@001A #, ,RGYA GAR SKAD DU, A'ARYA SARBA AASTI B'A DI M'U LA BHIKshU N'I PRA TI MO KshA S'U TRA BRi TTI, BOD SKAD DU, 'PHAGS PA THAMS CAD YOD PAR SMRA BA'I RTZA BA'I DGE SLONG MA'I SO SOR THAR PA'I MDO'I 'GREL PA, SANGS RGYAS DANG BYANG CHUB SEMS DPA' DANG 'PHAGS PA NYAN THOS THAMS CAD LA PHYAG 'TSAL LO, ,SO SOR THAR PA'I MDO 'DI 'CHAD PAR 'DOD PA'I THOG MA KHO NAR NYAN THOS KYI SDE SNOD GSUM DANG PO SUS GANG DU BSDUS PA'I GTAN TSIGS DANG 'DI GSUNG RAB BCU GNYIS GANG DU BSDU BAR BYA BA DANG, SDE SNOD GSUM GANG DU GTOGS PA DANG, SDE PA GANG GI GZHUNG YIN PA DANG, DGOS PA LA SOGS PA DANG, NGES PA'I TSIG GI DON DANG, GZHUNG NYID BSTAN PA DANG BDUN BRJOD PAR BYA STE, DE DAG GI DON GSUNG RAB DANG, BSTAN BCOS DANG, SLOB DPON DAG BRGYUD DE THOS PA MDO TZAM ZHIG BSHAD PAR BYA'I, ,DE LA NYAN THOS KYI SDE SNOD GSUM DANG PO SUS GANG DU JI LTAR BSDUS SHE NA, STON PA MYA NGAN LAS 'DAS PA'I 'OG TU, 'PHAGS PA 'OD SRUNGS CHEN PO LA @002A *, ,SOGS PA DGRA BCOM PA LNGA BRGYA RGYAL PO'I KHAB KYI GSANG BA'I BRAG PHUG TU 'DUS NAS, MDO SDE THAMS CAD NI 'PHAGS PA KUN DGA' BOS BSDUS, 'DUL BA THAMS CAD NI 'PHAGS PA NYE BAR SKYONG GIS BSDUS, MA MO NI 'PHAGS PA 'OD SRUNGS KYIS BSDUS ZHES GRAGS TE, 'PHAGS PA NYE BAR SKYONG GIS 'DUL BA YANG DAG PAR BSDU BA YANG MA 'ONGS PA'I SKYE BO RNAMS 'DUL BA ZAB CING RGYA CHE BA 'DI LA KHA CIG MI DGOS SO ZHES 'BRI BA DANG, NYUNGS SO ZHES BSNAN PAR DOGS PA DANG, DBANG PO RTUL PO RNAMS KYIS DGOS PA'I DON GZUNG SLA BAR BYA BA'I PHYIR, SDOM PA RNAM PA GSUM DU BSDUS NAS BRTZAMS TE, GSUM GANG ZHE NA, SPYI SDOM DANG, SDOM DANG, BAR SDOM MO, ,DE LA SPYI SDOM NI RNAM PAR 'BYED PA LA SOGS PA LAS DE LA SPYI SDOM NI ZHES 'BYUNG BA LTA BU STE, 'OG NAS 'BYUNG BA'I SDOM GYI DON RNAMS MDOR BSDUS TE BSTAN PA'O, ,SDOM NI SPYI SDOM GYIS BSDUS PA'I DON DE NYID GO RIMS BZHIN DU STON PA'O, ,BAR SDOM NI SPYI SDOM DANG SDOM GYIS MA 'DUS PA'I DON RNAMS SKABS SKABS SU TSIGS SU BCAD PAR BSDUS NAS STON PA STE, 'PHAGS PA DE DAG GIS SDE SNOD GSUM TSUL @002B JI LTAR BSDUS PA RGYA CHER NI MNGAS PAS 'DIR MA BSTAN TE, ZHIB TU NI 'DUL BA DNGOS PO PHRA MO LA LNGA BRGYA 'DUS PA ZHES BYA BA'I SKABS NAS 'BYUNG BA DE BZHIN DU SBYAR BAR BYA'O, ,DE LA GSUNG RAB MTHA' DAG NI BCU GNYIS SU BSDU BAR BYA BA YIN PAS, 'DI GSUNG RAB BCU GNYIS KYI NANG NAS GANG DU BSDU BAR BYA ZHE NA, 'DI NI GLENG GZHI DANG, RTOGS PA BRJOD PA DANG, DE LTA BU BYUNG BA DANG, SKYES PA RABS KYI SDER BSDU BAR RIG PAR BYA STE, DE YANG GLENG GZHI'I SDE NI GTZO BO YIN LA GZHAN GSUM NI DE'I 'KHOR YIN TE, CHOS MNGON PA KUN LAS BTUS PA LAS, ,GSUNG RAB BCU GNYIS SDE SNOD GSUM DU BSDU BA'I SKABS NAS, GLENG GZHI'I SDE DANG, RTOGS PA BRJOD PA'I SDE DANG, DE LTA BU BYUNG BA'I SDE DANG, SKYES PA RABS KYI SDE'I 'KHOR DANG BCAS PA 'DI NI 'DUL BA'I SDE SNOD ZHES 'BYUNG BA'I PHYIR, DE LA GSUNG RAB BCU GNYIS THAMS CAD NI SDE SNOD GSUM DU 'DUS TE, GSUM GANG ZHE NA, MDO'I SDE DANG, 'DUL BA DANG, CHOS MNGON PA'I SDE SNOD YIN NA, SO SOR THAR PA'I MDO 'DI DE GSUM GANG DU BSDU BAR BYA ZHE NA, 'DUL BA'I SDE SNOD DU BSDU BAR BYA STE, 'DUL BA THAMS CAD KYI GNAS 'DI YIN PA'I PHYIR RO, ,GSUNG RAB BCU GNYIS PO DE DAG SDE SNOD GSUM DU JI LTAR BSDU ZHE NA, CHOS MNGON PA KUN LAS BTUS PA LAS, MDO DANG, DBYANGS KYIS BSNYAD PA DANG, LUNG DU BSTAN PA DANG, TSIGS SU BCAD PA DANG, CHED DU BRJOD PA'I SDE SNOD GANG YIN PA 'DI NYAN THOS KYI MDO SDE'I SDE SNOD NYID DO, ,GLENG GZHI DANG, RTOGS PA BRJOD PA DANG, DE LTA BU BYUNG BA DANG, SKYES PA RABS KYI SDE'I 'KHOR DANG BCAS PA GANG YIN PA 'DI NI 'DUL BA'I SDE SNOD NYID DO, SHIN TU RGYAS PA DANG, RMAD DU BYUNG BA'I CHOS KYI SDE SNOD GANG YIN PA 'DI NI BYANG CHUB SEMS DPA'I MDO SDE'I SDE SNOD DO, ,GTAN LA PHAB PAR BSTAN PA NI GNYIS KA'I CHOS MNGON PA'I SDE SNOD DO ZHES BSHAD DO, ,CI'I PHYIR MDO SDE ZHES BYA ZHE NA, RNAM PA BZHI'I PHYIR TE, GNAS RNAMS DANG MTSAN NYID DANG CHOS RNAMS @003A *, ,DANG DON STON PA'I PHYIR RO, ,CI MNGON ZHE NA, BSTAN BCOS MDO SDE'I RGYAN LAS, GNAS RNAMS DANG NI MTSAN NYID DANG, ,CHOS DON STON PHYIR MDO YIN NO, ,ZHES 'BYUNG BA'I PHYIR RO, ,CI'I PHYIR 'DUL BA ZHES BYA, DE YANG BZHI'I PHYIR TE, LTUNG BA DANG, SKYE BA DANG, BSLANG BA DANG, 'BYUNG BA'I CHOS RNAMS STON PA'I PHYIR TE, LTUNG DANG SKYE DANG BSLANG BA DANG, ,'BYUNG BA'I CHOS NI 'DUL BA STE, ,ZHES BSHAD PA LTA BU'O, ,CI'I PHYIR CHOS MNGON PA ZHES BYA BA ZHE NA, MNGON DU BA DANG, RGYUN MI CHAD PA DANG, ZIL GYIS GNON PA DANG, RTOGS PA'I PHYIR TE, JI SKAD DU, MNGON DU BA DANG RGYUN MI 'CHAD, ,ZIL GNON RTOGS PHYIR MNGON PA'O, ,ZHES 'BYUNG BA LTA BU'O, ,DE LTAR GCIG LA YANG DON RNAM PA BZHIR SBYAR BAR CI MNGON ZHE NA, DE BAS NA MDO SDE DAG LAS, MDO SDE 'DUL BA MNGON PA'I CHOS, , MDOR NA RNAM BZHI DON DU BSHAD, ,BLO LDAN PAS NI DE SHES NA, ,BYANG CHUB DAM PA THOB PAR 'GYUR, ,ZHES GSUNGS PA'I PHYIR RO, ,CI'I PHYIR DE BZHIN GSHEGS PA RNAMS KYIS SDE SNOD GSUM RNAM PAR GZHAG CE NA, NYE BA'I NYON MONGS PA THE TSOM GYI GNYEN PO'I PHYIR MDO SDE'I SDE SNOD RNAM PAR GZHAG GO, ,NYE BA'I NYON MONGS PA MTHA' GNYIS DANG LDAN PA'I GNYEN PO'I PHYIR 'DUL BA'I SDE SNOD RNAM PAR GZHAG GO, ,RANG GI LTA BA MCHOG TU 'DZIN PA'I NYE BA'I NYON MONGS PA'I GNYEN PO'I PHYIR CHOS MNGON PA'I SDE SNOD RNAM PAR GZHAG GO, ,YANG BSLAB PA GSUM BRJOD PA'I PHYIR MDO SDE'I SDE SNOD RNAM PAR GZHAG GO, ,LHAG PA'I TSUL KHRIMS DANG, LHAG PA'I SEMS KYI BSLAB PA SGRUB PA'I PHYIR 'DUL BA'I SDE SNOD RNAM PAR GZHAG GO, ,LHAG PA'I SHES RAB KYI BSLAB PA MNGON PAR SGRUB PA'I PHYIR CHOS MNGON PA'I SDE SNOD RNAM PAR GZHAG GO, ,YANG CHOS DANG DON BRJOD PA'I PHYIR MDO SDE'I SDE SNOD RNAM PAR GZHAG GO, ,CHOS DANG DON MNGON DU BYA BA'I GZHI'I GNAS KYI PHYIR 'DUL BA'I SDE SNOD RNAM PAR GZHAG GO, ,'BREL BA'I GTAN GYIS GTAM LA 'BEBS PAR CHOS LA RDZOGS PAR LONGS SPYOD PAS BDE @003B BAR REG PAR GNAS PAR BYA BA'I PHYIR CHOS MNGON PA'I SDE SNOD RNAM PAR GZHAG GO, ,STON PA MYA NGAN LAS 'DAS PA'I 'OG TU NYAN THOS KYI 'DUL BA YANG RTZA BA GTOGS PAR SDE PA MI MTHUN PA NYI SHU RTZA GNYIS SU GYUR ZHES 'BYUNG NA DA LTAR BSHAD PA'I MDO SDE GANG GI GZHUNG YIN ZHE NA, 'DI NI NYI SHU RTZA GNYIS LAS THAMS CAD YOD PAR SMRA BA'I RTZA BA'I SDE PA'I GZHUNG YIN PAR RIG PAR BYA STE, THAMS CAD SMRA BA LA YANG RTZA BA DANG YAN LAG YOD DE, DE LA RTZA BA NI GCIG STE THAMS CAD YOD PAR SMRA BA'O, ,DE LAS GYES PA'I YAN LAG NI BDUN TE, GZHI THAMS CAD YOD PAR SMRA BA DANG, 'OD SRUNGS SDE DANG, SA STON DANG, SRUNG BA PA DANG, MANG DU THOS PA DANG, GOS DMAR BA DANG, RNAM PAR PHYE STE SMRA BA'I SDE RNAMS SO, ,DE LA THAMS CAD YOD PAR SMRA BA'I SDE RNAMS NI, DUS GSUM DANG MING DANG GZUGS RNAMS KYIS NI 'DUS BYAS RNAMS BSDUS SO; ,DRUG PA DANG MI LDAN PA RNAMS DANG, 'DUS BYAS RNAMS NI SHES PAR BYA BA YANG MA YIN RNAM PAR SHES PAR BYA BA YANG MA YIN NO, ,'DUS MA BYAS NI RNAM PA GSUM MO, ,NYON MONGS PA RNAMS NI MTSUNGS PAR LDAN PA'O, ,THUB PA NI RNAM PA GNYIS SO, ,DE'I GSUNG DANG DBANG PO RNAMS NI GZUGS CAN NYI TSE LA YOD DO, ,MCHOD RTEN LA PHUL BA NI 'BRAS BU CHE'O, ,BYANG CHUB SEMS DPAS NGAN 'GRO SPANGS PA NI RNAM PA GNYIS SU 'DOD PA YOD DO ZHES ZER RO, ,BSOD NAMS LAM GYI TSOGS SU 'GYUR RO ZHES ZER BA LA SOGS PA NI MI 'DOD DO ZHES DE LTA BAS NA THAMS CAD YOD PAR SMRA BA'I SDE PA ZHES BYA'O, ,DE LAS GZHAN PA'I SDE PA RNAMS KYI LTA BA DANG, NYI SHU RTZA GNYIS SU DANG PO JI LTAR GYES PA'I LOG RGYUS ZHIB TU NI 'DIR MNGAS PAS MA BRIS TE, SLOB DPON DBYIG GI BSHES GNYEN DANG DUL BA'I LHAS GZHUNG LUGS KYI BSTAN BCOS MDZAD PA LAS RGYA CHER 'BYUNG BAS DE BZHIN DU SBYAR BAR BYA'O, ,MDO SDE LA SOGS PA GANG BSHAD KYANG RUNG STE, DGOS PA LA SOGS PA MA BSTAN NA NYAN PA PO RTOG PA SNGON DU GTONG BA DAG NYAN PAR KHAS MI LEN TE, DE'I PHYIR NYAN PA PO SKYE PO DAG SPRO BA @004A *, ,SKYED PA'I PHYIR GDON MI ZA BAR DGOS PA LA SOGS PA STON PAS 'DIR YANG DE DAG DANG LUGS MTHUN PAR DGOS PA DANG, 'BREL PA RNAMS BSTAN PAR BYA STE, DE LAS DGOS PA BSTAN PA NI, DPER NA BYA ROG LA SO YOD PA DANG MED PAR RTZOD PA LTA BU BSHAD PA YOD KYANG, 'BRAS BU MED PAR DGOS PA'I PHYIR DGOS PA SMOS TE, DGOS PA NI SKABS 'DIR TSIG GI DON GSAL BAR BYED CING MTHAR PHYIN PA'I 'BRAS BU LHAG MA LUS PA DANG, LHAG MA LUS PA'I MYA NGAN LAS 'DAS PA RNAM PA GNYIS 'THOB PAR 'GYUR BA LA BYA'O, ,'BREL PA BSTAN PA NI KLU 'JOG PO'I GTZUG GI NOR BU BSIL SMAN DU RUNG ZHING PHAN PA'I DNGOS PO YIN YANG, KLU MIG GDUG PAS BLANG BAR BYA BA'I THABS MED PA 'DRA BAR 'JUG PA LA THABS MED PA DOGS PA'I PHYIR 'BREL PA SMOS TE, DE LA 'BREL PA ZHES BYA BA NI, RGYU DANG 'BRAS BU 'BREL PA STE, BSHAD PA DANG DGOS PAR 'BREL PA'O, ,DRIS PA NYAN PA'I 'KHOR RNAMS SPRO BA SKYED PA'I PHYIR DGOS PA LA SOGS PA BSTAN TO ZHE NA, STON PA'I ZHABS DRUNG NAS MNYAN TE THOS PA NI MA YIN TE, BRGYUD PA'I TSUL GYIS THOS PA LA, DGOS PA LA SOGS PA BSTAN KYANG YID CHES PA'I GTAN TSIGS SU MI RUNG NGO ZHE NA, 'JIG RTEN NA YANG KHA CIG PHAN PA DANG GNOD PA LA DOGS PA DANG BCAS BZHIN DU 'JUG PA LTA BU STE, SPANGS KYANG THE TSOM MED PA NI GNYIS TE, SANGS RGYAS BCOM LDAN 'DAS THAMS CAD MKHYEN PA'I YE SHES LHUNG YIS GRUB PAS THE TSOM MNGA' BA DANG, GLEN PA DAG RMONGS PA'I PHYIR THE TSOM MED DO, ,'DI GNYIS MA GTOGS PA GZHAN THAMS CAD NI THE TSOM DANG BCAS BZHIN DU 'JUG PAS NA, STON PA'I ZHABS DRUNG NAS MNGON SUM DU THOS PA MA YIN YANG PHAN PA LA NI THE TSOM DANG BCAS BZHIN DU 'JUG PAR BYA, GNOD PA LAS NI BDAG DANG GZHAN GNYI GA BZLOG PAR BYA'O, ,CI'I PHYIR 'DI'I MING SO SOR THAR PA BYA ZHE NA, NGES PA'I TSIG GI DON BSTAN PA'I PHYIR DGE SLONG MA'I SO SOR THAR PA'I MDO ZHES BYA BA GSUNGS TE, DE LA DGE SLONG MA'I ZHES BYA BA NI GO SLA BAS MA BSHAD DO, ,SO SOR THAR PA ZHES @004B BYA BA NI NYON MONGS PA YONGS SU MA NYAMS PA CHUNG NGU'I CHUNG DU LA SOGS PA'I RNAM PA LAS 'DIS SHIN TU THAR PAR BYED PAS SO SOR THAR PA'O, ,KHA CIG NA RE SO SOR ZHES BYA BA NI MANG PO LA BYA STE, GCIG GIS SPYAD PAS MANG PO THAR PA MA YIN GYI GANG NYAMS SU BLANGS PA DE NYID THAR PAR 'GYUR BA'O; ,THAR PA ZHES BYA BA NI LAS DANG NYON MONGS PA DANG, TSE'I KUN NAS NYON MONGS PA RNAMS DANG, NGAN SONG GSUM LAS THAR BAR BYED PA'I PHYIR THAR PA ZHES BYA'O ZHE'O, ,DRIS PA NYON MONGS PA DANG LAS DANG TSE'I KUN NAS NYON MONGS PA RNAMS LAS THAR CING MYA NGAN LAS 'DAS PA THOB PAR 'GYUR BA NI 'PHAGS PA'I LAM YIN NO ZHES 'BYUNG BA NA 'PHAGS PA'I LAM LA THAR PA ZHES BSTAN PA'I PHYIR RIGS KYI 'DI'I MING SO SOR THAR PA ZHES BSTAN PA NI MI RIGS SO, ,SMRAS PA, DE YANG BDEN MOD KYI, TSU KHRIMS LA GNAS PA TSU KHRIMS LA BRTEN NAS BDEN PA BZHI JI LTA BA BZHIN MTHONG PAR 'GYUR TE, DE LAS NYON MONGS PA DANG, LAS DANG, TSE'I KUN NAS NYON MONGS PA SPANGS SHING MYA NGAN LAS 'DA' BA THOB PAR 'GYUR RO ZHES 'BYUNG BAS NA, TSUL KHRIMS LA GNAS TE THOS PA DANG, BSAM PA DANG, BSGOM PA'I RIM PA RNAMS SKYE BA'I PHYIR TSUL KHRIMS KYI RGYU BRGYUD PA LA SO SOR THAR PA ZHES BYAS KYANG 'GAL BA MED DO, ,MDO ZHES BYA BA NI MANG BA'I DON NYUNG DUR BSDUS PA STE, 'DUL BA RNAM PAR 'BYED PA LA SOGS PA'I DON MA LUS PA 'DIR 'DUS PA'I PHYIR RO, ,DA NI GZHUNG NYID BSTAN PA ZHES BYA BA STON TE, DE'I PHYIR, SNYAN PA'I BA DAN 'JIG RTEN GSUM DU GRAGS, ,ZHES BYA BA NAS, THUB DBANG GO 'PHANG THOB PAR SHOG ,CES BYA BA'I BAR DU RGYA CHER GSUNGS SO, ,'DI'I BSDUS PA'I DON NI RNAM PA BRGYAD DU RIG PAR BYA STE, GLENG GZHI DANG, BSLAB PA'I DNGOS PO RNAMS KYI DON BSDUS TE BSTAN PA DANG, SNGON GYI TSUL DANG, SO SOR THAR PA NYID KYI 'BRAS BU DANG, GSO SBYONG GI DGOS PA DANG, TSUL KHRIMS JI LTAR BSRUNG BA'I TSUL BSTAN PA DANG, 'JIG RTEN YONGS LA BSOD NAMS BSNGO BA'O, DE LA GLENG GZHI BSTAN PA NI, SNYAN PA'I BA DA NA ZHES PA NAS DE DE BZHIN DU @005A *, ,'DZIN TO ZHES BYA BA'I BAR DU'O, ,BSLAB PA'I DNGOS PO RNAMS BSTAN PA NI PHAS PHAM PA NI BRGYAD NAS, ZHI BAR BYA BA'I CHOS BDUN RDZOGS PA'I BAR DU'O, ,BSLAB PA'I DNGOS PO RNAMS KYI DON BSDUS NAS BSTAN PA ZHES BYA BA NI, 'PHAGS MA DAG BDAG GIS SO SOR THAR PA'I MDO BSHAD ZIN TE ZHES BYA BA NAS, DGA' BA LA RAB TU BRTZON PAR BYA'O ZHES BYA BA'I BAR DANG SBYAR RO, ,SNGON GYI TSUL BSTAN PA ZHES BYA BA NI, ,BZOD PA DKA' THUB DAM PA BZOD PA NI, ,ZHES BYA BA NAS, GRAGS LDAN RNAMS KYI SO SOR THAR, ,'DI NI RAB TU RGYAS PAR BSHAD, ,CES BYA BA'I BAR DU'O, ,SO SOR THAR PA NYID KYI 'BRAS BU BSTAN PA ZHES BYA BA NI, 'DI LA SANGS RGYAS RNAMS DANG, GANG ZHES BYA BA NAS, SDUG BSNGAL MTHA' MAR PHYIN PAR 'GYUR, ,ZHES BYA BA'I BAR RNAMS SO, ,GSO SBYONG GI DGOS PA BSTAN PA ZHES BYA NI; PHAN TSUN TSUL KHRIMS BSRUNG BA DANG, ,ZHES BYA BA NAS, DGE 'DUN GYIS NI GSO SBYANG BYA, ,ZHES BYA BA'I BAR DU'O, ,TSUL KHRIMS CI LTAR BSRUNG BA'I TSUL BSTAN PA NI, ,GANG GI PHYIR NI MDO BSHAD DANG, ,ZHES BYA BA NAS, G-YAG RNGA'I RTZE MO JI BZHIN NO, ,ZHES PA'I BAR DANG SBYAR RO, ,'JIG RTEN YONGS LA BSOD NAMS BSDO BA YANG THA MA'I TSIGS SU BCAD PA GCIG DANG SBYAR RO, ,DE LA GLENG GZHI BSTAN PA YANG BSDUS PA'I DON NI DRUG TU RIG PAR BYA STE, DE BZHIN GSHEGS PA'I YON TAN BRJOD CING PHYAG BYAS NAS SO SOR THAR PA'I MDO BSHAD PA'I GNAS BSTAN PA DANG, SO SOR THAR PA NYID KYI LEGS PA'I YON TAN BSTAN PA DANG BSGRUB PAR BSKUL BA DANG, 'DI NYID THOS PA LA SOGS PA DKA' BAR BSTAN CING 'PHAGS PA RNAMS MTHONG BA DANG, DE BSGRUB PA'I RGYU 'BRAS RNAMS THOB PAR BSTAN PA DANG, MI RTAG PA LA SOGS PA BSTAN PA GSO SBYONG GI YAN LAG KUN TU SPYAD PA'I CHOS RNAMS BSTAN PA'O, ,DE LA RE ZHIG DE BZHIN GSHEGS PA'I YON TAN BRJOD CING PHYAG BYAS NAS SO SOR THAR PA'I MDO BSHAD PA'I GNAS BSTAN PA ZHES BYA BA BSTAN PA'I PHYIR, SNYAN PA'I BA NGAN 'JIG RTEN @005B GSUM DU GRAGS, ,ZHES BYA BA NAS, 'PHAGS PA'I TSOGS KYI DBUS SU DBYE BAR BYA, ,ZHES PA'I BAR DU GSUNGS TE, TSIGS SU BCAD PA 'DI GNYIS LA PHYED DANG GNYIS KYIS NI DE BZHIN GSHEGS PA'I YON TAN BRJOD CING PHYAG BYAS PA BSTAN TO, ,THA MA'I RKANG PA GNYIS KYIS NI SO SOR THAR PA'I MDO BSHAD PA'I GNAS BSTAN PA YIN TE, PHYED DANG GNYIS KYIS DE BZHIN GSHEGS PA'I YON TAN BRJOD CING PHYAG BYAS PA LA YANG DON RNAM PA BDUN GYIS BSHAD PA SBYAR BAR BYA STE, RGYU DANG 'BRAS BU DANG, GZHAN GYI DON DANG, YE SHES DANG, THUGS RJE DANG; 'BRAS BU'I KHYAD PAR DANG, BDAG GI DON DANG, ZHAR LA GRUB PA'I 'BRAS BU PHUN SUM TSOGS PA'O, ,DE LA RGYU DANG 'BRAS BU PHUN SUM TSOGS PA'I DBANG DU MDZAD NAS, SNYAN PA'I BA DAN 'JIG RTEN GSUM DU GRAGS, ,ZHES BYA BA GSUNGS TE, SNYAN PA ZHES BYA BA NI DE BZHIN GSHEGS PAS BSKAL PA GRANGS MED PA NAS SA DANG PHA ROL TU PHYIN PA LA SOGS PA DKA' BA RNAM PA SNA TSOGS SPYAD DE, THAMS CAD MKHYEN PA'I YE SHES LHUN GYIS GRUB PA'I YON TAN STOBS DANG MI 'JIGS PA LA SOGS PA TSAD MED PA RNAMS SO, ,BA DAN NI DPE STE JI LTAR MANG PO 'DUS PA'I GNAS SU BA DAN BTZUGS NA, GSAL ZHING MDZES PA DANG, DES MTSON PA RNAMS PA MA MI NOR BA DE BZHIN DU, DE BZHIN GSHEGS PA'I TSE BA'I YON TAN YANG SNYAN CING MDZES PA DANG, DE LA BRTEN PA RNAMS KYIS NGAN SONG GSUM LA SOGS PA LAM LOG PA YONGS SU SPANG PA'I PHYIR, DE BZHIN GSHEGS PA'I YON TAN YANG BA DAN DANG 'DRA ZHES BSHAD DO, ,'JIG RTEN ZHES BYA BA NI RNAM PA GNYIS TE, SEMS CAN DANG SNOD KYI 'JIG RTEN NO, SKABS 'DIR NI SEMS CAN GYI 'JIG RTEN DANG SBYAR TE, DE BZHIN GSHEGS PA'I YON TAN DE DAG SEMS YOD PA LA GRAGS SU RUNG BA'I PHYIR RO, GSUM DU GRAGS ZHES PA NI 'DOD PA DANG, GZUGS DANG GZUGS MED PA'I KHAMS GSUM DU GRAGS PA'O, ,SGRA DANG SGRA THOS PA'I DBANG PO NI BGZUGS CAN YIN NA, GZUGS MED PA'I KHAMS SU SGRAS JI LTAR @006A *, ,GRAGS PAR 'GYUR, DPER NA DNGUL GYI RGYU STANG ZIL YIN PA DANG 'DRA BAR SNGON 'DOD PA DANG GZUGS KYI KHAMS NA GNAS PA'I TSE, DE BZHIN GSHEGS PA'I CHE BA YON TAN THOS PA'I BAG CHAGS DE LA YOD PAS DE NYID LA GRAGS ZHES BYAS KYANG 'GAL BA MED DO, GZHAN GYI DON PHUN SUM TSOGS PA'I DBANG DU MDZAD NAS, DAM PA'I CHOS SGRA SENG GE'I SGRA BSGRAGS PA, ,ZHES BYA BA GSUNGS SO, ,DE LA DAM PA ZHES BYA BA NI DE BZHIN GSHEGS PA STE, SGRIB PA RNAM GNYIS SPANGS SHING 'JIG RTEN MCHOG TU GYUR PA'I PHYIR RO, CHOS NI DES GSUNGS PA'I CHOS DE BSTAN PA DANG, SGRUB PA DANG, 'BRAS BU'I CHOS GANG YANG RUNG BA'O, ,YANG NA DAM PA'I CHOS GSUM PO DE NYID SKYON MED CING GZHAN DAG LAS KHYAD PAR DU GYUR PA'I PHYIR YANG DAM PA ZHES BYA'O, ,SENG GE'I SGRA BSGRAGS PA ZHES BYA BA NI DPE STE, JI LTAR SENG GE'I SGRAS BYOL SONG THAMS CAD ZIL GYIS GNON PA DANG 'DRA BAR, DE BZHIN GSHEGS PA YANG MI 'JIGS PA BZHI LA SOGS PA'I YON TAN DANG LDAN PAS, KHAMS GSUM NA BAG RKYONG ZHING BDUD DANG LOG PAR LTA BA THAMS CAD ZIL GYIS MNAN TE, DAM PA'I CHOS STON CING GZHAN GYI DON MDZAD PA'I PHYIR RO, , YE SHES PHUN SUM TSOGS PA'I DBANG DU MDZAD NAS, THAMS CAD MKHYEN PA ZHES BYA BA GSUNGS TE, CI'I PHYIR DE BZHIN GSHEGS PA THAMS CAD MKHYEN PA ZHES BYA ZHE NA, DE NI 'JIG RTEN LAS 'DAS PA DANG, ZAG PA DANG ZAG PA MED PA DANG, 'DUS BYAS DANG 'DUS MA BYAS DANG, BLA NA YOD PA DANG BLA NA MED PA'I CHOS JI SNYED PA DANG, JI LTA BA DE DAG THAMS CAD SKYES BU MIG DANG LDAN PA'I LAG MTHIL DU SKYU RU RA'I 'BRAS BU BZHAG PA BZHIN DU THAMS CAD MA LUS PAR GZIGS PA YIN PA'I PHYIR THAMS CAD MKHYEN PA ZHES BYA'O, ,YANG KHA CIG NA RE RNAM PA BZHI'I THAMS CAD MKHYEN PA ZHES 'CHAD DE, BZHI GANG ZHE NA MA LUS PA DANG, TSAD MED PA DANG, THUN MONG MA YIN PA DANG, MA NOR BAR MKHYEN PA'O, ,DE MA LUS PAR MKHYEN PA NI 'JIG RTEN PA DANG 'JIG RTEN LAS 'DAS PA DANG, 'DUS BYAS DANG 'DUS MA BYAS LA SOGS PA MA LUS PAR @006B MKHYEN PA'O, ,TSAD MED PAR MKHYEN PA NI NYAN THOS DANG, RANG SANGS RGYAS LTA BU STONG KHAMS GNYIS DANG GSUM SHES PA LTA BU NI TSAD YOD PA YIN GYI, DE BZHIN GSHEGS PA'I MKHYEN PA LA NI TSAD BZUNG ZHING DPAG TU MED PA'I PHYIR TSAD MED PAR MKHYEN PA'O, ,THUN MONG MA YIN PAR MKHYEN PA NI GANG NYAN THOS DANG, RANG SANGS RGYAS KYIS SHES SHING MTHONG BA NI DE BZHIN GSHEGS PAS MKHYEN GYI, DE BZHIN GSHEGS PAS THUGS SU CHUD PA NI GZHAN GYIS MI SHES PA'I PHYIR THUN MONG MA YIN PAR MKHYEN PA'O, ,MA NOR BAR MKHYEN PA NI BSHAD MA THAG PA'I GSUM PO LTAR MKHYEN PA YANG CHOS KYI CHOS NYID JI LTA BA BZHIN DU PHYIN CI MA LOG PAR MKHYEN PA'I PHYIR RO ZHE'O, ,YANG NA SKYE MCHED BCU GNYIS MKHYEN PA'I PHYIR YANG THAMS CAD MKHYEN PA ZHES BYA STE, LUNG LAS KYANG BRAM ZES GSOL PA, BCOM LDAN 'DAS KYI MTSAN THAMS CAD MKHYEN ZHES BGYI BA YAB YUM GYIS BTAGS SAM, YON TAN GYIS MTSAN DU GSOL, BKA' STZAL PA, BRAM ZE NGA'I MING THAMS CAD MKHYEN PA ZHES BYA BA NI YON TAN LAS MTSAN DU GSOL BA STE, SKYE MCHED BCU GNYIS MKHYEN PA'I PHYIR RO, ,BRAM ZES GSOL PA, DE LTAR NA RNAM PAR SHES PAS THAMS CAD MKHYEN PA ZHES MTSAN GSOL PA MI RIGS SO, BKA' STZAL PA, PHYI'I SKYE MCHED DANG, NANG GI SKYE MCHED 'DUS PA LAS RNAM PAR SHES PA 'BYUNG BAS NA BCU GNYIS SU 'DUS TE, DE'I PHYIR THAMS CAD MKHYEN PA ZHES BYAS KYANG 'GAL BA MED DO, ,THUGS RJE PHUN SUM TSOGS PA'I DBANG DU MDZAD NAS, RIN CHEN MDZOD BRNYES PA ZHES BYA BA GSUNGS SO, ,DPER NA RIN PO CHE YOD NA BANG MDZOD DGOS PA BZHIN DU, DE LA RIN CHEN ZHES BYA BA NI DE BZHIN GSHEGS PAS GSUNG PA, DAM PA'I CHOS SNGAR BSHAD PA RNAM PA GSUM LA BYA STE, DE'I MDZOD LTA BUR GYUR PA NI NYAN THOS KYI DGE SLONG LA SOGS PA DAG YIN PAS, MDO NGAG LAS KYANG, SANGS RGYAS LTA BU'I STON PA MED, ,DAM CHOS LTA BU'I 'DREN PA MED, ,DGE 'DUN LTA BU'I SNOD KYANG MED, ,CES GSUNGS SO, ,DE YANG BCOM LDAN 'DAS KYIS THUGS RJE'I BYIN GYIS BRNYES @007A *, ,PAS NA, 'DI LA THUGS RJE PHUN SUM TSOGS PA ZHES BYA'O, ,'BRAS BU KHYAD PAR GYI PHUN SUM TSOGS PA'I DBANG DU MDZAD NAS, ZHABS LA TSANGS DBANG GTZUG GI NOR BUS GTUGS, ,ZHES BYA BA GSUNGS SO, ,MTSAN DANG DPE BYAD LA SOGS PA'I YON TAN RNAMS KYIS BRGYAN PA, SANGS RGYAS BCOM LDAN 'DAS KYI ZHABS LA GZUGS KYI BSAM GTAN DANG PO LA DBANG BA TSANGS PA DANG, PADMA 'BYUNG BA ZHES KYANG BYA BA DANG, SUM CU RTZA GSUM GYI LHA'I RGYAL PO DBANG PO DANG, BRGYA BYIN DANG, MIG STONG ZHES BYA BA SPYI GTZUG GI NOR BU RIN PO CHE YOD PAS GTUGS TE, PHYAG BYAS NA GZHAN LTA CI SMOS ZHES KHYAD PAR DU BSTAN PA'O, ,BDAG GI DON PHUN SUM TSOGS PA'I DBANG DU MDZAD NAS, SDUG BSNGAL RGYA MCHO GTING MTHA' MED BRGAL BA, ,ZHES BYA BA GSUNGS TE, DE LA SDUG BSNGAL ZHES BYA BA NI GSUM DANG BRGYAD DE GSUM GANG ZHE NA, 'DU BYED DANG, 'GYUR BA DANG, SDUG BSNGAL GYI SDUG BSNGAL LO, ,BRGYAD NI SKYE BA DANG, RGA BA DANG, NA BA DANG, 'CHI BA DANG, SDUG PA DANG BRAL BA DANG, MI SDUG PA DANG PHRAD PA DANG, 'DOD PAS PHONGS PA DANG, PHUNG PO LNGA RGYAS PA'I SDUG BSNGAL LO; ,RGYA MTSO DANG PHA MTHA' MED CES BYA BA NI DPE STE, JI LTAR RGYA MTSO LA PHA ROL GYI 'GRAM DANG, GTING GI MTHA' MED PAS BRGAL BAR DKA' BA DE BZHIN DU, THOG MA MED PA'I DUS NAS LAS DANG NYON MONGS PA BSAGS PA'I 'BRAS BU SDUG BSNGAL RNAMS KYANG, RGYA MTSO DANG 'DRA BAR PHA MTHA' MED DE BRGAL DKA' BA DE LAS DE BZHIN GSHEGS PA NYAG GCIG GIS BRGAL BAS NA 'DIS BDAG GI DON PHUN SUM TSOGS PA ZHES BYA'O, ,BYANG CHUB GNYIS PO YANG SDUG BSNGAL DE DAG LAS MA BRGAL BA MA YIN GYI, PHYIS DE BZHIN GSHEGS PAS BZLAS PAR ZAD DE, THOG MAR BRGAL BA NYID BSTAN PA'I PHYIR NYAG GCIG SMOS SO, ,YANG NA BYANG CHUB GNYIS KYI SDUG BSNGAL LAS BRGAL BA TZAM DU ZAD KYI SDUG BSNGAL GYI CHOS NYID YANG DAG PA JI LTA BA BZHIN DU MA RTOGS PA'I PHYIR RO, ,DE BZHIN GSHEGS PA NYAG GCIG CES SMOS KYANG 'GAL BA MED DO, ,SDUG @007B BSNGAL RGYA MTSO DANG 'DRA STE MTHA' MED PA DE BZHIN GSHEGS PAS BRGAL ZIN PAS, PHA MTHA' MED CES BSTAN PA 'GAL LO ZHE NA, PHA MTHA' MED CES BYA BA SO SO SKYE BO 'JUG PA ZHEN PA LA BYA'I, BSKAL PA GRANGS MED PA NAS DKA' BA SPYAD DE, SA DANG PHA ROL TU PHYIN PA RNAMS RDZOGS NAS, THAMS CAD MKHYEN PA'I YE SHES LHUN GYIS GRUB PAS BRGAL BA LA NI PHA MTHA' MED PA 'ANG MA YIN PAS 'GAL BA MED DO, ,ZHAR LA GRUB PA'I 'BRAS BU PHUN SUM TSOGS PA'I DBANG DU MDZAD NAS, 'GRO BA'I GTZO LA SPYI BOS PHYAG 'TSAL TE, ,ZHES BYA BA GSUNGS SO; ,DE LA 'GRO BA ZHES BYA BA NI KHAMS GSUM NA RGYUN MI 'CHAD PAR LAS DANG NYON MONGS PA'I DBANG GIS 'KHOR BA NAS 'GRO BA ZHES BYA STE, 'GRO BA LNGA 'AM DRUG TU BSTAN PA RNAMS SO, ,DE'I GTZO BOR GYUR PA NI SANGS RGYAS BCOM LDAN 'DAS RNAMS TE, DE LA GTZO BO ZHES BYA BA NI MCHOG DANG, DAM PA DANG, KHYAD PAR CAN ZHES BYA BA'I RNAM GRANGS SU GTOGS PA'O, ,SPYI BOS PHYAG 'TSAL BA NA 'DUL BA LA YANG DAG PAR SDUD PA'I DUS SU, 'PHAGS PA NYE BAR SKYONG GIS PHYAG BYAS PA'O, ,SO SOR THAR PA'I MDO BSHAD PA'I GNAS BSTAN PA'I PHYIR, THAMS CAD MKHYEN PA'I BSLAB TSIG RIN CHEN SNOD, ,'PHAGS PA'I TSOGS KYI DBUS SU DBYE BAR BYA, ,ZHES GSUNGS TE, DE LA THAMS CAD MKHYEN PA ZHES BYA BA NI SNGAR BSHAD PA BZHIN NO, ,DE LA BSLAB PA NI SROG GCOD PA LA SOGS PA LTUNG BA SDE LNGA'I NYES PA LNGAS ZLOG PAR BYED PA RNAMS SO, ,TSIG CES BYA BA NI BRJOD PA DANG, BSHAD PA STE DES GO BAR BYED PA'O, ,RIN CHEN ZHES BYA BA NI DKON PA'I PHYIR TE, 'DUL BA RNAMS SO, ,SNOD CES BYA BA NI 'DUL BA RIN PO CHE RNAMS KYI SNOD DE SO SOR THAR PA 'DI NYID YIN PAR BSTAN TE, YANG NA SNOD CES BYA BA NI 'PHAGS PA'I BSLAB TSIG RIN CHEN GYI SNOD YIN BAR BSHAD DE, SO SOR THAR PA NYID BSLAB TSIG RIN CHEN YIN PAS SNOD DU MI SBYAR RO, ,DE LA 'PHAGS PA ZHES BYA BA NI SDIG PA LAS RING DU GYUR PA'I PHYIR RO, ,TSOGS NI BZHI YAN CHAD DU 'DUS PA LA BYA STE, DPER NA JI LTAR RIN PO CHE YANG YA RABS LA BSTAN NA BZANG BAR SHES PA DANG @008A *, ,'DRA BAR THAMS CAD MKHYEN PA'I BSLAB TSIG RIN PO CHE DANG 'DRA BAR SO SOR THAR PA 'DI YANG 'PHAGS PA DAG GI DBUS SU BSHAD PAR BYA'I, BYIS PA GLEN PA MI GSAL BA DAG GI DBUS SU BSTAN KYANG DON MED PA'I PHYIR 'PHAGS PA'I TSOGS KYI DBUS SU DBYE BAR BYA'O ZHES BSTAN PA YIN NO, ,SO SOR THAR PA NYID KYI LEGS PA'I YON TAN BSTAN PA ZHES BYA BA STON TO, ,DE'I PHYIR, SANGS RGYAS KYIS NI 'DUL BA MTSO, ,ZHES BYA BA NAS, DGE SLONG MNGON SUM NYID DU BSTOD, ,CES PA'I BAR DU GSUNGS SO, ,'DI LA YANG DON RNAM PA BRGYAD KYIS BSTAN PAR BYA STE; 'DUL BA RNAMS KYI GNAS BSTAN PA DANG, 'DI GSANG BA YIN PAR BSTAN PA DANG, BLA NA MED PA'I RGYUR BSTAN PA DANG, 'TSAL BA'I TSUL KHRIMS KYI GNYEN PO BSTAN PA DANG, BDAG MED PA'I GNYEN POR BSTAN PA DANG, NGAN SONG RNAMS SPANG ZHING MNGON PAR MTHO BA THOB PA'I RGYU BSTAN PA DANG, NYON MONGS PA SPANG ZHING MYA NGAN LAS 'DAS PA'I RGYU BSTAN PA DANG, STON PA DANG 'DRA BAS BSTAN PA'O, ,DE LA 'DUL BA RNAMS KYI GNAS BSTAN PA ZHES BYA BA SNGAR BSHAD PA'I PHYIR, SANGS RGYAS KYI NI 'DUL BA MTSO, ,MA LUS GTING DANG PHA ROL MED, ,GNAS DANG SNYING GI SNYING PO NI, ,SO SOR THAR PA 'DI YIN NO, ,ZHES BYA BA GSUNGS SO, ,SANGS RGYAS KYI NI ZHES PA PHYI ROL PA RNAMS DGAG PA'I PHYIR RO, 'DUL BA NI DUG GSUM 'DUL ZHING NYES PA LAS BZLOG PA 'AM, YANG NA RNAM PAR 'DREN ZHES KYANG BYA STE, NGAN SONG GSUM LAS 'DREN CING BDE BA'I GNAS SU 'JOG PA'I PHYIR RO, ,MTSO GTING DANG PHA ROL MED CES BYA BA NI 'DUL BA RNAMS MANG BA'I DPE STE, JI LTAR RGYA MTSO PHA ROL DANG GTING MED PAS GRANGS MANG ZHING ZAB PA DE BZHIN DU 'DUL BA YANG GRANGS MANG ZHING ZAB PAS SEMS CAN RNAMS KYI SHES PAR DKA' BA DE DAG MA LUS PAR MDO 'DI'I NANG DU 'DUS PA'I PHYIR RO, ,GTING DANG PHA ROL MED PA LUS, ,ZHES RMONGS PA'I RIGS PA LAS TSIGS BCAD LA MI BDE NAS, MA LUS GANG DU SMOS TE DE BZHIN DU RIG PAR BYA'O, ,DE LA GNAS ZHES PA NI 'DUL BA RNAMS KYI GZHI @008B 'AM RTEN LTA BU SO SOR THAR PA 'DI GNAS PA'I PHYIR RO, ,SNYING GI SNYING PO ZHES BYA BA LA STON PAS GSUNGS PA'I CHOS RNAMS KYI NANG DU 'DUS PA NI GSANG BA YIN PAS SNYING PO YIN LA, DE RNAMS KYI SNYING PO NI SO SOR THAR PA YIN PAS SNYING PO ZHES BYA'O, ,SO SOR THAR PA 'DI YIN NO ZHES BYA BA NI 'DI NYID YIN PAR BSTAN PA'O, ,'DI GSANG BA YIN PAR BSTAN PA ZHES BYA BA STON TE, DE'I PHYIR, 'DI NI DAM CHOS RGYAL PO YI, ,DAM CHOS MI BRI BSDUS PA YIN, ,ZHES BYA BA GSUNGS SO, ,DE LA 'DI NI ZHES SMOS PAS SO SOR THAR PA 'DI NYID DO, ,DAM CHOS RGYAL PO ZHES BYA BA NI JI LTAR RGYAL POS YUL DANG MI RNAMS LA DBANG BYED PA DE BZHIN DU, DE BZHIN GSHEGS PA YANG 'JIG RTEN DANG 'JIG RTEN LAS 'DAS PA'I CHOS THAMS CAD LA MNGA' BRNYES PA'I PHYIR RO, ,DAM CHOS MI BRI BSDUS PA YIN, ,ZHES BYA BA NI GSUNG RAB BCU GNYIS LA MDO SDE DANG CHOS MNGON PA DAG NI YI GER BRI ZHING BSTAN PAR BYA BA YIN GYI 'DUL BA NI GSANG BAS NA YID LA BRI ZHING GZUNG BAR BYA BA YIN PA'I PHYIR RO, ,MA 'ONGS PA'I SKYE BO DBANG PO ZHAN PA DAG NI YI GER BRI ZHING BSTAN PA YANG GNANG STE, MDO PHRA MO LAS BCOM LDAN 'AS LA TSE DANG LDAN PA AU PA LIS ZHUS PA, BTZUN PA MA 'ONGS PA'I DUS NA DGE SLONG DRAN PA NYAMS PA DANG, DRAN PA ZHAN PA DAG BYUNG STE, DE DAG GIS GRONG DANG GROR KHYER GANG DU, JI LTAR GNAS SHING BSLAB PA'I GZHI GANG DU BCAS PA DE DAG GI MA 'TSAL NA CI LTA BUR NAN TAN BGYI, BKA' STZAL PA DRAN PA NYAMS PA DANG, DRAN PA ZHAN PA DE DAG GIS 'DUL BA RNAMS LO MA LA YI GER BRIS LA BCANG BAR BYA STE, DE LA THE TSOM MA BYED CIG CES GSUNGS PA'I PHYIR RO, ,BLA NA MED PA'I RGYUR BSTAN PA ZHES BYA BA BSTAN PA'I PHYIR, 'DI NI DGE SLONG TSONG PA YI, ,BSLAB ZONG TSONG KHANG CHEN PO'O, , ZHES BYA BA GSUNGS TE, 'DI'I DON NI DPE LAS RIG PAR STE, JI LTAR TSONG PA RNAMS TSONG 'DUS NA NOR RIN PO CHE RNAMS NYO 'CHONG ZHING KHE TSOL BA DANG 'DRA BAR, DGE SLONG MAS KYANG BSLAB PA 'DI ZONG DU THOGS NAS, BLA NA MED PAR KHE TSOL BA LA SO SOR THAR PA 'DI 'PHAGS PA'I @009A *, ,'BYUNG GNAS SU GYUR PA'I PHYIR BSLAB ZONG TSONG 'DUS CHEN PO ZHES BSHAD DO, ,DE LA 'DI ZHES BYA BA NI SO SOR THAR PA 'DI NYID DO, ,DGE SLONG ZHES BYA BA NI MYA NGAN LAS 'DAS PA'I DON SLONG ZHING TSOL BA DANG, GSOL BA DANG BZHI'I LAS KYIS BSNYEN PAR RDZOGS LA, CHOS DANG MTHUN PAR BSOD SNYOMS LEN PAS 'TSO BAS NA DGE SLONG ZHES BYA'O, ,BSLAB PA NI TSUL KHRIMS LA BSTAN NAS NYON MONGS PA ZAD PAR SLOB CING SBYONG BA NA BSLAB PA ZHES BYA'O, ,CHEN PO NI BLA NA MED PA'I ZONG SO SOR THAR PA 'DI MA YIN PA GZHAN MED PA'I PHYIR RO, ,GZHAN NI BRDA SPRAD PAR ZAD DO; ,'CHAL BA'I TSUL KHRIMS KYI GNYEN PO BSTAN PA ZHES BYA BA BSTAN PA'I PHYIR, TSUL KHRIMS NGAN PAS ZIN PA YI, ,GDUG PA SEL BA'I SMAN 'DI YIN, ,ZHES BYA BA GSUNGS SO, ,JI LTAR GDUG PAS ZIN PA LA, ,DUG SMAN GYIS 'CHO BA DE BZHIN DU TSUL KHRIMS NGAN PA STE; LUS DANG NGAG DANG YID GSUM GYI SGO NAS, KHA NA MA THO BA SPYOD PA RNAMS LAS BZLOG CING MDO 'DI LAS 'BYUNG BA BZHIN DU SPYAD NA KHA NA MA THO BA DE DAG LAS GROL ZHING BDE BA 'THOB PA'I PHYIR TSUL KHRIMS NGAN PAS ZIN PA'I DUG LA SO SOR THAR PA 'DI SMAN DANG 'DRA BA'I PHYIR RO, , DE LA TSUL KHRIMS ZHES BYA BA NI, ,SH'I LA ZHES BYA BA'I SGRA LAS DRANGS NAS LEGS PAR SPYOD PA LA ZHUGS SHING TSUL KHRIMS DAM POS BSRUNGS PAS MI DGE BA SPANGS PA'I MING LA BYA, YANG GCIG TU NA NYON MONGS PA'I GDUNG BA ME DANG 'DRA BA ZHI ZHING BSIL BAR GYUR PA'I MING YANG YIN TE, DNGOS SU NA DANG TSUL GYIS MI DGE BA MI SPYOD CING TSUL KHRIMS BSRUNG BA'I MING STE, DE'I PHYIR TSUL KHRIMS ZHES BYA'O, ,BAG MED PA'I GNYEN POR BSTAN PA ZHES BYA BA STON TE DE'I PHYIR, 'DI NI LANG TSO 'KHRUL PA YI, ,GLANG PO GZHON NU'I LCAGS KYU'O, ,ZHES BYA BA GSUNGS TE; DPER NA GLANG PO CHE LANG TSO LA BAB PA G-YENG SA LA SOGS PA BAG MED PAR MCHONG ZHING 'GRO BAS BDAG GI SROG GI BAR CHAD DU YANG 'GYUR LA DE'I ZHOR GYIS SROG CHAGS MANG PO 'CHI ZHING SKRAG PAS BDAG DANG GZHAN LA GNOD PAR 'GYUR PA DE LA GLANG PO CHE'I THABS LA MKHAS @009B BAS LCAGS KYUS BCOS NA DUL BAR 'GYUR BA DE BZHIN DU, DGE SLONG MA LANG TSO LA BAB PA BAG MED CING SEMS NANG DU 'JOG MI NUS PA RNAMS SO SOR THAR PA'I LCAGS KYU 'DIS BCOS SHING BTUL NA, SEMS LAS SU RUNG ZHING LANG TSO'I NYES PA LAS GROL BA'I PHYIR SO SOR THAR PA 'DI NI LCAGS KYU'I SGRAR BSTAN TO, ,DE LA LANG TSO'I DUS NI 'DOD PA SPYOD NUS PA NAS LO SUM CU MAN CHAD LA BYA'O, ,NGAN SONG RNAMS SPANG ZHING MNGON PAR MTHO BA 'THAB PA'I RGYU BSTAN PA ZHES BYA BA BSTAN PA'I PHYIR, NGAN 'GRO 'KHOR BA ZAB MO LAS, ,SGROL BA'I GZINGS NI 'DI YIN NO, ,'DI NI BZANG 'GROR 'GRO BA YI; ,STEGS DANG ZAM PAR NGES PA'O, ,ZHES GSUNGS SO, ,DE LA NGAN 'GRO NI GSUM STE, SEMS CAN DMYAL BA DANG, DUD 'GRO DANG, YI DAGS SO, ,'KHOR BA ZHES BYA BA NI NGAN SONG GSUM PO DE DAG TU NYE BAR LEN PA'I PHUNG PO YANG DANG YANG DU LEN PA'I PHYIR RO, ,ZAB MO ZHES BYA BA NI RNAM PA GNYIS TE, SHIN TU 'JIGS PA DANG, BRGAL BAR DKA' BA'O, ,DE LA SHIN TU 'JIGS PA NI NGAN SONG GI 'BRAS BU STE, TSA BA DANG, GRANG BA DANG, NYE BA DANG, NYE TSE'I DMYAL BA DAG TU SKYES PA RNAMS GTUB CING GSHEGS PA LA SOGS PA'I 'JIGS PA DANG, DUD 'GRO GLEN ZHING GTI MUG STE, NYING SHA NYING GIS ZA BA LA SOGS PA'I 'JIGS PA DANG, YI DAGS BKRES SKOM GYIS GDUNGS PAS 'JIGS PA'O, ,BRGAL BAR DKA' BA NI NGAN SONG DE DAG RGYA MTSO DANG 'DRA BA'I PHYIR RO, ,SGROL BA'I GZINGS ZHES BYA BA NI DPE STE, JI LTAR RGYA MTSO'I PHA ROL TU BGROD NA GRU DANG GZINGS KYI SA PHA ROL TU PHYIN PAR BYED PA DE BZHIN DU, NGAN SONG GSUM PO DE DAG GI SDUG BSNGAL RGYA MTSO DANG 'DRA BA DE LAS BZLA BAR 'DOD PA RNAMS KYIS SO SOR THAR PA 'DI LAS 'BYUNG BA BZHIN DU SPYAD NA SDUG BSNGAL DE DAG LAS GROL BAR 'GYUR BAS NA, GZINGS DANG 'DRA ZHES BSHAD DO, ,BZANG 'GRO ZHES BYA BA NI LEGS PA DANG BDE BA'I GNAS SU 'GRO BA MNGON PAR MTHO BA STE, LHA DANG MI'I 'GRO BA LA BYA'O, ,'GRO BA'I STEGS DANG ZAM PA ZHES BYA BA NI LHA DANG MI'I GNAS DER 'GRO BA'I STEGS DANG ZAM PA STE, JI LTAR CHU BO LA STEGS DANG ZAM PAS BRGAL BAR 'GYUR BA DANG 'DRA BA LHA DANG @010A *, ,MI'I STEGS DANG ZAM PAR NGES PA'I SO SOR THAR PA 'DI LAS 'BYUNG BA BZHIN BYAS NA LHA DANG MI'I BDE BA MYONG BAR 'GYUR BA'I PHYIR RO, ,NGES PA ZHES BYA BA NI GDON MI ZA BA'I THA TSIG GO, ,NYON MONGS PA SPANG ZHING MYA NGAN LAS 'DA' BA'I RGYU BSTAN PA ZHES BYA BA STAN TE, DE'I PHYIR; 'DI NI NYON MONGS PHAM BYED LAM, ,RGYAL BA YI NI 'DREN PA MCHOG ,'DI NI THAR PA'I GRONG 'JUG PA'I, ,THEM SKAS GZHI DANG 'DRA BAR GNAS, ,ZHES BYA BA GSUNGS SO, ,'DI NI ZHES BYA BA NI SO SOR THAR PA 'DI NYID DO, ,NYON MONGS PA ZHES BYA BA NI GNYIS TE, MTHONG BAS SPANG BAR BYA BA DANG, BSGOM PAS SPANG BAR BYA BA STE, BRGYAD CU RTZA BRGYAD DANG, ,BCUR BSTAN PA RNAMS SO, ,THEG PA CHEN PO'I BSTAN BCOS LAS NI MTHONG BA DANG BSGOM PAS SPANG BAR BYA BA'I NYON MONGS PA NI BRGYAD CU RTZA GNYIS DANG, BCU DRUG YOD CES 'CHAD DO, ,PHAM BYED LAM ZHES BYA BA NI NYON MONGS PA SPANG ZHING PHAM PAR BYED PA'I LAM STE, SO SOR THAR PA 'DI NYID YIN PAR BSTAN TO, ,RGYAL PO'I 'DREN PA MCHOG CES BYA BA NI DPE STE, JI LTAR RGYAL POS GZHAN GYI DGRA LA RGOL NA, SA MKHAN GYIS DANG POR DRANGS TE, DE NAS DMAG GI DPUNG GIS 'JOMS PAR BYED PA DANG 'DRA BAR, DGRA DANG 'DRA BA'I NYON MONGS PA DE GZHOM NA, SNGAR TSUL KHRIMS LA BRTEN NAS DE'I 'OG TU 'PHAGS PA'I LAM GYIS NYON MONGS PA SPANG BAR 'GYUR BA'I PHYIR RO, ,LAM NI RGYAL PO LTA BUR BSTAN LA, LAM DE 'DREN PA'I MCHOG NI SO SOR THAR PA YIN PAR BSHAD DO, ,THAR PA'I GRONG KHYER 'JUG PA YI; ,ZHES BYA BA NI MYA NGAN LAS 'DA' BA'I GRONG KHYER NYID DU 'JUG GO, ,THEM SKAS GZHI DANG 'DRA BAR GNAS, ,ZHES BYA BA NI, JI LTAR GRONG KHYER MTHON PO'I STENG DU 'DZEGS NA SKAS LA BRTEN CING SKAS KYANG GZHI SA LA BRTEN DGOS PA DANG 'DRA BAR, GANG DAG MYA NGAN LAS 'DA' BA'I GRONG KHYER DU 'JUG PAR 'DOD PA RNAMS KYANG, THEM SKAS KYI GZHI DANG 'DRA BAR SO SOR THAR PA 'DI LA BRTEN DGOS PA'I PHYIR, 'PHAGS PA'I LAM NI THEM SKAS SU BSTAN LA, DE'I GZHI DANG 'DRA BAR NI SO SOR THAR PA 'DI NYID YIN PAR BSTAN TO, ,STON PA DANG 'DRA BAR BSTAN PA ZHES BYA BA BSTEN PA'I PHYIR, NGA NI MYA NGAN 'DAS @010B GYUR NA, ,'DI NI KHYOD KYI STON ZHES KYANG, ,RANG BYUNG NYID KYIS NAN TAN DU, ,DGE SLONG MNGON SUM NYID KYIS BSTOD, ,CES BYA BA GSUNGS SO, ,'DI NI STON PA LHAG MA MA LUS PA'I MYA NGAN LAS 'DA' BAR NYE BA ZHIG NA, KUN DGA' BO LA SOGS PA DGE SLONG RNAMS KYIS GSOL PA, BCOM LDAN 'DAS MYA NGAN LAS 'DAS PA'I 'OG TU, DGE SLONG KHYIM SUN 'BYIN PA DANG, SDIG TO CAN DANG JI LTAR LHAN CIG GNAS SHING BSTAN PA BZHIN DU BGYI, STON PA NI SUS BGYI ZHES GSOL BA'I LAN DU GSUNGS SO, ,DE LA NGA NI ZHES BYA BA NI MU STEGS CAN GYIS BTAGS PA'I NGA YOD PA MA YIN GYI, GZHAN DAG GO BAR BYA BA'I PHYIR RAM GONG NA MED PAS CHE'O ZHES BYA BA'I THA TSIG GO, ,MYA NGAN 'DAS GYUR NA ZHES BYA BA NI GNYIS TE, LHAG MA DANG BCAS PA DANG, LHAG MA MED PA STE SKABS 'DIR NI LHAG MA MED PA'I MYA NGAN LAS 'DAS PA GZUNG NGO, ,'DI NI ZHES BYA BA NI 'DI NYID DO, ,KHYED KYI STON PA ZHES BYA BA NI DGE SLONG MA RNAMS KYI STON PA STE, DE BZHIN GSHEGS PA DANG 'DRA BAR BLTA BAR BYA'O ZHES BSTAN PA'O, ,RANG 'BYUNG ZHES BYA BA NI GZHAN GYI DRING LAS SKYES PA MA YIN GYI, DE BZHIN GSHEGS PA NYID KYIS CHOS NYID RTOGS NAS MNGON PAR RDZOGS PAR SANGS RGYAS PA'I PHYIR RO, , NYID KYIS NAN TAN DU ZHES BYA BA 'DIS YANG DAG PAR GSUNGS PA'O, ,MNGON SUM NYID DU BSTOD CES BYA BA NI 'DI LA STON PAR LTOS SHIG CES NYAN THOS RNAMS LA MNGON SUM DU GSUNGS PA'I PHYIR RO, ,DA NI SGRUB PAR BSKUL PA ZHES BYA BA STON TE, DE'I PHYIR SANGS RGYAS ZHES BYA BA'I SGRA 'DI YANG ZHES BYA BA NAS, MNYAN PA'I PHYIR NI 'BAD PAR BYA, ,ZHES BYA BA'I BAR DU GSUNGS SO, ,'DI LA YANG RNAM PA BZHIR DBYE STE, STON PA MTHONG ZHING THOS PA DANG, MI LUS RNYED PAR SHIN TU DKA' BAR BSTAN PA DANG, MI KHOM PA SPANGS NAS TSANGS PAR SPYOD PA RNYED PA SHIN TU DKA' BAR BSTAN PA DANG; DGE BA'I BSHES GNYEN RNYED PAR SHIN TU DKA' BA BSTAN PA DANG, MJUG BSDU ZHING RTZOL DU GZHUG PA'O, ,STON PA MTHONG ZHING THOS PA DANG, MI LUS RNYED PAR SHIN TU DKA' BAR BSTAN PA ZHES BYA BA'I DBANG DU BYAS NA, SANGS RGYAS ZHES BYA'I SGRA 'DI YANG, ,'JIG RTEN DAG NA @011A *, ,RAB TU DKON, ,MI NYID RNYED PAR SHIN TU DKA', ,ZHES BYA BA GSUNGS TE, DE LA SANGS RGYAS ZHES BYA BA NI GTI MUG GI GNYID SANGS PA NAS GNYID SANGS PA BZHIN TE SANGS PA LA SNYEGS, BLO BYE ZHING RGYAS PAS NA PADMA KHA BYE ZHING RGYAS PA DANG 'DRA BAS TSIG GI DON SPYIR BSDUS NAS, CHOS THAMS CAD THUGS SU CHUD CING MA LUS PAR BYANG CHUB PA'I PHYIR SANGS RGYAS ZHES BYA, DE LA MI ZHES BYA BA'I SGRA NI SHED SHES PA LAS SKYES PA'I PHYIR TE, DE LA DNGOS PO 'DOD PAR BYA BA YIN PA'I PHYIR RO, ,YANG NA DE DAG GIS THOS PA DANG LDAN PA RNAMS KYI YID LA RJOD PAR BYED PAS NA MI ZHES BYA'O ZHES YO GA TZA RA'I t'I KA LAS BSHAD DO, ,SANGS RGYAS ZHES BYA BA'I SGRA 'JIG RTEN NA CI'I PHYIR DKON ZHE NA, SANGS RGYAS 'JIG RTEN DU 'BYUNG BA SHIN TU RNYED PAR DKA' BA'I PHYIR TE, CIS MNGON ZHE NA, DAM PA'I CHOS PADMA DKAR PO'I MDO LAS, DGE SLONG DAG DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS NI 'BYUNG BA RNYED PAR DKA' STE, BSKAL PA BYE BA KHRAG KHRIG BRGYA STONG PHRAG MANG POR YANG 'JIG RTEN DU DE BZHIN GSHEGS PA MTHONG YANG SRID MI MTHONG BAR YANG SRID DE, DPER NA AU DUM W'A RA'I ME TOG BZHIN NO, , ZHES GSUNGS SO, ,RNAM PAR GTAN LA DBAB PA'I RGYAL PO'I MDO LAS, KUN DGA' BO 'DI LTA STE, AU DUM W'A RA'I ME TOG NI SANGS RGYAS SKYES PA DANG DUS GCIG TU 'BYUNG STE, KHA CIG LDAN ZHING GSAL TE, 'OD BZANG LA DRIS NI DPAG TSAD GCIG KHOR YUG TU KHYAB PAR BYED DO, ,ME TOG DES NI RAB RIB MED PAR BYED, ,DRAN PA YONGS SU SBYONG BAR BYED, ,NAD KYANG RAB TU ZHI BAR BYED, DRI NGA BA YANG SEL ZHING SNANG BAR BYED, DRI ZHIM PO YANG 'BYIN PAR BYED DO, ,DRI DES KHAMS BZHI DANGS PAR 'GYUR TE, 'KHOR LOS SGYUR BA'I RGYAL PO THAMS CAD LA YANG ME TOG MI 'BYUNG NA, SEMS CAN TSUL KHRIMS 'CHAL BA RNAMS DANG, SANGS RGYAS 'BYUNG BA DANG MTSUNGS PA'I ME TOG LTA 'BYUNG BAR GA LA 'GYUR ZHES GSUNGS SO, ,ME TOG DE CI 'DRA, GANG DU NAM SKYES SHE NA, RTOGS PA BRJOD PA'I MDO LAS MTSO CHEN PO MA DROS PA 'DAS PA'I BYANG PHYOGS NA, RI RTZE LNGA PA ZHES BYA BA @011B DE'I PHA ROL NA AU DUM W'A RA'I TSAL YOD DE, NAM SANGS RGYAS BCOM LDAN 'DAS DAG DGA' LDAN LHA'I RIS NAS BABS TE, YUM GYI LHUMS SU ZHUGS PA DE'I TSE TSAL DE KHA 'BU BAR BYED DO, ,NAM YUM GYI LHUMS NAS BLTAMS PA DE'I TSE TSAL DE KHA 'BYED PAR 'GYUR RO, ,NAM BLA NA MED PA YANG DAG PAR RDZOGS PA'I BYANG CHUB MNGON PAR RDZOGS PAR SANGS RGYAS PA DE'I TSE, TSAL DE'I ME TOG KYANG RAB TU RGYAS PAR 'GYUR RO, ,NAM TSE'I 'DU BYED 'DOR BA DE'I TSE, TSAL DE RNYINGS PAR 'GYUR RO, ,NAM YONGS SU MYA NGAN LAS 'DAS PA DE'I TSE TSAL DE'I LO MA DANG, ME TOG DANG, 'DAB MA DANG, 'BRAS BU YANG LHAGS PAR 'GYUR RO, ,ME TOG DE'I TSAD NI SHING RTA'I 'PHANG LO TZAM MO, ,NAM SANGS RGYAS BCOM LDAN 'DAS DAG RGYAL RIGS SU 'BYUNG BA DE'I TSE ME TOG DE DAG KHA DOG DKAR POR RAB TU 'GYUR RO, ,BRAM ZE'I RIGS KYI NANG DU 'BYUNG BA DE'I TSE YANG ME TOG DE DKAR POR 'GYUR RO ZHES GSUNGS SO, ,SDONG PO BKOD PA'I MDO LAS KYANG, ,GANG DAG MTHONG ZHING THOS PA DANG, ,BSNYEN BKUR BYAS PA DON YOD PA, ,'JIG RTEN 'DREN PA 'JIG RTEN NA, ,BSKAL PA BYE BAR RNYED PAR DKA', ,ZHES GSUNGS SO, ,BSKAL PA BZANG PO'I MDO LAS KYANG BSKAL PA BZANG PO 'DI'I 'OG TU SANGS RGYAS MED PA'I BSKAL PA DRUG CU 'BYUNG NGO, ,DE'I 'OG TU BSKAL PA SNYAN PA CHEN PO ZHES BYA BA 'BYUNG STE, BSKAL PA GCIG PU DE LA SANGS RGYAS KHRI 'BYUNG NGO, ,BSKAL PA SNYAN PA CHEN PO DE'I 'OG TU SANGS RGYAS MED PA'I BSKAL PA BRGYAD KHRI 'BYUNG NGO, ,DE'I 'OG TU BSKAL PA SKAR MA LTA BU ZHES BYA BA 'BYUNG STE, ,BSKAL PA DE GCIG PU LA SANGS RGYAS BRGYAD KHRI 'BYUNG NGO, ,BSKAL PA SKAR MA LTA BU DE'I 'OG TU BSKAL PA SUM BRGYAR SANGS RGYAS MI 'BYUNG NGO, ,DE'I 'OG TU YON TAN BKOD PA ZHES BYA BA'I BSKAL PA 'BYUNG STE, BSKAL PA DE GCIG PU LA SANGS RGYAS BRGYAD KHRI BZHI STONG 'BYUNG NGO ZHES GSUNGS TE, ,DE LTAR NA SANGS RGYAS 'BYUNG BA'I BSKAL PA NI NYUNG LA, SANGS RGYAS MED PA'I BSKAL PA NI MANG BA'I PHYIR STON PA 'JIG RTEN DU 'BYUNG BA MTHONG ZHING DE'I SGRA THOS PAR DKA' BAR MNGON NO, ,BRGYA LA SANGS RGYAS 'JIG RTEN DU BYUNG NA YANG MI LUS SHIN TU THOB PAR @012A *, ,DKA' STE, CIS MNGON ZHE NA, YANG DAG PAR LDAN PA'I LUNG LAS, DGE SLONG DAG 'DI LTA STE, DPER NAS CHEN PO 'DI CHU 'BA' ZHIG TU GYUR LA DE'I NANG DU MI 'GA' ZHIG GIS SHING BU GA GCIG PA ZHIG BOR TE, DE SHAR GYI RLUNG GIS NUB PHYOGS SU PHUL, NUB KYI RLUNG GIS NI SHAR PHYOGS SU PHUL, BYANG GI RLUNG GIS NI LHO PHYOGS SU PHUL, LHO'I RLUNG GIS NI BYANG PHYOGS SU PHUL LA, ,DE NA RUS SBAL ZHAR BA TSE LO BRGYA PHRAG DU MA THUB PA DANG, LO BRGYA PHRAG DU MAR 'TSO BA, LO BRGYA 'DAS SHING LAN CIG STENG DU 'BYUNG BA DE BU GA GCIG GI SHING DER MGRIN PA 'JUG NA, DGE SLONG DAG DE JI SNYAM DU SEMS RUS SBAL ZHAR BA TSE LO BRGYA PHRAG DU MA THUB PA LA BRGYA PHRAG DU MAR 'TSO BA DE LO BRGYA 'DAS SHING LAN CIG STENG DU 'BYUNG BA DES, SHING BU KHA GCIG PA DER MGRIN PA CHUD DAM, GSOL BA BCOM LDAN 'DAS STES NA 'GYUR LAGS SO, ,BKA' STZAL PA, DGE SLONG DAG DE BZHIN DU, DE BZHIN GSHEGS PA RNAMS BRGYA LAM NA 'JIG RTEN DU 'BYUNG ZHING ZHI BAR 'GYUR BA, YONGS SU MYA NGAN LAS 'DA' BAR 'GYUR BA, RDZOGS PA'I BYANG CHUB TU RDZOGS PAR BYED PA, BDE BAR GSHEGS PAS RAB TU BSTAN PA'I CHOS STON TO, ,MIR 'GYUR BA YANG BRGYA LA BRGYA LAM NI STES NA THOB STE, SHIN TU RNYED PAR DKA'O ZHES GSUNGS PA'I PHYIR RO, ,MI KHOM PA SPANGS NAS TSANGS PAR SPYOD PA RNYED PAR SHIN TU DKA' BAR BSTAN PA'I DBANG DU BYAS TE, RAB TU BYUNG PA SHIN TU DKON, ,DE BZHIN RAB TU BYUNG RNAMS KYI, ,TSUL KHRIMS PHUN SUM TSOGS PA DKON; ,ZHES BYA BA GSUNGS SO, ,DE LA MI KHOM PA ZHES BYA BA NI BRGYAD DE, SEMS CAN DMYAL BA DANG, DUD 'GRO'I SKYE GNAS DANG, GSHIN RJE'I 'JIG RTEN DANG, LHA TSE RING PO DANG, MTHA' 'KHOB KYI MI DANG, DBANG PO MA TSANG BA DANG, LOG PAR LTA BA DANG, SANGS RGYAS MA BYUNG BA'I SKABS SU SKYES PA'O, ,BRGYAD PO DE DAG LA MI KHOM PA ZHES BSTAN CING, NGAL BA 'BYOR PA RNYED PA DKA' BAR CIS MNGON ZHE NA, GCIG LAS 'PHROS PA'I LUNG LAS, DGE SLONG DAG MI KHOM PA BRGYAD PO 'DI DAG NI GANG ZAG TSANGS PAR SPYOD PA LA GNAS PA'I DUS MA YIN NO, ,BRGYAD GANG ZHE NA DGE @012B SLONG DAG 'DI LA DE BZHIN GSHEGS PA 'JIG RTEN DU 'BYUNG STE, ZHI BAR 'GYUR BA, YONGS SU MYA NGAN LAS 'DAS PAR 'GYUR BA, RDZOGS PA'I BYANG CHUB TU 'GRO BAR BYED PA, BDE BAR GSHEGS PAS RAB TU BSTAN PA'I CHOS STON NA, GANG ZAG DE SEMS CAN DMYAL BAR SKYES PA YIN TE, DE NI GANG ZAG TSANGS PAR SPYOD PA LA GNAS PA'I DUS YIN PA MI KHOM PA DANG PO'O, ,DE BZHIN DU DUD 'GRO'I SKYE GNAS DANG, GSHEN RJE'I 'JIG RTEN DANG, LHA TSE RING PO DANG, MTHA' 'KHOB KYI MI RKU 'PHROG BYED PA DANG, KLA KLO DANG BRNAB SEMS CAN DANG GNOD SEMS CAN GANG DU DGE SLONG DANG, DGE SLONG MA DANG, DGE BSNYEN DANG, DGE BSNYEN MA MI 'ONG BA'I NANG DU SKYES PA YIN NO, ,'JIG RTEN 'DIR DE BZHIN GSHEGS PA BYUNG STE CHOS KYI STON LA, GANG ZAG DE DBUS KYI MI'I NANG DU YANG SKYES NA, DE GLEN ZHING LUG LTAR LKUGS PA, LAG BRDA BYED CING LEGS PAR SMRAS PA DANG, NYES PAR SMRAS PA'I DON GO BA'I MTHUN MED PA YIN NO, ,DE BZHIN GSHEGS PA 'JIG RTEN 'DIR BYUNG STE, CHOS KYANG STON LA, ,GANG ZAG DE DBUS KYI MI'I NANG DU YANG SKYES SHING DE GLEN PA MA YIN PAS NA DON GO BA'I MTHU YOD PA'I BAR DU YANG GYUR NA, DE LOG PA BLTA ZHING PHYIN CI LOG TU MTHONG STE; DE 'DI LTAR SBYIN PA YANG MED, MCHOD SBYIN YANG MED, SBYIN SREG BYAS PA'ANG MED, LEGS PA DANG, NYES PA BYAS PA'I LAS KYI 'BRAS BU RNAM PAR SMIN PA YANG MED, 'JIG RTEN 'DI DANG 'JIG RTEN PHA ROL YANG MED, PHA DANG MA YANG MED, 'JIG RTEN NA DGE SBYONG DANG, BRAM ZE YANG DAG PAR SOD BA DANG, YANG DAG PAR ZHUGS PA DANG, DGRA BCOM PA 'JIG RTEN RIG PA GANG RANG GI MNGON PAR SHES PAS 'JIG RTEN 'DI DANG PHA ROL MNGON SUM DU BYAS TE, KHONG DU CHUD PAR BYED PA YANG MED PAR LTA BA YIN NO, ,GZHAN YANG GANG ZAG DBUS KYI MI RNAMS KYI NANG DU SKYES TE, GLEN PA MA YIN PA NAS 'JIG RTEN 'DI DANG PHA ROL MNGON SUM DU BYAS TE, KHONG DU CHUD PAR BYED PA YANG YOD PA'I BAR DU LTA NA, DE BZHIN GSHEGS PA 'JIG RTEN DU MA BYUNG STE, ZHI BAR 'GYUR BA YONGS SU MYA NGAN LAS 'DA' BAR 'GYUR BA, RDZOGS PA'I BYANG CHUB TU 'GRO BAR BYED PA, BDE BAR GSHEGS PAS @013A *, ,RAB TU BSTAN PA'I CHOS MI STON PA YIN NO, ,GANG ZAG TSANGS PAR SPYOD PA LA GNAS PA'I DAL BA'I DUS NI GCIG STE, GONG MA BRGYAD PO DE DAG LAS BZLOG PA RNAMS YIN PAR GSUNGS PA'I PHYIR, BRGYAD PO DE DAG MI KHOM PA YIN ZHING, DAL BA 'BYOR BA SNYED PAR DKA' BAR MNGON NO, ,DE LTAR MI KHOM PA BRGYAD PO DE DAG SPONGS TE RAB TU BYUNG NAS TSUL KHRIMS PHUN SUM TSOGS PA DANG LDAN PA NI TSANGS PAR SPYOD PA ZHES BYA STE DE YANG MI KHOM PA BRGYAD PO DE DAG MA SPANGS KYI BAR DU MI 'THOB PA'I PHYIR SHIN TU RNYED PAR DKA' BA BSTAN TO, ,DE LA RAB TU BYUNG BA ZHES BYA BA NI, DGE BA'I CHOS LA 'DUN PA DE NYID KYI DBANG DU BYAS NAS, GSOL BA DANG BZHI'I LAS KYIS BSNYEN PAR RDZOGS PA DANG, DGE SBYONG GI TSUL KHRIMS YANG DAG PAR BLANGS PA GANG YIN PA'O, ,TSUL KHRIMS PHUN SUM TSOGS PA ZHES BYA BA NI, DE LTAR RAB TU BYUNG BA DE TSUL KHRIMS DANG LDAN PAR GNAS PA DANG, SO SOR THAR PA'I SDOM PAS BSDOMS PA DANG, CHO GA DANG SPYOD YUL PHUN SUM TSOGS PA DANG, KHA NAM THO BA PHRA RAB TZAM DAG LA YANG 'JIGS PAR LTA BA DANG, BSLAB PA'I GZHI RNAMS YANG DAG PAR BLANG ZHING SLOB PAR BYED PA GANG YIN PA'O, ,DGE BA'I BSHES GNYEN RNYED PAR SHIN TU DKA' BAR BSTAN PA'I DBANG DU BYAS NAS, TSUL KHRIMS YONGS SU DAG GYUR KYANG, ,GROGS BZANG SHIN TU RNYED PAR DKA', ,ZHES BYA BA GSUNGS TE, DE LA GROGS BZANG ZHES BYA BA NI DGE BA'I BSHES GNYEN TE, 'PHAGS PA'AM, SO SO'I SKYE BO 'ANG RUNG, DE DAG KYANG SANGS RGYAS 'JIG RTEN DU 'BYUNG BA LA RAG LUS PA'I PHYIR RNYED PAR DKA' BAR BSTAN TO, ,DA NI MJUG BSDU ZHING RTZOL DU 'JUG PA ZHES BYA BA BSTAN PA'I PHYIR, 'JIG RTEN SANGS RGYAS 'BYUNG BA DANG, ,MI DANG RAB TU 'BYUNG BA DANG, TSUL KHRIMS PHUN SUM TSOGS PA DANG, ,GROGS BZANG SHIN TU RNYED PAR DKA', ,MKHAS PA BDAG LAGS 'DOD PA DAG ,'BRAS BU BCAS TE BYED 'DOD PA, ,SDOM CAN RNAMS KYIS SO SOR THAR, ,MNYAN PA'I PHYIR NI 'BAD PAR BYA, ,ZHES BYA BA GSUNGS SO, ,'DI'I DON NI SNGAR BSTAN PA LTAR 'JIG RTEN NA SANGS RGYAS 'BYUNG BA DANG, MI LUS THOB CING @013B RAB TU BYUNG STE TSANGS PAR SPYOD PA LA GNAS PA DANG, DGE BA'I BSHEGS GNYEN SHIN TU RNYED DKA' BAS BRGYA LAM NA LAN CIG STON PA 'JIG RTEN DU BYUNG STE, TSANGS PAR SPYOD PA, THOG MAR DGE BA, BAR DU DGE BA, THA MAR DGE BA YANG GSUNGS LA, MI LUS THOB PA'I TSE BLO DANG LDAN PA MNGON PAR MTHO BA DANG, NGES PAR LEGS PA'I 'BRAS BU 'DOD PA RNAMS KYIS MDO 'DI LAS 'BYUNG BA BZHIN SPYAD PAR BYA'O ZHES BYA BA'I THA TSIG GO, ,DE LA MKHAS PA ZHES BYA BA NI BLO DANG LDAN PA'O, BDAG LEGS 'DOD PA DAG CES BYA BA NI GANG DAG BDAG NYID MNGON PAR MTHO BA DANG NGES PAR LEGS PA'I 'BRAS BU 'DOD PA DAG...CES BYA BA'I THA TSIG GO, ,GZHAN NI BRDA SPRAD PAS MA BSHAD DO,, ,,DA NI 'DI NYID THOS PA LA SOGS PA DKA' BAR BSTAN CING 'PHAGS PA RNAMS MTHONG BA DANG, DE BSGRUB PA'I RGYU RNAMS THOB NA BDE BAR BSTAN PA ZHES BYA BA STON TE, DE'I PHYIR BSKAL PA BYE BA RNAMS SU YANG, ,ZHES BYA BA NAS, DAR LA BAB PA YOL BA RNAMS KYANG BDE, ,ZHES BYA BA'I BAR DU GSUNGS SO, ,'DI LA YANG DON RNAM PA BRGYAD KYIS BSTAN TE, SO SOR THAR PA THOS PA LA SOGS PA DKA' BA DANG, DKON MCHOG GSUM 'JIG RTEN DU BYUNG NA BDE BA DANG; DGE BA'I BSHES GNYEN LA BRTEN NA BDE BA DANG, MI DGE BA'I GROGS PO SPANGS NA BDE BA DANG, DGE BA'I BSHES GNYEN GYI KHYAD PAR BSTAN PA DANG, THOB PAR BYA BA'I DNGOS POS BDE BA DANG, SGRUB PA DANG LDAN PA BDE BA'I RGYUR GZHAG PA DANG, SGRUB PA DANG LDAN PA DE NYID DU SBYANGS PA'I YON TAN PHUN SUM TSOGS PA DANG LDAN PAS BDE BA'I RGYUR BSTAN PA'O, ,DE LA SO SOR THAR PA THOB PA LA SOGS PA DKA' BAR BSTAN ZHES BYA BA BSTAN PA'I PHYIR, BSKAL PA BYE BA RNAMS SU YANG, ,SO SOR THAR PA THOS PA DANG, ,GZUNG DANG 'DZIN PA RNYED DKA' STE, ,SGRUB PAR BYED PA'ANG SHIN TU DKON, ,ZHES BYA BA GSUNGS TE, DE LA BSKAL PA ZHES BYA BA NI GNYIS TE, BAR GYI BSKAL PA DANG, BSKAL PA CHEN PO'O, ,SKABS 'DIR BSKAL PA ZHES SMOS PA NI BSKAL PA CHEN POR GZUNG NGO, ,DE LA BAR GYI BSKAL PA JI LTA BU ZHE NA, SEMS CAN TSE DPAG TU MED PA DAG GI TSE @014A *, ,'GRIB STE, LO BRGYAD KHRI LA THUG PAR 'GYUR BA DANG, DE DAG GIS MI DGE BA'I CHOS RNAMS YANG DAG PAR BLANGS PAR YANG 'GRIB NAS TSE LO BCU PA LA THUG PAR 'GYUR BA DANG, DE DAG SKYO BAR 'GYUR TE, DGE BA'I CHOS RNAMS YANG DAG PAR BLANGS PAS TSE NUR NAS PHYIR TSE LO BRGYAD KHRI LA THUG PAR 'GYUR BA DE'I DUS KYANG YOD DE, DE LTAR MAR 'GRIB PA GANG YIN PA DANG, YAR SKYE BA GANG YIN PA DE GNYIS BSDUS TE GRANGS RNAM PAR GZHAG PAS, BAR GYI BSKAL PA ZHES BYA'O, DE LA BSKAL PA CHEN PO NI 'JIG RTEN 'DI BAR GYI BSKAL PA NYI SHUR NI 'JIG GO, ,NYI SHUR NI ZHIG PAR GNAS SO, ,NYI SHUR NI CHAGS SO, ,NYI SHUR NI CHAGS NAS GNAS PAR 'GYUR BAS DE DAG NI BAR GYI BSKAL PA BRGYAD CU R'GYUR TE, DE NI GRANGS KYI GDAGS PAS BSKAL PA CHEN PO ZHES BYA'O, ,DE LA BAR GYI BSKAL PA DE YANG MU GE DANG, NAD DANG, MTSON DANG RNAM PA GSUM GYIS THAR PAR 'GYUR TE, MU GE NI GANG GI TSE MI RNAMS LO SUM CU THUB PA DE'I TSE 'BYUNG NGO, ,MU GE DE YANG CI LTA BU ZHIG 'BYUNG BAR 'GYUR ZHE NA, 'DI LTA BU DAG 'BYUNG BAR 'GYUR TE, RUS PA RNYING PA DAG KYANG BSKOL ZHING BSKOL ZHING SROG ZUNGS SU BYED DO, ,DE'I BRGYA LA RES 'GA' NAS SAM, 'BRAS SAM, RGYA SHUG GAM, RGYA SRAN NAM, TIL GYI 'BRU DAG RNYED PAR GYUR NA, DE DAG NOR BU RIN PO CHE BZHIN DU ZA MA TOG GI NANG DU BCUG STE SRUNG BAR BYED DE, ,SEMS CAN DE DAG LAS PHAL CHER NYAMS SDOBS MED DE, SA LA GAN RKYAL DU 'GYEL NAS LDANG YANG MI NUS TE, MU GE DE LTA BUS SEMS CAN PHAL CHER NI 'CHI BA'I DUS BYED PAR 'GYUR TE, MU GE DE YANG RE LTAR THOGS NA LO BDUN, ZLA BA BDUN, ZHAG BDUN DU ZAD DE, DE PHAN CHAD THAL ZHES BYA'O, ,SEMS CAN DE DAG 'DUS SHING 'TSOGS NAS SHAS CHUNG DUR SKYO PAR 'GYUR TE, DE DAG RGYU DANG RKYEN DES TSE 'GRIB PAR YANG MI 'GYUR LA, MU GE YANG MED PAR 'GYUR RO, ,DE LA NAD NI MI RNAMS KYI TSE LO NYI SHU THUB CING SKYO BA DE NYID MED PAR GYUR NAS 'GRIB PA DE'I TSE YAMS KYI NAD DANG, GNOD PA DANG, @014B 'GO BA'I NAD DANG, 'KHRUG PA MANG PO 'BYUNG BAR 'GYUR TE, DE DAG NAD MANG POS PHAL CHER 'CHI BA'I DUS BYED PAR 'GYUR RO, ,DE DAG GI NAD DE YANG RE LTAR THOGS NA ZLA BA BDUN DANG, ZHAG BDUN DU ZAD DE, DE PHAN CHAD THAL ZHES BYA'O, ,DE NAS SEMS CAN DE DAG 'BRING DU SKYO BAR 'GYUR TE; RGYU DE DANG RKYEN DES TSE 'GRIB PAR MI 'GYUR LA NAD DE DAG KYANG 'BYUNG BAR MI 'GYUR RO, ,DE LA MTSON NI GANG GI TSE MI RNAMS KYI TSE LO BCU THUB CING SKYO BA DE NYID MED PAR GYUR PAS TSE 'GRIB PAR GYUR PA DE'I TSE, SEMS CAN DE DAG GCIG GIS GCIG MTHONG NA GSAD PA'I SEMS DRAG PO NYE BAR GNAS PAR 'GYUR TE, DE NAS DE DAG GIS RTZVA 'AM SHING NGAM, GSEG MA 'AM, GYO MO'AM, GANG DANG GANG BLANGS PA DE DANG DE DAG MTSON CHA RNON PO LEGS PAR BRDAR BA BZHIN DU 'GYUR TE, DE DAG GIS DE DAG GCIG LA GCIG GSOD PAR BYED DO, ,DE YANG RE LTAR THOGS NA ZHAG BDUN DU ZAD DO, ,DE PHAN CHAD THAL ZHES BYA'O, ,SEMS CAN DE DAG LA DE'I TSE MCHOG TU RGUD PA GSUM 'BYUNG STE, TSE DANG, LUS DANG, YO BYAD RGYUD PA'O, ,DE LA TSE RGUD PA NI, TSE'I TSAD RE LTAR RING NA LO BCU THUB PA YIN NO, ,DE LA LUS RGUD PA NI LUS KYI TSAD RE LTAR RING NA MTHO GANG DANG CHANG GANG PA YIN NO, ,DE LA YO BYAD RGUD PA NI ZAS KYI MCHOG NI KHRE RGOD YIN NO, ,GOS KYI MCHOG NI SKRA'I LA BA'O, ,RGYAN GYI MCHOG NI MTSON CHA YIN NO, ,RO RNAM PA LNGA PO MAR GYI DANG, SBRANG RTZI'I DANG, 'BRU MAR GYI DANG, BU RAM SHING LAS BYUNG BA DANG, LAN TSA'I RO RNAMS NI THAMS CAD KYI THAMS CAD DU MED PAR 'GYUR RO, ,DE NAS DE DAG SHAS CHER SKYO BAR 'GYUR TE, PHAN TSUN 'DUS SHING TSOGS NAS TSE YONGS SU 'GRIB PAR 'GYUR BA'I SDIG PA MI DGE BA'I CHOS RNAMS NI SPANGS, TSE NUR BAR BYED PA'I DGE BA'I CHOS RNAMS NI YANG DAG PAR BLANGS PAS, DE DAG GI TSE YANG PHYIR NUR ZHING MDOG DANG, STOBS DANG, BDE BA DANG, DBANG PHYUG LA DBANG BYED PAS KYANG PHYI ZHING DAR BAR 'GYUR TE, TSE YANG LO BRGYAD KHRI LA THUG PAR 'GYUR RO, ,DE LA BSKAL PA JI LTAR 'JIG CING CHAGS SHE NA, DE LA @015A *, ,'JIG PA NI RNAM PA GSUM YOD PAR RIGS PAR BYA STE, ME DANG, CHU DANG, RLUNG NGO, ,DE LA MES 'JIG PAS NI MNAR MED PA YAN CHAD TSANGS PA'I 'JIG RTEN MAN CHAD 'JIG GO, ,CHUS 'JIG PAS NI BSAM GTAN GNYIS PA MAN CHAD MTHA' DAG 'JIG GO, , RLUNG GIS 'JIG PAS NI BSAM GTAN GSUM PA MAN CHAD MTHA' DAG 'JIG GO, ,BSAM GTAN BZHI PA NA NI SA DE PA'I LHA DE DAG GZHAL MED KHANG DANG LHAN CIG SKYE ZHING 'CHI 'PHO BAR 'GYUR BAS, DE'I PHYIR DE DAG LA 'JIG PAR BYA BA DANG, 'JIG PA'I RGYU YANG MED DO, ,DE LA MES 'JIG PA NAM GANG GI TSE 'JIG PAR BYED CE NA, DE LTAR MAR 'BRI BA NYI SHU DANG, YAR SKYE BA NYI SHU STE, MAR 'BRI BA DANG, YAR SKYE BA BZHI BCU NAM THAL BAR GYUR PA DE'I TSE, THAMS CAD KYI THA MAR YAR SKYE BA NA SEMS CAN DMYAL BA RNAMS SEMS CAN DMYAL BA DAG NAS 'CHI 'PHO LA PHYIR SKYE BAR MI 'GYUR TE, DE DAG THAMS CAD SHI 'PHOS PA NA, SEMS CAN DMYAL BA PA 'JIG PAS 'JIG RTEN ZHIG CES BYA'O, ,SEMS CAN DMYAL BA PHA ZHIG PA JI LTA BA BZHIN DU, DUD 'GRO BZHI PAS SKEM PAR BYED DO DAG 'DRA'O, ,MI RNAMS KYI NANG NA YANG SEMS CAN GANG YANG RUNG PA ZHIG GIS CHOS NYID KYIS THOB PA'I BSAM GTAN GNYIS PA'I BAR DU RDZOGS PAR BYA STE GNAS PAS SO, ,SEMS CAN GZHAN DAG KYANG DE'I RJES SU SLOB CING CHOS NYID KYIS THOB PA'I BSAM GTAN GNYIS PA'I BAR DU RDZOGS PAR BYA STE GNAS PAS, DE DAG 'DI NAS SHI 'PHOS NAS 'OD GSAL GYI LHA'I RIS SU SKYE BAR 'GYUR TE, DE'I TSE MI 'JIG PAS 'JIG RTEN 'DI ZHIG CES BYA'O, ,MI 'JIG PA JI LTA BA DE BZHIN DU LHA 'JIG PA YANG DE DANG 'DRA'O, ,GANG GI TSE 'GRO BA LNGA'I 'JIG RTEN GNAS PA NA SEMS CAN GCIG KYANG MED PAR GYUR PA DE'I TSE; YO BYAD 'BYUNG BA YANG MED PAR 'GYUR RO, ,GANG GI TSE YO BYAD 'BYUNG BA MED PAR GYUR PA DE'I TSE, CHAR PA YANG MED PAR 'GYUR RO, ,CHAR MI 'BAB PAS SA CHEN PO 'DI LA RTZVA DANG SMAN DANG SHING CI YOD PA DE DAG SKAM PAR 'GYUR RO, ,THAN PA BYUNG BAS NYI MA'I DKYIL 'KHOR 'DI NYID @015B KYIS KYANG SHAS CHER SREG PAR BYED DO, ,BSREG PAR BYA BA'I DNGOS PO RNAM PA DRUG YOD PA'I PHYIR SEMS CAN RNAMS KYIS 'JIG PAR 'GYUR BA'I LAS KYI DBANG GIS NYI MA'I DKYIL 'KHOR GZHAN DRUG 'BYUNG BAR 'GYUR STE, NYI MA'I DKYIL 'KHOR DE DAG KYANG NYI MA'I DKYIL 'KHOR 'DI LAS BZHI 'GYUR BZHI 'GYUR GYI MTHUS SREG PAR BYED DO, ,DE DAG BDUN GYUR DU GYUR NAS SREG PAR BYED DO, ,DNGOS PO DRUG GANG ZHE NA, LTENG KA CHUNG DU DANG CHEN PO DANG, CHU KLUNG CHUNG DU DANG CHEN PO DANG, MTSO CHEN PO MA DROS PA DANG, RGYA MTSO CHEN PO DANG, RI RAB DANG, SA CHEN PO'O, ,DE LA LTENG KA CHUNG DU DANG CHEN PO DE DAG NI NYI MA'I DKYIL 'KHOR GNYIS PAS SKEM PAR BYED DO, ,CHU KLUNG CHUNG DU DANG CHEN PO DAG NI NYI MA'I DKYIL 'KHOR GSUM PAS SKEM PAR BYED DO, ,MTSO CHEN PO MA DROS PA NI NYI MA'I DKYIL 'KHOR BZHI PAS SKEM PAR BYED DO, ,RGYA MTSO CHEN PO NI NYI MA'I DKYIL 'KHOR LNGA PA DANG DRUG PA'I PHYOGS GCIG GIS SKEM PAR BYED DO, ,RI RAB DANG SA CHEN PO NI GZUGS CHES SRA BA'I PHYIR NYI MA'I DKYIL 'KHOR DRUG PA NYID DANG, BDUN PAS SREG PAR BYED DO, DE NAS DE NYID KYI ME LCE'I RLUNG GIS BRDAS NAS TSANGS PA'I 'JIG RTEN MAN CHAD DU 'GRO ZHING SREG PAR BYED DE, DPER NA MAR RAM 'BRU MAR SREG CING TSIG PA NA DUD PA YANG MED, THAL BA'I LHAGS MA YANG MED PA DE BZHIN DUS CHEN PO 'DI DANG, RI'I RGYAL PO RI RAB KYANG SREG CING TSIG PA NA DUD PA YANG MED LA, THAL BA'I LHAG MA YANG MED PAR 'GYUR TE, DE TZAM GYIS NA SNOD 'JIG PAS 'JIG RTEN ZHIG CES BYA'O, ,BAR GYI BSKAL PA NYI SHU 'DAS SO, ,DE BZHIN DU 'JIG RTEN STONG PAR GNAS PA YANG BAR GYI BSKAL PA NYI SHUR GNAS SO, ,CHUS 'JIG PA GANG ZHE NA, GANG TSUN CHAD MES 'JIG PA LAN BDUN 'DAS PA DE'I 'OG TU BSAM GTAN GNYIS PA NYID LAS CHU'I KHAMS 'BYUNG STE, CHU'I KHAMS KYIS 'JIG RTEN DE LAN TSVA BZHIN DU BZHU NAS, CHU'I KHAMS DE YANG SNOD KYI 'JIG RTEN DE NYID DANG LHAN CIG TU MED PAR 'GYUR RO, ,MED PAR GYUR NAS KYANG BAR GYI BSKAL PA NYI SHUR STONG PAR GNAS SO, ,DE LA RLUNG GIS 'JIG PA GANG ZHE NA, GANG @016A *, ,TSUN CHAD MES 'JIG PA LAN BDUN 'DAS SHING, CHUS 'JIG PA LAN CIG 'BYUNG BA DE LTA BU LAN BDUN 'DAS PAR GYUR PA DE'I 'OG TU YANG MES 'JIG PA BDUN LAN CIG BYUNG NAS, DE'I 'OG TU BSAM GTAN GSUM PA NYID LAS RLUNG GI KHAMS 'BYUNG STE, SNOD KYI 'JIG RTEN DE RLUNG GIS LUS BSKAM PA BZHIN DU MED PAR BYED PA'O, ,RLUNG DE YANG DE NYID DANG LHAN CIG TU MED PAR 'GYUR TE, 'DI LTAR 'GA' ZHIG LA RLUNG GI KHAMS 'KHRUGS PAR GYUR NA, RUS PA'I BAR DU YANG 'BRI BAR BYED PAR SNANG BA BZHIN NO, ,ZHIG NAS KYANG DE BZHIN DU BAR GYI BSKAL PA NYID SHUR STONG PAR GNAS TE, DE LTAR NA MES 'JIG PA LNGA BCU RTZA DRUG DANG, CHUS 'JIG PA BDUN DANG, RLUNG GIS 'JIG PA GCIG STE, BSKAL PA CHEN PO DRUG CU RTZA BZHI PO DE DAG NI DGE RGYAS KYI LHA'I TSE'I TSANG DU GZHAG PA YIN PAS, 'JIG PA'I TSUL YANG DE LTAR BLTA BAR BYA'O, ,DE LA CHAGS PA JI LTA BU ZHE NA; BAR GYI BSKAL PA NYI SHU PO DE DAG 'DAS NAS, YANG SEMS CAN RNAMS KYI 'CHAGS PAR 'GYUR PA'I LAS KYI DBANG GIS 'CHAGS PA'I BSKAL PA KUN DU RTZOM PAR RIG PAR BYA STE, DE LA THOG MA KHO NAR SNOD 'CHAGS PAS NAM MKHA' LA BSAM GTAN GSUM PA 'CHAGS PAR 'GYUR TE, BSAM GTAN GSUM PA JI LTA BAR GNYIS PA DANG DANG PO YANG DE DANG 'DRA'O, ,DE 'JIG PA GSUM PA'I RTZE MO BAS MA GTAN BZHI PA NAS SEMS CAN TSE DANG LAS DANG, BSOD NAMS ZAD PA RNAMS 'CHI 'PHOS NAS BSAM GTAN GSUM PAR SKYE BAR 'GYUR TE, DE BZHIN DU 'JIG PA GNYIS PA DANG, DANG PO'I RTZE MO NAS SEMS CAN GANG YANG RUNG BA ZHIG TSE DANG LAS DANG, BSOD NAMS ZAD NAS TSANGS PA'I 'JIG RTEN DU SKYE BA'I BAR DU YANG SBYAR BAR BYA'O, ,DE NAS 'DOD PA NA SPYOD PA'I LHA'I RIGS BZHI PO DAG GI GZHAL MED KHANG NA NAM MKHA' LAS 'BYUNG BAR 'GYUR TE, GZHAL MED KHANG DE DAG THAMS CAD KYANG NAM MKHA' LA SPRUL PA BZHIN DU 'BYUNG BAR BLTA BAR BYA'O, ,DE DAG TU YANG SNGA MA BZHIN DU 'OD GSAL GYI LHA'I RIS NAS SEMS CAN DAG TSE DANG, LAS DANG, BSOD NAMS ZAD PA RNAMS SHI 'PHOS NAS SKYE BAR 'GYUR RO, ,DE'I 'OG TU 'DIR STONG GSUM @016B GYI STONG CHEN PO'I 'JIG RTEN GYI KHAMS KYI TSAD TZAM GYI RLUNG GI DKYIL 'KHOR STONG GSUM GYI STONG CHEN PO'I 'JIG RTEN GYI RTEN DANG, SEMS CAN GZHAL MED KHANG PA MA YIN PA RNAMS KYI RTEN DU GYUR PA MNGON PAR GRUB PAR 'GYUR RO, ,DE YANG RNAM PA GNYIS TE, 'OG GZHIR GNAS PA DANG, GLO NAS GNAS PA STE; GLO NAS GNAS PA DES NI CHU DE DAG THAD KAR YANG MI 'BO LA, 'OG GZHIR GNAS PA DES NI CHU DE DAG THUR DU YANG MI 'DZAG GO, ,RLUNG GI DKYIL 'KHOR DE'I STENG DU SEMS CAN DE DAG GI LAS KYI DBANG GIS GSER GYI SNYING PO'I SPRIN 'BYUNG BAR 'GYUR TE, DE LA CHAR 'BAB PAR 'GYUR RO, ,CHU DE DAG KYANG RLUNG GI DKYIL 'KHOR NYID LA BRTEN NO, ,DE LA RLUNG RNAMS 'DUS NAS KUN TU 'THAS PA DANG SRA BAR BYED DE, DE NI STENG DANG 'OG GI CHU'I 'KHRUG PA THUB PA'I PHYIR GSER GYI SA GZHI ZHES BYA'O, ,GSER GYIS GZHI DE CHAGS NAS DE'I STENG DU YANG DE DAG GI LAS KYI DBANG NYID KYIS KHAMS SNA TSOGS KYI SNYING PO'I SPRIN 'BYUNG STE, DE LA CHAR 'BAB PAR 'GYUR RO, ,CHU DE DAG KYANG GSER GYIS GZHI LA GNAS PAR 'GYUR TE, DE BZHIN DU YANG RLUNG RNAMS KYIS KUN TU 'THAS SHING SRA BAR BYED DO, ,DE YANG KHAMS BZANG PO MCHOG DANG, GTZO BO DANG, GYA NOM PA GANG YIN PA DE LAS RLUNG GIS BSGRUBS PA'I DBANG GIS RI RAB 'BYUNG BAR 'GYUR TE, DE YANG RIN PO CHE SNA BZHI PO GSER DANG, DNGUL DANG, SHEL DANG, BEE d'U RYA'I RANG BZHIN CAN YIN NO, ,DE LA KHAMS 'BRING GANG YIN PA DE LAS NI GSER GYI RI BDUN PO GNYA' SHING 'DZIN DANG, RNAM PAR 'DUD DANG, RTA RNA RI DANG, BLTA NA SDUG DANG, SENG LDENG CAN DANG, GSHOL MNGA' 'DZIN DANG, MU KHYUD 'DZIN RNAMS MNGON PAR 'GRUB PAR 'GYUR TE, DE DAG KYANG RIM PAR RI RAB 'KHOR BAR 'DUG GO, ,RI RAB KYI TSAD NI 'PHANG DU DPAG TSAD BRGYAD KHRI YOD LA, RGYAR YANG DE DANG 'DRA STE, DPAG TSAD BRGYAD KHRI NI CHU'I NANG DU NUB BO, ,GNYA' SHING 'DZIN GYI TSAD NI DE'I PHYED DE, DE LAS GZHAN PA'I RI RNAM PAR 'DUD LA SOGS PA DRUG PO'I TSAD NI PHYI MA PHYI MA DO PHYED PHYED 'BRI BA'I TSAD DU RIG PAR BYA'O, ,DE LA KHAMS NGAN PA RNAMS LAS NI RI RAB KYI NGOS BZHI DANG GSER GYI RI RNAMS KYI PHYI ROL GYI GLING BZHI DANG, @017A *, ,GLING PHRAN BRGYAD DANG, RI KHOR YUG 'BYUNG BAR 'GYUR RO, ,RI KHOR YUG GI TSAD NI MU KHYUD 'DZIN GYI PHYED YIN TE, DES GLING BZHI PO 'KHOR LO BZHIN DU BSKOR TO, ,LHA MA YIN GYI GNAS NI RI RAB CHU'I 'OG TU NUB PA'I NANG NA YOD DO, ,RI RAB DE'I DRUNG NA YANG BANG RIM BZHI YOD DE, BONG RIM DANG PO'I TSAD NI DPAG TSAD KHRI DRUG STONG PHYIR 'PHAGS SO, ,LHAG MA RNAMS KYI TSAD NI DE'I PHYED PHYED YIN TE, ,RIM BZHIN SBYAR RO, ,BANG RIM DANG PO LA NI LAG NA YOL GO THOGS PA RNAMS GNAS SO, ,GNYIS PA DANG GSUM PA DANG BZHI PA LA NI LAG NA KHRAG THOGS DANG, RTAG TU MYOS DANG, PHRENG THOGS RNAMS GNAS TE, RIM PA BZHIN NO, ,GNYA' SHING 'DZIN GYI NGOS BZHI SHAR DANG, LHO DANG NUB DANG, BYANG RNAMS NA RGYAL PO CHEN PO BZHI PO YUL 'KHOR SRUNG DANG, 'PHAGS SKYES PO DANG MIG MI BZANG DANG RNAM THOS KYI BU RNAMS KYI PHO BRANG GNAS TE, RIM BZHIN NO, ,RNAM PAR 'DUD PA LA SOGS PA GSER GYI RI GZHAN DRUG PO LA NI RGYAL PO CHEN PO DE DAG GI GRONG DANG, GRONG RDAL DANG, LJONGS RNAMS YOD DO, ,RI RAB DE'I STENG NA BRGYA BYIN LHA'I DBANG PO YOD DE, PHRO BRANG DE'I TSAD NI CHU ZHENG DU DPAG TSAD KHRI KHRI YOD DO, ,GZHAN DAG NA NI LHA DE DAG GI GRONG DANG, GRONG RDAL DANG, LJONGS RNAMS YOD DO, MTSO CHEN PO MA DROS PA'I NYE 'KHOR NA GANGS RI YOD DE, DE'I 'OG NA NI SEMS CAN DMYAL BA CHEN PO RNAMS KYI GNAS TSA BA'I SEMS CAN DMYAL BA RNAMS DANG, NYI TSE BA'I SEMS CAN DMYAL BA RNAMS DANG, ,GRANG BA'I SEMS CAN DMYAL BA RNAMS DANG, NYE 'KHOR GYI SEMS CAN DMYAL BA RNAMS DANG, DUD 'GRO DANG, YI DAGS KHA CIG GNAS SO, ,JI LTAR SNOD KYI 'JIG RTEN MNGON PAR GRUB NAS, SEMS CAN TSE DANG, LAS DANG BSOD NAMS ZAD PA BSKAL PA DANG PO MYONG BAR 'GYUR BA'I LAS NYID KYIS, 'OD GSAL GYI LHA'I RIGS NAS SHI 'PHOS NAS 'DIR SKYE BA NAS 'DIR SKYE BAR 'GYUR TE, DE DAG NA 'DOD PA NA SPYOD PA'I LAS KYI NANG NAS RAB DANG, MCHOG DANG, GTZO BO YIN NO, ,LAS DE'I 'BRAS BU NI DE NYID KYI TSE MNGON PAR 'GRUB PAR 'GYUR GYI, GZHAN NA NI MA YIN NO, ,DE'I TSE SEMS CAN DE DAG NI BSKAL PA DANG PO PA ZHES BYA'O, ,BSKAL PA JI LTAR @017B 'JIG; JI LTAR 'CHAGS PA RGYA CHER NI MANGS PAS 'DIR MA BSTAN TE, 'JIG RTEN GZHAG PA'I MDO DANG, RNAL 'BYOR SPYOD PA'I SA LA SOGS PA LAS 'BYUNG BA BZHIN DU SBYAR BAR BYA'O, ,DE LA DBYE BA ZHES BYA BA NI GRANGS KYI MING STE, DE YANG GCIG PHRAG BCU LA BCU, BCU PHRAG BCU LA BRGYA; BRGYA PHRAG BCU LA STONG, STONG PHRAG BCU LA KHRI, KHRI PHRAG BCU LA 'BUM, 'BUM PHRAG BCU LA SA YA, SA YA PHRAG BCU LA BYE BA ZHES 'BYUNG STE, DE LA BYE BA SMOS PA NI SA 'DZIN TZAM DU ZAD KYI, DE BZHIN GSHEGS PA RNAMS 'JIG RTEN DU 'BYUNG BA NI, BSKAL PA CHEN PO BYE BA'AM, DE LAS LHAG PAR YANG MI 'BYUNG BAS DE BZHIN GSHEGS PA 'BYUNG BA DKON PA NYID KYIS, SO SOR THAR PA THOS PA YANG SHIN TU DKON TE, DE BZHIN GSHEGS PA 'BYUNG BA LA RAG LAS PA'I PHYIR RO, ,DE BZHIN GSHEGS PA 'JIG RTEN DU 'BYUNG GIS KYANG, LO BCU GNYIS KYI BAR DU SO SOR THAR PA 'DI MA GSUNGS PAS NA, 'DI THOS PA RNYED PAR DKA' BAR MNGON NO, ,DE LA THOS PA ZHES BYA BA NI TSIG DANG DON RNA BA'I RNAM PAR SHES PA DANG, DE'I RJES LAS BYUNG BA YID KYI RNAM PAR SHES PAR DPYAD PA'O, ,DE LAS GZUNG BA ZHES BYA BA NI TSIG DANG DON SHES RAB KYIS RTOGS PA'O, , 'DZIN PA ZHES BYA BA NI DRAN PAS DE NYID KHA TON BYA BA LA SOGS PA'I TSUL GYIS YUN RING DU MI BRJOD PAR BYED PA'O, ,SGRUB PAR BYED PA ZHES BYA BA NI DE'I DON LUS DANG NGAG DANG YID KYIS NAN TAN DU BYED PA STE, GZUNG BA DANG, 'DZIN PA DANG, SGRUB PAR BYED PA SHES RAB RNAM GSUM DANG RIM BZHIN NO, , RNYED DKA' STE ZHES BYA BA DANG, SHIN TU DKON ZHES BYA BA NI, NAN TAN GYIS KYANG TSEGS CHEN POS RNYED PA'I PHYIR RO, ,TSIGS SU BCAD PA 'DIS NI LUNG DANG KHONG DU CHUD PA LAS, SO SOR THAR PA SNYED PAR DKA' BAR BSTAN TE, DE LA THOS PA DANG GZUNG BA DANG 'DZIN PA NI LUNG LAS RNYED PAR DKA' BAR BSTAN TO, ,SGRUB PAR BYED PA NI KHONG DU CHUD PA LAS RNYED DKA' BAR BSTAN TO, ,DKON MCHOG GSUM 'JIG RTEN DU 'BYUNG NA BDE BA ZHES BSTAN PA'I PHYIR, SANGS RGYAS RNAMS NI 'BYUNG BA BDE, ,CHOS BSTAN PA YANG BDE BA'O, ,DGE 'DUN MTHUN PA BDE BA YIN, ,MTHUN PA @018A *, ,RNAMS KYI DKA' THUB BDE, ,ZHES BYA BA GSUNGS TE, DE LA, SANGS RGYAS RNAMS NI 'BYUNG BA BDE, ZHES BYA BA, SANGS RGYAS ZHES BYA BA NI SNGAR BSHAD PA BZHIN NO, ,RNAMS ZHES BYA BA NI MANG PO STE, GCIG MA YIN PA'O, ,'BYUNG BA ZHES BYA BA NI, LHUMS SU ZHUGS PA'I DUS SAM BLTAMS PA'I DUS NA SANGS RGYAS 'BYUNG BA STE, 'GYUR BA'I TSUL GYIS BYANG CHUB SEMS DPA' LA SANGS RGYAS ZHES BYA BA'I PHYIR RO, ,YANG NA MNGON PAR RDZOGS PAR BYANG CHUB PA'I DUS LA, SANGS RGYAS 'BYUNG BA ZHES BYA BA STE, DE'I TSE SANGS RGYAS ZHES BYA BA'I RGYU THAMS CAD MKHYEN PA NYID BRNYES PA'I PHYIR RO, ,BDE ZHES BYA BA NI DE BZHIN GSHEGS PA 'JIG RTEN DU 'BYUNG BA SEMS CAN RNAMS MNGON PAR MTHO BA DANG, NGES PAR LEGS PA'I SA LA BKOD PA'I PHYIR BDE BA ZHES BYA STE, MI BDE ZHES BYA BA BZHIN NO, ,DE LA CHOS BSTAN PA YANG BDE BA'O ZHES BYA BA NI MDO LA SOGS PA GSUNG RAB YAN LAG BCU GNYIS GSUNGS PAS, DE LA ZHUGS PA RNAMS RNAM PAR GROL BA'I SA THOB PA'I PHYIR RO, ,CHOS ZHES BYA BA'I SGRA NI RANG GI MTSAN NYID 'DZIN PA LA BYA'O, ,BSTAN PA ZHES BYA BA NI BSHAD PA DANG, BKOL BA ZHES BYA BA'I RNAM GRANGS SU GTOGS PA'O, ,DGE 'DUN ZHES BYA BA NI SKYES BU GANG ZAG BRGYAD DAM DE LAS GZHAN PA'O, ,MTHUN PA ZHES BYA BA NI TSUL KHRIMS DANG, LTA BA DANG, CHO GA DANG, 'TSO BA MTSUNGS PA STE, BYA BA GCIG PA DANG, THA MI DAD PA ZHES BYA BA'I THA TSIG GO, ,DE LA TSUL KHRIMS MTSUNGS PA NI LO BRGYA LON PA'I DGRA BCOM PAS BSLAB PAR BYA BA DE LA, DENG SANG RAB TU BYUNG NAS BSNYEN PAR RDZOGS PAS KYANG BSLAB PAR MTHUN PA STE, LTUNG BA SNGE LNGA'I NYES PA SPANGS PAR MTSUNGS PA'O, ,LTA BA MTSUNGS PA NI SPYI'I MTSAN NYID MI RTAG PA DANG, SDUG BSNGAL BA DANG, STONG PA DANG, BDAG MED PAR LTA ZHING, MU STEGS CAN LTAR LTA BA MI MTHUN PA MA YIN NO, ,CHO GA MTSUNGS PA NI LUS DANG NGAG DANG YID RNAMS BSNGAMS PAR MTHUN PA'O, ,'TSO BA MTSUNGS PA NI KUN KYANG GANG DE BZHIN GSHEGS PAS GNANG BA'I YO BYAD BCU GSUM DANG, BSOD SNYOMS TZAM GYIS CHOG PAR @018B 'DZIN CING LOG PAR 'TSO BA SPANGS PA'O, ,DE LA BDE BA YIN ZHES BYA BA NI TSUL KHRIMS LA SOGS PA DE BZHIN DU MTHUN NA MU STEGS CAN GYIS MI PHYED CING, SBYIN BDAG RNAMS KYI BSOD NAMS 'PHEL BAR 'GYUR BA'I PHYIR RO, ,MTHUN PA RNAMS KYI DKA' THUB BDE, ,ZHES BYA BA LA, MTHUN PA RNAMS KYI ZHES BYA BA NI NYAN THOS KYI DGE 'DUN RNAMS KYI STE, TSUL KHRIMS YONGS SU SBYANG BA'I PHYIR RO, ,DKA' THUB CES BYA BA NI BSLAB PA GSUM MO, ,LHAG PA'I TSUL KHRIMS DANG, LHAG PA'I SEMS DANG, LHAG PA'I SHES RAB BSGRUB PA STE, DE GSUM GYIS NYON MONGS PA GDUNG BAR BYED PAS DKA' THUB CES BYA STE, DE NYID BDE BA'I RGYUR BSTAN TO, ,DGE BA'I BSHES GNYEN LA BSTAN NA BDE BA ZHES BYA BA DE'I DBANG DU BYAS NAS, 'PHAGS PA RNAM NI MTHONG BA BDE, ,DAM PA RNAMS DANG 'GROGS NA BDE, ,ZHES BYA BA GSUNGS SO, ,DE LA 'PHAGS PA ZHES BYA BA NI SDIG PA LAS RING DU SONG BA'I PHYIR RO, ,MTHONG NA BDE ZHES BYA BA NI DGE BA'I SHES GNYEN SDIG PA LAS RING DU SONG BA DE DAG MTHONG NA MNGON PAR MTHO BA DANG, NGES PAR LEGS PA'I LAM 'THOB PA'I PHYIR RO, ,DAM PA DAG CES BYA BA NI SDIG PA LAS RING DU SONG BA'I 'PHAGS PA DE DAG NYID DE, LEGS SO ZHES BSNGAGS PA'I PHYIR DAM PA ZHES BYA STE, DE DAG MTHONG NA YANG 'BRAS BU DANG LDAN PAR GYUR NA, 'GROGS PA LA CI SMOS ZHES BYA BA'I THA TSIG GO, ,MI DGE BA'I GROGS PO SPANGS NA BDE ZHES BYA BA BSTAN PA'I PHYIR, BYIS PA RNAMS NI MA MTHONG NA, RTAG TU FBDE BA NYID DU 'GYUR, ,ZHES BYA BA GSUNGS SO, ,BYIS PA RNAMS ZHES BYA BA NI 'PHAGS PA MA YIN ZHING SDIG PA BYED PA RNAMS TE, LUS KYIS MI DGE BAR SPYOD PA DANG, NGAG GIS MI DGE BAR SMRA BA DANG, YID KYIS MI DGE BAR SEMS PA RNAMS SO, ,MI DGE BA'I BSHES GNYEN SDIG PA BYED PA DE LTA BU MA MTHONG NA KHA NA MA THO BA MI 'PHEL BA'I PHYIR BDE BA'I RGYUR BSTAN TO, ,DGE BA'I BSHES GNYEN GYI KHYAD PAR BSTAN PA ZHES BYA BA STON TE, DE'I PHYIR TSUL KHRIMS LDAN PA ZHES BYA BA NAS, 'DRA BCOM PA DAG MTHONG NA BDE, ,ZHES BYA BA'I BAR DU GSUNGS TE, ,DGE BA'I BSHES GNYEN LA @019A *, ,YANG RNAM PA GNYIS TE, KUN RDZOB DANG, DON DAM PA'I DGE BA'I BSHES GNYEN NO, ,DE LA KUN RDZOB KYI DGE BA'I BSHES GNYEN ZHES BYA BA NI, TSUL KHRIMS LDAN PA MTHONG BA BDE, ,MANG DU THOS PA MTHONG BA BDE, ,ZHES BYA BA GSUNGS PA'O, ,KUN RDZOB KYI DGE BA'I BSHES GNYEN LA YANG GNYIS TE, ZHI GNAS KYI YAN LAG LA GNAS PA DANG, LHAG MTHONG GI YAN LAG LA GNAS PA'O, ,TSUL KHRIMS LDAN PA MTHONG BA BDE, ,ZHES BYA BA NI, ZHI GNAS KYI YAN LAG LA GNAS PAR SBYAR TE, DE LA TSUN KHRIMS DANG LDAN PA ZHES BYA BA NI RANG BZHIN DANG BCAS PA'I KHA NA MTHO BA SPANGS PA STE, DE LA RANG BZHIN GYI KHA NA MTHO BA DANG BCAS PA'I RANG BZHIN GYIS MI DGE BA BDAG DANG GZHAN DANG GNYIS KA LA NYAM DAB DANG, KUN NAS NYON MONGS SHING GNOD PAR 'GYUR BA GANG YIN PA STE, BCAS PA LA SPYOD PA NGAN 'GROR 'GRO BAR 'GYUR BA DANG, MA BCAS PA LA SPYOD PA DGE SBYONG GI TSUL GYI BAR DU GCOD PAR 'GYUR BA'O, ,BCAS PA'I KHA NA MA THO BA DANG BCAS PA NI, BCOM LDAN 'DAS KYIS RTAGS MI MTHUN PA NYID KYI PHYIR DANG, DAM PA'I CHOS LA GUS PAR BYA BA DANG, RANG BZHIN GYI KHA NA MA THO BA DANG BCAS PA DANG MTHUN PA DANG, GZHAN GYI SEMS BSRUNG BA DANG, BDE 'GRO DANG, SROG DANG, DGE SBYONG GI TSUL GYI BAR DU GCOD PA NYID YIN PA'I PHYIR SPANGS PA GANG YIN PA DE LA SPYOD PA NI BCAS PA'I KHA NA MTHO BA ZHES BYA'O, ,MONG DU THOS PA MTHONG BA BDE, ,ZHES BYA BA NI, LHAG MTHONG GI YAN LAG LA GNAS PA DANG SBYAR TE, DE LA MANG DU THOS PA ZHES BYA BA NI SDE SNOD GSUM MO, ,MDO SDE DANG, 'DUL BA DANG, CHOS MNGON PA LA MKHAS PA'O, ,DE LA MDO SDE LA MKHAS PA NI BDAG GI LTA BA MI NOR BA DANG, MU STEGS CAN TSAR GCOD PAR BYED DO, ,'DUL BA LA MKHAS PAS NI LTUNG BA DANG MI LTUNG BA DANG, LCI BA DANG, YANG BA DANG, MI GNANG BA DANG GNANG BA SHES PAR BYED DO, ,CHOS MNGON PA LA MKHAS PA NI SNGAR BSGOMS PA DANG, PHYIS BSGOM PA'I RIM PA SHES PAR BYED DO, ,GZHAN YANG MANG DU THOS PA LA YON TAN LNGA YOD DE, KHAMS DANG, SKYE MCHED DANG, RTEN CING 'BREL BAR 'BYUNG BA DANG, GNAS @019B DANG GNAS MA YIN PA LA MKHAS PA DANG, LUNG BSTAN PA GZHAN LA RAG MA LUS PA YIN NO, ,DE LTAR TSUL KHRIMS DANG LDAN ZHING MANG DU THOS PA DANG LDAN PA'I DGE BA'I BSHES GNYEN MTHONG NA NYES PAR SPYOD PA LAS BZLOG CING THE TSOM GCOD PAR 'GYUR BA'I PHYIR BDE BA'I RGYUR BSTAN TO, ,CI'I PHYIR DE GNYIS LA KUN RDZOB CES BYA ZHE NA, 'KHOR BA'I RGYU KUN TU 'BYUNG BA SPANGS SHING SDIG PA RNAMS LAS RING DU SONG YANG MI SLOB PA MA YIN PAS KUN RDZOB CES BYA'O, ,DON DAM PA'I DGE BA'I BSHES GNYEN ZHES BYA BA NI, YANG SRID RNAM PAR GROL BA YI, ,DGRA BCOM PA DAG MTHONG BA BDE, ,ZHES GSUNGS PA'O,, DE LA YANG SRID CES BYA BA NI YANG SRID PA PHYI MAR SKYE BA'I RGYU LAS DANG NYON MONGS PA STE, DE LAS RNAM PAR GROL BA NI DGRA BCOM PA YIN TE, LHAG MA DANG BCAS PA 'AM LHAG MA MED PA'I MYA NGAN LAS 'DAS PA'O, ,DGRA BCOM PA ZHES BYA BA NI AAR HAN ZHES BYA BA NYON MONGS PA DGRA DANG 'DRA BA BCOM PAS NA, DGRA BCOM PA ZHES BYA, YANG GCIG TU NI LHA DANG MI LA SOGS PA KUN GYIS MCHOD PAR 'OS PAS NA 'OS PA ZHES KYANG 'DREN TE, SKABS 'DIR NI DON BTZAN PAR BYAS PAS DGRA BCOM PA ZHES BTAGS SO, ,'THOB PAR BYA BA'I DNGOS POS BDE, ,ZHES BYA BA'I DANG DU BYAS TE, 'BAB STEGS BDE BA'I CHU KLUNG BDE, ,ZHES BYA BA GSUNGS SO, ,'DI NI DPE STE JI LTAR CHU BO KLUNG NAS 'BAB PA LA GAD PA DANG, G-YANGS LA SOGS PA NYAM PA SPANGS PA'I 'BAB STEGS BDE BA LA BRTEN PA RNAMS KYI CHU BO BDE BAR LON PA DE BZHIN DU, GANG DAG CHU BO LTA BU'I RNAM PAR GROL BA 'DOD PA RNAMS KYIS KYANG; SO SOR THAR PA DANG, 'PHAGS PA'I LAM RTAG CHAD KYI MTHA' SPANGS PA BRTEN NAS, 'THOB PAR BYA BA'I DNGOS PO RNAM PAR GROL BA 'THOB NA BDE BAR 'GYUR BA'I PHYIR SO SOR THAR PA DANG 'PHAGS PA'I LAM NI BDE BA'I 'BAB STEGS SU BSTAN CING RNAM PAR GROL BA'I NI CHU BO'I SGRAR BSTAN TO, ,BSGRUB PA DANG LDAN PA BDE BA'I RGYUR GZHAG PA ZHES BYA BA BSTAN PA'I PHYIR, CHOS KYI RGYAL PO'I SKYE BO BDE, ,SHES RAB RAB TU THOB PA BDE, ,NGA 'O NGA RGYAL ZAD PA BDE, ,ZHES BYA BA GSUNGS TE, CHOS KYI RGYAL BA ZHES BYA BA NI BSGRUB PA'I CHOS 'PHAGS PA'I LAM GYIS MI MTHUN @020A *, ,PA'I PHYOGS PHAM PAR BYAS PAS NA, CHOS KYI RGYAL BA ZHES BYA STE, 'DI'I DON NI, SHES RAB RAB TU THOB PA BDE, ,DA 'O NGA RGYAL ZAD PA BDE, ,ZHES BYA BA NYID KYIS BSTAN PA YIN TE, 'PHAGS PA'I LAM SHES RAB KYI RAL GRIS MI MTHUN PA'I PHYOGS NGA RGYAL GYI RGYAL MTSAN RTZA BA NAS BCAD PA'I PHYIR RO, ,SKYE BO BDE ZHES BYA BA NI GANG DAG SGRUB PA'I CHOS 'PHAGS PA'I LAM SHES RAB KYI RAL GRI DANG LDAN PAS 'KHOR BA'I RGYU, NGA RGYAL GYI RGYAL MTSAN BCAD NAS RNAM PAR GROL BA 'THOB PA'I PHYIR BDE BAR BSTAN TO, ,DE LA SHES RAB CES BYA BA NI RAB TU RNAM PAR 'BYED PA LA BYA STE, DE FYANG RNAM PA GSUM STE, RIGS PAS BSKYED PA DANG, RIGS PA MA YIN PAS BSKYED PA DANG, DE LAS GZHAN PAS SO, ,SKABS 'DIR RIGS PAS BSKYED PA LA BYA'O, ,RAB TU THOB PA ZHES BYA BA NI ZAG PA MED PA'I SHES RAB PO, ,DA 'O NGA RGYAL ZHES BYA BA NI, NGA RGYAL BDUN PO, NGA RGYAL DANG, CHE BA'I NGA RGYAL DANG, NGA RGYAL LAS KYANG NGA RGYAL DANG, DA'O SNYAM PA'I NGA RGYAL DANG, MNGON PA'I NGA RGYAL DANG, CUNG ZAD SNYAM PA'I NGA RGYAL DANG, LOG PA'I NGA RGYAL RNAMS LAS DA'O SNYAM PA'I NGA RGYAL LA BYA STE, 'KHOR BA'I RGYU NYON MONGS PA THAMS CAD NI BDAG DANG BDAG GIR 'DZIN PA LA SA 'BYUNG BA'I PHYIR, 'KHOR BA'I RGYU'I GTZO BO SNYAM PA'I NGA RGYAL ZAD NA BDE BA'I RGYUR BSTAN GYI, NYON MONGS PA GZHAN NI MA SMOS SO, ,DE LA NGA'O SNYAM PA'I NGA RGYAL GYI MTSAN NYID NI NYE BAR LEN PA'I PHUNG PO RNAMS LA BDAG GIR YANG DAG PAR RJES SU LTA BA'I SEMS LONGS PA LA BYA'O, ,SGRUB PA DANG LDAN PA DE NYID SBYANGS PA'I YON TAN PHUN SUM TSOGS PA DANG LDAN PAS BDE BA'I RGYUR BSTAN PA ZHES BYA BA STON TE, DE'I PHYIR NGES PAR BYAS DANG ZHES BYA BA NAS, DAR LA BAB PA YAL BA RNAMS KYANG BDE, ,ZHES BYA BA'I BAR DU GSUNGS SO, ,'DI STE, SBYANGS PA'I YON TAN GYI THOG MA'I DAG PA DANG, 'KHOR GTZANG BA DANG, GNAS PHUN SUM TSOGS PA DANG, 'BRAS BU DANG BCAS PA DANG, YONGS SU MA NYAMS PAR BSTAN PA'O, ,DE LA SBYANGS PA'I YON TAN GYI THOB MA'I DAG PA BSTAN PA ZHES BYA BA NI, NGES PAR BYAS DANG ZHES BYA BA YIN TE, @020B SGRUB PA'I CHOS 'PHAGS PA'I LAM SHES RAB GYI RAL GRIS 'KHOR BA'I RGYU NGA RGYAL GYI RGYAL MTSAN RTZA BA NAS BCAD PA'I PHYIR DGON PAR GNAS PA LA THOG MKHO NAR DAM BCA' BA STE, BSAM PA NGES PAR MTHAR PHYIN PAR BYA DGOS PA'I PHYIR, NGES PAR BYAS DANG ZHES BYA BA 'DIS NI THOG MA'I DAG PA BSTAN PA YIN NO, ,'KHOR GTZANG BA ZHES BYA BA NI, DBANG PO THUL BA DANG ZHES BYA BA YIN TE DE LA DBANG PO THUL BA ZHES BYA BA NI, MIG LA SOGS PA'I DBANG PO SDOM PA DANG LDAN PA LA BYA STE, DBANG PO SDOM PA DANG LDAN PA JI LTA BU ZHE NA, TSUL KHRIMS KYI SDOM PA LA BRTEN NAS DRAN PA KUN TU BSRUNGS PA DANG, DRAN PA LA RTAG 'GRUS BYED PA DANG, DRAN PAS YID KUN TU BSRUNGS PA DANG, GNAS SKABS MA NYAM PA LA 'JOG PAR BYED CING, DES MIG GIS GZUGS RNAMS MTHONG BA MTSAN MAR MI 'DZIN CING, MNGON RTAGS SU MI 'DZIN LA GZHI GANG KHO NA LAS DE'I SEMS KYI RJES SU SDIG PA MI DGE BA'I CHOS RNAMS ZAD PAR 'GYUR BA DE DAG BSDAM PAR BYA BA'I PHYIR SGRUB PAR BYED CING, MIG GI DBANG POS KYANG SDOM PA SGRUB PAR BYED PA DANG, DE LA RNA BA DANG, SNA DANG, LCE DANG, LUS DANG, YID RNAMS KYIS SGRA DANG, DRI DANG, RO DANG, REG BYA DANG, CHOS RNAMS LA RNAM PAR SHES PA NI YANG MTSAN MAR MI 'DZIN CING; MNGON RTAGS SU MI 'DZIN LA GZHI GANG KHO NA LAS DE'I SEMS KYIS RJES SU SDIG PA MI DGE BA'I CHOS RNAMS ZAD PAR 'GYUR BA DE DAG BSNGAM PAR BYA BA'I PHYIR SGRUB PAR BYED CING, YID KYI DBANG PO YANG SRUNG PAR BYED LA, YID KYI DBANG POS KYANG SDOM PA SGRUB PAR BYED PA YIN TE, DGON PAR GNAS PA LA DAM BCAS BA'I 'OG TU DBANG PO RNAMS BSDAM DGOS PA'I PHYIR 'DIS NI 'KHOR GTZANG BAR BSTAN TO, ,GNAS PHUN SUM TSOGS PA ZHES BYA BA NI, DGON PA ZHI BA RNAMS SU GNAS PAR GYUR, ,ZHES BYA BA YIN TE, DE LA DGON PA ZHES BYA BA NI GRONG DANG GRONG RDAL LAS DBEN PA RGYANG GRAGS GCIG PHAN CHAD NA GNAS PA GANG YIN PA'O, ,ZHI RNAMS SU ZHES BYA BA NI DGON PA'I GNAS DBEN PA LA BYA STE, SHING DRUNG DANG, KHANG STONG DANG, RI KHRO DANG, RI PHUG DANG, RTZVA GSEB DANG, BLA GAB MED PA DANG, DUR KHROD PA DANG, NAGS 'DAB DANG, BAS MTHA'I GNAS DAG TU GNAS PAR BYED CING, 'DU 'DZIN @021A *, ,LA SOGS PA SPANGS PA STE, DE'I PHYIR GNAS PHUN SUM TSOGS PA BSTAN TO, ,DGON PAR GNAS PA LA PHAN YON BCU YOD DE, BCU GANG ZHE NA 'DU 'DZIN RNAM PAR SPONG BA DANG, RAB TU DBEN PA LA BRTEN PA DANG, DE'I SEMS BSAM GTAN LA DMIGS PAR 'GYUR BA DANG, SANGS RGYAS KYI MDZAD PA NYUNG BA LA SMON PA DANG, DE'I LUS LA DGA' BA DANG BDE BA SKYE BA DANG, BAR CHAD MED PA DANG, CHOS JI LTAR SHES PA BZHIN DU DON RGYA CHER SHES PA DANG, ZHI GNAS 'THOB PA DANG, LHAG MTHONG 'THOB PA DANG, MYUR DU YONGS SU MYA NGAN LAS 'DA' BAR 'GYUR RO, ,'BRAS BU DANG BCAS PA ZHES BYA BA NI MANG DU THOS PA ZHES BYA BA YIN TE, MANG DU THOS PA DGON PAR GNAS NA 'BRAS BU DANG LDAN PAR 'GYUR GYI, GZHAN NI MA YIN PA'I PHYIR RO, ,DE LA MANG DU THOS PA ZHES BYA BA NI SDE SNOD GSUM THOS SHING MKHAS PA'O, ,YONGS SU MNYAMS PAR MNYAN PA ZHES BYA BA NI, NAGS SU RGAS PA DANG, DAR LA BAB PA YAL BA RNAMS KYANG BDE ZHES BYA BA YIN TE, DAR LAM BAB PA'I TSE THOS PA DANG LDAN PAR BYAS LA, DAR LA BAB PA'I TSE DGON PAR SONG NAS NAM 'TSO'I BAR DU GNAS PAR BYED PA NYID MA BCAS PA LAS MA NYAMS PA YIN PAS NA, 'DI YONGS SU MA NYAMS PAR BSTAN PA ZHES BYA'O, ,DE RGAS PA ZHES BYA BA GANG DU ZHE NA, NAGS SU ZHES PA DANG SBYAR RO, ,DE LA RGAS PA NI TSOD GYUR PA STE, LO BDUN CU MAN CHAD DO, ,DE YAN CHAD NI 'KHOGS PA'I DUS SO, ,DAR LA BAB PA ZHES BYA BA NI LO SUM CU YAN CHAD LNGA BCU MAN CHAD DO, ,YOL BA ZHES BYA BA NI DE LAS 'DAS PA'O, ,KYANG ZHES BYA BA'I SGRA NI BSDU BA STE; BDE ZHES BYA BA THA MAR SMOS PA 'DI GONG MA RNAMS DANG SBYAR BA'I PHYIR RO, ,'DIR MDO LAS DGON PA ZHES BYA BA NYI TSE SMOS KYANG SBYANGS PA'I YAN LAG GZHAN RNAMS KYANG BSDU BAR RIG PAR BYA'O, ,MI RTAG PA LA SOGS PA BSTAN PA ZHES BYA BA STON TE, DE'I PHYIR 'PHAGS MA DAG DPYID RNAMS LAS ZHES BYA BA NAS, BAG YOD PAR 'THOB BO ZHES BYA BA'I BAR DU GSUNGS SO, ,'DI LA YANG RNAM PA BZHIR DBYE STE, DPES BSTAN PA DANG, DPE DANG DON DU SBYAR ZHING LUS DANG SKYE BA'I GNAS NYAMS PAR BSTAN PA DANG, BAG YOD PAR BZUNG BA DANG, DE NYID KYI 'BRAS BU BSTAN PA'O, ,DE LA DPES BSTAN PA ZHES BYA BA NI, @021B 'PHAGS MA DAG DPYID RNAMS LAS JI TZAM 'DAS PA DANG, LHAG MA LUS PA DAG GO ZHES BYA'O, ,'PHAGS MA ZHES BYA BA NI MDZA' ZHING YID DU 'ONG BA'I PHYIR SNYAN PAR BRJOD PA'O, ,DPYID RNAMS LAS ZHES BYA BA NI SA 'DZIN TZAM DU ZAD DE, DUS GSUM LAS GANG YANG RUNG STE, GCIG CIG SO SOR THAR PA'I MDO 'DON PA'I TSE BRJOD PAR BYA'O, ,DUS GSUM YANG GRANG BA DANG, DRO BA DANG, GRANG BA YANG MA YIN DRO BA YANG MA YIN PA LAS RNAM PAR GZHAG GO, ,CI TZAM 'DAS PA DANG, LHAG MA LUS PA DAG GO ZHES BYA BA NI SO SOR THAR PA'I MDO 'DON PA'I TSE, DPYID DAM, DBYAR RAM, DGUN GANG YANG RUNG STE; DE DAG LAS SNGA MA TZAM 'DAS PA DANG, PHYIN JI TZAM LUS PA BRJOD PAR BYA'O, ,YANG NA LO GCIG LA ZLA BA BCU GNYIS YOD PA LAS 'DI TZAM NI ZAD DE 'DAS, 'DI TZAM NI LUS SO ZHES BRJOD PAR BYA STE, 'DIS NI 'DI LTAR LO DANG ZLA BA SNGA MA 'DAS NA GDON MI ZA BAR PHYI MA 'ONG BA DE BZHIN DU; RGA BA DANG 'CHI BA YANG MNGON PAR 'ONGS PAS BAG YOD PA LA BRTZON PAR BYA'O ZHES BSTAN PAR 'GYUR RO, ,DPE DANG DON DU SBYOR ZHING LUS DANG SKYE BA'I GNAS NYAMS PAR BSTAN PA ZHES BYA BA NI, 'PHAGS MA DAG RGA BA DANG 'CHI BA MNGON PAR 'ONG ZHING STON PA'I BSTAN PA YANG 'JIG PAR 'GYUR GYI ZHES BYA BA'O, ,TSANGS PAR SPYOD PA YUN RING DU GNAS SHING PHUN SUM TSOGS PAR 'GYUR BA'I RGYU NI GNYIS TE, LUS MNYAMS PA STE RGAS SHING MA NON PA DANG, SKYE BA'I GNAS MA NYAMS PA STE STON PA'I BSTAN PA GNAS PA'O, ,DE BAS NA JI LTAR LO DANG ZLA BA 'DAS SHING 'ONG BA DE BZHIN DU LUS DANG SKYE BA'I GNAS NYAMS PA YANG MNGON PAR 'ONG, BRTZAL BAR BZOD CING THUB PA'I SKYE GNAS MA NYAMS PA'I TSE NAN TAN DU BYA BA'O ZHES BYA BA'I THA TSIG GO, ,DE LA RGA BA DANG 'CHI BA ZHES BYA BA GNYIS KYIS NI LUS YONGS SU NYAMS PA BSTAN TE, SBYOR BA MI BZOD PA DANG RGYUN CHAD PA RIM PA BZHIN NO, ,STON PA'I BSTAN PA 'JIG PAR 'GYUR GYI ZHES BYA BA NI, SKYE BA'I GNAS YONGS SU NYAMS PAR BSTAN TO, ,DE LA RGA BA DANG 'CHI BA ZHES BYA BA NI PHUNG PO SMIN NAS 'JIG PAR 'GYUR BA'I MTSAN NYID DO, ,MNGON PAR 'ONG ZHES BYA BAR GDON MI ZA BAR 'ONG BA'O, ,STON PA ZHES BYA BA NI DE BZHIN GSHEGS PA DE DON @022A *, ,PHYIN CI MA LOG PAR STON PA'I PHYIR RO, ,BSTAN PA NI GSUNG RAB YAN LAG BCU GNYIS TE, BCOM LDAN 'DAS KYIS DE DAG LHA DANG MI DANG LHA MA YIN DU BCAS PA'I 'JIG RTEN LA BSTAN PA'I PHYIR RO, ,'JIG PAR 'GYUR BA ZHES BYA BA NI MI GNAS PAR 'GYUR BA'O, ,BAG YOD PAR GZUD PA ZHES BYA BA NI, 'PHAGS MA DAG BAG YOD PA LA RNAL 'BYOR DU BYA'O ZHES BYA BA'O, ,GANG GI PHYIR DE LTAR LUS DANG SKYE BA'I GNAS YONGS SU NYAMS PAR 'GYUR BA DE'I PHYIR, BAG YOD PA LA RNAL 'BYOR DU BYA'O ZHES BSTAN PA YIN TE, DE LA BAG YOD PA ZHES BYA BA NI BAG MED PA'I GNYEN PO STE, MA CHAGS PA DANG, ZHE SDANG MED PA DANG, GTI MUG MED PA DANG, BRTZON 'GRUS LA GNAS NAS MI DGE BA'I CHOS SPONG ZHING, DE'I GNYEN PO DGE BA'I CHOS RNAMS KYANG BSGOM PA STE, BAG YOD PA SMOS PA NI DGE BA'I CHOS THAMS CAD BSDU BA'I DON TO, ,DE LA RNAL 'BYOR ZHES BYA BA NI 'JIG RTEN LAS 'DAS PA'I LAM LA SBYOR BA GZUNG BA'I DON TE, ZHI GNAS DANG LHAG MTHONG ZUNG DU 'BREL PAR 'JUG PA'I LAM LA BYA'O, ,CI MNGON ZHE NA SKYE MCHED DRUG RNAM PAR 'BYED PA'I MDO LAS, DE ZHI GNAS DANG LHAG MTHONG MNYAM PAR 'JUG GO ZHES GSUNGS PA'I PHYIR RO, ,YANG NA TING NGE 'DZIN LA RNAL 'BYOR ZHES BYA STE, RNAL 'BYOR SPYOD PA MNYAM PAR GZHAG PA'I SA LAS, YANG DAG PAR RTZOL BA DANG DRAN PA NI RNAL 'BYOR YID LA BYED PA MTHUN NA, SDUD PA'I RGYU YIN NO ZHES BSHAD PA'I PHYIR RO, ,YANG NA DAD PA DANG, 'DUN PA DANG, THABS DANG, BRTZON 'GRUS LA RNAL 'BYOR ZHES BYA STE, DE DAG GIS SBYOR BA'I PHYIR RO, ,DE YANG RNAL 'BYOR SPYOD PA THOS PA LAS BYUNG BA'I SA LAS, RNAL 'BYOR GANG ZHE NA, DE NI RNAM PA BZHI STE, DAD PA LA SOGS PA'O ZHES JI SKAD SMOS PA LTA BU'O, ,DE NYID KYI 'BRAS BU BSTAN PA ZHES BYA BA NI, DE BZHIN GSHEGS PA DGRA BCOM PA YANG DAG PAR RDZOGS PA'I SANGS RGYAS RNAMS KYI BYANG CHUB DANG GZHAN YANG GANG DAG DE LTA BU PHYOGS KYI DGE BA'I CHOS BYANG CHUB KYI PHYOGS RNAMS KYANG BAG YOD PAS 'THOB PO ZHES BYA BA YIN TE, DE LA DE BZHIN GSHEGS PA ZHES BYA BA NI SNGON GYI SANGS RGYAS RNAMS JI LTAR GSHEGS SHING PHYIN PA DANG, CHOS THAMS CAD KYI RANG BZHIN DE BZHIN NYID JI LTA BA BZHIN DU MKHYEN CING GSUNGS PA @022B LTAR; PHYI MA RNAMS KYANG DE BZHIN DU GSHEGS TE MKHYEN CING GSUNG BA'I PHYIR RO, ,DGRA BCOM PA ZHES BYA BA NI SNGAR BSHAD PA BZHIN NO, ,YANG DAG PAR RDZOGS PA ZHES BYA BA NI BSOD NAMS DANG YE SHES KYI TSOGS MA LUS PAR LEG PAR RDZOGS PA'I PHYIR RO, ,SANGS RGYAS ZHES BYA BA SNGAR BSHAD PA BZHIN NO, ,RNAMS ZHES BYA BA NI MANG PO'O, ,BYANG CHUB CES BYA BA NI ZAD PA DANG MI SKYE BA'I YE SHES SO, ,GZHAN YANG GANG DAG DE LTA BU'I PHYOGS KYI DGE BA'I CHOS BYANG CHUB KYI PHYOGS RNAMS ZHES BYA BA NI YANG DAG PAR RDZOGS PA'I BYANG CHUB LAS GZHAN PA STE, BYANG CHUB SKYED PAR BYED PA DGE BA'I CHOS GANG YIN PA DE DAG THAMS CAD NI 'DIR BYANG CHUB KYI PHYOGS RNAMS SU 'DOD DO, ,BAG YOD PAS 'THOB BO ZHES BYA BA NI GONG DU BSTAN PA RNAMS KYANG 'DIS 'THOB PA'I PHYIR BAG YOD PA'I 'BRAS BU BSTAN PA ZHES BSHAD PA YIN NO, ,GSO SBYONG GI YAN LAG KUN DU SPYAD PA'I CHOS RNAMS BSTAN PA ZHES BYA BA STON TE, DE'I PHYIR DGE 'DUN GYI THOG MAR BYA BA CI ZHE NA, ,ZHES BYA BA NAS, DE DE BZHIN DU 'DZIN TO ZHES BYA BA'I BAR DU GSUNGS SO, DI LA YANG DON RNAM PA BRGYAD KYIS BSTAN TE, MI 'DU BA DGAG PA DANG, MI 'DUR GNANG BA DANG, MCHOD PA'I CHO GA DANG, YANG DAG PAR 'DZIN DU GZUD PA DANG, YANG DAG PAR 'DZIN PA'I LEGS PA DANG, YANG DAG PAR MI 'DZIN PA'I NYES DMIGS DANG, YANG DAG PAR BSGO BA DANG, 'KHOR RNAM PAR DAG PA'O, ,DE 'ANG MI 'DU BA DGAG PA ZHES BYA BA NI, DGE 'DUN GYI THOG MAR BYA BA CI ZHE NA, BCOM LDAN 'DAS KYI NYAN THOS KYI DGE 'DUN NI DON NYUNG BA LA BYA BA NYUNG BA'O ZHES BYA BA YIN TE, DE LA THOG MAR BYA BA CI ZHE NA, GSO SBYONG GI TSE DGE 'DUN GYI THOG MAR BYA BA CI ZHIG BYA ZHE NA ZHES 'DRI BA STE, DE'I LAN DU DON NYUNG BA DANG, BYA BA NYUNG BA'O ZHES BYA BA'O, ,THOG MAR BYA BA CI ZHE NA, GSO SBYONG GI TSE DGE 'DUN MA 'DUS SAM, SNGAR GANG ZAG GI GSO BA MA BYAS SAM, STAN GDING BA DANG, CHAG CHAG DANG, PHYAG DAR LA SOGS PA MA BYAS SAM, SO SOR THAR PA'I MDO 'DON PA MA BSKOS NA, GSO SBYONG DANG MI MTHUN PA YIN PAS DE LTA BU MA BYAS PA DAG MED DAM ZHES DRI BAR BYA STE, 'DI DAG NI SNGAR BYA BA'O, ,DE LA DON NYUNG BA ZHES BYA BA NI 'DOD PA CHUNG BA'I RGYU @023A *, ,MTHUN PA STE, 'DI LTAR BDAG NYID KYI SEMS KYIS 'GYOD CING BSHAGS PA LA SOGS PA DAM BCAS PA BYAS ZIN PA'O, ,BYA BA NYUNG BA NI NGAG GIS 'GYOD CING NYES PA BSHAGS PA DANG, LUS KYIS PHYAG BYAS PA LA SOGS PA BYAS ZIN PA'O, ,DE'I PHYIR DON NYUNG BA NI YID KYI LAS SU BSTAN LA, BYA BA NYUNG BA NI LUS DANG NGAG GI LAS SU BSTAN TO, ,KHA CIG NA RE BYA BA NYUNG BA ZHES BYA BA NI GSO SBYONG GI GNAS SU THOG MAR BYA DGOS PA'I PHYIR GSO SBYONG GI GNAS SU BSKU BA DANG PHYAG DAR BYA BA LA SOGS PA BYAS ZIN PA LA BYA'O ZHES 'CHAD DE, DE LTA BU MA BYAS PA GANG YANG MED DO ZHES LAN GDAB PA'I PHYIR DON NYUNG BA BYA BA NYUNG BA ZHES GSUNGS SO, ,DE LA BCOM LDAN 'DAS ZHES BYA BA NI, BHA GA BAN ZHES BYA BA BDUD BCOM ZHING LEGS PA DRUG DANG LDAN PA'I PHYIR TE, DE LA BDUD BZHIN NI NYON MONGS PA DANG, PHUNG PO DANG, 'CHI BDAG DANG, LHA'I BU'I BDUD DO, ,DE LA NYON MONGS PA'I BDUD NI KHAMS GSUM NA SPYOD PA'I NYON MONGS PA RNAMS SO, ,PHUNG PO'I BDUD NI NYE BAR LEN PA'I PHUNG PO LNGA'O, ,'CHI BA DAG GI BDUD NI SEMS CAN DE DANG DE DAG SEMS CAN GYI RIS DE DANG DE DAG NAS 'CHI BA'I DUS BYAS PA GANG YIN PA'O, ,LHA'I BU'I BDUD NI BDUD GSUM PO DE DAG 'DA' BAR BYA BA'I PHYIR DGE BA'I PHYOGS LA RAB TU BRTZON PA LA BAR CHAD BYED PA DANG, G-YENG BAR BYA BA'I PHYIR, 'DOD PA'I KHAMS SU SKYES PA'I LHA'I BU DBANG PHYUG THOB PA DAG NYE BAR 'ONG BA GANG YIN PA STE, BZHI PO DE DAG DGE BA'I CHOS KYI SROG DANG BRAL BAR BYED PAS NA BDUD CES BYA'O, ,LEGS PA DRUG NI GZUGS DANG, GRAGS PA DANG, DBANG PHYUG DANG, DPAL DANG; SHES PA DANG, BRTZON 'GRUS SO, ,'DAS PA ZHES BYA BA NI SANGS RGYAS KYI YON TAN LAS MTSAN 'JIG RTEN LAS 'DAS PA'O ZHES BYA BA 'BYUNG BA NAS, 'JIG RTEN PA'I BHA GA WAN LAS KHYAD PAR DU 'DAS ZHES BLA THABS SU BSNAN PA'I PHYIR RO, ,DE LA NYAN THOS ZHES BYA BA NI SHRA BA KA ZHES PA'I SGRA LAS DRANGS NAS, DE BZHIN GSHEGS PA LAS CHOS KYI LUNG MA NOS BAR BDAG NYID KYIS RTOGS PAR MI NUS PAS NYAN PA LA YANG BYA, YANG GCIG TU NA YANG DAG PA'I SHES PAS RGYUN DU ZHUGS PA LA SOGS PA'I 'BRAS BU THOB PAS GZHAN LA SGROG CING THOS PAR BYED PAS NA NYAN THOS ZHES BYA'O, ,DGE @023B 'DUN ZHES BYA BA NI SNGAR BSHAD PA BZHIN NO, ,DE BZHIN GSHEGS PA'I NYAN THOS KYI DGE 'DUN NO, ,MI 'DUR GNANG BA ZHES BYA BA'I DBANG DU BYAS NAS 'PHAGS MA DAG MA LHAGS PA RNAMS LA DAD PA DANG YONGS SU DAG PA DRIS SHIG ,DRIS NAS KYANG BRJOD PAR BYA'O ZHES BYA BA GSUNGS TE, DE LA MA LHAGS PA RNAMS ZHES BYA BA NI, GSO SBYONG BYA BA'I GNAS SUM PHYIN PA RNAMS SO, ,DAD PA DANG YONGS SU DAG PA ZHES BYA BA NI 'DI'I DBYE BA MANG MDO KYIS 'DIR NI DE GNYIS KYI MTSAN NYID DANG, BYE BRAG DANG, DE DAG BLANG ZHING DBUL BA'I KUN TU SPYAD PA DANG, GNANG MI GNANG GI SKABS DANG, DE DAG GI GNAS BSTAN PA DANG, LNGA MDO TZAM ZHIG BSTAN PAR BYA'O, ,DE LA DAD PA'I MTSAN NYID JI LTA BU ZHE NA, MA LTA BU LA DAD PA ZHES BYA BA NI DGE 'DUN GYI CHOS BZHIN BYA BA RNAMS LA LTA BA DANG, BLO GROS DANG, 'DOD PA DANG, BSAM PAS DAD PA 'BUL BA DANG, DGE 'DUN GYI CHOS BZHIN DU BYA BA RNAMS LA RJES SU YI RANG BA DANG, NYE BAR PHYOGS PA DANG, KHAS BLANGS PA DANG, KHAS LEN PAR BYED PA 'DI NI DAD PA'I MTSAN NYID DO ZHES GSUNGS SO, ,YONGS SU DAG PA'I MTSAN NYID NI YANG DE NYID LAS YONGS SU DAG PA ZHES BYA BA NI DAG PA, BDAG NI NYES PA MA BYUNG MOD KYI 'ON KYANG ZLA BA PHYED PHYED CING DGE SLONG GI SEMS RTZE GCIG PAS BDAG GI SEMS LA, BDAG GIS JI LTAR BLANGS PA'I TSUL KHRIMS KYI PHUNG PO DANG LDAN NAM, MA NYAMS SAM, MA RAL LAM, 'DRES PAR MA BYAS SAM, YONGS SU DAG GAM, BDAG LA NYES PA MA BYUNG NGAM, NYES PA MED PA YIN NAM ZHES BRTAG PAR BYA STE, 'DI NI YONGS SU DAG PA'I MTSAN NYID DO ZHES GSUNGS SO, ,DAD PA DANG YONGS SU DAG PA'I MTSAN NYID BSHAD ZIN TO, ,DAD PA DANG YONGS SU DAG PA LA BYE BRAG CI YOD CE NA, DE LA DAD PA PHUL BAS NI DGE 'DUN MTHUN PAR BYA BA'I PHYIR RO, ,YONGS SU DAG PA PHUL BAS NI GSO SBYONG GI TSE BDAG NYID SNOD DU GYUR PAR BSTAN PA YIN TE, ,DE BAS NA GANG DU GSO SBYONG DANG, LAS BYED PA DER NI DAD PA DANG YONGS SU DAG PA BSRES TE DBUL BAR BYA'O, ,LAS 'BA' ZHIG BYED PA'I TSE NI DAD PA NYI TSE DBUL BAR BYA'O ZHES GSUNGS SO, ,DAD PA DANG YONGS SU DAG PA'I BYE BRAG NI 'DI YIN @024A *, ,NO; ,DAD PA DANG YONGS SU DAG PA JI LTAR BLANG ZHING DBUL BAR BYA ZHE NA, DGE SLONG MA NA BAR GYUR PA'AM, DGE BA'I PHYOGS KHYAD PAR CAN LA SBYOR BA ZHIG STE, DGE 'DUN GYI NANG DU 'ONG MA NUS NA, DGE 'DUN GYIS DGE SLONG MA CHOS LNGA DANG LDAN PA GCIG DAD PA DANG YONGS SU DAG PA BLANG BA'I PHYIR BSKO BAR BYA STE, 'DOD PA DANG, ZHE SDANG DANG, GTI MUG DANG, 'JIGS PAS MI 'GRO BA DANG, DAD PA DANG YONGS SU DAG PA BLANGS PA DANG, MA BLANGS PA SHES PA LAS BSKO BAR BYA'O, ,GANG BSKOS PA DE YANG DAD PA DANG, YONGS SU DAG PA LEN CING SLAR DGE 'DUN LA DBUL DU 'GRO BA'I TSE BRGYUG PAR MI BYA'O, ,NGAM GROG DANG, BANG RIM LA MCHONG BAR MI BYA, ,NAM MKHA' LA GNAS PAR MI BYA, MTSAMS KYI PHYIR ROL DU 'GRO BAR MI BYA, GOM PA GCIG GIS SKAS KYI THEM PA GNYIS SU 'GRO BAR MI BYA, SNYOMS PAR 'JUG PAR MI BYA, NYAL BAR MI BYA BAR BLANG ZHING DBUL BAR BYA'O, ,DE NAS DAD PA DANG YONGS SU DAG PA'I MDUN DU GANG MA LHAGS PA DE DAG 'DI LTAR DBUL BAR BYA STE, BLA GOS PHRAG PA GCIG TU GZAR NAS, LHA MA PHUD LA THAL MO SBYAR TE, TZOG TZOG POR 'DUG NAS, 'DI SKAD DU 'PHAGS MA DGONGS SU GSOL, ,BDAG DGE SLONG MA MING 'DI ZHES BGYI BA NAD KYIS NYEN TO ZHE'AM, DGE BA'I PHYOGS LA SBYOR TE, DENG DGE 'DUN GYI YANG BCU BZHI 'AM BCO LNGA PA'I GSO SBYONG, BDAG MING 'DI ZHES BGYI PA'I YANG BCU BZHI'AM, BCVA LNGA'I GSO SBYONG STE, DGE 'DUN CHOS BZHIN DU MDZAD PA LA DAD PA 'BUL ZHING BAR CHAD KYI CHOS RNAMS YONGS SU DAG GO ZHES BDAG NYID MCHI NA, BDAG GI DAD PA DANG, GSO SBYONG YONGS SU DAG PAR BRJOD PA BZHIN DU, BZLAS SU GSOL ZHES LAN GSUM BRJOD PAR BYA'O, ,DE NAS DAD PA DANG YONGS SU DAG PA LEN PA'I DGE SLONG MAS, DGE 'DUN LA DBUL BA'I TSE DRUNG DU 'DUG PA'I DGE SLONG MA LA 'DI SKAD DU 'PHAGS MA DGONGS SU GSOL, GNAS 'DI ZHES BGYI BA NA, DGE SLONG MA MING 'DI ZHES BGYI BA ZHIG BRO 'TSAL TO ZHE 'AM, DGE BA'I PHYOGS LA SBYOR TE, DENG DGE 'DUN GYI 'ANG BCU BZHI 'AM BCVA LNGA PA'I GSO SBYONG BDAG MING 'DI ZHES BGYI BA'I YANG BCU BZHI 'AM BCVA LNGA PA'I @024B GSO SBYONG STE, BDAG MING 'DI ZHES BGYI BA BAR CHAD KYI CHOS RNAMS YONGS SU GTZANG, DGE 'DUN CHOS BZHIN DU MDZAD PA LA DAD PA 'BUL ZHING YONGS SU DAG PA YANG BRJOD PA LAGS ZHES NYID MCHI STE, BRJOD BA BZHIN DU BZLAS PA LAGS ZHES BRJOD PAR BYA'O, ,DAD PA DANG YONGS SU DAG PA CI'I PHYIR GANG ZAG LA BZLAS KYI, DGE 'DUN LA MA YIN ZHE NA, RING DU THOGS PA LA SOGS PA'I NYES PA SPANGS PA'I PHYIR RO, ,DAD PA DANG YONGS SU DAG PA BLANG ZHING DBUL BA'I KUN TU SPYAD PA'I CHOS RNAMS BSHAD ZIN TO, ,DAD PA DANG YONGS SU DAG PA DE YANG RKYEN JI LTA BU BYUNG NA GNANG ZHE NA, NA'AM, NAR DOGS SAM, NAD SOS NAS RING PO MA LON NAM, NAD G-YOG BYED DAM, NGAL LAM, ZHIGS SAM, BKRES SAM, SKOM MAM, KUN NAS BSKOR BA RMUGS PA DANG GNYID STUG PO SEL ZHING DGE BA'I PHYOGS BYED DAM, SO SOR THAR PA'I MOD 'DON PA LA ZHUGS PAR GYUR TAM, DE'I DON NYAN PA ZHIG GAM, DE MI BRJED PAR BYA BA'I PHYIR TSIG GTZO BOR 'DZIN CING, TSUL BZHIN SEMS SAM YID LA BYED PA KHUGS PA THOB NAS RING PO MA LON NAM, DE RJES SU BSRUNG NGAM, BYANG CHUB KYI PHYOGS KYI CHOS RNAMS LA RGYUN DU BRTZON 'GRUS RTZOM PA LA BRTZON PAR GYUR PA 'AM, BDEN PA MTHONG BAR GYUR NA NYES PA MED DO, ,LE LO'I PHYIR RAM, LAS NGAN PAR 'BREL TE DAD PA DANG YONGS SU DAG PA PHUL NA NYES BYAS SO, ,DAD PA DANG YONGS SU DAG PA LEN PA'I DGE SLONG MA, DAD PA DANG YONGS SU DAG PA BLANGS NAS LAM DU SHI BA'AM, BABS SAM, DGE TSUL MA LA SOGS PAR DAM BCAS NA, DAD PA DANG YONGS SU DAG PA BLANGS PA MA YIN NO, ,BZLA NUS NA GCIG GIS KYANG DU MA'I DAD PA DANG YONGS SU DAG PA BLANG BAR BYA'O, ,SA LA 'DUG PAS NAM MKHA' LA 'DUG PA'AM, BZLOG PA YANG RUNG STE LEN CING DBUL BAR MI BYA'O, ,GAL TE DAD PA DANG YONGS SU DAG PA LEN PA'I DGE SLONG MA DANG, 'BUL BA GNYIS MTSAMS MED PA LNGA BYAS PA DANG, MU STEGS CAN DANG, MU STEGS SU 'GRO BA DANG, 'GRO BA GZHAN DU GNAS PA DANG, SO SOR GNAS PA DANG, BSLAB PA BYIN PA LA SOGS PAR KHAS BLANGS NA LEN CING PHUL BAR MI CHUD DO, ,GAL TE DAD PA @025A *, ,DANG YONGS SU DAG PA 'BUL BA NA BAR GYUR TE DGE 'DUN GYI NANG DU 'ONG ZHING SMRA YANG MI NUS NA DGE 'DUN THAMS CAD DER 'ONG BAR BYA'O, ,GAL TE SMRA MI NUS KYANG DAD PA DANG YONGS SU DAG PA 'BUL BAR LUS SAM NGAG GIS GO BAR BYED NA PHUL BA YIN NO, ,GAL TE DAD PA DANG YONGS SU DAG PA NI MANG 'DU BA NI NYUNG NA RGAN PO RNAMS KYIS KYANG DGE BA'I PHYOGS BZHAG STE 'DU BAR BYA'O, ,DAD PA DANG YONGS SU DAG PA LEN CING 'BUL BA'I GNANG MI GNANG GI SKABS BSHAD ZIN TO, ,DAD PA DANG YONGS SU DAG BA GANG DU BLANG ZHING DBUL BAR BYA ZHE NA, MTSAMS KYI NANG NA GNAS PAS MTSAMS KYI NANG NA GNAS PA LA RNAM PA GNYIS TE, MTSAMS KYI PHYI ROL DU GNAS PA RNAMS LA DAD PA DANG YONGS SU DAG PA MA BLANGS KYANG MI MTHUN PA NYES PA MED PA'I PHYIR RO, ,DE LA MTSAMS NI RNAM PA GNYIS TE, LAS KYIS BCAD PA DANG, RANG MTSAMS SO, ,DE LA LAS KYIS BCAD PA'I MTSAMS LA YANG RNAM PA GNYIS TE, CHEN PO DANG CHUNG DU'O, ,DE LA CHEN PO'I TSAD NI GAL TE CHU MED PA ZHIG NA STENG LOGS SU DPAG TSAD PHYED DANG GSUM MO, ,'OG LOGS SU YANG DE DANG 'DRA'O, ,MTSAMS CHUNG NGU'I TSAD NI DKYIL 'KHOR GANG DU GRANGS BZHI BCU SHONG BA'O, ,RANG MTSAMS NI DGE 'DUN GANG DU GNAS KYANG RUNG LAS KYIS MA BCAD KYANG RANG BZHIN GYIS YOD PA STE, RGYANG GRAGS DANG, RTZIG PA DANG, CHU'I MTSAMS LA BYA'O, ,MTSAMS 'DI DAG JI LTAR BCAS SHING DGROL BA NI MANGS BAS 'DIR MA SMOS TE, GZHAN NAS 'BYUNG BA BZHIN SBYAR BAR BYA STE, DAD PA DANG YONGS SU DAG PA'I GNAS BSTAN PA BSHAD ZIN TO, ,DE LA DRIS SHIG CES BYA BA NI GANG GIS DAD PA DANG YONGS SU DAG PA DBUL BAR BYA BA DE DBUL DU GZHUG PA STE, DE SBYIN PAR BYA BA'I PHYIR RO ZHES BYA BA'I THA TSIG GO, ,DRIS NAS KYANG BRJOD PAR BYA'O ZHES BYA BA NI GANG GIS DAD PA DANG YONGS SU DAG PA BLANGS PA DE BZLAS SU GZHUG PAS TE DE SHES PAR BYA BA'I PHYIR RO, ,MCHOD PA'I CHO GA ZHES BYA BA'I DBANG DU BYAS NAS, SH'AKYA SENG GE DE LA NI, ,SOR MO BCU YI THAL SBYAR TE, ,ZHES BYA BA GSUNGS TE, 'DI LA YANG RNAM PA GNYIS SU DBYE'O, ,GNYIS GANG ZHE NA BSTOD PA DANG PHYAG @025B 'TSAL BA'O, ,DE LA BSTOD PA ZHES BYA BA NI, SH'AKYA SENG GE ZHES SMOS PA YIN TE, SH'AKYA SENG GE ZHES BYA BA NI KHYIM PA'I PHYOGS SU RIGS CHE ZHING BTZUN PAS NA RIGS KYI SGO NAS BSTOD PA'O, ,SENG GE ZHES BYA BA NI RAB TU BYUNG BA'I PHYOGS SU MI 'JIGS PA RNAMS KYIS MU STEGS CAN GYI TSOGS THAMS CAD SKRAG PAR MDZAD PA'I PHYIR RAB TU BYUNG BA'I PHYOGS NAS BSTOD PA'O, ,PHYAG 'TSAL ZHES BYA BA NI, SOR MO BCU YI THAL SBYAR TE, ,ZHES SMOS PA YIN TE, MCHOD PA RNAM PA MANG MOD KYI, SKABS 'DIR NI ZHES SA'I TSUL DU THAL MO SBYAR BAS MCHOD PAR 'GYUR BAS GZHAN MA BSTAN TO, , YANG DAG PAR 'DZIN DU GZUD PA ZHES BYA BA'I DBANG DU BYAS TE, SO SOR THAR PA BSHAD PAR BYA, ,'DUL BA DE NI NGA LA NYON, ,ZHES BYA BA NAS, SRAB 'DRA SO SOR THAR PA 'DI'O, ,ZHES BYA BA'I BAR DU GSUNGS SO, ,'DI LA YANG RNAM PA BZHIR DBYE STE, MNYAN DU GZUD PA DANG, PHYIN CI MA LOG PAR BSGRUB PAR BSKUL BA DANG, MI GE-YEL BAR SBYOR BA LA GZUD PA DANG, LTA BA LA CHAGS SU MI GZHUG PAR SBYOR BA'O, ,DE LA MNYAN DU GZUD PA ZHES BYA BA NI, SO SOR THAR PA BSHAD PAR BYAS, ,'DUL BA DE NI NGA LA NYON, ,ZHES PA YIN TE, DE LA SO SOR THAR PA ZHES BYA BA'I DON NI SNGAR BSHAD PA BZHIN NO, ,BSHAD PAR BYAS ZHES BYA BA NI GSO SBYONG GI TSE'O, ,'DUL BA ZHES BYA BA NI, 'PHRAL 'DOD CHAGS LA SOGS PA KUN NAS BSKOR BA RNAMS 'DUL BA'I PHYIR 'DUL BA ZHES BYA STE, SNGAR BSHAD PA BZHIN NO, ,NGA LAS NYON ZHES BYA BA NI SO SOR THAR PA'I MDO 'DON PA NYID LAS TE, DBANG PO BSDUS LA NYON CIG PA'I THA TSIG GO, ,PHYIN CI MA LOG PAR SGRUB PAR BSKUL BA ZHES BYA BA NI, THOS NAS DRANG SRONG CHEN PO YIS, ,KHA NA MA THO PHRA RNAMS LAS, ,BSGRIMS TE GUS PAR GYIS SHIG CES BYA BA YOD DE, DE BZHIN GSHEGS PAS JI SKAD GSUNGS PA DE BZHIN DU SGRUB PAR BSKUL BA'I PHYIR RO, ,THOS NAS ZHES BYA BA NI RNA BA'I DBANG POS SO, ,DRANG SRONG ZHES BYA BA NI SHES PA DANG LDAN PA LA YANG BYA, SMON PA RNAMS 'BYOR CING 'GRUB PA LA YANG BYA, YANG GCIG TU NA LUS DANG NGAG DANG YID DRANG POR GNAS SHING BSRANG BA @026A *, ,LA YANG BYA STE, SKABS 'DIR DRANG SRONG CHEN PO ZHES BYA BA NI BCOM LDAN 'DAS LA BYA STE, TSUL KHRIMS KYIS RGYAS PA'I PHYIR RO, ,CHEN PO SMOS PA NI 'JIG RTEN PA DANG, DGRA BCOM PA DANG, RANG SANGS RGYAS KYI DRANG SRONG RNAMS LAS KHYAD PAR DU 'PHAGS PA'I PHYIR RO, ,KHA NA MA THO BA ZHES BYA BA NI 'PHAGS PA RNAMS KYIS SMAD PA'I PHYIR TE, SDIG PA'I DNGOS PO BYAS PA RNAMS SO, ,PHRA RNAMS LA ZHES BYA BA NI BCAS PA'I KHA NAS MA THO BA RNAMS LA BYA STE, DE DAG LA NAN TAN TU BYA BAR BSTAN PAS RANG BZHIN GYIS KHA NA MA THO BA RNAMS LA YANG NAN TAN BYA BAR BSTAN PA YIN NO, ,CI'I PHYIR ZHE NA YANG ZHES BYA BA'I SGRA ZHIG MI MNGON PAR BYAS PA YANG BLTA BA'I PHYIR RO, ,BSGRIMS TE ZHES BYA BA NI DES DGE BA'I CHOS RNAMS LA BRTZON 'GRUS RTZOM PA GANG YIN PA'O, ,GUS PAR ZHES PA NI RIM GROR BYA BA'O, ,GYIS SHIG CES BYA BA NI YANG DAG PAR 'DZIN DU GZHUG PA'O, ,MI G-YEL BAR SBYOR BA LA GZUD PAR ZHES BYA BA NI GSUNGS PA BZHIN DU SGRUB PAR GYIS SHIG CES BYA BA YIN TE, STON PAS JI SKAD GSUNGS PA DE BZHIN DU, BCAS PA DANG RANG BZHIN GYIS KHA NA MA THO BA RNAMS MI 'BYUNG BAR NAN TAN GYIS SHIG PA'I THA TSIG GO, ,LTA BA LA CHAGS SU MI GZUG PA'I SBYOR BA ZHES BYA BA NI, RTAG PAR SHIN TU BRTEN PA YI, SEMS RTA KHA BLA NA DKA' BA LA, GZER BU BRGYAB PA RNON PO YI, ,SRAB 'DRA SO SOR THAR 'DI'O, ,ZHES BYA BA YIN TE, JI LTAR RTA RGOD LAM DRANG POR 'GROR MI BTUB PA RTAG TU LAM LOG PAR BRTEN PA LA, DGUG SRAB KYIS BSRABS TE BTUL NA LAM DRANG POR BTUB PA DE BZHIN DU, DGE SLONG MA MDUL MA ZHI BA SEMS NANG DU 'JOG MI NUS PA LA YANG SO SOR THAR PA SRAB DANG 'DRA BA 'DIS 'DUL BAR 'GYUR BA'I PHYIR RO, ,RTAG PAR SHIN TU BRTEN PA ZHES BYA BA NI KHA BLAN DKA' BA DANG SBYAR TE, ,DUS THAMS CAD DU BRTEN CING YUL LA CHAGS PAS SHA TSIG STE, BZLOG DGOS SO ZHES BYA BA'I THA TSIG STE, KHA BLAN DKA' BA ZHES BYA BA 'DIS NI SEMS GDUL DKA' BAR BSTAN TO, ,SEMS SMOS PA NI SEMS 'BA' ZHIG GDUL BA'I DON TE, DE NI KUN NAS NYON MONGS PA'I PHYIR RNAM PAR SBYONG GI BDAG GIS NI MA YIN TE, BDAG NI KUN NAS NYON MONGS PA DANG @026B RNAM PAR DAG PA DANG MI LDAN ZHING NAM MKHA' BZHIN DU 'GYUR BA MED PA'I PHYIR RO, ,GZER BU BRGYAB PA ZHES BYA BA NI SO SOR THAR BA'I SRAB 'DI LAS 'DAS PA RNAMS TSE 'DI NYID LA SGO MANG PO NAS 'GYOD CING MI BDE BA'I PHYIR RO, ,RNON PO ZHES BYA BA NI TSE GZHAN KHA NA MA THO BA 'BYUNG BA GCOD PA'I DON TE; DE'I PHYIR SO SOR THAR PA 'DI SRAB TU BSTAN TE, SRAB CES BYA BA NI NGANG TSUL NGAN PA'I KHAS 'DUL BA MA YIN PA LA ZHUGS PAS NA KHA DE SNAD PA BYA BA'I DON TO, ,'DRA ZHES BYA BA NI MTHUN PA LA BYA STE, HA CANG DOG PA DANG, YANGS PA MA YIN PA'I PHYIR RO, ,BDAG NGAL BAR SBYOR BA'I MTHA' YONGS SU SPANGS PA'I PHYIR, HA CANG DOG PA YANG MA YIN NO, ,'DOD PA'I BDE BA LA SBYOR BA'I MTHA' YONGS SU SPANGS PA'I PHYIR HA CANG YANGS PA YANG MA YIN NO, ,YANG NA GANG ZAG BLUN PO'I 'JUG PA LA SOGS PA DANG MTHUN PAR BSTAN PAS 'DRA BA ZHES BYA'O, ,SO SOR THAR PA 'DI'O ZHES BYA BA NI 'DI NYID SRAB TU BSTAN PA'I PHYIR RO, ,YANG DAG 'DZIN PA'I LEGS PA BSTAN PA'I PHYIR, ,CHE BA GANG DAG NGAG TZAM GYIS, ,LDOG PA'I MTSAMS LAS MI 'DA' BA, ,DE DAG MI RTA BZANG PO STE, ,NYON MONGS G-YUL LAS THAR BAR 'GYUR, ,ZHES BYA BA GSUNGS SO, ,CHE BA ZHES BYA BA NI BSLAB PA 'DOD PA RNAMS SO, ,GANG DAG CES BYA BA NI SU YANG RUNG BA'O, ,NGAG TZAM GYIS ZHES BYA BA NI DBYIG PA'AM MTSON CHAS MA YIN NO, ,LDOG CING CES BYA BA NI BCAD PA DANG, RANG BZHIN GYIS KHA NA MA THO BA RNAMS LAS LDOG PA'O, ,MTSAMS LAS ZHES BYA BA NI BSLAB PA'I MTSAMS SO, ,MI 'DA' BA NI 'GAL BAR MI BYED PA'O, ,DE DAG MI RTA BZANG PO STE, ,ZHES BYA BA NI, JI LTAR MI DPA' BO DANG RTA BZANG POS DGRA'I G-YUL LAS THAR PA DANG 'DRA BAR CHE BA GANG DAG NGAG TZAM GYIS SDIG PA LAS LDOG CING 'PHAGS PA'I GANG DAG NGAG TZAM GYIS SDIG PA LAS LDOG CING 'PHAGS PA'I 'DRA BA'I NYON MONGS PA'I G-YUL LAS THAR PAR 'GYUR BA'I PHYIR RO, ,NYON MONGS G-YUL ZHES BYA BA NI NYON MONGS PA DANG 'THAB PA'I PHYIR RO, ,THAR PAR 'GYUR ZHES BYA BA NI DGRA BCOM PA THOB PA'I DUS NA'O, ,YANG DAG PAR MI 'DZIN PA'I NYES DMIGS BSTAN PA'I PHYIR, SU LA 'ANG @027A *, ,SRAB 'DI MED PA'AM, ,NAM DU 'ANG 'DOD BAR MI 'GYUR BA, ,DE DAG NYON MONGS G-YUL LAS PHAM, ,GZUNGS MED RNAM PAR 'KHYAMS PAR 'GYUR, ,ZHES BYA BA GSUNGS TE, SU LA 'ANG SRAB 'DI MED CES BYA BA NI MU STEGS CAN RNAMS DANG, 'DOD PA LA LONGS SPYOD PA RNAMS LA CHOS NYID KYIS SO SOR THAR PA'I SRAB 'DI MED PA'I PHYIR RO, ,NAM DU'ANG 'DOD PAR MI 'GYUR BA, ,ZHES BYA BA NI KHA MU STIGS CAN DANG, 'DOD PA LA LONGS SPYOD PA RNAMS MA YIN YANG, YONGS SU MYA NGAN LAS 'DA' BA MA YIN PA'I CHOS CAN RNAMS SO SOR THAR PA'I SRAB 'DI SPANGS PA'I PHYIR NYON MONGS PA'I DBANG DU GYUR CING 'KHOR BA'I RGYA MTSOR YUN RING POR 'KHYAM PA'I PHYIR RO, ,NYON MONGS G-YUL LAS PHAM ZHES BYA BA NI, SO SOR THAR PA'I SRAB 'DI MED PA DANG, NAM DU'ANG 'DOD PAR MI 'GYUR BA DE GNYIS NYON MONGS PA'I DBANG DU GYUR PA'I PHYIR RO, ,GZUGS MED CES BYA BA NI DE GNYIS KYIS SO SOR THAR PA'I SRAB RNAM PAR SPANGS PA'I PHYIR RO, ,RNAM PAR 'KHYAMS PAR 'GYUR ZHES BYA BA NI DE GNYIS 'GRO BA LNGA'I 'KHOR BAR SNA TSOGS SU 'KHYAM PA'I PHYIR RO, ,YANG DAG PAR BSGO BA ZHES BYA BA BSTAN PA'I PHYIR, DGE 'DUN 'PHAGS MA DAG GSON CIG, DENG DGE 'DUN GYI GSO SBYONG BCU BZHI PA 'AM PATZVA LNGA PA STE GAL TE DGE 'DUN GYI DUS LA BAB CING BZOD NA, DGE 'DUN GYIS GNANG BAR MDZOD CIG DANG, DENG DGE 'DUN GSO SBYONG MDZAD DE SO SOR THAR PA'I MDO BSHAD PA GDON NO, ,'DI NI GSOL PA'O ZHES GSUNGS TE, 'DI DAG NI SEMS RNAM PAR G-YENG BA LAS MNGON DU BYED DU GZHUG PA'I DON YIN PAS NA YANG DAG PAR BSGO BA ZHES BYA'O, ,DE LA DGE 'DUN ZHES BYA BA NI RNAM PA DRUG STE, BZHI DANG, LNGA DANG, BCU DANG, NYI SHU DANG, BZHI BCU DANG, LNGA BCU LAS LHAG PAR 'DUS PA'O; ,DE LA BZHI 'DUS PAS NI TSUL NAS 'BYUNG BA DANG, BSNYEN PAR RDZOGS PAR BYA BA DANG, DBYUNG BA MA GTOGS PA DE LAS GZHAN THAMS CAD BYA'O, ,LNGA 'DUS PAS NI BSNYEN PAR RDZOGS PAR BYA BA DANG, DBYUNG BA MA GTOGS SO, ,BCU 'DUS PA DANG, NYI SHU 'DUS PAS @027B NI DBYUNG BA MA GTOGS SO, ,BZHI BCU 'AM BZHI BCU LAS LHAG PAR 'DUS PAS NI LAS THAMS CAD BYA'O, ,GSON CIG CES BYA BA NI GUS PAR BYED DU GZHUG PA'O, ,DENG ZHES BYA BA NI GSO SBYONG GI DUS KYI TSE'O, ,GSO SBYONG ZHES BYA BA NI PO SHA DHA' ZHES BYA BA'I SGRA LAS DRANGS NA, PO SHE NI DGE BA'I GSO SBYONG RGYAS PAR BYED PA LA BYA, DH'A NI RGYUG PA 'AM, DAG PAR BYED PA LTA BU LA BYA, SPYIR NA DUS DRUG TU KHRIMS NOD PA 'AM, DGE SLONG MA KHRIMS KYI YAN LAG NYAMS PA RNAMS GSO ZHING SBYONG BA'I MING STE, DE'I PHYIR GSO SBYONG ZHES BYA'O, ,'DUL BA MA LTA BU LAS KYANG, CI'I PHYIR GSO SBYONG ZHES BYA ZHE NA, SDIG PA MI DGE BA'I CHOS DANG, NYON MONGS PA DANG, RNAM PAR MA BYANG BA DANG, RANG BZHIN GYIS MA DAG PA RNAMS NGES PAR SPONG BAR 'GYUR ZHING RNAM PAR DAG PA RANG BZHIN NYE BAR 'THOB PAR 'GYUR BA'I PHYIR RO ZHES GSUNGS SO, ,BCU BZHI PA 'AM BCU LNGA PA ZHES BYA BA NI GSO SBYONG GI DUS SHES PAR BYED PA STE, DE LA BCU BZHI PA SMOS PA NI ZHAG LA SHOL YOD PA'I PHYIR TE, RGYAL PO GZUGS CAN SNYING PO'I YUL DU NI LO LNGA ZHING LAN CIG SHOL 'DOR BA'I PHYIR, DE DANG SBYAR NA LO BCU BZHI BA'I GSO SBYONG NI DRUG GO, ,BCVA LNGA PA NI BCVA BRGYAD DE, DE LA BCU BZHI BA DRUG GANG ZHE NA, DGUN ZLA 'BRING PO DANG, DPYID ZLA THA CHUNGS DANG, STON ZLA RA BA DANG, DGUN ZLA THA CHUNGS DANG, SBYAR ZLA RA BA DANG, STON ZLA 'BRING PO DANG, 'DI DRUG GI GNAM STONG NI BCU BZHI'I GSO SBYONG STE, 'DUL BA BSDUS PA LAS KYANG, DE LA DGUN DANG, DPYID DANG; DBYAR RNAMS KYI ZLA BA PHYED DANG GSUM DANG, BDUN PA NI GSO SBYONG BCU BZHI PA'O, ,DE LAS GZHAN PA NI BCVA LNGA PA'O ZHES BSHAD DO, ,GSO SBYONG LA RNAM PA LNGA STE, BKRA SHIS DANG, ZHIG NAS DANG, 'DUM PA DANG, GLO BUR DANG, DUS KYI GSO SBYONG STE, SKABS 'DIR BCU BZHI DANG BCVA LNGA SMOS PA NI DUS KYI GSO SBYONG LA BYA'O, ,DE LA BKRA SHIS KYI GSO SBYONG NI DGE 'DUN LA CHOS NGAN PA DANG, LTAS NGAN PA BYUNG NA ZHI BAR BYA BA'I PHYIR DGE 'DUN 'DUS NAS DUS LA MA BAB PAR GSO SBYONG BYED PA'O, ,'DUL BA BSDUS PA LA NI DGE 'DUN BYE BA'I SDUMS BYA BA DANG MTHUN @028A *, ,PAR BYA BA'I GSO SBYONG STE, DGAR BA'I LAS BYAS PA TSANGS PAR BYA ZHING MTHUN PAR BYA BA'I GSO SBYONG BYA BAR GSOL BA 'DEBS PA ZHES BSHAD DO, ,ZHI GNAS KYI GSO SBYONG NI BSAM GTAN BSGOM PA NYID RNAM PAR DAG PA YIN PAS, RNAL 'BYOR YID LA BYED PA LA BYA'O, ,'DUM PA'I GSO SBYONG NI CHOS KYI RTAG CHAD DANG, 'DUL BA'I LCI YANG MA DUM PA'I PHYIR DGE 'DUN SDE SO SOR CHAD PA LA PHYIS 'DUM PAR 'GYUR NA, 'DUM PA'I GSO SBYONG MA BYAS NA, MTHUN PAR MI 'GYUR BAS 'DUM PA'I GSO SBYONG GYIS SHIG PA'O, ,GLO BUR GYI GSO SBYONG NI NAD PA LA SOGS PA LA YE 'DROG BYUNG NA DE ZHI BAR BYA BA'I PHYIR DGE 'DUN GSO SBYONG GYIS SHIG PA'O, ,GSO SBYONG GI NYI MA YONGS SU SHES PAR BYA BA DANG, 'JIG RTEN PA LA BSNYAD PA'I PHYIR DE NI ZLA BA PHYED KYI TSES 'DI YIN NO ZHES DGE 'DUN LA TSES GRANGS BRJOD CING GTZUG LAG KHANG GI BDAG PO DANG SRUNG MA RNAMS KYI PHYIR, ZHAL NAS GSUNGS PA'I TSIGS SU BCAD PA RE RE BRJOD CIG CES GTZUG LAG SKYONG GIS NYIN GCIG BZHIN DU BRJOD PAR BYA'O, ,NYI MA DANG ZLA BA NI SKAR MA DANG RGYAL PO DANG YANG MTHUN PAR BYA'O, ,DUS LA BAB CES BYA BA NI GSO SBYONG GI DUS SO, ,BZOD CES BYA BA NI BDAG GIS SO SOR THAR PA'I MDO BKLAGS PAR BZOD PAR GYUR NA ZHES BYA BA'I THA TSIG GO, ,DGE 'DUN GYIS GNANG BAR MDZAD CIG PA'O, ,JE SO SOR THAR PA'I MDO BSHAD PA GDON NO ZHES BYA BA NI RNAM PA BZHI STE, GLENG GZHI BRJOD NAS GZHAN GSAN PA LAGS ZHES BRJOD PA DANG, DE BZHIN DU PHA MA DANG, LHAG MA RDZOGS NAS GZHAN NI GSAN PA LAGS ZHES BYA BA DANG, RDZOGS PAR 'DON PA DANG BZHI'O, ,'DI NI GSOL BA'O ZHES BYA BA NI DGE 'DUN THAMS CAD CES BYA BA'I MTHA' STON TE, GSOL BA GCIG PA'I LAS 'DI YIN PAR BSTAN PA'O, ,CI'I PHYIR THAMS CAD KYIS MI GDON ZHE NA, THAMS CAD KYIS 'DON NA CHOS NYAN PA'I TSUL DU YANG MI RUNG LA, LA LAS MGOR BKLAGS LA LAS MJUG TU BKLAGS PAS RDZOGS PAR MI 'GYUR BA LA SOGS SKYON DU 'GYUR BA'I PHYIR RO, ,'KHOR RNAM PAR DAG PA'I DBANG DU BYAS NAS 'PHAGS MA DAG @028B BDAG CAG GSO SBYONG BYA STE ZHES BYA BA NAS, DE DE BZHIN DU 'DZIN TO ZHES BYA BA'I BAR DU GSUNGS TE, 'DI LA YANG RNAM PA LNGAR DBYE ZHING BSHAD PAR BYA'O, ,LNGA GANG ZHE NA NYES PA BSHAGS SU GZUG PA DANG, YONGS SU DAG PAR RIG PAR BYA BA DANG, NYES PA MA BSHAGS PA'I NYES DMIGS BSTAN PA DANG, NYES PA BSHAGS PA'I PHAN YON GYI 'BRAS BU DANG, MJUG BSDUS SHING YONGS SU DAG PA 'DRI BA'O, ,DE LA NYES PA BSHAGS SU GZUG PA ZHES BYA BA NI, 'PHAGS MA DAG BDAG CAG GSO SBYONG BYAS TE, SO SOR THAR PA'I MDO BSHAD PA GDON GYI, KHYED CAG SU LA NYES PA YOD PA DES MTHOL CIG CES BYA BA YIN TE, GZHAN GO SLA BAS MA BSHAD DE, DE LA KHYED CAG SU LA ZHES BYA BA NI GANG YANG RUNG BA'O, ,NYES PA ZHES BYA BA NI RANG BZHIN DANG, BCAS PA'I KHA NA MA THO BA RNAMS BKA' LA BRGYAS PA DANG, LUNG DU MI STON PA'I SEMS KYIS BYAS PA'O, ,YOD PA ZHES BYA BA NI GNYEN PO MA BYAS PA RNAMS SO, ,DES MTHOL CIG CES BYA BA GNYEN PO LA BRTEN PAR BYA'O ZHES BYA BA'I THA TSIG STE, DGE SLONG MA GCIG GI MDUN DU NYES PA BYUNG BA GANG YIN PA DES BLA GOS PHRAG PA GCIG TU GZAR TE, COG BUR 'DUG CING THAL MO SBYAR NAS, BDAG NYES PA'I MING NAS SMOS TE, 'PHAGS MA DGONGS SU GSOL, BDAG MING 'DI ZHES BGYI BA NONGS PA 'DI LTA TU BYUNG STE, DE BDAG GIS 'BAGS MA'I MDUN DU GTZANG MA'I MTHA' NAS BZUNG STE, MTHOL ZHING BSHAGS SO, ,MI 'CHAB BO; ,MTHOL ZHING BSHAGS NAS BDAG BDE BA LA REG CING BDE BAR 'GYUR GYI, MA MTHOL MA BSHAGS NA NI MA YIN NO ZHES BRJOD PAR BYA'O, ,DES KYANG 'DI SKAD DU KHYOD NYES PA MTHONG NGAM, DE LTAR 'GYOD DAM, PHYIN CAD SDOM MAM ZHES 'DRI BAR BYA STE, DES KYANG NYES PA MTHONG; DA LTAR 'GYOD, PHYIN CHAD CHOD PAR SDOM MO ZHES DE LTAR PHAN TSUN LAN GSUM GYI BAR DU BRJOD PAR BYA'O, ,LTUNG BA LA THE TSOM ZAN 'DUL BA 'DZIN PA LA SOGS PA LAS THE TSOM BSAL NAS, LTUNG BA GANG YIN PA GTAN LA PHAB STE BSHAGS PAR BYA'O, ,DGE SLONG MA'I @029A *, ,DRUNG DU NYES PA BSHAGS PAR BYA'I, DGE SLONG MA LA SOGS PA LA NI MA YIN TE, ,DE DAG GI MDUN DU 'CHAGS NA, 'DAS PA DANG BCAS PA'O, ,NYES PA 'DRA BA'I MDUN DU BSHAGS PAR MI BYA STE, NYES PA 'DRA BA JI LTA BU ZHE NA, PHAS PHAM PA NI PHAS PHAM PA 'DRA LA, DE BZHIN DU NYES BYAS KYANG NYES BYAS DANG 'DRA BA'I BAR DU'O, ,GAL TE DGE 'DUN GYI NANG NYES PA DRAN NA, DES 'DI LTAR BYIN GYIS BRLAB PAR BYAS TE, DENG DGE 'DUN GYI GSO SBYONG BCVO LNGA STE, BDAG MING 'DI ZHES BGYI BA, DGE 'DUN GYI NANG DU NONGS PAR DRAN PA 'DI RANG GI SEMS KYIS BSLAB PO, ,RE ZHIG GSO SBYONG BGYIS LA SLAD KYIS CHOS BZHIN DU GYI'O ZHES BYIN GYIS BRLAB PAR BYA'O, ,GAL TE SO SOR THAR PA'I MDO 'DON PAS DGE 'DUN GYI NANG DU NYES PA DRAN NA YANG DE BZHIN DU BYIN GYIS BRLAB PAR BYA'O, ,DGE 'DUN GYI NANG DU LTUNG BA LA THE TSOM YOD NA YANG GONG MA BZHIN DU BYA'O, ,GAL TE GSO SBYONG GI TSE DGE 'DUN LTUNG BA DANG BCAS PAR GYUR NA, GNAS GZHAN DU DGE SLONG MA LTUNG BA MA BYUNG BA YOD PA DER, DGE SLONG MA GCIG LTUNG BA BSHAGS SU BTANG ZHING PHYIR 'ONG BA SPRO BA BSKYED PAR BYA'O, ,DE GNYES PA BSHAGS NAS PHYIR 'ONGS PA DANG, GZHAN DAG DE'I MDUN DU NYES PA RNAMS BSHAGS NAS DE NAS GDOD GSO SBYONG BYA'O, ,DE LTA BU MED NA DGROL BA'I GSOL BA 'BA' ZHIG BYA STE, DE NAS GSO SBYONG BYA'O, ,DE YANG 'DI LTAR BYA STE, 'PHAGS MA'I DGE 'DUN GSON CIG ,DENG DGE 'DUN GYI GSO SBYONG BCVA LNGA PA STE, DGE 'DUN THAMS CAD NONGS PA DANG BCAS PAR GYUR NA, GANG GI MDUN DU BDAG NONG PA DE CHOS BZHIN DU GNYEN PO BGYI BAR 'GA' TZAM GNAS GZHAN DU MCHIS NAS, ,DGE SLONG MA'I MDUN DU CHOS BZHIN DU BGYI BAR SPRO BA MA MCHIS TE 'DI NI GSOL BA'O ZHES BRJOD PAR BYA'O, ,GAL TE DGE 'DUN THAMS CAD LTUNG BA LA THE TSOM DU GYUR NA YANG, CHO GA GONG DU BSHAD PA BZHIN DU BYA'O, ,DGE 'DUN THAMS CAD NYES PA DANG BCAS PAR GYUR LA, GZHI PA 'AM GLO BUR DU LHAGS PA 'ANG RUNG STE, DGE SLONG MA LTUNG @029B BA MA BYUNG BA GCIG YOD NA, DES NGO SHES PA RNAMS LA 'DI LTAR BSKUL BAR BYA STE, 'PHAGS MA GANG GIS 'DI DANG 'DI LTA BU BYAS NA DE LA CIR 'GYUR, LTUNG BA DANG BCAS PA'O, ,'PHAGS MA YANG DE'I TSE NA 'DI DANG 'DI LTA BU BYAS PA DRAN NAM, DRAN NO, ,DE YANG LTUNG BA DANG BCAS PA YIN NO ZHES SMRAS PA DANG, GAL TE BDAG 'BA' ZHIG MA LAGS KYI DGE 'DUN THAMS CAD KYANG BYUNG NGO ZHES ZER NA, DE LA KHYOD NYID LTUNG BA CHOS BZHIN DU BYOS SHIG DANG, DGE 'DUN THAMS CAD LTAR BSKUL BAR BYA STE, 'PHAGS MA GANG GIS 'DI DANG 'DI LTA BU 'CHAGS SU BTUB PAR GYUR NA; BLAG BA MED PA'I GNAS SU DGE SLONG MA GZHAN DAG GIS KYANG MTHONG 'CHAGS SU BTUB PAR GYUR PA DE LTAR 'CHAGS SU GZHUG GO, ,DE BZHIN GRUB NA LEGS, MA GRUB NA DE BZHIN ZHOG SHIG ,MA DAD BZHIN GLING BSKUL NA 'DAS PA DANG BCAS PA'O, ,KHYIM PA DANG; MA NING DANG, ZA MA DANG, DGE SLONG PHA SUN PHYUNG BA DANG, MTSAMS MED PA LNGA BYAS PA DANG, MU STEGS CAN LA SOGS PA DANG GSO SBYONG MI BYA'I, MTHUN PAR GNAS PA YONGS SU DAG PA LTA BA MTSUNGS PAR SPYOD PA RNAMS DANG BYA'O, ,GANG GCIG PUR GNAS TE GZHAN MED NA DES GSO SBYONG GI NYIN PAR DRI GTZANG KHANG LA SOGS PA BSKU BA DANG, PHYAG DAR DANG, GDAN GDING BA LA SOGS PA YO BYAD RNAMS BSHAMS TE, DGE SLONG MA RNAMS BSDAD CING KHYIM PA RNAMS LA CHOS BSHAD PAR BYA'O, ,KHYIM PA CHOS NYAN PA MED NA GTZUG LAG KHANG GI SRUNG MA'I PHYIR KHA TON BYA'O, ,DE LTAR BSDAD DE DGE SLONG MA SU YANG 'ONG BA MED NA BDAG NYID STAN LA 'DUG STE, DE DANG DGE 'DUN GYI GSO SBYONG BCVA LNGA PA, BDAG MING 'DI ZHES BGYI BA'I GSO SBYONG BCVA LNGA STE, BDAG MING 'DI ZHES BGYI BAR CHAD KYI CHOS RNAMS GTZANG BAR BDAG NYID SMRA STE, GSO SBYONG BYIN GYIS BRLAB PA'O, ,TSUL KHRIM KYI PHUNG PO YONGS SU RDZOGS PAR BYA BA'I PHYIR NAM DGE 'DUN 'DUS PA DANG PHRAD PA DER GSO SBYONG BGYI'O ZHES LAN GSUM BRJOD PAR BYA'O, ,GANG NA GNYIS DANG GSUM GNAS PA DER YANG CHO GA 'DI BZHIN BYA'O, ,SEMS @030A *, ,BSKYED PAS DRUG 'GRUB PA STE, CHOS GOS BYIN GYIS BRLAB PA DANG, CHOS GOS DBYUNG BA DANG, GOS BRTAGS PA DANG, GANG ZAG MGRON DU BOS PA DANG, GSO SBYONG DANG, TSUL NAS 'BYUNG BA'O, ,YONGS SU DAG PAR RIG PAR BYA BA NI, NYES PA MED NA CANG MA SMRA SHIG, CANG MI SMRA NA BDAG CAG GIS 'PHAGS MA DAG YONGS SU DAG PAR RIG PAR BGYI STE, JI LTAR SO SOR DRIS NAS DGE SLONG MAS LAN BTAB PA DE BZHIN DU DGE SLONG MA'I 'KHOR 'DI LTAR BUR LAN GSUM BSGRAG PAR BYA'O ZHES BYA BA YIN TE, DE LA NYES PA MED NA ZHES BYA BA NI LTUNG BA SDE LNGA'I NYES PA MED PA'O, ,MA SMRA SHIG CES BYA BA NI 'PHAGS MA RNAMS NI CANG MI SMRA BAS 'GRUB PA YIN PAS 'DIR YANG GANG MI SMRA BA DE NYID YONGS SU DAG PAR LAN BTAB PAR GYUR PA'I PHYIR RO, ,CANG MI SMRA NA BDAG CAG GIS 'PHAGS MA DAG YONGS SU DAG PAR RIG PAR BGYI STE ZHES BYA BA NI GANG MI SMRA BA NYID NYES PA MED PA YIN PAR GONG DU DAM BCAS PA'I PHYIR RO, ,JI LTAR SO SOR DRIS NAS DGE SLONG MAS LAN BTAB PA DE BZHIN DU ZHES BYA BA NI JI LTAR GANG ZAG GI GSO SPYOD BYED PA'I TSE, GANG GI MDUN DU BSHAGS PAR BYED PA DE LA DRUNG NA 'DUG PAS KHYED NYES PA DRAN NAM, DA LTAR 'GYOD DAM PHYIN CHAD CHOD PAR SDOM MAM ZHES DRIS PA DANG, DES KYANG NYES PAR MTHONG, DA LTAR 'GYOD, PHYIN CHAD SDOM ZHES KHAS BLANGS BA TZAM GYIS YONGS SU DAG PA 'THOB PAR 'GYUR BA DE BZHIN DU 'DIR YANG CANG MI SMRA BAS LAN BTAB PAS YONGS SU DAG PAR 'GYUR RO ZHES BYA BA'I THA TSIG GO, ,DGE SLONG MA'I 'KHOR 'DI LTA BUR LAN GSUM DU BSGRAG PAR BYA'O ZHES BYA BA NI, GONG DU MDO LAS 'PHAGS MA DAG BDAG CAG GSO SBYONG BYA STE, SO SOR THAR PA'I MDO BSHAD PA GDON GYI KHYED CAG NYES PA YOD PA DES MTHOL CIG, NYES PA MED NA CANG MA SMRA ZHIG CES 'BYUNG BA DE LAN GSUM DU BSGRAG DGOS PA'I PHYIR RO, ,CI'I PHYIR LAN GSUM KHO NA ZHE NA, GSUM LAS NYUNGS NA NI G-YENG BA KHA CIG GIS DON MI GO'O, ,DE LAS MANGS NA RING DU THOGS PA'I PHYIR GNYIS DANG GSUM NI RAN PAR GSUNGS SO, ,NYES PA MA BSHAGS @030B PA'I NYES DMIGS BSTEN PA ZHES BYA BA NI, YANG DGE SLONG MA GANG DGE SLONG MA'I 'KHOR 'DI LTA BUR LAN GSUM GYI BAR DU BSGRAGS PA LAS NYES PA YOD LA DRAN BZHIN DU, MA MTHOL NA SHES BZHIN DU BRDZUN ZER BA YIN NO, ,'PHAGS MA DAG SHES BZHIN DU BRDZUN SMRA BA NI, BCOM LDAN 'DAS KYIS BAR DU GCOD PA'I CHOS SU GSUNGS SO BYA BA YIN TE, DE LA NYES PA YOD LA ZHES BYA BA NI LTUNG BA SDE LNGA'I GANG YANG RUNG BA'O, ,DRAN BZHIN DU ZHES BYA BA NI NYES PA YOD KYANG MA DRAN TE, MA BSHAGS NA BRDZUN DU MI 'GYUR BA'I PHYIR RO, ,DE SHES BZHIN DU BRDZUN ZER BA YIN NO ZHES BYA BA NI GANG NYES PA YOD PAR DRAN BZHIN DU MA BSHAGS SHING CANG MI SMRA BAS LAN BTAB PA NYID TSIG GIS GO BAR BYA BA'I DON BRDAS GO BAR BYA BA'I PHYIR CANG MA SMRAS KYANG BRDZUN DU 'GYUR BA'I PHYIR RO, ,BAR DU GCOD PA ZHES BYA BA NI DUS GNYIS SU STE TSE 'DI NYID LA DGE BA'I CHOS RNAMS DANG, TSE RABS GZHAN NA MNGON PAR MTHO BA DANG, NGES PAR LEGS PA'I BAR DU GCOD PA'I PHYIR RO, ,NYES PA BSHAGS PA'I PHAN YON GYI 'BRAS BU ZHES BYA BA NI, DE BAS NA DGE SLONG MA NYES PA BYUNG BA RNAM PAR DAG PAR 'DOD PAS NYES PA YOD NA DRAN ZHING MTHONG BA BSHAGS PAR BYA'O; ,BSHAGS NA BDE BAR 'GYUR RO, ,MA BSHAGS MA MTHOL NA NI MA YIN NO ZHES BYA BA'O, ,DE LA RNAM PAR DAG PAR 'DOD PAS ZHES BYA BA NI GANG DAG MYA NGAN LAS 'DAS PAR 'DOD PA RNAMS SO, ,BSHAGS NA BDE BAR 'GYUR ZHES BYA BA NI RNAM PA LNGA'I TSUL DU BSHAGS NA BDE BAR 'GYUR BA'I PHYIR TE, LE LO'I GNYEN PO BRTZON 'GRUS RTZOM PA DANG, KHA NA MA THO BA 'BYUNG BA'I GNYEN PO KHA NA MA THO BA MED PA SKYED PA DANG, BSLAB PA KHYAD DU GSOD PA'I GNYEN PO GUS PA DANG BCAS PA DANG, 'GYOD PA'I GNYEN PO 'GYOD PA MED PA DANG, RNAM PAR MA DAG PA'I GNYEN PO TING NGE 'DZIN DANG YANG DAG PA JI LTA BA BZHIN DU SHES PA RNAMS KYIS RNAM PAR DAG PA STE, 'DI RNAMS KYIS MI MTHUN PA'I PHYOGS SPANG ZHING MYA NGAN LAS 'DAS PA'I BDE BA LA REG PA'I PHYIR RO, ,GZHAN NI GO SLA BAS MA BSHAD DO, ,MJUG BSDU ZHIN @031A *, ,YONGS SU DAG PA 'DRI BA ZHES BYA BA NI, 'PHAGS MA DAG BDAG GIS SO SOR THAR PA'I MDO BSHAD PA'I GLENG GZHI BRJOD ZIN TO, ,DE LA BDAG GIS 'PHAGS MA DAG LA CI 'DI LA YONGS SU DAG PAR GNAS SAM ZHES DRI'O, ,CI 'DI NA YONGS SU DAG PAR GNAS SAM ZHES LAN GNYIS LAN GSUM DU DRI'O, ,'DI NI 'PHAGS MA DAG YONGS SU DAG NA GANG GI PHYIR CANG MI SMRA BAS DE DE BZHIN DU 'DZIN TO ZHES BYA BA'O, ,DE LA GLENG GZHI ZHES BYA BA NI SO SOR THAR PA'I MDO 'DON PAR 'GYUR BA'I RGYU STE, DE'I 'OG TU SO SOR THAR PA'I MDO 'DON PA NYID 'BYUNG BA'I PHYIR RO, ,BRJOD ZIN TO ZHES BYA BA NI NYAN PA'I 'KHOR RNAMS SPRO BA SKYED PA'I PHYIR TE, 'DI NI MJUG BSDU BA'O, ,CI 'DI NI YONGS SU DAG PAR GNAS SAM ZHES BYA BA NI BSHAD MA THAG PA'I GLENG GZHI LAS 'BYUNG BA BZHIN YONGS SU GTZANG NGAM ZHES BYA BA'I THA TSIG STE, 'DI NI YONGS SU DAG PAR 'DRI BA'O, ,SO SOR THAR PA'I BSDUS PA'I DON RNAM PA BRGYAD DU BSTAN PA LAS DANG PO STE, GLENG GZHI BSTAN PA ZHES BYA BA BSTAN ZIN TO, ,'DI MAN CHAD NI BSDUS PA'I DON RNAM PA BRGYAD DU BSTAN PA LAS GNYIS PA STE, BSLAB PA'I DNGOS PO RNAMS BSTAN ZHES STON TO, , 'DI LA YANG RNAM PA GNYIS SU DBYE STE, LTUNG BA'I DNGOS PO RNAMS BSTAN PA DANG RTZOD PA'I GNYEN PO RNAMS BSTAN PA'O, ,DE LA LTUNG BA'I DNGOS PO RNAMS BSTAN PA ZHES BYA BA NI PHAS PHAM PA BRGYAD NAS BSLAB PA'I CHOS MANG PO RNAMS RDZOGS PA'I BAR DU'O, ,RTZOD PA'I GNYEN PO RNAMS BSTAN PA ZHES BYA BA NI ZHI BAR BYA BA'I CHOS BDUN PO RNAMS SO, ,DE LA LTUNG BA'I DNGOS PO BSTAN PA YANG LTUNG BA SDE LNGAR DBYE STE LTUNG BA SDE LNGA GANG ZHE NA, PHAS PHAM PA DANG, DGE 'DUN LHAG MA DANG, LTUNG BA DANG, SO SOR BSHAGS PA DANG, NYES BYAS KYI SDE RNAMS SO, ,DE LA PHAS PHAM PA'I SDE ZHES BYA BA NI PHAS PHAM PA BRGYAD PO RNAMS SO, ,DGE 'DUN LTAG MA'I SDE ZHES BYA BA NI DGE 'DUN LHAG MA'I CHOS NYI SHU PO RNAMS SO, ,LTUNG BA'I SDE ZHES BYA BA NI SPANG BA LTUNG BA'I CHOS SUM CU RTZA GSUM DANG, LTUNG BA BRGYA BRGYAD CU PO RNAMS SO, ,SO SOR BSHAGS PAR BYA BA'I SDE ZHES BYA BA NI SO SOR @031B BSHAGS PAR BYA BA'I CHOS BCU GCIG PO RNAMS SO, ,NYES BYAS KYI SDE ZHES BYA BA NI BSLAB PA'I CHOS MANG PO RNAMS SO, ,'DIR PHAS PHAM PA'I SDE RNAMS SNGAR BSTAN PA'I PHYIR RO, ,MDOR BSTAN PA NI, MI TSANGS SPYOD DANG MA BYIN LEN PA DANG, ,MI GSOD MI CHOS BLA MAR GYUR SMRA DANG; ,RI DAGS DGRA YI BU DANG SPOS 'TSANG KHYE'U, ,MDZA' CAN MA DANG GRE LAS SKYES BYA BA GSUNGS SO, ,TSIGS SU BCAD PA 'DI NI PHAS PHAM PA BRGYAD PO RNAMS KYI BSDUS PA'I DON TE, PHAS PHAM PA BRGYAD LAS MANG NYUNG DU SKYED CING DBRIR DOGS PA DANG, 'OG NAS 'BYUNG BA'I DON RNAMS BDE BLAG TU KHONG DU CHUD PAR BYA BA'I PHYIR RO, ,BSLAB PA'I DNGOS PO RE RE LA YANG SPYIR DON RNAM PA NYI SHU RTZA GCIG GIS BSHAD PA'I PHYIR TE, NYI SHU RTZA GCIG PO GANG ZHE NA, 'DI LTA STE, GLENG GZHI DANG, GANG ZAG DANG, NYES PA DANG, DNGOS PO DANG, NYON MONGS PA DANG, MTSAN NYID DANG, NYES PAR 'GYUR BA DANG, NYES PAR MI 'GYUR BA DANG, YAN LAG RNAMS DANG, 'BYUNG BA DANG, MTSAN MA DANG, RGYUN CHAD PA DANG, RGYUN CHAD PA DANG, KHA NA MA THO BA DANG, BYAS MA BYAS DANG, SPYAD MA SPYAD DANG, LCI YANG DANG; SPYI'I MTSAN NYID DANG, GSO BA DANG, NYON MONGS PAR MI 'GYUR BA DANG, NYES PA 'BYUNG BA'I RGYU'O, ,DES GRONG KHYER GANG DU BCAS PA DE NI GLENG GZHI'O, ,GANG LA BRTEN TE BSLAB PA BABS PA NI GANG ZAG DES LUS DANG NGAG GIS NYES PA BYAS PA GANG YIN PA DE NI NYES PA'O, ,DNGOS PO NI RGYAS PAR DBYE NA MANG MOD KYI MDOR BSDUS NA RNAM PA GNYIS TE, SEMS CAN DANG SEMS CAN MA YIN PAR BRJOD PA STE, BSLAB PA'I DNGOS PO THAMS CAD 'DI GNYIS LAS BCAS PA'I PHYIR RO, ,NYON MONGS PA NI RGYAS PAR DBYE NA MANG MOD KYI MDOR BSDU NA GNYIS SO, ,GNYIS GANG ZHE NA LHAN CIG SKYES PA DANG, KUN NAS BRTAGS PA'I NYON MONGS PA STE, LTUNG BA THAMS CAD 'DI GNYIS LAS 'BYUNG BA'I PHYIR RO, ,MTSAN NYID BSLAB PA'I DNGOS PO RNAMS KYIS MTSAN NYID BSTAN PA STE, YANG ZHES BYA BA'I SGRA NI @032A *, ,LAS DANG PO PA LA NYES PA MED PAR STON TO ZHES BSHAD PA LTA BU'O, ,NYES PAR 'GYUR BA NI 'DI LTAR BYAS NA NYES PAR 'GYUR RO ZHES BSTAN PA'O, ,NYES PAR MI 'GYUR BA NI 'DI LTAR BYAS NA NYES PAR MI 'GYUR RO ZHES BSTAN PA RNAMS SO, ,YAN LAG 'DI RNAMS DANG LDAN NA NYES PAR 'GYUR 'DI RNAMS DANG MI LDAN NA NYES PAR MI 'GYUR RO ZHES BSTAN PA RNAMS SO, ,'BYUNG BA NI RNAM PA DRUG STE, LUS DANG, NGAG DANG, LUS DANG SEMS DANG, NGAG DANG, NGAG DANG SEMS DANG, LUS DANG NGAG DANG SEMS RNAMS TE, LTUNG BA THAMS CAD 'DI DRUG GIS 'BYUNG BA'I PHYIR RO, ,MTSAN MA NI PHAS PHAM PA LA SOGS PA'I MING STE, DGE BA'I CHOS KYI NUS PA PHONGS PAR BYED PA DANG, NGAN SONG GI KHA NA MA THO BA SKYED PA'I PHYIR PHAS PHAM PA ZHES BYA BA'O, ,DGE 'DUN GYIS BSKRAD PA'I PHYIR LHAG MA YANG YIN TE, DE LTAR NYES PA DE BYUNG NA DGE 'DUN GYIS BSNYIGS TE, BSGO BA'I PHYIR RO, ,NGAN SONG RNAMS SU BSREG PA DANG 'TSED PA DANG LTUNG BA'I PHYIR LTUNG BA YANG YIN NO, ,MA BSHAGS NA KHA NA MA THO BA MANG DU BSKYED DO, BSHAGS PAR BYA BA'I PHYIR SO SOR BSHAGS PA YIN NO, ,NGAN PAR BYAS PAS SMAD PA'I PHYIR NYES BYAS KYANG YIN NO, ,RGYUN CHAD PA DANG MA CHAD PA NI GNYEN PO LA BRTEN PA NI NYES PA'I RGYUN CHAD PA'I PHYIR RGYUN CHAD PA ZHES BYA'O, ,DE LAS BZLOG PA NI RGYUN MA CHAD PA'O, ,KHA NA MA THO BA NI RNAM PA GNYIS TE, RANG BZHIN DANG, BCAS PA'I KHA NA MA THO BA STE, LTUNG BA THAMS CAD 'DI GNYIS KYI RANG BZHIN YIN PA'I PHYIR RO, ,BYAS MA BYAS NI SBYOR BA BYAS PA DANG, SBYOR BA MA BYAS KYANG NYES PAR 'GYUR BA GANG YIN PA'O, ,SPYAD MA SPYAD NI NYES PAR GYUR NAS BCAS PA GANG YIN PA'O, ,LCI YANG NI LCI BA LA RNAM PA DRUG STE, BCAS PA DANG, DNGOS PO DANG, NYON MONGS PA DANG, SGRUB PA DANG, GANG ZAG DANG, DUS SO, ,DE LA BCAS PA LAS LCI BA NI BSLAB PA BCAS NAS RANG BZHIN DANG BCAS PA'I KHA NA MA THO BA BYUNG BA'O, ,DNGOS PO LA LCI BA NI BYOL SONG GI SKYE GNAS PA SROG GCOD PA'I LTUNG BA NI LCI'I, DGE 'DUN LHAG MA NI @032B DE LTA MA YIN PA'I PHYIR RO, ,NYON MONGS PA LAS LCI BA NI MA GUS PA'I NYON MONGS PA LAS BYUNG BA GANG YIN PA'O, ,BSGRUB PA LAS LCI BA NI RGYUN DU BYUNG BA GANG YIN PA'O, ,GANG ZAG LAS LCI BA NI DGE BA'I RTZA BA BSAM GTAN PA BLUN PO'I RGYUD KYIS BYAS PA'O, ,DUS KYI LCI BA NI GANG NYES PA BYAS NAS YUN RING POR BCABS PA STE, DE DRUG LAS BZLOG PA NI YANG BA'O, ,SPYI'I MTSAN NYID NI LUS DANG NGAG GI LAS KYI MTSAN NYID DE BSLAB PA THAMS CAD 'DI GNYIS KYI LAS KYI MTSAN NYID YIN PA'I PHYIR RO, ,GSO BA NI RNAM PA BZHI STE, CHAD PA CHEN PO'I LAS KYI GSO BA NI PHAS PHAM PA'O, ,CHAD PA 'BRING GI LAS KYI GSO BA NI DGE 'DUN LHAG MA'O, ,CHAD PA CHUNG NGU'I LAS KYI GSO BA NI SPANGS PA'O, ,CHAD PA MED PA'I LAS KYI GSO BA NI GZHAN RNAMS SO, ,NYON MONGS PAR 'GYUR BA NI GANG 'DOD CHAGS LA SOGS PA'I NYON MONGS PA LAS BYUNG BA GANG YIN PA'O, ,NYON MONGS PAR MI 'GYUR BA NI DE MA YIN PA NYON MONGS PA GZHAN DAG LAS BYUNG BA'O, ,NYES PA 'BYUNG BA'I RGYU NI RNAM PA BZHI STE, MI SHES PA DANG, BAG MED PA DANG, NYON MONGS PA MANG BA DANG, MA GUS PA'O, ,JI LTAR MI SHES PAS 'BYUNG ZHE NA, 'DI LTAR 'DI NA LA LAS LTUNG BA MA THOS SHING MA RTOGS PAS DE BLO MA BYANG BA'I PHYIR LTUNG BA LA LTUNG BA MED PAR 'DU SHES PAS LTUNG BA 'BYUNG BAR 'GYUR BA'I PHYIR RO, ,JI LTAR BAG MED PAS 'BYUNG ZHE NA, 'DI NA LA LA LTUNG BA LA BLO BYANG BA YIN YANG BRJED NGAS PAR GNAS SHING, SHES BZHIN MA YIN PAR GNAS PAS DE DRAN PA NYE BAR MI GNAS PAS LTUNG BA 'BYUNG BAR 'GYUR BA'I PHYIR RO, ,JI LTAR NYON MONGS PA MANG BAS 'BYUNG ZHE NA, 'DI LTAR 'DI NA LA LA LTUNG BA LA BLO BYANG BA YIN YANG 'DOD CHAGS DANG, ZHE SDANG DANG, GTI MUG GI SHAS CHE BA'I RANG BZHIN CAN YIN PAS 'DI NI BYA BA MA YIN NO ZHES BYA BAR SHES KYANG RANG DBANG MED PAS NYON MONGS PA RNAMS KYI LTUNG BA 'BYUNG BAR 'GYUR BA'I PHYIR RO, ,JI LTAR MA GUS PAS 'BYUNG ZHE NA 'DI LTAR 'DI NA LA @033A *, ,LA LTUNG BA LA BLO BYANG BA YIN YANG, DMAN PA LA MOS SHING SNGON RGYU MA SPYAD PA YIN PAS DE DMAN PA LA MOS PA'I PHYIR DGE SBYONG GI TSUL LA MI LTA ZHING MYA NGAN LAS 'DAS PA DANG, CHOS DANG DGE 'DUN LA GUS PA DANG ZHES BYED PA DANG, NGO TSA MED PA DANG, BSLAB PA MI 'DOD PA DANG, MI GUS PAS 'DOD DGUR LTUNG BA 'BYUNG BAR 'GYUR BA'I PHYIR TE, NYI SHU RTZA GCIG PO 'DI RNAMS KYIS BSLAB PA'I DNGOS PO RNAMS DANG CI RIGS PAR KUN DANG SBYAR ZHING BSHAD PAR BYA'O, ,DE LA MI TSANGS SPYOD DANG ZHES BYA BA NI PHAS PHAM PA'I DANG PO STON TE; 'DI'I GLENG GZHI NI SANGS RGYAS BCOM LDAN 'DAS RGYAL PO'I KHAB NA BZHUGS SO, ,DE'I TSE NA SER SKYA BZANG MO ZHES BYA BA'I DGE SLONG MA SNGA DRO SHAM THABS DANG, CHOS GOS BGOS LHUNG BZED THOGS NAS RGYAL PO'I KHAB TU BSOD SNYOMS LA ZHUGS PA LAS, MA SKYES DGRA'I BLON POS SER SKYA BZANG MO GZUGS BZANG BA BLTA NA SDUG PA MDZES PAR MTHONG STE, DE MTHONG NAS 'DIS NI RGYAL PO'I MYA NGAN 'DUL BAR NUS SO ZHES SMRAS NAS CHOS GOS PHROGS TE GOS DKAR PO BSKON NAS RGYAL PO MA SKYES DGRA'I BTZUN MO'I NANG DU BZHAG GO, ,RGYAL PO BZONG MO DE'I GZUGS MTHONG MA THAG TU 'DOD CHAGS KYIS GZIR TE, RGYAL PO MA SKYES DGRAS NAN GYIS MTHUS BZUNG BA DANG, DE YANG SDUG BSNGAL ZHING MI BDE BAS GZIR BAR GYUR TO, ,DE'I TSE GOO TA MI SKYE DGU'I BDAG MO CHEN MO BTZVA LNGA'I GSO SBYONG GI TSE, DGE SLONG MA'I DGE 'DUN 'DUS SHING 'KHOD PA'I MDUN DU 'DUG GO, ,DE NAS GOO TA MI SKYE DGU'I BDAG MO CHEN MOS DGE SLONG MA'I DGE 'DUN GYI NANG NA DGE SLONG MA GANG MA 'ONGS ZHES KUN LAS BLTAS TE BRTAGS NA, SER SKYA BZANG MO BTZUN MO'I NANG DU CHUD DE SDUG BSNGAL BA DANG DOGS PA DANG GNOD PAR GYUR PAR MTHONG NAS DGE SLONG MA DAG LA SER SKYA BZANG MO MI SNANG NGO ZHES SMRAS SO, ,DE NAS GOO TA MI SKYE DGU'I BDAG MO CHEN MOS, AUTPA LA'I KHA DOG MA LA AUTPA LA'I KHA DOG MA SER SKYA BZANG MO DE LA SOMS SHIG CES SMRAS SO, ,DE SKAD CES BSGO BA DANG, @033B AUTPA LA'I KHA DOG MA 'DI LTA STE, SKYES BU MTHU BO CHE DE'I DPUNG PA BSKUM PA LAS BRKYANG BRKYANG BA LAS BSKUM PA TZAM GYIS DGE SLONG MA AUTPA LA'I KHA DOG LA GOO TA MI SKYE DGU'I BDAG MO CHEN MO LAS MNYAN TE, GSO SBYONG GI GNAS NAS MI SNANG BAR GYUR TE, RGYAL PO'I KHANG BZANGS KYI STENG NA 'DUG GO, ,AUTPA LA'I KHA DOG MAS SER SKYA BZANG MO SDUG BSNGAL ZHING DOGS PAS GNOD PAR 'GYUR BA MTHONG NGO, ,MTHONG NAS KYANG SER SKYA BZANG MO LA 'DI SKAD CES SMRAS SO, ,PHU NU MO KHYOD KYIS BDUD KYI SNGA THAMS CAD LA TSUGS NA, MU STEGS CAN DANG THUN MONG DU BZUNG BA'I RDZU 'PHRUL TZAM YANG MA NUS SAM, DE NAS AUTPA LA'I KHA DOG MAS DE LA LUNG BYIN TE, NUB MO 'DI DANG 'DI LTA BU YID LA BYOS SHIG CES BA SGO BA DANG, DES LUNG BLANGS TE, YID LA BYAS PA DANG, DES RDZU 'PHRUL GRUB NAS GOS DKAR PO DANG BCAS BZHIN DU STENG GI NAM MKHA' LAS BYUNG STE SONG NGO, ,AUTPA LA'I KHA DOG MAS BZANG MO KHRID NAS GSO SBYONG GI GNAS SU 'ONGS PA DANG, DGE SLONG MA BCU GNYIS SDE MOS BZANG MO MTHONG BA DANG, 'PHYA ZHING SMOD DO, ,BDAG CAG BTZUN MO DANG LHAN CIG TU GSO SBYONG MI BYA'O ZHES SMRAS SO, ,GOO TA MI SKYE DGU'I BDAG MO CHEN MOS DE LA BU MO RGYAL PO LA GSOL TE, CHOS GOS GYON LA SHOG SHIG CES SMRAS PA DANG, BZANG MO STENG GI NAM MKHA' LA BYUNG NAS RGYAL PO'I KHYIM GA LA BA DER SONG BA DANG, RGYAL PO GNYID KYIS LOG PAR MTHONG NGO, ,DE NAM MKHA' LA 'DUG NAS SE GOL GYI SGRAS RGYAL POS DPAR BYAS SO, ,RGYAL POS DE MTHONG BA DANG 'JIGS SKRAG STE, BA SPU BU GA NAS LANGS BZHIN DU SMRAS PA KHYOD CI LHA MO 'AM, GNOD SBYIN MO'AM, KLU MO 'AM, DRI ZA MO 'AM, LHA MA YIN MO 'AM, CI ZHES SMRAS PA DANG, BZANG MOS SMRAS PA, BDAG LHA MO YANG MA YIN, GNOD SBYIN MO YANG MA YIN, KLU MO YANG MA YIN, DRI ZA MO LA SOGS PA GANG YANG MA YIN ZHES SMRAS PA DANG, RGYAL POS SMRAS PA, 'O NA KHYOD SU YIN ZHES SMRAS PA DANG, BZANG MOS SMRAS PA, BDAG NI DGE SLONG MA STE, 'JIG RTEN GYI STON PA'I @034A *, ,NYAN THOS MA'O, ,RGYAL POS SMRAS PA, CHOS GOS MED PA LTUNG BZED MED, ,SKRA MA BREGS MA DGE SLONG MA'I, MTSAN MA CHA LUGS KHYOD LA MI SNANG GI ,MYOS MED SKYON DE GNYIS 'GAL DON MED SMROS, ,BZANG MOS RGYAL PO LA THAMS CAD RGYAS PAR SMRAS SO, , KHYOD KYI MI SRUN BLON POS BDAG GTZES TE, ,LHUNG BZED DANG NI CHOS GOS NAN GYIS PHROGS, ,GSO SBYONG BAR CHAD BYA BAR MI RIGS TE, ,PHA DANG MA YI NOR DE BDAG STZOL CIG ,RGYAL POS DE THOS PA DANG BRGYAL TE SA LA 'GYEL NAS CHUS GTOR TE SLAR BSLANG NGO, ,DE NAS RGYAL PO'I RKANG PA LA GTUGS TE DGA' BAR BYAS NAS, CHOS GOS DANG LHUNG BZED BYIN NO, ,DES CHOS GOS DANG LHUNG BZED THOGS NAS, GOO TA MI SKYE DGU'I BDAG MO CHEN MO GA LA BA DER SONG BA DANG, DE LTA BUR GYUR PA DGE SLONG MA DAG GIS DGE SLONG DAG LA SMRAS SO; DGE SLONG DAG GIS BCOM LDAN 'DAS LA GSOL PA DANG, DE NAS BCOM LDAN 'DAS KYIS BYUNG BA 'DI DANG, GLENG GZHI 'DI DANG, DON 'DI DANG, DE LTA BUR GYUR PA 'DI'I PHYIR DGE SLONG MA'I DGE 'DUN RNAMS BSDUS TE, SER SKYA'I BZANG MO LA SMRAS PA, DGE SLONG MKHYOD KYIS 'DI 'DRA BA'I MI RIGS PAR BYAS PA BDEN NAM, BTZUN PA MAD DO, ,DGE SLONG MA NYAMS SU BLANGS SAM, BTZUN PA BDAG SNGA NAS 'DOD CHAGS DANG BRAL BA LAGS NA, GAL ZHIG NYAMS SU LEN, BKA' STZAL PA, DGE SLONG MA 'DI LA NYES PA MED DO; ,DE LTA BU BYUNG YANG BCOM LDAN 'DAS KYIS DE'I MOD LA, NYAN THOS MA RNAMS LA 'DUL BA LA BSLAB PA'I GNAS MA BCAS MOD KYI, DE LEGS PAR BCU GZIGS PA NA NYAN THOS MA RNAMS LA BSLAB PA'I GNAS BCAS TE, BCU GANG ZHE NA, 'DI LTA STE, DGE 'DUN BSDU BA'I PHYIR DANG, DGE 'DUN LEGS PAR BYA BA'I PHYIR DANG, DGE 'DUN BDE BAR GNAS PAR BYA BA'I PHYIR DANG, GNOD MI BSKUR BA'I GANG ZAG RNAMS TSAR BCAD PA'I PHYIR DANG, NGO TSA SHES PA RNAMS BDE BAR GNAS PAR BYA BA'I PHYIR DANG, MNGON PAR @034B MA DAD PA RNAMS MNGON PAR DAD PAR BYA BA'I PHYIR DANG, MNGON PAR DAD PA RNAMS PHYIR ZHING DAD PAR BYA BA'I PHYIR DANG, TSE 'DI'I ZAG PA RNAMS BSDAM PAR BYA BA'I PHYIR DANG, TSE RABS PHYI MA'I ZAG PA RNAMS GZHOM PA'I PHYIR DANG, NGA'I TSANGS PAR SPYOD PA YUN RING DU GNAS PAR 'GYUR ZHING JI TZAM DU LHA DANG MI DANG, SKYE BO MONG PO LA RGYA CHER YANG DAG PAR RAB TU BSHAD PA'O, ,DE LA DGE 'DUN BSDU PA'I PHYIR ZHES BYA BA NI RGYAL RIGS NAS DMANGS RIGS KYI BAR GYI RIGS KYI BU DANG, RIGS KYI BU MO DAG KYANG GZUD PA'O, ,DGE 'DUN LEGS PAR BYA BA'I PHYIR ZHES BYA BA NI, ZHUGS PA RNAMS LEGS PAR GSUNGS PA'I CHOS 'DUL BA LA BRTEN NAS, BDE BA'I CHOS RNAMS MNGON PAR 'PHEL BA'O, ,DGE 'DUN BDE BAR GNAS PAR BYA BA'I PHYIR ZHES BYA BA NI, DGE BA'I CHOS RNAMS LA BRTEN NAS DAD PAS BYIN PA YONGS SU SBYANG BAR BYA'O, ,GNONG MI BSKUR BA'I GANG ZAG RNAMS TSAR BCAD PA'I PHYIR ZHES BYA BA NI, NGANG TSUL NGAN PA CAN DANG BSLAB PA LA MI SLOB PA'I GANG ZAG RNAMS NAN THUR GYI LAS KYIS BSKRAD PAR BYA'O, ,NGO TSA SHES PA RNAMS BDE BAR GNAS PAR BYA BA'I PHYIR ZHES BYA BA NI NGO TSANG SHES PA NI SO SO'I SKYE BO'I DGE BA RNAMS TE, DE DAG MI 'THAB PA DANG, MTSANG MI 'BRU BA DANG, MI RTZOD PA DANG, MI 'GYED PA BYA BA'O, ,MNGON PAR MA DAD PA RNAMS MNGON PAR DAD PAR BYA BA'I PHYIR ZHES BYA BA NI KHYIM PA DAD PA MA RNYED PA RNAMS DAD PA RNYED PAR BYA'O, ,MNGON PAR DAD PA RNAMS PHYIR ZHING DAD PAR BYA BA'I PHYIR ZHES BYA BA NI, DAD PA RNYED PA RNAMS KYIS SEMS BSRUNG BAR BYA'O, ,TSE 'DI'I ZAG PA RNAMS BSDAM PA'I PHYIR ZHES BYA BA LA TSE 'DI'I ZAG PA RNAMS BSDAM PA'I PHYIR ZHES BYA BA LA TSE 'DI'I ZAG PA RNAMS NI KUN NAS DKRIS PA STE DE SPANG BAR BYA'O, ,TSE RABS PHYI MA'I ZAG PA RNAMS GZHOM PA'I PHYIR ZHES BYA BA LA, TSE RABS PHYI MA'I ZAG PA ZHES BYA BA NI BAG LA NYAL BA STE, DE SPANG BAR BYA'O, ,NGA'I TSANGS PAR SPYOD PA YUN RING DU GNAS PAR 'GYUR ZHING CI TZAM DU LHA DANG MI DANG SKYE BO MANG PO LA RGYA CHER YANG DAG PAR RAB TU @035A *, ,BSHAD PA ZHES BYA BA NI, SDE SNOD GCIG NAS GCIG TU BRGYUD PA'I TSUL GYIS BSTAN PA YUN RING DU GNAS PA'O ZHES 'DUL BA BSDUS PA LAS 'BYUNG NGO, ,RNAL 'BYOR SPYOD PA'I SA RNAM PAR BSHAD PA BSDU BA LAS NI, DGE 'DUN BSDU BA'I PHYIR ZHES BYA BA NI, MDOR BSTAN PA'I TSIG YIN NO, ,DGE 'DUN LEGS PAR BYA BA'I PHYIR ZHES BYA BA NI 'DOD PA'I BSOD NYAMS KYI RJES SU BRTZON PA'I MTHA' RNAM PAR SPANG BA'I PHYIR RO, ,DGE 'DUN BDE BAR GNAS PAR BYA BA'I PHYIR ZHES BYA BA NI, BDAG NYID NGAL BA'I RJES SU BRTZON PA'I MTHA' RNAM PAR SPANG PA'I PHYIR RO, ,GNONG MI BSKUR BA'I GANG ZAG RNAMS TSAR GCAD PAR BYA BA'I PHYIR ZHES BYA BA NI TSUL KHRIMS 'CHAL BA RNAMS LA NAN TUR DU BYA BA'I PHYIR RO, ,NGO TSA SHES PA RNAMS BDE BAR GNAS PAR BYA BA'I PHYIR ZHES BYA