@001A #, ,[DD] RNAL 'BYOR SPYOD PA'I SA RNAM PAR GTAN LA DBAB PA BSDU BA, BAM PO DANG PO, GSUNG GI MNGA' BDAG 'JAM DPAL GZHON NUR GYUR PA DANG, 'PHAGS PA BYAMS PA LA PHYAG 'TSAL LO, ,SA RNAMS NI BSHAD ZIN TO, ,'DI MAN CHAD NI SA DE DAG NYID KYI RNAM PAR GTAN LA DBAB PA LA MKHAS PA BRJOD PAR BYA STE, RNAM PAR GTAN LA DBAB PA LA MKHAS PA DE LA BRTEN NAS THAMS CAD KYI DRIS PA LAN GDAB PA LA MKHAS PAR 'GYUR RO, ,RNAM PAR SHES PA'I TSOGS LNGA DANG LDAN PA DANG YID KYI SA'I RNAM PAR GTAN LA DBAB PA NI SA BON GYI GNAS KUN GZHI RNAM PAR SHES PA ZHES GANG SMOS PA'O, ,DE'I YOD PA NYID DANG RAB TU DBYE BA NI MA BSTAN TE, CI'I PHYIR MA BSTAN PA DANG, JI LTAR NA DE YOD PA NYID DANG, RAB TU DBYE BA RIG PAR BYA ZHE NA, DE NI BCOM LDAN 'DAS KYIS GSANG STE BSTAN CING, RNAM PAR GZHAG PA YIN PAS NA, DE'I PHYIR MA BSTAN TE, BCOM LDAN 'DAS KYIS JI SKAD DU, LEN PA'I RNAM PAR SHES PA ZAB CING PHRA, ,SA BON THAMS CAD CHU BO'I KLUNG LTAR 'BAB, , [DD] @002A *, ,BDAG TU RTOG PAR GYUR NA MI RUNG ZHES, ,BYIS PA RNAMS LA NGAS NI DE MA BSTAN, ,CES GSUNGS PA LTA BU'O, ,SDOM NI, LEN DANG DANG PO GSAL BA DANG, ,SA BON LAS DANG LUS TSOR DANG, ,SEMS MED SNYOMS PAR 'JUG PA DANG, ,DE BZHIN 'CHI 'PHO MI RUNG 'GYUR, ,KUN GZHI RNAM PAR SHES PA YOD PA NYID NI, RNAM PA BRGYAD KYIS KHONG DU CHUD PAR BYA STE, 'DI LTA STE, KUN GZHI RNAM PAR SHES PA MED NA GNAS LEN PA MI SRID PA DANG, DANG PO 'JUG PA MI SRID PA DANG, GSAL BAR 'JUG PA MI SRID PA DANG, SA BON NYID MI SRID PA DANG, LAS MI SRID PA DANG, LUS KYI TSOR BA MI SRID PA DANG, SEMS MED PA'I SNYOMS PAR 'JUG PA MI SRID PA DANG, RNAM PAR SHES PA'I 'CHI 'PHO MI SRID PAS SO, ,CI'I PHYIR GNAS LEN PA MI RUNG ZHE NA, SMRAS PA, RGYU RNAM PA LNGA STE, 'DI LTA STE, KUN GZHI RNAM PAR SHES PA NI SNGON GYI LAS MNGON PAR 'DUS BYAS PA'I RGYU LAS BYUNG BA YIN LA, MIG LA SOGS PA 'JUG PA'I RNAM PAR SHES PA RNAMS NI DA LTAR BYUNG BA'I RKYEN GYI RGYU LAS BYUNG BA YIN TE, JI SKAD DU RNAM PAR SHES PA RNAMS NI DBANG PO DANG, YUL DANG, YID LA BYED PA'I DBANG GIS 'BYUNG BAR 'GYUR RO ZHES RGYA CHER BSTAN PA LTA BU STE, DE NI RGYU DANG PO'O, ,GZHAN YANG @002B RNAM PAR SHES PA'I TSOGS DRUG PO DAG NI, DGE BA DANG MI DGE BAR SNANG STE, DE NI RGYU GNYIS PA'O, ,GZHAN YANG RNAM PAR SHES PA'I TSOGS DRUG PO DAG LA NI, LUNG DU MA BSTAN PA RNAM PAR SMIN PAR BSDUS PA'I RIGS GANG YIN PA DE MI DMIGS TE, DE NI RGYU GSUM PA'O, ,GZHAN YANG RNAM PAR SHES PA'I TSOGS DRUG PO DAG NI GNAS NGES PA LAS 'BYUNG STE, DE LA RNAM PAR SHES PA GNAS GANG DANG GANG NAS 'BYUNG BA DE NYID KYIS DE ZIN PAR 'GYUR GYI, LHAG MA RNAMS KYIS ZIN PAR MI 'GYUR BAS MI RUNG NGO, ,ZIN PAR YANG MI RUNG STE RNAM PAR SHES PA DANG BRAL BA'I PHYIR TE; DE NI RGYU BZHI PA'O, ,GZHAN YANG YANG DANG YANG GNAS LEN PA'I SKYON DU THAL BAR 'GYUR TE, 'DI LTAR MIG GI RNAM PAR SHES PA NI LAN 'GA' 'BYUNG ZHING LAN 'GA' MI 'BYUNG LA, LHAG MA RNAMS KYANG DE DANG 'DRA STE, DE NI RGYU LNGA PA'O, ,DE LTAR NA SNGON GYI LAS DANG DA LTAR BYUNG BA'I RKYEN GYI RGYU LAS BYUNG BA DANG, DGE BA DANG MI DGE BA YIN PA DANG, RIGS DE MI DMIGS PA DANG, GNAS NGES PA DANG, YANG DANG YANG LEN PA'I SKYON DU 'GYUR BA'I PHYIR MI RUNG NGO, ,CI'I PHYIR DANG PO 'JUG CING 'BYUNG BA MI RUNG ZHE NA, GAL TE LA LA 'DI SKAD CES GAL TE KUN GZHI RNAM PAR SHES PA YOD NA DE'I PHYIR RNAM PAR SHES PA GNYIS CIG CAR 'BYUNG BAR 'GYUR RO ZHES ZER NA, DE LA 'DI SKAD CES BRJOD PAR BYA STE, DE NI NYES PA MED PA KHO NA LAS KHYOD NYID NYES PAR 'DU SHES PAR ZAD DE 'DI LTAR RNAM PAR SHES PA NI GNYIS CIG CAR 'BYUNG BA KHO NAR 'GYUR RO, ,DE CI'I PHYIR ZHE NA, 'DI LTAR LA LA CIG CAR LTA BAR 'DOD PA DANG CIG CAR RNAM PAR SHES PAR BYA BA'I BAR DU 'DOD PA LA, DANG PO RNAM PAR SHES PA GANG YANG RUNG BA 'JUG PAR 'GYUR BA MI RUNG STE, 'DI LTAR DE LA YID LA BYED PA DANG DBANG PO DANG, YUL YANG BYE BRAG MED PA'I PHYIR RO, ,CI'I PHYIR RNAM PAR SHES PA CIG CAR 'BYUNG BA MED NA, YID KYI RNAM PAR SHES PA MIG LA SOGS PA'I RNAM PAR SHES PA DANG LHAN CIG DANG, MJUG THOGS SU 'BYUNG BA GSAL BAR MI RUNG ZHE NA, 'DI LTAR GANG GI TSE, 'DAS PA'I DUS NA NYAMS SU MYONG BA'I YUL RJES SU DRAN PA DE'I TSE, @003A *, ,NA NI YID KYI RNAM PAR SHES PA'I 'JUG PA GSAL BA MA YIN LA, DA LTAR BYUNG BA'I YUL LA NI YID KYI 'JUG PA DE LTAR MI GSAL BA MA YIN PAS, DE'I PHYIR CIG CAR 'BYUNG BA'AM YID KYI RNAM PAR SHES PA GSAL BA MA YIN PAR RIGS SO, ,CI'I PHYIR RNAM PAR SHES PA'I TSOGS DRUG PO DAG GCIG GI SA BON NYID GCIG YIN PAR MI SRID CE NA, 'DI LTAR DGE BA'I MJUG THOGS SU MI DGE BA DANG, MI DGE BA'I MJUG THOGS SU DGE BA DANG, GNYI GA'I MJUG THOGS SU LUNG DU MI BSTAN PA DANG, KHAMS NGAN PA'I MJUG THOGS SU KHAMS BAR MA DANG, KHAMS BAR MA'I MJUG THOGS SU KHAMS BZANG PO PA DANG, DE BZHIN DU KHAMS BZANG PO PA'I MJUG THOGS SU KHAMS NGAN PA PA'I BAR DANG, ZAG PA DANG BCAS PA'I MJUG THOGS SU ZAG PA MED PA DANG, ZAG PA MED PA'I MJUG THOGS SU ZAG PA DANG BCAS PA DANG; 'JIG RTEN PA'I MJUG THOGS SU 'JIG RTEN LAS 'DAS PA DANG, 'JIG RTEN LAS 'DAS PA'I MJUG THOGS SU 'JIG RTEN PA'I SEMS 'BYUNG LA DE DAG NI DA LTAR SA BON NYID DU MI RUNG BA'I PHYIR DANG, SEMS KYI RGYUD YUN RING POR RGYUN CHAD KYANG, YUN RING POS 'BYUNG BAR 'GYUR PAS DE'I PHYIR YANG MI RUNG NGO, ,CI'I PHYIR RNAM PAR SHES PA CIG CAR 'BYUNG BAR MED NA LAS MI SRID CE NA, 'DI LTAR LAS NI MDOR BSDU NA RNAM PA BZHI STE, SNOD RNAM PAR RIG PA DANG, GNAS RNAM PAR RIG PA DANG, BDAG GO SNYAM DU RNAM PAR RIG PA DANG, YUL RNAM PAR RIG PA'O, , DE LTAR RNAM PAR RIG PA DE DAG THAMS CAD NI SKAD CIG LA CIG CAR 'BYUNG BAR SNANG LA, RNAM PAR SHES PA GCIG GI SKAD CIG GCIG LA NI LAS SHIN TU THA DAD PA DE LTA BU DE DAG MI RUNG BA'I PHYIR RO, ,CI'I PHYIR KUN GZHI RNAM PAR SHES PA MED NA LUS KYI TSOR BA MI RUNG ZHE NA, 'DI LTAR TSUL BZHIN NAM TSUL BZHIN MA YIN PA SEMS PAR BYED PA DANG, RJES SU RTOGS PAR BYED PA'AM, SEMS MNYAM PAR GZHAG PA'AM, SEMS MNYAM PAR MA BZHAG PA GCIG CIG GI LUS LA TSOR BA RNAM PA DU MA RNAM PA MANG PO SNA TSOGS GANG DAG 'BYUNG BA DE DAG MI 'BYUNG BA'I RIGS NA SNANG STE, @003B DE'I PHYIR YANG KUN GZHI RNAM PAR SHES PA YOD DO, ,CI'I PHYIR KUN GZHI RNAM PAR SHES PA MED NA SEMS MED PA'I SNYOMS PAR 'JUG PA MI SRID CE NA, 'DI LTAR 'DU SHES MED PA LA SNYOMS PAR ZHUGS PA'AM, 'GOG PA LA SNYOMS PAR ZHUGS PA'I RNAM PAR SHES PA LUS DANG BRAL BA KHO NAR 'GYUR ZHING MA BRAL BAR MI 'GYUR BAS, DE'I PHYIR SHI BA KHO NAR 'GYUR BA ZHIG NA BCOM LDAN 'DAS KYIS JI SKAD DU, DE'I RNAM PAR SHES PA NI LUS DANG BRAL BA MA YIN NO ZHES GSUNGS PA'I PHYIR RO, ,CI'I PHYIR KUN GZHI RNAM PAR SHES PA MED NA 'CHI 'PHO MI RUNG ZHE NA, 'DI LTAR 'CHI 'PHO BA'I TSE'I RNAM PAR SHES PAS LUS RO STOD DAM, RO SMAD DU DROD YAL BAR BYED CING SPONG LA YID KYI RNAM PAR SHES PA NI NAM YANG MI 'BYUNG BA MA YIN PAS, DE'I PHYIR LUS LEN PAR BYED PA'I KUN GZHI RNAM PAR SHES PA KHO NA DANG BRAL BAS LUS KYI DROD YAL BA DANG, LUS LA TSOR BA MED PAR SNANG BAR ZAD KYI, YID KYI RNAM PAR SHES PA DANG BRAL BAS NI MA YIN TE, DE'I PHYIR YANG MI RUNG NGO, ,SDOM NI, DMIGS DANG MTSUNGS PAR LDAN PA DANG, ,GCIG GI RKYEN NYID GCIG YIN DANG, ,LHAN CIG DNGOS POS 'JUG PA DANG, ,KUN NAS NYON MONGS LDOG PA YIN, , MDOR BSDU NA KUN GZHI RNAM PAR SHES PA'I 'JUG PA NI RNAM PA BZHIS RNAM PAR BZHAG LA, LDOG PA NI RNAM PA GCIG GIS RNAM PAR GZHAG PAR RIG PAR BYA STE, 'DI LTA STE, DMIGS PAS 'JUG PA RNAM PAR GZHAG PA DANG, MTSUNGS PAR LDAN PAS 'JUG PA RNAM PAR GZHAG PA DANG, GCIG GI RKYEN NYID GCIG YIN PAS 'JUG PA RNAM PAR GZHAG PA DANG, LHAN CIG GI DNGOS POS 'JUG PA RNAM PAR GZHAG PA STE, RNAM PA BZHI PO DE DAG GIS NI 'JUG PA RNAM PAR GZHAG LA, KUN NAS NYON MONGS PA LDOG PA RNAM PAR GZHAG PAS NI LDOG PA RNAM PAR GZHAG PAR RIG PAR BYA'O, ,DE LA DMIGS PAS 'JUG PA RNAM PAR GZHAG PA GANG ZHE NA, MDOR BSDU NA KUN GZHI RNAM PAR SHES PA NI DMIGS PA RNAM PA GNYIS KYIS 'JUG STE, NANG GI LEN PA RNAM PAR RIG PA DANG, PHYI ROL GYI SNOD RNAM PA YONGS SU MA CHAD PA RNAM PAR RIG PAS SO, ,DE LA NANG GI LEN @004A *, ,PA NI KUN BRTAGS PA'I NGO BO NYID LA MNGON PAR ZHEN PA'I BAG CHAGS DANG RTEN DANG DBANG PO'I GZUGS SO, ,DE YANG GZUGS CAN GYI KHAMS NA'O, ,GZUGS CAN MA YIN PA NA NI BAG CHAGS LEN PA KHO NAR ZAD DO, ,DE LA PHYI ROL GYI SNOD RNAM PA YONGS SU MA BCAD PA RNAM PAR RIG PA NI KUN GZHI RNAM PAR SHES PA NANG GI LEN PA'I DMIGS PA GANG YIN PA DE NYID LA BRTEN NAS, RTAG TU RGYUN MI 'CHAD PAR 'JIG RTEN DANG SNOD KYI RGYUN RNAM PAR RIG PA STE, 'DI LTA STE, DPER NA MAR ME 'BAR BA NI SNYING PO DANG SNUM GYI RGYUS NI NANG DU 'JUG PAR 'GYUR LA, PHYI ROL DU NI 'OD 'BYUNG BAR BYED PA BZHIN DU NANG GI LEN PA'I DMIGS PA DANG, PHYI ROL GYI DMIGS PA 'DI LA YANG KUN GZHI RNAM PAR SHES PA'I TSUL DE DANG 'DRA BAR BLTA BAR BYA'O, ,DMIGS PA DE NI 'JIG RTEN GYI MKHAS PA RNAMS KYIS KYANG YONGS SU GCAD PAR DKA' BA'I PHYIR PHRA BA YIN NO, ,DMIGS PA DE NI RTAG TU YOD PA YIN TE, LAN 'GA' GZHAN DU 'GYUR LA, LAN 'GA' GZHAN DU 'GYUR BA MA YIN NO, ,'ON KYANG DANG PO PA'I LEN PA'I SKAD CIG LA BRTEN NAS, JI SRID 'TSO'I BAR DU RNAM PAR SHES PAR RIG PA RO GCIG PAS 'JUG PAR 'GYUR RO; ,KUN GZHI RNAM PAR SHES PA DE NI DMIGS PA LA SKAD CIG PA YIN PAR BLTA BAR BYA STE, SKAD CIG PA'I RGYUN GYI RGYUD KYIS 'JUG PA YIN GYI, GCIG PA NYID NI MA YIN NO, ,KUN GZHI RNAM PAR SHES PA DE YANG 'DOD PA'I KHAMS NA NI RGYU CHUNG NGU'I DMIGS PA CAN DU BRJOD PAR BYA'O, ,GZUGS KYI KHAMS NA NI RGYU CHEN POR GYUR BA'I DMIGS PA CAN NO, ,GZUGS MED PA'I KHAMS NA NAM MKHA' MTHA' YAS SKYE MCHED DANG, RNAM SHES MTHA' YAS SKYE MCHED NA NI RGYU TSAD MED PA'I DMIGS PA CAN NO, ,CI YANG MED PA'I SKYE MCHED NA NI RGYU PHRA BA'I DMIGS PA CAN NO, ,'DU SHES MED 'DU SHES MED MIN SKYE MCHED NA NI RGYU SHIN TU PHRA BA'I DMIGS PA CAN DU BLTA BAR BYA'O, ,DE LTAR NA DMIGS PA RNAM PA GNYIS RNAM PAR RIG PA DANG, PHRA BA RNAM PAR RIG PA DANG, 'DRA BA RNAM PAR RIG PA DANG, SKAD CIG PA RNAM PAR @004B RIG PA DANG, RGYU CHUNG NGU'I DMIGS PA RNAM PAR RIG PA DANG, RGYU CHEN POR GYUR PA'I DMIGS PA RNAM PAR RIG PA DANG, RGYU TSAD MED PA'I DMIGS PA RNAM PAR RIG PA DANG, RGYU PHRA BA'I DMIGS PA RNAM PAR RIG PA DANG, RGYU SHIN TU PHRA BA'I DMIGS PA RNAM PAR RIG PAS KYANG KUN GZHI RNAM PAR SHES PA DMIGS PAS 'JUG PA RNAM PAR GZHAG PAR RIG PAR BYA'O, ,DE LA MTSUNGS PAR LDAN PAS 'JUG PA RNAM PAR GZHAG PA GANG ZHE NA, 'DI LA KUN GZHI RNAM PAR SHES PA MTSUNGS PAR LDAN PAS NA SEMS DANG MTSUNGS PAR LDAN PA KUN TU 'GRO BA LNGA PO YID LA BYED PA DANG, REG PA DANG, TSOR BA DANG, 'DU SHES DANG, SEMS PA RNAMS DANG MTSUNGS PAR LDAN NO, ,CHOS DE DAG KYANG RNAM PAR SMIN PAR BSDUS PA DANG, 'JIG RTEN GYI MKHAS PA RNAMS KYIS KYANG RTOGS PAR DKA' BA'I PHYIR PHRA BA DANG, GTAN DU DMIGS PA GCIG LA MTSUNGS PAR 'JUG PA YIN NO, ,SEMS LAS BYUNG BA DE DAG LAS KYANG KUN GZHI RNAM PAR SHES PA DANG MTSUNGS PAR LDAN PA'I TSOR BA GANG YIN PA DE NI GCIG TU SDUG BSNGAL YANG MA YIN BDE BA YANG MA YIN PA DANG, LUNG DU MA BSTAN PA YIN NO, ,DE NYID KYIS DE LAS GZHAN PA'I SEMS LAS BYUNG BA'I CHOS RNAMS KYANG RNAM PAR BSHAD PA YIN NO, ,DE LTAR NA SEMS LAS BYUNG BA KUN TU 'GRO BA DANG MTSUNGS PAR LDAN PA DANG RNAM PAR SMIN PAR RIGS 'DRA BA DANG MTSUNGS PAR LDAN PA DANG, 'JUG PA PHRA BA DANG MTSUNGS PAR LDAN PA DANG, DMIGS PA GCIG LA MTSUNGS PAR 'JUG PA DANG MTSUNGS PAR LDAN PA DANG, SDUG BSNGAL YANG MA YIN BDE BA YANG MA YIN PA DANG MTSUNGS PAR LDAN PA DANG, LUNG DU MA BSTAN PA DANG MTSUNGS PAR LDAN PAS KYANG KUN GZHI RNAM PAR SHES PA MTSUNGS PAR LDAN PAS 'JUG PA RNAM PAR GZHAG PAR RIG PAR BYA'O, ,DE LA GCIG GI RKYEN NYID GCIG YIN PAS 'JUG PA RNAM PAR GZHAG PA GANG ZHE NA, 'DI LA KUN GZHI RNAM PAR SHES PA NI RNAM PA GNYIS KYIS 'JUG PA'I RNAM PAR SHES PA'I RKYEN GYI BYA BA BYED DE SA BON GYI DNGOS PO DANG RTEN BYED PAS SO, ,DE LA SA BON GYI DNGOS @005A *, ,PO NI 'JUG PA'I RNAM PAR SHES PA DGE BA DANG MI DGE BA DANG LUNG DU MA BSTAN PA 'BYUNG BAR 'GYUR BA GANG CI YANG RUNG STE, DE DAG THAMS CAD NI KUN GZHI RNAM PAR SHES PA'I SA BON DANG LDAN PA YIN NO, ,DE LA RTEN BYED PA NI KUN GZHI RNAM PAR SHES PAS ZIN PA'I DBANG PO GZUGS CAN RNAMS LA BRTEN NAS, RNAM PAR SHES PA'I TSOGS LNGA PO DAG 'BYUNG BAR 'GYUR GYI MA ZIN PA DAG LAS NI MA YIN, ,RNAM PAR SHES PA'I TSOGS LNGA PO DAG GI GNAS MIG LA SOGS PA DANG 'DRA BA YID DANG YID KYI RNAM PAR SHES PA'I GNAS KUN GZHI RNAM PAR SHES PA YOD NA, YID DANG YID KYI RNAM PAR SHES PA YANG 'BYUNG BAR 'GYUR GYI MED NI NA MA YIN NO, ,DE LA 'JUG PA'I RNAM PAR SHES PA NI RNAM PA GNYIS KYIS KUN GZHI RNAM PAR SHES PA'I RKYEN GYI BYA BA BYED DE, TSE 'DI LA SA BON YONGS SU BRTAS PAR BYED PA DANG, TSE PHYI MA LA DE MNGON PAR 'GRUB PA'I SA BON YONGS SU 'DZIN PA SKYED PAR BYED PAS SO, ,DE LA TSE 'DI LA SA BON YONGS SU BRTAS PAR BYED PA NI, JI LTA JI LTAR KUN GZHI RNAM PAR SHES PA LA BRTEN PA 'JUG PA'I RNAM PAR SHES PA DGE BA DANG, MI DGE BA DANG, LUNG DU MA BSTAN PA 'BYUNG BAR 'GYUR BA DE LTA DE LTAR RANG GI RTEN LA RTEN DE DANG LHAN CIG SKYE BA DANG 'GAG PAS BAG CHAGS SGO BAR BYED DO, ,RGYU DE DANG RKYEN DES NA 'JUG PA'I RNAM PAR SHES PA RNAMS KYANG PHYIR ZHING PHYIR ZHING DGE BA LA SOGS PA'I DNGOS POS SHIN TU BRTAS PA DANG, SHIN TU SBYANGS PA DANG, SHIN TU 'OD GSAL BA DAG TU 'BYUNG BAR 'GYUR RO, ,DE'I BAG CHAGS KYI RIGS GZHAN NI PHYI MA LA KUN GZHI RNAM PAR SHES PA DE DAG NYID KYI RNAM PAR SMIN PA YONGS SU 'DZIN PA'I PHYIR 'JUG PAR 'GYUR RO, ,DE LTAR NA SA BON GYI DNGOS PO DANG RTEN BYED PA DANG, SA BON YONGS SU BRTAS PAR BYED PA DANG, SA BON YONGS SU 'DZIN PAS KYANG KUN GZHI RNAM PAR SHES PA DANG, 'JUG PA'I RNAM PAR SHES PA GCIG GI RKYEN NYID GCIG YIN PAS 'JUG PA RNAM PAR GZHAG PAR RIG PAR BYA'O, ,DE LA LHAN CIG GI DNGOS POS 'JUG PA RNAM PAR GZHAG PA GANG ZHE NA, KUN GZHI @005B RNAM PAR SHES PA NI RES 'GA' NI 'JUG PA'I RNAM PAR SHES PA GCIG KHO NA DANG LHAN CIG TU 'JUG STE, 'DI LTA STE YID DANG NGO, ,'DI LTAR NGAR 'DZIN PA DANG, NGA'O SNYAM PA'I NGA RGYAL DANG, RLOM PA'I RNAM PA CAN GYI YID GANG YIN PA DE NI SEMS YOD PA DANG, SEMS MED PA'I GNAS SKABS DAG NA YANG DUS RTAG TU KUN GZHI RNAM PAR SHES PA DANG LHAN CIG 'BYUNG ZHING 'JUG STE, DA NI KUN GZHI RNAM PAR SHES PA LA NGA'O SNYAM PA DANG, BDAG GO SNYAM DU DMIGS SHING RLOM PA'I RNAM PA CAN YIN NO, ,RES 'GA' NI YID DANG YID KYI RNAM PAR SHES PA GNYIS DANG LHAN CIG 'BYUNG ZHING 'JUG GO, ,RES 'GA' NI RNAM PAR SHES PA'I TSOGS LNGA PO DAG LAS GANG YANG RUNG BA GCIG DANG GSUM DANG NGO, ,RES 'GA' NI RNAM PAR SHES PA'I TSOGS LNGA PO DAG LAS GNYIS LHAN CIG 'BYUNG BA DANG BZHI DANG NGO, ,RES 'GA' NI RNAM PAR SHES PA'I TSOGS LNGA PO LHAN CIG 'BYUNG BA DANG BDUN CHAR GYI BAR DAG DANG, LHAN CIG 'BYUNG ZHING 'JUG GO, ,YID KYI RNAM PAR SHES PA DE NI YID LA BRTEN PA ZHES BYA STE, RGYU MTSAN GYI YID MA 'GAGS NA RNAM PAR RIG PA'I 'CHING BA MI 'GROL LA, 'GAGS NA NI DE 'GROL BA'I PHYIR RO, , YID KYI RNAM PAR SHES PA DE NI GZHAN GYI YUL LA DMIGS PA DANG, RANG GI YUL LA DMIGS PA YIN TE, DE LA GZHAN GYI YUL LA DMIGS PA NI RNAM PAR SHES PA'I TSOGS LNGA PO DAG GI YUL LA CIG CAR RAM, CIG CAR MA YIN PAR DMIGS PA GANG YIN PA'O, ,RANG GI YUL LA DMIGS PA NI RNAM PAR SHES PA'I TSOGS LNGA PO DAG GI DMIGS PA MED PAR CHOS LA DMIGS NAS 'BYUNG BA GANG YIN PA'O, ,KUN GZHI RNAM PAR SHES PA DE YANG RES 'GA' NI BDE BA DANG, SDUG BSNGAL BA DANG, SDUG BSNGAL YANG MA YIN BDE BA YANG MA YIN PA'I TSOR BA RNAMS DANG 'DREN MAR 'JUG STE, 'JUG PA'I RNAM PAR SHES PA LA BRTEN NAS, TSOR BA GANG DAG YIN PA DE DAG DE LA BRTEN NAS 'BYUNG BA'I PHYIR RO, ,DE LA MI RNAMS DANG 'DOD PA NA SPYOD PA'I LHA RNAMS DANG, DUD 'GRO DANG, YI DVAGS KHA CIG GI NANG NA NI LHAN CIG SKYES PA'I TSOR BA SDUG BSNGAL YANG @06A *, ,MA YIN BDE BA YANG MA YIN PA DE DANG, 'JUG PA'I RNAM PAR SHES PA'I TSOGS KYI TSOR BA BDE BA'AM, SDUG BSNGAL BA'AM, BDE BA YANG MA YIN, SDUG BSNGAL BA YANG MA YIN PA DE DAG GI RGYUN 'DREN MAR LHAN CIG TU 'BYUNG ZHING 'JUG GO, ,SEMS CAN DMYAL BA DAG NA NI SDUG BSNGAL BA YANG MA YIN, BDE BA YANG MA YIN PA'I TSOR BA ZIL GYIS MNAN TE, SDUG BSNGAL GYI RGYUN 'BA' ZHIG MA 'DRES PA DE NYID DANG LHAN CIG 'BYUNG ZHING 'JUG STE, DE YANG ZIL GYIS MNAN PA'I PHYIR RTOGS PAR DKA' BA YIN PAR BLTA'O, ,SEMS CAN DMYAL BA DAG NA SDUG BSNGAL DANG CI LTA BA DE BZHIN DU BSAM GTAN GSUM GYIS PA'I LHA RNAMS LA NI BDE BAR DANG NGO, ,BSAM GTAN BZHI PA YAN CAD SRID PA'I RTZE MO'I BAR DAG LA NI SDUG BSNGAL YANG MA YIN BDE BA YANG MA YIN PA DANG NGO, ,KUN GZHI RNAM PAR SHES PA RES 'GA' NI 'JUG PA'I RNAM PAR SHES PAR GTOGS PA'I SEMS LAS BYUNG BA'I CHOS DGE BA DANG MI DGE BA DANG, LUNG DU MA BSTAN PA RNAMS DANG LHAN CIG 'BYUNG ZHING 'JUG STE, DE LTAR NA KUN GZHI RNAM PAR SHES PA NI 'JUG PA'I RNAM PAR SHES PA RNAMS DANG YANG LHAN CIG 'BYUNG ZHING 'JUG GO, ,GLO BUR GYI TSOR BA RNAMS DANG, GLO BUR GYI CHOS DGE BA DANG, MI DGE BA DANG, LUNG DU MA BSTAN PA RNAMS DANG YANG LHAN CIG 'BYUNG ZHING 'JUG STE, DE NI DE DAG DANG MTSUNGS PAR LDAN PA YIN PAR NI MI BRJOD DO, ,DE CI'I PHYIR ZHE NA, DMIGS PA MI MTSUNGS PA LA 'JUG PA'I PHYIR TE, 'DI LTA STE; DPER NA MIG GI RNAM PAR SHES PA NI MIG DANG LHAN CIG 'BYUNG YANG DE NI DE DANG MTSUNGS PAR LDAN PA MA YIN PA DE BZHIN DU 'DI LA YANG CHOS MTSUNGS PA 'GAS TSUL DE BZHIN DU BLTA BAR BYA'O, ,'DI LTA STE, DPER NA SEMS LAS BYUNG BA'I CHOS SEMS LAS BYUNG BA NYID BYE BRAG MED PA RNAMS MTSAN NYID SNA TSOGS YIN PA'I PHYIR LHAN CIG GI DNGOS PO 'JUG PA LA 'GAL BA MED PA DE BZHIN DU, KUN GZHI RNAM PAR SHES PA DANG, 'JUG PA'I RNAM PAR SHES PA RNAMS KYANG LHAN CIG GI DNGOS POS 'JUG PA LA 'GAL BA MED PAR RIG PAR BYA'O, ,'DI LTA STE DPER NA CHU'I @06B RGYUN DANG CHU RLABS RNAMS LHAN CIG GI DNGOS POS 'JUG PAR 'GAL BA MED PA DANG, ME LONG GI DKYIL 'KHOR GSAL BA DANG, GZUGS BRNYAN RNAMS LHAN CIG GI DNGOS POS 'JUG PAR 'GAL BA MED PA DE BZHIN DU KUN GZHI RNAM PAR SHES PA LA YANG 'JUG PA'I RNAM PAR SHES PA RNAMS LHAN CIG GI DNGOS POS 'JUG PAR 'GAL BA MED PAR BLTA BAR BYA'O, ,'DI LTA STE, DPER NA MIG GI RNAM PAR SHES PAS DNGOS PO GCIG LA RES 'GA' NI GZUGS KYI RNAM PA RIGS GCIG PA SNA TSOGS MA YIN PA 'DZIN PAR BYED, RES 'GA' NI RNAM PA SNA TSOGS DU MA CIG CAR 'DZIN PAR BYED DO, ,MIG GI RNAM PAR SHES PAS GZUGS LA JI LTA BA BZHIN DU, RNA BA'I RNAM PAR SHES PAS SGRA DAG DANG, SNA'I RNAM PAR SHES PAS DRI DAG DANG, LCE'I RNAM PAR SHES PAS RO DAG LA YANG DE BZHIN PA DANG, 'DI LTA STE, DPER NA LUS KYI RNAM PAR SHES PA'I REG BYA'I DNGOS PO GCIG LA RES 'GA' NI REG BYA RIGS GCIG PA SNA TSOGS MA YIN PA 'DZIN PAR BYED LA, RES 'GA' NI RNAM PA SNA TSOGS DU MA CIG CAR 'DZIN PAR BYED PA DE BZHIN DU YID KYI RNAM PAR SHES PA'I RNAM PAR RTOG PAS KYANG GCIG DANG SNA TSOGS DU MA 'DZIN PA LA 'GAL BA MED PAR RIG PAR BYA'O, ,GANG SNGAR BSTAN PA'I YID GANG YIN PA DE NI DUS RTAG TU KUN GZHI RNAM PAR SHES PA DANG LHAN CIG 'BYUNG ZHING 'JUG STE, DE NI YANG DAG PAR MA BCOM GYI BAR DU DUS RTAG PA KHO NAR LHAN CIG SKYES PA'I RANG BZHIN 'DRA BA'I KUN NAS NYON MONGS PA RNAM PA BZHI PO 'JIG TSOGS LA LTA BA'I KUN NAS NYON MONGS PA DANG, NGA'O SNYAM PA'I NGA RGYAL GYI KUN NAS NYON MONGS PA DANG, BDAG LA CHAGS PA'I KUN NAS NYON MONGS PA DANG, MA RIG PA'I KUN NAS NYON MONGS PA DANG MTSUNGS PAR LDAN PA YIN PAR BLTA BAR BYA'O, ,KUN NAS NYON MONGS PA RNAM PA BZHI PO DE DAG KYANG MNYAM PAR ZHAG PA DANG, MNYAM PAR MA BZHAG PA'I SA LA DGE BA LA SOGS PA DAG LA 'GAL BA MED PAR 'JUG PA DANG, BSGRIBS LA LUNG DU MA BSTAN PA YIN PAR BLTA BAR BYA'O, ,DE LTAR NA 'JUG PA'I RNAM PAR SHES PA DANG LHAN @07A *, ,CIG GI DNGOS PO DANG, TSOR BA DANG LHAN CIG GI DNGOS PO DANG, DGE BA LA SOGS PA DANG LHAN CIG GI DNGOS POS KYANG KUN GZHI RNAM PAR SHES PA LHAN CIG GI DNGOS POS 'JUG PAR RNAM PAR GZHAG PAR RIG PAR BYA'O, ,KUN NAS NYON MONGS PA LDOG PA RNAM PAR GZHAG PA GANG ZHE NA KUN GZHI RNAM PAR SHES PA NI, MDOR NA KUN NAS NYON MONGS PA THAMS CAD KYI RTZA BA YIN NO, ,'DI LTAR DE NI SEMS CAN GYI 'JIG RTEN 'GRUB PA'I RTZA BA YIN TE, DBANG PO RTEN DANG BCAS PA RNAMS DANG, 'JUG PA'I RNAM PAR SHES PA RNAMS SKYED PAR BYED PA YIN PA'I PHYIR RO, ,SNOD KYI 'JIG RTEN 'GRUB PA'I RTZA BA YANG YIN TE, SNOD KYI 'JIG RTEN SKYED PAR BYED PA YIN PA'I PHYIR RO, ,GZHAN YANG SEMS CAN THAMS CAD NI GCIG GI DBANG GCIG YIN PA'I PHYIR SEMS CAN PHAN TSUN 'JUG PA'I RTZA BA YANG YIN TE, 'DI LTAR DE LAS GZHAN PA'I SEMS CAN GYI MTHONG BA LA SOGS PAS BDE BA DANG, SDUG BSNGAL LA SOGS PA NYAMS SU MYONG BAR MI 'GYUR BA GANG YIN PA'I SEMS CAN DE DAG NI 'GA' YANG MED PA'I PHYIR RO, ,RNAM GRANGS DES NA SEMS CAN GYI KHAMS GANG YIN PA DE NI GCIG GI DBANG GCIG YIN PAR RIG PAR BYA'O, ,DE LTAR NA KUN GZHI RNAM PAR SHES PA DE NYID NI SA BON THAMS CAD PA YIN PA'I PHYIR DA LTAR GYI DUS NA SDUG BSNGAL GYI BDEN PA'I RANG BZHIN DANG, MA 'ONGS PA'I DUS NA SDUG BSNGAL GYI BDEN PA SKYED PAR BYED PA DANG, DA LTAR GYI DUS NYID NI KUN 'BYUNG BA'I BDEN PA SKYED PAR BYED PA'ANG YIN NO, ,DE LTAR NA SEMS CAN GYI 'JIG RTEN 'GRUB PAR BYED PA DANG, SNOD KYI 'JIG RTEN 'GRUB PAR BYED PA DANG, SDUG BSNGAL GYI BDEN PA'I RANG BZHIN YIN PA DANG, MA 'ONGS PA'I SDUG BSNGAL GYI BDEN PA 'GRUB PAR BYED PA DANG, DE LTAR GYI KUN 'BYUNG BA'I BDEN PA 'GRUB PAR BYED PAS KYANG KUN GZHI RNAM PAR SHES PA NI KUN NAS NYON MONGS PA THAMS CAD KYI RTZA BA YIN PAR BLTA BAR BYA'O, ,KUN GZHI RNAM PAR SHES PA THAR PA'I CHA DANG MTHUN PA DANG, NGES PAR 'BYED PA'I CHA DANG MTHUN PA'I @07B DGE BA'I RTZA BA RNAMS KYI SA BON YONGS SU 'DZIN PA GANG YIN PA DE NI KUN 'BYUNG BA BDEN PA'I RGYU MA YIN TE, THAR PA LA SOGS PA'I CHA DANG MTHUN PA'I DGE BA'I RTZA BA RNAMS NI 'JUG PA DANG 'GAL BA NYID YIN PA'I PHYIR RO, ,DE BYUNG NA DE LAS GZHAN PA 'JIG RTEN PA'I DGE BA'I RTZA BA RNAMS NI CHES 'OD GSAL BAR 'GYUR ZHING, DES NA DE DAG RANG GI SA BON YONGS SU BZUNG BA LA CHES MTHU DANG LDAN PA DANG SA BON YONGS SU BRTAS PAS BSGRUB PA LA CHES STOBS DANG LDAN PAR 'GYUR RO, ,SA BON DE LAS DGE BA'I CHOS DE DAG KYANG CHES 'OD GSAL PAR 'GRUB PA DANG, PHYI MA LA YANG RNAM PAR SMIN PA CHES SDUG PA DANG, CHES 'DOD PA 'GRUB PAR 'GYUR RO, ,BCOM LDAN 'DAS KYIS KYANG KUN GZHI RNAM PAR SHES PA SA BON THAMS CAD PA 'DI LA DGONGS NAS MIG GI KHAMS DANG, GZUGS KYI KHAMS DANG, MIG GI RNAM PAR SHES PA'I KHAMS DANG, YID KYI KHAMS DANG, CHOS KYI KHAMS DANG, YID KYI RNAM PAR SHES PA'I KHAMS KYI BAR DU GSUNGS TE, KUN GZHI RNAM PAR SHES PA LA KHAMS SNA TSOGS YOD PA'I PHYIR RO, ,MDO NYID LAS KYANG KUN GZHI RNAM PAR SHES PA LA KHAMS DU MA YOD PA'I PHYIR RO, ,JI LTAR DBANG PO'I TSOGS KYI DPE MDZAD PA LTA BU'O, ,DE LTAR NA KUN NAS NYON MONGS PA'I RTZA BA KUN GZHI RNAM PAR SHES PA DE NI 'DI LTAR DGE BA'I CHOS BSGOMS PAS RNAM PAR LDOG PAR RIG PAR BYA'O, ,DGE BA'I CHOS BSGOM PA DE YANG SO SO'I SKYE BO SEMS GNAS PAR BYA BA'I PHYIR 'JUG PA'I RNAM PAR SHES PA LA DMIGS PA'I YID LA BYED PAS BRTZON PAR BYED PA NI, DE'I DANG POR BDEN PA MNGON PAR RTOGS PA LA 'DZUG PAR BYA BA'I PHYIR BSGOM STE, BDEN PA MA MTHONG BA BDEN PA RNAMS LA MIG MA THOB PAS NI KUN GZHI RNAM PAR SHES PA SA BON THAMS CAD PA YANG RTOGS PAR MI NUS PA'I PHYIR RO, ,DE DE LTAR ZHUGS SHING NYAN THOS KYI YANG DAG PA NYID SKYON MED PA LA ZHUGS SAM, BYANG CHUB SEMS DPA'I YANG DAG PA NYID SKYON MED PA LA ZHUGS TE CHOS THAMS CAD KYI CHOS KYI DBYINGS RTOGS PAR BYED PA NA, KUN GZHI @08A *, ,RNAM PAR SHES PA YANG RTOGS PAR BYED DE, DER KUN NAS NYON MONGS PA THAMS CAD LA YANG DAG PAR 'DUS PAR BLTA ZHING, DE NANG GI SO SO'I BDAG NYID LA PHYI ROL GYI MTSAN MA'I 'CHING BA DANG, NANG GI GNAS NGAN LEN GYI 'CHING BAS BDAG NYID BCINGS PA RTOGS PAR BYED DO, ,KUN GZHI RNAM PAR SHES PA NI 'DU BYED KYI RNAM PAR SPROS PAR BSDUS PA DE DAG THAMS CAD KYI KHAMS PA YIN PA'I PHYIR, KUN GZHI RNAM PAR SHES PA LA GCIG TU SDUD PA DANG, GCIG TU SPUNGS PA DANG, GCIG TU SOGS PAR BYED DE; GCIG TU BSAGS NAS DE BZHIN NYID LA DMIGS PA'I SHES PAS KUN TU BRTEN CING GOMS PAR BYAS PA'I RGYUS GNAS 'GYUR BAR BYED DO, ,GNAS 'GYUR MA THAG TU KUN GZHI RNAM PAR SHES PA SPANGS PAR BRJOD PAR BYA STE, DE SPANGS PA'I PHYIR KUN NAS NYON MONGS PA THAMS CAD KYANG SPANGS PAR BRJOD PAR BYA'O, ,KUN GZHI RNAM PAR SHES PA DE'I GNAS NI, GNYEN PO DANG, DGRA BOS BSGYUR BAR RIG PAR BYA'O, ,KUN GZHI RNAM PAR SHES PA NI MI RTAG PA DANG, LEN PA DANG BCAS PA YIN LA, GNAS GYUR PA NI RTAG PA DANG LEN PA MED PA YIN TE, DE BZHIN NYID LA DMIGS PA'I LAM GYIS BSGYUR BA'I PHYIR RO, ,KUN GZHI RNAM PAR SHES PA NI GNAS NGAN LEN DANG LDAN PA YIN LA GNAS GYUR PA NI GNAS NGAN LEN THAMS CAD DANG GTAN BRAL BA YIN NO, ,KUN GZHI RNAM PAR SHES PA NI NYON MONGS PA RNAMS KYI 'JUG PA'I RGYU DANG LAM GYI 'JUG PA'I RGYU MA YIN LA, GNAS GYUR PA NI NYON MONGS PA RNAMS KYI 'JUG PA'I RGYU MA YIN PA DANG, LAM DU 'JUG PA'I RGYU YIN TE, GNAS PA'I RGYU NYID YIN PA DANG, SKYED PA'I RGYU NYID MA YIN PA'I PHYIR RO, ,KUN GZHI RNAM PAR SHES PA NI DGE BA DANG LUNG DU MA BSTAN PA'I CHOS RNAMS LA DBANG MI BYED LA, GNAS GYUR PA NI DGE BA DANG LUNG DUS BSTAN PA'I CHOS THAMS CAD LA DBANG BYED PA'O, ,KUN GZHI RNAM PAR SHES PA DE'I SPANGS PA'I MTSAN NYID NI DE SPANGS MA THAG TU LEN PA RNAM PA GNYIS SPONG BA DANG, SPRUL PA LTA BU'I LUS KUN TU GNAS PA @08B STE; PHYI MA LA SDUG BSNGAL YANG 'BYUNG BAR BYED PA'I RGYU SPANGS PA'I PHYIR, PHYI MA LA YANG 'BYUNG BAR BYED PA'I LEN PA SPONG BA DANG, TSE 'DI LA KUN NAS NYON MONGS PA'I RGYU THAMS CAD SPANGS PA'I PHYIR TSE 'DI'I KUN NAS NYON MONGS PA'I GNAS NGAN LEN THAMS CAD SPONG BA DANG, GNAS NGAN LEN THAMS CAD DANG BRAL ZHING SROG GI RKYEN DU GYUR PA TZAM KUN TU GNAS SO, ,DE YOD NA LUS KYI MTHA' PA DANG, SROG GI MTHAR PA'I TSOR BA MYONG BAR BYED DE, DE'I PHYIR MDO SDE LAS KYANG 'DI NA DE'I TSOR BA THAMS CAD DE TZAM GYIS NA YONGS SU GTUGS PAR 'GYUR RO ZHES RGYA CHER JI SKAD DU GSUNGS PA LTA BU'O, ,DE LTAR NA KUN NAS NYON MONGS PA'I RTZA BA RNAM PAR GZHAG PA DANG, 'JUG PA DANG, RTOG PA DANG, BSGOM PA DANG, YID LA BYED PA RNAM PAR GZHAG PA DANG, GNAS GYUR PA RNAM PAR GZHAG PAS KYANG KUN GZHI RNAM PAR SHES PA'I KUN NAS NYON MONGS PA RNAM PAR LDOG PA RNAM PAR GZHAG PAR RIG PAR BYA'O, ,DE LTAR NA 'DI NI SEMS DANG YID DANG RNAM PAR SHES PA RNAM PAR GZHAG PA'I TSUL YANG DAG PA YIN TE, DE LTAR KHAMS GSUM PA'I SEMS DANG YID DANG RNAM PAR SHES PA THAMS CAD JI SKAD BSTAN PA'I TSUL 'DIS KUN NAS NYON MONGS PA'I TSUL DANG, RNAM PAR BYANG BA'I TSUL THAMS CAD KHONG DU CHUD PAR BYA'O, ,SEMS DANG YID DANG RNAM PAR SHES PA'I TSUL GZHAN YONGS SU BSTAN PA GANG YIN PA DE NI GDUL BA'I RIM PA NYID KYI PHYIR TE, 'DI LTA STE GDUL BA BYIS PA'I SHES RAB CAN GYI DBANG DU BYAS NAS THABS SLA BAS 'JUG PAR BYA BA'I PHYIR RO, ,GANG KUN GZHI RNAM PAR SHES PA DANG LDAN PA DE 'JUG PA'I RNAM PAR SHES PA DANG YANG LDAN LA, GANG 'JUG PA'I RNAM PAR SHES PA DANG LDAN PA DE YANG KUN GZHI RNAM PAR SHES PA DANG YANG LDAN PA YIN NAM ZHE NA, MU BZHI STE, KUN GZHI RNAM PAR SHES PA DANG LDAN PA LA 'JUG PA'I RNAM PAR SHES PA DANG MI LDAN PA NI GNYID LOG PA SEMS MED PA DANG, BRGYAL BAR GYUR PA SEMS MED PA DANG, 'DU SHES MED PA'I SNYOMS PAR 'JUG PA DANG, 'GOG PA'I SNYOMS PAR 'JUG PA LA SNYOMS PAR ZHUGS @09A *, ,PA DANG; 'DU SHES MED PA'I SEMS CAN RNAMS KYI NANG DU SKYES PA'O, ,'JUG PA'I RNAM PAR SHES PA DANG LDAN LA, KUN GZHI RNAM PAR SHES PA DANG MI LDAN PA NI SEMS YOD PA'I GNAS SKABS NA DGRA BCOM PA DANG, RANG SANGS RGYAS DANG, PHYIR MI LDOG PA'I BYANG CHUB SEMS DPA' DANG, DE BZHIN GSHEGS PA'O, ,GNYI GA DANG LDAN PA NI SEMS YOD PA'I GNAS SKABS DE LAS GZHAN PA DAG NA'O, ,GNYI GA DANG MI LDAN PA NI DGRA BCOM PA DANG, RANG SANGS RGYAS DANG, PHYIR MI LDOG PA'I BYANG CHUB SEMS DPA' DANG, DE BZHIN GSHEGS PA 'GOG PA LA SNYOMS PAR ZHUGS PA DANG, PHUNG PO'I LHAG MA MED PA'I MYA NGAN LAS 'DAS PA'I DBYINGS NA'O, ,GANG GI PHYIR NANG DANG PHYI ROL GYI CHOS THAMS CAD NGO BO NYID SO SOR NGES PA NI, SO SO RANG RANG GI MTSAN NYID LA RNAM PAR GNAS PA YIN NA, 'O NA CI'I PHYIR KHAMS BCO BRGYAD PO DAG LAS RNAM PAR SHES PA'I KHAMS DRUG PO DAG NI NGO BO NYID LAS RNAM PAR GZHAG LA, DE LAS GZHAN PA'I KHAMS RNAMS NI GNAS DANG, DMIGS PA DANG, GROGS LAS RNAM PAR GZHAG CE NA, RNAM PAR SHES PA'I KHAMS DRUG PO GANG YIN PA 'DI DAG NI NYIN MO DANG MTSAN MO DE DANG DE DAG 'DAS PA DANG, SKAD CIG DE DANG DE DAG 'DAS PA DANG, THANG CIG DANG, YUD TZAM DE DANG DE DAG 'DAS NAS, RGYU DE DAG DANG RKYEN DE DAG LA BRTEN TE, MIG LA SOGS PA GNAS RNAMS DANG, GZUGS LA SOGS PA DMIGS PA RNAMS DANG, SEMS LAS BYUNG BA GROGS RNAMS KYIS RNAM PA DU MA RNAM PA MANG PO SNA TSOGS DAG 'BYUNG ZHING, GNAS GANG DANG GANG NAS 'BYUNG BA DE DANG DE'I MING 'THOB BO, ,'DI LTA STE, DPER NA ME NI RGYU GANG DANG GANG KHO NA LA BRTEN TE 'BAR BA DE DANG DE'I GRANGS SU 'GRO STE, RTZVA DAG DANG SHING DAG DANG, LCIB DAG DANG, PHUB MA DAG DANG, SBUR MA DAG LA BRTEN TE 'BAR BA'I ME NI RTZVA'I ME ZHES BYA BA NAS, RGYAS PAR SBUR MA'I ME ZHES BYA BA'I BAR GYI GRANGS SU 'GRO BA DE BZHIN DU MIG DANG GZUGS RNAMS LA BRTEN TE, RNAM PAR SHES PA 'BYUNG BA NI MIG GI RNAM PAR @009B SHES PA ZHES BYA BA'I GRANGS SU 'GRO STE, DE BZHIN DU RGYAS PAR YID DANG CHOS KYI BAR LA BRTEN PA NI, YID KYI RNAM PAR SHES PA ZHES BYA BA'I BAR GYI GRANGS SU 'GRO BAR RIG PAR BYA'O, ,DE LAS GZHAN PA MIG LA SOGS PA'I KHAMS RNAMS NI DANG PO NGO BO NYID GANG KHO NAS BYUNG BAR GYUR PA'I NGO BO NYID DE KHO NA DANG 'DRA BAR 'BYUNG BA GCIG NAS GCIG TU BRGYUD PAS GTAN DU RJES SU 'JUG PAR 'GYUR RO, ,RNAM PAR SHES PA RIGS GCIG PA NI RGYU DE DAG DANG RKYEN DE DAG LA BRTEN TE, RNAM PA THA DAD PA'I NGO BO NYID DU 'BYUNG BAS DE'I PHYIR, RNAM PAR SHES PA'I KHAMS RNAMS NI NGO BO NYID KHO NA LAS RNAM PAR BZHAG LA DE LAS GZHAN PA'I KHAMS RNAMS NI GNAS DANG DMIGS PA DANG GROGS LAS RNAM PAR GZHAG GO, RNAM PAR SHES PA'I TSOGS YONGS SU SHES PAR BYA BA LAS BRTZAMS TE, DGE SLONG SEMS RNAM PAR DAG PAR BYA BA LA ZHUGS PAS RNAM PA DUS SEMS YONGS SU SHES PAR BYA ZHE NA, MDOR BSDU NA RNAM PAR GSUM GYIS TE, KUN NAS NYON MONGS PA LAS KUN TU DGA' BA DANG, KUN NAS NYON MONGS PA CAN GYI NYES DMIGS DANG, KUN NAS NYON MONGS PA RNAM PAR BZLOG PA'I THABS KYIS SO, ,JI LTAR NA DGE SLONG SEMS RNAM PAR DAG PAR BYA BA LA ZHUGS PA, KUN NAS NYON MONGS PA LA KUN TU DGA' BA LAS SEMS YONGS SU SHES PAR BYED CE NA, 'DI NA DGE SLONG SEMS RNAM PAR DAG PAR BYA BA LA ZHUGS PA NI 'DI SNYAM DU SEMS TE, BDAG GI SEMS 'DI NI YUN RING PO NAS KUN NAS NYON MONGS PA LA MDON PAR DGA' BA STE, KUN NAS NYON MONGS PA LA KUN TU DGA' BAS YANG 'DOD CHAGS DANG BCAS PA NYID LAS RNAM PAR BSLANG STE, 'DOD CHAGS DANG BRAL BA NYID LA NGES PAR SBYOR BAR BYED PA NA, 'DOD CHAGS DANG BRAL BA NYID LA DES PAR MI GNAS SHING MI DGA' BAR MYUR BA MYUR BA KHO NAR KUN TU GYUR CING, 'DOD CHAGS DANG BCAS PA KHO NA LA 'JUG PAR BYED, RNAM PAR 'GRO BAR BYED, RJES SU RGYUG PAR BYED DO, ,'DOD CHAGS DANG BCAS PA NYID KYI JI LTA BA @10A *, ,BZHIN DU ZHE SDANG DANG BCAS PA NYID DANG, GTI MUG DANG BCAS PA NYID DANG, ZHUM PA NYID DANG, RGOD PA NYID DANG, NYE BAR MA ZHI BA NYID DANG, RNAM PAR G-YENGS PA NYID KYI BAR YANG DE DANG 'DRA STE, BAG MED PAR GNAS PA LAS RNAM PAR BSLANG NAS, RGYAS PAR DGE BA'I CHOS RNAMS RTAG TU BSGOM PA'I BAR LA NGES PAR SBYOR BAR BYED PA NA, DGE BA'I CHOS RNAMS RTAG TU BSGOM PA LA NGES PAR MI GNAS SHING, MI DGA' BAR MYUR BA MYUR BA KHO NAR KUN TU GYUR CING, BAG MED PA LA KUN TU DGA' BA'I BAR KHO NA LA 'JUG PAR BYED, RNAM PAR 'GRO BAR BYED, RJES SU RGYUG PAR BYED DO SNYAM DU SEMS TE, DGE SLONG SEMS RNAM PAR DAG PAR BYA BA LA ZHUGS PA NI DE LTAR KUN NAS NYON MONGS PA LA KUN TU DGA' BA LAS SEMS YONGS SU SHES PAR BYED DO, ,DGE SLONG SEMS RNAM PAR DAG PAR BYA BA LA ZHUGS PAS DE LTAR KUN NAS NYON MONGS PA LA KUN TU DGA' BA LAS RANG GI SEMS YONGS SU SHES PAR BYAS NAS, KUN NAS NYON MONGS PA CAN GYI SEMS DE NYID NYES DMIGS LAS 'DI LTAR YONGS SU SHES PAR BYED DO, ,BDAG GI 'DOD CHAGS DANG BCAS PA'I SEMS GANG YIN PA DE NI BDAG LA GNOD PA DANG, GZHAN DAG LA GNOD PA DANG, GNYI GA LA GNOD PA'I PHYIR 'JUG PA DANG, TSE 'DI DANG TSE PHYI MA DANG TSE 'DI TSE PHYI MA'I KHA NA MA THO BA SKYED PAR BYED PA DANG, DE DANG DE 'BYUNG BA'I SEMS LAS BYUNG BA SDUG BSNGAL BA DANG, YID MI BDE BA SKYE BA'I RKYEN YANG YIN TE, 'DOD CHAGS DANG BCAS PA JI LTA BA BZHIN DU BAG MED PA LA MNGON PAR DGA' BA'I BAR YANG DE BZHIN DU RIG PAR BYA'O ZHES YONGS SU SHES PAR BYED CING, DE 'DI SNYAM DU SEMS TE, 'DOD CHAGS DANG BCAS PA'I SEMS DANG, BAG MED PA LA MNGON PAR DGA' BA'I BAR GYI SEMS 'DI NI NYES DMIGS DANG BCAS PA'I PHYIR, YAMS KYI NAD DANG BCAS PA DANG, GNOD PA DANG BCAS PA DANG, 'GO BA'I NAD DANG BCAS PA DANG, 'KHRUG PA DANG BCAS PA YIN NO SNYAM @10B DU SEMS SO, ,DES DE LTAR RANG GI SEMS KUN NAS NYON MONGS PA CAN DE NYES DMIGS LAS YONGS SU SHES PAR BYAS NAS KUN NAS NYON MONGS PA RNAM PAR LDOG PA LA MKHAS PA LAS 'DI LTAR YONGS SU SHES PAR BYED DE, BDAG NI DE LTAR RANG GI SEMS KUN NAS NYON MONGS PA CAN NYES DMIGS DANG BCAS PA YAMS KYI NAD DANG BCAS PA, GNOD PA DANG BCAS PA, 'GO BA'I NAD DANG BCAS PA, 'KHRUG PA DANG BCAS PA 'DI LTA BU 'DI'I DBANG DU 'GYUR BAR MI BYA'I, RANG GI SEMS NYID LA DBANG BSGYUR BAR BYA'O ZHES RANG GI SEMS LA DBANG BSGYUR BAR BYA BA DANG, SEMS KYI DBANG GIS 'GYUR BAR MI BYA BAR RIG NAS, SO SOR BRTAGS SHING SO SOR BRTAGS TE, 'DOD CHAGS DANG BCAS PA'I SEMS DE 'DOD CHAGS DANG BCAS PA NYID LAS RNAM PAR BZLOG NAS, 'DOD CHAGS DANG BRAL BA NYID LA 'JOG PAR BYED, DGA' BAR BYED CING, DE LA DE'I PHAN YON NYE BAR STON PAR YANG BYED DO, ,DE BZHIN DU BAG MED PAR GNAS PA'I BAR LAS RNAM PAR BZLOG NAS, DGE BA'I CHOS RNAMS RTAG TU BSGOM PA LA 'JOG PAR BYED, DGA' BAR BYED CING DE LA DE'I PHAN YON NYE BAR STON PAR YANG BYED DO, ,DE LTAR ZHUGS SHING DE LA MANG DU GNAS PA DE LA DE'I SEMS SNGON KUN NAS NYON MONGS PA LA KUN TU DGA' BA YONGS SU SMAD PA GANG YIN PA DE, SO SOR BRTAG MI DGOS PAR DGE BA'I CHOS RNAMS RTAG TU BSGOM PA LA RANG NYID MNGON PAR DGA' BAR 'GYUR BA DE'I DUS KYANG YOD DE, DE'I SKABS KYANG YOD PAR 'GYUR RO, ,GANG GI PHYIR DGE SLONG SEMS RNAM PAR DAG PAR BYA BA LA ZHUGS PA DE LTAR RANG GI SEMS KUN NAS NYON MONGS PA LA KUN DU DGA' BA NYID LA BRTEN TE, DPE MED PAR 'GYUR BA NYID YANG DAG PA JI LTA BA BZHIN DU RAB TU SHES PAR BYED PA NI, DE LTAR NYES DMIGS LAS KUN NAS NYON MONGS PA CAN GYI SEMS LA YANG MKHAS PAR GYUR LA, DE LTAR KUN NAS NYON MONGS PA CAN GYI SEMS RNAM PAR LDOG PA LA YANG MKHAS PAR 'GYUR RO, ,DE LTAR NA DGE SLONG SEMS @11A *, ,RNAM PAR DAG PAR BYA BA LA ZHUGS PA NI 'DI LTA STE, ZAG PA RNAMS ZAD PAS MYUR BA KHO NAR SEMS RNAM PAR DAG PA BLA NA MED PA RJES SU 'THOB BO, ,SEMS LA MKHAS PA'I RNAM GRANGS DANG, SEMS RNAM PAR LDOG PA LA MKHAS PA'I RNAM GRANGS GZHAN YANG YOD DE, SEMS LA MKHAS PA'I RNAM GRANGS NI KUN BRTAGS PA'I NGO BO NYID LAS BRTZAMS TE RIG PAR BYA'O, ,SEMS RNAM PAR LDOG PA LA MKHAS PA'I RNAM GRANGS NI GZHAN GYI DBANG GI NGO BO NYID LAS BRTZAMS TE RIG PAR BYA'O,, ,, BAM PO GNYIS PA, DGE BAS SEMS YONGS SU BSGOS PA'I PHAN YON NI GNYIS TE, 'BRAS BU'I DUS NA BDE BA LA REG PA NYID DANG, RGYU'I DUS NA DBANG BSGYUR BA NYID DO, ,SEMS RNYOG PA CAN DU 'GYUR BA'I NYES PA NI GSUM STE, TSUL BZHIN MA YIN PA YID LA BYED PA'I NYES PA DANG, BAG LA NYAL GYI NYES PA DANG, KUN NAS DKRIS PA'I NYES PA'O, ,BCOM LDAN 'DAS KYIS SEMS KHO NA LA LEGS PAR RAB TU TSUL BZHIN DU SO SOR BRTAG PAR BYA'O ZHES GANG GSUNGS PA DANG, DRAN PA NYE BAR GZHAG PA DAG LAS LUS LA LUS KYI RJES SU LTA ZHING GNAS SO ZHES BYA BA NAS, CHOS RNAMS LA CHOS KYI RJES SU LTA ZHING GNAS SO ZHES BYA BA'I BAR DU GANG GSUNGS PA DE LA DGONGS PA GANG YIN ZHE NA, SMRAS PA, DER NI SEMS YONGS SU BRTAG PA KHO NA DRAN PA NYE BAR GZHAG PA BZHIS YONGS SU BSTAN PA YIN TE, SEMS KYI LEN PA YONGS SU BRTAG PA DANG, SEMS KYI MYONG BA YONGS SU BRTAG PA DANG, SEMS KYI RNAM PAR RIG PA YONGS SU BRTAG PA DANG, SEMS KYI KUN NAS NYON MONGS PA DANG RNAM PAR BYANG BA YONGS SU BRTAG PA STE, DE LTAR NA LEN PA DANG MYONG BA DANG, DMIGS PA RNAM PAR RIG PA DANG, KUN NAS NYON MONGS PA DANG, RNAM PA BYANG BA DANG BZHIS SEMS KHO NA YONGS SU BRTAG PA YIN NO, ,DGE BAS SEMS YONGS SU BSGOS PA'I PHAN YON NI GNYIS TE ZHES BYA BAS NI MDO LAS NGAS NI 'DI LTA STE SEMS NI @11B MA BSGOMS NA MI MNYEN ZHING LAS SU MI RUNG BAR 'GYUR LA, BSGOMS NA MNYEN ZHING LAS SU RUNG BAR 'GYUR BA DE LTA BU'I CHOS GCIG KYANG YANG DAG PAR RJES SU MA MTHONG NGO ZHES GSUNGS PA DE'I DON BSTAN PA YIN NO, ,SEMS RNYOG PA CAN DU 'GYUR BA'I NYES PA NI GSUM STE ZHES BYA BA LA SOGS PA NI MDO LAS LHUNG BZED DANG, ME LONG DANG, CHU'I RDZING GI DPE GSUNGS PA DAG DANG CI RIGS PAR SBYAR RO, ,DGE SLONG GNAS PA GSUM PO, RNAM PAR THAR PA LA GNAS PA DANG, RNAM PAR THAR PA'I SGO LA GNAS PA DANG, RNAM PAR THAR PA'I SGO 'DREN PAR BYED PA'I CHOS LA GNAS PA NI SGRUB PA RNAM PA DRUG GIS STON PA'I BSTAN PA BZHIN BYED PA YIN TE, RGYUN MI 'CHAD PAR BSGRUB PA DANG, LEGS PAR BZUNG ZHING BSAMS PA LA BSGRUB PA DANG, BSGOMS PA LAS BYUNG BA'I DGE BA'I RTZA BA BSKYED PA BSGRUB PA DANG; DE LA RO MYONG BAR MI BYED CING BDEN PA RAB TU 'BYED PA BSGRUB PA DANG, DE LA MNGON PA'I NGA RGYAL MED PAR BSGRUB PA DANG, DAD PAS BYIN PA LEGS PAR YONGS SU LONGS SPYOD PA'I BSGRUB PAS SO, ,SBYIN PA NI GNYIS TE, LEN PA PO'I SBYIN PA DANG, SBYIN PA PO'I SBYIN PA'O, ,SBYIN PA'I 'BRAS BU NI GNYIS TE, LONGS SPYOD CHEN PO NYID DANG, DE'I RGYU MTHUN PA LONGS SPYOD LA MOS PA'O, ,DGE SLONG GNAS PA GSUM LA GNAS PA ZHES BYA BA LA 'DIR RNAM PAR THAR PA LA GNAS PA ZHES BYA BA NI MDO LAS 'CHI BA MED PA'I DBYINGS BSGRUBS TE GNAS SO ZHES GSUNGS PA'O, ,RNAM PAR THAR PA'I SGO LA GNAS PA ZHES BYA BA NI MDO LAS, STONG PA NYID DANG, MTSAN MA MED PA DANG, SMON PA MED PA'I DBYINGS LA'O ZHES GSUNGS PA'O, ,RNAM PAR THAR PA'I SGO 'DREN PAR BYED PA'I CHOS LA GNAS PA ZHES BYA BA NI MDO LAS; SKYO BA DANG LDAN PA'I YID LA BYED PA SGOM PA'O ZHES GSUNGS PA'O, ,RGYUN MI 'CHAD PAR BSGRUB PA ZHES BYA BA LA SOGS PA BSGRUB PA RNAM PA DRUG GI MDO LAS BTANG BA MED PA'I BSAM GTAN PA, LHAG MTHONG DANG LDAN PA, KHYIM GYI STONG PA RGYAS PAR BYED PA, @12A *, ,BDAG GI DON GYI RNAL 'BYOR LA BRTZON PA, TSANGS PA MTSUNGS PAR SPYOD PA LA MKHAS PA RNAMS KYIS MA SMAD PA, YUL 'KHOR GYI BSOD SNYOM SA 'BRAS BU YOD PAR LONGS SPYOD PA ZHES GSUNGS PA'I TSIG DE DAG GI DON YONGS SU BSTAN TO, ,SBYIN PA NI GNYIS TE, LEN PA PO'I SBYIN PA DANG, SBYIN PA PO'I SBYIN PA'O ZHES BYA BA LA SOGS PA'I TSIG GI DON, MDO LAS GAL TE SEMS CAN 'DI DAG GIS NI SBYIN PA'I 'BRAS BU DANG, SBYIN PA KUN 'GED PA'I RNAM PAR SMIN PA'I 'BRAS BU SHES PAR GYUR NA NI, DA LTAR KHAMS PHYI MA KHAMS THA MA GANG YIN PA DE LAS KYANG MA BYIN ZHING MA BGOS PAR ZA BAR MI BYED DO ZHES SBYIN PA DANG, SBYIN PA KUN 'GED PA GNYIS KYI 'BRAS BU YOD PA THA DAD PAR GSUNGS PAR STON TO, ,'THAD PAS BSGRUB PA'I RIGS PA LAS BRTZAMS TE, GANG GIS MA 'ONGS PA'I 'DU BYED KYI MTSAN NYID KYIS MED CING YOD PA MA YIN PA KHO NA LAS 'BYUNG NGO ZHES KHONG DU CHUD PAR BYA BA 'DI LA RIGS PA BRJOD PA GANG YIN, GAL TE MA 'ONGS PA'I CHOS 'DU BYED KYI MTSAN NYID KYIS YOD PA KHO NA LAS 'BYUNG BAR 'GYUR NA DE 'PHO ZHING 'BYUNG STE, MA 'ONGS PA'I DUS KYI YUL NAS DA LTAR GYI DUS KYI YUL DU 'PHO ZHING 'BYUNG BAR 'GYUR RAM, 'CHI 'PHO DANG 'BYUNG STE, MA 'ONGS PA'I DUS NAS SHI 'PHOS NAS DA LTAR GYI DUS SU 'BYUNG BAR 'GYUR RAM, BRTEN NAS 'BYUNG STE MA 'ONGS PA NA DE KHO NA BZHIN DU MI 'GYUR BAR GNAS LA DE LA BRTEN TE GZHAN KHO NA ZHIG DA LTAR GYI DUS SU 'BYUNG BAR 'GYUR RAM, LAS DANG BCAS PAR 'BYUNG STE MA 'ONGS PA'I DUS NA LAS MI BYED PAR GYUR PA LAS, DA LTAR GYI DUS SU LAS BYED PA ZHIG 'BYUNG BAR 'GYUR RAM, MTSAN NYID RDZOGS PAR 'BYUNG STE; MA 'ONGS PA'I DUS NA MTSAN NYID MA RDZOGS PAR GYUR PA LAS DA LTAR GYI DUS SU MTSAN NYID RDZOGS PA ZHIG 'BYUNG BAR 'GYUR RAM, MTSAN NYID MI 'DRA BAR 'BYUNG STE, MA 'ONGS PA'I DUS NA MA 'ONGS PA'I DNGOS PO DANG, 'BRAS BU'I DNGOS PO DE GNYIS KYI @12B MTSAN NYID MI 'DRA BAR GYUR LA, DA LTAR GYI DUS SU DA LTAR GYI DNGOS PO DANG 'BRAS BU'I DNGOS PO DE GNYIS KYI MTSAN NYID 'DRA BA ZHIG 'BYUNG BAR 'GYUR GRANG NA, YOD PA DE'I 'BYUNG BA NI RNAM PA DRUG PO DE DAG THAMS CAD KYIS MI RUNG NGO, ,DE CI'I PHYIR ZHE NA, YUL NA MI GNAS PA DANG, PHYOGS NA MI GNAS PA LA NI YUL NAS YUL GZHAN DU 'PHO BA MED PA'I PHYIR DANG, MA SKYES PA DANG MA BYUNG BA LA NI 'CHI 'PHO YANG MED PA'I PHYIR DANG, DE LA BRTEN TE 'BYUNG NA DE GZHAN KHO NA ZHIG BYUNG BAR ZAD KYI MA 'ONGS PA MA YIN LA, MA 'ONGS PA DE YANG MA BYUNG BA'I PHYIR DANG, CHOS THAMS CAD DON DAM PAR G-YO BA MED PA NYID KYI PHYIR MTSAN NYID LAS GZHAN PA'I LAS MI DMIGS TE, MTSAN NYID TZAM 'BA' ZHIG LA 'DOGS PA KHO NAR ZAD PA DANG, GZHAN PA NYID YIN NA YANG MA 'ONGS PA DANG, DA LTAR BYUNG BA GNYIS MTSAN NYID MA TSUNGS PAS YOD PAR 'DRA BA BZHIN DU, DE LTAR 'BA' ZHIG LAS DANG BCAS PA YIN NO ZHES BYA BA'I BYED RGYU YANG MI DMIGS PA DANG, LAS KYANG MA BYUNG BA LAS 'BYUNG BAR 'GYUR BA'I PHYIR DANG, BCOM LDAN 'DAS KYES JI SKAD DU 'DU BYED THAMS CAD NI MI RTAG PA DANG, MI BRTAN PA YIN NO ZHES LEGS PAR GSUNGS PA DANG, LEGS PAR BRJOD PA GANG YIN PA DE LA YANG 'DU BYED KYI LAS NI MI RTAG PA NYID YIN LA, 'DU BYED RNAMS NI DON LAS RTAG PA NYID YIN NO ZHES YONGS SU BSTAN PA NYID KYIS SHIN TU GNOD PA BYAS PAR 'GYUR BA'I PHYIR DANG, MTSAN NYID GCIG PA YIN PAR 'DRA BA LAS, GAL TE MTSAN NYID LA CHA THA DAD PA YOD PAR GYUR NA, CI'I PHYIR MTSAN NYID CHA THA DAD PAR 'GYUR BA DANG, MTSAN NYID CHA THA DAD PA MA BYUNG BA LAS BYUNG NA NI MTSAN GZHI CHA THA DAD PA YANG CI'I PHYIR MA BYUNG BA LAS BYUNG BAR MI 'GYUR BA DANG, MA 'ONGS PA'I DNGOS PO YANG GZUGS LA SOGS PA'I 'DU BYED KYI MTSAN NYID LAS GUD NA MI DMIGS PA DANG, 'BRAS BU MA 'ONGS SHING MED PA YANG 'BRAS BU DA LTAR BYUNG BA YIN PA'I PHYIR RO, ,'THAD PAS @13A *, ,SGRUB PA'I RIGS PA LAS BRTZAMS TE, GANG GIS MA 'ONGS PA'I CHOS 'DU BYED KYI MTSAN NYID KYIS MED CING, YOD PA MA YIN PA MA BYUNG BA LAS 'BYUNG BAR KHONG DU CHUD PAR BYA BA 'DI LA RIGS PA BRJOD PA NI DE YIN TE, MA 'ONGS PA NI JI LTA BA DE BZHIN DU 'DAS PA YANG MED PAR RIGS PA BRJOD PA 'DI NYID KYIS CI RIGS PAR KHONG DU CHUD PAR BYA'O, ,DE LAS 'DAS PA'I 'DU BYED RNAMS GANG ZHE NA, RANG GI BDAG NYID KYIS DNGOS PO LAS ZHIGS SHING RAB TU NYAMS PAR GYUR PA'I MTSAN NYID GANG YIN PA'O, ,DA LTAR BYUNG BA'I 'DU BYED RNAMS GANG ZHE NA, RANG GI BDAG NYID KYI DNGOS PO LAS MA ZHIGS SHING MA NYAMS PAR SKYE BA TZAM GYI DUS NA GNAS PA'I MTSAN NYID GANG YIN PA'O, ,MA 'ONGS PA'I 'DU BYED RNAMS GANG ZHE NA, RGYU NI YOD CING MED PA MA YIN LA RANG GI MTSAN NYID MA BYUNG ZHING BDAG NYID MA THOB PA GANG YIN PA'O, ,GAL TE MA 'ONGS PA'I 'DU BYED RNAMS YOD PA MA YIN PA LAS 'BYUNG BAR 'GYUR NA, NAM MKHA'I ME TOG DANG, MO GSHAM GYI BU DANG, RI BONG GI RVA LA SOGS PA YANG CI'I PHYIR MI 'BYUNG ZHE NA, 'DI LTAR DE DAG LA NI 'BYUNG BA'I RGYU MED KYI 'DU BYED THAMS CAD LA NI 'BYUNG BA'I RGYU SO SOR NGES PA YOD PA'I PHYIR RO, ,GAL TE 'DU BYED THAMS CAD LA 'BYUNG BA'I RGYU SO SOR NGES PA YOD PA KHO NA YIN NA, CI'I PHYIR 'DU BYED THAMS CAD CIG CAR MGO MNYAM KHO NAR 'BYUNG BAR MI 'GYUR ZHE NA, 'DU BYED RNAMS NI RGYU YOD KYANG 'BYUNG BA'I RKYEN LA LTOS NA 'BYUNG BAR 'GYUR TE, 'DU BYED GANG DANG GANG GI 'BYUNG BA'I RKYEN NYE BAR GNAS PAR GYUR PA'I 'DU BYED DE DANG DE'I RGYU NI 'DU BYED DE DANG DE MNGON PAR 'GRUB PAR BYED DE, DE'I PHYIR 'DU BYED RNAMS LA RGYU YOD DU ZIN KYANG CIG CAR MGO MNYAM DU 'BYUNG BAR MI 'GYUR RO, ,DE LA 'DU BYED RNAMS KYI RGYU NI GANG DANG, RKYEN NI GANG ZHE NA BCOM LDAN 'DAS KYIS 'DU BYED RNAMS 'BYUNG BA'I RKYEN NI BZHI PO 'DI DAG YIN PAR GSUNGS TE RGYU'I RKYEN DANG, MTSUNGS PA DE MA THAG PA'I RKYEN DANG, @13B DMIGS PA'I RKYEN DANG, BDAG PO'I RKYEN TO, ,DE LA RGYU'I RKYEN NI RGYU YANG YIN RKYEN YANG YIN NO, ,DE LAS GZHAN PA'I RKYEN GSUM PO DAG NI RKYEN KHO NA YIN TE RGYU NI MA YIN NO, ,DE LA RGYU'I RKYEN GANG ZHE NA, DBANG PO GZUGS CAN RTEN DANG BCAS PA GANG YIN PA DANG, RNAM PAR SHES PA GANG YIN PA 'DI GNYIS NI MDOR NA SA BON THAMS CAD PA ZHES BYA'O, ,DBANG PO GZUGS CAN DANG LDAN PA NI, DBANG PO GZUGS CAN DE DAG DANG, DE LAS GZHAN PA'I CHOS GZUGS CAN RNAMS KYI SA BON KYANG YIN LA SEMS DANG SEMS LAS BYUNG BA'I CHOS THAMS CAD KHO NA'I SA BON KYANG YIN NO, ,RNAM PAR SHES PA DANG LDAN PA NI RNAM PAR SHES PA RNAM PA THAMS CAD PO DE'I SA BON YANG YIN LA, DE LAS GZHAN PA'I CHOS GZUGS CAN MA YIN PA RNAMS DANG, DBANG PO GZUGS CAN RNAMS KYI SA BON YANG YIN NO, ,'BYUNG BA CHEN PO'I GZUGS MA GTOGS PA, DE LAS GZHAN PA'I CHOS GZUGS CAN RNAMS NI RANG GI SA BON DANG LDAN PA'I NGO BO NYID KHO NA YIN PAR RIG PAR BYA'O, ,'BYUNG BA CHEN PO'I GZUGS NI SA BON GNYIS DANG LDAN PA YIN TE, 'BYUNG BA CHEN PO'I SA BON DANG, RGYUR BYAS PA'I GZUGS KYI SA BON DANG NGO, ,DE LTAR NA JI SKAD YONGS SU BSGRAGS PA'I CHOS RNAMS LA, DE LTAR SA BON GYI RGYU DANG LDAN PA CI RIGS PAR RNAM PAR GZHAG PA GANG YIN PA DE NI RGYU'I RKYEN ZHES BYA'O, ,GAL TE DBANG PO GZUGS CAN RANG GI 'BYUNG BA CHEN PO DANG BCAS PA DAG , SEMS DANG SEMS LAS BYUNG BA'I CHOS RNAMS KYI SA BON DANG LDAN PA MA YIN DU ZIN NA, 'DI NA 'GOG PA LA SNYOMS PAR ZHUGS PA DANG, 'DU SHES MED PA LA SNYOMS PAR ZHUGS PA DANG, 'DU SHES MED PA'I SEMS CAN LHA RNAMS KYI NANG DU SKYES PA'I RNAM PAR SHES PA PHYIS YANG 'BYUNG BAR MI 'GYUR BA ZHIG NA 'BYUNG SDE, DE LTA BAS NA DBANG PO GZUGS CAN SEMS DANG SEMS LAS BYUNG BA'I SA BON DANG LDAN PA LA BRTEN TE 'BYUNG BAR RIG PAR BYA'O, ,GAL TE RNAM PAR SHES PA GZUGS KYI SA BON DANG LDAN PA MA YIN DU ZIN NA, SO SO'I SKYE @14A *, ,BO GZUGS MED PA RNAMS SU SKYES PA TSE ZAD CING LAS ZAD NAS DE NAS 'CHI 'PHO ZHING YANG 'OG TU SKYE BA'I GZUGS KYI SA BON MED PAS 'BYUNG BAR MI 'GYUR BA ZHIG NA 'BYUNG STE, DE LTA BAS NA GZUGS KYI SA BON DANG LDAN PA'I RNAM PAR SHES PA DE LA BRTEN NAS DE'I GZUGS 'BYUNG BAR RIG PAR BYA'O, ,SO SO'I SKYE BO 'JIG RTEN PA'I LAM GYI BSAM GTAN DANG PO LA SNYOMS PAR ZHUGS SHING SKYES PA NI DE LAS GZHAN PA 'DOD PA NA SPYOD PA'I CHOS NYON MONGS PA CAN DE DAG GI SA BON GANG YIN PA DE NI NYAMS PA YIN GYI, YANG DAG PAR BCOM PA NI MA YIN PAR RIG PAR BYA'O, ,DE CI'I PHYIR ZHE NA, 'DI LTAR SO SO'I SKYE BO DE NI TING NGE 'DZIN DE LAS YONGS SU NYAMS NAS YANG 'DOD PA NA SPYOD PA'I CHOS NYON MONGS PA CAN RNAMS MNGON DU BYED PA DANG, BSAM GTAN DANG PO'I SNYOMS PAR 'JUG PA DE NAS SHI 'PHOS NAS YANG 'DOD PA'I KHAMS SU SKYE BAR 'GYUR BA'I PHYIR RO, ,DE LA SA BON NYAMS PA NI MDOR BSDU NA RNAM PA GSUM DU RIG PAR BYA STE, YONGS SU SPONG BAS NYAMS PA DANG, SUN 'BYIN PAS NYAMS PA DANG, ZHI GNAS KYIS NYAMS PA'O, ,DE LA YONGS SU SPONG BAS NYAMS PA GANG ZHE NA; 'DI LTAR 'DI NA LA LA KHYIM GYI 'DOD PA'I LONGS SPYOD KYI YONGS SU SPYOD PA DAG SPONG BA YANG DAG PAR BLANG BA LEN PAR BYED CING DE SPONG BA YANG DAG PAR BLANG BA DE KUN DU STEN PAR BYED, SGOM PAR BYED, LAN MANG DU BYED DE, DE KUN DU BSTEN PA'I RGYU DANG, BSGOMS PA'I RGYU DANG, LAN MANG DU BYAS PA'I RGYUS 'DOD PA'I LONGS SPYOD KYI YONGS SU SPYOD PA LA SEMS MI 'JUG MI DGA' KUN DU MI GNAS MOS PAR MI BYED CING DE'I DBANG DANG, DE LA DMIGS PA'I NYON MONGS PA SKYED PAR YANG MI BYED DE, DE NI YONGS SU SPONG BAS NYAMS PA ZHES BYA'O; ,SUN 'BYIN PAS NYAMS PA GANG ZHE NA, 'DI LTAR 'DI NA LA LAS NYES DMIGS KYI 'DU SHES SAM, MI SDUG PA'I 'DU SHES SAM, RNAM PAR BSNGOS PA LA SOGS PA'I 'DU SHES SAM, TSUL BZHIN YID LA BYED PA GANG YANG RUNG BAS 'DOD PA DE DAG LA, DE @14B 'DOD CHAGS DANG BRAL BA MA YIN DU ZIN KYANG JI LTA JI LTAR MI MTHUN PA YIN PA'I RGYUS 'DOD PA RNAMS LA SEMS MI 'JUG PA NAS, RGYAS PAR MOS PAR MI BYED PA'I BAR DU DE LTA DE LTAR SUN 'BYIN PA YIN TE, DE NI SUN 'BYIN PAS NYAMS BA ZHES BYA'O, ,ZHI GNAS KYIS NYAMS PA GANG ZHE NA, 'DI LTAR 'DI NA LA LA 'JIG RTEN PA'I LAM GYIS 'DOD PA'I 'DOD CHAGS DANG BRAL BA'AM, GZUGS KYI 'DOD CHAGS DANG BRAL BA THOB PAR BYED CING, ZHI GNAS KYIS NYE BAR BSTAN PA'I SEMS KYI RGYU DANG LDAN PA DE'I SEMS 'DOD PA DAG GAM, GZUGS DAG LA MI 'JUG PA NAS, RGYAS PAR MOS PAR MI BYED PA'I BAR DE NI ZHI GNAS KYIS NYAMS PA ZHES BYA'O, ,'PHAGS PA NYAN THOS 'JIG RTEN LAS 'DAS PA'I LAM GYIS 'DOD PA'I 'DOD CHAGS DANG BRAL BA DANG, KHAMS GSUM PA'I 'DOD CHAGS DANG BRAL BA'I BAR THOB PA NI DE LTAR DES KHAMS GSUM NA SPYOD PA'I CHOS NYON MONGS PA CAN DE DAG THAMS CAD KYI SA BON THAMS CAD KYI THAMS CAD DU YANG DAG PAR BCOM PA YIN NO, ,DE CI'I PHYIR ZHE NA, 'DI LTAR 'PHAGS PA NYAN THOS DE NI TSE 'DI NYID LA 'DOD CHAGS DANG BRAL BA DE LAS YONGS SU NYAMS SHING, SA 'OG MA PHA'I KUN NAS NYON MONGS PA MNGON DU BYED MI SRID PA DANG, SA GONG MA DAG TU SKYES PA DE NAS SHI 'PHOS NAS YANG SA 'OG MA RNAMS SU SKYE BA YANG MI SRID PA'I PHYIR RO, ,'DI LTA STE DPER NA, 'BRU NAS LA SOGS PA'I SA BON NAM MKHA' 'AM, SA GZHI SKAM POR GZHAG PA RNAMS NI MI SKYE YANG SA BON NYID MED PA NI MA YIN NO, ,DE DAG NYID MES KUN DU GDUNGS NA THAMS CAD KYI THAMS CAD DU SA BON NYID MED PA BZHIN DU SA BON RNAMS KYI NYAMS PA DANG YANG DAG PAR BCOM PA 'DI'I TSUL YANG DE BZHIN DU RIG PAR BYA'O; ,'PHAGS PA NYAN THOS PHUNG PO'I LHAG MA MED PA'I MYA NGAN LAS 'DAS PA'I DBYINGS SU YONGS SU MYA NGAN LAS MA 'DAS PA DE'I DGE BA DANG, LUNG DU MA BSTAN PA'I CHOS KYI SA BON GANG YIN PA DE NI KUN NAS NYON MONGS PA CAN GYI SA BON YANG DAG PAR BCOM PA'I PHYIR NYAMS @15A *, ,PA YIN PAS DES NA PHYI MA LA RNAM PAR SMIN PA MNGON PAR 'GRUB PAR BYED PA DANG, RANG NYID SKYE BAR YANG MI NUS TE, DE LTAR NA 'DI LTA STE, GROGS YANG DAG PAR BCOM PAS NYAMS PA 'DI NI NYAMS PA GZHAN BZHI PA YIN PAR RIG PAR BYA'O, ,DE LA GANG ZAG 'CHING BA MTHA' DAG DANG LDAN PA'I BDE BA DANG LDAN PA'AM, SDUG BSNGAL BA DANG LDAN PA'AM, SDUG BSNGAL YANG MA YIN BDE BA YANG MA YIN PA DANG LDAN PA'I SEMS GANG DAG 'BYUNG BA DE DAG THAMS CAD NI BDE BA'I SA BON DANG LDAN PA DANG, SDUG BSNGAL BA'I SA BON DANG LDAN PA DANG; SDUG BSNGAL YANG MA YIN BDE BA YANG MA YIN PA DE YANG MA YIN PA'I SA BON DANG LDAN PA YIN NO, ,DE'I DGE BA'AM, NYON MONGS PA CAN NAM, LUNG DU MA BSTAN PA'I SEMS GANG DAG 'BYUNG BA DE DAG THAMS CAD KYANG DGE BA'I SA BON DANG LDAN PA DANG, NYON MONGS PA CAN GYI SA BON DANG LDAN PA DANG, LUNG DU MA BSTAN PA'I SA BON DANG LDAN PA YIN NO, ,GANG ZAG SLOB PA 'CHING BA MA TSANG BA DANG LDAN PA'I 'JIG RTEN PA'I DGE BA 'AM, NYON MONGS PA CAN NAM, LUNG DU MA BSTAN PA'I SEMS GANG DAG 'BYUNG BA DE DAG THAMS CAD NI DE'I SGOM PAS SPANG BAR BYA BA'I NYON MONGS PA GANG DAG MA SPANGS PA DE'I SA BON DANG LDAN PA YIN TE, DE LAS GZHAN PA CHOS THAMS CAD KYI SA BON DANG LDAN PAR 'BYUNG NGO, ,GANG ZAG MI SLOB PA NYON MONGS PA THAMS CAD SPANGS PA'I 'JIG RTEN PA 'AM, 'JIG RTEN LAS 'DAS PA'I DGE BA'AM, LUNG DU MA BSTAN PA'I SEMS GANG 'BYUNG BA DE NI DE NYON MONGS PA CAN GYI CHOS THAMS CAD KYI SA BON DANG MI LDAN PAS DGE BA DANG, LUNG DU MA BSTAN PA'I CHOS THAMS CAD KYI SA BON DANG LDAN PAR 'BYUNG STE, SA BON RNAM PAR GZHAG PA'I TSUL 'DI NI KUN GZHI RNAM PAR SHES PA RNAM PAR MA BZHAG PA LA RIG PAR BYA'O, ,RNAM PAR GZHAG PA LA NI MDOR BSDU NA DE LA CHOS THAMS CAD KYI SA BON YOD PAR RIG PAR BYA STE, SA BON DE DAG NI MA SPANGS PA DANG, SPANG BAR BYA BA MA YIN PA'I CHOS DE DAG DANG CI RIGS @15B SU LDAN PAR RIG PAR BYA'O, ,BCOM LDAN 'DAS KYIS JI SKAD DU DGE SLONG DAG DGRA BCOM PA YANG TSE 'DI LA LHAG PA'I SEMS LAS BYUNG BA BDE BAR GNAS PA BZHI PO DE DAG LAS GANG YANG RUNG BA LAS YONGS SU NYAMS PAR NGA SMRA'O ZHES GANG GSUNGS PA DE LA, GAL TE DE'I NYON MONGS PA CAN GYI CHOS THAMS CAD KYI SA BON DAG YANG DAG PAR BCOM NA NI, JI LTAR DE LA SA 'OG MA PA'I NYON MONGS PA 'BYUNG BAR 'GYUR, GAL TE MI 'BYUNG NA NI JI LTAR DE YONGS SU NYAMS PAR 'GYUR ZHE NA, YONGS SU NYAMS PA NI GNYIS PO 'DI DAG YIN TE; SPONG BA'I YONGS SU NYAMS PA DANG, GNAS PA'I YONGS SU NYAMS PA'O, ,DE LA SPONG BA'I YONGS SU NYAMS PAS NI SO SO'I SKYE BO KHO NA YONGS SU NYAMS PAR 'GYUR RO, ,GNAS PA'I YONGS SU NYAMS PAS NI 'PHAGS PA DANG, SO SO'I SKYE BO YANG YONGS SU NYAMS PAR 'GYUR RO, ,DE LA 'JIG RTEN PA'I LAM GYIS NYON MONGS PA SPANGS PA YANG MNGON DU BYED PA NI SPONG BA'I YONGS SU NYAMS PAS YONGS SU NYAMS PAR 'GYUR TE, GNAS PA'I YONGS SU NYAMS PAS YONGS SU NYAMS PAR 'GYUR BA YANG DE YIN NO, ,'JIG RTEN LAS 'DAS PA'I LAM GYIS NYON MONGS PA SPANGS NAS, DE LAS GZHAN PA'I 'PHRAL GYI BYA BA DAG LA RAB TU CHAGS PA'I BLO CAN YID LA MI BYED PA'I RGYUS DE'I MJUG THOGS SU TSE 'DI LA BDE BAR GNAS PA LA SNGON GYI JI LTA BAR PHYIS KYANG DE BZHIN DU MNGON DU BYED MI NUS LA; SA 'OG MA PA'I NYON MONGS PA NI MNGON DU MI BYED PA GANG YIN PA DE NI DE LTA NA GNAS PA'I YONGS SU NYAMS PAS YONGS SU NYAMS PAR 'GYUR BA YIN GYI SPONG BA'I YONGS SU NYAMS PA NI MA YIN NO, ,GAL TE DGRA BCOM PA NYON MONGS PA THAMS CAD SPANGS PA'I NYON MONGS PA CAN GYI CHOS DE DAG THAMS CAD KYI SA BON YANG DAG PAR MA BCOM NA NI, JI LTAR NA DE DGRA BCOM PA SEMS SHIN DU RNAM PAR GROL BA DANG ZAG PA ZAD PAR 'GYUR, GAL TE YANG DAG PAR BCOM NA NI DE'I SEMS KYI RGYUD NYON MONGS PA CAN GYI CHOS THAMS CAD KYI SA BON @16A *, ,MED PA LA TSUL BZHIN MA YIN PA YID LA BYED PA TZAM YANG 'BYUNG BAR MI 'GYUR NA, NYON MONGS PA LTA SMOS KYANG CI DGOS TE, DE LTA BAS NA 'JIG RTEN LAS 'DAS PA'I LAM GYIS NYON MONGS PA SPANGS PA LA NI YONGS SU NYAMS PA MED PAR KHONG DU CHUD PAR BYA'O; ,DE LA MTSUNGS PA DE MA THAG PA'I RKYEN GANG ZHE NA, SEMS DANG SEMS LAS BYUNG BA'I CHOS GANG DAG GI MJUG THOGS SU SEMS DANG SEMS LAS BYUNG BA'I CHOS GANG DAG 'BYUNG BA DE DAG NI, DE DAG GI MTSUNGS PA DE MA THAG PA'I RKYEN ZHES BYA'O, ,DE LA RNAM PAR SHES PA DRUG PO GANG DAG YIN PA DE DAG NI RNAM PAR SHES PA DRUG PO DE DAG MTSUNGS PA DE MA THAG PA'I RKYEN YIN TE, DE DAG NI YID LA YID CES BYA BA DANG, YID KYI SKYE MCHED CES BYA BA DANG, YID KYI KHAMS ZHES BYA BAR YANG GDAGS SO, ,DE LA DMIGS PA'I RKYEN GANG ZHE NA, GZUGS LA SOGS PA YUL LNGA PO DAG NI RNAM PAR SHES PA'I TSOGS LNGA PO DAG GI DMIGS PA'I RKYEN YIN NO, ,NANG DANG PHYI ROL GYI SKYE MCHED BCU GNYIS PO THAMS CAD NI YID KYI RNAM PAR SHES PA'I DMIGS PA'I RKYEN YIN NO, ,DE LA BDAG PO'I RKYEN GANG ZHE NA, MIG LA SOGS PA'I SKYE MCHED LHAN CIG BYUNG BA RNAMS NI MIG GI RNAM PAR SHES PA LA SOGS PA'I BDAG PO'I RKYEN YIN NO, ,RNAM PAR SHES PA RNAMS DMIGS PA LA GTOD PAR BYED PA'I YID LA BYED PA YANG YIN NO, ,SEMS DANG SEMS LAS BYUNG BA'I CHOS LHAN CIG BYUNG BA RNAMS KYANG GCIG GI BDAG PO'I RKYEN GCIG YIN PAS BDAG PO'I RKYEN YIN NO, ,DGE BA DANG MI DGE BA'I LAS SNGON DU BYAS PA RNAMS KYANG PHYIS 'BRAS BU 'DOD PA DANG MI 'DOD PA GANG RNAM PAR SMIN PAR 'GYUR BA'I BDAG PO'I RKYEN YIN NO, , ZHING DANG LUD DANG CHU LA SOGS PA NI LO THOG MNGON PAR 'GRUB PA'I BDAG PO'I RKYEN YIN NO, ,BZO SHES PA DANG BZO'I LAS DE DANG DE DAG NI 'JIG RTEN PA'I BZO DANG LAS KYI GNAS DE DANG DE DAG MNGON PAR 'GRUB PA'I BDAG PO'I RKYEN YIN NO, ,DE LA RGYU'I RKYEN GANG YIN @16B PA DE NI SKYED PA'I RGYU NYID YIN NO, ,DE LAS GZHAN PA'I RKYEN GSUM PO DAG NI SKYE BA'I THABS KHO NA YIN PAR RIG PAR BYA'O, ,DE LTA BAS NA 'DU BYED GANG DANG GANG GI SKYE BA'I THABS NYE BAR GNAS PAR GYUR PA'I 'DU BYED KYI SA BON DE DANG DE NI 'DU BYED DE DANG DE MNGON PAR 'GRUB PAR BYED DE, DE'I PHYIR 'DU BYED THAMS CAD NI CIG CAR MGO MNYAM DU 'BYUNG BAR MI 'GYUR RO, ,RKYEN BZHI PO DE DAG NYID LA BRTEN NAS, RGYU BCU PO DAG NI RNAM PAR GZHAG PAR RIG PAR BYA STE, 'DI LTA STE, BYANG CHUB SEMS DPA'I SA LAS BSHAD PA BZHIN NO, , BCOM LDAN 'DAS KYIS YID NI 'DAS PA'I 'DU BYED RNAMS LAS KYANG BRTEN TE 'BYUNG LA, YID NI MA 'ONGS PA'I 'DU BYED RNAMS LAS KYANG BRTEN TE 'BYUNG NGO ZHES GANG GSUNGS PA DE LA, GAL TE 'DAS PA'I 'DU BYED RNAMS KYANG MED LA MA 'ONGS PA RNAMS KYANG MED NA GANG GI PHYIR BCOM LDAN 'DAS KYIS YID 'BYUNG NGO ZHES GSUNGS PA'I YID KYI DMIGS PA GANG YIN, GAL TE YID DNGOS PO MED PA KHO NA ZHIG LA DMIGS NA NI DE LA BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA GANG YIN PA 'DI LTA STE, RNAM PAR SHES PA NI GNYIS LA BRTEN TE 'BYUNG NGO, ,GNYIS GANG ZHE NA, MIG DANG GZUGS NAS RGYAS PAR YID DANG CHOS KYI BAR LAS SO ZHES BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA DE LA JI LTAR SHIN TU GNOD PAR BYAS PAR MI 'GYUR ZHE NA, YID NI RNAM PAR SHES PA'I TSOGS LNGA PO DAG GI SPYOD YUL MA YIN PA'I DON GANG YIN PA 'DZIN PAR BYED DE, DE LA BCOM LDAN 'DAS KYIS CHOS GDAGS PAR MDZAD NAS, YID DANG CHOS RNAMS LA BRTEN TE, YID KYI RNAM PAR SHES PA 'BYUNG NGO ZHES GSUNGS SO, ,BCOM LDAN 'DAS KYIS DGONGS PA DE YANG RGYU GANG GIS KHONG DU CHUD PAR BYA ZHE NA, 'DI LTAR YID KYI RNAM PAR SHES PA NI 'DAS PA'I RNAM PAR SHES PA LA DMIGS PA YANG YOD, MA 'ONGS PA'I RNAM PAR SHES PA LA DMIGS PA YANG YOD MOD KYI, RNAM PAR SHES PA NI CHOS KYI SKYE MCHED @17A *, ,DU GTOGS PA MA YIN NO, ,GZHAN YANG YOD PA YANG YOD PA'I DON GYIS RNAM PAR GNAS SHING YOD PA'I DON 'DZIN PAR BYED LA, MED PA YANG MED PA'I DON GYIS RNAM PAR GNAS SHING MED PA'I DON 'DZIN PAR BYED PAS, DE LA YID KYI RNAM PAR SHES PAS NI YOD PA YANG DON GANG GIS RNAM PAR GNAS PA'I DON DE NYID KYIS RNAM PAR SHES PAR BYA LA, MED PA YANG DON GANG GIS RNAM PAR GNAS PA'I DON DE NYID KYIS RNAM PAR SHES PAR BYA'O, ,GAL TE DE GNYI GA GNYI GA'I DON GYI RNAM PAR SHES PAR MI BYED NA NI YID DON THAMS CAD LA DMIGS PA DANG, DON THAMS CAD 'DZIN PA YIN PAR MI 'GYUR RO, ,GANG DE SKAD CES ZER NA, DES NI GRUB PA'I MTHA' LA YANG SHIN DU GNOD PA BYAS PAR 'GYUR TE, JI LTAR NA YOD PA NYID MED PA'O ZHES BRJOD DU NI TSUL MA YIN NO, ,DE LTA BAS NA JI LTAR 'DAS PA DANG, MA 'ONGS PA DE DNGOS PO MED PA DE BZHIN DU DE LA DMIGS PA'I YID KYANG MED LA, DMIGS PA YIN PAR KHONG DU CHUD PAR BYA'O, ,GZHAN YANG 'DI LA GANG GIS MED PA LA DMIGS PA'I YID KYI RNAM PAR SHES PA YOD DO ZHES KHONG DU CHUD PAR BYA BA'I RIGS PA BRJOD PA YANGS SHING RGYA CHE BA YANG YOD PA KHO NA YIN TE, BCOM LDAN 'DAS KYIS LEGS PAR GSUNGS PA DANG, LEGS PAR BRJOD PA JI SKAD DU NANG NGAM PHYI ROL LAM, LAM GNYI GA LA MA GTOGS PA NA BDAG MED DO ZHES GSUNGS PA GANG YIN PA DE LA, BDAG MED PA NYID DE NI 'DUS BYAS KYIS BSDUS PA YANG MA YIN 'DUS MA BYAS KYIS BSDUS PA YANG MA YIN MOD KYI, SPYI'I MTSAN NYID YONGS SU RTOG PA RNAMS LA DE LA DMIGS PA'I RNAM PAR SHES PA MI 'BYUNG BA YANG MA YIN TE, DE LTAR NA 'DI NI RIGS PA BRJOD PA DANG PO YIN NO, ,YANG GZUGS DANG DRI DANG RO DANG REG BYA DE LTA DE LTAR BYUNG BA RNAMS DANG, YONGS SU GYUR PA RNAMS DANG, KUN TU ZHUGS PA RNAMS LA ZAS DANG SKOM DANG BZHON PA DANG GOS DANG, RGYAN DANG KHANG KHYIM DANG DMAG DANG NAGS TSAL @17B LA SOGS PA 'DOGS PAR BYED PA'I ZAS DANG SKOM LA SOGS PA DE DAG GZUGS LA SOGS PA LAS GUD NA CUNG ZAD KYANG MED DE, DE'I MED PA NYID GANG YIN PA DE YANG 'DUS BYAS KYIS BSDUS PA YANG MA YIN, 'DUS MA BYAS KYIS BSDUS PA YANG MA YIN, MOD KYI RANG GI MTSAN NYID YONGS SU RTOG PA RNAMS LA, DE LA DMIGS PA'I RNAM PAR SHES PA MI 'BYUNG BA YANG MA YIN TE, DE LTAR NA 'DI NI RIGS PA BRJOD PA GNYIS PA YIN NO, ,YANG NA THAMS CAD LA SKUR BA 'DEBS PA'I LOG PAR LTA BA JI SKAD DU SBYIN PA MED DO; ,'DOD PA MED DO, ,MCHOD SBYIN MED DO ZHES RGYA CHER SNGAR BSTAN PA LTA BU GANG YIN PA DE LA, GAL TE 'DOD PA DANG MCHOD SBYIN LA SOGS PA MED PA'I MED PA NYID GANG YIN PA DE YANG DAG PAR YOD PA NYID YIN NA NI DES NA SKYES BU GANG ZAG DE LTA BUR LTA BA DE YANG LOG PAR LTA BAR MI 'GYUR TE, 'DI LTAR DE NI YANG DAG PAR LTA BA DANG, YANG DAG PAR SMRA BAR 'GYUR RO, ,CI STE MED NA NI LOG PAR LTA BA RNAMS KYI DE LA DMIGS PA'I RNAM PAR SHES PA YANG 'BYUNG BAR MI 'GYUR BA ZHIG NA 'BYUNG STE, DE LTAR NA DE NI RIGS PA BRJOD PA GSUM PA YIN NO, ,YANG 'DU BYED THAMS CAD LA RTAG PA NYID DAM BRTAN PA NYID DAM THER ZUG PA NYID MED DE 'DU BYED THAMS CAD LA RTAG PA NYID DAM BRTAN PA NYID DAM THER ZUG NYID DE'I MED PA NYID DE GANG YIN PA DE YANG 'DUS BYAS KYIS BSDUS PA YANG MA YIN, 'DUS MA BYAS KYIS BSDUS PA YANG MA YIN MOD KYI, SPYI'I MTSAN NYID KYIS YONGS SU RTOG PA RNAMS LA, DE LA DMIGS PA'I RNAM PAR SHES PA MI 'BYUNG BA YANG MA YIN TE, GAL TE DE LA DMIGS PA'I RNAM PAR SHES PA THAMS CAD KYI THAMS CAD DU MI 'BYUNG NA NI; DES NA 'DU BYED THAMS CAD LA RTAG PA NYID DAM, BRTAN PA NYID DAM, THER ZUG NYID MED PA SHES RAB KYIS YANG DAG PA JI LTA BA BZHIN DU YANG DAG PAR RJES SU MA MTHONG BA RNAMS LA SKYOB DANG 'DOD CHAGS DANG BRAL BA DANG RNAM PAR GROL BA MI SKYE STE, RNAM PAR @18A *, ,GROL BA MED NA NI LEN PA MED PAR YONGS SU 'DA' BAR YANG MI 'GYUR BAS, DE LTA NA SEMS CAN RNAMS KYI KUN NAS NYON MONGS PA RNAMS NI GTAN DU RJES SU 'BREL PAR 'GYUR BA ZHIG NA MI 'GYUR TE, DE LTAR NA, 'DI NI RIGS PA BRJOD PA BZHI PA YIN NO; ,YANG 'DU BYED MA 'ONGS PA RNAMS KYI 'BYUNG BA NYID KYANG RE ZHIG MED NA 'JIG PA YOD PAR LTA GA LA 'GYUR, YANG 'PHAGS PA NYAN THOS RNAMS 'DU BYED MA 'ONGS PA RNAMS LA 'BYUNG BA DANG, 'JIG PAR RJES SU LTA ZHING MI GNAS PA YANG MA YIN TE, DE LTAR NA 'DI NI RIGS PA BRJOD PA LNGA PA YIN NO, ,DES NA YID KYI RNAM PAR SHES PA MED PA LA DMIGS PA NI YOD PA KHO NAR KHONG DU CHUD PAR BYA STE, RNAM PAR SHES PA MED PA LA DMIGS PA RAB TU 'GRUB PA'I RIGS PA BRJOD PA NI DE LTA BU DANG MTHUN PA GZHAN YANG YOD PAR RIG PAR BYA'O, ,BCOM LDAN 'DAS KYIS LAS 'DAS PA NI YOD DE GAL TE LAS 'DAS PA MED DU ZIN NA 'DI NA LA LAS GNOD PA DANG BCAS PA DANG, GNOD PA MED PA'I TSOR BA MYONG BAR MI 'GYUR RO ZHES GANG GSUNGS PA DE LA DGONGS PA GANG YIN ZHE NA, 'DAS PA'I TSE RABS RNAMS SU LAS DGE BA DANG MI DGE BA BSKYED CING 'GAGS PAS PHYI MA LA 'BRAS BU 'DOD PA DANG MI 'DOD PA MNGON PAR 'GRUB PAR DE'I SA BON GYIS 'DU BYED KYI RGYUN PHYI MA PHYI MA YONGS SU BZUNG ZHING YONGS SU BSGOS PA LAS DGONGS NAS, BCOM LDAN 'DAS KYIS LAS 'DAS PA YOD DO, ZHES YONGS SU BSTAN TE, DE LTAR MI MTHUN PA RGYUR SMRA BA GANG DAG DBANG PHYUG DANG, BRGYA BYIN DANG TSANGS PA DANG RANG BZHIN DANG SKYES BU GZHAN LA SOGS PA LAS, SEMS CAN RNAMS KYI DGE BA DANG MI DGE BA 'BYUNG BAR LTA ZHING YONGS SU STON PA DAG GI LUGS DGAG PA DANG, THAMS CAD KYI THAMS CAD DU RGYU MED PAR SMRA BA GANG DAG SEMS CAN RNAMS KYI DGE BA DANG, MI DGE BA 'BYUNG BA RGYU MED PAR LTA ZHING YONGS SU STON PA GANG DAG YIN PA DE DAG GI LUGS DGAG PA'I DON GYI DBANG GNYIS GZIGS PAS YONGS SU BSTAN @18B TO; ,BCOM LDAN 'DAS KYIS 'DU BYED 'DAS PA RNAMS NI YOD DE, 'PHAGS PA NYAN THOS THOS PA DANG LDAN PA NI DE DAG LA MI LTA BAR GNAS SO, ,'DU BYED MA 'ONGS PA RNAMS KYANG YOD DE, 'PHAGS PA NYAN THOS THOS PA DANG LDAN PA NI DE DAG LA MNGON PAR MI DGA' BAR GNAS SO ZHES GANG GSUNGS PA DE LA DGONGS PA GANG YIN ZHE NA, 'DU BYED 'DAS PA RNAMS NI 'BRAS BU BSKYED PA LAS YOD LA, 'DU BYED MA 'ONGS PA RNAMS NI RGYU YONGS SU 'DZIN PA LAS YOD DO, ,'DI LTAR DA LTAR GYI 'DU BYED RNAMS NI MTSAN NYID GSUM GYIS RAB TU PHYE BA YIN TE, 'DAS PA RNAMS KYI 'BRAS BU'I DNGOS PO DANG, MA 'ONGS PA RNAMS KYI RGYU'I DNGOS PO DANG, RANG GI MTSAN NYID KYI RGYUN MI 'CHAD PAS SO, ,DE LTAR NA BCOM LDAN 'DAS KYIS DE YANG GAL TE 'DAS PA DANG MA 'ONGS PA DE 'DU BYED KYI MTSAN NYID DANG LDAN PA KHO NAR 'GYUR NA 'DAS PA DANG MA 'ONGS PA'I DNGOS PO DE MED DO ZHES MI BSTAN PA ZHIG NA, YONGS SU BSTAN PAS NA CHOS 'DAS PA DANG MA 'ONGS PA RNAMS LA RDZAS SU MNGON PAR ZHEN PA SPANG BAR BYA BA DANG, JI LTAR 'DAS PA DANG MA 'ONGS PA MED PA DE BZHIN DU DA LTAR BYUNG BA YANG MED DO ZHES MNGON PAR ZHEN PA RNAMS KYI MNGON PAR ZHEN PA DE SPANG BAR BYA BA'I DON GYI DBANG DE GNYIS GZIGS PAS YONGS SU BSTAN TO, ,BCOM LDAN 'DAS KYIS KHAMS 'DAS PA YANG YOD DE, KHAMS MA 'ONGS PA YANG YOD DO ZHES GANG GSUNGS PA DE LA DGONGS PA GANG YIN ZHE NA, SA BON GYI RGYUN BYUNG BA 'BRAS BU BSKYED ZIN PA NI KHAMS 'DAS PA ZHES BYA'O, ,SA BON GYI RGYUN 'BYUNG BA 'BRAS BU MA SKYES PA NI KHAMS MA 'ONGS PA ZHES BYA'O, ,DA LTAR GYI SA BON GYI RGYUN 'BRAS BU MA BSKYED PA NYID NI KHAMS DA LTAR BYUNG BA ZHES BYA'O, ,'DI LA DGONGS PA NI DE YIN PAR RIG PAR BYA STE, DGE SLONG SA BON GYI RGYUN LA MKHAS PA NI CHOS TSAD MED PA BDAG NYID SNA TSOGS CAN DE DANG DE DAG GI KHAMS LA MKHAS PA ZHES BYA'O, ,CI'I PHYIR GZUGS LA SOGS PA 'DU BYED RNAMS LAS SKYE BA DANG, RGA BA DANG, GNAS PA DANG, MI RTAG PA NYID DAG @19A *, ,RDZAS GZHAN DU YOD PA MA YIN PAR KHONG DU CHUD PAR BYA ZHE NA, RE ZHIG 'DU BYED MA 'ONGS PA NYID KYI YOD PA NYID BKAG PAS SKYE BA'I RDZAS SU YOD PA NYID KYANG BKAG PA KHO NAR RIG PAR BYA STE, 'DI LTAR MA 'ONGS PA'I SKYE BA NI MED PA YIN PAS JI LTAR GZHAN SKYED PAR 'GYUR LA, DA LTAR GYI SKYE BAS NI DA LTAR GYI 'DU BYED SKYED PAR MI NUS PA'I PHYIR RO, ,GZHAN YANG SKYE BA ZHES BYA BA DE'I RNAM GRANGS NI MTSAN NYID LAS 'DI LTA STE, 'DU BYED RNAMS KYI MNGON PAR 'GRUB PA DANG, SKYE BA DANG 'BYUNG BA NYID CES BYA BA DE DAG YIN NA, RNAM GRANGS DE DAG LAS MA GTOGS PA MTSAN NYID BSTAN PA GZHAN PA NI MI DMIGS SO, ,JI LTAR 'DU BYED DA LTAR BYUNG BA RNAMS NYID NI 'BYUNG BAR 'GYUR RO ZHES BYA BA DE NI MKHAS PA MDZANGS PAS BRJOD PAR RIGS PA'I TSUL MA YIN NO, ,GANG 'DI SKAD CES 'DI LTAR 'DU BYED RNAMS KYI SKYE BA SKYE'O ZHES ZER BA DES NI DON GYIS NA, JI LTAR 'DU BYED DA LTAR BYUNG BA RNAMS NYID 'BYUNG BAR 'GYUR RO ZHES BYA BA DE NYID YONGS SU BSTAN PAR ZAD DO, ,GZHAN YANG RANG GI SA BON GYI RGYU SO SOR NGES PA DANG LDAN PA'I CHOS THAMS CAD LA, SKYED PAR BYED PA'I SKYE BA GZHAN BRTAGS PAS KYANG CI ZHIG BYA, GZHAN YANG SKYE BA 'DU BYED RNAMS KYI MNGON PAR 'GRUB PA TZAM ZHIG GAM, 'ON TE MNGON PAR 'GRUB PA'I RGYUR 'GYUR BA ZHIG YIN, RE ZHIG GAL TE MNGON PAR 'GRUB PA TZAM ZHIG YIN NA NI, SKYE BA 'DU BYED RNAMS MNGON PAR 'GRUB PAR BYED PA YIN TE, SKYE BA YOD NA MNGON PAR 'GRUB PAR 'GYUR RO ZHES BYAR MI RUNG NGO, ,GAL TE SKYE BA 'DU BYED RNAMS KYI MNGON PAR 'GRUB PA'I RGYU YIN NA NI, DES NA 'DU BYED GCIG LA MNGON PAR 'GRUB PAR BYED PA DANG, MNGON PAR 'GRUB PA'I SKYE BA GNYIS 'BYUNG BAR 'GYUR TE MI RUNG NGO, ,SKYE BA JI LTA BA BZHIN DU RGA BA DANG, GNAS PA DANG, MI RTAG PA NYID DAG KYANG TSUL DE NYID KYIS CI RIGS PAR RIG PAR BYA STE, DE LTA BAS NA SKYE BA LA SOGS PA YANG 'DU BYED RNAMS LA BRTAGS PA'I YOD PA YIN PAR RIG PAR BYA'O, ,DE LA RGYU YOD NA RANG GI @19B MTSAN NYID SNGON MA BYUNG BA 'GRUB PA NI 'DU BYED RNAMS KYI SKYE BA ZHES BYA'O, ,SNGA MA LAS PHYI MA GZHAN NYID DU GZHAN DU 'GYUR BA NYID NI 'DU BYED RNAMS KYI RGA BA ZHES BYA'O, ,SKYE BA'I DUS TZAM LA GNAS PA NI 'DU BYED RNAMS KYI GNAS PA ZHES BYA STE, DE LTA BAS NA SKYE BA'I SKAD CIG GI 'OG TU 'JIG PA'I SKAD CIG NI 'DU BYED RNAMS KYI 'JIG PA ZHES BYA'O, ,GAL TE 'DUS BYAS LA 'DUS BYAS KYI MTSAN NYID BZHI PO SKYE BA DANG, RGA BA DANG, GNAS PA DANG, 'JIG PA 'DI DAG DMIGS NA CI'I PHYIR BCOM LDAN 'DAS KYIS SKYE BA DANG, 'JIG PA DANG GNAS PA LAS GZHAN DU 'GYUR BA NYID DANG GSUM KHO NA GSUNGS SHE NA, 'DU BYED RNAMS NI DUS GSUM GYIS RAB TU PHYE BA YIN TE, DES NA MA 'ONGS PA'I DUS NA MA BYUNG BA LAS 'BYUNG BAR 'GYUR BAS, DE'I PHYIR BCOM LDAN 'DAS KYIS MA 'ONGS PA'I DUS LA BRTEN TE 'BYUNG BA YANG 'DUS BYAS KYI MTSAN NYID YIN PAR GSUNGS SO, ,BYUNG BA RNAMS 'DAS PA'I DUS SU ZHIGS PAR GYUR PAS DE'I PHYIR BCOM LDAN 'DAS KYIS 'DAS PA'I DUS LA BRTEN TE ZHIGS PA YANG 'DUS BYAS KYI MTSAN NYID YIN PAR GSUNGS SO, ,GNAS PA GANG YIN PA DANG, GZHAN DU 'GYUR BA NYID GANG YIN PA'I MTSAN NYID GNYIS NI DA LTAR GYI DUS KYIS RAB TU PHYE BA YIN TE, 'DI LTAR GNAS PA YANG DA LTAR GYI DUS NYID NA DMIGS PA YIN LA, SNGA MA LAS KYANG PHYI MA GZHAN NYID DU GYUR PA NYID KYANG DA LTAR GYI DUS NYID NA DMIGS PA YIN PAS, DE'I PHYIR BCOM LDAN 'DAS KYIS DA LTAR BYUNG BA'I DUS LA BRTEN TE, GNAS PA DANG, GZHAN DU 'GYUR BA NYID GCIG TU BSDUS NAS 'DUS BYAS KYI MTSAN NYID YIN PAR GSUNGS SO, ,GANG GI TSE 'PHAGS PA NYAN THOS KYIS 'DUS BYAS KYI MTSAN NYID GSUM DANG LDAN PAR YONGS SU BRTAG PAR BYAS PA'I TSE, CI'I PHYIR 'PHAGS PA NYAN THOS PHUNG PO RNAMS LA 'BYUNG BA DANG 'JIG PA KHO NAR RJES SU LTA ZHING GNAS SO ZHES GSUNGS LA GNAS PA DANG GZHAN DU 'GYUR BA NYID RJES SU LTA ZHING GNAS SO ZHES MA GSUNGS SHE NA, GANG @20A *, ,GI PHYIR 'BYUNG BA GANG YIN PA DANG, GNAS PA LAS GZHAN DU 'GYUR BA NYID GANG YIN PA'I MTSAN NYID DE GNYI GA YANG 'BYUNG BAS RAB TU PHYE BA YIN PAS, ,DE'I PHYIR MTSAN NYID GNYIS CHA GCIG TU MDZAD DE 'BYUNG BA'I PHYOGS SU RNAM PAR BZHAG NAS 'BYUNG BAR RJES SU LTA ZHING GNAS SO ZHES GSUNGS SO, ,MTSAN NYID GCIG NI CHA GNYIS PAR RNAM PAR GZHAG NAS 'JIG PAR RJES SU LTA ZHING GNAS SO ZHES GSUNGS SO, ,GZHAN YANG DE NI MTSAN NYID GANG GIS YID 'BYUNG BA DANG, 'DOD CHAGS DANG BRAL BA DANG RNAM PAR GROL BAR 'GYUR BA'I MTSAN NYID DE NYID LA YID LA BYED PAS 'DU BYED RNAMS LA MI RTAG PA NYID DU LTA NA SKYO BA DANG 'DOD CHAGS DANG BRAL BA DANG RNAM PAR GROL BAR 'GYUR BAS DE'I PHYIR MI RTAG PA NYID KHO NA YID LA BYED DO, ,MI RTAG PA NYID KYANG MA BYUNG BA LAS 'BYUNG BAS RAB TU PHYE BA DANG, BYUNG NAS KYANG MED PAR 'GYUR BAS RAB TU PHYE BA YIN TE MA BYUNG BA LAS 'BYUNG BA NI 'BYUNG BA YIN LA, BYUNG NAS MED PAR 'GYUR BA NI 'JIG PA YIN NO,, ,,BAM PO GSUM PA, SKYE BA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE SKAD CIG GI SKYE BA DANG, NYID MTSAMS SBYOR BA'I SKYE BA DANG, MNGON PAR 'GRUB PA'I SKYE BA DANG, SEMS RNAM PA THA DAD PA'I SKYE BA DANG, MI 'DOD PA'I SKYE BA DANG, 'DOD PA'I SKYE BA DANG, NGAN PA'I SKYE BA DANG, BAR MA'I SKYE BA DANG, BZANG PO'I SKYE BA DANG, BLA NA YOD PA'I SKYE BA DANG, BLA NA MED PA'I SKYE BA'O, ,DE LA 'DU BYED RNAMS GYI SKAD CIG SKAD CIG PAR SKYE BA NI SKAD CIG GI SKYE BA ZHES BYA'O, ,KUN DU SBYOR BA MTHA' DAG YOD PA'AM, KUN DU SBYOR BA MA TSANG YANG RUNG, SEMS CAN GYI RIS DE DANG, DE NAS SHI 'PHOS NAS SEMS CAN RNAMS KYI RIS DE DANG DER PHUNG PO MNGON PAR 'GRUB PA NI NYID MTSAMS SBYOR BA'I SKYE BA ZHES BYA'O, ,THOR BU DANG GZHON NU LA SOGS PA'I GNAS SKABS DAG NAS RGAS PA'I GNAS SKABS KYI BAR DU 'GYUR BA NI MNGON PAR 'GRUB PA'I SKYE BA ZHES BYA'O, ,DMIGS PA DE DANG NGES NYIN MTSAN DE DANG DE @20B DAG 'DAS PA DANG, SKAD CIG DANG THANG CIG YUD TZAM DE DANG DE DAG 'DAS PAS SEMS BDE BA DANG MTSUNGS PAR LDAN PA'AM, SDUG BSNGAL BA DANG MTSUNGS PAR LDAN PA'AM, SDUG BSNGAL YANG MA YIN BDE BA MA YIN PA DANG MTSUNGS PAR LDAN PA'AM, 'DOD CHAGS DANG BCAS PA'AM, 'DOD CHAGS DANG BRAL BA NAS RGYAS PAR SHIN TU RNAM PAR GROL BA 'AM, RNAM PAR MA GROL BA'I BAR GYI RNAM PA DU MA RNAM PA MANG PO SNA TSOGS SKYE BA NI SEMS RNAM PA THA DAD PA'I SKYE BA ZHES BYA'O, ,NGAN 'GRO SEMS CAN DMYAL BA RNAMS DANG DUD 'GRO DANG YI DVAGS RNAMS SU SDUG BSNGAL SKYE BA GANG YIN PA DE NI MI 'DOD PA'I SKYE BA ZHES BYA'O, ,BDE 'GRO LHA DANG MI RNAMS SU BDE BA SKYE BA GANG YIN PA DE NI 'DOD PA'I SKYE BA ZHES BYA'O, ,'DOD PA'I KHAMS NGAN PAR MNGON PAR 'GRUB PA NI NGAN PA'I SKYE BA ZHES BYA'O, ,GZUGS KYI KHAMS PAR MAR MNGON PAR 'GRUB PA NI BAR MA'I SKYE BA ZHES BYA'O, ,GZUGS MED PA'I KHAMS BZANG POR MNGON PAR 'GRUB PA NI BZANG PO'I SKYE BA ZHES BYA'O, ,GZHAN YANG MNGAL DU 'JUG PA DANG PO NI NGAN PA'I SKYE BA ZHES BYA'O, ,MNGAL DU 'JUG PA BAR MA GNYIS NI BAR MA'I SKYE BA ZHES BYA'O,, MNGAL DU 'JUG PA THA MA NI BZANG PO'I SKYE BA ZHES BYA'O, ,RNAM GRANGS GZHAN YANG NYON MONGS PA CAN DANG NYON MONGS PA CAN GYI 'BRAS BU'I CHOS RNAMS KYI MNGON PAR 'GRUB PA NI NGAN PA'I SKYE BA ZHES BYA'O, ,DGE BA DANG DGE BA'I 'BRAS BU CAN GYI CHOS RNAMS KYI MNGON PAR 'GRUB PA NI BZANG PO'I SKYE BA ZHES BYA'O, ,DGE BA DANG MI DGE BA'I 'BRAS BU CAN GYI CHOS LUNG DU MA BSTAN PA RNAMS MA GTOGS PA LUNG DU MA BSTAN PA'I CHOS RNAMS KYI MNGON PAR 'GRUB PA NI BAR MA'I SKYE BA ZHES BYA'O, ,KHAMS SU GTOGS PA RNAMS KYI SKYE BA LAS BRTZAM TE, CI YANG MAD PA'I SKYE MCHED KYI BAR DU MNGON PAR 'GRUB PA NI BLA NA YOD PA'I SKYE BA ZHES BYA'O, ,'DU SHES MED 'DU SHES MED MIN GYI SKYE MCHED DU MNGON PAR 'GRUB PA NI BLA NA MED PA'I SKYE BA ZHES BYA'O, ,SKAD CIG MA'I RGYUD MTSAMS SBYOR BAR GTOGS PA RNAMS KYI SKYE BA LAS BRTZAMS TE, @21A *, ,DGRA BCOM PA'I 'CHI BA THA MA'I CHAR GTOGS PA'I PHUNG PO RNAMS MA GTOGS PA DE LAS GZHAN PA'I 'DU BYED GANG CI YANG RUNG BAR MNGON PAR 'GRUB PA DE DAG THAMS CAD NI BLA NA YOD PA'I SKYE BA ZHES BYA'O, ,RGA BA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE LUS RGA BA DANG, SEMS RGA BA DANG, TSE RGA BA DANG, 'GYUR BA RGA BA DANG, LUS 'GYUR BA RGA BA'O, ,DE LA SPYI CER DU GYUR PA DANG, MGO SKYA BA LA SOGS PA RGYAS PAR JI SKAD MDO LAS GSUNGS PA LTA BU DAG GIS LUS YONGS SU GYUR PA NI LUS RGA BA ZHES BYA'O, ,BDE BA'I TSOR BA DANG MTSUNGS PAR LDAN PA'I SEMS YONGS SU GYUR NAS SDUG BSNGAL BA DANG MTSUNGS PAR LDAN PAR 'GYUR BA DANG, DGE BA'I SEMS YONGS SU GYUR NAS NYON MONGS PA CAN DU 'GYUR BA DANG, 'DOD PA'I DON RNAMS LA RE BA DANG LDAN PA'I SEMS YONGS SU GYUR PA NI RE BA 'BRAS BU MED PAR GYUR PA DE NI SEMS RGA BA ZHES BYA'O, ,NYIN MTSAN DE DANG DE DAG 'DAS PA DANG SKAD CIG DANG THANG CIG DANG YUD TZAM DE DANG DE DAG 'DAS PAS TSE 'GRIBS PA'I RIM GYIS THAMS CAD KYI THAMS CAD DU YONGS SU ZAD PAR GYUR PA NI TSE RGA BA ZHES BYA'O; ,DBANG PHYUG GI BDAG PO PHUN SUM TSOGS PA THAMS CAD NYAMS PA DANG, NAD MED PA DANG, KHA DOG DANG, STOBS DANG, BRTAS PA LA SOGS PA RNAM PAR GYUR PA NI 'GYUR BA RGA BA ZHES BYA'O, ,BDE 'GROR SKYES SHING LEGS PAR 'BYOR PA'I LUS DAG LAS SHI 'PHOS NAS NGAN 'GRO NGAN PA'I RIS RNAMS SU LUS MNGON PAR 'GRUB PA NI LUS 'GYUR BA RGA BA ZHES BYA'O, ,GANG LA BRTEN NAS RGA BA'I RNAM PA JI SKAD BSTAN PA DE DAG THAMS CAD 'BYUNG BAR 'GYUR BA'I RGA BA GCIG PA YANG YOD DE 'DU BYED RNAMS KYI SKAD CIG SKAD CIG LA GZHAN NYID DU 'GYUR BA'I RGA BA GANG YIN PA'O, ,GNAS PA'I RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE SKAD CIG GNAS PA DANG, RGYUN GNAS PA DANG, RKYEN DANG 'BREL PAS GNAS PA DANG, RNAM PAR MI G-YENG BAR GNAS PA DANG, LUGS GNAS PA'O, , @21B DE LA 'DU BYED 'BYUNG BA SKYE BA'I DUS TZAM LA GNAS PA NI SKAD CIG GNAS PA ZHES BYA'O, ,DE DANG DER MNGON PAR 'GRUB PA'I LUS DE DANG DE DAG ZAS DE DANG DE LA BRTEN NAS TSE JI SRID PAR GNAS PA DANG, PHYI ROL GYI SNOD KYI 'JIG RTEN RNAMS BSKAL PA CHEN PO'I MTHAR THUG PAR GNAS PA NI RGYUN GNAS PA ZHES BYA'O, ,BDE BA DANG SDUG BSNGAL BA DANG BDE BA YANG MA YIN SDUG BSNGAL BA YANG MA YIN PA'I TSOR BA RNAMS DANG, DGE BA DANG MI DGE BA DANG LUNG DU MA BSTAN PA'I CHOS RNAMS RANG RANG GI RKYEN NYE BAR GNAS NA RE ZHIG GNAS PA NI RKYEN DANG, 'BREL BAS GNAS PA ZHES BYA'O, ,SEMS MNYAM PAR GZHAG PA'I TING NGE 'DZIN MNGON DU GYUR PA NI RNAM PAR MI G-YENG BAR GNAS PA ZHES BYA'O, ,YUL GZHAN DU GRONG DANG GROL RDAL DANG YUL 'KHOR DANG, RGYAL PO'I PHO BRANG 'KHOR RNAMS DANG, RGYAL PO BZHUGS SA DANG; BSKOS PA 'DU BA'I SA DANG, BZO SBYANGS KYI GNAS RNAMS DANG, LAG RUB BYED PA DAG DANG, 'KHOR RNAMS LA SPYOD TSUL RNYING PA DANG BCAS PA'I RJES SU 'JUG PA NI LUGS GNAS PA ZHES BYA'O, ,MI RTAG PA NYID KYI RAB TU DBYE BA YANG RNAM PA DU MA YOD PAR RIG PAR BYA STE, 'DI LTA STE, 'JIG PA'I MI RTAG PA NYID DANG, SKYE BA'I MI RTAG PA NYID DANG, 'GYUR BA'I MI RTAG PA NYID DANG, 'BRAL BA'I MI RTAG PA NYID DANG, 'BYUNG BAR 'GYUR BA'I MI RTAG PA NYID DANG, BYUNG ZIN PA'I MI RTAG PA NYID DO, ,DE LA 'DU BYED SKYES PA RNAMS 'JIG PA NI 'JIG PA'I MI RTAG PA NYID CES BYA'O, ,'DU BYED RNAMS MA BYUNG BA LAS 'BYUNG BA NI SKYE BA'I MI RTAG PA NYID CES BYA'O, ,'DU BYED 'DOD PA DE ? LTAR GYI DUS SU MI 'DRA BA 'BYUNG BA MNGON DU GYUR PA THAMS CAD NI 'DU BYED RNAMS KYI 'GYUR BA'I MI RTAG PA NYID CES BYA'O, , YO BYAD SDUG PA MA GYUR PA RNAMS DANG BRAL ZHING DE LA DBANG NYAMS PA NI 'BRAL BA'I MI RTAG PA NYID CES BYA'O, ,MI RTAG PA NYID RNAM PA BZHI PO DE DAG NYID MA 'ONGS PA'I DUS NA 'BYUNG BAR 'GYUR BA'I MI RTAG PA NYID CES BYA'O, ,DE LTAR GYI DUS NA MNGON DU 'GYUR BA NI BYUNG ZIN PA'I @22A *, ,MI RTAG PA NYID CES BYA'O, ,DE LA 'DOD PA LAS LONGS SPYOD PA BAG MED PAR GYUR BA RNAMS NI 'GYUR BA'I MI RTAG PA NYID DANG 'BRAL BA'I MI RTAG PA NYID DANG PHRAD DE, YID LA BYED PA NA RGYAS PAR MYA NGAN BYED SGYID LUG PAR BYED KYANG 'DU BYED RNAMS LA SKYO BAR NI MI 'GYUR RO, ,GZHAN MU STEGS CAN DAG NI MI RTAG PA NYID DE DAG NYID SHAS CHER YID LA BYED PA NA SKYO ZHING 'DOD PA LAS DBEN PA TZAM LA BRTEN KYANG 'DU BYED RNAMS KYI PHYOGS 'GA' LAS SKYO BAR 'GYUR GYI GTAN DU NI MA YIN NO, ,'PHAGS PA NYAN THOS NI MI RTAG PA NYID THAMS CAD YONGS SU RDZOGS PAR YID LA BYED CING 'DU BYED RNAMS LAS GTAN SKYO BA DANG RNAM PAR GROL BA'I BAR DU YANG 'GYUR RO, ,'THOB PA DANG RNYED PA DANG LDAN PA GANG ZHE NA, MDOR BSDU NA 'BYUNG BA'I RKYEN GYIS YONGS SU ZIN CING SA BON YONGS SU BRTAS PA NI 'THOB PA ZHES BYA STE, RNAM GRANGS DES NA 'THOB PA YANG BTAGS PA'I YOD PA YIN PAR RIG PAR BYA'O, ,GAL TE 'THOB PA RDZAS SU YOD PAR GYUR NA, DE 'DU BYED RNAMS GYI 'BYUNG BA'I RGYU 'AM, YANG NA CHOS DANG MI 'BRAL BAR 'GYUR BA'I RGYUR 'GYUR GRANG NA, GAL TE 'DU BYED RNAMS 'BYUNG BA'I RGYUR GYUR NA NI, DES NA JI SRID DU CHOS DE THOB PAR MA GYUR PA'I SNGA ROL NA DE'I 'BYUNG BA'I RGYU THOB PA YANG MED PAS NAM YANG 'BYUNG BAR MI 'GYUR TE, DE LTA NA DE GTAN MI 'THOB PA NYID DU 'GYUR RO, ,GAL TE CHOS DANG MI 'BRAL BA'I RGYUR 'GYUR NA NI DES NA DGE BA DANG MI DGE BA DANG LUNG DU MA BSTAN PA'I CHOS DE DAG THAMS CAD KYIS THOB PA MGO MNYAM DU YOD PA'I, MI MTHUN PA DE DAG KYANG MGO MNYAM DU KUN 'BYUNG BAR 'GYUR TE, DE LTA BAS NA GNYI GA YANG MI RUNG NGO, ,CHOS RNAMS KYI 'BYUNG BA'I RGYU NI SO SOR NGES PA'I RKYEN GYIS RANG GI SA BON YONGS SU ZIN PA'O, ,'BRAL BA'I RGYU NI RKYEN GZHAN MNGON DU GYUR PAS RKYEN GZHAN DANG 'BRAL BA'O, ,DE LA RKYEN BSGRUB PA LA DBANG BA NI 'THOB PA ZHES GDAGS TE, DBANG DE LA BRTEN NAS SKYES BU GANG ZAG DE CHOS SKYES NAS @22B 'GAGS PA GANG DANG GANG MNGON SUM DU BYA BAR 'DOD PA DE BSKYED PA'I PHYIR MYUR BA MYUR BA KHO NAR RKYEN SGRUB PAR BYED DE, DE LTA BAS NA DE YANG 'THOB PA ZHES BYA'O, ,'THOB PA DE YANG MDOR BSDU NA RNAM PA GSUM DU RIG PAR BYA'O, ,SA BON DANG LDAN PA DANG, DBANG DANG LDAN PA DANG; KUN DU 'BYUNG BA DANG LDAN PA'O, ,DE LA RE ZHIG NYON MONGS PA CAN DANG, LUNG DU MA BSTAN PA DANG, SKYES NAS THOB PA'I DGE BA'I CHOS MA BTZAL BAR KUN TU 'BYUNG BA GANG DAG YIN PA DE DAG NI SA BON RE ZHIG ZHI GNAS KYI NYAMS PAS KYANG NYAMS PAR MA BYAS LA, 'PHAGS PA'I LAM GYIS KYANG YANG DAG PAR MA BCOM PA DANG, DGE BA RNAMS KYI YANG 'DI LTA STE, DPER NA DGE BA'I RTZA BA KUN DU BCAD PA RNAMS KYI LHAR LOG PAR LTA BAS NYAMS PAR MA BYAS PA GANG YIN PA DE NI SA BON DANG LDAN PA ZHES BYA STE, 'DI LTAR JI SRID DU DE'I SA BON DE NYAMS PAR MA BYAS SHING YANG DAG PAR MA BCOM PA DE SRID DU DE NYON MONGS PA CAN LA SOGS PA'I CHOS KUN DU 'BYUNG BA'AM, KUN DU 'BYUNG BA MA YIN PA DE DAG DANG LDAN PA ZHES BYA BA'I PHYIR RO, ,DGE BA'I CHOS MNGON PAR 'DU BYA BAS BSKYED PA RNAMS DANG LUNG DU MA BSTAN PA DE DAG KHA CIG GI 'BYUNG BA'I RKYEN GYIS RGYU SA BON YONGS SU BRTAS PA YONGS SU ZIN PA NI DBANG DANG LDAN PA ZHES BYA'O, ,DA LTAR GYI CHOS RNAMS MNGON SUM GYI DNGOS POS RANG GI MTSAN NYID KYIS 'GRUB PA NI KUN DU 'BYUNG BA DANG LDAN PA ZHES BYA'O, ,DE LA SROG GI DBANG PO GANG ZHE NA STON GYI LAS KYIS DE DANG DER LUS MNGON PAR GRUB PA GNAS PA'I DUS NGES PA 'PHANGS PA NI TSE DANG SROG DANG SROG GI DBANG PO ZHES BYA'O, ,DE YANG RAB TU DBYE NA NGES PA DANG, MA NGES PA DANG, RJES SU 'JUG PA DANG, RJES SU 'JUG PA MA YIN PA DANG, YUN THUNG BA DANG, YUN RING BA DANG, MTHAR THUG PA DANG, MTHAR THUG PA MA YIN PA DANG, RANG GIS DBANG BSGYUR BA DANG, RANG GIS DBANG BSGYUR BA MA YIN PA STE, DE LA 'DZAM BU'I GLING PA'I MI RNAMS KYI TSE MA GTOGS PA DE LAS GZHAN PA'I SKYE BA'I GNAS NA NI TSE NGES @23A *, ,PA YIN NO, ,'DI NA NI LAN 'GA' NI YUN RING STE DPAG TU MED DO, ,LAN 'GA' NI YUN THUNG NGO, ,BYANG GI SGRA MI SNYAN DAG NA NI JI LTAR TSE SO SOR NGES PA BZHIN DU GTAN DU RJES SU 'JUG STE, BAR MDOR 'CHI BA'I DUS BYED PA MED PAS RJES SU 'JUG PA YIN NO, ,DE LAS GZHAN PA THAMS CAD NA NI RJES SU 'JUG PA MA YIN NO, ,'DZAM BU'I GLING NA MI TSE LO BCU PA RNAMS KYI TSE NI YUN THUNG BA YIN NO, ,DUD 'GRO KHA CIG GI YANG DE DANG 'DRA STE, 'DI LTAR DUD 'GRO KHA CIG GI TSE NI NYIN ZHAG GCIG TU SNANG LA, KHA CIG GI TSE NI NYIN ZHAG GNYIS DANG, GSUM DANG BCU'I BAR DU SNANG BA'I PHYIR RO, ,'DU SHES MED 'DU SHES MED MIN SKYE MCHED DU SKYES PA'I SEMS CAN RNAMS KYI TSE NI BSKAL PA CHEN PO BRGYAD KHRI THUB PAS YUN RING PO YIN NO, ,DGRA BCOM PA RNAMS DANG, SLOB PA GANG DAG TSE 'DI LA YONGS SU MYA NGAN LAS 'DAS PA'I CHOS CAN RNAMS DANG, SO SO'I SKYE BO'I SRID PA THAMS GANG DAG YIN PA DAG GI TSE NI MTHAR THUG PA YIN NO, ,DE LAS GZHAN PA DAG GI MTHAR THUG PA MA YIN PAR RIG PAR BYA'O, ,DGRA BCOM PA DANG DE BZHIN GSHEGS PA DANG BYANG CHUB SEMS DPA' GANG DAG TSE'I 'DU BYED GTONG BA DANG, SPEL BAR SPYOD PA DAG NI SROG GI DBANG PO LA RANG GIS DBANG BSGYUR BA YIN NO, ,DE LAS GZHAN PA DAG NI RANG GIS DBANG BSGYUR BA MA YIN PAR RIG PAR BYA'O, ,DE LA RIGS MTHUN PA GANG ZHE NA, MDOR BSDU NA SKYE BA'I GNAS DE DANG DER SEMS CAN KHAMS MTSUNGS PA DANG 'GRO BA MTSUNGS PA DANG, SKYE GNAS MTSUNGS PA RNAMS KYI RIGS DANG NA TSOD DANG, RANG BZHIN DANG BOD TSOD MTSUNGS PA LA SOGS PA YAN LAG DE DANG DES 'DRA BA GANG YIN PA DE NI RIS MTHUN PA STE, SEMS CAN MTHUN PA ZHES KYANG BYA'O, ,DE LA SEMS CAN GANG DAG KHAMS MTHUN PA NYID KYIS MTHUN PA YANG YOD DE, KHAMS GCIG TU SKYES PA GANG DAG YIN PA RNAMS SO, ,'GRO BA RIS MTHUN PA NYID KYIS MTHUN PA YANG YOD DE, 'GRO BA GCIG TU SKYES PA GANG DAG YIN PA @23B RNAMS SO, ,SKYE GNAS MTHUN PA NYID KYIS MTSUNGS PA YANG YOD DE, SKYE GNAS GCIG TU MNGON PAR 'GRUB PA GANG DAG YIN PA RNAMS SO, ,RIGS MTHUN PA NYID KYIS MTHUN PA YANG YOD DE, RIGS GCIG KHO NA LA BRTEN PA GANG DAG YIN PA RNAMS SO, , GANG DAG KHA DOG DANG, CHU ZHENG DANG, SGRA BRJOD PA DANG, 'TSO BA MTHUN PA NYID KYIS MTHUN PA DAG KYANG YOD DO, ,SEMS CAN GANG DAG YON TAN DANG SKYON MTHUN PA NYID KYIS MTHUN PA YANG YOD DE, 'DI LTA STE SROG GCOD PA RNAMS SROG GCOD PA DAG DANG MTHUN PA NAS RGYAS PAR LOG PAR LTA BA RNAMS LOG PAR LTA BA DAG DANG MTHUN PA'I BAR DANG, SROG GCOD PA SPANGS PA RNAMS SROG GCOD PA SPANGS PA DAG DANG MTHUN PA NAS, RGYAS PAR YANG DAG PAR LTA BA RNAMS YANG DAG PAR LTA BA DAG DANG MTHUN PA'I BAR DANG, RGYUN DU ZHUGS PA NAS DGRA BCOM PA DANG RANG SANGS RGYAS KYI BAR DAG DANG, RGYUN DU ZHUGS PA LA SOGS PA DAG DANG MTHUN PA DANG, BYANG CHUB SEMS DPA' RNAMS BYANG CHUB SEMS DPA' DAG DANG MTHUN PA DANG, DE BZHIN GSHEGS PA RNAMS DE BZHIN GSHEGS PA DAG DANG MTHUN PA'O, ,DE LA SO SO'I SKYE BO NYID GANG ZHE NA, KHAMS GSUM NA SPYOD PA'I MTHONG BAS SPANG BAR BYA BA'I CHOS KYI SA BON RNAMS YANG DAG PAR MA BCOM PA TZAM GANG YIN PA DE NI SO SO'I SKYE BO NYID CES BYA'O, ,DE YANG MDOR BSDU NA RNAM PA BZHI STE, YONGS SU MYA NGAN LAS MI 'DA' BA'I CHOS CAN GYI RIGS KYIS BSDUS PA DANG, NYAN THOS KYI RIGS KYIS BSDUS PA DANG, RANG SANGS RGYAS KYI RIGS DANG LDAN PA DANG, DE BZHIN GSHEGS PA'I RIGS DANG LDAN PA'O, ,DE LA TSOGS PA GANG ZHE NA, CHOS DE DANG DE DAG SKYED PA'I PHYIR GANG DAG RGYUR GYUR PA DANG, GANG DAG RKYEN DU GYUR PA DE DAG THAMS CAD GCIG TU BSDUS PA NI TSOGS PA ZHES BYA STE, DE NYID LHAN CIG BYED PA'I RGYU ZHES KYANG BYA'O, ,DE YANG RAB TU DBYE BA NA, TSOR BA RNAMS MYONG BA'I TSOGS PA YANG YOD DE, 'DI LTA STE SKYE MCHED DRUG GI RKYEN DANG, GZUGS LA SOGS PA'I RKYEN DANG, @24A *, ,YID LA BYED PA LA SOGS PA'I RKYEN GYIS REG PA DANG, REG PA'I RKYEN GYIS TSOR BA'O, ,YANG SRID PA MNGON PAR 'GRUB PA'I TSOGS PA YANG YOD DE, 'DI LTA STE MA RIG PA'I RKYEN GYIS 'DU BYED RNAMS DANG, TSOR BA'I RKYEN GYIS SRED PA DANG, SRED PA'I RKYEN GYIS LEN PA NAS RGYAS PAR SKYE BA'I RKYEN GYIS RGA SHI'I BAR DAG GO , ,SKYE MCHED DRUG GNAS PA'I TSOGS PA YANG YOD DE, 'DI LTA STE, ZAS BZHI DANG SROG GI DBANG PO'O, ,BZO'I GNAS RNAMS 'GRUB PA'I TSOGS PA YANG YOD DE, 'DI LTA STE, BZO SHES PA DANG, DE DANG LDAN PA'I LAS KYI YO BYAD DANG SKYES BU'I RTZAL LO, ,RNAM PAR DAG PA'I TSOGS PA YANG YOD DE, 'DI LTA STE, BDAG DANG GZHAN GYI 'BYOR BA LA SOGS PA KHOM PA BCU GNYIS 'DUS PA'O, ,BRDAR BTAGS PA'I TSOGS PA GZHAN PA YANG YOD DE, 'DI LTA STE, SEMS CAN RNAMS KYI BLO GCIG PA'I DBANG DU BYAS NAS MI MTHUN PA MED PA DANG, MI 'THAB PA DANG, MI RTZOD PA DANG, MI 'PHROD PA MED PA PA'O, ,DE LA MING GI TSOGS RNAMS GANG ZHE NA, CHOS RNAMS KYI NGO BO NYID DU 'DOGS PA DANG, RANG GI MTSAN NYID DU 'DOGS PA LAS BRTZAMS TE; RJES SU THA SNYAD GDAGS PA'I PHYIR YONGS SU BRTAG PA NYE BAR BZUNG NAS MING TZAM DU RNAM PAR 'JOG PA GANG YIN PA DE DAG NI MING GI TSOGS RNAMS ZHES BYA'O, ,TSIG GI TSOGS RNAMS GANG ZHE NA, RANG GI MTSAN NYID DU BTAGS PA'I CHOS DE DAG NYID KYIS BYE BRAG TU 'DOGS PA LAS BRTZAMS TE, YON TAN DANG SKYON DANG, KUN NAS NYON MONGS PA DANG RNAM PAR BYANG BA'I SPROS PA RNAM PAR 'JOG PA NI TSIG GI TSOGS RNAMS ZHES BYA'O, ,YI GE'I TSOGS RNAMS GANG ZHE NA, MING GI TSOGS DANG, TSIG GI TSOGS KYI BRTEN GYI DNGOS POR YI GE'I 'BRU'I TSOGS RNAMS NI YI GE'I TSOGS RNAMS ZHES BYA STE, SHES BYA BRJOD PAR BYA BA'I DNGOS PO LA, THAMS CAD LAS BSDUS PA NI YI GE'O, ,'BRING NI MING NGO, ,RGYAS PA NI TSIG GO , ,YI GE TZAM LA BRTEN NAS NI SGRA TZAM SO SOR RIG PAR 'GYUR GYI DON NI 'GA' YANG SO SOR RIG PAR MI 'GYUR RO, , @24B MING LA BRTEN PAS NI CHOS DE DANG DE DAG GI NGO BO NYID SO SOR RIG PA DANG SGRA YANG SO SOR RIG PAR 'GYUR GYI, CHOS MANG PO RAB TU RNAM PAR 'BYED PA SO SOR RIG PAR NI MI 'GYUR RO, ,TSIG GI TSOGS LA BRTEN PAS NI THAMS CAD SO SOR RIG PAR BYA'O, ,MING GI TSOGS DANG, TSIG GI TSOGS DANG, YI GE'I TSOGS DE DAG KYANG RIG PA'I GNAS LNGA PO NANG GI RIG PA DANG, GTAN TSIGS KYI RIG PA DANG, SGRA'I RIG PA DANG, GSO BA'I RIG PA DANG, 'JIG RTEN PA'I BZO DANG LAS KYI GNAS KYI RIG PA DAG LAS BRTZAMS TE YONGS SU BRTAGS PA YIN PAR RIG PAR BYA'O, ,DE LA 'JUG PA GANG ZHE NA, 'DU BYED RNAMS KYI RGYU DANG 'BRAS BU'I RGYUN MI 'CHAD PA NI 'JUG PA ZHES BYA'O, ,'JUG PA DE YANG SA BON GYI 'JUG PA YANG YOD DE, 'DI LTA STE SA BON DANG BCAS PA'I CHOS MNGON DU MA GYUR PA RNAMS KYI'O, ,DBANG GI STOBS KYIS 'JUG PA YANG YOD DE, 'DI LTA STE, SA BON NYAMS PAR BYAS PA KUN DU SPYOD PA DANG LDAN PA RNAMS KYI'O, ,SA BON DANG 'BRAS BU'I 'JUG PA YANG YOD DE, 'DI LTA STE SA BON DANG BCAS PA DANG SA BON NYAMS PAR MA BYAS PA KUN DU SPYOD PA DANG LDAN PA RNAMS KYI'O, ,MING GI RGYUN GYI 'JUG PA YANG YOD DE, 'DI LTA STE PHUNG PO GZUGS CAN MA YIN PA BZHI PO RNAMS KYI'O, ,GZUGS KYI RGYUN GYI 'JUG PA YANG YOD DE, 'DI LTA STE NANG DANG PHYI ROL GYI SKYE MCHED GZUGS CAN BCU DANG, CHOS KYI SKYE MCHED DU GTOGS PA'I GZUGS KYI'O, , 'DOD PA'I KHAMS KYI RGYUN GYI 'JUG PA YANG YOD DE, 'DI LTA STE 'DOD PA NA SPYOD PA'I 'DU BYED RNAMS KYI'O, ,GZUGS KYI KHAMS KYI RGYUN GYI 'JUG PA YANG YOD DE, 'DI LTA STE GZUGS NA YOD PA'I 'DU BYED RNAMS KYI'O, ,GZUGS MED PA'I KHAMS GYI RGYUN GYI 'JUG PA YANG YOD DE, 'DI LTA STE GZUGS MED PA NA SPYOD PA'I 'DU BYED RNAMS KYI'O, ,BDE BA'I RGYUN GYI 'JUG PA YANG YOD DE, 'DI LTA STE BDE BA'I TSOR BA RTEN DANG BCAS PA RNAMS KYI'O, ,SDUG BSNGAL BA DANG SDUG BSNGAL BA YANG MA YIN, BDE BA YANG MA YIN PA'I RGYUN GYI 'JUG PA @25A *, ,YANG DE DANG 'DRA BAR RIG PAR BYA'O, ,DGE BA'I RGYUN GYI 'JUG PA YANG YOD DE, 'DI LTA STE 'DU BYED DGE BA RNAMS KYI'O, ,MI DGE BA'I RGYUN GYI 'JUG PA YANG YOD DE, 'DI LTA STE 'DU BYED MI DGE BA RNAMS KYI'O, ,LUNG DU MA BSTAN PA'I RGYUN GYI 'JUG PA YANG YOD DE, 'DI LTA STE 'DU BYED LUNG DU MA BSTAN PA RNAMS KYI'O, ,MTHUN PA'I RGYUN GYI 'JUG PA YANG YOD DE, 'DI LTA STE RTEN CING 'BREL PAR 'BYUNG BA LUGS SU 'BYUNG BA'I'O, ,MI MTHUN PA'I RGYUN GYI 'JUG PA YANG YOD DE, 'DI LTA STE, RTEN CING 'BREL PAR 'BYUNG BA LUGS SU MI 'BYUNG BA'I'O, ,DE LA SO SOR NGES PA GANG ZHE NA, DE BZHIN GSHEGS PA RNAMS BYUNG YANG RUNG MA BYUNG YANG RUNG, THOG MA MED PA DANG LDAN PA'I DUS NAS BZUNG STE, CHOS RNAMS KYI RGYU DANG 'BRAS BU SNA TSOGS MA 'DRES PA NYID KYI CHOS NYID SO SOR NGES PA'O, ,DE LA 'JUG PA DANG LDOG PA SO SOR NGES PA YANG YOD DE, 'DI LTA STE RTEN CING 'BREL PAR 'BYUNG BA LUGS SU 'BYUNG BA DANG, LUGS SU MI 'BYUNG BA'I 'O, ,CHOS THAMS CAD SO SOR NGES PA YANG YOD DE, 'DI LTA STE, SKYE MCHED BCU GNYIS PO RNAMS KYI DE LAS GANG NA YANG MED DE LAS LHAG PA YANG MED PA'O, ,TSOR BA SO SOR NGES PA YANG YOD DE, 'DI LTA STE TSOR BA GSUM PO DAG GI DE DAG LAS GONG NA YANG MED LA DE LAS LHAG PA YANG MED PA'O, ,GNAS PA SO SOR NGES PA YANG YOD DE, 'DI LTA STE LUS THAMS CAD TSE JI SRID PA DANG, PHYI ROL GYI DNGOS PO RNAMS BSKAL PA CHEN POR GNAS PA'O, ,BONG TSOD SO SOR NGES PA YANG YOD DE, 'DI LTA STE SEMS CAN SKYE BA'I GNAS GZUGS CAN DE DANG DE DAG TU SKYES PA RNAMS KYI LUS KYI BONG TSOD DANG, PHYI ROL GYI GLING BZHI BA RNAMS KYI TSAD SO SOR NGES PA'O, ,DE LA SBYOR BA GANG ZHE NA, CHOS DE DANG DE DAG GI KUN DU THA SNYAD GDAGS PA DANG, RNAM PAR GZHAG PA DANG, SO SOR RTOGS PAR BYA BA'I THABS GANG YIN PA DE NI SBYOR BA ZHES BYA'O, ,RAB TU DBYE NA RIGS PA BZHI PO 'DI LTA STE, LTOS @25B PA'I RIGS PA DANG, BYA BA BYED PA'I RIGS PA DANG, 'THAD BAS SGRUB PA'I RIGS PA DANG, CHOS NYID KYI RIGS PA DAG NI SBYOR BA ZHES BYA STE, RIGS PA DE DAG GI RAB TU DBYE BA NI 'DI LTA STE, NYAN THOS GYI SA LAS 'BYUNG BA BZHIN DU RIG PAR BYA'O, ,DE LA MGYOGS PA GANG ZHE NA, 'DU BYED RNAMS KYI 'BYUNG BA DANG, 'JIG PA'I TSUL GYIS MYUR DU 'GRO ZHING RGYU BA NYID NI MGYOGS PA ZHES BYA'O, ,DE LA 'DU BYED RNAMS KYI 'JUG PA'I MGYOGS PA YANG YOD DE, 'DI LTA STE 'DU BYED RNAMS KYI MYUR DU SKYE BA DANG 'GAG PA'O, ,SEMS CAN SA LA GNAS PA RNAMS KYI RTUL BA'I MGYOGS PA YANG YOD DE, 'DI LTA STE MI DANG GLANG PO CHE DANG RTA LA SOGS PA'I'O, ,SEMS CAN BAR SNANG LA GNAS PA RNAMS KYI MGYOGS PA YANG YOD DE, 'DI LTA STE BYA RNAMS DANG, BAR SNANG LA GNAS PA'I LHA DANG GNOD SBYIN LA SOGS PA'I'O, ,SGRA SKAD KYI MGYOGS PA YANG YOD DE, 'DI LTA STE SGRA 'BYUNG BA'I'O, ,CHU'I MGYOGS PA YANG YOD DE, 'DI LTA STE CHU KLUNG GI RGYUN LA SOGS PA'I 'BAB PA NYID DO, ,ME'I MGYOGS PA YANG YOD DE, 'DI LTA STE BSREG BYA'I ME'I 'GRO BA NYID DO, ,RLUNG GI MGYOGS PA YANG YOD DE, 'DI LTA STE RLUNG GI TSOGS CHEN PO'I RGYUN GYI'O, ,SHUGS KYI MGYOGS PA YANG YOD DE, 'DI LTA STE MDA' DANG, 'KHOR LO LA SOGS PA 'PHANGS PA'I'O, ,SHES PA'I MGYOGS PA YANG YOD DE, 'DI LTA STE RNAL 'BYOR PA'I SHES RAB MYUR BA NYID KYIS SHES BYA RAB TU 'BYED PA NYID KYI'O, ,RDZU 'PHRUL GYI MGYOGS PA YANG YOD DE, 'DI LTA STE RDZU 'PHRUL CHEN PO DANG LDAN PA RDZU 'PHRUL GYIS 'GRO BA'I LUS 'GRO BA DANG, YID MGYOGS PA'O, ,DE LA GO RIMS GANG ZHE NA, 'DU BYED KYI RGYUD SO SO BDAG LA RE RE NAS GO RIMS SNGA PHYIS 'JUG PA GANG YIN PA DE NI GO RIMS ZHES BYA'O, ,DE LA 'JUG PA'I GO RIMS KYANG YOD DE, 'DI LTA STE, ,MA RIG PA'I RKYEN GYIS 'DU BYED RNAMS ZHES BYA BA NAS, RGYAS PAR SKYA BA'I RKYEN GYIS RGA SHI'I BAR DU'O, ,LDOG PA'I @026A *, ,GO RIMS KYANG YOD DE, 'DI LTA STE MA RIG PA 'GAGS PAS 'DU BYED RNAMS 'GAG CES BYA BA NAS RGYAS PAR SKYE BA 'GAGS PAS RGA SHI 'GAG PA'I BAR DU'O, ,KHYIM PA DANG RAB TU BYUNG BA RNAMS KYI RGYU BA DANG, GNAS PA'I GO RIMS KYANG YONG DE, 'DI LTA STE; NANG PAR SNGAR LDANG BA DANG LUS KYI BYI DO RA BYA BA DANG, GOS BGO BA DANG, LAS KYI MTHA' DAG LA 'JUG PA DANG, BRTZAL BA DANG, KHRUS BYA BA DANG, BYUG PA BYA BA DANG, ME TOG PHRENG BA BCING BA DANG, ZAS DANG SKOM BSTEN PA DANG, NYAL BA NI KHYIM PA RNAMS KYI RGYU BA DANG GNAS PA'I GO RIMS YIN NO, ,SHAM THABS BGO BA DANG, BSOD SNYOMS KYI PHYIR GRONG DU 'JUG PA DANG, MTHAR CHAGS SU RGYU BA DANG, BSOD SNYOMS BLANGS NAS PHYIR 'BYUNG BA DANG, 'DUG STE ZAS KYI BYA BA BYA BA DANG, LAG PA BSNYAL ZHING LHUNG BZED BKRU BA DANG, NANG DU YANG DAG 'JOG LA 'DUG PA DANG, LUNG NOD PA DANG, KHA TON DANG TSUL BZHIN BSAM PAR BYA BA DANG, NYIN MO 'CHAG PA DANG 'DUG PA DAG GIS SGRIB PAR 'GYUR BA'I CHOS RNAMS LAS SEMS RNAM PAR SBYANG BA DANG, MTSAN MO'I GUNG THUN LA NYAL BA LA BSTEN PA DANG, THUN THA MA LA MYUR BA MYUR BA KHO NAR LDANG BA DANG, SHAM THA BAS BGO BA DANG, LUS KYI BYI DOR BYA BA DANG, DE BZHIN DU DGE 'DUN LA RGAN RIMS KYIS 'DUD PA'I LAS BYA BA DANG, GNAS SU GNAS PA DANG, TSUL BZHIN NOD PA DANG, MAL CHA DANG STAN DANG, GNAS DANG RNYED PA NOD PA DANG, YONGS SU BRIM PA 'DI NI RAB TU BYUNG BA'I PHYOGS LA GNAS PA RNAMS KYI RGYU BA DANG GNAS PA'I GO RIMS YIN NO, ,MNGON PAR 'GRUB PA'I GO RIMS KYANG YOD DE, 'DI LTA STE BYIS PA DANG GZHON NU LA SOGS PA'I GNAS SKABS BRGYAD PO DAG RIM GYIS 'BYUNG BA'O, ,MNGON PAR RTOGS PA'I GO RIMS KYANG YOD DE, 'DI LTA STE SDUG BSNGAL LA SOGS PA 'PHAGS PA'I BDEN PA BZHI PO DAG RIM GYIS MNGON PAR RTOGS PA'O, ,SNYOMS PAR 'JUG PA'I GO RIMS KYANG YOD DE; 'DI LTA STE MTHAR GYIS GNAS PA'I SNYOMS PAR 'JUG @026B PA DGU PO DAG LA RIM GYIS SNYOMS PAR 'JUG GO, ,BSLAB PA'I GO RIMS KYANG YOD DE, 'DI LTA STE LHAG PA'I TSUL KHRIMS LA BRTEN PA'I GO RIMS GYIS LHAG PA'I SEMS SKYE BA DANG LHAG PA'I SEMS LA BRTEN NAS LHAG PA'I SHES RAB SKYE BA'O, ,DE LA DUS GANG ZHE NA, NYI MA 'CHAR BA DANG NUB PA'I DBANG DU BYAS TE DUS YONGS SU CHAD PA DANG, NYE BAR MTSON PA RNAM PAR GZHAG PA DANG, 'DU BYED RNAMS KYI 'BYUNG BA DANG 'JIG PA'I DBANG DU BYAS TE, DUS YONGS SU CHAD PA DANG NYE BAR MTSON PA'I RNAM PAR GZHAG PA NI 'DI LTA STE, DUS TSIGS DANG, LO DANG; ZLA BA DANG, ZLA BA PHYED DANG, NYIN MO DANG, MTSAN MO DANG, SKAD CIG DANG, THAD CIG DANG, YUD TZAM RNAMS DANG, 'DAS PA DANG MA 'ONGS PA DANG, DA LTAR BYUNG BA RNAMS KYI DUS ZHES BYA'O, ,DE LA RNAM GRANGS GANG ZHE NA, RDZAS THA DAD PA DANG BGRANG PA'I TSAD YONGS SU CHAD PA DANG; NYE BAR MTSON PA RNAM PAR GZHAG PA NI GRANGS ZHES BYA'O, ,DE YANG GRANGS GCIG DANG, GRANGS GNYIS DANG, DE PHAN CHAD KYI GRANGS MANG PO DANG, MTHAR THUG PA'I GRANGS GRANGS MED PA STE, DE PHAN CHAD BGRANG BA THAMS CAD KYI GRANGS SU 'JUG PAR MI 'GYUR BAS, DE'I PHYIR MTHAR THUG PA'I GRANGS ZHES BYA'O, ,DE LA SA BON GANG ZHE NA, SA BON NI 'DU BYED RNAMS LAS LOGS SHIG NA RDZAS GZHAN MED DE, 'DU BYED DE LTAR GYUR PA DANG, DE LTAR BYUNG BA DANG, DE LTAR GNAS PA DE DAG NYID LA SA BON ZHES BYA BAR ZAD DE, 'BRAS BU ZHES KYANG BYA'O, , 'DI LA 'BRAS BU DANG SA BON 'DRES PAR YANG MI LTA STE, DE CI'I PHYIR ZHE NA, 'DU BYED 'DAS PA DANG MA 'ONGS PA RNAMS LAS BRTZAMS PA DE NI 'BRAS BU ZHES BYA LA, 'DU BYED MA 'ONGS PA RNAMS LAS BRTZAMS PA DE NI SA BON KHO NA ZHES BYA STE, DE LTAR NA SA BON GANG LAS BRTZAMS PA 'BRAS BU NI DE LAS BRTZAMS PA MA YIN LA, 'BRAS BU GANG LAS BRTZAMS PA SA BON YANG DE LAS BRTZAMS PA DE MA YIN PA'I PHYIR TE, DE'I PHYIR SA BON DANG 'BRAS BU 'DRES PAR MI BLTA'O, ,'DI LTA STE DPER NA 'BRAS DANG NAS LA SOGS PA'I DNGOS PO RNAMS KYI MYU GU DANG, SDONG BU @027A *, ,DANG; 'DAB MA LA SOGS BA SA BON DE DAG NI DE DAG LA NGES PAR BRTAGS SHING, NGES PAR BRTAGS NAS KYANG DE DAG LAS LOGS SHIG NA GNAS GZHAN MI DMIGS TE, 'BRAS DANG NAS LA SOGS PA'I DNGOS PO DE LTAR GYUR PA DANG, DE LTAR BYUNG BA DANG DE LTAR GNAS PA GANG DAG YIN PA DE DAG LA BRTEN NAS DE DAG 'BYUNG BAR 'GYUR BA KHO NA BZHIN DU, DE LA YANG TSUL DE BZHIN DU RIG PAR BYA'O, ,NYON MONGS PA CAN GYI CHOS KYI SA BON NYAMS PAR BYAS PA NI BSHAD ZIN NA, DGE BA'I CHOS KYI SA BON NYAMS PAR BYED PA GANG ZHE NA, DGE BA DANG MI MTHUN PA NYON MONGS PA CAN GYI CHOS RTAG TU BYED PA DANG, GUS PAR BYED PAS STON PA NI NYAMS PAR BYED PA DANG PO YIN NO, ,LOG PAR LTA BA MCHOG TU 'DZIN PA DANG LOG PAR LTA BA MANG DU BYED PA NI NYAMS PAR BYED PA GNYIS PA YIN TE, 'DI LTA STE, DPER NA GZHAN MU STEGS CAN DAG GI LTA BU'O, ,LOG PAR LTA BAS SKUR BA 'DEBS PA MANG DU BYED PA NI NYAMS PAR BYED PA GSUM PA YIN TE, 'DI LTA STE DPER NA DGE BA'I RTZA BA YANG DAG PAR BCAD PA RNAMS KYI LTA BU'O, ,NYON MONGS PA CAN GYI CHOS KYI SA BON YANG DAG PAR BCOM PA NI NYAMS PAR BYED PA NYES PA BRJOD PA BZHI PA YIN TE SNGAM BZHIN NO, ,SA BON DE DAG THAMS CAD KYANG GCIG TU BSDUS NA RNAM PA DGU YOD PAR RIG PAR BYA'O, ,'BRAS BU BSKYED PA DANG, 'BRAS BU MA BSKYED PA DANG, 'BRAS BU NYE BAR GNAS PA DANG, 'BRAS BU NYE BAR MI GNAS PA DANG, CHUNG NGU DANG; 'BRING DANG, CHEN PO DANG, NYAMS PA DANG, NYAMS PAR MA BYAS PA'O, ,DE LA 'BRAS BU SKYED PA GANG YIN PA DE NI 'BRAS BU NYE BAR GNAS PA YIN NO, ,'BRAS BU NYE BAR GNAS PA GANG YIN PA DE NI 'BRAS BU BSKYED PA YIN NO, ,'BRAS BU MA BSKYED PA GANG YIN PA DE NI 'BRAS BU NYE BAR MI GNAS PA YIN NO, ,'BRAS BU NYE BAR MI GNAS PA GANG YIN PA DE NI 'BRAS BU MA BSKYED PA YIN NO, ,RANG BZHIN DU GNAS PA GANG YIN PA DE NI CHUNG NGU YIN NO, ,DGE BA DANG MI DGE BA'I CHOS SGOM PA MTHAR MA PHYIN PAS SHAS CHER GYUR PA GANG YIN PA DE NI 'BRING YIN @027B NO; ,MTHAR PHYIN PAS SHAS CHER GYUR PA GANG YIN PA DE NI CHEN PO YIN NO, ,NYAMS PA DANG, NYAMS PAR MA BYAS PA NI SNGA MA BZHIN DU RIG PAR BYA'O, ,SA BON MDOR BSDUS PA'I RNAM PAR GZHAG PA YANG BRJOD PAR BYA STE, SA BON MDOR BSDUS PA'I RNAM PAR GZHAG PA GANG ZHE NA, CHOS THAMS CAD KYI KUN BRTAGS PA'I NGO BO NYID LA MNGON PAR ZHEN PA'I BAG CHAGS KUN GZHI RNAM PAR SHES PA LA YOD PA GANG YIN PA STE, BAG CHAGS DE YANG RDZAS SU YOD PA DANG, KUN RDZOB TU YOD PA'O, ,DE LA KUN RDZOB TU YOD PA NI CHOS DE DAG LA GZHAN DANG GZHAN MA YIN PA'I MTSAN NYID DU BRJOD PAR MI BYA BA STE, 'DI LTA STE DPER NA DE BZHIN NYID YIN NO, ,DE YANG KUN DU 'GRO BA'I GNAS NGAN LEN YIN PAR BRJOD PAR BYA'O, ,GAL TE BAG CHAGS DES SA BON THAMS CAD BSDUS PA, DE YANG KUN DU 'GRO BA'I GNAS NGAN LEN ZHES BYA BAR GYUR NA, DE LTAR NA 'JIG RTEN LAS 'DAS PA'I CHOS RNAMS SKYE BA'I SA BON GANG YIN, DE DAG SKYE BA'I SA BON GYI DNGOS PO GNAS NGAN LEN GYI RANG BZHIN CAN YIN PAR NI MI RUNG NGO ZHE NA, SMRAS PA, 'JIG RTEN LAS 'DAS PA'I CHOS RNAMS NI DE BZHIN NYID LA DMIGS PA'I RKYEN GYI SA BON DANG LDAN PAR SKYE BA'I BAG CHAGS BSAGS PA'I SA BON DANG LDAN PA NI MA YIN NO, ,GAL TE BAG CHAGS BSAGS PA'I SA BON DANG LDAN PAR SKYE BA MA YIN NA, DE LTA NA NI CI'I PHYIR GANG ZAG YONGS SU MYA NGAN LAS 'DAS PA'I CHOS CAN GYI RIGS GSUM RNAM PAR GZHAG PA DANG, GANG ZAG YONGS SU MYA NGAN LAS MI 'DA' BA'I CHOS CAN GYI RIGS RNAM PAR GZHAG PA MDZAD DE, 'DI LTAR THAMS CAD LA YANG DE BZHIN NYID LA DMIGS PA'I RKYEN YOD PA'I PHYIR RO ZHE NA SMRAS PA, SGRIB PA DANG, SGRIB PA MED PA'I BYE BRAG GI PHYIR TE, GANG DAG LA DE BZHIN NYID LA DMIGS PA'I RKYEN RTOGS PAR BYA BA LA GTAN DU SGRIB PA'I SA BON YOD PA DE DAG NI YONGS SU MYA NGAN LAS MI 'DA' BA'I CHOS CAN GYI RIGS DANG LDAN PAR RNAM PAR GZHAG LA, GANG DAG DE LTA MA YIN PA DE DAG NI YONGS SU MYA NGAN LAS 'DA' BA'I CHOS CAN GYI RIGS DANG LDAN PAR RNAM PAR GZHAG GO, ,GANG DAG @028A *, ,LA DE SHES BYA'I SGRIB PA'I SA BON GTAN DU BA LUS LA ZHEN PA YOD LA, NYON MONGS PA'I SGRIB PA'I SA BON NI MED PA DE DAG LAS KHA CIG NI NYAN THOS KYI RIGS CAN YIN LA, KHA CIG NI RANG SANGS RGYAS KYI RIGS CAN YIN PAR RNAM PAR GZHAG GO, ,GANG DAG LA DE LTA MA YIN PA DE DAG NI DE BZHIN GSHEGS PA'I RIGS CAN YIN PAR RNAM PAR GZHAG STE, DE'I PHYIR NYES PA MED DO, ,'JIG RTEN LAS 'DAS PA'I CHOS SKYES PA RNAMS KYI RJES SU 'JUG PA NI GNAS GYUR PA'I STOBS BSKYED PA LAS RIG PAR BYA STE, DE YANG KUN GZHI RNAM PAR SHES PA'I GNYEN POR GYUR PA DANG, KUN GZHI MA YIN PA DANG, ZAG PA MED PA'I DBYINGS DANG, SPROS PA MED PA ZHES BYA'O,, ,,BAM PO BZHI PA, DE LA RNAM PAR RIG BYED GANG ZHE NA, DE NI MDOR BSDU NA RNAM PA GSUM STE, NYON MONGS PA CAN DANG, DGE BA DANG; LUNG DU MA BSTAN PA'O, ,DE LA LUS DANG, NGAG DANG YID KYI LAS KYI LAM MI DGE BA BCU PO MA SPANGS PA KUN TU SPYOD PA'I DBANG DU BYAS TE, LUS KYI LAS DANG, NGAG GI LAS RNAM PAR RIG PAR BYED PA GANG YIN PA DE NI NYON MONGS PA CAN GYI RNAM PAR RIG BYED CES BYA'O, ,DE DAG NYID YONGS SU SPONG BA YANG DAG PAR LEN PAR BYED PA'I LUS KYI LAS DANG NGAG GI LAS RNAM PAR RIG PAR BYED PA GANG YIN PA DE NI DGE BA'I RNAM PAR RIG BYED CES BYA'O, ,SPYOD LAM LAS BYUNG BA'AM, BZO'I GNAS LAS BYUNG BA DE KHA CIG GI LUS KYI LAS DANG NGAG GI LAS RNAM PAR RIG PAR BYED PA GANG YIN PA DE NI LUNG DU MA BSTAN PA'I RNAM PAR RIG BYED CES BYA'O, ,GZHAN LA RNAM PAR RIG PAR MI BYED CING RANG SEMS SKYED PAR BYED LA, NANG GI YID KYI RNAM PAR RTOG PAS DGE BA DANG NYON MONGS PA CAN DANG, LUNG DU MA BSTAN PA'I CHOS KUN DU SPYOD PA LAS BRTZAMS TE, TSIG KYANG MI SMRA BA GANG YIN PA DE NI YID KYI RNAM PAR RIG BYED CES BYA'O, ,DE LA LUS YUL NAS YUL GZHAN DU 'BYUNG BA TZAM DANG, DE NYID NA 'GYUR BA 'BYUNG BA TZAM NI LUS KYI RNAM PAR RIG BYED DO, ,NGAG TZAM NI NGAG GI RNAM PAR RIG BYED DO, , @028B DE BZHIN DU SEMS MNGON PAR 'DU BYED PA SKYES PA'I SEMS PA TZAM NI YID KYI RNAM PAR RIG BYED DO, ,DE CI'I PHYIR ZHE NA, 'DU BYED THAMS CAD NI SKAD CIG PA YIN PA'I PHYIR YUL NAS YUL GZHAN DU 'PHO BAR MI RIGS PAS, 'DU BYED 'BYUNG BA TZAM MA GTOGS PAR BYA BA GZHAN NI MIG DANG RNA BA DANG, YID KYIS KYANG MI DMIGS PA'I PHYIR TE, DE LTA BAS NA RNAM PAR RIG BYED KYANG BRTAGS PA'I YOD PA YIN PAR KHONG DU CHUD PAR BYA'O, ,DE LA SDOM PA MA YIN PA'I RIGS SU SKYES ZIN PA GANG LA LA 'TSO BA 'DIS 'TSO BAR BYA'O ZHES RANG GI SEMS MNGON PAR 'DU BYED CING, DE 'TSO BA DE LA 'DOD PA BZOD PAR BYED PA NI DE'I TSE NA MA BSDAMS PA YIN PAR BRJOD PAR BYA'O, ,SDOM PA MA YIN PAR GTOGS PA CHUL BZHIN MA YIN PA YID LA BYED PA RAB TU DAM POS BCOM PAS SEMS BSDUS PA'I PHYIR JI SRID DU, SROG GCOD PA LAS BYUNG BA'AM DE LAS GZHAN PA'I MI DGE BA'I LAS KYI LAM LAS BYUNG BA SPYOD PA DE SRID DU YANG MI DGE BA'I RTZA BA RGYA CHEN PO DANG LDAN PA YIN NO, ,GANG LAS DANG GANG DANG JI TZAM DU SPYOD PAR BYED PA NI DES NA DE TZAM DU SHAS CHER MI DGE BA DANG LDAN PA YIN NO, ,SDOM PA MA YIN PA'I RIGS SU SKYES PA JI LTA BA BZHIN DU GANG SU YANG RUNG BA GANG DANG GANG NAS 'ONGS KYANG RUNG STE, SEMS SKYED PAR BYED PA YANG DE BZHIN DU RGYAS PAR RIG PAR BYA'O, ,DE NI JI SRID DU SDOM PA MA YIN PA'I SEMS PA SPONG BAR MI BYED PA DE SRID DU MA BSDAMS PAR BRJOD PAR BYA STE, DE NI NYIN GCIG BZHIN DU SEMS PA DE MANG DU SOGS PA DANG, LAS DE KUN DU SPYOD PAS BSOD NAMS MA YIN PA MNGON PAR 'PHEL BAR RIG PAR BYA'O, ,DE'I LOG PAR SMON PA'I SEMS PA MA DAD PA DANG, LE LO DANG BRJOD NGAS PA DANG, RNAM PAR G-YENG BA DANG, SHES RAB 'CHAL BA DANG LDAN PA LAS DE YANG DAG PAR LEN PAR BYED PA, LAS DE KUN NAS SLONG BAR BYED PA DE YANG JI SRID DU GTONG BA'I RGYU DAG GIS SPONG BAR MI BYA STE, YONGS SU GTONG BAR MI BYED KYI BAR DU DE PHYIN CHAD KYANG SA BON DANG KUN DU SPYOD PA LAS RGYUD DU GTOGS PAS 'BYUNG BA NI SDOM PA MA @029A *, ,YIN PA ZHES BYA'O, ,DE LA SDIG PA'I LAS DE'I 'BRAS BU PHYI MA LA MI 'DOD PAR 'GYUR BA LA YID MI CHES SHING, MOS PAR MI BYED LA RJES SU MI 'JUG PA GANG YIN PA DE NI DE'I MA DAD PA YIN NO, ,DE LA MNGON PAR DGA' ZHING CI 'DOD PA BZHIN DU 'JUG PA DE 'DUL BA LA MI SPRO BA GANG YIN PA DE NI DE'I LE LO YIN NO, ,KHA NA MA THO BA DANG BCAS PA'I CHOS NYES PA DANG LDAN PA LA KHA NA MA THO BA DANG BCAS PAR YANG DAG PA JI LTA BA BZHIN DU MNGON PAR MI BRJOD PA GANG YIN PA DE NI DE'I BRJED NGAS PA YIN NO, ,SEMS KYI RGYUD RNAM PAR 'KHRUGS PA DANG; NYON MONGS PA CAN DANG, MI BRTAN PAR 'JUG PA GANG YIN PA DE NI DE'I RNAM PAR G-YENG BA YIN NO, ,SKYON LA YON TAN DU LTA BA'I SEMS KYI RGYUD PHYIN CI LOG TU 'JUG PA GANG YIN PA DE NI DE'I SHES RAB 'CHAL PA YIN NO, ,TSUL KHRIMS SDIG PA CAN GYI DBANG DU BYAS TE; MA DAD PA LA SOGS PA MI DGE BA DE DAG DANG LDAN PA'I SEMS PA MI DGE BA 'BYUNG BA NI DE'I TSUL KHRIMS 'CHAL PA ZHES BYA'O, ,DE LAS BZLOG PA NI SDOM PA'I RJES SU 'JUG PA YIN PAR CI RIGS PAR RIG PAR BYA'O, ,DE LA BYE BRAG NI 'DI YOD DE, SDOM PA YANG DAG PAR BLANG BAR 'OS PA GANG LA SDOM PA YANG DAG PAR LEN PA DE LA, DE DAG LAS LA LA NI GZHAN LAS SAM RANG YANG LEN PAR BYED DO, ,DE DAG LAS LA LA NI RANG KHO NA LAS LEN PAR BYED DE DGE SLONG GI SDOM PA NI MA GTOGS SO, ,DE CI'I PHYIR ZHE NA, 'DI LTAR DGE SLONG GI SDOM PA NI THAMS CAD KYIS YANG DAG PAR BLANG BAR 'OS PA MA YIN PA'I PHYIR TE, DE LA GAL TE DGE SLONG GI SDOM PA GZHAN LAS NGES PAR BLANG BA MA YIN PAR GYUR NA, DE LA GANG DAG RAB TU 'BYUNG BAR 'OS PA DANG, GANG DAG RAB TU 'BYUNG BAR 'OS PA MA YIN PA RANG LA RAG LUS PA'I RAB TU 'BYUNG BAS RAB TU BYUNG BA DE DAG THAMS CAD KYIS BSTAN PA BRTAN PAR MI 'GYUR ZHING, LEGS PAR GSUNGS PA'I CHOS 'DUL BA NYID KYANG MED PAR 'GYUR BAS, DE'I PHYIR DGE SLONG GI SDOM PA NI RANG LA RAG LUS PA KHO NA MA YIN NO, ,GAL TE DGE SLONG GI SDOM PA MA @029B GTOGS PA'I SDOM PA RANG GIS YANG DAG PAR BLANG BA YOD NA, CI'I PHYIR GZHAN LAS YANG DAG PAR LEN PAR BYED CE NA, GNYIS PA 'DI DAG NI TSUL KHRIMS 'CHAL BA SPONG BA YANG DAG PAR BLANGS BA RJES SU BSRUNG PA'I YAN LAG YIN TE, NGO TSA SHES PA DANG KHREL YOD PA'O, ,DE LA KHA NA MA THO BA KUN DU SPYOD PA NA GZHAN LA BRTEN PA DANG, BDAG NYID LA BRTEN TE, 'DZEM PA NYE BAR GNAS PAR 'GYUR BAS, DE LTAR NA TSUL KHRIMS 'CHAL PA SPONG BA YANG DAG PAR BLANG BA RJES SU SRUNG BA'I YAN LAG YONGS SU RDZOGS PAS YANG DAG PAR BLANG BA BYAS PAR 'GYUR BAS, DE'I PHYIR GZHAN LAS YANG DAG PAR LEN PAR BYED DO, ,GANG LA NGO TSA SHES PA NYE BAR GNAS PA DE LA NI KHREL YOD PA YANG NYE BAR GNAS LA, GANG LA KHREL YOD PA NYE BAR GNAS PA DE LA NI NGO TSA SHES PA DE YANG GDON MI ZA BAR NYE BAR GNAS PA MA YIN TE, DE LTA BAS NA 'DIR NGO TSA SHES PA'I CHOS 'BA' ZHIG CHES STOBS DANG LDAN PA YIN NO, ,RANG GIS YANG DAG PAR BLANGS SHING DE KHO NA BZHIN DU SRUNG BAR BYED PA GANG YIN PA DE LA YANG BSOD NAMS MTSUNGS SHING KHYAD PAR MED PA SKYE BAR RIG PAR BYA'O, ,DE LA SEMS BSKYED NAS DRUNG DU 'GRO ZHING GSOL BA 'DEBS LA GUS PAS SMRA BA LA SOGS PA'I LAS LA BRTZON ZHING TSUL DANG MTHUN PA'I SPYOD LAM GYIS MDUN DU 'DUG PA DANG, TSIG GIS MNGON PAR 'DUS BYAS PA'I DON DE NYID RJOD PAR BYED PA DE NI DE'I LUS KYI RNAM PAR RIG BYED DANG, NGAG GI RNAM PAR RIG BYED CES BYA'O, ,YID KYI RNAM PAR RIG BYED NI DE GNYIS KA'I SNGON DU 'GRO BA YIN NO, ,RANG GIS YANG DAG PAR LEN PA LA NI YID KYI RNAM PAR RIG BYED 'BA' ZHIG KHO NA 'BYUNG NGO, ,DE LA SDOM PA MA YIN PA LAS BZLOG PA SPONG PA'I SEMS PA SPONG BA DE DBANG BYED PA'I DBANG PO LNGA DANG LDAN PA GANG YIN PA DE NI SDOM PA ZHES BYA'O, ,SDOM PA YANG DAG PAR BLANG BA DE YANG RNAM PA BRGYAR GTOGS PAR RIG PAR BYA STE, MI DGE BA'I LAS KYI LAM BCU SPONG BA LA BRTEN TE, SROG GCOD PA'I PHYOGS GCIG SPONG BA NAS LOG PAR LTA BA'I BAR GYI PHYOGS GCIG SPONG BA 'DI DAG NI RNAM PA BCU'O, , @030A *, ,SROG GCOD PA PHAL CHER SPONG BA NAS LOG PAR LTA BA'I BAR PHAL CHER SPONG BA 'DI DAG KYANG GZHAN RNAM PA BCU'O, ,SROG GCOD PA THAMS CAD SPONG BA LAS LOG PAR LTA BA'I BAR THAMS CAD SPONG BA 'DI DAG KYANG GZHAN RNAM PA BCU'O, ,DUS YUN THUNG DU NYIN MTSAN NAM ZLA BA PHYED DAM, ZLA BA'AM LOR SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O, ,DUS YUN RING PO LO PHAN CHAD NAS JI SRID 'TSO'I BAR DU NI MA YIN PAR SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O; ,JI SRID 'TSO'I BAR DU SROG GCOD PA SPONG BA NAS LOG PAR LTA BA'I BAR SBONG ? BA 'DI DAG KYANG GZHAN RNAM PA BCU'O, ,BDAG NYID SROG GCOD PA SPONG BA NAS LOG PAR LTA BA'I BAR SPONG BA 'DI DAG KYANG GZHAN RNAM PA BCU'O, ,GZHAN DAG DE DAG NYID YANG DAG PAR LEN DU 'JUG PA 'DI DAG KYANG GZHAN RNAM PA BCU'O, ,DE DAG GI BSNGAGS PA RNAM GRANGS DU MAR RJOD PAR BYED PA 'DI DAG KYANG GZHAN RNAM PA BCU'O, ,SROG GCOD PA SPONG BA NAS LOG PAR LTA BA'I BAR SPONG BA MTHONG NA YID BDE BAR 'DZIN CING DGA' BA DANG YID BDE BA SKYE BA 'DI DAG KYANG GZHAN RNAM PA BCU'O, ,BCU PA RNAM PA BCU PO DE DAG GCIG TU BSDUS NAS RNAM PA BRGYAR 'GYUR TE, BSOD NAMS SKYE BA YANG DE TZAM KHO NAR RIG PAR BYA'O, ,SDOM PA DE YANG RNAM PA BRGYAD DU RIG PAR BYA STE KUN NAS SLONG BA'I SDOM PA DANG, YONGS SU 'DZIN PA'I SDOM PA DANG, KUN DU BSRUNG PA'I SDOM PA DANG, PHYIR LEN PA'I SDOM PA DANG, SDOM PA CHUNG DU DANG, SDOM PA 'BRING DANG, SDOM PA CHEN PO DANG, YONGS SU DAG PA'I SDOM PA'O, ,DE LA YANG DAG PAR LEN PA'I SNGA ROL KHO NAR SPONG BA YANG DAG PAR BLANG NGO SNYAM DU SEMS MNGON PAR 'DU BYED PA GANG YIN PA DE NI DE'I KUN NAS SLONG PA'I SDOM PA YIN NO, ,GANG GI TSE SPONG BA YANG DAG PAR LEN CING YONGS SU 'DZIN PAR BYED PA DE NI DE'I YONGS SU 'DZIN PA'I SDOM PA YIN NO, ,DE DE PHYIN CHAD SPONG BA'I SEMS PA DBANG PO LNGAS YONGS SU ZIN PA'I DBANG DU BYAS TE, RTAG TU DE'I SA @030B BON DANG LDAN PA SKABS SKABS SU KUN DU SPYOD PA DANG LDAN PA DBANG PO LDAS YONGS SU ZIN PA'I SEMS PA DGE BA SDOM PA JI LTAR BLANGS PA KUN DU SRUNG BA NYID 'BYUNG BAR 'GYUR ZHING, DES SDIG PA'I GROGS PO DANG PHRAD PA'AM, NYON MONGS PA MANG BAS SDIG PA KUN DU SPYOD PA LA 'DUN PA BYUNG NGO COG LA 'DZEM LA BDAG 'GAL BAR GYUR CING NGAN SONG DU 'GRO BAR GYUR NA MI RUNG NGO SNYAM NAS SEL BAR BYED PA DE NI DE'I KUN DU SRUNG BA'I SDOM PA YIN NO, ,GAL TE BRGYA LA BRJED NGAS PAS SDIG PA KUN DU SPYOD PAS NA MYUR BA MYUR BA KHO NAR DAN PA NYE BAR GZHAG STE, NYES PA LA NYES PAR 'CHAGS SHING MYA NGAN BYAS SEL BAR BYED LA, PHYIN CHAD KYANG SDOM PAR BYED PA NI DE'I PHYIR LEN PA'I SDOM PA YIN NO, ,GAL TE LAS KYI LAM GYI PHYOGS GCIG PA DANG, DUS YUN THUNG NGUR SPONG BA DANG, BDAG NYID SPONG BAR MI BYED LA, GZHAN NI DE YANG DAG PAR LEN DU MI 'JUG PA DANG, DE'I BSNGAGS PA YANG RNAM GRANGS DU MAR MI BRJOD PA DANG, CHOS MTHUN PA PA MTHONG NA YANG YID BDE BAR MI 'DZIN CING DGA' BA DANG YID BDE BA MI MANG BA DE NI DE'I SDOM PA CHUNG NGU YIN NO, ,GAL TE PHAL CHE BA DANG, DUS YUN RING DU SPONG ZHING JI SRID 'TSO'I BAR DU MA YIN PA DANG, BDAG NYID KYANG SDOM PAR BYED PA DANG, GZHAN YANG YANG DAG PAR LEN DU 'JUG LA, SPONG BA DE'I BSNGAGS PA NI RNAM GRANGS DU MAR MI BRJOD PA DANG, CHOS MTHUN PA PA MTHONG NA YANG YID BDE BAR MI 'DZIN CING DGA' BA DANG YID BDE BA MI MANG BA DE NI DE'I SDOM PA 'BRING YIN NO, ,GAL TE THAMS CAD DANG DUS THAMS CAD DANG, BDAG NYID KYANG SPONG BA DANG, GZHAN YANG YANG DAG PAR LEN DU 'JUG PA DANG, DE'I BSNGAGS PA YANG RNAM GRANGS DU MAR BRJOD PA DANG, CHOS MTHUN PA PA MTHONG NA YANG YID BDE BAR 'DZIN CING DGA' BA DANG, YID BDE BA MANG BA DE NI DE'I SDOM PA CHEN PO YIN NO, ,GAL TE SDOM PA YANG DAG PAR BLANGS PA SKYON MED PA DE NYID LA BRTEN NAS 'GYOD PA MED PA'I RGYUS BSAM GTAN DANG PO'I BAR LA SNYOMS PAR 'JUG CING TSUL KHRIMS 'CHAL BA'I SA BON ZHIG NAS KYIS NYAMS PAR BYED PAS NYAMS PAR BYED @31A *, ,PA DE NI DE'I BSAM GTAN GYI SDOM PA YIN TE, BSAM GTAN DANG PO JI LTA BA DE BZHIN DU GNYIS PA DANG GSUM PA DANG BZHI PA YANG DE BZHIN DU RIG PAR BYA'O, ,BYE BRAG NI 'DI YOD DE DE TSUL KHRIMS 'CHAL PA'I SA BON THAG RING DU BYA BA DE GNYEN POS YONGS SU ZIN PA'I ZHI GNAS KYI LAM GYIS CHES SHIN TU NYAMS PAR BYED PA STE, DE NI YONGS SU DAG PA DANG POS DE'I SDOM PA YONGS SU DAG PA YIN PAR RIG PAR BYA'O, ,GAL TE TSUL KHRIMS KYI SDOM PA SKYON MED PA DE NYID DANG BSAM GTAN GYI SDOM PA DE LA YANG BRTEN NAS BDEN PA RNAMS MNGON PAR RTOGS PAR BYED CING, PHYIR MI 'ONG BA'I 'BRAS BU YANG THOB PAR BYED PA DE'I TSE NA NI DE'I TSUL KHRIMS 'CHAL BA'I SA BON THAMS CAD YANG DAG PAR BCOM PA YIN NO, ,GAL TE MI LCOGS PA MED PA LA BRTEN NAS 'BRAS BU DANG PO THOB PAR BYED PA DE'I TSE NA NI DE'I NGAN SONG DU 'GRO BAR 'GYUR BA'I TSUL KHRIMS 'CHAL PA'I SA BON YANG DAG PAR BCOM PA YIN NO, ,DE DAG NI DE'I 'PHAGS PA DGYES PA'I TSUL KHRIMS YIN TE, YONGS SU DAG PA GNYIS PA 'DIS DE'I SDOM PA RNAM PAR DAG PA YIN PAR RIG PAR BYA STE, ,DE NYID DE'I ZAG PA MED PA'I SDOM PA ZHES BYA'O, , DE'I ZAG PA MED PA'I SDOM PA DE YANG DGRA BCOM PA NYID 'THOB PA LA NI GNYEN PO DANG RNAM PAR DAG PA'I KHYAD PAR GYIS KHYAD PAR DU 'GYUR BAR ZAD KYI, MI MTHUN PA'I PHYOGS SPANG BA'I KHYAD PAR GYIS NI MA YIN NO, ,DE LA SDOM PA RNAM PA BRGYAD PO DE DAG THAMS CAD GCIG TU BSDUS NAS, SDOM PA RNAM BA GSUM RNAM PAR GZHAG STE, YANG DAG PAR LEN PA'I SDOM PA DANG, KUN DU 'DZIN PA'I SDOM PA DANG, YONGS SU DAG PA'I SDOM PA'O, ,DE LA SDOM PA DANG PO GNYIS NI YANG DAG PAR LEN PA'I SDOM PA YIN NO, ,KUN DU BSRUNG BA'I SDOM PA DANG PHYIR LEN PA'I SDOM PA DE GNYIS NI KUN DU 'DZIN PA'I SDOM PA YIN NO, ,SDOM PA CHUNG NGU DANG, 'BRING DANG, CHEN PO RNAMS NI GNYI GA'I PHYOGS SU GTOGS PA YIN PAR RIG PAR BYA'O, ,YANG DAG PAR LEN PA'I SDOM PA DANG YONGS SU 'DZIN PA'I SDOM PAS NI BSAM GTAN GYI SDOM PA DANG, ZAG @31B PA MED PA'I SDOM PA'I SDOM PA YONGS SU DAG PA YIN NO, ,CI'I PHYIR BCOM LDAN 'DAS KYIS SDOM PA GSUM PO 'DI LTA STE, DGE SLONG GI SDOM PA DANG, DGE BSNYEN GYI SDOM PA DANG, BSNYEN GNAS PA'I SDOM PA DE DAG RNAM PAR GZHAG CE NA, RGYU GSUM GYIS TE, BCOM LDAN 'DAS KYIS 'DUL BA NI GANG DAG NYES PAR SPYOD PA LAS DBEN PAR SPYOD PA DANG, 'DOD PA LAS DBEN PAR SPYOD PA DAG KYANG YOD, GANG DAG NYES PAR SPYOD PA LAS DBEN PAR SPYOD LA, 'DOD PA LAS DBEN PAR MI SPYOD PA DAG KYANG YOD, GANG DAG NYES PAR SPYOD PA LAS DBEN PAR YANG MI SPYOD LA 'DOD PA LAS DBEN PAR MI SPYOD PA DAG KYANG YOD DE, DE LA 'DUL BA'I RNAM PA DANG PO'I DBANG DU MDZAD NAS NI DGE SLONG GI SDOM PA RNAM PAR GZHAG GO, ,'DUL BA'I RNAM PA GNYIS PA'I DBANG DU MDZAD NAS NI DGE BSNYEN GYI SDOM PA RNAM PAR GZHAG STE, DE CI'I PHYIR ZHE NA; KHYIM GYI GNAS GNOD PA DANG, NYON MONGS PA'I GNAS NA GNAS PAS NI BSLAB PA'I GZHI'I TSOGS GCIG TU LU GU RGYUD LTAR 'BREL PA YONGS SU RDZOGS PA YONGS SU BSRUNG BAR NI MI NUS PA'I PHYIR RO, ,'DUL BA'I RNAM PA GSUM PA'I DBANG DU MDZAD NAS NI, BSNYEN GNAS PA'I SDOM PA RNAM PAR GZHAG STE, DE CI'I PHYIR ZHE NA, DE NI GNYI GA LAS DBEN PAR SPYOD PA MA YIN TE, DE GNYIS KYI RGYU YONGS SU BSRUNG BA TZAM YANG DAG PAR BLANGS SHING, BDAG NI KHUR SHIN TU LCI BAS NON PA YIN NO SNYAM DU MI SEMS PA'I PHYIR RO, ,DE'I YAN LAG NI GSUM STE, NYES PAR SPYOD PA LAS DBEN PAS RAB TU PHYE BA NI DANG PO GSUM MO, ,'DOD PA LA SPYOD PA LAS DBEN PAS RAB TU PHYE BA NI THA MA BZHI YIN PAR BLTA BAR BYA'O, ,GCIG NI GNYI GAS RAB TU PHYE BA YIN TE MI TSANGS PAR SPYOD PA SPONG BA'O, ,DGE SLONG GI SDOM PA NI YAN LAG DU ZHIG GIS BSDUS, DGE BSNYEN GYI SDOM PA NI YAN LAG DU ZHIG GIS BSDUS, BSNYEN GNAS PA'I SDOM PA NI YAN LAG DU ZHIG GIS BSDUS PAR RIG PAR BYA ZHE NA, DGE SLONG GI SDOM PA NI YAN LAG BZHIS BSDUS PAR RIG PAR BYA STE, YAN LAG BZHI @32A *, ,GANG ZHE NA, BSNYEN PAR RDZOGS PA'I YAN LAG DANG, DE DANG MTHUN PA'I CHOS KYI BSLAB PA'I GZHI YANG DAG PAR BLANG BA'I YAN LAG DANG, GZHAN GYI SEMS RJES SU BSRUNG BA'I YAN LAG DANG, BSLAB PA'I TSOGS YANG DAG PAR BLANGS PA RJES SU SRUNG BA'I YAN LAG GO, ,DE LA GSOL BA DANG BZHI'I LAS BYA BA DANG, JI LTAR BSLAB PA'I GZHI CHE LONG DAG NOD PA NI BSNYEN PAR RDZOGS PA'I YAN LAG YIN TE, YAN LAG DE DANG LDAN NA DGE SLONG DE DANG PO KHO NAR DGE SLONG GI DNGOS PO'I TSUL KHRIMS DES TSUL KHRIMS DANG LDAN PA ZHES BYA'O, ,DE DE'I 'OG TU 'DUL BA SO SOR THAR PA LA DGE SLONG GI TSUL KHRIMS KYI RJES SU MTHUN PA DANG, DE DANG LDAN PA'I BSLAB PA'I GZHI GANG DAG YIN PA DE DAG THAMS CAD LA BSDAMS SHING SPYOD PA YIN TE, DES NA SO SOR THAR PA'I SDOM PAS BSDAMS PA ZHES BYA STE, DE NI DE DANG MTHUN PA'I CHOS KYI BSLAB PA'I GZHI YANG DAG PAR BLANG BA'I YAN LAG YIN NO, ,YAN LAG DE GNYIS DANG LDAN PA'I CHO GA PHUN SUM TSOGS PA DANG SPYOD YUL PHUN SUM TSOGS PA GANG YIN PA DE NI GZHAN GYI SEMS RJES SU BSRUNG BA'I YAN LAG YIN TE, CHO GA PHUN SUM TSOGS PA DANG, SPYOD YUL PHUN SUM TSOGS PA NI 'DI LTA STE, NYAN THOS KYI SA LAS 'BYUNG BA BZHIN NO, ,DE LA KHA NA MA THO BA PHRA RAB TZAM MAN CHAD DAG LA 'JIGS PAR LTA BA GANG YIN PA DE NI NYES PA MI 'BYUNG BAR BYA BA DANG, NYES PA BYUNG BA LAS BSLANG BA'I PHYIR BSLAB PA'I GZHI YANG DAG PAR BLANGS TE SLOB PA 'DI LTA STE, 'JIGS PAR LTA BA DANG, BYUNG BA DE GNYIS NI DE'I BSLAB PA'I GZHI JI LTAR YANG DAG PAR BLANGS PA RJES SU BSRUNG BA'I YAN LAG YIN NO, ,DE LA DGE BSNYEN GYI SDOM PA NI YAN LAG GSUM GYIS BSDUS PA YIN TE, YAN LAG GSUM GANG ZHE NA; GZHAN LA GNOD PA'I DNGOS PO CHEN PO SPONG BA YANG DAG PAR BLANG BA'I YAN LAG DANG, YANG DAG PAR BLANGS PA LAS NYAMS PA PHYIR GSO BA'I YAN LAG DANG, YANG DAG PAR BLANGS PA LAS MI NYAMS PA'I YAN LAG GO, ,DE LA GZHAN GYI SROG LA GNOD PA DANG, LONGS SPYOD @32B LA GNOD PA DANG, CHUNG MA LA GNOD PA SPONG PA NI YAN LAG DANG PO YIN NO, ,BRDZUN DU SMRA BA SPONG BA NI YAN LAG GNYIS PA YIN NO, ,CHANG DANG BCOS PA'I CHANG DANG SBYAR BA'I CHANG BAG MED PA'I GNAS SPONG BA NI YAN LAG GSUM PA YIN PAR RIG PAR BYA'O, ,DE LA BSNYEN GNAS PA'I SDOM PA NI MDOR BSDUN YAN LAG LNGAS BSDUS PA YIN TE, YAN LAG LNGA GANG ZHE NA, GZHAN LA GNOD PA SPONG BA YANG DAG PAR LEN PA'I YAN LAG DANG, BDAG DANG GZHAN LA GNOD PA SPONG BA YANG DAG PAR LEN PA'I YAN LAG DANG, YANG DAG PAR BLANGS PA LAS NYAMS PA PHYIR GSO BA'I YAN LAG DANG, YANG DAG PAR BLANGS PA LAS MI NYAMS PAR BYA BA'I PHYIR DRAN PA NYE BAR 'JOG PA'I YAN LAG DANG, DRAN PA RMONGS PAR MI 'GYUR BA'I YAN LAG GO, ,DE LA GZHAN GYI SROG LA GNOD PA DANG, LONGS SPYOD LA GNOD PA DAG SPONG BA NI YAN LAG DANG PO YIN NO, ,MI TSANGS PAR SPYOD PA SPONG BA NI YAN LAG GNYIS PA YIN NO, ,'DI LTAR DE SPONGS PA DE NI RANG GI CHUNG MA LA MA BRTEN PAS BDAG LA GNOD PAR YANG MI 'GYUR LA, GZHAN GYI CHUNG MA LA MA BRTEN PAS GZHAN LA GNOD PAR YANG MI 'GYUR BA'I PHYIR RO; ,BRDZUN DU SMRA BA SPONG BA NI YAN LAG GSUM PA YIN NO, ,CHANG DANG BCOS PA'I CHANG DANG SBYAR BA'I CHANG BAG MED PA'I GNAS SPONG BA MA GTOGS PA DE LAS GZHAN PA'I GNAS GSUM PO DAG SPONG BA NI YAN LAG BZHI PA YIN NO, ,DE CI'I PHYIR ZHE NA, 'DI LTAR DE DUS RTAG TU GAR DANG GLU DANG ROL MO'I SGRA DANG SPOS DANG ME TOG PHRENG BA DANG, BYUG PA DANG, KHRI STAN MTHON PO DANG, KHRI STAN CHEN PO DANG, DUS MA YIN PA'I ZAS LA BRTEN PA DE DAG GIS BDAG NYID DBEN PAR YUD TZAM YUD TZAM LA MTHONG BA DANG, BDAG NI GSO SBYANG GIS GSO SBYONG BYAS PA YIN NO SNYAM DU DUS RTAG TU DRAN PA NYE BAR GNAS PAR 'GYUR BA'I PHYIR RO, ,CHANG DANG BCOS PA'I CHANG DANG SBYAR PA'I CHANG BAG MED PA'I GNAS SPONG BA NI YAN LAG LNGA PA YIN NO, ,DE CI'I PHYIR ZHE NA, DE DAG NI DRAN PA NYE BAR GZHAG STE GNAS PA YIN NO SNYAM DU SEMS KYANG YAN @33A *, ,LAG DES NA CHANG GI MYOS PAS MYOS SHING RMONGS TE RANG DBANG MED PAR 'JUG PAR 'GYUR BA'I PHYIR RO, ,DE LA DGE SLONG MA'I SDOM PA GANG YIN PA DANG, DGE SLOB MA DANG, DGE TSUL DANG, DGE TSUL MA'I SDOM PA GANG YIN PA DE NI RAB TU BYUNG BA'I PHYOGS SU GTOGS PAR 'DRA BA'I PHYIR, DGE SLONG GI SDOM PA BSTAN PA KHO NA BZHIN DU BLTA BAR BYA'O, ,DE LA DGE BSNYEN MA'I SDOM PA GANG YIN PA DE YANG KHYIM PA'I PHYOGS SU GTOGS PA'I PHYIR DANG, BSLAB PA 'DRA BAS RAB TU PHYE BA'I PHYIR DGE BSNYEN GYI SDOM PA BSTAN PA KHO NA BZHIN DU BLTA BAR BYA'O; ,CI'I PHYIR BCOM LDAN 'DAS KYIS DGE SLONG RNAMS KYI SDOM PA NI DGE SLONG GI SDOM PA DANG, DGE TSUL GYI SDOM PA'I SDE PA GNYIS SU BCAS PA LA, DGE SLONG MA RNAMS KYI SDOM PA NI DGE SLONG MA DANG, DGE SLONG MA DANG, DGE TSUL MA'I SDOM PA'I SDE PA GSUM DU BCAS SHE NA, BUD MED NI NYON MONGS PA MANG BAS RIM GYIS DGE SLONG MA'I SDOM PA YONGS SU 'DZIN DU 'JUG PA'I PHYIR TE, GAL TE DGE TSUL MA BSLAB PA'I GZHI NYUNG DU DAG LA DGA' BAR GYUR NA, DE'I 'OG TU DGE SLOB MA'I BSLAB PA'I GZHI DAG LEN DU GZHUG PAR BYA BA DANG; GAL TE DGE SLOB MA BSLAB PA'I GZHI CHES MANG PO DAG LA DGA' BAR GYUR NA, DE'I 'OG TU GYA TSOM DU BSNYEN PAR RDZOGS SU MI GZHUG GI LO GNYIS KHO NA SDOD DU GZHUG PA DANG, GAL TE DGA' BAR GYUR NA DE'I 'OG TU BSNYEN PAR RDZOGS SU GZHUG PA DANG, DE LTAR DE YUN RING POR BSLAB PA'I GZHI NYUNG DU DAG LA BSLAB PA YONGS SU BYANG BAR GYUR NAS DE'I 'OG TU DGE SLONG MA'I SDOM PA BSLAB PA'I GZHI'I TSOGS MANG PO YONGS SU BZUNG BA LA SLOB PAR NUS SHING LCOGS PAR 'GYUR BA'I PHYIR RO, ,CI'I PHYIR BSNYEN GNAS PA'I SDOM PA LAS DGE TSUL GYI SDOM PA LA GSER DNGUL SPONG BA LHAG PAR MDZAD CE NA, 'DI LTAR DGE TSUL NI RAB TU BYUNG BA'I PHYOGS LA GNAS PA YIN PAS RAB TU BYUNG BA LA NI GNAS GNYIS SHIN DU MI MDZES SHING TSUL DANG MI MTHUN PA YIN TE 'DOD PA'I BSOD SNYOMS KYI MTHAR LTUNG BA RTZED MO'I DGA' BA @33B DANG CHA SGEG JI LTAR 'DOD PA BZHIN SPYAD PA'I RJES SU BRTZON PA GANG YIN PA DANG, SOG 'JOG GI LONGS SPYOD GANG YIN PA'O, ,DE LA TSUL DANG MI MTHUN PA'I GNAS DANG PO YONGS SU SPANG BA'I PHYIR NI GAR DANG GLU DANG ROL MO'I SGRA LA SOGS PA NAS DUS MA YIN PA'I ZAS KYI BAR DAG SPONG BA BCAS SO, ,TSUL DANG MI MTHUN PA'I GNAS GNYIS PA YONGS SU SPANG BA'I PHYIR NI GSER DNGUL 'DZIN PA SPONG BA BCAS TE, 'DI LTAR GSER DNGUL NI SOG 'JOG THAMS CAD KYI RTZA BA DANG GTZO BO YIN PA'I PHYIR RO, ,CI'I PHYIR DGE TSUL GYIS GAR DANG GLU DANG ROL MO'I SGRA DANG, SPOS DANG ME TOG PHRENG DANG, BYUG PA 'CHANG BA GANG YIN PA BSNYEN GNAS PA'I SDOM PA LA NI YAN LAG GCIG TU MDZAD LA, DE DE LA NI YAN LAG GNYIS SU MDZAD DE BCAS SHE NA, KHYIM PA RNAMS LA NI GNAS DE TSUL DANG MI MTHUN PA MA YIN LA, RAB TU BYUNG BA LA NI TSUL DANG MI MTHUN PA YIN PAS DE'I PHYIR KHYIM PA LA NI CI NAS KYANG DE DE LAS 'GAL NA NYES PA GCIG BSHAGS PAR ZAD KYI GNYIS MI DGOS PAR BYA BA'I PHYIR YANG BAR MDZAD NAS BSLAB PA GCIG TU BSDUS TE BCAS SO, ,DE RAB TU BYUNG BA LA NI CI NAS KYANG DE DE LAS 'GAL NA NYES PA GNYIS BSHAGS DGOS SHING GCIG MA YIN PAR BYA BA'I PHYIR LCI BAR MDZAD DE, GNAS GCIG PO DE NYID LAS PHYE NAS YAN LAG GNYIS SU MDZAD DE BCAS SO, ,CI'I PHYIR ZA MA DANG MA NING DAG RAB TU DBYUNG BAR MI BYA ZHING BSNYEN PAR RDZOGS PAR YANG MI BYA ZHE NA, 'DI LTAR ZA MA DANG MA NING DAG NI DGE SLONG GI PHYOGS SU RNAM PAR GZHAG NA YANG BUD MED KYI NYES PA BSTEN PAR 'GYUR LA, DGE SLONG MA'I PHYOGS SU RNAM PAR GZHAG NA YANG NOM PA DANG KUN DU NOM PA LA SOGS PAS SKYES PA'I NYES PA BSTEN PAR 'GYUR BAS, DE'I PHYIR DE DAG NI DE GNYI GA'I PHYOGS SU GNAS PAR 'OS PA MA YIN PAS RAB TU DBYUNG BAR YANG MI BYA LA BSNYEN PAR RDZOGS PAR YANG MI BYA'O, ,GZHAN YANG ZA MA DANG MA NING DAG NI NYON MONGS PA MANG BA DANG, RANG BZHIN GYIS NYON MONGS PA'I SGRIB PA BSGRIBS PA YIN PA'I PHYIR, DE DAG GIS NI GANG GIS SO SOR BRTAGS SHING SO SOR BRTAGS @34A *, ,NAS RE ZHIG TSUL KHRIMS KYI PHUNG PO YONGS SU DAG PA LA KUN DU SPYOD PAR 'GYUR BA DE LTA BU'I SO SOR RTOG PA SKYED PAR YANG MI NUS NA, MI'I CHOS LAS BLA MA MNGON SUM DU BYED PA LTA GA LA 'GYUR TE DE'I PHYIR YANG DE DAG NI RAB TU DBYUNG BAR MI BYA LA, BSNYEN PAR RDZOGS PAR YANG MI BYA'O, ,DE'I SDE PAR GTOGS PA LA NI SKYES BU DAM PA LA YANG DKON LA YONGS SU BRTAG PAR YANG DKA'O, ,CI'I PHYIR ZA MA DANG MA NING DAG SKYABS SU SONG ZHING DGE BSNYEN GYI BSLAB PA'I GZHI DAG YANG DAG PAR BLANGS TE GNAS SU ZIN KYANG DGE BSNYEN ZHES BRJOD PAR MI BYA ZHE NA, DGE SLONG DANG DGE SLONG MA LA BSNYEN BKUR BYED PA'I NGANG TSUL CAN NI DGE BSNYEN ZHES BYA NA DE DAG GIS NI BSDAMS SU ZIN KYANG DGE SLONG LA YANG DANG YANG DU KUN DU 'DRE BAS BSNYEN BKUR MI BYA LA DGE SLONG MA LA YANG MI BYA'O, ,DGE SLONG DANG DGE SLONG MA DAG GIS KYANG DE DAG LAS BSNYEN BKUR BDAG GIR MI BYA ZHING REG PAR YANG MI BYA LA, DGE BSNYEN LA JI LTA BA DE BZHIN DU YID BRTAN PA YANG MI BYA BA YIN PAS DE'I PHYIR DE DAG NI DGE BSNYEN ZHES MI BYA'O, ,BSLAB PA SRUNG BAR BYED PA RNAMS KYI BSOD NAMS YONGS SU 'DZIN PA NI MTSUNGS PAR RIG PAR BYA'O, ,SDOM PA YANG MA YIN, SDOM PA MA YIN PA YANG MA YIN PA GANG ZHE NA, JI SKAD BSTAN PA'I SDOM PA DE DAG KYANG MA GTOGS SDOM PA MA YIN PA YANG MA GTOGS PA YID DANG LUS DANG DAG GIS DGE BA DANG MI DGE BA'I LAS BYED PA GANG YIN PA DE DAG THAMS CAD NI SDOM PA YANG MA YIN, SDOM PA MA YIN PA YANG MA YIN PAR GTOGS PAR RIG PAR BYA'O, ,SDOM PA RANG GIS BLANGS PA DANG, GZHAN LAS BLANG BA GANG YIN PA DE GANG GIS GZHAN LAS LEN TAM, ,RANG GIS LEN NA SDOM PA YANG DAG PAR BLANG BA DE GNYIS LA 'DI LTA STE, BSOD NAMS DANG BSOD NAMS KYI BYE BRAG 'GA' ZHIG YOD DAM ZHE NA, GAL TE BSAM PA MTSUNGS PAS LEN PAR BYED CING DE BZHIN DU SRUNG BAR YANG BYED NA NI BYE BRAG NI 'GA' YANG MED PAR RIG PAR BYA'O, ,DE LA RGYU DUS NA DGE SLONG GI SDOM PA LEN PAR @34B MI 'GYUR ZHING, DGE SLONG GI SDOM PA 'DOD KYANG 'THOB PAR MI 'GYUR ZHE NA, MDOR BSDU NA RGYU DRUG GIS TE, BSAM PA NYAMS PA DANG, LUS NYAMS PA DANG, SKYES PA NYID NYAMS PA DANG, DGE BA'I CHOS NYAMS PA DANG, GZHAN GYI DBANG DU GYUR PA DANG, GZHAN RJES SU SRUNG BAS SO, ,DE LA GAL TE RGYAL POS GNOD PA BYAS SAM CHOM RKUN GYIS GNOD PA BYAS SAM, BU LON GYIS NYAM THAG GAM, 'JIGS PAS NYAM THAG GAM, 'TSO BA MED PAS 'JIGS SHING SKRAG PAR GYUR NAS, DE 'DI SNYAM DU SEMS TE BDAG NI KHYIM GYI GNAS NA GNAS PAR DKA' BAS 'TSO BAR BYED PA YIN GYI, DGE SLONG 'DI DAG NI TSEGS CHUNG DUS 'TSO BAR BYED PA YIN PAS MA LA BDAG DGE SLONG GI NANG DU SONG STE, BDAG DGE SLONG RNAMS DANG CHOS MTHUN PA PA YIN PAR BSTAN LA, TSEGS CHUNG NGUS 'TSO BAR BYA'O SNYAM STE, BSAM PA DE LTA BU KHO NAS RAB TU BYUNG NAS KYANG 'DI LTA STE, BDAG DGE SLONG TSOGS SHING 'DUS PA RNAMS KYIS TSUL KHRIMS 'CHAL PA YIN PAR RI GNAS BSKRAD PAR GYUR NA MI RUNG NGO SNYAM STE, 'JIGS PAS BSLAB PA'I GZHI KHA CIG LA BSDAMS TE, SPYOD PAR BYED DU ZIN KYANG DE BSAM PA NYAMS PA YIN PA'I PHYIR, BSNYEN PAR RDZOGS PA MA YIN PA KHO NAR BRJOD PAR BYA STE, DE NI BSAM PA NYAMS PA ZHES BYA'O, ,GAL TE 'DI SNYAM DU SEMS TE, BDAG KHYIM 'DI NA GNAS NA DKA' BAS 'TSO BAR 'GYUR BAS MA LA BDAG RAB TU BYUNG LA TSEGS CHUNG NGUS 'TSO BAR BYA, JI LTAR DGE SLONG 'DI DAG TSANGS PAR SPYAD PA SPYOD PA LTAR JI SRID 'TSO'I BAR DU TSANGS PAR SPYOD PA SPYAD PAR BYA'O SNYAM NAS DE LTAR RAB TU BYUNG BA NI BSAM PA NYAMS PA MA YIN PA ZHES NI BRJOD DE, GCIG TU YONGS SU DAG PA NI MA YIN ZHING DE NI BSNYEN PAR RDZOGS PA MA YIN PAR YANG BRJOD PAR MI BYA'O, ,'BRAS DANG PHOL MIG LA SOGS PA BAR CHAD KYI CHOS LAS JI SKAD GSUNGS PA'I NAD RNAMS DANG LDAN PA NI LUS NYAMS PA ZHES BYA BA STE, LUS NYAMS PAR RAB TU BYUNG BA DE NI BLA MA RNAMS LA BSNYEN BKUR BYED PAR YANG MI NUS PAS, DE LTAR MI NUS @035A *, ,PA DE NI BLA MA RNAMS DANG TSANGS PA MTSUNGS PAR SPYOD PA DAG LAS BSNYEN BKUR GYI LAS GANG YIN PA BDAG GIR BYED CING, SBYIN BDAG DAD PA CAN RNAMS LAS CHOS GOS DANG BSOD SNYOMS LA SOGS PA DAD PAS BYIN PA YANG BDAG GIR BYED DE, DE'I DAD PAS BYIN PA RNAM PA DE GNYI GA YANG YONGS SU LONGS SPYOD PA LA LCI BA DANG RUNG PA MA YIN LA, DGE BA'I CHOS RNAMS YONGS SU NYAMS PAR YANG 'GYUR BA YIN PAS, DE'I PHYIR LUS NYAMS PA YANG BSNYEN PAR RDZOGS PAR MI BYA'O, ,ZA MA DANG MA NING SKYES PA NYID NYAMS PA DAG KYANG BSNYEN PAR RDZOGS PAR MI BYA STE, DE LA RGYU NI SNGAR BSTAN PA NYID YIN PAR KHONG DU CHUD PAR BYA'O, ,MA NING NI MDOR BSDU NA RNAM PA GSUM DU RIG PAR BYA STE, YONGS MA NING DANG, PHYOGS GCIG GI MA NING DANG, NYAMS PA'I MA NING NGO, ,DE LA SKYES PA'I DBANG PO DANG MI LDAN PA KHO NAR BTZAS PA GANG YIN PA DE NI YONGS MA NING ZHES BYA'O, ,ZLA BA PHYED PHYED CING SKYES PA'I SPOBS PA SKYE BA DANG, BDAG NYID LA PHA ROL GYIS SUN 'BYIN PA'AM, GZHAN DAG MI TSANGS PAR SPYOD PA 'KHRIG PA'I CHOS KUN DU SPYOD PA MTHONG BA DE SKYES PA'I SPOBS PA SKYE BAR 'GYUR PA GANG YIN PA DE NI PHYOGS GCIG PA'I MA NING ZHES BYA'O, ,MTSON LA SOGS PAS CHOD PA'AM, NAD DANG, DUG DANG, ME DANG, GSANG SNGAGS LA SOGS PA'I GNOD PAS SKYES PA'I DBANG PO SNGON THOB PA CHAD PAR GYUR CING CHAD NAS KYANG SKYES PA'I SPOBS PA MI 'BYUNG BA GANG YIN PA DE NI NYAMS PA'I MA NING ZHES BYA'O, ,DE LA MA NING DANG PO NI ZA MA YANG YIN LA MA MING YANG YIN NO, ,GNYIS PA NI MA NING KHO NA YIN GYI ZA MA MA YIN NO, ,GSUM PA NI GAL TE PHA ROL PO DAG GIS BDAG LA SUN 'BYIN PAR MI BYED NA NI ZA MA KHO NA YIN GYI MA NING NI MA YIN NO, , GAL TE SUN 'BYIN PAR BYED NA NI DE ZA MA DANG MA NING YIN PAR BRJOD PAR BYA'O, ,MTSAMS MED PA'I LAS BYED PA DANG, DGE SLONG MA SUN 'BYIN PA DANG, MU STEGS CAN DANG, RKU THABS SU GNAS PA DANG, THA DAD DU GNAS PA DANG, GNAS PAR MI BYA BA DAG NI DGE BA'I CHOS NYAMS @35B PA YIN PAS BSNYEN PAR RDZOGS PAR MI BYA STE, 'DI LTAR DE DAG NI NGO TSA MI SHES PA DANG KHREL MED PA'I CHOS DRI MA CAN CHEN POS NGO TSA SHES PA DANG, KHREL YOD PA'I CHOS DKAR PO SHIN TU SRAB MOR BYAS SHING CHUNG NGUR BYAS PA'I PHYIR RO, ,RGYAL POS BKRABS PA DANG, RGYAL PO LA GNOD PA BYED PA DANG, RGYAL PO DANG MI MTHUN PA'I LAS BYED PA DANG, BU LON GZHAL DGOS PA DANG, BRAN DANG, PHROGS PA DANG, MCHU THOGS PA DANG, BRJOD PA YOD PA DANG, PHA MAS MA GNANG BA DAG NI GZHAN GYI DBANG DU GYUR PA YIN PAS BSNYEN PAR RDZOGS PAR MI BYA'O, ,SBRUL PA DAG NI GZHAN RJES SU BSRUNG BAS BSNYEN PAR RDZOGS PAR MI BYA STE, DE CI'I PHYIR ZHE NA, DE NI KLUR GYUR PA LAS CHOS RNAMS GZUNG BA'I PHYIR, DGE SLONG GI LUS SU SPRUL NAS BSNYEN PAR RDZOGS PA TSOL BAR BYED PA YIN TE, GAL TE KLU DE BSNYEN PAR RDZOGS PAR GYUR NA, DGE SLONG DU GYUR PA DE GNYID LOG NA NI RANG GI GZUGS SU GNAS PAS, KUN DGA'I RAB SRUNG BA'AM, DGE BSNYEN DAG DGE SLONG GI 'DU SHES KYIS TSAM TSOM MED PAR DRUNG DU 'ONGS TE, GZUGS MI SDUG PA MTHONG NA 'DI SNYAM DU DGE SLONG THAMS CAD NI MI MA YIN PA YIN PAS SU ZHIG 'DI DAG LA BSOD SNYOMS 'BUL BA DANG BYA BAR SEMS ZHES, DGE SLONG THAMS CAD LA ZHE SDANG GI SEMS SKYED CING SDIG PA CAN GYI LTA BA THOB PAR GYUR PAS, DE'I PHYIR GZHAN RJES SU BSRUNG BAS DE DAG KYANG BSNYEN PAR RDZOGS PAR MI BYA'O, ,DE LTAR NA LAS BYED PA'I SLOB DPON MED PA DANG, MKHAN PO MED PA DANG DGE 'DUN TSUL LA GNAS PA TSAD BAR MED PA MA GTOGS PAR RGYU DRUG PO DE DAG GIS NA DGE SLONG GI SDOM PA LEN PAR MI 'GYUR RO, ,RGYU DUS NI DGE BSNYEN GYI SDOM PA LEN PAR MI 'GYUR ZHE NA, MDOR BSDU NA RGYU GNYIS KYIS TE, BSAM PA NYAMS PA DANG, SKYES PA NYID NYAMS PAS SO, ,DE LA BSAM PA NYAMS PAS NI THAMS CAD KYI THAMS CAD DU LEN PAR MI 'GYUR BA KHO NAR KHONG DU CHUD PAR BYA'O, ,SKYES PA NYID NYAMS PAS NI LEN PA YOD DU ZIN KYANG SNGAR BSTAN PA'I RGYU NYID KYIS NA DE DGE BSNYEN DU NI BRJOD PAR MI BYA'O, ,BSNYEN GNAS @36A *, ,PA'I SDOM PA NI BSAM PA NYAMS PA KHO NAS LEN PAR MI 'GYUR BAR KHONG DU CHUD BAR BYA STE, GANG LA LA DAG GZHAN GYI RJES SU 'JUG PA'AM, RNYED PA DANG BKUR STI'I PHYIR BSNYEN GNAS PA'I SDOM PA YANG DAG PAR LEN PAR DAM 'CHA' BA DE DAG KYANG DE LA BLANG BA'I BSAM PA MED PA YIN TE, DE LTAR NA DE NI DE'I BSAM PA NYAMS PA YIN PAR RIG PAR BYA'O, ,LEN PAR MI 'GYUR BA'I RGYU NYID JI SKAD BSTAN PA DE DAG MED PAS NI SDOM PA JI SKAD BSTAN PA DE DAG LEN PA YIN PAR KHONG DU CHUD PAR BYA'O, ,DE LA RGYU DUS NA DGE SLONG GI SDOM PA BLANGS KYANG GTONG BAR 'GYUR ZHE NA, MDOR BSDU NA RGYU LNGAS TE BSLAB PA'I GZHI 'BUL BA DANG, LTUNG BA'I RTZA BA LHAG PAR SPYOD PA DANG, MTSAN NUB CING MTSAN GNYIS SKYES PA DANG, DGE BA'I RTZA BA CHAD PA DANG, RIGS MTHUN PA SPANGS PAS KYANG DGE SLONG GI SDOM PA BLANGS BA GTONG BAR 'GYUR RO; ,DAM PA'I CHOS RAB TU RNAM PAR ZHIG CING DAM PA'I CHOS NUB NA NI DGE SLONG GI SDOM PA MA BLANGS PA NI BLANG DU MED LA, SNGAR BLANGS PA NI YONGS SU MI GTONG BAR RIG PAR BYA STE, 'DI LTAR DE'I TSE DUS NGAN PA BYUNG BA DE'I TSE NA SEMS CAN 'GA' YANG BSAM PA NYAMS PAS BSNYEN PAR RDZOGS PAR 'GYUR BA YANG MED NA, DGE SBYONG GI 'BRAS BU THOB PAR 'GYUR BA LTA SMOS KYANG CI DGOS PA'I PHYIR RO, ,DGE BSNYEN GYI SDOM PA NI MI MTHUN PA'I SEMS SKYES PA DANG, DGE BA'I RTZA BA CHAD PA DANG, RIS MTHUN PA SPANGS PAS YONGS SU GTONG BAR RIG PAR BYA'O, , DAM PA'I CHOS NUB PAS NI DGE SLONG GI SDOM PA JI LTA BA BZHIN DU DGE BSNYEN GYI SDOM PA DANG, BSNYEN GNAS PA'I SDOM PA YANG DE BZHIN DU RIG PAR BYA'O, ,BSNYEN GNAS PA'I SDOM PA GTONG BA NI NYI MA SHAR BA DANG, GAL TE SEMS MI MTHUN PA BSKYED PA DANG, SNGA ROL DU RIGS MTHUN PA SPONG ZHING 'CHI BA'I DUS BYED PA LAS KHONG DU CHUD PAR BYA'O,, ,,BAM PO LNGA PA, DE LA 'DU SHES MED PA'I SNYOMS PAR 'JUG PA GANG ZHE NA, DGE RGYAS KYI 'DOD CHAGS DANG BRAL LA, GONG MA'I 'DOD CHAGS DANG MA BRAL BA'I 'BYUNG BA'I 'DU SHES SNGON DU GTONG BA'I YID LA BYED @36B PAS SEMS DANG SEMS LAS BYUNG BA'I CHOS RNAMS 'GOG PA TZAM DANG, NYE BAR ZHI ZHING MI 'BYUNG BA TZAM NI 'DU SHES MED PA'I SNYOMS PAR 'JUG PA ZHES BYA STE, DE YANG BRTAGS PA'I YOD PA YIN GYI RDZAS SU NI MA YIN NO, ,DE YANG MDOR BSDU NA RNAM PA GSUM DU RIG PAR BYA STE, CHUNG NGU BSGOMS PA DANG, 'BRING DU BSGOMS PA DANG, CHER BSGOMS PA'O, ,DE LA CHUNG NGU BSGOMS PAS NI TSE 'DI LAS YONGS SU NYAMS PAR 'GYUR ZHING MYUR BA MYUR BA KHO NAR PHYIR BSKYED PAR YANG MI NUS LA, 'DU SHES MED PA'I SEMS CAN LHA RNAMS KYI NANG DU SKYES NA YANG JI LTAR GZHAN DAG GI LUS GZUGS YONGS SU DAG PA, 'OD GSAL BA DANG RGYA CHE BA DE LTAR MI 'GYUR ZHING NGES PAR BAR SKABS SU 'CHI BA'I DUS BYED PAR YANG 'GYUR RO, ,'BRING DU BSGOMS PAS NI YONGS SU NYAMS PAR 'GYUR ZHING MYUR BA MYUR BA KHO NAR PHYIR BSKYED P