@73B *, ,,BAM PO BRGYAD PA, SDOM NI, NGO BO NYID DANG THAMS CAD DANG, ,DKA' BA DANG NI SGO KUN DANG, ,SKYES BU DAM PA LDAN PA DANG, ,DE BZHIN RNAM PA THAMS CAD DANG, ,PHONGS SHING 'DOD PA LDAN PA DANG, ,'DI DANG GZHAN DU BDE 'GYUR DANG, ,RNAM PAR DAG DANG RNAM DGU STE, ,MDOR NA TSUL KHRIMS @74A *, ,DE YIN NO, ,DE LA BYANG CHUB SEMS DPA' RNAMS KYI TSUL KHRIMS GANG ZHE NA, DE NI RNAM PA DGUR RIG PAR BYA STE, TSUL KHRIMS KYI NGO BO NYID DANG, TSUL KHRIMS THAMS CAD DANG, DKA' BA'I TSUL KHRIMS DANG, THAMS CAD KYI SGO NAS TSUL KHRIMS DANG, SKYES BU DAM PA'I KHRIMS DANG, RNAM PA THAMS CAD KYI TSUL KHRIMS DANG, PHONGS SHING 'DOD PA LA TSUL KHRIMS DANG, 'DI DANG GZHAN DU BDE BAR 'GYUR BA'I TSUL KHRIMS DANG, RNAM PAR DAG PA'I TSUL KHRIMS SO, ,DE LA TSUL KHRIMS KYI NGO BO NYID GANG ZHEN NA, MDOR BSDU NA YON TAN RNAM PA BZHI RANG LDAN PA NI BYANG CHUB SEMS DPA' RNAMS KYI TSUL KHRIMS KYI NGO BO NYID YIN PAR RIG PAR BYA STE, BZHI GANG ZHE NA, PHA ROL LAS LEGS PAR YANG DAG PAR BLANGS PA DANG, BSAM PA SHIN TU RNAM PAR DAG PA DANG, NYAMS PAR GYUR NA PHYIR GSO BAR BYED PA DANG, MI NYAMS PAR BYA BA'I PHYIR GUS PA BSKYED NAS DRAN PA NYE BAR GNAS PA'O, ,DE LA PHA ROL LAS TSUL KHRIMS YANG DAG PAR BLANGS PAS NI, BYANG CHUB SEMS DPA' BSLAB PA LAS NYAMS PAR BYED PA NA PHA ROL LA BRTEN TE KHREL YOD PA SKYE BAR 'GYUR RO, ,BSAM PA SHIN TU RNAM PAR DAG PAS NI BYANG CHUB SEMS DPA' TSUL KHRIMS RNAMS LA BSLAB PA NYAMS PAR BYED PA NA BDAG NYID LA BRTEN NAS NGO TSA SHES PA SKYE BAR 'GYUR RO, ,BSLAB PA'I GZHI NYAMS PA RNAMS SOR CHUD NAS THOG MA NYID NAS NYAMS PAR MI 'GYUR BAR GUS PA SKYES PA'I RGYU 'DI GNYIS KYIS NI BYANG CHUB SEMS DPA' 'GYOD PA MED PAR 'GYUR TE, DE LTAR BYANG CHUB SEMS DPA' DE YANG DAG PAR BLANGS PA DANG, BSAM PA RNAM PAR DAG PA LA BRTEN NAS, NGO TSA SHES PA DANG KHREL YOD PA SKYED DO, ,NGO TSA SHES PA DANG, KHREL YOD PAR GYUR NA, TSUL KHRIMS YANG DAG PAR BLANGS PA BSRUNG BAR 'GYUR RO, ,BSRUNGS NAS 'GYOD PA MED PAR 'GYUR, ,DE LA PHA ROL LAS YANG DAG PAR BLANGS PA GANG YIN PA DANG, LHAG PA'I BSAM PA RNAM PAR DAG PA'I CHOS GANG YIN PA 'DI GNYIS MI NYAMS PA LAS PHYIR GSO BA GANG YIN PA DANG, NYAMS PAR MI 'GYUR BAR @74B GUS PAR BYED PA GANG YIN PA'I CHOS 'DI GNYIS 'DREN PA YIN NO, ,DE LA PHA ROL LAS YANG DAG PAR BLANGS PA GANG YIN PA DANG, LHAG PA'I BSAM PA SHIN TU RNAM PAR DAG PA GANG YIN PA DANG, NYAMS PAR MI 'GYUR BAR GUS PAR BYED PA GANG YIN PA'I CHOS 'DI GSUM GYIS NI BYANG CHUB SEMS DPA'I TSUL KHRIMS NYAMS PAR MI 'GYUR BAR RIG PAR BYA'O, ,NYAMS PA LAS PHYIR GSO BAR BYED PAS NI ZHIG PA LAS PHYIR 'CHOS SHING SLONG BAR RIG PAR BYA'O, ,BYANG CHUB SEMS DPA' RNAMS KYI TSUL KHRIMS KYI NGO BO NYID YON TAN BZHI DANG LDAN PA DE NI YANG DAG PAR BLANGS PA DANG, RJES SU SLOB PAS BDAG PA PHAN PA DANG, GZHAN LA PHAN PA DANG, SKYE BO MANG PO LA PHAN PA DANG, SKYE BO MANG PO LA BDE BA DANG, 'JIG RTEN LA SNYING BRTZE BA DANG, LHA DANG MI RNAMS KYI DON DANG, PHAN PA DANG BDE BAR 'GYUR BA'I PHYIR DGE BA YIN PAR RIG PAR BYA'O, ,BYANG CHUB SEMS DPA'I BSLAB PA'I GZHI DPAG TU MED PA YONGS SU BSDUS PAS DPAG TU MED PAR RIG PAR BYA'O, ,SEMS CAN THAMS CAD LA PHAN PA DANG, BDE BA'I PHYIR NYE BAR GNAS PAS SEMS CAN THAMS CAD LA PHAN 'DOGS PA YIN PAR RIG PAR BYA'O, ,BLA NA MED PA YANG DAG PAR RDZOGS PA'I BYANG CHUB KYI 'BRAS BU YONGS SU 'DZIN CING SBYIN PAR BYED PAS 'BRAS BU DANG PHAN YON CHE BAR RIG PAR BYA'O, ,DE LA BYANG CHUB SEMS DPA'I TSUL KHRIMS THAMS CAD GANG ZHE NA, MDOR BSDU NA BYANG CHUB SEMS DPA'I TSUL KHRIMS KHYIM PA'I PHYOGS SU GTOGS PA DANG, RAB TU BYUNG BA'I PHYOGS SU GTOGS PA NI TSUL KHRIMS THAMS CAD CES BYA'O, ,KHYIM PA'I PHYOGS LA BRTEN PA DANG, RAB TU 'BYUNG BA'I PHYOGS LA BRTEN PA'I TSUL KHRIMS DE YANG MDOR BSDUN RNAM PA GSUM STE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN LA PHAN 'DOGS PA'I TSUL KHRIMS SO; ,DE LA BYANG CHUB SEMS DPA'I SDOM PA'I TSUL KHRIMS NI SO SOR THAR PA'I SDOM PA YANG DAG PAR BLANGS PA RIS BDUN PO DGE SLONG DANG, DGE SLONG MA DANG, DGE TSUL DANG, DGE TSUL MA DANG, DGE BSNYEN DANG, DGE BSNYEN MA'I TSUL KHRIMS GANG YIN PA STE, DE YANG KHYIM PA DANG, RAB TU BYUNG @75A *, ,BA'I PHYOGS LA CI RIGS PAR RIG PAR BYA'O, ,DE LA DGE BA'I CHOS SDUD PA'I TSUL KHRIMS NI BYANG CHUB SEMS DPAS SDOM PA'I TSUL KHRIMS YANG DAG PAR BLANGS PA'I 'OG TU BYANG CHUB CHEN PO'I PHYIR LUS DANG NGAG GIS DGE BA BSAGS PA GANG CI YANG RUNG BA DE DAG THAMS CAD NI MDOR BSDU NA, DGE BA'I CHOS SDUD PA'I TSUL KHRIMS ZHES BYA'O, ,DE YANG GANG ZHE NA, 'DI LA BYANG CHUB SEMS DPA' NI TSUL KHRIMS LA BRTEN CING TSUL KHRIMS LA GNAS NAS, THOS PA DANG, BSAM PA DANG, ZHI GNAS DANG, LHAG MTHONG BSGOM PA DANG, GCIG TU DGA' BA LA BRTZON PAR BYED DO, ,DE BZHIN DU BLA MA RNAMS LA DUS DUS SU GUS PAR SMRA BA DANG, PHYAG 'TSAL BA DANG, MYUR DU LDANG BA DANG, THAL MO SBYOR BAR BYED PA YIN NO, ,DE BZHIN DU DUS DUS SU BLA MA DE DAG NYID LA GUS PAR RIM GRO BYED PA YIN NO, ,NAD PA RNAMS LA RIM GRO BYAS TE, SNYING RJES NAD G-YOG BYED PA YIN NO, ,DE BZHIN DU LEGS PAR SMRAS PA LA LEGS SO ZHES BYA BA SBYIN PAR BYED PA YIN NO, ,GANG ZAG YON TAN DANG LDAN PA RNAMS KYI YANG DAG PA'I BSNGAGS PA KUN RJOD PAR BYED PA YIN NO, ,DE BZHIN DU PHYOGS BCU'I SEMS CAN THAMS CAD KYI BSOD NAMS THAMS CAD LA BSAM PA THAG PA NAS DGA' BA'I SEMS BSKYED NAS TSIG TU BRJOD CING RJES SU YI RANG BAR BYED PA YIN NO, ,DE BZHIN DU GZHAN DAG GIS NYES PA BYAS PA THAMS CAD LA SO SOR BRTAGS TE BZOD PAR BYED PA YIN NO, ,DE BZHIN DU LUS DANG NGAG DANG YID KYIS DGE BA BYAS PA DANG, MA BYAS PA THAMS CAD BLA NA ME PA YANG DAG PAR RDZOGS PA'I BYANG CHUB TU YONGS SU SNGO BAR BYED PA YIN NO, ,DUS DUS SU YANG DAG PAR SMON LAM RNAM PA SNA TSOGS 'DEBS PA DANG, DKON MCHOG GSUM LA MCHOD PA RGYA CHEN PO RNAM PA THAMS CAD BYED PA YIN NO, ,RTAG TU RGYUN MI 'CHAD PAR DGE BA'I PHYOGS RNAMS LA BRTZON ZHIG BRTZON 'GRUS RTZOM PAR BYED DE, BAG YOD PAR GNAS PA YIN NO, ,LUS DANG NGAG GIS BSLAB PA'I GZHI RNAMS LA DRAN PA DANG SHES BZHIN DU SPYOD PAS KUN NAS SRUNG BAR BYED PA YIN NO, ,DBANG PO RNAMS KYI SGO BSRUNGS SHING ZAS KYI @75B TSOD RIG PA YIN NO, ,NAM GYI CHA STOD DANG NAM GYI CHA SMAD LA MI NYAL BAR SBYOR BA LA RTZON PA YIN NO, ,SKYES BU DAM PA LA BRTEN PA DANG, DGE BA'I BSHES GNYEN LA BRTEN PA YIN NO, ,BDAG GI 'KHRUL PA RNAMS KYANG YONGS SU SHES SHING NYES PA LTA BA YIN TE, SHES SHING NYAS? BAR MTHAR? NAS KYANG GTONG BAR BYED PA YIN NO, ,'KHRUL PA YANG SANGS RGYAS DANG, BYANG CHUB SEMS DPA' RNAMS DANG, CH9OS MTHUN PA RNAMS LA NYES PA 'CHAGS PA BYED DE, DE LTA BU DANG MTHUN PA'I DGE BA'I CHOS RNAMS SGRUB PA DANG, SRUNG BA DANG, RNAM PAR 'PHEL BAR BYED PA'I TSUL KHRIMS GANG YIN PA DE NI BYANG CHUB SEMS DPA'I DGE BA'I CHOS SDUD PA'I TSUL KHRIMS ZHES BYA'O, ,DE LA BYANG CHUB SEMS DPA'I SEMS CAN LA PHAN 'DOGS PA'I TSUL KHRIMS GANG ZHE NA, DE NI MDOR BSDU NA RNAM PA BCU GCIG TU RIG PAR BYA STE, RNAM PA BCU GCIG GANG ZHE NA, SEMS CAN GYI BYA BA DON DANG LDAN PA RNAM PA SNA TSOGS LA GROGS BYED CING, SEMS CAN RNAMS LA NAD LA SOGS PA'I SDUG BSNGAL BYUNG NGO CO GA LA NAD G-YOG LA SOGS PAS GROGS BYED PA DANG, DE BZHIN DU 'JIG RTEN PA DANG 'JIG RTEN LAS 'DAS PA'I DON RNAMS LA CHOS BSTAN PA SNGON DU GTONG BA DANG, THABS BSTAN PA SNGON DU GTONG BA'I RIGS PA STON PA DANG, PHAN 'DOGS PA'I SEMS CAN RNAMS LA BYAS PA GZO BA RJES SU BSRUNG ZHING 'TSAM PAR LAN DU PHAN 'DOGS PAS NYE BAR GNAS PA DANG, SENG GE DANG, STAG DANG, RGYAL PO DANG, CHOM RKUN DANG, CHU DANG ME LA SOGS PA'I 'JIGS PA'I GNAS RNAM PA SNA TSOGS LAS SEMS CAN RNAMS KUN NAS BSRUNG BA DANG, LONGS SPYOD DANG, GNYEN GYI SDUG BSNGAL BAR GNAS PA RNAMS LA MYANG NGAN SEL BA DANG, SEMS CAN YO BYAD KYIS PHONGS PA RNAMS LA RIGS PAS YO BYAD THAMS CAD NYE BAR SGRUB PA DANG, YANG DAG PA'I RTEN SBYIN PAS CHOS KYI TSOGS YONGS SU SDUD PA DANG, SMRA BA DANG, KUN TU SMRA BA DANG, SO SOR YANG DAG PAR DGA' BAR BYA PAS DUS DUS SU THAD DU 'GRO BA DANG, GZHAN LAS ZAS DANG, SKOM LA SOGS PA LEN PA DANG, 'JIG RTEN PA'I DON DANG MTHUN PAR SPYOD PA DANG, BOS NA 'ONG ZHING 'GRO BA DANG MDOR BSDU NA @76A *, ,DON DANG LDAN PA MA YIN PA YID DU MI 'ONG BA KUN TU SPYOD PA THAMS CAD MA GTOGS PA LA SEMS DANG MTHUN PAR BYED PA DANG, DE NYID KYI YANG DAG PA'I YON TAN RNAMS LKOG GAM, MING SNGAR BSGRAGS PAS YANG DAG PAR DGA' BAR BYA BA DANG, 'DI LTA STE, MI DGE BA'I GNAS NAS BSLANG STE, DGE BA'I GNAS LA YANG DAG PAR GZUNG BA'I PHYIR NANG GI SEMS 'JAM ZHING PHAN PA DANG, LHAG PA'I BSAM PA DANG LDAN PAS TSAR GCAD PAR BYA BA SMAD BAB PA DANG, CHAD PA'I LAS BYED DU GZHUG PA'AM, BSKRAD PA DANG, RDZU 'PHRUL GYI STOBS KYIS SEMS CAN DMYAL BA LA SOGS PA'I 'GRO BA MNGON SUM DU BSTAN PAS MI DGE BA LAS SKYO BAR BYED CING SANGS RGYAS KYI BSTAN PA LA 'JUG PAR BYA BA'I PHYIR 'DUN PAR BYED MGU BAR BYED YA MTSAN DU 'DZIN PAR BYED PA'O, ,BYANG CHUB SEMS DPA' SDOM PA'I TSUL KHRIMS LA GNAS PA DANG, DGE BA CHOS SDUD PA'I TSUL KHRIMS LA GNAS PA DANG, SEMS CAN GYI DON BYED PA'I TSUL KHRIMS LA GNAS PA JI LTAR NA LEGS PAR GDAMS PA'I TSUL KHRIMS CAN DANG, DGE BA LEGS PAR BSDUS PA'I TSUL KHRIMS CAN DANG, SEMS CAN GYI DON GYI RNAM PA THAMS CAD BYA BA'I TSUL KHRIMS CAN DU 'GYUR ZHE NA, 'DI LA BYANG CHUB SEMS DPA' SO SOR THAR PA'I SDOM PA LA GNAS PA, GAL TE 'KHOR LOS SGYUR BA'I RGYAL SRID KYANG BOR TE RAB TU BYUNG BAR GYUR NA, DE 'KHOR LOS SGYUR BA'I RGYAL SRID DE LA 'DI LTAR MI LTA BA YIN TE, DPER NA RTZVA 'AM, MI GTZANG BA LA CI LTA BA BZHIN NO; ;JI LTAR BYANG CHUB SEMS DPA' BSAM PA RNAM PAR DAG PA LA BRTEN TE, RAB TU BYUNG BA MI 'DOD PA THAMS CAD KYI MCHOG 'KHOR LOS SGYUR BA'I 'DOD PA RNAMS LA MI LTA BA DE LTAR NI MI NGAN PA 'TSO BA'I BSAM PA CAN 'DOD PA THAMS CAD RNAM PAR SPANGS TE, RAB TU BYUNG BA 'DOD PA THA CHAD DE DAG LA MI LTA BAR MI 'GYUR RO, ,BYANG CHUB SEMS DPA' NI 'DOD PA DE DAG 'JIGS PA CHEN PO SNA TSOGS GZING GZING BAR 'JUG PA LTA BUR YANG DAG PA JI LTA BA BZHIN DU MTHONG BA'I PHYIR, MA 'ONGS PA DAG NA YANG BDUD KYI GNAS SU GTOGS PA'I 'DOD PA RNAMS LA YANG MNGON PAR @76B DGA' BA MA YIN TE, DE DAG GI DON DU SMON LAM BTAB NAS TSANGS PAR SPYAD PAR SPYOD PAR MI BYED NA, DE LAS GZHAN PA'I LHA RDZAS RNAMS LTA CI SMOS, BYANG CHUB SEMS DPA' RAB TU BYUNG BA NI DA LTAR GYI DUS NA YANG SEMS CAN RGYA CHEN PO DAG GI RNYED PA DANG BKUR STI RGYA CHEN PO YANG KHA ZAS KYI SKYUGS PA DANG 'DRA BAR YANG DAG PA'I SHES RAB KYIS MTHONG STE, RO MYONG BAR MI BYED NA, SEMS CAN THAMS CAD BDAG GI RNYED PA DANG BKUR STI THA CHAD LTA LA CI SMOS, GCIG PU RAB TU DBEN PAR MNGON PAR DGA' BA YIN LA, DGE 'DUN TSOGS KYI NANG NA 'DUG KYANG DUS THAMS CAD DU SEMS DBEN PAR GNAS TE, DE TSUL KHRIMS KYI SDOM PA TZAM GYIS CHOG PAR MI 'DZIN GYI, TSUL KHRIMS LA BRTEN CING GNAS NAS BYANG CHUB SEMS DPA'I TING NGE 'DZIN DPAG TU MED PA GANG YIN PA DE DAG MNGON PAR SGRUB PA DANG, DBANG THOB PAR BYA BA'I PHYIR 'BAD PAR BYED DO, ,'DU 'DZI'I NANG NA 'DUG KYANG NGAN PA'I GTAM DANG, NGAN PA'I TSIG CUNG ZAD KYANG DANG DU LEN PAR MI BYED LA, RAB TU DBEN PA NA 'DUG KYANG RTOG PA NGAN PA CUNG ZAD KYANG MI SEMS SO, ,BRJED NGAS PAS DE KUN TU SPYOD PA'I PHYIR DUS DUS SU 'GYOD PA DRAG PO DANG NYES DMIGS SU LTA BA SKYED PAR BYED DE, RGYUN MI 'CHAD PAR 'GYOD PA DANG NYES DMIGS SU LTA BA DE LA BRTEN NAS NGAN PA'I GTAM DANG, RTOGS PA NGAN PA BYUNG MA THAG TU MYUR BA MYUR BAR DRAN PA NYE BAR GNAS SHING MI BYA BA'I SEMS KYANG THOB PAR 'GYUR TE, DES NA 'DOR BAR 'GYUR RO, ,'DOR BA LA GOMS NA RIM GYIS SNGON JI LTAR DE KUN TU SPYOD PA LA DGA' BAR GYUR PA DE LTAR DE KUN TU MI SPYOD PA LA DGA' BA DANG, KUN TU SPYOD PA DANG MI MTHUN PAR YANG GNAS SO, ,DE LA BYANG CHUB SEMS DPA' SA CHEN POR CHUD PA RNAMS KYI BYANG CHUB SEMS DPA' BSLAB PA'I GZHI RGYA CHE ZHING DPAG TU MED LA BSAM GYIS MI KHYAB CING, DA LTA RING DU LON PA DANG; MCHOG TU DGA' BA THAMS CAD THOS NA YANG SEMS SKRAG PA'AM, ZHUM ZHING 'GONG BAR MI 'GYUR TE, DE 'DI SNYAM DU DE DAG KYANG MI GYUR PA YIN LA, BYANG CHUB SEMS DPA'I BSLAB PA NGAG LA RIM GYIS BSLABS PAS LUS DANG NGAG GI SDOM PA DPAG TU MED CING BSAM GYIS MI KHYAB @77A *, ,PA DAG DANG LDAN PAR GYUR PAR ZAD PAS, BDAG KYANG MI GYUR PA YIN TE, RIM GYIS BSLABS NA LUS DANG NGAG GI SDOM PA PHUN SUM TSOGS PA DE DAG GDON MI ZA BAR THOB PAR 'GYUR RO SNYAM DU SEMS SO, ,BYANG CHUB SEMS DPA' TSUL KHRIMS KYI SDOM PA LA GNAS PA NI BDAG GI NYES PA DANG 'KHRUL PA LA RTOG PAR BYED KYI, GZHAN GYI NYES PA DANG 'KHRUL PA LA RTOG PAR MI BYED DO, ,CHOS BZHIN GYIS SNYING RJE CHEN PO LA BRTEN NAS SEMS CAN MA RUNGS PA DANG, TSUL KHRIMS 'CHAL BA THAMS CAD LA YANG KUN NAS MNAR SEMS KYI SEMS DANG, KHONG KHRO BA'I SEMS MED DE, DE DAG LA BYANG CHUB SEMS DPA' SHES CHER SNYING BRTZE BA'I SEMS DANG, BYED 'DOD PA'I SEMS NYE BAR GNAS PA YIN NO, ,BYANG CHUB SEMS DPA' SDOM PA'I TSUL KHRIMS LA GNAS PA NI LAG PA DANG, BONG? BA DANG, DBYUG PA DANG, MTSON CHAS BSNUN KYANG GZHAN DAG LA SEMS KYIS KYANG SDANG BAR MI BYED NA, SDIG PA'I TSIG 'BYIN PA'AM, PHYIR RDEG PAR LTA GA LA BYED DE, SPYO? BA 'AM, BRGYAD BKAG PA DAG GIS SDUG BSNGAL BAR 'GYUR BA'I GNOD PA CHUNG NGU DAG GIS LTA CI SMOS, BYANG CHUB SEMS DPA'I SDOM PA'I TSUL KHRIMS LA GNAS PA NI YAN LAG LNGAS BSDUS PA'I BAG YOD PA DANG LDAN PA YIN TE, SNGON GYI MTHA' DANG LDAN PA DANG, PHYI MA'I MTHA' DANG LDAN PA DANG, DBUS KYI MTHA' DANG LDAN PA DANG, SNGA NAS BYA BA DANG, LHAN CIG RJES SU SPYOD PA'O, ,BYANG CHUB SEMS DPA' BYANG CHUB SEMS DPA'I BSLAB PA DAG LA SLOB PA NI 'DAS PA'I DUS LA BRTEN NAS NYES PA BYUNG BA GANG YIN PA DE DES CHOS BZHIN DU PHYIR BCOS PA DE NI DE'I SNGON GYI MTHA' DANG LDAN PA'I BAG YOD PA'O, ,MA 'ONGS PA'I DUS LA BRTEN NAS NYES PA 'BYUNG BAR 'GYUR BA GANG YIN PA DE YANG CHOS BZHIN DU PHYIR 'CHOS PAR 'GYUR BA DE NI DE'I PHYI MA'I MTHA' DANG LDAN PA'I BAG YOD PA'O, ,DA LTAR BYUNG BA'I DUS LA BRTEN NAS, NYES PA BYUNG BA GANG YIN PA DE YANG CHOS BZHIN DU PHYIR 'CHOS PA DE NI DE'I DBUS KYI MTHA' DANG LDAN PA'I BAG YOD PA'O, ,NYES PA MA BYUNG BA NI SNGA ROL NAS BYANG CHUB SEMS DPA' BDAG JI LTA @77B JI LTAR SPYOD CING JI LTA JI LTAR GNAS NA NYES PA 'BYUNG BAR MI 'GYUR BA DE LTA DE LTAR SPYOD CING DE LTA DE LTAR GNAS KYANG CI MA RUNG SNYAM DU RAB TU SGRIM PAR BYED PA DE NI BYANG CHUB SEMS DPA'I SNGA NAS BYA BA'I BAG YOD PA'O, ,DE SNGA NAS BYA BA'I BAG YOD PA DE NYID LA BRTEN NAS JI LTA JI LTAR SPYOD CING JI LTA JI LTAR GNAS NA NYES PA 'BYUNG BAR MI 'GYUR BA DE LTA DE LTAR SPYOD CING DE LTA DE LTAR GNAS PA DE NI DE'I LHAN CIG RJES SU SPYOD PA'I BAG YOD PA'O, BYANG CHUB SEMS DPA' SDOM PA'I TSUL KHRIMS LA GNAS PA NI DGE BA MI SPYOMS? SHING SDIG PA RNAM PAR 'BYED PA DANG, 'DOD PA CHUNG BA DANG, CHOG SHES PA DANG, SDUG BSNGAL LA JI MI SNYAM PA DANG, YONGS SU GDUNG BA MED PA'I RANG BZHIN CAN DANG, RGOD PA MED PA DANG, YENG YENG PO MA YIN PA DANG, SPYOD LAM RAB TU ZHI BA DANG, TSUL 'CHOS PA LA SOGS PA LOG PAR 'TSO BAR BYED PA'I CHOS THAMS CAD RNAM PAR SPANGS PA STE, YAN LAG BCU PO DE DAG DANG LDAN PA'I BYANG CHUB SEMS DPA' SDOM PA'I TSUL KHRIMS LA GNAS PA 'DI LTA STE, 'DAS PA'I 'DOD PA RNAMS LA MI LTA BA DANG, MA 'ONGS PA RNAMS LA MTHON PAR DGA' BA MED PA DANG, DA LTAR BYUNG BA RNAMS LA LHAG PAR ZHEN PA MED PA DANG, RAB TU DBEN PA NA GNAS PAR MNGON PAR DGA' BA DANG, NGAG DANG RTOGS PA YONGS SU DAG PAR BYED PA DANG, BDAG NYID LA KHYAD DU MI GSOD PA DANG, NGES PA DANG, BZOD PA DANG, BAG YOD PA DANG, CHO GA DANG, 'TSO BA RNAM PAR DAG PA'I PHYIR LAGS PAR GDAMS PA'I TSUL KHRIMS CAN YIN NO, ,YANG BYANG CHUB SEMS DPA' DGE BA CHOS SDUD PA'I TSUL KHRIMS LA GNAS PA NI LUS DANG LONGS SPYOD LA LTA BA BYUNG BA CHUNG NGU YANG DANG DU LEN PAR MI BYED NA MANG PO LTA CI SMOS, 'CHAL BA'I TSUL KHRIMS KYI GZHIR GYUR PA NYON MONGS PA DANG, NYE BA'I NYON MONGS PA KHRO BA DANG, KHON DU 'DZIN PA LA SOGS PA BYUNG BA THAMS CAD DANG DU LEN PAR MI BYED DO, ,GZHAN DAG LA KUN NAS MNAR SEMS DANG, KHONG KHRO BA DANG, 'KHON PA'I SEMS BYUNG BA DANG DU LEN PAR MI BYED DO, ,SNYOM LAS DANG LE LO SKYES PA DANG DU LEN PAR MI BYED DO, ,SNYOMS PAR 'JUG PA'I RO MYONG BA DANG, SNYOMS @78A *, ,PAR 'JUG PA'I NYON MONGS PA BYUNG BA DANG DU LEN PAR MI BYED DO, ,GNAS LNGA YANG DAG PA JI LTA BA BZHIN DU RAB TU SHES TE, DGE BA'I 'BRAS BU'I PHAN YON YANG DAG PA JI LTA BA BZHIN DU RAB TU SHES SO, ,DGE BA'I RGYU DANG, DGE BA'I RGYU'I 'BRAS BU LA PHYIN CI LOG PA DANG; PHYIN CI MA LOG PA DANG, DGE BA SDUD PA LA BAR DU GCOD PA YANG YANG DAG PA JI LTA BA BZHIN DU RAB TU SHES SO, ,BYANG CHUB SEMS DPA' NI DGE BA'I 'BRAS BU LA PHAN YON DU MTHONG NAS, DGE BA SDUD PA'I PHYIR DGE BA'I RGYU YONGS SU TSOL LO, ,BYANG CHUB SEMS DPAS PHYIN CI LOG PA DANG; PHYIN CI MA LOG PA YANG DAG PA JI LTA BA BZHIN DU RAB TU SHES TE, DGE BA'I 'BRAS BU THOB NAS MI RTAG PA LA RTAG PAR LTA BAR MI 'GYUR, SDUG BSNGAL BA LA BDE BAR? LTA BAR MI 'GYUR MI GTZANG BA LA GTZANG BAR LTA BAR MI 'GYUR, BDAG MED PA LA BDAG TU LTA BAR MI 'GYUR RO, , DGE BA SDUD PA'I BAR DU GCOD PA YANG RAB TU SHES NAS YONGS SU SPONG BAR BYED DO, ,RNAM PA BCU GNYIS PO 'DI DAG GIS DGE BA SDUD PA'I TSUL KHRIMS LA GNAS PA DE BYUNG BA KHO NANG DGE BA SDUD BAR 'GYUR ZHING, RNAM PA THAMS CAD KYANG SDUD PAR 'GYUR TE, 'DI LTA STE, SBYIN PA'I NYER GNAS DANG, TSUL KHRIMS KYI NYER GNAS DANG, BZOD PA'I NYER GNAS DANG, BRTZON 'GRUS KYI NYER GNAS DANG, BSAM GTAN GYI NYER GNAS DANG, SHES RAB KYI RNAM PA LNGAS SDUD DO, ,YANG BYANG CHUB SEMS DPA' RNAM PA BCU GCIG GIS SEMS CAN GYI DON BYA BA'I TSUL KHRIMS RNAM PA THAMS CAD LA GNAS PA NI RNAM PA RE RE YANG RNAM PA THAMS CAD KYI RNAM PAR DANG LDAN PA YIN TE, 'DI LA BYANG CHUB SEMS DPA' NI SEMS CAN RNAMS KYI BYA BA DE DANG DE DAG LA GROGS SU 'GRO BA NA, BYA BA SEMS PA DANG, BYA BA GTAN LA 'BEBS PA DANG, LAM DU 'GRO ZHING 'ONG BA DANG, YANG DAG PA'I LAS KYI MTHA' LA SBYOR BA DANG, LONGS SPYOD RNAMS BSRUNG BA DANG, BYA BA RNAMS PHAN TSUN SDUM PA DANG, DGA' STON DANG BSOD NAMS BYA BA LA GROGS SU 'GRO BA'O, ,YANG BYANG CHUB SEMS DPA' NI SDUG BSNGAL BA RNAMS KYI GROGS SU 'GRO BAR BYED DO, ,SEMS CAN NAD KYIS @78B THEBS PA RNAMS KYI NAD G-YOG BYED DO, ,LONG BA RNAMS KHRID CING LAM STON PAR BYED DO, ,'ON PA RNAMS LA MING GI MTSAN MA STON PA'I SGO NAS LAG BRDAS DON GO BAR BYED DO, ,RKANG LAG MED PA RNAMS LA MGO PO 'AM, BZHON PAS BTEG STE KHYER BAR BYED DO, ,SEMS CAN 'DOD PA'I 'DUN PAS KUN NAS DKRIS PAS SDUG BSNGAL BA RNAMS KYI 'DOD PA'I 'DUN PAS KUN NAS DKRIS PA'I SDUG BSNGAL SEL BAR BYED DO, ,SEMS CAN GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM GYI KUN NAS DKRIS PAS SDUG BSNGAL BA RNAMS KYI THE TSOM GYI KUN NAS DKRIS PA SEL BAR BYED DO, ,SEMS CAN 'DOD PA'I RTOG PAS KUN NAS DKRIS PAS SDUG BSNGAL BA RNAMS KYI 'DOD PA'I RTOG PA SEL BAR BYED DO, ,'DOD PA'I RTOG PA CI LTA BA BZHIN DU GNOD SEMS DANG, RNAM PAR 'TSE BA DANG, NYE DU DANG, YUL GYI MI DANG, MI 'CHI BA'I RTOG PA DANG, KHYAD DU GSOD PA DANG LDAN PA DANG, KHYIM GYI 'BYOR BA DANG LDAN PA'I RTOG PA YANG DE DANG 'DRA BAR RIG PAR BYA'O, ,SEMS CAN GZHAN GYIS SMA PHAB CING PHAM PAR BYAS PA'I SDUG BSNGAL GYIS SDUG BSNGAL BA RNAMS KYI GZHAN GYIS SMA PHAB CING PHAM PAR BYAS PA'I SDUG BSNGAL SEL BAR BYED DO, ,LAM GYIS NGAL BAR GYUR PA RNAMS LA GNAS DANG STAN SBYIN PA DANG, LUS MA NYE BAS NGAL DUB PA'I SDUG BSNGAL SEL BAR BYED DO, ,YANG BYANG CHUB SEMS DPA' NI SEMS CAN RNAMS LA RIGS PAS STON PAR BYED DO, ,SEMS CAN NYES PAR SPYAD PA SPYOD PA RNAMS KYI NYES PAR SPYAD PA SPANG BA'I PHYIR TSIG 'BRU 'BYOR BA RNAMS DANG, 'BRAL BA RNAMS DANG, RJES SU MTHUN PA RNAMS DANG, RJES SU 'PHROD PA RNAMS DANG, THABS DANG LDAN PA RNAMS DANG, 'TSAM PA RNAMS DANG, MTHUN PA RNAMS DANG, 'GRUS SKYONG GI YAN LAG GI TSOGS RNAMS KYIS CHOS STON TO, ,YANG NA THABS MKHAS PAS KYANG STON PAR BYED DO, ,SEMS CAN NYES PAR SPYAD PA SPYOD PA RNAMS KYI NYES PAR SPYOD PA SPANG PA'I PHYIR, JI LTA BA BZHIN DU SER SNA CAN RNAMS KYI SER SNA SPANG BA DANG, TSE 'DI LA YANG DAG PA DANG, TSEGS CHUNG NGUS LONGS SPYOD RNAMS @79A *, ,BSGRUB PA DANG, BSRUNG BA DANG, BSTAN PA 'DI LA LTA BA RNAMS DAD PA THOB PAR BYA BA DANG, LTA BA RNAM PAR DAG PAS NGAN SONG LAS YANG DAG PAR 'DA' BAR BYA BA DANG, KUN TU SBYOR BA THAMS CAD MTHAR THUG PAS SDUG BSNGAL THAMS CAD LAS YANG DAG PAR 'DA' BAR BYA BA YANG DE DANG 'DRA'O, ,YANG BYANG CHUB SEMS DPA' NI PHAN 'DOGS PA'I SEMS CAN RNAMS LA BYAS PA GZO BA STON PA'I TSE MTHONG NA GUS PAR BYAS TE, TSUR SBYON LEGS PAR BYON TO ZHES BRJOD PAS SMRA ZHING KUN TU SMRA LA, YANG DAG PAR DGA' BAR BYED, STAN DANG GNAS SBYIN PAS KYANG BSU BAR BYED DO, ,DE'I RNYED PA DANG, BKUR STI'I LAN DE DANG MNYAM PA DANG, LHAG PAR NYE BAR GNAS PAR BYED KYI, CHUNG NGUS NI MA YIN NO, ,DE BYA BA RNAMS LA NI MA BCOL BAR GROGS SU 'GRO LA BCOL NA LTA CI SMOS, BYA BA RNAMS LA JI LTA BA BZHIN DU SDUG BSNGAL BA RNAMS DANG, TSUL BZHIN DU BSTAN PA DANG, 'JIGS PA'I SKYABS BYA BA DANG, SDUG BSNGAL BAR GNAS PA MYANG NGAN BSAL BA DANG, YO BYAD NYE BAR SGRUB PA DANG, GNAS SBYIN PA DANG, SEMS DANG MTHUN PAR BYA BA DANG, YANG DAG PA'I YON TAN GYIS DGA' BAR BYA BA DANG, NANG GI SEMS 'JAM POS TSAR GCAD PA DANG, RDZU 'PHRUL GYIS SKRAG PAR BYA BA DANG, 'DUN PAR BYA BA LA YANG DE DANG 'DRA BAR SBYAR BAR BYA'O, ,YANG BYANG CHUB SEMS DPA' NI SEMS CAN 'JIGS PA RNAMS 'JIGS PA DAG LAS SRUNG BAR BYED DO, ,GCAN GZAN GYI GNOD PA'I 'JIGS PA LAS KYANG SEMS CAN RNAMS SRUNG NGO, ,KLONG DANG CHU SRIN 'DZIN KHRI'I 'JIGS PA DANG, RGYAL PO'I 'JIGS PA DANG, CHOM RKUN GYI 'JIGS PA DANG, PHYIR RGOL PAS 'JIGS PA DANG, RJE BO DANG BDAG PO'I 'JIGS PA DANG, 'TSO BA MED PA'I 'JIGS PA DANG, MI SNYAN PA'I 'JIGS PA DANG, 'KHOR DU BAG TSA BA'I 'JIGS PA DANG, MI MA YIN PA'I 'JIGS PA DANG, RO LANGS KYI 'JIGS PA LAS KYANG SRUNG BAR BYED DO, ,YANG BYANG CHUB SEMS DPA' NI SEMS CAN SDUG BSNGAL ZHING 'DUG PA RNAMS KYI MYA NGAN SEL BAR BYED DE, GNYEN BSHES KYI SDUG BSNGAL LAS BRTZAMS TE @79B PHA MA SHI NA YANG MYA NGAN SEL BAR BYED DO, ,BU DANG CHUNG MA SHI BA DANG, BRAN DANG BRAN MO DANG, LAS BYED PA DANG, ZHO SHAS 'TSO BA SHI BA DANG, 'JA' BA BSHES DANG, GROS GROGS DANG, NYE DU DANG, RGYAN RABS SHI BA DANG, SLOB DPON DANG, MKHAN PO DANG, BLA MA LTA BU SHIN YANG MYA NGAN SEL BAR BYED DO, ,YANG LONGS SPYOD KYI SDUG BSNGAL LAS BRTZAMS TE, GAL TE GZHAN DAG GI LONGS SPYOD RGYAL POS PHROGS NA YANG DE LA MYA NGAN SEL BAR BYED DO, ,CHOM RKUN GYIS PHROGS PAR GYUR PA'AM, MES TSIG GAM, CHUS KHYER RAM, GTER DAG TU LEGS PAR MA SBAS PAS CHUD ZOS PA 'AM, LAS RNAMS NAN TAN DU MA BYAS PAS MA RUNGS PAS GYUR PA 'AM, BGO SKAL LA SPYOD PA MI MDZA' BA RNAMS KYIS KHYER BAR GYUR PA 'AM, KHYIM DU KHYIM GYI PHUNG KHROL BYUNG BAR GYUR PA 'AM, GANG GIS LONGS SPYOD DE DAG LA TSUL MA YIN PAS SDUG BSNGAL BYAS PAR GYUR TE, GZHI DE LAS SEMS CAN RNAMS KYI MYA NGAN CHUNG NGU DANG, 'BRING DANG, CHEN PO RNAMS SKYES PA YANG BYANG CHUB SEMS DPAS YANG DAG PAR SEL BAR BYED DO, ,YANG BYANG CHUB SEMS DPA' NI YO BYAD 'DOD PA RNAMS LA YO BYAD SGRUB PAR BYED DE, ZAS 'DOD PA RNAMS LA ZAS SBYIN PAR BYED DO, ,SGOM 'DOD PA RNAMS LA SGOM DANG, BZHON PA 'DOD PA RNAMS LA BZHON PA DANG, GOS 'DOD PA RNAMS LA GOS DANG, RGYAN 'DOD PA RNAMS LA RGYAN DANG, SNOD SPYAD 'DOD PA RNAMS LA SNOD SPYAD DANG, SPOS DANG ME TOG PHRENG DANG, BYUG PA 'DOD PA RNAMS LA SPOS DANG, ME TOG PHRENG DANG, BYUG PA DANG, GNAS 'DOD PA RNAMS LA GNAS DANG, SNANG BA 'DOD PA RNAMS LA SNANG BA SBYIN PAR BYED DO, ,YANG BYANG CHUB SEMS DPA' NI YONGS SU SDUD PA'I TSUL KHRIMS KYIS SEMS CAN RNAMS TSOGS YONGS SU BSDU BA'I TSUL GYIS YONGS SU SDUD PAR BYED DE; SNYING BRTZE BA'I SEMS KHO NA SNGON DU BTANG STE, ZANG ZING MED PA'I SEMS KYIS THOG MAR JE GNAS SBYIN PAR BYED DO, ,DE'I 'OG TU DE DAG GI DON GI DON GYI PHYIR BRAM ZE DANG, KHYIM BDAG DAD PA CAN RNAMS LAS CHOS BZHIN DU GOS DANG, ZAS DANG, MAL CHA DANG, STAN DANG, NA BA'I GSOS @80A *, ,SMAN DANG, YO BYAD RNAMS TSOL BAR BYED DO, ,RANG GI GOS DANG, ZAS DANG MAL CHA DANG, STAN DANG, NA BA'I GSOS SMAN DANG, YO BYAD CHOS DANG MTHUN ZHING CHOS BZHIN DU RNYED PA RNAMS KYANG THUN MONG DU LONGS SPYOD PAR BYED DE, SBED CING SPYOD PA MA YIN NO, ,DUS DUS SU MTHUN PA'I GDAMS NGAG RNAM PA BRGYAD KYANG SBYIN PAR BYED LA, RJES SU BSTAN PA RNAM PA LNGA YANG RJES SU STON PAR BYED DO, ,GDAN SA DAG DANG RJES SU BSTAN PA NI STOBS KYI RIGS KYI LE'U LAS JI SKAD BSTAN PA YIN TE, 'DIR YANG DE BZHIN DU RIG PAR BYA'O, ,YANG BYANG CHUB SEMS DPA' NI SEMS DANG MTHUN PAR BYED PA'I TSUL KHRIMS KYIS SEMS CAN RNAMS KYI SEMS DANG MTHUN PAR BYED PA NA, THOG MA KHO NAR SEMS CAN RNAMS KYI BSAM PA DANG, RANG BZHIN DANG, KHAMS SHES SO, ,BSAM PA DANG, RANG BZHIN DANG, KHAMS SHES NAS SEMS CAN GANG DAG DANG JI LTAR LHAN CIG GNAS PAR BYA BA DA LTAR DE DAG DANG GNAS SO, ,SEMS CAN GANG DAG LA JI LTAR BSGRUB PAR BYA BA DE LTAR DE DAG LA SGRUB PAR BYED DO, ,BYANG CHUB SEMS DPA' SEMS CAN GANG GI SEMS DANG MTHUN PAR BYED 'DOD PAR GYUR PA DE LA GAL TE LUS DANG NGAG GI DNGOS PO KUN TU SPYOD PA DE LTA BU DE 'DRA BAS DE'I SDUG BSNGAL DANG, YID MI BDE BA SKYE BAR MTHONG LA, SDUG BSNGAL BA DANG YID MI BDE BA DES KYANG DE MI DGE BA'I GNAS NAS BSLANGS TE, DGE BA'I GNAS SU 'JOG PAR MI 'GYUR NA NI BYANG CHUB SEMS DPAS SO SOR BRTAGS NAS LUS DANG NGAG GIS KUN TU SPYOD PA DE BSGRIMS TE YONGS SU SPONG ZHING KUN TU SPYOD PAR MI BYED DO, ,GAL TE SDUG BSNGAL BA DANG, YID MI BDE BA DES KYANG DE MI DGE BA'I GNAS NAS BSLANGS TE DGE BA'I GNAS SU 'JOG PAR MTHONG NA NI, BYANG CHUB SEMS DPA' 'DI LTA STE, GZHAN LA SNYING BRTZE BA KHO NA NYE BAR BZUNG NAS SO SOR BRTAGS TE, GZHAN GYI SEMS DANG MTHUN PAR MI BYED DO, ,GZHAN DAG LA LUS DANG, NGAG GI DNGOS PO KUN TU SPYOD PA GANG GIS GZHAN DAG GI SDUG BSNGAL BA DANG, YID MI BDE BA SKYE BAR 'GYUR LA DE YANG GZHAN DAG DANG, DE LAS GZHAN PA RNAMS MI DGE BA'I GNAS NAS BSLANGS @80B TE; DGE BA'I GNAS SU 'JOG PAR MI 'GYUR NA YANG, BYANG CHUB SEMS DPAS SO SOR BRTAGS TE, DE LAS GZHAN PA RNAMS KYI SEMS DANG MTHUN PAR MI BYA BA'I PHYIR, LUS DANG NGAG GI KUN TU SBYONG BA DE GTONG PAR BYED DO, ,GAL TE GZHAN DAG DANG DE LAS GZHAN PA RNAMS SAM, DE GNYI GA? MI DGE BA'I GNAS NAS BSLANGS TE, DGE BA'I GNAS SU 'JOG PAR MTHONG NA NI BYANG CHUB SEMS DPAS SNYING BRTZE BA'I SEMS KHO NA NYE BAR BZHAG STE, SO SOR BRTAGS NAS LUS DANG NGAG GI KUN TU SPYOD PAR BYED DE, SEMS CAN DE DAG GI SEMS DANG MTHUN PAR MI BYED DO, ,BYANG CHUB SEMS DPA' NI BDAG NYID KYI LUS DANG NGAG GI DNGOS PO KUN TU SPYOD PA GANG GIS PHA ROL DAG GI SDUG BSNGAL BA DANG, YID MI BDE BA SKYE BAR YANG DAG PAR MTHONG LA, LUS DANG NGAG GI KUN TU SPYOD PA DE YANG BSLAB PA'I GZHIR GTOGS PA YANG MA YIN, BSOD NAMS DANG YE SHES KYI TSOGS DANG LDAN PA YANG MA YIN LA, SDUG BSNGAL BA DANG, YID MI BDE BA DES KYANG GZHAN DANG MI DGE BA'I GNAS NAS ZHES BYA BA LA SOGS PA NI SNGA MA BZHIN DU RIG PAR BYA STE, GZHAN GYI SEMS BSRUNG BA'I PHYIR BYANG CHUB SEMS DPAS LUS DANG NGAG GI KUN TU SPYOD PA DE GTONG BAR BYED DO,, DE LAS BZLOG PA'I KUN TU SPYOD PA YANG SNGA MA BZHIN DU RIG PAR BYA'O, ,SDUG BSNGAL BA DANG YID MI BDE BA JI LTA BA BZHIN DU BDE BA DANG YID BDE BA YANG DE DANG 'DRA STE, CI RIGS PAR RGYAS PAR RIG PAR BYA'O, ,BYANG CHUB SEMS DPA' GZHAN GYI SEMS DANG MTHUN PAR BYED PA NI GZHAN KHRO BA'I KUN NAS DKRIS PAS KUN NAS DKRIS PA LA KHRO BA'I KUN NAS DKRIS PA MED PAR MA GYUR GYI BAR DU MNGON SUM DU BSNGAGS PA YANG MI BRJOD NA BSNGAGS PA MA YIN PA LTA CI SMOS TE SHAD KYIS SBYANG BAR MI BYED DO, ,YANG BYANG CHUB SEMS DPA' GZHAN GYI SEMS DANG MTHUN PAR BYED PA NI, GZHAN MI SMRA BA LA YANG SMRA ZHING YANG DAG PAR DGA' BAR BYED NA, SMRA BA DANG YANG DAG PAR DGA' BAR BYED PA LTA LA CI SMOS, BYANG CHUB SEMS DPA' GZHAN GYI SEMS DANG MTHUN PAR BYED PA NI GZHAN DAG LA 'KHRUG PAR MI BYED DE, DE DAG NYID LA SNYING BRTZE BA'I PHYIR SMAD BAB PAR 'DOD PAR @81A *, ,ZAD DE; DBANG PO RNAMS RAB TU ZHI BAS SMA 'BEBS PAR BYED DO, ,BYANG CHUB SEMS DPA' GZHAN GYI SEMS DANG MTHUN PAR BYED PA NI GZHAN DAG LA 'PHYA BAR YANG MI BYED, BSTING BAR YANG MI BYED LA, DE BAG 'KHUMS PAR MI BYED DO, ,BDE BA LA REG PAR MI GNAS PAR BYA BA'I PHYIR THE TSOM SLONG BAR YANG MI BYED DO, ,CHAD LAS BCAD CING SMA BAB ZIN PA LA YANG CHAD PA'I GNAS KYI GLENG BAR MI BYED DO, ,DGA' BA'I SHAS CHUNG BA LA YANG BDAG NYID MTHO BAR MI STON TO, ,BYANG CHUB SEMS DPA' GZHAN GYI SEMS DANG MTHUN PAR BYED PA NI GZHAN DAG LA MI BSTEN PAR YANG MI BYED, HA CANG BSTEN PAR YANG MI BYED, DUS MA YIN PAR YANG BSTEN PAR YANG MI BYED, DE DAG GI MDUN DU MDZA' BO LA SMOD PAR YANG MI BYED, MI MDZA' BA'I BSNGAGS PA YANG MI BRJOD, MA 'DRIS PA LA YID RTON PAR YANG MI BYED, RGYUN DU SLONG BAR YANG MI BYED, BLANG BA LA YANG TSOD SHES PA YIN, ZAS DANG SGOM LA SOGS PA LA BOS NA YANG SPONG BAR MI BYED DO, ,YANG NA CHOS DANG MTHUN PAR SHAD KYIS BYANG BAR BYED DO, ,YANG BYANG CHUB SEMS DPA' NI YANG DAG PA'I YON TAN GYIS YANG DAG PAR DGA' BAR BYA BA'I TSUL KHRIMS KYIS SEMS CAN RNAMS YANG DAG PAR DGA' BAR BYED PA NA, DAD PA'I YON TAN DANG LDAN PA RNAMS PA NI DAD PA'I YON TAN GYI 'BREL PA'I GTAM GYIS YANG DAG PAR DGA' BAR BYED DO, ,TSUL KHRIMS KYI YON TAN DANG LDAN PA RNAMS LA NI TSUL KHRIMS KYI YON TAN GYI 'BREL BA'I GTAM GYIS YANG DAG PAR DGA' BAR BYED DO, ,, THOS PA'I YON TAN DANG LDAN PA RNAMS LA NI THOS PA'I YON TAN GYI 'BREL BA'I GTAM GYIS YANG DAG PAR DGA' BAR BYED DO, ,GTANG BA'I YON TAN DANG LDAN PA RNAMS LA NI GTONG BA'I YON GYI 'BREL BA'I GTAM GYIS YANG DAG PAR DGA' BAR BYED DO, ,SHES RAB KYI YON TAN DANG LDAN PA RNAMS LA NI SHES RAB KYI YON TAN GYI 'BREL BA'I GTAM GYIS YANG DAG PAR DGA' BAR BYED DO, ,YANG BYANG CHUB SEMS DPA' NI TSAR GCAD PA'I TSUL KHRIMS KYIS SEMS CAN RNAMS TSAR GCOD PAR BYED DE, NYES PA CHUNG NGU DANG, 'GAL BA CHUNG NGU LA NI BSAM PA 'JAM PO DANG SDANG BA @81B MED PAS SMAD BAB PA CHUNG NGUS SMA 'BEBS PAR BYED DO, ,NYES PA 'BRING DANG, 'GAL BA 'BRING LA NI SMAD BAB PA 'BRING GIS SMA 'BEBS PAR BYED DO, ,NYES PA CHEN PO DANG 'GAL BA CHEN PO LA SMA DBAB PA CHEN POS SMA 'BEBS PAR BYED DO, ,SMA DBAB PA JI LTA BA BZHIN DU CHAD PAS BCAD PA YANG DE DANG 'DRA BAR RIG PAR BYA'O, ,NYES PA CHUNG NGU DANG, 'BRING DANG, 'GAL BA CHUNG NGU DANG, 'BRING LA NI BYANG CHUB SEMS DPAS DE DAG NYID DANG GZHAN DAG LA LEGS PAR RJES SU BSTAN PA'I PHYIR SNYING BRTZE BA'I SEMS DANG PHAN PA'I SEMS KYIS PHYIR DGUG PA'I PHYIR, RE ZHIG PA'I TSUL GYIS SKROD PAR BYED DO, ,NYES PA CHEN PO DANG 'GAL BA CHEN PO LA NI DE DAG NYID LA SNYING BRTZE BAS DE DAG BSTAN PA 'DI LA BSOD NAMS MA YIN PA CHES MANG DU YONGS SU 'DZIN PAR MI 'GYUR BAR BYA BA'I PHYIR DANG, GZHAN DAG LA YANG PHAN PAR 'DOD PAS LEGS PAR RJES SU BSTAN PA'I PHYIR PHYIN CHAD 'GROGS PAR MI BYA BA DANG, LONGS SPYAD PAR MI BYA BA DANG, JI SRID 'TSO'I BAR DU YANG PHYIR MI DGUG PA'I TSUL GYI SKROD PAR BYED DO, ,YANG BYANG CHUB SEMS DPA' RDZU 'PHRUL GYI STOBS KYIS SEMS CAN RNAMS SKRAG PAR BYED 'DOD PA DANG, 'DUN PAR BYED 'DOD PA NI SEMS CAN NYES PAR SPYAD PAR SPYOD PA RNAMS LA NYES PAR SPYAD PAR SPYOD PA'I RNAM PAR SMIN PA'I 'BRAS BU NGAN SONG SEMS CAN DMYAL BA RNAMS DANG, SEMS CAN DMYAL BA CHEN PO RNAMS DANG, GRANG BA'I SEMS CAN DMYAL BA RNAMS DANG, NYI TSE BA'I SEMS CAN DMYAL BA RNAMS BSNYEN CING STON PAR BYED DO, MIR GYUR PA DAG GIS NYES PAR SPYOD PA BYAS SHING BSAGS PA'I MI SDUG PA'I 'BRAS BU RNAM PAR SMIN PA MI BZAD CING, MCHOG TU TSA BA SO SOR NYAMS SU MYONG BA 'DI LTA BU 'DI DAG LA KHYED LTOS ZHES BSGO NAS, DE DAG GIS KYANG DE MTHONG STE, SKRAG CING SKYO BAR GYUR NAS NYES PA SPYOD PA SPONG BAR BYED DO, ,SEMS CAN KHA CIG BYANG CHUB SEMS DPA' 'KHOR CHEN PO'I NANG NA 'DUG PA LA DRI PAS SMA DBAB PAS TSIG MI BTZUN PAR BYA BAR 'DOD BDAG LA BYANG CHUB SEMS DPA' LA ZHAN ? RDO RJE 'AM, GNOD SBYIN KHA DOG SBA ZHING LUS CHE LA STOBS CHE BA GANG YANG RUNG BA @82A *, ,ZHIG TU MNGON PAR SPRUL NAS 'JIGS PAR BYED, SKRAG PAR BYED, SKRAG PAR BYED DE, RGYU DES YID CHES PA SKYES SHING GCES PAR 'DZIN PAR 'GYUR LA, GUS PA BYED PAR GYUR PA LA DRI BA LEGS PA KHO NAR LUNG BSTAN PAR BYA BA DANG, SKYE BO PHAL PO CHE DE DAG SO SOR DRIS PA LAN BTAB PA DES GDUL BA'I PHYIR RO, ,YANG NA RDZU 'PHRUL MNGON PAR 'DU BYED PA RNAM PA SNA TSOGS 'DI LTA STE, GCIG TU GYUR NAS MANG POR 'GYUR BA DANG, MANG POR GYUR NAS GCIG TU 'GYUR BA DANG, RTZIG PA LA YANG THAD KAR 'GRO BA DANG, RI BRAGS LA YANG THAD KAR 'GRO BA DANG, RA BA LA YANG THAD KAR 'GRO BA LA LUS KYIS THOGS PA MED PAR 'GRO BA NAS, RGYAS PAR TSANGS PA'I 'JIG RTEN GYI BAR DU LUS KYIS DBANG BYED PA DANG, ME'I KHAMS LA YANG SNYOMS PAR 'JUG CING CHO 'PHRUL PHRUGS SU STON PA DANG, YANG NA NYAN THOS DANG THUN MONG PA'I RDZU 'PHRUL BSTAN PAS 'DUN PAR BYAS, MGU PAR BYAS, YANG DAG PAR DGA' BAR BYAS NAS, MA DAD PA NI DAD PA PHUN SUM TSOGS PA LA 'GOD PAR BYED, TSUL KHRIMS 'CHAL PA NI TSUL KHRIMS PHUN SUM TSOGS PA LA 'GOD PAR BYED, THOS PA NYUNG DU NI THOS PA PHUN SUM TSOGS PA LA 'GOD PAR BYED, SER SNA CAN NI GTONG PA PHUN SUM TSOGS PA LA 'GOD PAR BYED, SHES RAB 'CHAL PA NI SHES RAB PHUN SUM TSOGS PA LA 'GOD PAR BYED DO, ,DE LTAR NA BYANG CHUB SEMS DPA' RNAM PA THAMS CAD KYIS SEMS CAN GYI DON BYA BA'I TSUL KHRIMS DANG LDAN PA YIN TE, BYANG CHUB SEMS DPA'I TSUL KHRIMS KYI PHUNG PO GSUM PO SDOM PA'I TSUL KHRIMS SU GTOGS PA DANG, DGE BA SDUD PA'I TSUL KHRIMS SU GTOGS PA DANG, SEMS CAN GYI DON BYA BA'I TSUL KHRIMS SU GTOGS PA'I TSUL KHRIMS KYI PHUNG PO DE DAG NI BSOD NAMS KYI PHUNG PO DPAG TU MED PA YIN NO, ,DE LA BYANG CHUB SEMS DPA' KHYIM PA'AM RAB TU BYUNG BA RNAMS BYANG CHUB SEMS DPA'I BSLAB PA TSUL KHRIMS KYI PHUNG PO RNAM PA GSUM PO 'DI DAG LA SLOB PAR 'DOD CING, BLA NA MED PA YANG DAG PAR RDZOGS PA'I BYANG CHUB TU SMON LAM BTAB PAS, BYANG CHUB SEMS DPA' SMON LAM BTAB PA'I CHOS MTHUN PA PA, SDOM PA BLANGS @82B PA MKHAS PA, DAG GI RNAM PAR RIG BYED KYI DON 'DZIN PA DANG, GO BAR NUS PA DE LTA BU'I BYANG CHUB SEMS DPA'I RKANG PA GNYIS LA THOG MAR PHYAG BYAS NAS GSOL BA GDAB PAR BYA STE, 'DI SKAD CES BDAG RIGS KYI BU KHYOD LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA MNOD PAR 'TSAL GYIS, DE LAS GNOD PA MA MCHIS NA BDAG LA THUGS BRTZE BA'I SLAD DU CUNG ZAD CIG GSAN CING STZAL BA'I RIGS SO ZHES BRJOD PAR BYA'O, ,DE NAS BYANG CHUB SEMS DPA' NUS PA DES, BYANG CHUB SEMS DPA' 'DOD PA DE LA BYANG CHUB SEMS DPA'I SDOM PA'I PHAN YON RGYA CHER BRJOD NAS, SDOM PA 'DOD PA DE LA BSLAB PA'I GZHI LCI YANG DAG KYANG BRJOD CING SPRO BA BSKYED PAR YANG BYA STE, 'DI SKAD CES BRJOD PAR BYA'O, , RIGS KYI BU KHYOD NYON CIG, KHYOD 'DI LTAR SEMS CAN MA RGAL BA RNAMS BSGRAL BA DANG, MA GROL BA RNAMS DGROL BA DANG; DBUGS MA PHYIN PA RNAMS DBUGS DBYUNG BA DANG, YONGS SU MYA NGAN LAS MA 'DAS PA RNAMS YONGS SU MYA NGAN LAS 'DA' BA DANG, SANGS RGYAS KYI GDUNG RGYUN MI 'CHAD PAR 'DOD DAM, DE LA KHYOD KYIS SEMS BSKYED PA BRTAN PA DANG, YI DAM BRTAN PAR YANG BYA'O ZHES DE LTAR MI SHES PA'I RIGS MTHONG NAS, SPRO BA BSKYED PA'I PHYIR BRJOD PAR BYA'O, ,DE NAS 'DOD PA DES LEGS PAR GSOL BA BTAB NAS BLA GOS PHRAG PA GCIG TU GZER TE, 'DAS PA DANG MA BYON PA DANG, DA LTAR BYUNG BA'I SANGS RGYAS BCOM LDAN 'DAS RNAMS DANG, BYANG CHUB SEMS DPA' SA CHEN PO LA BZHUGS PA YE SHES DANG, MTHU CHEN PO THOB PA PHYOGS BCU NA BZHUGS PA RNAMS LA MCHOD PA BYAS NAS, DE DAG GI YON TAN RNAMS KYANG MNGON SUM DU BYAS LA BSAM PA THAG PA NAS DANG PA'I SEMS SAM, YANG NA DES CI NUS PA DANG, RGYU'I STOBS CI YOD PAS CHUNG NGU YANG BSKYED LA, DE BZHIN GSHEGS PA'I SKU GZUGS MDUN DU BZHAG STE, LEGS PAR MCHOD PAR BYAS NAS GDUNG BA'I TSUL GYIS PUS MO'I LHANG SA LA BTZUGS PA 'AM, TZOG TZOG? POR 'DUG KYANG RUNG STE, BYANG CHUB SEMS DPA' MKHAS PA DE LA 'DI SKAD @83A *, ,CES BRJOD PAR BYA STE, RIGS KYI BU 'AM, TSE DANG LDAN PA 'AM, BTZUN PAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA BDAG LA STZAL DU GSOL ZHES SMRAS NAS, DRAN PA RTZE GCIG TU BZHAG STE, SEMS DANG PO KHO NA BSKYED NAS, DA NI BDAG GIS RING BOR MI THOGS PAR BSOD NAMS KYI GNYER CHEN PO BLA NA MED PA ZAD MI SHES SHING, DPAG TU MED PA THOB PAR 'GYUR RO SNYAM DU DON DE NYID RJES SU BSAM ZHING CANG MI SMRA BAR BYA'O, ,DE LTAR ZHUGS PA'I BYANG CHUB SEMS DPA' DE LA BYANG CHUB SEMS DPA' MKHAS PAS 'GRENG YANG RUNG; STAN LA 'DUG KYANG RUNG STE, DES SEMS MA YENGS PAR 'DI SKAD CES BRJOD PAR BYA STE, RIGS KYI BU 'AM CHOS KYI SPUN MING 'DI ZHES BYA BA KHYOD BYANG CHUB SEMS DPA' YIN NA, BYANG CHUB TU SMON LAM BTAB BAM ZHES SMROS SHIG, DES KYANG LAGS SO ZHES KHAS LONG SHIG, DE'I 'OG TU DE LA YANG 'DI SKAD CES BRJOD PAR BYA STE, RIGS KYI BU MING 'DI ZHES BYA BA KHYOD 'DAS PA'I BYANG CHUB SEMS DPA' THAMS CAD KYI BSLAB PA'I GZHIR GYUR PA GANG YIN PA RNAMS DANG, TSUL KHRIMS SU GYUR PA GANG YIN PA DANG, MA 'ONGS PA'I BYANG SEMS DPA' THAMS CAD KYI BSLAB PA'I GZHIR GYUR PA GANG YIN PA RNAMS DANG, TSUL KHRIMS SU GYUR PA GANG YIN PA DANG, DA LTAR NA PHYOGS BCU DAG NA DA LTAR BYUNG BA'I BYANG CHUB SEMS DPA' THAMS CAD KYI BSLAB PA'I GZHI GANG YIN PA RNAMS DANG, TSUL KHRIMS GANG YIN PA BSLAB PA'I GZHI GANG DAG DANG, TSUL KHRIMS GANG DAG LA 'DAS PA'I BYANG CHUB SEMS DPA' THAMS CAD KYIS BSLAB PAR GYUR PA DANG, MA 'ONGS PA'I BYANG CHUB SEMS DPA' THAMS CAD SLOB PAR 'GYUR BA DANG, PHYOGS BCU DAG NA DA LTAR BYUNG BA'I BYANG CHUB SEMS DPA' THAMS CAD DA LTAR NA SLOB PA BYANG CHUB SEMS DPA'I BSLAB PA'I GZHI THAMS CAD DANG, BYANG CHUB SEMS DPA'I TSUL KHRIMS THAMS CAD DE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS NGA ? LAS NOD DAM ZHES SMROS SHIG, DES KYANG NOD LAGS @83B SO ZHES KHAS LONG SHIG, BYANG CHUB SEMS DPA' MKHAS PA D3ES KYANG DE LTAR LAN GNYIS LAN GSUM DU BRJOD PAR BYA'O, ,DRIS NA NOD PA'I BYANG CHUB SEMS DPA' DES KYANG LAN GSUM GYI BAR DU KHAS BLANG BAR BYA'O, ,DE LTAR BYANG CHUB SEMS DPA' MKHAS PA DES NOD NOD PA'I BYANG CHUB SEMS DPA' DE LA, BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LAN GSUM GYI BAR DU PHOG STE, KHAS LEN DU YANG BCU GNAS NOD PA'I BYANG CHUB SEMS DPA' DE MA LANGS PAR DE BZHIN GSHEGS PA'I SKU GZUGS DE NYID KYI SPYAN SNGAR PHYOGS BCU'I SANGS RGYAS DANG, BYANG CHUB SEMS DPA' BZHUGS SHING 'TSO BA THAMS CAD KYI ZHABS LA GTUGS TE THAL MO SBYAR NAS 'DI LTAR MKHYEN PAR MDZAD DU GSOL BA BYA STE, BYANG CHUB SEMS DPA' MING 'DI ZHES BGYI BA 'DIS, BDAG BYANG CHUB SEMS DPA' MING 'DI ZHES BGYI BA LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LAN GSUM GYI BAR DU MNOS LAGS TE, BDAG MING 'DI ZHES BGYI BA BYANG CHUB SEMS DPA' MING 'DI ZHES BGYI BA 'DI'I BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA LA BDAG DBANG DU GYUR PA PHYOGS BCU'I 'JIG RTEN GYI KHAMS MTHA' YAS MU MED PA NA BZHUGS PA'I 'PHAGS PA'I MCHOG LKOG TU GYUR KYANG THAMS CAD DU SEMS CAN THAMS CAD LA LKOG TU MA GYUR PA'I THUGS MNGA' BA RNAMS LA MKHYEN PAR GSOL LO ZHES DE SKAD LAN GNYIS LAN GSUM GYI BAR DU BRJOD PAR BYA'O,, ,,BAM PO DGU PA, 'DI NI CHOS NYID YIN TE, DE LTAR TSUL KHRIMS KYI SDOM PA YANG DAG PAR BLANGS PA'I LAS YONGS SU RDZOGS MA THAG TU PHYOGS BCU'I 'JIG RTEN GYI KHAMS MTHA' YAS MU MED PA DAG NA, DE BZHIN GSHEGS PA RNAMS DANG, SA CHEN PO LA BZHUGS PA'I BYANG CHUB SEMS DPA' BZHUGS TE, 'TSO BA RNAMS LA GANG GIS DE DAG 'DI SNYAM DU BYANG CHUB SEMS DPA' DES BYANG CHUB DPA'I TSUL KHRIMS KYI SDOM PA YANG DAG PAR BLANG BA YANG RTAG PAR MNOS SO SNYAM DU DGONGS PAR 'GYUR BA DE LTA BU'I LTAS 'BYUNG BAR 'GYUR RO,, @84A *, ,DE'I RJES LA DE DAG KYANG BYANG CHUB SEMS DPA' DE LA DGONGS PAR 'GYUR TE, DGONGS PAR GYUR NA YE SHES GZIGS PA 'JUG GO, ,DE DAG GI YE SHES GZIGS PA DES 'DI LTAR BYANG CHUB SEMS DPA' MING 'DI ZHES BYA BAS 'JIG RTEN GYI KHAMS GA GE MO ZHIG TU BYANG CHUB SEMS DPA' MING 'DI ZHES BYA BA LAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA LEGS PAR MNOS SO ZHES BYA BAR DE LTAR YANG DAG PA JI LTA BA BZHIN THUGS SU CHUD PAR 'GYUR TE, DE DAG THAMS CAD KYANG DE LA BU DANG 'DRA BA DANG, SPUN DANG 'DRA BAR DGONGS PA BZANG POS SO SO NAS THUGS BRTZE BAR MDZAD DO, ,DE LTAR DGONGS PA BZANG POS SO SO NAS THUGS BRTZE BAR MDZAD PA'I BYANG CHUB SEMS DPA' DE'I DGE BA'I CHOS RNAMS NI RGYA CHER 'PHEL BAR 'GYUR TE, NYAMS PAR MI 'GYUR BAR SHES PAR BYA'O, ,TSUL KHRIMS KYI SDOM PA YANG DAG PAR BLANGS PA MKHYEN PAR GSOL BA DE YANG DE DAG GIS THUGS SU CHUD PAR RIG PAR BYA'O, ,BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA'I LAS DE YONGS SU RDZOGS NAS, BYANG CHUB SEMS DPA' DE GNYIS KAS PHYOGS BCU'I 'JIG RTEN GYI KHAMS MTHA' YAS MU MED PA DAG NA BZHUGS PA'I SANGS RGYAS DANG, BYANG CHUB SEMS DPA' DE DAG LA MCHOD PA BYAS LA ZHABS LA GTUGS TE LDANG BAR BYA'O, ,BYANG CHUB SEMS DPA' DE'I TSUL KHRIMS KYI SDOM PA YANG DAG PAR BLANG BA'I 'DI NI TSUL KHRIMS KYI SDOM PA YANG DAG PAR BLANGS PA THAMS CAD LAS KHYAD PAR DU 'PHAGS PA YIN TE, BLA NA MED PA DANG, BSOD NAMS KYI PHUNG PO DPAG TU MED PA DANG LDAN PA DANG, SEMS KYI BSAM PA MCHOG TU DGE BAS BSKYED PA DANG, SEMS CAN THAMS CAD LA NYES PAR SPYOD PA RNAM PA THAMS CAD KYI GNYEN POR GYUR PA YIN NO; ,SO SOR THAR PA'I SDOM PA YANG DAG PAR BLANGS PA THAMS CAD NI 'DI LTA STE, BSOD NAMS YONGS SU BZUNG BA LA BRTEN NAS, TSUL KHRIMS KYI SDOM PA YANG DAG PAR BLANG BA DE NI, BRGYA'I CHAR YANG NYE BAR MI 'GRO'O, ,STONG GI CHA DANG, GRANGS DANG, CHA DANG, BGRANG BA DANG, DPE @84B DANG; ,RGYUR YANG NYE BAR MI 'GRO, ,BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BA LA GNAS PA'I BYANG CHUB SEMS DPA' DES 'DI LTAR BDAG NYID KYIS KYANG BRTAG CING 'DI NI BYANG CHUB SEMS DPAS BYA BA'I CHA YIN NO, ,'DI NI BYA BA'I CHA MA YIN NO SNYAM NAS, DE PHYIN CHAD DE KHO NA BZHIN DU LAS SU BSGRUB PAR BYA ZHING BSRUNG BAR BYA'O, ,BYANG CHUB SEMS DPA'I MDO SDE'I SDE SNOD LAS KYANG BSGRIMS TE, MNYAM PA 'AM, YANG NA BYANG CHUB SEMS DPA'I MDO SDE'I SDE SNOD KYI MA MO BSDUS PA 'DI LAS KYANG MNYAN TE, 'DI LTAR BCOM LDAN 'DAS KYIS MDO SDE DE DANG DE DAG TU BYANG CHUB SEMS DPA' RNAMS KYI BSLAB PA'I GZHI STONG PHRAG DU MA GSUNGS PA DAG BSGRUB PA'I PHYIR DE KHO NA BZHIN DU BSLAB PAR BYA'O, ,MKHAS PA YIN DU ZIN KYANG BYANG CHUB SEMS DPA' THAMS CAD LAS BYANG CHUB SEMS DPAS TSUL KHRIMS KYI SDOM PA YANG DAG PAR BLANG BA DE MNOD PAR MI BYA STE, DAD PA MED PA GANG THOG MAR TSUL KHRIMS KYI SDOM PA YANG DAG PAR BLANG BA 'DI LA MA MOS SHING MI 'JUG LA MI RTOG PA LAS KYANG MNOD PAR MI BYA'O, ,BRKAM CHAGS CAN DANG, CHAGS PAS ZIL GYIS NON PA DANG, 'DOD PA CHE BA DANG, CHOG MI SHES PA LAS KYANG MNOD PAR MI BYA'O, ,TSUL KHRIMS NYAMS PA DANG, BSLAB PA DAG LA GUS PAR MI BYED DE, LHOD PA LAS KYANG MNOD PAR MI BYA'O, ,KHRO BA DANG, KHON DU 'DZIN PA DANG, MI BZOD PA'I SHAS CHE BA DANG, PHA ROL GYI NYES PA MI BZOD PA LAS MNOD PAR MI BYA'O, ,SNYAM LAS CAN DANG, LE LO CAN DANG, SHAS CHER NYIN MTSAN DU GNYID KYI BDE BA DANG, GOS 'BEBS PA'I BDE BA DANG, NYAL BA'I BDE BA NYAMS SU LEN PA DANG, 'DU 'DZI'I GTAM GYIS DUS YOL BAR BYED PA LAS KYANG MNOD PAR MI BYA'O, ,SEMS RNAM PAR G-YENGS TE, THA NA BA 'JOS TZAM GYI BAR DU YANG DGE BA LA SEMS RTZE GCIG TU BSGOM MI NUS PA LAS KYANG MNOD PAR MI BYA'O, ,YID RTUL BA DANG, RMONGS PA'I RANG BZHIN CAN DANG, HA CANG SEMS ZHUM PA DANG, BYANG CHUB SEMS DPA'I MDO SDE'I SDE SNOD DANG, BYANG CHUB SEMS DPA'I @85A *, ,SDE SNOD KYI MA MO LA SKUR BA 'DEBS PA LAS KYANG MNOD PAR MI BYA'O, ,BYANG CHUB SEMS DPAS SDOM PA YANG DAG PAR BLANG BA'I CHO GA 'DI BZUNG ZHING KUN CHUB PAR BYAS KYANG, BYANG CHUB SEMS DPA'I SDE SNOD LA SDANG ZHING MA DAD PA'I SEMS CAN RNAMS LA GYA TSOM DU BGRAG PAR MI BYA ZHING SHES PAR MI BYA'O, ,DE CI'I PHYIR ZHE NA, 'DI LTAR DE DAG GIS THOS NA MA MOS SHING MI SHES PA'I SGRIB PA CHEN POS BSGRIBS PAS SKUR PA 'DEBS PAR 'GYUR BA'I PHYIR TE, DE LA SKUR PA 'DEBS PA DE NI SDOM PA LA GNAS PA'I BYANG CHUB SEMS DPA' BSOD NAMS KYI PHUNG PO DPAG TU MED PA JI TZAM DANG LDAN PAR 'GYUR BA DE TZAM DU, DE NI SDIG PA'I TSIG DANG, SDIG PA'I LTA BA DANG, SDIG PA'I KUN TU RTOG PA DE DAG JI SRID DU THAMS CAD KYI THAMS CAD DU MA SPANGS PA'I BAR DU BSOD NAMS MA YIN PA'I PHUNG PO DPAG TU MED PA DE TZAM KHO NA DANG LDAN PAR 'GYUR RO, ,BYANG CHUB SEMS DPA' TSUL KHRIMS KYI SDOM PA YANG DAG PAR BLANG BAR 'DOD PA LA SNGA NAS BYANG CHUB SEMS DPA'I MDO SDE'I SDE SNOD KYI MA MO 'DI LAS BYANG CHUB SEMS DPA'I BSLAB PA'I GZHI DANG, NYES PA'I GNAS GANG DAG BSTAN PA DE DAG BSGRAG BAR BYA STE; GAL TE SNYING NAS BRTAGS SHING SHES RAB KYIS SO SOR BRTAGS NAS, SPROS PAR GYUR LA PHA ROL GYIS YANG DAG PAR 'DZIN DU BCUG PA'I PHYIR YANG MA YIN, PHA ROL DANG 'GRAN PA'I PHYIR YANG MA YIN NA, BYANG CHUB SEMS DPA' BRTAN PO YIN PAR RIG PAR BYA STE, TSUL KHRIMS KYI SDOM PA YANG DAG PAR BLANG BA 'DI CHO GA 'DI BZHIN DU NGES KYANG MNOD PAR BYA ZHING DE LA DPOG PAR YANG BYA'O, ,DE LTAR BYANG CHUB SEMS DPA' TSUL KHRIMS KYI SDOM PA LA GNAS PA'I PHAS PHAM PA'I GNAS LTA BU'I CHOS BZHI YOD DE, RNYED PA DANG BKUR STI LA LHAG PAR ZHEN TE, BDAG LA BSTOD PA DANG GZHAN LA SMOD PA BYANG CHUB SEMS DPA'I PHAS PHAM PA'I GNAS LTA BU'I CHOS DANG, LONGS SPYOD DAG YOD DE, BDOG BZHIN DU CHAGS PA'I RANG BZHIN GYI SDUG BSNGAL BA DANG, BKREN PA DANG, MGON MED PA DANG, RTEN MED PA'I SLONG BA PO LEGS PAR 'ONGS PA RNAMS LA SNYING @85B SRA BAS ZANG ZING MI GTONG BA DANG, CHOS LA SER SNA BYED PA'I PHYIR DON DU GNYER BA LEGS PAR 'ONGS PA RNAMS LA CHOS KYI BGO BSHA' MI BYED PA NI BYANG CHUB SEMS DPA'I PHAM PA'I GNAS LTA BU'I CHOS DANG, GANG GIS BYANG CHUB SEMS DPA'I TSIG RTZUB POS SMRAS PA TZAM GYIS GTONG BAR MI BYED DE, KHRO BA'I KUN NAS DKRIS PA DE LTA BU 'PHEL BAR BYED LA, KHRO BAS ZIL GYIS NON NAS, LAG PA 'AM, BOD BA 'AM, DBYUG PAS SEMS CAN RNAMS LA RDEG PAR BYED, RNAM PAR 'TSE BAR BYED, RNAM PAR THO 'TSAMS PAR BYED PA LA, GZHAN DAG GIS 'GAL BA SHAD KYIS SBYANGS KYANG KHRO BA'I BSAM PAS BSNGO BA'I KHO NA ZHE LA BZUNG STE, MI NYAN CING MI BZOD LA BSAM PAS MI GTONG BA 'DI YANG BYANG CHUB SEMS DPA'I PHAM PA'I GNAS LTA BU'I CHOS DANG, BYANG CHUB SEMS DPA'I SDE SNOD LA SKUR BA BTAB PAS 'DEBS PA DANG, BDAG NYI NGAM, GZHAN DAG GIS G-YAM LA DAM PA'I CHOS LTAR BCOS PA LA MOS NAS DAM PA'I CHOS LTAR BCOS PA RNAMS LA DGA' BA DANG, STON PA DANG, 'JOG PA NI BYANG CHUB SEMS DPA'I PHAM PA'I GNAS LTA BU'I CHOS SO, ,BZHI PO DE DAG NI PHAM PA'I GNAS LTA BU'I CHOS RNAMS YIN TE, DE DAG LAS BYANG CHUB SEMS DPAS CHOS GANG YANG RUNG BA BYAS NA YANG TSE 'DI LA BYANG CHUB KYI TSOGS RGYA CHEN PO SOGS PA DANG, YONGS SU 'DZIN PA'I SKAL BA MED PAR 'GYUR NA THAMS CAD LA BYAS NA LTA CI SMOS, TSE 'DI NYID LA BSAM PA RNAM PAR DAG PAR 'GYUR PA'I SKAL PA YANG MED DE, DE NI BYANG CHUB SEMS DPA' LTAR BCOS PA YIN GYI YANG DAG PA'I BYANG CHUB SEMS DPA' MA YIN NO, ,PHAM PA'I GNAS LTA BU BZHI PO 'DI DAG GIS KUN NAS DKRIS PA CHUNG NGU DANG, 'BRING GIS NI TSUL KHRIMS KYI SDOM PA YANG DAG PAR BLANGS PA DE BYANG CHUB SEMS DPAS GTANG PAR MI 'GYUR RO; ;KUN NAS DKRIS PA CHEN POS NI GTANG BAR 'GYUR TE, GANG GI PHYIR BYANG CHUB SEMS DPAS PHAM PA'I GNAS LTA BU'I CHOS BZHI PO 'DI DAG RGYUN MI 'CHAD PAR KUN TU SPYOD PA DANG, NGO TSA SHES PA DANG, KHREL YOD PA CHUNG NGU TZAM YANG MI BSKYED PA DANG, DES MGU BAR BYED CING DE @86A *, ,LA DGA' BA DANG, DE NYID LA YON TAN DU LTA BA CAN DU GYUR PA 'DI NI KUN NAS DKRIS PA CHEN PO YIN PAR RIG PAR BYA'O, ,'DI LTA STE, PHAM PA'I CHOS RNAMS BYAS PA'I DGE SLONG GIS SO SOR THAR PA'I SDOM PA BTANG BAR 'GYUR PA BZHIN DU, BYANG CHUB SEMS DPA'I PHAM PA'I GNAS LTA BU'I CHOS CAN LAN CIG TZAM KUN TU SPYAD PAS NI BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA BTANG BAR MI 'GYUR RO, ,BYANG CHUB SEMS DPA' NI YANG DAG PAR BLANGS PA YONGS SU BTANG DU ZIN KYANG TSE 'DI LA BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA'I PHYIR MNOD PA'I SKAL PA YOD DE, 'DI LTA STE, DGE SLONG SO SOR THAR PA'I SDOM PA LA GNAS PA PHAM PA BYUNG BZHIN DU SKAL BA MED PA KHO NAR 'GYUR PA MA YIN NO, ,MDOR BSDU NA RGYU GNYIS KHO NAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA GTANG BAR 'GYUR TE, BLA NA MED PA YANG DAG PAR RDZOGS PA'I BYANG CHUB TU SMON PA YONGS SU BTANG BA DANG, PHAM PA'I GNAS LTA BU'I CHOS KYI KUN NAS DKRIS PA CHEN POS KUN TU SPYOD PA'O, ,BYANG CHUB SEMS DPA' GANG GIS SMON LAM YANG MA BTANG LA, PHAM PA'I GNAS LTA BU'I CHOS RNAMS KYI KUN NAS DKRIS PA CHEN PO YANG KUN TU MA SPYAD NA, TSE BRJES SU ZIN KYANG 'OG DANG STENG DANG THAD KA THAMS CAD DU SKYES PA NAS, BYANG CHUB SEMS DPAS BYANG CHUB SEMS DPA'I TSUL KHRIMS KYI SDOM PA YANG DAG PAR BLANGS PA SPONG BAR MI 'GYUR RO, ,BYANG CHUB SEMS DPA' TSE BRJES TE BRJED NA YANG DGE BA'I BSHES GNYEN BSTEN PA LA BRTEN NAS, DRAN PA GSO PA'I PHYIR YANG DANG YANG NOD PAR BYED PAR ZAD KYI, GSAR DU YANG DAG PAR LEN PA NI MA YIN NO, ,DE LTAR BYANG CHUB SEMS DPA'I TSUL KHRIMS KYI SDOM PA LA GNAS PA'I NYES PA 'AM, NYES PA MA YIN PA DANG, NYON MONGS PA CAN DANG, NYON MONGS PA CAN MA YIN PA DANG, CHUNG NGU DANG, 'BRING DANG, CHEN POR YANG RIG PAR BYA STE, DE LTAR BYANG CHUB SEMS DPA' BYANG CHUB SEMS DPA' BYANG CHUB SEMS DPA'I TSUL KHRIMS KYI SDOM PA LA GNAS PAS NYIN GCIG @86B BZHIN DU DE BZHIN GSHEGS PA 'AM, DE BZHIN GSHEGS PA'I MCHOD RTEN NAM, CHOS SAM, CHOS KYI GLEGS BAM DU BYAS PA, ,BYANG CHUB SEMS DPA'I MDO SDE'I SDE SNOD DAM, BYANG CHUB SEMS DPA'I MDO SDE'I SDE SNOD KYI MA MO 'AM, DGE 'DUN LA YANG RUNG STE, PHYOGS BCU DAG NA SA CHEN POR CHUD PA'I BYANG CHUB SEMS DPA' RNAMS KYI DGE 'DUN GANG YIN LA MCHOD PA'I BYA BA CHUNG NGU 'AM, CHEN PO CI YANG RUNG STE, THA NA LUS KYIS PHYAG GCIG TZAM 'TSAL BA DANG, THA NA SANGS RGYAS DANG, CHOS DANG, DGE 'DUN RNAMS KYI YON TAN RNAMS LAS BRTZAMS TE TSIG BZHI PA'I TSIGS SU BCAD PA GCIG TZAM CIG TSIG TU BRJOD PA DANG, THA NA SEMS KYIS SANGS RGYAS DANG, CHOS DANG, DGE 'DUN GYI YON TAN RJES SU DRAN PA SNGON DU 'GRO BA'I DANG PA GCIG TZAM YANG MA BYAS PAR NYIN MTSAN 'DA' BAR BYED NA, NYES PA DANG BCAS SHING 'GAL PA DANG BCAS PAR 'GYUR TE, GAL TE MA GUS PA DANG, SNYOM LAS DANG, LE LOS NYES PA BYUNG NA NI, NYON MONGS PA CAN GYI NYES PAR 'GYUR RO, ,GAL TE BRJED PAS NYES PA BYUNG NA NI NYON MONGS PA CAN MA YIN PA'I NYES PA 'BYUNG 'GYUR RO, ,SEMS 'KHRUGS PA LA NI NYES PA MED DO, ,BSAM PA DAG PA'I SAR CHUD PA LA NYES PA MED DE, 'DI LTAR BYANG CHUB SEMS DPA' NI BSAM PA DAG PA'I PHYIR TE, DPER NA DGE SLONG GIS SHES NAS DAD PA THOB PA NI DUS THAMS CAD DU YANG CHOS NYID KYIS STON PA DANG, CHOS DANG DGE 'DUN LA BSNYEN BKUR BYED CING MCHOD PA DAM PAS MCHOD PA BYED PA LTA BU'O, ,BYANG CHUB SEMS DPA' 'DOD PA CHE BA DANG, CHOG MI SHES PA DANG RNYED PA DANG, BKUR STI LA CHAGS PA BYUNG BA DANG DU LEN PAR BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA SKYES SHING BRTZON 'GRUS RTZOM LA DE'I GNYEN PO YONGS SU 'DZIN PAS DE'I GA GSAL GNAS PA RANG BZHIN GYIS NYON MONGS PA SHAS CHE BA'I PHYIR ZIL GYIS MNAN NAS YANG DANG YANG DU KUN TU SPYOD PA LA NYES PA MED DO, ,BYANG CHUB SEMS DPA' CHES RGAN ZHING YON TAN DANG LDAN LA, BKUR @87A *, ,STI BYA BAR 'OS PA CHOS MTHUN PA MTHONG BA NA, NGA RGYAL GYIS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, LANGS SHING STAN MI STOBS PA DANG, GZHAN DAG LA SMRA ZHING KUN TU SMRA LA, YANG DAG PAR DGA' BAR BYED CING 'DRI BA LA NGA RGYAL KHO NAS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, RIGS PA'I TSUL GYIS TSIG SLAR BRJOD PAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES BAR 'GYUR RO, ,GAL TE NGA RGYAL GYIS NON PA MA YIN, KUN NAS MNAR SEMS KYI SEMS DANG LDAN PA MA YIN, KHONG KHRO BA'I SEMS DANG LDAN PA MA YIN YANG RUNG STE, SNYOM LAS DANG, LE'O 'AM, LUNG DU MA BSTAN PA'I SEMS SAM, BRJED PAR BYAS NA, NYES PA DANG BCAS SHING 'GAL BA DANG BCAS PA KHO NAR 'GYUR GYI, NYON MONGS PA CAN GYI NYES PAR NI MI 'GYUR RO, ,NAD TSABS CHE BA 'AM, SEMS 'KHRUGS PA LA NYES PA MED DO, ,DE GNYID KYIS LOG PA LAS SAD PA'I 'DU SHES KYIS 'KHYUD PAR BYED PA DANG, SMRA BA DANG, KUN TU SMRA BA DANG, YANG DAG PAR DGA' BAR BYED PA DANG, 'DRI BA LA NYES PA MED DO, ,GZHAN DAG LA CHOS STON PA 'AM, 'BREL PA'I GTAM RNAM PAR GTAN LA 'BEBS PA LA BRTZON PA LA NYES PA MED DO, ,DE MA YIN PA GZHAN DAG YANG DAG PAR DGA' BAR BYED NA NYES PA MED DO, ,GZHAN DAG CHOS STON PA 'AM, 'BREL PA'I GTAM RNAM PAR GTAN LA 'BEBS PA LA RNA BLAGS TE NYAN NA NYES PA MED DO, ,CHOS KYI GTAM LA MI DGA' BAR 'GYUR BA DANG, CHOS SMRA BA'I SEMS BSRUNG NA NYES PA MED DO, ,THABS DES SEMS CAN DE DAG DUL BAR BYED CING 'DUL LA MI DGE BA'I GNAS NAS BSLANG STE, DGE BA'I GNAS LA 'GOD NA NYES PA MED DO, ,DGE 'DUN GYI NANG KHRIMS BSRUNG NA NYES PA MED DO, ,GZHAN CHES MANG BA RNAMS KYI SEMS BSRUNG NA NYES PA MED DO, ,BYANG CHUB SEMS DPA' GZHAN DAG GIS KHYIM MAM, GTZUG LANG KHANG GZHAN NAM, KHYIM GZHAN DU NGAS DANG SGOM DANG, @87B GOS LA SOGS PA YO BYAD RNAMS LA BOS PA LAS NGA RGYAL GYIS NON TAM, KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN YANG RUNG STE, MI 'GRO ZHING BOS PA BDAG GIR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PAR CAN GYI NYES PAR 'GYUR RO, ,SNYOM LAS DANG LE LO'I DBANG GIS MA SONG NA NI, NYON MONGS PA CAN MA YIN PA'I NYES PAR 'GYUR RO, ,NA STE MI NUS PA 'AM, SEMS 'KHRUGS PA LA NYES PA MED DO, ,YUL 'DZAD MA RING DU GYUR PA 'AM, LAM NA 'JIGS PA YOD NA NYES PA MED DO, ,THABS DES DE DUL BAR BYED 'DOD CING 'DUL BAR 'DOD LA MI DGE BA'I GNAS NAS BSLANG STE, DGE BA'I GNAS SU 'JOG PAR 'DOD NA NYES PA MED DO, ,TSE SNGAR GZHAN LA KHAS BLANGS NA NYES PA MED DO, ,RGYUN DU DGE BA'I PHYOGS KYI BAR CHAD DU 'GYUR BA BSRUNG BA'I PHYIR MA SONG NA NYAS PA MED DO, ,CHOS KYI DON DANG LDAN PA SNGON MA THOS PA NYAN PA LAS NYAMS PAR 'GYUR DU DOGS PA'I PHYIR MA SONG NA NYIS PA MED DO, ,CHOS KYI DON MNYAN PA JI LTA BA BZHIN DU 'BREL BA'I GTAM RNAM PAR GTAN LA 'BEBS PA LA YANG DE DANG 'DRA BAR RIG PAR BYA'O, ,THO 'TSAMS PA'I BSAM PAS BOS NA NYES PA MED DO, ,GZHAN CHES MANG BA DAG GI KUN NAS MNAR SEMS KYI SEMS BSRUNG NA NYES PA MED DO, ,DGE 'DUN GYI NANG KHRIMS BSRUNG NA NYES PA MED DO, ,BYANG CHUB SEMS DPA' GZHAN DAG LA GSER DANG, DNGUL DANG, NOR BU DANG, MU TIG DANG; BEEd'U RYA LA SOGS PA NOR GYI SNA GRANGS RNAM PA SNA TSOGS MANG PO MCHOG RNAMS THOB CING, DUS KYI BSTABS PA LAS KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN PAS LEN DU MI BTUB CING SPONG BAR BYED NA, NYES PA DANG BCAS SHING 'GAL BA DANG BCAS PAR 'GYUR TE, SEMS CAN YAL BAR 'DOR BA'I PHYIR NYON MONGS PA CAN GYI NYES PAR 'GYUR RO, ,SNYOM LAS DANG LE LOS LEN PAR MI BYED NA, NYES PA DANG BCAS SHING 'GAL BA DANG BCAS PAR NI 'GYUR LA NYON MONGS PA CAN GYI NYES PAR NI MI 'GYUR RO, ,SEMS @88A *, ,'KHRUGS PA LA NYES PA MED DO, ,DE BLANGS PAS SEMS CHAGS PAR 'GYUR BAR MTHONG NA NYES PA MED DO, ,DE PHYIS 'GYOD PAR 'GYUR DU DOGS NA NYES PA MED DO, ,DES SBYIN PA 'KHRUL DU DOGS NA NYES PA MED DO, ,KUN TU 'DZIN PA BTANG BA DE'I RGYUS SBYIN BDAG DBUL ZHING PHONGS PAR 'GYUR DU DOGS NA NYES PA MED DO, ,DGE 'DUN GYI 'AM, MCHOD RTEN GYI YIN DU DOGS NA NYES PA MED DO, ,GZHAN LAS MI RIGS PAR PHROGS PA YIN DU DOGS TE, RGYU DES BSAD PA 'AM, BCING BA 'AM, CHAD PAS BCAD PA 'AM, GNOD PAR 'GYUR BA 'AM, SMAD PAR 'GYUR BA ZHIG YIN NA NYES PA MED DO, BYANG CHUB SEMS DPA' GZHAN CHOS 'DOD PA RNAMS LA KUN NAS MNAR SEMS KYI SEMS DANG LDAN NAM, KHONG KHRO BA'I SEMS DANG LDAN NAM, RANG BZHIN GYIS PHRAG DOG CAN YIN YANG RUNG STE, CHOS SBYIN PAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS SBYIN PAR MI BYED NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,MU STEGS CAN GLAGS TSOL BA LA MA BYIN NA YANG NYES PA MED DO, ,NAD TSA BAS CHE BA DANG, SEMS 'KHRUGS PA LA NYES PA MED DO, ,THABS DES ;DUL BAR BYED 'DOD CING 'DUL BAR 'DOD LA, MI DGE BA'I GNAS NAS BSLANG STE, DGE BA'I GNAS SU 'DOD PAR 'DOD NA NYES PA MED DO, ,CHOS MI SHES NA NYES PA MED DO, ,GAL TE MA GUS SHING ZHES MED LA SPYOD LAM NGAN PAS NOD PA LA MA BYIN NA NYES PA MED DO, ,DBANG PO RTUL PO CHOS RGYA CHEN PO BSTAN PAS, CHOS THOS PAS SKRAG CING LOG PAR LTA BA DANG, LOG PAR MNGON PAR ZHEN PA DANG, GNOD PA DANG, NYAMS PAR 'GYUR DU DOGS NA NYES PA MED DO, ,DE'I LAG TU SONG NA GZHAN SNOD DU MA GYUR PA RNAMS LA CHOS 'PHEL DU DOGS NA NYES PA MED DO, ,BYANG CHUB SEMS DPA' SEMS CAN MA RUNGS PA RNAMS DANG, TSUL KHRIMS 'CHAL PA RNAMS MA RUNGS PA YI PA DANG, TSUL KHRIMS 'CHAL PA YIN PA'I RKYEN GYIS KUN NAS MNAR @88B SEMS KYI SEMS DANG LDAN NAM KHONG KHRO BA'I SEMS DANG LDAN PAS YAL BAR 'DOR BA 'AM, KHYAD DU GSOD NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS YAL BAR 'DOR BA DANG, BRJOD PAS KHYAD DU BSAD NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,DE CI'I PHYIR ZHE NA, BYANG CHUB SEMS DPA' NI SEMS CAN MA RUNGS PA RNAMS DANG, TSUL KHRIMS 'CHAL BA RNAMS DANG, SDUG BSNGAL GYI RGYU LA GNAS PA RNAMS LA JI LTAR SNYING BRTZE BA'I SEMS BYED 'DOD PAS NYE BAR GNAS PA LTA BU TSUL KHRIMS DANG LDAN ZHING, LUS DANG NGAG DANG YID KYI LAS KYI SPYOD PA ZHI BA LA NI DE LTAR MA YIN PA'I PHYIR RO, ,SEMS 'KHRUGS PA LA NYI NYES PA MED DO, ,THABS DES DE 'DUL BAR BYED 'DOD PA LAS SNGA MA BZHIN TE NYES PA MED DO, ,GZHAN MANG PO DAG GI SEMS BSRUNG NA NYES PA MED DO, ,DGE 'DUN GYI NANG KHRIMS BSRUNG NA NYES PA MED DO, ,BYANG CHUB SEMS DPA' NI BCOM LDAN 'DAS KYIS GZHAN DAG GI SEMS BSRUNG BA'I PHYIR MA DAD PA RNAMS DAD PAR BYA BA DANG, DAD PA RNAMS PHYIR ZHING DBYUNG BAR BYA BA'I PHYIR, SO SO THAR PA'I 'DUL BA LAS BCAS PA'I KHA NA MA THOB DANG BCAS PA RNAM PAR GZHAG PA GANG YIN PA DE LA NYAN THOS RNAMS DANG MTSUNGS PAR SLOB STE, THA DAD PAR MI BYED DO, ,DE CI'I PHYIR ZHE NA, NYAN THOS RNAMS NI BDAG GI DON LHUR LEN PA TZAM DU ZAD NA , DE DAG KYANG MA DAD PA RNAMS DAD PAR BYA BA DANG, DAD PA RNAMS PHYIR ZHING 'BYUNG BAR BYA BA'I PHYIR GZHAN GYI YID MI SRUNG BAR MI BYED DE, BSLAB PA RNAMS LA SLOB NA, BYANG CHUB SEMS DPA' GZHAN GYI DON LHUR LEN PA RNAMS LTA CI SMOS; BCOM LDAN 'DAS KYIS NYAN THOS RNAMS KYI DON NYUNG BA DANG, BYA BA NYUNG BA DANG, SNYING LAS CHUNG NGUR GNAS PAR BYA BA LAS BRTZAMS TE, BCAS PA'I KHA NA MA THO BA DANG BCAS PA DE LA NI, BYANG CHUB SEMS DPAS NYAN THOS RNAMS DANG MTSUNGS PAR SLOB PAR MI BYED DO, ,DE @89A *, ,CI'I PHYIR ZHE NA, NYAN THOS BDAG GI DON LHUR BYED CING GZHAN GYI DON LA MI LTA BAS, GZHAN GYI DON LAS BRTZAMS TE, DON NYUNG ZHING BYA BA NYUNG LA, SNYING LAS CHUNG NGUR GNAS PA NI MDZES KYI, BYANG CHUB SEMS DPA' GZHAN GYI DON LHUR LEN PAS, GZHAN GYI DON LAS BRTZAMS TE, DON NYUNG ZHING BYA BA NYUNG LA SNYING LAS CHUNG NGUR GNAS PA NI MDZES PA MA YIN TE, 'DI LTAR BYANG CHUB SEMS DPAS GZHAN DAG GI DON DU GOS BRGYA SNYED DANG, GOS STONG SNYED NYE NGUR MI 'ONG BA'I BRAM ZE DANG KHYIM BDAG RNAMS LAS BTZAL BAR BYA STE, SKABS 'BYED PA ZHIG YOD NA YANG SEMS CAN DE DAG GI CHOG GAM MI CHOG BRTAGS NAS, CI TZAM DGOS PA BLANG BAR BYA'O, ,GOS RNAMS JI LTA BA BZHIN DU LHUNG BZED RNAMS KYANG DE DANG 'DRA'O, ,JI LTAR BTZAL BAR BYA BA DE BZHIN DU BDAG NYID KYI RGYU SKUD PA BLANGS PA NYE NGUR MI 'ONG PA'I THAG PA LA 'THAG TU 'JUG PA YANG DE DANG 'DRA'O, ,GZHAN DAG GI DON DU MON DAR GYI MAL STAN BRGYA SNYED DANG, STAN DU GDENG BA BRGYA SNYED KYANG BSTAB PAR BYA'O, ,GSER DNGUL SRANG BYE BA PHRAG 'BUM BAS LHAG PA YANG BDAG GIR BYA'O, ,BYANG CHUB SEMS DPA' BYANG CHUB SEMS DPA'I TSUL KHRIMS KYI SDOM PA LA GNAS PA DE LA SOGS PA NYAN THOS RNAMS KYI DON NYUNG ZHING BYA BA NYUNG ZHING BYA BA NYUNG LA SNYING LAS CHUNG NGUR GNAS PA LAS BRTZAMS TE, BCAS PA'I KHA NA MA THO BA DANG BCAS PA LA MTSUNGS PAR SLOB CING SEMS CAN GYI DON LAS BRTZAMS TE, KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS DON NYUNG ZHING BYA BA NYUNG LA, SNYING LAS CHUNG NGUR GNAS PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS DON NYUNG ZHING BYA BA NYUNG LA SNYING LAS CHUNG NGUR GNAS PAR BYED NA NYES PA DANG BCAS SHING 'GAL BA DANG BCAS PAR NI 'GYUR LA NYON MONGS PA CAN GYI NYES PAR NI MI 'GYUR RO, ,RANG BZHIN GYIS KHA NA MA THO BA DANG BCAS PA LA LA BYANG CHUB SEMS DPA' THABS MKHAS PA DE LTA BUS KUN TU SPYAD NA DES NYES @89B PAR YANG MI 'GYUR LA, BSOD NAMS MANG PO YANG 'PHEL BAR 'GYUR BA YANG YOD DE, 'DI LTAR CHON? PO DANG RKUN POS SROG CHAGS CHE BA'I BDAG NYID CAN NYAN THOS DANG RANG SANGS RGYAS DANG, BYANG CHUB SEMS DPA' BRGYA PHRAG MANG PO DAG ZANG ZING CUNG ZAD KYI PHYIR GSANG PAR CHAD DU ? MTSAMS MED PA'I LAS MANG PO BYED PA LA ZHUGS PA, BYANG CHUB SEMS DPAS MTHONG LA, MTHONG NAS KYANG 'DI SNYAM DU SEMS KYIS SEMS MNGON PAR 'DU BYED DE, SROG CHAGS 'DI BSAD NA BDAG SEMS CAN DMYAL BA RNAMS SU SKYE BAR 'GYUR MOD KYI BDAG SEMS CAN DMYAL BAR SKYE BAR 'GYUR BA NI MDO MED DO, SEMS CAN 'DIS MTSAMS MED PA'I LAS BYAS NA, SEMS CAN DMYAL BAR 'GRO NA MI RUNG NGO SNYAM STE, DE LTA BU'I BSAM PAS BYANG CHUB SEMS DPAS DGE BA'I SEMS SAM LUNG DU MA BSTAN PA'I SEMS SU RIG NAS 'DZEM BZHIN DU PHYI MA LA SNYING BRTZE BA'I SEMS KHO NAS SROG CHAGS DE BSAD NA, NYES PAR YANG MI 'GYUR LA BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA' NI NUS NA, SEMS CAN RGYAL PO 'AM, BLON PO CHEN PO GANG DAG SHAS CHER BRLANG ZHING SEMS CAN RNAMS LA SNYING RJE MED LA, GCIG TU NGES PAR PHA ROL LA GNOD PA BYED PA LA ZHUGS PA DAG, GANG LA GNAS NA GZHI DES BSOD NAMS MA YIN PA MANG DU 'PHEL BAR 'GYUR BA DE DAG SNYING BRTZE BA'I SEMS DANG PHAN PA'I BSAM PAS RGYAL SRID KYI DBANG PHYUG LA DBANG BDE LAS 'BYIN PAR BYED DO; ;CHOM PO DANG RKUN PO GZHAN GYI NOR 'PHROGS PA GANG DAG GIS DGE 'DUN DANG MCHOD RTEN GYI NOR MANG PO PHROGS NAS BDAG GIR BYAS TE, LONGS SPYOD PAR 'DOD PA DE DAG LAS BYANG CHUB SEMS DPAS NOR PHYIR PHROGS TE, NOR LONGS SPYOD PAS DES DE DAG LA YUN RING POR GNOD PA DANG, PHAN PA MA YIN PA KHO NAR 'GYUR NA MI RUNG NGO SNYAM NAS, RKYEN DE KHO NA'I PHYIR SLAR PHROGS TE, DGE 'DUN GYI NI DGE 'DUN LA 'BUL PAR BYED, MCHOD SBYIN GYI NI MCHOD RTEN LA 'BUL BAR BYED DO, ,ZHAL TA BYED PA 'AM, SKYED MOS TSAL BSRUNG BA GANG DAG GIS DGE @90A *, ,'DUN NAM, MCHOD RTEN GYI NOR MI RIGS PAR CHUD GSON PA DANG, GANG ZAG BDAG NYID KYIS SPYAD PAR BYED PA DE DAG LA BYANG CHUB SEMS DPAS SO SOR BRTAGS NAS LAS DE DANG LOG PAR LONGS SPYAD PA DES DE DAG LA YUN RING POR GNOD PA DANG, PHAN PA MA YIN PAR GYUR NA MI RUNG NGO SNYAM NAS DBANG BYED PA DE LAS 'BYIN PAR BYED DE, DE LTAR RNAM GRANGS DES BYANG CHUB SEMS DPA' MA BYIN PAR LEN BZHIN DU NYES PAR YANG MI 'GYUR LA, BSOD NAMS KYANG MANG DU 'PHEL BAR 'GYUR RO, ,'DI LTAR BYANG CHUB SEMS DPA' KHYIM PAS BUD MED MGO BTZANG? MI TSANGS PAR SPYAD PAR 'DOD PAS GZIR BA DANG, 'BREL BA'I SEMS DANG LDAN PA ZHIG LA KUN NAS MNAR SEMS KYI SEMS DANG LDAN PAR GYUR NAS, BSOD NAMS MA YIN PA MANG DU 'PHEL BAR 'GYUR NA MI RUNG NGO SNYOM NAS, CI DGA' DGUR DGE BA'I RTZA BA LA GZUD PA DANG , MI DGE BA'I RTZA BA YONGS SU GTONG DU GZHUG PA LA DBANG DU 'GYUR RO SNYAM STE, SNYING BRTZE BA'I SEMS KHO NA NYE BAR BZHAG STE 'KHRIG PA'I CHOS BSTEN NA MI TSANGS PAR SPYOD PA 'KHRIG PA'I CHOS BSTEN KYANG NYES PAR YANG MI 'GYUR LA BSOD NAMS KYANG MANG DU 'PHEL BAR 'GYUR RO, ,BYANG CHUB SEMS DPA' RAB RU BYUNG BA NYAN THOS KYI BSTAN PA MI 'JIG PAR RJES SU BSRUNG BAS NI MI TSANGS PAR SPYOD PA BSTEN PA RNAM PA THAMS CAD DU MI BYA'O, ,'DI LTAR BYANG CHUB SEMS DPAS SEMS CAN MANG PO SROG THAR BAR BYA BA DANG, BCINGS PA LAS THAR BAR BYA BA DANG, LAG PA DANG, RKANG PA DANG, SNA DANG RNA BA BCAD PA LAS THAR BAR BYA BA DANG, MIG DBYUNG BA LAS BSKYAB PA'I PHYIR, BYANG CHUB SEMS DPAS BDAG GI SROG GI PHYIR YANG SHES BZHIN DU BRDZUN GYI TSIG MI SMRA BA GANG YIN PA DE SEMS CAN DE DAG GI DON GYI PHYIR SO SOR BRTAGS NAS SMRA BAR BYED DE, DE LTAR MDOR BSDU NA BYANG CHUB SEMS DPA' NI CI DANG CIS KYANG SEMS CAN RNAMS KYI DON KHO NA MTHONG BA'I DON MA YIN PA NI MA YIN TE, BDAG NYID KYANG ZANG ZING MED PA'I SEMS DANG LDAN LA, SEMS CAN LA PHAN PAR 'DOD PA'I GZHI 'BA' ZHIG GIS @90B 'DU SHES BSGYUR TE, SHES BZHIN DU TSIG GZHAN LA SMRA LA, SMRA BZHIN DU NYES PAR YANG MI 'GYUR TE, BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA' NI SEMS CAN GANG DAG MI DGE BA'I BSHES GNYEN GYIS YONGS SU ZIN PA DE DAG LA SNYING BRTZE PA'I SEMS KHO NA LA BRTEN NAS SEMS CAN 'DI DAG SDIG PA'I GROGS PO DANG BSTEN PAS YUN RING POR GNOD PA DANG, PHAN PA MA YIN PAR GYUR NA MI RUNG NGO SNYAM STE, CI NUS CI LCOGS KYIS MI DGE BA'I BSHES GNYEN DE DAG DANG BRAL BA'I TSIG SMRA BAR BYED DE, DES DAG LA ZHING DBRAL BAR KUN TU DAG 'O, ,BYANG CHUB SEMS DPAS RNAM GRANGS DES MDZA' BA'I DBYEN BYAS KYANG NYES PAR MI 'GYUR LA, BSOD NAMS MANG PO YANG 'PHEL BAR 'GYUR RO, ,'DI LTAR BYANG CHUB SEMS DPA' NI SEMS CAN LAM LOG PAR ZHUGS SHING MI RIGS PA RNAMS BYED PA DAG LA THABS DE CI TZAM DU MI DGE BA'I GNAS NAS BSLANG STE, DGE BA'I GNAS SU 'GOD PA'I PHYIR RTAG TU TSIG RTZUB MO DRAG POS SMRA 'BEBS PAR BYED DE, DE LTAR BYANG CHUB SEMS DPA' TSIG RTZUB PO SMRAS KYANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO; ;'DI LTAR BYANG CHUB SEMS DPA' NI SEMS CAN GAR DANG GLU DANG ROL MO'I SGRA LA MOS PA RNAMS DANG, SEMS CAN RGYAL PO DANG, CHOM RKUN DANG, ZAS DANG, SGOM DANG, SMAD 'TSONG MA DANG, LAM SRANG GI GTAM LA SOGS PA LA MOS PA RNAMS LA GAR DANG, GLU DANG, ROL MO'I SGRA DANG, GTAM SNA TSOGS LA MKHAS TE, SNYING BRTZE BA'I BSAM PAS GAR DANG, GLU DANG, ROL MO'I SGRA DANG, TSIG KYAL PA DANG LDAN PA'I GTAM RNAM PA SNA TSOGS KYIS MGU BAR BYAS SHING 'DUN PAR BYAS TE, DBANG DU BYED CING NGAG NYAN DU BCUG NAS, MI DGE BA'I GNAS NAS BSLANG STE, DGE BA'I GNAS SU 'GOD PAR BYED DE, DE LTAR NA BYANG CHUB SEMS DPA' TSIG KYAL PA SMRA YANG NYES PAR MI 'GYUR LA, BSOD NAMS KYANG MANG DU 'PHEL BAR 'GYUR RO, ,BYANG CHUB SEMS DPA' TSUL 'CHOS PA DANG, KHA GSAG DANG, GZHOGS SLONG DANG, @91A *, ,THOB KYIS 'JAL BA DANG, RNYED PAS RNYED PAR BYED 'DOD PA LOG PAR 'TSO BAR BYED PA'I CHOS BYUNG BA RNAMS DANG DU LEN PAR BYED CING, DE DAG GIS MI 'DZEM LA SEL BAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE BSTZAL BA'I PHYIR 'DUN PA SKYE ZHING 'BAD PA RTZOM LA, NYON MONGS PA SHAS CHE BA'I PHYIR SEMS ZIL GYIS MNAN TE, KUN TU SPYOD NA NI NYES PA MED DO, ,BYANG CHUB SEMS DPA' RGOD PAS YONGS SU ZIN PA'I SEMS KYIS RNAM PAR MA ZHI ZHING, RNAM PAR MA ZHI BA LA DGA' BA RTA GAD DU DGOD PA DANG, KUN TU RTZE ZHING, KUN TU CA CO 'DON LA, DGOD CING G-YENG BA STON PA DANG, GZHAN LA LA DAG DGOD DU GZHUG PAR 'DOD CING DGA' BAR BYA BAR 'DOD NA, RKYEN DE NYID KYIS NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BRJED PAS BYAS NA NI NYON MONGS PA CAN MA YIN PA'I NYES PAR 'GYUR RO, ,DE BSTZAL BA'I PHYIR 'DUN PA SKYES PA NI NYES PA MED DE SNGA MA BZHIN NO, ,GZHAN DAG GI KUN NAS MNAR SEMS SKYES PA THABS DES PHYIR BSTZAL BAR 'DOD NA NYES PA MED DO,, GZHAN DAG GI MYA NGAN SKYES PA BSAL BAR 'DOD NA NYES PA MED DO, ,GZHAN DE'I RANG BZHIN CAN DE LA DGA' BA RNAMS BSDU BA 'AM, GTZUGS PA BSRUNG BA 'AM, DE DANG MTHUN PAR BYA BA'I PHYIR BYED NA NYES PA MED DO, ,GZHAN DAG BYANG CHUB SEMS DPA' LA MI DGA' BAR GYUR DU DOGS PA DANG, KUN NAS MNAR SEMS DANG, RGYAB KYIS PHYOGS PAR GYUR DU DOGS PA RNAMS LA DGA' BA'I BZHIN GYIS NANG GI BSAM PA DAG PAR BSTAN PA'I PHYIR BYAS NA NYES PA MED DO, ,BYANG CHUB SEMS DPA' GANG BYANG CHUB SEMS DPA' NI MYA NGAN LAS 'DAS PA LA MNGON PAR DGA' BAS GNAS PAR MI BYA'I, MYA NGAN LAS 'DAS PA LA RGYAB KYIS PHYOGS TE GNAS PAR BYA'O, ,NYON MONGS PA DANG NYE BA'I NYON MONGS PA RNAMS KYIS KYANG 'JIGS PAR MI BYA'O, ,DE DAG LUS SEMS KYANG SHIN TU DBEN PAR MI BYA STE, 'DI LTAR BYANG CHUB SEMS DPA' NI BSKAL @91B PA GRANGS MED PA GSUM DU 'KHOR BA NA 'KHOR ZHING, BYANG CHUB YANG DAG PAR BSGRUB PAR BYA DGOS SO SNYAM DU DE LTAR LTA ZHING DE SKAD SMRA NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE CI'I PHYIR ZHE NA, BYANG CHUB SEMS DPA' NI NYAN THOS KYI JI LTAR MYA NGAN LAS 'DAS PA LA MNGON PAR DGA' BA KUN TU BSTEN PAR BYA ZHING, NYON MONGS PA DANG NYE BA'I NYON MONGS PA RNAMS LA SEMS SKYO BAR BYA BA DE LAS BYE BA PHRAG 'BUM 'GYUR DU MYA NGAN LAS 'DAS PA LA MNGON PAR DGA' BA KUN TU BSTEN PAR BYA ZHING NYON MONGS PA DANG, NYE BA'I NYON MONGS PA RNAMS LAS SEMS SKYO BA BSGOM PAR BYA DGOS TE, 'DI LTAR NYAN THOS NI BDAG GCIG PU'I DON LA BRTZON GYI, BYANG CHUB SEMS DPA' NI SEMS CAN THAMS CAD KYI DON LA BRTZON PA YIN LA, DES DE LTAR SEMS KUN NAS NYON MONGS PA MED PA LA GOMS PAR BYA BA YANG DAG PAR BSGRUB DGOS TE, DE NI 'DI LTAR DGRA BCOM PA MA YIN DU ZIN KYANG DE LAS KHYAD PAR DU 'PHAGS PA KUN NAS NYON MONGS PA MED PA DANG LDAN PAS ZAG PA ZAD PA DANG BCAS PA'I DNGOS PO LA SPYOD PA'I PHYIR RO, ,BYANG CHUB SEMS DPA' BDAG GI TSIG MI BTZAN PAR 'GYUR BA'I DRI NGAS DANG, MI SNYAN PA DANG, GTAM NGAN PAR 'GYUR BA BDEN PA'I DNGOS PO MI SRUNG ZHING SPEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BDEN PA'I DNGOS PO MA YIN PA MI SRUNG ZHING SEL BAR MI BYED NA NYES PA DANG BCAS SHING 'GAL BA DANG BCAS PAR MI 'GYUR LA, NYON MONGS PA CAN GYI NYES PAR NI MI 'GYUR RO, ,PHA ROL MU STEGS CAN YIN NAM, GZHAN GANG YANG RUNG BA MNGON PAR ZHEN PA ZHIG YIN NA NYES PA MED DO, ,RAB TU BYUNG BA DANG, SLONG MO SPYOD PA DANG, DGE BA SPYOD PA'I GZHIS MI SNYAN PAR BRJOD NA NYES PA MED DO, ,KHRO BAS ZIL GYIS NON CING SEMS PHYIN CI LOG TU GYUR PAS BRJOD NA NYES PA MED DO, ,BYANG CHUB SEMS DPAS GNOD PA'I THABS DANG THABS DRAG PO GANG GIS SEMS CAN GYI DON DU 'GYUR BA MTHONG BZHIN DU YID MI DGA' BAR 'GYUR BA BSRUNG @92A *, ,BA'I PHYIR THABS DE MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN MA YIN PA'I NYES PAR 'GYUR RO, ,TSE 'DI'I DON CHUNG NGU ZHIG TU 'GYUR LA, GZHI DES YID MI BDE BA CHEN POR 'GYUR NA NYES PA MED DO, ,BYANG CHUB SEMS DPA' GZHAN DAG GSHE BA LA PHYIR GSHE BA DANG, KHRO BA LA PHYIR KHRO BA DANG, RDEG PA LA PHYIR RDAG PA DANG, MTSANG 'BRU BA LA PHYIR MTSANG 'BRU BAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPAS GZHAN DAG LA NYES PAR BYAS SAM, NYES PA BYAS SU DOGS KYANG RUNG STE, KUN NAS MNAR SEMS KYI SEMS DANG LDAN PA DANG, NGA RGYAL GYIS NON PAS MTHUN PAR SHAD KYIS BYANG BAR MI BYED DE, YAL BAR 'DOR NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS SAM, LE LO 'AM, BAG MED PAS SHAD KYIS BYANG BAR MA BYAS NA NYES PA DANG BCAS SHING 'GAL BA DANG BCAS PAR NI 'GYUR LA, NYON MONGS PA CAN GYI NYES PAR NI MI 'GYUR RO, ,THABS DES DUL BAR BYA BAR 'DOD CING, 'DUL BAR 'DOD LA MI DGE BA'I GNAS NAS BSLANG STE, DGE BA'I GNAS SU 'GOD PAR 'DOD PA NA NYES PA MED DO, ,MU STEGS CAN YIN NYES PA MED DO, ,RUNG BA MA YIN PA KHA NA MA THOB DANG BCAS KUN TU SPYOD PAS SHAD KYIS BYANG BA BYED DU 'JUG PAR 'DOD PA ZHIG NA NYES PA MED DO, ,GAL TE RANG BZHIN GYIS 'THAB KROL BA CAN ZHIG YIN TE, RTZOD PA BYED LA, SHAD KYIS BYANG BAR BYAS NA SHAS CHER 'KHRUGS TE, SHAD SKYI BAR 'GYUR NA NYES PA MED DO, ,PHA ROL BZOD PA'I NGANG TSUL CAN YIN ZHING KUN NAS MNAR SEMS MED PA'I NGANG TSUL CAN YIN DU RE LA GZHAN LA NYES PA BYAS PA LAS BRTZAMS TE, SHAD KYIS SBYANG BA BYED PAS SHIN TU NGO TSA BAR BYED PA ZHIG YIN NA NYES PA MED DO, ,BYANG CHUB SEMS DPA' RTZOD PA GANG LA GZHAN NYES PA BYUNG BDAG CHOS BZHIN DU MTHUN PAR SHAD KYIS BYANG BAR BYED KYANG, KUN NAS MNAR SEMS KYI SEMS KYI SEMS DANG LDAN ZHING GZHAN LA THO, @92B 'TSAMS PA'I BSAM PAS SHAD KYIS SBYANGS PA MI NYAN NA NYES PA DANG BCAS SHING 'GAL BA DANG BCAS PAR 'GYUR TE, NYAN MONGS PA CAN GYI NYES PAR 'GYUR RO, ,GAL TE KUN NAS MNAR SEMS KYI SEMS DANG MI LDAN GYI, MI BZOD PA'I NGANG TSUL CAN YIN PAS MI NYAN NA, NYON MONGS PA CAN GYI NYES PA NYID DU 'GYUR RO, ,THABS DES PHA ROL GDUL BAR 'DOD NA NYES PA MED DO, ,SNGA MA BZHIN DU THAMS CAD RIG PAR BYA'O, ,CHOS BZHIN MA YIN PA DANG, MTHUN PA MA YIN PAR SHAD KYIS SPYOD PAR BYED NA NYES PA MED DO, ,BYANG CHUB SEMS DPA' GZHAN DAG LA KHRO BA'I BSAM PA 'BYUNG ZHING 'DZIN LA BYUNG BA DANG DU LEN NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG PA'I PHYIR 'DUN PA SKYES NA, NYES PA MED DE SNGA MA BZHIN NO,, ,BAM PO BCU PA, BYANG CHUB SEMS DPA' RIM GRO BYA BA DANG, BSNYEN BKUR BYA BA LA YONGS SU ZHEN PA'I DBANG DU BYAS TE, ZANG ZING DANG BCAS PA'I SEMS KYIS 'KHOR SDUD PAR BYED NA NYES PA DANG BCAS ZHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,ZANG ZING MED PA'I BSAM PAS RIM GRO BA BA DANG, BSNYEN BKUR BYA BA BDAG GIR BYED NA NYES PA MED DO, ,BYANG CHUB SEMS DPA' SNYOM LAS DANG LE LO SKYES TE, GNYID KYI BDE BA DANG, NYAL BA'I DE BA DANG, GLOS 'BEBS PA'I BDE BA DUS MA YIN PA DANG, TSOD MA YIN PAR BDAG GIR BYED NA NYAS PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,NA STE MI NUS NA NYES PA MED DO, ,LAM GYIS DU BA NA NYES PA MED DO, ,DE SPANG BA'I PHYIR 'DUN PA SKYES PA LA NYES PA MED DO, ,SNGA MA BZHIN DU RIG PAR BYA'O, ,BYANG CHUB SEMS DPA' 'DU 'DZI'I GTAM LA KUN TU CHAGS PA'I SEMS KYIS DUS YOL BAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BRJED PAS YOL BAR BYAS NA NYON MONGS PA CAN MA YIN PA'I NYES PAR 'GYUR RO, ,PHA ROL SMRA ZHING 'DUG LA DE YANG DRAN PA LA GNAS BZHIN DU PHA ROL GYI NGOR SKAD CIG @93A *, ,GCIG TZAM NYAN PA LA NI NYES PA MED DO, ,YA MTSAN DU 'DZIN TE, 'DRI BA TZAM DANG, DRIS PA'I LAN 'DEBS PA TZAM BYED PA LA NYES PA MED DO, ,BYANG CHUB SEMS DPA' SEMS GNAS PAR BYA BA LAS BRTZAMS TE, SEMS MNYAM PAR GZHAG PAR 'DOD LA, KUN NAS MNAR SEMS KYI SEMS DANG LDAN PA DANG, NGA RGYAL GYIS NON TE, GDAMS NGAG NOD DU MI 'GRO NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS BYAS NA, NYON MONGS PA CAN MA YIN PA'I NYES PAR 'GYUR RO, ,NA STE MI NUS NA NYES PA MED DO, ,GDAMS NGAG LOG PAR 'BYUNG DU DOGS NA NYES PA MED DO, ,BDAG NYID MANG DU THOS PA YIN TE, SEMS MNYAM PAR 'JOG NUS SAM, DES GDAMS NGAG GIS GDAMS PA'I BYA BA BYAS ZIN NA NYES PA MED DO, ,BYANG CHUB SEMS DPA' 'DOD PA LA 'DUN PA'I SGRIB PA BYUNG BA DANG DU LEN CING SEL BAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG PA'I PHYIR 'DUN PA SKYES SHING 'BAD KYANG NYON MONGS PA DRAG POS SEMS ZIL GYIS NON TE, KUN TU SPYOD NA NYES PA MED DO, ,'DOD PA LA 'DUN PA JI LTA BA BZHIN DU, GNOD SEMS DANG, RMUGS PA DANG, GNYID DANG, RGOD PA DANG, 'GYOD PA DANG, THE TSOM YANG DE DANG 'DRA BAR RIG PAR BYA'O, ,BYANG CHUB SEMS DPA' BSAM GTAN GYI RO MYONG BAR BYED CING BSAM GTAN GYI RO MYONG BA LA YANG YON TAN DU LTA NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,DE SPANG BA'I PHYIR 'DUN PA SKYES PA LA NI NYES PA MED DE SNGA MA BZHIN NO, ,BYANG CHUB SEMS DPA' GANG BYANG CHUB SEMS DPAS NYAN THOS KYI THEG PA DANG LDAN PA'I CHOS MNYAN PAR MI BYA'O, ,GZUNG BAR MI BYA'O, ,DE LA BSLAB PAR YANG MI BYA'O, ,BYANG CHUB SEMS DPAS NYAN THOS KYI THEG PA DANG LDAN PA'I CHOS MNYAN PA DANG, BZUNG BAS CI ZHIG BYA STE, DE LA BSLAB MI DGOS SO ZHES DE LTAR LTA ZHING, DE SKAD SMRA NA NYES PA DANG BCAS SHING @93B 'GAL BA DANG BCAS PAR 'GYUR LA NYON MONGS PA CAN GYI NYES PAR 'GYUR TE, 'DI LTAR BYANG CHUB SEMS DPAS NI MU STEGS CAN GYI BSTAN BCOS RNAMS LA YANG BRTZON PAR BYA DGOS NA, SANGS RGYAS KYI GSUNG RAB LTA LA CI SMOS, GCIG TU NGES PA DE LHUR LEN PA'I 'DUN PA BZLOG PA'I PHYIR NA NYES PA MED DO, ,BYANG CHUB SEMS DPA' BYANG CHUB SEMS DPA'I SDE SNOD YOD LA, BYANG CHUB SEMS DPA'I SDE SNOD LA BRTZON PAR MA BYAS PAR BYANG CHUB SEMS DPA'I SDE SNOD THAMS CAD KYI THAMS CAD DU YANG YAL BAR BOR NAS, NYAN THOS KYI SDE SNOD LA BRTZON PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPA' SANGS RGYAS KYI GSUNG RAB YOD LA, SANGS RGYAS KYI GSUNG RAB LA BRTZON PA MA BYAS PAR MU STEGS CAN GYI BSTAN BCOS, PHYI ROL GYI BSTAN BCOS DAG LA BRTZON PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SHIN TU YID GZHUNGS PA DANG, LOBS SKYEN PA DANG, YUN RING DU MI BRJED PAR NUS PA DANG, DON SEMS PA DANG, RTOGS PAR BYED NUS PA DANG; SANGS RGYAS KYI GSUNG RAB LA RIG PAS RTOGS PA DANG LDAN PAS BLO MI 'GYUR BA DANG LDAN TE, DE LAS NYIS 'GYUR DU NYIN GCIG BZHIN DU SANGS RGYAS KYI GSUNG RAB LA BRTZON PAR BYED NA NYES PA MED DO, ,BYANG CHUB SEMS DPAS DE LTA BU'I TSUL DANG YANG MA 'GAL BAR MU STEGS CAN GYI BSTAN BCOS PHYI ROL GYI BSTAN BCOS DAG LA MKHAS PAR BYED PA NA, DER MNGON PAR DGA' BA'I TSUL GYIS BYED CING DES DGA' BAR 'DZIN LA DES RANG BAR BYED DE, SMAN TSA BA BSTEN PA BZHIN DU MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPA' BYANG CHUB SEMS DPA'I SDE SNOD LAS DE KHO NA'I DON NAM, SANGS RGYAS DANG BYANG CHUB SEMS DPA'I MTHU LAS BRTZAMS TE, ZAB PA MCHOG TU ZAB PA'I GNAS DAG THOS NAS, MA MOS SHING SKUR PA 'DEBS TE, 'DI @94A *, ,DAG NI DON DANG LDAN PA MA YIN, CHOS DANG LDAN PA MA YIN, DE BZHIN GSHEGS PAS GSUNGS PA MA YIN, SEMS CAN RNAMS LA PHAN PA DANG BDE BAR 'GYUR BA MA YIN NO ZHES ZER NA, BDAG NYID KYIS TSUL BZHIN MA YIN PA YID LA BYED PA 'AM, GZHAN GYI RJES SU ZHUGS PAS SKUR BA 'DEBS KYANG RUNG STE, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPA' ZAB CING MCHOG TU ZAB PA'I GNAS DAG THOS NAS, SEMS MOS PAR GYUR NA, DE LA BYANG CHUB SEMS DPAS DAD PA DANG G-YO MED PAS 'DI LTAR BDAG NI LONG BAR GYUR TE, MIG MED LA DE BZHIN GSHEGS PA'I SPYAN GYIS RJES SU SPYOD PAR ZAD PAS, DE BZHIN GSHEGS PAS DGOS TE GSUNGS PA SPANG PA NI BDAG GI CHA MA YIN NO ZHES YANG DAG PAR BSLAB PAR BYA'O, ,DE LTAR BYANG CHUB SEMS DPA' DES BDAG NYID MI SHES PAR BRTZIS LA DE BZHIN GSHEGS PA NYID CHOS DE DAG LA LKOG TU MA GYUR PAR YANG DAG PAR LTA NA, DE LTAR NA YANG DAG PAR ZHUGS PA YIN NO, ,MOS PA MED DU ZIN KYANG SKUR BA MI 'DEBS NA NYES PA MED DO, ,BYANG CHUB SEMS DPA' ZANG ZING DANG BCAS PA'I SEMS DANG, KHONG KHRO BA'I SEMS KYIS GZHAN DAG LA BDAG LA BSTOD CING GZHAN DAG LA SMOD PAR BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BSTAN PA GNAS PAR BYA BAR 'DOD PA'I PHYIR MU STEGS CAN RNAMS ZIL GYIS MNAN PAR 'DOD PA LA NYES PA MED DO, ,THABS DES GANG ZAG DE NYID 'DUL BAR 'DOD PA LA NYES PA MED DO, ,RGYAS PAR SNGA MA BZHIN NO, ,MA DAD PA RNAMS DAD PAR BYA BA DANG, DAD PA RNAMS PHYIR ZHING 'BYUNG BAR BYA BA'I PHYIR BYED NA NYES PA MED DO,, BYANG CHUB SEMS DPA' CHOS SGROGS PA DANG, DAM PA'I CHOS KYIS 'BREL BA'I GTAM RNAM PAR GTAN LA 'BEBS PA NA, NGA RGYAL GYIS NON PA DANG, KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS MI 'GRO NA NYES PA DANG BCAS SHING 'GAL BA @94B DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS MI 'GRO NA NYON MONGS PA CAN MA YIN PA'I NYES PAR 'GYUR RO, ,MA TSOR NA NYES PA MED DO, ,NA STE MI NUS NA NYES PA MED DO, ,LOG PAR STON DU DOGS NA NYES PA MED DO, ,CHOS SMRA BA'I SEMS BSRUNG NA NYES PA MED DO, ,YANG DANG YANG DU THOS SHING BZUNG LA SHES BZUNG LA SHES ZIN PA'I DON GYI GTAM YIN PAR SHES NA NYES PA MED DO, ,MANG DU THOS PA DANG, THOS PA 'DZIN PA DANG, THOS PA BSAM PA YIN NA NYES PA MED DO, ,RTAG TU DMIGS PA LA SEMS GNAS TE, BYANG CHUB SEMS DPA'I TING NGE 'DZIN MNGON PAR BSGRUB PA LA BRTZON NA NYES PA MED DO, ,SHIN TU SHES RAB RTUL TE CHOS LEN PA LA ZHAN, 'DZIN PA LA ZHAN CING DMIGS PA LA SEMS MNYAM PAR 'JOG PA LA ZHAN PA ZHIG YIN NA NYES PA MED DO, ,BYANG CHUB SEMS DPA' CHOS SMRA BA'I GANG ZAG LA BSAMS BZHIN DU KHYAD DU GSOD CING BKUR STI MI BYED LA, 'PHYA ZHIG STING BAR BYED PA DANG, TSIG 'BRU LA RTON GYI DON LA RTON PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,BYANG CHUB SEMS DPA'I SDOM PA LA GNAS PA'I SEMS CAN GYI BYA BA 'DI LTA STE, BYA BA GTAN LA 'BEBS PA 'AM, LAM DU 'GRO ZHING 'ONG BA 'AM, YANG DAG PA'I THA SNYAD DANG, LAS KYI MTHA' LA SBYOR BA 'AM, LONG SPYOD BSRUNG BA 'AM BYE BA BSDUM PA 'AM DGA' STON NAM, BSOD NAMS BYED PA LA KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS GROGS BYED DU MI 'GRO NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS GROGS BYED DU MI 'GRO NA, NYON MONGS PA CAN MA YIN PA'I NYES PAR 'GYUR RO, ,NA STE MI NUS NA NYES PA MED DO, ,RANG BYED NUS PA DANG, RTEN YOD DE MI 'CHOL NA NYES PA MED DO, ,GNOD PA DANG LDAN PA DANG, CHOS DANG LDAN PA MA YIN PA'I BYA BA LA MA SONG NA NYES PA MED DO, ,THABS DES 'DUL BAR 'DOD NA NYES PA MED DE RGYAS PAR SNGA MA BZHIN NO, , @95A *, ,GZHAN LA CES SNGAR KHAS BLANGS ZIN NA NYES PA MED DO, ,NUS PA GZHAN LA BCOL NA NYES PA MED DO, ,RTAG TU DGE BA'I PHYOGS LA YANG DAG PAR BRTZON NA NYES PA MED DO, ,RANG BZHIN GYIS YID RTUL ZHING LUNG 'BOGS MI MKHAS NA NYES PA MED DE SNGA MA BZHIN NO, , GZHAN CHES MANG BA DAG GI SEMS BSRUNG BAR 'DOD NA NYES PA MED DO, ,DGE 'DUN GYI NANG KHRIMS BSRUNG BAR 'DOD NA NYES PA MED DO, ,BYANG CHUB SEMS DPA' NAD PA NAD KYIS THEBS PA DANG PHRAD PA NA KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS RIM GRO DANG BSNYEN BKUR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS MI BYED NA, NYON MONGS PA CAN MA YIN PA'I NYES PAR 'GYUR RO, ,BDAG NYID NA STE MI NUS NA NYES PA MED DO, ,PHA ROL NUS SHING MTHUN PA LA BCOL NA NYES PA MED DO, ,NAD PA MGON YOD CING RTEN YOD NA NYES PA MED DO, ,BDAG NYID KYIS BDAG GI RIM GRO DANG BSNYEN BKUR BYED NUS NA NYES PA MED DO, ,NAD RGYUN RINGS KYIS THEBS TE SO TZAM DU 'DUG NA NYES PA MED DO, ,DGE BA'I PHYOGS RGYA CHEN PO LA RTAG TU BRTZON TE DGE BA'I PHYOGS KYI BAR CHAD DU 'GYUR PA BSRUNG BA'I PHYIR MI BYED NA NYES PA MED DO, ,SHIN TU SHES RAB RTUL ZHING LEGS PAR CHOS STON MI NUS LA, LEGS PAR 'DZIN MI NUS SHING DMIGS PA LA SEMS MNYAM PAR 'JOG MI NUS NA NYES PA MED DO, , GZHAN LA CHES SNGAR KHAS BLANGS NA NYES PA MED DO, ,NAD G-YOG LA JI LTA BA BZHIN TU SDUG BSNGAL BA'I SDUG BSNGAL BSAL PA'I GROGS BYA BA YANG DE DANG 'DRA BAR RIG PAR BYA'O, ,BYANG CHUB SEMS DPA' TSE 'DI DANG TSE PHYI MA'I DON LA TSUL MA YIN PAR ZHUGS PA DAG MTHONG NA, KUN NAS MNAR SEMS KYI SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS RIGS PA DANG TSUL BZHIN STON PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS STON PAR MI BYED NA @95B NYON MONGS PA CAN MA YIN PA'I NYES PAR 'GYUR RO, ,BDAG GIS MI SHES TE MI NUS NA NYES PA MED DO, ,GZHAN NUS PA LA BCOL NA NYES PA MED DO, ,DE NYID KYIS NUS NA NYES PA MED DO, ,DGE BA'I BSHEGS GNYEN GZHAN GYIS ZIN NA NYES PA MED DO, ,THABS DES GDUL BAR 'DOD NA NYES PA MED DO, ,RGYAS PAR SNGA MA BZHIN NO, ,GANG LA RIGS PAS BSTAN PAR BYA DE KUN NAS MNAR SEMS KYI SEMS DANG LDAN ZHING BKA' BLO MI BDE BAS LOG PAR 'DZIN PA DANG, DGA' ZHING GUS PA MED PAS DMU RGOD KYI RANG BZHIN CAN ZHIG YIN NA NYES PA MED DO, ,BYANG CHUB SEMS DPA' SEMS CAN PHAN 'DOGS PA RNAMS LA BYAS PA MI GZO SHING BYAS PA MI TSOR TE, KUN NAS MNAR SEMS KYI SEMS DANG LDAN PAS MTHUN PA'I PHAN GDAGS PAS LAN DU PHAN MI 'DOGS NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LOS MI BYED NA NYON MONGS PA CAN MA YIN PA'I NYES PAR 'GYUR RO, ,BSGRIMS BZHIN DU MA NUS SHING MA LCOGS NA NYES PA MED DO, ,THABS DES 'DUL BAR 'DOD NA NYES PA MED DE, SNGA MA BZHIN NO, ,DE NYID LAN DU PHAN 'DOGS PAR MI 'DOD NA NYES PA MED DO, ,BYANG CHUB SEMS DPA' SEMS CAN NYE DU DANG LONGS SPYOD LAS GYUR PA'I SDUG BSNGAL LA GNAS PA RNAMS KYI MYA NGAN BYUNG BA KUN NAS MNAR SEMS KYI SEMS DANG LDAN PAS SEL BAR MI BYED NA NYES PA DANG BCAS SHING 'GAL BA DANG BCAS PAR 'GYUR TE; NYON MONGS PA CAN GYI NYES PAR 'GYUR RO, ,SNYOM LAS DANG LE LOS SEL BAR MI BYED NA, NYON MONGS PA CAN MA YIN PA'I NYES PAR 'GYUR RO, ,NYES PAR MI 'GYUR BA NI 'DI LTA STE, BYA BA DAG LA GROGS MI BYED PA LAS BRTZAMS TE SNGA MA BZHIN DU RIG PAR BYA'O, ,BYANG CHUB SEMS DPA' ZAS DANG SKOM LA SOGS PA 'DOD PA RNAMS YANG DAG PAR SLONG BA LA ZAS DANG SKOM LA SOGS PA YO BYAD RNAMS KUN NAS MNAR SEMS KYI SEMS DANG LDAN PA DANG, KHONG KHRO BA'I SEMS DANG LDAN PAS MI BYIN NA NYES PA DANG BCAS SHING 'GAL BA DANG BCAS PAR 'GYUR @96A *, ,TE; NYON MONGS PA CAN GYI NYES PAR 'GYUR RO, ,SNYOM LAS DANG LE LO DANG BAG MED PAS MA BYIN NA NYON MONGS PA CAN MA YIN PA'I NYES PAR 'GYUR RO, ,LONGS SPYOD DAG MED DE MI BDOG NA NYES PA MED DO, ,RUNG BA MA YIN PA DANG, MI 'PHROD PA SLONG BA NA NYES PA MED DO; ;THABS DES GDUL BAR BYA BAR 'DOD CING 'DUL BAR 'DOD NA NYES PA MED DO, ,SNGA MA BZHIN NO ,RGYAL PO LA GNOD PA BSRUNG NA NYES PA MED DO, ,DGE 'DUN GYI NANG KHRIMS BSRUNG NA NYES PA MED DO, ,BYANG CHUB SEMS DPA' 'KHOR BSDUS LA KUN NAS MNAR SEMS KYI SEMS DANG LDAN PAS DUS DUS SU LEGS PAR MI 'DOMS SHING LEGS PAR RJES SU MI STON PA DANG, PHONGS PA DE DAG GI PHYIR BRAM ZE DANG KHYIM BDAG DAD PA RNAMS LAS GOS DANG, ZAS DANG MAL CHA DANG, STAN DANG NA BA'I GSOS SMAN DANG, YO BYAD RNAMS CHOS BZHIN DU YONGS SU TSOL BAR MI BYED NA, NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS SAM LE LO 'AM, BAG MED PAS MI 'DOMS SHING RJES SU MI STON LA YONGS SU TSOL BAR MI BYED NA, NYON MONGS PA CAN MA YIN PA'I NYES PAR 'GYUR RO, ,THABS DES DUL BAR BYA BAR 'DOD CING DUL BAR 'DOD NA NYES PA MED DE SNGA MA BZHIN NO, ,DGE 'DUN GYI NANG KHRIMS BSRUNG NA NYES PA MED DO, ,NA STE SBYOR MI BZOD NA NYES PA MED DO, ,NUS PA GZHAN DAG LA BCOL NA NYES PA MED DO, ,'KHOR BSOD NAMS CHEN PO DANG LDAN PA 'AM, YANG NA BDAG NYID CHOS GOS LA SOGS PA YONGS SU TSOL NUS PAR SHES PA DANG, DE DAG GIS GDAMS NGAG RJES SU BSTAN PAS GDAMS NGAG DANG RJES SU BSTAN PA'I BYA BA BYAS ZIN NA NYES PA MED DO, ,SNGON MU STEGS CAN YIN PA LAS CHOS RKUR 'ONGS PA DER YANG 'DUL BA'I SKAL BA MED PA'I RANG BZHIN CAN ZHIG YIN NA NYES PA MED DO, ,BYANG CHUB SEMS DPA' KUN NAS MNAR SEMS KYI SEMS DANG LDAN PAS GZHAN DAG GI SEMS DANG MTHUN PAR MI BYED NA, NYES PA DANG BCAS SHING 'GAL BA DANG BCAS @96B PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LO DANG, BAG MED PAS MTHUN PAR MI BYED NA NYON MONGS PA CAN MA YIN PA'I NYES PAR 'GYUR RO, ,GZHAN DAG GI 'DOD PA GANG YIN PA DE MI 'PHROD PAR 'GYUR BA YIN NA NYES PA MED DO, ,NA STE SBYOR MI BZOD NA NYES PA MED DO, ,DGE 'DUN GYI NANG KHRIMS BSRUNG NA NYES PA MED DO, ,DE'I 'DOD PA 'PHROD PA YIN DU ZIN KYANG, GZHAN CHES MANG BA DAG GI 'DOD PA MA YIN ZHING MI 'PHROD NA NYES PA MED DO, ,MU STEGS CAN TSAR GCAD PA'I PHYIR NA NYES PA MED DO, ,THABS DES DUL BAR BYA BAR 'DOD CING DUL BAR 'DOD NA NYES PA MED DE SNGA MA BZHIN NO, ,BYANG CHUB SEMS DPA' KUN NAS MNAR SEMS KYI SEMS DANG LDAN PAS GZHAN DAG GI YANG DAG PA'I YON TAN RJOD PAR MI BYED CING, YANG DAG PA'I BSNGAGS PA MI BRJOD PA DANG, LEGS PAR SMRAS PA LA LEGS SO ZHES BYA BA MA BYIN NA NYES PA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, ,SNYOM LAS DANG LE LO DANG, BAG MED PAS MA SMRAS NA NYON MONGS PA CAN MA YIN PA'I NYES PAR 'GYUR RO, ,RANG BZHIN GYIS 'DOD PA CHUNG NGU YIN PAR DPAGS TE, DE DANG MTHUN PAR BYED NA NYES PA MED DO, ,NA STE MI NUS NA NYES PA MED DO, ,THABS DES 'DUL BAR BYA BAR 'DOD CING 'DUL BAR 'DOD NA NYES PA MED DE SNGA MA BZHIN NO, ,DGE 'DUN GYI NANG KHRIMS BSRUNG NA NYES PA MED DO, ,GZHI DES KUN NAS NYON MONGS PA DANG, RGYAGS PA DANG, KHENGS PA DANG, GNOD PAR 'GYUR DU DOGS TE, DE BSAL BA'I PHYIR NA NYES PA MED DO, ,YON TAN RNAMS YON TAN LTAR BCOS PA YIN TE, YANG DAG PA MA YIN PA DANG, LEGS PAR SMRAS PA YANG LEGS PAR SMRAS PA LTAR BCOS PA YIN TE, YANG DAG PA MA YIN NA NYES PA MED DO, ,MU STEGS CAN TSAR GCAD PA'I PHYIR NA NYES PA MED DO, ,GTAM RDZOGS RDZOGS SU SDOD NA NYES PA MED DO, ,BYANG CHUB SEMS DPA' SEMS CAN SMAD BAB PA'I RIGS PA DANG, CHAD PAS GCAD PA'I RIGS PA DANG, BSKRAD PA'I RIGS PA RNAMS NYON @97A *, ,MONGS PA CAN GYI SEMS KYIS SMA MI 'BEBS SAM, SMA 'BEBS SU ZIN KYANG CHAD PAS BCAD PAS MI 'CHOS SAM, 'CHOS SU ZIN KYANG SKROD PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN GYI NYES PAR 'GYUR RO, , SNYOM LAS DANG LE LO DANG, BAG MED PAS SMA 'BEBS PA RMI BYED PA NAS, SKROD PA'I BAR DU MI BYED NA NYON MONGS PA CAN MA YIN PA'I NYES PAR 'GYUR RO, ,BCOS SU MI RUNG BA'I RANG BZHIN CAN ZHIG STE, GTAM BYAR MI RUNG BA DANG, BKA' BLO MI BDE ZHING KUN NAS MNAR SEMS KYI SHAS CHE BA LA YAL BAR BOR NA NYES PA MED DO, ,DUS LAS SDOD NA NYES PA MED DO, ,GZHI DE LAS 'THAB PA DANG, 'TSANG 'BRU BA DANG, 'BYED PA DANG, RTZOD PAR 'GYUR BAR MTHONG NA NYES PA MED DO, ,DGE 'DUN 'KHRUG CING 'BYE BAR MTHONG NA NYES PA MED DO, ,SEMS CAN DE DAG G-YO MED DE; SHAS CHER NGO TSA CHES PA DANG, KHREL YOD PA DANG LDAN PAS MYUR BA MYUR BAR MTHUN PAR BYED PA ZHIG NA NYES PA MED DO, ,BYANG CHUB SEMS DPA' RDZU 'PHRUL DANG RNAM PAR 'PHRUL PA DANG, MTHU RNAM PA SNA TSOGS DANG LDAN LA, SEMS CAN SKRAG PAR BYA BA'I RIGS PA RNAMS SKRAG PAR BYA BA DANG, SEMS CAN 'DUN PAR BYA BA'I RIGS PA RNAMS 'DUN PAR BYA BA DANG, DAD PAS BYIN PA SPONG DU GZHUG PA'I PHYIR RDZU 'PHRUL GYIS SKRAG PAR MI BYED 'DUN PAR MI BYED NA NYES PA DANG BCAS SHING 'GAL BA DANG BCAS PAR 'GYUR TE, NYON MONGS PA CAN MA YIN PA'I NYES PAR 'GYUR RO; ;SEMS CAN RNAMS GANG DU SHAS CHER MNGON PAR ZHEN PA MU STEGS CAN 'PHAGS PA LA SKUR BA 'DEBS PA, LOG PAR LTA BA DANG LDAN PA DAG CIG NA MA BSTAN KYANG NYES PA MED DO, ,THAMS CAD LA YANG SEMS 'KHRUGS PA DANG, SDUG BSNGAL GYI TSOR BAS NYEN PA DANG, SDOM PA MA MNOS PA LA NI SHIN TU NYES PA MED PAR RIG PAR BYA'O, ,BYANG CHUB SEMS DPA' RNAMS KYI BSLAB PA'I GZHI 'DI DAG NI DNGOS SU BYUNG BA SHA STAG STE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS LAS BRTZAMS @97B NAS BCOM LDAN 'DAS KYIS MDO SDE GZHAN DE DANG DE DAG TU THOR BU THOR BUR GSUNGS PA DE BYANG CHUB SEMS DPA'I SDE SNOD KYI MA MO 'DIR TSANG BAR BSHAD DE, BYANG CHUB SEMS DPA' GUS PA SKYES PAS DE DAG LA SLOB PAR 'DOD PA'I BSAM PA RNAM PAR DAG PA DANG, BYANG CHUB 'DOD PA'I BSAM PA DANG, SEMS CAN GYI DON BYA BA'I BSAM PAS GZHAN LAS SDOM PA YANG DAG PAR BLANG BAR BYAS NAS MCHOG TU GUS PAR BYA STE, BSLAB PAR BYA'O, ,THOG MA NYID NAS KYANG NYES PA MI 'BYUNG BAR GUS PA BSKYED PAR BYA'O, ,NYES PA BYUNG NA YANG CHOS BZHIN DU GSO BAS NYES PA LAS GSO BAR BYA'O, ,BYANG CHUB SEMS DPA'I NYES PA 'DI DAG THAMS CAD NI NYES BYAS SU BSDU BAR RIG PAR BYA'O, ,NYAN THOS KYI THEG PA 'AM, THEG PA CHEN PO PA GANG YANG RUNG STE, GANG DAG GI RNAM PAR RIG BYED DE DAG KHONG DU CHUD CING 'DZIN NUS PA LA BSHAGS PAR BYA'O,, GAL TE KUN NAS DKRIS PA CHEN POS BYANG CHUB SEMS DPA' LA PHAM PA'I GNAS LTA BU'I CHOS BYUNG BAR GYUR NA DES SDOM PA BTANG BA LAN GNYIS SU SLAR YANG MNOD PAR BYA'O, ,GAL TE KUN NAS DKRIS PA 'BRING GIS NYES PA BYUNG BA NA NI DES GANG ZAG GSUM MAM, DE YAN CHAD LA NYES BYAS BSHAGS PAR BYA STE, MDUN DU 'DUG NAS THOG MAR DNGOS PO BRJOD DE, 'DI SKAD CES TSE DANG LDAN PA DGONGS SU GSOL, BDAG MING 'DI ZHES BGYI BA LA JI SKAD YONGS SU BRJOD PA'I GZHI LAS BYANG CHUB SEMS DPA'I 'DUL BA DANG 'GAL BA NYES BYAS KYI NONGS PA BYUNG STE ZHES BRJOD LA, LHAG MA NI DGE SLONG NYES BYAS 'CHAGS PA JI LTA BA DE BZHIN DU BRJOD PAR BYA'O, ,KUN NAS DKRIS PA CHUNG NGUS PHAM PA'I GNAS LTA BU'I CHOS BYUNG BA DANG, DE LAS GZHAN PA'I NYES PA RNAMS NI GCIG GI MDUN DU BSHAGS PAR BYA BAR RIG PAR BYA'O, ,GANG GI MDUN DU BSHAGS PAR BYA BA'I GANG ZAG MTHUN PA MED NA, BYANG CHUB SEMS DPAS BSAM PA THAG PA NAS PHYIN CHAD MI BYA BAR SEMS BSKYED PAR BYA ZHING PHYIN CHAD KYANG BSDAM PAR BYA'O, ,DE LTAR BYAS NA NYES PA DE LAS BYUNG ZHES BYA'O, ,BYANG CHUB SEMS DPA'I SDOM PA YANG @98A *, ,DAG PAR BLANG BA DE YANG GAL TE YON TAN DE DAG DANG LDAN PA'I GANG ZAG MED PAR GYUR NA, BYANG CHUB SEMS DPAS DE BZHIN GSHEGS PA'I SKU GZUGS KYI SPYAN SNGAR BDAG NYID KYIS BYANG CHUB SEMS DPA'I TSUL KHRIMS KYI SDOM PA YANG DAG PAR BLANG BAR BYA STE, 'DI LTAR SPYAN SNGAR BLA GOS PHRAG PA GCIG LA GZAR NAS PUS MO G-YAS PA'I LHA NGA SA LA BTZUGS NAS SAM, TZOG TZOG POR 'DUG KYANG RUNG STE, 'DI SKAD DU BDAG MING 'DI ZHES BGYI BA PHYOGS BCU'I DE BZHIN GSHEGS PA DANG SA CHEN PO LA ZHUGS PA'I BYANG CHUB SEMS DPA' THAMS CAD LA GSOL BA 'TSAL TE, DE DAG GI SPYAN SNGAR BYANG CHUB SEMS DPA'I BSLAB PA'I GZHI THAMS CAD DANG, BYANG CHUB SEMS DPA'I TSUL KHRIMS THAMS CAD DE, SDOM PA'I TSUL KHRIMS DANG, DGE BA'I CHOS SDUD PA'I TSUL KHRIMS DANG, SEMS CAN GYI DON BYA BA'I TSUL KHRIMS GANG LA 'DAS PA'I BYANG CHUB SEMS DPA' THAMS CAD KYI BSLABS PA DANG, MA 'ONGS PA'I BYANG CHUB SEMS DPA' THAMS CAD SLOB PAR 'GYUR BA DANG, PHYOGS BCU NA DA LTAR BYUNG BA'I BYANG CHUB SEMS DPA' THAMS CAD DA LTAR SLOB PA RNAMS BDAG GIS YANG DAG PAR BLANG NGO ZHES BRJOD PAR BYA STE, LAN GNYIS LAN GSUM DU BRJOD NAS LDANG BAR BYA'O, ,LHAG MA THAMS CAD NI SNGA MA BZHIN DU RIG PAR BYA'O, ,BYANG CHUB SEMS DPA'I NYES PA'I LAM LA YANG NYES PA LHAG MA YANG MED PA NI MED DE, BCOM LDAN 'DAS KYIS BYANG CHUB SEMS DPA'I NYES PA NI PHAL CHER ZHI SDANG LAS 'BYUNG GI, 'DOD CHAGS LAS BYUNG BA NI MA YIN PAR SHES PAR BYA'O ZHES GANG GSUNGS PA DE LA DGONGS PA NI 'DI YIN PAR BLTA BAR BYA STE, BYANG CHUB SEMS DPA' SEMS CAN LA RJES SU CHAGS SHING SEMS CAN LA BYAMS PA'I DBANG DU BYAS NAS GANG CI SPYOD KYANG RUNG DE DAG THAMS CAD NI BYANG CHUB SEMS DPAS BYA BA YIN TE, MI BYA BA MA YIN PA LA BYA BA'I RIGS PA BYED PA NI NYES PAR 'GYUR BA MI RIGS SO, ,BYANG CHUB SEMS DPA' SEMS CAN RNAMS LA SDANG BA NI BDAG DANG GZHAN RNAMS LA PHAN PAR SPYOD PA @98B MA YIN LA, DE YANG BYANG CHUB SEMS DPA'I BYA BA MA YIN TE, DE LTAR BYA BA MA YIN PA BYED PA NI NYES PAR 'GYUR BAR RIGS SO, ,BYANG CHUB SEMS DPA'I NYES PA RNAMS NI CHUNG NGU DANG, 'BRING DANG, CHEN POR RIG PAR BYA STE, 'DI LTA STE, GZHI BSDU BA LAS 'BYUNG BA BZHIN NO, ,DE LTAR BYANG CHUB SEMS DPA' RANG GI 'DUL BA LA BSLAB PA LA BRTZON PA NI PHUNG SUM TSOGS PA GSUM PO SBYOR BA PHUN SUM TSOGS PA DANG, BSAM PA PHUN SUM TSOGS PA DANG, SNGON GYI RGYU PHUN SUM TSOGS PA DANG LDAN PAS BDE BA LA REG PAR GNAS SO, ,DE LA SBYOR BA PHUN SUM TSOGS PA GANG ZHE NA, 'DI LTAR BYANG CHUB SEMS DPA' NI TSUL KHRIMS DAG 'DRAL BAR MI BYED CING LUS DANG NGAG DANG YID KYIS KUN TU SPYOD PA YONGS SU DAG PA DANG, NYES PA RGYUN DU MI BYED PA DANG, SDIG PA 'CHAGS PA YIN TE, 'DI NI SBYOR BA PHUN SUM TSOGS PA ZHES BYA'O, ,BSAM PA PHUN SUM TSOGS PA GANG ZHE NA, CHOS KYI BSAM PAS RAB TU BYUNG BA YIN GYI, 'TSO BA'I BSAM PAS MA YIN, BYANG CHUB SEMS CHEN PO DON DU GNYER BA YIN GYI, DON DU MI GNYER BA MA YIN, DGE SBYONG GI TSUL DANG MYA NGAN LAS 'DAS PA DON DU GNYER BA YIN GYI, DON DU MI GNYER BA MA YIN PA DANG, DE DE LTAR DON DU GNYER BAS LE LOS GNAS PA MA YIN ZHING, BRTZON 'GRUS MI ZHAN PA DANG, KUN NAS NYON MONGS PA DANG, YANG 'BYUNG BA PA DANG, RIMS NAD DANG BCAS PA DANG, RNAM PAR SMIN PA SDUG BSNGAL BA DANG, PHYI MA LA SKYE BA DANG, RGA SHIR 'GYUR BA'I SDIG PA MI DGE BA'I CHOS RNAMS DANG MA 'DRES PA STE, DE NI BSAM PA PHUN SUM TSOGS PA ZHES BYA'O, ,SNGON GYI RGYU PHUN SUM TSOGS PA GANG ZHE NA, 'DI LTA STE, BYANG CHUB SEMS DPAS SNGON TSE RABS GZHAN DAG TU BSOD NAMS BYAS SHING DGE BA BYAS TE, DES DA LTAR BDAG NYID KYANG GOS DANG, ZAS DANG, MAL CHA DANG, STAN DANG, NA BA'I GSOS SMAN DANG, YO BYAD RNAMS KYIS PHONGS PAR MI 'GYUR LA, GZHAN DAG LA YANG BGO BSHA' BYED NUS PA STE, 'DI NI BYANG CHUB SEMS DPA'I SNGON GYI RGYU PHUN SUM TSOGS PA YIN PAR RIG PAR BYA STE, BYANG CHUB SEMS @99A *, ,DPA' 'DUL BA LA BSLAB PA BRTZON PA, PHUN SUM TSOGS PA GSUM PO 'DI DAG DANG LDAN PA NI BDE BA LA REG PAR GNAS SO, ,DE LAS BZLOG PA'I PHONGS PA GSUM DANG LDAN PA NI SDUG BSNGAL LA REG PAR GNAS PAR RIG PAR BYA STE, 'DI NI BYANG CHUB SEMS DPA' KHYIM PA'I PHYOGS SU GTOGS PA DANG, RAB TU BYUNG BA'I PHYOGS SU GTOGS PA THAMS CAD KYI TSUL KHRIMS KYI MDO DANG RGYAS PA ZHES BYA'O, ,DE LAS GZHAN PA DKA' BA'I TSUL KHRIMS LA SOGS PA NI TSUL KHRIMS THAMS CAD 'DI'I RAB TU DBYE BA YIN PAR RIG PAR BYA'O, ,DE LA BYANG CHUB SEMS DPA'I DKA' BA'I TSUL KHRIMS GANG ZHE NA, 'DI NI RNAM PA GSUM DU BLTA BAR BYA STE, BYANG CHUB SEMS DPA' LONGS SPYOD CHE LA DBANG PHYUG CHEN PO LA DBANG BYED CING 'DUG PA LAS LONGS SPYOD SPANGS SHING, DBANG PHYUG CHEN PO LA DBANG BYED PA SPANGS NAS, TSUL KHRIMS KYI SDOM PA YANG DAG PAR LEN PA NI BYANG CHUB SEMS DPA'I DKA' BA'I TSUL KHRIMS ZHES BYA'O, ,BYANG CHUB SEMS DPA' TSUL KHRIMS BLANGS NAS NYAM THAG STE, SROG LA THUG KYANG TSUL KHRIMS KYI SDOM PA YANG DAG PAR BLANGS PA DE NYAMS PAR YANG MI BYED NA MED PAR LTA GA LA BYED DE, 'DI NI BYANG CHUB SEMS DPA'I DKA' BA'I TSUL KHRIMS ZHES BYA STE GNYIS PA'O, ,JI SRID 'TSO'I BAR DU CI NAS NYES PA PHRA RAB KYANG MI 'BYUNG ZHING, TSUL KHRIMS LA 'KHRUL PA YANG MI 'BYUNG NA LCI BA LTA 'BYUNG BAR GA LA 'GYUR BA DE LTA DE LTAR BYANG CHUB SEMS DPA' SPYOD PA DANG GNAS PA THAMS CAD YID LA BYED PA DAG LA DRAN PA NYE BAR GNAS SHING BAG YOD PA YIN TE, 'DI NI BYANG CHUB SEMS DPA'I DKA' BA'I TSUL KHRIMS ZHES BYA STE GSUM PA'O, ,DE LA BYANG CHUB SEMS DPA' THAMS CAD KYI SGO NAS TSUL KHRIMS GANG ZHE NA, 'DI NI RNAM PA BZHIR BLTA BAR BYA STE, YANG DAG PAR BLANGS PA DANG, RANG BZHIN GYI TSUL KHRIMS DANG, GOMS PA DANG, THABS DANG LDAN PA'O, ,DE LA YANG DAG PAR BLANG PA'I TSUL KHRIMS NI GANG GIS BYANG CHUB SEMS DPA'I TSUL KHRIMS RNAM PA GSUM PO SDOM PA'I TSUL KHRIMS DANG, DGE BA CHOS SDUD PA'I SUL KHRIMS DANG, SEMS @99B CAN GYI DON BYED PA'I TSUL KHRIMS YANG DAG PAR BLANG BAR BYAS PA YIN NO, ,DE LA RANG BZHIN GYI TSUL KHRIMS NI BYANG CHUB SEMS DPA'I RIGS LA GNAS PA NYID KYI SEMS KYI RGUD RANG BZHIN GYIS DGE BA KHO NA YIN PAS, LUS DANG NGAG GI LAS YONGS SU DAG PAR 'JUG PA GANG YIN PA'O,, DE LA GOMS PA'I TSUL KHRIMS NI BYANG CHUB SEMS DPA' GANG GIS SNGON GYI TSE RABS GZHAN DAG TU JI SKAD BSTAN PA'I TSUL KHRIMS RNAM PA GSUM CHAR LA GOMS PAR BYAS PA YIN TE, DE SNGON GYI RGYU'I STOBS BSKYED PA DES SDIG PA KUN TU SPYOD PA LA, THAMS CAD KYI THAMS CAD DU MI DGA' ZHING SDIG PA LAS YID BYUNG LA, DGE BA KUN TU SPYOD PA LA DGA' ZHING, DGE BA KUN TU SPYOD PA KHO NA 'DOD PA'O, ,DE LA THABS DANG LDAN PA'I TSUL KHRIMS NI 'DI YIN TE, BYANG CHUB SEMS DPA' BSDU BA'I DNGOS PO BZHI LA BRTEN NAS, SEMS CAN RNAMS LA LUS DANG NGAG GI LAS DGE BA LA 'JUG PA GANG YIN PA'O, ,DE LA BYANG CHUB SEMS DPA'I SKYES BU DAM PA'I TSUL KHRIMS GANG ZHE NA, DE NI RNAM PA LNGAR RIG PAR BYA STE, 'DI LA BYANG CHUB SEMS DPA' BDAG NYID KYANG TSUL KHRIMS DANG LDAN PA DANG, GZHAN DAG KYANG TSUL KHRIMS YANG DAG PAR LEN DU 'JUG PA DANG; TSUL KHRIMS KYI BSNGAGS PA YANG BRJOD PA DANG, CHOS DANG MTHUN PA MTHONG NA YID DGA' BAR 'GYUR BA DANG, NYES PA BYUNG NA CHOS BZHIN DU PHYIR 'CHOS PA'O, ,DE LA BYANG CHUB SEMS DPA'I RNAM PA THAMS CAD KYI TSUL KHRIMS GANG ZHE NA, DE NI RNAM PA DRUG DANG, RNAM PA BDUN TE, GCIG TU BSDOMS NA RNAM PA BCU GSUM DU RIG PAR BYA STE, BSLAB PA'I GZHI RGYA CHEN PO YONGS SU BZUNG BA'I PHYIR, BYANG CHUB CHEN POR YONGS SU BSDOS PA'I PHYIR RGYA CHE BA DANG, 'DOD PA'I BSOD NAMS DANG, BDAG NYID DUB PAR BYED PA'I MTHA' GNYIS SPANGS PA'I PHYIR KHA NA MA THO BA MED PA DANG, RAB TU DGA' BA'I GNAS DANG MTHUN PA DANG, JI SRID 'TSO'I BAR DU YANG BSLAB PA 'BUL BAR MI BYED PA'I PHYIR RTAG TU BYED PA DANG, RNYED PA DANG, BKUR STE DANG, PHAS KYI RGOL BA DANG, NYON MONGS PA DANG, NYE BA'I NYON MONGS PA RNAMS KYIS ZIL GYIS MI NON CING MI 'PHROGS @100A *, ,PA'I PHYIR BRTAN PA DANG, TSUL KHRIMS KYI RGYAN DANG LDAN PA STE, TSUL KHRIMS KYI RGYAN NI 'DI LTA STE, NYAN THOS KYI SA LAS BYUNG BA BZHIN DU RIG PAR BYA'O, ,SROG GCOD PA LA SOGS PA SPANGS PA'I PHYIR LDOG PA'I TSUL KHRIMS DANG, DGE BA SDUD PA DANG, SEMS CAN GYI DON BYA BA'I PHYIR 'JUG PA'I TSUL KHRIMS DANG, 'JUG PA DANG, LDOG PA'I TSUL KHRIMS RJES SU BSRUNG BA'I PHYIR KUN NAS BSRUNG BA'I TSUL KHRIMS DANG, SKYES BU CHEN PO'I MTSAN RNAM PAR SMIN PAR BYED PA'I TSUL KHRIMS DANG, LHAG PA'I SEMS RNAM PAR SMIN PAR BYED PA'I TSUL KHRIMS DANG; SDUG PA'I 'GRO BA RNAM PAR SMIN PAR BYED PA'I TSUL KHRIMS DANG, SEMS CAN GYI DON RNAM PAR SMIN PAR BYED PA'I TSUL KHRIMS SO, ,DE LA BYANG CHUB SEMS DPA'I PHONGS SHING 'DOD PA'I TSUL KHRIMS GANG ZHE NA, DE NI RNAM PA BRGYAD DU RIG PAR BYA STE, 'DI LA BYANG CHUB SEMS DPA' BDAG NYID 'DI SNYAM DU RJES SU SEMS TE, 'DI LTAR BDAG NI BDAG LA SU YANG GSOD PA DANG, MA BYIN PAR LEN PA DANG, 'DOD PA RNAMS LA LOG PAR G-YEM PA DANG, BRDZUN GYI TSIG SMRA BA DANG, PHRA MA DANG, NGAG RTZUB PO DANG, TSIG 'KHYAL PA BYED PA DANG, LAG PA DANG, BONG BA DANG, LCAG GIS BSNUN CING RNAM PAR 'TSE BA'I REG PA MI 'DOD PA DAG KUN TU SPYOD PAR BYED PAR MA GYUR CIG SNYAM DU 'DOD LA BDAG DE LTA BU 'DOD BZHIN DU, ,GAL TE GZHAN GYIS LOG PA BYAS PAR GYUR NA, DES DAG PHONGS PAR 'GYUR ZHING DE BDAG GI YID DU MI 'ONG BAR 'GYUR BAS NA GZHAN YANG BDAG CI LTA BA BZHIN DU GZHAN GYIS GSAD PAR MA GYUR CIG CES BYA BA NAS RGYAS PAR RNAM PAR 'TSE BA'I REG PA DAG BYED PAR MA GYUR CIG SNYAM DU 'DOD DE, DE DAG KYANG DE LTAR 'DOD BZHIN DU GAL TE BDAG GIS LOG PAR KUN TU SPYAD PAR GYUR NA, DES DE DANG, PHONGS PAR 'GYUR ZHING DE DE DAG GI YID DU MI 'ONG BAR 'GYUR NA, DE LTAR BDAG DANG GZHAN DAG GI YID DU MI 'ONG GANG YIN PA DE DAG GIS GZHAN DAG LA CI'I PHYIR KUN TU SPYAD PAR BYA SNYAM DU SEMS TE, BYANG CHUB SEMS DPAS DE LTAR SO SOR BRTAGS NAS SROG GI PHYIR YANG GZHAN @100B LA YID DU MI 'ONG BA RNAM PA BRGYAD PO KUN TU SPYOD PAR MI BYED PA STE, 'DI NI BYANG CHUB SEMS DPA'I PHONGS SHING 'DOD PA'I TSUL KHRIMS RNAM PA BRGYAD CES BYA'O, ,DE LA BYANG CHUB SEMS DPA'I 'DI DANG GZHAN DU BDE BAR 'GYUR BA'I TSUL KHRIMS GANG ZHE NA, DE NI RNAM PA DGUR RIG PAR BYA STE; 'DI LA BYANG CHUB SEMS DPA' SEMS CAN DGAG PAR BYA BA'I GNAS SU GYUR PA RNAMS NI 'GOG PAR BYED, GNANG BAR BYA BA'I GNAS SU GYUR PA RNAMS NI GNANG BAR BYED, SEMS CAN BSDU BAR BYA BA RNAMS NI SDUD PAR BYED, SEMS CAN TSAR GCAD PAR BYA BA RNAMS NI TSAR GCOD PAR BYED CING, DE LA BYANG CHUB SEMS DPA'I LUS DANG NGAG GI LAS YONGS SU DAG PAR 'JUG STE, 'DI NI RE ZHIG TSUL KHRIMS RNAM PA BZHI'O, ,GZHAN YANG SBYIN PA DANG LDAN PA'I TSUL KHRIMS DANG, BZOD PA DANG LDAN PA DANG, BRTZON 'GRUS DANG LDAN PA DANG, BSAM GTAN DANG LDAN PA DANG, SHES RAB DANG LDAN PA DANG RNAM PA LNGA'O, ,DE GNYIS GCIG TU BSDUS NA TSUL KHRIMS RNAM PA DGUR 'GYUR TE, BYANG CHUB SEMS DPA' DE DANG GZHAN DAG LA TSE 'DI DANG DANG TSE PHYI MA LA BDE BAR 'GYUR BAS NA DE'I PHYIR 'DI DANG GZHAN DU BDE BAR 'GYUR BZHES BYA'O, ,DE LA BYANG CHUB SEMS DPA'I RNAM PAR DAG PA'I TSUL KHRIMS GANG ZHE NA, DE NI RNAM PA BCUR RIG PAR BYA STE, DGE SBYONG GI TSUL DANG, RDZOGS PA'I BYANG CHUB 'DOD PA'I PHYIR YIN GYI, 'TSO BA 'DOD PA'I PHYIR MA YIN PAS DANG PO NYID NAS LEGS PAR BLANGS PA DANG 'GAL BA BYAS PA LA CHUNG NGU 'GYOD PA MED PA'I PHYIR HA CANG ZHUM PA MA YIN PA DANG, GNAS MA YIN PAR 'GYOD PA MED PA'I PHYIR HA CANG THAL BA MA YIN PA DANG, GNYID KYI BDE BA DANG, GLOS 'BEBS PA'I BDE BA DANG, NYAL BA'I BDE BA NYAMS SU MI LEN PA DANG, NYIN MTSAN DU DGE BA'I PHYOGS LA MNGON PAR BRTZON PA'I PHYIR LE LO MED PA DANG, SNGA MA BZHIN DU YAN LAG LNGA'I BAG YOD PA LA BRTEN PAS YONGS SU ZIN PA DANG, RNYED PA DANG, BKUR STE LA ZHEN PA MED PA DANG, LHA NYID DU SMON NAS TSANGS PAR SPYOD PA LA GNAS PAR KHAS BLANGS PA MA YIN PA'I PHYIR SMON LAM LEGS PAR BTAB PA DANG, SPYOD LAM DANG, @101A *, ,'PHRAL GYI BYA BA DANG, DGE BA'I PHYOGS LA SBYOR BA RNAMS LA LUS DANG NGAG GI KUN TU SPYOD PA SHIN TU PHUN SUM TSOGS SHING 'TSAM PA'I PHYIR CHO GA PHUN SUM TSOGS PAS YONGS SU ZIN PA DANG, TSUL 'CHOS PA LA SOGS PA LOG PAR 'TSO BAR BYED PA'I NYES PA THAMS CAD RNAM PAR SPANGS PA'I PHYIR 'TSO BA PHUN SUM TSOGS PAS YONGS SU ZIN PA DANG, 'DOD PA'I BSOD SNYOMS DANG, BDAG NYID DUB PAR BYED PA'I RJES SU SBYOR BA RNAM PAR SPANGS PA'I PHYIR MTHA' GNYIS RNAM PAR SPANGS PA DANG, MU STEGS CAN THAMS CAD KYI LTA BA RNAM PAR SPANGS PA'I PHYIR NGES PAR 'BYIN PA DANG, NYAMS PAR MI BYED CING MED PAR MI BYED PA'I PHYIR BYANG CHUB SEMS DPA' RNAMS KYI TSUL KHRIMS YANG DAG PAR BLANGS PA YONGS SU MNYAM PA STE, BYANG CHUB SEMS DPA' RNAMS KYI TSUL KHRIMS RNAM PA BCU PO 'DI DAG NI RNAM PAR DAG PA ZHES BYA'O, , DE LTAR NA BYANG CHUB SEMS DPA'I TSUL KHRIMS KYI PHUNG PO CHEN PO 'DI NI BYANG CHUB CHEN PO'I 'BRAS BU BSKYED PA STE, 'DI LA BRTEN NA BYANG CHUB SEMS DPA' TSUL KHRIMS KYI PHA ROL TU PHYIN PA YONGS SU RDZOGS NAS, BLA NA MED PA YANG DAG PAR RDZOGS PA'I BYANG CHUB TU MNGON PAR RDZOGS PAR 'TSANG RGYA BAR 'GYUR RO, ,JI SRID DU MNGON PAR RDZOGS PAR SANGS MA RGYAS PA DE SRID DU, BYANG CHUB SEMS DPA'I TSUL KHRIMS KYI PHUNG PO DPAG TU MED PA 'DI LA SLOB PA NA PHAN YON RNAM PA LNGA 'THOB PAR 'GYUR TE, SANGS RGYAS RNAM KYIS DGONGS PAR 'GYUR BA DANG, MCHOG TU DGA' BA CHEN PO LA GNAS BZHIN DU 'CHI BA'I DUS BYED PAR 'GYUR BA DANG, LUS ZHI GNAS KYANG GANG NA DE DANG TSUL KHRIMS MTSUNGS PA 'AM, LHAG PA'I BYANG CHUB SEMS DPA' SKAL PA 'DRA ZHING CHOS MTHUN PA PA DGE BA'I BSHES GNYEN DU GYUR PA DAG GNAS PA DER SKYE BAR 'GYUR BA DANG, TSE 'DI LA TSUL KHRIMS KYI PHA ROL TU PHYIN PA YONGS SU RDZOGS PAR BYED PA'I BSOD NAMS KYI PHUNG PO TSAD MED PA DANG LDAN PAR 'GYUR BA DANG, TSE PHYI MA LA YANG RANG 'KHRUNGS KYI TSUL KHRIMS NYID DE, TSUL KHRIMS DE'I BDAG NYID 'THOB PAR 'GYUR RO, ,TSUL KHRIMS KYI NGO BO NYID LA SOGS PA RNAM @101B PA DGU PO JI SKAD BSTAN PA'I TSUL KHRIMS DE THAMS CAD NI SDOM PA'I TSUL KHRIMS DANG DGE BA'I CHOS SDUD PA'I TSUL KHRIMS DANG, SEMS CAN GYI DON BYED PA'I TSUL KHRIMS DANG, TSUL KHRIMS RNAM PA GSUM GYIS BSDUS PAR RIG PAR BYA'O, ,TSUL KHRIMS RNAM PA GSUM PO DE DAG KYANG MDOR BSDU NA BYANG CHUB SEMS DPA'I BYA BA RNAM PA GSUM BYED DE, SDOM PA'I TSUL KHRIMS NI SEMS GNAS PAR BYED DO, DGE BA'I CHOS SDUD PA NI BDAG GIS SANGS RGYAS KYI CHOS YONGS SU SMIN PAR BYED DO, ,SEMS CAN GYI DON BYED PA'I TSUL KHRIMS NI SEMS CAN YONGS SU SMIN PAR BYED DO, , BYANG CHUB SEMS DPA'I BYA BA THAMS CAD NI 'DI DAG TU ZAD DE, 'DI LTA STE, TSE 'DI LA BDE BAR GNAS PAR BYA BA'I PHYIR, SEMS GNAS PA DANG, LUS DANG SEMS DUB PA MED PAR SANGS RGYAS KYI CHOS YONGS SU SMIN PAR BYA BA DANG, SEMS CAN YONGS SU SMIN PAR BYA BA YIN TE, BYANG CHUB SEMS DPA'I TSUL KHRIMS NI DE DAG TU ZAD DO, ,BYANG CHUB SEMS DPA'I TSUL KHRIMS KYI PHAN YON KYANG DE DAG TU ZAD DO, ,BYANG CHUB SEMS DPA'I TSUL KHRIMS KYI BYA BA YANG DE DAG TU ZAD DO, ,DE LAS GONG NA YANG MED DO, ,DE LAS LHAG PA YANG MED DO, ,DE LA NI 'DAS PA'I BYANG CHUB SEMS DPA' BYANG CHUB CHEN PO 'DOD PA RNAMS KYIS KYANG BSLABS SO, ,MA 'ONGS PA RNAMS KYANG BSLAB PAR 'GYUR RO, ,DA LTAR PHYOGS BCU'I 'JIG RTEN GYI KHAMS MTHA' YAS MU MED PA NA GNAS PA DAG KYANG BSLAB PO, ,BYANG CHUB SEMS DPA'I SA'I GZHI'I RNAL 'BYOR GYI GNAS LAS TSUL KHRIMS KYI LE'U STE BCU PA'O,, ,,