MONGS PA DANG, RNAM PAR BYANG BAR 'GYUR BA'I PHYIR MI RUNG NGO, ,GAL TE DE'I MTSAN NYID DANG MI LDAN PA YIN NA NI, DES @068A *, ,NA KUN NAS NYON MONGS PA DANG, RNAM PAR BYANG BA'I MTSAN NYID DANG BRAL BA'I BDAG KUN NAS NYON MONGS PA DANG, RNAM PAR BYANG BAR 'GYUR BAS MI RUNG NGO, ,DE LA 'DI SKAD CES KYANG BRJOD PAR BYA STE, CI GANG 'JUG PA'I MTSAN NYID DANG LDAN PA DE 'JUG KYANG 'JUG LA LDOG KYANG LDOG PAR 'GYUR RAM, 'ON TE DE'I MTSAN NYID DANG MI LDAN PA DE LTAR 'GYUR BAR 'DOD, GAL TE GANG MTSAN NYID DANG LDAN PA DE DE LTAR 'GYUR NA NI, DES NA 'DU BYED RNAMS LA 'JUG PA'I MTSAN NYID RNAM PA LNGA DMIGS TE, 'DI LTAR RGYU DANG LDAN PA DANG, SKYE BA'I NGANG CAN DANG, 'JIG PA'I NGANG CAN DANG, GZHAN DANG GZHAN GCIG NAS GCIG TU 'JUG PA DANG 'GYUR BA GANG YIN PA DE NI 'JUG PA'I MTSAN NYID YIN TE, DE YANG 'DI LTA STE, 'DU BYED LUS DANG, MYU GU DANG, CHU KLUNG DANG, MAR ME DANG, BYA BA DANG, BZHON PA'I RGYUN RNAMS LA DMIGS TE, DES NA BDAG MED PAR YANG 'DU BYED RNAMS NYID 'JUG CING LDOG PA'I PHYIR MI RUNG NGO, ,GAL TE DE'I MTSAN NYID DANG MI LDAN PA ZHIG YIN NA NI, DES NA 'JUG PA'I MTSAN NYID MED PA'I BDAG NYID 'JUG CING LDOG PAR 'GYUR RO ZHES BYAR MI RUNG NGO, ,DE LA 'DI SKAD CES KYANG BRJOD PAR BYA STE, CI YUL GYIS BSKYED PA'I BDE BA DANG SDUG BSNGAL BAR 'GYUR BA GANG YIN PA DANG, SEMS KYIS 'GYUR BA GANG YIN PA DANG, NYON MONGS PA DANG, NYE BA'I NYON MONGS PA RNAMS KYIS 'GYUR BA GANG YIN PA DE NI ZA BA PO 'AM, BYED PA PO 'AM, GROL PA POR 'DOD DAM, 'ON TE MI 'GYUR BA GANG YIN PA DE DE LTAR 'DOD, GAL TE 'GYUR BA DE LA DE LTAR 'DOD NA NI, DES NA 'DU BYED RNAMS NYID ZA BA PO DANG, BYED PA PO DANG, GROL BA POR 'GYUR BAS BDAG MI RTAG PAR 'GYUR BA'I PHYIR MI RUNG NGO, ,GAL TE 'GYUR BA MED PA ZHIG YIN NA NI, DES NA ZA BA PO DANG, BYED PA PO DANG, GROL BA PO BDAG YIN PAR 'GYUR TE, 'GYUR BA MED PAR MI RUNG NGO, ,DE LA 'DI SKAD CES KYANG BRJOD PAR BYA STE, CI BDAG NYID LA BYED PA POR 'DOGS PA 'AM, 'ON TE BDAG LAS GZHAN PA LA YANG 'DOGS PAR 'DOD, @068B GAL TE BDAG NYID LA 'DOGS NA NI, ME SREG PAR BYED DO, ,'OD SNANG BAR BYED DO ZHES BYAR MI RUNG NGO, ,GAL TE GZHAN LA YANG 'DOGS NA NI, DES NA LTA BA LA SOGS PA'I DBANG PO RNAMS LA YANG, BYED PA POR 'DOGS PAS BDAG TU RTOG PA DON MED PAR 'GYUR TE MI RUNG NGO,, DE LA 'DI SKAD CES KYANG BRJOD PAR BYA STE, CI BDAG NYID LA BDAG TU 'DOGS PA 'AM, 'ON TE GZHAN LA YANG 'DOGS PAR 'DOD, GAL TE BDAG NYID LA 'DOGS NA NI, DES NA THA SNYAD DU GDAGS PA'I MI'I LUS LA YON TAN BSHES GNYEN DANG, SANGS RGYAS BYIN ZHES BYA BA LA SOGS PA GDAGS SU MI RUNG NGO, ,GAL TE GZHAN LA 'DOGS NA NI, DES NA 'DU BYED TZAM LA BDAG TU 'DOGS PAR ZAD DE, BDAG TU RTOG PA DON MED PAR 'GYUR BAS MI RUNG STE, 'DI LTAR 'DI NA THA SNYAD DU GDAGS PA'I MI NYID, BDAG LA YANG SEMS CAN NO SNYAM DU SEMS LA, GZHAN DAG LA YANG RNAM PAR STON PAR BYED DO, ,DE LA 'DI SKAD CES KYANG BRJOD PAR BYA STE, CI BDAG TU LTA BA GANG YIN PA 'DI DGE BA 'AM MI DGE BAR 'DOD, GAL TE DGE BA YIN NA DES NA RMONGS PA RNAMS LA SHAS CHER LHAG PAR SKYE BA DANG, SBYOR BA MED BAR YANG SKYE BA DANG, THAR PA LA SKRAG PAR BYED PA DANG, NYES PA GSO BAR BYED PA'I PHYIR MI RUNG NGO, ,GAL TE MI DGE BA YIN NA NI, DES NA DE LTA YIN NA PHYIN CI MA LOG PA ZHES BYAR MI RUNG STE, DE LA PHYIN CI LOG YOD PAR GYUR NA BDAG YOD CES BYAR MI RUNG NGO, ,CI BDAG MED PAR LTA BA DGE BA 'AM MI DGE BA YIN PAR 'DOD, GAL TE DGE BA YIN NA NI, DES NA BDAG BDE BAR GNAS PA YOD PAR GYUR NA, BDAG MED PAR LTA BA DGE BA PHYIN CI MA LOG PA ZHES BYAR MI RUNG NGO, ,GAL TE MI DGE BA YIN NA NI, DES NA THAMS CAD MKHYEN PAS GSUNGS PA DANG, SBYOR BA LAS SKYES PA DANG, THAR PA LA SKRAG PAR MI BYED PA DANG, DKAR PO'I 'BRAS BU 'PHRAL DU THOB PAR BYED PA DANG, NYES PA RNAMS KYI GNYEN POR GYUR PA ZHES BYAR MI RUNG NGO, ,CI BDAG NYID LA BDAG YOD DO SNYAM DU SEMS SAM 'ON TE BDAG TU LTA BA YIN PAR 'DOD, GAL TE @069A *, ,BDAG KHO NA'O SNYAM DU SEMS NA NI, DES NA NAMS KYANG BDAG MED DO SNYAM PA'I BLO 'BYUNG BAR MI 'GYUR BAS MI RUNG NGO, ,GAL TE BDAG TU LTA BA YIN NA NI, DES NA BDAG MED BZHIN DU 'DU BYED TZAM LA BDAG TU LTA BA'I DBANG GIS BDAG YOD DO SNYAM DU SEMS PA MI RUNG STE, DE'I PHYIR YANG BDAG YOD DO ZHES BYAR MI RUNG NGO, ,DE LTAR NA BLO SNGON DU MA BTANG BAR DE'I BLO 'JUG PA DANG, BLO SNGON DU BTANG STE SPYOD PA STON PA DANG, PHUNG PO RNAMS LA 'DOGS PA DANG, MTSAN NYID RNAM PAR GZHAG PA DANG, KUN NAS NYON MONGS PA DANG, RNAM PAR BYANG PA RNAM PAR GZHAG PA DANG, 'JUG PA DANG, LDOG PA RNAM PAR GZHAG PA DANG, ZA BA PO DANG, BYED PA PO DANG, GROL BA PO RNAM PAR GZHAG PA DANG, BYED PA POR 'DOGS PA DANG, BRJOD PAR 'DOGS PA DANG, LTA BA 'DOGS PAS KYANG BDAG YOD PAR MI RUNG NGO; ,YANG YANG DAG PA'I BDAG GI MTSAN NYID BSHAD PAR BYA STE, CHOS RNAMS LA BDAG 'DOGS LA, DE RDZAS SU 'GYUR DU 'ONG BA'I PHYIR DE DAG LAS THA DAD PA DANG THA DAD PA MA YIN PAR BRJOD PAR MI BYA'O, ,YANG NA CHOS DE DAG BDAG GI MTSAN NYID KHO NA YIN TE, YANG MI RTAG PA'I MTSAN NYID DANG, MI BRTAN PA'I MTSAN NYID DANG, YID BRTAN DU MI RUNG BA'I MTSAN NYID DANG, RNAM PAR 'GYUR BA'I MTSAN NYID DANG, SKYE BA'I CHOS KYI MTSAN NYID DANG, RGA BA DANG NA BA DANG 'CHI BA'I CHOS KYI MTSAN NYID DANG, CHOS TZAM GYI MTSAN NYID DANG, SDUG BSNGAL GYI MTSAN NYID YIN TE, 'DI LTAR BCOM LDAN 'DAS KYIS KYANG, DGE SLONG DAG KHYOD KYI CHOS KYI BDAG NI 'DI YIN TE, DGE SLONG KHYOD KYI BDAG NI MI RTAG PA'O, ,DGE SLONG KHYOD KYI BDAG NI MI BRTAN PA DANG, YID BRTAN DU MI RUNG BA DANG, RNAM PAR 'GYUR BA'I CHOS CAN NO ZHES BYA BA LA SOGS PA GSUNGS SO, ,YANG RGYU RNAM PA BZHIS NA, 'DU BYED RNAMS LA SEMS CAN 'DOGS PAR RIG PAR BYA STE, THA SNYAD LA BDE BAR BYA BA DANG, 'JIG RTEN DANG MTHUN PAR BYA BA DANG, SEMS CAN GYI DNGOS PO RNAM PA THAMS CAD KYIS MED DO SNYAM STE, SKRAG PA LA GSAL BA @069B DANG BDAG DANG, PHA ROL LA THA SNYAD KYIS YON TAN DANG LDAN PA DANG, SKYON DANG LDAN PAR YID CHES PA BSKYED PA'I PHYIR TE, DE BAS NA BDAG TU SMRA BA YANG RIGS PAS BSKYED PA MA YIN NO, ,RTAG PAR SMRA BA GANG ZHE NA, 'DI LTA STE, 'DI NA DGE SBYONG NGAM, BRAM ZE KHA CIG CES BYA BA NI SNGA MA BZHIN NO, ,BDAG DANG 'JIG RTEN NI RTAG PA STE, BYAS PA MA YIN PA DANG, BYAS PAS BYAS PA MA YIN PA DANG, SPRUL PA MA YIN PA DANG, SPRUL PAS BYAS PA MA YIN PA DANG, GSAD DU MED PA DANG, THER ZUG TU GNAS PA DANG, SROG SHING LTAR BRTAN PAR GNAS PA'O SNYAM DU 'DZIN TO, 'DI LTA STE, RTAG PAR SMRA BA DANG, KHA CIG RTAG PAR 'DZIN PA SNGON GYI MTHA' LA RTOG PA RNAMS DANG, PHYI MA'I MTHA' LA RTOG PA 'DU SHES CAN DU SMRA BA RNAMS DANG, 'DU SHES CAN MA YIN PAR SMRA BA RNAMS DANG, 'DU SHES YOD PA YANG MA YIN 'DU SHES MED PA YANG MA YIN PAR SMRA BA RNAMS SO, ,YANG NA KHA CIG NI RDUL PHRA MO RTAG PAR 'DZIN TO, ,CI'I PHYIR BDAG DANG 'JIG RTEN RTAG GO ZHES DE LTAR LTA ZHING JI SKAD SMRA ZHE NA, DE'I GTAN TSIGS NI MDO 'DI NYID LAS JI SKAD 'BYUNG BA BZHIN DU CI RIGS PAR RIG PAR BYA'O, ,DE LA SNGON GYI MTHA' LA RTOG PA RNAMS KYIS NI, BSAM GTAN CHUNG NGU DANG, 'BRING DANG CHEN PO LA BRTEN NAS, SNGON GYI GNAS RJES SU DRAN PAS 'DAS PA'I DUS LA SNGON GYI MTHAR RTOG STE, RTEN CING 'BREL BAR 'BYUNG BA LA MI MKHAS PA, 'DAS PA'I 'DU BYED RNAMS LA DRAN PA TZAM DU YANG DAG PA JI LTA BA BZHIN DU MI SHES PA RNAMS LA LTA BAR GYUR PA DE 'BYUNG NGO, ,YANG NA LHA'I MIG LA BRTEN NAS DA LTAR GYI DUS LA SNGON GYI MTHAR RTOG PA, 'DU BYED RNAMS SKAD CIG GIS 'JIG PAS RJES SU 'JUG PA YANG DAG PA JI LTA BA BZHIN DU MI SHES PA RNAMS DANG, 'JIG RTEN 'DI NAS 'JIG RTEN PHA ROL DU RNAM PAR SHES PA'I RGYUD KYIS RGYUN DMIGS PA RNAMS LA LTA BAR GYUR PA DE 'BYUNG NGO, ,TSANGS PAS RANG GI YID LA BSAMS PA GRUB PA DMIGS PA DANG, 'BYUNG BA CHEN PO RNAM PAR 'GYUR BA DANG, RNAM PAR SHES PA RNAM PAR 'GYUR BAR DMIGS PA DANG, PHYI @070A *, ,MA'I MTHAR 'DU SHES PA DANG TSOR BA THA DAD PAR NI MTHONG LA, MTSAN NYID THA DAD PAR NI MA MTHONG BA LA LTA BAR GYUR PA DE 'BYUNG STE, DES NA DE 'DI SNYAM DU SEMS TE, BDAG DANG 'JIG RTEN NI RTAG GO SNYAM MO, ,RDUL PHRA MO RTAG PAR 'DZIN PA NI 'JIG RTEN PA'I BSAM GTAN LA BRTEN NAS, RTEN CING 'BREL BAR 'BYUNG BA YANG DAG PA JI LTA BA BZHIN DU MA SHES PAS, 'DI LTAR LTA STE, DNGOS PO SNGON DU 'GRO NA DNGOS PO RNAMS KYI 'BRAS BU BSAGS PA 'BYUNG LA 'BRI BA SNGON DU 'GRO NA 'JIG PAR RTOG STE, DES NA DE 'DI SNYAM DU SEMS TE, RDUL PHRA MO RNAMS LAS NI RDZAS RAGS PA 'BYUNG LA, RDZAS RAGS PA RNAM PAR BSHIG NA NI RDUL PHRA MO'I SO NA GNAS TE, DE BAS NA RDZAS RAGS PA NI MI RTAG LA RDUL PHRA MO RNAMS NI RTAG GO SNYAM MO, ,DE LA RTAG PAR LTA BA SNGON GYI MTHA' LA RTOG PA RNAMS DANG, PHYI MA'I MTHA' LA RTOG PA RNAMS NI BYE BRAG GI MTSAN NYID KYIS BSDUS PA'I PHYIR, BDAG TU SMRA BA SUN PHYUNG BAS BDAG GI BYE BRAG GI MTSAN NYID DU SMRA BA YANG SUN PHYUNG BAR 'GYUR RO, ,GZHAN YANG DE LA 'DI SKAD CES BRJOD PAR BYA STE, CI SNGON GYI GNAS RJES SU DRAN PA, PHUNG PO 'DZIN PA YIN NAM, BDAG 'DZIN PA YIN PAR 'DOD, GAL TE PHUNG PO 'DZIN PA YIN NA NI, BDAG DANG 'JIG RTEN RTAG GO ZHES BYAR MI RUNG NGO, ,GAL TE BDAG 'DZIN PA YIN NA NI, DES NA SEMS CAN DE DAG NI CHE GE MO ZHES BYA STE, DER BDAG GI MING 'DI ZHES BYA BA DANG, RIGS 'DI ZHES BYA BAR GYUR TO ZHES RGYAS PAR BRJOD PAR MI RUNG NGO, ,CI GZUGS LA DMIGS TE MIG GI RNAM PAR SHES PA MNGON SUM DU GYUR LA, YUL GZUGS KHO NA DANG PHRAD NA, DE LAS GZHAN PA'I YUL BKOD PAR GYUR PA RNAMS LA DE LAS GZHAN PA'I RNAM PAR SHES PA RNAMS 'GAGS PA 'AM, 'JUG PAR 'DOD, GAL TE 'GAG PAR 'DOD NA NI, RNAM PAR SHES PA 'GAGS PA LA RTAG GO ZHES BYAR MI RUNG NGO, ,GAL TE 'JUG NA NI DES NA YUL GCIG GIS DUS THAMS CAD DU RNAM PAR SHES PA THAMS CAD 'JUG PAR 'GYUR BAS MI RUNG NGO, ,CI 'DU SHES KYIS BYAS PA 'AM, TSOR BAS BYAS @070B PAS, BDAG LA 'GYUR BA YOD PAR 'DOD DAM, 'ON TE MI 'DOD, GAL TE 'GYUR BA YOD NA NI, DES NA BDAG DANG 'JIG RTEN RTAG GO ZHES BYAR MI RUNG NGO, ,GAL TE 'GYUR BA MED NA NI, DES NA GCIG PA NYID KYI 'DU SHES SU GYUR NAS, SNA TSOGS KYI 'DU SHES DANG, CHUNG NGU'I 'DU SHES DANG, TSAD MED PA'I 'DU SHES SU 'GYUR RO ZHES BYAR MI RUNG LA, GCIG TU NGES PAR BDE BAR GYUR NAS, GCIG TU NGES PAR SDUG BSNGAL PA DANG, BDE BA DANG BDE BA YANG MA YIN, SDUG BSNGAL BA YANG MA YIN PAR 'GYUR RO ZHES BYAR YANG MI RUNG NGO, ,DE LA GANG LA LA SROG DE LUS DE YIN NO ZHES LTA BA DE NI, BDAG GZUGS CAN DU LTA'O, ,SROG KYANG GZHAN LA LUS KYANG GZHAN NO ZHES LTA BA GANG YIN PA DE NI GZUGS CAN MA YIN PAR LTA'O, ,BDAG CHA GNYIS KA DANG, ZAD PAR DANG GNYIS SU MED PA DANG, MA TSANG BA MED PAR LTA BA GANG YIN PA DE NI, GZUGS CAN YANG MA YIN LA, GZUGS CAN MA YIN PA YANG MA YIN PA DANG, DE'I GNYEN POR DON DE NYID LA TSIG DANG YI GE GZHAN GYIS MNGON PAR ZHEN PA, BDAG GZUGS CAN YANG MA YIN LA, GZUGS CAN MA YIN PA YANG MA YIN PAR LTA'O, ,GAL TE GZUGS CAN NAM, GZUGS CAN MA YIN PA YANG RUNG STE, CHUNG NGUR LTA NA DE NI MTHA' YOD PAR LTA'O, ,GAL TE TSAD MED PAR LTA NA DE NI, MTHA' MED PAR LTA'O, ,GAL TE ZAD PAR DU LTA STE, GZUGS KYI SHAS NI CHUNG LA, GZUGS MED PA'I SHAS NI TSAD MED PA 'AM, YANG NA GZUGS MED PA'I SHAS NI CHUNG LA, GZUGS KYI SHAS NI TSAD MED PAR LTA NA, DE NI MTHA' YOD KYANG YOD LA, MTHA' MED KYANG MED PAR LTA'O, ,YANG NA DE'I GNYEN POR YI GE SNA TSOGS LA MNGON PAR ZHEN LA, DON SNA TSOGS LA MNGON PAR ZHEN PA MA YIN NA NI, MTHA' YOD PA YANG MA YIN, MTHA' MED PA YANG MA YIN PAR LTA'O, ,GROL BA NI GNYIS SU MED PAR LTA'O, ,RDUL PHRA MO RTAG PAR SMRA BA LA, 'DI SKAD CES BRJOD PAR BYA STE, CI RDUL PHRA RAB MA BRTAGS PAR BRTAGS PAR 'DOD DAM, BRTAGS NAS BRTAGS PAR 'DOD, GAL TE MA BRTAGS @71A *, ,PAR 'DOD NA NI, BRTAGS PA MED PAR RTAG PA NYID DU NGES SO ZHES BYAR MI RUNG NGO, ,GAL TE BRTAGS NA NI, DES NA TSAD MA THAMS CAD DANG 'GAL BAS MI RUNG NGO, ,CI RDUL PHRA RAB CHA PHRA BA'I PHYIR RTAG PAR 'DOD DAM, 'ON TE 'BRAS BU'I RDZAS RAGS PA DANG, THA DAD PA'I MTSAN NYID YIN PA'I PHYIR RTAG PAR 'DOD, GAL TE CHA PHRA BA'I PHYIR 'DOD NA NI, DES NA PHRA BA GANG YIN PA DE NI SHIN TU NYAM CHUNG BA'I PHYIR RTAG CES BYAR MI RUNG NGO, ,GAL TE MTSAN NYID THA DAD PA'I PHYIR RTAG PAR 'DOD NA NI, DES NA SA DANG CHU DANG ME DANG RLUNG GI MTSAN NYID LAS THAL BAS RIGS MI MTHUN PA'I MTSAN NYID LAS, 'BRAS BU DE SKYER YANG MI RUNG LA, MTSAN NYID GZHAN DU YANG MI 'THAD PAS MI RUNG NGO, ,CI RDUL PHRA RAB RNAMS DANG RDZAS RAGS PA THA DAD PA'I MTSAN NYID DAM, THA DAD PA MA YIN PA'I MTSAN NYID DU 'DOD, GAL TE THA DAD PA MA YIN PA'I MTSAN NYID YIN NA NI, RGYU DANG BYE BRAG MED PAS DE KHO NA BZHIN DU RTAG PAR YANG 'GYUR LA, RGYUR NGES PA YANG MED, 'BRAS BUR NGES PA YANG MED PAS MI RUNG NGO, ,GAL TE THA DAD PA'I MTSAN NYID YIN NA NI, DES NA CI RDUL PHRA RAB SO SO NA 'DUG PA RNAMS LAS 'GRUB PA'AM, 'ON TE 'DUS PA RNAMS LAS 'GRUB PAR 'DOD, GAL TE SO SO NA 'DUG PA RNAMS LAS 'DOD NA NI, DES NA RTAG TU 'BRAS BU THAMS CAD SKYE BAR 'GYUR LA, RGYUR NGES PA YANG MED, 'BRAS BUR NGES PA YANG MED PAS MI RUNG NGO, ,GAL TE 'DUS PA RNAMS LAS 'DOD NA NI, DES NA CI DE LAS LUS GZUGS LOGS SHIG NA 'DUG PA MA YIN PA 'AM, 'ON TE LUS GZUGS LOGS SHIG NA 'DUG PAR 'DOD, GAL TE LUS GZUGS LOGS SHIG NA 'DUG PA MA YIN NA NI, RDZAS KYI LUS LAS GRUB PA STE, LUS DE NYID DU 'GYUR BAS MI RUNG NGO, ,GAL TE LUS GZUGS LOGS SHIG NA 'DUG NA NI, DES NA RDUL PHRA RAB YAN LAG MED PAS RNAM PAR DBYE BA MED PA'I PHYIR RDZAS RAGS PA YANG RTAG PAR 'GYUR TE MI RUNG NGO, ,YANG NA RDUL PHRA RAB SNGON MED PA ZHIG 'BYUNG NA YANG RDUL PHRA RAB RTAG CES BYAR MI RUNG NGO, ,CI RDUL PHRA @71B RAB RNAMS KYI RDZAS RAGS PA RTZOM PA DE, SA BON LA SOGS PA LTA BU YIN NAM, 'ON TE RDZA MKHAN LA SOGS PA LTA BU YIN PAR 'DOD, GAL TE SA BON LA SOGS PA LTA BU YIN NA NI, DES NA SA BON LA SOGS PA BZHIN DU MI RTAG PAR 'GYUR BAS MI RUNG NGO, ,GAL TE RDZA MKHAN LA SOGS PA LTA BU YIN NA NI, DES NA RDUL PHRA RAB SEMS YOD PAR 'GYUR BAS MI RUNG NGO, ,GAL TE SA BON LA SOGS PA LTA BU YANG MA YIN LA, RDZA MKHAN LA SOGS PA LTA BU YANG MA YIN NA NI, DES NA DPE YOD PAR MI DMIGS PAS MI RUNG NGO, ,CI PHYI ROL GYI DNGOS PO RNAMS 'BYUNG BA SEMS CAN GYI PHYIR 'BYUNG BAR 'DOD DAM, 'ON TE MA YIN PAR 'DOD GAL TE SEMS CAN GYI PHYIR 'BYUNG BAR 'DOD NA NI, DES NA RDZAS RAGS PA SEMS CAN GYI PHYIR BYUNG LA, DE'I RTEN RDZAS CHA PHRA BA SEMS CAN GYI PHYIR 'BYUNG BA MA YIN PAS MI RUNG STE DE LA DE'I MTHU SUS BZLOG ,GAL TE SEMS CAN GYI PHYIR BYUNG BA MA YIN NA NI, DES NA PHYI ROL GYI DNGOS PO RNAMS BYUNG BA DGOS PA MED PAR 'GYUR BAS MI RUNG NGO, ,DE LTAR NA PHUNG PO LA SEMS CAN RJES SU DRAN PA DANG, YUL GCIG GIS RNAM PAR SHES PA THAMS CAD KYI RGYUN 'JUG PA DANG, 'DU SHES DANG TSOR BA RNAMS KYIS 'GYUR BA DANG, MI 'GYUR BAS KYANG SNGON GYI MTHAR RTOG PA RNAMS DANG, PHYI MA'I MTHAR RTOG PA RNAMS KYI RTAG PAR SMRA BA MI RUNG NGO, ,BRTAGS PA DANG MA BRTAGS PA DANG, SPYI'I MTSAN NYID DANG, RANG GI MTSAN NYID DANG RTZOM PA DANG, BZHI'I DGOS PAS KYANG, RDUL RTAG PAR SMRA BA YANG MI RUNG NGO, ,DE BAS NA SMRA BA 'DI YANG RIGS PAS BSKYED PA MA YIN NO, ,DE LTA MOD KYI RTAG PA'I MTSAN NYID BRJOD PAR BYA STE, DUS THAMS CAD DU MI 'GYUR BA'I MTSAN NYID DANG, RNAM PA THAMS CAD DU MI 'GYUR BA'I MTSAN NYID DANG, BDAG NYID MI 'GYUR BA'I MTSAN NYID DANG, GZHAN GYIS MI 'GYUR BA'I MTSAN NYID DANG, SKYE BA CAN MA YIN PA GANG YIN PA DE NI RTAG PA'I MTSAN NYID YIN PAR RIG PAR BYA'O,, ,,BAM PO BDUN PA, SNGON BYAS PA RGYUR SMRA BA GANG ZHE NA, 'DI LTAR 'DI NA DGE SBYONG NGAM, BRAM ZE KHA CIG CES BYA BA NAS, RGYAS PAR MDO LAS JI SKAD 'BYUNG BA @072A *, ,BZHIN TE, SKYES BU GANG ZAG 'DIS MYONG BA GANG CI YANG RUNG BA ZHES BYA BA NI, SDUG BSNGAL LAS BSAMS PA'O, ,SNGON BYAS PA'I RGYU LAS BYUNG BA ZHES BYA BA NI, SDIG PA'I RGYU LAS BYUNG BA LAS BSAMS PA'O, ,'DI LTAR LAS RNYING RNAMS NE DKA' THUB KYIS 'BYANG BAR 'GYUR RO ZHES BYA BA NI, TSE 'DI NYID LA DRAG PO SPYOD PA LAS BSAMS PA'O, ,LAS GSAR RNAMS NI MI BYA BA DANG, CHU LON GYIS DAG GO ZHES BYA BA NI, MI DGE BA RNAMS LAS BSAMS PA'O, ,DE LTA NA PHYIS NYES 'DZAG TU MI 'GYUR RO ZHES BYA BA NI GCIG TU NGES PAR DGE BA NYID YIN PAS PHYIS NYES 'DZAG TU MI 'GYUR BA ZHES BYA'O, ,NYES 'DZAG MED NA LAS ZAD PAR 'GYUR RO ZHES BYA BA NI, SDIG PA LAS BSAMS PA'O, ,LAS ZAD NA SDUG BSNGAL ZAD PAR 'GYUR RO ZHES BYA BAS NI, SNGON BYAS PA'I RGYU LAS BYUNG BA DANG, TSE 'DI'I GNOD PA LAS BYUNG BA LAS BSAMS PA'O, ,SDUG BSNGAL ZAD NA SDUG BSNGAL MTHAR BYED PAR 'GYUR RO ZHES BYA BA NI, TSE GZHAN GYI RGYUN 'JUG PA LAS BSAMS PA STE, 'DI LTA STE, GCER BU PA DAG LTA BU'O, ,CI'I PHYIR 'DI LTAR LTA ZHING, 'DI SKAD SMRA ZHE NA, LUNG DANG RIGS PAS BYED DE, LUNG NI SNGA MA BZHIN NO, ,RIGS PA GANG ZHE NA, 'DI LTAR 'DI NA KHA CIG RTOG GE BA YIN TE ZHES BYA BA YANG SNGA MA BZHIN NO, ,TSE 'DI'I SKYES BU'I BYED PA LA 'KHRUL PAR YOD PAR MTHONG STE, 'DI LTAR NGES 'JIG RTEN NA YANG DAG PAR SBYOR BA DANG LDAN PA LA YANG SDUG BSNGAL SKYE BA DANG, LOG PA'I SBYOR BA DANG LDAN PA LA YANG BDE BAR SKYE BAR MTHONG NAS, DE 'DI SNYAM DU SEMS TE, GAL TE 'DI SKYES BU'I BYED PA'I RGYU LAS BYUNG BA YIN NA NI, 'DI LAS LOG PAR 'GYUR BA'I RIGS NA, 'DI LTAR DE LOG PAR YANG MA GYUR TE, DE'I PHYIR 'DI NI SNGON BYAS PA'I RGYU LAS BYUNG BA YIN NO SNYAM STE, DES NA 'DI LTAR LTA ZHING 'DI SKAD SMRA BAR GYUR TO, ,DE LA 'DI SKAD CES BRJOD PAR BYA STE, CI TSE 'DI'I GNOD PA LAS BYUNG BA'I SDUG BSNGAL GANG YIN PA DE SNGON BYAS PA'I RGYU LAS BYUNG BA YIN PA'AM, 'ON TE TSE 'DI'I GNOD PA'I RGYU LAS BYUNG BA YIN, GAL TE @72B SNGON BYAS PA'I RGYU LAS BYUNG BA YIN NA NI, DES NA LAS RNYING RNAMS NI DKA' THUB KYIS 'BYANG BAR 'GYUR LA, DA LTAR BYUNG BA RNAMS NI MI BYA BA DANG CHU LON GYIS BKAG NA DE LTAR PHYIS NYES 'DZAG TU MI 'GYUR RO ZHES RGYAS PAR 'BYUNG BA MI RUNG NGO, ,GAL TE TSE 'DI'I GNOD PA'I RGYU LAS BYUNG BA YIN NA NI, SKYES BU GANG ZAG 'DIS MYONG BA GANG CI YANG RUNG, DE THAMS CAD NI SNGON BYAS PA'I RGYU LAS BYUNG BA'O ZHES BYAR MI RUNG STE, DE LTAR NA GNOD PA LAS BYUNG BA'I SDUG BSNGAL NI SNGON LAS BYAS PA'I RGYU LAS BYUNG BA DANG, SKYES BU BYED PA'I RGYU LAS BYUNG BAR YANG MI RUNG STE, DE BAS NA SMRA BA 'DI YANG RIGS PAS BSKYED PA MA YIN NO, ,DE LTA MOD KYI SNGON BYAS PA'I RGYU LAS BYUNG BAR GCIG TU NGES PA'I SDUG BSNGAL YANG YOD DE, 'DI LTAR 'DI NA KHA CIG RANG GI LAS KYI DBANG GIS NGAN SONG RNAMS DANG, RIGS NGAN RNAMS DANG, SDUG BSNGAL BA'I KHYIM RNAMS SU SKYE BA LTA BU'O, ,'DRES PA'I RGYU LAS BYUNG BA'I SDUG BSNGAL YANG YOD DE, 'DI LTA STE, RGYAL PO LA G-YOS BRTEN PA, DE NI 'BRAS BU MED PA'I RGYU LAS BYUNG BA'I SDUG BSNGAL YIN NO, ,RGYAL PO LA BRTEN PA JI LTA BA BZHIN DU, KHYIM PA'I LAS BYED PA DANG, ZHING LAS DANG RKU BA'I LAS DANG, GZHAN LA PHAN 'DOGS PA LA 'JUG PA RNAMS LA YANG, BSOD NAMS DANG LDAN PA'I 'GRUB PAR 'GYUR GYI BSOD NAMS MED PA'I SKYES BU'I BYED PA'I NI 'BRAS BU MED PAR 'GYUR RO, ,SKYES BU'I BYED PA'I RGYU LAS BYUNG BAR GCIG TU NGES PA YANG YOD DE, 'DI LTA STE, LAS GSAR SRID PA GZHAN 'PHEN PAR BYED PA, DAM PA'I CHOS NYAN CING CHOS RNAMS MNGON PAR RTOGS PA DANG, SPYOD LAM BYED PA DANG, BZO'I LAS KYI GNAS RNAMS SLOB PA DANG, DE LTA BU'I DANG MTHUN PA RNAMS NI SKYES BU'I BYED PA'I RGYU LAS BYUNG BA YIN NO, ,DBANG PHYUG LA SOGS PA BYED PA POR SMRA BA GANG ZHE NA, 'DI LTAR 'DI NA DGE SBYONG NGAM BRAM ZE KHA CIG CES BYA BA NAS RGYAS PAR SNGA MA BZHIN TE, SKYES BU GANG ZAG 'DIS MYONG BA GANG CI YANG RUNG STE, DE DAG THAMS CAD NI DBANG PHYUG GIS SPRUL PA'I RGYU LAS BYUNG BA'AM, SKYES BU GZHAN GYIS SPRUL PA'I @073A *, ,RGYU LAS BYUNG BA LA SOGS PA STE, 'DI LTA STE, DBANG PHYUG LA SOGS PA MI MTHUN PA RGYUR SMRA BA RNAMS SO, ,CI'I PHYIR DE LTAR LTA ZHING DE SKAD SMRA ZHE NA, LUNG DANG RIGS PAS BYED DE, LUNG NI SNGA MA BZHIN NO, ,RIGS PA GANG ZHE NA, 'DI LTAR 'DI NA KHA CIG RTOG GE PA YIN TE ZHES BYA BA YANG SNGA MA BZHIN NO, ,RGYU DANG 'BRAS BU LA MI 'DOD BZHIN DU BYED PAR 'JUG PA MTHONG STE, 'DI LTAR SEMS CAN RNAMS RGYU'I TSE YANG DGE BA LA 'JUG PAR BYA'O SNYAM PA LAS MI 'DOD BZHIN DU SDIG PA LA YANG 'JUG PAR 'GYUR RO, ,'BRAS BU'I TSE YANG BDE 'GRO MTHO RIS KYI 'JIG RTEN LHA RNAMS KYI NANG DU SKYES PAR BYA'O SNYAM PA LAS NGAN SONG DAG TU SKYE BAR 'GYUR BA DANG, BDE BA LA LONGS SPYOD PAR BYA'O SNYAM PA LAS SDUG BSNGAL KHO NA MYONG STE, DES NA DE 'DI SNYAM DU SEMS TE, GANG DNGOS PO RNAMS KYI BYED PA PO DANG, 'BYIN PA PO DANG, SPRUL PA PO DANG, PHA LTA BUR GYUR PA'I DBANG PHYUG GAM, DE LAS GZHAN PA DE NI YOD DO SNYAM MO, ,DE LA 'DI SKAD CES BRJOD PAR BYA STE, SDOM NI, NUS PA YOD PA MA YIN DANG, ,KHONGS SU GTOGS NA 'GAL BA DANG, ,DGOS PA DANG NI DGOS PA MED, ,RGYU YANG SKYON DANG LDAN PHYIR RO, ,CI DBANG PHYUG GIS SPRUL PA'I NUS PA GANG YIN PA DE, LAS DANG RNAL 'BYOR GYI RGYU LAS BYUNG BA'AM, 'ON TE RGYU MED PA LAS BYUNG BAR 'DOD, GAL TE LAS DANG RNAL 'BYOR GYI RGYU LAS BYUNG BA YIN NA NI, DES NA DBANG PHYUG GI LAS DANG RNAL 'BYOR GYI RGYU LAS 'GRO BA BYUNG NGO ZHES BYAR MI RUNG NGO, ,GAL TE RGYU MED PA YIN NA NI, DES NA DBANG PHYUG GI RGYU LAS 'GRO BA MA BYUNG BAS MI RUNG NGO, ,CI DBANG PHYUG 'GRO BA'I KHONGS SU GTOGS PA'AM, 'ON TE KHONGS SU MA GTOGS PAR 'DOD, GAL TE KHONGS SU GTOGS NA NI, 'GRO BA DANG CHOS MTSUNGS PAS 'GRO BA 'BYIN TO ZHES BYAR MI RUNG NGO, ,GAL TE KHONGS SU MA GTOGS NA NI DES NA GROL BAS 'GRO BA 'BYIN TO ZHES BYAR MI RUNG NGO, ,CI DGOS PA YOD PA'I PHYIR 'BYIN PA 'AM, 'ON TE DGOS PA MED PAR 'BYIN PAR 'DOD, GAL TE DGOS PA YOD PA'I PHYIR 'BYIN @73B PAR BYED NA NI, DES NA DGOS PA DE LA DBANG MED PAR GYUR PAS 'GRO BA'I DBANG PHYUG CES BYAR MI RUNG NGO, ,GAL TE DGOS PA MED NA NI, DES NA DGOS PA YANG MED LA, 'BYIN PAR YANG BYED PAR MI RUNG NGO, ,CI 'BYIN PA DBANG PHYUG GI RGYU LAS BYUNG BA 'AM, DE MA YIN PA'I LEN PA'I RGYU LAS BYUNG BAR 'DOD, GAL TE DBANG PHYUG GI RGYU LAS BYUNG BA KHO NA YIN NA NI, DES NA GANG GI TSE DBANG PHYUG YOD PA DE'I TSE, 'BYIN PA YANG YOD LA, GANG GI TSE 'BYIN PA YOD PA DE'I TSE DBANG PHYUG KYANG YOD PAR GYUR PAS, DBANG PHYUG GI RGYU LAS 'BYIN PA BYUNG NGO ZHES BYAR MI RUNG NGO, ,GAL TE DE MA YIN PA'I LEN PA'I RGYU LAS BYUNG NA NI, DES NA DBANG PHYUG GI 'DOD PA'I RGYU LAS BYUNG NGAM, 'DOD PA LAS MA GTOGS PA DE MA YIN PA'I LEN PA'I RGYU LAS BYUNG NGO, GAL TE DBANG PHYUG GI 'DOD PA'I RGYU LAS BYUNG NA NI, 'DOD PA DE YANG CI DBANG PHYUG GI RGYU LAS BYUNG BA KHO NA YIN NAM, 'ON TE MA YIN PA'I LEN PA'I RGYU LAS BYUNG BA YIN, GAL TE DBANG PHYUG GI RGYU LAS BYUNG BA KHO NA YIN NA NI GANG GI TSE DBANG PHYUG YOD PA DE'I TSE, 'DOD PA YANG YOD LA GANG GI TSE 'DOD PA YOD PA DE'I TSE DBANG PHYUG KYANG YOD PAS, RTAG TU 'BYIN PAR 'GYUR BA'I PHYIR MI RUNG NGO,, GAL TE DE MA YIN PA LEN PA'I RGYU LAS BYUNG NA NI, LEN PA YANG MI DMIGS LA, LEN PA LA DBANG BYED PAR YANG MA GYUR PAS 'GRO BA'I DBANG PHYUG CES BYAR MI RUNG STE, DE LTAR NA NUS PA DANG, KHONGS SU GTOGS PA DANG, KHONGS SU MA GTOGS PA DANG, DGOS PA YOD PA DANG, DGOS PA MED PA DANG, RGYU'I DNGOS POS KYANG MI RUNG STE, DE BAS NA SMRA BA 'DI YANG RIGS PAS BSKYED PA MA YIN NO, ,'TSE BA'I CHOS SU SMRA BA GANG ZHE NA, 'DI LTAR 'DI NA KHA CIG CES BYA BA NAS RGYAS PAR SNGA MA BZHIN TE, MCHOD SBYIN RNAMS LA GSANG SNGAGS KYI CHO GA SNGON DU 'GRO BAS SROG GCOD PAR BYED DE, MCHOD SBYIN BYED PA GANG YIN PA DANG, MCHOD SBYIN DU BYA BA GANG YIN PA DANG, GANG DAG DE'I GROGS BYED PA DE DAG THAMS CAD MTHO RIS SU 'GRO BAR 'GYUR RO SNYAM MO, ,CI'I PHYIR DE LTAR LTA ZHING DE SKAD SMRA ZHE NA, DE NI TSIG LAS 'DAS PAR SMRA BA YIN TE, G-YON CAN GYIS @74A *, ,BSGRUBS PA YIN GYI RIGS PAS MNGON PAR BRTAGS NAS GZHAG PA MA YIN TE, RTZOD PA'I DUS LA BAB PA, BRAM ZE SHA ZA BAR 'DOD PA RNAMS KYIS BRAM ZE'I CHOS RNYING PA LAS 'GAL BAR BYAS NAS 'DI BYAS PAR ZAD DO, ,DE LA 'DI SKAD CES BRJOD PAR BYA STE, CI GSANG SNGAGS KYI CHO GA GANG YIN PA DE CHOS KYI NGO BO NYID YIN PA'AM, 'ON TE CHOS MA YIN PA'I NGO