@94A *, ,RGYAS PA'I BSTAN BCOS TSAD MA RNAM 'GREL BZHUGS SO, , @94B *, RGYA GAR SKAD DU, PRA M'A nA B'AR TI K'A K'A RI K'A, BOD SKAD DU, TSAD MA RNAM 'GREL GYI TSIG LE'UR BYAS PA, 'PHAGS PA 'JAM DPAL GZHON NUR GYUR PA LA PHYAG 'TSAL LO, ,RTOG PA'I DRA BA RNAM BSAL ZHING, ,ZAB CING RGYA CHE'I SKU MNGA' BA, ,KUN TU BZANG PO'I 'OD ZER DAG ,KUN NAS 'PHRO LA PHYAG 'TSAL LO, ` ,SKYE BO PHAL CHER PHAL LA CHAGS SHING SHES RAB RTZAL MED PAS NA LEGS BSHAD RNAMS, ,DON DU MI GNYER KHO NAR MA ZAD PHRAG DOG DRI MA DAG GIS SDANG BAR YANG, ,YONGS GYUR DES NA BDAG LA 'DI NI GZHAN LA PHAN PA YIN ZHES BSAM PA'ANG MED, ,SEMS NI YUN RING LEGS BSHAD GOMS PA LHUR LEN BSKYED PHYIR 'DI LA DGA' BA SKYES, ` ,PHYOGS CHOS DE CHAS KHYAB PA YI, ,GTAN TSIGS DE NI RNAM GSUM NYID, ,MED NA MI 'BYUNG NGES PHYIR RO, ` ,GTAN TSIGS LTAR SNANG DE LAS GZHAN, ,RGYU LA RANG BZHIN JI SNYED CIG, ,MED NA MI 'BYUNG 'BRAS BU NI, ,GTAN TSIGS RANG BZHIN YOD TZAM DANG, ,'BREL PA CAN GYI NGO BO YANG, ,TSAD MA RNAMS NI MI 'JUG PA, ,MED LA MI 'JUG 'BRAS BU CAN, ,GTAN TSIGS BYE BRAG LA LTOS NAS, ,'GA' ZHIG MED SHES 'BRAS BU CAN, ,'GAL DANG 'BRAS BU DAG GRUB DANG, ,RGYU DANG @95A *, ,NGO BO BLTAR RUNG BA'I, ,BDAG NYID DAG NI MA GRUB PA, ,MED DON CAN MI DMIGS RNAM BZHI, ,DE DANG 'GAL BA YI NI RGYU, ,DMIGS PA'I SBYOR BA GANG YIN DE, ,RGYU MTSAN DAG NI 'GAL BA NYID, ,MED NA 'KHRUL PA CAN YIN NO, ` ,'GAL 'BRAS LA YANG YUL DANG NI, ,DUS LA SOGS LA LTOS PAR 'DOD, ,GZHAN DU 'KHRUL 'GYUR MI GRANG BA, ,SGRUB PA LA NI THAL BA BZHIN, ` ,RGYU TSOGS PA LAS 'BRAS SKYE BAR, ,RJES SU DPOG PA GANG YIN PA, ,DON GZHAN LA NI MI LTOS PHYIR, ,DE NI RANG BZHIN YIN PAR BRJOD, ` , TSOGS PA'I 'BRAS BU NUS PA RNAMS, ,'GYUR BA DANG 'BREL 'BRAS BU LA, ,MA NGES PA NI NYID YIN TE, ,GEGS BYED PA DAG SRID PHYIR RO, ` ,TSOGS PA GCIG LA RAG LUS PA'I, ,GZUGS LA SOGS PA ROS RTOGS PA, ,RGYU CHOS RJES SU DPAG PA STE, ,DU BAS BUD SHING 'GYUR BA BZHIN, ` ,NUS PA 'JUG PA MED PAR NI, ,RO MED DE NYID GZHAN GYI RGYU, ` ,DE LTAR 'DAS DUS GCIG RNAMS RTOGS, ,DE NI 'BRAS BU'I RTAGS LAS SKYES, ` ,RGYU MA TSOGS PAS 'BRAS BU NI, ,RJES SU DPOG PA GANG YIN DE, ,LHAG MA DANG LDAN NUS MED PHYIR, ,LUS LAS 'DOD CHAGS RJES DPOG BZHIN, ` ,MI MTHUN PHYOGS LA MA MTHONG BA, ,TZAM GYIS 'BRAS SPYI MTHONG BA LAS, ,GTAN TSIGS SHES PA TSAD LTAR SNANG, ,TSIG LAS CHAGS CAN LA SOGS BZHIN, ,MI MTHUN PHYOGS LA MA MTHONG BA, ,TZAM GYIS 'KHRUL PA MED PA MIN, ,'KHRUL PA SRID PA CAN NYID PHYIR, ,PHRU BA'I 'BRAS NI TSOS PA BZHIN, ` ,GANG ZHIG MA MTHONG BA TZAM GYIS, ,LDOG PA RAB TU STON BYED PA, ,DE NI THE TSOM RGYU YIN PHYIR, ,DE LA LHAG MA LDAN ZHES BRJOD, ` ,GTAN TSIGS KYI NI TSUL GSUM LA'ANG, ,DE YIS MA GRUB BZLOG DON DANG, ,'KHRUL PA CAN GYI GNYEN POR NI, ,NGES PA BRJOD PAR MDZAD PA YIN, ,'KHRUL PA CAN GYI GNYEN POR NI, ,MI MTHUN CHOS BRJOD GANG YIN PA, ,GAL TE MA MTHONG 'BRAS CAN DE, ,DE MA SMOS KYANG RTOGS PAR 'GYUR, ,MED CES BYA BA'I TSIG GIS KYANG, @95B *, ,DE MED KHO NA MIN GAL TE, ,JI LTAR MED RIGS DE BRJOD NA, ,DE TSE MED CES BYA BAR RTOGS, ,GAL TE MA MTHONG BAS LDOG 'GYUR, ,CI STE LHAG LDAN 'KHRUL CAN YIN, ,LDOG PA CAN YANG GTAN TSIGS 'GYUR, ,MA GRUB SBYOR BA BRJOD BYA MIN, ,KHYAD PAR RNAM PAR GCOD PA YI, , GTAN TSIGS SU 'GYUR MA MTHONG PHYIR, ,TSAD MA GZHAN GYIS GNOD CE NA, ,DA NI MA MTHONG LAS MED MIN, ,DE BZHIN DU NI GZHAN LA YANG, ,TSAD MA GZHAN GYIS GNOD PA SRID, ,MA MTHONG PHYIR REG MTHONG BA LA, ,MI LDAN 'KHRUL PA MED PA CAN, ,YUL LA SOGS PA'I KHYAD PAR LAS, ,RDZAS LA NUS PA THA DAD SNANG, ,DE LA GCIG MTHONG GZHAN LA DE, ,YOD PAR NGES PA RIGS MA YIN, ,BDAG DANG SA LA SHES YOD SOGS, ,MED PAR RAB SGRUB BYED MIN PA'I, ,MA DMIGS GANG YIN DE KHO NA, ,GTAN TSIGS MED SGRUB YIN NAM CI,, DE PHYIR DE TZAM DANG 'BREL BA'I, ,NGO BO NYID KYIS NGO BO NYID, ,LDOG PAR 'GYUR BA'AM RGYU YIS NI, ,'BRAS BU 'KHRUL PA MED PA'I PHYIR, ,DE LTA MIN NA GCIG LOG PAS, ,JI LTAR GZHAN NI LDOG PAR 'GYUR, ,MI LA RTA MI BDOG CES TE, ,PHYUGS KYANG BDOG PA MIN NAM CI,, DE BZHIN GCIG GCIG NYE PA'I PHYIR, ,JI LTA GZHAN NI NYE BAR 'GYUR, ,MI LA PHAGS NI BDOG CES TE, ,DE BZHIN RTA YANG BDOG GAM CI, ,DE PHYIR CHOS MI MTHUN DPE LA, ,NGES PAR 'DI LA GZHI MI 'DOD, ,DE DAG MED NA'ANG DE MED CES, ,BRJOD PA LAS KYANG DE RTOGS PHYIR, ,DPE LA DE YI NGO BO DANG, ,RGYU DNGOS DE DAG MI SHES LA, ,STON TE MKHAS PA RNAMS LA NI, ,GTAN TSIGS 'GA' ZHIG BRJOD PAR ZAD, ,DE NYID KYI PHYIR 'BREL SHES NA, ,GNYIS LAS GANG YANG RUNG SMRAS PAS, ,DON GYIS GO BAS CIG SHOS LA, ,DRAN PA YANG DAG SKYE BAR 'GYUR, ,DE PHYIR RGYU DANG RANG BZHIN DAG, ,MED PAS 'GA' ZHIG BSGRUB PA'I YANG, ,GTAN TSIGS YIN TE DMIGS PAR NI, ,RIGS LDAN DE MI DMIGS PA YANG, ,DE LTAR MI DMIGS 'DI RNAM GSUM, ,BSHAD KYANG RNAM PA DU MA STE, ,DE DANG DE 'GAL LA @96A *, ,SOGS PA, ,MA RTOGS RTOGS DBYE'I SBYOR SGO NAS, ,RGYU DANG 'BRAS BU'I DNGOS PO 'AM, ,RANG BZHIN NGES PAR BYED PA LAS, ,MED NA MI 'BYUNG NGES PA STE, ,MA MTHONG LAS MIN MTHONG LAS MIN, ,GZHAN DU GZHAN NA GZHAN DAG DANG, ,NGES PAR YOD PA'I NGES PA GANG, ,DON GZHAN RGYU MTSAN CAN GYI CHOS, ,YIN NA GOS LA TSON BZHIN NO, ,CHOS DON GZHAN GYI RGYU MTSAN CAN, ,YIN PAR GYUR NA DE BZHIN NYID, ,PHYIS 'BYUNG PHYIR NA RGYU NYID MIN, ,'BRAS BU NA YANG GA LA NGES, ,ME YI 'BRAS BU DU BA STE, ,'BRAS BUS CHOS KYI RJES 'JUG PHYIR, ,DE MED PAR NI DE YOD NA, ,RGYU DANG LDAN PA LAS 'DAS 'GYUR, ,RGYU MED GZHAN LA MI LTOS PHYIR, ,RTAG TU YOD PA 'AM MED PAR 'GYUR, ,DNGOS PO RNAMS NI RES 'GA' ZHIG ,'BYUNG BA LTOS PA LAS YIN NO, ,GAL TE BRGYA BYIN SPYI BO'I ME'I, ,RANG BZHIN YIN NA DE NYID ME, ,'ON TE DE ME'I RANG BZHIN MIN, ,JI LTAR DE LAS DU BA 'BYUNG, ,DU BA'I RGYU YI RANG BZHIN ME, ,DE YI NUS PA'I BYE BRAG LDAN, ,DU BA DU BA'I RGYU MIN LAS, ,'BYUNG NA DE NI RGYU MED 'GYUR, ,RJES SU 'GRO DANG LDOG PA LAS, ,GANG ZHIG GANG GI RJES 'GROR MTHONG, ,DE YI RANG BZHIN DE RGYU CAN, ,DE PHYIR MI MTHUN LAS MI 'BYUNG, ,BSDU BA'I TSIGS SU BCAD PA'O,,`,,RANG BZHIN LA YANG MED MI 'BYUNG, ,YOD PA TZAM DANG 'BREL BA YIN, ,DA MED NA NI YOD PA'I BDAG ,MED 'GYUR THA DAD MED PHYIR RO, ,GANG PHYIR DNGOS KUN RANG BZHIN GYIS, ,RANG RANG NGO BO LA GNAS PHYIR, ,MTHUN DNGOS GZHAN GYI DNGOS DAG LAS, ,LDOG PA LA NI BRTEN PA CAN, ,DE PHYIR GANG DANG GANG LAS DON, ,LDOG PA DE YI RGYU CAN GYI, ,RIGS DBYE DE YI KHYAD PAR GYIS, ,RTOGS 'GYUR BA DAG RAB TU BYED, ,DE PHYIR KHYAD PAR GANG ZHIG CHOS, ,GANG GIS GO BAR 'GYUR PA DE, ,DE LAS GZHAN GYIS NUS MA YIN, ,DES NA THA DAD RNAM PAR GNAS, ,DON GYI RANG GI NGO BO GCIG, ,BDAG NYID MNGON SUM YIN PA LA, ,TSAD MA RNAMS KYIS BRTAG BYA GANG, ,MA MTHONG CHA GZHAN CI ZHIG YOD, ,GZUGS CHOS @96B *, ,MTHUN PA MTHONG BA LAS, ,NYA PHYIS LA DNGUL RNAM PA LTAR, ,GAL TE 'KHRUL PA'I RGYU MTSAN GYIS, ,YON TAN GZHAN SBYOR MI BYED NA, ,DE PHYIR DNGOS PO MTHONG BA YIS, ,YON TAN MTHA' DAG MTHONG BA NYID, ,'KHRUL PAS NGES PAR MI BYED PAS, ,SGRUB PA RAB TU 'JUG PA YIN, ,BSDU BA'I TSIGS SU BCAD PA'O,,`,,RJES SU DPAG PA LAS KYANG DNGOS, ,'DZIN NA CHOS GCIG NGES GYUR PAS, ,CHOS KUN 'DZIN TE SEL BA LA, ,NYES PA 'DI NI THAL MI 'GYUR, ,DE PHYIR DE LTAR RTAGS SEL PA'I, ,YUL CAN YIN PAR RAB TU BSGRAGS, , GZHAN DU CHOS CAN GRUB GYUR NA, ,DE LAS MA GRUB GZHAN CI YOD, ,MTHONG BA 'GA' LA'ANG SHES PA GANG, ,SPYI YI DON CAN RNAM RTOG PA, ,GZHAN GYI CHA SGRO MA BTAGS PA, ,DE TZAM SEL PA'I SPYOD YUL CAN, ,NGES PA DANG NI SGRO 'DOGS YID, ,GNOD BYA GNOD BYED NGO BO'I PHYIR, ,'DI NI SGRO 'DOGS DBEN PA LA, ,'JUG CES BYA BAR SHES PA YIN, ,CHA SHAS SGRO 'DOGS JI SNYED PA, ,DE BSAL PHYIR NA NGES PA DANG, ,SGRA YANG DE SNYED KHO NA DES, ,DE DAG SPYOD YUL THA DAD CAN, ,GZHAN DU DNGOS PO GCIG PU BA, ,SGRA 'AM BLO GCIG GIS KHYAB NA, ,GZHAN YUL MA YIN DE YI PHYIR, ,RNAM GRANGS PA NI NYID DU 'GYUR, ,GANG GI LTAR NA BLOS KHYAD PAR, ,SNA TSOGS CAN DON THA DAD 'DZIN, ,KHYAD PAR SNA TSOGS LA PHAN PA'I, ,YAN LAG NUS LAS DBYER MED PA'I, ,BDAG NYID BDAG NYID KUN BZUNG NA, ,PHAN BYA'I BYE BRAG GANG MA NGES, ` ,DE DAG BDAG NYID LA 'BREL PHYIR, ,GCIG SHES NA NI GNYIS KA BZUNG, ` ,CHOS PHAN NUS RNAMS THA DAD NA, ,DE DAG DE'I CI YIN GAL TE, ,DE YIS DE DAG LA PHAN MED, ,DE LTA YIN NA THUG MED 'GYUR, ` ,GCIG LA PHAN BYED BZUNG NA NI, ,DE LA MTHONG NA MA MTHONG BA, ,PHAN PA GZHAN MIN DE YI PHYIR, ,DE BZUNG NA NI THAMS CAD BZUNG, ` ,GAL TE 'KHRUL PA BZLOG PA'I PHYIR, ,BZUNG BA LA YANG GZHAN 'DOD NA, ` ,DE NI RNAM GCOD YUL CAN GRUB, ,DE LAS GZHAN PA'ANG DE DANG 'DRA, , @97A *, ,SGRO 'DOGS MED PA'I YUL LA NI, ,'JUG PHYIR GZHAN YANG NGO BO GANG, ,NGES PA RNAMS KYIS MA NGES PA, ,DE NI JI LTAR DE YUL YIN, ,KHYAD PAR CHA SHAS RNAM SPANGS PA, ,MNGON SUM GYIS NI BZUNG BA LA'ANG, ,KHYAD PAR GANG LA RTOGS PA YI, , RKYEN YOD DE NI RTOGS PAR 'GYUR, ,DE LA'ANG GZHAN LAS LDOG PA DANG, ,GZHAN LAS LOG PA ZHES BYA BA'I, ` ,SGRA DANG NGES PA NYID DAG NI, ,BRDA YI RJES SU BYED PA YIN, ` ,GNYIS KAS GCIG GCIG BRJOD MOD KYI, ,BRJOD BYA'I GZHAN GYI KHYAD PAR GYIS, ,RNAM DBYE THA DAD 'BYED PA YIS, ,THA DAD DON BZHIN SGRUB PAR BYED, ` ,KHYAD PAR GZHAN NI SPONG BA DANG, ,MI SPONG BA DAG DE GNYIS KYI, ,BRDA YI BYE BRAG RTOGS PA PO'I, ,'DOD PA'I RJES SU BYED PA'I GZHI, ` ,KUN LA RDZAS DANG DNGOS BRJOD PA'I, ,SGRA YI KHYAD PAR 'DI NYID DO, , DE PHYIR DE DAG BRJOD BYA LA, ,KHYAD PAR 'GA' YANG YOD MA YIN, ` ,DON DE SHES PAR BYED 'DOD PAS, ,DE LA PHAN PA'AM BYED LDAN NAM, ,GAL TE GZHAN GYIS BRJOD KYANG RUNG, ,DE LAS KHYAD PAR GZHAN MED DO, ` ,DE PHYIR GZHAN SEL YUL LA NI, ,DE LDAN PHYOGS LA BRJOD PA BSAL, ,RIGS DANG DE DANG LDAN PA DAG ,THA DAD NYID NA NYES PAR 'GYUR, ,GANG DAG GI TSIG DNGOS PO'I DBANG, ,LHUR BRJOD BRJOD 'DOD MI BRTEN PA, ,DE DAG LA NI DRUG PA DANG, ,TSIG DBYE LA SOGS KLAN KA RIGS, ,PHYI ROL DON LA MI LTOS PA'I, ,TSIG GANG SMRA POS JI LTA BUR, ,RJOD BYED NYID DU NGES BYED PA, ,DE DE BZHIN DU RJOD BYED YIN, ` ,BTZUN MO RNAMS GRONG DRUG LA SOGS, ,THA DAD DNGOS MIN BZHAG PA 'AM, ,NAM MKHA'I RANG BZHIN MKHA' NYID CES, ,BYA BA 'DI LA RGYU CI YOD, ` ,THA DAD DNGOS RNAMS LA BRTEN NAS, , DON GCIG TU NI SNANG BA'I BLO, ,GANG GI RANG GI NGO BO YIS, ,GZHAN GYI NGO BO SGRIB BYED PA, ,SGRIB BYED DES BDAG THA DAD KYANG, ,THA DAD PA NYID BSGRIBS PA YIS, ,DNGOS RNAMS NGO BO 'GA' ZHIG GIS, ,THA DAD MIN PA LTA BUR SNANG, ` ,DE LA BSAM PA'I DBANG GIS NA, ,SPYI YOD @97B PAR NI RAB TU BSGRAGS, ,DE YIS JI LTAR KUN BRTAGS PA, ,DE NI DAM PA'I DON DU MED, ,GSAL BA RNAMS NI RJES MI 'GRO ,RJES 'GRO GZHAN NI SNANG BA MED, ` ,SHES LAS THA DAD MA YIN PA, ,JI LTAR DON GZHAN 'BRANG BAR 'GYUR, ,DES NA DON LA BDAG GCIG TU, ,'DZIN PA'I RNAM RTOG 'DI LOG PA, ,MING DON GANG LDAN PHAN TSUN DU, ,THA DAD 'DI YI SA BON YIN, ,GCIG RTOGS DON SHES LA SOGS PA, ,DON GCIG SGRUB LA 'GA' ZHIG NI, ,THA DAD YIN YANG RANG BZHIN GYIS, ,NGES TE DBANG PO LA SOGS BZHIN, ,DPER SMAN KHA CIG THA DAD KYANG, ,LHAN CIG PA 'AM SO SO YIS, ,RIMS LA SOGS PA ZHI BYED PAR, ,MTHONG GI GZHAN GYIS MA YIN BZHIN, ` ,KHYAD PAR MED PHYIR SPYIS MA YIN, ,DE DAG ZHING SOGS THA DAD KYANG, ,KHYAD PAR MED PAR THAL 'GYUR PHYIR, ,BRTAN PAS PHAN 'DOGS MED PHYIR YANG, ` ,RANG BZHIN DE 'DZIN RNAM RTOG BLO, ,DON MED KYANG DE DON CAN 'DRA, ,DE YI 'BRAS CAN MIN DON LAS, ` ,THA DAD MTHAR THUG SKYE BA GANG, ,DE LA NGO BO PHYI ROL DANG, ,GCIG LTA GZHAN LAS LOG LTA BUR, ,SNANG BA GANG YIN BRTAG PA YI, ,YAN LAG MED PHYIR DE NYID MIN, ` ,SHES LA YOD PA'I DON DE RNAMS, ,'DI LTAR LDOG PA'I NGO BO CAN, ,DES NA THA DAD MIN LTA BUR, ` ,DE NYID GZHAN LAS LOG PAR YANG, ,SNANG STE DE LA SPYI DANG NI, ,GZHI MTHUN SPYOD YUL CAN DAG GI ,SHES PA DANG NI BRJOD PA YIS, ,THA SNYAD NOR DON CAN RGYAS BYED, ` , DNGOS PO RNAMS KYI DE KUN YANG, ,PHAN TSUN MED LA BRTEN PA STE, ,DES NA GZHAN SEL YUL CAN DANG, ,GANG LA DNGOS DANG 'BREL YOD PA, ,DNGOS PO RNYED PA'I RTEN YIN TE, ,RJES DPAG JI SKAD BSHAD JI BZHIN, ` ,'KHRUL PAR 'DRA YANG GZHAN LAS MIN, ,MAR ME'I 'OD LAS NOR BU BZHIN, ` ,DE LA DU MA'ANG 'BRAS GCIG CAN, ,DE 'BRAS CAN MIN GZHAN RTEN CAN, ,BRJOD DANG SHES PAS GCIG NYID DU, ,THA SNYAD RAB TU 'JUG PAR BYED, ,DE BZHIN GCIG KYANG DU MA BYED, ,DE DNGOS YONGS SU BSTAN PA'I PHYIR, ,DE 'BRAS CAN MIN DON LAS NI, , @98A *, ,THA DAD PAS CHOS SNA CHOGS SHES, ,SGRA DON 'DI DANG GZHI MTHUN NYID, ,YOD PA MIN YANG JI LTA BUR, ,GRAGS PA BZHIN DU BRJOD PA STE, ,DNGOS LA 'DI NI MI SRID DO, ` ,CHOS DANG CHOS CAN RNAM GZHAG DANG, ,THA DAD THA DAD MIN CI 'DRA, ,DE NYID DON NI MA BRTAGS PAR, ,'JIG RTEN JI LTAR GRAGS DE LA, ,DE BZHIN KHO NAR BRTEN NAS NI, ,BSGRUB BYA SGRUB PA KUN BZHAG PA, ,DAM PA'I DON LA 'JUG BYA'I PHYIR, ,MKHAS PA RNAMS KYIS BYAS PA YIN, ` ,DAM PA'I DON GYI DON RNAMS NI, ,RANG GIS 'DRE DANG THA DAD MED, ,DE LA NGO BO GCIG PA DANG, ,DU MA BLO YIS BSLAD PA YIN, ` ,DE SPYI KHYAD PAR ZHES BYA BA'I, ,BYE BRAG 'DI NI BLO DON LA, ` ,DE NYID LA GZHAN LAS LDOG PAS, ,CHOS KYI BYE BRAG RAB TU BRTAG ` ,BSGRUB BYA SGRUB PAR RTOG PA LA, ,DNGOS PO MTHONG BA NYAMS PA'I PHYIR, ` ,KHYAD PAR SPYI DANG 'DRES PA 'DIR, ,RANG GI MTSAN NYID GZUNG BYA MIN, ,DE NI SPYI DANG KHYAD PAR GYI, ,RNAM SOGS CIR YANG GZUNG BYA MIN, ,BYE BRAG KHYAD PAR MANG PO RNAMS, ,DE GCIG LA NI MI RUNG PHYIR, ` ,DE YI NGO BO KUN LAS LOG ,DE DE BZHIN DU RTOGS BYED PA'I, ,SGRA YOD MA YIN RTOG PA YANG [*,] SPYI NYID DU NI 'JUG PHYIR RO, ,ZHES BYA BA NI BSDU BA'I TSIGS SU BCAD PA'O,, ` ,,SGRA RNAMS KYIS NI BRDAR BTAGS STON, ,DE NI THA SNYAD CHED DU BYAS, ,DE TSE RANG GI MTSAN NYID MED, ,DES NA DE LA BRDAR MA YIN, ,CI NAS SKYES BU DON BYED PAR, ,NUS PA SHES NAS DE BSGRUB PHYIR, 'DUG PAR 'GYUR ZHES DON RNAMS LA, ,RJOD PAR BYED PA SBYOR BAR BYED, ` ,DE LA RIGS DON BYED RUNG MIN, ` ,DE LDAN NUS PA DE YANG NI, ,CI PHYIR DNGOS SU SBYOR MI BYED, ,GAL TE MTHA' YAS PHYIR 'DI MTSUNGS, ,DE BYED DE BYED MA YIN LAS, ,LOG PAR MTSUNGS LA CIS MA BYAS, ,DE LDAN NYIS MTSUNGS PHYIR ZHE NA, ,BLA STE RIGS GZHAN MI DGOS SO, ` ,DE LAS GZHAN PA YONGS SPANGS NAS, ,'JUG 'GYUR ZHES KYANG SGRA BRJOD DE, ` ,DE YIS DE DAG RNAMS LAS 'DI, ,MI GCOD NA NI DE JI LTAR, ` ,GAL TE 'DI LA RNAM GCOD YOD, ,SGRA RNAMS DGOS PA @98B DE TZAM DU, ,ZAD PA MIN NAM KHYED LA DER, ,SPYI GZHAN GYIS NI CI ZHIG BYA, ,GSAL BA RNAMS NI THA DAD KYANG, ,BYA BA DE DANG DE BYED PA'I, ,DON RNAMS MTHONG NAS GZHAN MTHONG YANG, ,DE LAS GZHAN DANG BRAL BA YI, ,YUL CAN GYI NI SGRA RNAMS KYIS, ,LHAN CIG SBYAR NAS NGO SHES BYED, ` ,GZHAN GYI LTAR NA'ANG BLO DE NI, ,SPYI NI 'BA' ZHIG NYID LAS MIN, ` ,RTAG TU DE TZAM RNAM SHES NA, ,GSAL BA MI SHES THAL 'GYUR PHYIR, ,DE YI TSE NA NAM YANG NI, ,DE LDAN 'BREL PA MA BZUNG PHYIR, ,DE DANG LDAN NGES MI 'GYUR BAS, ,DE LA JI LTAR THA SNYAD 'DOGS, ` , GAL TE DNGOS GCIG GROGS BYED PA'I, ,GSAL RNAMS SHES PA'I RGYU ZHE NA, ` ,DNGOS PO GCIG NGES DE RNAMS KYI, ,THA DAD PA NYID SEL TAM CI, ,THA DAD PHYIR YANG DE RNAMS LA, ,GCIG GI RNAM SHES RGYUR MI 'DOD, ` ,GAL TE DU MA'ANG GCIG LTOS NAS, ,THA DAD MIN BLO SKYED CE NA, ` , DE DAG SO SO MED PAR YANG, ,DE GCIG GIS KYANG BSKYED BYA BA'I, ,BLO LA DE RNAMS NUS MED PHYIR, ,BLO YIS 'DZIN PA MED PA YIN, ` ,SNGO SOGS MIG GI RNAM SHES LA, ,NUS PA SO SOR MTHONG BA'I PHYIR, ,TSOGS LA'ANG NUS GRUB GSAL BA LA, ,JI LTAR YANG NI DE LTAR MAN, ` ,GAL TE DE DAG GANG RUNG LA, ,LTOS NAS DES NUS 'BA' ZHIG MIN, ` ,DE DAG DE GCIG LA PHAN NA, ,JI LTAR BLO GCIG NYID LA MIN, ` ,'DI DE RNAMS KYI 'BRAS BUR 'GYUR, ,PHAN 'DOGS GANG YIN SKYED PA YIN, ,GAL TE THA DAD MIN SNANG BLO, ,THA DAD RNAMS LA MI 'DOD NA, ` ,BLO YI SNANG BA THA DAD DE, ,DE DAG MTSUNGS ZHES 'DZIN PHYIR RO, ` ,GAL TE DE DAG MTSUNGS NA NI, ,JI LTAR THA DAD BLOS GZUNG BYA, ` ,'BRAS BU GCIG 'DRA DE DAG GI ,'BRAS SLA DE YANG THA DAD DO, ,ZHE NA GCIG TU RTOGS RGYU'I PHYIR, ,BLO NI THA DAD MED PA YIS, ,BLO GCIG RGYU YI DNGOS PO YIS, ,GSAL BA RNAMS KYANG THA MI DAD, ` ,DE YANG DE 'BRAS CAN MIN BRAL, ` ,DE LAS GZHAN PA RJES 'GRO BA'I, ,DNGOS MA MTHONG PHYIR BKAG PHYIR YANG, ` ,BRDA NI DE RIG DON CAN YIN, ` ,DE BYED MIN LA DE BYED DANG, ,'DRA BA'I NGO BOR SNANG BA CAN, , @99A *, ,DNGOS PO THA DAD DNGOS TZAM GYI, ,SA BON CAN DON MED PA'I BLO, ,SKYED PAR BYED PA'ANG DE MI BYED, ,YONGS SPANGS YAN LAG NGO BO'I PHYIR, ,DNGOS PO THA DAD RTEN CAN PHYIR, ,DON LA MI SLU YOD PAR 'DOD, ` ,DE PHYIR GZHAN SEL YUL CAN TE, ,DE BYED BRTEN PA'I NGO BO'I PHYIR, ,SHING MA YIN LAS LDOG PA YIS, ,SHING DON 'DZIN NA GNYIS PO DAG ,PHAN TSUN BRTEN PAS GCIG 'DZIN PA, ,MED NA GNYIS KA MI 'DZIN 'GYUR, ,DE YI PHYIR NA BRDAR BTAGS PA, ,MI SRID DO ZHES KHA CIG SMRA, ` ,DE DAG GI NI BRDAR 'DOGS LA, ,SHING MIN RNAM PAR GCOD DAM MIN, ,GAL TE RNAM GCOD SHING GI DON, ,'DZIN SA MED NA JI LTAR SHES, ,BRDA LAS DE DAG MI SEL NA, ,THA SNYAD 'DOGS PAR BYED PA RNAMS, ,DE YONGS SPANGS NAS 'JUG PAR NI, ,MI 'GYUR SHING GI KHYAD PAR BZHIN, ` ,GAL TE GZHAN BKAG MI SGRUB PAR, , MDUN GNAS GCIG GCIG RAB BSTAN NAS, ,'DI SHING YIN ZHES BRDA BYED LA, ,THA SNYAD 'DOGS PA'I TSE NA YANG, ,DE RTOGS 'GYUR LA DE YI PHYIR, ,NYES PA 'DI NI MED SNYAM NA, ,'DI YANG SHING YIN 'DI KHO NA, ,ZHES BYA'I THAL BA LDOG PA MED, ` ,GCIG RTOGS ZHES BYA'I SHES PA NI, ,GCIG LA GNAS PA'I RTOGS PA POS, ,DE DANG DE MIN RGYU DON RNAMS, ,BDAG NYID RNAM PAR 'BYED PAR BYED, ` ,BLO DE LA NI YOD PA'I DNGOS, ,BLO RGYU NYID DU SNANG BA DANG, ,RGYU MIN NGO BO BRAL BA DANG, ,NGO BO GCIG 'DRAR BDAG NYID KYIS, ,THA DAD PAR NI SHES 'GYUR BAS, ,THA DAD PA LA SKAD SBYOR TE, DE LAS DE RTOGS 'GYUR BA'I BLO, ,'KHRUL PAS DNGOS PO GCIG LTAR RTOGS, ` ,BLO DON 'GA' LAS RNAM BZLOG NAS, ,DON 'GA' ZHIG LA 'JUG BYA'I PHYIR, ,SGRA NI RAB TU SBYOR BYED DE, ,DE DON NGES PAR GZUNG PHYIR RO, ,GZHAN DU SBYOR BA DON MED 'GYUR, ` ,DES NA SHES BYA LA SOGS TSIG ` ,THA SNYAD DU NI 'JOG RNAMS LA, ,RNAM PAR GCOD PA 'GA' ZHIG YOD, ` ,GANG ZHIG GANG LAS THA DAD PA, ,DE RNAM BZLOG NAS DE DAG LAS, ,THA DAD KHYAD PAR MTSUNGS PA'I RGYU, ,RNAM PA SNANG BA CAN LA 'GOD, , @99B DE NYID GZHAN LAS LDOG PA YIS, ,DNGOS PO DE YI CHA 'GA' ZHIG ,RTOGS 'GYUR ZHES PAS RAB TU BSHAD, ,'DI LA'ANG NGO BO CUNG ZAD MED, ,SGRA RNAMS LAS DE RTOGS NYID KYIS, ,GZHAN BZLOG RTOGS 'GYUR DE LA NI, ,'GA' YIS KHYAD PAR DU BYAS PA, ,RTOGS PAR 'GYUR BA GZHAN 'GA' MED, ` ,SGRA GNYIS BYED PA'ANG MA YIN TE, ,PHAN TSUN YOD PA MIN PHYIR 'DI, ,DNGOS MED DNGOS PO LDAN NYID DU, ,MTHONG BA BLO YIS BSLAD PA YIN, ,DE NYID PHYIR 'DI DON DAM MIN, ` ,GZHAN DU DNGOS PO LAS LDOG PA, ,DNGOS POR MI 'GYUR 'DI 'DI LAS, ,THA DAD CES NI BRJOD PHYIR RO, ` ,'DRES PA'I DON GCIG GCOD PA NA, ,SGRA 'AM RTAGS NI GCIG PU YIS, ,BYA BYED DE LA BCAD PA YI, ,DNGOS PO'I BRJOD BYA CI YANG MED, ,GANG GIS RJOD PAR BYED PA LAS, ,MA LUS PAR NI RTOGS 'GYUR BA, ,DNGOS PO'I NUS PA YIN NGES NA, ,'BRAS BU DU MA RTEN GCIG 'GYUR, ` ,RNAM GCOD GCIG GCIG STON PA NA, ,GANG TSE GZHAN MI SPONG BAR GNAS, ,DES NI DE KHYAB GCIG PU'ANG SNANG, ,DE TSE BLO YI NGOR BYAS NAS, ,GZHI MTHUN PA NI NYID DU 'GYUR, ` ,SGRA NI RNAM GCOD BYED PA NA, , DNGOS PO'I CHOS LA REG 'GYUR BA, ,DE NI DE LA YOD CES BYA'O, ` ,DNGOS PO GCIG NI RJOD BYED MIN, ,BLO LA SNANG MIN SNANG RUNG LA, ,DNGOS PO MED PAS NGES PHYIR RO, ` ,DE PHYIR GZHAN SEL YUL CAN GYI, ,SGRA RNAMS DANG NI BLO NYID KYANG, ,SPYI YI YUL CAN DU BSTAN TE, ,DNGOS LA DE DAG MI SRID PHYIR, ` ,DNGOS PO'I NGO BO GCIG NYID PHYIR, ,NGO BO THA DAD BLO GANG LAS, ,GCIG NI RJES SU 'GRO LDOG GI ,DON GCIG SPYOD YUL CAN MA YIN, ` ,THA DAD GYUR NA DBYER MED PA'I, ,THA SNYAD DAG KYANG RGYU MED 'GYUR, ` ,LDOG PA KUN LA YOD PA'I PHYIR, , THAL 'GYUR NYES PA DE DAG MED, ,DE YI 'BRAS BU YONGS BSTAN PHYIR, ,THA DAD 'BRAS BU GCIG DAG LA, ,RGAN POS SGRA GCIG BRDAR BYAS PA, ,DE YI 'BRAS BU MED PA CAN, ,LDOG PA YI NI RGYU CAN YIN, ` ,THA DAD PA DAG BSTAN PA NI, ,DKA' DANG MI NUS @100A *, ,'BRAS MED PHYIR, ,DNGOS PO LA MIN DNGOS PO KUN, ,RANG RANG NGO BO LA GNAS PHYIR, ,KHRA BO YI NI NGO BO GANG, ,DE NI SER SKYA LA YOD MIN, ` ,DE 'BRAS YIN MIN LAS BZLOG PA, ,GNYIS KA LA YANG YOD PA YIN, ` ,DON LA THA DAD MED PAR YANG,, SGRA YI THA DAD MI RIGS SO, ` ,DE PHYIR DE 'BRAS 'DOD NA YANG, ,DE 'BRAS MED LAS THA DAD NYID, ` ,DPER NA MIG LA SOGS PAS GZUGS, ,RNAM SHES GCIG GI 'BRAS BU CAN, ,GANG PHYIR KHYAD PAR MED 'BRAS DE, ,STON PA DAG NI SRID PAR 'GYUR, ` ,'GA' ZHIG CIG CAR KUN RTOGS PHYIR, ,DE YI NGO BO SPYI LAS NI, ,THA DAD MED DU ZIN NA YANG, ,BRDA LAS BYUNG BA BSNYAD PAR BYA, ,GAL TE GCIG GNAS PA YI PHYIR, ,MANG PO DAG LA'ANG MNYAN PA GCIG ,GNAS PA RTEN NAM GSAL BA YIN, ,DE LTAR DE LA MI RIGS SO, ,RTAGS LA PHAN 'DOGS MED PA'I PHYIR, ,RTEN MIN LTUNG BA'I TSUL CAN GYI, ,RGYA SHUG SOGS LA'ANG DE YI YUL, ,SKYED PA 'KHAR GZHONG SOGS PAS NUS, ,DE YANG DE LA MI SRID DO, ,DE MED NA YANG GNAS PA'I PHYIR, ,GNAS MIN DE YANG MI RIGS TE, ` ,THA DAD THA DAD MIN PA YI, , RNAM PAR DPYOD PAS MI RIGS NYID, ,BDAG LA RNAM SHES SKYED RUNG BA'I, ,DON DU GZHAN GYI NGOR BYED GANG ,GSAL BYA YIN LA RUNG NYID KYI, ,BYED PA PO YANG RGYU RU 'DOD, ,'DI NI SNGA NAS RUNG NYID NA, ,DE LA LTOS PA MI RUNG STE, ,'GYUR BA MED PA'I PHYIR DE NI, ,SPYI LDAN PA LAS GANG LAS YIN, ,MIG SMAN SOGS BZHIN GSAL BA LAS, ,DBANG PO'ANG 'DU BYED MA YIN TE, ,DE NI YOD MED DUS DAG LA, ,RTOGS PA THA DAD MED PHYIR RO, ` ,RIGS RNAMS KYI NI GSAL BYED KYANG, ,GAL TE RIGS DANG LDAN 'DOD NA, ,SGRON ME LA SOGS GSAL BYED NI, ,BA LANG NYID SOGS DE LDAN 'THOB. ` ,GANG DAG RIGS NI GSAL BA LAS, ,GZHAN NAM GZHAN MIN YOD NYID DE'I, SNGON MED GSAL BA RNAMS LA NI, ,SPYI YI BLO GROS JI LTAR YIN, ,GCIG LA YOD PA MTHONG BA NI, ,GZHAN LA MTHONG BA MI SRID PHYIR, ` , @100B GZHAN NYID MIN NA RJES 'GRO MED, ,GZHAN NYID NA YANG RTEN MIN PHYIR, ` ,MI 'GRO DE NA YOD PA'ANG MIN, ,PHYIS YOD CHA DANG LDAN PA'ANG MIN, ,RTEN SNGA MA NI YONGS MI 'DOR, ,KYE MA PHONGS PA'I RGYU NYID YIN, ` ,GZHAN LA GNAS PAR GYUR PA NI, ,RANG GI GNAS LAS MI G-YO ZHING,, DE LAS GNAS GZHAN SKYE BA LA, ,GNAS NA SHIN TU RIGS PAR LDAN, ,GANG NA DNGOS DE GNAS GYUR PA, ,DER NI 'BREL PA'ANG MA YIN LA, ,DE DAG YUL CAN LA KHYAB PA, ,CI GA DE NI NGO MTSAR CHE, ` ,GAL TE KUN NA RIGS YOD NA, ,GCIG TU GSAL PAS DE GSAL NYID,, THA DAD MED PHYIR KUN DU MTHONG, ` ,DE YANG GSAL BA LA LTOS MIN, ,GSAL BYED RTOGS PA MA YIN NA, ,GSAL BYA YANG DAG RTOGS PA MIN, ,SPYI DANG DE DANG LDAN PA DAG ,CI YI PHYIR NA BZLOG PAR 'DOD, ` ,THA DAD MED DON MED PAR YANG, ,'TSED PA PO SOGS BRJOD PA YIN, ` ,THA DAD PHYIR NA LAS RGYU MIN, ` ,'DI YI RIGS MIN LAS 'BREL PHYIR, ` ,MNYAN PA GZHAN GYI RGYU MTSAN PHYIR, ` ,LAS KYANG GNAS PA YOD MA YIN, ` ,'BREL PA MED PHYIR SGRA YI RGYU, ,SPYI YIN MI RIGS MIN PA MIN, ,HA CANG THAL PHYIR LAS MED NA'ANG, ,SHES RJOD DAG GI MA YIN TE, ,RGYU MTSAN CAN MIN THOB PHYIR RO, ` ,RJES 'GRO MED PHYIR NUS PA'ANG MIN, ,GAL TE 'TSED PO NYID SOGS SPYI, ,DANG PO NYID DU DE YOD SOGS, ,BZHIN DU GSAL 'GYUR MIN NA NI, ,KHYAD PAR MED PHYIR PHYIS MI 'GYUR, ` ,BYA BAS PHAN 'DOGS LTOS GSAL BYED, , YIN NA 'GYUR MED LTOS PA MED, ,'DI NI PHUL BYUNG YOD NA YANG, ,SKAD CIG NYID PHYIR BYA GANG LAS, ` ,THA DAD MTSUNGS PA YIN NA RIGS, ,NYE BA GANG GIS 'GA' ZHIG LA, ,RAB 'JUG GZHAN LA MIN DE NYID, ,SGRA DANG SHES PA'I RGYU YIN NO, ` ,GAL TE LDOG PA SPANGS PA YI, , DNGOS PO'I RJES 'GRO GZHAN MED NA, ,GCIG GI 'BRAS BU GZHAN GYIR MIN, ,SHIN TU THA DAD PHYIR ZHE NA, ` ,GAL TE BDAG NYID GCIG PA YIS, ,DU MA 'BRAS BU GCIG BYED NA, ,BDAG NYID GCIG LA'ANG DE YOD PHYIR, ,LHAN CIG BYED PA DON MED 'GYUR, ,THA DAD MED PA'I NGO @101A *, ,BO DE, ,MI 'GRO KHYAD PAR RNAM NGES BRAL, ` ,GCIG DANG BRAL NA 'BRAS MED PHYIR, ` ,BYE BRAG RNAMS LAS DE DAG 'BYUNG, ,DON BYED NUS PA GANG YIN PA, ,DE NYID DON DAM YOD PA YIN, ,DE YANG RJES 'GRO MED GANG ZHIG ,RJES 'GRO DE LAS 'BRAS MI 'BYUNG, ` ,DE NA BDAG NYID THA DAD KYANG, ,'GA' ZHIG RGYU YIN GZHAN PA MIN, ,RANG BZHIN 'DI YIN THA DAD PA, ,MED NA CIG CAR SKYE 'JIG 'GYUR, ` ,DE LAS THA DAD PAS DE LTAR, ,MI 'GYUR ZHE NA GCIG 'JIG TSE, ,BDAG GNAS NA NI DE YI MIN, ,DES NA SPYI KHYAD BLOR MI 'GYUR, ,LDOG PA NGO BO NYID MED PHYIR, ,GNAS DANG MI GNAS RTOG PA MIN, ,SPYI YI BLO YANG BSLAD PA YIN, ,DE PHYIR SUN DBYUNG BA YANG MED, ` ,DE YE SKYED BYED NGO BO GANG, ,DE LAS GZHAN PAS JI LTAR SKYED, ` ,THA DAD KHYAD PAR NYID SKYED BYED, ` ,DE LA THA DAD MIN PA'ANG YOD, ,CE NA DES DE SKYED MIN BRJOD, ` ,SNANG BA'ANG GZHAN LA MI BRTEN PAS, ,THA DAD BYED YIN DE NYID DON, ,DE NI GZHAN LAS LOG PA YIN, ,DE NI RGYU DANG 'BRAS BUR BSHAD, ,DE NI RANG GI MTSAN NYID 'DOD, ,DE NI BLANG DOR 'BRAS CAN PAS, ,SKYES BU THAMS CAD 'JUG PA YIN, ` ,JI LTAR THA DAD MED KHYAD MED, ,NA YANG THAMS CAD KUN SGRUB MIN, ,DE BZHIN THA DAD KHYAD MED NA'ANG, ,THAMS CAD KUN GYI SGRUB BYED MIN, ` ,THA DAD NA YANG DNGOS PO YI, ,CHOS NYID KYIS 'GA' BYED POR 'GYUR, ` ,THA DAD MED NA'ANG GCIG NYID KYI, ,BYED DANG MI BYED 'GAL BAR 'GYUR, ,THA DAD YOD DE'I PHYIR BYA MED, ,CE NA LHAN CIG BYED MI BYED, ,'ON TE RIM BZHIN BYED PO NYID, ,DE CI DNGOS DE NYID KYI 'AM, ` ,DE LDAN DNGOS PO SHIN TU NI, ,THA DAD THA DAD MED 'GYUR BA'AM, ,'DRA DANG MI 'DRA'I BDAG NYID CAN, ,RNAM GRANGS PHAN TSUN THA DAD 'GYUR, ` ,DE YANG THA DAD 'GYUR ZHE NA, ,BDAG NYID GANG GIS DE DAG GI ,KHYAD PAR SPYI ZHES BYA BA DE, ,GAL TE DE DAG THA DAD NA, ,THA DAD NYID 'GYUR DE LTA NA'ANG, ,JI LTAR BUM SOGS PHAN TSUN BZHIN, ,SPYI DANG KHYAD PAR @101B DU 'DOD PA'ANG, ,SPYI DANG KHYAD PAR CAN MI 'GYUR, ,GANG GI BDAG NYID MDUN BYAS NAS, ,BSGRUB BYA DE 'BRAS 'DOD PA CAN, ,SKYES BU 'DI NI 'JUG PAR 'GYUR, ,DE RTEN THA DAD THA DAD MED, ,DPYAD BYA RANG BDAG NYID THA DAD, ,LDOG PA MTSUNGS PA 'DI DAG NI, , YOD NYID DNGOS PO RJES 'GRO MED, ,'JUG PA LA SOGS THAL 'GYUR PHYIR, ` DE NYID KYIS NI 'DZEM MED PA, ,MUN SPRUL GANG CI 'ANG RUNG SMRA BA, ,DE DAG KYANG NI BSAL BA YIN, ,MTHA' CIG PA NI SRID PHYIR RO, ,THAMS CAD GNYIS KA'I NGO BO NYID, ,DE YI KHYAD PAR BSAL BA'I PHYIR, ,ZHO 'THUNG ZHES NI BSKUL BA NA, ,CI PHYIR RNGA MO LA MI RGYUG ,'ON TE PHUL BYUNG 'GA' ZHIG YOD, ,GANG GIS KHYAD PAR 'JUG 'GYUR NA, ,DE NYID ZHO YIN DE GZHAN LA, ,MED PHYIR GNYIS KA MIN GZHAN MIN, ,THAMS CAD KUN BDAG NYID YIN NA, ` ,BLO SGRA THA DAD PAR MI 'GYUR, ,THA DAD BSDUS PAR SMRA BA LA, ,DE MED PHYIR NA MI SRID 'GYUR, ` ,DNGOS MED NGO BO MED PA'I PHYIR, ,NGO BO BRJOD PA DPYAD BYA NYID, ,MA YIN SGRA NI DE DAG NYID, ,RNAM GCOD RJOD PAR BYED PAR GRUB, ,RANG BZHIN KHYAD PAR BYE BRAG LA, ,LTOS PA'AM 'ON TE 'BA' ZHIG PA, BSGRUB BYA SGRUB PA'I PHYIR BRJOD DE, ,'JIG LA 'BRAS DANG YOD NYID BZHIN, ,GAL TE GTAN TSIGS YOD RANG BZHIN, ,YOD PA JI LTAR BSGRUB BYA MIN, ,KHYAD PAR RJES 'GRO MED PA NI, ,GTAN TSIGS BSGRUB BYA DAG LAS NYAMS, ,YOD PA'I KHYAD PAR TZAM DU NI, ,BSGRUB BYA SPYI YI CHOS CAN LA, ,DON 'GA' ZHIG YANG 'GRUB MI 'GYUR, ,'DI 'DRA BA YANG BKAG PA MED, ` ,KHYAD PAR BSGRUB BYAR BZUNG NA 'DIR, ,GTAN TSIGS RJES 'GRO MED CAN 'GYUR, ,YOD PA BSGRUB BYA YIN NA DES, ,KHYAD PAR DAG NI BSGRUB BYAR 'GYUR, ` ,DE YI KHYAD PAR GZUNG MED PAR, ,DNGOS PO TZAM NA SGRUB PA NA, ,DE TZAM KHYAB BYED BSGRUB BYA YI, ,RJES SU 'GRO BA NYAMS PA MED, ,MA GRUB PA LA YOD CHOS MED, ,GNYIS KA LA BRTEN 'KHRUL PA CAN, ,MED PA'I CHOS NI 'GAL YIN NA, ,YOD DE JI LTAR BSGRUB BYAR 'GYUR, ,RANG @102A *, ,BZHIN SGRUB PA GO BYED YIN, ,DE LA KHYAB BYED NGES PA YIN, ,RANG BZHIN NGES PA GO BYA YIN, ,'DI LDOG PA NA DE LDOG BYED, ,DPER NA MI RTAG NYID BYAS PA 'AM, ,MA BYAS PAS NA MI 'JIG BZHIN, ` ,RGYU MED PHYIR NA 'JIG PA NA, ,RANG GI NGO BOS RJES 'BREL NYID, ,DNGOS PO LTOS DANG BCAS RNAMS NI, ,NGES PAR 'GYUR BA MED PAR MTHONG, ,DE RGYU MANG PO YOD NA YANG, ,'GA' ZHIG LA NI MI SRID 'GYUR, ` ,DES NA 'BRAS GNAS MED PA'I PHYIR, ,'JIG PA RGYU LDAN SMRA RNAMS KYI, ,'JIG PA'I RGYU NI THAMS CAD DAG , 'KHRUL PA NYID DU BSHAD PA YIN, ` ,DE RGYU NUS PA MED PHYIR YANG, ,'DI NI NGO BO NYID KYIS 'GYUR, ,GANG LA 'GYUR ZHES BYA DE LAS, ,GZHAN LA'ANG NGO BO NYID KYIS 'GYUR, ,DES NA DNGOS PO'I YUL CAN GYI, ,RJES SU DPOG GANG RNAM GNYIS TE, 'BRAS DANG NGO BO DE DAG LAS, ,RANG BSGRUB BYA LA 'BREL DES PHYIR, ,'JUG PA BLO SNGON CAN NYID PHYIR, ,DE YI NGO BO MI DMIGS NA, ,'JUG PAR MI BYED CES BYA BAS, ,MI DMIGS PA NI TSAD MAR BSHAD, ,BSTAN BCOS SKABS DANG 'BREL MED DANG, ,DON RNAMS DBANG PO LAS 'DAS PA, ,RTAGS MED PA CAN DE RNAMS NI, ,MI DMIGS PHYIR NA JI LTAR MED, ,YOD MED NGES PA'I 'BRAS CAN MIN, ,PHYIR NA TSAD MA NYID MI 'GYUR, ,RTAGS KYI PHUL BYUNG YOD PA CAN, ,LA LA TSAD MA DAG TU 'GYUR, ,RANG BZHIN SHES BYED MI SHES LA, ,RIGS PA 'DI NI BRJOD PA YIN, ` ,RGYU MI SHES NA 'BRAS BU NI, ,MED PA NYID DU SGRUB PAR BYED, ,DON GYI RANG BZHIN RTAGS CAN LA, ,RANG BZHIN MI DMIGS PA YANG YIN, ,GAL TE GTAN TSIGS 'GA' ZHIG GIS, ,DE MED PAR NI RTOGS PAR 'GYUR, ,SNANG RUNG MTHONG BA MED PA'I RGYU,, MI SRID PAR NI GYUR PA NA, ,SNANG RUNG DNGOS PO MA DMIGS PA'I, ,DNGOS PO MED PA RTOGS PAR 'GYUR, ` ,'GAL BA'I DNGOS PO YOD NA YANG, ,DE YOD PA LA GNOD BYED PHYIR, ,DE DANG 'GAL BA DMIGS PA NI, ,MED PA NYID DU NGES PAR 'GYUR, ` ,THOG MED @102B BAG CHAGS LAS BYUNG PA'I, ,RNAM PAR RTOG PAS YONGS BSGRUBS PA, ,YOD MED GNYIS KA LA BRTEN PA, ,SGRA DON CHOS NI RNAM PA GSUM, ` ,DE DNGOS NYER LEN MED PA CAN, ,SGRUB LA DE MI DMIGS PA NI, ,DE LTAR GTAN TSIGS DE NYID NI, ,MED PA MA YIN SGRA SBYOR PHYIR, ` ,DON DAM GCIG TU 'JUG NYID CAN, ,MTHONG BA'I BYE BRAG THA DAD PA'I, ,DON RNAMS LA NI SGRA RNAMS NI, ,RGYU MED CAN 'JUG MI 'GYUR DANG, ,'DAS DANG MA SKYES PA LA YANG, ,TSIG 'GA' ZHIG KYANG BRDZUN PA YI, ,DON CAN NYID DU MI 'GYUR PHYIR, , DE DAG BLO DON YUL CAN 'DOD, ` ,SGRA DON BSNYON PA SGRUB PA LA, ,CHOS KYI RTEN NI BSAL BA'I PHYIR, ,TSOGS PA BSGRUB BYAR MI 'GYUR LA, ,YAN GAR CHOS NI GRUB PA YIN, ,SGRA DON BSNYON PA MED RNAMS KYIS, ,YOD MED PHYOGS KYI BYE BRAG GIS, ,DNGOS PO NYID NI DPYAD BYA STE, ,'DI LAS 'BRAS 'BYUNG RAG LAS PHYIR, ` ,DON BYED NUS PA MA YIN LA, ,DON GNYER BRTAGS PAS CI ZHIG BYA, ,MA NING GZUGS BZANG MI BZANG ZHES, ,'DOD LDAN RNAMS KYIS BRTAGS CI PHAN, ` ,RTOG PA'I SHES PA'I YUL NYID KYIS, ,SGRA YI DON NI BRTAGS PA YIN, ,DNGOS RTEN MA GRUB 'DI CHOS SU, ,RIG PA SMRA BAS GSUNGS PA YIN, ` ,SGRA RNAMS DNGOS DANG LHAN CIG TU, ,MED NA MI 'BYUNG NYID MED PHYIR, ,DE LAS DON GRUB MIN DE DAG ,SMRA BO'I BSAM PA STON PAR BYED, ` ,YID CHES TSIG NI MI SLU BA'I, ,SPYI LAS RJES SU DPAG PA NYID,, 'BREL PA DANG NI RJES MTHUN THABS, ,SKYES BU'I DON NI RJOD BYED DAG ,YONGS BRTAGS DBANG DU BYAS YIN GYI, ,DE LAS GZHAN PA'I DBANG BYAS MIN, ,MTHONG DANG MA MTHONG DNGOS PO YI, ,DON DE DAG LA MNGON SUM DANG, ,RJES SU DPAG RNAM GNYIS KYIS KYANG, ,GNOD MED 'DI YI MI SLU BA'I, ` ,YID CHES TSIG NI MI SLU BA'I, ,SPYI LAS 'DI YUL LKOG GYUR NA'ANG, GO SKABS MED PA'I PHYIR BLO NI ,RJES SU DPAG PA NYID DU GSUNGS, ` ,BLANG DANG DOR BYA'I DE NYID NI, ,THABS BCAS RAB TU NGES PA YIS, ,GTZO BO'I DON LA MI SLU'I PHYIR, ,GZHAN @103A *, ,LA RJES SU DPAG PA YIN, ` ,SKYES BU PHUL BYUNG LA LTOS PA, ,JI BZHIN DON DU GZHAN GYIS SHES, ` ,GAL TE PHUL DU BYUNG BA DE, ,SHES PAR NUS NA DON 'DI 'DOD, ` ,'DI NI 'DI LTA'AM MIN NO ZHES, ,GZHAN LA SKYON LDAN SKYON MED PA'AM, ,TSAD MA RNAMS NI RNYED DKA'I PHYIR, ,RTOGS DKA' ZHES NI GZHAN GYIS SHES, ,'GRIB DANG PHUL BYUNG BRTEN PA KUN, ,MI MTHUN PHYOGS DANG BCAS NYID PHYIR, ,DE GOMS PA LAS BDAG 'GYUR BAS, ,LA LA ZAG PA ZAD PAR 'GYUR, ` ,'TSE BA MED DANG YANG DAG DON, ,NGO BO NYID LA PHYIN LOG GIS,, 'BAD DU ZIN KYANG MI BZLOG STE, ,BLO NI DE PHYOGS 'DZIN PHYIR RO, ,NYES PA RNAM PA THAMS CAD DAG ,'JIG TSOGS LTA LAS SKYES PA YIN, ,DE MA RIG DER DE LA CHAGS, ,DE LAS ZHE SDANG LA SOGS 'BYUNG, ,DE NYID KYIS NA NYES RNAMS KYI, ,RGYU NI GTI MUG YIN PAR GSUNGS,, GZHAN LAS 'JIG TSOGS LTA BA STE, ,DE SPANGS PA NA SPONG PHYIR RO,, ` ,,TSIG RNAMS LOG PA NYID KYI RGYU, ,NYES RNAMS SKYES BU LA BRTEN PHYIR, ,SKYES BUS MA BYAS BDEN DON CAN, ,ZHES NI LA LA RJOD PAR BYED, ,TSIG RNAMS BDEN PA NYID KYI RGYU, ,YON TAN SKYES BU LA BRTEN PHYIR,, SKYES BUS MA BYAS LOG PA'I DON, ,CIS MIN ZHES NI GZHAN DAG BRJOD, ` ,DON SHES BYED PA DAG GI RGYU, ,BRDA NI SKYES BU LA BRTEN PAS, ,TSIG RNAMS SKYES BUS BYAS MIN YANG, ,DE PHYIR LOG PA NYID DU SRID, ` ,'BREL PA SKYES BUS BYAS MIN NA, ,BRDA RIG MED PAR RTOGS PAR 'GYUR, ,BRDA LAS DE NI GSAL YIN NA, ,BRTAGS PA GZHAN DAG NUS MED 'GYUR, ` ,TSIG RNAMS DON GCIG LA NGES NA, ,DON GZHAN RTOGS PAR MI 'GYUR RO, ` ,DON DU MA DANG MNGON 'BREL NA, ,'GAL BA GSAL BAR BYED PA YIN, ,SKYES BUS MA BYAS PA NYID KYANG, , KUN DU BRTAGS PA DON MED 'GYUR, ,THA DAD RNAMS LA 'BREL PA YANG, ,RNAM PAR GZHAG PHYIR GTAN TSIGS BRJOD, ` ,SKYES BUS LEGS PAR MA BYAS PA, ,RNAM PA KUN DU DON MED 'GYUR, ,LEGS BYAS KHAS LEN NA 'DI NI, ,DNGOS SU GLANG CHEN KHRUS 'DRAR 'GYUR, ` , @103B 'BREL PA CAN RNAMS MI RTAG PHYIR, ,'BREL PA LA RTAG YOD MA YIN, ` ,DE PHYIR DON DANG SGRA YI DE, ,SKYES BU'I BLO YIS LEGS PAR BYAS, ` ,DON DANG LHAN CIG SKYES NA NI, ,SGRA RNAMS LA NI RANG BZHIN DAG ,RNAM PAR BZLOG PAR MI RIGS SO, ` ,RNAM BRTAGS 'BREL LA NYES 'DI MED, ,GAL TE RTEN 'DI 'JIG NA YANG, ,'JIG MIN RTAG PHYIR RIGS DANG 'DRA, ,RTAG RNAMS LA BRTEN NUS PA GANG, ,GANG GIS DE RTEN 'DOD PA YIN, ,SHES PA SKYED PAR BYED PA YIS, ,LHAN CIG BYED RGYU RNAMS TSOGS NA, ,DE SKYED PAR NI RUNG NYID PHYIR, ,RIG PA SHES PAS BUM SOGS KYANG, ,SKYE BA LA NI GSAL BAR 'DOD, ,'GYUR BA MED RNAMS KHYAD MED PAS, ,GSAL BYED RANG GIS DON CI BYAS, ,GANG PHYIR DES DE GSAL 'DOD PA, ,'BREL PA DNGOS PO NYID GYUR MOD, ,THA DAD PHYIR BLO SNA TSOGS 'GYUR, ` ,DE LAS THA DAD MIN DE NYID, ,'DI LAS GZHAN DNGOS YOD MA YIN, ,DNGOS PO'I NGO BO THA DAD PHYIR, ,'BREL PA RTOG PAS BYAS PA YIN, ,YOD RDZAS GZHAN LA RAG LUS PA'AM, ,GZHAN GYI 'BREL PAR JI LTAR 'GYUR, ,YI GE DON MED CAN 'GYUR ZHING, ,TSIG SOGS KUN BRTAGS DNGOS MED LA, ,DNGOS PO YI NI 'BREL PA 'DI, ,JI LTA BUR NI 'JUG PAR 'GYUR, ` ,BYED PA PO RNAMS MI DRAN PHYIR, ,SKYES BUS MA BYAS KYANG 'DOD LO, ,'DI LA 'ANG RJES SU BRJOD PA YOD, ,DES NA NGAN PA'I MUN PAS KHYAB, ,JI LTAR SKYES BU 'DI GZHAN LAS, ,MA THOS PAR NI YI GE DANG, ,TSIG BKOD PA NI BRJOD NUS MED, ,DE LTAR GZHAN LA'ANG 'GA' ZHIG SMRA, ` ,SPEL BA YI NI GZHUNG GZHAN YANG, ,MAN NGAG LAS GZHAN GZHAN DAG GIS, ,'DON PA GANG MTHONG GANG GIS NA, ,DE YANG DE LTAR RJES MI DPOG ` ,RIGS GANG GANG LAS GRUB PA DE, ,KHYAD PAR MED DE ME SHING BZHIN, ,RGYU MA MTHONG BA CAN GZHAN YANG, ,DE LAS 'GYUR BAR YANG DAG SHES, ,DE LA 'BRAS MTSUNGS MTHONG BA'I PHYIR, ,KHYAD PAR DAG NI MA BSTAN PAR, ,GTAN TSIGS RAB TU SPROS PA GANG, ,DE DAG THAMS CAD 'KHRUL PA @104A *, ,CAN, ,RNAM KUN THOG MED GRUB GYUR MOD, ,DE LTAR SKYES MIN RTEN CAN MIN, ,DE PHYIR SKYES BUS MA BYAS NYID, ,GZHAN YANG MI LA MI BRTEN 'GYUR, ,KLA KLO LA SOGS THA SNYAD DANG, ,MED PAR SMRA BA'I TSIG RNAMS KYANG, ,THOG MED PHYIR NA DE BZHIN 'GYUR, ,SNGON 'DUS BYAS PA'I RGYU YIN PHYIR, ,DE 'DRA'I SKYES BUS MA BYAS NYID, ,GRUB NA'ANG YON TAN CI ZHIG YOD, ,DON GYI 'DU BYED KHYAD PAR RNAMS, ,MTHONG PHYIR THE TSOM DAG KYANG YIN, ` ,YIG RNAMS GZHAN DANG KHYAD MED PHYIR, ,SGRUB PAR BYED NA 'BRAS CIR 'GYUR, ,NGAG NI YI GE LAS THA DAD, ,YOD PA MIN TE MA DMIGS PHYIR, ,YAN LAG DU MA'I BDAG NYID YIN, ,DE RNAMS THA DAD DON MED NYID, ,DE DNGOS CAN MIN DE DNGOS CAN, ,BRTAGS PA SENG GE NYID SOGS BZHIN, ,RE RE DON BCAS NYID YIN NAM, ,DU MA NYID BTAGS LOG PA YIN, ,YAN LAG GCIG NI RTOGS PAS KYANG, ,DAG GI DON DAG RTOGS PAR 'GYUR, ` ,THAMS CAD CIG CAR RTOGS PA NA'ANG, ,DUS KYI KHYAD PAR MI RUNG NGO, ` ,GCIG NYID NA YANG THA DAD MED, ,RIM GYIS RTOGS PA MI SRID PHYIR, ` ,MI RTAG NA NI RTZOL BYUNG PHYIR, ,DE CI SKYES BUS BYAS PA MIN, ,RTAG NYID YIN YANG RTAG PAR NI, ,DMIGS 'GYUR SGRIB G-YOGS MED PHYIR RO, ` ,GAL TE LHAN CIG BYED 'GA' ZHIG ,MA TSANG THOS PA MIN ZHE NA, ` ,CIS KYANG GZHAN LTOS YIN SLA STE, ,NGES PA DAG NI 'GAL BA YIN, ,GAL TE DE DAG KHYAB BYED MIN, ,THAMS CAD DU NI DMIGS MI 'GYUR, ` ,GAL TE KHYAB NA THAMS CAD KYIS, ,CIG CAR DMIGS PA DAG TU 'GYUR, ` ,'DUS BYAS DMIGS PA YIN NA YANG, ,'GYUR MED GANG GIS 'DU BYED 'GYUR, ` ,DBANG PO LEGS PAR BYAS GYUR NA, ,DES KYANG MA LUS THOS PAR 'GYUR, ,GAL TE LEGS BYAS KHYAD PAR LAS, ,THA DAD PHYIR DON GCIG NGES YIN, ` ,SGRA YI TSOGS PA DU MA YI, ,CA CO JI LTAR THOS PAR 'GYUR, ` ,DE LA GAL TE SGRA YAN GAR, ,THOS 'GYUR RJOD BYED MA YIN NA, ` ,SGRA LAS THA DAD YOD DO ZHES, ,'DI LA SHIN TU CHES DAD BYA, ` ,SGRA GZHAN DAG NI GNAS @104B PA NA, ,RJOD BYED JI LTAR THOS PA YIN, ` ,YANG NA NUS PA NGES PA'I PHYIR, ,JI LTAR THA DAD SGRA RTOGS 'GYUR, ` ,NYES PA GANG DANG GANG GIS KYANG, ,SGRA TZAM RJOD BYED MI 'DOD PA, ,SGRA TZAM DAG GIS GSAL BA NI, ,JI LTAR RJOD BYED LA DE MED, ` ,GAL TE YI GE RIM PA DAG , YIG RNAMS THA DAD MED PHYIR MIN, ,DE DAG RNAM PAR GZHAG PA'ANG MED, ,GO RIMS GZHAN NI 'GAL PHYIR RO, ` ,KHYAB DANG RTAG PAR BRJOD PA'I PHYIR, ,YUL DANG DUS KYI GO RIMS MED, `,MI RTAG KHYAB BYED MA YIN PA'I, ,SKYON YANG SNGAR NI BRJOD PA YIN, ` ,GSAL BA'I RIM PA'ANG DAG MIN TE, ,RTAG LA GSAL BA GSAL PHYIR RO, ` ,BYED PA RNAMS KYI BYA NYID LAS, ,DE GRUB PHYIR NA 'BRAS NYID YIN, ` ,GRUB PA'I DON LA RAB SHES PAS, ,GZHAN BLO'I RGYU NI GSAL BYED 'DOD, ,DPER NA SGRON BZHIN GZHAN DU NA'ANG, ,BYED PO LAS 'DI KHYAD PAR CI, BYED PA RNAMS KYI TSOGS PA YI, ,BYA BA LAS NI NGES PAR YANG, ,DMIGS PHYIR 'BRAS BU NYID YIN TE, ,GSAL BYED LA DE MI SRID PHYIR, ,GAL TE KHYED KYI DE NGO BO'I, ,SGRIB BYED BRAL BA GSAL YIN NA, ,CI PHYIR MED PA LA BYED PA'I, ,CHAGS KYI NUS PA DE RUNG 'GYUR, ,SGRA DANG KHYAD PAR MED PA'I PHYIR, ,GZHAN DAG KYANG GSAL THOB PAR 'GYUR, ,DE BZHIN DU NI KHAS LEN NA, ,RGYU RNAMS KUN NI DON MED NYID, ` ,NGO SHES PA DANG YOD SBYOR SOGS, ,GANG YIN SGRUB BYED 'DOD NA NI, ,DPE MED CAN YIN DNGOS RNAMS NI, ,SKAD CIG GIS NI 'JIG PHYIR RO, ,RTAGS NGAN GZHAN YANG SUN DBYUNG BYA, ,BLO NI SKYES BU'I RTEN CAN MIN, ,KHAS BLANGS MNGON SUM GRAGS PA DANG, ,RJES SU DPAG PAS CIG CAR GNOD, ` ,YI GE RNAMS LAS THA DAD PA'I, ,RIM PA'ANG GSAL BAR DPYAD ZIN TO, ` ,DE NI RTOG PAS SGRO BTAGS NA, ,JI LTAR SKYES BU'I RTEN CAN MIN, ` ,'JIG PA YOD TZAM 'BREL PA CAN, ,NYID PHYIR SGRA NI MI RTAG NYID, ` ,ME LAS DON GZHAN GYUR PA DAG ` ,SKYE NA 'JIG PA MED PA'I PHYIR, ,SHING NI MTHONG BA NYID DU 'GYUR, ` ,DE NYID 'DI YIS 'JIG CE NA, ,JI LTAR GZHAN NI GZHAN 'JIG @105A *, ,'GYUR, ,BLA STE CI PHYIR SHING MI SNANG, ,DES GZUNG PHYIR MIN ZHE NA MIN, ,GANG PHYIR DE YIS MI SGRIB STE, ,SKYE PHYIR 'JIG PA 'JIG CAN 'GYUR, ,DE LTA NA YANG SHING MTHONG 'GYUR, ,GAL TE GSOD BYED BSAD PA NA, ,NAG PA SLAR 'BYUNG MIN JI BZHIN, , 'DI LA'ANG DE BZHIN YIN ZHE NA, ,GSOD BYED BSAD PA NYID MA YIN, ` ,'JIG PA GZHAN NYID MA YIN NA, ,SHING NYID 'JIG PA NYID DU 'GYUR, ,DE MED PHYIR NA RGYU MIN NYID, ,'DI LAS GZHAN PA'I RNAM PA'ANG MED, ,'JIG PA RGYU MED CAN YIN NA'ANG, ,RTAG PHYIR DNGOS PO 'JIG PA DAG ,LHAN CIG YOD PAR 'GYUR ZHE NA, ,MED PA RTAG NYID GANG LAS YIN, ,MED LA DNGOS 'JIG MED NYID KYI, ,THAL BAR 'GYUR BA MI RUNG STE, ,GANG PHYIR DNGOS PO 'JIG PA YIS, ,'JIG PA DAG NI MI 'DOD DO, ,DNGOS 'JIG GZHAN LA LTOS MED PHYIR, ,DE SHES DON DU SEMS KYIS NI, ,DE YI THA DAD SGRO BTAGS NAS, ,GNAS SKABS DE RGYU MED CAN BSHAD, ` ,MED PA RANG NYID LAS YOD NA'ANG, ,RNAM RTOG 'DI NI MTSUNGS SHE NA, ,DE YI CUNG ZAD 'GYUR MED DE, ,MED PAR GYUR PA TZAM ZHIG YIN, ` ,YOD LA RNAM RTOG 'DI 'GYUR TE, ,BSGRUB PA DNGOS DANG 'BREL PHYIR RO, ` ,MED PA YIN ZHES GSUNGS PA NI, ,DNGOS PO MIN ZHES BYA BA'ANG YIN, ,GAL TE BYA BA CUNG ZAD CIG ,YOD NA GZHAN LA LTOS 'GYUR GYI, ,DNGOS GANG CUNG ZAD MI BYED LA, ,CI STE 'GA' ZHIG GIS LTOS 'GYUR, ` ,DES NI RGYU MED CAN YIN NA'ANG, ,MA SKYES PA LAS 'JIG 'GYUR PHYIR, ,YOD PA NYID DANG 'JIG YIN SKYON, ,HA CANG THAL BA BSAL BA YIN, ,JI LTAR SKYE LDAN 'GA' ZHIG NYID, ,THOGS BCAS NYID 'DOD DE BZHIN DU, ,YOD RNAMS 'JIG PA'I RANG BZHIN YIN, ,SKYE LDAN MIN PA MIN CE NA, ` , RGYU YI RANG BZHIN NGES PA LAS, ,'BRAS BU'I RANG BZHIN NGES PA STE, ` ,THA DAD RGYU RNAMS MED NYID PHYIR, ,MI RTAG NGO BO THA DAD MED, ` ,DE PHYIR DE RNAMS 'BREL PA YANG, ,RTAG PA NYID NI BSAL BA YIN, ` ,SGRA YI NUS PA'ANG SNGAR BSHAD PA'I, ,'BREL PA'I SKYON GYIS BSAL BA YIN,` , @105B SKYES BUS MA BYAS ZHES BYA NYID, ,JI BZHIN DON SHES SGRUB BYED MIN, ,SKYES BU'I NYES PAS SKYON MED PA'I, ,ME SOGS RNAM PA GZHAN DU MTHONG, ` ,DE NI MA BYAS PAR 'DOD NA, ,SHES PA NYID KYI RGYUR MI 'GYUR, ,RTAG PA DAG LA DNGOS NUS PA, ,'GA' YANG SKYE BA YOD MA YIN, ` ,RNAM RTOG BAG CHAGS LAS BYUNG BA'I, ,SGRO BTAGS SPYOD YUL CAN BLO DAG ,'GA' ZHIG DE LAS SKYE 'GYUR GYI, ,DON GYI SPYOD YUL CAN MA YIN, ` ,GAL TE BYAS DAG LOG NYID DU, ,MTHONG NYID PHYIR NA MA BYAS PA'I, ,TSIG NI BDEN DON CAN YIN TE, , BZLOG PAS 'GAL BA KHYAB PHYIR RO, ` ,MED PHYIR GTAN TSIGS MA BSTAN NA'ANG, ,DE NI YOD PAR DOGS 'GYUR TE, ,DNGOS PO 'GAL BA DAG LA YANG, ,KHYAB PAR BYED PA MTHONG PHYIR RO, ` ,KUN LA MED PA MI DMIGS PAS, ,MI 'GRUB CES NI BSHAD ZIN TO, ,MED PA NYID NI MA GRUB NA, ,LDOG PA NYID LA THE TSOM ZA, ,GAL TE RJES 'GRO LDOG PA DANG, ,BSGRUB BYA'I CHOS CAN LA YOD NYID, ,DE DES 'BRAS CAN SHES PA YIS, ,GRUB PAR GYUR NA SGRUB BYED YIN, ` ,GANG LA BSGRUB BYA'I MI MTHUN PHYOGS, ,BZLOG PA NYID BRJOD DE NYID NI, ,'DI YI CHOS MTHUN 'GYUR DES NA, ,GTAN TSIGS THAMS CAD RJES 'GRO CAN, ` ,'GA' YIS BRDA BYAS NYID YIN NA, ,SNGAGS RNAMS 'BRAS BU SGRUB BYED YIN, ` ,CI STE DNGOS PO'I NUS YIN NA, ` ,KHYAD PAR MED PHYIR GZHAN LA'ANG 'GYUR, ,DON GZHAN NYID DU GYUR PA YI, ,BKOD PA'ANG SNGAR NI BSAL BA YIN, ` ,DE DON RTAG TU 'GRUB 'GYUR TE, ,LTOS PA YIN NA NUS MED 'GYUR, ,GAL TE DNGOS NUS DE 'DRA NA, ,DE NI KUN GYI SGRUB BYED 'GYUR, ` ,LEGS BYAS MIN PHYIR BYED PA PO'I, ,KHYAD PAR LA YANG LTOS MI RUNG, ,DNGOS PO 'DUS BYAS PA YI YANG, ,DNGOS PO'I THA DAD THA DAD BYED, ,BYED PO'I KHYAD PAR LAS NUS PA, ,NGES PA MA YIN BRDA LAS 'GYUR, ,KHYAD PAR BYAR MED CAN YIN NA, ,CI ZHIG BYED NAS BYED POR 'GYUR, `,GAL TE MNGON GSAL SBYOR YIN NA, ,DE NI GONG DU BSAL ZIN TO,`, @106A *, ,GANG LAS BLO DE GSAL YIN LA, ,DE NI 'BRAS BUR GAL TE SBYOR, ` ,SMRA BA PO GSAL RGYU YIN PAS, ,NYAN PA PO YANG 'BRAS 'BREL 'GYUR, ` ,MNGON PAR GSAL MIN SGRA DAG GI ,BYED PA RNAMS KYI SBYOR BA'AM, ,YID KYI BZLAS PA DON MED 'GYUR, ,SGRA NI RNA BA'I SPYOD YUL YIN, ` ,BRGYUD PAS DE LAS BSKYED NYID PHYIR, ,BLO DE'ANG GSAL BA YIN ZHE NA, ,GAL TE DON CAN YIN MI 'GRUB, ,RTOG PA'I RJES SU 'GRO PHYIR RO, ,RANG DANG SPYI YI RANG BZHIN RNAMS, ,NGO BO GCIG TU BRJOD 'DOD NAS, ,BRDA BYED RNAMS KYIS BRJOD PA'I PHYIR, , MI 'GAL DNGOS PO LA MA YIN, ` ,GAL TE GO RIMS [?] MED NA NI, ,RO DANG MTSO ZHES THOS PA LAS, ,'BRAS THA DAD MED 'GYUR ZHE NA, ` ,DE NI SKYES BU'I RTEN CAN YOD, ,YI GE KUN SLONG SHES PA LAS, ,SKYES LA SHES LAS SGRA SKYE'O, ` ,DE YI KHYAD PAR CAN DE NI, ,RNA BAS NGES PAR 'GYUR BA YIN, ,SHES NGES SKYED PA'I SHES PA CAN, ` ,DE THOS MYUR MIN THOS PA CAN, ,DE DRAN PA LA LTOS NAS NI, ,PHYIS NI BDAG NYID LA DRAN BYED, ,DE NI RGYU DANG 'DZIN SEMS KYI, ,YIG RNAMS RGYU DANG 'BRAS BU YI, ,GO RIMS DAG NI YIN ZHES BRJOD, ,DE DAG SKYES BUS BYAS PA NYID, ` ,DE PHYIR YI GE'I NGO BO DE, ,TSIG DANG TSIG LAS GZHAN NYID DE, ,BYED PO'I 'DU BYED LAS THA DAD, ,LHAN CIG 'BRAS BUS KHYAD PAR BYED, ` ,YI GE RNAMS KYI GO RIMS DE'ANG, ,SPEL BAR BYED LA 'JUG YIN TE, ,'DOD DANG MI 'GAL GRUB CAN GYI, ,GO RIMS GNAS PA 'GAL PHYIR RO,`, SKYES BU DAD NI YI GE RNAMS, ,RGYU 'BRAS NYID DU GRUB PA'I PHYIR, ,YI GE'I RIM KUN SKYES BU LAS, ,ME DANG SHING GI RIGS PA BZHIN, ` ,SHES MTHU DAG GIS SNGAGS ZHES PA'I, ,GO RIMS BYED TSUL CAN SKYES BU, ,THUN MONG MIN PA NYID GRUB STE, ,GZHAN LA DE DAG MED PHYIR RO, ` , GANG YANG RGYUD RIG 'GA' ZHIG GIS, ,GSANG SNGAGS 'GA' ZHIG BYED 'GYUR BA, ,DE DAG GIS DE GTZO BO'I MTHU, ,DE BSHAD RIGS PA 'JUG PHYIR RO, ,'BRAS BU 'DOD PAS SNGAGS RNAMS NI, ,BYAS DANG SKYES BUS BYAS BRJOD BYA, ` ,SKYES BU NUS MED SGRUB BYED NI, ,'DI NYID KYIS @106B NI GSAL BA YIN, ,BLO DBANG SMRA DANG SKYES BU NYID, ,LA SOGS SGRUB BYED GANG BRJOD PA, ,TSAD LTAR SNANG YIN LHAG LDAN PAS, ,JI BZHIN DON RTOGS YOD MA YIN, ,SGRA NI NGO BO 'DI DON DANG, ,'DI DON MIN ZHES RJOD MI BYED, ` ,SKYES BUS DON 'DI BRTAGS PA STE, ,DE YANG 'DOD CHAGS LA SOGS LDAN, ` ,DE GCIG DE NYID RIG GZHAN MIN, ,KHYAD PAR YANG NI SU YIS BYAS, ,DE BZHIN SKYES NYID RNAM 'GAS KYANG, ,KHYED CI SHES LDAN 'GA' MI 'DOD, ` ,GAL TE GANG TSIG TSAD MA YIS, ,MI SLU DE DON RIG YIN NA, ,SHIN TU LKOG TU GYUR RNAMS LA, ,TSAD MA YOD PA SRID MA YIN, ` ,GANG GI TSIG NI TSAD MA YI, ,MI SLU DE YIS BYAS PA'I TSIG, ,DE LUNG ZHES THOB DE YI PHYIR, ,SKYES BUS BYAS MIN DON MED YIN, ,GAL TE SHIN TU LKOG GYUR DON, ,LUNG MED PAR NI SHES SRID NA, ,DBANG PO LAS 'DAS DON RIG 'GA', , YOD DO ZHES NI MNGON 'DOD 'GYUR, ` ,BDAG NYID 'DOD CHAGS SOGS LDAN PA'AM, ,GZHAN LAS RIG BYED DON RIG MIN, ,RIG BYED RIG PAR BYED MIN NA, ,RIG BYED DON NI GANG LAS RTOGS, ,DES NA MTHO RIS 'DOD ME LA, ,SBYIN SREG SBYIN ZHES THOS PA LAS, ,KHYI SHA ZA ZHES BYA BA DE, ,DON MIN ZHES 'DI TSAD MA GANG, ,'JIG RTEN TSIG RAB GRAGS SHE NA, ,DE LA SNA TSOGS DON CAN SGRA'I, ,GANG GI DON 'DI RNAM DBYE BA, ,DBANG PO LAS 'DAS DON MTHONG GANG, ,GRAGS MIN DON BRJOD MTHO RIS GANG, ,LHA MO LA SOGS SGRA MTHONG NGO, ,DE 'DRA'I SGRA GZHAN DAG LA NI, ,DE 'DRA'I RNAM RTOG NYID DU 'GYUR, ` ,GRAGS PA DAG KYANG MI RNAMS TSIG, ,DE YANG TSAD MAR MI 'DOD NA, ,SLAR YANG DE LAS DON RTOGS PA, ,SDANG [*SPONG?] 'DOD 'DI NI CI ZHIG YIN, ` ,GAL TE GRAGS PA LAS 'GAL BA'I, ,RTOG LA RGYU CI YOD CE NA, , RAB GRAGS TSAD MA NYID MIN PHYIR, ,DER 'DZIN PA LA RGYU CI YOD, ,GREGS PA NYID KYI SGRA DON GYI, ,NGES LA DOGS PA BSKYED PA NI, ,GANG PHYIR DE LA SGRA RNAMS DON, ,SNA TSOGS 'JUG PA CAN NYID MTHONG, ,NGES BYED MA MTHONG BA DAG GIS, ,SNA TSOGS NUS CAN SGRA RANG NYID, @107A *, ,NGES PAR DOGS PA 'GYUR BA STE, ,GZHAN DU MI SRID MED PHYIR RO, ` ,'GA' ZHIG LAM NI 'DI YIN ZHES, ,SDONG DUM 'DI NI SMRA 'GYUR ZHES, ,GZHAN NI BDAG NYID SMRA DE LTAR, ,DE DAG BYE BRAG BRTAG PAR GYIS, ` ,THAMS CAD LA RUNG DON GCIG GI , GSAL BYED NGES PA GANG LAS YIN, ` ,BRJOD 'DOD NGES PA MA GTOGS PA, ,GANG GIS DBANG PO LAS 'DAS SHES, ` ,BRJOD 'DOD NGES PA'I RGYU YIN ZHING, ,BRDA NI DE YI GSAL BYED YIN, ` ,DE NI SKYES MIN LA MED NA, ,DE DON GCIG CAN DE GANG LAS, ` ,RANG BZHIN GYIS NI NGES YIN NA, ,GZHAN LA DES KYANG MI RUNG NGO, ,BRDA YANG DON MED CAN NYID 'GYUR, ,BRDA LAS RANG BZHIN KHYAD PAR GYI, ,GSAL BA'I NGES PA GANG LAS YIN, ` ,GANG LA 'DOD PA RANG RGYUD PA, ,DE LA NGES PA ZHES BYA GANG, ,DES NA BRDA NI RUNG BA NYID, ,'DOD PA KHO NA GSAL MI 'GYUR, ,BAR SKABS KYI TSIGS SU BCAD PA DAG GO, ,,GANG PHYIR RIG BYED PHYOGS GCIG PHYIR, ,GZHAN YANG DE 'DRA YIN TE DPER, ,MES GRANG BZLOG DAG BDEN PA BZHIN, ,DE SKAD GZHAN DAG ZER RO LO, ,RO 'DRA NGO BO MTSUNGS NYID PHYIR, ,SNOD GCIG LA YANG TSOS PA BZHIN, ,LHAG LDAN 'KHRUL PA CAN NYID PHYIR, ,RIG PA SHES PAS 'DI 'DRA BKAG, ,SKYES BU RTAG PA BYED PO NYID, ,DNGOS RNAMS RTAG DANG DBANG PO 'DAS, ,DBANG POS GZUNG BYA DANG DNGOS RNAMS, ,RGYU DANG GNAS 'JIG MI MNYAM DANG, ,GZHAN YANG TSAD MA RNAMS GNYIS KYIS, ,RNAM PAR GSAL BA'I SPYOD YUL LAM, ,LUNG LA LTOS PA RJES DPAG DANG, ,'GAL BA DAG NI RJOD BYED PA, ,'GAL BA KUN TU MA BSAL ZHING, ,BSTAN BCOS STON YANG MA BSTAN LA, ,DE BDEN DON BCAS KHAS LEN PA, ,G-YEM MA MU COR GYIS RGYAL LO, ` ,GAL TE DE LTAR TSAD GRUB NA, ,'O NA 'DI LA TSAD MIN CI, ,SKYES BU MANG DU SMRA BA LA, ,BDEN PA'I DON GCIG MED PA MIN, ,RJOD PA PO LA SGRA GNAS PAS, ,'DI DNGOS RANG BZHIN NAM 'BRAS MIN, ,'DI LAS RNAM PAR BZLOG PAS KYANG, ,'KHRUL PA MED PA YOD MA YIN,, @107B RJOD BYED RNAMS KYIS 'JUG PA NI, ,BRJOD BYA MTHONG BAS BYED CE NA, ,PHAN TSUN DAG NI 'GAL BA'I DON, ,DE NI GCIG LA JI LTAR 'GYUR, ` ,DES NA LUNG DANG DNGOS PO RNAMS, ,RTOGS PA PO YI RNAM 'GA' YANG, ,MED NA MI 'BYUNG MI 'GRUB NA, ,DE LAS DON GANG NGES PA YIN, , DE PHYIR DE NI LOG NA YANG, ,DNGOS PO MED PAR 'GRUB MI 'GYUR, ` ,DES NA MED NGES 'BRAS BU CAN, MI DMIGS PAS NI MI 'GRUB BO, ` ,RIG BYED TSAD MA DANG NI 'GAL BYED SMRA, ,KHRUS LAS CHOS 'DOD DANG NI RIG SMRAS DREGS, ` ,SDIG PA GZHOM PHYIR GDUNG BA RTZOM ZHES PA, , BLUN PO SHES RAB 'CHAL BA'I RTAGS LNGA YIN, ,TSAD MA RNAM 'GREL GYI TSIG LE'UR BYAS PA LAS RANG DON RJES SU DPAG PA STE LE'U DANG PO'O,, ,,TSAD MA BSLU MED CAN SHES PA, ,DON BYED NUS PAR GNAS PA NI, ,MI SLU SGRA LAS BYUNG BA YANG, ,MNGON PAR 'DOD PA STON PHYIR RO, ` ,SMRA BA PO YI BYED PA'I YUL, ,DON GANG BLO LA RAB GSAL BA, ,DE LA SGRA NI TSAD MA NYID, ,DON GYI DE NYID RGYU CAN MIN, ` ,GZUNG BA 'DZIN PHYIR KUN RDZOB NI, ,MI 'DOD BLO NI TSAD MA NYID, ,BLANG DANG DOR BYA'I DNGOS PO YI, ,'JUG LA DE GTZO YIN PHYIR DANG, , YUL RNAM CAN NI THA DAD PAS, ,BLO YI RTOGS PA THA DAD PHYIR, ,DE YOD NA 'DI YOD PHYIR RO, ` ,RANG LAS RANG GI NGO BO RTOGS, ,THA SNYAD LAS NI TSAD MA NYID, ,BSTAN BCOS RMONGS PA ZLOG BYED YIN, ` ,MA SHES DON GYI GSAL BYED KYANG, ,RANG GI NGO BO RTOGS 'OG TU, ,SPYI YI RNAM PAR SHES PA THOB, ,RANG GI MTSAN NYID MI SHES PA, ,SHES PA GANG YIN ZHES DGONGS PHYIR, ,RANG GI MTSAN NYID DPYAD PHYIR RO, ` ,DE LDAN BCOM LDAN TSAD MA NYID, ` ,MA SKYES PA NI BZLOG DON DU, ,GYUR PA NYID GSUNGS DE YI PHYIR, ,SGRUB BYED LA LTOS TSANG YIN RIGS, ` TSAD MA RTAG PA NYID YOD MIN, ,DNGOS YOD RTOGS PA TSAD PHYIR DANG, ,SHES BYA MI RTAG PA NYID KYIS, ,DE NI MI BRTAN NYID PHYIR RO, ,RIM BZHIN SKYE BA CAN DAG NI, ,RTAG LAS SKYE BA MI 'THAD PHYIR, ,LTOS PA MI RUNG BA YI PHYIR, ` ,RNAM 'GAS PHAN GDAGS BYA MIN PHYIR, ,MI RTAG @108A *, ,NA YANG TSAD MED NYID, ` ,SDOD 'JUG DBYIBS KYI KHYAD PAR DANG, ,DON BYED PA LA SOGS PA DAG ,'DOD PA GRUB PA'AM DPE MA GRUB, ,YANG NA THE TSOM ZA BA YIN, ` ,BYIN RLABS YOD MED RJES 'JUG CAN, ,DBYIBS SOGS CI 'DRA RAB GRUB PA, , DE LAS RJES SU DPOG GANG YIN, ,DE NI RIGS PA NYID YIN NO, ,THA DAD DNGOS LA RAB GRUB PA, ,SGRA MTSUNGS THA DAD MED PA'I PHYIR, ,RJES DPOG RIGS PA MA YIN TE, ,SKYE BO'I RDZAS LAS ME BZHIN NO, ` ,DE LTA MIN NA RDZA MKHAN GYIS, ,BUM PA LA SOGS 'JIM PA YI, , RNAM 'GYUR 'GA' ZHIG BYED PA'I PHYIR, ,GROG MKHAR YANG DES BYAS GRUB 'GYUR, ` ,BSGRUB BYA'I RJES 'GRO PHYIR 'BRAS BU, ,SPYIS KYANG SGRUB PAR BYED PA LA, ,'BREL PA CAN NYID THA DAD PHYIR, ,THA DAD SKYON BRJOD 'BRAS MTSUNGS 'DOD, ` ,RIGS KYI KHYAD PAR LA GRUB PA, ,SGRA YI SPYI NI MTHONG BA LAS, ,SGRUB BYED MI RIGS NGAG LA SOGS, ,GO NYID PHYIR NA RAB CAN BZHIN, ` ,RJOD PAR 'DOD PA'I GZHAN DBANG PHYIR, ,SGRA RNAMS GANG LA'ANG MED MA YIN, ,DE YOD PAS NI DON GRUB NA, ,THAMS CAD KYIS NI THAMS CAD GRUB, ` ,'DIS NI SER SKYA LA SOGS KYI, ,MI RTAG SOGS PHYIR YANG SEMS MED, ,SOGS DANG SHUN PA BSHUS NA NI, ,'CHI PHYIR SEMS LDAN DPYAD PA YIN, ` ,DNGOS PO'I NGO BO MA GRUB NA, ,TSUL 'DI GRUB NA MA GRUB KYANG, ,KHYAD PAR GNOD BYED MA YIN TE, ,SGRA YI NAM MKHA' LA BRTEN BZHIN, , SGRA MA GRUB KYANG DNGOS PO NI, ,GRUB NA GRUB PAR 'GYUR TE DPER, ,'UG PA PA LA SANGS RGYAS PAS, ,LUS SOGS SGRUB BYED BSHAD PA BZHIN, ,DE NYID 'KHRUL LA SOGS YIN NA, ,SGRA NI 'KHRUL PA MED NA YANG, ,SGRUB BYED SKYED LDAN SHES BYA STE, ,DNGOS LAS DNGOS PO GRUB PHYIR RO, ,'GRO BA'I PHYIR DANG LAG LDAN PHYIR, ,RVA CAN GLANG PO ZHES SGRUB BYED, ,'DI YI SGRA YI BRJOD BYA NI, ,GRAGS PA YIN GYIS BRJOD 'DOD MIN, ` ,JI LTAR DNGOS DE RGYU YIN PA, ,DE LTA DE NYID GANG GI TSE, ,RGYU MIN GANG GIS DE NI RGYUR, ,'DOD LA RGYU MA YIN MI 'DOD, ` ,MTSON DANG SMAN @108B SOGS 'BREL BA LAS, ,NAG PA'I RMA DANG 'DRUBS YIN NA, ,'BREL MED SDONG DUM CI YI PHYIR, ,RGYU NYID DU NI RTOG MI BYED, ,RANG BZHIN KHYAD PAR MED PAR NI, ,BYED PAR YANG NI MI RUNG NGO, ` ,RTAG LA LDOG PA MED PA'I PHYIR, ,NUS PA NYID KYANG RTOGS PAR DKA', ` ,GANG DAG YOD NA GANG 'GYUR NYID, ,DE DAG LAS GZHAN DE YI RGYU, ,RTOG PA YIN NA THAMS CAD LA, ,RGYU RNAMS THUG PA MED PAR 'GYUR, ` ,MYU GU SKYED LA SA LA SOGS, ,RANG BZHIN YONGS SU GYUR NAS NI, ,RGYU YIN DE LEGS BYAS PA NA, ,DE YI KHYAD PAR MTHONG PHYIR RO, ` ,GAL TE JI LTAR YUL DBANG PO, ,TSOGS PA KHYAD MED BLO RGYU YIN, ,DE LTAR 'DI YIN ZHE NA MIN, ,DE LAS KHYAD PAR YOD PHYIR RO, ,SO SO SO SOR NUS MED RNAMS, ,RANG BZHIN KHYAD PAR MED PAS NA, ,TSOGS KYANG NUS PA MED 'GYUR BAS, ,DE PHYIR KHYAD PAR GRUB PA YIN, ,DE PHYIR SO SOR GANG NUS MED, ,TSOGS NA YON TAN SRID 'GYUR BA, ,DE DAG RGYU YIN DBANG PHYUG SOGS, MA YIN KHYAD PAR MED PHYIR RO, ` ,TSAD MA LKOG GYUR DON SHES YIN, ,DE SGRUB BYED KYANG MED PA'I PHYIR, ,NAN TAN BYED PA YOD MA YIN, ,ZHES NI KHA CIG RAB TU BRJOD, ,MI SHES STON PAR BYED PA LA, ,'KHRUL PAR DOGS BA CAN RNAMS KYIS, ,DES BSHAD NAN TAN BYA BA'I PHYIR, ,SHES LDAN 'GA' ZHIG TSOL BAR BYED, ,DE PHYIR DE YIN BSGRUB BYA RU, ,GYUR PA'I YE SHES RNAM DBYED [*DPYAD?] BYA'I, ,'DI YIS SRIN BU'I GRANGS MKHYEN PA, ,NGED LA 'GAR YANG NYER MKHO MED, ` , BLANG DANG DOR BYA'I DE NYID NI, ,THABS DANG BCAS PA RIGS MDZAD PA, ,GANG DE TSAD MA NYID 'DOD KYI, ,THAMS CAD RIGS MDZAD MA YIN NO, ,RING PO MTHONG BA'AM MIN YANG RUNG, ,'DOD PA'I DE NYID MTHONG BA YIN, ` ,GAL TE RING MTHONG TSAD YIN NA, ,TSUR SHOG BYA RGOD BSTEN PAR GYIS, ` ,SGRUB BYED THUGS RJES GOMS LAS DE, ` ,BLO NI LUS LA BRTEN PA'I PHYIR, ,GOMS PAS GRUB PA MED CE NA, ` ,MA YIN RTEN NI BKAG PHYIR RO, ,SKYE BA YONGS SU LEN PA NA, ,'BYUNG RNGUB DBANG PO BLO DAG NI, ,RANG GI RIGS LA LTOS MED CAN, ,LUS NYID 'BA' ZHIG LAS SKYE @109A *, ,MIN, ,HA CAD THAL PHYIR MTSAMS SBYOR PAR, ,NUS LDAN MTHONG BA GANG DE LA, ,CI ZHIG YOD 'GYUR GANG MED PA, ,GANG GIS PHYI NAS MTSAMS SBYOR MED, ` ,GANG DU DROD GSHER LA SOGS PA, ,SKYE BO SKYE BAR MI 'GYUR BA'I, ,SA SOGS CHA DE 'GA' YANG MED, , DE PHYIR THAMS CAD SA BON BDAG ,DE PHYIR DBANG SOGS RANG RIGS LA, ,LTOS PA MED PAR 'BYUNG YIN NA, ,JI LTAR GCIG NI YONGS 'GYUR BZHIN, ,KUN 'GYUR KHYAD PAR MED PHYIR RO, ` ,DBANG RNAMS RE RE LA GNOD NA, ,YID BLO LA GNOD YOD MA YIN, ,'DI BGYUR NA NI DE DAG KYANG, ,'GYUR BA DAG TU MTHONG BA YIN, ` ,DE PHYIR BLO GNAS PA YI RTEN, ,BLO NYID LA NI BRTEN PA 'GA', ,DBANG PO RNAMS KYI RGYU YIN PAS, ,DE PHYIR BLO LAS DBANG PO YIN, ,DE 'DRA'I 'PHEN BYED YOD GYUR NA, ,PHYIS KYANG DE 'DRAR 'GYUR BA YIN, ,DE YI SHES PAS PHAN 'DOGS PHYIR, ,YID NI LUS LA BRTEN PAR BSHAD, ,GAL TE DBANG PO MED PAR BLO, ,MA YIN DE YANG DE MED PAR, ,DE LTA'ANG PHAN TSUN RGYU NYID PAS, ,DE PHYIR PHAN TSUN RGYU CAN YIN, ` ,RIM CAN MIN LAS RIM CAN MIN, ,KHYAD PAR CAN MIN LTOS PA'ANG MED, ` ,LUS LAS RIM GYIS BLO 'GYUR NA, ` ,DE'I YANG RIM PA GSAL BAR BYED, ` ,SKAD CIG SNGA MA SNGA MA NI, ,SKAD CIG RE RE SNGON MED DE'I, ,RGYU YIN DE YI PHYIR NA RGYU, ,THAMS CAD TSE NA MTHONG BA NYID, ` ,THA MA'I SEMS NI SEMS GZHAN DANG, ,MTSAMS SBYOR BA LA 'GAL CI YOD, ,DGRA BCOM SEMS GANG YIN DE YANG, ,GANG LAS MTSAMS SBYOR MED PAR 'DOD, ` ,TSAD MAS MA GRUB DON CAN GYI, ,GRUB MTHA'I RJES SU 'BRANG NGAM CI, ,GAL TE DE RGYU BRAL PHYIR NA, ,DE NYID 'DIR NI CIS MA BRJOD, ,DE BLO BZHIN DU 'DZIN 'GYUR PHYIR, ,DBANG PO BCAS LAS YID SHES MIN, ,SHES SKYED NUS PA THA DAD PHYIR, ,KUN LAS KYANG NI MA YIN NO, ,SEMS MED NYID PHYIR GZHAN LAS MIN, ,RGYU GCIG PHYIR NA LHAN CIG GNAS, ,DBANG BZHIN GZUGS DANG RO BZHIN NO, ,DON GYI SGO NAS 'GYUR BA YIN, ` ,RTAG TU DE YI RJES 'JUG PHYIR, ,GANG @109B ZHIG YOD PAS PHAN 'DOGS BYED, ,DE RGYU DE PHYIR BDUN PA DANG, ,SKYES PHYIR ZHES NI BSHAD PA YIN, ,'GA' ZHIG TSE NA SEMS RGYUN LA, ,PHAN 'DOGS BYED PA'ANG YIN SLA STE, ,BUM SOGS LA NI ME SOGS BZHIN, ,DE TZAM GYIS NI LDOG PA MIN, ` ,LUS NI GNAS PA NYID NA SEMS, ,LDOG PA MED PAR THAL BAR 'GYUR, ` ,DE YOD YOD DANG DBANG GYUR PHYIR, ,DE LAS 'BYUNG RNGUB DE MA YIN, ,RLUNG 'BYIN PA DANG 'DREN PA NI, ,'BAD RTZOL MED PAR GANG LAS YIN, ` ,DE DAG YUL BYUNG 'GRIB PA LAS, ,PHUL BYUNG 'GRIB PA THOB PAR 'GYUR, ,DE DAG LA YANG THAL BA MTSUNGS, ,SEMS RGYU YIN NA MTSUNGS MA YIN, ,GNAS PA'I 'PHEN BYED GZHAN DAG KYANG, ,GANG PHYIR RGYU NI YIN PAR 'DOD, ` ,GAL TE SDONG BU LA SOGS BZHIN, ,NYES PAS MI MTHUN LUS RGYU MIN, ` ,SHI BAS NYES PA NYAMS GYUR TSE, ,SLAR YANG 'TSO BA DAG TU 'GYUR, ` ,GAL TE ME NI LDOG NA YANG, ,SHING GI 'GYUR BA MI LDOG BZHIN, ,DE NI LDOG PA MED CE NA, ` ,MA YIN GSO SBYOR YOD PHYIR RO, ` ,SLAR MI 'BYUNG BAR 'GA' ZHIG NI, ,LA LAR 'GYUR BA SKYED PAR BYED, ,'GA' ZHIG LDOG PA YIN PHYIR DPER, ,SHING DANG GSER LA ME BZHIN NO, ,DANG PO CHUNG YANG LDOG PA MIN, ,SLAR LDOG RUNG BAR 'GYUR BYAS GANG, ,DE NI SLAR YANG 'BYUNG 'GYUR TE, ,GSER GYI SRA BA NYID BZHIN NO, ,CUNG ZAD GSO BYA MIN BRJOD PA, ` ,'CHOS BYED RNYED PAR DKA' PHYIR RAM, ,TSE ZAD PHYIR RO NYES 'BA' ZHIG ,YIN NA GSO MIN MED PA GNYIS, ,SHI BA'I DUG SOGS LDOG PHYIR RAM, ,DE YI SOS ZIN BCAD LAS KYANG, ,'GYUR BA'I RGYU DANG BRAL BAS NA, ,DE CIS SLAR YANG 'TSO MI 'GYUR, ,NYIR LEN 'GYUR BA MED PAR NI, ,NYER LEN CAN DAG 'GYUR BAR NI, ,BYED PAR MI NUS DPER 'JIM PA [*,] 'GYUR BA MED PAR BUM SOGS BZHIN, ` ,DNGOS GANG 'GYUR BA MED PAR NI, ,DNGOS PO GANG ZHIG RNAM 'GYUR BA, ,DE DE'I NYAR LEN MI RIGS TE, ,BA GLANG BA MEN LA SOGS BZHIN, ,SEMS DANG LUS KYANG DE BZHIN NO, ` ,DE RGYU LHAN CIG BYED PA LAS, ,SKYE BA'I 'BRAS BU LHAN CIG @110A *, ,GNAS, ,ME DANG ZANGS MA'I ZHU NYID BZHIN, ` ,YOD MED DAG LA RTEN MED PHYIR, ,MA YIN YOD PA'I GNAS RGYU NI, ,RTEN YIN ZHES NA 'DI RTEN MED, ,GNAS PA PO LAS GZHAN MIN PHYIR, ,GZHAN YIN NA YANG DE RGYU NYID, ,DES NI DNGOS PO CI ZHIG BYAS, ` , 'JIGS PA MED PAR THAL BAR 'GYUR, ` ,GAL TE DE 'JIG RGYU LAS 'DOD, ,DE LA'ANG THAL BA MTSUNGS PA YIN, ,GNAS PA'I RGYUS KYANG CI ZHIG BYAS, ,GAL TE 'JIG RGYU PHRAD PAR DU, ,DES GNAS 'JIG PA DNGOS CHOS NYID, ,YOD PA 'DI GNOD MED PHYIR DANG, , GNAS PA'I RGYUS NI CI ZHIG BYA, ,GAL TE DPER NA CHU SOGS KYI, ,RTEN BZHIN ZHE NA 'DI LA'ANG MTSUNGS, ,DNGOS RNAMS SKAD CIG RE RER NI, ,'JIG NA DNGOS RGYUN DE LTA BUR, ,SKYE RGYU YIN PHYIR DE RTEN YIN, ,DE LTA MIN NA RIGS MA YIN, ` ,'BO BA YIS NI GEGS BYED PHYIR, ,CHU SOGS KYI NI RTEN 'GYUR GYI, ,'GRO BA MID CAN YON TAN SPYI, ,LAS RNAMS LA NI RTEN CI DGOS, ,'DIS NI 'PHROD PA 'DU BA DANG, ,'PHROD PA 'DU BA CAN RGYU DANG, ,RIGS LA SOGS PA RNAM GNAS NYID, ,RTEN MED PHYIR NA GSAL BA YIN, ` ,GAL TE GZHAN LAS DNGOS 'JIG NA, ,DE YI GNAS RGYUS CI ZHIG BYA, ,DE GZHAN MED PAR 'JIG NA YANG, ,GNAS PA'I RGYU RNAMS NUS MED YIN, ` ,RTEN BCAS THAMS CAD GNAS LDAN DANG, ,SKYE BA CAN KUN RTEN BCAS YIN, ,DE PHYIR DNGOS PO THAMS CAD NI, ,'GA' ZHIG TSE NA'ANG 'JIG MI 'GYUR, ` ,GAL TE RANG 'JIG DANG TSUL BDAG ,YIN NA DE GNAS BYED GZHAN GANG, ,GAL TE RANG 'JIG DANG TSUL BDAG ,MIN NA DE GNAS BYED GZHAN GANG, ` ,LUS KYI PHUL BYUNG 'GRIB MED PAR, ,BLO YI BYED PA'I KHYAD PAR GYIS, ,SHES RAB KHA SOGS PHUL PHYUNG DANG, ,'GRIB PA DAG TU 'GYUR BA YIN, ` ,'DI NI MAR ME'I 'OD LA SOGS, ,RTEN PA RNAMS LA YOD MA YIN, ` ,DE LAS KYANG 'DI KHYAD 'GYUR TE, ,SEMS LA PHAN 'DOGS MED PAR MIN, ,'GA' TSE CHAGS SOGS RGYAS SOGS KYI, ,'PHEL BA BDE @110B SDUG LAS SKYES YIN, ,DE YANG KHAMS SNYOMS LA SOGS PA, ,NANG GI DON NI NYE BA LAS, ,'DIS NI 'DUS PA LA SOGS PA, ,DRAN PA NYAMS SOGS BSHAD PA YIN, ,NANG DON KHYAD PAR LAS SKYES PA'I, ,BLOS NI 'GYUR BAR BYED PHYIR RO, ` ,DPER RGYUD KHYAD PAR 'GA' ZHIG LA, ,STAG NYID DANG NI KHRAG LA SOGS, ,THOS PA DANG NI MTHONG BA LAS, ,RMONGS PA LA SOGS 'BYUNG 'GYUR BZHIN, ` ,DE PHYIR NGES PAR GANG NYID KYI, ,'DU BYED KYIS NI RJES 'JUG PA'I, ,SEMS NI DE MED MI 'BYUNG BA, ,DE PHYIR SEMS LA BRTEN PA YIN, ` ,JI LTAR SEMS LA BRTEN BYAS NAS, ,THOS SOGS 'DU BYED SEMS LA NI, ,DUS GSAL THA DAD MED PA'I PHYIR, ,DE LTAR LUS LA YON TAN 'GYUR, ,BDAG LA CHAGS PA DANG LDAN PAS, ,SEMS CAN GZHAN GYIS BKRI MIN PAR, ,BDE SDUG DER THOB 'DOD PAS NA, ,DMAN PA'I GNAS NI YONGS SU LEN, ` ,SDUG BSNGAL PHYIN CI LOG BLO DANG, ,SRED PA KUN NAS 'CHING BA NI, ,SKYE RGYU GANG LA DE MED PA, ,DE NI SKYE BAR MI 'GYUR RO, ` ,GAL TE 'GRO 'ONG MA MTHONG NA, ,DBANG PO MI GSAL PHYIR MA MTHONG, ,DPER NA MIG MI GSAL BA YIS, ,DU BA CHUNG NGU MI MTHONG BZHIN, ` ,LUS CAN YIN YANG PHRA BA'I PHYIR, ,'GA' ZHIG LA LAR THOGS MED DE, ,CHU BZHIN GSER LA DNGUL CHU BZHIN, ,MA MTHONG PHYIR NA MED PA MIN, ` ,LAG SOGS G-YO NA THAMS CAD DAG ,G-YO BAR 'GYUR PHYIR 'GAL BA CAN, ` ,LAS NI GCIG LA MI RUNG PHYIR, ,GZHAN DU THA DAD GRUB PAR 'GYUR, ` ,GCIG BSGRIBS PA NA THAMS CAD DAG ,BSGRIBS PAR 'GYUR BA'AM MA BSGRIBS NA, ,MTHONG 'GYUR GCIG TSON GYIS BSGYUR NA, ,BSGYUR BA'AM MA BSGYUR RTOGS PAR 'GYUR, ` ,DE PHYIR TSOGS PA GCIG YOD MIN, ` ,DU MA NYID NA SNGA MA BZHIN, ,KHYAD MED PHYIR DANG PHRA RAB PHYIR, ,RTOGS MIN ZHE NA KHYAD MED PAR, ,MA GRUB KHYAD PAR CAN RNAMS NI, ,DBANG YUL DE PHYIR RDUL PHRAN MIN, ,'DIS NI SGRIB BYED LA SOGS PA, ,MED PA DAG KYANG BSAL BA YIN, ` , @111A *, ,DNGUL CHU GSER DANG 'DRES PA'AM, ,RDO TSON LA SOGS JI LTAR SNANG, ` ,DBANG SOGS SO SOR NUS MED RNAMS, ,RTOGS PA DAG NI JI LTAR YIN, ,LDAN LAS ZHE NA 'DIR THAL MTSUNGS, ,GAL TE GSER DANG DNGUL CHU NI, ,LDAN PAS SNANG BA YIN ZHE NA, , RTEN MTHONG MED PAR GANG LAS RTOGS, ,RO GZUGS LA SOGS LDAN PAR 'GAL, ,GAL TE NYE BAR BTAGS PA LAS, ,'DOD NA BLO THA DAD PAR 'GYUR, ,JI LTAR 'PHRENG RING ZHES BYAR 'GYUR, ,DE LDAN RANG GI NGO BO DANG, ,BRJOD PA DAG LAS THA DAD PAR, ,GRANGS LDAN LAS LA SOGS PA YI, ,NGO BO BLO LA MI SNANG NGO, ` ,SGRA SHES DNGOS PO THA DAD PA'I, ,RJES 'BRANG RNAM RTOG BTAGS DON CAN, ,DPER NA YON TAN LA SOGS PA, ,ZHIG DANG MA SKYES DAG LA BZHIN, ,GAL TE 'DIR NI BTAGS 'DOD NA, ,RGYU MTSAN GANG GIS DE 'DOD PA, , DE NI DNGOS PO THAMS CAD LA, ,DE DAG GI RGYUS CIS MI 'DOD, ` ,GAL TE KUN LA NYER BTAGS MIN, ,THA DAD KHYAD PAR GTZO BO ZHES, ,BYA NYID GANG LAS THA DAD PA, ,MED LA THA DAD DON MED NA, ,DON GZHAN RGYU MTSAN CAN MIN YANG, ,DKAR LA SOGS PA GRANGS SOGS DANG, , LDAN PA'I SGRA NI RNAM GRANGS MIN, ,GAL TE DE LA'ANG DON GZHAN NA, ,YON TAN RDZAS NI KHYAD MED 'GYUR, ` ,DON GZHAN MIN YANG LDOG PA YI, ,DBYE BAS THA DAD PA YIN TE, ,LAS RDZAS MIN PA'I SGRA BZHIN NO, ` ,DNGOS PO BRJOD PA'I SGRA RNAMS KYIS, ,GRANGS SOGS DE DANG LDAN PA LAS,, THA DAD BZHIN DU BSTAN GANG DE'ANG, ,CHOS GZHAN KHYAD PAR BYED PA YIN, ` ,DE TZAM SHES PAR 'DOD PA LA, ,GZHAN KUN 'PHANGS BA MED PAR NI, ,LA LAR SOR MO'I LDAN PA ZHES, ,THA DAD CHOS BZHIN RJOD PAR BYED, ,DON GCIG BRJOD KYANG THAMS CAD NI, ,'PHEN PHYIR SOR MO LDAN 'GYUR ZHES, ,CHOS CAN BRJOD PAR GRAGS YIN TE, ,DE LTAR BRDAR NI BYAS PA YIN, ,GZUGS SOGS NUS PA'I KHYAD PAR NI, ,SPONG BAS DE MTSUNGS 'BRAS BU YI, ,RGYU MIN PA NI RNAM GCOD LA, ,BUM PA'I SGRA NI 'JUG PAR 'GYUR, ,DES NA BUM PA GZUGS SO ZHES, ,GZHI @111B GCIG PA CAN SGRA MA YIN, ` ,DES NA 'DI NI RIGS DANG NI, ,TSOGS PA BRJOD PA'I KHYAD PAR YIN, ,DE SPYI YAN LAG TU BYAS TE, ,BUM PA YI NI GZUGS SOGS ZHES, ,DE NUS KHYAD PAR STON PAR BYED, ` ,PHYOGS 'DIS GZHAN LA'ANG BRJOD PAR BYA, ` ,MA LUS RGYU NYID YIN NA NI, , YAN YAG GCIG DANG BRAL NA'ANG MIN, ,RE RE NUS PA NYID YIN NA'ANG , ,CIG CAR MANG PO 'BYUNG BAR 'GYUR, ` ,DU MA NYID DU MTSUNGS PA'I PHYIR, ,'BYUNG RNGUB DAG NI NGES BYED MIN, ` ,GCIG NYID NA YANG MANG GSAL 'GYUR, ,DE RGYU RTAG TU NYE PHYIR RO, ,GAL TE DU MA'I RGYU MIN NA, ,RIM GYIS KYANG MIN KHYAD MED PHYIR, ` ,DBUGS GCIG LA YANG DON DU MA, ,'DZIN PHYIR DE LAS NGES MA YIN, ,DU MA BLO GCIG GIS SHES NA, ,DE NI CIG CAR NYID 'GYUR TE, ,'GAL BA MED PHYIR RIM GYIS KYANG, ,MI 'GYUR KHYAD PAR MED PHYIR RO, ` ,RANG RIGS MIN PA'I DUS CAN GYI, ,DBUGS KYI SKAD CIG MANG PO DAG ,GAL TE DE 'DRA'I SEMS NYID KYI, ,RGYU YIN PAR NI RTOGS BYED NA, ,GO RIMS LDAN PA'I RGYU MED PAR, ,DE DAG RIM LDAN JI LTAR 'GYUR, ` ,RANG RIGS SNGA MA RGYU NYID NA, ` ,DANG PO 'BYUNG BAR MI 'GYUR TE, ,DE RGYU DE 'DRA YOD MA YIN, ,DBUGS 'BYUNG THA DANG YUL CAN PHYIR, ,YOD KYANG DU MA NYID DU NGES, ,DE PHYIR BLO NI CIG CAR SKYE, ` ,GAL TE DU MA'ANG GCIG DUS CAN, ,SEMS GCIG GI NI RGYU YIN NA, ` ,DBUGS RGYU ZHAN PA LA SOGS SU, ,GCIG MA TSANG NA'ANG MI 'BYUNG 'GYUR, ,CIS TE JI LTAR YOD RGYU YIN, ,SHES PA LA YANG KHYAD YOD 'GYUR, ,GANG ZHIG GANG GI THA DAD LAS, ,THA DAD MIN DE DE 'BRAS MIN, ` ,RNAM SHES NUS PA NGES PA'I PHYIR, ,GCIG NI GCIG GI RGYU YIN TE, ,RNAM SHES DON GZHAN CHAGS PA YIS, ,NUS MED DON GZHAN MI 'DZIN PHYIR, , GAL TE LUS LAS CIG CAR BLO, ,SKYES SHING PHYIS NI RANG RIG LAS, ,NGES NA LUS KYIS NUS PA NI, ,CI YI PHYIR NA LDOG PA YIN, ,GAL TE LUS NI SDOG PA NA, ,RTEN MIN PHYIR NA SEMS 'BA' ZHIG ,GNAS 'GYUR ZHE NA GAL TE DE'I, ,RGYU 'JUG THOB PHYIR SEMS KYI RGYUN, ,GNAS @112A *, ,RGYU YAN LAG MI 'GYUR NA, ` ,TSE 'DI NYID KYI SKYE MCHED LNGA, ,LUS GZHAN SKYED PA'I RGYU NYID YIN, ` ,DE YI YAN LAG DNGOS PO DANG, ,RGYU NYID 'GOG LA MI DMIGS PA, ,NGES 'BYED MIN PAR RAB TU BSHAD, ,DBANG SOGS KYANG NI LHAG LDAN YIN, , DBANG PO SNGA MA RANG RIGS LAS, ,NUS PA DAG NI MTHONG BA YIN, ` ,'GYUR BA MTHONG PHYIR GZHAN DANG GZHAN, ,SKYE BA DAG KYANG 'GRUB PA NYID, ` ,GAL TE LUS LAS DE SKYE NA, ,SNGA MA BZHIN DU THAL BAR 'GYUR, ` ,SEMS LAS ZHE NA LUS GZHAN YANG, ,'DI NYID LAS NI SKYE BAR 'GYUR, ,DES NA RGYU DANG BRAL PA'I PHYIR, ,THA MA YI NI SEMS RNAMS KUN, ,MTSAMS SBYOR MED PA MIN DE'I PHYIR, ,DE 'DRA'I SGRUB BYED LHAG LDAN 'DOD, ` ,GOMS LAS KHYAD PAR 'GYUR NA YANG, ,MCHONGS DANG CHU YI DROD BZHIN DU, ,RANG BZHIN LAS 'DAS MIN ZHE NA, ,BYAS TE GAL TE SLAR YANG NI, ,'BAD RTZOL LA NI LTOS 'GYUR RAM, ,RTEN MI BRTAN PA NYID 'GYUR NA, ,KHYAD PAR DAG NI MI 'PHEL NA, ,RANG BZHIN DE 'DRA'ANG MA YIN TE, ` ,DE LA PHAN 'DOGS NUS PA RNAMS, ,KHYAD PAR PHYI MA DAG LA NI, ,SGRUB PA'I NUS PA MED PHYIR DANG, ,RTAG TU RTEN GNAS MA YIN PHYIR, ,KHYAD PAR 'PHEL YANG RANG BZHIN NYID, ,MIN PHYIR GANG TSE BYAS GYUR PA, ,YANG RTZOL LA LTOS MI 'GYUR NA, ,RTZOL GZHAN KHYAD PAR BYED PAR 'GYUR, ` ,SEMS LA BRTZE SOGS GOMS SKYE BA, ,RANG GI NGANG GIS 'JUG 'GYUR TE,, ME LA SOGS PAS SHING DAG DANG, ,DNGUL CHU DANG NI GSER SOGS BZHIN, ` ,DE PHYIR DE DAG LAS SKYES TE, ,NGO BO NYID SKYES YON TAN MIN, ` ,DES NA RTZOL BA PHYI MA DANG, ,PHYI MA KHYAD PAR BYED PA YIN, ,GANG PHYIR RIGS MTHUN SNGA MA YI, ,SA BON LAS NI 'PHEL BA CAN, , BRTZE BA LA SOGS BLO DE DAG ,GOMS PAR GYUR NA GANG LA GNAS, ` ,DE LTAR MCHONGS NYID LA MCHONGS MIN, ,DE RGYU STOBS DANG 'BAD RTZOL DAG ,NUS PA NGES PA NYID KYI PHYIR, ,MCHONGS PA NGES PA'I BDAG NYID YIN, ` ,DE NI DANG PO PHYIS NYID DU, ,MCHONGS MIN LUS MI MTHUN @112B PA'I PHYIR, ,RTZOL BAS RIM GYIS MI MTHUN PA, ,BSAL NA RANG STOBS NYID DU GNAS, ` ,BRTZE RANG SA BON LAS BYUNG BA, ,GAL TE RANG SA BON RGYU CAN, ,MI MTHUN PHYOGS KYIS GNOD MED NA, ,SEMS LA DE BDAG NYID DU 'GYUR, ,'DI LTAR GOMS PA SNGA MA DANG, , SNGA MA'I SEMS CHOS BRTZE BA DANG, ,CHAGS BRAL BLO SOGS GZHAN DAG GI ,GSAL BA YI NI RTZA BA YIN, ` ,GOMS LAS BRTZE BA'I BDAG NYID DE, ,CHAGS BRAL CHAGS DANG YID LOG BZHIN, ` ,BRTZE LDAN SDUG BSNGAL GZHOM PA'I PHYIR, ,THABS RNAMS LA NI MNGON SBYOR MDZAD, , THABS BYUNG DE RGYU LKOG GYUR PA, ,DE 'CHAD PA NI DKA' BA YIN, ` ,LUNG DANG RIG PAS RNAM DPYOD PA, ,SDUG BSNGAL NYID KYI KHYAD PAR GYIS, ,SDUG BSNGAL RGYU DANG DE MI RTAG ,LA SOGS RANG BZHIN RTOG PAR MDZAD, ,GANG PHYIR DE LTAR RGYU GNAS NA, ,'BRAS LDOG GZIGS PA MED PHYIR RO, ` ,DE RGYU GZHOM PHYIR DE YI NI, ,MI MTHUN PHYOGS LA BRTAG PA MDZAD, ,RGYU YI NGO BO RTOGS PA'I PHYIR, ,DE MI MTHUN PHYOGS KYANG NGES 'GYUR, ,BDAG DANG BDAG GIR 'DZIN BYAS PA, ,'DUS BYAS SPYOD YUL CAN CHAGS NI, ,RGYU YIN DE YI GNOD BYED NI, ,BDAG MED MTHONG BA 'GAL BA YIN, ` ,RNAM PA DU MAR THABS MANG PO, ,YUN RING SUS SU GOMS PA LAS, ,DE LA SKYON DANG YON TAN DAG ,RAB TU GSAL BA NYID DU 'GYUR, ` ,DES NA THUGS KYANG GSAL BA'I PHYIR, ,RGYU YI BAG CHAGS SPANGS PA YIN, ` ,THUB CHEN GZHAN DON 'JUG CAN GYI, ,BSE RU LA SOGS KHYAD 'DI YIN, ` ,DE DON PHYIR NA THABS GOMS PA, ,DE NYID STON PA YIN PAR 'DOD, ,GRUB LAS DANG PO 'BYUNG BA'I PHYIR, ,GNYIS PO 'DI NI RGYU RU BSHAD, ` ,RGYU SPANGS YON TAN GSUM BDE GSHEGS, ,NYID YIN SDUG BSNGAL RTEN MIN PHYIR, , LEGS YIN DE NI BDAG MED PA, ,MTHONG BA'AM SBYOR BA LAS YIN NO, ,SKYE DANG SKYON NI KUN 'BYUNG DAG ,SLAR YANG LDOG CES BSHAD PA YIN, ,BDAG LTA'I SA BON SPANGS PA'I PHYIR, ,SLAR MI GSHEGS PA NYID YIN NO, ,DE BDEN THA DANG BDAG NYID KYIS, ` ,LUS NGAG SEMS @113A *, ,KYI GNAS NGAN LEN, ,NYON MONGS MED DANG NAD MED DANG, ,LAM BSHAD MI GSAL NYID LUS YIN, ,GOMS PHYIR MA LUS SPANGS PA NYID, ` ,KHA CIG SMRA SOGS PHYIR NA SKYON, ,ZAD MIN ZHES ZER 'DI LDOG LA, ,THE TSOM ZA BA DE PHYIR 'KHRUL, ,RTAG NYID PHYIR RAM THABS MED PHYIR, ,YANG NA THABS NI MI SHES PHYIR, ,SKYON RNAMS MI ZAD PA NYID CES, ,BYA BAR YONGS SU RTOG GRANG [*DRANG?] NA, ` ,RGYU YOD PHYIR DANG RGYU YI NI, ,GNYEN PO GOMS PAS ZAD PHYIR DANG , ,RGYU YI RANG BZHIN SHES PA YIS, ,DE SHES PA YANG GRUB PA YIN, ` ,SKYOB PA NYID GZIGS LAM GSUNGS PA, ,'BRAS MED PHYIR NA BRDZUN MI GSUNG, ,THUGS BRTZE LDAN PHYIR RTZOM KUN YANG, ,GZHAN GYI DON DU SBYOR PHYIR RO, ,DE PHYIR TSAD YIN YANG NA SKYOB, ,BDEN PA BZHI NI STON MDZAD PA'O, ,SDUG BSNGAL 'KHOR BA CAN PHUNG PO, ,GOMS LAS 'DOD CHAGS SOGS GSAL BA, ,MTHONG PHYIR 'DOD RGYAL NYID MIN TE, ,RGYU MED SKYE BA 'GAL PHYIR RO, ,'KHRUL PHYIR RLUNG SOGS CHOS MA YIN, ,GAL TE RANG BZHIN 'DRES PA'I PHYIR, ,SKYON MED CE NA DE YI CHOS, ,DE LAS GZHAN YANG CIS MA MTHONG, ,THAMS CAD 'DOD CHAGS MTSUNGS PAR NI, ,THAL PHYIR KUN GYI CHOS MA YIN, ,GZUGS SOGS BZHIN SKYON MED CE NA, ,GAL TE DE LA KHYAD PAR CAN, ,LAS RNAMS BDAG PO MA YIN NA, ,DER YANG RTZOD PA MTSUNGS PA YIN, ,CHAGS SOGS RANG BZHIN THAMS CAD KYI, ,CHOS YIN PAR YANG 'DOD NA GO, ,NUS MED RANG BZHIN MED PAS NA, ,'BRAS BU MI MTSUNGS GANG LAS YIN, ,SKYON RNAMS KHYAD PAR YOD NA YANG , ,KHYAD PAR MED PHYIR MA GRUB NYID, ,MA YIN THAMS CAD 'GYUR BA YIS, ,'GYUR PHYIR KUN LAS SKYE BA'ANG MIN, ,RGYU NI 'PHEL BAR GYUR BA NA, ,'BRAS BU 'GRIB BAR MI RUNG STE, ,TSA BA SOGS GZHIN CHAGS SOGS KYI, ,'GYUR BA BDE SDUG LAS SKYES YIN, ,CHA MI MNYAM SKYES SDUG BSNGAL GYIS, ,GAL TE 'DOD CHAGS MI SKYED NA, ` ,CIS SKYED SMROS SHIG CHA MNYAM LAS, ,KHU 'PHEL DE LAS 'DOD CAGS YIN, ` ,CHA MIN @113B MNYAM LA CHAGS CAN MTHONG, ,GZHAN NI CHA MNYAM NA YANG YIN, ,GZHAN NI ZAD NAS KHRAG 'DZAG KYANG, ` ,BUD MED GCIG LA KHU NGES MED, ,DE GCIG LA CHAGS DRAG MI 'GYUR, ,GAL TE GZUGS SOGS KYANG YAN LAG ,MA YIN KUN MA NGES PHYIR RO, ,NGES PA MED PAR 'BYUNG BA'ANG MIN, ,YON TAN MI 'DZIN PA LA'ANG 'GYUR, ,GAL TE YON TAN 'DZIN DE YANG, ,YAN LAG YIN NA THAMS CAD KYIS, ,YON TAN 'DZIN PA CAN 'GYUR TE, ,RGYU LA KHYAD PAR MED PHYIR RO, ` ,GNAS SKABS GANG LA CHAGS CAN 'DOD, ,DE 'DRA ZHE SDANG CAN MI 'GYUR, , DE GNYIS NGO BO MI MTSUNGS PHYIR, ,'DI LA NGES PAR MTHONG BA'ANG MED, ,GANG GI 'DOD CHAGS LA SOGS PA, ,RIGS MTHUN BAG CHAGS KHYAD PAR LA, ,RAG LAS PAS NI 'JUG 'GYUR BA, ,DE LA SKYON 'DIR THAL BA MED, ` ,'DIS NI 'BYUNG BA'I CHOS NYID BKAG ` ,RTEN YANG BKAG PA NYID PHYIR RO, ,DKAR PO LA SOGS SA SOGS LA, ,BRTEN PA NYID NI MA YIN NO, ` ,DE RTEN SGRA YANG RGYU DON NAM, ,YANG NA RANG GI RTEN DAG DANG, ,DBYER MED PAR NI GNAS PA'I PHYIR, ,RTEN YIN GZHAN DU 'THAD MA YIN, ,GAL TE MYOS SOGS NUS PA BZHIN, , DBYER YOD CE NA DNGOS PO LAS, ,NUS PA DON GZHAN NYID MA YIN, ,DNGOS PO 'JIG 'GYUR RTEN CHAD PAR, ,GNAS NA RTEN PA 'JIG PA YIN , ,GAL TE DE MTSUNGS ZHE NA MIN, ,SNANG BA THA DAD CAN RTOGS PAS, ,'BYUNG SEMS THA DAD NYID PHYIR RO, ,JI SRID LUS NI 'GYUR BAR DU,, GZUGS SOGS BZHIN DU YID NGO BO, ,MTSUNGS 'GYUR RNAM PAR RTOG PA NI, ,DON GYI GZHAN DBANG CAN NYID GANG, ,GANG TSE LUS LA LTOS MED PAR, ,SHES PA 'GA' ZHIG 'GA' ZHIG GIS, ,BAG CHAGS SAD PA'I RGYUR 'GYUR BA, ,DES NA 'GA' ZHIG LAS 'GA' YIN,, RNAM SHES MIN PA RNAM SHES KYI, ,NYER LEN MIN PA'I PHYIR YANG 'GRUB, ` ,GAL TE DNGOS PO THAMS CAD NI, ,RNAM SHES NUS LDAN PHYIR 'DOD NA, ` ,RTZA SOGS RTZE NA GLANG CHEN BRGYA, ,SNGON TSE MA MTHONG YOD DO ZHES, ,DE SKAD GRANGS CAN PHYUGS LAS GZHAN, ,NGO MTSAR BCAS PA @114A *, ,SU BRJOD RTZOL, ` ,RGYU NI LAN BRGYAR RNAM PHYE YANG, ,NGO BO GANG ZHIG SNANG GYUR PA'I, ,NGO BO DE NI SNGAR MI SNANG, ,JI LTAR DE NI YOD PAR 'GYUR, ,SNGA NA MED PA 'BYUNG BA LAS, ,CHAGS SOGS NGES MED THAL BAR 'GYUR, ` ,'BYUNG BA'I BDAG LAS MA 'DAS PHYIR, ,GAL TE KUN CHAGS SOGS LDAN NA, ` ,THAMS CAD 'DOD CHAGS MTSUNGS PAR 'GYUR, ` ,GAL TE 'BYUNG KHYAD LAS YIN NA, ,'BYUNG RNAMS SROG CHAGS KHYAD MED KYANG, ` ,KHYAD PAR 'DI RTEN GANG YIN PA, ,DE NI PHUL BYUNG 'GRIB PA BZHIN, ,DE YOD PA LAS DE MED 'GYUR, ` ,GAL TE CHAGS SOGS THA DAD KYANG, ,RGYU MTSUNGS BDAG NYID MI LDOG PHYIR, ,MIN NA BDAG NYID 'DRA RGYU'I PHYIR, ,KUN LA 'DOD CHAGS 'DRA BAR 'GYUR, ` ,MTSUNGS BDAG LAS BYUNG BA GLANG GI ,SHES PA'ANG 'DIR YANG SA SOGS LA, , SROG CHAGS NYID SOGS KHYAD PAR GYI, ,RIM PA LA LAR YOD MA YIN, ` ,DRO RIM KHYAD PAR YOD NA YANG, ,DRO MED ME 'GA' YOD MIN PA, ,DE BZHIN 'DIR YANG ZHE NA MIN, ,DRO LAS ME GZHAN BKAG PHYIR RO, ` ,GANG ZHIG GZHAN YOD YON TAN NI, ,KHYAD PAR RIM PA DANG LDAN PA, , DE DAG DE YI KHYAD PAR NI, ,LA LAR 'CHAD 'GYUR DKAR SOGS BZHIN, ,GZUGS SOGS BZHIN DU NGES MIN TE, ,DE DAG 'BYUNG DANG DBYER MED PHYIR, ` ,GAL TE DE MTSUNGS SHE NA MIN, ,CHAGS SOGS LHAN CIG SKYES THAL PHYIR, ` ,RNAM PAR BRTAGS PA YUL YIN PHYIR, , YUL YANG NGES BYED MA YIN NO, ,SKAL MNYAM RGYU DANG BRAL BA'I PHYIR, ,CHAGS SOGS NGES PA MED PA'AM, ` ,RGYU NI NYE PHYIR BLO RNAMS KUN, ,THAMS CAD KUN TSE SKYE BAR 'GYUR, ` ,DE NI RES 'GA' DMIGS PA'I PHYIR, ,MI RTAG NYES PA'I RTEN PHYIR DANG, ,RGYU DBANG PHYIR YANG SDUG BSNGAL YIN, ,BDAG MIN BYIN GYIS BRLABS PA'ANG MIN, ,RGYU MIN BYIN GYIS RLOB PA MIN, ` ,RTAG PA JI LTAR SKYED BYED YIN, ,DE PHYIR GCIG LAS DU MA NI, ,DUS THA DAD PAR SKYE MI 'GYUR, ` ,RGYU GZHAN DAG NI TSOGS NA YANG, ,'BRAS BU SKYE BA MED PA'I PHYIR, ,RGYU GZHAN RJES SU DPOG @114B 'GYUR NA, ,DE NI RTAG RNAMS LA YOD MIN, ,RES 'GA' BA NYID YIN PAS NA, ,SDUG BSNGAL NYID RGYU BCAS NYID GRUB, ,RGYU MED GZHAN LA MI LTOS PHYIR, ,RTAG TU YOD PA'AM MED PAR 'GYUR, ` ,JI LTAR TSER MA LA SOGS KYI, ,RNO BA NYID SOGS RGYU MED PA, ,DE LTAR 'DI DAG RGYU MED 'GYUR, ,ZHES NI KHA CIG RAB TU BRJOD, ,GANG YOD NYID NA'ANG GANG SKYE BA'AM, ,GANG 'GYUR NA YANG RNAM 'GYUR BA, ,DE NI DE RGYU RAB TU BRJOD, ,DE NI DE RNAMS LA YANG YOD, ,REG PA GZUGS RGYU NYID YIN PHYIR, ,MTHONG BA LA NI RGYU MTSAN YIN, ,RTAG RNAMS BKAG CING DBANG PHYUG LA, ,SOGS PA LAS KYANG SRID MIN TE, ,NUS MED PHYIR RO DE YI PHYIR, ,SRID 'DOD RGYU YIN GANG GI PHYIR, ,MI RNAMS YUL GYI KHYAD PAR NI, ,YONGS 'DZIN DE THOB BSAM PAS BYAS, ` ,DE NI SRID 'DOD GANG PHYIR YANG, ,SROG CHAGS BDE SDUG THOB PA DANG, ,'DOR 'DOD 'JUG PA DE DAG NI, ,'DOD DANG 'JIG SRED YIN PAR 'DOD, ,BDAG TU CHAGS PA'I RGYU NYID LAS, ,BDE MIN BDE BAR 'DU SHES PAS, ,KUN LA RAB TU 'JUG 'GYUR BA, ,DE PHYIR SRED PA SRID RTEN YIN, ,CHAGS BRAL SKYE BA MA MTHONG PHYIR,, ZHES NI SLOB DPON RNAMS KYIS GSUNGS, ,LUS MED CHAGS PA MA MTHONG PHYIR, ,LUS LAS KYANG NI 'DOD CHAGS 'BYUNG, ` ,RGYU MTSAN KHAS BLANGS PHYIR NA 'DOD, ` ,NYER LEN NYID NI BSAL BA YIN, ` ,RIGS 'DI RJES SU 'DOD NA NI, ,RANG NYID RANG 'DOD LA GNOD 'GYUR,, GAL TE SKYE LA CHAGS MTHONG PHYIR, ,SKYE DANG LHAN CIG 'BYUNG ZHE NA, ,SKAL MNYAM SKYE PHYIR SNGAR GRUB YIN, ` ,MI SHES SRID PA'I RGYU YIN YANG, ,MA BRJOD SRID PA NYID BSHAD PA, ,RGYUN NI 'PHEN PA BYED PHYIR DANG, ,DE MA THAG PHYIR LAS KYANG MIN, ,DE YOD NA YOD MED PHYIR RO, ` , DE NI GTAN DU BA YIN TE, ,RGYU LA GEGS SOGS SRID PHYIR RO, ,'KHOR PHYIR THAR PA MED CE NA, ,MA YIN 'DOD DANG MA GRUB PHYIR, ,JI SRID BDAG CHAGS MA BCOM ZHING, ,DE NI YONGS SU GDUNG 'GYUR BA, ,DE SRID SDUG BSNGAL SGRO BTAGS NAS, ,RANG BZHIN DU NI GNAS @115A *, ,PA MED, ,GROL BA PO NI MED NA YANG, ,LOG PAR SGRO 'DOGS GZHOM PHYIR BRTZON, ` ,'DOD CHAGS BRAL BA'I GNAS PA NI, ,BRTZE BA'AM YANG NA LAS KYIS YIN, ,'PHANGS LAS LDOG MED 'DOD PHYIR RO, ,SRID PA'I SRED LAS RNAM BRGAL BA'I, ,LAS GZHAN 'PHEN NUS MA YIN TE, ,LHAN CIG BYED PA ZAD PHYIR RO, ` ,SDUG BSNGAL SHES LA 'GAL MED PAS, ,'DU BYED SNGA MA 'JUG PA CAN, ,DNGOS CHOS BRTZE BA SKYE BA DE, ,SEMS CAN RJES 'BREL CAN MA YIN, ` ,DE BDAG MIN PA'I CHOS LA NI, ,BDAG GZHAN SGRO 'DOGS PA LAS CHAGS, ,SDUG BSNGAL RGYUN RIG TZAM LAS NI, ,BRTZE BA SKYE BAR 'GYUR BA YIN, ` ,GTI MUG NYES PA'I RTZA BA STE, ,DE YANG SEMS CAN 'DZIN PA YIN, ,DE MED NYES RGYU LAS KHRO MIN, ,DES NA BRTZE BA NYES MED 'DOD, ` ,GROL MED MA YIN MNGON 'DU BYED, ,ZAD NAS GZHAN MTSAMS MI SBYOR PHYIR, ` ,'DU BYED NUS PA MA ZAD NA, ,GANG DE GNAS PA NYES MED NYID, ` ,SNYING RJE DMAN PA NYID PHYIR YANG, ,GNAS PA'I 'BAD RTZOL CHEN PO MED, ,GANG DAG BRTZE BA CHEN PO PA, ,GZHAN GYI NGOR NI BZHUGS PA YIN, ,GAL TE 'JIG TSOGS LTA BRAL PHYIR, ,LAM DANG POR NI SRID MED 'GYUR, ,LHAN CIG SKYES PA MA SPANGS PHYIR, ,SPANGS NA'ANG SRID PA GA LA YOD, ,BDE BAR GYUR PA'AM SDUG BSNGAL BAR, ,MA GYUR CIG CES 'DOD PA NA, ,NGA'O SNYAM PA'I BLO GANG DE, ,SEMS CAN LA BLTA LHAN CIG SKYES, ` ,NGA ZHES MTHONG BA MED PAR NI, ,'GA' YANG BDAG LA CHAGS MA YIN, ,BDAG LA SRED PA MED PAR YANG, ,BDE BA 'DOD PAS MNGON RGYUG MIN, ` ,SDUG BSNGAL SKYE BA'I RGYU NYID NI, ,'CHING YIN RTAG LA DE GANG LAS, ,SDUG BSNGAL MI SKYE RGYU NYID NI, ,THAR YIN RTAG LA DE GANG LAS, ` , MI RTAG NYID DU BRJOD MED GANG, ,DE NI 'GA' YI'ANG RGYU MA YIN, ` ,BRJOD BYA MIN LA'ANG BCINGS DANG THAR, ,JI LTA BUR YANG YOD MA YIN, ,GANG GI RANG BZHIN 'JIG MED PA, ,DE LA MKHAS RNAMS RTAG CES BRJOD, ,DES NA NGO TSA'I LTA BA 'DI, ,SPONGS LA DE NI RTAG PAR SMROS,`, @115B BSHAD ZIN LAM DE GOMS PA LAS, ,GNAS GYUR GAL TE GNAS GYUR KYANG, ,LAM BZHIN SKYON NI 'BYUNG ZHE NA, ,MA YIN NUS PA MED PHYIR RO, ` ,RNAM SHES YUL 'DZIN PA YI CHOS, ,JI LTAR YOD DE 'DZIN PA DANG, ,YOD PA YI NI BDAG NYID DE, ,'DI YIS SKYED PAR BYED PA'ANG YIN, ,RANG BZHIN 'DI YIN 'DI LAS DE, ,RKYEN GZHAN GYIS NI GOL 'GYUR ZHING, ` ,LDOG PA LA NI RKYEN LA LTOS, ,MI BRTAN SBRUL GYI BLO BZHIN NO, ,SEMS KYI RANG BZHIN 'OD GSAL TE, ,DRI MA RNAMS NI GLO BUR BA, ,DE PHYIR SNGAR YANG NUS MED RNAMS, ,DE BDAG GYUR LA PHYIS NUS MED, ` ,NUS YOD NA YANG GNOD PA CAN, ,SKYED NUS SNYING PO CAN DNGOS LA, ,YUN DU GNAS NUS YOD MIN TE, SA RLON LA NI ME BZHIN NO, ,'TSE BA MED DANG YANG DAG DON, ,RANG BZHIN LA NI PHYIN LOG GIS, ,'BAD DU ZIN KYANG MI ZLOGS TE,, BLO NI DE PHYOGS 'DZIN PHYIR RO, ,BDAG 'DZIN RGYU GCIG CAN NYID DANG, ,RGYU DANG 'BRAS BU'I DNGOS PO'I PHYIR, ,'DOD CHAGS KHONG KHRO PHAN TSUN DU, ,THA DAD NA YANG GNOD MA YIN, ,BYAMS SOGS RMONGS DANG 'GAL MED PHYIR, ,SHIN TU NYES PA TSAR GCOD MIN, ` , NYES KUN DE YI RTZA BA CAN, ,DE YANG 'JIG TSOGS LTA BA YIN, ,RIG PA'I MI MTHUN PHYOGS PHYIR DANG, ,SEMS BYUNG NYID KYIS DMIGS PA'I PHYIR, ,LOG PAR DMIGS NYID MA RIG PAR, ,GSUNGS PHYIR GZHAN NI RIGS MA YIN, ,'GAL BA GANG YIN 'DIR BSHAD BYA, ,STONG NYID LTA DANG DE 'GAL PHYIR, ,DE YI RANG BZHIN NYES KUN DANG, ,'GAL BAR RAB TU GRUB PA YIN, ` ,ZAD MIN SROG CHAGS CHOS NYID PHYIR, ,GZUGS SOGS BZHIN MIN MA GRUB PHYIR, ,GNYEN PO'I PHYOGS DANG 'BREL PA NA, ,LDOG PA DAG KYANG MTHONG PHYIR RO, ` ,NYES PA RNAM PAR 'GAGS PA NI, ,SRA ZHING SLAR YANG SKYE MED DE, ,DE BDAG NYID KYIS 'BRAL MED DANG, ,THAL BA BZHIN DU MA NGES PHYIR, ` ,GANG ZHIG BDAG MTHONG DE LA NI, ,NGA ZHES RTAG TU ZHEN PAR 'GYUR, ,ZHEN PAS BDE LA SRED 'GYUR TE, , @116A *, ,SRED PAS SKYON RNAMS SGRIB PAR BYED, ,YON TAN MTHONG BAS YONGS SRED PA, ,NGA YI ZHES DE'I SGRUB BYED LEN, ,DES NA BDAG LA MNGON CHAGS PA, ,DE SRID DE NI 'KHOR BAR 'GYUR, ` ,BDAG YOD NA NI GZHAN DU SHES, ,BDAG GZHAN CHA LAS 'DZIN DANG SDANG, ,'DI DAG DANG NI YONGS 'BREL LAS, ,NYES PA THAMS CAD 'BYUNG BAR 'GYUR, ` ,NGES PAR BDAG LA CHAGS PA NI, ,BDAG GI LA CHAGS MI 'BRAL ZHING, ` ,NYES MED BDAG LA CHAGS PA DANG, ,BRAL BA'I RGYU YANG YOD MA YIN, ` ,GAL TE CHAGS PA SKYON BCAS NA, ,DE LAS CIR 'GYUR DE SPONG 'GYUR, ,'DI YUL SUN PHYUNG MED PAR NI, ,DE SPONG BAR NI NUS MA YIN, ` ,YON TAN SKYON DANG RJES 'BREL BA'I, ,'DOD DANG SDANG SOGS SPONG BA NI, ,DE DAG YUL LA MA MTHONG BAS, ,YIN GYI PHYI TSUL GANG GIS MIN, ` , CHAGS YON TAN GYIS CHAGS MIN GYI, ,DON GYI YON TAN MTHONG BAS YIN, ,MA TSANG MED RGYU DE LA NI, ,'BRAS BU GANG GIS ZLOG PAR BYED, ` ,CHAGS LA SKYON YANG GANG ZHIG MTHONG, ` ,GAL TE SDUG BSNGAL RTEN ZHE NA, ,DE LTA'ANG 'DI LA CHAGS BRAL MIN, ,BDAG GIR MTHONG PHYIR DPER BDAG BZHIN, ` ,GAL TE DE MED BDAG SDUG BSNGAL, ,RGYU MIN DE YANG DE DANG 'DRA, ` ,DE LTAR GNYIS KA'ANG SKYON MED PA, ,DE PHYIR GNYIS LA CHAGS BRAL MIN, ` ,GAL TE SBRUL BZUNG YAN LAG BZHIN, ,SDUG BSNGAL BSGOMS PAS SPONG 'GYUR NA, ,BDAG GI BA BLO BCOM PAS 'DI, ,'DOR BA YIN GYI BZLOG LA MIN, ` ,DBANG PO LA SOGS LONGS SPYOD KYI, ,RTEN NYID DU NI BZUNG BA LA, ,RANG BLO GANG GIS BZLOG 'GYUR TE, ,DE LA CHAGS BRAL DE GANG LAS, ` ,LUS LAS BOG PA'I SKRA SOGS LA, ,YID BYUNG BLO NI SKYE 'GYUR ZHING, ,GZHAN LA ZHEN BCAS SKYE 'GYUR BA, ,THAMS CAD KYI NI MNGON SUM YIN, ` ,DE LA 'DU SOGS 'BREL PA LAS, ,RANG GI BLO NI SKYE 'GYUR BA'I, ,'BREL TE DE BZHIN NYID GNAS PHYIR, ,MTHONG DU ZIN KYANG SPONG MI 'GYUR, ` ,'DU BA LA SOGS MED NA YANG, ,PHAN @116B 'DOGS NYID NI KUN LA YOD, ` ,SDUG BSNGAL BSKYED PHYIR SOR MO BZHIN, ,RANG GI BLO NI MI 'GYUR NA, ,GCIG TU DE NI SDUG BSNGAL MIN, ` ,PHAL CHER DUG BCAS ZAS BZHIN NO, ,KHYAD PAR CAN BDE LA CHAGS PAS, ,DE 'GAL BA LA CHAGS BRAL 'GYUR, ` ,KHYAD PAR CAN BDE LA SRED PAS, ,BDE BA CUNG ZAD YONGS SU SPONG, ` ,BSAM MED BDAG LA CHAGS PA YIS, ,JI LTAR RNYED BZHIN LA 'JUG STE, ,BUD MED DAG NI MA RNYED PAR, ,DUD 'GRO LA 'DOD SPYOD MTHONG BZHIN, ` ,BDAG NI 'DOD PA GANG YIN TE, ,JI LTAR DE NI 'JIG PAR 'DOD, ` , MYONG BA DANG NI THA SNYAD DANG, ,YON TAN KUN GYI RTEN LOG PA, ,JI LTAR ZHEN PA YIN 'DOD DE, ,ZHEN PA'I RANG BZHIN DE 'DRA MIN, ` ,RNAM PA KUN TU BDAG 'DZIN NI, ,BDAG LA CHAGS PA BSTAN PAR BYED, ,DE NI BDAG GIR ZHEN PA YI, ,SA BON GNAS SKABS DE NYID GNAS, ` ,BRTZON YANG YON TAN CHA BRTEN NAS, ,'JUG LDAN BDAG GI BA LA NI, ,CHAGS BRAL GEGS BYED PA NYID DANG, ,DE YI SKYON YANG SGRIB PA YIN, ` ,GAL TE BDAG LA'ANG CHAGS BRAL NA, ,DA NI CHAGS BRAL GANG YIN MED, ,DE NI JI LTAR BDAG 'DOD PA, ,SDUG BSNGAL BSGOM PA DON MED 'GYUR, ` ,DE DAG SDUG BSNGAL BSGOMS PAS KYANG, ,SDUG BSNGAL NYID NI RNAM SHES BYED, ,DE NI SNGAR YANG MNGON SUM NYID, ,DE LTA NA YANG CHAGS BRAL MED, ,GAL TE DE LA NYES PA YIS, ,SKAD CIG DE YI BLO LDOG KYANG, ,DE LA CHAGS BRAL MI 'GYUR TE, ,'DOD LDAN BUD MED GZHAN LA BZHIN, ` ,BLANG DANG DOR BYA'I KHYAD YOD NA, ,GCIG LAS BYUNG BA'I CHAGS GANG YIN, ,DE NYID RNAM GRANGS KYIS BSKYED TSE, ,CHAGS PA KUN GYI SA BON YIN, ,SKYON MED YUL CAN CHAGS PA DANG, ,SGRUB BYED KYANG NI SKYON MED YIN, ,'GRO BA'ANG DE TZAM NYID YIN NA, ,DA NI GANG LA CHAGS BRAL 'GYUR, ,DER DE SKYON BCAS KYANG YIN NA, ,DE NI BDAG LA'ANG MTSUNGS PA YIN, ,DER DE'I SKYON LA CHAGS BRAL MED, ,DA NI GANG LA DE CHAGS @117A *, ,BRAL, ` ,YON TAN MTHONG BA LAS BYUNG BA'I, ,ZHEN PA NYES PA MTHONG BAS 'JIG ` ,DE LTAR DBANG SOGS LA DE MIN, ,BYIS SOGS LA YANG MTHONG PHYIR DANG, ,SKYON LDAN LA YANG YOD PHYIR DANG, ,YON TAN LDAN YANG GZHAN DAG LA, ,MED PHYIR 'DAS PA LA SOGS PA, ,BDAG GI BA LA MED PHYIR RO, ` ,DE NYID PHYIR NA BDAG GI BA'I, ,BLO RGYU'ANG YON TAN MTHONG BAS MIN, ,DE PHYIR YON TAN MIN MTHONG BAS, ,DE YANG SPONG BA MA YIN NO, ` ,GZHAN YANG YOD MIN YON TAN NI, ,SGRO 'DOGS CHAGS PAS DER YANG MTHONG, ` ,DES NA DE RGYU GNOD MED CAN, ,BSGRUBS PAS DE LA JI LTAR GNOD, ` ,MCHOG GZHAN DON DU GNYER PHYIR DANG, ,SKYE 'JIG BLO CAN NYID KYI PHYIR, ,SKYE BO 'DI YIS DBANG SOGS LAS, ,BDAG NI THA DAD GYUR PAR SHES, ` ,DE PHYIR GCIG NYID MTHONG BAS KYANG, ,CHAGS MIN BDAG LA CHAGS PA DE, ,DMIGS PA'I NANG GI YAN LAG LA, ,NGO BO NYID KYIS RJES CHAGS 'GYUR, ` ,GANG ZHIG DA LTAR SDUG BSNGAL BAS, ,YID 'BYUNG DE 'DRA SDANG YIN GYI, ,CHAGS BRAL MA YIN DE TSE YANG, ,CHAGS YOD SKABS GZHAN TSOL PHYIR RO, ` ,ZHE SDANG SDUG BSNGAL RGYU CAN PHYIR, ,DE NI DE SRID TZAM DU GNAS, ,DE LOG NA NI RANG NYID KYI, ,RANG BZHIN NYID LA SLAR BRTEN 'GYUR, ` ,BLANG DANG DOR BYA SPANGS PA'I PHYIR, ,THAMS CAD LA NI MNYAM SNYOMS CAN, ,TZANDAN STE'U MTSUNGS PA LA, ,CHAGS BRAL ZHES NI BRJOD PA YIN, ` ,'DU BYED SDUG BSNGAL LA DGONGS NAS, , SDUG BSNGAL BSGOM PAR GSUNGS PA YIN, ` ,NGED KYI DE YANG RKYEN LAS SKYES, ,DE NI BDAG MED LTA BRTEN YIN, ,STONG NYID LTA BAS GROL BAR 'GYUR, ,SGOM PA LHAG MA DE DON YIN, ` ,DE PHYIR MI RTAG LAS SDUG BSNGAL, ,SDUG BSNGAL LAS NI BDAG MED GSUNGS, ,CHAGS BRAL MIN DANG SRED LDAN DANG, ,RTZOM PA KUN LA BRTEN PA DE, ` ,NYON MONGS LAS LAS GROL MA YIN, ,DE'ANG 'KHOR BA PA ZHES BYA, ` ,BDAG GI NYID NI MI 'DOD NA, ,DE YI ZA BA PO YANG MED, ,BYA DANG LONGS SPYOD MTSAN NYID CAN, ,DE TSE DE YI BDAG KYANG MED, ` ,DE PHYIR GROL 'DOD @117B THOG MED PA'I, ,RGYU CAN RIGS MTHUN SA BON LAS, ,BYUNG BA'I 'JIG TSOGS LTA BA DAG ,RTZA BA NYID NAS DBYUNG BAR GYIS, ` ,LUNG NI DE LTA'I DNGOS YIN PA'I, ,RGYU MA MTHONG BA RNAMS LA NI, ,LUNG TZAM GYIS NI GROL BAR YANG, ,SMRA BA YONGS SU MGU BYED MIN, ` , SA BON SOGS GRUB CHO GA NI, ,SKYES BU MI SKYED PAR NUS MIN, ,TIL MAR BSKUS DANG MES BSREGS SOGS, ,BDAG KYANG GROL BAR THAL PHYIR RO, ` ,SNGAR LCI BA DAG PHYIS YANG PHYIR, ,SDIG PA BCOM PAR BYAS PA MIN, ,'DI YI LCI NYID MED 'GYUR GYI, ,LUS CAN MIN PHYIR SDIG LCI MIN, ` ,LOG SHES DANG NI DE LAS BYUNG, ,SRED PA SEMS PA'I DBANG DAG GIS, ,DMAN GNAS 'GRO BA SKYE BA YIN, ,DE PHYIR DE BCAD 'GRO MI 'GYUR, ,DE TZAM LAS NI 'BYUNG BA'I PHYIR, ,SKYE LA DE DAG NYID NUS YIN, ` ,SEMS PA DE DAG RANG NYID LAS, , YIN PHYIR SKYE RGYU NYAMS PA MED, ,'GRO DANG RTOGS RTEN BYED PA YIN, ,DE NI MA MTHONG BA LAS 'GYUR, ,MA MTHONG ZHIG PHYIR 'GRO BA MED, ,DES NA 'DU BYED SEMS PA MIN, ` ,YOD DANG MED PA'I RJES 'JUG PHYIR, ,BYED PA SKYED LA BLO YI NI, ,NUS MTHONG GZHAN GYIS MA YIN NA, , DE YOD DE DAG CIS MI 'GRO, ` ,GAL TE DE DAG NUS MED NA, ,DBANG SOGS BYAS MA THAG DE DAG ,SEMS PA'I DBANG GIS 'DZIN DANG 'JUG ,G-YENG DANG 'GOG PA MED PAR 'GYUR, ` ,CI STE DE TSE BLO MED PHYIR, ,MI 'GYUR DRI MA RNAMS KYI BLO, ,MTSAMS SBYOR DE RNAMS NUS MED NA, ,GSON PA NYID NA'ANG NUS MED 'GYUR, ` ,GNYEN PO DANG NI RANG GI PHYOGS, ,'PHEL NA 'GRIB DANG 'PHEL BA'I PHYIR, ,NYES RGYUN RANG GI SA BON CAN, ,DBANG BSKUR BA LAS LDOG PA MED, ,RTAG PA LTOS PA MED PA'I PHYIR, ,RIM GYIS SKYED PAR BYED PA DANG, ` ,BYED DANG MI BYED PA DAG NI, ,'DRA BA'I BDAG NYID BYED PA 'GAL, ` ,RGYU DANG 'BRAS BU'ANG GCIG PAR 'GYUR, ,DE DAG DE LAS THA DAD NA, ,BYED PO ZA BO NYAMS PAR 'GYUR, ` ,NUS PA YANG NI 'GRUB MA YIN, ` ,GZHAN GYIS DRAN DANG LONGS SPYOD SOGS, ,THAL @118A *, ,BA GNOD BYED MA YIN TE, ,'GA'I YANG DRAN PA MED PA'I PHYIR, ,DES NA MYONG LAS DRAN PA 'BYUNG, ` ,BDEN PA BZHI LA BRTEN PA DANG, ,BDE DANG NGA DANG NGA'I ZHES SOGS, ,YANG DAG MIN PA RNAM BCU DRUG ,SGRO BTAGS NAS NI YONGS SU SRED, ` ,DE NYID LAS NI DE 'GAL DON, ,DE NYID RNAM PA RJES RTOGS CAN, ,LEGS BSGOMS YANG DAG LTA BA YIS, ,SRED PA RJES 'BRANG BCAS 'JOMS BYED, ` ,LAS DANG LUS DAG GNAS NA YANG, ,GCIG MED PHYIR NA RGYU GSUM CAN, ,SKYE BA SRID PA MA YIN TE, ,SA BON MED PAR MYU GU BZHIN, ` ,LAS DANG LUS DAG SPONG MIN TE, ,GNYEN PO DAG NI MED PHYIR DANG, ,NUS MED PHYIR RO SRED PA NI, ,YOD NA SLAR YANG 'BYUNG PHYIR RO, ` ,GNYIS ZAD DON DU 'BAD NA YANG, ,LAS ZAD DUB PA DON MED YIN, ,'BRAS BU SNA TSOGS MTHONG BA'I PHYIR, ,LAS RNAMS NUS PA THA DAD DU, ,RJES DPOG DES NA DKA' THUB KYI, ,NYON MONGS DNGOS GCIG GIS MI MDZAD, ` ,RNAM 'GAS DE BSKYED 'BRAS BU NI, ,CHUNG 'GYUR RIGS MI MTHUN CAN MIN, ` ,'BRAS BU NYAMS SU MYONG BA NI, ,CI STE DKA' THUB NUS PA YIS, ,NUS PA 'DRES PA THAD PA NA, ,NYON MONGS CHA 'GA' SPONG BA'AM, ,NYON MONGS MED PAR KUN SPANG 'GYUR, ,GAL TE DKA' THUB NYON MONGS LAS, ,GZHAN 'DOD NYON MONGS NYID CE NA, ,DE NI LAS 'BRAS YIN PHYIR 'DIS, ,NUS PA 'DRES SOGS 'GYUR MA YIN, ` ,SKYE 'DOD NYES PA BCOM PA'I PHYIR, ,GANG YANG SKYON RNAMS 'GOG BYED PA, ,DES SKYED LAS LA NUS 'GYUR GYI, ,JI LTAR BYAS PA NYAMS PAR 'GYUR, ` ,LAS LAS NYES PA MA YIN TE, ,SKYON LDAN BYED 'GYUR BZLOG LAS MIN, ` ,LOG PA'I RNAM RTOG MED PAR NI, ,BDE BA LAS KYANG 'DOD MI 'GYUR, ` ,SKYOB LAS DE NYID DANG BRTAN DANG, , MA LUS KHYAD PAR MKHYEN PAR GRUB, ,GSHEGS PA RTOGS PA'I DON PHYIR TE, ,DE PHYIR PHYI ROL PA DANG SLOB, ,MI SLOB LAS LHAG DE YI PHYIR, ,GZHAN DON MKHYEN SBYOR DE STON PA, ` ,DE LAS BRTZE YIN GZHAN DON DOR, ,DON GRUB MDZAD PA MI 'DOR PHYIR, ` ,BRTZE BAS LEGS @118B DANG YE SHES LAS, ,BDEN PA GSUNG MDZAD SGRUB BYED BCAS, ,DE GSUNG BAR YANG MNGON SBYOR LDAN, ,GANG PHYIR DES NA TSAD MA NYID, ` ,DE LTA'I DNGOS DON BSTOD PA NI, ,DE YI BSTAN PA NYID LAS NI, ,TSAD MA'I DE NYID GRUB DON DE, ,RJES SU DPAG PA MA BZLOG PHYIR,`, CUNG ZAD SKYE BA'I BDAG NYID CAN, ,GANG DE THAMS CAD 'GAG CHOS CAN, ,ZHES SOGS RNAM PA DU MAR NI, ,'DI YI SBYOR BA'ANG MTHONG PHYIR RO, ,MED NA MI 'BYUNG MTSAN NYID CAN, ,RTAGS NI RJES DPAG RTEN YIN NO, ,BSGRUB BYAS GTAN TSIGS KHYAB PA NI, ,BSTAN PHYIR DE YANG GSAL BAR BSHAD, ,TSAD MA RNAM 'GREL GYI TSIG LE'UR BYAS PA LAS TSAD MA GRUB PA ZHES BYA BA LE'U GNYIS PA'O,, ,, GZHAL BYA GNYIS PHYIR TSAD MA GNYIS, ,DON BYED NUS DANG MI NUS PHYIR, ,SKRA SHAD LA SOGS DON MIN TE, ,DON DU MOS PA MED PHYIR RO, ,'DRA DANG MI 'DRA NYID PHYIR DANG, ,SGRA YI YUL DANG YUL MIN PHYIR, ,RGYU MTSAN GZHAN NI YOD PA NA, ,BLO NI YOD DANG MED PHYIR RO, ` ,DON DAM DON BYED NUS PA GANG, ,DE 'DIR DON DAM YOD PA YIN, ,GZHAN NI KUN RDZOB YOD PA STE, ,DE DAG RANG SPYI'I MTSAN NYID BSHAD, ` ,GAL TE THAMS CAD NUS MED NA, ,SA BON SOGS NI MYUG SOGS LA, ,NUS MTHONG GAL TE DE KUN RDZOB, ,'DOD NA CI STE DE LTAR 'GYUR, ` ,GAL TE KUN LA DE YOD NA, ,SPYI YI MTSAN NYID RJES 'GRO LDOG ,BLO LA MA MTHONG PHYIR MIN TE, ,MIG DANG GZUGS SOGS BLO BZHIN NO, ` ,DES NI BRDA DANG RTZOL BA SOGS, ,NANG GI YAN LAG RJES 'JUG PHYIR, ,BUM PA 'DEGS DANG SPYI DANG NI, ,GRANGS SOGS BLO NI BSHAD PA YIN, ` ,SKRA SHAD SOGS NI SPYI MIN TE, ,DON DU ZHEN PA MED PHYIR RO, ` ,SHES BYAR 'DZIN PHYIR MED PA LA, ,NYES PA DRUG TU THAL MI 'GYUR, ` ,DE DAG GI YANG DE LTA'I DNGOS, ,BKAG MED GSAL BAR SNANG BA NYID, ,SHES PA'I NGO BO'I DON NYID PHYIR, ` ,SKRA SOGS ZHES BYA'I BLO DAG NI, ,SPYI YI SPYOD YUL CAN YIN LA, ,SKRAR SNANG DON MED CAN YIN NO, ` ,GAL TE SPYI NI SHES NGO BO'I, ,DON NYID YIN NA @119A *, ,THAL BAR 'GYUR, ,DE LTAR 'DOD PHYIR SKYON YOD MIN,` ,DON GYI NGO BO NYID KYI SPYI, ,KUN LA NGO BO MTSUNGS PHYIR DANG, ,DE LDOG PA LA BRTEN PHYIR RO,`,BRJOD BYA NYID PHYIR DE DNGOS MIN,`,DBANG SOGS 'BRAS BCAS NYID PHYIR RO,`,MING SOGS BRJOD NA 'CHAD PO DANG, ,NYAN PO BRJOD BYA RJES 'BREL CAN, ,MING SOGS 'BREL PA MED PA CAN, ,DON LA 'JUG PAR MI 'GYUR RO, ,GAL TE DON LA TSUL 'DRA LAS, ,'KHRUL 'JUG GYUR NA DUS KUN DANG, ,YUL LA 'KHRUL MIN SHES PA LA, ,MTSUNGS MIN RNAM PA DE 'DRA'I BLO, ,SKYE PHYIR GZHAN LA DE MED DE, ,PHYI ROL DON DU SNANG BA YI, ,BLO NI KHAS LEN MED PHYIR RO,`,KHES LEN NA YANG RNAM SHES LAS, ,THA DAD PA NA TSAD CAN MIN, ,LDOG PA GRUB PA MED PHYIR RO,`,SHES KUN DON LDAN PHYIR ZHE NA, ,'THAD MIN RMI SOGS RNAM GZHAN DU, ,MTHONG PHYIR 'DU BYED LAS KYANG MIN, ,SNGO LA SOGS PAR SNANG PHYIR RO, ` ,THOGS MED PHYIR NA SNGO SOGS MIN, ` ,RUNG YUL GNAS PAS MI SHES PA, ,RANG NYID SHES PHYIR DE SHES YIN, ,DES NI MING SOGS BRJOD PA YIN, ` ,MIG LA SOGS BA'I BLO 'DOD PA ,DE NYID DON LDAN GANG GIS 'DOD, ,GAL TE DON NUS MTHONG PHYIR NA, ,GZHAN PA DON MED CAN THOB 'GYUR, ` ,'BREL MED NA YANG 'JUG MI 'GYUR, ,GAL TE DON DANG 'BREL LDAN NA, ,'DAS DANG MA 'ONGS BRJOD BYA MIN, ,DON DANG DE NI ZAD PHYIR RO,`,SGRA YIS SPYI NI BRJOD PA'I PHYIR, ` ,GAL TE THAL BAR MI 'DOD NA, ,DE MIN SPYI NI YAN GAR BA, ,BRJOD MED PHYIR RO BRJOD NA YANG, ,DE MTSUNGS MIN DANG GSAL BA MIN, ,DES NA RTAG TU DMIGS 'GYUR TE, ,RTAG NYID PHYIR RO GAL TE YANG, ,GSAL LAS MNGON SUM LA GSAL YIN, , BDAG LA SHES PA SKYED PA NA, ,NUS PA GANG DE NUS NYID YIN, ,GAL TE 'GA' TSE NUS MED NA, ,DE NI KUN TSE NUS MED 'GYUR,`,DE YIS NUS PA'AM NUS MED PA, ,NGO BO NYID KYIS GANG GNAS PA, ,RTAG PHYIR BCOS SU YOD MIN NA, ,DE ZAD BYA PHYIR NUS PA GANG,`,SPYI YI RNAM @119B PAR SHES DE DANG, ,RJES 'BREL SNGON PO LA SOGS PA'I, ,RNAM PA'I CHA NI RNAM NGES GANG, ,DE NI DE LA GANG GIS SPRUL, ,GAL TE MNGON SUM SHES DON NYID, ,PHYIR NA DBANG PO DON MED MIN, ,DE DNGOS GCIG PHYIR SGRA SOGS LAS, ,THA DAD SNANG BLO GANG LAS YIN,`,RIGS LDAN RIGS MIN GANG GI PHYIR, ,GSAL PA'I NGO BO GZHAN RTEN MED, ,GAL TE THA DAD GRUB CE NA, ,LTOS PHYIR 'BRAS BU NYID DU BRJOD, ,RANG GI RGYU LAS GRUB PA'I PHYIR, ,'BRAS BU RAG LAS MED PAR YANG, ,RTOG PA YIS NI 'BREL PAR BYED, ,'BRAS MIN JI LTAR YANG CI ZHIG ,GZHAN NYID YIN NA DE 'BREL MED, ,DE PHYIR RANG BZHIN MED PAR GRUB,`,MED PA'I RIGS SU THAL MI 'GYUR, ,DE LA LTOS PA MED PA'I PHYIR,`,DE PHYIR NGO BO LA BRTEN NAS, ,NGO BO MED PA'I RIGS BRTAGS PA, ,KHYAD PAR DE LA 'JUG DON CAN, ,SGRA RNAMS KYIS NI RAB TU BSTAN, ,DE LA NGO BOR SNANG BA'AM, ,DON LA DE NYID DU 'DZIN PA, ,GANG DE 'KHRUL PA THOG MED PA'I, ,DUS CAN MTHONG GOMS KYIS SPRUL YIN, ` ,DON RNAMS KYI NI SPYI GANG YIN, ,GZHAN LAS LOG PA'I MTSAN NYID CAN, ,SGRA 'DI DAG GIS GANG BRJOD PA, ,DE LA NGO BO CUNG ZAD MED, ` ,NGO BO MED CAN SPYI BLO LA, ,SPYI NYID DU NI MTHONG PHYIR DANG, ,DON LA 'KHRUL BA'AM MED PA NI, ,SPYIR 'DOD DE YANG BSLAD PHYIR DANG, ,DE NYID DU NA DON DNGOS SU, ,MED PHYIR NGO BO CAN MA YIN, ,NGO BO MED PAS BRJOD BYA MIN, ,GAL TE BRJOD BYA 'GA' ZHIG LAS DNGOS 'DOD DNGOS RNAMS JI LTAR YANG, ,BRJOD BYA MIN PA NYID MA YIN, ,NYER LEN THA DAD PHYIR GZHAN DU, ,BRJOD PAR BYA MIN NYER BRTAGS PHYIR, ,'DAS PA DANG NI MA 'ONGS PA'I, ,DON LA'ANG SPYI YI RGYU CAN GYI, ,MNYAN PA DAG NI 'JUG 'GYUR NA, ,YOD PA MED CHOS JI LTAR 'GYUR,,,GAL TE NYER BRTAGS LAS DE 'DOD, ,GANG ZHIG SNAM SOGS LA MED LA, ,DA LTAR BA YI BUM BA YI, ,DNGOS MED DANG NI NYE BA GANG, ` ,BLO NI 'KHRUL PA MED 'JUG PA, ,RTAG TU DNGOS DANG SGRO 'DOGS LA, ,SENG GE BRAM ZE'I KHYE'U LA, ,DE LTAR BRJOD PA'ANG @120A *, ,'JIG RTEN YOD, ` ,DON MED NA YANG 'GRO BA YIS, ,GANG LA GRAGS PAS SGRA BKOD PA, ,DE LA DE DNGOS DE MTSUNGS PHYIR, ,'KHRUL RTOG CAN GZHAN PHAL PA YIN, ` ,JI LTAR DNGOS PO NUS MED LA, ,MED CE'AM RTOG PA JI BZHIN DU, ,NUS LA'ANG GTZO BO LA SOGS PA'I, ,MNYAN PA SKYE BOS BYAS PA YIN, ` ,ZHIG LA SGRA LAS BLO JI 'DRA, ,SNANG BA DE 'DRA MA ZHIG LA'ANG, ` ,RNA BA LA SOGS RNAM PAR SHES, ,DON YOD CAN LA DE DAG MED, ` ,SPYI TZAM 'DZIN PAR BYED PA'I PHYIR, ,SEMS GNYIS DAG NI MTSUNGS PA YIN, , DE 'BA' ZHIG NI 'DZIN BYED PA, ,SNGAR NI RNAM PAR BZLOG ZIN TO, ,PHAN TSUN KHYAD PAR CAN RNAMS NI, ,KHYAD MED NGO BO JI LTAR 'GYUR, ,NGO BO NYID GNYIS YOD NA YANG, ,DE DNGOS GCIG TU JI LTAR 'GYUR, ,GAL TE DE DAG MTSUNGS PA YI, ,DNGOS DE DE DAG LAS GZHAN NYID, ,DE DAG GI ZHES 'BREL MED 'GYUR, ,LDOG PA LA NI SUN DBYUNG MED, ,DE PHYIR MTSUNGS NYID SPYI 'DI LA, ,DNGOS PO MED PA'I MTSAN NYID YIN, ,DE 'BRAS SHE NA DU MA DANG, ,'JIG 'GYUR DE YANG 'DOD MA YIN, ,'JIG PA DNGOS PO TZAM DANG NI, ,RJES 'BREL PHYIR NA RTAG NYID MIN, ,RIGS RNAMS 'BRAS BU MIN PHYIR NA, ,MA 'BREL PA DANG DNGOS MED 'GYUR, ` ,DNGOS PO'I STOBS KYIS SKYES PA YIN, ,SHES PA GANG DE BRDA DAG LA, ,LTOS PA MA YIN SPYI YI NI, ,BLO LA DE LTAR SNANG BA MED, ` ,DNGOS GNYIS MTHONG LA BLO 'GA' ZHIG, ,BRDA MED NA YANG THA DAD MED, ,RJES SU 'JUG PA GANG YIN DE, ,DON NYE BA DANG 'BREL BA YIN, ,JI LTAR RIGS MED SHES PA YI, ,'BRAS CAN MIG SOGS NYE 'DOD BZHIN, ` ,GANG GIS RNAM PAR PHYE BA YIS, ,RIGS KYANG RJES SU 'GRO BA YIN, ` ,RNAM PA 'GAS KYANG RNAM SHES LA, ,DE DNGOS SNANG BA MED PHYIR RO, ,GZUGS CAN YIN PHYIR DBANG RNAMS LA, ,GAL TE LTA BA PO YOD NA, ,DE LUS SNANG 'GYUR RIGS RNAMS NI, ,MA YIN YAN GAR MTHONG MIN PHYIR, ,GSAL 'DZIN TSE NA'ANG DE SGRA DANG, ,NGO BO LAS GZHAN @120B SNANG BA MED, ` ,DE PHYIR DE NI SHES TZAM GYI, ,DON BYED PAR YANG MI RUNG NGO,`,DE NI RUNG PHYIR RANG BZHIN MED, ,DE NI DNGOS MED MTSAN NYID YIN, ` ,JI SKAD BSHAD LAS BZLOG GANG YIN, ,DE NI RANG GI MTSAN NYID 'DOD, ` ,DNGOS DANG DNGOS MED GNYIS KA LA, , BRTEN PHYIR SPYI DE'ANG RNAM PA GSUM, ` ,GAL TE DNGOS BRTEN DNGOS 'BREL PHYIR, ,DNGOS PO SHES 'GYUR ZHE NA MIN, ,LAN BTAB PHYIR DANG 'DAS SOGS LA, ,RNAM PA GZHAN DU MTHONG PHYIR RO, ` ,GAL TE DNGOS CHOS NYID NYAMS NA, ,DNGOS POR 'DZIN PA SNGON 'GRO CAN, ,DE SHES YIN PHYIR NYES 'DI MED, ` ,RANG GI MTSAN NYID GCIG GZHAL BYA, ,YOD MED NYID DU DPYOD RNAMS KYI, ,DON BYA DE LAS GRUB PHYIR RO, ,DE NI RANG GZHAN NGO BO YIS, ,RTOGS PHYIR GZHAL BYA GNYIS SU BZHED, ,JI BZHIN MNGON ZHEN MIN PA'I PHYIR, ,GNYIS PA 'KHRUL PA YIN PAR BZHED, ,GAL TE GZHAN GYI NGO BOS NI, ,RTOGS NA 'KHRUL PA TSAD MA MIN, ` ,BSAM PA LA NI BSLU MED PHYIR, ,'KHRUL PA YIN YANG TSAD MA NYID, ,RNAM GZHAN GYIS KYANG RTOGS PA MTHONG, ,PHYOGS 'DI LA NI LAN BTAB ZIN, ` , NOR BU SGRON ME'I 'OD DAG LA, ,NOR BU'I BLO YIS MNGON RGYUG PA, ,LOG PA'I SHES PAR KHYAD MED KYANG, ,JI LTAR DON BYED LA KHYAD YOD, ` ,DE LTAR JI BZHIN DON MED NA'ANG, ,RJES DPAG DANG NI DER SNANG DAG, ,DON BYED PA DANG RJES 'BREL BAS, ,TSAD MA NYID DU RNAM PAR GZHAG, ` ,GANG LA DON GYI NUS PA LAS, ,RJES 'GRO LDOG PA CAN GYI BLO, ,DE LA 'DZIN PA RANG DBANG CAN, ` ,DE LAS GZHAN DNGOS DBANG PO 'DAS, ,MA MTHONG BDAG NYID NGO BO DE, ,RTOG PA'I RTEN NI DON GZHAN YIN, ,GAL TE DE RTEN DANG 'BREL CAN, ,YIN NA DE TSE GO BYED NYID, ` ,DE TSE GO BYED RJES 'GRO BA, ` ,SPYI YI NGO BO NYID DU RTOGS, ,DES NA LKOG GYUR DON THAMS CAD, ,KHYAD PAR DU NI RTOGS MI 'GYUR, ,'BREL BA CAN GYI CHOS LAS NI, ,CHOS CAN LA RTOGS SKYE BA GANG, ,DE NI RJES DPAG LKOG GYUR GYI, ,SGRUB @121A *, ,BYED GCIG TU NGES PA YIN, ` ,MNGON SUM LKOG TU GYUR PA LAS, ,GZHAL BYA GZHAN NI YOD MA YIN, ` ,DE PHYIR GZHAL BYA GNYIS NYID KYIS, ,TSAD MA GNYIS SU BZHED PA DANG,`,GZHAL BYA GNYIS NI MTHONG BA'I PHYIR, ,GSUM GCIG GRANGS NI GSAL BA YIN, ` ,MED PA GZHAL BYA MA YIN PHYIR, ,GCIG NYID CE NA KHO BO'ANG 'DOD, ` ,MED PA'ANG NGES PHYIR GZHAL BYA NI, ,MIN LA MA NGES PA NYID DAM, ` ,DE NGES TSAD MA GNYIS PA NYID, ` ,MED LA DBANG SKYES BLO MIN TE, ,DON GYI STOBS LAS SKYES PA'I PHYIR, ,DON GYI NUS LA LTOS MED NA, ,BAR CHOD LA SOGS YOD NA YANG, ,DBANG SKYES BLO NI SKYE BAR 'GYUR, ,GAL TE MNGON SUM NYID LDOG LAS, ,MED PAR NGES PA YIN ZHE NA, ,'GAL BA 'AM DE NYID LDOG PA DANG, ,RJES 'GRO CAN GYI RTAGS YIN NA, ,GZHAN SEMS DAG NI RTOGS PHYIR YANG, , TSAD MA GNYIS NI GRUB PA YIN, ,SMRA SOGS LA NI 'JUG PA'I PHYIR, ,DE YI NGO BO NGES PAR GRUB, ,BSLU MED PHYIR DE TSAD MA NYID,`,GAL TE LA LA DAG TU NI, ,'KHRUL PHYIR YID BRTAN MED CE NA, `,RTAGS LOG MTHONG PHYIR DE DE 'DRA,`,GANG LAS 'GA' TSE DNGOS 'GA' LA,, DE YI RTOGS PA GRUB GYUR PA, ,DE NI DE LAS SKYES PA'AM, ,DE YI NGO BOR GDON MI ZA, ,RANG GI RGYU 'AM NGO BO DAG, ,MED PAR DON NI SRID MIN PA, ,DE DAG RANG BZHIN MTHONG GANG YIN, ,DE NYID GZHAN DU'ANG MTSAN NYID YIN, ` ,LTAR RUNG RANG GI NGO BO'AM, ,RANG RGYU MTHONG BA'I RGYU GZHAN DAG, ` ,YOD PAR SNANG BA MED NA NI, ,DE DANG LDAN PA'ANG CI LTAR YOD, ` ,SPYI YI BLO NI TSAD MIN NA, ,MED PA THOB 'GYUR PHA ROL GYI, ,DNGOS BZHIN GAL TE DBANG RNAMS KYIS, ,DUS GZHAN DU NI RTOGS SHE NA, ,DE MIN DBANG DANG NUS SOGS LA, ,DBANG SKYES [*PO'I?] BLO NI MI SRID PHYIR, ,MED PA RTOGS PA YIN NA NI, ` ,BLO DANG SKYE BA RGYU MED 'GYUR, ` ,RNAM RTOG MED PA NYID KYIS NA, ,RANG GI MTSAN NYID LA MNGON SUM, ,RNAM RTOG MED PAR SPYI 'DZIN MIN, ,DE PHYIR DE LA RJES DPAG NYID,`,GZHAL BYA NGES NA KHA DOG NI, ,MI RTAG NYID DU RTOGS @121B MI 'GYUR, ,DE BLO TSAD MA GZHAN 'GYUR TE, ,RTAGS MED PAR NI YOD PHYIR RO, ` ,KHYAD PAR MTHONG LA RTAGS DANG NI, ,'BREL PA RTOGS PA MED PA'I PHYIR, ,DE NI TSAD MA GZHAN YIN NO, ,GZHAL BYA MED PHYIR TSAD MA RNAMS, ,MANG PO NYID DAM GCIG LA YANG, , DU MA NYID NI 'JUG PHYIR TE, ,GCIG GSUM GRANGS KYANG SEL MI 'GYUR, ,DPER NA KHYAD PAR MTHONG BA BZHIN, ,YUL NGES PA NI MED PHYIR DANG, ,GZHAL BYA GZHAN NI YOD PHYIR RO, ` ,SKYON 'DIR THAL BAR MI 'GYUR TE, ,KHA DOG SPYI LA SBYOR PHYIR RO, ,DNGOS MED NGO BO MIN DE NYID, ,DE LTAR GRUB PAS BSGRUB PHYIR RO, ,GZHAN LAS GZHAN GRUB MIN ZHE NA, ` ,MIN TE DE NYID GRUB PHYIR RO, ` ,DNGOS GANG CI LTA BUR GYUR PA, ,DE 'DRA DE NI RTAGS SEMS KYI, ,RGYU YIN DE LAS DE LTA YI, ,DNGOS LA DES BSKYED RTAGS CAN BLO, ,DE LTAR RTAGS DANG RTAGS CAN BLO, ,BRGYUD PA YIS NI DNGOS PO LA, ,'BREL PHYIR DER SNANG BA YIS NI, ,STONG YANG SLU BYED NYID MA YIN, ` ,DE YI NGO BOS STONG DE DAG, ,DE YI NGO BOR ZHEN PA'I PHYIR, ,DE DNGOS SLU BYED NYID MIN YANG, ,'KHRUL PAR RNAM GZHAG BYAS PA YIN, ,DE PHYIR DNGOS PO RTOGS BYA LA, ,KHYAB BYED DE YI NGO BO 'AM, ,RGYU DAG KHYAB PAR BYA SEMS KYI, ,RGYU MTSAN DE YANG DE BLO'I YIN, ` ,DGAG PA NYID NI THAMS CAD DU, ,MI DMIGS PA LAS 'GRUB PA YIN, ,TSAD MAS GRUB PAR SMRA RNAMS KYI, ,DON GYI BZLOG PA NYID LAS YIN, ` ,DGAG LA DE'AM DE RGYU DANG, ,'GAL BAR BRJOD PA MTHONG GANG YIN, ,DE YANG DE YI TSAD MA NYID, ,MED PA 'PHEN PAR BYED PA YIN, ` ,GZHAN DU DNGOS GCIG YOD BRJOD PAS, ,GZHAN MED DE NI GANG LAS RTOGS, ` ,'GAL PHYIR ZHE NA DE NYID KYANG, ,CIS 'GRUB LHAN CIG MI GNAS PHYIR, ZHE NA DE YANG GANG LAS 'DOD, ,SNANG BA MTHONG MED PHYIR ZHE NA, ,DE NI TSAD MA NYID MA YIN, ,DE PHYIR RANG SGRAS BRJOD NA YANG, ,DE NYID MED PA'I SGRUB BYED YIN, ,GANG LA DE NI TSAD MIN DES, ,DGAG PA RNAM KUN BRJOD BYA MIN, ,`DES NA DE DANG 'GAL DON GYI, ,'BRAS BU @122A *, ,BRJOD PA BSHAD PA YIN, ,KUN LA SBYOR BA THA DAD NYID, ,YIN GYI DON LA THA DAD MED, ` ,'GAL DANG DE NI THABS BCAS PA, ,GRUB DANG BKAG PA MED PAR NI, ,DGAG LA TSAD SMRA GANG YIN DE, ,RIG PA'I RJES 'BRANG CAN MIN DE, ` ,SMRA LA SOGS PAS KUN MKHYEN DANG, ,'JIG RTEN GZHAN SOGS MED SGRUB BZHIN, ` ,DBANG PO LAS 'DAS DON RNAMS DANG, ,'GAL BA GRUB PA MED PHYIR RO, ,GAL TE SMRA PO RIG YIN NA, ,GNOD BYA GNOD BYED NGO BO GANG, ` ,DE 'DRA MI DMIGS PHYIR ZHE NA, ,DE NYID SGRUB BYED YIN PAR BRJOD, MI DMIGS PA NI DE LTA BU, ,NGES BYED MIN PAR RAB TU BRJOD, ,DE PHYIR SHIN TU LKOG GYUR LA, ,YOD MED NGES PA YOD MA YIN, ` ,'GAL DE CHOS NI THA DAD DAM, ,THA DAD MED LA RAB SBYOR TE, ,KHA LA MED PAR SGRUB PA LA, ,ME DANG SKYE LA YOD GNOD BZHIN, ,JI LTAR DNGOS NYID SGRUB PA LA, ,DNGOS PO RNAMS KYI SGRUB BYED 'DOD, ,DE BZHIN DNGOS NYID RANG LDOG NA, ,DNGOS RNAMS LDOG PAR BYED PA YIN, ` ,DES NI RTOG PAS SBYAR BA'I CHOS, ,PHYOGS DANG MTHUN PA'I PHYOGS DAG LAS, ,GANG RUNG NYID SOGS BSAL YIN TE, ,CI YANG RUNG LA SRID PHYIR RO, ` ,DE LA'ANG KHYAB PAR BYED PA'I CHOS, ,KHYAB BYA LDOG PA'I GO BYED 'DOD, ,GAL TE RANG GI LDOG PA NI, ,RNAM 'GAR YONGS SU BCAD NA'O,`,MED PA LA NI DE NYID KYI, ,TSAD MED RTAGS SU BRJOD GANG YIN, ,DE NI SHIN TU RMONGS DON TE, ,GNAG RDZI MO BAR [?] GRAGS PHYIR RO, ` ,MI DMIGS PA NI 'DI TZAM ZHIG, ,MED LA NGES PA'I 'BRAS CAN YIN, ,DE YANG SNANG BAR 'DOD PA YI, ,RGYU 'AM RANG BZHIN SNANG MED NYID, ` ,RJES SU DPAG PAS MI RTAG SOGS, ,'DZIN PA LA NI TSUL 'DIR 'DOD, ,GZHAN DU GZUNG BA 'DZIN PA'I PHYIR, ,TSAD MA NYID DU 'DOD MA YIN, ,DNGOS LAS MI RTAG GZHAN DU MED, ,DE YANG DBANG PO LAS SNGAR GRUB, ` ,DU MA'I DNGOS DE BRJOD BYA MIN, ,RTOG PAS BSKYED CHOS BRJOD BYA YIN, ` ,SPYI YI RTEN NI GRUB PA NA, ,SPYI DE NYID NI GRUB PA YIN, ` ,DE MA GRUB NA DE LTAR DE, ,RAB TU GRUB PHYIR RJES @122B DPOG YIN, ` ,'DRA BA GZHAN NI YOD PA'I PHYIR, ,LA LAR YONGS SU MI SHES TE, ,'KHRUL PHYIR SGONG GI THA DAD BZHIN, ,THA DAD MTHONG BA MED PHYIR RO, ` ,'DI LTAR RTAGS MED BYIS PAR GYI, ,SKYE BOS PHYIS 'BYUNG BA DANG NI, ,'BREL MED MAR ME LA SOGS KYI, ,'JIG PA MTHONG BAS YONGS GCOD NYID, ` ,NUS PA DNGOS PO'I RANG BZHIN DU, ,GYUR KYANG DE MA THAG MED PAS, ,'BRAS BU MTHONG BA MED PA'I PHYIR, ,RMONGS GYUR NGES GSAL MED PHYIR RO, ` ,DE NYID BZLOG PA'I CHED DU NI, ,RJES SU DPAG PA BRJOD PA YIN, ` ,BLO GROS CHEN POS MTHONG NYID LAS, ,RNAM PA THAMS CAD NGES PAR BYED, ` ,THAMS CAD LAS NI LDOG PA YIS, ,THA DAD MED DON DE LA NI, ,LDOG PA'I RGYU MTSAN CAN BLO DANG, ,JI LTAR BRDAR BTAGS PA YI SGRA, ,THA DAD RTEN CAN BZHIN 'JUG 'GYUR, ` ,'KHRUL RGYU MED NA DE YIS NI, , NGO BO NYID KYIS RANG DANG NI, ,RJES SU MTHUN PA'I BLO SKYED BYED, ` ,YANG NA 'DIR NI MI DMIGS PA'I, ,RTAGS LAS 'JIG PA GRUB PA YIN, ` ,SNGAR BYUNG DNGOS PO MED GYUR PA, ,MI RTAG CES NI BRJOD PA YIN, ` ,GANG GI MTHA' GNYIS TSOD YOD PA'AM, ,'BREL PA BRJOD PA'I NGANG TSUL CAN, ,MI RTAG NYID KYI SGRA YIN PA, ` ,DE MTHA' DE DAG GANG LA BRJOD, ,GAL TE SNGA PHYIR MED YIN NA, ,DE NYID MI RTAG CIS MA YIN, ,DRUG PA SOGS SBYOR MI RUNG PHYIR, ,ZHE NA MTHA' LA DE CI LTAR, ,YOD NYID DANG 'BREL RTAG PA'I PHYIR, , MTHA' YIS KHYAD PAR 'GYUR BA MIN, ` ,GAL TE RGYU 'BRAS MTHA' YIN NA, ,KHYAD PAR MED PA NYID 'GYUR TE, ,'BREL MED PHYIR RO DE YIS NI, ,DNGOS PO SNGAR MED 'DOD MIN PAS, ,DE LA DE YI KHYAD PAR CAN, ,BRJOD PA DE YANG MI 'GRUB PHYIR, ` ,YOD PA NYID DANG RANG RGYU DANG, , 'BREL BYED PHYIR NA RGYU ZHES GRAG, ,YOD NYID DE DANG 'BREL DE YANG, ,RTAG NA 'O NA 'DI 'BRAS GANG, ` ,GANG ZHIG MED PA DE BYED NI, ,DNGOS PO SNGAR MED LDAN MIN TE, ,'BREL PA KHAS LEN MED PHYIR RO, ` ,DE PHYIR RIL 'DI RTAG PAR 'GYUR, ,DE PHYIR MED DON SGRO 'DOGS PA, , @123A *, ,BRJOD BYA THA DAD CAN BLO NI, ,THA DAD MED DON MNGON 'DOD CAN, ,SGRA LA'ANG LDOG BA'I RTEN YIN NO, ` ,SKAD CIG SO SOR THA DAD PHYIR, ,KHYAD PAR NGO SHES MA YIN NO, ,MTHONG DANG MTSUNGS PAR DE 'DZIN PHYIR, ,KHYAD PAR YUL CAN NYID KYANG MIN, ` , GAL TE DE NYID DPE YIN PA'I, ,PHYIR NA SPYI 'DZIN MIN ZHE NA, ,DPE NYID YIN PHYIR GRUB DE LA, ,TSAD MA GZHAN GYIS CI ZHIG BYA, ,GAL TE BRJED PHYIR SKYON MED NA, ,DE NYID PHYIR NA DPE MA YIN, ,`GAL TE MTHONG LA DE DNGOS NI, ,TSAD MAS GRUB NA DNGOS GZHAN LA, ,DE NYID SGRO 'DOGS PHYIN CI LOG, ,DES GRUB TSAD CAN NYID MA YIN, ,MNGON SUM CIG SHOS GCIG YIN PHYIR, ,GCIG GRUB PA NA GNYIS KA GRUB, ,GZHAN DANG MTSAMS NI SBYOR BA YI, ,ZHEN PA MKHAS PAS DRAN PAR SHES,`,GAL TE DE RTAGS LA LTOS PHYIR, ,DRAN MIN MA YIN 'KHRUL PHYIR RO,`,MNGON SUM RTOG DANG BRAL BAR NI, ,MNGON SUM NYID KYIS 'GRUB PAR 'GYUR, ,KUN GYI RNAM RTOG MING RTEN CAN, ,SO SO RANG GIS RIG BYA YIN, ,THAMS CAD LAS NI SEMS BSDUS NAS, ,NANG GI BDAG NYID G-YO MED PAR, ,GNAS NA'ANG MIG GIS GZUGS DAG NI, ,MTHONG BA'I BLO DE DBANG SKYES YIN, ` ,SLAR YANG CUNG ZAD RNAM RTOG NA, ,KHO BO'I RNAM RTOG 'DI 'DRAR GYUR, ,CES RIG SNGAR BSHAD GNAS SKABS KYI, ,DBANG PO'I RTOGS PA LA MED DO, ` ,GCIG TU MTHONG BA'I KHYAD PAR NI, ,GZHAN 'GA' ZHIG TU MTHONG MI 'GYUR, , DE LAS SPYI GZHAN THA DAD PA, ,YOD MIN THA DAD BLO MED PHYIR, ` ,DE PHYIR DBANG PO LAS SKYES BLO, ,THAMS CAD KHYAD PAR YUL CAN YIN, ` ,KHYAD PAR RNAMS LA SGRA DAG NI, ,'JUG PA SRID PA YOD MIN TE, ,KHYAD PAR RJES 'GRO MED PAS NA, ` ,BRDA 'JUG PA NI MED PHYIR RO, ,SGRA RNAMS YUL YANG GANG DE NYID, ,DE RNAMS NYID NI SBYOR BAR BYED, ` ,DE'I 'DI ZHES NI 'BREL PA LA, ,DON SNANG BA NI GANG YIN PA, ,DE DAG NYID NI 'BREL YIN NA, ,DE NI DBANG PO'I SPYOD YUL MIN, ,DE TSE GSAL BAR SNANG BA YI, ,DON SNANG BA NI MED PHYIR RO, ,SHES SNANG THA DAD PA @123B YIS NI, ,DON RNAMS KHYAD PAR BYED PA YIN, ,MIG LA DON SNANG BA NA YANG, ,'DI ZHES GZHAN GYIS BSTAN PA GANG, ,DE NYID SGRA YIS SBYOR BYED KYI, ,DBANG PO'I SPYOD YUL MA YIN NO, ,DBANG PO'I BYA BA MED PA LA, ,GZHAN DAG TZAM GYIS SNANG MED PHYIR, ,'BREL BA MA BYAS CAN MIN TE, ,RANG NYID SHES PAR THAL PHYIR RO, ` ,RTOG BCAS RTOG PA MED PA'I YID, ,CIG CAR DU NI 'JUG PHYIR RAM, ,'JUG PA MYUR PHYIR BLUN PO DAG, ,DE DAG LA NI GCIG TU ZHEN, ,GAL TE RNAM RTOG GIS BCAD PAS, ,MTHONG BA RGYUN CHAD 'GYUR ZHE NA, GZHAN GYI 'ANG RIGS NI THA DAD PA'I, ,RNAM PAR RTOG TSE JI LTAR MIN, ` ,GAL TE MGAL ME MTHONG BA BZHIN, ,DNGOS PHYOGS STOBS DANG LDAN 'DOD NA, ` ,DE NI GZHAN LA'ANG MTSUNGS PA YIN, ` ,YI GE'ANG CIG CAR THOS PAR 'GYUR, ` ,'DIR DON KUN DANG CIG CAR DU, ,'DUS CAN DBANG RNAMS YOD PA NA, ,LNGA PO RNAMS KYIS CHOD NA YANG, ,CHOD MED BZHIN DU SNANG BA'I BLO, ,GANG DE MING GI MTHAR THUG PA'I, ,SHES PA SKAD CIG DANG 'DRES PHYIR, ,CHOD PAR SNANG BA DE NGO MTSAR, ,DE PHYIR BLO NI CIG CAR 'GYUR, ` ,SNANG BA LA YANG KHYAD MED NA, ,BAR BCAS BAR MED JI LTAR YIN, ` ,YID KYI RTOG PA 'BA' ZHIG LA 'ANG, ,LAM DU 'DZIN PAR MI 'GYUR RO, ` ,LA LAR KUN TU CHAGS SEMS CAN, ,DON NYE BA LA'ANG 'DZIN MED GANG, ,CHAGS PAS GZHAN SKYES NUS NYAMS PHYIR, ,GNYIS KA LA YANG RTZOD 'DI YOD, ` ,MGAL ME LA SOGS MYUR 'JUG PA'I, ,RJES SU 'GRO BAS GNOD PA CAN, ,MIG LAS 'KHOR LOR 'KHRUL SKYE YI, ,DE MTHONG MTSAMS SBYOR LAS MA YIN, ` ,LA LA DBANG SKYES LA SOGS PHYIR, ,BYIS PA'I BLO BZHIN RTOG MED DANG, , BYIS PA'I RTOG MED NYID KYI RGYU, ,BRDA NYAMS PA NYID YIN SMRA BA, ,DE DAG GI NI RTOG MED PHYIR, ,BYIS PA'I MNGON SUM NYID DU 'GYUR, ` ,BRDA YI RGYU DANG BRAL BA'I PHYIR, ,DE NI PHYIS KYANG MI 'GYUR RO, ,`GAL TE BRDA LA MA BYANG BA'I, ,YID YOD DES NA DE 'DOD NA, ` , @124A *, ,DE BZHIN DBANG SKYES LA YANG 'GYUR, ,'DI 'DRA 'DI YANG LHAG LDAN YIN, ` ,BYIS LA SGRUB PAR BYED GANG YIN, ,DE NYID 'DIR YANG BRJOD BYA STE, ,DBANG PO'I BLO NI MTSUNGS PHYIR RO, ` ,'DIS NI MYONG SOGS BSHAD PA YIN, ` ,KHYAD PAR DANG NI KHYAD PAR GZHI, ,'BREL DANG 'JIG RTEN GZHUNG LUGS NI, ,BZUNG NAS DE DAG SDOM BYAS TE, ,DE LTAR RTOGS KYI GZHAN DU MIN, ,DPER DBYUG CAN BZHIN RIGS SOGS KYI, ,BYE BRAG RTOGS PA MED PA'I PHYIR, ,DE LDAN SBYOR BA YOD MIN PA, ,DES NA 'DI LA RTOG PA'ANG MED, ` ,RJES 'GRO CAN GYI RNAM SHES GANG, ,DE YANG SGRA DANG GSAL BAR SNANG, ,KHA DOG DBYIBS YIG RNAM PA YIS, ,STONG PA BA LANG NYID DU BRJOD, ` ,DE NYID MTSUNGS PA NYID YIN KYANG, ,MIG GI YUL LA MTHONG MED DE, ,SNANG BA GNYIS NI MED PHYIR RO, ,BLO THA DAD PA'ANG RNYED PAR DKA', ,DBANG POS 'PHROD 'DU 'DZIN MED PHYIR, ,'BREL PA MTHONG BA MED PAR GNAS, ` ,SNAL MA 'DI LA SNAM BU ZHES, ,SGRA 'DI DAG KYANG RANG GIS BYAS, ,BA LANG LA RVA ZHES 'JIG RTEN, ,RVA LA BA LANG 'JIG RTEN MIN, ,BA LANG ZHES BYA YAN LAG NI, ,LHAG MA RNAM BCAD DMIGS MED PHYIR, ,SNAL MA DE RNAMS KYI SNAM BU, ,'DI ZHES SNAL MA 'DUS BYAS LAS, ,PHYIS 'BYUNG 'BRAS BUR BRJOD YIN GYI, ,JI LTA BUR YANG DUS GCIG MIN, ` ,'GA' YIS RGYU SGRO BTAGS PA'AM, ,SGRA MI RTEN NI STON PA NA, , SNAL MA GCIG NI BKAR BYAS LA, ,'BRAS LA SNAL MA ZHES 'JUG 'GYUR, ` ,PHAN GDAGS PHAN 'DOGS BYED NYID DAM, ,RNAM PAR CHAD MED SNANG BA NYID, ,'KHRUL MED CAN SHES DANG PO YI, ,BRDA LA SPYOD YUL GANG YIN DNGOS, ` ,DNGOS PO LAS NI THA DAD CAN, , RIGS SOGS LA NI RJES DPAG MED, ,DBYUG PA CAN SOGS THAMS CAD LA'ANG, ,KUN RDZOB PA LAS THA SNYAD 'DOGS, ` ,DNGOS PO KHANG BZANG 'PHRENG SOGS KYI, ,SGRA YANG GZHAN LA LTOS PA MIN, ` ,GAL TE KHANG PA LDAN YIN NA, ,DE 'PHRENG DE NI CI ZHIG YIN, ` ,GAL TE RIGS @124B YIN KHANG GCIG KYANG, ,SHING BZHIN 'PHRENG ZHES BRJOD PAR 'GYUR, ,'PHRENG MANG PO LA DE YI SGRA, ,CI LTAR RIGS LA RIGS MED PHYIR, ,'PHRENG SOGS LA NI CHEN PO SOGS, ,NYER BRTAGS LAS 'DOD GANG YIN PA, ,DNGOS DANG KHYAD MED RNAM SHES GYI, ,GZUNG BYA NYID PHYIR NYER BRTAGS MIN, ` ,DNGOS SU MNGON PAR 'DOD PA LA'ANG, ,RGYU GZHAN MIN PA NYID DE MTSUNGS, ,DRUG RNAMS LA NI TSIG DON SGRA, ,RGYU GZHAN GANG LA LTOS PAR MTHONG, ` ,JI LTAR GRAGS LAS GRUB GANG YIN, ,DNGOS DANG DE DANG MTSUNGS PA'I PHYIR, ,GANG LA DE SKAD BRJOD PHAL PA, ,DNGOS LA DNGOS MED BTAGS PHYIR RO, ` ,GRAGS PA BRDA YI RJES 'GRO CAN, ,DE YANG BRJOD 'DOD RJES 'GRO CAN, ,THA SNYAD DON DU BYAS PA STE, ,SDEB SBYOR MING DANG SGRA CHA BZHIN,` , THA DAD KYANG GANG DNGOS CHOS KYIS, ,DE 'DRA'I RNAM SHES RGYU YI NI, ,DON DE DAG LA SHES PA DES, ,DE LTAR RTOGS PAR 'GYUR BA YIN,` ,THA DAD THA DAD MIN PAR NI, ,RTOGS LA SHES PA'ANG DE BZHIN NO, ,DE PHYIR DE 'BRAS MED BRAL BA, ,RJES 'GRO DNGOS GCIG YOD MA YIN, ,DNGOS RNAMS LA YOD DE YI PHYIR, , DNGOS LA MNYAN PA DE MTHA' CAN, ` ,PHYI ROL NUS PA RNAM GCOD LA, ,REG PA MED KYANG SGRA DE NI, ,RNAM PAR RTOG PA'I GZUGS BRNYAN NI, ,DE YI MTHAR THUG RNAMS DANG 'BREL, ,DES NA GZHAN SEL MTHAR THUG PHYIR, ,MNYAN PA GZHAN SEL BYED PAR BRJOD, ` ,LDOG BA BZHIN DU SGRA DAG LAS, ,SHES LA GZHAN GYI GZUGS BRNYAN SNANG, ,GANG DE'ANG DON GYI BDAG NYID MIN, ,DE 'KHRUL BAG CHAGS LAS BYUNG YIN, ` ,DE NI MNYAN PAS BRJOD PA NA, ,DON GYI CHA GANG RTOGS PAR 'GYUR, ,DE MA RTOGS NA DE DON CAN, ,BRDA BYED PA NI DON MED 'GYUR, ,SGRAS DON CHA NI CI BRJOD CES, ,DE LA GZHAN SEL BRJOD PAR BYA, ,RNAM PA DE YANG DON LA MED, ,DE BRJOD CI LTAR DON BRTEN YIN, ` ,RJES 'GRO CAN SGRAS RJES 'GRO CAN, ,DON GYI 'BRAS YIN MTHONG GOMS PAS, ,SPRUL DE'ANG RJES 'GRO MED PA @125A *, ,CAN, ,BLO LAS THA DAD MED PHYIR RO, ` ,DE DNGOS SGRO BTAGS RTOGS PA YIS, ,GZHAN LAS BZLOG PA RTOGS PHYIR YANG, ,SGRA DON GANG YIN DE NYID CES, ,BRJOD PA LA NI 'GAL BA MED, ` ,SHES PA SGRA YIS NGES SPRUL PA, ,DE DAG LOG PAR SNANG BA NYID, , DON GYI CHA LA 'DI RJES 'GRO, ` ,DE LTAR MNYAN PA GZHAN SEL BYED, ` ,DE PHYIR BRDA YI DUS NA YANG, ,RANG NYID MTHONG BA'I 'BRAS BU CAN, ,BSTAN PA'I DON DANG 'BREL PA'I PHYIR, ,GZHAN SEL SGRA DANG 'BREL PAR 'GYUR, ` ,GZHAN DU MA MTHONG LA LTOS DANG, ,LA LAR DE MTHONG LA LTOS PHYIR, ,GZHAN SEL SGRA DANG 'BREL 'GYUR GYI, ,DE NI DNGOS LA MI RUNG NGO, ,DE PHYIR RIGS SOGS DE LDAN NI, ,YOD MIN DON DANG DE DAG LA, ,MNYAN PA 'BREL MIN GZHAN LAS NI, ,LDOG PA NYID LA SGRA SBYOR PHYIR, ,BRDA DRAN PA YI RGYU CAN GYI, ,MTHONG PA SRE BYED BDAG NYID CAN, ,SNGA PHYI 'DZIN PAS STONG PA YI, ,MIG SHES LA NI DE CI LTAR, ` ,GZHAN LA 'JUG SEMS CAN GYI YANG, ,MIG GIS GZUGS DAG MTHONG GYUR PA, ,DER NI GSAL BAR DE YI BRDA, ,MI 'DZIN DES BSKYED RTOG PA'ANG MED, ` ,GANG LA SGRA NI NGES 'GOD PA, ,DE LA RTOG PA SKYE BAR 'GYUR, ,DES NA DBANG SKYES 'DOD PA YIS, ,'JUG 'GYUR PHYI ROL MTHONG MI 'GYUR, ,GZUGS LA GZUGS ZHES MTHONG BA NA, ,DE BLO ZHES NI JI LTAR MTHONG, ,DE YIS NYAMS SU MYONG BA'ANG YOD, ,DE NI RTOG MED CI LTAR YIN, ,DE NYID KYIS MYONG YIN NA NI, ,RTOG GNYIS CIG CAR MTHONG BA MED, ,DES NI DUS MTSUNGS RNAM PAR SHES, ,GZHAN GYIS MYONG BA BSTAN PA YIN, ` ,'DAS PA LA NI DRAN PAR 'GYUR, ,MYONG BA MED LA DE CI LTAR, ` ,RANG BLO'I BLO DANG GZHAN GYI BLO, ,YONGS GCOD NGO BO GCIG PAR 'GYUR, ` ,DON RIG 'DAS PA DPE DAG DANG, ,PHRAL ZHING RTAGS NI YOD MIN TE, ,CIS GRUB GANG PHYIR DE LA NI, ,MNGON SUM MA YIN RTAGS CAN MIN, ` ,GAL TE DE YI NGO BOR NI, ,SNANG CAN DE MA THAG PA'I BLOS, ,GZUGS SOGS BZHIN DU 'DZIN 'GYUR NA, ,SNGA BLO DE NI 'DZIN MI 'GYUR, , @125B JI LTAR RANG GI YUL CAN GYI, ,RNAM SHES NYAMS MYONG DE RTOG MED, ,DE BZHIN BRDA BYA MI NUS PA, ,GZHAN YANG RTOG PA MED PAR 'GYUR, ` ,SPYI BRJOD DANG TSUL CAN SGRA DANG, ,RTOG PA'ANG DE DANG DON GCIG NA, ,RTOG PA MED PA MED NA NI, ,KHYAD PAR GANG GIS RTOGS PAR 'GYUR, , GAL TE RTOG MED 'GA' ZHIG KYANG, ,YOD NA DE DANG MTSUNGS RGYU CAN, ,THAMS CAD DE BZHIN 'BRAS BDAG NYID, ,THA DAD RGYU THA DAD LAS YIN, ` ,PHYI ROL DON LA LTOS MED PAR, ,BRDA DRAN PA LAS SBYOR BA YIN, ,DE BZHIN BRDA LA LTOS MED PAR, ,DNGOS NUS NYID LAS MIG BLOR 'GYUR, ,GAL TE GZUGS NI BRDA DRAN LA, ,LTOS NAS DBANG PO'I BLO DAG LA, ,NUS 'GYUR LTOS MED MA YIN NA, ,RTAGS BZHIN DRAN PA NYID LA 'GYUR, ` ,DE NI DE 'BREL SKYE BA'I PHYIR, ,DRAN LAS DBANG BLO 'GYUR BA'AM MIN, ,DE LAS DUS GZHAN DUS YANG 'GYUR, , LA LAR RNAM G-YENG SRID PHYIR RO, ` ,GAL TE RIM GYIS GNYIS RGYU YIN, ,THA DAD MED PHYIR SNGAR NYID 'GYUR, ` ,DBANG PO'I BLO RGYU GZHAN YIN NA, ,DE LA DRAN PA DON MED 'GYUR, ,BRDA DRAN JI LTAR BRDAR BTAGS PA, ,GRUB PA'I DON DU 'DOD PA DANG, ,KHYAD PAR BRDAR BTAGS MED 'DZIN NA, ,DE LA DRAN PA DON CI YOD, ,SPYI TZAM 'DZIN PA YIN NA NI, ,KHYAD PAR LA LTOS MI RUNG NGO, ` ,DE PHYIR MIG DANG GZUGS DAG LA, ,BRTEN NAS MIG BLO SKYE BAR 'GYUR, ` ,GAL TE MNGON SUM SHES BSKYED LA, ,DBANG PO BZHIN DU YUL NUS YIN, , 'O NA CI PHYIR GNYIS RAG LAS, ,SKYE BA DE NI NGES MI BRJOD, ` ,GO BAR BYED PA NYID MTHONG NAS, ,THA SNYAD NGES PAR SBYAR BA YIN, ` ,DBANG PO'I THA SNYAD LA DE YOD, ,SBYAR BAR BYA BA'ANG DE CHOS YIN, ` ,DE PHYIR THA SNYAD 'DI LA NI, ,SBYAR BYA RANG BZHIN RTAGS YIN TE, , KHYAB PAR BYED PA'I RANG BZHIN NI, ,LOG PA'I PHYIR NI LDOG PAR 'GYUR, ,BSAGS PA DAG NI TSOGS PA YIN, ,DE SPYI DE LA DBANG PO'I BLO, ,SPYI BLO GDON MI ZA BAR YANG, ,RNAM PAR RTOG DANG RJES SU 'BREL, ` ,DON GZHAN DANG NI MNGON 'BREL PHYIR, ,RDUL PHRAN GZHAN @126A *, ,GANG SKYE 'GYUR BA, ,DE DAG BSAGS BSHAD DE DAG NI, ,SHES PA SKYE BA'I RGYU MTSAN YIN, ` ,RDUL PHRAN GZHAN DAG MED PAR NI, ,RDUL PHRAN KHYAD PAR DE YANG MED, ,SHES DE GCIG LA NGES MIN PHYIR, ,SPYI YI SPYOD YUL CAN DU BSHAD, ` ,GAL TE SKYE MCHED GCIG YIN YANG, ,CIG CAR DU MA 'DZIN MA YIN, ` ,TIL SOGS THA DAD LA JI LTAR, ,CIG CAR 'DZIN PAR SNANG BA YIN, ` ,'DI LA MGYOGS PA BSHAD ZIN TO, ` ,RIM BZHIN 'BAB PA DE NYID LA, ,JI LTAR RIM MIN 'DZIN MI 'GYUR, ` ,BLO RNAMS DAG NI THAMS CAD KYANG, ,DUS MTSUNGS CI LTAR DE DAG LA, ,'GA' ZHIG RIM MIN SNANG BA DANG, ,GZHAN NI RIM LDAN SNANG BAR 'GYUR, ,DE PHYIR DON KUN 'DZIN PA LA, ,'DI NI RIM MIN THAL BAR 'GYUR, ` ,PHYE MA LEB KHRA LA SOGS GZUGS, ,DU MA'ANG CI YANG SNANG BAR 'GYUR, ,GAL TE SNA TSOGS DE GCIG NA, ,DE BAS CHOS 'DI NGO MTSAR CHE, ` ,SNA TSOGS GCIG PA'I RANG BZHIN MIN, ,DPER NA NOR BU'I GZUGS DE BZHIN, ` ,SNGO SOGS RNAM PAR DBYE BA NI, ,SNAM KHRA LA SOGS DAG LA'ANG MTSUNGS, ` ,GAL TE DE LA YAN LAG GZUGS, ,'BA' ZHIG DE LTAR MTHONG ZHE NA, ,GAL TE SNGO SOGS SPANGS PA YI, ,KHRA BO GZHAN MTHONG NGO MTSAR RO, ` ,DUS DANG DON GYI RNAM PA NI, ,MTSUNGS PAR RTOGS PA'I BLO DAG LAS, ,GCIG NI RIM LDAN DON MANG DANG, ,GCIG NI RIM MIN DON GCIG GIS, ` ,BLO RNAMS SNA TSOGS NGO BO'I PHYIR, ,DON RNAMS SNA TSOGS NGO BO NYID, ` ,GAL TE DE RGYU MIN ZHE NA, ,THA DAD BZHAG 'DI GANG GIS 'GRUB, ` ,RIGS MI MTHUN RNAMS RTZOM MED PHYIR, ,RI MO SOGS BLO SNA TSOGS MIN, ,GZUGS MED PHYIR LDAN SNA TSOGS MIN, ,NYE BAR BRTAGS LA BRTEN PA'ANG MIN, , RE RE SNA TSOGS MIN PHYIR RO, ` ,RIM BZHIN DU NI BZUNG BA LA, ,SNA TSOGS BLO YIS BSRES MIN TE, ,GCIG GIS DU MA MI 'DZIN PHYIR, ` ,DE PHYIR GCIG DON DU MA CAN, ,GANG PHYIR DON GCIG RTOG PA NA'ANG, ,GZHAN DAG MTHONG BA DE PHYIR YANG, ,RTOG PA MED PAR GRUB PA YIN, ` , @126B SNA TSOGS SNANG CAN DON RNAMS LA, ,GAL TE GCIG NYID MI RIGS NA, ,RE ZHIG GCIG PU'I BLO DE NYID, ,SNA TSOGS SU NI CI LTAR SNANG, ` ,JI LTA JI LTAR DON BSAMS PA, ,DE LTA DE LTAR RNAM 'BREL ZHES, ,MKHAS PA RNAMS KYIS GANG GSUNGS PA, ,DE NI DNGOS STOBS 'ONGS PA YIN, ` ,GCIG LA SNA TSOGS DE CIR 'GYUR, ` ,BLO DE LA YANG MI 'GYUR RO, ,GAL TE DON RNAMS BDAG NYID 'DIR, ,'DOD NA DE LA NGAS CI BYA, ,DE PHYIR DON DANG SHES PA LA, ,RAGS SNANG YOD MIN DE BDAG NYID, ,GCIG LA BKAG PA NYID PHYIR DANG, ,MANG PO LA YANG YOD MA YIN, ` ,YONGS GCOD NANG YIN PHYI ROL LTAR, ,GNAS PA 'DI NI CHA GZHAN YIN, ` ,THA DAD MED CAN SHES PA YI, ,THA DAD SNANG BA BSLANG PA NYID, ,DE LA GCIG NI MED PAS KYANG, ,GNYIS KA'ANG NYAMS PAR 'GYUR BA YIN, ` ,DE PHYIR GNYIS STONG GANG YIN PA, ,DE NI DE YI'ANG DE NYID YIN, ,DNGOS RNAMS THA DAD GNAS PA 'DI, ,DE THA DAD LA BRTEN PA YIN, ,DE NI BSLAD PA NYID YIN NA, ,DE DAG THA DAD KYANG BSLAD 'GYUR, ` ,GZUNG DANG 'DZIN PA'I RNAM PA LAS, ,MTSAN NYID GZHAN NI YOD MA YIN, ,DES NA MTSAN NYID STONG PA'I PHYIR, ,RANG BZHIN MED PAR RAB TU BSHAD, ` ,PHUNG PO LA SOGS BYE BRAG GIS, ,MTSAN NYID THAMS CAD BYED PA YI, ,KHYAD PAR CAN DE'ANG DE NYID MIN, ,DES KYANG DE DAG MTSAN NYID BRAL, `,MA RIG GIS BSLAD BDAG NYID LA, ,JI LTA'I RANG RKYEN LA LTOS NAS, ,RNAM RIG DE BZHIN MIN RNAM PA, ,SKYE 'GYUR RAB RIB LA SOGS BZHIN, ` ,PHA ROL MTHONG MIN THAMS CAD KYIS, ,DE NYID DE NI RIG MA YIN, ,GZUNG DANG 'DZIN PA'I BSLAD PA DAG ,MED NA DE NI MED PHYIR RO, ` ,DES DE NYID DON BTANG SNYOMS CAN, ,GLANG CHEN GZIGS STANGS NYID MDZAD NAS, ,'JIG RTEN THUGS NI 'GA' ZHIG GIS, ,PHYI ROL DPYOD LA 'JUG PAR MDZAD, ,SHES PA SNGO SOGS SNA TSOGS PA, ,SHES PA'I KHYAD PAR GZHAN RTEN MED, ,MTHONG NUS MA YIN DE YI TSE, ,RNAM DBYE DON LA 'JUG PAR 'GYUR, , @127A *, ,SHES GANG JI LTAR SNANG BA DE, ,DE LTA NYID DU MYONG BA YIN, ,DE LTAR SEMS KYI RNAM PA NI, ,SNA TSOGS GCIG GI NGO BOR 'GYUR, ` ,RAS SOGS GZUGS NI GCIG YIN NA, ,DE BZHIN RNAM DBYE MED PAR 'GYUR, ,THA DAD CAN NI RNAM BSAL BA, , THA DAD MED PA GZHAN MTHONG MED, ` ,GAL TE DBANG PO LA SOGS BZHIN, ,KHYAD PAR SKYES GYUR MANG PO DAG ,CIG CAR BLO YI RGYUR 'GYUR YANG, ,'GAL BA DAG NI CI ZHIG YOD, ` ,RGYU YI DNGOS PO MA GTOGS PA, ,GZUNG BA ZHES BYA GZHAN CI'ANG MED, ,DE LA BLO NI GANG DU SNANG, , DE NI DE YI GZUNG BAR BRJOD, ` ,JI LTAR RANG GI YAN LAG BCAS, ,CIG CAR YAN LAG CAN BZUNG YIN, ` ,LKOG SHAL SOGS MTHONG MED PAR NI, ,BA GLANG SHES PA MTHONG BA MED, ` ,GAL TE YON TAN GTZO BO DAG ,CIG CAR RTOGS PAR 'DOD NA YANG, ,CIG CAR YAN LAG RDZOGS 'DZIN MIN, ,YON TAN LA SOGS LDAN PA'ANG MIN, ` ,KHYAD PAR DANG NI KHYAD PAR CAN, ,BRJOD PAR 'DOD PA'I GZHAN DBANG PHYIR, ,YAN LAG NYID DU NYER BZUNG GANG, ,DE NYID KYIS NI DE 'DZIN 'GYUR, ` ,RANG GIS DNGOS PO GZHAN DAG LAS, ,THA DAD MED PHYIR YON TAN SOGS, ,THA DAD BYED PA'ANG MA BZUNG PHYIR, ,GZHAN GZHAN MTHONG YANG BLO GCIG 'GYUR, ` ,YON TAN LA SOGS KHYAD PAR NI, ,GZUNG PHYIR DU MA RTOGS 'GYUR NA, ,'GYUR MOD DE LTA YIN NA YANG, ,'DI DAG GI 'BREL 'TSOL BAR 'GYUR, ` ,SGRA SOGS DU MA NYID YIN PHYIR, ,CIG CAR DU MA 'DZIN PAR GRUB, ,BKOD PA CAN NI MA BZUNG BAR, ,BKOD PA 'DZIN PA MI RUNG PHYIR, ` ,CHOS CAN THAMS CAD LAS LDOG PA, ,GANG DANG GANG LAS LOG DE LAS, ,THA DAD BRTAGS PA'I THA DAD CAN, ,DE NI DU MA'I NGO BO NYID, , BRTAGS PA'I RANG BZHIN THA DAD PA, ,SNA TSOGS SNANG BA DE DAG NI, ,RTOG PA MED SEMS SNA TSOGS MIN, ,RES 'GA' PA YI SPYOD YUL MIN, ,GAL TE DKAR SOGS YOD GYUR KYANG, ,DBANG PO'I SPYOD YUL CI 'DRA BA, ,DE NI SGRA YIS BRJOD MIN TE, ,SHES PA'I RANG @127B BZHIN THA DAD PHYIR, ` ,BLO RNAMS DON GCIG NYID YIN YANG, ,RTEN SNA TSOGS PAS DER 'GYUR NA, ,DA NI RNA BA LA SOGS SEMS, ,THA DAD DON CAN DE GANG LAS, ,SEMS KYI RTEN NI GZHAN DANG GZHAN, ,SKYES SU CHUG KYANG GCIG NYID KYI, ,DNGOS DE RANG BZHIN SNA TSOGS SU, ,SNANG BA DE NI GANG LAS YIN, ` ,MTHONG BA RTOGS PA MED PAR NI, ,BRJOD DANG RNAM RTOG 'JUG PA'I PHYIR, ,MTHONG LAS BA GLANG LA SOGS PA'I, ,NGO SHES PA NI BZLOG PA YIN, ` ,BA LANG LA SOGS MTHONG BA LA, ,RIGS SOGS BRJOD DANG RNAM RTOG DAG, ,RJES SU 'GRO LAS RJES DPOG GANG, ,DE YANG 'DI YIS SUN PHYUNG NGO, ` ,MTHONG BA THA DAD NYID YIN YANG, ,NGO SHES PA ZHES BYA BA YI, ,RNAM RTOG GCIG NI RANG BZHIN GYIS, ,BYED PA YIN ZHES BRJOD ZIN TO, ` ,SNGAR MYONG BA NI 'DZIN PA NA, ,YID NI TSAD MA NYID MA YIN, ,MA MTHONG 'DZIN NA LONG BA LA, ,SOGS PA YIS KYANG DON MTHONG 'GYUR, ` ,SKAD CIG NYID PHYIR 'DAS PA YI, ,DON MTHONG YOD PA MA YIN ZHING, ,SKAD CIG MIN NA MTSAN NYID NI, ,KHYAD PAR BCAS PA BRJOD BYAR 'GYUR, ` ,BYA BA BSGRUBS CAN LAS LA NI, ,KHYAD PAR CUNG ZAD MI BYED LA, ,DBANG PO CAN NAM GZHAN DAG NI, ,SGRUB PAR BYED PA JI LTAR 'DOD, ` ,DNGOS PO DE LAS SKYE BA'I BLO'ANG, ,THAMS CAD CIG CAR 'BYUNG BAR 'GYUR, ,GZHAN GYIS KHYAD PAR BYA MIN NA, ,DE LA LTOS PA 'GAL PHYIR RO, ,DE PHYIR DBANG PO'I RNAM PAR SHES, ,DE MA THAG RKYEN LAS BYUNG CAN, ,YID NI YUL GZHAN NYID 'DZIN BYED, ,DE PHYIR LONG BAS MTHONG BA MIN, ` ,RANG DON RJES 'GRO'I DON LTOS CAN, ,DBANG SKYES BLO NI RGYU YIN NO, ,DE PHYIR 'DI GZHAN 'DZIN NA YANG, ,NGES PAR 'DZIN PAR 'DOD PA YIN, ,DE DANG BYED DUS MTSUNGS MED CAN, ,RANG SHES DUS CAN DON DAG NI, ,CI LTAR DBANG PO'I SHES PA YI, ,LHAN CIG BYED PA YIN ZHE NA, ,MED PA SNGAR NUS MED PHYIR DANG, ,PHYIS KYANG NYE BAR MI SBYOR PHYIR, ,RGYU RNAMS THAMS CAD SNGAR YOD YIN, ,DE PHYIR RANG BLO BCAS DON MIN, ` ,DUS THA DAD PAS @128A *, ,JI LTAR 'DZIN, ,ZHE NA RIG PA SHES PA YIS, ,SHES PA'I RNAM PA 'JOG NUS PA'I, ,RGYU NYID LA NI GZUNG BAR SHES, ` ,RGYU DU MA NYID YOD NA YANG, ,'BRAS BU RJES BYED SKYE BA GANG, ,DE NI DE YI NGO BO DE, ,BZHAG DANG GZUNG ZHES BRJOD PA YIN, ` , BDE SOGS BDAG NYID GZHAN MI BSTEN, ,BRDA BYED PAR NI NUS MA YIN, ` ,DE PHYIR DE DAG RANG RIG NI, ,BRJOD DANG RJES 'BREL CAN MA YIN, ` ,GZHAN YANG RIG BYED MIN DE DAG, ,RANG GI NGO BO CI LTAR RIG, ,DON GCIG LA BRTEN RNAM SHES KYI, ,RIG BYA YIN ZHES 'GA' ZHIG ZER, ` ,DE DANG DE MIN RANG BZHIN CAN, ,DE DANG DE MIN DNGOS RGYUS BSKYED, ` ,RNAM SHES RGYU LAS GZHAN MIN SKYES, ,BDE SOGS DE CIS SHES MA YIN, ` ,DON BCAS DBANG PO RUNG BA DANG, ,BDAG NYID JI LTA'I SEMS YOD NA, ,BDE BA LA SOGS SKYE BAR MTHONG, ,YID KYANG DE DANG MTSUNG PA YIN; ,DE DAG MED DANG YOD PA NA, ,'GA' LA BDE LA SOGS DANG BLO, ,SKYE DANG MI SKYE MTHONG DE'I PHYIR, ,DE LAS DE SKYE GZHAN LAS MIN, ` ,DE DAG NYID KYI KHYAD PAR LAS, ,BDE SDUG LA SOGS THA DAD YIN, ,DPER NA BLO DE NYID KYIS NI, ,GSAL DANG MI GSAL THE TSOM BZHIN, ` ,DON GANG NYE BAS BLO DANG NI, ,BDE SOGS DE DAG SKYE 'GYUR BA, ,DE BOR NAS NI BDE SOGS NYID, ,DES NI CI LTAR RTOGS PAR 'GYUR, ` ,RIM GYIS 'DZIN NA DE MYONG BA, ,RNAM CHAD MED PAR SNANG MI 'GYUR, ,MGYOGS PHYIR ZHE NA DE MTSUNGS PHYIR, ,MYONG BA MED PAR CIS MA YIN, ` , GCIG GIS GNYIS SHES MA YIN TE, ,DBANG PO'I SEMS NI NGES PHYIR DANG, ` ,BDE SOGS MED KYANG DON DAG LAS, ,SKYE PHYIR DE NUS GRUB MED PHYIR, ` , GNYIS KYIS SO SO SO SOR YANG, ,NUS PA YIN NA SNGO SOGS BZHIN, ,BDE SOGS 'BA' ZHIG 'DZIN PAR 'GYUR, ,DE RGYU'I DON NI MA BZUNG BAR, ,DE MYONG BAR NI MI RIGS SO, ` ,DON DANG LHAN CIG NYID 'DZIN NA, ,BDE SOGS KYI NI NUS PA CI, ,GANG PHYIR DES BSKYID BLO MI 'DOD, ` ,DON MED PAR NI BDE LA SOGS, ,MIG SOGS RNAMS KYIS MYONG NA NI, ,GZUGS SOGS BUD MED SOGS KHYAD PAR, ,NAM YANG MIG GIS 'DZIN MI 'GYUR, ,NANG GI @128B YAN LAG NUS PA'I DON, ,YOD NA PHYI ROL MTHONG MI 'GYUR, ,DON 'DZIN NA NI DE LAS SKYES, ,BDE BA LA SOGS MYONG MI 'GYUR, ` ,YUL DE DANG NI DE YOD LAS, ,BLO NI CIG CAR SKYE NA NI, ,CIG CAR DON NI YOD PA NA, ,BDE SDUG DAG NI RIG PAR 'GYUR, ` ,NANG GI NYER LEN SHES PA YANG; ,YOD NA SDUG BSNGAL LA SOGS 'BYUNG, ,GCIG PO DE NI 'GAL BA YI, ,NYER LEN MIN PAR 'DOD CE NA, ,GANG GIS RNAM PAR SHES PA NI, ,MI SHES PA YI NYER LEN RGYU, ` ,BDAG PO NYID DU 'GYUR YIN NA, ,DE NI 'GAL BA DAG LA'ANG MTHONG, ,DPER NA SNANG GCIG MTSAN RGYU DANG, ,DE LAS GZHAN PA'I DBANG PO DAG, ,GZUGS MTHONG BA DANG MI MTHUN DANG, ,MTHUN PA CIG CAR BYED PA BZHIN, ` ,DE PHYIR BDE SOGS RANG NYID LA, ,'PHOS PA'I DON NI SNANG BA DANG, ,DE MYONG PHYIR NA 'JIG RTEN 'DOGS, ` ,PHYI ROL DON NI DNGOS SU MIN, ,RANG BDAG RIG BYED 'DI DAG NI, ,DON LAS SKYES PA TZAM DU ZAD, ,DON GYI BDAG NYID DE DAG GI, ,RANG GI BDAG GYUR DES MYONG YIN, ,DES NA DON MYONG BAR BSHAD DE, ,DMIGS PA NYID NI DER SNANG BA'O, ` ,'GA' ZHIG BDE SOGS PHYI ROL NA, ,GNAS NYID DANG NI SEMS MED DANG, ,GZUNG BAR SMRA STE DE YI YANG, ,CIG CAR GNYIS 'DZIN MI RIGS SO, ,SNGO SOGS RANG BZHIN BDE SOGS DANG, ,GCIG PHYIR CIG CAR 'DZIN ZHE NA, ` ,THA DAD SNANG CAN SEMS KYIS NI, ,GZUNG DE CI LTAR THA MI DAD, ,PHYI DER KHYAD PAR YOD MIN YANG, ,GOMS PA YI NI KHYAD PAR LAS, , BLO LA DGA' DANG YONGS SU GDUNG, ,KHYAD PAR DU NI MI 'GYUR RO, ,GAL TE BLO YANG BDE SOGS KYI, ,BDAG NYID YIN PAS MI 'GAL NA, ,DA NI PHYI DE BDE SOGS KYI, ,BDAG NYID YIN ZHES CI LTAR RTOGS, ` ,GAL TE RIGS NI THA DANG DAG, ,GZUNG 'DZIN MIN NA SKYES BU NI, KUN GYI 'DZIN BYED MI 'GYUR TE, ,DES NA ZA BA PO NYID NYAMS, ` ,'DIS NI RGYU DANG 'BRAS BU BSAL, ,RGYU DANG 'BRAS BU MA YIN TE, ,GZUNG DANG 'DZIN PA NYID MED PHYIR, ,YOD NA DE NI GZHAN LA'ANG 'GYUR, ,DE PHYIR DE NI NANG NYID DANG, ` ,MYONG BYA NYID PHYIR SEMS @129A *, ,YIN NO, ` ,GANG GI RANG BZHIN MYONG BA YIN, ,DE NI DE YIS MYONG MA YIN, ` ,GAL TE DE RANG BZHIN MIN PA, ,MYONG BAS BLO GNAS DE RIG NA, ,MNGON SUM DRAN PA'I RNAM PA CAN, ,MYONG BA MA GTOGS 'DI BLO GANG, ,DE DANG DE DON LA BRTEN NAS, , BDE DANG SDUG BSNGAL SOGS MYONG BA, ,GCIG NYID 'BYUNG BAR 'GYUR MTHONG GI, ,BAR DU GZHAN NI MA MTHONG NGO, ` ,LCAGS GONG DANG NI ME BZHIN DU, ,'DRES PAS RNAM DBYER MED CE NA, ` ,DE LTA YIN NA DNGOS KUN LA, ,THA DAD THA DAD MIN BZHAG NYAMS, ` ,THA DAD MED MYONG GCIG YIN NA, ,DE LTAR GANG MIN DE THA DAD, ,CAN GRUB 'DI SGRUB BYED MIN NA, ,THA DAD SGRUB BYED 'GRUB MA YIN, ` ,SDUG BSNGAL DKAR SOGS THA DAD SNANG, ,THA DAD MA YIN BLO MYONG NI, ,THA DAD MED SNANG THA DAD NA, ,THA DAD THA DAD MED RTEN CI, ` ,GCIG TSE GSAL BAS BSGRIBS NA YANG, ,SEMS KYI KHYAD PAR RGYUN DAG LA, ,THA DAD PAR NI MTHONG BA'I PHYIR, ,THA DAD RNAM GZHAG GRUB PA YIN, ` ,RNAL 'BYOR SHES PA SNGAR BSHAD PA, ,DE DAG GI DE BSGOMS BYUNG YIN, ,RTOG PA'I DRA BA RNAM BSAL BAS, ,GSAL BA NYID DU SNANG BA YIN, ` ,'DOD 'JIGS MYA NGAN GYIS BRLAMS DANG, ,RKUN PO RMI SOGS KYIS BSLAD PAS, ,MDUN NA GNAS PA BZHIN DU NI, ,YANG DAG MIN PA MTHONG BAR 'GYUR, ,RNAM PAR RTOG DANG RJES 'BREL NI, ,DON GSAL SNANG BA CAN MA YIN ` , RMI LAM NA YANG DRAN PA DE, ,DE 'DRA'I DON LDAN MIN PAR DRAN, ` ,MI GTZANG ZAD PAR SA LA SOGS, ,YANG DAG MIN PA'ANG BSGOMS PA YI, ,STOBS KYIS SPRUL PA RTOG MED DANG, ,GSAL BAR SNANG BA CAN DU MTHONG, ` ,DE PHYIR YANG DAG YANG DAG MIN, , GANG GANG SHIN TU BSGOMS GYUR PA, ,BSGOM PA YONGS SU RDZOGS PA NA, ,DE GSAL MI RTOG BLO 'BRAS CAN, ,DE LA SNGAR BSHAD DNGOS PO BZHIN, ,BSLU BA MED CAN GANG YIN DE, ,BSGOMS BYUNG MNGON SUM TSAD MAR 'DOD, ,LHAG MA NYE BAR @129B BSLAD PA YIN, ` ,SHES GANG GANG LA SGRA DON 'DZIN, ,DE NI DE LA RTOG BA YIN, ,RANG GI NGO BO SGRA DON MIN, ,DE PHYIR DE LA KUN MNGON SUM, ` ,MNGON SUM LTAR SNANG RNAM PA BZHI, ,RTOG PA'I SHES PA RNAM GSUM DANG, ,RTEN BSLANG PA LAS BYUNG BA CAN, ,RTOG PA MED PA GCIG YIN NO, ,DBANG SKYES MIN PAR GRUB DON DU, ,GNYIS BSHAD 'KHRUL PA MTHONG PHYIR RO, ` ,RJES DPAG SOGS GRUB BRJOD PA NI, ,SNGA MA GNYIS NYID BSGRUB PHYIR RO, ` ,BRDA RTEN CAN DANG DON GZHAN LA, , SGRO 'DOGS RNAM PAR RTOG PA DAG ,MNGON SUM NYER 'JUG CAN NYID PHYIR, ,'GA' TSE 'KHRUL PA'I RGYU YIN NO, ` ,JI LTAR LKOG TU GYUR DON CAN, ,DRAN PA LA SOGS RTOG PA 'DI, ,BRDA LA LTOS PA'I NGANG TSUL CAN, ,MNGON SUM DON LA 'DZIN MI BYED, ,DE LTAR NYAMS MYONG DRAN MED BAR, ,BUM PA LA SOGS PA DAG LA, ,SHES YOD MIN PAS DE YANG NI, ,MNGON SUM LAS NI YONGS NYAMS 'GYUR, ` ,'DIR NI BZHI PA DMIGS BSAL TE, ,DER NI NYER GNOD LAS SKYES BRJOD, ,DE LA RAB RIB 'BA' ZHIG NI, ,NYER GNOD MTSON PAR BYED PA YIN, ` ,DE YANG YID KYI ZHES KHA CIG ,SNGO DANG ZLA GNYIS LA SOGS BLO'I, ,DBANG PO'ANG RGYU YIN ZHES BYA BA'I, ,GZHUNG 'DI DANG NI DE DAG 'GAL, ` ,GAL TE BRGYUD PAS RGYU YIN NA, ,DBANG PO'I SHES PA'I SPYOD YUL DAG ,DPYAD PA 'DI LA YID KYI NI, ,SKABS SU CI LTAR 'GYUR BA YIN, ` ,DBANG RTEN GANG YIN GAL TE GANG, ,DBANG PO YOD MED RJES 'JUG CAN, ,DE MTSUNGS GAL TE 'GYUR LDAN NA, ,DE 'DI NYID NA CI PHYIR 'GOG, ` ,'DIR YANG SBRUL SOGS 'KHRUL PA BZHIN, ,DBANG PO'I 'GYUR BA YOD NA YANG, ,LDOG 'GYUR DBANG PO'I BSLAD PA NI, ,LOG KYANG LDOG PAR MI 'GYUR ZHING, ,DE BZHIN GZHAN GYI RGYUD LA NI, ,BRJOD PA DAG GIS 'GA' TSE 'JOG ,MTHONG BA DRAN LA LTOS 'GYUR ZHING, ,YONGS SU GSAL BAR SNANG MI 'GYUR, @130A *, ,GNYID LOG PA'AM SAD PA NA, ,GSAL BAR SNANG BA CAN BLO GANG, ,DE NI RTOG MED GNYI GAR YANG, ,DE LTA MIN NA RTOG PA YIN, ,DE PHYIR DE RTOG MED NA YANG, ,TSAD MA NYID NI BKAG PA STE, ,BSLU BA'I PHYIR RO DE DON DU'ANG, ,MNGON SUM LTAR SNANG GNYIS SU BSHAD, <<`>> ,BYA BA SGRUB PAR BYED CES TE, ,LAS KUN GYI NI SGRUB BYED DAG ,THAMS CAD MA YIN GANG LAS 'BRAS, ,GANG YIN DE NI DE SGRUB BYED, ,DE LA NYAMS MYONG TZAM DU NI, ,'DRA BA'I BDAG CAN SHES PA NI, ,GANG GI LAS NI SO SO LA, ,RNAM 'BYED DE BDAG 'GYUR BA YIN, ` ,BDAG NYID 'GYUR MIN RGYU DAG LA, ,THA DAD YOD KYANG THA DAD KYI, ,LAS LA THA DAD MED PA 'DI, ,THA DAD PAR NI NGES BYED MIN, ` ,DE PHYIR 'DI BDAG THA DAD PA, ,GANG LAS 'DI 'DI'I RTOGS PA ZHES, , BYED PA YI NI LAS NGES TE, ,DE YI SGRUB BYED CAN DU GRUB, ` ,RNAM 'GAS SHES PA'I RANG BZHIN NI, ,THA DAD PAR NI BYED NA YANG, ,'DI NI DON DANG 'BREL BYED PA, ` ,DON GYI NGO BO LAS GZHAN MIN, ` ,DE PHYIR GZHAL BYA RTOGS PA YI, ,SGRUB BYED GZHAL BYA'I RANG BZHIN NYID, ,SGRUB BYED GZHAN YIN NA DE NI, ,DE LAS DANG 'BREL MI 'GRUB PO, ` ,DE YANG DE YI BDAG NYID YIN, ,DES NA 'BRAS BU DON GZHAN MIN, ` ,DE YI BDAG NYID 'DZIN PA DE, ,DON RTOGS PA YI BDAG NYID KYI, ,BYED PAS RANG GI LAS LA NI, ,BYED DANG BCAS PA LTA BUR SNANG, ,BDAG NYID BYED PO MIN NA YANG, ,DE YI DBANG GIS DER BZHAG PHYIR, ,DPER NA 'BRAS BU RGYU RNAMS KYI, ,BDAG NYID 'DRA BAR 'BYUNG BA'I PHYIR, ,BYA BA BDAG NYID MA YIN YANG, ,'JIG RTEN RGYU GZUGS 'DZIN ZHES BRJOD, ` ,D